VOAL

Shqipëri

Deklarata e policisë së Elbasanit: çfarë është e ndaluar kategorikisht gjatë ndeshjes Shqipëri-Serbi

Voal – Kur na ndajnë edhe vetëm pak orë nga përballja historike mes Shqipërisë dhe Serbisë në “Elbasan Arena”, policia ka rikujtuar edhe njëherë masat e marra për garantimin e rendit dhe qetësisë publike, për zhvillimin sa më normal të ndeshjes.

Ditën e sotme, është mbajtur një takimi me përfaqsues të UEFA-s, Policisë dhe FSHF-së, lidhur me simbolet që do të ndalohen dhe ato që do të mbahen nga tifozët në stadium.

DEKLARATA E POLICISË SË ELBASANIT

Pas takimit që krerët e Shtetit, kanë bërë me UEFA, ju rikujtojmë edhe njëherë masat e marra:

Ju bëjmë me dije se sot në orën 08:00 do të bllokohen disa segmente rrugore si dhe do të ndalohet qarkullimi I mjeteve në këto akse rrugore, konkretisht:

* Bulevardi “Qemal Stafa” që fillon nga Posta deri në dalje të unazës për në Librazhd

* Bulevardi “Aqif Pasha”, që fillon nga 1 Maji deri tek ish-konservimi i vjetër

* Nga ish-konservimi I vjetër deri tek Harullajt

* Nuk do të lejohet parkimi I mjeteve nga rrethrrotullimi i luleve deri tek rrethrrotullimi i Zaranikës.

* Nuk do të lejohet parkimi i automjeteve përreth dhe përballë stadiumit.

* Nuk do të lejohet lëvizja dhe parkimi I mjeteve në dy Bulevardët Kryesorë

Bëjmë me dije se hyrja e sportëdashësve do të fillojë në orën 16:30 dhe do të mbarojë në orën 20:15, me qëllim shmangien e radhëve të gjata në hyrje për në Stadium.

Lidhur me ndeshjen do të angazhohen 2300 punonjës policie, nga këto 365 punonjës policie do të jenë nga Drejtoria e Policisë Qarkut Elbasan.

Nuk do te lejohet marrja e femijëve të mitur pa u pajisur me biletë

Të gjithë sportëdashesit që do të marrin pjesë në këtë aktivitet, të jenë të pajisur me kartë identiteti dhe të mos kenë me vete:

a) sende të forta,
b) shishe (të cfarëdolloji)
c) fishekzjarre
d) monedha apo metale (të cfarëdolloji)
e) çelësa të ndryshëm

Në të kundert NUK do të lejohen të futen në stadium.

Për të gjithë tifozët që kanë prerë biletat për të parë ndeshjenqë , ju bëjmë me dije se në Stadium do të lejohen vetëm këto veshje:

Shalli me flamurin Kuq e Zi

Bluza, ose shalle të stampuara vetëm me flamurin dhe simbolet “Kuq e Zi”

Flamuri Kombëtar dhe asnjë banderolë tjetër.

Shalli me mbishkrimin “Plisat”

Nuk do të lejohen:

Banderola me mbishkrimin “Shqipëria Etnike”

Asnjë bluzë ose shall me simbolet e Kosovës.

Asnjë bluzë ose Shall me mbishkrimin “Harta Etnike”

Asnjë bluzë ose Shall me mbishkrimin “Shqipëria Autoktone”

Asnjë bluzë ose Shall me mbishkrimin e ndonjë heroi të Kosovës.

Në hyrje të stadiumit do të kontrrollohen të gjithë sportëdashësit.

Të gjitha lokalet që ndodhen, përreth Stadiumit, në Bulevardin Aqif Pasha, nga Stadiumi deri tek Shatërvani, nga ora 12:00 dhe deri në përfundim të ndeshjes do të jenë të mbyllura.

Në të gjitha ambientet dhe pallatet përreth Stadiumit, nuk do të lejohen persona që nuk janë banorë të këtyre të këtyre ambienteve dhe nuk do të lejohen persona të huaj të futen në to.

Drejtoria Policisë Elbasan i kërkon qytetarëve që sot të minimizojnë lëvizjen e tyre me automjet brënda qytetit të Elbasanit, c’ka do të sillte një ndihmesë të madhe në zhvillimin sa më normal të këtij aktiviteti.

Duke falenderuar qytetarët për mirëkuptimin dhe mediat për bashkëpunimin!

Masat e sigurisë: Ndeshja Shqipëri – Serbi, do të bllokohen edhe valët e celularëve

Voal – Përgatitjet për ndeshjen Shqipëri- Serbi, e vlefshme për eliminatoret e Kampionatit Europian të Futbollit, Francë 2016, pritet të shoqërohen me masa të forta sigurie. Me mijëra tifozë vendas nga Kosova, diaspora të do jenë në mbështetje të ekipit tonë kombëtar ditën e sotme, çka ka bërë që Policia e Shtetit të kalojë në gatishmëri totale.

Për herë të para ndodh që një ndeshje futbolli të ketë një mobilizim kaq të madhe të efektivëve të policisë ku, sipas ministrit të Punëve të Brendshme, do të jenë rreth 2300 policë, duke e vlerësuar maksimalisht sigurinë e ekipit serb para, gjatë dhe pas ndeshjes. Këto masa kaq ekstreme me bllokime rrugësh kryesore dhe dytësore, por edhe tunele nuk janë marrë as me ardhjen e kryeministrit serb, Aleksandër Vuçiç në fund të majit në Tiranë, kur për sigurinë e tij u angazhuan 1500 trupa policore.

Altin Qato për sigurinë

Zv. Drejtori i Përgjithshëm i Policisë së Shtetit Altin Qato, është personi që do të mbajë përgjegjësi direkte nëse do të ketë trazira para, gjatë dhe pas ndeshjes së futbollit Shqipëri-Serbi. Ai kërkon mirëkuptimin e të gjithë sportdashësve, ndërsa nga ana tjetër, thekson se të gjithë duhet të tregohemi të vëmendshëm që të mos lejomë të ndodhin incidente, duke dëmtuar ekipin tonë kombëtar, por edhe duke prishur imazhin e Shqipërisë në botë. “E gjithë policia është vënë në gatishmëri totale nga dita e djeshme. Për herë të parë ndodh që policia të angazhohet maksimalisht për mbarëvajtjen e një ndeshjeje futbolli. Primare për ne si polici, por edhe si vend pritës është që të mos ketë asnjë incident që të cenojë sigurinë e ekipit serb dhe për këtë gjë kemi hartuar një plan masash, në dukje drastike, por në të vërtetë është thjesht për shmangur çdo të papritur që dëmton jo vetëm ekipin tonë kombëtar, por na dëmton edhe nga ana e imazhit.

Gjatë udhëtimit të ekipit serb nga Tiranë në drejtim të Elbasanit, autobusi dhe stafi i tyre do të monitorohet nga ajri me një helikopter të Forcave të Armatosura tip “Cougar”, i cili ka një rreze fushëpamje deri në 5 kilometra. Po kështu, do të bllokohen valët e kompanive celularëve rreth 30 minuta përpara dhe gjatë momentit që do të bëhet lëvizja e ekipit serb në drejtim të stadiumit “Elbasan Arena”. Duhet të kemi mirëkuptimin edhe të qytetarëve tonë, sepse bëhet fjalë për çështje të sigurisë kombëtare. Në këtë kuadër, kemi kërkuar edhe ndihmën Shërbimit Informativ Shtetëror (SHISH) për të monitoruar grupimet e ndryshme të tifozërisë nga Kosova dhe Diaspora me qëllim parandalimin në kohë të çdo incidenti antisportiv që cenon sigurinë e ekipit serb” theksoi Qato.

SHISH dhe Antiterrori në ruajtjen e sigurisë

Sipas Ministrisë së Brendshme, dita e sotme është vendimtare për të gjithë, ndërsa policia ka përgjegjësinë jo vetëm për mbarëvajtjen e sigurisë së një ndeshjeje futbolli, por Shqipëria si vend pritës ka edhe përgjegjësinë për sigurinë e ekipit mik nga Serbia. Në këtë kuadër, rreth 50 agjentë të SHISH-it do të jenë brenda ambienteve të stadiumit “Elbasan Arena” dhe kjo gjë bëhet për të parandaluar në kohë incidentet të mundshme që mund të lindin nga tifozeritë, kryesisht nga Kosova dhe Diaspora. Duke parë rëndësinë e ndeshjes së futbollit ku ekipi ynë kombëtar do të përballet me atë serb, kjo ndeshje është kthyer në çështje kombëtare dhe në këtë mënyrë do të japin kontributin e tyre edhe Shërbimi Inteligjent (SHISH), duke monitoruar nga afër këto grupe tifozësh, të cilët janë një rrezik potencial për të krijuar trazira brenda shkallëve të stadiumit. Nga ana tjetër, agjentët nuk do të jenë të dallueshëm për pjesën tjetër të tifozëve, duke veshur me fanellat dhe ngjyrat e ekipit tonë kombëtar. Një ndër pikat më thelbësore që Policia e Shtetit ka ndërmarrë për sot është aktivizimi i agjentëve të Antiterrorit, ku specifikë e punës së tyre është parandalimi në kohë të çdo veprimi terrorist që mund të kryhet, para, gjatë dhe pas ndeshjes me Serbinë./Shekulli

Zëri i Amerikës: Shqipëri-Serbi, pragsfidë e tensionuar

Një situatë gati tensioni duket se po i paraprin ndeshjes së sotme mes Shqipërisë dhe Serbisë, e vlefshme për eliminatoret e Europianit 2016, që do të zhvillohet në Francë. Skuadra serbe e cila mbërriti dje pasdite në Tiranë, njoftoi për një incident gjatë udhëtimit drejt hotelit. Autobusi i kombëtares serbe është qëlluar me gurë. Lajmi gjeti një përhapje të menjëhershme në mediat serbe, të cilat pasqyruan komente të drejtuesve të federatës së tyre të futbollit, duke e cilësuar ngjarjen si “tronditëse”, ndërkohë që presidenti i Federatës Tomislav Karadzic citohet të jetë shprehur se nëse do të ketë incidente të tjera atëherë ai do t’i kërkojë skuadrës të tërhiqet.

Policia shqiptare ndërkohë, në një komunikatë të saj theksoi se “që nga momenti i zbritjes së lojtarëve në aeroportin e Rinasit deri në mbërritjen e delegacionit në hotelin ku janë akomoduar nuk është konstatuar asnjë problem. Në momentin e mbërritjes përpara hotelit është vënë re se nga krahu i drejtuesit të autobusit kishte një plasaritje, e cila dyshohet se mund të jetë gjuajtur në një distancë të largët me gurë. Policia po punon për verifikimin e të gjitha rrethanave dhe zbuluar autorësinë dhe vendosjen përpara përgjegjësisë personin që ka kryer këtë veprim”, saktëson komunikata e policisë së Tiranës.

Një video e xhiruar me telefon celular nga brenda autobusit, dhe e trasmetuar nga televizioni serb Blic, tregon momentin kur janë dëgjuar dy kërcitje që vinin nga jashtë automjetit. Për ngjarjen përfaqësuesit e kombëtares serbe folën dhe gjatë konferencës së shtypit që atën në mbrëmje në Tiranë. “Ndodhi një incident i vogël rrugës për në Tiranë. U qëllua me gurë autobusi, por nuk pati ndonjë problem. Reaguan autoritetet dhe gjithçka është në rregull”, deklaroi zëvendës presidenti i federatës serbe Savo Milosevic.

Por në Beograd ngjarja ka marrë përmasa të tjera. Ministria e Jashtme serbe ka përgatitur një notë proteste për “mangësitë e theksuara në masat e sigurisë dhe organizative” në prag të ndeshjes dhe ku kërkohet nga autoritetet shqiptare që “të garantohet siguria e përfaqësuesve të kombëtares serbe dhe të gjenden përgjegjësit e ngjarjes”. Ministria e Jashtme serbe ka thirrur ambasadorin e Shqipërisë në Beograd Ilir Boçka për t’i dorëzuar notën e protestës, por ky i fundit, sipas mediave serbe, ka refuzuar duke e konsideruar ngjarjen si “një incident të parëndësishëm”.

Policia shqiptare ka marrë masa të shumta sigurie si kurrë më parë. Janë 2300 forca policore dhe të njësive speciale që do të jenë të angazhuara. Ministri i Brendshëm Saimir Tahiri tha një ditë më parë se “forcat e rendit dhe policisë Rrugore në të gjithë Shqipërinë janë tërësisht të angazhuara për garantimin e rendit dhe sigurisë publike në çdo ambjent publik, si dhe monitorimin e të gjitha akseve rrugore, në të gjithë vendin, por në mënyrë të veçantë në të gjitha akset që të çojnë në Elbasan dhe stadiumin “Elbasan Arena”. Ministri gjithashtu njoftoi se do të monitorohen në mënyrë të rreptë hyrjet në pikat kufitare. “Eshtë shkëmbyer informacion intensiv me partnerët në rajon dhe BE, si dhe me Federatën shqiptare të futbollit, UEFA-n dhe FIFA-n, për hartimin dhe monitorimin e listës së personave të cilët kanë precedentë të mëparshëm për akte të dhunshme ose akte huliganizmi gjatë aktiviteteve sportive”, deklaroi ministri, duke saktësuar se “kjo listë është në dispozicion të Policisë Kufitare dhe të të gjitha strukturave të Policisë së Shtetit në terren, për moslejimin e hyrjes në Republikën e Shqipërisë, e në rast se kanë hyrë më parë apo jetojnë këtu, për monitorimin konstant, e në të gjitha rastet, për ndalimin e hyrjes në mjediset e stadiumit “Elbasan Arena” dhe mjediset në afërsi. Strukturat e luftës kundër krimit në të gjithë vendin do të jenë të angazhuara për monitorimin dhe ndjekjen e çdo informacioni që mund të cënojë mbarëvajtjen e ndeshjes. Agjentë civilë do të jenë në të gjitha ambjentet ku do të ketë grupime njerëzish dhe tifozësh, në akset rrugore, por edhe brenda stadiumit”.

Kombëtarja serbe do të udhëtojë nesër pasdite drejt Elbasanit dhe rruga kryesore që lidh këtë qytet me Tiranën që prej mesditës do të bllokohet për mjetet e tjera, të cilat do të duhet të përdorin akset e tjera alternative për të mbërritur në qytetin ku do të luhet ndeshja.

Përfaqësuesit e të dyja ekipeve kanë deklaruar se synojnë fitoren. Ndërsa për Serbinë, është më tepër një ndeshje prestigji apo “revanshi” pas humbjes në tavolinë të tre pikëve, për shkak të ngjarjeve të dhunshme në Beograd vitin e shkuar, për Shqipërinë, një fitore, do të ishte një biletë thuajse e sigurtë drejt Europianit të Francës, që do të shënonte dhe pjesmarrjen e saj të parë në histori në nivelet më të larta të futbollit europian.

Investitorët e huaj: klima e biznesit në Shqipëri është negative

Treguesi i besimit të sipërmarrjes së huaj që vepron në Shqipëri është në nivele negative, sipas një ankete të realizuar nga shoqata e investitorëve të huaj, e cila ka anëtare bizneset më të mëdha dhe më të rëndësishme nga vende të ndryshme të botës. Më shumë se gjysma e tyre kanë pohuar se kushtet e të bërit biznes në Shqipëri nuk janë të favorshme

Gjykatat, ndryshimet e shpeshta të kuadrit ligjor dhe procedurave për taksat, informalitetit dhe konkurrenca e paligjshme janë tre problemet kryesore të të bërit biznes në Shqipëri. Në anketën e zhvilluar nga shoqata e investitorëve të huaj, në periudhën mars-prill të këtij viti, e cila u bë publike sot, kompanitë e pyetura i kanë identifikuar ato si cështjet më madhore. Në një shkallë vlerësimi nga 0 në 100, ku 100 është ai më negativi, ato kanë marrë mbi 65 pikë.

Thuajse në të njejtat nivel nga 58 deri 60 pikë, renditen më pas si cështje po ashtu problematike edhe korrupsioni, mungesa e qartësisë së legjislacionit dhe procedurave të taksimit, apo dhe politikat stimuluese të investimeve. Ndërkohë, çështje si “Lejet e biznesit “, “Qasja në financim”, “Inspektimet për çështjet e Mjedisit”, “Rregulloret e punës” dhe “Qasja në Energji dhe Telekomunikacioni” nuk janë problematike për mjedisin e biznesit në Shqipëri. Ato janë vlerësuar me 16 deri në 30 pikë.

Më shumë se gjysma e atyre që u pyetën, 51 përqind, konsiderojnë se kushtet për të bërë biznes në Shqipëri nuk janë të favorshme, përkundrejt vetëm 18 përqind që mendojnë të kundërtën. Ndërsa 31 përqind, pret një përmirësim të këtyre kushteve në gjysmën e dytë të vitit. Sipas anketës, treguesi i besimit të biznesit, i cili tregon mesataren midis situatës aktuale dhe pritshmërive për të ardhmen e afërt, qëndron në nivele negative.

Sipas investitorëve të huaj, taksat dhe qasja me organet tatimore nuk është ajo e duhura. Perceptimi i tre, sipas anketës, është se vetëm më pak se gjysma e inspektimeve tatimore apo kontrolleve zhvillohen për shkaqe të arsyeshme ligjore. Sipas tyre kush përdor ryshfetin apo lidhjet politike arrin t’i shmangë kontrollet apo gjobat. Në rast të ankesave, ata theksojnë se shpesh bëhen objekt i inspektimeve. Sipermarrësit e huaj, arrijnë madje deri aty sa, sipas anketës, janë të gatshëm të paguajnë më shumë taksa nëse niveli i korrupsionit do të ishte më i ulët.

Në të njejtën kohë investitorët e huaj theksojnë se legjislacioni dhe procedurat tatimore janë shpesh të komplikuara dhe të paqarta, dhë ndërsa e vuajnë përshtatjen me normat fiskale, theksojnë se nuk kanë parë asnjë përfitim të dukshëm nga fakti që i paguajnë rregullisht taksat. Shumica dërrmuese e tyre madje theksojnë se vazhdojnë të kenë problem me rimbursimin e Tatimit mbi Vlerën e Shtuar.

Basha – Rama i ra në gjunj Metës, e trembi letra e Brahos

Kryetari i Partisë Demokratike, Lulzim Basha deklaroi sot se opozita nuk do të tërhiqet nga hetimi i çështjes së CEZ megjithëse kreu i Kuvendit bëri pakt me kryeministrin.
Duke folur në mbledhjen e grupit parlamentar të PD-së, ai u shpreh se Rama iu ul në gjunj Metës, pasi ky i fundit e kërcënoi se do ti nxirrte ‘të palarat’.

“I ashtuquajturi pajtim Rama-Meta për skandalin CEZ është pajtim për të zezën e shqiptarëve, është marrëveshje bashkëfajtorësh për të shtrydhur pushtetin, për të përfituar dhe për tu pasuruar përmes pushtetit. Se çfarë qeverisje është kjo tashmë e ka kuptuar i madh dhe i vogël”, u shpreh Basha.

Sipas tij “lemi kërkuar dorëheqjen e Ilir Metës dhe zbardhjen e skandalit. Ne nuk njohim rrugë tjetër përveç interesit public. Edi rama i ra në gjunjë partnerit të tij duke shkumëzuar kundër opozitës dhe mediave të lira. Me këtë qëndrim kryeministri i vendit i ka dhënë avokatit të Qeverisë në Vjenë mesazhin se unë u lë në baltë sapo ta shoh pisk punën. Shqiptarët janë dhe duhet të jenë shumë të vëmendshëm. Po luhen lojëra të ndyra me paratë e tyre për të luajtur fatin e tyre”.

Kreu i demokratëve tha se megjithëse Rama u tërhoq nga hetimi i çështjes së CEZ, opozita do të lejojë mbylljen e skandalit.

“I ashtuquajti komplot për destabilizim ishte kërcënim për Edi Ramën duke kujtuar të kaluarën e tij. por gabojnë ata që mendojnë se meqë u zverdh edi rama, afera Rama- Meta u varros. Ne nuk do ta lejojmë mbylljen e skandalit”, tha më tej Basha.

Qeverisja e Ramës – në udhëkryq të rrezikshëm – Nga BELDIAN KOKA

Qeverisja 2-vjeçare e Edi Ramës ndodhet sot në një udhëkryq të rrezikshëm, saqë edhe vetë ‘i zoti i punës’ vështirë se e kishte parashikuar, ose të paktën jo kaq shpejt. Dhe rrugët që e çuan kabinetin “Rama 1” në këtë pikëpyetje, çuditërisht nuk janë ato që ndodhin në vende të tjera demokratike, fjala vjen papunësia, pikiata ekonomike, rritja e taksave, dështimi i shëndetësisë (një grua humbi jetën në spital dhe vdekja e saj u xhirua ‘live’ në një emision investigativ), represioni i shtetit ndaj individit apo, pse jo, edhe nga presioni i opozitës, ajme. Jo, asnjëra nga këto; këto ndodhin kudo përveçse te ne.

Sot, qeverisja e Edi Ramës është në udhëkryq për shkak të rrugës që ‘i zoti i punës’ ndoqi me aleatin e tij Ilir Meta nga 21 qershori e deri më sot. Edi Rama, duket qartë se nuk e duron faktin që Ilir Meta ia tërheq e ia liron litarin në qafë, sipas oreksit që i imponon këtij të fundit dieta “Dukan”. Nuk është ende e qartë se me cilat llogari Edi Rama hartoi një strategji të re “stërkëmbëshi” ndaj Metës, e cila u përpunua ndoshta në odën ovale të vilës në Surrel, kush e di se me cilët aktorë (që Meta anatemon gjatë këtyre ditëve) dhe me cilat pritshmëri, por me një qëllim të qartë!

Por ama, është fakt se kjo “intifadë” e socialistëve nisi në 21 qershor, ku LSI-ja u rrëzua me kandidatët e saj në Lezhë, Vorë e në Pogradec, dhe me Ilir Metën, që nuk u besonte syve ndërsa ndiqte rezultatet sa në TV, sa në faqen e KQZ-së e sa nga raportimet e asqerëve të LSI-së në terren. Pendesa e parë në ato momente e Ilir Metës, me shumë gjasë ka qenë ai SMS i mbrëmjes së 20 qershorit, dërguar 20 mijë “zemrave të LSI-së” në Tiranë që të votonin Erion Veliajn, ndërsa me ftohjen e mendjes, pasi kishte bërë rezil çdo drejtues të LSI-së që i dilte para syve ato ditë, pishmani i madh ka qenë marrëveshja e 1 prillit në Shkodër.

Vera shkoi, me gjithë nëpërdhëmbjet politike se Meta e Rama ishin ftohur aq shumë me njëri-tjetrin, sa gushti u dukej të dyve si janar, gati i ngjashëm me atë të 21-shit të 2011-ës. Gjatë kësaj kohe Rama as nuk bëri përçapjen më të vogël për të dhënë ndonjë sinjal apologjie për rezultatin e 21 qershorit, kur tha për gazetën “Dita” se me Metën “as ishte ftohur e as nuk ishte ngrohur”. Dhe ja ku erdhi shtatori. Shpërthimi i papritur i çështjes ‘CEZ-DIA’, me shumë gjasë është “intifada e dytë” e socialistëve (që kësaj here u shkon për shtat edhe demokratëve) ndaj Ilir Metës, dhe ai e di mirë këtë punë, si të gjitha punët e veta. Ilir Meta luajti në fillim të shtatorit në mbrojtje, dhe në fund të tij, me mbrojtjen më të mirë që është sulmi. “Intifadës” Meta iu përgjigj me “xhihad” me në krye Baba Takun e përhershëm, i cili zbrazi çantën e zezë. “Sulmi ndaj Ilir Metës rrezikon të destabilizojë vendin”, u shkroi Braho krerëve të shtetit dhe vetë Metës (kush e di se pse!)…

Në pamje të parë, duket se e vetmja viktimë e kësaj përplasjeje ishte Dritan Prifti, por Ilir Meta nuk e la me kaq. Ilir Meta nuk mund ta linte me kaq. Ai e priti Edi Ramën të shtunën në zyrë për 90 minuta, po aq sa një ndeshje futbolli, ku me shumë gjasë i dha atij kartonin e verdhë, edhe pse ai është lojtari e jo arbitri. Të hënën, kur pa se Edi Rama nuk e kishte kuptuar që kishte bërë faull ndaj marrëveshjes së bashkëqeverisjes, Meta i lejoi vetes edhe një goditje dënimi kundër Ramës. Mblodhi kryesinë e LSI-së dhe hartoi një listë propozimesh për ndryshime në qeveri (marr përgjegjësinë e vërtetësisë së këtij informacioni), por nuk e bëri publike. Meta i ka kërkuar ndryshime në qeveri Edi Ramës në takimin e së shtunës dhe ky i fundit, me shumë gjasë, i strukur në antiplumbin e fshehur nën t-shirt me logon e OKB-së, i ka thënë “po ç’ke o burrë se flasim” ose “të paktën më lër edhe një muaj kohë”.

Tani Ilir Meta është në sulm dhe Edi Rama s’di si të mbrohet. S’di si të mbrohet nga LSI-ja, që për strategji politike nuk ia ha qeni shkopin, nuk di si të mbrohet nga opozita, që për ta rrëzuar nga pushteti është e gatshme në momentin e duhur të lëmojë edhe qenin e t’i japë edhe shkopin, e nuk di si të mbrohet as nga të vetët. Rreziku më i madh që i kanoset pushtetit të Edi Ramës janë zgjedhjet e parakohshme, e zërat janë se, kështu si duken bathët, prilli ose maji i vitit tjetër do të jenë muaj elektoralë. Edi Rama tani po kërkon një zgjidhje për çorbën që ka gatuar vetë dhe që e çoi në udhëkryq. Dalja vetëm në zgjedhjet e parakohshme për Ramën nuk është një opsionin, sepse i mungon garancia maksimale se ai i fiton ato. Ndryshimet në qeveri sipas “urdhrit” të Metës, do të ishin një disfatë politike që ai nuk duket i gatshëm ta pranojë dhe prandaj i ka kërkuar Ilir Metës kohë.

E vetmja rrugë për Edi Ramën është ajo që ka ndjekur dikur mentori i tij politik Fatos Nano. Largimi nga posti i kryeministrit dhe respektimi i vonuar i paktit politik me “vëllain e armëve” të viteve 2003-2005, Ben Blushi apo makar edhe ndonjë tjetër, por jo më ai. Vetëm kështu Edi Rama mund të mbajë aleancën PS-LSI në pushtet, nëse ende ka ndërmend ta bëjë një gjë të tillë, vetëm kështu ai mund ta shpëtojë veten nga strategjia e gabuar për të fashitur politikisht Ilir Metën, e sepse vetëm kështu ai mund të dalë i palagur nga moçali ku veproi kundër malësorit Meta. Ky është “Drejtimi i Duhur” për të, e kjo duket së është “E vetmja rrugë”.

Digjet letra e Brahos – Kastriot Ismailaj nuk ka pasur vizita të dyshimta në burg

Biznesmeni Kastriot Ismailaj nuk rezulton të ketë pasur vizita “të dyshimta” gjatë qëndrimit në paraburgim pas arrestimit me akuzën e mashtrimit dhe pastrimit të parave në lidhje me borxhet e CEZ. 6 Pas letrës së kryetarit të Komisionit të Sigurisë, Spartak Braho, javën e kaluar Prokuroria e Tiranës filloi hetimet për mundësinë që biznesmenit të arrestuar t’i jenë paraqitur presione apo kërkesa në burg.

Pas marrjes së dëshmisë së Vojsava Ismailajt, prokuroria lëshoi edhe një urdhër sekuestrimi për regjistrat e hyrje-daljeve në burgun e Fierit, ku mbahej Kastriot Ismailaj deri 3 ditë më parë kur u transferua në burgun 302 në Tiranë.

Oficerët e Policisë Gjyqësore të ngarkuar me hetimin e çështjes kanë arritur ta administrojnë regjistrin e hyrjeve-daljeve të burgut të Fierit, ku nuk ka rezultuar të jetë shënuar ndonjë takim i dyshimtë i biznesmenit Kastriot Ismailaj.

TRE PERSONA E VIZITUAN
Tre persona e kanë vizituar në burg pronarin e kompanisë “DIA”, të akuzuar se ka mashtruar në shuma të mëdha ish-kompaninë CEZ dhe shtetin shqiptar me borxhet e energjisë elektrike. Avokati mbrojtës, Vladimir Meçi, ka qenë ai që ka shkuar më shpesh në burgun e Fierit për t’u takuar me biznesmenin. Në regjistrin e hyrje-daljeve të institucionit të vuajtjes së dënimit janë shënuar 4 raste të vizitave që avokati ka bërë te biznesmeni Kastriot Ismailaj në paraburgim.Ndërkohë, i akuzuari për mashtrim me pasoja të rënda dhe pastrim parash është vizituar edhe nga dy persona të tjerë, familjarë të afërm të tij. Duke nisur nga periudha kur është dërguar në burgun e Fierit pas arrestimit e deri pak ditë më parë që u transferua në Tiranë, Ismailaj është vizituar një herë nga bashkëshortja e tij Vojsava Ismailaj dhe një herë tjetër nga Lutfie Ismailaj, nëna e biznesmenit. Në dokumentin e regjistrit të hyrje-daljeve për te biznesmeni që mbahet i arrestuar nuk janë vërejtur shënime të tjera nga ana e hetuesve të çështjes.

TAKIMET
Pas arrestimit në maj të këtij viti, biznesmeni Kastriot Ismailaj u la në arrest me burg nga Gjykata e Tiranës. Ndërkohë që biznesmeni u dërgua në paraburgim, hetimet ndaj tij vazhduan si për mashtrimin me mbledhjen e borxheve të CEZ, ashtu edhe për pastrimin e parave.Në dy procese të ndara, Prokuroria e Krimeve të Rënda sekuestroi rreth 4.5 milionë euro në llogaritë e kompanive të Kastriot Ismailajt. Pas sekuestrimit të pronave të tij filloi edhe gjyqi për konfiskimin. Në këtë mënyrë i shpjegojnë hetuesit katër vizitat e avokatit të Ismailajt në burgun e Fierit gjatë kësaj periudhe. Verifikimi për këto takime është bërë për llogari të hetimit të nisur nga prokuroria pas letrës së Spartak Brahos.

Javën e kaluar u morën në pyetje edhe deputeti Tom Doshi, ish-ministri Dritan Prifti dhe gruaja e Kastriot Ismailajt, Vojsava. Këta të tre hodhën poshtë akuzat se ishin pjesë e një plani për të dhënë dëshmi fajësuese nga Kastriot Ismailaj për personazhe politike në lidhje me aferën e CEZ.TRAZHGIM SOKOLAJ

Tiranë – arrestohet ‘Ballist Morina’, në makinë iu gjet armë pa leje

Një ditë para përballjes në ‘Elbasan Arena’, arrestohet në Tiranë Ismail Morina, i njohur si Ballist Morina, personi që futi dronin në stadiumin e Beogradit gjatë ndeshjes Serbi-Shqipëri.

Sipas të dhënave paraprake të policisë mësohet se Morina ka qenë në drejtimin e një mjeti tip “Ronge Rover” dhe gjatë kontrollit iu gjet edhe një armë tip pistoletë që rezultoi të ishte pa leje.

Policia e Tiranës bën me dije se ndalimi i Morinës së bashku me tre persona të tjerë është bërë në rrugën “Petro Nini Luarasi”.

“Efektivet e Komisariatit nr. 1, gjate kontrollit te ushtruar ne mjetin tip Fuoristrade ‘Range Rover’ me drejtues shtetasin Ismail Morina, u konstatua nje arme zjarri tip pistolete te cilen e kishte pa leje. Morina u arrestua së bashku me 3 shtetas te tjere”-thotë policia.

Morina vetëm një ditë më parë tregoi se kishte një surprizë për Vucic nëse do të ishte i pranishëm në “Elbasan Arena” në takimin e nesërm mes kombëtares sonë dhe Serbisë.

Njoftimi i policise

Ne date 07.10.2015, nga efektivet e Komisariatit nr.1 u ndaluan 4 shtetas, sekuestrohet nje arme zjarri pa leje. Ne rrugen “Petro Nini Luarasi”, efektivet e Komisariatit nr. 1, gjate kontrollit te ushtruar ne mjetin tip Fuoristrade Range Rover me drejtues mjeti shtetasin Ismail Morina, i cili eshte arrestuar se bashku me 3 shtetas te tjete. U konstatua nje arme zjarri tip pistolete te cilen e kishte pa leje perkatese. Per detaje te metejshme do t’ju informojme ne vijim

Objekt debatesh dhe dëmtimesh: pllakata e Sulltan Sulejmanit hiqet nga Kalaja e Lezhës

LEZHE – Hiqet nga Kalaja e Lezhës, pllakata e Sulltan Sulejmanit, e kthyer në një burim debati mbi historinë dhe e vendosur dy herë në shënjestër të sulmeve të personave të paidentifikuar.

Pllakata është hequr me urdhër të Ministrisë së Kulturës me argumentin e restaurimit, pas dëmtimeve që iu bënë në sulmin e një ditë më parë nga persona të paidentifikuar. Por burime nga Drejtoria e Kulturës në Lezhë, bëjnë me dije se mendohet se pas restaurimit, pllakata nuk do të rivendoset në kalanë e Lezhës.

Pas sulmit të disa ditëve më parë, Keqbërësit e goditën pllakatën edhe mrëmjen e së dielës, duke krijuar çarje në disa pjesë të saj. Pllakata u vendos në hyrje të Kalasë së Lezhës pas një vendimi që kishte marrë Ministria e Kulturës. Vendosja e saj solli reagime të shumta kundër, nga qytetarë dhe historianë, që e cilësuan një osmanizim të historisë shqiptare.

Helmut Hoffmann: ja si mund të gjeni një vend pune në Gjermani

TIRANE – Në një intervistë me gazetaren Eni Vasili në emisionin Studio e Hapur në “News24”, i ambasadori i Gjermanisë në Tiranë Helmut Hoffman theksoi se rruga e azilkërkimit nuk është rruga e duhur për të marrë një vend pune në Gjermani.
“Ekziston tanimë një mundësi mjaft e mirë që të gjitha ata persona të kualifikuar shqiptar të këtushëm të mund të gjejnë një mundësi ligjore punësimi në ato profesione të ashtuquajtura të munguara në Gjermani. Kjo është e lidhur gjithsesi me disa hapa të caktuar procedurialë, pikësëpari të shkojnë në Gjermani, të gjejnë atje punëdhënësin e tyre, të lidhin marrëveshjen apo kontratën e punës,të paraqiten para zyrave përkatëse gjermane që do të verifikojnë kualifikimin e tyre , më pas të rikthehen në Shqipëri të aplikojnë për një vizë pune pranë ambasadës gjermane. Vetëm në këtë mënyrë mund të punësohen ligjërisht në Gjermani shtetasit shqiptarë. Por kjo nuk mund të ndodhë asesi përmes rrugës së azilkërkimit.”- deklaroi ambasadori Hoffman.

Eni Vasili: Zoti Ambasador faleminderit që pranuat këtë intervistë për të dhënë disa përgjigje shumë të rëndësishme për publikun shqiptar.
Ambasadori Hoffman: Edhe unë ju falenderoj shumë për mundësinë që po më jepni.
Eni Vasili: Zoti Ambasador çfarë do të thotë vendimi i kancelares Merkel për të shpallur Shqipërinë, Kosovën e Maqedoninë vende të sigurta të origjinës?

Ambasadori Hoffman: Konkretisht kjo do të thotë që të gjithë ata qytetarë që kanë bërë kërkesat për azil në Gjermani do të kenë mundësinë që këto aplikime të mund të përpunohen me ritme më të shpejta dhe ata të mund të rikthehen më shpejt në vendet e tyre. Që tani mund të themi që 100% e këtyre aplikimeve marrin një përgjigje refuzuese, e tërë kjo procedurë së shpejti do të përshpejtohet.

Eni Vasili: A ka rregulla të reja që lindin nga ky vendim për ata që nisën pas këtij vendimi, sepse njerëz nga Shqipëria që kërkojnë azil vazhdon të ketë?

Ambasadori Hoffman: Në fakt në terma konkretë, kjo do të thotë ndër të tjera që për të gjithë ata qytetarë që vijnë nga këto vende të ashtuquajtura origjinë e sigurt, pikësëpari ato do të duhet të qëndrojnë në kampet e pranimit, derisa të jetë marrë vendimi përkatës për aplikimin e tyre për dhënie të statusit të azilantit dhe e dyta është që do të ketë një kalim të procedurave, tani nuk do të ketë më ndihmë financiare për secilin prej tyre por ndihmë në shërbime konkrete, që do të thotë që diçka gjithsesi ka ndryshuar për këta qytetarë

Eni Vasili: Ne ishim në disa kampe në Berlin. Pamë nga afër situatën , ka pakënaqësi për kushtet e jetës, megjithatë takuam shqiptarë që donin të rrinin atje të siguronin një leje të përkohshme qëndrimi përmes sigurimit të një pune dhe jo nëpërmjet azilit. Është e mundur kjo?

Ambasadori Hoffman: Së pari dëshiroj të theksoj besoj kam dhe mirëkuptimin tuaj, lidhur me faktin që këtë vit mendohet që Gjermania do të presë 800 mijë deri në një milionë refugjatë apo azilkërkues. Kjo siç mund ta kuptoni është një shifër kaq e madhe saqë i vendos të gjitha strukturat përkatëse në Gjermani përpara sfidash po kaq të mëdha. Në këtë mënyrë është për ne realisht e pamundur të krijojmë kushte jetese ideale për azilkërkuesit e atjeshëm. Përveç kësaj shtojmë edhe faktin që në këto kampe priten njerëz që vijnë nga qarqe kulturore të ndryshme, për këtë arsye megjithë përpjekjet tona për të siguruar atje një bashkëjetesë paqësore konfliktet nuk janë tërësisht të përjashtueshme. Për sa i përket nisjes së një marrëdhënie punësimi në Gjermani sigurisht ne e dimë, jemi mjaft të qartë me faktin që shqiptarët nuk kërkojnë azil në Gjermani, ajo çfarë kërkojnë është një vend pune dhe kushte më të mira jetese, por këtë gjë nuk mund ta japim përderisa nuk ekziston mundësia e azilantit ekonomik në Gjermani. Të gjithë ata të cilët kërkojnë dhënien e statusit të azilantit në Gjermani duhet të rikthehen në vendet e tyre përkatëse, sepse rruga e azilkërkimit nuk është rruga e duhur për të marrë një vend pune, për të nisur një marrëdhënie pune në Gjermani. Dhe në fakt është e vërtetë deri para pak muajsh , strukturat gjermane përkatëse nuk kanë qenë shumë konsekuente në lidhje me vendimmarrjen e kthimit të azilkërkuesve shqiptarë drejt vendit të tyre dhe për këtë arsye shumë azilkërkues shqiptarë kanë gjetur një farë mundësie për të qëndruar në Gjermani në mënyrë jo të ligjshme dhe të nisin një marrëdhënie punësimi në të zezë atje. Por tanimë me dyndjen kaq të madhe nga vende të tilla sikurse është Siria dhe Afganistani gatishmëria e strukturave përkatëse gjermane është në rritje për të rikthyer në vendet e tyre të gjithë këta azilkërkues. Shikojmë që çdo ditë pothuaj ka një fluturim të këtyre personave të rikthyer. Ndaj dhe njëherë apeli im do të këshilloja të gjithë ata persona që kanë ndërmend të marrin rrugën e azilkërkimit të mos e bëjnë këtë sepse kjo rrugë nuk të çon në nisjen e një marrëdhënie punësimi të ligjshme atje.

