VOAL

Shqipëri

LSI – Luan Rama: Nëse ekziston pajisja regjistruese jemi para një skandali të madh

TIRANE – Sekretari i Përgjithshëm i LSI-së, Luan Rama, e cilëson Reformën në Drejtësi një sfidë që duhet fituar, dhe jo si një betejë e personalizuar e një pale ndaj një pale tjetër. Ai vlerëson rolin e ambasadorëve Lu dhe Vlahutin në këtë reformë, ndërsa u kërkon palëve politike të mos ecin kundër interesit të qytetarëve.

Duke folur për zbatimin e ligjit të dekriminalizimit, Rama kërkon përgjegjësi morale dhe politike edhe për ata që i kanë emëruar zyrtarët e inkriminuar në poste publike.

Reforma në Drejtësi vazhdon të jetë çështja më e debatuar, por ende e pazgjidhur, edhe pse qoftë maxhoranca e qoftë opozita janë shprehur pro saj, me sa kuptohet më shumë prej presionit të partnerëve ndërkombëtarë…

Nuk vjen e keqja prej faktit që Reforma në Drejtësi është çështja më e debatuar. Përkundrazi, mendoj se të qenit e këtillë, pra e debatuar prej kaq kohësh, na ka sjellë në një projekt më racional e më koherent, mbi të cilin më në fund po punohet. Po, për ta trajtuar më tej idenë që parashtron pyetja juaj, me lejoni të “përsëris” edhe për lexuesit tuaj atë që thashë në takimin që grupi kuvendor i LSI-së zhvilloi disa ditë më parë me ambasadorët Vlahutin dhe Lu: “Reforma në Drejtësi është një sfidë që duhet fituar”. Me këtë dua të nënvizoj faktin se përballë kësaj sfide, pra përballë domosdoshmërisë së kryerjes së Reformës në Drejtësi, që për hir të së vërtetës nuk është një ndërmarrje e lehtë për vetë kompleksitetin që mbart, maxhoranca dhe opozita nuk duhet të jenë palë, sepse në këtë rast as ndajmë dhe as mbrojmë interesa të kundërta. Mirëpo, paradoksalisht deri tani jemi shfaqur si palë duke dëshmuar edhe në këtë rast se, edhe pas 25 vitesh demokraci e pluralizëm, nuk kemi kuptuar thelbin e ndryshimit të madh që ka realizuar shoqëria shqiptare, e cila nuk e meriton këtë sjellje e papërgjegjshmëri të klasës politike.

Askush nuk e konteston, madje të gjithë faktorët politikë në vend e pranojnë faktin se Reforma në Drejtësi është e domosdoshme, është jetike, mirëpo ajo ende nuk po miratohet. Pse?

Reformat e mëdha e të rëndësishme, më lejoni të theksoj se edhe në vlerësimin tim Reforma në Drejtësi është e këtillë, kanë nevojë për kohë; kohë për t’u përgatitur, kohë për t’u njohur, kohë për t’u debatuar, shqyrtuar, përmirësuar e kështu me radhë. Tani jemi në fazën kur palët kanë gjetur dakordësinë për çështjet themelore e për shumicën e projektit, ndaj le të shpresojmë që të mbërrijmë në përmbushjen me sukses të këtij misioni. Natyrisht që jemi të vonuar. LSI-ja e ka bërë të qartë qëndrimin e vet parimor pro Reformës në Drejtësi, e madje, po të ishte për vullnetin e LSI-së reforma do të ishte miratuar me kohë. Mirëpo, për fat të keq, në këtë rast roli i LSI-së nuk mund të jetë përcaktues, ndryshe nuk do të ishim në këtë situatë! Prej të tjerëve Reforma në Drejtësi është konceptuar e artikuluar herë-herë si sfidë personale, apo sfidë e njërës palë kundër palës tjetër, e jo si sfidë e përbashkët e klasës politike, sfidë që duhet fituar bashkërisht për t’iu shërbyer interesave europiane të vendit. Është për të ardhur keq, por është e vërtetë që përfaqësues a drejtues politikë shpeshherë janë shprehur në Kuvend apo përmes qëndrimeve në rrjetet sociale, sa herë që në krye të rendit është vendosur tema e Reformës në Drejtësi se “më në fund erdhi koha të përgjigjeni, tani gjeni vend ku të futeni, Reforma në Drejtësi do t’ju tregojë vendin” e të tjera si këto, duke treguar me gisht tjetrin, a thua se reforma është një grackë për kundërshtarin dhe jo projekti i ringritjes së tërë sistemit të drejtësisë mbi standarde euroamerikane. Personalizimi në këtë mënyrë, protagonizmi i shtirur e hipokrizia e kanë dëmtuar dhe kompromentuar procesin. Pastaj le të mos harrojmë që vijmë nga një histori jombresëlënëse e ndryshimeve në Kushtetutë. Të gjitha këto dëshmojnë papjekuri e papërgjegjshmëri! Kushtetuta jonë nuk ka bërë ende 20 vjet që prej miratimit të saj në Kuvend e më pas me referendum popullor, ndërkohë që po bëhemi gati për ndërhyrjen e pestë për ndryshimin e saj, si në asnjë vend tjetër të paktën në Europë. E pra, kjo nuk është as shenjë serioziteti dhe as shenjë pjekurie e politike. Duke iu rikthyer edhe një herë rolit të ambasadorëve Vlahutin e Lu, më duhet të them se mjafton vetëm ky fakt që elita politike e vendit të kuptojë se çfarë përgjegjësish ka përballë qytetarëve, të cilët e kanë votuar, e kanë zgjedhur të udhëheqë dhe jo të udhëmbyllë! Jo vetëm perceptimi i qytetarëve, por edhe një “lexim” realist dhe i paanshëm i realitetit në sistemin e drejtësisë na jep të drejtën e bindjes se reforma duhet kryer. Pra, ajo nuk është një çështje vullnetesh individuale, është domosdoshmëri, është problem i shtruar për zgjidhje dhe do të kryhet. Lëvizja Socialiste për Integrim e ka bërë të qartë qëndrimin e vet dhe ne do të jemi kontributorë serioze e të përkushtuar për realizimin e Reformës në Drejtësi, për të çelur e nisur në këtë mënyrë një epokë të re të raportit e marrëdhënies së qytetarit me shtetin e të drejtës. Reforma në Drejtësi nuk është qëllim në vetvete, por detyrim parësor për të bërë të mundur rritjen e standardeve dhe të cilësisë së sundimit të ligjit në vend, për të përmirësuar efikasitetin e luftës kundër krimit të organizuar dhe korrupsionit, duke pasur si bosht kryesor ruajtjen dhe konsolidimin e pavarësisë së pushtetit gjyqësor dhe respektimin rigoroz të parimit demokratik “check and balance”.

E ndërsa politika e partnerët tanë ndërkombëtarë janë fokusuar të gjithë te Reforma në Drejtësi, deri tani ligji për dekriminalizimin, edhe pse ka hyrë në fuqi, ende nuk ka dhënë ndonjë rezultat?
Në vlerësimin tim, ligji për dekriminalizimin është një ligj antikushtetues, ç’ka konfirmohet edhe prej paktit të palëve politike për të mos e ankimuar në Gjykatën Kushtetuese, sepse ata që e kanë bërë ligjin e dinë shumë mirë se do të rrëzohej në Gjykatën Kushtetuese. Edhe ky është një tjetër paradoks shqiptar, po përderisa jemi para faktit të kryer dhe ligji është ligj, edhe ligji për dekriminalizimin duhet zbatuar me seriozitet dhe germë për germë. Aktualisht, ka nisur zbatimi i tij dhe unë jam i bindur që shumë shpejt do të japë efekte. Madje, disa raste janë evidentuar e të presim efektet e ligjit. Ligji për dekriminalizimin është në fakt një ligj korrigjues, më shumë se parandalues, që do të korrigjojë kriminalizimin, për të cilin, në fakt, duhet të përgjigjen edhe ata që e kanë legalizuar këtë fenomen. Sepse askush prej tyre nuk u bë deputet, ministër, drejtor a ku di unë se çfarë tjetër vetë. Nuk po flas për përgjegjësi ligjore, por përgjegjësi morale dhe politike duhet të mbajnë.

Grupi Parlamentar i PD-së, në kuadër të ligjit për dekriminalizimin, ka paraqitur së fundmi edhe një amendament për të përfshirë në kufizimet që parashikon ky ligj, edhe ata të cilët penalizohen nga vendimet e Gjykatës Kushtetuese. Cili është qëndrimi i LSI-së për këtë nismë?

Nuk ka ende një qëndrim të LSI-së për këtë rast, sepse ende nisma e PD-së nuk është bërë pjesë e procedurave të shqyrtimit në Kuvend. Pasi të njihemi konkretisht me amendamentin, pra me propozimin për ndryshim, natyrisht që do të kemi edhe në qëndrimin tonë. Ndërkaq, në vlerësimin tim dekriminalizimi duhet të penalizojë cilindo që një vendim gjykate e ka shpallur fajtor, apo shkelës të ligjit dhe të Kushtetutës.

Prej ditësh është bërë i njohur fakti se në mjediset e Policisë së Shtetit gjendet një pajisje e sofistikuar përgjimesh, por e paregjistruar sipas ligjit dhe jashtë kontrollit të Prokurorit të Përgjithshëm. Cili është mendimi juaj si anëtar i Komisionit të Sigurisë?

Edhe unë nuk kam më shumë informacion nga sa cituat ju dhe jam i prirur të pres se çfarë do të rezultojë nga hetimet që po kryen Prokuroria. Personalisht, dua të besoj që të mos jetë e vërtetë, pasi Policia e Shtetit dhe të gjitha institucionet ligjzbatuese nuk kanë arsye të ndjekin apo zbatojnë praktika antiligjore. Ndërkaq, drejtuesit e Ministrisë së Brendshme dhe ata të Policisë së Shtetit janë njerëz me integritet dhe të përgjegjshëm për përgjegjësitë që ushtrojnë e nuk do ta lejonin veten të futeshin në aventura të tilla të rrezikshme e me pasoja jo vetëm për ata vetë. Por nëse realisht gjendet një pajisje e tillë e instaluar dhe e paregjistruar, qoftë edhe vetëm për trajnim siç thuhet, jemi përpara një skandali të madh shtetëror. Prokurori i Përgjithshëm, por unë gjykoj që edhe instrumentet e kontrollit parlamentar duhet të investohen maksimalisht, për të zbardhur të vërtetën dhe për të vënë para përgjegjësisë ligjore cilindo person përgjegjës. Për praktikat ligjore të përgjimit dhe pajisjet e përgjimit, ka akte e norma ligjore të përgatitura me shumë seriozitet dhe kujdes maksimal, ndaj çdo devijim prej rrugës ligjore duhet ndëshkuar. Nuk e di se sa i vërtetë është lajmi që pajisja nuk qenka e Policisë së Shtetit, por e Interforcës, misionit italian që asiston Policinë e Shtetit, por di që Interforca, e cila ka qenë prezente në Shqipëri edhe kur unë drejtoja Ministrinë e Brendshme, nuk vepron jashtë kuadrit ligjor të Republikës së Shqipërisë dhe jashtë marrëveshjes që normon bashkëpunimin mes saj dhe Policisë së Shtetit. Pastaj, ajo pajisje nuk është një telefon celular apo një çakmak që dikush e ka fshehur në xhep dhe e paska futur pa dijeni në mjediset e Policisë! Për çdo pajisje që vjen dhe hyn në territorin e Republikës së Shqipërisë ka norma ligjore të përcaktuara; ku është marrë apo ku është blerë, kush e ka sjellë në Shqipëri, në cilën pikë doganore është futur, në emër të kujt është futur, kush e ka bërë praktikën në doganë e një mori e tërë pyetjesh, të cilat me siguri duhet t’i zgjidhë Prokuroria.(Panorama)

Pse PD është tredhur nga Ilir Meta?

Voal – Që Partia Demokratike është e tredhur nga LSI dhe Ilir Meta, ky është një fakt që e pranojnë edhe mediat pranë opozitës.

Këtë e tregon edhe rasti më i fundit me Klement Balilin.

Berisha dhe të gjithë zyrtarët e PD-së dalin dhe e denoncojnë atë disa herë në ditë, si të lidhur me PS-në, ndërkohë që e vërteta është ndryshe.

Lapsi.al shkruan se opozita po bëhet qesharake.

“Opozita shqiptare po rrezikon të bëhet qesharake, jo për faktin se ndonjëherë, gabimisht, mund ti qëllojë të thotë gënjeshtra (kjo ndodh me çdo opozitë), por sepse me ndërgjegjje të plotë ka vendosur të prodhojë gjysëm të vërteta.

Historia e fundit më flagrante është ngjarja që PD, po prodhon me Eskobarin e Ballkanit. Ndërkohë që të gjithë në jug e dinë se Klement Balili ishte punësuar në shtet si përfaqësues i LSI-së; që kryebashkiaku i Delvinës, nga i njëjti fis, është po i LSI-së; që një tjetër person i familjes është kordinatori lokal i kësaj partie, pra kur të gjitha këto dihen, PD-ja bën sikur ato fakte nuk ekzistojnë.

Nga tribuna e selisë blu, parakalojnë njëri pas tjetrit protagonistët opozitarë për të bindur shqiptarët se Balili është i Koços, i Tahirit, apo siç shkroi Berisha në fund në Facebook, i vetë Edi Ramës.

Në fakt askush nga këta nuk mund të fshihet nga përgjegjësia. Edi Rama që i ka servirur zgjedhesve si kandidatë të tillë njerëz, Koço ka bërë fushatë bashkë me ta dhe Tahirit “i ikin” të kërkuarit në drejtim të paditur.

Por ajo që shqetëson më shumë është fakti se përpos tyre, PD-ja fsheh në mënyrë të turpshme nga denoncimi, lidhjet e këij klani me LSI-në”, shkruan Lapsi.al.

“PD e shikon Ilir Metën si njeriun e vetëm që mund të pengojë fobinë më të madhe të Berishës: miratimin përmes reformës në drejtësi të prokurorisë dhe gjykatave për luftën kundër korrupsionit të politikanëve të lartë. Kreu i LSI-së e ka garantuar publikisht PD-në se ai nuk voton një reformë që nuk është konsensuale. Por nga ana tjetër ai e ka garantuar atë nën rrogoz, se nuk do të pranojë as kalimin e një reforme me vota të shitura parlamentarësh.

Dhe ky është çmimi me të cilin ai ka blerë paqen e PD-së.

Natyrisht me çmimin e madh të mosdenoncimit të njërës prej pjesëve më të errëta të pushtetit dhe mbi të gjitha me atë të diskretitimit të kauzave opozitare”, vijon më tej Lapsi.al.

Por, ndryshe nga sa shkruan Lapsi.al, në fakt arsyeja përse Berisha dhe sejmenët e tij në Partinë Demokratike nuk e përmendin LSI-në dhe Ilir Metën, është tjetër.

Zgjedhjet e ardhshme janë në prag dhe PD e ka të sigurtë humbjen.

Për këtë arsye, ajo prej kohësh është duke punuar që të bëjë diversion, në mënyrë që të përçajë koalicionin PS-LSI dhe më pas të bëjnë koalicion sërish me Metën.

Berisha dhe PD e dinë se të paktën edhe në zgjedhjet e ardhshme nuk fitojnë dot dhe gjithë shpresat për t’u rikthyer në pushtet, i kanë varur pikërisht tek Ilir Meta.

Berisha nxjerr një listë me emra: Ja personalitetet që ka përgjuar Edi Rama

Sali Berisha ka publikuar një listë me emra politikanësh, gjyqtarësh etj, që sipas tij janë përgjuar nga Qeveria.

Ai nuk jep asnjë të dhënë se nga e ka siguruar këtë listë njerëzish, që sipas tij janë përgjuar me urdhër të Ramës.

Ja çfarë shkruan Berisha:

“Ja disa nga personalitetet shteterore dhe politike nga lista e 375 te pergjuarve nga institucionet shteterore, partite politike, biznesi, media dhe bota artistike te pergjuar prej 6 muajsh ne kundershtim me ligjin dhe Kushtetuten nga manjaku Edvin Shullazi!

Presidenti i Republikes, Bujar Nishani

Sekretari i pergjithshem i presidences, Florian Nuri

Kryetari i parlamentit, Ilir Meta

Kryetari i PD, Lulzim Basha

Kryetari i Gjykates Kushtetuese, Bashkim Dede

Kryetari Gjykates se Larte, Xhezair Zaganjori

Prokurori i Pergjithshem, Adriatik Llalla

Ministri i Drejtesise, Ylli Manjani

Ministri i Bujqesise, Edmond Panariti

Kryetari i Bashkise, Erion Veliaj

Drejtori i Sherbimit informativ shteteror, Visho Ajazi

Kryetari i Komisionit te Kontrollit te Shtetit, Bujar Leskaj

Avokati i Popullit, Igli Totozani

Guvernatori i Bankes se Shtetit, Sejko

Anetaret e Gjykates Kushtetuese dhe te Larte

Kryetari i Gjykates se Apelit per Tiranen, Alaudin Malaj dhe me vone Hysni Demiri

Kryeyari i Gjykates Administrative, Kastriot Selita

Kryetari i grupit parlamentar te PS, Gramoz Ruçi dhe deputetet Pandeli Majko, Anastas Angjeli, Esmeralda Shkjau, Vasilika Hysi

Kryetari i Grupit Parlamentar te PD, Edi Paloka dhe deputetet Sali Berisha, Arben Ristani, Jozefina Topalli, Arben Imami, Genc Ruli, Ridvan Bode, Genc Pollo, Genti Strazimiri, Majlinda Bregu, Albana Vokshi, Albina Deda

Kryetari i PBDNJ, Vangjel Dule,

Kryatri i Partise per Drejtesi dhe Integrim, Shpetim Idrizi

Kryetari i Partise Republikane, Fatmir Mediu

Kryetri i Partise Agrare, Agron Duka

Deputeti i Partise Socialiste, Ben Blushi

Deputetet e LSI Petrit Vasili, Monika Kryemadhi, Vangjel Tavo etj,etj.

Burimet dixhitale bejne me dije se ne listen e te pergjuarve jane ambasadoret e vendeve te medha perendimore dhe shefat e sherbimeve perendimore, shefat e misioneve te institucioneve nderkombetare te akredituar ne Tirane.

Ne listen e te pergjuarve ka pronare e drejtues te mediave elektronike dhe te shkruara, portaleve dhe blogjeve kundershtare apo kritike te qeverise. Lista e te pergjuarve nga Edvin Rama, me alternim arrin ne 375 persona vendas dhe te huaj.

Ky eshte nje akt antikushtetues dhe antiligjor e banditesk i vertet dhe nje krim i shemtuar, te cilin organizata kriminale qe e ka realizuar perpiqet ta ndaj me interforcen italiane. I bej thirrje Prokurorit te Pergjithshem te vendose para ligjit kriminelin ne krye te policise, Çako, per krimin e tij te rende e antkushtetues, te vertetoje akuzat qe ky ka leshuar per te ndare krimin e tij drejt Interforsces italiane, e cila ne asnje rrethane nuk mund te jete e implikuar ne nje veprimtari te tille antikushtetuese dhe ne shkelje flagrante te marreveshjes ndershteterore.

Por ne rast se ekzistojne dyshimet me te vogla te implikimt te Interforces, qe me sa duket Çako si te tille njef ndonje bolino, te ndermarre hetime te perbashketa energjike me prokurorine italiane per te nxjerre te verteten ne shesh. I bej thirrje Persidentit te Republikes te informoje shqiptaret per te verteten e kesaj afere kriminale antikushtetuese te organizates kriminale qeveritare te Edvin Shullazit!”

Topalli: Shqipëria në udhëkryq, opozita e pafuqishme

Ish-kryetarja e Parlamentit Jozena Topalli, thotë se Shqipëria është “në gjendje alarmante, dramatike” dhe se opozita është e pafuqishme.

Në një intervistë për gazetën “Illyria”, Topalli tha se ekonomia e Shqipërisë ka rënë, se po ikin investitorëët, se po mbyllen vend të punës dhe se qytetarët braktisin masivisht vendin.

Ajo shprehet se mungesa e së ardhmes dhe shpresës nxiti ikjen e 100 mijë shqiptarëve dhe aplikimin e më shumë se 200 mijë të tjerëve për në Shtetet e Bashkuara të Amerikës.

“Kjo thërret me të madhe se ata nuk mendojnë se ardhmja e tyre, e fëmijëve të tyre, mund të ndërtohet në vendin e tyre”-thotë ajo. “Si kurrë më parë në histori me ish-policisë, ish-gardianë burgjesh dhe persona që kanë pranuar se kanë qenë të përfshirë si të dyshuar në veprimtari kriminale, prostitucion, drogë apo vrasje”, thotë Topalli.

“Ka qenë një situatë e paimagjinueshme, – vijon deputetja Topalli, – nëse ishe 20 vjet më parë që në Kuvendin e Shqipërisë të ulen njerëz që pranojnë me gojën e tyre që janë vrasës, bosë të trakut të qenieve e njerëzore apo njerëz që në mandatin e deputetit marrin armë dhe qëllojnë në komisariatin e policisë. Është tragjike kjo”! Reforma në drejtësi është kyçe për partnerët ndërkombëtarë që Shqipëria të ecë me eurointegrimin, por veçanërisht për të shkundur sistemin dhe shoqërinë.

Raportimet se ajo nuk është pajtuar me rolin e ambasadorëve, deputetja i quan të pasakta, por sepse siç thotë “ashtu i kanë servirur” e jo se janë qëndrime të saj:

“Kjo situatë që me sa shoh unë, në gazeta është pasqyruar në mënyrë jorealiste ose si mund t’i pëlqente apo interesonte dikujt brenda forcave politike. Nuk kam qenë kurrë kundër reformës dhe ndoshta as opozita nuk ka ditur të shpjegojë se çfarë ka bërë gjatë kësaj periudhe. Është për shkak të qëndrimit të opozitës që kemi arritur në një draft opinion të Komisionit të Venecias, që paraqet parimet bazë ku duhet të mbështetet ndryshimi.

Nuk është thjesht reforma në drejtësi. Kjo është reformë kushtetuese, sepse me ndryshimet që do të bëhen, preken artikuj të tërë të Kushtetutës. Ndaj njerëzit e angazhuar duhet të ketë njohuri që të ruajnë parimin e barazisë. Po ashtu edhe sepse ndryshon arkitektura e institucioneve, duhet që këto parime t’i shtrijnë në draftet që do të paraqesin. Sistemi i drejtësisë është një një moment që ka nevojë për ndryshim imediat. Por, kjo nuk mund të më çojë që të pranoj draftin e përgatitur nga qeveria, sepse siç e vërtetoi koha, u rrëzua nga Komisioni i Venecias.

Ambasadorët jashtëzakonisht që kanë qëllimin e mirë për të ndryshuar për mirë gjërat. E vetmja vërejtje që unë kam bërë në grupin parlamentar, e kam thënë në Kuvend dhe do ta them, është pyetja se si ka mundësi që në 25 vjet nuk ka ndodhur asnjëherë që ambasadorë të huaj të kërkojnë të vijnë në mbledhje grupi?!

As në 125 vjet, as në 100 vjet nuk e kanë bërë! Por, është e pazakontë për shkak të një situate alarmante, dramatike ku ndodhet vendi”. Mirëpo ndonëse me arsyetimin se të zëvendësosh Sali Berishën në krye të PD-së, është shumë e vështirë, me kritikë e vëren drejtimin e opozitës nga kryetari i ri Lulzim Basha.

Ajo pranon se pas dy mandateve në pushtet, ishte “fare normale” kthimi në opozitë, sepse “vendi kishte nevojë për qeveri të re”. Por, për zonjën Topalli “gjërat janë rrokullisur në mënyrë të frikshme” dhe “njerëzit janë zhgënjyer nga pritshmëria që kishin dhe realiteti ku janë”. “Opozita ka pasur të gjitha shanset për ta kapitalizuar këtë pakënaqësi dhe për t’i dalë zot interesit të qytetarëve dhe interesit publik. Opozita, kryesisht zoti Berisha dhe disa deputetë bënë një betejë të rëndësishme për procesin e dekriminalizimit”-thekson ajo.

Kadare në Gjirokastër: Populli ta detyrojë politikën të dekriminalizohet (Video-Foto)

Voal – “Procesi i dekriminalizmit është një proces jetësor për Shqipërinë. Do jetë e pafalshme në qoftë se nuk kryhet.Populli shqiptar do tregojë cilësitë e tij më të mira po ta detyrojë klasën potitike ta kryejë këtë proces dhe do tregojë cenet e tij nëse nuk e detyron. Populli ka merita, populli ka cene, do ta shikojmë, është një nje provë, por është e detyrueshme të kryhet”. Kështu u shpreh në Gjirokastër shkrimtari i shquar Ismail Kadare gjatë një takimi me lexuesit e tij.

Zoti Kadare tha se Shqipëria në këtë stad qe ndodhet, po ta shikojme në vizionin historik, le ta marrim 5000-6000 vjet, është në stadin më kulmor të saj. S`ka qenë ndonjëherë në pozitë më të favroshme, tha Kadare.

“Por,” – vijoi më tej ai – “për fat të keq pozitat e favorshme krijojnë edhe tension të pafavorshëm” . “Shqipëria” – tha Kadare – “ndodhet në një gjendje tipike ku shanci i madh ka edhe një ngatërresë të madhe midis nesh , shqiptarëve vetë”.

“Unë mendoj, tha Kadare se kjo gjë nuk është fatale , nuk është për të vënë duart në kokë, nuk është për të vënë ulërimën, nuk është për të filluar vaji ,o bo bo sa keq .. “Janë gjendje që popujt i kapërcejnë , i kalojnë”, tha shkrimtari i madh shqiptar.

“Kryesorja, është se kjo është hera e parë në historinë e kombit tonë që vendi ynë , populli shqiptar ka braktisur një pozicion,një skajim të keq , jashtë Evropës sic ka qenë dëbuar nga Europa;ka qenë dëbuar dy herë nga Europa nga osmanët dhe nga komunistët”.

“Eshtë vështirë të thuash kush ka qenë më tepër armik i Europës perandoria osmane apo regjimi komunist shqiptar”, u shpreh Kadare. Sipas tij “ tani është koha e tretë e Shqipërisë “.

“Koha e tretë” – tha ai – “që Shqipëria është vendosur në anën më përparimtare të botës , që quhet qytetërimi perëndimor”.

I pyetur për largimet e shqiptarëve jashtë vendit Kadare tha se kjo ethe e largimit është një ethe e përkohshme. I ka kapur me radhë të gjithë popujt,tha Kadare, herë një popull, herë një tjetër, na ka kapur dhe neve. Psh të famshëm për të ikur nga vendi i tyre kanë qenë italianët. Akoma më të famshëm kanë qenë irlandezët. Popujt të tjerë kanë historinë e tyre të largimit, kthimit dhe pastaj të stabilizimit. “Është e natyrshme që pas një periudhe jashtëzakonisht të egër të izolimit të vinte ky pasion, shpesh me arsye pasi nuk është pa arsye sigurisht, por edhe pakez e kthyer në modë,” – tha Kadare.

“Unë kam besim, u shpreh Kadare , se do gjendet drejtëpeshimi i një populli që qëndron, largohet dhe kthehet dhe në fund të fundit do qëndrojë në vendin e vet”.

Zoti Kadare e viziton qytetin e tij të lindjes në tetëdhjetëvjetorin e tij .

Të shtunën ai u rikthye në shtëpinë e tij të lindjes, të restaurar pas gati 20 vitesh, ku u takua me dhjetera përkthyesit e veprës së tij që u mblodhën në odanë e Kadareve nga gjithë bota.

“Në këtë oda nisa të shkruaja shkrimet e para, tha Kadare. “Ulesha në gjunjë dhe nga dritarja vinte një dritë e cuditshme nga Veriu,” – vijoi ai rrëfimin, duke sjellë histori familjare dhe të krijimtarisë së tij si poet dhe prozator.

Kadare u bëri thirrje bashkëqytetarëve ta ruanin qytetin dhe identitetin e tij dhe sidomos vlera origjinale sic përmendi ai “sokakun e të marrëve”. Sokaku, tha Kadare, është një rrugë e çuditshme e Gjirokastrës që nuk e gjen në gjithë botën.

13166050_1176492205736633_8335907332251817751_n 2016-05-15_10-11-53

Prokuroria heton policinë rreth superpajisjes së paligjshme të përgjimit – ja si hyri ajo në Shqipëri

Njësia Task-Forcë e Prokurorisë së Tiranës avancon hetimet në lidhje me përdorimin e dyshuar të një superpajisjeje ilegale përgjimi në Policinë e Shtetit. Pajisja në fjalë dyshohet se është përdorur në Shqipëri muajt e fundit për të interceptuar komunikime telefonike, por edhe informacione të shkëmbyera në platformat “Messenger”, “Whats App”, “Viber” etj.

Burime të organit të akuzës kanë thënë për gazetën “Panorama” se është konfirmuar tashmë zyrtarisht se një pajisje e tillë ndodhet në Tiranë prej të paktën disa muajsh.

“Pas vendimit për nisjen e hetimeve në lidhje me këtë rast, grupi i hetimit ka kërkuar informacion me një shkresë zyrtare drejtuar Policisë së Shtetit.

Ky informacion është kërkuar me shkrim për efekt prove krahas komunikimit verbal që kanë pasur dy hetuesit e Prokurorisë që kërkuan këqyrjen dhe sekuestrimin e pajisjes në fjalë ditën e premte”, thanë burimet e Prokurorisë. Sipas tyre, në përgjigje të kërkesës së Njësisë Task-Forcë në Prokurorinë e Tiranës, policia me një shkresë të firmosur nga kreu i saj, Haki Çako, ka kthyer përgjigje se ekziston një pajisje e tillë (e llojit “Imci Catcher”), por që nuk është në pronësi të Policisë së Shtetit.

HETIMI PËR HYRJEN NË SHQIPËRI

Pas një kërkese zyrtare drejtuar misionit italian në Tiranë, Interforce, Prokuroria ka nisur verifikimet për mënyrën se si ka hyrë pajisja në fjalë në Shqipëri.

“Sipas ligjit, hyrja e një aparature të tillë në vendin tonë duhej bërë me autorizim të prokurorit të Përgjithshëm, por një gjë e tillë nuk ka ndodhur, pasi ka rezultuar se Prokuroria e Përgjithshme nuk është në dijeni për diçka të tillë”, thanë burimet e grupit të hetimit. Sipas tyre, prej ditës së hënë hetimi do të vazhdojë për të sqaruar mënyrën e futjes së pajisjes në Shqipëri. Jo zyrtarisht ka dyshime se pajisja në fjalë është futur “në rrugë diplomatike”.

Ky dyshim bazohet në informacionin e dhënë Prokurorisë nga Policia e Shtetit, e cila ka thënë se pajisja është sjellë në Shqipëri në bazë të një marrëveshjeje apo memorandumi mes policisë shqiptare (ministrive të Brendshme) në Shqipëri dhe Itali.

Referuar këtij informacioni, pajisja e cila është vendosur tek Akademia e Sigurisë (ish-Akademia e Policisë), por është sjellë në Shqipëri nga Interforca për qëllime trajnimi të efektivave të policisë.

SUPERPAJISJA

Pajisja “Imci Catcher” dyshohet se është futur në Shqipëri me qëllim ekspozimin dhe trajnimin e efektivave të policisë për përdorimin e saj.

Pas trajnimit të efektivave të policisë, pajisja në fjalë mendohet se mund t’i ofrohej policisë shqiptare si donacion, ose mund t’i rekomandohej blerja e saj me qëllim gjurmimin e personave në kërkim. Pas hyrjes së pajisjes në fjalë në Shqipëri, Ministria e Brendshme ka dorëzuar në Kuvend një propozim për ndryshime në ligjin “Për përgjimin e telekomunikimeve”.

Në fillim të prillit, Ministria e Brendshme propozoi një projektligj për ndryshimet të legjislacionit për Komunikimet Elektronike.

Sipas draftit, kompanitë celulare duhet të vënë në dispozicion të dhënat për komunikimet zanore, të mesazheve apo të komunikimeve në internet si “Facebook”, “Viber”, “Whats App” etj., brenda 5 ditëve nga marrja e kërkesës. Një fakt i tillë është konfirmuar edhe nga vetë ministri Saimir Tahiri.

TRAZHGIM SOKOLAJ

Dosjet e Klement Balilit: kapo i trafikut ja ku e siguronte drogën

Klement Balili i shpëtoi hetimit pas kapjes së tij në 2006- n me disa persona të tjerë, duke transportuar kanabis nga Lazarati drejt Sarandës.

Pas kapjes së ngarkesës prej rreth 650 kilogramësh drogë në zonën e ishullit Zakintos në Greqi, më 9 maj, 44-vjeçari ka qenë i pakapshëm për organet e hetimit.

Ndërkohë që puna vazhdon ende për kapjen e tij, Prokuroria ka hapur dosjet e vjetra të Balilit.

Dosjet flasin për një operacion në vitin 2006, ku Balili dyshohej si një nga kapot e drogës së Lazaratit.

DOSJA

Sipas dosjes së kohës, e cila u mbyll për Balilin nga Krimet e Rënda, shtetasit P.M., Y.K. e G. B. janë takuar më datë 14.07.2006 në fshatin Borsh, qyteti Sarandë, ku P.M. u ka kërkuar të transportonin një sasi lënde narkotike nga fshati Derviçan i Gjirokastrës (e marrë në Lazarat) deri në fshatin Piqeras të rrethit Sarandë.

Në datën 16.07.2006, ata janë takuar edhe me të gjykuarin E. N. dhe janë nisur me automjete të ndryshme nga qyteti i Sarandës drejt Gjirokastrës, ku do të takonin edhe fugonin e ngarkuar me lëndë narkotike.

Në fshatin Derviçan, fugonin e ngarkuar me lëndë narkotike e ka marrë në drejtim i gjykuari E. N. Autokolonën e mjeteve e udhëhiqte Y. K., i cili udhëtonte me mjetin “Fiat Cupe”, me targa TR 2890H. Ka qenë Y. që ka vënë re një makinë civile “të dyshimtë” dhe ka lajmëruar shoferin e furgonit që të ndryshonte drejtimin e lëvizjes dhe të braktiste mjetin.

Escobari i Ballkanit i shmanget edhe përgjimit, i zhdukur prej 3 ditësh

Ish-drejtori i Transportit në Sarandë, Klement Balili, i dyshuar nga Policia greke për financim të trafikut të drogës, u është shmangur përgjimeve javët e fundit. Pas kapjes së ngarkesës prej rreth 650 kilogramësh drogë në zonën e ishullit Zakintos në Greqi, më 9 maj, 44-vjeçari ka qenë i pakapshëm për organet e hetimit.

Ndonëse në emër të tij mendohet se ishin identifikuar së paku dy numra telefoni me pseudonimin “Keli” që në mars të këtij viti, së fundi i dyshuari për trafik droge ka arritur të shmanget mrekullisht nga gjurmimi. Dyshohet se në këtë mënyrë, Klement Balili ka arritur t’i shpëtojë edhe arrestimit, pasi nuk është gjetur në banesën e tij në Sarandë mbrëmjen e së premtes.

Në sistemin TIMS nuk rezulton që biznesmeni të ketë dalë në rrugë kufitare nga Shqipëria, edhe pse ndaj tij ende nuk ka urdhër ndalimi apo arresti nga autoritetet shqiptare. Për disa ditë me radhë, ai nuk u thirr as për t’u marrë në pyetje, ndërsa në momentin kur policia lokale shkoi me iniciativë në banesën e tij, Klement Balili kishte humbur gjurmët.

Të afërmit dhe Policia nuk dinë asgjë për adresën e largimit të 44- vjeçarit që është konsideruar nga mediat greke si një “baron” e financues i trafikut të drogës mes disa shteteve. Policia e Shtetit kishte referuar në Prokurori një material në mars 2016 për një grup trafiku droge mes Shqipërisë dhe Greqisë, por pa emra personash të dyshuar.

ARRESTIMET NË BELGJIKË

Gjashtë shtetas shqiptarë dyshohet se janë pjesë e rrjetit të trafikut të drogës mes Shqipërisë, Greqisë dhe disa vendeve të BE-së e më gjerë.

Dy shtetas shqiptarë kanë rënë në pranga më 9 maj në Greqi gjatë kapjes së ngarkesës me drogë të nisur nga Saranda. Ndërkohë që Belgjika ka arrestuar dy persona të dyshuar si bashkëpunëtorë të Klement Balilit, në Shqipëri ende nuk ka persona të arrestuar.

Dhimitër dhe Xhevahir Poti, të dy nga Shqipëria, pronarë të disa bizneseve këtu dhe në Belgjikë, kanë rënë në pranga pas një aksioni të udhëhequr nga Europoli në koordinim me Policinë greke. Policia në Angli kapi 23 kilogramë kokainë në një kamion me drejtues një shtetas grek.

Karroceria ku ishte fshehur kokaina, sipas Policisë, ishte në emër të një prej kompanive të Dhimitër Potit. Policia shqiptare tha se ishte pjesë e aksionit në fjalë, por deri tani nuk ka arritur të arrestojë ndonjë person.

Nga ana tjetër, Prokuroria shqiptare thotë se ende nuk ka prova apo urdhërarrest për Klement Balilin nga pala greke.

Po kështu, sipas Prokurorisë, nga hetimi i deritanishëm nuk është arritur të sigurohen prova për implikimin e 44-vjeçarit në ndonjë aktivitet kriminal, çka mund të shërbente për arrestimin e tij.

TRAZHGIM SOKOLAJ

Vajza që xhiroi videon e Xhelilit u hakmor për nënën e saj

TIRANE – Tre muaj më parë, me urdhër të kryebashkiakut të Peshkopisë, Shukri Xhelili, tashmë i shkarkuar, është larguar nga puna nëna e 20-vjeçares që realizoi videoskandalin.

Kjo dyshohet se mund të jetë një nga arsyet pse vajza ka filmuar të gjithë veprimet e Xhelilit, teksa i kërkonte favore seksuale në këmbim të punës.
“ABC news” bën të ditur se e ëma e 20- vjecares punonte si sanitare tek zyra e regjistrimit të pasurive të paluajtshme dhe me pas është dërguar tek ndërmarrja e llixhave që administrohet nga bashkia e Dibrës.

Aty është dhënë urdhri nga ish-kryebashkiaku për ta larguar nga puna. Sipas burimeve të besueshme mësohet se vendin e saj të punës e ka zëvendësuar një njeri shumë i afërt me Shukri Xhelilin.

20-vjeçarja pasi u mor në pyetje nga policia është lënë e lire. Nuk dihet ende nëse familja e vajzës vazhdon të qëndrojë me në Dibër, apo është larguar në një qytet tjetër.

Ndërsa dosja penale ndaj Shukri Xhelilit pritet t’i dërgohet prokurorisë për Krime të Rënda për akuzën e “korrupsionit pasiv të personave të zgjedhur” dhe “Marrëdhënie seksuale duke shpërdoruar detyrën”, mbetur në tentativë.

Në videoskandalin e publikuar në media shfaqet ish-kryetari i Dibrës Shukri Xhelili teksa i kërkon favore seksuale 20-vjeçares në këmbim të një vendi pune tek Pallati i Kulturës në Peshkopi.

Ushtarakë të Komandës Strategjike të NATO-s vizitë në Shqipëri

Voal – Qëllimi i vizitës është njohja me zhvillimet e fundit në Forcat e Armatosura të Shqipërisë dhe diskutimi i çështjeve të sigurisë . Përfaqësuesit ushtarakë kombëtarë pranë Komandës Strategjike për Operacionet të NATO-s, janë duke zhvilluar një vizitë zyrtare disaditore në Shqipëri.

Sipas njoftimit zyrtar nga Ministria e Mbrojtjes e Shqipërisë, qëllimi i vizitës është njohja me zhvillimet e fundit në Forcat e Armatosura të Shqipërisë dhe diskutimi i çështjeve të sigurisë.

Diskutimi i këtyre çështjeve ishin objekt i takimit që gjeneralmajor Jeronim Bazo, shef i Shtabit të Përgjithshëm të Ushtrisë Shqiptare pati me gjeneral brigade Reinhard Kuhn, përfaqësues ushtarak i Gjermanisë, njëkohësisht edhe dekan i përfaqësuesve ushtarakë kombëtarë pranë Komandës Strategjike të NATO-s. Bazo gjatë këtij takimi ka ritheksuar se Forcat e Armatosura të Shqipërisë janë në krah të Aleancës dhe në shërbim të paqes dhe sigurisë në rajon e më gjerë.

Axhenda e vizitës do të vijojë edhe me zhvillimin e vizitave të ndryshme në vende historike dhe nëpër disa muze, për t’u njohur më nga afër me kulturën dhe traditën e Shqipërisë.

Niko Peleshi shprehet rreth moralit të partisë dhe videoskandalin

Gjatë një takimit me strukturat e Partisë Socialiste në Korçë, numri dy i qeverisë zv/Kryeministri Niko Peleshi ka dhënë reagimin e parë lidhur me videoskandalin e ish kreut të bashkisë Dibër, që i kërkonte seks në këmbim të punës 20-vjeçares.

Peleshi e cilësoi skandalin një ngjarje jo të denjë për një kryebashkiak.

“Partia Socialiste nuk mban përgjegjësi për çdo anëtar të sajin dhe veprimet e tyre morale. Ish kryetari i Bahskisë së Dibrës u shkarkua pasi shkeli ligjin, etikën”- tha Peleshi, pyetur nga mediat për skandalin e fundit, teksa ishte gjatë takimit në Korçë.

Protesta e pardjeshme: Prokuroria e Tiranës nis procedim penal për Erjon Veliajn

Prokuroria e Tiranës ka nisur procedim penal për protestën e dy ditëve më parë të organizuar nga Bashkia e kryeqytetit pranë selisë së Gjykatës Administrative.

Përmes një njoftimi zyrtar bëhet e ditur se, organi i akuzës e ka ndërmarrë nismën e tij për veprat penale “organizim të manifestimit të paligjshëm” dhe “kanosje e fyerje ndaj gjyqtarëve”.

Sipas njoftimit, Prokuroria e Tiranës ka kërkuar sekuestrimin e pamjeve filmike të protestës së 11 majit, të transmetuara në televizione.

Përmes protestës, e drejtuar nga kryebashkiaku Erion Veliaj, kërkohej dorëheqja e trupit gjykues që ishte caktuar për të gjykuar çështjen e lejes së ndërtimit dhënë për kompaninë “Gener 2”, për ndërtimin e një godinë 17-katëshe në vendin përballë digës së liqenit artificial në Tiranë.

Misteri i urdhërarrestit për Klemend Balilin, autoritetet shqiptare letër porosi drejtësisë greke

Autoritetet shqiptare i kanë nisur letër-porosi homologëve greke, që tu vihen në dispozicion hetimet e kryera për Klemend Balilin dhe shqiptarët e tjerë të përshirë në trafikun e drogës. Mësohet se letër porosia ka mbëritur në Ministrinë e Drejtësisë në datën 11 maj, por nuk sqarohet nëse këto shkresa i janë përcjellë palës greke.

Në këtë letër-porosi prokuroria kërkon informacion të detajuar mbi aktivitetin e Klemend Balilit, i cili nga mediat helene është cilësuar si “Eskobari i Ballkanit”. Sqarohet se është kërkuar e gjithë dosja duke përfshirë këtu edhe përgjimet telefonike të Balilit dhe pjesëtarëve të tjerë të grupit.

Për 44-vjeçarin në muajin Mars është nisur një hetim pas dyshimeve se ai mund të ishte i përfshirë një rrjet trafiku të drogës nga Shqipëria drejt Grqisë dhe më pas drejt Europës. Po në 2 muaj hetim nuk është përftuar asnjë element që të shërbejë si indicie për të lëshuar një urdhërarresti për të. Gjithashtu sqarohet se për Balilin ende nuk as një urdhër-ndalimi ndërkombëtar.

Shukri Xhelili ka pasur edhe afera tjera seksuale, nën hetim edhe i biri

Prokuroria e Dibrës ka përfshirë në hetimet për skandalin seksual të ish-kreut të Bashkisë Peshkopi, edhe djalin e Shukri Xhelilit.

Në muajin Mars të këtij viti, djalit të Shukri Xhelilit i është djegur makina, ngjarje që është klasifikuar si zjarrvënie e qëllimshme, por ende pa autor.

Hetuesit dyshojnë se zjarrëvënia dhe video-skandali kanë lidhje me njëra-tjetrën në formë hakmarrje ndaj Shukri Xhelilit.

Ky i fundit dyshohet se ka patur edhe raste të tjera të aferave seksuale nga ana e tij për punësime në Bashki.

Kokëdhima: Balilin e kam takuar me Metën, atë e vendosi LSI-ja

Meta, Kokëdhima dhe Balili, gjate përurimit të kompleksit ‘Santa Quaranta’

Pas akuzave të një dite më parë, nga ish-kryeministri Berisha për lidhjen me të ashtuquajturin “Escobarin e Ballkanit”, deputeti Koço Kokëdhima ka deklaruar sot se nuk ka asnjë njohje, apo lidhje me të dhe shton se në atë post ai është vendosur nga LSI-ja.

Në një postim të gjatë në profilin e tij në FB, Kokëdhima shkruan se e vetmja herë që e ka parë Klemend Balilin ka qenë gjatë inaugurimit te Hotelit tek ish-Kampi i punëtorëve në Sarandë, ku ka qene së bashku me Kryetarin e Parlamentit, Ministrin Ahmetaj dhe nje grup deputetësh.

Sipas Kokëdhimës, “Balili nuk është propozuar dhe as emëruar si drejtor i KSHA Sarandë as nga unë dhe as nga Partia Socialiste. Ai, në këtë detyrë është propozuar dhe vendosur nga LSI”.

Postimi i plotë i Kokëdhimës

Shpifja e Saliut nr. 1004 për mua
Nga dita që unë hyra në politikë 3 vjet më parë, Saliu ka bërë 1004 shpifje për mua. Kam ngarkuar dy persona ti numërojne, dokumentojnë dhe publikojnë në një botim të posaçëm shpifjet më të paimagjinueshme të këtij maskarai . Dje në Parlament Saliu tha, se Klemet Balili është emëruar nga Kokëdhima në detyrën e drejtorit të shfrytëzimit të automjeteve në Sarandë. Ai gjithashtu tha, se gjoja Klement Balili është I afërt me mua dhe se ka finacuar Partinë Socialiste në zgjedhjet e qershorit të 2013. Kjo përbën shpifjen e Saliut nr. 1004. Kurrë nuk e kam njohur Klement Balilin, kurrë nuk e kam takuar apo biseduar me këtë njeri. Jam parë me të vetëm në inaugurimin e Hotelit tek ish-Kampi I punëtorëve në Sarandë, ku kam qenë së bashku me Kryetarin e Parlamentit, Ministrin Ahmetaj dhe nje grup deputetësh, Kryetarë të Bashkive, drejtues të shtypit e gazetarë. Balili nuk është propozuar dhe as emëruar si drejtor i KSHA Sarandë as nga unë dhe as nga Partia Socialiste. Ai, në këtë detyrë është propozuar dhe vendosur nga LSI. Që nga majii 2013, që unë jam në politikë dhe asnjëhërë tjetër me parë, Balilajt nuk e kanë mbështetur Partinë Socialiste as finaciarisht, as materialisht dhe në asnjë formë tjetër. Nga Balilajt, unë njoh prej një viti Rigels Balilin, qysh nga qershorit i 2015. Rigelsi u vendos nga LSI si kandidaturë për kryetar të bashkisë së Delvinës. Me Kryetarin e Bashkisë së Delvinës, Rigels Balili, unë kam ruajtur kontakte dhe komunikim shumë të mirë, si me gjithë kryetarët e tjerë të Bashkive në Qarkun Vlorë-Gjirokastër, ku unë punoj. Kam takuar 3-4 herë edhe Bako Balilin, kordinatorin e LSI për rrethin e Delvinës, kryesisht gjatë fushatës elektorale të 2015. Përpara vitit 2013, Balilajt nuk kanë qenë kurrë me Partinë Socialiste. Ata kanë qenë mbështetës të shpallur të Partisë Demokratike të Sali Berishës. Shpifja nr. 1004 e Saliut ndaj meje dje në Parlament, fakteqsisht nuk u demaskua nga qeveritarët e deputetët e Partisë Socialiste, që i njohin plotësisht të vërtetat, që unë shpjegova më lart, siç i dinë edhe të gjithë banorët në Sarandë dhe Delvinë.

(Video) Mimi Kodheli: Në Shqipëri do të ngrihet një Qendër Ekselente e NATO

Ministrja e Mbrojtjes znj. Mimi Kodheli doli sot në një konferencë për mediat ku njoftoi për ngritjen e një qendre ekselence të NATO-s për trajtimin e fenomenit të luftëtarëve të huaj.

Ashtu siç tha ministrja Kodheli, një qendër e tillë ngrihet për herë të parë në vendin tonë.

Qendrat e Ekselencës (COEs) janë organizatat ushtarake ndërkombëtare që trajnojnë dhe edukojnë liderë dhe specialistë nga vendet anëtare dhe partnere të NATO-s. Ato ndihmojnë në zhvillimin e doktrinës, për të identifikuar mësimet e nxjerra, të përmirësojnë ndërveprimin dhe aftësitë, dhe provojnë dhe vërtetojnë konceptet përmes eksperimentimit.

130516-media

Më poshtë fjala e plotë e ministres Kodheli në konferencën e sotme për shtyp.

Mirëdita,

në Shqipëri, për herë të parë që nga anëtarësimi i saj, do të ngrihet një strukturë NATO: Qendra e Ekselencës NATO, për të luftuar fenomenin e luftëtarëve të huaj terroristë.

Pak ditë më parë, propozimi i Ministrisë së Mbrojtjes u shqyrtua në Komitetin Ushtarak të NATO-s dhe u kalua në unanimitet të plotë nga të 28 vendet anëtare.
Propozimi ynë erdhi në një moment kritik për mbarë komunitetin ndërkombëtar.

Fenomeni i luftëtarëve të huaj terroristë ka marrë përmasa të konsiderueshme. Mijëra prej tyre largohen nga Evropa dhe luftojnë sot në shtete dhe territore të destabilizuara në Lindjen e Mesme.

Disa prej tyre janë qytetarë të vendeve të Ballkanit Perëndimor.

Kjo Qendër Ekselence do të ndihmojë vendet anëtare të NATO-s, por dhe ato shtete partnere të interesuara, për të kuptuar në origjinë shkaqet dhe arsyet e radikalizimit të qytetarëve që jetojnë në hapësirën Euro-Atlantike, si dhe për të gjetur rrugët dhe mënyrat e parandalimit të këtij fenomeni në shoqëritë tona.

Qendrat e Ekselencës së NATO-s janë institucione që trajnojnë dhe edukojnë specialistë nga vendet anëtare. Këto qendra ndihmojnë në zhvillimin e doktrinave, identifikojnë mësime të nxjerra, si dhe përmirësojnë ndërveprueshmërinë mes aleatëve.

Me ngritjen e kësaj Qendre Ekselence, Shqipëria mirëpret në tokën e saj një strukturë që do të mbajë flamurin e NATO-s, duke plotësuar kështu më së miri spektrin e angazhimeve të saj kombëtare.

Kjo Qendër Ekselence, do të mbështesë gjithashtu edhe projektet e Qeverisë Shqiptare për angazhimet e marra në luftën kundër ekstremizmit të dhunshëm dhe terrorizmit.

Pasja e një strukture të tillë në Tiranë, do t’i shërbejë maksimalisht edhe institucioneve të tjera shqiptare ligjzbatuese, duke i ndihmuar ato për të kuptuar sa më mirë fenomenin e luftëtarëve të huaj dhe për të ndërvepruar me struktura të ngjashme të vendeve të Aleancës së Atlantikut.

Projekti ynë tashmë do t’i kalojë për veprim Komandës Aleate për Transformim, e cila do të na asistojë hap pas hapi deri në përfundimin e procedurave teknike për hapjen sa më shpejt të Qendrës së Ekselencës në Tiranë.

Bashkim Gazidede: Fatos Klosi ka vrarë dy kryetarë të Shërbimit Informativ, kryetarin e Vlorës dhe Lushnjës – Lidhjet e mia me Berishën, dosjet, terrorizmi, piramidat dhe akuzat ndaj pasardhësit të tij

“Nuk kam gisht në rrëmbimin e Remzi Hoxhës, as kam takuar Arkanin dhe as kemi trafikuar armë. Këto janë shpifje të ulta”

Për herë të parë, Bashkim Gazidede, drejtuesi për disa vjet i Shërbimit Sekret Shqiptar, i kthyer pak javë më parë në Shqipëri, që pas largimit në vitin 1997, rrëfehet për lidhjet e tij më Berishën, pjesëmarrjen në një organizatë të intelektualëve myslimanë, emërimin në krye të Shërbimit Informativ Kombëtar, asgjësimin e dosjeve, zhdukjen e biznesmenit Remzi Hoxha, deri te akuzat ndaj tij. Ndërsa ka lëshuar akuza të ashpra ndaj pasaardhësit të tij në detyrën e kreut të SHIK, Fatos Klosi, “i cili ka vrarë dy kryetarë shërbimi”, Gazidede ka mohuar që institucioni i drejtuar prej tij të ketë gisht në rrëmbimin e biznesmenit shqiptaro-maqedonas, Remzi Hoxha, zhdukja e të cilit është kthyer në rend të parë ditët e fundit.

TV KLAN : Zoti Gazidede, intervista juaj sot do të jetë një lloj profili, duke filluar që nga viti 1991 dhe duke u përqendruar kryesisht në ato pika që kanë qenë jo vetëm të mistershme, por shpeshherë edhe akuza ndaj jush ose ndaj institucionit që ju keni drejtuar gjatë viteve 1992-‘97. Por, po e nis pikërisht me atë profil. Cili ka qenë angazhimi juaj përpara vitit 1991 kur ju u zgjodhët deputet i Partisë Demokratike në Peshkopi?

Bashkim Gazidede: Unë kam mbaruar për mësues matematike në Shkodër në vitin 1976. Kam shkuar në shkollë të lartë pas një katërvjeçari ndërprerjeje, siç ndodhte shpesh në atë kohë. Kam mbaruar me rezultate shumë të mira. Kam punuar mësues në disa fshatra të Peshkopisë. Mbas njëfarë periudhe, arrita të rregulloj plotësimin e provimeve pranë UT në degën e Matematikës dhe në këtë periudhë më morën pedagog në Fakultetin e Shkencave, në katedrën e Matematikës. Që nga viti 1984 kam punuar në Fakultetin e Shkencave të Natyrës deri në vitin 1992, kur u bëra deputet i PD-së dhe më vonë shef i shërbimeve sekrete.

TV KLAN : Ç‘lidhje kishit ju me Partinë Demokratike?

Bashkim Gazidede: Unë vij nga një familje që nuk e ka dashur komunizmin asnjëherë. Jam rritur në një ambient familjar ku komunizmi është kritikuar vazhdimisht. Nuk mendoj se është më tepër merita ime, por merita e traditës familjare. Unë kam pasur shokë dhe miq, me të cilët gjithmonë kam folur për problemet që unë mendoja se nuk ishin të drejta në atë kohë. Kështu që nga 1991 nuk ishte gjë e jashtëzakonshme për mua. Unë dhe në fakultet, në atë kohë, kam pasur shokë dhe miq me të cilët bisedoja. Krijimi i PD-së për mua ishte një gjë që nuk më linte të mendoja e në cilën anë do të jem. Dhe, nëse unë kandidova për PD-në në 1991 në Peshkopi, edhe pse e dija që nuk fitohej, unë do t‘u bëja shërbim atyre patriotëve të mi nga Peshkopia. Të paktën, ata që më njihnin ta kuptonin se në cilën anë isha. Ky ishte qëllimi im në atë kohë. Pastaj ata menduan të më kandidojnë sërish në ‘92 dhe ndoshta jashtë dëshirës time, kandidova sërish në vitin 1992 dhe u zgjodha deputet.

TV KLAN : Zoti Gazidede, si ndodhi që u vutë ju në krye të SHIK-ut, në maj 1992?

Bashkim Gazidede: Unë nuk kam pasur asnjë lidhje personale me zotin Berisha në atë kohë, kur ai ishte President. Nuk e kisha takuar asnjëherë. Unë dhe sot e kësaj dite nuk e di saktësisht se kush më ka propozuar pranë tij. Sigurisht që do t‘i kishin folur fjalë të mira.

TV KLAN : Nuk u bëtë kurioz të dinit se kush ju propozoi të ishit në krye të SHIK-ut?

Bashkim Gazidede: E kam pyetur dhe zotin Berisha dhe nuk më ka treguar asnjëherë.

TV KLAN : Po si ju bë propozimi?

Bashkim Gazidede: Unë nuk e di se si u bë propozimi.

TV KLAN : Si ju bë juve propozimi?

Bashkim Gazidede: Mua më thirri zoti Berisha një ditë të shtunë dhe më tha se kishte menduar të më emërojë shef të SHIK-ut. Unë nuk pranova. Rezistova të them të drejtën, sepse mendoja se ishte një punë e vështirë për mua.

TV KLAN : Pse mendonit se ishte e vështirë?

Bashkim Gazidede: Kisha disa arsye që e kundërshtoja. Në radhë të parë, unë karrierën time e mendoja shkencore dhe jo politike. Në radhë të dytë, kisha fëmijë të vegjël dhe mendoja se kishin nevojë për kujdesin tim, pasi ime shoqe ishte e vetme mund të mos e përballonte rritjen e tyre. Kisha arsye shëndetësore etj. Zoti Berisha më bindi, nëse mund të them, duke më thënë se nëse ai nuk do të pranonte të ishte President, disa të tjerë s‘do pranonin të ishin kryeministra apo ministra, në qoftë se dhe unë s‘do pranoja të isha shef i SHIK-ut, d.m.th. ishte kot që u përfshimë në lëvizjen demokratike dhe i binte t‘ua linim pushtetin komunistëve.

TV KLAN : Dhe ju vendosët të pranonit drejtimin e Shërbimit Informativ. Po, a ishit ju zoti Gazidede në atë kohë një ndër njerëzit besnikë të Presidentit Berisha?

Bashkim Gazidede: Unë nuk e di se çfarë besimi kishte ai tek unë, sepse ai nuk më njihte fare. Ai mund të kishte dëgjuar për mua ato që ishin folur, por unë besoj se zoti Berisha, të gjithë bashkëpunëtorët e tij i ka zgjedhur, duke menduar se janë njerëz që e bëjnë një punë të caktuar. Kjo nuk mund të krahasohet me atë që erdhi pas meje në Shërbimin Informativ Kombëtar. Zoti Meidani që e zgjodhi zotin Klosi si shef të SHIK-ut, e zgjodhi duke u nisur nga shoqëria shumë e ngushtë që ata kishin gjatë punës në Shkencat e Natyrës. Këtë e di, sepse kam qenë dhe unë atje.

TV KLAN : Ju keni qenë kolegë me zotin Meidani dhe zotin Klosi?

Bashkim Gazidede: Po, në një fakultet kemi punuar. Zoti Meidani, për shumë kohë ka qenë dhe dekan i Fakultetit, ku unë kam qenë pedagog.

TV KLAN : Zoti Gazidede, doja t‘ju bëja një pyetje që është përfolur shumë në fillim të viteve ‘90, kur ju erdhët në krye të SHIK-ut. Në atë kohë ju keni qenë një anëtar i Shoqatës së Intelektualëve Islamikë, nëse s‘gaboj. Të paktën kështu është thënë nga shtypi. A ka ndikuar ky fakt në emërimin tuaj në krye të SHIK-ut?

Bashkim Gazidede: Në radhë të parë, dua t‘ju shpjegoj se çfarë ishte kjo shoqatë. Unë kisha disa miq që kishin njohuri të përgjithshme për fenë myslimane, ashtu siç mendojnë se kisha dhe unë. Mund të përmend Bardhyl Ficon, mund të përmend ndjesë pastë doktor Shefqet Ndroqin, mund të përmend kunatin e Rexhep Meidanit, Doktor Bylykun. Së bashku me ta, me iniciativën e Bardhyl Ficos krijuam një shoqatë të të ashtuquajturve intelektualë myslimanë. Kjo ka qenë diku në prag të zgjedhjeve të ‘92. Qëllimi i kësaj shoqate ishte të mos të lëmë të gjykojnë për fenë myslimane, në atë kohë, më vjen keq që e shpreh këtë fjalë, injorantët. Në kuptimin që ishin njerëz të pashkolluar, ishin njerëz që edhe fenë nuk e njihnin tamam. Ndërsa fetë e tjera kishin kuadro të përgatitur, të shkolluar, myslimanët nuk kishin dhe aq. Kjo ishte ideja themelore. Unë pastaj e pashë veten në një mbledhje, të parë dhe të fundit që është bërë në këtë lloj shoqate, i zgjedhur kryetar prej tyre. Zgjedhja u bë pas një debati që u bë për përfshirjen e fesë në politikë, në atë periudhë. U hodhën zëra që feja nuk duhet të përzihej në politikë dhe kjo është normale. Por, ideja ime ishte në atë kohë se feja nuk mund të ishte indiferente ndaj komunizmit, i cili ka qenë armiku më i egër ndaj fesë. Flas të paktën për në Shqipëri. Dhe mbase një prononcim i tillë më vuri në krye të asaj shoqate. Por, deklaroj se ishte mbledhja e parë dhe e fundit që kam mbajtur.

TV KLAN : A kishte lidhje mes faktit që ju u zgjodhët në krye të kësaj?
Bashkim Gazidede: Absolutisht jo, asnjë lloj lidhje. Madje, zoti Berisha dhe mjaft të tjerë, as mund ta dinin se ekzistonte një shoqatë e tillë.

TV KLAN : Zoti Gazidede, në momentin që ju morët në dorë çelësat e zyrës më misterioze të shtetit shqiptar, ose mund të themi se ishit trashëgimtar i Sigurimit të Shtetit, çfarë dinit për atë zyrë?

Bashkim Gazidede: Nuk dija pothuajse asgjë. Kisha një farë antipatie për Sigurimin e Shtetit në përgjithësi. Gjatë gjithë kohës, nuk kam pasur kontakte dhe shoqëri me asnjë punonjës të Sigurimit të Shtetit. Për çudinë time nuk më është afruar ndonjëherë, në ndonjë rast, asnjë prej tyre dhe kështu që nuk kam pasur ndonjë ide. Por, duke dëgjuar për bëmat e Sigurimit, sigurisht që kisha një lloj antipatie.

TV KLAN : Cila ishte trashëgimia e sigurimit që ju gjetët atje?

Bashkim Gazidede: Atje gjeta një personel që ishte, mund të them 100% i Sigurimit të Shtetit. E ashtuquajtura reformë që është bërë në ‘91 kishte nxjerrë vetëm një pjesë rezervë të këtij personeli prej 200 vetash, të cilët ishin në të njëjtën listë organike që kishin qenë, vetëm se nuk kishin të drejtë të vinin në zyrë, por e merrnin rrogën, kryetari për kryetar, shefi për shef, inspektori për inspektor, por duke qëndruar në shtëpi ose duke bërë çfarë t‘i thoshte partia.

TV KLAN : Në momentin që ju morët në dorë Shërbimin Informativ Kombëtar, që do të thotë se ishin trashëgimtari i parë i drejtpërdrejtë i Sigurimit të Shtetit, a konstatuat se në vitin 1991-1992, siç pretendonte dhe pasardhësi juaj Fatos Klosi, kishte asgjësuar dosjet e informatorëve dhe dosjet e tij?

Bashkim Gazidede: Po, kjo është e vërtetë. Ne u ndeshëm përballë një fakti që një pjesë e konsiderueshme dosjesh, mund të them një shifër të përafërt, rreth 10 mijë dosje, qenë asgjësuar në atë periudhë nga Ministria e Brendshme, dhe për sa kohë ishte dhe Sigurimi brenda Ministrisë së Brendshme, me firmën e zotit Gramoz Ruçi. Në këtë shifër përfshihet dhe një pjesë e konsiderueshme dosjesh që ishin djegur nga Irakli Koçollari, në atë kohë shef i SHIK-ut.

TV KLAN : A jeni i saktë në këtë shifër? Se ju thatë që ishin eliminuar 10 mijë dosje, ndërkohë që zoti Klosi tha me shifra të përafërta se Sigurimi i Shtetit gjatë gjithë kohës ka pasur jo më shumë se 5 mijë dosje?

Bashkim Gazidede: Kjo është krejtësisht e pasaktë.

TV KLAN : Përse është e pasaktë?

Bashkim Gazidede: Është e pasaktë, sepse do të thotë që Sigurimi i Shtetit gjatë një periudhë rreth 40-vjeçare ka pasur mbi 120 mijë informatorë.

TV KLAN : A jeni i saktë?

Bashkim Gazidede: Mund të gaboj me 5 mijë.

TV KLAN : Pra, mbi 100 mijë informatorë ?

Bashkim Gazidede: Pra, mbi 120 mijë informatorë dhe, gjykuar se çdo informator të kishte një dosje do të mendonim se kishte rreth 120 mijë dosje. Por duhet pasur parasysh, sepse mjaft raste asgjësoheshin dhe pas një periudhe. Ishin dosje që, pasi mbaronte aktiviteti i informatorit, kishin afat ruajtjeje 10 vjet – 20 vjet deri në 25 vjet. Pas kësaj periudhe asgjësoheshin. Quhej proces normal asgjësimi. Duke pasur parasysh këtë proces, mendoj se në kohën kur unë kam qenë drejtues në SHIK, duke hequr dosjet që ishin asgjësuar, ka pasur mbi 40 mijë dosje të Sigurimit të Shtetit.

TV KLAN : Çfarë dosjesh kishte asgjësuar Sigurimi i Shtetit?

Bashkim Gazidede: Shiko, ata pretendonin se kishin asgjësuar dosjet për agjitacion e propagandë dhe për tentativë arratisje. Por, asgjësimi ishte selektiv dhe i qëllimshëm, për të humbur gjurmët e veprimtarisë që kishin bërë organet e Sigurimit të Shtetit. Ata pretendonin se meqenëse agjitacioni dhe propaganda u hoq si figurë krimi, siç e quanin ata dhe tentativa për arratisje u hoq nga ‘tradhti ndaj atdheut‘, ata kishin të drejtë të asgjësojnë këto lloj dosjesh që ishin bërë në këto dy ‘figura krimi‘. Sigurisht që një gjë e tillë ishte e paligjshme, sepse ato ishin pjesë e historisë së popullit shqiptar gjatë periudhës së komunizmit. Nëse këto vërtet u hoqën nga figura krimi, siç i quajtën, ato mund të arkivoheshin. Ato nuk duhet të ishin më veprimtari në funksion, tani e mbrapa, por jo të asgjësoheshin. Asgjësimin e kanë bërë në kundërshtim të plotë më ligjet e asaj kohe. Me ligjet që ata vetë kishin vendosur, me rregullat dhe rregulloret që vetë kishin vendosur. Për këtë arsye, unë kam dërguar për ndjekje penale zotin Koçollari dhe disa të tjerë. Zoti Koçollari, për asgjësim të paligjshëm dokumentacioni u dënua me 6 vjet burg, pastaj ai ka dalë në 1997 dhe unë nuk di më tej.

TV KLAN : Zoti Gazidede, ju thatë se ishte bërë një asgjësim selektiv i dosjeve. Domethënë kjo që ishin asgjësuar dhe dosje personash të rëndësishëm politikë?

Bashkim Gazidede: Unë mendoj se po.

TV KLAN : Keni ndonjë fakt në këtë drejtim?

Bashkim Gazidede: Nuk kam ndërmend të përmend fakte, por ka fakte sa të duash për këtë gjë.

TV KLAN : Çdo me thënë ka fakte?

Bashkim Gazidede: Po, ka fakte. Shiko, në qoftë se ti ke dy bashkëpunëtorë, por le të themi se të dy janë të përfshirë në politikë, që do të thotë se kanë qenë bashkëpunëtorë në të njëjtin drejtim. Në qoftë se njëri ka qenë për agjitacion dhe propagandë dhe ti ia ke dokumentacionin, ia bën dhe publik. Ndërsa tjetrit ia fshihnin dokumentacionin, ia fsheh, ia djeg, ia zhduk. I lë ndoshta vetëm ndonjë kartelë. Ky është asgjësim selektiv.

TV KLAN : Në kohën që ju keni marrë në dorë SHIK-un, a ka pasur dosje të personave të rëndësishëm politikë të viteve 1992-1997?

Bashkim Gazidede: Ka pasur. Jo shumë, por ka pasur.

TV KLAN : Persona të rëndësishëm?

Bashkim Gazidede: Nuk dua të komentoj në këtë drejtim. Unë mund t‘ju them diçka tjetër në këtë aspekt. Zoti Klosi, në një intervistë që ka bërë me juve është shprehur se SHIK-u, nën drejtimin tim, ka bërë disa asgjësime selektive, jo me regjistrat, jo me ku di unë ç‘kishte ai ndërmend të thoshte. Unë ju garantoj se nuk është absolutisht e vërtetë. Nuk kam asgjësuar asnjë lloj dokumenti gjatë periudhës që kam drejtuar Shërbimin Informativ Kombëtar. Madje, dhe dokumentet që janë asgjësuar, janë djegur bashkë me djegien e degëve të SHIK-ut, nuk kanë sjellë ndonjë pasojë, sepse i gjithë dokumentacioni në kohën tonë ka qenë i dubluar. Dokumentacioni që ka ekzistuar nëpër degët e rretheve kishte një kopje në qendër. Përveç kësaj, dua t‘ju them se marrja në dorëzim e dokumentacionit nga sigurimi në kohën që kam ardhur unë është bërë me procesverbal, regjistër për regjistër dhe fletë për fletë. Të gjithë rreshtat që ata kanë fshirë nëpër regjistra, me bojë të bardhë apo të zezë, në një mënyrë apo në ndonjë mënyrë tjetër janë të dokumentuara në procesverbalet e marra në dorëzim nga unë.

TV KLAN : Pse janë fshirë?

Bashkim Gazidede: Këtë e dinë ata. Njerëz që nuk deshën t‘i kishim ne në dorë që kanë qenë njerëz të Sigurimit të Shtetit, kanë qenë spiunë të sigurimit etj.

TV KLAN : Zoti Gazidede, ju thatë që një pjesë e dosjeve të bashkëpunëtorëve të Sigurimit të Shtetit janë eliminuar në vitet 1990-1992, por ndërkohë po thoni se një regjistër vazhdon të ekzistojë me emrat e bashkëpunëtorëve. Kjo do të thotë që nëse sot dikush tenton të mësojë emrat e bashkëpunëtorëve, këtë mund ta bëjë?

Bashkim Gazidede: Mund ta bëjë.

TV KLAN : Edhe në qoftë se dosja është e djegur?

Bashkim Gazidede: Edhe në qoftë se dosja është e djegur kjo gjë bëhet. Sigurisht, këtu përgjegjësia është tjetër kund. Nuk mund të gjykosh për shkallën e implikimit të secilit bashkëpunëtor. Aty mund të kesh një bashkëpunëtor që nuk ka dhënë asnjë të dhënë. Pra, mund të ketë pranuar të bashkëpunojë me sigurimin, por s‘ka dhënë asnjë të dhënë që mund të dëmtojë një të tretë. Mund të jetë një tjetër që ka çuar në burg disa persona.

TV KLAN : Ish-ministri i Brendshëm, Luan Rama, është shprehur dy ditë më parë se dosjet e Sigurimit të Shtetit edhe nëse janë asgjësuar ekzistojnë të fotografuara në mikrofilma. Është e vërtetë kjo?

Bashkim Gazidede: Kjo është e vërtetë, por unë kam pasur dyshime që në atë kohë që një pjesë e mikrofilmave, në mos të gjithë, janë fshehur.

TV KLAN : Ju vetë keni disponuar mikrofilma në vitin 1992 kur keni ardhur në krye të SHIK-ut?

Bashkim Gazidede: Po, në disa raste kam parë mikrofilma për dosje të veçanta.

TV KLAN : Keni parë për dosje të veçanta, por a ekzistonin për të gjitha dosjet?

Bashkim Gazidede: Për dosjet e asgjësuara thuhej që ishin asgjësuar dhe mikrofilmat. Duke pasur parasysh që mikrofilmat nuk zinin volum fare, unë dyshoj se nuk janë asgjësuar, por janë fshehur.

TV KLAN : Kush mendon t‘i ketë fshehur?

Bashkim Gazidede: Unë mendoj për Gramoz Ruçin dhe pasardhësin e tij në Sigurimin e Shtetit, Irakli Koçollarin.

TV KLAN : Ju dyshoni se Gramoz Ruçi dhe Irakli Koçollari mund të kenë mikrofilmat e dosjeve të Sigurimit të Shtetit, të asgjësuara?

Bashkim Gazidede: Sigurisht që dyshoj, por dua të shtoj se ky është thjesht dyshim.

TV KLAN : Meqenëse iu referuam intervistës së zotit Klosi të dy javëve më parë në emisionin “Opinion”, ku ai është shprehur se ka dyshime që dosjet e kundërzbulimeve të Shërbimit Shqiptar me UDB-në ishin në dorë të UDB-së ?

Bashkim Gazidede: Unë nuk e di se nga i ka nxjerrë këto konkluzione zoti Klosi. Nëse kjo është e vërtetë, atëherë duhet të kenë ndodhur në kohën e zotit Klosi, sepse në kohën time nuk kanë ndodhur dhe për këtë jam i sigurt. Nëse do të isha në dijeninë e Klosit dhe do të kishte ndodhur kjo që thotë zoti Klosi, unë do ta kisha çuar për ndjekje penale, pa asnjë lloj hezitimi.

TV KLAN : Kur keni qenë në krye të SHIK-ut, a keni pasur dosje të Kundërzbulimit të UDB-së?

Bashkim Gazidede: Sigurisht, dhe janë ruajtur me fanatizëm dhe është bërë ajo që nuk ishte bërë për një kohë të gjatë, janë ruajtur në ambiente me kondicionerë sipas të gjithë rregullave të arkivave, rregullave bashkëkohore bëhet fjalë, me qëllim që ai dokumentacion të ishte në ruajtje të përhershme.

TV KLAN : Dua t‘ju bëj një pyetje të drejtpërdrejtë dhe dua një përgjigje të drejtpërdrejtë nga ana juaj. A keni bërë ju, si shef i SHIK-ut, ose persona të angazhuar nga ju, presionet me dosjet e personave politikë?

Bashkim Gazidede: Unë nuk kam bërë asnjë presion ndaj asnjë personi dhe nuk kam autorizuar asnjë person të bëjë presion.

TV KLAN : Jeni të sigurt se dosja nuk i është tundur ndonjë politikani për ta bërë atë ?

Bashkim Gazidede: Jam i sigurt. Asnjëherë !

TV KLAN : Nuk ua keni bërë as deputetëve të opozitës?

Bashkim Gazidede: Kurrë.

TV KLAN : Gjithsesi, në atë kohë që ishit në krye të SHIK-ut a ishin në dijeni të personave, politikanëve të rëndësishëm, që ishin me dosje?

Bashkim Gazidede: Shiko, disa gjëra mësoheshin dhe automatikisht aty. Unë nuk është se kam bërë ndonjë studim për këtë problem. Ne si shërbim informativ jemi përfshirë, kam përshtypjen, në prag zgjedhjesh të vitit 1996, për verifikimin e atyre figurave që do të kandidonin për deputetë të Kuvendit dhe ky ishte një proces ligjor.

TV KLAN : Ç‘model përdorët ju për të ngritur SHIK-un pas Sigurimit të Shtetit?

Bashkim Gazidede: Ne kemi përdorur modele të shërbimeve perëndimore.

TV KLAN : Që do të thotë…

Bashkim Gazidede: Unë kam pas punuar me mjaft shërbime perëndimore, vende anëtare të NATO-s kam marrë modele prej tyre dhe jam munduar t‘i aplikoj në ndërtimin e shërbimit.

TV KLAN : Cili ishte objekti kryesor i punës tuaj?

Bashkim Gazidede: Ishte mbrojtja e Kushtetutës

TV KLAN : Që do të thotë?

Bashkim Gazidede: Që do të se duhet të mbrohej vendi nga çdo veprim antikushtetues, qoftë i brendshëm, qoftë që mund ta kërcënonte dhe nga jashtë vendit.

TV KLAN : A quhej mbrojtje e Kushtetutës dhe përgjimi, ndjekja apo qoftë dhe represioni ndaj opozitës së kohës?

Bashkim Gazidede: Ne nuk e kemi përgjuar, as e kemi ndjekur dhe as që i kemi bërë represion ndaj opozitës së asaj kohe. Unë duhet t‘ju them zoti Fevziu, se opozita e asaj kohe, që ishte një parti pushtetare gati 50-vjeçare, e la pushtetin në një kohë që mendonte se nuk mund ta mbante më pushtetin. Dhe, sigurisht, ata kishin një eksperiencë 50-vjeçare në propagandë. Dhe, ata propagandën nuk e ndalnin për asnjë çast. Sipas meje, qëllimi i atyre për propagandën ishte të tregonin se demokracia është anarki, në demokraci gjithkush mund të bëjë çfarë t‘i dojë qejfi, prandaj diktatura nuk është dhe aq e keqe. Ata përpiqeshin të tregonin se vërtet Enver Hoxha ishte diktator, por çdo udhëheqës në Shqipëri mund të bëhet diktator, se edhe Sali Berisha ishte njëfarë diktatori. Ata përpiqeshin të tregonin se vërtet Sigurimi i Shtetit kishte qenë një organ represiv, por në fund të fundit dhe SHIK-u ishte si Sigurimi i Shtetit.

TV KLAN : Në fakt, po e imitonit ju Sigurimin e Shtetit?

Bashkim Gazidede: Aspak.

TV KLAN : A ishit vënë ju p.sh., në përgjim të numrave të telefonit të pjesëtarëve të opozitës së asaj kohe? Ka pasur disa denoncime në Parlament…

Bashkim Gazidede: Ato ishin ose disa fantazi të sëmura, ose pastaj të qëllimshme. Në atë kohë Shërbimi Informativ Kombëtar nuk përgjonte përveçse, është gabim të thuhet, disa dhjetëra telefona. Nuk duhet të përmend shifra, por as dhjetëra nuk ishin mundësitë e SHIK-ut për të përgjuar telefona. Dhe kur dilnin njerëz që pretendonin se mua më përgjojnë telefonin dhe mua më ndjekin këtej e andej, mua më vinte për të qeshur ose dëshpërohesha se si ka mundësi që këta njerëz të shpifnin në mënyrë kaq monstruoze.

TV KLAN : Gjithsesi, a ka pasur njerëz të SHIK-ut që ndiqnin nga pas ose sillnin raport për lëvizjet apo aktivitetin e personave të opozitës?

Bashkim Gazidede: Të opozitës jo, por persona që mund të ndiqeshin për arsye që i ndiqte SHIK-u, në përputhje me ligjin që kishte shërbimi, sigurisht që ka pasur.

TV KLAN : Po ju sjell një rast. Në një nga intervistat e tij, ku ka rrëfyer për aktivitetin e tij politik në vitet 1996-1997, zoti Ruçi është shprehur se është ndjekur hap pas hapi nga punonjësit e SHIK-ut deri në momentin që u largua për në Greqi…

Bashkim Gazidede: Zoti Ruçi ka qenë në një proces hetimor në atë periudhë, nëse do ta dini ju. Zoti Ruçi mund të kishte pësuar fatin e zotit Koçollari për asgjësimin e dokumentacionit në Ministrinë e Brendshme, ai përfitoi nga rasti që ishte me imunitet dhe sapo i përfundoi imuniteti iku në Greqi. Por ne nuk kishim arsye ta ndiqnim zotin Ruçi, për sa kohë ishte me imunitet. Ato janë sajesa të zotit Ruçi.

TV KLAN : A keni pasur ju bashkëpunëtorë në radhët e opozitës?

Bashkim Gazidede: Jo. E them me përgjegjësi.

TV KLAN : A kishit ju lidhje ose a kishit ju interferenca me regjimin politik të kohës?

Bashkim Gazidede: Jo, nuk kishim asnjë lloj interference. Ne e kishim të ndaluar me ligj për të ndërhyrë në partitë politike dhe me degët e tyre në rrethe.

TV KLAN : Si shpjegohej atëherë që media dhe pothuajse e gjithë opozita shqiptare ju akuzonte vazhdimisht për interferencë?

Bashkim Gazidede: Po them që ishte qëllimi i tyre të paraqisnin Shërbimin Informativ Kombëtar të ngjashëm me Sigurimin e Shtetit. Dhe, atë hijen e zezë të Sigurimit të mund t‘ia jepnin dhe kalonin SHIK-ut.

TV KLAN : Ju jeni në dijeni, madje dhe vetë gazetarët ju kanë pyetur lidhur me zhdukjen e biznesmenit kosovar, Remzi Hoxha, i cili është zhdukur në vitin 1995. Madje thuhet se është marrë nga dy makina të SHIK-ut. Është deklaruar se ai është vrarë, ose ka mbetur i vrarë pas torturave të punonjësve të SHIK-ut në zonën e Lezhës. Si është ky rast dhe ç‘ju thotë ky emër?

Bashkim Gazidede: Në vitin 1995 kur ka ndodhur zhdukja e këtij biznesmeni ka pasur një shkrim në “Gazetën Shqiptare” fillimisht, pastaj është akuzuar SHIK që atëherë. Që në atë rast, kam vënë në lëvizje dy drejtori në SHIK që të ndjekin këtë problem dhe nëse kishte ndonjë bazë për akuzat që i bëheshin shërbimit. Nga hetimi që u bë nga ne, për të cilin duhet të ekzistojnë dhe dokumente, në kundërshtim me atë që thotë zoti Klosi, del se nuk kishte ndonjë përfshirje të punonjësve të SHIK-ut. Zoti Klosi doli dhe akuzoi publikisht SHIK-un. Ai tha se unë kisha dijeni që ai kishte dijeni. Tha se ai e dinte që unë e dija, madje ai tha se e dinte që mund ta dinte dhe zoti Berisha. Ajo që thotë Klosi është një shpifje e pastër. Nëse prokuroria ka bërë hetime për këtë problem, ka arrestuar njerëz, të cilët janë lënë të lirë si të pafajshëm. Në një rast të tillë kur përfshihet drejtësia në një proces nuk ka më vend për komente dhe për përrallat që tregon zoti Klosi. Unë nuk e kuptoj se si zoti Klosi e thotë, edhe pse nuk ka fakte, që e ka bërë SHIK-u, megjithëse nuk ka prova ai thotë se e di zoti Gazidede. Nuk mund të flasë shefi i Shërbimit Sekret në mënyrën siç flet Klosi. Më thanë se në “Top Channel”, vëllai i Remzi Hoxhës kishte thënë se më ka çuar këtu ose atje zoti Klosi, duke më prezantuar si punonjës të SHIK-ut. Ky është një abuzim i pastër me detyrën dhe z.Klosi e ka bërë këtë thjesht për arsye politike. Dhe deklaratat e zotit Klosi janë thjesht politike.

TV KLAN : Por ç‘ka ndodhur me biznesmenin Remzi Hoxha?

Bashkim Gazidede: Sigurisht që po ta dija, do ta kisha zgjidhur që atëherë.

TV KLAN : Pra, ju po thoni se SHIK nuk është i përfshirë në eliminimin ose të paktën në marrjen peng të tij?

Bashkim Gazidede: Me kaq dijeni sa kam unë, jo.

TV KLAN : Është vërtetuar se makinat kanë qenë me targat e SHIK-ut…

Bashkim Gazidede: Targat për mua nuk tregojnë asgjë. Po ju përmend rastin kur shpërtheu automjeti pranë VEFA-s në 1996, ne gjetëm targat e kryetarit të një rrethi verior. Dhe kjo s‘tregon asgjë. Targat prodhoheshin në uzinën metalike të Gjirokastrës dhe kundrejt një ryshfeti merrje çdo lloj targe atje. Targa nuk është asnjë lloj treguesi.

TV KLAN : Prokuroria e Përgjithshme ka deklaruar se të tre të pandehurit që u morën për këtë çështje, kanë deklaruar se e kanë rrëmbyer personin, por nuk dinë më fatin e mëtejshëm të tij?

Bashkim Gazidede: Unë nuk di nëse ata kanë bërë një deklaratë të tillë. Nëse ata e kanë bërë një deklaratë të tillë, le ta gjejnë ata.

TV KLAN : Zoti Gazidede, a jeni ju i përfshirë në eliminimin dhe zhdukjen e biznesmenit Remzi Hoxha?

Bashkim Gazidede: Absolutisht jo.

TV KLAN : A keni qenë ju në dijeni të këtij rasti që në vitin 1995?

Bashkim Gazidede: Kam qenë në dijeni për akuzat që u bënë. Më ka thirrur zyrtarisht zoti Arbnori për të thënë se çfarë dinim ne për këtë rast. Dhe ne i kemi kthyer përgjigje zyrtare zotit Pjetër Arbnori për aq sa dinim ne. Përsëri më ka dërguar letër dhe Ali Spahia. Dhe ai ka marrë përgjigje zyrtare dhe nuk është e vërtetë që Spahia u ka thënë familjarëve se e ka SHIK-u dhe do t‘jua japë sot do t‘jua japë nesër, sepse s‘kishte si e thoshte këtë zoti Spahia kur një gjë e tillë nuk është pohuar nga SHIK. Mua me vjen keq për ata familjarë, ata kanë humbur vëllain, të dashurin e tyre, babin e tyre, por kjo nuk do të thotë se ata mund të akuzojnë kë të duan, kë t‘u dalë përpara. Kjo nuk do të thotë se zoti Klosi duhet të dalë përpara kamerave dhe të shpifë, pasi ai s‘e ka dhe për herë të parë që shpif.

TV KLAN : Mediat kanë përmendur faktin se i fundit që ka pasur kontakte, e ka parë ose ka biseduar me zotin Remzi Hoxha ka qenë zoti Kumbaro, që aktualisht ndodhet në Britaninë e Madhe. A keni dijeni se kush është ky person dhe a ka qenë efektiv i SHIK?

Bashkim Gazidede: Po, ka qenë efektiv. Ai ka qenë ish-oficer i Sigurimit të Shtetit me një stazh të gjatë pune ka punuar dhe në SHIK. Pas një fare kohe, ka dalë në lirim, siç i nxirrnim ne ish-oficerët me një farë rroge për 2 a 3 vjet, një rrogë e krahasueshme me rrogën e mësuesit të asaj kohe.

TV KLAN : Si shpjegohet që zhduket një biznesmen në mes të Tiranës, një person që ka pasur mjaft interes nga mediat dhe nga familjarët, dhe nuk gjendet asnjë gjurmë e tij?

Bashkim Gazidede: Nuk ka qenë ndonjëherë objekt i punës së SHIK-ut të merret me personat e zhdukur. Këto ishin probleme të policisë dhe nuk kishin pse ishin probleme të SHIK. Së dyti, gjatë kësaj periudhe nuk është rasti i parë që ndodhi. Gjatë periudhës që unë s‘kam qenë në Shqipëri janë vrarë në mes të Tiranës biznesmenë të fuqishëm, janë rrëmbyer në mes të ditës dhe rasti i zotit Hoxha nuk është rasti i vetëm. Mua më habit fakti se pse për këtë rast bëhet zhurmë sa herë afrohen zgjedhjet, ose sa herë që ka ndonjë qëllim politik. Kjo më habit. Është e drejtë e familjarëve të kërkojnë të afërmin e tyre, e drejta e medias të interesohet, por nuk mund të akuzohen njerëz pa fakte. Këtë të drejtë s‘e ka askush.

TV KLAN : Prokuroria e Krimeve të Rënda ka deklaruar se ka rihapur çështjen dhe se një nga personat që do të thirret për të dhënë shpjegime do të jeni dhe ju. A jeni i gatshëm për të dhënë shpjegime?

Bashkim Gazidede: Unë nuk e di se ç‘ka ndërmend Prokuroria e Krimeve të Rënda. Është punë e tyre nëse e hapin çështjen ose nuk e hapin, është punë e tyre nëse më thërrasin ose jo. Unë përderisa jam kthyer në Shqipëri, jam kthyer dhe jam në gjendje të përballem me çdolloj akuze që ngrihet ndaj meje.

TV KLAN : Nuk keni frikë nga kjo çështje ose çështje tjera që mund të hapen për ju zoti Gazidede?

Bashkim Gazidede: Çfarë frike? Unë nuk e ndiej veten të jem i implikuar në asnjë shërbim të kundërligjshëm. SHIK ka punuar në bazë të një ligji që është i aprovuar në vitin 1991. Shërbimi nuk punon me direktivat e Byrosë Politike, siç ka punuar Sigurimi i Shtetit. Çdo njeri që ka punuar në SHIK firmoste se ka qenë person i depolitizuar, që e njihte ligjin etj., etj. Dikush që e ka shkelur ligjin, ai raportohej tek eprorët e tij dhe penalizohej me vërejtje apo dhe deri largim nga puna. Nëse shkelja e ligjit është flagrante, ai mund të ketë marrë dhe dënimin.

TV KLAN : A keni pasur lidhje ose raport ju si SHIK me lëvizjet ilegale në Kosovë?

Bashkim Gazidede: Kë quani ju lëvizje ilegale në Kosovë, a mund të ma sqaroni ?

TV KLAN : Ka pasur një sërë lëvizjesh brenda Kosovës që nga viti 1992 e në vazhdim…

Bashkim Gazidede: Ne nuk kemi pasur asnjë lloj lidhjeje me organizata që kanë pasur ndonjë veprim me armë. Ne kemi pasur porosi të prerë që nuk duhet të bëheshim shkas për ndonjë nxitje të ndonjë luftë në Kosovë. Në këtë aspekt, nuk kemi pasur asnjë veprimtari konkrete.

TV KLAN : A keni futur armë në Kosovë?

Bashkim Gazidede: Nuk kemi futur asnjëherë armë për aq kohë sa kam qenë unë në krye të SHIK-ut. Ka tentuar të fusë armë Irakli Koçollari përpara meje dhe janë kapur nja 70 armë në kufi, bashkë me ato që i kishin armët. Janë gjykuar në Kosovë nga serbët dhe ne kemi pasur fatin të kemi në dorë deponimet e atyre që ishin të burgosur për këtë qëllim.

TV KLAN : Si u vunë në dispozicion?

Bashkim Gazidede: Na i sollën kosovarët. Kishin dalë nëpërmjet avokatëve të tyre dhe na i sollën në Shqipëri. Morëm vesh seç kishin pohuar atje për kohën që kishin qenë në Shqipëri. Kjo veprimtari e z. Koçollari ka qenë e paligjshme. Sipas meje, ai kish bërë një veprim pa u konsultuar me qeverinë e asaj kohe.

TV KLAN : Mund të quhej një veprim patriotik?

Bashkim Gazidede: Nëse mund të quhet patriotik, patriotizmin nuk kishte pse e bënte z. Koçollari pa dijeninë e qeverisë. Ishte atribut i qeverisë në atë kohë, z.Koçollari ishte pjesë e qeverisë, por s‘mund të bënte veprime të tilla. Unë mendoj se nga njëra anë ai deshi ta tregonte veten patriot dhe nga ana tjetër deshi të thoshte se qeveria e PD-së është nacionaliste dhe e rrezikshme.

TV KLAN : A keni pasur raporte me UDB-në?

Bashkim Gazidede: Nëse unë do të isha në një studio dhe nuk do të kuptoja që kjo pyetje ishte pa ndonjë qëllim të keq, do të nervozohesha. Nuk ka ofendim më të madh për një shqiptar, as për më tepër për një ish-drejtues të Shërbimit Sekret të ketë lidhje me serbët, armiqtë tradicionale të shqiptarëve.

TV KLAN : Po shërbimi juaj?

Bashkim Gazidede: Shërbimi ynë nuk mund të ketë asnjë lloj lidhjeje me jugosllavët, sepse qëllimet tona ishin të kundërta. Nuk kishim asnjë pikë të përbashkët. Është ndryshe sot gjendja në Ballkan, ndoshta shumë para në Ballkan mendojnë për paqen. Jugosllavia mendonte në atë kohë për luftë në Ballkan, ndërsa ne nuk ishim për luftë.

TV KLAN : A keni pasur ju një kontakt apo takim të drejtpërdrejtë me njërin nga personat më famëkeq të paramilitarëve, me Arkanin? Ka një akuzë nga një ish-ministër se ju jeni takuar me Arkanin fillimisht në Peshkopi dhe më pas, një takim i dytë në Tiranë, në hotel “Dajti”…

Bashkim Gazidede: E kam dëgjuar këtë lloj shpifjeje. E kuptoj që për një opozitar, në vendin tonë njerëzit nuk janë dashamirës dhe mund të shpifin. Ndoshta quhet normale shpifja. Por të arrijë shpifja deri atje sa ta cenosh në dinjitetin kombëtar dikë, më duket monstruoze. Unë kam pasur rastin të takoj në rrugë zotin Luan Rama, ose më saktë ai deshi të më jepte dorën dhe unë ia thashë këtë gjë. Megjithëse ai kishte dalë e kish thënë këtë gjë në televizion, mua më tha se nuk është e vërtetë se e kam thënë unë, e ka thënë z.Klosi. Por, si ai, si zoti Klosi, duhet të kenë turp të akuzojnë një shqiptar për tilla gjëra.

TV KLAN : A është e vërtetë siç kanë shkruar mediat se SHIK ka parandaluar një atentat ndaj Gligorovit?

Bashkim Gazidede: Jo, nuk është e vërtetë.

TV KLAN : Desha t‘ju bëj disa pyetje me atë që quhet arrestimi i të pestëve. Bëhet fjalë për arrestimin e pesë minoritarëve në Jug të vendit. A keni ju dijeni për këtë arrestim dhe a keni qenë ju iniciatori i tij?

Bashkim Gazidede: Që kam pasur dijeni për arrestimin është një gjë krejt normale. Ata kishin veprimtari antikushtetuese dhe për një veprimtari antikushtetuese u arrestuan dhe u dënuan. Këtu gjykohet shpesh për anën politike të problemit, por ana politike nuk i përket SHIK-ut, por politikanëve. Ne nuk kemi bërë asnjë veprim të paligjshëm. Arrestimin se kemi bërë ne, por kemi propozuar arrestimin e tyre. Arrestimi është bërë në bazë të të gjitha normave, madje përveç firmës së Prokurorisë së Përgjithshme, ne kemi pasur dhe firmën e zotit Brozi për kontrollin e banesave të atyre personave dhe për kontrollin e zyrave të OMONIA-s.

TV KLAN : Z. Brozi është shprehur publikisht se ju keni bërë presion që këta persona të dënoheshin, kur gjykata shpalli lirimin e tyre…

Bashkim Gazidede: Kjo nuk është e vërtetë, sepse nuk kisha asnjë arsye t‘i bëja presion z. Brozi. Aq më tepër nuk mund të bëja presion, pasi dhe vendimi ishte marrë.

TV KLAN : Cilat kanë qenë marrëdhëniet tuaja me zotin Meksi, në atë kohë Kryeministër?

Bashkim Gazidede: Mendoj se kam pasur marrëdhënie normale, nuk e di se ç‘ marrëdhënie ka pasur me mua z.Meksi.

TV KLAN : Z.Meksi është shprehur pak kohë pas largimit tuaj se në lëvizjet 1996-1997 ju ushtronit mjaft ndikim mbi zotin Berisha. Është e vërtetë?

Bashkim Gazidede: Zoti Berisha nuk është një njeri që ndikohet nga një person ose nga një tjetër. Zoti Berisha ka një mendim krejt të pavarur, ka një veti që dëgjon shumë vetë dhe bën si di vetë. Unë nuk shquhesha për dhënie këshillash. Mund të kem dhënë thjesht mendimin tim, kur më është kërkuar.

TV KLAN : A jeni ju në dijeni të faktit që një deputet i opozitës dhe një publicist i njohur janë goditur publikisht në atë kohë në Tiranë, Ndre Legisi dhe Edi Rama. A keni qenë ju i përfshirë në goditjen e tyre?

Bashkim Gazidede: Sigurisht që i kam dëgjuar, sepse unë këtu kam qenë në atë kohë, por më indinjon fakti se çdo gjë që ndodhte në Shqipëri, dhe për krimin më ordiner, akuzohej SHIK-u. Ndoshta një nga të metat e mia ka qenë që nuk kam bërë asnjë dalje publike që të përgënjeshtroj fakte të tilla. Megjithatë, jo çdo akuzë e kam lënë të kalojë në heshtje. Unë kam çuar për ndjekje penale në atë kohë shumë shpifje që janë bërë në media. Dhe pothuajse kemi fituar të gjitha çështjet. Kam pasur raste që eprorët më kanë detyruar të tërheq akuzat për arsye që i dinë ata.

TV KLAN : Kush i ka goditur këta persona shumë të rëndësishëm për kohën?

Bashkim Gazidede: Sigurisht, unë nuk i di dhe nuk ishte detyra ime ta dija.

TV KLAN : A duhet të merreshit me hetimin e kësaj çështjeje?

Bashkim Gazidede: Jo, nuk besoj. As është marrë dhe as duhej të merrej.

TV KLAN : SHIK duket se kishte informacion mjaft të mirë për gjithçka ndodhte në Shqipëri. A ishte në dijeni të faktit se disa firma piramidale po ngriheshin me mjaft shpejtësi në vitet 1995-1996?

Bashkim Gazidede: Sigurisht, që në hapat e parë.

TV KLAN : A keni informuar eprorët tuaj?

Bashkim Gazidede: Kemi denoncuar dhe janë dënuar disa drejtues të një firme që filluan për herë të parë në Selenicë të Vlorës. Ndoshta e para e kësaj natyre, që mblidhnin paret e qytetarëve dhe i thoshin se do na vinë ca para nga Nigeria dhe t‘ua jepnin dy apo trefish. Dy prej tyre kanë qenë dhe kosovarë që në atë kohë kishin blerë këndin e lojërave në Tiranë. Madje, një gazetë e asaj kohe më ka akuzuar mua se punoja për UDB-në se ishte arrestuar një deputet i Parlamentit të Kosovës pa i hequr imunitetin. Ne kemi bërë problem, pothuajse të gjitha firmat piramidale të asaj kohe, shumë kohë përpara se ato të agravoheshin.

TV KLAN : A u morën masa ndaj tyre kur ju keni informuar për rrezikun që ato paraqisnin?

Bashkim Gazidede: Unë këtë nuk e di, sepse nuk i përkisja ekzekutivit. E kam ngritur zërin dhe besoj se e kam ngritur fort. Unë kam bërë me dijeni të gjitha institucionet e mundshme që ishin në atë kohë në Shqipëri. Mund të them se kam informuar dhe drejtorinë e doganave dhe nuk e di pse e kam bërë këtë, kam informuar tatimet, Ministrinë e Financave dhe atë të Brendshme dhe Prokurorin e Përgjithshëm, Bankën Kombëtare etj.

TV KLAN : Këto ishin piramida të mirëfillta apo proces pastrimi i parave?

Bashkim Gazidede: Unë mendoj se kanë qenë piramida të mirëfillta. Në periudhën e fundit ka pasur përpjekje për pastrim parash, por mendoj se ka qenë përpjekje që nuk u materializua ndonjëherë.

TV KLAN : Kush i organizoi këto, sipas jush?

Bashkim Gazidede: Nuk dua të hyj në hollësira, por është fakt që rreth 70% e personelit që kanë punuar në këto firma kanë qenë ish-punonjës të Sigurimit të Shtetit dhe oficerë.

TV KLAN : Kush i organizoi?

Bashkim Gazidede: Se kush i organizoi, kështu legalisht dihet kush janë pronarët, por mendoj se në këtë mes ka pasur dhe strategji. Unë nuk kam ndërmend të flas kush e ushqeu këtë strategji.

TV KLAN : Ku kanë shkuar paratë e firmave. A keni dijeni?

Bashkim Gazidede: Po, një pjesë e mirë janë shpërdoruar nga vetë drejtuesit e firmave për jetë luksoze, për të blerë apartamente, vila, helikopterë etj. Një pjesë kam përshtypjen se mund t‘i kenë tjetërsuar më persona të tjerë të afërm me lidhje të ngushta familjare, shoqërore apo miqësore. Megjithatë, mendoj se kur ne vendosëm t‘i bllokonim firmat, shqiptarët kishin marrë gjysmën e parave të depozituara. Në disa firma ndoshta dhe më shumë.

TV KLAN : Gjatë kësaj kohe që i kishit nën vëzhgim a ka pasur tentativa për lidhje mes firmave piramidale dhe organizatave kriminale ndërkombëtare?

Bashkim Gazidede: Mendoj se ka pasur tentativa, por nuk besoj lidhje të ngushta.

TV KLAN : A ka pasur politikanë që kanë pasur lidhje financiarisht me këto firma?

Bashkim Gazidede: Sigurisht. Mjaft ka pasur.

TV KLAN : Kush kanë qenë këta?

Bashkim Gazidede: Nuk kam ndërmend të përmend emra.

TV KLAN : Po ju personalisht a keni përfituar?

Bashkim Gazidede: Jo, asgjë.

TV KLAN : Po gjatë kohës që keni qenë shef i SHIK a keni përfituar ekonomikisht?

Bashkim Gazidede: Unë kam një shtëpi. E gjithë pasuria ime sot është një apartament me një sipërfaqe 100 m2. Kam dorëzuar një apartament të vjetër dhe mora këtë, duke shtuar dhe një pjesë parash.

TV KLAN : Në media ka qarkulluar vetëm një foto e juaja gjithë këto vite. Pse kaq pak protagonist në të?

Bashkim Gazidede: Mendoj se edhe sot atë mendim kam, që shërbimet sekrete përderisa quhen dhe të tilla nuk kanë pse dalin publikisht dhe flasin çdo javë. Mendoj se nuk është kjo figura e një shefi shërbimesh. Mendoj se dhe veprimet e shërbimit duhet të jenë sekrete. Duhet të ketë organizma që t‘i kontrollojnë që të mos jenë jashtë kontrollit, por nuk mendoj se duhet të jenë publike punët e shërbimit sekret.

TV KLAN : Gjatë kohës që ju keni qenë në krye të SHIK-ut gjatë viteve ‘92-‘97 a ka pasur aktivitet të terroristëve islamikë në Shqipëri?

Bashkim Gazidede: Më prekët një çështje që më ka shqetësuar. Akuzat ndaj meje kanë qenë të pabaza dhe dashakeqëse. Dhe më duket me orkestrimin e mediave të majta në Shqipëri. Shumë media kanë deformuar tonet e mia siç u ka leverdisur. Nuk është kjo që më shqetëson. Mua më shqetëson dashakeqësia. Unë kam qenë kryetar i një shoqate, që unë kam qenë në mbledhjen e themelimit të saj, e cila ka qenë e para dhe e fundit mbledhje dhe kam qenë me persona të nderuar që ju përmenda dhe më sipër. Nuk thuhet asnjë fjalë për kunatin e z. Meidani, por unë akuzohem. Kjo nuk më duket normale. Në Shqipëri ka pasur mjaft shoqata islamike në ju kujtohet. Por unë dua të tërheq vëmendjen në diçka që mund të jetë interesante. Në mos 100% mbi 90% e këtyre shoqatave kanë ardhur në Shqipëri gjatë vitit 1991 kur PD s‘ka qenë në pushtet dhe unë s‘kam qenë në krye të SHIK-ut. Sot mund të gjeni në Kryeministri një raport 200 faqesh dhe një analizë të të gjitha shoqatave islamike, që kanë vepruar në Shqipëri me propozime konkrete.

TV KLAN : Kush e ka hartuar raportin?

Bashkim Gazidede: Shërbimi që kam drejtuar unë.

TV KLAN : Në cilin vit?

Bashkim Gazidede: Në periudhën ‘92-‘96. Ky raport i fillimit të vitit 1996. Me propozime konkrete. Kjo shoqatë duhet mbyllur, ky duhet përzënë, ky ‘non grata‘ etj.

TV KLAN : Ka pasur persona të rrezikshëm islamikë që kanë operuar në territorin shqiptar?

Bashkim Gazidede: Po, ka pasur dhe për këtë është bashkëpunuar më shërbime të tjera. Unë mendoj se këta persona kanë gjetur në Shqipëri një strehë, më tepër t‘u shmangeshin shërbimeve të vendeve të tyre. Por kjo nuk na ka lënë që në të mos merreshim më ta. Dhe unë që paskam qenë mysliman i rrezikshëm, paskam organizuar një segment shtetëror që merrej me këtë punë dhe që shkëmbeja informacione me shërbimet sekrete perëndimore për këtë problem.

TV KLAN : A i keni informuar ju shërbimet sekrete perëndimore për rrezikshmërinë e këtyre personave?

Bashkim Gazidede: Kur them unë se kemi ngritur një sektor të posaçëm për këtë punë, ne kemi ngritur një sektor në bashkëpunim me një shërbim perëndimor, nuk dua të përmend emër. Të gjithë personat që kanë punuar aty janë stërvitur prej tyre, janë mësuar prej tyre dhe informacioni është shkëmbyer me përfaqësues të vendeve të NATO-s.

TV KLAN : Personat që ndodheshin në Shqipëri ishin terroristë të thjeshtë apo ishin koka të organizatave terroriste?

Bashkim Gazidede: Nuk besoj se ka pasur koka, të themi në nivelin e Bin Laden, por themi se ka pasur persona të inkriminuar në veprimtari terroriste në disa vende, edhe të Evropës. Dhe për këtë qëllim, kanë qenë vënë në dijeni vendet përkatëse.

TV KLAN : Ka qenë apo jo Osama Bin Laden në Shqipëri?

Bashkim Gazidede: Po të kish qenë do të ishte arrestuar, sepse ne e njihnim fare mirë Bin Ladenin.

TV KLAN : Nga e njihnit?

Bashkim Gazidede: E njihnim nëpërmjet shërbimeve sekrete perëndimore që interesoheshin.

TV KLAN : Të cilat ishin në ndjekje të tij?

Bashkim Gazidede: Sigurisht.

TV KLAN : Dhe në Shqipëri nuk është gjendur asnjë gjurmë e Bin Ladenit?

Bashkim Gazidede: Absolutisht jo. Ne dinim fare mirë, e dinim periudhën kur Bin Laden ka qenë në Sudan dhe ku ishte Bin Laden. Domethënë kemi qenë të interesuar, sepse interesoheshim për lidhjet që ai mund të kishte në Shqipëri.

TV KLAN : Kishte lidhje në Shqipëri?

Bashkim Gazidede: Nuk na ka rezultuar ndonjë lidhje e drejtpërdrejtë e tij në Shqipëri. Mendohej nga disa kolegë që nëpërmjet disa formave të ftohej në Shqipëri dhe të arrestohej, por sigurisht, ishte një fantazi kjo.

TV KLAN : Ka pasur një koment në shtypin e 6 viteve më parë, që shënonte faktin se Bin Laden ka qenë në Shqipëri dhe se ju jeni takuar me të në një shtëpi pranë përroit të Zaranikës në Elbasan?

Bashkim Gazidede: Nuk jam në dijeni as të kësaj akuze, por nuk me çudit fakti, pasi e di që nuk kanë lënë asgjë pa shpifur dhe do e konsideroj shpifje të radhës.

TV KLAN : Ç‘raporte keni pasur ju me Shërbimin Sekret Amerikan?

Bashkim Gazidede: Raporte normale. Dy shërbime mike. Unë e kam vizituar dhe pas vizitës time më është kthyer vizita nga drejtori i CIA-s i asaj periudhe. Njëkohësisht, kam pasur marrëdhënie normale me ta, kemi shkëmbyer informacione dhe kam marrë dy letra falënderimi nga dy ish-drejtorë të CIA-s për kontributin që shërbimi ynë ka dhënë në luftën kundër terrorizmit.

TV KLAN : Në cilat fusha bashkëpunonit më shumë?

Bashkim Gazidede: Kryesisht në shërbimin antiterrorist.

TV KLAN : A e keni njohur ju Xhorxh Tenet?

Bashkim Gazidede: Jo, nuk e kam njohur.

TV KLAN : A keni qenë në dijeni të aktivitetit të tij në Shqipëri?

Bashkim Gazidede: Nuk dua të komentoj.

TV KLAN : Mendoni se ka pasur dorë në ngjarjet e vitit 1997?

Bashkim Gazidede: Nuk dua të komentoj. Nuk është rasti.

TV KLAN : T‘ju bëj një pyetje që është rihapur dje. Botuesi i “Koha Jonë” ka kërkuar në prokurori hapjen e dosjes për djegien e “Koha Jonë” më 2 mars 1997, Madje, ai thotë se e ka bërë këtë kërkesë që nga momenti kur ju jeni kthyer në Shqipëri…

Bashkim Gazidede: Është e drejta e zotit Lesi të bëjë çfarë deklarate të dojë.

TV KLAN : E dini ç‘ka ndodhur më 2 mars 1997 në redaksinë e “Koha Jonë”?

Bashkim Gazidede: E kam marrë vesh pasi është djegur, por s‘kam ndonjë gjë interesante për të treguar për këtë, pasi ajo ishte një periudhë kur ne kishim probleme më të mëdha se kjo.

TV KLAN : A është implikuar SHIK në këtë djegie?

Bashkim Gazidede: Jo. I mohoj kategorikisht.

TV KLAN : Ishit në dijeni vjeshtën e vitit 1996, ose të paktën a kishit marrë informacione që situata ishte në eksplodim e sipër për arsye të mbledhjes së shumë parave në firmat piramidale?

Bashkim Gazidede: Po, dhe unë kam informuar. Duhet të dallojmë diçka. Kam dëgjuar mjaft personazhe që mundohen t‘ia hedhin fajin njëri-tjetrit. Unë mendoj se kam më pak përgjegjësi, sepse e kam ngritur zërin nuk e shkarkoj veten nga përgjegjësia, të kisha dalë dhe të kisha dhënë dorëheqjen.

TV KLAN : A e besonit se situata do shpërthente?

Bashkim Gazidede: Jo vetëm e besoja, por edhe e kam shkruar një gjë të tillë.

TV KLAN : E keni vënë në dijeni administratën e kohës?

Bashkim Gazidede: Besoj se po.

TV KLAN : A mendonit se në 1996 kishte ende kohë për të marrë masa për ta parandaluar këtë fenomen?

Bashkim Gazidede: Po, kishte kohë.

TV KLAN : Pse nuk ndodhi?

Bashkim Gazidede: Nuk dua t‘i hyj kësaj historie. Por kam qenë i vendosur të mbylleshin firmat dhe në një farë mënyrë për ta dëshmuar këtë qëndrim timin çova për ndjekje penale firmën “Xhaferri” dhe fitova gjyqin e shkallës së parë. Çështja shkoi në shkallën e dytë dhe kundrejt një ryshfeti u luajt me dosjet. Gjykata e Apelit nuk kishte dosje për gjyqin, Gjykata e Shkallës së Parë tha se nuk e kemi dosjen dhe për çudi në kohën që unë nuk kam qenë në Shqipëri dëgjova që ishte mbyllur firma “Xhaferri”. Për mua ka qenë problemi shumë i qartë që unë kam bërë më tepër se ç‘më takonte.

TV KLAN : Mendoni se këto firma u toleruan për të shuar zhurmën që vinte nga zgjedhjet e kontestuara të majit 1996?

Bashkim Gazidede: Edhe mundet. Unë kam pasur një mik timin, gazetar në opozitë dhe me të diskutonim për firmat. Dhe me shokët kur pyesnin, u thosha paret të shtohen në xhepin tënd dhe s‘kanë pse shtohen në xhepin e Xhaferrit. Unë i kam thënë se meqenëse pozita s‘po e bën punën si duhet, bëjeni ju opozita, shkruajeni te gazeta juaj që firmat janë të rrezikshme. As ata nuk e bënë. Pozita dhe opozita kanë të njëjtën përgjegjësi. Veç kësaj dhe ata që e quajnë veten profesorë të ekonomisë dhe ata duhet ta bënin. Pasi ndodhi thanë të gjithë, pse s‘u bë kjo, pse s‘u bë ajo.

TV KLAN : A kishin lidhje politike këto firma piramidale?

Bashkim Gazidede: Nuk e them dot se ato kishin lidhje, por politika mundohej t‘i shfrytëzonte për nevojat e veta.

TV KLAN : A është përfshirë SHIK në rrahjen e deputetëve të opozitës në 28 maj 96?

Bashkim Gazidede: Jo, nuk është përfshirë SHIK.

TV KLAN : Në shkurt 1997, madje që në janar, në Lushnjë, dhe më pas në Vlorë, filloi protesta. E kuptonit ju, që në mbrojtje të Kushtetutës, duhet të vinit në dijeni eprorët se situata mund të agravohej dhe më keq. A i vutë në dijeni eprorët për këtë?

Bashkim Gazidede: Po besoj se nuk ishte e vështirë të kuptohej kjo.

TV KLAN : U shqetësuat që s‘po merreshin masa për zgjidhjen e problemit?

Bashkim Gazidede: Nuk them se s‘po merreshin masa, por situata po ikte nga dora dhe s‘ishte e thjeshtë. Kishte dy mënyra duke shpresuar se mund të rregullohej kështu dhe ashtu.

TV KLAN : Ju personalisht, në cilën pjesë jeni?

Bashkim Gazidede: Nuk dua të komentoj për këtë.

TV KLAN : A ishit ju në favor të vendosjes së gjendjes së jashtëzakonshme që në fillim të muajit shkurt?

Bashkim Gazidede: Besoj se po.

TV KLAN : Për çfarë arsye?

Bashkim Gazidede: Për të vendosur rendin dhe qetësinë.

TV KLAN : A e ka provokuar SHIK ose pjesëtarë të SHIK të degës së Vlorës grevën e urisë së studentëve vlonjatë natën e 28 shkurtit 1997?

Bashkim Gazidede: Absolutisht jo, në asnjë rast, në asnjë moment. Nuk ishte në interesin tonë ta bënim një gjë të tillë. Ata ishin njerëz të irrituar që dilnin përditë në miting, që flisnin kundër qeverisë me një urrejtje patologjike. Kuptohej qartë se nëse do t‘i ngacmoje ata njerëz do kishte pasoja. Thuhej se punonjësit e SHIK-ut shkuan i ngacmuan, një furgon i bardhë qarkullonte në atë kohë. Furgonin e bardhë ata e kishin në dorë ta kapnin, të gjenin targat, të gjenin nga erdhi nga s‘erdhi. U fol për furgon të bardhë, por nuk u gjet asnjëherë ky furgon i bardhë. Ato ishin të gjitha të stisura, në mënyrë që të goditej edhe i vetmi institucion që kishte mbetur akoma në këmbë SHIK. Mund t‘u them diçka interesante që s‘e kam thënë asnjëherë më parë: kanë qenë nja dy deputetë të opozitës në kohë, duke vizituar ata të grevës së urisë në Vlorë dhe atje kanë parë mitralozë 12,7, kallashnikovë, granat-hedhës, se si ishin të armatosur ata që ruanin grevën e urisë dhe ata ishin të tmerruar se nuk e dinin që grabitja e armëve kishte filluar shumë kohë më parë.

TV KLAN : Po ju a ishit në dijeni të kësaj?

Bashkim Gazidede: Po.

TV KLAN : Pse s‘i kishit marrë masat?

Bashkim Gazidede: Kjo grabitje duhej të pengohej nga ushtria dhe jo nga SHIK. SHIK në atë kohë kishte rreth 1300 veta roje magazinierë etj. Pra, një shërbim që informon dhe jo që të vepronte. S‘mund t‘i mbyllte SHIK-u depot e ushtrisë.

TV KLAN : Si e morët informacionin që selia e SHIK-ut po sulmohej dhe atje ndodheshin brenda 3 punonjës?

Bashkim Gazidede: Më njoftuan ata që ishin në godinën e SHIK.

TV KLAN : Si ishte reagimi juaj?

Bashkim Gazidede: Nuk dua të komentoj. Ndodhën gjera të tmerrshme.

TV KLAN : A keni tentuar ju me ministrin e Mbrojtjes Zhulali t‘u vinit në ndihmë?

Bashkim Gazidede: Ç‘interes ka të diskutojmë për këtë. Duhet diskutuar fakti që zoti Klosi ka vrarë dy kryetarë Shërbimi Informativ, kryetarin e Vlorës dhe Lushnjës.

TV KLAN : Si i vrau?

Bashkim Gazidede: Duhet pyetur zoti Klosi. Njëri u vra në shtëpinë e tij në Greqi dhe tjetri në Lushnjë.

TV KLAN : Në ç‘vit janë vrarë?

Bashkim Gazidede: Menjëherë sa erdhi zoti Klosi kryetar i SHIK.

TV KLAN : Është marrë vesh përse janë vrarë?

Bashkim Gazidede: Sepse kanë qenë kryetarë SHIK-u, për çfarë arsye tjetër!

TV KLAN : Pas sulmeve të godinave të SHIK a ishit të informuar se ç‘po ndodhte me materialin që ishte brenda?

Bashkim Gazidede: Materialet u grabitën, u hodhën dhe u dogjën.

TV KLAN : A kanë pasur dorë shërbimet fqinje në ngjarjet e 1997-ës?

Bashkim Gazidede: Është mirë të mos komentoj.

TV KLAN : Po Shërbimi Informativ Amerikan, CIA?

Bashkim Gazidede: Ne kemi pasur marrëdhënie normale me CIA-n.

TV KLAN : Pse u zgjodhët ju në krye të operacionit gjatë gjendjes së jashtëzakonshme?

Bashkim Gazidede: Nuk u zgjodha unë, më zgjodhën. Unë sigurisht që nuk kundërshtova.

TV KLAN : A keni dijeni pse ju?

Bashkim Gazidede: Jo nuk e di. Por nuk më dukej burrëri të kundërshtoja

TV KLAN : A keni tentuar ju, z.Gazidede të shtypnit me dhunë atë që është quajtur revolta e ‘97?

Bashkim Gazidede: Jo. Unë u thashë që Berisha nuk zgjodhi rrugën represive. Nqs do të zgjidhej rruga represive, problemi do të ishte shumë i thjeshtë. Do të burgoseshin drejtuesit e opozitës dhe Zani Caushi do të ishte në motoskaf dhe do të ikte.

TV KLAN : Ju po thoni që opozita i ka stimuluar këto lëvizje?

Bashkim Gazidede: I ka drejtuar, jo stimulur. Ajo ishte një kryengritje që e organizoi Paria Komuniste, Partia e Punës së Shqipërisë kundër pushtetit antipopullor të Sali Berishës, siç e quanin ata. Për këtë nuk kam foluar ansjëherë, por për çudi nuk ka foluar as Klosi apo askush nga Ministria e Brendshme deri më tani. Në vitin 1976, pas atyre grupeve të famshme armiqësore në të gjitha fushat në Shqipëri, është vendosur të ngrihej një degë e posaçme në këtë ministri që quhej dega e agjentëve të konservuar, jashtë quhej e agjentëve të fjetur.

TV KLAN : Çfarë ishin këta?

Bashkim Gazidede: Këta ishin njerëz do të rekrutoheshin që nuk do të kishin ndonjë aktivitet në atë periudhë, por që në ndonjë pushtet antipopullor të ardhshëm do të depërtonin dhe do të shërbenin pastaj për ta rrëzuar atë pushtet që ata e quanin antipopullor. Ata lloj agjentësh janë zgjedhur sistematikisht deri në vitin 1992 deri kur kemi ardhur ne në pushtet. Dhe nga ky vit deri më sot, nuk ka kaluar shumë kohë, janë vetëm 14 vjet. Dhe pse jo, të aktivizuar gjatë kohës që ne ishim në pushtet. Më 92-96 ata janë aktivizuar për të përmbysur pushtetin antipopullor, siç e quanin ata dhe pse të mos jenë aktive dhe sot. Dosjet e këtyre lloj njerëzish duhen hapur.

TV KLAN : A gjenden?

Bashkim Gazidede: Ato janë zhdukur. Por ne kemi gjetur disa fragmente që u kanë shpëtuar këtej andej për të treguar ekzistencën e këtyre lloj agjentëve.

TV KLAN : A mund të gjenden?

Bashkim Gazidede: Shiko e pamundur nuk është. Por mund të rikonstruktohen edhe në qoftëse nuk gjënden.

TV KLAN : Z. Gazidede ku keni jetuar në këtë vite dhe ku u larguat? Është folur që keni qënë në Siri, Afganisatan Arabine Saudite?

Bashkim Gazidede: Unë kam qënë në Turqi dhe gjatë gjithë periudhës nuk kam lëvizur nga Turqia.

TV KLAN : Keni qënë i kontaktuar nga shërbimet atje apo jo ?

Bashkim Gazidede: Unë kam qënë atje me një lloj asistence me të cilën kam jetuar.

TV KLAN : Dhe me se jeni marrë?

Bashkim Gazidede: Unë jam marrë me profesionin tim dhe kam shkruar rreth 7 libra matematike, katër prej të cilava janë botuar. Këto katër libra kanë afërsisht nga 3 mijë faqe.

TV KLAN : Pse vendoset të ktheheshit në 2005?

Bashkim Gazidede: Unë ju thashë se edhe largimi në një farë mënyrë qe i detyruar. Nuk desha që të më gjykojnë kriminelët.

TV KLAN : A jeni në disponim të sekreteve që mund t’ju bëjnë të fuqishëm tek politika z. Gazidede?

Bashkim Gazidede: Edhe nëqoftë se jam unë nuk jam nga ato persona që mundohem të përfitoj nga të tilla gjëra.

TV KLAN : Jeni apo jo?

Bashkim Gazidede: S’kam munduar të përfitoj asnjëherë nga të tilla rrethana dhe s’do të mundohem asnjëherë të përfitoj. E quaj një rrugë të paligjshme një përfitim të tillë/
(Marrë nga emisioni “Opinion” i Blendi Fevziut, në TV Klan)

Veliaj në protestë me gango – ‘Genci i Balës’ sulmon protestuesit (video)

Ndërsa Erion Veliaj kishte mbledhur para gjykatës administrative disa punonjës të Bashkisë për të protestuar kundër gjykatës që po shqyrtonte çështjen e ndërtimeve tek Liqeni, disa protestues të tjerë u afruan dhe protestuan kundër ndërtimit të këndit të lojërave.

Por këta protestues, Veliaj nuk i ka pritur me policë bashkiakë kësaj here, por me gangot që kishte në dispozicion.

Një prej tyre është dhe “Genci i Balës” i cili mbante detyrën për neutralizimin e personave që mund të sillnin bezdisje.

Më poshtë gjeni të zbardhur episodin dhe replikat:

Veliaj: Përshëndetje të gjithëve, afrohuni më këtej që të jeni më afër, të gjithë bashkë. E vlerësoj jashtë mase që….

Genci-Bales-1

(Në këtë moment ndërhyn Genci i Balës dhe gris pankartat e protestuesve që kishin ardhur për të kundërshtuar ndërtimin)

Veliaj (i jep sinjal Gencit të Balës): S’ka problem, s’ka problem. Edhe PD-ja është e mirëpritur në fushatë.

Protestuesi: Nuk është e PD-së. S’jemi të PD-së, S’jemi të PD-së, hiqe dorën, mos shty.

Veliaj: Do t’i sqarojmë të gjitha. Nëse keni ardh për antiprotestën e PD-së, shkoni tek SHQUP-i, Saliu mungoi sot,

Protestuesi: S’jemi të PD-së, hajdut, s’jemi të PD-së.

Veliaj: Saliu mungoi sot tek ambasadorët, reforma në drejtësi do të bëhet. Reforma në drejtësi do të bëhet. Gjyqtarët e korruptuar nuk do vazhdojnë më.

(Genci i Balës nis e shtyn me forcë protestuesin)

Veliaj: Gjyqtarët nuk do vazhdojnë më t’i shërbejnë bizneseve, aferave dhe gjithë kontrollit të SHQUP-it.

Pronat – mbyllet Strasburgu, vendimet në Tiranë

Pronarëve u bllokohet rruga për të nisur pretendimet në Gjykatën e Strasburgut. Kryeministri Edi Rama flet për procesin, pas bisedimeve në Strasburg dhe përse pronarëve nuk mund t’u jepet kompensimi i plotë

Pronarët, të cilët prej vitesh kanë kthyer sytë nga Strasburgu, për faktin se shteti shqiptar nuk u ka dhënë asnjë shpresë për kthimin a kompensimin e pronave, zgjidhjen do ta marrin me ligjin e ri të qeverisë. Kryeministri Edi Rama është shprehur dje nga foltorja e Kuvendit, se Gjykata Evropiane e të Drejtave të Njeriut ka adresuar për vite me radhë fatura financiare, që jo vetëm kanë komplikuar zgjidhjen me ligjet e miratuara nga qeveritë shqiptare, por indirekt kanë mbajtur gjallë edhe konfliktet. Sipas tij, Strasburgu tashmë ka ndërprerë vendimet, por që Gjykata Evropiane t’i pezullojë ato përfundimisht, fjalën e fundit duhet ta japë Gjykata Kushtetuese në Tiranë. “Vonesa e shkaktuar në procesin e hyrjes së ligjit në fuqi i dha Shqipërisë edhe një faturë shtesë me gjyqe në Strasburg që vazhduan, pa na e mundësuar pezullimin për të cilin kemi negociuar me Strasburgun dhe i cili hyn në fuqi në momentin e pezullimit nga Gjykata Kushtetuese të ankesës dhe faktikisht sot ligji funksionon. Për shkak se sot ligji funksionon, nuk ka vendime të reja të Gjykatës së Strasburgut”, tha kryeministri.

Zgjidhje e ndërmjetme

Duke iu referuar ligjit, që tashmë është vënë në zbatim, përpos ankesës së Presidentit të Republikës e Shoqatave të Pronarëve, Rama tha se ai përbën të vetmen rrugë për zgjidhjen përfundimtare. “Jemi i vetmi vend në të gjithë vendet e dala nga komunizmi, që jemi vonuar 25 vjet për të bërë gjënë e duhur. Ligji i pronave që kemi votuar ne në Parlament është e vetmja rrugë konkrete praktike për të trajtuar problemin”, tha ai, madje duke u treguar realist edhe për çmimin e kompensimit. Për këtë iu referua edhe modelit që kanë ndjekur vendet lindore, e që e kanë mbyllur procesin në kohë rekord e pa konflikte. “Nuk ekziston, sepse nuk ka ekzistuar në asnjë vend komunist një zgjidhje ideale, përkundrazi të gjitha vendet ish-komuniste e kanë trajtuar problemin e pronës me pragmatizëm dhe i kanë dhënë një zgjidhje të ndërmjetme dhe për këtë arsye as nuk janë futur në rrugën e pafund të konflikteve siç u fut Shqipëria për shkakun tuaj (PD) dhe as nuk kanë nguruar që të gjejnë zgjidhjen e ndërmjetme”, deklaroi Rama, duke shtuar se për hartimin e ligjit janë analizuar të gjitha modelet në të gjitha vendet me histori të ngjashme.

Pretendimet
Kryeministri u shpreh se me kushtet dhe buxhetin që ka Shqipëria, e me sipërfaqen e pretenduar nga pronarët, vendi ynë nuk ka luksin t’u kthejë kërkuesve të gjitha pronat mbrapsht dhe në këtë mënyrë, brenda 10 viteve do të realizohet kompensimi me çmimin në kohën e shpronësimit, si dhe kompensimi fizik. “Sa për dijeni, kemi arritur në pikën ku pronat e pretenduara janë dyfishi i sipërfaqes së Republikës së Shqipërisë. Shqipëria ka 28 mijë km katrorë, pretendohet 50 e ca mijë kilometra katrorë pronë. Ndërkohë, përditë ndeshemi me mijërat e hektarëve të marra padrejtësisht, të grabitura në emër të kthimit të pronës dhe të kompensimit të pronës”.
Premtimet boshe

Duke iu referuar zërave kundër, e pretendimeve të ngritura për antikushtetueshmëri, ai i konsideroi ato si biseda kafenesh, e pa argumente për zgjidhjen e problemit madhor. “Ju siguroj që çdo kritikë që i bëhet ligjit të pronës nga pozitat e pronarëve, nga pozita ekstreme gjoja në mbrojtje të pronarëve, apo nga pozitat e ekstremit tjetër janë ndoshta interesante për të bërë muhabet në kafenenë e fshatit, por nuk kanë lidhje fare me zgjidhjen praktike të këtij problemi kaq të madh”, tha ai. Në mbyllje të fjalës, kryeministri Rama akuzoi edhe qeveritë paraardhëse për ndryshimin e ligjit të pronave 8 herë, e që vetëm sa kanë kërkuar të fitojnë votëbesimin e pronarëve. “Keni qenë në këtë Parlament 20 e kusur vite dhe me pronën keni bërë vetëm një gjë, “lesh dhe li”. Ky Parlament ka kaluar 8 ligje të ndryshme për pronën dhe ka ngatërruar sa herë ka futur duart, të gjithë fillin e çështjes së pronës për më keq e për më keq. E të gjithë, vetëm me një qëllim, si të mos e presim nyjën gordiane që të mos humbasim vota”, tha ai.

Pakti

Pak ditë më parë, dy ministrat, Arben Ahmetaj dhe Ylli Manjani i kanë kërkuar presidentit të Gjykatës Europiane pezullimin e shqyrtimit të dosjeve të pronave që mbajnë logon e shtetit shqiptar, duke i dhënë garancinë, se me ndaljen e tyre, për 10 vitet e aplikimit të Ligjit, në buxhetin e shtetit do të ketë një zë me vete, ku do të alokohen fondet për këtë çështje.

Përvoja e huaj

Vende të ndryshme të rajonit, kanë përdorur formula dhe zgjidhje të ndryshme, por shumë të përafërta me vendin tonë (me ligjin në fuqi). Për shembull, Maqedonia ka një zgjidhje pothuajse identike. Ka pasur shtete të tjera që e kanë zgjidhur me dëmshpërblime të pronarëve.

Rumania ka dhënë një zgjidhje, ku kompensimi për ish-pronarët ishte i kufizuar deri në masën 16 për qind të vlerësimit të plotë. Sipas juristëve, këto nuk janë parime, të cilat shprehin kundërshtimin me normat e vendosura nga Konventa e Evropiane e të Drejtave të Njeriut.

Në çdo rast, Gjykata e Strasburgut thekson për të gjitha shtetet se kërkohet një afat i arsyeshëm dhe një shpërblim i drejtë, që nuk do të thotë se është një shpërblim i plotë, por do të jetë një shpërblim, ku shteti të ketë mundësinë ta realizojë brenda një afati të arsyeshëm dhe të përshtatshëm. Shpërblimi i drejtë sipas praktikës gjyqësore është i tillë, që i korrespondon masës që shteti ka mundësi të likuidojë.

Çelësat dhe kontratat që e nxorën zbuluar trafikantin shqiptar

Faturat që mbante në portofol e kanë nxjerrë zbuluar shqiptarin pa leje qëndrimi në Itali, madje edhe trafikant droge.

Bëhet fjalë për 33-vjeçarin C.N., i cili u ndalua në qendër të Kremonës, mbrëmjen e së martës, teksa po dilte me lëvizje të dyshimta nga një banesë në zonë.

Në këtë kohë, karabinierët e ndaluan për t’i bërë kontroll ku panë se shqiptari nuk kishte leje qëndrimi dhe shpjegoi se ishte i ftuar në shtëpinë e një kushëriri. Por nuk ishte kështu.

Brenda portofolit të shqiptarit financierët kanë gjetur dy fatura që lidheshin me pagesat mujore në emër të tij, për një pronë të vendosur pak më larg shtëpisë nga e cila po dilte, në qendër të Kremonës

Karabinierët kanë gjetur gjithashtu një palë çelësa që shqiptari u përpoq për t’u justifikuar duke pretenduar se ishin ato që bllokonin biçikletën në vendqëndrim, por që ishte një gënjeshtër fare e trashë.

Më pas policia gjeti shtëpinë për të cilën bëhej fjalë, vetëm falë faturave të furnizimit me ujë dhe energji elektrike.

Nga kontrolli në banesë u gjetën doza të shumta të substancave narkotike, të përgatitura për trafikim, të ndara dhe të fshehura në vende të ndryshme të banesës. U sekuestrua një total prej 38 gram hashash dhe kokainë, si dhe një peshore elektronike.

Arrestohet sekretarja e Shkencave Sociale, po ikte nga Shqipëria

Pak ditë më parë, në media u publikua një video e cila tregonte se si një studente e cila nuk kishte aspak njohuri për gjuhën angleze, pajiset me certifikatë nga një qendër kursesh, kundrejt një pagese në euro.

E përfshirë në këtë skandal rezulton edhe sekretarja e Fakultetit të Shkencave Sociale në Tiranë, e cila është arrestuar sot nga efektivët e Policisë.

“Majlinda Tafaj, 40 vjeçe, banuese në Tiranë, me profesion sekretare pranë Fakultetit të Shkencave Sociale Tiranë” u arrestua thuhet në njoftimin zyrtar i cili sqaron se ndalimi i kësaj shtetaseje është bërë pasi në datë 10.05.2016 në emisionin investigativ “Stop” në Tv Klan janë transmetuar pamje filmike (audio-video) të rregjistruar në ambjentet e qendrës ”International Studies Insitute” në Tiranë ku një shtetase që nuk ka fare njohuri në gjuhën Angleze, nëpërmjet ndihmës së asistenteve dhe pedagogëve kundrejtë pagesës, realizon testin dhe në fund siguron çertifikatën e njohjes së gjuhës Angleze që përdoret si kriter pranimi në programet e studimit të ciklit të dytë dhe të tretë në institucionet për arsimin e lartë.

Rezulton, se personat e përfshirë në veprime të jashtëligjshme, korruptive janë shtetasit:

– L.M” me detyrë administrator i qendrës “Esol Examinations BULATS” – Majlinda Tafaj me detyrë sekretare mësimore në Fakultetin e Shkencave Sociale Tiranë.

Sot, Tafaj është kapur në flagrancë në Pikën e Kalimit Kufitar Rinas në përpjekje për t’u larguar jashtë vendit.

Por pasi ëhstë marrë në pyetje, ajo ka vetëdeklaruar se ka bashkëpunuar me shtetasin L.M. i cili është shpallur në kërkim, dhe ka marrë prej tij vlera monetare (Euro) si shpërblim, përfitim personal për studentë që i ka rekomanduar dhe janë pajisur me çertifikatë të “Esol Examinations BULATS”.

Po punohet për identifikimin e bashkëpuntorëve të tjerë të përfshirë në këtë veprimtari kriminale.

Materialet praoceduriale janë referuar në Prokurorinë e Rrethit Gjyqësor Tiranë për veprat penale “Shperdorimi i detyrës” kryer në bashkëpunim dhe “Korrupsioni pasiv në sektorin privat” parashikuar nga nenit 248-25 dhe 164/b të Kodit Penal.

Nishani hedh poshtë akuzat e bashkiakut Veliaj – kërkon drejtësi

Presidenti Nishani kërkoi shqyrtimin dhe vërtetimin e akuzave nga drejtësia, sepse siç u shpreh ai në një konferencë shtypi të pazakontë, “shqiptarët nuk mund të kenë në zyrën e presidentit një njeri që është hajdut”.

Zoti Nishani kërkoi publikisht që prokuroria të nisë hetimet për të vërtetuar dhe identifikuar hajdutin, i cili, sipas tij e ka vendin përpara ligjit dhe në qeli.

“Kjo çështje i kalon drejtësisë për shqyrtim. Drejtësia ka për qëllim të vërtetojë akuzat dhe të identifikojë presidentin si hajdut në bazë të krimit që ka kryer. Ose përdhosjen e shtetit shqiptar ta dërgojë përballë ligjit. Kjo është një rrugë pa kthim pa ndalesë prandaj unë ju ftoj që ta ndiqni me vëmendje të posaçme gjykimin e drejtësisë” – tha zoti Nishani.

Presidenti Nishani deklaroi po ashtu se tubimi i djeshëm i bashkiakut Erion Veliaj para gjykatës administrative të Apelit ishte një sulm i dhunshëm terrorizues ndaj gjykatës dhe kërkoi të hetohet edhe për atë ngjarje.

Ai hodhi akuzat e zotit Veliaj, sipas të cilit, presidenti ndikoi pranë gjykatës për të zgjedhur një trupë gjykuese në konflikt interesi në procesin gjyqësor për ndërtimin apo jo të një pallati shumëkatësh poshtë digës së liqenit artificial në parkun e periferisë së kryeqytetit.

“Presidenti nuk ka asnjë lidhje me gjykatën, që organizohet nga kryetari i vet dhe nga kancelari” – tha zoti Nishani, duke lënë të kuptohet se deklaratat për këtë temë ishin të pavërteta.

Kritikat dhe akuzat publike të kryetarit të bashkisë së Tiranës ndaj Paresidentit të Republikës u ashpërsuan sidomos pasi zoti Nishani takoi dhe përkrahu grupet e veprimtarëve të mjedisit, që protestuan kundër betonizimin e parkut të liqenit gjatë ndërtimit të një këndi lojërash.

Shpërthen Blushi: Pse nuk flet qeveria për vdekjen e dy fëmjëve?

“Dy fëmijë humbën jetën në një aksident sepse kangjellat ishin hequr për një karburant. Kjo qeveri nuk mbron interesin publik, por interesin privat,” tha Blushi, duke akuzuar se asnjë qeveritar nuk po kujtohet për vdekjen e dy fëmijëve.

“Asnjeri nuk po diskuton sot për këtë çështje. Babai i fëmijëve ishte në burg sepse kishte ndërtuar një çati në pronën e tij, në tokën e tij. Fëmijët po shkonin ta vizitonin dhe ai humbi edhe fëmijët. Sa njerëz këtu brenda edhe në Kuvend duhej të ishin në burg për ndërtime pa leje dhe zaptime pronash? Por në burg përfundon ai që ndërtoi një çati”.

“Interesi publik në Shqipëri sabotohet”.

“Edi Rama është jo mendjelehtë, por i paaftë për të qeverisur Shqipërinë,” theksoi Blushi.

Blushi komentoi edhe çështjen e zyrtarit të Transporteve në Sarandë, që është shpallur në kërkim për trafik droge.

“E mbajtën në punë edhe pse ishte marrë me trafik,” tha Blushi.

“E vetmja punë që bën Edi Rama është se po lyen me bojë disa gërmadha të lëna nga Berisha”.

Hafizi: Askush nuk di si shpenzohen 100 milionë eurot e universiteteve

Deputetja e PS-së, Mimoza Hafizi ka folur në Kuvend për situatën e universiteteve në Shqipëri dhe paratë që shpenzohen nga rektorët e tyre. Hafizi u shpreh se askush nuk e di se si shpenzohen 100 milion euro që vihen në funskion të universiteteve.

Ajo kujtoi raportin e vitit 2013 të KLSH-së, ku rezultoi se shkeljet në Universitetin e Tiranës kapnin shifrën e 1 milion eurove. Deputetja tha se pavarësisht shkeljeve, Ministria e Arsimit nuk ndërmori asnjë veprim për të ndërshkuar përgjegjësit.

“Zgjedhjet në universitete nuk kanë vetëm 1 javë që kanë përfunduar,dhe këto zgjedhje kanë lënë një traditë të keqe mbrapa. Shumë njerëz i kanë quatjur këto zgjedhje si degradim të universiteteve. Në universitetet tona publike qarkullojnë me mijëra euro në vit që vijnë nga xhepat e qytetarëve tanë. A ka transperancë si shpenzohen këto 100 mln euro. Kush po e bën këtë transparencë? Në vitin 2013 u gjet një raport me shkelje financiare deri në 1 mln euro vetëm në Universitetin e Tiranës, tregues ky shumë shqetësues se si përdoren fondet publike. Është detyre e Ministrisë të kryejë kontrolle periodike, sipas ligjit, nëse vihen re shkelje Ministria e Arsimit urdhëron largimin e rektorit. A janë marra masa për njerëzit abuziv? Pse nuk është marra asnjë masë për pezullimin e rektorëve? Gjithsecili e percepton si direkte lidhjen e atmosferës së nderë të zgjedhjeve në universiteteve me abuzimet me fondet”, tha Hafizi.

Hafizi e ka konsideruar gjithashtu të papranueshëm faktin se mësuesit po largohen nga puna me anë të përshtypjeve nëpër pyetësore.

“Po organizohen raporte dhe pyetësore për të ndjekur një mësuese me karrierë 25 vjeçare. Asnjë mësues nuk mund të vlerësohet prej përshtypjeve anonime të shprehura në pyetësor, pasi ka një procedur për të mbrojtur mësuesit dhe nxënësit. Deklaratat anonime nuk mund të përdoren si gjueti shtrigash. Një vajzë e re denoncoi atë që ne shohim përditë. Atë që politika jonë nuk mund ta fshihnte për 25 vite, presionin shtetëror ndaj fjalës së lirë”, u shpreh deputetja.

Mimoza Hafizi njoftoi se shumë shpejtë do t’i paraqesë Kuvendit disa amendamente për të rregulluar situatën në të cilën kanë degraduar universitetet.

“Vetëm transparenca e përdorimit të 100 milion eurove mund ta nxjerrë këtë institucion nga vendi ku është zhytur dhe për këtë unë do të propozoj së shpejti disa amendamente”, mbylli fjalën Hafizi.

Gjobiste kolegët e i kërcënonte, pranga biznesmenit të mobilierive

Policia e Tiranës ka arrestuar sot në flagrancë dy shtetas, njëri prej tyre biznesmen në fushën e mobilerive, pasi sëbashku me një person të dënuar më parë, gjobisnin biznesmenë dhe i kërcënonin për t’u marrë shuma të mëdha parash.Arrestimi i tyre u krye pasi u kapën në flagrancë tek “Zogu i Zi” në momentin që këta shtetas po përgatiteshin të merrnin 50 milion lekë nga shtetasi me inicialet I. A., 59 vjeç. Ky i fundit është biznesmen (që ka në pronësi një shoqëri transporti nderkombetar mallrash). Këtë person dy të arrestuarit e kishin kërcënuar dhe i kishin kërkuar shuma të mëdha parash më datë 28.04.2016.

NJOFTIMI I POLICISE:

Sot më datë 12.05.2016 nga Seksioni për Krimet ndaj Pronës në bashkëpunim me Sektorin e Forcës së Posaçme Operacionale Tiranë, u finalizua operacioni i koduar “BISS”

Arrestohen në flagrancë 2 shtetas, për veprën penale: “Shtrëngimit me anë të kanosjes për dhënie pasurie” e kryer në bashkëpunim.

1. Sadik Dinga, 27 vjeç banues në Durrës, i dënuar më parë për veprën penale “Fallsifikim monedhash”. 2. Ervis Alla, 29 vjeç, banues në Krujë, pronar i mobileri Vllaznia.

Arrestimi i tyre u krye pasi u kapën në flagrancë në vendin e quajtur “Zogu i Zi” në momentin që këta shtetas po përgatiteshin të merrnin shumën e 50 milion lekëve nga shtetasi I. A., 59 vjeç, biznesmen (shoqeri transporti nderkombetar mallrash), i shtrënguar me anë të kanosjes për dhënie pasurie më datë 28.04.2016.

Nga veprimet hetimore të kryera gjatë kësaj periudhe ndjekur me metoda speciale të hetimit ka rezultuar se këta shtetas dyshohen të jenë dhe autorë te ngjarjeve për veprën penale “Shtrengimit me anë të kanosjes për dhënie pasurie”: – Ndaj shtetasit B. K., 60 vjeç, biznesmen në dhenie me qera ambjentesh ku i është kërkuar shuma e 50 milion lekëve – Ndaj shtetasit A.L., (biznesmen mobilier) ndodhur në qytetin e Durrësit ku i është kërkuar me anë të kanosjes shuma e 30 milion lekëve në muajin Prill 2016.

Në cilësinë e provës materiale u sekuestruan: -3 aparate celulare të markave të ndryshme -5 karta sim të kompanive të ndryshme Sende këto të cilat dyshohen të kenë shërbyer për kryerjen e veprës penale.

Materialet proceduriale i kaluan Prokurorisë pranë Gjykatës së Shkallës së Parë për Krimet e Rënda Tiranë, për veprën penale të “Shtrëngimit me anë të kanosjes për dhënie pasurie”, kryer në bashkëpunim parashikuar nga Neni 109/b dhe 25 i Kodit Penal.

Fjala e plotë – Blushi në Kuvend: Rama i paaftë, fyçkë, mediokër, si Berisha

Kritiku i ashpër i kryeministrit Rama, deputeti socialist Ben Blushi ka lëshuar sot akuza të forta në drejtim të kreut të qeverisë, duke e quajtur një të paaftë të madh.

Gjatë fjalës në Kuvend, Blushi ka barazuar Ramën me Berishën në paaftësi dhe dëmin e madh që i kanë shkaktuar e po i shkaktojnë përditë vendit.

Blushi e nisi fjalën me shkatërrimin e masakrimin që me dashje qeveria po i bën interesit publik në favor të atij privat e për interesa private.

Fjala e Blushit

Ky Parlament jo vetëm nuk e mbron, por e shantazhin, e masakron interesin publik të qytetarëve shqiptarë. Ka një koncept të pranueshëm nga të gjithë se çfarë është interes publik. A e mbron interesin publik, a po merr sot ndonjë vendim për të mbrojtur interesin publik të shqiptarëve sa i takon pronës, jetës, arsimit dhe shëndetësisë? Të gjitha të drejta themelore. Për të kuptuar çfarë është interesi publik dhe për të thënë si mbrohet apo si sabotohet ai po jap një rast dhe ky nuk ka ndodhur shekullin e kaluar, por para një jave.

Një grua me tre fëmijë po shkonte për të parë burrin e saj në burg. Shteti me dashje i kishte cenuar mundësinë për tu mbrojtur nga rruga. Aksident jo nga pakujdesia, por nga sabotimi i interesit publik. Vdiqën dy fëmijë. Do tua them edhe pse u fut ai në burg. A foli njeri për këta dy fëmijë që humbën jetën? Po për një familje që u shkatërrua? Askush nga këta. Aq më pak ai, që duhet të fliste më shumë, Kryeministri i Shqipërisë. Po çështja është kush e hoqi trafikndarësen? Një interes privat. Ato 10 metra kangjella të hequra masakruan dy fëmijë dhe një familje që nuk do ta marrë më kurrë jetën.

Kush e dëmtoi interesin publik? Ua them unë kush e dëmtoi. Interesi privat. Nevoja e qeverisë për të mbrojtur interesin privat para interesit publik shkaktoi dy viktima, një tre vjeç, një pesë vjeç dhe bashkë me ata edhe prindërit e tyre. Po pse ishin hequr ato 10 metra ndarëse trafiku? Ishte pakujdesi? Nuk kishte para? Ishte borxhi shumë i lartë dhe nuk e rregullonin dot rrugën? Jo. Ishin hequr për ti shërbyer një karburanti privat. Kë mbrojti në këtë rast qeveria? Karburantin privat. A keni parë prej 10 ditësh që ka ndodhur aksidenti të shkojë shteti atje dhe të rivendosë kangjellën që hoqi për të mbrojtur një karburant privat? Jo. Shikoni me çfarë llogjesh merren.

Do tu them edhe tjetrën, pse përfundoi kjo familje në burg? Sepse babai i këtyre vajzave që shteti nuk i mbrojti, por i çoi në humbje jete, ky kishte ndërtuar një çati në tokën e tij. Nuk kishte zaptuar ndonjë tokë dhe përfundoi në burg prej 6 muajsh. Sa para atij duhet të ishin në burg, edhe nga ky parlament? Që zaptojnë prona? Interesin e kujt mbron qeveria, interesin privat, apo interesin publik? Apo interesi publik cenohet vetëm kur vjen puna te të varfrit?

Doni tu jap një rast tjetër? Është rasti i fundit në Sarandë që tregon se si mbrohet dhe në fakt se si cenohet dhe sabotohet interesi publik në Shqipëri. Ka tre ditë që flitet për një trafik të madh droge në Sarandë. Nuk e di kush është ai njeri, kujt i ka dhënë më shumë para, Rilindjes, PS-së, PD-së, apo LSI-së. Kjo nuk më intereson. E dini çfarë më intereson? Ky njeri është akoma në punë sot, deri dje në paktën. Për çfarë thotë qeveria e kam hetuar prej tre muajsh dhe ai vazhdon punë? Ai hetohet pikërisht për punën që bën, për transportin. Ajo ishte detyra e tij, drejtor i transportit. A mbrohet këtu interesi publik? Jo, këtu mbrohet interesi privat.

Ne këtu ndahemi në mbrojtës të interesit publik dhe cënues të interesit publik dhe qeveria në shumë raste e saboton interesin publik. Po u marr një rast tjetër. Këtu ka çudira. Ky është bërë kryeministri më i çuditshëm në këto anë që po jetojmë. Ishin disa protestues dhe çfarë ndryshonin ata që dolën dje te Gjykata? Nuk ndryshonin. Ata shkuan të protestojnë për një stadium me majuc. Doli kryeministri dhe tha “nëse doni të merrni një vendim, shkoni merrni vota”. Nuk ka gjë më cinike se kaq, nuk ka gjë më mendjelehtë se kaq, më fyçkë se kaq. Po pse mor zotëri, një mësues që ankohet për një padrejtësi duhet të bëjë një parti që ta zgjidhë atë punë? Një fukara që ankohet se asistenca ekonomike është e pamjaftueshme duhet të bëjë një parti që të marrë vota?

Kush ka të drejtë të marrë vendime? Vetëm ata që kanë vota? Vetëm ne 140 që jemi këtu? Kjo nuk është një fjalë prej një mendjelehti, kjo është shprehje e një njeriu të paaftë, i cili për fat të keq prej 3 vjetësh po na provon që e vetmja cilësi që ka është paaftësia. Unë e kam quajtur mediokritet, por kjo është një fjalë pak e bukur, nuk i takon. Edi Rama është i paaftë për të na qeverisur, po administron Shqipërinë shumë keq prej tre vjetësh dhe po të doni e vazhdoj këtë debat sa të doni. Por nuk është vetëm kaq. Herën e kaluar ika nga ky Parlament, katër orë foli kryetari i Rilindjes, katër orë të tjera foli ky ish kryetari i Lindjes, se kështu i ndaj tani. Dhe çfarë është Lindja? Nga lindja na kanë ardhur të gjitha këto problemet që kemi sot. Lindja është dhunim, mediokritet, paaftësi, vjedhje votash, represion brenda partisë. Këtë po bën edhe kryetari i Rilindjes.

E vetmja gjë që Edi Rama po bën prej tre vjetësh, është që po lyen me bojë gërmadhën e Sali Berishës. Ajo mbetet prapë gërmadhë, lyeje si të duash. Vëri strehë siç ka ndodhur te kryeministria, ajo mbetet prapë gërmadhë. Kjo është puna e Edi Ramës në tre vjet. Dhe çfarë ndodh në këtë Parlament? Konkurrojnë të dy me njeri tjetrin, po konkurron e djeshmja me të pardjeshmen, një paaftësi e vjetër, me një paaftësi të re. Kush është bilanci i tyre në 25 vjet? Kryetari i Lindjes ka 25 vjet që drejton, ky tjetri ka 18 vjet.

Çfarë është bilanci sot i Shqipërisë? Shpopullim, papunësi, rënie ekonomike, ikje e investimeve të huaja, mungesë besimi te shteti, cenim sovraniteti. Po na bëjnë qesharak, sepse jemi të paaftë, drejtohemi nga dy të paaftë, një i djeshëm, një i sotëm. Tu them për çfarë konkurrojnë këta të dy. Katër orë seancën e kaluar, katër orë sot. Kush ka shkaktuar më shumë papunësi në Shqipëri, Sali Berisha apo Edi Rama. Kjo është konkurrenca. Kush ka hequr më shumë njerëz nga puna respektivisht, kush po merr më shumë borxh publik. Për këtë po konkurrojnë. Njëri thotë kam marrë 1.6 miliard, tjetri thotë kam shlyer 2.2 miliard. Në total jemi 75% borxh publik dhe mohojeni po të doni.

Ka ardhur koha ta themi pa hezitim, është konkurrencë në paaftësi. Rama foli sot për tre pika. Tha se fakti që po vijnë kinezët në Shqipëri është shumë mirë. Edhe unë them shumë mirë, nuk kam asnjë paragjykim. Pyetja nuk është pse vijnë kinezët se ata janë tregtarë, pyetja është pse ikin gjermanët dhe kanadezët. Çmimi i naftës po rritet, pse ikën një kompani kanadeze? Pse ikën një kompani gjermane nga aeroporti? Ka një imazh. Shkoni në një fshat të vogël dhe nëse aty shikoni vetëm gërmadha askush prej jush nuk shkon të bëjë pushime. Po nëse shikoni që ka një hotel të mirë dhe gatuhet mirë, dhe ka njerëz normal aty do shkoni prapë për pushime. Kështu është edhe rasti jonë. Nëse nga Europa dhe SHBA shohin që këtu investojnë vetëm kinezë edhe turq (shumë mirë që investojnë) dhe shohin që gjermanë e kanadezë ikin, mendoni se do vijnë prapë gjermanë dhe kanadezë të tjerë? Nuk besoj.

Kjo ndodh vetëm për një arsye sepse ekonomia jonë po bie dhe ka më pak konsum. Kinezët kanë më shumë para sot, kanë më shumë mundësi të durojnë, ndërsa të tjerët nuk mund të durojnë që këtu të ketë rënie konsumi, rënie klientele. Foli për çështjen e pronave. Pronat nuk janë reformë, por deformim i paparë i asaj çfarë mund të ishte një reformë. ky është totalisht i paaftë. Nuk ka ligj për të kthyer pronat, por për trajtimin e pronës. Ky nuk matet me metrin e së ardhmes, por me metrin e së djeshmes. Bën konkurrencë me Saliun. Tha se ne jemi krenarë që po paguajmë 500 milionë euro për pronat e pakthyera. Unë kam një pyetje, pse ti merr lekët e mia për tua dhënë atyre që mund ti kompensosh fizikisht? A ka Shqipëria një fond publik, prona të pakthyera? Ktheja pronarëve dhe ditën që ato nuk mjaftojnë fut dorën në buxhet për ti kompensuar. Kjo nuk po ndodh.

Shkarkohet Klemend Balili, nën hetim për trafik ndërkombëtar të kokainës

Shkarkohet nga detyra Klement Balili, i cili po hetohet për trafikun ndërkombëtar të drogës. Këtë informacion e ka bërë publik ministri i Drejtësisë Ylli Manjani. Balili mbante postin e drejtorit të Transportit në Sarandë.

‘’Kam dijeni se ka një operacion të muajve të fundit. Në mos gaboj që nga muaji mars. Dje ka qenë porosia e fundit, na mori 48 orë. Kam patur dijeni, kam dijeni dhe e gjitha kjo shkon në mënyrë zyrtare.

Publikimi i këtyre gjërave nuk i ndihmon hetimet prandaj jemi të rezervuar. Përshëndes qëndrimin e Policisë së Shtetit sepse operacioni është në vijim.”, tha Manjani.

I pyetur nëse Balili është i Lëvizjes Socialiste për Integrim, Manjani u përgjigj:

”Përshëndes dhe ka gjithë mbështetjen time, Policinë e Shtetit, Policinë greke, Prokurorinë e Përgjithshme. Unë mund t’u siguroj që kërkesa ime ka qenë dhe mbetet një: cilido person, king, garib, ministër, zyrtar, çfarëdoqoftë nëse ka shkelur ligjin duhet të shkojë prapa hekurave!

LSI, është partia e vetme që e ka të statuar mosmbrojtjen politike të askujt.

Çdokush e ka kokën mbi shpatulla të veta dhe nuk ka pse t’i ngatërrojmë çështjet përsonale.

Është shkarkuar sot, jo se ka ndonjë arsye ligjore, por për hetim. Në dijeninë time është shkarkuar sot’’.

Genc Pollo sulmon ambasadorët: Na keni sjellë një projekt monstruoz e poshtërues, nuk po përfaqësoni me dinjitet vendet tuaja

Voal – Genc Pollo ka bërë sot një shkrim në gazetën “Rilindja Demokratike”, ku sulmon ashpër ambasadorin e SHBA-së, Donald Lu dhe atë të BE-së, Romana Vlahutin.

Ai thotë se ata kanë mbështetur një projekt monstruoz për reformën në drejtësi

“Sipas të thënave privatisht nga këta deputetë socialistë, propozimi ishte konceptuar e hartuar nga ekspertët ndërkombëtarë. Ky propozim mori përkrahje publike nga këta ekspertë ndërkombëtarë si edhe nga ambasadorë të rëndësishëm, por u rrëzua në masë 85% nga Komisioni i Venecias përmes opinionit të përkohshëm të mesit të dhjetorit. E njëjta gjë ndodhi edhe me opinionin përfundimtar pak muaj më vonë.

Me shumë të drejtë, pasi në shumë aspekte ishte një propozim monstruoz. Dhe nuk ka shpjegim nga ekspertët autorë për këtë rrëzim venecian. Për ekspertët shqiptarë kam dëgjuar që u ishte premtuar një post në një nga institucionet e reja që do të krijoheshin; pra kishin “arsye” për t’i pëlqyer qeverisë. Ndërsa për të tjerët nuk e di nëse ka qenë shkak naiviteti, inkompetenca apo neglizhenca”, shkruan Pollo.

Sipas tij, ambasadorët po poshtërojnë deputetët, duke iu thënë votojeni këtë projekt sa më shpejt.

“Deklarata se propozimi aktual duhet votuar pa u lexuar janë vetëposhtëruese për një deputet; por edhe nëse jepet një këshillë e tillë ajo është gjithashtu poshtëruese. Por nëse palët do jenë konstruktive dhe këtu kam ndërmend palët e mazhorancës, mendoj që do ishte e mundshme që të arrihej një paketë amendimesh kushtetuese para pushimeve parlamentare të verës.

Për mua personalisht dhe pushimet mund të anulloheshin e të vijonte puna në qoftë se do kishim nevojë për më shumë kohë. Por do ishte për mua e papranueshme që për shkak të një kalendari të paracaktuar të votonim një reformë kushtetuese jocilësore, ndoshta edhe me ndonjë aspekt të dëmshëm”, shkruan ai.

Në fund, Pollo shkruan se diplomatët në Tiranë jo gjithmonë kanë kërkuar konsensus, por atyre iu është tërhequr veshi nga Brukseli dhe Berlini.

Ai i cilëson ata si jo dinjitozë, pasi nuk kanë reaguar ndaj lajmeve se deputetët që nuk do të votojnë reformën në drejtësi, nuk do të lejohet të udhëtojnë në SHBA:

“Dhe një çështje të fundit, zotërinj ambasadorë, propaganda e kryeministrit ka insinuar sikur një votë kundra propozimit për ndryshime kushtetuese mund të shoqërohet me një refuzim vize për deputetin. Unë personalisht nuk do doja ta këmbeja votën pro për një deformim të Kushtetutës së Republikës me një pullë në pasaportën time çfarëdo që të shkruhej mbi të. Por mendoj që dhe ju do t’i kishit përfaqësuar në mënyrë pak më shumë dinjitoze demokracitë pluraliste që ju kanë dërguar në Tiranë sikur ta kishit përgënjeshtruar këtë insinuatë.

Dhe së fundi, fare më vjen mirë edhe për nevojën, e shprehur nga zoti ambasador, për konsensus në këtë reformë. Fatkeqësisht nuk ka qenë gjithmonë ky rasti i diplomatëve të Tiranës. Por këta janë korrigjuar nga politikanë të rëndësishëm në Bruksel, Berlin e kryeqytete të tjera, të cilët kanë insistuar për konsensus politik në këtë përçapje. Dhe nuk ke nevojë për njohuri e pjekuri politike të madhe për të kuptuar e thënë se Kushtetuta nuk ndryshohet aq kollaj sa interjeri i zyrës. Shpresoj që nëse ndodh, në rastin fatkeq, që të miratohen ligjet kushtetuese me shumicë kushtetuese të blerë siç ishte rasti i shumicës së cilësuar me 3/5, kjo nuk do të duartrokitet nga diplomatët e nderuar”.

30 plumba banesës së Denis Shtrazës, plagoset fëmija

Një fëmijë është plagosur me armë zjarri në Durrës, ndërsa qëndronte në banesën e tij. Ngjarja e cila rrezikoi të kthehej në një tragjedi, ka ndodhur në orët e para të mëngjesit.

Sipas policisë së qytetit bregdetar persona të paidentifikuar, kanë qëlluar me armë zjarri në drejtim të banesës së Denis Shtrazës, të arrestuarit për vrasjen e Gazmend Çollakut.

Në foto Denis Shtraza

denis-shtraza-768x366

Për pasojë, ka mbetur i plagosur nga një plumb rikoshet fëmija 12 vjeç, i cili ndodhet në spital jashtë rrezikut për jetën.

Grupi hetimor ka nisur mbledhjen e provave në vendngjarje, ndërsa nuk dihet asgjë rreth identitetit të autorëve. Banesa e Denis Shtrazës është qëlluar rreth 30 herë me breshëri automatiku.

ssss-2-768x551

33-vjeçari Shtraza akuzohet për rrëmbimin dhe vrasjen e Gazmend Çollakut, ngjarje e ndodhur disa javë më parë në Durrës. Ai u arrestua në Rinas në tentativë për t’u larguar nga Shqipëria.

Në foto Gazmend Çollaku

collaku-1

Policia thotë se ai është person me tendenca të theksuara kriminale, me precedentë penalë të mëparshëm në fushën e veprave penale kundër jetës, i dyshuar si anëtar i një grupi kriminal, që operon në zonën e Tiranës dhe Durrësit

Burrat që shpëtuan nga coptimi sovranitetin e Shqipnisë Nga FRITZ RADOVANI

Voal – Historia e shkrueme pa të Vërteten e saj, asht përrallë!..

Lufta e Parë Botnore në fund të vitit 1918, dukej, sikur kishte pushue.

Edhe ata që e filluen Luftën Botnore ishin ma të sigurtë në kenjen e tyne se Shteti Shqiptar. Ndonse Shqiptarët nuk kanë kercënue asnjë shtet fqinjë, të mëdhej e të vegjel u çuen me shkye nga një copë, e sejcili, tue kerkue me pushtue ma të madhen. Italia tue kenë andej detit kerkonte Vlonën. Greqia si gjithmonë, kerkonte Shqipninë e Jugut, ku perfshihej Korça e Gjinokastra. Serbia nuk ngopej vetem me Vermoshin e Shkodren…

Pritej vendimi i Shteteve të Europës, që me 18 Janar 1919, u mblodhën në Paris, ku u hap Konferenca e Paqës. Qeveria e Përkohshme e Durrësit, e kryesueme nga Turhan Pashë Permeti, as nuk u perfill fare nga Lidhja e Kombeve. Në shkurt 1919 një delegacion Shqiptarësh u nis për Paris. Askush nuk ua hapi dyertë e Konferencës.

Deri këtu, edhe sot, dy “Akademitë e Shkencave Shqiptare”, ajo e Tiranës’’ dhe ajo e Prishtinës, mundohen me krijue “emna të përvetshëm”, të cilët, “arrijtën me një perkushtim të posaçem me shpëtue Shqipninë nga një coptim i sigurtë!” Fatkeqsisht, pothuej, të gjitha tekstet e Historisë së Shqipnisë së këtyne “Akademive”, të formueme nga antishqiptarët edhe sot, nuk e shkruejnë të Verteten e Shpëtimit të Shtetit Shqiptar nga një coptim i sigurt në Konferencën e Paqës në Paris, në vitët 1919 – 1920.

E Verteta asht vetem një! Kujt nuk i pelqen të vazhdojnë me pertypë rrêna!

Në vitin 1999, ishte e para herë që kam ndigjue në Tiranë, nga Prof. Valentina Duka kumtesen “Roli i Klerit Katolik Shqiptar në Konferencën e Paqës në Paris, 1919 – 1920”, të thanun troç: “Fillimisht Turhan Pasha, me cilësinë e Kryeministrit Shqiptar, në përbërje të delegacionit, krahas vetes, caktoi edhe Mehmet Konicën (Ministër i Punëve të Jashtme në Qeverinë e Durrësit), Mit’hat Frashërin dhe Mihajl Turtullin…”

Kur mërrijtën në Paris këta drejtues, në shkurt 1919 “u këshilluen nga Ministri i Jashtem i Italisë Sonino, “që në delegacion të kishte edhe përfaqësues nga Shqipëria e Veriut dhe e Mesme…” Pra, kishte shkue puna deri aty, që “italianët” me u mësue mend delegatëve tanë, sesi me veprue per mos me na coptue shtetet fqinjë, bash atëherë kur vetë italianët, nuk i lenin asgja mangut komshijëve tjerë!

Ndersa, mosmarrveshjet mes tyne nuk zehen me gojë nga askush as sot gati mbas 100 vjetësh, edhe pse bash atyne përçarësve përditë “u thuret lavdi” për damin e madh që i kanë ba Popullit e Shtetit Shqiptar, që ditën e Shpalljes së Pavarsisë në 1912. Këte e verteton qendrimi i perfaqsuesëve të Shqiptarëve të Amerikës, Turqisë, Kosovës, Rumanisë, etj., që arrijtën deri aty sa me kerkue “edhe rikthimin e Esad Pashë Toptanit në drejtimin e shtetit shqiptar”… Anglia, Franca e Italia ishin per coptimin e Shqipnisë.

Qeveria e Durrësit vendosi të dergojë si Kryetar të Delegacionit Shqiptar, në Konferencën e Paqës në Paris Ipeshkvin e Lezhës Imzot Luigj Bumçin, i cili zgjodhi si sekretar të vetin françeskanin e njohun At Gjergj Fishta. Nga Shqipnia e Mesme shkoi Mustafa Kruja. Në delegacionin e ri u caktue edhe Luigj Gurakuqi, Dr. Mihajl Turtulli, Lef Nosi, Mehdi Frashëri, Mehmet Konica.

Me datën 6 Mars 1919, Imz. Luigj Bumçi dhe At Gjergj Fishta u nisën në Romë, për me u takue me Papën Benedikti XV, një dashamirës i madh i Popullit Shqiptar.

Mbas takimit me Papen, Imz. Bumçi dhe At Fishta u nisën për Paris. Shkelqimi i dy figurave të Klerit Katolik Shqiptar, kje i paimagjinueshem në Konferencën e Paqës.

Imzot Luigj Bumçi ishte një përfaqsues i denjë i Atdhetarizmit dhe i çeshtjes sonë aq të randsishme për kenjen e Kombit Shqiptar. Imz. Bumçi takohet me të gjithë delegatët e të gjitha shteteve, dhe me njohjen e disa gjuhëve të hueja, Ai asht në gjendje me bisedue me të gjithë dhe me u paraqitë atyne se, “Shqiptarët sot janë vertetë pjesë e Europës së qytetnueme”. Takimet dhe kambngulja e Tij për zgjidhje të drejtë të çeshtjes Shqiptare, oratoria dhe prezenca e At Gjergj Fishtës përkrah Tij, janë një model i papersëritshëm!

Imz. Luigj Bumçi porsa filloi detyren protestoi tek Presidenti Amerikan Woodrow Wilson, kundër barbarëve serb per krimet e kryeme në Shqipninë Veriore, Plavë Guci e Gjakovë. I kerkoi hymjen e trupave amerikane në zonën e Rugovës.

Protestoi tek Ministri i Jashtem i Italisë Tittoni për marrveshjen me Kryeministrin grek Venizelos, në lidhje me kalimin e zonave të Korçës e Gjinokastres Greqisë.

Në muejn Tetor 1919, Imz. Bumçi u takue me perfaqsuesin e Francës Pichon, dhe krytarët e delegacioneve të Shteteve të Bashkueme dhe Anglisë, të cilëve u kerkoi që të nderhyjnë për zgjidhjen e çeshtjeve në favor të Shtetit Shqiptar.

Ndersa At Gjergj Fishta, udhtoi per këto çeshtje drejtë Anglisë dhe SH.B.A.

Delegacioni Shqiptar tue vrejtë vështirsitë e mëdha per zgjidhjen e drejtë të atyne problemeve aq delikate, kerkoi nga Imz. Bumçi, në mbledhjen e 22 e 23 Dhjetorit 1919 nderhymjen urgjente të Tij tek Vatikani. Imz. Bumçi, si gjithmonë i gatshem per me zgjidhë çeshtjet kombtare, u pajtue me mendimin e Delegacionit dhe bashkë me Mehdi Frashërin, intelektual i njohun, u nis për Romë, dhe arrijti me 28 Dhjetor në Vatikan.

Takimi i Imz. Bumçit me Papen Benedikti XV u zhvillue me datën 1 Janar 1920, vertetë një takim i shkurtë, po me plot fryt për qellimin për të cilin Ai shkoi tek Papa.

Në kujtimet e Tij historike Imz. Bumçi shkruen: “Tesh prá Shêjtni, të gjith misat e Dergatës shqyptare qi janë në Paris e qi shumica asht mysliman, më kan çue ktu perpara Shejtnis S’Uej e të gjith per nji gojë U luten qi me fuqin t’Uej morale e me influencen e madhe qi keni në boten marë, të na epni ndimen t’Uej të vlefshme si e ku dini Ju Vetë, qi të na pështojnë dy provinçet shqiptare Korça e Gjinokastra, të cillat janë në rrezik prej akordit Tittoni – Venizelos.”

Mbasi marova fjalët e mija, Papa Shêjt, si pat ndêjë nji grimë herë pa bâ zâ, u suell e më tha: “Po shka të baj për Ju? Me Itali s’kam shka me bâ, e din gjith bota si jena: me Francë marrdhanjet janë këputë – shka të bâj?”

U pergjegja (Imz. Bumçi): “Un kishe me thanë, Shêjtni, se bota s’ka metë vetun në Itali e në Francë; ka në botë edhe Angli e Shtete të Bashkueme t’ Amerikës!”

Papa bâni buzen në gaz, e me i ‘herë më pergjegji: ké të drejtë. E pra, neser do të piqemi me Ambasadorin e Anglis, masnesrit me até të Shteteve të Bashkueme; e po t’ ap fjalen se me të dy kam me folë e me ja porositë dy provinçet qi kenkan në rrezik e kam me ba shka të mundem per me Ju ndimue. Zoti ka m’e e ba mirë se prei Konferencet të Paris-it mos pritni punë të mira pse Zotin e kan qitë jashtë, e aty ku s’ asht Zoti drejtsija s’ mundet me kênê!” Këtu u mbyll biseda.

Imz. Bumçi në fund i la një memorandum me shkrim per kujtesë, dhe bashkë me Mehdi Frashërin ikën në Paris, ku priteshin nga delegatët tanë. Atë natë u takuen me delegatët Shqiptarë, e mbasi Imz. Bumçi i vuni në dijeni per biseden me Papen, të gjithë u ngritën në kambë plot gëzim tue thirrë: “Rrnoftë Papa! Korça e Gjinokastra shpëtuen!”

Me daten 6 Mars 1920, mbas dy muejsh që Imz. Bumçi u takue në Vatikan me Papen Benedikti XV, në Paris mërrijti një notë e Presidentit të Sh.B.A. wilson, simbas së cilës “integriteti territorial dhe sovraniteti i Shqipnisë, me kufijtë e vitit 1913, janë të paprekshëm!” Çeshtja Shqiptare u diskutue aty tue iu referue Programit të Presidentit amerikan W. wilson: “E Drejta e Kombeve per vetvendosje”, që favorizoi Shqipninë.
Shteti i Parë që ka njoh Shtetin Shqiptar ka kenë Vatikani, i cili me 12 Nandor 1920 emnoi Delegatin Apostolik per Shtetin e Ri Shqiptar, Imz. Ernesto Cozzi, që porsa erdhi në Shqipni, i ngarkuem nga Papa vizitoi gjithë krahinat e Shqipnisë dhe në fund, me daten 28 Janar 1921, Imz. Cozzi mërrijti zyrtarisht në Shqipni.

Papa Benedikti XV shkruen: “Tashti që Populli i Juej fisnik ka mujtë me fitue lirinë dhe ka hy në rrugen e përparimit të vërtetë, asht e arsyeshme që nëpërmjet Perfaqsuesit tonë të ripërtrijmë edhe njëherë e ma të forta ato lidhje që përsa shekuj e bashkuen Shqipninë me Kishën e Shejtë”.

Burrat që shpetuen Shqipninë e sotme nga coptimi i fqinjëve në vitin 1919 – 1920 ishin: Imz. Luigj Bumçi, Papa Benedikti XV dhe Presidenti i Sh.B.A. W. wilson.
Kjo asht e Verteta historike e kenjes së Shtetit Shqiptar.

Melbourne, Shtator 2014.

Greqia shpall në kërkim Klemend Balilin

Dokumente të policisë greke tregojnë se 44-vjeçari, aktualisht drejtor i Drejtorisë së Shërbimeve të Transportit në Sarandë dhe biznesmen në këtë qytet, është shpallur në kërkim nga autoritetet greke – i dyshuar si drejtues i një grupi trafiku ndërkombëtar lëndësh narkotike.

Një biznesmen shqiptar, i cili është njëkohësisht drejtor në administratën publike, u shpall me të hënën (9 maj) në kërkim në Greqi i dyshuar si kreu i një grupi që ka trafikuar sasi të stërmëdha marijuane nga Shqipëria në shumë vende të Europës.

Policia greke kreu një operacion masiv gjatë ditëve të fundit, duke arrestuar një dyzinë njerëzish dhe duke konfiskuar rreth 678 kilogramë marijuanë të fshehur në një ishull të vogël në Greqinë e Veriut.

Sipas skemës së zbuluar nga policia greke, trafikantët përdornin skafe të shpejta për të transportuar marijuanën nga Shqipëria për në Greqi e më pas, përdornin kompani transporti rrugor false për të transportuar drogën në vende të tjera Europiane.

Dokumente të policisë greke të para nga BIRN tregojnë se Balili është shpallur në kërkim, i dyshuar si një nga krerët e grupit të trafikut.

“Të akuzuar për shkelje të ligjit N433/13 për “lëndët narkotike” , ligjit 187 të kodit penal të “Organizatave Kriminale” dhe të nenit 8 Kod Penal “Krimet e kryera në shtetin fqinj” të akuzuar por jo të arrestuar janë tre persona, ndër ta dhe Klement Balili i Sabaudinit dhe Nazes lindur në 20/03/72 në Shqipëri dhe banues në Sarandë për shkeljet e mësipërme”, shkruhet në dokumentet e policisë greke.

“Për transportin e lëndës narkotike (kanabis të papërpunuar) nga Shqipëria në Greqi dhe Europën Lindore, Balili kishte rolin e sponsorit dhe të organizatorit dhe drejtonte transportin në sasi shumë të mëdha me rrugë tokësore me kamiona të mëdha dhe nga deti me skafe. Krahu i tij i djathtë që merrej me transportin dhe magazinimin nga Greqia e tutje ishte Alifandi Georgio,” vijon më tej dokumenti.

Në regjisitrin civil shqiptar i njëjti shtetas duket se ka emrin Kelmend Balili.

Balili rezulton një person me lidhje të shumëfishta politike. Kryetari aktual i Bashkisë Delvinë, Rigels Balili, i ditëlindjes 1985, është nip i të dyshuarit. Ai fitoi zgjedhjet i kandiduar nga Partia Lëvizja Socialiste për Integrim me 72 për qind të votave.

Lidhjet politike të Klemend Balilit shfaqen edhe në një kronikë televizive të Ora News, ku kreu i Kuvendit Ilir Meta, Ministri i Financave Arben Ahmetaj dhe ish-deputeti i zonës Koço Kokëdhima, shfaqen në ceremoninë e inaugurimit të hotelit Santa Quaranta, një investim multimilionësh për një hotel luksi në qytetin e Sarandës, pronë e familjes Balili.

Hetimet greke patën nisur mbi një vit më parë pas kapjes së sasive të konsiderueshme të drogës në raste të ndryshme, që dukeshin se kishin lidhje me njëra-tjetrën. Sipas policisë greke, më 25 janar 2014, në Patra, një shtetas bullgar u arrestua duke transportuar 451 kilogramë kanabis. Në prill 2014, një sasi tjetër prej 678 kilogramësh u kap në kufirin mes Greqisë dhe Maqedonisë. Në prill 2015, policia britanike kapi 23 kilogramë kokainë, ndërsa në Bullgari u kapën 531 kilogramë kanabis. Të gjitha këto ngarkesa lidhen me të njëjtën organizatë të trafikut ndërkombëtar.

Policia greke ndërhyri në mbrëmjen e së hënës duke arrestuar pesë anëtarë të bandës në Zakintho dhe sekuestrimin e një sasie tjetër të stërmadhe prej 678 kilogramësh kanabis. Në Patra u arrestuan dy anëtarë të tjerë të cilët e kishin dërguar drogën me skaf.

“Nëndrejtoria e Antidrogës pas hetimeve prej muajsh në lidhje me aktivitetin kriminal të anëtarëve që jetojnë në Greqi, në bashkëpunim me Zyrën D.E.A të Ambasadës së SH.B.A-ve në Athinë dhe me shërbimin homolog të Policisë Shqiptare për pjesën e veprimit të organizatës kriminale që kishte të bënte me boshtin ballkanik, së bashku me kryerjen e inspektimeve të gjera, mbledhjen e materialeve informative dhe ballafaqimit të analizës së të dhënave të informacioneve kriminale, arriti të konstatonte strukturën, mënyrën e veprimit dhe taktikat e organizatës kriminale si dhe aktivitetin e saj ndërkombëtar si në vende të Evropës Perëndimore ashtu edhe në vendet e Ballkanit”, shkruhet në njoftimin zyrtar të policisë greke.

“Lidhur me lëvizjen e sasive të kanabisit të papërpunuar nga Shqipëria drejt Greqisë dhe Evropës perëndimore, shtetasit shqiptar 44-vjeçar (banues jashtë shtetit) i ishte besuar roli i financuesit, por edhe drejtimit të transporteve nga Shqipëria drejt Greqisë dhe Evropës, në rrugë rrugore me kamionë por edhe në rrugë detare me skafe”, vijon më tej njoftimi.

Noka, Ristani, Pollo e Dogjani në Prokurori për armën e Strazimirit

Prokuroria e Përgjithshme ka marrë në pyetje deputetët e Partisë Demokratike të kallëzuar nga policia e shtetit për protestën tek Liqeni Artificial më 29 mars.

Katër deputetët Flamur Noka, Genc Pollo, Asllan Dogjani e Arben Ristani kanë dhënë deklarime në Prokurorinë e Përgjithshme.

Ata kanë dhënë deklarime si persona që kanë dijeni për rrethanat e hetimit në lidhje me kallëzimin e bërë prej policisë së shtetit për akuzat “Organizim dhe pjesëmarrje në grumbullime e manifestime të paligjshme”, “Shkatërrimi i pronës”, “Kundërshtim i punonjësit që kryen një detyrë shtetërore ose një shërbim publik”, “Prishja e qetësisë publike” dhe “Prodhim dhe mbajtja pa leje e armëve luftarake dhe e municionit”.

Prokuroria ka kërkuar edhe dëshminë e Gent Strazimirit por ai nuk është paraqitur në momentin e parë me argumentin se ka pasur angazhime të tjera. thirrja për Strazimirin është përsëritur ndërsa kolegët e tij kanë thënë se protesta ka qenë Brenda rregullave të rendit dhe se nuk kanë qenë në dijeni dhe nuk kanë parë që Strazimiri të kenë pasur armë zjarri.

Enver Hoxhaj: Feja dhe shkollat nuk duhet të kenë pikëtakime

Nënkryetari i Partisë Demokratike të Kosovës, Enver Hoxhaj, është përfshirë në debatin lidhur me mundësinë e futjes së lëndës fetare në institucionet arsimore në Kosovë.

Gjatë një interviste në emisionin Monitor të RTK-së, ai ka thënë prerazi se shkolla dhe feja nuk duhet të kenë pikëtakime. Prandaj, sipas tij, Kosova si shtet sekular që është duhet ta ruaj karakterin e tillë në çdo institucion.
Të gabuar Hoxhaj e sheh edhe qasjen e Kryeministrit të Shqipërisë, Edi Rama, i cili i pari riktheu këtë temë, e cila sipas nënkryetarit të PDK-së është cështje e vjetër tek shqiptarët. Duke përmendur qëndrimet e Sami Frashërit për këtë qështje, ku ka thënë se as ai nuk i dëshironte hoxhallarët e priftërinjtë nëpër shkolla, ai ka thënë se e sheh të pakuptimtë futjen e kësaj lënde në shkollë.
“Natyrisht që në histori dhe sociologji mund të mësohet për fetë në rrafshin historik. Por kush do të mbante mësim për fe? Nuk e di kush është i kualifikuar dhe se kush duhet të mbajë mësim fetar në shkolla. Poashtu nuk di se ku do të ishte efekti politik dhe shoqëror i një mësimdhënje fetare në shkolla, në çfarë forme do të shpjegohej teoria e Darvinit për nxënësit në biologji? Dhe po ata nxënës pastaj do ta pyesnin profesorin fetar se çfarë mendon ai për teorinë e Darvinit, që një mësimdhënës i fesë ka pikëpamje krejt tjetër. Është temë më e ndjeshme, mendoj se edhe në Shqipëri është nisë pa nevojë ky debat e po ashtu edhe në Kosovë e shoh njëjtë” – ka thënë ndër të tjera ish ministri i Arsimit, Enver Hoxhaj, në emisionin Monitor.

Në Itali vjet mësuan e studiuan 108 mijë shqiptarë

Rreth 814 000 nxënës dhe studentë të huaj ndoqën shkollat italiane gjatë vitit akademik 2014-15 duke përbërë 9,2 për qind të totalit të nxënësve dhe me një rritje prej 1,4 për qind krahasuar me vitin 2013, sipas raportit “Nxënësit pa nënshtetësi italiane”, mbështetur nga Ministria italiane e Arsimit dhe fondacioni ISMU.

”Rreth 55,3 për qind e tyre kanë lindur në Itali, një numër i katërfishuar mes viteve 2007-08 dhe 2014-15, nga 8 111 në 34 788”, sipas raportit.

”Ndërkohë, shumë minorenë të pashoqëruar po mbërrijnë në shkollat italiane për shkak të krizës së refugjatëve, pjesa më e madhe e të cilëve në Sicili, Kalabri dhe Pulia”, shton raporti.

”Grupi më i madh i nxënësve dhe studentëve janë nga Rumania (157 153), Shqipëria (108 331) dhe Maroku (101 584)”, thekson ai.

Basha: Iu kërkuam ambasadorëve që reforma të mos përdoret kundër nesh

Basha: Nuk ka rëndësi se kur do të miratohet reforma

Lulzim Basha ka kujtuar edhe një herë kushtin e vetëm që ka pasur PD në këtë proces:

“Ka qenë, është dhe do mbetet deri në realizimin e procesit që kemi besim se do ndodhë, është moskapja politike e drejtësisë. Kjo mazhorancë po e rendit vendin si vendi më problematik me krimin e organizuar, kultivimin e dorgës… ne jemi për një reformë që lufton dhe nuk mbron krimin dhe korrupsionin… kjo bën shumë persona nervoz, ne i dimë e i njohim me emër dhe mbiemër”, tha Basha.

Kreu i demokratëve ka nënvizuar se nuk ka rëndësi se sa do zgjasë procesi deri në miratimin e reformës në drejtësi, pasi sipas tij ka rëndësi produkti dhe jo afati.

“Do punojmë me partnerët për të sjellë edhe kundërshtarët tanë në një tryezë për hir të shqiptarëve. Por tek PD erdhën dhe ikën ambasadorët duke gjetur një PD aspak nervoze për refomën në drejtësi. Tejkalimi i frikës dhe paranojës së tij do ndodhë me hir apo me pahir, do ketë gjyqësor të aftë të hetojnë nga kryeminsitri tek zyrtari i fundit, ti dënojnë pa favore por sipas standartit të ligjit…mund të zgjasë mund të mos zgjasë, s’është cështje që e zgjidh PD…rëndësi ka cilësia e produkti, një produkt skarco s’të bën punë kur të arrish tek afati”, tha Basha.

Lu dhe Vlahutin nga PD: Nuk urdhërojmë, por reforma do të realizohet

Pas një takimi që zgjati rreth 140 minuta me grupin parlamentar të PD-së, ambasadorët Lu dhe Vlahutin deklaruan jashtë selisë blu se gjatë diskutimit për reformën në drejtësi u sqaruan disa çështje që nuk ishin të qarta.

Ambasadori amerikan Donald Lu, duke vlerësuar rolin e rëndësishëm të Partisë Demokratike në historinë e vendit ka theksuar se pret që tradita e kontributit të vijojë edhe me reformën në drejtësi.

“PD ka luajtur rol vendimtar në historinë post komuniste të vendit dhe presim që kjo traditë të vazhdojë në reformën në drejtësi”- tha Lu.

Ndërsa për ambasadoren e BE, Vlahutin, diskutimi ishte shumë i dobishëm.

“Ishte diskutim shumë i dobishëm, shumë i mirë dhe shumë konstruktiv. Kemi sqaruar disa cështje që nuk ishin të qarta, por në të gjithë ramë dakord që jemi partnerë dhe aleatë për të mirën e vendit, dhe që në ditët në vijim të gjitha energjitë tona do të fokusohen që kjo reformë të përfundojë”- tha ajo.

Ajo theksoi se edhe zbatimi i reformës do të jetë i rëndësishëm vecanërisht për BE. “Do sigurohemi që ajo që është shkruar në letër të bëhet në fakt realitet për qytetarët e këtij vendi”- tha Vlahutin.

Topalli lë takimin me ambasadorët – Ruli fyen takimin

Ish nënkryetarja e PD-së, Jozefina Topalli ka dalë nga mbledhja e grupit parlamentar demokrat ndërkohë që po vijonte takimi i deputetëve me ambasadorët Lu dhe Vlahutin.

Në një prononcim të shkurtër për mediat ajo tha se kishte lënë një takim tjetër në 11.30 pasi nuk mendonte se takimi me diplomatët e huaj do të zgjaste kaq shumë.

“Dola se kisha lënë takim me ambasadorë të tjerë në 11.30. Nuk e mendova se do zgjaste 90 minuta takimi në grup me ambasadorët”, tha Topalli shkurtimisht për mediat.

Ndërsa ish ministri Genc Ruli i cili mungoi në mbledhjen e sotme u shpreh se “Partinë e kanë mundësinë të thonë vullnetin për reformën. vullneti për reformën tregohet me veprime konkrete jo me takime butaforike me ambasadorë. Është dëm i madh për besueshmërinë e realizimit të reformës. Nuk duhet të perceptohet si një reformë e imponuar nga ambasadorët”.

Erla Mëhilli: Ja pse Berisha mungoi në takimin me ambasadorët

Dy ambasadorët Lu dhe Vlahutin mbërritën sot në orën 10:00 në selinë e Partisë Demokratike ku diskutuan më shumë se 90 minuta në lidhje me reformën në drejtësi dhe dhanë mesazhet e tyre që edhe publikusht kanë nënvizuar se ajo duhet të përmbyllet sa më shpejt.Kanë qenë deputetët Edi Paloka dhe Jorida Tabaku që i kanë pritur tek dera, ndërsa ajo që ra në sy ishte mungesa e ish-kryeministrit Sali Berisha në këtë mbledhje.

Mungesë bëri edhe deputeti Genc Ruli.

E pyetur nga “Panorama”, zëdhënësja e PD-së, Erla Mëhilli ka shpjeguar edhe arsyet e mungesës së ish-kryeministrit në këtë takim.

“Mungesa e zotit Berisha ne mbledhje eshte normale pasi ai ka takime konstante me ambasadoret per reformen ne drejtesi. Nderkohe ambasadoret sot jane ne mbledhje per te brifuar deputetet e tjere te PD” tha ajo.

Shefi i kabinetit të ministrit Edmond Haxhinasto pronar i karburantit ku u vranë dy fëmijët

Voal – Mbrojtëset anësore të autostradës Plepa-Golem, që u bënë shkak për vdekjen e dy fëmijëve të familjes Negollari në aksidentin e së shtunës, nuk janë vendosur për të favorizuar një karburant, i cili rezulton të jetë në pronësi të një zyrtari të lartë në Ministrinë e Transporteve. Bëhet e ditur se, kjo pikë karburanti është e regjistruar në emrin e shoqërisë PIENVIS, me pronar Pilo Këri, babai i Krislen Kërit, shefit aktual të kabinetit të ministrit të Transporteve, Edmond Haxhinasto. Në dokumentat e Qendrës Kombëtare të Regjistrimit thuhet se kjo shoqëri në pronësi të Pilo Kërit ushtron aktivitetin e tregtimit me pakicë të karburanteve, vajrave lubrifikantë e autogaz, 2.8 kilometër nga rrethrrotullimi i Malit të Robit. Këto të dhëna korrespondojnë pikërisht me vendin ku ka ndodhur aksidenti i së shtunës.

Prokuroria e Kavajës, që ka nisur hetimet për aksidentin, dyshon se barrierat metalike anësore nuk janë vendosur në dy vende për të favorizuar këtë karburant. Procedimi penal është regjistruar edhe për Autoritetin Rrugor Shqiptar, një institucion në vartësi direkte të Ministrisë së Transporteve, pasi dyshohet se Autoriteti Rrugor Shqiptar e ka marrë në dorëzim rrugën pa u plotësuar me elementët e domosdoshëm të sigurisë, siç e kërkon ligji.

Po ashtu hetime po kryhen edhe për kompaninë që ka ndërtuar këtë pjesë të rrugës, nëse ajo nuk e ka vendosur me iniciativë të saj mbrojtësen anësore pranë këtij karburanti, apo i është kërkuar nga drejtuesit e Autoritetit Rrugor Shqiptar dhe Ministria e Transporteve.

Bëhet e ditur se, kompania që ka ndërtuar këtë segment rrugor e ka fituar tenderin me një diferencë të theksuar me ofertuesit e tjerë. Dhe dyshohet se janë bërë pazare të pista, pasi tenderi ju dha kompanisë që ofroi më shumë para se sa kompanitë e tjera që morën pjesë në tender. Edhe pse kësaj kompanie i janë dhënë miliarda lekë jo vetëm që nuk ka vënë mbrojtëse anësore në vendin ku ndodhi aksidenti, por nuk e përmirësoi aspak sinjalistikën.

Mbrojtësja metalike, sipas Prokurorisë së Kavajës, nuk duhet të ishte e ndërprerë në asnjë rast, në një rrugë ku shpejtësia maksimale e lejuar është 100 kilometër në orë. ABC News u interesua pranë Ministrisë së Transporteve për të pyetur shefin e kabinetit të ministrit të Transporteve, se cila është lidhja e tij me këtë karburant. Por as Këri dhe as zyrtarët e tjerë nuk pranuan t’i përgjigjen interesimit tonë. Edhe Autoriteti Rrugor Shqiptar refuzoi të përgjigjet në lidhje me hetimin. Edhe Autoriteti Rrugor Shqiptar refuzoi të përgjigjet në lidhje me hetimin. Ndërkohë Prokuroria e Kavajës bëri të ditur se po heton edhe pronësinë e karburantit dhe lidhjen e shefit të kabinetit të ministrit Edmond Haxhinasto me cenimin e sigurisë rrugore.

Prokurorët që po mbledhin të gjitha provat dhe shkresat zyrtare mbi sigurinë e kësaj rruge, dyshojnë se kjo ka qenë arsyeja që Autoriteti Rrugor Shqiptar e ka marrë në dorëzim rrugën edhe pse ishte cënuar një element i rëndësishem i sigurisë rrugore. Për këtë arsye, Autoriteti Rrugor Shqiptar është institucioni që po hetohet për këtë rast. Burime nga Prokuroria konfirmojnë se, është regjistruar procedimi penal për akuzën e shpërdorimit të detyrës, pasi ka dyshime se ky institucion nuk ka zbatuar rregulloren në aksin rrugor ku ndodhi aksidenti.

Mbrojtësja metalike, sipas Prokurorisë së Kavajës, nuk duhet të ishte e ndërprerë në asnjë rast, në një rrugë ku shpejtësia maksimale e lejuar është 100 kilometër në orë. Por edhe sinjalistika në lidhje me shpejtësinë po hetohet. Vetëm në vendin ku mbrojtësja nuk është vendosur, shpejtësia është 60 kilometër në orë.
Kodi Rrugor i Republikës së Shqipërisë, në nenin 14 dhe 37 përcakton qartë përgjegjësitë e Autoritetit Rrugor. Neni 37 thotë që vendosja dhe mirëmbajtja e sinjalizimit rrugor është në ngarkim të enteve pronare të rrugës. Ndërsa neni 14 thotë se, entet pronare të rrugëve kanë për detyrë garantimin e sigurisë dhe rrjedhshmërisë së qarkullimit.

Policia Rrugore i kërkoi Autoritetit Rrugor të vendosë mbrojtëset anësore

Në rast se do ishte marrë parasysh konstatimi dhe sugjerimi i Policisë Rrugore drejtuar nëpërmjet një letre Autoritetit Rrugor Shqiptar, aksidenti i së shtunës ku humbën jetën dy fëmijë më nuk do të ishin shkaktuar këto pasoja. Në vitin 2015 Departamenti për Sigurinë Publike në Policinë e Shtetit i ka dërguar një shkresë Autoritetit Rrugor Shqiptar “Mbi gjendjen e rrugëve dhe sinjalizimet rrugore” ku e vë në dijeni për rrezikshmërinë që paraqet mungesa e mbrojtëseve anësore pikërisht në vendin ku ndodhi aksidenti me dy viktima, të shtunën.

“Rruga Golem-Kavajë-Rrogozhinë është e papërfunduar, Unaza në fshatin Gosë vazhdon të jetë problematike, ngushëtimi i korsive në drejtim të lëvizjes Kavajë-Rrogozhinë është i pashoqëruar me masat përkatëse, sinjalizime rrugore të pamjaftueshme, pa ndriçim, mban pjesërisht ujë mbi sipërfaqen e saj. Mungojnë plotësisht sinjalizimet rrugore horizontale, vertikale, tabelat treguese dhe tabelat “STOP”, daljet në rrugë kryesore janë problematike dhe të pashoqëruara me korsi ngadalësimi”, shkruhej në letrën drejtuar Autoritetit Rrugor Shqiptar.

Në shkresën e përpiluar nga Drejtoria e Policisë Rrugore rezulton se, gjendja e sinjalizimeve rrugore në rrjetin rrugor kombëtar dhe lokal nuk është në parametrat e kërkuar të sigurisë rrugore. Në letër evidentohen të paktën 28 akse rrugore me problematika.

Në aksin rrugor “Golem-Kavajë-Rrogozhinë” në harkun kohor të 45 ditëve kanë humbur jetën 5 persona, për shkak të mungesës së elementëve të sigurisë.

Në aksidentin e të shtunës, makina e drejtuar nga 24-vjeçarja Silvana Negollari u përplas me mbrojtesën metalike, e cila, për shkak se rezultonte e shkëputur, u fut në makinë, duke u marrë jetën dy fëmijëve të saj dhe duke plagosur një tjetër.

Karburanti në Golem që u bë shkak për aksidentin e rëndë ku vdiqën dy fëmijë është në pronësi të shefit të kabinetit në Ministrinë e Transportit. Për këtë çështje Prokuroria e Kavajës ka nisur hetimet.

Vdekja e dy fëmijëve, i gjithë fshati në zi e në dhimbje

I gjithë fshati Gërmenj në Kavajë, ku ka jetuar më parë familja Negollari, është zhytur në zi e në dhimbje, pas humbjes tragjike në aksident pasditen e së shtunës të dy vogëlushëve Alice e Dritan 3 e 5 vjeç, në Qerret të Kavjës. Familjarët të revoltuar mbi historinë e trishtë të familjes Negollari, deklarojnë se Sokolin e arrestuan dhe e harruan në burg, se ishte i varfër dhe nuk kishte mbështetje. Ata theksojnë se u mbajt shumë gjatë pas kangjellave të burgut vetëm për nisjen e ndërtimit të shtëpisë ku të fuste kokën, pasi i ishte refuzuar leja e ndërtimit që e kishte të domosdoshme.

“Në pronën e tij, në shtëpinë e tij, shembi të vjetrat dhe bëri të rejat. E harruan në burg, njeri për ta ndihmuar nuk kishte, di që ka kërkuar edhe leje”, tha kushëriri i Sokolit, Gëzim Goxha.

“Ku do drejtohesh? Po nuk dhe lekë stë japin leje”, tha një tjetër banor.

“Ata që ndërtojnë gradaçela nuk përfundojnë në burg, se i kanë shpatullat e ngrohta, mbrohen nga shteti”, shtoi një tjetër.

“Sokali i ka shtëpitë këtu që kur i ka bërë i ati i vetë që në kohë…”, shtoi një banor.

“Po e ndërtonte shtëpinë aty ku e ka pasur”, tha një tjetër.

“Të paktën ta linin në arrest shtëpie, mos ta merrnin brenda, ta linin tek kalamanjtë e vet jo gjithë kjo tragjedi, dy fëmijë, dy lule”, thotë e afërmja e fisit, Zylfie Cani.

Ndërkaq 3 ditë pas aksidentit situata për sinjalistikën në rrugë, vijon të jetë e njëjtë. Askush nuk ka ndërhyrë për të shmangur të tjera pasoja të rënda.

Në banesën aktuale të familjes Negollari në plazhin e Durrësit respektohet kodi i zisë. Aty janë hapur dyert e mortit, ndërsa nëna e dy vogëlushëve, Silvana 24-vjeçare është në traumë fizike dhe psikologjike. 24-vjeçarja i kish nxjerrë vetë nga makina dy vogëlushët e pajetë pas aksidentit.

R.POLISI

Faqja 214 prej 246« Fillimi ‹ Prapa 210 211 212 213214215 216 217 218 Para ›Fundi »

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL