Kreu i opozitës, Lulzim Basha një ditë para protestës kombëtare ka deklaruar se kauza e tyre nuk ka ngjyra politike.

Sipas tij, në këtë betejë nuk ka të majtë apo të djathtë, por qytetarët duhet të dalin të protestojnë për fëmijët e tyre.

 

 

Basha gjatë takimit me banorët e Unazës së re ka thënë se të dielën të gjithë duhet të bashkohen para selisë të së keqes, ku sipas tij vetëm njëra palë do mbijetojë.

“Të bashkohemi nesër para selisë të së keqes, ku Shqipëria e hajdutërisë kriminale të Milot- Balldrenit, ku Shqipëria e propagandës kriminale të kotecit palestër ku është katandisur organizata kriminale e Rilindjes, dhe Shqipëria e qendresës stoike të banorëve të Unazës, të takohen në një betejë ku vetëm njëra do të mbijetojë: O Shqipëria e drejtësisë, Shqipëria e prindërve që luftojnë për fëmijët e tyre, Shqipëria e Kushtetutës dhe e ligjit, Shqipëria e vlerave europiane, apo Shqipëria e zuzarëve dhe banditëve, hajdutëve që kanë përzënë gjysmë milioni të shqiptarëve, qeverisjen më të korruptuar dhe më të inkriminuar të Europës! Kjo është beteja! Kjo është kauza, dhe në këtë kauzë nuk ka ngjyra, nuk ka të djathtë e të majtë. O je me fëmijët e tu, o je me vlerat elementare të dinjitetit njerëzor e të punës së ndershme, ose je skllav dhe qen I krimit”, ka thënë Basha.

Ai ka ftuar banorët e Unazës së re që sipas tij duke u bashkuar e ndalën të keqen.

“Këto katër muaj, mrekullia e qëndresës dhe dinjitet çdo njeriu, e ka kthyer kokë poshtë Shqipërinë e tiranisë. Kam vetëm një mesazh për zonjat dhe zotërinjtë këtu ku e keqja është ndalur, ka 1 dhe vetëm 1 mesazh, bashkohemi për ta shkulur të keqen me rrënjë.

Bashkohemi në protestën e nesërme, për të mos lejuar më asnjë dramë njerëzore dhe familjare asnjë shkelje flagrante të drejtave nga një grusht horrash që nuk janë më as Qeveria dhe as Parlamenti, por banda që do e shporrim me çdo kush dhe çdo çmim. Ju ftoj ta bëjmë këtë në emër të vogëlusheve tanë, që do e nxjerrin në breg anijen e trazicionit 30 vjeçar. Le ta marrim edhe njëherë shkëndijën që u bë pishtar dhe pishtarin që u bë furrnaltë këtu tek Unaza e re dhe ta sjellim në protestën nesër para Kryeministrisë.  Ne do e shkulim me rrënjë të keqen,  ta çlirojmë Shqipërinë nga banda kriminale”, tha ai.

Shoqata Çamëria në kuadër të 75-vjetorit të Genocidit grek mbi Shqiptarët e Çamërisë, ka zhvilluar një aktivitet në kujtim të Gjeneral Enrico Tellinit, i cili mbrojti kufijtë e Shqipërisë në vitet 1922-1923, para se të vritej nga Greqia pranë Janinës.

Në këtë aktivitet mori pjesë edhe kryetari i PDIU-së, Shpëtim Idrizi. Kreu i PDIU-së tha se Greqia nuk duhet të mërzitet pse i themi që Çamëria është tokë shqiptare.

“Mos të mërzitet Greqia kur i themi që Çamëria është tokë shqiptare, ka qenë, është dhe do të jetë tokë shqiptare. Çamëria është tokë shqiptare, e marrë nga një padrejtësi historike. Kush nuk e di këtë gjë të lexojë librat dhe autorët e lashtë grekë. Pse ne sot duhet ta heqim termin Çamëri? Pse ne sot nuk duhet të flasim për të drejtat e shqiptarëve të Çamërisë, për tu kthyer në shtëpinë tonë. Për të fituar të drejtat njerëzore dhe civile, ato mbi të cilat është ngritur bota e qytetëruar”, – u shpreh kryetari i PDIU-së.

Gjithashtu Idrizi tregoi se kush është Gjeneral Tellini dhe se do të propozojë që Presidenti i Republikës ta dekorojë për kontributin që ai ka dhënë për Shqipërinë.

“Është për tu falenderuar dhe për të qënë mirënjohës, për punën që po bën sot Shoqata Çamëria. Sot po nderohet dhe respektohet një njeri i cili u vra, për këtë Shqipëri që ne kemi sot. Na ka bërë përshtypje se si Gjeneral Enrico Tellini, u martinizua për këtë Shqipëri që kemi sot. Gjeneral Tellini u vra nga andartët grekë, bashkë me 3 oficerë të lartë, në krye të detyrës si kryetar i Komitetit për Përcaktimin e Kufijve Shqipëri-Greqi. Gjeneral Tellini është harruar nga autoritetet shqiptare, pasi ai ka pasur një përmendore nga viti 1933 deri në vitin 1945, në një ndër sheshet kryesore të Tiranës. Harresa apo servilizmi i politikës shqiptare, bëri që të mos kujtohej një njeri që ka dhënë kaq shumë për Shqipërinë.

Elita shqiptare, Akademia e Shkencave, njerëz që duhet t’i prijnë interesit kombëtar, duhet të bërtasin më fortë. Duhet të bërtasim më forte, pasi kemi një vend, që po na shtyjnë drejt harresës dhe do e kemi më të vështirë ta dimë se ku do shkojmë dhe kush është e ardhmja jonë.

Kur thashë që Gjeneral Tellinin e vranë andartët grekë, ju e dini që pak më vonë filluan të thonë “jo nuk e  kanë vrarë ata”. Gjithmonë historia e Makbethit përsëritet. Tentuan që edhe këtë vërtetë të madhe ta ndryshonin, ashtu siç kërkojnë të ndryshojnë të vërtetën e madhe për shqiptarët e Çamërisë.

Genocid i pastër, spastrim etnik. Ne kemi bërë thirrje publikisht që të bëjmë një debat historianësh. Një debat historik, të ikim nga folklorizmat dhe nga budallallëqet e atyre që kanë kompleksin e gjakatarit. Çdo njeri që ka lexuar 2 libra për historinë e Greqisë, e di shumë mirë që Luftën Civile në Greqi, e fituan bashkëpuntorët e gjermanëve, duke vrarë partizanët grekë që deri në vitin 1944  kishin çliruar 70% të territorit të Greqisë. Kjo është e vërteta”.

Ish-zv.ministrja e Financave në qeverinë Rama, Irena Beqiraj me anë të një letre të hapur u drejtohet qytetarëve për situatën politike dhe ekonomike në vend.

Ajo shton se Shqipëria është një vend me pasuri të shumta natyrore, por sipas saj vendi është në varfëri. “Natyra na ka bekuar me pasuri me ujë e me Diell . Kemi gjithçka që kemi nevojë! Vendet e zhvilluara do të donin të kishim shumë më pak nga ato që kemi dhe i harrojnë. Të pasur, por ne ende jetojmë në zemërim, urrejtje dhe varfëri. Hipokrizia ushqen makinat e liderëve tanë; propaganda dhe gënjeshtra, formojnë mendimet tona . Lakmia, zilia dhe urrejtja i kanë skllavëruar mendjet tona. Ne mendojmë se e njohim armikun e vërtetë, ndërsa armiku i vërtetë është ‘injoranca” që është ulur këmbëkryq në partitë tona, në institucionet tona, në ekranet tona”, thekson ish-zv.ministrja.

Irena Beqiraj me tone të ashpra sulmon liderët e partive, për të cilët thotë se Shqipëria s’ka patur kurrë liderë.

“Ju mendoni se kemi udhëheqës? Ne nuk kemi udhëheqës . E druaj se kurrë nuk kemi pasur. Ne kemi dështuar të kuptojmë se cfarë e karakterizon një udhëheqës.

Një udhëheqës nuk është ai që është zgjedhur nga partia, për të udhëhequr partinë , nuk është ai që është zgjedhur për të të drejtuar qeverinë. Udhëheqës është ai që është i kujdesshëm me çdo fjalë që nxjerr nga goja, me çdo vendim që merr për vendin e tij. Udhëheqës është ai që për të mbajtur popullin të bashkuar është i gatshëm të shpërfillë propagandën, dhe të arrijë kompromise pa kushte.

Udhëheqës është ai që nuk ka nevojë të kërkojë të vërtetat në raportet e ndërkombëtareve, duke pritur dëshpërimisht një fjalë të mirë për punën e tij duke thënë “ E shikoni kemi punuar!”, thekson Beqiraj.

Ndërkohë që ajo kërkon nga qytetarët të refuzojnë politikën, hedhjen e bombave molotov dhe votimet pa zgjedhje.

“Populli im , duhet ta refuzojmë me qytetari këtë politikë. Duhet të refuzojmë hedhjen e bombave moltov , duhet të refuzojmë djegjen qoftë edhe të një fije bari e cila sërisht do të zëvendësohet me paratë tona, si kurse duhet të refuzojmë pa hezitim votimet pa zgjedhje”, thejso ajo.

E plotë

Irena Beqiraj: Letër e hapur popullit tim!

I nderuar Shqiptar që po lexon këto rreshta,

Vendosa të shkruaj pikërisht sot kur për vitin e dytë radhazi Komisioni Europian jep rekomandim pa kushte për hapjen e negociatave me Bashkimin Europian, ndërkohë që Holanda i kërkon po Komisionit kthimin e vizave për Shqiptarët.

Pikërisht sot kur kreditimi në ekonomi ka rënë sërish për muajin Prill, por qeveria është besim plotë, që një kompani e mesme për nga madhësia, mund të marrë borxh 70 milion euro.

Sot që rritja e investimeve të huaja është e dukshme në 1 miliard euro por që fatkeqësisht akoma këto investime , shkojnë vetëm në shfrytëzimin e pasurive natyrore që kemi.

Vendosa të shkruaj sot sepse partia ime ku unë aderoj hap fushatën e zgjedhjeve vendore, ku do të valviten flamujt e fitores, ndërsa opozita nesër proteston që nuk do të këtë zgjedhje dhe do të çirret në zemërim.

E mbase vendosa te shkruaj sot , sepse është periudhë ku letrat janë marrëzisht në modë . Por fatkeqësisht deri tani , jo si një mënyrë reflektimi edhe vetëpërmbajtje për të mos i thënë fjalët nxitimthi, por vijnë si justifikim i pastër i pavlerë si kofini pas të vjelit.

Natyra na ka bekuar me pasuri me ujë e me Diell . Kemi gjithçka që kemi nevojë! Vendet e zhvilluara do të donin të kishim shumë më pak nga ato që kemi dhe i harrojnë. Të pasur, por ne ende jetojmë në zemërim, urrejtje dhe varfëri. Hipokrizia ushqen makinat e liderëve tanë; propaganda dhe gënjeshtra, formojnë mendimet tona . Lakmia, zilia dhe urrejtja i kanë skllavëruar mendjet tona. Ne mendojmë se e njohim armikun e vërtetë, ndërsa armiku i vërtetë është ‘injoranca” që është ulur këmbëkryq në partitë tona, në institucionet tona, në ekranet tona.

Ju mendoni se kemi udhëheqës? Ne nuk kemi udhëheqës . E druaj se kurrë nuk kemi pasur. Ne kemi dështuar të kuptojmë se cfarë e karakterizon një udhëheqës.

Një udhëheqës nuk është ai që është zgjedhur nga partia, për të udhëhequr partinë , nuk është ai që është zgjedhur për të të drejtuar qeverinë. Udhëheqës është ai që është i kujdesshëm me çdo fjalë që nxjerr nga goja, me çdo vendim që merr për vendin e tij. Udhëheqës është ai që për të mbajtur popullin të bashkuar është i gatshëm të shpërfillë propagandën, dhe të arrijë kompromise pa kushte.

Udhëheqës është ai që nuk ka nevojë të kërkojë të vërtetat në raportet e ndërkombëtareve, duke pritur dëshpërimisht një fjalë të mirë për punën e tij duke thënë “ E shikoni kemi punuar!”

Udhëheqës e burrë shteti është ai që ndahet nga pushteti “me një ndarje për të qenë” edhe pse siç thotë Kadare për të ndërtuar një ndarje për të qene është më vështirë se të ngresh një piramidë “

Populli im , Uroj me gjithë shpirt që Europa të hapë negociatat për të prurë sadopak shpresë ndërnesh , për të na ndihmuar të gjejmë rrugën e humbur, edhe pse në ato negociata nuk do të ulemi ballëlartë e si palë e barabartë me anën tjëtër të tavolinës, pasi do të na duhen 4 dekada ( sipas Bankes Botrore ) për të arritur standardin e tyre ekonomik e shoqëror. Dua pafund që ajo derë të hapet , megjithëse e di që nën udhëheqjen e politikes së sotme Europa nuk do të jete shumë afër për ne .

Nëse Liderët e arsyes së humbur, nuk gjejnë dot më arsyen për tu ulur në tavolinën e kompromisit pa kushte duke na shpjeguar njëri përse zgjedhjet nuk shtyhen e tjetri përse nuk do të këtë zgjedhje, ne duhet ti refuzojmë.

Populli im , duhet ta refuzojmë me qytetari këtë politikë. Duhet të refuzojmë hedhjen e bombave moltov , duhet të refuzojmë djegjen qoftë edhe të një fije bari e cila sërisht do të zëvendësohet me paratë tona, si kurse duhet të refuzojmë pa hezitim votimet pa zgjedhje.

Gjendet i pajete nje efektiv i policise kufitare në Kapshticë. Gazetarja e “Panorama” në Korçë raporton se polici eshte gjetur i pajete brenda ne furgonin e patrullimit. 

Sipas te dhenave te para ai eshte identifikuar si shtetasi Ajet Beqo 62 vjeç.

Nga hetimet paraprake behet me dije se ai dyshohet se ka gjetur vdekjen per shkaqe naturale.

Mbrëmë Exit.al bëri të ditur se tuneli i sapondërtuar i Rrugës së Arbrit nga kompania Gjoka Konstruction është shembur.

Kompania Gjoka nuk ka eksperienca të mëparshme në ndërtimin e tuneleve. Fotot e mëposhtme tregojnë dëmin e shkaktuar në investimin e kryer gjatë muajve të fundit.

Sikurse Exit.al e ka shpjeguar më parë, koncesesioni i Rrugës së Arbrit është projekti i parë në skemën e Projektit 1 miliardë dollarë, i firmosur në shkurt 2018. Ai po financohet përmes skemës së partneritetit publik-privat, të cilat, siç kemi shpjeguar më parë, janë skema të kushtueshme financiarisht dhe të papërshtatshme për vende si Shqipëria, ku ka një mungesë të theksuar të transparencës dhe nivel të lartë të korrupsionit.

Kostoja totale e projektit llogaritet të arrijë vlerën e 250 milionë eurove, nga të cilat 190 milionë euro do të investohen nga kompania dhe 60 milionë euro nga shteti.

Sipas kontratës, kompania do të kujdeset për mirëmbajtjen e rrugës dhe tunelit për 10 vjet dhe në këmbin, kanë të drejtë të vendosin një tarifë prej 4 eurosh për çdo kalim të automjeteve në autostradë.

Qeveria Rama i dha Gjoka Konstruksion një bonus prej 10 për qindësh, duke e paracaktuar përpara se të hapej tenderi si kompani fituese. /Exit.al/

 ITALI

Mediat italiane vazhdojnë të shkruajnë detaje nga një operacion i madh antidrogë zhvilluar në Itali e Shqipëri, ku janë arrestuar gjithsej 5 persona. Njëri prej tyre është arrestuar në Vlorë, ndërsa dyshohet se pikërisht i prangosuri në vendin tonë është edhe kreu i organizatës kriminale të trafikut të drogës.

Sipas asaj që shkruajnë mediat e vendit fqinj, nga 5 të arrestuarit, 3 janë lënë në burg, kurse për dy është dhënë masa “arrest shtëpie”. Substanca narkotike u soll nga Shqipëria në brigjet e Brindisit me përdorimin e anijeve, të cilat zbarkuan në zona të izoluara bregdetare. Këtu gjetën mbështetjen logjistike të atyre që janë prekur nga krimi i organizuar në Puglia, përfshirë Saverio Palma, i cili u arrestua sot.

Droga, nëpërmjet korrierëve, transportohej më pas në vende të ndryshme të tregut në Itali. Vendet ku transportohej lënda narkotike janë Roma, Napoli, Milano dhe Firenze.  Pikërisht në Toskanë, organizata kishte një bazë. Anëtarë të kësaj bande kriminale ishin Armand Lushaj, Indrit Hamzaj, Julian Aliaj. Ata dyshohet se shpërndanin drogën në komunat e Firences. Lënda narkotike sillej nga Shqipëria në Brindizi.

Ndërkaq, në mediat italiane thuhet se kreu i bandës kriminale dyshohet se është  Flodian Serjani, një trafikant droge me lidhje të forta në Toskana dhe që udhëtonte shpesh mes Shqipërisë dhe krahinës së Brindisit për të organizuar mbërritjen e ngarkesave. Serjani u arrestua sot në Vlorë, Shqipëri. Gjatë hetimeve kundër grupit, janë sekuestruar rreth gjysmë ton drogë në periudha të ndryshme kohore.

Ish-presidenti Bamir Topi, i ftuar në emisionin “Të Paekspozuarit”, teksa ka prezantuar edhe librin e tij me te fundit, ka rrëfyer mardhëniet me Sali Berishën dhe Edi Ramën.

Topi ka bërë në emision, një përcaktim per Ramen si arrogant ne ushtrimin e pushtetit.

Sipas tij, ashtu si ne filimin “Këmbëmadhi”, te aktorit Bud Spencer, edhe aty ku shkel Rama nuk lindin gjallesa.

“Nga 2008, deri në vitin 2019, kemi një sundim bipolar të këtyre individëve [Berishës dhe Ramës]. Ka qenë një aktor, Bud Spencer dhe ka patur një titull filmi, “Këmbëmadhi”. Aty ku vinte këmbën Bud Spence, nuk lindnin gjallesa. Flas për aktualin. Për Ramën kam patur një mendim tjetër, si një djalë qytetar. E kam parë si një njeri të përulur në nevojë dhe arrogant në ushtrimin e pushtetit“, u shpreh Topi.

Të paktën 5 persona kanë rënë në prangat e policisë italiane pasi trafikonin drogë nga Shqipëria drejt Italisë. Bëhet fjalë për 4 italianë dhe 1 shqiptar të arrestuar në Firenze, Siena, Brindisi dhe Vlorë.

Këta persona mësohet të jenë përgjegjës për trafikun e gjysmë ton marijuane, të sekuestruar nga policia.

Mediat italiane shkrujnë se, mëngjesin e sotëm ka nisur një operacion nga policia e Firences në drejtim të një organizate që merret me trafikun ndërkombëtar të drogës, pjesë e së cilës janë edhe të arrestuarit.

Nga hetimet, policia italiane ka mundur të zbërthejë grupin që kishte krijuar organizatën në fjalë, e cila merrej kryesisht me trafikun e marijuanës nga Shqipëria në Itali.

Malli që nisej nga Shqipëria, me të mbërritur në brigjet pulieze, paketohej e bëhej gati për tu shpërndarë në tregjet italiane.

Presidenti i Kosovës, Hashim Thaçi ka vendosur edhe njëherë theksin tek bashkimi i Shqipërisë me Kosovën.

I ftuar në emisionin “Debat plus”, Thaçi e konsideroi si poshtërim “mbylljen e derës” nga BE, ndërsa shtoi se nëse BE nuk ndryshon, rruga do të çojë në një angazhim të dy qeverive, sipas presidenti të Kosovës, në një shtet të përbashkët.

“Pas diskriminimit që po i bën Bashkimi Evropian Kosovës, mendoj që ka ardhur koha për hapa konkret, që nëse BE vazhdon me mbylljen e derës, duhet realisht të shkojmë përmes një bashkimi kombëtar, gjithmonë duke përfshirë edhe Preshevën, Medgjevën dhe Bujanocin.

Kjo vonesë e BE, ky poshtërim që i bëhet Kosovës çon drejt mendimit që nëse nuk na duan me dy flamuj, le të shkojmë me një flamuj. BE duhet të ndryshojë, përndryshe kjo rrugë do çojë në një angazhim të dy qeverive në një shtet të përbashkët. BE po e trajton Kosovën si gjysmë shtet. Këtë fyerje ne nuk mund ta përballojmë përgjithmonë, duhet ë lëvizim”, tha Thaçi.

Teksa flet për vrasjen e kolonel Ahmet Krasniqit në Shqipëri, ish-kryeministri Sali Berisha thotë se ai u vra nga SHISH, duke dhënë edhe detaje se si u vra.

“Ai shoqërohej nga oficerë të SHIK-ut. Ai banonte në një shtëpi që e kishin sistemtuar autoritetet shqiptare. Ahmet Krasniqin 24 orë më përpara e çarmatosin për ta ekzekutuar. Në momentin e vrasjes kanë qenë dy oficerë të SHIK-ut. Nuk e kanë vrarë ata. Dy të tjerë ose një të maskuar, e kanë vrarë. Ngjarja është kryekëput vrasje shtetërore të qeverisë shqiptare. Vranë ministrin e Mbrojtjes të Kosovës në besë të tyre. Autor kryesor është Fatos Klosi, një njeri që gjatë qeverisjes time ndiqej si bashkëpunëtor i dy shërbimeve të huaja antishqiptare”, tha Berisha për T7 në Kosovë.

Gjatë intervistës, Berisha akuzoi Ramën si përçarës kombëtar.

“Edi Rama është një përçarës kombëtar. Ai nuk kursen as të vdekurit, as presidentin Rugova në udhëtimin e tij të parë si kryeministër në Kosovë, çka detyroi deputetët e LDK ta braktisin teksa fliste fjalimin e hartuar nga Rexhep Qosjeviç. Përçarjen kombëtare e ka platformë Edi Rama.

Ka me dhjetëra deklarata, jo vetëm publike, duke u dhënë partnerëve ndërkombëtarë se kjo ishte hakmarrje. Argati (Thaçi) shpërndante oficerë të Shikut për të sulmuar figurën e Rugovës. Edhe unë u bëja me dje se çfarë ishte kjo fushatë anti-kombëtare ndaj Rugovës. Bënin listat e vdekjes se kë do të ekzekutonin”, u shpreh ai.

Lajm i hidhur për artin shqiptar dhe të gjithë ata që u rritën e jetuan me humorin e tij. Është ndarë papritur nga jeta në moshën 64-vjeçare aktori i njohur, pjesë e parodistëve të Vlorës, Muhamet Lika.

Mësohet se aktori i madh i humorit, ose Meti siç e thërrisnin të gjithë miqtë, ishte tërhequr nga skena prej disa kohësht për shkak të problemeve me zemrën. Ai iu ishte nënshtruar disa ndërhyrjeve, por me sa duket artisti i madh nuk ia doli të fitonte.
Lika vuante prej kohësh nga sëmundja e zemrës, ndërsa ishte për kurim në Itali.

Katër parodistët Mane Lumani, Afrim Agalliu, Agron Hamo dhe Muhamet Lika, sillnin në skenë emocione të mëdha për publikun që i përkiste dhe i përket disa brezave. Si shpërblim ata kanë korrur duartrokitje pa fund, respekt dhe mirënjohje për shkak të artit të tyre që e çonte publikun në një dimension tjetër çdo herë që dilnin në skenë.

Kandidati minoritar për bashkinë e Himarës, Fredi Bejleri thirret për herë të dytë në prokurori në kuadër të hetimeve për masakrën e Peshkëpisë.

Më 10 prill 1994 një skuadër paraushtarake greke e njohur si “Fronti Për Çlirim e Vorio Epirit”- MAVI, e përbërë nga 7 persona, hyri në territorin shqiptar dhe shkaktoi atë njihet si masakra e Peshkëpisë.

Nga sulmi mbetën viktima ushtari Arsen Gjini dhe komandanti i repartit, kapiten i Parë Fatmir Shehu, ndërsa katër të tjerë mbetën të plagosur.

Hetimet për masakrën e Peshkëpisë drejtohen nga prokurori, Eugen Beci.

Pak ditë më parë teksa doli nga Prokuroria Beleri u shpreh se ai nuk ka lidhje me këtë ngjarje dhe gjithçka është politike për ta penguar në garën për kryebashkiak.

Ish-ministri i Jashtëm, Ditmir Bushati i pranishëm sot në Kuvend, komentoi raportin e Komsionit Europian i publikuar dje për hapjen e bisedimeve të vendit tonë me BE. Bushati, në një përgjigje për reagimet e opozitës tha se nuk duhet të hedhin ‘gurë’ ndaj vendit tonë dhe se nuk ka kohë për lojëra.

“Kjo nuk është një dhuratë e KE për Qeverinë. Raporti është një pasqyrë e progresit të reformave. Sidomos, reformave të së drejtës, reformave në fushën e zhvillimit social pavarësisht se e mbajnë larg vendit standarteve euorpiane. Ky raporton konfirmon edhe rolin e Shqipërisë në rajon. Nuk është rastësi që Raporti specifikon se vendi lulëzon në fushën e sigurisë dhe mbrojtjes. Kjo është dëshmia më e qartë e vokacionit europian dhe euroatlantik të Shqipërisë.

E pra, raporti ofron një pasqyrë të qartë të të gjitha arritjeve. Është edhe një pasqyrë që ne mos të biem në gabimet e së shkuarës. U ndjeva i trishtuar për reagimet e opozitës. Ishin kulturë e dëshpërimit. Kam qenë një ministër i Jashtëm dhe kam patur përballë kolegë të tjerë të opozitës. Po kështu vjet, kemi bërë një debat të madh me opozitën. Dhe për fat të keq, harrojnë se para partive politike, para interesit partiak, Shqipëria është atdheu jonë. Por përgjegjësia është e përbashkët e atyre, e neve, qoftë opozita parlamentare, qoftë opozitare. Merita është e shqiptarëve. Është kjo arsyeja pse në Raportin europian evidentohen disa mangësi që nuk mund t’i plotësojë mazhoranca. Çështja e tretë që unë kisha dëshirë të shtroja së bashku me ju, është çështja e heshtuar që duan të shtrojnë qytetarët e vendit. Prandaj, gjithmonë e kam quajtur që ky është çelësi i modernizimit të shqiptarëve. Është koha për një mirëkuptim më të madh politik. ne ende nuk kemi nisur procesin e negocimit për anëtarësim. Prandaj nuk duhet t’i biejmë me gurë se në fund të ditës, penalizojmë Shqipërinë. Sot kërkon një Shqipëri që bazohet te ekonomia e dijes, sot shqiptarët kërkojnë një kapitalizëm progresiv që i krijon mundësi të gjithë. Kjo është arsyeja pse 90 % e shqiptarëve kërkojnë Bashkimin Europian. Kjo është arsyeja pse ne socialistët e shtrijmë dorën për të kapërcyer çdo ndasi politike.”- u shpreh Bushati.

Arratiset në Itali Sabaudin Çelaj, një prej bashkëpunëtorëve kryesor të Moisi Habilajt, njëherazi njeriu që implikon më së tepërmi në përgjimet e Prokurorisë së Catanias ish- ministrin e Brendshëm, Saimir Tahiri.

Lajmi u bë i ditur në Gjykatën për Krime të Rënda, e cila po shqyrton dosjen penale ndaj vëllezërve Moisi e Florian Habilaj, si dhe 7 të pandehurve të tjerë, të cilët dyshohen si pjesë e një grupi kriminal që trafikonte drogë nga Shqipëria drejt Italisë.

Gjykata tha se Çelaj ka thyer masën e “arrestit shtëpiak” duke u zhdukur pa gjurmë, ç’ka ka detyruar autoritetet italiane ta rendisin emrin e tij në listën e të shumëkërkuarve.

I vetmi i pandehur i paraburgosur në Shqipëri është Armando Koçeri, pasi të gjithë të tjerë ndodhen ose në paraburgim ose nën masën e “arrestit shtëpiak” në shtetin fqinj.

Trupa gjykuese tha se është në pamundësi të zhvillojë seancën, përderisa të pandehurit që po gjykohen në mungesë nuk kishin marrë dijeni për procesin sipas parashikimeve ligjore.

Ndaj e vetmja mundësi ishte shtyrja e procesit. Megjithatë në pak minuta, të qëndrimit në sallën e gjyqit, trupa u përball me një ankesë të Koçeri.

Ai kërkoi që kamerat të mbaheshin larg sallës së gjyqit, pasi sa herë del në ekran, fëmijët e tij shqetësohen dhe përjetonin stres.

Dosja ndaj të pandehurve, mes tyre edhe Nezar Seiti, i cilësuar si financiar i grupit, u dorëzua në gjykatë, në muajin mars të këtij viti, pas një viti hetimesh të kryera nga Prokuroria për Krime të Rënda. Ndaj tyre rëndojnë akuzat e trafikimit të narkotikëve, grupit kriminal dhe mbajtjes pa leje të armëve.

Grupi në fjalë dyshohet për kultivimin e dhjetëra hektarëve me hashash në Vlorë dhe më pas trafikimin e sasive drejt shtetit fqinj. Në të njëjtin grup kriminal, që drejtohej nga Moisi Habilaj, dyshohet të jetë përfshirë edhe Saimir Tahiri, i cili pritet të nisë përballjen me drejtësinë me 19 qershor.

Që procesi në Shqipëri ndaj Habilajve dhe miqve të tyre të zhvillohet normalisht, duhet që të pandehurit të marrin dijeni në rrugë ligjore, ndaj për këtë arsye gjykata urdhëroi të ripërsëriteshin fletëthirrjet. Seanca e radhës u caktua më 11 qershor. /news24

Pasi i bëri thirrje Këshillit Evropian të hapë negociatat me Shqipërinë dhe Maqedoninë e Veriut, komisioneri për Zgjerimin dhe Politikat e Fqinjësisë së Mirë, Johannes Hahn tha se edhe nëse merret një vendim i tillë kjo nuk do të thotë anëtarësim i menjëhershëm.

“Nisja e negociatave do të zgjasë për disa vite, anëtarësimi i Kroacisë zgjati 8 vjet dhe nuk është realiste të besosh se do të ketë përjashtime”, tha Hahn.

Sipas tij kjo është një garë dhe nuk është e thënë që të gjithë vendet të anëtarësohen bashkërisht, por njëri mund të futet para tjetrit.

Por Hahn theksoi se duhet njohur progresi i bërë deri më tani.

“Janë bërë disa arritje të rëndësishme, dhe hap pas hapi do të shikojmë vende të ndryshme arritjet e tyre dhe shembujt më pozitivë që vijnë nga Maqedonia e Veriut dhe Shqipëria që e kanë përqafuar këtë erë ndryshimesh. Të dyja këto shtete kanë treguar rezultate sidomos në ato fusha që kanë qenë pjesë e rekomandimeve të komisionit në 2018-ën. Shqipëria ka vazhduar një transformim të madh në sistemin e drejtësisë, duke pasur parasysh rivlerësimin e paprecedentë të gjyqtarëve dhe prokurorëve të risjelljes së besimit në këtë fushë.

Ngritja e institucioneve ka vazhduar si dhe përpjekjet në luftën kundër krimit të organizuar dhe korrupsionit. Kemi pasur arritje. Edhe më shumë duhet bërë sepse nuk kemi arritur tek fundi i përpjekjeve të përbashkëta. Por duhet të pranojmë atë që është arritur deri tani”, tha Hahn.

Presidenti i Republikës, Ilir Meta thotë se dialogu Kosovë-Serbi është një përgjegjësi ekskluzive e udhëheqësve të Kosovës dhe se ndërhyrja e Shqipërisë në këtë drejtim është e pa nevojshme.

I ftuar në televizionin “Dukagjini” në Kosovë, Meta sqaron qëndrimin e tij për këtë çështje, duke nënvizuar se këtë ia kishte bërë të ditur edhe kryeministrit të Shqipërisë, Edi Rama.

Pjesë nga intervista

– Përse keni deklaruar dhe pse jeni kundër korrigjimit të kufijve, nëse një ide e tillë përfundon dhe e çon deri në fund problemin mes shqiptarëve dhe serbëve apo mes Kosovës dhe Serbisë?

Presidenti Meta: Në mënyrë fare të qartë e të kristaltë, qëndrimi im i vetëm si President i Republikës së Shqipërisë në raport me çështjen e dialogut Kosovë-Serbi ka qenë, është dhe do të mbetet i pandryshueshëm, me çdo faktor të Kosovës apo të Shqipërisë dhe me çdo përfaqësues të faktorëve ndërkombëtarë: dialogu Kosovë-Serbi është një përgjegjësi ekskluzive e udhëheqësve të Kosovës dhe e institucioneve të Kosovës. Shqipëria, duke e mbështetur këtë dialog do të pranojë dhe duhet të pranojë çdo zgjidhje për të cilën institucionet e Kosovës do të shprehen në përputhje me Kushtetutën  e Kosovës dhe në përputhje me vullnetin e popullit të Kosovës.

– A e dinë të gjitha institucionet e Shqipërisë këtë që po thoni ju? A e di institucioni i kryeministrit?

Presidenti Meta: Unë këtë qëndrim ia kam bërë të qartë edhe kryeministrit tonë, zotit Rama. Ua kam bërë të qartë edhe faktorëve të tjerë. Kam bërë edhe një qëndrim publik.

Çdo përfshirje e Shqipërisë apo institucioni të Shqipërisë në temat e dialogut Kosovë-Serbi, do të ishte një ndërhyrje e panevojshme, që mund të mos rezultonte ndihmuese për sa i takon, në radhë të parë demonstrimit të autoritetit dhe legjitimitetit të plotë të institucioneve të Kosovës. Dhe së dyti mund të krijonte keqkuptime të panevojshme.

Shqipëria ka për detyrë, mendoj unë, t’i kërkojë Kosovës një bashkëpunim, një koordinim, një unifikim për këto tema. Natyrisht edhe një koordinim tepër të ngushtë me partnerët ndërkombëtarë të Kosovës, por edhe të Shqipërisë dhe të gjithë procesit të integrimit euro-atlantik dhe europian të rajonit tonë.

Kam theksuar me të gjithë, se nevojitet një koordinim me Shtetet e Bashkuara të Amerikës në mënyrë të veçantë, por edhe me Gjermaninë, sepse është një faktor kyç dhe do të jetë gjithmonë kyç përsa i takon së ardhmes europiane të rajonit tonë, me Britaninë e Madhe që ka pasur dhe ka një rol të rëndësishëm për rajonin tonë, sidomos për pavarësinë e Kosovës dhe me faktorët e tjerë relevantë e të interesuar pozitivisht për perspektivën e këtij rajoni. Pastaj vendimet i takojnë popullit të Kosovës, u takojnë institucioneve të Kosovës.

Presidenti Ilir Meta priti sot një delegacion me përfaqësues të stafeve drejtues të Senatit e Kongresit Amerikan, si dhe të Këshillit të Atlantikut me qendër në Uashington DC, të kryesuar nga z.Damon Wilson.

Presidenti Meta njohu delegacionin mbi zhvillimet dhe sfidat në rajon, prioritetet e Shqipërisë në kontekstin e integrimit europian, si edhe me domosdoshmërinë e bashkëpunimit strategjik midis Shqipërisë dhe SHBA.

Zhvillimet e brendshme politike, zgjidhja sa më e shpejtë e krizës aktuale dhe nevoja për reflektim të menjëhershëm, zbatimi e implementimi i reformës në drejtësi mbështetur në shinat kushtetuese, hedhja e hapave të nevojshme drejt integrimit në BE dhe roli i rëndësishëm i Shqipërisë në rajon si faktor kyç për stabilitetin, ishin temat kryesore të diskutimit.

Kriza politike në Shqipëri ka sjellë në Tiranë një delegacioni të Kongresit Amerikan.

Paraditen e sotme ata patën një takim me kryeministrin Edi Rama. Ndërsa më herët janë pritur nga presidenti Ilir Meta.

Takimi i radhës do të jetë në orën 11:15 me kreun e Kuvendit, Gramoz Ruçin.

Rreth pasdites ata do të shkojnë edhe në zyrën e kreut të opozitës, Lulzim Basha.

Gazetari Blendi Fevziu, tha se Shqipëria ndodhet në momentin më të rrezikshëm të mundshëm si pasojë e krizës politike që ka mbërthyer vendin.

Fevziu tha se “nganjëherë orët mund të sjellin katastrofë”, por shpreson që kjo të mos ndodhë dhe palët të gjejnë një marrëveshje sa më parë, duke sjellë si precedentë vitin 1997.

“Jemi në momentin më të rrezikshëm të mundshëm. E kam thënë shumë herë, njerëzit nuk e besojnë, jemi në një moment shumë delikat. Shqipëria ka një precedent ku gjetja e një marrëveshje pak më vonë se sa koha reale mund të shkaktojë kaos. Sepse kjo do shkojë në një marrëveshje. Një vonesë prej 6 ditësh në vitin 1997 e çoi vendin në luftë. Negociatat nisën më 26 shkurt dhe u mbyllën me 6 mars. Po të kishin nisur me 26 shkurt dhe të ishin mbyllur me 28 shkurt, gjërat do të kishin qenë ndryshe sepse shpërthimi ndodhi me 1 mars. Nganjëherë orët mund të sjellin katastrofë. Shpresoj shumë që kjo s’do të ndodhë”, tha Fevziu.

TROPOJË

Presidenti Ilir Meta ka vizituar sot Tropojën, ku edhe ka marrë pjesë në Festivalin e Parë Mbarëkombëtar të “Kcimit të Tropojës”.  Përmes një postimi në “Facebook”, Presidenti Meta shpreh edhe përshtypjet e tij nga ky festival, ndërsa ndan edhe një video ku shfaqet duke kërcyer në atmosferën festive.

“Në Tropojën e dashur dhe fisnike! I lumtur të marr pjesë sot në Festivalin e Parë Mbarëkombëtar të “Kcimit të Tropojës”, kryevepër e trashëgimisë shpirtërore të kombit tonë! Atmosferë e jashtëzakonshme festive!”-shkruan Meta.

Ish-deputeti demokrat, Klevis Balliu në studion e lajmeve në News 24 tha se kryeministri Edi Rama  ka 5 ditë kohë për të dhënë dorëheqjen.  Sipas Balliut, protesta e paralajmëruar nga opozita më 31 maj nuk do të kufizohet vetëm në kryeministri, por do të përfshijë edhe Surrelin.

“Edi Rama ka 5 ditë kohë të zgjedhi rrugën europiane që është dorëheqja. Data 31 maj nuk përjashton absolutisht asnjë gjë, nga Kryeministria deri në Surrel. Nuk mund të tolerohet të kemi zgjedhje vetëm me një parti. Jemi në Shqipërinë e 2019-ës.

Revolta nuk ka skenare. Po ta shikoni herën e fundit, pavarësisht mundimit të lidershipit të PD për të ruajtur një lloj paqeje, në momentin që qytetarët iu afruan Parlamentit nuk mund të kontrolloheshin. Sapo u afruan te parlamenti, revolta e tyre ishte e papërmbajtshme. Nëse Edi Rama vazhdon me këto provokime vetëm do t’i hedhë benzinë zjarrit. Dua të theksoj se nuk është asgjë e rastësishme.

Çdo qytetar duhet të dalë për fëmijën e tij që të mos largohet.”-u shpreh ai./Balkanweb/

TIRANE

Ndërsa mbante fjalën e tij para mbështetësve të opozitës së bashkuar e mbledhur në bulevardin dëshmorët e kombit, kryedemokrati Lulzim Basha e ndërpreu atë për të respektuar agjërimin e besimtarëve myslimanë.

“Më lejoni në emër të të gjithëve, teksa vjen momenti i thyerjes së agjërimit, për vëllezërit dhe motrat tanë në agjërim, tju uroj nga zemra, Zoti jua shpërbleftë sakrificën. Zoti e shndërroftë këtë bekim hyjnor për të gjithë shqitparët dhe Shqipërinë sakrificën tuaj. Ju ftoj të falemi e të lutemi bashkë me ta për një minutë, teksa thyejnë agjërimin në një akt hyjnor të sakrificës dhe të bindjes vetëm ndaj të Madhit Zot si autoriteti suprem i qenieve mbi tokë.” – u shpreh Basha.

Më tej kryedemokrati akuzoi kryeministrin Edi Rama se më 30 qershor po kërkon të cojë vendin në një përplasje të pashmangshme civile, dhe kjo vetem për pushtetin e tij.

“Mjerë ai që nuk ka vesh e nuk dëgjon. E dëgjon e gjithë Shqipëria, e gjithë bota, zgjedhje demokratike pa opozitën nuk ka e nuk do të ketë. Rama ik. Në një javë Europa tregoi standardin e saj të vërtetë. Nga Londra në Vjenë, politikanët e përgjegjshëm dhanë dorëheqjen e i rikthyen sovranit atë që është e sovranit. Sot në vendin tonë, për akoma pak kohë, zotër janë politikanë të lidhur me krimin, një grup horrash që kanë marrë peng partinë e tyre dhe e shohin popullin si shërbëtor. Edi Rama sakrifikoi gjithçka të qytetarëve, vodhi zgjedhjet për një qëllim, pushtetin e tij, për këtë do ta cojë vendin në një përplasje të pashmangshme civile. Duke cuar për herë të parë në 29 vite, të njëjtët trafikantë e banditë, figura të krimit, që nëse drejtësia nuk do ishte e kapur, do i dënonte për përfshirjen e tyre në shitblerjen e votës.  Për pushtetin e tij, për pasurinë e tij, jo vetëm i ka mbrojtur kriminelët por do përfundimisht të vendosë zgjedhën e krimit në Shqipërinë.” u shpreh Basha.

TIRANË

Kryetari i Partisë Demokratike Lulzim Basha tha se aspirata që ka mbledhur shqiptarët në kauzën e tyre është Shqipëria si gjithë Europa. Para mijëra protestuesve, Basha tha se ky bashkim është garanci kombëtare për fitoren e betejës. Ai iu bashkuar thirrjeve duke theksuar mesazhin e tyre “Rama ik”.

“Mirë se keni ardhur në këtë miting madhështor. Në këtë bashkim historik zemrash dhe mendjesh, në këtë garanci kombëtare për fitoren e betejës sonë për shqipërinë si gjithë Europa.
Këtë shesh e ka pushtuar si asnjëherë tjetër oqeani i pandalshëm i sovranit. janë bashkuar zemrat dhe mendjet e shqiptarëve. Sonte shoh në sytë tuaj, dëgjoj me zërin tuaj unë dhe gjithë Shqipëria, Europa dhe gjithë bota shohim e dëgjojmë shpresën e një kombi të ngritur më këmbë për të mos u ulur më kurrë. Është mbushur ky shesh me vendosmëri, me një mesazh të prerë ta dëgjojë gjithë bota ‘Rama ik’.
Ky është mesazhi, kjo është aspirata, ky është misioni që i ka mbledhur shqiptarët në këtë bashkim. Për herë të gjashtë në këtë shesh, dhjetëra herë në këto muaj zgjimi kombëtar.
Nuk ka në Evropë kryeministër që kapet duke vjedhur zgjedhjet e mos të shporret një orë e më parë nga karrigia e të çohet para drejtësisë. Nuk ka në Evropë politikan që ta mbushë partinë e tij e grupin parlamentar me 19 përdhunues, vrasës e trafikantë dhe të mos shporret e të shkojë para drejtësisë. Standardet, vlerat dhe normat e Evropës do të kishin diktuar me dhjetëra herë largimin e Edi ramës dhe të bandës së tij. Në këto 6 vite e gjysëm, vetëm krim, korrupsion e hajduitëri, babëzi dhe dhunë ndaj qytetarëve shqiptarë. Ndaj sot e derisa të bëhet realitet, ka vetëm një mesazh nga populli: Rama ik.
Ky është mesazhi i sovranit, tash tre muaj qëndresë. Ky është mesazhi i sovranit, i qytetarëve të bashkuar përtej dallimeve partiake e krahinore, të gjithë bashkë për të larguar shkaktarin e krizës më të thellë. Njeriun që për pushtetin e tij futi krimin në parlament. Njeriun që për pushtetin e tij shkatërroi gjykatat, kapi prokurorinë, paralizoi drejtësinë, njeriu që e kthehu Shqipërinë në bazë të krimit të organizuar. njeriut që vodhi taksat e popullit më të varfër dhe ia dha një grushti oligarkësh, grabitqarë, një grushti kriminelësh duke iu hequr bukën e gojës fëmijëve”, deklaroi kreu i PD.

Nga sot, qytetarët, por edhe vizitorët e shumtë vendas dhe të huaj, kanë një destinacion më shumë për të vizituar në kryeqytet. Falë projektit të Bashkisë së Tiranës udhëhequr nga arkitektja Elizabeta Terragni, shtëpia ku jetoi dhe punoi për shumë vite për të shkruar disa nga veprat e tij më të njohura letrare gjeniu i letrave shqipe Ismail Kadare, është kthyer në një muze.

Kryetari i Bashkisë së Tiranës, Erion Veliaj, ministrja e Kulturës, Elva Margariti, regjisori Piro Milkani, ambasadorë e mjaft personalitete të fushës së artit dhe të letrave, morën pjesë në hapjen e apartamentit që pasqyron jetën e shkrimtarit të njohur Ismail Kadare gjatë periudhës totalitare.

“Shprehja e Ismailit se gjithmonë ka kohë që njeriu të bëjë diçka të dobishme për vendin e tij, është fantastike. Në njëfarë mënyre gjetëm kohë, në shumë punë që ka qyteti, të bëjmë diçka të dobishme për vendin tonë, jo diçka ekskluzive të Tiranës, por diçka që lartëson, por edhe që hap një dritare për një nga figurat më emblematike, një nga markat më të njohura ‘Made in Albania’, që është Ismail Kadare, Helena dhe familja e tyre, si dhe vepra që ka buruar nga kjo shtëpi”, tha Veliaj.

Kreu i Bashkisë shprehu bindjen se kjo ndërtesë do të kthehet në një destinacion për turistët. “Ne duam që ky muze të jetë patjetër një në dhjetë gjërat që shihet në Tiranë, pas Bunkerit, Shtëpisë me gjethe, sheshit, institucionet tona të kultit, Muzeu Kombëtar, Opera e Baletit”, u shpreh ai.

Brenda apartamentit, ekspozimi ndahet midis dokumenteve origjinale, objekteve, librave dhe mobilieve, si dhe hapësira ku mund të marrësh njohuri për veprën e shkrimtarit, në formën e një këndi leximi.

Por në Pallatin me Kuba, siç njihet ndryshe në kryeqytet, ka jetuar edhe shkrimtari i njohur Dritëro Agolli. Bashkia e Tiranës ka vendosur që edhe ky apartament të kthehet në një muze për të ndarë me publikun disa copëza nga jeta e Agollit. “Ky pallat nuk ka qenë vetëm adresa e Ismailit dhe e Elenës, por është edhe adresa e familjes Agolli. Jemi në diskutime me të dy fëmijët e Dritëroit që të bëjmë të njëjtën gjë, dhe ta kthejmë edhe atë në muze. Kështu, i gjithë pallati do të jetë i vizitueshëm. Fehmi Ibrahimi dhe të tjera personalitete kanë jetuar në këtë pallat, ndaj besoj se herët a vonë do të kthehet në një destinacion ku Bashkia e Tiranës me muzeumet vendore do të fillojë një traditë të re”, nënvizoi Veliaj.

Puna nuk do të ndalet këtu. I gjithë pallati ku kanë jetuar dy korifejtë e letrave të gjuhës shqipe do t’i nënshtrohet një ndërhyrjeje të thellë, që i është besuar arkitektit të tij, Maks Velo. Ky objekt i ndërtuar para viteve ’90 në mes të Tiranës ishte shfaqje e modernizmit dhe rezultoi si një provokacion i vazhdueshëm për artin zyrtar të asaj kohe.

Bashkia e Tiranës po eksploron mundësi të reja për krijimin e hapësirave të tjera të vizitueshme për qytetarët dhe turistët e shumtë. Ndaj, krahas atyre në qendër të qytetit, edhe në zona të tjera të Tiranës do të ketë muze të tjerë që do të rrëfejnë më shumë për kryeqytetin. “Ne jemi duke eksploruar edhe hapësirat e tjera në Tiranë, që ashtu si shtëpia e Ismailit edhe Dritëroit, të kemi edhe hapësira të tjera që mund t’i kthejmë të vizitueshme, edhe në cepa të ndryshme të qytetit, për të mos u fokusuar në pjesën tonë qendrore. Ne duam që me këtë rast, të fillojmë një traditë shumë të bukur të muzeumeve vendore. Po diskutojmë që në zonën e Kalasë së Tiranës të kemi një muze vendor të qytetit të Tiranës, dhe të sigurohemi që në shtëpitë e mëdhaja tiranase, ndoshta mënyra më e mirë për t’i ruajtur ato ndërtesa është marrja në pronësi e tyre, siç bëmë me këtë ndërtesë”, theksoi Veliaj.

Një tjetër lajm i mirë është edhe shpërndarja e Kartës Studentore, e cila u krijon mundësi të rinjve që të kenë akses nëpër muzetë e ndryshëm falas ose me çmime shumë të reduktuara. “Nga sot muzeu do të jetë i hapur, madje për studentët, duke qenë se bashkë me ministren, javën tjetër fillojmë shpërndarjen e Kartave Studentore, për studentët është me 80 % ulje. Pra, thuajse falas për të gjithë studentët. Ndërkohë, sigurisht që ka oferta të ndryshme për ata që janë turistë, që janë grupe, për fëmijët, është gjithashtu falas”, bëri të ditur Veliaj.

Teksa e cilësoi një projekt kurajoz, ministrja e Kulturës Elva Margariti,  theksoi se kjo studio-muze do të kthehet në një hapësirë kërkimi për të rinjtë që do të njohin një pjesë të kulturës së tyre. “Kanë kryer për mendimin tim një gjest shumë të fortë dhe shumë kurajoz për faktin që kanë hapur dyert e intimitetit të tyre dhe e kanë bërë pjesë të jetës sonë. Çelësi është koha; koha këtu vërtet ka ndaluar, por e ndjen që rrjedh dhe koha këtu do të vazhdojë dhe do ta ndryshojë këtë vend. Këtu do të kthehet në një hapësirë kërkimi ku të rinjtë do të njohin një pjesë të kulturës së tyre, do të kenë mundësi të njohin akoma më nga afër një nga thesaret e vendit tonë sepse Ismail Kadareja faktikisht është për ne, në të gjithë botën, një thesar i kombit shqiptar”, tha Margariti.

Një nga ikonat e kinematografisë shqiptare, regjisori Piro Milkani i cili është dhe një nga miqtë dhe bashkëpunëtorët më të ngushtë të Ismail Kadaresë, rrëfeu edhe disa nga emocionet e tij teksa sheh se si dyert e këtij apartamenti hapen sërish, por tashmë për të gjithë adhuruesit e veprave të tij. “Kam qenë dhe mbetem mik me Kadarenë prej 50 vitesh, dhe e kam vizituar këtë shtëpi disa herë. Për të qenë të sinqertë të kesh mik Kadarenë është shumë e vështirë. Duhet pranuar si i tillë. Por ka momente që mund t’ju them që humori i tij është i jashtëzakonshëm. Unë e quaj veten të privilegjuar, kam pasur bashkëpunimin më të parë me Ismail Kadarenë në filmin “Përse bie kjo daulle”, sipas romanit “Dasma”, këtu e 50 vite përpara, dhe së fundmi 50 vjet më vonë kanë një dokumentar së bashku me Emën që quhet “Gjeneralët e vdekur të ushtrisë”. Ju faleminderit dhe urime të gjithëve për këtë pune të pakufishme”, tha Milkani.

Nderkohe qe ndajne pak ore nga protesta e opozites se bashkuar, para Kryeministrise, presidenti i vendit, Ilir Meta del me nje mesazh te forte. 

“Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar”- apelon kreu i shtetit.

Sipas Metes, eshtë përgjegjësi e udhëheqësve të Opozitës së Bashkuar për mbarëvajtjen e protestave ku ata ftojnë qytetarët të marrin pjesë.

DEKLARATA E METES

Në prag të protestës kombëtare të thirrur sot në mbrëmje nga drejtuesit e Opozitës së Bashkuar, duke shprehur bindjen se tubimet paqësore e demokratike, janë një e drejtë fondamentale e demokracisë, legjitime e kushtetuese, dua të theksoj se sa e rëndësishme është që ajo të jetë tërësisht paqësore.

Si President i Republikës kam qenë dhe jam i bindur se është më mirë që shqiptarët të protestojnë për të drejtat e tyre dhe të kërkojnë një Shqipëri më të mirë dhe gjithëpërfshirëse, se sa të largohen nga vendi.

Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar.

Është përgjegjësi e udhëheqësve të Opozitës së Bashkuar për mbarëvajtjen e protestave ku ata ftojnë qytetarët të marrin pjesë.

Vetëm në këtë mënyrë, kauza juaj për një demokraci të vërtetë, që garanton një bashkëjetesë të gjerë qytetare, legjitimitet e funksionalitet të institucioneve, do të dëgjohet më mirë brenda dhe jashtë vendit.

Protestat e vazhdueshme të opozitës kanë pasur vëmendjen dhe janë transmetuar nga mediat më të njohura botërore, por imazhet tërësisht paqësore të protestës suaj do t’i shërbejnë më mirë të ardhmes europiane të Shqipërisë.

TIRANË

Kryeministri Edi Rama ka shpejtuar të ftojë kundërshtarin e tij politik në tryezën e dialogut, por lideri i PD-së, Lulzim Basha duket se është i vendosur në kauzën e tij. Në mënyrë të përsëritur shefi i ekzekutivit iu drejtua Bashës me tri letra publike duke i kërkuar dialog pa kushte, pasi siç pohonte mes tjerash kryeministri, koha nuk pret sepse 30 qershori po afron.

Lideri i selisë blu ka mohuar në formë kategorike një dialog në këto kushte, ndërsa ka shtuar se kryefjala e kauzës së opozitës së bashkuar është largimi i kryeministrit Rama dhe krijimi i qeverisë tranzitore. Sipas Bashës, këto janë dy parakushte që do të ndihmojnë në zgjidhjen e krizës politike, e cila prej kohësh  në fakt është shoqëruar me argumente dhe akuza të forta në distancë mes palëve.

Këtë të shtunë opozita ka paralajmëruar një tjetër protestë  kombëtare përpara godinës së kryeministrisë në orën 19:00, e cila sipas drejtueseve të partive opozitare, do të jetë protesta më e madhe e organizuar ndonjëherë gjatë historisë së pluralizmit politik në Shqipëri.

Ndërkohë ende nuk ka detaje për formën se si do të organizohet  dhe sa do të zgjasë kjo protestë, por ndërkohë dje lideri demokrat nga Mati, teksa i ftoi qytetarët të marrin pjesë në protestë i dërgoi një tjetër mesazh kryeministrit se nuk ka asnjë hap pas në synimet e opozitës, pavarësisht thirrjeve të Ramës përmes letrave për dialog pa kushte.

Por duket se ‘ujërat’ politikë në vend disi janë trazuar pas apelit të koalicionit gjerman  CDU/CSU, i cili përmes një deklarate për mediat ftoi partitë në Shqipëri të ulen në dialog dhe të diskutojnë për të gjitha temat, pa përjashtuar edhe mundësinë e shtyrjes së zgjedhjeve të 30 qershori.

Në të njëjtën gjatësi valë u vendos edhe presidenti i Republikës, Ilir Meta, i cili dje dha një mesazh të fortë duke theksuar se është i gatshëm të sakrifikojë edhe mandatin, me qëllim që palët të gjejnë zgjidhje  për krizën ku ndodhen aktualisht vendi. Gjithashtu kreu i shtetit theksoi se do të jetë i hapur të dekretojë një tjetër datë për zgjedhjet lokale, ndërsa iu bëri apel palëve që të jenë më të përgjegjshme dhe të shohin me përparësi  interesat kombëtare të vendit.

“Një burrë dhe një demokrat i vërtetë në Ballkan”. Keshtu e ka vleresuar presidentin e Shqiperise, Ilir Meta, Këshilltari i CDU-së, Martin Henze.

Me nje reagim te bere sot ne faqen e tij ne Twitter, Henze, e cmon reagimin e Metes bere nje dite me pare, teksa ne vijim te perpjekjeve per zgjidhjen e krizes ne vend, dekklaroi prere se ehste gati jo vetem te lere mandatin, por edhe te rishohe dekretin per ndryshimin e dates se zgjedhjeve vendore.

“Një burrë dhe një demokrat i vërtetë në Ballkan, përgëzime!”- thuhet në komentin e këshilltarit të CDU-së, Martin Henze.

Reagimi i Henze, vjen fill pasi, Meta deklaroi se është i gatshëm të rishikojë edhe mandatin e tij me qëllim që të zgjidhet kriza politike në vend.

Sipas Henze, presidenti Meta e shpjegoi qartësisht çfarë duhet bërë, ndërsa theksoi se Partia Socialiste dhe opozita duhet të reagojnë.

“Si organi suprem i Kushtetutës, Presidenti i Shqipërisë shpjegoi qartësisht çfarë duhet bërë. Partia Socialiste dhe opozita të reagojnë,”-tha ai.

“Garantimi i rendit kushtetues, sigurisë publike, stabilitetit të vendit dhe i zgjedhjeve demokratike, të lira dhe të ndershme janë parime kushtetuese që mbizotërojnë mbi çdo aspekt tjetër formal, përfshirë këtu rishikimin e datës së zgjedhjeve”- shkruante Meta nje dite me pare.

Ish-deputeti i Partisë Demokratike, Enkelejd Alibeaj, shkruan se deputeti Spartak Braho dhe prefekti i Gjirokastrës, Astrit Aliaj, nderojnë figurën e diktatorit Enver Hoxha.

Sipas tij, ka vetëm një zgjidhje për këtë, të protestohet deri në përmbysjen e qeverisë.

Postimi i plotë i Alibeajt:

Sot, 24 maj 2019, përfaqësuesit në qeveri dhe ne Kuvend te Edi Rames nderojne Diktatorin! Pa asnjë skrupull, pa asnjë vrasje ndërgjegje, pa asnjë shenjë pendese, bijtë e etërve komunistë i thurin lavde diktaturës dhe dhimbjes qe i shkaktuan shqiptareve për 50 vjet!

Qartësisht te frymezuar nga uzurpatori ne qeveri Edi Rama, keta kriminele dhe bij kriminelesh, persekutore te pashpirt, shfaqin fytyren e tyre te vertete! Ndaj, ka vetem nje zgjidhje:

Te protestojme deri ne permbysje!

Shqiperia si gjithe Europa!

Asnje hap pas!

Te gjithe se bashku, ne Tirane, 25 Maj ora 19.00!

Ambasada e SHBA thirrje qytetarëve të saj: Shmangni protestën, mund të ketë dhunë

Ambasada e Shteteve të Bashkuara të Amerikës ka reaguar për protestën e radhës së opozitës, e cila pritet të mbahet nesër në orën 19:00. Thirrjet e selisë diplomatike amerikane shkojnë për qytetarët e saj, të cilët i fton të shmangin vendet ku bëhet protesta.

Duke u nisur nga rastet e tjera ku ka pasur akte dheune e reagim me gaz lotsjellës nga policia, qytetarët amerikanë ftohen të jenë të kujdesshëm.

“Një demonstrim i madh pritet të zhvillohet pranë Zyrës së Kryeministrit më 25 maj 2019, duke filluar nga ora 18:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat”,- thuhet në njoftimin e ambasadës.

Nisur nga këto të dhëna, ambasada këshillon të gjithë amerikanët që ndodhen në Shqipëri:

Të shmangin grumbullimet e mëdha dhe fushat ku demonstratat janë të pashmangshme ose në vazhdimësi si dhe të monitorojnë mediat për zhvillimet më të fundit.

Skender Gjinushi zgjidhet me shumice votash, kryetari i ri i Akademise se Shkencave.

Rezultati ka dale pas procesit te numerimit te votave, ku Akademiket e kane votuar me 35 vota pro dhe 6 kunder, kryetarin e ri te Akademise se Shkencave, pozicion per te cilin i vetmi ne gare ishte Skënder Gjinushi.

Nderkohe qe për pozicionin e zv.kryetarit të ASH-së, akademiku Vasil Tole, per pozicionin e sekretarit shkencor të ASH-së, akademiku Salvator Bushati, kurse ne pozicionin e kryetarit të seksionit të Shkencave të Natyrës, Neki Frashëri.

Para votimit, kandidati per kryetar, Skender Gjinushi ne nje fjale te mbajtur para akademikeve, shpalosi platformen e tij per mandatin qe kerkon ne krye te Akademise.

“Detyra dhe përgjegjësia kryesore e gjithkujt që kërkon dhe ka nderin të bëhet pjesë e drejtimit të Akademisë së Shkencave të Shqipërisë, të këtij institucioni elitar të shkencë”, tha Gjinushi, duke theksuar se “Ligji i ri parashikon format e këtij bashkëpunimi, por duhet që këto të reflektohen edhe në ligjin e ri për shkencën e sidomos që, vetë kjo Asamble, Kryesia e re të imponohen, në bërjen e tyre efektive. Asambleja si organ këshillimor për politikat për shkencën dhe zbatimin e tyre duhet të dijë të këshillojë, por edhe të dëgjohet”.

“Kam besimin se së bashku me Ju, së bashku me prurjet e reja dhe me bashkëpunëtorët e jashtëm të rinj, që mundëson reforma, ne mund t’i realizojmë ato”- tha Gjinushi duke kerkuar voten e akademikeve.

Presidenti i Republikës, Ilir Meta në qëndrimin e tij të fortë për zgjidhjen e krizës politike në vend, veç gatishmërisë për të shtyrë datën e zgjedhjeve, ka ripërsëritur kërkesën e tij për të lënë mandatin e kreut të shtetit.

Në argumentin e Ilir Metës theksohet fakti se lënien e mandatit ai e ofron si mundë që palët të arrijnë një zgjidhje gjithëpërfshirëse.

Ai shton se e mund t’u jepet e drejta qytetarëve ta zgjedhin Presidentin me votë të lirë.

Meta shton se palët duhet të lënë me një anë retorikat, por të dëgjojnë apelin e Parlamentit gjerman.

“Garantimi i rendit kushtetues, sigurisë publike, stabilitetit të vendit dhe i zgjedhjeve demokratike, të lira dhe të ndershme janë parime kushtetuese që mbizotërojnë mbi çdo aspekt tjetër formal, përfshirë këtu rishikimin e datës së zgjedhjeve.

U bëj edhe një herë thirrje palëve, të ndalojnë retorikat si reflektim i sinqertë ndaj apelit të Parlamentit Gjerman.

Të ndalojnë hartimet publike justifikuese dhe të angazhohen me sinqeritet dhe përgjegjshmëri për gjetjen e një zgjidhjeje sa më shpejtë dhe të qëndrueshme.

Ashtu siç deklarova me përgjegjësi më 20 mars nga Pogradeci, mbetem i gatshëm që për një zgjidhje që i shërben interesit më të mire, stabilitetit dhe demokracisë së vendit, të vendos në dispozicion edhe mandatin tim si President i Republikës, nëse palët e gjykojnë edhe këtë element si të rëndësishëm për një zgjidhje gjithëpërfshirëse, që do t’u jepte qytetareve shqiptarë të drejtën për të zgjedhur edhe Presidentin me votën e tyre të lirë.

Askush nuk duhet të ketë frikë nga vota e lirë e qytetarëve shqiptarë që qëndron në themel të bashkëjetesës demokratike, pa garantimin e së cilës nuk mund t’i çelim as negociatat për anëtarësim në Bashkimin Evropian”, thekson Meta.

Nis procesi i votimit në Akademinë e Shkencave. Akademiket do te japin voten e tyre sot per kryetarin e ri te Akademise se Shkencave, pozicion per te cilin i vetmi ne gare eshte Skënder Gjinushi.

Nderkohe qe për pozicionin e zv.kryetarit të ASH-së, akademiku Vasil Tole, per pozicionin e sekretarit shkencor të ASH-së, akademiku Salvator Bushati, kurse ne pozicionin e kryetarit të seksionit të Shkencave të Natyrës, Neki Frashëri.

Para votimit, kandidati per kryetar, Skender Gjinushi ne nje fjale te mbajtur para akademikeve, shpalosi platformen e tij per mandatin qe kerkon ne krye te Akademise.

“Detyra dhe përgjegjësia kryesore e gjithkujt që kërkon dhe ka nderin të bëhet pjesë e drejtimit të Akademisë së Shkencave të Shqipërisë, të këtij institucioni elitar të shkencë”, tha Gjinushi, duke theksuar se “Ligji i ri parashikon format e këtij bashkëpunimi, por duhet që këto të reflektohen edhe në ligjin e ri për shkencën e sidomos që, vetë kjo Asamble, Kryesia e re të imponohen, në bërjen e tyre efektive. Asambleja si organ këshillimor për politikat për shkencën dhe zbatimin e tyre duhet të dijë të këshillojë, por edhe të dëgjohet”.

“Kam besimin se së bashku me Ju, së bashku me prurjet e reja dhe me bashkëpunëtorët e jashtëm të rinj, që mundëson reforma, ne mund t’i realizojmë ato”- tha Gjinushi duke kerkuar voten e akademikeve.

Akademiku Artan Fuga, ka reaguar në lidhje me zgjedhjet në Akademinë e Shkencave ku thotë se ditën e sotme është një ditë e zëzë për arsimin dhe shkencat në Shqipëri.

Sipas Fugës ky është një ‘puç’ institucional dhe ai nuk do të njohë rezultatin e këtyre zgjedhjeve si dhe nuk do të njohë kryetarin e dalë nga andje.

“ Sot është një ditë e zezë për shkencën dhe arsimin në Shqipëri. Nëpërmjet një puci institucional të denoncuar vazhdimisht nga unë dhe nga forca të tjera intelektuale progresiste, Akademia e Shkencave e nxjerr veten jashtë kuadrit ligjor në fuqi dhe inkriminohet institucionalisht!” shkruan Fuga.

Reagimi i plotë i Artan Fugës:

Une refuzoj ta pranoj puçin institucional, krimin elektoral, në Akademinë e Shkencave të Shqipërisë dhe nuk e njoh rezultatin e farsës zgjedhore të 24 majit 2019, si edhe kryesinë e kryetarin e dalë që andej!

Sot është një ditë e zezë për shkencën dhe arsimin në Shqipëri. Nëpërmjet një puci institucional të denoncuar vazhdimisht nga unë dhe nga forca të tjera intelektuale progresiste, Akademia e Shkencave e nxjerr veten jashtë kuadrit ligjor në fuqi dhe inkriminohet institucionalisht!

Sikurse e kam paraqitur tashmë para opinionit publik dhe autoriteteve të heshtura të shtetit, këtë qendrim e kam mbështetur në dhjetra prova e fakte. Por përsëris se farsa vjen kryesisht nga :

1. Kandidati për kryetar i akademisë së shkencave është një politikan karriere prej mëse tre dekadash dhe statusi i tij si kryetar partie politike e ndalonte ligjërisht të ishte anëtar i akademisë jo më të kandidonte për kryetar të saj!

2. Në votim janë thirrur në kundërshtim me ligjën në fuqi edhe individë 80 dhe madje 90 vjeçarë pa të drejtë vote dhe që e kanë mbaruar mandatin e të qenurit antar të rregullt të Akademisë së Shkencave! Kjo masakër në votim ka për qëllim të realizojë masën elektorale për të kryer farsën zgjedhore në Akademi. Skandali i akademikëve që prej 30 vjetësh janë shkëputur nga cdo kërkim shkencor bashkohet kështu me mbytjen e zëri të cdo kandidature rivale në zgjedhje. Kjo lidhet edhe me inkrimimin e akademikëve të ndryshëm nëpërmjet shkeljeve ligjore dhe administrative që janë ulur këmbëkryq në atë institucion!

3. Kjo farsë elektorale vjen krejt në kundërshtim me vendimet e Asamblesë për reformimin e Akademisë së Shkencave të Shqipërisë marrë thuajse dy vjet më parë duke uzurpuar pushtetin në këtë Akademi pa pritur as kuadrin e ri ligjor reformues as përpilimin e akteve statutore dhe as pranimet e reja. Dëshira për pushtet e grupit uzurpator në Akademinë e Shkencave për të fshehur zullumet atje, rezulton më e fortë sesa respektimi i vendimeve zyrtare për reformim.

4. Kjo farsë elektorale u bë e mundur edhe në sajë të praktikave të antikushtetuese të ndjekura në Komisionin e Edukimit dhe të Mjeteve të Informacionit, me bllokimin e procedurave atje nga ana e ekzekutivit që i dha mundësinë grupit drejtues në Akademinë e Shkencave të veprojë jashtë cdo kuadri ligjor të reformuar.

5. Farsa elektorale që realizohet sot në Akademinë e Shkencave është një dështim i madh në politikat qeveritare dhe në angazhimet personale të kryeministrit Edi Rama për gjoja reformimin e Akademisë të Shkencave duke ja shitur atë kryetarit të njerës nga partitë që rezulton në koalicion partiak politik qeveritar. Shkenca u shit për qëllime pragmatiste elektorale politike. Kjo është një përgjegjësi e madhe e pa precedentë në të gjithë historinë e akademive të shkencave në të gjithë botën! E gjitha kjo u krye me veprimin aktiv dhe mosveprimin e paligjshëm të Ministres të arsimit Besa Shahini, e cila e ka shprehur tashmë hapur synimin e saj kobëzi për shkrirjen e Akademisë së Shkencave të Shqipërisë !

6. Unë ende shpresoj se Presidenti i Republikës z. Ilir Meta që e ka në kompetencë ekskluzive ligjore miratimin ose jo të kryetarit të akademisë të shkencave nuk do ta miratojë këtë farsë elektorale dhe as rezultatin e saj. Po ashtu shpresoj ende se do të ketë forca që për përgatitjen e kuadrit të ri ligjor reformator do të përpunojnë ato norma ligjore që do ta bëjnë të pavlefshme farsën elektrale të 24 majit 2019! Po ashtu sapo Shqipëria të ketë Gjykatë Kushtetuese, unë do të bëj çmos të motivoj ata që e kanë këtë të drejtë për ta ngritur para saj çështjen e kësaj farse të padëgjuar elektorale.

“Serbët kanë dashur vetë ta heqin Preshevën. Serbët luftojnë për linja të pastra etnike, argati (Hashim Thaçi) lufton po për vija etnike. Ai për lëkurën e tij po copëton Kosovën, dosjen që ka në Hagë. Sepse ka një dosje të madhe në Hagë, ajo dosje është e tërë me origjinë nga Beogradi”.

Në këtë mënyrë i është përgjigjur ish-kryeministri Sali Berisha, presidentit Hashim Thaçi, i cili në një intervistë televizive javën e kaluar  ka thënë: “Berisha është argat i Sllobodan Millosheviçit prej 3 dekadash, bën përçarësin e politikës shqiptare, përqafon idetë antikombëtare dhe pengon të ardhmen zhvillimore të Shqipërisë”.

Berisha shpjegoi qëndrimin e tij dhe të Partisë Demokratike ndër vite.

“Qëndrimi i Sali Berishës dhe Partisë Demokratike ndaj Sllobodan Millosheviçit është ky: Më 22 Dhjetor Partia Demokratike ka shpallur programin “Ylli ynë polar”. Njohja e Republikës së Kosovës më 1991. Është bërë përpjekje për promovimin e lidershipit të Kosovës në atë kohë. Në samitin e Helsinkit është futur paragraf i veçantë, në të cilën Kosova trajtohet si njësi më vete. Në atë periudhë janë stërvitur në Shqipëri disa njësi të UÇK, por që të gjitha nën patronazhin e qeverisë së Kosovës, Ibrahim Rugovës. Midis tyre Adem Jashari. Janë dërguar armatime falas pa asnjë çmim Bosnjes dhe Kroacisë në kundërshtim me embargon”.

Berisha tregoi dhe pse ishte arrestuar Hashim Thaçi gjatë luftës në Kosovë

“Nëse është arrestuar Hashim Thaçi është arrestuar për krim ordiner. Hashim Thaçi flinte me një gazetar në dhomë, quhej Ali Uka, u gjet i bërë thertore në dhomë. Ai është thirrur për Ali Ukën. Nuk them fare se është i implikuar apo jo në vrasjen e tij. I vetmi vend në botë që ishte kundër embargos ishte Shqipëria. Pse? Sepse rëndonte mbi Kosovën. Të tjerët ku e merrnin naftën? Naftën sipas raporteve të OKB, 96% nga Danubi. Rafineria më e madhe e Beogradit merrte me tuba nga Rumania. Ne nuk kishim mjete lundruese në liqen. Ne sollën skafet e policisë. Shkodranët e mbushnin plot serbatorin dhe kalonin me makinë dhe e shisnin në anën tjetër gjysmën e saj”.

A e ka qenë për vizitë në Shqipëri Arkani?
“Shqipëria ka qenë një vend i hapur dhe Arkani mund të ketë ardhur. Ai me pasaportë jo serbe mund të ketë hyrë, nuk them dot. Por si Arkan do të arrestohej 1 mijë herë. Në vitin 1994 Shqipëria kaloi rezolutën në OKB me 137 vota në të cilën popullit të Kosovës i njihet e drejta për vetëvendosje. Kam bërë çmos që Prishtina të ngrihet në protesta kundër Millosheviçit. Mendoja se shqiptarët duhet të protestonin. Duhej reagim. Kaq ka qenë”.

Në lidhje më marrëdheniet e Ramës me Haradinaj, ai tha: Sepse Edi Rama është anti-shqiptari më i madh pas zografit. Skam asnjë lidhje me Haradinaj. Ramush Haradinaj mban qëndrimin e tij për vendin e tij, i ka bërë një shërbim shumë të madh Kosovës, se shpëtoi. Shanse nuk ka më. Ditë më të zezë se sa të shkojnë tre zyrtarë të lartë shqiptarë në Berlin për të shit trojet shqiptare nuk ka. /Opinion.al/

Në një kohë kur të gjithë kërkojnë dialog për krizën politike, Ministrja e Shtetit për Marrëdhëniet me Parlamentin Elisa Spiropali “godet” me deklaratat e saj.

Në një intervistë për Abc news ajo tha se zgjedhjet do të zhvillohen dhe në rast se Berisha, Basha dhe Kryemadhi duan t’i thonë burgut hapu le t’i thonë.

“Zgjedhjet duhet të ketë. Në rast e Berisha, Basha dhe Kryemadhi duan t’i thonë burgut hapu, le t’i thonë. Por nuk besoj se ata nuk mund të marrin me vete qytetarë të tjerë. Nuk shkon në burg njeri për ta. Janë gjithmonë e më pak qytetarë që dalin, sa më të vegjël bëhen si grup aq më e rrezikshme bëhen si turme. Fakti që nuk kanë numrat i ka bërë që të kthehen në një turmë të dhunshme. Është diçka tjetër të dalësh në protestë dhe diçka tjetër nëse prish zgjedhjet duke prishur qendrat e votimit”.

Duke folur për një pëprlasje të mundshme, Spiropali tha se qeveria do garantojë siguri edhe për strukturat zgjedhore.

Nga qyteti i Vorës, kreu i PD-së, Lulzim Basha u shpreh se Rama nuk ka shans të detyrojë shqiptarët të pranojnë një tjetër krim elektoral.

Sipas tij në listat për kryebashkiakë Rama ka futur njerëz të krimit.

“Edi Rama nuk ka asnjë shans ti detyrojë shqiptarët të pranojnë një tjetër krim elektoral. Shikoni se çka bërë: 5 kandidatë të njohur publikisht nga listat e tyre janë të pandehur të drejtpërdrejtë të dosjeve hetimore për shitblerjen e votave. Valbona Sako, e dyshuar dhe sot duhet të ishte e pandehur për vjedhjen e votave me Ymer Lalën në Dibër, njësoj si Agron Malaj, njësoj si Dionis Imeraj, njësoj si Pjerin Ndreu.

4 kandidatë që në fakt duhet të ishin të pandehur dhe po të kishim drejtësi të pavarur, sot duhet të ishin të dënuar për shitblerjen e votës me krimin në zgjedhjet e Dibrës. Kemi edhe kandidatin e Shijakut, i cili sot duhet të ishte para drejtësisë si një nga njerëzit pjesëmarrës me bandën e Avdylajve, në shitblerjen masive të votave në Durrës.

Në vend që këta njerëz të jenë para drejtësisë, Edi Rama do të diktojë përsëri zgjedhje me krimin. Do të diktojë përsëri Artur Bushin e krimit në Krujë e Tërmet Peçin e drogës në Tepelenë, e me dhjetëra të tillë anembanë vendit. Vora, Tirana dhe Shqipëria s’ka për ta pranuar kurrë këtë”, tha Basha.

Ndaj sipas tij largimi i Ramës është kusht i panegociushëm për të hapur dialogun politik.

“Na duhet dhe do të kemi një dialog kombëtar me gjithë shqiptarët, për të vendosur së bashku, jo thjeshtë largimin e Edi Ramës, sepse largimi i Edi Ramës është parakusht i panegociushëm për hapjen e dialogut politik.

Por përmes një dialogu gjithëpërfshirës kombëtar, që ju të keni mundësi përmes votës tuaj të vendosni për një sistem elektoral që ju përfaqëson ju”, u shpreh Basha.