Eni Vasili: Pra kur ju thoni inkoseguencë nga pala gjermane e merrni një lloj përgjegjësia se keni dhënë mesazhet e gabuara për shqiptarët këtu në Shqipëri në lidhje me punësimin atje?

Ambasadori Hoffman: Unë asnjëherë nuk e kam fshehur faktin që edhe nga pala gjermane ka disa faktorë tërheqës po themi për sa i përket azilkërkuesve shqiptarë. Ndërkohë jemi duke punuar në mënyrë intensive për reduktimin e këtyre faktorëve tërheqës sikurse mund të jenë një sasi parash xhepi për azilkërkuesit apo mënyrë mund të themi jo tepër e vendosur e strukturave gjermane për ti rikthyer në vendet e tyre azilkërkuesit shqiptarë, por askush nuk ka thënë që rruga e azilkërkimit është rruga e duhur për të gjetur një vend pune atje. Gjithashtu ne kemi raportuar në mënyrë të vazhdueshme që këtu ka njerëz të cilët megjithëse e kanë ditur mjaft mirë që shanset e tyre për të marrë azil në Gjermani kanë qenë pothuajse zero dhe që do të refuzoheshin në procedurat e azilkërkimit pasi nuk kishin arsye për të kërkuar azil politik në Gjermani. Gjithsesi ata kanë marrë vendim për të shkuar me familjet e tyre në Gjermani për të jetuar atje 5 ose 6 muaj dhe për të përfituar nga këto kushte po themi favorizuese për ta , megjithëse sikurse thashë shpresat për azil ishin zero. Më lejoni ta them unë këtë lloj mënyrë të vepruari nuk arrij ta kuptoj dot.

Eni Vasili: Dakord dhe për ta përmbyllur mesazhin tuaj që të jetë edhe sa më i qartë. Pra një azilkërkues ne takuam shumë të tillë në Gjermani dhe disa prej tyre na thanë që ishin pranë gjetjes së një pune, një punëdhënësi, nëse e gjejnë këtë kanë mundësi të qëndrojnë apo sidoqoftë duhet të kthehen?

Ambasadori Hoffman: Në dijeninë time unë nuk kam asnjë lloj informacioni që për sa kohë që procedurat e verifikimit të kërkesës për azil janë në vijim e sipër personat përkatës të mund të nisim një marrëdhënie pune të ligjshme. Me sa di unë ky punësim nuk ekziston. Nëse bëhet fjalë për punësim në të zezë kjo është një çështje tjetër më pas, por mundësi të punësimit ligjor nuk ekzistojnë. Nga ana tjetër ekziston tanimë një mundësi mjaft e mirë që të gjitha ata persona të kualifikuar shqiptar të këtushëm të mund të gjejnë një mundësi ligjore punësimi në ato profesione të ashtuquajtura të munguara në Gjermani. Kjo është e lidhur gjithsesi me disa hapa të caktuar procedurialë, pikësëpari të shkojnë në Gjermani, të gjejnë atje punëdhënësin e tyre, të lidhin marrëveshjen apo kontratën e punës,të paraqiten para zyrave përkatëse gjermane që do të verifikojnë kualifikimin e tyre , më pas të rikthehen në Shqipëri të aplikojnë për një vizë pune pranë ambasadës gjermane. Vetëm në këtë mënyrë mund të punësohen ligjërisht në Gjermani shtetasit shqiptarë. Por kjo nuk mund të ndodhë asesi përmes rrugës së azilkërkimit.

Eni Vasili: Dakord kjo është e qartë juve sapo bëtë edhe një apel për t’ju drejtuar shtetasve shqiptarë këtu që të mos nisen për shkak të situatës që ju e shpjeguat megjithatë duke parë në gjithë këta muaj grafiku i azilkërkuesve ka qenë në rritje. Çfarë ka ndodhur keni dështuar ju me apelet, a do të merrni masa të tjera për frenimin e azilkërkuesve nga Shqipëria por dhe vende të tjera të Ballkanit? Pra do të ketë masa të tjera bllokuese?

Ambasadori Hoffman: Ju me gjasë i referoheni shifrave të muajve korrik dhe gusht ku dhe numri ka qenë në rritje. Shifrën për muajin shtator nuk e kemi por ka tregues të qartë që ajo ka pësuar rënie dhe ky është një zhvillim pozitiv në këndvështrimin tim.
Por edhe duke i parë shifrat e muajve korrik dhe gusht do të lutesha që ti kuptonim drejt ato . Nëse flasim për një shifër prej 8500 azilkërkuesish shqiptarë gjatë muajit gusht , kjo nuk do të thotë që të gjithë ata kanë mbërritur në Gjermani duke nisur prej datës 1 gusht. Ata me shumë gjasa kanë qenë atje, para muajit gusht por duke qenë se procedurat e regjistrimit kërkojnë kohën e tyre sigurisht që kjo ka krijuar një farë akumulimi të këtyre qytetarëve të cilët vetëm në muaji gusht pastaj kanë pasur mundësi të regjistrohen. Vazhdoj të jem I bindur që ka qenë rruga e duhur dhe mënyra e duhur apelimi i vazhdueshëm përgjatë intervistave dhe daljeve të mia publike dhe paralajmërimi apo dekurajimi i qytetarëve shqiptarë për të marrë këtë rrugë të azilkërkimit. Sigurisht që unë nuk kam pasur iluzione të mëdha që do të arrija rezultate mjaft të mëdha. Vendimtar ishte gjithsesi fakti që në Gjermani është vendosur kohët e fundi që të gjithë këta azilantë të rikthehen në vendet e tyre sepse dhe efekti që arrihet përmes rikthimit të tyre është shumë më i madh.

Eni Vasili: A ka ndryshuar numri i madh i azilkërkuesve shqiptarë në Gjermani marrëdhëniet mes dy vendeve ? A e bëni qeverinë shqiptare përgjegjëse për këtë situatë? Çfarë do ti kërkonit palës shqiptare ?

Ambasadori Hoffman: Mua më duhet të them që ne bashkëpunojmë në mënyrë mjaft të mirë me strukturat e qeverisë shqiptarë në lidhje me menaxhimin e fenomenit të azilkërkimit të qytetarëve shqiptarë. Në mënyrë të veçantë me strukturat e policisë së kufirit për ta mbajtur në kontroll gjithë këtë problem, gjë që nuk është plotësisht e thjeshtë. Është mjaft e rëndësishme që qeveria shqiptare është pozicionuar qartë kundrejt këtij fenomeni. Vetëm dje ne patëm një aktivitet ku unë me kryeministrin Rama, morëm pjesë bashkërisht, ku kryeministri shfrytëzoi rastin për të paralajmëruar edhe njëherë të gjithë qytetarët shqiptarë që të mos ndërmerrnin tentativën e azilkërkimit në Gjermani pasi kjo është një rrugë e cila nuk do të funksionojë.

Eni Vasili: Ju falenderoj që na dhatë kohën tuaj dhe për të gjitha përgjigjet që dhatë sot për publikun shqiptar.

Ambasadori Hoffman: Faleminderit Juve.

Shqipëria bën gati kampet për sirianët

Lapsi.al mëson se Ministria e Brendshme i ka kërkuar institucioneve vendore në Gjirokastër, Prefekturës dhe Bashkisë, që të gjejnë hapësira të mëdha për ngritjen e kampit, ku do të strehohen refugjatët sirianë. Është zgjedhur Gjirokastra jo pa qëllim. Në këtë qytet, gjatë stinës së dimrit zbarkojnë shumë klandestinë përmes pikës kufitare të Kakavijës.

Për shkak të motit të ftohtë, ata ndjekin itinerarin Greqi-Shqipëri-Mali i Zi, për të shkuar drejt Evropës. Për këtë arsye qeveria shqiptare është duke marrë masat në jug të vendit.

Deri më tani janë përcaktuar dy hapësira të mëdha, ku do të ngrihen rreth 5 mijë çadra, të cilat mund të mbajnë mbi 10 mijë persona. Aerodromi i Gjirokastrës dhe një territor rreth ish-Brigadës së Këmbësorisë të Forcave të Armatosura në repartin e Gërhotit. Të dyja këto hapësira janë jo shumë larg njëra-tjetrës. Infrastruktura e këtij kampi pritet të ndërtohet sapo të zyrtarizohen këto hapësira të siguruara nga institucionet vendore në Gjirokastër.

(Aerodromi i Gjirokastrës, ku mendohet të ngrihet kampi i sirianëve)

Jo zyrtarisht mësohet se Ministria e Brendshme i ka siguruar tashmë rreth 5 mijë çadrat ambulatore. Por përveç strehimit të refugjatëve është menduar edhe për kujdesin ndaj tyre, të paktën në aspektin shëndetësor. Kështu, në dispozicion të këtij kampi do të jenë tre doktorë dhe pesë infermierë. Nuk do të mungojnë as kuzhinierët që do të përgatisin ushqimin.

Deri më tani qeveria shqiptare është treguar e rezervuar për të dhënë informacion për kampet e sirianëve. Pas raportimit të lajmit nga mediat ndërkombëtare për ardhjen e 75 mijë refugjatëve sirianë në Shqipëri, ministri Bushati deklaroi se nuk kishte një kërkesë nga BE-ja për pritjen e refugjatëve, por sidoqoftë tha se Shqipëria po përgatitet.

Në total, jo zyrtarisht mësohet se Shqipëria do të presë tani për tani 25 mijë sirianë. Rreth 10 mijë do të strehohen në kampin e Gjirokastrës, ndërsa pjesa tjetër në një tjetër kamp që pritet të ngrihet në Korçë, një tjetër qytet kufitar me Greqinë./Lapsi.al/

Meta do t’i kërkojë edhe Ramës postin e kryeministrit për dy vjet

Ish kryeministri Sali Berisha duke u nisur nga përvoja e tij me Ilir Metën ka dhënë një version të zhvillimeve të mundshme brenda maxhorancës.

Në një status të publikuar sot në faqen e tij në Facebook, ai shkruan se dy ish kryeministrat Pandeli Majko dhe Bashkim Fino si dhe kryebashkiaku i Tiranës, Erjon Veliaj, kanë nisur një garë të ethshme për ti zënë vendin Ramës në rast të një qeverie teknike.
Megjithatë, Sipas Berishës, Rama frikën më të madhe e ka nga Meta, i cili nga ambicia e tij për pushtet, mund ti kërkojë që gjysmën e mandatit të mbetur të jetë ai kryeministër.

Tani vetem “te vjedhim diten dhe naten” eshte motoja e ministrave e qeverise se pakalkur.

Te dashur miq, “aleanca e qelbesirave”, qeverisja e saj eshte ne paralize dhe kalbezim te plote. Zerat per nje ringjallje iluzive te aleances dhe qeverisjes se saj, nepermjet ndryshimeve te kabinetit deshtak dhe te diskretituar aktual Rama – Meta, u shuan. Edi Rama, pas kthimit nga New York-u vrapoi me antiplumb ne zyren e Ilir Metes per te mbyllur me te pazarin e radhes. Ndaj dhe dje, pas mbledhjes se grupit parlamentar, Rama deklaroi se nuk do kete ndryshime ne qeveri dhe se per fjalet e perhapura fajin e kishin mediat.

Ne te vertete Edi Rama nuk ben dot operacion ne nje trup te vdekur.
Se pari, vet Rama eshte skllav i ministrave te tij, torbave me euro te Tahirit, Beqes, Ahmetajt, Nikolles, Canit, Kodhelit, te cilet i paguajne atij rreth 30% te aferave korruptive qe behen vetem me aprovimin e Rames.
Se dyti, Rama nuk ndryshon dot kabinetin e tij qe kundermon ne mbare vendin sepse mendon se edhe vet ai do mund te jete viktima kryesore e ketij ndryshimi.Ne Partine Socialiste veçanerisht dy javet e mungese se Rames ne Tirane por dhe para nisjes, ka shperthyer nje gare e pa shpallur por intensive per kryeministrin e ri. Kjo gare zhvillohej ne takime intensive ne korridoret e PS, Parlamentit dhe labirintet diplomatike. Ne te, pothuaj haptas jane perfshire dy ish ish kryeministrat Majko dhe Fino dhe vet besniku i Rames, Erion Veliaj. Fino, nostalgjik per te shkuaren mendon se mund te kryesoje me sukses nje qeveri qofte dhe teknike, qe sipas tij, njelloj si ne vitin 1991 duhet te kete kryeminister socialist. Majko flirton me nderkombetaret dhe mendon se ai mund te shpetoje pa u mbytur anijen e shpuar te “aleances se qelbesirave”. Majko per kete qellim perfshiu ne staf edhe sherbetorin e dy zoterinjve, qe keto kohe i duhet shume. Ai ka derguar sinjale edhe ne Kosove. Kurse Erion Veliaj eshte gjithnje i gatshem per tradhtine me te pare.Keta shfrytezuan vakumin nga mungesa e Rames. Majko dhe Veliaj thuhet se kane nisur edhe takimet diplomatike. Histori tradhetirash por mua nuk e di pse, natyrisht merret me mend, nuk me neverisin shume!

Por frika e Rames me karrigen e tij ne rast se ben ndryshime ne qeveri mendoj se vjen nga vet Ilir Meta, ambicja per pushtet e te cilit eshte e pakufishme, verbuese dhe Rama e di shume mire kete. Rama mendon nga frika se Meta, sic kerkoi te behej president, mund ti kerkoje direkt atij, qe gjysmen e mandatit te jete ai kryeminister ose per ndryshe te mos i votoj ndryshimet ne kabinet apo te votoj vetem ato qe i pelqejne atij. Ne te gjitha variantet, “aleanca e qelbesirave” eshte ne paralize dhe kalbezim kundermues te plote. Moto e saj eshte “o burra te vjedhim nga naten dhe diten para se sa qytetaret e revoltuar te na kërrejne nga karriget”. Vetem revolucioni demokratik qytetar mund te shpetoje vendin nga kjo kalbesisre!

Rama: Fondi Shqiptaro-Amerikan më i suksesshmi, krijoi mbi 7 mijë vende pune

TIRANË – Kryeministri Edi Rama ka marrë pjesë në aktivitetin me rastin e 20-vjetorit të krijimit të Fondit Shqiptaro-Amerikan ku ka vlerësuar lart kontributin e kësaj organizate, si më e suksesshmja që ka investuar në më shumë se 40 shoqëri dhe ka krijuar mbi 7 mijë vende pune. Në përfundim të renditjes së gjithë arritjeve të këtij Fondi, Rama ka pyetur të pranishmit me një batutë “nëse donin më për Belulin”, e në këtë rast Beluli ishte Fondi.

“Krijimi i Fondit Shqiptaro-Amerikan në 1995 nga presidenti i SHBA-ve, Bill Clinton shënoi edhe fillimin e një kapitulli të ri për Shqipërinë dhe marrëdhënien e posaçme mes SHBA-ve dhe vendit tonë. Por para se të krijohej ky fond në 15 mars 1991 ishin vendosur marrëdhëniet diplomatike mes dy vendeve dhe më pas James Baker kishte vizituar Tiranën. E mbajnë mend të gjithë se si sheshi “Skënderbej” u mbush si asnjëherë më parë për ti rezervuar një pritje të paharrueshme njeriut që vinte nga Amerika, pritje që është ngulitur në mendjen e gjithë shqiptarëve”, risolli në kujtesë Rama.

Kreu i qeverisë tha se ajo çka SHBA-të bënë për Kosovën është dëshmi e marrëdhënieve mes dy vendeve.

“Marrëdhëniet mes dy vendeve janë më të mirat e mundshme që Shqipëria ka me ndonjë vend tjetër. I kanë dhënë një dimension tjetër shqiptarëve. Deklarata e përbashkët për partneritet strategjik e nënshkruar 20 prill 2015 dëshmi e këtij bashkëpunimi. Ndihma në demokratizimin e vendit tonë, por edhe zgjidhja e çështjes së Kosovës i dedikohet më së pari SHBA-ve dhe marrëdhënieve të shkëlqyera të SHBA-ve me Shqipërinë. Në këtë sfond besoj se bëhet më e lexueshme ajo çka fondi Shqiptaro-Amerikan solli në Shqipëri, si hallka e fundit e një zinxhiri fondesh simotra, të krijuara nga pres e SHBA-ve për zhvillimin e sektorit privat nga vendet e dala pas perdes së hekurt. Fonde që u krijuan si një dëshmi e mbështetjes nga ana e SHBA-ve të një tranzicioni, nga një shoqëri ku gjithçka ishte e jona, por asgjë nuk ishte e secilit, në një shoqëri tjetër ku secili ka të drejtë të fitojë atë që meriton, ku të gjithë bashkë kemi detyrimin të ndërtojmë atë bashkëjetesë që e bën të mundur lulëzimin e të drejtave të të gjithëve. Nëse me rastin e këtij përvjetori do të krijohej një parafrazim do ti shkonte fjala e një sipërmarrësi amerikan, Skot Blesi, i cili thotë “Nuk është fjala për ide por për ide që realizohen” dhe Fondi Shqiptar-Amerikan ishte dëshmia dhe mbetet dëshmia e faktit se idetë vlejnë kur realizohen. Dhe në Shqipëri Fondi Amerikan u bë dëshmitar i të vërtetës se idetë mund të realizohen, është e mundur që të investohet në mënyrë të guximshme, transparente dhe në mënyrë të suksesshme”, deklaroi Rama.

Kryeministri theksoi se merita kryesore e Fondit, është modeli që solli, si një pikë referimi dhe që ka kontribuar në Prodhimin e Brendshëm Kombëtar me 2 mln dollarë, ndërsa ka tërhequr 300 mln dollarë investime të huaja.

“Përtej gjitha meritave që fondi i rezervon vetvetes dhe atyre që e drejtojnë apo që e mbajnë atë gjallë në jetën e përditshme, merita kryesore e fondit është modeli, si një pikë referimi për të gjithë ata që kanë nevojë për një model që ti inkurajojë në rrugën e sipërmarrjes. Fondi krijues i partneriteteve me qeverinë, me burime kapitalesh apo me ekspertë. Nuk ka një organizatë tjetër në Shqipëri që të ketë larminë e partneriteteve që ka krijuar Fondi. Fondi më i suksesshëm i zinxhirit të fondeve simotra. Ka investuar në më shumë se 40 shoqëri, ka krijuar mbi 7 mijë vende pune dhe ka kontribuar në Prodhimin e Brendshëm Kombëtar me 2 mln dollarë. Investimet e fondit kanë tërhequr investime të huaja 300 mln dollarë. Fondi ka sjellë edhe një qasje novatore duke hapur shtigje dhe duke krijuar kushtet që edhe të tjerët të shikojnë rrugë pas shtigjeve të hapura. Nga industria tekstile, tek qendrat tregtare, aeroporti, banka. Nga dokumentet e sigurisë me teknologji moderne tek ndërtimi i zonave urbane deri tek kontributi për të sjellë në atdhe armët e Skënderbeut me rastin e 100-vjetorit, duke u bërë kampion me numrin e vizitorëve, 1.5 mln. deri në 200-vjetor. Ku me teknologjinë e asaj kohe mbase do mund të ngjalli Skënderbeun”, tha Rama.

Duke vijuar me arritjet e kësaj organizate, kryeministri tha se Fondi është investitori i parë i huaj në sigurimin në Shqipëri. “Bëri të mundur transformimin e pasaportave, me standarde sigurie shumë herë më të larta se shumë vende të BE-së. Nuk dua të them me këtë rast se jemi të dytët pas Gjermanisë. Shpresoj në rritjen e investimeve. Investimet amerikane janë rritur dhe konsoliduar, janë 157 biznese amerikane. Besoj që Fondi ka patur edhe meritën që të krijojë besim tek investitorët e tjerë. Historitë e suksesit janë promovimi më i mirë që mund t’i bëhet Shqipërisë”, u shpreh ai.

Rama veçoi si sukses, krijimin e Bankës Amerikane të Shqipërisë nga ky fond, që më pas u shit. Kryeministri shprehu dëshirën që Fondi ta blente sërish këtë bankë.

“Nuk e harrova por desha ta veçoj si një shembull të suksesit, krijimin e bankës amerikane të Shqipërisë, që transformoi sistemin bankar në Shqipëri, që futi produkte moderne dhe inovatore. Fondi vendosi ta shiste, mbase vendos ta blejë, mund të jetë një operacion i suksesshëm. BASH arriti të bëhej institucioni i dytë financiar më i madh në Shqipëri. arriti ti shërbejë 125 mijë klientëve. Doni më për Belulin? Në këtë rast Beluli është Fondi jo unë. Edhe Beluli pjesë e historisë sonë. Mirënjohje atyre që janë pjesë e këtij suksesi. Gëzuar 20-vjetorin, uroj të rriteni me gjithnjë e më shumë mend në kokë! Pavarësisht rritjes uroj të mos e humbni asnjëherë pasionin dhe naivitetin revolucionar të ditëve të para”, tha Kryeministri.

Në përfundim Rama theksoi se ky Fond është ndër të paktët që nuk krijon shkas për luftë politike. “Ndër të paktët emra që nuk krijon shkas për luftë politike. Duhemi s’duhemi, Fondin e duam”, tha kreu i qeverisë.

Orët e fundit të qeverisë Rama 1 – mosmarrëveshjet PS-LSI për rindarjen e posteve

Shumëkush e lidhi turravrapin e Edi Ramës në zyrën e Ilir Metës, të dielën në drekë, pas kthimit nga SHBA, edhe me ndryshimet e shumëpërfolura në qeveri. Aq sa kur Rama, në dalje nga takimi, hodhi një frazë hibride në “dhëmbët” e mediave që prisnin tek dera e Kuvendit, nuk pati më asnjë dyshim që qeverisë Rama 1 po i numëroheshin orët e fundit.

Sporti kombëtar i përfoljes së listave të ministrave të rinj ka nisur tashmë në media dhe kafenetë e Tiranës, megjithëse vetë Rama i hodhi ujë të ftohtë sot thashethemeve për një ndryshime të shpejtë në kabinet. Çka u hodh poshtë indirekt pasdite, kur Ilir Meta u shpreh zyrtarisht pro këtyre ndryshimeve.

Po cili është motivi qëndror i këtij kursi të ri përplasjeje, sa i përket lëvizjeve në qeveri, mes PS e LSI? Burime pranë LSI e lidhin nervozizmin e Metës ndaj qeverisë aktuale, kryesisht me idenë që ai ka rreth mënyrës sesi u përhapën dhe shpërthyen në media, dokumentat e rezervuara të hetimit CEZ-DIA. Thuhet se brenda rradhëve të kësaj force politike ka një ide të pjekur se të paktën një segment i ekzekutivit nuk ka bërë sa duhet në pengimin e daljes së këtij dokumentacioni, i cili më pas u kthye në akt-akuzën publike të tij, për shumë ditë me rradhë.

Kësisoj, për vetë natyrën e punës, linja Gjiknuri-Ahmetaj ka gjasë të jetë dyshja e “rrethuar” me vizë të kuqe nga kreu i LSI. Kësaj mërie të fundit, i shtohet edhe një “ndryshk” i vjetër që aleati i vogël i PS ka ndaj këtyre dikastereve, për shkaqe të shumllojshme, që nuk lidhen vetëm me performacën e tyre. Pa harruar as Ministrinë e Financave, ku rezultatet në taksa e tatime (por jo vetëm), kanë shkaktuar qysh herët rrudhje buzësh në LSI.

Një dyshe tjetër të cilën Meta do të donte ta zbriste nga froni ministror, është edhe ajo Tahiri-Beqaj. Të dy ministrat, njerëz të afërt të Edi Ramës, janë shigjetuar në më shumë se një rast në këto dy vjet. Madje në rastin e Tahirit, para se policia të hynte në Lazarat, në mes të vitit 2014, LSI kishte shprehur pakënaqësi të hapura publike. Ndërsa e ka të vështirë ta marrë ministrinë e brendshme, LSI do të ishte e kënaqur edhe me largimin e Saimir Tahirit, një ministër që Meta nuk e ka preferuar asnjëherë.

Të njëjtën gjë që kanë synuar ta bëjnë edhe me Beqen, të cilin e ka goditur herë lobi partiak i shëndetësisë, herë ai i biznesit i lidhur me të. Problemi në këtë rast, si me Beqen, ashtu edhe me Tahirin, është se të dy ministrat e mësipër kanë marrë mbështetjen publike të Ramës në më shumë se një rast dhe janë sot dy nga njerëzit e tij të afërt brenda kabinetit dhe në PS.

Një tjetër temë debati mes dy aleatëve thuhet se është diplomacia, ku Meta do të ishte i lumtur të dërgonte dikë nga të vetët, ndoshta duke ceduar portofolin e drejtësisë. Mbetet të shihet se cili është reagimi i Ramës në këtë rast, duke parë rolin dhe peshën që ka ministria e jashtme, si një institucion i imazhit ndërkombëtar. Sa i përket portofoleve të tjera, duket se palët nuk do ta kenë të vështirë një marrëveshje.

Ilir Meta i konfirmoi edhe para pak minutash dëshirat e tij për një ribërje të qeverisë Rama. Kjo lidhet më së pari me perceptimin e tij, se pas dy vjetësh një kabinet qeveritar ka nevojë fiziologjike për ndryshime, por më së shumti me motivin e faktorizimit të tij politik në krye të skenës politike, pas javëve të fundit të skandalit CEZ-DIA.

Një kthim i kreut të LSI në tryezën e hartimit të listave ministrore, do të jepte idenë se gjithçka është mbyllur mes tij dhe Ramës dhe se koalicioni vijon të jetë tërësisht funksional. Duke u nisur nga qeveria, e cila do të ndryshonte me nismën dhe vullnetin e tij. Duhet parë nëse kryeministri do t’ja akordojë Ilir Metës këtë moment lavdie politike dhe personale.

Javanews.al

Soros email Clintonit për 21 janarin, Berishën dhe Ramën

Gazeta prestigjioze “Washington Post” ka publikuar një artikull në të cilën flet për një email që Hillary Clinton, nëpërmjet këshilltarëve të saj, ka marrë nga manjati George Soros. Emaili është marrë më 23 Janar 2011, që do të thotë vetëm dy ditë pas demonstratës së 21 Janarit në Tiranë.

Sipas gazetës, emaili në fjalë provon lidhjet e forta të Clintonit me donatorët e fushatës së saj.

Në këtë email, Soros bën një pasqyrë të asaj çfarë ka ndodhur në Tiranë dhe kërkon ndërhyrjen e Shteteve të Bashkuara të Amerikës dhe të Bashkimit Europian për të stabilizuar situatën në Shqipëri, pasi siç shkruan ai, “situata është shumë e tensionuar”.

“Në emailin dërguar Sekretares së Shtetit, Clinton në atë kohë, Soros propozon që t’i bëhet thirrje e menjëhershme Kryeministrit Sali Berisha dhe kreut të opozitës në atë kohë, Edi Rama, që të ndalin protestat e ardhshme dhe të tërhiqen nga deklaratat që nxisin revoltë”-raporton TCH.

Ndërsa pika e dytë, e cila sipas George Soros duhet të bëhet në mënyrë urgjente, është caktimi i një ndërmjetësi ndërkombëtar nga SHBA-ja dhe BE-ja, për të ulur në tryezë dy partitë. Ai propozon tre emra, që sipas tij janë më të përshtatshëm për këtë funksion.

Në Shtetet e Bashkuara të Amerikës ka muaj që ka nisur debati për përdorimin e email-it personal në kohën që Hillary Clinton ka qenë Sekretare Shteti.

Madje, ajo është akuzuar për mos përdorimin e email-it zyrtar. Kjo çështje u bë edhe më e debatueshme kur zonja Clinton priste që të shpallte kandidaturën e saj për presidente brenda radhëve të demokratëve, e cila deri më tani është edhe emri më i favorizuar në radhët e partisë së Presidentit Obama. TCH

I jepet lamtumira e fundit Dëshmorit të Atdheut Simon Gjeta

Në Akademinë e Sigurisë, u zhvilluan sot homazhet në nder të Dëshmorit të Atdheut, Simon Gjeta, i cili ra në krye të detyrës gjatë një operacioni policor të zhvilluar mbrëmjen e të shtunës në Shkodër.

Kryetari i Kuvendit Ilir Meta, kryeministri Edi Rama, ministri i Punëve të Brendshme Saimir Tahiri, ambasadori amerikan në Tiranë, Donald Lu, lideri i opozitës Lulzim Basha, kolege, miq e të afërm u përulen para veprës së tij.

Ndërsa Komisioni i Sigurisë e nisi mbledhjen me një minutë heshtje në nder të efektivit të rënë në krye të detyrës.

Kryeministri-Rama-ne-homazhe-3-Foto-Agim-Dobi.

Kryeministri Rama: Simon Gjeta dha jetën e tij për të mbrojtur jetën e të tjerëve

Simon Gjeta dha jetën e tij për të mbrojtur jetën e të tjerëve, u shpreh Kryeministri Edi Rama në fjalën e mbajtur gjatë homazheve për nënkomisarin Simon Gjeta.

Kryeministri Rama vlerësoi punën e nënkomisarit Gjeta, që sipas tij, iu bashkua forcave të Policisë së Shtetit në vitin 1997, pikërisht atëherë kur jo pak shqiptarë, mbase gjithë shqiptarët e kishin humbur shpresën e besimin e shtetit dhe kur shumë ndër ta braktisën detyrën .

Ai, tha Rama, dëshmoi qysh në krye të herës se ishte i vendosur me mish dhe me shpirt në rrugën që ju ndërpre përgjithmonë të shtunën e kaluar.

“Largimi nga jeta i Simonit është një humbje e madhe për familjen, për miqtë dhe të afërmit e tij, por pa dyshim edhe për Policinë e Shtetit shqiptar që ka kaq shumë nevojë për modelin e njeriut siç ishte Simon Gjeta. Pa asnjë dyshim, gjaku i tij nuk do të bëhet ujë por do të shërbejë për të plazmuar më tutje shpirtin, zemrën e mundin e një policie shteti të rilindur, e cila me mbështetjen e palëkundër të Policisë së Shtetit do ta thyejë plotësisht fuqinë që krimi akumuloi në dekadat e tranzicionit dhe që po e shohim të dobësohet dita-ditës”, u shpreh Kryeministri Rama.
Ai shprehu bindjen se Policia e Shtetit po rritet përditë jo vetëm falë mbështetjes së vendosur që po merr, por edhe falë sakrificave si ajo e Simonit e Ibrahim Bashës.

Rama tha se rivendosja përfundimtare e pozicioneve natyrale mes shtetit dhe krimit është sa e vështirë aq e sigurtë dhe sot ka edhe një arsye më shumë që është po aq e thjeshtë sa ç’ishte e thjeshtë jeta e Simon Gjetës, sepse Policia e Shtetit nuk është e tradhëtuar siç ishte deri dy vite më parë dhe në këtë luftë janë njerëzit e thjeshtë të këtij vendi, si Simoni e Ibrahimi e kolegët e tyre, të cilët aq sa janë të zakonshëm aq janë edhe të jashtëzakonshëm.

Për këtë tha kryeministri Rama, fitorja anon gjithnjë e më shumë nga Policia e Shtetit.

Meta: Reforma në drejtësi do bëhet dhe kriminelët do të shkojnë aty ku meritojnë

Kreu i Kuvendit, Ilir Meta, në fjalën e tij, duke ngushëlluar të afërmit e miqtë e të ndjerit Gjeta, garantoi më shumë vëmendje ndaj rendit e sigurisë, teksa theksoi rëndësinë e reformës në drejtësi.

“Jemi këtu për të përcjellur heroin më të ri në radhën e Dëshmorit të Atdheut, ku dora kriminale ja ndërpreu jetën në mes. Jemi këtu për të shprehur solidaritetin njerëzor për familjarët e Simonit, por dhe kolegët, që sakrifikojnë çdo ditë, duke u përballur çdo ditë me të keqen, delikuentët dhe shkelësit e ligjit. Sot, nënvizoi Meta, duhet të jemi së bashku, dhe akoma më shumë duhet të shtrëngohim përreth njëri tjetrit në luftën ndaj së keqës. Asaj të keqe që kërcënon jetët tona dhe fëmijëve tanë”, vijoi Meta.

Kryetari i Kuvendit garantoi forcimin e rendit dhe sigurisë.

“Garantojmë se jeta e ndërprerë e Simonit është një këmbanë alarmi, që na thërret për të rritur vëmendjen ndaj rendit dhe sigurisë publike. Prandaj, garantojmë që reforma në drejtësi do bëhet dhe kriminelët do të shkojnë aty ku meritojnë. Përulemi përpara veprës së nënkomisar Simon Gjetës, Dëshmor i Atdhetu, i përjetshëm qoftë kujtimi i tij” përfundoi Meta.

Tahiri: Kriminelët marrin ndëshkim të dakordësuar nga gjykata

Ministri i Punëve të Brendshme, Saimir Tahiri u shpreh se Simon Gjeta na la barrën e rëndë të përuljes dhe respektit, ndërsa shkroi vetë me punën e tij, fjalën e mirë që meriton ti thuret sot. Ministri Tahiri gjithashtu u shpreh se “një nga njollat e zeza të vendi tonë, më shumë se sa krimi rrugës është drejtësia dhe reforma e këtij sistemi do ti jap ndëshkimin e duhur, krimit të rrugës dhe gjykatësve, që me çekiçin e tyre motivojnë krimin e rrugës.

“Nëna e Simonit, vëllezërit motrat e të afërm, koleg të tij në policinë e Shtetit, nuk ka moment më të vështirë se sa ky, ku duhet të thuash disa fjalë për një punonjës policie që humb jetën në krye të detyrës. Punonjës Policie, që bëhen heronjë e dëshmor atëherë, kur nuk jetojnë më. Këta punonjës, që përzgjalli kalojnë shumë sakrifica, plot prej tyre të pamerituara në përballje me krimin, por dhe me gjuhën e urrejtjes, që fluturon në ajër më shumë se sa plumbat. Zakoni e do, që të jetë e lehtë të thuash fjalë të mira për një person që ikën nga kjo botë. Por, Simoni e na e lehtësoi këtë punë, pasi e kishte shkruar vetë me punën e tij fajëln e mirë që po i thuret sot. Ai shkruajti fatin e tij, ashtu siç edhe bëri dhe në ditëne fundit të jetës së tij, duke rënë në krye të detyrës. Ne tashmë, vijoi Tahiri, na mbetet barra e rëndë e respektit dhe përuljes”, deklaroi Tahiri.

“Forcat e Repartit RENEA bënë drejtësi, duke i dhënë fatin e merituar atij që i mori jetën Simonit. Ndëshkimi i merituar, por çfarë ndëshkkimit të merituar merr krimi, kur punonjësit e policisë, gjejnë përballë e luftojnë në rrugë persona që edhe pse janë arrestuar disa herë, drejtësia ka mbyllur sytë e i ka lënë të lirë. E pra, drejtësia shqiptare që jep shumë rrallë ndëshkimin e merituar, por jep gjithnjë, apo gati gjithnjë atë të dakordësuar”, theksoi Tahiri

Lidhur me këtë, Ministri i Brendshëm, kujtoi dhe ngjarjen e ndodhur në Tiranë, ku personat përgjegjësi ishin arrestuar nga Policia, por më pas u lanë të lirë nga drejtësia.

“Një tjetër ngjarje e rëndë ndodhi në mes të Tiranës. Autorët e kësaj ngjarje ishin arrestuar nga policia, por ishin lënë të lirë nga çekiçi Drejtësisë pak muaj më parë dhe tashmë ata morën jetën e dy personave, plagosën një të tretë dhe vetëm fati shpëtoi një të katërt. Pra drejtësia e korruptuar është thelbi i mos ndëshkimit. Ata, gjyqtarët janë vrasësit e drejtësisë dhe përmes ekzekutimit të drejtësisë, ata motivojnë krimin, që gjenë gjuhën e përbashkët me çekiçin”, vijoi Tahiri.

Ai garantoi se, “kur të përfundoi reforma në drejtësi gjyqtarët kriminel, më shumë se ata të rrugës, do të marrin ndëshkimin e merituar. Prandaj dhe ftoi të gjithë qytetarët të bashkëpunojnë me policinë e të denoncojnë të gjitha dyshimet e tyre”.

Basha: Siguroj punonjësit e Policisë së Shtetit se do të jemi gjithmonë krah tyre

Kryetari i opozitës, Lulzim Basha, duke i shprehur ngushëllimet familjes Gjeta për humbjen e Simonit, kryefamiljarit, birit, tha se “tronditja e thellë që ndjejmë me humbjen e nënkomisar Simon Gjetës, rënia e tij në krye të detyrës na kujton edhe një herë për rrezikun e përditshëm dhe përorëshëm me të cilin përballen forcat e rendit, efektivët e Policisë së Shtetit për të siguruar rend, ligj dhe siguri për çdo qytetar”.

Ai shtoi se “sakrifica e tyre e cila jo rrallë herë i kërkon të përballen edhe me rrezikun për jetën siç ishte rasti i operacionit të fundit që mori jetën e nënkomisar Simon Gjetës, është një burim reflektimi dhe mbështetje të madhe qytetare dhe politike për punonjësit e policisë dhe në radhë të parë një kushtrim për pastërtinë totale të duarve dhe mendjeve politike që drejtojnë Policinë e Shtetit”.

“Unë dua ti siguroj punonjësit e Policisë së Shtetit që unë personalisht dhe Partia Demokarike, kemi qenë, jemi dhe do të jemi gjithmonë krah tyre në përballjen dhëmb për dhëmb me krimin ordiner dhe me krimin e organizuar”, deklaroi Basha në një prononcim për mediat pas homazheve të zhvilluara në Akademinë e Sigurisë, në Sauk.

Nënkomisari Simon Gjeta do të prehet në Varrezat e Dëshmorëve, pranë varrit ku pushon, dëshmori tjetër, Ibrahim Basha.

Autori i vrasjes së Simon Gjetës, komandantit të reparti të Forcave të Ndërhyrjes së Shpejtë në Shkodër, u vra gjatë mëngjesit të së dielës nga policia, e cila kishte rrethuar prej mesnatës banesën e tij.

Ruzhdi Arishta, i cili qëlloi me 3 plumba oficerin e policisë nuk iu përgjigj thirrjeve të policisë për t’u dorëzuar, ndërkohë që aksioni zgjati rreth 12 orë..

250 infermierë përgatiten për punësim në Gjermani

TIRANE- Plot 250 infermierë do të nisin trajnimin për punësim në Gjermani, në kuadër të një projekti i cili synon edukimin e mëtejshëm profesional të tyre. Kësaj faze të parë të projektit pritet t’i bashkohen më pas edhe profesionistë të tjerë të fushave të ndryshme. Kryeministri Edi Rama duke folur në aktivitetin për trajnimin e infermierëve për punë në Gjermani, ka folur edhe për shqiptarët që kërkojnë azil në Gjermani, duke theksuar se rruga më e mirë për të shkuar atje është ajo e ligjshme, por edhe atë shans e kanë shumë pak veta.
“Në Gjermani të shkohet në rrugë të ligjshme. Cila është rruga e ligjshme, dhe pse sot janë shumë pak shqiptarët që mund ta ndërmarrin që sot? Rruga e azilit është një rrugë e shkurtër e cila të kthen këtu”, tha Rama.Sipas tij, prioritet i qeverisë është arsimi profesional.

“Kemi drejtësinë më të degjeneruar në Evropë. Kemi juristë me diplomë por s’kemi gjyqtarë e prokurorë”.
Çdo vit gjermania ka nevojë për 10 mijë infermierë, tha Rama dhe për këtë duhet përgatitje.

Infermierët shqiptarë që do të trajnohen, do të përfitojnë një vend pune minimalisht për dy vitesh në Gjermani.

HOFFMANN: JO AZIL POLITIK NË GJERMANI, POR MUNDËSI PUNËSIMI
Ambasadori gjerman në vendin tonë Helmut Hoffmann tha se kjo është një mundësi e drejtë punësimi në Gjermani, dhe jo nëpërmjet emigrimit ilegal. Hoffmann tha se qytetarët shqiptarë duhet të aplikojnë për politikat e duhura të punësimit në Gjermani, dhe të mos kërkojnë azil.

“Mos iu drejtoni ambasadës për azil politik, por tentoni punësimin e duhur në Gjermani, nëpërmjet politikave të duhura”, tha Hoffmann.

KLOSI: MUNDËSI TË REJA PUNËSIMI DHE AFTESIM PROFESIONAL PER TE RINJTE
Këtë e ka shprehur sot ministri i Mirëqenies Sociale Blendi Klosi, i cili tha se një projekt i tillë synon të përgatisë profesionistët nëpërmjet kurseve të ndryshme, për t’i kualifikuar ata për tregun ndërkombëtar të punës.

“Projekti i cili nis me 250 infermierët e parë, përfshin kurse të ndryshme për kualifikimin e qytetarëve për tregun ndërkombëtar të punës. Për ne është me rëndësi lidhja e arsimit profesional me tregun e punës. Edhe tregu shqiptar ka nevojë për punonjës të kualifikuar, dhe ne do të hartojmë një ligj për t nxitur punësimin”, tha ministri Klosi.

Infermierët që do t’i nënshtrohen këtij kursi do të mësojnë edhe gjuhën gjermane, pasi synohet punësimi i tyre në Gjermani për të paktën 2 vite.

Dashamir Shehi shuplakë Berishës dhe PD-së: Luajtën teatër të pastër me votimin për CEZ

Voal- Dashamir Shehi është shprehur i zhgënjyer nga loja e Berishës dhe Partisë Demokratike për hetimin e aferës CEZ.

Ai thotë se PD luajti teatër të pastër, pasi gati gjysma e saj votoi kundër hetimit.

“Unë jam një prej deputetëve të Kuvendit që kemi firmosur të bëhet një hetim për këtë çështje. Mirëpo ajo vota atje nuk më pëlqeu, se ajo u bë pak si teatër dhe besoj se e kanë kuptuar të gjithë këtë.

Nuk ka nevojë t’ia shpjegojmë më njeriu këtë çështje pasi ishte teatër i pastër.

NJë parti që ishte direct e interesuar për këtë hetim, siç ishte PD-ja, gjysmat e votave i dha kundër, gjysmat pro.

Dhe këtu mbaron ky diskutim, pasi nuk ka nevojë për analyze,”, ka thënë Shehi për gazetën Shqip.

Top Channel – Sali Berisha nuk qendroi në votim – PD dhe LSI – a e kishin seriozisht me CEZ-in? (video)

Voal – “Mendoj se hetimi ndërkombëtar, në emër të paqes dhe stabilitetit të vendit, është jetik”. Megjithëse bëri disa herë këtë deklaratë, ish-kryeministri Sali Berisha nuk e votoi kërkesën e demokratëve për procedurën e përshpejtuar të projektligjit për hetimin ndërkombëtar të çështjes CEZ.

Ai ishte i pari që artikuloi kërkesën për hetimin e mega-aferës së CEZ-it nga prokurorë të huaj, por nga tabela e votimit në fund, rezultoi që Sali Berisha nuk qëndroi në votim. Mungesa e Berishës nuk do të ishte vetëm simbolikë politike, nëse mazhoranca do të kishte qenë kompakte në votën e saj, por ndarja mes PS-së dhe LSI-së për votimin dhe diferenca e ngushtë e votave në Parlament tregon më shumë.

Rrëzimi i kërkesës së demokratëve u bë me vetëm katër vota diferencë. Nëse Sali Berisha, por edhe deputetë të tjerë demokratë, Igli Cara, Myqerem Tafaj, Genc Pollo, Fatmir Mediu e Agron Duka, do të kishin votuar, demokratët do të kishin mundur të miratonin kërkesën e tyre, çka do të përbënte dhe të parin votim që opozita do të kishte triumfuar mbi një supermazhorancë që nisi legjislaturën me mbi 84 deputetë.

Rezultati i votimit, 54 me 50 i kërkesës së demokratëve, përveç mungesës së një numri deputetësh socialistë në sallë, ishte rrjedhojë edhe e qëndrimit të LSI-së. Forca e drejtuar nga Ilir Meta gjithashtu pati mbështetur hetimin ndërkombëtar, por votimi i deputetëve të saj nuk ishte i unifikuar, duke u ndarë pothuaj në numra të barabartë mes mbështetjes për PD-në dhe mungesës së saj.

Deputetë të saj konfirmuan në telefon për Top Channel se nuk kishin një vendim grupi për mënyrën sesi do të votonin kërkesën e demokratëve. Por ndarja përgjysmë e votave të deputetëve të LSI-së nuk duket dhe aq rastësore. Vetë Ilir Meta, bashkëshortja e tij, kryetari i grupit parlamentar Petrit Vasili, Sekretari i Përgjithshem Luan Rama, anëtari i kryesisë Vangjel Tavo, si zyrtarët më të lartë të kësaj force politike, dhanë votën pro kërkesës së demokratëve. Këtij votimi iu bashkangjit edhe deputeti Agron Çela, një nga emrat që gjithashtu është akuzuar si përfitues nga DIA prej Dritan Priftit.

Gjysma tjetër e deputetëve të LSI-së abstenuan. Nëse edhe vota e tyre do të kishte qenë e njëjtë me atë të Ilir Metës, kërkesa e demokratëve do të ishte miratuar, pavarësisht mungesës së Berishës dhe deputetëve të tjerë të PD-së, dhe parlamenti do të niste shqyrtimin e projektligjit për të mundësuar hetimin ndërkombëtar të aferës CEZ.

Por, vetëm katër votat më shumë të socialistëve, ku numërohet edhe ajo e deputetit të LSI-së Spartak Braho, rrëzuan kërkesën e demokratëve, duke ngritur pyetjen: A e kishin seriozisht mbështetësit e hetimit ndërkombëtar të aferës CEZ?

05-10-2015 10-50-24

https://www.youtube.com/watch?t=18&v=zuneMmmAAg4

Shpallet ‘Dëshmor i Atdheut’ komandanti Simon Gjeta

Komandanti i vrarë i Forcave të Ndërhyrjes së Shpejtë në Shkodër, nënkomisar Simon Gjeta, u shpall sot pasdite “Dëshmor i Atdheut” nga një komision i posaçëm, që funksionon pranë Ministrisë së Mbrojtjes.

Dëshmori i Atdheut, Simon Gjeta, pritet të përcillet nesër për në banesën e fundit në Tiranë, pas një ceremonie homazhi, që do të zhvillohet në orën 11 në Akademinë e Sigurisë, në Tiranë.

Nënkomisari Simon Gjeta, komandanti i FNSH në Shkodër humbi jetën në krye të detyrës, të shtunën në mbrëmje, gjatë një operacioni policor për arrestimin e autorit të plagosjes së një 21-vjeçari, bashkëfshatar i tij në fshatin Obot i Ri, vetëm 7 kilometër në afërsi të qytetit të Shkodrës.

Komandanti 49 vjeçar i FNSH-së është diplomuar në Shkollën Ushtarake “Skënderbej” dhe më tej, nga data 20 dhjetor e vitit 1997 e në vazhdim, ishte angazhuar në radhët e Policisë së Shtetit. Gjatë viteve 1997 deri më 30 qershor të 2007, Gjeta ka shërbyer në strukturat e Forcave të Ndërhyrjes së Shpejtë fillimisht në Kurbin dhe më pas në Tiranë.

Më 30 qershor të vitit 2007, Simon Gjetës iu shkëputën marrëdhëniet e punës me motivacionin “shkurtim funksioni” dhe u ripranua në Policinë e Shtetit në vitin 2012. Nga dhjetori i vitit 2012 e deri në shkurt të vitit 2013, Gjeta ka shërbyer në sektorin e hetimit të krimeve dhe të sigurisë publike në Komisariatin e Policisë Fier. Më pas, nënkomisari Simon Gjeta është transferuar në repartin e FNSH Shkodër me një vendim të ish-Drejtorit të Përgjithshëm të Policisë së Shtetit, Artan Didi.

Ai ishte diplomuar në Shkollën Ushtarake “Skënderbej” dhe më tej ishte angazhuar në radhët e Policisë së Shtetit duke u bërë pjesë e efektivave të Forcave të Ndërhyrjes së Shpejtë.

Nënkomisar Simon Gjon Gjeta, si pjesëtar i forcave të Ndërhyrjes së Shpejtë të Policisë së Shtetit, ka marrë pjesë në disa operacione për vendosjen e rendit dhe sigurisë publike, duke u përballur me elementë kriminalë të një rrezikshmërie shumë të lartë.

Kush ishte Simon Gjeta, Nënkomisari që humbi jetën në krye të detyrës

Nënkomisar Simon Gjon GJETA i datëlindjes 22 shkurt 1966, lindur në Mirditë dhe banues në Tiranë, me arsim të lartë, është titulluar punonjës policie dhe pranuar në strukturat e Policisë së Shtetit, më datë 20 dhjetor 1997, në Komisariatin e Policisë Ndërhyrjes së Shpejtë, Kurbin.

Simon Gjon Gjeta, gjatë viteve 1997 deri më datë 30 qershor 2007 ka shërbyer në strukturat e forcave të ndërhyrjes së Shpejtë, Kurbin dhe Tiranë.

Në 30 qershor 2007, Gjetës iu shkëputën marrëdhëniet e punës me motivacionin “shkurtim funksioni” dhe u ripranua në vitin 2012 në Policinë e Shtetit.

Ndërsa për periudhën 26 dhjetor 2012 deri më 20shkurt 2013, në shërbimet e hetimit të krimeve dhe të sigurisë publike, në Komisariatin e Policisë Fier, në Drejtorinë e Policisë së Qarkut Fier.

Simon Gjeta nga data 20 shkurt 2013 deri më datë 3 tetor 2015, (kur ra në detyrë) ka shërbyer në detyrën e specialistit të taktikës, në seksionin e operacioneve dhe trajnimit në Komisariatin e Policisë Ndërhyrjes së Shpejtë Shkodër.

Nënkomisar Simon Gjon Gjeta, si pjesëtar i forcave të ndërhyrjes së shpejtë të Policisë së Shtetit, ka marrë pjesë në disa operacione për vendosjen e rendit dhe sigurisë publike, duke u përballur me elementë kriminelë, të një rrezikshmërie shumë të lartë.

Më datës 3 tetor 2015, gjatë kryerjes së operacionit për neutralizimin dhe kapjes së autorit të veprës penale, ka humbur jetën në krye të detyrës Nënkomisar Simon Gjeta, specialisti i taktikës, në seksionin e operacioneve dhe trajnimit në Komisariatin e Policisë Ndërhyrjes së Shpejtë Shkodër.

Meta nuk e do Tahirin ministër të Brendshëm – vjen Balla?

Tashmë është e konfirmuar edhe nga “kumbari” i bashkëqeverisjes Rama-Meta, Koço Kokëdhima se do të ketë ndryshime në qeveri. Ndryshime që Edi Rama më shumë se një herë i ka kundërshtuar fort. Gazeta “Shekulli” hapet me titullin “Ndryshime në qeveri”?

“SYRI.net” menjëherë pas takimit të djeshëm Rama-Meta informoi për atë çfarë Rama e më vonë, ministri Naço u shmangën dhe gënjyen.

Rama u shmang duke ikur shpejt pa asnjë deklaratë, kurse ministri Naço mohoi takimin e papritur me Metën duke thënë se kishte takuar Vasilin. Por Vasili ndodhej në një ngushëllim në Fier. Naço ishte thirrur nga Meta menjëherë pas kushteve që kryeparlamentari i kishte vënë kryeministrit Rama.

Ndryshimet në qeveri do të ndodhin si kushte të Metës, pavarësisht se Rama do ti shesë si një domosdoshmëri për një vrull të ri pas përfundimit të gjysmës së parë të mandatit.

Po cilat janë ndryshimet dhe kushtet?

Mësohet se Ilir Meta e ka filluar bisedën duke i thënë kryeministrit Rama se duhet ta harronte idenë se Tahiri do të vazhdonte si ministër i Brendshëm. Dhe nga mbrëmë e në vazhdim ka një lajm të pakonfirmuar se Saimir Tahiri ka dhënë dorëheqjen.

Edhe pse policët e tij ishin në një betejë më një kriminelë që vrau një polic në detyrë, ministri Tahiri është zhdukur duke u mjaftuar me një ngushëllim të thatë për policin e vrarë. Ka dhe një fakt tjetër që të bën të besosh se socialistët kanë filluar betejën për pasardhësin e Tahirit.

Taulant Balla, një deputet që aspiron ti ketë miq të fortit dhe policët, njeriu që ka sulmuar më shumë se kushdo Ilir Metën dhe familjen e tij, deputetit që në 2009, Meta po i printonte 20 mijë fletushka që ti shpërndantë në Librazhd për të shkuarën e babait të tij, në seancën e fundit parlamentare vrapoi të dilte garant për mospërfshirjen e Ilir Metës në aferën CEZ-DIA.

Më shumë se një deklaratë qesharake, ishte një joshje që deputeti i Librazhdit po i bënte “ekzekutorit” të ministrit Tahiri. Balla duke qenë i vetëdishëm se Meta po e largon Tahirin nga ministria e brendshme, mendon se edhe ministri i ri do të kërkojë domosdoshmërisht aprovimin e tij.

Tjetër ndryshim.

Damian Gjiknuri është nën sulmin e kryeparlamentarit Meta për dosjen e tij. Vëllai ish-kryeministrit Ahmetaj mbahet prej Gjiknurit në pozicionin që ka. Dhe Meta ka dyshimet e veta për daljen e emrit të tij. Meta po i vendos kushte të rënda kryeministrit Rama, për të provuar vërtet nësë është apo jo ai pas sulmeve të “BIRN”.

Kjo ka bërë që në zyrën e Metës të shkojë menjëherë Nasip Naço. Ish-ministër i ekonomisë Energjitikës, sot ministër i Drejtësisë. Naço si një jurist profesionist dhe ministri më i besuar i kryetarit Meta, mund të rikthehet aty ku ishte për të parë se si është e vërteta e letrave të CEZ-DIA.

Artan Hoxha ironizon Artur Zhejin: Shumë i shqetësuar për parelliun e Skraparit

Screenshot_19

Zheji shume i shqetesuar se “superparallinjte” po i bejne presion Rames per te larguar nga qeveria Kryeparalliun (sipas kabllogrameve te ambasades Amerikane publikuar nga wikiliks, njeri nga me te pasurit ne Ballkan), ose sic cilesohet nga mediat kosovare Sheiku nga Skrapari….. ky maraz duhet marre seriozisht pas merakut te djeshem te Ylli Manjanit, se LSI (qe s’la gje pa bere ne tre javet e fundit per t’a kthyer ceshtjen DIA-CEZ nga nje afere korruptive, ne sulm politik ndaj kryetarit te saj) eshte teper e shqetesuar pasi Kastriot Ismailaj mund te fitoje 135 milione euro ne arbitrazhin e Vjenes ne dem te shtetit shqiptar dhe s’ka kush tia menaxhoje Kacit te gjore paret e fituara, se ai vet ndodhet ne burg…. ketij i them shqetesim ne interes te taksapaguesit shqiptare

Kushtetuta e Shqipërisë, ndryshimet që iu bënë në 24 vite – Nga AFRIM KRASNIQI

Përpjekjet për miratimin e një Kushtetute demokratike nisën më 1991, por një komision kushtetues i ngritur nga ish PPSH nuk arriti të prodhonte dokument të besuar dhe as të marrë miratimin e opozitës. Në kushtet e anullimit të kushtetutës së vitit 1976 sistemi i ri miratoi me konsensus të plotë (PPPSH-PD-Omonia) Dispozitat Kryesore Kushtetuese, – një paketë kushtetuese që rregullonte parimet bazë të funksionimit të sistemit të ri qeverisës.

Këto dispozita u plotësuan më 1992 dhe 1993, duke pësuar ndryshime konsensuale dhe të njëanshme, për shkak të mazhorancave solide të krijuara në parlament. Më 1993 një komision tjetër kushtetues i ngritur nga demokratët dështoi gjithashtu të kalojë një mënyrë të njëanshme draftin kushtetues në parlament (i mungonin 6 vota, aq sa ishte numri i deputetëve të larguar nga radhët e saj).

Për pasojë, në nëntor 1994 u zhvillua i pari referendum në historinë e shtetit shqiptar, referendumi për kushtetutën. Mazhoranca (PD dhe aleatët) ishin pro, opozita (PS, PSD dhe aleatët) ishin kundër, si dhe një pjesë tjetër partish (kryesisht të djathta) ishin abstenuese në votim. Për rrjedhojë, KQZ deklaroi se në referendum morën pjesë 84,30% e zgjedhësve, nga të cilët 53% votuan kundër draftit kushtetues dhe 41% pro.

Drafti humbi votbesimin dhe vendi mbeti pa kushtetutë. Pas rotacionit 1997 mazhoranca e re (PS, PSD, PAD, PAA dhe aleatët) nisi punën për kushtetutën e parë demokratike të Shqipërisë. Në vjeshtën e vitit 1998 drafti ishte gati dhe vendi shkoi në referendum tjetër popullor. Nën presionin ndërkombëtar opozita (e djathta) deklaroi abstenimin dhe mospjesëmarrjen në zgjedhje, kurse mazhoranca votën pro draftit kushtetues. Për pasojë, Kushtetuta e Shqipërisë u miratua me votim direkt (referendum) 21 tetor 1998.

Drafti final i Kushtetutës u votua në parlament me rreth 80 vota, parlamenti gjithashtu bëri ndryshime në ligjin e vitit 1994 mbi referendumet duke hequr kufizimin e vlefshërisë së tij për pjesëmarrje mbi 50% të votuesve. Në votimin për rerefendumin u regjistruan 1.929 813 zgjedhës, nga të cilët rezultoi se morën pjesë vetëm 50,57% e tyre, prej të cilëve votuan për draftin kushtetues 93,5% e zgjedhësve. Demokratët e kundërshtuan rezultatin zyrtar të pjesëmarrjes duke thënë se shifra reale ishte vetëm 39,60%. Nuk pati verifikim të pretendimeve, ndaj ky vendim i dha fuqi ligjore kushtetutës duke e bërë atë dokumentin kryesor të ndërtimit dhe funksionimit të shtetit shqiptar.

Presidenti Meidani përmes një akti ceremonial e firmosi Kushtetutën e re ditën e festës kombëtare. Vendimi për miratimin e Kushtetutës u përshëndet menjëherë nga shtete dhe institucione të ndryshme ndërkombëtare, përfshirë SHBA, BE, KE, si dhe shumë prej shteteve anëtarë të tyre. Midis viteve 1998 dhe 2008 vendi u qeveris nga dy mazhoranca të ndryshme (1998-2005 nga e majta dhe 2005- 2008) nga e djathta. Dy palët politike filluan të legjitimojnë aktet e tyre politike duke iu referuar Kushtetutës, dhe kështu, dokumenti themelor i shtetit filloi të marrë rëndësinë dhe rolin që i takon në sistemin politik dhe qeverisës në vend.

Gjithësesi, secila palë, në raste të ndryshme të ngerceve apo krizave politike alibinë e kërkonte tek hapësirat apo klauzolat kushtetuese, duke premtuar rishikimin e saj në të ardhmen. Pretendimet për ndërhyrje në Kushtetutë u bënë aq të mëdha dhe të shpeshta, sa më 2008 kishte një konsensus të gjerë politik për ndërhyrje në Kushtetutë. Përpara kësaj, një debat rutinë për KQZ dhe balancimin politik të tij coi në krizën politike të vitit 2007 dhe konsensusin midis palëve politike parlamentare për rritjen e numrit të anëtarëve të KQZ nga 7 në 9 anëtarë.

Dy anëtarët e rinj do ishin, njëri i LSI dhe tjetri i PDK. Për këtë u ndërhy në Kushtetutë. Ndërhyrja e dytë kishte të bënte me mandatin e qeverisjes vendore. Prej vitit 1998 mandati kushtetues i qeverisjes vendore ishte 3 vjet, më 2007 parlamenti ndryshoi kushtetutën duke e rritur mandatin në 4 vjet. Më 2008 palët politike nisën një proces të shpejtë dhe bilateral, jo publik, të ndryshimit të kushtetutës në disa elementë thelbësor të saj. Procesi u mbyll me votim konsensual midis dy partive kryesore politike në prill 2008, por nën kritikat e shumta të disa institucioneve kushtetuese dhe të shoqërisë civile.

Me ndryshimet e reja kushtetuese u kalua nga sistemi i votimit miks në sistemin proporcional rajonal, KQZ u hoq tërësisht si institucion nga kushtetuta dhe u kalua me trajtimin një ligjin zgjedhor, u vendos mandat për Prokurorin e Përgjithshëm, si dhe u ndryshua mandati i qeverisjes vendore nga tre në katër vjet. Ndryshimi thelbësor i paktës kushtetuese 2008 kishte të bënte me zgjedhjen e Presidentit të Republikës dhe mbi pozitën e Kryeministrit ndaj parlamentit.

Nga modeli i zgjedhjës së Presidentit me shumicë të cilësuar u kalua me zgjedhje me shumicë të thjeshtë në dy raundet e fundit, duke e ulur ndjeshëm peshën dhe rolin e Presidentit në jetën politike dhe institucionale. Ndryshimi tjetër i dha mundësi kryeministrit të zgjerojë kontrollin mbi parlamentin përmes mocionit konstruktiv, sipas të cilit, kryeministri me mocion besimi mund të provokojë në cdo kohë zgjedhje të parakoshme dhe se shkarkimi me mocion mosbesimi bëhet teknikisht thuajse i pamundur.

Ndryshimi kushtetues solli ndryshim edhe në jetën politike dhe institucionale, duke krijuar intepretime mbi shanset reale për garantimin e parimeve kushtetuese të transparencës, ndarjes dhe balancës së pushteteve. Më 2012 palët kryesore politike, përsëri nën presion ndërkombëtar, pas muajsh debate arritën një konsensus tjetër për ndërhyrje në Kushtetutë, – kufizimin e imunitetit për deputetët dhe zyrtarët e tjerë të lartë.

Ndryshimet u bënë në shtator 2012 dhe premtuan të ishin rezultati më i rëndësishëm në luftën kundër korrupsionit të lartë. Pas tri vitesh, asnjë zyrtar i lartë me imunitet nuk është gjykuar e dënuar me ndihmën e këtij ndryshimi, gjë që shpreh kontrastin e thellë midis arsyeve që ndërhyhet në Kushtetutë dhe rezultateve reale në aplikimin e saj.

Konsensus apo vota? Dilema e dy dekadave

Referuar praktikave të deritanishme vetë kushtetuta dhe draftet kushtetuese janë miratuar ose refuzuar me referendum (1994 dhe 1998), ku palët politike kryesore kanë pasur qëndrime të kundërta politike. Të gjitha ndryshimet kushtetuese (2007, 2008, 2012) janë kryer në mënyrë konsensuale midis dy palëve kryesore politike dhe shpesh edhe me mbështetjen e partive aleate besnike, duke arritur një konsensus të gjerë politik.

Më 2015 palët janë ende në dilemën midis nevojës për konsensus politik për ndryshime kushtetuese apo rendjes pas numrave për të mundësuar votat e nevojshme për ndryshime të njëanshme kushtetuese. Të dyja janë zgjidhje ligjore e politike, çështja e zgjedhjes midis tyre është çështje që ka të bëjë me kulturën politike, pjekurinë dhe legjitimitetin moral e publik. Në një fazë të tillë politike (25 vjet pas vendosjes së pluralizmit politik) do të duhej që palët politike të kërkonin e gjenin zgjidhje e forma sa më të besueshme dhe efektive të rishikimit të kushtetues, pa u ndikuar nga nevojat politike të dilës dhe raportet e forcave politike aktuale në parlament.

Kushtetutën e duam për sot e mot, ndaj ajo nuk duhet të reflektojë vullnetin e një individi apo grup individësh të vetëm, por një konsensus sa më të gjerë, sidomos publik. Kontrasti i thellë i sistemit tonë qeverisës është se Kushtetuta (1998) u miratua me referendum, kurse ndryshimet kushtetuese nuk kaluan as formalisht në referendum. Ato ishin produkt i politikës, ndaj kanë rezultuar afatshkurtra dhe jo efektive. Edhe ndryshimet kushtetuese 2015 pritet të mos kalojnë në referendum. Alibia se qytetarët nuk janë kompetentë për reformën në drejtësi është sa e pagjetur aq edhe fyese në një kohë kur gjithë spektri politik dhe miqtë e Shqipërisë flasin për nivelin problematik të parlamentit dhe numrin e madh të deputetëve të inkriminuar apo jo përfaqësues.

Argumenti i vetëm që vlen të konsiderohet është kostoja financiare në një vend të varfër ku çdo temë rutinë politike lehtësisht kthehet në debat politik publik dhe ka shanset të gjenerojë krizë të re politike. Draftet e propozuara për ndryshime kushtetuese meritojnë shumë më tepër konsultim publik, mendim të ekspertëve shqiptarë e të huaj, vlerësim nga institucionet dhe analizë të ftohtë nëse janë të plota, nëse janë të duhurat, nëse forcojnë sistemin kushtetues, nëse kanë pas tyre interesa të ngushta partiakë dhe nëse kanë shansin të realizojë pritshmëritë e mëdha që kanë qytetarët.

Treguesit e deritanishëm janë skeptikë nëse autorët dhe elita politike i kanë marrë parasysh këto kërkesa. Mjaftojnë dy detaje: për shkak të nenit kushtetues i la në fuqi Institucioni i Qarkut, i cili de facto është jo efektiv, abuzues, burokratik dhe pa sens për thelbin e reformës së re administrative. Së dyti, nëse nuk rishikohen nenet e procedurës së zgjedhjes së Presidentit parlamenti do jetë i detyruar të ndërhyrjë përsëri në Kushtetutë në pranverën e vitit 2017. “Në detaje fshihet djalli”, thotë një shprehje gjermane, dhe detaje të tilla na tregojnë se nuk është sasia por cilësia e ndërhyrjes në Kushtetutë që përcakton fatin e saj.

Konsensusi i gjerë për nevojën e ndërhyrjeve të reja në Kushtetutë
Prej vitit 2012 kanë kaluar 3 vjet të tjera dhe ende çdo mazhorancë politike vijon të ketë premtim periodik nevojën për ndërhyrje në kushtetutë për jetësimin e reformave në disa sektorë me mbrojtje kushtetuese, ku reforma në drejtësi mbetet kryetemë dhe shqetësimi kryesor publik.

Palët politike dhe ekspertët bashkohen në vlerësimin se reformat në drejtësi janë të pamundura pa ndërhyrje në kushtetutë, ndërkohë që ndërhyrjet shihen si zgjidhje edhe për një rishikim të disa kompetencave e sidomos formave zgjedhore në drejtim të disa institucioneve kushtetuese që zgjidhen në parlament, deri edhe tek ndërhyrja për të mundësuar plotësimin e reformës territoriale si dhe ndryshime të tjera që lidhen me detyrimet në procesin integrues në BE.

Krahas tyre, ekzistojnë edhe detyrime kushtetuese, për shembull, nevoja për ligje organike për institucionet kushtetuese, të cilat megjithëse citohen në dokumentin kushtetues të vitit 1998, ende nuk janë miratuar dhe as nuk janë pjesë e axhendës afatshkurtër parlamentare.

Rama shkon më këmbë tek Meta – bisedojnë 100 minuta kokë më kokë, pas tij Naço

Foto ilustruese, Rama dhe Meta ne Kuvend

Plot 100 minuta ka zgjatur takimi i kryeministrit Edi Rama me kryeparlamentarin Ilir Meta në zyrën e këtij të fundit në Kryesinë e Kuvendit. Ndërkohë, pas Ramës, eshte ministri i Drejtesise Nasip Naco, nga rradhet e LSI-se, ai qe ka hyre në kryesinë e Kuvendit dhe ka zhvilluar nje takim te shkurter rreth 30 minutash me Meten.

***Në një kohë kur afera e CEZ-it është kryefjala e ditës në skenën politike por edhe atë shoqërore, në mbyllje të vizitës së tij në SHBA, me të mbërritur në Tiranë, kryeministri Edi Rama ka hyrë në zyrën e Ilir Metës në Kryesinë e Kuvendit.

Rreth orës 15:30, kreu i Kuvendit ka mbërritur në Kryesi ndërsa disa minuta më vonë ka mbërritur në këmbë nga Kryeministria edhe Rama dhe ka dalë prej andej rreth orës 17:40.

Kryeministri mbërriti duke buzëqeshurm (sic duket edhe nga fotot qe bene gazetaret) në takim, por ka dalë duke shmangur gazetarët. Teksa në ikje e sipër kryeministri tha vetëm “Ju uroj një weekend të qetë!”

Nuk ka ende detaje se për çfarë biseduan ata, pasi nuk pati asnjë deklaratë në fund të takimit, por ajo që të shkon në mendje është se nuk kanë pak tema për të cilat mund të diskutojnë.

Njëra prej tyre dhe më e rëndësishmja është afera e shumë debatuar e CEZ-it, në të cilën është përfshirë emri i kryeparlamentarit Ilir Meta.

Për këtë, pak ditë më parë, kreu i Komisionit të Sigurisë Kombëtare, njëherazi edhe deputet i LSI-së Spartak Braho dërgoi një letër për dijeni të krerëve më të lartë të Shtetit, ku thoshte se ka një skenar për destabilizimin e vendit dhe në të përflitej edhe emri i Ramës si i përfshirë në skenar, përveç Dritan Priftit dhe Tom Doshit.

rama-neta]

Së fundmi, është përfolur shumë edhe një çarje mes koalicionit, gjë që Rama e ka mohuar kategorikisht, por nga ana tjetër, Meta nuk ka ngurruar të flasë për një opozitë Rama-Basha.

rama-meta2

Radikalët italianë: Në Sallonin vjetor të Librit 2016 të jetë e ftuar Shqipëria

‘Është një shembull virtuoz për ta vlerësuar dhe për ta njohur’VOAL – TORINO, 3 TETOR – Si e ftuar nderi në Sallonin vjetor të Librit 2016 të jetë Shqipëria në vend të Arabisë Saudite. Kështu propozon Shoqata radikale Adelaide Aglietta, shkruan Voice Of Albanians.”‘Jo’ Arabisë Saudte – thonë Igor Boni, Silvja Manzi e Marco del Ciello – mund të jetë rasti të ndërrojmë fletë pas një realpolitike humbëse. Ndaj të drejtave njerëzore nuk mund të falet kush. Pranë nesh ndodhet një shtet me shumicë myslimane laike, Shqipëria, e cila ka dalë në dritë pas një gjysmëshekulli diktature të rëndë. Është një shembull virtuoz për ta vlerësuar dhe për ta njohur.”
(ANSA).

Shqipëria në arbitrazh – 1 miliard lekë avokatëve të dy gjyqeve me Beketin

Gjyqet në arbitrazh po i kushtojnë qeverisë shqiptare një “mal” me para. Veç vendimeve që humbet shpeshherë në shuma stratosferike, nga buxheti i shtetit dalin disa herë brenda vitit qindra miliona lekë për shpenzime administrative, për avokatët dhe studiot ligjore kryesisht të huaja etj.

Vetëm pak ditë më parë, qeveria ka miratuar 2 vendime, nëpërmjet të cilave akordon afro 1 miliard lekë të vjetra shpenzime për gjyqe të tilla që vazhdojnë të “rrjepin” buxhetin për vite me radhë. Kështu, në mbledhjen e datës 22 shtator, qeveria vendosi t’i shtojë Ministrisë së Mjedisit, në buxhetin e miratuar për vitin 2015, fondin prej 39 050 000 lekësh, për kryerjen e pagesës së tarifave të avokatëve të kontraktuar për çështjen e arbitrazhit ndërkombëtar ICSID, nr. ARB/14/26, Albaniabeg Ambient, sh.p.k., M. Angelo Novelli dhe Costruzioni, S.R.L., kundër Republikës së Shqipërisë, që zhvillohet në Qendrën Ndërkombëtare për Zgjidhjen e Konflikteve në Investimet (ICSID). Sipas vendimit të qeverisë, fondi prej 39 050 000 lekësh do të përballohet nga fondi rezervë i buxhetit të shtetit. Për zbatimin e këtij vendimi që tashmë ka hyrë në fuqi, është ngarkuar Ministria e Mjedisit dhe Ministria e Financave. Në mbledhjen epo kësaj dite, qeveria vendosi që Ministrisë së Energjisë dhe Industrisë, në cilësinë e organit të interesuar, në buxhetin e miratuar për vitin 2015, t’i shtohet kundërvlera në lekë e fondit prej 220 mijë USD, për pagesën e shpenzimeve administrative të arbitrazhit, dhe kundërvlera në lekë e fondit prej 200 000 mijë eurosh, për kryerjen e pagesave të faturave të avokatëve të kontraktuar për përfaqësimin në çështjen e arbitrazhit ndërkombëtar IÇ, nr. 20564/EMT Hydro, S.R.L., kundër Shqipërisë, nëpërmjet kontratës për ofrimin e shërbimeve ligjore, datë 17.3.2015. Efekti financiar do të përballohet nga fondi i kontingjencës, i miratuar për vitin 2015. Edhe ky vendim ka hyrë në fuqi dhe për zbatimin e tij do të përgjigjet Ministria e Energjisë dhe Industrisë.

Gjyqi me kompanitë e Beketit

Kompanitë Albaniabeg ambient sh.p.k., Angelo Novelli and Costruzioni S.R.L. kanë hedhur në gjyq qeverinë shqiptare, duke i kërkuar 150 milionë euro dëmshpërblim për mosrespektim të kontratës për djegien e plehrave të sjella edhe nga Italia, duke prodhuar energji nga impianti termovalorizator. Ndërsa gjyqi tjetër ka të bëjë me (mos) ndërtimin e hidrocentralit të Kalivaçit mbi Vjosë nga kompania Hydro Srl. Shtetit shqiptar i kërkohet të paguajë një shumë prej 10 milionë eurosh për TVSH-në lidhur me këtë projekt.

Hidrocentrali i Kalivaçit

Hidrocentrali i Kalivaçit, i pari që do të realizohej mbi Vjosë, ndërkohë që nuk kishte ende një studim përfundimtar lidhur me shfrytëzimin e burimeve hidrike të këtij lumi për qëllime të prodhimi të energjisë, dha shpresën për ardhje të investitorëve seriozë në Shqipëri, pas rrëmujave të 1997-ës dhe “epokës së piramidave”. Projekti tejet ambicjoz për kohën, duhej të përfundonte në harkun kohor të pesë viteve. Por, para vitit 2000 kompania e Francesco Beçhettit nuk kreu asnjë punim derisa Këshilli i Ministrave të miratonte ndryshime të rëndësishme në kontratën fillestare, duke lejuar koncensionarin që të transferonte të drejtat në një kompani tjetër të kontrolluar prej tij. Pas rreth 15 milionë eurosh investime, janë ndërruar aksionerë e nënkontraktorë. Në vitin 2007 BEG krijon “Hydro” S.r.l. në Itali, që mori përsipër zbatimin e kontratës së koncesionit për Kalivaçin. Më 2007, BEG krijon “Kalivaç Green Energy” sh.p.k. në Shqipëri dhe i kaloi kësaj koncensionin, pa asnjë miratim dhe në kundërshtim me kushtet e vendosura nga shteti shqiptar. Pak ditë më vonë, “Kalivaç Green Energy” sh.p.k. i shitet 100% “Hydro” S.r.l. HEC-i nuk u realizua, por duket se ideatori i rrjetit të kompanive që zunë fill me këtë projekt kishte zgjedhur rrugë të tjera për të fituar nga mjedisi shqiptar.

Aktualisht, kompanitë italiane kanë hedhur në arbitrazh ndërkombëtare në Paris shtetin shqiptar, duke i kërkuar 10 milionë euro detyrime për TVSH.

Plehrat

Ndërkohë, një çështje tjetër ka qenë ajo e përpunimit të mbetjeve urbane, që edhe mund të importoheshin nga Italia, për t’u ricikluar dhe për të përfituar energji nëpërmjet një termovalorizatori dhe centrali termik. Edhe këtu, nisma ishte e ish-kryeministrit Nano, në vitin 2004, që miratoi një marrëveshje me kompaninë italiane “Albanian Beg”, për një impiant plehrash në Tiranë që lejohej të importonte plehra nga Italia në Shqipëri. Një marrëveshje që shkaktoi shumë reagime dhe protesta masive para Kryeministrisë. Berisha, në atë kohë në opozitë, ishte kundër kësaj marrëveshjeje, të cilësuar antishqiptare, por në 2010, një projektligj pikërisht i qeverisë Berisha, që në 2004-ën e kundërshtoi, u miratua në Kuvend me vetëm 69 vota. Me ardhjen në pushtet, kryeministri Edi Rama e shfuqizoi sërish marrëveshjen. Kjo mjaftoi që kompanitë e grupit të Beçhettit të zbarkojnë sërish në Arbitrazh ndërkombëtare në SHBA, duke kërkuar tani shifrën e 150 milionë eurove nga shteti shqiptar si zhdëmtim për anulim kontrate.

Luan Rama: Eksponentë të PS-së shpifin dhe përflasin Metën e LSI-në te diplomatët e huaj

Sekretari i Përgjithshëm i LSI-së, Luan Rama, ka bërë një shkrim ku shpjegon arsyet, sipas tij, të sulmit dhe akuzave që po i bëhen Ilir Metës.

Ai shkruan se Meta është një pengesë që PD të vijë e vetme në pushtet, ndërsa për PS-në, që ta mbajë e vetme pushtetin.

Sipas tij, nga 2005-a e deri tani, është provuar që pa Metën dhe LSI-në, as PD dhe as PS nuk mund të vijnë dhe qendrojnë në pushtet.

Rama ndërkohë shkruan se eksponentë të PS-së, nuk lënë fjalë pa thënë tek diplomatët e huaj kundër LSI-së.

“E djathta e di shumë mirë që nuk mund të rikthehet dot në pushtet e vetme, sepse ajo asnjëherë nuk ka ardhur në pushtet prej vetvetes, pasi nuk ka përbërë dhe nuk përbën shumicë në Shqipëri. Prandaj provokon, akuzon e demonizon duke u rrekur të identifikojë të keqen me Ilir Metën, i cili nuk ishte i tillë (pra, i keq!), kur e ndihmoi të rikthehej në pushtet në vitin 2005 dhe as kur e mbajti në pushtet në 2009-n.

PS-ja ndërkaq e sheh gjithë këtë fushatë si një test; po sikur ta provojmë një herë vetëm? Për më tepër, nuk do të ishte keq që gjithë kostoja e pjesës së keqe të qeverisjes të shkarkohet diku jashtë saj. E nëse kjo nuk artikulohet zyrtarisht, nëpër korridore, jo vetëm me diplomatë të huaj, disa syresh nuk lënë fjalë pa thënë duke përgojuar e fajësuar LSI-në edhe për listat e deputetëve a këshilltarëve problematikë!

LSI-ja është paragjykuar për aleancat e saj duke ia konsideruar pjesëmarrjen në qeverisje si arrivizëm. Po pse nuk shihet më realisht çështja?

Po të kishin mundësi të qeverisnin vetë të dy krahët e bipartizmit në Shqipëri, a do t’i kishin kërkuar aleancë Ilir Metës? Me aq llum sa prodhon çdo ditë makineria e tyre, kurrsesi jo. Atëherë, çfarë mbetet? Ta anatemojmë, ta akuzojmë, ta përbaltim e mundësisht ta zvogëlojmë që të mund të rikthehemi në një kohë të artë pa të tretë. Mirëpo ja që nuk mendojnë kështu shqiptarët; ata duan ekuilibër e eurointegrim, ata duan qendërzim të politikës, prandaj edhe të gjitha farsat e gjeneruara këto kohë kanë vetëm fatin e dështimit”, shkruan ai për Panorama.

Luan Rama shprehet se Meta është i vetmi politikan i rëndësishëm pas komunizmit që ka mbijetuar dhe imponohet, pasi tashmë Fatos Nano dhe Sali Berisha janë defaktorizuar.

“Pas përmbysjes së komunizmit, vërejmë se nuk ka mbetur kush tjetër në politikë prej protagonistëve të vijës së parë si faktor përcaktues, përveç Ilir Metës. Lideri historik i së majtës, Fatos Nano, në përpjekje për të jetësuar institucionin e dorëheqjes si sjellje politike në shoqëritë demokratike, u largua nga jeta publike aktive, me iluzionin se baza e partisë do ta kërkonte siç kish ndodhur më parë për ta konsideruar emrin dhe kontributin e tij edhe më tej.

Ndërsa lideri historik i së djathtës, Sali Berisha, u detyrua të largohet nga roli i protagonistit të radhës së parë, pas humbjes së zgjedhjeve në vitin 2013, ani pse rreket të shfaqet herë pas here të enjten e Kuvendit a në ndonjë takim me gazetarët si për të dëshmuar se ende është aty.

Pra, nga të tre faktorët përcaktues të zhvillimeve politike e qeverisëse (Nano, Berisha, Meta), Ilir Meta, i vënë prej muajsh në qendër të goditjes, dikush duke e sulmuar, dikush duke spekuluar, dikush duke heshtur, është i vetmi që vazhdon të ndajë fituesin nga humbësi, qeverisjen nga opozita. Por, ndërsa Nano e Berisha u bënë faktorë, sepse drejtonin, i pari, të majtën dhe, i dyti, të djathtën, Ilir Meta u bë faktor prej ndikimit politik si individ me personalitet të spikatur ndër gjithë të tjerët, pa pasur pas forcën e një partie, sepse LSI-ja u krijua më 2004-ën, kur Ilir Meta ishte bërë ndërkaq ai që është në realitetin politik shqiptar”, shkruan Rama./b.l

Edi Rama në OKB kërkon njohje për Kosovën

Kryeministri Edi Rama ka mbajtur sërish një fjalim në Asamblenë e Përgjithshme të Kombeve të Bashkuara, ku ka bërë një pasqyrim të situatës në Shqipëri e Ballkan.

Ai bëri thirrje për njohjen e Kosovës nga vendet që ende nuk e kanë njohur, duke e përmendur aty edhe rivalin kryesor të këtij mendimi, Serbinë.

“Ballkani ka hyrë në një proces paqeje dhe iu bëjmë thirrje atyre vendeve që s’e kanë njohur Kosovën ta bëjnë këtë. Njohja e Kosovës do të jetë mirë edhe për vetë Serbinë”, ka thënë Rama, transmeton.

Edi Rama këtë fjalim e përshkroi në llogarinë e tij në Facebook dhe Twitter me fjalët:
“U krye dhe detyra e larte per t’i dhene ze atdheut ne Kombet e Bashkuara, mirënjohës gjithkujt qe ma ka dhene besimin”
Rama ka përmendur se në kë drejtim ishte fokusuar edhe vizita e tij vitin e kaluar në Beograd.

“Duhet të mësojmë nga e kaluara dhe ta lëmë pas krahëve, pavarësisht ngjyrës, besimit apo racës. Le të bëhemi bashkë për të nisur procesin e zhvillimit, duke vënë në plan të parë të ardhmen e fëmijëve tanë”, është shprehur kryeministri.

Kryeministri shqiptar nuk la pa përmendur edhe bashkjetesën dhe harmoninë fetare tek shqiptarët, duke thënë se janë shumë krenar për këtë.

Prifti: Meta më quajti moçalor, por mua më vjen deri te rripi i mesit

Pas më shumë se dy orësh në policinë e Tiranës, i thërritur për të dëshmuar për letrën e Spartak Brahos, ish-ministri i Energjitikës Dritan Prifti deklaron për mediat se nuk tërhiqet nga denoncimet për Metën dhe këdo që vjedh, deri sa të ketë frymë.

“Pavarësisht se është nga Skrapari e unë nga Myzeqeja, i them se ai nga Skrapari është, por deri te rripi i mesit më vjen mua. Unë do të dëshmoj, deri në fund, pavarësisht presioneve edhe sikur të më presin mishin me copa do të denoncoj atë që di për Metën dhe gjithë ata që vjedhin vendin”- tha Prifti gjatë deklaratës për mediat pasi doli nga policia.

Prifti ka sqaruar se nuk e ka takuar kurrë gruan e Kastriot Ismailajt, ndërkohë që këtë të fundit e ka takuar 2-3 herë nga vitet 97-98 dhe pas kësaj, kurrë më.

Sa për akuzat në letrën e Brahos se ai do të destabilizojë vendin, Prifti i përgjigjet se vendi është i destabilizuar.

“U bëj thirrje atyre që kanë tru e mendojnë se të duash të rrëzosh qeverinë, apo të largosh të korruptuarit nga qeveria nuk ka të bëjë me krijimin e destabilitetit. LSI është bërë si gruaja e martuar për herë të dytë, po sa herë i shkon mendja për burrin e parë shkon edhe me të, është në koalicion me PS dhe në përrenjas e dredh me PD. Mos më akuzoj mua Braho se po bëj destabilitet politik kur Shqipëria është e destabiluar njerëzit nuk kanë bukë, janë dy parti njëra vjedh tërë ditën e tjetra dhunon e taksa e me gjoba”- tha ai.Prifti ka komentuar edhe deklaratën e Metes, se ishte ai qe e firmosi marrëveshjen me CEZ- DIA. “nese do e kisha formosur une nuk do ishte dosja me firmën time? Nuk bëhet politikë me shpifje, nuk luftohet me letra që shteti të ngrihet e të më trembë mua, më sulmon Meta, nga origjina, familja e gjithandej, sot kam marrë lajm të mirë nga prokurorët që ka nisur hetim për CEZ dhe unë e përgëzoj prokurorinë që e ka nisur, e më ka thirrur që për këtë hetim të vij të dëshmojë me ato që di”- tha ai.

Ai njoftoi se do të publikojë pasdite një tjetër material denoncimi për deputetin e LSI-se, Agron Cela, per te cilin perseriti akuzen se ka marre para nga DIA. “Drejtori ekzekutiv i DIA sqaron se firma e Celës ka marrë 16.5 mln nga DIA”- tha ai.

Dritan Prifti po merret në pyetje në Policinë e Tiranës

Pasi të ketë mbaruar marrja në pyetje, pritet edhe një deklaratë nga ish-ministri Dritan Prifti

TIRANE – Ish-ministri Dritan Prifit është paraqitur ditën e sotme në Policinë e Tiranës për të dhënë dëshminë e tij, lidhur me letrën e dorëzuar nga deputeti Spartak Braho zyrtarëve të lartë të vendit disa ditë më parë. Në këtë letër, ku Braho ngriti shqetësimin për rrezik të destabilizimit të vendit, përmendet Tom Doshi dhe Dritan Prifti.

Deputeti Doshi dhe bashkëshortja e Kastriot Ismailajt u morën në pyetje dy ditë më parë nga uniformat blu lidhur me këtë çështje, si dhe një takim që kanë bërë të dy disa ditë më parë.

Pas marrjes në pyetje në polici, pritet edhe një deklarata nga ish-ministri Dritan Prifti.

Zbardhet lista e deputetëve të PD dhe LSI se si e votuan nismën e PD për hetim ndërkombëtar të çështjes CEZ-DIA!

Ngjan me një lojë të mirëfilltë.

Kjo duke u nisur nga deklaratat e mëparshme të deputetëve dhe nga çfarë kanë mbrojtur deri tani.

Ilir Meta ka deklaruar më herët se ka qenë pro hetimit ndërkombëtar dhe ditën e djeshme duket e ka mbajtur fjalën.

Pro ka votuar edhe Petrit Vasili e Monika Kryemadhi.

Por krahu i djathtë i Ilir Metës Spartak Braho ka votuar “kundër”

Ndërkohë tetë deputetë të Ilir Metës nga lista LSI-së kanë abstenuar.

Ka abstenuar edhe Vangjel Dules.

Ra në sy ish kryeministri Sali Berisha i cili me insistim ka kërkuar hetim ndërkombëtar dhe ai nuk ka votuar fare për procedurë të shpejtuar.

Deputetët që nuk kanë votuar nga PD kanë qenë Sali Berisha, Igli Cara, Myqerem Tafaj, Genc Pollo, Fatmir Mediu, Agron Duka, por edhe deputët çam, përfshirë ish-deputeten demokrate Mesila Doda.

“Nëse deputetët demokratë do të kishin votuar të gjithë pro procedurës të shpejtuar, që mori 50 vota pro dhe 54 kundër, mund të kishte kaluar”, thotë gazetari Endri Xhafo i cili ka publikuar rezultatin e votimit.

PS. Deputeti i PD Genc Pollo ka qenë në Berlin në delegacionin me liderin e PD Lulzim Basha. Zoti Pollo ka lajmëruar përmes Facebook dhe Twitter dje pasdite.

02-10-2015 08-39-42

Mos e lini pa parë listën si kanë votuar deputetët e PD dhe LSI nismën e PD për hetim ndërkombëtar të çështjes CEZ-DIA!

Voal – Voal.ch i referohet listës të botuar nga gazetari Endri Xhafo se si kanë votuar dje deputetët e parlamentit të Shqipërisë për procedurën e shpejtuar ndaj nismës së PD për hetim ndërkombëtar të çështjes CEZ-DIA.

Ngjan me një lojë të mirëfilltë.

Kjo duke u nisur nga deklaratat e mëparshme të deputetëve dhe nga çfarë kanë mbrojtur deri tani.

Ilir Meta ka deklaruar më herët se ka qenë pro hetimit ndërkombëtar dhe duket e ka mbajtur fjalën.

Pro ka votuar edhe Petrit Vasili e Monika Kryemadhi.

Por krahu i djathtë i Ilir Metës Spartak Braho ka votuar “kundër”

Ndërkohë tetë deputetë të Ilir Metës nga lista LSI-së kanë abstenuar.

Ka abstenuar edhe Vangjel Dules.

Ra në sy ish kryeministri Sali Berisha i cili me insistim ka kërkuar hetim ndërkombëtar dhe ai nuk ka votuar fare.

“Nëse deputetët demokratë do të kishin votuar të gjithë pro, me që rezultati ishte 50 vota pro dhe 54 kundër, mund të kishte kaluar”, thotë gazetari Endri Xhafo i cili ka publikuar rezultatin e votimit.

PS. Deputeti i PD Genc Pollo ka qenë në Berlin në delegacionin me liderin e PD Lulzim Basha. Zoti Pollo ka lajmëruar përmes Facebook dhe Twitter dje pasdite, 2 tetor 2015.

Rama-Ruçi të alarmuar për numrat në parlament, përfitojnë Idrizi, Ndoka

Për shkak të burgosjes së dy deputetëve, përjashtimit të dy të tjerëve, divergjencave brenda Partisë Socialiste dhe mosmarrëveshjeve me aleatët, mazhoranca ka humbur shumicën prej 84 votash në Parlament që nga fundi i sesionit të kaluar. Në zgjedhjet e vitit 2013, koalicioni PS-LSI morën 83 deputetë. Shumë shpejt tre deputetë të opozitës kaluan pranë LSI. Më tej edhe 4 deputetë të Partisë Drejtësi, Integrim dhe Unitet u bashkuan me mazhorancën. Këtij fluksi në përfundim iu shtua dhe Nard Ndoka, duke e çuar mazhorancën në 91 vota. Megjithatë, prej disa muajsh, shumica nuk ka në Parlament votat e nevojshme për të miratuar ligjet me 84 vota. Ky shqetësim dhe realitet u rëndua më shumë gjatë kësaj jave ku Ilir Meta shkëmbeu në distancë disa mesazhe të koduara me Sali Berishën. Nga ana tjetër, kreu i grupit socialist, Gramoz Ruçi, në çdo mbledhje u ka kërkuar deputetëve të jenë prezentë në seancë, por sërish votat nuk bëhen. Në këtë kuadër janë vënë në lëvizje vetë kryeministri Edi Rama bashkë me Gramoz Ruçin. Rama e Ruçi i kanë kthyer sytë tek aleatët e rinj dhe deputetët e lëkundur duke negociuar për poste në këmbim të votës në Parlament.

Takimet

Burime të gazetës “SOT”, pranë Partisë Socialiste, kanë thënë se sapo kryeministri Edi Rama të kthehet nga Shtetet e Bashkuara të Amerikës, pritet të ketë takime me aleatët kryesorë të tij. Në ditët në vijim është parashikuar një takim kokë më kokë mes tij dhe kreut të Partisë për Drejtësi, Integrim dhe Unitet, Shpëtim Idrizi dhe në fokus do të jetë zbatimi i marrëveshjes së koalicionit. Duke qenë se Rama deklaroi qartë se nuk do të ketë ndryshime në qeveri, burimet kanë thënë se mes Ramës dhe Idrizit do të diskutohet për t’i dhënë në administrim disa drejtori PDIU. Po ashtu mësohet se deri më tani kësaj force politike nuk i është akorduar asnjë post dhe kjo ka ndikuar dhe në një ftohje të koalicionit. Burime nga PDIU, kanë thënë se presin të marrin disa drejtori në Tiranë dhe në rrethe. Nëse arrihet një marrëveshje mes palëve, atëherë votat e PDIU në Parlament, PS do t’i ketë të sigurta. Nga ana tjetër pritet dhe një takim i përfaqësuesve të PS me Nard Ndokën. Ky i fundit i kontaktuar nga gazeta është shprehur se deri më tani nuk ka asnjë zbatim të marrëveshjes, por u shpreh gjithashtu se në ditët në vijim do ketë negociata për zbatimin e saj. Nga ana tjetër, Ruçi dhe deputetë të afërt me Ramën pritet të negociojnë me disa prej deputetëve të pakënaqur në mënyrë që ata të japin votën pro në Parlament.

Partitë e vogla

Më të pakënaqurit e koalicionit të majtë duket se janë partitë e vogla që nuk kanë deputetë në Parlament. Para zgjedhjeve Rama u premtoi poste shumë prej tyre, por deri më tani edhe me ta kanë ngecur marrëveshjet. Mjaft prej krerëve të partive të vogla janë shprehur se deri më tani nuk kanë marrë asnjë post, ndryshe nga sa u kishte premtuar Rama dhe Taulant Balla, që ishte i deleguari i tij. Nga ana tjetër mësohet se Rama ka rritur afrimin me FRD, pasi pritet t’i japë disa poste nënkryetarësh në bashkitë e vendit. Mësohet se deri më tani është arritur marrëveshja për Durrësin. Kliti Topalli

Fox Business, Edi Rama: Askush që ka arsye nuk i beson Assad-it

SHBA- Kryeministri Edi Rama i ka komentuar në një intervistë për “Fox Business” diskutimet më të rëndësishme të OKB-së në New York, ku nuk ka nguruar të japë opinionin e tij për çështje globale. Ai u shpreh i bindur se në luftën ndaj ISIS-it Shqipëria mbeshtet SHBA-të, ndërsa komentoi edhe qëndrimin qe po mban Putin e Rusia për Sirinë e Assadin. Sipas Ramës, “Askush që ka një farë arsyeje nuk i beson Assad-it”.

Kryeministri i Shqipërisë na ka nderuar me praninë e tij. Mirëserdhët zoti Kryeministër.

Faleminderit.

-Çfarë situate!
Po, nuk është e lehtë dhe do duhet kohë, por besoj fort se Presidenti Obama kishte të drejtë kur tha se përveçse zgjidhjeve ushtarake kemi nevojë edhe për përpjekje të përbashkëta, duke përfshirë gjithashtu Rusinë dhe Iranin.

-Rusia është duke goditur ato që ajo thotë se janë pozicionet e ISIS. E besoni këtë?
Kjo është diçka që duhet qartësuar, por besoj se këto lloj përplasjesh në situata të tilla nuk është se përbejnë surprizë, përsa kohë nuk ka një veprim të koordinuar.

-Ju e dini se Presidenti u takua me Vladimir Putinin vetëm disa ditë përpara. Mendoni se Vladimir Putin kishte ndërmend të bënte diçka të tillë atëherë?
Nuk mund të them se çfarë i tha Putini Presidentit, por besoj fort që Presidenti ka të drejtë kur thotë se duhet një veprim i koordinuar, sepse duket që pasojat janë shumë të rënda. Flukset e refugjatëve kanë shumë për të thënë rreth faktit se një radikalizim i mëtejshëm mund të godasë kudo dhe këdo.

-Albright tha se në një farë mënyre, ne u kapëm në befasi dhe se duhet të kishim vepruar dhe të kishim marrë pozicionet tona, duhet të ishim bashkuar më herët. Dhe tani kemi këtë situatë.
Ndoshta ka të drejtë, por ajo që u bë, u bë. Tani duhet të veprohet menjëherë dhe të koordinohen përpjekjet.

-Nuk ju duket e çuditshme që është e mundur, nëse nuk ka ndodhur ende, që avionët ushtarakë amerikanë dhe ata rusë që operojnë sipër të njëjtës zonë godasin grupe të ndryshme. SHBA-të thonë se grupet që rusët po godasin nuk janë të ISIS-it, se nuk janë duke goditur ISIS-in, ata janë grupe rebelësh që ne i mirëkuptojmë dhe që duam të përmbysin TARP-in (Regjimi i Bashar Al-Assadit).
Kjo nuk mund të jetë diçka e mirë, por në të njëjtën kohë nuk është mirë as që të thellohemi në spekulime dhe parashikime që mund të mos jenë të drejta.

-I besoni Assad-it?
Askush që ka një farë arsyeje nuk i beson Assad-it.

-Por Putin e beson. Thotë që ai është një udhëheqës i ligjshëm.
Ky është problemi me Vladimir Putinin dhe Rusinë e Putinit. Por unë përsëri besoj fort se dhe kjo mund të kalohet duke bashkuar forcat. Presidenti Obama kishte të drejtë kur tha se Rusia dhe Irani mund të luajnë një rol shumë të rëndësishëm në lidhje me këtë.

-Shumë kritikë të Shteteve të Bashkuara, përfshirë shumë dhe prej republikanëve që kandidojnë për të marrë postin e tij, kanë thënë se ai e ka menaxhuar tmerrësisht keq këtë situatë.
Po, sepse duan të marrin postin e tij, por unë mendoj se ai është duke bërë gjënë e duhur për të mbrojtur brezat e ardhshëm.

-Por ato gjëra që thuhen nuk ju shqetësojnë?
Jo, unë kam shumë besim se bisedimet dhe marrëveshja me Iranin kanë qenë gjeja e duhur për SHBA-të dhe për boten.

-Në Siri, para disa vitesh, ai vizatoi një vizë në rërë. Mendoni se është penduar për atë koment sot?
Duhet të pyesni atë.

-Po unë po ju pyes juve?
Nuk mund të komentoj rreth kësaj, por besoj fort se, përveç përpjekjeve ushtarake dhe gjithë betejave në fushë, të gjithë ne kemi një betejë paralele shumë të rëndësishme për të fituar, që është të fitojmë mendjet dhe zemrat e brezave të rinj në të gjithë botën. Dhe në lidhje me këtë, unë besoj se Barack Obama është një pikë shumë e rëndësishme referimi.

-Shumë faleminderit, zoti Kryeministër

Presidenti Obama reagon me vendosmëri ndaj vrasjeve në Oregon – ‘Kultura e armëve’ rutinë e mërzitshme

Për të paktën të tetën herë në presidencën e tij, Barak Obama kërkoi me vendosmëri një podium ndaj ‘kulturës’ së armëve pas të shtënave vdekjeprurëse me armë zajrri të enjten në Oregon.

Obama denoncoi kulturën amerikane duke u shprehur se në SHBA një person që dëshiron të kryejë dëm ndaj dikujt tjetër, mjafton të marrë në duart e tij një armë zjarri.

Deklarata e Obamës, përmes zërit të tij i cili tregonte prekjen emocionale, pas ngjarjes tragjike ku një i armatosur vrau më shumë se 13 persona në Kolegjin Umpqua Komunitetit në Roseburg, Oregon.

I zhgënjyer për gjendjen e krimit kreu i Shtëpisë së Bardhë u shpreh pas vrasjeve në Oregon “Kjo është bërë një rutinë e dhimbshme për shoqërinë tonë, ndaj ne bëhemi si të mpirë nga kjo gjë”.

Obama tha se mendimet dhe lutjet e tij këto momente shkojnë të gjitha për viktimat. Por pastaj ai deklaroi:

“Mendimet dhe lutjet tona nuk janë të mjaftueshme. Por kjo nuk është e mjaftueshme. Kjo gjithsesi nuk bën asgjë për të parandaluar këto masakra”.

Skandali CEZ – Lulzim Basha: Shqiptarët meritojnë llogaridhënie se ç’u bë me paratë e tyre

DW: Zoti Basha ju vizituat papritur Berlinin më 1 Tetor: – ardhja juaj në Berlin ishte thjesht një vizitë e radhës, apo kishte ndonjë lidhje me zhvillimet e fundit të ndezura në Shqipëri?

Lulzim Basha: Vizita sot në Berlin është në kuadër të shkëmbimeve me partinë tonë simotër kristiandemokrate të kancelares Merkel dhe sigurisht gjatë vizitës janë diskutuar edhe zhvillimet shokuese në skenën politike shqiptare të dy javëve të fundit.

E cila është mbështetja që morët nga kristiandemokratët gjermanë?

Partia Demokratike po bashkëpunon ngushtësisht me kristiandemokratët gjermanë dhe me Fondacionin Konrad Adenauer për hartimin e alternativës së saj para votuesve shqiptarë, programin qeverisës të demokratëve për zgjedhjet e ardhshme parlamentare. Në këtë kuadër ne vazhdojmë të marrim mbështetje të plotë nga partnerët tanë ndërkombëtarë, nga partitë simotra dhe në veçanësi nga kristiandemokratët gjermanë si përsa i përket anës përmbajtësore të programit, ofertës sonë që kanë të bëjnë me aspektet e zhvillimit ekonomik, të ringjalljes së shpresës për një Shqipëri të zhvilluar mbi bazën e parimeve të konkurrencës së lirë, luftës kundër korrupsionit e mbi bazën e meritës, por po kështu edhe përsa i përket organizimit e riorganizimit të Partisë Demokratike për të pasur një përballje të suksesshme në sfidën elektorale të zgjedhjeve të përgjithshme.

Aktualisht Shqipëria është tronditur nga një skandal i CEZ, ju e quani megaafera e CEZ – dhe i drejtoni akuzat si ndaj Kryetarit të Kuvendit, Ilir Meta ashtu edhe ndaj kryeministrit Edi Rama. Ju kërkoni hetim ndërkombëtar, pra doni që gjykatësit e huaj të hetojnë të dy krerët aktualë në qeverisje?

Akuzat ndaj Kryetarit të Kuvendit janë publikuar nga Rrjeti i Gazetarëve Investigativë të Ballkanit Perëndimor, BIRN, bazuar mbi dokumente zyrtare të avokatëve të qeverisë shqiptare e opozita ka bërë detyrën e saj duke mbajtur qëndrimin politik, të shpallur tashmë, kërkesën për dorëheqje të Ilir Metës dhe vënien e tij në dispozicion të një hetimi të plotë, të pavarur e të gjithanshëm. Po është bërë e qartë ana tjetër e kësaj afere, që ka të bëjë me 500 milionë euro, fatura e detyrime të njohura nga CEZ ndaj shqiptarëve, ndaj buxhetit të shtetit që u falën apo u ndanë në mënyrë misterioze përmes terminimit të papërgjegjshëm e jo transparent të arbitrazhit ndërkombëtar dhe një marrëveshje sekrete, për të cilën dëgjojmë lloj-lloj justifikimesh, por e vërteta vazhdon të mbetet e fshehur. Kush ka përfituar dhe sa ka përfituar nga kjo marrëveshje, ku kanë shkuar 500 milionë euro të shqiptarëve, këto janë pyetje legjitime, të cilat mund dhe duhet të marrin përgjigje përmes një hetimi ndërkombëtar. PD ka çuar në parlament draftligjin për këtë, në bazë të një përvojë të mëparshme, kërkesë e cila për fat të mirë, ka marrë edhe mbështetje nga brenda mazhorancës.

Por mazhoranca nuk është për një hetim ndërkombëtar, duke iu referuar institucioneve të drejtësisë shqiptare….

Përpjekjet për t’i ikur hetimit ndërkombëtar vetëm se demaskojnë përgjegjësinë e hapur të Edi Ramës si kundërshtar i vetëm deri më tani i propozimit tonë, për t’i ikur hetimit ndërkombëtar dhe për të mbuluar këtë skandal, këtë megaaferë, këtë vjedhje të shekullit. I bëj thirrje deputetëve socialistë që të ngrihen në lartësinë e ndërgjegjes dhe pritshmërisë që kanë edhe votuesit e tyre, paratë janë të shqiptarëve, nuk janë as të Edi Ramës, as të Lulzim Bashës, as të Ilir Metës, shqiptarët meritojnë llogaridhënie se ç’u bë me paratë e tyre. Është e njëjta drejtësi, të cilën Edi Rama e anatemon, e shantazhon, shan në një fjalor të papranueshëm, dhe tek e cila kthehet dhe bën avokatin, kur nuk i leverdis të zbardhet e vërteta. Unë dhe Partia Demokratike jemi të vendosur t’i shkojmë deri në fund, me çdo mjet demokratik deri në zbardhjen e së vërtetës e nxjerrjen e përgjegjësve para ligjit.

Por CEZ ka qenë aktive edhe në kohën që pushtetin e kishin demokratët, e ka shumë zëra që thonë se ka edhe demokratë që i kanë duart pis…

Sa herë që opozita dhe unë si kreu i saj drejtojmë gishtin bazuar mbi fakte, shifra e argumente ndaj Edi Ramës, ky kthehet jo me përgjigje ndaj akuzave, por me përpjekje për delegjitimim të opozitës. Ne jemi të hapur për një hetim të plotë e gjithëpërfshirës, për dy vjet me radhë qeveria e ka pasur pasur shansin ta bëjë këtë, jo vetëm nuk e ka bërë, por nuk ka ngritur asnjë akuzë. Tani që akuza të rënda rëndojnë mbi Edi Ramën për humbjen, abuzimin, vjedhjen, shpërdorimin e 500 milionë eurove të shqiptarëve, ai kujtohet të bëjë akuza kundër atyre që po i ngrenë këto çështje jo për interesin e tyre politik, por për interesin publik të shqiptarëve. Ne nuk kemi asnjë rezervim ndaj subjektit të hetimit.

Mediat kanë folur këto kohë për një takim Basha-Rama, duke nënkuptuar me këtë prapaskenat vepruese në politikë për koalicione të reja, sa të vërteta janë këto zëra?

Nuk ka asnjë takim sekret të Lulzim Bashës me asnjë nga bashkëpërgjesit e gjendjes ku është katandisur vendi, familjet, të cilat kanë marrë rrugën e eksodit si asnjëherë më parë në këto 20 vite. Por ka një përballje të fuqishme të Lulzim Bashës, Partisë Demokratike dhe opozitës me shkaktarët e kësaj gjendjeje, me Edi Ramën dhe Ilir Metën, me politikat e tyre të gabuara, me politikën e lakut në fyt, të kërbaçit për qytetarët e të korrupsionit e megaaferave për qeveritarët, me politikën e ndëshkimit të berberëve, por të lartësimit të ministrave të lidhur me narkotrafikun, siç është Ministri i Brendshëm. Në këto kushte është jo vetëm qesharake, por edhe e papranueshme, e refuzueshme, unë e refuzoj me përbuzje çdo insinuatë për pakte me ta.

Dekriminalizimi – një çështje që u ngrit dhe u ndërkombëtarizua nga opozita, por ende sot nuk është mbyllur- megjithë përpjekjet për një ligj e komision të posaçëm dekriminalizimi. Ku ngec kjo çështje?

Aktualisht po negociohet për draftin e opozitës, ne jemi të hapur për këtë, i cili kërkon konsesusin e dy palëve të tjera në parlament, ne jemi të vendosur të mos heqim dorë nga asgjë që dëmton thelbin e këtij ligji. Thelbi është ndalimi i kandidimit të personave me rekorde kriminale e largimi i menjëhershëm i këtyre personave nga zyrat publike që kanë okupuar vitet e fundit për shkak të përzgjedhjes së tyre enkas nga Edi Rama për të shërbyer si deputetë, kryetarë bashkish, duke poshtëruar popullin shqiptar, siç janë shprehur aleatët tanë, me kandidatura të padenja e kriminale që populli shqiptar nuk i meriton. Duke moskompromentuar thelbin e propozimit tonë ne jemi gati e presim bashkëpunim për kalimin e ligjit në parlament.

Po ju vetë jeni të sigurtë se njerëzit tuaj janë me kostum të papërlyer?

Sigurisht që jo, por unë jam i sigurtë në atë që kam thënë e dua ta përsëris sot se në Partinë Demokratike nuk ka vend për njerëz të tillë, se pavarësisht stadit në të cilin gjendet përpjekja jonë, ligji për dekriminalizimin, unë kam nisur iniciativën time për komisionin e përhershëm të integritetit në Partinë Demokratike të kryesuar nga Dr. Halim Kosova, detyra e të cilit do të jetë skanimi i çdo zyrtari të Partisë Demokratike në strukturat partiake, administrative apo shtetërore me qëllim shmangien e çdo personi me të shkuar kriminale dhe mosinfiltrimin e këtyre personave në strukturat e Partisë Demokratike. Partia Demokratike e ka dëshmuar jo me fjalë, por me vepra, se sa herë që janë evidentuar persona me rekorde të mundshme kriminale në gjirin e saj ka vepruar.

Drejtësia është ende thembra e Akilit në Shqipëri. Edhe kancelarja Merkel në vizitën e saj të parë e vuri theksin aty. Kërkohet një konsesus pozitë-opozitë për reformën, e cila ende nuk është arritur. Ju si demokratë çfarë do të ishit të gatshëm të ofronit që kompromisi të funksionojë – dhe reforma në drejtësi të marrë udhë?

Ne kemi ofruar 300 amendamente, nuk ka pasur asnjë forcë politike në historinë e pluralizmit që të jetë angazhuar kaq shumë për të kontribuar realisht në një reformë të drejtësisë. Ne e duam reformën në drejtësi, ne duam një drejtësi të pakorruptuar, të pastër nga korrupsioni, ku luftohet korrupsioni, ku hiqen e dërgohen para ligjit prokurorët e korruptuar, por ne nuk mund të pranojmë kurrë një drejtësi të kapur nga politika. Përpjekja për të rikthyer në sistemin e drejtësisë hetues, prokurorë, gjyqtarë të kohës së komunizmit, përpjekja për të larguar nga vendimmarrja faktorë kushtetues siç është Presidenti i Republikës apo për të zeruar kontributin e opozitës në kundërshtim me doktrinën që ka paraqitur Komisioni i Venecias, tregojnë se dyshja Rama-Meta më shumë se reformën në drejtësi është e interesuar në kapjen e drejtësisë. Ne jemi të vendosur të bëjmë gjithçka për ta parandaluar këtë e në këtë beteje kemi si mbështetje edhe faktorin ndërkombëtar, pa të cilin kjo reformë nuk mund të realizohet.

Dosja CEZ – debati ndezur në Kuvendin e Shqipërisë

Kuvendi i Shqipërisë ka refuzuar të enjten nisjen e një hetimi ndërkombëtar për “CEZ”, një konglomerat kompanish kryesisht nga Republika Çeke që tregton më energjinë elektrike.

Çështja “CEZ” ka ditë që ka nisur dhe ka përfshirë emrat më të lartë të shtetit shqiptar. Partia Demokratike kërkon hetim ndërkombëtar për çështjen, dhe akuzon kryeministrin Edi Rama dhe kryetarin e parlamentit Ilir Meta, si të përfshirë në aferën e CEZ-it, por ky propozim nuk është pranuar nga shumica parlamentare.

Çështja nuk hyri në rendin e ditës, mbasi shumica në Konferencën e Kryetarëve ka pretenduar se nuk ka bazë ligjore për procedurë të përshpejtuar për këtë propozim.

Seanca e sotme është shoqëruar me akuza e kundërakuza të ashpra mes deputetëve të të dy palëve.

Dosja “CEZ”

“CEZ” është një kompani e madhe çeke, e cila në shumë vende të Ballkanit ka arritur të fitojë kontrata në fushën e energjisë dhe të privatizojë pjesë nga këto sektorë strategjikë.

Në vitin 2009, kryeministri i atëhershëm Sali Berisha bëri një marrëveshje me qeverinë çeke për të shitur ndërmarrjen shtetërore të shpërndarjes së energjisë, OSSH.

Në atë kohë, Qeveria e Pragës mbante presidencën e radhës së Bashkimit Evropian dhe kishte mundësinë e vendosjes në axhendë të BE-së për dhënien e statusit kandidat për Shqipërinë.

Më 11 mars 2009, ministri i Energjisë dhe Industrisë, Genc Ruli, firmosi kontratën me kompaninë CEZ për t’i shitur 76% të aksioneve shtetërore për një vlerë prej 102 milionë eurosh.

Kjo kontratë u kundërshtua fuqishëm nga opozita e asaj kohe, Partia Socialiste, e cila theksoi se OSSH është shitur lirë për arsye se qeveria ka vepruar në mënyrë klienteliste.

“CEZ” qëndroi në Shqipëri për 3 vjet pasi nuk bëri asnjë investim, por vetëm vazhdoi serinë e kontratave amorfe ndërsa nuk arriti të zgjidhë problemin e atyre që nuk paguajnë.

Para zgjedhjeve të vitit 2013, zoti Berisha dhe qeveria e tij nisën sulmin ndaj kompanisë “CEZ” që e kishin sjellë vetë në Shqipëri.

Qeveria detyroi Entin Rregullator të Energjisë që t’i heqë liçencën “CEZ”-Shpërndarjes në mënyrë të njëanshme.

Kompania çeke deklaroi se kjo është sjellje e padrejtë dhe ajo do ta hidhte çështjen në arbitrazh ku kërkoi një shumë marramendëse parash si dëmshpërblim.

Sali Berisha humbi zgjedhjet në qershor të vitit 2013 dhe qeveria që erdhi, duhej të ndiqte cështjen. Ministri i Energjisë në qeverinë Rama, Damian Gjiknuri, deklaroi se barrën e rëndë të “CEZ” do ta zgjidhnin me negociata, pasi një humbje në arbitrazh do të ishte katastrofike për arkën bosh të qeverisë dhe nuk mund të merrej mbështetje nga Banka Botërore dhe Fondi Monetar Ndërkombëtar.

Më 24 qershor 2014, pas negociatave u arrit që CEZ të heqë dorë nga pronësia e Operatorti të Shpërndarjes së Energjisë dhe nga abritrazhi ndërkombëtar.

Si shkëmbim u ra dakord që shteti shqiptar t’i paguajë palës çeke një vlerë prej 87.1 milion euro. Kjo vlerë u dakordësua të paguhet me këste, duke filluar nga shtatori i vitit 2014 deri në fund të vitit 2018, me një vlerë të përgjithshme interesi 7.9 milion euro mbi principalin e dakordësuar.

Pas një periudhe heshtjeje, publikohet një dokument, ku pretendohet se disa nga udhëheqësit e kompanisë çeke në Shqipëri janë organizatorët e një skeme mashtruese të mbledhjes së borxheve, e cila i kushtoi kompanisë miliona euro. Prapa kësaj skeme emëroheshin edhe personalitete politike.

Për hetim ndërkombëtar është kërkuar edhe përfshirja e prokurorëve amerikanë, por ambasada amerikanë në Tiranë është përgjigjur se kjo çështje i takon drejtësisë shqiptare.

Çështja nuk është mbyllur ende.

Artan Hoxha: Një këngëtare e njohur është prostitutë elitë, më 2013 shantazhoi një politikan

TIRANE – Gazetari Artan Hoxha bëri të ditur se në emisionin e tij “Xhungël” në “NEWS24” do të trajtojë së shpejti arrestimin e një këngëtareje të njohur, që sipas tij shërben si prostitutë për politikanët, biznesmenët dhe gjyqtarët.

I ftuar në emisionin “Opinion” të Blendi Fevziut, Artan Hoxha tha se në vitin 2013 është arrestuar një “prostitutë elitë”, pasi shantazhonte një politikan që kishte pasur aferë seksuale me të. Sipas Hoxhës, bëhet fjalë për një këngëtare të njohur në vendin tonë.

Gjatë emisionit, Hoxha foli edhe për publikimin e fotove intime të ish-ministrit Dritan Prifti, duke theksuar se nuk ka qenë Prifti ai që ka vendosur kamerën në dhomë.

“Prifti ka qenë ministër në atë kohë. Nuk e ka bërë ai videon, por ia kanë bërë. Nuk është video e bërë nga ai vetë. Po ta shohësh kamera është e vendosur në tokë. Videon ia kanë bërë për shantazh. Është mbajtur për shantazh dhe është publikuar sot për shantazh. Video publikohet qëllimisht për të zhvendosur vëmendjen nga skandali i CEZit”,- tha Hoxha.

Faqja 234 prej 246« Fillimi ‹ Prapa 230 231 232 233234235 236 237 238 Para ›Fundi »

Hoffmann: Azilkërkimi s’është rruga e duhur

Hoffman – Mundësi reale punësimi, Rama -Në Gjermani të shkohet në rrugë të ligjshme

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL