VOAL

Shqipëri

Fermerët në protestë: Malli serb ka mbytur tregun, këta janë tradhtarë

Fermerët e jugut po vazhdojnë protestën e tyre pas problematikave të rënda që po hasin në mbijetesën e tyre, pasi tregu është mbuluar nga malli serb.

Për SYRI TV, një nga fermerët është shprehur se kjo është një qeveri, e cila po kryen një tradhti kombëtare pasi blegtoria është pasuri kombëtare.

“Ne jemi të shkatërruar. Do të përshkallëzojmë protestën pasi kemi tre javë që presim një përgjigje nga qeveria. Subvencionet të na bëhen sa janë në vendet e rajonit, këtu dominon malli serb dhe gruri mbetet rrugëve. Informalitetin ta luftojë ministrja, ku është informaliteti jonë se prodhojmë qumësht bio.

Ministrja ka një dyzinë me burokratë në zyra, t’i nxjerrë në rrugë dhe të verifikojnë situatën në terren, ata janë të paaftë, mos ta kërkojnë nga ne zgjidhjen. Ne nuk arrijmë dot Kosovën, pasi subvencionet janë 12-fishi më i lartë sa ne.

Këta janë tradhtarë, ata kërkojnë të zhdukin blektorinë, duan të na zhdukin dhe të na zëvendësojnë me afrikanë”.sn

‘Detyrim paraqitje’- Gjykata liron katër protestuesit e opozitës

Katër protestuesit, të arrestuar më 20 shkurt në protestën masive të opozitës para kryeministrisë, kanë dalë sot para gjykatës për t’u njohur me masën e sigurisë.

Gjykata i ka liruar ata, duke i lënë në detyrim paraqitjr.

Seanca u ndoq edhe nga deputetët e opozitës.

Katër protestuesit janë Kindi Toli, Andrea Malia, Bledar Kola dhe Ismet Stefanis.

Ata akuzohen për shkatërrim prone, goditje për shkak të detyrës dhe përdorim të lëndëve piroteknike.

Të rinjtë u rrëmbyen dhe u dhunuan nga policë pa uniformë dhe pa numra identifikimi.sn

Gjykata liron protestuesit- Bardhi: U morën peng, policët janë identifikuar dhe do mbajnë përgjegjësi personale

Kryetari i grupit parlamentar të PD, Gazment Bardhi, në një prononcim për mediat pas lirimit të katër protestuesve, tha se ata u mbajtën peng nga regjimi i Edi Ramës.

“Gjykata dhe prokuroria vërtetoi sot se Andrea, Kindi, Bledari dhe Ismeti ishin për rreth dy ditë, të marrë peng nga Policia e Shtetit si të arrestuar, të burgosur politik të regjimit të Edi Ramës.

Dua të denoncoj me forcë dhunën vandale që kanë ushtruar punonjës policie ndaj këtyre protestuesve, të marrë peng për rreth dy ditë.

Secili prej punonjësve të policisë është i identifikuar me emër dhe mbiemër. Ndaj tyre është bërë kallëzim penal gjatë ditës së djeshme dhe një ankesë pranë AMP.

Por unë dua që secilit prej tyre t’i bëj një paralajmërim publik se dhuna jashtë asaj që lejon ligji është akt personal dhe merr pasoja personale.

Çdo punonjës i veshur me uniformën e policisë duhet të zbatojë ligjin dhe të respektojë të drejtat e njeriut.

E përsëris se secili prej tyre është identifikuar, do të mbajë përgjegjësi penale, sikundër do mbajnë edhe përgjegjësi personale.

Dua të përshëndes vendimin e gjykatës që i la të lirë katër protestuesit. Asnjë prej tyre nuk ka shkelur ligjin,” tha Bardhi.sn

Bardhi për marrëveshjen me Italinë për emigrantët: Cënon Kushtetutën!

Kreu i grupit parlamentar të PD-së, Gazment Bardhi në një dalje për mediat deklaroi se maxhoranca tentoi që t’ia faturonte ligjin për amnistinë penale, opozitës.

Ai e cilësoi të turpshme faktin që u miratua marrëveshja për emigrantët.

“Dua vetëm djathtas (E nisi fjalimin me një batutë). E patë sot në rendin e ditës nuk ishte asgjë te mirë për qytetarët shqiptarë. Ka kohë që parlamenti është shndërruar në një organ që nuk miraton më ligje në shërbim të qytetarëve, por në dobi të një grushti njerëzisht. Për shkak se nuk arritën dot për pazare të tyre, e tërhoqën ligjin për amnistinë, që nga një ligj humanitar, ku do të përfitonin qytetarët e zakonshëm, e shndërruar për të amnistuar ministra, drejtorë, kryetare bashkie të korruptuar të kësaj qeverie. Mbetet e papranueshme. Tentuan të mashtronin dhe opinionin publik, duke ia faturuar dhe opozitës. Secila parti është e mirëpritur në konfederatën e opozitës, ashtu si PDIU, që ka qenë gjithmonë aleate e PD.”, tha ai.

Teksa u pyet për faktin se sa opozitar ishte në këtë rast Basha, që refuzoi të votonte për amnistinë fiskale, Bardhi ironizoi. “Ishte sot në Parlament? Se nuk e pashë. Zoti Rama pyet për orën, se unë nuk e besoj atë teorinë e gjumit. Por pyeta nëse ishte se nuk e kam ndjekur. Do të duhet të pyesni zotin Basha.”, tha ai.bw

Berisha: Qeveri teknike, me Ramën s’ka zgjedhje. Jemi luftëtarë të votës së lirë

Kryetari i Partisë Demokratike Sali Berisha ka kërkuar dorëzimin e qeverisë së Edi Ramës, pas protestës madhështore të 20 shkurtit, ku qindra mijëra shqiptarë dolën përpara kryeministrisë duke kërkuar largimin e kryeministrit më të korruptuar në 33 vite pluralizëm në Shqipëri.

Berisha theksoi se me Edi Ramën nuk ka zgjedhje dhe se PD është e gatshme për zgjedhje, por me një qeveri teknike, që garanton zgjedhje të lira.

Berisha: Dje u faktua se familja demokrate është më e madhja, më e bashkuara, më e fortë se kurrë sot.

Familja demokrate ka përfunduar reflektimin e saj, ka nxjerrë mësime nga opozita e saj e gjatë.

Ka gati projektin për shpëtimin e Shqipërisë dhe asgjë nuk e ndalon dot atë për ardhjen në pushtet.

Sepse ne jemi shpresa e vetme që po ruajmë pluralizmin, se jemi të vetmit që po qëndrojmë për traditën dhe dinjitetin e popullit shqiptar.

Sepse jemi i vetmi pushtet që nuk jemi korruptuar nga Edi Rama dhe po zbërthejmë gjithmonë e më shumë aferat e tij të tmerrshme.

Një vjedhës i papërmbajtur, një diktatoruc i ulët, këto na bëjnë neve shumicë, na bëjnë neve një rrezik të madh për regjimin.

Këto na bëjnë neve fitues të sigurtë.

Sollëm si fillim, shpresën tek rruga e shpresës. Dje shpresa, solli besimin. Nesër besimi do të sjellë fitoren.

Fitore, fitore, fitore.

Të dashur miq!

Kam vetëm një kërkesë për ju, për të gjithë ata që dje firmosën me uraganin e tyre fatin e Shqipërisë.

Uraganin e djeshëm të mos e shohim si një arritje, por si një start, si një pikënisje.

Nuk ka më sulm që na zmbraps ne.

Nuk ka më kohë për të humbur, o sot o kurrë, ti futemi punës, shqiptarët na besojnë dhe na mbështesin, mosbindja civile do të vazhdojë. Shqipëria do të kthehet në normalitet vetëm kur Rama të iki, kur të krijohet qeveri teknike, të ecim drejt zgjedhjeve të lira dhe të ndershme.

Dhe ja këtu po i them.

Hiç nga mendja skenat e Vuçiçit se po të jap fjalën e nderit, se nëse guxon të aplikosh një skenë të atillë, atë që ka pësuar babai yt shpirtëror rrugëve, do ta pësosh ti për së gjalli.

Mos luaj me lirinë e shqiptarëve.

Mos luaj me votën e tyre.

Armik.

Qeveri teknike, me ty nuk ka zgjedhje.

Ne jemi për zgjedhje, qeveri teknike, zgjedhje të lira. Ne jemi luftëtarë të votës së lirë. sn

“Shpopullimi ndalet duke marrë këto masa”, Dash Shehi: Si u kthyen 1 milion grekë nga Gjermania në vitin 1978

Politikani i njohur Dashamir Shehi i ftuar në “Open” në News 24, tregoi disa faktorë se si mund të ndalet hemorragjia e shpopullimit. Ai solli rastin e kthimit të rreth 1 milionë grekëve rreth katër dekada më parë në vendin e tyre nga Gjermania.

“Duhet të gjendet një formulë që t’u japësh shansin qoftë edhe me një kredi të butë. E dyta, bonusi për fëmijët. Jepi 100 euro për fëmijën e parë, 200 për fëmijën e dytë deri në 18 vjeç dhe bëja 300 për fëmijën e tretë. Ky shtet është njerk, shteti duhet të jetë një lloj babai. Nëse nuk është për çfarë duhet. Te sistemi shkollor që duhet përmbysur i gjithi. Ndryshe i merr fëmijët dhe ikën në Gjermani ose Francë pasi atje ka autobusin, ushqimin. Po të jetë Shqipëria një vend i jetueshëm nuk do të ikin kaq shumë. Prapë do ikin se ne e kemi në psikikën shoqërore.

Fenomeni tjetër i rikthimit. Në historitë migratore kanë ndodhur fenomene të çuditshme. Në 1678-1980, nga Gjermania u kthyen rreth 1 milion grekë, mbetën vetëm 70 mijë. Pse? Greqia hyri në Evropë. E njëjta gjë ka ndodhur me portugezët. Kur njerëzit shohin shpresë, kthehen!

Ka ndodhur edhe në Shqipëri në vitin 2009, ku u kthyen 160 mijë njerëz nga Greqia dhe Italia. Një pjesë sot janë biznesmenë. Fenomeni është kompleks por nuk është pa zgjidhje. Qeveritë shqiptare janë puro elektorale. Po t’i shohin qeveritë shqiptare projekte që duan mbi 10 vjet nuk bëhen sepse duan ta kthejnë çdo gjë në votë”, tha ai.bw

Sot protesta e opozitës- Berisha i ‘pranishëm’ në tubim, mbi 1 mijë forca policie në gatishmëri, ja rrugët që do të bllokohen

Mbahet sot protesta e opozitës. Ashtu siç është paralajmëruar, tubimi do të nisë në orën 17:30, para Kryeministrisë, në Bulevardin ‘Dëshmorët e Kombit’. Kjo është protesta e parë e një përmase të tillë ku Berisha nuk do të jetë prezent fizikisht për shkak të masës ‘arrest shtëpiak’. Mësohet se Berisha do të flasë përmes teknologjisë në protestë.

Data 20 shkurt, e cila përkon edhe me rrëzimin e bustit të Enver Hoxhës, është një pikë kthese për pluralizmin në vend dhe sipas organizatorëve të protestës, ndaj është caktuar pikërisht kjo ditë. Kjo protestë ka vënë në gatishmëri Policinë e Shtetit. Mësohet se mbi 1100 forca të policisë, duke nisur nga ato të rendit, FNSH, Shqiponjat dhe Garda e Republikës, do të jenë në terren për mbarëvajtjen e protestës.
Në gatishmëri do të jenë edhe forcat RENEA. Do të ketë edhe autobotë me ujë nëse do të ketë nevojë në raste incidentesh. Si në çdo protestë do të krijohet kordoni me efektivë policie para kryeministrisë dhe perimetrit rreth saj.

Në terren do të përfshihen edhe agjentët civilë, për të monitoruar mbarëvajtjen e protestës. Dyert e kryeministrisë do të jenë të blinduara me veshje metalike. Policia ka instaluar përgjatë gjithë bulevardit ‘Dëshmorët e Kombit’ kamera me rezolucion të lartë.

Segmentet rrugore që janë të bllokuara 2 orë para nisjes së protestës deri në përfundim të saj janë:
Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

(BalkanWeb)

Gent Sejko: Plakja e popullsisë, ulja e produktivitetit, kufizimet e fuqisë punëtore..

Guvernatori i Bankës së Shqipërisë Gent Sejko, ka deklaruar se viti 2023 u mbyll për Shqipërinë me një rritje ekonomike 3.5 përqind me normë papunësie në minimum.

Në mbledhjen e nivelit të lartë të konstituencës Bankës Botërore dhe FMN në Tiranë, ai tha se Bankat Qendrore duhet të çojnë para rrugën kundër inflacionit si dhe duhet të fokusohemi në masat për kthimin e inflacionit në objektiv.

“Rezistenca e ekonomive tona ka qenë e admirueshme, përballë një konteksti global të rritje së çmimeve kemi siguruar rritje ekonomike, reduktuam inflacionin.
Pjesë e narrativës inkurajuese është edhe Shqipëria. Viti 2023 u mbyll rritje ekonomike 3.5 përqind me normë papunësie në minimum.
Surprizë në vitin që kaloi ishte rritja e interesit të turistëve për vendin tonë.

BSH ka dhënë kontributin e saj në këto suksese, kemi raportuar në kohe rritjen e inflacionit.
Eksperienca duket pozitive por kemi mësuar që sfidat sado larg të duken nuk mungojnë.
Plakja e popullsisë, ulja e produktivitetit, kufizimet e fuqisë punëtore, faktor i rëndësishëm në zhvillimet e ekonomisë të konstituencës tonë.
Duhet të sigurojmë stabilitet ekonomik dhe financiar dhe të investojmë në revolucionin e gjelbër dhe atë dixhital.
Bankat Qendrore duhet të çojnë para rrugën kundër inflacionit.
Duhet të fokusohemi në masa për kthimin e inflacionit në objektiv”, tha ai.bw

Blinken tek takimi me të rinjtë në Tiranë: Ju jeni e ardhmja e marrëdhënieve SHBA-Shqipëri

Sekretari amerikan i Shtetit, Antony Blinken u takua gjatë vizitës në Shqipëri me një grup prej rreth 100 të rinjsh që kanë studiuar në programe në Shtete të Bashkuara. Takimi u mbajt tek ndërtesa e Piramidës dhe Sekretari Blinken e vuri theksin tek simbolizmi i saj, duke thënë se ajo mishëron trajektoren e Shqipërisë që nga fundi i Luftës së Ftohtë.

“Kur kjo piramidë u ndërtua para tre dekadash e gjysëm, ajo simbolizonte të shkuarën. Përkujtonte një autokrat që dërgoi shqiptarët në kampe pune dhe e izoloi vendin nga pjesa tjetër e botës. Në atë kohë, e vemja shenjë e marrëdhënies mes vendeve tona ishte ndoshta një zë që ju e dëgjonit fshehtaz tek Zëri i Amerikës, përmes radios, ose ndoshta një kanaçe Coca-Cola për ditëlindje e futur kontrabandë në vend. Sot shihni përreth: Ky vend është i mbushur me dritë. Është i mbushur me aktivitet. Këtu ka kafene, klasa mësimi dhe inkubatorë teknologjie. Nuk është më një relike e së shkuarës. Është një simbol i fuqishëm i gjallë i së tashmes dhe së ardhmes”.

Ai tha se ashtu si Piramida “edhe Shqipëria është transformuar”.

“Kudo që të kthesh sytë, sheh energji, ndjehet optimizëm për të ardhmen, një të ardhme të integruar me Evropën, me Perëndimin, me botën”, tha ai.

Gjatë vizitës së tij, Sekretari amerikan i Shtetit për partneritetin mes dy vendeve, por ai tha në takimin me të rinjtë se lidhjet mes dy vendeve po shfaqen edhe në mënyra të tjera.

“Amerikanë të rinj dhe jo aq të rinj vallëzojnë me muzikën e Dua Lipës, drejtuesja kryesore e teknologjisë tek kompania Open AI e Inteligjecës Artificiale, një nga njerëzit që po ndihmon që t’u japë formë disa prej teknologjive të reja më të fuqishme, është Mira Murati nga Vlora dhe një nga restorantet më të mira në Nju Jork është shqiptar.”

Sipas tij, këto janë shembuj të ndryshimeve madhore në Shqipëri, që janë bërë në masë të madhe falë kontributit të të rinjve.

“Kalimi i Shqipërisë nga izolimi tek hapja, nuk u bë sa hap e mbyll sytë. Të gjithë e dimë këtë. Shumë pak gjëra në jetë janë kaq të thjeshta. Të rinjtë, të rinj si ju e sollën ndryshimin. Dhe të rinjtë kanë rol thelbësor në transformimin e Shqipërisë dhe për të ardhmen e Shqipërisë”, tha zoti Blinken.

Ai vuri në dukje se në takim merrnin pjesë “gazetarë që ekspozojnë korrupsionin dhe kërkojnë përgjegjësi nga drejtuesit, gra sipërmarrëse që po i kthejnë idetë në biznese të suksesshme, drejtues të shoqërisë civile që punojnë për të mbrojtur mjedisin në Shqipëri, për të luftuar ekstremizmin e dhunshëm”.

“Ne duam të mësojmë nga ju, ashtu siç shpresojmë që ka disa gjëra që ju mund t’i mësoni nga ne. Janë lidhjet mes popujve tanë, shkëmbimet që janë aq të rëndësishme dhe që sjellin rezultate të shkëlqyera”.

Zoti Blinken vlerësoi 100 vitet e marrëdhënieve mes dy vendeve dhe shorehu optimizëm për të ardhmen.

“Jam i bindur se shekulli i ardhshëm do t’i bëjë vendet tona dhe botën tonë të përbashkët më të qëndrueshme, më të sigurt, më të begatë dhe më të mbushur me mundësi”, tha ai.

Blinken: Bisedimet e ndërmjetësuara nga BE, rruga e vetme për Kosovën e Serbinë

Sekretari amerikan i Shtetit, Antony Blinken, tha të enjten në Tiranë se bisedimet e ndërmjetësuara nga Bashkimi Evropian, janë rruga e duhur për përparimin e Kosovës dhe Serbisë.

Sekretari Blinken tha se Shtetet e Bashkuara nuk duan të shohin përsëritjen e asaj çfarë ka ndodhur në vitet e 90-ta në rajonin e Ballkanit, fillimisht në Bosnjë e pastaj edhe në Kosovë.

“Për këtë arsye jemi të angazhuar t’i mbështesim të gjitha përpjekjet për të çuar përpara integrimin e gjithë Ballkanit Perëndimor me njëri-tjetrin dhe Evropën. Sa i takon Kosovës dhe Serbisë, bisedimet e ndërmjetësuara nga Bashkimi Evropian janë rruga e vetme e duhur dhe jemi të angazhuar të bëjmë gjithçka që duhet për të mbështetur të dyja vendet që të përshkojnë këtë rrugë”, tha zoti Blinken.

Ai përgëzoi rolin e Shqipërisë për qëndrueshmërinë rajonale, integrimin dhe përparimin rajonal.

“Ky është shtegu që qartazi i vë të gjithë drejt një të ardhmeje më të mirë. Ne e dimë se cila është alternativa pasi e kemi përjetuar, e kemi parë. Prandaj jemi të vendosur që të bëjmë gjithçka që mundemi për t’i mbështetur të gjitha vendet e rajonit që ta ndërmarrin këtë rrugë dhe t’i mbështesim bisedimet e lehtësuara nga BE-ja”, tha zoti Blinken.

Sekretari Blinken nuk komentoi mospajtimet ndërmjet qeverisë amerikane dhe qeverisë së Kosovës rreth vendimit të autoriteteve në Prishtinë për ndalimin e përdorimit të dinarit serb në zonat e banuara me shumicë serbe në Kosovë.

Ndihmësi i zotit Blinken, James O’Brien i tha të martën Zërit të Amerikës se qeveria e Kosovës ka vënë në pikëpyetje partneritetin me Shtetet e Bashkuara, duke mos u bashkërenduar rreth kësaj çështjeje.

I pyetur nga gazetarët rreth komenteve të zotit O’Brien, të mërkurën kryeministri i Kosovës, Albin Kurti ndonëse theksoi se Shtetet e Bashkuara paraqesin mikun dhe partnerin më të rëndësishëm që ka Kosova, nuk la të nënkuptohet se do të tërhiqet nga vendimi për dinarin.

Të enjten ambasadori amerikan në Prishtinëm, Jeff Hovenier u shpreh i brengosur me siç tha, deklaratat pas asaj interviste që sugjerojnë se marrëdhëniet ndërmjet Kosovës dhe Shteteve të Bashkuara nuk janë ndikuar dhe se nuk mund të ndikohen nga kjo situatë.

“Më duhet të jem i qartë, kjo thjeshtë nuk është e vërtetë”, tha ambasadori Hovenier, duke nënvizuar se kjo çështje tashmë ka ndikuar në cilësinë e partneritetit ndërmjet të dy qeverive.

Tiranë, studiues e diplomatë komentojnë vizitën e Sekretarit Blinken në Shqipëri

Pamje nga Tirana sot

Në Tiranë, studiues të njohur dhe diplomatë shqiptarë pohuan se gjatë vizitës në Shqipëri, Sekretari amerikan i Shtetit, Anthony Blinken, pritet të sjellë mesazhe të rëndësishme mbi sigurinë dhe qëndrueshmërinë atlantiste në Ballkanin Perëndimor dhe më gjerë.

Ata theksuan në komentet e tyre për Zërin e Amerikës, se Shtetet e Bashkuara e vlerësojnë Shqipërinë si partner kyç në rajon, ndaj edhe ajo ka një rol më të madh për të luajtur në forcimin e sigurisë atlantiste të rajonit.

Analistët mendojnë se edhe situatat më të fundit në Kosovë pritet të jenë temë e kësaj vizite, krahas marrëdhënieve dypalëshe shqiptaro-amerikane.

Çështjet e sigurisë, mendojnë ekspertët, do të mbizotërojnë vizitën e sekretarit amerikan të shtetit Anthony Blinken në Shqipëri.

Studiuesi i njohur dhe autor i një serie librash mbi diplomacinë, ish ambasadori Shaban Murati, thotë për Zërin e Amerikës se kjo vizitë ka rëndësi të madhe sepse SHBA janë për Shqipërinë aleati strategjik numër 1, dhe sepse në valën e dy konflikteve të nxehta si Gaza dhe agresioni rus në Ukrainë, drejtuesi i diplomacisë amerikane gjen kohë të vijë në Tiranë.

Zoti Murati thekson se SHBA me këtë vizitë po kryen një akt, që dëshmon se po i jep rëndësi marrëdhënieve me Shqipërinë dhe rolit të Shqipërisë në rajon e në Ballkanin Perëndimor.

Sipas tij, mesazhi kryesor që sjell sekretari Blinken është forcimi i rolit të Shqipërisë dhe të faktorit shqiptar në rajon për ruajtjen dhe zhvillimin e qëndrueshmërisë dhe në forcimin e arkitekturës atlantike të sigurisë në rajonin tonë.

“Kjo është një vizitë që e sjell mesazhin drejtuar Tiranës, gjithë kryeqyteteve të Ballkanit perëndimor dhe Rusisë, që SHBA kërkon, paraqet dhe dëshmon një angazhim më të madh të saj në gadishullin ballkanik. Kjo është shumë pozitive”, thotë zoti Murati.

Ndërsa ish ministri i punëve të jashtme dhe historiani Paskal Milo, thotë për Zërin e Amerikës se vizita e sekretarit Blinken bëhet në mes të shumë çështjeve të sigurisë në rajon, në Europë dhe në botë.

Ish ministri Milo theksoi se tani janë përqëndruar përpjekjet e Rusisë për të ndërhyrë në Ballkan dhe për t’i trazuar ujërat në këtë rajon. SHBA-të, sipas tij, janë të shqetësuara për ndikimin negativ rus në Ballkanin perëndimor, si dhe për vatra tensioni, që mund të ringjallen në këtë rajon, ndaj është domethënëse që vizita e sekretarit Blinken në Tiranë bëhet në një kohë kur ka edhe një rritje të tensionit dhe qëndrimeve të Serbisë ndaj Kosovës.

“Zoti Blinken vjen në Tiranë me një mesazh shumë të qartë, për t’u thënë gjithë atyre që duan të trazojnë ujërat në Ballkan, që SHBA-të janë këtu, se SHBA-të janë në vëzhgim dhe se Ballkani perëndimor do të jetë në vëmendjen e tyre për sa kohë që ka aktorë të tjerë politikë të rëndësishëm, që kërkojnë të ndërhyjnë dhe të rrezikojnë paqen dhe sigurinë në Ballkanin perëndimor”, thotë zoti Milo.

