Prokurori i Përgjithshëm, anëtarë të Gjykatës Kushtetuese, anëtarë të Gjykatës së Lartë dhe gjyqtarë të niveleve të tjera nuk lejohen të shkelin më në tokën amerikane. Por cilat janë pasuritë që ata vetë kanë deklaruar?

Në deklarimet e pasurive, ata numërojnë karburante, lokale, kredi të pajustifikuara, prona, apartamente që ua kanë bërë dhuratë, vila dhe transaksione etj.

Pasuria e disa prokurorëve dhe gjyqtarëve që u janë bllokuar vizat

Adriatik Llalla, kryeprokuror

Apartament banimi me sipërfaqe 67.2 m2 në Durrës.

Ambient banimi me një sipërfaqe prej 180 metër katror, pjesërisht në pronësi.

Shtesë kati në banesë+ballkone me një sipërfaqe prej 180 metër katror.

Blerje trualli 3 mijë metër katror në Bathore.

Të ardhura neto nga paga si Prokuror i Përgjithshëm në shumë 1 873 095 lekë.

Të ardhura neto nga qiradhënia e një pjesë të banesës për vitin 2015 në vlerën 1 200 000 lekë.

Bashkëshortja zonja Ardiana Llalla të ardhura neto nga paga si Përgjegjëse Sektori pranë ISKSH në vlerën 961 lekë.

Shtuar llogaria rrjedhësi me 902 845 lekë.

Shtuar llogaria rrjedhëse e zonjës Llalla me 20 000 lekë.

Gjendja cash, shtuar me 1500 000 lekë.

Petrit Fusha, kreu i Prokurorisë së Tiranës

Të ardhura nga qeraja e lokalit, 60 mijë euro.

Shtuar gjendja cash për vitin 2015, në shumën 11 mijë euro.

Shkëmbyer apartament i deklaruar në vitin 2006, në shumën 7 000 000 lekë dhe rivlerësuar në vitin 2012, me një apartament me sipërfaqe 142 m2.

Vresht me sipërfaqe 800 m2, blerë me shumën 400 000 lekë.

Arë me sipërfaqe 1.390 m2, në shumën 600 00 lekë.

Arë me sipërfaqe 1.750 m2, trashëguar nga prindërit.

Shitur arë me sipërfaqe 200 m2, në shumën 950 000 lekë.

Llogari rrjedhëse në euro e kredisë në emër të Sanije Bulku Fusha, shtuar me 220 euro.

Llogari rrjedhëse në lekë e kredisë në emër të Petrit Fushës, shtuar me shumën 110 741 lekë.

Të ardhura nga paga si drejtues i Prokurorisë së Tiranës, 1 895 110 lekë.

Të ardhura si anëtar i Këshillit të Prokurorisë, 40 500 lekë.

Kredi në emër të Sanije Bulku, 35 mijë euro, shlyer 27 mijë euro.

Kredi në emër të Petrit Fushës, gjendje detyrimi 3 257 041 lekë.

Sanije Bulku, bashkëshortja, llogari i pagës, shtuar 34 000 lekë.

Të ardhura nga puna si specialiste pranë AMK, Bashkia Tiranë, 34,996 lekë.

Aldi Fusha, djali, të ardhura si specialist pranë DPSHTRR, 127 500 lekë.

Fatmira Hajdari, Gjykata e Apelit

Fatmira dhe djali lidhur kontratë më 04.06.2013 mbi një objekt 10-katësh, të palegalizuar, ndërtuar mbi një truall me sipërfaqe. 890 m2.

Dyqan blerë pranë Ambasadës amerikane.

Shtesë në të ardhura nga shitja e një apartamenti, 49 888 euro.

Kredi e marrë në vitin 2007, 19 000 000 për rikonstruksion e një ambienti të marrë me qera, 280 m2, pranë Qytetit Studenti.

Këstet e kredisë i shlyen djali nga të ardhurat e lokalit bar-kafe.

Djali, bashkëpronar i një trualli me sipërfaqe 890 m2 mbi të cilin një palë e dytë ka ndërtuar një pallati 10-katësh në proces legalizimi, e ku kontrata krijon të drejta pronësie 50 me 50 mes palëve kontraktuese.

Shtesë në të ardhura nga kontrata e qerasë, 720 000 lekë.

Depozitë pranë bankës, 1 711 lekë.

Paga si gjyqtare e Apelit në Tiranë, 1 212 979 lekë.

Pensioni familjar për ish-bashkëshortin Azem Hajdari, 720 000 lekë.

Djali Kirjald Hajdari i punësuar pranë Bashkisë së Tiranës, 590 865 lekë.

Vajza Rudina Hajdari e punësuar pranë Kongresit Amerikan në SHBA, 12 mijë USD.

Kredi në shumën 2 500 000 lekë, me këst mujor 17 264 lekë, shuma e mbetur zero.

Kredi bankare për rikonstruksion shtëpie.

Kirjald Hajdari, djali, pakësim i depozitës, 5 mijë euro.

Administrator dhe ortak i vetëm i “TK”, fitime zero.

Ndihmë për fëmijët nga Partia Demokratike në vlerën 3 600 000 lekë.

Mirela Fana, anëtarja e dorëhequr e Gjykatës së Lartë

Apartament me sipërfaqe 143 m2 në Tiranë.

Apartament me sipërfaqe 127 m2 blerë 170 000 euro.

Bashkëshorti Neshat Fana ka blerë një livadh në Himarë me 2000m2 me çmim 600 000 lekë.

Bashkëshorti z. Neshat Fana detyrime ndaj Tirana Leasing për blerje makinash.

Kredi bankare në një bankë të nivelit të dytë, mbyllur për shkak të shitjes së kredisë në këmbim të vilës në ndërtim, detyrimi financiar i shlyer 335 500 euro, pjesë e regjimit martesor.

Të ardhura nga depozitave bankare 78 568 lekë. Të ardhura nga qiraja 941 800 lekë.

Të ardhura nga pagesa e qirasë studio ligjore 297 500 lekë.

Të ardhura nga paga 1 576 316 lekë.

Të ardhura mësimdhënie në universitetin Luarasi 139 046 Lekë.

Të ardhura nga mësimdhënia në Shkollën e Magjistraturës 11 900 lekë.

Bashkëshorti z. Neshat Fana të ardhura nga puna zyra e avokatisë 7 893 500 lekë.

Bashkëshorti tërheqje nga një shoqëri tregtare 10 115 000 lekë.

Vajza, zonja Krisilda Fana, të ardhura nga punësimi pranë Presidencës 807 560 lekë.

Vajza, zonja Krisilda Fana të ardhura nga puna si pedagoge, 40 000 lekë.

Frenki Fana të ardhura nga puna në PHOENIX-PETROLIUM sha 501 380 lekë.

Gjendje në llogari bankare të bashkëshortit si person fizik 1 731 euro.

Gjendje në llogari bankare të bashkëshortit si person fizik 864 938 lekë.

Bashkëshorti gjendje në llogari bankare 938 831 lekë. Bashkëshorti gjendje në llogari bankare si individ 831 euro.

Vajza gjendje në llogari bankare 30 134 lekë.

Vajza gjendje depozitë bankare 400 000 lekë.

Vajza llogari kursimi 21 513 lekë.

Vajza gjendje llogari rrjedhëse 82 774 lekë.

Artan Zeneli, anëtar i Gjykatës së Lartë

Paga si anëtar i Gjykatës së Lartë 1 576 316 lekë.

Të ardhura nga paga e bashkëshortes zonja Valbona Zeneli dhe bonuse (punonjëse banke) neto 4 659 494 lekë.

Gjendje e llogarive të bashkëshortes në bankë 9 317 euro. Gjendje e llogarisë së bashkëshortes 1 141 407 lekë.

Gjendja e Investimit në një fond të tillë në lekë 5 953 172 lekë dhe 5 498 euro.

Fondi i pensionit vullnetar 1 614 413 lekë.

Është paguar një kredi në principal 6 316 euro dhe interesa 367 euro.

Në dhjetor 2015 kredia ka detyrim të mbetur 111 387 euro.

Kredi e deklaruar më parë është shlyer gjatë vitit 2015 me vlerën 5 480 euro e mbetet pa shlyer 4 207 euro.

Artan Broci, anëtar i KLD (Ka mohuar aplikimin për vizë)

Bashkëpronar i një apartamenti me sipërfaqe 65.76 m2, dhuratë.

Të ardhura nga qiradhënia e një lokali 10 800 euro.

Të ardhura qiradhënie e një zyre 840 000 lekë.

Bashkëshortja të ardhura si notere 5 201 118 lekë. Qira nga subjekti Rexha-Gold shpk 3 600 euro.

Autoveturë tip benz në vlerën 1 000 000 lekë.

Djali z. Arlind Broci, 207 250 lekë Honorare si anëtar i KLD 102 000 lekë.

Paga si anëtar i Gjykatës së Lartë 1 573 316 lekë. Shtuar llogaria me 127 214 lekë. Shtuar llogaria me 99 816 lekë.

Shtuar llogaria me 59 855 lekë. Interesa nga depozita 10 375 lekë.

Investime në obligacione 5 000 000 lekë. Shtuar depozita në vlerën 10 000 000 lekë janë

Shtuar interesat 27 351 lekë. llogari rrjedhëse 207 718 lekë.

Llogari rrjedhëse e z. Broci 2 985 euro.

Shtuar interesat 331 133 lekë.

Depozitë e fëmijës 514 754 lekë.

Depozitë tjetër 526 226 lekë.

Llogari e bashkëshortes 716 312 lekë.

Llogari e bashkëshortes 300 euro dhe 3 400 000 lekë.(Shqiptarja.com)

Kreu i Kuvendit, Ilir Meta ka dalë në një konferencë për mediat për të mbajtur qëndrim lidhur me përplasjen mes ambasadorit amerikan, Donald Lu me Prokurorin e Përgjithshëm, Adriatik Llalla.

“Me kërkesën time sekretari i përgjithshëm i Kuvendit, ka kërkuar sqarime shtesë për vlerësimin e kryer nga Prokuroria e Përgjithshme, për plotësimin e kritereve për anëtarët e Këshillit të Emërimeve në Drejtësi”, tha Meta.

Kreu i Kuvendit shtoi se, Prokurori i Përgjithshëm ka kthyer përgjigje zyrtare, duke sqaruar se asnjë kandidat tjetër përveç tre emrave të dërguar nuk plotëson kriteret e vendosura nga Kuvendi për anëtarët e Këshillit të Lartë të Prokurorisë që do të përbehet nga 9 anëtarë.

Ambasadori i SHBA-ve në Tiranë, Donald Lu akuzoi dje se Prokurori i Përgjithshëm, Adriatik Llalla ka shkelur Kushtetutën duke dërguar vetëm tre emra për anëtarë të Këshillit të Lartë të Prokurorisë për tre pozicione.

Prokuroria zbatoi kriteret e vendosura

Meta theksoi se deri tani nuk ka asnjë ankesë se është përjashtuar nga lista për shkak të favorizimeve apo padrejtësive.

Kreu i Kuvendit shtoi se, do të kërkohet informacion shtesë nëse Prokuroria mund të ketë bërë lëvizje për të penalizuar kandidatët që plotësonin kriteret.

“Kemi kërkuar informacion shtesë për hir të transparencës në raport me publikun dhe partnerëve ndërkombëtarë”, tha Meta.

Frymën e Kushtetutës s’e vlerëson ambasadori

Gjatë pyetjeve të gazetarëve, Meta komentoi akuzat e Donald Lu për shkelje të Kushtetutës nga Llalla duke theksuar se këtë vlerësim mund ta japi vetëm Gjykata Kushtetuese.

“Frymën e Kushtetutës nuk e vlerëson askush, as Prokurori i Përgjithshëm, as Presidenti, askush”, tha Meta.

Lidhur me pretendimin e vetë Llallës se është shantazhuar nga ambasada e SHBA-ve, Meta u përgjigj: “Askush nuk e bllokon dot reformën në drejtësi dhe askush nuk e ngatërron dot atë”.

Përgjigja me vargjet e Agollit

Deklaratën Meta e mbylli me një varg nga poezitë e Dritëro Agollit, pa e specifikuar se për cilin e kishte.

“Në fillim të viteve ‘90, në disa vite të vështira të Shqipërisë, kur unë isha shumë i ri dhe rrija me Dritëro Agollin në rresht të parë në Kuvend, që edhe të mësoja sa më shumë, ai shkroi me dorën e tij kur unë isha pranë tij disa vargje shumë interesante që janë aktuale edhe sot.

Në vendin tim dhe në vendin tënd

Një kokë e çmendur, të gjithë i çmend

Nuk thash se kush ishte dhe kush është, por dua të them se në këtë vend për stabilitet kemi nevojë për bashkëpunim midis institucioneve dhe ftoj partnerët ndërkombëtarë që të jenë model për ne, të respektojnë institucionet”, përfundoi Meta.

TIRANË- “Kanë shoqëruar truprojën e ministrit të Mjedisit Lefter Koka. Në makinë ka qenë edhe bashkëshortja e tij. Ndërkohë që shoferi është punonjës i Gardës, ka pasur dokumentacion, ka pasur leje arme dhe leje qarkullimi”.

Kjo deklaratë e fortë e gazetarit investigativ të News24, Artan Hoxha duket se shkon në një linjë me deklaratat e bëra më parë nga ministrat dhe deputetët e LSI-së që kanë akuzuar struktura të Policisë së Shtetit për presione ndaj tyre. Gazetari Hoxha e ka dhënë mbrëmë këtë informacion në emisionin “Të Paekspozuarit” në “News24”.

Ai ka thënë se ngjarja ka ndodhur pak kohë më parë dhe i pranishëm ka qenë edhe shoqëruesi i ministrit, punonjës i Gardës së Republikë.

Sipas tij Policia ka ndaluar makinën kur ndodhej edhe bashkëshortja e ministrit Koka si dhe një përfaqësues juridik i biznesit të tij. Hoxha pretendon se pavarësisht kundërshtimit dhe kërkimit të sqarimeve për këtë akt, grupi i policëve me maska të zeza e ka shoqëruar mjetin ku lëvizte familja e ministrit Koka dhe është kontrolluar me imtësi.

Sipas deklarimeve të gazetarit ky incident është diskutuar edhe në mbledhjen e qeverisë në praninë e Edi Ramës, gjatë të cilës Tahiri ka pretenduar se ka qenë një keqkuptim. Ndërkohë mësohet se në këtë mbledhje për këtë ngjarje, ka kërkuar llogari dhe ka protestuar fortë edhe ministri i Drejtësisë, tashmë i shkarkuar nga Rama, Ylli Manjani, i cili ka thënë se “policia nuk mund të ndërhyjë te makinat dhe gratë tona”.

Hoxha ka shtuar se kjo ngjarje e rëndë që çoi edhe në shpërthimin publik të Lefter Kokës kundër drejtuesve të policisë së Durrësit, përkon me mbledhjen që Petrit Vasili ka bërë me deputetë dhe ministra të LSI, ku janë porositur që të kenë kujdes nga policia se ka informacione, se mund t`ju fusin drogë në mjetet e tyre.

Deklarata e Artan Hoxhës
Kam një rast që nuk është publikuar në media, por që ka qenë një incident që edhe në mbledhjet e Këshillit të Ministrave është përmendur. Unë nuk e di nëse ka qenë skuadra e operacioneve speciale apo kanë qenë forcat e ndërhyrjes së shpejtë, por kanë shoqëruar truprojën e ministrit të Mjedisit Lefter Koka. Në makinë ka qenë edhe bashkëshortja e tij. Ndërkohë që shoferi është punonjës i Gardës, ka pasur dokumentacion, ka pasur leje arme dhe leje qarkullimi. Ka qenë edhe një përfaqësues juridik i biznesit që ka zoti Koka.
Kjo histori ka përfunduar me shoqërim në polici. Fakti që u shoqëruar në polici dhe është ndërhyrë me maska…i kanë thënë për një verifikim dhe më pas e kanë lënë të lirë. Kjo histori ka krijuar problem dhe prandaj është përmendur Këshilli i Ministrave dhe zoti Koka është ankuar “pse duhet të ma bëni këtë gjë?”. Zoti Tahiri ka thënë se “është një keqkuptim dhe unë mesa kam komunikuar me drejtorin e Policisë më ka thënë që kjo është një keqkuptim”. Kjo nuk është kapërdirë kaq lehtë.
Me sa di unë në atë mbledhje ka folur edhe ish-ministri Manjani i cili ka thënë që këto janë metoda për të na krijuar probleme sepse policia nuk mund të ndërhyjë te makinat dhe gratë tona. Po ta lidhësh pastaj me porosinë që ka dhënë Petrit Vasili që “kini kujdes se policia mund të na vendosë nëpër makina lëndë narkotike…”. policia ka pasur informacion që një makinë deputeti është përdorur për të tilla gjëra.

Voal – Kryeprokurori Adriatik Llalla i ftuar në emisionin Opinion ka treguar se si iu hoq viza nga Ambasada Amerikane.

Ai tha se kishte marrë vizë diplomatike, së bashku me të shoqen.

“Më 31 dhjetor, gruaja  lindi në SHBA dhe pas kësaj ngjarjeje, ambasada më hoqi vizën.  Kjo ishte dhurata që më bënë për 31 dhjetor. Më hoqën vizën në një moment kur gruaja ime lindi në SHBA. Ata më thanë se viza nuk ishte më diplomatike, pasi në SHBA kisha shkuar për motivet e mia personale”, tha Llalla.

Kryeprokurori Adriatik Llalla kishte me vizë diplomatike, pra zyrtare, sikur edhe bashkëshortja e tij.

Por lindja e gruas në SHBA ishte një çështje private, ku zonja e tij përdorte vizën diplomatike për ta lindur atje fëmijën që menjëherë bëhej shtetas i SHBA, ndërsa prindërit e tij, pra Kryeprokurori Llalla dhe gruaja e tij me gjithë familjen e përfitonin shtetësinë amerikane pas disa vitesh.

A nuk është përfitim ky nga detyra shtetërore ?

Vajza e ambasadores së Shqipërisë në OKB Filloreta Kodra ka blerë në Gjenevë një shtëpi që sipas disa hulumtimeve të VOAL, rezulton të kalojë vlerën 1,2 milionë CHF (franga zviceriane), nisur nga zona ku ndodhet.

Media dhe portale shqiptare e kanë bërë të njohur këtë fakt që prej vitit 2016, por nga ambasadorja dhe vajza e saj lajmi nuk është përgënjeshtruar dhe vijon të mbetet i papërgënjeshtruar.

Duam t’i bëjmë me dije lexuesit se zona ku ndodhet banesa e vajzës së ambasadores Filloreta Kodra është një prej 3 zonave më të shtrenjta në Gjenevë.

Banesa e vajzës të saj ndodhet në Bulevardin Gustave Ador zona më luksoze e Eaux-Vives.

Bulevardi Gustave Ador buzë liqenit të Gjenevës është vazhdim i një prej 10 zonave më të shtrenjta në botë, sipas medias prestigjioze britanike DailyMail*.

Banesa e vajzës së ambasadores ndodhet përballë Baby-Plage, me pamje nga liqeni, një nga zonat më panoramike dhe është godina e fundit e bulevardit në kufi me ‘Parc de la Grand’.

Sipas të dhënave të një prej kompanive më të mëdha imobiliare në Gjenevë, për të marrë informacion për nivelin e çmimeve të shtëpive në këtë kuadrat banesash, rezulton se çmimet luhaten nga 12000 CHF – 33000 CHF për meter katror.

Vajza e ambasadores Kodra ka vetëm një vit që është punësuar në Gjenevë.

Bashkëshorti i saj emigrant, sot nënshtatas zvicerian, jeton për një kohë të gjatë në Gjenevë. Ai në fillim ka qenë student dhe më pas është punësuar.

Jeta në Zvicër është e kushtueshme, duke filluar nga qiratë e banesave, tek sigurimet shoqërore dhe ato shëndetësore, taksat dhe shumë e shumë shpenzime që nuk lënë hapësira për kursime në vlera të tilla monetare.

Pikëpyetja që kanë vendosur mediat dhe portalet në Shqipëri për këtë blerje është mëse të arsyeshme.

Ku u gjend kjo shumë parash për një blerje të tillë?

A e ka ndihmuar ambasadorja vajzën e saj?

Në Gjenevë janë me qindra dhe mijëra shqiptarët dhe shqiptarët nga Kosova që punojnë, ashtu si dhe bashkëshorti i vajzës së ambasadores, apo edhe si vajza e saj, por që e kanë të pamundur të blejnë një banesë të tillë, në një lagje si kjo nga më të shtrenjtat, buzë liqenit.

Edhe sikur të duan ta blejnë me kredi bankare, banka kërkon depozitimin e një pagese prim, që për këtë çmim shkon në minimalisht 350 mijë CHF paradhënie para ‘cash’.

E pra një njeri i vetëm, rrogëtar dhe jo biznesmen, është e pamundur t’i kursejë për 10 apo 15 vjet gjithë këto para edhe sikur ta privojë veten nga çdo kënaqësi apo argëtim.

Ne mendojmë që ky është një mision i pamundur, megjithëse kjo blerje na fakton të kundërtën. Me të drejtë mund pyesim: Pse nuk prononcohet ambasadorja për këtë çështje?

A mund të justifikojnë blerësit vlerën monetare nga të ardhurat e tyre të deklaruara?

PS Linku më poshtë jep çmimet për metër katror të zonës ku e ka blerë shtëpinë vajza e Ambasadores Filloreta Kodra

http://www.leonard-properties.com/en/quai-gustave-ador.html

* http://www.dailymail.co.uk/travel/travel_news/article-3310461/Global-billionaires-row-half-lives-tour-world-s-expensive-streets.html

Informohem se ambasadorja e LSI në OKB Gjenevë, i ka kërkuar me këmbëngulje vartësit të saj, punonjësit të ngarkuar me punë në Mision, Fatjon Demneri, që të më denoncojë në Prokurori, pas publikimit në Social Media FB të këtij dokumenti.

Ambasadorja pasi thyen ligjin 23/2015 duke ngarkuar me punë jo diplomatin me gradë më të lartë në këtë trup diplomatik, por atë që i do qejfi asaj, sepse kështu e kanë këta të LSI-së, qejfi i tyre është edhe Ligji i Republikës së Shqipërisë, i kërkon këtij djaloshit që e ka lënë disa herë të ngarkuar me punë, që të më denoncojë në Prokurori, për nxjerrje të dokumentit “shtetëror”…
Dokumenti më poshtë është i datës 10 Janar 2017, firma e të ngarkuarit me punë, e qartë, me emër dhe mbiemër, asnjë pjesë tjetër e dokumentit nuk është publike, megjithatë, ministria nga ku m’u dha dokumenti për informacion, ndoshta e ka publikuar edhe online. haha…

Atëherë, Fatjon Demneri duhet të më pohojë ose mohojë këtë që më sipër shkrova.

Nëse ambasadorja i ka ushtruar presion që të shkojë në Prokurori, le të ma pohojë dhe më pas nuk është nevoja të shkojë ai, ajo, ata, por shkoj unë. Pastaj të shikojmë me kë do të merren instancat, me publikimin tim, apo me thyerjen e ligjit nga ambasadorja dhe vartësit e saj.

I bëj me dije Ambasadores dhe Demnerit, që më janë dërguar në mënyrë zyrtare nga zyrat e UNOG edhe Notat Verbale ku Ambasadorja në Janar 2017, në Tetor 2016, lë të ngaruar me punë Fatjon Demnerin, konform ligjit për informimin, por këto nuk i publikova sepse e hartoj unë strategjinë e veprimeve të mia dhe do i depozitoj unë atje ku do të duhet, nëse do të duhet a nevojitet ndonjëherë.

