Ish deputeti i PD Luçiano Boçi ka reaguar ne statusin e tij ne rrjetet sociale, pas protestës së sotme të opozitës.

Brutaliteti i policisë, me përdorimin e lëndëve helmuese, mbi protestuesit ka sjellë dëmtime serioze për ta.
Junta ushtarako-policore e Ramës ka ushtruar dhunë dhe ka goditur qytetarët.
Kodhel Çala është sulmuar nga afër me pistoletë lënd-hedhëse, drejt e në sy.
Ka humbje shikimi dhe komplikacione në frymëmarrje.
Flamurmbajtësi, i veshur me simbolet e flamurit, Ago Nuhaj, goditet dhe ai.
Gjendja shëndetësore është e agravuar me shikimin dhe frymëmarrjen.
Ky është regjimi i “hajdutit” psiqik.
Fundi është afër!

Kreu i PD-së, Lulzim Basha mbajti fjalën e tij në mbyllje të protestës së sotme të opozitës. Basha u shpreh se dhuna që është ushtruar ndaj qytetarëve do të ketë përgjegjësit e saj që do të dalin para ligjit. Sipas Bashës kjo e sotmja ishte protesta më e madhe që Tirana ka parë në historinë:

Sipas Bashës kjo e sotmja ishte protesta më e madhe që Tirana ka parë në historinë e saj.

“E sotmja hyri në histori si dita e zgjimit kombëtar. Si dita e bashkimit më të madh që bulevardi “Dëshmorët e Kombit” dhe Tirana kanë njohur në historinë e saj dhe për këtë çdo shqiptar sot, çdo brez që vjen ju ka një borxh.

Misionarëve të demokracisë, misionarëve të Shqipërisë si gjithë Europa. Sot më në panik se kurrë kufoma politike e Ramës dhe klikës së tij përshkallëzoi dhunën e paprovokuar të qytetarëve për ti shpërndarë e për ti larguar nga protesta. Por përgjigjen e mori nga populli”, tha ai.

Ai pati edhe një mesazh ndaj ndërkombëtarëve duke u shprehur se nuk ka stabilitet pa demokraci.

“U jap sot mesazh të qartë miqve tanë perëndimor, “nuk ka stabilitet pa demokraci”. Dëgjojini më pak të inkriminuarit, ftesa ime është mos e dëgjoni autokratin e korruptuar Edi Rama, dëgjoni zërin e njerëzve, të shqiptarëve.

Ashtu si me rastet e protestave të tjera të kërkuara nga opozita edhe ajo e ditës së nesërme përballë kryeministrisë është refuzuar nga policia e shtetit.

Opozita kishte bërë kërkesë për një protestë 48 orëshe, por policia nuk e ka pranuar këtë opsion duke u shprehur në letërkëmbim me eksponentët e PD-së se protesta mund të ndahet në dy ditë, të nisë të shtunën dhe të përfundojë po të shtunën, për të filluar sërish të dielën për disa orë të tjera.

Refuzimi i kërkesës së opozitës tregon në një farë mase planin e kësaj të fundit për të qëndruar në shesh dhe për të rrethuar kryeministrinë me protestues, një ide e cila është lënë të kuptohet nga liderët politikë tëopozitës më shumë se një herë.

Ndërkohë në bulevard, policia ka marrë që nga dita e djeshme të gjitha masat për “fortifikimin” e zonës përreth kryeministrisë në rast të momenteve të përplasjes mes efektivëve dhe opozitës.

Mbetet për t’u parë nëse do të ketë akte të dhunës dhe sesi situata do të përshkallëzojë, por është fakt që mjaft përfaqësues të opozitës janë shprehur se janë kundër dhunës, por në rast se qytetarët do të irritohen, atëherë ata nuk do t’i ndalojnë. Në këto kushte dita e nesërme mund të shoqërohet me akte të dhunës e më pas me gazin famëkeq lotsjellës, pasojat e të cilit u panë fare qartë gjatë njërës prej protestave të opozitës përballe parlamentit. Shumë qytetarë përfunduan në spital, ndërsa aroma e rëndë e gazit shkoi disa qindra metra më larg, duke u kthyer në shqetësim serioz për kryeqytetin dhe bizneset.

16 marsi prolog i epokës së re.
Largimi emergjent i Edi Ramës, Kauzë Kombëtare!

Po të studiosh me vëmendje historinë e diktatorëve, aventurierë të politikës dhe sistemeve që i mundësojnë individët, krejtësisht anonimë, të cilët arrijnë të bëhen kapo të pushtetit, uzurpatorë, njëherësh, qenje të pangopura për pushtet, para e lavdi e kupton se sa delikat dhe i brishtë është, sa i rrezikuar dhe njëherësh i kërcënuar është raporti mes shtetit dhe individit, mes lirisë dhe të drejtave të njeriut. Mes shtetit, i cili e përmbys me brutalitet kontraten sociale me popullin, i cili i ka besuar shtetit dhe institucioneve të tij një mision krejt tjetër nga ai për të cilin mendojnë njerëz kokëkrisur, mendjeshkurtër e arrogant, të modelit Kim Jong-un, Maduro apo Sulltan Rama.
Në Filozofinë e Botës së Qytetëruar Euro-Atlantike, të iluminuar nga mendjet e ndritura të shekujve 16-20-të Volteri, Rusoi, Xhon Loku, Xhon Stuart Milli, Tomas Hobes, Shar Lui Monteskje, Kanti, Niçe, Viktor Hygo, Etërve themelues të Amerikës, Washingtonit, Xhafersonit, Hamiltonit, Medisonit, shteti e pushteti konceptohen si mekanizëm garantues e mbrojtës i të drejtave natyrore dhe i lirive të njeriut.
Nga këtu buron koncepti i pushtetit të popullit, sipas të cilit qeveritarët janë sherbëtorë të tij, janë transparent në vendimmarrjet më të rendësishme dhe të detyruar ti binden kushtetutës e ligjeve njësoj si çdo qytetar që gëzon zotësi juridike. Është e rrallë të gjesh në histori një diktator të formuar nga ana kulturore, akademike, të iluminuar e aq më shumë të vetëdijshëm për fatin që e pret nga forca e sovranit të cilit i ka vjedhur pushtetin.
Bota lindore dhe ajo perëndimore, apo ndryshe Bolshevizmi, e Nacional Socializmi prodhuan monstra të tilla si Stalini, Hitleri e Musolini, apo Çaushesku, por askush nuk i akuzon sot Rusinë, Gjermaninë, Italinë, Rumaninë, se popujt e tyre janë pa kulturë e civilizim, pa traditë shtetformuese dhe ideale demokratike. Protagonistët e të keqes së këtyre kombeve u ngjitën në fronin e pushtetit dukë qenë krejtësisht anonim e të dështuar në jetën e tyre personale e private.
E solla në vemendjen e publikut këtë kendveshtrim historik njëkohësisht për të hequr një paralele me Shqipërinë.

Kështu bëri Enver Hoxha i cili instaloi pushtetin e tij në Kongresin e Permetit, 24 maj 1944, zëvendesoj shtetin e së drejtës të Ahmet Zogut me pushtetin diktatorial, me dhunë, terror, vrasjse mashtrim, adaptoi sundimin absolut, regjimin më të egër e gjakatarë që zgjati gjysëm shekulli.
Katapultimi i Edi Ramës si ministër kulture, siç thoshte Fatos Nano nga Parisi, me mjekër të parruar e thonjë të paprerë, është strategji e krahut ekstrem, ortodoks të së majtës shqiptare, një sekti konspirativ filogreko-serbo-sllav, me qëllime e interesa krejt të kundërta me ato shqiptare dhe idealin e tyre Europiano-Përendimor.
Nëse tutori i tij Nano i dha viston Millosheviçit në takimin e Kretës për dhunën dhe genocidin ndaj shqiptarëve në Kosovë, duke e quajtur problem të brendshëm të Serbisë, Edi Rama në bashkëpunim me Hashim Thaçin, të mbështetur nga binomi Putin- Erdogan u përpoqën ta ndanin Kosovën, por dështuan me turp nga Qëndresa e Qeverisë së udhëhequr nga simboli i lirisë Kryeministri Haradinaj.
Edi Rama pasi uzurpoj dhe shkatërroj strukturat e PS-së e demokracinë e brendshme, përmes kapjes së pushtetit ekzekutiv, në aleancë me oligarkët e biznesit dhe bandat kriminale e nxori shtetin nga binarët e ligjit, shkaterroi pushtetin gjygjsorë, kapi prokurorinë, zhbëri funksionimin kushtetues të parlamentit dhe institucioneve të pavarura.
Ma anë të pushtetit uzurpoi shtetin duke e kthyer në Sulltanat të Tij.
I bindur tashmë në fundin e shpejtë e të pashmangshëm politik, si asnjë Kryeministër në Historinë e Globit, Ai ka braktisur Kryeqytetin, Selinë e Qeverisë, stafin e Tij dhe bredhë nepër qytete me batalionin e tij shetitës, aparatçikë servilë, hajdutë, përkrahës fanatikë e injorantë për të promovuar unitetin mes popullit dhe Rilindjes së Tij të shëmtuar dhe për ti damkosur si Ati i Tij shpirtëror, diktatori Hoxha, armiqtë e brendshëm dhe të jashtëm, ashtu si Nikolas Maduro i cili akuzon SHBA-në dhe opozitën si komplotiste e armiq të Venezuelës.
Edi Rama akuzon opozitën që shembi komunizmin në Shqipëri, e integroi Shqipërinë në strukturat Euro-Atlantike se nuk e don integrimin Europian.
Ai akuzon dhe Rusinë. Mirë që Rusia dihet botërisht se si fuqi e madhe sllavo- ortodokse, fuqi bërthamore dhe anëtare e përhershme e Këshillit të Sigurimit mbron publikisht interesat serbosllavve në Ballkan.
Por Rama harron, Partia e Tij është trashëgimtare e mama PKSH-PPSH e cila ka një histori të turpshme dhune, terrori, genocidi, dhe tradhëtie ndaj Kombit Shqiptar të bekuar nga djepi i saj Moska dhe Boshti pansllavist Moskë-Athinë Beograd.
Nacionalizmi shqiptar dhe bashkë me të dhe Vokacioni Përendimor i tyre lindën qysh në krye të herës si një reagim legjitim, ndaj politikës e Ideologjisë Rusomadhe-Otomane dhe projekteve serbo-sllave për asimilimin e zhdukjen e Kombit Shqiptar.
Nëse ka nje kryeministër në Ballkan që u shërben më së miri interesave ruso-turke e greko-serbe ai është Edi Rama.
Akuzat ndaj Rusisë i ban me lejen e Car Putinit për të promovuar vehten si patriot i madh, e për të fshehur planet djallëzore.
I pafuqishëm për të ndërtuar një diktaturë, një regjim despotik të modelit Putin apo Erdogan, Rama ka marrë rolin e një violine të dytë, me detyrë specifike për ta destabilizuar Shqipërinë përmes shkatërrimit të shtetit të së drejtës, të krijimit të një Parlamenti monopartiak, kriminalizimit e nënshtrimit të drejtësisë dhe institucioneve kushtetuese.
Mobilizimi i falangave të krimit e i përkrahësve fanatikë kundër opozitës së bashkuar të udhëhequr nga Lulzim Basha e qytetarëve shqiptarë, të cilët në mënyrë paqësore, plebishitare e të vendosur i kërkojnë të largohet është skenari ruso- turko- serb për të destabilizuar e për ta futur Shqipërinë në luftë civile.
Tashmë Rama është vetëidentifikuar si shef ekzekutiv i këtij skenari dhe është i ndërgjegjshëm për pasojat e tmerrshme që do të mbajë mbi supe.
Jemi në marsin e Besëlidhjes së Lezhës, të farkëtuesit të Shtetit Arbëror Gjergj Kastriotit.
Me dt 24 mars 1911 filloi kryengritja e Malësisë Madhe e udhëhequr nga Ded Gjon Luli, që u kurorëzua me 6 prill në Bratilë, me ngritjen e flamurit të Kastriotit, i lirë dhe krenar pas pesë shekujsh robëri.
Në marsin e lirisë ku Partia Demokratike e shqipërisë shembi komunizmin dhe shënoi fitoren e parë spektakolare në vitin 1992.
Marsin e Epopesë të Jasharajve, të Epopesë të Dukagjinit të udhëhequr nga Haradinajt.
Ky mars i zgjimit të vetëdijes kombëtare do të jetë epilogu i regjimit despotik të Edi Ramës, shkërmoqjes së Kalifatit të Tij dhe prologu i një Epoke të Re Kombëtare.
Largimi i Sulltan Ramës tashmë është Kauzë Kombëtare emergjente. Këtë mision do ta realizojë Opozita e Bashkuar dhe qytetarët shqiptarë të udhëhequr nga Lulzim Basha.
Këmbëngulja Drakoniane e Ramës për të mos dhanë dorëheqje nga kërkesa e referendumeve popullore të njëpasnjëshme, por hedhja benzinë zjarrit në demonstrimin e uraganit popullor me dt 16 mars, e cila do të jetë protesta me e madhe në historinë shqiptare, do të jetë me pasoja fatale për fatin e tij politik dhe një aktakuzë e rëndë për padronët e tij.
E Drejta Ndërkombëtare është e papajtueshme me aleancat që thuren në kurriz të një Shteti Sovran, të lirë dhe të pavarur.
Me dt 16 mars Edi Rama do të ketë përballë jo vetëm qytetarët por një Komb prej 10 milionësh, të cilët nuk mund ti tolerojnë kurrë ata që guxojnë të luajnë me të ardhmen e tyre.
Opozita e bashkuar e qytetarët e Shqipërisë do të jenë në shesh me dt 16 mars në emër të Kombit Shqiptar, të Kosovës që i vuni Serbisë e sivllaut të Ramës, Vuçiçit kufirin tek thana, të shqiptarëve të Maqedonisë që e futën këtë Republikë në NATO, zyrtarizuan Gjuhën Shqipe atje, të shqiptarëve të Tuzit të cilët me Besëlidhjen e tyre në emër të Atdheut ja rikthyen Malësinë Kreshnike të zotëve të saj legjitim, të Kauzës Çame të pushkatuar nga Edvini, të shqiptarëve të Preshevës.
Pretendimi mashtrues dhe djallëzor i Ramës për gjoja legjitimitetin e qeverisjes së tij është tashmë jo vetëm qesharak por dhe i rrezikshëm për sigurinë kombëtare dhe të ardhmen Europiane të Shqipërisë.
16 marsi është data që ndan epokat.
Verdiktin e Sovranit e njohin mirë diktatorët e mëdhenj e satelitët e tyre të vegjël.
Pranverën e lirisë nuk ka forcë ta ndalojë.

Sa herë qe një ministër i brendshëm ndërrohet largohen drejtorët e policisë dhe vijnë emra të rinj. Ashtu si me Saimir Tahirin e Fatmir Xhafajn edhe për Sandër Lleshajn historia është e njëjtë por në postet kyçe u rikthyen ish drejtorë që ishin shkarkuar ose transferuar nga ish ministrat e brendshëm.

I pari që u rikthye pas shkarkimit nga Saimir Tahiri ishte Tonin Vocaj ish drejtor i policisë së Tiranës e që u emërua Drejtori i Policisë Kriminale. Edhe Muhamet Rrumbullaku u emërua Drejtor i SHÇBA-së. Të dy ishin larguar nga postet drejtuese menjëherë sapo pushtetin e mori Partia Socialiste në vitin 2013 dhe në krye të Ministrisë së Brendshme u vendos Saimir Tahiri.

Pas drejtorisë së përgjithshme të policisë radha i erdhi drejtorive në qarqe. I pari ishte Kastriot Skënderaj drejtori i policisë së Tiranës. Motivet e largimit të tij mbeten ende mister por mësohet se Skënderaj u largua për shkak se nuk mundi të mbyllte protestën e banorëve të Astirit. Tashmë ai është emëruar këshilltar i Ardi Veliut. Në vend të Skënderajt u komandua drejtori i rendit Dhimitraq Ziu, por mendohet se në krye të Tiranës do të vijë drejtori aktual i qarkut Lezhë Ferdinand Mara.

Drejtori i Policisë së Vlorës u transferua në Tiranë në Akademinë e Sigurisë. Gentjan Shehaj ishte emëruar në krye të Policisë së Vlorës në vitit 2017, ndërsa vendin e tij e zuri Artion Duka. Ai ka qenë, shef i komisariatit nr.2 në Tiranë, drejtor i Forcës së Posaçme Operacionale dhe së fundmi drejtor i Policisë Berat. Duka është emër i njohur pasi në kohën e Tahirit u hetua për pajisjen përgjuese “IMSI Catcher”.

Edhe drejtori i Policisë së Fierit, Albert Nushi, pas dy vitesh në këtë post u transferua nga detyra, duke u komanduar nëndrejtor për Rendin në Policinë e qytetit të Elbasanit. Drejtimin e Policisë së Fierit e mori, Andon Duka, i cili mbante postin e zv.drejtorit të policisë në këtë qark.

Emrat e tjerë që mendohet se do rikthehen në poste drejtuese në Polici janë Edmond Rizaj, i cili ka qenë ish-drejtor i Krimit të Organizuar por dhe Ilia Nase, ish-kreu i Rendit në Drejtorinë e Përgjithshme./a2

Kryetari i opozitës, Lulzim Basha e ka nisur ditën në qytetin e Elbasanit ku ka uruar festën e Ditës së Verës.

Në një mesazh në Facebook, Basha shkruan se sëbashku më qytetarët do të mund të sjellë Pranverën Shqiptare, në mënyrë që të rinjtë të mos ikin refugjatë nga papunësia dhe pamundësia, por sipas tij ta ndërtojnë të ardhmen këtu.

“Bashkë me familjet autoktone të Elbasanit, një urim i përzemërt për shqiptarët në Ditën e Verës për më shumë mbarësi në familjet e tyre! Në këtë Ditë të Shpresës, kam besim se, duke u bërë së bashku, do t’ia dalim të sjellim Pranverën Shqiptare, që fëmijët e shqiptarëve të mos ikin refugjatë nga papunësia dhe pamundësia për të ndërtuar jetën në vendin e tyre. Të largojmë të keqen që po vret shpresën dhe të ndërtojmë, së bashku, të ardhmen më të mirë në Shqipëri”, shkruan Basha.

JUXHIN MUSTAFARAJ/ Kryetari i Partisë Demokratike, Lulzim Basha, është i bindur se zbardhja e dosjes “184”, e denoncuar prej kohësh nga opozita, do të shënonte fundin politik të Edi Ramës.

Nga Dibra, qytet ku sipas kreut të opozitës nisi edhe eksperimenti i parë i Edi Ramës me vjedhjen e votave, Basha deklaroi se në dosjen “184” janë të përfshirë disa deputetë dhe ish-ministra të PS.

“Këtu në Dibër, në shtator të 2016-s, u bë eksperimenti i parë i Edi Ramës në aleancë me krimin; këtu në Dibër, për herë të parë në dekada e shekuj, vendosi t’ju sillte në krye të vendit jo njerëz që e kanë udhëhequr Dibrën me mençurinë e fjalës, me forcën e karakterit, por vendosi t’ju sjellë në krye të vendit kriminelët, trafikantët, për të nënshtruar demokratët dhe për të poshtëruar socialistët e Dibrës.

Vëllezër dhe motra, dosja ‘184’ është fundi politik i Edi Ramës dhe bandës së tij të hajdutëve. Në këtë dosje janë kapur gafilë Edi Rama, Damian Gjiknuri, Arben Ahmetaj, Ulsi Manja, Sadri Abazi, Pjerin Ndreu, Paulin Sterkaj dhe dhjetëra hierarkë socialistë, duke bërë pazare me Ymer Lalën dhe krimin e organizuar për të blerë vota, për të shantazhuar dibranët dhe për të mbushur kutitë e votimit për të kapur me çdo kusht e me çdo çmim Bashkinë e Dibrës dhe për të bërë eksperimentin këtu në Dibër në vitin 2017 e shtrinë në gjithë Shqipërinë”, tha Basha.

Sipas kreut të PD-së, Kryeprokurorja Arta Marku po e mban të fshehur dosjen, por ai premtoi se ajo dosje nuk do të mund të mbahet e fshehur përgjithmonë dhe përgjegjësit për vjedhjen e votave do të shkojnë përpara drejtësisë. “Prokuroria kriminale e Arta Markut dhe Donika Prelës e mban të fshehur këtë dosje, por kjo dosje nuk do të fshihet përgjithmonë. Edi Rama dhe Ymer Lala kanë shumë qejf të rrinë bashkë. Kur kjo dosje të zbardhet, bashkë do të rrinë në qelitë e Burgut 313, aty ku e kanë vendin të gjithë ata që kryen krimin e të gjithë krimeve, vjedhjen e votave dhe instalimin e pushtetit kriminal”, deklaroi kreu i PD-së. Basha foli për një plan qeverisës nga PD kur të vij në pushtet.

“Kjo qeveri dhe ky kryeministër janë kapur duke vjedhur; duke vjedhur taksat e shqiptarëve, duke vjedhur lekët e xhepave tuaj, bukën e fëmijëve tuaj, për t’ia dhënë një grushti njerëzish. Nuk rriten pensionet, nuk rriten rrogat, mbyllen bizneset, nafta më e larta në Europë, energjia më e larta në Rajon dhe paratë që dali nga xhepat tuaj i ndajnë 5 hajdutë me Edi Ramën dhe një grusht kriminelësh.Ne do të marrim masa të menjëhershme për të ndalur këtë krizë. Ne menjëherë do të heqim taksën “Rama” për naftën, 300 lekë më e lirë do të jetë nafta dhe karburanti për shqiptarët ditën e parë kur qeveria të mos jetë më peng i krimit”, tha Basha.

Analisti Fatos Lubonja, ka komentuar situatën politike të vendit dhe opozitën e re në parlament, që vjen nga radhët e PD dhe LSI.

Në një intervistë me skype, për News24, nga Italia Lubonja u shpreh se, sipas tij, ata po përdoren si instrumente.

“Vetë fakti që këta njerëz shkojnë andej-këtej sipas interesit të tyre dhe jo sipas një principi që i ka udhëhequr është treguesi i kësaj situate ku jemi. Ata i përdorin si instrumente dhe e pranojnë dhe kaq ju mjafton. Kur blen një deputet, ke blerë një popull që ai përfaqëson. E ke parë si isntrument për qëllimet e tua dhe një popull që ai përfaqëson.

Ai deputeti shikon atë që i ka dhënë votën si mjet për të bërë para. Është thelbi i gjësë që duhet të ndryshojë kulturalisht. Konica thotë se është dheu që prodhon ato pemë, dmth ata njerëz. Me këtë instrumentalizim që ka bërë kryeministri, protestat janë shumë pak. Secili duhet të shkojë tek protestat që janë”, deklaroi Lubonja.

Lidhur me përfshirjen e tij të mundshme në politikë, analisti i njohur tha se është e pamundur të bëhen dy gjëra, politikani dhe intelektuali.

“Unë nuk është se nuk jam përfshirë në politikë. Në 97 kam qenë në krye të një lëvizjeje. Nuk është kollaj të bësh dhe politikanin dhe intelektualin. Politikani kërkon votën, ndërsa intelektuali duhet të kërkojë të vërtetën.

Politikani për të marrë votat i duhet të bëjë koalicion dhe me gjëra që nuk ndan vizionin. janë dy punë të ndryshme që nuk mund t’i bëjë dot një njeri. Aq më tepër kur zhgënjehesh nga ky lloj politikani. Megjithatë secili duhet të bëjë mirë punën e tij them unë”, deklaroi Lubonja.

Rifillimi i punimeve për ndërtimin e projekti ‘Veliera’ në Durrës u krye pa monitorim arkeologjik, duke sjellë shkatërrimin e pjesshëm të ndërtesës së periudhës osmane, që u përdor një shekull më parë si konak për Princ Vidin.

Mjetet e rënda u rishfaqën gjatë fundjavës dhe gërmimet e ekskavatorit kthyen në një pirg gurësh, një pjesë të mureve të bastionit fortifikues të shek. XVII dhe ngrehinës së periudhës osmane, që u ripërdor më shumë se një shekull më parë si konaku i Princ Vidit – i cili për 6 muaj në vitin 1914 u ngrit në fron si mbret i shqiptarëve.

Thyerja e mureve të bastionit nxori në dritë objekte të reja arkeologjike, si kapitele, një bazament altari dhe objekte monumentale prej mermeri, një pjesë e të cilave datojnë sipas arkeologëve që në periudhën romake.

Rifillimi i punimeve për të ashtuquajturin projekti ‘Veliera’ – një mamuth betoni në hyrje të qytetit bregdetar, i shtrirë mbi një zonë arkeologjike të kategorisë “A” me shtresëzime që shkojnë deri në antikitetin e vonë, erdhi pas një vendimi të Gjykatës Administrative të Apelit.

Sipas ligjit për Trashëgiminë Kulturore dhe rregullores së administrimit të zonës arkeologjike A dhe B, punimet që kryhen në qytetin e Durrësit duhen monitoruar nga arkeologët – nëpërmjet një marrëveshje trepalëshe që lidhet midis investitorit, kompanisë zbatuese të punimeve dhe Këshillit Kombëtar të Arkeologjisë.

Megjithatë, të dhënat e siguruara nga BIRN tregojnë se pas rifillimit të punimeve me bekimin e gjykatës, një marrëveshje e tillë nuk ekziston. Ndërkohë, Drejtoria Kulturës Kombëtare Durrës vetëm të hënën ka nxjerrë një urdhër për mbikëqyrjen e punës së kompanisë kontraktore “Everest’ Sh.a.

“Ditën e djeshme kemi nxjerrë një urdhër për monitorimin e punimeve që po kryhen. Megjithatë edhe në ditët e kaluara, punimet janë monitoruar nga arkeologët,” tha për BIRN Alban Ramohitaj, drejtor i Drejtorisë Rajonale të Kulturës Kombëtare Durrës.

Lidhur me shembjen e një pjese të mureve, Ramohitaj u shpreh se këto janë “detaje teknike” dhe nuk mund t’i konstatojë, duke lënë të kuptohet se nuk do të nisë verifikim për konstatimin e dëmtimeve, sipas detyrimeve ligjore të DRKK-së.

Një zëdhënës i bashkisë Durrës i tha BIRN se punimet që po kryhen këto ditë janë në zbatim të projektit të ndryshuar të ‘Velierës’, i cili i ruan zbulimet arkeologjike dhe se ato vijnë pas vendimit të Gjykatës Administrative të Apelit, e cila nga ana e saj nuk specifikon asgjë për mënyrën se si do të veprohet me gjetjet arkeologjike.

Ndërkohë, administratori i kompanisë ‘Everest’, Sokol Çupi i tha BIRN nëpërmjet telefonit se kompania nuk kishte marrëveshje me autoritetet për monitorim arkeologjik të punimeve, ndërkohë që pranoi se një pjesë e mureve ishin dëmtuar.

“Ajo pjesa që është prishur, është e detyrueshme për shkak të konstruksionit,” tha Çupi. “Nuk bëhet ndërtimi pa atë ndërhyrje,” shtoi ai.

Beteja ligjore

Projekti ‘Veliera’ është një investim i bashkisë së Durrësit, i mbështetur nga qeveria shqiptare, për të ndërtuar një shesh të ri përballë kullës veneciane dhe hyrjes së portit të Durrësit, me sipërfaqe 12 mijë metra katrorë dhe një kosto prej më shumë se 4 milionë euro.

E projektuar nga arkitekti italian Marco Casamonti, projekti përfshin ndërtimin e një mbikalimi këmbësorësh prej betoni që lidh sheshin përpara hyrjes së portit me rrugën ‘Tregtare’.  Sheshi i përftuar nga mbikalimi prej 12 mijë metrash katrorë do të mbulohet nga një tendë e madhe guri me sipërfaqe 60 me 40 metra, e mbështetur mbi katër pika dhe sipërfaqe 2 mijë metra katrorë.

Gërmimet për zbatimin e projektit nxorrën në dritë objekte arkeologjike që datojnë që nga periudha qytetare ilire dhe gjurmët e një bastioni osman, ku më vonë u ngrit konaku i Princ Vidit. Dy muaj pas nisjes së projektit në fillim të vitit 2017, Bashkia e Durrësit nënshkroi një kontratë për monitorimin e punimeve nga Instituti i Arkeologjisë dhe Agjencinë e Shërbimit Arkeologjik, ndërkohë që shumica e punimeve nëntokësore kishin përfunduar.

Zbulimet arkeologjike nga gërmimet e projektit ‘Veliera’ ngritën dilema mbi të ardhmen e mbikalimit prej betoni – me bashkinë që nga njëra anë kërkonte vazhdimin e ndërtimin duke e modifikuar projektin dhe shoqërinë civile, e cila protestonte për braktisjen e ndërtimeve dhe ruajtjen në tërësi të rrënojave arkeologjike të zbuluara.

Ky debat ishte në mënyrë të veçantë i ndjeshëm për qytetin e Durrësit, trashëgimia arkeologjike e të cilit është dëmtuar rëndë nga ndërtimet pa kriter dhe në kundërshtim të ligjit gjatë dy dekadave të fundit. Pasi nuk u gjet një gjuhë e përbashkët, konflikti midis shoqërisë civile dhe bashkisë u transferua në gjykatë.

Në shkurt 2018, Gjykata Administrative Durrës vendosi ndalimin e punimeve në zonën arkeologjike “A”, duke i shpallur rrënojat brenda këtij territori si të ‘pacënueshme”. Gjykata rrëzoi  nga ana tjetër padinë e shoqërisë civile për bllokim tërësor të projektit, me argumentin se paditësi “nuk u mbështet në një koncept të qartë rreth asaj se çfarë përbën projekt”. Gjykata shpalli moskompetencë për disa pika të padisë, përfshirë akuzat për “falsifikim dokumentesh” dhe moszbatim të vendimit të gjykatës.

Ky vendim nuk kënaqi asnjë nga palët. Bashkia e Durrësit pretendonte se tashmë i kishte marrë masat për të ruajtur objektet arkeologjike përmes një projekti të ndryshuar. Ajo njoftoi se do ta apelonte vendimin e Gjykatës Administrative Durrës.  Apelim vendimi bëri edhe Menvgroup – organizata e shoqërisë civile që bëri padinë, duke pretenduar se pezullimi i punimeve në zonën “A” ishte i pamjaftueshëm.

Një vit më vonë më 23 shkurt, Gjykata Administrative e Apelit vendosi në dhomë këshillimi t’i hapë rrugën përfundimit të projektit “Veliera”, duke pushuar gjykimin e çështjes dhe duke prishur vendimin e Gjykatës Administrative Durrës.

Dispozitivi i vendimit të Apelit lë të kuptohet se ndryshe nga gjykata e Shkallës së Parë, ajo ka lejuar edhe ndërtimin në zonën arkeologjike “A”, gjë që u kontestua fort prej aktivistëve të shoqërisë civile.

Zbulimet e reja

Pas vendimit të Gjykatës Administrative të Apelit, mjetet e rënda dhe punëtorët e kompanisë ‘Everest’ u rikthyen gjatë fundjavës në kantierin e lënë përgjysmë pranë portit të Durrësit për të rifilluar punimet.

Këto punime rifilluan pa një marrëveshje për monitorimin e punimeve nga arkeologët midis bashkisë Durrës, kompanisë ‘Everest’ dhe Këshillit Kombëtar të Arkeologjisë.

Sipas arkeologut Fatos Tartari, monitorimi arkeologjik i punimeve që po kryhen si pjesë së ndërtimit të projektit ‘Veliera’ është shumë i rëndësishëm.

“Dikur pa monitorimin e arkeologëve nuk bëhej asnjë gërmim në Durrës, ndërsa sot specialistët as nuk pyeten dhe as nuk i merret mendimi fare,” tha ai.

Në raportin e hartuar nga Instituti i Arkeologjisë dhe DRKK Durrës, në lidhje me zbulimet e evidentuara gjatë gërmimeve të projektit shkruhet se në këtë zonë ruhen gjurmë të fortifikimeve të periudhave të ndryshme kohore, të përbëra nga disa struktura, si: bastioni juglindor, torra veneciane, si dhe të tjera pjesë të fortifikimeve.

Punimet me mjete të rënda të kompanisë zbatuese gjatë fundjavës, kanë nxjerrë në dritë disa objekte të reja arkeologjike, të panjohura më parë në raportet e hartuara për projektin ‘Veliera.’

Nga konsultimi që BIRN bëri me arkeologë në Durrës, rezulton se nga vëzhgimi paraprak bëhet fjalë për një kapitel dhe një kornizë altari, që mund të ketë qenë pjesë e një varri, ku janë përdorur edhe dimensione floreale. Mbishkrimet romake nisin me formulën DMS (Dis Manibus Sacrum), që është përdorur deri në shek. III të Erës Sonë.

Sipas shpjegimit të specialistëve, kjo tregon ripërdorimin e objekteve të marra nga pjesë të ndryshme të qytetit, që i takojnë shekujve të ndryshëm dhe janë përdorur për ndërtimin e mureve të bastionit.

Projekti i ri i ‘Velierës’

Pas zbulimeve arkeologjike të evidentuara gjatë gërmimeve për ndërtimin e projektit ‘Veliera”, bashkia Durrës paraqiti në institucionet e kulturës një projekt të ndryshuar, si kusht për vijimin e punimeve.

Projekti i ndryshuar parashikon ndërtimin mbi zbulimet arkeologjike, duke krijuar disa dritare prej xhami për të vëzhguar rrënojat e fortifikimeve dhe një hyrje të posaçme vetëm për specialistët e monumenteve.

Miratimi i këtij projekti ka kaluar në sitën e Këshillit Kombëtar të Arkeologjisë dhe Këshillin Kombëtar të Restaurimeve, por megjithatë ai nuk parashikon ruajtjen e të gjithë fortifikimeve të zbuluara.

“Sipas projektit të ndryshuar duket se do të ruhet vetëm frëngjia nga ana lindore dhe ajo jo e plotë, duke dhënë efektin e kundërt, uljen e interesit për monumentin e përgjysmuar. Kështu publiku humbet kontaktin me monumentin dhe mundësinë e njohjes nga afër me vlerat e tij,” shpjegoi për BIRN një arkitekt durrsak, i cili kërkoi të mos identifikohet me emër.

“Zbulimet arkeologjike mund të ruheshin ndryshe, duke e lënë të dukshme të gjithë strukturën arkeologjike dhe kthinat mund të ishin kthyer në një hapësirë multifunksionale,” shtoi ai.

Projekti i ri i ‘Velierës’ hedh poshtë edhe disa prej rekomandimeve që Instituti i Arkeologjisë dhe DRKK Durrës kishin paraqitur më herët në raportin e përgatitur mbi gërmimet e bëra, për ruajtjen dhe ekspozimin e strukturave të zbuluara në sheshin e ri. Arkeologët në raport gjithashtu kanë sugjeruar edhe shpalljen monument kulture të këtyre zbulimeve arkeologjike.

BIRN

1.
11 marsi ishte Dita e Azem Hajdarit, ishte Ditëlindja e Tij e 56-të. Fatkeqësisht vet Partia Demokratike që e themeloi, kësaj here, ia mori këtë Ditë-Festën, sepse i Përgjithshmi Sekretar i saj Bardhi doli me një deklaratë politike publike të zezë. Bardhi e zbardhi dhe e nxiu vendimin e PD-së, e cila ia hoqi vajzës së Azem Hajdarit të gjitha funksionet si përfaqësuese e PD-së dhe nuk e quajti antarësi të saj (!)
M’u duk diçka si shkarkimi i Zhukovit nga Hrushovi apo si shkarkimet puçiste të Enverit…! Natyrisht,dihet, ky rasti Rudina nuk i ka këto përmasa tërmetore politike (ndër)kombëtare, po rastet ngjasojnë, përkojnë, dëshmojnë. Dje PD ishte pak Enver e pak Hrushov. Më erdhi keq, paçka se e keqja kësi rasti mbetet në anën e PD-së, në oborrin e saj, te kupola e saj politike, te lajmësi i saj publik!
E deshta me dvet: pse ia prekët shenjtërinë kësaj dite të 11 marsit të djeshëm, të Ditëlindjes së Azem Hajdarit, edhe në koft se Rudina Hajdari do të ishte vet “djalli politik” i Partisë së babës së saj lider themelues e hero i përjetshëm. A s’gjetët tjetër ditë…! A ka kalendar Partia Demokratike?! A asht 11 marsi i Ditëlindjes së Azem Hajdarit në Kalendarin e Saj?! Një parti pa kalendar të tillë të saj kah shkon, kush e merr…?! A mos, kështu e kësisoj, si në këtë rast politik, pa kalendar historik e politik, PD po e kërkon Vitin Zero të saj apo PD po shkon drejt Zero-s së saj…(!)
Një parti politike pa simbole të saj është si Tabela e Mendelejevit pa simbolet e saj. Dhe Azem Hajdari është në Tabelen e Mendelejevit të Partisë Demokratike e të Historisë Politike të Shqipërisë. Atëherit, në koft se doni me ia hjek PD-së Azem Hajdarin merreni për simbol politik Edi Ramën apo këdo tjetër, qoftë edhe Fatos Nanon e Skënder Gjinushin, qoftë dhe të tjerë ma herët e ma larg e ma të mëdhaj në histori shqiptare të komunizmit, sepse këta i keni rrugës politike, ka iu hyjnë kah dritarja, kah don me iu hy edhe kah dera. Gjithkahit. Gjithqysh. Se kur i hjek apo sulmon simbolet e tua politike të partisë tande atëherit mbetesh rimorkio apo vagon politik i tjetrit.
Ndaj po due me dvet prapë e prapë: po me Azem Hajdarin çka patët në këtë Ditë të Lindjes së Tij. A s’gjetët ditë tjetër! A veç Ditëvdekjen te ish selia e PD po doni me ia kujtue gjithnjë e gjithmonë Azem Hajdarit lider e hero?! Po Ditëlindjen e Tij a nuk po doni me ia kujtue e festue Azem Hajdarit…?! A po e shihni PS-së e dal nga mitra e përgjakur e PPSH-së se si po “i rilind” rilindasit e saj të sotëm, po don me i ba epokal, po don me ba epokë të re me ta! Po e rilind vetëveten me Nëntorët e Qershorët e saj…! Kurse ju, Bardhi i PD-së, i Përgjithshmi Sekretar i saj, e “vratë” Azem Hajdarin edhe në Ditëlindjen e Tij…! Makbethianizëm politik apo akt allashqiptarçe!
Azem Hajdari ka lindur e vdekur për të mbetur simbol i Partisë së Tij Demokratike, i Kohërave Shqiptare. Azem Hajdari nuk ka lind në Politikën Shqiptare me e prej Rudina Hajdarit, anipse është vajza e tij politikane edhe në Amerikë, edhe në Shqipëri. Azem Hajdari rilind dhe ka rilindur edhe pas çdo “vrasjeje” të tillë si e kjo e djeshmja e 11 marsit të Ditëlindjes së Tij. Dhe Azem Hajdari sa herë ta thërrasin Partia e tij, PD ka me ardhë në ballë të saj si Gjergj Elez Alia me plagë në trup, të marruna edhe nga e majta, edhe nga e djathta, edhe nga 11 marsi 2019.

2.
Ende nuk po e kuptoj se çka ishte kjo përngutje e tillë e të Përgjithshmit Sekretar të PD-së, z. Bardhi, qo doli në orët e vona të natës e lëshoi një deklaratë publike nëpër terrovinën e natës së 11 marsit 2019. Ishte vonë, tepër vonë. Ora po kalonte 9.00. Ora po vinte 10.00. Njerëzit po shkonin të flinin…Partia po rrinte zgjuar…!
Një përngutje të tillë me deklarata kaq orëvona kam pa për rastin Azem Hajdari veç atëherit kur e vranë te selia e PD-së. Ishte krim, terror, barbari. Ishte ma shumë se e domosdoshme me dalë në atë orë të natës me deklarata publike, edhe PD, edhe Liderët e saj, edhe Shteti vrastar i asaj kohe, i asaj dite të 12 shtatorit 1998.
E panë shqiptarët edhe mbramë vonë në Televizione e Rrjete Sociale një deklaratë të tillë në Ditëlindjen e Azem Hajdarit kur paskeni dalë me lshue lajmin vendimor të ekzekutimeve politike ndaj vajzës së tij, ndaj Rudina Azem Hajdarit. As unë personalisht nuk e mbështes qëndrimin e saj që del kundër Vendimit Politik të PD-së për lënien e mandatit të deputetit, po as nuk kam se si ta duartrokas deklaratën tuaj që e lëshon në mes të natës. Çka të përnguti o Bardhi që nuk prite sa të kalonte nata e zezë terrovinë me riga shiu e të dilte drita, e të binte dielli, e t’i thoshje ato që the, siç i the…Edhe une, kësisoj, do i kisha kursue do fjalë…!
Unë kam shkrue si rrallkush për Azem Hajdarin dhe kurrë në jetën e tij nuk i kam trokit në zyrë për asnjë punë timen, ndonëse hallet e asokohshme i kisha të shumta e do m’i zgjidhte pasi njihena rranjë e degë që kur ka bi lisi mbi tokë, e kena pasë lidhje të mira ndërveti të shumanshme. As Rudina Hajdarin nuk e njof nga afër, të kem ba ndonjë bisedë, të kena pi ndojë kafe apo të na nderonte në ndonjë veprimtari (edhe si kjo e fundit e 4 marsit 2019, që ishte e ftuar disa herë), po jam kanë në zonë të saj për me i ndihmue në fushatë në Laprakë, pasi aty afër banojë e kam njohje të kahershme me disa nga elektorati i saj. Kjo nuk më pengon as me folë për Rudina Hajdarin, paçka se nuk mbetem në dakordësi me vendimin e saj për “mos-djegie të mandatit të deputetit” e ndonjë tjetër lëvizje të saj, me të cilat nuk mundet t’i përngjajë Azem Hajdarit dhe nuk mund të mbetet Rudina Azem Hajdari.

3.
Kqyra historikun e “Çështjes së Rudina Hajdarit” në ditën e djeshme të 11 marsit 2019 dhe pashë në media e rrjete sociale se vendimmarrja ndaj saj ishte marrë menjëherë pas intervistës së saj te “Zëri i Amerikës”. Pak orë ma vonë. Flakëpërflakë. Gurgacim politik.
Pse më ndodh kjo? Pse me ndodh kështu? Nuk është hiç mirë, se na e kujton kohën e Viteve ’90, atëherit kur për deklarata të tilla në “Zëri i Amerikës” nga rregjimi komunist në rënie e në ikje, merrje ndëshkime të randa, edhe politike, edhe ekonomike. Atëhere ende ishte PPSH e Nëntorit 1941 dhe e Qershorit 1991. Pra, po na i kujtoni ato kohë, e ma e keqja, po veproni si në ato kohë! PD nuk duhet të sillet si PPSH, si në këtë rast që e ndëshkon deputeten Rudina Hajdari pas një interviste në “Zëri i Amerikës”. Kaq shpejt, për pak orë, pas pak orëve, nuk do tab ante dhe as nuk e bante as PPSH. Atëherit pse e batë ju,z. Bardhi? Pse ta bante PD? Pse u përngutet në këtë farë mënyre e mënxyre dhe nuk e pritët ditën e sotme të 12 marsit 2019 me dhanë të tilla deklarata me të tilla vendime ndaj Rudina Azem Hajdarit. Edhe unë i kisha kursye do fjalë. Edhe unë të pakten do kisha hesht ndaj një akti të tillë vendimor nga Ju dhe PD…
E ku tjetër të jepte intervistë Rudina Azem hajdari se sa tek “Zëri i Amerikës” apo doni të shkonte te “ERATv Live”. Ndoshta po të shkonte te ERATv Live nuk do ta kishit dhanë deklaratën në darkën e vonë e do të kishit prit lindjen e diellit…Ndoshta…! Sidoqoftë askund ma mirë se te “Zëri i Amerikës” nuk mund të jepte intervistën e saj Rudina Azem Hajdari, sepse në fillimet e Demokracisë e gjithnjë ia hapi dyert e përcolli zanin edhe Azem Hajdarit, babës së saj, po dhe Rudina Hajdari i ka krye studimet universitare në Amerikë, ka qënë diplomate e Shqipërisë në Amerikë, ka qënë punonjëse në Kongresin Amerikan, në stafin e Kongresmenit Amerikan Eliot Engëll – mik i madh i Shqiptarëve, që tashma është Kryetar i Komisionit të Politikës së Jashtme të Kongresit Amerikan.

4.
E, tjetra, z. Bardhi në deklaratën mediatike theksonit se Rudina Hajdari nuk përfaqëson ma PD-në në Parlament, nuk është deputete e PD-së, nuk është antare e Këshillit Kombëtar të PD-së, nuk është antare e PD-së. Etjerë. E ku ka “etjerë”. Kaq vendime njëherësh ishin tepri dhe në kohën e PPSH e nuk e di se çfarë kënaqësie e motivimi kanë në PD, në strukturat e saj të larta kur veprohet kështu në vendmimarrje të saj. Nuk e di a kishte kohë në ato pak orë të natës e drejt mesnatës që të mblidheshin titullarë e struktura të PD-së për një vendimmarrje të tillë ndaj Rudina Hajdarit. Sepse nuk po kuptohet qartë: Rudina po shkonte drejt një vendimi të tillë apo një vendim i tillë po shkonte drejt Rudinës.
Po mirë a kanë me i pa lanë vetvetes kohë PD si forcë politike, me i pa lanë do gjana që të ecin vet e jo me kaq përnguti nate e me kaq gabime e faje shumëfarësh…! Dihej se Rudina Hajdari ishte e “vetpërjashtuar nga Grupi Parlamentar i PD”, që kur theu vendimin për “djegien e mandateve”, po duket sikur PD e shumkush jashtë saj kërkojnë djegien e politikanes së re Rudina Azem Hajdari, që emër, atësi e mbiemër i ka me merita e lartësi ndër kohëra të historisë, aktualitetit e ardhmërisë.
Historia politike e PD-së është (ç)mësuar me historira të tilla të mandateve të deputetit të PD-së ndaj të rinjve të saj në politikë. Azem Hajdari e kishte moshën e Rudinës kur ia hoqën imunitetin e deputetit. Edhe Lulzim Basha kishte moshën e Rudinës kur ia hoqën imunitetin e deputetit. Edhe Bardhi ka moshën e Rudinës (një vit ma i ri, e një muaj ndërmjet) që del e flet për largimin e saj nga PD. Ka ardhë koha që të rinjtë e politikës të mbajnë njani-tjetrin në politikë, bajnë politikë të re, ta bajnë Shqipërinë e Re dhe jo të jenë si akrepi që e han vetveten, po të jenë Ardhmëri.

5.
E, si përmbyllje, deshta të them diçka tjetër: I Përgjithshmi Sekretar i PD-së, z. Bardhi, thotë në deklaratën e tij politike publike të natovinës së 11 marsit 2019 se Rudina Hajdari “formalisht nuk rezulton e rregjistruar si antare e Partisë Demokratike”. Gaboheni, zoti Bardhi…! Mos nxini gjithçka rreth çështjes së Rudina Hajdarit. A e di pse…?
Rudina Hajdari (me të vllanë, Kirjadin) janë në Partinë Demokratike prej 8 Dhjetorit 1990, atëhere kur ajo ishte veçse 3 vjeçe dhe Azem Hajdari e vuni jeten e tyne garant për Demokracinë Shqiptare, për Partinë Demokratike, për të ardhë dhe ju në krye të PD-së si i Përgjthshmi Sekretar i saj në vitin 2019. Askush tjetër, përveç Rudina Hajdarit e të vllaut nuk e ka përjetuar një rast të tillë, një fat të tillë, që të jenë “garantor” të Demokracisë. Dhe, po t’ua lejonte Statuti i PD-së qysh në atë Dhjetor ’90 do të ishin antarë të Partisë Demokratike.
Nuk duhet të harroni se pas ekzekutimit politik të Azem Hajdarit më 1998 do të ishte Rudina Hajdari as 12 vjeçe që do t’i shërbente Demokracisë e PD-së si e ma shumë e ma mirë edhe se disa liderë të saj, me intervistat e saj, me krijimtarinë e saj politike e poetike, me gjithçka mund të bante një vajzë në ato kushte e në ato kohë të vështira. Nëse Rudina Hajdari nuk qënka e rregjistruar antare e Partisë Demokratike, atëherit as ju nuk duhet të jeni I Përgjithshmi Sekretar i saj, z. Bardhi, se nuk duhet të lejoni që në PD të ketë të tilla raste, që i thoni tani kur iu duhet ma së shumti e për ma së keqi. Në PD nuk duhet të ndodhi që nënkryetari i PD e Kryetari i Grupit Parlamentar të PD të mos jetë antar i PD e të mos votojë në PD “Për një Antar – Një Votë”.
Rudina Hajdari e la Amerikën e erdhi të shërbente në Shqipëri, po atë nuk e kanë lanë as Amerika e as Shqipëria, as PD-ja, as Azem Hajdari, as Demokracia.

Ramiz LUSHAJ

Tiranë, 12 mars 2019

Ministri i Brendshëm Sandër Lleshaj, gjatë një takimi që zhvilloi dje me prefektët, kryetarët e Njësive Vendore dhe të Gjendjes Civile deklaroi se sot çdo shtetas shqiptar ka një adresë të vlefshme.

Sipas tij, që nga viti 2004, kur numëroheshin rreth 300 mijë shqiptarë pa një adresë të saktë, sot ky numër po shkon drejt zeros. Ndërsa u ndal edhe te regjistrimi i saktë i qytetarëve, duke veçuar ata që janë mbi 100 vjeç. Sipas Lleshajt, sot numërohen mbi një mijë persona që janë mbi këtë moshë, por ata duhet të verifikohen në terren.

“Për sa u përket personave me moshë mbi 100 vjeç për shembull, të cilët janë të përcaktuar, por që përveç se duhet të jenë të përcaktuar nga regjistri, duhet të përcaktohen dhe në terren dhe strukturat e Gjendjes Civile, në bashkëpunim edhe me të tjerë me Policinë e Shtetit dhe strukturat e tjera vendore. Duhet që të verifikojnë realisht në terren praninë e numrit të mbi 100-vjeçarëve, që sipas të dhënave është një numër impresionues, janë mbi 1 mijë veta, por duhen verifikuar realisht në terren se ku janë, kush janë, në mënyrë që të mos kemi dhe pasaktësira në këtë proces”, tha Lleshaj.

ADRESAT

Në mbledhjen e mëparshme për regjistrimin e adresave dhe listat e zgjedhësve, të zhvilluar më 21 dhjetor të vitit të kaluar, u evidentua si problematikë e madhe numri i shtetasve shqiptarë, që nuk kishin një adresë të vlefshme në regjistrin e Gjendjes Civile. Një numër, i cili vijonte që prej vitit 2004 të ishte ekstremisht i lartë, rreth 300 mijë qytetarë shqiptarë nuk kishin një adresë.

“Po flitet që nga viti 2004 deri në vitin 2018. Në datën 21 dhjetor 2018, ne jemi mbledhur këtu dhe kemi kërkuar që të gjithë drejtuesit e pushtetit vendor, zyrat përkatëse të Gjendjes civile, prefekturat, Policia e Shtetit, të gjithë aktorët të angazhoheshin në një aksion të rëndësishëm, i cili kishte për qëllim që çdo shtetasi shqiptar t’i jepte edhe një adresë bashkë me identitetin e tij, pra ta kompletonte identitetin e çdo qytetari të këtij vendi edhe më një adresë të vlefshme”, tha dje Lleshaj.

Sipas tij, ndonëse pritshëmria për të mbyllur këtë proces brenda shkurtit të këtij viti u duk e tepruar, rezultati flet ndryshe. “Ishte e mundur, u realizua objektivi i madh kombëtar, që shtetasit shqiptarë të kenë një adresë të vlefshme dhe sot rezulton një gjendje krejtësisht e re ku pothuajse nga 300 mijë shqiptarë që në dhjetor 2018 nuk kishin një adresë të regjistruar, sot ky numër ka shkuar pothuajse drejt zeros. Sigurisht drejt zeros, por jo zero për arsye se ka disa raste të shkëputura, por në nivel qarku, 4 vetë kanë mbetur në një qark, 22 në një qark tjetër, nuk po i përmend qarqet për të mos i vënë në pozitë të vështirë, 38, 90, 4, 16, 30, 2809, 55, 44. Pra, është vetëm një qark që është në këtë nivelin 2809 persona pa adresë dhe ky është në fakt ai qarku, për të cilin kam dobësinë më të madhe, Qarku i Shkodrës, por kështu është fakti dhe këtij fakti s’mund t’i fshihemi dhe shpresojmë që personat përgjegjës, kryetarët e bashkive, drejtuesit e zyrave përkatëse të Gjendjes Civile, bashkë me zyrat urbanistike, të marrin masat që këtë ta çojnë në zero përpara se ne të jemi të detyruar për të aktivizuar masa të tjera të karakterit ligjor, të cilat do të bëjnë të mundur të detyrojnë këtë punë, për arsye se kjo nuk është një çështje e vullnetarizmit të kujtdo, por është një detyrim ligjor, i cili, siç dini edhe ju, duhet të kishte mbaruar në vitin 2016, por më mirë vonë se kurrë”, u shpreh Lleshaj./panorama

Partia Demokratike ka përjashtuar nga rradhët e saj Rudina Hajdarin, e cila këtë të hënë në një intervistë për Zërin e Amerikës deklaroi se nuk do ta dorëzojë mandatin e deputetes.

Përmes një reagimi nga ana e Sekretarit të Përgjithshëm të PD-së Gazmend Bardhi, është dhënë lajmi se vajza e Azem Hajdarit është përjashtuar nga rradhët e Këshillit Kombëtar të PD-së.

Në reagimin e tij Bardhi shprehet se sakrifica e Azem Hajdarit nuk do të shkojë dëm, pasi demokratët dhe qytetarët do ta mbrojnë deri në fund lirinë dhe demokracinë e Shqipërisë.

REAGIMI:

Vendimi i Rudina Hajdarit është personal. Mandati është i demokratëve! Është e qartë se nga sot ajo nuk përfaqëson më Partinë Demokratike në Parlamentin e Krimit dhe për pasojë nuk është më as anëtare e Këshillit Kombëtar të PDSH. Kaq mjafton! Në rastin e Rudina Hajdarit, çdo vendim statutor është i panevojshëm, sepse formalisht ajo nuk rezulton e regjistruar si anëtare e Partisë Demokratike.

Azem Hajdari ka qenë, është dhe do të mbetet simbol i demokratëve dhe historisë së Partisë Demokratike. Beteja dhe amaneti i tij për liri dhe demokraci është sot më aktual se kurrë, kur Shqipëria rrezikohet nga një Qeveri ilegjitime, kriminale dhe e korruptuar. Për këtë amanet të Azem Hajdarit foli Kiri Hajdari në protestën e 5 Marsit, përkrah demokratëve që dorëzuan mandatet e deputetëve.

Sakrifica sublime e Azem Hajdarit nuk do të shkojë dëm. Demokratët dhe qytetarët janë në këmbë për të mbrojtur Lirinë dhe Demokracinë, për të mos lejuar që shqiptarët të qeverisen nga krimi. Ata kanë folur qartë më 16 Shkurt dhe do të flasin edhe më qartë më 16 Mars: Shqipëria do të bëhet si gjithë Europa. Koha e Edi Ramës ka mbaruar!/Express

JUXHIN MUSTAFARAJ/ Vendimi i deputetes së PD, Rudina Hajdari për të mos respektuar vendimin politik të demokratëve për dorëzimin e mandatit të deputetes, nuk është mirëpritur nga selia blu.

Menjëherë pas kësaj vendimmarrjeje, PD ka vendosur të heq emrin e Rudina Hajdarit si të deleguar në degën 11 në Tiranë dhe të vendos ish-deputetin Enkelejd Alibeaj.

Që nga viti 2013 kur mori mandatin e deputetes në Tiranë, Hajdari zhvillonte takime periodike me banorët e Laprakës në kryeqytet, të cilët i përkasin degës 11 të PD në Tiranë.

Në takimin e zhvilluar nga kjo degë pasditen e sotme, qëndrimet politike të demokratëve janë mbajtur nga ish-deputeti Alibeaj.

Demokrarët janë duke zhvilluar takime të përditshme në lidhje me organizimin e protestës së 16 marsit, e cila për kreun e PD, Lulzim Basha është cilësuar si një takim me historinë.

Në një intervistë për “Zërin e Amerikës”, deputetja e PD, Rudina Hajdari deklaroi se nuk dorëzoj mandatin e saj pasi vetëm në parlament beson se do të mund t’i shërbej intereave të vendit.

“Vendimi im ka të bëjë me të ardhmen e Shqipërisë dhe me ecurinë e demokracisë në vend. Unë mendoj se parlamenti i jep oksigjen demokracisë në vend, u jep oksigjen partive politike, ai është vendi ku ne përfaqësojmë sovranin. Duke marrë parasysh këtë përgjegjshmëri të lartë që unë ndjej mbi shpatulla, mendoj se qëndrimi në parlament do të ishte vendimi më i duhur dhe shërbimi më i duhur që do t’i bëja të ardhmes së Shqipërisë”, tha Hajdari.

Është dorëzuar dosja ndaj ish-ministrit Saimir Tahiri në gjykatë, ndërsa  ditën e mërkurë pritet të hidhet shorti për gjyqtarin paraprak.

Mësohet se dosja përbëhet nga 50 fashikuj dhe brenda këtyre 10 ditëve, gjykata të marrë në shqyrtim dosjen dhe të dalë me një vendim.

Më herët, avokati i Tahirit, është shprehur se do të kërkojnë pushimin e çështjes, me pretendimin se akuza nuk ka prova për akuzat e ngritura.

Kujtojmë se gjykata i kishte lënë kohë prokurorisë deri në 10 mars, afat i cili u mbyll dje.

Pas një pritjeje të gjatë, më në fund vajza e Azem Hajdarit ka bërë publik dhe zyrtar vendimin e saj për të mos ndjekur linjën e opozitës në dorëzimin e mandatit të saj si deputete.

Rudina Hajdari e ka deklaruar vendimin e saj në një intervistë për Zërin e Amerikës, duke thënë se parlamenti i jep oksigjen demokracisë së një vendi.

“Parlamenti i jep oksigjen demokracisë në vend, i jep oksigjen partive politike. Është vendi ku ne përfaqësojmë sovranin, prandaj duke marrë parasysh që kjo është një përgjegjshmëri e lartë që ndje mbi shpatulla, mendoj se qëndrimi në parlament është vendimi i duhur që i shërben të ardhmes së Shqipërisë”- tha Hajdari.

Duke u rreshtuar kësisoj në rradhët e atyre që nuk kanë pranuar rezultatin, pritet që Rudina Hajdari të përjashtohet nga PD, pikërisht atë parti që i ati ndihmoi në themelimin e vet./Express

Helidon Bendo, kreu SHISH është shprehur i shqetësuar përpara anëtarëve të Komisionit Parlamentar të Sigurisë Kombëtare, për përpjekjet për të rritur influencën ruse në Shqipëri.

Një burim i tha Top Channel se pjesë e asaj çfarë Helidon Bendo ka ndarë me deputetët ishte edhe shqetësimi për tentativat e Rusisë në rritjen e influencës në Shqipëri.

“Nga analiza e të dhënave për vitin 2018 vërejmë një rritje të tentativës nga Rusia për ta shtuar, influencën në vendin tonë” është shprehur Bendo i cili nuk ka dhënë detaje të aktorëve që po përdor Moska për rritjen e kësaj influence. Pikërisht për këtë çështje, disa prej anëtarëve të Komisionit të Sigurisë Kombëtare kanë ngulmuar duke i drejtuar një mori me pyetje.

Ata e pyetën kreun e SHISH nëse influenca ruse shkon deri në nivele të larta të politikës shqiptare. Jo, ka qenë përgjigja e Helidon Bendos, nuk kemi informacione. Ndërsa deputeti Myslym Murrizi i ka drejtuar disa pyetje në lidhje me ekzistencën e një grupi oficerësh të korruptuar, në policinë e shtetit. “Ne nuk mund të analizojmë veprime në grup por mbledhim informacion të personalizuar. Nuk na rezulton që në policinë e shtetit te ketë një grup oficerësh të korruptuar”, citohet të jetë përgjigjur Helidon Bendo.

Raporti vjetor i SHISH tashmë ndodhet mbi tavolinën e kryeministrit Rama dhe presidentit Meta.
Deputeti Xhemal Qefalia në nisje të raportimit kërkoi nëse ndonjë pjesë e raportit nuk përmbante informacion të klasifikuar, apo të dhëna bëheshin në praninë e kamerave. Këtë kërkesë të Qefaliajt e mbështeti edhe kryetarja e Komisionit Ermonela Felaj e cila theksoi se e mbështet propozimin e deputetit Qefalia. Por Helidon Bendo u shpreh se raporti ishte i klasifikuar dhe se seanca duhet të bëhej pa praninë e medias. Gjithsesi ai premtoi se një përmbledhje e raportit vjetor të SHISH do të ishte i aksesueshëm për publikun. Deri në përmbushjen e këtij premtimi mbetet e paqartë nëse trafiku drogës, krimi organizuar, influenca ruse, spiunazhi Iranit apo faktorë të tjerë, janë cenuesit më të mëdhenj të sigurisë kombëtare./ TCH

Kryetari i PD-së në Fier, Luan Baçi publikon listat e policisë për arrestimin e mbi 100 protestuesve pas protestës së mbajtur ditën e shtunë në Fier.

Baçi akuzon policinë se kërkon të arrestojë edhe qytetarë që nuk kanë qenë në protestë për t’u futur frikën të tjerëve për të frenuar pjesëmarrjen në protestën e 16 Marsit.

“Protestuesit janë me mijëra. Ku do t’i mbani? A ka vend në burgjet tuaja për të gjithë popullin?”- shprehet Luan Baçi, i cili e cilëson aksionin e policisë një hakmarrje pulitike të Edi Ramës për turpërimin që iu bë në Fier.

“I bëj thirrje Drejtorit të Përgjithshëm të Policisë, mos i terrorizoni qytetaret fierakë. Ata protestuan për më shumë punë, siguri, për varfërinë e tyre dhe arsyeja e vetme është ky Kryeministër ilegjitim”, thotë Baçi.

Sot katër familje në zonën pranë shkollës ‘Petro Nini Luarasi’, ka bllokuar rrugën kryesore pasi kundërshtojnë shembjen e banesës së tyre.

Banorët e katër familjeve që protestojnë kundër shembjes së banesës vijojë protestën në rrugën kryesore, ndërkohë nga ana tjetër ata kanë ndezur një zjarr në oborrin e bensës, duke shkaktuar një tym të madh në zonën përreth. Disa prej familjarëve qëndrojnë brenda banesës, me derën e kyçur për të ndaluar hyrjen e policisë.

Ndërsa fëmijët që jetojnë në këtë banesë janë parë të përlotur nga situata e krijuar.
Në vendngjarje kanë shkuar edhe forcat speciale Shqiponja, në përpjekje për të neutralizuar zemërimin e banorëve.

Sipas “Fjalorit të gjuhës shqipe” (Tiranë, 2006), fjala “haram” ka dy kuptime: 1. “diçka e padrejtë a e palejueshme ose e pamerituar”, 2. “njeri i prapë”. Sipas të njëjtit fjalor fjala “harem” ka vetëm një kuptim: “banesë e veçantë për gratë myslimane të sulltanit”, por ajo shënjon përmbledhtas edhe “gratë e kësaj banese”.

Nga ana tjetër, fjalori i gjuhë frënge “Le Petit Robert” (Paris, 2004), na mëson se fjala “haram” është me prejardhje arabe dhe ka kuptimin “diçka që ligji ia ndalohen dikujt, diçka e shenjtë”. Kurse lidhur me fjalën “harem”, i njëjti fjalor na mëson se kjo fjalë shënjon, së pari, “Apartamentin e grave (të një personalitet mysliman)” dhe sjell këta shembuj: “Haremi i pallatit të sulltanit” dhe “Eunukët që shërbejnë në një harem”; së dyti, sipas të njëjtit fjalor, fjala “harem” shënjon edhe “tërësinë e grave që jetojnë në harem”.

Patjetër që sidomos lexueset dhe kryesisht lexuesit e mi me kulturë, duke u nisur nga vetë titulli i këtij shkrimi, ku bie haptas në sy ngjashmëria e madhe midis dy fjalëve të tij thelbësore, mendojnë – dhe jo pa të drejtë – se duhet të ketë një lidhje midis termit “haram” dhe atij “harem”. Kjo lidhje, në fakt, del tërthorazi nga prejardhja e fjalës “haram”, të cilën e shpjegon fjalori “Le Petit Robert”, sepse, në ato vende ku haremi ekzistonte dikur apo ekziston ende sot, ligji ia ndalonte çdo mashkulli tjetër hyrjen në haremin e sulltanit, me përjashtim të eunukëve, pra, siç na e shpjegon këtë fjalë “Fjalori i gjuhës shqipe”, të atyre meshkujve të tredhur që ruanin gratë e haremit ose u siguronin atyre të gjitha shërbimet e nevojshme me përjashtim të marrëdhënieve seksuale që ishin privilegji ekskluziv i sulltanit.

Tek kaloja këto ditë te sheshi para Kuvendit tonë tragjikomik të tronditur në nga protesta popullore, sesi m’u kujtua fjala arabe “haram”, shkronjat e së cilës, me përjashtim të së parës, më lëvizën në ekranin e kujtesës për t’u rreshtuar sipas një rendi tjetër dhe unë arrita të lexoja fjalën “rama(h)”, që më solli në mendje mbiemrin e Kryeministrit tonë! Pastaj, pas disa sekondash, në ekranin e kujtesës lexova “Rama-ah”, që, në çast, u transformua në “Ah, Rama!”. E tmerrshme, besomëni, e tmerrshme qenka kur zbulon se mbiemri i Kryeministrit tonë të nderuar, por gjithnjë e më pak të adhuruar (siç e dëshmojnë protestat e përjavshme para Kuvendit), paska një lidhje të pamohueshme me fjalën e frikshme “haram”. Po, po, një lidhje të pamohueshme, sigurisht, veçse fatkeqe tashmë në kohë dhe në hapësirë, sepse realiteti i këtyre ditëve dhe i këtij vendi po vërtetojnë se Kuvendi është kthyer… është kthyer…kthyer në… në… në harem! Po, po, në harem, ngaqë atje nuk u lejohet protestuesve të hyjnë dhe as ish-deputetëve të opozitës, sidomos mbas djegies së mandateve nga shumica e tyre. Po kujt i lejohet ende? Sigurisht vetëm deputetëve të pozitës, që i rrinë sus e gatitu dhe i thonë lepe e peqe zotit Rama! Oh, seç m’u kujtuan eunukët e haremeve të Sulltanit në kohërat e hershme të pushtimit otoman të vendit tonë! Kuvendi ynë sot gjendet kryekëput nën urdhrat e zotit Kryeministër, e atij që, para disa javësh, një numër analistësh e kanë cilësuar pikërisht si sulltan, ndër të tjera! Oh, sa e hidhur, farmak e pelin na qenka e vërteta!

Gjithsesi, o lexueset dhe lexuesit e mi me kulturë, le t’i relativizojmë gjërat. Një gjë është e sigurt: midis pushtetit dhe seksualitetit ka një lidhje të pathërrmueshme që shumë psikanalistë e kanë vënë në dukje prej gati një shekulli (A nuk përmban vetë fjala “pushtet” fjalën “pusht”?). Prandaj, në fund të fundit, edhe zoti Kryeministër me deputetët e tij, edhe deputetët renegatë të opozitës që kanë kënaqësinë, privilegjin, nderin e fatin të mbyllen, duke u shkartisur midis tyre, në Kuvendin e shndërruar në harem, duhet të ndihen të lumtur e të përhumbur në (s)ekstazë taze teksa shijojnë frytet e dashurisë së tyre të pafund për pushtetin, këtë drogë të magjishme që ata pandehin se i bën organizativisht e orgazmatikisht të pavdekshëm!

Një tjetër denoncim vjen në adresë të ish-kryeministrit Sali Berisha. Bëhet fjalë për një investim të cilësuar strategjik dhe me një kosto 350 mln euro, një termocentral 500 megavatësh për të ngrohur dhe furnizuar me energji qarkun.

Por jo të paktë janë ata që mendojnë se TEC-i përbën një lajm të rëndë për Korçën, shëndetin e qytetarëve dhe të gjithë mjedisin. Referuar denoncimit te Berisha, 92% e korçarëve sipas një sondazhi online, rezulton se janë kundër ndërtimit të TEC-it. Berisha shton se kemi të bëjmë me një përbindësh që do të denatyrojë Korçën dhe që është një projekt fund e krye mafioz i bërë nga Rama e Peleshi.

STATUSI I PLOTE I BERISHËS

Ndal ndertimit te perbindeshit te Korçes!

Kundershtim i forte per ndertimin e perbindeshit qe denatyron Korçen.

Miq, fillimi i punimeve te ndertimi i nje termocentrali prej 500 megavatesh ne Korçe, projekt fund e krye mafioz shkaterrimtar per mjedisin, shendetin e qytetareve, turizmin dhe prodhimin bujqesor te Korçes ka tronditur thelle qytetaret e saj.

Keshtu, perveç intelektualve te cilet kane firmosur nje peticion kunder ndertimit te ketij perbindeshi nga Rama- Peleshi- File, ne nje sondazh on line kunder ndertimin te perbindeshit rezulton se jane 92% e korçareve.

Po shtoj ketu se procesi i ndertimit eshte tipik mafioz. Perveçse ne shkelje te ligjeve te vendit dhe konventave nderkombetare gjithçka eshte bere fshehtas dhe pa u konsultuar gjeresisht popullata por mbahet per qellime mafioze fshehur edhe investitori, supervizori, çka deshmon se kjo eshte nje afere e madhe e piste e narko qeverise Rama.

Shpreh solidaritetin tim te plote me intelektualet dhe qytetaret e Korçes, qendrimit te tyre kunder perbindeshit e do denatyroje Korçen, shendetin e banoreve te saj, bukurite e saj mahnitese, prodhimet e saj te mrekullueshme, turizmin dhe mjedisin e saj te paster. Sb

Po cilësohet si “rruga që nuk po përfundon kurrë”. Ka një dekadë nga koha e fillimit të punimeve.

Por ndërsa aty prapë po punohet, në hyrje të tunelit kanë nisur çedimet e para.

Gunga të vogla gati të papërfillshme po shfaqen në asfalt. Por në një të ardhme jo të largët ato mund të kthehen në rrezik serioz për udhëtarët.

Historia e rrugës Elbasan-Tiranë është e gjatë. Punimet nisën në vitin 2011 në kohën e qeverisë Berisha.

Sipas projektit rruga u nda në tre lote: segmenti 1 Tiranë – hyrje e Tunelit të Krrabës, segmenti 2 Tuneli i Krrabës, segmenti 3 dalje e Tunelit – Elbasan.

Por ndërsa 2 segmentet e fundit përfunduan, segmenti nga rreth rrotullimi i TEG-ut deri në hyrje të tunelit nuk është gati.

Në 6 vitet e fundit ka pasur mjet zhvillimi për këtë segment. Rrëshqitja në fshatin Ibë duket se u bë pengesë kryesore, por edhe mungesa e fondeve.

Janë vendosur disa herë afate për përfundimin e tij, dhe në asnjërin prej tyre projekti nuk u finalizua.

Në Pranverën e vitit të kaluar, në mbledhjen e qeverisë së zhvilluar në Elbasan, Kryeministri Edi rama deklaroi se rruga do të përfundojë në dhjetor të vitit të kaluar, ndryshe ministri Damian Gjiknuri do largohej nga posti. Në fakt ai sot nuk eshte me ministër.

Më 22 janar të këtij viti, segmenti u inspektua sërish nga Kryeministri, i cili deklaroi se në mars të këtij viti do të hapet një nga korsitë. Ndërsa në maj do të përfundojë krejtësisht rruga.

Nga një inspektim i kryer në terren rezulton se njëra nga korsitë është drejt përfundimit dhe po punohet me sinjalistikën. Ndërsa në tjetrën nuk është hedhur asnjë shtresë asfalt, ndonëse në maj duhet të përfundojë.

Për afatet e përfundimit të punimeve askush nuk u prononcua, ndonëse ishte parashikuar që rruga të hapej për Ditën e Verës.

Një nga punonjësit e firmës u shpreh jashtë kamerave se firma nuk ka marrë ende lekët për punimet ndaj nuk pritet që ta dorëzojë rrugën më 14 mars. Dhe kështu odiseja e rrugës që kurrë nuk përfundon, ende vazhdon./abcnews

Ministrja e Shtetit për Marëdhëniet me Parlamentin, Elisa Spiropali, e qenë prezente në emisionin “Mbrëmje,” në TV “ABC News”, teksa mbronte kryeministrin Edi Rama, nga komentet e bëra gjatë daljes së tij në emisionin e Bruno Vespës “Porta a Porta”, bëri një gafë të radhës.

Spiropali i krahasoi komentuesit kundër Ramës me personazhin e famshëm Don Kishoti i Mançës të autorit Migel Servantes.

Mirëpo, Spiropali e cilësoi Don Kishotin si një personazh të rëndësishëm të letërsisë shqipe, ndërkohë që edhe nxenësit e shkollave fillore e dinë që ai është një personazh i letërsisë spanjolle.

“Call centerat dhe ata që sulmuan Ramën në “Porta a Porta” janë si Don Kishoti. Megjithse Don Kishoti është personazh i rëndësishëm i letërsisë shqiptare”,- u shpreh Spiropali

Kreu i PD Luzlim Basha është pyetur për vizitën e Ramës në Itali si dhe intervistat e tij për mediat italiane. Gjatë një lidhje telefonike për emisionin ‘Të Paekspozuarit’ në Neës24, Lulzim Basha tha se Rama është në grahmat e fundit dhe duhet shembur sistemi jo vetëm largimi Ramës.

“Unë nuk merrem më me Ramën, se ai është përfaqësues i një sistemi të shembur. Ai mund të bredhë si Arafati dhe asnjë se pret. Qoka mund të bëjë me lekët e shqiptarëve, por këto janë grahmat e fundit të tij. Ajo që duhet të merremi tani nuk është aksioni qytetar deri në zhbërjen de fakto të asamblesë së krimit, por ajo që e duhet të merrmi është ajo pas kësaj. Është në sistem që duhet shembur. Unë bashkë em opzitën dhe qytetaret ti japim jetë një projekti të ti ri. Një person nuk duhet të ketë pushtet të pakufizuar. Duhet një parlament që të garantojë transparencën. Jo thjesht largimin e Ramës, por shembja e këtij sistemi. Ne duhet t’i japi fund këtij tranzicioni 30-vjecar”- tha Basha.

Ju u shfaqët me Bruno Vespën vetëm 1 minutë e gjysmë?

Më thanë që do më jepnin 3 minuta e gjysmë, por nuk e di çfarë ndodhi. Bëra një gabim. Nuk e di çfarë ndodhi më pas. Këto janë pleshtat e fundit të qenit që ka ngordhur.

Gjatë vizitës së tij në Britaninë e Madhe, Presidenti i Republikës Ilir Meta vlerësoi Lord George Robertson me Dekoratën e lartë “Gjergj Kastrioti Skënderbeu”, me motivacionin: “Në mirënjohje të thellë për angazhimin e çmuar në forcimin e marrëdhënieve ndërmjet Republikës së Shqipërisë dhe Mbretërisë së Bashkuar, si dhe për kontributin e spikatur në integrimin e Shqipërisë në Aleancën Trans-Atlantike”.

Në një audiencë të veçantë, ku merrnin pjesë personalitete të larta britanike, Presidenti Meta, e cilësoi Lordin George Robertson si një nga personalitetet më të spikatura të politikës ndërkombëtare të kohës, por dhe si një nga miqtë më të mirë të Shqipërisë dhe rajonit.

Në fjalën e Tij, Kreu i Shtetit theksoi se emri i Lord Robertson është i gdhendur në kujtesën e mbarë shqiptarëve, për kontributin historik si Ministër i Mbrojtjes së Britanisë se Madhe dhe si Sekretari i Përgjithshëm i NATO-s, në dhënien fund të gjenocidit të Millosheviçit në Kosovë, si dhe forcimin e paqes dhe sigurisë në Ballkan.

Po ashtu, Presidenti Meta shprehu edhe një herë mirënjohjen e thellë të shqiptarëve ndaj Lordit Robertson për mbështetjen e vendosur per zgjerimin e NATO-s në rajonin tonë dhe për integrimin e Shqipërisë në këtë Aleancë.

Lordi Robertson, pasi i shprehu Presidentit Meta falenderimet për këtë vlerësim të lartë, nënvizoi se është shumë krenar që kishte patur fatin të kontribuonte në vendosjen e paqes në rajonin e Ballkanit Perëndimor, si dhe përsëriti bindjen se për çlirimin e Kosovës, Aleanca kishte bërë, jo vetëm gjënë e duhur, por të vetmen gjë që duhej bërë në atë periudhë.

Lordi Robertson shprehu gjithashtu kënaqësinë për progresin e Shqipërisë, Kosovës, Maqedonisë së Veriut dhe gjithë rajonit drejt integrimin Euro-Atlantik që konfirmon vendimet e drejta historike që u morën dy dekada më parë.

Fjala e Presidentit të Republikës së Shqipërisë, Sh.T.Z. Ilir Meta, me rastin e dekorimit të Lordit Robertson, me Dekoratën “Gjergj Kastrioti Skënderbeu”:

I dashur Lordi Robertson dhe anëtarë të familjes suaj dhe miq! 

Të nderuar të ftuar!

Jemi mbledhur këtu për të nderuar një mik shumë të veçantë, Lordin e Nderuar George Robertson.

Teksa kanë kaluar 19 vite që nga 19 shkurti i vitit 2000, ndihem i kënaqur që jam këtu, në këtë rast e veprimtari, që më jep mundësinë të takohem sërish me njërin nga protagonistët më të shquar të politikës ndërkombëtare të kohës së tij.

Emri i Lordit Robertson është gdhendur në kujtesën e përbashkët të të gjithë shqiptarëve, për rolin që luajti gjatë një kohe të vështirë e sfiduese për kombin tonë, dhe me të vërtetë, e tillë ishte ajo periudhë e këtij fillim-shekulli për mbarë Ballkanin në përgjithësi.

Në cilësinë e tij si Sekretar i Përgjithshëm i NATO-s, Lordi i nderuar ka luajtur një rol vendimtar, sidomos në Kosovë, duke ndihmuar për dhënien fund të gjenocidit dhe spastrimit etnik të udhëhequr nga Millosheviçi.

Vendosmëria e tij për t’i dhënë fund konfliktit siguroi në Kosovë, bëri të mundur që Aleanca e Atlantikut Verior të mos tërhiqej deri në rivendosjen e paqes në të gjithë Ballkanin.

Si i tillë, Lordi Robertson ka bërë përpjekje të jashtëzakonshme për qëndrueshmërinë dhe sigurinë në një rajon, i cili shpesh dhe për një kohë fort të gjatë ka qenë i trazuar e ka vuajtur nga konfliktet dhe tensionet.

Dëshiroj të nënvizoj rolin e tij kyç për rivendosjen e paqes në Maqedoninë e asaj kohë, që përfundoi me Marrëveshjen e Ohrit në vitin 2001, i një nga arritjet e tij.

Kam pasur nderin dhe privilegjin të punoj me Lordin Robertson, në cilësinë e Kryeministrit të Shqipërisë dhe më vonë, si Ministër i Jashtëm, duke hedhur kështu themelet e përparimit të Shqipërisë drejt anëtarësimit në NATO dhe përgjatë procesit të saj të integrimit europian.

Pothuajse dy dekada më vonë, Shqipëria ka shënuar përparime madhore dhe për më shumë se prej dhjetë vitesh është anëtare e NATO-s.

Në të njëjtën kohë, angazhimi i vazhdueshëm i Lordit Robertson për një rajon gjithëpërfshirës dhe bashkëpunues, që vazhdimisht përpiqet të përparojë drejt Bashkimit Europian, ka qenë një mbështetje e madhe për Shqipërinë.

Për më tepër, angazhimi i tij ndaj vendit tonë ka ndihmuar në forcimin e mëtejshëm të marrëdhënieve mes Shqipërisë dhe Mbretërisë së Bashkuar.

Kështu që, po e shfrytëzoj këtë mundësi për të shprehur edhe një herë mirënjohjen tonë të thellë për ju, Lordi Xhorxh Robertson, për mbështetjen tuaj të pafund për rajonin si dhe për të gjithë shqiptarët në përgjithësi, gjatë përpjekjeve të tyre për liri, drejt anëtarësimit në NATO dhe në Bashkimit Europian.

Është interesante koinçidenca që Heroi ynë Kombëtar, Gjergj Kastrioti, quhej gjithashtu “Gjergj / George” dhe, po ashtu, ai shërbeu si një mburojë e Europës përkundrejt Perandorisë Otomane, siç bëri edhe Lordi Xhorxh Robertson 20 vite më parë, duke mbrojtur shqiptarët nga padrejtësitë, gjenocidi dhe spastrimi etnik.

I dashur Lordi Robertson,

Për shkak të politikës suaj të zgjerimit të NATO-s, dy dekada më vonë, rajoni ynë është më i sigurt dhe pjesë e NATO-s sot.

Ne vazhdojmë të mbështetemi në mençurinë dhe përkrahjen tuaj, duke ju konsideruar një mik shumë të vyer.

Ju faleminderit të gjithëve!

Gazetarja britanike Alice Taylor që rrezikon që të largohet nga Shqipëria për shkak se i është mohuar leja e qëndrimit në vendin tonë përgjigjet veçanërisht për pretendimet nëse ajo është një agjente ruse.

Alice tregon se nuk ka asgjë të vërtetë në këtë histori, dhe as bashkëshorti i saj nuk është truproja e Lulzim Bashës, ashtu si kanë pretenduar mediat e majta, që prej një jave e kanë sulmuar.

Vendimi për të mos i rinovuar lejen e qëndrimit ende nuk i është dhënë me shkrim Alice, dhe zyra e emigracionit është mjaftuar me togfjalëshin se ishte një urdhër nga lart.

Pse vendosët që të vinit dhe të jetonit në Shqipëri

Unë kam një xhaxha Eduard Lire, që e vizitoi Shqipërinë rreth 150 vite më parë. Kam ardhur në Tiranë në Tetorin e 2017-tës, kam gjetur dhe dashurinë e jetës dhe jam në pritje të një fëmije shqiptarë.

Ju keni bërë shkrime promovuese në blogun tuaj po keni qenë edhe kritike, cilat kanë qenë reagime ndaj jush?

Në blogun tim Balkanista unë kam bërë mjaft shkrime promovuese për Shqipërinë dhe nuk paguhem për këtë, është një blog që ka rreth 20 mijë klikime në ditë. Ky blog është përgëzuar dhe nga ana e kryeministrit Edi Rama dhe kryebashkiakut Erion Veliaj. Para disa ditësh ndërkohë që po ndodhnin protesta unë pata një prononcim për Russia Today, njësoj si koleg i The Guardian, unë nuk dhashë një opinion timin personal, citova mediat ndërkombëtare.

Të nesërmen e gjej veten të përmendur në fake newse nga shumë media që janë të lidhura me pushtetin, Aty përshkruhesha si agjente ruse, që synoja që të destabilizoja rendin dhe qetësinë në vend. U sulmua dhe bashkëshorti im, si dhe stafi i medias ku unë punoj exit.al. Ne kemi marrë të gjitha hapat ligjore, pasi të pushtetin e tyre nuk mund të lejojmë që të sulmohemi në mënyrë të padrejtë. Ata mund të merren me deklarimet e mija dhe jo me familjen dhe me bashkëshortin tim

Cila është marrëdhënia juaj me median Russia Today?

Më pëlqeu pyetja juaj, faqja Balkanista merr shumë mesazhe çdo ditë, edhe Russia Today më kontaktoi përmes blogut. Nuk do ishte normale që ne të kishim të njëjtat mendime dhe qëndrime

Në mënyrë të përmbledhur çfarë thatë ju për Russia Today?

Unë thjesht raportova pë protestën e opozitës, për djegien e mandateve, për faktet e publikuara nga Zëri i Amërkës, pra nuk përmenda asnjë opinion timin

A ndihet e paragjykuar Alice për sulmet ndaj bashkëshortit të saj?

Në fakt bashkëshorti im ka të drejtë të marr pjesë në protesta, nuk mendoj se është e drejtë që kjo të përdoret për të na sulmuar ne. Unë nuk votoj në këtë vend, ai është 1.93 centimetra i gjatë, dhe dallon në çdo protestë, po kjo nuk përbën arsye për ta quajtur atë që është bodygard i Lulzim Bashës

Kur e mësove lajmin për refuzimin e qendrimit në Shqipëri?

Unë kisha aplikuar për të qëndruar në Shqipëri para se të prononcohesha për Russia Today. Mua mu tha që do të merrja lejen e qëndrimit për dy javë, pasi plotësova të gjithë dokumentet. Mora kërcënime jo vetëm nga mediat por edhe nga qytetarët në rrugë dhe në forma të tjera, pasi fola per median ne fjale. Në zyrën e emigrimit na thuhet se dikush në një nivel më të lartë se drejtori kishte vendosur që leja e qëndrimit për të të anulohej.

Bashkëshorti im dhe unë kemi kërkuar që të kemi një vendim të zbardhur me shkrim se pse nuk na është dhënë leja e qëndrimit. Pas këmbënguljes që kemi bërë na është thënë se sot në orën 11:00 do të njihemi me vendimin. Unë nuk do të dorëzohem, nuk më duket e drejtë që vetëm se I teket dikujt atje lart, unë të stëmundohem në gjendjen shëndetësore në të cilën jam për të bërë të gjitha procedurat nga e para. Ndërkohë që unë kam shërbyer për këtë vend, kam marrë pjesë në shumë nisma për të ndihmuar gratë e dhunuara.

A ka Alice kontakte të dyshimta me qytetarë rusë?

Jo nuk ka asgjë të vërtetë në ato që thuhen. Unë nuk do të largohem nga Shqipëria, do vazhdoj të shkruaj për këtë vend. Unë nuk besoj se aktet e atyre pak njerëzve që kanë pushtet përfaqësojnë qytetarët shqiptarë.

Në total, thotë Eurostat, në vitin 2017 rreth 825 000 persona morën nënshtetësi në një shtet anëtar të Bashkimit Europian, në rënie nga 995 000 në 2016 dhe 841 000 në 2015, shkruan “monitor”.

Nga numri i përgjithshëm i personave që kanë shtetësinë e një prej Shteteve Anëtare të BE-së në vitin 2017, 17% ishin ish-shtetas të një shteti tjetër anëtar të BE-së, ndërsa shumica ishin qytetarë jo-shtetas të BE-së ose persona pa shtetësi.

Pas Shqipërisë dhe Marokut në vend të tretë ishte India (31,600, mbi 53% e fituar shtetësinë britanike), Turqia (29,900, mbi 50% fituan shtetësinë gjermane), Rumania (25,000, 32% fituan shtetësinë italiane), Pakistani 100, 45% fituan shtetësinë e Mbretërisë së Bashkuar), Poloni (22,000, 63% kanë fituar shtetësinë e Mbretërisë së Bashkuar ose Gjermani) dhe Brazili (21,600, 74% kanë fituar nënshtetësinë e Italisë ose Portugalisë).

Marokenët, shqiptarët, indianët, turqit, rumunët, pakistanezët, polakët dhe brazilianët përbënin së bashku (34%) të numrit total të personave që morën shtetësi të një vendi të BE-së në 2017. Rumunët (25 000 persona), polakët (22 000) dhe britanikët (15 000) ishin tre grupet më të mëdha të qytetarëve të BE-së që morën shtetësi të një shteti tjetër të BE-së.

Një lajm i publikuar në media për ndalimin e dypunësimit të mjekëve dhe infermierëve me ndryshimet në ligjin nr.10107, datë 30.3.2009, “Për kujdesin shëndetësor në Republikën e Shqipërisë”, ka sjellë reagimin e Ministrisë së Shëndetësisë.

Ministria e Shëndetësisë dhe Mbrojtjes Sociale sqaron se një nga nenet e propozuara në ligjin e ri të kujdesit shëndetësor nuk ka të bëjë me ndalimin e dypunësimit të mjekëve, por me ndalimin e ushtrimit të dy profesioneve të ndryshme.

“Ndryshimi i propozuar lidhet me faktin se, kur një profesionist shëndetësor ka dy profesione, psh. stomatolog dhe farmacist, pra ka dy diploma, ai duhet të zgjedhë cilin profesion do të ushtrojë dhe ndërkohë duhet të pezullojë licensën tjetër” thuhet në deklaratë.

Ministria thotë se ndryshimi i propozuar është në përgjigje të shqetësimit të ardhur nga urdhrat profesionistë, pasi ushtrimi njëkohësisht i dy profesioneve shpesh ishte fiktiv.

Sovrani ka vëndosur për Republikën e lirisë.

Korifejtë e Rilindjes Kombëtare dhe Etërit e Pavarwsisë së Shqipërisë dhanë gjithçka për Atdheun. De Rada, Jubani, Pashko Vasa, Imer Prizreni, Iliaz Pashë Dibra, Ismail Qemali, Hasan Prishtina, Isa Boletini, Murat Toptani, Dom Nikoll Kaçorri, Luigj Gurakuqi, Bajram Curri, Mihal Grameno, Femi Zavalani, Ndre Mjeda, Ahmet Zogu etj ja blatuan Atdheut jo vetëm mendjen e ndritur e jetën e tyre por dhe familjen dhe pasurinë.
Shtrohet pyetja?! Çfarë i ka dhanë në këto 6 vite Rama dhe “Rilindja” e tij Shqipërisë?
Një imazh të zi e të pashembullt në historinë e saj.
Një sulltanat banditesk.
Një aleancë mes Qeverisë dhe kumbarëve të krimit.
Një Republikë narko-trafiku “Made in Kolumbia” në mes të Europës.
Një Qeveri kuislinge, oligarkike e konçensionare që ka nxjerrë në treguan ndërkombëtarë për ti shitur për 30 aspra pasuritë kombtare, lirinë dhe dinjitetin e Atdheut, idealin europian, trojet amtare shqiptare, me qëllim për ta shpallur Shqipërinë Sulltanat të tij.
Edi Rama është i vetmi Kryeministër në Historinë e Europës që guxoi ta sulmonte opozitën dhe popullin e vet me lendë helmuese luftarake.
Këtë krim kundër njerëzimit i cili nuk parashkruhet nuk ka guxuar ta bajë as trioja e diktatorëve Hitler-Stalin-Musolin.
Në këtë shekull e kanë bërë vetëm Sadami me Ali Kimikun, Gadafi me policinë sekrete dhe Bashar Al-Assadi i Sirisë i dirigjuar nga Car Putini.
Gazi helmues i Ramës i dhuruar nga Vuçiçi i hedhur para protestuesve para Parlamentit, para xhamisë, përpara godinës simbol të përsekutuerve politik, përballë Komunitetit Mysliman Shqiptar është akti më i shemtuar që ka guxuar të bëjë një Kryeministër.
Nesër policia talebane e Lleshit e cila na kujton Makbethin, do të jetë aty ku u hodh gazi helmues në mbrojtje të Parlamentit të krimit.
Ata do të kenë përballë uraganin e shqiptarëve të cilët janë të vendosur ti dëbojnë bastardët, hajdutet dhe kriminelët nga godina e Parlamentit dhe ta shndërrojnë atë në një tempull të demokracisë dhe të Kombit Shqiptar.
Nesër tajfuni shqiptar merr në dorë fatet e lirisë demokracisë dhe të ardhmes së tij europiane.
Vendimi i sovranit është i plotëfuqishëm, i pakthyeshëm, dhe i paapelueshëm.
Shqiptarët kanë vendosur: “E duam Shqipërinë pa Edi Ramën”.
Cunamin popullorë nuk mund ta ndalojnë as lëndet helmuese e as policia që po mbron baronët e krimit dhe pushtetit.
Sulltanati i Ramës ka rënë.
Tani do të zhbëhet dhe Kalifati i tij.
Shqiptarët do ta shembin Parlamentin e krimit, Bastijen e fundit të obskurantizmit, despotizmit e kurrupsionit në Europë me devizën e shenjtë të Revolucionit Francez: ” Liri- Barazi- Vllazëri”!

Në një deklaratë për mediat kryetarja e LSI teksa doli nga selia e PD  është shprehur se me qeverinë nuk ka më dialog por vetëm zgjedhje të parakohshme. Ajo është shprehur se PS në rrethe ka nisur fushatën dhe ka hapur zyrat elektorale për zgjedhjet parlamentare dhe jo ato lokale.

“Nëse do të ketë 140 deputetë, le të vazhdojë, por unë besoj se nuk do ta ketë dot shansin për 140.

Kemi një krizë politike në vend dhe një parlament ilegjitim. Sot qeveria është kthyer në një institucion që bën qoka në funksion të grupeve të caktuara të interesit.

Nuk ka më dialog, por zgjedhje të reja. Vetë socialistët, edhe pse bëjnë si të fortë, po përgatiten për zgjedhje të parakohshme, vera do të fillojë me zgjedhje parlamentare dhe jo lokale. Në Fier e në disa qytete të tjera ata kanë hapur zyrat elektorale dhe po fillojnë fushatën”, tha Kryemadhi.

Nuk ka munguar sërish në protestën e sotme para Kuvendit, Kiri Hajdari, djali i madh i Azem Hajdarit.

Ai qëndron pranë foltores së improvizuar në protestën para Kuvendit, në krah të kreut të PD-së Lulzim Basha dhe ish-kryeministrit Sali Berisha.

Ai ka marrë fjalën dhe është ngjitur në podium, duke thënë se “amaneti i Azem Hajdarit do shkojë deri në fund”.

“Unë jam djali i Azem Hajdarit. Amaneti i Azemi Hajdarit qëndron tek ju dhe të gjithë demokratët . Liri Demokraci! Rama ik, Rama ik!”-tha ai.

Pavarësisht se motra e tij, Rudina Hajdari refuzoi të dorëzojë mandatin e deputetes, ndryshe nga vendimi i marrë nga grupi parlamentar i partisë që përfaqëson, vëllai i saj ka zgjedhur të protestojë edhe sot për largimin e Ramës.

Diferenca ndërmjet lindjeve dhe vdekjeve, ajo që përcakton shtesën natyrore të popullsisë, është duke ngushtuar më shpejtësi vit pas viti duke lajmëruar se shumë shpejt numri i vdekjeve në Shqipëri të jetë më i lartë se i lindjeve. Kjo do të çonte popullsinë e vendit në rënie pa kthim, pa marrë në konsideratë fenomenin e emigracionit.

Gjatë vitit 2018 shtesa natyrore e popullsie ishte 7130 persona niveli më i ulët së paku që nga viti 1948, pak vite pas përfundimit të luftës së dytë botërore sipas të dhënave të INSTAT. Por të dhënat më të hershme por jo të grupuara vit pas viti tregojnë se Shqipëria ka shtesën natyrore të popullsisë në nivelin më të ulët që nga viti 1923, pasi shesta e popullsisë përgjatë viteve 1923-1945 sipas të dhënave zyrtare ishte mesatarisht mbi 18 mijë persona në vit.

Gjatë vitit 2018, lindën 28.934 foshnje, duke pësuar një rënie prej 6,3 %, krahasuar me një vit më parë. Për herë të parë numri i foshnjave të lindura ra nën nivelin 30 mijë. Numri i vdekjeve në 2018 ishtë 21.804 persona, duke pësuar një rënie prej 1,9 %, krahasuar me një vit më parë. Shtesa natyrore është përkeqësuar pasi rënia e lindjeve ishte më e lartë se rënia e vdekjeve.

Siç shihet nga grafiku i mëposhtëm shtesa natyrore është duke shkuar më shpejtësi drejt zeros.
Në vitin 1990, viti i parë i tranzicionit, shtesa natyrore e popullsisë ishte gati 64 mijë persona, ose rreth 5300 fëmije në muaj. 28 vjet më pas, ky tregues ka rënë me 9 herë, duke arritur në vetëm 594 persona në muaj.

Numri i martesave në rënie dhe indeksi i fertilitetit lajmërojnë se numri i lindjeve do të jenë më rënie edhe në të ardhmen. Në Shqipëri pothuajse të gjitha lindjet vijnë në jetë përmes martesave. Numri i martesave në vitin 2017 ishte 11 për qind më i ulët e në vitin 2010. Por shumë nga martesat ndodhin me emigrantë të cilët pasi lidhin kurorë në Shqipëri më pas zgjedhin të largohen jashtë vendit. Nga ana tjetër i fertilitetit ishte 6.8 lindje për grua në vitet 1960, ky raport ra ne 1.48 fëmijë për vitin 2017. Ky nivel është me i ulet se mesatarja e fertilitetit ne Bashkimin Europian që për vitin 2016 ishte ishin 1.6.

Teksa numri i lindjeve po ulet me shpejtësi numri i vdekjeve është stabilizuar në rreth 2-22 mijë në vit. Por plakja e popullsisë do të ndryshojë shumë këtë tendencë më rritje të numrit të vdekjeve edhe pse jetëgjatësia po rritet.

Demografët lajmërojnë se rënia e numrit të lindjeve është një element i rrezikshëm për rënien e popullsisë dhe i parikuperueshëm, pasi rënie e popullsisë për shkak të emigracionit edhe mund të ketë shprese për rikuperim. /Monitor/

Tiranë

Një pjesë e mirë e koncesioneve në vlera të mëdha monetare dhe në afate të gjata në Shqipëri, u janë dhënë kompanive guaskë, të cilave nuk u dihen aksionerët dhe janë të regjistruara në vende si Holanda.

“Në 11 koncesione të mëdha, më shumë se 50% janë fituar nga kompani guaskë”, u shpreh Arianita Brahaj, drejtuese e Open Data Albania.

Sipas zonjës Brahaj, nuk ka vullnet të autoriteteve për të kontrolluar integritetin e këtyre kompanive të huaja, të cilat fitojnë shuma të mëdha monetare në vendin tonë. Këto kompani nuk duhen lejuar të mbështeten me fonde publike.

“Ndoshta mund të jenë të rregullta dhe është e drejta e tyre të mos ekspozojnë aksionerët, por të paktën këto nuk duhen lejuar të fitojnë tendera publikë”, tha Brahaj.

Mungesa e kontrollit të detajuar ndaj këtyre kompanive, apo mangësive në legjislacion, sipas Brahajt lidhet edhe me interesa të caktuara të palëve.

“Ka të bëjë me kapjen e shtetit, i cili qeveris për interesa të palëve dhe jo për interesa publike”, shton drejtuesja e Open Data Albania.

Në fakt në vendin tonë ka kompani të cilat nuk kanë ndonjë eksperiencë në sektorë të caktuar, ku edhe janë shpallur fitues të koncesioneve./tch

JUXHIN MUSTAFARAJ/ Policia e Shtetit ka refuzuar t’i japë leje Partisë Demokratike për zhvillimin e protestës së paralajmëruar për t’u zhvilluar ditën e martë përpara Parlamentit.

Përmes një shkrese drejtuar sekretarit të Përgjithshëm të PD, Gazment Bardhi, drejtori i Policisë së Tiranës, Kastriot Skënderaj, njoftoi se kërkesa e PD-së për zhvillimin e protestës së datës 5 mars nuk pranohet nga Policia e Shtetit për shkak të dhunës që ndodhi në tubimin e fundit të opozitës.

Kreu i Policisë së Tiranës ka kujtuar se në protestën e zhvilluar një javë më parë, protestuesit dhunuan dhe nuk lejuan të futeshin në sallën e Kuvendit ministrat dhe deputetët.

“Nisur nga shkeljet ligjore të konstatuara në tubimet e fundit të zhvilluara nga subjekti Partia Demokratike e Shqipërisë, konkretisht në 26.02.2019: Dhuna fizike e përdorur dhe goditja e anëtarëve të qeverisë, deputetëve, me qëllim pengimin e tyre që të futeshin në godinën e Kuvendit të Shqipërisë për të zhvilluar seancën plenare. Dhuna dhe goditja e punonjësve të Policisë gjatë përmbushjeve të përgjegjësive dhe kryerjes së detyrave ligjore, duke përdorur forcën fizike si dhe duke i goditur me sende të ndryshme, si shkopinj prej druri, lëndë piroteknike, molotov, gur, ku nga këto veprime u lënduan disa punonjës Policie dhe tubues. Vendosa që në zbatim të germës a, të nenit 6 të ligjit nr.8773, datë 23.04.2001, ‘Për tubimet’, të ndaloj zhvillimin e tubimit të kërkuara nga juaj në datën 05.03.2019, ora 09:00, në vendin e përcaktuar në kërkesë”, thuhet në shkresën që drejtori i Policisë së Tiranës, Kastriot Skënderaj, i ka dërguar Sekretarit të Përgjithshëm të PD-së, Gazment Bardhi.

Por pavarësisht se mohoi lejen e protestës, Policia e Shtetit ka marrë masa që të mos lejojë zhvillimin e incidenteve ditën e martë. Në shtyllat përballë Parlamentit janë instaluar disa kamera, të cilat do të fokusojnë protestuesit dhe aktet e dhunës që Policia e Shtetit pretendon se do të shoqërojnë edhe këtë tubim.

PËRGJIGJA

Partia Demokratike do ta shpërfillë vendimin e Policisë së Tiranës për protestën e ditës së martë dhe u ka bërë thirrje qytetarëve dhe simpatizantëve të saj të jenë në sheshin përpara Parlamentit.

Sekretari i Përgjithshëm i PD, Gazment Bardhi, në një përgjigje shkresore i ka kujtuar Policisë së Shtetit se Partia Demokratike nuk ka kërkuar leje, por thjesht ka vënë në dijeni institucionet për zhvillimin e tubimit të saj. Bardhi thekson se organizimi i protestave është një e drejtë kushtetuese e fituar që në vitin 1991 dhe i kërkon drejtuesit të Policisë së Tiranës të mos i shërbejë qeverisë, por qytetarëve.

“Padija juaj ndaj ligjit dhe, mbi të gjitha, përdorimi politik që po u bëni strukturave të Policisë së Shtetit, është motiv shprese për opozitën e bashkuar për zhvillimin e tubimeve deri në çlirimin e Parlamentit, qeverisjes dhe vetë Policisë së Shtetit nga krimi i organizuar dhe militantët partiakë, që kanë mbushur strukturat e zbatimit të ligjit. Shembulli tipik për këtë jeni ju, personalisht, që ligjin e lexoni me gjuhën e propagandës së Edi Ramës dhe të krimit të organizuar që e ka marrë peng. Ju bëj me dije se nuk ju kemi kërkuar leje dhe nuk ju kërkojmë leje për ushtrimin e një të drejte që na e njeh Kushtetuta dhe ligji”, ka shpjeguar Bardhi, duke kujtuar se në protestën e 26 shkurtit s’ka pasur asnjë akt dhune, me përjashtim të veprimeve të Policisë. Opozita ka deklaruar se do të jetë në protestë të martën përpara sallës se seancave plenare dhe u ka bërë thirrje qytetarëve të jenë në protestë.

PANORAMA

Militantët e opozitës dhe simpatizantë të PD kanë protestuar sot para Bashkisë së Maliqit.

Protestuesit kanë bllokuar bulevardin kryesor të qytetit ndërsa një kordon policie është vendosur në hyrje të bashkisë.

Pjesëmarrësit mbanin në duar pankarta dhe kanë hedhur parulla, “Rama ik”.

Të pranishëm kanë qenë edhe deputetët demokratë të zonës, Ervin Salianji e Klevis Balliu.

“Protestë në Maliq, protestuesit bllokojnë rrugën Korcë-Maliq-Pogradec. #ShqipëriaSiEuropa”, shkruan Salianji në faqen e tij të Facebook.