Gjatë vizitës pritet të trajtohen edhe marrëdhëniet dypalëshe, dhe Shqipëria cilësohet nga SHBA-të si një partner kyç në Ballkanin Perëndimor.

Ish ministri i jashtëm Besnik Mustafaj, tani president i këshillit të Ambasadorëve, thotë për Zërin e Amerikës se kjo është një vizitë shumë e rëndësishme dhe në kohën e duhur si për problemet që ka rajoni ashtu edhe problemet e brendshme që ka Shqipëria, dhe beson se sekretari Blinken do të mbrojë më fort SPAK-un dhe reformën në drejtësi.

Ai shtoi se Shqipëria cilësohet nga SHBA-të si aleat kyç, por në njoftimin e Departamentit të Shtetit nuk thuhet nëse është edhe aleat i denjë, ndaj beson se sekretari Blinken do të ndikojë që të bëhet e tillë Shqipëria, e cila ka aktualisht korrupsioni shumë të madh dhe standartet e cënuara të demokracisë.

“Administrata e Presidentit Biden qysh në fillim të mandatit, dhe vet presidenti Biden shpallën se sfidat më të mëdha do të jenë përparimi i demokracisë në vendet aleate dhe më gjerë si dhe lufta kundër korrupsionit: dy akse shumë të rëndësishme, të cilat reflektohen në Shqipëri në mënyrë problematike. Në raportet e institucioneve amerikane dhe europiane shënohen një mori problemesh që Shqipëria ka me korrupsioin dhe me demokracinë”, tha zoti Mustafaj.

Një mesazh tjetër me rëndësi nga kjo vizitë, sipas zotit Murati, lidhet me agresionin rus në Ukrainë dhe me planet afatgjata ruse për spostuar konfliktin në gadishullin e Ballkanit.

Aktualisht Ballkani është nën një presion të ndërhyrjeve dhe inflitrimeve ruse për të nxitur tensione në vatrat klasike të tensioneve si Kosova, Mali i Zi, Bosnja Hercegovina, shton zoti Murati, pa harruar përpjekjet në dy vende anëtare të NATO-s si Shqipëria dhe Bullgaria. Pra në të dy anët e gadishullit ka një strategji ruse për të rritur tensionet, pavarësisht se dy shtetet janë në NATO, vëren ai.

“Vizita e Sekretarit Blinken duhet parë edhe në një këndvështrim të situatës në Shqipëri përsa i takon qëndrueshmërisë, pra që Shqipëria si shtet duhet të ruajë, kujdesin që duhet të tregojë ndaj çdo ndërhyrje të fuqive anti-Atlantike, e sidomos të Rusisë, për të krijuar destabilitet në Shqipëri, ose në shtete të tjerë të NATO-s”, thotë zoti Shabani.

Studiuesit besojnë se vizita është një konfirmim i pranisë dhe marrëdhënieve që Shqipëria ka me SHBA, por shprehet angazhimi i saj për ta ruajtur këtë strukturë atlantike, këtë aleancë me gjithë shtetet e NATO-s ku hyn edhe Shqipëria.

Zoti Milo thotë se kemi një vlerësim shumë të qartë si partnerë kyç, dhe me një angazhim që Shqipëria duhet të ketë më tepër në partneritet me SHBA-të për të vazhduar si një faktor paqeje dhe sigurie në Ballkanin Perëndimor edhe më gjerë.

“Në kuadër të çështjeve të sigurisë edhe si anëtar i NATO-s, Shqipëria patjetër me këtë vizitë do të ketë edhe një rritje të rolit të saj si për problemet rajonale ashtu edhe për probleme që kanë të bëjnë me çështje të tilla të rëndësishme rajonale dhe botërore si lufta në Ukrainë”, thotë zoti Milo.

Duke u përqëndruar në rolin e Shqipërisë në rajon, zoti Mustafaj thotë se sekretari Blinken duhet të jetë në dijeni të ndikimit shumë të paktë që ka kryeministri Edi Rama mbi autoritetet e Kosovës, për shkak të nismave të tij në bashkëpunim me presidentin serb Aleksandër Vuçiç, kundër interesit të Kosovës, si Nisma Open Ballkan, nga e cila ai u tërhoq.

“Acarrim ka shkaktuar tek presidentja dhe tek kryeministri i Kosovës me këtë lloj sjellje diplomatike kryeministri Rama. Ky lloj protagonizmi i kryeministrit Rama ka qenë kundër interesit global, ku SHBA-të janë lider, dhe ka të bëjë me përfshirjen më konstruktive, më vizionare të Kosovës në bisedimet me Serbinë, e cila nga ana e saj ka patur qëndrime destruktive”, thotë zoti Mustafaj.

Nga këta studiues shihet si e një rëndësie të veçantë fakti që pas Tiranës, sekretari i shtetit Blinken shkon në Mynih në konferencën e përvitshme të sigurisë, ku sivjet më tepër se kurrë do të diskutohen çështje që kanë të bëjnë me Europën, Ukrainën, por edhe me konfliktin në Gaza.

Po ashtu ata besojnë se është domethënës edhe fakti se vizita e sekretarit Blinken vjen pak ditë para Samitit të Ballkanit perëndimor, ku do të diskutohet edhe çështja e Ukrainës dhe pritet të marrë pjesë e presidenti Zelensky.

“Nuk duhet të themi na mbron NATO”, Kollçaku: Aleancat janë të përkohshme! Vendin duhet ta mbrojë ushtria

Deputeti i Partisë Socialiste, Bardhyl Kollçaku, tha në “Open” në News 24, se të qenit në NATO është një siguri shtesë për një vend.

“Aleancat janë të përkohshme dhe nuk duhet të themi na mbron NATO. Qenia në NATO është një siguri e shtuar. Por, detyrimin kushtetues e kanë Forcat e Armatosura dhe populli shqiptar. Kemi 850 forca aktive dhe do të shtohen edhe 2500 forca rezerviste. Thuajse një divizion. Nëse nesër aleanca ndryshon, pa dyshim që strategjia dhe planet tona do të jenë në sinkron me këto ndryshime. Nuk ka asnjë gjasë që NATO të zhbëhet”, tha gjeneral Kollçaku.bw

Mbahet tryeza ministrore me BE-në dhe vendet e Ballkanit Perëndimor mbi Planin e Rritjes

Tiranë, 12 Shkurt 2024

Në Tiranë, u zhvillua sot tryezë ministrore e përfaqësuesve nga Ballkani Perëndimor për fushën e integrimit evropian, së bashku me Drejtorinë e Përgjithshme të Komisionit Evropian për Fqinjësinë dhe Negociatat e Zgjerimit (DG NEAR), mbi Planin e Rritjes.

Në këtë takim, delegacioni i Republikës së Kosovës përbëhej nga zëvendësministri i Ekonomisë, Getoar Mjeku dhe përfaqësues nga Zyra e Kryeministrit dhe Ministria e Financave, Punës dhe Transfereve.

Tema të diskutimit ishin përfitimet nga Plani i Rritjes dhe perspektiva e rrugës së integrimit në BE, forcimi i integrimit ekonomik me Tregun Unik të BE-së, si dhe mbështetja e përshpejtimi i reformave kyçe.

Ky ishte një takim përgatitor, në pritje të takimit të radhës të liderëve, të planifikuar në Tiranë në datat 28 dhe 29 shkurt, në ndjekje të objektivave për intensifikimin e përpjekjeve të vendeve të Ballkanit Perëndimor në rrugën drejt BE-së, krijimin e themeleve për hapat e ardhshëm në zbatimin e Planit të Rritjes dhe avancimit të bashkëpunimit dhe ndërveprimit me Komisionin Evropian.

Kujtojmë se Komisioni Evropian, në nëntor 2023, propozoi një Plan të Rritjes për Ballkanin Perëndimor, i cili synon të zgjerojë përfitimet e Tregut Unik të Bashkimit Evropian në rajon përpara anëtarësimit formal, me synim kontributin pozitiv në rritjen ekonomike dhe përshpejtimin e konvergjencës socio-ekonomike me BE-në.- Zyra e Kryeministrit

Deputetët e Partisë Demokratike mblidhen sot të bashkuar në selinë blu

Deputetët e PD-së mblidhen sot më 12 shkurt në selinë blu.

Sipas njoftimit të djeshëm të Grupit Parlamentar të PD, mbledhja e radhës do të zhvillohet në selinë qendrore të PD.

Njoftimi i Grupit Parlamentar PD:

Të nderuar kolegë,

Nesër, e hënë, ora 15:00, do të zhvillojmë mbledhjen e grupit parlamentar, në selinë qëndrore të PD. Ju falenderoj!

Dhuna e gardistëve ndaj gazetarit në Kuvend- Reagojnë organizatat ndërkombëtare

Organizatat ndërkombëtare kanë reaguar ndaj dhunës së ushtruar nga Garda e Republikës ndaj gazetarit Ardit Hoxha në ambientet e Kuvendit.

Rasti i tij është listuar në rastet e dhunës ndaj medias nga organizata ‘Harta e Lirisë së Medias’, e cla ka publikuar edhe videon e sulmit.

“Më 6 janar 2024, gazetarit të EuroNews Albania, Ardit Hoxha, iu refuzua hyrja në sallën e mbledhjeve të Kuvendit. Përpara seancave plenare, gazetarët që raportojnë drejtpërdrejt duhet të jenë të pranishëm 20 minuta para fillimit të seancave dhe lejohen të hyjnë nga rojet.

Megjithatë, në pamjet video shihet se gazetari është shtyrë nga Garda e Republikës, teksa po tentonte të hynte në sallën e mbledhjeve të Komisionit të Reformës Zgjedhore, kur ishte në detyrë për të mbuluar një seancë plenare,” thuhet në reagim.sn

Bardhi: Shumica ka zgjedhur Berishën kryetar. Unë i bindem shumicës

Kryetari i Grupit Parlamentar të PD-së, Gazment Bardhi, i ftuar përballë gazetarëve në Çim Peka Live, ka theksuar se i bindet vullnetit të shumicës së anëtarëve demokratë, për të zgjedhur si kreun e tyre, Sali Berishën.

Sipas Bardhit, ‘do ishte absurditet që kur ti certifikon herë pas here se kush është vullneti i shumicës së anëtarëve dhe nqs nuk përputhet me mendimin tënd ti të vazhdosh të hiqesh një gjë që nuk je’.

Pjesë nga intervista:

Bardhi: Nëse pozicionet secili prej nesh i shikon si përgjegjësi sa më shumë të jenë të përfshirë, aq më mirë do të bëhet puna, nëse pastaj e shikon si privilegje apo si karrige që vijnë privilegje, padiskutim që do thoshin po si do ndahet kjo, apo kush do e marri këtë e atë…

Abrozia Meta: I njihni zgjedhjet që janë bërë nga ky grupim në PD?

Bardhi: Unë njoh vullnetin e anëtarëve të partisë. Kam qënë i gatshëm për të marrë çfarëdolloj përgjegjësie pune në PD, nuk kam pasur nevojë për tituj, nuk bërë ndonjëherë tituj për tituj, por kam bërë betejë për atëqë është interesi i demokratëve po mbi të gjitha përgjegjësia jonë për ti kthyer me punë mundin dhe sakrifica që ata kanë bërë…

Ambrozia Meta: E njihni vullnetin e tyre për kryetarin e PD?

Bardhi: Njoh vullnetin e anëtarëve të partisë për çfarëdolloj çështje edhe nëse Gazment Bardhi mendon ndryshe. Do ishte absurditet që kur ti certifikon herë pas here se kush është vullneti i shumicës së anëtarëve dhe nqs nuk përputhet me mendimin tënd ti të vazhdosh të hiqesh një gjë që nuk je. Është absurde.

Ambrozia Meta: E njihni apo nuk e njihni Sali Berishën si kryetar të PD?

Bardhi: Nuk është çështja e njoh apo nuk njoh. Njohja apo nuk njohja është qëndrim personal. Në politikë…

Ambrozia Meta: Grupimi Berisha ju kanë njohur si kryetar të grupit parlamentar…

Bardhi: Pse më kanë njohur? Sepse shumica e kolegëve më kanë votuar. Unë po them që shumica e anëtarëve kanë shprehur një vullnet. Kush jam unë që e njoh apo nuk e njoh. Unë mund të kem mendim krejtësisht të kundërt por respektoj vullnetin e anëtarëve dhe shumicës së partisë.

Ndryshe kthehet sikur unë jam i mbinatyrshëm dhe nëse dikush është kryetar apo një strukturë e caktuar politike varet nga vullneti im. Jo unë në parti pavarësisht se kam një pozicion të lartë drejtues në caktimin e pozicioneve të partisë kam një votë si çdo anëtar i thjeshtë i PD.

Largimet nga puna, reagojnë këshilltarët e opozitës: Beci të bëjë transparencë

Pas largimeve nga puna të punonjësve të Bashkisë së Shkodrës disa ditë më parë, anëtaret e Këshillit Bashkiak të opozitës kanë kërkuar transparencë kryebashkiakun Benet Beci.

Në një deklaratë për mediat këshilltarët i bëjnë thirrje Becit qe të bëjë publike strukturën e re të bashkisë Shkodër.sn

Bardhi thirrje Nikollës: Të heqë dorë nga arroganca, të ndalë përjashtimet

Pas përfundimit të seancës plenare, mes kaosit, Gazment Bardhi i bëri thirrje Lindita Nikollës që të heqë dorë nga ato që ai i cilëson veprime të paligjshme.

“Edhe sot e patë se me urdhër të paligjshëm, pjesa dërrmuese e opozitës nuk u lejuan që të futen në sallë. Përsëri grupi parlamentar i PD vijoi aksionin për t’i sqaruar shqiptarëve se ky nuk është kuvendi normal. I bëj apel Nikollën, që të shoh kërkesën për komisionet dhe të heqë dorë nga arroganca dhe masat, përmes përjashtimeve masive. Unë u përjashtova nga Kuvendi se nuk u lejova që të futem në seancën plenare. I kërkova llogari kryetares për pengesën që mu bë. Keqardhje për disa kolegë opozitarë që iu bindën maxhorancës dhe shkuan 1 orë para në Kuvend”, tha ai.bw

Mollët e Korçës mbesin stok, Shoqata e Biznesit të Vogël kërkesë Ramës: Rrisni çmimin e referencës për importin

Fermerët e qarkut të Korcës po përballen me një situatë tejet të vështirë sa i përket prodhimeve të mbetura stok kryesisht me prodhimin e mollës që aktualisht kanë mbetur pa shitur 15 mijë ton në kushte frigoriferike dhe jo vetëm.

Për këtë arsye Shoqata e Biznesit të Vogël dhe të mesëm më Shqipëri i është drejtuar me disa kërkesë Ministrisë së Financave, Ministrisë së Bujqësisë dhe kryeministrit Edi Rama për rritjen e çmimit të referencës për mollët e importit dhe kontrollin e mollës së importuar ( analizë-cilësi ) në dogana kur importohet.

Sipas shoqatës këto kërkesa duhet të merren në konsideratë pasi fermerët rrezikojnë falimentimin duke sjellë pasoja të rënda në sektorin e bujqësisë në qarkun Korçë e në të kundërt nëse do vijojnë të heshtin fermerët do të përshkallëzojnë protestat.

Ditë më parë fermerët e fshatit Zvirinë por jo vetëm u ngritën në protestë për të njëjtën arsye por aktualisht nga institucionet përkatëse nuk është marrë asnjë masë.bw

Zbardhet mbledhja e GP të PD- Salianji paralajmëron ngujim dhe grevë urie

Zbardhet mbledhjen e djeshme të grupit parlamentar të Partisë Demokratike.

Ervin Salianji ka theksuar nevojën që në mbledhje të diskutohej në lidhje me deklaratat e kish zv.kryeminitrit Arben Ahmetaj, në lidhje me Inceneratorët.

Ai ka shtuar se sa i takon aksionit opozitar, situata duhet të radikalizohet deri në ngujim apo grevë urie.

Mbledhja:

Bardhi: Do të diskutojmë sot (dje) për seancën plenare dhe reformën zgjedhore. Duhet të dini se ne kemi qenë në gatishmëri të plotë për zgjidhje të situatës politike ku jemi, por përgjigja e mazhorancës është përjashtimi i deputeteve të opozitës. Nuk ka asnjë reflektim nga ata, edhe pse na kanë mohuar të drejtat tona kushtetuese, ngritjen e komisioneve hetimore parlamentare si dhe kanë mohuar vullnetin e shumicës për përfaqësi në Komisionin e Reformës Zgjedhore. Të gjendur në këtë situatë ne duhet të vazhdojmë aksionin që kemi nisur.

Mediu: Opozita duhet të bashkohet dhe ne kemi bërë propozim për Federatë. Të jemi të qartë se çfarë qëllimi duhet të kemi me reformën zgjedhore. Duhet të biem diskutimet konkrete dhe të shqyrtohen tek grupi deputetëve. Si aleancë për Ndryshim kemi bërë propozimet tona, për listat e hapura, rikthimin e koalicioneve parazgjedhore dhe votën e emigrantëve. Veprimin tonë opozitar duhet ta zhvillojmë në parlament dhe jashtë parlamentit, të bëjmë një analizë të aksionit opozitar në Parlament dhe mbi të gjitha të shkojmë të takohemi me njerëzit, t’i dëgjojmë ata, të flasim për shtetin që i shërben atyre, kthimin e parlamentit në funksione kushtetuese. Dhe veçanërisht të bashkëpunojmë me ndërkombëtarët.

Metaliaj: Ne duhet të bashkohemi jo vetëm këtu në grup, por edhe në bazë. Kështu siç jemi nuk frymëzojmë, madje edhe njerëzit nuk janë optimistë kur e shohin situatën të tillë. Prandaj të bashkuar mundemi të dalim edhe tek mbështetësit tanë, tek qytetarët, se ndryshe as njerëzit nuk na presin më. Të ndahen grupet e punës dhe të fillojmë organizimin e strukturave në bazë, duhet t’i rivalizojmë, t’i motivojmë dhe të bëhemi të besueshëm .

Dash Sula: Juve e morët më qafë Berishën. Juve i thatë Berishës mos shko të paraqitet në SPAK. Ka të drejtë Lindita kur thotë që s’na besojnë më njerëzit.

Ervin Salianji: Me vjen keq t’iu them që çdo diskutim deri tani flet për situatën mes nesh ndërkohe që duhet ta nisim diskutimin e mbledhjes me deklaratat skandaloze të ish nr 2 të Ramës. Ai nuk është i penduar në kuptimin ligjor sepse nuk i pranoi krimet e veta, por ndërkohe si një prej pjesëtareve të bandës tregoi se si përdoret pushteti për të pasuruar disa, për të goditur disa të tjerë, se si oligarkët marrin tokë det dhe ajër duke ngrenë qofte me KM! Se si përdorin çdo institucion dhe drejtësinë për te eliminuar kush ju del nga vatha! Për këtë duhet reagim. Ne duhet të mblidhemi dhe mos dalim pa gjetur zgjidhje për bashkimin, ose t’ua them troç; nëse mendoni si t’ia hidhni njëri-tjetrit për të fituar kohë e kemi gabim, demokratët kërkojnë bashkim dhe ndryshim më pas. Sa i takon aksionit, ose duhet ta radikalizojmë në ngujim apo grevë urie, ose diversifikim.

Gjekmarkaj: Epika dhe politika nuk janë e njëjta gjë edhe pse ne e përdorim shpesh të parën duke menduar se bëjmë të dytën. Para se të shkojmë te përshkallëzimi i cili nuk është qellim në vetvete, por realizimi i kërkesave tona duhet të krijojmë një mundësi komunikimi që të kenë zë edhe ndërkombëtaret. Le t’i riformulojmë kërkesat për komisione hetimore, si dhe atë për ribërje të ligjit për to ku ne të jemi pjesë. Pastaj nëse nuk ka asnjë reflektim ata që kanë deklaruar se janë të gatshëm të sakrifikojnë me akte sublime le ta bëjnë atë. Në fund publikut i duhet shpjeguar drejtësia e përpjekjes, vullneti për ta bërë atë. Në optikën time do ishte mire që brenda këtij segmenti të jemi dhe të flasim për amnistinë penale mos ta anashkalojmë. Mund të humbasësh ose se arrin atë po së paku merr dakortësinë e shoqërisë. Nuk jam votuar për gladiator, gjëja ka një limit pastaj Rama po e vazhdon axhendën e vet dhe duket sikur po i pëlqen axhenda jonë

Dhurata Çupi: Unë mendoj se na duhet një vendim i Grupit Parlamnetar për të ripare qëndrimin që kemi në raport me Kuvendin. Ndërsa Rama ka nisur fushatën për 2025 ne vazhdojmë merremi me veten dhe me Kuvendin. Na duhet të gjejmë një zgjidhje. Sa i takon Aministisë Penale, na duhet një vendim nëse do e votojmë apo jo, pasi prej saj përfitojnë protestues të Pd-së./BW

A e njeh Berishën për kryetar? Bardhi: Respektoj vullnetin e demokratëve

Kryetari i grupit parlamentar demokrat, Gazment Bardhi, i cili ishte i pranishëm mbrëmë në protestën poshtë shtëpisë së liderit të opozitës, Sali Berisha, doli në një konferencë për mediat.

Bardhi u pyet nga gazetarët nëse e njeh Berishën si kryetar të PD.

“Unë e respektoj vullnetin dhe angazhimin e çdo anëtari të PD për çfarëdo mendimi që ai ka për zhvillimet brenda PD-së.

Falë njohjes apo respektit që kam për mendimin e çdo anëtari, kam qenë dhe mbetem i vendosur për të bërë gjithçka që PD dhe opozita të jetë i bashkuar.

Keqpërdorimi që Edi Rama i ka bërë konfliktit të brendshëm në PD dhe opozitë, nuk ka pasur pasoja vetëm për PD-në dhe opozitën, por ka sjellë pasoja për Shqipërinë.

Dhe ne si përfaqësues të qytetarëve kemi për detyrë të bëjmë gjithçka që Shqipëria të jetë një vend më i mirë,” tha Bardhi.

Ai foli edhe për vizitën zyrtare në SHBA, duke theksuar se Amerika mbështet Shqipërinë dhe demokracinë në vend dhe se nuk mbështet forca të caktuara politike.sn

Ndalimi i deputetëve të opozitës për të marrë pjesë në seancë, Bardhi: Do depozitojmë kallëzim ndaj kryetares së Kuvendit

Kryetari i grupit të PD Gazment Bardhi ka mbajtur sot fjalën e tij nga kryesia e Kuvendit.

Mes të tjerash ai doli në lidhje me situatën kaotike të ditës së djeshme ku deputetët e opozitës u ndaluan të hynin në Kuvend.

Ai e quajti aktin një vepër penale duke shtuar se mbi atë që ndodhi dje do të depozitohet në gjykatë kallëzim për kryetaren e Kuvendit Lindita Nikolla.

“Vepër penale, shpërdorim detyre. Edhe deputetët e përjashtuar kanë të drejtën e protestës. Përveç 19 deputetëve të përjashtuar, dje u penguan të gjithë deputetët e opozitës që të merrnin pjesë në seancë. Kryetarja e Kuvendit sikur të mos kishte ndodhur asgjë, nisi seancën me gjysmën e sallës bosh. Duke marrë kështu autorësinë e asaj vepre penale. Do depozitojmë kallëzim ndaj kryetares së Kuvendit”, tha ai.bw

Akuzat e Ahmetajt nga arratia, PD kërkesë urgjente në Kuvend për interpelancë me Ramën

Partia Demokratike, ka dërguar në Kuvend një kërkesë ku kërkojnë interpelancë urgjente me kryeministrin Edi Rama.

Kërkesa është bërë nga deputeti Arbi Agalliu pas deklaratave të akuzave të bëra nga ish-zv/kryeministri Arben Ahmetaj në lidhje me inceneratorët.

Në një intervistë nga arratia, Ahmetaj lëshoi akuza në drejtim të qeverisë “Rama” dhe konkretisht ndaj kryeministrit dhe Erion Veliaj. Ai tha se po përdorej si kokë turku dhe se procesi ndaj tij ishte politik.

Njoftimi:

Partia Demokratike kërkon interpelancë urgjente me Edi Ramën për akuzat e Arben Ahmetaj. Arbi Agalliu, sekretari i grupit të PD, depoziton kërkesën në Kuvend për interpelancë urgjente. Ahmetaj deklaroi se pronarët e vërtetë të inceneratorëve janë Edi Rama dhe Erjon Veliaj.

Benet Beci lajmëron publikisht operacionin ‘fshesa’, largimin e njerëzve nga puna në Bashkinë Shkodër

Kreu i Bashkisë Shkodër, Benet Beci ka bërë me dije se të hënën do të shkarkohen dhjetëra punonjës të bashkisë nga puna.

Kryebashkiaku i Shkodrës u shpreh se, në bashki kishte shumë pozicione të dubluara dhe specialistë që vetëm kishin emrin në borderotë e rrogave, por nuk ofronin asnjë shërbim për banorët e Shkodrës.

Beci ka theksuar se nuk mund të vazhdohet më të paguhen me rrogë njerëz që nuk japin asnjë kontribut në zhvillimin e bashkisë.

Beneti në fakt po lajmëron spastrim politik të punonjësve të bashkisë, pasi për çështje dublimi, Beneti në çdo institucion që ka drejtuar ka dubluar administratë shumëfish si metodë për vota, gjë të cilën e ka bërë e gjithë rilindja në çdo nivel të administratës. Pra Beneti nuk po kursen rroga, por ai do mbahet mend si kryebashkiaku i parë që lajmëron publikisht në Facebook se. “nesër do heq dhjetëra njerëz nga puna”, dhjetëra familje i shtohen Shkodrës nesër si të papuna, siç ndodhi me rreth 500-familje të cilat mbetën të papuna nga largimi i një biznesi fason i cili u largua në fillim të këtij viti nga qyteti.

“Struktura e bashkisë, veçanërisht në institucionet e varësisë, kishte shumë pozicione të dubluara dhe specialistë që vetëm kishin emrin në borderotë e rrogave, por nuk ofronin asnjë shërbim për banorët e Shkodrës.

Sigurisht nuk është e lehtë të shkurtosh vende pune. Të gjithë jemi të ndërgjegjshëm për këtë. Por nuk mund të vazhdohet më të paguhen me rrogë njerëz që nuk japin asnjë kontribut në zhvillimin e bashkisë sonë. Qytetarët e Shkodrës nuk e kanë luksin të mbajnë me taksa nga të ardhurat e tyre të fituara me punë e sakrifica asnjë punonjës të tepërt në organikën e bashkisë”, shkruan ai.sn

Monumentet e lagjes historike të Durrësit nuk vizitohen lehtësisht për shkak të mungesës së shtigjeve, thesaret e Kodër Vilës mbeten larg syve të kureshtarëve

Monumentet e lagjes historike të Durrësit nuk janë lehtësisht të vizitueshme për shkak të mungesës së shtigjeve.
Rruga “Anastas Durrsaku”, e asfaltuar disa vite më parë, nis pranë Torrës Veneciane dhe përfundon në Kodër Vilë. Fillimisht këmbësorët i shoqërojnë muret bizantine, të ndërtuara në shekullin e 5-të nga perandori nga Durrësi “Anastasi i Parë”, emrin e të cilit ka marrë rruga.

Më tej, sa më shumë ngjitesh, peizazhi në krahun e majtë ndryshon dhe merr ngjyrën e kaltër të detit.

“Për fat të keq lëvizin kryesisht automjete – tha për BIRN Jonuz Vrapi, i cili banon prej kohësh në lagjen e re me pallate, që janë ngritur mbi kodër.

“Baret dhe restorantet këtu janë të pakët në numër,” shton Jonuzi.

“Njëlloj mungojnë edhe supermarketet,” ankohet mesoburri, sipas të cilit turistët dhe vizitorët nuk janë të shumtë, pasi i gjithë terreni është organizuar keq.

Në të gjithë territorin e kodrës numërohen të paktën 5-6 monumente, që i përkasin periudhave të ndryshme, nga antikiteti i vonë e deri në mesin e shekullit të njëzet.

Që në shikimin e parë vizitori kupton se mungojnë tabelat orientuese drejt Farit ndriçues të anijeve; tabela me të dhëna për Vilën mbi kodër si dhe ajo e Kullës Anzhuine, e njohur tashmë për qytetarët si “Kulla Belvedere”.

“Mungon dëshira nga institucionet vendore, por edhe mangësitë e punës së grupit për menaxhimin e integruar në amfiteatër,” tha për BIRN arkeologu Eduard Shehi.

Shehi shton se hapja e shtigjeve për kalimtarët, që mund të nisen nga Amfiteatri e lehtëson mbërritjen në pak minuta të paktën në dy kulla 8-këndore, përveç kullës “Belvedere” nga e cila mund të vëzhgohet i gjithë qyteti.

Këto kulla mund të bëhen të vizitueshme nga turistët, pasi kanë mjaft elemente arkeologjikë dhe një histori tepër interesante.

Në librin “Topografia e Durrësit mesjetar”, prof as. dr. Eduard Shehi shkruan se Kulla Anzhuine ka një formë rrethore, me lartësi të ruajtur deri në 10,4 metra. Për një periudhë të gjatë ajo ishte e mbuluar me çati dhe shërbente si depozitë baruti.

Aktualisht turistët mund ta shfrytëzojnë “Belvederen” vetëm si vendshikimi për gjiun detar të Durrësit, por ata nuk mund ta vizitojnë atë nga brenda, ku sipas arkeologëve mund të rindërtohen 2-3 katet e kullës, njëlloj si në mesjetë.

“Në të njëjtën mënyrë bëhen të vizitueshme edhe dy kullat 8-këndore, që ndodhen në të njëjtën hapësirë,” tha prof. as. dr. Eduard Shehi.

Mjaftojnë 500 metra shëtitje të tjera për të mbërritur fillimisht në muret e vilës së mbretit Zog, e më pas në kullën e bardhë të Farit, atje ku ngjitesh në pikën më të lartë të kodrës së Durrësit.

“Vila mbi kodër” që nga viti 1997, kur u rrënua masivisht ka mbetur e mbyllur dhe askush nuk mund të ngjitet brenda saj.

Nga jashtë, ajo vazhdon të ketë murin e hershëm të viteve 1930, kur u ngrit në kuotën 98 metra mbi nivelin e detit.

Vitin e kaluar Instituti i Ndërtimit në bashkëpunim me Ambasadën Italiane provuan të ndriçojnë fasadën dhe mjediset e brendshme, jo pak të dëmtuara.

Pamja e monumentit nga qyteti ishte mjaft e bukur dhe interesimi i qytetarëve për Vilën për të u rrit.

Sidoqoftë, godina simbol mbi kodrën e Durrësit vazhdon të jetë e mbyllur dhe ende mungon një marrëveshje për të mundësuar vizitat në godinë dhe sheshet para saj.

Ndërsa gjatë ditës pallatet e larta në shëtitore pengojnë pamjen e Vilës dhe të Farit, flakërimat e këtij të fundit në mbrëmje duken nga anijet në det më shumë se sa 10 milje larg.

“Drita e Farit me sinjalistikën e tij shihet vetëm në krahun e detit në 180 gradë,” tha për BIRN kapiteni i rangut të parë, Artur Meçollari, duke sqaruar më tej se kulla e Farit, “me themele të hedhura që në fillim të shekullit të kaluar, ka marrë formën e sotme me lartësi 14 metra vetëm në vitin 1957”

Për të mbërritur te Fari mbi kodër nuk është e lehtë.

Rrëpira është e mbushur me banesa të shumta dhe vetëm kohët e fundit mes tyre forcat e ushtrisë kanë shtruar një rrugë me çakull, që të ngjit deri lart.

Kapiten Meçollari thotë se vizitorët mund të ngjiten në kullën me shkallë të brendshme, vetëm pas një marrëveshje me Komandën e Forcave detare.

Përndryshe ata mund ti afrohen asaj, duke shfrytëzuar rrugën në mes të lagjes.

“E gjithë territori i Kodrës deri në fund të viteve 1980 ishte e mbushur me kazerma ushtarake dhe shëtitja mbi të ishte thuajse e pamundur,” i kthehet bisedës Jonuzi.

Sidoqoftë, atje ku ngrihet sot kisha e Shën Gjergjit, tamam në atë periudhë u ngrit Parku Rinia.

“Ishte një mënyrë argëtimi, me një lulishte – mezeri, ku tregtoheshin edhe pije të ndryshme,” kujton Jonuzi.

“Të vjen keq, pasi tani janë kushtet që kodra e Vilës dhe monumentet e saj të kthehen në një park turistik për vendasit dhe të huajt,” përfundon bisedën ai./BIRN

Rreth 15 mijë tonë mollë pa shitur, fermerët e Korçës në protestë: Po na bllokojnë produktet e ardhura nga Serbia

Molla e Zvirinës e mbetur stok ka detyruar fermerët të dalin në protestë mëngjesin e kësaj të shtune.

Dhjetëra fermerë janë mbledhur në kryqëzimin e fshatit Zvirinë në aksin nacional Korçë-Pogradec.

Fermerët e fshatit Zvirinë thonë se molla e tyre ka mbetur pa shitur për shkak të hyrjes së mollës nga importi, kryesisht nga Serbia.

Në këtë protestë të lajmëruar më herët ka edhe forca policie te cilat janë pozicionuar në këtë aks për të kontrolluar situatën.

Rreth 15 mijë ton molle kanë mbetur pa u shitur në frigoriferët e juglindjes së vendit dhe shkak sipas grumbulluesve të mëdhenj të këtij fruti janë grumbullimi që është bërë me çmim të lartë në sezon si dhe hyrja e mollës nga importi.bw

Këlliçi publikon dokumentat e reja: Inceneratori i Tiranës financohet nga para ruse

I ftuar në emisionin Task Force në SYRI TV me moderatorin Sonila Meço për të komentuar deklaratat e bëra nga ish zv.kryeministri, Arben Ahmetaj në emisionin Çim Peka Live, ishte anëtari i Kryesisë së PD, Belind Këlliçi duke bërë deklarata të forta mbi futjen e parave ruse në inceneratorin e Tiranës.

Këlliçi ka bërë të ditura faktet e reja që kanë dalë në dritë mbi vjedhjen e inceneratorëve ku sipas dokumentar të reja, pronari i 40% të inceenartorit të Tiranës Blerim Hoxha dhe bashëkëpronarët e kompanisë së tij financohen nga para ruse.

“Ahmetaj ka konfirmuar të gjitha ata që ne i kemi bërë publike dhe i kemi nxjerrë me fakte dhe dokumenta konfirmoi SPAK e ka fshehur këtë aferë. Është e pamundur që të bëhet një hetim i detajuar për shtëpinë e Ahmetaj dhe nga ana tjetër të mos hetohet se ku kanë shkuar 60 milionë euro që janë vjedhur.

SPAK nuk ndërpret kontratën sepse dhe ditën e sotme janë vjedhur 80 mijë euro në qytetin e Tiranës dhe nga ana tjetër të mos ketë asnjë masë për personat që janë realisht përgjegjës.

Në gusht të viti të kaluar është vendosu në sekuestro inceneratori i Tiranës dhe ka kaluar me administrator shtetëror. Kam mua që po unoj me grupin e ekspertëve dhe përse nuk p ndërpritet kontrata sepse është lidhur me dokumenta të falsifikuar, me mashtrim ndërkombëtar dhe duhet të kontrollohen paratë përmes administrimit shtetëror. Edhe para dy ditësh janë aguar 1.8 milionë euro për inceneratorin e Tiranës.

Blerim Hoxha futet në histori pas muajit maj 2022 përmes kompanisë së tij dhe zotëron 40% aksionare në inceneratorin e Tiranës, dhe janë të llahtarshme veprimet që janë kryer aty që shkon deri në parajsa fiskale. Icare Groupt është një kompani që përfshin tre individë që janë Marigona Metaj, Blerin Hoxha dhe Christof Dagbord dhe këto të fundit janë të përfshirë në rafinerinë eARMO dhe e dërguan për skrap. Metaj dhe Dagbord zotërojnë kompani Tosk Energy dhe Bylis Energy të cilat financohen nga kompani ruse të futura në listën e zezë nga SHBA. Inceneratori i Tiranës financohet nga kompani ruse, pra futen para ruse.”

