Po troket vjeshta dhe nuk mund të mungonin deklaratat e Adriatik Llallës, kryeprokuror i Shqipërisë, se do ketë arrestime të bujshme.
Kjo nuk është hera e parë që bëhen të tilla komente nga ana e tij, vetëm se këtë herë ai nuk tha se arrestimet e tij do i hapin rrugën integrimit të vendit.
Rrjeti e ka pritur me humor deklaratën e radhës.
Disa ironizojnë se përse kjo puna e arrestimeve duhet bërë në vjeshtë, sikur krimet ndodhin vetëm në një periudhë të caktuar të vitit.
Prezenca e OSBE në Tiranë ka reaguar lidhur me një raport sekret të lidhjeve të politikanëve shqiptarë me krimin.
Përmbledhja nuk pasqyron asnjë qëndrim zyrtar apo gjykim të OSBE-së.
Prezenca e OSBE-së beson fuqimisht në rëndësinë themelore të etikës në jetën publike dhe do të vijojë të punojë me Kuvendin e Shqipërisë dhe me të gjitha partitë politike për ta theksuar këtë.
Pas publikimit në media të një raporti sekret nga OSBE, raport i cili thuhet se është hartuar rreth një vit më parë dhe nuk përmban qëndrimin zyrtar të organizatës, ka reaguar edhe ish-kryeministri Sali Berisha.
Në një koment të publikuar në profilin e tij në rrjetin social “Facebook”, Berisha sqaron se raporti është një trillim i disa gazetarëve dhe emri i tij nuk ka lidhje me ato çfarë shkruhen.
“Sqarim!
Sot mediat kane botuar nje raport te OSBE, ne te cilin perflitet dhe emri im. Lidhur me kete raport theksoj me pergjegjesi te plote se, ashtu siç pohon dhe vete raporti, kemi te bejme thjesht me nje ricikilim te nje trillimi te turpshem e qesharak te ish gazetareve te Koço Kokedhimes dhe te ndonje tjetri, ndaj te cileve jane ndermarre dhe jane ne vazhdim pergjigjet e duhura ligjore per shpifjet dhe trillimet e tyre te ulta, te verifikuara si te tilla tashme nga organet kompetente”,-thuhet në komentin e Berishës.
Ndërkaq, raporti kofidencial përmend emrin e Sali Berishës, duke iu referuar investigimit të BIRN mbi lidhjet e tij me Damir Fazlliç dhe dyshimet për përdorimin e influencës së tij nga i biri, Shkëlzen Berisha dhe e bija Argita, për të bërë biznes në shuma marramendëse.
Ndërsa për pasurinë e kryeministrit Edi Rama, shkruan për fshehjen e saj në SHBA përmes të vëllait, Olsi Ramës dhe akuzat për rryshfet me lejet e ndërtimit në Bashkinë e Tiranës.
Për Ilir Metën raporti evidenton interesat e tij në biznese si ndërtimi, turizmi, materialet e ndërtimit dhe në fushën e energjitikës dhe flet të lidhjeve të tij me aktorë të mafias.
Një raport konfidencial, prej disa faqesh, i OSBE (Organizatës për Siguri dhe Bashkëpunim në Europë), i siguruar nga Lapsi.al, sjell informacione, të dhëna të mbledhura në terren në mënyrë operative, raportime të shtypit dhe agjensive të tjera, të cilat kanë të bëjnë me një grup politikanësh, nga më të lartët e deri tek ata më rishtarët, që dyshohen për lidhje direkte ose të tërthorta me krimin e organizuar, trafiqet dhe kontrabandën.Raporti konfidencial i OSBE
Raporti, i hartuar rreth një vit më parë, nuk përbën një qëndrim zyrtar të OSBE, por ai përbën padyshim një nga platformat mbi të cilat prej disa muajsh tashmë, ka nisur beteja për dekriminalizimin e politikës në Shqipëri. Angazhimi i madh i ndërkombëtarëve, krahas presionit të opozitës shqiptare, merr shkas edhe nga këto të dhëna tronidtëse që implikojnë emra të njohur të politikës dhe biznesmenëve politikanë. Data e raportit përkon me fillimin e kësaj beteje për pastrim, e cila mori një hov edhe më të madh pas ardhjes në Tiranë të ambasadorit të SHBA, Donald Lu.
Raporti, i hartuar nga njësia për çështje politike dhe publike e OSBE mbi bazën e burimeve të hapura, flet për lidhje të politikanëve e anëtarëve të parlamentit me krimin e organizuar, për përtifime të tyre nga të ardhura të investuara në kompani të ndryshme apo nga biznese që i drejtojnë familjarët e tyre. Të dhënat u referohen informacioneve konfidenciale, ato të publikuara në media apo kabllogramet e ambasadës amerikane, të publikuara nga Wikileaks.
Në fokus të dokumentit konfidencial, që OSBE mësohet ta ketë shpërndarë edhe në selitë diplomatike të BE dhe SHBA janë kryesisht 31 deputetë të parlamentit shqiptar, të konsideruar si biznesmenë, anëtarë të të gjitha partive politike, shumica e të cilëve të Partisë Socialiste dhe Lëvizjes Socialsite për Integrim.
Për herë të parë një raport ndërkombëtar përmend shifra mbi pasurinë e kryeministrit Edi Rama, fshehjen e saj në SHBA përmes të vëllait, Olsi Ramës dhe akuzat për rryshfet me lejet e ndërtimit në Bashkinë e Tiranës.
Për Ilir Metën raporti evidenton interesat e tij në biznese si ndërtimi, turizmi, materialet e ndërtimit dhe në fushën e energjitikës dhe flet të lidhjeve të tij me aktorë të mafias.
Për Sali Berishën, raporti konfidencial i OSBE përmend investigimin e BIRN mbi lidhjet e tij me Damir Fazlliç dhe dyshimet për përdorimin e influencës së tij nga i biri, Shkëlzen Berisha dhe e bija Argita, për të bërë biznes në shuma marramendëse.
“Edi Rama (PS): Kryetar i PS, Kryetar i Bashkisë së Tiranës 2000 – 2011 dhe tani Kryeministër. Është folur shumë në lidhje me dyshimet për përfitimin e një tarife për lejet e ndërtimit, me rreth 10 – 20 % të vlerës së ndërtesave. Shumë i kujdesshëm për të operuar nëpërmjet personave të tretë, ai ka mohuar vazhdimisht çdo përfshirje në korrupsion apo krime. Pasuria e tij përflitet të jetë rreth 200 milionë euro, të investuara në kompani “offshore” përmes vëllait të tij, Olsit, në Shtetet e Bashkuara të Amerikës. Në vitin 2009 Berisha i ofroi medias një dosje voluminoze të lejeve të ndërtimit të dhëna nga Rama për disa figura kyçe të PS dhe aleatëve (Fidel Ylli, Koço kokëdhima, Valentina Leskaj, Tom Doshi, Nard Ndoka, Sadri Abazi etj janë përmendur në këtë kontekst), në kundërshtim me ligjin dhe shpesh duke u mohuar të pronësinë e ligjshme pronarëve të mëparshmë. Berisha deklaronte se në total shuma e këtyre prapësive ishte rreth 750 milionë euro”.
Meta, Ilir (LSI): Kryetar i LSI, ish Kryeministër dhe Zëvendëskryeministër, aktualisht Kryetar i Parlamentit. Interesa në ndërtim, turizëm, materialet e ndërtimit dhe energjitikë. I dyshuar për lidhje të forta me aktorë të mafias, kryesisht nga Jugu i Shqipërisë. Ka zëra se udhëroi të paktën dy vrasje ndërsa ishte Zëvendëskryeministër. Halit Shahini, ortak dhe korrier i Metës, dyshohet të ketë lidhje të forta me grupe kriminale në Shujak, të përfshira kryesisht në trafikun ndërkombëtar të drogës.
Berisha, Sali (PD): Ka thashetheme të përhapura rreth përfshirjes së familjes Berisha në biznese dhe aktiviteteve të paligjshme. Rrjeti Ballkanik i Gazetarisë Investigative, (BIRN) publikoi një investigim të zgjeruar mbi atë se si rrethin i ngushtë i Berishës kishte përfituar kontrata toke disa miliona euroshe në bashkëpunim me Damir Fazlic – një biznesmen i përfolur nga Bosnje – Hercegovina dhe mik i Berishës. Vendimi i Berishës për të transformuar një moçalishte të pavlerë në pasuri të patundshme kryesore në zonën e Porto Romanos (Durrës) ndihmoi familjen e tij dhe Fazlic –in që të fitonin miliona euro. Argita Berisha, vajza e ish –Kryeministrit u akuzua më shumë se një herë se ka vepruar si ndërmjetëse mes Qeverisë Shqiptare dhe investitorëve, duke i ngarkuar ata me shuma të konsiderueshme në këmbim të favoreve për investitorët potencialë. Shkelzen Berisha, djali i ish –Kryeministrit, ka qenë i akuzuar gjithashtu se shpesh ka përdorur emrin dhe influencën e babait për të bërë biznes: ka patur spekulime mbi rolin e tij në fabrikën e demontimit në Gërdec dhe trafikun e paligjshëm të armëve. Në maj 2009 një kabllogram i Ambasadës Amerikane (Wikileaks) përmend përgjime telefonike që tregojnë lidhjet e Shkëlzenit me Ministrin e Mbrojtjes së asaj kohe, Fatmir Mediun dhe Mihal Delijorgjin (pronarin e Albademil, kompania që menaxhonte Gërdecin). Shkëlzeni ka qenë kontaktuar shpesh si konsulent nga shumë kompani të huaja, të cilat shpresonin të hynin në tregun shqitpar, për gjoja lidhjet dhe influencën e tij tek autoritetet më të larta shqiptare. Një nga rastet më të fundit është privatizimi i katër hidrocentraleve në maj të vitit 2013. Shkëlzeni është akuzuar publikisht se është përfshirë në trafikun ndërkombëtar të drogës, nga Izet Haxhia, i cili është i dënuar për vrasjen e deputetit të PD –së, Azem Hajdarit. lapsi.al
PRISHTINE – Ish-lideri i Lëvizjes Vetëvendosje!, Albin Kurti, ka paralajmëruar se partitë opozitare janë duke punuar për mobilizim kudo në Kosovë. Ai thotë se rasti është urgjent dhe se populli po u lutet per proteste.
“Jemi koordinuar deri më tash me partitë opozitare dhe ato, po ashtu, pajtohen se nevojitet një lëvizje popullore për ta çuar këtë Qeveri drejt dorëheqjes e për ta ndaluar kështu edhe asociacionin. Opozita e udhëhequr nga Vetëvendosje e ka edhe vullnetin, edhe guximin, edhe besimin për ndryshime, prandaj ajo është shpresa për ndryshime. Mobilizimi duket shumë më i madh sesa në janar, apo në herët e mëparshme.
Njerëzit kudo që shkojmë po na luten ta shpallim sa më shpejt protestën, pasi ka padurim për shumë arsye. Nuk janë vetëm asociacioni dhe demarkacioni, por edhe papunësia, rritja e çmimeve, shkatërrimi i shkollave e i spitaleve. Asgjë nuk po shkon mirë”, ka deklaruar Kurti në këtë intervistë për “Epokën e re”.
Kurti ka thënë se asociacioni i komunave me shumicë serbe është një “para-shtet” i krijuar. Sipas tij, me këtë asociacion Kosova po federalizohet.
“Mustafa me dekret qeveritar do ta sajojë një entitet që s’do të mund ta zhbëjmë dot e as ta kontrollojmë mandej”, është shprehur Kurti. Ndërkaq, duke folur për arrestimet e fundit të aktivistëve të Lëvizjes Vetëvendosje!, Kurti ka potencuar se arrestimet po e shpërfaqin tendencën e këtyre forcave qeveritare për ta ruajtur pushtetin nëpërmjet dhunës policore. “Ata po arrestojnë aktivistë për aktivitete simbolike, por po arrestojnë edhe qytetarë thjesht pse shprehin zemërimin e tyre në ‘Facebook’. Por, askush nuk merret me krimin e rëndomtë, aq më pak me fajdetë, me trafiqet, me kontrabandën, me korrupsionin dhe me krimin e organizuar. Në Kosovë vrasësit dhe mafiozët lihen të lirë, ndërsa aktivistët politikë arrestohen. Ky është realiteti i kësaj Qeverie që i shërben mafies njësoj siç u shërben familjarëve të vet”, ka deklaruar Kurti, duke shtuar se kjo Qeveri është përcaktuar ta mbrojë Kosovën nga Lëvizja Vetëvendosje!, e jo nga Serbia, krimi e korrupsioni.
“Prandaj, ajo duhet të bjerë”, ka thënë ish-lideri i VV-së. Kurti ka bërë me dije se aktivitetet e Lëvizjes Vetëvendosje! në kundërshtim të asociacionit do të jenë të përditshme, të paparashikueshme dhe të pandalshme. “Reagimi ka për të qenë popullor dhe në mbarë Kosovën, e nuk ka për të pasur vetëm protesta”, ka thënë ai.
Kurti ka shtuar se projektet e dëmshme të kësaj Qeverie mund të ndalen edhe prej saj, nëse kryeministri Mustafa vendos ta anulojë marrëveshjen.
“Por, siç e njohim ne, ai është një njeri frikacak, që kurrë nuk bën veprime të tilla pa pasur presion të madh popullor. Edhe Jabllanoviqin ai kishte frikë ta hiqte nga pozita e ministrit. Dhe u desh ta detyrojnë qytetarët në protesta masive”, ka thënë Kurti.
Ish-lideri i VV-së e ka porositur kryeministrin Mustafa, se nëse nuk e anulon marrëveshjen për asociacion dhe e shpall veten të pafuqishëm për t’i realizuar interesat e vendit të vet, atëherë le të japë dorëheqje.
Kurti folur edhe për normalizimin e raporteve në mes të Kosovës e Serbisë. Ai ka thënë se nuk mund të ketë normalizim dhe stabilizim të situatës kur Serbia nuk e njeh Kosovën.
“Nuk mund të ketë normalizim dhe stabilizim të situatës kur Serbia nuk e njeh Kosovën sepse nëse mosnjohja stabilizohet, ajo do të mbetet aty përgjithnjë. Pas njohjes, duhet të vijë edhe ballafaqimi me të shkuarën, dhe një kërkesëfalje e dëmshpërblimi për humbjet e vuajtjet e luftës dhe okupimit”, ka deklaruar Kurti.
Dhe je ankuar për Edi Ramën
TIRANE – Ish-kryetarja e Kuvendit, Jozefina Topalli kërkoi dje në Kuvend që kryeministri Edi Rama të ishte i pranishëm në seancë, ndërsa diskutohej akti normativ për buxhetin e 2015-ës. Por, kjo degjeneroi më pas në një përplasje mes saj dhe nënkryetares socialiste të Kuvendit, Valentina Leskaj. Sipas Topallit, Rama duhej të kishte hapur i pari diskutimet për aktin normativ. Ajo tha se mosprezenca e kreut të qeverisë në diskutim është e paprecedentë.
“Nuk ka ndodhur kurrë që në rastet e paraqitjes së buxhetit të mos jetë kryeministri, dhe të fillojnë diskutimet kur nuk është paraqitur projekti i aktit normativ. Ju lutem, vini në shinat e ligjshmërisë seancën plenare. As herën tjetër nuk ishte; fshihet, ka frikë?” – u shpreh Topalli gjatë fjalës së saj, ndërsa seancën e drejtonte Leskaj. Por deputeti socialist Taulant Balla e sqaroi se Ramës i duhej të nisej në një vizitë urgjente zyrtare në Gjermani. Pjesë e debatit mes tyre është bërë edhe nënkryetarja e Kuvendit, Valentina Leskaj, e cila korrigjoi Topallin duke i thënë se bëhej fjalë thjesht për aktin normativ dhe jo buxhetin e shtetit, por kaq ka mjaftuar që ish-kryeparlamentarja të shpërthejë në akuza. Topalli foli për një takim që ka pasur në zyrën e saj me Leskajn dhe ku kjo e fundit, sipas Topallit, ka shprehur lëvdata për Sali Berishën dhe është ankuar për Ramën, si kreu i PS-së.
“Më keni thënë ju zonjë në zyrën time që ‘ne s’na hap telefonin kryetari Edi Rama, ndërsa kryeministri juaj përgjigjet për të gjitha’”, – iu drejtua Topalli Leskajt. Ndërsa nënkryetarja e Kuvendit, iu përgjigj: “Këtu u bë një shpifje që më ka çuditur se sa poshtë mund të bjerë piaza në parlament, megjithatë, nuk dua të bëj koment për këtë piaza kaq të ulët. E para, s’kemi pasur asnjë bisedë bashkë, dhe më vjen mirë që kolegu im Braçe i ka të gjitha dokumentet që flasin për të kundërtën e asaj që thatë ju. Nuk më vjen mirë që një zonjë gënjen dhe mashtron”.
Disa herë gjatë seancës së djeshme deputetët e opozitës kërkuan praninë e kryeministrit dhe të ministrave. Më tej, seanca ka vijuar mes debatesh dhe herë-herë deputetët e opozitës i janë kthyer debatit se përse salla e Kuvendit ishte bosh. Në fakt, në orët e vona të pasdites, në sallë kishin mbetur vetëm dy ministre dhe shumë më pak deputetë, ndërsa diskutohej për aktin normativ.
Reagon deputetja Mesila Doda pas një dizinformacioni botuar sot me tituj të mëdhenj tek gazeta Shqip.
Shoh nje titull qe hap gazeten shqip, sipas te cilit deklaroj se ne PD spiunet kane mbrojtje te veçante. Mund te kisha thene deklarata edhe me te forta dhe me te egra, po kjo nuk eshte deklarata ime dhe as qellimi i prononcimit tim. manipulimi eshte me se i shemtuar sepse deklarata ime eshte si me poshte vijon:
Spiunet ne politiken shqiptare dhe administraten e larte shteterore jane kudo dhe gezojne mbrojtje speciale.
E kote te bejne sot politikanet dhe shoqeria civile sikur interesohen sepse e pame shqetesimin e tyre dhe sulmin e gjithanshem kur depozituam ligjin qe i hiqte xhelatet nga politika dhe egzekutivi.
Halli i shefave eshte si ti kene sa me te perdorshem, nuk shqetesohen nga asnje kriter etik e njerezor.
Gazetaret qe nuk kane asnje etike profesionale nuk mund te vene ne gojen time mbrojtje per spiunet a xhelatet e te gjitha kraheve…
Postribas e shkodranë, ju jo vetëm ishit dëshmitarë të një historie të tmerrshme, por për më tepër, ju edhe keni vuajtur nga krimet e asaj historie, nga krimet më çnjerëzore që mund të ndërmerrte një regjim kundër qytetarëve të vet. Por ju, me gjithë vuajtjet kishit forcën, vendosmërinë dhe guximin për të mbrojtur parimet e lirisë dhe të drejtat e njeriut, si shembull për brezat e ardhshëm. Kjo është tepër e rëndësishme, sepse për shumë shqiptarë, siç e dini, pasojat nga abuzimet e të drejtave të tyre të njeriut në të kaluarën, mbeten ende plagë të gjalla jo vetëm në kujtimet e tyre personale, por edhe në shoqëri, në përgjithësi si shenja të pashlyeshme të krimeve dhe abuzimeve nga regjimi diktatorial nën të cilin ata kanë jetuar – madje edhe 25 vjet pas shembjes së komunizmit. Në këtë përvjetor të kryengritjes antikomuniste të Postribës, më lejoni të kaloj në vëmendje të lexuesit një mesazh të ikonës antikomuniste shqiptare, shkodranit, të mbijetuarit të diktaturës, aktivistit të të drejtave dhe lirive të njeriut, Prof. Sami Repishtit, ku u drejtohej ish-të përndjekurve politikë të Vlorës me rastin e 100-vjetorit të Pavarësisë, ku ai theksonte: Kurrë kombi ynë nuk mund të eci përpara duke mos dënuar krimin komunist apo duke përdor fenomenin “harresë” siç është përdorur këto 25 vite pluralizëm. Repishti citon, më kujtohet shoku i burgut, Hamit Kazazi, njëri nga të pesë vëllaznit e familjes fisnike shkodrane Kazazi. Një ditë gjatë drekës, ai e ndërpreu, u ngrit, ndezi nji cigare, e ra në mendime të thella. Tre vllazën ishin vra. I katërti ishte në burgun e Burrelit, ai në moçalet e Vloçshtit. Nuk e trazova. E pashë me dhimbje e kur shikimet tona u ndeshën, ai tha me nji za sikur dilte nga varri: “Ç’kuptim ka jeta për mua? Edhe me dalë i gjallë nga kjo gropë e zezë ku kemi ra, unë nuk kam ku të shkoj. Në tryezën e familjes sime, tre vende do të mbeten bosh përjetë… e unë vëllau do të pyesim veten, ç’të keqe i kemi ba Shqipërisë që na trajton kështu? Unë nuk pres mirëkuptim nga ata që jetojnë vetëm për nji copë buke… e janë shumë nga ata. Të tjerët do të kritikojnë ose do të jenë të lodhun nga vuajtjet e tyne që nuk lanë vend për mirkuptim … Vëlla i dashtun, jemi vetëm, tmerrsisht vetëm, dhe kjo më frikson”. Sot, mendoj për vllaun e vuajtjeve, Hamit Kazazi… e dhjetëra mijëra si ai që u kalbën nëpër burgjet e punës së detyrueshme e të dëbimit nën komunizëm që mbuluen Shqipërinë për afër gjysëm shekulli… e familje të tana të pafaj, si nana ime, motra e vëllau akoma fëmijë, e pyes veten si shoku i im: “ç’të keqe i kemi ba Shqipërisë”…
Para disa muajsh vendin tonë e vizitoi Presidenti i Parlamentit Europian, Martin Shulc, i cili në fjalimin e tij gjatë vizitës në Kuvendin e Shqipërisë, deklaroi se është e rëndësishme që të kujtohet historia, që të mos harrohen ngjarjet tragjike të historisë së kaluar, pasi nuk mund të ketë pajtim pa kujtesë. “Pajtimi, – u tha deputetëve shqiptarë udhëheqësi europian nga Gjermania, – nuk mund të ndodhë në qoftë se nuk pranohen dhe në qoftë se nuk flitet për vuajtjet dhe dhimbjet e së kaluarës dhe në qoftë se nuk pranohen si të tilla”. Te ne, edhe sot mbas 25 viteve nuk është dënuar krimi komunist 45-vjeçar, me gjithë sjelljen fisnike tonën që përbuzi hakmarrjen. Postriba na kujton: Duhet dokumentuar dhe dënuar krimi për hir të së ardhmes së fëmijëve tanë. Duhen informuar brezat e rinj për të kaluemen tonë tragjike që mos të përsëritet. Kjo është nji detyrë primare për të gjithë shqiptarët kudo që jetojnë. Çdo shqiptar duhet të bëhet palë në dënimin e krimeve të komunizmit, se kështu u shërbehet jetëve njerzore të pafajshme shqiptare. Postriba dhe Shkodra na kujton dhe detyron të luftojmë “harresen”, këtë nocion të politikës që e motivuar politikisht e përdori gjatë këtij 25-vjeçari pluralizëm kundra ish-të përndjekurve politikë. Komunistët kanë vrarë me mijëra burra e gra, dhe ti harrojmë sakrificat e tyre, këta dëshmorë të lirisë do të vdesin përfundimisht. Dhe po të ngjasë kjo, ne jemi të gjithë përgjegjës. Ne duhet çdo ditë të ballafaqojmë përpara shqiptarëve të vërtetën e krimit, dhe të ndalojmë këtë helmatisje antikombëtare… që bëjnë ideologët dhe historianët e diktaturës. E dyta, Postriba na kujton se ne antikomunistët shqiptarë, ish-të përndjekur politikë, të kemi solidaritet në nesh. Të duam njëri-tjetrin dhe të mos ngelemi peng i politikës komuniste, që na ka përçarë dhe ka ndërtuar murin e ndarjes që ne mos të jemi pjesë e politikëbërjes. Gjendja e sotme në Shqipëri është mjaft shpëtuese.
Nuk jetohet vetëm me bukë dhe për bukë. Mazhoranca e majtë që ka pushtetin politik të dhuruar nga një e djathtë e fragmatizuar nuk ka nxjerrë mësime nga e kaluara e saj ideologjike staliniste, por fatkeqësisht e përdor atë ideologji për të mbajtur pushtetin duke bërë veprime arbitrare nëpërmjet pushtetit. Në vitin 1997 kur erdhi në pushtet nëpërmjet dhunës dhe kaosit të firmave piramidale, tregoi se nuk është reformuar, përkundrazi, forcoi pushtetin me ligje “demokratike” dhe ndërtoi skemën e korrupsionit duke e deklamuar si formë të demokracisë. Po kjo mazhorancë, atë vit që mori pushtetin përdori armën në parlament, duke plagosur deputetin e opozitës, Azem Hajdarin. Mbasi dorëzoi pushtetin në vitin 2005, erdhi në qeverisje në vitin 2013, me vota të vjedhura dhe duke përfituar nga pushteti i degraduar i së djathtës, në aleancën që krijoi me LSI-në, një grup i ekstremit të majtë dhe tepër i korruptuar. Mbasi mbushi parlamentin me individë të inkriminuar dhe të babzitur me korrupsion, deputetët e saj i kthyen institucionet në arena përleshjeje me armë, siç ndodhi në Laç para pak kohësh. Këta nderojnë kriminelet që vranë postribasit e shkodranët, dibranët e vlonjatët, korçarët e tiranasit. Mentalitetit utopist i komunizmit e ka kthyer qeverisjen e vendit në një pashallëk krimi ku të drejtat dhe liritë e njeriut shkilen çdo ditë, duke pushuar nga administrata specialistët dhe duke i mbushur me militantë ekstremistë. Një jetë pa liri, pamvarsi e dinjitet nuk vlen të jetohet. Postriba antikomuniste na kujton për breznitë e ardhshme që nuk duhet të rijetojnë komunizmin, të ngrejmë zanin tonë sa ma nalt që mundemi, të punojmë sa ma shumë e me sistem, të mobilizohemi me gojë e shkrim me manifestime publike e sidomos me forcën e votës së lirë që të ringjallim interesimin kombëtar e ndërkombëtar për padrejtsitë që jetojmë sot, dhe të zgjedhim si përfaqësues të së drejtës kolegët tanë që kanë jetuar vitet e shtypjes së militantizmit të çmendun komunist. Ne vetë e familjet tona, le të nxjerrim në dritë dokumentacionin e duhun akuzues dhe ta bëjmë publik, materialin pedagogjik për edukimin e të rinjve me frymën e demokracisë që siguron lirinë e dinjitetin e çdo qytetari, pamvarsisht nga ndryshimet e bindjeve politike që kemi. Kjo nuk është Shqipëria për të cilën luftuan postribasit e shkodranët. Kjo nuk është Shqipëria demokratike, Shqipëria e qytetarëve të lirë për të cilën kemi andruar në këto 25 vite. Shqipëria, për të rrojtur e për të lulëzuar, duhet të spastrohet nga gjithë qelbësirat e vjetra, duhet të riorganizohet në një bazë të re dhe në një mënyrë që tërë forcat morale dhe materiale të popullit të zhvillohen pa pengim.
“Dielli”, 24 janar 1925, Faik Konica. Aktuale kjo profeci e Konicës!
* Fjala e mbajtur në Postribë me rastin e 69-vjetorit të kryengritjes së parë antikomuniste në Europë
Pas krahëve të Ilir Metës zien një intrigë e madhe. Një thashethemnajë politike është ulur mes nesh prej kohësh. Edi Rama dhe enturazhi i tij duket se janë arkitektët e kësaj ngrehine. Mozaikut nuk i mungojnë ngjyrat e ndërkombëtarëve. Nevoja për të mbajtur pushtetin dhe frika se mos nga i njëjti e humbasin atë sjell një çoroditje alogjike. Për Ilir Metën kanë nevojë të gjithë dhe sapo e përmbushin atë (nevojën), i zapton dhe udhëheq frika, i ndezullon ideja si mund t’ia hedhin, jo nga ndonjë parim, por nga makthi se mos ua hedh ai. Veçse në anë, si aleat, apo përballë, si kundërshtar, nuk kanë një shenjtor apo babaxhan që ia këput gjumit. Deri tani përvoja ka treguar se shpenzimet Ilir Meta i ka bërë me harxhet e të tjerëve dhe e gjithë politika me tonat.
Në fushën e lojës thirret me zyrna “virtyti” dhe “vesi”. Në këtë rast shtjella mundohet ta identifikojë Edi Ramën me virtytin, ndërsa Ilir Metën me vesin. Një skaner i etikes së marrëdhënieve të dy partive të mëdha me të tretën na ndihmon të kuptojmë më mirë. PD-ja përgjegjësinë e keqqeverisjes u mundua ta shkarkojë te LSI-ja, vulën e korrupsionit krejt mbi atë. A është LSI-ja tempull virtyti dhe përshpirtjeje?! Sigurisht që jo, askush nuk e beson këtë. Modelet e saj të administrimit të gjësë publike, po të gjykojmë edhe nga një sërë denoncimesh, të kallin datën me kusarinë dhe plaçkitjen. Çdo fëmijë do të qeshte me të madhe nëse pyetja i bëhet në këtë forme dhe çdo plak i padhëmbë do të zgërdhihej.
Ç’do të thotë korrupsion që ta thjeshtojmë përfytyrimin nëpërmjet përgjigjes?! Para publike të vjedhura në Tiranë dhe në provincë, të materializuara si vila, në mal e breg, në kryeqytetin tonë dhe në ato të Europës, sidomos në Vjenë e Londër, biznese e dyqane, me emrat e të tjerëve, makina luksoze, fëmijë në shkollat më të shtrenjta të Europës, llogari bankare, orë, kostume, këpucë, brekë, sytjena, prezervativë firmato etj. Një vend që zhvatet në mënyrë që pasardhësit të jetojnë të qetë në Europë.
Në këtë kontekst, nëse u bëhet një vëzhgim i imët ish-zyrtarëve të PD-së dhe atyre të LSI-së, nuk është çudi që konkurrenca të jetë mjaft e ndershme mes tyre, mbase barazim dhe në pjesë të veçanta dalin në epërsi ish-pushtetarët e PD-së. Kjo do të thotë që vesi i ka pushtuar të gjithë dhe kjo vlen si për lidershipin, ashtu edhe për hierarkinë shkallare, deri te një qyqar që paguan 5000 euro për një vend pune.
Hajdut është si ai që vjedh pesë, si ai që vjedh pesëqind, kur e rras dorën një herë, të tjerat janë çështje guximi, jo morali. Si parti qendrore në qeverisje PD-ja me 80% pushtet kishte edhe 80% në tortën e korrupsionit. Fshehja pas retorikës nuk bind askënd. Projektimi i fajit te një segment, kur ai shtrihet këmbëkryq, gjithkund është hipokrizi publike dhe mashtrim. Pak veta mund ta luajnë kartën morale në politikën shqiptare. Ndaj nuk është folklor t’i kërkosh ata.
Pas denoncimit të BIRN-it, në të cilin flitet për miliona euro që kanë përfunduar në mekanizmin e vjedhjes, Prokuroria shqiptare, drejtësia në përgjithësi, duhet të bëjë dritë, ndonëse pothuaj gjithmonë ka qenë aleate e errësirës. Pse jo edhe kësaj here problemi do të tretet si kripa në ujë. Opozita me të drejtë po e kthen në kauzë të dorës së parë dhe po përpiqet ta shndërrojë në betejë të madhe politike postin e Ilir Metës.
Por dyshimi se mos opozita po bie në kurthin e Edi Ramës dhe po i shërben atij në dukje pa dashje, ekziston. Çështja “Meta” shpërtheu ose u servir tani kur ministri i Brendshëm është i rrezikuar seriozisht me një imazh publik copë-copë me pasoja mbi vetë ekuilibrin e qeverisë. Unifikimi i Metës me Tahirin ndoshta për herë të dytë është një mënyrë për të shpëtuar Saimirin e përfolur së tepërmi gjatë këtij viti. Rama e di që sakrifikimi i Metës i kushton shumë dhe është operacion tejet i vështirë, por me vëmendje të madhe. Rama ka gjasa që hedh gurin si pjatë gjelle për opozitën e uritur si iluzion të këtij sakrifikimi dhe fsheh dorën duke i hedhur spirancën për ministrin.
Një Metë i dobësuar dhe në grushtin e tij si lodër duhet të jetë një ëndërr e hershme e piktorit. Edi Rama me kapilarët e tij ka interes të hedhë në treg “tezën Meta” si një ushqim politik bio për mediat dhe shoqërinë, e cila e etur surprizash harron për momentin keqqeverisjen dhe gjeografinë e skandaleve, ekonominë e rrënuar dhe krimin, i cili nga rruga shkon deri në Parlament.
PD-ja për një sërë arsyesh e kishte të domosdoshëm shtimin e agresivitetit ndaj LSI-së për të ndalur hemorragjinë e elektoratit të saj përkundrejt kësaj partie që rritet duke joshur. Por në këtë rast bashkimi i çështjes Meta me çështjen Tahiri shton unitetin mes tyre, kur në prag trokiste lufta. Përpjekja ndyn pak Metën po jo aq sa për ta rrezikuar seriozisht dhe mban në karrige Saimir Tahirin si pjesë e paketës që maxhoranca duhet të mbrojë. Çdokush e ka të qartë se dorëzimi i të dyve do të thotë rënie e kësaj maxhorance. Edi Rama hesht dhe nuk e mbron Metën, teksa opozita e sulmon vendçe, duke mos i lënë hapësirë manovrimi.
Pas zgjedhjeve lokale, Meta i tradhtuar nga braktisja e socialistëve ka kritikuar politikat ekonomike të qeverisë, mbi taksat, turizmin, biznesin, situatën e rendit publik, duke shmangur përgjegjësitë nga vetja dhe duke i adresuar qartë ato mbi Ramën, çka e thellonte hendekun mes tyre. Njerëzit e Ramës ndoshta me bekimin e tij ndryshe nga koha e Berishës, që ky bekim nuk stimulohej, përflasin kudo e pa mëshirë aleatin e tyre qeverisës si problemin e problemeve, si dështimin kryesor të këtij vendi. Por kush e drejton ekonominë, turizmin, rendin publik, diplomacinë, tatimet, doganat etj?! A nuk është PS-ja në krye të tyre?!
A nuk është vetë Edi Rama dhe të përzgjedhurit e tij?! Kjo nuk e shpëlan Metën nga mëkati, por as Rama nuk bëhet djall më i bardhë.
Në dy vite qeverisja Rama-Meta ngjan sikur ka dhjetë vjet në pushtet për nga konsumimi, mediokriteti në kult, përfoljet për afera korruptive e kriminale, por përsëri proporcioni i fajit shkon sipas përqindjeve në pushtet. Nga pikëpamja njerëzore, kush sot në Shqipëri mendon se Saimir Tahiri është më i ndershëm se Klajda Gjosha, se Arben Ahmetaj është më i ndershëm se Edmond Panariti, apo Damian Gjiknuri është më i ndershëm se Edmond Haxhinasto etj?!
Askush! Por gjithashtu askush nuk mendon se Edi Rama është me i ndershëm se Ilir Meta. Nëse ka edhe diplomatë që mendojnë si kërthiu, janë thjesht hipokritë, sepse naiviteti i fëmijës nuk përkon me zanatin e tyre. Mjafton të shohim Tiranën që kemi sot, një monstër urbane. E pra, ajo nuk është kështu, se të tillë na e la komunizmi, as Sali Kelmendi me Brojkën e Bashën, madje as Ilir Meta dikur Kryeministër, por se kështu e bëri Edi Rama. A mund të katandiset kështu një qytet nga ndershmëria?! Kurrë jo. Dy vitet e qeverisjes së Ramës nuk kanë asgjë të përbashkët me “virtytin” që Kryeministri do të stimulojë kundër vesit. Ato janë vesi në çdo pikëpamje.
Rama, pasi i lëpiu të gjitha ato që kishte hedhur ndaj Ilir Metës, bëri paktin e aleancës për të ardhur në pushtet dhe me instrumentet e pushtetit do ta diskreditojë Metën që të ketë mundësi të ndahet prej tij pa kosto në emër të një kauze morale. Në këtë pikë do të trumbetojë diferencën me Berishën. Gjithsesi, te kjo histori morali ka vdekur që në djep. Kush do t’ia besojë këtë pragmatizëm banal, pas së cilës fshihet një ego e frikshme për pushtet absolut?!
Fakti që Sali Berishës, dhe jo për faj të Lulzim Bashës, fati po i servir shakatë e radhës me deputetë të zgjedhur prej tij, që ikin prej PD-së për t’i shërbyer qeverisë, tregon se Edi Rama po mbledh zahire për dimër. Por përtej çdo lëvizjeje që llogarit ai, nuk ka asnjë epërsi morale ndaj Ilir Metës, në planin etik, në raport me korrupsionin dhe malavitën, por thjesht i druhet atij. Prej kohësh dyshja udhëton në të njëjtën varkë, me ndryshimin që paktet i mban Meta dhe i prish gjithmonë Rama. Domethënë, ky i fundit pret rastin për ta hedhur vërtik e në det. Pas krahëve të Ilir Metës rri pezull e shtyra.
Reforma në drejtësi, nëse realisht do të bëhet ajo që qarkullon në media, kryesisht i duhet shefit të ekzekutivit si sëpatë demokleu mbi kokën e Metës dhe ndonjë tjetri që e rrezikon apo nuk i bindet. Ndaj Meta kërkon që ajo të miratohet në konsensus me opozitën, fakt ky që do të zbehte ndikimin e Ramës mbi sistemin e drejtësisë. Bindja prej hallexhiu e nxjerr Metën të dobësuar në këndvështrimin popullor, ndërsa rezistenca jep të tjera mesazhe. Tani veç reformës në drejtësi, Kryetari i Parlamentit mund ta shfaqë atë te dekretet e Presidentit që priten të rishqyrtohen siç është edhe ligji famëkeq për arsimin e lartë. Në LSI ka mbetur ende ndonjë profesor universiteti që ta udhëzojë në këtë drejtim, po i pyeti. Pas krahëve të Ilir Metës ka pritje.
Praktikisht Meta është mes dy zjarresh, i shtrënguar t’i bëjë luftë të padëshiruar opozitës dhe t’i ofrojë buzëqeshje të padëshiruara Ramës. Në shënjestër e ka nxjerrë Rama, mbi të po gjuan Basha. E drejta po udhëton në labirinth. Mbetet për t’u parë nëse kemi një fajtor, një doras apo një ngas! Koha si ilaçi më i mirë do të na tregojë se cila sëmundje duhet kuruar më parë. Pas krahëve të Ilir Metës nuk projektohet një e ardhme e themeluar mbi moralin.
Jozefina Topalli është përplasur sot në Kuvend me zëvendëskryetaren Valentina Leskaj. Ajo ka treguar një bisedë sekrete mes saj dhe Leskajt, gjë që ka revoltuar deputeten socialiste. Mes tyre ka ndërhyrë në debat edhe Erion Braçe, duke qeshur me Berishën dhe batutën e tij për ‘’famozin’’.
Leskaj: Në bazë të rregullores nuk është se ka replikë për replikë
Topalli: E para ishte procedurë, kjo është replikë. Zonjë ju keni qenë kryetare grupi. Është kryeministri këtu që nuk ndalet. Më keni thënë ju që kryetari i opozitës nuk na hap telefonin. Zonjë kur flas unë të tjerët nuk duhet të ndërhyjnë.
Sa herë Erion Braçe merrte fjalën për procedurë. Gënjeshtra del shpejt mor ti
Leskaj: Këtu u bë një shpifje që sinqerisht më ka çuditur se sa poshtë bie piaca në Parlament, s’dua të bëj koment për këtë piacë kaq të ulët.
Skemi patur ndonjë bisedë bashkë. Megjithatë fjalën e ka Z.Braçe e ka kërkuar para jush. Edhe për ju Z.Berisha do ta keni fjalën.
Braçe: E kam koment, ja urdhëro, kape prej zhelesh dhe nxirre jashtë. Z.Leskaj që në këtë Kuvend gënjehet, shihet. Pa merak
(Ndërhyn Berisha)
Se kush famozi në këtë sallë e dinë të gjithë në këtë sallë. Në fakt unë kam ardhur vetëm për atë zotërinë, mezi pres të flasë për CEZ-in. Do ia tregoj unë me firmë dhe me vulë.
Në asnjë rast se ka hapur seancën plenare kryeministri. E kemi hapur herë unë, herë deputetët. Doni të flasim për përmbajtjen, hajde flasim. Këtë mund ta bëjë kushdo, i fillon emri me ‘’Qim’’.
Leskaj: Z.Berisha urdhëroni
Kryeministri Edi Rama u është drejtuar në muajin mars ministrave të kabinetit të tij me një e-mail ku i paralajmëronte se “anija-qeveri” po mbytej dhe ata, ministrat “marinarë” kishin në dorë ose të ndryshonin ose të hidheshin nga anija. E-maili i shfaqur sot 7 muaj pasi ka mbërritur te të adresuarit, duket si një prelud i një mbytjeje të paralajmëruar, i një qeverie-anije e cila nga atëherë e deri më sot ka futur kaq shumë ujë. Por jo më shumë se në javën që lamë pas. 7 “vrima” në 7 ditë, mund të duket në pamje të parë si lojë fjalësh, por faktet konkrete e zhbëjnë këtë perceptim.
1. Ish-oficeri i Antidrogës në Fier, Dritan Zagani artikuloi akuza të ashpra në drejtim të kupolës së Policisë së Shtetit e madje edhe ndaj vetë ministrit Tahiri, se kanë favorizuar trafikun e drogës brenda dhe jashtë kufijve. Qeveria u angazhua vetëm në një drejtim, anatemimin e figurës së ish-oficerit Zagani e ndërsa opinioni publik priste shumë më shumë se kaq. Priste shumë më shumë se një status të lodhshëm (siç vetë Tahiri e pranonte) që u postua në “Facebook”, përballë një interviste më shumë se 60-minutëshe të Zaganit që u transmetua nga PD-ja. Priste shumë më shumë nga Rama sesa një postim në “Twitter”, për akuzat publike sa i përket arrogancës së ministrit në ushtrimin e detyrës. Fundja, a nuk ishte ARROGANCA, kryefjala e kritikës së Ramës në e-mailin që ka mbërritur edhe në postën e ministrit Tahiri, dhe aspak për çudi të këtij të fundit!…
2. Në 26 gusht, një avion me drogë e llojit hashash, fluturoi nga Shqipëria drejt Italisë dhe, në këtë rast, Rama e kishte të pamundur të bënte humorin morboz të radhës se këta avionë po “dezinsektonin” zonat turistike. Arroganca, dhe jo përulësia përballë një situate anakronike në ruajtjen e rendit, shoqëroi edhe kësaj here reagimin e qeverisë. Justifikimi ishte se, ndryshe nga qeveria e mëparshme, qeveria-anije e ditëve të sotme i arreston trafikantët dhe se operacioni qe monitoruar prej kohësh nga dy policitë përkatëse. Ndërkohë, një tjetër avion me drogë nga Shqipëria u kap në Piemonte dhe Rama me arrogancë deklaroi se bëhej fjalë për një fluturim kombëtar Torino-Leçe. Të vërtetën e gjejmë këtu: (www.poliziadistato.it/articolo/view/39784/).
3. Armando Prenga është ndoshta një nga goditjet më të forta që Edi Rama ka pësuar në investimet e tij në politikë “të të fortëve” dhe mbrojtja e tyre deri në ARROGANCË edhe përballë presionit të ndërkombëtarëve për të larguar personat me precedentë penalë nga radhët e grupit socialist. Prenga është sot një ish-deputet i grupit socialist në arrest me burg për plagosjen e të paktën 2 qytetarëve me pistoletë. Akoma pa u tharë boja në relacionin e prokurorisë për incidentin e Laçit, kryeministri Rama nxori deputeten Olta Xhaçka për ta bërë “lanet” Prengën nga grupi i PS-së, pa marrë përgjegjësi për kandidimin e tij dhe me të njëjtën “arrogancë” me të cilën muaj më parë e mbronte studiove televizive e në takimet me ambasadorët!…
4. “Kurbani” i Ramës, ndoshta për të hequr sadopak ujë nga qeveria-anije e tij në këto skandale të njëpasnjëshme, ishte Arben Ndoka. Me një hartim të klasës së 4-rt, ish-deputeti Arben Ndoka dha dorëheqjen si rrufe në qiell të hapur. Por që më shumë se dorëheqje, ky duket qartazi që është “nderi” i fundit i Ndokës për shefin e tij politik, i cili e mbrojti me mish e me shpirt, si kur mori me shpulla në mes të Kuvendit Gent Strazimirin, si kur dosjet për inkriminimin dhe dënimin e tij për trafik prostitucioni bënin xhiron në itinerarin Itali-Tiranë-SHQUP-Rruga e Elbasanit-Prokurori! Qershia mbi tortë: Rama deklaroi mbrëmë në një intervistë televizive, se “parlamentet janë shprehje të zonave, traditave dhe njerëzve”. Pra, me arrogancë na tha se Veriu nuk e kalon dot nivelin Prenga-Ndoka.
5. Në gjithë këtë tollovi ngjarjesh, ku fjala “hashash” është e ndaluar të përmendet qoftë edhe për shaka në oborret e mazhorancës, ka një individ që përbën një bezdisje të madhe për vetë Edi Ramën. Dhe ky është vizioni i Koço Kokëdhimës, që vazhdon t’i mëshojë idesë së kultivimit të kontrolluar nga shteti të hashashit për qëllime mjekësore. Artikulimi në përsëritje i një opsioni të tillë për një vend që është vetëm një hap larg identifikimit si “Kolumbia e Europës”, është tejkalim pritshmërish nga deliri edhe për vetë “Kapitenin”.
6. Në gjirin e mazhorancës po konsumohej një tjetër situatë tensioni, kësaj here në oborrin e aleatëve të LSI-së. Në një artikull të agjencisë mediatike investigative BIRN, u hodhën dyshime për afera korruptive në marrëdhëniet e Qeverisë shqiptare dhe kompanisë çeke CEZ. Në këtë shkrim (pjesa e dytë e të cilit u botua dje) hidhen dyshime se ish-kryeministri ka kryer favorizime klienteliste ndaj një kompanie, e cila sipas shkrimeve të BIRN, ka marrë tenderin për vjeljen e borxheve për llogari të CEZ-it. Përtej përçartjeve PS-LSI në marrëdhëniet e tyre dhe cic-micet politike për ta lënë “fëmijën pa baba” në derën e njëri-tjetrit, qeveria dhe kryeministri që shikon si problem të funksionimit të saj “arrogancën”, dështoi me vetëdije të angazhohet deri në fund për të zbardhur të vërtetën. Në dosje thuhet “ish-kryeministri” dhe, cilido qoftë ai, shqiptarët kanë të drejtë të dinë të vërtetën dhe jo të marrin si përgjigje nga qeveria, batuta dhe lojëra fjalësh.
7. Por skandali më i madh në analizën të vogël të të gjithë kësaj situate, mbetet vetë e-maili i dërguar nga kryeministri Edi Rama për ministrat e tij. Edi Rama e ka kuptuar që në muajin mars se qeveria-anije e tij po fut ujë, se marinarët e tij janë arrogantë. Por që nga muaji mars e këtej ai s’ka bërë asgjë për të marrë masat si “kapiten” që anija të mos fundoset. Ai ka vazhduar ta udhëheqë qeverinë-anije të tij në “Drejtimin e Duhur”, por skandalet e mësipërme tregojnë se busulla e Ramës, në mos është humbur krejt, po e drejton vendin në “Drejtimin e Gabuar”. Qeveria-anije, nuk është jaht personal i Edi Ramës e as i marinarëve të tij, prandaj, nëse Rama ka ndërmend të lundrojë edhe për ca kohë, është mirë që, ose të ndërrojë marinarët-arrogantë, ose të heqë dorë si “kapiten”. Në të kundërt, ai vetë, bashkë me marinarët e tij rrezikon të mbytet mu aty në detin e ARROGANCËS, veçse në këtë rast, pasojat nuk do të rëndojnë vetëm mbi Ramën e të tijtë, por edhe mbi Shqipërinë e të sajtë!…
Kryeministri Edi Rama ka shkelur premtimin e tij elektoral se nuk do të ndërtonte më hidrocentrale të rinj në lumin Vjosë dhe do ta kthente luginën e saj në park kombëtar.
Me datë 29 korrik, 2015 Këshilli i Ministrave ka miratuar një bono prej 8 për qind të pikëve për kompaninë turke Çinar-San Hafriyat Nakliyat Inşaat Turizm Sanayi Ve Ticaret Limited Şirketi, në procedurën e dhënies me koncesion të hidrocentralit Poçem në lumin Vjosë.
Vendimi që është botuar në fletoren zyrtare me datë 10 gusht i hap rrugën ndërtimit të një hidrocentrali të dytë pas Kalivaçit në lumin Vjosë, ndërtim i cili kundërshtohet me forcë nga organizatat mjedisore vendase dhe të huaja, si dhe nga Parlamenti Europian.
Vendimi i marrë nga qeveria në korrik gjithashtu bie ndesh me angazhimet që kishte marrë kryeministri Edi Rama një muaj më parë gjatë fushatës elektorale për zgjedhjet vendore, kur kishte premtuar se në Vjosë nuk do të ndërtoheshin më hidrocentrale dhe se lugina e saj do të kthehej në zonë të mbrojtur.
“Hidrocentrali i Poçemit, është një nga 8 HEC-et e planifikuara në Vjosë nga qeveritë e mëparshme, te cilin ne e kemi kundërshtuar qe nga fillimi i fushatës sonë si dhe gjate turit te takimeve me komunitetin e luginës se Vjosës, megjithëse kontrata në fjale ishte vetëm një plan,” u shpreh Besjana Guri, përfaqësuese Eco Albania, një organizatë mjedisore që lobon për ruajtjen e ekosistemit në luginës së Vjosës.
“Tashmë që kjo konkretizohet në vendimin e qeverise, në një kohe kur vetë kryeministri ka deklaruar se po punohet për shpalljen e Vjosës Park Kombëtar, ne gjendemi përballe një situate shume kontradiktore,” Guri shtoi.
Gjatë një mitingu në Tepelenë gjatë fushatës elektorale për zgjedhjet vendore në 13 qershor, kryeministri Edi Rama u shpreh që qeveria do t’i ndalonte planet për hidrocentrale në lumin Vjosë duke e orientuar ekonominë e zonës nga turizmi familjar duke e shpallur luginën park kombëtar.
“Do transformojmë luginën e Vjosës në një park kombëtar që të frenohet barbarizimi nga hidrocentrale dhe të zhvillohet turizmi, ekonomia, bujqësia, të fuqizohet ekonomia familjar duke rritur numrin e vizitorëve në këtë park të madh të Vjosës,” tha Rama.
“Vjosa është një ndër lumenjtë më të bukur dhe me tiparet më interesantë të Europës, është një pasuri e madhe europiane. Ne në bashkëpunim me organizata ndërkombëtare të interesuara do të realizojmë projektin e Vjosës në një Park Kombëtar,” ai shtoi.
I gjatë 270 kilometra, lumi Vjosës konsiderohet si një nga lumenjtë e fundit e egër të Europës, duke rrjedhur në mënyrë të natyrshme dhe të pandikuar nga burimi i tij në Greqi në afërsi të fshatit Vouvoussa e deri në grykëderdhjen në detin Adriatik.
“Ajo çka e bën unik është vetë fakti se rrjedh i pandërprerë nga burimi ne grykëderdhje dhe ndërtimi i qoftë dhe një dige do të shkatërronte ne mënyre përfundimtare këtë pasuri të jashtëzakonshme të natyrës,” u shpreh Guri.
“Parku Kombëtar i Vjosës do të ishte parku i parë kombëtar i një lumi të egër në Evropë i cili përveç ruajtjes se biodiversitetit do të siguronte një zhvillim të qëndrueshëm për banorët e luginës së Vjosës,” shtoi ajo.
Sipas Eco Albania, hidrocentralet e planifikuara të ndërtohen në shtratin e Vjosës në të dyja anët e kufirit përbëjnë kërcënim serioz për ekosistemin e saj.
Sipas organizatës mjedisore një total prej 38 HEC-esh janë parashikuar në ujëmbledhësin e Vjosës.
Në anën greke të ujëmbledhësit, janë parashikuar 6 diga të reja, ndërkohë që është vetëm një ekzistues, HEC-i i madh i Pigait.
Në Shqipëri janë planifikuar 8 diga në rrjedhën kryesore, ndërsa 23 HEC-et e tjera janë projektuar në degët e tij – 4 nga të cilat kanë përfunduar tashmë, ndërsa 4 të tjerë janë në ndërtim.
HEC i Poçemit është diga e dytë pas Kalivaçit e aprovuar nga qeveria shqiptare në rrjedhën kryesore të Vjosës.
Ndërtimi i HEC në Vjosë dhe degët e saj nuk kundërshtohet vetëm nga grupimet mjedisore, por edhe nga Parlamenti Europian.
Nëpërmjet një rezolute të aprovuar në 22 Prill, eurodeputetët i kërkojnë Shqipërisë “t’i rishikoi planet për të ndërtuar hidrocentrale në lumin Vjosë dhe degët ë tij, për shkak se ato do të dëmtonin një ekosistemet e fundit të paprekura në Europë.”
“Vjosa është cilësuar nga ekspertët ndërkombëtarë si lumi i fundit i “egër” ne Evrope, shpallja e saj Park Kombëtar do të mbronte integritetin e këtij lumi unik në Evropë,” Guri tha.
“Ne vazhdojmë të besojmë se shpallja e Vjosës Park Kombëtar nënkupton mospranimin e asnjë dige në të gjithë pellgun ujëmbledhës të saj dhe do të vazhdojmë të mbështesim fuqimisht komunitetin në kundërshtimin e ndërtimit të HEC-eve në Vjosë,” përfundoi ajo.
Një listë prej 11 emrash të komunistëve që udhëhoqën diktaturën është nxjerrë nga arkivat sekretë britanikë me dosjen referenciale HS 5/73. Konsultimi historik i këtij dosieri lidhet me të shkuarën e tyre kriminale derisa morën pushtetin më 1945. Këta ishin emrat kryesorë, nisur që nga Enver Hoxha e Mehmet Shehu deri te ministri i Drejtësisë, Manol Konomi, i cili firmosi masivisht pushkatimet e urdhëruara.
Mehmet Shehu, që qëndroi në krah të Enver Hoxhës për 40 vjet, ka qenë një nga udhëheqësit më të egër e mizorë në diktaturë, një vrasës i stërvitur. Kjo është dëshmia që del nga arkivat sekretë britanikë rezervuar për historinë në dosjen HS 5/73, që përkon me raportime të vitit 1945, kur sapo erdhi në fuqi regjimi i Hoxhës.
Çfarë zbulohet nga ky dokumentacion është cilësimi britanik për Shehun si një krijesë e egër dhe e paskrupullt, i cili la përgjysmë shkollën ushtarake, duke u nisur në luftën e Spanjës. Nga dokumentet thuhet se Shehu u përfshi në ushtrinë komuniste spanjolle së bashku me shokun e tij Hulusi Spahiun, me të cilin u stërvitën në kryerjen e torturave dhe vrasjeve. Letrat sekrete britanike pas kësaj stërvitjeje rendisin një listë të gjatë të krimeve të Mehmet Shehut në Shqipëri, nisur nga më ordinerët deri në pabesitë e tij edhe ndaj miqve. Por më e famshmja është masakra e Selenicës, ku shpella e Kremenarit është dëshmitare e vrasjes së 63 robërve italianë, ku Shehu i kreu ekzekutimet me dorën e tij, pas torturave çnjerëzore ndaj tyre. Po ashtu në kujtesën të ashtuquajtur sekrete të arkivave britanikë pasojnë dhe krime të tjera kur një konflikt në Lushnjë mes komunistëve dhe jokomunistëve u burgosën dhe u masakruan nga Shehu 64 persona. Ndërsa një nga historisë pa precedent është vrasja dhe masakrimi i një të riu, të cilin Mehmet Shehu me dorën e tij ia sharroi të dyja këmbët, duke e lënë të vdiste nën gjak. Janë tmerre të parrëfyera këto histori, që edhe vetë britanikët si duket kanë qenë të detyruar t’i zbulojnë mjaft vonë, duke mos bërë gjë tjetër veçse duke ia zgjatur jetën diktaturës e duke lënë në errësirë sot e asaj dite shqiptarët për krimet e komunizmit.
Më poshtë botojmë të plotë gjithë dokumentin që flet për profilin e Mehmet Shehut, një prej 11 udhëheqësve shqiptarë të përfshirë në listën e zezë të drejtimit të Shqipërisë në diktaturë. Sigurisht që më mizori në këtë listë dhe me një të shkuar kriminale, arkivat britanike paraqesin Mehmet Shehu.
***
Mehmet Shehu
I lindur në fshatin Corush të Mallakastrës, ai është i biri i Ismail Shehut dhe i nipi i Sheh Aliut, që nihen si dy eksponentë të rëndësishëm të rebelimit të viteve 1914-1915, të udhëhequr nga Haxhi Qamili kundër qeverisë shqiptare të asaj kohe. Sheh Aliu, që në vetvete ishte një krijesë e egër dhe e paskrupullt, ka vrarë Hajredin Fratarin dhe Ismail Klosin, që ishin nacionalistët e njohur të provincës së Mallakastrës. Mehmet Shehu la përgjysëm shkollën e tij ushtarake dhe shkoi në Spanjë së bashku me shokun e tij Hulusi Spahiun. Atje së bashku u bënë pjesë e ushtrinë komuniste Spanjolle ku u stërvitën në kryerjen e torturave dhe vrasjeve. Ja disa nga krimet e tij nga lista e gjatë e krimeve të kryera në Shqipëri:
Ai u kthye në Shqipëri fill pas pushtimit italian dhe i grabiti 400 napolona Jonuz Nurës ( në fshatin Murtajas të Mallakastrës). Më vonë ai hyri në partinë komuniste. Pas betejes së Selenicës, ku u kapën 63 të burgosur italianë, ai i torturoi dhe i vrau të gjithë me dorën e tij, duke i treguar rekrutëve të rinj komunistë se si duhen bërë gjërat. Midis të burgosurve ishte një kapiten Italian, një ish shok i vjetër shkolle nga Modena. Ai e hoqi qafe edhe atë pasi e mbajti si të ftuar për një javë. Shpella e Kremenarit është dëshmitar i këtyre masakrave. Në një konflikt të Lushnjes ndërmjet komunistëve dhe jo komunistëve, të kuqtë burgosën 64 persona që u masakruan të gjithë nga Mehmet Shehu. Në fshatin Velçan të Mokrës ai goditi për vdekje me thikë dy nipërit e Hasan Beut. Në fshatin Corush ai torturoi dhe vrau kapitenin Idriz Drizarin. Në fshatin Cepan të Skraparit ai torturoi Seit Cepanin, të birin e Asllan Bej Cepanit duke i prerë me sharrë të dy këmbët dhe duke e lënë të vdesë në agoni. Sot një krijesë e tillë mban një post të rëndësishëm në ushtri me gradën Major-gjeneralit.
Lista e 11 kriminelëve
Një listë prej 11 emrash të komunistëve që udhëhoqën diktaturën është nxjerrë nga arkivat sekretë britanikë. Konsultimi historik i këtij dosieri lidhet me të shkuarën e tyre kriminale derisa morën pushtetin më 1945. Këta ishin emrat kryesorë, nisur që nga Enver Hoxha e Mehmet Shehu deri te ministri i Drejtësisë, Manol Konomi, i cili firmosi masivisht pushkatimet e urdhëruara. Nga arkivat shqiptarë të dhëna të tilla, mbi të shkuarën kriminale të njerëzve, përveç fakteve mbi krimet e bëra gjatë diktaturës pak njihen. Ndërsa dokumentet e arkivit britanik befasojnë me biografinë e detajuar mbi studimet, veprimtarinë, karrierën e udhëheqësve shqiptarë të pasluftës. Në krye të kësaj liste janë emrat: Enver Hoxha, Myslim Peza, Baba Faja Martaneshi, Bedri Spahiu, Kosta Boshnjaku, dr. Omer Nishani, Mehmet Shehu, Sejfulla Malëshova dhe Manol Konomi. Dokumentet britanike nuk kursejnë asgjë nga biografia e tyre, shpesh fakte e dëshmi të panjohura për publikun shqiptar që rrëfejnë arsyet pse diktatura u shndërrua në një model të krimeve.
Këto dëshmi janë shkruar në kohë reale me ngjarjet e fundluftës për ata që ishin në pushtet për atë moment në Shqipëri. Në këtë duhet marrë parasysh që shpesh përdoret termi “sot”, duke analizuar Shqipërinë përmes tyre dhe si rrjedhojë të kampeve të ngritura në këtë moment. Në atë kohë, sipas vëzhgimit të treguara në dokumente, thuhet se në Shqipëri ekzistonin grupe të ndryshme komuniste te cilat ishin në kontradiktë me njëra tjetrën dhe si rrjedhojë ishin të shpërqendruara, ndërsa Enveri këmbëngultë në bashkimin e tyre, për të formuar partinë komuniste shqiptare, etaloni i luftës së sotme për çlirim.
(Standard)
Voal – Kryeministri Edi Rama nuk ka menduar në tre mujorin e vet të këtij viti se qeveria që drejton ishte më e mira, dhe ishte e duhura për qytetarët. Madje, në mesin e marsit të këtij viti, me një email të gjatë drejtuar vetëm ministrave socialistë, ai thotë se ministrat e tij, janë bërë “arrogantë”, se njerëzit që ata i rrethojnë, janë njerëz që më së shumti po shkëpusin ministrat nga puna e përditshme, dhe ndërkaq, qyfyret për sjelljen e ministrave, janë bërë subjekt i ambasadorëve. Edi Rama, duke shkruar emailin, thotë se ministrat kanë humbur kontaktet me bazën dhe me deputetët, dhe, orëve të para të entuziazmit të qeverisjes, ua kanë lënë vendin pasditet “turkoshake” të kafeve, drekave e darkave të gjata.
Edi Rama në emailin e vet, i paralajmëron ministrat, se ky është një S.O.S dhe jo një sosje e durimit të tij. Nëse ata nuk ndryshojnë sjelljen, atëherë do të duhet të përgatiten që të lënë anijen.
Po çfarë ka ndryshuar që nga koha e dërgimit të këtij emaili të kryeministrit e deri më sot? A ka pasur ndonjë performancë të ministrave dhe drejtorëve të përgjithshëm, apo këta kanë vazhduar të jenë të njëjtit? Si është sjellja e ministrave me deputetët të cilët sipas Ramës “janë ata që janë dhe si janë”, edhe pas këtij email?
Po me “miletin”, sikurse pretendon kryeministri për qytetarët, si është sjellja e ministrave dhe a ka ndryshuar arroganca e tyre në raport me njerëzit?
“E pra, mësojeni përpara se sa të bëhet vonë sepse së shpejti do jetë vonë, që unë nuk bashkëjetoj dot me këtë situatë dhe nuk i honeps dot më reflekset e sjelljeve tuaja mbi njerëzit, qe nga shqiptarët e deri tek ndërkombetaret që kanë nisur të bëjnë humor me ARROGANCEN tuaj! Dhe nuk honeps dot më as që porositë e mia në këtë drejtim të merren si pjesë e mërzitshme e të qenit në një klasë ku fjalët e zyshës i merr era!…” shkruan Edi Rama në emailin e vet, siç meson newsbomb.al.
Që nga koha kur është bërë email, në mes të marsit, Partia Socialiste ka kaluar edhe zgjedhjet lokale, ku padyshim, ka pasur edhe rrjedhje votash. Por duket se në fund të muajit gusht, Rama shpalli një objektiv shumë ambicioz, për 150 mijë anëtarësime të reja.
“Kjo qeveri ka vetëm një armik dhe ky armik është turku që jeton brenda secilit prej jush, o mbyteni o përgatituni për të lënë anijen!!!” shkruan Rama sipas email qe disponon newsbomb.al.
Burime nga policia kanë bërë të ditur se sera shërbente për tharjen e hashashit. Bimët e asgjësuara ishin në procesin e fundit të tharjes, ndërsa ishin të varura në tela, raporton Tch.
Sipas policisë, këto bimë mendohet të kenë ardhur nga zonat e “Lumit të Vlorës” për t’u tharë në këtë serë në fshatin Bishan.
Policia në vendngjarje gjeti edhe një çifte me fishekë si dhe një vend që shërbente për rojën, i cili mësohet se është larguar menjëherë kur ka pikasur afrimin e forcave të policisë.
Po gjatë ditës së martë, Policia e Vlorë ka zbuluar edhe dy parcela në fshatin Poro, me rreth 600 bime narkotike, të cilat ishin mbjellë anës lumit të Vjosës.
VOAL – TIRANË, 8 SHTATOR – Shqipëria deri më 2013 kishte vetëm dy vatra kanabisi, një vatër të famshme në Lazarat, në juglindje të Republikës, dhe një vatër të vogën, në Mbishkodër, në veriperëndim të Republikës. Pa pikë lezeti!
Avokati Altin Goxhaj në faqen e tij në facebook ka paraqitur dy harta: njëra me sfond blu, kur në pushtet ishte PD-ja, tjetra me sfond mavi, kur në pushtet është PS-ja. Tashmë, Shqipëria e viti 2013 është shndërruar tërësisht në një vatër kanabisi, ku gjelbërimi ia ka marrë krejtësisht frymën mavisë. Eh, çfarë lezeti!
Voal – “Paqja është gjithmonë e mundshme”. “Si besimtarë jemi të thirrur ta rizbulojmë thirrjen universale të paqes së depozituar në zemër të traditave të ndryshme fetare, e atë t’ia propozojmë sërish njerëzve e grave të kohës sonë”. Kështu shkruan mes tjerash Papa Françesku në mesazhin dërguar takimit ndërkombëtar të organizuar në Tiranë nga Komuniteti i Shën Egjidit, në të cilin, nga 6 deri më 8 shtator, marrin pjesë 400 personalitete e përfaqësues të besimeve, mbi temën: “Paqja është gjithmonë e mundshme. Dialogu mes besimeve dhe kulturave”, 20 vjet pas shpërthimit të luftës së fundit në Ballkan.
Papa Françeskan thotë se mbështet zgjedhjen e këtij takimi pikërisht në Shqipëri, e kujton se nga ana e tij pati zgjedhur Shqipërinë “si të parin ndër Vendet evropiane për ta vizituar, pikërisht për të inkurajuar udhën e bashkëjetesës paqësore pas persekutimeve tragjike që pësuan besimtarët shqiptarë gjatë shekullit të kaluar”.
“Është e nevojshme të ripohohet” se paqja është gjithmonë e mundshme, shkruan Papa, “sidomos sot, ndërsa në disa pjesë të botës duket se mbizotërojnë dhuna, persekutimet dhe shkeljet e të drejtave kundër lirisë fetare, së bashku me dorëzimin përballë konflikteve që zvarriten. Nuk duhet të dorëzohemi kurrë para luftës!
E nuk mund të rrimë indiferentë përballë atij që vuan nga lufta e dhuna. Për këtë arsye kam zgjedhur si temë të Ditës së ardhshme Botërore të paqes: ‘Mposhte indiferencën e fitoje paqen’. Por është pikërisht dhuna – nënvizoi Papa Françesku – ajo që ngre e mure dhe krijon pengesa për të ndalur atë që kërkon një vend paqeje. Është dhuna që kthen mbrapa atë që ikën prej kushteve çnjerëzore me shpresën në një të ardhme më të mirë.Është dhuna që flak larg fëmijë e të moshuar nga shoqëria e nga vetë jeta! Është dhuna që zgjeron hendekun ndërmjet atij që i çon damë tepricat e pasurisë dhe atij që cilit i mungon e domosdoshmja!” për jetës.
Pohimi “të mbështetësh paqen është gjithmonë e mundur – argumenton Papa- nuk është një pohim naiv, por shpreh besimin tonë se asgjë nuk është e pamundur për Hyjin. Sigurisht, prej nesh kërkohet një përfshirje dhe angazhim si personal e po kështu edhe nga komunitetet tona për punën e madhe të paqes. Uroj që nga toka e Shqipërisë, toka e martirëve, të nis një profeci e re e paqes. Bashkohem me ju të gjithë, në mënyrë që, në varietetin e traditave fetare, të mund të vazhdojë të jetojë pasioni i përbashkët për rritjen e bashkëjetesës paqësore ndërmjet të gjithë popujve të tokës”/RV
TIRANË – Një vendim i drejtësisë italiane, ku deputeti socialist Arben Ndoka dënohet me 7 vjet dhe 27 ditë burg, me akuzën për ushtrim prostitucioni dhe trafik droge, e ka detyruar, më në fund, atë të heqë dorë nga mandati i deputetit.
Partia Demokratike kishte kohë që këmbëngulte edhe për rastin e Ndokës dhe raste të tjera në shumicën qeverisëse aktuale, ku deputetët dhe zyrtarët e lartë kanë kryer krime në vende të tjera dhe janë në ndjekje nga drejtësia e huaj.
TIRANË – Partia Socialiste humbet edhe një deputet. Arben Ndoka, deputeti i qarkut Lezhë ka vendosur të heqë dorë nga mandati i tij. Vendimi i tij bëhet i ditur përmes një letre të hapur drejtuar kolegëve të grupit të Partisë Socialiste.
Në këtë letër, Ndoka tregon problemet e tij me drejtësinë italiane, e cila e ka akuzuar për favorizim prostitucioni dhe pengmarrje. Ai thotë se pas burgut në Itali, është rikthyer në Shqipëri ku ka rinisur jetën me shumë vështirësi. Mes rreshtave të letrës, Arben Ndoka betohet për “jetën e dy vajzave të mia” se nuk ka të bëjë me akuzat që rëndojnë ndaj tij.
Ai i kërkon falje grupit të PS-së për akuzat që kanë ardhur dhe problemet që janë hapur për shkak të tij. Arben Ndoka deklaron se do të vazhdojë betejën ligjore me shtetin italian për të fituar pafajësinë. Arben Ndoka do të zëvendësohet nga Eduart Ndocaj.
LETRA E PLOTE
E ndjej për detyrë ndaj jush t’ju jap një shpjegim që dua ta bëj edhe publik. Unë jam një njeri që jeta nuk më ka ardhur asnjëherë e lehtë. Ajo ka nisur në Skuraj, një fshat i Kurbinit, ku bëra katër vitet e para të shkollës. Isha nxënësi më i mirë në shkollë dhe fotografia ime ishte në tabelën e të dalluarve. Por, si fëmijë i një familjeje kulakësh në fund të vitit nuk më jepnin fletë-lavdërimi.
Ishim të varfër po asgjë nuk më bënte përshtypje më shumë se sa ky diskriminim. Pastaj zbritëm në Lezhë, ku bashke me prinderit dhe vellezerit ndertuam nje shtepi te vogel me gure. Ne Lezhe nuk isha me i dalluar ne mesime sikur ne Skuraj sepse u dhashe krejt mbas sportit. Me 6 mars te vitit ’91 plasi eksodi dhe une ika me anije nga Shengjini per ne Itali. Isha 16 vjec e gjysme. Pas 23 ore udhetim mberritem ne Itali. Qendrimi im atje zgjati vetem 6 muaj dhe bashke me rreth 50 minorene na rikthyen neper shtepia.
Ne vitin 1993 iku vellai. Pak me vone e mora prape rrugen me skaf dhe u bashkova me tim vella qe punonte ne nje fabrike hekuri. Pas pak kohesh qe ishim bashke vellai u rikthye ne Shqiperi, ndersa une vazhdova te rri atje. Nje dite vellai vjen prape ne Itali dhe i telefonon nje djali nga Lezha, i cili kishte makine. I thote qe te shkonte ta merrte ne Lege, sepse kishte djegur kemben gjate udhetimit me skaf dhe as ne kembe nuk rrinte dot. Erdhi tek une me nje vajze me te cilen kishte nje lidhje.
Ata qendruan tek shtepia, ku une jetoja perafersisht nje jave dhe pastaj shkuan ne Rome tek nje shok i vellait, Nga ai moment humba dhe kontaktet me ta. Ne ate kohe s’kishte telefona si sot dhe ne shqiptaret mblidheshim ne nje klub te dielave per t’i telefonuar familjeve. Me vone mesova qe vajza ishte lidhur me nje punonjes policie. Ai mbi bazen e nje denoncimi të saj kishte sajuar nje kontroll ne shtepine e vellait dhe ne proces-verbalin e kontrollit ishte shkruar qe ne shtepine e tij u gjeten 1000 dollare fallso dhe nje peshore droge. Ne fakt ishte e sajuar kjo gje.
Nga lidhja e vajzes me policin qe u nda edhe nga gruaja per te bashkejetuar me te, taksirati yne s’pati fund. Me ndalojne edhe mua sepse sipas policise duhet te jepja sqarime pse i kisha mbajtur ata te dy nje jave ne shtepi. Kur doli vellai ne gjyq gjykatesi kerkoi provat materiale qe ne fakt nuk dolen askund, as peshore droge as dollare fallso. Akuzat mbeten pezull dhe im vella doli ne hetim te lire. Kohe me vone, krejt rastesisht, bashke me nje shokun e tij i cili sot punon ne Kolsh te Lezhes, vellai ndeshet ne rruge me policin italian dhe me kete vajzen. Qe te dy (vellai dhe shoku i tij) i kerkojne vajzes qe te bisedojne. Im vella ishte shume i dashuruar me vajzen dhe ajo dite mbyllet me sherr me italianin.
Por vajza e kishte bere zgjedhjen e vet me policin italian; ai sherr ka nxitur sulmin fatal mbi tim vella qe solli pasojen fatale per mua. Cfare e ka sajuar polici, vajza e ka firmosur dhe ceshtja ka shkuar e renduar sa s’ka ne kanalet gjyqesore.
Nga e gjithe kjo histori qe u mundova ta permbledh sa me qarte, mua me kane mbetur peshqesh ne mungese dhe ne padijeni totale, 3 vjet e 6 muaj per favorizim prostitucioni (per faktin qe ata te dy kane qendruar ne shtepine time nje jave, e cila per te mos krijuar keqkuptime sqaroj se ishte e nje djali qe punonte me mua ne furre buke me te cilin ndanim qirane) dhe 4 vite per rrembim personi.
E di edhe vete se cfare filmi i pabesueshem per jeten reale mund t’ju duket kjo qe po tregoj. Po kjo eshte thjesht e verteta dhe vetem e verteta ime qe betohem ne jeten e te dyja vajzave te mia, s’kam pasur as gisht ne ndonje favorizim prostitucioni apo rrembim personi, as dijeni per nje gjyq te tere te bere pa pranine time. Kaq e vertete eshte kjo sa mjafton te pyeten familjaret e vajzes, me të cilet ruaj sot e gjithe diten nje marredhenie familjare.
Une pas 7 muaj qendrim gjithsej ate kohe ne Itali kam marre kursimet e punes dhe kam blere nje makine me te cilen jam kthyer ne Shqiperi. Kam vazhduar shkollen e mesme ne Lezhe pasi e kisha Iene ne vit te pare kur ika ne ’91-shin ne Itali e s’isha marre me. Bera dy shkolla te mesme, gjimnazin dhe nje agronomi me korrespondence. Isha i fejuar dhe pas dy vitesh u martova.
E kam filluar punen ne Shqiperi si menaxher i nje biznesi te vogel dhe me vone kam filluar pune ne Garden e Republikes. Pastaj me moren në Drejtorine e Pergjithshme te Policise Ndertimore. Ne kurthin e ngritur nga italiani per tim vella, i cili theksoj nuk u denua asnjehere, une rashe befasisht shume me vone. Gjithcka ndodhi kur me disa miq vendosem te ikim ne Itali per te festuar ditelindjen e Ramadan Hasanajt, ish-deputet i Partise Socialiste. Une dhe djali i tij qe jetonte ne Padova, jemi shoke qe te vegjel dhe kjo me shtyu me shume per te shkuar. Sqaroj se ne Itali kisha shkuar shpesh dhe krejt normalisht. Qendruam 7 dite me shokun tim dhe ne kthim, ne momentin e kalimit doganor ne aeroportin e Milanos, emri im del ne kompjuter si person me precedent!
Polici qesh dhe thote: “Prit pak ta verifikojme se nuk besoj te jesh ti!” (me siguri ka pasur parasysh faktin se nje shqiptar i denuar me akuzat e mia, nuk mund te jete aq budalla sa te kaloje serbes ne aeroport ku cdo pasaporte verifikohet ne kompjuter. Une pa diskutim mendova se ishte nje ngaterrese qe do zgjidhej, po pritja ime zgjati tre dite ne aeroport. Pas tre ditesh me komunikojne 7 vjet e 6 muaj denim gjithsej!
Dy denime te bera bashke! Vdekja do kishte qene shume me e lehte! Nusja e vajza qe i kisha ne Tirane u kthyen menjehere tek baba ne Lezhe. Bera transferimin e dosjes me idene qe do te mbaroja shpejt, por ajo zgjati gati tre vjet. E kote tju lodh me pershkrimin e ferrit shpirteror brenda mureve te nje burgu, ku me kishte nderprere jeten nje padrejtesi ekstreme. Mbijetova me stervitje te forte fizike dhe libra qe lexova sa ne gjithe jeten time bashke.
Kur dola i lire nuk kisha leke te jetoja. Askush ne bote nuk e kuptonte hallin qe me hante gjalle nga brenda. Doja te vazhdoja shkollen e larte me cdo kusht, te cilen me pas e mbarova me shume sakrifica. Nisa me biznes te vogel derisa krijova nje rrjet modest lokalesh, ku luhej bilardo, me fitimet e te cilave erdha me vone ne Tirane, ku hapem firmen e duraluminit qe me krijoi pune ne te gjithe vendin.
Kam punuar edhe si drejtor i Drejtorise se Ekzekutimit dhe me pas si drejtor i Drejtorise se Inspektimit Teknik ne INUK. Kjo eshte jeta ime reale. Me falni shume per gjithe keto rreshta, po sidomos per sikletet qe ju kane ardhur nga une. Ju rrefeva jeten time ashtu si munda, sepse nuk dua qe te iki, duke ju lene te mendoni se une jam ai krimineli qe ka merituar ate denimin e rende. E verteta ime mua nuk me vlen, une jam nje njeri i denuar nga fati po dhe i denuar qe te mos besohem si i tille. Kam shume shprese qe t’ju vleje juve per te mos u ndjere keq qe me keni pranuar mes jush dhe nuk me keni lene te ndjehem i vetmuar, kur me kane sulmuar egersisht.
Por, ju te gjithe miq deputete, qeveria jone dhe Partia Socialiste nuk keni pse te viheni ne siklet asnje dite me shume nga prania ime. Une ju kam borxh ju ne radhe te pare, po dhe gjithe atyre qe jane me kete parti, ndjekjen deri ne fund te betejes ligjore ne Itali apo ne Gjykaten e te Drejtave te Njeriut po qe nevoja per te gjetur drejtesi per emrin tim.
Lus Zotin te me ndihmoje qe t’ia dal t’ju sjell si prove te vertetesise se kesaj letre, vendimin e nje gjykate te po atij vendi ku jeta ime u nxi sa nuk thuhet. Sepse e di qe nje vendim gjykate ketu ne Shqiperi nuk do ta besonte askush! Do te mbetem nga larg salles se parlamentit nje mbeshtetes besnik i perpjekjeve qe ju beni ne ate salle me disa kriminele te vertete te ketij vendi dhe ma beni hallall çdo siklet qe kaluat per hatrin tim ne keto dy vjet betejash per te nxjerre Shqiperine nga llumi ku zhyten kriminelet e vertete.
TIRANË – Mediat në kryeqytetin e Shqipërisë thonë se deputetja Mesila Doda është përjashtuar nga Grupi Kuvendor i Partisë Demokratike. Ndaj saj është marrë masë disiplinore për shkak të kritikave sistematike në drejtim të kreut të PD-së.
Në seancën e sotme plenare, e cila hap sesionin vjeshtor të Kuvendit, zonja Doda nuk është ulur në bankat e parë, por është zhvendosur në radhët e prapme. Ajo tashmë është pjesë e Grupit Kuvendor të PDIU, Parisë për Drejtësi, Integrim dhe Unitet – partisë së çamëve.
Në nisje të seancës ka qënduar në krah të kryetarit të PDIU-së Shpëtim Idrizi.
Gazetari Basir Çollaku intervista e të cilit me Dritan Zaganin u censurua nga News24 dhe GSH për shkak të presionit të politikës reagon sot në faqen e tij në Facebook:
“Jam une deshmitar i censures z. minister Tahiri. Presion nga ju dhe z. Kryeminister.
Lexova reagimin e gjate te z Sajmir Tahiri, meqe jemi friends ne FB, te mundesia e Markut. Nder te tjera z minister thoshte se “..sot ne Shqiperi nuk ka asnje informacion qe mund te censurohet, nuk ka asnje komunikim me publikun qe mund te bllokohet, nuk ka asnje media qe mund te kercenohet..”
Jo z. Minister. Mos e teproni me garanci per te cilat keni kontribut personal se mungojne.
Une jam bllokuar ne nje media News 24 dhe gazeta Shqiptare per te publikuar vijimin e nje interviste problematike per ju dhe te tjere rreth jush.
Dhe kjo, jo se kjo media e beri me vullnetin e saj, por siç miqesisht dhe me inat ta thone koleget fale presionit e dhunes se pushtetit.
Presion nga ju dhe Kryeministri. Të tjerat jane telenovela partie per hesapin tuaj.”
Përfundon statusin e tij në Facebook gazetari Basir Çollaku
Gazetari Artan Hoxha, duke folur për News24 ka dhënë detaje lidhur me konfliktin e ndodhur në Lac, duke thënë se në vendngjarje janë përdorur dy armë dhe se gëzhojat nuk kanë dalë të pistoletës me leje që ka Armando Prenga.
Sipas Hoxhës, arma nga ku kanë dalë gëzhojat nuk është me lejedhe se grupi hetimor nuk e ka këtë armë.
Artan Hoxha thekson se armët që ndodhi plagosja e vëllezërve Cali nuk ndodhen në duar të grupit hetimor.
“Në këqyrjen e bërë në vendin e ngjarjes janë gjetur 4 gëzhoja model 56 dhe pesë gëzhoja fishekësh model 54. Sot ka dalë avokati i deputetit dhe ka paraqitur një lejearme. Sipas kësaj leje, deputeti Armando Prenga është pajisur me këtë leje më datë 26 janar 2015, pra të këtij viti. Dhe bëhet fjalë për armë pistoletë tip Berretë, e kalibrit 9 mm dhe kjo armë i është vënë në dispozicion grupit hetimor. Nga kjo armë që është me leje, rezulton se asnjë gëzhojë e dalë nga kjo armë nuk është gjetur në vendin e ngjarjes. Kjo do të thotë se në vendngjarje janë përdorur dy armë pa leje, të cila duhet të jenë përdorur për të plagosur vëllezërit Cali”, ka thënë Artan Hoxha.
“Ne na vrau Armand Prenga dhe policia”. Gjergj Cali, 55 vjeç, është një prej personave të përfshirë në përplasjen e armatosur mesnatën e së premtes në Kurbin.
Pas disa orësh nga ngjarja, atij iu vunë prangat në Spitalin Ushtarak, ku po mjekohej për plagët e marra. Për Policinë, ai akuzohet për plagosje të rëndë me dashje dhe mbajtje pa leje të armëve të ftohta. Duke folur për “abc news” nga spitali, Cali rrëfen versionin e tij të ngjarjes, duke akuzuar direkt deputetin Armando Prenga se u ka drejtuar dhe qëlluar me armë. Akuza direkte shkojnë dhe mbi policinë e Laçit, që sipas tij nuk i mbrojti.
Çfarë ndodhi konkretisht?
Deputeti Armando Prenga gjuajti një orë para se të ndodhte përplasja e madhe mbi djalin e axhës tim. Atëherë kam marrë në telefon drejtorin e Policisë së qarkut Lezhë, duke i kërkuar ndihmë për çfarë kishte ndodhur. Ai më ka thënë se është shkarkuar nga detyra dhe se duhej të telefonoja te numri 129.
Pas tre herësh mezi ma kanë hapur telefonin. U thashë që jam Gjergj Cali, kryeplaku i fshatit Patok. Ka ndodh një ngjarje e rëndë, ju lutem na eliminoni ndonjë gjakderdhje.
Na çoni policinë në ndihmë. Kanë ardhur te qendra e punës sonë në Patok dhe u kemi treguar vendin ku ishte qëlluar djali i axhës. U kemi thënë: Ju lutemi shumë, mbasi nuk jeni të zotë, mos na çoni në Laç për të na rrezikuar. Na çoni në Tiranë. Do të shkojmë në Tiranë të bëjmë kallëzim penal. Na kanë thënë: Hajdeni në policinë të Laçit se ju mbrojmë ne.
Kur ndodhi përplasja masive mes jush dhe palës tjetër?
Kur kemi shkuar në policinë e Laçit dhe sa kemi arritur, djalin e axhës e kanë futur brenda, ndërsa ne të tjerët na kanë nxjerrë jashtë. Për tre minuta ka ardhur grupi i tyre dhe kanë hapur zjarr kundër nesh, si mbi bagëti.
Kush ju qëlloi konkretisht?
Deputeti Armand Penga i pari dhe pastaj ata që kishte me vete. Deputeti e ka pas pistoletën të hapur kur na e drejtoi neve. Dy kushërinjtë e mi janë plagosur me plumba në këmbë. Njërit ia kanë nxjerrë plumbin, tjetrit jo. Unë kam plagë në fytyrë e vëllai im në vesh. Kështu jemi të gjithë.
Ka reaguar policia kur u konfliktuat ju?
Jo, fare. Policia nuk ka dashur të ndërhyjë se ndryshe nuk do ishte bërë kaq keq. Na kanë kërcënuar e gjuajtur në zyrat e policisë së Laçit e në spital. Të thonë ndryshe, por kanë 3 kile gjak brenda në zyrat e policisë.
A keni qenë ju të armatosur? Sipas Policisë, keni pasur armë me vete kur u përplaset me palën tjetër…
Sikur të kisha pasur armë po, po nëse do të kisha qenë i armatosur, nuk do të isha bërë copash nga fytyra e duart.
Si ndiheni tani?
Unë jam jashtë rrezikut për jetën, bashkë me vëllezër e kushërinj.
Pse akuzoni deputetin Prenga?
E thashë se ai ishte me armë. Ai qëlloi i pari kundër nesh e më pas nja 20 veta të tjerë që kishin automatik me vete. Pas atij, ishte dhe policia, që nuk arriti apo nuk donte të ndërhynte për të na mbrojtur.
Pas konflikteve që u bënë publike këtë të shtunë mes deputetit të PS-së Armando Prenga dhe anëtarëve të familjes Cali në Patok të Laçit, të tjera incidente janë shënuar mes tyre pak ditë më parë.
Paraditen e djeshme, vëllai i deputetit Prenga është konfliktuar me fjalë me pjesëtarë të familjes Cali. Ndërkohë që mbrëmë në darkë vonë, deputeti Armando Prenga ka shkuar vetëm te lokali i familjes Cali në Patok.
Lokali ka qenë i mbyllur dhe jashtë tij ka qenë vetëm roja. Prenga ka nxjerrë pistoletën ka thyer xhamin me qytën e armës ka hyrë brenda dhe ka shkatërruar edhe disa sende brenda lokalit. Roja është larguar dhe ka njoftuar njërin nga familjarët Cali.
Më pas, familjari ka shkruar me makinë për të komisariati i Laçit për të kallëzuar dëmtimin e lokalit nga Armando Prenga. Në kohen që kanë hyrë për kallëzimin roja dhe pronari Cali, para komisariatit janë grumbulluar palët.
Nga dëshmitë dhe hetimet rezulton se të plagosurit kundërshtarë të Prengës, janë dëmtuar e plagosur ose me armë, ose të goditur me qytën e armës, ndërkohë që të afërmit të Prengës janë dëmtuar vetëm nga goditje me thikë dhe sende të forta.
Kështu thotë gazetari investigativ Artan Hoxha, që drejton emisionin “Xhungël” në një dalje tek News24 më 21 gusht, pra gati dy javë më parë, se si kriminelët dhe narkotrafikantët kanë kapur kokat e policisë së shtetit. A përkon kjo që thotë Artan Hoxha me ato që pohon ish-shefi i antdrogës Dritan Zegani, intervista e të cilit u censurua pikërisht nga News24 dhe GSH, ku punon si gazetar investigativ Artan Hoxha. Voal e ka botuar të plotë edhe intervistën e Dritan Zaganit, marrë nga gazetari Basir Çollaku, tani po ju sjell edhe ato që ka thënë Artan Hoxha, për t’ja lënë opinionit publik që të gjykojë vetë.
Në linkun poshtë keni intervistën e Dritan Zaganit dhe pastaj edhe prononcimin e Artan Hoxha bërë tek News24 më 21 gusht 2015.
* Operacionet anti-kanabis do të dështojnë dhe këtë vit nëse nuk goditen kokat e narko-trafikut
* Policia dhe prokuroria të tentojë të hyjë brenda radhëve të organizatorëve dhe të ndëshkojë policët e implikuar
* Operacioni në Kavajë, pati të shtëna armësh, u gjetën frigoriferë, tenda e gjeneratorë
TIRANË- Gazetari investigativ, Artan Hoxha ka zbuluar një sërë të dhënash të pabëra më parë publike në lidhje me operacionet anti-kanabis të policisë dhe kultivimit të bimëve narkotike në vend. Në studion e Opinion në Neës24, Hoxha tha se policia po punon mirë, por se nuk po goditet kokat e trafikut të marijuanës.
Ai tha se në zonën e Dukagjinit këtë herë po përdoret taktikë tjetër për zbulimin dhe asgjësimin e bimëve narkotike, çka ka sjellë edhe rezultate pozitive.
“Operacioni në zonën e Dukagjinit ka hyrë në ditën e katërt. Rezultatet pozitive, sasi e madhe është korrur. Mbi 35 mijë rrënjë. 480 forca FNSH, RENEA, të Shkodrës në mbështetje.
Këtë radhë u ndoq taktikë tjetër. Hyrja në zonë më parë është bërë gjatë orëve të mesditës, kësaj here u kapën pikat strategjike. Në mënyrë që kur të hynte policia të mos kishte kohë për reagim. Ndërhyrja është bërë sapo ka zbardhur dita, ka nisur operacioni. Forcat snajperiste me helikopter. I janë krijuar mundësitë policisë që të mos vihet nën zjarrin e atyre personave. Të gjithë trupat që janë në operacion nuk kthehen në shtëpi por flenë në mal”, tha Hoxha.
Sipas tij, shtrirja e kultivimit të kanabisit në çdo rreth të vendit edhe aty ku nuk është mbjellë më parë tregon se goditja e Lazaratit ishte goditje e sipërfaqes dhe jo e kokave të narko-trafikut. Hoxha tha se i gjithë territori i vendit është kthyer në një hambar për kultivimin e bimëve narkotike.
“Shtrirja e bimës narkotike uniformë në të gjithë vendin. Sasia e madhe e lëndëve narkotike në të gjithë territorin, tregon se trafikantët e vërtetë nuk u goditën në Lazarat, u godit vetëm sipërfaqja. Duke mos u goditur kokat kryesore në Lazarat dhe duke e ditur që ata që e kontrollonin Lazaratin. Nuk ishin lazaratasit, por persona të tjerë, ata kanë krijuar sot këtë situatë”, tha ai.
Autori i emisionin “Xhungël” ka zbuluar detaje edhe për operacionin e policisë në Kavajë, ku u asgjësuan 6500 bimë narkotike si dhe 12 thasë me lëndë të thatë. Ai tha se ka pasur të shtëna me armë zjarri dhe se në vendin ku është gjetur lënda narkotike janë gjetur pajisje dhe infrastrukturë e posaçme.
“Kanabisi në të gjithë vendin duke filluar që nga qarku i Vlorës, Gjirokastrës, Fierit, Durrësit, etj. Çudia më e madhe në qarkun e Tiranës. Çudia më e madhe ajo që ka ndodhur mbrëmë natën në Kavajë. Në një patrullim është qëlluar me armë. Policia është larguar dhe ka raportuar. Është hartuar një plan masash. FNSH-të nga Tirana kanë shkuar në mëngjes dhe pasi kanë ecur 40 minuta më këmbë kanë gjetur 6500 rrënjë kanabis të mbjellë, më shumë se 2 ha. E gjithë zona ruhej me vend roje. Po ashtu janë gjetur edhe dy tenda të mëdha, një për procesin e tharjes dhe një kur qëndronin personat. Aty janë gjetur pije freskuese, frigoriferë, gjeneratorë silenciatorë. Një infrastrukturë e tyre. Është e cuditshme kur qarku i Tiranës është krehur 3 herë më parë. Çfarë tregon kjo? Kjo tregon që mesa duket lufta ndaj narkotikëve edhe këtë vit nuk ka për t’ia arritur qëllimit nëse nuk goditen trafikantët e mëdhenj. Policia dhe prokuroria të tentojë të hyjë brenda radhëve të organizatorëve dhe të tentojë të ndëshkojë të gjithë policët, drejtuesit që janë të implikuar. Është e pamundur që në qarkun e Tiranës dhe Durrësit të mbillen sasi kaq të mëdha pa patur garanci”, tha Hoxha.
Sipas Hoxhës, kanabisi nuk mbillet nga fermerë dhe fshatarë të thjeshtë pasi tashmë kultivohet edhe në zona ku nuk ka ujë dhe i krijohet infrastruktura e nevojshme, çka kërkon shpenzime dhe një kosto relativisht të lartë. Duke u ndalur tek kostoja, Hoxha tha se këtu hyn edhe pagesa që trafikantët u bëjnë drejtuesve të policisë, duke treguar se për një rrënjë të mbjellë paguhet 40 euro.
“Kanabisi mbillet edhe në zona ku nuk ka ujë, pasi krijohet infrastruktura me mjetet e duhura, gjeneratorë. Në veri policia ka gjetur me kilometra të tërë tubacione. Nuk janë mbjellë nga fermerë e fshatarë por nga grupe kriminale që kanë financuar për kultivimin e këtyre bimëve, që kanë shpenzuar para dhe madje kanë korruptuar edhe drejtues të policisë. Për një rrënjë të mbjellë trafikantët paguajnë drejtuesit e policisë 40 euro. Duke parë në këtë tërësi, trafikantët kanë mbjellë sipërfaqe që ato i quajnë të humbura, domethënë i falen policisë. Qeveria pretendon që 70-80 % të sasisë e ka korrur sikur edhe 10% të shpëtojë justifikon gjithë koston e mbjelljes dhe u krijon mundësinë për të mbajtur linjën e trafikut ndërkombëtar”, deklaroi Hoxha.
Në lidhje me uljen e sasisë së kanabisit që del nga Shqipëria drejt tregut ndërkombëtar të narkotikëve, Hoxha tha se kjo vjen pasi ende nuk është korrur bima e re.
“Në 24 orët e fundit janë raportuar 2 raste të kanabisit të ardhur nga Shqipëria. Kanabisi i ri ende nuk është korrur. Rasti i Kavajës, u gjetën 12 thasë me kanabis të vitit të kaluar. Pjesa më e madhe e produktit është shitur. Produkti vjen në fundin e gushtit, në shtator dhe rezultati duket në tetor, nëntor. Duke patur parasysh këtë situatë ndaj nuk kemi patur raste nga vendet partnere të kapjeve. Për të asgjësuar një parcelë duhet një ditë e tërë për një skuadër policie. Çdo ditë raportohen sasi të kapura por jo autorë, kjo do të thotë se këta autorë do të jenë prezentë sërish vitin tjetër”, tha ai.
Intervista e paçensuruar e ish- Shefit të Antidrogës. Lidhjet e krimit me politikën dhe kokat e policisë
Në respekt të fjalës së lirë, interesit publik dhe njohjes të së vërtetës dhe në respekt dhe solidaritet me punën investiguese të gazetarit Basir Çollaku, voal.ch e boton nga lapsi.al të plotë intervistën e Dritan Zeganit. Kjo intervistë u la përgjysmë nga News 24 dhe Gazeta Shqiptare, për shkak të presionit qeveritar. Edhe pse gazetari Çollaku kishte një marrëveshje paraprake me televizionin News 24 dhe Gazetën Shqiptare, në momentet e fundit është urdhëruar nga qeveria të mos transmetohet intervista e Dritan Zaganit:
Intervista e plote ne Vlorë bërë më 24 korrik 2015
INTERVISTA E PLOTE
Si nisi karriera juaj në Policinë e Shtetit?
Kam mbaruar shkollën e Ministrisë së Brendshme, degën e policisë në vitet, ‘93-‘94, por duke qenë brezi i fundit i sistemit katërvjeçar të kësaj shkolle, vitin e fundit e kemi kryer në korrespondencë dhe në vitin 1993, jam titulluar oficer policie, me detyrë konkrete inspektor i sektorit të policisë kriminale në komisariatin e policisë Tropojë. Detyrë funksionale, që e kam kryer deri në nëntor të vitit 1996, muaj në të cilin me kërkesën time jam transferuar nga ky komisariat, për në komisariatin e policisë Vlorë. Nga komisariati policisë Tropojë në atë të Vlorës kam ardhur me ndryshim funksioni organik dhe jam emëruar një sektor tjetër, me detyrë specialist i luftës kundër narkotikëve.
Sa qëndruat në këtë detyrë?
Nga ai vit deri në vitin 2000 kam qëndruar në këtë drejtori si specialist. Në vitin 2000 jam shkëputur nga policia për nëntë vite, kohë në të cilën kam qenë emigrant ekonomik në Itali.
Përse u larguat nga detyra?
Ka qenë një urdhër i ministrit të asaj kohë, urdhër në vitin 2009, të cilin nuk e gjeta asnjëherë, me motivin se kisha kaluar kufirin shtetëror në mënyrë të jashtëligjshme. Ndërkohë unë kisha shkuar në Kosovë, në vitin 1999, për motive private, vit në të cilin edhe ishin hapur kufijtë dhe isha kthyer. Ishte më tepër një sebep për t’u hequr nga puna. Pas konflikteve që pata edhe me drejtuesit e asaj kohe në Vlorë, të së njëjtës linjë në raport me punën.
Kur u rikthyet?
Jam rikthyer në gusht të vitit 2009, jam kthyer nga Italia, dhe më 1 mars të vitit 2010, pas kërkesës sime për t’u rikthyer në polici, ka dalë urdhri i drejtorit të përgjithshëm, ku jam emëruar me detyrë përsëri në sektorin e Antidrogës, në Drejtorinë e Policisë Vlorë. Detyrë që e kam kryer për 2 apo 3 muaj deri në një moment ku me kërkesën time u transferova nga eprorët nga Srejtoria e qarkut Vlorë, në Drejtorinë e Kufirit po në Vlorë. Me detyrën e shefit të seksionit të hetimit të krimit në kufi, detyrë të cilën e kam kryer deri në tetor të vitit 2012, kohë në të cilën pa kërkesën e dijeninë time më ka dalë urdhri i transferimit nga Drejtoria e qarkut Vlorë, për në Drejtorinë qarkut Fier, si specialist i qarkullimit rrugor.
Përse?
Ka qenë një periudhë parazgjedhore, ishte disi e vështirë situata në lidhje me trafiqet e paligjshme, që zhvilloheshin kryesisht nëpërmjet detit dhe sidomos në zonën që unë mbuloja, Fier, Vlorë, Sarandë, zona e bregdetit e cila mbulohet nga Drejtoria Rajonale e Kufirit Vlorë, ku unë isha shef i seksionit të hetimit për gjithë këtë vijë bregdetare.
Sa zgjati?
Aty punova disa muaj si specialist qarkullimi, jashtë profilit të specializimit tim. Me kërkesën time, drejtori i qarkut Fier më miratoi largimin nga ky sektor dhe më komandoi në sektorin kundër krimit të organizuar.
Ndodhën ndryshime?
Po në vend të zotit Bozhaj, në Fier vjen drejtor i policisë së qarkut, Ervin Hodaj, i cili vinte pas një karriere të gjatë në Drejtorinë e Përgjithshme në sektorin Kundër Drogës.
Reformë?
Pas reformës së përfolur aso kohe pas ndryshimeve të pushteteve, drejtori Hodaj më thërret në zyrë dhe më thotë se kam vendosur të të riemëroj në atë detyrë, pasi kam pyetur dhe kam informacionin se ti mund ta bësh shumë mirë këtë detyrë të rëndësishme, duke më thënë se isha në aftësitë profesionale cilësore dhe më kërkon që të punonim së bashku sa më fort në Fier.
E nisët me vrull?
Jo, nuk e mora me eufori, pasi isha i sapoardhur në Fier dhe nuk e njihja zonën dhe terrenin aq mirë sa e njihja në Vlorë, ku kisha ushtruar aktivitetin tim profesional prej shumë kohësh. I thashë shefit se do bënim maksimumin, por i thashë gjithashtu që informacioni im ishte i shumtë për Vlorën.
Drejtori çfarë ju tha?
Nuk ka rëndësi se ku godasim, rëndësi ka të kemi rezultate konkrete dhe të godasim bazën e trafikut të drogës. Dakord i thashë drejtorit, e pranoj këtë sfidë dhe do të bëjmë maksimumin.
Si e nisët operacionin e parë?
Po e nisa me një informacion konkret për rrethin e Vlorës dhe i thashë shefit se kam një informacion shumë të fortë, që po punojnë shumë trafikantët si në drogat e lehta që ishte kanabis me origjinë nga Lazarati, po ashtu edhe në drejtim të trafikut të drogave të rënda.
Kanabis vinte nga Lazarati?
Po, vinte nga Lazarati dhe trafikohej në drejtim të Italisë dhe Greqisë, por kryesisht në Itali. E gjithë ngarkesa vinte nga Lazarati, bëhet fjalë për vitin 2013, kur unë u riemërova në detyrë në sektorin e Antidrogës në Fier.
Ishte vetëm një grup?
Jo, ishte një linjë e cila funksiononte shumë mirë për trafikantët dhe ishin disa grupe që funksiononin dhe janë ende të pagoditur dhe me një mbështetje logjistike shumë të fortë, sipas informacioneve që kisha unë dhe kolegët e mi.
Për çfarë fliste konkretisht informacioni juaj?
Fliste për një grup kriminal që transportonte tonelata marijuane nga brigjet detare me gomone, me një gomone të fuqishme, e cila mbahej në Greqi dhe vinte nëpërmjet detit deri në Borsh, në Palasë dhe ku të mundej ngarkohej, nga Llogaraja deri në Borsh, në këtë vijë bregdeti ngarkohej me drogë. Minimumi i ngarkesave ishte 1 dhe 1.2 tonë, por kam pasur të dhëna deri në 1.7 tonë një gomone 12 metra e gjatë.
Po ku merrej droga?
Sipas informacioneve të mia, trafikantët e kishin ngritur punën dhe e transportonin drogën nga Lazarati në Borsh. Pjesën më të madhe të transportit të drogës e bënin nëpërmjet linjës Gjirokastër, Fier, Vlorë nëpërmjet autostradës, por unë kisha të dhëna që e kanë sjellë edhe nga Saranda. Gjirokastër, Sarandë, Vlorë.
Sa shpesh trafikonin në këtë linjë drogë këto grupe kriminale?
Në atë periudhë, nëntor 2013 deri në maj 2015, ku unë isha në detyrë, të fiksuara janë shtatë rrugë. Ky grup ishte i mirorganizuar edhe si logjistikë, edhe si financim.
Ç’përfaqësonte ky grup?
Ky grup përfaqësonte një grup kriminal shumë të fuqishëm, me mbështetje të madhe edhe nga kolegët e mi.
Po thoni se grupi kishte në përbërje dhe ndihmohej nga policia?
Shumë të fortë e të fuqishëm në atë kohë dhe sipas informacioneve të mia, ende edhe sot.
Deri në çfarë niveli ishin të implikuar policët?
Homologu im i Vlorës, në një bisedë që unë kam zhvilluar me të gjatë kohës që isha në Fier, ku i thashë se kam të dhëna se x person, për një person që njihej për drejtuesin e këtij grupi dhe pronarin e mjetit si një nga skafistët me të mëdhenj të Vlorës, që po bën një aktivitet shumë të fortë në drejtim të trafikut. I thashë përse nuk nisni një procedim, të hetoni të bëni diçka, të dhëna mund t’jua jap edhe unë, sa të duash. Dhe ai në mënyrë konfidenciale, pasi deri në atë moment më hiqej si fort si koleg korrekt, ishte kolegu im i drejtpërdrejtë, më thotë: “Do një këshillë personale nga unë? Larg duart nga ky person dhe nga ky grup, mos u merr me këto se e ke të kot”.
Njeri i fortë i botës së krimit?
Po, shumë i fortë. Ai investon shumë dhe është i paarrestuar dhe ende në aktivitet.
Por ju nisët operacionin?
Në momentin kur kam nisur me të dhënat për këtë grup kriminal, më thërret drejtori Ervin Hodaj dhe më thotë ‘dua një informacion pikant që të zhvillojmë një operacion të bukur dhe me rezultat, një goditje të mirë’.
Si i thatë?
I thashë që kam informacion për një grup të madh në Vlorë, që përveç marijuanës po merret edhe me kokainë. Ai ka një linjë që ikën me makinën e tij private nga Vlora në Greqi. Në Greqi ka një mjet gomone me tre motorë me gjatësi 12 metra, me kapacitet deri në 2 tonë ngarkesë. Me këtë mjet vjen në Borsh, ngarkohet dhe zbarkon në Puglia dhe Leçe ku ka zonën e tij të zbarkimit. Por ka pasur kërkesa dhe për më tej. Ka pasur një mjet të fuqishëm dhe dilte edhe me det 5 ballë dhe mund ta dërgonte edhe në Kalabri zbarkimin e mallit.
E mbulonte ketë aktivitet me biznes. Në informacionet tuaja përmendej gjëkundi ky emër, nga burimet e tjera zyrtare apo konfidenciale?
Ky personazh së paku ligjërisht me aq sa unë di nuk është në asnjë biznes. Mund të them se ky është një ndër trafikantët dhe skafistët më të njohur në Vlorë dhe quhet siç e ka shkruar prokurori në aktakuzë, shtetasi A. D. Emri i tij përmendet në materialet e prokurorisë, nuk penalizohet asnjëherë. Madje, prokuroria pretendon se unë kam kryer një veprim arbitrar duke hetuar këtë shtetas jashtë territorit të kompetencës sime. Sipas prokurorisë, nëse unë marr një informacion jashtë Fierit për çështje trafiku, nuk kam të drejtë të hetoj. Në fakt, Ligji për Policinë e Shtetit ngarkon çdo punonjës policie kudo dhe kurdo që është edhe jashtë funksionit, kur vihet në dijeni për një vepër penale apo aktiviteti kriminal të shkruajë menjëherë informacionin dhe nisë menjëherë hetimin ndaj këtij aktiviteti kriminal dhe ta raportojë tek eprorët, siç unë kam vepruar.
Ju e raportuat dhe deri në ç’nivel e keni raportuar emrin e këtij personi?
Po, unë e raportova te drejtori i Fierit, Ervin Hodaj dhe ai më kërkoi të hetojmë dhe zhvillojmë operacionin deri në fund. Mbas kërkesës së drejtorit, kam përpiluar një informacion konkret, duke i bërë një kërkesë specifike drejtorit. Duke qenë se unë njihem në Vlorë për shkak të aktivitetit tim profesional, nuk kam kompetencë territoriale Vlorën, por edhe duke ditur lidhjet e fuqishme të këtij shtetasi me disa të Prokurorisë për Krimeve të Rënda, këtë informacion ma kanë thënë njerëz të mi, që më përcillnin informacione.
Këto njohje të subjektit në hetim, sipas informacioneve që ju kishit, e kompromentonin operacionin tuaj?
Duke pasur këto të dhëna, unë i kërkova një kërkesë specifike drejtorit tim, duke i thënë se do të bëj të gjithë informacionin që kam, do ta jetoj e ndjek çështjen në detaje, por emri im nuk duhet të figurojë në materialet zyrtare.
Përse?
Për dy arsye. Së pari, jo për frikën time. Frika se po të dilte që unë hetoja çështjen, atëherë personi do të kuptonte menjëherë se cili ishte burimi. Kjo për arsye se burimi ishte i brendshëm dhe ai e dinte lidhjen e tij me mua.
U bë operacioni?
Jo.
Përse?
Sepse u shit informacioni. Unë e dërgova informacionin me email te drejtori, me emra konkretë, me mbiemra, me adresa, me banesa, me të dhëna të detajuara, me numra telefoni konkretë. Numra të tij dhe të lidhjeve të tij. Kanë qenë pesë numra telefoni që m’u kërkua t’i vija në vëzhgim, për të provuar nëse të dhënat që ne kishim ishin apo jo të sakta.
Si ndodhi më pas?
Pasi bëra informacionin, ia kalova drejtorit Ervin Hodaj dhe ai e korrektoi dhe më tha shumë mirë. Do ta dërgojmë në qendër lart në Tiranë dhe të bëhemi gati për operacionin. Rreth 15 apo 20 ditë pasi unë ia kisha dhënë këtë informacion drejtorit dhe ai e kishte dërguar në qendër, drejtori më thërret në zyrë dhe më thotë. ‘Ato pesë numra që ne kemi dërguar po i ndjek kolegu ynë në Tiranë, Ervin Hasrama, specialist në Drejtorinë e Përgjithshme të Policisë në sektorin e Antidrogës. Por më thotë që të gjithë numrat e dërguar nga ne janë mbyllur’. Këtë ne e mësojmë 15 ditë më pas…
Ç’bëtë pastaj?
I kërkova drejtorit 24 orë kohë që të merrja informacion se çfarë kishte ndodhur. Aktivizova burimin tim dhe të nesërmen mora numrat e rinj që kishin vënë në përdorim dhe mësova që drejtuesit të grupit i kishte vajtur një porosi nga lart, siç thoshin ata që duhej të ndërrosh numrat e telefonit. Unë rimora numrat. Subjekti që ne po hetonim ishte njoftuar ‘ndërro numrat se po të ndjek policia’, ai ishte vënë në dijeni për hetimin që po bënim ne. I raportova drejtorit për zhvillimet dhe dijeninë që kishte marrë ai për hetimin tonë, i thashë se kisha numrat e rinj dhe ai sërish me këto numra ishte në aktivitet kriminal.
Çfarë ju tha drejtori. A kishin shkuar informacionet tuaja në prokurori, përveçse në Drejtorinë e Përgjithshme të Policisë?
Drejtori më thotë më ribëj një informacion me të dhënat e reja që ke marrë, ma dërgo me email, t’ia dërgojmë qendrës dhe ta rifillojmë çështjen. Kur kam dërguar informacionin e dytë, drejtori më ka prezantuar me zotin Ervin Hasrama, ndonëse unë njihesha me inspektorin që ishte oficer drejtimi në sektorin e Antidrogës në Drejtorinë e Përgjithshme të Policisë. Prej tij mësova se ai kishte verifikuar nëpërmjet numrave dhe policia 15 ditë ka hapësirë ligjore të vëzhgojë. Dhe atij i rezultonte se ky ishte një grup me aktivitet kriminal, ashtu siç unë ia kisha përcjellë të dhënat.
Më pas?
Pasi është bindur se kemi të bëjmë me një grup me aktivitet kriminal, Hasrama ka bërë material për në prokurori për të kërkuar hetim të mëtejshëm me metoda speciale për këtë grup dhe ka dërguar kërkesën te Krimet e Rënda. Më thotë ‘kam dërguar dy herë kërkesën te Krimet e Rënda dhe nuk kam marrë asnjëherë përgjigje. Me sa duket lodhemi kot, se Krimet e Rënda nuk duan ta hetojnë këtë grup’. Ky informacion i është përcjellë dy herë qendrës dhe Prokurorisë për Krime të Rënda në nëntor dhe dhjetor të vitit 2013.
Si vendosët të vepronit?
Në këtë situatë kërkova meqë informacionin e kemi të saktë, burimin gjithashtu të saktë, si për drogën, për qarkullimin e parave dhe njerëzit në grup të veprojmë vetë. Hasrama më thotë se mund të veprojmë vetëm në kushtet e flagrancës.
E ndoqët sërish?
Dy ditë më pas unë mësoj nëpërmjet burimit se grupi kishte një ngarkesë prej një ton drogë në një banesë në bregdetin e fshatit Borsh. Burimi si gjoja shoqërues rastësor i njërit prej anëtarëve të grupit kishte qenë dhe kishte parë ngarkesën në vilën dykatëshe dhe dy persona që e ruanin me armë zjarri kallashnikov gjatë natës.
Ju informoi?
Po, të nesërmen menjëherë. E pyes nëse vijmë mund të verifikojmë cila është banesa? Me thotë që ‘po, mundemi ta bëjmë’. Në këtë kushte, sapo shkoj në zyrë, marr takim me shefin e sektorit, zotin Skënder Hitaj, pak javë i emëruar dhe i them për informacionin që kisha. Më thotë të flasim me drejtorin dhe marrim udhëzimet. Drejtori kishte thënë që të bëjmë verifikimin në terren të banesës, të informojmë qendrën, të vijë dhe Hasrama dhe të bëjmë një operacion të koordinuar me eprorët tanë të Drejtorisë së Përgjithshme dhe rezultati është i punës së përbashkët.
Si vepruat?
Gjithnjë pas miratimit të drejtorit, shefi i sektorit më dha porosinë e tij, mora një mjet të punës, ishte mjet i sekuestruar, një “Mercedes” që përdorej nga ne me urdhër të prokurorisë, e furnizuam me karburant nga magazinieri i drejtorisë. Kam ardhur në Vlorë, kam marrë burimin. Ndërkohë kam marrë urdhër edhe nga qendra, në komunikim të vazhdueshëm më Hasaramën. Dhe nisem gjoja si turist me burimin duke bërë një xhiro deri në Borsh, në plazh. Nga burimi mu bë me dije prezenca e vilës, nuk ndaluam që të mos binim në sy, se sipas burimit, kishte dhe roje të armatosura. Njoftoj Skënder Hitajn dhe Hasramën për verifikimet e bëra.
Çfarë ju thanë eprorët pastaj?
Hasrama më tha nxito ‘shko në zyrë, do të të dërgoj në email hartën e fshatit, do më lokalizosh objektin, ma dërgo menjëherë me email dhe veprojmë’. Kam bërë atë që më kërkoi Hasrama, ia dërgova materialin, i raportova dhe me telefon gojarisht edhe shefit të sektorit, duke kërkuar gjithnjë të mos dilte emri im për arsyet që ua isha bërë në dijeni. Në informacionet e dërguara qendrës ka firmosur drejtori Hodaj dhe z. Hasrama. Veprimet u mbyllën rreth orës 12 e gjysmë 13 dhe prisja urdhra konkretë nga eprorët. Asnjë përgjigje deri të nesërmen në drekë, kur më marrin në telefon njëri pas tjetrit Ervin Hasrama dhe Sokol Selfollari, ky i fundit shefi i sektorit të Antidrogës në Drejtorinë e Përgjithshme të Policisë. Dhe me thanë se informacioni që unë kisha dhënë 24 orë më parë, ndonëse unë e kisha verifikuar, sipas tyre nuk është i saktë, sepse është ndërhyrë në banesën në fjalë dhe nuk është gjetur lëndë narkotike. Dhe asnjeri. Kërkova shpjegime se si ishte bërë ky operacion që e kishim nisur ne pa na vënë në dijeni dhe bërë pjesë të operacionit.
Si ju shpjeguan?
Sokol Selfollari më thotë se ua kaluam informacionin atyre të Vlorës dhe kanë vepruar ata sot para gjysmë ore dhe thonë se nuk ka gjë. Pra, për 24 orë kur ishte dhënë informacioni. Pra, siç më thanë eprorët e Tiranës, informacioni ishte dhënë po dje, siç dhe kur unë e kisha raportuar, por Drejtoria e Vlorës nuk ishte pasur mundësi të kryente operacionin dhe e kishte lënë për ta kryer të nesërmen, duke lënë të kalojnë 24 orë. E njëjta gjë thotë është, ndonëse unë e çmoj si gabim, sepse nuk besoja te policia e Vlorës.
Ju dyshoni te policia e Vlorës?
Nuk kam për të dyshuar. Homologu im i Vlorës më kishte thënë, shefi i Antidrogës së Vlorës, kur unë ia kërkova që të goditej ky grup, më tha hiq dorë, mos u merr me këtë grup. Ky është fakti i dështimit, pasi sot shefi i Antidrogës së Vlorës bredh me makinë që ia ka bërë dhuratë ky person i këtij grupi. Mua thjesht më thanë se doli bosh. Të gjithë ishin njoftuar, por unë s’e mora me mend se ata do njoftonin Vlorën, sepse ua kisha thënë se Vlora nuk do ta godiste këtë grup.
Ju ku ishit në këtë moment kur po zhvillohej ky operacion?
Kur është kryer ky operacion, unë isha në funksion në zyrë në Fier dhe nuk jam njoftuar fare për veprimet e kryera. Personi dhe vendi ishin jashtë juridiksionit tim, në fshatin Borsh. Ishin vënë në dijeni edhe Drejtoria e Përgjithshme e Policisë. Vënia në dijeni e Drejtorisë së qarkut Vlorë, sipas meje ka sjellë dështimin e operacionit, sepse është shitur informacioni.
Ju ia bëtë prezente dyshimet tuaja eprorëve?
Po, ua kam bërë, madje i kam thënë edhe në telefon z. Selfollari, ‘ta dija se do ia përcillnit menjëherë Vlorës, nuk do jua bija informacionin, sepse unë e dija se në policinë e Vlorës grupi që ne ndiqnim kishte dhe ka lidhje me policinë’.
Çfarë ju tha ai?
Ai më tha nuk bën mirë që paragjykon kolegët pa pasur fakte. Po fakti flet vetë i thashë. Ju keni marrë informacionin dhe godisni me 24 orë vonesë.
Po dështonit rregullisht?
U zhgënjeva shumë nga ky dështim. Shkova te shefi i sektorit dhe i thashë. Skënder, informacionet e mia po shiten, nuk e marr vesh nga dalin, pas këtij veprimi që u krye, zoti trafikant është njoftuar me hollësi edhe nga ikën informacioni. Pasi ka vajtur ditën e nesërme në banesën e burimit tim që më jepte informacionin dhe i ka thënë konkretisht që filani, duke përmendur emrin tim, është i informuar mbi aktivitetin tim dhe ti nuk ke bërë mirë që e ke informuar atë për aktivitetin tim. Pasi unë kam tabulatet e atij zotërisë, bëhej fjalë për numrin tim të punës, ku ti e ke marrë në telefon dhe i ke thënë për mua. Subjekti i kishte thënë burimit shikojë këto letra, këto janë tabulatet e Dritan Zaganit, ti i ke dhënë mesazh mbi aktivitetin tim. Nuk e kam problem për 2000 euro që kam blerë këto tabulate, jam gati të jap edhe 2000 euro të tjera dhe t’ju zhduk juve.
U tremb burimi?
Më erdhi i trembur dhe qante se ishte shumë i kërcënuar. Të të vijë një trafikant me të dhënat e një punonjësi policie në doreë?! Unë humba besimin dhe u betova që me këta drejtues të shitur nuk do të jepja më asnjë të dhënë.
Si vepruat?
Vajta te shefi im i sektorit dhe i thashë që informacionet e mia janë shitur dhe po shiten në vazhdimësi. Shefi më thotë që ti ia ke kaluar drejtorit dhe ata ishin kaluar me email, ndiqej gjithnjë procedura.
E njoftoi drejtorin?
Po, shkoi shefi të drejtori dhe unë ndërkohë e prita te dera dhe kur doli, më thotë se ‘drejtori ndihej i fyer, mos kujtoni se ia kam shitur unë?! I thashë s’e dimë por Zagani më thotë se janë shitur rregullisht, atëherë më thotë të vazhdojë me qendrën’. Ndërkohë më thërret në zyrë z. Arben Janaqi, nëndrejtori, që ishte dhe përgjegjësi për linjën e Antikrimit në drejtori sipas organikës.
Përse ju thirri?
Për një verifikim, sipas meje në kuadrin e SHKB, por rutinë. E vura në dijeni dhe atë për problemin për shitjen e informacioneve “më shkojnë tabulatet te trafikantët”. Ai ngritit supet dhe më tha s’di çfarë të të thotë vëllai.
Po punonit kot, si vazhduat?
Në këto kushte, në bashkëpunim me shefin e sektorit, që ka qenë dhe është sipas meje shumë korrekt, jam i bindur për këtë, fola me të dhe tha të punojmë. I them të bëjmë ndonjë goditje, ose kështu s’kemi pse punojmë. Çdo info që merrja nëpërmjet telefonit, informacioni përfundonte te subjektet që ndiqnim dhe më linte të kuptoja se çdo gjë që po hetoja shitej.
Si vepruat?
Mësova nëpërmjet burimeve të mia që Shërbimi i Kontrollit të Brendshëm dhe Prokuroria 15 apo 16 janar 2015 më ka vënë numrin tim të telofonit të punës në përgjim. Këtë ë mësova edhe kur një informacion tjetër që unë kisha, për një grup tjetër kriminal nga Vlora, që kërkonte transport, për një sasi 100 deri në 200 kilogramë marijuanë drejt italisë. Nëpërmjet një tjetër burimi, jo atij të parit, mësoj për këtë grup kriminal, flas me shefin z. Hitaj. I shpjegoj se kemi info se një grup kriminal mallin do e sjellin nga Lazarati, nga Levani për në Vlorë. Nëse është e mundur dhe kalon në Fier skam besim te Vlora, të bëjmë operacionin ne. Biem dakord me shefin, z Hitaj. Unë përpiloj informacionin, dhe i hedh në sistemin tonë policor sic e do procedura, vihet në dijeni drejtori Ervin Hodaj që jep miratimin e tij . Njoftojmë qendrën, lidhemi me z, Hasrama përsëri. Një informacion që kishim për bandën e parë se trafikonin jo vetëm marijuanë por dhe kokainë për në Greqi. Marrim info që do të kalonte personi nga Vlora drejt Greqisë me 2 deri në 3 kilogramë kokainë në makinë të fshehur dhe ne mësuam vennin ku e kishte fshehur në makinë. Do organizonim një postbllok në Levan për të verifikuar të dhënat. Në këtë moment vjen z. Hasrama me një grup pune, ne të Fierit, me shefin e sektorit në krye, organizojmë postbllokun lëmë mjetet në distancë, që të bllokonim rrugën dhe shoqëronim personin për të bërë kontrollin. Pritëm disa orë, të dhënat ishin të sakta por makina nuk erdhi. Unë jam i bindur se ai përsëri ishte njoftuar nga dikush, Edhe për këtë operacion ishin vënë në dijeni eprorët e mi në drejtori dhe në Drejtotrinë e Përgjithshme, se ishte dhe z Hasrama në operacion.
Po prokuroria?
Hasrama më ka thënë se kam dërguar dy herë kërkesë për fillim procedimi penal dhe nuk kam marrë përgjigje dhe ramë dakort që çfarë të bënim ta bënim vetë.
Nuk patët asnjëherë sukses?
Në drejtim të këtij grupi jo.
Po në Fier kishte banda apo vetëm në Vlorë?
Në Fier kishte. Flasin statistikat dhe rezultatet për punën që kam kryer.
Keni bërë një operacon dhe keni sekustruar në Fier marijuanë?
Po. Një burim i imi më thotë se një grup kriminal do të transportojë drogë nga Lazarati në drejtim të Italisë, informacioni i parë në dhjetor, Pasi e mora e përpilova informacionin e hodha në sistem, bisedova me shefin e sektorit dhe i thashë si të veprojmë se do të dështojmë se na shiten informacionin. Shefi më kërkon informacionin dhe më kërkon që të takohet edhe ai me burimin tim. Po i them dhe organizoj një takim me burimin. Theksoj gjithmonë se burim informacioni, jo informator se ka ndryshim shumë të madh ligjor. Oficeri policisë merr informacion në disa rrugë të ndryshme nëpërmjet bashkëpunëtorit, cili është dokumentuar në kartotekën e policisë kriminale, nëpërmjet burimeve kofidenciale, ku futen të gjitha lidhjet dhe njohjet personale që ka personi oficeri i policisë, apo burime të treta ku mund të futet edhe media çdo gjë që shërben punë. Organizova takimin, raportoi burimi për të dhënat siç ishin në detaje. Vendosëm me shefin, pasi burimi ishte pikë referimi për trafikantët, pasi ata mendonin se duke shfrytëzuar atë si shofer për të transportuar. Ai na tha që unë trafik nuk bëj, si të veprojmë. Diskutojmë më shefin e sektorit dhe udhëzojmë burimin tu thotë trafikantëve silleni mallin në Fier se e kam kamionin në një ofiçinë në Fier, ndonëse ai nuk ishte kamion të vetin ishte thjesht një shofer. Në këto kushte fiksuam ditën kur ai do tu thoshte sillni drogën në Fier, ju pres në Levan pasi nuk e marr përsipër ta transportoj drogën në Shqipëri. Burimi na raportonte, organizuam dy herë shërbim në pritje të ardhjes së ngarkesës dhe të dyja herët kemi dështuar. Herën e dytë në vendet e shërbimit me merr një oficer imi dhe më thotë se këtu pranë nesh janë dhe makina të antidrogës së Vlorës. Mos po ndjekim të dy palët të njëjtin subjekt. Marr shefin dhe ai lidhet me kolegët e Vlorës dhe rezulton se ashtu ishte, kishin ardhur ata në territorin tonë, çuditërisht pa dijeninë tonë. Komunikon shefi që të ishim bashkë të harmonizuar në një operacion se dështonim. Pas kësaj bisede mësojmë se bëhej fjalë për të njëjtin subjekt. Ata ikin dhe thonë po ikim ne por transportuesin mos e arrestoni se është i infiltruar. Kjo na fuste në paligjshmëri operacionin dhe sërish dështuam.
Përsëri?
Po ndonëse trafikantët e Vlorës vazhdonin t’i thoshin burimit kur do ta sjellim mallin që të na e çosh në Itali. Flas me shefin për të vendosur si të vepronim. Ai më thotë njoftojmë drejtorin dhe veprojmë vetë. I them nuk flas në telefon se me shiten informacionet e dal të komunikoj në teren me burimin. Ka qenë e shtuna e 13 janarit kam ardhur në Vlorë, kam folur me burimin, ndonëse isha në përgjim dhe vëzhgim, me autorizim nga prokuroria. Takova burimin i dhashë detyrën verbale si do sillte lamë takimin ora 6 o 6 e 30 që të vinte malli në Levan. Burimi vajti dhe nuk më mori në telefon por erdhi dhe më takoi ashtu sic kishim rënë dakord, sepse telefoni shitej. Ata do vinin në ora 6 e 30 do sillnin mallin në Levan, ishte skema jone dhe do vinin me një Volksvagen Polo gri. Mjeti që do sillte drogën.,Nën drejtimin e shefit të sektorit Hitja, dhe pas njoftimit të drejtorit Hodaj, organizuam shërbimet për të vëzhguar e rrethuar trafikantët. Rreth orës së caktuar marr sinjal nga burimi se po vinte malli dhe duket makina Polo me çanta të zeza të mëdha pas, që binin në sy. Në qendër të fshatit Levan ishte shefi sektorit me dy grupet unë me dy grupe të tjera pas dhe bllokuam rrugën në qendër të Levanit. Kështu i rrethuam. Ishin dy shtetas, Ermal Daja dhe Gani Shahi siç janë dhe të përmendur në materialet e prokurorisë, sekuestruam 109 kile, nga 110 qe kishim të dhëna.
Nuk dështuat?
Këtë herë jo se unë nuk përdora telefonin. Shoqëruam tre automjete të tjera dhe atë të burimit për të fshehur burimin. Bëmë procedurën ligjore por për të mos referuar te Krimet e Rënda sepse s’kisha besim, bëra referem në prokurorinë rrethit gjyqësor Fier, nën referimin dhe miratimin e shefit të sektorit dhe drejtorit të policisë së fierit. Kur të bëhej materiali dosja të shkoja t’ia raportoja drejtorit gojarisht se u krye detyra, ndonëse shefi i sektorit kishte vënë në dijeni Ervin Hodajn dhe Albert Janqin. Drejtori më falenderoi për këtë sukses.
Ju uroi?
Kjo dosje e operacionit me sukses është akuzë për mua për shpërdorim detyre, ndonëse unë dhe shefi i sektorit që ishte në operacion me armë në dorë dhe drejtori na kishte miratuar operacionin, Dhe prokuroria pretendon se ne kishim ndërprerë operacionin që do ndiqej deri në Itali, ndonëse ne kishim vënë në dijeni konform procedurës eprorin. Vetëm unë rezulton sipas prokurorisë të kem shpërdoruar detyrën se kam arrestuar trafikantët e sekuestruar drogën.
Nga vinte droga dhe u arrestuan të gjithë personat?
Transportuesi ishte nga Memaliaj dhe droga vinte nga Lazarati. Transportuesi u vu në dijeni që të vinte më aty. Blerësit e drogës u detyruan shkonin ta merrnin drogën vetë, jashtë Levanit, i thanë burimit do vijmë vetë dhe na prit atje. Personi transportues nga hetimi dhe nga jo qe unë kam parë në dosje s’me rezulton, sepse unë akuzohem se jam lidhur me një bandë nga Vlora. Unë kam hedhur informacione ne sistem për banda të trafikut të Vlorës. Ishte një linjë ku funksiononin banda të Vlorës dhe të Fierit nga Lazarati. Lidhja ishte transporti, e nxirrnin mallin nga Lazarati dhe kishin mbështetje.
Po Fieri kishte trafik droge se po flisni vetëm për Vlorën?
Ne hymë në një operacion dhe nuk donim të tërhiqeshim dhe na vinin informacione. Në Fier ka pasur dhe kam ende plot informacion. Në Fier është më specifike trafiku i drogës, pasi nuk është vetëm trafik marijuana. Fieri është një bazë shumë e fortë e trafikut të heroinës dhe kokainës, por dominon heroina. Janë disa grupe shumë të forta që merren me trafikun e heroinës dhe nga të dhënat e fundit të mia rreth para një viti kur isha në detyrë, në Fier them se ata disponojnë laboratorë që rafinojnë përpunojnë në cilësi maksimale heroinën pasi vjen e kamufluar me materiale të ndryshme përpunohet dhe rafinohet në Fier. Droga vinte nga Turqia, dhe destinacioni pas përpunimit kryesisht ishte perëndimi, si Italia, Zvicra, Gjermania, etj.
Nga këto iunformacione për trafik kokaine e heroinë dhe ekzistencën këtyre laboratorëve nisët ndonjë operacion për goditjen e këtyre grupeve kriminale?
Në atë periudhe prej shtatë tetë muajsh që unë isha në atë detyrë jam marrë personalisht me studimin e situatës, e gjendjes, kam diskutuar verbalisht, kam hedhur edhe ndonjë informacion në sistem, ndonëse nuk kisha shumë besim, kam pasur edhe rezultat duke bashkëpunuar me qendrën. Një herë kishim të dhëna interesante se na ishte larguar një subjekt nga Fieri drejt Kakavijës.
Si veprua?
Njoftova Selfollarin dhe arritëm ta kapnin dhe shefi me përgëzoi se informacioni rezultoi i saktë.
Prokruroia ju akuzon ndër të tjera se keni dhenë informacion të pautorizuar dhe keni bashkëpunuar në trafik me një officer të Guard di Finanzza, Alessandro Giuliani, qëndron ky fakt?
Pas emërimit tim në Drejtorinë Rajonale të Kufirit në Vlorë, pas rikthimit në punë në 2010, meqë isha dhe njohës i gjuhës italiane me një urdhër verbal të drejtuesve mbuloja dhe si pikë kontakti Guardia di Finanzza që operonte në Shqipëri dhe me policinë e Brindisit e Barit, si dhe me Igumenicën për një periudhë 3 vjeçare nga viti 2010 deri në 2012. Duke punuar në këtë pozicion kam pasur relacione të shumta me Guardian si këtu dhe jashtë. Në të gjitha takimet dypalëshe këtu dhe ne Brindisi kam qenë pjesë e delegacioneve dypalëshe.
Kur jeni njohur me zotin Giuliani?
Me zotin Giuliani jam njohur nga komandanti i tij Fabrizzio Cavalli në Vlorë në vitin 2012 në kazermën e Gurardias në Vlorë ku ai erdhi në Shqipëri si zëvendës drejtues i Guardia di Finanzza për distriktin e Vlorës. Ai mbulonte dhe anën informative në shërbimin e tij ndaj takimet me të ishin të përditshme në shkëmbimet e të dhënave për trafiqet e paligjshme në dy çantë e burgjeve. Ai ka qenë për një vit prezent në çdo operacion që kemi kryer dy palët.
Sa kanë shërbyer informacionet e tij?
Ne krijuam raport të mire profesional dhe patëm rezultate të mira në drejtorinë e rajonale të kufirit Vlore. Konkretisht mund të përmendim raste, ku them se janë arrestuar rreth 10 mjete lundruese që kryenin trafik janë kapur tonelata drogë edhe këtu edhe në brigjet e Italisë, janë kapur dhe mjete te kamufluara me drogë dhe logjistika e tyre na ndihmonte. Kemi kapur kështu marijuanë dhe heroinë, heroina në vitin 2011, një shtetas nga fieri me 4 kile heroinë.
Prokuroria thotë keni marrë para?
Guiliani pas mbarimit të mandatit u kthye në Itali në polici sërish. Ne u miqësuam dhe krijuam lidhje familjare pas largimit të tij në Itali. Nga kjo marrëdhenie kam përfituar edhe profesionalisht.
Si dhe a keni marrë para prej tij?
Do e sqaroj dhe punën e parave, sic pretendojnë ata të akuzës. Për cdo lloj informacioni që mua më duhej për element të ndryshëm, trafikatë apo veprimtari të ndryshme kriminale të grupeve Itali, Shqipëri që mua më duhej të bëja verifikimet, ai i kryente në kohë rekord.
Shkëmbimi i informaconit ishte me procedurë ligjore, apo tejkalohej disi?
Unë shfrytëzova në këtë rastë miqësinë me të për punën time zyrtare. Në të gjitha raste ishin në dijeni drejtuesit e mi. Ka pasur raste kur ata më kërkonin ta shfrytëzonim këtë mundësi.
Konkretisht?
Kur isha në Fier në një rast më merr në telefon nëndrejtori i Fierit z. Lorenc Meta dhe më thotë me miqtë e tu në Itali mund të na japësh një ndihmë të madhe. Kemi një rast grabitje me armë dhe kemi mundur të kapim vetëm makinën e djegur. Kanë grabitur argjendari kanë qëlluar dhe me armë në qytet në qendër katër persona të armatosur kishin terrorizuar njerëzit, duke qëlluar me që arme pronarin e argjendarisë. Ishte ditë pushim, por marr Alessandron dhe i them dua të më ndihmosh., Kishim një numër telajo të makinës dhe të gjenim kush e kishte sjellë makinën në Shqipëri. U lidha në telefon me Giulianin dhe kërkova ndihmën e tij. Ai brenda 24 orëve më solli dy emra shqiptarësh si blerës të automjetit dhe ia kalova nëndrejtorit, menjëherë për 24 orësh nëndrejtori Lorenc Meta dhe shefi sektorit Bejkush Sina, shefi sektorit të krimeve të rënda në drejtori më falenderuan për ndihmën e dhënë. Sepse u arrit në 24 orë të zbulohej grupi grabitësve dhe malli i grabitur , armët dhe katër arrestime, goditëm kështu një grup kriminal të rrezikshëm me këtë bashkëpunim, me emailin dhe telefonin e punës kanë qenë gjithnjë komunikimet e mia më Alessandro Giulianin dhe këdo tjetër. Sektori ku ai punonte ka akses ne informacionin për trafiqet në të gjithë botën. Dhe në një rast tjetër kishim një rast vrasje dhe një makinë të djegur. Sërish kolegu Sina kërkon që të përdorim ndihmën e Gulianit që aso kohe ishte në Shqipëri dhe erdhi shkuam në drejtori. Mori të dhënat e asaj që kishte mbetur nga makina, bëmë fotot dhe premtoi se sa të kthehej në Itali do të dërgonte të dhënat për të mundësuar zbulimin. Pas një muaj dërgon informacionin pas verifikimit dhe rezulton numri që kishim dhënë ishte i gabuar.
Po në rastet e trafikut të drogës keni bashkëpunuar?
Me vizitat në Shqipëri të Giu;ianit njëherë qëlloi të takohej dhe me një nga burimet e mia kofidenciale, Duke qenë dhe njohës i italishtes u miqësuan shpejt dhe i jepte të dhëna për trafikun e drogës kundrejt shpërblimit ligjor. Ai e pyeti edhe për info nëse kishte për ngjarje që lidheshin me trafikun drejt Italisë, Dhe ai kërkoi ta informonte kur bëhej fjalë për ngjarjë trafiku në itali. Burimi pranoi. Nëse ai do ishte bashkëpuntor me dosje mua sdo me lejohej kurrsesi as ta prezantohej e jo më ta lejoja të informonte. Ka pasur raste që kanë informuar dhe për këtë prokuroria më akuzon.
Ai, Alessandro, ishte njeri me merita në punë dhe na ka ndihmuar shumë në punën tonë, gjithnjë duke zbatuar ligjet tona korrektësisht.
Zhgenjyer nga shitjet këtu i thashë shefit verbalisht se kur të kem info për trafikantët anë në Itali do i trgoja taij dhe i thashë mua smë lënë ta kap trafikantin nëse të vjen atje e arreston ti?? Ok, më tha më jep të dhënat e arrestojmë. Por sërish dy herë që unë e njoftova Giulianin sërish dështova dhe sërish e informuan trafikantitn sepse më përgjonin mua dhe nga telefoni i punës.
Nga marsi prill 2014 një burim imi më thotë se kam një kërkesë nga x trafikant, të cilin unë e njihja shumë mirë, se ka një shoqëri transporti kamionësh dhe autobuzësh në Vlorë. Ai kërkontë burimit do vish të bësh me mua për një rrugë si shofer dhe do ikim pak larg në Gjermani. Dakort pranoi burimi , por donte të dinte se përse dhe cfarë do të merrnin. Ai i kishte lënë të kuptonte se do merrnin pak gjë, ndonjë lloj droge. I them mos të do për trafik kokaine??. Prano kërkesën i thahsë deri kur vjen momenti që do implikohet droga dhe aty tërhiqu, mos të jesh pjesë e trafikut. Dhe ramë dakort. Një ditë më merr në telefon burimi dhe me thotë se po nisem për Gjermani po nuk e di saktësisht e ka, apo nuk ka dhe se çfarë ka pasi po nisem me djalin e zotërisë dhe djali i tij nuk besoj se e bën atë punë. Po ikim me një kokë kamioni atjer djali ka blerë një rimorkio dhe do e sjellim në Shqipëri. E prorosita të bëjë kujdes mos implikohej. Për dy ditë dhe net nuk arrita të kontaktojmë me të as unë dhe as familjarët. Pas 48 orësh më merr në telefon dhe më thotë kemi qenë në Gjermani e kemi marrë një rimiorko
Ju ishit në përgjim?
Po isha dhe e dija. Ai më thotë se kur arrita në Brindizi dhe në një moment kur më la vetëm djali zbulova se ka drogë në kamion dhe tani po cmendem nuk di se cfarë të bëj. I thashë të qetësohej dhe të mendonim se çfarë duhej bërë. Nuk duihej nëse do vinin në Shqipëri dhe po mendonim si ta shmangnim dhe për këtë marr në telefon shefin e sektorit për të organizuar operacionin nëse ngarkesa vinte në Port. Zoti Hitaj më tha ok, njoftojmë drejtorin dhe qendrën dhe bëjmë operacionin
Cndodhi dështuat sërish?
Jo, pasi diçka më shumë se një orë më merr në telefon Giuliani dhe më thotë se jam nisur urgjent për Brindizi, sepse miku ynë më ka marrë në telefon se ka një ngarkesë kokainë në Brindizi te kamioni dhe po shkoj të organizoj punën të arrestojmë atje.
I them se nuk duhet të ndërhysh se po presim ne?
Ai më thotë se kjo ëhstë arsyeja spse ka mndryshuar destinacioni. Nëpërmjet fanmiljarëve arrij më pas të lidhem sërish me burimin dhe e ppyes se cfarë po ndodh. Më thotë se po pres Alessandron sepse ky ndërroi, i preu biletat për në Igumenicë, e jo për Vlorë dhe unë nuk iki më në kamion kam frikë. Ok thashë le të veprohet atje.
U krye?
Në darkë vonë më merr Giuliani në telefon dhe më thotë sekuestruam 5 kile kokainë dhe arrestuam djalin e atij subjektit trafikant shumë i fuqishëm në qarkun e Vlorës, aktualisht në burg për trafik droge. Ai dhe dy djemtë të arrestuar për trafik droge, njëri në Itali, dy të tjerët ktu, autobuzi tij është kapur në Kakavijë me hashash.
Burimi kërkonte shpërblimin?
Po atë priste. Në këtë periudhë burimit i ndodh një fatkeqësi djali bën një aksident dhe e merr përsipër e shoqja, djali është i sëmurë hemofilik Dajli merr makinën pa patente bën një aksident dhe largohet nga vendngjarja. Duke pasur nevojën për lek merr Alessandron dhe kërkon lek nëse ishte e mundur
Ai ia kaloi?
Guiliani me merr në telefon e më thotë duhet të më bësh një nder me jep një kod me 10 shifra. Do shkosh në Ëestern Union do marrësh këto lek e do ia dërgosh burimit se më mori në telefon dhe ka nevojë për lek dhe i duhen.
Përse në emrin tend?
I thashë i ke nisur, po më tha. I them mos e përsërit këtë se është gabim dhe jo i ligjshëm nuk më lejohet mua. Sigurisht bisedë në telefonin e punës I tërhoqa në Fier dhe pastaj u largova nga puna dhe ia dërgova burimit menjëherë, pasi kasha marrë leje nga shefi sektorit për tu larguar nga puna. Dhe burimi ka deklaruar në prokurori se ka marrë lekëet për punën që ka bërë
Zagani trafik nga deti toka por dhe nga ajri, nisi të vijë dhe nga ajri, droga tani me avionë?
Në fund marsi e fillim prilli 2014, më thërret në zyrë shefi im Hitaj dhe më thotë se kemi një të dhënë nga Shërbimi Informativ, dega Lushnje, që po zhvillohet trafik droge me avion dhe kjo është e dhënë e sakte se na ka ardhur një avion e është ulur në Divjakë para rreth 10 ditësh, sipas infos së SHISH, një avion i vogël
Ku e pyes?
Një zonë para mbërritjes në Divjakë një rrugë e vogël fshati dhe shefi kërkon të shkojmë të verifikojmë këtë informacion sepse na e kërkon infon qendra lart. Morëm një makinë të punës me shefin e sektorit dhe komisariati i Lushnjës na dha një inspektor të njohjes së zonës dhe u takuam me shefin e krimeve të lushnjes Geri Tona, dhe kur do të niseshim nga klubi i shoferit për në Divjakë, shefin e krimeve e merr shefi komisariatit që të kthehej në punë në komisariat sepse kishte një punë emergjente dhe na dha një inspektor rendi për të na shoqëruar, njohës i zonës.
Dhe u nisët?
Unë isha jo fort në gjendje të mirë shëndetsore nuk kisha as motiv ngaqë çdo punë po na shitej tek trafikantët. U nisëm për në Divjakë ku pa mbërritur është një kthesë një rrugë që të çon në fshatin Adriatik, një lagje me rreth 7-8 apo 10 pallate, një zonë internimesh në kohën e komunizmitdhe deri në buzë të detit shkon asfalti. Nga fshai Adriatik deri në buzë të detit është një rrugë të cilën e matëm me makinë duke zeruar kilometrazhin, 2.7 kilometra, e gjerë sa një korsi autostrade e asfaltuar në mënyrë të shkëlqyer e ngritur disi si pistë. Inpsketori na tha se ky është vendi i dyshuar se është ulur avioni, për këtu thuhet. Inspekjtori na tha se kështu thonë të gjithë banorët. Në fund të rrugës ishin disa stalla disa çoban por hezituan të na thonë saktësisht. Kthehemi në fshat anes rrugës ndalojmë dhe ishin dsisa njerëz që po punonin. Unë qëndrova dhe prita në makinë dhe spo dilja dot, shefi rendit dhe inspektoi vajtën dhe pastaj u afruan te makina dhe këtë që them e kam dëgjuar vetë si bisedë. Ai banori tha se një furiostradë ka bllokuar rrugën ktu, një tjetër në fund të rrugës dhe ajo kryq, fuoristradë e zezë, sa vajti në fund furoistrad ae zezë, pamë avionin e bardhë që u ul ktu dhe vajti deri në gjysëm të rrugës dhe dy fuoristradat ajo në fund dhe kjo në fillim u afruan tek avioni. Të dyja fuoristradat nxorrën kuti kartoni ngjyrë kafe dhe i vunë në avion. Pastraj largohen fuoristradat avioni siç ishte në gjysëm të rrugës u ngrit dhe iku u largua. Në u habitëm dhe pyetëm , njëri prej atyre në makinë na tha ikni ikni mos u bëni merka, se ishte ambasadori çek dhe donte të dilte për gjah se ktu është zonë gjahu, por kur u ul avioni u dje keq dhe nuk zbriti, kështu që iku.
Furistrada të zeza?
Po fuoristrada pikup me rimorkio m xhama të zit ë treja të zeza. Sipas banorëve një herë në ato dhjetë ditë, skishin parë më përpara. Dyshonim se kjo mund të ishte heroinë apo kokainë, pra saktësuam se ktu ishjte ulur avion dhe ne do bënim informacion dhe i them shefit ta bëjë ai se nesë do bëja unë do shitej informacioni. Ndërkohë zbuluam dhe gënjeshtrën tjetër kur në lajme pamë një kronikë ku ambasadorja çeke kishte qenë në një aktivitet dhe mësuam shumë shpejt gënjeshrtën.
Vendose të pyesësh?
Pyes nëj ekspert të trafikut e pyes dhe e provokoj po fluturoni tani. Po spo vjen më as avion ktu në Vlorë vjen në Lushnje. Vjen vjen më tha se është bërë llucë ktu se ka rnë shi ndaj.
Kishte të tjera pista?
Sipas verifikimeve që bëra avioni në mënyrë periodike vinte në Fushën e Porës, Pishporës në breg të detit. Atje unë kam parë vetë një fushë një mjedis i hapur rreth 3 kilometër katror që në periudhën e verës është mjediss shumë i përshtatshmë për ta përdorur si piste. Në kohën e verës sipas të dhënave kishte ardhur disa herë avioni dhe marrë hashash për në Itali në periudhën e fushtës zgjedhore 2013 e mbrapa. Informacion na kisthe ardhur nga SHISH dega Lushnje e cila kishte të dhëna se kjo ishte tarfik droge.
Sa kohë kaloi kur tip o verifikoje rastin e Divjakës deri sa u arrestove?
As një muaj. Pastaj shkoi në punë dhe flas më shefin e sektorit dhe i them shef kam mësuar se rasti avionit qenka i vërtetë por një herë paska ardhur ën Divjakë në Vlorë, qenka i përhershëm dhe ne skemi ditur gjë. Kam një dide të bëjmë një verifikim i thashë
Prapë Giuliani?
Verbalisht njoftova shefin. I thashë shefit të sektorit të bëjë këtë gjë ti kërkoj verifikim që a ka dhe nëse ka kush janë shtetas shqiptarë që kanë patentë për avionë piper(pajpër), kush kishte dëshmi aftësie të tillë. Guiliani më thotë se di një rast të një avioni që është përplasur në veri të Italisë dhe dyshohej për një gjë të tillë, por ishte pastruar shpejt. Kërkoj të më bësh një nder i them. Po më thotë. Dua të më dërgosh listën, me telefonin e punës gjithnjë që ishte në përgjim. Po do të më ndihmosh më verifiko nëse ka shtetas shqiptarë, në regjistrin e patentave italiane se atje çdo gjë është e dokumentuar dhe kush janë nëse janë, pavarësisht nëse kanë pasaportë italiane.
Ju ndihmoi, ju dërgoi një listë?
Nuk kishin kaluar as 10 ditë kur më merr Giuliani në telefon dhe më thotë të kam dërguar një listë me emrat që më kërkove ata që gjeta, në prill 2014 dhe unë arrestohem në maj po të këtij viti
Me sa emra ishte lista.?
Me 11 emra, që ishin shqiptarë, kishte dhe nga ata ata që kishin marrë nënshtetësinë italiane. Nga ata emra tre më rezultonin vlonjat, dy rezident në Siçili dhe një nga provincat e Veronës. Të tjerët nga Shkodra(kemi raste ulje avionësh dhe në Gjadër) ishin dy prej tyre, që ishin rezident në Itali, kishte nga Durrësi. Me këtë nuk them se këta ishin 11 shtetas trafikantë., ky informacion më erdhi në emailin tim të punës nga adresa emaili e punës e Giulianit.
Po përse te emaili i punës meqë e dinit që ishit në përgjim?
Nuk ksiha asnjë merak, doja tju bëja të ditur këtyre që po më hetonin e përgjonin se unë nuk jam trafikant, por do e kap trafikantin.
Çndodhi më pas?
Vura në dijeni shefin e sektorit se më ka ardhur një listë dhe i thashë sapo të verifikoj emrat do të bëj një informacion dhe do ja jepja listën bashkë me informacionin ashtu siç edhe shefi priste tia përcillja. Ndërkohë që kam qenë duke punuar për të përgatitur një informacon të detajuar, sa do mundja të identifikoja se sa nga pjesëtarë të kësaj liste ishin ose jo të implikuar në linjën e trafikut të drogës, për qarqet Vlorë, Fier ku unë mund të hetoja, pasi aty kishte nga Durrësi, Shkodra, Tirana, thjesht do të dërgoja informacion qendrës si informacion shoqërues. Kur po punoja për të plotësuar këtë informacion me datën 2 maj 2014 më kërcet dera e shtëpisë në orën 1 të natës, këtu ku jemi tani dhe shoh nga vrima e çelësit 20 e ca persona pas dere. Hap derën dhe pyes çfarë jeni dhe çfarë doni.
Kur keni qenë në përgjim sipas asaj që ju dini?
Përgjimi im ka nisur nga nëntor dhjetor 2013, unë jam vënë në dijeni në muajin dhjetor, pasi kishin kërkuar informacion në Itali për Guilianin se kush është, ia kishin kërkuar në mënyrë shkresore dhe miku im më tha kanë kërkuar të dhëna për mua se në shkresë thuhet se je në hetim ti.
Hapët derën çfarë ju thane dhe kush ishin?
Njëri nga ata më nxjerrë një shkresë dhe më thotë jemi Shërbimi i Kontrollit të Brendshëm do të bëjmë kontroll banese. Zotëri i nderuar i them në baze të ligjit vetëm për cilësi të veçanta të autorit të krimit, cilësi që skishin lidhje me mua mund të bëhej një kontroll i tillë në një orë të tillë, pa vendim gjykate, thjesht me një urdhër ndalimi të Prokurorisë, dhe ata erdhën në mesnatë nuk erdhën ditën. Pasi nuk kishte mandat kontrolli gjykate dhe skishte motiv tjetër nuk lejova kontrollin. Ata u tërhoqën. Nga stresi dhe gjendja jo e mirë emocionale më ra të fikët dhe u rrëzova. Kam dëgjuar britmat e fëmijëve dhe gruas dhe punonjësit e SHKB më kanë ngritur e lënë në divan dhe pastaj ka ardhur ambulanca. U thashë të dilnin dhe të bëhej kontrolli dhe kishin urdhër verbal që të bënin një kontroll nga Arben Skëndo dhe zëvëndësi i tij Zamir Shtylla që ka ndjek edhe hetimet.
Pastaj?
Më kanë dërguar në spital, kam komunikuar në mëngjes me bashkëshorten dhe më tha janë ktu e presin të bëjnë kontroll, thashë mos lejo pa praninë time. Dola nga spiatli dhe kam telefonuar një mikun tim z. Tozaj një avokat dhe i kam thënë të shkojë te shtëpia ime e mbikqyrë kontrollin e SHKB, ka ardhur avokati në ora 5 të mëngjesit, është bërë rreth një ore e gjysëm dy, kanë kontrolluar dhe sekuestruar kompjuterin dhe telefonin e vajzës sime 16 vjeçare, telefonin tim dhe të bashkëshortes, hetimi ka përfunduar dhe nuk më janë kthyer në mënyrë arbitrare asgjë nga mjetet e sekuestruara..
Pas këtij kontrolli?
Më pas jam shoqëruar në drejtorinë e qarkut Tiranë, në këtë drejtori, dhe atje kam parë se kishin marrë edhe dy burimet e mia konfidenciale qe janë shoqëruar e marrë në pyetje për 24 orë dhe më pas janë lënë të lirë, megjithëse , njëri nga burimet e mia konfidenciale rezulton aoma edhe sot në hetim për trafik narkotikësh dhe unë në lidhje me burimin në arrest me burg, ndërsa burimi në hetim të drejtpërdrejtë ndodhet i lirë.
Ju ndaluan pastaj?
Pas mbajtjes në qeli me disa të arrestuar për trafik droge më kanë nxjerrë në vlerësim të masës së arrestit, gjykata i dha të drejtë prokurorit për të më lënë në arrest pa afat në burg, nën akuzën e shpërdorimit të detrës dhe moskallzimit të krimit
Pastaj?
Nëpërmjet avokatit tim të parë, kam marrë vendim për caktimin e masës së sigurimit ku lexoj se përse bëhej fajlë dhe në gjithë këtë material 10 faqesh një faqe e gjysëm flitet për mua. Aty bëhet fjalë që bënte trafik droge nga Lazarati në drejtim të Italisë, nëpërmjet Vlorës, vijës bregdetare të Vlorës, që unë kisha informacione për këtë bandë të cilat edhe i kam dokumentuar në system sipas ligjit
Ju dërguan në qeli me kë?
Më dërguan me gjashtë persona që unë i kisha hetuar për trafik drogë dhe aty ua pashë fytyrat se emrat ua dija nga hetimi. Atje mësova për cfarë bëhej fjalë dhe më lidhën me këtë bandë për info që unë i kisha hedhur në sistem. Lidhja ime ishte vetëm telefonata me burimin për të dhënat që ia më jepte për këtë bandë
Ju transferuan?
Po më kanë transferuan në burgun 313, ku demek aksidentalisht, ku pas një nate me minj në burg, më kanë ngjitur në katin e tretë të burgut, ku më lanë në një dhomë me dy shtetas nga Kosova dhe një nga Kukësi ku unë vetëm pak ditë më përpara me forcat e mia operacionale nën drejtimin e shefit të sektorit i kishim arrestuar me 2 (dy) kile heroinë në qytetin e Fierit.
Ju folën trafikantët?
Sa u futa në korridorin e burgut më del përpara kosovari që e kasha arrestuar me dy kile heroinë vëtëm 10 apo 20 ditë më para, dhe më thotë, ti more ishe polic i ndershëm edhe ti bën pislleqe.
Pas arrestit tuaj kemi dhe një deklaratë të minsitrit të brendshëm z Tahiri që thotë se me këtë arrest mundësuam shkëputjen e lidhjeve mes policisë dhe krimit, bandave?
E kam ndjekur nga shtypi deklaratën e z. Tahiri, dhe kam mbetur jo vetëm i zhgënjyer por dhe i mahnitur nga ky model shpifjes deri në nomenklaturën e lartë të shtetit. Herët a vonë do i kërkoj shpejgime zotit ministër kush ishin këto lidhje.
Përse do ia kërkoni ministrit e jo prokurorisë?
Kjo pasi në hetimet që kam pasur, në punë në vazhdimësi në qarkun e Vlorës, qoftë në kufi, apo në sektorin e antidrogës, për fatin tim të mirë dhe të keq, njoh gjithë kontingjentin e trafikantëve në qarkun e vlorës.
Çlidhje ka kjo me deklaratën e minsitrit?
Kjo ka një lidhje shumë të thjeshte. Para disa vitesh, unë kam rastisur të sekuestroj në punën time, qoftë drogë, qoftë para, vlera asete monetare të një familje trafikantësh, pasi nuk janë grup, por janë vëllezër, janë tre vëllezër, që punojnë bashkë dhe që merren me trafikun e drogës
Vlera e lekëve?
Në një rast nuk i sollën në Vlorë por në Durrës dhe në bashkëpunuam me kolegët duke sekuestruar 86 mijë euro, prerje 20 , 10 e pesëshe. Në rastin tjetër ka qenë në portin e Vlorës në një kamion, një ngarkesë e këtyre personave, pavarësisht se arrita të kap vetëm shoferin, transportuesin kam sekuestruiar 360 kile hashash. Në portin e Vlorës në disa raste, ca mbaj mend me detaje, në usb-në e punës, atë kërkonte SHKB, ato iunformacione i duheshin, atë natë në banesën time nuk kërkonin drogë, por informacione për drogë. Kam dokumenuara veprimet operacionale që kam kryer. Këtij grupi i kisha bërë goditje në disa raste
Po prapë më qartë ku lidhet ky grup pas ndryshimit të pushteteve nga e djathta në të majtën??
Pas zgjedhjeve ky grup u bë shumë i pushtetshëm në Vlorë. Dhe kam mësuar se kta ishin lidhje farefisnore e z. Sajmir Tahiri, aktualisht minsitër i brendshëm.
Si e provoni ketë pretendim se është dhe akuzë e rëndë?
Këtë pretendim e provoj lidhjen farefisnore. Kur isha shef i hetimit të kufirit, kisha një regjistër themelor ku kisha të dhënat e regjistruara të të gjithë mjeteve lundruese që qarkullonin në bregdetin e drejtorisë rajonale, që nga Saranda deri në Vlorë, dhe për shkak të moratoriumit të asaj kohe regjistronim dhe skedonim të gjitha mjetet me gjithë informacionet që na vinin. Që në atë kohë unë kam pasur informacion dhe të skeduar, një mjet gomone, jo shumë i madh, që përdorej nga ish-deputeti i asaj kohe, deputeti sot ministër i brendshëm Sajmir Tahiri të cilin e mirëmbanin dhe përdornin këta të tre personazhe. Përdorej për pushime xhiro në bregdet në mungesë të pronarit e mirëmbanin këta persona, mjeti ishte në emrin e zotit Tahiri. Këta perosna ishin A. H, M. H, L.H, nga Vlora kto ishin kontigjent i trafikut të drogës që kur unë punoja në Vlorë vite e vite përpara.
Po kishit informacione për këtë se kishin lidhje me trafikun e drogës?
Në lidhje me trafikun e Vlorës, kam qenë në një moment kur do të verifikoja subjektin A.D, që po ndiqja në një takim që do bënte me disa porositës që do i çonte mallin në Itali me gomone, pas për hir të vërtetës, subjekti A. D nuk është se bëntë trafik vetëm për vetë bënte edhe për të tjerë, merrte porosi për të tretët, si transportues me mjetin e tij me gomone. Në një moment që unë doja të verifikoja me kë do të takohej ky subjekt, A.D në qytetin e Vlorës, kam parë një mjet me targa, AA 003 GB, audi A8 i zi me xhama të zi, që erdhi te makian e subjektit A.D. Nuk zbrit njeri, por subjekti A.D zbrit nga makina e tij dhe hipi në këtë audi. Unë u mundova ta ndjek që të marr vesh çfarë po bëjnë dhe ku po shkojnë, duket më kishin zbuluar dhe në vend që ti ndiqja unë me ndiqnin ata mua dhe më pas u shkëputa dhe shkova në punë. A. D ishte subjekti trafikant që unë kisha dhene informacione dy a tre herë dhe më ishte shitur. Në këto kushte shënova targën e audit dhe u largova. Të nesërmen në zyrë puna e parë që bëra ishte hapja e sistmeit TIMS dhe verifikova këtë targë, AA003GB. Targë e re shqiptare. Sapo e hap sistemin më rezultoi pronar i mjetit Sajmir Tahiri, ministër i brendëshëm.
Kur e keni bërë këtë verifikim?
Në muajin prill të vitit 2014, para se të më arrestronin. Mjetin e minsitrit tim e përdornin këta shtetas trafikant në Vlorë, deri atëherë se dija për këtë makinë por kur pashë A.D që u fut në makinë doja të verifikoja kush ishte ky mjet me kë u fut. Kur më doli emri i minsitrit u shtanga
Cfarë bëtë?
Në moment pa e hequr nga sistemi thërrita shefin e sketorit z Skënder dhe i tregoj shiko çfarë ka e kam verifikuar dhe në këtë makinë makinë hyri subjekti. Ai më tha se këtë makinë e mbajnë ata kushërinjtë e ministirt në Vlorë. Dhe më përmendi vëllezërit H. Madje këtë makinë më tha se para 10 ditëve i njëti mjet ishte ndaluar në aksin Gjirokastër Levan për kontroll dhe ata nuk janë ndalaur, nuk kanë pranuar të kontrollohen. I kanë shoqëruar në drejtori, ata kanë qenë të pirë nën shoqërinë e dy femrave, sa kanë hyrë në drejtori kanë nisur të shajnë e bërtasin oficerëve të policisë. Dhe ka marrë në telefon sallën operative, drejtori Ervin Hodaj, duke kërkuar sallës operative, të lihen të lirë dhe të largohen këto që ishin shoqëruar.
Kjo makinë është përdorur dhe në raster të tjera dhe për çfarë?
Kjo makinë përdorej nga ata kryesissht për levizjet Vlorë-Gjirokatër dhe ndonjëherë për të ikur edhe në Greqi me të.
Dyshonit se benin transport me lëndë të ndaluar?
Fakte konkrete nuk ka. Nuk mendosj se kanë në vojë ta bëjnë me kete makinë, sepse ata kishin mbështetje logjistike që munë ta bënin me kamion
Janë grup i strukturuar dhe me rrezik?
Janë grup që e kanë marrë nën adminsitrim gjithë aktivitetin kriminal këtu. Edhe me emërimet që ata kanë bërë në policinë e shtetit
Ata kanë bërë emërime, ku e mbështesni këtë pretendim akuzë?
Shefin e antidrogës së Vlorës ata e mbajnë fort.
Kjo sipas jush është burim i deklaratës së minsitrit?
Po e sqaroj me një fakt tjetër. Në dhjetor të vitit 2013, nëpërmjet dy miqve të mi, të njohurve jo miq, më është ofruar mundësia e njohjes me drejtorin e ri të kufirit të në Vlorë, për tu rikthyer me punë në Vlorë. Në Fier shkova nga halli se kisha familjen në Vlorë.Njëri prej këtyre elementëve ndonëse është dhe element i turbullt po kemi një lidhje fisnore të largët nga ana e nënës. Duke ditur hallet e mmia më thotë se njohim drejtorin e kufirit në Vlorë. Do të hyjmë mik të flasim të të marrë në punë në Vlorë. Ju ,më çoni në punë, e di drejtori me çfarë merreni ju? E kemi mik më thanë.
Si vepruat?
Pak nga kureshtja e pak se mbase rezulton e vërtetë shkova ta takoj. Vajtëm në një lokal ku ishte personi i tretë që kur i dhashë dorën mu prezantua Sokol Çela. E mora me mend se kush ishte dhe i thashë jam Dritan Zagani, ai mbeti si i mpirë dhe me pyet si ma the emrin. ??Ashtu siç e kam i thashë Dritan Zagani. Kthehet nga të dy të njohurit e mi dhge ju thotë. Të presim një moment se këtu ka një ngatërresë të vogël. Unë sia dija emrin, tani që e mësova emrin, një moment se do të flas unë thotë ai. Nxjerr nga xhepi një tip blloku të vogël, e hap dhe ma kthen mua dhe më thotë Dritan Zagani e ke emrin ti, dhe emri im ishteiI shkruar me germa të mëdha në bllokun e tij.
Më fal i them kush je ti që ke emrin tim në bllok e pyes?
Si u përgjigj?
Jam Sokol Çela tha drejtori i kufirit.Unë jam mik me të njohurit e tu më tha, jemi mes shokesh dua të ndihmoj tha, por emri yt ka vajtur me të madhe shumë kohë para se të vija unë tek ministri për të të zhdukur fare.
Si zhduk?
Kështu më tha ai. Përveç që të të lëmë në punë ku je në Vlorë harroje të vish.
Për arsye se ti ke punuar në Vlorë. Po ndaj i thashë se kam punuar dhe dëshiroj të vij prapë. Ti ke punuar në Vlorë më tha dhe ke punuar keq. Ke bërë dëme të mëdha në Vlorë.
Kush ishin këto dëme jua tha?
Më fal i them përveç luftës së hapur kundër trafikut rezultateve të larta kë quan dëm se nuk po të kuptoj. Këto janë dëme më tha. Nëse do kthehesha po për këto punë do të kthehesha i them për të bërë policin, ti për çfarë do më merrje. Mua ma kanë dhënë emrin tënd tha, emri yt ka vajtur te ministri dhe harroje se mund të vish në Vlorë. Dhe më premtoi se do mundohej të më mbante në punë të shteti. Nuk dua të kthehem i thashë se jeni njëlloj si ata që më hoqën. Dhe njëri nga të njohurit më tha për tu justifikuar se është buirrë i mirë. I them se ky është palaço. Jo më thotë është burrë i mirë punon me lekë në dorë. !!!!!!
Trafiku i drogës vijon ende në episoddin e avionëve?
Kur isha brenda për gjashtë muaj e tetë ditë nuk dija se çfarë bëhej. Kur dola jashtë po interesohem të kuptoj se çfarë më ka ndodhur që të heq këtë baltë të hedhur mbi mua. Çdo gjë është shpikur në adresën timë qe nga SHKB, dhe prokuroria
A ndiheni i kërcënuar ju dhe familja juaj?
I kërcënuar me shumë se nga kushdo tjetër ndihem nga shteti dhe falangat e tij aktuale, nga krimi i organizuar i mirëfilltë.
Po krimi dhe shteti nuk janë bashkë?
Në shumë pika janë të lidhura. Në rastin tim janë mish e thua.
Pse ndiheni ku e keni këtë burim kanosje?
Ju thashë se gjithë informacionet e mia, dhe puna e mirëfilltë policore eshte shitur, nga prokuroria dhe SHKB nga prokurori Martini dhe Shtylla, sepse vetëm këta kanë nxjerrë materialet në shtyp.
Keni siguri për familjen tuja ktu?
Gjatë periudhës që kam qenë në burg, familja ime përvec se e traumatzuar ka qenë edhe nën trysninë e frikës, deri në atë pikë sa nusja ime ka marrë dy fëmijët dhe ka vajtur në një kamp në Zvicër për të kërkuar azil, për të kërkuar mbrojtje, deri në momentin që unë kam dalë në arrest shpie me 8 nëntor dhe pas daljes sime iu thashë të kthehen në shtëpi.
Përse të ktheheshin se jani të sigurtë tani?
Jo, jo, i kërcënuar hapur nga njerëz që e bëjnë këtë në mënyrë të drejtpërdrejtë dhe nuk fshihen fare. Një ditë kur po kthehesha nga një seancë gjyqsore, se kujtoj mirë datën, në një gjyq që vetëm zvarritet, ndaloj për një kafe para se të ngjitem në banesë. Me vjen kamarieri dhe më thotë të kërkon pronbari lokalit, që nuk e njihja dhe i them të vije ai se nuk e njihja. Kamarieri largohet dhe më vjen një djalë rreth të 30-tave dhe më prezantohet, jam filani E. H, i them jam Dritan Zagani, të njoh më thotë dhe kam respekt për ty. Pavarësisht asaj që më ke bërë, mban mend që në 1998 kamionin dhe më thoshte, e kisha arrestuar me 180 kile hashash në shasinë e kamionit , ishte kamioni i parë me drogë sekuestruar nga unë në 1998 kur ky ishte 18 vjec. I ati ishte dënuar për këtë. Po çfarë ke i them? Ky lokal është i imi dhe ketu ndodhen disa çuna që unë rastësisht e mora vesh që donin të vinin të të fusnin thikën pas shpine. Unë s’dua rrëmujë në lokalin tim, ndaj të lutem ik nga lokali im e shko pi kafe diku tjetër se mezi po i mbaj ata që mos e bëjnë këtë punë të vijnë e të të godasin.
I identifikuat?
Pashë lokalin dhe pashë në një tavolinë tre persona, njërin e njihja kushëri i ministrit Tahiri, që po më shihnin me jaht. Të nesërmen më ka ardhur në banesë dhe më ka thëne bëj kujdes mos dil më se ata duan të të godasin dhe më tha emrat e atyre që ishin në lokal. Dhe keta janë kushërinjte e zotit Tahiri.
A keni kërkuar mbrojtje nga kryeministri, presidenti, nga ndërkombëtarët, prokurorit të përgjithshëm??
Duke parë situatën ku ndodhesha ku vazhdoj nëntë muaj arrest shtepie dhe gjashtë muaj e tetë ditë arrest me burg, nga keto tetë ditë përtej afateve të paraburgimit, sipas vendimit të gjykatës, dhe prokuroria hesht për këtë shkelje që është vepër penale konsumuar ndaj meje. Kam bërë me dije dhe prokuror e president e trup diplomatik, te qeveria jo për mosbesim por sa të jetë minisitër z,Tahiri që ka këta kushërinj trafikant unë nuk kam besim.
Ndërkombëtarët?
Trupin diplomatik, president e prokuror. Si president e prokuror nuk me sqarojnë asgjë. Madje prokurori i Përgjithshëm për informacionin që kam dërguar për veçimin e çështjes e ndarjen nga banda e trafikut e dërgimi në prokurorinë e rrethit gjyqsor Fier, prokurori vonon dhe tre muaj të tjerë dosjen. Kjo është keqdashje dhe thellim i ligjshkeljes. Prokurori më kthen përgjigje dosja u nis, asgjë tjetër për shkeljet e bëra nga prokuroria në adresën time. Presidenca ia ka nis shqetësimin tim Prokurorisë.
A keni besim te gjykata?
Absolutisht jo. Sepse më ka arrestuar pa prova. Më ka mbajtur gjashtë muaj e tëte ditë në burg pa asnjë provë dhe nëntë muaj në arrest shtepie pa asnjë provë duke mos më lejuar të punoj që të mbaj familjen, tre fëmijët e mi dhe një grua që e kam të sëmurë. Kanë ndryshuar rrethanat si person në hetim për trafik dhe duhet të ndryshojë masa e arrestit. E njëta gjykatëse ka dënuar me burg të arrestuarit nga unë duke vlerësuar të drejtë punën time dhe i njëjti material më fajëson mua. Edhe Apeli dhe Gjykata e Lartë lanë masë arresti në burg për ktë akuzë trafiku ndërsa Krimet e Rënda, Gjykata e Shkallës së Parë për Krime të Rënda transferoi çështjen dhe ndryshoi akuza, duke dëshmuar se unë isha arrestuar pa prova. Dhe dërgoi çështjen për kompetencë në Fier dhe gjykata e Fierit se merr guximin të ndryshojë masën ndonëse kam tjetër akuzë.
Gjendja juaj familjare, ekonomike?
Prej më se një viti që më është bërë arrestimi të ardhurat janë vetëm dy pensionet e prindërve të mi, jemi shtatë vetë me 40 mijë leke, duke futur ketu dhe ilacet e prindërve të sëmurë edhe ushqimin dhe banesën e kam me kredi. Ndonëse në media sipas SHKB, mua më ka sekuestruar dhjetëra apartamente dhe makina. Ndonëse kam një makinë të viti 2002 që ka kushtuar 1200 euro.
Apel gjykatës?
Seancat janë formale. Mendoj se ka trysni shumë ndaj gjykatës dhe nuk pres drejtësi. Ka njerëz që tremben nga puna që unë kam bërë dhe nuk duan që unë të jem i lirë dhe të punoj këtu.
Do ta ndiqni çështjen dei në fund?
Derisa të marr frymë nuk do ti ndahem hetimit në çdo shkallë gjyqsori deri në Strasburg deri në pafajësinë e plotë. Kjo është thjesht një padrejtësi, por duhet të hiqej një polic që u ishte bërë ferrë kundër trafikantëve.
“Dhënia e lagunës së Patokut, një prej pasurive kombëtare, vëllait të deputetit Armando Prenga, është padyshim thellimi i inkriminimit. Me një tender të dyshimtë, në shkelje të të gjithë kritereve teknike, vëllai i deputetit të Edi Ramës, ka arritur të fusë në dorë këtë aset të çmuar edhe pse ka një kompani të ngritur enkas, prej 2 muajsh. Kemi këtu dokumentat që tregojnë se kompania e vëllait të deputetit Prenga ka dalë fituese, ndonëse është krijuar vetëm dy muaj më parë”, thuhej asaj kohe në deklaratën e PD-së.
Në media qarkullon lajmi se Rudina Xhunga nuk do të jetë më pjesë e Top Channel me emisionin e saj “Shqip”. Xhunga gjatë gjithë verës ishte më pranë publikut të gjerë se kurrë ndonjëherë më parë me emisionet e saj promovuese turistike, duke shkuar cep më cep të Shqipërisë.
Xhunga nuk e pohon dhe as nuk e mohon këtë, por thekson se ende nuk e di çfarë do të ndodhë me emsionin e saj. Natyrshëm lind pyetja nëse mbyllja e emisionit të Xhungës do të vinte si rezultat i qëndrimeve të njohura kundërqeveritare të bashkëshortit të saj Dritan Hila, ish-zëvendës ministër i Mbrojtjes, duke patur parasysh faktin që politikat e televizionit të Top Channel janë të orientuara pro qeverisë.
Sakaq gazetarja, siç paralajmërohej në media për largimin e saj nga Top Channel dhe mbylljen e “Shqip”, dha emisionin e radhës. “Së afërmi!”, shkruan Xhunga.
Dritan Hila ka reaguar pas deklaratës së kryebashkiakut Erion Veliaj, se do të prishë restorantin e Fatos Nanos tek stadiumi Selman Stermasi.
Ai shkruan se prishja e tij do të ishte një makiazh i panevojshëm në njësinë 5, pas problemeve të shumta që ka kjo zonë.
“Pasi lexova deklaraten e Velise qe do te prishi restorantin e Fatos Nanos tek stadiumi “Selman Stermasi”, mu kujtua Lucio Kornelio Sila.
Ishte Konsull Romak. Dha doreheqjen nga gjithe funksionet dhe u terhoq ne jeten private, kur ishte ende ne kulmin e fuqisej. Pas aktit, rruges per te shkuar ne banesen e tij, nje qytetar e shau.
Reformatori qe kishte ringjallur edhe nje here madheshtine e Romes, ushtaraku i cili kishte ne dore te çonte ne kembe legjeone te tera besnike te tij qe rrinin ne dyert e qytetit, u mjaftua me nje thenie ironike qe ja shprehu mikut qe kishte ne krah dhe qe mbeti ne histori: ” Idioti. Pas kesaj nuk do te kete pushtetar ne bote te jape doreheqjen”.
Nuk e di a ka lexuar Nano per Silen dhe a e njeh kapiteni i Erjon Velise dhe Erioni vete konceptin e mirenjohjes, pasi pa sponsorizimin e Nanos dhe doreheqjen e tij, do te ishin ende rrugeve te botes. Por ne nje hale urbanistike qe eshte Komuna e Parisit ku edhe trotuari eshte koncept inegzistent, ky makiazh do te ishte gjeja e fundit qe ka nevoje Njesia 5.
Epitafi qe Sila e zgjodhi per veten e tij thoshte: “Nuk kam mik qe me ka sherbyer, nuk kam armik qe me ka ofenduar, te cilin nuk ja kam kthyer reston plotesisht”. Por kjo me kujton me shume Berishen.
P.s. Lidhur me lejen e lokalit, duhet me shume transparence, pasi deklarata e Veliajt ishte evazive. Lokali eshte bere kur kryeminister ishte Berisha dhe bashkiak Rama. Ka diçka qe nuk shkon”, shkruan Hila.
Sipas Veliajt, pak rëndësi ka kush drekon në atë restorant. Ai tha se është konfirmuar se objekti është pa leje dhe për pasojë do të shembet.
“Jemi treguar të kujdesshëm për të respektuar të gjitha afatet ligjore. Fillimisht restorant “Pulëbardhës” tek stadiumi “Selman Stermasi”, i është kërkuar që të heqë të gjitha barrierat në rrugë, i është kërkuar gjithë dokumentacioni dhe pasi është verifikuar, ai është një ndërtim pa leje. Sigurisht që do shembet.
Klubi i Tiranës ka të drejtë nëse restoranti në fjalë do të shpëtonte nga ky aksion. Nuk më intereson se kush ishkryeministër drekon aty. Më intereson fakti që një çiban, në trup të stadiumit dhe kuzhinë, bombula gazi aty ku zhvishen lojtarët nuk mund të ketë.” –deklaroi Veliaj.
TIRANE- Poetja e njohur Zhuljana Jorganxhi i drejtohet me një letër ndjese bashkeshortit të këngëtares Lindita Theodhori, për të cilën, nipi i saj, kantautori Gjergj Leka përdori etiketime fyese dhe akuza të rënda.
Jorganxhi, autore e qindra teksteve poetike nëpër festivalet e këngës në RTSH dhe redaktore letrare e gjithë teksteve të festivaleve për mbi njëzet vjet, ia ka dërguar emailin nga Italia, ku jeton prej
vitesh. Emaili është publikuar sot nga gazeta “DITA”. Permes tij, ajo i kerkon ndjese Maqos dhe familjes Theodhori, duke thene se ndihen teper te prekura nga gjithe sa ka ndodhur e duke kujtuar se nipi Leka po e ndjek ceshtjen ligjerisht. Kujtojme se intervista dhene me deshire nga Leka per “Panorama”, e ku mes tjerash ai flet edhe per kengetaret Simaku e Theodhori eshte e regjistruar, e mund te perdoret si prove, nese ceshtja ndiqet ligjerisht.
Zhuliana Jorganxhi i shkruan bashkëshortit të Lindita Theodhorit
Megjithëse do të më duhej shumë guxim sot që t’ju thërrisja si dikur, miku im Maqo! Në radhë të parë ju falënderoj që pranuat miqësinë time në fb. Ju uroj me gjithë shpirt shëndet të plotë familjarisht, dhe mbarësi në familjen tuaj të mrekullueshme! Sot, si asnjëherë tjetër në jetën time po e ndjej vehten shumë ngushtë dhe keq që t’ju shkruaj ato që mendoj me zemër dhe shpirt si Zhuliana, për Linditën, e cila është rritur në sytë e mi dhe të motrës sime Rozmarisë si një filiz i njomë, i rrallë i artit shqiptar dhe sot i ngjan një selvie të bukur të lartë me krye deri në qiell, që vetëm bleron në çdo stinë të jetës.
Miqësia jonë ka zënë fill me këngën dhe aty në kemi venë shpirtrat tanë, ajo me zërin e saj të mrekullueshëm dhe unë me vargjet e mia, që Lindita dhe gjithë këngëtarët që nga e madhërishmja Vaçe dhe të tjerat i kanë përcjellë në zemrat e njerëzve për vite e vite me radhë dhe jehona e tyre nuk do të shuhet kurrë, se ka hyrë në zemrat e çdo shqiptari kudo që të jetë ai. Unë, megjithë fuqinë e shpirtit, aq sa më ka mbetur sot në këtë moshë kur po afroj të 70tat dhe motra të 80tat, ngrihemi dhe i kërkojmë të falur si familje bashkëshortes Suaj, mikes sime të shtrenjtë Lindita për gjithçka ka ndodhur këto ditë. Jemi tmerrësisht të tronditur si familje, sepse gjithë jetën kemi parë punën tonë dhe nuk kemi përgojosur njeri, kur ja në faqet e një gazetë nxijnë fjalë të padëgjuara të rënduara nga balta e banalitetit dhe këto fjalë duket sikur i ka thënë djali dhe nipi ynë Gjergj Leka.
Unë dhe Rozmaria jemi dy të moshuara që vitet na kanë lodhur dhe veçanërisht nga ikja nga kjo botë e bashkëshortit të saj Prof.Kostandin Lekës para dy vjetësh, dhe nuk mund të durojmë këtë tmerr që na ndodhi! Nëse një gazetë mbolli erë thashethemesh, kjo erë u bë furtunë dhe ra mbi ne si familje. Ne jemi në Trieste të Italisë prej 23 vjetësh dhe Gjergji është në Tiranë, por ju thashë, rrufeja ra mbi ne si familje. Nuk mund ta besojmë që djali dhe nipi ynë të ketë folur aq rëndë, me një fjalor, që veshët dhe goja jonë si familje nuk e pranon asnjë çast.
Ai tani po e kërkon gjithçka në rrugë ligjore dhe do që të dalë e drejta, kurse ne si familje vijmë përulësisht para jush dhe ju kërkojmë falje për gjithçka ka ndodhur. Mbetemi me shpresë se kjo FALJE do të vijë nga ju, si njerëz të drejtë dhe si të krishterë të vërtetë. Edhe njëherë ju urojmë shëndet të plotë dhe mbarësi në familjen tuaj! Me respektin dhe nderimin me të madh për ju, të gjithë, Rozmaria, Zhuliana dhe gjithë familja LEKA.” bw
Keto dite erdhi ne Tirane z Juri Lina, autor i librit ‘Under the Sign of the Scorpion: The Rise and Fall of the Soviet Empire’ (Nën shenjën e Akrepit: Shkëlqimi dhe rënia e Perandorisë Sovjetike).
Juri Lina eshte shkrimtar dhe regjizor antikomunist.
Ka lindur ne Estoni më 1949, ne kohen kur Estonia ishte e pushtuar nga Rusia Komuniste.
Më 1979 shkon ne Suedi dhe asnjehere nuk e ndali luften kunder komunizmit.
Eshte konsideruar nga KGB Ruse si shkrimtari me antikomunist.
Jüri Lina eshte anetar i Swedish Publicists’ Associacion (Shoqata Suedeze e Publicistëve).
Kisha fatin te bashkebisedoja me z. Juri Lina, te shkembenim mendimet tona dhe ti flisja per krimet komuniste ne Shqiperi.
Juri Lina po pregatit nje dokumentar per Krimet Nderkombetare te Komunizmit, ku nje vend do t’i kushtohet krimeve te bera ne Shqiperi nga regjimi diktatorial.
Avioni “Aeroprakt A22 S”, i sekuestruar vetëm pak ditë më parë në Itali, në përfundim të një operacioni të përbashkët italo-shqiptar kundër një grupi trafikantësh droge me në krye Vilson Lamajn, rezulton të jetë përdorur që prej vitit 2014. Ndryshe nga sa ka konfirmuar zyrtarisht Policia Shqiptare, Policia Italiane ka thënë se i njëjti avion, të cilin, banda shqiptare e trafikantëve e kishin blerë në Itali, nga disa bashkëatdhetarë të tyre, ka kryer trafik droge edhe në dy raste të tjera, një herë me 50 kg, dhe një herë tjetër me 300 kg marijuanë.
Por nga kjo foto e gjetur në rrjetet sociale, konkretisht në profilin e personit të quajtur “Babushi Vlorë”, shihet i njëjti avion i cili është përdorur edhe në vitin 2014, (kohë në të cilën është postuar fotografia).
Ky avion duket teksa fluturon mbi rivierën e bregdetit të Riminit, dhe pilotohet nga personi me pseudonimin “Babushi Vlorë”.
Duke hedhur dyshime se ky avion përdorej që prej 2014-ës.
Personi me pseudonimin “Babushi Vlorë” nga hulumtimet në profilin e tij në Facebook, duket se ka raporte miqësore me Vilson Lamajn, pilotin e prangosur si kreu i bandës së trafikantëve si dhe vëllanë e tij, Artjon Lamajn e kushëririn e tyre Kleo Lamaj.
Burimet thonë se avioni “Aeroprakt A22 S”, mbahej në një garazh në Itali, konkretisht në Rimini dhe kur nxirrej për t’u dërguar në pistën e ngritjes, transportohej me një kamion, duke e kamufluar.
Dhe për këtë bëjnë fajtor shtetin. Është e vërtetë që s’ka të krahasuar Tonini me Sinanin dhe gjithe sojin e sinanërve. Por tani jetojmë në ekonomi tregu. Tonini dikur merrte vetëm duartrokitje, Sinani tani merr para. Në një treg të lirë nuk imponon dot mallin, por do të shesësh atë që kërkon konsumatori. Psh, nëse konsumatori kërkon m… (shumë ndjesë për fjalen, por s’kam nga ja mbaj pa e përdorur), ti nuk mund të shesësh mjaltë. Kështu që i bie të pasurohet Sinani. Me pak fjalë, nuk është faji i atij që shet mut, por i atyre që e hanë mutin.
TIRANE-Ish shefi i zyrës së Interpol Tiranës, Artan Bajraktari kërkon hapjen e hetimeve për bllokimin e udhërit të arrestimit për deputetin e mazhorancës, Mark Frrokun, të lëshuar nga autoritetet belge. Bajraktari ka paraqitur një kërkesë në Gjykatë.
Ai kërkon zbardhjen e të vërtetës. Bajraktari u arrestua në fund të muajit mars dhe u pezullua nga detyra me udhër të Drejtorit të Përgjithshëm të Artan Didi, i cili u dorëhoq edhe vetë pas daljes në dritë të skalndalit të bllokimit të udhër –arrestit për Mark Frrokun. Bajraktari e fitoi gjyqin dhe gjykata i dha të drejtën e rikthimit në detyrë. Ai tha gjatë procesit se kishte zbatuar ligjin duke vënë në dijeni Drejtorin e Përgjithshëm Artan Didin.
Por hetimet nuk nxorrën përgjegjësitë për këtë çështje ndaj Bajraktari kërkon zbardhjen e plotë të ngjarjeve që çuan në bllokimin e urdhërit të interpolit belg dhe në vonimin e arrestimit të deputetit të mazhorancës, Mark Frroku, i cili akuzohet në Belgjikë për vrasjen e emigrantit shqiptar, Aleksandër Kurti, më 5 mars të vitit 1999, në stacionin e trenit në Bruksel.
Më 24 korrik, akuza kryeqytetase pushoi hetimet ndaj Artan Bajraktarit dhe Loreta Alles, specialiste në Interpol Tirana, me argumentin se ka pasur vetëm shkelje administrative për sa i përket ekstradimit të Mark Frrokut, i cili akuzohet për vrasje në Belgjikë.
Pak muaj më parë, në një aksion-blic, pas mesnatës, Alla dhe Bajraktari u vunë në pranga nga Kontrolli i Brendshëm i policisë, porse pa u mbushur 24 orë nga arresti, Gjykata e Tiranës vendosi lirimin e menjëhershëm të tyre. Pa kaluar shumë orë nga këto zhvillime të vrullshme, në mënyrë të befasishme dha dorëheqjen ish-kryepolici Artan Didi. Ky i fundit tha se nuk kishte arritur ta parandalonte fshehjen e kërkesës për ekstradim të Frrokut, ndaj largohej nga posti i drejtorit të Policisë së Shtetit. Nga ana e tij, pasi u lirua Bajraktari tha se arrestimi i tij ishte veprim emocional.
Në argumentimin e prokurorisë thuhej se veprimet e Allës dhe Bajraktarit bien në kundërshtim me një nen të marrëdhënieve juridiksionale me autoritetet e huaja në çështjet penale. Interpoli, kur merr një urdhër-ndërkombëtar arresti, nga një shtet i huaj, brenda pesë ditëve duhet t’ia përcjellë Ministrisë së Drejtësisë. Nga hetimi rezultoi se kjo vonesë në përcjelljen e praktikës së organeve kompetente nuk është bërë me dashje nga dy punonjësit e Interpol Tiranës, por për një shkak objektiv që kishte të bënte me verifikimin e dy email-eve, të datës 8 janar 2015 dhe 23 janar 2015, në sistemin e brendshëm dhe komunikimit me qendrën e Interpolit në Lion të Francës.
Meqenëse ky verifikim kërkonte kohë, praktika është bërë e mundur të përcillet disa ditë (katër ditë) jashtë afatit ligjor, pikërisht me datë 27 mars 2015, një ditë pas dhënies së autorizimit për arrestimin nga Kuvendi i Shqipërisë për deputetin Mark Frroku, i dyshuar për vepra penale të kryera brenda territorit shqiptar. Gjithashtu, si rezultat i këtij mosveprimi në afatin ligjor, dy personat nën hetim nuk kanë pasur për qëllim të favorizojnë interesat personale apo të të tretëve, por prioritet ka qenë saktësimi i informacionit të përcjellë nga Interpol Brukseli drejt Interpol Tiranës.
Siç rezulton, veprimet e mosveprimet e personave nën hetim, Loreta Alla e Artan Bajraktari janë kryer në shkelje të dispozitave ligjore të shpërmendura, pra përbëjnë shkelje të ligjit, por duke pasur parasysh natyrën e shkeljes të evidentuar më lart, organi i akuzës arrin në konkluzionin se kjo shkelje me karakter administrativ./26.08.2015
Artan Didi paraqiti më 31 mars 2015 dorëheqjen e pa revokueshme
Më 31 mars 2015, Artan Didi i paraqiti kryeministrit Edi Rama dhe ministrit të Brendshëm, Saimir Tahiri dorëheqjen nga detyra e Drejtorit të Përgjithshëm të Policisë së Shtetit, dorëheqje që vetë ai e lidhi me fshehjen e urdhër-arrestit belg për deputetin Mark Frroku. “Modelin e punës që u mundova të fus në institucion po e shoqëroj me modelin e dorëheqjes kur diçka nuk ecën sipas pritshmërisë që ti ke dhe asaj pritshmërie që kanë të tjerët për punën e institucionit që ti drejton. Shkelja e procedurave ligjore të specialistit të INTERPOL-it dhe të shefit të këtij sektori, shkelje që i vuri përpara përgjegjësisë penale, cenoi në një farë mase imazhin e Drejtorisë së Përgjithshme të Policisë, ndonëse ishte po ky institucion që e korrigjoi gabimin. Për këtë arsye, duke vlerësuar këtë ngjarje si të papranueshme për prestigjin e institucionit të Policisë së Shtetit, të cilin unë e drejtoj, duke vlerësuar që nuk pata kapacitetin e mjaftueshëm për të parandaluar një fakt të tillë, vendosa të jap dorëheqjen e parevokueshme nga funksioni i Drejtorit të Përgjithshëm të Policisë së Shtetit. Punonjësit e ndershëm të policisë të më gjykojnë për këtë vendim”, shkruante Didi në tekstin e dorëheqjes asaj kohe
Pas dorëheqjes shtypi përfoli një emërim të Artan Didit në SHBA
Rruga e kthimit drejt Shteteve të Bashkuara të Amerikës e Artan Didit ka gjasë të jetë shumë më e shpejtë sesa është menduar. Ish-drejtori i Përgjithshëm i Policisë së Shtetit, i cili dha dorëheqjen e parevokueshme nga detyra, pas skandalit të fshehjes në sirtarët e policisë të urdhër-arrestit belg për deputetin kristiandemokrat, Mark Frroku, është një hap pranë marrjes së një detyrë të rëndësishme, që do ta çojë sërish në Amerikë. Njeriut që iu besua detyra e rëndësishme e drejtimit të uniformave blu, prej së cilës u dorëhoq, i është propozuar një tjetër detyrë po aq e rëndësishme. Burime të besuara nga Policia e Shtetit thanë për “Gazeta Shqiptare” se Artan Didi pritet të marrë zyrtarisht emërimin si oficer kontakti i Policisë së Shtetit në Uashington. “Më kanë propozuar disa detyra, mes tyre edhe atë të oficerit të kontaktit në Uashington”, tha ish-numri një i Policisë së Shtetit për “GSH”. “Megjithatë – theksoi Didi – mua nuk është konfirmuar zyrtarisht emërimi”.
Drejtimi i policisë
Artan Didi, cili jetoi për shumë vite në SHBA dhe u kthye në Tiranë për të marrë postin e kreut të Policisë së Shtetit në 2013 kur socialistët morën pushtetin. Në detyrën e tij, që zgjati pak më shumë se një vit, sigurisht që shënoi suksese, sikurse pati edhe dështime. Didi ishte drejtuesi i Policisë së Shtetit, që nuk u ‘pranua’ nga opozita, me arsyetimin se ishte njeri politik, për shkak se kishte qenë numërues votash për llogari të Partisë Socialiste. Ish-komandanti i repartit special RENEA rrezikoi jetën në 1998, kur mbeti i plagosur gjatë operacionit për kapjen e arabo-egjiptianit, Muhamed Omar Al-Said, i kërkuar për terrorizëm. Por, duket se gjendja në të cilën e gjeti Policinë e Shtetit, përplasjet e forta brenda llojit, ishin pengesa të forta për oficerin e karrierës, për të mbajtur zotimin se do ta kthente policinë në një strukturë model. Por, kur nuk kanë kaluar as dy muaj nga largimi i tij nga drejtimi i uniformave blu në sfond shfaqet për të detyra e rëndësishme e oficerit të kontaktit në Uashington, që duket se pret vetëm një firmë./22maj2015 / Burimi i informacionit shtypi i Tiranës – gazeta Shqiptare, Balkanweb dhe gazeta Shqip
Mbi 400 forca të policore, të ndihmuara dhe nga njësitë speciale dhe helikopterë po ndërhyjnë në zonën e Dukagjinit. Më shumë se 4 mijë rrënjë cannabis sativa janë asgjësuar
Në Shqipëri, policia nisi sot një tjetër operacion masiv për shkatërrimin e parcelave të mbjella me bimë narkotike në Veri të Shqipërisë. Operacioni i sotëm është përqendruar në dy prej ish komunave malore të Dukagjinit, në atë të Planit dhe atë të Pultit, dhë në të janë angazhuar të paktën 400 forca policore e 60 automjete. Për shkak të vështirësive të shumta të terrenit malor dhe sigurisë së tyre, në operacion janë përfshirë edhe forcat speciale të policisë “Renea” si dhe ato të Ndërhyrjes së Shpejtë, ndërsa nga ajri po jepet mbështetje me 2 helikopterë, që transportojnë trupat “Renea” drejt zonave më të vështira.
Gjatë paradites së sotme, forcat e policisë arritën të asgjësojnë me djegje 109 parcela me 11 450 rrënjë të bimës narkotike cannabis sativa, ndërkohë që operacioni është në vazhdim e sipër në zonën e Pultit, Gjurës dhe Temalit.
Ky është operacioni i dytë masiv antidrogë që policia shqiptare ka ndërmarrë , gjatë javëve të fundit, në zonën malore të Dukagjinit, ku mendohet se gjendet edhe numri më i madh i parcelave të mbjella me bimë narkotike në zonën Veriore të Shqipërisë.
Në operacionin e parë masiv antidrogë, që nisi me 8 gusht të po këtij viti, dhe që u përqendrua në ish komunat malore të Shalës e Shoshit në Dukagjin, policia asgjësoi më shumë se 250 parcela me rreth 35 mijë bimë narkotike. 224 prej këtyre parcelave ishin identifikuar më parë përmes ajrit, me ndihmën e helikopterëve të specializuar të policisë italiane.
Operacionet antikanabis në zonën e Dukagjinit paraqesin shkallë të lartë vështirësie për policinë për shkak të terrenit tepër malor dhe të pyllëzuar, shtrirjes së madhe të territorit ku kultivohen bimët narkotike, por edhe largësisë së tyre nga zonat e banuara. Shumica e parcelave të drogës gjenden në toka pa pronar, çka e ka vështirësuar punën e policisë për identifikimin dhe arrestimin e kultivuesve të drogës.
Vitin e kaluar, gjatë operacioni të ngjashëm me atë që po zhvillohet në zonën e Dukagjinit, forcat e policisë u goditën me armë nga një grup i armatosur, i cili qëlloi edhe një prej helikopterëve të përfshirë në operacion, duke e dëmtuar dhe shtyrë të bëjë zbritje të detyruar.
Që nga fillimi i këtij viti, në tre rrethet e Qarkut të Shkodrës; në Pukë, Malësi të Madhe dhe Shkodër, forcat e policisë kanë shkatërruar rreth 1000 parcela me bimë narkotike, duke shkatërruar me djegje më shumë se 140 mijë bimë narkotike, çka vazhdon ta renditë edhe këtë vit Qarkun e Shkodrës në krye të zonave, që vazhdojnë të kultivojnë bimët narkotike në Shqipëri.
Inspektoriati i Tatimeve dhe Taksave nisi sot një operacion të gjerë në Tiranë dhe qytete të tjera në përpjekje për të luftuar informalitetin dhe evazionin fiskal.
Edhe pse u deklarua se kontrollet do të nisin nga bizneset e mëdha, ku edhe evazioni është më i madh, ishin bizneset e vogla ato që i pritën me më shumë frikë kontrollet e tatimorëve.
Disa tregtarë thanë se e mbështetnin operacionin e tatimeve dhe kërkonin që grupet e kontrollit t’u dorëzojnë raporte me shkrim mbi situatën e gjetur, në mënyrë që t’ua tregojnë grupeve pasardhëse, sepse cdo kontroll po e nis punën nga e para.
Një pjesë e shitoreve i kishin mbyllur dyert, por edhe në ato që ishin hapur, tregtarët ndiqnin me shikime të frikësuara cdo person që hynte aty me dyshimin se mund të ishin inspektorë tatimesh.
Një pjesë e tregtarëve pohuan se vetëm sot kishin kaluar dy kontrolle dhe ishin gati ta mbyllnin fare biznesin, se fitimet janë minimale dhe aq sa mbeten nuk dalin për të paguar taksat apo gjobat.
Por ka edhe tregtarë më të mëdhenj, që i kërkojnë drejtorisë së tatimeve, që të hartojnë një histori të ecurisë së cdo biznesi, të ndajnë bizneset e rregullta nga ato të parregullta dhe t’i trajtojnë në mënyrë të diferencuar ata që i zbatojnë ligjet me përpikmëri prej dy dekadash.
Operacioni është pritur në mënyra të ndryshme nga tregtarët. Disa të parregullt e ndjekin me frikë cdo lajm mbi kontrollet, dhe po rendin të regjistrohen në qendrën kombëtare të regjistrimit të bizneseve.
Pjesa e bizneseve të rregullt po e presin me qetësi operacionin kundër informalitetit, sepse po presin t’u heqë barrën e konkurrencës së pandershme prej bizneseve të parregullta.
Ata thonë se kush është në rregull, nuk ka pse frikësohet, madje shtojnë se edhe taksat nuk janë aq të larta sa për t’u trembur.
Një sfidë më vete është edhe kontrolli i tregtarëve ambulantë, të cilët shesin në lëvizje dhe nuk tregojnë asnjë dokument fiskal.
Sipas tregtarëve, që komentojnë jashtë kameras, ata presin që inspektorët e tatimeve të kontrollojnë më shumë bizneset e mëdha, sepse ata i shmangin taksat dhe kontrollet duke shfrytëzuar lidhjet e tyre me zyrtarë të administratës shtetërore, pasatj gjithë barra e presioni u mbetet bizneseve të vogla.
Qeveria shqiptare ka pranuar se nga një studim i tregjeve, më shumë se një e treta e bizneseve veprojnë në informalitet, madje afro gjysma e tyre nuk përdorin kasa fiskale as u japin klientëve fatura tatimore.
New York Times: Trumpi në Shtëpinë e Bardhë mund të sjellë pasoja të mëdha për Evropën
LAMTUMIRE MIKU DHE SHKRIMTARI YNE I DASHUR TASIM ALIAJ!- Nga Gjikë Kurtiqi dhe Tatiana Kurtiqi
Shoqata e Intelektualëve “Jakova” në Gjakovë ka ndarë çmimin “Guximi Intelektual 2023” për aktivisten Dr. Luljeta Pula-Beqiri Nga Iliriana Pylla
Sondazhet e Shtëpisë së Bardhë e nxirrnin Joe Biden humbës, ish-zyrtari i Obamës: Donald Trump dilte fitues me 400 vota elektorale
Onufri sjell librat poetikë Skaterr të Elida Buçpapaj dhe Zogu i Bjeshkës i riu nga Skënder Buçpapaj
Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”
Liderët në tubime të diskutueshme me diasporën
Panik para Bashkisë së Tiranës, polici humb ndjenjat gjatë protestës së opozitës, qytetarët i vijnë në ndihmë
Media amerikane: Soros shpenzoi 131 milionë dollarë për të mbajtur Ramën në pushtet! Aleksi fle te shtëpia e Enverit
Kievi dhe Moska në kërkim të avantazhit para bisedimeve të mundshme për paqe
“Po punon për zbutjen e raporteve me Teheranin”, New York Times: Elon Musk u takua fshehurazi me ambasadorin e Iranit në OKB
Mbi 44 mijë dokumente, blloqe shënimesh dhe…- DPA çel ekspozitë me dorëshkrimet e gjeniut të letrave shqipe Ismail Kadare
