VOAL

Shqipëri

Denoncimi për çështjen Rama – McGonigal, Bardhi informacion shtesë SPAK: Të hetohet Kryeministri

Kryetari i Grupit Parlamentar të Partisë Demokratike Gazment Bardhi, në cilësinë e tij si kallëzues lidhur me cështjen Edi Rama – McGonigal, i është drejtuar SPAK me një informacion shtesë, shoqëruar me dokumente të reja, lidhur me këtë aferë të rëndë, duke kërkuar hetimin e Edi Ramës dhe mbajtjen e tij përgjegjës për aferën korruptive..

NJOFTIM PËR SHTYP

Në vijim të komunikimeve të mëparshme lidhur me kallëzimin penal nr. 14, i vitit 2023, për të cilin është regjistruar procedimi penal lidhur me cështjen Edi Rama – McGonigal, sot Kryetari i Grupit Parlamentar të Partisë Demokratike z. Gazment Bardhi, në cilësinë e tij si kallëzues, i është drejtuar SPAK me një informacion shtesë, shoqëruar me dokumente të reja, lidhur me këtë aferë të rëndë, duke kërkuar hetimin e Edi Ramës dhe mbajtjen e tij përgjegjës për aferën korruptive..

Në 20 Shtator 2023, Charles McGonigal pranoi fajësinë lidhur me të gjitha akt-akuzat, të cilat përfshinin, ndër të tjera, vizitat e tij në Shqipëri, takimet me kryeministrin Edi Rama dhe “mbajtjen e një marrëdhënie të vazhdueshme me të”. Në të dhënat shtesë të dorëzuara në SPAK dokumentohet se McGonigal jo vetëm nuk deklaroi marrjen e parave, por avancoi interesat e biznesit dhe gënjeu FBI-në për aktivitetin e tyre të përbashkët me Edi Ramën, duke fshehur kështu faktin që ai kishte konflikt interesi dhe interesa financiare private. Gjykata Federale e Ëashington-it dënoi ish-zyrtarin e FBI-së Charles McGonigal, për “shkelje të rëndë të besimit të publikut”, lidhur me 225 mijë dollarët që mori dhe mosdeklarimin e kontakteve me zyrtarë të Shqipërisë, përfshirë kryeministrin Edi Rama. Në vendimin e drejtesise amerikane thuhet shprehimisht se fakti që McGonigal kishte marrë para nga dikush që e kishte prezantuar me zyrtarë të huaj në Shqipëri “është një shkelje shumë serioze”.

Nga faktet dhe dokumentet e dorëzuara sot në SPAK del qartë se tashmë organet e drejtësisë amerikane, Prokuroria dhe Gjykata, kanë provuar përtej cdo dyshimi të arsyeshëm se shtetasi Edi Rama, me detyrë kryeministër i Shqipërisë, u përfshi në një marrëdhënie të paligjshme dhe korruptive me ish-zyrtarin e lartë të FBI-së, Charles McGonigal, duke pasur për qëllim që Edi Rama të dëmtonte partinë e tij kundërshtare, Partinë Demokratike të Shqipërisë, dhe shtetasi Charles McGonigal të realizonte përfitime monetare dhe favorizime shtetërore për shërbimet e ofruara kryeministrit shqiptar. sn

Shfryhet operacioni: Gjykata liron 11 zyrtarët dhe ish-zyrtarët në Sarandë

Gjykata e Sarandës vendosi të lirojë 11 zyrtarët dhe ish-zyrtarët e ndaluar të IKMT dhe ASHK, të cilët akuzoheshin për shpërdorim detyre për ndërtimet pa leje të ndodhura në zonë.

Dy punonjësit inxhinierë hartografë pranë ASHK Sarandë, përkatësisht Ermen Stroka dhe Erald Lika janë lënë në arrest shtëpie.

Ndërsa tre inspektorët e Inspektoriatit Vendor të Mbrojtjes së Territorit në bashkinë e Sarandës, përkatësisht shtetasit Viktor Qesari, Tonin Simoni dhe Oltion Durmishti; dy specialist/inspektorët në Sektorin e Inspektimit të Territorit pranë Drejtorisë Rajonale IKMT Vlorë, Denis Balili e Manushaqe Saliko dhe Ina Papa me detyrë specialiste pranë ASHK janë lënë nën masën detyrim paraqitje.

Personat e ndaluar dhe ata në kërkim akuzohen se kanë lejuar në shkelje të ligjit, ndërtimin pranë vijës bregdetare në qytetin e Sarandës të një objekti 7-katësh pa leje ndërtimi dhe në vijim, kanë proceduar me legalizimin e këtij objekti.

Që prej marsit të vitit 2022, në Sarandë janë ndaluar për shkelje të ndryshme të lidhura me pronat më shumë se 25 zyrtarë lokalë, ndërsa zyrtarisht është pranuar se situata hartografike në bregdet është kaotike dhe më shumë se 80% e pronave kanë probleme me dokumentacionin.sn

VOA: Korrupsion dhe pastrim parash, arrestohet Drejtori i ARRSH Evis Berberi

Në Shqipëri, Drejtori i Përgjithshëm i Autoritetit Rrugor Evis Berberi, është arrestuar mbrëmë, me urdhër të Prokurorisë së Posaçme kundër Krimit të Organizuar dhe Korrupsionit. Ai dyshohet për “Korrupsion” dhe “Pastrim parash”. Me dyshimet për të njejtat vepra penale, nën arrest kanë përfunduar po ashtu dhe dy sipërmarrës, të lidhur me të, Valter Begaj, dhe Ervis Lamaj, ndërsa në gjendje të lirë po ndiqet dhe Brunilda Bulo, bashkëpunëtore e tyre.

Gjithshka është vërtitur rreth dy kompanive “Net Group” në zotërim të Begajt, ku zoti Berberi ka qenë i punësuar, dhe kompanisë tjetër “Daam”, të blerë më pas nga ky i fundit, prej sipërmarrësit Begaj. Kompania “Daam” u shit më vonë nga zoti Berberi në momentin e angazhimit të tij në strukturat shtetërore, pranë ministrisë së Infrastrukturës dhe Energjisë, kur drejtimin e saj e mori zonja Belinda Balluku. Ai do të shfaqet si një bashkëpunëtor i ngushtë i ministres, pranë së cilës ai punoi fillimisht si këshilltar, për të marrë më pas, drejtimin, si i komanduar, të Agjencisë për Efiçencën e energjisë. Ndërsa në vitin 2021, emërohet Drejtor i Përgjithshëm i Autoritetit rrugor, një prej strukturave më të rëndësishme, për nga projektet dhe vlera e lartë e fondeve që administron.

Kompania “Daam” e blerë nga Berberi me një shumë simbolike, shitet prej tij, me një çmim të shumëfishuar, ndërsa ndryshon pronësi dhe administrim disa herë, mes Bulos, Begaj dhe Lamajt. Por sipas Prokurorisë së posaçme, zotëruesi indirekt i saj, ka mbetur zoti Berberi.

Hetimet kanë zbuluar se kjo kompani është përdorur për kalimin drejt saj të sasive të mëdha të parave, nga kompania tjetër, “Net Group”, e sipërmarrësit Begaj, përmes transaksioneve të ndryshme. Paratë e kaluara në favor të kompanisë “Daam”, janë përdorur për të blerë prona të patundshme në emër të kësaj shoqërie. Këto veprime kanë ngritur dyshime për Prokurorët, se gjenden përballë një veprimtarie të pastrimit të parave. Transaksione nga “net Group” drejt shoqërisë “Daam”, në zotërim indirekt nga zoti Berberi, përkojnë, sipas hetimeve, me kohën kur shoqëria “Net Group” rezultoi fituese e disa tenderave të të shpallur nga Agjencia për Efiçencën e energjisë dhe Autoritetit Rrugor, nën drejtimin e zotit Berberi. Bëhet fjalë për prokurime publike me një vlerë totale prej mbi 2.7 milion euro me tvsh.

Mësohet se nga kontrolli i ushtruar në banesën e zotit Berberi, janë gjetur piktura të shtrenjta si dhe vlera monetare që kapin shumën e 4 milion lekëve.

Nga ministria e Infrastrukturës dhe Energjisë, nuk ka patur ndonjë reagim mbi arrestimin e zyrtarit të lartë të saj.

Cilat janë destinacionet e reja nga Aeroporti i Tiranës?

Aeroporti Ndërkombëtar i Tiranës (TIA) ofron këtë sezon mundësi të reja fluturimi për qytetarët shqiptarë dhe turistët që vizitojnë vendin tonë, duke rritur ndjeshëm numrin e destinacioneve direkte. Zgjerimi i hartës së destinacioneve dhe larmia e linjave ajrore janë zhvillime të jashtëzakonshme për pasagjerët që fluturojnë nga ky aeroport, duke shmangur kështu ndalesat tranzit në vende të tjera.TIA ka nënshkruar një sërë marrëveshjesh të reja me disa linja ajrore që më parë nuk operonin në Shqipëri si edhe ka shtuar listën e vendeve me linjat ekzistuese. Nisja e fluturimeve në destinacionet e reja pritet të rrisë edhe më shumë numrin e pasagjerëve që vazhdon të kapë shifra rekord edhe për muajt e parë të vitit 2024.

Mbi 100 destinacioneve aktuale dhe 40 linja ajrore (24 linja të skeduluara dhe 16 linja çarter turistik), i shtohen edhe qytete që më parë nuk mund të udhëtohej pa tranzit. Tashmë, kushdo mund të planifikojë një udhëtim drejt e në Abu Dhabi, të kalojë pushimet e verës në Rhodos, të vizitojë qytetin e magjishëm të Amsterdamit, të shkojë në Riga për një eksplorim të veçantë të vendeve balltike apo të mrekullohet nga perfeksioni i qyteteve të veriut të Europës si Oslo, Kopenhagen dhe Stockholm ose të ketë një aventurë në shkretëtirën arabe të Kuvajtit. Në Valencia mund të keni patur gjithmonë dëshirë të provoni paejan shoqëruar nga një Agua de Valencia dhe të vizitoni qytetin e shkencës dhe natyrës projektuar nga Kalatrava.

Ndërsa për ata që dëshirojnë komoditetin, mund të zgjidhni një prej resorteve të Antalias apo Izmirit. Ky rrjet i zgjeruar e vendos Tiranën në një pozicion qendror që i shërben jo vetëm udhëtarëve lokalë por edhe atyre të vendeve fqinje. Vetëm përgjatë muajve të parë të këtij viti, në TIA numërohen mbi 20,000 pasagjerë nga Mali i Zi, mbi 42.000 nga Kosova dhe më shumë se 10.000 nga Maqedonia e Veriut. Kjo tregon që larmia e destinacioneve në TIA është tërheqëse edhe për udhëtarët e vendeve fqinje.

Nën drejtimin e Kastrati Group, aksionerit të vetëm të Aeroportit Ndërkombëtar të Tiranës dhe bashkëpunimit me Autoritetin e Aviacionit Civil, po punohet intensivisht për të akomoduar kërkesat në rritje të udhëtarëve dhe njëkohësisht për të shtuar përherë e më shumë gamën e destinacioneve.

Me Croatia Airlines, nisin fluturimet direkte drejt Zagrebit, nga 20 qershori. Air Baltic shton qytetin e Rigës si destinacion në periudhën maj – tetor. WizzAir shton Valencian dhe Leipzig në listën e destinacioneve të këtij viti. Sun Express do të ketë linjë direkte me Izmirin për sezonin qershor – tetor. Transavia ka nisur lidhjen direkte me Amsterdamin. RyanAir do të shtojë Marsejën, Kalabrinë, Birmingamin dhe Bristolin, nga Tirana. Aegean do të lidhë Tiranën me ishullin e Rhodos dhe Heraklion përgjatë muajve qershor – tetor. Norwegian çel destinacionet drejt Kopenhagen dhe Oslo, gjatë muajve maj – tetor. Antalia do të jetë e aksesueshme nga Tirana që prej qershorit, me Pegasus. Si edhe Stutgarti me Eurowings duke nisur nga marsi e në vazhdim.

Rrjeti i zgjeruar i TIA ofron variacion destinacionesh, duke siguruar që pasagjerët të mund të arrijnë në vendet e dëshiruara në mbarë botën, të gjitha me çmime konkurruese.bw

Atentati mafioz në Shkodër- Vendi i ngjarjes i ngjason një skene lufte

Shkodra u trondit mbrëmjen e 12 marsit 2024 nga një atentat, ku për pasojë mbetën të plagosur dy persona, kunetër mes tyre.

Dyshohet se shënjestra ka qenë Gjon Nika, kunati i studentit të Akademisë së Sigurisë, Gjergj Ndershtiqaj. Ky i fundit është vëllai i Marjan Ndershtiqaj drejtor i Drejtorisë Rajonale të Sherbimeve të Transportit Rrugor (DRSHTRR) në Shkodër. Nuk dihen ende motivet e kësaj ngjarje të rëndë.

Autorët dyshohet se kanë djegur dy automjete, të tyrin dhe të të plagosurve. SYRI TV ka arritur të sigurojë dëshmitë e dy të plagosurve nga ky atentat.

“Sapo zbritëm nga makina, dëgjuam të shtëna armësh. Nuk kemi arritur që të shohim se kush ishin ata që na qëlluan me armë. Nuk kemi konflikte me persona të tjerë dhe nuk e dimë arsyen përse na qëlluan. Në momentin kur nisën të shtënat, kemi lëvizur me shpejtësi duke u munduar të shpëtojmë. Derisa janë larguar, qëndruam pas makinës”, thanë të plagosurit përpara hetuesve.

Ndërkohë, vendngjarja i ngjason një skene lufte për nga moria e arsenalit të plumbave që janë derdhur në drejtim të dy të plagosurve. Më shumë se 80 gëzhoja kallashnikovi u gjetën në vendngjarje, çka do të thotë se autorët kanë qëlluar me shumë se 80 plumba.

Sipas dëshmitarëve, kanë qenë 4 persona që morën pjesë në atentat, nga të cilët 3 qëllonin me armë. Kamerat e sigurisë pranë lokalit nuk kanë fiksuar pamje të qartë të autorëve, teksa këta të fundit dyshohet se kanë qenë të maskuar.

Në makinën e djegur që kishin lënë pas autorët, grupi hetimor gjeti edhe 3 armët kallashnikov të përdorur në atentat, që janë dërguar për ekspertim.

Ndërkohë, policia ka shoqëruar 20 persona në lidhje me këtë ngjarje, por nuk ka ende të dhëna për identitetin e autorëve.

Rikthimi i normalitetit në Parlament, reagon ambasada amerikane në Tiranë: Institucionet funksionale janë thelbësore për çdo demokraci

Ambasada e Shteteve të Bashkuara reagon pas sinjaleve të dhëna nga mazhoranca dhe opozita për rikthimin e normalitetit të jetës parlamentare, ndërsa socialistët kanë pranuar ngritjen e dy komisioneve hetimore parlamentare.

Ndërsa palët janë angazhuar në bisedime prej ditësh, ajo që dihet deri më tani është arritja e dakordësisë për ngritjen e komisionit hetimor për ndërhyrje në sistemin TIMS dhe koncesionet në Shëndetësi.

“Ambasada e Shteteve të Bashkuara në Tiranë është e inkurajuar nga njoftimi për rikthimin e rendit normal në Parlament. Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda Parlamentit”, thuhet në reagim.bw

SPAK do hetojë 21 janarin, Lubonja: Vendim politik, nuk ka drejtësi të pavarur. Të dyja palët përgjegjëse për ngjarjen e rëndë

TIRANË – Analisti Fatos Lubonja, i ftuar në rubrikën Opinion në News24, duke komentuar faktin se Gjykata e Lartë vendosi që hetimet e 21 janarit do të bëhen nga SPAK, deklaroi se beson se këto janë vendime që merren nga PS, duke shtuar se nuk ka drejtësi të pavarur. Lubonja theksoi se përgjegjës për ngjarjen e rëndë janë të dyja palët.

“Për vendimin për 21 janarin, do të thosha se këto janë vendime të PS, nuk ka drejtësi të pavarur. Ngjarja është e rëndësishme, por se nuk është bërë asnjëherë drejtësi, por është instrumentalizim politik. Kjo sepse nëse do të bëhej drejtësi e vërtetë, përgjegjësit për vrasjet janë të dyja palët. Unë shoh përgjegjëse të dyja palët, të dyja palët duhen hetuar”, tha Lubonja.

Më tej, Lubonja komentoi marrëveshjen mes maxhorancës dhe opozitës, që kjo e fundit të hyjë në Kuvend dhe të ngrihen dy Komisione Hetimore. Sipas tij, nga marrëveshja fiton më shumë Rama sesa opozita.

“Mendoj se maxhoranca ka shumë gurë, që i lëviz këtej e andej. Edhe marrëveshjet janë strategji, që bëhen më së shumti për interesa të maxhorancës. Me këtë marrëveshje, duket sikur maxhoranca po e njeh Rithemelimin. Edhe ndërkombëtarët kanë kërkuar normalitet në parlament. Edi Rama ka dhënë dy çështje për hetime, pse nuk i dha të gjitha çështjet për hetim. Jep për hetim atë që dëshiron Rama. Duhet të tërhiqej ligji i ri për Komisionet Hetimore. Kjo që u arrit mund ta kthejë edhe opozitën një fasadë në parlament. Opozita ka nevojë për një mbështetje më të madhe të njerëzve. Gjithashtu opozita duhet të reflektojë edhe për bashkim sa më të gjerë, por duket se nuk kanë fuqi për këtë punë. Me këtë situatë, Rama merr më tepër fitore se opozita. Për Ramën, legjitimimi ndërkombëtar është i rëndësishëm. Duhet që të gjithë opozitarët, pavarësisht dallimeve, të bashkohen dhe të mendojnë për rikthimin e demokracisë. Duhet menduar për rezistencë, pastaj për fitore, e cila ndoshta vjen edhe për faktin se maxhoranca mund të shkatërrohet së brendshmi”, deklaroi Lubonja.bw

Negociatat PD-PS, Bardhi: Ne tërhiqemi vetëm duke i marrë të gjitha

Kreu i Grupit Parlamentar të PD, Gazment Bardhi, në një mesazh drejtuar gazetarit Çim Peka, moderatorit të emisionit “Çim Peka Live” shprehet se ne nuk tërhiqemi pa kushte në negociatat me socialistët.

“Nuk mund të flas pasi nesër kemi takimin në Kryesinë e Kuvendit, por për zotin Bushati kanë këtë mesazh: ne nuk tërhiqeni pa kushte, tërhiqemi duke i marrë të gjitha dhe nëse i marrim të gjitha a është sukses”, shkruan Bardhi në mesazhin e tij.

Në anën tjetër, gazetari Andi Bushati tha se nga 2013-ta ka zero marrëveshje që opozita ka ftuar me Edi Ramën.

“Nuk ka njeri që fiton marrëveshje me Putinin, në regjim marrëveshjet janë letra higjenike. Edi Rama nuk pyeti për deklaratat e Pompeos dhe për tre ambasadorë që bënë marrëveshjen e 5 qershorit”, tha Bushati.

Sherri me Elia Zaharian- Gjykata e Tiranës nxjerr princin jashtë pallatit mbretëror

Zbardhet urdhri i plotë të gjykatës, që pajisi me urdhër mbrojtjeje Princin Leka II Zogu dhe Elia Zaharian, të cilët paditën njëri-tjetrin për dhunë.

Në dokumentin e siguruar nga gazetarja Anila Hoxha, theksohet që Princi mund t’i afrohet Pallatit Mbretëror, vetëm në rastet kur do të takojë vajzën e mitur.

Pasi ka pranuar padinë e Elias, gjykata ka urdhëruar lëshimin e urdhrit të menjëhershëm të mbrojtjes për të:

Urdhërohet menjëherë i padituri Leka II Zogu të mos kryejë ose të mos kërcënojë se do të kryejë vepër dhune në familje ndaj paditëses Elia Zogu.

Urdhërohet menjëherë i padituri Leka II Zogu të mos i afrohet paditëses Elia Zogu, përtej një distance prej 5 metrash.

Urdhërohet menjëherë i padituri Leka II Zogu të mos qëndrojë në banesën ku jeton paditësja Elia Zogu, e cila ndodhet në adresën Rruga Murat Toptani, Vila Rezidenciale Mbretërore nr.6, Tiranë, me përjashtim të rasteve kur ka oraret e takimit me fëmijën e mitur, Geraldina Zogu.

I padituri Leka II Zogu ka të drejtë të takojë dhe të qëndrojë me fëmijën e mitur nga dita e hënë deri të premten, nga ora 16:00 deri në orën 18:00 dhe ditën e shtunë dhe të diel nga ora 11:00 deri në orën 13:00, marrja dhe dorëzimi i fëmijës do të realizohet në prezencën e dados.

Gjykata ka pranuar padinë edhe nga Princ Leka dhe ka lëshuar urdhrin e menjëhershëm të mbrojtjes për të:

Urdhërohet menjëherë e paditura Elia Zogu të mos kryejë ose të mos kërcënojë se do të kryejë vepër dhune ndaj paditësit Leka II Zogu.

Urdhërohet menjëherë e paditura Elia Zogu të mos cenojë, kërcënojë paditësin Leka II Zogu.

Urdhërohet menjëherë e paditura Elia Zogu të mos i afrohet paditësit, banesës ku jeton paditësi Leka II Zogu, vendit të tij të punës apo vendeve të tjera që frekuenton, përtej një distance 5 metër.

Urdhërohet menjëherë e paditura Elia Zogu të mos qëndrojë në banesën ku jeton, e cila ndodhet në adresën Rruga Murat Toptani, Vila Rezidenciale Mbretërore nr.6, Tiranë, gjatë orareve të takimit të paditësit Leka II Zogu me fëmijën e mitur Geraldina Zogu.

E paditura Elia Zogu deri në marrjen e vendimit për vërtetimin e urdhrit të menjëhershëm të mbrojtjes, do të qëndrojë në banesën ku jeton aktualisht, e cila ndodhet në adresën Rruga Murat Toptani, Vila Rezidenciale Mbretërore nr.6, Tiranë.

Ky urdhër i menjëhershëm mbrojtjeje i fillon efekte që nga data 7 mars 2024.

Data e gjykimit për vërtetimin e këtij urdhri do të jetë në 21 mars, ora 114:00.

Ky vendim përbën titull ekzekutiv dhe ekzekutohet menjëherë nga Zyra e Përmbarimit.

Shkelja e këtij vendimi përbën vepër penale, sipas nenit 320 dhe 321 të Kodit Penal. /TCH

SHBA kërkon rikthimin e jetës normale parlamentare, Burimi: Sinjalet erdhën se Rama shkeli në dërrasë të kalbur, ai nuk do zbrampset e do gabojë rëndë

TIRANË – Sot i ngarkuari me punë i SHBA, David Uisner takoi kryeparlamentaren Lindita Nikolla, ku ka kërkuar edhe rikthimin e jetës normale parlamentare në vend. Në lidhje me këtë lajm, Burimi deklaroi se sinjalet për kthimin të parlamentit në normalitet erdhën nga SHBA, sepse Edi Rama shkeli në dërrasë të kalbur.

Sipas Burimit, Edi Rama nuk do të zbrampset dhe ky do jetë një gabim i tij i madh. Ai kujtoi faktin se Rama është konsideruar nga mediat perëndimore si një autokrat, që nuk respekton opozitën.

“E kam thënë shpesh në intervista se SHBA do të kërkojë rikthimin e jetës normale parlamentare. Fajin gjithmonë e kanë ata që drejtojnë dhe jo opozita e ndaj maxhoranca do të kritikohej se nuk bashkëpunon me opozitën. Edi Rama po shkelte në dërrasë të kalbur. Mua situata më kujton vitin 1996, kur Berisha fitoi zgjedhjet e diskutueshme dhe amerikanët u zgjuan dhe i dhanë sinjale Berishës që të bëjë marsh mbrapsht, ai nuk bëri pas dhe e pamë ku shkoi më pas Shqipëria. Sali Berisha nuk e merrte me mend se SHBA do ishte kundër tij. Edhe Rama mendon se ka gjithçka.

Rama shkeli në dërrasë të kalbur me ndalimin e opozitës në qasjet ndaj Komisioneve Hetimore. Rama nuk do zbrapset e do të bëjë gabim të madh. Edi Rama thotë se drejtësia vendos, një gjë të tillë e thoshte edhe Erdogani. Refereni “vendos drejtësia” nuk pi më ujë. Gazetarët francezë e kanë quajtur Ramën autokrat dhe ka arsye të panumërta për këtë. Kjo është qeveri hajdute, sepse ka gjysmën e qeverisë në dyert e SPAK. Maxhoranca të respektojë ligjet”, deklaroi Burimi.

Në lidhje me faktin se a rrezikon Sali Berisha mandatin, Burimi deklaroi se kjo është e vërtetë. Sipas tij, kjo vjen sepse Rama po kalon caqet dhe ky ishte paralajmërimi i parë i SHBA. “Po rrezikon mandatin. Por, këtu ka gisht edhe Rama. Edi Rama sa më tepër e tepron, më tepër e martirizon Berishën. Edhe Donald Trump që ndodhet në akuzë të rëndë, po hetohet në gjendje të lirë? Pse mos ndodhë kjo me Berishën dhe Belerin? Kjo tregon se në Shqipëri nuk ka demokraci”, u shpreh Burimi.

(BalkanWeb)

Protesta në Shkodër: Të vendoset busti i Lekë Dukagjinit në qendër të qytetit

Disa banorë të Dukagjinit janë hedhur sot në protestë, para Bashkisë së Shkodrës.

Ata kërkojnë vendosjen e bustit të Lekë Dukagjinit në qendër të Shkodrës. Banorët kërkojnë që të takohen me kryetarin e bashkisë, Benet Beci lidhur me këtë çështje.

Protestuesit shprehen se kanë marrë shpesh herë premtime për vendosjen e bustit të Lekë Dukagjinit në Shkodër, hartues i Kanunit dhe krahu i djathtë i Skënderbeut në mbrojtjen e kombit shqiptar përballë pushtuesve osmanë.

Protestuesit shprehen se Shqipëria është mbushur me varre greke, serbe e malazeze, dhe me buste te pushtuesve turq e grekë, ndërkohë që një figurë si ajo e Lekë Dukagjinit hezitohet që të vendoset.sn

Kompozitori i shquar shqiptar Maestro Aleksandër Peçi bën me dije se Bordi Score Follower në Amerikë ka publikuar Koncertin për violinë Love

Kompozitori i shquar shqiptar Maestro Aleksandër Peçi bën me dije se Bordi Score Follower ka publikuar Koncertin për violinë Love

—

Nje lajm sensacional me vjen nga Amerika tani ora 16 e premte 8 mars 24.

Bordi i Score follower nje organizate e madhe ne Amerike ka perzgjedhur te publikoje ne te gjitha kanalet e internetit, scoren e Aleksander Peçi LOVE koncert per violin e orkester

Aleksandër Peçi — Love: Concerto No.2 for Violin and Orchestra [w/ score] – YouTube Elvin Hoxha Ganiyev violin Murat Cem Orhan Orkestra Simfonike RTSH

Ka 3 muaj qe specialistet e score follower kanë punuar per te pregatitur kete video te jetë sa me e shikueshme nga publiku.

Parti i koncertit për violinë e zmadhuar siper e sinkron me rec dhe score poshte.

Per mua si autor ky eshte nje shans i arte qe vepra te shikohet ne Amerike, Europe, Azi nga violinste dirigjente muzikologe studiues orkestrante menaxhere Drejtore artistik konservatore dhe uroj te kete shansin te filloje rrugetime ne skena te tjera.

Muzika modente shqiptare nuk eshte e izoluar, përkundrazi çdo postim qe bej e deshmon kete Score Follower eshte nje organizate Amerikane qe promovon muziken kontemporane.

Ka mbi 10 vjet qe promovon kete muzike dhe ne kanalet e YouTube apo ne rrjetet sociale jane postuar me mijra kompozitore nder vite.

Organizata eshte nder me populloret online, dhe ka nje audience te madhe nderkombetare.

Fokusi eshte si tek kompozitoret e rinj, ashtu edhe tek kompozitoret me te famshem (p.sh. George Crumb, Salvatore Sciarrino etj,) ashtu edhe vepra historike (p.sh. Scheonberg Pierrot Lunaire etj.)

Aleksandër Peçi — Love: Concerto No.2 for Violin and Orchestra [w/

Përkeqësohet moti deri më 11 mars, pezullohet lundrimi për disa tragete

Drejtoria Detare njoftoi se në bazë të parashikimit për situatën hidrometeorologjike të përkeqësuar përgjatë bregdetit shqiptar gjatë datave 9-10-11 mars 2024 duke filluar nga ora 14:00 e datës 9 mars në drejtimin jug-juglindje, jug-jugperëndim në forcën deri 7-8 bft deri 9 bft me shpejtësi ere deri 25-45 m/s dhe lartësi dallge nga 2.50 deri 4 metra.

Me qëllim parandalimin e çdo situate të papritur për shkak të kushteve atmosferike, kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.

Ditën e shtunë, anijet e transportit ndërkombëtar detar për pasagjerë dhe automjete në linjën Durrës – Bari – Durrës dhe Vlorë – Brindizi – Vlorë, do të vazhdojnë të operojnë normalisht sipas destinacioneve përkatëse.

Ditën e diel, datë 10 mars do të ndalohet lëvizja e anijeve pasagjere në linjat ndërkombëtare Durrës – Bari – Durrës dhe Vlorë – Brindisi-Vlorë.

Trageti i linjës Durrës – Ankona – Durrës do të operoje normalisht ditën e diel.

Në lidhje me linjën Sarandë – Korfuz – Sarandë do të njoftojmë në ditët në vijim.

Ndalohet dhënia e lejenisjes gjatë datave 9-10-11 mars 2024 duke filluar nga ora 17:00 datë 9 mars 2024 për të gjitha mjetet e vogla lundruese, anijet e peshkimit që operojnë përgjatë bregdetit shqiptar dhe të jenë njoftuar për marrjen e masave për sigurimin e tyre.

Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 22:00 të datës 11 mars 2024.sn

PD: Dhuna ndaj grave, betejë e të gjithëve, duhet një plan kombëtar kundër dhunës ndaj grave

Partia Demokratike me anë të një konference për mediat, ka kërkuar që të ketë një plan kombëtar për dhunën ndaj grave.

Deputete dhe anëtare të departamenteve të ndryshme në PD, janë shprehur se, dhuna ndaj grave është betejë e të gjithëve dhe jo vetëm e ndonjë sektori në veçanti.

Deklaratë e PD:

Vit mbas viti Shqipëria përballet me një realitet të trishtë për sa i përket dhunës ndaj grave. Përtej fjalëve dhe fjalimeve të qeverisë, gati asnjë gjë nuk bëhet në të vërtetë për të luftuar këtë fenomen.

Koha e vështrimit dhe e pasivitetit ka kaluar. Dhuna ndaj grave është një realitet por jo një fatalitet. Edhe pse dhuna ushtrohet ndaj grave, beteja në vetvete është e të gjithëve. Shteti ka mjete te nevojshme për të luftuar këtë fenomen.

Që kjo të ndodh duhet në radhë të parë një shprehje e qartë e vullnetit politik. Partia Demokratike propozon që lufta kundër dhunës ndaj grave të shpallet kauzë madhore dhe të hartohet një Plan Kombëtar ndërdisiplinor zbatimi i të cilët ti ngarkohet një Koordinatori ndërministror pranë Kryeministrit. Mbikëqyrja e këtij Plani të bëhet nga një grup deputetësh të gjithë krahëve politik.

Arsimi duhet të jetë shkalla e parë dhe e pazëvendësueshme për të ulur në mënyrë të qëndrueshme dhe afatgjate dhunën kundër grave. Masat për trajnimit e personelit arsimor, koha e kushtuar në klasë për këto tema duhet të rriten ndjeshëm.

Gratë nuk duhet të prezantohen si qenie të brishta. Duhet të ketë çdo semestër orë të veçanta të përqendruara tek suksesi i grave për ti treguar vajzave larmin e drejtimeve që mund t’ju japin jetës së tyre.

Shteti duhet të lidh një kontratë të re bashkëpunimi dhe besimi me organizatat jo qeveritare dhe me psikologët për tëri përkufizuar rolin e tyre dhe për ti bërë pjesë të plotë të planit kombëtar në të gjitha hallkat e tij.

Çlirimi i fjalës, zgjidhja e gjuhës është një sfidë tjetër të cilës duhet ti përgjigjet Plani Kombëtar. Hendeku i parë që haset në çështjen e luftës kundër dhunës ndaj grave është çlirimi i fjalës që mundëson identifikimin e viktimave. Në Shqipëri ka akoma pengesa të mëdha shoqërore për sa i përket denoncimit të rasteve të dhunës, sidomos kur këto të fundit shkaktohen nga persona të njohur apo nga familjarë.

Që kjo të ndryshoj, duhet menduar një sistem i tërë ku struktura të ndryshme të shtetit apo të shoqërisë të identifikojnë tregues apo shenja që ngrenë dyshime për raste të dhunës ndaj grave.

Personali mjekësorë në të gjitha hallkat duhet të luaj një rol më të rëndësishëm në identifikimin dhe shoqërimin e viktimave. Farmacistët duhet të trajnohen që të identifikojnë shenja të tilla në bazë të ilaçeve të blera, mjekët në bazë të simptomave të pacientëve. Mund t’ju lihen pyetësor që duhet t’ua bëjnë grave dhe një dokument sintetik të cilin duhet t’ua japin në çdo rast nëse kanë dyshime.

Duhet të krijohet mundësia e ngritjes së një padie penale drejtpërdrejtë në spital apo në farmaci, në një zonë të mbrojtur pra nga dhunuesi nëse mbas bisedës viktima pranon që të kërkojë ndihmë dhe mbrojtje nga shteti;

Mbrojtja e viktimës, një tjetër çështje ku ne çalojmë. Viktima gjatë procesit të hetimit vazhdon në shumicën e rasteve të gjendet në situata ku takon dhunuesin. Qoftë sepse banojnë në një shpi apo në një komunitet të vogël. Dihet sot se barrierat janë të shumta për viktimën.

Një prej arsyeve të mos ngritjes së padisë është mungesa e mbrojtjes nga dhunuesi apo edhe nga shoqëria që gjykon viktimën në vend se të dënoj dhunuesin.

Shteti nëpërmjet veprimtarisë së tij duhet të ngrejë këto barriera për të siguruar mbrojtjen e viktimës. Mbasi kemi arritur të krijojmë një sistem ku fjala lirohet duhen marrë menjëherë masa të forta.

Të paktën një komisariat për çdo rreth duhet të ketë një ekip të specializuar për çështjet e luftës kundër dhunës ndaj grave. Një specializim i tillë i një strukture është thelbësore për kuptimin dhe trajtimit me seriozitet të kësaj çështje.

Viktimave duhet tu jepet një ‘Telefoni rrezik i madh’ i cili të jetë i lidhur drejtpërdrejtë me shërbimet e ndërhyrjes së shpejtë nëse dhunuesi i afrohet përsëri viktimës.

Menjëherë mbas padisë dhe në pritje të gjykimit, mund të vendoset një masë parandaluese të vendosjes së një byzylyku elektronik kundër afrimit i pajisur me një gps që të lajmëroj viktimën në rast se dhunuesi i afrohet brenda një qarku të përkufizuar.

Duhet të krijohet procedura ‘ndihmë urgjente’ për viktimat që për shkak të presionit shoqëror apo rrezikut që u kanoset duhet të lënë banesën e tyre. Kjo procedurë duhet të parashikoj strehimin falas ne banesa të veçanta në qytete të tjera, larg presioneve.

Në raste të veçanta, duhet të vendoset që hetimi dhe trajtimi i padisë të bëhet nga një komisariat i një qyteti tjetër (ose nga ekipi i specializuar i rrethit). Kjo gjë është veçanërisht e nevojshme në rastet e komuniteteve të vogla ku mund të ushtrohet trysni mbi policët e ngarkuar me hetimin;

Ndëshkimi duhet të bazohet mbi parimin e tolerancës zero që frika të ndryshojë krahë. Mos ndëshkimi i duhur përçon një mesazh negativ brenda shoqërisë dhe kjo i pengon viktimat që ti shkojnë deri në fund procesit kundër dhunuesit të tyre. Ndaj propozimet e PD janë në kuadër të një plani kombëtar sepse asnjëra nuk mund të kuptohet në mënyrë të pavarur nga tjetra. Duhet që të gjitha këto propozime të miratohen dhe zbatohen njëkohësisht.

Dënimet duhet të jenë të larta dhe të një natyre të tillë saqë të shënojnë vullnetin e shtetit për të luftuar një fenomen i cili nuk duhet ta ketë më vendin në shoqërinë shqiptare;

Duhet të krijohet një procedurë e përshpejtuar të gjykimit në mënyrë që viktima të mos pres gjatë. Në rastet e dhunës ndaj grave çdo sekondë që kalon pa mbrojtje apo pa ndëshkim është një sekondë që rrit rrezikun e përsëritjes së aktit ndaj viktimës.

PD: RTSH si çiflg personal, Alfred Peza ka shkelur ligjin, shkarkime masive pa motivacion

Partia Demokratike ka denoncuar sot, abuzimet që po bëhen në Radio-Televizionin Shqiptar dhe ka akuzuar Drejtorin e Përgjithshëm Alfred Peza. “ëhet fjalë për 125 veta të shkarkuar nga Alfred Peza në krye të RTSH-së. I fundit është rasti i regjisorit, Ergi Hasku”, deklaroi deputetja e PD-së, Ina Zhupa para mediave.

“Zgjedhja antiligjore në krye të RTSH-së, është denoncuar herë pas here nga ne, ka çuar në veprimet e tij antiligjore, abuzive në krye të RTSH-së, – theksoi Zhupa. – Sigurisht njeriu që vjen në krye të institucionit pa njohur ligj, do të veprojë duke mos e njohur ligjin edhe gjatë drejtimit të këtij institucioni.

Ne do të bëjmë një seri denoncimesh për abuzimet për abuzimet e RTSH-së me në krye drejtorin e ri të paligjshëm, Alfred Peza.

Sot do të përqendrohem në rastet e shkarkimeve masive në thyerje të rregullave të kodit të punës të Republikës së Shqipërisë, që ka kryer Drejtori i Përgjithshëm, Alfred Peza, që me marrjen e pozicionit dhe deri para dy ditësh, ku rasti flagrant ishte i regjisorit i cili kishte bërë dëmin e madh, që kishte lavdëruar emisionin e tij që zhvillohet në RTSH, në Instagramin e tij personal. Për këtë u dënua nga Drejtori i Përgjithshëm, Alfred Peza duke e shkarkuar nga puna.

Ky rast dhe qindra raste të tjera të cilat unë do ti lexoj për transparencë për publikun, tregojnë se si Alfred Peza e ka kthyer RTSH në një çiflig personal, pa ligj, e pa moral, ku bën veprime nga më antiligjore dhe antimorale për nga mënyra se si duhet administruar një institucion që mbahet nga fondet publike dhe taksat e shqiptarëve.

Një gazetare është shkarkuar, Magdallena Alla pse ka shkruar në Facebook kundër dhunës ndaj kafshëve.

Një gazetar është shkarkuar pse nuk ka çuar karriget në mbledhjen e drejtorit.

Një tjetër është shkarkuar pse i ka çuar SMS, Alfred Pezës, ndërkohë që madhëria e tij kërkonte një komunikim më formal dhe më zyrtar.

Sot unë do të lexoj emrat e të shkarkuarve dhe kam edhe motivacionet e secilit nga ta, dhe janë totalisht antiligjore.

Bëhet fjalë për 125 veta të shkarkuar nga Alfred Peza në krye të RTSH-së. I fundit rasti i regjisorit, Ergi Hasku.

Kjo është një listë e limituar e të gjithë atyre që janë pushuar në mënyrë të padrejtë nga drejtori i RTSH-së, Alfred Peza.

Sigurisht ai anëtare e Komisionit të Edukimit, komisioni përgjegjës për kontrollin e RTSH-së, do të ndjek të gjitha hapat ligjor, për ta ndalur dhe çuar përpara përgjegjësisë ligjore, Alfred Pezën. Ashtu siç i bëj thirrje, organeve të drejtësisë, Kontrollit të Lartë të Shtetit për monitorimin e këtij institucioni që është kthyer në një institucion të paligjshëm, në një institucion ku vullneti i një individi vlen më shumë se sa rregullat e shtetit, kodi i punës dhe se sa morali dhe përgjegjshmëria që duhet të kryen funksionet publike në këtë rast, në RTSH-së e mbajtur me taksat e shqiptarëve.”

Mrekulli- Ra nga kati i shtatë i pallatit, 3-vjeçarja jashtë rrezikut për jetën

Vajza 3-vjeçare që ra nga kati i shtatë i një pallati në plazhin e Durrësit është jashtë rrezikut për jetën, por ende nën kujdesin e mjekëve.

Fëmija ra mbrëmjen e së martës nga lartësia dhe u dërgua fillimisht në spitalin rajonal të Durrësit dhe më pas në atë të Traumës, ku vazhdon të ndodhet për shkak të dëmtimeve të marra.

Sipas policisë vendore, ngjarja ka qenë aksidentale. Në një moment vogëlushja është shkëputur nga prindërit dhe ka rënë nga ballkoni i apartamentit.

Tenda e një dyqani në katin e parë të godinës ka zbutur forcën rënëse të trupit nga lartësia që më pas ra në arkat me fruta e perime.SN

Organizatat mjedisore kërkojnë takim me Presidentin: Ligji për Zonat e Mbrojtura të kthehet në Parlament

Një grup prej 42 organizatash mjedisore dhe 39 akademikë e ekspertë të fushës së mjedisit kërkuan një takim me Presidentin e Republikës së Shqipërisë, Bajram Begaj lidhur me ndryshimet që Parlamenti shqiptar miratoi pak ditë më parë në Ligjin për Zonat e Mbrojtura.

“Qëllimi ynë për takimin me Presidentin, është ta kthejmë këtë ligj për një vështrim të dytë dhe të sigurojmë që Zonat tona të Mbrojtura të mbeten pikërisht të tilla; të mbrojtura”, thonë organizatat përmes një deklarate.

“Më 22 shkurt 2024, vijon deklarata e organizatave mjedisore, u miratua një ligj i ri që mund të ndryshojë përgjithmonë pamjen e peizazheve tona natyrore”.

Ky ligj, sipas organizatave, lejon ndërtimin e hoteleve dhe objekteve të tjera infrastrukturore pikërisht në zemër të Zonave të Mbrojtura.

Edhe Delegacioni i Bashkimit Euopian në Shqipëri ka këmbëngulur për nevojën e një konsultimi të gjerë për ndryshimet që u ndërmorën në Ligjin për Zonat e Mbrojtura.

“Miratimi i ligjeve mbi çështje që mbulohen nga legjislacioni i BE-së presupozon konsultim publik të mirëfilltë dhe gjithëpërfshirës, si dhe një proces të parashikueshëm dhe transparent”, u shpreh Delegacioni i Bashkimti Europian pas votimit të ndryshimeve në parlament.

Shqetësimi më i madh i organizatave mjedisore nga ndryshimet e reja të Ligjit të Zonave të Mbrojtura lidhet me lejimin e ngritjes së “strukturave akomoduese të ekselencës, 5 yje ose më shumë, në fushën e turizmit apo dhe të agroturizmit brenda Zonave të Mbrojtura si dhe me kompetencat që i jepen Këshillit Kombëtar të Territorit në përcaktimin e rregullave dhe kritereve për zhvillimin e këtyre zonave, ndonëse ky këshill është një strukturë kolegjiale dhe që nuk përfshin këshillimin publik në vendimarrjen e tij”

Në Janar të vitit 2022 qeveria shqiptare rishikoi kufijtë e Zonave të Mbrojtura natyrore në Shqipëri dhe në disa prej sipërfaqeve të hequra janë shfaqur pasojat e para negative.

Qeveria u vu në kritika të forta nga një misoni i UNESCO-ICOMOS për Butrintin, i cili shprehu shqetësimin e thellë për heqjen e 600 ha nga Parku Kombëtar i Butrintit.

Sipas misionit vendimi përfaqësonte një ndryshim në regjimin e mbrojtjes së një pjese të ndjeshme të zonës tampon të Parkut Kombëtar, pjesë e trashëgimsië botërore.

Misioni tha se lidhur me ndryshimin e kufijve nuk ishte njoftuar Qendra e Trashëgimisë Botërore dhe misioni ua kishte bërë të qartë autoriteteve shqiptare se duhet të paraqisnin një kërkesë zyrtare në Komitetin e Trashëgimisë Botërore lidhur me këtë ndryshim.

Beleri dënohet me 2 vite burg. Kokaveshi me 3 vjet shërbim prove

Gjykata e Posaçme ka dhënë verdiktin e saj për kryebashkiakun e Himarës, Fredi Beleri.

GJKKO ka dënuar me 2 vite burg Belerin.

Ndërsa, GJKKO ka dënuar 1 vit e 6 muaj burg Pandeli Kokaveshin, por dënimi me burg për të është pezulluar dhe do të qëndrojë 3 vite në shërbim prove.

Mbështetësit e Belerit, pas vendimit të gjykatës kanë thirrur në kor “Turp”.

Dëshmia e Belerit në sallën e gjyqit:

I nderuar zoti Kryesues i seancës!

Të nderuara anëtare të trupit gjykues!

Seancën e kaluar kisha në plan të lexoja vetëm pak rreshta, sepse nga ana e avokatëve ishin sqaruar çështjet juridike hollësisht, por duke qënë se nga ana Juaj, u ndërprenë diskutimet përfundimtare të mbrojtjes dhe të pandehurit si rrallë ose kurrë ndonjëherë, po shfrytëzoj rastin që më dhatë duke parashtruar gjerësisht diskutimet e mia përfundimtare.

Paraprakisht, për t`ju sqaruar Ju, zoti kryesues i seancës, në lidhje me sa kam parashtruar çdo seancë për mënyrën tuaj të drejtimit të seancave gjyqësore, Ju sqaroj që është e drejta ime të bëj deklarime sa herë e ndjej të nevojshme, me ose pa konsulencën e mbrojtësve të zgjedhur.

Së dyti, kam mësuar gjatë kësaj kohe në paraburgim, që seanca drejtohet nga kryesuesi me urdhëra dhe vendime të ndërmjetme, ndaj çdo vërejtje për drejtimin e seancës ju drejtohet Juve, me cilësinë e kryesuesit. Po ashtu, vendimi për përjashtimin e gjyqtares, znj. Gjoka, pasi kishte mbajtur zvarrë procesin për kallëzimin tim kundër shtetasit Abdul Rama,për dy muaj, duke ia arritur qëllimit, është përgjegjësia juaj personale.

Përgjegjësia juaj personale është edhe arsyetimi i vendimit për rrëzimin e kërkesës time për dhënien e lejes për të kryer procedurën e betimit nëKëshillin e Bashkisë Himarë. Në atë vendim Ju, me arsyetimin tuaj politik zgjidhet problemet që kishte Kryeministri, duke propozuar zgjidhje antikushtetuese, të vendoset gjendja e jashtëzakonshme në Bashkinë Himarë.

Të nderuar gjyqtarë!

Në çdo seancë kam parë këtu nga kafazi një gjykim që mund të ndodhte dikur, por jo në një shtet evropian në vitin 2024, kur mendohet që drejtësia është konsoliduar pas të paktën 30 viteve formalisht jo në diktaturë, kur drejtësia duhet të kishte guximin të bënte drejtësi. Kafazi nuk të rrënon vetëm psikologjikisht, por vështirëson edhe komunikimin me avokatin. Nga këtu kam parë përpjekjet e vazhdueshme të prokurorit,

z Xholi, i cili për ťju tërhequr vëmendjen, me qëllim që të pranonit çdo lloj kërkese të tij, kërciste stilolapsin në tavolinë. E kuptoj shumë mirë që jeni nën presion të vazhdueshëm, por ky nuk është faji im. Ju kërkuat të kryeni këtë detyrë me dëshirë, kurse unë jo. Ky është një problem politik, i cili lidhet me drejtimin e bashkisë së Himarës dhe këtë problem vendosën ta zgjidhin jo me votë, por me sajesa qesharake dhe amatoreske, duke kërkuar në vijim nga ju si trup gjykues, ta certifikoni këtë farsë.

Lexova me vëmendje konkluzionet e prokurorëve, konkluzione që qartazi tregojnë një memorial gënjeshtrash të pabazuara, të cilat në vitet në vijim, pedagogët e jurisprudencës do i përdorin para studentëve të tyre si referencën më produktive për të treguar si manipulohet nga fillimi deri në fund një proces gjyqësor. Këto konkluzione, prokurorët e nderuar me krenari mund ťua dërgojnë eprorëve të tyre politik, atyre që ua porositën, me nënshkrimin: “Misioni u krye me sukses”! Por kurrsesi këto konkluzione nuk mund të merren parasysh nga një trup gjykues.

Gjatë procesit nuk pranuat asnjë nga kërkesat e mia për ekspertizë. Nuk e detyruat policinë e shtetit të sjellë para jush vendimin e paligjshëm për pagesën e dëshmitarit. Nuk e sollët dëshmitarin të ballafaqohej me personin në fotografi që prokuroria pretendon se është i infiltruari.

Nga këto fakte dhe shumë të tjera, rezulton se edhe pse nuk kisha kërkuar gjykim të shkurtuar, procesi u realizua me praktikën e gjykimit të shkurtuar, por unë nuk përfitoj uljen e një të tretës së dënimit. Mënyra se si u zhvillua procesi prej jush dukshëm, u imponua nga prokurori.

Të gjitha pretendimet e prokurorisë u kundërshtuan nga avokatët e mi dhe u zbërthyen në detaje, si organi i akuzës në këtë çështje është udhëhequr nga policia që nga fillimi e deri në fund.

Prokuroria në çdo fazë të hetimit dhe gjykimit është përpjekur të sajojë prova të mbulojë gafat e policisë, që e vërteta të mos dalë në dritë. Që me ankimin kundër masës së sigurimit kemi pretenduar se nga vëzhgimi 24 orësh i policisë duket qartë që nuk e kam takuar asnjëherë “Detarin” e prokurorisë. Prokuroria justifikohet se është e vërtetë që jam vëzhguar dhe ndjekur 24 orë në ditë, por rezultati nuk është ezaurues dhe për të provuar këtë sjell ca gjoba që ka marrë “Detari” me një makinë, një vit më parë në Vlorë dhe po e njëjta makinë duket diku përballë një lokali ku unë qëndroja.

Po ashtu gjeti një njeri me kapuc në një foto prokuroria e posaçme dhe e hodhi shashkën, duket si Arseni. Arsenin te gjallë në seancë nuk e pyeti për foton, por e pyeti për veshjet që mbante. Kur i sjellim njeriun që ka qënë atë ditë me mua, prokuroria e posaçme kqyr kamerat nga kaloi majtas apo djathtas, dhe kaq mjafton për të bërë të pabesueshëm dëshmitarin. I kërkuam gjykatës të thirrej përsëri “Detari”, të bëhej ballafaqim ndërmjet tyre, le t`i shikonte vetë Gjykata, me sytë e saj, pse t`i besonte syve të oficerit të policisë gjyqësore, ne fund te fundit tre pale sy gjyqesore jane me shume se dy sy oficeri, por gjykata e refuzoi edhe këtë kërkesë.

Kemi deklaruar që “Detari” gënjen, është dënuar për mashtrim, prokuroria duhet t`i verifikojë deklarimet e tij. Nuk mund të mbahem në burg me deklarimet e një njeriu të vërtetuar si mashtrues dhe hajdut. Një 20 vjeçar, para 10 viteve është 10 vjeç dhe nuk mund të ketë bërë biznes me mua siç deklaronte ai. Kur i merren deklarimet e tjera, prokuroria e posaçme kujdeset që “Detari” të thojë që familja e tij kishte biznes me mua, më shiste peshk, dhe ai ndihmonte familjen, ndërkohë që po ky “Detari” duhet të ketë bërë shkollën këto 10 vitet që më shiste peshkun, siç e tha dhe vetë, në Vlorë, në një shkollë që nuk i kujtohet. Po gjatë këtyre 10 viteve ky “Detari” ka qënë në burg në Vlorë për mashtrim e në Durrës për vjedhje banesash në bashkëpunim me autorë që nuk i tregoi kurrë.

Kundërshtuam përgjimin se prokuroria i kishte bërë letrat pas arrestimit tim, dhe i ka dorëzuar në gjykatë jashtë afatit. Gjykata e posaçme e apelit në një gjykim të filluar me ankimin tim, e pranon që kërkesa e prokurorisë është pa orar, por i kërkon prokurorisë Vlorë, më dërgo një regjistër ku të jetë shënuar ora e dorëzimit të kërkesës në gjykatë. Pra i tregon prokurorisë, gjej një regjistër e shëno orën e ma dërgo. Dhe prokurorja Matilda Peza e gjeti nje protokoll ku një punonjës anonim i gjykatës së Vlorës, ku kryetar është i vëllai Enkel Peza, hodhi një firmë, pa emër e mbiemër. Me kaq, një regjistër pa vlerë, me një firmë anonime, shërbeu për të ligjëruar veprimet e policisë pa vendim gjykate. Nuk i bëri përshtypje askujt që del sekretarja në punë në orën 12 të natës, për një kërkesë që sikur është dorëzuar në orën 14/45 të ditës, një veprim ky që

mund të kryhej prej saj vetëm me urdhër të kryetarit vëllait të prokurores Peza. I kemi kërkuar këtij kryetari regjistrin e përgjimeve, emrin e punonjësit që ka firmosur në protokollin e prokurorisë, por refuzon të përgjigjet, normalisht do mbulojë të motrën. Dhe nga Ju është konsideruar veprim normal, nuk pranuat kërkesën time që t`i kërkonit Ju informacion gjykatës së Vlorës.

Kundërshtuam dëshminë e penalitetit datë 12 maj që kishte futur në dosje prokuroria Vlorë, por prokuroria e posaçme gjeti një punonjëse rrogëtare në Drejtorinë e Përgjithshme të Policisë që të deklarojë se ndryshimet në sistem janë bërë në datën 6 qershor 2023, ndërkohë që po I njëjti sistem kishte qënë i ndryshuar të paktën që në muajin mars. Gjatë gjithë vitit 2023 sistemi ka qënë i ndryshuar, vetëm në datën 12 maj kur duhej për caktimin e masës së sigurimit ndaj meje, sistemi nuk ishte ndryshuar.

Kundërshtuam përgjimet dhe vëzhgimet, si të kryera nga policia pa autorizim të prokurorisë, se nga vetë aktet e prokurorisë Vlorë, përgjimi dhe vëzhgimi policor ka filluar një ditë para se procedimi penal të regjistrohej në atë prokurori, por për prokurorin Xholi, është lapsus I sekretarisë.

Tani jemi në pritje, cfarë provash do sajojë prokuroria kundër tabulateve telefonike të “Detarit” apo kamerave të Ermira Stolit, që i ka marrë vetë si prova. Se ndaj u shty dhe seanca, t`i jepej kohë prokurorisë, të nxirrte nga sirtaret e policisë apo prokurorisë së Vlorës ndonjë letër tjetër që të shpjegojë:

– si ndodhet në të njëjtën datë dhe orë në dy vende njëkohësisht “Detari”, edhe në qëndër të Himarës duke folur në telefon edhe në prokurorinë Vlorë duke dhënë deklarime në orën 14, dhe duke firmosur marrëveshjen me prokuroren Matilda Peza, (se kështu tha polici Ermal Ajdini, kjo prokurore e kishte çështjen dhe me të kishte komunikuar gjithë kohës), në orën 15 të datës 8 maj.

– si ndodhet në të njëjtën datë dhe orë në dy vende njëkohësisht “Detari” edhe në qëndër të Himarës duke folur në telefon, edhe me mua në Potam, 2 km larg, në datën 10 maj ora 08/40;

-si ndodhej në të njëjtën datë dhe orë në dy vende njëkohësisht “Detari” edhe në Vlorë, edhe në Komisariatin e policisë Himarë në datën 12 maj ora 6, të dorëzonte paratë që sikur ia kishte dhënë Pandeliu, që edhe i numëroi po asnjë gisht nuk u gjet mbi to, dhe listën që edhe e kishte Pandeliu, por në xhep nuk ju gjet, edhe ia dorëzoi Arseni policit të zellshëm Ermal Ajdini.

-Si bisedoi me mua “Detari” në datën 11 maj ora 10/17 pa zbritur nga automjeti i parkuar përballë me lokalin “ICELAND”, kur në të njëjtën datë dhe orë unë gjendesha brenda lokalit.

Mbase këtu në këtë çështje, për shkak të rëndësisë që ka për policinë dhe prokurorinë janë përdorur metoda speciale teletransporti, metoda speciale komunikimi telepatik. Do dëgjojmë prokurorinë, se diçka do e ketë gjetur këto 5 ditë që ju dha kohë gjykata të marrin frymë.

Të nderuar Gjyqtarë!

Shqipëria është një vend i vogël, i cili vitet e fundit nga ikja masive e qytetarëve është bërë edhe më i vogël. Të mirë dhe të këqij, grekë apo shqiptarë, akuzues dhe të akuzuar, jemi shumë pak. Si rrjedhim, njihemi mirë dhe herët a vonë, të gjitha të vërtetat do të dalin në dritë të diellit. Dua ťju them me besim të plotë se që nga dita e parë që u iniciua kjo çështje dhe deri më sot, është dhe mbetet një çështje vetëm politike. Vendimi për arrestimin tim është marrë të mërkurën, datë 10.05.2023, në një mbledhje të zhvilluar në Drejtorinë e Përgjithshme të Policisë, ku morën pjesë drejtues nga të gjitha dikasteret e policisë. Pikërisht këtë vendim, erdhi të legjitimojë pretenca e prokurorëve. Plani ishte të më arrestonin sa të humbisja zgjedhjet dhe të më lironin përsëri një javë pas zgjedhjeve. Plan, i cili u prish nga qytetarët e Himarës që më zgjodhën kryetar.

Kjo është arsyeja që e tërheq zvarrë këtë çështje që nga fillimi, duke shkelur të gjitha parimet e drejtësisë, prezumimin e pafajësisë, barazinë para ligjit, procesin e rregullt ligjor, hierarkinë gjyqësore etj. Të gjitha vendimet tuaja ishin vendime politike. Vendim politik ishte dhe refuzimi i lejes për kryerjen e betimit, duke tejkaluar kompetencat. Këtë pjesë të vendimit ua rrëzoi Gjykata e Apelit. Vendim politik përbën edhe fakti se kallëzimet e mia janë në shqyrtim pa përgjigje, edhe pse ka kaluar shumë kohë. Po ashtu edhe kërkesa e prokurorisë për masën e dënimit 2 vjet e 6 muaj burg, nuk ka asnjë logjikë juridike. Për asnjë të pandehur me të njëjtën akuzë nuk është kërkuar kjo pretencë. Të gjitha vendimet e GJKKO-së për këtë akuzë, janë një vit me shërbim prove. Dy kryetarë bashkie me të njëjtën akuzë, jo vetëm nuk gjenden në burg si unë, por qëndrojnë në detyrë.

Natyrshëm lindin pyetja: Pse të gjendem unë përballë këtij diskriminimi? Kërkesa e prokurorisë nuk ka aspak qëllim për të bërë drejtësi. Qëllimi I saj i vetëm është dënimi im me burg për aq kohë sa i duhet Kryeministrit të bëjë zgjedhje të reja në Himarë. Dua t`i garantoj që edhe tek ky objektiv do dështojnë sepse sa herë që të bëhen zgjedhje në Himarë rezultati do jetë i njëjtë. Shurdhët dëgjuan dhe të verbrit panë, qytetarët e Himarës nuk mund t’i gënjejë njeri, siç nuk I ka gënjyer historikisht.

Është e padrejtë që kësaj çështjeje t’ i jepet konotacion patriotik. Është e pavërtetë dhe në të njëjtën kohë ofendim dhe moskonsideratë, jo vetëm për qytetarët e Himarës që më votuan, pavarësisht etnisë dhe besimit fetar, por edhe kundrejt opozitës së bashkuar. Ekskluzivitetin e patriotizmit nuk e ka vetëm Kryeministri, policia, prokuroria dhe patronazhistët e PS-së, por është detyrë kushtetuese e çdo qytetari.

Patriotizëm nuk është të rreshtohesh me gazetarë dhe avokatë që duan të bëjnë gjykatësin publik per t’i shërbyer regjimit apo interesave të pronarëve të mediave. Patriotizëm është të duash vendin dhe të mos bësh asnjë që cënon pavarësinë dhe përparimin e tij, të zbatosh Kushtetutën dhe ligjet, pavarësisht kostove momentale personale që mund të kesh.

Patriotizëm është të kryesh detyrën me ndershmëri, të mos bëhesh vegël e qëllimeve momentale të politikës. Patriotizëm është të vësh para përgjegjësisë penale këdo sado i pushtetshëm të jetë. Patriotizëm është t`i trajtosh të gjithë në mënyrë të barabartë, si shtetas të barabartë të të njëjtit shtet, të përdorësh të njëjtat mjete hetimi dhe gjykimi për të gjithë, të mos fshehësh shkeljet e ligjit nga kushdo që i ka kryer.

Zoti Xholi, ne gjendjen qe jane aktet e kesaj dosje, do te ishte e vetmja rruge ligjore te terhiqnit akuzen, dhe te gjeni pergjegjesit e vertete te kesaj situate qe ka vene sistemin e drejtesise ne prove.

Unë jam i qetë dhe besimplotë. Nuk e ndiej veten fajtor për asnjë akuzë. Herët a vonë, unë do ta gjej drejtësinë. Do të doja të ishte ky trup gjykues që t’i jepte fund kësaj farse dhe marrëzie. Nëse kjo nuk ndodh, unë kam aq durim sa t’i shkoj deri në fund çështjes.

Të nderuar zotërinj gjyqtarë!

Jo në shumë raste në jetën e një njeriu të zakonshëm i jepet mundësia të thotë një po ose një jo të madhe. Ju gjyqtarët, nga ky aspekt jeni me fat se kjo mundësi u jepet shumë herë.

Ky proces është një nga këto raste që ju viheni para historisë. Sot ju duhet t’i thoni jo presionit të pushtetit, jo dënimit pa prova, jo diskriminimit, t’i thoni jo nacionalizmit të sëmurë, t’i thoni po ndarjes së pushteteve, t’i thoni po drejtësisë së pavarur, t’i thoni po barazisë para ligjit. Të gjithë ata që marrin vendimin e saktë historia i respekton edhe i nderon, të tjerët thjeshtë janë kalimtarë. Si kalimtarë edhe besnikë të partisë – shtet do trajtojë historia prokurorët znj. Bejko edhe z Xholi. Besoj se gjatë procesit i keni shërbyer mjaftueshëm pushtetit dhe patriotizmit imagjinar. Ju lutem, është koha t’i shërbeni edhe drejtësisë, që sipas Aristotelit, është më i larti nga të gjitha virtytet.

Ju faleminderit,

Dhionisios Alfred Beleri

(syri.net)

Ish-prokurorja: Deputeti Bujar Çela përgjegjës moral dhe formal për shpërthimin te biznesi i tij

Ish-kryeprokurorja Elisabeta Imeraj, e ftuar në studion e “Open” ka folur rreth shpërthimit të fuqishëm që tronditi qytetin e Lushnjës ditën e premte.

Imeraj u shpreh se për të përcaktuar individualizimin e autorëve të veprës penale do duhen edhe veprime të tjera nga autoritetet përkatëse.

Sipas saj duke parë të dhënat e prokurorisë që tregojnë se leja është marrë nga vetë deputeti Bujar Çela ngrihen dyshime për fiktivitet të asaj që ka ndodhur.

Ajo shtoi se Çela mban përgjegjësi në rangun moral, por me aq sa paraqitet nga dokumentacioni ai mund të mbahet përgjegjës edhe në rangun formal.

“Ne nuk mund të gjykojmë çfarë do të ndodhte nëse personi në fjalë nuk do ishte deputet. Prokuroria dhe policia kanë detyrën të kryejnë veprimet hetimore. Për të përcaktuar individualizimin e autorëve të veprës penale do duhen edhe veprime të tjera. Duhet parë kush e ka marrë lejen e ndërtimit, kush e ka dhënë, etj.

Duke parë të dhënat e prokurorisë ngrihen dyshime për fiktivitet të asaj që ka ndodhur. Në rastin konkret kemi dy viktima dhe disa të plagosur, në rangun moral mban përgjegjësi, por me aq sa duket nga dokumentacioni nuk besoj se do shpëtojë pa përgjegjësi në rangun formal deputeti socialist Bujar Çela”, u shpreh ajo.

Arrestimi i banorit të BBVIP, reagon avokati: Liamin nuk e ndaloi policia as kur zbriti në Rinas

TIRANË – Policia në Tiranë ka ekzekutuar sot një vendim të gjykatës të shkurtit 2022, që dënonte Liam Osmanin, banorin më të ri të Big Brother Vip me 2 vite e 6 muaj burg. Në lidhje me këtë ngjarje, ka reaguar avokati i Liamit, Dritan Shehaj.

Shehaj tha se policia e akuzon Liam Osmanin se ka përvetësuar 17 bileta turistike për në Gjermani, për të cilat nuk ka kryer pagesat. Por, avokti shton se vetë klienti i tij nuk ka pasur dijeni për këtë dënim. Ai thotë se edhe policia nuk e ka ndaluar Liamin, kur ai ka zbritur në Rinas.

Shehaj shprehet se Liam Osmani është një shtetas gjerman që punon dhe jeton në Këln të Gjermanisë dhe se autoritetet shqiptare nuk iu janë drejtuar asnjëherë autoriteteve gjermane për ta kërkuar ose për t’i njoftuar.

Reagimi i avokatit të Liam Osmanit:

“Lidhur me ndalimin e kryer sot nga forcat e policise per banorin e big brother, Liam Osmani, dhe njoftimit se ai eshte denuar per mashtrim nga Gjykata e Tiranes, sqarojme se behet fjale per nje ceshtje per te cilen Laim Osmani nuk ka patur asnjehere dijeni, dhe eshte teresisht i paqarte per rrethanat per te cilat ndaj tij jane ngritur akuza te tilla. Vetem diten e sotme, pas shoqerimit nga policia, Liam Osmani ka ardhur ne dijeni te akuzave ndaj tij dhe ekzistences se nje vendimi gjyqesor qe e ka shpallur fajtor per vepren penale te Mashtrimit ndaj nje personi tjeter, per shumen prej 6000 euro.

Ky proces penal ne ngarkim te tij, eshte zhvilluar ne mungesen e Liam Osmanit, ai nuk eshte vene asnjehere ne dijeni te ketij fakti, nuk eshte njoftuar asnjehere nga organet e policise, organi i prokurorise, dhe ne fund as nga gjykata perkatese. Liam Osmani nuk ka patur asnje dijeni per keto akuza, as ka mashtruar apo genjyer ndonjehere ndokend, por te gjitha marrdheniet e tij te biznesit i ka te dokumentuara me kontrata dhe dokumenta financiare te rregullta, te cilat rrezojne katerciperisht akuzen e mashtrimit, te ngritur padrejtesisht ndaj tij, dhe te gjykuar ne fshehtesi te plote nga institucionet e gjykates dhe prokurorise.

Liam Osmani eshte nje shtetas gjerman, qe jeton dhe punon ne Keln, Gjermani, ne nje nga spitalet e ketij qyteti, dhe eshte e paimagjinueshme qe organet ligjzbatuese te shtetit shqiptar, te mos ti drejtohen asnjehere autoriteve gjermane per ta kerkuar, per ta njoftuar, per ta thirrur per te dhene shpjegime, per ta vene ne dijeni te akuzave qe jane ngritur ndaj tij, per ta degjuar perpara se te nxirrnin konkluzionet perkatese, dhe perpara se ta denonin ne mungese, dhe nxitimthi.

Madje ne menyre paradoksale, per denimin e tij nuk kane dijeni as autoritetet e kufirit te aeroportit te Rinasit, nga ku Liam Osmani ka hyre ne territorin shqiptar perpara 1 jave, nuk kane dijeni as sherbimet e policise te komisariateve te Tiranes, ku Liami ka jetuar keto dite, por cuditerisht kjo gje behet publike vetem pas hyrjes se tij ne shtepine e Big Brother. Sqarojme se Liam Osmani do te ndjeke te gjitha procedurat ligjore per te vene ne vend padrejtesine qe i eshte bere, vendimi i gjykates brenda pak ditesh do te behet null, dhe ceshtja do te shqyrtohet nga e para, dhe jemi te sigurt se ne perfundim Liam Osmani do te shpallet i pafajshem”.

(BalkanWeb)

Gjok dhe Roza Uldedaj, çifti që e ringjalli Institutin Kyrias-Dako, ëndërrën e Sevasti e Kristo Dakos Nga Shefqet Meko

GJOKA DHE “EGOIZMI” I ÇIFTIT ULDEDAJ

-Një urim ndryshe për Gjok Uldedën në 23741-ditë-netët e Tij-

Ju e njihni Gjok Uldedën. Por jo si unë. Jo nga afërsi shqiptare dhe largësi kontinentale si fjalëshkruasi.Ne njihemi qysh në mesin e viteve 1970-të. Ishim “udhëheqsa” rinie. Ishim ëndërrimtarë.Qysh ato vite, Gjoka nga Velipoja më thoshte: “Ta lexova shkrimin tek “Zëri i rinisë”…Edhe atë tek “Jeta e re”…” Unë gëzohesha ndërsa një zë na thoshte “filloi mbledhja…” Ne dëgjonim. Merrnin direktiva dhe dilnim prej andej duke qeshur. Ne qeshnim edhe në socializëm.Nuk ishim “skëterrë”. Qeshnim dhe bënim shaka, mbrëmje vallzimi, eskursione në Razëm, dhe në çdo mbledhje rinie ishte një “çekan” në çdo rend dite: “Kuotat…Kuotat…Kuotat”. Ne kruanim xhepat dhe qeshnim…

Me Gjok Uldedën, edhe pse vitet ushtar i kanë dhënë një “vrazhdësi” malësori, ne përherë kemi qeshur. Edhe tani ne takohemi duke qeshur, duke kujtuar gallata dhe “çërr-fërre” që vetëm unë, ai dhe ndonjë tjetër ua di kuptimin. E qeshura dhe humori me Gjok Uldedën, ka qënë “boshti ynë ideologjik”: Edhe kur na thoshin kuotat, kuotat…Edhe kur na thoshin: “Shfaqet e huaja…” Duke qeshur kemi përcjellë dekada dhe nuk dihet dhe se sa të tjera…“Po na bën Gjokën si Zef Deda…Nuk është.” më thotë dikush nga ju. Nuk është, por ka humor. Mjafton të ulesh në një tavolinë me të dhe kupton “seriozitetin” e Gjok Uldedës…

Viti 2002. Sapo isha kthyer për herë të parë nga “stazhi” në Botën e Lirë. Kisha mall. Kujtoja se pa mua, Tirana nuk do ishte më Tiranë. Kujtoja se kudo në ILB, në radio, në bulelvard, dikush pyeste : “Ku ka humbur Shefqet Meko?” Askush nuk e çante kokën. Askush nuk pyeste për mua, veç mallit tim për atë që kisha lënë pas. Gjok Uldedaj ishte kryetar i Dhomës së Tregëtisë dhe kishe organizuar një pritje. Më ftoi dhe mua. U ndjeva përsëri si në Shqipëri:Mes shokësh, miqsh dhe kolegësh. Gjoka duke më prezantuar me disa që nuk i njihja më tha: “Pse tradhëtuat Atdheun? E latë në duart tona dhe ne do ta bëjmë, jo ju që ikët…” “Ikëm për të ardhur Gjok”-i thashë. “Mos hajdeni. Nuk ju duam shko dhe mbytuni në Bunë se Lana ka shteruar. Shqipërinë do e bëjmë ne…” Të gjithë qeshëm…

Prej atij kthimi të parë nga Amerika, sa herë kam ardhur, asnjëherë nuk kam ikur pa u takuar me Gjok Uldedën, Rozën, bashkëshorten e Gjokës dhe familjen. Më shumë se një dekadë më parë ishte ditë marsi si kjo. Unë shëtisja në mendime mes lulishetes “Rinia”. Kujtoja lukuninë e kioskave, zhurmave, rrëmujës dhe zymtësisë në tranzicion . Një zë më bërtet nga restorant “Tajvani”: “Eja Çet Meko. Mos u mendo”. Ishte Gjok Uldedaj që më kishte pikasur në atë shëtitje të heshtur. “Hajde të hamë një picë. Jam me Rozën dhe fëmijët”. Ju bashkova asaj tavoline familjare që mbeti si një pikturë e bukur në kujtimet e mia: Gjoka, Roza-Trashëgimia. Një aureolë që krijon dashuria e vërtetë e një çifti, siç janë miqtë e mi. Gjoka ishte bërë edhe deputet, por kjo nuk ja kishte “rritë kryet”. Pëkundrazi, më ftoi në një drekë të thjeshtë familjare në ditlindjen e vet. Thjesht, bukur mes të qeshura fëmijësh. E ç’të duhet një diltindje tjetër? Prania ime ishte një rastësi e bukur që më vjen në mendje herë pas here.

Në atë tavolinë Gjok Uldeda dhe Roza do më respektonin si një mik të hershëm. Ne njiheshim familjarisht. Kisha qënë mysafir tek Gjoka dhe Roza herët në vitet 90-të, bashkë me Almën time dhe ajo darkë mbeti kujtesë dhe bujari e rrallë. Atë mars sikur Gjoka do më thoshte përsëri: “Pse ike more Çet Meko. Do kishim bërë gjëra të mira këtu”. Unë qesha përsëri. “Të ik të mbytem tek Buna?”- i thashë. “Jo, Buna është plot krapa…” Qeshnim. Më vinin në mendje shumë gjëra. Kujtoja edhe kur Gjok Uldedaj bashkë me Kristaq Patën, Sabah Senën, do ishin në bordin drejtues në Qëndrën Kerkimore të Zhvillimit Rural që unë kisha themeluar e tash është bërë “ilegale” në Tiranë. Duke kujtuar këtë fakt Roza dhe Gjoka gati me një zë më thanë: “Prit edhe pak. Edhe pak…Ajo qëndra që krijove do të të dukt një hiç.Ne kemi tjetër plan. Një plan të madh…” Ata nuk më dhanë detaje, por ajo ditlindje ishte edhe ditë-ëndërrimi. Çifti Uldedaj kishte plane të tjera, krejt ndryshe nga çdo çift që kishte kaluar në bankat e “Qytezës së Blertë”. Ata kishin filluar të bëheshin “çifti më egoist” i brezit tonë: Synonin të themelonin një shkollë private. “Ju nuk talleni!” ju thashë. “Nuk bëhet duke u tallur Shqipëria o Meko. Bëhet me punë…Do ta shohësh”- më tha atë pranverë Gjok Uldedaj…

Vjeshtë 2021. Kisha 10 vjet pa ardhur nga Amerika. Roza dhe Gjok Uldedaj më bëjnë një ftesë surprizë: “Eja të pimë një kafe tek Shkolla e Dakës”. Ajo vizitë më la pa mend. Çifti Uldedaj kishte blerë ndërtesën madhështore të ish-Fakultetit të Pyjeve: Aty ishte ngritur një fanar drite në shekullin e shkuar. Aty, Kristo Dako dhe Sevasti Qirjazi hapën kolegjin që çifti Uldedaj ëndërronte të ringrinte më të bukur, më të kompletuar dhe më modern. Aty, tek ajo ndërtesë kishte shumë histori, shumë ëndrra dhe zhgënjime. Roza Uldedaj nuk pushoi duke më rrefyer planet e mëdha se si Kolegji “Qirjazi” do të funksiononte, në çfarë degë do specializohej dhe si do të rekrutonin studentët e ardhshëm. “Nuk kemi më gjumë qysh kur kemi filluar këtë projekt” do më thoshte Roza me një enthuziazëm flakërues. Bashkë me Gjokën diskutojmë për shumë gjëra dhe nuk do tërhiqemi…Ne do bëjmë histori Meko”. Gjoka qeshte: “Po mos dëgjo Rozën o Meko…Më dëgjo mua. Unë jam President i Kolegjit. Ajo, asistentja ime. A kupton?…”

Ne qeshnim. Godina ishte në rindërtim dhe planet që më rrëfente çifti Uldedaj ishin ambicjoze si një ëndërrim i madh. Duke ndjekur atë pasion të natyrshëm, atë gurgullimë besimi tek vetja e tyre, më ardhën në mëndje çifti i parë që ndërtoi atë shkollë:Kristo Dako dhe Sevasti Qirjazi. Ky lloj entuzuasmi do ishte edhe brënda atij çiftit ëndërrimtar të fillimshekullit të shkuar? A e kishin menduar tmerrin që hoqën vetëm e vetëm se sillnin një dritëz diturie në Shqipëri?… Vallë të kishin parë ndonjë ëndërr që veprën e tyre që një sistem politik deshte ta varroste, por një “çift verior” do ta ringrinte më bukur duke vijuar “nusërimin” e dijes në atë kodër të bukur në Kamëz?…

Nuk ka një përgjigje. Nuk ka një shpjegim. Por ka diçka të veçantë: Stërnipi i “çiftit themeltar” të asaj shkolle, tashmë Kolegji Universitar “Qirajzi”, nga Honoluluja, nga “fundi i botës”, siç na ishte rrëfyer në fëmijëri, Arjan Hoxha si një mirënjohje thotë: “Gjok dhe Roza Uldedaj ringritën një ëndërr të bukur. Faleminderime nga Perëndimi i largët amerikan…”

Çifti Uldedaj, Gjoka dhe Roza, janë miqtë e mi dhe krenaria ime për atë që kanë bërë. Jo kushdo mund të bëjë diçka të tillë. “Egoizimi” i Uldedajve, kthimi i tyre tek shkolla ku provuan “pudhjen e parë” (Sipas arshivavae të mia), është një shembull i madh nxitës dhe kuptimplotë: Shqipërinë do ta bëjën ata që janë aty. Askush tjetër. Çifti Uldedaj e dëshmon këtë me “Egoizmin” intelektual që kapërcen shumë parashikime.

Sot, Gjok Uldedaj mbush 23741-ditënetë ose 65 pranvera-dimra të jetës së vet. Roza Uldedaj, vështron një ëndërr të bërë realitet, duke u përpjekur ta befasojë të dashurin e saj në këtë përvjetor ditlindje. Çfarë dhuratë mund ta befasojë Gjokën? Shkrimi im? Urimet po fund në këtë ditlindje, apo diçka tjetër?

Roza Uldedaj është një zonjë dinjitoze, që ja ka zbukuruar jetën dhe ëndërrimet Gjok Uldedës. Ajo ka suprizën e vet sekrete sot në këtë 3 Mars 2024, ndërsa unë nga Amerika gati me zë të ngjirur them: Qeshu Gjok, qeshu, Roza është e jotja….

EDHE 100 MIJË DITË-NETË TË TJERA GJOK ULDEDAJ!

Shefqet Meko
Minneapolis, 3 Mars 2024

Bashkimi i PD-së bëhet edhe ‘de jure’. Ja formula

Bashkimi i Grupit të Bardhit me atë të Berishës, tashmë do të bëhet edhe ‘de juro’, pasi ditën e martë, do të mblidhet Këshilli Kombëtar i kësaj force politike për të zyrtarizuar shkrirjen në një formacion të vetëm politik. Sipas burimeve për gazetarin e News24, Osman Stafa, kryesia e vogël e PD-së së Rithemelimit, ku bëjnë pjesë Sekretari i Përgjithshëm Flamur Noka, Nënkryetarët Luçiano Boçi, Oerd Bylykbashi si dhe kreu i Këshillit Kombëtar, Edi Paloka, janë mbledhur për të diskutuar formulën se si do të ndodhë kjo shkrirje.

Ky takim ka pasur edhe bekimin e Sali Berishës. News24 mësoi se formula e bashkimit do të bëhet nëpërmjet propozimeve për ndryshime statutore. Te njëjtat burime bëjnë me dije ditën e martë, 1 orë përpara mbledhjes së këshillit kombëtar të PD-së së Rithemelimit, do të mbledhet Kryesia e Partisë, ku do t’i propozohen ndryshimet statutore, që më pas do i kalojnë për miratim Këshillit Kombëtar.

Sipas informacioneve të siguruara, pritet që të propozohet se ai/ajo, që mban postin e kryetarit të grupit parlamentar, do të jetë automatikisht edhe nën/kryetar i partisë. Çka do të thotë se kreu i Grupit Parlamentar të PD-së Gazment Bardhi, pritet të jetë nënkryetar i Rithemelimit.

Burimet i thanë News24 se një tjetër propozim, do të jetë, se edhe ai i cili është nënkryetar i Kuvendit, do të ketë postin e nënkryetarit të partisë. E thënë ndryshe, nënkryetari i katërt i PD-së së Rithemelimit do të jetë Agron Gjekmarkaj. Bashkimi i grupit të Bardhit dhe Berishës do të prodhojë ndryshime edhe në kryesinë e partisë, ku në këtë forum do të bëjnë pjesë edhe deputetë të grupit të Gazment Bardhit.

Edhe sa i takon këtij ndryshimi, formula do të gjendet në propozimet për ndryshime statutore, ku me propozimin që do të bëhet, në kryesi automatikisht do të bëjnë pjesë kryetarë, nënkryetarë të komisioneve parlamentare, nënkryetari i grupit parlamentar, etj. Po ashtu një emër i cili ende nuk është bërë pjesë e mbledhjeve të grupit parlamentar të PD-së, është Jorida Tabaku. Kjo e fundit me ndryshimet statutore që priten të miratohen nga Këshilli Kombëtar, ka të drejtë të jetë anëtare e kryesisë. Por kjo sipas burimeve do të ndodhë në momentin kur Tabaku do të njohë PD-në e Rithemelimit.

Një tjetër emër i cili do të jetë në kryesi është edhe Ervin Salianji, i cili është nënkryetar i grupit parlamentar të PD-së. Një tjetër pikë e rendit të ditës, të martën, do të jetë edhe krijimi i grupeve të punës, që do të merren me zgjedhjet e kryetarëve të 19 degeve të PD-së, të cilat janë pa drejtues.

2 të vdekur nga shpërthimi në Lushnjë. Pas babait, ndërron jetë edhe djali

LUSHNJË – Shkon në 2 numri i viktimave nga shpërthimi i ndodhur në një magazinë në Lushnjë.

Gazetari Igli Çelmeta raporton për Balkanweb se pas babait Landi Verçani, ka ndërruar jetë edhe djali i tij.

Viktima rreth 20 vjeç, ka qenë pranë të atit, në momentin e shpërthimit. Ata kanë qenë të dy në vinç, kur ka ndodhur ngjarja e rëndë. I riu ka ndërruar jetë në ambulancë.

Nga shpërthimi në magazinë në Lushnjë, tashmë 2 persona (babë e bir) kanë ndërruar jetë dhe 7 të tjerë janë plagosur.bw

Shpërthim në Lushnje, 1 i vdekur dhe 8 të plagosur, mes tyre deputeti i PS, Çela

Lushnje, kapanoni ku ndodhi shpërthimi

Në Shqipëri, të paktën 1 person mbeti i vdekur dhe 8 të tjerë u plagosën si pasojë e një shpërthimi të ndodhur pasdite pak pas orës 16.00, në një kapanon në ndërtim, në zonën industriale të qytetit të Lushnjës. Mes të plagosurve është dhe deputeti socialist Bujar Çela, në pronësi të të cilit, mendohet të ketë qenë dhe kapanoni ku ka ndodhur shpërthimi.

Sipas policisë, shkak i ngjarjes dyshohet të ketë qenë një manovër e gabuar e drejtuesit të një vinçi, i cili aksidentalisht ka prekur linjën e tensionit të lartë, duke provokuar dhe shpërthimin.

Personi që ka humbur jetën mësohet të ketë qenë drejtuesi i vinçit. Ndër të plagosurit, 3 janë në gjendje të rëndë, me djegie dhe plagë të ndryshme. Deputeti socialist po ashtu i është nënshtruar një ndërhyrjeje kirugjikale, por mësohet të jetë jashtë rrezikut për jetën.

Shpërthimi në Lushnje- Rëndohet bilanci, një viktimë dhe 10 të plagosur mes tyre dhe deputeti i PS Bujar Çela

Një shpërthim i fortë ka ndodhur ditën e sotme në Lushnje. Si pasojë e këtij shpërthimi raportohet për një viktimë dhe disa të plagosur.

Sipas gazetares së SYRI TV nga ngjarja janë plagosur rëndë dy punëtorë dhe deputeti i PS, Bujar Çela.
Sipas informacioneve paraprake gjatë punimeve viçi ka prekur shtyllën e tensionit të lartë dhe për pasojë është shkaktuar edhe shpërthimi.

Shqipëria merr dronët Bayraktar, dërgohen në bazën e NATO-s në Kuçovë

Dronët Bayraktar, të blerë prej Shqipërisë nga Turqia, të vendosur në bazën ajrore në Kuçovë.

Ushtria e Shqipërisë i ka pranuar tre dronë të prodhimit turk Bayraktar.

Marrëveshje për blerjen e një flote me dronë të tillë është nënshkruar në dhjetor të vitit 2022.

Ende nuk dihet se sa ka kushtuar blerja e njërit prej tyre.

“Dronët Bayraktar, të njohur për efikasitetin dhe teknologjinë e tyre të avancuar, tashmë janë në Shqipëri! Prej dy ditësh, ka filluar montimi dhe paralelisht po kryhet instalimi i infrastrukturës mbështetëse për operimin dhe kontrollin e tyre”, ka shkruar ministri i Mbrojtjes, Niko Peleshi në Facebook.

Ai ka thënë se zotërimi i këtyre dronëve rrit aftësinë e mbrojtjes së Shqipërisë dhe është dëshmi e angazhimit për të garantuar sigurinë kombëtare.

Dronët Bayraktar janë vendosur në bazën e NATO-s në Kuçovë, e cila do të përurohet më 4 mars.

Dronët Bayraktar janë aeroplanë ushtarakë pa pilotë.

Kryeministri i Shqipërisë Edi Rama, pati thënë se marrëveshja për dronët është arritur falë partneritetit strategjik me Turqinë.

Rama e ka bërë të qartë se dronët do të përdoren edhe për misione ushtarake, por edhe policore dhe civile.

“Tre dronët që do të vijnë të parët do të jenë plotësisht të armatosur dhe të gatshëm për çdo rast dhe shpresoj që të mos ndodhë kurrë, por nuk jetojmë në kohë të sigurta. Kur siguria jonë kombëtare të jetë në kërcënim, do të jemi gati për luftë”, ka thënë Rama.

Marrëveshja përfshin, gjithashtu, trajnimin e më shumë se 30 personave, që do përzgjidhen me ndihmën e kompanisë “Bayraktar” për t’u përgatitur për të marrë funksionin e qendrës së kontrollit, që do jetë objekt i teknologjisë më të lartë në bazën ajrore të Kuçovës.

Droni TB2 është zhvilluar në Turqi nga Selcuk Bayrakar, i diplomuar në Institutin e Teknologjisë të Masaçusetsit.

Droni Bayraktar mund të qëndrojë në qiell deri në 27 orë dhe kjo mundësohet nga një motor i thjeshtë me helikë dhe po ashtu mund të fluturojë deri në 150 kilometra nga baza e tij.

Dronët TB2 janë përdorur nga Turqia në ato që ajo i quan operacione “kundër terrorizmit” kundër militantëve kurdë, por edhe në luftën civile që ende po vazhdon në Libi.REL

Koka zbulon darkën treshe Rama-Vuçiç-Soros: Ky ishte në fakt samiti i Tiranës

Gazetari Bledian Koka i ftuar në ‘Task Force’ me Sonila Meçon në SYRI TV ka treguar se pas samitit Rama, Vuçiç dhe Soros kanë ngrënë darkë bashkë.

Sipas Kokës, në fakt ky ishte samiti i Tiranës i organizuar nga Rama, ku fitues ishte Vuçiçi.

‘Mbrëmë kanë ngrënë darkë vetëm ata të tre, Vuçiç, Rama dhe Soros.

Ky ishte samiti në fakt.

I vetmi i fituar i samitit ishte Vuçicic. Zelensky erdhi për të marrë diçka, por ai që mori më shumë ishte Vuçiçi sepse përjashtoi mundësinë që të përmendjen qoftë edhe njëherë të vetme Kosova, meqë po flasim për paqen.

Dhe e dyta ishte që falë ndërhyrjes së Vuçiç, Rusia nuk qenka faktor rreziku në rajonin e Ballkanit. Ai qenka për Europën dhe jo për rajonin e Ballkanit.

Deklarata fundore thoshte ne presidentët dhe ju shtetet, dhe as rajoni.

Edhe vazhdimi i sotëm nuk morëm gjë vesh nëse do të marrim lek apo jo. Do të anëtarësohemi apo jo në BE, na mban peng apo jo Greqia me Belerin.

Sorosi e ka bërë të qartë që është me Edi Ramën. Njëri thotë vëllai im, tjetri thotë vëllai im, si Veliaj.

Ata e kanë zgjedhur si aleat, sepse vetëm duke pasur aleat Xhorxh Sorosin mund të fitojnë zgjedhjet.

Pyetja është çfarë do të bëjë opozita?

Opozita zgjidhjen duhet ta gjejë tek 20 shkurti. E bëmë protestën ne, po për çfarë e bëmë ne. Protesta duhet të shtrojë hapat që duhet të ndjekë opozita, që janë kushtet e lojës që opozita të shkojë në zgjedhjet e 2025.

Një nga zgjedhjet e para është kërkesa që duhet të fillojë sot dhe nuk duhet të përfundojë deri në plotësimin e saj, një qeveri teknike 6 muaj para zgjedhjeve’, tha gazetari Bledian Koka në SYRI TV.

Liderët ballkanikë mblidhen në Tiranë për planin e rritjes ekonomike

Në Tiranë të Shqipërisë, udhëheqësit e shteteve të Ballkanit Perëndimor dhe komisionari evropian për Zgjerim, Oliver Varhelyi, marrin pjesë në samitin rajonal mbi planin e rritjes ekonomike të Bashkimit Evropian për rajonin.

Kryeministri i Shqipërisë, Edi Rama, tha përmes një postimi në Facebook se ky plan do të mundësojë një “mbështetje të re për gjashtë vendet e rajonit tonë”. Vlera e ndarë nga BE-ja për këtë plan për periudhën 2024-2027 është 6 miliardë euro.

Kryeministri i Kosovës, Albin Kurti, “për shkak të angazhimeve të mëparshme”, nuk do të jetë i pranishëm fizikisht në samitin e 29 shkurtit, tha për Radion Evropa e Lirë zëdhënësi i Qeverisë së Kosovës, Përparim Kryeziu.

“Megjithatë, Kurti do të jetë pjesë e samitit virtualisht përmes një video-adresimi”, tha Kryeziu.

Plani i BE-së për Ballkanin Perëndimor synon rritjen ekonomike të rajonit, përshpejtimin e reformave të duhura, dhe kryerjen e investimeve, që mund të avancojnë procesin e zgjerimit të BE-së me këto vende.

Një samit i ngjashëm për këtë plan u mbajt më 22 janar në Shkup të Maqedonisë së Veriut.

Çka është plani për rritjen ekonomike në Ballkanin Perëndimor?

Plan i ri për rritje ekonomike në vendet e Ballkanin Perëndimor, i miratuar nga Komisioni Evropian, më 8 nëntor të vitit 2023, është i bazuar në katër shtylla.

Shtylla e parë është “forcimi i integrimit ekonomik në tregun unik të BE-së”.

Kjo do të varet nga përshtatja e vendeve të rajonit me rregullat e tregut unik dhe paralelisht hapja e tregut të tyre në sektorët përkatës për vendet fqinje.

Shtylla e dytë e këtij plani është “forcimi i integrimit ekonomik brenda Ballkanit Perëndimor përmes tregut të përbashkët rajonal”.

Kjo, sipas përvojës së BE-së do të ndikojë në një rritje potenciale ekonomike prej 10 për qind.

Shtylla e tretë e këtij plani është “përshpejtimi i reformave fundamentale“. Kjo nënkupton dhe sundimin e ligjit që ndihmon edhe në tërheqjen e investimeve direkte të huaja dhe forcon stabilitetin rajonal.

Shtylla e katërt e planit të ri të Komisionit Evropian për rritje ekonomike në Ballkanin Perëndimor është “rritja e asistencës financiare për të ndihmuar reformat“. Këtu përfshihet edhe propozimi për 6 miliardë euro ndihmë.

Pasi vendet e rajonit në raportet tregtare me Bashkimin Evropian përfitojnë edhe nga Marrëveshjet përkatëse të Stabilizim-Asociimit, KE-ja propozon që të shkohet edhe përtej kësaj, duke bërë edhe ndryshime në këto marrëveshje për të mundësuar kushte të barabarta në treg dhe mes vendeve në procesin e zgjerimit dhe vendeve anëtare të BE-së.

Të gjitha këto qëllime janë në përputhje edhe me idetë që po realizohen përmes Procesit të Berlinit, si dhe krijimin e “tregut të përbashkët rajonal”.REL

Minutë pas minute- Mbi një orë punime, përfundon Samiti për Ukrainën në Tiranë

Pas gati 1 orë punime, ka përfunduar samiti në nder të Ukrainës, që po mbahet në Tiranë.

Pas daljes nga salla e Pallatit të Kongreseve, liderët bënë një foto familjare.

I pari që ka folur në samit ka qenë kryeministri Rama, i cili tha se lufta nisi nga një ëndërr e vjetër perandorake, ku presidenti rus Putin synonte fshirjen e Ukrainës nga harta.

Ndërkohë presidenti i Ukrainës Zelensky ka propozuar krijimin e një forumi të posaçëm për industrinë e mbrojtjes mes vendit të tij dhe Ballkanit.

Përditësim minutë pas minute:

13:08/ Mbi një orë punime, përfundon Samiti për Ukrainën në Tiranë

Pas gati 1 orë punime, ka përfunduar samiti në ndër të Ukrainës, që po mbahet në Tiranë. Pas daljes nga salla e Pallatit të Kongreseve, liderët bënë një foto familjare.

12:00/ “Po përcaktohet rruga që do ndjekë Europa në brezat e ardhshëm”, Zelensky në Samitin për Ukrainën në Tiranë: Regjimi i Putinit duhet të humbasë

Presidenti i Ukrainës Volodymir Zelensky ka falenderuar kryeministrin Edi Rama për ndihmën e tij personale dhe ndihmën e Shqipërisë që nga nsiaj e luftës nga Rusia.

Ai tha se kjo është koha kur po përcaktohet rrugëtimi që do ndjekë Europa në brezat e ardhshëm, ndërsa ka shtuar se regjimi i Putinit duhet të humbasë.

Sipas tij, presidenti rus kërkon që diktatet e vjetra të vendosin se çfarë duhet të bëjnë kombet.

Zelensky: Falenderoj Ramën për mbështetjen tuja personale dhe kombëtare. Është hera e dytë që takohemi në një format të tillë, i pari në Athinë. Vlerësoj mikpritjen dhe mundësinë për të diskutuar si mund të fuqizojmë të gjithë Europën. Tani po përcaktohet rrugëtimi që do ndjekë Europa në brezat e ardhshëm.
Putini, gjithçka që ai bën është një përpjekje që diktatet e vjetra të vendosin se çfarë duhet të bëjnë kombet. E rëndësishme për shtetet tona të lira që regjimi i Putinit të humbasë.
Vizioni ynë për Europën bazohet tek parimi i dinjitetit. Nuk duhet të ketë Europë me dinjitete të ndryshme në të.

Ne besojmë se respekti për çdo komb dhe e drejta për të pasur siguri duhet të jenë parime universale. Të gjitha këto përmes bashkëpunimit tonë. Ne besojmë se çdo shtet në BE që ruan parimet e komunitetit evropian dhe dëshiron të bëhet anëtar i komuniteteve meriton anëtarësimin e plotë. Ukraina mbështet përpjekjet tuaja për integrimin evropian dhe u jemi mirënjohës për mbështetjen që na jepni neve për integrimin evropian. Ne të gjithë meritojmë të jemi pjesë e komuniteteve evropiane dhe euroatlantike.

Gjatë kësaj lufte ne kemi vërtetuar se është e mundur t’i bësh ballë dhe të fitosh mbi një armik që duket si një nga më të fortët në botë. Çdo komb mund t’ia dalë përmes bashkëpunimit mes vendeve. Ne propozojmë që këto përpjekje tonat të gërshetohen dhe të fuqizohen. Jemi krenarë që kemi rreth 500 kompani në fushën e mbrojtjes që operojnë në Ukrainë, por kjo nuk mjafton të fitojmë mbi Putinin. Ne shohim probleme në ofertën sa i përket municioneve, ndaj jemi të interesuar në bashkëprodhimi ne municioneve me ju. Ekipi ynë do të prezantojë detajet dhe propozojmë që të organizohet një forum i posaçëm për industrinë e mbrojtjes mes Ukrainës dhe Ballkanit

12:00/ Nis Samiti për Ukrainën, Rama: Lufta nisi nga një ëndërr e vjetër perandorake. Putin donte të fshinte Ukrainën nga harta, por…

Kryeministri Edi Rama, si i zoti i shtëpisë, ka hapur sot punimet në samitin për Ukrainën që po mbahet në Tiranë. Kreu i qeverisë shqiptare foli për një të ardhme të përbashkët, ku fokusi është te paqja.

Ai tha se lufta si një ëndërr e vjetër perandorake dhe se Putin donte që të fshihte Ukrainën nga harta.

Rama: Jemi thellësisht të nderuar që Zelensky bëri udhëtimin në Tiranë mes punës dhe qëndresës ndaj luftës në Ukrainë. Kjo është një luftë që as Ukraina e as bashkësia e Kombeve nuk e zgjodhën, një katastrofë e ngjizur nga një ëndërr e vjetër e një ëndrre perandorake. Prania juaj këtu, kujtesë që ai nuk ia ka dalë, nuk ka shtypur vullnetin e popullit ukrainas të jenë të lirë. Putini donte të fshinte Ukrainën nga harta brenda disa ditësh, por sot ajo është më e pranishme se kurrë.

Sapo kemi kaluar përvjetorin e dytë të sulmit rus në Ukrainë. Duam të përtërijmë thirrjen tonë për Rusinë të ndalë këtë luftë dhe të angazhohemi për paqen. Një paqe që respekton Ukrainën dhe të drejtat e saj. Mblidhemi këtu për të konfirmuar se mbetemi të vendosur përkrahë Ukrainës përballë një kërcënimi real për rendin e Europës dhe atë global.

E them herë pas here, mikut tim të dashur, presidentit ukrainas, vetë nuk kemi kapacitetet për të ofruar mbështetjen financiare e ushtarake për Ukrainën, por I bashkohemi thirrjes për pjesëtarët më të mëdhenj të aleancës sonë se siguria jonë varet nga mbështetja e tyre, e cila nuk duhet të jetë peng i vonesave burokratike. Në këtë rajon, pas më shumë se një çerek shekulli brenga të lëna nga shpërbërja e ish-Jugosllavisë dhe dikaturës së fundit të Europës ende duhen shëruar.

E vetmja zgjidhje që kemi është të rezistojmë ndaj forcave që duan të shpërbëjnë atë që kemi ndërtuar deri tani. Duhet të vazhdojmë të gjithë të jemi së bashku dhe të mobilizojmë lidhjet dhe kapacitetet tona. Nuk duhet ta lëmë Ukrainën të humbasë dhe Rusinë të fitojë. Një rezultat i tillë do të ishte i papërballueshëm dhe ekzistenca e BE do ishte në rrezik.

11:50/ Bashkëdrejtues Rama dhe Zelensky, nis në Tiranë Samiti për Ukrainën

11:23/ Samiti për Ukrainën, Vuçiç mbërrin në Pallatin e Kongreseve, pritet nga Rama dhe Zelensky

Presidenti i Serbisë Aleksandër Vuçiç ka mbërritur në Pallatin e Kongreseve, ku është pritur nga kryeministri Edi Rama dhe presidenti i Ukrainës Volodymir Zelensky.

Serbia është i vetmi shtet në rajoni që nuk pranon të vendosë sanksione për Rusinë, e cila prej dy vitesh ka pushtuar Ukrainën.

“Ne kemi disa propozime për deklaratën, do të shohim… E vetmja gjë që mund të them është se do t’i përmbahem parimeve të miratuara nga Këshilli i Sigurisë Kombëtare i Republikës së Serbisë dy vjet më parë”, u tha Vuçiç gazetarëve

11:13/“Do të jemi këtu deri në fitoren e Ukrainës”, Vjosa Osmani para Samitit në Tiranë: Do të kërkojmë njohjen e Kosovës, përballje me Vuçiç për…

Presidentja e Kosovës Vjosa Osmani ka mbërritur në Tiranë për zhvillimin e Samitit për Ukrainën.

Osmani është takuar me Presidentin ukrainas Zelensky dhe kryeministrin Rama, ndërsa ka thënë për mediat se në samit do të shprehet mbështetja për Ukrainën duke folur për hapa konkretë.

Ajo u shpreh se do të kërkojë edhe njohjen e Kosovës nga Ukraina, por me mirëkuptimin se Ukraina është në një situatë lufte dhe se njohja do të vijë pas fitores së Kievit.

Po ashtu, e pyetur mbi ballafaqimin e mundshëm me delegacionin serb apo presidentin Vuçiç, ajo tha se gjithmonë ka pasur ballafaqime me palën serbe.

Osmani: Ka shumë rëndësi sepse do kemi mundësi që si aleatë në vlera të japim gjithë mbështetjen tonë për Ukrainën siç kemi bërë nga dita e parë e agresionit të paprovokuar rus. Këtë do ta bëjmë edhe më tej. Sot në samit do të flasim për hapa konkretë.

A do të kërkoni njohjen e Kosovës nga Ukraina?

Osmani: Këto janë çështje bilaterale, do ta bëjmë një kërkesë të tillë me mirëkuptimin e plotë se Ukrainë është në situatë lufte dhe jam e bindur se ai moment do të vijë me fitoren e Ukrainës.

A do të ballafaqoheni me presidentin serb?

Osmani: Gjithmonë kemi ballafaqime me ta.

11:05/Minutë pas minute/ Sot në Tiranë Samiti për Ukrainën, Rama dhe Zelensky në tapetin e kuq, presin mbërritjen e mysafirëve te Pallati i Kongreseve

Kryeministri Edi Rama pret para Pallatit të Kongreseve mbërritjen e liderëve për pjesëmarrjen në Samitin e Ukrainës. Së bashku me Ramën në tapetin e kuq është edhe presidenti i Ukrainës Volodymir Zelensky bashkëorganizator i samitit.

10:40/Samiti për Ukrainën, eskorta e Aleksandër Vuçiçi mbërrin në Tiranë

Pamjet që shihni tregojnë momentin kur në Tiranë vjen eskorta e presidentit Alekesandër Vuçiç.

Makina të shumta policie shoqërojnë eskortën e presidentit serb, i cili do të marrë pjesë në samitin në nder të Ukrainës.

09:23/ Rama dhe Zelensky firmosin Traktatin e Miqësisë dhe Bashkëpunimit mes Shqipërisë dhe Ukrainës

Në kuadër të Samitit “Ukrainë – Europa Juglindore” dhe vizitës së Presidentit të Ukrainës Volodymyr Zelensky në Tiranë u nënshkrua sot “Traktati i Miqësisë dhe Bashkëpunimit mes Republikës së Shqipërisë dhe Ukrainës”, nga Kryeministri Edi Rama dhe Presidenti i Ukrainës Volodymyr Zelensky.

Traktati i shërben konsolidimit të miqësinë mes dy vendeve dhe popujve, përmes zgjerimit dhe forcimit të bashkëpunimit në fusha të ndryshme me interes të ndërsjellë.

Në nisje të ceremonisë së nënshkrimit, Presidenti i Ukrainës Volodymyr Zelensky i dorëzoi Kryeministrit Rama Urdhërin e Princit Jaroslav i Urti, për kontributin e jashtëzakonshëm personal, gjithashtu edhe për mbështetjen.

Shqipëria është renditur që në krye të herës përkrah vendeve mbështetëse të Ukrainës dhe luftës së saj të drejtë në mbrojtje të popullit ukrainas, – duke luajtur një rol të rëndësishëm në Këshillin e Sigurimit të OKB-së për të fituar mbështetje diplomatike për Ukrainën, si dhe duke vendosur theksin te nevoja thelbësore për një veprim efektiv shumëpalësh, si metoda më e mirë për zgjidhjen e problemeve të përbashkëta, në mënyrë të vecantë, të paqes e sigurisë.

09:03/ Nis takimi kokë më kokë mes Ramës dhe Zelenskyt
Kryeministri Edi Rama e ka pritur presidentin Zelensky në hyrje të Kryeministrisë, për të nisur një takim kokë më kokë mes tyre. Pasi kanë shtrënguar duart, Rama i ka uruar mirëseardhje Zelenskyt dhe më pas, bashkë me stafin që e shoqëron presidentin ukrainas, janë futur në Kryeministri.

08:49/ “Rama, mik i pakompromis i Ukrainës”, Zelensky për vizitën në Tiranë: Në samit do të flasim për rrugën e përbashkët drejt qëllimit euroatlantik

Teksa ndodhet në Tiranë, ku pritet të takohet pas pak minutash me kryeministrin Edi Rama dhe më pas t’i bashkohet samitit në nder të Ukrainës, vjen një mesazh nga presidenti Zelensky. Përmes një reagimi në rrjetet sociale, Zelensky thekson se është në Tiranë, ndërsa e cilëson Ramën një mik të pakompromisë të Ukrainës.

Postimi:
Sot ndodhem në Tiranë. Do të takohem me Edi Ramën, një mik të pakompromis të Ukrainës dhe do të marr pjesë në samitin “Ukrainë – Evropë Juglindore”.

Ne do të zhvillojmë negociata me Kryeministrin e Shqipërisë dhe ekipin e tij për bashkëpunimin në mbrojtje dhe politikë, mbështetjen për Formulën e Paqes dhe punën për marrëveshjet e sigurisë. Shqipëria është një nga vendet që iu bashkua Deklaratës së Vilniusit të G7, për të cilën jemi shumë mirënjohës.

Në samitin “Ukrainë – Evropë Juglindore”, i cili mbahet për herë të dytë, do të flasim për rrugën tonë të përbashkët drejt qëllimit euroatlantik. Unë ofroj të mbështes përpjekjet e Ukrainës për të siguruar një paqe të drejtë dhe të qëndrueshme, organizimin e Samitit Global të Paqes në Zvicër.

Do të zhvilloj takime dypalëshe me pjesëmarrësit e samitit.

08:35/ “1500 vite bukuri e pathyer”/ Posta Shqiptare nxjerr pullën postare në nder të Ukrainës, të ardhurat në ndihmë të luftës

Në nder të vizitës së presidentit të Ukrainës Volodymir Zelensky në Tiranë, pullën postare kushtuar Ukrainës. Në pulla paraqiten dy vajza Ukrainase, nën dixhiturën: Ukraina, bukuri e pathyer për më shumë se 1500 vite.

Të ardhurat nga shitja e pullave postare do të shkojnë për mbledhjen e fondeve me qëllim sigurimin e pajisjeve të demontimit.

08:24/ “Rroftë Ukraina”, ministri Kuleba përshëndet në shqip nga Tirana: Mirënjohës për mbështetjen! Rusia të mbahet përgjegjës për krimet e luftës

Ministri i jashtëm Igli Hasani po mban një konferencë të përbashkët me homologun e tij ukrainas Dmitro Kuleba.

Kuleba: Është mirë të jesh në Tiranë si pjesë e delegacionit që shoqëron presidentin Zelensky. Samiti tregon se sa vlerësim gëzon Shqipëria në rajon.
Sot diskutuam bashkëpunimin dypalësh, Shqipëria mike e mirë e Ukrainës, dua ta falenderoj për ndërmarrjen humantiare për rehabilitimin e fëmijëve ukrainas prindërit e të cilëve janë vrarë në luftë. Çdo mbështetje është e vlerësuar.
Më kujtohet me mirënjohje mandati i Shqipërisë në Këshillin e Sigurimit dhe mënyra si keni marrë pjesë në diskutimet për Ukrainën.
Informova ministrin për situatën në front dhe sulmet me dronë e raketa. E rëndësishme që Rusia të mbahet përgjegjëse për krime te agresionit dhe krimet e luftës.
Pritshmëritë tona është që një nga rezultatet e samitit të Uashingtoonit do jetë që Ukrainë do të jetë një hap më pranë anëtarësimit.

Të dashur miq, rroftë Ukraina!

08:21/ “Mbështesim sovranitetin e Ukrainës”, Hasani në krah të homologut Kuleba: Po punojmë për hapjen e ambasadës shqiptare në Kiev

Ministri për Europën dhe Punët e Jashtme, Igli Hasani ka dalë sot në një deklaratë të përbashkët për media me homologun e tij ukrainas, Dmytro Kuleba.

Hasani: Nder i veçantë të kemi sot mes nesh në Tiranë pranishëm Ministrin Kuleba, Ministër i Jashtëm i Ukrainës, në një moment kur vendi i tij është nën një sulm të paprecedentë dhe të pajustifikuar që prej dy vitesh nga Federata Ruse. Shqipëria mbështet sovranitetin, lirinë, pavarësinë, tërësinë territoriale të Ukrainës.
Shqipëria dënon me forcë agresionin rus ndaj Ukrainës dhe do të vijojë përpjekjet për ta mbajtur Rusinë përgjegjëse për krimet e kryera në Ukrainë. Shqipëria mbështet Planin me 10 Pika të Presidentit Zelenski, si mundësia më realiste për dhënien fund të luftës dhe arritjen e një paqeje të qëndrueshme. Së bashku me aktorë dhe vende të tjera, kemi marrë tashmë angazhimin për bashkëpunim në realizimin e Pikës 5 që Ka të bëjë me “Rivendosjen e tërësisë territoriale dhe sovranitetit të Ukrainës”, si një nga objektivat më imediatë të përfundimit të luftës.

Jemi në koordinim të plotë me të gjitha vendet tona partnere dhe aleate për përballimin e situatës në mbështetje të plotë për Ukrainën. Për më tepër, Shqipëria e ka vendosur si përparësi të punës së saj trajtimin e situatës në Ukrainë dhe dënimin e agresionit rus, në të gjitha forumet ndërkombëtare, siç kemi bërë gjatë periudhës dy-vjeçare në Këshillin e Sigurimit të OKB-së, siç po veprojmë në kuadër të anëtarësisë tonë në KDNJ, apo edhe organizmat rajonale, ku këtë vit kemi edhe kryesimin e nismave të BSEC, CEI, Karta e Adriatikut. Pas përfundimit të detajeve ligjore e financiare, jemi në fazën e përgatitjeve teknike për hapjen e Ambasadës së Shqipërisë në Kiev, duke mbajtur në vëmendje edhe situatën e sigurisë në kryeqytetin e Ukrainës, por shpresojmë që inaugurimi të ndodhë në Pak muajt e ardhshëm.

Kemi zhvilluar bisedë të sinqertë e konstruktive për marrëdhëniet e mira e pozitive që ekzistojnë midis dy vendeve tona, si edhe kemi folur për rrugët e mënyrat e çuarjes së tyre përpara, me qëllim forcimin e lidhjeve mes Shqipërisë dhe Ukrainës. Më lejoni të nënvizoj disa aspekte në këtë drejtim: Kemi folur për ndihmën ekonomike e financiare që Shqipëria mund të ofrojë për përballimin e situatës në Ukrainë, por edhe për rindërtimin e saj, që shpresojmë të ndodhë sa më parë, pa asnjë vonesë; Kemi diskutuar për mënyrat e rritjes së bashkëpunimit ekonomik, pasi këto marrëdhëniet duhet të ngrihen në nivelin e atyre marrëdhëniet të shkëlqyera politike që ne kemi. Ekzistojnë mundësitë që shkëmbimet tregtare, edhe pse në të tilla kushte të jashtëzakonshme, të marrin një dimension të ri në rritje;

Jemi të lumtur për avancimin e Ukrainës në rrugën e saj pro-evropiane dhe urojmë që vendimi i Këshillit Evropian për hapjen e negociatave të anëtarësimit të shtrojë rrugën për nisjen e tyre sa më parë. Jemi të gatshëm që të ofrojmë edhe përvojën tonë të deritanishme në këtë proces. Shprehim bindjen se me rrugën e saj euroatlantike, Ukraina është e vendosur që e ardhmja e saj të jetë në krah të demokracisë, lirisë dhe vlerave evropiane. Dhe së fundi, uroj që Samiti i përbashkët midis vendeve të Evropës Juglindore dhe Ukrainës që fillon pas pak çastesh, i pari i këtij formati dhe që kemi nderin ta zhvillojmë në Tiranë, të jetë frytdhënës dhe të ofrojë perspektiva të reja për të ardhmen e Ukrainës dhe popullin të saj.”, tha Hasani.

AGJENDA

E mërkurë, 28 shkurt

09.00 – Presidenti Zelenskyy do të mikpritet nga Kryeministri Rama, në Kryeministri.
Mediat do të kenë akses në Bulevardin “Dëshmorët e Kombit”, përpara godinës së Këshillit të Ministrave.

09.05 – Kryeministri Rama do të zhvillojë një takim kokë më kokë me Presidentin e Ukrainës Zelenskyy.

9.30 – Takimi bilateral mes dy delegacioneve.
Pamjet dhe fotot e takimeve do të shpërndahen për median në kanalet zyrtare të komunikimit dhe platformat e tjera sociale.

10.10 – Firmosja e marrëveshjes mes Shqipërisë dhe Ukrainës
Transmetim i drejtpërdrejtë në kanalet zyrtare të komunikimit dhe në platformat sociale

11.00 – Doorstep dhe mbërritja e liderëve ( Pallati i Kongreseve)
Akses të gjithë mediat, përpara Pallatit të Kongreseve

11.30-Kryeministri Edi Rama dhe Presidenti i Ukrainës Volodymyr Zelenskyy do të mbajnë fjalët hapëse të Sesionit.
Transmetim i drejtpërdrejtë në kanalet zyrtare të komunikimit dhe në platformat sociale

13:00 – Foto Familjare
Të gjitha mediat

13.30 – Kryeministri Rama dhe Presidenti i Ukrainës Volodymyr Zelenskyy do të mbajnë një Konferencë të përbashkët për shtyp.

(BalkanWeb)

Zelensky dhe Rama nënshkruajnë Traktatin e Miqësisë e Bashkëpunimit

Presidenti i Ukrainës, Volodymyr Zelensky dhe kryeministri i Shqipërisë, Edi Rama, kanë nënshkruar të mërkurën në Tiranë “Traktatin e Miqësisë dhe Bashkëpunimit” dhe dy vendeve. Ata e kanë nënshkruar këtë traktat në kuadër në samitit “Ukrainë – Evropa Juglindore” që po mbahet në kryeqytetin e Shqipërisë.

Kryeministria e Shqipërisë ka thënë se “traktati i shërben konsolidimit të miqësisë mes dy vendeve dhe popujve, përmes zgjerimit dhe forcimit të bashkëpunimit në fusha të ndryshme me interes të ndërsjellë”.

Më herët gjatë ditës, në Tiranë janë takuar edhe ministri i Jashtëm ukrainas Dmytro Kuleba me ministrin e Shqipërisë për Evropën dhe Punët e Jashtme, Igli Hasani.

Kuleba e ka falënderuar të mërkurën Shqipërinë për organizimin e samitit për vendin e tij dhe ka përsëritur se është shumë e rëndësishme që Rusia të mbahet përgjegjëse për luftën e nisur në Ukrainë më 2022. Ai e ka falënderuar Shqipërinë për nismat e saj humanitare pas nisjes së luftës, përfshirë rehabilitimin e fëmijëve, prindërit e të cilëve janë vrarë në luftë.

Kryediplomati shqiptar, Igli Hasani, ka bërë të ditur se autoritetet janë në fazën e përgatitjeve për hapjen e Ambasadës shqiptare në Kiev, dhe se shpreson që inaugurimi të ndodhë “në muajt e ardhshëm”.

Në samitin në Tiranë do të marrin pjesë disa liderë të Evropës juglindore. Sipas agjendës Rama dhe Zelensky pritet të mbajnë fjalime hapëse dhe pastaj një takim prapa dyerve të mbyllura. Samiti do të përmbyllet me daljen e tyre në një konferencë për media.

Lufta në Ukrainë ka nisur më 24 shkurt të vitit 2022. Presidenti rus Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.sn

Vjosa Osmani para Samitit në Tiranë: Do të kërkojmë njohjen e Kosovës

Presidentja e Kosovës Vjosa Osmani ka mbërritur në Pallatin e Kongreseve në kuadër të samitit që do të zhvillohet në vijim për Ukrainën.

Osmani është takuar me Presidentin ukrainas Zelensky dhe kryeministrin Rama, ndërsa ka thënë për mediat se në samit do të shprehet mbështetja për Ukrainën duke folur për hapa konkretë.

Ajo u shpreh se do të kërkojë edhe njohjen e Kosovës nga Ukraina, por me mirëkuptimin se Ukraina është në një situatë lufte dhe se njohja do të vijë pas fitores së Kievit.

Po ashtu, e pyetur mbi ballafaqimin e mundshëm me delegacionin serb apo presidentin Vuçiç, ajo tha se gjithmonë ka pasur ballafaqime me palën serbe.

Osmani: Ka shumë rëndësi sepse do kemi mundësi që si aleatë në vlera të japim gjithë mbështetjen tonë për Ukrainën siç kemi bërë nga dita e parë e agresionit të paprovokuar rus. Këtë do ta bëjmë edhe më tej. Sot në samit do të flasim për hapa konkretë.

A do të kërkoni njohjen e Kosovës nga Ukraina?

Osmani: Këto janë çështje bilaterale, do ta bëjmë një kërkesë të tillë me mirëkuptimin e plotë se Ukrainë është në situatë lufte dhe jam e bindur se ai moment do të vijë me fitoren e Ukrainës.

A do të ballafaqoheni me presidentin serb?

Osmani: Gjithmonë kemi ballafaqime me ta.

Kuleba: Anëtarësimi i Ukrainës në NATO rrit edhe sigurinë e Ballkanit Perëndimor

Tiranë – Ministri i Jashtëm i Ukrainës, Dimtry Kuleba, ka dhënë një deklaratë për shtyp sot gjatë takimit që ka zhvilluar me homologun e tij shqiptar Igli Hasani në nisje të Samitit Ukrainë – Evropë Juglindore në Tiranë.

Kryediplomati ukrainas e vlerësoi mbështetjen e dhënë nga Shqipëria deri më sot dhe paralajmëroi mbajtjen e një Samiti tjetër në Uashington nga vendet anëtare të NATO ku theksoi se “pritshmëritë tona janë që mes të tjerash, një prej rezultateve të Samitit të Uashingtonit të jetë një hap më përpara drejt anëtarësimit të Ukrainës, që në fund do ta bëjë edhe këtë pjesë të Europës më të sigurt, por do të rritë edhe sigurinë e Ballkanit Perëndimor.”

Kuleba tha: “Është vërtet mirë të jesh në Tiranë si pjesë e delegacionit të Presidentit Zelensky. Ju jam mirënjohës juve i dashur koleg që organizuar këtë samit kaq të rëndësishëm, sepse përfshin një volum shumë të madh pune përsa i takon përfaqësimit. Ky samit dërgon një mesazh të qartë se ne mbetemi të bashkuar e do të mbrojmë së bashku vlerat tona që bashkëndajmë.

Sot Igli dhe unë diskutuam bashkëpunimin dypalësh dhe punën në grup në nivel ndërkombëtar. Shqipëria është një mike e mirë e Ukrainës dhe e ndiejmë shpatullën e e saj mike në çdo nivel.

Çdo mbështetje që Shqipëria i afron Ukrainës është e vlerësuar. Sot informova ministrin për situatën në front dhe sulmet me dron dhe me raketa të Rusisë çdo ditë. Është e rëndësishme që Rusia të mbahet përgjegjëse për krimin e agresionit dhe krimin e luftës të kryera në rrjedhën e luftës dhe do të donim të intensifikonim përpjekjet tona në këtë drejtim.

Ne ramë dakord të vazhdojmë të bashkërendojmë ngushtë sa i takon rrugëtimit tona për integrimin evropian. Ato duhet të përplotësojnë njeri – tjetrin.

Sigurisht, Shqipëria është edhe një partnere e rëndësishme si anëtare e NATO ndaj diskutuam përgatitjet për Samitin e NATO në Uashington dhe e vlerësova gatishmërinë e ministrit Igli Hasani për të bashkërenduar dhe ndihmuar në këto përgatitje për këtë mbledhje të rëndësishme.

Pritshmëritë tona janë që mes të tjerash, një prej rezultateve të Samitit të Uashingtonit do të jetë një hap më përpara drejt anëtarësimit të Ukrainës, që në fund do ta bëjë edhe këtë pjesë të Europës më të sigurt, por do të rritë edhe sigurinë e Ballkanit Perëndimor,” nënvizoi Ministri i Jashtëm i Ukrainës.sn

Hasani – Kuleba: Shqipëria mbështet planin me 10 pika të Zelensky për dhënien fund të luftës

Tiranë – Ministri Jashtëm i Shqipërisë Igli Hasani dhe Ministri i Jashtëm i Ukrainës. Dmytro Kuleba, kanë zhvilluar një takim dypalësh këtë mëngjesnë Tiranë përpara hapjes së Samitit dyditor Ukrainë – Evropa Juglindore ku dhe kanë firmosur një marrëveshje bashkëpunimi.

Më pas ata dhanë një deklaratë mediave.

Kryediplomati shqiptar Igli Hasani tha: “Është nder i veçantë të kemi sot në Tiranë të pranishëm Ministrin Kuleba, ministrin e Jashtëm të Ukrainës në një moment kur vendi i tij është nën një sulm të paprecedentë dhe të pajustifikuar nga Federata Ruse.

Shqipëria mbështet sovranitetin, pavarësinë, tërësinë territoriale të Ukrainës. Shqipëria dënon me forcë agresionin rus ndaj Ukrainës dhe do të vijojë përpjekjet për ta mbajtur Rusinë përgjegjëse për krimet e kryera në Ukrainë. Shqipëria mbështet planin me dhjetë pika të Presidentit Zelensky si mundësia më realiste për dhënin fund të luftës dhe arritjen e një paqeje të qëndrueshme.

Së bashku me aktorë dhe vende të tjera kemi marrë tashmë angazhimin për bashkëpunimin në realizimin e pikës 5, që ka të bëjë me rivendosjen e tërësisë territoriale dhe të sovranitetit të Ukrainës si një nga objektivat më imediatë të përfundimit të luftës. Jemi në koordinim të plotë me të gjitha vendet partnere.”sn

Axhenda e Zelenskyt sot në Tiranë, mbahet Samiti ‘Ukrainë – Europa Juglindore’

Presidenti ukrainas Volodimir Zelenski (Volodymyr Zelensky) ka zbritur në Aeroportin Ndërkombëtar “Nënë Tereza” në Tiranë mbrëmjen e së martës më 27 shkurt për të marrë pjesë në Samitin dyditor të Paqes Ukranë – Evropë Juglindore.

Zelenski u prit në aeroportin e Rinasit nga Ministri i Jashtëm Igli Hasani dhe drejtues të tjerë të lartë. Duke e vlerësuar maksimalisht, vizitën e presidentit ukrainas, kryediplomati Hasani shkroi në Fb: “I nderuar për të pritur në Tiranë Presidentin e Ukrainës, Volodymyr Zelenskyy. Ky është një moment kyç për zhvillimin e marrëdhënieve dypalëshe dhe për të qëndruar në solidaritet me Ukrainën në luftën e saj heroike kundër agresionit rus”.

Axhenda për ditën e mërkurë, 28 shkurt

09.00 – Presidenti Zelenskyy do të mikpritet nga Kryeministri Rama, në Kryeministri.

Mediat do të kenë akses në Bulevardin “Dëshmorët e Kombit”, përpara godinës së Këshillit të Ministrave.

09.05 – Kryeministri Rama do të zhvillojë një takim kokë më kokë me Presidentin e Ukrainës Zelenskyy.

9.30 – Takimi bilateral mes dy delegacioneve.

10.10 – Firmosja e marrëveshjes mes Shqipërisë dhe Ukrainës

11.00 – Doorstep dhe mbërritja e liderëve ( Pallati i Kongreseve)

11.30-Kryeministri Edi Rama dhe Presidenti i Ukrainës Volodymyr Zelenskyy do të mbajnë fjalët hapëse të Sesionit.

13:00 – Foto Familjare

13.30 – Kryeministri Rama dhe Presidenti i Ukrainës Volodymyr Zelenskyy do të mbajnë një Konferencë të përbashkët për shtyp.

Masat e marra nga Policia

Në datat 28 dhe 29 shkurt, në Tiranë, do të zhvillohet Samiti për Ukrainën dhe Ballkanin Perëndimor, me pjesëmarrje të shumë delegacioneve me nivel të lartë përfaqësimi nga Europa Juglindore, Ukraina dhe vendet e rajonit.

Në këtë kuadër, Policia e Shtetit, në bashkëpunim me Gardën e Republikës dhe me agjenci të tjera ligjzbatuese, ka hartuar një plan të detajuar masash, për garantimin e rendit publik, para, gjatë dhe pas aktiviteteve që do të zhvillohen gjatë këtyre 2 ditëve, duke filluar nga pikat e kalimit kufitar, rrugëkalimet e delegacioneve dhe ambientet ku do të zhvillohen aktivitete gjatë Samitit për Ukrainën dhe Ballkanin Perëndimor, që zhvilllohet më datë 28.02.2024 dhe më datë 29.02.2024.

Masat e planifikuara konsistojnë në disa drejtime, konkretisht:

-Garantimi i rendit publik, para, gjatë dhe pas zhvillimit të aktiviteteve;
-Organizimi i shërbimeve policore, për sigurimin e të gjithë perimetrit të sigurisë;
-Sigurimi i delegacioneve përgjatë gjithë rrugëkalimit, nga Rinasi për në Tiranë;
-Eskortimi i delegacioneve nga aeroporti i Rinasit, për në vendin e zhvillimit të Samitit në Tiranë, dhe në kthim për në Rinas;
-Eskortimi i delegacioneve nga pikat e kalimit kufitar, për në vendin e zhvillimit të Samitit në Tiranë, dhe në kthim;
-Sigurimi i rrugëkalimeve të shërbimeve të emergjencës;
-Menaxhimi i trafikut rrugor në qytetin e Tiranës, para, gjatë dhe pas zhvillimit të Samiteve etj.

Për sa i përket qarkullimit të automjeteve, masat kufizuese do të jenë si më poshtë:

Më datë 27.02.2024 kanë nisur bllokimet e rrugëve me afat të shkurtër kohor, për qëllime sigurie në rrugëkalimin e delegacioneve që vijnë nga aeroporti “Nënë Tereza” dhe pikat e tjera të kalimit kufitar në drejtim të Tiranës, në varësi të kohës së lëvizjes së tyre.

Më datë 28.02.2024, nga ora 07:00 deri në largimin e delegacioneve pjesëmarrëse në aktivitetet e organizuara për Samitin, do të ketë ndalim pushimi dhe qëndrimi, duke filluar nga aeroporti “Nënë Tereza”, rruga e Rinasit – ish-sheshi “Shqiponja” – Unaza e madhe perëndimore, Rruga e Elbasanit, rrugët “Dervish Hima”, “Faik Konica”, “Ismail Qemali”, “Gjergj Filipi”, “Lek Dukagjini”, “Papa Gjon Pali II” dhe bulevardi “Dëshmorët e Kombit;

Më datë 28.02.2024, do të ketë ndalim qarkullimi për automjetet, në fashat orare 08:00-11:00 dhe 15:30-17:30, nga aeroporti i Rinasit deri te ish-sheshi “Shqiponja dhe anasjelltas – Unaza e madhe perendimore, Rruga e Elbasanit, rrugët “Dervish Hima”, “Faik Konica”, “Ismail Qemali”, “Gjergj Filipi”, “Lek Dukagjini”, “Jul Variboba” dhe “Fatmir Haxhiu”;

Më datë 29.02.2024, nga ora 12:00 deri në orën 14:00 do të ketë ndalim qarkullimi, në Rrugën e Elbasanit, Unaza e madhe perëndimore – ish-sheshi “Shqiponja” – Qafë Kashar – Rinas-aeroporti “Nënë Tereza”;

Rrugët që përfshihen në perimetrin e sigurisë së aktiviteteve dhe takimeve të pjesëmarrësve në Samit, do të kenë ndalim qarkullimi nga ora 08:00 e datës 28.02.2024 deri në orën 16:00 të datës 29.02.2024, konkretisht:

Rruga “Dervish Hima” nga Rruga e Elbasanit deri tek Coin;
Rruga “Papa Gjon Pali II”, nga RTSH deri tek Coin;
Rruga “Abdyl Frashëri”, nga kryqëzimi i Librit Universitar deri tek Presidenca;
Rruga “Ukraina e lirë”, nga Gjykata Kushtetuese deri tek Vila 30;
Rruga “Themistokli Gërmenji”, nga Rruga e Elbasanit deri tek rruga “Papa Gjon Pali II”;
Rruga “Faik Konica”, nga degëzimi i Ambasador 3 deri tek rruga “Dervish Hima”;
Rruga “ Gjergj Filipi”, sheshi “Italia”, nga rruga “Faik Konica” deri tek hotel “Mariot”;
Blevardi “Dëshmorët e Kombit”, nga ura e ish-hotel Dajtit deri tek sheshi “Nënë Tereza”;

Për qytetarët që duan të shkojnë në aeroportin “Nënë Tereza”, më datë 28 dhe 29.02.2024, gjatë fashës orare të bllokimit të rrugëve, do të ndjekin përkatësisht drejtimin:
Vorë – Fushë Prezë – Rinas dhe kthim;
Fushë Krujë – Valias – Rinas dhe kthim;

Nga Juglindja dhe Tirana, do të ndjekin Unazën lindore – Farmacia 10 – Stacioni i Trenit – Bulevardi i Ri – Paskuqan – Kamëz – Valias – aeroporti “Nënë Tereza” dhe kthim në të njëjtin itenerar.

•Hyrja e gazetarëve, e automjeteve të mediave të akredituara nga shërbimet e sigurisë, si dhe e të ftuarve në Samit, do të bëhet nga rruga “Ismail Qemali” – RTSH – bulevardi “Dëshmorët e Kombit”- porta fundore e kontrollit të shërbimeve të Gardës së Republikës.

•Për banorët dhe automjetet që gjenden në rrugët dhe blloqet e banimit, brenda perimetrit të sigurisë dhe rrugëve me bllokime të gjata në kohë, në varësi të agjendës së delegacioneve, me miratimin e drejtuesve të shërbimeve, do të lejohen të hynë dhe dalin, përkatësisht nga:
a)Blloku i banimit tek “Ambasador 3”, nga rruga “Sheh Ahmet Pazar” ose Faik Konica;
b) Blloku i banimit në rrugët “Themistokli Gërmenji”, “Jul Variboba”, “Fatmir Haxhiu” dhe “Papa Gjon Pali II”, në drejtim hyrës dhe dalës drejt Rrugës së Elbasanit;
c)Blloku i banimit tek dy kullat në rrugën “Ismail Qemali” dhe “Ukraina e lirë”, në drejtim hyrës dhe dalës të kufizuar nga shërbimet e sigurisë dhe dalje në bulevardin “Dëshmorët e Kombit” dhe më pas kthim i detyruar drejt bulevardit “Bajram Curri”;
d)Rruga “Lek Dugagjini” (para Universitetit) duke vijuar në rrugën “Faik Konica” (pas stadiumit), me dalje në Rrugën e Elbasanit, do të jetë e lirë për kalimin e mjeteve dhe qytetarëve (përjashto rastet kur ka kufizim në Rrugën e Elbasanit).

Për zbatimin e këtyre masave janë angazhuar Forcat Kombëtare të Sigurisë, Forcat Speciale RENEA, Forca e Posaçme Operacionale në Drejtorinë e Përgjithshme të Policisë së Shtetit, Drejtoria Vendore e Policisë Tiranë dhe Drejtoria e Policisë Rrugore, në koordinim dhe drejtim nga Drejtoria e Përgjithshme e Policisë së Shtetit.

Njëkohësisht, Policia e Shtetit ka marrë të gjitha masat për garantimin e rendit dhe sigurisë në të gjithë vendin, për parandalimin dhe goditjen e paligjshmërive, me qëllim sundimin e ligjit në territor.

Policia e Shtetit shpreh besimin se qytetarët dhe drejtuesit e automjeteve do të mirëkuptojnë masat e përkohshme kufizuese, do të ndjekin dhe do të zbatojnë udhëzimet e Policisë, pasi masat e marra janë në funksion të rendit, të sigurisë dhe të rritjes së imazhit të vendit tonë në arenën ndërkombëtare.

“Rroftë Ukraina”, ministri Kuleba përshëndet në shqip nga Tirana: Mirënjohës për mbështetjen! Rusia të mbahet përgjegjëse për krimet e luftës

Ministri i jashtëm Igli Hasani po mban një konferencë të përbashkët me homologun e tij ukrainas Dmitro Kuleba.

Kuleba: Është mirë të jesh në Tiranë si pjesë e delegacionit që shoqëron presidentin Zelensky. Samiti tregon se sa vlerësim gëzon Shqipëria në rajon.
Sot diskutuam bashkëpunimin dypalësh, Shqipëria mike e mirë e Ukrainës, dua ta falenderoj për ndërmarrjen humantiare për rehabilitimin e fëmijëve ukrainas prindërit e të cilëve janë vrarë në luftë. Çdo mbështetje është e vlerësuar.
Më kujtohet me mirënjohje mandati i Shqipërisë në Këshillin e Sigurimit dhe mënyra si keni marrë pjesë në diskutimet për Ukrainën.
Informova ministrin për situatën në front dhe sulmet me dronë e raketa. E rëndësishme që Rusia të mbahet përgjegjëse për krime te agresionit dhe krimet e luftës.
Pritshmëritë tona është që një nga rezultatet e samitit të Uashingtonit do jetë që Ukraina do të jetë një hap më pranë anëtarësimit.

Të dashur miq, rroftë Ukraina!

“1500 vite bukuri e pathyer”- Posta Shqiptare nxjerr pullën postare në nder të Ukrainës, të ardhurat në ndihmë të luftës

Në nder të vizitës së presidentit të Ukrainës Volodymir Zelensky në Tiranë, pullën postare kushtuar Ukrainës.

Në pulla paraqiten dy vajza Ukrainase, nën dixhiturën: Ukraina, bukuri e pathyer për më shumë se 1500 vite.

Të ardhurat nga shitja e pullave postare do të shkojnë për mbledhjen e fondeve me qëllim sigurimin e pajisjeve të demontimit.bw

Në Radio Televizionin Shqiptar largohen edhe dy drejtorë të tjerë

Në Radio Televizionin Shqiptar nuk kanë të ndalur largimet.

CNA ka mësuar se këtë të hënë kanë dhënë dorëheqjen dy drejtorë të tjerë

Burime zyrtare bënë me dije per CNA se janë dorëhequr drejtori juridik, Enkelejd Lamaj dhe drejtori i prodhimit, Vladimir Grori.

Këto poste nuk kanë ende një zëvendësues. Gjithashtu, asnjë person nuk ka pranuar emërimin si nëndrejtor i institucionit.

Të njejtat burime i thanë CNA-së se Alfred Peza ka propozuar një kandidaturë për nëndrejtor, por po e tërheq për shkak se nuk plotëson kriteret.

Kujtojmë se Lamaj dhe Grori nuk janë të vetmët drejtorë që janë larguar nga RTSH.

Pasi drejtimin e radiotelevizionit shtetëror e mori Alfred Peza, një sërë drejtorësh janë dorëhequr, ndërsa vetë gazetari që drejton RTSH-në ka kryer shkarkime masive.

Në skandalet e RTSH është përfshire dhe kreu i Këshillit Drejtues, Leka Bungo.

Për këto shkarkime ish-punonjësit e RTSH-së kanë bërë kallëzim në SPAK. CNA ka publikuar dy ditë më parë padinë e firmosur nga mbi 20 punonjës kundrejt Pezës.

Sipas tyre, shkarkimet janë kryer pa asnjë bazë ligjore dhe në shkelje të Kodit të Punës. Në padi theksohet se të tjerë kolegë janë detyruar të japin dorëheqjen nga shantazhet dhe presionet.sn

2 ligje antikombëtare në 1 javë, Burimi: Me ardhjen e opozitës ligji do zhbëhet

Gazetari Genc Burimi në një lidhje me Skype për task Force me Sonila Meçon në Syri Tv ka komentuar dëmin kolosal që qeveria Rama po i bën Shqipërisë me kalimimin e dy ligjeve, ai i zonave të mbrojtura dhe miratimi i marrëveshjes Rama-Meloni.

Burimi u shpreh se duhet të shtohen komisionet hetimore mbi masakrën e zonave të mbrojtura.

“Ke shumë vende në Europë që janë të vogla si Belgjika, Luksenburbu, Sllovakia që janë mbi 30% zonë e mbrojtur. Ky është një mashtrim i parë që thot zonja Kumbaro, që Shqipëria sakrifikoka në raport me sipërfaqen e saj, shumë sipërfaqe me zonë të mbrojtur. Edi Rama është si pëlhura e penelopës që e bën ditën dhe e zhbën natën.

A ju kujtohet kur bëri një ligj për bastet, që na mbushi mendjen që shqiptarët varfëroheshin, mashtroheshin dhe pastaj po atë ligj e bëri prap. Këtë gjë po bën edhe me zonat e mbrojtura. Shkoi çmontoi ligjin që ai vetë bëri. Si mund ti besosh kësaj qeverie, këtij personazhi?

Dua që në komisionet hetimore parlamentare të shtohet edhe një komision i 9-të, komision hetimor mbi këtë masakër, mbi këtë gjenocid që do i bëhet mjedisit shqiptar nga qeveria Rama.

Dua që kjo opozitë sot të premtojë që ata biznesmen që do shkojnë që të hedhin para tek ky ligji i ri i Ramës ta ketë të qartë që me ardhjen në fuqi të opozitës ky ligj do të çmontohet dhe ata do të humbasin investimet.”

Ish-kryetari i Gjykatës Kushtetuese, Zaganjori: Shqipëria jo në Hagë për çështjen e detit me Greqinë

Një grup studiuesish dhe ish-gjyqtarësh të Kushtetueses kanë zhvilluar një mbledhje në Univeritetin “Aleksandër Moisiu” në Durrës, nga ku kanë bërë thirrje për qeverinë shqiptare dhe asaj greke që të rinegociojnë marrëveshjen për kufijtë detare dhe shprehen kundër dërgimit të saj në Hagë.

Ish-kryetari i GJK dhe ish-relatori i çështjes së marrëveshjes së detit, Xhezair Zaganjori, është shprehur se marrëveshja e re Shqipëri-Greqi duhet t’i referohet vendimit të 14 viteve më parë.

“Praktikisht, gjykata arrin në konkluzionin se aty nuk kemi të bëjmë me shelfin kontinental. Ajo titullin e ka mbi ndarjen e shelfit kontinental, në një kohë që mbi 150 rrathë që janë përdorur për përcaktimin e vijës detare, 140 janë të ujërave territoriale. Nuk mund të thuhet absolutisht, sepse kjo e ndihmoi Gjykatën Kushtetuese për të evidentuar një fakt shumë të rëndësishëm sepse hidhet praktikisht poshtë vendimi i Konferencës së Ambasadorëve për kufijtë jugorë. Kjo prish edhe raportet. Po të merret vijë bazë gjiri i Sarandës, të vjen përpara Sarandës vija e kufirit”, shpjegoi ai.

Në mungesë të një marrëveshjeje të re, studiuesit sugjerojnë që të dy vendet të rifillojnë negociatat e lëna pezull prej vitit 2018.bw

Faqja 16 prej 246« Fillimi ‹ Prapa 12 13 14 151617 18 19 20 Para ›Fundi »

Çka është plani për rritjen ekonomike në Ballkanin Perëndimor?

Përditësim minutë pas minute:

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL