Kreu i Partisë Demokratike, Lulzim Basha nga Rrogozhina paralajmëroi konfiskim të parave të atyre që lideri i opozitës i konsideron oligarkë që zhvatin paratë e shqiptarëve.

Basha tha se sistemi i ri politik synon të varrosë fenomenin e Edi Ramës.

“Oligarkët shushunja, këta armiq të interesit publik, e di fare mirë se çfarë i pret. PD ka një plan për nxjerrjen e vendit nga kriza. Analizimin e kontratave korruptive dhe kthimin e këtyre parave tek populli shqiptar.

Pasuritë e vëna mbi gjakun dhe djersën tuaj do të konfiskohen. Kontratat korruptive do të anulohen duke nisur me kontratat e Arben Ahmetajt që helmojnë fëmijët e shqiptarëve, duke filluar me koncesionet e rrugëve, miliona të shqiptarëve që përfundojnë në xhepat e 5 njerëzve.

Beteja jonë është betejë për të varrosur një herë e mirë fenomenin e Edi Ramës, fenomenin e politikanit batakçinj, politikanit që futet në xhepat tuaj për të pasuruar një grup njerëzish. Kjo do të parandalojë që asnjë njeri, asnjë grup dhe asnjë forcë politike të marrë peng demokracinë në Shqipëri. Beteja jonë do të bëjë të mundur ndryshimin e sistemit.

Drejtësia do të çojë në burg politikanët e korruptuar dhe të lidhur me krimin do të jetë ndryshimi i parë i sistemit.

Ndryshim sistemi do të thotë që deputetët e ardhshëm nuk do të caktohen më në mënyrë misterioze.

Ata do ta kenë fatin të lidhur me ju. Ju do të jeni ata që do të përcaktoni me votë deputetët e ardhshëm të Kuvendit të Shqipërisë. Deputetët e ardhshëm nuk do të jenë njerëz, që do ta lidhin fatin e tyre me kryeministrin e ardhshëm”, tha kreu demokrat.

Duke reaguar pas procedimeve të policisë së Kukësit, për disa banorë përfshirë edhe vetë atë, kryebashkiaku i qytetit verilindor Bashkim Shehu shkruan me ironi se kryeministri Edi Rama shkoi atje me helikopter pasi nuk kishte para për të kaluar traun në Rrugën e Kombit.

Shehu shkruan se kuksianët nuk do t’ia falin kryeministrit arrestimet e shumta të shumta të tyre.

Reagimi i plotë:

Doktori okulist, Edi Rama, pasi erdhi ne Kukës me helikopter, ngaqë nuk kishte lek të paguante taksen e rrugës, iu shtrua muhabetit me llogje, genjeshtra e mashtrime. Sipas llogarisë se tij, nja 100 kuksiane janë verbuar krejt e mes tyre edhe kryetari i bashkisë se Kukësit. Kush proteston është i verbër, kush i lëpihet kryeministrit, është i shëruar.

Po kur eshte aq trimosh ky njeriu i helikopterit, pse duhet te procedoje tere ata burra protestues qe sipas Okulistit Rama janë qorra?

Kush do sy, i shet Edi Rama me kile. Po sy ama, qe shikojnë gjithmonë majtas.

Pse te mos ia japim bashkine e Kukësit Edi Ramës, meqë është mjeshtër për të futur ne burg kuksianët; për t’i gënjyer dhe për t’i ndëshkuar. Por ia falim te gjitha, se ai është burrë i vërtetë: të vret, pastaj kërkon falje.

U rrah nga militantët e Partisë Demokratike në protestën para Parlamentit me argumentin se ishte “polic” i infiltruar dhe më pas u prangos nga policia, gjykata liron Olsi Albajramin të riun nga Elbasani.

Sipas vendimit të gjykatës ai do të hetohet me masën “detyrim paraqitje” për akuzat e kundërshtimit të policisë dhe goditjes për shkak të detyrës, gjatë protestës së fundit të opozitës tek parlamenti.

Turma e dhunoi pasi e mendoi një efektiv të policisë të infiltruar, por në fakt Albajrami ishte pjesëmarrës në protestë si simpatizant i Partisë Demokratike.

Një studim i fundit i “The Lancet”, që është ndër revistat më prestigjioze mjekësore në botë arrin në përfundimin se, ushqimi, pra të ushqyerit në mënyrë jo të shëndetshme është përgjegjëse për më shumë vdekje në botë se duhanpirja.

Shqipëria është pjesë e 195 vendeve të marra në analizë nga studimi shkencor dhe rezulton të jetë më mirë se vendet e rajonit, por më keq se Europa perëndimore në këtë drejtim.

Europa dhe Amerika e Veriut janë të veçuara nga pjesa tjetër e botës siç e ilustron dhe harta, çka tregon se mirëqenia është faktor kyç në dietën e shëndetshme. Vendet e varfra kanë norma bindshëm më të larta vdekshmërie si pasojë e kequshqyerjes.

Në indikatorin që i referohet vdekjeve nga ushqimi për 100 mijë banorë, të ndarë në 7 nivele, Shqipëria figuron në nivelin e 5-të, me ngjyrën e verdhë, ku vdekjet që lidhen me dietën ushqimore numërohen në 249 deri në 313 për çdo 100 mijë banorë, shkruan “scan”.

Kjo do të thotë se, mesatarisht, të ushqyerit keq në Shqipëri vret rreth 8000 njerëz në vit. Në një tjetër indikator, që i referohet barrës së sëmundjeve, pra viteve të humbura si pasojë e tyre, jo vetëm si pasojë e vdekje të parakohshme por edhe si pasojë e kohës së jetës në sëmundje, Shqipëria renditet po ashtu në nivelin e 5-të.

Gjatë 24 orëve të fundit janë riatdhesuar në aeroportin “Nënë Tereza”, rreth 50 shtetas shqiptarë, të cilët kanë shkelur rregullat e lëvizjes në zonën ‘Shengen’ apo u është refuzuar kërkesa për azil në Francë.

Operacionet e riatdhesimit janë organizuar në koordinim mes dy vendeve. Zv.ministrja e Brendshme, Rovena Voda deklaron se qytetarët shqiptarë nuk mund të përfitojnë azil në vendet e BE-së, për shkak se Shqipëria konsiderohet një vend i sigurt.

“Ministria e Brendshme e Shqipërisë është duke komunikuar me Ministritë homologe të vendeve si Franca apo vende të tjera, për të rishikuar procedurat e dhënies së azilit në këto vende, me qëllim shkurtimin e kohës së procedurave, por edhe mënyrën se si do të trajtohen shtetasit shqiptarë, që vijnë nga një vend i sigurt.

Kështu që udhëtimi në këto vende me qëllimin për të kërkuar azil, jo vetëm që është një kosto e madhe për qytetarët shqiptarë, por është një hap i gabuar, është një hap që kushton dhe jo vetëm shpenzon, por do t’i kufizojë këta shtetas edhe në udhëtime të tjera drejt vendeve të BE-së.

Unë dëshiroj të kujtoj që Shqipëria është një vend i sigurt, pra është në listën e vendeve të sigurta dhe qytetarët shqiptarë nuk mund të përfitojnë azil në vendet e BE-së”, ka theksuar Voda.

Deputeti socialist, Fatmir Xhafaj, nuk i ka kursyer dje kritikat rreth veprimtarisë që kryejnë oficerët e Policisë Gjyqësore. Ai lëshoi akuza të forta dje në Komisionin e Ligjeve, duke theksuar oficerët e Policisë Gjyqësore janë kthyer në sekserë të prokurorëve.

Nga ana tjetër, ai theksoi se edhe kompetencat, edhe varësia e oficerëve të policisë gjyqësore nuk janë të qarta. “Oficerët e policisë gjyqësore në sanksionet pranë prokurorive në shumicën e rasteve shërbejnë si sekserë të prokurorëve. Nga mënyra se si është organizuar, kanë shërbyer për të zgjidhur çështje të raportit mes prokurorëve dhe klientëve, më shumë sesa për hetime profesionale”, – tha Fatmir Xhafaj gjatë diskutimit të nismës për rolin e oficerëve të policisë gjyqësore. Vetëm një javë më parë, ai shprehu kritika edhe për ndryshimet në ligjin për vetingun e policëve, duke theksuar se ndryshimet e paraqitura nga pasardhësi i tij në drejtimin e Ministrisë së Brendshme e bënin procesin e kontrollit të figurës së policit jodemokratik.

Deputeti i shumicës z.Braho, zgjodhi komisionin kuvendor për të bërë deklarata kundër drejtorit të Institutit të Studimeve të Krimeve dhe Pasojave të Komunizmit, Agron Tufa. Në terminologjinë e sulmit, ai nuk i përmendi as emrin e institutit, por iu drejtua si “instituti i Agronit”. Por ishte shumë i qartë në mbrojtje të trashëgimisë komuniste dhe oficerëve të Sigurimit të Shtetit.

Për të mos e ndaluar deri këtu sulmin aspak të bazuar dhe faktuar, një ditë më vonë në një të përditshme, ai deklaroi: “Ish-sigurimi i Shtetit i zgjidhte bashkëpunëtorët nga kategoria e Agron Tufës. Ata i kanë shërbyer devotshmërisht Sigurimit të Shtetit me denoncimet që kanë bërë. Mirë kanë bërë, se edhe janë paguar për devotshmërinë e tyre. Kjo akuzë që më bëri dje Tufa, më bëri apo më nxiti kureshtjen se mos ka edhe ky ndonjë dosje bashkëpunimi. Do të kthej përgjigje sapo të hulumtoj në disa sirtare që nuk i hap dot Tufa… Ia premtoj këtë dhe do të tregoj se nga i buron gjithë ai vrer këtij njeriu…” (se kur unë publikoj krime të komunizmit, kategoria persekutore qahet për “nxjerrje sekreti”, ndërsa kur Braho deklaron kështu, nuk ka më “çështje sekreti”).

Pra sipas Brahos, të përndjekurit kanë qenë të gjithë spiunë dhe e keqja e këtij vendi nuk janë ustallarët e makinerisë krimiminale hoxhiste, as oficerët e Sigurimit të Shtetit, të cilët pavarësisht se të paarsimuar (shkolla e sigurimit nuk vlen për asgjë), sot gjithkund të punësuar, por viktimat e tyre të rekrutuar me material shtrëngues (me torturë, kërcënime, vrasje, etj). Pra fajtorët nuk duhet t’i kërkojmë te oficerët në fjalë, madje kjo qenka e ndaluar, por te viktimat. Pak a shumë kjo ka qenë edhe filozofia e ligjit për krijimin e Autoritetit për Informim te Dokumentet e Sigurimit të Shtetit (ku Braho ka marrë pjesë si drejtues i komisionit të sigurisë, pavarësisht se as kishte lidhje me sigurinë kjo punë), në tavolinat këshillimore pezake të të cilit janë parë të japin mend oficerët në fjalë. Pra ju o të përndjekur nxirrini sytë njëri-tjetrit se ju kënaqin edhe me ndonjë ekspozitë aty këtu, por mos i prishni mirëqenien gjeneralëve të Sigurimit. Ata le të vazhdojnë atje ku janë.

Sa për sqarim të shkurtër, rrjeti agjenturor i Sigurimit të Shtetit, përbëhej nga rezidentët, agjentët, informatorët dhe strehuesit. Ndërtohej sipas dy parimeve: me dëshirë dhe me shtrëngimin. Komunistët bëheshin vetëm me dëshirë. Kategoritë e përndjekura vetëm me “material shtrëngues”. D.m.th. i përndjekuri është njësoj si ai pengu që është i lidhur me detyrohet të nënshkruajë diçka jashtë vullnetit të tij. Viktima është pak a shumë si në ato videot e ISIS-it. D.m.th. sapo një i njeri i mbajtur peng në burgjet e ISIS-it të zbriste në SHBA do duhej të shihej si bashkëpunëtor i ISIS-it?! Por po të analizosh kategorinë e përndjekurve, rreth 95% e këtij kontingjenti nuk kanë bërë asgjë, vetëm sa të janë shënuar në regjistrin e agjenturës, i cili shërben sot si “prova” e vetme e gjoja “sirtarëve” që gjasme nuk i hapka askush (). Rezidentët dhe strehuesit e rrjetit sekret ishin komunistë ose njerëz shumë të besuar.

Një shembull nga viti 1978. Nga 13.276 persona që përbënin rrjetin sekret, 1150 ishin komunistë (ndërsa numri i të besuarve gati komunistë është shumë më i madh). Vetëm Dega e Sigurimit të Ushtrisë kishte 2982 bashkëpunëtorë (në ushtri nuk kish të përndjekur).

Dega e 8-të e Drejtorisë së Parë që mbulonte kategorinë e “armikut të popullit”, pra ish ballistë e zogistë, kishte gjithsej 2425 persona bashkëpunëtorë (por edhe këtu 662 janë komunistë). Po janë po ashtu degët e tjera që mbulonin të huajt, ambasadat, etj, të gjithë me bashkëpunëtorë të besuar, jo të përndjekur.
Se bashkëpunëtorë të Sigurimit ishin komunistë që u bënë anëtarë të Byrosë Politike më vonë si Pali Miska apo Hekuran Isai, e lëre pastaj komunistë të tjerë që u bënë ministra e që figurojnë si “Dardha”, “Stilografi”, “Deti”, etj.

Kryeministri Rama pritet të jetë ditën e sotme në qytetin e Kukësit. Ashtu edhe si është lajmëruar, banorët do të dalin në protestë, madje do të tentohet të ndalohet hyrja e Edi Ramës në qyteti. Ndërkaq forca të shumte policie si dhe FNSH kanë shkuar tashmë në qytet për të verifikuar personat me precedent penal, bëhet me dije se edhe agjentët e SHISH janë në terren për të monitoruar situatën që mund të krijohet.

Protestues do të ketë edhe nga Tropoja e Hasi, ndërsa protesta pritet të fillojë në orën 12, ku edhe mendohet të bllokohet “Rruga e Kombit” tek ura e Kukësit. Edi Rama do të inaugurojë fillimin e punimeve për rikonstruksionon e aeroportit.

Kreu i LZHK-së, Dashamir Shehi ka folur rreth situatës ku ndodhet vendi dh e veprimeve të mëtejshme të opozitës.

I ftuar në emisionin “Të paekspozuarit”, ai u shpreh se protesta e opozitës nuk është ftohur, ndërsa shtoi se qëllimi i opozitës prishja e skaletës politike.

I pyetur nëse do të marrin pjesë në zgjedhjet lokale, Shehi u shpreh pranimi i pjesëmarrjes në zgjedhje do të bënte të pavlerë largimin nga parlamenti, ndërsa e quajti “një lloj përsëritje të çadrës”.

“Ne duam ta prishim këtë lloj skalete politike. Duam të ndërtojmë një matricë tjetër politike. Ata kanë menduar se ne do hymë në zgjedhje. Ne do ta përmbysim këtë lojë, ndryshe largimi ynë nga parlamenti nuk do të kishte asnjë lloj vlere. Ne kemi gjykuar për rregulla të pandershme në zgjedhjet e mëdha, pse do të shkojmë tek zgjedhjet administrative?

Besoj që edhe Basha në këtë lloj linje do veprojë. Ne kemi vendosur ta prishim këtë, se ndryshe do të ishte një përsëritje, një lloj çadre”, tha Shehi.

Ditmir Bushati dje mbajti një fjalim historik dhe atdhetar, i cili do mbahet mend gjatë në historinë politike të viteve pas ’90-të. Ai foli me një kurajë për t’u admiruar në sallën e parlamentit dhe mori shtrëngime duarsh nga kolegët për fjalimin e tij, i cili në thelb përkthehet si një thirrje drejtuar arrogancës së kryeministrit: “Ndalu beg, se ka hendek!”

Po kështu radioja shtetërore gjermane, DW, në një shkrim nga Shqipëria citonte ish-ministrin e jashtëm të Shqipërisë ku titullin e kishte vendosur “Ditmir Bushati: Shqipëria në udhëkryq”. Dalja kundër rrymës që po mbyt PS-në, qeverisjen dhe krejt vendin e ish-ministrit Bushati, ishte temë dite sot në çdo tryezë në Shqipëri.

Burime të besuara tregojnë se sot në pikë të mëngjesit kryeministri ka marrë Ditmir Bushatin dhe i ka thënë: “Nëse Shkodra ka pesë heronjtë e Vigut, nga ky çast ti do të jesh heroi i gjashtë i Vigut!”.

I pyetur për këtë ish-ministri Bushati nuk dha asnjë koment. Burime pranë stafit të Bushatit thonë që Ditmiri nuk ha presion, se është nga familja e madhe e Bushatllinjve e cila nuk ka pyetur për turkun e jo më për miqtë e turqve!

Pesë heronjtë e Vigut janë një histori shqiptare, ku pesë misionarë të lirisë nga e keqja që kishte kapur Shqipërinë u vranë në Vig të Mirditës, në pritë e pabesi. Ditmir Bushati është deputet i Shkodrës dhe mbulon zonën e Vigut.

Historia njeh 5 heronjtë e Vigut, por jo 6 heronjtë e Vigut, siç ia ka thënë me presion dhe shantazh kryeministri.

Gjithsesi Ditmir Bushati dje bëri një akt atdhetar duke i bërë thirrje pushtetit të mos jetë brutal, por të ulet në gjetjen e një zgjidhje për Shqipërinë./koha jonë

Kuvendi i Shqipërisë ka shpallur sot listën e kandidatëve për gjyqtar për të plotësuar vakancat në Gjykatën Kushtetuese. Në faqen e internetit të Kuvendit janë publikuar emrat e 8 kandidatëve që do të plotësojnë vakancën.

“Pas shpalljes nga Kuvendi i Shqipërisë, në datën 4.3.2019, të hapjes së procedurave të aplikimit për vakancën e plotë për gjyqtarin e Gjykatës Kushtetuese që do të zgjidhet nga Kuvendi, kanë paraqitur kërkesën për shprehje interesi, si dhe dokumentacionin përkatës, kandidatët: Arta Vorpsi, Avni Shehu, Elsa Toska, Fiona Papajorgji, Valbona Bala (Pajo), Klodian Rado, Kostandin Kazanxhi, Mitat Dautaj dhe Ilir Mustafaj”,- thuhet në njoftimin e Kuvendit.

Në mars të vitit 2017, ish-Guvernatori i Bankës së Shqipërisë, Ardian Fullani, arriti të fitojë gjyqin me Bankën e Shqipërisë dhe Kuvendin, duke marrë dëmshpërblim për shkarkim të paligjshëm nga posti që mbante prej disa vitesh.

Fullani iu drejtua Gjykatës Administrative, duke paditur Kuvendin e Shqipërisë dhe Bankën Qendrore të Shqipërisë. Ai kërkoi dëmshpërblim pasuror dhe jopasuror të shkaktuar nga veprimet e paligjshme të palëve të paditura. Në Shkallën e Parë, Fullanit iu dha e drejta e shpërblimit me vetëm 12 paga mujore për shkarkim të paligjshëm nga posti që mbante prej vitesh.

Por ish-Guvernatori nuk u mjaftua me vendim e dhënë nga Shkalla e Parë e Administratives. Ai e apeloi çështjen e tij për të fituar atë çfarë kërkonte.

Në përfundim, Apeli vendosi në favor të tij, duke kërkuar dëmshpërblimin me 56 paga, që e përkthyer në lekë, llogaritej afro 42 milionë lekë.

Në padinë e dorëzuar në Gjykatën Administrative të Apelit, Ardian Fullani kërkoi: Konstatimin e pavlefshmërisë absolute dhe/ose shfuqizimin tërësisht, për shkak të paligjshmërisë së shkarkim it nga detyra të Guvernatorit të Bankës së Shqipërisë dhe Anëtarit të Këshillit Mbikëqyrës të Bankës së Shqipërisë, të akteve: Vendimit nr. 52, datë 06.09.2014 të Këshillit Mbikëqyrës të Bankës së Shqipërisë; Vendimit të Komisionit të Ekonomisë dhe Financave të Re publikës së Shqipërisë në lidhje me dërgimin në mbledhje plenare të propozimit për shkarkim të paditësit nga detyra e Guvernatorit dhe Anëtarit të Këshillit Mbikëqyrës; Vendimit nr. 64, datë 18.09.2014 të Kuvendit të Republikës së Shqipërisë dhe zgjidhjen e pasojave.

Shpërblimi i dëmit pasuror dhe jopasuror të shkaktuar nga veprimet e paligjshme të palëve të paditura. Detyrimi i palëve të paditura të shpërblejnë paditësin, duke i njohur atij të drejtën e shpërblimit për detyrën e Guvernatorit të Bankës së Shqipërisë dhe/ose Anëtarit të Këshillit Mbikëqyrës të Bankës së Republikës së Shqipërisë, që prej datës së shkarkimit 18.09.2014 deri në datën e përfundimit të mandatit që është data 17.11.2018. Detyrimin e të paditurve të shpërblejnë paditësin për dëmin jopasuror në shumën 15 milionë lekë./ PANORAMA

Shtetet e Bashkuara të Amerikës u kanë dhuruar Forcave të Armatosura të Shqipërisë 37 mjete të blinduara ndaj pritave apo kurtheve të minuara, që do të përdoren tashmë nga strukturat ushtarake, si pjesë e mbrojtjes kolektive të NATO-s.

Në ceremoninë e dorëzimit të mjeteve të blinduara, të markës “InternationalMaxxPro MRAP” (Mine Resistant Ambush Protected), mori pjesë ministrja e Mbrojtjes Olta Xhaçka, e ngarkuara me punë e Shteteve të Bashkuara, Leyla Moses-Ones, si dhe shefi i Shtabit të Përgjithshëm të FA-së, Gjeneral Brigade, Bardhyl Kollçaku.

“Kjo paketë përkthehet në më shumë cilësi kapacitetesh, më shumë angazhime të përbashkëta dhe sigurisht në më shumë siguri, si për vendin tonë, ashtu dhe për aleancën. Armatimi i ri sipas standardit të NATO, po e ndryshojnë cilësisht realitetin e përditshëm të punëve të ushtarakëve tanë, si dhe po rrisin dita-ditës performancën e tyre gjatë ushtrimit të detyrave. Mjetet do të rrisin sigurinë e personelit, sidomos ndaj minave dhe mjeteve shpërthyese të improvizuara, që konsiderohet tashmë si një prej kërcënimeve më të pranishme në mjedisin operativ”, u shpreh ministrja Xhaçka.

E ngarkuara me punë e SHBA-ve në vendin tonë, Leyla Moses-Ones vlerësoi rolin e Shqipërisë në rajon, dhe forcimin e bashkëpunimit në fushën e mbrojtjes e konsiderojnë jo vetëm në favor të Shqipërisë, por edhe të aleancës.

“Kjo aftësi e re e blinduar do të rrisë mbrojtjen e brendshme të Shqipërisë, do të forcojë krahun jugor të NATO-s dhe do të sigurojë fuqi vendimtare luftarake në NATO, që mund të dislokohet në mbështetje të operacioneve globale. Ky është një tjetër shembull sesi Shqipëria po rritet si një lider rajonal në Ballkan. Nën drejtimin aktual, komunikimi dhe bashkëpunimi midis forcave tona ushtarake nuk ka qenë kurrë më i fortë, ndërsa shpërndarja e këtyre automjeteve shënon përfundimin e një faze të bashkëpunimit tonë”, tha Leyla Moses-Ones.

37 mjetet e blinduara janë pjesë e paketës së ndihmës së Qeverisë së Shteteve të Bashkuara të Amerikës për Forcat tona të Armatosura. Mjetet e mbrojtura dhe rezistente ndaj pritave dhe kurtheve të minuara kanë një ekuipazh prej 3-7 ushtarakësh.

Një sasi tritoli ka shpërthyer në depon e ujësjellësit të fshatit Kopaçëz të Delvinës.

Ujësjellësi ishte ndërtuar prej 16 vitesh, ndërkohë që dje u vu në punë për herë të parë.

Ai furnizonte me ujë gjysmën e fshatit ndërsa pjesa tjetër furnizohej nga burimi.

Ngjarja ka ndodhur mbrëmjen e së mërkurës. Lënda plasëse ishte vendosur në tubacionin kryesor të depos, duke dëmtuar furnizimin me ujë.

Në vendngjarje shkuan forcat e policisë të cilat konstatuan dëmet materiale të shkaktuara nga shpërthimi i tritolit.

Asnjë person nuk është lënduar, teksa uniformat blu kanë shoqëruar disa të dyshuar për t’i marrë në pyetje. Motivet e këtij akti kriminal janë të paqarta.

Heshtja vret më shumë se vetë ngjarja. Në një kohë kur Vllaznia mund të konsiderohet e “marrë peng”, pasi nuk mund të zhvillojë normalisht punën e saj dhe të përgatitet për ndeshjen e radhës, pasi trajneri dhe drejtuesit e saj kërcënohen vazhdimisht, krerët më të lartë të klubit e bëjnë situatën edhe më dramatike dhe të pashpresë.

Në një kohë kur kryebashkiakja e Shkodrës që është njëkohësisht edhe presidente e klubit Vllaznia, Voltana Ademi, të tregonte mbështetje për teknikun dhe t’u jepte besimin sportdashësve të shumtë shkodranë se klubi nuk mund të frikësohet nga këto kërcënime, ka vetëm heshtje.  –

Gazeta “Panorama Sport” ka tentuar gjatë gjithë ditës së djeshme me të gjitha mënyrat për të kontaktuar me drejtuesit e Vllaznisë, në lidhje me skandalin që ndodhi, por askush nuk ka pranuar të komentojë. Vetë trajneri Agim Canaj duket se është shumë i tronditur nga gjithçka i ka ndodhur dhe nuk ka reaguar. Gjithashtu, gazeta ka tentuar të komunikojë me kryebashkiaken Voltana Ademi, por si gjithmonë nuk ka qenë e disponueshme duke mos iu përgjigjur interesimit tonë. As administratori Suad Lici që duket se është frikësuar nga kjo histori, nuk ka folur asnjë fjalë.

Madje, në një komunikim të shkurtër që ka pasur gazeta me të gjatë paradites së djeshme, ka deklaruar se klubi do të dalë me një deklaratë zyrtare. Por, kjo nuk ka ndodhur. Gjatë pasdites së djeshme është përfolur se drejtuesit kanë bërë denoncim në polici në lidhje me këtë çështje, por që nuk ka asnjë konfirmim nga drejtuesit apo organet policore. Situata në skuadrën shkodrane është e rëndë, ndërsa historia përsëritet dhe klubi nuk po gjen qetësi. Pritet që sot të ketë reagim nga klubi që me heshtjen e tij vetëm u jep zemër kërcënuesve, ndërsa lojtarët dhe stafi ndihen gjithmonë e më shumë të frikësuar.

Prej vitit 1992 deri më 1996, Presidenti Ibrahim Rugova ishte figurë qendrore e përherëshme në pasqyrimet e RTSH, Radio Televizionit të Shqipërisë londineze.

Përpara kësaj periudhe gjatë regjimit komunist kur programi televiziv ishte deri në gjashtë orë, as që bëhej fjalë, mjerisht as prej 1997.

Censura dhe anatemimi në RTSH ndaj Ibrahim Rugovës filluan me trazirat e piramidave që kulmuan me luftën civile të 1997, kur në pushtet u rikthye e majta dhe nga RTSH u zhduk në mënyrë të dhunshme pasqyrimi i institucioneve legjitime të Kosovës të zgjedhur me votën e popullit, duke u zëvendësuar me krahun e luftës të UÇK-së që përfaqësonte Hashim Thaçi.

Prej 1997, RTSH filloi luftën mediatike si kundër Rugovës, ashtu edhe ndaj figurave që e mbështetën, po ashtu edhe ndaj LDK-së dhe faktorit politik pranë saj.

Prej  1997 RTSH e censuroi Presidentin Rugova, sikur censuroi edhe veprimtaritë e Qeverisë të Kosovës në mërgim, të LDK-së dhe aleatëve të saj që jetonin e punonin në Kosovën e pushtuar, duke i dhënë pasqyrim vetëm krahut të UÇK-së që përfaqësohej nga Hashim Thaçi, Xhavit Haliti, Azem Syla me kompani, të cilët këndelleshin në Hotel Rogner.

Prej 1997 krahu institucional i luftës që mediatizohej “tradhëtor” filloi të eleminohej edhe fizikisht. Si me rastin e Kolonel Ahmet Krasniqit, i emëruar Ministër i Mbrojtjes i Kosovës nga Presidenti Ibrahim Rugova, i cili u çarmatos bashkë me truprojën dy ditë përpara se të dy të vriteshin në mes të Tiranës, një javë pas Azem Hajdarit. “Tradhtar” është konsideruar nga ky krah i luftës edhe vetë Presidenti Rugova. Ky krah i UÇK-së uzurpoi të gjithë hapësirën mediatike të RTSH, duke censuruar çdo hapësirë mediatike për krahun legjitim institucional që e përfaqësonte Ibrahim Rugova.

Tani pretendohet se këto eleminime fizike i ka bërë Beogradi!  Dmth ato figura të cilat njerëzit e  Hashim Thaçit i etiketonin si “tradhëtarë”, Beogradi vinte dhe i eleminonte ! Absurde, sepse Beogradi njerëzit e vet i ka mbrojtur dhe i mbron!

Prej 1992 deri më 1995, RTSH, që drejtohej nga Skënder Buçpapaj dhe ekipi i tij, pasqyronte, duke i dhënë hapësirën e gjërë, të gjitha aktiviteteve të Presidentit Rugova në Prishtinë, veprimtarisë së tij diplomatike në SHBA dhe Europë, bashkë me aktivitetet e gjithë faktorit politik, veprimtari që zhvilloheshin në Kosovën e pushtuar si dhe në diasporë.

Prej 1992 deri 1995, RTSH përmes programit Satelitor që i dedikohej i gjithi Kosovës, pasqyronte çdo të shtunë edhe Konferencën për Shtyp të Presidentit Rugova me gazetarët, ku Rugova informonte për veprimtaritë e javës dhe i dërgonte mesazhe popullit të Kosovës brënda kufijve dhe jashtë tyre.

Në kushte pushtimi, pasqyrimi nga RTSH i asaj çfarë ndodhte në Kosovë  kishte vlerë të madhe. Ishte sfidë ndaj Beogradit.

Regjimi kriminal i Milosheviçit, për ta izoluar Kosovën e kishte mbuluar me terr informativ, duke mbyllur RTK, gazetat, Universitetin e Prishtinës, shkollat por kasapi i Ballkanit nuk mund të mbyllte dot Programin Satelitor që transmetohej nga Shqipëria londineze, i cili i jepte vend qendror veprimtarive të institucioneve demokratike të Kosovës në përpjekje për të sendërtuar shtetin e pavarur të Kosovës në respekt të plotë dhe bashkëpunim të pandarë me Perëndimin.

Pas vizitës skandaloze në Beograd të Arben Imamit, Neritan Cekës dhe Spartak Ngjelës, kur RTSH denoncoi këtë vizitë, Imami dhe Ceka iu vërsulën në interpelancë Drejtorit të Përgjithshëm për ta shkarkuar. Dhe shkarkimi u hodh në votë. Për shkarkimin e Skënder Buçpapajt nga kreu i RTSH votoi pro grupi i Arben Imamit dhe Neritan Cekës bashkë me PS por u hodh poshtë nga shumica, grupi parlamentar i Partisë Demokratike. Më 1997 Arben Imami e Neritan Ceka me shokë u bënë pjesë e qeverisjes së majtë, ndërsa RTSH u kthye në bastion të censurës ndaj Ibrahim Rugovës dhe institucioneve demokratike të Kosovës.

Lexuesit po i sjell urimin për vitin e ri 1995 që Presidenti Ibrahim Rugova i drejtoi popullit të Kosovës më 31 dhjetor 1994 përmes RTSH, në Programin Satelitor, ku Rugova bën thirrje për pajtim politik, unitet dhe unifikim gjithëkombëtar.

Këtë video e kam marrë nga muri i Adnan Merovcit, truprojës asaj kohe të Presidentit Rugova, i cili e shpërndan si pjesë të arkivit të tij, pa përmendur burimin se ku është transmetuar ky urim për popullin e Kosovës dhe shqiptarët mbarë.

Ky urim i Presidentit Rugova për vitin e Ri 1995 është bërë përmes RTSH, Radio Televizionit të Shqipërisë!

Shikim të këndëshëm!

PS Këtë rradhë po i shkruaj për të hedhur dritë për një fragment të asaj kohe, si dëshmitare. Si një përpjekje për të ndalur manipulimet dhe ftesë për të gjithë shqiptarët e ndershëm të japin kontributin e tyre, pa dallime politike!

Dy fjalë për Adnan Merovcin: Po të ishte gjallë Ibrahim Rugova kish me t’thanë: “Hiqju shkrimit Merovc!” Nga Elida Buçpapaj

Ish-zëvëndës ministrja e Financave Irena Beqiraj ka mbështetur sot ato çka Ditmir Bushati iu tha në mes të Kuvendit socialistëve. Nëpërmjet një statusi në Facebook ajo shkruan se fjala e tij ishte një dritë shprese për ekzistencën e mendimit ndryshe.

POSTIMI I PLOTË

Nese ne nje tavoline te gjithe mendojne njesoj asnje nuk eshte duke menduar gjate!!!!

Fjalimi i Ditmir Bushatit sot ne Parlament ishte nje drite per shpresen e ekzistences se mendimit ndryshe, nje thirrje per ti vendosur gishtin kokes. Asnjehere nuk eshte vone.

Shumekush perciptazi, i zene ne kurthin e mentalitetin ” o me ne o kundra nesh” mund ta shikoje si kundervenije karshi Lidershipit. Ne fakt eshte nje sherbim I bere me guxim jo vetem Partise Socialiste e Lidershipit te saj, por Popullit Shqiptar.

Zgjohuni socialiste !!!!! Ky vend nuk ka nevoje per shkembime batutash , pa kripe e te sforcuara, me deputetet opozitare te ardhur prej procedures por jo prej demokracise , te cileve zeri u dridhet e nuk rrine dot as drejt ne foltore kur kuvendojne, duke te kujtuar me se shumtii nxenesit e dobet para mesuesit. A nuk jeni lodhur duke perseritur mekanikisht fjali pa kuptim e klishe si: ulemi per djalog por jo per negociate ? Po a nuk me thoni , cili eshte precedenti i rezikshem i cili nuk duhet te ndodh se ndryshe ndodh katastrofa me demokracine?

Po si ka mundesi qe rrini neper karrike duartrokisni edhe nuk mendoni qe edhe pse eshte teresisht fajtore, opozita qe ka lene shtepine si nje bashkudhetare e keqe , ju serisht nuk mund te largoheni nga detyrimi per te gjetur zgjidhje urgjente per te miren e familjes tone te perbashket , Shqiperise.

Ditmiri tregoi sot se mendon ndryshe, kursesi qe eshte kundra nje individi, qofte ky edhe lideri i partise . Ditmiri percolli mendimin e shume shqiptareve me mendje te ftohte e dy pare tru ne koke qe kemi nevoje per zgjidhje e jo per karshillek, retorike , shaka qe nuk bejne me kerkend per te qeshur, perkundrazi trishtojne.

Nuk jemi pa zgjidhje , nese mesojme te degjojme edhe pranojme mendimin ndryshe.

Sot në Kuvend ish-ministri i Jashtëm, Ditmir Bushati, në fjalën e tij sot kritikoi politikën shqiptare duke thënë se duhet të bashkohet për të mirën e qytetarëve. Sipas tij të gjthë duhet të lënë mënjanë inatet dhe të marrim shembullin e Maqedonisë së Veriut dhe Greqisë.

Diplomati dhe politikani i njohur Besnik Mustafaj i ftuar në rubrikën “Opinion” në studion e lajmeve në News 24 thotë se kriza në politikën shqiptare sa vjen e thellohet dhe se palët gjithnjë e më shumë ndahen kur vjen puna për të dialoguar.

E në këto kushte, ai parashikoi si opsionin më të mundshëm mungesën e opozitës në zgjedhjet vendore, duke e kthyer pas Shqipërinë, në vitin 1985.

“Ka krizë të thellë që nga momenti kur opozita nuk është në institucione. Shihni lulëzimin e krimit, vrasje si këto javë ndodhnin vetëm në ‘97. Si e refuzon ai kryeministër mundësinë për të gjetur zgjidhje? Opozita duhet të ketë një platformë të qartë jo të thotë të ikë Rama e të krijohet qeveri tranzitore. Mungojnë kushtet për dialog, tek opozita e kritikoj mundësinë e përjashtimit të dialogut.

Është dialoguar me Ramiz Alinë në ‘91, me Sali Berishën në ’97. Krizat e mëdha në demokraci doemos të çojnë tek dialogu. Refuzimi i dialogut nga të dyja palët nuk është normale”,- tha ai.

Ish-ministri i Jashtëm tha ndër të tjera se sheh pozitivisht mundësinë që Presidenti i vendit, Ilir Meta të negociojë krizën politike, ndërsa të njëjtën gjë mund ta bëjnë edhe ndërkombëtarët tha ai.

“Meta dhe ndërkombëtarët mund të jenë të dy negociues. Më në dinjitetin e shqiptarëve do të ishte Presidenti si negociator. Por kjo vjen kur ka vullnet për dialog, ne këtu kemi një mungesë vullneti nga kryeministri së pari”,- vijoi Mustafaj.

Sa për kryeministrin, Mustafaj tha se: “Edi Rama është komplet jashtë realitetit. mënyra si arsyeton, sillet dhe vepron e tregojnë se jeton në atë tullumbacen e tij krejtësisht jashtë realitetit”.

Sipas Mustafajt, nëse do të ishte i bindur që i fitonte zgjedhjet, Rama nuk do kishte hezituar të hynte në zgjedhje të parakohshme.

“Unë do të thosha se ai nuk është aspak i bindur se i fiton më zgjedhjet, përndryshe do ta çonte vendin drejt zgjedhjeve. Një politikan pragmatist siç ai vetëquhet do ta çonte vendin drejt zgjedhjeve pa më të voglin hezitim”,- shtoi Mustafaj.

Ashtu siç situata paraqitet, për Mustafajn nuk është çudi që vendi të kthehet 35 vite pas. “Shpresoj që s’do jenë zgjedhjet si në ‘85 si para 35 vitesh…por s’kemi shumë shpresë, sepse edhe PS duket gjithnjë më e bindur të shkojë e vetme në zgjedhje”.

Ish-ministri i Jashtëm, Ditmir Bushati kam mbajtur një fjalim ndryshe në Parlament, teksa ka theksuar se maxhoranca nuk duhet të tregohet arrogante me opozitën që është jashtë Parlamentit.

Bushati ka thënë në Parlament se opozita doli nga parlamenti për shkak se ndjeu frikë dhe një lloj kapitullimi.

“Megjithatë nuk mund ta mohojmë faktin se boja, vezët, vaji, mielli në parlament kanë dalë sot në rrugë. Sot në rrugë janë zëvendësuar me kapsollën, nga përplasja gabimisht e muskujve me policinë dhe tek baltosja e institucioneve të shtetit shqiptar. Duke dalë nga parlamenti, unë jam i bindur që opozita ka dëshmuar një lloj frike dhe një lloj kapitullimi.

Por kjo nuk mund të na bëjë ne të jemi arrogantë, nuk mund të na bëjë ne të harxhojmë orë të tëra duke u marrë me protestat e opozitës. Ne nuk mund të biem në kurthin e profecisë vetpërmbushëse.

Ne jemi PSSH, ne jemi socialistë, demokratë progresist. Ne duam që të ndërtojmë një shoqëri të drejtë, një shoqëri më të mirë, për fëmijët tanë por edhe për fëmijët e opozitës që mungon këtu në sallë”, tha Bushati në Parlament.

Bushati ka thënë më tej se Shqipëria është në udhëkryq dhe se duhet të marrë shembull nga vendet fqinje për të gjetur gjuhën e dialogut.

“Ne jemi sot për sot në një udhëkryq të madh. Lexova Financial Times, një prej gazetave më prestigjoze në botë. E dini me çfarë hapej në faqen e parë? Me foton selfie të Kryeministrit të Maqedonisë së Veriut dhe Kryeministrit Grek për arritjen e madhe historike pas 3 dekadash. Unë sot pyes. Si ka mundësi z.Ruci që pas tre dekadash si politikan me eksperiencë, si ka mundësi z.Ulqini, si ka mundësi z.Majko, e deri te kolegia që foli për herë të parë në këtë parlament. Pse kur Grekët e Maqedonasit e gjekërkan gjuhën për të parë përpara, ne nuk paskemi mundësi me e gjet gjuhën me njëri-tjetrin. A jemi të gjithë shqiptarë, a jemi pjesë e një kombi? Pse e kemi kaq të vështirë dhe turpërojmë veten tonë lart e poshtë. Pse nuk e gjejmë dot ne gjuhën për të parë përpara?”, ka thënë ai.

 Fjala e plotë e Ditmir Bushatit

 Raportimi i institucioneve që japin llogari para kuvendit të Shqipërisë është një procedurë normale kushtetuese e llogaridhënëse e këtyre institucioneve. Por, në periudhën politike e situatën politike në të cilën ne jetojmë natyrisht që raportimi i KQZ-së apo debate e diskutime të ndryshme lidhur me nevojën për të ndryshuar sistemin zgjedhor dhe garancitë që ky sistem duhet të bëjë, në radhë të parë për të garantuar votën e qytetarëve të zakonshëm të këtij vendi, sot për sot marrin një vëmendje të posaçme.

Nuk ka diskutim që politika shqiptare për herë të parë është në një situatë të paprecedentë. Kemi qenë shpesh në rreth-rrotullime, kemi gjetur tabelën exit për të dalë nga këto rreth-rrotullime, por për herë të parë në historinë e pluralizmit të Shqipërisë, një parti apo dy parti politike parlamentare kanë dorëzuar mandatet e tyre, të dhëna nga populli. Natyrisht ky është një precedent i ri, jo vetëm për demokracitë e reja në europën qendrore dhe lindore por edhe për vende me regjime despotike, siç është rasti i Venezuelës.

Nuk ka një mendje racionale, qoftë kjo shqiptare apo ndërkombëtare për të legjitimuar djegien e mandatave si instrument politik për të arritur një objektiv të caktuar. Qoftë rrëzimin e një qeverie, ndërrimin e një kryeministri apo provokimin e zgjedhjeve të parakohshme.

Aq më tepër kur ky kuvend u konstitua në bazë të zgjedhjeve të 2017-ës të cilat u organizuan nga një qeveri të përbashkët ku institucionet kyçe u drejtuan nga opozita në atë kohë dhe kur ky kuvend u pranua pas zgjedhjeve të 2017-ës edhe nga opozita këtu teksa bëri betimin dhe një pjesë të punës së saj për 1 vit e gjysme. Është po ky kuvend dhe po këto zgjedhje të cilat kanë marrë certifikimin e OSBE-ODHIR dhe në të gjithë e kemi pranuar që OSBE-ODHIR është autoriteti ndërkombëtar I padiskutueshëm përsa i përket standardeve zgjedhore.

Megjithatë nuk mund ta mohojmë faktin se boja, vezët, vaji, mielli në parlament kanë dalë sot në rrugë. Sot në rrugë janë zëvendësuar me kapsollën, nga përplasja gabimisht e muskujve me policinë dhe tek baltosja e institucioneve të shtetit shqiptar. Duke dalë nga parlamenti, unë jam i bindur që opozita ka dëshmuar një lloj frike dhe një lloj kapitullimi.

Por kjo nuk mund të na bëjë ne të jemi arrogantë, nuk mund të na bëjë ne të harxhojmë orë të tëra duke u marrë me protestat e opozitës. Ne nuk mund të biem në kurthin e profecisë vetpërmbushëse.

Ne jemi PSSH, ne jemi socialistë, demokratë progresist. Ne duam që të ndërtojmë një shoqëri të drejtë, një shoqëri më të mirë, për fëmijët tanë por edhe për fëmijet e opozitës që mungon këtu në sallë.

Kjo është arsyeja që unë e mbështes propozimin e Damian Gjiknurit për ti ofruar një hapsirë më të madhe të gjithë aktorëve politikë, sepse demokracinë nuk e konceptoj si procedurë të thjeshtë. Demokracia si procedurë është zëvëndësimi formal i listës së partisë demokratike dhe lëvizjes socialiste për integrim. Por demokracia është edhe thelb dhe fakti që ne krijojmë mundësinë për një marrëveshje të ardhshme për kodin zgjedhor për rregullat e lojës, qoftë me opozitën parlamentare por mbi të gjitha për opozitën politike, besoj se është shprehja më e lartë e ndërgjegjsimit që ka Partia Socialiste e Shqipërisë. Socialistët, progresistët shqiptarë për fatet e demokracisë dhe për fatet e Shqipërisë.

Këtu ka burra e gra që kanë hyrë në këtë sallë që 1991, ka burra e gra që kanë kontribuar për këtë vend. E dinë të gjithë mirë që socialistët dolën me devizën, të sakfrikojmë sa më shumë në mënyrë që të ndërtojmë një shtet solid. Ishin socialistët dhe progresitët e këtij vendi që ndërtuan një sistem të ri nga hiri i 1997-ës.

Nuk ka javë më të rëndësishme se kjo që po mbyllim për të shprehur respektin tonë për të gjithe ata që kanë shërbyer në këtë vend me të mirat dhe të këqijat e tyre. Kjo javë përkon me 10-vjetorin e Shqipërisë në NATO. Nuk fillon 10-vjetori I Shqipërisë në NATO me gjeneratën time politike, nuk fillon as 70- vjetori I NATO-s si organizatë, e cila pikë së pari është një organizatë politike dhe më pas ushtarake me ne këtu, por me të gjithë ata që vuajten burgjeve të komunizmit që e kërkonin Shqipërinë si gjithë Evropa. Me studentët e dhjetorit që u ngritën dhe nuk e imagjinonin dot kur e kërkonin Shqipërinë si gjithë Evropa në 90-ën që edhe pas 30 vjetësh Shqipëria ende do të përpëlitej në debatin nëse do ti hapim apo nuk do ti hapim negociatat.

Kjo është java që ne duhet të përkujtojmë 10-vjetorin e kontratës më angazhuese që ky vend ka me Bashkimin Evropian, Marrëveshjen e Stabilizim-Asociimit dhe duhet të shohim nga fqinjët tanë dhe të kuptojmë se pse 10 vjet pas hyrjes në fuqi të kësaj marrëveshje ne nuk kemi hedhur hapin vendimtar përpara. Pse, 13 vjet nga firmosja e kësaj marrëveshje në 2006-ën, ndërkohë që në marrëveshje shkruhet shumë qartë që brenda 10 viteve do të përgatitet vendi për tu anëtarësuar në Bashkimin Europian, ne jemi këtu ku jemi. Dhe kur flasim për mbyllje të tranzicionit, ne duhet ta mbullim tranzicionin vetëm kur të përkojë me reformat të cilat e afrojnë vendin me Bashkimin Europian.

Sot është dita për të shprehur mirënjohjen ndaj shërbimit të jashtëm shqiptar. Sot është dita për të shprehur mirënjohjen ndaj Ministrisë së Mbrojtjes, ndaj Forcave të Armatosura të këtij vendi. Janë dy institucione të krijuara me 4 dhjetor të 1912-ës. Janë ndër të paktat pasuri që nuk I shkatërroi dot asnjë lloj regjimi. Janë pasuri të cilat nuk mund të vihen në pikëpyetje.

Unë nuk jam mbrojtës asesi i status-quos, nuk jam as partizan i nostalgjive të dikurshme, por aty ka burra e gra të cilët kanë punuar me përkushtim për Shqipërinë anëtarë të NATO-s. Aty ka burra e gra që kanë shërbyer në misione dhe kanë vëne jetën e tyre në rrezik për Shqipërinë anëtarë të NATO-s, për ti rritur reputacionin ndërkombëtar këtij vendi, edhe në kushtet kur ne klasa politike, kemi bërë baltën mullar në këtë vend.

Prandaj është dita që ne të kuptojmë dhe të vlerësojmë mundin e heronjëve të heshtur, e njerëzve të zakonshëm të këtij vendi që e kanë bërë Shqipërinë më krenare seç mund ta ketë bërë klasa politike.

Ne jemi sot për sot në një udhëkryq të madh. Lexova Financial Times, një prej gazetave më prestigjoze në botë. E dini me çfarë hapej në faqen e parë? Me foton selfie të Kryeministrit të Maqedonisë së Veriut dhe Kryeministrit Grek për arritjen e madhe historike pas 3 dekadash. Unë sot pyes. Si ka mundësi z.Ruci që pas tre dekadash si politikan me eksperiencë, si ka mundësi z.Ulqini, si ka mundësi z.Majko, e deri te kolegia që foli për herë të parë në këtë parlament. Pse kur Grekët e Maqedonasit e gjekërkan gjuhën për të parë përpara, ne nuk paskemi mundësi me e gjet gjuhën me njëri-tjetrin. A jemi të gjithë shqiptarë, a jemi pjesë e një kombi? Pse e kemi kaq të vështirë dhe turpërojmë veten tonë lart e poshtë. Pse nuk e gjejmë dot ne gjuhën për të parë përpara?

Çfarë do ti themi sot ne një 30-vjecari?

Shikonin një fakt të rëndësishëm. Njerëzit luftuan gjatë luftës së II-të botërore po mbesin gjithnjë e më pak, për shkak të arsyeve biologjike. Njerzit që kontribuan në komunizëm për atë që konsiderohet pasuria kolektive, ose sot janë dëshpëruar ose e kanë lënë këtë vend për shkak se pasuria u grumbullua te një rreth vicioz njerzish. Po 30-vjecarët që kanë lindur në 89-90 që nuk e dinë cfarë ishte komunizmi? Si do ta shpjegojmë këtë prapambetje në raport me fqinjët, jo me evropën e vlerave demokratike.

Do vazhdojmë të themi që ishte faji i komunizimit, ishte faji i Enverit?

30 vjet është më shumë se nga shpallja e Pavarësisë shtet në 1912 tek fllimi I luftës së I-rë botërore, apo pushtimi I Shqipërisë nga Italia fashiste. 30 vjet janë më shumë se periudha mes dy luftrave botërore. 30 vjet nuk e justifikojnë dot votën dhe besimin që na kanë dhënë Shqiptarët.

Prandaj, është momenti I fundit që ne të shohim për nga e ardhmja dhe mos bëhemi nostalgjik të së shkuarës.

Protesta e opozitës ka degjeneruar sot në grushte e shkelma me një person që sipas demokratëve ishte një efektiv i policisë i infiltruar në tubim.

Nuk dihet identiteti i personit që për disa çaste u dhunua nga të pranishmit në tubimin para Parlamentit.

Por siç shihet nga pamja, ai ishte me kapuç në kokë dhe me bilbil, ndërkohë që protestuesit e tjerë e kanë rrethuar dhe goditur disa herë deri sa ai është larguar.

Opozita po zhvillon sot protestën e saj të tetë kundër kryeministrit Edi Rama, protestë e organizuar tërësisht nga forumet rinore të Partisë Demokratike dhe Lëvizjes Socialiste për Integrim.

Përpos pankartave me thirrjet “Rama Ik”, në mënyrë simbolike, të rinjtë janë paraqitur me pranga në duar si edhe me maska me fytyrën e kryeministrit.

Një simbolikë kjo e përdorur nga të rinjtë në protestën e sotme, për të kundërshtuar arrestimet e mëparshme të protestuesve.

Kujtojmë se në javën e kaluar, pas protestës para Kuvendit, protestuesit shkuan para Ministrisë së Brendshme për të kërkuar lirimin e qytetarëve të arrestuar në protestat e mëparshme.

Tensione tek Ministria e Brendshme mes protestuesve të Unazës së Re dhe Policisë. Me protestuesit ka qenë edhe ish-deputeti Klevis Balliu.

Ndërkohë gazetari Klajdi Bodlli raportoi për “BalkanWeb” se kreu i PD-së Lulzim Basha nuk do të jetë në protestën e sotme pasi ndodhet në Gjermani për disa takime.

Përplasje mes protestuesve, dyshime për policë të infiltruar

10-40-Po zhvillohet protesta e 8-të e organizuar sot nga opozita paralel me seancën plenare të Kuvendit.  Gazetarja Dorjana Bezat raporton për “BalkanWeb” se nuk ka patur tentativa nga protestuesit për të thyer kordonin e policisë, por vetëm incidente mes demostruesve.

Sipas gazetares Bezat, mes protestuesve ka patur një përplasje verbale për përdorimin e aparateve celulare, ku edhe është dyshuar për infiltrim të policisë.

Tensione tek Ministria e Brendshme
Ora 9:45- Ka nisur me përplasje mes protestuesve e policëve të vendosur pranë Ministrisë së Brendshme, protesta e sotme opozitës. Banorë të Unazës së Re kanë tentuar të kalojnë tek Pedonalja për t’iu bashkuar protestuesve të tjerë por nuk janë lejuar nga policia.

Me ta ishte ish-deputeti i PD Klevis Balliu dhe përfaqësues të tjerë të opozitës. Më pas banorët iu kanë kërkuar policëve t’i bashkohen protestës dhe kanë bërë thirrje “Rama ik”.

1300 forca policie në terren
Ora 9:30- Ditën e sotme në protestën e 8-të të organizuar nga opozita, të paktën 1000-1300 forca policore priten të jenë të angazhuara për mbarëvatjen e saj. Gazetarja Dorjana Bezat raporton për “Balkanweb”, se ndryshe nga protestat e mëparshme policia ka vendosur gardh metalik për të minimizuar kordonin e efektivëve.

Protesta në dorë të FRPD

Ora 9:00-Kryetari i PD-së Lulzim Basha nuk do të jetë sot në protestë, por ata që do e drejtojnë do jenë të rinjtë demokratë. Gazetari Klajdi Bodlli raportoi për “BalkanWeb” se në mungesë të kreut të PD-së, Lulzim Basha e gjithë protesta do të jetë në dorë të FRPD-së.

Bleona Metushi/ Në Gjykatën për Krime të Rënda është përzgjedhur treshja gjykuese që do të shqyrtoj dosjen ndaj ish-Ministrit të Brendshëm, Saimir Tahiri.

Kujtojmë se rreth një javë më parë, gjykata kaloi në gjykim për akuzat e ngritura nga Prokuroria, ndërsa vetë Tahiri u shpreh se procesi ndaj tij është në kufijtë e maskaradës.

Gjatë seancës paraprake, ish-ministri kërkoi edhe gjykim të shkurtuar, kërkesë e cila do të shqyrtohet nga kjo treshe gjykuese.

Hetimet për Saimir Tahirin, nisën në nëntor të 2017-ës, pas publikimit të një pjese të dosjes së Katanias, ku në disa përgjime përmendej emrin e ish-ministrit, nga anëtarë të grupit Habilaj, drejtuar nga dy kushërinjtë e tij, Artan dhe Moisi Habilaj.

Bashkë me Tahirin, në gjykim kaluam edhe 3 ish-policët, Jaeld Çela, Gjergji Kohila dhe Sokol Bode, ndërsa më herët kanë kaluar është 9 pjesëtarë të grupit të Habilajve.

Seanca e kaluar

Gjykata për Krime të Rënda, pranoi më datë 26 mars kërkesën e prokurorisë, duke çuar në gjykim Saimir Tahirin dhe e ish policët, Jaeld Çelën,Gjergji Kohilën dhe Sokol Boden.

Për rreth 8 orë, prokuroria dhe mbrojtja parashtruan pretendimet e tyre. Sipas akuzës, të përfaqësuar nga prokurorët Dritan Prençi, Vladimir Mara dhe Arenc Çela, për gjatë 1 viti hetim, në bazë të provave të grumbulluara, ka dyshime të arsyeshme, se Tahiri dhe tre ish-policët, i kanë lehtësuar aktivitetin kriminal, grupit të “Habilajve” të cilët akuzohen për trafikimin e tonelatave të drogës drejt Italisë.

Nga ana tjetër, avokatët e të hetuarve, kërkuan pushimin e çështjes, pasi sipas tyre, nuk ka prova që mbështesin akuzat e ngritura.

Gjithashtu, mbrojtja Tahirit dhe e Çelës kërkuan edhe gjykim të shkurtuar, kërkesë që do të shqyrtohet në seancën e parë të gjyqit në themel.

Për kreun e LZHK, Dashamir Shehi, opozita nuk do të marrë pjesë në zgjedhjet e 30 qershorit, nëse ato do të zhvillohen.

I ftuar në studion e lajmeve të Ora News, ai komentoi edhe deklaratën e bashkëkryetarit për reformën zgjedhore, Damian Gjiknuri. Shehi tha se për zgjedhjet lokale nuk duhet të ndryshohet kodi, por ndarja administrative e Shqipërisë.

“Sa për zgjedhjet e 30 qershorit, nëse do të bëhen dhe unë gjykoj se opozita nuk ka për të marrë pjesë në këtë lloj skeme. Nuk ka thënë ndonjë gjë të re zoti Gjiknuri, sepse për zgjedhjet administrative nuk ka nevojë të ndryshohet kodi. Ka nevojë të ndryshohet zonat me të cilat do votohet, ndarja administrative e Shqipërisë. Me këtë kod kemi votuar që në 1992. I vetmi ndryshim është se në atë kohë ishte me dy raunde, tashmë është vetëm me një raund“, tha Dashamir Shehi.

Një ditëlindje e festuar në spital, por ama e lumtur. Ashtu si për yllin e knematografisë shqiptare Margarita Xhepa, edhe për të gjithë adhuruesit që e duan prej vitesh artin e saj. Ikona e filmit dhe teatrit shqiptar ka festuar sot 85-vjetorin.

Pas një ndërhyrjeje në këmbë, Xhepa është në gjendje të mirë shëndetësore dhe pritet që së shpejti të dala nga spitali.

Fotografitë janë bërë publike nga Presidenti Ilir Meta, i cili i ka dhuruar një buqetë me lule dhe një tjetër me urime.

“Shumë pranvera të tjera të lumtura për yllin e kinematografisë shqiptare, të papërsëritshmen, Margarita Xhepa. I uroj shërim të shpejtë, besimplotë se do ta shohim sërish në skenë me të tjera role, që do t’i shtojnë freskinë buqetës së saj të jashtëzakonshme artistike”, ka shkruar Meta.

E ngarkuara me punë në Ambasadën Amerikane në Tiranë, Leyla Moses-Ones ka deklaruar sot se Reforma në Drejtësi po ecën përpara dhe ajo nuk do të ndalet.

Gjatë një takimi në Ministrinë e Brendshme, e ngarkuara me punë në Ambasadën e SHBA tha se po këshillohen nga afër prokurorët shqiptarë, të cilët po sjellin ndjekje penale dhe të cilat janë tashmë të dukshme.

Gjatë fjalës së saj, Moses-Ones premtoi ndihmë për institucionet e reja të Drejtësisë.

“Ne po e shohim këtë në përpjekjet për reformën në drejtësi. Këshilli i Lartë i Prokurorisë do të sjellë së shpejti prokurorët e SPAK (Prokurorisë së Posaçme Antikorrupsion) dhe më pas Byronë Kombëtare të Hetimit. Ndihma jonë për Këshillin e Lartë Gjyqësor së shpejti do të çojë në gjykatën kundër korrupsionit dhe krimit të organizuar. Zyrtarët e Departamentit të Drejtësisë të SHBA po këshillojnë prokurorët shqiptarë, të cilët tashmë po sjellin ndjekje penale të dukshme — dhe ne presim më shumë. Shtetet e Bashkuara mbështesin të gjitha institucionet e reja të Shqipërisë, të tillë si Këshillat dhe si SPAK-u, si edhe institucionet ekzistuese që janë të gatshme të luftojnë kundër korrupsionit ose krimit të organizuar. Reforma në drejtësi po ecën përpara dhe nuk do të ndalet”, theksoi Moses-Ones.

Fjala e plotë e Leyla Moses-Ones

Projekti për Menaxhimin Policor të Çështjes ka filluar në vitin 2004 dhe ka hyrë plotësisht në punë në 2014. Ekipi i projektit ka kryer një analizë të gjerë të flukseve të punës hetimore të Policisë shqiptare, standardeve të dokumentacionit dhe ligjeve që qeverisin se si i zhvillon hetimet policia. Të armatosur me një kuptim të plotë të procesit, ICITAP-i dhe Policia e Shtetit projektuan, testuan dhe zbatuan një sistem të automatizuar të menaxhimit të informacionit në mbështetje të operacioneve të policisë në çdo hap dhe në çdo nivel. Ky sistem u integrua me projekte të mbuluara nga kolegët tanë të BE-së dhe Suedisë.

Objektivat janë të qarta: Efikasitet. Llogaridhënie. Performancë e drejtuar nga të dhënat: Sistemi e ka bërë policinë shqiptare më efikase në përgjigjen ndaj thirrjeve të qytetarëve për ndihmë. Sistemi ka përmirësuar llogaridhënien duke mundësuar mbikëqyrjen e punës së policisë nga eprorët. Ai siguron të dhëna të detajuara dhe objektive mbi prirjet e krimit, ngarkesën e punës së policisë, performancën e policëve dhe shpërndarjen e burimeve.

Dhe krijimi i programit për Menaxhimin e Çështjes nuk ishte sfida e vetme që kapërceu ekipi i projektit. Shtetet e Bashkuara punuan me Policinë e Shtetit për të përmirësuar rrjetin e komunikimit në mbështetje të rritjes së numrit të oficerëve të policisë që kanë nevojë të hyjnë në Sistemin e Menaxhimit Total të Informacionit ose TIMS me instalimin e mbi 10 milionë dollarë kompjutera, printera, kabllo dhe pajisje rrjeti. Teknikët e përfshirë në këtë përpjekje instaluan, testuan dhe konfiguruan më shumë se 100 pajisje komunikimi, disa prej të cilavë në majat e maleve më të largëta të Shqipërisë. Pasi sistemi u instalua dhe u lidh, teknikët e Policisë së Shtetit trajnuan më shumë se 6,100 oficerë në të gjithë vendin gjatë një periudhe dy vjeçare. Këta profesionistë të përkushtuar kaluan kohë të konsiderueshme larg shtëpive dhe familjeve të tyre, shpesh në kushte të vështira, për të bërë punën e nevojshme për ta bërë këtë projekt një sukses dhe për t’i mbrojtur qytetarët e Shqipërisë.

Ky është vetëm një shembull se si Shtetet e Bashkuara vazhdojnë të punojnë krah për krah me partnerët shqiptarë dhe evropianë për ta ndihmuar Shqipërinë në integrimin euroatlantik dhe përpjekjet për shtetin ligjor. Ne po e shohim këtë në përpjekjet për reformën në drejtësi. Këshilli i Lartë i Prokurorisë do të sjellë së shpejti prokurorët e SPAK (Prokurorisë së Posaçme Antikorrupsion) dhe më pas Byronë Kombëtare të Hetimit. Ndihma jonë për Këshillin e Lartë Gjyqësor së shpejti do të çojë në gjykatën kundër korrupsionit dhe krimit të organizuar. Zyrtarët e Departamentit të Drejtësisë të SHBA po këshillojnë prokurorët shqiptarë, të cilët tashmë po sjellin ndjekje penale të dukshme — dhe ne presim më shumë. Shtetet e Bashkuara mbështesin të gjitha institucionet e reja të Shqipërisë, të tillë si Këshillat dhe si SPAK-u, si edhe institucionet ekzistuese që janë të gatshme të luftojnë kundër korrupsionit ose krimit të organizuar. Reforma në drejtësi po ecën përpara dhe nuk do të ndalet.

Në përfundim, jam mirënjohëse për udhëheqjen e Ministrit të Brendshëm Lleshaj dhe të Policisë së Shtetit. Ne e vlerësojnë mbështetjen e tyre të palëkundur për përdorimin efektiv të këtij mjeti, menaxhimi policor i çështjes. Kapaciteti që ai do t’ju japë ju në reformën kritike të policisë dhe sistemit të drejtësisë si dhe në luftën kundër korrupsionit dhe krimit të organizuar do të jetë me rëndësi qendrore për të siguruar të ardhmen e Shqipërisë.

Ervin Salianji ka treguar me detaje se çfarë ka në përgjimet e dosjes Babale, ku ai vetë është marrë i pandehur nga prokuroria.

Ish-deputeti në studion e emisionit “Opinion” ka treguar dhe përgjimet e SHISH, që sipas tij përpara se të gjenin “aktorin” Alizoti, qeveria ka dashur të akuzojë një tjetër person.

Por si u njoh Salianji me Albert Veliun, apo siç njihet ndryshe Babalja?

“Më erdhi Jetmir Olldashi, një gazetar bashkë me një personazh që sot njihet si Albert Veliu. Ata erdhën sepse ministri i Ministri i Brendshëm në atë kohë ishte Fatmir Xhafaj, ata patën besim. Unë u binda nga dy momente, se pari nga telefonatat që kryente Babalja me Agron Xhafajn, që unë e kontrollova fare thjeshtë me Truecaller që dilte numri i Agron Xhafës. E dyta që më bëri që të bindesha ishte se Babalja kishte qenë trafikant, ishte pjesë e rrjetit. Nuk e kam takuar kurrë më përpara, takimet kanë qenë në PD. Në një moment të dytë më vunë në dispozicion materialin”.

Sa i përket përgjimeve të SHISH, ai tha se Veliu mbahej nën përgjim pasi nga Vlora do nisej drejt Italisë një ngarkesë me 12 ton drogë.

“Para se të vinte tek ne ai ka qenë në polici, ka takuar drejtuesit e policisë që rinte në telefon me Agron Xhafajn. Sipas tyre drejtori i policisë i sotmi, ishte një mik i Agronit, në këtë kuptim ata kanë shkuar tek prokuroria, kjo e ka mbajtur nënë mbikëqyrje bashkë me SHISH. Kanë arrit në disa konkluzione që janë të tmerrshme. SHISH e ka mbajtur nën survejim për të kapur 12 ton drogë Albert Veliun që nisej nga Vlora drejt Italisë. Dhe SHISH-i i ka dalë në përgjime që Albert Veliu flet me një person që e ka emrin Agron. Këtu ka implikim dhe të SHISH, që thotë se kam kërkuar në regjistrin e të dhënave tona dhe na ka dalë Agron Hyseni. Këta e kanë shmangur qëllimisht, pasi Agron Xhafaj njihej zyrtarisht me emrin Geron. Agron Hyseni është marrë në pyetje dhe thonë që nuk ka asnjë njohje me Albert Veliun, nuk e ka takuar kurrë dhe nuk ka folur kurrë. Është një qytetar që ka qenë në punë të vetë. Para se të shkonin tek Alizoti këta shkuan tek një Agron tjetër. Akt-ekspertimi thotë se krahasimi i Agronit, këtij që kemi publikuar ne dhe Agron Hysenit vërehen ndryshime të rëndësishme”.

Kryetari i Institutit të Studimeve për Krimet dhe Pasojat e Komunizmit, Agron Tufa ka reaguar pas akuzave të ish-kreut të Komisionit të Sigurisë Kombëtare, aktualisht deputetit të PS-së, Spartak Braho, i cili kërkoi sot në Kuvend shkarkimin e tij.

Por Agron Tufa në një reagim në Facebook e ka quajtur reagimin e Brahos si një dhuratë të çmuar për ditëlindjen e tij.

Ai e ka quajtur deputetin e PS-së, si përfaqësuesin e zi të ish-Sigurimit të Shtetit dhe se njerëzit sipas tij duhet ta dinë se sa u rrezikohet jeta nga ata që ai i quan “neandërtalë të komunizmit”

“Dhuratën më të çmuar sot për ditëlindje ma ka bëre direkt nga salla e Kuvendit bash përfaqësuesi i zi i ish Sigurimit të shtetit, deputeti Spartak Braho. Dëgjojeni dhe, ju lutem, shpërndajeni sa më gjerë ta dinë të gjithë, se si na rrezikohet jeta nga këta neandertalë të komunizmit!”, shkruan Tufa.

Nderkohë që sot Spartak Braho tha në Kuvend se: “Ka shumë helm brenda në tërë veprimtarinë e këtij institucioni. Në këto kushte unë mendoj që nuk do ta votoj pozitivisht këtë rezolutë, madje do kërkoj shkarkimin e Agron Tufës derisa t’i thërrasë mendjes e të jetë më i ekuilibruar në veprimtarinë e tij. 
Ky institut me Agron Tufën në krye është kthyer në një seksion të Ballit Kombëtar, duke marrë përsipër të nxijë çdo gjë, duke përfshirë luftën, heronjtë, dëshmorët, dhe nuk ka asgjë shkencore në tërë analizat që ka bërë ky institut.
Ky është thjesht një institut studimi, nuk ka pse ngatërrohet me politikën, nuk ka pse operon me terminologji lustracioni, sepse lustracioni është i ndaluar me ligjin që kemi miratuar”.

Deputeti socialist, Spartak Braho tha se do të kërkonte shkarkimin e kreut të Institutit të Studimeve për Krimet dhe Pasojat e Komunizmit, Agron Tufa.

“Ka shumë helm brenda në tërë veprimtarinë e këtij institucioni. Në këto kushte unë mendoj që nuk do ta votoj pozitivisht këtë rezolutë, madje do kërkoj shkarkimin e Agron Tufës derisa t’i thërrasë mendjes e të jetë më i ekuilibruar në veprimtarinë e tij”, tha Braho nga Komisioni i Sigurisë.

Braho jep edhe arsyet e “shënjestrimit” të Tufës, duke theksuar se ai po nxin heronjtë e Luftës së Dytë Botërore.

“Ky institut me Agron Tufën në krye është kthyer në një seksion të Ballit Kombëtar, duke marrë përsipër të nxijë çdo gjë, duke përfshirë luftën, heronjtë, dëshmorët, dhe nuk ka asgjë shkencore në tërë analizat që ka bërë ky institut. Ky është thjesht një institut studimi, nuk ka pse ngatërrohet me politikën, nuk ka pse operon me terminologji lustracioni, sepse lustracioni është i ndaluar me ligjin që kemi miratuar”, shtoi ai.

Lista e re e kandidatëve për Këshillin Bashkiak të Erion Veliajt u publikua në një shkrim të Top Channel ku nuk mungonin fjalitë komplimentuese si :

“Lista duket e goditur dhe pasqyron një ndërthurje perfekte të zgjedhurish mes qeverisë dhe bashkisë, ku spikasin një sërë zëvendësministrash të qeverisë Rama, të cilët kandidojnë për një vend në Këshillin Bashkiak. Nga ana tjetër, vihet re një numër i madh pedagogësh e profesorësh” ose

“Një fokus i veçantë duket se i është dhënë të rinjve, ku bien në sy mbi 30 të rinj nën moshën 30 vjeç; çka e konfirmon edhe njëherë Veliajn si promotor të të rinjve për të qenë pjesë aktive e vendimmarrjes së qytetit, por edhe se Tirana është një nga finalistet për të qenë Kryeqyteti i Europës për Rininë në vitin 2022”

Sipas artikullit të botuar në sitin e Top Channel, binte në sy edhe prania e emrave publikë si Redi Jupi, Gaz Paja, harvardasit Ertjen Xhafaj dhe Ervin Mete etj etj.

Por ajo që nuk përmendej në artikullin e Top Channel nëse ishte aq perfekte sa titujt shkencorë apo dimensioni publik ishte shpërndarja gjeografike e kandidatëve.

Është fakt që popullsia e Tiranës është shtuar me herë në këto vite të demokracisë. Aktualisht, në Tiranë banojnë afër 1 milion banorë.

Lëvizjet e poullsisisë sollën edhe shumë veriorë në Tiranë.

Por, sa është reflektuar struktura e re e popullsisë në përzgjedhjen e kandidatëve të rinj të Këshillit Bashkiak?

Pasi i lexon 100 emrat e publikuar, ajo që bie në sy është mungesë e madhe e emrave nga Veriu. Sigurisht që nuk po themi të ketë shpërndarje proporcionale të kandidatëve, por, duhej të ruhej edhe një kriter minimalist gjeografik.

E sfidojmë Kryetarin e Bashkisë të na vërtetojë që e kemi gabim.

Lista e plotë e kandidatëve:

1. Abdyl Sarja
2. Agim Kraja
3. Aida Llazani
4. Albert Nikolla
5. Aldrin Dalipi
6. Alketa Hila
7. Alketa Cobo
8. Anxhela Bakiasi
9. Aqif Qefalia
10. Arnisa Lushaj
11. Arta Dollani
12. Arta Harxhi
13. Artur Sala
14. Auran Xhani
15. Bajram Shera
16. Bardha Sadikaj
17. Bardhylka Kospiri
18. Besfort Lamallari
19. Blerina Doracaj
20. Blerina Vorpsi
21. Bora Panajoti
22. Dajna Sorenson
23. Darling Mersini
24. Dorian Balla
25. Dorina Kuka
26. Egert Vargu
27. Eni Bistri
28. Eni Pëllumbi
29. Enis Hoxha
30. Erald Mara
31. Eralda Shqarthi
32. Eridian Salianji
33. Ermira Gjeci
34. Ervin Meta
35. Etjen Xhafaj
36. Eugerta Teqja
37. Eugerta Bakiu
38. Fabjan Azuni
39. Fatmir Heti
40. Fjoralba Jahupi
41. Flavio Barci
42. Frida Krifca
43. Gaz Paja
44. Geldi Belba
45. Genc Duka
46. Genta Mezini
47. Gerta Pëllumbi
48. Glindxhet Madhi
49. Grejs Bixhi
50. Gresa Hoxha
51. Hantin Bonati
52. Iva Beharaj
53. Jeton Skenderaj
54. Joleza Koka
55. Jonida Mema
56. Julian Hima
57. Julian Hodaj
58. Kamela Banushi
59. Karolina Kostallari
60. Katerina Marku
61. Klevi Lala
62. Klodeta Dibra
63. Klodiana Beshku
64. Koli Bele
65. Laureta Sinanaj
66. Liri Jani
67. Luan Bregasi
68. Luiza Grazhdani
69. Marjana Suli
70. Maura Linadi
71. Meli Kondi
72. Militan Marku
73. Mira Rakacolli
74. Naim Halili
75. Neki Hoxha
76. Olsa Ulqinaku
77. Olti Rrumbullaku
78. Orion Gliozheni
79. Ornela Cuci
80. Petrit Desku
81. Plarent Ndreca
82. Rajsi Hamza
83. Ramazan Buci
84. Rasim Hidri
85. Redi Jupi
86. Roi Bashaj
87. Romina Kuko
88. Rona Serjani
89. Rovena Voda
90. Rudolf Xhillari
91. Ruilda Lite
92. Sara Shameti
93. Sonila Qato
94. Ted Deraj
95. Teuta Vodo
96. Toni Gogu
97. Valbona Zeka
98. Xheni Hatillari
99. Xhensila Visha
100. Ylli Çano

TIRANË

Ministri në detyrë për Evropën dhe Punët e Jashtme Gent Cakaj u bëri thirrje sot 38 Konsujve të Nderit në Shqipëri që të dorëzojnë targat diplomatike për të marra targat e reja sipas ligjit.

Cakaj shtoi se masa pritet të merren edhe në kuadër të fuqizimit të dinjitetit të pasaportës diplomatike shqiptare, e cila është vënë në pikëpyetje nga shumë vendase për shkak sesi është dhënë deri tani.

Por kush janë Konsujt e Nderit në Republikën e Shqipërisë jo vetëm ata që duhet të dorëzojnë targat, disa të njohur e disa jo emra të dëgjuar. “BalkanWeb” sjell të plotë listën e tyre.

1. AUSTRI
Gjergj Leqejza
Arben Malaj

2. BANGLADESH
Shaban Xhabrahimi

3. BELGJIKË
Fabrice Wallaert

4. BOSNIA HERCEGOVINA
Fiqiri Kllari

5. KANADA
Krenar Loloçi

6. ESTONIA
Sotiraq Guga

7. FINLANDË
Bardhyl Minxhozi

8. ISLANDË
Isuf Berberi

9. INDI
Petraq Gramo

10. REPUBLIKA E KORESE SE JUGUT
Agron Papuli

11. MALAJZI
Gentian Sula

12. MAROK
Bujar Lybesha

13. QIPRO
Mr. Vladimir Avrami

14. SAN MARINO
Esat Ademi

15. SLLOVAKI
Faik Dizdari

16.TURQI
Bahadir Aksoy

17. JAPONI
Avni Ponari

18. LITUANI
Kastriot Haska

19. SLLOVENI
Edvin lLibohova

20. KAZAKISTAN
Vilson Ahmeti

21. ITALI
1.Teodor Bilushi
2.Vito Antonio Stigliani

22. Maltë
Tomë PREKU

23. BULLGARI
Selim Hoxhaj

24. SIERRA LEONE
Artan Stroka

25. RUMANI
Elvis Toçi

26. MONGOLI
Belma Çela

27. PORTUGALI
Dorian Sadiku

28. HUNGARI
Kliti Hoti

29. LETONI
Sokol Kraja

30. NORVEGJI
Marinela Jazoj

31. ARMENI
Varuzhan Piranjani

32. PAKISTAN
Seyhan Pencabligil

33. TUNIZI
Nikolin Jaka

34. FILIPINE
Loritan Prespa

35. EL SALVADOR
Gerian Kuka

36. IZRAEL
Rodolf Xhillari

37. AFRIKA E JUGUT
Zenel Hoxha

38. SRI LANKA
Mirton Lika

39. INDONEZI
Irma Kapllani

40. DANIMARKË
Përparim Kalo

41. FRANCË
Ilia Skëndi

42. UKRAINË
Bledi Bajraktari

43. KOSOVË
Mentor Nazarko

44. REPUBLIKA ORIENTALE E URUGUAJT
Ilir Trebicka

45. UKRAINË
Bledi Bajraktari

Kryeministri Edi Rama është pritur me protesta në Durrës, pasi ka planifikuar takime në kuadër të “Bashkisë që Duam”.

Simpatizantët e Partisë Demokratike janë organizuar në tre grupe për të bllokuar rrugën, me qëllim pengimin e vizitës së kryeministrit Rama, ndërsa në duar mbajnë pankarta me mbishkrimet: Rama ik! Stop krimit politik! 

Ndal shkatërrimit të Durrësit. Pavarësisht protestës së PD-së, kryeministri ka vijuar turin e takimeve sipas axhendës.

Kujtojmë se Rama është pritur me protesta edhe herë të tjera gjatë vizitave në rrethe.

Ministri i Jashtëm në detyrë Gent Cakaj është duke komentuar për publikun Raportin e Departamentit të Shtetit për vitin 2018.

Cakaj po flet për drogën që ka qarkulluar në Shqipëri gjatë 2018 dhe ndalimin e saj.

Sipas Cakajt, Shqipëria është burimi i kanabisit dhe kjo është e pamohueshme.

‘Shqipëria është vendi i raportit të kanabisit dhe ky është fakt i pamohueshëm. Që Shqipëria është burim kanabisi është e ditur. Kjo mund të duket një relativizim i qeverisë, por Shqipëria është një vend tranzit në raport me drogën, heroinën dhe kokainë. Për shkak se është shtuar kontrolli kufitar për qarkullimin e kokainës në treg. Këtu nuk kemi të bëjmë me një ndërmarje rajonale po për një bashkëpunim efektiv që nuk mund të ndodh. Grupet kriminale shqiptare e kalojnë drogën nga vende të Afrikës së jugut dhe Azisë. Kemi të bëjmë me një krim me hapjen e grupit’, tha Cakaj.