Presidenti Ilir Meta ka lajmëruar përmes një postimi në rrjetin social se sot në mbrëmje do të jetë live në emisionin të “Paekspozuarit” për t’u… “ekspozuar”.

Meta shprehet se në orën 21:00 do të japë një intervistë për gazetarin Ylli Rakipi, ku do të flitet për aktualitetin politik, përplasjen mes Ramës për mosdekretimin e Genti Cakajt si Ministër i Jashtëm dhe vendimin për të dekretuar në krye të diplomacisë shqiptare kryeministrin e vendit.

STATUSI I METËS:

Të dashur miq, sot në mbrëmje rikthehem për t’u ekspozuar me shumë kënaqësi në emisionin “Të Paekspozuarit”, ndaj ju ftoj të më ndiqni në ora 21:00 në Neës 24, në një intervistë me gazetarin e mirënjohur, Ylli Rakipi!

Ish-deputeti i PD-së, Allsan Dogjani i ftuar në “Arena” në Ora News, thotë se Klement Balili ka emëruar një pjesë të drejtuesve të policisë në zonën e tij.

Dogjani: Ai është i rrezikshëm për shoqërinë. Ai mund të ketë futur 5 mijë veta në punë. Një pjesë e mirë e drejtuesve të policisë në ato zona andej janë komanduar dhe janë vënë në poste nga Balili.

Di raste nga Kruja kur ministri i Brendshëm merrej në telefon dhe thoshte ma vë filanin shef në Shijak. Ti ke drejtues policie që sot bëjnë punën e partisë. Kam respekt për pjesën e shëndoshë të policisë që vuajnë.

Një pjesë e mirë e drejtuesve i ka vendosur Balili, X, Y-ni. Shqipëria është në emergjencë kombëtare që s’ka ku shkon më.

Presidenti Ilir Meta nuk i ka shpëtuar pyetjeve të gazetarëve, nëse do e dekretojë emrin e Kryeministrit Edi Rama për ministër të Jashtëm.

“Kushtetuta është e para”, u përgjigj shkurt kreu i shtetit.

Por kur gazetarët iu referuan afatit të cituar më herët nga kreu i grupit parlamentar socialist Taulant Balla, për orën 17.00 kur nis seanca e sotme parlamentare, Meta ka zgjedhur të përgjigjet me ironi.

“Kush është ky? Kryetari i Komisionit të Sigurisë?”, tha Presidenti, duke u futur për në makinë.

Kompania shqiptare e telefonisë mobile “Telekom Albania” është shitur për 50 milionë euro. Ajo do të kalojë në pronesi të kompanisë bullgare “Albania Telecom Invest AD”, e cila zotërohet nga sipërmarrësi bullgar Spas Roussev, i cili zotëron paketën kontrolluese të aksioneve të operatorit ekzistues të telekomit të Bullgarisë Vivacom, dhe nga Elvin Guri, një investitor shqiptaro-bullgar. Njoftimi është bërë publik nga kompania greke OTE, pjesë e grupit Deutsche Telekom, e cila kontrollon kompaninë shqiptare Telekom Albania.

Drejtuesi i OTE-së, Michael Tsamaz, është shprehur se “shitja e “Telekom Albania”, përmbyll investimin e suksesshëm në Shqipëri për Grupin OTE. Ky është një vendim strategjik, në kontekstin e prioriteteve të rishikuara të Grupit dhe planeve të rritjes, me qëllim që të krijojë vlerë për të gjithë aksionarët dhe të mbështesë zhvillimin e qëndrueshëm. Blerja e kompanisë nga një grup investimi i fortë dhe sipërmarrës siguron rritjen e saj dhe krijon kushte për të forcuar më tej pozicionin e saj në treg”, ka theksuar Tsamaz.

Transaksioni megjithatë do të konsiderohet plotësisht i mbyllur, pas miratimit dhe nga autoritetet lokale kompetente dhe pritet të përfundojë brenda gjysmës së parë të vitit 2019.

Në garë për blerjen e “Telekom Albania”-s ka qenë një kompani turke, një sipërmarrës grek si dhe kompania shtetërore serbe e telefonisë “Telekom Serbia”. Kjo e fundit kishte bërë dhe ofertën më të lartë financiare, por interesimi i saj, u kundërshtua nga autoritetet shqiptare, ndonëse bëhej fjalë për një transaksion privat. “Ky është një sektor strategjik dhe natyrisht, qeveria shqiptare pyetet, i kërkohet një mendim nga vetë ata që janë të interesuar. Qëndrimi i qeverisë shqiptare është shumë i thjeshtë dhe shumë i qartë, bizneset serbe janë të mirëpritura në Republikën e Shqipërisë, por në këtë sektor strategjik nuk është preferenca jonë”, deklaroi zoti Rama në tetor të vitit të kaluar. Të njejtin qëndrim, ia kishte shprehur edhe përfaqësuesve të “Telekom Serbia” gjatë një takimi në Tiranë, edhe ministri i Infrastrukturës Damina Gjiknuri i cili gjithashtu kishte nënvizuar se prania e tyre nuk ishte e mirëpritur dhe se do të ishte e papërshtatshme edhe për vetë aktivitetin e biznesit pasi mund të provokonte reagime të natyrës politike.

Një nga avokatët e Klement Balilit, Baftjar Rusi, ka dhënë disa detaje të reja nga dorëzimi i klientit të tij në polici pas rreth 3 vitesh i shpallur në kërkim.

“Para 1 viti kemi qenë tek ky TV, vëllai i Klement Balilit, Bashkimi dhe kam qenë dhe unë. Kemi deklaruar që në një moment të caktuar ai do vetëdorëzohet. Ishte momenti sepse mbaroi afati i hetimit. Ç’rëndësi ka ku ishte. Ai doli nga shtëpia e vet sot”, tha avokati Rusi.

Më tej avokati tha se ky nuk ishte një arrestim, por vetëdorëzim i plotë. “Ai është i dorëzuar plotësisht, pasi ishte përgatitur për të shkuar vet në polici. Shqipëria nuk ka bërë hetim, por ka marrë vetëm dosjen greke për Balilin”, shtoi avokati.

Gazetarja Klodiana Lala e ftuar në emisionin “Dritare” në News 24 ka komentuar kryefjalën e ditës, dorëzimin e Klement Balilit para drejtësisë shqiptare. Për Lalën, dorëzimi i tij vjen një moment kur ai kishte krijuar të gjitha kushtet, ndërsa shtoi se gruaja e tij së bashku me djalin kanë qëndruar disa orë në Prokurorinë e Krimeve të Rënda.

”Unë mendoj se arrestimi i tij vjen në një moment kur ai kishte arritur të gjitha kërkesat e tij. Duhet ritheksuar jo pa forcë se Policia e Shtetit ka dështuar në disa operacione rradhazi. Sigurish që pajtohem me zonja Kukon që policia ka mënyrën e vet për të arritur gjërat.

Sukses? Nuk mund ta quaj një gjë të tillë. Dua të saktojmë se Klement Balili ishte një zyrtar i Lartë dhe u hodh ping pongu sa këtëj andej. Vetëdorëzimi i jep disa benefite para sistemit gjyqësor. Unë mendoj që Klement Balili për shkak të lidhjeve në politikë ka më shumë mundësi për të blerë drejtësinë shqiptare. Ai e ka më të lehtë të rrëzojë drejtësinë shqiptare. Ish-ambasadori Donalt Lu e ka cilësuar si magjistari Ballkanit. Tani Klement Balili kishte krijuar të gjitha kushtet përmes avokatëve. Gruaja dhe djali i tij kanë qëndruar disa orë në Prokurorinë e Krimeve të Rënda”, u shpreh Klodiana.

Nipi i Klement Balilit, Rigels Balili ka treguar arsyen qe e shtyu te ashtuquajturin “Escobari i Ballkanit” qe te vetedorezohej ne polici, duke mohuar deklaraten zyrtare te MB se ai eshte arrestuar.

“Negociatat kanë nisur që në momentin kur na njoftuan se është plotësuar dosja dhe është gati për t’u dorëzuar në gjyq. Sot bëmë të mundur dorëzimin në drejtorinë e Policisë. Nuk është arrestuar, është vetëdorëzuar kam shkuar unë në zyrën e drejtorit të policisë dhe kam bërë negociatën”- thote ai ne nje interviste per “Oranews’.

Ai tha se nuk pati mundesi ta pyeste se ku ka qene gjithe kete kohe Balili, qe ka qene ne kerkim. “Nuk pata mundesi ta pyesja, vetem e shoqerova dhe u dorezua”.
Sipas tij, ai ka bere negocilaten dhe ka ardhur me pas drejtori dhe e ka marre Klement Balilin ne zonen e Delvines.
“Nuk ka qene fare e veshtire, ne moment qe dosja do te shkonte ne gjyq ai i kishte thene familjareve qe nuk do te fshihej, por do te shkonte te perballej me drejtesine. Nuk ka pasur asnje kusht per kete”- thote me tej ai.

Pyetur nese Balili ka kerkuar garanci nga autoritetet e police per te mos u ekstraduar drejt Greqise, nipi thote: Asnje garanci, ai ka thene se eshte i pafajshem, ka deklaruar se nuk mund te rrinte ne paraburgim sa kohe qe te behej dosja per gjyq, kur u be gati, atehere u dorezua, nuk eshte arrestuar.

Sot i ashtuquajturi “Eskobari i Ballkanit”, Kelment Balili, ndodhet pas hekurave.

Ish-deputetja socialiste, Arta Dade ka treguar një bisedë të zhvilluar me ish-ambasadorin Amerikan, Donald Lu.

“E kam pyetur një herë ish ambasadorin Lu, pse nuk dënohet zoti Berisha. Me tha sa dosje kanë shkuar në prokurori për zotin Berisha”, tregoi zonja Dade, ndërsa tha se qeveria e Ramës nuk është treguar serioze me akuzat që bën dhe platformën e saj anti-korrupsion. Madje zonja Dade nuk nguroi të fliste dhe për një marrëveshje për mos ndëshkueshmëri.

Ish-ministrja u ndal te përplasja e kryeministrit Edi Rama me Erion Veliajn, ndërsa u shpreh e bindur se një moskandidim i tij do ishte një gafë.

“Nuk ka ndonjë gjë të keqe pse Veliaj aspiron të jetë kryeministrër. Është një përfaqësues i brezit të ri në politikë. Është i formuar është njeri i punës dhe i ka cilësitë që të drejtojë PS. Por e rëndësishme është që në PS të ketë një garë. Nëse do e vëmë re kryeministrin, ai nuk e ka thënë që Veliiaj do të rikandidojë, ndërsa eksponentët e tjerë e kanë thenë. Mendoj që Veliaj është i kujdesshëm se është midis dy zjarreve. Erion Veliaj herë pas herë e përmend Ramen si model qeverisës, dhe e bën se ndihet i siklet. Mendoj se do jetë gafë nëse Rama s’do e vendosëUnë mendoj që duhet ta vendosin strukturat, jo kryeministri kandidimin”, u shpreh ajo.

Presidenti Ilir Meta ka folur për herë të parë në lidhje me vendimin e Ramës për të marrë i vetëm postin e kryediplomatit të Shqipërisë.

Avokati Spartak Ngjela ka komentuar zhvillimet e fundit në politikë si dhe përplasjet mes Presidencës dhe Kryeministrisë në lidhje me refuzimin e presidentit Ilir Meta për të dekretuar Gent Cakën si ministër të jashtëm.

I ftuar ne ‘A Show’  me Adi Krasten në News24, Ngjela tha se Ramën nuk e pranon perëndimi, ndërsa është nën akuzë. Sipas Ngjelës, Rama është i paaftë dhe nuk mund të vazhdojë si kryeministër sepse ka humbur ekuilibrin. Ngjela u shpreh se Presidenti Meta është më i kthjellët se Rama dhe do ta shkatërrojë psikologjikisht kryeministrin.

“Ramën nuk e pranon më perëndimi, lere ca thotë ky. Edhe Nanon dhe Berishën nuk e pranonte Uashingtoni. Ky (Rama) të gjitha marrëveshjet i ka bërë me Uashingtonin. Rama do të jetë nën akuzë dhe me të nuk ka perspektivë. Të 3 kryeministria kanë qenë në akuzë.  Po qe në akuzë do ikë sepse e heq Kushtetuta. Nëse je i rrekatushëm, SHBA nuk të pranon. Është i paaftë dhe krahasimi me Trumpin nuk qëndron. Trump ka qëndrimin e tij ekstravagant me median dhe nuk i ka blere. Trump i ka marrë votat me betejë dhe jo me vjedhje.

Rama bleu PS me leje ndërtimi. Është plotësisht i paaftë dhe nuk mund të vazhdojë si kryeministër sepse ka humbur ekuilibrin. Presidenti është më i kthjellët psikoligjikisht se kryeministri. Këta nuk e kuptojnë se ai president nuk ka asnjë lloj përgjegjësie sepse nuk ka Gjykatë Kushtetuese. Ky është president pa përgjegjësi. E di çfarë do të thotë mos kesh përgjegjësi? Në vitin 1972, Aldo Moro bën interpelancë për fqinjët në parlament dhe ai nuk foli për Shqipërinë. Dikush tha nuk fole për Shqipërinë, nuk është fqinj? Fqinj është tha, por qeveria shqiptare është qeveri pa përgjegjësi. Ky është president pa përgjegjësi. Ky vete si cjapi tek Kasapi. Nesër Kasapi ther cjapin. Ta shikojme”- tha Ngjela. /Balkanweb

Ish-kryeministri Sali Berisha në një postim në Facebook, shkruan se emërimi i Edi Ramës në postin e Ministrit të Jashtëm, nuk është i lejueshëm nga Kushtetuta.

Berisha ka bërë publik një mesazh që i ka ardhur nga një “qytetar dixhital”, i cili thotë se “Nuk e parashikon ligji shqiptar ”Neni 102 pika d e kushtetues kerkon qe detyrat tjera perveç kryeministrit ky i fundit duhet ti kete te percaktuara me ligj. Kushtetuta ne asnje nen te saj nuk parashikon se kryeministri mund te jete edhe minister i jashtem apo i ndonje ministrije tjeter. Keshtu qe dekretimi i tij ndalohet nga kushtetuta”.

Postimi i plotë i Berishës:

Kushtetuta nuk lejon emerimin e Rames edhe ne postin e ministrit te jashtem!

Ketu me poshte keni mendimin e konstitucionalistit shqiptar dhe gjerman. sb

“Pershendetje doktor Berisha mbasi kemi pare kushtetuten tone, pika d, ne konsulte me konstitucionaliste gjermane ata garantojne se kryeministri nuk mund te jete edhe minister. Nuk e parashikon ligji shqiptar”Neni 102 pika d e kushtetues kerkon qe detyrat tjera perveç kryeministrit ky i fundit duhet ti kete te percaktuara me ligj. Kushtetuta ne asnje nen te saj nuk parashikon se kryeministri m7nd te jete edhe minister i jashtem apo i ndonje ministrije tjeter. Keshtu qe dekretimi i tij ndalohet nga kushtetuta

Presidenti Ilir Meta i ka kthyer nje pergjigje kryeministrit Edi Rama, pasi ky i fundit deklaroi se do te merrte postin e minsitrit te Jashtem.

“Presidenti në krye të punës. Për Presidentin e para është Kushtetuta dhe sundimi i ligjit.
NO MORE FAKE STATE.
Shqipëria e para!🇦🇱”, shkruan Meta.

Kryeministri Edi Rama ka njoftuar vendimin me te fundit te marre per te mbajur vetë edhe postin e ministrit te Jashtem. 

Me nje shenim ne rrjetin social Twitter, kryeministri Rama ka shkruar se deri sa te shprehet Kushtetuesja, sipas tij, per shkeljen e radhes nga ana e Presidentit Meta, per mosdekretimin e Ministrit te Jashtem ne afatin kushtetues, ai do te mbaje de jure edhe postin e kreut te Ministrise se Jashtme.

Postimi i Rames 

Presidenti s’e ka çdekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese.Deri atë ditë që vjen shumë shpejt,do të jem de jure në këtë rol sepse s’kemi kohë për të humbur në kërkim të Presidentit.

Prej 4 ditësh, studentët e fakulteteve kryesore në Tiranë vijojnë ngujimin në shenjë proteste për plotësimin e kërkesave të tyre.

Një pjesë e studenteve kanë mbetur të bllokuar për më shumë se 48 orë në fakultete, pasi dyert kanë qenë të mbyllura.

Mbrëmjen e sotme në fakultetin e Ekonomikut mbi 200 studentë u janë bashkuar studentëve të tjerë të cilët vijonin ngujimin në ambientet e brendshme të këtij institucioni.

Ndonëse dera kryesore e fakultetit ishte e mbyllur me dryn, punonjësit e sigurisë dhe policia e shtetit e gjendur para një numri të madh studentësh kanë vendosur të hapin portën dhe të lejojnë studentët të futen brenda.

Studentët pjesëmarrës edhe nga fakultetet e tjera të Universitetit të Tiranës pritet të bëjnë një mbledhje për të vendosur se çfarë do të bëhet me protestën e tyre në ditët në vijim.

Burimi:Balkanweb

Përplasjet dhe dhuna e pak ditëve më parë nga ana e policisë drejt studentëve që janë ngujuar në disa fakultete të Tiranës, mesa duket për Ministrin e Brendshëm është zbatim i ligjit.

TIRANË – Unioni i Eksportuesve të Shqipërisë (UESH) mbajti sot një konferencë për mediat, e cila kishte në fokus situatën ekonomiko-financiare të sektorit të eksporteve shqiptare.

Në fjalën e tij, kryetari i Unionit të Eksportuesve të Shqipërisë, Alban Zusi, tha se janë dy faktorë që kanë ndikuar në përkeqësimin e gjendjes ekonomike të ndërmarrjeve të eksportuesve, si rënia e kursit të këmbimit euro-lekë dhe mosrimbursimi i Tatimit të Vlerës së Shtuar.

“Së pari rënia drastike dhe e pandalshme e kursit të këmbimit euro-lekë. Mbivlerësimi i lekut kundrejt euros ka sjellë një humbje ekstreme për të gjitha ndërmarrjet tona. Të ardhurat e ndërmarrjeve janë në euro dhe shpenzimet janë në lekë. Në kushtet kur euro në raport me lekun është zhvlerësuar mbi 9 për qind nga vitit 2018 do të thotë një zhvlerësim i njëjtë i faturimeve, të ardhurave të kompanive tona. Fitimi mesatar i ndërmarrjeve eksportuese është rreth 15 për qind, që do të thotë rënia e të ardhurave në masën e dy të tretave më pak për efekt të kursit të këmbimit”, u shpreh Zusi.

Duke folur për mosrimbursimin e Tatimit të Vlerës së Shtuar (TVSH), Zusi tha: “Gjatë muajve të fundit ka pasur një bllokim të ribursimit të TVSH-së dhe për pasojë bllokim të likuiditeteve të kompanive eksportuese, që sipas tij, ka sjellë asfiksimin e sektorit, sidomos në marrëdhënie me nënkontraktorët.

“UESH shpreh shqetësimin e anëtarëve të tij se paqëndrueshmëria e kursit të këmbimit dhe mosrimbursimi në kohë i TVSH-së po shkatërron qëndrueshmërinë e aktivitetit të ndërmarrjeve tona dhe kërkon marrjen e masave urgjente për të normalizuar gjendjen”, deklaroi Zusi.

Sipas tij, UESH kërkon dialog të hapur me Qeverinë e Shqipërisë për të arritur një zgjidhje të shpejtë të këtyre shqetësimeve që prekin, sipas tij, një nga sektorët që ka numrin më të madh të punësuarve në vend dhe që siguron miliona euro nga eksporti i prodhimeve.

“Ne presim që të ulemi në tryezën e bisedimeve për të gjetur një zgjidhje të përbashkët që shpëton nga falimentimi një numër të madh të kompanive tona”, përfundoi Zusi.

Unioni i Eksportuesve të Shqipërisë kërkon ndërhyrje të menjëhershme për të stabilizuar kursin e këmbimit euro-lek, i cili muajt e fundit ka patur luhatje të konsiderueshme. Gjithashtu UESH kërkon nga ana e Qeverisë së Shqipërisë të gjejë mjetet e nevojshme për të ndihmuar ndërmarrjet eksportuese dhe të kontribuojë për stabilizimin dhe normalizimin e situatës ekonomiko-financiare të tyre. aa

Kreu i shtetit, Ilir Meta ka reaguar sërish sot për debatin në distancë me kryeministrin Edi Rama, për mosdekretimin e Gent Cakajt si ministër i Jashtëm të Shqipërisë.

Sipas Metës, Ministria e Jashtme nuk mund të kthehet në autoshkollë, ku sipas tij “ustai madh” që është Rama, të mësojë Gent Cakajn, si të ndryshojë kufijtë e të gjithë Ballkanit Perëndimor.

“Sot, në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë 🚗 ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor”, shprehet Meta.

Më tej, Presidenti thekson se PS ka në rrodhet e saj kapacitete të rëndësishme në fushën e politikës së jashtme, sipas tij mund të vendosën në drejtimin e diplomacisë shqiptare.

Për Metën, duke vendosur një person të kualifikuar, vendi sipas tij nuk do të ketë nevojë të kalojë në “autoshkollën” e ndryshimit të kufijve.
“Partia Socialiste ka kapacitete të jashtëzakonshme në fushën e politikës së jashtme dhe Shqipëria ka shumë diplomatë të sprovuar, të cilët mund të vendosen në drejtimin e politikës sonë të jashtme, pa kaluar nga autoshkolla 

🚗 e ndryshimit të kufijve në gjithë Ballkanin Perëndimor. 
Shqipëria🇦🇱 do jetë gjithmonë faktor paqe e stabiliteti në rajon. 
Shqipëria🇦🇱 do ketë një lidership të besueshëm edhe në kryesimin e OSBE-së. 
SHQIPËRIA E PARA.”, shkruan Meta.

ELTON NIKA/ Një ngjarje e paprecedent, në përmasat e një skandali, është regjistruar mbrëmjen e së enjtes në bazën ushtarake të Pashalimanit në Vlorë. Persona ende të paidentifikuar kanë arritur të futen brenda pa u diktuar nga askush, duke realizuar aty një grabitje. 

Burimet thanë se janë vjedhur armë zjarri dhe municion, në një prej depove që supozohej të ishte nën mbikëqyrjen e ushtarakëve. Megjithatë, në momentin kur ka ndodhur ngjarja, personi përgjegjës nuk ndodhej aty.

Nga ana tjetër, vendi ku është kryer vjedhja ishte i vetmi që nuk kishte të instaluara kamera sigurie, gjë që e bën edhe më të vështirë zbardhjen e ngjarjes. Burime nga Policia thanë se nuk përjashtohet mundësia që grabitja të jetë realizuar me dijeninë apo edhe me përfshirjen e vetë personave që kanë akses në hyrjen në bazën ushtarake. Deri tani janë shoqëruar 5 persona, ushtarakë që janë të angazhuar me shërbim në bazën ku ndodhi ngjarja.

GRABITJA

Nga të dhënat e deritanishme rezulton se në bazën ushtarake të Pashalimanit janë grabitur armë zjarri automatike, municion dhe disa granata dore. Konkretisht, nga verifikimet e kryera pas ngjarjes, rezulton të jenë vjedhur 3 armë, pushkë automatike, një sasi municioni luftarak dhe disa granata.

Grabitja është konstatuar gjatë mëngjesit të ditës së djeshme, por mësohet se gjithçka ka ndodhur në orët e vona të së enjtes. Burime të rezervuara nga Prokuroria thanë se ka dyshime që vjedhja të jetë realizuar në kohën kur roja nuk ka qenë në vendin e caktuar të shërbimit, ose në kohën kur ndërrohen turnet e shërbimeve që mbajnë nën mbikëqyrje. Kjo ka shtuar edhe më shumë dyshimet se grabitja mund të jetë kryer nga persona që punojnë ose janë me shërbim brenda bazës ushtarake të Pashalimanit dhe i njeh mjaft mirë lëvizjet e rojeve. Sipas informacioneve jozyrtare, vlera e armëve e municionit të vjedhur arrin deri në 8 mijë euro.

HETIMI

Baza ushtarake e Pashalimanit në Vlorë ndodhet nën juridiksionin e Ministrisë së Mbrojtjes. Për këtë arsye mësohet se përfaqësues të kësaj Ministrie kanë qenë të pranishëm në bazën ushtarake që prej orëve të vona të së enjtes, për të hetuar ngjarjen.

Nga ana tjetër, ata kanë kryer edhe një kontroll të imtësishëm në bazën ushtarake. Ndërkohë, nga Policia Ushtarake janë shoqëruar pesë persona, punonjës të bazës ushtarake të Pashalimanit, mes tyre civilë e ushtarakë, të cilët janë marrë në pyetje për grabitjen e ndodhur.

Bëhet fjalë për një ngjarje të paprecedent, për grabitje brenda një baze ushtarake, ndaj edhe informacioni për këtë ngjarje ka qenë shumë i rezervuar. Duke qenë se është objekti nën varësinë e Ministrisë së Mbrojtjes, hetimet do të kryhen nga Policia Ushtarake, Ministria dhe Prokuroria e Vlorës.

Megjithatë, nuk është përjashtuar nga hetimet as Policia e Shtetit. Në zonën ku ndodhi ngjarja ka vijuar për orë të tëra një kontroll i imtësishëm, pasi dyshohet se armët e grabitura mund të jenë fshehur diku afër bazës ushtarake, në Pashaliman.

Shqiptarët duhet të shprehin mirënjohjen për Presidentin Ilir Meta, i cili tregoi mirënjohje dhe vlerat e një shtetari dinjitoz e të përgjegjshëm, duke ndaluar një “kamikaz politik” të dëmtojë çështjen shqiptare.
Zoti Rama! Kush jeni ju që përcaktoni shkallën e inteligjencës së përfaqësuesve të institucioneve më të rëndësishme Shqiptare, cila është njësia matëse që përdorni, apo niseni nga tallavaja juaj politike!!!

Ky Kryeministër dhe bashkëpuntorët e tij, akoma nuk kuptojnë se Shteti dhe Qeverisja kanë dallime; Shteti presupozon të pasqyrojë interesat e përhershme të shoqërisë, veçanërisht sigurinë kombëtare, ndërsa qeveritë ndikohen nga përkrahësit, simpatizantët dhe parapëlqimet e ndërsjellta. Mënyra më e mirë për të siguruar pushtetin sipas “Rilindjes”, është ajo e shkatërrimit të plotë të sovranitetit të Shqipërisë dhe shqiptarëve. Kjo qeverisje vetëm mbllaçitet çdo ditë pa pushim pa menduar asgjë, pa u interesuar, pa kujtesë, pa dinjitet, vetëm të mashtroj dhe qëndroj në pushtet dhe të plaçkisë çfarë të mundet, duke e dhënë Shqipërinë dhe shqiptarët me PPP.

Kryeministri shqiptar vazhdon mediokritetin e tij duke qeverisur si sundimtar. Ai vazhdon të propagandojë se “unë bëj shtet dhe unë përfaqësoj popullin!”, duke thënë një gënjeshtër të madhe që edhe ai sot nuk e beson vetë këtë dhe jo më bashkëpuntorët apo populli! Para se të bëhej kryeministër ishte plot me “ëndrra për popullin”, më pas është plotë me “ëndërra” për të mos e humbur këtë pozitë dhe në këto moment nuk ka asgjë që ai nuk do të jetë në gjendje të bëj, për ta ruajtur pozitën e “sulltanit!”.
Dje, duke ju referuar Dokumentit të Presidentit të Republikës, Z. Ilir Meta rezulton se dhënia e Çertifikatës së Sigurisë nga ana e DSIK-së brenda 24-orëve, ka shkelur rëndë sigurinë Kombëtare por ka cënuar rëndë dhe interesat e Shqipërisë në NATO.

DSIK-ja me dashje apo e imponuar nga eprorët e saj, ka kryer shkelje të rënda ligjore dhe proceduriale të:
– Ligjit Nr. 8457, Dt.11.02.1999 “Për Informacionin e Klasifikuar Sekret Shtetëror”. I ndryshuar
– VKM nr. 188, Dt. 04.03.2015 “Për miratimin e Rregullores për Sigurimin e Personelit”
– VKM Nr. 836, Dt. 14.10.2015 “Për miratimin e Rregullores për punën me Informacionin e Klasifikuar të NATO-s dhe Bashkimit Europian” dhe akteve ligjore në zbatim.
Gjithashtu, ka shmangur të gjitha Agjensitë e Sigurisë Kombëtare dhe Ndërkombëtare në vendet ku ka jetuar dhe studiuar kandidati për Ministër për Evropën dhe Punët e Jashtme, Z. Gent Cakaj.

Antishqiptarizmi juaj dhe simpatia e dashuria që keni patur e keni për sllavët, është e njohur tashmë që nga paraardhësit tuaj (Enver Hoxha me Miladin Popoviçin, Dushan Mugoshat & Co duke vrarë me mijra kosovarë, vetëm për t’i bërë qefin sërbve) dhe atë e ke bërë me vepra të cilat jeni munduar t’i kamufloni me “perden e nacionalizmit propaganistik”.

Ku ishit dhe cili është kontributi që ju, “patrioti dhe intelektuali i madh”, bëre gjatë kohës që makineria kriminale e Miloshevicit vriste, përdhunonte dhe shfaroste një popull të tërë në Kosovë, ndërkohë që sot ministrin e tij Vuçiçin i quani mik dhe po u plotësoni qëllimet që nuk arritën t’i fitojnë me luftë, por që po i arrijnë nëpërmjet politikës tuaj mjerane dhe kalamajve të sapo hyrë në politikë?

Nostalgjinë që kishit për sllavët e ke shprehur qartë dhe me aktin tuaj zyrtar si Kryetar i Bashkisë së Tiranës, duke i dhënë çelësin e kryeqytetit një këngëtari serb Goran Bregoviçit, i cili ishte frymëzimi i çetnikëve, si dhe kohët e fundit u dhuruat serbve dhe Lahutën (pjesë të trashëgimisë shqiptare në UNESCO), që t’a “gëzojnë” si trashëgimi e serbëve! (sigurisht pasi ministrja e kulturës ishte atje vetëm për çokat tuaja).

Gjatë qeverisjes tuaj, në sa shtete keni lobuar për njohjen e pavarësisë së Kosovës, në organizatat e ndryshme ndërkombëtare, sa herë i ke përkrahur aleatët tanë strategjik SHBA-të, etj … gjatë votimeve të rëndësishme, ku pa ndihmën e tyre sot Kosova por dhe Shqipëria do të ishim në miniaturë?!
Deri më sot nuk duhet tu mohohet “merita” që keni promovuar, suportuar, shitur e lobuar, nëpërmjet strukturave dhe individëve të rekrutuar të agjenturave antishqiptare në poste mjaft të rëndësishme të institucioneve të sigurisë, ekonomisë dhe politikës së jashtme!.

Nuk është rastësi që me ardhjen e “Rilindjes” tuaj në pushtet emërove në krye të Institucionit të Mbrojtjes dhe sot Kryetare e Komisionit për Politikën e Jashtme një person që sipas gazetave greke kishte qënë një punonjëse argëtimi në Greqi “Dr.” Kodheli (dhe sot e kësaj dite nuk është hedhur në gjyq media greke), si drejtues të Shtabit të Përgjithshëm të FA, Brigadier pijetari Bazo, i cili ishte një “nxënës i mirë” i lobit të fqinjëve të Jugut gjatë kohës së studimeve në Kolegjin e Luftës, etj. Dhe kjo “rastësi” ka vazhduar dhe në shumë institucione të tjera me rëndësi kombëtare, ku lista është mjaft e gjatë, por nuk dua të krijoj pasiguri tek bashkombasit tanë!

Rastësi, nuk besoj të jetë dhe rasti i fundit i propozimeve tuaja delirante, për plotësimin e dëshirave të mercenarëve të UDB-së dhe tezave Ruso-Serbe për shkëmbim territoresh, apo futjen e klientelës ruse në blerjet e pasurive, trojeve dhe ndërtimeve në Shqipëri nga shtetas rus nëpërmjet blerjeve fiktive nga shtetas jo rusë për llogari të shtetasve apo kompanive ruse!
Të gjitha këto veprime të veprimtarisë të “Rilindjes”, bëjnë që Siguria Kombëtare dhe interesat gjeopolitike të Shqipëtarëve të cënohen mjaft rëndë nga pushtetarë të papërgjegjshëm.

Pritshmëria e shoqërisë shqiptare është e sinkronizuar me objektivat e aleatëve të fuqishëm ndërkombëtarë si SHBA dhe BE, kurse segmente të qeverisë duke iu kundërvënë dinakërisht, kanë stonuar përpara faktorit ndërkombëtar, duke marë trajtën e përpjekjeve anti historike të Shqipërisë. Interesat shqiptare janë në një aleancë ndërkombëtare si NATO, SHBA dhe BE.

Ne shqiptarët kërkojmë me forcë një shtet që pasuritë e popullit nuk i negociohen nëpër llozhe e hotele luksoze, nga ministra hajdutë ordinerë për interesa grupesh e klanesh, qoftë vendase apo të huaja, por që i nxjerr në treg, hapur dhe në mënyrë transparente jo me format masovike të qeverisjes, por sipas metodave që ofrojnë demokracitë e zhvilluara.

Detyrimi pёr t’u dhёnё llogari shtetasve mbaron vetёm atёherё, kur shteti nuk ёshtё mё nё gjendje ta kryejë detyrёn e sigurimit tё jetës e paqes.

Në kulmin e debatit politik  dhe ashpërsimin e toneve mes Presidentit dhe Kryeministrit, pas vendimit të djeshëm të Metës për mosdekretimin e Gent Cakaj si Ministër i Jashtëm, kreu i shtetit ka dalë sot me një deklaratë të fortë.

“Nuk ka fuqi në botë t’i bëjë presion e shantazh Presidentit të Republikës së Shqipërisë”, thotë prere Meta.

Meta ndër të tjera shton se “ai që ka kërcënuar dëshmitarë dhe gazetarë apo oficerë policie që  denoncuan bashkëpunimin e trafikantëve të drogës me pushtetarët”, nuk do mund të kërcënojë dhe Presidentin.

POSTIMI I PLOTË

Ai që guxoi të kërcënojë komisar Zaganin pse denoncoi bashkëpunimin e trafikantëve të drogës me pushtetarët, ai që guxoi të kërcënojë nënkomisarin e Fushë-Krujës pse hetoi dhunimin e një vajze nga djali i një deputeti, ai që guxoi të kërcënojë një profesor të nderuar vetëm pse i shkruajti një letër Presidentit të Republikës në mbrojtje të interesit kombëtar, ai që kërcënon çdo ditë gazetarë e pronarë mediash, ai që kërcënon prokurorë e gjyqtarë, ai që kërcënon opozitarë dhe dëshmitarë, ai që urdhëron falsifikimin e letrave të tenderave e deri tek dokumente të sigurisë kombëtare bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë. Nuk ka fuqi në botë t’i bëjë presion e shantazh Presidentit të Republikës së Shqipërisë. Nuk ka Gjykatë Kushtetuese në botë që ndalon e interpreton kompetencat që i jep Kushtetuta e Republikës së Shqipërisë, Presidentit, për emërimin e shkarkimin e ministrave e në veçanti të atyre që janë anëtarë të Këshillit të Sigurisë Kombëtare. Interesi kombëtar i pari! Shqipëria e Para

Deputeti i Kuvendit të Kosovës nga radhët e Lëvizjes Vetëvendosje, Liburn Aliu, ka folur rreth vendimit të presidentit të Shqipërisë, Ilir Meta , për të mos e dekretuar kosovarin Gent Cekaj si ministër të Jashtëm të Shqipërisë, duke përmendur papërvojën e tij dhe deklaratat e tij pro ndryshimit të kufijve Kosovë-Serbi.

Ish-kryeministri Sali Berisha e quan një goditje të merituar ndaj flamurmbrojtësve albanofobë të projektit të serbomadhisë, mos dekretimin e Gent Cakajt nga Presidenti Ilir Meta.

Në një postim në Facebbok, Berisha shkruan se shqiptarët duhet të jenë të vetëdijshëm se gjarprit në Tiranë edhe Prishtinë, iu pre bishti dhe koka.

POSTIMI I PLOTË

Gjarperit iu pre bishti por duhet shtypur koka!

Nje goditje e merituar per flamurtaret albanofob te Serbomadhise!

Te dashur miq, refuzimi me dekret i Presidentit te Republikes per te emeruar minister te jashtem te Shqiperise te propozuarin e Zografit bis, çirakun e argatit in chef, Baton Haxhiut ishte nje goditje e merituar e flamurmbajtesve albanofob te projektit te serbomadhise ne Tirane dhe ne Prishtine.

Por me kete akt, shqiptaret duhet te jene te vetedijshem se gjarperit ne Tirane dhe Prishtine, pra me dy koka, iu pre bishti dhe jo kokat. Ato duhen shtypur nje minute e me pare! sb

Pas akuzave të kryeministrit Edi Rama për mos dekretimin e Gent Cakajt, ka reaguar presidenti Ilir Meta.

Në një postim në rrjetet sociale, kreu i shtetit shprehet se:”Pavarësia, integriteti territorial i Kosovës dhe vendimi i Gjykatës Ndërkombëtare të Drejtësisë janë të padiskutueshme për Republikën e Shqipërisë deri në sekondën e fundit si President i vendit tim”.

“Refuzimi i Presidentit për dekretimin e Ministrit të ri për Europën e Punët e Jashtme, është jo vetëm antikushtetues, po edhe i turpshëm. Argumentat e dhëna nga zoti President janë të frikshme për nivelin skandaloz dhe turpëruese për institucionin
Ndjesë Kosovës për këtë turp”, u shpreh më herët kreu i qeverisë.

Në Shqipëri presidenti Ilir Meta njoftoi sot se ka refuzuar emërimin e zotit Gent Cakaj në postin e ministrit të Jashtëm, i propozuar nga kryeministri Edi Rama në kuadër të ndryshimeve të thella në qeveri të ndërmarra në fund të dhjetorit, me largimin e më shumë se gjysmës së anëtarëve të kabinetit të tij.

Në një përgjigje të gjatë kthyer kryeministrit, presidenti Meta shprehet se “profili i zotit Genti Cakaj, i propozuar për postin e ministrit për Evropën dhe Punët e Jashtme, ka mungesë të qartë të përvojës politike, diplomatike, administrative, shtetërore, në secilin element dhe në tërësi”. Zoti Cakaj, vetëm 28 vjeç, nga Kosova, ka qenë për një periudhë këshilltar i Kryeministrit dhe prej 7 muajsh zëvendësministër i Jashtëm, i ngarkuar për procesin e integrimit europian.

Kreu i Shtetit ndalet gjerësit në dy argumenta konkretë që sipas tij e bëjnë të papranueshme kandidaturën. Ai shprehet se që nga momenti i emërimit të tij në postin e zëvendës ministrit të Jashtëm, zotit Gent Cakaj “i lind detyrimi ligjor që të aplikojë dhe të pajiset me Certifikatat përkatëse të Sigurisë”, por ai e ka shmangur këtë detyrim. “Nga informacioni zyrtar i administruar nga ministria për Evropën dhe Punët e Jashtme , nga Drejtoria e Sigurimit të Informacionit të Klasifikuar dhe agjencitë e tjera ligjzbatuese rezulton se zoti Cakaj, për një periudhë të vazhdueshme prej 7 muajsh ka neglizhuar qartësisht zbatimin e akteve ligjore dhe nënligjore të sipërcituara, që sipas parashikimeve të ligjit përbëjnë shkelje penale dhe janë të dënueshme sipas legjislacionit në fuqi”, shkruan zoti Meta. Sipas Kreut të Shtetit “zoti Cakaj, me mosplotësimin e formularit të aplikimit dhe mospajisjen me Certifikatat përkatëse të Sigurisë për periudhën 7 qershor 2018 deri në 3 janar 2019, jo vetëm që ka vënë në rrezik informacionin e klasifikuar sekret shtetëror apo sekret NATO dhe BE, por nga ana tjetër ai ka shfaqur haptazi mosbindjen e tij përballë një detyrimi të qartë ligjor”.

Zoti Meta vijon më tej duke nënvizuar se “shmangia prej tij i zbatimit të këtyre detyrimeve ligjore, së pari është shkelje për të cilën çdo funksionar duhet të mbajë përgjegjësitë që i takojnë, por njëkohësisht kjo sjellje tregon për mungesë të përgjegjshmërisë në ushtrimin e funksionit publik si zëvendësministër për Evropën dhe Punët e Jashtme, si dhe është një tregues tepër i qartë për rrezikun që mbart kjo kandidaturë, për të ushtruar detyrën shumë të rëndësishme të propozuar për emërim të Ministrit për Evropën dhe Punët e Jashtme”.

Zoti Caka rezulton të ketë aplikuar për certifikatën e sigurisë vetëm më 3 Janar, dhe e ka marrë atë brenda 24 orësh, gjë që sipas Presidentit të Republikës “tregon qartë se nuk është kryer një proces i mirëfilltë verifikimi sipas kushteve, detyrimeve, kritereve dhe procedurës së parashikuar në Rregulloren e Sigurimit të Personelit”.

Një tjetër aspekt i kundërshtuar nga presidenti Meta janë dhe disa qëndrime publike të mbajtura nga zëvendës ministri i Jashtëm. “Zoti Gent Cakaj ka dëshmuar me të dhëna, me fakte e qëndrime se jo vetëm që i mungon përvoja e sprovuar në fushën e politikës së jashtme, por se qëndrimet e tij publike lidhur me çështje thelbësore të politikës rajonale janë të papranueshme”, shprehet zoti Meta duke ju referuar konkretisht disa deklaratave të tij lidhur me idetë për shkëmbimin e territorreve apo korrigjimin e kufijve mes Serbisë dhe Kosovës gjatë një emisioni televiziv. Sipas zotit Cakaj, një ide e tillë “po konceptohet në suaza të korrigjimeve të përgjithshme territoriale që janë duke ndodhur në Ballkanin Perëndimor”, është shprehur ai gjatë intervistës.

Për Kreun e Shtetit shqiptar “këto deklarata të rrezikshme të zotit Gent Cakaj, me pasoja të paparashikueshme në rajon dhe me gjerë, në planin dypalësh dhe më tej, janë në kundërshtim të hapur me politikën rajonale të shtetit shqiptar, të NATO-s dhe të vetë Bashkimit Evropian”.

Ndërsa vë në dukje rëndësinë dhe rolin e ministrisë së Jashtme shqiptare përballë disa sfidave të afërta të diplomacisë si në kuadër të presidencës së ardhshme të OSBE-së ashtu dhe në pritje të vendimit për hapjen e bisedimeve për anëtarësim me BE-në, zoti Meta e mbyll letrën e tij dërguar kryeministrit duke u shprehur se “kandidatura e zotit Gent Cakaj nuk i plotëson kushtet, nuk krijon besueshmëri dhe nuk ofron garancitë e nevojshme për ushtrimin me objektivitet dhe në lartësinë e kërkuar të detyrës tepër të rëndësishme të ministrit për Evropën dhe Punët e Jashtme”.

Ndërsa ka refuzuar dekretimin e ministrit të ri, presidenti Meta nuk ka firmosur ende shkarkimin e ministrit aktual Ditmir Bushati, i cili për pasojë vijon të mbetet zyrtarisht në detyrë.

I menjëhershëm ishte reagimi i kryeministrit Edi Rama. Përmes një postimi në Twitter, ai përdori tone të ashpra ndaj vendimit të presidentit duke e konsideruar “jo vetëm antikushtetues, po edhe të turpshëm. Argumentat e dhëna nga zoti President janë të frikshme për nivelin skandaloz dhe turpëruese për institucionin”, shkruan zoti Rama, duke e mbyllur me një “ndjesë Kosovës për këtë turp”.

Nuk ka vonuar kundërpërgjigja e presidentit Meta i cili ndalet vetëm te qëndrimi ndaj çështjes së Kosovës dhe raporteve më Serbinë. “Pavarësia, integriteti territorial i Kosovës dhe vendimi i Gjykatës Ndërkombëtare të Drejtësisë, janë të padiskutueshme për Republikën e Shqipërisë, deri në sekondën e fundit si President i vendit tim”, shkruan zoti Meta në Twitter.

TIRANË – Banorët e Astirit kanë zgjedhur të ndryshojnë “kurs” të protestës së tyre. Ata të shoqëruar edhe nga deputeti i Partisë Demokratike, Klevis Balliu kanë marshuar drejt shtëpisë së kryeministrit Edi Rama në Surrel.

Gazetari i “BalkanWeb”, Klajdi Bodlli ka njoftuar se qytetarët e “Astirit” të cilët preken nga projekti i Unazës së Re do të mbajnë me vete disa pishtarë teksa do t’i afrohen shtëpisë së shefit të qeverisë.

Ata kanë protestuar për 66 ditë radhazi, ndërsa kanë paralajmëruar se kauza e tyre do të përfundojë në kohën kur të anulohet projekti. Deputeti demokrat, Klevis Balliu që nga fillimi i protestës ka mbështetur çdo ditë banorët e kësaj zone, ndërsa prej aty ka hedhur akuza ndaj qeverisë  dhe institucioneve ligj-zbatuese.

Me thirrjet e “E duam Shqipërinë  pa Edi Ramën”, me gjakun  tonë ushqehet krimi dhe projekti ra, përgjegjës pse nuk ka” , banorët e Astirit marshuan drejt Surrelit.

Ndërkohë deputeti Balliu tha se Policia e Shtetit nuk duhet të jetë aspak e prokuopuar, pasi qytetarët nuk janë aspak njerëz të dhunës. Sipas tij, ajo që duhet të bëjë sot policia është që të mbrojë shtëpitë e qytetarëve, njëlloj siç mbron shtëpinë e Ramës, të cilën e quajti “ilegjitime”

“Ne nuk jemi as njerëz të dhunës dhe ne nuk kemi absolutisht asnjë gjë me Policinë e Shtetit, njëlloj siç po mbroni shtëpinë ilegjitime, shtëpinë të për  të cilën ky zotëri që jeton aty nuk ka dhënë asnjë shpjegim mbroni dhe shtëpitë e tyre”, tha Balliu.

Ish-kryeministri i Shqipërisë, Sali Berisha komenton ndryshimet në qeveri të bëra nga kryeministri Rama.

TIRANE – Një denoncim publik është bërë sot nga një student, pjesë e protestës që po zhvillohet para Kryeministrisë, ndërsa pretendohet se ka pasur përpjekje për përçarje. Në një lidhje direkte për gazetarin e ‘News24’ dhe ‘BalkanWeb’ Erjon Skëndaj, studenti i Universitetit Bujqësor të Tiranës, akuzoi publikisht vajzën e deputetit të PS-së Pjerin Ndreu për qarkun e Lezhës, se ajo për disa ditë kishte tentuar që të ndalet protestën e sotme.

Ai tha se vajza e socialistit përmes thirrjeve në rrjetet sociale kishte tentuar që sot të organizonte një koncert tek Korpusi, ndërsa shtoi se ‘nuk ia doli, pasi nuk e hamë sapunin për djathë’.

Vajza e Pjerin Ndreut, deputeti të PS të qarkut Lezhë, ka tentuar që këto ditë përmes rrjeteve sociale të bënte një koncert te Politekniku por s’ja doli. Ne se hamë sapunin për djathë. S’do bëjmë siç bën Lali Eri, kur fton dikë në koncert. Thirrja jonë për bojkot total, ka bërë që shumë studentë nga rrethet mos të vijnë në Tiranë. Ne kishim sot një axhendë, që të mblidheshim në orën 8-10 tek fakultetet. Më pas në 10 do mblidheshim para Kryeministrisë. S’e çfarë do ndodh më pas, kjo do të jetë spontane. Shpresojmë që kryeministri Edi Rama të reflektojë dhe të dojë Shqipërinë”, tha studenti.

Draftmarrëveshja e ndarjes së detit midis Greqisë dhe Shqipërisë e kaloi Vitin e Ri në sirtarët e Ministrisë së Jashtme të Greqisë. Si u ndje vallë në këtë braktisje dhe këtë izolim? Ç’përjetoi ajo në duar të tjera? A është ajo një version i vërtetë i së vërtetës së ndarjes së drejtë dhe të ndershme? Apo është një flamur i bardhë në dorëzimin e hapësirës detare? Vetëm pyetje dhe pas tyre një heshtje e vrarë.

Atje, në arkivin e huaj ndodhet edhe marrëveshja e para dhjetë vjetëve, me vijën e tradhtisë dhe të dorëzimit. Greqia, asokohe, proklamoi me zë fitoreje dhe krenarie se kishte realizuar synimet më të larta gjeostrategjike dhe politike. Ndërkaq, Gjykata Kushtetuese e Shqipërisë e hodhi poshtë.

Drafti – cung i marrëveshjes së re, ka gjasa se do të jetë shëmbëllim i kapitullimit diplomatik dhe një pushtimi të ri të hapësirave detare. Ashtu e futur në atë hartë të vizatuar dhe të hartuar nga mendje dhe duar të huaja, të cilat nuk kanë negociuar, por vetëm kanë urdhëruar. Ajo draftmarrëveshje shpreson se do të fitojë detin e humbur në 2009-n nëpërmjet një sajese antiligjore dhe anti-UNCLOS-82, të asaj… VIJËS SË DREJTË BAZORE… një truk dhe një trill grafik i mashtrimit që shmang vijat bazore të Arkipelagut të Korfuzit, prej të cilëve Shqipëria humbte kriterin gjeografik dhe historik si përparësi e brigjeve të dheut tonë kontinental.

Shqiptarët duhet ta kenë të drejtën të pyesin se kush janë kriteret dhe parimet mbi të cilat është hartuar kjo draftmarrëveshje. Ata kanë të drejtë të pyesin dhe të sqarohen, se kush kanë qenë përparësore, kriteret politike, apo kriteret e së vërtetës shkencore të së Drejtës Detare Ndërkombëtare? Atyre iu duhet që të njihen me cilësinë e betejës diplomatike, të grupit negociator, i cili ka hedhur firmat, pa plotësuar suazën tekniko-ligjore të oponencës, as të Akademisë së Shkencave, as të Shtabit të Përgjithshëm të FA… as të universiteteve të Shqipërisë. Ministri i Europës dhe Punëve të Jashtme Bushati, tanimë, është në ikje. A bart në vete, vallë kryediplomati Bushati, ndonjë brerje ndërgjegjeje apo jo? Ndërsa, ministri i pritshëm i ri i Europës dhe Punëve të Jashtme, Cakaj festoi i habitur ardhjen qiellore të postit të epërm ministror, në përzgjedhje në prag të këtij Viti të Ri!

Ajo draftmarrëveshje është pa dinjitet, një vetvete e shpërfytyruar. Nuk ka entitet dhe as identitet shqiptar! Ajo është dëshmi e shkeljes së integritetit detar të Detit Jon të Shqipërisë.

Ajo nuk iu përngjan veçorive të brigjeve detare dhe tipareve gjeo-historike shqiptare. Kush do të jetë vallë ajo dorë historike që do të marrë nismën për ta tërhequr me urgjencë këtë domethënie kapitullimi të shtetit shqiptar? A e ka festuar vallë Vitin e Ri draftmarrëveshja e paktit detar me Greqinë?

TIRANE- Si çdo ditë protesta e banorëve të Astirit kundër projektit të Unazës së Re ka nisur në orën 17:00.

Në ditën e 63 të protestës, banorët janë sërish kundër prishjes së banesave dhe bizneseve të tyre.

Protestuesit kanë lëshuar thirrje kundër qeverisë dhe kryeministrit Edi Rama. Për shkak të protestës, u bllokua trafiku në të dyja krahët e rrugës.

I pranishëm në protestë ishte dhe deputeti demokrat Klevis Balliu, duke mbështetur banorët.

Ai ka bërë apel për bashkim me studentët, që kanë lajmëruar se të hënën rinisin protestat.

“Edi Rama është e keqja, shporreni të keqen”, tha Balliu, i cili gjithashtu i bëri thirrje edhe kryeprokurores Arta Markut për zbardhjen e aferës së tenderit të një loti të rrugës.

Aktori i njohur Neritan Liçaj në një postim në rrjetet sociale ka publikuar axhendën e protestës së studentëve, duke shkruar se shqiptarët do të vazhdojnë revoltën deri në fundin e kryeministrit.

Në shkrimin e tij, Liçaj shkruan se kryeministri Edi Rama duhet t’i hipi Lasgushit dhe të shohi Stambollin.

“Mjaft u solle si citjania neper shallvare me lloj lloj palacosh dhe kllounesh te tipit”hipi lasgushit e shih stambollin”!Te erdhi ora!

Protesta e shqiptareve eshte ketu deri ne fundin tend o grop septike qe qelb si uje lane!”- shkruan Neritan Liçaj.