Policia e Shtetit i ka refuzuar lejen Partisë Demokratike për të zhvilluar protestën e radhës para Parlamentit.

Demokratët kanë kërkuar nga policia që të zhvillonin tubimin e radhes më datë 5 mars ora 10:00, ditë kur është parashikuar për t’u zhvilluar seanca e radhës.

Por në argumentet e Policisë theksohet se në protestën e fundit, PD ka shkelur ligjin dhe ka dhunuar anëtarët e qeverisë dhe funksionarët e policisë për këtë arsye do t’i refuzohet leja për të zhvilluar këtë tubim.

Letra është firmosur nga Drejtuesi i  Parë, Kastriot Skenderaj.

Argumentat e Policisë

 – Dhuna fizike e përdorur dhe goditja e anëtarëve të qeverisë, deputetëve, me qëllim pengimin e tyre që të futeshin në godinën e Kuvendit të Shqipërie, për të zhvilluar seancë plenare.

-Dhuna dhe goditja e punonjësve të policisë gjatë përmbushjeve të përgjegjësive dhe kryerjes së detyrave ligjore, duke përdorur forcë fizike si dhe duke goditur me sende të ndryshme, si shkopinj prej druri, lëndë piroteknike, molotov, gurë, ku nga këto veprime u lënduan disa punonjës policie dhe tubues”.

Në zbatimi të germës ”a” të nenit 6 të Ligjit “Për tubimet”, të ndaloj zhvillimin e tubimit të kërkuar nga ana Juaj më datë 05.03.2019, ora 9:00 në vendin e përcaktuar në kërkesë.

Kryetarja e LSI-së, Monika Kryemadhi ka paralajmëruar strukturat e saj që të behën gati për zgjedhje të parakohshme në fund të muajit maj.

Gjatë një takimi me Komitetin Drejtues të LRI, Kryemadhi tha se protestat nuk janë politike dhe se qytetarët nuk dalin në shesh për Lulin apo për Monikën.

“Ju si strukturë rinore do të vazhdoni angazhimin tuaj me gjimnazet, me universitetet. Angazhimi i të gjithë strukturave të LRI për komisionerët që do të jenë pjesë e procesit. Të jeni të bindur se në fund të majit Shqipëria do të shkojë në zgjedhje të parakohshme”, u shpreh Kryemadhi.

Ajo shtoi më tej se: “Protesta nuk është politike. Njerëzit nuk dalin as për Lulin e as për Monikën. Njerëzit në shesh kanë dalë për hallet e tyre, ashtu si protesta e studentëve për çmimet e taksat e larta, kushtet e mjerueshme e shumë problematika të tjera që sollën një protestë madhështore.

Pakënaqësia nuk ishte as opozitare as nga një grusht njerëzish por e qindra e mijëra studentëve që i dhanë një mësim të mirë jo vetëm opozitës por të gjithë atyre njerëzve që nuk janë dakord me reformat e qeverisë e diktaturën e realitetin e hidhur e më poshtërues që kanë kaluar shqiptarët që nga 1990″, tha Kryemadhi.

Kryemadhi deklaroi se sot jemi përballë një grushti njerëzish që përfaqësojnë ideologji kriminale, përfaqësojnë krimin e organizuar që ka ndërtuar kështjellën mbrojtëse në Shqipëri.

“Përplasja jonë nuk ka të bëjë me Europën e as ndërkombëtarët por me këtë sekt kriminal që ka kapur drejtësinë shqiptare, shtetin, qeverinë, institucionet shqiptare. Kemi dëgjuar se si ndihma ekonomike do kishte një rishpërndarje por u zvogëlua, u përjashtuan familje dhe sot shqiptarët janë më të varfër se ç’kanë qenë 5-6 vite më parë. Neveria është jashtëzakonisht e madhe për këtë grup njerëzisht që kanë kapur shtetin. Mos kujtoni se njerëzit do tolerojnë që dikush të vendosë për fatet e tyre. Shqiptarët janë një popull i vogël, i varfër por e kanë pasur të vështirë për t’u nënshtruar. Janë bashkuar dhe kanë dalë për ekonominë e fëmijët e tyre. Janë 400 mijë shqiptarë që janë larguar nga Shqipëria. Janë larguar me qindra mijëra për shkak të pasigurisë, arsimit. Janë larguar mjekë dhe infermierë”, u shpreh kryetarja e LSI-së.

Deputeti i LSI-së, Endrit Braimllari ka publikuar sot një vendim të qeverisë, me anë të të cilit do të lejohet futja e Forcave Ushtarake në Policinë e Shtetit.

Për deputetin e LSI-së, kjo është një tentativë e Edi Ramës për të vendosur juntën ushtarake në vend.

“Sander Lleshi kerkon te ktheje Forcat Speciale te Ushtrise ne Police te Shtetit.
Udhezimi i ministrit të Brendshem nr. 276, date 27.2.2019 “Per te veshur police, forcat komando te ushtrise” tregon qarte qe Sander Lleshi, me urdher te Edi Rames, kerkon te vendos junten ushtarake ne vend.

Metodat kriminale te perdurura ne protesten e opozites, hedhja e gazit helmues e neuroparalizues i denje vetem per aksione uahtarake, tregon qarte se urdherat ne polici tani i jep ushtria.

Forcat Komando e kane te percaktuar qarte misionin e tyre dhe ato jane krenaria jone. Forcat Komando kane kryer misione ne Irak, Afkganistan dhe vende te tjera.

Ku e gjene guximin Sander Lleshi qe vendos forcat speciale te ushtrise kunder qytetareve te tij?!

Si mund te vendosen forcat komando, qe kane sherbyer ne Irak dhe Afganistan, te veshur si police perballe qytetareve ne protesta demokratike?!
Si mund te vihen forcat speciale te ushtrise kunder popullit te tij?!

Keto jane urdhera politik tipik si ne sistemet diktatorial qe perdorin ushtrine per te shtypur urretjen popullore. Nuk do kete skeme ushtarake te Sander Lleshit qe do ndali revolten popullore kunder ketij regjimi te korruptuar dhe kriminal qe rendon mbi qytetaret e vendit.

Nard Ndoka është shprehur se tashmë të gjithë shqiptarët e kanë parë se Edi Rama është kapur me “presh në duar”, duke blerë votat në zgjedhjet e shkuara.

I ftuar në emisionin ‘Kjo Javë’, Ndoka madje ka përdorur të njëjtën batutë për Ramën, por duke thënë se ai do të ikë me “presh në by**ë” përmes protestave të thirrura nga opozita.

“Është momenti final. Çdo ditë nën qeverisjen e Edi Ramës është një fatkeqësi kombëtare, dhe këtë edhe vetë Rama e kupton. Ai personalisht nuk ka mundësi të dialogojë me opozitën, të firmosë një marrëveshje me opozitën.

Prandaj e para është largimi i tij dhe më pas do të jetë një rrugë e hapur për mënyrën se si do të kemi një qeverisje për zgjedhjet e parakohshme. Çdo kosto ka vetëm një emër Edi Rama, është kapur me presh në dorë dhe do ta largojmë me presh aty ku nuk thuhet”-tha Ndoka.

Rama po tenton të blejë deputetë

“ I erdhi dita, që po vijon blerjen e mandateve. Sot kemi një parti politike me tre deputetë në parlament, partia e çamëve, dhe ia ka blerë të tre deputetët. Dhe këtë e ka bërë Edi Rama”

Një ‘këshillë’ për Rudina Hajdarin

“Unë kam njohje të thella me znj. Hajdari. Kam qenë një mik dhe bashkëpunëtor me Azem Hajdarin, ajo thjesht përfaqëson një emblemë. Ajo thjesht duhet ta ketë të qartë se nuk vlerat e saj personale, se ishte një emër i panjohur por PD e afroi se përfaqësonte një emblemë të PD të historisë së kësaj partie dhe unë gjykoj e mendoj se Basha bëri mirë e futi në parlament. Sot është momenti për të treguar vlerat e veta. A do ta gjejë rrugën znj.Hajdari? Kjo është përgjegjësi e saj”,- deklaron Ndoka./Express

VOAL – Diplomati i shquar Shaban Murati, në një postim të sotëm bën të ditur se ka marrë çmimin “Mirënjohje” nga Shoqata atdhetare “Çamëria”:

Në vlerësim të krijimtarisë dhe të veprimtarisë shumëvjeçare diplomatike, shkencore dhe publicistike në dobi të çeshtjes kombëtare dhe në veçanti të çeshtjes çame, Shoqata e rëndësishme mbarëkombëtare patriotike “Çamëria”, më nderoi me çmimin e ”Mirënjohjes”. Në fjalën time të rastit theksova ndër të tjera se çeshtja çame është çeshtje e pazgjidhur e çeshtjes së pazgjidhur shqiptare në rajon. Çdo qeveri shqiptare dhe çdo parti politike shqiptare nuk e meritojnë mbiemrin “shqiptar”, nëse nuk përfshijnë në programin e tyre zgjidhjen e çeshtjes çame. Faleminderit Shoqatës Patriotike “Çamëria”!

BLEONA METUSHI/ Ish-ministri i Brendshëm, Saimir Tahiri, u përball dje zyrtarisht me akuzat e ngritura nga Prokuroria për Krime të Rënda, ndërsa në përfundim të njohjes me to e konsideroi hetimin ndaj tij si politik.

Ish-ministri i Brendshëm, Saimir Tahiri, u përball dje zyrtarisht me akuzat e ngritura nga Prokuroria për Krime të Rënda, ndërsa në përfundim të njohjes me to e konsideroi hetimin ndaj tij si politik.

Për më shumë së 16 muaj, Prokuroria për Krime të Rënda hetoi për Tahirin, ndërsa vendosi ta marrë të pandehur për akuzën e “Trafikimit të lëndëve narkotike” në kuadër të grupit të strukturuar kriminal. “Pjesëmarrje në grup të strukturuar kriminal”, “Kryerje e veprave penale në kuadër të grupit të strukturuar kriminal” dhe “Korrupsion pasiv i funksionarëve të lartë”.

Referuar hetimeve, ato bazohen në përgjigjet e letër-porosive të ardhura nga Italia, Mali i Zi dhe Greqia. Sipas prokurorëve të çështjes, Dritan Prençi, Vladimir Mara dhe Arenc Çela, gjatë këtyre muajve hetime, ka rezultuar se ish-ministri në bashkëpunim edhe me tre ish-zyrtarët e Policisë së Shtetit, Jaeld Çela, Sokol Bode dhe Gjergji, prej 1 viti në arrati për të njëjtat akuza, kanë lehtësuar me veprimet dhe mosveprimet e tyre veprimtarinë kriminale të grupit të drejtuar nga vëllezërit Habilaj, të afërm të ish-ministrit.

Në kërkesën për gjykim, Prokuroria rendit një sërë provash dhe ngre pretendime të lidhjes së afërt të Tahirit me kushërinjtë e tij. Hetimet nisën pas përgjimeve italiane ndaj grupit të Habilajve, ku përmendet edhe Saimir Tahiri, si një person që kishte vënë Policinë në gatishmërinë e tyre. Më tej, sipas konkluzioneve të Prokurorisë, rezulton se sistemi i doganave ka qenë i kontrolluar nga personi nën hetim, duke mos bërë regjistrimin e disa shtetasve, në këtë rast të vëllezërve Habilaj, por jo vetëm.

Nga hetimet e deritanishme rezulton se këta shtetas nuk regjistroheshin në asnjë pikë kufitare. Një pikë tjetër, që, sipas Prokurorisë përbën fakt, është edhe mjeti me të cilin është bërë edhe udhëtimi për në Greqi i ish-ministrit Saimir Tahiri dhe të miqve të tij. Mjeti lundrues në momentin që ka ardhur nuk është dokumentuar dhe ka pasur parregullsi në regjistrimin e tij.

Ka qenë pikërisht ky mjet, me të cilin është bërë udhëtimi për në Greqi, i drejtuar nga Saimir Tahiri dhe në këtë episod të hetimeve futet në lojë edhe Artan Habilaj. Në momentin që mjeti është prishur në Greqi, ka shkuar Artan Habilaj i cili ka telefonuar një punonjës të Policisë dhe së bashku kanë shkuar në Greqi me mjetin tip “Audi”.

Aty, Artan Habilaj ka lënë makinën dhe vetë është kthyer me mjetin lundrues për në Shqipëri. Për procedurat e marrjes së mjetit, për ta çuar atë në një servis në Itali është paraqitur i pandehuri i drejtësisë italiane, Moisi Habilaj.

Një tjetër fakt i Prokurorisë është edhe peshkarexha “Fatima”, ky mjet lundrues ka qenë nën përgjim ambiental nga autoritetet italiane. Në përgjimet e përfituara nga ky episod trafiku dëgjohet Moisi Habilaj ku i shpjegon mikut të tij se si e gjithë Policia është në krahun e tyre.

Nga kostumi tek “Audi”, çfarë u gjet në përgjime

Përgjimet dhe hetimet e autoriteteve italiane janë edhe një provë e fortë e Prokurorisë për Krime të Rënda, ndërsa pas publikimit të tyre u nis edhe një hetim për ish-ministrin e Brendshëm. Një nga momentet që janë përgjuar i takon datës 1 janar 2014 në makinën tip “Mercedes” me targë IHP 2690 në përdorim nga Mosi Habilaj, ku ndodhet Eneo Sulaj dhe një “burrë shqiptar”. Në këtë përgjim, ata thonë se “Saimiri” kërkon diamante për gruan. Nga këto përgjime, shtetasi Eneo Sulaj, kushëriri i Maridian Sulajt, i thotë bashkëbiseduesit:

– Kur shkova atje, më thoshte pronari (i dyqanit) sepse kishte folur me Saimirin… që e kishte kështu… kostumin…
– E more vesh se çfarë i ka blerë Moisiu bashkëshortes së atij?
…Një gjerdan që kushton 15.000 euro…
– Po përveç Sokolit që mori para për punën, Saimiri nuk donte para. Është e qartë, sepse… me ata… dhe i dha… gjerdan me diamante”.

Ndërkohë, në një fragment tjetër të zbuluar nga përgjimet, Maridian Sulaj flet për “Audin” me targa të ministrit të Brendshëm, që Tahiri ia shiti Artan Habilajt dhe me të cilin rezulton se ka udhëtuar në drejtim të Greqisë. Përgjime mjedisore brenda automjetit
tip “BMV 320” me targë BZ 140 JR, në përdorim nga shtetasi Maridian Sulaj.

Biseda është përgjuar në orën 06:46, datë 10.10.2014, ndërsa automjeti ishte në lëvizje. Maridian Sulaj komenton me Avdul Sulajn dhe Klajdi Sulajn, i thirrur Mili, si edhe
me një burrë shqiptar për targat aktuale shqiptare.
Maridian: Presidenti e ka 01, Kryeministri e ka 02… 03 pra është “Audi” që ka Artani… që e kishte ai… kushëriri ynë… vetëm ata e kanë.
Avdyli: E mirë janë targa të veçanta.
Maridian: A targa të veçanta… (fjalë të pakuptueshme) 03 e ka Artani që ia ka dhënë ai…
Burri: Cili Artan?
Maridian: Ishte i kushëririt tonë, ai, Kryeministri vëlla… si quhet? Çfarë është tani ai.
Maridian: Po ai është ministër i Brendshëm.
Avdul: Targat e qeverisë u hiqen makinave të qeverisë kur shiten.
Maridian: Po ai ia ka dhënë Artanit me gjitha dokumentet, ta marrë dreqi! Çfarë thotë ky, shiten. Ua heqin, është e tij personale o vëlla.

Për “Audi”-n që Tahiri u shiti Habilajve flitet edhe në një tjetër bisedë të përgjuar mes Enea Sulajt dhe burrit të paidentifikuar. Burri e pyet Enean, nëse Moisiu ka ndërmend të shesë “Audi”-n. Enea i përgjigjet me pyetje: “Audi”-n? Jo, atë nuk e shet… në fillim do të bëjë detyrën Saimiri dhe pastaj …Saimiri ia ndryshon “S”… merr ndonjë tjetër për të marrë. Enea vijon më tej, duke u shprehur se makina është e shtetit. Në vendim theksohet se bëhet fjalë për “Audi”-n A8 që Tahiri ua shiti Habilajve, por përgjatë muajve në vijim, ai udhëtoi me të në disa raste jashtë vendit.

PANORAMA

Ditën e nesërme kryeministri Edi Rama do të jetë në qytetin e Shkodrës në një takim për bashkëqeverisjen.

Tur ky i nisur që prej disa javësh.

Ndërsa një ditë para vizitës të Ramës në Shkodër reagon edhe dega e PD-së në qytet.

“Dega e Partisë Demokratike në Shkodër i ka bërë thirrje kryeministrit Edi Rama që të mos vijë nesër në këtë qytet pasi nuk është i mirëpritur.

Rama gjatë gjithë këtyre viteve vetëm sa ka punuar kundër Shkodrës”, thuhet në një reagim të degës së PD-së në Shkodër./Express

Tiranë

Ish-kryeministri Sali Berisha i ftuar në “360 Gradë” u shpreh se nuk përjashtohet që edhe kryebashkiakët të djegin mandatet. 

Berisha foli dhe për vendimin që pritet të merret për deputeten, Rudina Hajdari për të cilën tha se do të ketë të njejtin trajtim me Myslim Murrizin.

Ish-kreu i demokratëve tha se nuk do të ketë standard të dyfishta dhe se nga Grupi i PD do përjashtohet dhe Rudina Hajdari.

Pjesë nga biseda:

Berisha: Nuk mund të kesh dy standarde. Ai është një vendim….

Njuma: Duhet përjashtuar edhe zonja Hajdari?

Berisha: Përjashton veten. Zoti Murrizi ka qenë në grup parlamentar, ka votuar. Nuk di se mund të adoptohen dy standarde.

Zheji: Absolutisht nuk keni asnjë shqetësim se mund të mbushet Parlamenti.

Berisha: Me falsitete vetëm sa zgjon revoltën më të madhe qytetare. Nuk ka të ndalur ky revolucion. Ky është cunam social./ OraNews

Deputetja e PD-së, Rudina Hajdari ka vënë në dijeni faktorin ndërkombëtar mbi kërcënimin që ajo pretendon se ka marrë ditën e sotme për përjashtimin e saj nga PD nëse nuk dorëzon mandatin.

Përmes një reagimi në twitter, vajza e liderit të Lëvizjes Studentore Azem Hajdari, ka vënë në dijeni kongresmenë amerikanë dhe eurodeputetë mbi një deklaratë të sotmen të Sekretarit për Marrëdhënien me Jashtë në PD, Gert Bogdani.

“Është mirë ta dini” thotë Hajdari, ndërkohë që publikon edhe deklaratën e Bogdanit. Ish-deputeti i PD në një intervistë për mediat deklaroi se për Hajdarin duhet të ndiqet e njëjta procedurë si me deputetin e përjashtuar, Myslim Murrizi

Për të folur për ngërçin politik në vend, dhe ndikimin e mundshëm të faktorit ndërkombëtar që sot është i pranishëm në Tiranë me një delegacion të Parlamentit Evropian, i ftuar në A2 ishte Gert Bogdani, sekretar për Marrëdhëniet me Jashtë të Partisë Demokratike.

Bogdani tregohet skeptik për një rezultat konkret të këtij misioni, përtej një “deklarate shabllon” kundër bojkotit dhe dhunës sepse “është një vizitë rutinë e planifikuar muaj më parë”, edhe pse sipas tij ndihmon vetë eurodeputetët sepse mund të shohin situatën në terren “dhe jo nëpërmjet raportimeve, dhe të dëgjojnë të gjitha palët”.

Sipas Bogdanit, djegia e mandateve duhet të jetë në të kundërt një “kambanë alarmi” për ndërkombëtarët, dhe dakordësinë ata duhet ta arrijnë më parë me kryeministrin, i cili më pas duhet të ulet në tavolinë me opozitën.

Partia Demokratike po përjeton edhe disa dinamika të brendshme, me deputetin Murrizi të përjashtuar për refuzimin e djegies së mandatit, dhe me vendimin ende pezull të deputetes Rudina Hajdari. Por cila është qasja e PD-së ndaj deputetes?

Bogdani nuk nguron të shpreh qëndrimin e PD-së në këtë pikë. “Besoj se standardet duhet të jenë të njëjta. Nuk mund të bëjmë standarde të dyfishta, nuk ka ndryshime midis Rudina Hajdarit dhe Myslim Murrizit në këtë rast”, duke shtuar gjithsesi që “ajo në dhjetor ishte e gatshme të digjte mandatin”.

10 ditë u ka lënë kohë Komisioni Qendror i Zgjedhjeve që kandidatët e opozitës të zënë vendet ne kuvend pas djegies së mandateve të tyre.

Një ndër to është edhe Ina Haxhija, kandidate për të zëvendësuar ish-kryeministrin Sali Berisha.

Por në një shkrim të shkurtër në Facebook, ajo përgjigjet: “Më vjen keq, por nuk e zëvendësoj dot”.

Ish-ministri i Brendshëm, Saimir Tahiri pas daljes nga Gjykata e Krimeve të Rënda, ka dhënë një deklaratë për mediat, ndërsa është njohur me akuzat, atë të “Trafikimit të lëndëve narkotike” në kuadër të grupit të strukturuar kriminal dhe “Korrupsionit pasiv të funksionarëve të lartë shtetërorë”.

Në një komunikim me mediat ai është shprehur se do t’i shkojë deri në fund të vërtetave të tij, ndërsa shtoi se nuk i duhet asnjë mbështetje, as nga kryeministri, por vetëm të vërtetat e tij.

Pjesë nga deklarata e Tahirit:

Zoti Tahiri, prokuroria ku ka ngritur akuza te renda, keni nje koment per kete? 

Akuza ishte më e rëndë se kaq, ishte trafik droge, krijim i grupit të strukturuar kriminal, vepra penale. Mendoj se pas Aldo Bares ndoshta jam i dyti me këtë akuzë. Nuk ka ndonjë surprizë të madhe. Pprokuroria e komanduar sic e nisi ashtu e bitisi këtë histori, kështu që pavarësisht nxitjes që kam nga brenda për tu marrë me këtë histori, nuk dua të merrem, do e respektoj deri në fund përsa kohë jam deri në këtë situatë, do i shkoj deri në fund edhe duke e besuar.

Flisni per prokuroria te komanduar, nga cila anë është e komanduar politikisht?

Kjo historia ime, lindi si një proces politik dhe kur them i komanduar kam parasysh politikën, krimin dhe drejtësinë që janë aq bashkë sa është edhe ati biri dhe shpirti i shenjtë, nuk janë ndarë ende dhe unë po e shoh.

Cilat ishin provat?

Nuk kam parë asnjë do shoh në vazhdim.

Zoti Tahiri, personat që akuzohen për të njëjta akuza mbahen në burg, a keni frikë ju se prokuroria do të kërkojë arrestimin tuaj?
Mua nuk më frikëson gjë përvec të vërtetës, nuk më intereson se cfarë bën prokuroria, më intereson vetëm e vërteta dhe fuqia për ti shkuar deri në fund pas pasur nevojë për askënd, di që është një proces i turpshëm politik, i komanduar nga fillimi në fund, jam mësuar me vështirësi nuk do e kem problem, do t’ja dal…

Nga cila anë e komanduar, kur qeveris maxhoranca ku keni dhënë kontribut…

Mos u përpiqni të gjeni mesazhe të koduara, nuk kam asnjë mesazh të koduar, nuk kam asnjë marrëdhënie nëntokësore me askënd jam i drejtëpërdrejtë dhe nuk kam fuqi të gënjej dhe të merrem me të pavërteta.

A e keni mbështetjen e Ramës?

Nuk më duhet fare, nuk më duhet mbështetja e askujt, por vetëm e vërteta ime. Nëse mendoni se duhet mbështetja e dikujt dhe të jesh te sqetulla e dikujt gaboni./Panorama

Përparim Spahiu, deputeti i LSI-se, qe ka hequr dore nga mandati parlamentar i ka kthyer pergjigje raportuesit për Shqipërinë Knut Fleckenstein, i cili edhe sot nuk ngurroi te shprehe hapur zhgenjimin nga kryetarja e LSI-se, Monika Kryemadhi. 

Me nje shenim ne faqen e tij ne FB, Spahiu i sugjeron raportuesit te mos behet “Zonja e Pare e qeverise se droges”.

Mesazhi i Spahiut 

Knut, mos u bëj Zonja e Parë e qeverisë së drogës.

As qeveria e vendit tënd nuk e do!

Bëj durim për kaq kohë sa të ka ngel, deri në Maj.

Paraditen e sotme iu dha lamtumira e fundit Sadije Agollit, bashkëshortes e të të ndjerit Dritëro Agolli.

Ajo u nda nga jeta të martën (26 shkurt) në moshën 78 -vjeçare për shkak të një hemoragjie cerebrale.

Homazhet u zhvilluan në banesën e së ndjerës, që do kthehet në shtëpi muze.

Kryetarja e LSI, Monika Kryemadhi dhe kryetari i Kuvendit, Gramoz Ruçi shkuan për ti dhënë lamtumirën e fundit.

“Tek Sadija kemi parë simbolin e gruas, simbolin e bashkëshortes, të nënës, e vajzës për të cilin sot ne kemi shumë nevojë si shoqëri për shkak të gjithë këtij tranzicioni që kalojmë. Zoti e çoftë në Parajsë shpirtin e saj dhe atje ku do shkojë jam e bindur se do jetë shumë e lumtur,”-tha Kryemadhi.

Kryetarja e LSI në një deklaratë për mediat pas përfundimit të takimit të krerëve të opozitës me përfaqësues të PE, tha se opozita është në rrugën e duhur dhe se nuk ka asnjë hap pas.

“Unë di të them se nuk ka asnjë hap pas. Opozita nuk do të ketë asnjë hap pas. Shqiptarët janë mandatet tona më të pastra.

Protesta e 16 shkurtit, protesta e 21 shkurtit dhe protesta e djeshme, tregoi dhe njëherë që opozita është në rrugën e duhur. Jam e bindur që të gjithë ju gazetarët e terrenit, jeni në rrugën e duhur që e paraqisni opozitën në çdo moment prezent në aktivitetet e saj.

Faleminderit dhe na falni për gazin helmues të djeshëm që përdori Garda e Republikës kundër qytetarëve dhe kundër jush”, u shpreh ajo.

Delegacioni i Parlamentit Europian në Shqipëri, ka nisur takimet me liderët politikë, sa i përket situatës aktuale politike në vend, me opozitën që ka djegur mandatet dhe me valën e protestave kundër qeverisë.

Delegacioni do të qendrojë deri nesër në orën 10:00, ndërsa në fokus të qëllimt të vizitës së tyre është edhe njohja me procesin e reformave në prag të vendimit për negociatat që do të jepet në qershor.

Në një deklaratë për mediat pas përfundimit të takimit mes opozitës dhe përfaqësuesve të PE, kreu i selisë blu, Lulzim Basha është shprehur se nuk zgjidhet situata vetëm me arrestimin e Vangjush Dakos por me një reflektim të thellë të maxhorancës.

“Shqetësim i ndërkombëtarëve është stabiliteti i vendit. Zgjidhja mbetet vetëm largimi i Ramës, zgjedhje te parakohshme dhe qeveri tranzitore”, tha Basha.

“Rrugëdalja është zgjedhje të lira, largimi i Edi Ramës, qeveri e parakohshme.
Detyra jonë është të shpjegojmë me fakte realitetin. Shqetësimi i ndërkombëtarëve ka qenë stabiliteti, po në këtë fazë ku ndodhet vendi është detyra jonë të tregojmë se stabiliteti ka mbaruar. Kthimi i krimit të organizuar në një faktor të ndikimit të zgjedhjeve ka shkaktuar zemërim të popullit. Edi Rama në emër të stabilitetit ka shkatërruar vendin.

Ky është një proces ndërmarrë nga dy momente. E para miqtë tanë që i duan të mirën vendit do ta kuptojnë se stabiliteti i vendit është bërë copë e çikë dhe ata si Edi Rama që e shkatërruan kanë filluar të japin mend edhe për stabilitetin në Rajon. Shqipëria është një vend i vogël dhe një fuqi e madhe e propagandës që prodhon fakenews për ti helmuar”, deklaroi Basha.

Pjesë nga fjala e Bashës:

Kemi një qeveri e cila nuk punon për njerëzit po për krimin. Një ndër problemet më të mëdha është dezinformimi me të cilin Rama me lekët e drogës ka krijuar një makineri të madhe në botë siç ka bërë edhe në Shqipëri prandaj ishte momenti të flisnim hapur me miqtë tani për ti treguar gjendjen e vendit dhe se opozitës nuk i ka mbetur zgjidhje, ose të bëhet palë me këtë sistem ose ti tregojë botës se ky sistem ka rënë dhe të kërkojë një rrugëdalje.

Rrugëdalja është zgjedhje të lira, largimi i Edi Ramës, qeveri e parakohshme.
Detyra jonë është të shpjegojmë me fakte realitetin. Shqetësimi i ndërkombëtarëve ka qenë stabiliteti, po në këtë fazë ku ndodhet vendi është detyra jonë të tregojmë se stabiliteti ka mbaruar. Kthimi i krimit të organizuar në një faktor të ndikimit të zgjedhjeve ka shkaktuar zemërim të popullit. Edi Rama në emër të stabilitetit ka shkatërruar vendin. Ky është një proces ndërmarrë nga dy momente. E para miqtë tanë që i duan të mirën vendit do ta kuptojnë se stabiliteti i vendit është bërë copë e çikë dhe ata si Edi Rama që e shkatërruan kanë filluar të japin mend edhe për stabilitetin në Rajon. Shqipëria është një vend i vogël dhe një fuqi e madhe e propagandës që prodhon fakenews për ti helmuar. Me shumë mirënjohje për ndihmën që faktori ka dhënë për Shqipërinë, duhet t’ju shpjegojmë se pse po e bëjmë këtë. Në Europë nuk shkohet me vota të blera, nuk shkohet kur të drejtat themelore të njeriut shkelen. është një proces që po vazhdon. Sot në Shqipëri nuk ka demokraci dhe stabilitet.

A jeni në përpjekje me maxhorancën për komunikim? 

Nuk ka asnjë komunikim mes meje dhe Edi Ramës, komunikimi i vetëm është ai i shqiptarëve.

A do të pranojë opozita një ndërhyrje të ndërkombëtarëve për një zgjidhje si ajo në 2017?

Nuk do ketë një tjetër 2017, Edi Rama e mori 2019, Edi Rama e shkatërroi procesin zgjedhorë. E vetmja zgjidhje është një qeveri tranzitore pa Edi Ramën. Të gjithë këta që janë kapur nga Damian Gjiknuri, Taulent Balla, Dako janë kapur duke vjedhur vota dhe duhet të shkojnë drejt drejtësisë.

Prokuroria e Krimeve të Rënda ka mbyllur hetimet për ish-ministrin e Brendshëm Saimir Tahiri.

Prokuroria ka vendosur të dërgojë në Gjykatë dosjen, ku akuzon ish-ministrin e Brendshëm për trafik ndërkombëtar të narkotikëve në kuadër të grupit të strukturuar kriminal dhe shpërdorim detyre.

Gjithashtu të pandehur do të jenë edhe 3 ish-zyrtarët e lartë të policisë së Vlorës Jaeld Çela, Gjergji Kohila dhe Sokol Bode.

Ish zyrtari i lartë është thirrur për t’u paraqitur nesër me 28 shkurt ora 13:00 për t’u njohur me akuzat.

Më 11 shkurt Gjykata e Krimeve të Rënda vendosi të pranojë kërkesën e tij për mos zgjatjen më të hetimeve, duke iu lënë prokurorëve afat të përfundonin hetimet deri më datë 10 mars. Por me sa duket hetimet janë mbyllur më herët.

Opozita e bashkuar ka anuluar protestën e parashikuar nesër para Kuvendit. Burime nga PD bëjnë me dije për ‘BalkanWeb” se protestat do të zhvillohen në varësi të seancave plenare.

Ndërkohë të njëjtat burime shprehen se protesta e paralajmëruar nga vetë kreu i PD-së, Lulzim Basha para Kuvendit më 16 mars do të zhvillohet.

Kujtojmë që i papritur ishte edhe dje vendimi i opozitës për të organizuar protestë në orën 16:30 para Kuvendit, pak minuta para fillimit të seancës plenare. Një protestë që u shoqërua me tensione, përdorim mjetesh të forta dhe e gazit lotsjellës nga ana e policisë për të shpërndarë demostruesit.

Sot në Shqipëri do të arrijnë 7 eurodeputetë të Komisionit të Punëve të Jashtme të Parlamentit Europian, ku në axhendë do të kenë krizën politike në Shqipëri.

Pikërisht të enjten ditën kur opozita do të zhvillojë protestën e radhës europarlamentarët do të kenë dhe konferencën për mediat.

Kreu i delegacionit dhe Eurodeputeti i Partisë Popullore, Tune Kelam i ka kërkuar qeverisë dhe opozitës që të zgjidhin këtë situatë me anë të dialogut konstruktiv.

“Ne dënojmë me forcë retorikën politike që nxit dhunën dhe i kërkojmë opozitës që të riangazhohet me jetën parlamentare. Qeveria dhe opozita duhet ta kapërcejnë këtë situatë nëpërmjet dialogut konstruktiv.”

Në Shqipëri ata parashikohet të takojnë Presidentin Ilir Meta, kryeministrin Edi Rama dhe kreun e PD Lulzim Basha. Pas Shqipërisë 7 eurodeputetët do të udhëtojë drejt Shkupit.

Kreu i Partisë Demokratike, Lulzim Basha, pas protestës së djeshme të opozitës, është shprehur i bindur se kjo revoltë popullore do të çojë në rrëzimin e qeverisë.

Nëpërmjet një postimi në Facebook, Basha thekson se beteja e nisur është pa kthim, duke shtuar se i vetmi shpëtim është çlirimi i vendit nga e keqja që i ka zënë frymën shoqërisë.

“Beteja që kemi nisur për një Shqipëri si gjithë Europa është pa kthim! Kjo betejë do të përfundojë me shporrjen e kësaj qeverie të krimit dhe me triumfin e shqiptarëve. Udhëtimi ynë drejt Europës është i dhimbshëm dhe kalon përmes sakrificash, por ky udhëtim është shpëtimi ynë, është çlirimi nga e keqja që i ka zënë frymën shoqërisë, është rruga e sigurt drejt mirëqënies për njerëzit” shkruan Basha.

Dje u nda nga jeta Sadije Agolli, gruaja e Dritëro Agollit, një nga shkrimtarët më emblematikë të Shqipërisë. Sot do t’i jepet lamtumira e fundit. I qoftë i lehtë dheu aty pranë Dritëroit të cilin e deshi si dritën e syve!

Ikja e Sadijes ishte e papritur dhe e parakohshme për shumë arsye. Jo vetëm se nuk e kishte kohën për të ikur nga kjo jetë, por kishte një vitalitet të paparë për të përjetësuar veprën e Dritëroit. E kush më mirë se ajo që i njihte çdo nerv dhe qelizë, shkrimtarit dhe bashkëshortit të saj të shquar, mund ta bënte këtë?

Shprehja brilante se pas një burri të shquar, ndodhet doemos një grua e shquar, në këtë rast ka një kuptim perfekt. I kam thënë këtë Dritëroit në sy të Dritëroit dhe ai ma ka miratuar këtë. Veprat e mëdha që ka shkruar Dritëroi gjatë më shumë se gjysmë shekulli dhe që hyjnë në fondin më të shquar të letrave shqipe, vërtet kanë emrin e Dritëroit, por ato kanë dhe një bashkautor: Sadijen. Ajo ka qenë për më shumë se gjysmë shekulli lexuesja e parë e gjithçkaje që shkruante Dritëroi, redaktorja e parë dhe kritikja e parë e tij. Këtë që po them unë e kam përjetuar dhe mund ta dëshmoj me fakte. Ia merrte copërat e letrave nga xhepat, ku Dritëroi shkruante shprehje të mençura, copëza dialogjesh, vjersha, subjekte tregimesh e romanesh dhe ia ruante me shumë kujdes. Sepse ajo e njihte më mirë se askush se cili ishte Dritëroi. E deshi pambarimisht, e vlerësoi dhe e adhuroi si askush tjetër në këtë botë! E nga kjo dashuri marramendëse, i shkoi dy vjet më pas atje pranë… Ndjente mungesën Dritëroi për të apo ajo ndjente mungesën e Dritëroit? Nuk e di. Fakt është që sot Sadija do të shkojë të prehet pranë Dritëroit.

U prehshin në paqe të dy këta njerëz të mirë!

Mund të shkruaj pambarimisht për Dritëroin dhe Sadijen. Sot është dita e Sadijes, e ndarjes fizikisht me këtë grua fisnike dhe të mençur, ndaj më duket sikur mëkatoj që flas më shumë për Dritëroin se për të. Ajo ishte një monument më vete. Por Sadija nuk do të më zemërohej për këtë mëkat. Sikurse dhe Artani dhe Elona, bijtë e mrekullueshëm të Sadijes dhe të Dritëroit…

Unë e kam njohur shoqen e madhe të jetës së Dritëroit, ndaj dhe kam pasur dhe kam një respekt të madh për Sadije Agollin. Bashkëshortësia e saj më Dritëroin ishte një amalgamë njerëzore e admirueshme në të gjitha aspektet. Sadija e donte marrëzisht bashkëshortin e saj të shquar sa kishte marrë të gjitha huqet e tij. Mbase edhe Dritëroi kishte marrë nga ajo. Po ju sjell një fakt domethënës: Në disa dedikime dhe letërkëmbime që ruaj prej çiftit Agolli unë nuk jam në gjendje ndonjëherë  të kuptoj se cili është shkrimi i Dritëroit dhe cili i Sadijes. Ata shkruanin gati njëlloj, me të njëjtin stil komunikimi dhe intelekti, të ortografisë dhe të drejtshkrimit. Aq shumë ishin shkrirë me njëri-tjetrin. Një aliazh që nuk u ndryshk deri në fundin e jetës së tyre fizike. Edhe ky mendoj se është një element i dashurisë së tyre të madhe…

Prandaj i kam respektuar dhe dashur ata. Dhe do ti kujtoj përjetësisht me dashuri.

Në dy vjetorin e ndarjes nga jeta të Dritëroit, Sadija po punonte intensivisht për një libër me kujtime të miqve bashkëkohës të Dritëroit. Libri ishte drejt përfundimit. Mbi 90 për qind ishte dhe është i kryer, falë përkushtimit të jashtëzakonshëm të Sadijes. Disa nga këto kujtime janë botuar në gazetën DITA.

Një ditë para se Sadijes t’i binte hemorragjia e rëndë cerebrale që i mori jetën, unë kam pasur një bashkëbisedim të gjatë me Sadijen për fatin e këtij libri dhe për autorë të veçantë që duhej të përfshiheshin në këtë libër. Ishte një bashkëbisedim prekës. Nuk do ta harroj kurrë atë bashkëbisedim. Ajo që më bënte përshtypje në të gjitha bashkëbisedimet e shpeshta që kam pasur me Sadijen (sepse Dritëroi nuk mbante telefon celular) sa herë doja të komunikoja me Dritëroin do të flisja me doemos me Sadijen. Ato që më thoshte Sadija përputheshin tërësisht me ato që më thoshte Dritëroi. Janë histori letrare, politike e shoqërore këto të cilat i ruaj si brilante në kujtesën time. Fotografitë që kam me shkrimtarin dhe poetin e shquar janë dëshmi autentike për këto që po them.

Por sot është dita e Sadijes. Dita e ndarjes fizike me të.

Në përvjetorin e parë të ndarjes nga jeta të Dritëroit, Sadija e përkujtoi shokun e një jete për më shumë se gjysmë shekulli, duke botuar letërkëmbimin e tyre shumëvjeçar. E ka titulluar “Dashuri në moshën e Krishtit”, duke iu referuar moshës së Dritëroit, kur ata u njohën. Në këtë përmbledhje janë përfshirë letrat që Sadija dhe Dritëroi i kanë dërguar njëri-tjetrit në vitet e para të njohjes, por edhe më vonë për të kujtuar kohë të vjetra apo për t’i thënë njëri-tjetrit gjëra që nuk i thoshin dot me fjalë.

Libri është i pajisur me një parathënie të shkruar nga vetë Sadije Agolli, përmes së cilës ajo ndan me lexuesin dhimbjen, mungesën, një vit të gjatë dhe të vështirë pa njeriun e dashur. Ajo rrëfen copëza nga përditshmëria e tyre së bashku, por edhe kujtime të hershme… Janë momente të bukura dhe të vështira, të cilat jo rrallëherë, Dritëroi i kthente në vargje.

Tashmë që Sadija iku nga kjo botë, e kuptoj se çfarë thesaresh kemi humbur. Vetë Dritëroi më pat thënë dikur se “Eh, ç’mund të shkruaj unë për kujtimet e kësaj jete. Por unë jam shpirtdhimbsur. Më dhimbsen edhe kundërshtarët dhe nuk më pëlqen t’i shoh se si vuajnë nga mëkatet që kanë bërë. Por, jam edhe ipamëshirshëm. Do t’i lë kujtimet e mija nën jastëk e le të botohen pas vdekjes sime. Sadija do të merret me to…”

Unë nuk e di fatin e kujtimeve të Dritëroit. E kisha lënë të bisedoja me Sadijen këtë në një kohë të volitshme, pa menduar kurrë se ajo do të ikte kaq papritmas… Ndjej keqardhje të thellë dhe shumë i penduar që nuk nxitova t’ia merrja ca kujtime Sadijes…

Tirane, 26 shkurt 2019. Ndahet nga jeta Sadije Agolli, e veja e shkrimtarit të madh, Dritëro Agolli. Ajo ndërroi jetë sot tek Neurologjia në QSUT, Tirane, pas një hemoragjie cerebrale

Sadije Agolli u shua në moshën 76-vjeçare. Në shkurt të dy viteve më parë u shua edhe shkrimtari i madh, dhe bashkeshorti i Sadijes, Dritero Agolli, në moshën 85-vjeçare.

Sadija nuk ishte vetëm bashkëshortja e të madhit Agolli, por njëherazi lexuesja e tij e parë, redaktorja, shoqja e tij besnike e ditëve të bukura e të vështira. Një dashuri e bukur 52-vjeçare.

Në dy vjetorin e ndarjes nga jeta të bashkëshortit të saj, Sadije Agolli në një intervistë për Report Tv, thoshte se ende jetonte me kujtimet e tij, me veprat, porositë e personazhet aq të dashura për lexuesin.

Rrëfente edhe amanetin për ta kthyer në muze, shtëpinë ku jetuan.

“Unë e kam ndier shumë mungesën e tij, do doja që të kisha mendimin e tij. Për çdo gjë unë flisja me të. Kjo është një gjë shumë e rëndësishme, që gjithë ky ambient që kemi jetuar një jetë të tërë të jepet për muze. Mirëpo, duhet të kapërcej vetveten në këtë rast. Edhe për hir të Dritërorit, që deri më tani nuk është bërë asnjë muze, qoftë edhe në fshat, që i kemi çuar edhe materialet qëkur ishte Dritëroi gjallë. Nuk u bë asgjë. kështu që tani duhet bërë kjo sakrificë nga unë edhe nga fëmijët, që ky ambient të paktën të kthehet në muze. Këtu ka shumë gjëra që mund të mësojnë njerëzit, kushdo që vjen. Është jeta e tij, puna e tij, e pasqyruar në vepra, në gjithë këtë që shihni ju. Por edhe të tjerët mund ta mësojnë jetën e tij, si shkrimtar, si njeri edhe si artist. Përveç bibliotekës që e kemi shumë të pasur, ka piktura edhe skulptura, secila prej tyre mbart një kujtim”, – rrëfente Sadije Agolli .

VOAL i shpreh ngushëllim vajzës Elona, djalit Artan dhe gjithë familjes e të afërmve të Sadije Agollit.

Kreu i PD-së, Lulzim Basha mbledh aleatët në selinë blu.

Burime per “Panorama” bejne me dije se takimi ka nisur ne mesdite ne seline e PD-se dhe ne te jane pare te hyjne Kryetarja e LSI-se, Monika Kryemadhi, shoqeruar nga Petrit Vasili.

Ne takim jane kreu i LZHK-se, Dash Shehi dhe aleatet e tjere te Bashes. Takimi vjen nderkohe qe opozita ka hequr dore nga mandatet parlamentare, nderkohe qe Basha ka njoftuar mbajtjen e tri protestave se afermi me qellim largimin e Rames dhe qeverise se tij dhe krijimin e nje qeverie kalimtare per ti hapur rruge zgjedhjeve te lira dhe te ndershme.

Ndërkohë mbledhja pa përfunduar pas rreth 1 orë ndërsa në një deklaratë për media kreu i PR, Fatmir Mediu u shpreh se u diskutua për vijim e protestave dhe se çfarë do të bëjë opozita tashmë e në vijim.

Ai u shpreh ndër të tjera se opozita do të bëjë atë çfarë populli do, për “ta kthyer vendin në binarët europianë”.

Më pas kreu i LZHK-së,  Dashamir Shehi u shpreh: Qëllimi ynë është largimi i Ramës dhe krijimi i një qeverie tranzitore që të marrë përsipër të bëjë dy tre punë të mira, të pastrojë ambientin politik nga krimi dhe të mundësojë zgjedhje të reja dhe të lira, pastaj po qenë të zotë le të fitojnë prapë, por kjo është radha e opozitës, pasi këta që janë sot janë diskredituar edhe në rrafshin ndërkombëtar.

“Ndërkombëtarët kanë marrë pozicionin e vet, ne i mirëkuptojmë, por duhet që të kuptohet se sa të jetë Rama do ketë drogë dhe jo stabilitet.

A ekziston skenari i tërheqjes së të zgjedhurve lokalë?

Nuk e kemi disktuar këtë punë. Këto do të diskutohen pas datës 16. Të jeni të sigurtë që sulmi i opozitës do të jetë 360 gradë. Në të gjitha institucionet, në të gjithë hapësirën shoqërore, politike dhe ndërkombëtare. Këtë do e përcaktojmë pas datës 16 mars kur do të jetë dhe protesta e madhe.

Komisioni Qendror i Zgjedhjeve nuk ka përcaktuar ende një datë se kur do të marrë në shqyrtim 56 dorëheqjet e deputetëve të opozitës nga mandati i deputetit. Por burime pranë tij kanë bërë me dije dje se dosja e paraqitur nga ana e Kuvendit me 56 njoftimet për deklarimin e dorëheqjeve të deputetëve të opozitës nuk është korrekte, pasi shkresat nuk përcaktojnë krijimin e vakancave, siç edhe parashikon ligji.

Debati
Për këtë, ata kanë krahasuar shkresat e ardhura të premten dhe shkresat e ardhura nga praktikat e mëparshme, kur deputetë të ndryshëm kanë lënë mandatin e deputetit. Një rast i tillë është ai i ish-deputetit të PDIU-së, Bujar Muça, i cili dorëzoi mandatin si deputet i Elbasanit. Në këtë rast Kuvendi njoftoi KQZ-në me një shkresë ku thuhej: “Ju njoftojmë se deputeti Bujar Muça ka depozituar në Kuvendin e Shqipërisë dorëzimin e mandatit të deputetit. Në mbështetje të nenit 71, pika 2 e Kushtetutës ka mbaruar. Bazuar në Kodin Zgjedhor, Kuvendi ju njofton për krijimin e vakancës nga ndërprerja e parakohshme e mandatit, për të vijuar procedurat e zëvendësimit”. Pra siç shihet, Kuvendi në këtë rast e ka përcaktuar qartë mbarimin e mandatit dhe krijimin e vakancës për këtë deputet. Çka nuk ndodh në njoftimin për deklarimin e dorëheqjeve të 56 deputetëve të opozitës, që kanë shkuar në KQZ ditën e premte. Kjo pasi në këto shkresa, që janë të njëjta për të gjitha rastet e 56 dorëheqjeve, Kuvendi shkurtimisht i shkruan KQZ-së: “Z. Sali Berisha deputet i Kuvendit të Shqipërisë ka paraqitur dorëheqjen nga mandati i deputetit. Në zbatim të Kodit Zgjedhor, ju përcjellim për kompetencë dokumentacionin përkatës”. Pra, siç shihet, në këto raste Kuvendi nuk ka shpallur vakancat dhe ia ka lënë “topin” KQZ-së për të vepruar më tej. Por burime nga Kuvendi kanë sqaruar dje për “Gazetën Shqiptare” se njoftimet e përcjella për dorëheqjen e deputetëve nuk kanë asnjë problem të këtij lloji, pasi ato në vetvete janë njoftim për shpalljen e vakancës. Shkresat sipas tyre, ndonëse ndryshojnë në formulim nga shkresat e mëparshme, kanë të njëjtin qëllim, pra bëjnë me dije dorëheqjen e deputetëve dhe krijimin e vakancave, ndërsa mënyra e hartimit të tyre është praktikë administrative. Sipas këtyre burime, shkresa përmbush plotësisht detyrimet që lindin nga neni 164 i Kodit Zgjedhor, pika 1 e tij, ku thuhet se: “Deputeti deklaron në mënyrë publike përpara komisionit përkatës të Kuvendit refuzimin për të bërë betimin ose heqjen dorë nga mandati. Në këtë rast, Kuvendi jo më vonë se 30 ditë, njofton KQZ-në për krijimin e vakancës”.

Mazhoranca
Ndërkohë që burime nga mazhoranca bëjnë me dije se janë duke u diskutuar disa variante për të menaxhuar situatën e krijuar nga djegia e mandateve nga ana e opozitës. Varianti i parë është ai ligjor, pra që të vijohet me procedurën e plotësimit të vakancave të krijuar dhe zbatimin e ligjit deri në shterimin e kandidatëve në listat shumemërore. Ky variant do të bënte fakt të kryer largimin e opozitës reale nga Kuvendi. Varianti i dytë që po diskutohet është që mazhoranca të shfrytëzojë faktin që disa deputetë të opozitës nuk e kanë lënë mandatin dhe të synojë që bashkë me ndonjë element tjetër që mund të ndryshojë mendje rrugës dhe të heqë dorë nga lënia e mandatit, të krijojë një shumicë prej 84 deputetësh në Kuvend. Kjo sipas tyre e bën Kuvendin funksional për të marrë vendime edhe me shumicë të cilësuar votash dhe i jep atij një farë legjitimiteti të pranuar edhe në sytë e ndërkombëtarëve. Ndaj, loja me mosdeklarimin e vakancës mund të jetë pikërisht në funksion të këtij varianti, pasi krijon konfuzion ligjor, nuk lejon KQZ-në të veprojë me zëvendësimet dhe lë në pritje dorëheqjet e deklaruara nga deputetët e opozitës. Dhe kjo për të lënë mundësinë që në një të ardhme të afërt, me ndërhyrjen e ndërkombëtarëve, opozita të pranojë të rikthehet në parlament. Këto janë dy variantet ligjore që mund të ndjekë shumica e majtë, pasi në tavolinë ekzistojnë edhe variante të tjera të zgjidhjes politike, që ka një marrëveshje mes PS dhe PD, e deri te zgjedhjet e parakohshme.

ARISTIR LUMEZI/ Deputetja demokrate, Rudina Hajdari, mbrëmë ka thyer heshtjen dhe ka paralajmëruar mbajtjen e mandatit të deputetit, duke dalë kundër vendimit politik të Partisë Demokratike.

Përmes një statusi në “Facebook”, zonja Hajdari, vajza e themeluesit të PD-së, Azem Hajdarit, shprehet se për lënien ose jo të mandatit të deputetit është konsultuar me personalitete të njohura politike të BE-së dhe SHBA-ve. Të gjitha kancelaritë perëndimore, SHBA, BE dhe vendet anëtare të saj kanë reaguar ashpër ndaj dorëzimit të mandateve të deputetëve të Partisë Demokratike dhe Lëvizjes Socialiste për Integrim. Në reagimin e saj të parë që pas vendimit të PD-së, për shkak se ndodhej jashtë shtetit, zonja Hajdari shprehet se lënia ose jo e mandatit të deputetit është një vendim individual.

“Gjatë kësaj periudhe jam konsultuar me personalitete politike të Bashkimit Europian dhe Shteteve të Bashkuara të Amerikës, përfaqësues të aleatëve më të çmuar, seriozë e të vendosur në rrugën e vështirë të kombit tonë, që nga shpallja e pavarësisë, rrëzimi i regjimit komunist e më tej në proceset transformuese të zhvillimit ekonomiko-social dhe të integrimit euroatlantik. Mandatin e deputetit nuk e kam konceptuar kurrë si ‘një mjet të interesit vetjak’, i cili nuk duhet dorëzuar kurrsesi”, shkruan deputetja demokrate. Sipas saj, vendimet që ajo merr i bazon dhe në historinë politike të familjes së saj.

“Është e natyrshme që historia ime familjare ndikon sa në sjelljen time politike, aq edhe në perceptimin publik të saj. Kushtetuta e Shqipërisë e ka përcaktuar ‘heqjen dorë nga mandati’ të deputetit si vendim individual, pavarësisht kësaj unë nuk e ndiej veten aspak të shkëputur nga Grupi Parlamentar i PD-së dhe nga misioni i saj. Për shkak të karakterit dhe formimit tim, ‘vendimet’ i kam vlerësuar gjithnjë fort, duke iu kushtuar kohën, analizën dhe vëmendjen e duhur dhe ky rast është një ndër më të rëndësishmit”, shprehet Hajdari.

PROTESTA

Por deputetja demokrate i kujton lidershipit të PD-së se ishte ajo që kërkoi të dorëzonte mandatin e deputetit gjatë protestave njëmujore të studentëve, ndërsa për momentin e tanishëm e sheh këtë vendim kolektiv me shumë risqe. “Nuk ka kaluar kohë shumë e gjatë nga 8 dhjetori 2018, kur shpreha gatishmërinë time të sinqertë për të lënë mandatin e deputetit e për t’u bashkuar me studentët për kauzat e kombit, ‘për ndërtimin e një sistemi të vërtetë demokratik në Shqipëri’, por ky propozim ishte në një kontekst komplet të ndryshëm nga ai që është tani.

Bëhej fjalë për sakrificë politike individuale për t’iu ardhur në ndihmë studentëve në kauzën e tyre dhe jo për vendim kolektiv, i cili pritet të ketë risqe”, shprehet deputetja demokrate. Duke përfunduar këtë reagim, deputetja demokrate shprehet se qëndrimin e saj përfundimtar do ta bëjë publik shumë shpejt, por shton se do të jetë pranë demokratëve, pavarësisht vendimit që do të marrë. “Ju lutem të më mirëkuptoni, se nuk kam mundur të shprehem për këtë çështje prej mbrëmjes së të premtes që jam kthyer, për shkak të disa problemeve shëndetësore. Qëndrimin tim do ta bëj publik shumë shpejt. E kam shumë të qartë misionin tim si person politik, por edhe si qytetare, do të jem gjithmonë e rreshtuar përkrah me demokratët, të rinjtë, studentët dhe qytetarët shqiptarë, në interesin kombëtar për një Shqipëri demokratike dhe europiane”, shprehet në reagimin e parë të saj zonja Hajdari, pas dorëzimit të mandateve të deputetëve të PD-së.

Deklarata e plotë e Rudina Hajdarit
Është e natyrshme që historia ime familjare ndikon sa në sjelljen time politike aq edhe në përceptimin publik të saj.

Kushtetuta e Shqipërisë e ka përcaktuar “heqjen dorë nga mandati” të deputetit si vendim individual, pavarësisht kësaj unë nuk e ndiej vetën aspak të shkëputur nga grupi parlamentar i PD dhe nga misioni i saj.

Për shkak të karakterit dhe formimit tim, “vendimet” i kam vlerësuar gjithnjë fort duke i’u kushtuar kohën, analizën dhe vëmendjen e duhur dhe ky rast është një ndër më të rëndësishmit.

Për këtë, gjatë kësaj periudhe jam konsultuar me personalitete politike të Bashkimit Evropian dhe Shteteve të Bashkuara të Amerikës, përfaqësues të aleatëve më të çmuar, seriozë e të vendosur në rrugën e vështirë të kombit tonë, që nga shpallja e pavarësisë, rrëzimi i rregjimit komunist e më tej në proçeset trasformuese të zhvillimit ekonomiko-social dhe të integrimit euro-atlantik.

Mandatin e deputetit nuk e kam konceptuar kurrë si “një mjet të interesit vetjak i cili nuk duhet dorëzuar kurrësesi”.

Nuk ka kaluar kohë shumë e gjatë nga 8 dhjetori 2018 kur shpreha gaditëshmërinë time të sinqertë për të lënë mandatin e deputetit e për t’u bashkuar me studentët për kauzat e kombit, “për ndërtimin e një sistemi të vërtetë demokratik në Shqipëri”, por ky propozim ishte në një kontekst komplet të ndryshem nga ai që është tani. Bëhej fjalë për sakrificë politike individuale për t’iu ardhë në ndihmë studentëve në kauzën e tyre dhe jo për vendim kolektiv i cili pritet të ketë rrisqe.

Ju lutem të më mirëkuptoni se nuk kam mundur të shprehem për këtë çështje prej mbrëmjes të së premtes që jam kthyer për shkak të disa problemeve shëndetësore. Qëndrimin tim do t’a bëj publik shumë shpejt.

E kam shumë të qartë misionin tim si person politik por edhe si qytetare, do të jem gjithmonë e rreshtuar përkrah me demokratët, të rinjtë, studentët dhe qytetarët Shqiptarë në interesin kombëtare për një Shqipëri demokratike dhe Evropiane.

Edi Rama është i bindur se lëvizja ekstreme e ndërmarrë nga opozita nuk do të godasë pashmangërisht edhe qeverisjen e mbetur në parlament e vetme, e për këtë duket se kryeministri do ta pozicionojë veten po aq në ekstrem.

Mësohet se Rama i ka porositur deputetët dhe ministrat e tij që të mos dalin në asnjë studio televizive me ish deputetët e opozitës, të cilët tashmë i kanë djegur mandatet e tyre.

“Ata s’janë më pala tjetër e parlamentit, po një grusht politikanësh pa norma, që meritojnë përbuzjen e votuesve të tyre dhe refuzimin tonë për të debatuar me ta jashtë parlamentit”,- mësohet të jetë shprehur Rama për të tijët.

Por çfarë do të ndodhë me skenën politike, kur kampi maxhoritar dhe ai opozitar refuzojnë kategorikisht të dialogojnë mes tyre, qoftë edhe përmes debateve të “largëta” televizive?

Kujtojmë se pak ditë më parë Edi Rama tha se ishte pro dialogimit me opozitën, por duket se porosia që ai u jep socialistëve është krejt e kundërta./Express

Një banesë në fshatin Mengël të Njësisë Administrative Labinot në bashkinë e Elbasanit, ka rënë pre e hajdutëve në orët e para të mbrëmjes së djeshme. Gazetari Fatmir Popja ka bërë të ditur për Gazeta Shqiotare se persona të paidentifikuar kanë hyrë brenda një godine ku ndodhet një lokal dhe një banesë nga ku kanë marrë rreth 30 milionë lekë të vjetër.

Lokali dhe banesa konfirmohet se janë në pronësi të shtetasit Kastriot Puka.

Autorët e grabitjes dyshohet se kanë hyrë në katin e dytë që është banesa e familjes, ku kanë kryer edhe grabitjen. Autorët dyshohet të kenë qenë tre persona të maskuar, të cilët kanë marrë me vete edhe kasafortën ku ndodheshin fitimet nga xhiro ditore e javëve të fundit dhe më pas janë larguar me mjetin që kishin parkuar ngjitur me hyrjen e godinës në fjalë.

Policia ka sekuestruar pamjet filmike dhe ka nisur punën për identifikimin dhe kapjen e vjedhësve .

Njoftimi i Policisë

Në fshatin Mengël, Elbasan, është vjedhur banesa e shtetasit K.P., ku ka marrë një sasi lekësh. Në momentin e vjedhjes në banesë nuk ndodhej asnjë familjar. Punohet për identifikimin dhe kapjen e autorit/ve. Materialet i kaluan Prokurorisë pranë Gjykatës së Shkallës Parë Elbasan, për veprën penale “Vjedhja”.

Këto ditë Shqipëria është tronditur nga protesta të forta kundër qeverisë. “Dorëheqja e kryeministrit socialist Edi Rama – deklaroi kreu i partisë demokratike shqiptare Lulzim Basha – është qëllimi i parë që duhet arritur”. Deputetët e partisë së Bashës, formimi kryesor i opozitës shqiptare të qendrës së djathtë, njoftuan zyrtarisht edhe dorëheqjen e tyre nga Parlamenti. Ky ishte një vendim i kundërshtuar fort nga Brukseli dhe Uashingtoni. Sekretari i Përgjithshëm i Këshillit të Evropës, Thorbjorn Jagland, bëri një apel në veçanti për partitë e opozitës që të mos largoheshin nga salla parlamentare: “Në demokraci – tha ai – Parlamenti është vendi kryesor për të bërë politikën e një vendi”. Opozita shqiptare nuk duhet të heqë dorë nga mandatet parlamentare “.

DEKLARATAT E SHUMICËS DHE OPOZITËS

Tensioni mbetet shumë i lartë. Kryeministri socialist Edi Rama në një fjalim televiziv, tha se shumica do të jetë gjithmonë e gatshme për të dialoguar me opozitën, por jo për të ndaluar një mandat legjitim qeveritar. “Votuesit – tha Rama – do të gjykojnë me votën e tyre, si në zgjedhjet administrative të qershorit të ardhshëm, si në zgjedhjet e vitit 2021.”

“Opozita – tha nga ana tjetër Lulzim Basha,- la mandatet. Sot ne jemi qytetarë të thjeshtë “. “Ne – shtoi kreu i Partisë Demokratike – nuk jemi popull i dhunës, por i respektuar për lirinë dhe demokracinë, dhe kurrë nuk do të pranojmë vjedhjen e votës popullore dhe qindra miliona nga xhepat e shqiptarëve”.

BE: PROTESTAT TË JENË PAQËSORE

Bashkimi Europian “riafirmon të drejtën e qytetarëve shqiptarë për të” demonstruar paqësisht dhe denoncon çdo retorikë të udhëheqësve politikë që nxisin dhunën “. Për Brukselin,” vendimi i opozitës për të vendosur lënien e mandateve prek në mënyrë serioze funksionimin e demokracisë në Shqipëri”. “Qeveria dhe opozita, shpreson BE, duhet të angazhuar në dialog” për të kapërcyer situatën aktuale, për të mirën e Shqipërisë dhe të qytetarëve të saj “.

GEORGE FRENDO: SITUATA TRAGJIKE, DIALOGU ËSHTË E VETMJA RRUGË

I Intervistuar nga Luca Collodi i Radio Vatikanit, kryepeshkopi metropolitan i Tiranës dhe Durrësit, George Frendo, thekson se është e domosdoshme të shkohet drejt dialogut, “rruga e vetme për një zgjidhje të drejtë”.

“Situata është tragjike, për fat të keq nuk ka dialog midis partive politike. Ndoshta është pak a shumë faji i të gjithëve. Ne kemi nevojë për një dialog, ne kemi nevojë për vullnet të mirë, vullnet për të dëgjuar së pari. Dhe gatishmëria për të dëgjuar gjithashtu supozon prirjen e përulur. Ne nuk duhet të karikaturojmë dialogun dhe madje politikanët duhet të kërkojnë këtë dialog, i cili është rruga e vetme për një zgjidhje të drejtë, e vetmja rrugë. Duhet të jetë një dëgjim i vërtetë. Nuk është as një kompromis i thjeshtë”,- thotë ai.

Zgjedhjet e parakohshme mund të jenë një zgjidhje për Shqipërinë?

Ndoshta po, por jo vetëm kjo. Kjo nuk është e vetmja herë që në Shqipëri ka situata tensioni. Prandaj, nga partitë politike është e nevojshme të kemi më shumë ndjenjën e të mirës së përbashkët. E mira e përbashkët gjithashtu kërkon një sakrificë të caktuar nga ana e të gjithëve.

A jeni thirrur të bëni një ndërmjetësim si Kishë?

Jo, jo … Është e vështirë të thërrasësh një person të fesë për të vepruar si ndërmjetës. Unë as nuk dua të jem politikan. Unë mund të jap disa këshilla, si kur fola kundër dhunës dhe vandalizmit dhe në favor të dialogut. Megjithatë, shumë shpesh përsërita: Politika mund të ndryshojë strukturat, por vetëm feja mund të ndryshojë zemrat.

Të hënën e ardhshme, kardinali i sekretarit shtetëror Parolin, do të vizitojë Shqipërinë…

Do të jetë vizita e tij e dytë. Ai ishte këtu shte në vitin 2014 së bashku me Papa Françeskun. Arsyeja e vizitës është bekimi për nisjen e punimeve të një spitali të financuar nga kisha. Ne iu jemi shumë mirënjohës sepse ata kanë hapur edhe universitetin katolik. Si universiteti dhe spitali janë të frymëzuar nga parimet katolike, të krishtera, por brenda universitetit ka më shumë jo-katolikë sesa katolikë. Pastaj universiteti bëhet gjithashtu një shenjë e asaj harmonie fetare aq tipike për Shqipërinë. Edhe spitali … Edhe spitali është i hapur për të gjithë, pavarësisht nga feja.

Kujdes me qarkullimin ne akset rrugore ne zonat qe jane perfshire nga reshjet e bores, apo ngricat si pasoje e temperaturave te uleta, deri ne minus 11 grade celcius.

ARRSH jep kete informacion te fundit lidhur me situaten e akseve rrugore ne vend.

Njoftim mbi gjendjen e akseve kryesore të vendit

Në Qarkun Korçë gjate natës reshjet e borës u ndërprenë.
👉Temperaturat kanë qenë të ulëta -11 gradë.
🚜Kompania e mirëmbajtjes ka qenë në punë për pastrimin e rrugës dhe shpërndarjen e kripës.👨‍🔧
Qarkullimi bëhet pjesërisht me zinxhir – Qafa e Qarrit Korçë-Ersekë.
Kalimi në rrugën e Dardhës bëhet me zinxhir.
👉Në Veri qarkullohet pa probleme.
⚠️Rekomandohet përdorimi i zinxhirëve vetëm në km e fundit të aksit Ura e Cerenecit- Steblevë.

Polici Berhan Bajrakurtaj është liruar nga qelia, pas një vendimi që u mor nga Seksioni për të Mitur në Gjykatën e Shkallës së parë në Shkodër.

Gjatë seancës për rivlerësim mase për Bajrakurtajn, Gjykata vendosi masën e sigurisë “Detyrim paraqitjeje”, duke bërë që ai të lihet i lirë. Edhe në këtë seancë, polici Berhan Bajrakurtaj, i cili akuzohet për ngacmim seksual të një 15-vjeçareje në Njësinë Gruemirë, ka mohuar këto akuza duke i quajtur si shpifje.

Portalet publikuan një video-skandal të policit. Pretendimet e personit që ka bërë denoncimin janë se Berhan Bajrakurtaj ka ngacmuar seksualisht vajzën e saj 15- vjeçare, nxënëse në shkollën 9-vjeçare të Gruemirës. Pas arrestimit të policit dhe deri më tani, denoncuesi mbeti anonim dhe askush nuk ka shkuar në Polici për të denoncuar Berhan Bajrakurtajn. Në këto kushte, nga momenti i arrestimit dhe deri më tani, në Gjykatë nuk është vërtetuar se polici në fjalë ka ngacmuar seksualisht ndonjë vajzë 15- vjeçare.

EFEKTIVI

Vetë polici Berhan Bajrakurtaj, para Gjykatës, por edhe gjatë marrjes në pyetje, ka mohuar akuzat ndaj tij ndërsa ka pranuar se videot janë të tijat, por thjesht ato video janë bërë në banesën e tij jashtë orarit të punës dhe se nuk ia ka dërguar asnjë personi siç pretendohet. Edhe kësaj here, Berhan Bajrakurtaj ka deklaruar se celularin e tij pak ditë më përpara e ka pasur në një servis celularësh, ndërsa ka pohuar gjithashtu se nuk ka ditur që ta përdorë edhe aq mirë dhe se dikush ka abuzuar me telefonin e tij. Polici ende nuk e ka idenë se si mund të kenë dalë videot nga celulari i tij, ndërsa mohon kategorikisht se ka bërë ngacmime ndaj ndonjë vajze të mitur. Sipas policit, e gjithë kjo ngjarje është stisur për ta dëmtuar atë qoftë në punën e tij, por edhe në familje dhe se është e qëllimshme.

GJYKATA

Më 14 shkurt të këtij viti, Gjykata e Shkallës së Parë në Shkodër shpalli moskompetencën dhe ia kaloi çështjen Seksionit për të Mitur brenda kësaj Gjykate. Në masën e rivlerësimit nga Seksioni për të Mitur, avokati mbrojtës Xhelal Bajraktari, por edhe prokurori i çështjes Vat Staka, kërkuan masën “Detyrim paraqitjeje”, duke qenë se ndaj policit Bajrakurtaj nuk ka prova të mjaftueshme për ta lënë në “Arrest me burg”. Kërkesë që u pranua nga Gjykata, edhe për faktin se deri tani ende nuk është identifikuar denoncuesi anonim.

Partia Demokratike ka mbledhur Kolegjin e Kryetarëve për të vendosur strategjinë pas dorëzimit të mandateve. Mësohet se opozita do të protestojë çdo të enjte përballë Parlamentit.

Vendimi u mor nga kryetarët e Partisë Demokratike në rrethe. Pas anulimit të seancës së 21 shkurtit, seanca e ardhshme pritet të jetë më 28 shkurt, kur do të zhvillohet edhe protesta e opozitës.

Pas mbarimit të mbledhjes, Lulzim Basha ka dhënë një deklaratë për mediat ku është shprehur:

“Më datën 28 Shkurt, më datën 7 Mars do të organizohen protesta kombëtare para asamblesë kriminale që ka uzurpuar godinën e  Kuvendit të Shqipërisë. Dhe më 16 Mars do të zhvillohet një tjetër protestë e madhe kombetare me qëllim rrëzimin e uzurpuesit të qeverisjes së Shqipërisë, Edi Ramës, protesta që do kenë për qëllim bashkimin e qytetarëve, për reagimin e papërgjegjshmëm të klikës kriminale që është kapur duke vjedhur votat e shqiptarëve. Hapi që kemi hedhur nuk është pa kthim vetëm për opozitën, është pa kthim edhe për Edi Ramën. Ne nuk do t’i lëmë zgjedhjet  e ardhshme në dorë të narko-mafias. Opozita do të marrë të gjitha masat, protestë pas proteste pa asnjë pengesë dhe frenim të zemërimit popullor deri sa ta shporrim këtë bandit dhe hajdut me karriget që ka vjedhur me paratë e krimit. Sezoni i protestave vetëm sa ka nisur”.

Opozita beson se nëpërmjet dorëzimit të mandateve dhe protestave të vazhdueshme, do ta detyrojë kryeministrin Rama që të dorëhiqet, duke i hapur rrugë krijimit të një qeverie tranzitore e cila do të organizojë zgjedhje të lira dhe të ndershme

Pak pas mbledhjesh së kolegjit të kryetarëve të PD-së kreu i kësaj partie Lulzim Basha në një prononcim për media zbulon edhe strategjinë e opozitës së bashkuar. Basha tha se me 16 mars do të organizohet një protestë kombëtare.

‘Në datën 16 mars do të zhvillohet një tjetër protestë e madhe kombëtare me qëllim rrëzimin e qeverisë. Në këtë protestë do të ketë bashkim dhe zemërim qytetar ndaj reagimit të papërgjegjshëm të kësaj klike kriminale. Akti që kemi marrë ne është pa kthim për opozitën, por është pa kthim edhe për Edi Ramën, siç e zbuluan edhe gazetarët investigativ italianë që Rama ka ndërmend të blejë zgjedhjet prap.

Narko mafia po përgatitet për të blerë zgjedhjet e ardhshme, por opozita dhe qytetarët do të marrë të gjitha masat, protestë pas proteste’, deklaroi ndër të tjera kreu i PD-së, Lulzim Basha.

Një zjarr i përmasave të mëdha ra mesditën e kësaj të shtune në Tiranë.

Flakët u përhapën me shpejtësi në zonën e njohur si “Kodra e Diellit 2”, por fatmirësisht pranë vendit ku ra zjarri nuk kishte banesa.

Mësohet se zjarri është i qëllimshëm për pastrimin e tokës nga shkurret.

Pas disa minutave, flakët u shuan, ndërsa policia ndodhet në zonë për të bërë të mundur identifikimin dhe shoqërimin e personit që dogji kullotën.

Po sot vendi është përfshirë nga një valë i ftohti me reshje bore dhe erëra të forta.

Ndërkohë që e gjithë opozita e bashkuar vendosi që të djegë mandatet e deputetëve, duke firmosur kështu edhe të gjithë kandidatët e listave për deputetë në të gjithë qarqet, po pritej nëse ky vendim do të ishte unanim ose jo.

Në fakt, dy zëra kundër, të cilët u shprehën edhe në media, ishin Lefter Koka i LSI-së dhe Myslim Murrizi i Partisë Demokratike.

Murrizi njihet si deputeti, i cili nuk ua përtonte polemikave, por duhet thënë se nuk kanë munguar edhe polemikat brenda llojit, si dhe me gazetarë që janë shumë të afërt me Partinë Demokratike. Në media u tha se Murrizi është peng i njerëzve në pushtet dhe nuk mund t’i bashkohej vendimit të Partisë së tij.

Madje, u përmend edhe fakti se ka biznese me një deputet të Partisë Socialiste. Ne iu rikthyem arkivave tona, rreth 10 ditë më parë, kur nuk kishin filluar akoma protestat dhe gjetëm deputetin Murrizi duke dalë nga zyrat e Kuvendit.

Ai shihet i shoqëruar nga dy deputetë të Partisë Socialiste, Jurgis Çyrbja dhe Adnor Shameti, madje është në humor shumë të mirë në shoqërinë e tyre.