Pas arrestimit të Xhikës kanë ardhur edhe 10 fletë-arreste të tjera ku personazhi më i njohur është Andi Toma, i cili ka pasur problem me çështjen e përfolur të rrugës së Kombit. Dashamir Xhika akuzohet për abuzime në ndërtimin e aksit rrugor Tiranë-Elbasan. Arrestimi i Xhikës erdhi pas auditit nga ministria për këtë aks. Kallëzimi i Xhikës u bë në Prokurorinë e Krimeve të rënda nga ministri Damian Gjiknuri. Dashamir Xhika ka qene kreu i ARRSH, si perfaqesues i Levizjes Socialiste per Integrim.
Pas auditit, ministri i Infrastrukturës dhe Energjisë, Damian Gjiknuri dërgoi pranë Prokurorisë për Krime të Rënda kallëzimin penal në ngarkim të Dashamir Xhikës, ish-Drejtor i Përgjithshëm i ARRSH; Aksel Qurduka, ish-Drejtor i Njësisë së Menaxhimit të Projektit të rrugës Tiranë-Elbasan dhe Albens Alite, Drejtor i Njësisë së Menaxhimit të Projektit të Rrugës Tiranë-Elbasan, pranë ARRSH.
Auditi gjeti dëm ekonomik në vlerën 53,9 milion USD. Përveç kësaj, është konstatuar edhe një shkelje e disiplinës financiare në vlerën 16,1 milion USD nga nënshkrimi i amendamenteve të kontratës pa burime financimi.
Pas arrestimit të ish-drejtorit të ARSH-së Dashamir Xhika, prokuroria e Elbasanit ka lëshuar edhe 10 urdhër-arreste të tjera për skandalin e rrugës së Gjinarit në Elbasan.
Burime zyrtare nga policia bënë me dije se në pranga ka rënë edhe Andi Toma, ish-drejtor i Përgjithshëm të Rrugëve, nga viti 2008-2013 (në kohën kur qeveriste PD), Rexhep Tarba (mbikëqyrësi i punimeve në rrugën e Gjinarit), Agron Hysa dhe Kujtim Hysa, ndërsa Rezarta Bokçiu është me ‘arrest shtëpie’.
11 urdhër-arreste janë ekzekutuar vetëm 6 prej tyre, ndërsa priten ende të tjera arrestime. Përveç masës së arrestit, policia ka ushtruar edhe kontrolle në banesë tek zyrtarët në fjalë. Kallëzimi për abuzime ndaj Dashamir Xhikës u bë nga prokuroria e Elbasanit, konkretisht shpërdorim fondesh në ndërtimin e rrugës së Gjinarit. Procedurat e rrugës së Gjinarit kanë nisur që në vitin 2009.
“Nga hetimet e kryera ka rezultuar se këta shtetas, sipas detyrave dhe funksioneve që kanë patur, kanë kryer veprime dhe mosveprimeve të kundërligjshme, që kanë sjellë si pasojë shpërdorimin e fondeve publike në shumën rreth 5 miliardë lekë të vjetra, të dhëna nga buxheti i shtetit për realizimin e objektit “Sistemim Asfaltim rruga e Gjinarit”, dhe objekti nuk është realizuar”, thuhet në vendimin e gjykatës së Elbasanit.

Historiku
Ka qenë prokuroria e Elbasanit ajo që ka firmosur 11 fletë-arrestet e bujshme të zyrtarëve të lartë të drejtorisë së rrugëve në 8 vitet e fundit. Në pranga ka rënë Andi Toma, ish-drejtori i Drejtorisë së Rrugëve për periudhën 2009-2013 dhe pasardhësi i tij në krye të ARRSH-së për vitet 2013-2017,Dashamir Xhika. Fletë-arreste janë ekzekutuar edhe për 4 zyrtarë të tjerë në Tiranë dhe Elbasan ndërsa procedimi penal do të vazhdojë edhe për 5 persona të tjerë. Arrestimi i Xhikës është bërë në banesën e tij.
I gjithë operacioni është udhëhequr deri në mesnatë nga drejtuesi i prokurorisë së Elbasanit Ardian Nezha. Shkak është bërë një tender për ndërtimin e rrugës Elbasan – Gjinar. Zyrtarët që kanë bërë kolaudimin fiktiv të rrugës. Lapsi.al mëson se procedurat për ndërtimin e kësaj rruge kanë nisur që në vitin 2009. Abuzimet financiare të shkaktuara përllogariten në shifrën 5 miliard lekë të vjetra.
Nën akuzë janë kolaudues dhe disa biznesmenë të kompanive ndërtuese “Arifaj” dhe “Tre vëllezërit Hysa”. Kompania administrohet nga Besnik Hysa, Kujtim Hysa dhe Flutura Hysa dhe është themeluar prej vitit 2001. Dy vëllezërit tashmë janë arrestuar nga policia.
“Nga hetimet e kryera ka rezultuar se këta shtetas, sipas detyrave dhe funksioneve që kanë pasur, kanë kryer veprime dhe mosveprimeve të kundërligjshme, që kanë sjellë si pasojë shpërdorimin e fondeve publike në shumën rreth 5 miliardë lekë të vjetra, të dhëna nga buxheti i shtetit për realizimin e objektit “Sistemim Asfaltim rruga e Gjinarit”, dhe objekti nuk është realizuar” – thuhet në akuzën e prokurorisë për zyrtarët e lartë.
Cilët janë Xhika dhe Toma
Dashamir Xhika qëndroi për 4 vjet në krye të ARRSH-së. Ai vinte nga radhët e LSI-së dhe nuk u lëviz pavarësisht akuzave për korrupsion. Xhika kandidoi deputet në zgjedhjet e 25 qershorit 2017 nga radhët e LSI në qarkun e Elbasanit. Ai nuk arriti që të hynte në Kuvend, pasi kjo forcë politike mori vetëm 2 deputetë, Kryemadhin dhe Haxhinaston ndërsa Xhika ishte i treti në listë. Në vitin 2017, Xhika u kallëzua penalisht për shpërdorim detyre në punimet e rrugës Elbasan-Tiranë nga ministri Damian Gjiknuri.
Zv/ drejtori Andi Toma është personi tjetër që është arrestuar nga policia për abuzimet në rrugën Elbasan-Gjinar. Ai ka qenë ish-drejtor i Përgjithshëm të Rrugëve nga viti 2008-2013 (në kohën kur qeveriste PD). Andi Toma ka qenë funksionar i Partisë Demokratike. Ai i arrestu dhe disa vite më parë i akuzuar për abuzime gjatë ndërtimit të autostradës Durrës-Kukës.

Shumëkush nga ata që e kanë parë të enjten në mbrëmje debatin nervëtendosur në “Studio e hapur” kanë mbetur të befasuar teksa e dëgjonin Lulzim Bashën ta akuzonte Lubonjën si antiopozitar, si ndihmues të Edi Ramës dhe kulmi i kulmeve, si njeri që e kishte detyruar atë vetë të shkonte e të bënte një pakt me kryeministrin në 18 maj.

Në fakt, kjo nuk është hera e parë që në një studio televizive, lideri i PD zgjedh të hiqet si viktima e antiopozitarizmit të shpallur të shqiptarëve. Nuk është një risi që në mungesë të argumentit, ai të bërtasë se nuk mund t’i mbyllet goja pakicës. E me siguri, nuk ka për të qenë as tentativa e fundit, për të sulmuar ata që pretendojnë se dy partitë e mëdha ngjajnë si dy pika uji.

Por, pyetja që shtrohet pasi ke ndjekur atë përballje të ashpër është: si ka mundësi që mllefi breshëror i Bashës të mbërrijë deri te Lubonja? Cfarë vizioni të errësuar të realitetit duhet të kesh, sa të etiketosh kritikun më epik të Edi Ramës, njeriun që e denoncon atë prej dy dekadash, si një avoakat të kryeministrit aktual? Cfarë paaftësie për të bërë opozitë parimore dhe të ndershme të detyron t’a quash kundërshtarin mashtrues dhe marksist? Dhe, në fund të fundit, cili ligj i logjikës e përligj akrobacinë që Basha lëshoi nga goja dje: “Unë shkova e u ula në marrëveshje me Ramën, ngaqë Lubonja ashtu si një pjesë e elitës së Tiranës nuk më përkrahu gjatë aksionit të çadrës (Gjë që nuk është e vërtetë, por që edhe po të ishte, nuk e përligj tradhëtimin e bindjeve për hir të rrethanave).

Për të kuptuar këto qëndrime, që të radhitura kështu duken si të dala nga goja e një njeriu që ka humbur sensin e realitetit, duhet të kuptojmë pak më mirë kontekstin se si u zhvillua ky debat. Që në fillim, Lubonja, një kritik i ashpër dhe i palodhur i Rilindjes, i tha Bashës në sy se opozita e drejtuar nga ai nuk ngjall shpresë. Se vërtet qeveria është fajtore që Shqiptarët po e braktisin në mënyrë masive vendin, por kjo ndodh edhe për shkak se ata nuk perceptojnë asnjë alternativë që do t’i bënte të qëndronin këtu. Se vërtet Edi Rama po e grabit çdo pasuri të këtij vendi në bashkëpunim me oligarkët, por fatkeqësisht, ata janë të njëjtat emra që e kanë bërë këtë edhe gjatë pushtetit të PD. Se vërtet Edi Rama i’a ka nënshtruar kryeqytetin një “terrori urban”, por edhe vetë Basha ka qenë në origjinë të gradaçielave që po ngrenë sot ndërtuesit më të pasur të Tiranës.

Ndaj këtyre kritikave, të cilat Lubonja i artikulon si flamurtari i zëshëm i një shumice të heshtur, Basha kishte dy rrugë: ose së pari reflektimin dhe si pasojë e tij, përpjekjen titanike për pastrimin e opozitës, për ribashkimin e saj dhe për rishikimin kritik të së shkuarës, ose mohimin total të këtij obsioni dhe sulmin personal të atyre që i kërkojnë misionin e pamundur të tjetërsimit të saj.

Fatkeqësisht Lulzim Basha zgjodhi këtë të dytën, sepse ai i përket asaj race politikanësh që nuk besojnë tek ardhja në pushtet pa ndihmën e oligarkëve, që ndajnë llokmat e mëdha me qeverinë, por që gjithësesi i hedhin edhe thërrime PD-së; sepe ai as që e imagjinon dot t’i kundërvihet mediave të mëdha, pronarët e të cilave edhe kur i kritikon ditën shkon e u kërkon falje në mbrëmje; sepse ai nuk e ka as në versionin e ëndrave të veta më të fshehta, mundësinë që pushtetit autarkik të Ramës, t’i vendosë një front të bashkuar, demokratik, ku nuk mbisundon hierarkia e mykur e kryetarit të partisë dhe përkundja e djepit të kryeministrit të ardhshëm.

Dhe të gjitha këto e kanë një shpjegim. Ato vijnë nga bindja e thellë e Bashës se në këtë vend, nuk ka nevojë të bësh as revolucione, as sakrifica të mëdha. Mjafton të uzurposh opozitën dhe të presësh radhën që pushteti të degradojë dhe të shkërmoqet vetë. Boll të kesh durim dhe radha për t’u bërë kryeministër do të vijë, ashtu siç i erdhi njëri pas tjetrit edhe Nanos edhe Berishës edhe Ramës.

Ndërsa Lubonja prej kohësh mbron një ide tjetër. Pasi e ka provuar disa herë, ai është i bindur se përpos rrokadës së liderëve, rrotacioni nuk është më garanci për ndryshim. Se pavarësisht se kush është në qeverisje, përsëri në Shqipëri fitojnë vetëm një grusht oligarkësh dhe varfërohet shumica, se qytetarët vidhen njësoj me të njëjtat praktika privatizimesh mafioze, me të njëjtat koncesione dhe leje për grataçiela. Prandaj ai është skeptik për përmbysjet e pushteteve që vijnë pa garanci maksimale nga opozita.

Pikërisht këtë vizion ai shkoi të përballte me Bashën në “Studio e hapur”. Dhe ngaqë nuk gjeti dot një bashkëbisedues të aftë për të debatuar më këtë sfidë titaneske, ai dëgjoi paranojat e rëndomta dhe absurde, se kishte kontribuar për ardhjen në pushtet të Edi Ramës dhe po vazhdonte t’i shërbente atij.

(Pse  tmerrohet Rama dhe Rilindja nga  kauza e Opozitës për Qeverinë anti-mafia)

Protesta e datës 27 Janarit është një rast sui generis në krejt historinë e  tranzicionit Shqiptar.

Jo vetëm për faktin se është më e madhja  pas rrëzimit të regjimit komunist, por në rradhë të parë nga simbolika që trasmetoi tek qytetarët shqiptarë, faktori ndërkombëtar  dhe aleatët strategjikë të vendit tonë.

Jehona ndërkombëtare dhe komentet në  mediat prestigjoze, janë fitorja  e parë e madhe  e qytetarëve shqiptarë të marrë peng nga Edi Rama dhe e opozitës  si zëdhënëse dhe udhëheqëse e betejës kundër regjmit despotik, tribal e anti-demokratik të Edi Ramës.

Beteja e opozitës kundër një regjimi e tejkalon  modelin klasik  të të bërit politikë në një shoqëri normale  ku parlamenti dhe institucionet e tjera të Shtetit të së drejtës ,kanë  si busull orientuese  Kushtetutën dhe Ligjin, parimin e ndarjes së pushteteve dhe respektimin e lirisë dhe të drejtave të njeriut .

Arsyet se përse Edi Rma dhe banda e Rilindjes arriti të instalohet si regjim  janë të shumta dhe kërkojnë një analizë të gjërë dhe të hollësishme, natyrisht të pamundur për ta trajtuar në një shkrim të vetëm.

Opozita  dhe kryetari i  saj Z. Basha, në 5 vjet të betejës politike janë përballur me një kurajo të pa shembullt, sy për sy e dhemb  për dhëmb me pushtetin e mafias  politke, bandave e trafiqëve  të instaluara pas zgjedhjeve të vitit 2013. Ajo çka opozita ka denoncuar  në sytë e shqiptarëve e të faktorit ndërkombëtar  është katërcipërisht as më shumë e as më pak veçse  fytyra e vërtetë e një qeverie monstër e cila në aleancë me krimin ka rrënuar institucionet, demokracinë parlamentare, funksionimin e Shtetit të së Drejtës, ekonominë dhe sipërmarrjen e lirë.

Qeveria Rama ja ka dalë me sukses ta shndërrojë Shqipërinë në Kolumbi të Europës, të bllokojë prespektivën e integrimit të saj  në BE.

Qeveria Rama 2 e dalë nga trustet e drogës, trafiqeve e parave të pista nuk mundi  për  asnjë ditë të vetme të legjitimojë  fitoren e blerë të 25 qeshorit. Referendumi  popullor i  datës 27  janar e rrëzoi pushtetin e Rilindjes. Sovrani popull foli. Ky gjykatës  i  pa kontestueshëm e dha verdiktin, pikërisht në vitin e Gjergj Kastriotit (Skënderbeut). Zgjedhjet e 25 qershorit ranë. Opozitarizmi shqiptar u kthye në mazhorancë morale. Në këto 5 muaj skandalet e qeverisë Rama të gatuara që në mandatin e parë, janë spektakolare dhe mëse të  mjaftueshme jo vetëm për ta rrëzuar nga pushteti por dhe për ta dëbuar njëherë e përgjithmonë nga parlamenti  dhe për ta çuar përpara  drejtësisë.

Me skandalin  Tahiri  e mbrojtien e tij, Rama u  vetë identifikua  si kapo i krimit e tutor i Tahirit, Habilajve, Nezar Seitit, Beqajve e bandave te tjera kriminale  që e sponsorizuan për të blerë votat e 25 qeshorit.

Marrëveshja e fshehtë me grekët. Shitja e një kauze mbarë shqiptare, siç është çështja Çame për të cilën Parlamenti i Shqipërisë ka hartuar një rezolutë të aprovuar nga të gjitha palët.  Shitja e detit, duke shkelur vendimin e Gjykatës Kushtetuse. Bonusi që ai u jep qarqeve ultra-nacionaliste  greke  me varrezat e ushtarëve të tyre. Plani për të kthyer marrëveshjen e detit në koncesion politik  në favor të përkrahjes  së regjimit të tij, përbën një akt të pashembullt  të tradhëtisë kombëtare, për të cilën ai duhet të përgjigjet një ditë.

Në politikën e brendshme, Rama mund ta lërë trashëgim hashashin, kokainën, heroinën, shkatërrimin e institucioneve, kapjen e shtetit nga pushteti, falimentimin e mijëra  bizneseve, dëbimin e investitorëve të huaj, grabitjen e pasurisë kombëtare, taksimin e lartë të shërbimeve  publike, konccesioneve që iu dhuroi kumbarëve të tij të krimit. Në politikën e jashtme ai ka guxuar të lërë në hije  edhe diktatorë të urryer e të perënduar  si: Somoza i Nigaragos, Gedafi i Libisë apo Bashar Alasadi i Sirisë. E theksova këtë fakt  sepse asnjëri prej këtyre monstrave nuk ka arritur të  shkojë deri aty sa t`i japë mend amerikanëve e të etiketojë  zotin D. Trump si e keqe e njerëzimit sikurse është shprehur Kryeministri Shqiptar Rama.

Fitorja spektakolare e presidentit Trump. Mrekullia ekonomike që ai realizoi për vetëm një vit të qeverisjes së tij. Kthimi i Amerikës në lidership botëror  dhe mbrojta e interesave Amerikane kudo në botë i treguan mbarë njerëzimit  se ajo qeë e dallon këtë komb të madh të lirisë nga të tjerët  është pikërisht fakti se qytetarët e këtij vendi  zgjedhin kurdoherë alternativën më të mirë për të qeverisur.

Megallomania e Ramës i ka bërë Shqipërisë, diplomacisë dhe imazhit të saj  dëme të pa  llogaritshme, duke shkatërruar boshtin e politikës së jashme prej gati 3 dekadash .

Lideri Basha  e etiketoi  Z.Rama si një  despot lindor. Nuk besoj se ka kostum që i shkon më mirë  i  cili në sinkron të plotë me Putinin dhe Erdoganin, votoi në OKB kundër SHBA- së ,aleatit të madh strategjik  për shqiptarët, kombit të cilit i  detyrohemi përjetësisht,  jo vetëm  për çlirimin e Kosovës  por  edhe për veton  e presidentit Willson ,i  cili në Konferencën e Paqes së Parisit të vitit 1919 e shpëtoi Shqipërinë nga kthetrat  grabitqare të fqinjëve të saj shovinistë.

Në turrneun e saj  të lamtumirës Znj. H. Klinton, tha  në foltoren e Parlamentit Shqiptar: “Amerika ka qenë me ju njëqind vitet e shkuara. Ajo do të jetë me ju dhe njëmijë  vitet e arrdhshme”.

Pabesia e Ramës ndaj SHBA-ve, e shqiptarëve  si populli më pro-Amerikan në planet. Kërcënimi i lidershipit politik të BE-së, se ai ka alternativa të tjera veç BE-së , Rusinë dhe Kinën, dikur aleatë të Hoxhës, tregojnë qartësisht se ai e konsideron Shqipërinw  si Sulltanat  të tij , dhe qytetarët e saj si dele, që mund t`i çojë për t`i kullotur në stepat Siberiane, apo në Rrafshnaltën Tiberiane.

A mund të qeverisë një kryeministër armik dhe persekutor i  popullit të  tij, i cili  mori vendimin për t`ua hequr dëmshpërblimin të përndjekurve politikë që u përsekutuan  nga  baballarët e tij ? A mund të qeverisë një kryeministër  aventurier dhe  i  pabesë ndaj aleatëve strategjikë të Shqipërisë ? Mendja e tij haluçinante  e tutorët  e tij thonë po.  Ansambli i  khmerëve të kuq, Ruçi, Xhafa,  etj  nën maskën e Rilindjes  thonë po. Qindra  mijëra qytetarë në Bulevardin “Dëshmorët e Kombit”, i  thanë me datë 27 janar: Jo.

Sovrani u shpreh me qartësi dhe vendosmëri, se me kapon e krimit të organizuar, qoftë ky dhe kryeministër  kanë hesape për të larë. Në vazhdën e strategjisë së tij djallëzore për të demonizuar opozitën dhe për të provokuar trazira të paralajmëruara më parë ,Rama dhe segmente kriminale të shtetit tonë , panë të tmerruar se si u dogj skenari i tyre .

Asnjë incident nuk ndodhi. Lumenjtë e protestuesve  që kishin ardhur nga të katër anët e Shqipërisë , i  dëshmuan Ramës  se qytetaria , e paqia janë  binomi e ADN–ja  e shqiptarëve dhe epoka e 21 janarit, kur i  sulej  selisë së qeverisë me kriminelë e banditë, makina tritoli, molotoveve e gurë  ka perënduar njëhere e përgjithmonë .

Në rradhë të parë se ka filluar data e skadencës , për qeverinë e tij  dhe së shpejti  ai dhe timonierët  e tjerë të Rilindjes do ta shohin veten  shumica para drejtësisë  dhe të tjerë në koshin e plerave të historisë .

Së dyti  Rama pa me dëshpërim  të shkërmoqeshin  të gjitha   akuzat dhe shpifjet ndaj Opozitës . Ai doli para opnionit  një mashtrues  ordiner e lakuriq, ashtu sikurse ishte shfaqur dikur  në plazhet e bukura të Francës dhe Spanjës.

Tani fjalët ShQUP , Opozitë pa alternativë , kazan mediatik duhet  ti mbllaçitë mbrapsht, si kafshët ripërtypëse. Opozitta dhe populli janë në këmbë. Demonstrimi madhështor i 27 janarit  është  vetëm  starti i  marshimit  triumfal të Shqipëtarëve të udhëhequr nga  Opozita e  Bashkuar me korifeun  Lulzim  Basha, për të marrë në dorë fatin e vet e për t’iu rikthyer qytetarëve pushtetin e vjedhur brutalisht nga Edi Rama, me zgjedhjet e manipuluara të 25 qeshorit.

Rezistenca e Ramës për të mos  dhënë dorëheqien, apo  klithmat e seimenëve të tij  gazetarë e analistë, se qeveria  Rama është mandatuar për të  qeverisur për 4 vjet, vetëm do të përshpejtojë  fundin e tij të turpshëm .

Shqipëtarët e kanë treguar mëse një herë gjatë historisë së tyre se s’ka zot që i mban, nëse dikush iu cënon lirinë , nderin, dinjitetin, atdheun. Zgjedhjet e 25 qershorit  e qeveria e dalë prej tyre kanë rënë. Opozita Shqiptare po lufton me mjete demokratike  kundër një regjimi kriminal. Në mos mjaftofshin protestat, atëherë opozita është e detyruar t’i bindet vendimit të Sovranit, sepse ai e ka jo vetëm të drejtën morale e hynore, por edhe mjetet për të shpordhur uzurpatorët  dhe sunduesit, të cilët janë siç thotë  populli: “pa dinë e  imanë”.

Azgan HAKLAJ

Artan Lame bëri dje në mbrëmje në emisionin “Opinion” një përshkrim të plotë të luftës italo- greke 1940-41.

“Sipas statistikave ushtarake në këtë luftë u mobilizuan rreth 6000 deri 8000 ushtarakë shqiptarë, të të gjitha armëve, 6 batalione këmbësorie, 4 bateri artilerie, 2 legjione të milicisë, si edhe reparte të tjera mbështetëse.

Midis tyre rezultojnë rreth 140-160 ushtarë dhe oficerë shqiptarë të vrarë, kryesisht në fazën e parë të konfliktit në tokën greke. Si ushtarakë të rënë në detyrë atyre ju takon një vendprehje.

Historia dhe politika dënon dhe duhet të dënojë, ata që ndërmarrin aventura të çmendura si ajo e Luftës italo-greke, por nga ana tjetër është në nderin e kombeve të nderojnë të vrarët e këtyre luftërave, të cilët kanë dhënë jetën duke ju bindur shtetit, flamurit dhe betimit të bërë”, tha Lame.

Ai shtoi se është pro ndërtimit të varrezës së ushtarakëve grekë të vrarë në Shqipëri, ndërsa theksoi se duhet dhe një vendprehje për të rënët shqiptarë.

“Unë jam shprehur vazhdimisht pro ndërtimit të varrezës së ushtarakëve grekë të vrarë në Shqipëri, si një shenjë elementare dinjiteti e shtetit shqiptar. Por nga ana tjetër, edhe ne shqiptarët, nëse duam që të tregojmë dinjitet dhe respekt për të rënët tanë, duhet që një ditë të kërkojmë që edhe këta të rënë tanët të kenë një vendprehje”.

Nga ana tjetër, Lame vlerësoi faktin që këto zhvarrime po kryheshin nga një komision kompetent e jo si ato të Kosinës në Përmet, ku siç tha, tek eshtrat gjetura ka patur dhe kopsa të veshjeve ushtarake osmane.

“Shpresoj dhe besoj që Komisioni aktual i përbashkët që po kryen zhvarrimet në zonën e Këlcyrës, të lajë me sa të jetë e mundur turpin e zhvarrimeve të Kosinës, ku të gjithë, shqiptarë, priftërinj e grekë, u sulën të mbledhin ç’kocka ju dilnin përpara dhe t’i shisnin për grekë të vrarë në luftë”, tha Lame.

“Çështja e monumentit për çamët, nuk mund të trajtohet si çështje reciprociteti, pra meqenëse ne po lejojmë një varrezë ushtarake greke në Shqipëri edhe grekët duhet të lejojnë varrezën apo përkujtimoren për çamët e vrarë.

Janë dy ngjarje të palidhura me njëra-tjetrën, të distancuara në kohë nga njëra-tjetra dhe flitet për kategori të ndryshme të rënësh. E drejta e çamëve për të patur një varrezë të të vdekurve të tyre, nuk ka nevojë për reciprocitet që të trajtohet”, tha Lame në “Opinion”.

Sot anëtari i Gjykatës Kushtetues, Besnik Imeraj, ka dhënë dorëheqjen. Mësohet se arsyet e dorëheqjes janë personale dhe shëndetësore.

Pas dorëheqje së Imeraj, Gjykata Kushtetuese mbetet me 6 anëtarë. Dorëheqja e tij u bë pasi Gjykata Kushtetuese njoftoi Parlamentin dhe Presidentin të cilët pranuan dorëheqjen e tij.

Imeraj ishte ndër të parët në listën e anëtarëve të Gjykatës Kushtetuese që do të thirrej nga organet e vettingut, ndërsa më herët kishte nisur verifikimi i gjithë anëtarëve të trupës së Gjykatës Kushtetuese.

Majlinda Bregu merr post nga Edi Rama. Ja ku është emëruar ish-deputetja e PD.

Pasi i mbaroi detyra në krye të Këshillit Kombëtar të Integrimit Evropian, ish deputetja e PD, Majlinda Bregu nuk ka pasur asnjë detyrë tjetër publike.

Sipas burimeve të Dritare.net, Majlinda Bregu është propozuar si kandidatura e vetme e Shqipërisë për Presidente e RCC në Sarajevë.

Regional Cooperation Council, është një organizatë që merret me projektet ekonomike rajonale, nën mbikëqyrjen e BE. Shkresa e kandidimit është firmosur nga kryeministri Rama.

Ish-deputetja e PD, Majlinda Bregu, ka qenë eksponenti i parë i opozitës, që bashkoi qëndrimet në Bruksel me Ramën.

Bregu u la jashtë listave të PD në zgjedhjet parlamentare, nga Basha, ndërsa duket se u bë pjesë e listës së Ramës, për këtë post shumë të rëndësishëm, që do e kishte zili çdo ministër socialist.

Pas deklaratave të ministrit  të jashtëm grek Niko Kotzias se është arritur një marrëveshje për 12 milje det që do të përfitojë shteti fqinj nga Shqipëria ka ardhur edhe reagimi i Ministrisë për Europën dhe Punët e Jashtme.

Në një deklaratë për mediat kjo ministri sqaron se:

Duke marrë shkas nga reagimet e sotme të pa bazuara në lidhje me procesin e diskutimeve në tërësi më Greqinë, e më posaçërisht për çështjen e delimitimit të hapësirave detare, Ministria për Evropën dhe Punët e Jashtme dëshiron të sqaroj opinionin publik se:

Delimitimi i hapësirave detare është në interes të të dy vendeve si për sa i përket përcaktimit përfundimtar të kufijve të ushtrimit të sovranitetit dhe të drejtave sovrane në këto hapësira, po ashtu në drejtim të shfrytëzimit ekonomik të tyre.

Vendimi i Gjykatës Kushtetuese e rrëzoi marrëveshjen e nënshkruar mes dy vendeve në vitin 2009. Në mungesë të një marrëveshje mes tyre, që prej vitit 2013 palët kanë kryer një sërë diskutimesh ekploratore për gjetjen e një zgjidhjeje të qëndrueshme për këtë çështje.

Në këto diskutime qëndrimi i palëkundur i palës shqiptare ka qenë dhe mbetet lidhja e një marrëveshjeje për delimitimin e hapësirave detare bazuar në parimet e Konventës për të Drejtën e Detit ku të dy shtetet janë palë, praktikën ndërkombëtare, vendimmarrjen e Gjykatës Kushtetuese dhe legjislacionin e brendshëm që do të mundësojë një ndarje të drejtë dhe të pranueshme për të dy palët.

Është ky qëndrim i palëkundshëm pika e nisjes për ekspertët që do të negociojnë me palën greke për këtë çështje. Çdo interpretim tjetër nga aktorët politikë është qëndrim dashakeq që synon të relativizojë, apo më keq, mohojë gabimet trashanike të së shkuarës.

Analisti Fatos Lubonja i ftuar në rubrikën “Opinion” në “News 24” ka komentuar lajmin e publikuar se Greqia do të marrë nga Shqipëria 12 milje det.

Lubonja ka akuzuar për mungesë transparencë ministrin Bushati duke thënë se ne e marrim vesh nga ministri Grek dhe jo nga ministri ynë se përse po dialogohet në takimet e njëpasnjëshme të tyre.

“Na e thotë Kotzias se ç’është biseduar dhe jo Bushati. Nuk ka transparencë në këtë gjë. Del ministri dhe nuk flet për ne se çfarë po negociohet dhe del ministri grek dhe na informon se është rënë dakord për detin.

E gjitha kjo nuk është vetëm në këtë fushë gënje mashtro, dhe  bëj atë që ke kundërshtuar deri tani është e përditshme, konkretisht e Ramës.

Këta nuk na thonë edhe një gjë, se sa ishte kjo marrëveshja që kishte bërë Berisha. Të na thonë që Berisha kishte lënë në marrëveshje 20 milje dhe ne arritëm kaq.

Ajo që i djeg më shumë Ramës është çështja e detit. Ai duhet të thoshte se çfarë po bisedohet, jo siç e bën Ra gjithnjë që prisni se çfarë do të bëjmë dhe nuk bën asgjë. E fyt pykën dhe pastaj ne nuk kemi se ç’i bëjmë.

Nuk del Bushati të thotë. Gënjejnë përditë. E  përgënjeshtrojnë të nesërmen atë që thonë një ditë më parë. Nuk është se ne po humbim vetëm disa milje, ne po humbim Shqipërinë,” tha Lubonja.

“Instrumenalizohet  dhe është që nga kthimi pronave, e deri tek bashkimi me Kosovën e Shqipërinë.  Çështja çame ka ambiguitet. Nuk mendohet se do ndërrohen kufijtë kaq kollaj në Ballkan. Mendoje që kjo zhurmë e madhe, dhe shkon si jehonë, këto gjëra janë popull më të ndjeshme dhe prandaj krijohet çarja dhe mos dialogu.

Rama është gati të shesë Çamërinë që të hapen negociatat e me Bashkimin Evropian, kjo është gjeja që mendohet për këtë marrëveshje. Grekët janë superiorë, dhe ata kanë mbyllur marrëveshjen për varrezat.

Nuk përcaktohet ndërrim i kufirit me këto varreza. Grekët në këtë aspekt kanë edhe çështjen e teksteve, pikërisht kjo fryma shqiptare. Besoj se këto duhen zgjidhur, historia duhet lexuar mirë,” shtoi Lubonja.

Me tone te ashpra reagon PDIU-ja pas zhvillimeve me te fundit rreth bisedimeve te Shqiperise dhe Greqise, ku eshte prekur edhe çeshtja çame. Ceshtje per te cilen, vete Kotzias, ne median greke, deklaroi se nuk e njeh, duke pergenjeshtuar keshtu ministrin tone te Jashtem, Ditmir Bushati.

Reagimi vjen nje dite pasi, Ministria e Jashtme greke i hodhi poshtë deklaratat e ministrit Bushati për diskutim të temave, që lidhen me çështjen çame.

Përmes një njoftimi në faqen e saj zyrtare, Ministria e Jashtme greke shprehet se fakti që pala shqiptare ka dëshirë ta hedhë si çështje, nuk do të thotë se është pranuar nga pala greke.

Deklaratë e PDIU dhe e Shoqatës Patriotike Çamëria.

Kemi ndjekur me shumë vëmendje takimet për zgjidhjen e problemeve që ekzistojnë mes Shqipërisë dhe Greqisë.

Për Çështjen Çame ka një ligj të Kuvendit të Shqipërisë që në vitin 1994 për njohjen e 27 Qershorit si dita e Genocidit mbi Shqiptarët e Çamërisë.

Parlamenti i Shqipërisë e ka përcaktuar qartë, pa ekuivoke si Genocid atë çka ndodhi mbi shqiptarët e Çamërisë.
Po ashtu, ka dhe një rezolutë të miratuar në vitin 2012 për Çështjen e shqiptarëve të Çamërisë detyruese për çdo qeveri.

Të gjithë forcat kryesore politike e kanë në program zgjidhjen e Çështjes Çame si çështje e të drejtave të njeriut.

Madje, theksojmë se forca kryesore në vend kanë propozuar dhe projekt-rezoluta, ku kryeministri do raportonte çdo gjashtë muaj për ecurinë e zgjidhjes së Çështjes Çame.

Komisioneri Han një vit më parë inkurajoi në mënyrë të drejtpërdrejtë , zgjidhjen në tryezën e bisedimeve Shqiptaro – Greke të çështjes Çame .

Ministri i Jashtëm grek deklaroi se Çështja Çame nuk është pjesë e bisedimeve për zgjidhjen e problemeve dhe ajo nuk ekziston.

Ministria jonë e jashtme është e paqartë në verbin e saj publik për çka ka biseduar për Çështjen Çame.

Kërkojmë publikisht nga Kryeministri dhe Ministria e Jashtme të informojnë shqiptarët dhe në veçanti ata çamë – për ecurinë e bisedimeve për një nga çështjet më të ndjeshme për mbi 300 mijë qytetarë të tyre, të cilët presin që autoritetet shqiptare të trajtojnë me detyrim kushtetues e reciprocitet zgjidhjen e kësaj çështje, ku u masakruan 20 përqind e popullsisë dhe 80 përqind e saj u shpërngul në një pastrim etnik të paparë në Europë.

Kërkojmë nga Ministria jonë e Jashtme që duke kryer detyrim kushtetues për reciprocitet, të na informojnë për kërkesën e Shoqatës “Çamëria” për ngritjen e një permendoreje përkujtimore dhe varrezë për mijëra pleq, gra e fëmijë çamë që nuk u vranë në luftë, por në pragun e shtëpive të tyre.

Presidenti i Greqisë në mënyrë të përsëritur kërkon respektimin e të drejtave të njeriut për pakicën greke në Shqipëri, ndërsa nuk ka asnjë problematikë të tillë në vendin tonë, përkundrazi në vendin e tij nuk njihet asnjë minoritet.

Ndaj, i kërkojmë ministrit të Jashtëm për reciprocitet çfarë u bisedua për kerkesën e kahershme tonën për të kërkuar dhënien e statusit të minoritetit etnik shqiptar – popullsisë shqiptare çame që jeton sot e kësaj dite në trojet e veta në Artë, Pargë, Volë, Filat, Paramithi, Margëlliç, Gumenicë e gjetkë që politikanët shqiptarë i takojnë çdo vit, kur shkojnë me pushime në vendin fqinj e bisedojnë shqip me ta.

Kërkojmë të informohemi që bashkë me Ligjin e Luftës a është biseduar për heqjen e efekteve të ligjit të luftës që me një sërë ligjesh-pasojë, kur më i fundit është ai i vitit 1998 për kadastrat greke që pamundësojnë kthimin e pronave të grabitura me forcë.

Ne kemi besuar me durim që qeveritë shqiptare dhe forcat politike do të zgjidhnin me seriozitet e detyrim kushtetues Çështjen e bashkëkombasve të tyre çamë.

Mesa duket zotit Kozias duhet t’ia tregojmë përsëri që Çështja Çame egziston dhe shqiptarët e Çamërisë egzistojnë nga Zoti, pavarësisht se ju u munduat t’i zhdukni.

Por, duke ndjekur të gjithë hapat e duhur ligjore, padyshim dhe protestat e çdo formë tjetër të arsyeshme e demokratike jemi gati t’ia u tregojmë se Çështja Çame egziston e kërkon drejtësi europiane, por edhe çdokujt që mendon se mund ta përdorë sipas interesave të ditës apo të bëjë pazar me këtë Çështje apo çdo Kali Troje që harron që asnjë nuk mund të negociojë për ne, përveçse Shoqatës “Çamëria” dhe PDIU.

Ndryshe turpi i historisë dhe jo vetëm do të bjerë mbi çdokënd që mendon se mund të lozë, të bëjë pazar apo mund ta lërë apo marrë këtë çështje.

Urojmë shumë si gjithë shqiptarët që ky të jetë viti i Skënderbeut dhe jo i Hamzait!

Pas rrëzimit me votimin e parë nga parlamenti, nënkomisioni ad-hoc përsëriti të hënën shortin manual dhe përzgjodhi listën me emrat e 10 kandidatëve jogjyqtarë e joprokurorë për 5 vende në Këshillin e Lartë të Gjyqësorit dhe Këshillin e Lartë të Prokurorisë.

Për anëtarë të KLGJ u përzgjodhën me short Fatos Lazimi e Fatmira Luli nga avokatia, Maksim Qoku e Mirela Bogdani nga pedagogët, ndërsa kandidatja e shoqërisë civile është Naureda Llagami.

Për anëtarë të KLP kandidatë janë Gëzim Allaraj e Fjoreta Xhimi nga avokatia, Eneida Sema e Genti Ibrahimi nga trupa e pedagogëve, si dhe kandidati Andi Murataj nga shoqëria civile.

Kryetari i komisionit të ligjeve Ulsi Manja tha se listat me kandidatët do t’i nisen parlamentit për votim në seancën e të enjtes.

As për këtë listë opozita nuk dha mirëkuptim dhe pritet që edhe kjo listë të rrëzohet nga parlamenti.

Opozita e kundërshtoi përsëri listën, duke e cilësuar atë “një çorbë që do të sillte vetëm rrëmujë në drejtësi”.

Deputeti Oerd Bylykbashi tha se ky proces ishte i korruptuar dhe se nga totali i kandidatëve, vetëm një prej tyre plotëson kushtet ligjore.

Opozita është ankuar se midis të kualifikuarve janë edhe dy emra avokatesh, Fatmira Luli dhe Nurihan Seiti, të cilat sipas Autoritetit për Informimin mbi dokumentat e ish Sigurimit të Shtetit, kanë marrë pjesë, e para si gjyqtare dhe e dyta si prokurore në procese politike të zhvilluara deri para mesit të vitit 1991.

Po sot para shortit, komisioni përjashtoi nga procesi kandidatin Altin Hazizaj, për shkak të fakteve shtesë për dënime të tij të mëparshme nga drejtësia.

Zoti Hazizaj ka deklaruar më parë se ai nuk ishte njoftuar nga drejtësia dhe as ishte në dijeni që gjykatat e kishin dënuar dy herë me vendim të formës së prerë.

Një kandidat tjetër, Kozma Jano, po verifikohet më në detaje nga Autoriteti për Informimin mbi dokumentat e ish Sigurimit të Shtetit.

Partia Demokratike publikoi të dhëna se ai ishte bashkëpunëtor i Sigurimit famëkeq të Shtetit, me psudonimin “Telefoni”, por ai i quajti këto të pavërteta.

Nëse lista e sotme do të rrëzohet, procesi rikthehet në nënkomisionin ad hoc.

Ligji parashikon tre raunde votimi me 2/3 për miratimin e kandidatëve në parlament.

Nëse parlamenti nuk miraton për 3 herë rresht listën e paraqitur, kandidatët konsiderohen të zgjedhur.

Lulzim Basha ditën e djeshme u shfaq në një foto në avion dhe u përfol sikur kishte ikur nga Shqipëria për të bërë një udhëtim familjar në Holandë.

Të shumta ishin komentet për këtë foto, dhe aludimet po ashtu. Një dit pas publikimit të ksaj fotoje, Basha ka njoftuar se sot ai ndodhet në Bruksel ku do të zhvilloj një takim me Partitë Popullore Evropiane.

“Kryetari i Partisë Demokratike Lulzim Basha do të marrë pjesë në takimin e Asamblesë Politike ku do të ketë takohet me përfaqësues të lartë të politikës europiane, me të cilët pritet të diskutohen zhvillimet politike në Shqipëri dhe sfidat e saj në procesin e integrimit në Bashkimin Europian”, thuhet në njoftimin e PD.

Si një gazetar, shkrimtar dhe politikan që ka vendosur pavarësinë dhe të vërtetën mbi çdo interes, jam e bindur se z.Blushi do të ndihmojë Top Channel për të hapur një cikël të ri komunikimi dhe informimi me të gjithë dashamirësit tanë në krejt hapësirën shqipfolëse.

Dua t’i siguroj të gjithë se Top Channel i mbetet besnik parimeve tona si një media e lirë, e pavarur dhe profesionale, e cila ka qenë, është dhe do të jetë përherë në shërbim të së vërtetës dhe lirisë së informimit”, thuhet në komunikimin e Presidentes Vjollca Hoxha.

Organizata që mbron interesat e minoritetit grek në Shqipëri ‘OMONIA’ ka festuar në Dervicjan 27-vjetorin e themelimit.

I pranishëm ka qenë edhe Konsulli grek në Gjirokastër,  Vasileos Tolos, i cili ka qenë i kujdesshëm në mesazhet politike në raport me Shqipërinë, ndërsa ka kërkuar që partitë që mbrojnë të drejtat e grekëve në Shqipëri të bashkohen, raporton shqiptarja.com.

Të pranishëm si rrallë herë në një aktivitet dhe të ulur pranë njëri tjetrit kanë qenë kryetari i PBDNJ, Dule dhe kryetari i MEGA-s, Kristaq Kiço duke lënë dasitë. Presidenti Meta përmes një telegrami urimi vlerëson organizatën, ndërsa shpreh mbështetjen për aspiratat.

Shtetet e Bashkuara të Amerikës patën deklaruar se nuk do ta harronin votën kundër për Jerusalemin kryeqytet të Izraelit.

Mes vendeve që votuan kundër ishte edhe Shqipëria.

Kjo që bëri që eksponentë të ndryshëm të opozitës, por edhe presidenti i vendit, Ilir Meta, të dilnin kundër qeverisë duke kritikuar kryeministrin Edi Rama.

Por Uashingtoni duket se e ka harruar votën kundër të Shqipërisë.

Kjo kuptohet edhe nga takimi që ambasadorja shqiptare në Uashington Besiana Kadare ka zhvilluar me “nusen shqiptare”, Nikkey Haley që është ambasadorja e SHBA-ve në OKB.

“Falenderime të ngrohta ambasadores së SHBA, Nikkey Haley për mikpritjen e saj. SHBA është një partner strategjik i pazëvendësueshëm për Shqipërinë”, shkruan Kadare në profilin e saj në Twitter.

Warm thanks to US ambassador @nikkihaley for her hospitality. #US is an irreplaceable strategic partner for #Albania and our friendship is stronger than ever. Respect and gratitude for American longstanding support for the Albanian nation 🇦🇱 🇺🇸 pic.twitter.com/2yCP8TQUwQ

— Besiana Kadare (@besiana_kadare) January 26, 2018

Great spending time this week with an amazing group of Ambassadors! #UNStrong pic.twitter.com/Gcs84YDstG

— Nikki Haley (@nikkihaley) January 27, 2018

Ashtu si edhe në protestat e mëparshme, ish-Kryeministri Sali Berisha ka zgjedhur të mos flasë në podiumin e protestës së opozitës.

Por në përfundim të tubimit të PS e LSI përpara Kryeministrisë, ish-Kryeministri Berisha ka dhënë një prononcim të shkurtër për mediat ku theksoi se “sot kanë vdekur zgjedhjet e 25 qershorit”.

“Sot më 27 Janar me vullnetin e tyre të lirë qytetarët e Tiranës dhe gjithë Shqipërisë varrosën 25 qershorin, ditën e triumfit të krimit dhe narko-zgjedhjeve. Ikën zgjedhjet, Edi Rama është kufomë e pakallur” tha ndër të tjera Berisha mes turmës së simpatizantëve.

Kreu i PD-së, Lulzim Basha nga foltorja e ngritur para kryeministrisë është shprehur se Shqipëria sot nuk ka demokraci europiane.

Basha tha, se populli nuk mund të durojë më dhe se ka ardhur koha t’i japim fund kësaj agonie.

“Thika iu ka arritur shqiptarëve në palcë, iu them të huajve se kjo nuk është Shqipëria europiane. Kjo është diktaturë europiane. Ne e refuzojmë, nuk e duam e nuk e duam shqipërinë me standardet e Afrikës e Azisë. Unë jam kryetari i një partie që ka lindur me thirrjen ta bëjmë Shqipërinë si gjithë Europa.

Në Shqipëri po zbatohet një projekt antikombëtar, aniteuropian, antidemokratik, për pushtetin absolut të një njeriu të vetëm mbi të gjithë Shqipërinë. Për pushtetin e tij, ky njeri ka bërë ortakëri me krimin, me oligarkinë dhe mercenarët e pangopur.Shqipëria e Edi Ramës i ngjan shteteve të falimentuara të Afrikës dhe Azisë.

Vetëm në një vend si Guinea ndodh që familja e të parit të vendit të drejtojë trafikun e drogës dhe larjen e parave. Vetëm në një vend si Nikaragua ndodh që kreu i qeverisë të financojnë fushatën e tij elektorale me milionat e drogës. Vetëm në diktaturat e Afrikës ndodh që ministri i Brendshëm të jetë edhe i pari i trafikut të drogës. Vetëm në Venezuelë ndodh që shefi i mbrojtjes të jetë bashkëpunëtori më i ngushtë i baronëve të drogës. Vetëm në Afganistan ndodh që vëllai i kreut të ekzekutivit të jetë edhe trafikanti më i madh i drogës”,- shprehet Basha.

Protestuesit e opozitës kanë filluar të mblidhen nga rrethet e tjera për në Tiranë.

Disa simpatizantë të PD kanë përdorur një instalacion si kurorë mbretërore për të simbolizuar lidhjen e qeverisë me botë e krimit.

Kurora prej 2 metrash në krye të saj mban portretin e Edi Ramës.

Sipas PD, kurora rrëfen qartë se kush na ka qeverisur këto5 vjet

 “Bashkëpunëtoret e Ramës për të blerë pushtetin dhe për ta mbajtur atë janë vendosur në kurorë me portretet e Saimir Tahirit, Moisi Habilaj, Emiljano Shullazit, Lul Berishës, Kelment Balilit”- thekson PD, teksa sqaron simbolin e dyte te protestës.

Po ashtu protestës pritet t’i bashkohen edhe 2100 protestues nga Korça, të cilët janë nisur po ashtu që në orët e para të mëngjesit.

Sakaq, rreth 1500 forca policie, do të jenë të angazhuara në terren, me qëllim ruajtjen e rendit dhe të sigurisë, mes të cilave edhe efektivë të forcave “Shqiponja” dhe “FNSH”.

Një ditë më parë Ministria e Brendshme përmes një njoftimi për mediat, theksoi se kushdo që do të shkelë rendin dhe sigurinë në protestë do të përballet me ndëshkimin ligjor.

Por nga ana tjetër, kreu i PD-së Lulzim Basha dhe ajo e LSI-së Monika Kryemadhi, kanë theksuar se protesta nuk do të jetë luftë, por spektakël i bashkimit të shumicës kundër pakicës.

PRISHTINË – Modeli politik i lidershipit institucional të Kosovës, po vazhdon të e izolojë vendin edhe nga ato shtete që e kishin ndihmuar shumë bërjen dhe ndërtimin e këtij shteti.

Pas Shteteve të Bashkuara të Amerikës, që refuzuan të pajisin me vizë kryeministrin Ramush Haradinaj, duke i pamundësuar edhe një vizitë në këtë shtet, të njëjtën gjë e ka bërë edhe një shtet tjetër mik i Kosovës.

Gazeta Koha Ditore në numrin e së shtunës shkruan se Britania e Madhe ka refuzuar që ta pajisë me vizë kryeministrin kosovar, duke i mohuar edhe një vizitë në këtë shtet që Haradinaj planifikon ta bëjë më 26 shkurt.
Haradinaj rrezikon që të mos marrë pjesë fare në një konferencë për investime e organizuar për shtetet e Ballkanit Perëndimor, e cila do të mbahet më 26 shkurt.

Koha Ditore ka tri ditë që ka dërguar pyetje për këtë në Kryeministri, por në artikull thuhet se kjo zyrë nuk ka kthyer përgjigje.

Përgjigje për këtë ka refuzuar të jap edhe ambasada e Britanisë në Kosovë, me arsyetimin se nuk e praktikojnë të japin detaje për aplikime individuale për viza.

Haradinaj së fundmi është pajisur me pasaportë të Shqipërisë, që i mundëson të lëvizë pa vizë në shtetet e Zonës Shengen, por jo edhe në Britani, pasi kjo e fundit nuk është anëtare e kësaj zone.

Ky izolim i kryeministrit kosovar duket se vjen pas mbështetjes që Haradinaj dhe presidenti Hashim Thaçi i kishin dhënë iniciativës për shfuqizimin e Gjykatës Speciale.

Dy ambasadorët, ai i SHBA’së dhe ai i Britanisë, kishin qenë më aktivët për të penguar këtë nismë. Ata shumë qartë edhe kishin kërcënuar liderët kosovarë, se nëse kjo iniciativë nuk ndalej, Kosova do të izolohej. Pra, kërcënimet e tyre, duket se tani edhe po konkretizohen.

Ish kryeministri i Shqipërisë, Sali Berisha ka dhënë mendimin e tij rreth iniciativës për shfuqizimin e ligjit për Gjykatën Speciale, duke bërë thirrje që të ndërpritet kjo iniciativë, ngaqë sipas tij është rrezik i madh për Kosovën.

Berisha e quan ëndërr të keqe të dimrit këtë iniciativë, sepse sipas ish kreut të PD-së, nuk bën që një shtet i tërë të pësojë për interesat e disa individëve.

“Mendoj se kjo nismë shënon një tentativë për suficid politik. Ngritja e Gjykatës Speciale është një kontratë që autoritetet më të larta kosovare e kanë firmosur me vullnetin e tye, nëpërmjet ligjit që e kanë votuar vetë në parlament, me këshillat e SHBA-së dhe Bashkimit Evropian”.

“SHBA dhe BE kanë angazhuar resurse të mëdha financiare dhe njerëzore për ngritjen dhe funksionimin e gjykatës, për hetimin e ndëshkimin në përputhje me ligjet të krimeve eventuale të luftës, apo krimeve kundër njerëzimit të kryera nga ish antarë të UÇK-së. Kjo ide lindi pas hetimeve të filoserbit Dick Marty, hetim që mori mbështetje nga Parlamenti Evropian dhe Asambleja Parlamentare e Këshillit të Evropës ku komuniteti ndërkombëtar e konsideroj të domosdoshëm hetimin e krimeve të mundshme nga individ apo grupe të UÇK-së në Kosovë, apo në territorin e Shqipërisë, andaj duhet hetim i paanshëm”, ka thënë Berisha për Indeksonline.

Por ish kryeministri shqiptar insiston në mbajtjen e raporteve me BE-në dhe SHBA-në pasi që sipas tij ky do të ishte akt pabesie ndaj fqinjëve të pandashëm të Kosovës.

“Shkelmimi i një kontrate me partnerët ndërkombëtarë do të ishte shkelmim i një kontrate me partnerët dhe miqt e mëdhenjë të Kosovës. Ky akt do të kishte pasoja më të rënda se çdo akt tjetër, apo se çdo vendim i Gjykatës Speciale. Akte të tilla nuk ndërmirren nga një vend i lirë që ndërton demokracinë, sepse akte të tilla marrin shtetet zuzare, të cilat në fund ndëshkohen. Shfuqizimi i Ligjit për Gjykatën Speciale do të shkatërronte gjithçka që është ndërtuar në Kosovë. Poashtu, Këshilli i Sigurimit bazuar në të drejtën ndërkombëtare mund të aktivizoj me gjithë fuqinë e vetë rezolutën 1244 që do të ishte mbrapakthehu i madh për Kosovën”.

“Politika mos të shikojë mbrojtjen e individëve, por interesin shtetëror. Deklaratat e pesëshes së madhe dhe të ambasadorit amerikan kanë sqaruar gjithçka për këtë, andaj kërcënimet e tyre janë tejet serioze. Këtë po e konsideroj si një ëndërr të keqe dimri që shpresoj se do harrohet sa më shpejt dhe kurrë nuk do të bëhet realitet. Nuk dua që Kosova të bëjë vetëvrasje politike, këtë nuk dua ta shoh as në ëndërr”, ka thënë Sali Berisha.

Ylberi Zyberi, ish-punonjës i Shërbimit Informativ Shtetëror leshon akuza te shumta ne adrese te ish-kreut të SHIK, Fatos Klosi. Ne nje reagim te gjate ne faqen e tij ne FB, ai thote se eshte deshmitar i gjithe atyre qe ka bere Klosi, teksa i rendit akuza te renda, perfshire edhe rolin qe ai, (sipas tij) ne vrasjen e Azem Hajdarit.

Ja çfarë shkruan Ylber Zyberit:

Habitem! dhe me vjen neveri per nivelin e ulet te mediave kur shikoj kete personazh ne rolin e analistit! apo disa gazetar qe i drejtohen me fjalen profesor!!!!

Mua personalisht me ngjall neveri per faktin se ia njoh aktivitetin dhe rolin qe ka luajtur ne kohen qe drejtoi institucionin e Shikut 97-2002.

Une kam qene pjese e atij insitucioni dhe jam larguar nga puna me urdherin e tij ne tetor 2001,pas denoncimeve dhe qendrimeve te mia te hapura per imoralitetin, paligjshmerin e tij dhe bashkepunetorve (misionar dhe mercenar) te tij.

Une po veçoj disa nga roli i tij ne ate periudh, per te cilat po te kishte shtet ligjor nuk do e shikonim ne rolin e analistit neper studio televizive, por te nje personazhi te diskredituar.

-Ky ka rol kryesor ne vrasjen e Azem Hajdarit dhe ngjarjeve qe pasuan ne tropoj 98-2000.

-ka bere vjedhje ne tenderin e blerjes se makinave per insitucionin duke manipuluar dokumentacionin per vleren e mjeteve dhe futur ne xhep gati gjysmen e vleres + mjete te vjedhura ne kosov te UMNIKUT, te cilat i ngjyrosnin dhe ne dok i benin sikur jan blere te reja.

– ka vjedhur parat qe dhane sherbimi i amerikan per punonjesit e Drejtoris se kukesit, nga 2500-3000$ per 52 punonjes qe kishte Drejtoria, i konvertoi ne lek dhe vetem pasi e ngrita zerin une me disa koleg te tjere per kete vjedhje vendosi te na jap nga 25.000 leke (reja). Ndersa misionarve te tij (gjithsej 4) ua dha shumen e plote, aq sa kishin dhene ne te vertete Amerikanet 3000$.

Per kete te vertete; te me ndihmoj ose te me pergenjeshtroj Fiqiri Meta i cili ne ate koh ishte misionar i klosit ne kukes, ku bashke me Ram Kucen kan bashkepunuar ne kete vjedhje te turpshme, dhe sot vazhdojne pune ne drejtori te rendesishme ne Shik.

-Ka perdorur fondin e veçante ( qe perdoret per shperblimin e informatorve) te insitucionit ne kundershtim me ligjin per te paguar njerez per qellime elektorale ne zgjedhjet e vitit 2001.

-Eshte autori dhe negociuesi i marrjes ne mbrojtje te J.Saliajt ne kosov, i akuzuar si pjesmarres ne vrasjen e Azem Hajdarit dhe personalisht vete ka shkuar ne kosov per ta marr nga baza ku ishte i strehuar per ta nxjerr malit naten, dhe per ta prezantuar te nesermen se e arrestoi policia.

Kete t’ma pergenjeshtrojn dy ish punonjesit e shikut te asaj kohe dhe qe punojne akoma… K.P dhe A.L. te cilet ishin te besuarit e tij qe do e nxirrnin malit nga kosova ne tropoj.

Etj etj…..

Do ishte mire qe para’se te bej analiza politike ne studio tv, te sqaroj poziten dhe rolin e tij ne vrasjet e Shqiptarve te Kosoves gjate luftes dhe pas saj, brenda territorit te Shqiperise dhe ne Kosov, nga Ahmet Krasniqi e me radh….

-kam degjuar se i kan dhene nje titull “veteran i luftes se UÇK”, duhet ta sqaroj ky ose ata qe ja kan dhene kete titull , çfar lufte ka bere ky person?!

– kam shum deshire te krijohet ajo gjykata speciale ne Kosov, mbase do dali ne drite roli i tij ne vrasjet politike.

Jam i vetedishem se ky personazh negativ nuk eshte hetuar, ndeshkuar dhe nuk do ndeshkohet ne kete realitet politik, per faktin se ju ka sherbyer te gjith krahve te politikes per interesa kriminale.

Kete bindje kam patur edhe ne 2002 kur u ngrit komision hetimor parlamentar (i inicuar nga opozita e asaj kohe), per hetimin e aktivitetit te tij.

Kete ia kisha shprehur kryetarit te atij komisioni S.Ngjeles i cili ne ate koh nuk ra dakort me mendimin dhe parashikimin tim, por pasi perfundoi “hetimi” ne 2005 ne nje takim te rastesishem “Avo’koti”, me drejtohet me fjalet; me doli fjala jote!.

Si perfundim; dua te them se ky eshte vertete “llum kazani mediatik” i Edi Rames, qe e marrin kete “kok kazan”, si “luge druri” per te perzier dhe deformuar opinionin publik!.

Me te njejtin mllef siç flet sot ne emisione televizive, e ka drejtuar Insitucionin e SHIKU-ut, duke intriguar ( gjueti shtrigash) ndaj kundershtarve politik.

FATION BINJAKU/ “Panorama” zbardh rekomandimet e Operacionit Ndërkombëtar të Monitorimit për kandidatët e përzgjedhur me short, për të qenë pjesë e trupës së Këshillit të Lartë të Prokurorisë dhe Këshillit të Lartë të Gjyqësorit.

Procesi i përgatitjes së raporteve për kandidatët, që vijnë nga radhët e avokatëve, profesorëve dhe shoqërisë civile ka kaluar në duart e tre sekretarëve të përgjithshëm të Kuvendit dhe secili prej tyre ka trajtuar në mënyrë të ndryshme raportin.

Në raportin e firmosur nga ish-sekretari i përgjithshëm i Kuvendit, Alban Brati, jepen vlerësime shumë të ulëta për kandidatin e zgjedhur nga avokatët për në KLP, Kozma Jano. Për këtë të fundit, Kuvendi ka vlerësuar se nuk ka qenë ish-bashkëpunëtor i Sigurimit të Shtetit, ndryshe nga dokumentet që PD publikoi se ky i fundit kishte pasur pseudonimin “Telefoni”.

Por ai dhe përgatitja e tij vlerësohen nën mesataren, platformë të dobët dhe të paplotë dhe pa vizion. Alban Brati ka vlerësuar dhe kandidaten tjetër të KLP-së, Floreta Gjini, por për asnjë nga kandidatët nuk ka paraqitur vlerësimet e ONM-së. Ndërsa ishsekretarja e përgjithshme e Kuvendit, Albana Shtylla, ka bërë vlerësimin e kandidatëve të Avokaturës, por për KLGJ.

Ajo ka zbuluar se Sokol Lamaj ka pasur detyrime në Tatime dhe ato i janë falur nga amnistia e vitit 2017. Ndërsa për kandidatët e tjerë ka dhënë vlerësime pozitive, pa cituar në raporte vlerësimet e ONM-së.

Ndërsa raportet e fundit, për Ilir Pandën, Mirela Bogdanin, Erjon Muharremajn, Alfred Ballën janë hartuar nga Genc Gjonçaj, sekretari aktual i përgjithshëm i Kuvendit dhe për ta ka dhënë dhe vlerësimet e ONM-së. Vëzhguesit ndërkombëtarë kanë kërkuar skualifikimin e Alfred Ballës që fitoi garën në KLP dhe kanë evidentuar se Ilir Panda ka qenë në funksione shumë të larta politike.

KANDIDATËT E ZGJEDHUR ME GOGLA PËR KËSHILLIN E LARTË TË PROKURORISË

Kandidatët e zgjedhur nga avokatët

KOZMA JANO

(VLERËSIMI I SEKRETARIT TË PËRGJITHSHËM TË KUVENDIT)

-Për sa i takon nivelit të studimeve akademike rezulton se kandidati ka përfunduar ciklin 4-vjeçar të studimeve të larta në Fakultetin e Drejtësisë, Universiteti i Tiranës, me rezultate nën mesataren.

-Platforma e paraqitur nga kandidati është e dobët dhe e paplotë. Në përmbajtjen e saj nuk paraqitet një vizion i qartë i detyrave dhe përgjegjësive, që do të ketë kandidati si anëtar i mundshëm i KLP-së.

– Kandidati nuk ka vërtetuar me dokumentacion njohuri të gjuhës së huaj. -Kandidati nuk ka paraqitur asnjë certifikatë për trajnime, brenda apo jashtë vendit.

FLORETA GJINI

(VLERËSIMI I SEKRETARIT TË PËRGJITHSHËM TË KUVENDIT)

-Për sa i takon nivelit të studimeve akademike rezulton se kandidatja ka përfunduar ciklin 4-vjeçar të studimeve të larta në Fakultetin e Drejtësisë, Universiteti i Tiranës, me rezultate mesatare.

-Platforma e paraqitur nga kandidatja është një platformë bazë, e cila nuk ofron një panoramë të qartë mbi rolin dhe përgjegjësi institucionale që ka institucioni i KLP-së.

-Testi i anglishtes është kryer nga ekspertët e Komisionit Ad hoc.

-Referuar shkresës së DPT-së, rezulton se kandidatja nuk ka detyrime tatimore të papaguara.

Kandidatët e zgjedhur nga profesorët për KLP

ENEIDA SEMA(VLERËSIMI I ONM)

– Platforma e paraqitur nga kandidatja konsiston më shumë nga një letër motivuese dhe deklaratë parimesh dhe vlerash.

-Angazhimi akademik/shkencor duket të jetë mbi mesataren.

MIRELA BOGDANI

(VLERËSIMI I ONM)

-Platforma tregon dijeni të mirë për problemet që prekin gjyqësorin/prokurorinë dhe sfidat me të cilat ballafaqohet KLP, si dhe një qasje të mjaftueshme pragmatike.

-Jetëshkrimi tregon se kandidatja është përfshirë në mënyrë intensive në veprimtarinë e shkollës së Magjistraturës.

– Për fat të keq, nuk ishte e mundur nga jetëshkrimi i kandidates të krijohet një pasqyrë e plotë e arritjeve të saj shkencore/akademike.

Kandidati i zgjedhur nga Shoqëria Civile për KLP

ALFRED BALLA (VLERËSIMI I ONM)

-Përveç faktit që ky kandidat nuk plotëson kriteret ligjore të përmendura në nenin 152.d, vëzhguesit ndërkombëtarë kanë konstatuar se platforma e paraqitur nga ky kandidat është pothuajse plotësisht një plagjiaturë e një platforme të paraqitur nga një kandidat tjetër (Plarent Ndreca), aplikimi i të cilit u refuzua në fazat e mëparshme të procesit, duke qenë se nuk i plotësonte kriteret formale.

– Për këtë arsye, vëzhguesit ndërkombëtarë janë të mendimit se ky kandidat nuk ka integritet të lartë moral që shpresohet në një anëtar të Këshillit të Lartë të Prokurorisë.

* * *

KANDIDATËT E ZGJEDHUR ME GOGLA PËR KËSHILLIN E LARTË TË GJYQËSORIT

Kandidatët e zgjedhur nga profesorët për KLP

ILIR PANDA (VLERËSIMI I ONM)

-Platforma është një përshkrim i përgjithshëm i detyrave të anëtarit të KLGJ-së, pa dhënë ndonjë përshkrim objektivave, prioriteteve ose strategjisë personale.

– Jetëshkrimi nuk pasqyron pozitën e rëndësishme të kandidatit në bordin e drejtorëve të një banke ndërkombëtare.

– Kontributi akademik/shkencor i kandidatit është mesatar

– Ka qenë i angazhuar politikisht në nivel shumë të lartë në të kaluarën.

ERJON MUHARREMAJ (VLERËSIMI I ONM)

-Platforma tregon një ekuilibër të mirë midis motivimit dhe vizionit, me referencë specifike në disa fusha të ndërhyrjes dhe dijeni për instrumentet kryesore ndërkombëtare.

-Dokumentacioni i ofruar nuk jep ndonjë informacion të vlefshëm për kontributin shkencor/akademik të kandidatit.

Kandidatët e zgjedhur nga avokatët për KLGJ

SOKOL LAMAJ (VLERËSIMI I SEKRETARIT TË PËRGJITHSHËM TË KUVENDIT)

-Sekretari i Përgjithshëm i është drejtuar me shkrese zyrtare nr. 1450/5, datë 17.05.2017 dhe Drejtorisë së Përgjithshme të Tatimeve, për të kërkuar informacion për shlyerjen e detyrimeve tatimore nga secili prej kandidatëve.

-Drejtoria e Përgjithshme e Tatimeve me shkresën nr. 11086/3, datë 25.5.2017, ka informuar se Studio Ligjore “Lamaj” ka detyrime tatimore të pashlyera në shumën 32 276 lekë, prej të cilave 20 mijë lekë falen në bazë të ligjit nr. 33/2017 dhe shuma prej 12 276 lekësh ka afat pagese deri më 20.07.2017.

– Studio Ligjore “Lamaj: me detyrime tatimore një pjesë e të cilave falen sipas ligjit 33/2017, ndërsa pjesa tjetër ka afat pagese deri ne datën 20.07.2017. Për këtë arsye, nga rivlerësimi i ulën 3 pikë.

Vlerësimi përfundimtar është 75.6- 3= 72, 6 pikë.

Kandidati i zgjedhur nga Shoqëria Civile për KLGJ

ALTIN HAZIZAJ (VLERËSIMI I SEKRETARIT TË PËRGJITHSHËM TË KUVENDIT)

-Për sa i takon nivelit të studimeve akademike rezulton se kandidati ka përfunduar ciklin 4-vjeçar të studimeve të larta në Fakultetin e Drejtësisë, të Universitetit të Tiranës me rezultate të larta dhe studimet pasuniversitare “master”, në fushën e studimeve europiane.

-Kandidati ka marrë pjesë në trajnime profesionale të organizuara nga organizata të shoqërisë civile jo vetëm si trajnues, por edhe si lektor.

– Ka paraqitur një platformë të mirëstrukturuar dhe të kompletuar, e cila tregon për vizion dhe njohuri për angazhimet që do të ketë në kuadër të ushtrimit të funksionit, për të cilin kandidati po aplikon.

Deputeti i Partisë Socialiste, Taulant Balla u shpreh sot se Prokuroria ka thirrur për të dëshmuar Shkëlzen Berishën për privatizimin e CEZ.

Sipas tij kjo është arsyeja pse Berisha shpërtheu në Kuvend dhe kërkoi rrëzimin e Qeverisë.

DEKLARATA E BALLES

Cfarë fituan protestuesit e PD në 18 Shkurt? Fituan vetëm avokaten e popullit. Protestuan 3 muaj në çadër që Basha të merrte avokaten e popullit të vjehrrit të vet. Në 18 Maj ne votonim avokaten e popullit, por ajo nuk ishte këtu për të bërë betimin sepse 1 ditë më pas ishte në Strasburg. Kishin protestuar 3 muaj protestuesit e PD-së që të merrnin avokaten e popullit, e cila për turp shkonte në një gjyq të Xhaferr Isufit kundër Shqipërisë. Këtë fitoi Basha nga protesta e 18 shkurtit.

Në 27 Janar do të ndërtoni marrëdhënie të kushtëzuar me Parlamentin që Xhaferri të marrë paratë nga ministria e Financave. Do vini në protestë për çfarë? Për zgjedhjet e 25 Qershorit? Kundër kujt do protestoni? Kundër 20 mijë komisionerëve të PD-së që kanë miratuar çdo procesverbal?

Ka një arsye të fortë që Berisha do dalë në protestë në 27 Janar. Mediat njoftojnë se Shkëlzen Berisha dhe Nue Kalaj janë thirrur sot nag Prokuroria, për shpërdorim detyre nga ana e babait, por edhe shndërrimi i të birit në një rrytshfetxhi. Sot kur prokuroria njofton marrjen në pyetje të Zenit, babai i tij i bën thirrje shqiptarëve të rrëzojnë këtë qeveri.

Shqipëria ka arritur që të fitoj gjyqin në arbitrazh kundër kompanisë së Françesko Beketit në lidhje me ndërtimin e hidrocentralin e Kalivaçit.

Në Tetor 2014 Shqipëria u padit, në Arbitrazhin Ndërkombëtar të Dhomës Ndërkombëtare të Tregtisë nga shoqëria Hydro S.R.L., ku u kërkua zgjidhja e marrëveshjes së koncesionit të lidhur midis palëve ndërgjyqëse për ndërtimin e një hidrocentrali në Kalivaç, për faj të Shqipërisë, dhe pagesa e një dëmshpërblimi në një vlerë prej €137,235,090.00 si edhe e të gjithë kostove të Paditësit dhe procesit të arbitrazhit.

Shqipëria më pas paraqiti kundërpadi në këtë proces ku pretendoi se, paditësi ka qenë në shkelje dhe mospërmbushje të kontratës së koncesionit, për fajin e tij, duke i shkaktuar në këtë mënyrë një dëm prej €158,000,000.00. Krahas pagesës së këtij dëmi, Shqipëria kërkoi edhe pagesën e kamat-vonesave për mospërmbushjen e kontratës deri në vlerën prej €12,900,000.00  si edhe të kostove ligjore dhe të procesit të arbitrazhit.

Trupa e gjykimit vendosi që të rrëzojë të gjithë pretendimet e Paditësit, duke e ngarkuar këtë të fundit me faj për mospërmbushjen e Kontratës dhe me pagesën e kamat-vonesave deri në vlerën e cituar më lart dhe të të gjithë kostove ligjore dhe të procesit të arbitrazhit të pësuara nga i Padituri, në një vlerë prej rreth €1,258,642.00 (një million e dyqind e pesëdhjetë e tetë mijë e gjashtëqind e dyzetë e dy Euro).

Në një vendim të dytë, Trupa e gjykimit do të vendosë vlerën e dëmshpërblimit që Paditësi do të duhet t’i paguajë Shqipërisë për mospërmbushjen e kontratës së koncesionit për faj të tij, bashkë me të gjithë interesat dhe kostot e tjera të zbatueshme.

Presidentit çek Milosh Zeman i pëlqen të bëjë shaka rreth gjuajtjes me pushkë të gazetarëve.

Politikani veteran, i cili po kandidon për t’u rizgjedhur këtë javë fitoi përçmim ndërkombëtar së fundmi, kur me një armë false bëri sikur shënjestroi median.

Megjithatë, nëse Zeman do të donte t’i vinte në jetë kërcënimet e tij, donatorit të tij kryesor financiar Jaroslav Strnad nuk do t’i mungonin plumbat.

Një investigim nga Projekti i Raportimit të Korrupsionit dhe Krimit të Organizuar (OCCRP) dhe Partnerët zbulon se kompanitë e lidhura me Jaroslav Strnad, financuesin kryesor të fushatës zgjedhore të Zeman, ka blerë stoqe të mëdha armësh në Ballkan me ndihmën e disa personazheve të diskutueshëm, një prej të cilëve është hetuar për aktivitet kriminal.

Blerjet përfshijnë importimin në Republikën Çeke të dhjetëra miliona fishekë të vjetër kinezë nga stoqet në Shqipëri.

Strnad ka blerë gjithashtu fabrika të vjetra armësh me çmime të ulëta nga kompani të falimentuara në Ballkan, përfshirë një fabrikë armësh maqedonase në telashe financiare dhe së fundmi, një impiant që prodhon pjesë këmbimi ushtarake në Serbi.

Biznesi i Strnad në Ballkan gjithashtu ka përfshirë të paktën dy figura të lidhura me ish-shefin e fuqishëm të spiunazhit maqedona Saso Mijalkov, aktualisht në gjyq për përgjime të paligjshme.

Blerjet e armëve nga çekët shkojnë përtej Strnad. STV Group, një tjetër firmë çeke e drejtuar nga biznesmeni Martin Drda, gjithashtu bleu më shumë se 30 milionë fishekë nga stoqet shqiptare.

Nuk është e qartë përse kompanitë e kontrolluara nga Strnad dhe Drda i blenë municionet.

Por Strnad e krijoi reputacionin dhe pasurinë e tij në Republikën Çeke dhe Sllovaki si tregtar dhe prodhues armësh, çfarë sugjeron se armët që u blenë në Shqipëri janë shitur diku gjetkë.

Pyetja është: kujt ia shiti?

Municionet e vjetra kineze që Strnad bleu në Shqipëri janë shumë të lira dhe besohet të jenë jashtë gjendjes së punës – duke e bërë të vështirë të shiten në tregjet ndërkombëtare të ligjshme. Shtetet anëtare në NATO-s, përfshirë Republikën Çeke nuk përdorin municione të tilla. Shtetet e Bashkuara e kanë ndaluar importin e municioneve kineze që nga masakra e Sheshit Tiananmen në vitin 1989.

Stoqet shqiptare të municioneve kanë fituar një famë të keqe. Filmi hollivudian “Qentë e Luftës” (2016) u bazua në një përpjekje spektakolare të përfunduar keq të dy amerikanëve njëzet e ca vjeçarë, të cilët si trafikantë armësh u përpoqën të ripaketojnë dhe të shesin ilegalisht municione të tilla te qeveria amerikane.

Në përgjigje të pyetjeve nga gazetarët, një përfaqësues i kompanive të Strnad konfirmoi blerjen e municioneve “të prodhimit kinez dhe rus” nga Shqipëria, por hodhi poshtë idenë se ishin në gjendje të keqe dhe këmbënguli se “shumica e këtyre municioneve u shit te klientë brenda Bashkimit Europian”.

Por ekspertët e armëve të konsultuar nga gazetarët ishin skeptikë.

“[Kjo] përgjigje nuk më duket e besueshme,” tha Georges Berghezan, një kërkues shkencor për Grupin për Kërkim dhe Informacion mbi Paqen dhe Sigurinë (GRIP).

“Tregu i klientëve [për municione ushtarake] në sektor privat është shumë i kufizuar në BE,” tha ai.

“Dhe nuk mund ta imagjinoj që forca sigurie publike në vendet e BE-së të jenë pajisur me municione të vjetra të stilit sovjetik”.

I pyetur se ku mund të eksportoheshin municione të tilla, Pieter D. Wezeman, kërkues i lartë në Institutin për Kërkime Paqeje në Stokholm, SIPRI, sugjeroi “Afrikën, do të thosha në pjesë të Lindjes së Mesme, vende si Iraku dhe mbase Afganistani”.

Përfaqësues të kompanisë STV Group nuk iu përgjigjën një kërkese për koment.

Miq të ngushtë

Strnad gëzon një marrëdhënie të ngushtë me presidentin çek Milos Zeman dhe është donatori  më i madh i fushatës së tij zgjedhore. 45-vjeçari zotëron disa kompani, shumica pjesë e grupit të tij çekosllovak CSG me interesa në transport, prodhim dhe armë. Strnad është pronar i Tatra Trucks, një nga prodhuesit më të vjetër të automjeteve në botë.

Të dhënat publike tregojnë se një nga firmat e biznesmenit, DAKO-CZ, ka kontribuar me një total prej 2 milionë korunash (US$ 92,160) drejt fushatës aktuale të Zeman për t’u rizgjedhur. Një tjetër firmë e lidhur me Strnad, Composite Components, është donatori i dytë më i madh i Zeman dhe ka dhuruar 1 milion koruna. Së bashku, dy firmat përbëjnë 2/3 e të gjitha kontributeve të fushatës së Zeman.

Zeman, një euroskeptik i cili ka kultivuar marrëdhënie të ngrohta me Moskën dhe Pekinin doli i pari me 39% të votave në raundin e parë të fushatës zgjedhore presidenciale çeke më 12 dhe 13 janar. Ai do të përballet me pro-europianin Jiri Drahos, një ish-profesor i inxhinierisë kimike, në raundin e dytë të votimit më 26-27 janar.

Bujaria e Strnad i ka dhënë atij akses te presidenti kontrovers çek. Zeman publikisht është mburrur me industrinë çeke të mbrojtjes dhe ka vizituar një nga firmat e Strnad, Excalibur Army, marsin e shkuar. Strnad shkoi në Rusi me Zeman si pjesë e një delegacioni biznesi nëntorin e kaluar, duke u kthyer me një kontratë për të ndërtuar dhe operuar një hangar për mirëmbajtjeje avionësh në Ulyanovsk.

Zeman gjithashtu ka kritikuar publikisht rregullat e vendit të tij për kontrollin e shitjes së armëve, duke u ankuar se masat që ndalojnë eksportin e tyre në vende nga ku mund të ri-eksportoheshin në zona konflikti po i marrin frymën biznesit.

Përpjekjet për kontrollin e shitjeve “në një mënyrë krejt të papërshtatshme kufizojnë eksportin tonë në vende pa embargo, me pretekstin se ekziston një rrezik i ri-eksportimi në vende të pasigurta,” tha Zeman majin e shkuar.

Sipas Wezeman, eksperti i armëve nga SIPRI, Republika Çeke eksporton sasi të mëdha armësh në vende si Iraku, Arabia Saudite dhe Nigeria.

Gazetarët nuk kanë gjetur prova se këto vende – ose destinacione të tjera të ndjeshme – janë përfituesit e municioneve që biznesmeni çek bleu në Shqipëri. Destinacioni i tyre përfundimtar është – deri më tani – i panjohur.

Por fakti se këto shit-blerje u realizan në mënyrë sekrete, tregon natyrën e tregtisë së armëve që po ndodh në zemër të Europës.

Prodhuar në Kinë: Si i blenë kompanitë çeke stoqet e fishekëve shqiptarë 

Në vitin 2008, një përpjekje e qeverisë shqiptare për të demontuar rezerva të vjetra të municioneve vdekjeprurëse të periudhës së regjimit komunist shkoi tmerrësisht keq.

Në mesditën e 15 marsit 2008, një seri shpërthimesh në një fabrikë demontimi  në fshatin Gërdec ngriti një shtëllungë zjarri në qiell, qëlloi gëzhoja artilerish nëpër shtëpi dhe vala goditëse u ndjeh dhe në kryeqytet. Tragjedia vrau të paktën 26 persona.

Por tragjedia shqiptare rezultoi të ishte një mundësi për biznes për dy kompani rivale çeke.

Intervistat dhe dokumentet që OCCRP disponon tregojnë se shpërthimi i Gërdecit e nxiti qeverinë shqiptare që t’i shkatërrojë municionet e rrezikshme të periudhës komuniste dhe i hapi rrugën kompanive çeke,  Real Trade Praha dhe STV Group, të kontrolluar nga manjatët e armëve Jaroslav Strnad dhe Martin Drda, t’i blejnë ato me çmime të lira.

Sipas dokumenteve të brendshme të Kompanisë shtetërore shqiptare të Import-Eksportit Ushtarak, MEICO, nga 2010 deri në 2015 Real Trade Praha – firma e lidhur me Strnad – dhe STV Group e kontrolluar nga Drda, blenë dhjetëra milionë fishekë kinezë në Shqipëri.

Dokumentet tregojnë gjithashtu se mbi 100 tonë eksploziv RDX u shit nga stoqet shqiptare te blerësit në Republikën Çeke, megjithë alarmin e ngitur nga diplomatët amerikanë në Tiranë mbi rrezikshmërinë e e materialit shpërthyes.

Blerjet e municioneve ngrejnë pikëpyetje se çfarë bënë kompanitë çeke më fishekët. Municioni kinez i stoqeve shqiptare shitet me vështirësi në tregun ndërkombëtar për shkak se është i vjetër dhe i pasigurt. Ky municion nuk përdoret nga ushtritë e shteteve anëtare në NATO, përfshirë atë të Republikës Çeke. Por bashkë me fishekët e vjetër çekë, municioni i vjetër kinez shpesh gjen rrugën drejt fushëbetejave në Afrikë dhe Lindjen e Mesme.

“Nuk ka interes nga ushtria apo policia [në Europë],” tha Pieter D. Wezeman, kërkues i lartë në Institutin e Kërkimit të Paqes Ndërkombëtare në Stokholm (SIPRI). “Nuk mund ta imagjinoj këtë”.

Sipas tij, blerësit tipikë të municioneve të tilla mund të jenë “vendet [që] kanë relativisht pak para për të shpenzuar, që janë në nevojë urgjente sepse kanë një konflikt në vazhdimësi dhe kanë një sistem prokurimi që nuk funksionon mirë”.

Georges Berghezan, një kërkues nga Grupi për Kërkim dhe Informim mbi Paqen dhe Sigurinë (GRIP), tha se kishte gjasa që “firmat çeke ta kishin ri-eksportuar municionin kinez-shqiptar te palët e treta dhe se municionet mund të kishin përfunduar në duart e rebelëve sirianë, kurdëve në Irak apo forcave qeveritare ose të sigurisë afgane”.

“Jemeni ose një vend tjetër afrikan i varfër dhe në konflikt si Sudani Jugor,” mund të jetë gjithashtu një destinacion i mundshëm.

Një grup i ndarë emailesh hedhin më shumë dritë mbi biznesin e kompanisë Real Trade Praha. Ato tregojnë se për të siguruar transportin e një dërgese municionesh, kompania kërkoi ndihmë nga Petar Crnogorac, një biznesmen serb i hetuar më parë për shitjen e armëve te luftëtarët islamikë në Libi.

“Isha i lumtur të nënshkruaja”

Dokumentet e MEICO-s zbulojnë detaje specifike rreth nëntë marrëveshjeve që kompania shqiptare e armëve bëri me kompanitë çeke.

Ato tregojnë se nga viti 2010 deri në 2015, MEICO shiti një total mbi 81 milionë fishekësh te Republika Çeke – shumica kinezë dhe kryesisht tipe të përdorura nga pushkë dhe mitralozë të stilit sovjetik . Gjithashtu shiti 358 predha mortaje dhe rreth 110 ton eksploziv RDX.

Nga 81 milionë fishekë, Real Trade Praha, një firmë nga portofoli i Strnad, importoi rreth 34 milionë fishekë të kalibrave të ndryshëm (si dhe 358 predha mortaje). STV Group i rivalit Drda importoi rreth 31 milionë fishekë të tjerë të kalibrit 7.62×39 mm, lloji i përdorur nga kallashnikovët AK-47 dhe armë të tjera të stilit sovjetik. Këto municione i shitën për një kosto totale prej 920,160 dollarë – rreth tre cent për plumb.

Pjesa tjetër e fishekëve – rreth 17 milionë – gjithashtu u shitën nga MEICO te Republika Çeke, por nuk është e qartë se cila kompani i bleu.

Sipas një kabllogrami të Departamentit të Shtetit të publikuar nga WikiLeaks, shitja e mundshme e eksplozivit RDX u vëzhgua me kujdes nga diplomatët amerikanë në Shqipëri në vitin 2009.

Sipas kabllogramit, pas tragjedisë së Gërdecit zyrtarët amerikanë u kishin kërkuar autoriteteve shqiptare që ta shkatërronin dhe jo ta eksportonin stokun prej 150 ton RDX. (RDX ishte ruajtur në një vend të veçantë.) Megjithatë, kabllogrami thekson se diplomatët amerikanë kishin dëgjuar zëra se një kompani çeke kishte tentuar ta blinte eksplozivin.

Dokumentet e MEICO-s tregojnë se në vitin 2010 janë shitur rreth 110 ton RDX. Ato nuk tregojnë se cila kompani e bleu eksplozivin, por nënvizojnë se Republika Çeke ishte destinacioni përfundimtar.

Pas shpërthimit vdekjeprurës në Gërdec, drejtori i ri i MEICO, Granit Leka deklaroi se donte t’i shiste stoqet e rrezikshme të municioneve të Shqipërisë.

Leka konfirmoi për OCCRP se MEICO i kishte shitur municion kompanisë Real Trade Praha.

“Isha i lumtur të nënshkruaja një kontratë me një kompani nga një vend i BE, me një çertifikatë me përdorues përfundimtar,” tha Leka. “E nënshkruam kontratën menjëherë sepse na bënë një ofertë të mirë”.

“Sipas kontratës, ishte kompania çeke që menaxhonte transportin [e municioneve nga Shqipëria”], shtoi ai.

“Kush do ta blinte diçka të tillë?”

Është e paqartë se çfarë bënë kompanitë çeke me municionin që blenë.

Një gjë është e qartë: kompanitë nuk ia shitën ushtrisë çeke. Në përgjigje të pyetjeve, një zëdhënës i ushtrisë çeke tha se forcat ushtarake të vendit ishin të përkushtuara ndaj standardeve të NATO-s dhe nuk përdorin armatime kineze.

Një përfaqësues nga kompanitë e Strnad konfirmoi se “kompanitë nga Grupi Çekosllovak blejnë teprica municionesh, armësh, pajisjesh ushtarake dhe pjesë rezervë në vende të ndryshme europiane, përfshirë Shqipërinë” dhe këmbënguli se shumica e blerjeve shiteshin te klientë të BE-së.

Përfaqësues të STV Group refuzuan t’i përgjigjeshin pyetjeve të gazetarëve.

Ekspertët e armëve të konsultuar nga gazetarët shprehën skepticizëm se municionet mund të gjendeshin te blerësit europianë, duke cituar vjetërsinë, llojin dhe gjendjen e keqe.

“Jam i sigurt se [shumica] e sasisë është e papërdorshme, gjë që shpjegon çmimin shumë të ulët,” tha Berghezan.

Një burim me dijeni të marrëveshjes fillestare të Real Trade Praha të vitit 2010, i cili refuzoi të identifikohej nga frika e hakmarrjes, tha se municioni me gjasa do të shitej sërish në zona konflikti, veçanërisht në Afrikë. Ai nuk ofroi dokumente shtesë për të mbështetur këtë pretendim të tijin.

“Municionet që ju po flisni, mendojeni pak… kush do t’i blinte? Jo një ushtri, jo amerikanët, as rusët,” tha burimi.

“Nga një kuti me 100 plumba, mbase 30 ose 10 fishekë nuk do të punojnë fare, kush i merr këto municione koti. Por civilët e armatosur dhe gangsterët në Afrikë nuk e kanë haberin”.

Ëezeman, kërkuesi i armëve nga SIPRI, tha se eksportuesit çekë nuk do të përballeshin me pengesa ligjore për eksportimin e municioneve në shumicën e vendeve apo grupeve të armatosura për sa kohë merrnin leje nga qeveria çeke.

“Shanset që të marrin leje për eksport, do të thosha, janë të mëdha, pasi ka pak vende te të cilët nuk eksportojnë dot,” tha ai.

Një përjashtim i mundshëm, sipas tij janë vendet nën embargo nga BE dhe OKB, si Sudani Jugor, Sudani dhe Irani.

Një përfaqësues i Real Trade Praha tha se “kompanitë e CSG Group i binden të gjitha rregullave kombëtare dhe ndërkombëtare për tregtinë e pajisjeve ushtarake. Të gjitha eksportet kryhen me certifikata të vlefshme për përdoruesin përfundimtar”.

“SHUMË KONFIDENCIALE!!!”

Një grup emailesh të rrjedhura nga punonjësit e Strnad, të cilat janë siguruar nga OCCRP dhe partnerët, hedhin më shumë dritë mbi marrëveshjet e tij në Ballkan.

Emailet, dërguar partnerëve të mundshëm të biznesit në vendet e tjera të Ballkanit lënë të kuptohet se kompanitë e tij po kërkonin të blinin më shumë municione, por jo të prodhimit kinez. Ato konfirmojnë se Strnad ishte personalisht i përfshirë në biznes dhe zbulojnë se një nga drejtuesit e tij ishte në kontakt me një tregtar famëkeq serb armësh, të akuzuar për krime të ndryshme.

Një email i marsit 2010 nga kreu i Real Trade, Petr Rusek, te një partner biznesi maqedonas, ku dallohet paralajmërimi “SHUMË KONFIDENCIALE”,  Rusek zbuloi kontratën e tij të parë për të blerë municionet kineze nga MEICO. Pastaj ai shpjegon se po kërkon municione shtesë, të kalibrave të ndryshëm, me specifikimin se shumica duhet të jetë prodhuar diku tjetër (“jo në Kinë”).

Emaili iu dërgua gjithashtu për dijeni Strnad dhe drejtuesve të tjerë të tij.

Në një email tjetër, Rusek i kërkon një serbi që i adresohet si “Z. Trninic” ta ndihmojë për të siguruar një transit të sigurt të një kamioni me municione në Serbi. Emaili thekson se planet ishin bërë tashmë për tranzit nga Maqedonia dhe Hungaria, duke konfirmuar itinerarin e rrugës që shfaqet në dokumentet e MEICO-s.

Kamioni, që do ta bënte udhëtimin në fund të janarit, do të ishte me gjasa i pari nga shumë të tjerë, shkroi Rusek.

Rusek gjithashtu i tha Trninic se ishte referuar tek ai nga Petar Crnogorac, pronari i firmës serbe të armëve CPR Impex.

Crnogorac u përball me akuza të ndryshme për shkelje të ligjit. Një investigim i mëparshëm nga OCCRP dhe partnerët zbuloi se CPR Impex kishte vepruar si ndërmjetës për të shitur armë europiane te Arabia Saudite që me gjasa përfunduan në duart e rebelëve sirianë.

Në 2014, Crnogorac u arrestua në Serbi, i akuzuar se kishte marrë informacione konfidenciale të tenderave ushatarakë; por akuzat më vonë u hodhën poshtë.

Një panel i OKB në 2015 investigoi një partner të CPR Impex mbi akuzat se i kishte shitur armë islamikëve në Libi. Crnogorac ka konfirmuar se diskutimet u mbajtën për të eksportuar armë në Libi, por tha se marrëveshja nuk u realizua.

Paneli i OKB raportoi në 2016 se qeveritë malazeze dhe serbe i kishin informuar se nuk kishin marrë kërkesa për eksporte armësh në Libi.

Crnogorac refuzoi të jepte koment.

BIRN

Autor: Aubrey Belford, Saska Cvetkovska, Pavla Holcova, Maja Jovanovska, Pavle Petrovic, Lindita Çela

Ish-Drejtori i Policisë së Fierit Shemsi Prençi ka folur në studion e emisionit “Opinion” lidhur me operacionin e ndërmarrë në vitin 2009, kur 730 tonë naftë u sekuestrua.

Shemsi Prençi në një lidhje telefonike ka treguar atë që ai e quajti skemën e vjedhjes më të madhe që i është bërë shtetit shqiptar me naftën.

Në emisioni “Opinion” Shemsi Prençi ka treguar se si është krijuar skema e vjedhjes me naftën virgin dhe hetimin për kapjen e 730 tonë naftë të cilat ishin gati për t’u tregtuar në tregun vendas.

Prençi në periudhën kur po kryheshin proceduar për privatizimin e ARMO-s ka kryer një hetim për naftën virgin e cila prodhohej nga kjo rafineri.

Ai ka theksuar se e gjithë veprimtaria e paligjshme, ka patur mbështetje nga lart dhe nga strukturat qendrore shtetërore dhe nafta virgin faturohej sikur do te shkonte jashtë vendit, por nuk dilte kurrë nga kufiri dhe mbetej ne Shqipëri, ku përzjehej me naftën e karburanteve.

“Kapëm trenin me 13 vagona të cilët mbanin 730 tonë naftë virgin. Sipas 100 tonë naftë bruto dalin produkt i bardhë 30-70 % pjesa tjetër del solar dhe produkte të tjerë”- shpjegoi Prençi.

Kryeministri Edi Rama ndodhet në Davos ku po merr pjesë në Forumin Ekonomik Botëror. Gjatë kësaj kohe Rama ka përfituar nga rasti dhe sigurisht është takuar me personalitete të ndryshëm , mes të cilëve edhe me presidentin serb, Aleksandër Vucic, raportojnë mediat serbe.

I pyetur nga mediat nëse Rama pret që Serbia dhe Shqipëria të bashkohen së bashku, ose nëse Serbia do të bëhet anëtare para Shqipërisë, Rama tha se ishte një proces i bazuar në merita.

Por duket se deklarata e kryeministrit Rama ka ngjallur shumë reagime shtetin Serb.

Prononcimi i tij se Shqipëria dhe Serbia mund të bashkohen në BE kur Serbia ta pranojë Kosovën, ka bërë që mediet serbe ta quajnë “provokim” këtë deklaratë të kryeministrit shqiptar.

“Kur flasim për Serbinë, ajo ka avantazhin e negociatave me BE-në dhe ne presim që të fillojmë negociatat e pranimit këtë vit. Ne dhe Serbia mund të bashkohemi së bashku në BE, nëse Serbia e njeh Kosovën”, ka thënë Rama në Davos.

“Menjëherë pas takimit me Vuçiç, Rama provokon Serbinë”, ka shkruar një nga mediat serbe Alo.rs e pas saj edhe shumë të tjera./blitz

Para pak ditësh ministri grek Kotzias ishte në një vizitë në Korçë, ku pati takim me ministrin Bushati, por diskutimet mbetën të pazbardhura për publikun, por çfarë mendon PDIU për negociatat mes Shqipërisë dhe Greqisë? Për këtë i ftuar në emisionin “Repolitix” në Report Tv është kryetari i PDIU Shpëtim Idrizi, i cili u shpreh se jemi në një mungesë informacioni se çfarë është diskutuar me Bushatit dhe Kotzias, ndërsa po lëshohet sovranitet për të hequr veton e Greqisë për negociatat me BE.

“Në kabllogramet e Uithers flitej për presionin e Athinës për marrëveshjen e ujërave dhe varrezave. E njëjta gjë po ndodh edhe sot, për shkak të nevojës për veton e Greqisë për negociatat po ndodh e njëjta gjë. Për të hequr veton po lëshon sovranitet. I referohem varrezave dhe çështjeve të tjera. Kam parasysh shqiptarët e Çamërisë, por edhe pronat e shumë shqiptarëve të tjerë, por edhe komunitetet fetare shqiptare e atje. Kemi shumë emigrantë, që faleminderit Greqisë, që po i mban, por marrëveshja e pensioneve nuk është firmosur. Përsa i përket ligjit të luftës duhet të hiqen efektet e tij”.

Shpëtim Idrizu u shpreh se, “në asamblenë e PDIU, Rama u shpreh se do ta kishte parësore çështjen çame, ndërsa tani e pash në ngërç”. Kreu i PDIU theksoi se pala shqiptare duhet të ketë kujdes që përpos heqjes së ligjit grek të luftës, “Greqia duhet të heqë të gjitha barrierat që sjell ky ligj. Duhet të hiqen të gjitha efektet e ligjit të luftës, ndryshe do të jetë në favor të Greqisë”.

“Është “pesë me hiç” nëse ligji i luftës hiqet me një traktat miqësie. Pasi edhe traktati i 1996 mbaroi dhe nuk pati asnjë vlerë.U takua Bushati me Kotzias në Kretë, i futën edhe një valle greke, pastaj erdhi edhe Kotzias në Korçë dhe asgjë nuk u mor vesh se çfarë u diskutua. Ne i marrim vesh gjërat nga pala greke, pas takimit të parë Kotzias-Bushati u vu në zbatim marrëveshja për kërkimin e varreve greke”, u shpreh Idrizi.

“Më gjeni një precedent në Europë që janë lënë varrezat e ushtarëve të rënë në një vend tjetër. Ushtarët erdhën si pushtues. Në momentin që Italia pushtoi Shqipërinë, e vetmja qeveri që e ka përshëndetur ka qenë qeveria e Greqisë, i cili e përshëndeti, ndërsa të gjithë e dënuan. Greqia pretendonte se i hapej rruga e copëtimit. Ushtarët rrinin akoma këtu pas luftës, pasi kërkonin të bënin fakt Vorio Epirin. Prandaj pala shqiptare nuk duhet që ta kishte lejuar çështjen e varrezave. Grekët janë në rregull dhe po avancojnë, ne shikojmë vetëm plotësimin e axhendës së Greqisë. E dini që do të kërkojnë varre në 120 vende, kanë futur edhe Himarën. Por për grekët që vranë dhe masakruan do të bëjnë ndonjë varrezë? Po pse po kërkojnë nga Himara? Pse nuk filluan nga Kosina, ti marrin t’u bëjnë ADN, problemi këtu është më i madh”, tha kreu i PDIU.

Idrizi nxorri në pah një tjetër pikë të diskutimeve mes Kotzias dhe Bushatit, “po kërkohet që të rishikohet edhe tekstet e historisë, ajo që më shqetëson është fakti se deri më sot pala shqiptare ka negociuar për axhendën greke.”

“Kufiri i Vorio Epirit është vendi ku po bëhen zhvarrimet, në 1913 grekët erdhën për Vorio Epirin. Në 49 e sulmuan Shqipërinë me luftë. Greqia është rritur me territore gjithmonë mbas luftrave, presidenti i Greqisë në 1987 ka thënë se atje ku kemi varret e ushtarëve kemi atdheun.Për çfarë i duan varret e ushtarëve gerek këta? Kjo është një kërkesë e kahershme. Pas shumë kohësh ata do të thonë se ky është vendi unë sepse kemi ushtarët e rënë. Parimi kryesor është parimi i reciprocitetit, shoqata Çamëria ka kërkuar që banorët e Çamërisë, dhe shumë të tjerë të cilët nuk ranë në luftë por u vranë, të kenë varret e tyre, por kjo nuk është pranuar”, tha Idrizi.

Shqiptarja.com

“Aeroporti i Vlorës do të jetë një investim prej rreth 100 milionë euro dhe do të jetë aeroport më i madh se ai i Rinasit” Deklarata është bërë nga Ministri i Infrastrukturës dhe Energjitikës Damian Gjiknuri në një konferencë për mediat, ku theksoi se qeveria ka miratuar nisjen e negociatave për ndërtimin e aeroportit të Vlorës.

Në fjalën e tij Ministri Gjiknuri theksoi se “për aeroportin e Vlorës janë të interesuara tre kompani turke, shumë të njohura që po punojnë edhe në aeroportin e Stambollit”.

“Ky investim ka një ofertë prej 100 milion euro dhe do të jetë tërësisht privat, pa asnjë investim nga shteti”, u shpreh Gjiknuri i cili shtoi se “aeroport i Vlorës do të jetë edhe më i madh se aeroporti i Rinasit”.

Ndër të tjera, Gjiknuri tha se qeveria po studion edhe mundësinë e ndërtimit të një tjetër aeroporti në jug të vendit.

“Gjithashtu po përfundojmë edhe studimin e fizibiliteti të aeroportit të Sarandës, i cili së bashku me aeroportin e Vlorës do të jetë një investim tepër i madh për zonën e Jugut”, u shpreh ministri