Duke i kujtuar Fatjonit që është edhe ai bashkëshkelës i ligjit, teksa e di shumë mirë që nuk mund të pranojë të jetë i ngarkuar me punë (por në momentin e publikimit të parë, më mungonte vullneti që të fokusohesha edhe tek kjo çështje, megjithëse është çështje dhe Fatjoni ka thyer ligjin dhe nuk ka informuar për këtë MPJ-në).
…
Hajde të fala paligjshmëri që e ke emrin diplomaci alla LSI në OKB!
Në pritje të përgjigjes.

Voal do t’i rendisë jo në mënyrë kronologjike pretendimet që ka zonja Mariela Stefanllari, të cilat i paraqet si abuzime dhe shkelje të zonjës Filloreta Kodra, Ambasadore e Misionit Shqiptar pranë OKB-së në Gjenëve.

21 Janar 2017

Ambasadorja e Shqipërisë në OKB Gjenevë fut në telashe paligjshmërie financieren e Misionit.

Madam ambasadorja, kur emëroi burrin e saj financer, largoi nga detyra e financieres bashkëshorten e një diplomati, pa asnjë arsye. Por me një qëllim, menaxhimin e financave në “çift”. Kur shkelja flagrante me burrin financier u kap, ambasadorja e largoi burrin dhe i bëri “nder” një vajze të re që ia solli nënshtetësja zviceriane, punonjëse në këtë Mision, Dorina Xhixho, që rezulton qeder.

Ambasadorja e LSI që ligjin nuk e ka më as në fjalorin e saj formal, emëron Marsela London financiere.

Sipas informacioneve të sakta për muajin shtator 2015 diplomatët dhe punonjësit kanë firmosur dy herë borderotë, një herë me financier burrin A.Kodra dhe për të njëjtin muaj kanë firmosur të njëjtat bordero me financiere M.Londo (foto në status).

Pagën e muajit shtator kujt ia dha ambasadorja, burrit apo zjsh.Londo? Për t’u verifikuar, sepse presupozohet që pagat e burrit i ktheu në arkën e “dyqanit”.

Por, Ministria edhe pse financierja punonte në Mision, sipas edhe kësaj borderoje. nuk e kishte aprovuar emërimin e saj. E megjithatë Ambasadorja vazhdonte dhe e mbante në punë, vazhdonte dhe e paguante dhe zjsh.Londo firmoste si financiere.

Kjo vajza e paeksperiencë, që vetëm detyrën e financieres nuk kryente, pasi atje paratë i kishte në sirtar Ambasadorja, pranonte dhe firmoste verbërisht të gjitha financat, megjithëse e dinte që nuk kishte ende miratim, shkresë nga Ministria.

Po tani çfarë ndodh? Kur çështjet të hyjnë në dyert e prokurorisë dhe gjykatave? Fare e thjeshtë!

Përgjegjësi administrative dhe penale (penale sepse janë fonde publike), mban ambasadorja fillimisht, por edhe financierja. Por, jo vetëm kaq, kjo vajza duhet të kthejë pagat e muajve që ka punuar pa qënë e miratuar apo e aprovuar nga Ministria. Gjithashtu, emërimi i saj nga ambasadorja është kryekëput i antiligjshëm, pasi kishte personel disponibël nga familjet e diplomatëve, që kanë prioritet punësimi në trupat diplomatikë bazuar në Ligjin & Rregulloren e Shërbimit të Jashtëm.
…
Paligjshmëri që e ke emrin Ambasadore në OKB, si guxon dhe merr në qafë njerëz të rinj që sapo e kanë filluar jetën? Si nuk të vjen turp që i përdor dhe i shtrydh këta njerëz kështu?

Në fund, jam e bidur, një pjesë të madhe të përgjegjësisë, për të gjitha bëmat e Misionit, që drejton si ta kesh biznes privat, kur të shkosh para ligjit, do ua rasësh këtyre fakirëve, që punojnë atje për një kothere bukë!

Kanë prindër këta të rinj që t’i kujdesin, t’u hapin sytë, t’i këshillojnë se po i merr në qafë dhe po i keqpërdor ti? Ti nuk e ke problem t’i fusësh edhe në burg, për të shpëtuar veten.

Disa “zëra” (të pushuar pune) më thonë që për muaj me radhë ndryshohen fletë, firma dhe vula. Nga dosjet hiqen e shtohen dokumenta financiarë. Ti përpiqesh të mbulosh diellin e ligjit, me shoshën e paligjshmërisë. Larg qoftë, kjo e fundit mos jetë e vërteta!

Krim, turp, shumë turp!

25 janar 2017

Shplarrje zorrës, masazh etj., trajtime në OKB.

Ambasadorja e LSI në OKB Gjenevë dhe punonjësja e kundraligjshme e LSI në këtë Mision Dorina Xhixho (motra e zv.ministres së Integrimit) shpërdorojnë fondet e Eurosig, fondet e taksapaguesve shqiptarë, mes sigurimeve shëndetësore që u bën shteti shqiptar, për qejfe dhe masazhe, trajtime të çuditshme mes tjetërsim recetash apo vizitash mjekësore.
Dëshmi e vetë ambasadores dikur. Mund t’i kujtojmë edhe sherret që bënte me Eurosig dikur, duke përdorur Dorina Pirro Xhixhon. Dëshmitarë ka plot për organin e akuzës dhe hetimit.
…
Por kemi shkelje të shumëfishta të ligjit.
E para, Dorina Pirro Xhixho është nënshtetase Zviceriane dhe për rrjedhojë nuk mund të jetë personel i Ambasadës, por vetëm staf lokal. Për rrjedhojë sipas ligjit nuk duhet t’i paguhen sigurime shëndetësore.
Presupozohet dhe e ka me ligj, që në Zvicër duhet t’i paguajë vetë. Dmth Dorina Pirro Xhixho duhet të paguajë në Zvicër, si nënshtetase Zviceriane afro 700 CHF mesatarisht në muaj, për sigurime shoqërore dhe shëndetësore. Dmth një shumë të përafërt me pagën që paguhet nga Misioni, apo nga shteti shqiptar. Si është e mundur që kjo nënshtetase Zviceriane qëndron në një punë të tillë me këtë pagë që i mjafton vetëm për të paguar sigurimet?! Si përballon jetesën, ushqimin, sepse nuk ka të ardhura të tjera? Lyp apo e ushqen ambasadorja dhe kolegët?
Atëherë na lind e drejta të gjykojmë se ka dhe përdor forma të tjera, kjo shoqja që i “bie bretku” në punë. Ndaj i duhet makina me targa zyrtare diplomatike? Apo qëndrimi në Mision i sjell të ardhura të tjera zonjës (them zonjë sepse na rezulton e martuar me një grua nga komuniteti LGBTi në Gjenevë), sepse në këto 3 vjet e ca i bie që të mos ketë asnjë të ardhur për t’u ushqyer?
Nga ana tjetër ambasadorja dhe banditja Xhixho (bandite duhet të jesh që t’ia hedhësh shtetit shqiptar dhe zvicerian, me ndihmën e ambasadores apo duke e përdorur atë / sqarim për shmangie paragjykimi ), kanë shpërdoruar fondet e sigurimeve shëndetësore nga Eurosig, 7 mijë euro në vit për person.
Ambasadorja dhe Xhixho shpenzonin fondin duke ndryshuar dokumentacionin (dëshmi e vetë ambasadores) dhe trajtonin veten me shërbime si më poshtë, të palistuara në shërbimet e parashikuara që mbulon sigurimi shëndetësor, dmth sërish shkelje flagrante.
Ja disa shërbime dhe trajtime që i ofronin Ambasadorja dhe Nëpunëse e Misionit në OKB shtatit, me fondet e shtetit:
– Lavazh të zorrëve;
– Masazh;
– Trajtim në ujëra termale;
– Spa;
– Dhëmbë dhe ura, nofulla dhe çudira;
– Ndërhyrje estetike etj.
…
Një tjetër pistë e hetimit të Prokurorisë do të jetë edhe kjo.
Ka të drejtë Rama më duket. E po bëhet shtet me këto lloje?! Kurrë!
Prokuroria dhe Krimi Ekonomik, KLSH dhe çdo strukturë tjetër të dislokojë në këtë hanëmin e korrupsionit që ushtrohet nga ambasadorja e LSI dhe nga aktivistja LGBTi sërish LSI. Përkrah tyre, nën udut, ca fakirëve: një i ngarkuar “me punë” i PS, dikur djalë rrugaç, sot na rezulton kërpaç në duart e Ambasadores dhe Bandites Xhixho; një financiere mjerane që kush e di sa ka për të hequr prokurorive dhe gjykatave, me paligjshmëritë e faktuara në financat e Misionit. Ka edhe të tjerë, por që i kanë lënë fatmirësisht jashtë vathës së dallavereve, sepse kanë hasur në diplomatë karriere, ose me eksperiencë shumëvjeçare në diplomaci, ose që nuk kanë gjetur të përbashkëta në aftësi për korrupsion. Disa i kanë hequr që prej viteve 2014.
…
Nuk keni parë dhe nuk keni dëgjuar asgjë akoma nga Misioni.
Me zë dhe figurë do e keni ambasadoren, siç i shkon përshtat një lsi-steje të vërtetë, shpresoj.
Jo nga Stop, as nga kanale televizive, nga kjo faqe….
Guximi është pronë e intelektit o paligjshmëri që e ke emrin Ambasadore në OKB.

26 Janar 2017

Makina luksoze private e e Ambasadores së LSI në OKB Gjenevë

Makina luksoze, private, e Ambasadores së LSI në OKB Gjenevë, me kosto disa dhjetëra mijëra Euro(50), me kilometrash zero, blerë para disa muaj në përfaqësinë e BMW Gjenevë.

E ka deklaruar vallë, apo e ka kaluar në emër të ndonjë të afërmi edhe këtë pronë të paluajtshme ?

Në datën 9 shtator, sipas informacionit që na është dhënë nga Zyra e Automobilave, i ka vënë targa në Gjenevë. Të tjerat do i shohim.

Ku i gjeti gjithë këto te ardhura Ambasadorja?

Na del llogaria, për këtë shpenzim milionësh, vetëm nëse pranojmë që Ambasadorja ka disa vite pa ngrënë, pa pirë, për rrjedhojë zorrëbosh. Por nga ana tjetër lavazhet e disaherëshme të zorrëve, bërë me fondet e sigurime shëndetësore, pará të taksapaguesve shqiptarë, na e rrëzojnë si tezë (pangrënien). Për rrjedhojë nuk i ka Euro nga rroga “varfanjake” që i jep shteti shqiptar, nga thërrimet e një shteti që “nuk bëhet” (sipas saj).

31 Janar 2017

Ambasadorja e LSI në Gjenevë po jep SPEKTAKËL PALIGJSHMËRIE përkrah nëpunëses tjetër të LSI në këtë trup diplomatik.

Dy “mendjeboshe” po na pataksin në budallallëqe pas budallallëqesh, që i bëjnë në panik, por edhe me mentalitetin e LSI se mund t’ia hedhin edhe kësaj here, mendojnë se mund të luajnë me shtetin dhe organet e akuzës në Shqipëri dhe Zvicër, duke besuar se mund ta mbulojnë diellin me shoshë.
Makina private me targa zyrtare diplomatike në Misionin e Shqipërisë në Gjenevë, ka hequr targat diplomatike dhe ka vendosur sërish targa të thjeshta për një makinë civile (shikoni fotot).
Kjo makinë private e Dorina Pirro Xhixhos i kaloi shtetit jo thjesht në përdorim, por në pronësi, para disa vitesh, edhe leja e qarkullimit të kësaj makine figuronte në emër të Misionit të Republikës së Shqipërisë në Gjenevë. Tani, pas ndërrimit të targës i përket qytetares Zviceriane Dorina Xhixho.
Ambasadorja e LSI futi në inventarin e Misionit një aset, më pas i fali këtë aset, këtë makinë shtetërore një qytetari të huaj zvicerian. Si?!
Ambasadorja ka privatizuar një prej aseteve të shtetit shqiptar? Me çfarë procedurë? Si mund të ndodhë kjo?
Por të gjitha këto proçedura, që prej fillimit a i ka bërë me dije në MPJ? A i ka bërë me dije këto lëvizje pronësie tek Ministria e Punëve të Jashtme? A ka marrë aprovim prej saj?
…
Ndryshimin e targës, ambasadorja e ka bërë pasi lajmi për këtë skandal u bë publik nga media shqiptare.
Mes këtij akti ambasadorja zyrtarizoi shkeljen e ligjit kryer prej saj, duke kryer sërish një akt të kundërligjshëm.
Asnjë shkresë zyrtare për këtë makinë nuk figuron në MPJ. Ky është SKANDAL!
Diplomaci àlla LSI, për neveri.
…
Përse i duhej ambasadores dhe Dorina Pirro Xhixhos që kjo makinë private të kishte apo mbante targa zyrtare diplomatike dhe të dukej si makinë e shtetit shqiptar?!!!
Pyetja e parë që do të ngrehin organet e akuzës në dy vendet/shtetet. Më pas do të dëgjojmë përgjigjet e profaneve, që nuk e kanë idenë e shtetit. Mosha e tretë përkrah banditizmit, degjenerojnë shtetin dhe diplomacinë shqiptare në OKB.
…
Dorezat e boksit kanë zbukuruar dhe zbukurojnë portbagazhin e kësaj makine dhe përdoren nga drejtuesja e automjetit Dorina Xhixho (info nga struktura të pavarura të shtetit).
Qeveri àlla LSI, me muskuj.
Diplomaci àlla LSI, me muskuj.
Dumbarrallëqe àlla LSI, me trurin muskul.

Kjo aktivistja është gati për të qenë ushtare e bindur e paligjshmërisë. Gati për shërbim , por pas një zborri parapërgatitor me instancat e duhura në të dyja shtetet.
Suksese në Jetë!

26 Janar 2016

Vazhdon me shkelje Ambasadorja në Gjenevë, nuk ka të ndalur!
Ambasadorja e Shqipërisë në Gjenevë, informohem se ka vizituar Tiranën për disa ditë. Para se të vinte në Shqipëri, firmosi edhe një tjetër shkelje ligji dhe erdhi.
…
Kur ambasadori largohet nga detyra për disa ditë apo javë, me aprovim të MPJ, lë një të Ngarkuar me Punë, një diplomat që e zëvendëson, dhe është pikërisht diplomati me gradën më të Lartë, pas ambasadorit.

Por ja që nuk ndodh kështu në Gjenevën e ambasadores së LSI.

Ambasadorja e LSI as që e vret fare se çfarë thotë ligji, as që pyet fare për rregullin, ajo ka Kanunin apo Kanunoren e LSI… Kështu pra, ambasadorja lë të Ngarkuar me Punë në Gjenevë një djalosh, që sapo ka dalë nga bangat e shkollës, i paeksperiencë, dhe nuk lë të Ngarkuar me Punë diplomatit apo diplomaten, që në atë Mision mbart gradën më të lartë, konform ligjit/rregullit të aprovuar.

Pse vallë?

Që e bën me koshiencë këtë e dimë, por që e përsërit, sepse nuk është hera e parë që e bën, kjo më çudit.
…
Ambasadorja sërish në shkelje. Uf, e ka marrë ferra uratën diplomacia. Ka ministër në këtë MPJ? Po drejtorë të përgjithshëm ka?
Dokumenti që shikoni ka mbërritur në Tiranë me Mail, në disa Ministri dhe në Ministrinë e Jashtme. Ata atje nuk e shikojnë që këtë shkresë e ka firmosur ky djaloshi? Që si i ri mund të jetë më i mirë si IT.
…
Ku ka LSI ka rumpallë. Por janë infektuar edhe këta të PS nga koalicioni.
Nejse, unë dhe kryeministri jemi të vendosur të bëjmë SHTET…!
Pa modesti tani:
Unë edhe mund t’ia arrij. Por që t’ia arrijë Kryeministri, me këtë aleat, nuk e shikoj të ndodhë.
Ku të lënë këta të LSI të bësh shtet!

Voal denoncon të gjitha aferat korruptive të administratës. Meqë nuk është organ drejtësie, Voal pranon të botojë informacionet denoncuese dhe po ashtu u jep të drejtë palëve që të reagojnë.

Referuar akuzave për kultivimin dhe trafikimin e lëndëve narkotike si dhe mosarrestimin e Klemend Balilit, ka reaguar edhe Drejtori i Hetimit për Narkotrafikun në Policinë e Shtetit, Idajet Fasakaj.

Anëtari i Gjykatës Kushtetuese, Vladimir Kristo sulmon kreun e Kushtetueses, në lidhje me shortin e hedhur pak ditë më parë për anëtarët e Këshillit të Emërimeve në Drejtësi (KED).

Sipas tij, kur është hedhur shorti i anëtarëve, kreu i Gjykatës Bashkim Dedja të gjithë anëtarët e Kushtetueses i ka çuar si kandidat për te shorti, por Kristo mohon të ketë pasur dijeni për këtë.

I kontaktuar nga “Panorama Online” Kristo tha:

“Se fundi, edhe dicka per shortin me gogla qe u hodh te premten per anetaret e KED ne te cilin une u bera pjese ne menyre te njeaneshme nga kryetari i kesaj Gjykate pa dijenine dhe vullnetin tim.

Per te njejtat arsye si me lart por edhe per faktin se une jam ne konflikt interesi ne raport me objektin e veprimtarise se ketij Keshilli, deklaroj se Nuk do te jem pjese e tij.

Konflikti i interesit qendron ne faktin se, ky Keshill do te perzgjedhe edhe Anetarin e Gjykates Kushtetuese qe do te jete Zevendesuesi im…”

Shorti dha këtë rezultat:

Anëtarët nga Gjykata Kushtetuese: Besnik Imeraj dhe Vladimir Kristo (Altina Xhoxhaj, anëtar zëvendësues).

Anëtarët nga Gjykata e Lartë: Mirela Fana (Artan Zeneli, anëtar zëvendësues).

Anëtar nga Prokuroria e Përgjithshme: Rovena Gashi.

Anëtarët nga prokuroritë e Apelit: Gentian Trenova dhe Fatjona Memçaj.

Anëtarët e KLD-së nga Gjykatat e Apelit: Brikena Ukperaj Lubonja, Ervin Metalla.

Anëtar nga gjykatat administrative: Kastriot Selita (Gentian Medja, anëtar zëvendësues).

VOAL – Pas situatës së krijuar në koalicionin qeveritar me largimin e ministrit të Drejtësisë Ylli Manjani dhe reagimit të LSI-së, Rama mbledh urgjent kryesinë e Partisë Socialiste.

Mbledhja e kryesisë po zhvillohet në selinë rozë. Shkarkimi i Manjanit erdhi pas disa deklaratave të këtij ministri dhe të zyrtarëve të tjerë të LSI-së, por edhe kundërdeklaratave të zyrtarëve të Partisë Socialiste. Fërkimet brenda koalicionit dy ditët e fundit janë përshkallëzuar.

TIRANË- Një ditë pas shkarkimit të ministrit të Drejtësisë, Ylli Manjani, pjesë e LSI, kryetari i kësaj force politike Ilir Meta mblodhi gazetarët në një bashkëbisedim, dhe i dha një përgjigje aleatit të tij, Edi Rama kur tha se Ilir Meta nuk ka frikë.

“Ilir Meta në 2008-2009 dhe LSI edhe pse forca shumë të reja, kur dy kolegët e mi u bashkuan Rama dhe Berisha, për të bërë ndryshimet kushtetuese që synonin eliminimin e LSI. Ilir Meta nuk u dorëzua ndaj dy partive, jo vetëm kaq por u bë edhe faktor stabiliteti që Shqipëria të ecte para. Ilir Meta nuk dorëzohet para asnjë presioni, as nga Rama, as nga Berisha nga Basha jo e jo, as edhe nga vetë LSI”, tha ai.

A i beson Meta “faktet” e Manjanit
Sa i takon largimit nga detyra të ministrit Manjani mendoj se ka folur shumë LSI për këtë çështje. Ka folur një herë Erisa Xhixho në 12:30 në mënyrë shumë të qartë, dhe pas konferencës për shtyp të ministrit të liruar nga detyra, më duket se ka folur shumë qartë Luan Rama. Unë besoj se është e domosdoshme për të gjithë ne që të përqendrohemi tek problemet më të rëndësishme që ka vendi, te problemet që kërkojnë zgjidhje, dhe të gjithë së bashku të hedhim sa më pak shashka. Se njerëzit janë të lodhur nga kjo. Çdo zyrtar shqiptar që ka fakte për implikimin e çdokujt me krimin, duhet të ndjekë rrugën e drejtësisë. Kam qenë dhe jam për rrugën institucionale, aq më tepër kur secili prej nesh përfaqëson një institucion qeveritar, publik, e politik. Përndryshe vendi do të vazhdojë edhe 26 vite të tjera me retorika akuzuese, e shfajësuese, duke mos e konsoliduar shtetin ligjor, e duke mos patur nivelin e duhur të ndëshkueshmërisë. Ky është vizioni i LSI, kush del jashtë këtij mesazhi institucional, parimor, konstruktiv, padyshim që ka përgjegjësinë e tij.

Meta justifikon Lefter Kokën
Fryma e bashkëpunimit të koalicionit nuk është lajm për ju, dhe kjo nuk është shumë e mirëpritur as nga opozita. Deklarata e çdo politikani është e drejtë e tyre. Pavarësisht nga problemet që kanë partitë tona sa i takon nivelit të brendshëm politik, unë nuk mendoj se Koka ka patur arsye për të ngritur disa shqetësime, të cilat me sa më informoi i ka ngritur edhe më parë në rrugë institucionale. Kjo është e vetmja rrugëzgjidhje pozitive për problemet, dhe që i shërben jo thjesht çështjeve të mbarëvajtjes së një koalicioni, por edhe ecurisë në vend. Sa i takon mbarëvajtjes së koalicionit, ju them se probleme ka edhe brenda një force politike.

Reformat
Kryetari i Kuvendit, deklaroi ndër të tjera se vendi ka nevojë për të çuar përpara procesin e reformave, ndërsa çështjet që lidhen me krimin dhe korrupsionin duhet të ndjekin rrugën e drejtësisë.
“Çdo ministër, ish-ministër kur ka fakte duhet të ndjekë rrugën institucionale. Mjaft me shashka. Tymi e bën të pamundur çdo gjë. Jam për rrugën institucionale në luftimin e fenomeneve negative. Qytetarët janë të lodhur nga retorikat shfajësuese te politikës. Kush del jashtë këtij mesazhi institucional parimor ka përgjegjësinë e tij”, tha Meta.

Më tej, lideri i LSI veçoi rëndësinë e reformës zgjedhore që është çështja më shqetësuese dhe më alarmante e cila, sipas tij, duhej mbyllur me kohë. “Çështja e zgjedhjeve është serioze, nuk pret më, ne jemi të gatshëm në çdo ditë dhe natë, të mbyllemi diku dhe tu japim zgjidhje përfundimisht rekomandimeve të OSBE-ODIHR për çdo kërkese realiste. Vazhdimi transparent i kësaj reforme dhe krijimit të institucioneve të reja larg çdo ndikimi jotransparent, klientelist, besueshmëri”, apeloi kryeparlamentari.

Gjithashtu, Meta solli në vemëndje miratimin e 27 ligjeve të tjera në mënyrë që te mos vendosemi në mënyrë të papritur përpara situatave spontane. “Njëkohësisht dekriminalizimi është jetik për zgjedhjet. Për të garantuar integritetin e zgjedhjeve të 18 qershorit. Njëkohësisht ekonomia, jemi në marrëdhënie me FMN, është e rëndësishme qëndrueshmëria e ekonomisë sonë, përmirësimi i klimës së biznesit dhe rritjes së punësimit”, tha ai.

Ilir Meta deklaroi sot se LSI nuk do të jetë shtojcë e asnjë force politike në zgjedhjet e ardhshme, por forcë që i shërben stabilitetit dhe integrimit të vendit, ndërsa paralajmëroi aleatin e tij Rama se do të priste datën 19 qershor për koalicionin në zgjedhje. Sipas tij, nëse PS merr 71 mandate LSI del në opozitë.

“Do ju them të gjitha sorrave anti LSI se kjo parti nuk është parti klienteliste. Nëse PD në 2009 do kishte 72 mandate LSI nuk do kishte hyrë në koalicion. Nëse Rama konfirmon 71 mandate, LSI del në opozitë që tani. Nëse në 19 qershor, Rama dhe Basha konfirmojnë 71 mandate LSI do jetë në opozitë. Do votojmë gjithmonë çdo ligj që e kërkon integrim evropian”.

I pyetur nëse me këtë nënkuptonte se po pret rezultatin e zgjedhjeve, Meta tha: “Unë nuk thashë atë. Atë e përcakton LSI-­ja për koalicionin. Unë dhashë një përgjigje të qartë për çdo gazetar dhe çdo ngatërrestar. LSI ka përgjegjësitë e saj mbi Shqipërinë dhe kërkon t’i mbajë ato. Ne duam përmirësimin e qeverisjes së vendit. LSI nuk është, nuk ka qenë dhe s’do të jetë shtojcë e ndonjë partie politike që i ka 71 vota, apo mazhorance. Ne nuk marrim përgjegjësi, që për një debat të caktuar, apo mosmarrëveshje, ta çojmë vendin në një vakum qeverisjeje. Nëse dikush tjetër merr përsipër qeverisjen e vendit pa LSI­-në, është i lutur të vazhdojë, ne do të japim votat tona për ligjet e nevojshme për integrimin e vendit”.

Meta u ndal dhe tek koalicioni aktual me PS, duke theksuar se LSI po zbaton pikë për pikë marrëveshjen e 1 prillit.

“Fryma e bashkëpunimit të koalicionit nuk është lajm për ju, dhe kjo nuk është shumë e mirëpritur as nga opozita. Deklarata e çdo politikani është e drejtë e tyre. Pavarësisht nga problemet që kanë partitë tona sa i takon nivelit të brendshëm politik, unë nuk mendoj se Koka nuk ka patur arsye për të ngritur disa shqetësime, të cilat me sa më informoi i ka ngritur edhe më parë në rrugë institucionale. Kjo është e vetmja rrugëzgjidhje pozitive për problemet dhe që i shërben jo thjesht çështjeve të mbarëvajtjes së një koalicioni, por edhe ecurisë në vend. Sa i takon mbarëvajtjes së koalicionit, ju them se probleme ka edhe brenda një force politike.

Çështja e koalicionit me PS është çështje e një përgjegjësie që buron nga detyrimi ynë për koalicionin parazgjedhor, dhe për votat që kemi marrë në qershor 2013 për të bashkëqeverisur me PS në bazë të një marrëveshje dhe platforme, marrëveshja e Shkodrës e quaj unë, ju e quani e 1 prillit. LSI dhe Meta kanë qëndruar pikë për pikë, në gërmë dhe frymë të kësaj marrëveshje. Këtu ka patur raste kur përfaqësues të LSI nuk i kanë qëndruar kësaj marrëveshje, dhe në këtë rast LSI ka reflektuar.

Se çfarë koalicioni do të ndiqet i takon LSI. Kjo parti kërkon t’i përmbushë detyrimet me përgjegjshmëri maksimale, pa qenë e bindur se është një forcë perfekte, por e angazhuar për t’u përmirësuar, dhe për të zbatuar angazhimet e saj.

LSI nuk ka qenë dhe nuk do të jetë shtojcë e asnjë force politike, që i ka 71 vota. Për një mospajtim të caktuar, për një debat të caktuar. ne nuk mund të marrim përgjegjësinë të çojmë vendin në një vakum qeverisje legjitimiteti, dhe që mund të cënojë reformat dhe integrimin e vendit”, tha Meta.

Ju thatë se koalicionin do ta vendosin forumet e LSI, dhe po kështu thatë se po zbatoni marrëveshjen e Shkodrës. Por kjo marrëveshje parashikon bashkëpunim 8–vjeçar, si do veproni?
Besoj se në kohën e duhur forumet e LSI do të japin përgjigjet e duhura. Nuk duhet të kemi probleme në zgjedhjet e qershorit, se kjo do të thotë probleme me integrimin e vendit.

Kreu i LSI-së Ilir Meta, njëherësh kryetar i Kuvendit të Shqipërisë, është shprehur i vendosur për luftën kundër kanabisit në vend. Duke u shprehur se ky është një faktor shqetësues për vendin, Meta ka kërkuar angazhim maksimal të policisë, shërbimeve sekrete dhe të gjithë institucioneve përgjegjëse, që të luftohet në themel ky fenomen.

Meta tha se jo vetëm që “nuk duhet të shikohen më policë duke korrur kanabis”, por të mos lejohet fare mbjellja e tij.

“Policia dhe shërbimet sekrete nuk dua të shohim më policë duke korrur kanabis. Të gjithë institucionet të përfshihen për të parandaluar grupet kriminale për të sjellë farat e kanabisit. Aq më tepër që ky është një sezon që përkon me fushatën elektorale. Shteti duhet të tregojë forcën, dhe të bëjë këtë gjë, dhe të lërë deklaratat në televizione. Nuk duhet të vazhdohet me dënimin e hallexhinjve që punojnë në arat e kanabisit, por ata që e kontrollojnë këtë gjë. Mos të lejohet më kultivimi i kanabisit në vend”, tha Meta.

Një ditë më parë, në konferencën e mbajtur pas shkarkimit nga detyra e ministrit të Drejtësisë, Ylli Manjani tha se denoncimi i situatës me kanabisin në vend, ishte një nga arsyet e përplasjes së tij me kryeministrin Edi Rama.

Kreu i LSI-së Ilir Meta tha se i vetmi shqetësim që zyrtarët amerikanë ngritën gjatë kohës që ai vizitoi Shtetet e Bashkuara, ishte mos arrestimi i bosit të drogës, Klement Balili.

“Para disa kohësh keni ndjekur një shqetësim të ambasadorit amerikan për mos arrestimin e tij, dhe njëkohësisht dhe pikëpytjet që ngriti për institucionet shqiptare që vënë në pikëpytjet edhe seriozitetin e politikës kundër krimit. Në vizitën time të fundit, në një takim në luftën kundër krimit të organizuar dhe drogës, pata një bisedë me zyrtarët atje, ku mora fjalë të mira për reformën në drejtësi, të vetmin shqetësim ka pasur, më ka kërkuar, që të tërheq vëmendjen e autoriteteve ne vendin tonë për mos arrestimin e Balilit. Kjo është një çështje që nuk e ndihmon reputacionin tonë në bashkëpunim me ndërkombëtarët. Pas 20 janarit kemi një partner të ri, Presidentin Trump i cili ka disa prioritete të qarta, që kërkon nga vendet e NATO-s të rrisin kapacitetin e tyre, si dhe forcimin e kufijve jo vetëm të vendit të tij në luftën kundër krimit e drogës. Kështu mendoj se kjo është rruga më e mirë që të nxjerrim mësime se si të bashkëpunojmë në të ardhmen,” tha ai.

Gjithashtu kreu i kuvendit tha se ishte një përkrahës i flaktë i Policisë së Shtetit, pavarësisht akuzave të disa anëtarëve të LSI-së se policia është palë me krimin.

“Lidhur me cështjen e policisë jam përkrahës i fortë i Policisë së Shtetit edhe kur ajo është sulmuar nga banditë mes bulevardit. Kam qenë mbrojtës i flaktë i policisë së shtetit dhe i kam dalë për zot gjithmonë në mbrojtjen e ligjit. Dhe do vazhdoj ti mbroj, sepse polici është kontakti i pari i shtetit që përballet me krimin. Ashtu sikurse jam i bindur që të gjithë ata që nuk e meritojnë unifromën duhet të ndëshkohen ashtu siç duhet të dënohen dhe zyrtarët,” tha Meta.

Akuza të forta në adresë të kryeministrit dhe ministrave të kabinetit ka lëshuar Ylli Manjani, vetëm pak çaste pas vendimit të Ramës që e shkarkon atë nga posti që mbante në krye të Drejtësisë.

Duke thënë se nuk kishte asnjë arsye për të dhënë dorëheqjen dhe duke numëruar gjithë përplasjet me Ramën për cështje shumë sensitive në vend, Manjani ka theksuar se në kojhën që ai denonconte dhe kërkonte zbatimin e ligjit për arrestimin e Klement Balilit, ministrat e Ramës flinin me dashnoret në resortin e tij.

“U shtuan presionet kur bëra deklaratën për kanabisin. E bëra atë deklaratë si qytyetar i shqetësuar. Nuk kisha asnjë paragjykim dhe asnjë prapamendim. Kryeministri u nervozua dhe shtyu dy ministra të reagojnë kundër meje. Të gjithë ata ministra më shkelin syrin por kanë frikë të flasin. Që pas asaj situiate është shtuar presioni jo ndaj meje, por ndaj kryetarit të Kuvendit për largimin tim. Unë e di pse. Nuk është rastësi që bashkohet me emrin tim me dosjen e Klement Balilit. Ndërkohë që në Tiranë lidhej emri im me Klement Balilin, ministrat flinin me dashnoret te Santa Quaranta”- tha ai.

Ai theksoi se për këto akuza faktet i kanë shërbimet e huaja. “Mos m’i kërkoni mua, i kanë shërbimet e huaja të gjitha këto”- tha ai.

Manjani shtoi se ndihet i nderuar që eshte i shkarkuar.

“Do isha shumë i fyer po të jepja dorëheqjen. Unë nuk  marr përgjejgësitë e kanabizimit të vendit. Edhe sikur kjo të jetë dita ime e fundit e politikës. Këtë e kam shumë sinqerisht. Me shumë dashuri dhe me shumë dashamirësi. Nëse koalicioni vazhdon kjo është një ccështje që nuk më takon mua dhe sdua të dëgjoj më për këtë histori. E dini ju që në 30 dhjetor qeveria ka marrë një vendim pa u mbledhur. Shikoni TIMS, shumica e ministrave ishin jashtë shtetit. Si mund të jetë dakord ministri i drejtësisë me këtë çështje? Këto janë historitë. Këto janë ndarjet parimore. Këto gjëra nuk duhen thënë? Çfarë kam thënë unë? Kam thënë të arrestohet Klement Balili. Ndërkohë që unë bëja këtë drejtorët e policisë hanin dhe pinin te Santa Quaranta”- tha ai.

Nuk ndodh në asnjë Universitet të rajonit dhe as Europës. Çdo vit nga shkollat tona të larta dalin 1500 doktorë shkencash. Të paktë janë ata që synojnë shkencën e mirëfilltë sepse për pjesën më të madhe diploma e doktoraturës është një mundësi punësimi. Ky mentalitet i krijuar prej vitesh reflektohet edhe tek studentet e sotëm.

Sali Berisha me anë të një mesazhi në faqen e tij zyrtare në ‘Facebook’ bën diversion teksa bën sikur u ka dalë në mbrojtje deputetëve të LSI-së, ndërsa theksoi se urdhrin ministrit Tahiri për të sulmuar deputetët, pjesë e aleancës së koalicionit, ia jep Rama. Ish-lideri i PD-së shtoi se: “Petrit Vasili vuan nga mani e tmerrshme e persekutimit, shenja qe ai nuk i ka shfaqur kurrë, ose Edi Rama do me çdo kusht të lidhë Ilir Meten dhe LSI me drogën.”

Po postojmë të plotë statusin e Berishës në rrjetin social facebook:

Rama urdheron Saje Qorrin te sulmohen me droge deputet e LSI Vasili mbledh me urgjence grupin parlamentar te LSI!

Te dashur miq, mediat informojne se kryetari i grupit parlamentar te LSI, Petrit Vasili ka mbledhur me urgjence grupin e tij parlamentar me kerkesen me te çuditshme qe njeriu mund te degjoje ne historine e nje mazhorance parlamentare. Ai iu ka kerkuar me urgjence deputeteve te LSI, pjese e mazhorances qeverisese, te kene kujdes me makinat se policia do ju vendose droge, nderkohe qe me ligj policia nuk kontrollon makinen e deputetit. Keshtu qe duhet pranuar se, ose Petrit Vasili vuan nga mani e tmerrshme e persekutimit, shenja qe ai nuk i ka shfaqur kurre, ose Edi Rama do me çdo kusht te lidhe Ilir Meten dhe LSI me drogen. Ky vendimin ekstremis i Edi Rames eshte paraprire nga perpjekjet e tij te jashtezakonshme per t’i faturuar Ilir Metes, Eskobarin e Ballkanit.

Muaj me pare sapo doli emri i Eskobarit, Rama jo vetem perhapi fotot e inaugurimit te Santa Quaranta ku ishte i pranishem Ilir Meta por ai informoi trupin diplomatik dhe mediat se Klement Balili, sipas te dhenave te sigurta te policise mbrohet nga Ilir Meta madje edhe fshihet prej tij, cka veshtiresin dhe ben pothuaj te pamundur arrestimin e tij. Por shpejt, ky variant i mbijeteses se Balilit te fshehur nga Meta, ju kthye Rames ne bumerang.

Kjo sepse ne rast se Meta pengonte arrestimin e Balilit do te thote qe Rama per hir te qeverisjes nuk arrestonte Balilin, keshtu qe aleanca ishte e tera ne kurriz te Balilit. Pervec kesaj, Meta vet nuk kishte asnje fuqi ekzekutive mbi policine as ta pengonte dhe as ta urdheronte, keshtu qe ishte e qarte se Balili mbrohej direkt nga Edi Rama per te akuzuar Meten ose per te ndare me te vet dhe familjaret e tij milionat e eurove te krimit. Shtoj ketu se, per te lare duart me arrestimin e Balilit, muajin e fundit, Rama me Fugen e tij hapi llafin se ai ia ka besuar FBI-se arrestimin e Eskobarit, duke menduar se u çlirua nga akuzat qe rendonin mbi te per mos arrestimin e tij.

Levizja e fundit e Metes per t’i kerkuar presidentit te Republikes mbledhjen e Keshilli te Sigurise Kombetare, sado qe kishte edhe qellime personale, ishte plotesisht e justifikuar, pasi Eskobari i Ballkanit, i bere problem nderkombetar, jo qe nuk po arrestohej por perkundrazi po perdorej per alibira dhe qellime politike dhe leshonte nje hije te zeze mbi vendin tone. Me kete rast pershendes vendimin e presidentit per te thirrur per here te dyte Keshillin e Sigurise Kombetare per shkak te shnderrimit te Shqiperise ne Kolumbi te Europes.

Dhe natyrisht, thirrja heren e dyte per qendrimin e qeverise ndaj Klement Balilit, i shpallur nga agjensite nderkombetare te luftes kunder droges si Eskobari jo i Shqiperise por i Ballkanit eshte plotesisht e domosdoshme. Ne keto kushte, ne nje akt hakmarrje te verber, kreu i qeverise/ i drejtesise/ i policise, Edi Rama ka urdheruar ne nje akt ekstrem policine per vendosje droge ne makinat e deputeteve te LSI, anetare te mazhorances se qelbesirave! Te gjitha keto deshmojne kurthe, intriga, sulme, banale, vulgare, nderqeveritare te mazhorances se aleances se qelbesirave, por deshmojne para se gjithash se mbi cfare amoraliteti ekstrem qendron qeverisja e ketij vendi anetar i NATO-s dhe kandidat per anetar i BE! sb

Ben Blushi ka rrëfyer sot nje zenke qe ka ndodhur mes tij dhe kreut te Kuvendit Ilir Meta, ne kohen qe ata kane qene shoke klase ne gjimnazin “Sami Frasheri”. Ai ka thene se shkaku nuk i kujtohet, ndersa ka folur edhe se çfarë ka ndryshuar me Metën dje dhe sot.

Jeni zënë me grushta me Ilir Metën te “Sami Frashëri”… 

Histori të vjetra. Sot me Ilir Metën kemi vetëm dy gjëra të përbashkëta, që kemi qenë të dy te i njejti gjimnaz dhe që të dy i kemi selitë e partive te rruga “Sami Frashëri”. Është koicidencë, ne jemi fiks përballë tyre.

Konflikti per cfare ka qene? 

Ka qenë një zënkë klase, kemi qenë shoke klase.

Për ide politike ishte?

Atëherë s’fisnim për politikë, do ketë qenë një gjë shumë banale që mua s’më kujtohet, sherr klase por unë di që për atë shkak jam përjashtuar 2 javë nga shkolla.

Dhe s’ja merr mendja njeriut që Ben Blushi të jetë përjashtuar nga shkolla për dy javë….

Dhe s’besoj se do më ndodhë prapë që të zihem me Ilir Metën dhe të përjashtohem nga Parlamenti. (qesh)

Ndiqni videon për t’u informuar me shumë rreth historisë në fjalë!

– Cili është Atdheu i fëmijve të mi? Ndodhia e familjes time

Në gushtin e 2016-s unë isha në Tiranë dhe prisja familjen time nga Athina, ku jeton 24 vjet,  të vinte edhe ajo për pushime në Shqipëri. Fëmija i madh (punon në Zvicër, pasi mbaroi studimet universitare në Tiranë) mbërrin në Athinë për pushimet verore, por nuk pranoi që të vinte në Shqipëri. Edhe pse mamaja këmbënguli që fëmija të pranonte të vinin të gjithë  familjarisht për pushime në Shqipëri, fëmija kundërshtoi me forcë.

-Nuk dua më të shkoj as për vizitë në Shqipëri. Atë turp që më bënë  qeveritarët në Tiranë, duke më mohuar edhe praktikën mësimore, nuk do ta harroj tërë jetën time, – ishte përgjigja e prerë e fëmijës.

Dhe familja ime nuk erdhi për pushime në Shqipëri, sepse ndënji me fëmijën në Athinë. Unë, nuk munda ta takoj fëmijën, ngaqë isha në Tiranë.

Ndjeva boshllëk, hidhërim shpirtëror, jo aq për mallin, që nuk munda ta takoj atë gusht fëmijën, por  nga turpi ndaj atyre që qeverisin Atdheun tim.

Jo aq, që nga sjellja e keqqeverisjes së tyre, po na detyrojnë, që të ndahemi nga familjet tona, duke na detyruar të marrim rrugët e kurbetit, sepse në Shqipërinë e qeveritarëve tanë, nuk kemi më shpresë as për të mbijetuar përballë Mjerimit!!!

U ndjeva keq, përballë mohimit të fëmijës tim, që nuk do më të vijë as për vizitë në Atdheun vet.

U ndjeva keq, jo kaq sepse nuk mundesha, si prind, ta kundërshtoja, ngaqë fëmija im ka plotësisht  TË DREJTË, dhe unë nuk kam as të drejtë morale, as si prind, ta kundërshtoj dot.

Si prind ndjeva hidhërimin e madh, që pushtetarët tanë i mohuan fëmijës tim Atdheun e vet!!!

Fëmija lindi në Shqipëri, kur unë isha emigrant dhe e pashë fëmijën e parë, kur u ktheva në Atdhe, për herë të parë, kur fëmija ishte 3 muajsh. Fëmija, u rrit  2 vjet me gjyshin dhe gjyshen, sepse ne prindërit e foshnjës së porsalindur, emigruam dhe nuk kishim mundësi ta merrnim foshnjë.

Fëmijën e mora në emigrim, kur ishte 2 vjeç. Mbaj mend, që fillimisht fëmija nuk më njihte, që unë isha babai i saj. U rrit, mësoi në emigrim. Kur erdhi çasti të zgjidhte për profesionin që do studionte në universitet, kishte dëshirë të studionte për ushtarak. Në tërë ciklin shkollor arriti rezultate të shkëlqyera, por i mohuan të drejtën të ndiqte studimet në universitetet ushtarake, sepse nuk kishte shtetësinë e vendit ku jemi emigrantë. Fëmija, nuk mund ta pranonte, që vetë Shteti ta diferenconte nga shoqet  në shtetin që u rrit, u shkollua, dhe t’i privojnë  TË Drejtën e Studimit për çfarë dëshiron, vetëm e vetëm nga përkatësia kombëtare, ndaj nuk pranoi që të studionte në asnjë Universitetet tjetër, këtu, në shtetin që jemi emigrant.

E bindëm fëmijën, që të vazhdonte studimet në Tiranë, në vendlindje.

Fëmija u diplomua në universitet në Tiranë me rezultate të larta dhe bëri kërkesë në një universitet të Hollandës, për studime pasuniversitare të specializuar në profesionin që kishte zgjedhur. Universiteti i Hollandës, veç notave, i kërkon kriter edhe ushtrimin e praktikës.

Fëmija bëri kërkesë  në 2015 për të bërë praktikë në një institucion shtetëror në Tiranë. Drejtori i Përgjithshëm i institucionit nuk iu përgjigj kërkesës së fëmijës për praktikë, pa dhënë shpjegim. Takova Zvdrejtorin e  përgjithshëm i atij institucioni me ndërmjetësinë e zvministrit përkatës dhe ky premtoi të ndihmote. Por më vonë, edhe zvdrejtori i Përgjithshëm, nuk na përfilli, duke mos miratuar kërkesën për praktikë, por na tha, që  mund të ja jepte dokumentin që fëmija e bëri praktikën në institucionin përkatës. Fëmija nuk pranoi dokumentin, ngaqë donte të ushtrohej në praktikë.

Në një moment dëshpërimi, fëmija më thotë:

-Babi, përse më detyruat të vija të studioja në Shqipëri, kur këtu më mohojnë  edhe të drejtën të bëj një praktikë, për t’u pranuar për master në universitetin e Hollandës?

Nuk dija çfarë përgjigje t’i thosha fëmijës, por ndjeva fajësi prindërore, që solla fëmijën tim të studionte në Vendlindjen e vet, sepse ky faji im prindëror, po i bëhet pengesë për t’u arsimuar në jetën e tij. I ngarkuar me peshën e këtij faji, i dërgoj deputetit Fatmir Xhafa një mesazh në telefon, duke përfituar nga njohja personale që kisha, si gazetar, me këtë përmbajtje: “Zoti Xhafa, ju na premtuat Rilindjen e Shqipërisë! Si mund t’ju besojë fëmija im, të cilin e solla nga Athina të studiojë universitet në Tiranë, që qeveria juaj socialiste do të Rilindë Shqipërinë, kur drejtorët tuaj i mohojnë fëmijës të drejtën e një praktike pasuniversitare (pa kërkuar shpërblime financiare, as punësim) në një institucion shtetëror, e cila i duhet për t’u pranuar në Universitetin e Hollandës për Master? Zoti Xhafa, ju lutema na thoni: Ta çojmë në Athinë të bëjë këtë praktikë, sepse këtu në Shqipëri këtë të drejtë ia mohojnë drejtorët tuaj?”

Pas disa orësh, më telefonon ai zvdrejtori i Përgjithshëm i institucionit, i cili fillimisht, edhe pse na premtoi, më vonë nuk e dha autorizimin  për kryerjen e praktikës.

-Sapo më telefoi zoti Xhafa. Nesër hajdeni të merrni autorizimin për praktikë.- më thotë zvdrejtori i Përgjithshëm, i cili është emëruar nga PS në atë institucion.

– Po ju deri tani, na i mohuat këtë të drejtë, pa na dhënë shpjegime, – i them me një ton ironie.

– Derisa më urdhëroi zoti Xhafa, të vini nesër e ta mirrni autorizimin dhe të filloni praktikën.

Të nesërmen, pasi morëm autorizimin e firmosur nga drejtori i Përgjithshëm i institucionit, shkojmë me fëmijën te drejtoria përkatëse. Dorrëzuam autorizimin dhe prisnim që fëmija të pranohej aty për të filluar praktikën.

Pas disa orësh, na telefonon një nëpunës, Ii cili na pohoi që është përgjegjës për edukimin në drejtori (subjekti i praktikës).

-Fëmija juaj nuk do të bëjë praktikën këtu. Unë nuk e pranoj, sepse nuk dua ta njoh firmën e drejtorit të Përgjithshëm të institucionit!

Sado u mundova të sqarohesha, nëpunësi që më telefonoi, ma bëri të qartë. Ai vendos në atë drejtori kush do bëjë praktikë dhe jo drejtori i Përgjithshëm, madje as ministri vetë, po ta urdhërojë!!!

I telefonoj drejtorit të Përgjithshëm të institucionit. Ai nuk e hap telefonin, edhe pse e njihte numrin tim. I dërgoj mesazh foton e shkresës,  dhe e pyes, a është firma e tij në shkresën që më dhanë, apo u tall me ne, derisa vartësi i tij, nuk ia njeh firmën dhe shkresën e vulosur nga ai. Sërish drejtori i Përgjithshëm nuk kthen përgjigje!!!

Fëmija, duke parë, që nuk e pranojnë të bëjë praktikën, edhe pse kemi në dorë shkresën e Drejtorit të Përgjithshëm të institucionit, më thotë:

-Babi, vërtet akoma do të më thuash, që unë të punoj këtu në Shqipëri? E kupton, sa më fyejnë tani këta që qeverisin Shqipërinë sot, duke mos më pranuar të bëj as praktikën, që më kërkon universiteti në Hollandë???

Të nesërmen kërkuam që fëmija të bënte praktikë në një institucion tjetër shtetëror që ka lidhje me specializimin pasuniversitar që do të studiojë fëmija. Drejtori i Klinikës e pranoi kërkesën. Pas 15 ditëve praktikë, drejtori i Klinikës na thotë, që të bëjmë një kërkesë në drejtorinë e Institucionit, që ata të miratojnë praktikën e fëmijës, për ta dhënë më vonë vlerësimin në mënyrë zyrtare, siç e kërkon procedura. Pas 10 ditëve nga kërkesa që bëmë në drejtorinë e Institucionit, përgjigja që dha drejtoresha e institucionit është refuzim i kryerjes së praktikës, me arësyetimin, që ky institucion nuk ka marrëveshje me universitetin, ku është diplomuar fëmija im.

E sqarojmë drejtoreshëm, që fëmija është diplomuar nga Universiteti, por praktikën ia kërkon universiteti i Hollandës, si kriter pranimi për studime pasuniversitare. Drejtoresha e institucionit nuk pranoi më, as të na dëgjonte, as të na sqaronte më!!!

I dërgoj një mesazh ministrit Ilir Beqaj, si ministri që ka në varësi institucionin, duke i thënë: “Zoti ministër. A mund t’i jepni ju fëmijës tim, motiv, arësye, që të kthehet nga emigracioni ku jeton dhe studion, e  të punojë e jetojë  në Shqipëri, kur në Shqipëri drejtoresha juaj tani i mohon edhe të drejtën që të  kryejë një praktikë, për të përmbushur kriterin e pranimit për studime pasuniversitare në një universitet të Bashkimit Europian? Po të ishte fëmija juaj dhe kjo drejtoreshë t’i mohonte të drejtën të kualifikohet në institucionin shtetëror, ju, si prind, çfarë do të bënit?”.

Ministri Beqaj më kthen përgjigje: “Derisa drejtoresha ju ka thënë “JO”, unë nuk e detyroj dot. Por, ju çoj në këdo tjetër institucion që të doni ju”.

Mirëpo, praktika nuk mund të bëhej në tjetër institucion, për shkak të specializimit pasuniversitar që dinte fëmija të kryente.

Në ndërkohën që fëmija studionte në universitet në Tiranë, i jepet edhe shtetësia greke, ngaqë, si fëmijë emigrante, plotësoi të gjitha kriteret e ligjit.

Derisa në Tiranë fëmijës i mbyllën çdo portë në institucione shtetërore, për të bërë praktikë specializimi për studime pasuniversitare, i telefonoj zvministrit grek R.S, dhe i kërkojmë ndihmë që fëmija im, ngaqë tashmë ka edhe shtetësinë greke, të bëjë praktikën në një institucion shtetëror në Athinë. Zëvendësminsitrit grek i kërkuam ndihë, duke përfituar nga njohja familjare që kemi, sepse unë dhe vëllezërit e mi emigrantë kishim punuar 4 vjet në fermën e familjes së tij. Zëvendësministri grek, më kujton  që e mban mend fëmijën tim, që kur  hidhte hapat e para atje në fermën e tyre, më thotë që gëzohet tani, që fëmija im ka mbaruar universitet  dhe i premton çdo ndihmë të menjëhershme për studimet pasuniversitare.

Viti akademik 2016 u “dogj” për studimet pasuniversitare për fëmijën tim, ngaqë drejtorët e Përgjithshëm të institucioneve shtetërore në Tiranë, ia mohuan fëmijës të drejtën të kryejë praktikë të specializuar, për të përmbushur kriteret  e universitetit të Hollandës për studime  të specializuara pasuniversitare!!!

Asnjë nga drejtorët e Përgjithshëm të Rilindjes Socialiste nuk i arësyetoi  rrefuzimin fëmijës, të bazuar në  ndonjë ligj, që i mohuan të drejtën e praktikimit për studime pasuniversitare, në institucione shtetërore. Përkundrazi. Po këta drejtorë të Përgjithshëm të Rilindjes Socialiste, pamë që  nuk pyeteshin fare nga vartësit e tyre, edhe kur u jepnim vartësve shkresat e vulosura nga drejtorët e tyre. Dhe, po kështu, këta drejtorë të Përgjithshëm të Rilindjes Socialiste, ndryshonin urdhërat e tyre që firmosin dhe vulosin, nëse  u telefononte  ministri dhe deputeti “I fortë”, dhe, në raste të tjera, ata vetë  nuk pyesnin fare, as ministrin që kanë epror!!!

Asnjë nga shqiptarët, nuk emërohen në Shtetin e Rilindjes Socialiste, ngaqë ka studiuar dhe është specializuar në universitetet e Europës, apo të Botës. Asnjë shqiptar, nuk mund të emërohet në Administratën Publike të shtetit që qeveriset nga Rilindja Socialiste, me kriteret e MERITOKRACISË, Intelektualizmit, Personalitetit!!!

Në Shtetin ku qeveris Rilindja Socialiste, shqiptarët mund të punësohen vetëm nëse katandisen puthëdorë dhe servilë të kryeministrit socialist, nëse financojnë fushatat zgjedhore të kryetarit të Partisë Socialiste.

Në realitetin e Shqipërisë, që qeveriset nga Rilindja Socialiste, nëpunësit e Administratës Socialiste nuk u shërbejnë as shqiptarëve, as Shqipërisë, por janë shërbëtorë të interesave personale dhe partiake të kryeministrit Edi Rama!!!

Ju, ED, si kryeministër, me Partneritet Publik Privat, u vodhe shqiptarëve, jo vetëm Tokën, Ujin, Ajrin e Shqipërisë, por u vodhe, edhe fëmijve tanë, edhe universitetet Publike!!!

Atëhere, ju pyes, zoti Ed, kryeministri i Rilindjes Socialiste:

-Cili është Atdheu i fëmijës tim? Ai Atdhe, që qeveriset nga ju, dhe i mohoni fëmijës tim edhe dëshirën, edhe përpjekjet për t’u arsimuar?

Ju, kryeministri Ed, i keni marrë peng fëmijës tim, Atdheun e tij, sepse me (keq)qeverisjen tuaj, Atdheun, ku lindi fëmija im, e trajtoni plaçkë, që e shitni dhe e bleni në tregun e Korrupsionit.

Ju, kryeministri Ed, me keqqeverisjen tuaj, e fyeni, e injoroni fëmijën tim, edhe ndaj dëshirës që ka për t’u arsimuar në Atdheun e vet, saqë fëmija im të mos dojë të shkelë më në Atdheun e poshtërsuar nga keqqeverisja juaj!!!

Ju, kryeministri Ed, duke e trajtuar Shqipërinë, si një copë tokë, që e shisni për të bërë miliardat  euro që depozitoni nëpër OFSHORET e Panamasë, u vrisni fëmijve tanë, që lindin dhe rriten në emigracion, edhe ndjenjën e atdhedashurisë, edhe krenarinë për Atdheun, sepse turpërohen, kur qeveritarët si Ti, i mohojnë të DREJTËN E SHKOLLIMIT në Atdhe!!!

Ju, kryeministri Ed, a keni lënë më ndonjë copë nga Shqipëria, pa e dhënë me koncension, që fëmijët tanë, ta ndjejnë se është akoma Atdheu i tyre?

Ju, kryeministri Ed, u mohoni fëmijëve tanë në emigrim Atdheun e tyre, u keni vrarë  fëmijëve tanë emigrantë edhe dëshirën  të vinë në Atdhe një vizitë te gjyshi dhe gjyshja, ngaqë ua bëni shtetin, ku ju qeverisni, një vrasës të ëndërrave, të dëshirave të tyre, sepse realtiteti juaj qeverisës është jashtë çdo imagjinate të tyre.

Sepse  shteti që ju qeverisni,  kryeministri Ed, është FRIKA e fëmijve tanë emigrantë.

Ju, kryeministri Ed, i trajtoni fëmijët tanë emigrantë, si të jenë armiqtë tuaj të klasës, ngaqë NUK JANË  pagëzuar si fëmijët e FRESSH-it dhe NUK JANË militantëe e tu partiakë.

Ju, kryeministri Ed, i detyroni shqiptarët, të shpëngulen nga Atdheu -Shqipëri dhe të katandisen azilantët e bukës së gojës nëpër Botë, sepse keni vrarë edhe shpresën për të mbijetuar nga Mjerimi dhe Varfëria e madhe që kultivojnë korrupsionet, tenderimet e pasurisë së Shqipërisë nga qeverisja juaj.

Ju, kryeministri Ed, e qeverisni Shqipërinë, jo sepse jeni, apo ndiheni patriot! Jo, sepse jeni atdhetar! Jo, sepse ndiheni shqiptar!

Ju, kryeministri Ed, e qeverisni Shqipërinë, që ta vidhni, duke detyruar parlamentin që të votojë koncensionet, me të cilat u shisni klientëve pasuritë e Shqipërisë për 30 vjet, për 99 vjet! Ju, kryeministri Ed, që mandatin e qeverisjes e keni 4 vjet, ndërkohë, që Shqipërinë e jepni koncension për 99 vjet!!!

Atëhere, cila Shqipëri është Atdheu i fëmijve tanë?

Kreu i Bashkimit të Sindikatave të Pavarura në Shkodër, Albert Tuka, ka hyrë në një marrëveshje gjatë natës me grevistët e urisë që kanë qëndruar pranë prefekturës për të zgjidhur çështjen e dëmshpërblimeve të tyre për përmbytjet e 2010-2011-ës që nuk iu janë paguar nga shteti. Sipas kësaj marrëveshjeje, që shçnon fillimin e negociatave me prefekturën, grevistët edhe janë zhvendosur në një ambient tjetër me ngrohje.

Grevistët janë tetë: Gjon Lasku, Pal Marku, Frrok Kola, Lush Ndoci, Arben Kola, Mhill Guri, Skënder Mhilli dhe Dritan Ndreu.

Dje, Policia e Shtetit krijoi gardh rrotull grevistëve, duke shkaktuar indinjatë; grevistët u mbështetën edhe nga kryebashkiakja Voltana Ademi, që deklaroi nëpërmjet rrjeteve sociale se ‘kjo është alternativa e kësaj qeverie për Shkodren, asnjë lek, asnjë fond, asnjë interesim. Në vend të zgjidhjeve për njerëzit, ofrohet dhunë, kordona policie. Të përmbyturit janë në të drejtën e tyre, por diskriminohen hapur nga Edi Rama e qeveria e tij që pas braktisjes po tenton të fuse dhe konfliktin në qytetin më të madh të Veriut, – ka nënvizuar Ademi. –  Meqe ai nuk votohet në Shkodër, hakmerret dhe çon deri në fund trillet e tij. Nuk i ka bërë mirë llogarite. Shkodra dhe shkodranët nuk jane sunduar me polici e forca të armatosura as në ditët me të këqia të diktatures. është koha që ai të reflektoje, të ndryshoje raportin me Shkodrën, duke respektuar në mënyrë të barabartë të drejtat e çdo individ në këtë vend, e të ushtroje detyrimin që ka si kryeministër.”

Deputetja e Shkodrës, Jozefina Topalli, po ashtu i ka mbështetur fuqimisht grevistët. “Situata e grevisteve ne Shkoder eshte dramatike,- deklaroi Topalli. – Ne kete te ftohte te eger , ku njerezit kane ftohte edhe neper shtepia , grevistet jane jashte , nen qiell te hapur. Eshte çnjerezore braktisja e tyre ne kete te ftohte te acarte . Greva kerkon kushte. Grevisteve i duhet siguruar me urgjence nje ambjent i ngrohte. Shteti e pushteti t ‘i siguroje kushtet greves.”

“Hapja e dosjeve të ish-sigurimit mund të sjellë pas trazira në shoqëri”. Deklarata vjen nga kryetarja e Autoritetit për Hapjen e Dosjeve të ish-sigurimit të Shtetit Gentiana Sula.

E ftuar në “Ora e intervistës” ne Ora news, Sula tha se procesi është delikat por në përfundim ka për qëllim shkëputjen njëherë e mirë nga e kaluara komuniste.

“Nuk është e kolljashme të përballesh me një gjë të rëndë që ka ndodhur në familjet, në lagjen, ose në qytetin ose në shoqërinë tonë.

Është një dhimbje e madhe dhe vetë shoqëria pas 25 vitesh akoma nuk e ka hedhur akoma këtë hap, unë them që është një peshë e madhe është një plagë që me përulje i afrohemi, nuk është se do jetë një gjë e thjeshtë. Është thënë që shpesh herë mënyra si ka vepruar sigurimi ka qenë me dhunë, me shtërngim. Kështu që kjo është një aspekt që e vë ne pozitë atë që ka shpërbyer pa dashje si instrument”, deklaron Sula.

Pikërisht për këto arsye, rekomandon ajo, grupet që do të jenë të angazhuara me këtë proces duhet të vendosin ngjarjet në kontekstin e kohës.

“Unë i vë shumë theksin rolit që do kenë historianët, gazetarët, publicistët që ta tregojnë si ka funksionuar makineria e dhunës që pastajs ecili ta kuptojë rolin që ka pasur në këtë lojë që është bërë me qytetarët”, kryetarja e Autoritetit për Hapjen e Dosjeve të ish-sigurimit të Shtetit.

Sula paralajmëroi se interesi do të jetë i lartë, teksa në përfundim çdo qytetari i lind e drejta të shohë dosjen e vet.

Voal.ch shkruan se pas lajmit të vetëvrasjes të të riut 31-vjeçar që i dha fund jetës mesditën e së hënës, në pamundësi për të paguar faturën e kripur të energjisë elektrike, ka reaguar Ajtanga Lubonja, e cila po ashtu gjendet në kushte shumë të vështira ekonomike. Si e persekutuar politike ajo nuk ka marrë dëmshpërblimin për vitet e vuajtjeve që nuk kanë marrë fund as pas rrëzimit të diktaturës. Ajtanga prej 25 vitesh jeton në një dhomë në Qytetin Studenti dhe tani i kërkojnë të paguajë 120 mijë lekë për energjinë elektrike, kur ajo merr 157 mijë lekë pension, është diabetike dhe në kushte të trishta. Deri tani askush nuk e ka ndihmuar, paçka se Ajtanga ka trokitur në dyert e shtetit që ekziston veç për shtetarët dhe jo për qytetarët.

Viktima që u vetëvar është Klajdi Muça, i cili kishte dalë nga burgu vetëm prej pak ditësh, pasi përfitoi nga amnistia. Fatura që i duhej të paguante, në mënyrë që OSHEE-ja të mos i priste dritat, ishte 80 mijë lekë të rinj.

Para që ai e kishte të pamundur t’i gjente, për shkak të kushteve të vështira ekonomike, pasi viktima ishte edhe i papunë dhe gjatë kohës që ishte në burg i ishin mbledhur shumë borxhe. Ngjarja ndodhi të hënën në banesën e viktimës, në rrugën “Jehona”, në Kamzë të Tiranës. I riu u gjet i varur në një pemë në oborrin e shtëpisë nga i vëllai, i cili menjëherë lajmëroi policinë.

Pas këtij lajmi Ajtanga Lubonja ka shkruar në rrjetin social duke iu drejtuar Klajdi Muçës:

” O Bir, ti ike, se nuk munde të paguash…

Më prit po vi edhe unë!

As unë nuk mundem të paguajë energjinë elektrike,

jam e persekutuar politike

me një pension qesharak,

e sëmurë!

Dhe shteti nuk më jep dëmshpërblimin e të persekutuarit

dhe më vë faturën 120 mijë lekë për një dhomë konvikti!

Më prit bir !

Po vi!”, shkruan Ajtanga Lubonja duke paralajmëruar vetëvrasjen!

Po shteti i tregon dhëmbët e egra! Si në diktaturë ashtu edhe tani në këtë sistem të kalbur!

Kush dëshiron ta ndihmojë Ajtanga Lubonjën të mos e lerë në duart e shtetit gjakpirës.

E persekutuar nga komunizmi dhe demokracia. Me zor shtyn jeten. Kush ka mundesi ta ndihmoje:

Ti dergojme ca leke ne llogari se shteti nuk do ti jape leket qe i takojne. Te paguaje dritat.

Kontoja bankare nga ku mund të ndihmohet  Ajtanka. ja të dhënat si më poshtë:

Atanka Llazar Lubonja.
Raiffeisen Bank SHA
IBAN AL67202112570000000021048996 ALL
IBAN AL97202112570000000001048996 CHF
IBAN AL82202112570000000011048996 EUR
SWIFT CODE: SGSBALTX

Ushqimet ja gjeti nje mik i dashur.

Ju lutem ta perhapni, se ajo e meriton.

Klajdi Muça, 31-vjeçari që u vetëvra në Kamzë
Një 31-vjeçar i ka dhënë fund jetës mesditën e së hënës, në pamundësi për të paguar faturën e kripur të energjisë elektrike, raporton “Panorama”.

Viktima është Klajdi Muça, i cili kishte dalë nga burgu vetëm prej pak ditësh, pasi përfitoi nga amnistia. Fatura që i duhej të paguante, në mënyrë që OSHEE-ja të mos i priste dritat, ishte 80 mijë lekë të rinj.

Para që ai e kishte të pamundur t’i gjente, për shkak të kushteve të vështira ekonomike. Ngjarja ndodhi të hënën në banesën e viktimës, në rrugën “Jehona”, në Kamzë të Tiranës. I riu u gjet i varur në një pemë në oborrin e shtëpisë nga i vëllai, i cili menjëherë lajmëroi policinë.

Në vendngjarje shkuan menjëherë shërbimet e Komisariatit nr.5, që konstatuan vetëvrasjen e 31-vjeçarit, baba i një fëmije të mitur. Trupi i tij u dërgua në Mjekësinë Ligjore ku iu nënshtrua ekzaminimeve, ndërsa policia nisi menjëherë hetimet për të zbardhur shkaqet e vetëvrasjes.

Burimet thanë se familjarët kanë pretenduar se ngjarja ka ndodhur për shkak të problemeve të shumta ekonomike, pasi viktima ishte edhe i papunë dhe gjatë kohës që ishte në burg i ishin mbledhur shumë borxhe.

Nga ana tjetër, ata kanë treguar edhe një debat që ai kishte bërë në zyrën e OSHEEsë që ndodhet përballë Bashkisë Kamzës, pasi kishte mësuar shumën që i duhej të paguante për dritat. Në momentin që ai ka debatuar me arkëtaren, aty ka pasur dhjetëra dëshmitarë që prisnin në radhë për të paguar dritat.

DËSHMITARËT

“Ku kam mundësi unë të paguaj kaq para? Veç të vras veten…” Këto kanë qenë fjalët e fundit të 31-vjeçarit Klajdi Muça, në zyrën e OSHEE-së në Kamzë, që janë dëgjuar nga dhjetëra dëshmitarë mesditën e së hënës, raporton “Panorama”.

Menjëherë pasi ka debatuar aty, Muça është larguar duke përplasur derën dhe ka shkuar në shtëpinë e tij, që ndodhet në një rrugicë përballë Bashkisë së Kamzës, pak metra larg zyrës së OSHEE-së. Atë që kishte thënë në nerva e sipër, 31- vjeçari e ka bërë realitet me të mbërritur në shtëpi, duke lidhur një litar në një prej pemëve në oborrin e banesës dhe më pas është vetëvarur.

“Ai mund të ketë pasur edhe 100 halle të tjera, sepse e njoh dhe ia di vështirësitë, por unë isha aty kur debatoi me arkëtaren. Ishin shumë para për t’u paguar. 80 mijë lekë për një faturë janë shumë edhe për ata që kanë rrogë, jo për atë që ishte i papunë dhe me një fëmijë të vogël për të rritur. Iu mblodhën të gjitha hallet bashkë dhe vrau veten”, u shpreh një nga dëshmitarët që po priste në radhë në zyrën e OSHEE-së për të paguar dritat.

Ndërsa një tjetër dëshmitar, që është edhe fqinj i viktimës, tha se sapo mori vesh për vetëvrasjen e kuptoi se motivi ishte ai, për të cilin debatoi në zyrat e Operatorit të Shpërndarjes.

“Sapo mora vesh që Klajdi kishte vrarë veten, e kuptova pse e kishte bërë. Ai e tha në sy të të gjithëve që do vriste veten. Madje, edhe arkëtarja i tha: ‘Nuk kam çfarë të bëj, vrit veten…’”, tregon dëshmitari.

FAMILJARËT

Të gjendur të papërgatitur përballë asaj që u ka ndodhur, familjarët e Klajdi Muçës thanë se nuk ishin gati të komentonin atë që ka ndodhur. Megjithatë pranuan se ai kishte shumë probleme ekonomike dhe sociale dhe, sipas tyre, ato janë bërë shkak për vetëvrasjen. Të njëjtat arsye u kanë thënë edhe oficerëve të policisë që kanë nisur hetimet për ngjarjen.

ETLEVA DELIA/PANORAMA

Por pavarësisht akuzave të reja në ngarkim të Bamit, Gjykata e Krujës ka shpallur moskompetencë për çështjen, ndërsa i akuzuari ka ankimuar vendimin në gjykatën e Apelit.

Më herët, Prokuroria e Krujës kishte përfunduar hetimin dhe dërgoi për gjykim Durim Bamin, i akuzuar për veprën penale të “Pastrimit të produkteve të veprës penale”. Nga hetimi, ka rezultuar se i pandehuri, ka lidhur kontrata për shitblerjen dhe qiradhënien e pasurive, në zyra noteriale të ndryshme.

Konkretisht në harkun kohor 2011-2015, i pandehuri ka kryer transaksione të ndryshme në fushën e “Dhënies së huasë” dhe “Blerje apartamenti” në vlerën totale 15.670.000 lekë.

Nga ky total, ai ka “dhënë hua” 5 400 000 lekë, si edhe ka shpenzuar për “ndërtim të paluajtshëm” vlerën 10.270.000 lekë.

Prokuroria e Krujës ka arritur në konkluzionin se ky shtetas, pa pasur asnjë të ardhur financiare të ligjshme (vetjake apo të familjes së tij), nëpërmjet këmbimit ose transferimit të pasurisë, me qëllim fshehjen ose mbulimin e origjinës së paligjshme të saj, kryerjes së veprimeve financiare ose transaksioneve të copëzuara për shmangien nga raportimi, veprimeve aktive të kundraligjshme, konkretisht formave të paraqitura me poshtë, ka konsumuar elementët e veprës penale të “Pastrimi i produkteve të veprës penale”, parashikuar nga neni 287 i K.Penal. I pandehuri është dënuar disa herë për vepra të ndryshme penale, në bazë të të cilave Prokuroria e Krujës ka krijuar bindjen se ka gjeneruar përfitime ekonomike në vlera të konsiderueshme. /BalkanWeb/