Dëshmi tronditëse e oficerit të policisë Emiljano Nuhu për kërcënimin e tij më pistoletë në kokë në prani të Taulant Balles, deputetit të PS Rrahman Rrahja, kryetarit te Bashkisë Kruje, Artur Bushi.

Në Tiranë, seanca e parashikuar për dhënien e pretencës ndaj Emiljano Shullazit dhe bashkëpunëtorëve të tij, dështoi pasi një nga të akuzuarit dhe avokati i tij nuk u paraqitën për motive shëndetësore, siç u deklarua në hapje të seancës

Procesi ka tërhequr një vëmendje të pazakontë, pasi javën e shkuar, zëvendësimi i prokurorit të çështjes, i larguar me një leje afatgjatë për arsye shëndetësore, trazoi Prokurorinë e krimeve të rënda. Një grup i madh prokurorësh refuzuan zëvendësimin e kolegut të tyre me short, gjë që pasoi në nisjen e një hetimi disiplinor ndaj tyre me urdhër të kryeprokurores Arta Marku, ndërsa tre prokurorë u transferuan jashtë Tiranës.

Sot në seancë akuza përfaqësohej nga drejtuesja e Krimeve të Rënda dhe tre prokurorë të tjerë, të cilët mungesën e të pandehurve e cilësuan të qëllimshme. Në një koment të sajin për Zërin e Amerikës, ambasada e Shteteve të Bashkuara u shpreh dje se mbështet “prokurorët e guximshëm që kërkojnë drejtësi, edhe kur ka rreziqe”.

Jashtë godinës së Gjykatës, forca të shumta policore, përfshirë dhe njësitë speciale, kishin rrethuar të gjithë zonën, duke vendosur masa të rrepta sigurie.

Kerkese

Drejtuar anetareve te Keshillit Bashkiak te Malesise se Madhe!

Objekti: Per rrezimin e kerkeses te organeve ekzekutive, per heqjen nga fondi pyjor i zones se Kelmendit, te nje siperfaqeje qe do te destinohet per ndertimin e HEC te Murrasit.

Te nderuar perfaqesues te Malesise se Madhe shqiptare!

Me cilesine e deputetit te Qarkut te Shkodres dhe perfaqesues i juaji ne Kuvendin e Shqiperise, ju drejtohem te gjitheve ju, zonja dhe zoterinj te nderuar, trashegimtare te Kreshnikeve te Alpeve, pa dallim bindjesh dhe pozicionesh politike, kerkesen per refuzimin e perpjekjes per shkaterrimin e mjedisit natyrore te perles se natyres se vendit, lugines se Lumit te Cemit ne Selce.

Ju neser, me date, 26 shtator 2018, per se dyti, jeni thirrur per te aprovuar nje shkaterrim te perseritur te fondit pyjor te Kelmendit, pjese e pronesise komunitare te nje fisi krenar, trashegemia e te cilit i perket prejardhjes ilirike dhe arbnore, fond dhe pasuri qe askush nga invadoret qe u orvaten ta tjetersojne, nuk ia arriti qellimit.

Ne menyre te perseritur, Kryeministri i vendit, Edi Rama, u ka dhene leje, nje Strukture te Posacme te Improvizuar, per ndertimin e dy hidrocentraleve, qe pervec shkaterrimit te mjedisit natyror te Kelmendit, rrenimit te rruges automobilistike drejt Selces, Lepushes dhe Vermoshit, nuk sjellin ne kembim, asnje perfitim energjitik dhe infrastrukturor per popullsine e krahines, qe privacionet ne vendlindje, e kane vene ne rrugen e ikjes.

E njejta qeveri qe nuk jep asnje pergjigje , kerkeses sone per rindertimin e rrjetit energjitik te Kelmendit, te Shkrelit dhe te Boges, qe ka lene pa nderlidhje rrugore Vuklin dhe Nikcin, qe nuk interesohet fare per nderlidhjen telefonike te Alpeve; i njejti grup njerezish qe kane uzurpuar pushtetin ne Tirane dhe nuk perfaqesojne, as interesat e socialisteve te Malesise, ka dhene leje per ndertimin e HEC-ve Murras 1 dhe 2. Dy HEC-e private qe nuk jane projektuar per te permiresuar cilesine e jetes dhe biznesit ne keto ane, por per transferime te produktit jashte territorit ne Bashkise.

Ju, perfaqesues te ndergjegjshem te komuniteteve te lira te Malesise, nuk mund te aprovoni projekte private, qe sjellin perfitime per nje koperture individesh. Duhet te keni te qarte skemat qe aplikohet : ata shume shpejt do ta transferojne objektin e ndertuar mbi pronen komunitare te malesoreve, ne duart e “investitoreve”te vertete te prapaskenes. Nga pervojat, kjo perben nje skeme te kamufluar te filtrimit financiar, qe ne kushtet e nje qeverie te pergjegjeshme, qe respekton ligjin, njeh te drejtat e pronesise se para pushtimit komunist, nuk do te mund te realizohej.

Perpjekja qe po realizohet eshte gjithashtu ne kundershtim me aktet e Konventes se Bernes te Keshillit te Europes ( Convention on the Conservation of European Wildlife and Natural Habitats. Mbrojtja e biosferes se nje krahine te Alpeve shqiptare aq shume te vizitueshme nga turistet vendas dhe te huaj, njohja e pasurise se nje popullsie autoktone, sic eshte ajo e Kelmendit, eshte nje detyrim i shtetit shqiptar. Ne kundershtim me detyrimet e veta kombetare edhe nderkombetare, qeveria e ketij vendi ben te kunderten, rrenon trashegimine natyrore, pasurine komunitare dhe pronen private te banoreve te Selces.

Ne cilesine e deputetit te Shkodres, une prej kohesh i kam adresuar Kryeministrit te vendit dhe Ministrit te Energjitikes, kerkesen per ndalimin e punimeve, anullimin e lejeve dhe kthimin e gjendjes se lugines ne situacionin pararendes. Kjo kerkese u eshte percjellur per dijeni, perfaqesive diplomatike ne vendin tone.

Per arsye te nderhyrjeve ekzekutive qe bien ndesh me rendin tradicional dhe modern te krahines, une ju kerkoj juve te nderuar keshilltare, te refuzoni kerkesen per tjetersimin e prones komunitare ne Njesine Administrative Kelmend.

Kerkesen time e bazoj ne besimin, qe kam tek ju, te patriotizmi dhe vetedijshmeria juaj. Ju jeni njekohesisht perfaqesues te mijera dhe mijera emigranteve nga Malesia, qe pavaresisht se nuk jetojne gjithe kohen ne Shqiperi, me mendje dhe me zemer jane ne vatren stergjyshore, te cilen ju jeni te thirrur e ta mbroni me qendrimin tuaj patriotik.

Une kam besim ne vetedijshmerine tuaj!

Me konsiderate
Romeo Gurakuqi
Deputet i Qarkut Shkoder

Për analistin e njohur Fatos Lubonja, Kryeministri i Shqipërisë Edi Rama është një kukull i oligarkëve.

Këto deklarata Lubonja i bëri në rubrikën “Opinion” në News24, teksa komentoi nismën e ndërmarrë nga Partia Demokratike për “Çlirimin e Ekonomisë” nga krimi.

Sipas Lubonjës, kjo lëvizje i duket pozitive, pasi Rama ka një mbështetje të fortë nga oligarkët.

“Fillimisht më duket pozitive, se nuk është Edi Rama ai që mund të vendosë për çdo gjë, por ai e bën këtë falë një mbështetjeje të fortë që vjen nga paratë. Sistemi e ka bërë të rrezikshëm personin. Për çlirimin nga e keqja duhet goditur sistemi. Është e rëndësishme që njerëzit e dinë të keqen. Është një gjë që nesër ja kërkon edhe pse zhgënjehesh. Më përpara përdoreshin vetëm emrat Nano, Berisha, Rama, Meta, po emrat e oligarkëve nuk dilnin. Këto janë kukulla, s’mund të ketë pushtet pa oligarkët. Shqipëria vend i vogël dhe e keqja nuk fshihet dot. S’bëhet fjalë vetëm për personin e keq, por për sistemin e keq që ka marrë personin përsipër, si kukull. Por duhen gjetur instrumentat që si do shkatërrohet ky sistem. Ky është hap tjetër që opozita duhet ta dijë qartazi,” tha Lubonja.

TIRANË – Në sheshin “Nënë Tereza” në Tiranë është organizuar Dita e Vizitorëve të Shquar në kuadër të stërvitjes shumëpalëshe “Albanian Lion 2018”, që po zhvillohet në Shqipëri, ku u demonstruan disa nga veprimet e kësaj stërvitjeje, si dhe u ekspozohen mjetet, pajisjet dhe armatimi i përdorur.

Të pranishëm në këtë ceremoni ishin kryeministri i Shqipërisë, Edi Rama, ministrja e Mbrojtjes e Shqipërisë, Olta Xhaçka, ambasadorë, si dhe krerët më të lartë të Forcave të Armatosura të Shqipërisë dhe trupave britanike.

Ministrja e Mbrojtjes e Shqipërisë, Olta Xhaçka, u shpreh gjatë ceremonisë se Shqipëria është e qartë për orientimin pro perëndimor, ndërsa shtoi se modernizimi i bazës ushtarake të Kuçovës është konfirmim i rolit dhe rëndësisë së Shqipërisë në NATO.

“Kjo stërvitje shërben jo vetëm për partnerët tanë. ‘Albanian Lion 2018’ vjen edhe si rritje e ndërveprimit me fqinjët dhe ne jemi të qartë për orientimin tonë pro perëndimor. Vendi ynë, pavarësisht përmasave mbetet me kontribute të rëndësishme në NATO. Pas 9 vitesh pjesë e NATO-s, Shqipëria po kontribuon. Modernizimi i bazës së Kuçovës është konfirmim i rolit dhe rëndësisë së vendit tonë duke marrë në konsideratë faktin, që është e vetmja bazë e NATO-s në Ballkanin Perëndimor. Kjo është rrjedhojë e seriozitetit. Nga nëntori i këtij vitit do të marrim kryesimin e qendrës për siguri dhe koordinim, në 2019 do të marrim kryesimin e Kartës së Adriatikut”, tha Xhaçka.

Më tej gjatë fjalës së saj, Xhaçka tha se Shqipëria pavarësisht përmasave apo resurseve të përkufizuara mbetet një vend me kontribute të qenësishme në NATO.

Në fjalën e tij në ceremoni, Gjeneral major Charlie Stickland, i pranishëm në Shqipëri me forcat britanike si komandant i forcave amfibe në stërvitjen e përbashkët “Albanian Lion 2018” tha se stërvitje është një mundësi që “Britania e Madhe të thellojë bashkëpunimin me Shqipërinë, marrëdhëniet me të si një aleat strategjik për ne”.

Në disa zona të vendit, Forcat e Armatosura të Shqipërisë, Britanisë, Kosovës dhe Kroacisë do të përdorin bazat ushtarake në stërvitjen më të madhe ndërkombëtare që zhvillohet në Shqipëri.

Rreth 1.200 trupa dhe dhjetëra mjete, tokësore, ajrore dhe detare do të angazhohen në stërvitjen “Albanian Lion 2018”, e cila do të zhvillohet deri më datë 30 shtator. Për herë të parë në këtë stërvitje, e cila zhvillohet çdo vit në Shqipëri, merr pjesë edhe një kontingjent nga Forca e Sigurisë së Kosovës.

Sipas Ministrisë së Mbrojtjes së Shqipërisë, qëllimi i kësaj stërvitjeje është realizimi i operacioneve të evakuimit joluftarak nëpërmjet detit dhe ajrit, duke përfshirë anije luftarake zbarkuese, helikopterë dhe forca speciale për veprimtaritë në tokë. aa

Goditja e Bajrave në Shkodër mund të konsiderohet aksioni më i suksesshëm i policisë shqiptare në vitet e fundit. E trullosur nga aroma e kanabisit gjatë drejtimit të dyshes Tahiri-Çako, policia e ka të vështirë ta rimarrë veten, por aksione si ai i të premtes janë pozitive jo vetëm për mesazhin që i japin opinionit publik, por edhe për vetë moralin e policëve.

Mbetet për t’u parë, nëse goditja e Bajrave do të jetë pikënisje e një qasjeje të re të policisë dhe prokurorisë kundër krimit të organizuar, apo një rast sporadik i imponuar nga rrethanat. Dhe në rast se vërtet ekziston vullneti që “Forca e Ligjit” të triumfojë, duhet marrë parasysh se kjo nuk është një punë e lehtë.

Për të kuptuar më mirë se në çfarë përmasash ka arritur krimi i organizuar në Shkodër, vlen të lexohet pjesë e një studimi të publikuar në dhjetor të vitit të kaluar. Shkodra, në bazë të këtij studimi, rezulton të jetë një qytet thellësisht i kriminalizuar, ku sundojnë 4 familje. Nga të dhënat, duket se familja Bajri, është familja e dytë që përshkruhet në studim. Dhe të tjerat nuk janë më pak të rrezikshme.

Një nga autorët e studimit është Besfort Manallari, aktualisht zv.ministër i Brendshëm, tjetri Fabian Zhilla, ekspert i sigurisë publike.

Pjesë nga studimi, Shkodra

“Është e nevojshme që fillimisht të sqarojmë kuptimin e organizatave kriminale të cilat mbështeten në lidhje të ngushta familjare (“Familje”), karakteristikë kjo e grupeve kriminale të zonës veriore të vendit. Me “familje” të përfshira në krimin e organizuar do të kuptojmë ato grupime kriminale të cilat strukturën drejtuese organizative të tyre e mbështesin në lidhjet familjare sipas hierarkisë së familjes, duke filluar nga kryefamiljari (babai ose vëllai i madh), e ndjekur më pas nga vëllezërit më të vegjël, kushërinjtë dhe duke zbritur tek rrethi shoqëror që kryesisht mbështetet tek komshinjtë. Mendohet që në qytetin e Shkodrës të veprojnë të paktën 4 “familje” të mëdha të cilat janë përfshirë në aktivitete kriminale. Këto “familje” hamendësohet ti kenë rezistuar kohës për shkak të lidhjeve të forta familjare, agresivitetit dhe lidhjeve me politikën. Fillimet e tyre nisin të duken që në fundvitet 80-të, kur në Shkodër, si në shumë qytete të mëdha të vendit, filluan të krijoheshin grupe të rinjsh të dhunshëm në lagje të caktuara të qytetit të cilët njiheshin si të “fortët e lagjes“, si: “Grupi i Rusit” “Xhabijes” ose “Kirasti”. Ndër këto grupe kishte edhe djem të cilët ju përkisnin “familjeve” që dyshohet se dominojnë sot krimin në qytetin e Shkodrës. Anëtarë të këtyre familjeve njiheshin për pjesëmarrjen në veprimtari kriminale para dhe gjatë periudhës së komunizmit. Pra kishin një histori të përfshirjes së familjarëve në veprimtari kriminale edhe në të shkuarën. Këto grupime kriminale janë kryesisht të mbështetura në lidhje familjare dhe kontrollojnë zona të caktuara. Fuqizimi i tyre filloi me kontrabandën e karburanteve e cila lulëzoi në rrethin e Shkodrës pas thyerjes së embargos së Kombeve të Bashkuara vendosur ndaj ish-Jugosllavisë në maj të vitit 1992, si dhe konfliktet e armatosura në Bosnjë-Hercegovinë dhe Kosovë.

Më pas këto “familje” u angazhuan në trafikun e qenieve njerëzore dhe atë të narkotikëve. Këto veprimtari kriminale ju mundësuan të krijojnë lidhje edhe me rrjetet ndërkombëtare kriminale. Gradualisht këto familje u fuqizuan financiarisht duke u integruar në veprimtari tregtare të rëndësishme në qytetin e Shkodrës dhe më gjerë. Një tjetër faktor fuqizues është edhe lidhjet që disa nga këto familje vendosën me “familje “mafioze italiane në jug të Italisë, por edhe pranisë së kësaj të fundit në Malin e Zi. Ky shtet njihet edhe si një ndër portet kryesore të kontrabandës së duhanit në Ballkan e dirigjuar nga Sacra Corona Unita. Deri në vitin 2012 Mali i Zi konsiderohej nga media ndërkombëtare si një “shtet mafioz”.

Familjet e mësipërme në qytetin e Shkodrës mendohet të kenëkonsoliduar pozitat e tyre në qytet dhe rrethina nëpërmjet dhunës dhe shantazheve, por dhe gjobëvënies ndaj bizneseve. Kjo e fundit ka qënë fenomen shqetësues në Shkodër edhe pas vitit 2005. Struktura e organizimit të këtyre “familjeve” hamendësohet se i ngjan një “biznesi familjar”, ku organizata kriminale vepron në emër dhe përfitim të familjes ose klanit familjar. Zakonisht drejtuesi i organizatës është kryefamiljari, i cili, pas vdekjes së tij, zëvendësohet nga vëllai më i madh.

Siç u përmend më sipër, hierarkia më pas zbret në varësi të afërsisë së gjakut me drejtuesin e organizatës dhe kjo përcakton dhe rëndësinë dhe rolet. Kështu në rang më të ulët vijnë kushërinjtë e parë, të dytët e me radhë. Në organizatë përfshihen edhe individë të cilët kanë lidhje shoqërore me anëtarët kryesorë të organizatës si dhe djemtë e lagjes ku organizata ka qendrën e saj. Këto “familje” kontrollojnë territore të caktuara dhe kanë linjat e tyre të trafiqeve. Në përgjithësi këto “familje” janë të kujdesshme për të mos ndërhyrë në territoret e njëra-tjetrës pasi një gjë e tillë aludohet t’i ketë kushtuar mbi 20 të vrarë dy prej familjeve në konflikt në periudhën 1999-2013. Pas vrasjes së Edmir Koçisë në vitin 2012 hamendësohet se ka një ristrukturim tjetër të kontrollit të qytetit nga këto familje. Koçia konsiderohej deri në vitin 2012 si një ndër individët më të rrezikshëm dhe drejtues i organizatës më me influencë në qytet. Ai dyshohej për një sërë vrasjesh, ku ndër to dhe për vrasjen e Çim Cafit.84 Një vit më pas eliminohet edhe Gjon Gjeka85, i cili gjithashtu dyshohet të jetë ekzekutuar nga e njëjta dorë dhe porositës, për shkak të stilit fare të ngjashëm të vrasjes. Pas këtyre vrasjeve mendohet që “familjet” dominuese në qytet të kenë vendosur një situatë paqeje.

Sot këto “familje” kanë të ndara qartë territoret e tyre, ku kryesisht ndodhen biznese apo veprimtari ekonomike të cilat janë nën mbrojtjen e tyre. Secila nga këto familje ka karakteristikat e veta. Një “familje” (1) mendohet të jetë më afër politikës dhe të ketë ndikim të fortë në pushtetin vendor në çështjet që lidhen me lejet e ndërtimit apo dhe punësimet në institucionet zyrtare. Por, gjithashtu, kjo familje hamendësohet të jetë e përfshirë edhe në trafikun e drogave të forta (heroinë dhe kokainë).

Një “familje” (2) tjetër përflitet se ka ndikim dhe kontroll në një zonë që fillon që nga qendra e qytetit, drejt Dobraçit, deri në rrethinat dhe një pjesë të Dukagjinit. Kjo “familje” dyshohet se kontrollon drogat e lehta (kanabis) dhe është e përfshirë në rrjetet ndërkombëtare të narkotikëve kryesisht në Belgjikë, Hollandë dhe Suedi. Gjithashtu aludohet se kjo “familje” jep para me fajde në tregun e zi, dhe se është përfshirë në trafik klandestinësh për në Shtetet e Bashkuara të Amerikës. Kjo “familje” (2) dyshohet të ketë lidhje edhe me një ndër organizatat kriminale të rrethit të Tiranës që u trajtua më sipër dhe e cila vepron kryesisht në Tiranë – Durrës
dhe Fushë-Krujë. Së fundmi përflitet se kjo familje (2) është angazhuar në të ashtuquajturën “mbledhje borxhesh” (biznese të ndryshme, në pamundësi për të mbledhur borxhet, ju paguajnë një tarifë organizatave kriminale të cilat në këmbim ju marrin borxhin debitorëve), e ngjashme kjo me “pizzo” e mafies Italiane, kryesisht asaj Siciliane. Mendohet se kjo “familje” është familja më e zgjeruar në numër dhe në lidhje gjaku në krahasim me të tre “familjet” e tjera.

Një familje tjetër (3) e cila ndan territorin e kontrollit në qytet me “familjen” (2) më sipër, ka ndikim të konsiderueshëm dhe mendohet se ka influencë në një territor që fillon nga qendra e qytetit dhe më pas vijon në lagjet e njohura si ajo e Xhabijes dhe Zdrales. Përflitet se një ndër veprimtaritë e saj kryesore është siguria që ju ofron bizneseve në zonën që kontrollon kundrejt një pagese mujore. Kjo “familje” kryesisht është e kujdesshme dhe e sofistikuar, nuk ekspozohet në krime ordinere dhe është më e vogël në numër se familjet e tjera. Dyshohet gjithashtu se ka lidhje me një organizatë shumë aktive në rrethin e Tiranës që u trajtua më sipër.

Një familje tjetër (4), e cila nuk ka influencën e të parave, dyshohet se ka influencë në zonën e Kirasit dhe mendohet se ka kryesisht lidhje të forta me organizatat kriminale në Kosovë. Numri i anëtarëve të kësaj organizate mendohet të jetë i konsiderueshëm dhe përgjithësisht përbëhet nga persona me lidhje gjaku dhe shoqërore të lagjes ku drejtuesit e organizatës banojnë. Mendohet se krerët e kësaj “familjeje” trafikojnë lëndë narkotike dhe janë të angazhuar në trafikun e prostitucionit në Suedi dhe
Danimarkë.

Në përgjithësi, grupet kriminale të rrethit të Shkodrës janë “poli-kriminale” dhe përdorin gjerësisht zonën e Velipojës, portin e Shëngjinit dhe portet e Malit të Zi për trafikun e narkotikëve. Ky trafik bëhet kryesisht me kontenierë ose anije peshkimi të cilët e çojnë “mallin” në det të hapur i cili më pas tërhiqet nga grupet e tjera kriminale që veprojnë në BE. Organizatat kriminale në rrethin e Shkodrës kanë rritur gjithashtu veprimtarinë e tyre edhe në trafikun e armëve, të cilat i transportojnë ato nga Mali i Zi, nëpërmjet lidhjeve të tyre në Malësi të Madhe. Armët, së bashku me narkotikët, dyshohet se transportohen për në BE nëpërmjet skafeve të cilat nisen nga grykëderdhja e Bunës ose lugina e Vilunit në Velipojë.

Pas goditjes që ju bë “kanabisit” në fshatin e Lazaratit hamendësohet se një ndër “hambarët” më të mëdhenj të rritjes së tij në mënyrë të përqendruar do të zhvendoset në zonën e Dukagjinit, kryesisht në Pult, Shal dhe Shosh. Dhe kjo tendencë e prodhimit të kanabisit ka rrezik të sjellë zhvillime të reja të organizatave kriminale në rrethin e
Shkodrës. Përflitet që të ardhurat që do të sjellë çmimi tashmë i rritur i kanabisit në tregun ndërkombëtar do t’iu mundësojë këtyre organizatave jo vetëm rritje të ndjeshme të fuqisë ekonomike por edhe akses të konsiderueshëm në mafian ndërkombëtare. Duke pasur parasysh edhe pozicionin strategjik të qytetit të Shkodrës, fuqinë relativisht të dobët goditëse të shtetit si dhe ekuilibrat kulturorë dhe fetarë, “Kryeqendra e Veriut” rrezikon të kthehet në një ndër “polet” kryesore të organizatave kriminale më të rrezikshme në vend në vitet e ardhshme”.

©Lapsi.al

Prokuroria e Tiranës ka marrë në pyetje gjyqtarin Admir Thanza, i cili akuzohet për falsifikim formulari sepse nuk ka deklaruar që ka qenë i arrestuar dhe dënuar në Itali për vjedhje. Prokurori i çështjes është Gentjan Abazi.

Admir Thanza, anëtar i Gjykatës së Lartë, nuk e kaloi Vetting-un. Komisioni i Pavarur i Kualifikimit (KPK) vendosi shkarkimin e tij bazuar në 3 kriteret e rivlerësimit.

Anëtari i Gjykatës së Lartë, Admir Thanza ishte në sistemin e drejtësisë shqiptare që në vitin 1992, kur përfundoi studimet me titullin jurist në Universitetin e Tiranës.

Po në këtë vit Thanza filloi punën si gjyqtar pranë Gjykatës së shkallës së parë të Shkodrës, ku ka shërbyer deri në vitin 2006. Nga ky vit e deri në vitin 2009 ka qenë gjyqtar në gjykatën e shkallës së parë të Tiranës. Më pas karriera e Thanzës do të ngrihej menjëherë, pasi në vitin 2009 emërohet gjyqtar në gjykatën Kushtetuese, ku shërbeu deri në vitin 2013.

Më tej karriera e Thanzës si gjyqtar do të vazhdonte si anëtar në Gjykatën e Lartë, ku shërben edhe aktualisht. Gjithashtu mes viteve 2004, deri në vitin 2009 ka qenë edhe anëtar i Këshillit të Lartë të Drejtësisë, si dhe pedagog i jashtëm pranë disa universiteteve shtetërore dhe private.

Por e gjithë kjo karrierë duket se është shembur pasi Thanza gjatë kohës që ka qenë gjyqtar në gjykatën e Shkodrës, është dënuar në Itali, në vitin 1999 me 40 ditë burg dhe gjobë për vjedhje, vendim për të cilin institucionet shqiptare nuk mund të mos kenë pasur dijeni, por që nuk e kanë bërë publike edhe kur Thanza ngjiti shkallët më të larta në sistemin e drejtësisë, në Kushtetuese dhe në Gjykatën e Lartë.

Mes qindra dosjeve që Thanza ka gjykuar gjatë karrierës së tij 26-vjeçare në sistemin e drejtësisë, janë procesi gjyqësor për tragjedinë e Gërdecit në Gjykatën e Lartë, ku familjarët e viktimave të 15 marsit 2008, opinioni publik dhe politika kanë akuzuar disa herë që ende nuk është dhënë drejtësi. Po ashtu ai ka dhënë vendime në gjykimin e disa deputetëve në Gjykatën e Lartë, si Tom Doshi, Mark Frroku apo Gent Strazimiri.

Këngëtarja Greta Koçi ishte e ftuar në emisionin “Xing me Ermalin”, ku treguar për herë të parë edhe arsyet se pse u largua nga PD, pasi në qeverisjen e ish-kryeministrit Sali Berisha ka mbajtur postin e kreut të Forumit Rinor të Partisë Demokratike.

Duke kujtuar këtë periudhë, Koçi u shpreh: “Angazhimi im atje ka qenë shumë serioz dhe mua më ka ndihmuar shumë për të mësuar gjëra të reja dhe besoj që kam dhënë një kontribut të vlefshëm për aq kohë sa isha. Por e kam ndërprerë totalisht tashmë”.

E pyetur nëse ndërprerja ndodhi sepse Berisha dha dorëheqjen, Koçi tha se nuk ishte kjo arsyeja, por ju duk i mjaftueshëm një mandat.

“Jo, besoj ishte mjaftueshëm një mandat, 4 vite, ishte shumë impenjative dhe erdhi momenti që duhet të kishte një shkëputje që unë të merrja pak frymë. Sepse jam në moshën më të përkryer për ta vazhduar ende muzikën”, tha këngëtarja.

Me shumë gjasa po. Zyrtarët e ndryshëm kanë shumë qejf t’u tregojnë homologëve ose vizitorëve të huaj maketin e teatrit të ri, paçka se ai nuk është vënë ende në hullinë e duhur. Që do të thotë se investimi për ta prishur këtë godinë është më i madh se kur dhe pothuajse fare pranë për t’u realizuar. Nëse për kinema “17 Nëntorin”, zhurma ishte jo e madhe e shumë shpejt u harrua çdo gjë, në rast prishje të ngrehinës së teatrit, mbase do të ndodhë e njëjta gjë, përveç faktit që impakti që pati presioni i shoqërisë civile, i publikut dhe intelektualëve të ndryshëm do të kujtohet më shumë. Paçka baltosjes, që i është bërë protestës, pjesëmarrjes dhe turililloj patetikësh, që gjetën rastin të shprehen, në vetvete mbrojtja e godinës ka përmbledhur si pak herë dhe me një kohëzgjatje jo të pakët, një energji të tërë. Për të drejtën. Për qytetin tonë. Fatkeqësisht, kërkesa më e mirë, që të kishim një rikonstruksion të ndërtesës dhe ta ruanim për ngarkesën që ka, nuk po merr formë. Fillimisht, e tradhtuan njerëzit që ishin gati ta mbronin me… trupat e tyre. Pastaj, u fut politika me marifetet e saj të bukura dhe epilogu…
…
Komisioni i Veprimtarive Prodhuese në Parlament i mbledhur për ligjin e teatrit u nda si zakonisht mes mosmarrëveshjeve të shumta dhe pas shumë debateve mazhoranca e pranoi dekretin e presidenti Meta, duke filluar korrigjimet për zhvillimin e garës për projektin e Teatrit ashtu siç edhe këshillonte BE. Në fakt, duhej t’i bënte para kësaj letre dhe jo me arrogancën e zakonshme. Nuk ndodhi kështu dhe u zbyth vetëm para forcës së autoriteteve të Brukselit, që me takt i kanë kujtuar një nga parimet e demokracisë: garë e barabartë.
Për fat të mirë, në problemin për teatrin është treguar se shoqëria mbetet ende shumë e ndjeshme ndaj padrejtësisë. Dhe, jo më kot, në debatin për të janë përfshirë shumë forca dhe grupe shoqërore të ndryshme, nga ku janë derdhur pakënaqësi të shumta ndaj një qeverie që gjithnjë e më shumë është shumë e padrejtë dhe aspak tolerante. Dhe, fatkeqësisht, sado e vështirë që ka qenë gjetja e një gjuhe të përbashkët nga aktorët, aq më shumë zbuluar është treguar arroganca e subjekteve të ndryshme dhe ironia e strukturave të shtetit ndaj tyre.

Protesta ndaj Teatrit është shndërruar në një simbolikë, që përfaqëson grupe të ndryshme interesi, që edhe pse kanë konceptime te ndryshme, të gjithë i bashkon tashmë një gjë e përbashkët: Ruajtja e teatrit, mosndërtimi i kullave, mbrojtja e parimit të konkurrimit të barabartë dhe mbi të gjitha transparenca.
Kjo e fundit e varrosi kinemanë “17 Nëntori” dhe sot është e harruar krejtësisht, kjo rrezikon të varrosë njëherë e mirë edhe luftën për teatrin, pasi duhet sqaruar se qeveria Rama dhe të gjitha levat e saj tashmë e kanë kthyer në normalitet mungesën e transparencës dhe tolerancën ndaj mendimit publik.
Në javët e fundit Shqipëria është e ngërthyer me lajme të shumëllojta, që vjen nga forcimi i krimit dhe te rritja e varfërisë së njerëzve dhe këto kanë bërë që të tulatet krejt shoqëria në luftën e saj. Sfida sot kërkon të luftosh në të njëjtën kohë në disa fusha njëherazi. Me pak fjalë i bie të luftosh njëkohësisht me disa kauza të pamundura, ku si gjithnjë del fitues ajo që shpall grupi i të fortëve, që artikulon me zërin e shtetit. E, fadromat që janë nisur drejt teatrit nuk kanë kohë të presin, ato duan ushqimin e tyre, që në këtë rast është godinë e teatrit, që me shumë gjasë jo shumë kohë më vonë, do të kujtohet jo më shumë se godina e kinema “17 Nëntorit”. Por, ka ende dhe pak kohë. Mbase në këto segmente të pakta kohore do të kihet mundësi që të gjykohet që t’i besohet sensibilitetit të njerëzve, kundrejt makutërisë së kullave, që nuk dinë të ndalen. Maketet që u tregohen të huajve janë të bukura në zyra, por asfare në realitet.

Detaje të tjera dalin në dritë nga aktiviteti i bandës kriminale ‘Bajri’ në Shkodër, e cila udhëhiqej nga dy vëllezërit Enver dhe Safet Bajri, ku pjesëtar i saj ishte dhe kushëriri i tyre, Behar Bajri. Gazetarja Klodiana Lala në një lidhje direkte për ‘News24’ raportoi se deri më tani policia dhe prokuroria ka arritur që të verifikojë 2 vrasje të kryera nga kjo bandë, duke u bazuar tek faktet shkencore.

Krimet e faktuara deri tani janë vrasja e shtetasit Arben Tuzi, ngjarje kjo e ndodhur në 7 shkurt 2001, si dhe vrasja e shtetases me inicialet F.H,. 15 vjeçe. “BalkanWeb” mëson se vajza u gjet e pajetë në banesën e Behar Bajrit më 20 qershor të 20 të 2002-it.

Ndonëse si fillim u raportua si vetëvrasje, pas hetimeve të policisë rezultoi se vajza ishte vrarë. Lala raporton për ‘BalkanWeb’ se e mitura ishte marrë peng dhe mbahej me forcë nga Behar Bajri. Vrasja e saj u zbulua për shkak të pozicionit të plumbit që kishte marrë poshtë parakrahut. Prova e fortë që fundosi Bajrat ishte pistoleta, e cila rezultoi se ishte e njëjta që ishte përdorur edhe për vrasjen e Arben Tuzit.

Me këtë të fundit familja Bajri kishte konflikte të vazhdueshme, të cilat kishin shkuar deri në përleshje me armë apo dhe me vrasje. Në aksionin e fundit të policisë, Behar Brajoviq (Bajri) u arrestua në Roterdam të Holandës, ndërsa djali i xhaxhait, Safet Bajri u kap në Tiranë. Ndërkohë kushëriri tjetër, Enver Bajti është shpallur në kërkim. Sakaq, nuk përjashtohen edhe ngjarje të tjera kriminale, si vrasje, të kryera që nga viti 2000 deri në vitin 2018.

Kreu i Grupit Parlamentar të PS, Taulant Balla, është përfshirë ditën e sotme në një aksident rrugës për të shkuar në Shkodër.

Përmes një postimi në rrjetet sociale, shprehet se nga ky aksident nuk ka pësuar lëndime.

“Rrugës për në Shkodër #EgjithëVëmendjaPërNjerëzit, makina u përfshi në një aksident rrugor. Shyqyr që të gjithë jemi mirë. Të njoftohet edhe ‘qytetari digjital’”, ka qenë ky postimi i Ballës në Tëitter.

ARISTIR LUMEZI/ Koloneli Myslym Pashaj, një ndër ekspertët më të mirë të çështjeve të detit, në një intervistë për “Panorama” ka ngritur dyshimin se me marrëveshjen mes Shqipërisë dhe Greqisë po bëhen pazare.

Pashaj ka thënë se palës greke i është dërguar një draftmarrëveshje dhe ky material është refuzuar të firmoset nga përfaqësuesi i Presidentit në negociata, Ksenofon Krisafi. Koloneli ka thënë se mungesa e informacionit dhe hermetizmi i këtij procesi të krijon dyshime se palët janë arritur një ujdi të fshehtë në kurriz të integritetit territorial.

“E themi këtë sepse, sipas këtyre mediumeve, del se i dërguari teknik dhe ligjor i së Drejtës Ndërkombëtare Detare, prof. Krisafi, si njeriu kyç i Presidentit, nuk ka firmosur draftmarrëveshjen! Ky është fakti më alarmues i kësaj situate.

Dhe po ta pyesësh prof. Krisafin ai me të drejtë të thotë se ruan etikën, konfidencialitetin, që ia kërkon standardi zyrtar i Ministrisë së Jashtme dhe Qeverisë. Nuk mëson dot gjë se ku janë shkaqet e këtij qëndrimi i cili flet shumë”, ka thënë Pashaj.

Si njohës i mirë i marrëveshjes së detit, në ambientet informale diskutohet se Grupi Negociator i Shqipërisë, për Paktin Detar 2 me Greqinë, ka dërguar një draftmarrëveshje palës tjetër ku ka paraqitur esencën e negociatave të Delimitimit të Hapësirave detare. Transparenca ka munguar deri tani. Ju si ekspert, keni dijeni ç’po ndodh me Integritetin Territorial të hapësirave detare përgjatë Detit Jon në Otranto dhe Ngushticës së Korfuzit?

Transparenca është e domosdoshme. Kur kjo nuk bëhet, lind hamendësimi. Këtë e lidhim me skenarët e fshehtë, që u panë në Paktin Detar-1, pa transparencë, me një shpejtësi aq të dyshimtë, çka e dha rezultatin e pushtimit të hapësirave detare të Shqipërisë. Ndaj, unë them, se s’ka asgjë prej kufizimit të informacionit, mbasi opinioni shqiptar është familjarizuar në diskutime të shumta dhe kërkon të dijë sa më të shkoqitur se ç’po ndodh. E themi këtë sepse, sipas këtyre mediumeve, del se i dërguari teknik dhe ligjor i së Drejtës Ndërkombëtare Detare, prof. Krisafi, si njeriu kyç i Presidentit, nuk ka firmosur draftmarrëveshjen! Ky është fakti më alarmues i kësaj situate. Dhe po ta pyesësh prof. Krisafin, ai me të drejtë të thotë se ruan etikën, konfidencialitetin që ia kërkon standardi zyrtar i Ministrisë së Jashtme dhe Qeverisë. Nuk mëson dot gjë se ku janë shkaqet e këtij qëndrimi i cili flet shumë.

Lidhur me negociatat, Kryeministri ka deklaruar se se “s’do të ketë më vijë ndarësve të tradhtisë, por një vijë e re”, ndërkohë që ai ka përsëritur se “Barketa s’do të jetë më pikë nga fillon matja e Detit…” etj.. Pra, duket se nuk mund të hartohet një draftmarrëveshje ku të ketë ndryshim nga këto deklarata… Si mund të kapërcehet ky institucion kushtetues i lartë!?

Këto që po fliten (por që s’janë zyrtare) si dhe hermetizmi që po hasim është i pranishëm edhe te kolegët tanë, këto të bëjnë të mendosh me shqetësim për ecurinë normale të Negociatave. Ne pyesim se, a janë bërë negociata për: a)Metodat, parimet, kriteret e UNCLOS-82, sepse në Paktin Detar-1 Shqipëria rezulton humbëse e madhe në sajë të përdorimit të metodës së baraslargësisë, duke përjashtuar kushtet e rrethanat speciale që ka Korfuzi (si arkipelag) ndaj Shqipërisë që është dhe Kontinental? A është folur për nenin 15 të UNCLOS-82 dhe “rrethanat specifike e titujt historikë”? b) Efektin e ishullit Othonoi, që, sipas ministrit të Jashtëm të Greqisë, Kotzias, do të përfitojë një efekt të plotë (100%) të hapësirës Ekonomike Ekskluzive, duke e pushtuar këtë hapësirë prej rreth 270 km2!? Dhe Shqipëria ka gjasa që të mos marrë EEZ në Ngushticën e Otrantos e ky mund të konsiderohet si një ripushtim i së drejtës detare shqiptare në bazë të UNCLOS-82. c)Barketën e cila është shkëmb e cekin detare e Shqipërisë, në të cilën në Paktin Detar-1 është përdorur si pikë bazë nga është matur Deti Territorial i Shqipërisë, duke i lënë vetëm 900 metra deri në vijën bregore të Shqipërisë!? d)A ka qenë vallë, një negociatë aq e ndijshme pretendimi i Shqipërisë se Pakti Detar-1 as që nuk e cek Gjirin e Sarandës, që për rrethanat shqiptare është “historik”, por vija është mbyllur deri në grykë të qytetit e prej aty ka filluar matja!?

Kaq do të mjaftonin për t’u njohur shqiptarët, se “a ka zë e figurë” Shqipëria, apo aty ka pasur diktat nga pala fqinje negociatore!?

Gjykata Kushtetuese e Shqipërisë nuk mund të kapërcehet!

Ju mendoni se ka diktat?

Nuk mund ta themi këtë ende, prandaj opinioni kërkon shpjegime për draftmarrëveshjen e dërguar! Apo Shqipëria ka ndenjur kokulur, inferiore, e pazonja për veten e saj, për Integritetin Territorial të hapësirave të saj! Qëndrimi i shtetarëve të Greqisë na zbulon se ata kanë arritur qëllimet e tyre strategjike dhe “negociatat janë në udhë të mbarë…” e kjo flet shumë. Po Shqipëria? Ajo s’ka se ku mbështetet veçse në UNCLOS-82, në Vendimin e Gjykatës Kushtetuese të Shqipërisë dhe në rolin e sotëm të Presidentit, i cili ka në dorë kryeoponencën e kreut të shtetit. Por para se të shkojë në dorë të tij, forumet, bashkësitë studimore të pavarura, Shoqëria Civile duhet të njihen me draftmarrëveshjen që të kontrollojnë drejtësinë, ligjësinë, saktësinë në moscenimin e Integritetit Territorial të Shqipërisë. Kjo është rruga. Hiqni hermetizmin e Paktit Detar! Kjo i bën mirë përfundimit të negociatave për një zgjidhje të ndershme e të drejtë (equitable solution) të synimeve të Shqipërisë. Kërkimi i firmave aq me ngut, dëshira për të kopsitur një draft me 13 firma dhe kundërshtia e parë, tregon se ka gjasa që të ketë vepruar një teknologji tjetër, një mekanizëm tjetër brenda dy grupeve negociatore, të cilat mund të na sjellin në vijë të re, të manipuluar, por pa bërë negociata të vërteta për çështje aq të komplikuara që ju i cekët më parë.

A mund të shpjegoni diçka për këtë?

Gjer këtu nuk mund të arrihet! Sepse kjo do të thotë se presim një Pakt Detar-2 shumë herë më të keq se sa ai i pari! Prandaj mirë po na kujton Shoqëria Civile që të kemi transparencë në pikat thelbore të draftmarrëveshjes… Se ndryshe, edhe pala tjetër mund të ketë plotësuar firmat dhe kjo sjell në një rang të dytë e pastaj të tretë në Qeveri dhe del një ditë që dy ministrat e Jashtëm, me nga pas Ramën e Cipras bëjnë të njëjtën gjë që bëri dhjetë vjet më parë Berisha, Basha. Karamanlis dhe Bakojanis. Po të jetë ky skenar e ky kalendar, sjell një gabim të dytë të pafalshëm të Qeverisë, se duhet të dihet mirë se s’ka zot nëne që të bindë shqiptarët, nëse ata nuk njoftohen më parë me draftmarrëveshjen. Prandaj të çlirohemi nga hermetizmi.

Profesor Pasha, unë po iu citoj se ç’informacion ka Berisha:

“ …negocim dhe negociata nuk ka. Unë kam burime të brendshme, ka atdhetarë dhe patriotë në atë ekip, grupin negociator. Burra atdhetarë të cilët nuk e shesin interesin e vendit të tyre në atë mënyrë. Ata më kanë informuar qartë se deri para një jave është zhvilluar një takim me palën greke, në të cilën është dorëzuar marrëveshja e panegociueshme nga pala greke dhe me urdhrin e prerë që nuk do të mund të përdorni fjalën ‘ekiti’ se ne nuk e njohim. Nocioni i ‘Ekiti’-së është edhe themeli i vendimit të Gjykatës Kushtetuese. Gjithçka tjetër është bërë në favor të qeverisë greke, pa matje”. Ç’mendim keni për këtë informacion? Është shumë alarmante po të ketë ndodhur kjo! Prandaj sa më parë të njihemi me atë se ç’po bëhet me detin e shqiptarëve! Mos vallë kemi pazare?

Mbrëmjen e djeshme në emisionin “Opinion” ka qenë i ftuar kryeministri i vendit Edi Rama, ndërsa përballë tij kanë qenë gazetarë e analistë.

Gjatë bisedës në studio ka pasur edhe një moment kur tonet janë ngritur paksa, e kjo për temën e nxehtë të vetingut të politikanëve të propozuar nga opozita si dhe për rastet e deputetëve të PS të cilët u larguan nga dekriminalizimi.

Rama është përballur me komentet e Blendi Fevziut dhe Robert Rakipllarit, teksa këta të fundit kanë sjellë në kujtesë rastet e disa prej deputetëve të cilët rezultuar të ishin të dënuar më parë për krime.

Pjesë nga debati:

Rama: Lëreni gurin që ka hedhur Luli në lum dhe hajde flasim për diçka tjetër

Fevziu: Po pse keni frikë nga vetingu?

Rama: Frik nga cili veprim?

Fevziu: që të ketë një filtër ekstra më të fortë për të ndaluar lidhjet e politikanëve me krimin?

Rama: e para e punës, qëllimi i këtij guri të hedhur në lumë është pikërisht ky… që të ndërtohet kjo fabul që “unë s’kam frikë, ti ke frikë”. Ky nuk është vendim por palaçollët… nëse gjykatësit, vetingu thotë kontakte të papërshtatshme, ju e keni parë çfarë është, pra kontakti i papërshtatshëm me subjektin e tij, pra me subjektin e tij, që populli e paguan të gjykojë dhe ai devijon.

Fevziu: Po kur një deputet flet në telefonon me personin që e ka thirr prokuroria për çështjen tuaj?

Rama: Në momentin që deputeti flet në telefon dhe prokuroria e konsideron nul…

Robert Rakipllari: Deputeti duhet të mos shkojë më në parlament, por nuk shkon në burg, ky është dallimi

Rama: Ore je në vete nga trutë e kokës? E di çdo të thotë në telefon? Jeni në terezi ju apo jo? Nëse deputeti flet ne telefon, deputeti në radhë të parë e ka për detyre të flas ne telefon me të gjithë, por nëse deputeti i bën favore një personi të inkriminuar, deputeti shkon në burg…

Fevziu: Moralisht nuk mund të rrijë më në politikë…

Rama: Ore jeni në rregull ju apo jo? Ju po thoni rast thashethemet… a jeni në vete ju?

Fevziu: Po duhet të ketë një filtër moral more zoti kryeministër?

Rama: Çfarë filtër, filtër moral për çfarë flas unë?

Rakipllari: Filtër moral për rritjen e integritetit të përfaqësimin politik në Shqipëri…

Rama: Cilin integritet?

Rakipllari: Ju thatë se në grupin tuaj parlamentar ju nuk keni asnjë kriminel, e keni thënë publikisht. Dolën që ishin ata…

Rama: Kush ishte?

Rakipllari: Arben Ndoka….

Rama: Ai, i vetmi…

Rakipllari: Frroku, Prenga…Elvis Roshi… nuk janë kriminelë këta?

Rama: E para e punës… një minutë… Është turp..

Rakipllari: Keni dhënë garanci për këta persona… Ambasadori amerikan ju ka kërkuar mos ta kandidoni atë, ju e kandiduar.

Rama: A ka mundësi? Prit mo prit… A mbarove? Është turp për një gazetar…

Rakipllari: Si qenka turp për një gazetar? Është turp për mua dhe nuk është turp për ty që ke mbrojtur Elvis Roshin?!

Rama: është turp për nja gazetar që të thotë se Mark Frroku ishte anëtarë i PS…

Rakipllari: Po aty ishte, bashkë me ju, anëtarë i maxhorancës, merrte pjesë në mbledhjet e grupit parlamentar të PS, ishte pjesë e vendimmarrjes…

Rama: Është turp… E dyta, as Armando Prenga nuk është subjekt..

Rakipllari: Si nuk është? Ai nxori pistoletën aty në mes të komisariatit…

Rama: Zotëri, u dënua politikisht për këtë, e kam përjashtuar unë nga grupi nuk e ka hequr dekriminalizmi…

Rakipllari: Po, pasi ka rrahur deputetë me rripa, në Parlament… këto janë fakte.

Fevziu: Ishte ambasadori amerikan që ju bëri thirrje publike që këta persona janë të lidhur me krimin…

Rama: edhe një herë tjetër, është turp more është turp, është turp, turp i madh… kjo është arsyeja se përse kjo histori duhet mbyllur këtu. Dekriminalizimi është ligji atje, një ligj që nuk e ka asnjë vend i planetit.

Rakipllari: po një filtër ekstra duhet, se ikën kriminelët por shokët e kriminelëve i ke akoma ty..

Rama: Më fal, më fal një minutë, prit mo prit…

Rakipllari: Rama, këtë nuk mund ta mohosh, që përfaqësimin politik e ke katastrofë, integritetin e personave aty e ke ashtu siç është aty.

Rama: Në këtë parlament?

Rakipllari: Në këtë dhe në të kaluarit…

Rama: Po turp mo turp..

Rakipllari: Pse turp?

Rama: Më thuaj në cilin grup? Kush je ti që diskuton integritetin e njerzëzve kështu…

Rakipllari: E diskutoj që çke me të..

Rama: Pse mo ku jeni këtu? Në komitetin qëndrorë jeni?

Rakipllari: E diskutoj që çke me të, kjo është puna ime

Rama: Si u diskutoka? Aty ka gra, burra, prindër, nëna..

Rakipllari: Askush nuk i mohon që ka…

Rama: Po si… Kush je ti që e diskuton këtë?

Rakipllari: Kjo është puna ime, është detyra ime ta them këtë…

Fevziu: Zoti Rama çfarë ishte ajo për 330 veta të larguar nga dekriminalizimi?

Rakipllari: Ata janë kriminelë, të dënuar…jo të lidhur me krimin…

Rama: Është turp dhe vetëm turp që thuhet kjo gjë në një vend demokratik…

Rakipllari: Po patjetër, turp për ne që e themi, po kanë dalë ata ama…

Rama: Ja ta shpjegoj unë… ata janë…

Rakipllari: Ke dhënë garanci për Elvis Roshin dhe ke thënë që ky nuk është kriminel, minimalisht kërko një ndjesë për këtë…

Rama: Hë mo boll tani, më ler të mbaroj se e teprove…Do të kërkoj ndjesë… për ça të këkroj ndjesë?

Rakipllari: Publikut, jo mua…

Rama: Jo ty, po askujt nuk i kërkoj ndjesë sepse nuk kam bërë asgjë të qëllimshme dhe kam thënë ekzaktësisht gjënë që kam ditur…. sepse kur kam krijuar grupin, kam marrë të vetmen dëshmi që kishim, atë të penalitetit, dhe ka qenë e bardhë… Njeriu nuk quhet kriminel, në asnjë vend të botës, pasi ka kryer dënimin.

Rakipllari: Nuk bëhet as deputet ama…

Rama: 330-tshja është rezultat i iniciativë sime, u kam thënë e bëjmë që e bëjmë këtë ligj, ta shtrijmë në të gjithë administratën.

Fevziu: Ishte e opozitës

Rama: Ore është e imja… po ju them edhe një herë që ju merrni pjesë në këtë përpjekje për ta kriminslaizuar gjithë Shqipërinë dhe politikën…*(Debati për vetingun politik të propozuar nga opoizta) Dhe nëse ka dy gjera që janë të padiskutueshme: e para që kjo është përpjekje për të spostuar komplet një hulli tjetër, një luftë pulitke që ata janë të humbur… e ka thënë dhe Berisha që ne nuk fitojmë dot me pozitën…

Rakipllari: Sepse Rama e vjedh votën tha, merre të gjithën…

Rama: ky është një tjetër turp i juaji se ju duhet të bëni sondazhe, ju bëni politikë nuk bëni informim. Bëni sondazhet dhe shikoni. Unë po ju them sot, se nëse bëhet ne marrim më shumë deputetë nga sa kemi dhe ata marrin më pak…

Rakipllari: Ju jeni e vetmja maxhornacë që vetëm i rrit votat…

Rama: Çuditërisht!!

Rakipllari: Shkelje e të gjitha rregullave të shkencave politike…

Rama: Mos u shqetëso ti për shkencën, se kështu ishte dhe partia Laburiste në Angli…

Rakipllari: Jo, në mandatin e dytë ishte më shumë

Rama: Prit se dua ta mbaroj këtë… se është turp…

Fevziu: Çfarë është turp mor burrë? Po pse mo nuk  ka qenë parlamenti i mbush me kriminelë? Me banditë?

Rama: Jo mo jo nuk ka qenë i mbushur me banditë… fare!

Fevizu: Po plot mo plot ka qenë.

Rama: E vërteta e dekriminalizimit është që nga PS ka ikur vetëm një deputet, dhe ai u dorëhoq para se të futej ligji në fuqi, dy të PDIU dhe dy të LSI…

Rama: Unë i kërkoj ndjesë Rakipllarit, se e ngrita pak zërin, se e mora shumë seriozisht pasionin e tij…

Rakipllari: Nuk ka nevojë mund të ishe edhe më keq..

Rama: Është turp, turp, për gazetarë që thonë se një politikan duhet të ikë nga politika se të kapën një foto apo folën në telefon, jeni në vete? Jeni në terezi?

Një ditë më parë, kryeprokurorja Arta Marku urdhëroi hetimin disiplinor për 10 prokurorët që nuk pranuan të ishin pjesë e shortit për çështjen e Emiljano Shullazit.

Lidhur me vendimin e Markut, 10 prokurorët janë drejtuar me një letër publike mediave, Zyrës së BE në Shqipëri, PAMECA-s dhe ambasadës së SHBA.

Në letërn e shkruar prej prokurorëve thuhet se nuk mund të pranonin dojen “Shullazi” në fazën që ndodhet.

Sipas tyre, në asnjë moment nuk është bërë i ditur urdhëri për zëvendësimin e prokurorëve në fjalë së bashku me shkaqet ligjore përkatëse dhe derisa gjithçka të bëhej e qartë çështja në fjalë, ndodhej në fazën e diskutimeve përfundimtare.

Gjithashtu 10 prokurorët pretendojnë se shorti nuk ka qenë në përputhje me ligjin, “duke u ndjerë në kushtet e paligjshmërisë së procesit, pjesa më e madhe prokurorëve, e përbëre nga 9 prej tyre, pasi paraqitën argumentat e tyre, dhe në mungesë vullneti nga drejtuesja e PKR për të diskutuar profesionalisht ligjshmërinë e procesit dhe argumentat, u larguan nga shorti.”

Letra e plotë

Tiranë, më 21 Shtator 2018

Deklaratë

Drejtuar: Mediave të pavarura të Republikës së Shqipërisë

Zyrës së Delegacionit të Bashkimit Europian në Republikën e Shqipërisë

Misioni PAMECA

Përfaqësisë Diplomatike të Shteteve të Bashkuara të Amerikës në Shqipëri

Në vijim të njoftimit të datës 19.9.2018 të Prokurores së Përgjithshme të Përkohshme (referuar më poshtë si “Njoftimi” ) për nisjen e hetimit disiplinor ndaj 10 prokurorëve të Prokurorisë për Krime të Rënda (referuar më poshtë si “PKR”), të cilët përfaqësojnë shumicën e prokurorëve të PKR, për shkak të sensibilitetit të lartë të rastit dhe për hir të bërjes transparente të fakteve, ne, prokurorët e poshtë-shënuar kemi përgatitur këtë deklaratë, me qëllim sqarimin e rrethanave të ngjarjes dhe çështjeve ligjore të lidhura me të, si më poshtë vijon:

Më datën 18 Shtator 2018, jemi njoftuar përmes telefonit për të qënë pjesëmarrës në një mbledhje e cila do të zhvillohej në të njëjtën ditë në orën 15.00, pa u njoftuar per objektin e saj. Njoftimi për mbledhje nuk ishte konform kërkesave ligjore në fuqi dhe vinte në kundërshtim me nenin 56 të ligjit nr.97 “Për organizimin dhe funksionimin e prokurorisë në Republikën e Shqipërisë” , I cili kërkon që mbledhja të njoftohet të paktën 3 (tre) ditë përpara, së bashku me rendin e ditës.

Mbledhja në fjalë u shty për të nesërmen, më datë 19.09.2018 në orën 9.00 nga drejtuesja, për shkak të mungesës së disa prokurorëve. Kërkesa e prokurorëve për t’u njohur me objektin e mbledhjes nuk mori asnjë përgjigje nga ana e drejtueses së komanduar të PKR.

Në mbledhjen e organizuar më 19 Shtator 2018, në orën 09.00, në fillimin e mbledhjes, drejtuesja e komanduar njoftoi se, mbledhja lidhej me hedhjen e shortit për caktimin e një prokurori për çështjen penale nr.26/16 dhe se hedhja e shortit lidhej me pamundësinë e prokurorëve të çështjes për ta përfaqësuar atë. Sqarojmë këtu se, në asnjë moment nuk na është bërë i ditur urdhëri për zëvendësimin e prokurorëve në fjalë së bashku me shkaqet ligjore përkatëse. Për hir të qartësisë, çështja në fjalë, ndodhej në fazën e diskutimeve përfundimtare.

Nga pjesa më e madhe e prokurorëve të pranishëm në mbledhje, u paraqitën pretendime në lidhje me kërkesën për hedhjen e shortit dhe ligjshmërinë e tij, pasi prokurorët e çështjes Elisabeta Ymeraj dhe Ened Nakuçi, vazhdonin të ishin prokurorë të çështjes, përfshirë këtu edhe prokurorin Besim Hajdarmataj, i cili në fakt, jo më herët se data 18 Shtator 2018, përmes një akti me shkrim, i kishte shprehur drejtueses së komanduar të PKR vullnetin e tij, për të vazhduar përfaqësimin e çështjes në fjalë, pranë gjykatës kompetente.

Hedhja e shortit, dhe ideja vijuese për krijimin e një grupi hetimor prej 4 (katër) prokurorësh në gjykimin e një çështjeje penale, vinte në momentin kur çështja në fjalë ndodhej në fazën e diskutimeve përfundimtare, dhe grupet hetimore krijohen në fazën e hetimit dhe jo në fazën e gjykimit, aq më pak në fazën e diskutimeve përfundimtare.

Një kërkesë e tillë, cënonte parimet e nenit 6 të Ligjit no. 97 “Për organizimin dhe funksionimin e prokurorisë në Republikën e Shqipërisë” në lidhje me pavarësinë dhe integritetin e prokurorëve, aq më tepër në në një fazë të tillë të procesit, kur hetimi, akuzat, debati gjyqësor, qëndrimet mbi vlefshmërinë e provave dhe vlera e tyre provuese ishin kryer nga prokurorë të tjerë të çështjes.

Argumentimi ligjor, parimor dhe mbi baza etike nga shumica e Prokurorëve, nuk u mor parasysh nga drejtuesja e komanduar e PKR, e cila kërkoi ndërprerjen e menjëhershme të debatit, duke nisur procedurën e hedhjes së shortit.

Duke u ndjerë në kushtet e paligjshmërisë së procesit, pjesa më e madhe prokurorëve, e përbëre nga 9 prej tyre, pasi paraqitën argumentat e tyre, dhe në mungesë vullneti nga drejtuesja e PKR për të diskutuar profesionalisht ligjshmërinë e procesit dhe argumentat, u larguan nga shorti.
Në të njëjtën ditë, më date 19 Shtator 2018, grupi i 10 (dhjetë) prokurorëve u njoh me Njoftimin e Prokurores së Përgjithshme të Përkohshme, për nisjen e një procesi disiplinor kundër tyre vetëm nëpërmjet Mediave.

Njoftimi në fjalë është në kundërshtim me ligjin; Prokurori i Përgjithshëm nuk ka kompetenca për të nisur procedim disiplinor deri në krijimin e organeve të reja (Këshilli i Lartë i Prokurorisë), ndërkohë që vendimi i Gj. Kushtetuese nr. 34, date 10.04.2017, ka shfuqizuar nenet 101 e vijues të Ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”.

Në vijim, Prokurorja e Përgjithshme e Përkohshme, në kundërshtim me ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, ka urdhëruar transferimin e përkohshëm në Berat, Pogradec dhe Kukës të prokurorëve Olsian Çela, Besim Hajdarmataj dhe Sonila Muhametaj. Për të garantuar pavarësinë e magjistratëve dhe mbrojtjen nga presionet mbi punën e tyre, ligji në fjalë nuk lejon asnjë transferim apo komandim të magjistratëve pa pëlqimin e tyre. Përmes këtij veprimi antiligjor me natyrë ndëshkuese, cënohet tërësisht pavarësia e magjistratëve duke krijuar një precedent të rrezikshëm pasi e kthen organin e prokurorisë në modelin e vjetër hirearkik dhe të centralizuar, në kundërshtim të plotë me Kushtetutën e Republikës së Shqipërisë dhe ligjet e tjera të reformës në drejtësi.

Sa më sipër vlerësojmë dhe besojmë se kjo deklaratë, është në interesin e transparencës së punës së institucionit të Prokurorisë dhe i shërben zgjidhjes ligjore të rastit në fjalë. Cënimi i parimit të pavarësisë së prokurorëve, dëmton rëndë punën e këtij organi dhe ul besimin e publikut tek institucionet e drejtësisë.

Prokurorët

Olsian Çela
Përparim Kulluri
Arens Çela
Edvin Kondili
Pranvera Pustina
Eugen Beçi
Sonila Muhametaj
Blerim Tominaj
Besim Hajdarmataj
Behar Dibra

TIRANË – Instituti “Yunus Emre” në Tiranë me kontributin e Ambasadës së Republikës së Turqisë në Tiranë, për të dytin vit radhazi, do të organizojë aktivitetin “Ditët e Turqisë” me moton “Sa afër jeni me Turqinë”.

Me pjesëmarrjen e përfaqësuesve të bashkive dhe institucioneve turke, “Ditët e Turqisë”, do të organizohen në sheshin “Skënderbej” në kryeqytetin e Shqipërisë, në datat 25-27 shtator, sipas njoftimit nga Instituti “Yunus Emre” Tiranë.

Në stendat promovuese që do të jenë të hapura përgjatë gjithë ditës, do të prezantohet kultura, arti, gatimet tradicionale dhe muzika turke.

Gjithashtu, çdo mbrëmje do të organizohen koncerte dhe aktivitete shumëngjyrëshe, ku qytetarët shqiptarë do të njihen me kulturën turke.

Biznesmeni i dhunuar sot në Tiranë, Andrea Zoga në një intervistë për “Panorama Online” ka treguar emrat e personave që e kanë kërcënuar edhe më parë, për shkak të një borxhi që pretendojnë se ka marrë vëllai i tij.

Ai ka thënë se nuk ka dijeni për borxhin e të vëllait, shumë e cila pretendohet të jetë 10 mijë euro.

Andrea Zoga tha për “Panorama Online” se nuk i ka parë personat që  e dhunuan sot paradite pasi ishin të maskuar, por më parë ai është kërcënuar nga një person i quajtur, Eltjon Bodinaku.

Ai ka thënë se ka kallëzuar në prokurori kur e goditën herë e parë para biznesit të tij, por prokurori Julian Zonja e ka mbyllur çështjen pa e thërritur fare biznesmenin.

Biznesmeni ka treguar rreth gjendjes shëndetësore dhe idesë për t’u larguar nga vendi nëse nuk arrestohen personat.

Keni patur ndonjëherë konflikte me personat që ju kanë sulmuar?

Është një konflikt që ka patur im vëlla me persona të tjerë për marrje borxhi.

Pra ngjarja ka lidhje me vëllain tuaj?

Po kjo është nuk ka lidhje me asgjë tjetër. Unë nuk kam asnjë konflikt me persona të tjerë.

Vëllai juaj ku ndodhet?

Vëllai jeton jashtë.

Sa është vlera e borxhit?

Janë rreth 10 mijë euro që ka marrë im vëlla. Që unë nuk jam në dijeni fare të këtij borxhi.

Jeni kërcënuar nga këta persona më parë?

Jam kërcënuar para dy muajsh. Prokuroria e pezullon dhe nuk e fillon çështjen për mos pasje argumentesh.

Personat i njihni?

Po po i njoh dhe i kam bërë kallëzim penal atyre. E kam çuar çështjen në prokurori dhe prokurori Julian Zonja,  pa më parë mua se kush jam ka mbyllur çështjen.

I njihni personat që ju dhunuan?

Ata që më kërcënuan po, ata që më dhunuan nuk i njoh sepse ishin të maskuar.

Po personat që ju kanë kërcënuar kush janë?

Ata që më kanë kërcënuar njëri quhet Eltjon Bodinaku dhe dy vëllezër që janë nga Puka. Di që i ka policia këto të dhëna sepse janë në kallëzimin e parë që kam bërë.

Keni bërë kallëzim tjetër penal dhe çfarë ju thanë?
Po kam bërë kallëzim tjetër penal dhe më thanë që do ta çojmë çështjen deri në fund.

Personat kanë tentuar të flasim më vëllain tuaj?

Se di fare se unë kam nuk flas vetë me tim vëlla. Ai është larguar këtu e 7 muaj përpara. Nuk e di fare dhe kur kanë ardhur tek unë nuk kam qenë fare në dijeni të kësaj gjëje.  Më vjen keq i thash i jeni drejtuar derës së gabuar. Gjejeni personin ku është në Gjermani.

Sa herë ju kanë kërcënuar?

Njëherë më kanë kërcënuar dhe njëherë më kanë ardhur në zyrë. Më kanë gjuajtur para subjektit.
Kush ju ka goditur?

Shoku i personit që donte borxhin. Shoku i Eltjon Bodinakut. Ky është ai që nxjerr borxhet.

Si paraqitet gjendja juaj shëndetësore?

Copë, copë.

Çfarë ju kanë thënë doktorët?

Tani do bëj ekspertizën mjekoligjore. Por njërin sy është më eshët mbyllur nuk hapet fare. Qafa më dhëmb gjithë kohës. Dy gjunjët që nuk lëvizin dot.

Kenit thënë që doni të largoheni nga Shqipëria?

Do kërkoj të largohem në një moment që nuk ka zgjidhje për këtë çështje nga shteti për banda që kërcënojnë bizneset. S’ka zgjidhje tjetër veçse të ikësh nga Shqipëria.

Kreu i Partisë Demokratike dhe opozitës Lulzim Basha paralajmëron deklarata denoncuese.

Zyra për shtyp e PD-së njofton se në orën 19:00 Basha do të dalë në konferencë të jashtëzakonshme për media.

Ai pati sot në drekë një tjetër dalje në media dhe nuk dihet se për çfarë denoncimesh të reja bëhet fjalë.

  “Drejtorët e qarqeve të arsimit duhet të largohen”

Shkolla, si institucion bazë i sistemit  arsimor është vendi ku derdhet djersa e mësuesit për të përgatitur brezin e ri që t`i dalë zot fateve të vendit, prandaj ky sistem, së pari duhet të nisi me reformimin e drejtimit në arsimin tonë.

                  Arsimi ka nevojë për drejtues të aftë

Drejtuesi në arsim nuk duhet të jetë vetëm njeri i urdhrave, i dhënieve së porosive dhe detyrave, por në radhë të parë duhet të jetë njeri i përgatitur profesionalisht dhe i përkushtuar për të kryer detyrën që i ngarkohet. Një drejtues i mirë krijon atmosferë të shëndoshë  me kolektivin në mënyrë që punët të kryhen me dëshirë dhe jo me detyrim. E theksojmë këtë fakt, sepse vitet e fundit është vënë re se drejtuesit në arsim kanë qenë disi të “betonuar” në detyrën e tyre, prandaj në shumë raste tek drejtues të ndryshëm janë vënë re dukuri të tilla si paaftësi për të kryer detyrën në lartësinë e duhur, monotoni, mediokritet, liberalizëm, por shpesh herë teka ata është shfaqur edhe arroganca dhe ndjenja e inferioritetit. Në këto kushte, disa drejtues nuk kanë mundur të bëhen shembull pozitiv në mjediset ku kanë punuar.

Drejtuesit në fushën e arsimit kërkohet të jenë mjeshtër, jo vetëm në punën mësimore dhe edukative, por edhe në metodën e komunikimit me mësuesit dhe aq më tepër me nxënësit. Një drejtues i përgatitur duhet të jetë i thjeshtë, i qeshur, i zgjuar, i vëmendshëm, i dashur. Duhet ta dojë dhe respektojë profesionin, misionin e tij fisnik, kolegun, bashkëpunëtorin, nxënësin. Vetëm nëse krijon unitet dhe harmoni në kolektiv, themi se një drejtues është i aftë dhe i përkushtuar ndaj kryerjes së detyrës. Por, në kushtet e sotme, kur pothuajse kemi drejtorë arsimi apo drejtues shkollash të “përjetshëm”, njerëzve të tillë u krijohet mundësia të abuzohet me detyrën, të sillen ashpër me mësuesit dhe me nxënësit, të abuzojnë me marrëdhëniet me kolektivin, të mos respektojnë sa e si duhet normat e punës në shkollë. Kjo ka çuar në rënien e nivelit të punës mësimore dhe edukative në disa shkolla.

Është folur shumë për drejtuesit në arsim, por në të vërtetë, mbetemi në të njëjtin stad. Nuk njohin në thelb programet, planet dhe tekstet mësimore, ose nuk kishin dhënë kontribut të vyer në punën mësimore dhe edukative. Kjo e ka dëmtuar sistemin tonë arsimor, kjo ka dobësuar të ardhmen e shkollës sonë. Drejtuesi në arsim duhet të jetë vizionar. Ai nuk duhet të punojë për momentin, por të ndërtojë punën për të ardhmen, të njohë shqetësimet që lindin në sektorin e tij, problemet që dalin në komunitet, nivelin e çdo mësuesi, nivelin dhe sjelljen e çdo nxënësi etj. Vetëm kështu mund të shpresohet në një rezultat pozitiv në shkollat tona.

             Shqetësim: monopoli politik në drejtimin e shkollës

Të gjitha instancat drejtuese në sistemin tonë arsimor nga DAR e ZA të vendit e deri te drejtori i shkollës vazhdojnë të jenë vende politike. Kjo po e dëmton shkollën. Vendi i drejtorit, nëndrejtorit apo punonjësve të tjerë të administratës po u dhurohet militantëve, njerëzve politikë që “kontribuuan” për partinë e tyre. Me kalimin e kohës këta persona “çimentohen” në këta pozicione dhe bëhen të paprekshëm sepse i mbron miqësia dhe politika. Prandaj, sot, në institucionet tona arsimore kemi persona që kanë vite në ato vende pune, si specialistë  apo drejtorë me 20-25 vjet. DHE AJO QE është shqetesuese sot pikërisht keta punonjes te DAR-it apo shkollave s’kanë asnjë fushë të kërkimit shkencor. Karakteristik është fakti se të gjithë këta njerëz janë militantë ose anëtarë dhe kryetarë të grup – funksioneve e, për më tepër, anëtarë të këshillave të bashkive të një subjekti politik. Ajo çka është më e rëndësishme, flitet në zë se ata nuk e kryejnë si duhet detyrën e tyre. Shpesh, këta persona duke qenë nën mantelin partiak, bëhen të dëmshëm për kolektivin dhe shoqërinë, bëhen pengesë për zhvillimin me ritme të shpejta të shkollës sonë.

Muajt e fundit është konstatuar një valë emërimesh skandaloze në postet e drejtorëve dhe nëndrejtorëve të shkollave, që kanë mbaruar part –time dhe me mesatare të ulët,duke e katandisur sistemin arsimor si mos më keq. Vendosja e drejtorëve pa kontribute dhe pa konkurse, ka shkaktuar prej muajve pakënaqësi të mëdha  në kolektivat e mësuesve, pavarësisht se këto të fundit gjendën të trembur dhe heshtin përpara një fakti tronditës. Kjo është shprehje e qartë e paaftësisë të drejtuesve të qarqeve të vendit. M.A.S ka kohë që ka marrë sinjalizime të herëpashershme lidhur me  emërimet pa konkurs dhe klienteliste në shkolla. Institucioni qendror hesht përpara këtij fakti, ku të paaftët dhe militantët vazhdojnë të gjejnë strehë në drejtimin e shkollave. Shkurt, ka ardhur koha që drejtorët e qarqeve të arsimit,ku ka shkelje si të sipërpërmendurat, duhet të largohen një orë e me parë, për shkeljet e rënda shkatërrimtare që po i bëjnë arsimit dhe shkollës.

I shtrojmë këta çështje, jo se nuk njihen nga opinioni i mësuesve, por që organet kompetente të marrin masa që fenomene të tilla të mos ndodhin më në shkolla. Shkolla duhet depolitizuar duke vënë mbi baza shkencore dhe jo politike. U fol shumë për politizim tekstesh, për pjesëmarrje të nxënësve dhe studentëve në mitingje të partive të ndryshme brenda orarit të mësimit e deri tek presionet e shumë drejtuesve ndaj mësuesve për të votuar sipas preferencave të tyre politike, madje pati edhe pezullime dhe pushime nga puna. Këta janë plagë të pashërueshme në arsimin tonë, që lënë shije të hidhur për një kohë të gjatë. Normalisht, dukuri të tilla nuk duhet të ndodhin, sepse dëmtojnë rëndë procesin në konsolidim të reformimit të shkollës.

Kërkohen drejtues me vizion të gjerë dhe dije shkencore

Sot, në kushtet e demokratizimit të plotë të sistemit arsimor dhe reformimit me hapa të shpejta të tij, përkrahën drejtues me vizion të gjerë dhe dije shkencore kërkohen njerëz të ditur dhe të sakrificës për të ndihmuar reformat dhe jo për t`i penguar ato. E themi këtë, sepse në shumë raste të zgjidhjes së problemeve në shkolla, shpesh janë bërë pengesa drejtuesit. Duhen përmendur këtu seminaret formale të organizuara, njëanshmëria në përzgjedhjen e teksteve mësimore, mungesa e predispozicionit në zgjidhjen e transportit të mësuesve dhe të nxënësve, kompletimi i shkollave me kabinete informatike dhe me sinjal interneti, përsosja e shpërndarjes së teksteve shkollore dhe shumë probleme të tjera, që duhen parë më me prioritet këtë vit shkollor. Janë probleme emergjente që duhen diskutuar dhe trajtuar gjerësisht nga drejtuesit, që të shpresohet në zgjidhjen e tyre. Kjo është detyra e drejtuesit në arsim dhe jo ajo e nxjerrjes përpara punonjësve e një mijë justifikimeve dhe pretendimeve për të vërtetuar një padrejtësi. Fenomene të tilla nuk duhet të ekzistojnë në mendjen dhe qenien e një drejtuesi të përkushtuar ndaj detyrës.

                Në sistemin e drejtimit të tërhiqen mësues të rinj,

                      që kanë master shkencor dhe profesional.

U fol shumë për përzgjedhjen e drejtuesit të arsimit me konkurs. Madje këtë vit edhe u aplikua për disa drejtues të ZA të disa rretheve, që në fakt rezultoi tërësisht e dështuar. Edhe në konkurse morën pjesë njerëz të politizuar, madje fituan më të preferuarit e organeve drejtuese. Por edhe kjo nuk është zgjidhje. Drejtuesi në arsim, fitues i një konkursi sipas kritereve të përcaktuara më parë nga dikasteri përkatës, mund të jetë e keqja më e mirë, por duhet ditur se ai testohet vetëm në njohuritë shkencore, ndërkohë që ai duhet të ketë edhe shumë cilësi të tjera njerëzore, metodike, pedagogjike, psikologjike etj, për ta bërë atë një person juridik të kompletuar në profesionin e vet. Madje, u hodh ideja që në rastin e emërimit të drejtuesve në arsim duhej marrë edhe mendimi i komunitetit. Ishte ide pozitive që nuk u realizua kurrë, megjithëse ky proces ka edhe anët e tij negative. Drejtuesi në arsim duhet të çojë me ambicie pozitive përpara detyrat e vëna në zbatim të reformës në arsim, të verë në lëvizje forcat krijuese, të respektojë dhe të përgjithësojë shembullin pozitiv. Është detyrë e drejtuesit të mbajë gjallë dëshirën e kolektivit për punë dhe mësim, të stimulojë kurdoherë shembullin pozitiv dhe të motivojë trupën arsimore për realizimin e objektivave. Drejtuesit e mirë, korrekt, të komunikueshëm dhe të përkushtuar, i duhet gjetur vendi i duhur, nga ana tjetër nuk mund të ngrihet në detyrë një militant mediokër. Në këtë kontekst jemi të detyruar të pranojmë se një drejtues i paaftë e dëmton jo vetëm punën e mësuesit, por edhe sistemin tonë arsimorë. Këtë fakt e kemi njohur, por e kemi të vështirë ta pranojmë.

Vërtetë në vendin tonë nuk kemi shkollë të veçantë për përgatitjen e drejtuesve, por njerëz të aftë dhe të ndershëm, që qëndrojnë larg politikës kemi, njerëz të përkushtuar dhe punëtorë kemi, mësues të aftë që e njohin artin e drejtimit. Le t’i afrojmë ata, t’i vlerësojmë dhe do të shohim si mund të ndryshojë shkolla dhe sistemi ynë arsimor në të ardhmen. Ky duhet të jetë një nga problemet që duhet të shihet më me prioritet, në sistemin tonë arsimor. Fryma e re, reformat e reja duhet të mbizotërojnë kudo në shkollat tona.

NJOFTIM SHTYPI & FTESË

Vizitat e misionit të Europa Nostra dhe Institutit të Bankës Europiane të Investimeve

Kishat Pas-Bizantine në Voskopojë dhe Vithkuq

Korçë, 16 shtator 2018 – Ekspertë nga Europa Nostra, organizata kryesore e trashëgimisë në Europë dhe Instituti i Bankës Europiane të Investimeve do të mbërrijnë në Shqipëri më 18 shtator për një mision katër ditor në lidhje me Kishat Pas-Bizantine në Voskopojë dhe Vithkuqi.

Kishat janë renditur midis 7 Më të rrezikuara vende të trashëgimisë në Europë në 2018, pas një nominimi të bërë nga Fondacioni “E Shkuara për të Ardhmen”. Delegacioni europian i specialistëve të trashëgimisë dhe të financave do të takohet me autoritetet kombëtare – duke përfshirë Ministrin e Turizmit dhe Mjedisit Blendi Klosi, Ministrin e Kulturës Mirela Kumbaro, përfaqësuesin kryesor të Kishës Ortodokse në Korçë, Voskopojë dhe Vithkuqi Johan Pelushi, organizatave të shoqërisë civile dhe aktorë të tjerë, me qëllim mobilizimin e përpjekjeve për të shpëtuar këto kisha ikonë.

Ky është një grup prej 12 kishash të ndërtuara në Voskopojë dhe Vithkuq në Shqipërinë juglindore gjatë shekujve XVII dhe XVIII. Ato janë dëshmia më autentike e zhvillimit të jashtëzakonshëm ekonomik të këtyre dy qendrave të krishtera gjatë sundimit otoman në Ballkan. Disa nga këto kisha, me përmasa të mëdha, përfaqësojnë një formë të re arkitekturore dhe unike të bazilikave të kupola. Ato janë monumentet më
përfaqësuese të artit kishtar të shekullit XVII-XVIII në Ballkan dhe janë kryevepra të stilit Pas-Bizantin.

Pavarësisht nga vlera e tyre historike, monumentet ndodhen në një gjendje të avancuar degradimi. Dëmtimet nga uji dhe lagështia paraqesin kërcënime serioze për pikturat e brendshme murale. Vjedhja e objekteve është një problem i qëndrueshëm pasi asnjë nga kishat nuk sigurohet me kamera apo alarm.

Peter Bond dhe Lourdes Llorens Abando, konsulentë teknikë të kontraktuar nga Instituti i Bankës Europiane të Investimeve, Paolo Vitti, anëtar i panelit këshilluese të programit 7 Më të Rrezikuarit dhe anëtar i Bordit të Europa Nostra, Lida Miraj, Arkitekte Restauratore dhe Anëtar Individual i Europa Nostra do të marrin pjesë në këtë mision. Kliti Kallamata, Arkitekt Restaurator i Fondacionit “E Shkuara për të Ardhmen”, do të përfaqësojë OJQ-në shqiptare që ka emëruar kishat në programin 7 Më të Rrezikuarat.

Më 18 shtator, delegatët do të kenë një takim me Ministrin e Turizmit dhe Mjedisit, Blendi Klosi në Ministrinë e Turizmit dhe Mjedisit në Tiranë dhe do të zhvillojnë diskutime lidhur me ruajtjen dhe rinovimin e sitit.

Më 19 shtator, delegacioni do të vizitojë Kishat Pas-Bizantine në Voskopojë dhe Vithkuq.

Më 20 shtator, delegatët do të takohen me përfaqësuesin kryesor të kishës orthodokse në Korçë, Voskopojë dhe Vithkuqi, Johan Pelushi, që është pronar i kishave të Voskopojës dhe Vithkuqit, dhe me kryetarin e
Bashkisë së Korçës, Sotiraq Filo.

Më 21 shtator, delegacioni do të takohet me përfaqësues të autoriteteve kombëtare në Tiranë, duke përfshirë Ministrin e Kulturës, Mirela Kumbaro dhe gjithashtu me Drejtorin e Institutit të Monumenteve të Kulturës.

Të njëjtën ditë, në orën 17:30, ekspertët do të japin një konferencë shtypi për misionin.

Profesionistët e medias janë të ftuar të marrin pjesë në vizitën në Kishat Pas-Bizantine më 19 shtator dhe në konferencën për shtyp më 21 shtator.

Për më shumë informacion rreth programit të misionit, ju lutemi kontaktoni Kliti Kallamata.

PRESS CONTACTS
Organizata që ka nominuar sitin
Fondacioni “E Shkuara për të Ardhmen”
Kliti Kallamata
E: [email protected]
T: +355 692147022
Europa Nostra
Joana Pinheiro, Communications Officer
E. [email protected]
T. +31 70 302 40 55
PËR MË SHUMË

Homepage

www.europanostra.org/7-most-endangered-news
twitter.com/europanostra
youtube.com/user/EuropaNostraChannel

Background information

Programi 7 Më të Rrezikuarat

Programi 7 Më i Rrezikuarit (The 7 Most Endangered programme) identifikon monumentet dhe vendet e rrezikuara në Europë dhe mobilizon partnerët publikë dhe privatë në nivel lokal, kombëtar dhe europian për të gjetur një të ardhme të suksesshme për këto site. Programi ka filluar në 2013 nga Europa Nostra me Institutin e Bankës Evropiane të Investimeve si partner themelues dhe Banka e Zhvillimit të Këshillit të Evropës si partner shoqërues. Ajo u frymëzua nga një projekt i suksesshëm i ngjashëm i drejtuar nga Fondi Kombëtar Amerikan për Ruajtjen Historike. 7 Më të rrezikuarit nuk është një program financimi. Është një katalizator për veprim dhe nxit “fuqinë e shembullit”. 7 Më të rrezikuarit mbështetet nga programi i Europës Krijuese të Bashkimit Europian, si pjesë e projektit të Rrjetit Europa Nostra, “Trashëgimia e Përbashkët – Vlera të Përbashkëta”.

Që nga viti 2013, janë përzgjedhur si të të kërcënuara 29 monumente dhe vende të trashëgimisë nga 19 vende të Europës për në 7 Më të Rrezikuarat. Lista e parë u botua në vitin 2013, lista e dytë në 2014, lista e tretë në vitin 2016 dhe lista e katërt në vitin 2018, gjatë Vitit Europian të Trashëgimisë Kulturore. Në 2016, Laguna e Venedikut në Itali u shpall vendi më i rrezikuar i trashëgimisë në Europë.

Një panel ndërkombëtar këshillimor, i përbërë nga specialistë në histori, arkeologji, arkitekturë, konservim dhe financë, takohet për të diskutuar aplikacionet e dorëzuara në programin 7 më të rrezikuar dhe për të
përzgjedhur monumentet dhe vendet më të kërcënuara. Lista përfundimtare e 7 faqeve është zgjedhur nga

Bordi i Europa Nostrës

Ekspertët e trashëgimisë dhe ata financiarë nga Europa Nostra dhe Instituti i Bankës Evropiane të Investimeve ndërmarrin misione në 7 vendet, së bashku me propozuesit. Ekipet multidisiplinore vlerësojnë vendet dhe ndihmojnë në formulimin e një plani veprimi të mundshëm për secilin prej tyre, në bashkëpunim të ngushtë me palët publike dhe private të vendit. Rezultatet dhe rekomandimet e këtyre misioneve janë përmbledhur në raportet teknike dhe financiare. Partnerët e programit ndihmojnë në zbatimin e këtyre raporteve (reports).

Europa Nostra

Europa Nostra është federata pan-europiane e OJQ-ve të trashëgimisë e cila mbështetet gjithashtu nga një rrjet i gjerë i organeve publike, kompanive private dhe individëve. Duke mbuluar më shumë se 40 vende në Europë, organizata është zëri i shoqërisë civile të angazhuar për ruajtjen dhe promovimin e trashëgimisë kulturore dhe natyrore të Europës. E themeluar në vitin 1963, sot njihet si rrjeti më përfaqësues i trashëgimisë në Europë.

Plácido Domingo, këngëtari i njohur i njohur botëror, është President i organizatës.

Europa Nostra bën fushatë për të ruajtur monumentet, vendet dhe peizazhet e rrezikuara të Europës, në veçanti përmes programit 7 Më të Rrezikuar (7 Most Endangered programme). Ajo feston përsosmërinë përmes Çmimit të BE-së për Trashëgiminë Kulturore / Çmimet Europa Nostra. Ajo gjithashtu kontribuon në formulimin dhe zbatimin e strategjive dhe politikave europiane që lidhen me trashëgiminë, nëpërmjet një dialogu të strukturuar me institucionet europiane dhe koordinimin e Aleancës Europiane të Trashëgimisë 3.3.

Europa Nostra ka promovuar me forcë dhe po kontribuon në mënyrë aktive në Vitin Europian të Trashëgimisë Kulturore 2018 (European Year of Cultural Heritage).

Instituti i Bankës Europiane të Investimeve

Instituti i Bankës Europiane të Investimeve (European Investment Bank Institute – EIBI) u krijua në kuadër të Grupit EIB (Banka Europiane e Investimeve dhe Fondi Europian i Investimeve) për të promovuar dhe
mbështetur iniciativat sociale, kulturore dhe akademike me palët europiane dhe publikun e gjerë. Kjo është një shtyllë kryesore e angazhimit të komunitetit dhe të qytetarisë të Grupit të EIB-it. Më shumë informacion në http://institute.eib.org

Europa Krijuese

Europa Krijuese (Creative Europe) është programi i BE-së që mbështet sektorët kulturorë dhe krijues, duke u mundësuar atyre që të rrisin kontributin e tyre në vende pune dhe në rritje. Me një buxhet prej 1.46 miliard euro për vitet 2014-2020, ai mbështet organizatat në fushën e trashëgimisë, arteve të interpretimit, arteve të bukura, artit ndërdisiplinor, botimit, filmit, televizionit, muzikës dhe video lojrave si dhe dhjetëra mijëra artistë, profesionistë kulturorë dhe audiovizualë. Financimi u lejon atyre të veprojnë në të gjithë Europën, për të arritur audienca të reja
dhe për të zhvilluar aftësitë e kërkuara në epokën dixhitale.

Fondacioni “E Shkuara për të Ardhmen”

Fondacioni “E Shkuara për të Ardhmen” është një organizatë joqeveritare e themeluar në vitin 2002 me qëllim mbrojtjen, studimin, ruajtjen dhe restaurimin e monumenteve historike dhe trashëgimisë kulturore. Qendra e fondacionit është në Korçë, në juglindje të Shqipërisë – një zonë me numër të madh dhe shumëllojshmëri të monumenteve historike, ndërsa veprimtaria e fondacionit shtrihet në të gjithë Shqipërinë. Fondacioni ka kontribuar në shumë projekte, duke përfshirë studime dhe vepra që kanë të bëjnë me mbrojtjen e arkitekturës dhe teknologjisë paraindustriale në Shqipëri, studimet arkeologjike mbi monumente parahistorike, veprat konservuese mbi artin dhe arkitekturën e monumenteve bizantine dhe pas-bizantine si dhe mbrojtjen e zonave urbane

PRESS NOTE & INVITATION

Europa Nostra and European Investment Bank Institute mission visits

Post-Byzantine Churches in Voskopoja and Vithkuqi

Korça, 16 September 2018 – Experts from Europa Nostra, the leading heritage organisation in Europe, and the European Investment Bank Institute will arrive in Albania on 18September for a four-day mission related to the Post-Byzantine Churches in Voskopoja and Vithkuqi. The churches were listed among the 7 Most Endangered heritage sites in Europe in 2018, following a nomination made by “The Past for the Future”

Foundation.

The European delegation of heritage and financial specialists will meet with national authorities – including the Minister of Tourism and Environment Blendi Klosi, the Minister of Culture Mirela Kumbaro, the
leading representative of the Orthodox Church in Korça, Voskopoja and Vithkuqi Johan Pelushi, nongovernmental civil society organisations and other stakeholders, with the aim of mobilising efforts towards
saving these iconic churches.

The churches in Voskopoja and Vithkuqi in south-eastern Albania are a group of 12 churches built during the 17th and 18th centuries. They are the most authentic evidence of the extraordinary economic development of these two Christian centres during Ottoman rule in the Balkans. Some of these churches, large in size, represent a new architectural and unique form of domed basilicas. They are the most representative monuments of 17th-18th century ecclesiastical art in the Balkans and are masterpieces of the post-Byzantine style. Despite their rare historic value, the monuments are in an advanced state of decay.

Water damage and humidity pose a serious threat to the interior wall paintings. The theft of artefacts is an enduring problem as
none of the churches are secured with cameras or alarms.

Peter Bond and Lourdes Llorens Abando, Technical Consultants contracted by the European Investment Bank Institute, Paolo Vitti, Member of the 7 Most Endangered advisory panel and Europa Nostra Board
member, Lida Miraj, Architect Conservator and Individual Member of Europa Nostra, will participate in this mission. Kliti Kallamata, Architect Conservator of “The Past for the Future” Foundation, will represent the Albanian NGO that nominated the churches to the 7 Most Endangered programme.

On 18 September, the delegates will have a meeting with the Minister of Tourism and Environment, Blendi Klosi at the Ministry of Tourism and Environment in Tirana and will hold discussions concerning the
preservation and renovation of the site.

On 19 September, the delegation will visit the Post-Byzantine Churches in Voskopoja and Vithkuqi.

On 20 September, the delegates will meet with the leading representative of the Orthodox Church in Korça, Voskopoja and Vithkuqi, Johan Pelushi, which is the owner of the churches of Voskopoja and Vithkuqi, and the with Mayor of Korça, Sotiraq Filo.

On 21 September, the delegation will meet representatives from national authorities in Tirana, including the Minister of Culture, Mirela Kumbaro and also with Director of the Institute of Cultural Monuments.
On the same day, at 17:30, the experts will give a press conference about the mission.

Media professionals are invited to attend the visit to the Post-Byzantine Churches on 19 September and the press conference on 21 September.

For more information about the programme of the mission, please contact Kliti Kallamata.

PRESS CONTACTS
Organisation which nominated the site
“The Past for the Future” Foundation
Kliti Kallamata
E: [email protected]
T: +355 692147022
Europa Nostra
Joana Pinheiro, Communications Officer
E. [email protected]
T. +31 70 302 40 55
TO FIND OUT MORE
http://7mostendangered.eu/
www.europanostra.org/7-most-endangered-news
twitter.com/europanostra
youtube.com/user/EuropaNostraChannel

Background information

The 7 Most Endangered programme

The 7 Most Endangered programme identifies endangered monuments and sites in Europe and mobilizes public and private partners on a local, national and European level to find a viable future for those sites.The programme was launched in 2013 by Europa Nostra with the European Investment Bank Institute as founding partner and the Council of Europe Development Bank as associated partner. It was inspired by a successful similar project run by the US National Trust for Historic Preservation. The 7 Most Endangered is not a funding programme. It is a catalyst for action and promotes “the power of example”.

The 7 Most Endangered is supported by the Creative Europe programme of the European Union, as part of Europa Nostra’s networking project ‘Sharing Heritage – Sharing Values’.

Since 2013, 29 threatened monuments and heritage sites from 19 countries across Europe have been selected for the 7 Most Endangered. The first list was published in 2013, the second list in 2014, the third list in 2016 and the fourth list in 2018, during the European Year of Cultural Heritage. In 2016, the Venice Lagoon in Italy was declared the most endangered heritage site in Europe.

An international advisory panel, comprising specialists in history, archaeology, architecture, conservation and finance, meet to discuss the applications submitted to the 7 Most Endangered programme and to shortlist the most threatened monuments and sites. The final list of 7 sites is selected by the Board of Europa Nostra.

Heritage and financial experts from Europa Nostra and the European Investment Bank Institute undertake missions to the 7 sites, together with the nominators. The multidisciplinary teams assess the sites and help formulate a feasible action plan for each of them, in close cooperation with national and local public and private stakeholders. The results and recommendations of these missions are summarised in technical and financial reports.The programme partners assist with the implementation of these reports.

Europa Nostra

Europa Nostrais the pan-European federation of heritage NGO’s which is also supported by a wide network of public bodies, private companies and individuals. Covering more than 40 countries in Europe, the organisation is the voice of civil society committed to safeguarding and promoting Europe’s cultural and natural heritage. Founded in 1963, it is today recognised as the most representative heritage network in Europe.

Plácido Domingo, the world-renowned opera singer, is the President of the organisation.

Europa Nostra campaigns to save Europe’s endangered monuments, sites and landscapes, in particular through the 7 Most Endangered programme. It celebrates excellence through the EU Prize for Cultural Heritage / Europa

Nostra Awards. It also contributes to the formulation and implementation of European strategies and policies
related to heritage, through a structured dialogue with European Institutions and the coordination of the European
Heritage Alliance 3.3. Europa Nostra is an official partner and has been greatly contributing to the European Year
of Cultural Heritage 2018.

European Investment Bank Institute

The European Investment Bank Institute (EIBI) was set up within the EIB Group (European Investment Bank and European Investment Fund) to promote and support social, cultural, and academic initiatives with European stakeholders and the public at large. It is a key pillar of the EIB Group’s community and citizenship
engagement. More information on http://institute.eib.org

Creative Europe

Creative Europe is the EU programme that supports the cultural and creative sectors, enabling them to increase their contribution to jobs and growth. With a budget of €1.46 billion for 2014-2020, it supports organisations in the fields of heritage, performing arts, fine arts, interdisciplinary arts, publishing, film, TV, music, and video games as well as tens of thousands of artists, cultural and audiovisual professionals.

The funding allows them to operate across Europe, to reach new audiences and to develop the skills required in the digital age.

“The Past for the Future” Foundation

The Past for the Future Foundation is a nongovernmental organisation founded in 2002 with the protection, study, conservation and restoration of historical monuments and cultural heritage as its objective. The centre of the foundation is in Korca, Southeast Albania – an area with a great number and variety of historical monuments, while the activity of the foundation is extended in all of Albania. The foundation has greatly contributed to many projects, including studies and works related to the protection of pre-industrial architecture and technology in Albania, archaeological surveys on pre-historical monuments, conservation works on art and architecture of Byzantine and post-Byzantine monuments and the protection of urban areas.

Klodiana Lala – Teksa prokurorëve për Krime të Rënda iu ka mbetur edhe një muaj afat për të vendosur për fatin e ish-ministrit të Brendshëm Saimir Tahiri, në duart e tyre ka mbërritur përgjigja e letërporosisë nga Mali i Zi. Dokumenti po përkthehet në zyrat e Ministrisë së Drejtësisë dhe do t’i bashkangjitet fashikullit të hetimit.

Burime të besuara bënë me dije se përmes letërporosisë autoritetet malazeze i konfirmojnë prokurorisë shqiptare një udhëtim me jaht të ish-ministrit Tahiri nga vendi i tyre drejt Italisë, verën e 2017. Në dokument thuhet se jahti, është në pronësi të një shtetasi shqiptar, identiteti i të cilit mbahet tejet sekret nga prokurorët. Autoritetet e huaja kanë përcjellë edhe të dhëna të tjera, që lidhen me këtë udhëtim, që nga orari i nisjes, flamuri që mbante jahti, dhe emrat e personave që shoqëronin ish-ministrin e Brendshëm.

Pas marrjes së këtij dokumenti pesë prokurorët e çështjes kanë firmosur fletëthirrjet ne emër të gjithë personave që janë gjendur në shoqërinë ish-zyrtarit të lartë, të cilët pritet të paraqiten përgjatë kësaj jave për të dhënë shpjegimet e tyre. E ndërsa prokuroria ka hyrë në një tjetër fazë të vrullshme për t’i dhënë zgjidhje çështjes, nga ish-ministri i Brendshëm nuk ka pasur më asnjë lajm.

Gjatë muajve të verës, ai u shfaq aktiv në rrjetet sociale, ku shpërndante foto nga udhëtimet e tij në mal, apo teksa bënte zhytje me të birin, e kësisoj përçonte edhe mesazhet e tij. Së fundmi, Saimir Tahiri po qëndron në heshtje. Që prej tetorit 2017, kur ndaj tij prokuroria çeli hetimin pas dyshimeve për lidhje me grupin kriminal “Habilaj”, ish-ministri ka dalë triumfator përballë drejtësisë.

Ai mundi të shpëtonte nga arrestimi, pasi Kuvendi nuk i dha autorizim prokurorisë. ndërsa ka dalë fitues në dy betejat e zhvilluara në gjykata. Herën e parë ai e bindi Apelin për Krime të Rënda t’i kthente pasaportën, e në përballjen e tyre ta lironte nga arresti i shtëpisë. Me gjykatën e Lartë, ku presin të shqyrtohen dy rekurset e prokurorisë për çështjen Tahiri, ish-ministri ende nuk i ka matur forcat.

Në Shqipëri nisën sot vitin e ri shkollor 480 mijë nxënës të shkollave 9-vjecare dhe të mesme.

Ministria e arsimit deklaroi se programet mësimore janë më të lehtësuara, larg metodave të vjetra.

Afro 32 mijë fëmijë shkojnë në shkollë për herë të parë, ndërsa 39 mijë maturantë në gjimnaze do të provojnë maturën e re, e cila, sipas ministrisë, është e lidhur me Universitetin dhe tregun e punës.

Këtë vit shkollor, deklaroi ministria, u ndanë libra falas nga klasa e parë në të katërtën për afro 190 mijë fëmijë, ndërsa nxënësit nga klasa e 5 në klasën e 12, do të vazhdojnë të paguajnë për tekstet shkollore.

Por Koalicioni për Arsimin deklaroi sot se Shqipëria mbetet ndër vendet e fundit në rajon dhe në Europë për financimin e arsimit. Qeveria, sipas tij, premton prej 6 vjetësh rritjen e buxhetit për arsimin deri në 5 përqind të GDP-së, por buxheti i shtetit për arsimin zë vetëm 3 përqind.

Kjo mungesë e investimeve për arsimimin e fëmijëve dhe të rinjve, e rendit Shqipërinë ndër vendet e fundit në Europë për rezultatet dhe arritjet e nxënësve, krahasuar me vendet e OECD.

Mungesa e investimeve publike në arsim dhe shpenzimet e pakta të Qeverisë për arsim cilësor dhe gjithëpërfshirës vijojnë të lënë pa arsim një pjesë jo të vogël të fëmijëve dhe adoleshentëve, tha Koalicioni për Arsimin.

Sipas Organizatës Botërore të Shëndetit, afro gjysma e shkollave nuk kanë ujë të pijshëm dhe rreth 70 përqind e tyre nuk kanë kushte higjene të përshtatshme për arsimimin e fëmijëve, citoi Koalicioni.

Thuajse 64% e fëmijëve më aftësi të kufizuar mbeten ende jashtë sistemit arsimor parauniversitar dhe vetëm 35% e shkollave në Shqipëri janë të aksesueshme nga këta fëmijë, theksoi Koalicioni. Edhe pse ky vit shkollor e gjen arsimin publik parauniversitar me një numër të dyfishuar të mësuesve ndihmës, pjesa më e madhe e fëmijëve nuk do të përfitojnë nga kjo masë mbështetëse.

Koalicioni për Arsimin shtoi se arsimimi i fëmijëve romë dhe egjyptianë mbetet një problem, ndërkohë që 38.6 % e fëmijëve Rom dhe egjyptian nuk e ndjekin arsimin e detyrueshëm.

Një ndër problemet kryesore të arsimit mbetet dhuna dhe bulizmi në shkollë: afro 40% e nxënësve janë viktima të dhunës fizike dhe psikologjike, ndërsa 22 përqind e tyre ndjehen të kërcënuar nga mësuesit. Thuajse 20 përqind e nxënësve janë viktima të bulizmit ndërsa 50 përqind e nxënësve janë dëshmitarë të diskriminimit të nxënësve në shkollën e tyre, deklaroi Koalicioni për Arsimin.

-…Sot në diten e parë të shkolles ju pershendes të gjitheve nxenes , mesues e prinder. Mbroni dashurite tuaja me shumë dashuri-

Sot eshte dita e pare e shkolles. Mbas 44 vitesh punë, sot mungova. Sot nuk jam më…

Sot ndihem jo mirë. Sot nuk u pershendeta me nxenesit e mi te vegjel qe i desha shume nder vite.

Nuk u pershendeta me koleget, prinderit e nxenesve, nuk dal perpara klases per te shpjeguar mesim.Sot mu mbushen syte me lote, pse jo qava me ngasherim e lot te hidhur.

Une realizova detyren si mesuese, por kam shume pune per te bere.

Do ti perkushtohem nipit tim te dashur qe e dua aq shume, i cili mbushi shtepine me gezim pas tragjedive te mia. Do ta mesoje dhe edukoj qe te behet “dikushi” ne jete. Te behet nje doktor i denje si gjyshi dhe halla e vet, dhe kudo ta therrasin dr. me “duar te arta”.

Do te me mungojne shume nxenesit, shoqet, shkolla, era e luleve qe nxenesit me shume dashuri ia sillnin mesuseses tyre te dashur. Nuk ka me… mesuese  MBARIMJA…

Me mungojne prinderit, qe me pergezonin per cdo gje qe beja per femijet e tyre.

Nuk do te bej me ditar, nuk do te kem me klase, nuk do te shpjegoj me mesim, nuk do te degjoj nxenesit qe t’me kerkojne ndihme per ato qe nuk i kane te qarta.

Nuk do te degjoj me shprehjen “ Mesuese te kerkojne lart! “ .Nuk do te zgjohem asnjehere ne mengjes per te shkuar ne shkolle, nuk ka per mua “dite te pare” te shkolles.

Nuk ka “7 mars” me nxenesit. Nuk ka me fustane, kostume e kepuce te bukura per diten e pare te shkolles apo 7 marsin.

Nuk do tu kerkoje nxenesve te shkruajne e te lexojne bukur, ta pervetesojne shkencen dhe te behen shkencetare per vendin e tyre, te behen te ditur, te dashur dhe te sinqerte.

Do te me mungoj derrasa e zeze, shkumsi.

Do te me mungojne fletoret e nxenesve, korrigjimet qe i beja me shume zell per punen e tyre.

Do te me mungoj era karrakteristike e librave.

Oh!, sa shume gjera do te me mungojne. Nuk ka me mesuese M…

Sa embel tingelloi ne veshet e mi per 44 vjet kjo shprehje, sa breza dolen nga duart e mia, sa e dashurova profesionin e bukur te mesuesit.

Sa e sa duar te vogla kam mbajtur nder vite per te shkruar shkronjat e para.

Sa lot fshija ditet e para te shkolles, kur duart e tyre te vogla  dridheshin dhe shkronjat nuk u dilnin bukur.

Do t’me mungojne edhe komplimentet e prinderve, mesuesve dhe drejtuesve te shume shkollave qe kam dhene mesim nder vite.

Do te me mungoj ora e fizkultures qe une e zhvilloja me aq pasion, do te me mungoj ora e vizatimit dhe muzikes qe e zhvilloja me shume dashuri.

Ah! Si eshte jeta.

Perpara 10 vjetesh, isha nena, gruaja, motra me e plotesuar ne bote. S’me mungonte asgje.

Tani qe hedh ne leter keta rreshta, jam shume e mallengjyer, jam nje moter fatkeqe.

Në 2008 humba nje vella, nje shok, nje mik, nje shpirt, nje zemer.

Humba gjithshka qe kisha arritur ne jete, gezimin, buzeqeshjen, motivin per te jetuar.

Me duket qe qysh ate dite, dielli nuk ka bere drite tjeter. Gjithcka e imja ate minute qe ndaloi zemra e tim vellai, kishte mbaruar. U ndave pergjithmone me villain tim te vogel, shpirtin e motres, zemren e motres, gezimin e motres, te bukurin e motres.

Kjo ishte tragjedia qe ndaloi buzeqeshjen time. Shpesh mendoj : “ Si qeshja? “ , kam harruar te qesh. Pra dhimbja te  ngrin buzeqeshjen ne buze.

Me 2010 me erdhi nje tragjedi tjeter, ku me “ra çatia mbi koke”. Me iku i zoti i shtepise, ai qe me mesoi ta dua jeten dhe ma beri te lehte , ta jetoj “ate”.

Ai qe me beri grua dhe nene te lumtur, ai qe ishte baba model i femijve te mi, ai qe i dha kuptim jetes time, ai qe me beri familjen, qe ishte modeli i familjes qe une doja.

Nje familje e vogel ne numer, por, shume e madhe me permasat qe ajo mori nder vite.

Pas ketyre tragjedive jetoja e rrethuar me dashurine e nxenesve te mi dhe kolegëve.

Me nxenesit qe qanin kur qaja une, me perkedhelnin e me puthnin kur lotet me binin pa e kuptuar.

…Sot ne diten e pare te shkolles ju pershendes te gjitheve nxenes , mesues e prinder. Mbroni dashurite tuaja me shume dashuri.

Me falni per nostalgjine, por bashke me vitet e mia iken aq shume edhe dashuri të miat!

E prape jetojmë.

E prap jeta vazhdon. Se e tille qenka.

-Tiranë, Shtator 2018-

– Maqedonia, më 30 shtator, vulos me votë të ardhmen e saj europiane, pro NATO-s dhe BE-së. Shqiptarët përcaktues.

-Të hanen beteja për ta çliruar “Rrugën e Kombit”.

Nëntorët e Lirisë 1443-1912-1944 janë trinomi i historisë sonë kombëtare shqiptare. Ata janë kryefjala e kësaj historie për faktin se lidhen me çlirimin e Atdheut nga otomanët, shpalljen e Pavarsisë dhe dëbimin e pushtuesve nazistë. Këto data janë epilogu i 3 etapave historike. Por nëse vëren me vëmendje kalendarin e ngjarjeve madhore e përcaktuese për fatet e lirisë, përpjekjet për krijimin e institucionit të shtetit si gur themeli i ardhmërisë së Kombit Shqiptar, shtatori është djep betejash të mëdha, kuvendesh kombëtare e konstitucionale, që kanë përcaktuar fatet e Kombit Shqiptar.

Më dt. 2 shtator 1457 në betejën homerike të Albulenës Ushtria Shqiptare e komanduar nga kryetrimi Gjergj Kastrioti i dha goditje vdekjeprurëse Ushtrisë Turke dhe separatizmit e tradhëtisë së feudalëve dhe i hapi rrugën krijimit të Shtetit të Përqendruar Arbëror.

Katër shekuj më vonë Lidhja Shqiptare e Prizrenit, që këtë vit shënoi 140- vjetorin, Kuvendi më i rëndësishëm pas Besëlidhjes së Lezhës, krijoi Ushtrinë e saj vullnetare për t’u dalë zot trojeve shqiptare. Pagëzimi e fitorja e parë e madhe e Ushtrisë së Lidhjes së Prizrenit ka ndodhur pikërisht me dt. 3-6 shtator në Gjakovë ku luftëtarët shqiptarë ekzekutuan marshallin turk Mehmet Ali Pashë Maxharri e tradhtarin Abdullah Pashë Drenin dhe mbështetësit e tyre.

561 vjet pas fitores madhështore të Albulenës në ditën e parë të shtatorit të vitit 1928 Asambleja Kushtetuese Kombëtare e shpalli Shqipërinë Mbretëri Parlamentare dhe Ahmet Zogun Mbret të Shqiptarëve, duke i hapur rrugën krijimit dhe konsolidimit të Shtetit Modern Shqiptar.

Më 16 shtator 1942 ishin 20 delegatë, përfaqësues të krahinave e besimeve të ndryshme fetare, klasa e shtresa me besime politike të ndryshme, u mblodhën në Kuvendin Kombëtar të njohur si Konferenca e Pezës. Kjo ngjarje historike, e organizuar dhe sponsorizuar nga nacionalistët shqiptarë, u tradhëtua nga komunistët, të cilët të dirigjuar nga Partia Komuniste Jugosllave, i braktisën parimet themelore të saj, bashkimin kombëtar dhe ndërtimin e një shteti demokratik. Përveç Enver Hoxhës, Myslim Pezës, Haxhi Lleshit, historiografia komuniste ka shpallur tradhtar të gjithë delegatët e Konferencës së Pezës, Abaz Kupin, Azis Çamin, Ndoc Çobën, Skënder Muçon, Halim Begejën, Ismail Petrelen, Ymer Dishnicën, Mustafa Gjinishin, etj.

Sot pas 8 dekadash falangat e kuqe të sponsorizuara nga Sulltan Rama marshojnë në Pezë si dikur fashistët e Musolinit mbi Romë, duke tundur portretin e diktatorit dhe flamurin me drapër e çekan. Përdhosja e Pezës nacionaliste e antifashiste dhe e veprës së patriotëve të shquar, që e organizuan atë, është një atentat e krim i shëmtuar ndaj historisë e dinjitetit kombëtar dhe të ardhmes tonë të përbashkët.

Më dt. 14 shtator 1943 ranë martirët e Grehotit në luftë me pushtuesit italianë.
Ranë në altarin e lirisë 37 dëshmorë të Atdheut në krye me Hysni Lepenicën. Historiografia komuniste kishte fallsifikuar realitetin dhe për 45 vjet persekutoi familjarët e tyre në mënyrën më ç’njerëzore.

Më 9 shtator 1946 shpërtheu Lëvizja Antikomuniste e Postribës, e para në Europën Juglindore. Ajo shpërtheu në një kohë kur në Këlmend vepronte çeta e Prekë Calit, në Malësi të Madhe forcat e Llesh Marashit, në Kastrat forcat e Nikë Gjelosh Gjikës. Korifejtë e Lëvizjes së Postribës ishin Osman Haxhia e Jup Kazazi. Kjo Lëvizje parashikoi se çfarë të ardhme mizore do të kishte Shqipëria komuniste diktatoriale, prandaj ka vlera të padiskutueshme gjeo-politike, sociale dhe qytetare. Ajo ishte Lëvizje e atyre që nuk besuan kurrë tek Komunizmi. Të parët e tyre kishin marrë pjesë në mbrojtjen e Ulqinit të udhëhequr nga Tahir Bajraktari. Burrat e Postribës kishin luftuar trup me trup me malazezët për Mbrojtjen e Shkodrës në vitet 1912-1914. Në vitin 1939 u shquan në luftën kundër fashistëve italianë.

Më dt. 9 shtator 1946 një grup prej 200 vetash, i guximshëm, por i pa organizuar mirë, sulmoi kazermat ushtarake e ndërtesat qeveritare, por pa sukses. Përleshja me forcat e sigurimit vazhdoi deri në mëngjes kur sulmuesit u tërhoqën. Kjo Lëvizje nuk pati shumë viktima në fushën e betejës, por pati shumë në ditët në vazhdim. Batalionet e sigurimit invaduan në katundet e Postribës e pushkatuan dhjetra vetë pa gjygj. Brenda një muaji në qytetin e Shkodres u banë 11 burgje provizore duke i mbushur me të arrestuar nga pjesëmarrsit në Lëvizjen e Postribës. Ndonëse u shtyp kjo Lëvizje la gjurmë të pashlyeshme në historinë tonë kombëtare duke paralajmëruar se çfarë pushteti mizor po instalohej dhe çfarë krimesh monstruoze do të bënte 45 vjet.

Sot Kosova është e lirë dhe e pavarur. Por 3 dekada më parë kjo ishte e paimagjinueshme.

Më dt. 7 shtator 1990 gjeniu i politikës, Presidenti historik i Kosovës, dr. Ibrahim Rugova dhe burrat mendjendritur e vizionarë të Kosovës shpallën Kushtetutën e Kaçanikut, gurëthemelin e Lirisë dhe të Pavarsisë së Kosovës.

4 shtatori i vitit 2016 është një ngjarje kulmore në historinë e re të Kombit Shqiptar. Në këtë ditë u shenjtërua Nanë Tereza, bija e shqiptarja më e madhe e historisë duke u ngjitur në nderin e altarëve dhe në panteonin e historisë së njerëzimit. Tani Kombi ynë e ka një avokat tek Zoti, siç shprehej me të drejtë Rrok Mirdita. Historia e kombeve është një sprovë e kujtesës dhe ndërgjegjes nacionale.

Makiavelistët dhe kolabaracionistët në Shqipëri dhe Kosovë duket se nuk kanë mësuar asgjë nga historia e vendit të tyre.

Pikërisht në Vitin Kombëtar të Gjergj Kastriotit, në Shtatorin e Albulenës së fitorës se tij përfundimtare mbi turqit, betejës së parë të Ushtrisë së Lidhjes Shqiptare të Prizrenit, Konferencës së Pezës, Kushtetutës së Kaçanikut, shtatorin e “mbretëreshës së qiejve” Nanë Terezës, Referendumit për Maqedoninë Europiane, ku vota shqiptare është përcaktuese janë vendosur në llogoren e kundërt të historisë Edi Rama dhe Hashim Thaçi.

Edi Rama, ky Esad Pashë i Mijëvjeçarit të Tretë, po shkatërron çdo gjë që lidhet me kujtesën tonë historike e kombëtare.

Ai ka vendosur për të shembur kryetempullin e kulturës, Teatrin Kombëtar.

Për interesat e tij utilitate në bisedime të fshehta me Grekët ka shitur pasuritë kombëtare.

Ka pushkatuar Kauzën Çame.

Ka shitur detin.

I ka dhuruar Erdoganit Portin e Vlorës.

Ka vendosur kufirin në Rrugën e Kombit, duke këputur në gijotinë arterien që lidh gjymtyrët e Kombit, prandaj të gjithë shqiptarët, më dt 17 shtator 2018 duhet ta ndalin këtë atentat ndaj bashkimit kombëtar e t’i thonë “Jo” traut pa alternativë dhe jo taksave të spahijëve të Sulltan Ramës.

Hashim Thaçi, kundër çdo të drejte historike, morale e kushtetuese, kërkon korrigjim kufijsh me Serbinë dhe nxjerrjen në pazar të Trojeve Shqiptare, për t’i dhanë mundësi Vuçiçit që të vendosë për kusht Paketën Ekonomike për të përfituar ekonomikisht, siç bëri me deklaratën e fundit.

Mesa duket në vend të kostumit të De Golit, miku i Ramës dhe Erdoganit, ka veshur kostumin e Vishisë për të pozuar në bisedimet me Serbinë.

Një shekull më parë Garibaldi shqiptar, Isa Boletini, kaloi La Manshin e shkoi në Londër për të mbrojtur trojet shqiptare që sot Hashim Thaçi i ka nxjerrë në ankand. Pyetjes së ministrit të Jashtëm të Londrës se: “A keni ardhë ketu për Mitrovicën?!”, Heroi ynë iu përgjigj me krenari e vendosmëri: “S’kam ardhë këtu zotni vetëm për Mitrovicën, por për çdo pëllëmbë të Trojeve Shqiptare”.

Shtatori është muaji i kujtesës tonë historike dhe i krenarisë kombëtare shqiptare.
Ky muaj i bekuar është një barrikadë e pakapërcyeshme për endërrat otomane, pansllaviste për Federatë Ballkanike, “Jugosllavi të Re” apo “Serbi të Madhe” që ju prish gjumin Erdoganit, Putinit, Vuçiçit, Ramës e Thaçit.

Ky është shtatori i madh i shqiptarëve, i Moisiut tonë Gjergj Kastrioti (Skënderbeu), i Shën Terezës, i Ymer Prizrenit, i Sylejman Vokshit, i Abdyl Frashërit, i Ibrahim Rugovës, Adem Jasharit, Ramush Haradinajt, Ali Ahmetit.

Me dt. 17 shtator Rama do ta marrë pergjigjen në Rrugën e Kombit nga reagimi i uraganit popullorë.

Me dt. 19 shtator kumbaret e Erdoganit: Rama, Thaçi e Vuçiçi, do të dështojnë në skenarin e ideuar nga Putini.

Në Referendumin e Maqedonisë shqiptarët do të jenë garant e përcaktues, me votën e tyre do të vulosin: Maqedoni Europiane, antare e NATO-s dhe e BE-së.

Do të përserisin historinë, ashtu si shqiptarët e Malit të Zi që përcaktuen me voten e tyre shkëputjen e kësaj republike nga Serbia dhe Shpalljen e Pavarësisë. Me votën e tyre e imponuan antarësimin e Malit të Zi në NATO dhe Qeveria Malazeze mbeti properëndimore.

Shqiptarët e Republikës së Maqedonisë do ta gëzojnë Statusin e Shtetformimit të barabartë me maqedonasit, të përcaktuar qartë në simbolet e këtij shteti dhe të gjitha të drejtat kombëtare e kushtetuese, si qytetarë me identitet të qartë kombëtar historik e kulturor.

Skeptikët bajnë mirë t’i referohen Republikës së Krushevës të vitit 1902 ku shqiptarët, bullgarët dhe maqedonasit kishin të drejta e raporte të barabarta të sanksionuara këto dhe në vulen që përfaqësonte tre simbolet e tyre. Askush, mik apo armik i Shqiptarëve, nuk mund të mos pranojë realitetin e ri historik e të anashkalojnë faktin se tashma Shqiptarët janë një komb determinues e faktor vendimtar për paqen e sigurinë në Ballkan.

Ata nuk do të munden t’i ndajnë e aq me pak t’i negociojnë në tavolina kulisash të frymëzuara nga qarqe e ideologji antishqiptare të drejtat e tyre historike e kombëtare. Ky është Shekulli i Shqiptarëve, i realizimit të kauzës së tyre, të drejtës hyjnore të krijimit të Shtetit Komb, si garanci e mbrojtjes së Lirisë dhe e të ardhmes tyre.

Komuna e Tuzit dhe statusi i saj është dallandyshja e parë e pranverës së përbashkët të Shqiptarëve.

I shpallur në kërkim nga drejtësia si person i përfshirë në trafikun e drogës të bërë nga grupi i “Habilajve”, Jaeld Çela, ish-shefi i Policisë Vlorë, ka ankimuar vendimin e Gjykatës së Krimeve të Rënda për zgjatjen e hetimeve me tre muaj të tjerë.

Ankimimi është bërë nga avokati i tij dhe pritet që seanca për shqyrtimin e kërkesës të mbahet më 21 shtator. “Panorama” mëson se Gjykata e ka pranuar kërkesën e Prokurorisë për zgjatjen e afateve të hetimit edhe me tre muaj rreth 10 ditë më parë për dy ish-komisarët e Policisë së Vlorës, Jaeld Çela dhe Gjergj Kohila, të dyshuar për lidhje me bandën e Habilajve në trafikun e drogës. Të dy ish-komisarët janë ende në arrati. Prokuroria e Krimeve të Rënda e ka shtyrë afatin deri më 20 nëntor 2018 për shkak të kohës që nevojitet për analizimin e tabulateve telefonike, por edhe për pyetjen e personave që mund të kenë dijeni për veprat penale.

Urdhërarrestet për Jaeld Çelën dhe dy ish-zyrtarët e tjerë të Policisë së Vlorës, Gjergji Kohila dhe Sokol Bode u lëshuan në nëntor të vitit 2017. Prokuroria përmend në dosje se për kryerjen e veprimtarisë kriminale, dy vëllezërit, Moisi dhe Florian Habilaj, gjetën mbështetjen e ish-shefit të Stacionit të Policisë Kufitare të Dhërmiut, Sokol Bode, i cili mbajti këtë detyrë nga dhjetori i 2013-s deri në maj të 2016- s.

Dyshohet se ish-zyrtari Bode i siguroi grupit zhvillimin e lirshëm të aktivitetit, përmes shmangies së kontrolleve policore, thuhet më tej. Në këtë aktivitet kriminal, shefi i Policisë Bode, krahas implikimit me trafikantët e grupit, ka bashkëpunuar edhe me dy ish-zyrtarë të tjerë të Policisë, drejtorin Jaeld Çela dhe shefin kundër Drogës dhe Trafiqeve, Gjergji Kohila.

Ish-drejtori i Policisë ka mbajtur në përdorim 3 numra telefoni, në të cilat rezulton se ka komunikuar me Florian Habilajn dhe Gentian Cekën, që është shoferi i ishministrit të Brendshëm.

 Miqte e mi shqiptare ,jo te gjithe e dine qe shtet do te thote institucione, ndersa pushteti do te thote parlamenti si dhe ministri .Shteti eshte berthama e nje shoqerie.Kur ai dhe institucionet e tija lekunden me ndryshimin e politikes ,ai nuk eshte me nje shtet i qendrueshem,ne themi nuk ka shtet !Para disa ditesh me thiri ne telefon kordinatori per problemet e biznesit ne zyren e bashkeqeverisjes ne kryeministri dhe me ftoi ne diskutimin publik javor, qe behet ne dhomen e hartave per sa i perket zgjidhjes se problematikave ne denoncimet e bera ,ne platformen ,faqe e ideuar ,ne kuadrin e zbatimit te reformave orientuar nga komuniteti Evropian per luften kunder korrupsionit dhe krijimin e intitucioneve te qendrueshme ne Shqiperi .

Ne fakt,kam nje jete qe punoj ne biznesin tim duke u munduar te lundroj per 26 vjet, e vetme , ne ujnat e ngaterrume te ekonomise se tregut tejmaset te politizuar shqiptare. Shqiperia eshte nje shtet i vogel me nje konsum qe vjen duke rene edhe per shkak te renjes se numrit te popullsise.Emigrimi, shkaktari kryesor i renjes se veprimtarise ekonomike ne ekonomine e tregut shqiptar .Shqiptaret nuk eksportojne nuk kane infrastrukture prodhuese ,gjithcka e vjeter asht shkaterruar dhe investime reale ne prodhim ka pak .

Fuqia prodhuese eshte shume e dobet,dhe dokumentacioni ligjor qe percjell keto eksporte privilegjon kryesisht produkte fasonerie. Ne gjithe kete mori problematikash bizneset vendase te pershkallezuara qe lidhen me konsumin e perditshem jane vene ne veshtiresi te dukshme,nga mungesa e tregut dhe corientimi i tij me burimet e kundraligjshme financiare qe derdhen ne treg me shpejtesi edhe nga frika e sekuestrimit .Tregetaret e vjeter ,kan vene rripin e sigurimit ne kete cunam ekonomik ,te gjendur krejtesisht zbuluar perballe investimeve te bera ne vite, ne infrastrukturen e tyre te kredituar nga bankat e nje shteti pa kurrefare garancie financiare dhe politike te qendrueshme.Kjo eshte dhe aresyeja qe bizneset e vogla dhe te mesme aventurohen ne veprimtari te tjera plotesuese duke u hase me veshtiresite e reja ma te rafinuara dhe nje administrate tejmaset te korruptuar dhe jo kompetente e sidomos dembele shqiptare.Platforma e antikorrupsionit ,apo e bashkeqeverisjes sic e quan kryeministri eshte nje kerkese direkte e komunitetit Evropian ne luften per vendosjen e institucioneve ne Shqiperi,financuar me ndihmen e bankes boterore apo projekteve evropiane.Falenderimiim per zgjidhjen e problemeve i takon kryesisht te gjithe atyre burimeve njerezore qe ndihmojne ne zgjidhjen e problemeve.

Por ,platforma nuk ndryshon dot ligjet e gabuara hartuar me shpejtesi dhe pa u diskutuar si duhet me grupet e interesit ,kjo per fajin e te gjithe deputeteve te te gjitha partive politike qe paguahen nga taksat e popullit per politikat e qeverisjes.Qe qeveria e Rames do te rikthente centralizimin doganor ne qender ,nuk eshte nje surprize per ne biznesmenet ,por e pafalshme eshte mos reagimi apo reagimi shum i dobet i opozites shqiptare aty ku eshte porta e pothuajse te gjithe ekonomise e vendit . Edhe me te pafalshme jane sulmet politike ,ndaj biznesit dhe familjes time ,pas berjes publike te dhjete reshtave, ne diskutimin falenderues publik qe une pata ne kryeministri per efektshmerine e platforms antikorrupsion ,nga disa pseudoopozitore fejsbuqesh ,anonime ,e banale .Pikerishte jane keta urithe halesh qe kane vite qe germojne themelet e shtetit tone ,nen masken e opozicionit demokratik.

Te jesh opozitar ,do te thote te jesh i hapur ,te dish te gjesh probleme ne qeverisje qe demtojne jo vetem jeten e opozitareve ,por te gjitha shtresave te popullsise ,pa dallim feje ,krahine apo ideje .Te jesh opozitar do te thote te kundershtosh cdo vendim antidemokratik hapur dhe afer qytetareve ,ne levizje paqesore qe deshmojne aresye dhe kembengulje.

Te jesh opozitar ,nuk do te thote te shpifesh e te sulmosh kundershtarin politik si armik ,apo ti imponosh bizneseve vetem zgjidhjen tende politike,por ti afrosh sa me shume me politika te drejta dhe pa paragjykime!

Kjo ishte ajo per te cilen une pranova te shkoj ne Tirane !

Një banesë në lagjen numër 1 të qytetit të Pogradecit është tronditur nga një shpërthim tritoli në mesnatë.

Banesa është në pronësi të Bajram Fejzollari, pronar i ‘Tv sot 7’ në Pogradec. Po ashtu në ai zotëron disa lokale në Korçë dhe në Pogradec.

Vetë Fejzollari ka deklaruar në polici se ai nuk ka pasur asnjë konflikt me ndonjë person. Sipas policisë nuk ka dëme materiale, por punohet për identifikimin dhe kapjen e autorëve që kanë vendosur lëndën shpërthyese.

Njoftimi i Policisë së Korçës:

Më datë 16.09.2018, rreth orës 00:45, në lagjen nr 1 në Pogradec, në lulishten e banesës së shtetasit B.F, 60 vjeç, ka shpërthyer një sasi e vogël lënde shpërthyese.

Nga shpërthimi, nuk ka as dëme në njerëz dhe as dëme materiale. Po punohet për zbardhjen e rrethanave të ngjarjes, identifikimin dhe kapjen e autorëve.

Ministri i Qeverisë Rama, Pandeli Majko në një fjalim të mbajtur në Akademinë Politike të PS-së, ka folur me tone kritike për të ardhmen në Shqipëri. Ai ka thënë se shoqëria jonë e konsumit po rrezikon kujdesin për të ardhmen. Sipas tij, shoqëria po humbet domethënien dhe po bëhet me e pasigurt.

Majko gjithashtu flet për fenomenin e drogës që sipas tij është shndërruar në kulturë dhe po konsiderohet si qëllim.

“Në shoqërinë tonë të konsumit po rrezikon të shuhet cilësia e kujdesit për të ardhmen.Ajo po e humb domethënien dhe po bëhet e largët dhe më e pasigurt.

Familjet që nuk kanë mundur të kapin progresin material ndjehen të varfër, më tepër se më parë, kurse fëmijët e tyre të konsideruar klasë e dytë, thuajse janë të përjashtuar nga gjenerata e tyre.

Përdorimit të drogës në Shqipëri po mbështetet nga kultura e cila të tashmen nuk e konsideron qëllim. Ajo e konsideron të kaluarën dhe të tashmen si “mjete””, thekson Majko.

Fjala e plotë

Ka të vërteta brenda vetes që të duhet kohë ti shpejgosh. Kur kupton më shumë, vlerëson se mencuria ka vajtimin e saj. Ai i cili shton dijen, shton edhe dhimbjen.

Në fillimin e viteve 90-ët kisha ndjesi por jo konkluzione. Kisha kujtime të bukura nga fëminia dhe shkolla në periudhën e komunizmit. Koha dhe raporti me lirinë më treguan se të kërkuarit e së bukurës në kohën që jeton mund të jenë edhe kurthe të një gënjeshtre. Pa raportin me të vërtetën, vështirë se do dalim nga gropa e sotme morale e moskuptimit të vetes si shoqëri.

Në Shqipëri jetojmë në kohë ndryshimesh të shpejta. Progresi teknologjik është pranuar si vlerë absolute dhe shoqëria jonë i është nënshtruar atij.

Simboli i vërtetë i kohës të cilën jetojmë janë “bravat” e dyerve tona! Asnjëherë si tani nuk kemi qenë kaq të mbyllur karshi njëri prej tjetrit. Në qytetërimin tonë komunikimi ka ndryshuar kuptimin.

Cilësia e komunikimit po formon një marrëdhënie të re me politikën. Roli i ri i televizionit, rrjeteve sociale dhe fotografia ka bërë që publiku gjithnjë e më pak të besojnë tek “fjala”. Ata besojnë më shumë në atë që shohin me sytë e tyre. Fjalët e mëdha dhe premtimet nxisin shpesh buzëqeshje cinike duke ritur distancën me politikën.

Përballë vështirësive që po lindin për shkak të ndryshimeve të theksuara teknologjike dhe shoqërore, të rinjve ju duhet të ballafaqohen me kaosin e botës shpirtërore ku individi po bëhët dhe më i vetmuar.

Diferencat, kanë bërë që e kaluara gjithnjë e më tepër të “largohet” prej të tashmes duke e humbur vlerën e saj para syve të të rinjve. Komunikimi mes gjeneratave po tkurret dhe më të rinjtë nuk po gjejnë tema të përbashkëta me prindërit e tyre. Komunikimi mes brezit “kompjuterik” dhe prindërve nuk flet të njëjtën “gjuhë”.

Zgjidhjet për disa probleme të cilat në të kaluarën ishin të mira sot e kanë humbur vlerën e tyre. Në vetëdijen e të rinjve, e “vjetra” dhe e “pavlefshmja” kanë marrë të njëjtin kuptim.

Ndryshimet e shpejta në ekonomi dhe teknologji kanë zvogëluar ndjeshëm rolin e familjes në edukimin e fëmijëve. Ka rënë dukshëm ndikimi i prindërve në zhvillimin moral dhe shpirtëror të gjeneratave të reja.

Gërshetimi i kulturave të ndryshme ka sjellë pasiguri në botën shpirtërore të të rinjve. Kërkimi i tyre për të krijuar opinione të qëndrueshme. Ajo shpesh mbaron në relativizmin e vlerave ku nuk mund ta gjejnë veten dhe identitetin e tyre.

Urbanizimi ka ndikuar jo vetëm pozitivisht në zhvillimin shpirtëror të të rinjve në Shqipëri. Jeta në qytet shpesh s’ka domethënie. Ka me qindra nxënës nëpër shkolla që mbesin të “paemër”. Mungesa e identitetit i bën të ndjehen të vetmuar dhe nën trysninë e vetmisë urbane.

Në shoqërinë tonë të konsumit po rrezikon të shuhet cilësia e kujdesit për të ardhmen. Ajo po e humb domethënien dhe po bëhet e largët dhe më e pasigurt.

Familjet që nuk kanë mundur të kapin progresin material ndjehen të varfër, më tepër se më parë, kurse fëmijët e tyre të konsideruar klasë e dytë, thuajse janë të përjashtuar nga gjenerata e tyre.

Përdorimit të drogës në Shqipëri po mbështetet nga kultura e cila të tashmen nuk e konsideron qëllim. Ajo e konsideron të kaluarën dhe të tashmen si “mjete”.

Mjaft të rinj vetëm të ardhmen e kuptojnë si qëllim. Kjo mënyrë jetese e cila vetëm shpreson se do të jetojë po krijon pamjaftueshmërinë, varësinë dhe zbrazëtinë e cila mban larg të rinjtë nga jeta aktive.

Ndarja mes gjeneratave sot në Shqipëri është më e madhe se në të kaluarën. Po shfaqet problemi i keqtrajtimit të moshës së tretë duke i vlerësuar si të padobishëm. Prindërit e moshuar po mbyllen në shtëpi pleqsh ose lihen të izoluar si provë e vështirësisë të brezit të ri në harmoninë me të vjetrit.

Të rinjtë po rrezikojnë të humbin kuptimin për natyrën. Çrregullimi ambiental po robëron kulturën e jetës me betonin e hirtë të qyteteve.

Miq

Unë nuk jam pesimist. Në se kjo do të ishte e vërtetë nuk do të merresha me politikë. Kur më ftuat të flisja për temën “sfidat” u ndjeva në vështirësi. Kjo fjalë sot tek ne, “lundron” midis asgjës dhe gjithckasë.

Fondacioni juaj që organizon këtë aktivitet mban emrin “Qemal Stafa”. Ai ishte komunist. Por, Qemal Stafa kishte një vecanti. Ai përfaqësonte shpresë dhe ëndër për të nesërmen për brezin e tij nën okupacionin e vendit.

Pa krijuar ëndrën e kohës suaj mos tentoni seriozisht të merreni me politikë. Do ktheheni vec në “burokratët” e saj. Do të keni fundin e shokëve të Qemal Stafës.

Ai i cili shton dijen, shton edhe dhimbjen. Politika nuk diskuton kujtimet. Janë veprimet ato që na bëjnë. Ato përcaktojnë vlerat e cdo kohe. Kjo ëshë sfida e sfidave.

Ju faleminderit.

SHKODËR – Myftiu i Shkodrës, imam Muhamed Sytari gjatë hytbes në faljen e së premtes nga xhamia e Parrucës për situatën e arsimit në Shqipëri ka dhënë disa mesazhe të forta. Në prag të nisjes së sezonit shkollor dhe akademik, Sytari tha se arsimi ndodhet përballë sfidave të mëdha, ku nga njëra anë janë mësuesit, të cilëve u mbetet një barrë e madhe dhe nga ana tjetër janë prindërit, në dilemë për zgjedhjen e shkollave dhe të ardhmen e fëmijëve. Myftiu bëri apel që të rinjtë t’i kushtojnë një rëndësi të veçantë rrugës së dijes, pa harruar apelin për shkatërrimin sipas tij që po pëson gjuha shqipe dhe që duhet të ndalet sa më parë. Gjatë faljes së të premtes në xhaminë e Parrucës në Shkodër morën pjesë përveç besimtarëve të zakonshëm, edhe nxënës e studentë, si dhe mësues të shkollave 9-vjeçare, të mesme dhe pedagogë të Universitetit të “Luigj Gurakuqi”.

“Një tërheqje vëmendjeje për sojin tim, për rininë, për fëmijët tanë në këtë fillim viti shkollor dhe fillim viti akademik për të respektuar dijen dhe dijetarët. Në kohët e qytetërimeve askush nuk guxonte të ngrinte dorë kundër mësuesit, askush nuk mendonte ta thërriste në emër, të tallej apo ta fyente mësuesin, askush nuk mendonte për t’i bërë kamera të fshehta mësuesit për ta bërë objekt qesharak. Sfida e mësuesit është të ruajë këtë ekuilibër të madh të besimit dhe qytetarisë, të ruajë këtë ekuilibër të madh të vlerave tona kombëtare dhe fetare, të ruajë këtë ekuilibër të madh të një brezi, i cili ka më shumë se kurrë nevojë për ndërhyrjen e njerëzve të urtë dhe të ditur, për t’i shpëtuar brezat dhe rininë tonë nga tentakulat e së keqes prej së cilës kërcënohet çdo ditë. A nuk është e dhimbshme të mendojmë se ka ardhur një ditë ku njerëzit diskutojnë mes vetes se në cilën shkollë ta çoj fëmijën, në atë shkollë ku luhet poker, në atë shkollë ku nuk ndalohet duhani, në atë shkollë ku shpërndahet droga apo në atë shkollë ku pihet alkooli. A nuk është paradoksale kjo, shkollë dhe imoralitet, shkollë dhe shthurje, shkollë dhe duhan, shkollë dhe drogë, o Zot o Zot, Zoti na ruajt dhe na udhëzoftë”, u shpreh myftiu i Shkodrës.

MESAZHI I MYFTIUT
Ndërkaq, gjatë fjalës së tij, imam Muhamed Sytari foli për sfidat e prindërve të sotëm, duke thënë se duhet t’u qëndrojnë shumë afër fëmijëve, sepse kjo është një kohë e çuditshme, kur në mënyrë të fshehtë ka përpjekje për t’ju vjedhur fëmijët. Jo materialisht – tha myftiu – por për t’u vjedhur mendjen, për t’u vjedhur shpirtin, për t’u devijuar besimin, për t’i nxjerrë nga drita e besimit në errësirën e mohimit, për t’i nxjerrë nga drita e vlerave, tabanit e trashëgimisë islame drejt injorancës, drejt primitivizmit dhe drejt një modeli që nuk mund të jetë premtues për të ardhmen e asnjë brezi. Më pas, myftiu foli edhe për sfidën e mësuesve të sotëm, që është sipas tij për të edukuar një brez, i cili më së shumti ka nevojë për mësuesin edukator.

Myftiu Sytari deklaroi se fëmija dhe i riu që është para duarve të mësuesit, nesër do jetë mjeku i së ardhmes, politikani i së ardhmes, presidenti i së ardhmes, kryeministri i drejtë dhe moral i këtij vendi, politikani i drejtë dhe moral i këtij vendi, deputeti moral dhe i drejtë i këtij vendi, do të jetë ministri moral dhe i drejtë i këtij vendi, do të jetë myftiu moral dhe i drejtë i këtij vendi, kryetari i Komunitetit Mysliman të Shqipërisë i urtë, i drejtë dhe i posaçëm në atë pozicion i këtij vendi, pra do të jetë e ardhmja. Nëse ne sot neglizhojmë farat e së nesërmes – këshilloi myftiu i Shkodrës – askush të mos ketë habi pastaj nëse pas disa vitesh modelet hibride do të drejtojnë Shqipërinë dhe ta marrin përdore drejt dekadencave më të mëdha se sa ka rënë sot Shqipëria si pasojë e një keqformimi, si pasojë e këtij keqedukimi, si pasojë e një formimi që nuk njeh Zotin, nuk njeh bazën morale, nuk njeh tabanin kombëtar, por njeh vetëm të qenurit misionar i dikujt dhe diçkaje që njerëzit nuk e shohin dhe ajka e dijetarëve e dinë, por shumica e njerëzve heshtin dhe nuk flasin dhe shumica shkojnë në turmë si turmat që nuk dinë ku shkojnë dhe kush i drejton.

APELI
Në fund të fjalës së tij, myftiu i Shkodrës, Muhamed Sytari iu drejtua mësuesve dhe edukatorëve të shtrenjtë, duke u thënë amanet fëmijët e këtij vendi dhe amanet fëmijët e Shkodrës. “Çdo mësues le të jetë vlerë, të jetë sakrifikues, të jetë model, të jetë pikë referimi për fëmijët tanë. Jo të mendojmë të kundërtën. Duhet të lutemi që Zoti të na ruaj nga dija e padobishme, e cila sjell korrupsion dhe sjell aty ku nuk duhet njerëz, të cilët shkatërrojnë vendin dhe prishin pasuritë e tij.

Një shoqëri që nuk vlerëson dijetarët, mësuesit dhe edukatorët, një shoqëri që nuk interesohet që fëmijët e saj të lartësohen në gradët e shkallëve më të larta të dijes dhe nxënies së saj është një shoqëri e destinuar për t’u shkatërruar siç janë shkatërruar shumë shoqëri të tjera u shpreh myftiu”, pohoi Sytari. Në mbyllje, ai bëri një lutje për gjithsecilin prej prin-dërve dhe fëmijëve që të kenë vëmendjen tek fëmijët që t’ua mësojnë bukur gjuhën shqipe. “Po na ikën gjuha shqipe për duarsh, po na ikën gjuha jonë kombëtare, këtë gjuhë me të cilën na ka veçuar Zoti nga krejt popujt e tjerë të botës, po na ikën për duarsh në një mënyrë apo tjetër, po na masakrohet gjuha, po na bastardohet trashëgimia kombëtare, po na bastardohen traditat kombëtare, tabani kombëtar i vlerave dhe njerëz pa traditë. Pa taban e trashëgimi nuk gjen në asnjë vend të botës, veç ata që janë larguar nga kjo botë dhe nuk kanë asgjë”, përfundoi mesazhin e tij myftiu i Shkodrës, imam Muhamed Sytari.

Një ullishte është përfshirë nga flakët ditën e sotme në Elbasan. Mësohet se, zjarri është  regjistruar rreth orës  18.40,  në lagjen “Dyli Haxhire”.

Ullishtja ndodhet në një terren të thyer dhe zjarri ka marrë përmasa të mëdha.

Në vendngjarje ndodhen shërbimet e policisë dhe 15 zjarrfikëses, të cilët po punojnë për fikjen e zjarrit. Gjithashtu u njoftua Shefi i Emergjencave Civile, Elbasan.

Njoftimi i policisë:

Rreth  orës  18.40,  në lagjen “Dyli Haxhire” Elbasan, ka rënë zjarr, në Ullishtë, terren i thyer, i cili ka marrë përmasa.

Në vendngjarje ndodhen shërbimet e policisë dhe të zjarrëfikses.

Gjithashtu u njoftua Shefi i Emergjencave Civile, Elbasan. Po punohet për fikjen e zjarrit.

TIRANË – Kryetari i Kuvendit të Shqipërisë, Gramoz Ruçi, deklaroi se Shqipëria do të vazhdojë mbështetjen pa rezerva për dialogun Kosovë-Serbi.

Ruçi, priti në një takim zyrtar kryetarin e Kuvendit të Kosovës, Kadri Veseli, i cili ndodhet për një vizitë zyrtare në Shqipëri, ku pas takimit mbajtën një deklaratë të përbashkët për mediat.

“Kryefjala e bashkëbisedimit ishte dialogu Kosovë-Serbi. Shqipëria do të vazhdojë të jetë mbështetëse pa rezerva e dialogut Kosovë-Serbi të ndërmjetësuar nga Bashkimi Evropian(BE). Kjo është platforma e duhur për normalizimin e marrëdhënieve mes dy vendeve për destinacionin e të dy vendeve në BE. Po ndjekim me vëmendje zhvillimet e fundit dhe përfshirjen e të gjitha palëve në procesin e dialogut”, tha kryeparlamentari i Shqipërisë.

Sipas Ruçit, diskutimet e fazës finale të dialogut duhet të rikonfirmojnë arritjen e marrëveshjes ligjërisht të detyrueshme që respekton tërësinë territorial të Kosovës, formën unitare të shtetit, karakterin multi etnik dhe multifetar.

“Kjo është rruga e vetme e vendosjes së raporteve të reja mes Kosovës dhe Serbisë për forcimin e rrugës evropiane për të dyja vendet si dhe për stabilitetin dhe sigurinë e gjithë rajonit të Ballkanit Perëndimor. Mesazhi im është që në këtë situatë aktorët dhe faktorët politikë në Kosovë duhet të jenë në unitet qëndrimi dhe veprimi”, theksoi Ruçi.

– ”Kosova promovon të drejtat e komuniteteve”

Ndërsa kryetari i Kuvendit të Kosovës, Kadri Veseli, tha se qëllimi i vizitës zyrtare në Shqipëri është diskutimi për perspektivën euroatlantike. “Kosova shkon në dialog për t’u anëtarësuar në Organizatën e Kombeve të Bashkuara. Kosova është vendi i pavarur dhe sovran, i cili promovon në mënyrën më të shkëlqyer të drejtat e komuniteteve më mirë se në çdo shtet perëndimor evropian”, tha Veseli.

Sipas Veselit, Kosova është duke shkuar me vendosmëri drejt procesit final të madh të dialogut me Serbinë që të ulet në OKB.

“Rrugëtimi jonë është perëndimor si shtet. Rrugëtimi jonë është evropian dhe jemi krenar që jemi në anën e vendeve perëndimore. Nuk ka opsion tjetër. Ajo që e dëmton Kosovën është mungesa e unitetit. Nuk është koha të mendojmë për ego të luftës për pushtet. Është momenti të mendojmë për këtë gjeneratë dhe gjeneratat e ardhshme në mënyrë që ta fuqizojmë shtetin e Kosovës”, deklaroi Veseli.

Veseli shoqërohet në këtë vizitë nga zëvendëskryeministri i Kosovës, Fatmir Limaj dhe zëvendëskryeministri dhe ministri i Diasporës dhe Investimeve Strategjike, Dardan Gashi. Gjatë qëndrimit në Tiranë, kryeparlamentari Veseli do të takohet dhe me zyrtarë dhe politikanë të tjerë të Shqipërisë. aa