Gazment Bardhi reagon pas intervistës së Ahmetajt: Rama dhe Veliaj të japin dorëheqje

Pas intervistës së mbrëmshme të ish-zv/kryeministrit Arben Ahmetaj, kreu i grupit parlamentar të Partisë Demokratike, Gazment Bardhi tha se ai përdori kodin e mafies për të dhënë mesazhe. Në një reagim, Bardhi kërkon nga kryeministri Edi Rama dhe kryebashkiaku i Tiranës, Erion Veliaj që të japin dorëheqjen për t’i hapur rrugë hetimit të tyre.

Reagimi i plotë:

Që Edi Rama dhe Erjon Veliaj janë kokat e aferës së inceneratorit të Tiranës dhe dy zyrtarët më të korruptuar të shtetit shqiptar, askush prej nesh nuk ka pritur ta mësojë nga Arben Ahmetaj, ish-bashkëpunëtori më i ngushtë i Edi Ramës për 20 vjet!

Edi Rama dhe Erion Veliaj duhet të ishin me kohë para drejtësisë për të dhënë llogari për vjedhjen e shqiptarëve. Por akoma nuk është vonë që kjo të ndodhë! Pas dëshmisë së vonuar të Arben Ahmetaj, Edi Rama dhe Erion Veliaj duhet të japin dorëheqjen dhe t’i hapin rrugë drejtësisë për një hetim të pandikuar dhe të paanashëm!

Faktet dhe të dhënat e përfshirjes së tyre në aferën korruptive të inceneratorëve dhe të disa aferave, për të cilat Arben Ahmetaj përdori kodin e mafies për të dhënë mesazhe, duhet të dalin në dritën e diellit nga drejtësia përmes një hetimi të plotë e të shpejtë! SPAK-u ka patur dhe ka aq prova në dispozicion sa duhet të kishte arritur tashmë një konkluzion për vënien para përgjegjësisë penale të Edi Ramës dhe Erion Veliajt!

Heshtja dhe çdo vonesë tjetër, qoftë edhe përmes mungesës së nisjes së hetimeve kryesisht, ngre dyshime serioze për besueshmërinë e SPAK-ut dhe minon pritshmëritë e larta të qytetarëve për t’i dhënë fund pandëshkueshmërisë në nivelet më të larta të pushtetit.

Nga ana tjetër, fakti që Arben Ahmetaj ka filluar të rrëfejë nga halli disa të vërteta, nuk e bën atë më pak fajtor nga dy të parët. Ai duhet të përballet me drejtësinë për përfshirjen dhe përfitimet e tij nga afera e inceneratorëve, si pjesë e organizatës kriminale të drejtuar nga Edi Rama, ku ai, për 2 incineratorët e parë dhe Erion Veliaj, për incineratorin e Tiranës, kanë patur rol kyç.

Për të gjitha akuzat e tjera, që gjithashtu janë të dokumentuara, SPAK duhet t’i ofrojë mundësinë Arben Ahmetajt për të qenë bashkëpunëtor i drejtësisë dhe për të zbardhur së bashku aferat e Qeverisë së Edi Ramës, ku Ahmetaj ka shërbyer për gati 10 vjet, si një nga bashkëpunëtorët më të afërt dhe më konfidentë të Edi Ramës!

Nëse SPAK-u nuk ia ofron këtë mundësi, Arben Ahmetaj, që deri dje, na bënte leksione për pavarësinë e drejtësisë së re, duhet të deklarohet publikisht si bashkëpunëtor i drejtësisë dhe të tregojë sesi me Edi Ramën në krye, tradhëtuan shqiptarët përmes aferave të rënda korruptive dhe lidhjeve me krimin e organizuar!

Gjykata Kushtetuese vendos hapjen e seancës plenare për Butrintin

Gjykata Kushtetuese vendosi rihapjen e seancës plenare për Butrintin duke njoftuar se i ka kërkuar Institutit Kombëtar të Trashëgimisë Kulturore të vërë në dispozicion raportin përfundimtar të misionit të përbashkët të UNESCO-ICOMOS, të tetorit të vitit 2022.

Gjykata Kushtetuese thotë se, “me qëllim administrimin në gjykim të këtij raporti duke qenë se ka rëndësi për çështjen në shqyrtim , me vendimin e ndërmjetëm të 31 janarit të këtij viti ka vendosur riçeljen e seancës plenare dhe vijimin e zhvillimit të saj mbi bazë të dokumenteve”.

Gjykata Kushtetuese thotë se Instituti Kombëtar i Trashëgimisë Kulturore pas kërkesës së saj për informacion ka konfirmuar se Raporti i UNESCO /ICOMOS i është dërguar këtij institucioni dhe është administruar prej tij.

Avokati Agron Alibali, përfaqësues i grupit të deputetëve opozitarë që kanë ngritur çështjen, tha për Zërin e Amerikës se vendimi më i fundit për riçeljen e seancës plenare dhe kërkimi i raportit të organizmave të UNESCO-s është sa i mirëpritur aq edhe i pashembullt në praktikën e Gjykatës Kushtetuese.

“Vendimi i mbledhjes së gjyqtarëve demonstron në rastin konkret maturi, durim e mençuri, pavarësisht nga sjellja jotransparente e subjekteve të interesuara apo trysnia për ta ngutur Gjykatën në vendimmarrje”, tha zoti Alibali.

Zëri Amerikes ka mësuar se raporti përfundimtar mbi misionin e UNESCO / ICOMOS në Butrint në tetor të vitit 2022 nuk është publikuar në faqen zyrtare të UNESCO-s pasi pala shqiptare nuk dha autorizimin.

Më 27 janar të këtij viti ,Zëri i Amerikës i kërkoi Institutit të Trashëgimisë Kulturore, Ministrisë së Kulturës dhe Misionit të Shqipërisë pranë UNESCO-s në Paris vënien në dispozicion të Raportit të misionit të UNESCO ICOMOS, për Butrintin, por deri në publikimin e këtij lajmi nuk ka marrë ende përgjigje.

Qeveria shqiptare vendosi që menaxhimi i Parkut Kombëtar të Butrintit të kryhet nga një fondacion i krijuar nga Ministria e Kulturës dhe AADF, për një afat 10-vjeçar, me të drejtë ripërtëritje.

Ligji u miratua nga Kuvendi në maj të vitit 2022 dhe shkaktoi protesta dhe debate të ndezura nga shoqëria civile dhe nga deputetët opozitarë, që dyshojnë për shfrytëzim të paligjshëm dhe antikushtetues të një pasurie të madhe të vendit, e cila mund të dëmtohet nga menaxhimi përmes kësaj forme.

Një grup prej 36 deputetësh opozitarë i kërkuan Gjykatës Kushtetuese që ta shfuqizojë si antikushtetues ligjin mbi administrimin e Parku Kombëtar të Butrintit.

Hakerat iranianë “godasin” sërish, sulmohet faqja zyrtare e webit të Institutit Shqiptar të Statistikave

Faqja e Institutit Shqiptar të Statistikave duket se ka rënë pre e një grupi hakerash iranianë, Homeland Justice.

Në një njoftim të bërë në rrjetet sociale, ky grup ka njoftuar se ka mundur që të hakerojë faqen e webit të INSTAT.

Sakaq, aktualisht faqja është e paaksesueshme nga qytetarët në motorët e kërkimit në Google. Po ashtu, edhe zëdhënësi i INSTAT ka konfirmuar sulmin për BalkanWeb.

Dashamir Shehi: Bashkimi i opozitës rreth një njeriu, jo vendim i duhur. Ja skema si mund të fitojmë zgjedhjet e 2025

Lideri i LZHK Dashamir Shehi ka deklaruar se rruga e vetme që opozita të fitojë në zgjedhjet e 2025, nuk është bashkimi rreth një lideri, por secili grup të hyjë në garë i vetëm.

I ftuar në rubrikën “Opinion” në News 24, ai u shpreh se po punohet për krijimin e një grupi të ri, që mund të jetë edhe koalicion, në mënyrë që të hyhet në zgjedhje. Ai shpjegoi se pas zgjedhjeve grupet e opozitës mund të bashkohen për të krijuar qeverinë e re dhe se grupimi me më shumë mbështetës mund të vendosë për emrin e kryeministrit.

Ai shtoi se platforma është gati dhe se synimi i parë është rikthimi i një jete normale në Parlament.

“Konfederatë e opozitës? Nuk jam pjesë e saj, nuk kemi rënë dakord. Jemi ftuar të aderojmë por nuk jam dakord sepse gjykoj se nuk është kjo rruga. Brenda opozitës kemi 2-3 grupime, gjykoj se në zgjedhjet e 2025, opozita duhet t’i ofrojë qytetarëve sa më shumë mundësi zgjedhjeje. Nuk mendoj se unifikimi me një lidership është më i vlefshëm për opozitën, është skemë e provuar dhe nuk ka rezultat.

Rruga e suksesit për opozitën shqiptare, dhe pse duke absurde, nuk është bashkimi rreth një njeriu, është të hyjë në zgjedhje me disa grupe.

Ka ardhur koha për të çarë një trajektore të re. Kur të mbarojnë zgjedhjet të krijojmë një qeveri të përbashkët. Secili grup të marrë mbështetjen që grupimi tjetër si merr., kjo do të sjellë edhe fitoren.
I ftoj kolegëve t’i kthehemi politikës me programe politike. Po punoj për një grupim të ri, do hyjmë në zgjedhje me këtë ide. Mund të bëhet një koalicion i ri.

Duam tu kthejmë shqiptarëve një opozitë kundër Ramës. Platformën e kemi gati. E para gjë është të kemi një jetë parlamentare normale”, tha ai.

(BalkanWeb)

Ndërroi jetë pas lindjes në maternitetin e Beratit, bashkëshorti i 40-vjeçares: I lanë pjesë nga placenta pa hequr, autopsia…

Thellohet skandali në lidhje me vdekjen e 40-vjeçares Miliena Sadushi, pas lindjes së vajzës së saj të tretë në Maternitetin e Beratit. Bashkëshorti i saj, shtetasi kosovar Fisnik Habibi nxjerr “fotot skandaloze” pas operacionit të saj të dytë, foto që tregojnë se çfarë kanë nxjerrë mjekët nga barku i të ndjerës.

Është thelluar më tepër skandali në lidhje me vdekjen e 40-vjeçares Miliena Sadushi,pas lindjes së vajzës së saj të tretë në Maternitetin e Beratit 6-muaj më parë.

Bashkëshorti i saj, shtetasi kosovar Fisnik Habibi ka nxjerrë “fotot skandaloze”, të bëra prej tij pas operacinionit të dytë të bashkëshortes në Maternitetin e Beratit, ku ajo qëndroi e shtruar 1 muaj e 20-ditë,pas lindjes. Ai tashmë jeton në Mitrovicë me tre vajzat që pati nga martesa me Milienën dhe mbrëmjen e djeshme ai ka dhënë një deklaratë për mediat para Maternitetit të Beratit.

Fisnik Habibi ka deklaruar se mjekët italian kanë përfunduar autopsinë mjeko-ligjore, të cilën ai e posedon që prej ditësh së djeshme dhe është në pritje që kjo autopsi të mbërrijë zyrtarisht në Prokurorinë e Beratit, ku ka nisur prej 4-muajsh hetimi në lidhje me vdekjen misterioze të 40-vjeçares.Habibi pohon se, mjekët italian kanë konfirmuar se bashkëshortja e tij ka gjetur vdekjen si pasojë e mjekimit të pakujdesshëm, që çoi në përhapjen deri në gjak të një virusi multiplex që shkaktohet nga infeksionet e brendshme.

Pasi i ka mbajtur të rezervuara deri në përfundimin e autopsisë, Finsnik Habibi bën publike edhe fotot e bëra prej tij pak sekonda pas përfundimit të operacionit të dytë të bashkëshortes së tij në Maternitetin e Beratit.

Në foto duket qartë e ndjera që ndodhet ende nën efektin e narkozës dhe në një legen afër saj shfaqen të hedhura pjesë të placentës së gruas, që i ishin lënë nga mjekja brenda në trup, pas operacionit.

Habibi ka denoncuar në Prokurorinë e rrethit të Beratit në 20 Shtator 2023,një ditë pas varrimit të gruas, mjeken gjenekologe në Maternitetin e Beratit Edlira Shkëmbi dhe kërkon që ajo të përgjigjet para drejtësisë për vdekjen e gruas së tij.

“Dua vetëm drejtësi, për gruan dhe tre vajzat tona që tashmë janë pa nënë, mjekja të përgjigjet para drejtësisë për këtë vdekje pasi gruaja ime hyri me këmbët e saj në këtë maternitet dhe pasi nuk u përmirësua asnjë ditë që pas lindjes, ajo vdiq.

Unë do luftoj sa të kem frymë për të vendosur në vend drejtësinë dhe në qoftë se kjo drejtësi nuk vihet në vend në shtetin shqiptar, unë do ta çoj çështjen deri në Gjykatën e Strasburgut”-shprehet Fisnik Habibi.

Vdekja e 40-vjeçares ndodhi në 16 Shtator 2023 në një spital në Milano, ku familjarët e kishin çuar Milienën për ta përmirësuar po ajo vdiq menjëherë pas mbërritjen në gjendje të rëndë në këtë spital. Miliena lindi vajzën e saj të tretë në Maternitetin e Beratit në 19 Korrik 2023,me një ndërhyrje çezariane. Pas operacionit ajo ka pasur vetëm dhimbje dhe temperaturë dhe ka qëndruar e shtruar në Maternitet 1 -muaj e 20 ditë, pa u përmirësuar asnjë ditë. Mjekja që kreu lindjen, Edlira Shkëmbi, e ka operuar për herë të dytë pas një muaj shtrimi në spital, për të parë infeksionin e rëndë brenda në bark. Pas operacionit-familjarët kanë deklaruar asokohe-që ajo i ka thënë nuk kam çfarë ti bëj më sepse infeksioni i është përhapur në gjak.

Fisnik Habibi e ka nisur gruan me urgjencë në një spital në Milano, ku Miliena vdiq disa minuta pas mbërritjes. Mjekët italian kishin konfirmuar paraprakisht se Miliena gjeti vdekjen nga një infeksion i rëndë dhe nisën edhe procedurat e autopsisë. Akuzat e rënda dhe denoncimin ndaj mjekes gjenekologe Edlira Shkëmbi e ka bërë vetë bashkëshorti i Milienës, që e akuzon mjeken për mjekim të gabuar dhe pakujdesi në mjekim, duke i shkaktuar komplikacione serioze gruas së tij.

BalkanWeb

Gazment Bardhi në Kongresin Amerikan, takim me kongresmenin Pete Sessions

Kryetari i Grupit Parlamentar të PD Gazment Bardhi po zhvillon një vizitë zyrtare në Shtetet e Bashkuara të Amerikës.

Gjatë ditës së sotme ai është takuar me kongresmenin republikan Pete Sessions.

Bardhi është shprehur se partneriteti strategjik me SHBA do të jetë i tillë përjetësisht dhe se Shqipëria është me fat që ka aleat Shtetet e Bashkuara.

Postimi i plotë:

Në Kongresin Amerikan kisha kënaqësinë të takoja Kongresmenin Republikan Pete Sessions, me të cilin ndamë çështje me interes për Shqipërinë dhe partneritetin strategjik mes dy vendeve tona. Shqipëria është me fat që ka aleat Shtetet e Bashkuara të Amerikës dhe kjo do të vazhdojë të mbetet e pacënuar përjetësisht.

Pavarësisht problemeve me të cilat Shqipëria përballet gjatë gjithë këtyre viteve, përfshirë korrupsionin, mungesën e shtetit ligjor apo demokracisë funksionale, SHBA ka qenë gjithmonë prezent për të na ndihmuar në rrugtimin tonë për një Shqipëri demokratike dhe të zhvilluar.

Transparency International: Përparimi në luftën ndaj korrupsionit në Shqipëri, varet nga mbikqyrja efektive ndaj ekzekutivit

Shqipëria u vlerësua në vitin 2023 me një pikë më shumë se vitin e mëparshëm në Indeksin e Perceptimit të Korrupsionit, duke shënuar 37 pikë dhe duke u radhitur në vendin e 98-të mes 180 vendeve, sipas organizatës Transparency International.

Të martën kjo organizatë publikoi Indeksin e përvitshëm të Perceptimit të Korrupsionit dhe raportin për gjendjen e korrupsionit në botë.

Transparency International përdor një sistem llogaritjeje të indeksit nga zero në 100 pikë, ku zero është niveli më i lartë i korrupsionit dhe 100 pikë do të thotë mungesë korrupsioni.

Në raport thuhet se Shqipëria po shënon përmirësim në drejtim të hetimit dhe ndjekjes penale të korrupsionit në nivel të lartë, duke iu referuar punës së SPAK-ut.

“Por përparimi i mëtejshëm në këtë drejtim varet nga zbatimi i mëtejshëm i legjislacionit të drejtësisë penale dhe sigurimi i mbikëqyrjes efektive ndaj degës ekzekutive”, thuhet në raport.

Transparency International thotë se vendimi për krijimin e një ministrie të re ngarkuar me luftën kundër korrupsionit shoqërohet me pritshmërinë për mekanizma efektivë të integritetit.

“Megjithatë, kjo nuk mund të arrihet nëse parlamenti nuk ka autonomi më të fortë dhe nëse organizatat e shoqërisë civile dhe mediat nuk mund të kryejnë rolin e tyre mbikëqyrës pa pengesa nga autoritetet”, thuhet më tej në raportin e Transparency International.

Këtë vit, sipas organizatës shumica e vendeve kanë bërë pak ose aspak përparim në luftën kundër korrupsionit në sektorin publik.

Në vitin 2022 Shqipëria ishte radhitur në vendin e 101. Që nga viti 2012, Shqipëria është përmirësuar me 4 pikë.

Transparency International thotë se bota po përjeton një rënie në funksionimin e sistemeve të drejtësisë dhe vendet që kanë sisteme të dobëta drejtësie kanë nivele të larta korrupsioni.

“Korrupsioni do të vazhdojë të lulëzojë derisa sistemet e drejtësisë të mund të ndëshkojnë shkeljet dhe të mbajnë nën mbikqyrje qeveritë. Kur drejtësia blihet ose ndaj saj ndërhyhet politikisht, janë njerëzit që vuajnë pasojat. Udhëheqësit duhet të investojnë plotësisht tek insitutcionet që respektojnë ligjin dhe luftojnë korrupsionin dhe të garantojnë pavarësinë e tyre. Është koha për t’i dhënë fund mosndëshkimit për korrupsionin”, shprehet në publikimin e raportit kreu i Transparency International, François Valérian.

Danimarka kryeson indeksin për nivelin më të ulët të korrupsionit për të gjashtin vit radhazi me 90 pikë, pasuar nga Finlanda dhe Zelanda e Re, me 87 dhe 85 pikë respektivisht.

Somalia me 11 pikë, Venezuela me 13 pikë, Siria me 13 pikë, Sudani i Jugut me 13 pikë dhe Jemeni me 16 pikë zënë vendet e fundit në Indeks.

Rajoni i Evropës Lindore dhe Azisë Qendrore ku bën pjesë Shqipëria ka rezultate shqetësuese me një mesatare prej 35 pikësh nga maksimumi prej 100 pikësh, i dyti me rezultatin më të dobët pas Afrikës Nën Sahariane.

“Hapat mbrapa në demokraci dhe dobësimi i sistemeve të drejtësisë, që janë mjaft të përhapura, po minojnë kontrollin ndaj korrupsionit, ndërsa institucionet si policia, prokuroria dhe gjykatat shpesh nuk janë në gjendje të hetojnë dhe ndëshkojë ata që abuzojnë me pushtetin”, thuhet në raport.

Mes vendeve të Ballkanit Perëndimor, Shqipëria radhitet më poshtë sesa Kosova, Maqedonia e Veriut dhe Mali i Zi, ndërsa ka respektivisht një pikë më shumë se Serbia dhe dy më shumë se Bosnja.

Në këtë nëngrup bëjnë pjesë Ukraina dhe Rusia dhe raporti thotë se lufta dhe inflacioni kanë rritur nivelet e varfërisë dhe për këtë arsye është thelbësore që udhëheqësit të veprojnë për të mirën e përbashkët.

“E megjithatë ka shembuj të panumërt të zyrtarëve publikë që ndikojnë sistematikisht mbi politikat dhe institucionet për të rritur fuqinë e tyre dhe vjedhin fondet publike. Udhëheqësit duhet urgjentisht të forcojnë sundimin e ligjit, të drejtat dhe demokracinë, por në fakt shumë prej tyre po i sulmojnë sistematikisht”, thotë raporti.

“Në të gjithë rajonin, shumë qeveri kontrollojnë gjyqësorin dhe institucionet e zbatimit të ligjit ruajnë pandëshkueshmërinë për korrupsionin për ata në qarqet e tyre të privilegjuara”, thotë Transparency International, duke theksuar se për Gjeorgjinë dhe vendet në në Ballkanin Perëndimor, “këto praktika të vazhdueshme janë pengesa për anëtarësimin në Bashkimin Evropian.”

Kushtetuesja i hapi rrugë marrëveshjes me Italinë, të rinjtë ironizojnë vendimin, “homazhe” te dera e gjykatës

Një grup të rinjsh ka kundërshtuar vendimin e Gjykatës Kushtetuese, e cila sot tha se marrëveshja e Shqipërisë me Italinë për emigrantët ilegalë është e ligjshme.

Të rinjtë kanë vendosur një kurorë me lule në derën e Kushtetueses, ndërsa mbi të shkruhet “Gjykata Kushtetuese”.

Sipas tyre Gjykata Kushtetuese “ka vdekur”, ndërsa kanë deklaruar se nuk e pranojnë këtë vendim që është i paligjshëm.bw

‘Më pyetën nëse kam biseduar me kryeministrin Kurti’, Klara Sanduloviq tregon se çfarë i thanë agjentët e BIA

Klara Sanduloviq, vajza e politikanit serb Nikola Sanduloviq, i cili u rrah barbarisht nga agjentët e BIA pasi kërkoi falje për krimet kundër shqiptarëve, kreu homazhe disa ditë më parë në Prekaz.

Në një intervistë ekskluzive për Euronews Albania ajo zbuloi ndalimin në pikën kufitare të Merdarës, pas kthimit nga Kosova.

Sipas saj agjentët e shërbimit sekret serb e morën në pyetje për tre orë dhe i kërkuan të tregonte kë kishte takuar në Prishtinë.

“Ata mendojnë se veprimi im është një veprim kundër qeverisë serbe, se unë po komplotoj kundër qeverisë serbe. Ata më pyetën me kë fola, nëse fola me kryeministrin Kurti, çfarë mesazhesh kishte ai për babain tim, pyetje të ndryshme për aktivitetin tonë politik. Më pyetën kush e mbështet babain dhe me kë jemi në kontakt, nëse njoha njerëz gjatë qëndrimit tim në Prishtinë. Unë nuk mund t’ju përgjigjesha këtyre pyetjeve pasi nuk takova askënd në Prishtinë, thjesht vendosa lule në varrin e Jasharajve dhe ata u acaruan me këtë përgjigje. Më pyetën ku punoj, cilat janë pasionet e mia dhe çfarë bëj në kohë të lirë. Më pyetën pse kam një pasaportë kroate dhe cili është emri i mamasë time”, tha ajo.sn

Spahia: Skandal, Beci ka vendosur shkrirjen e Teatrit “Migjeni”, institucioni më i rëndësishëm i kulturës në Shkodër

Anëtari i Kryesisë së PD, Bardh Spahia ka denoncuar vendimin arbitrar për shkrirjen e disa institucioneve përnjëherësh nga Benet Beci, vendim i cili është në kundërshtim me interesat e qytetit të Shkodrës.

Spahia është shprehur se shkrirja e Teatrit “Migjeni”, institucioni më i rëndësishëm i kulturës në Shkodër, e përtej, që mban titullin “Nderi i Kombit”, është akti më i turpshëm që i bëhet tempullit të artit, aty ku u vu në skenë opera e parë shqiptare, e më pas kryevepra kombëtare e botërore të dramës, komedisë, e muzikës, e prej ku kanë dalë emrat ikonë të artit kombëtar

Reagimi:

Me një akt të paprecedent, njeriu që Rama i imponoi shkodranëve përmes krimit, kërcënimit dhe blerjes së votës, ka marrë përsipër të shkrijë disa institucione përnjëherë, pa asnjë konsultim publik dhe pa asnjë shpjegim se si do të menaxhohen në vazhdim institucione të rëndësishme në territorin e Bashkisë Shkodër.

Shkrirja e Teatrit “Migjeni”, institucioni më i rëndësishëm i kulturës në Shkodër, e përtej, që mban titullin “Nderi i Kombit”, është akti më i turpshëm që i bëhet tempullit të artit, aty ku u vu në skenë opera e parë shqiptare, e më pas kryevepra kombëtare e botërore të dramës, komedisë, e muzikës, e prej ku kanë dalë emrat ikonë të artit kombëtar.

Shkrirja e Teatrit “Migjeni” na kujton shembjen e Teatrit Kombëtar. Këtë herë jo duke futur fadromat, por më keq duke rrënuar strukturën e tij e duke i hequr krejtësisht pavarësinë. E për cfarë? Që ta kenë të komandueshëm për të luajtur cic-mice disa njerëz anonim, që nuk kanë lidhje me artin dhe kulturën në Shkodër.

Dega ekonomike e kulturës, një tjetër institucion i rëndësishëm që shkrihet, i cili ka administruar Qendrën Kulturore “Pjetër Gaci”, Bibliotekën “Marin Barleti”, Galerinë e Arteve, Muzeun “Oso Kuka”, Muzeun e Kështjellës dhe “Vendin e Dëshmisë e Kujtesës”. Të gjitha fshihen dhe hidhen tutje, pa ditur askush për fatin e tyre.

Një pyetje që vjen natyrshëm: Çfarë mbetet në këmbë dhe sadopak i lirë prej pushtetit nga institucionet kulturore?

Drejtoria e çerdheve e kopshteve, institucioni i cili mbikqyr, administron dhe përkujdeset për të gjitha çerdhet dhe kopshtet publike në territorin e Bashkisë Shkodër, duke patur si detyrë sigurinë e mirqënien e fëmijëve të të gjithë shkodranëve, shkrihet gjithashtu, pa asnjë shpjegim se çfarë do të ndodhë me të ardhmen e fëmijëve në radhë të parë, por edhe të punonjësve.

Me të njëjtin trajtim shpërfillës Drejtoria e Shërbimeve Bujqësore dhe Pyjore, që mbulon një bashki ku problematikat e bujqësisë janë të pafundme dhe me sipërfaqen më të madhe të pyjeve. Nga përmbytjet, investimet në rrjetin kullues e vaditës, apo tek menaxhimi i sipërfaqes pyjore.

Ky shkatërrim i qëllimshëm ka vetëm një arsye, abuzimin, mos mbajtjen e përgjegjësisë dhe rrënimin e bashkisë Shkodër. Në vend që të shkohet drejt decentralizimit siç edhe rekomandohet me forcë nga institucionet ndërkombëtare, modeli rilindas kthehet mbrapsht duke përqendruar gjithçka në pak duar afër titullarit.

Këto vendime janë njëlloj si ato që bëri kryeministri i tij, që Shkodrës i hoqi thuajse të gjitha drejtoritë dhe nuk ndalet së rrënuari traditën dhe historinë shekullore.sn

Kushtetuesja në Shqipëri kundërshton bllokimin e diplomave për studentët e Mjekësisë

Gjykata Kushtetuese në Shqipëri pranoi pjesërisht të enjten një kërkesë të studentëve të Fakultetit të Mjekësisë, duke shfuqizuar disa nene të ligjit që i detyronte ata të punonin në Shqipëri deri në pesë vjet pas diplomimit.

Sipas Gjykatës, dispozitat e kundërshtuara nga studentët, sjellin kufizim të të drejtave për arsim dhe punësim, por ky kufizim ka ardhur për shkak të interesit publik, për të garantuar kujdes shëndetësor.

Ky institucion e ka cilësuar si joproporcional afatin e vendosur nga Qeveria, për ‘mbajtjen peng’ të diplomës, me kërkesë të punës së detyrueshme për pesë vjet.

“Afati pesëvjeçar (i parashikuar nga neni 4 i ligjit) rezulton më i ashpër sesa nevoja për të përmbushur objektivin legjitim. Duke u nisur nga premisa që afati pesëvjeçar nuk është proporcional, dhe duke marrë në konsideratë eksperiencën e vendeve të tjera, ku ky afat nuk tejkalon gjysmën e kohëzgjatjes së studimeve, u gjykua që të rishikohen edhe afatet e tjera trevjeçare dhe dyvjeçare, të përcaktuara në të njëjtin nen”, është thënë në vendimin e Gjykatës Kushtetuese.

Ligji, që synon të ndalojë largimin e mjekëve të rinj nga Shqipëria, u miratua nga Kuvendi, më 21 korrik.

Sipas Qeverisë, Ligji për “trajtimin e veçantë të studentëve, që ndjekin programin e integruar të studimit të ciklit të dytë ‘mjekësi e përgjithshme’ në institucionet publike të arsimit të lartë”, ishte masa e duhur për të siguruar shërbime shëndetësore për qytetarët.

Ligji parasheh që studentët që nuk nënshkruajnë marrëveshjen për të zbatuar këtë detyrim, duhet të paguajnë një tarifë që, sipas Qeverisë, është 6.500 euro në vit, por nga përllogaritja e bërë nga Bordi i Administrimit të Universitetit të Mjekësisë, kjo kosto kap vlerën e 2.300 eurove.

Studentët e dërguan ligjin në Gjykatë Kushtetuese në tetor të vitit 2023. Në atë kohë ligji u pezullua deri në marrjen e një vendimi përfundimtar.

Me shpalljen e këtij vendimi, Gjykata i la Kuvendit tre muaj kohë për të miratuar ndryshimet e nevojshme.

Gjykata ka konstatuar, gjithashtu, se në ligj mungojnë kriteret për “punësimin me prioritet, trajtimin financiar deri në gjetjen e punës, si dhe përllogaritjen e periudhës së pritjes për t’u punësuar në kohëzgjatjen e detyrimit për punësim”.

Organizata “Qëndresa Qytetare”, që monitoron problemet në arsim në Shqipëri, dhe ka mbështetur studentët në protestat e tyre, ka reaguar e para, pas vendimit të Gjykatës.

Migen Qiraxhi, drejtues i kësaj organizate, e cilësoi vendimin si një fitore për studentët dhe tha se në këtë mënyrë, “Qeverisë i bllokohet rruga për të mbajtur peng dhe kushtëzuar edhe diplomat e mësuesve, inxhinierëve apo profesioneve të tjera”.

Kryeministri i Shqipërisë, Edi Rama, kur bëri publike nismën për të frenuar largimin e mjekëve, pati paralajmëruar se i njëjti model do të aplikohet edhe për disa degë të tjera studimi, që vendit të mos i mungojnë profesionistët e fushave të ndryshme.

Ekspertë të mjekësisë kanë deklaruar se “eksodi” i mjekëve nuk zgjidhet me nisma të tilla, por duke rritur pagat e mjekëve dhe duke krijuar kushtet e nevojshme për ushtrimin e këtij profesioni.

Ja kërkesa e 47 deputetëve të opozitës: Të ndryshohet përbërja e Komisionit të Reformës Zgjedhore

Zbardhet kërkesat e 47-deputetëve të opozitës, të cilët kërkojnë të ndryshohet përbërja e Komisionit të Reformës Zgjedhore.

Në një kërkesë drejtuar Kryetares së Kuvendit dhe për dijeni Ambasadorëve të Quint-it dhe Kryetarit të Grupit Parlamentar të PS, 43 deputetët e PD të grupimit Bardhi-Berisha, 3 deputetët e Partisë së Lirisë dhe deputeti i PD Agron Shehaj, i kanë kërkuar Kryetares së Kuvendit të procedojë me ndryshimin e përbërjes së Komisionit të Posaçëm Parlamentar për Reformën Zgjedhore.

47 deputetët e opozitës, të cilët së bashku me 7 deputetët e Grupit Parlamentar për Demokraci dhe Integrim që kanë caktuar Shpëtim Idrizin si anëtarë të tyre, përbëjnë shumicën absolute të deputetëve të opozitës, kanë theksuar se përveç faktit që Shqipëria ka detyrimin ndërkombëtar për reflektimin e rekomandimeve të OSBE-ODIHR, nga ana tjetër Kuvendi ka detyrimin për të reflektuar edhe 3 vendime të Gjykatës Kushtetuese, që lidhen kryesisht me formulën ligjore të përllogaritjes së mandateve për deputet, si dhe votën e shtetasve shqiptarë që jetojnë jashtë vendit.

Në një letër të gjatë deputetët e opozitës kanë shpjeguar në detaje sesi puna e Komisionit të Posaçëm të Reformës Zgjedhore u bllokua për rreth 2 vite nga bashkëkryetarët aktual. “Për shkak se në 18 muaj Komisioni i Posaçëm zhvilloi vetëm dy mbledhje inaguruese dhe nuk përmbushi përgjegjësinë e ngarkuar nga Kuvendi dhe as afatet e kalendarit të punës që kishte miratuar vetë, në 14 Maj 2023, në Shqipëri u zhvilluan zgjedhje pa asnjë ndryshim ligjor dhe pa adresuar asnjë nga Rekomandimet e OSBE-ODIHR të vitit 2021”- thuhet në shkresë.

Deputetët nënshkrues shprehen se kanë analizuar situatën që në muajin Shtator 2023 dhe kanë konstatuar se asnjë përfaqësues i mazhorancës dhe opozitës, roli udhëheqës i përket bashkëkryetarëve, nuk kishin kërkuar asnjëherë zyrtarisht mbledhjen e Komisionit, nuk kishin patur asnjë reagim apo nuk kishin nxitur asnjë debat publik mbi këtë çështje, nuk kishin informuar asnjëherë Grupin Parlamentar apo vetë Kuvendin për ekzistencën e ndonjë arsyeje objektive për bllokimin e punës në Komision, si dhe drejtuesi i opozitës në Komision nuk kishte zhvilluar asnjë takim, konsultim apo mbledhje me anëtarët e tjerë të opozitës. “Nga kjo analizë rezultoi e provuar që qartësisht Reforma Zgjedhore po lihej në heshtje, po mbahej qëllimisht e bllokuar, edhe pse koha po kalonte dhe zgjedhjet e ardhshme ishin afër” – shkruajnë deputetët e opozitës.

“Është e drejtë e trupës që ka mandatuar përfaqësuesit që të rishoh rolin e tyre, si dhe t’i mbajë përgjegjës kur cënohen interesat politike apo kur shpërdorohet besimi i dhënë. Në këtë kuptim, koha e mjaftueshme prej 22 muajsh për të ushtruar përgjegjësinë e ngarkuar dhe mungesa e progresit në këtë çështje, e bën të domosdoshëm ndryshimin e përbërjes së Komisionit” – thuhet në shkresën drejtuar Kryetares së Kuvendit.

Deputetët evidentojnë se në kuadër edhe të dialogut konstruktiv dhe gjithëpërfshirës, Grupi Parlamentar i Partisë Demokratike, Grupi Parlamentar “Aleanca për Ndryshim” dhe deputetët e tjerë të opozitës, vendosën të propozojnë ndryshimin e përbërjes së Komisionit të Posaçëm, duke theksuar për herë të parë zyrtarisht se në rast se 7 deputetët e Grupit Parlamentar të Partisë Demokratike të cilët mungonin në mbledhje (Arbi Agalliu, Enkelejd Alibeaj, Eralda Bano, Flutura Acka, Kreshnik Çollaku, Lulzim Basha, dhe Orjola Pampuri) shprehin vullnetin të përfaqësohen me një anëtar të zgjedhur prej tyre, atëherë grupi parlamentar shpreh gadishmërinë për të tërhequr një anëtar nga propozimi dhe caktimin e njërit prej kolegëve që mungon në mbledhje si anëtar të Komisionit.

Letra e deputetëve mbyllet me thirrjen drejtuar Kryetares së Kuvendit që t’i përgjigjen thirrjes së partnerëve ndërkombëtar për gjetjen e rrugës së dialogut mes palëve dhe të mbajnë në konsideratë dakordësinë e arritur në Rezolutën e Komitetit të Stabilizim-Asociimit BE-Shqipëri, ku theksohet nevoja për të siguruar një qasje të vërtetë përfaqësuese dhe gjithëpërfshirëse në Komisionin e Reformës Zgjedhore.

Faqja 17 prej 246« Fillimi ‹ Prapa 13 14 15 161718 19 20 21 Para ›Fundi »

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL