VOAL – Biznesmeni tropojan Sahit Muja, në një postim në faqen e tij në facebook, shkruan se në Zogaj të Tropojës u zbulua një trup gjigant kromi, çka përbën një nga rezervat më të mëdha të kromit në botë.

Më poshtë postimi i plotë:

Live ne Tropoje. Endrra e pa imagjinushme ralitet. Pas 8 vitesh investimesh e sakrificave te medha arritem te kapim nje nder rezervat me te medha te kromit ne bote ne Zogaj te Tropojes. Nje trup gjigant qe do ti siguroje kombit Shqiptare miljarda dollare. Ishte privilegj i madhe te kem shkencetaret me te mire ne bote e biznesmen te klasit botrore qe konfirmuan kte masive kromi qe eshte nder me cilsoret ne bote. Te gjathe ata qe nuk heqen dore nga une e qendruan pas meje ju falenderoj per punen fisnikerine e besimin. Perulem me shume rrespekt per te gjithe stafin e vllezrit e mi qe si luane erdhen nga Amerikaper te bere te mundur kte arritje kolosale. Zoti e bekofte dhe bashkoftekombin Shqiptare.

Komisioni i Pavarur i Kualifikimit ka nisur procesin e vetingut për 36 gjyqtarë dhe prokurorë në të gjitha institucionet gjyqësore të vendit.

Procesi i rivlerësimit të gjyqtarëve dhe prokurorëve kryhet mbi bazën e tre kritereve, të pasurisë,  kontrolli i figurës dhe  vlerësimi i aftësive profesionale.

Në njoftimin e KPK thuhet:

Në zbatim të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, të pikës 11 të nenit 3 dhe të pikës 4 të nenit 6 të “Rregullores për procedurat e zhvillimit të shortit në Komisionin e Pavarur të Kualifikimit”, më datë 15.03.2018 janë shortuar dhe kanë filluar procedurat e rivlerësimit për subjektet e rivlerësimit, si më poshtë:

1.            Artan Çupi Kryetar i Gjykatës së Rrethit Mat
2.            Dritan Seci Kryetar i Gjykatës së Rrethit Tropojë
3.            Emona Muçi Kryetare e Gjykatës së Rrethit Pogradec
4.            Enkeledi Hajro Kryetare e Gjykatës së Rrethit Tiranë
5.            Entela Shedula (Sorra) Kryetare e Gjykatës së Rrethit Kavajë
6.            Halil Vani Kryetar i Gjykatës së Rrethit Dibër
7.            Isuf Shehu Kryetar i Gjykatës së Rrethit Kukës
8.            Izet Kadana Kryetar i Gjykatës së Rrethit Pukë
9.            Joana Qeleshi Kryetare e Gjykatës së Rrethit Durrës
10.          Ornela Naqellari Kryetare e Gjykatës së Rrethit Lezhë
11.          Pashk Gjaci Kryetar i Gjykatës së Rrethit Përmet
12.          Roland Jaupaj Kryetar i Gjykatës së Rrethit Fier
13.          Esmeralda Çeka Kryetare e Gjykatës së Rrethit Lushnjë
14.          Skënder Haluci Kryetar i Gjykatës së Rrethit Vlorë
15.          Sulejman Kurti Kryetar i Gjykatës së Rrethit Elbasan
16.          Alketa Nushi Drejtuese e Prokurorisë së Rrethit Kukës
17.          Anton Martini Drejtuesi i Prokurorisë së Rrethit Shkodër
18.          Arben Pasho Drejtues i Prokurorisë së Rrethit Gjirokastër
19.          Ardian Ylli Drejtues i Prokurorisë së Rrethit Vlorë
20.          Ardjan Nezha Drejtues i Prokurorisë së Rrethit Elbasan
21.          Artan Madani Drejtues i Prokurorisë së Rrethit Kavajë
22.          Artan Shtrungza Drejtues i Prokurorisë së Rrethit Tropojë
23.          Çlirim Shahini Drejtues i Prokurorisë së Rrethit Lushnjë
24.          Donika Prela Drejtuese e Prokurorisë së Rrethit Durrës
25.          Dhorina Theodhori Drejtuese e Prokurorisë së Rrethit Korçë
26.          Edison Ademi Drejtues i Prokurorisë së Rrethit Sarandë
27.          Elidjana Kasaj Drejtuese e Prokurorisë së Rrethit Pukë
28.          Eloida Goxhaj Drejtuese e Prokurorisë së Rrethit Berat
29.          Fatmir Lushi Drejtues i Prokurorisë së Rrethit Fier
30.          Hysen Keta Drejtues i Prokurorisë së Rrethit Përmet
31.          Hysni Vata Drejtues i Prokurorisë së Rrethit Mat
32.          Petrit Çano Drejtues i Prokurorisë së Rrethit Krujë
33.          Simon Pashuku Drejtues i Prokurorisë së Rrethit Lezhë
34.          Sotir Kllapi Drejtuesi i Prokurorisë së Rrethit Pogradec
35.          Shkëlzen Canaj Drejtuesi i Prokurorisë së Rrethit Dibër
36.          Zeqir Hodaj Drejtuesi i Prokurorisë së Rrethit Kurbi

Policia ka mbyllur grevën e disa ish-të përndjekurve që po zhvillohej në zonën e Komunës së Parisit.

Forcat e policisë kanë ndërhyrë gjatë natës dhe kanë nxjerrë me forcë ish-të dënuarit që kishin hyrë në grevë urie në vendin ku disa vite më parë u vetëdogj Lirak Bejko.

Sipas tyre, policia ka ndërhyrë me dhunë në orën 02:00 të mëngjesit dhe i ka shoqëruar për në komisariatin numër 2, ku më pas nuk janë lejuar për tu futur sërish në grevën që kishte disa ditë.

“Erdhën na morën natën, madje edhe pa këpucë. Na kanë keqtrajtuar në polici, na lanë të lirë në orën 08:00. Na e prishën dhe çadrën që kishim ngritur. Na morën zvarrë”, thanë ata.

Greva e urisë nisi 5 ditë më parë, pikërisht në vendin ku u vetëdogj ish- i përndjekuri Lirak Bejko, ndërkohë që kjo kategori po protestonte për të drejtat e tyre.

TIRANE- Financimi i partive politike në Shqipëri ka ngjallur dyshime sa i takon burimi të tyre. Gjatë ditëve të fundit janë rindezur debatet mes dy partive politike më të mëdha në vend, PD dhe PS sa i takon lobimeve jashtë vendit.

Ka një nen që i detyron partitë të deklarojnë shpenzimet dhe financimet, por kjo gjë deri më tani nuk është zbatuar.

Sa i takon akuzave të PS ndaj Partisë Demokratike për financim të dyshimtë nga një kompani ruse, analisti Fatos Lubonja tha në “Studio e hapur” në “News24” se, kjo është më shumë çështje politike.

“Kjo është tepër largvajtëse, mendoj e paprovueshme, megjithatë nuk përjashtohet që rusët si shtet i madh të kenë agjenturat e tyre, si amerikanët, italianët, etj. Por që të bëhet një financim i qëllimtë dhe të angazhohen ca rusë, për të financuar këtë çadër të protestës së PD që të destabilizojë Ballkanin, kjo është qesharake për mendimin tim. Megjithatë, mendoj se është e rëndësishme të diskutohet se ku i gjejnë këto parti paratë”, u shpreh Lubonja.

Në Shqipëri, statistikat tregojnë se 40-50 për qind e popullsisë jetojnë në kufirin e varfërisë. Studiuesit vlerësojnë se pjesa më e madhe e popullatës gjendet afër kuotave të varfërisë dhe çdo përkeqësim sado i vogël ekonomik, i shtyn ata në pjesën e poshtme të grafikut. Sipas tyre, matja e varfërisë reale nuk është bërë më qysh prej vitit 2012.

Qeveria dhe opozita diskutuan për disa orë në parlament mbi varfërinë dhe ndihmat ekonomike. Shqipëria ka sot nivelin më të ulët të të ardhurave për frymë në rajon dhe nivelin e pagave me të ulëta në rajon. Në shumë dimensione vazhdojmë të mbetemi një ekonomi e varfër.

Fjalimeve të zjarrta të politikanëve në parlament mbi varfërinë, studiuesit e ekonomisë u japin një përgjigje të thjeshtë: matja e fundit e varfërisë që është bërë në Shqipëri i takon vitin 2012 dhe ka afro 6 vjet, që ky vëzhgim nuk bëhet më, edhe pse është një detyrim ligjor. Studiuesi i njohur i ekonomisë shqiptare, profesor Selami Xhepa, thotë se studimi i munguar titullohet LSMS (Vëzhgimi i kushteve standarte të jetesës), dhe nuk është kryer më qysh nga viti 2012, kur sipas ligjit, kjo matje duhet bërë çdo 4 vjet për të fotografuar gjendjen dhe për të orientuar politikat kundër varfërisë.

“Statistikat e fundit të varfërisë, që mund t’u referohemi janë ato të vitit 2012. Matja tjetër e varfërisë duhej të ishte bërë në vitin 2016, por nuk u krye. Tani jemi në 2018 dhe po bëhet një periudhë pothuajse 6 vjeçare, që ne nuk kemi matur dinamikën e varfërisë. Nuk duhet harruar që këto kanë qenë dinamika shumë intensive, kur presioni i krizës globale ka qenë jashtëzakonisht i fortë. Kjo mungesë e kujdesit ndaj varfërisë ka bërë që shqiptarët të dekurajohen dhe të kenë një perceptim negativist sa i takon cilësisë së jetës dhe të ardhmes” – thotë zoti Xhepa.

Parlamenti diskutoi sot mbi ndryshimet në skemën e ndihmës sociale për famijet e varfëra. Qeveria dhe opozita shkëmbyen akuza për nënfinancimin e skemës me fonde të pakëta për të mbështetur këtë pjesë të shoqërië dhe për keqmenaxhim të fondeve dhe të skemës.

Zoti Xhepa thotë se pikërisht në 3-4 vitet e fundit, kur varfëria reale nuk matet më, pjesa më e madhe e popullsisë mendojnë dhe përpiqen të ikin. Sipas tij, janë larguar nga Shqipëria rreth 250 mijë vetë, duke u vendi i dytë pas Sirisë në luftë me nivelin më të lartë të emigracionit. Shqipëria, sipas tij, ende nuk ka përcaktuar minimumin e vet jetik, duke përdorur vijën botërore të varfërisë, që sugjerohet nga Banka Botërore me 2.5 dollarë në ditë për person. Kjo është nxjerrë si mesatare e të ardhurave nga tre vende të Afrikës subsahariane me të ardhurat më të ulëta në botë, por nuk është një matje reale e Shqipërisë.

“Kjo është e palejueshme dhe po të përdoren kritere më normale për varfërinë, më shumë se gjysma e popullsisë shqiptare janë në varfëri relative. Nëse përdorim kritere të njëjta me Maqedoninë dhe vendet e tjera të rajonit, del se një pjesë shumë e madhe e popullsisë jeton në varfëri. Elementi i dytë i dallueshëm në rastin tonë është se edhe masa e atyre që jetojnë pranë kufirit të varfërisë është shumë e lartë dhe vulnerabiliteti i atyre për të rënë nën nivelin e varfërisë është shumë i lartë” – tha zoti Xhepa.

Problemi kryesor mbetet të identifikohen grupet dhe shtresat në nevojë, detyrë që fillimisht iu la pushtetarëve vendorë, që abuzuan me listat dhe me fondet, duke përfshirë njerëz me njohjeve politike në prag fushatash zgjedhore.

Nga fondet e ndihmës sociale përfituan njerëz që nuk e meritonin, por skema e re la jashtë grupe vërtet në nevojë, por pavarësisht nga dy pamjet, thotë prof. Xhepa, fondi është shumë i vogël, dhe ata që marrin këto të holla nuk arrijnë asnjëherë të dalin nga varfëria.

Por edhe ata që lënë këto ndihma minimale, edhe kur punësohen, nuk arrijnë të dalin nga varfëria.

“Fatkeqësisht edhe ata që janë të punësuar vazhdojnë të mbeten në varfëri, sepse struktura e punësimit në Shqipëri është një punësim varfërues. Pagat në industrinë mbizotëruese të fasonerisë nuk mbulojnë as nevojat e mbijetesës së këtyre të punësuarve. Praktikisht edhe ato janë si në një skemë të ndihmës ekonomike. Nga ana tjetër gjysma e popullsisë jetojnë me të ardhura nga fshati, të cilat gjthashtu janë fare modeste. Pra, struktura e punësimit në Shqipëri është jashtëzakonisht problematike, sepse punësimi nuk është cilësor” – tha zoti Xhepa.

Ekspertët vlerësojnë se asnjë qeveri nuk i hyn me themel çështjes së varfërisë as për studim dhe as për ta zgjidhur me skema punësimi dhe pagesash dinjitoze.

Skema e re e ndihmës ekonomike u bë me kontroll të dyfishtë nga qeverisja qendrore edhe nga ajo vendore. Por mediat përsëri nxjerrin çdo ditë familje në mjerim, që nuk ndihmohen, dhe deri tani asnjë zyrtar vendor nuk ka mbajtur përgjegjësi, pse i ka lënë në atë gjendje.

Janë zbuluar emrat e anëtarëve të Komisionit Hetimor për dosjen Tahiri, i cili u ngrit me kërkesë të opozitës.

Ditën e sotme janë zbardhur edhe emrat e anëtarëve të PS në Komisionin Hetimor për Tahirin, ata janë; Ermonela Felaj, Klotilda Ferhati, Paulin Sterkaj, Pjerin Ndreu, Xhemal Qefalia dhe Bashkim Fino. Ermonela Felaj do të jetë dhe në pozicionin e nënkryetares së komisionit.

Ndërsa, kryetari i Komisionit Hetimor do të jetë Edi Paloka dhe anëtarët e tjerë të PD-së do të jenë Enkelejd Alibeaj, Myslym Murrizi dhe Flamur Noka. Po ashtu, nga LSI-ja anëtar do të jetë deputeti Endrit Brahimllari.

Për tri vite, 2017, 2018 dhe 2019 Kuvendi i Shqipërisë shpenzon plot 41.2 milionë lekë (të reja) për bileta avioni.

Sipas raportit nga ky institucion theksohet se në Kuvendin e Shqipërisë specifike është udhëtimi jashtë shteti për shkak të aktiviteteve të shumta ndërparlamentare të delegacioneve të përhershme në organizatat Ndërkombëtarë, të grupeve të miqësisë, udhëtimeve zyrtare, pjesëmarrja në Sesionet e AP të KiE-së, etj.

Për këtë është nënshkruar marrëveshja për blerjen e biletave me tre operatorë.

Tek kjo shumë e shpenzuar nuk përfshihen dietat për deputetët apo dhe akomodimi jashtë shtetit.

Në foto: Av. Sergjio Mazreku

Përzgjedhja e kandidatëve më të mirë dhe më dinjitozë, që do të lëvizin nga pika e ngrirjes reformën në drejtësi është një proces që duhet të zhvishet nga çdo fragment nepotizimi dhe reminishencë e kahjeve të politikës.

Pas katër seancave dëgjimore, Heral Saraçi u shkarkua nga detyra e komisionerit publik, që e kishte veshur atë me statusin e gjyqtarit të lartë në procesin e Vettingut.

.Vendimi i Komisionit të Posaçëm të Apelimit, konsiderohet i formës së prerë e për këtë arsye Saraçi i ka rrugët e mbyllura për t’u ankuar pranë autoriteteve brenda vendit. E vetmja gjykate tek e cila mund të ankohet njeriu që mbajti për nëntë muaj detyrën e komisionerit publik, është gjykata e Strasburgut..Gjyqtaret e komisionit të disiplinës i dhanë të drejtë gjyqtares hetuese, e cila sipas rekomandimeve të ONM evidentoi disa shkelje nga komisioneri publik.

Në pritje të emrit që do të zëvëndësojë të shkarkuarin, mendja të shkon tek ata që e kanë kaluar sitën verifikuese të ONM-së dhe kanë kredencialet me të larta morale dhe profesionale.

Njëri  ndër këta, që mund ta meritonte një besim të tillë, është av. Sergjio Mazreku. Jo vetëm për aftësitë profesionale, por dhe për shkallën e rezonancës publike që ai ka, për shkak të angazhimeve të tij diturore, me shkrime dhe analiza në mbrojtje të platformave që synojnë ta nxjerrin drejtësinë nga kthetrat e politikës dhe çdo lloj tjetër devijimi.

Serrgjio Mazreku ka mbaruar Fakultetin e Drejtësisë, Universiteti i Tiranës në vitin 2002, ciklin pesëvjeçar si dhe masterin shkencor, dega  Drejtësi, Akademia e Biznesit Civil Tregtar me rezultate të shkëlqyera. Ka punuar 14 vjet vetëm si Avokat, funksion të cilin vazhdon ta ushtrojë me përkushtim e profesionalizëm.

Sergjio Mazreku i ka kaluar të gjitha testet përzgjedhëse dhe verifikuese dhe është një figurë dinjitoze e jurispondencës shqiptare, qoftë për bagazhin dhe civinë profesionale, qoftë për kredencialet morale. Ai plotëson kushtet për komisioner publik, në bazë të rezultateve të shpallura nga Operacini Ndërkombëtar i Verifikimit.

Sot nuk janë dhe aq të shumtë në numër ata avokatë, gjyqtarë e prokurorë që përmbushin kriteret e një përzgjedhje dinjitoze për të ushtruar një detyrë të tillë kaq domethënëse për të çuar përpara reformën në drejtësi dhe av. Sergjio Mazreku është njëri prej tyre.

Avokat, publicist, autor librash, humanist në ndihmë të shtresave në nevojë, ai përfaqëson një nga zërat më seriozë të organeve të drejtësisë, në fushën e avokatisë dhe të së drejtës. Kjo për faktin se ai ndodhet gjithmonë në kërkim të përvojave të reja shpirtërore, në angazhime që lidhen me organet e drejtësisë, pjesë e të cilave ndihet si avokat, por dhe në angazhime të tjera që plotërojnë profilin e tij prej njeriu të veprimit, analisti dhe veprimtari shoqëror.

Në librat e tij në fokus janë investigimet për shtetin e së drejtës, për rolin e organeve të drejtësisë në pëshpejtimin e krijimit të një shteti model që të mbrojë dhe përfaqësojë në mënyrë dinjtoze dhe institucionale të drejtat qytetare të çdo individ të shoqërisë sonë.

Me analiza dhe shkrime studimore shteruese ai ka mbrojtur me argumente të fortë reformën në drejtësi, si një nga reformat më të thella dhe më pretenduese të këtyre njëzet e shtatë viteve tranzicion demokratik.

Nuk ka lidhje me asnjë spektër politik, pavarësisht origjinës së tij të djathtë, si pinjoll i derës së Mazrekëve, që lidhet me dy kreyqendra të shqiptarisë etnike, me Shkodrën që është vendorigjina dhe me Elbasanin, ku janë degëzuar shtrirjet e tij në kohë, me familjen historike të Aqif Pashë Elbasnit dhe Luigj Gurakuqit,  stërnip i të ciëve ai është.

Avoakt Sergjio Mazreku është një person human, që ka asistuar me qindra çështje gjyqësore falas për nevojtarët dhe të varfërit. Reflektimet e tij në shtypin e përditshëm për nevojën e reformimit të plotë të organave të drejtësisë, para se kjo reformë të hynte në agjendën e ditës së politikës dhe më gjërë, janë pjesë e kredove të tij intelektuale, profesionale dhe njerëzore.

Gjithashtu është sponsor i disa dokumentarëve historikë, që lançojnë figurat emblematike të historisë së kombit, ku në përvjetorin e njëqind të shtetit të parë shqiptar, Sergjioja ka financuar një pjesë të projketeve të bashkisë së Elbasanit për të përjetësuar në dokumentarë e libra ikonat e saj në këtë qytet e më gjërë.

Sergjioja është gjithashtu autor i tre librave politologjiko-analitikë ku fokuson probleme nga më të ndryshmet e më të spikaturat të politikës dhe tranzicionit të vështirë, libra që kanë pasur jehonë në qarqet publicistike, mediatike dhe politike shqiptare.

Kuvendi i Shqipërisë, qoftë pjesa e majtë, qoftë ajo e djathtë, nëse e kanë seriozisht zhveshjen e drejtësisë nga ndikimet e politikës, do ta kishin për nder që t’i jepnin një profesionisti si av. Sergjio Mazreku mundësinë e ushtrimit të detyrës së komisionerit publik, pasi individualitete dhe zëra të tillë premtojnë atë që synon reforma në drejtësi, e projektuar nga ndërkombëtarët dhe e mbështtetur fuqishëm nga mbarë opinioni publik shqiptar.

Ndërtimi i një godine të re për Teatrin Kombëtar është vetëm pretekst dhe mbulesë për projektin më të madh, deri tani, të betonizimit të qendrës së Tiranës, një bllok masiv ndërtesash, shumica e ndërtuar mbi tokë publike që do të tjetërsohet në favor të privatit. Ndërtesat do të shërbejnë si qendra tregtare, qendra biznesi, dhe banesash.

Exit.al ka siguruar planin e ndërtimeve në këtë zonë. Praktikisht, e gjithë zona nga rruga para Ministrisë së Brendëshme deri tek rruga para godinës së vjetër të PD-së, pra përballë qendrës Toptani do të ndërtohet, duke krijuar kështu, së bashku me ndërtesat ekzistuese Torre Drini, Gjergji Center dhe Eurocol, një bllok të dendur ndërtesash të larta. Projekti parashikon prishjen e ish-godinës së PD-së, madje edhe te ndërtesës së vjetër të njohur si Sarajet (edhe pse pronarët e kësaj ndërtese po i qëndrojnë ende trysnisë së Kryeministrit Rama përmes ndërtuesit).

Exit.al ka mësuar gjithashtu se do të jenë tri firma që do të zhvillojnë të gjithë bllokun: Fusha, Kastrati dhe Edil-Al. Ndërtuesi kryesori do të jetë Fusha shpk, që do të jetë edhe ndërtuesi i godinës së teatrit në shkëmbim të tokës publike.

Projekti i godinës së teatrit që ka bërë publike dyshja Rama-Veliaj është keqinformues. Duke paraqitur vetëm maketin e ndërtesës së re të teatrit, mbahen të fshehura të gjitha ndërtimet përqark saj.

Maketi i paraqitur fsheh faktin se më shumë se gjysma e territorit të tanishëm në pronësi të teatrit dhe Ministrisë së Kulturës do të tjetërsohet në favor të privatit për ndërtimin e disa godinave të larta. Projekti i paraqitur përfshin rrugica për kalimtarë dhe pjesë të gjelbëruara, të cilat nuk ekzistojnë në projektin që do zbatohet në praktikë.

Projekti do të përfitojë nga të gjitha lehtësirat fiskale që ka krijuar së fundmi dyshja Rama-Veliaj, përgjysmimi i tarifës së ndërtimit dhe ulja e TVSH-së për hotelet e shtrenjta.

Gjithashtu, pritet që për të shmangur të gjitha pengesat ligjore për këtë skemë krejtësisht të paprecedentë shkëmbimi midis qeverisë dhe privatëve do të duhet të ndryshohen ligje dhe me gjasa edhe miratim në Kuvend.

Pjesa më shqetësuese nga të gjitha është vlerësimi i kostos së ndërtimit të godinës së teatrit, e cila pritet që të fryhet përtej asaj reale për të justifikuar truallin publik që do t’i jepet privatit. Edhe pse në emisionin Opinion, Veliaj është shprehur se godina do të kushtojë 20-30 milionë euro, në praktikë ajo do të kushtojë shumë më pak—në dëm të cilësisë./Exit.al

Duke denoncuar në mënyrë të vazhdueshme krimin dhe drogën që ka pushtuar Shqipërinë, Partia Demokratike ka zgjedhur themelin moral të veprimtarisë së saj opozitare, por nuk ka ndërmarrë hapat që nevojiten për ta përkthyer atë në program qeverisës. Si pasojë është thelbësore që të ndërtohet “Plani i tranzicionit” si shtyllë e dytë e modernizimit të Partisë Demokratike, së bashku me “Laboratorin e sukseseve”.

Kur Partia Demokratike erdhi në pushtet në vitin 2005, unë nuk i kisha mbushur akoma 17 vjeç. E mbaj mend shumë mirë atë periudhë. “Me duar te pastra” arritëm të sjellim një frymë shprese dhe optimizmi në një situatë ku nuk garantoheshin nevojat më minimale të jetesës për qytetarët.

I mbaj mend, gjithashtu, njerëzit me të cilët bëmë rrugëtimin, fjalët që thoshin, fjalimet që mbanin, premtimet që bënin, vlerat që mbartnin. Mbaj mend të rinjtë e asaj periudhe, me zjarr në zemër e xixa në sy.

Mendonim që do ndryshonim botën dhe, botën tonë, Shqipërinë, e ndryshuam shumë në vitet që pasuan. U sigurua furnizimi me energji elektrike apo me ujë. U modernizuan rrugët duke mundësuar qarkullimin e njerëzve, zhvillimin e turizmit dhe të shkëmbimeve ekonomike. U firmos Pakti i Stabilizim Asociimit, u arrit integrimi në NATO.

U arrit, gjithashtu, shumë shpejt zhdukja e bandave që terrorizonin vendin, betejë që shumë pak persona mendonin se mund të fitohej. Në të kundërt, një betejë nuk u fitua përfundimisht, ajo që duhej fituar mbi të gjitha për shkak se ishte themeli moral i veprimtarisë sonë opozitare, lufta kundër korrupsionit.

Përse? Është një pyetje, e cila më ka ndjekur që atëherë. Përse njerëz me vlera të padiskutueshme humbën? Përse të rinj me ideale u dorëzuan? Ekuacioni është shumë i thjeshtë: vetëm një pyetje e duhur sjellë një përgjigje të duhur.

Një fillim përgjigjeje e kam gjetur mbas bisedave që kam pasur me babain tim dhe lidhet me fodullëkun e treguar nga një pjesë drejtuesish politik dhe administrativ të PD-së. Ky fodullëk qëndron në idenë se: “unë jam më i mirë dhe si pasojë nuk ka asnjë arsye që të mos i realizoj objektivat e mia kur të ngarkohem me përgjegjësi”. Qëndron pra, në idenë se fuqia individuale është e mjaftueshme dhe lidhet deri diku me “sindromën e shpëtimtarit”.

Në të kundërt, personat e korruptuar ishin dhe janë bashkë. Ky bashkim krijon një zinxhir të ndërthurur interesash të paligjshëm shumë të vështirë për t’u thyer.

Ne, më thoshte babai, nuk duhet të mendojmë asnjëherë se jemi më të fortë se ata. Ne duhet të mendojmë se jemi më të vendosur dhe të vetëdijshëm mbi situatën në mënyrë që në përfundim, të jemi më të përgatitur se ata.

Një vazhdim përgjigjeje gjendet tek fakti se gabuam duke menduar se kishim kundërshtar qeverinë e Partisë Socialiste. Politika asohere ishte (dhe fatkeqësisht është akoma) e mbizotëruar nga pasioni, i cili derdhej në sheshin publik ku konfrontimi i njerëzve dukej gjëja e vetme që kishte kuptim.

Një parti politike, qoftë ajo në opozitë apo në qeveri nuk ka kundërshtar një parti tjetër e as një grup njerëzish, ajo ka përballë saj një sistem. Më herët do e kuptojmë, më herët do mund të ndërmarrim hapat e nevojshëm për ndryshimin e tij.

Sistemi është një realitet shumë i ndërlikuar dhe i thellë. Ai përbëhet nga shoqëria dhe tërësia e institucioneve që të gjitha së bashku, nëpërmjet marrëdhënieve që kanë me njeri – tjetrin vendosin dhe përkufizojnë “normalitetin” në shoqëri.

Sistemi nuk ka një realitet të përcaktuar dhe të ngrirë. Në të kundërt, ai ka një gjeometri të ndryshueshme dhe shpesh shumë, a pak, të qëndrueshme. Ndonjëherë është e gjithë shoqëria që ndikon në përkufizimin e normalitetit e ndonjëherë vetëm një pjesë e saj. Ndonjëherë shteti e krijon normalitetin, e ndonjëherë thjesht e përkthen atë në akte juridike. Ndonjëherë disa institucione e shoqëri private zënë një vend të tillë sa që arrijnë të ndikojnë në përkufizimin e normalitetit për çështje të caktuara.

Sistemi duhet kuptuar qartë, ai nuk është as i mirë dhe as i keq, është neutral. Ne jemi të gjithë pjesë e tij, si pasojë, ai nuk mundet dhe nuk duhet luftuar, ai duhet ndryshuar. Duke ndryshuar ose ndikuar sistemin, ndryshojmë përkufizimin e normalitetit mbi çështje të caktuara dhe si pasojë sjellja e njerëzve do të ndryshojë.

Një fund përgjigja besoj se gjendet tek fakti që gabuam në kuptimin e zhvillimit të korrupsionit në vendin tonë. Ne menduam se korrupsioni ishte një fenomen, pra një shfaqje e diçkaje anormale ose e çuditshme në shoqëri, që lind nga veprimi i forcave të caktuara.

Si i tillë, forca e qeverisë nëpërmjet shumëllojshmërisë së mjeteve juridike (Kushtetuta, ligji etj.) që disponon duhet të ishte e mjaftueshme për ta mundur. Ky ishte për shembull rasti me bandat që terrorizonin vendin ku u arrit një fitore e madhe nga PD. Por, ky nuk ishte rasti i korrupsionit, sepse në çastin ku ne erdhëm në pushtet në vitin 2005 korrupsioni ishte bërë, në fakt, pjesë e plotë e normalitetit.

Shteti është vetëm një pjesë e sistemit. Nëse rrethanat nuk janë të duhurat, përdorimi i tij i mjeteve juridike nuk vendos dot normalitetin. Në të kundërt, në të njëjtën mënyre si flluskat spekulative në financë e ekonomi krijojnë një boshllëk midis normalitetit juridik dhe normalitetit të vërtetë.

Ne nuk na pengojnë ligjet, ligje kemi plot. Shumë prej tyre përmbushin objektivisht standardet më të mira europiane. Ne na pengon vetëdija për situatën dhe vullneti për ta ndrequr atë.

Korrupsioni atëherë, krimi dhe droga sot, njëlloj kanë depërtuar dalëngadalë ndërgjegjen dhe nënndërgjegjen e shoqërisë. Ndihmuar nga bashkëpunimi fatkeq i një pseudo elite politike dhe mos reagimit qytetar është bërë pjesë e normalitetit në vendin tonë.

Si pasojë, është thelbësore që PD të fillojë të ndërtojë menjëherë “Planin e tranzicionit” si provë e vetëdijes së saj përballë situatës në të cilën ndodhemi si dhe përgatitjes për ndryshimin e sistemit dhe zhdukjen e krimit e drogës që ka pushtuar vendin.

Këto objektiva duhet të shpallen kauzë madhore kombëtare, ndjekja e të cilave duhet t’i ngarkohet një Zëvendëskryeministri/tre. Kjo kauzë do të prekë një shumëllojshmëri fushash mbi të cilat duhet të ndërmerren masa të veçanta dhe të sigurohet në çdo rast koherenca e përgjithshme e veprimit.

E para në Ministrinë e Arsimit nëpërmjet përmirësimit rrënjësor të pjesës së “edukimit” të brezave që po vijnë. Duhet të krijohet vetëdija tek rinia shqiptare për rrugën që po merr vendi. Duhet të rindërtohet një bosht i ri vlerash ku banditët të mos shihen më për gjë tjetër veçse shkatërrimin dhe mjerimin që veprimtaria e tyre sjell. Duhet nxitur syri kritik i një rinie, e cila mbart brenda saj çdo ndryshim madhor për një vend.

E dyta në Ministrinë e Drejtësisë nëpërmjet hartimit të një amnistie të veçantë për personat që janë bashkëpunëtorë “jo substancial” në trafikun e drogës si për shembull personat që në mënyrë të drejtpërdrejtë ose të tërthortë kanë vënë në dispozicion tokat e tyre për trafikantët. Ne nuk mund të rishkruajmë historinë dhe nuk duhet të jetojmë me kokën mbrapa. Duhet të hapim një derë drejt së ardhmes në bazë të së cilës qëndron fryma dhe dëshira për të ecur përpara.

E treta në Ministrinë e Financave për shkak se rifitimi i fushës së humbur do kaloj pa asnjë dyshim nëpërmjet një faze tranzicioni mbështetur nga ndihma me karakter financiar të shtetit. Ne nuk mund të kërkojmë që brenda një dite çdo gjë të ndryshojë, – ndryshimi duhet shoqëruar. Ne, nëpërmjet ardhjes në pushtet, duhet të krijojmë kushtet që të rindezim një xixë brenda shoqërisë. Vetëm kjo e fundit mund të rindezë zjarrin.

E katërta në Ministrinë e Ekonomisë nëpërmjet rikrijimit të besimit të qytetareve dhe investitorëve në ekonominë shqiptare si dhe parashikimit të pasojave mbi ekonominë e ndryshimit të sistemit. Pasoja që do të jenë të sigurta për shkak të ngadalësimit të lëvizjes së parave të pista.

E pesta në Ministrinë e Brendshme nëpërmjet përgjigjes ndaj pyetjes ekzistenciale sesi një institucion kaq rrënjësor mund të luajë rolin e saj mbas instrumentalizimit që i kanë bërë prej kaq shumë vitesh politika dhe krimi.

E gjashta në Ministrinë e Mbrojtjes nëpërmjet luajtjes së një roli të ri në këtë kauzë kombëtare, më të veçantë, aktiv dhe strategjik në luftën ndaj narkotrafikantëve.

Sigurisht, këto elemente nuk janë shteruese dhe kërkojnë një debat shumë më të gjerë për të krijuar planin përfundimtar të tranzicionit, i cili së bashku me “Laboratorin e sukseseve”, do përbëjnë dy shtyllat që do shënojnë modernizimin e Partisë Demokratike.

Është thelbësore që sot, ne që përbëjmë brezin e ri të Partisë Demokratike, të marrim stafetën duke qenë të vetëdijshëm për arritjet e brezave të mëparshëm, por edhe të gabimeve të tyre që të jemi në gjendje të nxjerrim mësimet e duhura. Ne duhet të ecim me modesti përpara sfidës që na pret, të mos shohim armiq përballë, por një sistem të ri për t’u ndërtuar, ku të gjithë kanë rolin e tyre.

Nëse kompania që ka marrë uzinën e ARMOS-s më datë 15 mars nuk nis nga puna sipas kushteve të kontratës, naftëtarët e Ballshit do të nisin protestat, të cilat do finalizohen në Tiranë.

Ky fakt është konfirmuar nga kreu i Konfederatës së Sindikatave, Kolë Nikolla gjatë një takimi që zhvilloi këtë të hënë me një përfaqësi të naftëtarëvë të ARMO-s

Nikollaj kërkoi shlyerjen e detyrimeve të prapambetura për 1200 punonjësit e kësaj kompanie.

Ai nënvizoi mes të tjerave faktin se privatizimi i ARMO-s ishte një gabim nga qeveria Berisha.

Ndërkohë nëse Kuvendi nuk miraton statusin e minatiorit edhe kjo kategori së shpejti do nisë një valë protestash për miratimin e statusit.

“Në emër të Konfederatës së Sindikatës dhe naftëtarëve të Ballshit i bëj thirrje qeverisë shqiptare që nëse nuk i jep zgjidhje përfundimtare çështjes së pagave të prapambetura të naftëtarëve dhe nuk rifillon puna në uzinën e Ballshit deri në datën 15 mars, atëherë ata do përballen me protesta masive që nuk do të ndalen deri në zgjidhjen përfundimtarë të këtij problemi. Qeveria Shqiptare dhe ARMO kanë tre ditë kohë për të ardhur dhe negociuar me naftëtarët ndërsa në përfundim të këtij afati do vijojmë punën tonë për organizimin e protestave që do fillojnë në Fier e më pas në Tiranë. Kjo situatë është e patolerueshme dhe këtyre 1200 naftëtarëve duhet tu jepet një zgjidhje, pasi dua t’ju kujtoj se pas tyre janë 1200 familje që po përballen më vështirësi ekonomike, në një vend si Shqipëria ku gjetja e një vendi punë është problemi më i madh. Ashtu si për çështjen e pagave të naftëtarëve edhe për statusin minatorit Konfederata e Sindikatave së bashku me minatorët do nisë protestat deri në finalizimin e miratimit të statusit.” tha Kolë Nikolla gjatë fjalës së tij

Kujtojmë se janë 8 mijë minatorë që presin miratimin e ligjit për “statusin e minatorit”.

TIRANE-  Detaje të frikshme mësohen në lidhje me shpërthimin në një dyqan celularësh pranë Drejtorisë së higjienës në Tiranë, afër Ambasadës së Shteteve të Bashkuara të Amerikës.

Gazetarja Dorjana Bezat bën me dije për “BalkanWeb” se ka dyshime të forta që 34-vjeçari Gentian Hoxha, i plagosur pas shpërthimit të fuqishëm brenda dyqanit, kryente aktivitet të paligjshëm. Policia dyshon se ai punonte për të montuar mina brenda në celular.

Policia shton se një incident në montim mund të ketë shkaktuar shpërthimin.

Mësohet gjithashtu se 34-vjeçari Hoxha ka hapur servisin e celularëve në orën 10:30. Me të hyrë brenda ai ka mbyllur derën dhe ka shkuar të punojë në tavolinën e punës.

Dyshohet se shpërthimi i ka ndodhur në dorë, pak minuta pasi është ulur të punojë. Sipas policisë, lënda është ende e papërcaktuar por nisur nga dëmtimet e 34 vjeçarit, dëmtimet e biznesit dhe forca e shpërthimit, ka dyshime të forta se 34 vjeçari montonte mina me celular dhe një incident në montim mund të ketë shkaktuar shpërthimin.

Dyshimet i përforcon edhe fakti se në momentin e ngjarjes, 34-vjeçari e kishte të mbyllur derën e biznesit.

Policia po bën një këqyrje të imtësishme të gjithë ambienteve të dyqanit dhe pritet që nga momenti në moment të sqarojë ngjarjen.

ETLEVA DELIA/ Një shtetas izraelit është ndaluar dje në aeroportin e Rinasit, pasi iu gjetën të fshehura në trup një shumë e konsiderueshme parash.

Mësohet se shtetasit të huaj iu gjetën 250 mijë euro, të padeklaruara gjatë një kontrolli nga Policia Kufitare në bashkëpunim me Doganën e Rinasit.

Burime zyrtare të Policisë së Shtetit thanë dje se shërbimet e Policisë Kufitare ushtruan kontroll fizik ndaj shtetasit izraelit Efim Reichman, 49 vjeç, në hyrje dhe në këtë formë u arrit të zbulohen paratë e fshehura. Burimet thanë se janë gjetur dhe sekuestruar 500 kartë- monedha euro të prerjes 500- she.

Paratë janë sekuestruar deri në përfundim të hetimeve dhe përcaktimin e saktë të origjinës. Reichman kishte udhëtuar nga Moska në drejtim të Tiranës dhe në momentin që është marrë në pyetje nga shërbimet e Policisë Kufitare dhe të Doganave nëse kishte apo jo të holla për të deklaruar, ai ka deklaruar se nuk kishte asgjë.

Por pas kontrollit fizik i janë zbuluar paratë dhe ai është shprehur se nuk e dinte që duhej të deklaroheshin, megjithëse limiti i parave që mund të mbahen kesh pa u deklaruar, nuk duhet të kalojë 10 mijë eurot. Disa ditë më parë, në Rinas zbritën edhe dy shtetas izraelit, bashkëshortë, të cilët kishin 290 mijë euro, por i kishin të deklaruara.

DESHMIA

Policia e Shtetit tha dje se ka nisur procedim penal në gjendje të lirë dhe ka referuar materialet në Prokurorinë e Tiranës për shtetasin izraelit Efim Reichman, 49 vjeç. Ai akuzohet për “Mosdeklarim në kufi të të hollave dhe sendeve me vlerë”.

Burimet thanë se 49-vjeçari me banim në Izrael kishte udhëtuar nga Moska dhe është ndaluar pas kontrollit fizik në aeroportin “Nënë Tereza”. Ai është shoqëruar menjëherë në Komisariatin e Rinasit, ku është marrë në pyetje për origjinën e parave dhe arsyen pse nuk i kishte deklaruar më parë 250 mijë eurot.

Mësohet se shtetasi i huaj ka thënë se paratë i kishte për të bërë biznes në Shqipëri dhe nuk e dinte se duhej t’i deklaronte. I pyetur se për çfarë biznesi bëhej fjalë, ai ka thënë se do të hapte një klinikë dentare në Tiranë.

Megjithatë, deri në përfundim të hetimeve paratë do mbahen të sekuestruara. Policia ka nisur verifikimet për vërtetësinë e deklarimeve të tij dhe identifikimin e personave, me të cilët ai pretendon se do të bashkëpunonte në Shqipëri.

Muaji mars ka një shenjueshmëri të veçantë në Shqipëri. Në të shumtën e herës, kjo shenjueshmëri është tragjike. Në mars ka ndodhur rebelimi i madh i vitit 1997, në mars po ashtu, një apo dy vjet më vonë, nisi eksodi i madh nga Kosova, në mars ndodhi shpërthimi tragjik në Gërdec që u mori jetën 21 vetëve, në mars shqiptarët e Shqipërisë së mesme festojnë ditën e verës, por në mars janë edhe plakat ose tri ditët e shenjuara si hakmarrje e Zotit për mendjelehtësinë e plakës që u ngjit në mal dhe, për të sfiduar kohën, u zhvesh e dogji rrobat e dimrit. Mirëpo Perëndia, që nuk duron autoritet tjetër mbi të, e ngriu plakën e gjorë me gjithsej. Në mars i plasi edhe Lulëzim Bashës skandali me pagesat e dyshimta për lobim në SHBA dhe një foto me Trump.

Edhe Kadareja një vepër të tij e ka quajtur « Lulet e ftohta të marsit ». Ky arsyetim me ngjyra letrare natyrisht nuk e tregon në mënyrë të mjaftueshme dëshpërimin që ndjehet përgjithësisht në këto kohë në Shqipëri. Siç e dimë të gjithë, papunësia nuk po zvogëlohet, por po rritet. Investimet janë në shifra jo të përfillshme dhe në vend lulëzon më shumë ekonomia e shërbimeve dhe vetëpunësimi. Mirëpo ajo që të bën përshtypje më shumë është mungesa totale e transparencës dhe e informacionit për shëndetin ekonomik të vendit. Edi Rama poston çdo të diel nga një video me pamje nga qytetet e Shqipërisë që ndryshojnë a thua se është përgjegjës i zyrës së marrëdhënieve me publikun në ndonjë agjenci turisitike. Opozita mjerane shqiptare është bërë si Aranit Çela që lexon çdo ditë të njëjtën pretencë për Sajmir Tahirin dhe grupet kriminale që qeverisin vendin.

Qeveria ka luksin më të madh se i ka hipur këtij populli në kurriz dhe nuk pyet fare se çfarë bën, nuk i jep llogari askujt për atë që bën. Ndërkaq, gjithë këta vite kam vrarë mendjen dhe nuk arrij të gjej një përgjigje për këtë argument që do të shtroj më poshtë. Ne jemi më pak se 3 milion banorë. Kanë kaluar 28 vjet nga rënia e diktaturës dhe ne flasim gjithë ditën për krim, krizë, papunësi, drogë, injorancë, degradim e kështu pafund. Si ka mundësi që asnjë qeveri nuk na tregon një gjë të thjeshtë që është kjo : të numurojë shqiptarët kudo që janë dhe të hartojë një data base me të dhënat për familjet, banorët, pronën dhe punën që ata kryejnë.

Pas kësaj të kishim një fotografi të plotë të Shqipërisë për çdo lagje qyteti e fshati dhe mbi bazën e kësaj të ndërtoheshin edhe politikat e punësimit. Edi Rama, para disa ditësh, pushoi nga puna në mënyre spektakolare Drejtorin e Përgjithshëm të Shërbimit të Punësimit sepse administrata e tij, e Ramës në këtë rast, nuk po arrin të plotësojë vendet bosh që ka në organikat e saj. E kuptoni se ku jetojmë? Një qeveri që drejton më pak se 3 milion banorë, ka një vit që nuk mbush dot administratën me punonjës. Mendoni tani se çfarë fantazije mund të ketë kjo qeveri që të krijojë hapësira për vende të reja pune.

Një anë tjetër që i dallon shoqëritë e konsoliduara nga ato primitive dhe që qeverisen nga elita mediokre është edhe aftësia që kanë ato për ta rrëfyer vendin e tyre. Shihni se çfarë ndodh. Të gjithë shqiptarët marrin vesh se Gjermania fjala vjen ka nevojë për kaq ose aq punonjës në këtë apo atë sektor. Të gjithë e dimë se edhe në Shqipëri ka agjenci legale që rekrutojnë punonjës për jashtë vendit. Le të më tregojë një njeri se kur ka dëgjuar apo ku ka lexuar se për çfarë ka nevojë ky vend ? Cilat janë ato agjenci shqiptare që merren me tregun e punës dhe janë faktorë në ligjërimin mediatik. A kini parë ndonjë emision apo a kini dëgjuar ndonjë informacion nga RTSH-ja publike që paguhet nga taksat tona edhe për të shpërndarë e për të informuar publikun për çështje utilitare, se sa nevoja ka ky vend, se çfarë specialistësh kërkohen këtu apo aty. Për fat të keq jo.

Para disa ditësh u dha një lajm sipas të cilit një përqindje e caktuar shqiptarësh u thirrën dembelë dhe këta ishin shumë. U thirrën të tillë, sepse ata refuzonin punën që u kishte caktuar njësia vendore apo enti që u jepte ndihmën ekonomike dhe në vend të saj parapëlqenin ato pak lekë të thata që i merrnin nga ndihma ekonomike. Mund të jetë edhe kështu, por unë do ta besoja këtë qortim që e bëri edhe Milva Konomi, në mos gaboj, nëse do të kishim më parë të qartë një panoramë tjetër, atë të mundësive reale që ofrohen në tregun shqiptar të punës.

Mirëpo e gjithë kjo, sipas meje, lidhet me kulturën e përgjithshme të jetës dhe të punës. Ne, shqiptarët, është e vërtetë se kulturën e punës e kemi jo fort të arrirë. Historia jonë nuk është histori suksesesh në lëmenjtë e punës apo të inovacionit. Për fat të keq, historia jonë është histori luftërash dhe heroizmash ndonjëherë edhe pa kuptim. Në të vetmen kohë që shqiptarët u detyruan të punojnë ajo ishte një periudhë që nisi me entuzizëm dhe u transformua në dëshpërim. Shqiptarët punuan në mënyrë shembullore, të burogosurit u shfrytëzuan në mënyrë skllavërore dhe diktatura arriti të krijojë disa vepra të mëdha, por nuk e kultivoi te shqiptarët kulturën e punës që të bën të lumtur. Pas viteve ’90, shqiptarët në shumicën e rasteve, u çartën mendsh dhe nisën aventurën e pasurimit të shpejtë dhe me çdo çmim.

Qeveritë e tyre, pa asnjë vizion i shkatërruan të gjitha ato resurse që ishin arritur në 50 vjet diktaturë dhe instaluan në vend kulturën e kapitalizmit të egër. I forti, krimineli, qeveritari i korruptuar, fanatiku partiak u bënë njerëzit më të suksesshëm dhe zëvendësuan nomenklaturën komuniste me përfitime disa herë më të mëdha. Sot kemi arritur në këtë gjendje që e kemi të vështirë të numurojmë shqiptarët dhe të dimë sa të tillë jetojnë në këtë vend, sa hapësirë banimi kanë, sa fëmijë, çfarë profesioni kanë dhe kush punon e kush jo. Sa jetojnë këtu dhe sa prej tyre jetojnë jashtë. Ndaj, në mars kur dita nis e zgjatet dhe kur një pjesë shqiptarësh do të dalin rrugëve e do të zdërhallen nëpër lulishte duke festuar Ditën e Verës, ne do të na duhet të kujtohemi përsëri se ky vend, ashtu si vendet e Lindjes të krijon një përshtypje të dyfishtë. Po t’i shohësh rrugët dhe kafenetë e këtij vendi të duket sikur këtu jetojnë 30 milionë shpirtra. Në fakt nuk janë më shumë se 3 milion, por, meqenëse nuk i drejton dhe nuk i orienton askush, vijnë të gjithë vërdallë nëpër kafe e nëpër rrugë dhe qendra është plot, rrugët janë plot dhe për fat të tyre edhe diell ka plot. Aferim!

Enkelejd Alibeaj, deputeti i PD-së në një dalje për mediat ka bërë të ditur se akuzat qesharake për konspiracion rus nuk mund ta ndihmojnë Edi Ramën të fshehë 2 të vërteta të mëdha, shpëtimin e Saimir Tahirit nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane.

Ai ka kërkuar nga Rama të përgjigjet se pse po e mbron Tahirin dhe pse është takuar fshehur me të në një spital privat të Tiranës.

“Akuzat qesharake për konspiracion rus nuk mund ta ndihmojnë Edi Ramën të fshehë 2 të vërteta të mëdha, se ai po bën gjithçka për të shpëtuar Saimir Tahirin nga burgu dhe se vëllai i tij, Olsi Rama, është një nga peshqit e mëdhenj të kokainës kolumbiane.

Që kur 613 kilogramët e kokainës u kapën me ndihmën e partnerëve të huaj, Kryeministri i vendit është zhdukur nga qarkullimi dhe nuk jep përgjigje se çfarë lidhje ka Olsi Rama me një nga kartelet më të rrezikshme të drogës kolumbiane dhe cili ishte roli i Olsi Ramës në ngarkesën e 613 kilogramëve kokainë të pastër.

​Edi Rama hesht dhe nuk u thotë shqiptarëve përse është takuar fshehurazi me Saimir Tahirin të premten paradite në një nga spitalet private të Tiranës. Është detyrim i kryeministrit të vendit të flasë për marrëdhënien e tij me Saimir Tahirin, duke mos mbajtur më peng integrimin europian të vendit. Edi Rama e di shumë mirë se pa i hequr mbrotjen politike ish ministrit të tij të brendshëm, Shqipërisë nuk do t’i hapen negociatat e anëtarësimit në Bashkimin Europian.

Politikën në Shqipëri nuk e ulin poshtë skemat e trasha të Edi Ramës me rusë, spiunazh dhe destabilitet, por është bashkëqeverisja e tij me krimin rreziku më i madh për stabilitetin e Shqipërisë dhe rajonit. Është biznesi i tij familjar me kartelet e kokainës, mbrojtja e Saimir Tahirit dhe shndërrimi i vendit në parajsën e drogës akti më antikombëtar i Edi Ramës”, – ka bërë të ditur Alibeaj.

Voal.ch po ju sjell tre dokumente të firmosura nga Enri Fuga në emër të Edi Ramës, direkt nga Lulzim Basha dhe nga Petrit Vasili në emër të Ilir Metës kur ishte kryetar i LSI.

Partitë në fjalë paguajnë për lobingjet pranë qeverisë të SHBA.

Enri Fuga ka firmosur një kontratë prej 240 mijë $ e cila përfundon në fund të këtij muaji me firmën Ballard Partners. Në shumën 240 mijë $ ku nuk përfshihen shpenzimet e shërbimeve që po ashtu shkojnë mijra $. Kontrata ka një klauzolë ku thuhet se mund të përfundojë më 1 shtator 2017.

Lulzim Basha ka firmosur kontratë për tre muaj nga 50 mijë $ për muaj praj 150 mijë $ me firmën Barnes & Thornburg prej 12 prill 2017 deri më 12 korrik 2017.

Ilir Meta ka kontraktuar me GSIS | Global Security Innovative Strategies me nga 20 mijë $ për muaj, ku nuk përfshihen shpenzimet e shërbimit.

Partitë e sipërpërmendura mund të kenë edhe kontrata të tjera për lobim përveç këtyre firmave.

Dokumentat në fjalë hedhin dritë se të treja partitë kryesore paguajnë me qindra mijë $ me lobingje që ndërmjetësojnë komunikimin e tyre me qeverinë e SHBA!

Kanë mbërritur prej më shumë se një jave në Tiranë dy grupe të anti-drogës zvicerane dhe gjermane.

Lëvizja e tyre është bërë pas sinjaleve se kokaina e kapur në Durrës kishte pikë fundore dy shtetet. Pritet që këto ditë të zhvillohet një maksioperacion në disa vende për të kapur pronarët realë të kokainës.

Siç mësohet, operacioni kryesor do të zhvillohet në Shqipëri dhe në Kosovë, ku ka dyshime për bosët se kanë bazat e tyre dhe “punishtet” ku droga e rëndë ndahet dhe përpunohet për t’u dërguar në Perëndim.

Operacioni nuk do të zhvillohet vetëm në Tiranë por edhe në 12 qytete të tjera në veri dhe në jug të vendit. Njëkohësisht policia e Kosovës do të kryejë operacione në Prizren, si dhe në pjesën e Rrafshit të Dukagjinit, nga ku mendohet se fshihen pronarët e tjerë të kokainës.

Sepse bëhet fjalë për grupe që jo vetëm bëjnë eksportin e importin e kokainës, por dhe tregun e shpërndarjes në disa vende të Bashkimit Europian, si edhe në Zvicër.

Në kohën e heroinës grupet shqiptare me ata kosovare janë përplasur shumë dhe shpeshherë, por hyrja e kokainës në lojë që kishte fitime të mëdha ka krijuar aleanca të mëdha dhe të reja mes aktorësh të rinj, raporton “Tesheshi”.

Është kryer ajo që Saviano e paralajmëroi si “bashkimi kombëtar i krimit”, nga “togerët” që kanë qenë ushtarë të thjeshtë; por duke punuar si shpërndarës e njohën mirë tregun, klientelën dhe nevojën për të qenë së bashku. Pikërisht qënia e tyre të rinj dhe të panjohur ka penguar policitë europiane që t’i njohnin më mirë.

Kështu që kohët e fundit, edhe agjencitë ligjzbatuese kanë vendosur që të marrin masa që t’u kundërpërgjigjen këtyre zhvillimeve të reja në gjirin e krimit të organizuar.

Europol, që është zyra qendrore e policive të BE-së për të koordinuar luftën ndaj drogës, ka emëruar si kreun e saj një oficere belge, e cila është marrë gjatë dhe e njeh mirë mafian shqiptare që vepron kryesisht në qytetin e Andverpen-it, Brukselit dhe Liezhit.

Catherine De Bolle, u emërua nga ministrat e Brendshëm të 27 shteteve të BE-së, një ditë pas Festës së Gruas, më 9 mars. De Bolle u emërua si drejtoreshë e Europolit pasi qëndroi 6 vjet në krye të policisë së Belgjikës.

Në këtë detyrë ajo ka drejtuar disa nga operacionet për kapjen e dy prej grupeve shqiptare të trafikut që ishin të lidhur me të ashtuquajturin “Escobar të Ballkanit”, Klemend Balilit.

Emisioni “Java” në RTSH  ka vijuar edhe këtë të premte  me publikimin e kallzimeve të kryera nga Kontrolli i Lartë i Shtetit  në Prokurori. Kësaj radhe janë pulbkkuar kallzimet ndaj kryeregjistrueve, punonjësve dhe specialistëve të hipotekave  për dhënien e titujve të pronësisë.

Bëhet fjale për tjetërsime dhe dhënie në kundërshtim me ligjin të titullit të pronësisë nga ana e Hipotekës në bregdetin e Sarandës, në Korçë, Librazhd Berat dhe Shkodër. Dëmi i përllogaritur nga KLSH arrin në disa miliona euro ndërsa fatura sociale e qytetarëve shqiptar e parikuperueshme.

Absurdi arrin deri aty sa në Librazhd është regjistruar si pronë private dhe një pjesë e Hekururdhës, e cila është pronë publike dhe asset kombëtar, referoi gazetari investigative, Artan Hoxha.

Bëhet fjalë për një skemë mafjoze me “prestanome” për regjistrimin e pasurive, kanosje, dhunë dhe vrasje.

Janë mbi 1000 kallëzime nga ana KLSH-së për rastet në fjalë të cilat janë referuar në Prokurori, shumica e të cilave ose  cilat janë kyçur në sirtare, ose janë përdorur për presion për interesa korruptive të Prokurorëve.

Emisioni “Java” njoftoi se do  të vijojë të publikojë edhe të premten e ardhshme  kallzime të  KLSH, duke kërkuar reagimin e organit të akuzës.

Donald Lushaj, menaxheri i firmës së bananeve, që importoi kontejnerin nga Kolumbia, ku u zbuluan 613 kilogramë drogë e llojit kokainë me një vlerë prej 180 milionë eurosh ka udhëtuar në Kosovë 6 herë në muajin e parë të këtij viti.

Udhëtimi i tij i parë në Kosovë ka qenë data 2 janar dhe i fundit 5 shkurt, shkruan sot Koha Ditore.

Nga verifikimet që ka bërë Prokuroria në sistemin TIMS rezulton se Lushaj ka kryer 6 lëvizje në drejtim të pikës së kalimit kufitar të Vërmicës për të hyrë në Kosovë.

Ai ka përdorur 2 automjete. Lëvizja e parë për 2018-ën ka ndodhur ditën e dytë të vitit, më 2 janar. Lëvizjet e tjera brenda janarit janë bërë më datë 13, 21, 22 dhe 26 janar. Sa i përket shkurtit, ai ka lëvizur më datë 5 të atij muaji.

Kreu i PD, Lulzim Basha i është përgjigjur kryeministrit Edi Rama në lidhje me investigimin e revistës amerikane “Mother Jones” për financim të lobimit të Partisë Demokratike nga biznesmenë rusë. Kryeministri Rama tha se kjo histori do zbardhet deri në fund, ndërsa Basha shprehet përmes një statusi në Facebook se akuzat janë qesharake.

Statusi i plotë i Bashës

Për hir të opinionit publik dëshiroj të sqaroj një herë e mirë disa gjëra:

1. Akuza që Partia Demokratike ka marrë para prej rusëve për të bërë konspiracion së bashku me Presidentin Trump kundër Edi Ramës është një akuzë qesharake, që vetëm një mendje megallomane si Edi Rama mund ta gatuajë. Këto akuza janë në vazhdën e qëndrimeve anti-Trump dhe anti-administratës Trump nga Edi Rama.

2. Partia Demokratike nuk ka shkelur asnjë ligj dhe nuk ka asnjë lidhje direkte dhe indirekte me asnjë individ, organizatë, kompani apo interes rus.

3. Dje e akuzova publikisht Edi Ramën për lidhje të errëta me kompaninë ruse Gunvor, por ai sot nuk u përgjigj, duke gatuar një tjetër sallatë ruse, si ajo e Mother Jones, për të fshehur të vërtetat. Nëse ka rrezik rus në Shqipëri, ai vjen përmes Ramës kryeministër! Jo vetëm sepse si njeri i zhytur në krim, ai është lehtësisht i shantazhueshëm nga kushdo, por sepse ai, konkretisht, ka mirëpritur ndikimin rus! Edi Rama duhet të sqarojë publikisht se kush ia solli, çfarë ka biseduar dhe çfarë i ka premtuar kompanisë Gunvor, me të cilën është takuar të paktën një herë në zyrën e tij në Tiranë. Ai duhet të sqarojë, gjithashtu ,se pse mbështet tezën e përkrahur edhe nga Rusia për shkëmbim territori midis Shqipërisë dhe Serbisë. Rama duhet të sqarojë gjithashtu aferën me kompaninë turke që do të ndërtojë aeroportin e Vlorës, kompani e cila ka kontratë me kompani shtetërore ruse për ndërtim centralesh bërthamore.

4. Për kontrata e lobimit të Partisë Demokratike ne i kemi kërkuar prokurorisëshqiptare të kryejë cdo verifikim dhe i kemi dhënë prokurorisë të dokument. Për të ruajtur të njëjtin standard dhe për t’i shërbyer drejtësisë, ftoj publikisht prokurorinë shqiptare të fillojë hetimin e burimit dhe mënyrës si Edi Rama, në konspiracion me të tjerë, shkeli ligjet amerikane duke futur para të huaj në fushatën presidenciale Obama. Për këtë çështje ka një vendim të formës së prerë të drejtësisë amerikane që ka vertetuar faktin dhe krimin, prandaj prokuroria shqiptare e ka të lehtë ta hetojë këtë çështje.

5. Edi Rama ka disa javë që po përpiqet të pushojë hetimet për Saimir Tahirin. Prandaj, fushata e sulmeve, përmes mercenarëve me pagesë, ka për qëllim largimin e vëmendjes së opinionit publik nga droga dhe krimi. Cështjet e drogës si “Xibraka”, Maminasi, Saimir Tahiri janë çështje me rëndësi kombëtare, të cilat nuk duhet lejuar që të mbulohen me mjegullën e propagandës qeveritare, sepse rreziku kryesor për destabilizimin e Shqipërisë është droga dhe krimi. Prandaj, lufta ndaj drogës, krimit dhe lidhjeve të tytre me politikën është prioritet kombëtar.

TIRANE- Vijojnë replikat në distancë mes kryeministrit Edi Rama dhe kreut të opozitës Lulzim Basha në lidhje me investigimin e revistës amerikane “Mother Jones” për financim të lobimit të Partisë Demokratike nga biznesmenë rusë.

“Ftoj publikisht prokurorinë shqiptare të fillojë hetimin e burimit dhe mënyrës si Edi Rama, në konspiracion me të tjerë, shkeli ligjet amerikane duke futur para të huaj në fushatën presidenciale Obama”- u shpreh Basha me heret.

Por kryeministri ka reaguar sërish në Facebook duke i kërkuar Bashes të shkojë në prokurori të rrëfehet.

“Lulëzim boll me retë në pantallona, shko vetë në prokurori e rrëfehu para organit të akuzës se jorgani i kundër akuzave nuk të mbulon dot më!”- shkruan Rama.

Për të paktën 15 vitet e ardhshme, ish-Kryeprokurori Adriatik Llalla është përjashtuar nga sistemi i drejtësisë.

Vendimi është marrë këtë të enjte nga Komisioni i Pavarur i Kualifikimit për ish-Prokurorin e Përgjithshëm.

Në vendimin e zbardhur bëhet e qartë se procesi i rivlerësimit për ish-Prokurorin e Përgjithshëm Adriatik Llalla është ndërprerë dhe se për 15 vite ai nuk do të mund të rikandidojë.

“Ndërprerja e rivlerësimit pasi Llalla dha dorëheqjen nga e drejta për të ushtruar detyrën e magjistratit. Pas dorëheqjes, Adriatik Llalla humbet të drejtën për t’u emëruar për 15 vjet”, thuhet në vendim.

Ambasada Amerikane në Tiranë pranon aplikime për praktikë në Zyrën e Menaxhimit të Informacionit gjatë sezonit të verës.

Aplikimet pranohet deri më 13 mars, 2018.

Ambasada ju njofton edhe për procedurën e aplikimit.

ATHINË – Tensioni në marrëdhëniet Greqi-Turqi është rritur sërish pas deklaratës së Ministrisë së Jashtme të Turqisë, ku kërkohet nga presidenti i Greqisë, Prokopis Pavlopulos që të respektojë të drejtën ndërkombëtare dhe kufijtë e Turqisë. Po kështu, Greqisë i kërkohet që të ndalojë retoriken e dëmshme, jashtë kompetencave që mund të shkaktojnë tension të panevojshëm.

Diplomacia turke thekson në deklarate se, Turqia mund të mos ketë shtetin që i takon historikisht por nëse historia i detyron, do veprojnë si paraardhësit e tyre. Arrestimi i dy oficerëve grekë në Evros ka shkaktuar debate të shumta politike.

Në emisionin e kanalit ANT, deputetja e Demokracisë së Re, K. Asimakopulu ka akuzuar qeverinë për mungesë serioziteti dhe humbje të tjera në raport me Shqipërinë.

Menjëherë deputeti i Sirizas, I.Sarkiotis i është përgjigjur se të paktën me Shqipërinë niveli i marrëdhënieve është i duhuri, duke përmendur nënshtetësinë shqiptare të kryepeshkopit Anastasios dhe varrezat e dëshmorëve greke.

Në mbledhjen urgjente të së martës në Kryeministri, Aleksis Cipras vendosi rrugën e “diplomacisë dhe durimit”, duke ndjekur me kujdes politikën e brendshme turke, dhe frontin në Afrin, gjithnjë me synim që të mos bëhet çështje madhore episodi i dy ushtarakëve në Evros.

Gjithashtu, Cipras ka kërkuar ndërhyrjen ndërkombëtare pas kontakteve me komisioneren Frederica Mogherini, dhe sekretarin e OKB Gutierrez, ndërsa kjo çështje do të jetë temë qendrore në Samitin e larte në Varna për çështjen BE-Turqi.

Kryeministri Edi Rama gjatë vizitës së tij në SHBA, ka marrë një surprizë në Shtëpinë e Bardhë. Me anë të një postimi në Facebook, Rama tregon se ka marrë Çmimin për Pluralizmin Kulturor.

Rama tregon se çmimi i është dorëzuar nga i emëruari i Presidentit Trump.

Postimi i Ramës

Një surprizë e posaçme ceremonia e marrjes sot, në Shtëpinë e Bardhë, të ÇMIMIT PER PLURALIZMIN KULTUROR, dorëzuar nga i emëruari Presidentit Trump në krye të Komisionit për Mbrojtjen e Trashëgimisë Amerikane në Botë, Paul Packer.

Çmimi për angazhimin në ruajtjen e kujtesës së Holokaustit dhe mbrojtjen e të së vërtetës historike, një nder shumë i veçantë për mua, qeverinë tonë dhe padiskutim Shqipërinë që rrezaton gjithnjë e kudo me shembullin e saj të mbrojtjes së popullit hebre gjatë orëve të zeza të Luftës së Dytë Botërore.

VLORE- Një prokuror në Vlorë ka rënë pre e dhunës. Ngjarja ka ndodhur dje brenda ambienteve të Prokurorisë së Vlorës.

Burime zyrtare nga policia bënë me dije se Prokurori i Vlorës Kledian Llaho është goditur nga autori me kokë, ndërsa ka marrë dëmtime në hundë. Gazetari Enrik Mehmeti raporton për ‘BalkanWeb’ se autori i ngjarjes kishte kërkuar të fliste me prokurorin për një çështje gjyqësore, ndërkohë që Llaho i kishte kërkuar që të dilte nga Prokuroria. Kaq mjaftoi që mes tyre të nxehen gjakrat, ndërsa Viktor Sherifaj goditi prokurorin.

Pak pas ngjarjes së rëndë, policia bëri të mundur arrestimin e autorit. Ndërkohë prokurori pasi ka marrë mjekimet e nevojshme, ka dhënë dëshminë e tij në polici. Nga të dhënat paraprake ka dyshime se incidenti ka ndodhur për shkak të detyrës.

Sakaq, vijojnë hetimet për zbardhjen e plotë të ngjarjes.

Dy vjet pasi shpalli sekuestrimin e disa pasurive të ish deputetit Mark Froku, gjykata është një hap larg kalimit të këtyre aseteve në favor të shtetit.

Prokuroria kërkon të konfiskohen nëntë pasuri të Mark Frrokut, që kapin vlerën e mbi 158 milionë lekë dhe që dyshohen se nuk justifikohen me të ardhurat e fituara në mënyrë të ligjshme.

Prokurori i dosjes, Klodian Braho i tha gjykatës se Mark Frroku është dënuar në Shqipëri për tre krime, atë të fshehjes së pasurisë, pastrim parash dhe ndërtim i paligjshëm.

Por shpjegon prokurori i dosjes, Mark Frroku është dënuar më herët nga drejtësia holandeze për çështje droge, i identifikuar me emrin tjetër Piro Sofrani.

Është kjo arsyeja që asetet e Frrokut dhe të afërmve të tij iu nënshtruan kontrollit sipas ligjit antimafia. Përmes shoqërive tregtare shpjegon akuza, i pandehuri ka mbuluar e fshehur paratë e fituara në rruge kriminale, shkruan TCH.

Nga viti 1991 deri më 2013 prokuroria vlerëson se Frroku dhe familjarët e tij kanë krijuar pasuri nga burime të ligjshme në vlerën e 55 milionë lekëve, ndërsa shuma prej 158 milionë lekë është e pajustifikuar.

Pasuritë për të cilat kërkohet konfiskimi janë truaj në Orikum, dyqane në Tiranë, apartamente dhe dyqane në Lezhë. Aktualisht ish deputeti po vuan dënimin me 6 vjet heqje lirie për tre vepra të kryera në Shqipëri.

Shqipëria renditet e dyta në rajon përsa i përket numrit të lartë të vdekjeve të foshnjave. Sipas një raporti nga UNICEF, vendi ynë për vitin 2017 ka 6.2 vdekje për 1000 fëmijë të lindur, ndërsa i vetmi shtet në rajon që ka një normë vdekshmërie më të lartë është Maqedonia, e renditur e 26-ta, me 8.3 vdekje për 1000 fëmijë të lindur.

Vdekjet e fëmijëve nën 1 vjeç në Shqipëri u rritën me mbi 19 për qind gjatë vitit 2016, duke shënuar edhe rritjen e parë në dy dekada të këtij treguesi, edhe sipas të dhënave statistikore të publikuara nga Instituti i Statistikave. Gjatë vitit 2016, 277 fëmijë nën një vjeç humbën jetën nga 233 vdekje të tilla që qenë shënuar në vitin 2015.

Treguesi i vdekshmërisë foshnjore, i cili mat numrin e vdekjeve nën 1 vjeç në raport me lindjet, u rrit nga 7.1 në 8.7. Në total, në Shqipëri u regjistruan 277 vdekje të tilla, nga të cilët, 146 qenë meshkuj dhe 131 femra. Gjatë vitit 2016 në Shqipëri u regjistruan 31,733 lindje dhe vdekshmëria foshnjore rezulton 8.7 për mijë. Vdekshmëria foshnjore pati shënuar nivelin më të ulët në histori në vitin 2015 me 7.1 vdekje për mijë.

2 Marsi i vitit 1444 është dita në të cilen princat arberorë u mblodhën në Lezhë për t’i dhënë jetë aleancës politiko-ushtarake dhe epopese 25 vjeçare te motit te madh, siç e quante me të drejtë De Rada i madh.

Kjo ditë është gurëthemeli i historisë se popullit shqiptar.
2 Marsi, vete Besëlidhja e Lezhes, Projekti i saj politik dhe efekti që dha kjo ngjarje e madhe historike në shekujt që e pasuan është studiuar perciptazi herë për shkak të motiveve politike dhe ideologjike e në raste të tjera ngase Historiografia Mesjetare e Shqipërisë eshte studiuar më tepër nga studiues të huaj si Shuflaj, Jericeku, Jarga etj, të cilët me gjithë meritat e tyre nuk janë thelluar sa duhet në ndriçimin e kësaj ngjarje kaq të madhe të Arbërisë Mesjetare.
Burrat e dheut, princat kryetrima e mendjendritur që u mblodhën me 2 Mars 1444 në Lezhën e lashtë, seli e mbreterve ilirë, e kishin lexuar më së miri historinë e paraardhësve tanë të Mbreterive Ilire dhe te shtetit të Arberit, Principatës së Balshajve e Mbreterise Epiriotë dhe e kuptuan misionin që shtronte përpara tyre koha dhe historia.
lnstitucioni i Beses i ngritur në kult që nga Koha Pellazgo-Ilire rregullonte marrëdhëniet e individëve, gjinisë e të fisit, por pa arritur të shndërrohej në një normë juridiko- politike, si akt përbashkues mbarëkombtar.
Udheheqesit e Beselidhjes së Lezhës e shndërruan Beselidhjen, këtë kryevepër shqiptare në traktat politiko- ushtarak për ti shërbyer luftës çlirimtare.
Nëse kryqëzimi i shpatave nga princat shqiptarë në Kuvendin e Lezhës simbolizon besën e lashtë e pagane të shqiptarëve, mbledhja e ketij Kuvendi në Katedralen e Shënkollit simbolizon Besen e Zotit, besëlidhjen mes njeriut dhe Krijuesit.
Ky kryqëzim shpatash dëshmon lutjen e kërkesën ndaj Zotit që ti ndihmoje ata në të drejtën e tyre hyjnore për të jetuar të lirë.
Me arbërorët në Mesjetë ndodhi po ai fenomen që karakterizon çdo popull të lashte dhe të qytetëruar.
Në 100 vjet të betejave me invadarët otomanë Arberoret jo vetem nuk i zhbënë vlerat e tyre morale e qytetare, kujtesën historike, traditat e menyrën e jetesës, por përkundër qëllimeve e strategjisë se armikut e bënë si qëllim të jetës e të vetëekzistencës së tyre Kauzën e Lirisë.
Janë të famshme e profetike fjalët e Gjergj Kastriotit para qytetarëve në Krujë me 28 Nëntor në vitin 1443:
Lirinë nuk ua solla unë.
Atë e gjeta midis jush.
Arbëria Paraosmane ishte një vend i zhvilluar dhe po trokiste në Epokën e Humanizmit e të Rilindjes, njëherësh me simotrat e saj Evropiane.
Qytetet Arbërore të Bregdetit Adriatik,Tivari, Ulqini, Shkodra, Lezha, Durrësi, por dhe Drishti i vogël, krahasoheshin për nga niveli i zhvillimit, vetëqeverisjes dhe statusit politik që gëzonin me qytetet italiane.
Statuset e Shkodrës dhe të Drishtit të cilat e panë dritën e botimit në shqip pas me shume se 600 vjetësh na tregojnë qartazi se të parët tanë që kanë banuar në këto treva kishin zgjedhur pa mëdyshje modelin perendimor të legjislacionit e qeverisjes e të jetes qytetare përkundër Modelit Bizantin.
Beteja e Arberoreve për liri nuk kishte asnjë shans të kurorëzohej me fitore përballë një superfuqie ushtarake si Perandoria Otomane.
Pa krijuar një bashkim politik e ushtarak të principatave shqiptare.
Pa aleatë të fuqishëm Evropianë.
Pa një projekt madhor i cili duhej të ishte në thelb Europianizues, i qartë në çdo detaj e vizionar për të ardhmen, nuk mund të shpresohej për sukses.
E gjithe kjo ndërmarrje vigane, politike, ushtarake e humaniste, kërkonte më në fund një emblemë të ndritshme, një burre shteti e strateg, cilesitë e të cilit të tejkalonin ambiciet separatiste të feudalëve të Mesjetës Shqiptare, për sundim, lavdi personale e pushtet për vehte.

Kuvendi i Lezhës dhe Arbëria patën fatin ta kenë arkitektin e Besëlidhjes se tyre, Konstruktorin gjenial të bashkimit e Kryengritjes Çlirimtare, Kryetrimin e betejave, diplomatin brilant e vizionar Gjergj Kastriotin.
Historia e thirri Heroin Kombetar dhe ai u pergjigj rrufeshem ne kohen dhe vendin e duhur.
Beselidhja e Lezhes ishte preludi i nje pregatitje te gjate e ne fshehtesi te plote i Kryengritjes se Pergjithshme Antiturke.
Gjergj Kastrioti ( Skenderbeu) e hartoi planin e luftes se paku nje dekade para Kuvendit te Lezhes.
Barleti ne kronikat e tij na rrefen se ne Adrianopoje shkonin shpesh te derguar te princave arber e i luteshin Skenderbeut te kthehej e ti udhehiqte ne lufte.
Ai nuk mund te tregonte sekretet dhe endrren e tij nga frika se “E degjonin muret”.
Fitoret e hungarezeve kunder Ushtrise Otomane dhe perpjekjet e Vatikanit per te organizuar nje Kryqezate Antiturke ishin faktoret e jashtem determinues ne mbeshtetje te luftes per clirimin e trojeve arberore.
Beselidhja e Lezhës apo Konfederata e Princave siç e quan bashkëkohësi i Skënderbeut dhe biografi i pare i tij Dhimitër Frangu është një rast sui-generis në historinë e Kombit tonë.
Në Lezhë u arrit bashkimi i parë jo vetëm politik dhe ushtarak nën autoritetin e një organi të vetëm vendimmarrës të përbërë nga krerët e lidhjes.
Së dyti, Lidhja mori qysh në krye të herës atributet e një qeverie shtetformuese ku përcaktoheshin qartë elementët themelorë të shtetit.
Besëlidhja zgjodhi Komandant të Pergjithshëm të ushtrisë dhe kryetar të saj Gjergj Kastriotin ( Skenderbeun) sipas parimit Princes of partes “I parë i të barabartëve”.
Shpalli mobilizimin ushtarak.
Krijoi arkën e përbashket për të garantuar financat e luftës dhe ndoqi një politikë të unifikuar e vizionare në marrëdhëniet diplomatike ndërkombetare.
Në zjarrin e luftës e të betejave legjendare lindi Shteti i Përqëndruar Arbëresh, pikërisht në kohën kur Balkkani kishte rënë nën robërinë turke.
Shteti i Skënderbeut, lufta dhe fitoret e arbërorëve u brohoritën dhe fituan simpatinë jo vetëm të popujve të rënë nën sundimin e Sulltan Muratit e Mehmetit te Dytë.
Venediku, Raguza, Hungaria Mbretëria e Aragonës, Franca, Anglia e Vatikani i panë shqiptarët e Prijësin e tyre si shpëtimtarë të Evropës dhe të Krishterimit.
Kuvendi i Lezhës dhe mesazhi historik që ai la janë bërë në shekuj burim frymëzimi për shqiptarët në betejat e tyre për liri e pavarësi.
Kuvendet e mëdha të shekulit të 16-të të Dukagjinit e të Kucit.
Kuvendi i Arberit, Lidhja e Prizerenit, Lidhja e Pejes.
Kuvendi i Verrave te Llukës, Kuvendet e Junikut, Ferizajt e Shkupit.
Kuvendi Kombëtar i Vlorës, Konferenca e Pezës, Konferenca e Bujanit në Tropojë janë monumente historike Kombëtare në rrugën e të ardhmes.
Harku i Triumfit është atje në Lisusin e lashtë Ilir, selinë e mbretërve ilirë e te burrave të randë të racës shqiptare, të cilët me 2 Mars 1444 vendosën me besën e Zotit, fuqinë e mendjes, forcën e shpirtit dhe tehun e shpatës te ardhmen tonë.
2 Marsi 1444 hapi epokën heroike në historinë e popullit shqiptar.
Ne 550 vjetorin e vdekjes së Heroit Kombetar Gjergj Kastriotit, Kryeministri Edi Rama ka shpallur vitin e Skënderbeut, në fakt ka çertifikuar epokën e Hashashit, Kanabisit, Mariuanes, Heroinës, Kokainës dhe të tradhëtisë Kombëtare.
Ne bisedimet e fshehta me greket u ka dhuruar pjese nga deti Jon e pasurite e tij kolosale prej miliarda tonelatash nafte e gazi.
Rama ju bari dhurate turqeve Portin dhe aureportin e Vlores.
Me planin e fshehtë me Vuçiçin kërkon ta ndajë Kosoven dhe me tregun e përbashket ballkanik kërkon të krijojë Jugosllavinë e Re, por sigururisht ka barrikadë të pakapercyeshme Kryeministrin Haradinaj.
Me këto projekte të ideuara nga Kryeministri Rama i vërteton Putinit dhe Erdoganit se ai është pjesë integrale e katerkëndeshit Moske-Ankara-Athinë-Beograd.
Ky kuartet po thur prej 200 vjetësh ricopëtime të tjera të trojeve shqiptare.
Ringjallja e fuqizimi i Aleancës Ortodokse-Otomane dhe përpjekja e Edi Ramës për të përmbushur detyrimet që rrjedhin prej saj është përpjekje e dëshpëruar dhe donkishoteske ngaqë ajo drejtohet jo vetëm kundër shqiptarëve por më tepër ndaj atyre Fuqive të Medha të cilat janë flamuri i Lirsë, Demokracisë e Qytetërimit.
SHBA , Franca, Anglia, Gjermania, Italia, pra hapësira Euro-Atlantike janë më të vendosura se kurrë më parë për të marrë në duart e tyre fatet e Ballkanit Perëndimor.
Investimi i tyre afatgjatë për demokracinë, paqen e presporitetin e Shqipërisë, Kosovës, Maqedonisë, Serbisë, Malit të Zi e Bosnje-Hercegovinës ka një qellim dhe emërues të përbashket:
Europianizimin e këtyre vendeve.
Shkeputjen e tyre nga influenca e politikes shoviniste Rusomadhe e ajo Neootomane permes procesit te integrimit ne NATO e BE.
Teksa po shkruaja këto radhë në përkujtim të Besëlidhjes së Lezhës e të Burrit të pavdekshëm që e organizoi dhe udhëhoqi Gjergj Kastriotit, mendja më shkoi tek një paralele historike që është mesazh për sot.
Para qindra vjetësh falangat e Car Dushanit i binin kryq e tërthor trojeve Shqiptare me zjarr e hekur.
Kadareja i madh shkruan:

Ish kohë e zymtë dhe e egër
Po vdekje s’kishte Atdheu
Se pas Dushanit Car të frikshëm
Mbërrin Rrufeshëm Skënderbeu.

“Të lidhim besen për shpëtim “.

Është ky postulat që na vjen si testament historik nga Lezha e Besëlidhjes.
Ripërtëritja e saj në këtë Jubile historik është detyra e patriotëve të vërtetë, të kësaj toke, e familjeve fisnike të cilat i dhanë lavdi historisë e flamurit të Skënderbeut.
Zëri i Atdheut po na thërret si në Kohën e Gjergj Kastriotit në Besëlidhjen e Lezhës
Sot duhet të ngrihemi fuqishëm në një Aleancë Kombëtare përballë Laboratorit të kuartetit Moskë-Ankara-Athinë-Beograd dhe qeverisë Rama si pjesë integrale e tij.
Shqiptarët të udhehequr nga e djathta fisnike, duhet të lidhin besën edhe njëherë si në vitin 90-të.
Partia Demoratike si misionare e Kombit e udhehequr nga z Basha duhet të shpallë aksionin referendar të shpëtimit nga qeveria Rama pikërisht me 22 Mars, ditën e fitores së saj,
Ka ardhe koha që Rama te ikë.
Shqiptarët duhet të ngrihen në protesta masive paqësore për të rrëzuar qeverinë Despotike të Edi Ramës.

Kryeministri Edi Rama do të marrë pjesë në Konferencën Vjetore të Komitetit Izraelito-Amerikan të Çështjeve Publike, në Uashington.

Lajmin e ka bërë të ditur nëpërmjet një postimi në facebook, ku shkruan se kjo një mundësi e privilegj i veçantë, për të përcjellë përmes këtij forumi prestigjioz shkëlqimin e historisë shqiptare të shpëtimit të hebrenjve gjatë Luftës së Dytë Botërore, si edhe ndjenjat e miqësisë e të respektit tonë për popullin e për shtetin e Izraelit.

“Një nder i posaçëm për Shqipërinë, qeverinë e mua personalisht, ftesa për t’iu drejtuar Konferencës Vjetore të Komitetit Izraelito-Amerikan të Çështjeve Publike, në Ëashington DC; një mundësi e privilegj i veçantë, për të përcjellë përmes këtij forumi prestigjoz shkëlqimin e historisë shqiptare të shpëtimit të hebrenjve gjatë Luftës së Dytë Botërore, si edhe ndjenjat e miqësisë e të respektit tonë për popullin e për shtetin e Izraelit”, shkruan Rama.

Pas përfundimi  të takimit me Presidenti Ilir Meta për çështjen e negociatave me Greqinë, deputetët e Komisionit të Jashtëm shpreh qëndrimin e tyre në lidhej me atë se çfarë u bisedua në takim.

Deklarata e deputetit demokrat Tritan Shehu për zgjidhjen e problemeve tona me Greqinë në Gjykatën e Hagës, nuk u mbështet nga LSI dhe PS.

Klajda Gjosha në përfundim të takimit me Presidentin Meta tha se duhet të kalohen të gjitha etapet dhe duhet të zbatohen vendimet e Gjykatës Kushtetuese. Të njëjtën qëndrim mbajti edhe mazhoranca. Mimi Kodheli tha se në Hagë shkohet vetëm nëse palët nuk arrijnë në një marrëveshje.

Mimi Kodheli: Unë besoj se ministri i Punëve të Jashtme e ka sqaruar në dëgjesat publike se shkohet në Hagë nëse vendet respektive nuk bien dakord të hyjnë në marrëveshje. Për aq kohë sa ne kemi rënë dakord që do të hyjmë në marrëveshje me qeverinë greke nuk shikoj asnjë arsye pse cështja duhet të shkojë në Hagë

Klajda Gjosha:  Ne jemi të gatshëm të ndihmojmë që kjo marrëveshje të jetë jo vetëm e mirë, por edhe e drejtë për qytetarët shqiptarë por edhe për palën greke. Greqia është një vend fqinj dhe është në interesin tonë të kemi marrëdhënie të mirë dhe mos kemi çështje të hapura. Zgjidhja e çështjeve të mbartura është detyrë e jona deri në anëtarësimin me të drejta të plota në BE.

Unë mendoj që duhet të kalojmë të gjitha etapat. Presidenti ishte i qartë në këtë takim kur tha që duhet të zbatojmë me përpikmëri vendimin e Gjykatës Kushtetuese. Nëse ne e zbatojmë atë do ta bëjë marrëveshjen me palën greke të pakontestueshme.

Tritan Shehu: Unë shpreha qëndrimin tonë që zgjidhja racionale e kësaj çështje, arritja e një marrëveshje të drejtë për të gjitha palët, evitimi i mungesës së transparencë është çuarja e kësaj dosje në mirëkuptim me palën greke në Gjykatën Ndërkombëtare të drejtësisë në Hagë dhe pastaj të presim verdiktin të pranueshëm për ne.