Prej kohësh tashmë Shqipëria është pa një ambasador të Shteteve të Bashkuara të Amerikës dhe sipas gjasave do të qëndrojë edhe për disa kohë e tillë, kjo pasi Kongresi Amerikan ka rikthyer kandidaturën e ambasadores Kathleen Ann Kavalec për pozicionin e ambasadores së SHBA-ve në Shqipëri.

TIRANË – Banorët e Astirit vijojnë protestën e tyre për 61 ditë radhazi duke kërkuar anulimin e projektit të Unazës së Re, projekt i cili prek dhe prish shtëpitë e tyre. Ata janë shprehur se do vijojnë të jenë në rrugë për të mbrojtur  banesat e tyre me çdo çmim.

“Burg për hajdutët” dhe “qeveri e krimit” ishin disa nga thirrjet e banorëve.  Ata u shprehën mirënjohjen edhe për mediat, të cilat kanë ndjekur e pasqyruar nga dita e parë kauzën e tyre.

“Pas 7 janarit do të ngrihet i gjithë populli. Ministrat e tij do të jenë në burg. Kanë shkelur ligjin dhe kanë vjedhur. Unaza e Re është diçka tjetër, sepse këta njerëz janë të devotshmit e republikës. Ata janë ngritur për të mbrojtur pronat dhe nderin e tyre”, tha një nga banorët.

Në mbështetje të banorëve ishte edhe deputeti i PD-së, Klevis Balliu, i cili tha se qytetarët e unazës kanë mbështetjen e opozitës së bashkuar.

Në fjalën e tij, deputeti Balliu ritheksoi se të gjithë përgjegjësit e aferës korruptive tek projekti i Unazës së Re duhet të jenë në burg.

“Ende sot nuk kemi marrë përgjigje nga Rama, sepse ka një arsye të thjeshtë. Bandat nuk lejojmë të sprapset nga ndërtimi. Të gjithë bashkë do ta mundim klikën mafioze të Edi Ramëm me Erion Velisë. Sot qytetarët kërkojë drejtësi, dhe kërkojnë të mbajnë përgjegjësi për aferën korruptive në lotin 1.

Të shkojnë në burg përgjegjësit, duke filluar nga Erion Veliaj, Edmond Bego dhe Edi Rama. Këtu kemi të bëjmë me një qeveri të kapur dhe të korruptuar. Provokime dhe tensionet nuk do të tolerohen më. Ju keni mbështetjen e opozitës së bashkuar dhe të gjitha do ta zhdukim farën komuniste të Edi Ramës”, tha Klevis Balliu.

Shqipëria sot është zbardhur nga bora në disa qarqe të saj. Sakaq, Autoriteti Rrugor Shqiptar deklaron se në të gjitha akset kryesore të vendit që ka pasur reshje bore janë marrë të gjitha masat e nevojshme nga kontraktorët dhe është bërë kriposja dhe pastrimi i rrugës nga bora.

Rrugët që rekomandohet që kalimi të bëhet me zinxhir janë: Qarku i Korçës (Boboshticë-Dardhë, Korçë Voskopojë, Korçë-Ersekë, Liqenas-Doganë Goricë), Qarku i Kukësit (Lusen-Domej).

Në Rajonin Verior Shkodër: Reshje bore ka pasur në Qarqet Kukës, Dibër dhe Shkodër. Në akset e Tropojës ka reshje të dobëta bore.

Në akset e Dibrës, Kuben-Vasie, vazhdon puna për pastrimin dhe kriposjen.

Në aksin Ura e Cerenecit-Stebleve, bore arrin trashësinë 15 cm. Po punohet me fadroma për pastrimin dhe kriposjen. Qarkullimi rekomandohet me zinxhirë.

Në akset e Kukësit, Kukës-Bushtricë, Kukës-Ura e Zapodit, po punohet për pastrim dhe kriposje. Qarkullimi kryhet pa probleme.

Në Rajonin Qendror Tiranë. Në akset e dajtit ka reshje të pakta bore dhe prezencë akulli.
Në segmentet fundore të Qafë Priskë-Qafë Mollë, rekomandohet përdorimi i zinxhirëve. Në aksin Librazhd-Stebleve, në segmentin fundor të tij në Lunik – Stebleve, ka rresh 15 cm borë. Qarkullimi rekomandohet me zinxhirë.

Në Rajonin Jugor Gjirokastër: reshejt e rëna gjatë natës, kanë bërë që edhe pas punës së kontraktorëve për pastrimin dhe kriposje, akset e Qarkut të Korçës të qarkullohen me zinxhirë.

ARRSH këshillon që përdoruesit e rrugës të tregohen të kujdesshëm, të respektojnë udhëzimet e Policisë së Qarkullimit Rrugor, të respektojnë sinjalistikën rrugore, të lëvizin me shpejtësi të reduktuar, të përdorin gomat e dimrit dhe zinxhirë në rrugët për të cilat njoftuam që qarkullimi kryhet me zinxhirë.

Një krim i rëndë ka tronditur mbrëmjen e sotme qytetin e vogël të Ballshit, pasi një 34-vjeçar ka qëlluar për vdekje gruan e tij dhe më pas kunatën. Policia në një njoftim për mediat ka bërë me dije se 34-vjeçari ka qenë në gjendje të dehur në momentin e krimit.

Gazmend Musta pas një debati me gruan, Gentiana Caushaj, pas një dreke që kishin në familje ka qëlluar me thikë gruan e tij.

Autori kishte thirrur motrën e gruas për drekë, por më pas gruaja e 34-vjeçarit i ka kërkuar bashkëshortit që të shkojë bashkë me motrën të prindërit e saj dhe i ka sugjeruar që të moj pijë më alkool.

Këtu dyshohet se ka lind konflikt dhe pas përplasjes dhe debatit verbal, autori ka qëlluar me thikë duke vrarë gruan dhe kunatën 18-vjeçare. Viktima të kësaj ngjarje të rëndë kanë mbetur  gruaja Gentiana Caushaj dhe motra e saj Merisa Caushaj.

Dyndjet emigratore do të vazhdojnë edhe në 2019-n.

Numri i lindjeve në Shqipëri është në rënie të ndjeshme nga viti në vit.

Genti Cakaj, do të drejtojë Ministrinë për Evropën dhe Punët e Jashtme pas largimit të Ditmir Bushatit. Emri i tij habiti të gjithë, si për nga mosha ashtu dhe për nga koha kur Genti Cakaj do të drejtojë këtë ministri.

Duke iu mbyllur gojën kritikëve, Rama tregoi se pse e emëroi në këtë post:  Genti Cakaj ka lexuar libra më shumë se ju keni thënë fjalë tërë jetën. Zgjedhja e tij është zgjedhja si e një shqiptari. Neveris çdokënd që nënvizon kosovarin si arsye për të kontestuar këtë zgjedhjeve. Sa i përket çështjes së Greqisë, nuk la lidhje fare. Është vendosur si ministër për atë që përfaqëson, si një ndër njerëzit më të ditur. Si njeri i përkushtuar, duke mbuluar gjithë procesin e integrimit. Edhe si një djalë që është shumë pranë vizionit, programit, mënyrës së të parit të gjerave tonë të familjes politike. Mosha? Unë nuk mendoj se ky është moment që duhet ta paragjykojmë. Zgjedhja është bërë për meritë dhe aftësi. Ditmir Bushati është ministri më jetëgjatë në punët e jashtme, është ministri më i mirë që kemi pasur në historinë e tranzicionit. Aman ju lutem, ky vend ka pasur ministër të jashtëm Aldo Bumçin dhe nuk ka patur asnjë debat.

Kerkohej nga drejtesia shqiptare qe prej vitit 1989, i denuar per vrasje. Interpoli njofton se ka ekstraduar nga SHBA shtetasin shqiptaro-amerikan Selim Struga, 54 vjeç, lindur në Tiranë.

Pas një pune të gjatë investiguese të Policisë Shtetit Shqiptar, dhe në veçanti të ZQK Interpol Tirana, në datë 30.12.2018, ështe realizuar ekstradimi nga Detroit/SHBA drejt Shqipërisë, i shtetasit shqiptaro-amerikan Selim Struga, 54 vjeç, lindur në Tiranë.

Mbrëmjen e të shtunës rreth orës 21.15 tre persona u ekzekutuan me breshëri kallashnikovi në hyrje të një restoranti të njohur në rrugën Elbasan-Ish Kombinati Metalurgjik pranë rrethrrotullimit të Bradasheshit. Në këtë atentat të mirëorganizuar dyshohet se janë përfshirë disa persona ende të paidentifikuar.

Ata sipas policisë u kanë zënë pritë viktimave ndërsa të tre ishin futur në automjet dhe po bëheshin gati të lëviznin drejt Elbasanit me një fuoristradë me targa të huaja pasi kishin darkuar me disa familjarë të tyre. Në këtë moment është hapur zjarr në drejtim të automjetit ku ndodheshin tre viktimat duke qëlluar me breshëri dhe për pasojë ka humbur jetën në vend Endrit Alibej, 34-vjeç dhe Arben Dylgjeri, 56 vjeç, që të dy banorë të qytetit të Elbasanit si dhe shtetasi Erdal Duranay, 51 vjeç nga Turqia.

Sipas burimeve policore dy elbasanasit e ekzekutuar janë të afërm me njëri-tjetrin, xhaxha dhe nip. Ndërkohë edhe viktima tjetër që thuhet së është shtetas i huaj nga hetimi paraprak rezulton të ishte i afërm i bashkëshortes së një prej dy viktimave nga Elbasani.

Objektivi kryesor i atentatit të mbrëmshëm nga hetimi i kryer rezulton se ka qenë pikërisht 34-vjeçari Endrit Alibej me të shkuar kriminale jashtë Shqipërisë.

Aktualisht pista kryesore ku është përqendruar hetimi është ajo e prishjes së pazareve të drogës pasi 34-vjeçari elbasanas Alibej ka qenë në vitin 2013 i arrestuar për trafik droge në Itali.

Viktimat jetonin jashtë vendit dhe ishin kthyer vetëm para pak ditësh për të kaluar festat e fundvitit në Shqipëri. Autorët e masakrës kanë qenë disa dhe dyshohet se janë larguar pas kryerjes së krimit me një makinë në drejtim të rrethrrotullimit të Bradasheshit dhe për të gjetur gjurmët e tyre janë marrë pamje të kamerave të sigurisë si dhe janë shoqëruar dhjetëra persona.

Menjëherë pas ngjarjes Policia ka ngritur postblloqe në të gjitha rrugëkalimet, ndërkohë që RENEA dhe Forcat e Ndërhyrjes së Shpejtë rrethuan zonën në një perimetër të gjerë si dhe kryen kontrolle për të bërë të mundur zbardhjen e ngjarjes. Gjithashtu një grup hetuesish nga Drejtoria e Krimeve të Rënda të Policisë së Shtetit po punojnë për identifikimin dhe arrestimin e autorëve të masakrës.

Protesta e diaspores vijon sot për të tretën dite rradhazi. Në krye të saj janë Genc Sejko, Ylber Boda, Avni Delvina, Leander Prifti ,Sokol Drasati, e plot shqiptare nga diaspora, janë emra pa fund, që janë aty dhe që është e gjithë diaspora 3 milionëshe  që e mbështet me zemër. Është protesta për ndryshim, nuk e organizon partia, duke paguar autobuzë dhe pare, është protesta e njerëzve të lirë që e kanë shprangosur diktaturën dhe vijnë në mes të Tiranës nga vendet ku jetojnë për të hequr qafe regjimin që ka prangosur shqiptarët duke i lënë më të varfërit në Europë!

Dikush më tha se nga 3 milionë ishin 300!

I thashë sot janë 300, nesër 3000, pasnesër 30000, mbipasnesër, 300000 deri sa të bashkohemi aty të gjithë 3 milionë shqiptarë!

Edi Rama t’i hypë biçikletës gollomosh sikur bënte në diktaturë dhe të shkojë në bunkerin e tij në Surrel !

Sot eshte ne zi Vrella,vendlindja ku u linda dhe u rrita,por edhe
krejt Kosova sepse e humbi njeriun i cili tere jeten ia kushtoj
lirise,sepse Izet Demaj e donte shum lirin.Luftoi si lua ne Malet e
Koshares se bashku me heronjet e kombit Agim Ramadani,Salih Qeku e
shume te tjere.Ishte si rrufeja dhe shiqeta qe e shenonte armikun kudo
qe perballej me te.Aremiku ia kishte friken,tmerrohej prej tij .Luftoi
si lua derisa bashk me shok e rrexoje per toke kufirin e hekurt
Kosove-.
Shqiperi,qe ne kete kufije me gjemba kishin ra deshmor shume patriot
dhe atedhetar te kombit per gjate shume viteve.

Por ai sot nuk eshte me gjalle.U vra nga dora kriminele ne mbrojtej te
atedheut,ne mbrojtje te qytetareve te Istogut.U perball me banden
kriminele per ti dal zot atedheut.Nuk ia doli.Vdiq ne kacafytje me
kriminelet.Vdiq aty ku kurr nuk e kishte paramendu,ne vendilindjen e
tij ne Istog.Vdiq si hero.

Sot edhe Kosharja ka zi pa qane per birin e tij,per luftetarin e
tij,per heroin e kombit,per policin e shkelqyer qe ia zbardhi fytryren
Kosoves

Sor e tere Kosharja ishte ne zi e lot.Ishin mbledhe aty shume
komandant te UCK,shume bashkeluftetare per ti dhane lamtumiren e
fundit heroit te kombit Izet Demaj.

Sor ne Koshare e cila ishte e mbulueme me velin e zise u vorrosh heroi
i Kosoves Izet Demaj afer shokeve te vet heroj te Kosoves Agim
Ramadani,Salih Qeku e shume te tjere.Shkoj heroi te herojt ne perqafim
te amshueshem,

Vepra e tij do te jete shembull per shume breza te ardhshem dhe per te
gjithe se si luftohet dhe vdiqet per atedhe.

Pusho i qete ne dheun e Dardanise,kurse Vrella e jote te cilen aq
shume e deshte do te perkujtoj pergjithemon.

Lapidari i yt qe do te ngritet ne vendlindjen tende ne Vrelle do te
jete Yll drite i lirise i cili do te shendrite pergjithemone.

Nga pika e kalimit Kufitar Morinë, dy ministrat e Brendshëm të Shqipërisë dhe Kosovës nënshkruan marrëveshjen dypalëshe për ngritjen e pikave të përbashkëta të kalimit kufitar, ndërmjet Shqipërisë dhe Kosovës dhe kryerjen e veprimtarive të përbashkëta të kontrollit kufitar.

Kjo marrëveshje lejon që shtetasit, automjetet dhe mallrat, të cilët hyjnë ose dalin nga territori i palëve, u nënshtrohen kontrolleve të përbashkëta nga autoritetet përkatëse përgjegjëse, vetëm një herë.

Në Morinë, përveç ministrave, prezentët ishte dhe kryeministri i Kosovës Ramush Haradinaj, ndërsa ai shqiptar mungonte.

Gjatë fjalës së tij, ministri Sandër Lleshaj njoftoi edhe arsyet e mos pranisë së Edi Ramës, kreut të qeverisë shqiptare.

“Së pari më lejoni t’iu përcjell përshëndetjet e kryeministrit Rama, i cili nuk preferoi të vinte, sepse tha: kemi 50 përqind sukses kësaj radhe, do të vij kur ta heqim plotësisht kontrollin e kufirit”.

Lleshaj e quajti marrëveshjen shumë të rëndësishme ndërsa paralajmëroi nënshkrimin e një marrëveshjeje të re së shpejti për eliminimin e kontrolleve në kufirin Shqipëri-Kosovë.

“Hapi tjetër, besoj shumë shpejt, ne do të jemi në gjendje që qeverive tu ofrojmë mundësinë e nënshkrimit të një marrëveshje shumë të rëndësishme e cila do të çojë në eliminimin e plotë të këtyre kontrolleve në kufirin tonë pa cënuar aspak sigurinë. Ky është një hap drejt vendosjes së standardeve të mirëfillta europiane në kufirin tonë ashti siç ndeshemi me të gjithë kufijtë e Europës ku ne synojmë të anëtarësohemi”, tha Lleshaj.

Ndërkohë, Kryeministri Haradinaj dha edhe një afat të mundshëm për heqjen e kufirit. Haradinaj u shpreh për gazetarët, se marrëveshja dypalëshe nis zbatimin nga nesër

“Që nesër nuk ka me pas dy kontrolle. Do të ketë nji. Ndërsa shpresoj shumë më 1 Mars ose 2 Prill, s’po them 1 Prill, ky kufij të mos jetë më, por kjo të jetë pika që na bashkon”, tha Haradinaj.

PANORAMA

Edi Rama ka shkarkuar shtatë ministra të qeverisë, mes tyre edhe zëvendës kryeministren Senida Mesi.

Këto ndryshime të mëdha kreu i ekzekutivit i njoftoi këtë paradite të së premtes, gjatë mbledhjes së Asamblesë së PS.

Ministrat që u larguan:
Senida Mesi, Zv.kryeministre
Arben Ahmetaj, Ministri i Financave
Damian Gjiknuri, Ministër i Infrastrukturës
Ditmir Bushati, Ministër i Jashtme
Lindita Nikolla, Ministrja e Arsimit
Niko Peleshi, Ministër i Bujqësisë dhe Zhvillimit Rural
Mirela Kumbaro, Ministre e Kulturës

Ministrat që i zëvendësuan:
Erion Braçe, Zv.Kryeministër
Besa Shahini, ministre e re e Arsimit
Gent Caka, ministër i Punëve të Jashtme
Anila Denaj, Ministre e Financave dhe Ekonomisë
Blendi Çuçi, Ministër i Bujqësisë dhe Zhvillimit Rural
Eduard Shalsi, Ministër i Sipërmarrjes dhe Biznesit
Elva Margariti, Ministre e Kulturës
Elisa Spiropali, ministre për Marrëdhëniet me Parlamentin

Fjala e plotë e Edi Ramës:

Nuk mund të persim më gjatë që të marrim mesazhet dhe mësimet nga kjo që kemi para syve, nuk është asgjë veçse një mundësi e jashtëzakonshme, nuk është protestë për tu mbyllur, për të larë gojën, që duhet të ngelet te kërkesat dhe ne të mjaftohemi që në 7 janar të dalin ata të doktoreshës, artistit dhe qorrit.

Ju ftoj që ndryshimin e qeverisë ta shikoni si pjesë e një reflektimi dhe kapërcim të domosdoshëm për ta kthyer këtë mandat në mandatin e rezultateve që do na çojnë në fitoren e mandatit të tretë, studentët na e kanë dhënë mundësinë që të lexojmë se cila është rruga për mandatin e tretë.

Ministrat që do largohen kanë një rol tejet pozitiv në diçka që kemi bërë dhe transformimet që kemi sjellë. Janë një gjeneratë drejtuesish që ka shumë për të dhënë edhe në parti.

Të gjithë ata që kanë 5 vjet në kabinet t’ja lënë vendin të tjerëve, dhe për ta, bëj falënderim të posaçëm e për punën e tyre mbaj një fjalë.

Dua ta filloj me Linditën

Reforma ne arsim është një nga më të thellat në adresimin e fundit të trancizionit. Kjo është padyshim e lidershipit të Linditës.

Sistemi i hyrjes në universitet është sistemi që krijoi Lindita Nikolla, sistemi që prej dy vjetësh nuk kemi asnjë ankesë, nuk është metaforë, është fakt.

Edhe ligji për Arsimin e Lartë garanton fundin e tranzicionit, mjafton ta zbatojmë, është meritë e Linditës.

Ligji ka ardhur në Kuvend i mbështetur nga dekanatët dhe rektoratet, konsensus nga gjithë vota akademike, por sigurisht që paralelisht me këtë punë dhe kontribut, ka shumë gjëra të tjera që presin për lidershipin e Linditës, që nga udhëheqja e një qarku ku duhet të fitojmë në Lezhë…

Besa Shahini do të zëvendësojë Lindita Nikollën, është zv. ministrja me një karrierë akademike dhe ka gjithë kapacitet për të marrë stafetën dhe për të çuar përpara reformat e për të rritur efikasitetin e punës së MAS.

Arben Ahmetaj ka rol absolut në gjithçka që lidhet me ekonominë, që humbasin shumë herë në vorbullën e kazanit. Nëse sot shifrat janë të atilla që vendi pati sukses në tregjet botërore, merita i takon atij.

Ministrja e re është Anila Ademi, drejtuese e fondit të shërbimit shëndetësor.

Dimtir Bushati ka merita të padiskutueshme në rrugën e deritanishme, në botë e rajon, shërbimin konsullor, por është koha që ai t’i përkushtohet Shkodrës dhe të japë kontributin e vet në Këshillin e Integrimit, zv.ministri do të jetë në vendin e tij.

Damian Gjiknuri… ajo që ka ndodhur së fundmi ka errësuar figurën dhe kontributin e tij, ai është ministri që ka lënë shenjë të pashlyeshme në reformimin e sektorit të energjisë dhe pavarësisht se çfarë mund t’i atribuohet loidershipit në atë drejtim,u them pa asnjë modesti se pa Damianin ajo reformë do ishte e pamundur, askush tjetër nga ministrat nuk i ka kapacitete e tij drejtuese e menaxhuese, askush.

Jam i bindur se historia e mahisur politikisht e lobit të unazës do të zbardhet deri në fund dhe do të provojë pafajësinë e tij. Jam i binduri se Damiani do udhëheqë fort në qarkun e Vlorës për të fituar në zgjedhje atje.

Ministrja e re do të jetë Belinda Balluku. Ajo i ka të gjithë atributet për ta drejtuar me sukses atë ministri.

Niko Peleshi ka qenë një bashkëpunëtor që të gjithë donin ta kishin, partia ka fatin e madh ta kishte, Bledi Çuçi do të zëvendësojë Niko Peleshin .

Nikos i bie barra të sjellë nga qarku i Korcës edhe një rezultat më të mirë.

Mirela   Kumbaro besoj që meriton respektin për një punë të madhe që është bërë, përmbysje totale në gjithë drejtimet trashëgimia kulturore sot është më në kujdes, janë të panumërta ndërhyrjet.

Elva Margariti është këshilltare në Kryeministri dhe koordinatore kombëtare e projektit 100 fshatrat.

Sonila Qato do lërë kabinetin për një detyrë tjetër, Eduard Shalsi do të vijë në vendin e saj si ministër shteti.

Do rikthejmë ministrin për marrëdhëniet me Kuvendin, është domosdoshmëri, duhet ta them sot hapur, vlera më e madhe e luajalitetit ndaj PS në përvojën time si kryeministër është ky grup parlamentar që kam, jam i keqardhur që ai goditet nga muskujt e opozitës.

Shumë ministra do të kenë në gjirin e tyre për t’i rehabilituar, në këto kushte Elisa Spiropali të kthehet si ministre për Marrëdhëniet me Parlamentin.

Në fund fare, kam edhe një dyshim shumë  se Erion Braçe do të jetë zv. kryeministër i qeverisë, se është koha që shumë nga ato që thashë e të tjera që nuk i thashë, të adresohen, Erioni si zv. kryeministër do të ketë gjithë autoritetin të ndjekë procesin e transportimit të shërbimeve në shërbime dinjitoze për njerëzit.

Për pastrimin e administratës nga hajdutët, parazitët dhe fundërrinat që abuzojnë me qytetarin pa pikën e turpit duke tundur lloj lloj flamujsh që nga ai i PS, krushqisë, vëllazërisë.

Është koha që ndarja më këtë lloj qenie të jetë drastike në çdo pjesë të territorit, që dimensioni i ri të jetë kudo.

Blendi Klosi e di afatin qe ka deri ne fund te qershorit e di edhe detyrën qe ka e nëse do ta zbatojë do të jetë gëzimi për fitoren e zgjedhjeve në qarkun e Beratit. Po kështu Ogerta e di shumë mirë se ca pritet prej saj në gjashtë muajt e ardhshëm.

Kjo ishte paraqitja që kisha duke iu siguruar se ajo që nisa të them dhe që dua ta mbyll është që ky është moment i rëndësishëm për PS dhe mundësi e jashtëzakonshme për mua nuk është fjalë goje. Me besimin që qeveria e re do të krijojë më shumë hapësirë për më shumë ndërveprim pasi një pjesë e atyre që thashë do të lënë qeverinë dhe do të kenë fokus në fushatë, me garancinë për ju që asnjë ministër, qoftë edhe i sapoardhur, nuk do të tolerohet nëse nuk do i mbajë parasysh ata për të cilat është bërë ky ndryshim, u uroj të gjithëve gëzuar.

Gazetarja e kronikës në News24, Klodiana Lala ka bërë një paralajmërim të fortë sa i përket nisjes së vitit 2019.

E ftuar në emisionin ‘Opinion’, si një nga personazhet më të spikatur të vitit 2018 për kontributin në gazetarinë ivestigative, gazetarja tregoi se si do të nisë viti i ardhshëm për të dhe zhvillimet që pritet të ketë.

Lala është shprehur se ka një kontratë me rrjetin investigativ BIRN, dhe se është duke punuar për një shkrim investigativ për shitblerjen e votës.

Ajo është shprehur se do të dalin përgjime të rëndësishme nga ky investigim, ndërsa ka treguar se do të dalin edhe emra të disa politikanëve të përfshirë në shitblerjen e votës.

Në emisionin “Të Paekspozuarit” mbrëmjen e sotme, është diskutuar deklarata e kryeministrit Rama lidhur me burimin e të ardhurave të tij dhe shtëpinë që ka ndërtuar në Surrel.

Ndërkohë që Policia e Tiranës ndaloi mbajtjen e protestës së njoftuar nga ana e diasporës, e cila kishte njoftuar se do të mblidhej para zyrës së Ramës në 28, 29 dhe 30 dhjetor, Presidenti i vendit, Ilir Meta ka dalë sot me një ftesë befasuese.

“Shqiptaret kane protestuar edhe ne diktature, pavaresisht nga kostot e tmerrshme qe kane paguar”- ka thene Meta ne nje deklarate per mediat nga qyteti i Korces.

Ne pergjigje te pyetjes se policia ua ka ndaluar lejen e protestes emigranteve, Meta ka theksuar prere:

“Nuk besoj qe nje gje e tille te kete ndodhur, por edhe nese ka ndodhur jane te ftuar te gjithe emigrantet te protestojne brenda oborrit te Presidences”- tha Meta.

Vendimi i policise 

Policia e Tiranes nuk i ka dhene leje protestes se diaspores, e cila nen drejtimin e Genc Sejkos, do te mbahej ne ditet e fundit te vitit para Kryeministrise.

Lajmin e ka bere vete me dije organizatori, njohur si njeriu i memeve Genc Sejko, permes nje deklarate per mediat, duke publikuar edhe shkresen, me pergjigjen e dhene nga Policia e Tiranes.

“Si qytetar shqiptar dhe evropian jemi udhehequr nga dy parime, respketimi i ligjt dhe e drejta kushtetuese. Ne 26 djetor dorezuam ne Polici nje  dokument zyrtar per nje proteste qe do mabnim me 28, 29 dhe 30 dhjetor. 24 me vonese, policia na ka sjelle nje shkerse ku na ndalon ne qe te protestojme, nje e drejte qytetare dhe kushtetuse qe e ka firmosur Kastriot Skenderaj dhe eshte totalisht ne shkelje te Kushtetuetes. Ne i kthemi kthyer pergjigje policise, e kemi informuar qe jane ne shkelje te Kushtetutes, pasi protesten ne do ta mbajne si te drejte kushtetuese. Ne ne ato data do te vazhdojme me protesten, do te jete paqesore, ejani me familje dhe femijet. Nese policia nuk ka ndermend ta garantoje do ta garantojme ne si qytetare”- ka thene ai.

Katër organizata ndërkombëtare për media, i bën thirrje të mërkuren qeverisë së Shqipërisë, të tërhiqet nga dy projektligje për mediat në internet.

Në një letër drejtuar kryeministrit Edi Rama dhe ministres së Drejtësisë, Etilda Gjonaj, Qendra Evropiane për Lirinë e Mediave, Federata Evropiane e Gazetarëve, Reporterët pa Kufij dhe Pen-i Ndërkombëtar, u kërkoi atyre të tërheqin këto projektligje.

Organizatat u kërkuan autoriteteve shqiptare që në përpilimin e ligjeve të përfshijnë edhe gazetarët si dhe të kërkojnë ndihmë ndërkombëtare në përgatitjen e ligjeve të reja.

Ato thanë se në vendet demokratike mediat në internet janë vetë-rregulluese.

Në tetor, edhe Organizata për Siguri dhe Bashkëpunim në Evropë (OSBE) shprehu shqetësim rreth sistemit të ri të regjistrimit për faqet e internetit të mediave në Shqipëri.

Kryeministri Edi Rama do te mbledhe sot kabinetin qeveritar, ne nje mbledhje te fokusuar te studentet dhe kerkesat e tyre. 

Me nje shenim ne Twitter, Rama ka bere me dije se “Mbledhja e Qeverisë sot ka në fokus studentët, 8 kërkesat e tyre dhe dokumentin e punës mbi Paktin për Universitetin”.

Kujtojme se studentet kane paralajmeruar se do janari do te rinise me protestat per kerkesat e tyre, per te cilat duan vetem plotesim dhe jo dialog.

Postimi i Rames  

Mbledhja e Qeverisë sot ka në fokus studentët, 8 kërkesat e tyre dhe dokumentin e punës mbi Paktin për Universitetin. Vendimet përkatëse të Këshillit të Ministrave (VKM), si edhe plani i punës në vijim, do të njoftohen për publikun në një konferencë shtypi të posaçme,live 11.30.

Prej vitit  2002 rreth 330 mijë shqiptarë që jetojnë jashtë kanë marrë nënshtetësinë e një vendi anëtar të Bashkimit Europian.

Greqia dhe Italia janë dy vendet që kanë dhënë numrin më të lartë të nënshtetësive për emigrantët shqiptarë. Prej 2002 rreth 150 mijë shqiptarë kanë marrë nënshtetësinë greke dhe rreth 148 mijë kanë marrë nënshtetësinë italiane.

Komuniteti shqiptar është i dyti në itali për sa i përket numrit. Të dhënat e publikuara nga Eurostat dhe të përpunuara nga Monitor tregojnë se 2017-n në Itali kishte rreth 448 mijë shqiptarë, ndërsa të dhënat për numrin e shqiptarëve që jetojnë dhe punojnë Greqi nuk janë të raportuara.

Vendi i tretë për sa i përket lëshimit të nënshtetësive është Mbretëria e Bashkuar ku prej 2002 janë dhënë rreth 11 mijë të tilla.

Nënshtetësinë gjermane e kanë marrë 5700 shqiptarë. Të dhëna nga Eurostat tregojnë se në 2017 numri i shqiptarëve që jetojnë atje u përgjysmua nga 74 mijë në 49 mijë. Pjesa më e madhe e tyre kanë qenë azilkërkues të cilët iu është refuzuar kërkesa për azil dhe janë riatdhesuar në Shqipëri. Nga 2011 në Gjermani kanë aplikuar për azil në Gjermani 90 mijë shqiptarë, por pjesa më e madhe e tyre kanë marrë përgjigje negative.

Më pas numrin e nënshtetësive të lëshuara ishte Belgjika me 5000 aplikime.

Franca lëshoi rreth 3400 nënshtetësi për këtë periudhë. Mungojnë të dhënat e raportuara nga Franca mbi numrin e shqiptarë që jetojnë aktualisht atje, por së fundmi ka pasur një bum të kërkesave për azil nga shqiptarët, duke u renditur në 3 vendet kryesore të origjinës. Prej 2011-s rreth 40 mijë shqiptarë kanë aplikuar për azil në Francë.

Në Suedi dhe në Austri janë lëshuar respektivisht nga 1000 nënshtetësi për shtetas shqiptarë.

Në total janë rreth 1.6 milionë individë që jetojnë jashtë territorit të Shqipërisë, sipas të dhënave të Diasporës, një publikim i ri i INSTAT. Nga këta 825 mijë individë (gati 53%) janë meshkuj dhe 755.6 mijë janë femra. Monitor

Numrin 1 i Kishës Katolike Shqiptare, George Frendo foli edhe për protestën e studentëve, për të cilën ai bëri edhe një letër publike pak ditë më parë në mbështetje të tyre.

Përmes një letre drejtuar kryeministrit Rama, që mban datën 18 dhjetor, sindikata e policisë paraqet disa kërkesa me karakter ekonomik. ABC News ka siguruar një kopje të letrës.

Efektivët e policisë pretendojnë se janë më pak të paguar në krahasim me homologët Europianë, ndërsa prej vitit 2014 paga e tyre nuk ka pësuar rritje.

Sindikata e policisë vëren se 80% e efektivëve kanë aplikuar për llotarinë Amerikane, ndërkohë që 70% familjeve të policëve jetojnë janë nën minumumin jetik – thuhet në shkresë.

Punonjësit kërkojnë pagesen e Dietave të prapambetura nga  2017. Por situata është edhe më alarmante për punonjësit e policisë së Tiranës. Orët suplementare nuk janë paguar nga viti 2016 për disa nga komisariatet, efektivët e të cilëve kanë qenë të pranishëm ne stadiume për ndeshjet kombëtare apo dhe të Superligës.

Një pikë tjetër në kërkesat e sindikatës së policisë drejtuar shefit të qeverisë është edhe sigurimi i jetës në rast aksidenti në punë dhe përfitimi i banesave falas për familjarët e policëve që kanë humbur jetën ne krye të detyrës.

Në pikën e fundit, kërkesa e përhershme e punonjësit e policisë: uniforma blu të sigurohet falas dhe zëvendësimi i saj të bëhet pa pagesë, gjë që nuk ka ndodhur deri tani.

Në fund të shkresës, thuhet se është përgjegjësi e administratës së ministrisë së Brendshme dhe  Policisë së Shtetit  që trupat policore te Shqipërisë ndodhen në këtë gjendje. /abcnews.al

Këtë vit festat i kanë gjetur të pakënaqur tregtarët.

TIRANË – Besimtarët krishterë në Shqipëri kremtojnë sot festën e Krishtlindjes.

Në Katedralen e Kishës Ortodokse në Tiranë u mbajt mesha e Krishtlindjes, ku të pranishëm ishin besimtarë të shumtë, ndërsa mesha u drejtua nga kryepeshkopi i Kishës Ortodokse Autoqefale të Shqipërisë, Anastas Janullatos.

Me rastin e Krishtlindjes është mbajtur një meshë edhe në Katedralen Katolike të Shën Palit në Tiranë, që u drejtua nga kreu i Konferencës Ipeshkvore të Shqipërisë, Arqipeshkvi Metropolit i Tiranë – Durrësit, George Frendo.

Ndërkohë, besimtarëve të krishterë festën ua kanë uruar edhe presidenti Ilir Meta, kryeministri Edi Rama dhe kryeparlamentari Gramoz Ruçi.

Meta në mesazhin e tij në rrjetet sociale thekson se kjo festë mishëron vlera sa hyjnore, aq dhe njerëzore si dhe uron që të sjellë drejtësi sociale.

Ndërsa Ruçi, në urimin e tij thekson se Krishtlindjet janë një gëzim i brendshëm drite e paqeje për cilindo.

“Kjo ditë e bukur na mëson se dhembshuria e bën shoqërinë më të ngrohtë, më të drejtë dhe më të barabartë. Kemi një moment për të medituar se lumturia e të gjithëve, jo pasuria e disave, e bën jetën tonë më të mirë. Kjo ditë na rikujton se e drejta dhe e vërteta dhe jo fuqia mbi të dobtit janë pushteti i vërtetë”, thuhet në mesazhin e Ruçit, publikuar nga zyra e shtypit e Kuvendit të Shqipërisë.

Ditën e sotme besimtarët e krishterë në të gjithë Shqipërinë kremtojnë festën e Krishtlindjeve, ku dhe shkëmbejnë urime dhe vizita me njëri-tjetrin.

Protesta te Unaza e Re ka vijuar edhe ditën e sotme, ku banorët të cilëve u preken banesat nga projekti kanë kërkuar që të arrestohet i Energjisë dhe Transporteve, Damian Gjiknuri.

Protesta e banorëve ka gati dy muaj që zhvillohet në zonën e Unazës së Re, ku më herët kanë kërkuar dëmshpërblimin e banesave që preken nga projekti, tashmë banorët dhe opozita kërkojnë dënimin me burg të Gjiknurit.

I pranishëm në këtë protestë ishte dhe kryetari i Partisë Demokratike, Lulzim Basha, i cili u shpreh se ky projekt është një aferë korruptive ku përfshihet kryeministri Edi Rama, bashkë me oligarkët e tij.

Basha theksoi se është detyra e opozitës që t’u qëndrojë pranë qytetarëve duke e mbrojtur atë, siç thotë kryedemokrati, nga shteti hajdut.

Kreu i demokratëve akuzoi edhe njëherë dyshen Rama-Veliaj se kanë ndryshuar planin Urbanistik të Tiranës për llogari të projektit të trafikantit të drogës. Në këtë aferë, tha Basha, është dhe firma e Ministrit Arben Ahmetaj.

“Është e rëndësishme që ta kaptoni që ajo që ndodhi këtu, është urdhër i një autoriteti që mund të bëjë koordinimin mes të gjithë institucioneve si dhe ti mbyllë gojën prokurorisë, që të mbyllë sytë para falsifikimit.

 Ju bëj një thirrje kryeredaktorëve që ta hapin ekranin gjatë gjithë kohës së protestës. Dua të them se afera që nisi si korrupsion i pastër është pohuar sot si një aferë kriminale, Rama dhe Veliaj firmosën për të zhvendosur lumin e Lanës, që të mos cenohet asnjë centimetër katror i pronës së një trafikanti droge. Zhvendosin lumin që mos preket prona e Taulant Ballës.

Ftoj të gjithë shqiptarët që të ngrihen dhe të luftojmë të keqen. Le të jetë kjo shpresa në këtë fundviti që e keqja mos na hedhë më kundër njëri-tjetrit, por kushtetuta dhe ligji të zbatohet njëlloj për të gjithë”, deklaroi Basha.

Ndërkohë, Dorjon Protoduari, i cili u lirua pak ditë më parë i pranishëm në protestë kërkoi burg për kreun e ARRSH, Afrim Qendron, duke e cilësuar megaskandalin e bërë publik pak kohë më parë nga emisioni ‘Të Paekspozuarit”, si kapje në tentativë për vjedhje.

“Donin të vidhnin këtu dhe nuk ia dolën. Doli Afrim Qendro te ‘Opinioni’ tha se paratë janë te Arka e  Shtetit. O zotëri si vjedhja, si tentativa e vjedhjes dënohen njësoj në Kodin Penal.”, u shpreh ai.

Pedagogët e Fakultetit e Historisë dhe Filologjisë, kanë nënshkruan një peticion, me anë të të cilit kërkojnë  abrogimin e ligjit për Arsimin e Lartë.

Në deklaratën e nënshkruar nga  51 pedagogë  shtohet se “në vijim të qëndrimit mbështetës ndaj protestës së studentëve dhe kërkesave të tyre legjitime, ne, pedagogët e Fakultetit të Historisë dhe të Filologjisë i falënderojmë ata për guximin dhe qëndresën qytetare”.

DEKLARATA E PLOTË

Tiranë, më 22.12.2018

D E K L A R A T Ë

e pedagogëve të Fakultetit të Historisë dhe të Filologjisë, Universiteti i Tiranës

Në vijim të qëndrimit mbështetës ndaj protestës së studentëve dhe kërkesave të tyre legjitime, ne, pedagogët e Fakultetit të Historisë dhe të Filologjisë i falënderojmë ata për guximin dhe qëndresën qytetare.

Të ndërgjegjshëm që problemet e sotme janë pasojë e Ligjit për Arsimin e Lartë dhe Kërkimin Shkencor në Institucionet e Arsimit të Lartë në Republikën e Shqipërisë, Nr.80/2015, siç e kemi artikuluar që prej katër vitesh, kërkojmë:

1. Abrogimin e Ligjit për Arsimin e Lartë dhe mbajtjen e përgjegjësive përkatëse.
2. Garantimin e të drejtave të studentit, të cilat me ligjin aktual janë të shkelura.
3. Pas abrogimit të ligjit dhe miratimit të kërkesave të studentëve, të krijohet një Këshill Emergjence pranë Ministrisë së Arsimit, me përfaqësimin e të gjitha palëve të interesuara, studentë, pedagogë, shoqëri civile etj., për të mundësuar daljen nga kriza aktuale dhe realizimin e reformimit të Arsimit të Lartë.
4. Nxjerrjen e përgjegjësive për zënien e mjediseve universitare dhe marrjen e masave për lirimin e tyre , si dhe financimin e kampusit të ri universitar, i cili duhet t’i kalojë në administrim Universitetit të Tiranës.
5. Hapjen e një debati publik për hartimin e një ligji të ri për Arsimin e Lartë, në themel të të cilit të jenë këto parime:
   1. Garantimi i të drejtave studentore
   2. Financimi i dijes
   3. Cilësia e mësimdhënies
   4. Demokratizimi i universiteteve
   5. Autonomia e universiteteve
   6. Rritja e transparencës
   7. Cilësia e diplomave dhe integrimi i të diplomuarve në tregun e punës

Vijojnë emrat:

Artan Fuga, Mark Marku, Romeo Hanxhari, Lili Sula, Agron Gjekmarkaj, Erka Caro, Sokol Axhemi, Sabri Laci, Ermal Baze, Mimoza Gjokutaj, Gentiana Kera, Genta Skuraj, Eno Popi, Jonila Godole, Ramadan Cipuri, Edlira Mecaj, Loreta Axhami, Dhurata Shehri, Ervin Goci, Albana Kosovrasti, Ornela Hasrama, Rrapo Zguri, Arben Belba, Vjollca Osja, Linda Meniku, Edlira Tonuzi, Eljan Doce, Viola Isufaj, Sonila Papathimiu, Sonila Xhafa, Enriketa Papa, Raimonda Nelku, Zylyftar Bregu, Elsa Skenderi, Ymer Ciraku, Edlira Kola, Merita Karaguni, Andri Hoxha, Enkela Begu, Lindita Xhanari, Migena Leskoviku, Juliana Marko, Meli Bregu, Andi Pinari, Holta Shupo, Albana Deda, Flora Koleci, Alban Tartari, Dhimitër Doko, Dhimitri Bello, Marin Haxhimihali.

DEKLARATA DHE LISTA ME EMRAT

Shumë banorë të fshatrave në Elbasan kanë fituar tokën në përdorim me anë të ligjit 7501, por nuk kanë asnjë të drejtë pronësie mbi sipërfaqen.

Të sëmuresh në zonat veriore shpëtimin e gjen vetëm në Tiranë, gjithmonë nëse problemi shëndetësor të premton të arrish deri në QSUT.

Fjala e historianit dhe deputetit të PD Romeo Gurakuqi nga Kuvendi i Shqipërisë, që i bën radiografinë krizës institucionale, të sistemit dhe shoqërisë:

“Shqipëria ndodhet në kaos institucional që ka vrarë shpresën”

Me tone të forta dhe pa doreza ka folur në seancën e sotme në Kuvend, kreu i LZHK-së, Dashamir Shehi, që edhe këtë radhë ka goditur me fjalimin e mbajtur para deputetëve.

Duke theksuat se vetingu në politikë është i rëndësishëm për vendin dhe vetë politikën, Dash Shehi u ka dhënë përgjigje fjalës së mbajtur nga kolegët e shumicës, që nuk kanë lënë rast pa u kujtuar opozitarëve zullumet që kanë bërë në kohën e qeverisjes së tyre.

“Ky justifikimi i vazhdueshëm i kësaj mazhorance që ju keni bërë zullume dhe nuk ju janë dënuar zullumet… ky është justifikim për ju. Se këtu jeni 5 vjet e gjysmë, gjykatësit e keni pasur, policët i keni pasur, hetuesit i keni pasur, i kishit futur në burg ata që do të kishit futur nga ky krahu, që të mos keni me ça të mbuloheni më. Po ky është një sistem i vjetër korruptiv, që kush vjen prapa qit një letër, se kam dy letra unë për ty. Kush ka letra nga ky krahu, kush e meriton le të hyjë në burg. Jo ti fshihni ju për të mbuluar tuajat. Ky është realiteti normal në Shqipëri. Paskan qenë të korruptuarit këtu? Hajde ti pastrojmë të korruptuarit. Ndërsa ju keni qejf vetë, sepse ky është jorgani juaj. Se meqë disa këtu mund të kenë bërë zullume mund të bëni të gjithë ju zullume duke qëndruar rehat. Kjo është teknikë e vjetër. Unë që kam vite në këtë sallë, sa herë xhiron shteti kjo përdoret. Ata përpara nesh ishin më të keqinj sesa ne. Jo nuk është ashtu, Gjithsekush duhet të mbajë pjesë e vet. Nëse këtu ka nxirreni, i keni të gjitha në dorë. Pse nuk i nxirrni? Sepse ajo është batanija që ju mban ngrohtë”- tha prerë ai.

Sipas Shehit, drejtësia i ka të gjitha mundësitë. “Thatë këtu u ngrit kjo e ajo, ne nuk kemi besim te ata që janë vënë, koha do u japë mundësi, ne e dimë që janë të majtë, por kjo nuk do me thënë që janë hajdutë. Janë bërë shumë pasanikë në këtë sallë, disa hiqen për të ndershëm disa për intelektuale, jemi popull i vogël e njohim njëri- tjetrin, sa i vlen lëkura gjithsecilit. Asnjë nuk është aq i pasur sa të blejë të kalumen e vet, ai që vjen nga llumi në llum do shkojë, nuk ka për ta bërë kurrë të rëndësishëm, të ndershëm, kanë hyrë e kanë dalë plot, ditën që janë bërë pis, i keni cepave të Tiranës, para mund të kenë, por fytyrë nuk kanë më”- tha ai.

Për thirrjen e Berishës

Kreu i LSHK-së, Dash Shehi ka thënë se pavarësisht pasionit të Berishës dhe thirrjes së bërë, askush nuk ka për të marrë armët.

“Rrini të qetë se nuk ka për të marrë njeri armët, ishte koha për të marrë armët dhe ne e kemi bërë me letra, rrini rehat, përtej pasionit të Berishës, nuk ka për të ndodhur”- tha ai.

Ish-kryeministri Sali Berisha ka bërë sërish sot një deklaratë të fortë teksa ka kërcënuar maxhorancën se nëse nuk miraton amendamentin e vetingut në politike, atëherë ai ka premtuar se “djemtë do të rrëmbenin armët dhe do i zhduknin socialistët si minj”.

Në Parlament ai është zotuar para deputetëve, duke thënë se “po ju jap fjalën e nderit”, se shqiptarët do e hedhin zgjedhën e krimit me çdo çmim dhe kjo do të behet “dhemb për dhëmb”.

“Mos vazhdoni kështu miratoni amendamentin, ju jap fjalën e nderit që nuk do të jetë larg dita kur në rrugë dhe sheshe do të ushtojë, “o djem rrëmbeni armët, ja vdekje ja liri”.

Dhe do zvarriteni rrugëve dhe do zhdukeni si minj, se shqiptarët do hedhin zgjedhën e krimit me çdo çmim. Ose në mënyrë të ligjshme ose dhemb për dhëmb dhe pastaj do i kujtoni këto fjalë, por do jetë vonë”, tha sot Berisha.

Por pas kësaj deklarate të fortë, kryetari i parlamentit, Gramoz Ruçi ka kërkuar nga Grupi Parlamentar i PD-së që të distancohet nga këto thirrje.

“Hera dytë që pardoni fjalët e partizaneve, ‘o djem rrëmbeni armët, ja vdekje ja liri’. Por i kërkoj grupeve parlamentar të distancohen nga këto thirrje”, tha Ruçi.

Fill pas Ruçit, kreu i Grupit të PS-së, Taulant Balla ka kërkuar ndërprerjen e seancës dhe ka kërkuar që të merren masa ndaj deputetit, Sali Berisha, për thirrje antikushtetuese në parlament.

“Kërkoj që të merren masa ndaj deputetit Sali Berisha për thirrje anti-kushtuese në Parlament”, tha Balla.

Replikat pas nisjes se seancës plenare

Balla:  Për sa i përket rregullores së Kuvendit, unë do t’i bëja thirrje PD dhe Grupit të saj Parlamentar… Dje kryetari i PD kthehet në transportues vezësh, ndërsa sot ish-kryeministri i vendit bën thirrje për dhunë, këto janë të papranueshme unë besoj se ende brenda PD ka mbetur shtetarizëm për t’u distancuar nga kjo dhunë e pashembullt dhe nga ky fjalor politik që aspak nuk i bën mirë Shqipërisë dhe rrugës sonë Evropiane.

Apeli im është që PD urgjentisht të distancohet nga këto thirrje, sikurse i bëj thirrje Kryetarit të Kuvendit që të Byroja e Kuvendit të shqyrtojë kërkesën tonë, si dhe kërkesën e depozituar dje nga deputetit të PD dhe Lulzim Bashës

Spaho: Nga frika se po ju vjen fundi i pushtetit kaloni në spektakle dhe butafori, nuk i shpëtoni dot as protestës së studentëve të qytetarëve të unazës së re, nuk e fshihni dot  pas rastin e korrupsionit që ka shokuar edhe në SHBA. Sado që përpiqet Rama me urdhrat që u jep ju, nuk ia del.

Vargjet e një këngë patriotike i konsideroni si thirrje për rrëzimin e rendit kushtetues. E keni kthyer në byro partie, ku propozoni të përjashtoni, po të kishit mundësi edhe gjithë grupin e opozitës. Nuk do arrini dot të mbyllni gojën e opozitës, do na keni kundër jush, jeni bërë e keqja më e madhe që vendi ka pasur, derisa ju të shporreni ne do të na keni këtu në këmbë.

Paloka: Eshtë këngë patriotike e kohës kundër turqve, jo si thatë ju këngë partizane, me tekst të Thanas Floqit, sa për pjesën tjetër, të jeni të bindur ju dhe ai që keni në krye se sot është vërtetë akt patriotik largimi një orë e më parë dhe çdo mënyrë e këtij që kemi kryeministër dhe kujtdo që do ta mbështesë atë., përjashtoni kë të doni, ky kryeministër do qërohet, më kot lodheni dhe bëni presion, nuk trembmi më askënd.

Gamoz Ruçi: Thirrja patriotike, o djem rrëmbeni pushkët, qoftë për pushtuesit osmanë, qoftë edhe pushtuesit gjermanë është kënduar nga atdhetarët dhe nga ne që jemi këtu. E përdorur në leksikun e debatit parlamentar në kontekstin e sotëm, është e papranueshme dhe duhen distancuar. Grupi PS ka bërë një kërkesë byroja do ta shqyrtojë.

Ministri për Diasporën, Pandeli Majko, teksa e ka quajtur qesharake dhe komike kërkesën e PD për vetingun politik ka bërë një apel të fortë për të reflektuar rreth lëvizjes së sotme studentore.

“Lëvizja studentore është një paralajmërim serioz për politikën që filloi me lëvizjen studentore, është rritur numri i njerëzve që nuk dinë ti shpjegojnë dallimet mes nesh. Dje u hodhën vezë në emër të studentëve, me shumë dinjitet kanë qenë studentët që janë distancuar nga çdo akt dhune, çdo gjë që ka një fillim e ka një fund, nëse kjo lëvizje po na kujton këtë kjo kërkon reflektim dhe jo bërjen e trimit në Kuvend. Vetingu i politikës është vazhdim i kapitullit depersonalizues dhe fyes, politikani duhet të provojë se nuk është i lidhur me krimin, mbi bazën e kësaj logjike shpëton vetëm ai që sjell prova”- tha majko.

Ai e ka quajtur këtë një “proces ironik që merret me shitjen e asgjësë”.

“Pas 5 vitesh në opozitë shqetësimi i të djathtës nuk duhet të ishte pastërtia e politikanëve, por të menaxhonte masën e të pakënaqurve dhe të diskutonte fitoren e zgjedhjeve. Vetingu është qesharak, pafajësia e cdo individi jepet vetëm nga gjykata nga askush tjetër, imagjinoni se gjendet politikan fajtor, ca ndodh, ikën në burg, ca bëjnë komisionerët apo i dërgojnë për riedukim, ky nuk është pastrim por turpërim publik i saj”- tha ai.

Sipas tij, ky proces rrezikon të kthehet në teatër të radhës. “Nëse dikush do të ndërrojë elitën, kjo është mënyra e gabuar, revolta e studentëve janë sinjali se si sillemi me njërin tjetrin rrezikon të shënojë fundin e një periudhe politike. Unë për asgjënë nuk votoj, ejani të merremi me studentët dhe kërkeat e tyre, nuk janë kundërshtarët tanë, janë shpëtimi ynë, mesazhin e tyre e majta e ka marrë dhe po reflketon kurse partia që u krijua nga studentët sot nuk flet gjuhën e tyre”- tha ai.

Ndërkohë që seanca plenare vijon punimet, ish-kryeministri Berisha e ka quajtur të papranueshëm faktin që kryeministri Rama dhe ministrat nuk janë në sallë.

Ai ka kërkuar nga ana e nënkryetares së Kuvendit, Vasilika Hysi, të ndërpresë seancën e të thërrasë Ramën dhe ministrat të jenë të pranishëm.

“A nuk ven re ti zonja kryesuese e seancës se përfaqësuesit më të zi të krimit janë zhdukur si minjtë dhe duan të mbrohen me thinjat e Majkos, ku janë ata, pse kanë frikë? Mendojnë se imazhi i Pandeliut do ti lajë fytyrën sot, të vijnë aty se sytë e kombit janë në ato karrige, bajlozë të krimit që po e zhbëjnë vendin, ndërpre seancën, detyroi të vijnë aty të qëndrojnë. Duhet të jesh në lartësinë e detyrës. Ti Pandeli ngjet si fals aty, i keqpërdorur, thirri kolegët të jenë aty, se duan të maskohen me ty. Vër nga një maskë në çdo karrige aty dhe të shohim si duket”- tha Berisha.

Kryetarja e LSI-së, Monika Kryemadhi ka qenë shumë e ashpër në akuzat e bëra në adresë të kryeministrit Edi Rama, duke e quajtur atë jo vetëm të droguar, por edhe peng të mallit që i shesin.

Nga foltorja e Kuvendit, Kryemadhi deklaroi se nuk ka shpresë për miratimin e vetingut në politikë, pasi Rama do të ishte gijotina e parë.

“Nuk kam ndonjë shpresë që vetingu në politikë do të pranohet se si mund të pranojë Rama të vetohet sepse i bie që pa u miratua akoma të largohet nga politika. Deputete e ministra shkojnë në bankën e të akuzuarve, si mund të pranojë Gjiknuri vetingun kur duhet të japë llogari për firmën e falsifikuar, si mund të pranojë Ahmetaj, në falsifikimin për të hequr nga xhepat e oligarkëve miliarda euro të depozituara në prag krishtlindjesh u bënë dhurata të jashtëzakonshme, kam mbi 300 milionë euro që do ua falë 5 oligarkëve.

Si mund të pranojë Rama kur problemin e parë e ka më gruan që drejton një bankë dhe offshore, kur problemin  ka me vëllanë, kur koncesionet me miliarda lekë që u vidhen shqiptarëve nuk dihet se ku shkojnë e shërbejnë për pastrimin e parave të drogës.

Ai është gijotina e parë e SPAK dhe BKH, ti masin analizën e gjakut se një kryeministër që drogohet, dje na kishte ardh me antiplumb, ai është peng i mallit që i shesin, varet ca malli i shesin.  Të shikojmë kartelën shëndetësore, i është fshehur kartela nga Mira Rakacolli, nuk po them për burrin e saj, që e kuron nga astma dhe i them mos të pi drogë, se i bën keq për astmën.

Ai ka një problem tjetër, përballjen me vetveten, se në 20 vite kemi dëgjuar njeriun modern, trendy që merr vesh nga çdo gjë, por në fakt merr vesh vetëm nga psikopatia sesi të dhunojë njerëzit e tij dhe t’i fusë në vorbullën e vet.. Do të jetë KLP që do ta çojë para drejtësisë.

Se Edi Rama është bërë si këto shtojzovallet e pyetjeve të Europës, që i shkelin syrin njëherë njërit njëherë tjetrit, por harron që para interesave kombëtare nuk ka shkelje syri.

Edhe pse ju mendoni se KLP deh KLGJ i kontrollon Ulsi Manja, kjo do të jetë e pamundur Ulsi, sepse gjërat do të lëvizin… Mirë, mirë… po, po , normal faleminderit, por të gjithë gjyqtarët dhe prokurorët  thonë që paraqitemi tek Ulsiu me bakshishin për të kaluar vetingun, kshuqë edhe me këto duhet të përballesh ti, mos u çudit… Ulsiu merret vetëm fjalën se lekët i merr Edi Rama me Don Agacin, Ulsiu merr fjalët, por paratë i merr tjetër njeri. Ulsi ti e di që gjithmonë të kanë përdorur kshuqë mos të të vij keq vlla, se mua vjen dhe keq se të kam nga anët e mija, por… ”- tha ajo.

Fjala e plote e Kryemadhit 

Të nderuar qytetarë,
Studentë,
Prindër të studentëve,
Të nderuar oligarkë!

Në fakt nuk kam ndonjë shpresë që Vetting-u në politikë do të pranohet, sepse si mund të pranojë Edi Rama të vettohet?! Sepse i bie që pa u miratuar akoma, pa u futur në rend dite, të largohet nga politika.
Si mund të pranojnë deputetë apo edhe ministra, të cilët në momentin që ky ligj hyn në fuqi, jo vetëm dalin nga politika, por edhe shkojnë në bankën e të akuzuarëve. Si mund të pranojë Damian Gjiknuri Vettingun politik, kur duhet të japi përgjegjësi për falsifikimin e firmës së Sekretarit të Shtetit që u ngrit një off hore, vetëm për të marrë vetëm 18 milion euro në një lot, pa llogaritur sa e sa të tjera.
Si mund të pranojë Arben Ahmetaj Vetting politik, kur futemi në një strukturë shumë të shëmtuar falsifikatore, siç është ajo e rastit të djeshëm, për të hequr nga xhepat e oligarkëve miliona dhe miliona euro, të cilat janë të depozituara në 5 vitet e qeverisjes së Edi Ramës?! Dhe një ditë të bukur me diell, në prag të Krishtlindjeve i bën një dhuratë të jashtëzakonshme, ku iu thotë unë nuk kam 40 milion euro për studentët që t’u rregulloj kushtet, por kam mbi 300 milion euro që do ua fali 5 oligarkëve. Pra 5 veta janë të barabartë sa 140 mijë studentë herë 5 herë. Kjo është ajo çfarë përfaqëson kjo qeveri.

Si mund të pranojë Edi Rama Vetting në politikë, kur problemin e parë e ka me bashkëshorten e tij që drejton një Bankë dhe një offshore që s’dihet se paratë e kujt janë dhe paratë e kujt lëvizin?! Si mund të pranojë Edi Rama Vetting në politikë, kur problemin më të madh e ka me vëllain e tij?! Si mund të pranojë Edi Rama vetting në politikë, kur koncesionet me miliarda lekë që u vidhen shqiptarëve, nuk dihen se ku shkojnë dhe shërbejnë si transaksione për pastrimin e parave të trafikut të drogës?! Si mund të pranojë Edi Rama Vettingun në politikë, kur e di shumë mirë që ai është personi i parë, apo mund të themi edhe gijotina e parë e SPAK-ut dhe e Byrosë së Hetimit?!
Në fakt unë do të dëshiroja që këtij Vetting-ut në politikë t’i shtonim edhe atë analizën e drogës, t’ja marrin njëherë atë analizën e gjakut, se e meriton ai dhe ta shikojmë. Sepse një kryeministër që drogohet është peng i spaçatorëve. Mirë dje na kishte ardhur me antiplumb, por problemi është që ai njeri është edhe peng i mallit që i shesin, se varet se çfarë malli i shesin.
Në Vetting ne duhet të shtojmë edhe kartelën shëndetësore, çfarë përfaqëson ky njeri, nga se vuan. Prej 20 vitesh i është fshehur kartela e tij mjekësore nga zv. ministrja e Shëndetësisë, Mira Rakaçolli. Nuk po merrem me burrin e Mirës, doktor Perlatin se ai e kuron nga azma dhe i them mos pi mall se të bën shumë keq për azmën dhe ia thotë kjo doktoresha këtu. Që të ketë mundësi dhe frymë që të përballet këtu, por nuk mund ta pranojë dot ai këtë gjë. Nuk mund ta pranojë këtë gjë, sepse ai kërkon që të gjithë shqiptarët t’i fusi në vorbullën e vet.

Ai ka një problem tjetër shumë më të madh, përballjen me vetveten. Sepse në 20 vite kemi dëgjuar “njeriun modern”, “njeriun trendy”, njeriun që merr vesh nga çdo gjë, por që në fakt merr vesh vetëm nga psikopatia se si ti dhunojë njerëzit e tij dhe se si ti detyrojë ata që ti fusin ë vorbullën e vetë. Do të mbajnë përgjegjësi për “Ligjin e Teatrit” Zëvendëskryeministrja, Ministrja e Kulturës, sepse do mbajnë përgjegjësi këto. Ai nuk ka thënë asnjë fjalë këtu në Parlament. Asnjë firmë. Sepse do hapet një ditë “Ligji për Teatrin”, sepse këta anëtarë KLP-je do të jenë ata që do ta çojnë përpara Edi Ramën përballë bankës së të akuzuarve. Sepse Edi Rama është bërë si shtojzovallet e pyjeve të Europës, që i shkelin syrin herë njërit, herë tjetrit, por harron që përpara interesave kombëtare nuk ka shkelje syri. Sepse nuk të fal njeri sot, as për vendin, as për sigurinë kombëtare dhe as për interesat kombëtare. Edi Rama duhet të kuptojë një gjë, që edhe ai veprim i djeshëm që është bërë nga Komisioni i Ekonomisë, do ti drejtohemi Prokurorisë për ta hetuar, që nga Protokolli i Kuvendit, kur është protokolluar shkresa, që nga njoftimet që u janë bërë anëtarëve të Komisionit të Ekonomisë, që nga rregullorja që bëhet për mbledhjen e komisionit dhe për futjen në rendin e ditës, të gjitha me rradhë. Edhe pse ju mendoni që KLP-në dhe KLGJ-në i kontrollon Ulsiu. Por kjo do të jetë e pamundur Ulsi, sepse gjërat do të lëvizin. Të gjithë gjyqtarët dhe prokurorët, Ulsi thonë që paraqitemi te Ulsiu me bakshishin për të kaluar Vettingun, kështu që edhe më këtë do të përballesh ti. Mos u çudit edhe për këtë. Edhe për DSIK-në e famshme që është nën hyqmin e Ramës, që është bërë si dyqan gjobash atje, për polici, për gjyqtarë, për prokurorë, për të gjithë. Mos u çudisni sepse do dalin fakte të reja, çdo ditë e më shumë. Ulsiu i shkretë merr vetëm fjalët, sepse lekët i merr Edi Rama me Don Agaçin.
Ka një problem të nderuar kolegë. Jua thashë dhe dje, po ja u them edhe sot. Përgjegjësia që do të keni nesër do të jetë shumë e madhe. Sot jemi të qetë, por mos harroni nuk do të ketë bigerinë veze që do ta ndalojë Edi Ramën.
Edhe dy minuta dua. Shoku Gramoz, faleminderit shumë. Sikur të ishe kaq korrekt, edhe me atë falsifikim mbi 300 milion eurosh që keni bërë dje si komisioni i ekonomisë, do të ishte shumë e shëndetshme për parlamentin, por do të ishte edhe një mesazh shumë i mirë edhe për ndërkombëtarët.
Këto dy minuta, ju drejtohem të gjithë ambasadave që janë në Shqipëri, të Bashkimit Europian dhe të Shteteve të Bashkuara të Amerikës. Prej ditësh jemi në komunikim me ju, për të ecur përpara me axhendën për integrimin e Shqipërisë në Bashkimin Europian. Duhet ta kuptoni që ky grup grabitësish, ky sekt kriminal me emrin Rilindje, jo vetëm që nuk ka dëshirë të hapi negociatat, jo vetëm që nuk ka dëshirë të integrojë Shqipërinë në Bashkimin Europian, por ka vetëm një qëllim, vdekjen e këtij vendi, shkatërrimin e këtij vendi, dhe kthimin e këtij vendi në një institucion kriminal, terrorist për rajonin dhe Europën. Ky kryeministër, i cili nuk është gjë tjetër veçse një kriminel i kapur nga bandat dhe krimi i organizuar, peng i drogës dhe i kokainës që përdor, nuk është gjë tjetër veçse shkatërrimi dhe një minë me sahat jo vetëm për Shqipërinë, por për rajonin dhe Europën.