VOAL

Shqipëri

Tre gjyqtarë të Apelit Durrës nën hetim për korrupsion

Një treshe gjyqtarësh nga Durrësi janë nën hetim për korrupsion pasiv, pasi dyshohen se kanë përfituar një udhëtim për të parë ndeshjen Real Madrid – Barcelona nga një biznesmen, palë në një gjykim civil.

Materiali në kuadër të bashkëpunimit të Zërit të Amerikës me Rrjetin Ballkanik të Gazetarisë Investigative, BIRN, është përgatitur nga gazetari Flamur Vezaj.

Tre gjyqtarë të gjykatës së Apelit Durrës, Kliton Spahiu, Petraq Dhimitri dhe Petrit Çeno janë nën hetim për korrupsion pasiv nga Prokuroria e Krimeve të Rënda.

Gjyqtarët dyshohen se janë sponsorizuar në dy udhëtime jashtë vendit nga një biznesmen durrsak, i cili ishte palë në një proces civil që po shqyrtohej prej tyre.

Të dhënat e siguruara nga BIRN prej dosjes hetimore tregojnë se tre gjyqtarët kanë ndërmarrë një udhëtim në Spanjë në tetor 2014, për të parë ndeshjen e futbollit Real Madrid – Barcelona.

Prokuroria dyshon se ky udhëtim është bërë në shoqërinë e biznesmenit Namik Sadiku – pronari i një kompleksi turistik në Durrës – dhe është paguar prej tij.

Në kohën e udhëtimit drejt Madridit, Sadiku kishte të hapur një çështje gjyqësore në Gjykatën e Apelit Durrës, ku relator ishte gjyqtari Spahiu dhe anëtarë të trupit gjykues ishin Petrit Çeno dhe Petraq Dhimitri. Më herët, dyshohet se relatori i çështjes, Kliton Spahiu dhe gjyqtari Petraq Dhimitri kishin udhëtuar në shoqërinë e Sadikut edhe në Itali.

Konflikti gjyqësor lidhet me ndërtimin e hotelit 10 katësh të Sadikut në plazhin e Durrësit, në zonën e Shkëmbit të Kavajës. Sadiku ishte paditur nga ish ortaku i tij në ndërtimin e kompleksit, Oliver Ushina, prej shkurtit të vitit 2012.

Në Gjykatën e Shkallës së Parë Durrës, çështja në fjalë është fituar nga paditësi Oliver Ushina. Ndërkohë, Gjykata e Apelit e ka rrëzuar vendimin e Shkallës së Parë duke i dhënë të drejtë Sadikut.

Pas vendimit të Gjykatës së Apelit, më 18 shkurt 2015, Ushina ka paraqitur një kallëzim penal në Prokurorinë e Durrësit, ku akuzonte treshen e gjyqtarëve se kishin marrë vendim në favor të Sadikut, pasi kishin përfituar prej tij dy udhëtime jashtë vendit.

Zyra e shtypit e Prokurorit të Përgjithshëm konfirmoi procedimin penal në adresë të gjyqtarëve, ndërsa pohoi se çështja është ende në hetim.

I kontakuar nga BIRN, Sadiku mohoi kategorikisht se kishte udhëtuar bashkë me gjyqtarët në Itali dhe Spanjë si dhe akuzën se kishte sponsorizuar shpenzimet e tyre. Sipas Sadikut, përkimi i datave të udhëtimit me ato të gjyqtarëve ishte krejt rastësore.

Ai shtoi se gjatë këtyre udhëtimeve nuk ka pasur kontakt me gjykatësit e çështjes.

“Unë nuk kam pirë as edhe një kafe me gjyqtarët. Më zvarrisin prej një viti e tetë muajsh në Prokurorinë e Krimeve të Rënda pa asnjë provë,” i tha Sadiku BIRN.

Sipas një dokumenti të siguruar nga BIRN, kallëzimi kundrejt tre gjyqtarëve është depozituar fillimisht në prokurorinë e Durrësit dhe më pas i ka kaluar për kompetencë Prokurorisë së Krimeve të Rënda. Kjo Prokurori ka regjistruar procedimin me nr.113 të vitit 2015, për veprat penale të “korrupsionit aktiv të gjyqtarit, prokurorit dhe funksionarëve të tjerë të drejtësisë” si dhe të “korrupsionit pasiv…”

Dokumentet hetimore të para nga BIRN tregojnë se tre gjyqtarët kanë udhëtuar në drejtim të Spanjës nga aeroporti “Nënë Tereza” më 24 tetor 2014, me linjën tranzit Alitalia dhe janë kthyer më 26 tetor 2014. Ndërsa biznesmeni Sadiku ka udhëtuar drejt Spanjës një ditë më parë, më 23 tetor 2014, dhe është kthyer me të njëjtin avion me gjyqtarët më 26 tetor.

Sipas Prokurorisë, qëllimi i udhëtimit në Spanjë i të dyshuarve ishte ndjekja në stadium e ndeshjes së futbollit mes Real Madrid dhe Barcelonës. I ashtëquajturi derbi “El Classico” u mbajt në Madrid në 25 tetor 2014 dhe u fitua me rezultatin 3:1 nga skuadra pritëse e Realit të Madridit.

Më herët, më 2 tetor 2014, gjyqtarët Spahiu dhe Dhimitri kanë udhëtuar drejt Italisë në të njëjtën linjë dhe avion me Sadikun. Si gjyqtarët dhe biznesmeni janë kthyer nga Italia në të njëjtën ditë dhe orë.

Dyshimet për financimin e këtyre udhëtimeve janë në proces hetimi prej më shumë se një viti e gjysmë nga Prokuroria e Krimeve të Rënda. BIRN mësoi se tre prokurorë janë ndërruar përgjatë kësaj kohe, pa arritur ende në një vendimarrje.

Tre gjyqtarët e akuzuar kanë një karrierë të gjatë në sistemin shqiptar të drejtësisë. Petrit Çeno drejton prej vitit 2010 Gjykatën e Apelit të Durrësit, ndërsa në vitin 2013 ai u dekretua nga presidenti Bujar Nishani në Gjykatën e Lartë. Gjithsesi, Çeno mbeti në Apel pasi Kuvendi rrëzoi dekretin e promovimit të tij.

Gjyqtari Kliton Spahiu është emëruar në Apelin e Durrësit pas disa vitesh karrierë në Gjykatën e Kurbinit, ndërsa Petraq Dhimitri punon prej vitit 2010 në këtë gjykatë.

Të kontaktuar nga BIRN nëpërmjet telefonit, të tre gjyqtarët nuk iu përgjigjën një kërkesë për koment mbi hetimin e prokurorisë dhe udhëtimet e dyshuara. Ndërsa Sadiku i shpjegoi BIRN se e kishte vënë re praninë e gjyqtarëve në aeroport, por udhëtimet e tij kishin qëllime biznesi dhe axhendë të ndryshme nga ajo e gjyqtarëve.

Ndryshe nga Sadiku, një burim i Prokurorisë i tha BIRN se ekzistojnë një seri provash hetimore që dëshmojnë udhëtimin e gjyqtarëve në shoqërinë e biznesmenit. Në funksion të këtij hetimi, Prokuroria ka dërguar letër porosi në Itali dhe Spanjë, duke mbledhur dëshmi mbi itinerarin e të dyshuarve.

Prezenca e këtyre letër porosive konfirmohet dhe nga Sadiku, i cili tha BIRN se edhe vëllai i tij në Itali ishte marrë në pytje si pjesë e këtij procedimi, duke i shkaktuar “shqetësim familjar”.

Sadiku e cilëson kallëzimin kundër tij një fabrikim të ish-ortakut Ushina, të mbështetur nga lidhjet e tij të ngushta familjare në Gjykatën e Durrësit dhe në Prokurorinë e Përgjithshme. I kontaktuar nga BIRN, Ushina nuk pranoi të komentonte mbi konfliktin gjyqësor dhe arsyet që e shtynë të bënte kallëzim penal.

BIRN mësoi gjithashtu se tre gjyqtarët janë marrë në pyetje në Prokurorinë e Krimeve të Rënda, ku kanë mohuar të kenë marrë përfitime nga biznesmeni durrsak. Gjyqtarët kanë pretenduar se i kanë paguar vetë shpenzimet e udhëtimit, ndërkohë që relatori Spahiu deklaroi se shpenzimet e udhëtimeve i kishte paguar me paratë e fituara në lloto sportive.

Në deklaratat e pasurisë së dorëzuara në Inspektoriatin e Lartë të Deklarimit dhe Kontrollit të Pasurive rezulton se gjyqtari Kliton Spahiu ka raportuar disa skedina fituese për të justifikuar pasurinë. Ai ka deklaruar se ka fituar në total 2 791 676 lekë dhe 4246 dollarë prej llotove sportive në vitet 2012-2014.

Rama: 21 janarit rigjykim pas reformës

Në 6-vjetorin e 21 Janarit, Kryeministri Edi Rama u shpreh se sot drejtësia për katër vrasjet në bulevard është më afër se kurrë dhe kjo falë reformës në drejtësi.

“21 Janari është një nga ato momentet në historinë e një vendi që krijojnë një peng dhe që nuk janë asnjëherë të lehta për t’u zbardhur dhe për të çliruar pengun që krijojnë, por pa as më të voglin ndryshim, sot falë procesit të reformës në drejtësi, drejtësia për 21 Janarin është më afër dhe marrja e drjetësisë është një opsion shumë më realist seç ishte”, tha Kryeministri.

Duke folur në takimin e organizuar në Pallatin e Brigadave me familjarët e viktimave, Kryeministri tha se pikërisht kjo ngjarje tragjike ishte motivi më i madh që e shtyu atë personalisht dhe mazhorancën në ndërmarrjen e reformës në drejtësi.

“Është fakt i padiskutueshëm se vrasjet e 21 Janarit dhe viktimat e pafajshme të plumave të shtetit u bënë nxitja më e fortë mes shumë nxitjeve, arsyeja më e fortë për të ndërmarrë ne reformën më të thellë dhe më transformuese të drejtësisë në këtë vend prej 25 vjetësh. 21 janari ka qenë një motiv dhe mbetet një motiv i patjetërsueshëm që jo vetëm të hapim këtë reformë, që pështjelloi në mënyrë të veçantë politikën, por edhe ta çojmë atë përpara nga Kushtetuta si letër në ligjshmërinë e jetës së përditshme të vendit dhe qytetarëve”, tha ai.

Rama tha se Qeveria njeh de facto si krim shtetëror këto vrasje dhe premtoi njohjen edhe de jure të tij, për t’i dhënë mundësi rihapjes së çështjes dhe rigjykimin e saj pas reformës në drejtësi.

Ky rigjykim, tha Rama, nuk mund të përfundojë ashtu siç përfundoi herën e parë.

“Kjo Qeveri ka bërë maksimumin për këtë çështje, por do të vazhdojë detyrën duke njohur edhe de jure, sepse de facto e njohim, si krim shtetëror 21 Janarin, qoftë edhe në Gjykatën e të Drejtave të Njeriut në Strasburg për t’i dhënë mundësi rigjykimit të çështjes, rigjykim që nuk mund të përfundojë ashtu siç përfundoi herën e parë”, deklaroi ai.

Më pas, kryeministri dhe familjarët bënë homazhe në bulevardin “Dëshmorët e Kombit” ku humbën jetën 4 protestuesit.

Fejton Thoma Gëllçi ose “Artileria e rëndë e partisë” në veprim! Nga Tanush Kaso

Jo më kot diktatori Hoxha e kishte quajtur Televizionin Shtetëror Shqiptar “Artilieria e rëndë e Partisë”. Sepse efekti i veprimtarisë së tij propagandistike, d.m.th. bombardimi i trurit të shqiptarëve që nga mëngjesi e deri në mesnatë (me emisionet për shqiptarët jashtë atdheut), me doktrinën e dështuar komuniste, ishte jashtëzakonisht i madh. Këtë kishin parasysh edhe ata, të cilët, në kuadrin e “Rilindjes” (komuniste), sollën që nga SHBA, ku prej disa vitesh ishte rehatuar për shtatë palë qejfe, ish-kryeredaktorin e gazetës komuniste “Zëri i Popullit”, Thoma Gëllçin, dhe e vunë në krye të Radiotelevizionit Shqiptar. Njeri më i përshtatshëm nuk mund të gjendej, as brenda dhe as jashtë shtetit.

-“Shoku Thoma! – i thanë – na vjen keq që po të shkëpusim për një kohë të pacaktuar nga gjiri i ngrohtë i imperializmit amerikan, por ka ardhur koha për sakrifica sublime, për ringjalljen e frymës komuniste në Shqipëri. Kemi besim tek përvoja e jote e përparuar, si ish-kryeredaktor i asaj gazete, e cila ka luajtur një rol të madh në konsolidimin e vlerave marksiste-leniniste tek ky brez që sot ka marrë frenat e pushtetit të këtij vendi, i cili kishte devijuar paksa nga rruga e ndritur staliniste. Është e vërtetë se ajo gazetë e themeluar nga shoku Enver nuk del më, për çështje taktike, por punën e saj po e bëjnë më së miri disa filiale të saj, siç janë gazeta “Dita”, “Tema”, etj.. Po ashtu edhe disa televizione, si Top Channel, TVSH dhe disa të tjerë “të ndërtuar me punë vullnetare” e “me goditje të përqendruar”. Është koha që TVSH, nën drejtimin tuaj, të rifillojë nga goditjet e rënda të artilerisë, ashtu siç na ka mësuar shoku Enver.”…

Dhe ky kuadro i vjetër e i lartë i dikurshëm, nuk ia bëri fjalën dy Partisë. Ia nisi punës menjëherë, me shumë pasion e nostalgji. Bëri njëfarë pastrimi radikal të disa elementëve të lëkundur, që nuk kishin dhënë prova besnikërie ndaj PPSH-së, të cilët i zëvendësoi me militantë partiakë të rekomanduar nga lart, që prisnin radhën prej tre vjetësh. Pastaj përpiloi “kuadrin ligjor”, duke respektuar disa nene të Kushtetutës së Republikës së Shqipërisë, që i shkonin pas oreksit dhe duke anashkaluar të tjerë, që nuk ishin në përputhje me programin e Partisë së tij të dikurshme. I ndryshoi që nga themeli programet televizive, duke i dhënë përparësi paraqitjes së të kaluarës së lavdishme komuniste, të LANÇ-it dhe betejave të tij, të veteranëve të vjetër e të rinj, duke përfshirë edhe ata të lindurit mbas vitit 1944.

Përkujtimi i ngjarjeve të mëdha historike, i kongreseve të Partisë, të Rinisë e të Bashkimeve Profesionale; i festimeve dhe parakalimeve të 1 Majit; paradat e forcave të armatosura, të cilat me një heroizëm të rrallë e mbrojtën vendin tonë nga sulmet (imagjinare) të imperializmit amerikan dhe të revizionizmit sovjetik; filmat e mykur të realizmit socialist me partishmëri të lartë dhe me frymën e urrejtjes klasore, e të tjera, do të ishin imazhet e përditshme e të përnatshme për teleshikuesit shqiptarë brenda e jashtë atdheut. Dhe të gjitha këto, në saje të profesionalizmit të lartë të shokut Thoma, i cili din si t’i kënaqë nostalgjikët e kallëpit të tij.

Po ai nuk mund të linte pa përkujtuar edhe 11 janarin, atë ngjarje të madhe të lënë padrejtësisht në harresë gjatë këtyre 26 vjetëve, atë ditë të shënuar kur u shpall Republika (e përgjakur) Demokratike Popullore Socialiste e Shqipërisë. Ashtu si Don Kishoti, që nxorri nga qilari rrobat kalorësiake të mykura dhe mburojën e shpatën e ndryshkur, edhe Thoma Gëllçi nxorri nga arkivi disa dokumentarë të hedhur në koshin e plehrave të historisë dhe i shfaqi për publikun e gjerë më 11 janar 2017. Kjo ishte një risi e tij, e cila i kënaqi pa masë nostalgjikët enveristë. Me lotë ndër sy, ata panë madhështinë e kremtimit të asaj feste 71 vjet më parë, kur Enver Hoxha, Mehmet Shehu, Beqir Balluku, Petrit Dume, Hito Çako, Gjin Marku dhe shumë fantazma të tjera komuniste, qëndronin në tribunë pranë njëri-tjetrit, si shokë lufte e vëllezër të pandarë (pavarësisht se më pas ata akuzuan e vranë njëri-tjetrin pabesisht e mizorisht).

Veprimtarinë e tij të ethshme, shoku Thoma e ka bazuar mbi direktivat e Partisë, si edhe mbi një rregullore apo “kontratë” të sajuar prej tij në këtë mënyrë:“

KONTRATË E SHËRBIMIT TË TRANSMETIMIT PUBLIK

Lidhur midis Autoritetit të Mediave Audiovizive (AMA), përfaqësuar nga Kryetari, z.Gentian Sala, dhe Radio Televizionit Shqiptar, përfaqësuar nga Drejtori i Përgjithshëm i RTSH-së, z.Thoma Gëllçi”

Kjo Kontratë, e hartuar me frymën marksiste-leniniste dhe të luftës së klasave, përbëhet nga 21 nene, ku është bërë kujdes që të mos përmenden asnjëherë “ish-armiqtë e popullit” dhe “klasat e përmbysura” dhe të mos u krijohet atyre asnjë hapësirë mediatike, ndonëse edhe këta e paguajnë rregullisht taksën e radiotelevizionit, si gjithë qytetarët e tjerë. Me këtë e ka shprehur fare qartë urrejtjen e tij klasore për ish-të dënuarit e të përndjekurit politikë si edhe për ish-pronarët e ligjshëm. Kësisoj, që nga fillimi i punës së tij si drejtor i përgjithshëm i RTSH-së, nuk është pasqyruar asnjë nga veprimtaritë e Shoqatës së ish të Burgosurve Politikë të Shqipërisë, si: Konferenca Shtypi, vendosje pllakash përkujtimore, promovime librash, përkujtime ngjarjesh e figurash të shquara të rezistencës antikomuniste, etj., edhe pse vazhdimisht i është dërguar ftesa për të asistuar e për t’i pasqyruar këto, gazetarët e atij televizioni.

Në nenin 3 – Parimet – të asaj Kontrate, renditen plot 18 “parime”, që nuk gjejnë kurrë zbatime, si p.sh.: *Parimi i garantimit të lirisë së shprehjes, dhe të informimit.
*Parimi i paanshmërisë gjatë transmetimeve.
*Parimi i paraqitjes objektive e të paanshme të informacionit për publikun.
*Parimi i mosdriskiminimit dhe barazisë së individëve përsa i përket përkatësisë në racë, ngjyrë, seks, origjinë kombëtare apo anëtarësisë në sindikata, etj..

Pra, flitet për “mosdriskiminim të sindikatave” (që në Shqipëri janë inekzistente) dhe nuk përmendet mosdriskiminimi për shkak të bindjeve politike! Me këtë farë kontrate, të sajuar prej tij, shoku Thoma Gëllçi kujton se arrin t’ua mbushë mendjen shqiptarëve dhe monitoruesve evropianë, se është në rregull me detyrën e tij dhe me të gjitha shtresat shoqërore në Shqipëri.

Të dënuar në Zvicër e Itali, 3 deputetët e tjerë që rrezikojnë mandatin

Të paktën tre deputetë të Kuvendit të Shqipërisë janë aktualisht në hetim në lidhje me dekriminalizimin. Lajmi është mësuar nga burime jozyrtare, të cilat kanë pohuar se bëhet fjalë për një deputet i së djathtës dhe dy deputetë të koalicionit të majtë, raporton “Panorama”.
Zyrtarisht Prokuroria nuk pranon të bëjë asnjë koment në lidhje me hetimet apo edhe verifikimet që po kryhen për një numër zyrtarësh, që në total po arrin në 600.

Megjithatë, burimet jozyrtare të organit të Akuzës pohojnë se në tre deputetët që po hetohen, dyshohet se njëri prej tyre nuk ka deklaruar në formularin e dekriminalizimit një ndalim nga policia.

Ndërkohë, dy deputetët e tjerë dyshohet se kanë dënime të padeklaruara në Itali dhe në Zvicër. Siç dyshohet, nga ana e Prokurorisë, dënimet e dhëna ndaj dy deputetëve të së majtës, variojnë nga 10 deri në 15 vjet burg dhe kanë të bëjnë me trafiqe të paligjshme e shpërndarje droge.

Hetimet mësohet se kanë nisur nga sektori i verifikimeve për dekriminalizimin në Prokurorinë e Përgjithshme i krijuar enkas në pranverën e këtij viti, pas hyrjes në fuqi të ligjit “Për dekriminalizimin”.

Verifikimet kanë nisur pas indicieve dhe informacioneve të marra nga prokuroria prej tri burimeve: institucionet, qytetarët, përfshi edhe informacionet anonime dhe informacionet e publikuara nga media.

HETIMET

Pak javë më parë, Prokuroria deklaroi se u ka kërkuar 15 zyrtarëve të lartë shenjat e gishtave për verifikim e ballafaqim me databazën e Interpolit dhe Europolit. Pas këtij hapi, Prokuroria zgjeroi hetimet dhe kërkoi shenjat e gishtave edhe për 15 zyrtarë të tjerë të lartë.

Gazeta “Panorama” ka mësuar dje se ky proces vazhdon dhe nuk ka përfunduar ende. Ndërkohë për tre deputetët, për të cilët ka pretendime konkrete, përveç analizimit të shenjave të gishtave, janë nisur edhe letërporosi në tri shtete.

Fjala është për kërkesa për informacion të nisura nga Prokuroria shqiptare në drejtim të Italisë, Zvicrës dhe Kosovës. Prej policive, gjykatave e prokurorive të këtyre vendeve janë kërkuar informacione, dënime apo procedime që janë kryer ndaj tre deputetëve që po verifikohen nga organi i Akuzës.

Aktualisht mësohet se Prokuroria e Përgjithshme është pikërisht në fazën e pritjes së dokumenteve dhe informacioneve që ka kërkuar nga këto shtete të huaja.

Pas mbërritjes së materialeve nga Kosova, Zvicra dhe nga Italia, organi i Akuzës do të shqyrtojë vërtetësinë e indicieve të deritanishme dhe nëse konstatohen deputetë të dënuar dhe me precedentë të padeklaruar në formularët e dekriminalizimit, Akuza do t’i drejtohet menjëherë KQZ-së. Ligji parashikon që veç heqjes së mandatit në KQZ, për zyrtarët të ushtrohet ndjekje penale me akuzën e falsifikimit të formularëve.

TRAZHGIM SOKOLAJ/PANORAMA

CEZ – Nën hetim edhe Shkëlzen Berisha

Shqiptarja.com ka mësuar se, institucionet ligjzbatuese, përfshirë Drejtorinë e Përgjithshme të Parandalimit të Pastrimit të Parave, kanë nisur hetimet ndaj shtetasit kosovar Nuel Kalaj, për pastrim parash, evazion fiskal dhe pastrim të produkteve të veprës penale. Autoritet përgjegjëse, përfshirë edhe shërbimet inteligjente, bazuar në indiciet e ditëve të fundit, po hetojnë burimin e 7 milionë eurove të tërhequra nga Nuel Kalaj, mundësinë e ndarjes me persona të tjerë, tjetërsimin si dhe skemën e investimit në pasuri të paluajtshme, nëse ka.

Shkëlzen Berisha nën hetim

Shqiptarja.com ka mësuar gjithashtu se verifikimit për pastrim parash po i nënshtrohen edhe rrethi i personave të lidhur me sekserin Nuel Kalaj, ku përfshihet edhe i biri i Sali Berishës, Shkëlzen Berisha.

Sipas një e-maili të ish-drejtorit të CEZ në Shqipëri, Josef Hejsek, drejtuar nëndrejtorit të CEZ-it në Pragë, Tomas Pleskac, Nuel Kalaj rezulton mik i besuar i Shkëlzen Berishës, ku ky i fundit duket se i ka vënë vulën shitjes së OSSH tek çekët. Po ashtu, organet kompetente po verifikojnë edhe veprimet dhe mosveprimet e ish-drejtuesve, gjatë kohës kur Nule Kalaj ka mundur të tërheqë 7 milionë euro, nën hundën e institucioneve, pa paguar taksa dhe pa kryer një shërbim të dokumentuar.

Për një hetim sa më efikas, ka nisur edhe një bashkëpunim mes institucioneve kompetente, në bazë të marrëveshjeve të nënshkruara vitet e fundit. Në ditët në vijim pritet të dalin edhe rezultatet e para të verifikimit për lëvizjen e parave dhe personat e përfshirë në skandalin më të madh të 25 viteve të fundit.

Lëvizja e parave

Edhe pse ka dyshime të forta se paratë e tërhequra mund të jenë ndarë jashtë sistemit bankar, mes personave që kanë mundësuar shitjen e OSSH në dëm të shqiptarëve, komisioni hetimor parlamentar u ka kërkuar bankave transaksionet bankare për Nule Kalajn, Shkëlzen Berishën, Sali Berishën dhe Hamza Merxhanin. Komisioni hetimor ka dyshimet të forta për 15 milionë euro transaksione bankare të dyshimta, të cilat kanë lidhjet me privatizimin e OSSH.

Po ashtu komisioni u ka kërkuar bankave transaksionet bankare për Suzana Guxhollin, Mimoza Vokshin, Neritan Alibalin, Enno Bozdon dhe familjarët e tyre, si dhe transaksionet bankare për anëtarët e Komisionit të Vlerësimit, Negocimit dhe Transparencës.

Po verifikohen gjithashtu edhe lëvizjet e Kastriot Ismailajt dhe Shkëlzen Berishës, pas informacioneve se në periudhën 2009, 2010, 2011 kanë qenë së bashku në Pragë.

Po verifikohen edhe tablatet telefonike të Sali Berishës dhe Nuel Kalaj, pas informacioneve se ka pasur mbi 100 telefona mes tyre. Gjithashtu po verifikohen në sistemin TIMS lëvizjet e Sali Berishës, Shkëlzenit dhe të Nuel Kalajt nëse përkojnë me e-mailet dhe dëshmitë e administruara nga komisioni hetimor.

Intervista – Basha: Qeveria, autore e kapjes dhe vjedhjes së zgjedhjeve

Kryetari i Partisë Demokratike Lulzim Basha ndodhet në Uashington për të marrë pjesë nesër në ceremoninë e përurimit të presidentit të ri Donald Trump. Por, ndërsa në Shtetet e Bashkuara nesër fillon nga detyra administrata e re, Shqipëria ndodhet në prag të zgjedhjeve të përgjidhshme që do të zhvillohen në qershor. Në intervistën për shefin e shërbimit shqip Arben Xhixho, zoti Basha flet për gjendjen në Shqipëri në prag të zgjedhjeve dhe kërkesat që ka bërë Partia Demokratike për to.

Zëri i Amerikës: Zoti Basha ju ndodheni këtu në Uashington për ceremoninë e përurimit të Presidentit të ri Donald Trump. Fillimisht do të kërkoja një sqarim për statusin me të cilin po merrni pjesë ju në këto ceremoni. Ka pasur spekulime në shtypin shqiptar për mënyrën se si vijnë zyrtarët shqiptarë këtu në Uashington. Ajo që dihet është që nuk ka ftesa zyrtare nga qeveria amerikane. Ftesat lëshohen nga anëtarët e kongresit, ligjvënës ose senatorë. Cili është statusi juaj?

Lulzim Basha: Unë jam ftuar në ceremoninë e inaugurimit dhe në ceremonitë e tjera me rastin e inaugurimit, nga anëtarë të mazhorancës, pra të partisë republikane të kongresit amerikan. Për shembull, dje kam qenë i ftuar i senatorit Ted Cruz. Për ceremoninë e inaugurimit kam ftesë të përbashkët nga kryetari i komisionit për Europën në komisionin e jashtëm të Kongresit dhe nga bashkëkryetari i komisionit për OSBE-në, nga dy kongresmenë të njohur republikanë dhe po kështu kam një numër ftesash nga kongresmenë dhe senatorë të partisë demokratike për disa nga aktivitetet e tjera që organizohen gjatë inaugurimit të presidentit Trump. Pra, ftesat janë ftesa, nuk janë bileta, janë të papaguara, janë të dërguara dhe jo të kërkuara dhe unë jam i nderuar që u jam përgjigjur ftesave të përfaqësuesve të shumicës në kongresin amerikan dhe të partisë republikane, komitetit kombëtar republikan për të marrë pjesë në inaugurimin e presidentit Trump, pra, në ceremoninë e inaugurimit dhe të gjithë festimet dhe ceremonitë e tjera.

Zëri i Amerikës: Në fakt do të bëj një sqarim. Do të thotë se ju i quani ftesa ato që quhen po bileta. Por dallimi është që disa prej këtyre dalin në forume të ndryshme të shtiblerjes online, përfundojnë atje, në rrugë pa të drejt dhe njerëz të ndryshëm mund të arrijnë t’i blejnë me çmime nga pesëqind deri në disa mijë dollarë.

Lulzim Basha: Nuk e kam ndjekur këtë proces, me thënë të drejtën. Unë jam i ftuar zyrtarisht nga anëtarë të kongresit, nga anëtarë të mazhorancës dhe nga komiteti kombëtar republikan për të marrë pjesë në ceremoninë e inaugurimit dhe në të gjitha ceremonitë e tjera që zhvillohen gjatë kësaj jave, disa prej të cilave kanë filluar.

Zëri i Amerikës: E qartë. Zoti Basha zgjedhjet e tanishme presidenciale këtu në Shtetet e Bashkuara ishin nga më interesantet dhe në të njejtën kohë më përçarëset në historinë e Amerikës. Megjithatë, nesër kur të bëhet ceremonia e përurimit presidenti i zgjedhur Trump do ta filloj ditën me një takim në Shtëpinë e Bardhë me presidentin Obama. Prej andej, të dy do të shkojnë në kongres. Do të fillojnë pastaj ceremonitë e tjera përuruese. Rivalja e tij kryesore, Hillary Clinton do të jetë e pranishme në ceremoninë e përurimit. Pra kjo do të thotë se në Amerikë, një nga thelbet, çelësi i demokracisë, tranzicioni paqësor i pushtetit nuk po cënohet aspak. Të kthehemi në vendin tuaj në Shqipëri. Pas gjithë këtyre viteve të tranzicionit në sistemin demokratik, zgjedhjet, tranzicioni i pushtetit ka qënë gjithmonë jo aq i suksesshëm. A ka ardhur koha që edhe në Shqipëri këto ndryshime pushteti, pasi mbarojnë zgjedhjet pala humbësa ta përgëzoj palën fituese dhe jeta të vazhdoj normalisht?

Lulzim Basha: Unë do të thoja se konstatimi është pjesërisht i drejtë. Në zgjedhjet e 2005 dhe në zgjedhjet e 2013 pati rotacion pushteti. Të dyja këto unë do t’i vlerësoja si relativisht të qeta dhe joproblematike. Do të vlerësoja në veçanti tranzicionin e vitit 2013, kur mazhoranca e atëhershme përgatiti dosjet për të gjithë institucionet në mënyrë të plotë dhe substantive për t’i lehtësuar tranzicionin e pushtetit qeverisë që erdhi drejtuar nga zoti Rama dhe zoti Meta. Kjo u vlerësua nga shoqëria shqiptare edhe ndërkombëtarisht. Pra, ishte një hap drejt konsolidimit të praktikës demokratike në Shqipëri. Problemi është se që nga ky moment kemi patur probleme të njëpasnjëshme me zgjedhjet. Dy muaj pas tranzicionit të pushtetit ne patëm zgjedhje lokale në Korçë për shkak se ish-kryetari i bashkisë u emërua zëvendës-kryeministër. Nga mediat shqiptare, të cilat nuk mund t’i akuzosh se janë afër opozitës, u filmua një proces i turpshëm i shit-blerjes së votës. Opozita protestoi dhe ngriti zërin. Unë insistova për një hetim të plotë. Hetimi nisi dhe në korrik të vitit tjetër, pra, në 2014, maxhoranca në mënyrë të njëanshme kaloi një amnisti për të bllokuar nxjerrjen para drejtësisë të autorëve të shitblerjes së votës në Korçë. Mosndëshkimi i këtij krimi elektoral ishte paralajmërim për atë që ndodhi në 2015, për atë që OSBE e quajti minim të besimit tek vota e lirë. Ky ishte konkluzioni i OSBE për zgjedhjet e 2015. Për të arritur në shfaqjen më të shëmtuar në zgjedhjet e Dibrës në shtator të vitit të kaluar, ku përveç shitblerjes së votës, problemi i madh i rolit të kriminelëve në politikë dhe në zgjedhje, i infektuar edhe me problemin e drogës, sollën asgjësimin e procesit politik. Çfarë është procesi politik? Ai është një garë. Edhe këtu në Amerikë patëm garë mes dy alternativave.

Zëri i Amerikës: Keni të drejtë. Ideja është kjo që në Amerikë ose në Shqipëri kur të mbarojnë zgjedhjet të mos vazhdojnë më thirrjet për bojkotim parlamenti, protesta të kryesuar nga partitë ose deputetët vetë. A është maturuar sa duhet politika shqiptare?

Lulzim Basha: Problemi numër një me Shqipërinë sot është se qeveria është treguar jo e paaftë për të mbajtur zgjedhje të lira e të ndershme, por autore e kapjes dhe prishjes së zgjedhjeve. Sot në Shqipëri kemi një problem, që është konstatuar botërisht nga shumë sondazhe të pavarura, që shumica dërrmuese e shqiptarëve nuk besojnë se zgjedhjet e ardhshme do të jenë të lira e të ndershme. Dhe ky është një problem i madh jo vetëm për opozitën, për partinë demokratike apo për mua. Ky është një problem i jashtëzakonshëm për vendin. Sepse të mos besosh që do të kesh zgjedhje të lira e të ndershme do të thotë të mos besosh tek e ardhmja, të mos kesh shpresë se përmes votës mund të ndryshosh politikën. Kjo ka sjellë një valë të re emigracioni. Shqiptarët po largohen nga Shqipëria, sepse ka një humbje besimi te politika si instrument ndryshimi. Kjo është detyra jonë e parë dhe kryesore; të rikthejmë besimin te politika, si instrument në duart e qytetarëve për të ndryshuar, e jo për të ndryshuar ministrat apo klientët e qeverisë, por për të ndryshuar jetën e qytetarëve. Që kjo të ndodhë, duhet të kemi zgjedhje të lira e të ndershme. Sot zgjedhjet janë të kërcënuara nga shitblerja e votës, nga moszbatimi i ligjit të dekriminalizimit, apo kriminelët në politikë, nga përdorimi i shtetit. “Shteti u bë njësh me partitë” – tha OSBE-ja. Ndaj ne kemi propozuar një paketë ku përfshihet votimi dhe numërimi elektronik, dekriminalizimi i shpejtë i politikës, aksesi i barabartë në media, kufizimi i shpenzimeve elektorale dhe transparenca e financimit të partive politike.

Zëri i Amerikës: Pikërisht kjo, sot reforma zgjedhore është në qendër të debatit politik që po bëhet në Shqipëri. Por ky debat i madh po bëhet pikërisht para zgjedhjeve.

Lulzim Basha: Nuk është e vërtetë. Debati ka nisur qysh në vitin 2011, që të jemi të drejtë. Partia Socialiste ka ngritur disa çështje, që ishte votimi elektronik në 2011, u bënë prova në 2013 për numërimin elektronik. Ato dështuan, por nuk ka dështuar teknologjia, sepse është alibi të thuhet kështu, që pse dështoi në 2013 numërimi elektronik nuk mund të kërkohet sot votimi elektronik. Ne kemi bërë kërkesën në maj 2016. Në 17 maj PD e ka zyrtarizuar kërkesën, sepse kërkesa është më e hershme. Qysh pas zgjedhjeve të 2015 unë i kam shkruar komisionit të ODIHR-it dhe i kam këkruar zyrtarisht maxhorancës votimin elektronik: le të marrim së bashku masat për votimin elektronik.

Zëri i Amerikës: Në komisionin paralamentar për zgjedhjet, partia demokratike, pra opozita dhe shumica kanë pak a shumë të njejtin numër anëtarësh. Pra, komisioni është i ndarë në mënyrë të barabartë dhe nuk kemi dëgjuar që partia juaj që nga maji, siç thatë ju vetë, deri sot të keni insistuar në votimin elektronik. A mendoni ju se votimi elektronik mund të arrijë të realizohet, mund të bëhet në këto pesë muaj? Kryetari i OSBE-së në Shqipëri tha që është pak vonë.

Lulzim Basha: Unë nuk kam ndërmend të hyj në debat që kanë për detyrë të ndihmojnë që Shqipëria të zhvillojë zgjedhje të lira e të ndershme. Detyra e OSBE-së është që shqiptarët të votojnë të lirë. Kjo është detyrë kryesore e opozitës. Duhet të jetë detyrë kryesore edhe e maxhorancës. Duhet të jetë detyrë kryesore e çdokujt që i dhimbset Shqipëria, çdo shqiptari dhe e miqve tanë. Ne kemi një propozim konkret, i cili është zyrtarizuar më 17 maj 2016, pra, çdo alibi se nuk e kemi thënë në kohë, se nuk kemi kohë është vetëm një alibi. Të thuash se nuk kemi kohë për të bërë zgjedhje të lira e të ndershme, kjo është qesharake. Shqiptarët duan zgjedhje të lira e të ndershme dhe meritojnë zgjedhje të lira e të ndershme. Kjo është një zgjidhje që ne kemi ofruar. Ne jemi të hapur nëse maxhoranca apo nëse partnerët kanë zgjidhje të tjera më të mira se kjo. Ne jemi të hapur t’i dëgjojmë e t’i pranojmë. Shqetësimi ynë ka të bëjë me faktin se shitblerja e votës, që gjithë shqiptarët e dinë se është një problem i madh, deformon vullnetin e qytetarëve. Çfarë ndodh? Nuk zgjidhet një qeveri në bazë të dëshirave, projekteve dhe kërkesave ë qytetarëve, por në bazë të parave që blejnë varfërinë e qytetarëve. Dhe me t’u zgjedhur një qeveri e tillë, ajo në vend që t’u përgjigjet qytetarëve me investime, me punësim, me ekonomi më të fortë, me të ardhme më të sigurtë, me gjithë masat që duhet të marrë, fillon e merret me xhepat e saj, me xhepat e klientëve, që u kanë dhënë paratë për të blerë votat e qytetarëve. Pra, varfëria, papunësia dhe kriza ekonomike janë drejtpërdrejt të lidhura me zgjedhjet e prishura dhe të kapura. Që të kemi një ekonomi funksionale, që të kemi një punësim real, jo vetëm premtime për 300 mijë vende pune, por punësim real, duhet të kemi një qeveri të përgjegjshme, dhe kjo del vetëm nga zgjedhje të lira e të ndershme.

Zëri i Amerikës: Në qoftë se ky kushti që keni vënë ju për votimin dhe numërimin elektronik nuk arrin të zbatohet teknikisht, çfarë qëndrimi do mbani ju për zgjedhjet?

Lulzim Basha: Ne besojmë që kemi dhënë një zgjedhje të duhur për të zgjidhur një pjesë të problemit. Ka probleme që otimi elektronik nuk i zgjidh, si është problemi i drogës.

Zëri i Amerikës: Padyshim, është rrugëdalje shumë e mirë. Por është çështje kohore. Bëhet apo s’bëhet?

Lulzim Basha: Më lejoni ta shtjelloj pak se këtë kam biseduar këtu edhe me përfaqësuesit amerikanë, të cilët më kanë dhënë mbështetje të plotë dhe janë realisht të shqetësuar për zgjedhjet në Shqipëri. Ky është një shqetësim i madh për partnerët tanë euro-amerikanë, një shqetësim i madhe edhe për SHBA-të, për gjithë bashkëbiseduesit që kam patur deri sot këtu, dhe kanë premtuar mbështetje. Mbështetjen e premtoi Victoria Nuland disa herë në bisedat që kam patur me të, mbështetje kanë premtuar drejtues të lartë në senat dhe në kongresin amerikan. Përfaqësues të administratës së presidentit Trump po e ndjekin me një shqetësim të veçantë problemin e zgjedhjeve, por edhe problemin e krimit, të drogës në Shqipëri, dhe janë të angazhuar dhe mbështesin plotësisht përpjekjet e mia dhe të partisë demokratike për zgjedhje të lira e të ndershme. Unë besoj se ka ardhur koha që gjithë këto forca, jo vetëm opozita shqiptare, jo vetëm partia demokratike, por edhe partnerët tanë edhe shoqëria civile, edhe media shqiptare, gazetarët shqiptarë, qytetarët, të bashkohemi për t’i dhënë Shqipërisë zgjedhje të lira e të ndershme.

Zëri i Amerikës: Në kuadër po të zgjedhjeve, partia juaj sot ka të njejtat figura kryesore që ka pusur edhe në tetë vitet kur ishit në qeverisje dhe në zgjedhjet e kaluara të cilat i humbët. Ju jeni në zgjedhje të reja, dhe padyshim që synoni t’i fitoni ato. A mendoni se kjo mund të përbëj problem? Ju keni bëri thirrje, e keni hapur partinë javët e fundit. A është pak vonë për këto gjëra?

Lulzim Basha: Partia Demokratike ka qënë në një proces rinovimi prej ditës së parë të zgjedhjes sime si kryetar, më lejoni ta sqaroj. Pas momentit të daljes…

Zëri i Amerikës: Megjithatë, dominojnë figurat kryesore.

Lulzim Basha: Po sigurisht pasi grupi parlamentar nuk ndërrohet rrugës apo jo. S’ndodh as me Kongresin amerikan, as me senatin. Por ndryshe nga sporti, politika nuk është vetëm çështje moshe. Është çështje kontributi dhe gadishmërie për t’i shërbyer njerëzve. Kushdo që ka gadishmërinë, integritetin, energjinë për t’i shërbyer njerëzve, është i mirëpritur të jap këtë kontribut brenda partisë demokratike duke ndarë vlerat tona, ato që besojmë ne.

Zëri i Amerikës: Po. Dhe pasi shërbejnë, pasi japin kontributin, kur rezulton i humbur ia lë vendin të tjerëve. Apo jo?

Lulzim Basha: Dhe padyshim partia është hapur. Unë kam kënaqësinë të ndaj me ju, siç kam ndarë me shqiptarët përmes mediave në Shqipëri, faktin se me dhjetra të rinj të mirëshkolluar në Shqipëri, dhe jashtë Shqipërisë, të punësuar në institucionet prestigjoze private dhe publike, i janë bashkuar Partisë Demokratike. Ne kemi sot një ekip të jashtëzakonshëm, me juristë, me ekonomistë, me profesionistë të fushave të ndryshme të cilët kanë hartuar një program të Partisë Demokratike për një ekonomi të fortë dhe për të nxjerr vendin nga kriza ku ndodhet sot. Punësimi i shqiptarëve, hapja e vendeve të punës, ringritja ekonomike janë tre propozimet kryesore me të cilat ne dalim para shqiptarëve, propozime konkrete, jo me fabula, 300 mijë vende pune kot. Por për mua sot si kryetar i opozitës dhe nesër si kryeministër detyra numër një është të kthejmë vendet e punës që janë zhdukur si rezultat i politikave të gabuara, i represionit, i arrogancës, i taksave të larta. Kjo është plotësisht e mundur dhe sot unë kam një program, kam një ekip që ndërthur kontributet në vite dhe energjinë dhe potencialet e reja të cilat janë bashkuar me Partinë Demokratike jo për të marr, se ne sot jemi në opozitë, por për të dhënë dhe për të kontribuar. Pra Partia Demokratike shkon në këto zgjedhje me një ekip ku ndërthurret eksperienca më e mirë, integriteti dhe energjia rinore. Dua të sjell në vëmendjen tuaj faktin që dy ditë para të nisesha për këtu, ne kemi hapur një proces unik në politikën shqiptare, të përthithjes të kandidaturave për deputet, jo vetëm duke pyetur strukturat tona, ananëtarët tanë dhe mbështetësit tanë por duke pyetur qytetarët anembanë. Duke ju drejtuar kështu, jo vetëm drejtuesve të partisë demokratike, por edhe shoqërisë civile, botës akademike, botës së sipërmarrjes, të përndjekurve politikë, pronarëve, organizatave jo-fitimprurëse, rinisë, pensionistëve. Pra, të gjitha kategorive shoqërore, për të evidentuar njerëzit më të gatshëm dhe më të besueshëm për të qenë deputetët e ardhshëm të partisë demokratike. Ky është një proces i domosdoshëm për të kthyer besimin tek politika, hapja e partive politike. Sepse këtu ku kemi ardhur, zoti Xhixho, kemi ardhur si rezultat edhe i partitokracisë, i vendim-marrjes së mbyllur, i korrupsionit të ngritur në sistem për shkak se të gjitha vendimet merren dhe kontrollohen nga një palë duar dhe po kështu kontrollohet pushteti që lind nga këto vendime. Kjo do të marrë fund me mua. Partinë po e hap. Hapja do të jetë e parikthyeshme, do të vazhdojë të zgjerohet dhe kështu me këtë frymë hapjeje, siç menaxhojmë sot betejën opozitare nesër do të menaxhojmë qeverisjen e vendit. Në konsultim të plotë me qytetarët, duke përfilllur kërkesat e qytetarëve, duke mos i shkelmuar ato, pa arrogancë, duke i njohur problemet, duke i zgjidhur problemet.

Zëri i Amerikës: Si do të jenë listat e deputetëve të partisë, do të jenë lista të hapura apo do të jetë të përcaktuara nga kryetari i tanishëm?

Lulzim Basha: Sistemi aktual nuk lejon lista të hapura por propozimi ynë për votimin elektronik i hap rrugë listave të hapur. Partia demokratike nuk kemi qenë dhe nuk mund të jemi kurrë pengesë për listat e hapura. Unë e kam thënë dhe dua ta përsëris, për mua çdo sistem që e sjell deputetin më afër qytetarit është i pranueshëm. Por për momentin, vëmendja jonë është tek zgjedhjet e lira dhe të ndershme. Të garantohet vota e shqiptarit, le ta zgjedhin vetë kë sistem të duan. Me zgjedhje të lira dhe të ndershme dhe me mbështetjen e partnerëve tanë amerikanë dhe euroatlantik, partia demokratike shkon e sigurt drejt fitores.

Zëri i Amerikës: Edhe një pyetje e fundit, lidhur me një reform po aq të rëndësishëme që është ende duke u kryer në Shqipëri, që u miratua, po vazhdojnë ende të miratojnë ligje të tjera për reformën në drejtësi. Nuk dua të ndalem në meritën, në vlerat ose në difektet e kundërshtimeve ose ankesave që keni pasur ju ndaj këtre ligjeve. Por, do të ndalemi tek çështja e përceptimit, e imazhit. A mendoni se kundërshtimi që ju i keni bërë kësaj reforme ose çuarje e këtyre ligjeve të reja në gjykatën kushtetuese që mund të kenë qenë ankesa tuaja plotësisht të drejta, por ka përfunduar që janë rrëzuar, mund ta dëmtojë imazhin e partisë dhe mund të ketë një kosto elektorale?

Lulzim Basha: Absolutisht jo. Sepse partia demokratike prej ditë së parë ka qenë pro reformës në drejtësi. Të tjerat janë broçkulla dhe “fake news” për të përdorur një term nga presidenti Trump. Janë lajme të rreme të shpërndara dhe të fabrikuara nga kundërshtarët e vërtetë të një reforme të vërtetë në drejtësi, ata që i tremben drejtësisë së pavarur. Ne kemi kundërshtuar një drejtësi në duart e kryeministrit, në duart e këtij kryeministri apo në duart e mia, apo kushdo që vjen pas meje. Por ne kemi qenë prej fillimit për një drejtësi të pavarur dhe për këtë kemi marrë edhe përgëzimet nga Shtetet e Bashkuara të Amerikës, nga Zv/Sekretarja Nuland. Unë kam patur rastin ta bisedoj këtë edhe me anëtarët dhe drejtuesit e lartë të administratës që inagurohet nesër dhe kam marrë sigurinë, garancinë, që ata do të mbështesinë plotësisht këtë përçasje parimore ndaj vlerave të lirisë, demokracisë dhe shtetit ligjor, jo shtetit njëshit, jo shtetit të kyreministrit por shtetit ligjor, shtetit të së drejtës. Ndaj nga kjo vizitë, deri tani sepse nesër kemi ditën e madhe në Uashington, dua të ndaj me gjithë shqiptarët kënaqësinë e madhe të një Uashingtoni që mbetet thellësisht i interesuar për përparimin dhe zhvillimin e Shqipërisë dhe të një administrate të re të presidentit Trump që pret me padurim të vazhdoj kontributin për sigurinë, shtetin ligjor dhe zhvillimin e Shqipërisë dhe të shqiptarëve në të gjithë rajonin. Kam patur rastin të flasë edhe për problemet e fundit në Kosovë dhe çështjet e stabilitetit rajonal në tërësi dhe ju them në fund të kësaj interviste se për partinë demokratike me ardhjen e presidentit Trump nis erë e re, jo vetëm për Amerikën por edhe për Shqipërinë, ku në qendër do të jetë qytetari dhe fuqia e qytetarit, vota e qytetari, zëri i qytetarit do të përbëj ndryshimin e vërtetë. Unë do të mbështetem fuqimisht tek ky shembull dhe kam besim te madh se ky shembull jo vetëm do mbështesë por edhe do të frymëzojë një ndryshim të shpejtë në Shqipëri.

Ylli Manjani “bën copa-copa” ligjin e Kumbaros për Trashëgimninë dhe thotë: I pakalueshëm, ka gabime “foshnjarake”

Ligji për “Trashëgimninë dhe Muzetë” hartuar nga Ministria e Kulturës, i pakonsultuar nga grupet e interesit dhe i propozuar në Këshillin e Ministrave për miratim, është hedhur poshtë në pjesën më të madhe të tij nga Ministria e Drejtësisë, e përkatësisht mbi 40 nene të ligjit.

Me një argumentim të plotë, mbi kontradiktat që lindin me partneritetin publik-privat të dhënies së pasurive kulturore dhe të trashëgimnisë, por edhe me mosdakordësinë e këtij ligji me parimet e Bahskimit Evropian dhe të acquis communitaire, Ylli Manjani i kërkon ministres Mirela Kumbaro të rishikojë pikat e ligjit dhe të konsultojë me grupet e interesit projektin që duket se është mbajtur i fshehtë, raporton newsbomb.al për dokumentin e siguruar nga ministria e Drejtësisë.

Një ndër cështjet e trajtuara në ligj ka të bëjë me marrjen e objekteve të trashëgimnisë nga privatët. Dhe në momentin që këto shkatërrohen në duart e privatit, sipas ligjit të ri, do të duhet të detyrohet privati ta kthejë në gjendjen e mëparshme.

Pyet Manjani: Po në rastin se privati nuk do të ketë kushtet dhe gjendjen financiare për të përballuar kostot e kthimit të objektit të trashëgimnisë në gjendjen e mëparshme, si zgjidhet situata? Kush do ta mbajë përsipër koston????, shkruhet në vërejtjet e projektit, sipas dokumentit që disponon newsbomb.al.

40 verëtjet e Ylli Manjanit, në tërësi hedhin poshtë ligjin. Ministri në fund fare, I kërkon zonjës Kumbaro që të shoh me rëndësi dhe prioritet një ligj të një forme të vecantë, që ka të bëjë me pasurinë shqiptare.

Dhe i sugjeron:

“Nga shqyrtimi në tërësi i projektaktit si dhe duke marrë në konsideratë gjetjet e mësipërme propozojmë kthimin e projektaktit për plotësim dhe rregullim të detajuar sipas vërejtjeve të bëra. Vecanërisht është i nevojshëm një proces i gjerë konsultimi jo vetëm me aktorët e interesuar dhe shoqërinë civile por edhe me bashkësitë fetare përsa kohë që shumë parashikime të projektligjit prekin pasuritë kulturore në pronësi/administrim të tyre”.

Ndërkohë Manjani shkruan se me ligjin e ri të propozuar, janë dy projektligje që do të shfuqizohen. Eshtë ligji për Trashëgimninë, dhe ligji për Muzetë. Sipas ministrit, në asnjë rast në dispozita kalimtare.

Prishtina dhe Beogradi ndajnë miliona euro për serbët e Kosovës

Mitrovicë, ura që ndan pjesën veriore dhe jugore

Qeveria e Kosovës, sipas të dhënave zyrtare, për tri vitet e fundit në katër komunat veriore të banuara me shumicë serbe, Leposaviq, Zveçan, Zubin Potok dhe Mitrovica e veriut, ka investuar miliona euro.

Nga viti 2014 deri në vitin 2016, investimet nga Qeveria e Kosovës në këto katër komuna janë mbi 15 milionë euro. Derisa, në vitin 2015 janë ndarë edhe 15 milionë euro shtesë për këto katër komuna të banuara me shumicë serbe.

Investimet e Qeverisë së Kosovës, kryesisht janë bërë në ndërtimin e rrugëve, ndriçimin publik, renovimin e objekteve publike, në arsim, shëndetësi dhe fushat tjera.

Të dhënat për investimet e Qeverisë së Kosovës për katër komunat e banuara me shumicë serbe i ka bërë të ditura për Radion Evropa e Lirë, zëvendësministri i Administrimit të Pushtetit Lokal në Qeverinë e Kosovës, Bajram Gecaj.

Ai thekson se është punuar dhe investuar në integrimin e serbëve të Kosovës, por që ende mbetet punë për tu bërë, pasi që në komunat veriore ende ka struktura paralele.

“Për herë të parë, në vitin 2013, janë organizuar zgjedhjet lokale në katër komunat veriore, të cilat deri atëherë nuk kanë qenë të integruara në sistemin tonë. Pra, ato komuna tani janë të integruara, por ende ka punë për tu bërë. Ne besojmë se është bërë punë e madhe, ne kemi në kontroll doganat e Kosovës, Policia e Kosovës është prezente në veriun e Kosovës dhe ata janë në zinxhirin komandues të Republikës së Kosovës”, thotë Geacaj.

Ndërkohë, investime në këto katër komuna të banuara me shumicë serbe janë bërë edhe nga Qeveria e Serbisë.

Sipas disa dokumenteve të publikuara, përfshirë edhe ato në media, thuhet se në dy vitet e fundit në këto katër komuna, Serbia ka investuar mbi 200 milionë euro, derisa për vitin 2017 ka planifikuar të investojë mbi 100 milionë euro.

Investimin më të madh, sipas deklaratave zyrtare, Serbia e ka bërë në përmirësimin e përgjithshëm të jetesës së serbëve në këto komuna dhe në procesin arsimor.

Njohësi i zhvillimeve politike, Rangjel Nojkiq, ish-deputet i Kuvendit të Kosovës nga radhët e komunitetit serb, thotë për Radion Evropa e Lirë se ka pasur investime të shumta që janë bërë në katër komunat veriore, si nga institucionet e Kosovës ashtu edhe nga Qeveria e Serbisë.

Megjithatë, ai thekson se në raste të caktuara ato investime edhe janë keqpërdoruar nga individë të caktuar dhe më së paku përfitime kanë pasur banorët e pjesën veriore të Kosovës.

“Nëse e marrim vetëm periudhën prej vitit 1999 ose dhe 2000 e deri në shpalljen e pavarësisë, kur Kosova kishte institucionet e saj të përkohshme dhe njëkohësisht kishte edhe investime nga bashkësia ndërkombëtare, pjesa veriore e Kosovës kishte me siguri më shumë se 50 për qind të investimeve nga institucionet e Kosovës se sa kishte investime të përgjithshme në pjesën tjetër të Kosovës”, ka theksuar Nojkiq.

“Kishte mjete të mëdha të investuara dhe atëherë përfaqësuesit e serbëve në institucionet e atëhershme i morën ato mjete dhe ato jo gjithmonë janë shpenzuar si duhet”, ka thënë Nojkiq.

Këto mjete në raste të caktuara, shton Nojkiq janë keqpërdoruar.

Siç thotë ai, ka “patur raste kur për të njëjtin projekt është investuar nga dy burime: njëri nga institucionet e Kosovës, në fakt nga bashkësia ndërkombëtare përmes institucioneve të Kosovës dhe burimi i dytë ishin institucionet e Serbisë”.

“Kjo është periudha që zgjati deri më 2015/2016, kur tani zyrtarët nga Beogradi provojnë që ato institucione që janë në veri të Kosovës t’i fusin nën ingerencat e tyre. Por edhe më tutje, institucionet nga Prishtina, kur bëhet fjalë për institucionet e vetëqeverisjes lokale, por edhe pjesërisht arsimi dhe shëndetësia, i financojnë”, thekson Nojkiq.

Ndërkohë, institucionet e Kosovës që nga viti 2013, në bazë të marrëveshjeve të arritura në dialogun Prishtinë – Beograd ndajnë edhe një përqindje të të hyrave nga dy pikat doganore në veri, për Fondin Zhvillimor për Mirëbesim për komunat në veri.

Ky fond ka për qëllim zhvillimin ekonomik dhe social dhe integrimi i serbëve të pjesës veriore në ekonomi, shoqëri dhe në përgjithësi përmirësimi i cilësisë së jetës së qytetarëve në atë pjesë.

Zëvendësministri i Financave, Agim Krasniqi, në një prononcim për Radion Evropa e Lirë ka bërë të ditur se deri më tash në këtë fond janë grumbulluar mbi 11 milionë euro.

“Ato fonde që mblidhen në pikat doganore shkojnë në këtë fond dhe këto mjete pavarësisht a shpenzohen, mbesin si fonde të mirëbesimit dhe me Ligjin për buxhet përcaktohet një shumë që mund të shpenzohet. Në këtë vit, sipas Ligjit për buxhet nga këto 11 milionë euro mund të shpenzohen 4 milionë euro, por që në rast se i shpenzojnë mund të rritet kjo shumë në kohën kur bëhen rishikimi i buxhetit”, ka sqaruar Krasniqi.

Pjesa veriore e Kosovës, që nga pas lufta ka funksionuar mbi bazën e një sistemi paralel të organizuar nga Beogradi.

Në kuadër të dialogut të Brukselit, Prishtina dhe Beogradi patën arritur marrëveshje për integrimin e kësaj pjese në kuadër të sistemit ligjor-kushtetues të Kosovës, ku investimet përbënin një element të rëndësishëm, krahas zgjedhjeve të lira, ndonëse ky proces integrues mbetet ende në vijim e sipër.

Shkodër, propagandë për Isis, arrestohet mësuesja

Një mësuese në Medresenë e Vajzave “Haxhi Sheh Shamia” të Shkodrës, u shoqërua mbrëmë vonë në polici dhe më pas u arrestua si e dyshuar për propagandë në mbështetje të organizatës terroriste ISIS dhe ish terroristit Bin Laden.

Arrestimi i mësueses Emine Alushi ndodhi vetëm pak minuta pas publikimit në emisionit investigativ “Stop” në televizionin Klan, të rregjistrimit të një bisede, të zhvilluar mes nxënëseve dhe mësueses gjatë një ore mësimore.

Në audion e trasmetuar dëgjohet se si nxënëset e pyesin mësuesen rreth ISIS dhe ajo përgjigjet se “ISIS është një organizatë myslimane që mbron popullin mysliman të Sirisë, Egjyptit dhe Palestinës”. Mësuesja shprehet më tej se luftarët e saj “janë njerëz të mirë” dhe se “nuk duhen besuar ato që thonë lajmet”. Këmbënguljes së një nxënëseje se “Isis ka vrarë”, mësuesja i përgjigjet se “dhe ata që kanë vrarë Bin Ladenin janë vrasës”.

Burimeve policore bëjnë të ditur se mësuesja Alushi është shoqëruar gjatë ditës së sotme për në Prokurorinë e Krimeve të Rënda në Tiranë.

Ndërkohë, gjatë paradites së sotme, drejtuesit dhe stafi pedagogjik i Medresesë “Haxhi Sheh Shamia” dolën me një deklaratë, përmes së cilës shprehën distancimin e menjëhershëm nga opinionet dhe mendimet e mësueses, të pasqyruara në emisionin “Stop”. Ata bënë të ditur se subjekti i videos së trasmetuar “nuk përbën linjën zyrtare të Medresesë” si institucion arsimor i Komitetit Musliman Shqiptar, dhe se deklarimet e mësuese “shkojnë krejtësisht në të kundërtën e asaj çfarë ofron dhe synon kjo shkollë në procesin edukativ. Medreseja – thuhet më tej në deklaratë – është institucion i shërbimit të arsimit parauniversitar dhe vepron në bazë të legjislacionit shqiptar dhe filozofisë së Komunitetit Musliman Shqiptar”.

Drejtuesit e Medresesë bënë të ditur se Emine Alushi këtë vit shkollor nuk është pjesë e stafit të saj pedagogjik, dhe se, në periudhën që ka punuar në Medrese, ajo ka qenë mesuese me kohë të pjesëshme.

Artur Zheji mbron Sali Berishën: E turpshme, të gjithë ish miqtë janë mbledhur e po bëjnë gjueti shtrigash ndaj tij

Artur Zheji ka marrë në mbrojtje Sali Berishën për rastin flagrant të aferës me CEZ.

Sipas Zhejit, ndaj Berishës po bëhet një gjueti shtrigash.

“Tanimë kemi të bëjmë me një sulm të drejtëpërdrejtë, ndaj ish kryeministrit Berisha, lidhur me cështjen e Çez dhe jo vetëm. Janë mbledhur tufë të gjithë ish miqtë e tij, ish krijesat e tija të dikurshme, të cilat kanë filluar një gjueti shtrigash ndaj një personi të vetëm, për ta pasur atë, Sali Berishën, një trofè për Zgjedhjet e ardhshme të Përgjithshme. Berisha edhe mund të ketë përgjegjësi legale për cështjen Çez, apo të tjera, sepse ka qenë më së fundi 8 vite rresht kryeministër dhe korrupsion kishte, ashtu si edhe sot.

Por kështu si po kurdiset Komisioni hetimor parlamentar për këtë çështje, ashtu si edhe janë kurdisur pasqyrimet dhe interpretimet mediatike të mediave të pushtetit, koncepti i Drejtësisë dhe përdorimi politik, janë përzier në një të vetme.

Kërkohet pra, me ngulm dhe sipas një skeme të mirëmenduar, binjakëzimi i sistemit të ri të drejtësisë, me goditjen personale të kollonës më të lartë dhe më të “rrezikshme” opozitare që ka sot për sot Shqipëria”, shkruan Zheji.

“Kjo gjueti shtrigash, që njera palë po bën, me prapavijë dhe frymëzim të qartë politik dhe hakmarrës, e dëmton që në djep, ringritjen e një Drejtësie të Re, e cila duhet ti ketë sa më larg funksionit apo përfitimit të vet, përcaktimet e veta, të mbështetura në Ligj dhe jo në vullnet apo pikësynim elektoral.

Shqipëria po ndëshkohet edhe sot e kësaj dite nga një korrupsion galopant dhe rrënjë thellë. Llogjika ta do, që lufta legale kundër korrupsionit të drejtohet pikësëpari ndaj pushtetit të sotëm dhe pastaj të thellohet në të kaluarën, me të njetën rreptësi.

Sepse duhet ndëshkuar “pandëshkueshmëria e sotme” dhe jo të krijohet një epërsi e rreme morale si edhe është dogma e kryeministrit tonë të sotëm, që kërkon një përndezje të luftës ndarëse në të Mirë dhe në të Këqinj, ndërkohë që e keqja dhe korrupsioni nuk njeh as kufij dhe as sigla partish”, vijon ai.

Zheji shkruan se nëse do të dënohej Berisha, do të ishte një turp i madh:

“Drejtësia duhet të fillojë në mënyrë të shëndetshme, nga e sotmja tek e djeshmja dhe jo të fillojë nga e djeshmja, për të mos arritur kurrë tek e sotmja dhe që të shërbejë për pushtetin e nesërm, të atyre që janë sot në pushtet.

Ky dhe do të ishte një turp i ri dhe do të shënonte lindjen e një drejtësie të padrejtë, që do ta kishim mbi qafë edhe kushedi se sa vite të tjera”.

PD nxjerr vendimin e Gjykatës: Alfred Peza deklaroi rrogë 80 mijë lekë në muaj, si i kurseu 1 milion USD?

Partia Demokratike i ka kërkuar sot kryeministrit Rama të përgjigjet për deputetin e tij, Alfred Peza, pas levizjeve të fundit të ILDKP-së se do i hetohet pasuria.

Në një deklaratë për media, PD, tha se deputeti i Edi Ramës, Alfred Peza, në përpjekjen për të justifikuar pasurinë duket se ka kryer një mashtrim tjetër.

“Peza tha se është paguar deri në 10 mijë euro në muaj në media, dhe ka qënë i adhuruar për këtë. Por ky dokument që ka dalë në media, tregon se ai është paguar me 800 mijë lekë të vjetra në muaj. Dokumenti është një vendim gjykate, dhe nuk besohet se ka shkresë më zyrtare në vend, se sa një vendim gjykate”- tha zëdhënësja Ina Zhupa në deklaratë.

Sipas saj, publiku ka të drejtën të dijë; A është paguar 10 mijë euro në muaj deputeti i Ramës, apo 800 mijë lekë të vjetra në muaj.

“Nëse Peza është paguar aq sa pretendon, a i ka paguar taksat? Taksat që shkojnë nga 2300 euro në muaj deri në vitin 2008, dhe 1000 euro në muaj pas vitit 2008 kur u vendos taksa e sheshtë? Po institucionet e kontrollit dhe verifikimit të pasurisë, mbi cilat dokumente punojnë, mbi pretendimet e Pezës, apo dokumentat zyrtare?”- tha ajo.

Sipas saj, qytetarët e kanë dëgjuar variantin e deputetit. “Për të gjitha këto cështje, sot është mirë të përgjigjet Edi Rama”- thotë PD.

Balla: “Rama, çmim kufomave të 21 janarit, Meta prej 6 vitesh gjen sebep të iki”

Gjashtë vjet pas 21 janarit me 4 viktima në bulevard, gazetari Sokol Balla komenton vendimin e qeverisë për dëmshpërblimin e familjarëve.

Në një opinion publikuar në Javanews, Balla kritikon ashpër Ramën, pasi “duke vendosur një çmim, mbi kufomat e katër të vdekurve, nuk kreu një akt drejtësie dhe as vazhdimësie shtetërore”.

Balla nuk lë jashtë vëmendjes edhe veprimin e Metës, që sipas tij, prej 6 vitesh gjen sebepe për t’u zhdukur pikërisht në këtë ditë.

“Gjashtë vjet pas asaj ngjarjeje të pabesueshme, kur në studio përballë meje kisha pak javë më parë Sali Berishën që pranoi se do të kishte vrarë edhe më shumë se katër, për të ruajtur pushtetin e vet, kur Ilir Meta si cdo 21 janar, ka gjashtë vjet që në këtë ditë gjen sebep dhe ikën jashtë, kur Edi Rama shpërndan dëmshpërblime për 21 janar, si gjelin e detit për Vit të Ri, unë e kam të pamundur të pranoj të barazohem me vrasësit e atyre katër fatkeqëve”-shkruan Balla.

Sipas tij, “Edi Rama me vendimin e djeshëm, duke vendosur një çmim, mbi kufomat e katër të vdekurve, nuk kreu një akt drejtësie dhe as vazhdimësie shtetërore. Në fakt ai përmbushi një ekuacion fatal: duke vënë shenjën e barazimit mes një shumëe lekësh që i nxorri nga buxheti i qeverisë së vet dhe një krimi të pandëshkuar të qeverisë së Berishës, ai thjesht barazoi veten e tij me vrasësit e vërtetë”.

Balla, shkruan se drejtësia nuk është nën ndikimin e qeverisë së majtë, por kujton deklaratën e Ramës. “Siç më ka deklaruar Edi Rama në një intervistë një vit më parë “Drejtësia e munguar në 21 janar, ka qënë motivi im i shtuar për të bërë reformën në drejtësi”. Atëherë cila është arsyeja që qeveria vonoi QELLIMISHT dëmshpërblimin e gjyqit të fituar nga familjarët e katër të vrarëve vetëm tre ditë para përkujtimit të 21 janarit, kur vendimi i gjykatës administrative është dhënë muaj më parë?”- shkruan ai.

(Materiali i plotë) Ilir Meta punëson lobist për të siguruar ftesë në inaugurimin e Donald Trump

Nga Besar Likmeta

Lëvizja Socialiste për Integrim ka punësuar kompaninë e lobimit McKeon Group, duke pasur si synim një ftesë për liderin e saj, Ilir Meta në inaugurimin e presidentit të ri të SHBA-së, Donald Trump.

Marrëveshja e nënshkruar mes LSI dhe McKeon Group, një kopje e së cilës disponohet nga BIRN, tregon se Meta dhe LSI do t’i paguajnë 15 mijë USD në muaj kompanisë amerikane për një periudhë 6 mujore. Kliko këtu për dokumentin

Përveç tarifës mujore, LSI do të jetë përgjegjëse për të paguar dhe shpenzimet që do të ketë firma gjatë angazhimit në emër të klientit.

Qëllimi i specifikuar i kontratës së lobimit është sigurimi i ftesës për liderët e LSI-së në inaugurimin e presidentit të ri të SHBA-së, Donald Trump më 20 janar 2017 dhe sigurimi i takimeve me liderë politikë gjatë vizitës për inaugurimin e presidentit.

Pas 20 janarit, sipas kontratës kompania amerikane pritet të punojë për krijimin e një “marrëdhënieje të mirë dhe speciale” midis LSI-së dhe administratës së re të Donald Trump dhe Kongresit.

McKeon Group është një kompani lobimi me qendër në Uashingtn D.C, e udhëhequr nga ish kongresmeni i Partisë Republikane Howard P. “Buck” McKeon.

Angazhimi i McKeon Group nuk përbën herën e parë që Lëvizja Socialiste për Integrim punëson një kompani lobimi në Uashington.

Gjatë vitit 2016, LSI ka angazhuar në Ushington kompaninë e lobimit Global Security and Innovative Strategies, GSIS, duke siguruar takime të nivelit të lartë me zyrtarë amerikanë dhe anëtarë të Kongresit.

Të dhënat e siguruara nga BIRN në Departamentin e Drejtësisë në SHBA, tregojnë që vetëm gjatë 6 mujorit të parë të 2016-ës, Lëvizja Socialiste për Integrim ka shpenzuar 123, 761 USD në favor GSIS. BIRN në Departamentin e Drejtësisë në SHBA

Pagesat e majme për lobuesin amerikan kanë bërë që zëri i llogaritur për konsulenca dhe sondazhe në projektbuxhetin e vitit 2016 të Lëvizjes Socialiste për Integrim të trefishohet, nga 5 milionë lekë në 15 milionë lekë, duke zënë 26.1 % të shpenzimeve të deklaruara të partisë./reporter.al/BIRN/

*Shkrimi me të kuq klikohet

Më poshtë po ju sjellim në anglisht linkun nga prononcimi i ish-kongresmenit Amerikan Buck McKeon (R-Calif. për gazetën The Hill). Ish-Kongresmeni Republikan që drejton grupin lobues The McKeon Group pohon se ai është paguar nga Ilir Meta për të lobuar në favor të tij, ku përfshihet edhe prania e tij në ditën e inagurimit të Presidentit Donald Trump.

http://thehill.com/business-a-lobbying/business-a-lobbying/314692-ex-gop-congressman-lobbying-for-left-leaning-albanian

Ish-kongresmeni: Meta më paguan 15 mijë $ në muaj. I sigurova vendin te ceremonia e Trumpit

Ish-kongresmeni: Meta më paguan 15 mijë $ në muaj. I sigurova vendin te ceremonia e Trumpit

Disa ditë më parë, BIRN zbuloi një dokument që tregonte se LSI-ja kishte kontaktuar ish-kongresmenin amerikan Buck McKeon për të lobuar te qeveria amerikane në favor të saj, si edhe për të siguruar një biletë për ceremoninë e Presidentit Trump.

Mirëpo, kreu i LSI-së tha dje se BIRN është një media sorosiste dhe se ai nuk kishte për të komentuar shumë lidhur me këtë gjë, shkruan “Panorama”.

Ditën e sotme, duke folur për gazetën “The Hill”, vetë ish-kongresmeni, i cili drejton firmën lobuese në Uashington ka pranuar se është kontaktuar nga LSI dhe se paguhet prej tyrë.

Ex-GOP congressman lobbying for left-leaning Albanian leader

http://thehill.com/business-a-lobbying/business-a-lobbying/314692-ex-gop-congressman-lobbying-for-left-leaning-albanian

McKeon Ai ka pranuar se merr 15 mijë dollarë në muaj nga kjo forcë politike për të lobuar në qeverinë amerikane.

Kërkesa e fundit, sipas tij, ka qenë sigurimi i një vendi për Metën në ceremoninë e Trump. McKeon tha se ai e ka gjetur një biletë për Metën, por vetë nuk do të shkojë në ceremoni, raporton “The Hill”.

Gjithashtu, McKeon thotë se nuk ka asgjë të keqe në këtë kontratë dhe të lobosh në Kongresin amerikan pro kësaj force politike.

“Nuk e di se çfarë pozicioni kanë ata dhe çfarë statusi mbajnë përballë vendit tonë”, tha McKeon. “Por kur njerëzit duan marrëdhenie të mira me qeverinë tonë, mendoj se është gjë e mirë që ne të ndihmojnë për përmirësimin e këtyre marrëdhënieve, për të formuar aleanca dhe për të përmbushur interesa të përbashkëta”, tha ai.

Më tej, McKeon thotë se do të takohet me Metën kur të vijë në Uashington, nëse do ta shtyjnë sërish kontratën.

“Kur ata të vijnë këtu do të flasim sërish nëse do të vazhdojmë kontratën. Nuk kam ndërmend të bëjë gjëra që dëmtojnë vendin tonë”, thotë ai. “Në Shqipëri ka vetëm 3 milionë banorë, nuk mendoj se përbëjnë kërcënim për vendin tonë”, përfundon McKeon.

Më poshtë Voal po ju sjell në anglisht linkun nga prononcimi i ish-kongresmenit Amerikan Buck McKeon (R-Calif.) për gazetën The Hill). Ish-Kongresmeni Republikan që drejton grupin lobues The McKeon Group pohon se ai është paguar nga Ilir Meta për të lobuar në favor të tij, ku përfshihet edhe prania e tij në ditën e inagurimit të Presidentit Donald Trump.

http://thehill.com/business-a-lobbying/business-a-lobbying/314692-ex-gop-congressman-lobbying-for-left-leaning-albanian

Nikoliq i përgjigjet deklaratës të Edi Ramës se serbët mund të hyjnë në Kosovë veç si turistë

Voal.ch shkruan se i intervistuar tek Kurir i Beogradit, kur gazetari e pyet Presidentin e Serbisë në lidhje me deklaratën e Kryeministrit të Shqipërisë Edi Rama se “serbët në Kosovë mund të udhëtojnë vetëm si turistë”, kur dihet se këtë deklaratë PM Shqipërisë e lëshoi vetëm pasi Nikoliq tha se do të ndërhyjë në Kosovë me ushtri, presidenti serb përgjigjet se “Pretendimet e Shqipërisë në raport me Kosovën, Malin e Zi, Maqedoninë dhe Greqinë janë të njohura.”

“Është një histori i vjetër por politikën e jashtme e bën qeverija dhe nuk dua të provokoj me deklaratat e mija. PM serb Aleksandar Vucic tha qartë se nuk do të lejojë asnjë serb të vritet në Kosovë. Dhe unë si komandat i forcave të armatosura do ta mbështes atë – nëse ata na sulmojnë ne do të reagojmë,” Nikolic tha për Kurir.

Pakica serbe në Kosovë gëzon të gjitha të drejtat si qytetarë të barabartë me shumicën, plur ata përfitojnë edhe nga dyshtetësia edhe lëvizjen e lirë. Ndërsa shqiptarët e Kosovës nuk e kanë të drejtën e dyshtetësisë, ata janë të vetmit në Ballkan që nuk janë të izoluar dhe nuk kanë provokuar askënd. Treni serb me mbishkrimet “Kosova është Serbi” i shkruar në 21 gjuhë ishte një provokim pa ekuivok i ndjekur pastaj nga deklarata shokuese e Nikoliqit se ai do të ndërhyjë me ushtrinë serbe në Kosovë!

Dhe paçka se deklarata e tij tronditi politikën dhe opinionin publik serb, kur gazetari i Kurir e pyet “nëse është Kosova Serbi”, Nikoliq përgjigjet shkoqur: “Po është”. Ndërsa Komisionweri i BE ia bëri të qartë se Kosova është e pavarur dhe pavarësia e Kosovës është edhe e ardhmja e Serbisë.

Ish-juristi i CEZ paralajmëron Berishën: Paratë që vodhe do të të hanë

Ish-juristi i CEZ, Romeo Karaj, i cili tha dje se PD-ja po planifikon që ta vrasë duke inskenuar një alibi vetëvrasjeje, ka reaguar sërish sot për sulmet e opozitës.

Ai paralajmëron ish-kryeministrin Berisha se një ditë, paratë që ka vjedhur nga shqiptarët “do ta hanë”.

Karaj u fotografua sot me Izet Haxhinë, ish-truprojën e Berishës.

STATUSI

Pergjate angazhimit tim ne procese te ndryshme arbitrimi dhe investigimi, kam konstatuar se: kur palet perballen me prova dhe fakte te pakundershtueshme, ato mundohen te godasin apo denigrojne ate qe zbulon dhe ofron keto prova dhe fakte.

Keshtu po vepron tani ndaj meje kopeja e Berishes. Te terbuar nga perballja me te verteten e ofruar nga une, po kalojne ne marrezi duke shpifur pa dogane fare.

Deklarojne se une paskam bere korrupsion kur une kam qene drejtor i peshematjes.

Keta mjerane qesharake do ta mesojne shume shpejt se fatkeqesisht per ta une as nuk e di se ku bie kjo ndermarje dhe jo me te kem punuar ndonjehere ne te. Po keshtu deklaroj publikisht se kurre nuk ka pasur ndonjehere procese korrupsioni kunder meje.

Kete gje mund ta verifikoje lehtesisht kryekusari se prokurorine e ka akoma nje domain te tij. I them Berishes se deri tani ti ke ngrene parate tona, por tani e tutje do te te hane parate ty.

Vdes aksidentalisht ish ministri i Rendit

DURRËS- Një ngjarje e rëndë ka ndodhur ditën e djeshme tek “Shkëmbi i Kavajës” në qytetin e Durrësit. Mësohet se një 65-vjeçar është rrëzuar aksidentalisht nga kati i shtatë i pallatit rreth orës 13:00 dhe si pasojë ka gjetur vdekjen e mënjëhershme. BalkanWeb ka mësuar se viktima është Vladimir Hysi, i cili ka mbajtur postin e Ministrit të Rendit Publik nga 18 dhjetori i vitit 1991 deri në 13 prill të vitit 1992.

Sipas njoftimit të policisë, ish-ministri i rendit ndodhej në banesën e motrës së tij dhe kishte hipur me shkallë në ballkon për të prerë degët e pemëve dekorative të mbjella mbi vazo.

Fatkeqësisht ai nuk ka mundur të mbajë ekuilibrin dhe është rrëzuar 7 kate më poshtë duke humbur jetën në mënyrë tragjike. Policia paraprakisht deklaron se vdekja është aksidentale, gjithsesi po punon për zbardhjen e plotë të saj.

Vladimir Hysi është arrestuar më 5 mars 1996 me akuzën e krimeve kundër njerëzimit, shpërdorim detyre dhe veprime që pengojnë zbulimin e të vërtetës. Ai u dënua me 1.5 vjet burg nga gjykata e shkallës së parë dhe Gjykata e Apelit ndërsa Gjykata e Kasacionit atëherë i hodhi poshtë akuzat duke e shpallur të pafajshëm.

Hyseni: Muajt e ardhshëm mund të prodhojnë situata të palakmueshme

Ministri i Punëve të Brendshme Skënder Hyseni, tha të martën se një periudhë prej tre-katër muajsh të ardhshëm ” do të jenë të ndjeshëm dhe mund të prodhojnë situata të palakmueshme”.

Duke folur në Komisionin Parlamentar për Punë të Brendshme dhe Siguri dhe Mbikëqyrjen e Forcës së Sigurisë se Kosovës, ministri Hyseni, e cilësoi si provokim të rëndë trenin i cili ditën e shtunë u nis nga Beogradi për në Mitrovicë të veriut.

Ministri Hyseni tha se “operacioni policor për ndalimin e trenit ishte përgatitur më herët dhe nuk është vepruar ad-hoc, ashtu siç është paraqitur.

“Ky është një provokim i radhës që vjen në kontekst të zhvillimeve shumë më të gjëra se sa raporteve Kosovë–Serbi. Në kontekstin global. Mos të harrojmë se kemi një gjendje te kalimit të pushteteve, dhe të gjitha këto mund të kenë krijuar një ambient sipas politikës serbe të përshtatshme, që të provokohet ndonjë incident i përmasave të mëdha në Kosovë në mënyrë që Serbia të fitojë një alibi të qëndrueshme. Unë mendoj se me veprimet tona kemi bërë që Serbisë mos t’i jepet ajo alibi,”, ka thënë Hyseni

Treni që u nis nga Beogradi drejt Mitrovicës së veriut, ju ndalua hyrja nga autoritetet në Kosovë që e cilësuan si “provokim dhe përpjekje për shkelje të sovranitetit të vendit”.

Autoritetet në Beograd ndërkaq thanë se “e ndaluan trenin” për të mos lejuar, siç thanë, “ gjakderdhjen” duke akuzuar “institucionet e Kosovës për siç thanë, lojë luftërash”.

Operacionin e policisë për ndalimin e trenit e përkrahën ndërkaq edhe anëtarët e komisionit parlamentar nga radhët e opozitës.

Rexhep Selimi, anëtar i këtij Komisioni nga Lëvizja “Vetëvendosje”, ka thënë se përkrahë çdo veprim të policisë që është në mbrojtje të sovranitetit të vendit.

Megjithatë, ai ka kërkuar nga ministri që të informojë se a ka leje dhe licencë një tren tjetër që qarkullon nga Kraleva në Mitrovicën e Veriut.

“Opozita edhe kërkon dhe mbështet operacionet policore kur do herë për të ruajtur sovranitetin e Republikës së Kosovës, madje kërkon që kjo mos të bëhet vetëm një ditë, sikur më 14 janar, por të bëhet për çdo ditë. Por, dua të pyes, pse kjo nuk po ndodh edhe më linjën tjetër Kralevë – Mitrovicë. A është ai tren i licencuar, pasi një tren tjetër vjen në Kosovë”.

Kurse anëtari tjetër nga Nisma për Kosovën, Zafir Berisha, ka thënë se qasja me Serbinë duhet të jetë më ndryshme, pasi sipas tij, çështja e trenit është vetëm njëra nga provokimet e Serbisë karshi Kosovës.

“Vitin e kaluar e kemi mbyllur me provokimet e Serbisë dhe këtë vit po e fillojmë me provokime. Treni, muri që ndoshta është një provokim ndoshta edhe më i rëndë se vetë treni. Dhe në ditët në vazhdim do të bindeni se është më i rëndë. Çështja e ndalimit të Ramush Haradinajt me fletë-arrest të Serbisë, po bën një gamë të problemeve, që ne si shtet, dhe ju si ekzekutiv duhet të merreni më seriozisht”, ka theksuar Berisha.

Sidoqoftë, anëtarë të komisionit kanë kërkuar të njoftohen se kush ka dhënë urdhër për ndaljen e trenit. Pavarësisht kësaj, ministri Hyseni, nuk ka dhënë ndonjë përgjigjeje të saktë. (REL)

CEZ – PD këmbëngul në “vetëvrasjen” e dëshmitarit që fundos Sali Berishën

Një ditë më parë, deputetja demokrate, Liliana Elmazi, deklaroi në Komisionin hetimor për aferën e CEZ, se dëshmitari që fundo Sali Berishën, Romeo Karaj, ka tentuar dy herë të vrasë veten.

Ky i fundit reagoi pas kësaj akuze të rëndë, duke thënë se ky është një skenar për vrasjen e tij.

“Deshmitari i veteofruar te tregoje qe kur ishte drejtor i peshematjes , a eshte arrestuar ne flagrance pasi i ka mare disa dhjetera mijera euro nje biznesmeni vlonjat ne fushen e gazit I.B, te cilit i kerkonte gjithmone dhjetera mijera euro sa here fuste anije me gaz, aq sa u deryrua ta filmoje duke drekuar me te e duke i dhene dhjetera mijera eurot dhe njekohesisht prokuroria e policia e prisnin para restorantit duke ndjekur filmimin ku mori ryshfet?

Dhe a ka tentuar dy here te hidhet nga tarraca e pallatit vite me pare , por e zbriten zjarrfikset???

Eshte moralisht dhe psikologjikisht i PABESUAR si deshmitar”, shkruan deputetja demokrate sërish sot, çka tregon se ka mbështetjen e Berishës dhe PD-së për akuzat e ngritura.

Me këtë akuzë, deputetja demokrate përpiqet të tregojë se ai mund të tentojë sërish të “vrasë veten”.

Një kërcënim i hapur ky, për të trembur dëshmitarin Karaj.

549 vjet nga vdekja e Skënderbeut, publikohen dokumente historike autentike

Sot mbushen 549 vjet nga vdekja e Heroit tonë Kombëtar Gjergj Kastrioti, Skënderbeu, më 17 janarin e vitit 1468, në Lezhë.

Ambasada shqiptare në Itali ka publikuar në Facebook një portret të Heroit të shqiptarëve, në gazetën boshnjake Trebevic, gravurë e 1891 dhe disa dokumente historike nga Arkivi Historik i Kurorës së Aragonës: letra të Alfonsit të Aragonës dhe të Napolit drejtuar Gjergj Kastriot Skenderbeut, Magnanimo Capitaneo.

Nisin verifikimet për pasurinë e deputetit Peza

Në Shqipëri Inspektoriati i Lartë i Deklarimit dhe Kontrollit të Pasurive (ILDKPKI) njoftoi se ka nisur procedurat e të kontrollit të plotë dhe hetimit administrativ për të gjitha deklaratat e interesave private që prej vitit 2003, të deputetit Alfred Peza. Verifikimi ndaj tij nisi pasi në shtyp u publikua fakti se bashkëshortja e deputetit socialist kishte blerë në fillim të vitit 2015, 1 për qind të aksioneve në bankën Credins për një vlerë prej 113 milion lekësh që me kursin aktual i korrespondon afërsisht me 880 mijë dollarë amerikanë. “Objekt i këtij kontrolli nuk do të jenë vetëm pasuritë e subjektit në fjalë, burimet e krijimit dhe ligjshmëria e tyre, por gjithashtu edhe gjendja e konfliktit të interesit. Mbledhja e të dhënave dhe informacioneve, kryerja e veprimeve verifikuese dhe hetimit administrativ do të shtrihet edhe për familjarët, bashkëshorten e tij, fëmijët, si dhe personat e lidhur”, saktëson njoftimi i Ildkpki-së, ndërsa shton se “Inspektori i Përgjithshëm ka kërkuar kryerjen e një hetimi tërësor brenda një kohe sa më të shpejtë të mundshme”.

Menjëherë pas këtij njotimi reagoi deputeti Peza. “Mirëpres kontrollin e plotë dhe hetimin administrativ që ILDKPKI ka nisur sot në lidhje me pasurinë e familjes time. Inkurajoj ILDKPKI-në t’i shkojë deri në fund, me shpejtësi, paanësi dhe profesionalizëm këtij hetimi të thellë e shterues”, shkroi ai në Facebook. Në mbrëmje, në mjediset e jashtme të parlamentit, deputeti Peza, i cili u zgjodh si përfaqësues i Partisë socialiste në zgjedhjet e 2013, pas një karriere të gjatë në median e shkruar dhe televizive duke mbajtur pozicione drejtuese, për shumë vite, theksoi se pasuria prej 113 milion lekësh me të cilat bleu aksionet në një bankë private, është vënë nga kursimet. Zoti Peza tha se gjatë viteve që ka punuar si drejtues në media ai ka patur paga mjaft të larta disa million lekëshe, ndërsa shtoi se pas vitit 2013, kur ai është bërë deputet, pasuria e tij nuk është shtuar, përveç interesave nga depozitat bankare. Në deklaratën e tij në mars të 2014, zoti Peza në fakt ka deklaruar që e shoqja të jetë zotëruese e një depozite bankare me vlerë 97.7 milion lekë, ndërsa ai vetë i një depozite prej 94 mijë lekësh, perveç dy apartamenteve një në Tiranë dhe një në bregdetin e Durrësit.

Ministri Tahiri reagon për artikullin e gazetës italiane

Në një njoftim zyrtar nga MPB e Shqipërisë, thuhet se përmes një letre drejtuar drejtuesve të gaztës, ministri kërkon përgënjeshtrim dhe që artikuj të tillë të mos publikohen pa kërkuar informacion zyrtar të autoriteteve të shtetit shqiptar

TIRANË – Ministri i Punëve të Brendshme i Republikës së Shqipërisë, Saimir Tahiri ka reaguar pas një artikulli të së përditshmes italiane “La Repubblica” me titull “Terrorizmi, flamujt e ISIS-it (DEASH-it) në fshatrat e Shqipërisë. Fuçi baruti për Puglia-n”, raporton Anadolu Agency (AA).

“Tahiri tërheq vëmendjen për artikullin, i cili njëkohësisht shpreh shqetësim të kuptueshëm dhe të mirëkuptuar ndaj një rreziku të përbashkët si terrorizmi, por jep gjithashtu një lajm spekulativ, bazuar në të pavërteta flagrante, deformime dhe akoma më keq, gënjeshtra, pa verifikuar burimet e informacionit”, thuhet në letrën e Tahirit.

Sipas tij, nga Republika e Shqipërisë, gjatë dy viteve 2015 dhe 2016 nuk ka pasur asnjë shtetas shqiptar që të jetë larguar për në vendet e konflikteve në Siri apo në ndonjë vend tjetër.

Disa ditë më parë gazeta italiane “La Repubblica” publikoi një shkrim me titull “Terrorizmi, flamujt e ISIS-it (DEASH-it) në fshatrat e Shqipërisë. Fuçi baruti për Puglia-n”. Gazeta italiane pretendonte se në kufirin e Shqipërisë me Kosovën valëviten prej kohësh flamujt e organizatës terroriste DEASH dhe se ky është një kërcënim serioz për Italinë dhe në veçanti për rajonin e Puglia-s. Në këtë shkrim gazeta i referohej burimeve të inteligjencës italiane.

Bushati vizitë surprizë në Teheran, kërkon nga Irani njohjen e pavarësisë së Kosovës

Vizita surprizë e kreut të diplomacisë shqiptare në Iran, duket se po jep frytet e veta, pas “furtunës në gotë” të paralajmëruar nga mediat që mund të ndodhte me muxhahidinët që u strehuan në Shqipëri.

Me ftesë të homologut Iranian Mohammad Javad Zarif, Ministri i Punëve të Jashtme Ditmir Bushati zhvilloi një vizitë zyrtare në Teheran.

Gjatë vizitës së tij dy ditore, Ministri Bushati zhvilloi takime me Presidentin Rouhani, homologun e tij Zarif, Kryetarin e Grupit Parlamentar të miqësisë Iran-Shqipëri, Kryetarin e Dhomës së Tregtisë, Bujqësisë dhe Minierave si dhe Kryetaren e Agjencisë për Trashëgiminë Kulturore dhe Turizmin.

Në takimin që iu rezervua nga Presidenti Hassan Rouhani u ra dakord mbi nevojën e rritjes së bashkëpunimit midis dy vendeve në fusha me interes të përbashkët. Ministri Bushati shprehu vlerësimin për rolin e qeverisë iraniane dhe vetë Presidentit në arritjen e marrëveshjes për programin bërthamor të Iranit me aktorët ndërkombëtarë, si një marrëveshje në shërbim të sigurisë dhe paqes në botë. Presidenti Rouhani vlerësoi miqësinë mes dy popujve si dhe nënvizoi rëndësinë e shfrytëzimit të potencialeve për të zhvilluar më tej marrëdhëniet dypalëshe.

Gjatë takimit mes dy ministrave të jashtëm, palët nënshkruan një Memorandum mirëkuptimi për konsultimet diplomatike. Duke vlerësuar hapat për rigjallërimin e marrëdhënieve dypalëshe, dy ministrat ranë dakord mbi nevojën për të forcuar kuadrin ligjor të bashkëpunimit, në mënyrë të veçantë në fushën e shkëmbimeve tregtare, turizmit dhe kulturës.

Në këtë kontekst, bashkëpunimi parlamentar u konsiderua si element i rëndësishëm në marrëdhëniet mes dy vendeve. Dy palët vlerësuan gjithashtu rëndësinë e vendosjes së kontakteve dhe inkurajuan shkëmbimin e informacioneve mes komuniteteve të biznesit të të dy vendeve. Ministrat shkëmbyen pikpamje dhe qëndrime rreth zhvillimeve ndërkombëtare, veçanërisht situatën në Lindjen e Mesme, luftën ndaj terrorizmit dhe nevojën për përpjekje të përbashkëta të bashkësisë ndërkombëtare për t’u përballur me këto sfida.

Në të gjitha takimet Ministri Bushati parashtroi kërkesën ndaj qeverisë së Iranit për njohjen e Kosovës si një hap tejet i rëndësishëm për forcimin e stabilitetit në rajonin e Europës Juglindore.

Zhduket sekseri i CEZ, Nuel Kalaj. Nuk u gjet në banesë

Largohet nga Shqipëria sekseri Nuel Kalaj, pas thirrjes për të dëshmuar nga komisioni Hetimor i CEZ.

Kryetari i Këtij komisioni Taulant Balla i ftuar në Ora e Intervistës në Ora News, deklaroi se ai ishte thirrur për të dëshmuar të hënën në këtë komision, por nuk është gjetur në banesë.

Gjatë intervistës në Ora News, Balla zbuloi detaje nga 150 pyetjet e planifikuara për t’iu bërë Kalajt në Komision, ndërsa i bëri thirrje publike që të paraqitet në seancë.

Balla: Bëhen fjalë për 150 pyetje për këtë person për të kuptuar çfarë roli ka pasur. A ka pasur miliona të tjerë në këtë vorbull? Çfarë lidhje ka pasur ky person me Sali Berishën seppse ai ka folur shpesh herë në emër të Sali Berishës.

Balla bëri me dije se sekseri Kalaj, ka tërhequr 7 milionë euro brenda ditës, me çanta, ndërsa paralajmëroi se në një të ardhme jo të largët, Kalaj mund të arrestohet.

Balla: Na rezulton të ketë marrë nga kompania CEZ në Pragë një shumë që deri më tani na rezulton prej 7 mln eurosh. Këto para pasi i ka marrë nga kompania CEZ. Sipas tij, ka pasur një kontratë konsulence ndërmjetësimi, shqip sekser për të sjellë CEZ-n në Shqipëri. Ka marrë këto 7 mln euro nga CEZ, i ka tërhequr me çanta.

Në Ora e Intervistës, Balla tha se ky dëshmitar dhe implikimi i tij me familjen Berisha, ka qenë arsyeja e vërtetë pse opozita bojkotoi mbledhjen e komisionit të Reformës Zgjedhore. Ndërsa më tej, Balla tregoi edhe pse Partia Socialiste nuk është dakord me votimin dhe numërimin elektronik.

Balla: Opozita braktisi Parlamentin dje jo për shkak të numërimit elektronik, por për shkak të kësaj dosje shumë të rëndësishme. Koha e mbetur në dispozicion është e pamjaftueshme për të garantuar një proces votimi elektronik.

Balla u shpreh edhe njëherë kundër listave të hapura, ndërsa tha se po të aplikohen, me të prekura do të jenë gratë e parlamentit.

Pjesë nga intervista:

Balla: Është e vërtetë që komisioni hetimor që po heton privatizimin e Operatorin e Shpërndarjes (OST). Ky komision ka bërë një punë voluminoze dhe për herë të parë një komision do të nxjerrë rezultate konkrete dhe do t’i referojë më pas Prokurorisë një dosje të plotë me emra, llogari bankare, kontakte telefonike, e-mail, gjithashtu edhe verifikime përmes sistemit TIMS të largimit dhe ardhjes së personave të hetuar nga ky komision dhe që dëshmon qartë të një prej rasteve specifike se si ka funksionuar korrupsioni në Shqipëri. Kemi të bëjmë me një dëshmitar që ndoshta një ditë nga prokuroria e Shqipëria mund të jetë një i ndjekur penalisht. Komisioni hetimor do t’ia referojë dosjen Prokurorisë. Personi ishte thirrur ditën e hënë për të dëshmuar dhe sipas ligjit, ai ishte njoftuar për të hënën e kaluar. Nuk është paraqitur.

Ne kemi përdorur mekanizmin që jep ligji duke përdorur forcën. Policia e Shtetit ka vepruar për të përmbushur kërkesën tonë. Nuk e ka gjetur në Shqipëri, nuk e ka gjetur në shtëpi. Është dërguar njoftimi edhe me postë. Nga ana e Postës së Shqipërisë është bërë verifikimi që rezulton se personi është larguar jashtë vendit. Përfitoj nga televizioni juaj që t’i bëjë thirrje këtij personi që ditën e hënë të paraqitet në komision. Policia e Shtetit do ta kërkojë kudo që të jetë dhe do t’ia sjellë me forcë këtij komisioni.

Dëshmia e këtij personi është shumë e rëndësishme. Siç e kemi bërë me dije një javë më parë, ky person na rezulton të ketë marrë nga kompania CEZ në Pragë një shumë që deri më tani na rezulton prej 7 mln eurosh. Këto para pasi i ka marrë nga kompania CEZ. I ka tërhequr Cash me çanta. Bëhen fjalë për 150 pyetje për këtë person për të kuptuar çfarë roli ka pasur. A ka pasur miliona të tjerë në këtë vorbull. Çfarë lidhje ka pasur ky person me Sali Berishën. Ai ka folur në emër të Sali Berishës. Është një dosje voluminoze.

Rrëmbimi dhe vrasja e Gaz Çollakut, ja dosja e bujshme që do të rihapë Policia

Rrëmbimi dhe vrasja e Gazmend Çollakut në Nikël të Krujës është një nga ngjarjet e mistershme që ka ndodhur më 06.01.2016 e që pritet të zbardhet pasi Kreu i Policisë së Shtetit, Haki Çako, ka urdhëruar Policinë e Durrësit t’i rikthehet disa dosjeve të mbetura pa autorë, ku mes viktimave janë biznesmenë e madje edhe gra. (lexo ketu) Mes këtyre dosjeve është edhe ajo e Gazmend Çollakut.

Çollaku dhe policia ne vendin e ngjarjes

Ngjarja sipas Policisë:

Më datë 06.01.2016, në lagjen Nr.1 në Durrës, 4 persona, 3 prej të cilëve me jelekë dhe mbishkrimin”Policia”, kanë marrë me forcë duke e futur në mjetin e tyre tip “Audi A6” me ngjyrë të zezë shtetasin Gazment Çollaku 34 vjeç, banues në Durrës.

Çollaku u gjet i vrarë me armë zjarri një ditë më pas në fshatin Murqin, Krujë, i hedhur në rrugë dhe me gjymtyrë të lidhura.

Dosja e Prokurorisë:

Prokuroria për Krime të Rënda ka dërguar për gjykim shtetasit Denis Shtraza dhe Ervin Dalipaj, për këtë ngjarje, të akuzuar për veprat penale “Rrembimin ose mbajtjen peng te personit“ e paraprirë ose e shoqëruar me tortura fizikike dhe kur është shkaktuar vdekja e tij”, e kryer ne bashkpunim, “Prodhimit dhe mbajtjes pa leje te armeve luftarake” dhe “Mbajtje pa të drejtë të uniformës” të parashikuara nga nenet 109/3, 25, 278/5 dhe 247 te Kodit Penal.

Këta dy shtetas akuzohen se, së bashku me dy persona të tjerë ende të paidentifikuar, në dt. 06.0.2016 kanë rrëmbyer dhe vrarë shtetasin Gazmend (Laert) Çollaku.

Fillimisht dy të dyshuarit janë shoqëruar menjëherë pas ngjarjes nga Policia Gjyqësore, por më pas janë lënë të lirë.

Në vijim të hetimeve, Prokuroria ka siguruar prova të mjaftueshme për të ngritur akuzë ndaj këtyre dy shtetasve dhe mori miratimin e Gjykatës për Krime të Rënda për arrestimin e tyre. Deri në përfundim të hetimit, nën arrest ka qenë vetëm i pandehuri Denis Shtraza. Ndërsa i pandehuri tjetër, Ervin Dalipaj nuk është gjetur ende.

Në mënyrë të përmbledhur, Prokuroria për Krime të Rënda ka arritur në këtë përfundim, bazuar në sa më poshtë:

– kur midis shtetasve Denzi Shtraza dhe Lart Çollaku egziston një konflikt, pasi ka dyshime se ky i fudnit ka tentuar të vrasë Denizin në vitin 2013;

– kur dy shtetasit nën hetim Ervin Dalipaj dhe Deniz Shtraza janë shoqëruar nga policia vetëm 3-4 orë pas rrëmbimit dhe vrasjes së shtetasit Lart Çollaku me mjejtin tip Benz Ml, me ngjyre te zeze me targa AA671MZ, në pronësi të Ervinit, ku janë gjetur gjurmë gjaku të njëjta me ato që janë gjetur në vendgjarje dhe në rrobat e viktimës;

– kur ky mjet në datën 06/01/2016 është përdorur vetëm nga shtetasi nën hetim Ervin Dalipaj dhe në orët e pasditës dhe mbrëmjes së kësaj ditë kanë qënë vetëm me shtetasin nën hetim Deniz Shtraza;

– kur të dy shtetasit nën hetim pranojnë që gjatë datës 06/01/2016 në orët e pasdites dhe mbrëmjes kanë qëndruar së bashku por në deklarimet e tyre kanë kontradita të qarta dhe të shumta lidhur me oraret e takimit dhe lëvizjes, vendet e ku kanë shkuar dhe me cilët janë takuar në Tiranë, të parsyeshme për veprime të kryera vetëm disa orë para deklarimit;

– kur të dy shtetasit nën hetim deklarojnë se nuk kanë asnjë dijeni se të kujt janë 9 aparatet celularë të gjendur në mjetin e Ervinit, ne xhepin e deres së pasagjerit ku ka qënë duke qëndruar Denizi;

Denis Shtraza dje në gjyq — Denis Shtraza në gjyq

Rezulton i provuar fakti se në bagazhin e mjetit në pronësi të shtetasit nën hetim Ervin Dalipaj ku ka qënë të paktën dhe shtetasi nën hetim Deniz Shtraza është vendosur dhe më pas është vrarë shtetasi Lart Çollaku.

Pra rezultoi e provuar se shtetasit nën hetim Ervin Dalipaj dhe Deniz Shtraza në bashkëpunim midis tyre dhe në bashkëpunim dhe me dy persona të tjerë, ende të paidentifikuar, kanë rrëmbyer shtetasin Laert (Gazmend) Çollaku, e kanë lidhur në këmbë dhe duar me fasheta të zeza, e kanë transportuar si fillim me një mjet tip Audi, per ne fshatin Murqin te Krujes dhe e kanë vrarë me armë zjarri, duke konsumuar në këtë mënyrë veprën penale të “Rrembimin ose mbajtjen peng te personit“ e paraprirë ose e shoqëruar me tortura fizikike dhe kur është shkaktuar vdekja e tij”, e kryer ne bashkpunim dhe “Prodhimit dhe mbajtjes pa leje te armeve luftarake”, të parashikuara nga nenet 109/3, 25 e 278/5 te Kodit Penal.

Po ashtu shtetasit nën hetim Ervin Dalipaj në datën 06/01/2016 reth orës 23 :40 kur është shoqëruar nga Policia e Durrësit i është gjetur dhe sekuestruar një një dokument me nr. xxxxx i lëshuar nga Drejtoria e Policisë Tiranë dhe një stemë metalike me mbishkrimin « Policia » të cilat i mabte pa lejën e organeve kopetente. Ky shtetas ka qënë punonjës i policisë nga viti 2000 deri në vitin 2012 kur është liruar. Në këtë mënyrë ka kansumuar veprën penale të « Mbajtjes pa të drejtë të uniformës », parashikuar nga neni 247 i Kodit Penal.

Refugjatët afganë kërkojnë azil në Shqipëri

Grupe të refugjatëve që hyjnë nga Greqia në Shqipëri kanë nisur të kërkojnë azil pranë autoriteteve shqiptare. Sipas burimeve policore shqiptare 21 refugjatë afganë që u bllokuan në afërsi të pikës kufitare të Kakavijës, në kufi me Greqinë, pak ditë më parë i janë drejtuar një strehimoreje për refugjatët në Tiranë pas kërkesës për azil.

Ndryshe nga grupet e tjera të refugjatëvë që kërkojnë në pjesën më të madhe rikthimin në Greqi mbi bazë të praktikës së dorëzimit vullnetar, afganët kanë kërkuar qëndrimin në Shqipëri. Burimet kufitare shqiptare e kanë lidhur kërkesën me kushtet tejet të vështira që përjetojnë refugjatët në disa zona të Greqisë që janë prekur nga moti i ftohtë dhe me reshje të mëdha dëbore. Sipas të dhënave policore shqiptare në vitin 2016 numri i refugjatëve azilkërkues në Shqipëri u rrit në rreth 200 nga 134 persona që ishte në vitin 2014 dhe 106 persona në vitin 2015.

Sipas vlerësimeve policore refugjatët kryesisht nga Siria dhe Afganistani, i përdorin këto taktika në Shqipëri, pasi nëse nuk kërkojnë formalisht azil rikthehen menjëherë në Greqi, vendi prej nga ku hynë në territorin shqiptar.

Në shtator të vitit të shkuar 21 refugjatë sirianë u larguan nga një qender në periferi të të Tiranës, ndërsa ishin në pritje të kryejes së praktikave për azil në Shqipëri. Pak ditë më vonë, policia shqiptare bllokoi një pjesë të tyre tek udhëtonin për në Kosovë. Policia arrestoi katër shqiptarë të cilët dyshohet se po i ndihmonin ata të udhëtonin drejt vendit fqinj në këmbim të pagesave financiare.

Bien shkëmbimet Shqipëri-Kosovë, bizneset ‘frikë’ nga serbët

Eksportet e Shqipërisë me Kosovën ranë me 25% në periudhën janar-nëntor 2016, krahasuar me të njëjtën periudhë të një viti më parë. Ndërsa importi, sipas Institutit të Statistikave, pësoi rritje me vetëm 3%.

Rënia e shkëmbimeve tregtare ka shqetësuar bizneset e dy vendeve, të cilat thonë se hapësirat boshe po i shfrytëzojnë vendet e tjera të rajonit, duke nënkuptuar serbët.

“Shumë vende të rajonit e më gjerë janë shumë agresive dhe është më e lehtë të depërtosh kur përçan dhe sundon, ndaj duhet vërtetë të jemi shumë më aktivë”, ka deklaruar Safet Gërxhaliu, kryetar i Odës Ekonomike të Kosovës.

“Kemi një thjeshtim të pamjaftueshëm të procedurave lidhur me sistemin doganor dhe as Shqipëria e as Kosova nuk janë në statusin që të jenë konkurruese në rajon me produktet e tyre. E gjithë pengesa është mungesa e suportit dhe politikave subvencionuese”, ka thënë kreu i Dhomës së Tregtisë në Shqipëri, Nikolin Jaka.

Bizneset në të dy anët e kufirit që flet shqip tashmë kërkojne aksion dhe jo fjalë, si dhe besim tek produket shqip.

“Problemet ekonomike nuk mund të zgjidhen me takime në nivele kryeministrash, sepse këto takime janë më tepër një shoë që i përngjan më tepër fasadës së problemeve sesa zgjidhjes së tyre”, ka nënvizuar Gërxhaliu.

“Ne duhet të orientohemi tek produktet shqiptare dhe kosovare. Duhet t’i përkushtohemi më tepër identitetit tonë dhe shprehjes së famshme ‘blej shqip’”, ka shtuar Jaka. / Top Channel

Deputeti i Ramës sfidon Metën: Dil vetëm në zgjedhje të shohim sa vlen

Pas deklaratës së ministrit të Drejtësisë, Ylli Manjani dhe deputetes së LSI-së, Silva Caka që paralajmëruan mundësinë e daljes pa PS-në në zgjedhjet parlamentare, reagon edhe Partia Socialiste.

Është deputeti Vladimir Kosta i cili i ka kthyer një përgjigje LSI-së duke shkruar ne rrjetet sociale se kjo sjellje “më shumë ngjan si rritje pazari sesa sjellje mes partnerësh politike”.

Statusi i Lad Kostës:

Ministri i Drejtësisë dhe një kolege e LSI-së nuk e fshehin se nuk janë komod me kolalicionin me PS. Shumë nga aryset që japin, përveç tyre, nuk i kupton asnjë i majtë në vend. Kjo loja e tipit jemi dhe s’jemi aleatë vetëm sa po e çorienton elektoratin e majtë. Më shumë ngjan si rritje pazari sesa sjellje mes partnerësh politike. Mbase është koha që LSI ta provoj veten sa vlen e vetme në zgjedhje… Duhet ta respektojmë këtë dëshirë të tyre.

Ky reagim vjen pasi deputetja e LSI-së, Silva Caka deklaroi mbrëmjen e djeshme se LSI duhet të dalë e vetme në zgjedhjet parlamentare të 18 qershorit. Caka tha se LSI ka një kontratë me qytetarët dhe si e tillë prova e madhe e saj është që në zgjedhje të dalë e vetme. Por Caka sqaroi se ky është një mendim i saj personal dhe nuk ka asnjë vendim të forcës që ajo përfaqëson.

“Ky është mendimi im personal që për mua do të jetë votë publike në forumet e LSI, por a do të fitojë mendimi im apo jo, këtë do ta kenë në dorë forumet e partisë”, – u shpreh ajo.

Spanjollja që do “shkundë” drejtësinë shqiptare

Pas pak javësh në Shqipëri do të mbërrijë Operacioni Ndërkombëtar i Monitorimit, i cili ka një rol kyç në procesin e “Vettingut”.

“Vizion plus” ka mësuar se në krye të këtij operacioni do të jetë drejtoresha për Ballkanin Perëndimor në Drejtorinë e Zgjerimit të Komisionit Europian, Genoveva Ruiz-Calavera.

Lajmi konfirmohet edhe nga vetë zonja Calavera.

“Po, unë do të kem kënaqësinë të drejtoj Operacionin ndërkombëtar të monitorimit, i cili do të asistojë procesin e Vettingut”. – shprehet zyrtarja e lartë e unionit, gjatë një komunikimi me email për Vizion Plus.

Në muajin dhjetor, drejtoresha për Ballkanin Perëndimor në Drejtorinë e Zgjerimit të Komisionit Europian, Genoveva Ruiz-Calavera, ishte në Tiranë dhe zhvilloi disa takime ku është diskutuar çështja e reformës në drejtësi dhe procesi i vettingut.

Tashmë pritet të hyjë në fuqi vendimi i Gjykatës Kushtetuese në mënyre që të zhbllokohet ligji i vettingut, e me pas, në fillim të muajit shkurt, në Tiranë do të vijnë anëtaret e Operacionit Ndërkombëtar të Monitorimit.

Mësohet se anëtaret e ONM-së do te përzgjidhen nga Gjermania, Austria, Holanda e Italia dhe prej kohësh është konfirmuar se pjesë e Operacionit është edhe Reinhard Priebe, i cili ka qenë në Shqipëri gjate mandatit të dytë të kryeministrit Fatos Nano si drejtor për Ballkanin Perëndimor në BE.

Puna e ndërkombëtareve fillon në momentin që janë mbyllur aplikimet për Komisionin e Posaçëm të Kualifikimit, të Kolegjit të Apelimit dhe ka në fokus vlerësimin e të gjithë personave që synojnë të jenë pjesë e institucioneve që do të realizojnë Vettingun.

Por kjo është vetëm faza e parë e punës se tyre pasi vëzhguesit ndërkombëtare do të jenë prezentë në çdo hap te skanimit te gjyqtareve e prokuroreve, dhe, sipas ligjit, ata kanë të drejtë të “hetojnë dhe vlerësojnë të gjitha faktet dhe rrethanat e nevojshme për procedurën e rivlerësimit.”

Kush është Genoveva Ruiz Calavera

Genoveva Ruiz Calavera, e lindur në Spanjë, nisi punën si drejtoreshë për Ballkanin Perëndimor në departamentin e Negociatave për Zgjerim më 1 qershor të vitit të shkuar.

Ruiz Calavera ka punuar në fushën e politikës së jashtme dhe marrëdhënieve fqinjësore për gati dy dekada.

Gjatë kësaj kohe ka shërbyer në grupin e punës së KE-së për rindërtimin e Kosovës, si dhe në departamentet e politikës së fqinjësisë, punëve të jashtme dhe në grupin e këshilltarëve të politikës së jashtme.

Sipas KE-së Ruiz ka një “përvojë të gjerë në menaxhim” dhe është emëruar për herë të parë kreu i njësisë në 2006.

Ajo u bashkua me ekipin e Komisionit Evropian në vitin 1992 dhe ka punuar si fillim në fushën e tatimeve dhe doganave, pasi i dedikoi një dekadë pune sektorit privat në Spanjë.

Moti në Shqipëri: Ja 3 viktimat e fundit, oficeri, 55-vjeçari dhe i moshuari

Moti i ftohtë bëhet shkaktar i tri vdekjeve në Sarandë, Gjirokastër e Vlorë. Oficeri i Portit të Sarandës, Shezo Telo, u gjet i ngrirë në afërsi të shtëpisë, pasi për shkak të problemeve me zemrën ai kishte mbetur në rrugë.

Tentativa për t’u ngrohur me qymyr mori jetën e 55- vjeçarit Panajot Lasko në Gjirokastër, ndërsa një i moshuar në Vlorë gjeti vdekjen pasi u rrëzua në akull, raporton “Panorama”.

GJIROKASTER

Panajot Lasko, 55 vjeç, nga fshati Kakoz i Lunxhërisë, humbi jetën nga asfiksia. Në prag të vdekjes është edhe babai i tij, Arqile Lasko, 75 vjeç, i cili ndodhet në gjendje të rëndë në spital.

Sipas Policisë, babë e bir janë asfiksuar nga çlirimi i gazit karbonik të qymyrit. Ata jetonin të vetëm në një banesë dykatëshe, ku kati i dytë kishte dalë nga funksioni për shkak të amortizimit dhe përdorej vetëm kati përdhes. Banorë të fshatit bënë të ditur se viktima kishte disa ditë i sëmurë me grip dhe për të kujdesej vetëm babai.

I moshuari jetonte me një pension fshati dhe mbante edhe të birin, i divorcuar dhe i papunë. Të afërm të viktimës thanë se ai ishte prekur nga gripi me temperaturë të lartë prej datës 1 janar dhe trajtohej vetëm me çaj dhe paracetamol, pasi nuk kishin mundësi financiare për të marrë ilaçe.

Ai ka kaluar në hipotermi ditët e fundit, si pasojë e ftohjes. Mungesa e druve për shkak të izolimit të fshatit nga bora, ka bërë që ata të përdornin qymyrguri. Ky lloj qymyri është kategorikisht i papërdorshëm në ambiente familjare apo dhe në vatra zjarri për shkak të prezencës së lëndëve helmuese që çlirojnë gazra të rrezikshëm për jetën.

Dyshohet se vdekja e 55- vjeçarit ka ardhur krejtësisht pa u kuptuar, bazuar edhe nga provat në vendin e ngjarjes. Ai është gjetur mbuluar me një rrobë të trashë e sipër saj me një pelerinë të madhe, çka vërteton se humbja e jetës ka ndodhur në gjumë.

Ndërkohë që babai i tij, Arqilea, është gjetur me shenja të pakta jete, me puls të dobët dhe me fytyrë të nxirë.

“Të dy, babë e bir, kanë qenë të nxirë nga fytyra me shenja karboni nëpër vetulla, flokë dhe pjesët e frymëmarrjes”, bënë të ditur burime nga spitali.

SARANDE

Një oficer në Sarandë u gjet i vdekur në afërsi të shtëpisë së tij, ndërsa shkak, veç problemeve me zemrën, dyshohet të jetë bërë edhe moti me ngricë. Policia bëri të ditur se Shezo Telo, 51 vjeç, është gjetur dje nga djali i tij pak metra larg banesës, ndërsa sipas të dhënave nga mjekët e Sarandës, viktima ka qenë krejtësisht i ngrirë.

shezo — Viktima e gjetur në Sarandë, Shezo Tole

Ngjarja ndodhi rreth orës 09:00, në lagjen nr.4, në hyrje të banesës private me dy kate të të ndjerit. Mjekët konstatuan se 51-vjeçari kishte ndërruar jetë të paktën 4-5 orë më parë.

Nga të dhënat e ekspertëve të Mjekësisë Ligjore, 51-vjeçari është gjetur në një pozicion ulur, me duart para gjoksit, sikur kërkonte ndihmë. Trupi ishte tërësisht i ngrirë dhe i mavijosur në fytyrë.

Dyshohet se krahas shqetësimit që mund të ketë pasur në zemër, ka ndikuar edhe i ftohti duke i marrë jetën. Sipas të dhënave, viktima ka qenë duke u kthyer në banesë i vetëm pasi kishte marrë pjesë në ceremoninë mortore të vjehrrit të tij. Për këtë shkak dyshohet se në banesë nuk ka pasur asnjëri dhe në një moment ai është ndier keq. Por nuk ka mundur të shkojë më tej, ndërsa i biri e ka gjetur trupin vetëm të nesërmen.

Prej 23 vitesh, viktima punonte si inspektor kapitanerie në Port. Ai ishte baba i dy fëmijëve, një djali dhe një vajze. Ndërkaq, i ftohti shënon viktimë edhe në Vlorë. Ditën e djeshme, rreth orës 10:00, në fshatin Panaja ka gjetur vdekjen shtetasi Tasim Llane.

Sipas informacioneve nga Policia, 81-vjeçari është rrëzuar në oborrin e shtëpisë si pasojë e ngricave. Ai ka marrë dëmtime të shumta në trup dhe kokë. Familjarët e kanë dërguar për në spitalin e Vlorës, por ka ndërruar jetë gjatë rrugës.

PANORAMA

Rritet numri i viktimave nga moti i acartë në Shqipëri

Sot për shkak të temperaturave të ulëta ka humbur jetën një i moshuar në qytetin e Sarandës, duke e rritur në 6 numrin e personave që kanë humbur jetën nga moti i ftohtë

TIRANË – Moti i acartë vazhdon të shkaktojë viktima në Shqipëri, ku gjatë ditëve të fundit kanë humbur jetën disa persona.

Sot për shkak të temperaturave të ulëta ka humbur jetën një i moshuar në qytetin e Sarandës, duke e rritur në 6 numrin e personave që kanë humbur jetën nga moti i ftohtë, ndërsa duke përfshirë edhe ngjarjet aksidentale ky numër është 9. Policia e Sarandës ka njoftuar se shtetasi me inicialet Zh.T, 61 vjeç, është gjetur i pajetë sot në hyrje të shtëpisë së tij.

Ndërsa pesë persona kanë humbur jetën në ditët e mëparshme në qytete të ndryshme të vendit, si në Durrës, Sarandë, Pogradec, Lushnje, etj.

Për shkak të motit të ftohtë janë anuluar disa fluturime nga Aeroporti Ndërkombëtar “Nënë Tereza”.

Ndërkohë si pasojë e reshjeve të borës gjatë mbrëmjes së djeshme në Tiranë, Elbasan, Shkodër, ka pasur vështirësi qarkullimi në disa akse rrugore. Moti i keq ka shkaktuar edhe ngjarje aksidentale, ku si pasojë ka patur edhe të vdekur.

Ministria e Mbrojtjes edhe sot pritet të shpërndajë ndihma në zonat e izoluara nga bora. aa

Nuel Kalaj: Pse i tërhoqa 7 milionë € brenda ditës më 2009

Nuel Kalaj mohon çdo lidhje me djalin e ish-kryeministrit Sali Berisha, Shkëlzenin. Duke folur ekskluzivisht për gazetën “Panorama”, personi i akuzuar nga kryetari i Komisionit Hetimor, Taulant Balla, si sekser i Shkëlzen Berishës për ardhjen e kompanisë CEZ në Shqipëri, Kalaj u jep përgjigje të gjitha pretendimeve të ngritura rreth përfshirjes së tij në çështjen CEZ.

Ai shprehet se është kontraktuar nga kompania CEZ për të mbledhur informacione lidhur me fizibilitetin e tregut energjetik shqiptar për investime.

Kalaj shprehet se nuk ka asnjë lidhje me Shkëlzen Berishën, ndërsa me ish-kryeministrin Berisha është takuar si pjesë e delegacionit të kompanisë çeke, kur ata kanë ardhur në Tiranë.

Në lidhje me kompaninë CEZ, Kalaj shprehet se ka bashkëpunuar në përputhje me ligjet e Shqipërisë dhe Çekisë ku kjo kompani ushtron aktivitetin e saj.

Nga ky bashkëpunim me kompaninë çeke, Kalaj nuk mohon se ka nxjerrë fitime të ligjshme, duke paguar dhe taksa për to. Ai u përgjigjet dhe akuzave për tërheqje të parave cash nga bankat.

“Paratë i kam tërhequr nga banka për qëllime investimi në drejtime të tjera”, shprehet Kalaj për gazetën “Panorama”.

Erdhi koha e denimit tim me “VDEKJE” Nga Ajtanga Lubonja

I mora ne telefon, ju shkrova sms…si pushtetareve dhe opozitareve!

Asnje pushtetar nuk ma hapi telefonin,

ndonje opozitar PO(ata e kane kollaj te justifikohen…s’kemi pushtet)!

Une shkrova ketu ne fb, ju me mbeshtetet…

po sa para ben, kush na pyet NE (ndryshe KETA, nuk do gjenin kurajon te vazhdonin te me persekutonin) DUKE QENE VETE FAJTOR!

DUA T’JU PYES JU PUSHTETARE::::ÇFARE PUNE KENI BERE NE JETEN TUAJ, VEÇ MINISTRA DHE PARTIAKE!

Ç’KENI BERE PER SHQIPERINE VEÇ VJEDHJES E KORRUPSIONIT!

UNE NUK DITA T’I BEJ KETO;

PO I KAM SHERBYER SHQIPERISE ME PUNE TE NDERSHME!

JU KENI NGA 2-3 SHTEPI,

UNE ASNJE!

JU BENI JETE PERRALLASH,

UNE VUAJ MJERIMIN DHE VARFERINE!

ME JENI BORXH , ME JEPNI ATE QE ME TAKON!

BENI ÇFARE KENI PER TE BERE,NUK JU KAM FRIKE!!!

Erdhi koha e denimit tim me “VDEKJE” nga pushtetet.

erdhi koha e ekzekutimit perfundimtar!

Ishte denim qe e perjetova gjate 43 vjet!

Diktatura me etiketoi “ARMIKE E POPULLIT” dhe jeta ime mori rrokullimen!

Kam luftuar, kam sakrifikuar, kam rritur femijen duke shitur gjak, jam endur burgjeve duke ndjekur njerzit e mij…

por kam ruajtur ate qe eshte me e rendesishme “anen njerzore te njeriut te ndershem!”

Kam deklaruar gjithmone qe jam e djathte…

po e djathte jam!

Ne dejet e mij rrjedh gjak Patriotesh qe dhane jeten per SHQIPERINE,

po fatkeqesisht ky vend nuk i vleresoi ET’HEM,ISMET E SELAUDIN TOTO,

jane emblema te ketij kombi, po historia heshti!

Une luftova per DEMOKRACINE E VERTETE, qe nuk e provuam kurre!

Ketu u kultivuan njerez me vese pushtetaresh hajdute, te koruptuar dhe gjakesore!

Kam 23 vjet qe endem konvikteve, askush nuk me ndihmoi!

Tani me forca te mbaruara, pas nje pune 40vjeçare ne SHTET, me vleresojne me nje pension 150 mije leke!

Gjithemone duke ruajtur ndjenjat e pastra njerezore, prisnja qe SHTETI te me vleresonte me nje PENSION SPECIAL,

te me likujdonte me demshperblimet si e persekutuar,

pse jo te me jepnin edhe nje shtepi….!

JOOOO GENJESHTRA U END NDER VITE…

une isha e denuar me VDEKJE!

Dhe rasti ju erdhi…ju kam kerkuar ndihme nuk ia dal dot, jam shume e semure, kujt si jam drejtuar…

TANI ME KERCENOJNE ME PRERJE TE ENERGJISE!

Kapaku i arkivolit mbyllet!

ATA KERKOJNE, po qe te me japin ate qe me takon pse nuk prononcohen!

A bindeni qe EKZEKUTIMI IM ERDHI!

NUK DUA T’JU ZGJOJ MESHIRE,PO REFLEKTONI Ç’PO BEHET ME NE!!!

Shqipëri: Policia kufitare sekuestron 500 kg marijuanë

Policia shqiptare zbuloi një sasi të madhe marijuane në Gadishullin e Karaburunit, në Vlorë. Sipas burimeve zyrtare rreth 500 kg marijuanë e paketuar, gati për t`u trafikuar, është sekuestruar nga policia kufitare. Sipas policisë shqiptare droga ishte e ndarë në 17 pako dhe kishte si destinacion Italinë.

Një sasi tjetër e madhe marijuane ishte zbuluar një ditë më parë në brigjet italiane. Sipas burimeve policore italiane rreth 1.9 tonë marijuanë u sekuestrua dhe dy skafistë shqiptarë në bord u arrestuan nga policia italiane.

Ndërkohë edhe policia greke tha se bllokoi rreth 100 kilogramë marijuanë në afërsi të Konicës në Greqinë Veriore duke arrestuar një shtetas shqiptar që po transportonte drogën.

Transporti i narkotikëve ka marrë përmasa dhe megjithë motin e keq trafikantët po shfrytëzojnë si kufirin tokësor edhe atë detar me Greqinë dhe Italinë për të trafikuar qindra kilogramë marijuanë drejt vendeve fqinje.

“Bosht mysliman” shqiptaro-turk, i përgjigjet Xhufi ish-ministrit grek Pangallos

Historiani dhe diplomati i njohur Pëllumb Xhufi i cilëson antishqiptare qëndrimet e ishministrit grek Theodhoros Pangallos të frymëzuara nga “Megali Idea”. Xhufi jep arsyet pse Greqia nuk e heq Ligjin e Luftës me Shqipërinë, ndërsa i cilëson halucinacione senile pretedimet e Pangallosit i cili sheh rolin e Turqisë në kërkesat e kryeministrit Rama për çështjet që kërkojnë zgjidhje mes dy vendeve. “Nipi i gjeneralit, Pangallosi i ri, identifikohet me një tjetër politikë, me politikën megalomane të “Megali Idesë”, nga e cila edhe vetë zbatuesi më i flakët i saj, Eleutherios Venizelos, pas dështimeve spektakolare të politikës së jashtme greke, u detyrua të distancohet gjatë mandatit të tij të fundit kryeministror, më 1928-1934” thotë Xhufi për Panorama. Sipas tij, zoti Pangallos bën një gabim të madh që nuk i lejohet, duke e konsideruar Shqipërinë si një faktor subaltern, si një variabël i Turqisë në kufijtë veriorë të Greqisë. “Ky është një vlerësim i kahershëm i politikës greke në raportet e saj me Shqipërinë, vlerësim i bazuar mbi paragjykime të natyrës fetare. Sipas tij, si vend me shumicë myslimane, Shqipëria do të ishte fatalisht e destinuar të bënte lidhje të shkurtër me Turqinë, duke u bërë pika fundore e një të ashtuquajturi “bosht mysliman”, që rrezikuaka vetë ekzistencën e Greqisë. Ky obsesion grek, nuk është vërtetuar ndonjëherë në këta 100 vjet të ekzistencës së shtetit shqiptar. Shumë më tepër se me Turqinë myslimane, Shqipëria ka njohur periudha “të arta” marrëdhëniesh me Italinë, Austro Hungarinë, Jugosllavinë, Bashkimin Sovjetik, Kinën, Shtetet e Bashkuara të Amerikës dhe me vetë Greqinë” thotë Xhufi.

Robert Ndrenika mbush 75-vjeç, shoku i klasës ia shkruan ato që s’ia ka thënë kurrë

Regjisori Pëllumb Kulla i është drejtuar sot me një mesazh shumë të veçantë aktorit të madh Robert Ndrenika, në 75-vjetorin e lindjes.

Me një postim në faqen e tij në FB, Kulla i shkruan aktorit të qindra roleve në kinema e teatër, ato që nuk ia ka thënë kurrë përballë.

Mesazhi i Pëllumb Kullës

ROBERT NDRENIKA SHËNON SOT 75!
Edhe ju më të rinjtë do të vinit te 75-at!
Berti i dashur, ta uroj këtë ditë të shënuar. Ti, i shtrenjti Bert, meriton që sot, veç e veç, tok e tok, shtëpi më shtëpi, studjo më studjo, auditor më auditor, njerëzit të trokasin gotat me mendjen tek vitet e tua gjurmëlënës në skenat dhe ekranet e shqiptarëve.

Me ty, o shoku im i klasës dhe i shkollës, o miku im i vjetër, kemi kaluar bashkë një pjesë të mirë të këtyre viteve.

Kemi biseduar dhe kemi qarë halle, jemi tallur e kemi ngacmuar njëri tjetrin, por kurrë unë nuk jam ndalur e nuk të kam thënë atë që do të të them pikërisht sot.

Atë që, ti i dashuri im, je një artist i madh, nga ata të ndriturit, nga ata që skenës dhe ekranit i vijnë rrallë, shumë rrallë. Ti je nga ajo racë aktorësh që të zbukurojnë jetën dhe që i japin pavdekshmëri teatrit. asaj loje magjepsëse ku njerëzit qeshin e qajnë për ca realitete të sajuara bukur.

Ti, Bert, je nga ata aktorë të paktë që janë mjeshtra dhe në ndërtimin e figurave komike, dhe po aq mbresëlënës me karakteret dramatikë.

Ti ke bërë aq shumë sa njerëzve kur u flitet për teatrin, mëndja u shkon vetëm tek artistë si ti.

Paç jetë të gjatë mes familjarëve të tu, mes miqve të tu dhe u shtoftë edhe më tej magjia e artit tënd!

Shqipëri, moti i keq nuk ndal trafikun e narkotikëve

Policia e Vlorës thotë se zbuloi sot një automjet luksoz që lundronte në det dhe që dyshohet se kishte shërbyer për transportim narkotikësh në hapësirën detare me Italinë.

Hetimet e para policore flasin për dokumente jo të rregullta të mjetit dhe për një nyjë lidhëse në pjesën e pasme që mund të ketë shërbyer për tërheqjen e gomoneve që përdoren për transportin e marijuanës.

Në anën greke të kufirit, policia e Janinës dhe ajo e Kosturit njoftuan për bllokimin e disa dhjetëra kilogramëve marijuanëme prejardhje nga Shqipëria, ndërkohë që tre trafikantë shqiptarë u arrestuan.

Një ditë më parë policia shqiptare zbuloi marijuanë në një autobuz që udhëtonte drejt Malit të Zi me destinacion Gjermaninë, ndërkohë që sasi narkotikesh u zbuluan në disa zona të vendit.

Në ditët e para të Janarit, megjithë motin e keq dhe mjaft segmente të bllokuara, aktiviteti i trafikantëve të narkotikëve është intesifikuar. Sasia më e madhe e narkotikëve u zbulua në Portin e Gumenicës nga polica greke ku rreth 260 kilogramë marijuana, sipas policisë e futur nga Shqipëria, po transportohej medy kamionë drejt Gjermanisë.

Sipas policies, sasitë e narkotikëvetë bllokuara i përkasin prodhimit të marijuanës që u kultivua vitin e shkuar masivisht në shumë zona në Shqipëri.

“Anonymous Albania” – Qeverisë franceze: Lironi Haradinajn

Anonymous Albania i ka dërguar një mesazh Qeverisë franceze, ku i kërkojnë lirimin e kreut të AAK-së, Ramush Haradinajt.

Në një video të publikuar në YouTube, ata thonë se janë shumë të zhgënjyer nga vendimi i autoriteteve franceze për arrestimin e Ramush Haradinajt.

“Drejtuar qeverisë franceze. Ne jemi Anonymous Albania. Jemi shumë të zhgënyer nga qëndrimi juaj në lidhje me arrestimin e Zotit Ramush Haradinaj, një nga heronjtë tanë. Ai ka kontribuar në çlirimin e Kosovës në 1998-ën. Kosova është shtet i pavarur dhe nuk është pjesë e Serbisë. Ju po prishni dialogun mes Kosovës dhe BE. Provokimet tuaja do të nxisin luftën në Ballkan. Ndaj mos luani me ne. Ju nuk duhet ta ekstradoni Haradinajn në Beograd, pasi do të jeni në luftë me ne dhe shqiptarët. Mos e harroni, lironi Zotin Haradinajn, ose do ta paguani këtë. Ne jemi Anonymous Albania. Ne nuk falim, ne nuk harrojmë. Na prisni!”, citohet në mesazhin e Anonymous Albania.

Moti i ftohtë në Shqipëri vazhdon të shkaktojë probleme

MB ka bërë të ditur se ende ka akse rrugore nëpër fshatra të njësive administrative në zona të thella malore, të cilat nuk ka qenë e mundur të hapen plotësisht për qarkullimin

TIRANË – Reshjet e borës në Shqipëri janë ndërprerë, por temperaturat kanë qenë tepër të ulëta në të gjithë vendin, duke vështirësuar jetesën e banorëve në zonat më të prekura nga moti i ftohtë, dhe duke shkaktuar probleme në qarkullimin rrugor në zonat rurale.

Ndërkohë një person dyshohet të ketë humbur jetën nga moti i ftohtë në Durrës. Sipas të dhënave të policisë, shtetasi me inicialet A.S, 38 vjeç, që është gjetur i vdekur në një nga lagjet e Durrësit rezultonte si person i pastrehë.

Ministria e Brendshme e Shqipërisë në një njoftim zyrtar të publikuar sot ka bërë të ditur se ende ka akse rrugore nëpër fshatra të njësive administrative në zona të thella malore, të cilat nuk ka qenë e mundur të hapen plotësisht për qarkullimin.

Ndërsa furnizimi me energji elektrike ka qenë gjithashtu me ndërprerje në disa zona të vendit. Nga ana tjetër, sipas MPB-së akset nacionale janë plotësisht të qarkullueshme, dhe vetëm në ndonjë segment ka nevojë për përdorimin e zinxhirëve.

Sipas të dhënave të Institutit të Gjeoshkencave, Energjisë, Ujit dhe Mjedisit, nga datat 8-11 janar temperaturat maksimale në vendet malore do të luhaten nga -5 deri -10 gradë, ndërsa në zonën e ulët dhe në bregdet nga 0 deri 5 gradë. Temperaturat minimale do të luhaten në vendet malore nga -21 deri -18, ndërsa në zonën e ulët dhe bregdet nga -10 deri në -6 gradë. aa

Faqja 198 prej 246« Fillimi ‹ Prapa 194 195 196 197198199 200 201 202 Para ›Fundi »

Eksportet e Shqipërisë me Kosovën ranë me 25% në periudhën janar-nëntor 2016, krahasuar me të njëjtën periudhë të një viti më parë. Ndërsa importi, sipas Institutit të Statistikave, pësoi rritje me vetëm 3%.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL