Shqipëri

Përgjimi i biznesmenit: Reagojnë analistët: Ky skandal është një tjetër këmbanë alarmi për sistemin e dështuar

Publikimi prej gazetarit Artan Hoxha i përgjimeve telefonike nga prokuroria të një biznesmeni që bisedon për afera me politikanë të njohur ka ngjallur reagime të shumta në qarqet e juristëve dhe vëzhguesve të jetës politike.

Ata pohojnë që pak rëndësi se si kanë dalë dokumentat nga institucioni dhe kanë rënë në duar të gazetarit, por është për të ardhur keq që prokuroria herë ka mbyllur hetimet, herë i ka hapur ato, duke treguar pasiguri dhe mungesë profesionalizmi.

Analisti Lutfi Dervishi thotë se media tradicionale vendase ka fshehur kokën si struci, duke shpresuar që skandali do të mbyllet me heshtje, ndërsa institucionet e drejtësisë dhe prokuroria nuk japin asnjë shpjegim, duke nevojën urgjente që ato kanë për t’u reformuar thelbësisht.

“Në historinë e zbulimit të skandaleve dhe ngjarjeve të rënda zakonisht ato kalojnë nëpër tre faza: faza e parë është faza shpjeguese, pra, që dikush duhet të japë shpjegime. Në këtë rast janë persona të prekur dhe ata të përmendur edhe nga ana e drejtësisë. Faza e dytë është faza e hetimit dhe faza e tretë është faza e përgjegjësisë. është shqetësues dhe alarmues fakti që ne ende nuk jemi as në fazën e parë. Elementi i dytë ka të bëjë me median. Media tradicionale ka braktisur dhe është instrumentalizuar për interesa të caktuara dhe harron interesin publik. Në këtë rast kemi një ngjarje me interes publik dhe interesant për publikun dhe megjithatë mediat nuk e ndoqën” – tha zoti Dervishi.

Sipas tij, ky skandal i publikuar nga kolegu Hoxha është një këmbanë alarmi, që bie pikërisht tani kur të gjithë po flasin për reformën në drejtësi.

Juristi Sokol Hazizaj thotë që formalisht prokuroria ka gabuar që nuk asgjësoi dokumentat e atij përgjimi të mbyllur.

Sipas tij, është përgjegjësi e prokurorisë edhe rihapja e çështjes në këtë formë pas disa vitesh në media.

“Se sa serioz ka qenë hetimi i asaj kohe përsëri mendoj se për shkak të fakteve të reja, për shkak të provave të reja, për shkak të një diskutimi pas kaq vitesh mbi provat e asaj kohe – me të cilat proceduralisht nuk ëhstë vepruar korrekt, mund të ketë mangësi. Këto janë detyrime ligjore proceduriale të organit të hetimit. Prokuroria ka vërtetuar në rastin konkret për shkak të mosrespektimit të mosrespektimit të akteve proceduriale, se ka vepruar në kundërshtim me ligjin” – tha zoti Hazizaj.

Ai thotë se prokuroria nuk ka nisur hetime kryesisht mbi të dhënat e përgjimit, duke pushuar hetimet, tregon se aty nuk ka patur fakte bindëse pëe veprimtari të paligjshme.

Por edhe rikthimi pas kaq vitesh i të dhënave nga një hetim i pushuar nga prokuroria nuk është as ligjor dhe as serioz.

Ndërsa analisti Afrim Krasniqi thotë se edhe kjo ngjarje tregoi se elita politike e vendit është tërësisht e korruptuar dhe se ajo ka krijuar një standart të mos-ndëshkimit të korrupsionit.

Zoti Krasniqi thotë se ekziston një “shërbim nderesh” midis prokurorisë, gjyqësorit dhe politikës, duke mbuluar shkeljet e njëri tjetrit.

“Në rastin konkret, më shumë se sa debati mbi gazetarin apo mbi detajet e materialit, do të duhet të kishim një reagim zyrtar të institucioneve përgjegjëse. Ky reagim ende mungon dhe dhe është një zhgënjim i madh, që Shqipëria pas 25 vjetësh nuk ka ende një organ akuze, i cili rasteve të tilla që përbëjnë skandale të mëdha në çdo vend demokratik, nuk i jep një përgjigje ligjore. Do të duhet që menjëherë të informohet publiku, menjëherë të merren provat dhe të provohet nëse vërtet një politikan është i përfshirë apo jo dhe çfarë ka ndodhur me dosjen konkrete dhe çfarë ka ndodhur me individët. është e kotë që ne të flasim për reformën në drejtësi, të dëgjojmë fjalime politikanësh tërë ditën, kur vetë politkanët refuzojnë të hetohen ose të përgjigjen publikisht për skandale ku ata janë përfshirë siç është rasti konkret” – tha zoti Krasniqi.

Analistët komentuan si paradoksale edhe sjelljen e medias vendase ndaj skandalit të zbuluar në rastin e këtij përgjimi nga prokuroria.

Ata pohuan se shtypi në Shqipëri bën shërbime politike dhe nuk informon realisht qytetarët, ja pse gazetat nuk e trajtuan pothuajse fare temën e këtij problematik.

Studiuesit shpresojnë se skandali mbi përgjimin e biznesmenit mund të ndikojë pozitivisht në përpjekjet për reformimin e sistemit të drejtësisë, gjykatave dhe prokurorisë.

Foto e ditës: Fishta i dhuron me dedikasë Konicës Lahutën e Malsisë

Një komunikim mes gjigandësh. Midis Konicës dhe Fishtës. Këtë e vërteton dedikimi në latinisht që Poeti Kombëtar i shkruan Konicës duke i dhuruar një kopje të botimit luksoz të Lahutës të Malsisë në vitin 1938. Konica e ka mbajtur këtë libër në Bibliotekën e tij, që prej ditës së djeshme zyrtarisht i është dhuruar Bibliotekës Kombëtare të Shqipërisë, si plotësim i dëshirës të Konicës, e përmbushur me përkushtim nga studjuesi Agron Alibali. Nga Biblioteka e Konicës, dikur 2000 tituj, që tash rezulton e humbur, janë gjetur prej studjuesit Agron Alibali, vetëm 4 tituj, midis tyre Lahuta e Malsisë.

Ja kopertina e librit dhe dedikasa, që po ia ofrojmë lexuesit shqiptar, si një thesar të vërtetë.

Papa Françesku takohet me Visar Zhitin ne Selinë e Shenjte

Voal – Papa Françesku pati takimin tradicional si çdo fillim viti me ambasadorët e akredituar pranë Selisë së Shenjtë, në sallën Regia të Pallatit apostolik të Vatikanit. Pasi Shenjteria e Tij Papa Françesku mbajti Fjalen e shkelqyer para Trupit Diplomatik, ai u takua dhe u përshëndet me perfaqesues te vendeve te ndryshme te botes, ambasadore, krerë misionesh.

Papa Françesku u takua edhe me të ngarkuarin me punë të Republikës të Shqipërisë pranë Selisë së Shenjtë z.Visar Zhiti dhe zonjën e tij.

Papa Françesku bisedoi me z.Zhiti për Shqiperinë, për viziten e tij nê Tiranë. Z.Zhiti i dhuroi edhe disa libra të tij. Biseda ishte shumë e ngrohtë, ashtu si shihet edhe në foto

Vatikani dhe vetë Papa Françesku ka shprehur shqetësimin për mos përfaqësimin e Shqipërisë në Vatikan në rang ambasadori, ndërkohë që e ka dhënë aprovimin e z.Zhiti që kur ai u emërua nga kryeministri i Shqipërisë.

Zoti Visar Zhiti vazhdon të kryejë detyrën e përfaqësuesit diplomatik te Shqipërisë ne Vatikan si i ngarkuar me punë pas refuzimit qe presidenti i Republikës Bujar Nishani i beri kandidaturës së tij për ambasador.

Visar Zhiti eshte nje nga intelektualet e shquar të vendit, shkrimtar dhe ish i burgosur politik i diktaturës komuniste.

Me pare ia ka punuar ne shërbimin diplomatik ne ambasadën tone ne Rome dhe ne Ministrinë e Jashtme ne Tiranë.

Ai ishte për pak kohe edhe ministër i Kulturës Rinisë dhe Turizmit në qeverinë Berisha ne vitin 2013 .

Foto e z. Zhiti me zonjën e tij dhe me Papa Fançeskun është bërë nga gazeta zyrtare e Vatikanit “L’osservatore Romana”.

2016-01-13_20-18-58

Ambasadorët Lu e Vlahutin takojnë Ramën për Reformën në Drejtësi

Ambasadorët Lu e Vlahutin sonte në mbrëmje kanë zhvilluar një takim prej afro dy orësh me Kryeministrin Rama.

Ambasadorët i ka çuar në zyrë tema më e nxehtë dhe intensive e momentit: Reforma në Drejtësi.

Nuk dihet ende se çfarë i kanë kërkuar Ambasadorët Kryeministrit, por ajo që duket është presioni i ndërkombëtarëve për realizimin e reformës.

Takimi i Ramës me dy ambasadorët vjen pas dështimit të takimit të sotëm me kreun e Kuvendit dhe LSI-së, Ilir Meta.

Meta kërcënon Ramën: Reformë në Drejtësi, referendum ose zgjedhje të parakohshme

Lëvizja Socialiste për Integrim ka mbledhur kryesinë e saj. Gjatë fjalës së tij, kreu i kësaj partie Ilir Meta tha se, LSI-ja që në fillim të nisjes së koalicionit ka qenë me objektivin për bërjen e reformave të mëdha për vendin dhe këto reforma për ti bërë me konsensus.

Në fjalën e tij Meta e vuri theksin tek reforma në drejtësi.

“Rekomandimet e Komisionit të Venecias janë të qarta për të gjithë ata që janë profesionistë e të paanshëm. Për të gjithë ata që duan të luajnë, ne këto sugjerime do t’ja japim publikut në mënyrë që në fund ata të gjykojnë me vëmendje, të kthejnë dhe pse jo me cdo gjë tjetër të gjithë ata që bëhen pengesë për këtë reformë”, u shpreh gjatë fjalës së tij kreu i LSI-së.

Nuk u kuptua qartë se për kë e kishte mesazhin kreu i LSI-së, Ilir Meta, pasi fjalën e tij e nisi duke sulmuar opozitën. Meta sot u duk si një peng i kryeministrit Edi Rama në fillimin e fjalimit të tij dhe një shantazhues me referndum ose zgjedhje të parakoshme në fund të fjalës së tij, shkruan Syri.net

Fjala e plotë e Ilir Metës:

“Çështja më madhore për LSI mbetet kurorëzimi me sukses i reformës në drejtësi. Në fillim të këtij mandati qeverisë LSI-ja ishte e pozicionuar qartë në interes të kryesores së reformave të mëdha të shtetit që duhet të bëhen me në konsensus të gjerë politik kemi qenë të bindur se dialogu politik dhe konsensusi janë të domokratike për reformën administrative që përfuindoi me sukses LSI-së kërkoi me forcë garancinë e bashkëpunimit me PD-në si opozitën kryesore, e cila për fat të keq u vetëpërjashtua. PD-ja paragjykoi se mazhoranca e kishte ndërtuar procesin si një farsë.

Pavarësisht ne i dhamë të gjithë kohën e duhur duke shtyrë afatin e këtij komisioni që ajo të përfshihej. 5 variante iu dhanë PD duke iu lutur që të zgjidhte një prej tyre. Jo tha PD, ne do paraqesim variantin tonë. Për reformën në drejtësi, me të njëjtin standard kemi qenë e jemi të pozicioar në kërkim për arritjen e konsensusit. Kom venecias sugjeron qartë hartimin e amendamene kushtetuese nëpërmjet një dialogu konsensual. LSI mbetet e bidur se konsensus në parlament është i domosdoshëm jo thjesht si çështje numrash, por si bashkim vullneti i forcave parlamentare. Kemi vendosur prej kohësh dhe kemi nisur procesin e reformës në parlament. Tani që ekspertët kanë dhënë kontributin e tyre është koha e celjes së dialogut politik parlamentar me qëllim arritjen me një dokument përfundimtar të certifikuar nga Komisioni i Venecias. Është detyra jonë si LSI dhe mazhorancë të krijojmë hapësirën për opzitën që të jetë substancialisht e përfshirë në dialog dhe të kontribuojë.

Është një detyrim i opozitës të kontribuojë në këtë dialog me profesionalizëm dhe jo populizëm me zgjidhje të qëndrueshme. Përfshirja e opozitës na motivoi që ta vendosnim në Parlament përmes komisionit të posacëm parlamentar. Jemi shpresëplotë që sic kemi arritur vendime konsensusale, edhe për këtë reformë bazike do të arrijmë me këmbëngulje një zgjidhje konsensuale me një dokument të shumëpranuar. Duhet të biem dakort fillimisht për ato cështje që na bashkojnë. Për çështjet që ndahemi, të gjejmë zgjidhjet e duhura me këmbëngulje dhe pa u lodhur. Për LSI diskutimi dhe debati intensiv e transparent është një bindje e pandryshuar. Vetëm qëndrimi parimor do na udhëheqë në vendimmarrjen tonë politike. Vendi është përballur edhe më parë me vendime të nxituara. Prandaj është e rëndësishme që ky proces të mos jetë përjashtues, por gjithëpërfshirës dhe të marrë në konsideratë punën e deritanishme dhe dialogun konstruktiv të palëve kontribuese. Politika e faktit të kryer provon ndarje dhe shpikje faktorësh. LSI beson se me vullnet të mirë kemi mundësi më të mirë për të arritur aq më shpejt konsensusin e domosdoshëm dhe për të mbyllur një proces jetik.

Me këtë rast dua të shpreh dhe njëherë vullnetin tim si kryetar i LSI dhe si kryetar i Kuvendit, për të punuar natë e ditë bashkë me ministrin e Drejtësisë, anëtarin tonë në komisionin parlamentar, Spartak Braho, ekspertët tanë, ekspertët e deritanishëm, ekspertët ndërkombëtarë e faktorët politikë në mënyrë që të shterojëm çdo hendek që na ndan për të arritur konsensusin për t’i dhënë besueshmërinë kësaj reforme që të jetë reformë e besueshme e të gëzojë mbështetjen e publikut të gjerë”.

Studentja e arrestuar: Ja e vërteta e gjobës për biznesmenin

Sipas vendimit të Gjykatës së Krimeve të Rënda, ngjarja për të cilën akuzohet studentja e Ekonomikut, Desilvja Menaj, ka ndodhur në muajin nëntor të vitit 2014.

Ajo ishte denoncuar nga i dashuri i saj biznesmen, i cili pretendonte se Menaj i kishte dërguar mesazhe në celular ku i kërkonte 15 mijë euro.

Vajza u procedua në gjendje të lirë nga ana e Policisë, duke qenë se pretendoi se ishte thjesht një shaka dhe mesazhet nuk kishin asnjë qëllim serioz për përfitim nga ana e shtetasit E.C..

Megjithatë, çështja shkoi për gjykim në Gjykatën e Krimeve të Rënda, me akuzën “shtrëngim me anë të kanosjes ose dhunës për dhënie pasurie”.

Vendim i formës së prerë, që e shpalli fajtore studenten 21- vjeçare, u dha më 26 qershor të vitit të kaluar nga Gjykata e Apelit për Krime të Rënda, që e dënoi atë me 1 vit e 4 muaj burgim.

Ndërsa arrestimi i saj, saktësisht vetëdorëzimi në polici, veprim që, sipas Policisë, lidhet me amnistinë që pritet të miratohet dhe nga e cila ajo përfiton, u krye dy ditë më parë.

Ajo u paraqit vetë, e shoqëruar edhe nga avokati, në Komisariatin nr.3, ku më pas oficerët kryen arrestimin.

Dëshmia e studentes: E vërteta e gjobës për biznesmenin

Vendimi që e ka shpallur fajtore për gjobëvënie shtetasen Desilvja Menaj, është dhënë më 26 qershor të vitit të kaluar nga Gjykata e Apelit për Krime të Rënda. Ky vendim u ekzekutua të hënën nga oficerët e Komisariatit nr.3 të Tiranës.

Gjatë procesit gjyqësor prokurorja i çështjes kërkoi deklarimin fajtore të së pandehurës Desilvja Menja, për veprën penale të “shtrëngimit me anë të kanosjes ose dhunës për dhëni pasurie” dhe kërkoi dënimin e saj me 4 vjet burgim.

Por duke përfituar nga gjykimi i shkurtuar, ajo përfitoi uljen e dënimit me 1 të tretën, duke u dënuar përfundimisht më 1 vit e 4 muaj burgim.

Ndërsa vetë studentja e akuzuar, nëpërmjet avokatit të saj, ishte shprehur se këtë veprim e kishte filluar si lojë dhe nuk kishte asnjë qëllim përfitimi.

Gjatë seancës gjyqësore avokati i së pandehurës u shpreh se klientja e tij nuk ka pasur qëllime përfitimi në veprimet e saj ndaj të dëmtuarit.

Nga ana tjetër, ai kërkoi pezullimin e vendimit me burgim, për shkak të rrezikshmërisë së pakët të klientes së tij dhe rrethanave, në të cilat kishte ndodhur ngjarja.

Ai lexoi edhe një deklaratë të Desilvja Menajt, e cila shprehej se: “Nuk jam dakord me kërkimin e prokurores. Unë e kam filluar këtë veprim si një lojë dhe nuk kam pasur qëllim përfitimi”. Në përfundim Gjykata pranoi kërkesën e Prokurorisë duke e deklaruar fajtore 21-vjeçaren dhe e dënoi atë me 1 vit e 4 muaj burgim.

Paditet për mashtrim gjyqtari Kristaq Traja, ekspert i reformës në drejtësi

Prokuroria e Tiranës ka nisur hetimet për një çështje penale që ka të paditur Kristaq Trajën, ish gjyqtar shqiptar në Strasburg dhe njëherëzi ekspert pjesëmarrës në draftimin e reformës në drejtësi.

Ka qenë një familje nga Shkodra që ka bërë padi ndaj Kristaq Trajës. Familja Okaj e akuzon Trajën për mashtrim.

Përfaqësuesi i familjes në fjalë ka pretenduar se Kristaq Traja u ka premtuar ekzekutimin e vendimit të Gjykatës së Strasbugrut me lëvrimin e shpërblimit nga Ministria e Financave në Tiranë.

Familja në fjalë ka fituar 820.500 euro pas një padie për pronat ndaj Shqipërisë në Strasburg. Vendimi është dhënë në prill 2014 por ende nuk është ekzekutuar për tju dhënë familjes në fjalë.

Familja nga shkodra e nxitur nga vonesa e ekzekutimit të vendimit ka marrë kontakt me Kristaq Trajën. Ai ka kërkuar të paguhej 8210 euro dhemë pas ka kërkuar edhe 5 % të shumës që do të merrte familja nga shkodra.

Traja mësohet se ka marrë shumën paraprake nga familja Okaj dhe nga 16 prilli 2014 deri tani vendimi nuk është ekzekutuar.

Familja ka kërkuar edhe paratë e dhëna paraprakisht por Traja nuk ka pranuar ti kthejë.

Prokuroria ka nisur hetimet pas kësaj padie ndërsa mësohet se cështja është në verifikim paraprak. Në ditët në vazhdim grupi i hetimit pritet të marrë shpjegime nga Kristaq Traja i cili do të thirret për të dhënë dëshminë e tij’

Rama: Vila në Surel, shkarravinat, pushimet në Majemi e të tjera – intervista e plotë tek Eni Vasili

Rama, i ftuar në emisionin “Studio e Hapur” të Eni Vasilit sqaroi vizitën e tij atje, teksa gazetaria e pyeti se përse nuk u kthye menjëherë pas përmbytjeve.“Unë qëndrova vetëm dy ditë e gjysmë në Majemi, ndërsa përmbytjet ndodhën ditën e dytë. Pra u ktheva menjëherë. Unë njeri jam, si të gjithë të tjerët të bëj ndonjë ditë pushim”, tha Rama.

Ai më tej shtoi se ishte Linda, bashkëshortja ajo që e pageoi udhëtimin në Majemi. “Shpenzimet i pagoi Linda. Ajo është gruaja e shtëpisë dhe merret me financat”, tha Rama.

Lidhur me përmbytjet, Rama tha se situata e përmbytjeve u përballua nga autoritetet.

Për Pikturat

Kryeministri Rama u ktheu përgjigje edhe akuzave të PD-së se bën ekspozita me pikturat e tij jashtë vendit, duke i kaluar ato pa doganë.

Rama tha se ai nuk shet piktura drejtpërdrejtë dhe se nuk ka kohë të lirë të pikturojë, ashtu sikurse bëjnë piktorët.

Sipas tij, arti kontemporan është i lirë në të gjithë botën. Ai tha se kur është në zyrë nuk pikturon, por shkarravit nëpër copa letrash.

“Këto shkarravina, siç thotë Saliu, i pëlqejnë ekspozitat e huaja dhe i blejnë. Me shitjen e tyre jashtë vendit merren ato dhe jo unë. Por pikturat e mia do të bëhen pjesë e deklaratës së pasurisë”, tha Rama.

INTERVISTA E PLOTË

Ndërsa Shqipëria ishte në përmbytje, kryeministri ishte në Majemi…
Sigurisht ku do që të jem unë është problem për ata që duan ta bëjnë problem. Unë u nisa për një udhëtim familjar, për një fjalë të dhënë një burri të moshuar, që para vitit të ri kaloi një sëmundje sh të rëndë dhe e kam telefonuar në spital dhe i kam thënë se cdo gjë do të shkojë mirë dhe se vitin e ri do ta kalojmë së bashku. Sigurisht ai më kërkoi të mbaja fjalën. Unë s’mund të shkoja të festoja vitin e ri me të atje, por mora 3 ditë të çmuara dhe mora një rrugë shumë të gjatë bashkë me Lindën, ndërkohë që këtu koincidoi me fillimin e reshjeve të rrëmbyera dhe pastaj u ktheva.

Mund të ishit kthyer më parë, mund ta kishit lënë ndeshjen e NBA?
E vërteta është që unë aty kam qëndruar vetëm dy ditë e gjysmë dhe reshjet nisën ditën e dytë. Ajo që është me thjeshta është se asnjë njeri i arsyeshëm mund të merret me gjëra të tilla sepse nuk jemi në kohën kur shkuarja jashtë shtetit ishte një privilegj. Nuk mund të përjashtohet familja ime nga pushimet.

Për përmbytjet nuk ishte një situatë e zakonshme?
Ne nuk jetojmë në epokën e gurit, por në një epokë ku komunikimi në kohë reale është i mundshëm. Unë jam i inkurajuar se përpara se të fillonin periudhat e vështira të motit, ne kemi ngritur një grup emergjence, që kryesohet nga zv.kryeministri. Nëse bëjmë një krahasim kemi pasur një mot njësoj siç ndodhi në përmbytjet e vitit të kaluar, por këtë vit kemi patur më pak sipërfaqe të përmbytura, pasi kemi bërë një punë voluminoze. Kemi pastruar 860 km kanale që nuk ishin prekur kurrë. Kryetari i bashkisë ka qenë në një aktivitete me rëndësi shumë të madhe, të dakordësuar kohë më parë. I pranishëm mes personaliteteve të mëdha, i nderuar dhe respektuar. Fakti që nuk je fizikisht këtu nuk ka ndonjë rëndësi të madhe ditët e sotme, pasi edhe në zyrë këtu,e dhe aty ku isha, unë punën e kam bërë njësoj, pavarësisht se nuk isha në kontakt fizik me banorët. Jemi në situatë të vështirë edhe për shkak të ndryshimeve klimaterike. Edhe në Britaninë e Madhe para pak kohësh është një debat shumë i madh për situatën e përmbytjeve. Por edhe në vendin tonë gjatë këtyre viteve është bërë një dëm shumë i madh i natyrës, janë prishur argjinaturat, janë prerë pyjet, është bërë një shkatërrim i madh. Si mund t’i kërkohet në këto kushte një qeverie që ka një vit e gjysmë në krye të kësaj qeverie.

Edhe kur ndodhi përmbytja në Shkodër i drejtuat gishtin qeverisë së asaj kohe?
Erdhi nga Qeveria pasi pati papërgjegjshmëri absolute në menaxhimin e kaskadës së Drinit. Jemi në dy realitete krejtësisht të ndryshme. Nga ana tjetër mos të harrojmë se kjo është një qeveri që është e para që merr përsipër të qëndrojë pranë njerëzve kur ata kanë probleme, por edhe të sigurojë falë një riorganizimi të rezervave të shtetit, mbështetjen e tyre me ato që janë të nevojshme në ditët e krizës. E pas daljes së diellit kompensojmë dëme.

Edhe qeveritë e mëparshme e kanë bërë këtë zoti Rama?
Nëse do e bënin këtë, nuk do na ishte dashur neve që të dëmshpërblinim banorët në Shkodër, në më një. Kemi vazhduar me një projekt që është masiv, pas përmbytjeve që ndodhën, duke vendosur në dispozicion të atyre zonave miliona e miliona euro për argjinatura dhe rehabilitimin e 26 digave që nuk ishin prekur kurrë dhe për të rehabilituar 16 vepra mbrojtëse të shkatërrua ndër vite.

Këto janë investime që fillojnë sot?
Jo janë projekte që kanë nisur.

Këto janë feedback-e..
Jo ju teme. Këtë herë kemi pasur 5 mijë hektarë të përmbytura. Këtë herë kemi dëmshpërblyer. Nuk po them se s’do kemi përmbytje. Kam një lajm të rëndësishëm për të gjithë ata që na dëgjojnë. Në buxhetin 2016 kemi vendosur masën më të madhe të vendosur ndonjëherë për ujitjen, 40 milionë dollarë, për vaditjen. Për herë të parë do investojmë për flotën. Këtë flotë që kemi trashëguar, është një flotë që ka gjithsej 67 mjete, nga të cilat 16 mund të punojnë. Shumë prej tyre kanë emra kinez, sovjetik, të kohës së xhaxhit. Kemi vendosur këtë vit për bashkitë këtë buxhet.

Gjithë këto miliona dollarë, garantojnë se s’do kemi përmbytjeve vitin tjetër?
Kur të kem një telefonatë me Zotin, do t’ju them.

Atëherë për çfarë janë këto investime?
Ne kemi bërë një projekt me Veliajn, për të shmangur të gjitha këto përmbytje. Ju keni parë përmbytjet dhe në Gjermani. Atë që nuk mund të shmanget, duhet të zvogëlojmë mundësitë. Ndryshimet e klimës shkaktojnë këto dëme. Kjo është fatura e gjithë asaj gostie, pasi hëngrëm infrastrukturën , shkatërruam argjinatura dhe diga, dhe ndërtuam shtëpia.

Është herët t’ja vëmë fajin kundërshtarëve politikë…
Nuk kam problem t’i vë fajin, atij që e ka. Zhvillimi ishte katrastrofik dhe punë e madhe se ça vjen nesër dhe kuptim i mbrapsht nga se vjen nesër. Ajo që po bëjmë ne është se po nxjerrim shtetin nga uji që e kanë futur.

Ndalemi pak te pastrimi i territorit. Cila është përgjegjësia juaj si ish-kryebashkiak i Tiranës?
E them unë dhe e thonë çdo shqiptar që ka dy fije mend në kokë. Nuk mundet dot një kryetar bashkie të bëjë gjënë e duhur nëse punon me një qeveri që nuk kupton që çfarë nevojash ka qyteti dhe çfarë është kryeqyteti. Përjashto periudhën e shkurtuar kur kam punuar me Ilir Metën si kryetar qeverie, gjithë periudha tjetër ka qenë për t;’u harruar nga pikëpamja e bashkëpunimit me qeverinë, dhe këtu nuk fus vetëm qeveritë e partisë tjetër. Mungesa e ideve por të administruar këto qytete ka një faturë.

Sa keni paguar për ato bileta në NBA?
Në radhë të parë e mësova se biletat nuk shiten janë të rezervuara, dhe4 janë kompani apo korporata që i rezervojnë në mënyrë vjetore. Fati ishte që dikush që kishte një rezervim të tillë na dha mundësinë për të parë atë ndeshje. Unë jam i gëzuar që më jepet mundësia për të parë një ndeshje të tillë live. Ku është mëkati që kam bërë këtu?

Kush i pagoi shpenzimet tuaja?
Kjo është një vizitë private, dhe i paguan pjesa më e mirë e familjes që merret me aspektin familjar, zonja ime. Ajo mban llogaritë e familjes. E kemi financiar vetë.

Keni arsye të shisni piktura? Si qëndron raporti artist-politikan?
Jam marrë që 3 vjeç me pikturë, dhe që kur kam filluar të flas kam patur prirjen që të konteston. Kjo më çoi në pritjen që të merrem me art, por edhe të mos jem pa reagim ndaj situata të ndryshme. Fati e deshi të jem aktiv në politikë, dhe kjo vazhdon të shoqërojë çdo ditë të jetës sime. Unë nuk jam si Çurçilli që shkëputej nga zyra për të pikturuar në zyrën e tij apo në natyrë, por unë nuk e bëj këtë. Nuk jam një fenomen i veçantë, se ka patur shumë njerëz. Se dhe ju mbase shkarravisni kur jeni në takime. Por kjo është diçka që për mua përbën interes për galeritë apo muzeumet.

A mund t’ju pyes për artin tuaj?
Ajo që është e rëndësishme besoj se në këtë aspekt jo për ndonjë zgjedhjen time por se pikërisht kështu ka ndodhur i shërbej kësaj pune dhe imazhit të këtij vendi. Kur isha në Gjermani dhe pata ekspozitën time ishte gjysma e qeverisë e Landit të Bavarisë. Kemi shtruar edhe një darkë kur kemi pasur mundësinë të flasim për 3 orë për Shqipërinë. Pas 3 orësh dhe asaj atmosfere ju siguroj se ata njerëz jo vetëm që kanë dalë me një mendim të mirë për Shqipërinë por kanë shprehur dëshirë për ta vizituar.

Pra po bëni edhe marketing?
Unë marketingun e bëj çdo ditë, edhe tani. Nëse kalon në kanalet tuaja, nuk mund të lexohet.

Kemi 60 minuta për akuza për mediat…
Jo akuza, por nëse ju keni gjithë lirinë për të akuzuar politikën shqiptare, unë kam lirinë të akuzoj median shqiptare për një mediokritet alarmant.
Unë kam opinionin tim dhe nuk më ndalon kush ta shpreh. Pavarësisht se kam respekt për të gjitha mediat. Qysh se jemi në qeveri nuk ka një pronar medie ose një gazetar që të thotë se unë kam vështirësi për shkak të linjës time editoriale. Unë kam thënë që bota shqiptare mediatike është e mbushur me këneta. Në tërësi media shqiptare, sidomos elektronikja ka krijuar shumë vlerë por nga pikëpamja e cilësisë së shërbimeve ndaj publikut është mizerabël.

Unë jam përfaqësuese e mediave, nuk jam këtu për të kontestuar..
Ju nuk keni pse ta kontestoni ju zgjidhni ta vendosni veten në toka të thata. Unë e kam dëgjuar shumë nga ju që kur dalin jashtë thonë se ashtu është.

Sa janë të ardhurat nga këto piktura?
Jo çdo ekspozitë që bëj është komerciale. Kam bërë ekspozita edhe kur kam qenë në opozitë. Puna ime ka ngjallur interes në disa galeri shumë të rëndësishme që janë të artit bashkëkohor dhe që shesin piktura. Ekspozita në muzeun e shkollës së arteve në Stamboll ishte jokomerciale. Kam bërë ekspozitën por nuk kam pranuar të shes piktura. Për sa i përket të ardhurave, siç kam deklaruar të ardhurat nga libri ashtu do deklaroj edhe të ardhurat nga galeritë komerciale.

Po nëse një qytetar shqiptar interesohet, a mund të blejë një pikturë tuajën?
Nuk shes asnjëherë një pikturë në mënyrë të drejtpërdrejt. Në rastin kur galeria ka interes dhe kur unë kam rënë dakord me galerinë dhe këtë pjesë e administron Linda, unë me dy gjëra nuk kam pasur lidhje asnjëherë, me lekun dhe mirëorganizimin e jetës time private. Fatmirësisht kam zgjedhur gjysmën time më të mirë që e plotëson këtë deficencë.

Ndalemi tek pikturat që nxirren pa doganë, këto kanë qenë dhe akuzat e PD-së, ku jeni keni nxjerr jashtë vepra të tilla…
Ka një rregull të përgjithshëm që veprat e artit kontemporan lëvizin lirisht në të gjithë botën dhe kur nuk janë pjesë e fondit kombëtar. Edhe një artist francez mund ta bëjë këtë. Por jashtë Francës nuk mund të dalin ato vepra që janë vepra të fondit kombëtar. Edhe unë s’më është dashur të deklaroj piktura dhe askujt si janë dashur. Në këtë rast bëhet fjalë për letra që gjenden në tavolinën time që unë xhgaravis. Siç thotë dhe doktori, ato janë letra që unë aty zhgaravis.

Kalojmë tek reforma në drejtësi. Ka pasur disa zhvillime dje, duket se totalisht mungon konsensusi me opozitën. Basha tha ‘Rama e hoqi maskën, zhbëri kompromisin për të çimentuar kapjen e drejtësisë’. Cila është loja që po luhet?
Loja që po luhet, dhe në rastin e lojtarit në fjalë, është sa herë që sfondi ka qenë bardh e blu, me atë draprin. Kam qenë dhe jam dhe do mbetem i bindur se procesi që kemi organizuar është shembullor. Këtë se them vetëm unë, por partnerët tanë dhe për këtë kemi marrë vlerësime, dhe unë po ashtu. Dhe nga homologët e mi, ku është folur për reformën në drejtësi, jemi vlerësuar. Është një proces shembullor, me një grup ekspertësh të nivelit të lartë dhe më vjen keq dhe ndihem keq para tyre, pasi gojët e shthurura që bëjnë punën e tyre të përditshme i kanë anatemuar, pasi në njohjen time ata janë persona që nuk e kanë kapërcyer një ditë të vetme derën e PS dhe portën e politikës. Janë ekspert shqiptar që janë përzgjedhur si më të mirët, ka qenë e hapur tryeza e ekspertëve, Ata kanë ardhur si kofini pas të vejturit (anëtarët e PD). Është bërë një analizë e sistemit, që është shembullore dhe ne me atë analizë kemi prodhuar në Bruksel e Uashingtoni seriozitetin për të bërë këtë reformë. Ky është një gur themeli. Është çuar drafti në Venecia e për ë marrë mendimet. Reformën në drejtësi e kanë pretenduar të tjerët, por se kanë bërë. Ajo është historike. Çfarë kam thënë: Është Venecia që ne duhet të biem dakord për të gjetur konsensusit.

Sa i takon kërkesën së opozitës për votimin me 2/3?
Na kërkohet konsensusi, dhe na vihet kushti me 2/3. Ça është kjo shumicë, që na u dashka edhe për zgjedhjen e kreut të dhomës së noterëve. Unë nuk e kam lexuar as nenin 55, e as gazetën 55. Me vetëdije të plotë kam thënë se politikanët e kanë bërë çorap sa herë i kanë hyrë kësaj pune, dhe ndaj duhet që kjo t’i besohet ekspertëve tanë dhe atyre ndërkombëtarë. Le t’i lëmë ata të na propozojnë një produkt. E shoh këtë diskutimin, jo i ra maska jo po kush. Nuk e kuptoj kujt i ra maska, kush ka maska. Shqiptarët e dinë këtë. Madje edhe kjo shumicë 3/5 sesi më duket. Ne po bëjmë ndryshimin e Kushtetutës, pasi ne edhe Presidentin e zgjedhim me shumicë të thjeshtë. Kur kemi qenë në opozitë i propozuam qeverisë votimin me 3/5, unë edhe aterë e kam kundërshtuar argumentin. Edhe pse mendoj se nuk është gjëja më e zgjuar që mund të bëjmë për të ardhmen, prapë 3/5 është mirë.

Këto sistemE kanë edhe mekanizmat e tyre të zhbllokimit?
Unë nuk këmbëngul në asgjë. Unë nuk kam folur fare. Unë po bëj vetëm komente për ato që dëgjoj. Unë do flas vetëm pasi të flasë Komisioni i Venecias. Në duhet të lëmë të përfundojë ky proces si është nisur, e të marrim edhe opinionin përfundimtar të Komisionit të Venecias. Pastaj do të flasë edhe vullneti politik.

Lidhur me nenin 55?
Jemi PS, LSI dhe PDIU që i është bashkuar koalicionit të fundmi. Në leximin e ekspertëve kjo lexohet se duhen 3/5, dhe në leximin e PD duhen 2/3. Le t’ia dërgojnë Komisionit të Venecias. Ne nuk e pranojmë këtë.

Nëqoftëse ekspertët gabojnë, kjo është një pyetje retorike. Përgjegjësia politike shprehet me vullnetin politik. Dhe vullnetin politik çdo forcë e shpreh siç e ndjen. Unë ndihem shumë i çliruar që mbështes me vullnet të plotë politik këta ekspertë. Sigurisht që kjo çështje do diskutohet. Ekspertët e këtij vendi që kanë 1 vit që merren me këtë punë, plus ndërkombëtarë, ne mendojmë të mbështesim këtë produkt. PD do një produkt tjetër, bujrëm s’ka problem.

Po çfarë do të ndodhë se PD është jashtë procesit?
Ata hyjnë dhe dalin sipas motit nën qiellin e SHQUP-it. Ne nuk ua kemi mbyllur kurrë derën. Komisioni i Venecias sipas PD-së i ka reflektuar shqetësimet e PD-së herën e parë. Shumë mirë erdhën me komisionin e Venecias.

Domethënë do shkohet me dy drafte, një draft i Ministrisë së Drejtësisë?
Nuk ka draft Ministria e Drejtësisë. Në grupin e ekspertëve janë përfshirë edhe dy ekspertë të Ministrisë së Drejtësisë. Ekspertët janë të zgjedhur nga komisioni i posaçëm parlamentar dhe janë të pavarur.

Ja ku jemi Venecia po, pse të rrimë ne të bëjme me nj-tj muhabete pa lidhje si e ka menduar Venecia? E thotë Venecia vetë, kush shkon më afër. Do vijë drafti nga Venecia dhe aty do gjejmë konsensusin. Sepse tek Venecia nuk kam dëgjuar ndonjë që thotë nuk e pranoj.

Keni qëndrime të kundërta me Metën?
Ju shikoni të kundërta aty ku s’janë. Pa le pastaj kur bëhet fjalë për një reformë si kjo. Është normale që të ketë debat, diskutime. Për sa i përket pozicionit tim ka qenë koherent nga A tek Zh edhe unë edhe Ilir Meta. Kemi mbajtur qëndrim të qartë, ky është një proces që kërkon ekspertë. Unë jam shprehur për konsensus. Konsensusi nuk është që më jep çelësat e shtëpisë që ta vendos unë kur hyn e kur del. Konsensusi është tek Venecia. Unë e kam thënë që ditën e parë, që unë të ulem me Saliun, me Lulin etj. etj. e të gjejmë mirëkuptim… Kemi rënë dakord që Venecia është pikë referimi t’ia çojmë Venecias. Nuk është draft i Ministrisë së Drejtësisë, është i ekspertëve.

Është i qeverisë?
Ju i mendoni vetë, i thoni vetë, i komentoni vetë, i ktheni në të vërteta dhe kërkoni dhe llogari. Ekspertët e Ministrisë së Drejtësisë kanë marrë pjesë në proces dhe kanë nxjerrë opinionet e tyre dhe i kanë dhënë me shkrim. Mbi opinionet e tyre është punuar.

Ministri i Drejtësisë e pranon këtë…
Ku e keni dëgjuar këtë?
Ma ka thënë vetë në telefon…madje tha dhe që mund ta thoja publikisht…
Unë kam folur me ministrin në takime…
Zoti Rama, ju thoni se e ardhmja do ketë konsensus politik
Se dimë. Unë them se Venecia është një premis që do kërkojë të dorëzohemi.
Zoti Thano ka shkruar në media …
As më shumë të ndjekës gazeta dhe sa më shumë të shohësh se çfarë thotë media, marr një përmbledhje çdo ditë.

Në kohën që ju ishit në opozitë nuk i shihnit protagonizmat e ambasadorëve.
Unë si shoh ato asnjëherë. Ata kanë gjetur pa bëjnë, sepse çtë bëjmë tjetër.
Ju po e quani pa rol presidentin Nishani?
Jo s’po e quaj pa rol. Ai ka zgjedhur të ketë një rol. Vakumi i madh ka lënë mungesa e një presidenti të Republikës, e bëjnë ambasadorët. Nuk më mbetet veçse t’i falënderoj Lu dhe Vlahutin për kontributin që po japin. Ne kemi pasur një kryeministër që e përdorte selinë e Kryeministrisë si llogore për të gjuajtur me top presidentët.

Ishit te Presidenti për takim. Cili ishte qëndrimi juaj për ato që biseduat? Nishani thotë se ju jeni përgatitur për të blerë vota.
Nëse nuk ju them për çfarë folëm, si t’ju them për qëndrimin tim. Presidenti flet për skenarë imagjinarë. Është i pari Presidenti që e mbledh këshillin e sigurisë, pasi dy të tjerëve para as i shkonin në takim e as i njihnin për komandant të FA. Është presidenti i parë pas shumë viteve që gëzon respektin institucional të Qeverisë. Më shumë se kaq ç’mund t’ju them,.

A jeni i gatshëm për të bërë pazar për vota në Parlament?
Unë nuk jam i gatshëm të braktis popullin shqiptar në këtë reformë. Ose të bëhet reformë siç duhet, ose s’ka ç’i duhet njeriu. Nuk mund të bëjmë një farsë. Nevoja për vota nuk mund të bëjë prishjen e reformës. Këtu kanë ndodhur shumë gjëra, po unë s’mund t’i përgjigjem pyetjeve të tilla. Se kanë ndodhur këto që kanë ndodhur, ndaj jemi këtu ku jemi.

Nëse ju nuk do arrini konsensus me opozitën, si do ta zgjidhni?
Me nëse nuk flitet, me nëse nuk flas. Jemi të angazhuar shumë seriozisht. Patjetër që do kërkojmë konsensus, por konsensusi arrihet tek Komisioni i Venecias.

Do ishit i gatshëm të çonit vendin në zgjedhje të parakohshme nëse nuk funksion?
Prapë nëqoftëse, humbasim kohë kur kemi gjëra në tavolinë për të folur.

Ju keni paralajmëruar tërmet…
Tërmet do të thotë që kjo reformë të ndajë shapin nga sheqeri, ndarjen e atyre që meritojnë të jenë në këtë sistem, me integritet nga ata që nuk e meritojnë.

Ju i quani gjykatat gagarel, kryeparlamentari jo. A ndaheni këtu me Metën?
Unë jam piktor, ai nuk është. Ndahemi me ngjyrat. Unë mund të mos jem një politikan shumë i zoti, shumë profesionist, por kam shumë dëshirë t’u qëndroj besnik bindjeve të mia dhe njerëzve që më kanë besuar. Unë jam një politikan i bindjeve jo i konsensusit. Unë këto bindje kam dhe absolutisht nuk mendoj që unë kam të drejtë dhe dikush nuk ka. Aq më tepër kur ka shumë ngjyra, por përzierja e ngjyrave bashkë bën të zezën. Kjo reformë duhet ta shprishë këtë përzierje të mos kemi më të zezë në sistem.

Ambasadori Lu foli për prishje pushimesh? Kush do të shkojë në burg?
Pyesni ambasadorin Lu. Unë nuk i trembem asgjëje.

Ai foli edhe për ministra të korruptuar. Kush janë ministrat e korruptuar?
Pyesni ambasadorin Lu, në dijeninë time nuk ka ministra të korruptuar në këtë qeveri. Nëse ka, kush ka prova t’i bëjë publike. Para çdo prove unë unë nuk do ta shkarkoj por do ta kallëzoj ministrin në prokurori.

A është politika problemi kryesor?
Parlamentet nuk janë akademi të shkencave apo klubet e intelektualëve të botës. Parlamentet janë shprehje të shoqërisë. Ka njerëz nga të gjitha shtresat përfaqësuese. kështu është edhe parlamenti i Francës dhe kur jetoja atje shikoja deputetë që thosha se si ka mundësi që ky të jetë deputet në Francë. Parlamentet janë shprehje e shoqërisë. Nuk luftohet korrupsioni me propagandë dhe as vetëm me ndëshkim. Korrupsioni luftohet me modernizim. Belgjika funksionoi për 9 muaj pa qeveri. Ne duhet të ndërtojmë sistemin. nuk kemi ndërtuar një sistem drejtësie që të jetë i mbrojtur. Qeveria jonë dhe kjo shumicë po hedh bazën për të ndërtuar sisteme që kanë vetëmbrojtje nga korrupsioni. Pse nuk imagjinojmë dot ne një shqiptar në Gjermani që mund të dalë në rrugë pa rrip sigurimi? Shqiptarët deri para pak kohësh pa rrip sigurimi edhe të huajt, pse? Sistemi.

Shqiptarët që kërkojnë azil..Gjatë 2015 janë larguar drejt Gjermanisë 55 mijë shqiptarë, pas Sirisë. Ju keni thënë se nuk vinë nga Shqipëria, por nga Greqia..
Jo se kam thënë kështu.. Ju të bëni gjëmën, në një mijë e një mijë raste. Unë kam thënë se nuk janë vetëm nga Shqipëria, por dhe nga Greqia.

Është e njëjta gjë..
Jo nuk është e njëjta gjë.

(Ritransmetohet një insert me rrëfime nga azilantët shqiptar)
Asnjëherë ata që ikin nga Greqia nuk e tregojnë. Papunësia nuk është krijuar këto 2 -3 vite, por është krijuar para shumë vitesh. Dhe nuk luftohet as për 2 e as për 4 e më shumë. Kemi 170 mijë njerëz më shumë në punë, janë vende të reja pune, apo të formalizuara. Janë njerëz që kanë dalë nga skllavëria dhe paguajnë taksa. Nga ana tjetër, meqë shqiptarët s’janë pjesë e BE dhe s’janë pjesë e lëvizjes së lirë për punë, ndaj ata lëvizin për punë dhe do vazhdojnë të shkojnë. Në 2014-ën janë gati 1 milion të ardhur në Gjermani nga vendet e Be-së, Pra njerëz që ikin për punë dhe jo për azil politik. Më thoni ju mua se çfarë tu themi…

A është kjo Rilindja?
Lerë mo Rilindjen, ça lidhje ka?

Domethënë ju nuk jeni kuptuar nga populli?
Lëreni popullin ta thotë me votë se sa i kuptuar jam unë për punën e rilindjes. Nëse nuk më kuptojnë jam unë i moskuptuari i madh, dhe do vijë dikush tjetër që do e kuptojë populli. Padyshim që në Gjermani do të bëhet jetë më e mirë se në Shqipëri, edhe në të ardhmen. Unë s’jam politikan që them renditemi të dytët pas Gjermanisë. Shqipëria nuk bëhet dot si Gjermani as për 20 vite. Është normale që në një botë kaq të hapur, të ndodhë kjo. Jemi në një fazë kur po mbjellin, dhe po bëjmë një operacion shumë të rëndësishëm. Nëse do kishim paguar dritat që në vitin 1992 nuk do ishim këtu ku jemi. Nëse do kishim investuar, apo kështu me radhë. Ne po ndryshojmë modelin e zhvillimit ekonomik. Kjo është një fjalë goje e thënë, por ka në mes një det të tërë me punë për të bërë. Edhe në bujqësi kemi një rritje të ndjeshme të eksporteve. Unë di që ne kemi rezultate të mjaftueshme edhe në këto dy vite.

Ka njerëz në burg për 30 mijë lekë?
Jemi jashtë nuk jemi në burg. Kemi ndryshuar qasjen me sektorin më të rëndësishëm që është energjia. Flasim për herë të parë për investime që do të ndryshojnë shërbimin me energji. Po liberalizojmë tregun e energjisë.

Tani jepen HEC-e si Skavica siç thotë opozita…Keni qenë në Turqi keni bërë bisedime?
Unë kam shkuar në Turqi, në Kinë dhe me kë kam mundur kam bërë bisedime hajde investoni në Shqipëri. Po patjetër që kam qenë. Unë këtë detyrë kam, unë po të mos isha, më mirë të mos jem, që mos qofsha sipas atyre të errësirës.

Atë e dini ju…
A shkoi Grida në Durrës, nuk fitoi. Edhe ata kanë ardhur të shohim do fitojnë nëse jo.

A ja keni dhënë firmës turke Skavicën?
Nuk ja kemi dhënë.

Zoti Rama doja të kaloja tek korrupsioni. Nëse keni diçka për të shtuar për Skavicën…
Unë kisha për të shtuar diçka të vetme për freskim kujtese. Janë trajtuar nga këta që flasin 164 kontrata, për 439 HEC-e me të njëjtën procedurë dhe përjashto një rast të koncesionit të HEC-it të Ashtës që është bërë pa bonus në 163 raste i është dhënë bonusi dikujt që ka bërë një propozim dhe ka hyrë në proces. Nga shtatori i 2013 deri tani janë bërë 6 kontrata. Ne jemi komplet tjetër gjë. Ne nuk i japim askujt garanci shtetërore që do ta blejmë energjinë me çmim fiks. Për Skavicën, se ka dy pjesë, Skavica dhe Katundi i ri, është një projekt i riparë për të shmangur përmbytjet.

Sipas studimeve duhet vepruar kështu?
Sipas studimeve duhet vepruar kështu siç po bëjmë ne. I vetmi që ka marrë riskun është ky, që ka pranuar të ndërtojë pa paguar në një çmim fiks.
A ka shtëpi, a ka familje që nuk merr frymë lirisht, mbasi lan borxhet dhe shpëton nga rreziku që të mbetej rrugëve. Shqipërinë e gjetëm si një shtëpi me borxhe. Babai e kishte hedhur në zara. Gjetëm një radhë të madhe me borxhlinj. Unë po ju them fakte. Nuk po bëj propagandë.

Po flisni për qeverinë e kaluar…
Jo unë po flas për këtë qeveri. E di pse nuk është opozitë sepse një opozitë ka një vizion të shpallur, nuk është vizion Edi Rama është hajduti i Ballkanit. Ata thanë kemi program, na e vodhi Edi Rama tani kanë leva, shishe me benzinë. Ekipi i opozitës janë këtë recituesit?

Duhet ta pëlqeni ju edhe ekipin e opozitës?
Kjo është qeveria e ikur me 1 mln vota. Qeveria e re punën më të madhe e ka të zhbëjë çfarë është bërë keq. Të pastrojë të gjitha llojet e mbetjeve që lanë ata.

160 ditë pushime, këtë e thotë PD..Transparenca. al i është përgjigjur, por nuk ka kundërshtuar ditët, por shpenzimet.
Unë mund të them shumë gjerë të vërteta për paraardhësin tim. Nuk mund të them se ka qenë një turis i pasionuar.

Në atë kohë atakonit zonjën Topalli
Lërë se ajo është kategori tjetër. Nëse do merremi numrin e udhëtimeve të ish-kryeministrit dhe të mijat, janë aty afër. Më tepër unë kam qenë në instanca shumë më të rëndësishëm. Ai sidomos në këto 3 vitet e fundit ishte i padëshiruar. Nga pikëpamja e udhëtimeve të mija personale, janë në gjysmë e gishtave të njërës dorë. Nuk është kënaqësi e veçantë të marrësh avionin e të udhëtosh jashtë, është e lodhshme. Nga pikëpamja e parave të shpenzuara, unë jam më dobët. Pasi nuk udhëtoj në Biznes-class. Vetëm kur kaloj oqeanin, se s’kam si rri për shkak të trupit dhe gjatësisë time, pasi do dal i paketuar. Do bëj skuadër me bracën dhe Finon.

Ju keni një shtëpi pak të çuditshme…
Është shtëpia ime ndaj, sepse unë jam pak më ndryshe. Jam i çuditshëm.

A është e vërtet se është 88 m e gjatë?
Sa i takon llogarive, janë të gjitha në dosjen time. Unë nuk jam vetëm, jam i martuar fatmirësisht. Po t shihni dosjen, është qartësisht e thjesht dhe shpjegon qartë. Kur Saliu thotë këto 57 motra, avokat Ngjela thotë se s’di të bëjë tri-dimensionalen. Unë kujtoja se tallej avokati, pro ka një pikëpamje reale.

(Rama tregon një foto nga telefoni i tij)

Pse e mbani këtë foto?
Më kujton Saliun, dhe më jep kënaqësi. Është një shtëpi që është ndërtuar me materiale të thjeshta. S’ka suva, dhe s’ka kolona. S’ka abazhur, është me poça të thjesht. S’ka brenda mobilie të sjella nga firmat, dhe janë bërë me bojra nga unë. Pjesa e jetueshme është 250 m katrorë. Është e ndërtuar ndryshe, sepse është shtëpia ime. Isha pa shtëpi, e më thoshin se ka 200 shtëpi. Pastaj u bëra unë me shtëpi, fal gruas, dhe e them me mburrje. Shtëpi është ndërtuar kur isha në opozitë.

Është blerë toka në atë kohë..
Jo shtëpia është bërë kur isha në opozitë.

Do riktheheni piktor?
Unë mund të kthehem shumë gjëra në jetën time të tretë.

Do donim të na ftonit në shtëpinë tuaj
Se kam shtëpinë studio, si kjo e juaja.

Refuzimin tuaj e marrim me sportivitet…

Është një person që është në biznes që nga viti 1991 dhe nuk është bërë biznesmen se është miku im. Kur unë jam futur në politikë, ai ishte një nga taksapaguesit më të rëndësishëm të këtij shteti.

Flitet edhe për një garë tek aviacioni civil?
Mund të fitojë 1-2-3 gara, ça të keqeje ka.

Po fitojnë disa miq të kryeministrit gara në çdo vend të botës do përbënte lajm?
Ou, në çdo vend të botës. Po do përbënte lajm nëse do dilte nga hiçi dhe do bëhej biznesmen. Këtu ju keni një përgjegjësi se kriminalizoni koncepte që janë koncepte bazë. Koncesioni, bashkëpunimi me biznesin është krim më vete?!

A e dini sa mungesa barnash ka në vend?
Mos më ikni nga dega në degë. Tre partneritete publik-privat ka bërë Ilir Beqaj. Më thoni se ky njeri duhet të kryqëzohet? Ju kam sfiduar dhe ju sfidoj vazhdimisht, ju gazetarë, analistë. Më bini një dosje.

Po nuk po i bën dot këto hetime prokuroria zoti Rama…
473 mijë persona kanë bërë check up. Një hap tjetër drejt shëndetësisë falas, mjeku i familjes është falas. Kjo bëhet hap pas hapi. Check-up-i për të parë se ku është situata, gjendjen. Sot me check up krijojmë një ide të qartë të situatës.

Çfarë do të ndodhë pas kësaj?
Del ai me bllok në dorë. Vilma Nushi…Ja dha përgjigjen Andi Bushati në mënyrë perfekte. Berisha gënjen çdo ditë. Unë do isha shumë kurioz se çdo të ndodhte nëse do kisha shkruar një çarçaf kriminalizues. Ja doli prapë (Për foton e Berishës) Hiqeni çe doni?

Asnjë parti e majtë në botë nuk i bënë këtë që i jep privatit shumë të tilla lekësh…
Paratë e shtetit nuk shkojnë tek privati. Ato përdoren shumë efikase tek publiku, që ti shërbejë si shërbëtor. Shrëderi është i majtë, dhe futi konceptin e financimit privat të infrastrukturës sociale. Sot në Turqi nuk ndërtohen më spitale me lekët e shtetit, por me të privatit.

Zoti Rama çfarë premtoni se do flasim për rendin, kriminalitetin, një herë tjetër.
Patjetër që do vi gjithmonë.

Ju mendoheni dhe reflektoni, shqiptari i 2016 është më i kënaqur sesa ai i 2013-ës?
Sot ekonomia shqiptare ka marrë kthesën dhe po rritet. Ekonomia për të matur kënaqësinë, e shoh kur reformat të japin reagim. Për të filluar të vrapojmë na duhet akoma shumë durim dhe shumë punë. Nuk di unë rrugë tjetër, Nëse do dini një rrugë tjetër, unë jam i hapur ta lë rrugën.
Faleminderit zoti kryeministër për prezencës tuaj.
Faleminderit juve!

Emisioni investigativ Fiks Fare zbulon restorantin superluksoz i kryetares së Gjykatës së Apelit Korçë

Ndërtesa e parë është një lokal superluksoz, i vendosur në shëtitoren “Republika” të qytetit të Korçës, i cili siç thuhet dhe nga vetë banorët, por edhe punonjësit, se është në pronësi të Kryetares së Gjykatës së Apelit Korçë, Entela Prifti.

Në Gjykatën e Apelit Korçë
Fiksi: Entela Prifti, kryetarja e gjykatës…
Polici: Po këtu është, por nuk ka ardhur.
Fiksi: Në çfarë ore vjen zakonisht ajo?
Polici: Po, kur ka gjyqe. Mundet të vijë tani, mundet të vijë pas gjysmë ore, orar të ri nuk di.

Në lokalin “Find Four”, bulevardi “Republika” në Korçë
Fiksi: Shumë e bukur kjo vila, e kujt është? Qenka e re.
Kamarierja: Është bar, restorant, piceri…
Fiksi: Ore gjithë kjo vilë, pronari kush është i godinës?
Kamarierja: Pronari i godinës është Petrit Tare, drejtori i ujësjellësit, e ka si godinë. (Bashkëshorti i Entela Priftit, kryetares së Gjykatës së Apelit, Korçë)
Fiksi: Është bërë gjithçka me dorë, e shikoj unë.
Kamarierja: Punimet e kësaj kanë zgjatur katër vjet e gjysmë.

Objekti i dytë, është një pikë karburanti në pronësi të Irma Ballit, prokurore pranë Prokurorisë së Apelit Korçë.
Bisede me vëllain e prokurores Irma Balli
Fiksi: Keni pronarë të tjerë?
Vëllai i prokurores: Ka, ka pronarë të tjerë… Kam dy motrat…
Fiksi: Ju jeni pronar?
Vëllai i prokurores: Me motrat…
Fiksi: Me na u prezantu…
Vëllai i prokurores: Unë Petraq Robi e kam
Fiksi: Po motrat apo mbajnë mbiemrin tënd? Njëlloj e kanë?
Vëllai i prokurores: Jo, motra është e martuar, ajo e ka Balli, është në
Prokurorinë e Apelit… Është prokurore e Apelit…
Fiksi: Si e ka emrin motra?
Vëllai i prokurores: Irma….

Gazetari Artan Hoxha tek Zëri Amerikës: Emri i afishuar në përgjime është i Ilir Metës

Gazetari i News24 nxjerr dokumentat e organit të akuzës dhe bisedat e përgjuara gjatë hetimit të biznesmenit Kastriot Ismailaj, mes tyre dhe mesazhe e komunikime me kreun e LSI-së Ilir Meta

Armand Mero

Që prej vitit 2008 biznesmeni Katriot Ismailaj ishte nën hetim nga prokuroria nën dyshimin e pastrimit të parave. Në rrugë zyrtare telefoni i tij ishte vënë në përgjim. Sipas dokumentave të publikuar mbrëmë në studion e emisionit “Opinion”, në Tv Klan, nga gazetari I Neës24 Artan Hoxha, gjatë përgjimeve janë regjistruar dhe bisedat e tij me kryetarin e LSI-së Ilir Meta: “Ekziston në transkriptimin e bërë nga organi i akuzës, nga bisedat e përgjuara, dhe biseda që janë kryer mes biznesmenit në fjalë dhe një politikani, që në rastin konkret e në bazë të numrit të telefonit të afishuar aty, është kryetari aktual i parlamentit Ilir Meta”.

Sipas gazetarit Hoxha ka biseda të bëra pak ditë para zgjedhjeve të qershorit 2009: “Janë kërkuar shifra të tilla të mëdha parash në prag të zgjedhjeve dhe po ashtu është influencuar që kanidatë për deputetë në disa zona të vendit, të ndihmohen duke marrë tregti bankare, në banka të nivelit të dytë, për të përballuar fushatën zgjedhore të qershorit 2009. Në datën 22 qershor të atij viti ku kërkohet sipas mesazhit “Nesër në darkë duhet të takohemi patjetër. Më duhen 200 mijë patjetër. Mos harro”.

Zoti Meta nuk e ka fshehur se ka patur njohje me biznesmenin duke saktësuar, pikërisht pak ditë më parë, se nuk mund të ishte në dijeni të aktivitetit të tij, sikundër dhe të biznesmenëve të tjerë me të cilët ka njohje. Ndërsa në parlament, në rastin e debatit për cështjen e CEZ, ai tha se Ismailaj nuk i kishte kërkuar asnjë herë favore dhe se ai nuk i kishte bërë favore atij.

Normalisht përgjimi i njerëzve me imunitet është i ndaluar, pa një autorizim të vecantë, por duket se në këtë rast prokuroria ka vlerësuar se bisedat me zotin Meta kanë dalë nga regjistrimi i biznesmenit nën hetim.

Në fund të vitit 2010 cëshja ndaj Kastriot Ismailajt u mbyll. “Kur është pushuar hetimi, kishte ndryshuar situate. Zoti Meta nuk ishte më në opozitës, por ishte pjesë e rëndësishme e qeverisë Berisha-Meta, pas zgjedhjevetë 2009-ës, ishte zëvendëskryeministër. Ndërkohë biznesmeni i cili ishte nën hetim Ismailaj, kishte krijuar kompaninë DIA dhe kishte lidhur marrëveshjen me kompaninë CEZ, për të mbledhur borxhet”, nënvizon Hoxha.

Sipas prokurorit të cështjes Gentjan Osmani, i cili sot drejton njësinë Task Forcë Antikorrupsion pranë prokurorisë së krimeve të Rënda, pavarësisht se ekzistonin dyshimet për pastrim parash, nuk kish qenë e mundur gjetja e provave. Në 2015 hetimi do të rihapet për të kërkuar pikërisht provat e munguara, ndërkohë që biznesmeni Ismailaj kishte hedhur në gjyq shtetin shqiptar për cështjen CEZ-DIA duke kërkuar 135 milion euro.

Gazetari Hoxha thotë se dokumentat që ai disponon janë zyrtare: “Janë të gjitha dokumenta zyrtare, që publikohen pasi janë vendime të prokurorisë dhe nuk janë dokumente Top Sekret, publikimi i të cilave mund të përbënte problem”.

Lidhur më këtë cështje nuk patur asnjë prononcim. Zyra e shtypit e kryetarit të Parlamentit e pyetur nga Zëri i Amerikës, tha se nuk ka asnjë koment apo reagim.

Reforma në Drejtësi, mbyllet rishikimi projektit nga ekspertët

Ekspertët deklaruan se kanë marrë parasysh disa nga propozimet e përfaqësuesve të së djathtës, të cilët u larguan të dielën. Asnjë ndryshim për pikën kryesore të kundërshtimeve. Mbetet në fuqi skema me 3/5 e votave për emërimet nga parlamenti

Në Shqipëri grupi i ekspertëve të nivelit të lartë mbylli mbrëmë rishikimin e projektit të ndryshimeve kushtetuese mbi bazën e rekomandimeve të Komisionit të Venecias. Kostitucionalisti Sokol Sadushi, i shoqëruar nga përfaqësuesit e Euralius (misioni i Bashkimit europian i asistencës për Drejtësi) dhe Opdat (misioni amerikan) njoftoi se “Puna e grupit të ekspertëve është e përfunduar dhe ne e kemi draftin gati për t’ia dorëzuar Komisionit ad hoc”, u shpreh ai. Tani do të jetë ky Komision i cili do të duhet të miratojë për t’ja kaluar më pas Komisionit të Venecias për vlerësimin përfundimtar.

Përfaqësuesit e opozitës nuk morën pjesë dy ditët e fundit në takimet e ekspertëve. Ata u larguan duke akuzuar se nga ana e shumicës nuk u morën parasysh alternativat e propozuara prej tyre, kundër përzgjedhjes me tre të pestat e votave të anëtarëve të disa institucioneve të Drejtësisë nga ana e parlamentit. Opozita i referohet pikëpyetjeve të ngritura nga Komisioni i Venecias për këtë cështje, për të cilën dje u prononcua sërish dhe kryetari demokrat Lulzim Basha: “Në bazë të këtij rekomandimi të qartë, të zezë mbi të bardhë të Venecias, ekspertët tanë bënë propozimet përkatëse dhe me ndihmën e ekspertëve ndërkombëtarë u arrit një formulë kompromisi, e pas kësaj ekspertët e Edi Ramës u tërhoqën për t’u konsultuar qartësisht me Edi Ramën. Të nesërmen, me rikthimin e ekspertëve në tryezën e punës ishte e qartë se vullneti i Edi Ramës ishte kapja e drejtësisë dhe jo reforma në drejtësi. U zhbë formula e kompromisit të së shtunës dhe me kokëfortësi u insistua në shumicën prej 3/5 që është shumica që disponohet nga dyshja Rama –Meta”, deklaroi kryetari i opozitës.

“Një pjesë e vërejtjeve të tyre janë përfshirë në materialin tonë, ndërsa pjesa tjetër jo. Ne e konsiderojmë punën të plotë”, shpjegoi zoti Sadushi duke saktësuar se në variantin përfundimtar i cili do t’i shkojë Komisionit ad hoc ekziston vetëm një opsion. “Do jetë me 3 të pestat”. Ndërkohë, ekspertët kanë pranuar disa nga propozimet e paraqitura nga Ministria e Drejtësisë, të cilat janë paraqitur si variante alternative. Zoti Sadushi nuk shpjegoi se cilat ishin konsideruar të vlefshme. Dy ekspertët e përzgjedhur prej Ministrisë kishin dorëzuar të dielën në mbrëmje një paketë me ndërhyrje kushtetuese të cilat në thelb ishin tërësisht të ndryshme nga projekti mbi të cilin po punohej.

Gjatë ditës së djeshme tema e reformës në Drejtësi duket se ka qenë në qendër të një takimi që ambasadori amerikan Donald Lu pati me presidentin Bujar Nishani. Javën e shkuar presidenti kërkoi një tryezë të drejtuesve kryesorë politik të vendit, ndërsa dje, në një intervistë për të përditshmen “Panorama” ai kritikonte me nota të forta procesin e reformës. Sipas tij ai ishte “një proces i mbyllur, aspak profesional, i njëanshëm dhe pa asnjë objektiv të deklaruar qartë”. Presidenti është i mendimit se një vit e gjysëm punë e ekspertëve të huaj dhe vendas të angazhuar nga Komisioni ad hoc i parlamentit shqiptar ishte një kohë e cila “shkoi dëm. Komisioni i Venecias e rrëzoi të gjithë themelin e asaj që ishte shkruar dhe palët u ulën të nisin nga pika zero”, shprehet zoti Nishani, I cili shkon më tej kur hedh dyshime se shumica mund të kërkojë të korruptojë deputetë të opozitës për të garantuar votat e nevojshme për miratimin e reformës.

Mbi takimin mes presidentit Nishani dhe ambasadorit amerikan nuk ka patur asnjë njoftim zyrtar. Ndërkohë që pasditen e djeshme, diplomati amerikan është takuar dhe me kryeministrin Edi Rama. Ambasadori Lu ka qenë një mbështetës i fortë i procesit të reformës, ndërsa në mënyrë të përsëritur ka nënvizuar publikisht se projekti i ndryshimeve kushtetuese mbështetet nga Shtetet e Bashkuara dhe se ekspertët e saj dhe të Bashkimit europian janë pjesë e hartimit të këtyre ndryshimeve. Madje ai është shprehur se Shtetet e Bashkuara bashkëndajnë pronësinë mbi projektin e hartuar.

Vatikani pret emërimin e Ambasadorit – Presidenti nuk e firmos emrin e Visar Zhitit

Akoma Shqiperia nuk ka ambasador në Vatikan. Seksioni në shqip i Radio Vatikanit raporton se në fjalimin tradicional drejtuar ambasadorëve të akredituar pranë Selisë së Shenjtë në sallën Regia të Pallatit apostolik të Vatikanit, Papa Françesku nënvizoi me kënaqësi se, gjatë vitit të kaluar, numri i ambasadorëve rezidentë në Romë është rritur më tej.

Radio Vatikani organi zyrtar i selisë së shenjtë shpreh shqetësimin për mospërfaqësimin e Shqipërisë në nivel ambasadori në Vatikan. “Vendi i shqiponjave”, siç e quajti Papa Françesku, Shqipërinë, gjatë vizitës së tij historike në Tiranë, më 21 shtator 2014, ende nuk përfaqësohet pranë Selisë së Shenjtë me një ambasador. Radio Vatikani thote se ambasadori i fundit i Shqipërisë pranë Vatikanit është larguar prej muajsh dhe Visar Zhiti i emëruar nga kryeministri Rama si ambasador pranë Selisë së Shenjtë, vijon të mbetet i ngarkuar me punë.

Shqipëria ka vendosur marrëdhënie diplomatike me Selinë e Shenjtë më 7 shtator 1991, në rangun e Nunciaturës Apostolike për Vatikanin e të Ambasadës për Shqipërinë .

Ne vendin me fuqinë më të madhe në botë, ku falen presidentët më të mëdhenj të globit, Shqiperia e vogël nuk emëron si ambasador një njeri të madh si Visar Zhiti.

Shqetësimi im është nuk është personal, por publik Nga Entela KASI

“Atje në shtëpinë e prindërve të mi në fshat, në kodrën që të drejton kah mali i Moravës, gjendet një tunel, një tip vendstrehimi për kohë lufte, i ndërtuar në kohën kur Shqipëria ishte e izoluar dhe e rrethuar me vetveten sfidonte rrezikun e madh botëror. Sot, janë ende në modë bunkerët dhe kërpudhat. Them të kultivoj ca kërpudha aty brenda, pasi trustin e lulelakrës e ka përkufizuar qartë Brehti, tek Arturo Ui….

Sigurisht që nuk do të mungojë ajri i pastër i Moravës, ku herë pas here do të ngjitem për të lexuar Njeriun e natyrës, së Rusoit, për të kuptuar qytetarin shqiptar të shekullit të XXI….Nuk besoj që ky status të lexohet si ‘ arrati, agjitacion dhe propagandë apo sabotim’.

Pas publikimit të statusit tim të lartpërmendur nga mediat shqiptare online, gazetarja Sh. M, e gazetës Shqip, mu drejtua pikërisht me këtë pyetje që unë po e sjell më poshtë. Pas pyetjes të saj në atë mbrëmje i dhashë këtë përgjigje të shkurtër.”

Sh. M.- Prej disa orësh në mediat sociale qarkullon lajmi se jeni shkarkuar nga detyra. MAS pretendon zyrtarisht se motivacioni që e çoi DAR Tiranë në marrjen e këtij vendimi, është fakti që ju nuk jeni paraqitur në mësim as dy javë përpara se të publikonit letrën drejtuar kryeministrit Rama dhe as dy muaj pas publikimit të saj. Burime zyrtare në këtë institucion pretendojnë se iu është komunikuar vazhdimisht që duhet të ktheheni në shkollë, por që sipas tyre nuk kanë marrë asnjëherë përgjigje nga ju, shkaku që çoi në shkarkimin tuaj nga detyra, në shkollën “Qemal Stafa”.

Ku konsiston e vërteta? Pse ky vendim për largimin tuaj nga puna, pas një jete përvojë në arsim?

E. K : Pyetjes tuaj në lidhje me vendimin për largimin tim nga puna pas një përvoje në arsim duhet ti përgjigjen drejtuesit e Institucioneve të Arsimit në Shqipëri. Mbase ju si media duhet të bëni investigimin tuaj, në shërbim të së vërtetës.

Sot e shoh të arsyeshme ti përgjigjem pyetjeve të shumta që mund të kenë mediat për këtë çështje.

MAS sipas referencës që jep paska pretendimin se unë nuk jam paraqitur në punë dy javë para publikimit të letrës drejtuar kryeministrit dhe publikut. Letra është publikuar në datën 25.11.2015. Unë nuk jam paraqitur në punë në datën 23.11.2015, dhe po atë ditë kam njoftuar Institucionin të merrte masa për zëvendësimin e orëve të mia mësimore, për të mos pasur kosto mungesa ime tek nxënësit. Ndërkohë kisha një problem shëndetësor dhe isha me raport mjekësor, të cilin ju mund ta verifikoni në shërbimin e mjekut të familjes. Data 23 dhe 25 krijojnë një diferencë prej dy ditësh, jo dy javësh.

Në letrën time publike i kam kërkuar institucioneve ta lexojnë dhe po atje kam shkruar se nuk i kthehesha ushtrimit të detyrës deri sa prej atij institucioni të larosheshin drejtuesit të cilët nuk krijonin thjesht një shqetësim personal por një shqetësim publik.

Kam pritur që të ketë reagim zyrtar dhe publik, gjë që nuk ndodhi. Duke cituar titullaren në intervistën e saj në TV News 24, të dt. 26. 11. 2015 ajo pretendon se nuk ka dijeni për gjëra të cilat unë I kisha bërë publike, madje ajo thekson se është e ofenduar prej letrës sime, ndërkohë që isha një mësuese me vlerësim shumë mirë nga drejtoria e shkollës. Për më tepër më prisnin të kthehesha në punë ditën e hënë, ndërsa shkolla fillonte ditën e martë për shkak të pushimeve të festave të Nëntorit.
Në fund të intervistës ajo u shpreh për dosjet e diktaturës. Po ju sqaroj edhe një herë, unë nuk kthehesha në punë deri ditën që do të largoheshin individët që përmendja si shembull konkret në atë letër zyrtare, e përveç kësaj unë nuk mund të kthehesha në institucion integriteti i të cilit po vihej në dyshim pikërisht prej drejtuesve të tij.

Ajo thotë në media që nuk ka dijeni! Unë kam një pyetje publike për të, të njëjtën pyetje që i kam ndërtuar në mëngjesin e ditës së hënë, dt 2. 11.2015, së cilës ajo nuk pati kohë apo dëshirë të përgjigjej.

Në datën 1.11.2015, në orën 21:01, ditën e diel, në telefonin tim mbërriti pikërisht ky mesazh: ‘Nesër, të dielën, brenda orës 10 të sjellësh në shkollë të gjitha dokumentet që u kemi kërkuar të gjithë mësueseve ku ju jeni nga të vetmet që nuk jeni treguar korrekte, duke na penguar si drejtori për të kryer detyrat.’

Si e kisha penguar unë institucionin?

Cila ishte karta ime e performancës ne lidhje me korrektesën për të cilën akuzohesha po nga drejtoria?

Dhe cilat ishin këto dokumente që duhej ti dorëzoja në ditën e diel, e cila ishte ditë pushimi?

Përse një mesazh i tillë më dërgohej në emër të drejtorisë së gjimnazit në mbrëmje vonë?

Cili ishte qëndrimi zyrtar i drejtuesve për këtë çështje të cilën duhej të ma sqaronte me shkrim, dhe përse ajo asnjëherë nuk iu përgjigj zyrtarisht kërkesës që i bëra unë?

Po atë ditë, pas mbarimit të mësimit në turnin e paradites, unë isha duke fotokopjuar në Sekretarinë e shkollës disa dokumente pune që na ishin kërkuar ti plotësonim e dorëzonim brenda ditës. Bashkëdrejtuesi i institucionit, dërguesi i mesazhit që citova më lart, nuk e pati aspak problem të shkelte të gjitha rregullat e etikës, duke më ulëritur në fytyrë në mes të kolegëve që prisnin radhën për të përdorur fotokopjen, në mënyrën më banale të mundshme, ( ndërsa tymi i duhanit po i përzihej me alkoolin që kishte konsumuar).

Sa herë kishte njoftuar drejtoria, prindërit e gjimnazistëve që konsumonin duhan duke i kujtuar gjobat që duhet të paguanin sipas ligjit anti – duhan, dhe përse asnjëherë kjo drejtori nuk I kujtoi nëndrejtorit të Institucionit zyrtarisht se ai po shkelte të njëjtin ligj që e thyenin minorenët? Përse qytetarët shqiptarë nuk ishin të barabartë përballë ligjit?

Me çfarë morali ky staf drejtues, pasi thyente ligjet e shtetit, iu kujtonte zyrtarisht ligjet e shtetit komunitetit dhe gjimnazistëve të Shkollës ‘Qemal Stafa’?

Pse ky staf kishte fuqi të mbyllte derën e shkollës para orës 8:00 dhe linte për gjashtë orë të tëra jashtë shkollës gjimnazistët duke na kërkuar të vendosnim 6 mungesa ditore ndërsa nxënësit ishin lënë jashtë derës po prej nesh?

Bazuar në cilin ligj të Republikës së Shqipërisë ky anëtar i stafit drejtues ngrinte zërin dhe fyente brenda institucionit komunitetin të cilit duhej ti shërbehej? Për atë se çfarë bënte ky individ brenda zyrës së tij me nxënësit apo prindërit e tyre nuk mundem të flas unë. Kjo u takon atyre!

Nëse drejtoria nuk ka dijeni, le ti kthehet dokumenteve të punës, mbledhjeve me protokoll të mbajtura nga sekretaria, po ashtu edhe bllokut të shënimeve të individit në fjalë apo edhe dokumenteve të saj zyrtare dhe jozyrtare. Unë po i sjell në vëmendje vetëm një dokument zyrtar, raportin e drejtorisë së shkollës për këshillin pedagogjik i cili ishte analiza e punës një vjeçare të institucionit. Isha e listuar në vendin e parë për mungesa në punë, ndërsa kisha munguar rreth dy javë të plota në një vit për arsye serioze të shëndetit, dhe këto ky dokument nuk e specifikonte aspak.

Pas kësaj, në fund të mbledhjes, nëndrejtori , u ngrit dhe me zë të lartë tha: Në këtë shkollë ka mësues që e marrin rrogën kot! Ndërsa ai fyente mësues të caktuar, titullarja e pa shqetësuar për këtë akuzë publike të bashkëdrejtuesit jo vetëm që heshti, por as që mbajti qëndrim zyrtar, për ta përgënjeshtruar me kartën e performancës të mësuesve, të cilët ai nënkuptonte apo akuzonte.

Sot unë e kam përsëri të njëjtën pyetje: Cilët janë mësuesit që e marrin rrogën kot duke i shkaktuar një dëm kaq të madh Gjimnazit ‘Qemal Stafa’ , buxhetit të shtetit dhe taksapaguesve shqiptarë?

Këto pyetje kanë mbetur pa përgjigje. Dikush duhet ti përgjigjet zyrtarisht pyetjeve të mia. Dhe para se ti përgjigjet le të marrë kohën e duhur. Kështu do ti shërbehej jo vetëm së vërtetës, për çka unë citoj në letrën time publike, por do të krijohej mundësia që ngjarje të tilla të merrnin një herë e përgjithmonë fund në arsimin shqiptar të vitit 2016. Shqetësimi im është nuk është personal, por publik.

Vangjeli: Berisha rrëmbeu me furgon Fevziun dhe Bushatin më 1996

Analisti dhe këshilltari i Kuvendit, Lorenc Vangjeli ka komentuar gjithashtu debatin në distancë mes deputetit të PD-së, Sali Berisha dhe gazetarëve Blendi Fevziu dhe Andi Bushati.

Në një shkrim të tijin botuar në “Javaneës”, Vangjeli thotë se në vitin 1996, Berisha ka urdhëruar rrëmbimin e Andi Bushatit dhe Blendi Fevziut.

Në vitet ‘90-të, atëherë kur digjeshin gazeta, rriheshin gazetarë dhe burgoseshin të tjerë për fjalën e lirë, për shkak të lirisë së fjalës dhe për hir të lirisë përtej fjalëve, Berisha u pikturua si tiran i medias. Por në asnjë rast ai nuk mundi të fitojë ndaj njerëzve të saj.

As kur i digjte gazetën Nikollës, as kur burgoste Sandrin e Martinin, as kur rrihte një listë të gjatë me gazetarë dhe as kur furgoni i tij i policisë rrëmbente Fevziun me të tjerë në mes të ditës e në mes të Tiranës.

Vetë Fevziu dhe gazetarë të tjerë nuk kanë folur kurrë për këtë episod kriminal që ishte epilog i dhunës po kriminale që u bë kundër opozitës në 28 maj 1996 në sheshin Skënderbej.

Por nëse ai furgon do të kishte përfunduar aty për ku ishte nisur, disa portrete mediatikë të sotëm nuk do të ishin me gjasë të tillë. Ishte dhe Bushati në atë furgon, sa për një kujtesë të së djeshmes për të kuptuar më mirë ca histori të shkëputura të së sotmes”, shkruan Vangjeli.

Deputeti i PD-së: Si i largoi Veliaj 550 punonjës të Bashkisë brenda një jave

Deputeti i PD-së, Sali Berisha ka akuzuar kreun e Bashkisë së Tiranës se po shkarkon në mënyrë antiligjore punonjës të administratës së Bashkisë. Sipas tij, në një javë të vetme, janë shkarkuar 550 punonjës të Bashkisë. Ai tha se vetëm më 31 dhjetor të vitit që lamë pas u shkarkuan 350 punonjës.

“Te dashur miq, dje arriti ne 550 numri i punonjësve të UKT te perzene ditet e fundit ne menyre antiligjore nga puna.

Vetem me dt 31 dhjetor, moren urdherin e debimit nga puna 350 punonjes te UKT. Kjo ishte kartolina e zeze qe ata dhe familjet e tyre moren nga Erion Veliaj.

Motivacioni nuk eshte dhene me asnje shkrese bashkelidhur qe te vertetoje motivin e lirimit, dhe pjesa derrmuese e punonjesve kane qene me kontrate te perhershme, keshtu qe praktika e ndjekur eshte teresisht e jashtligjshme.

Gjithashtu, para dy muajve, ne shkelje flagrante te ligjit te sherbimit civil Erion Veliaj largoi nga stafi i bashkise 120 punonjes te gjithe me status te nepunesit civil.

Ai ndermorri kete veprim nderkohe qe rriti me qindra vete numerin e punonjesve te Bashkise se Tiranes. Rekrutimet e reja po behen kundrejt ryshfetit prej 6 mije euro per person”, shkruan Berisha në profilin e tij në “Facebook”.

Forumi i Trashëgimisë jep alarmin: po degradon kisha arbërore e Rodonit

TIRANE – Forumi për Mbrojtjen e Trashëgimisë Kulturore ka dhënë alarmin për kishën e Shna Ndojit në Kepin e Rodonit, duke cituar Frederik Stamatin. Sipas Forumit, kisha në fjalë ku ruhen gjurmët e fundit të shqipes arbërore, gjurmë e drejtpërdrejtë e Skënderbeut, është dëmtuar tej mase, nga lagështira e jo vetëm.

Më poshtë postimi i Forumit: “Alarm që vjen nga Frederik Stamati, kimist restaurator, vëzhgues i hollë i problemeve e patologjive të artefakteve artistike. Një nga kishat më të rëndësishme të Shqipërisë për vjetërsinë dhe historinë e saj, kisha e Shna Ndojit në Kepin e Rodonit po degradon përditë. Do të ishte një nga humbjet më fatale rënia e suvasë ose degradimi i mëtejshëm i saj, pasi aty ndodhet gjurma e vetme e shqipes arbërore të kuqe në sfond të verdhë e gjetur brenda kufijve të Shqipërisë së sotme.

Lagështira po e bren përditë, me shpejtësi që është rritur pa masë vitet e fundit. Zotërinjtë që kujdesen për monumentet fatkeqësisht nuk e kuptojnë rëndësinë e këtij monumenti, kështu që duhet ngritur një organizëm qytetar për marrjen nën mbrojtje të monumentit-dëshmitar. Puna nuk pret, pasi kjo gjurmë e drejtpërdrejtë e Gjergj Kastriotit duhet shpëtuar”.

Bujar Nishani: Ismail Kadare më injoroi për dekoratën

Shkrimtari i njohur Ismail Kadare nuk i është përgjigjur ftesës së presidentit Bujar Nishani për të marrë dekoratën e “Urdhërit të Flamurit” me rastin e 80 vjetorit të lindjes së tij – raporton Facebook Spy, suplementi i fundjavës në DITA.

Nishani e zbuloi në një darkë me gazetarët se i është drejtuar me një letër Kadaresë, por nuk ka marrë një përgjigje nga shkrimtari.

“Eshtë një fakt që nuk e kam bërë publik në media. Por e vërteta është se i kam dërguar me shkrim një letër shkrimtarit, ku sugjeroja prezencën e tij në Tiranë për të marrë medaljen më të lartë që kemi “Urdhrin e Flamurit”, pikërisht në vitin e 80 të lindjes së tij. Por nuk kam pasur një përgjigje pozitive, duke e lënë këtë aktivitet të zhvillohet në një kohë të dytë”– u ka thënë Nishani gazetarëve. / Dita /

Në Tiranë merret peng një person, po ecte me fëmijën në rrugë

Një person është marrë peng pranë shkollës ‘Bajram Curri’, kur po ecte në rrugë së bashku me fëmijën e tij. Pengu është identifikuar si Ylber Kerri. Sipas informacioneve të para, Kerri është konfliktuar fillimisht me disa persona, të cilët po udhëtonin me një automjet tip ‘Benz’.

Policia u lajmëruar për pengmarrjen pas një telefonate të mbërritur në sallën operative dhe me të mbërritur në vendin e ngjarjes, uniformat blu morën në komisariat fëmijën e personit që u rrëmbye.

Sipas deklarimeve të fëmijës në polici, babai i tij u mor me forcë nga tre persona të panjohur pas debateve, të cilët e futën në makinë dhe u larguan në drejtim të paditur. Policia ka ngritur disa postblloqe për kapjen e pengmarrësve.

Përmbytjet në Tiranë, fotoja që zgjodhi “The Guardian”

Kjo foto e realizuar në Tiranë nga Hektor Pustina, ka tërhequr vëmendjen e medies prestigjioze “The Guardian”.

“Pulat po mbajnë këmbët e tyre të thata duke qëndruar mbi një grumbull bari, pasi koteci i tyre është përmbytur pas ditëve të reshjeve të dendura”, shkruhet përbri fotos.

Lu dhe Vlahutin rikthejnë në tryezë PD

Dita e djeshme ishte mjaft intensive në përpjekjet ndërkombëtare për zhbllokimin e ngërçit në Reformën në Drejtësi. Paraditen e djeshme, krerët e mazhorancës zhvilluan takimin javor të tyre në vilën qeveritare me fokus Reformën në Drejtësi. Kryetari i Kuvendit, Ilir Meta, Kryeministri Rama, kreu i Komisionit të Posaçëm të Reformës në Drejtësi, Fatmir Xhafa, ministri i Drejtësisë, Ylli Manjani dhe krerët e grupeve parlamentare diskutuan rreth qëndrimit të mazhorancës ndaj opinionit të Komisionit të Venecias dhe kthimit të tij në projekt-amendamente kushtetuese.

Takimi erdhi pas një bisede të gjatë treorëshe të enjten pasdite të kryeparlamentarit Meta me ambasadorin amerikan Donald Lu. Pas takimit, kreu i Kuvendit i kërkoi opozitës kthimin në punën për draftin e reformës dhe u tregua i gatshëm për çdo tryezë politike. Ndërkaq, Kryeministri Rama shmangu çdo koment, por u drejtua për në Presidencë, ku zhvilloi një takim me kreun e shtetit, Bujar Nishani.

Nuk pati asnjë informacion zyrtar pas këtij takimi që zgjati rreth 120 minuta. Por Presidenti Nishani, në takimin me përfaqësuesit e mediave, të enjten në mbrëmje, u tregua i gatshëm të ulë në një tryezë liderët politikë për Reformën në Drejtësi. “I ftoj të gjitha ata (liderët politikë) të ulen në një tryezë koordinimi për t’u lënë më pas hapësirën ekspertëve që të jetësojnë vullnetin e tyre politik. Shpreh me këtë rast gatishmërinë e institucionit të Presidentit për të dhënë ndihmesën e nevojshme koordinativ mes palëve në këtë problematikë”, tha Nishani.

Ambasadori amerikan, Donald Lu dhe ambasadorja e BE-së në Tiranë, Vlahutin, dje në mesditë u takuan në kryesinë e Kuvendit me kryetarin e Komisionit të Posaçëm të Reformës në Drejtësi, Fatmir Xhafaj dhe ekspertët e maxhorancës dhe opozitës për këtë reformë. Produkt i këtij takimi ishte tërheqja nga ana e maxhorancës së draftit të përgatitur nga ekspertët e saj bazuar në opinionin e ‘Venecias’. Opozita e mirëpriti këtë veprim dhe pranoi të kthehet menjëherë në punën për draftin e projekt amendamenteve kushtetuese.

Eksperti i Partisë Demokratike, Enkelejd Alibeaj, tha pas takimit se “u ra dakord së pari për tërheqjen e draftit të pakonsultuar që qarkulloi ditët e fundit”. Së dyti, vijoi Alibeaj, u ra dakord që dokumenti i vetëm që do të diskutohet për të arritur draftimin e Reformës kushtetuese në Drejtësi, do të jetë ai i opinioneve të Komisionit të Venecias. “U ra dakord që në kushte barazie, ekspertët e opozitës dhe të qeverisë të vijojnë punën e tyre të përbashkëta për të draftuar rekomandimet e Komisionit të Venecias, rekomandime të cilat mund të jenë të tilla që mund të ofrojnë disa variante që mund të jenë të përbashkëta me ekspertët e qeverisë dhe opozitës”, tha Alibeaj.

BIRN: Korrupsioni, më shumë “peshq të vegjël” të dënuar Nga Lindita Çela, Gjergj Erebara

Në shtator 2015, pas një konference mbi luftën kundër korrupsionit që u zhvillua në Rumani, Prokurori i Përgjithshëm i Shqipërisë Adriatik Llalla, deklaroi se institucioni i tij kishte “nën hetim një numër të konsiderueshëm zyrtarësh, kryesisht të nivelit të lartë, që dyshohet se janë të përfshirë në veprat penale të korrupsionit dhe shpërdorimit të detyrës”.

Deklarata e tij erdhi pas vizitës në Rumani, një vend që është bërë shembull pozitiv i luftës kundër korrupsionit, ku një agjenci e specializuar ka arritur të dënojë për korrupsion vetëm gjatë vitit 2014, 24 kryebashkiakë, pesë deputetë, dy ish-ministra, një ish-kryeministër dhe rreth 1 mijë zyrtarë të tjerë.

Kuvendi i Shqipërisë miratoi një ndryshim ligjor në verën e vitit 2015, ku i vendosi hetimet për veprat penale të korrupsionit të zyrtarëve të lartë nën juridiksionin e Prokurorisë së Krimeve të Rënda, me supozimin se një hetim më i specializuar do të sillte më shumë rezultat. Kryeprokurori Lalla deklaroi në atë rast se për këtë arsye, ai po shtonte kapacitetet njerëzore, “pasi numri i hetimeve për korrupsionin në nivele të larta po pëson një rritje të ndjeshme”.

Të martën Prokuroria e Përgjithshme deklaroi se Lalla po e ristrukturonte njësinë Antikorrupsion në Prokurorinë e Krimeve të Rënda “për faktin se ngarkesa e kësaj njësie nuk ka qenë e lartë, pasi nuk ka pasur referime për korrupsionin në radhët e zyrtarëve të nivelit të lartë gjatë muajve të fundit nga institucionet e ngarkuara me ligj”.

Shkurt, as ndryshimi ligjor për vendosjen e hetimit të korrupsionit të zyrtarëve të lartë në Prokurorinë e Krimeve të Rënda dhe as njësia e specializuar Task Forcë, nuk sollën të dënuar.

Dënime të vogla

Qeveria shqiptare ka shprehur deri tani në mënyrë të përsëritur vullnetin e saj për të luftuar korrupsionin, duke krijuar portale dhe duke ftuar qytetarët ta denoncojnë korrupsionin. Psh. qeveria thotë se në një portal të hapur prej saj, stopkorrupsionit.al, ka marrë mbi 10 mijë denoncime nga qytetarët, denoncime që kanë prodhuar deri tani 92 masa disiplinore dhe 71 kallëzime penale.

Ministria e Brendshme ka hapur disa portale për të mbledhur denoncime, si Komisariati Dixhital, Denonco Korrupsionin etj.

Por të dhënat e siguruara nga BIRN përmes kërkesave për të drejtë informimi te Ministria e Drejtësisë, paraqesin një situatë më të zakonshme. Në Shqipëri, disa qindra njerëz në vit gjykohen për korrupsion, shumica dërrmuese e të cilëve janë, ose qytetarë që tentojnë të korruptojnë dikë, ose zyrtarë të vegjël dhe që, në tërësi, dënohen me më pak se 2 vjet burg.

Sipas të dhënave të raportuara nga Ministria e Drejtësisë, në vitin 2014 nëpër gjykatat e shkallës së parë, pati 242 të gjykuar për korrupsion dhe gjykatat kanë gjetur fajtorë 195 persona. Në periudhën nëntëmujore janar-shtator 2015, pati 287 të gjykuar dhe 190 të dënuar. Në krahasim me vitet e shkuara, ka një rritje të numrit të çështjeve dhe të dënimeve, por djalli duket se qëndron te detajet.

Ministria e Drejtësisë i kushton një kapitull të veçantë gjyqeve për “korrupsion” në raportet e saj vjetore. Si total, çështjet për korrupsion janë rritur, veçanërisht në vitin 2015. Por në këtë kategori, përfshihen vepra të ndryshme penale, përfshirë çështjet për korrupsion aktiv, d.m.th. rastet kur qytetarët tentojnë të korruptojnë zyrtarët dhe “ushtrimi i ndikimit të paligjshëm”, sërish kur qytetarët ndikojnë zyrtarët.

Korrupsioni pasiv

E ndarë sipas veprave penale, rezultati nuk është shumë inkurajues. Disa vepra penale, veçanërisht ajo që dënon dhënien e ryshfetit nga qytetarët te zyrtarët, duket se janë më lehtë të dënueshme. Ndryshe nga vepra penale që dënon pranimin e ryshfetit nga zyrtarët.

Gjatë këtij viti, në gjykatat e shkallës së parë, për veprën penale të korrupsionit pasiv të personave që ushtrojnë funksione publike, (neni 259 i Kodit Penal), u dënuan 16 persona ndërsa në vitin 2014, qenë dënuar 17 persona. Situata nuk duket shumë e përmirësuar në krahasim me vitin 2013, kur qenë dënuar 19 persona apo me vitin 2012, kur për korrupsion pasiv qenë dënuar 15 persona. Ndryshe ka ndodhur me veprat penale të nenit 244, i cili dënon dhënien e ryshfeti nga qytetarët për te zyrtarët. Për këtë vepër penale, numri i dënimeve të dhëna nga gjykatat e faktit është katërfishuar, nga 10 të dënuar për të gjithë vitin 2014, në 41 të dënuar në vitin 2015.

Vepra tjetër penale që i përket qytetarëve është Ushtrimi i Ndikimit të Paligjshëm ndaj zyrtarëve, përcaktuar në nenin 245/1 të Kodit Penal. Për periudhën janar-shtator 2015, për këtë vepër penale janë dënuar 15 shtetas, nga 34 që qenë dënuar në vitin 2014 dhe 32 në vitin 2013.

Shpërdorimi i detyrës

Shumica dërrmuese e zyrtarëve që kanë kaluar nga sistemi i burgjeve janë dënuar për veprën penale të shpërdorimit të detyrës (neni 248). Në periudhën janar-shtator 2015 u dënuan për këtë vepër 115 zyrtarë, nga 124 që qenë dënuar në vitin 2014 dhe 84 në vitin 2013. Por gjykatat e Apelit duket se u treguan më të buta, pasi në vitin 2014, dënuan 53 nga 107 të akuzuar të sjellë për gjykim, duke shpallur të pafajshëm të tjerët. Edhe për këtë vepër penale nuk ka të dhëna për rezultatet e rekurseve në Gjykatë të Lartë.

Dënime të shkurtra

Sistemi i statistikave të drejtësisë që mblidhen nga Ministria e Drejtësisë nuk përcakton masën mesatare të dënimit të dhënë nga gjykatat por i ndan dënimet në kategori sipas kohëzgjatjes. Kategoritë janë: a) dënime me gjobë; b) dënime me deri 2 vjet burg; c) dënime me 2 deri në 5 vjet burg e me rradhë. Statistikat e Ministrisë për periudhën nëntëmujore janar-shtator – 2015, tregojnë se masa kryesore e dënimit ka qenë ajo me më pak se 2 vjet burg, me vetëm 3 raste të shpërdorimit të detyrës që janë dënuar me 2 deri në 5 vjet burg dhe me 2 raste të korrupsionit pasiv të dënuar gjithashtu me 2 deri në 5 vjet burg. Statistikat nuk lejojnë gjithashtu që të mund të shikohet se si ndryshon masa e dënimit nga gjykatat e shkallës së parë te gjykatat e apelit, ndërkohë që perceptimi i përgjithshëm është që apeli zakonisht jep dënime më të lehta se sa gjykatat e faktit. Dënimi me deri në 2 vjet burg është gjithashtu i çuditshëm, për shkak se neni 259 i Kodit Penal, i cili dënon korrupsionin pasiv të zyrtarëve, sanksionon masë dënimi nga 2 deri në 8 vjet burg. Dënimet e lehta për veprat penale të korrupsionit ranë në sy edhe të zyrtarëve të Brukselit, të cilët, në raportin e fundit të progresit vërejtën se “sanksionet e imponuara në rastet e korrupsionit kanë tendencën të jenë haptazi të lehta”.

Zyrtarët e lartë në pikëpyetje

Shqipëria ka një vepër penale të posaçme që synon të dënojë krahasimisht më ashpër ata që marrin ryshfet dhe që janë zyrtarë të lartë të emëruar apo të zgjedhur. Diferenca është e madhe pasi kodi penal dënon zyrtarët e zakonshëm nga 2 deri në 8 vjet burg ndërsa zyrtarët e lartë, duhet të dënohen, sipas nenit 260 me 4 deri në 12 vjet burg. Por ndërsa me termin “zyrtarë të zgjedhur” është e kuptueshme se për kë bëhet fjalë, për zyrtarët e lartë, çështja mbetet e hapur për diskutim. Kjo është aq e diskutueshme sa në Raportin e Progresit të vitit 2014, Komisioni Europian thotë se Shqipërisë i duhen “përpjekje të mëtejshme për të qartësuar përkufizimin e ‘zyrtarit të lartë të shtetit’ dhe të ‘korrupsionit në shkallë të gjerë’.

Pavarësisht këtyre defekteve, për nenin 260, i cili duhet të dënojë zyrtarët e lartë, zyrtarisht ka pasur zero të dënuar më 2014 dhe zero të dënuar më 2015.

Si për ironi, gjatë kohëve të fundit, ka pasur më shumë gjykatës e prokurorë të dënuar për korrupsion se sa ka pasur zyrtarë të lartë. Ish-kryetari i Gjykatës së Pukës, Shtjefën Lleshi, u dënua me 3 vjet burgim. Ai qe arrestuar pasi emisioni investigativ Fiks Fare arriti të regjistrojë momentin e shkëmbimit të parave. Prokurori Pëllumb Prençi, i akuzuar për të njëjtën vepër penale, u dënua gjithashtu me tre vjet burg. Të njëjtin fat pati edhe gjyqtarja Parashqevi Ademi u dënua me katër vjet burg pas një hetimi të simuluar, ku personit të cilit iu kërkua ryshfeti, i dorëzoi një avokati sekser një shumë parash tëmarkuara dhe të regjistruara nga policia. Ish-gjyqtari i Pogradecit DhimitërPojanaku u dënua me 3 vjet e 6 muaj burg për një ryshfet të vogël. Ndërkohë, gjykatësi tjetër, Gjin Gjoni i Gjykatës së Apelit Tiranë, shpëtoi kur Prokuroria e Elbasanit vendosi të pushojë hetimet në prill të këtij viti. Edhe një gjykatës dhe dy prokurorë të tjerë janë aktualisht nën hetim.

I vetmi dënim i ashpër për korrupsion duket se është ai i ish-drejtoreshës arsimore të Lushnjës Luiza Tabaku, e cila u dënua me 9 vjet burg për krijimin e një rrjeti të marrjes së ryshfetit për punësimet nëpër shkolla. Ajo kërkonte 5 mijë euro në këmbim të një vendi pune./reporter.al

Propaganda (vetizoluese) e bar-ngrënies? – Nga REZART PALLUQI

Javën e kaluar mediat shqiptare në Kosovë, shfaqën një djalë i cili kishte refuzuar lejen e qëndrimit të Merkel, ndërsa sot gazeta e mirënjohur Balkan, na shfaq një qytetar nga Korça, i cili refuzon të emigrojë në Amerikë, ngaqë atje, sipas tij, që të gjashtë kushërinjtë e tij janë çmendur prej ilaçeve që pinë. A mos po ringjallet motoja: bar do të hamë dhe dorën armikut nuk do tia shtrijmë?

Qytetarët e lartpërmendur u sollën në hapësirat mediatike me bujë të madhe. Qytetari korçar u shfaq i filmuar. Aty ai bën debat me një djalë të ri, dhe atë e akuzon se ai është dembel dhe se di vetëm të pijë drogë. Ky është një diskretitim i rrezikshëm i rinisë shqiptare, sepse ajo identifikohet me një grup të vogël të rinjsh që për arsyet e tyre emocionale dhe psiko-sociale rrëshqitën në humerën e drogëpirjes.

Unë nuk jam pro emigrimit kronik të shqiptarëve. Madje jam përpjekur që nëpërmjet romanit tim të dytë, “Dallëndyshet pa fole” që atë ta frenoj duke ua bëre të mundshme jetesën dy personazhëve të mi, ish emigrantë, të cilët në sajë të kursimeve në emigracion dhe ekpseriencës së tyre profesionale, ditën edhe pse me përpjekje titanike të hedhin rrënjët e tyre në atdhe.

Por në rastin tonë, rinia nuk ka eksperiencë profesionale evropiane, as kursime të bollshme, si dy personazhet e mi në roman. Rinia pra nuk përkrahet pa kushte, por me kushte, duke e uzurpuar atë në djepet partiakë. Atëherë, rinisë nuk i mbetet gjë tjetër veçse të pranojë të mercenarizohet politikisht ose tia mbathë jasht Shqipërisë. Por videoja histerike e qytetarit korçar, që po bën bujë të madhe në rrjetet internetike, e tremb rininë tonë. Po të emigrosh jasht Shqipërisë, çmendesh, bëhesh për ilaçe. Atëherë, ajo do të zgjedhë të rrijë në Shqipëri, dhe hajë barin e Partisë dhe dorën të mos ia shtrijë armiqve neurozë. A po shkojmë drejt një vetizolimi enverist?

Bullgaria, arriti të anëtarësohet në BE, JO vetëm në saj të reformave politike dhe juridike, por edhe në sajë të përkrahjes financiare që ajo u ofroi emigrantëve bullgarë. Në gazetat e mëdha bullgare , në vitet 1998-1999, ajo iu bë thirrje për disa muaj emigrantëve bullgarë, që të kthehen në atdhe, të investojnë atje, sepse qeveria do t’i përkrahë duke mos paguar tatime gjatë 3 viteve të para, shitur tokë kundrejt çmimeve të ulëta e shumë lehtësira të tjera.

Po qeveria shqiptare përse nuk e ka bërë dhe nuk e bën këtë ndaj emigrantëve shqiptarë? Përse po e mbyt biznesin e vogël me tatime dhe ushtri spiunësh?

Kjo propagandë e pështirë mediatike, përkon për fat të keq me këmbënguljen e madhe që po bën ambasadori amerikan për zbatimin e reformës së drejtësisë shqiptare.

Ndaj lind pyetja: a po përpiqet qeveria aktuale dhe simotra e saj, opozita ta sulmojë ambasadorin amerikan? Nga njëra anë, politikanët shqiptarë, e tallin sy në sy ambasadorin amerikan, duke e zvarritur pafundësisht reformën e drejtësisë, nga ana tjetër, ata e shpallin Amerikën në sytë e shqiptarëve një vend psikopatik, ku njerëzit çmenden nga ilaçet që u duhen të pijnë?

Atëherë, përderisa Amerika paska ca doktorrë diabolikë që qytetarët dhe emigrantët e saj i detyrojnë të pinë ilaçe, shqiptarëve nuk u mbetet gjë tjetër, veçse të rrinë aty ku janë, në atdhe, të hanë bar e dorën armikut të mos ua shtrijnë.

Rrjedhimisht, edhe ambasadori amerikan na qënkërka një figurë politike që përfaqëson Amerikën, spitalin gjigant, të mbushur me njerëz çmendurakë!!!

Rezart Palluqi

08-01-2016

Banka Botërore: Jemi pesimistë për rritjen ekonomike të Shqipërisë

Banka Botërore ka rishikuar vlerësimin për rritjen e ekonomisë shqiptare, duke ulur pritshmëritë si për vitin 2015, ashtu edhe në terma afatmesëm. Ndërsa në qershor të vitit të shkuar Banka Botërore priste një rritje 3% të ekonomisë shqiptare, në raportin e fundit norma e rritjes është ulur me pesimizën në kuotën e 2.7%.

Të dhënat janë publikuar në raportin e fundit mbi ecurinë e ekonomisë globale, ku Banka Botërore ka ulur parashikimet e rritjes ekonomike edhe për vitet 2017 dhe 2018. Sipas raportit, vlerësimi për rritjen ekonomike të Shqipërisë për vitin 2016, është ulur në 3.4 për qind nga 3.5 që ishte parashikuar disa muaj më parë. Por më shumë se korrigjimi i lehtë me ulje për vitin 2016, bie në sy pesimizmi i Bankës Botërore edhe për dy vitet në vijim, ku sipas raportit, rritja ekonomike nuk do kalojë mbi normën 3.5%.

Parashikimet e Qeverisë
Për vitin 2015, Qeveria parashikoi fillimisht një rritje ekonomike prej 3,5%. Ndërkohë që sipas të dhënave zyrtare të Institutit të Statistikave, në tremujorin e parë të 2015 rritja arriti në 2.8 për qind. Gjatë tremujorit të dytë të vitit 2015, aktiviteti ekonomik vendas shënoi gjithashtu një ritëm rritje më të lartë se sa viti 2014 prej 2.5%, ndonëse me një ngadalësim të lehtë ndaj ritmeve të tremujorit të parë. Për të gjithë gjysmën e parë të vitit, ekonomia u zgjerua me rreth 2.6% në terma vjetorë. Ndërkohë që pas mosrealizimit të vazhdueshëm të të ardhurave përgjatë gjithë vitit, të shkuar, edhe Qeveria i uli në 2.7% pritshmërinë për rritjen ekonomike të vitit që sapo lamë pas.

Termat afatmesme
Me të njëjtin optimizëm ka parashikuar edhe rritjen ekonomike në terma afatmesme. Në relacionin e Buxhetit të vitit 2016, Këshilli i Ministrave thekson se rritja reale ekonomike parashikohet që të përshpejtohet gradualisht nga 2.1 për qind që ishte në vitin
2014 në rreth 4.2 për qind në vitin 2018. Rritja ekonomike, sipas Qeverisë, pritet të mbështetet nga një nivel më i lartë i kërkesës së brendshme, ndërkohë që kërkesa e jashtme neto pritet të ketë një efekt ngadalësues duke faktorizuar edhe efektin e pritshëm të rritjes së importeve si rrjedhojë e projekteve të mëdha energjetike që
priten të realizohen gjatë viteve në vijim. Niveli i inflacionit që parashikohet për këtë periudhë është 2.3 për qind për 2016, 2.7 për qind për vitin 2017 dhe 3 për qind vitin 2018.

INSTAT: Zyrtare, në vitin 2012, rritja ekonomike 2.02%
Sipas të dhënave zyrtare të Institutit të Statistikave ekonomia shqiptare për vitin 2014 u rrit me 2.02%. Këto të dhëna tregojnë një rritje disi më të lartë krahasuar me vlerësimin prej rreth 1.89%, që mbështetej në statistikat tremujore për vlerën e shtuar bruto. Edhe shifra prej 2.02% është një vlerësim paraprak, ndërsa të dhënat finale për rritjen ekonomike të vitit 2014 do të publikohen vitin e ardhshëm. Sidoqoftë, këto të dhëna tregojnë se rritja ekonomike e vitit 2014 është afro dy herë më e lartë në raport me rritjen prej 1.11% të vitit 2013. Njëkohësisht, viti 2014 solli përmirësim të rritjes ekonomike, pas dy vitesh radhazi kur vlerat e rritjes kishin qenë në rënie. Sektori me kontributin kryesor ka qenë ai i aktiviteteve profesionale dhe mbështetëse, i ndjekur nga tregtia dhe nga shërbimet publike.

Ulja e normave të interest, sjell ‘çkyçjen’ e depozitave
Ulja e normave të interesit ka bërë që individët dhe bizneset të ulin depozitat me afat, duke i transferuar ato formën e llogarive rrjedhëse apo depozitave pa afat. Të dhënat zyrtare tregojnë se depozitat me afat paraqiten në rënie, si në lekë, ashtu edhe në euro. Sipas statistikave të Bankës së Shqipërisë, depozitat me afat në lekë në Nëntor 2015 kishin vlerën e 366.6 miliardë lekëve, në rënie me afro 6% ndaj të njëjtës periudhë të një viti më parë. E njëjta gjë ka ndodhur edhe me depozitat në euro. Në fund të Nëntorit, ato kishin vlerën e dy miliard eurove, në rënie me 4.4% kundrejt të njëjtës periudhë të vitit 2014.

Gjatë 24 orëve të fundit në Shqipëri janë arrestuar 50 persona

Sipas të dhënave zyrtare të Policisë, arrestimet janë kryer në Tiranë, Lezhë, Gjirokastër, Elbasan, Korçë, Fier, Vlorë, Berat, Durrës, Shkodër, Kukës, Dibër dhe Rinas

TIRANË – Strukturat e Policisë së Shtetit Shqiptar gjatë orëve të fundit kanë realizuar kontrolle dhe operacione për arrestimin e personave ne kërkim, dhe ndjekjen situatës për shmangien e konflikteve dhe dhunës në familje.

Sipas të dhënave zyrtare të Policisë arrestimet janë kryer në Tiranë, Lezhë, Gjirokastër, Elbasan, Korçë, Fier, Vlorë, Berat, Durrës, Shkodër, Kukës, Dibër dhe Rinas.

“Gjate 24 orëve të fundit në të gjithë vendin janë arrestuar dhe ndaluar 50 persona për vepra të ndryshme penale dhe konkretisht: 15 persona në kërkim; 11 për shkelje të rregullave të qarkullimit rrugor; 3 për dhunë në familje; 6 për trafikim të lëndëve narkotike, 3 persona nga Sektori kundër Krimit Ekonomik e Financiar; 2 për kundërshtim të forcave të policisë; 7 persona në flagrancë duke vjedhur; 3 për armëmbajtje pa leje. Si dhe janë plotësuar 10 kërkesa padi për urdhër mbrojtjeje”- thuhet në njoftimin zyrtar të Drejtorisë së Përgjithshme të Policisë së Shtetit Shqiptar.

Ndërsa Policia Rrugore ka vendosur 1.976 masa administrative për shkelje të ndryshme të Kodit Rrugor dhe janë pezulluar 19 leje drejtimi, e bllokuar 17 automjete pa dokumentacion përkatës.

Gjithashtu policia bën të ditur se ka shoqëruar për verifikime të ndryshme 82 persona në të gjithë vendin.

Policia e Shtetit Shqiptar informon se do të vijojë punën me shërbime të përforcuara duke ngritur pika kontrolli në akset rrugore, kontrolle të lokaleve të natës dhe atyre të frekuentuara nga persona me precedentë penal, për të parandaluar paligjshmërinë në vend dhe për të krijuar një ambient me të sigurtë. aa

Shqipëri: Rëndohet situata e përmbytjeve – evakuime të popullsisë

Reshjet e shiut kanë shkaktuar edhe rrëshqitje të tokës në disa akse rrugore, duke sjellë vështirësi në qarkullim e automjeteve, sidomos në aksin rrugor Tiranë – Elbasan

TIRANË – Pas reshjeve të shiut me intensitet të lartë gjatë orëve të fundit, Ministria e Brendshme e Shqipërisë informon se ka një përmirësim të situatës. Por për shkak të situatës së krijuar nga moti i keq ka pasur evakuime të popullsisë.

Reshjet e shiut kanë shkaktuar edhe rrëshqitje të tokës në disa akse rrugore, duke sjellë vështirësi në qarkullim e automjeteve, sidomos në aksin rrugor Tiranë – Elbasan.

Sipas të dhënave zyrtare të Ministrisë së Brendshme të Shqipërisë, në zonën e Mallakastrës në qarkun e Fierit ka reshje të dendura shiu, ndërsa lumi Seman ka filluar të dalë nga shtrati, por pa sjell sjellë dëmtime.

Ndërsa si pasojë e rritjes së nivelit të prurjeve në lumin Shkumbin ka përmbytje në disa fshatra në Bashkinë e Divjakës. Shtabi i Emergjencave në bashkëpunim me forcat e Policisë së Lushnjës kanë evakuuar rreth 30 familje dhe kanë lajmëruar banorët të largohen nga banesat më të rrezikuara.

Në Bashkinë Rrogozhinë ka përmbytje si pasojë e daljes së lumit Shkumbin nga shtrati dhe aktualisht janë marrë masat për evakuimin e banorëve, në zonat më të prekura. Në Bashkinë Shijak janë evakuuar rreth 50 familje, ndërsa në njësinë administrative Sukth janë evakuuar rreth 30 familje dhe vazhdon evakuimi i familjeve të tjera.

Ministria e Mbrojtjes ka angazhuar rreth 180 forca, mbi 20 mjete të ndryshme dhe një helikopter për përballimin e situatës

Ministria e Brendshme, Ministria e Mbrojtjes, Shtabi i Përgjithshëm dhe Forcat e Armatosura, në bashkëpunim me Emergjencat Civile dhe me pushtetin lokal, po ndjekin situatën e krijuar si rezultat i reshjeve të rëna gjatë orëve të fundit në Shqipëri.

U mor peng në Durrës – gjendet i vrarë, i lidhur këmbë e duar 40-vjeçari Gazmend Çollaku

KRUJË – Është gjendur i vrarë, në anë të rrugës pranë fshatit Murqin në Krujë, 40-vjeçari Gazmend Çollaku, i cili u mor peng mbrëmjen e kaluar në qytetin e Durrësit. Nga këqyrja paraprake e trupit rezulton se viktima është vrarë me armë zjarri pasi ka plagë pas koke. Trupi ishte jashtë një automjeti, i lidhur këmbë e duar dhe është gjetur nga banorë të zonës, të cilët kanë lajmëruar më pas policinë.

Ndërkaq burime pranë grupit hetimor zbulojnë detaje të tjera nga pengmarrja që përfundoi me vrasjen makabre të 40-vjeçarit Gazmend Çollaku. Mësohet se pas rrëmbimit në Durrës nga 4 persona me një “Audi” me targa gjermane, policia ndoqi mjetin deri në Marikaj dhe më pas humbi gjurmët.

Ndërkaq trupi i pajetë i 40-vjeçarit është dërguar në morgun e qytetit të Durrësit, ku pritet t’i nënshtrohet ekspertizës mjeko-ligjore. Mësohet se viktima ishte i lidhur me fasheta plastike plastike kur u gjet.

KUNATI: GAZMENDI NUK KISHTE KONFLIKTE
Kunati i Gazmend Çollakut ka thënë se nuk ishte në dijeni të ndonjë konflikti që mund të kishte 40-vjeçari. Në një prononcim për News24, Julian Kajana tregon se Gazmendi ishte i papunë për momentin dhe emigronte në Itali. “Nuk ishim në dijeni të asnjë konflikti. Asnjëherë nuk ishte shprehur se kishte konflikte. Ishte i papunë për momentin, emigronte në Itali. Nuk njihej si njeri konfliktual, ishte djalë i vetëm”, është shprehur kunati i viktimës.
NGJARJA
40-vjeçari Çollaku u mor peng mbrëmjen e djeshme nga katër persona të maskuar si punonjës policie. Ngjarja ndodhi në parkingun pranë dy kullave binjake, në lagjen nr.1 të qytetit bregdetar (pranë portit). Mbrëmë, rreth orës 19:10, Gazmend Çollaku ka qenë në shoqërinë e disa miqve të tij duke pirë kafe te një prej lokaleve në lagjen nr.1 te njëra prej kullave binjake, në katin e parë. Mësohet se Çollaku është thirrur nga një person, i cili i ka kërkuar të dilte jashtë për të sqaruar diçka. E ndërsa ka dalë nga lokali, 40-vjeçari nuk është kthyer më brenda. Sipas hetuesve të çështjes, personi që e ka thirrur Çollakun ka qenë i njohur dhe njeri i besuar i tij, ndaj dhe nuk ka hezituar të dalë nga lokali dhe madje nuk ka bërë rezistencë.Kanë qenë dëshmitarët okularë ata që kanë lajmëruar policinë. Këta të fundit kanë deklaruar se katër pengmarrësit ishin të veshur me uniforma policie. “Fillimisht menduam se ishte policia. Më pas pamë se personat e morën me forcë Çollakun dhe e futën në një makinë”, thanë dëshmitarët okularë të ngjarjes. Ndërsa, miqtë e 40-vjeçarit që ndodheshin me të në lokal gjithashtu kanë dëshmuar se Çollaku u largua me një person që e njihte, duke thënë se kishte pak minuta punë e do të kthehej sërish me ta. Por, kur nuk u kthye, ata e konsideruan serioze çështjen e rrëmbimit.

HETIMET
Ndërkohë, burimet pohuan se në lidhje me rrëmbimin e Çollakut (banues në lagjen nr.6 të Durrësit) janë shoqëruar dhe marrë në pyetje 20 persona. Mësohet se hetimet po kryhen nga prokurorët e Krimeve të Rënda që kanë mbërritur me urgjencë nga Tirana, në bashkëpunim me policinë e qytetit bregdetar. Burime zyrtare nga Drejtoria e Policisë së qarkut të Durrësit bënë me dije se agresorët, që ende nuk janë identifikuar, e kanë futur Gazmend Çollakun në bagazhin e një automjeti tip “Audi” me targa gjermane dhe më pas u larguan me shpejtësi nga vendi i ngjarjes.

Sipas policisë, 40-vjeçari është person me precedent penal, ndaj po hetohet për të sqaruar se në çfarë konfliktesh ishte përfshirë. Mësohet se Çollaku sapo ishte fejuar me një vajzë nga qyteti i Durrësit. Burime pranë grupit hetimor deklaruan, se kanë hapur dosjen dhe se nga verifikimet e bëra ka rezultuar se Çollaku ka qenë i skeduar si person i dënuar vite më parë për një plagosje. Po të njëjtat burime pohuan, se dyshohet që 40-vjeçari të ketë qenë i përfshirë edhe në trafik droge. Pas ngjarjes, grupi hetimor sekuestroi pamjet filmike të lokalit ku ka qëndruar dhe ka pirë kafe 40-vjeçari. Po kështu, policia ka nisur punën për identifikimin e personit, i cili dyshohet se ka njohje me Gazmend Çollakun dhe që e thirri këtë të fundit kur ishte brenda në lokal. Hetuesit e çështjes bënë me dije se 40- vjeçari nuk kishte një punë stabël, por njihej në rrethin e personave që luanin loto dhe bixhoz, ndërsa të ardhurat i siguronte nga trashëgimia familjare. Sipas hetuesve, po hetohet në disa pista për zbardhjen e ngjarjes, ndërsa dyshohet që Çollaku të jetë marrë peng për prishje të pazareve të drogës, për shkak të ndonjë borxhi ndaj personave të tjerë apo për ndonjë konflikt të hershëm.

Shifra – Sa paguan Rama e Linda për të parë ndeshjen në Majemi?

Pasi ish-kryeministri Sali Berisha publikoi një foto të kryeministrit Edi Rama i cili ishte së bashku me bashkëshorten e tij Linda Rama, duke parë një ndeshje basketbolli në NBA, në rrjet po qarkullon një fotografi që tregon çmimin që mund të ketë paguar Rama për dy biletat në rreshtin e parë ku ishte ulur.

“Nisma Thurrje” ka publikuar vlerën e një bilete që rezervohet, në vendin ku Kryeministri dhe bashkeshortja kanë qëndruar, për ndeshjen e rradhes që Miami Heats (ekipi vendas i basketbollit) do të luante në fushën e vet me ekipin New York Knicks. Dhe një biletë thuhet se kushton $3124 për një vend. Sa e vërtetë është kjo nuk dihet, por gjithsesi pritet që kur të mbërrijë në Tiranë, Rama nuk do shpëtojë nga pyetjet e gazetarëve dhe atëherë pritet të shohim përgjigjen që do japë.

Sfida spektakolare e Metës ndaj ambasadorit amerikan – Nga KOLEC TRABOINI

-Përkitazi me porositë e Ramiz Alisë për pinjollët e komunizmit –

Televizionin News 24 më datë 5 janar 2016 dha një intervistë me të vërtetë delirante të kryeparlamentarit shqiptar Ilir Meta, mbi drejtësinë, i cili vetë paradoksalisht ka qenë problematik me drejtësinë sa, po të mos hynte në mes ish kryeministri Berisha do të ishte krejt ndryshe udhëtimi i tij politik. Shtuar kësaj edhe se u bë shkak për demonstratën e 21 janarit 2011 çfarë solli 4 vrasje në mes të ditës e para kryeministrisë apo aktin e përfolur për vrasjen e deputetit Tom Doshi, të cilën çështje drejtësia jonë zulmëmadhe me osh-osh e mbylli mbështetur në një akt gjoja amnistie. Shtyj të shtyjmë. E çuditshme është se sa ky person që gëzon mjaftueshëm antipatinë e popullit, aq shumë i ka ngjitur shkallët e pushtetit dhe të dëlirit njëkohësisht, sa tha as më pak e as më shumë se reformën në drejtësi nuk e pengojnë duart me ora të shtrenjta. Mesazhi që përcjell është krejt i kuptueshëm. Veç ndonjë tru batall nuk e kupton. Dhe do ta themi hapur atë çfarë nënkuptuam: Ambasadori Donald Lu, fol sa e si të duash, por dimë ne si e bëjmë drejtësinë e do ta bëjmë pikërisht në atë mënyrë që neve të orëve të shtrenjta të mos na hyj ferrë në këmbë. Siç nuk i hyri vetë Metës në aferën e 700 mijë eurove që e pa të filmuar gjithë Shqipëria në përplasjen me ish ortakun e vet në parti e qeveri, Dritan Prifti. Përvojë e mirë kjo për Shqipërinë e kaosit dhe e politikës mafioze, të kastave të parive që nuk japin llogari për asgjë, ku mos ndëshkueshmëria e politikanëve dhe e shtetarëve të korruptuar është njëqind për qind por, nuk do të kishte shtet tjetër në Evropë, që një njeri të tillë me këto rropulli mbi supe ta ngjiste në shkallën më të lartë të shtetit pa pasur asnjë kundërshti, asnjë opozitë, asnjë zë sado të vogël kundër në parlament apo publik. E gjasat janë ta bëjnë edhe president për të na kujtuar romanin me tematikë historike “Si u bë pirati Papë”. E kjo flet shumë për natyrën e politikës dhe qeverisjes në shtetin me korrupsion deri në palcë. A thua ambasadorët e Bashkimit Evropian dhe Amerikës nuk e dinë këtë?! Edhe ata nga halli bëjnë kinse nuk i dinë dhe, duan nuk duan i thonë derrit dajë.

Tani se çfarë pret ky popull nga të tillë njerëz që e kanë shaluar këtë vend në një çerek shekulli dhe në mënyrën më të përçudnuar sa për t’ia pasur zili edhe Enver Hoxha, është e kuptueshme. Mjafton të lexojmë fjalimin e fundit të Ramiz Alisë në tetor 1989 kur tha se ngado që të vinë e të vërtiten punët në Shqipëri, pushtetin do ta kenë vetëm pinjollët e komunizmit.

Ja çfarë u porositi Ramiz Alia pinjollëve të komunizmit, që këta po e zbatojnë sot e kësaj dite pikë për pikë si një program strategjik afatgjatë:
“Le të krijojnë kundërshtarët tanë parti të djathta, të majta apo të qendrës, madje do t’i nxisim dhe ne vetë, por kryesore është që të gjitha këto parti të kontrollohen nga ne vetë. Për këtë, edhe programet e themelimit duhet t’i formulojmë ne. Për drejtimin e këtyre partive duhet të gjenden njerëz që të përkrahin strategjinë tonë. Partia që do të marrë pushtetin, jo vetëm që është e lirë të shajë pushtetin, por këtë ta bëjë fort, sepse kështu do të fitojmë simpatinë e Perëndimit dhe të disidencës antikomuniste.”

Sa i përket të persekutuarit politikë, Ramiz Alia porosiste atë çfarë për njëzet e pesë vjet u zbatua një e për një edhe si program politik i partive bijëza të Partisë së Punës së Shqipërisë gjithashtu edhe një si veprim praktik pa i lëvizuar asnjë presje:
“Ata që janë nëpër burgje, të dënuarit dhe të persekutuarit politikë antikomunistë, sigurisht që do të na shajnë. Por edhe pse këta e urrejnë komunizmin, do ta shihni që do të na vijnë afër dhe do të na përkrahin. Këta do t’i afrojmë dhe do t’u japim punë të ndryshme, por jo të rëndësishme; por kurrë nuk do t’i lëmë të na përvetësojnë pushtetin. Dhe e dini pse?! Sepse sapo të marrin fuqinë, do të fillojnë të hakmerren dhe do t’u shërbenin atyre, në vend që ta të na shërbejnë neve.

Në zbatim të drejtave të njeriut, duhet t’u japim edhe kompensimin në para, të burgosurit polikë t’i kompletojmë me komoditetet banimi. Të sekuestruarve dhe të shpronësuarve do t’u japim nga një letër në dorë që t’u njihet prona, por prona vetëm në pak duar do të bjerë, pasi ligji do t’i ngatërrojë njëri me tjetrin. Por një gjë duhet të kemi parasysh; të kemi kujdes nga fëmijët e të persekutuarve politikë, pasi ata vetë janë aq pleq apo të sëmurë sa mezi rrinë në këmbë. Kësaj kategorie mendoj që t’i japim pasaportë për t’u larguar nga Shqipëria më mirë dhe me kaq do të jenë të kënaqur. Pasuria e tyre na përket neve, sepse ne e bëmë.”( Gazeta “Illyria” New York f. 11 2/19/04)

Dhe ja ku jemi në vitin 2016. Më thoni për diçka që të ketë ndryshuar në këtë platformë të metamorfizmit të komunizmit në një pluralizëm fals, vetëm e vetëm për të mbajtur pushtetin në mënyrë të kamufluar?

A i doni emrat e atyre që sot janë në pushtet apo në parlament? Jo nuk po sjellim ato por disa emra të baballarëve apo të afërmeve të tyre besnikë deri në vdekje të diktatorit Enver Hoxha : Spiro Koleka, Sulejman Bushati, Rrapi Gjermeni, Sofokli Lazri, Llambi Gegprifti, Xhelil Gjoni, Hamit Beqja, Sulo Gradeci, Lenka Çuko, e të tjerë që dinë si ti humbin gjurmët në këtë turbullirë me emrin e shpifur tranzicion. Ata na shfaqen edhe si ambasadorë apo nëpunës të lartë të shtetit. I vetmi që ka mbetur hapur është Gramoz Ruçi. Ish ministër i brendshëm i diktaturës komuniste në vitin 1990, për njëzet e pesë vjet dominon parlamentin shqiptar gjoja pluralist. A gjeni në vendet e Evropës Lindore ish-komuniste ndonjë ish ministër të brendshëm diktaturës të vazhdojë të jetë në parlament? Po këta si nuk u lodhën në pushtet e në parti. Ku jemi e ku vemi, o popull?

Tani këta pinjollët e komunizmit e ndjejnë veten më të fuqishëm se kurrë, sa nxjerrin kunjin edhe me amerikanët, si babai i tyre Enveri kur erdhi në pushtet në 1944 dhe nuk la asnjë ambasador amerikan të shkeltë në Shqipëri për 50 vjet. Po këta pinjollët e komunizmit po ja kalojnë edhe babait të tyre shpirtëror, këta i pranojnë amerikanët, por thjeshtë si figura, sa për të legjitimuar një lloj demokracie false. Kinse i dëgjojnë ambasadorët, rrinë urtë si qengja para tyre, ndërsa prapa krahëve u tregojnë bërrylin. Çfarë kuptimi tjetër ka të ironizosh shprehjen e Ambasadorit Amerikan Donald Lu që duart me ora të shtrenjta janë shenja të korrupsionit, ndërkohë kryeparlamentari i Shqipërisë të thotë se drejtësia nuk varet prej orëve të shtrenjta. Po realisht sot në Shqipëri prej kujt varet drejtësia dhe ata që do na bëjnë sot drejtësinë a nuk kanë ora super të shtrenjta dhe vila milionëshe, shto pasuri të pafund të padeklaruara. Pse nuk del të thotë kryeparlamentari sa pasuri ka dhe sa i kushton vila në Gjirin e Lalëzit, ku palmat i janë sjellë me helikopter? Ky lakim e përgojim i fjalëve të ambasadorit për orët e shtrenjta do të thotë as më pak e as më shumë por thjeshtë “Çaj dërrasa Ambasador!”

Të dale tani ndonjë kasnec i Partisë Lesh e Li e të na shpjegojë ndryshe këtë domethënie….

6 janar 2016

Shqipëri: Nuk e përballon dimrin rrjeti i vjetëruar energjitik

Në këto ditë të ftohta dhe plot rreshje bore e shirash, Operatori i Shpërndarjes së Energjisë Elektrike ka nxjerrë në territoret më të vështira mbi një mijë e 800 punonjës.

Dita e sotme ishte për specialistët e saj piku i dmirit deri tani dhe shkaktoi ndërprerjen e energjisë në mëngjes rreth 47 mijë klientë familjarë.

Zonat më të dëmtuara janë komunat e Tropojës, Margegaj, Bujan, Bytyçi, Llugaj, Terthore, Topojan, Shishtavec, Bicaj, Ujëmisht, Qelë, Arrëz, Voskopoja, Polisi.

Ngarkesa maksimale me përdorimin e energjisë në kryeqytet u përballua falë investimeve të bëra nga kompania, duke fuqizuar një nënstacion dhe duke ndërtuar 6 linjave kabllore në të gjitha rajonet e vendit.

Drejtori i Divizionit të Shpërndarjes në OSHEE, Petraq Lika, thotë se, megjithë dëmtimet e rrjetit elektrik nga moti i keq, kufizimet e energjisë këtë dimër janë sa gjysma e një viti më parë, duke minimizuar edhe kohën e riparimeve.

Por megjithë rreshtjet e shumta të ditëve të fundit, situata e rezervave ujore në liqenet e hidrocentraleve mbi lumin Drin mbetet e vështirë.

Niveli i ujërave pranë digës zbriti në kuota minimale, aq sa Korporata Elektro-Energjitike Shqiptare vendosi të ndalojë prodhimin në hidrocenralin e Fierzës prej ujit të pakët dhe për të rregulluar regjimin natyror në kaskadën e hidrocentraleve Koman, Fierzë dhe Vau i Dejës.

Aleksandër Dushaj dorëzohet në polici, por nuk pendohet për krimin

Dushaj: Do të vrisja edhe vëllain e tretë

Vrasësi i dy vëllezërve në Shkodër, Aleksandër Dushaj ka shokuar me dëshminë e tij para oficerëve të policisë gjyqësore. Ai tha para hetuesve se do të vriste edhe vëllain e tretë nëse do të kishte mundësi dhe nuk ka shprehur aspak pendesë për krimin e dyfishtë.

“Nuk jam penduar për vrasjen e dy vëllezërve Shkami. Nëse do të kisha mundësi do të vrisja edhe vëllain e tretë”, ka thënë ai para oficerëve të policisë.

Më 2 Janar 2016, 31-vjeçari vrau në Shkodër me breshëri kallashnikovi dy vëllezërit Abdulla dhe Skënder Shkambi, pasi nuk e pranuan atë si dhëdër. Dushaj kërkonte të martohej me vajzën e Skënder Shkambit, por ky i fundit nuk pranoi t’i jepte vajzën për nuse dhe e kishte dërguar në Angli për ta mbajtur larg 31-vjeçarit.

Pas ngjarjes së rëndë, Dushaj u arratis nëpër male dhe prej dy ditësh kërkohej nga policia, kurse dje u vetëdorëzua në Policinë e Tiranës, pasi ishte pikasur në sheshin ‘Shqiponja’ në kryeqytet. Në deklarimet e tij, ai u shpreh se kishte frikë për jetën e tij në Shkodër, prandaj u dorëzua në kryeqytet.

Kryeministri merr pushimet, niset per Majemi!

Voal – Kryeministri Edi Rama do te pushoje disa dite ne Shtetet e Bashkuara te Amerikes. Burime te besueshme i thane Opinion.al se Edi Rama do te pushoje pak dite ne Majemi te Shteteve te Bashkuara se bashku me familjen e tij. Nuk dihet nese do te jete edhe djali i vogel Zaho dhe femijet e tjere te familjes, por dihet qe ai do te shoqerohet nga bashkeshortja. Po ashtu nuk behet e ditur se kush eshte pritesi i Kryeministrit, megjithesi cifti Rama do te jete edhe ne shoqerine e njerezve te tjere.

Majemi eshte nje prej 4 destinacioneve me te rendesishme ne SHBA. Aktualisht atje klima eshte e ngrohte dhe mund te dalesh lirshem ne plazh. Pervec kesaj Majemi eshte nje destinacion shume i rendesishem kulturor. Nuk dihet nese Kryeministri do te hape edhe atje ndonje ekspozite personale, pyet portali opinion.al.

Qarku i Kukësit e nis vitin e ri me borë të re

Pamje nga Kukesi sot

Pas dy ditëve të para të festës së vitit të ri, për banorët e qarkut të Kukësit dimri është shfaqur me gjithë ashpërsinë e tij, me temperature të ulta dhe reshje të dendura bore.

Reshjet e borës janë shfaqur fillimisht në bashkinë e Tropojës, ku trashësia e borës ka arritur në 20 centimetra, ndërsa nga mesdita, reshjet e dendura të dëborës janë bërë prezente në të gjithë rajonin.

Burime zyrtare të policisë rrugore bëjnë të ditur se, si pasojë e ngricave dhe reshjeve të dëborës, kanë nisur të shfaqen edhe vështirësitë e para në lëvizjen e mjeteve në akset kryesore rrugore. Kështu në aksin rrugor tuneli i Kalimashit-Kukës-Morinë, trashësia e dëborës ka arritur në mbi 15 centimetra.

Për mbajtjen nën kontroll të situatës po punojnë 4 borëpastruese.

Ndërsa në akset rrugore Krumë – Qafë Prush, Bajram Curri – Lekbibaj, Bajram Curri – Qafë Morinë dhe Bajram Curri – Valbonë, ku trashësia e borës ka arritur në rreth 20 centimetra, nga policia u është kërkuar drejtuesve të mjeteve të lëvizin me shpejtësi të kufizuar dhe me zinxhirë.

Për mbajtjen nën kontroll të gjendjes nga firmat kontraktuese që tashmë janë të gjitha në punë në akset rrugore që kanë marrë përsipër, po hidhet kripë e skorje me synim mbajtjen e tyre hapur, pavarësisht reshjeve të dendura të dëborës që po vazhdojnë.

Reshjet e dëborës në zonat më të thella kanë krijuar vështirësi në lëvizjen e mjeteve. Kështu në akset rrugore Kukës – Shishtavec, Kukës – Peshkopi është vështirësuar ndjeshëm lëvizja e mjeteve. Ndërsa reshjet e dendura të dëborës thuajse e kanë bërë të pakalueshme aksin rrugor që lidh Kukësin me zonën e Arrnit. Po ashtu thuajse e pakalueshme është bërë rruga që lidh zonën e grykë Cajës dhe Kalimashit sit me qytetin e Kukësit për shkak të trashësisë së dëborës që ka arritur në mbi 20 centimetra.

Ndërkohë, si rrjedhojë e reshjeve të shiut gjatë paradites së sotme ka patur edhe rrëshqitje të dherave e gurëve në trasenë e autostradës.

Gjithsesi, deri tani situata është mbajtur nën kontroll dhe lëvizja e mjeteve ka vazhduar normalisht, edhe pse me shpejtësi të limituar.

Gjithsesi vazhdimi I reshjeve të dendura të dëborës gjatë orëve të natës mund të sjellë përkeqësim të situatës, vecanërisht në zonat e larta malore, bile edhe izolim të fshatrave rurale.

RIZA HOXHA

Ekzekutimi mafioz i ish-efektivit Dritan Lorenci – kishte vrarë më 2011

Ekzekutimi mafioz i ish-efektivit Dritan Lorenci që u qëllua për vdekje në aksin Lezhë-Shkodër dyshohet të ketë lidhje me një vrasje më 14 tetor të vitit 2011.

Ish-polici Dritan Lorenci në vitin 2011 (në atë kohë polic në detyrë) së bashku me një tjetër, vranë Endri Bejtjan dhe plagosën një tjetër. Vrasja në vitin 2011 ndodhi në Gjykatën e Lezhës gjatë një gjyqi ku shqyrtohej një mosmarrëveshje pronësie mes dy familjeve.

Për atë ngjarje, Prokuroria kërkoi 18 vite burg për ish-policin Dritan Lorenci dhe 15 vjet për bashkëpunëtorin e tij. Por, në vitin 2013, Gjykata e Laçit vendosi të shpallë të pafajshëm dy të akuzuarit.

Nuk është e sigurt nëse atentati i sotëm në aksin Lezhë-Shkodër ka lidhje me vrasjen e vitit 2011.

Rasim Bebo: MESAZH KRYEMINISTRIT SHQIPTAR, EDI RAMA

Zotit Kryeministёr, Edi Rama,

Tiranë, Albania

Z. Kryeministёr, ju pёrshёndetёt popullin Shqiptar nё trevat etnike pёr festat e fundvitit dhe pёr vitin e Ri 2016 uruat: Popullin Shqiptar tё Shqipёrisë, tё Kosovёs tё Maqedonisё, tё Malit t Zi dhe tё Luginёs sё Preshevёs. Ju nuk e zutë nё gojё Popullin e EPIRIT TЁ ÇAMЁRISЁ Shqiptare me epiqendёr Tempullin e lashtё tё Dodonёs Pellazgo- Shqiptare. Aty jeton populli ortodoksё shqiptar dhe ёshtё djepi i shqiptarizmit, ёshtё vendi i Kronit, i Zeusit, i Akilit, Odiseut,(Odisës),

i njё sёrё mbretёrish pёrpara dhe pas Pirros sё Madh, i Gjin Bua Shpatёs, Marko Boçarit, Faik Konicёs e tj. Ju nuk pёrmendёt Arvanitёt Shqiptarё, qё zënë 70% të popullatёs greke, nuk pёrmendёt Arnautёt shqiptarё tё Turqisё qё numurojnё mbi 6 milion frymё. Nuk pёrmendёt Arbёreshёt shqiptarё tё Kalabrisë, me figura tё mёdha tё Rilindjes Kombёtare dhe figurën mё tё fundit qё jeton, Prof. Dr. Antonio Bellusçi. Gjithashtu nuk përmeendët as shqiptarёt e pёrhapur nёpёr botё, prej Zelandёs nё Kaliforni dhe prej Kejptaunit nё Fjordet e Skandinavisё.

Pse e pёrgjysmuat mesazhin e urimit pёr mbarë popullin shqiptar të shpërndarë në të gjithë rruzullin tokësor?…

Unё Z. Kryeministёr po ta jap edhe pёrgjigjen:

Jeni pёrlyer nё ujërat e qelbura greke, tё cilat tё forcojnё karrigen dhe nuk i jep ultimatumin pёr largimin nga Shqipёria tё Peshkopit famëkeq Janullatos, qё ёshtё mё i poshtёr se Shёn Kozmai, i cili gjeti vdekjen si antishqiptar nga qeveritarёt e asaj kohe.

Z. Kryeministёr Edi Rama, ju jeni nё karrige, por duhet të dini se edhe karrikja ka kornizat e saj. Dhe mbi tё gjitha, Atdheu ёshtё tërë shqiptaria kudo ku ndodhet, për shkak të vështirësive ekonomike që i kanë shkaktuar pushtetarët paraardhës, deri tek ju vetë. Megjithatё, ju e keni nё dorё se çfarё emri do t’i lini vetes prapa nё histori…

Rasim Bebo, Addoson IL USA, [email protected]

Policia – ja cilët janë dy vëllezërit e vrarë sot në Drisht të Shkodrës

Policia ka dhene detaje lidhur me vrasjen e dyfishte te ndodhur sot ne Drisht te Shkodres, ku u ekzekutuan dy vellezer.

Keshtu, Policia e Shkodres njofton se ngjarja ka ndodhur ne oren 11:40, ku nje person i armatosur u zuri prite dy vellezerve Abdulla Shkami dhe Skender Shkami perpara shtepise.

Autori, pasi i ka qelluar me bresheri automatiku eshte larguar nga vendngjarja ne drejtim te malit.

Sipas policise, dyshohet se vrasja ka ndodhur per motive te dobeta.

NJOFTIMI I POLICISE

Më datë 02.01.2016, rreth orës 11.40 është marre njoftim se në rrugen e Drishtit afer dyqaneve të fshatit Drisht, Postrribe, rrethi Shkoder, nga persona ende te pa identifikuar jane vrare me arme zjarri shtetasit: Skender Shkami 40 vjeç -Abdulla Shkami 50 vjeç vellezer dhe banues ne Drisht.

Sipas burimeve te marra nga ana e uniformave blu, dyshohet se shkaku i vrasjes ka qene nje konflikt per motive te dobeta. Ne vend ngjarje sherbimet e policise.

Si rezultat i veprimeve te shpejta te policise eshte identifikuar autori dhe po punohet per kapjen e tij.

20 zjarre në Tiranë natën e ndërrimit të viteve

Raste të shumta zjarri janë raportuar natën e ndërrimit të viteve në Shërbimin e Zjarrfikëses në kryeqytet. Mbi 20 kanë qenë ndërhyrjet në vatrat e zjarrit nga ana e zjarrfikësve, të cilët thanë për “Abc News” se, kanë mundur të neutralizojnë në kohë përhapjen e flakëve.

Shkak janë bërë pakujdesitë me mjetet e gatimit, e deri tek zjarrvënia për faj të fishekzjarrëve. Sipas shërbimit të zjarrfikëseve, nuk ka pasur të lënduar, por vetëm dëme materiale./Abc News/

Presidenti Nishani uron shqiptarët: 2016 të jetë një vit sa më i begatë

Presidenti i Republikës Bujar Nishani u është drejtuar me një mesazh të gjithë shqiptarëve me rastin e festës së nderimit të viteve, duke uruar që viti 2016 të jetë sa më i mirë dhe i begatë.

“Sot është nata kur shqiptarët mblidhen në familjet e tyre. Nata e ndërrimit të viteve është një natë gëzimi ndaj ju uroj të gjithë fëmijëve të Shqipërisë, urimi i parë u shkon atyre. Urim i veçantë shkon për forcat tona ushtarake në Afganistan dhe për familjet shqiptare , jetimët dhe për të ngujuarit. Uroj që viti 2016 të jetë një vit sa më i begatë“, u shpreh Nishani.

Atmosfera e Vitit të Ri në Tiranë

Kryeqyteti i Shqipërisë është përfshirë nga një atmosferë e vecantë festive me rrugë e sheshe të zbukuruara dhe me fëmijë që marrin dhurata nga prindërit dhe të afërmit.

Bashkia po mbyll një nga një rindërtimet e cerdheve dhe kopshteve, falë angazhimit të 31 grupe dhuruesish vullnetarë, të cilët morën përsipër financimet për këto rregullime.

Kryetari i bashkisë së Tiranës Erjon Velija vlerësoi sot bujarinë dhe bashkëpunimin e qytetarëve për të përmirësuar jetesën e fëmijëve në cdo zonë të qytetit.

Festat e fund-vitit i kanë nxitur organizatat dhe shoqatat jofitim-prurëse që t’u kushtojnë më shumë vëmendje shtresave sociale të varfëra.

Kryqi i Kuq Shqiptar po shpërndan në 22 qytete paketa ndihme me ushqimet kryesore për familjet e varfëra.

Në Tiranë Kryqi i Kuq ndau në një mijë familjet më të varfëra paketa të tilla për të mbështetur sadopak gjendjen e tyre të vështirë dhe për të gëzuar gjatë festave të fund-vitit.

Përfituesit, thotë një drejtuese e kryqit të Kuq për Tiranën, Angjelina Pulluqi, janë familje shumë të varfra, me shumë anëtarë dhe me pak të ardhura, me një kryefamiljarë dhe me fëmijë të vegjël, të moshuar të vetmuar.

Një seri shoqatash dhe organizatash po zhvillojnë veprimtari të ndryshme me fëmijë jetimë dhe grupime të tjera në varfëri.

Po ashtu një sërë donatorësh shqiptarë dhe të huaj po dhurojnë fonde, materiale, ushqime, veshmbathje dhe lodra për fëmijët.

Drejtuesi i organizatës E ardhmja Jonë, Alfred Muharemi thotë se kjo ditë transmeton vlerat njerëzore të shoqërisë, që të gjithë jetimët të ndjehen të barabartë.

Tashmë është bërë traditë që edhe ministria e brendshme të ndajë dhurata dhe të festojë me fëmijët dhe familjarët e policëve të vrarë në krye të detyrës.

Ministri i brendshëm, Saimir Tahiri dhe drejtues të tjerë të lartë mblodhën në një festë disa qindra prej tyre për të festuar së bashku.

Festat e fundvitit janë një rast për të gjithë që të tregojnë bamirësinë e tyre.

Shumë firma dhe qytetarë po shpërndajnë dhurata për fëmijë dhe familje të varfëra në një shoqëri që ka aq shumë nevojë, dhe ku ende pas 20 vjetësh nuk deklarohet se sa është minimumi jetik.

Qeveria mbyll Fierzën, blen energji për janarin e 2016

KESH ka vendosur të mbyllë hidrocentralin e Fierzës dhe të ulë kështu prodhimin e energjisë elektrike në vend. Shkak i kësaj mase është rënia e nivelit hidrik në liqen, si pasojë e reshjeve të ulëta të këtij sezoni. Ky fenomen ka çuar në rritjen e energjisë importuar nga jashtë.

Reshjet e muajit Janar, sipas KESH, nuk pritet të kenë intensitet të lartë, që mund të rrisnin prurjet në Liqenin e Fierzës.

Thatësira në periudhën Qershor – Dhjetor ka bërë që kaskada të jetë në mesataren më të ulët të 24 viteve. Rezervuari i Fierzës aktualisht është në kuotën 276.2 m nga 296 m që është kuota maksimale.

Korporata Elektroenergjitike Shqiptare thotë se është e domosdoshme ruajtja e rezervës energjetike, për të mos cënuar sigurinë e furnizimit të vendit me energji. Në këtë situatë, në dy muajt e parë të vitit, furnizimin me energji do të plotësohet duke importuar dhe një pjesë tjetër parashikohet të prodhohet nga HEC-ët e vegjël.

Vetëm në muajin Dhjetor të këtij viti, Korporata Elektroenergjitike Shqiptare ka shpenzuar 5.4 milionë euro për importin e energjisë, ndryshe nga një vit më parë, ku në Dhjetor, KESH, për shkak të kushteve të favorshme klimaterike, eksportoi afro 1.5 milionë euro energji elektrike.

Për shkak të situatës së krijuar, Qeveria ka rishikuar buxhetin për herë të tretë për këtë vit, me qëllim kalimin e fondeve në dispozicion të KESH për blerjen e energjisë.

Ndërkaq që edhe për muajin e parë të vitit 2016, qeveria ka vendosur që të blejë sërish energji elektrike.

Faqja 224 prej 246« Fillimi ‹ Prapa 220 221 222 223224225 226 227 228 Para ›Fundi »

Kjo foto e realizuar në Tiranë nga Hektor Pustina, ka tërhequr vëmendjen e medies prestigjioze “The Guardian”.

Dushaj: Do të vrisja edhe vëllain e tretë

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL