TIRANË

Shërbimi për Çështjet e Brendshme dhe Ankesave pranë ministrisë së Brendshme në bashkëpunim me prokurorinë kanë arrestuar agjentin e krimeve në komisariatin nr.2 në Tiranë, i identifikuar si Ledion Bako. Ky i fundit  është arrestuar gjatë një operacioni, i cili kishte për qëllim ndalimin e një grupi që merrej me shpërndarjen e lëndëve narkotike.

Agjenti i Krimeve të rënda, Ledion Bako është ndaluar  mbrëmjen e së martës në zonën Linzës në Dajt në momentin kur po udhëtonte me makinë së bashku me tre persona të tjerë. Raportohet se agjentit i krimeve i është gjetur një sasi droge dhe një armë pa leje.  Gjithashtu janë arrestuar edhe tre personat që ishin nën shoqërinë  e agjentit.

Njoftimi i policisë:

Tiranë – SHÇBA arreston në flagrancë 1 punonjës policie dhe 3 persona të tjerë Shërbimi për Çështjet e Brendshme dhe Ankesat (SHÇBA), mbi bazën e të dhënave që dispononte rreth implikimit të një punonjësi policie në veprimtari të kundërligjshme në fushën e narkotikëve, në bashkëpunim me Prokurorinë e Rrethit Gjyqësor Tiranë zhvilloi një hetim të plotë, duke aplikuar metoda speciale hetimi. Nga hetimet për rreth 3 muaj, u siguruan prova se punonjësi i Policisë, në bashkëpunim me persona të tjerë, përveç se ishin përdorues, shpërndanin edhe lëndë narkotike. Ai duke keqpërdorur atributet që i jepte detyra, siguronte mbarëvajtjen e këtij aktiviteti të kundërligjshëm.

Nisur nga rrethanat, faktet e paraqitura dhe analiza e bërë me Prokurorin e çështjes, u zhvillua operacioni dhe u arrestuan në flagrancë: – L. B., 27 vjeç, nga Tirana, me detyrë ndihmës specialist për Hetimin e Krimeve në Komisariatin e Policisë Nr. 2 Tiranë, për veprat penale të “Prodhimit dhe shitjes së narkotikëve”, “Ushtrim i ndikimit të paligjshëm ndaj personave që ushtrojnë funksione publike” dhe “Mbajtje pa leje e armëve dhe municioneve”; – J. K., 26 vjeç, nga Tirana, financier, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”; – E. M., 35 vjeç, nga Tirana, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”; – A. K., 31 vjeç, nga Tirana, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”. Gjatë operacionit u sekuestruan provat materiale: – pistoletë me fishekë; – disa telefona celularë; – dy qese plastike, në të cilat dyshohet se ka mbetje të lëndës narkotike kokainë; – kopje kartëmonedhash të huaja Hetimet po vijojnë edhe ndaj personave të tjerë, të cilët dyshohet se janë furnizues me lëndë narkotike të personave të arrestuar. SHÇBA nxit qytetarët të denoncojnë çdo rast abuzimi me detyrën të punonjësve të policisë, duke telefonuar në numrin falas 0800 90 90, duke garantuar reagim të shpejtë dhe të ashpër ligjor.

Nuk kanë munguar batutat mes kryeministrit Rama dhe ministrit të Diasporës, Pandeli Majko gjatë takimit të sotëm me banorë të njësisë administrative numër 5 në Tiranë.

Rama i ka kujtuar Veliajt premtimin e pambajtur për ndërtimin e Kopshtit Zoologjik dhe ka thënë se për këtë do të monitorohet, duke kërkuar më tej edhe ndërtimin e një teatri kukullash për fëmijët, pasi aktuali sipas tij është një tmerr i vertetë.

Kaq ka mjaftuar që Majko të pyesë; Hë cfarë do e prishim edhe atë?

BATUTAT

Rama i tregon Majkos filxhanin: Ja e shikon buzën e greminës, ca ëhstë këtu, I që po bie, apo L që po ngrihet

Majko: Po ik ore, lëre tani se na cmende

Rama: Ma thuaj ca të bëjmë pandi, nga ta kapim, u cmendën të tërë përnjëherë,

Majko: Ja të dëgjojmë lali Erin ca ka për të bërë

Rama: Lali të bëjë kopshtin Zoologjik se e ka premtim të pambajtur, pastaj për këto të rejat është punë tjetër

Rama: Teatrin e ri të kukullave njëherë, duhet, shkova me Zahon dhe ishte katandisur i marrë fund, si kopsht zoologjik i degraduar

Veliaj: Do parë ajo, sa mban, sa nuk mban …

Majko: Po ajo është godina e parlamentit, është godinë historike

Rama: Po është more është, po e ke parë ti si është, se juve thoni është godina e Parlamentit, por e ke parë ti si është ajo kur kalon nga PS

Majko: He ca, do e prishim edhe atë?

Rama: Ajo është katandisur si luani o Pandi, kopsht zoologjik, një tmerr i madh…

Majko: E rëndësishme është që ke vajtur ti në teatër të kukullave ta dëgjojë edhe ai (Gaz Paja) që sa është martuar

Zyrtari i qeverisë, Petro Koçi ka reaguar pas vendimit të Këshillit të Europës, për tërheqjen e vëzhguesve në zgjedhjet e 30 qershorit.

Në arsyetimin e KiE thuhej se kjo vinte për shkak të paqartësisë së procesit zgjedhor.

Ndërkohë në një postim të bërë në rrjetin social Facebook, Koçi shkruan se Këshilli i Europës është një organizatë në të cilën sapo është rikthyer Rusia.

KPK shkarkon nga detyra gjyqtarin e Gjykatës së Krimeve të Rënda, Luan Hasneziri.

Në kriterin e pasurisë dhe pastërtisë së figurës, sipas relatimit të KPK-së, gjyqtari i Krimeve të Rënda, njëherësh edhe kandidat për Gjykatën Kushtetuese, rezultoi me probleme, të cilat u mohuan gjatë mbrojtjes nga ana e Hasnezirit. Hetimet për një apartament si të vetmen pasuri të paluajtshme që gjyqtari posedonte, si dhe mosdeklarimi i refuzimit të vizës amerikane, sipas Komisionit kanë nxjerrë në pah një sërë problemesh.

Duke iu referuar relatores së çështjes, Alma Faskut, nga hetimi i kryer ka rezultuar se gjyqtari ka deklaruar në mënyrë të pasaktë sa i takon burimit të krijimit të kësaj pasurie dhe se huat e marra te vëllai dhe një kushëri nuk justifikoheshin prej tyre. Edhe nga analiza financiare e kryer, sipas Komisionit, gjyqtari rezultonte me bilanc negativ e për rrjedhojë nuk kishte mundësi për të vënë këtë pasuri. Nga relatimi i KPK-së u bë e ditur se apartamenti ishte 135 metra katrorë në Tiranë, i blerë për 5 milionë e 900 mijë lekë në vitin 2006. Si burim për këtë pasuri, Hasneziri ka deklaruar një kontratë huaje të vitit 2007 lidhur me vëllain dhe kontratën për kredinë bankare në po të njëjtin vit. Sipas relatores, ka mospërputhje mes deklarimeve periodike, asaj veting dhe sqarimeve të dhëna nga vetë gjyqtari.

“Duket se ka nënshkruar kontratë shitblerjeje fiktive dhe jemi përballë shkeljes së etikës. Gjatë hetimit rezultoi se subjekti ka deklaruar adresa të ndryshme banimi, në vite të ndryshme. Kemi kërkuar nga subjekti që në lidhje me 3 adresat e dhëna, t’i saktësojë ato dhe të vërtetojë me dokumentacion qëndrimin aty”, tha Fasku. FIGURA Për kriterin e pastërtisë së figurës, Drejtoria e Sigurimit të Informacionit të Klasifikuar e konsideroi të papërshtatshëm gjyqtarin, kjo pasi sipas raportit nuk kishte deklaruar refuzimin e vizës nga ambasada e Shteteve të Bashkuara të Amerikës.

Vetë Hasneziri ka argumentuar se nuk e ka parë të detyrueshme deklarimin dhe se refuzimi i vizës nuk është refuzim për të hyrë në Shtetet e Bashkuara të Amerikës. “Në vitin 2014 subjektit i është refuzuar viza për në Shtetet e Bashkuara të Amerikës, fakt që nuk e ka deklaruar”, tha Fasku.

MBROJTJA

“Nëse do të përdornim kriteret dhe standardet e sotme, Abraham Linkoln do të konsiderohej një president i korruptuar, pasi dha para për bindjen e kongresmenëve për heqjen e skllavërisë”, tha Luan Hasneziri gjatë mbrojtjes së tij, duke argumentuar se ai është ngarkuar me standardet e ditëve të sotme, për rrethana që kanë ndodhur kohë më parë dhe në rrethana specifike. Sipas Hasnezirit, përfundimet e nxjerra nga Komisioni nuk mund të qëndrojnë ashtu siç janë sjellë.

Gjyqtari i konsideroi hetimet dhe përfundimet e KPK-së si justifikime dhe pretekste për të sjellë shkarkimin e tij, sepse nga sistemi nuk kishte asnjë arsye dhe shkak ligjor për largimin e tij. Teksa e konsideroi veten një gjyqtar me njohuri të mira juridike, Hasneziri i tha KPK-së se ai ka gjykuar dhe dënuar grupe të rrezikshme dhe ndihej i frikësuar me jetë nëse “flakej në rrugë”.

“Gjatë karrierës sime kam gjykuar një sërë procesesh dhe kam dhënë disa burgime të përjetshme. Kam dënuar grupe të 1997-ës, të cilët sot enden të lirë në rrugë. Ndihem i rrezikuar në jetë nga këta persona. Jam mbrojtur së bashku me kolegët e mi nga forcat RENEA me automatikë nga këta persona dhe nëse sot unë flakem në rrugë, ndihem i rrezikuar. Më vjen keq që do e mbyll fjalën time në këtë formë, por unë sot nuk gjej asnjë arsye për shkarkimin tim, vetëm justifikime”, përfundoi gjyqtari Luan Hasneziri.

Aleanca Qytetare për Mbrojtjen e Demokracisë në Berat i kërkon Presidentit të Republikës, Ilir Meta të përdorë të gjitha mekanizmat ligjorë që ka në dispozicion për të shpallur sa më parë zgjedhjet e përgjithshme parlamentare të parakohshme.

Me anë të një deklarate, kjo Aleancë, u kërkon forcave të rendit dhe administratës publike që të vendosin përpara Shqipërinë, duke mos u bërë pjesë e mbështetjes së shkeljes së Kushtetutës dhe Ligjit.

“Qytetarëve të Beratit dhe të gjithë Shqipërisë. Të ngrihen në mbrojtje të të drejtave të tyre dhe të demokracisë, të refuzojnë të bëhen pjesë e farsës elektorale që qeveria dhe Edi Rama po përgatit, të bashkëpunojnë me të gjithë aktorët dhe faktorët politikë dhe jo politike në interes të vetëm të Shqipërisë dhe shqiptarëve!”, thuhet në reagim.

Deklarata e plotë:

Deklaratë e Aleancës Qytetare për Mbrojtjen e Demokracisë

Berat:

Ne, qytetarët e Beratit, të bashkuar në një Aleancë për Mbrojtjen e Demokracisë dhe vlerave të saj,

Me dëshirën dhe qëllimin madhor për t`i shërbyer Shqipërisë dhe interesave të saj;

Të shqetësuar për konfliktin social dhe politik në vend, konflikt i cili po precipiton me pasoja të rënda për të ardhmen e Shqipërisë, shqipëtarëve dhe integrimin evropian të tyre si aspiratë madhore e popullit shqiptar në shekuj,

Duke patur parasysh rrethanat e sotme, kur:

– Vendi drejtohet nga një maxhorancë politike e cila është faktuar se ka fituar zgjedhjet nëpërmjet blerjes dhe manipulimit të votës si dhe përdorimit të eksponentëve të krimit të organizuar;

– Kuvendi i Shqipërisë nuk plotëson detyrimin kushtetues të përfaqësimit me 140 deputetë, duke mos përfaqësuar kështu numerikisht elektoratin;

– Sistemi i drejtësisë është tërësisht i paralizuar, Gjykata Kushtetuese dhe Gjykata e Lartë nuk funksionojnë, ndërsa organet e tjera të këtij sistemi kontrollohen politikisht nga maxhoranca;

– Korrupsioni galopant që po gërryen ekonominë dhe të ardhmen tonë është faktuar të ketë mbështetje të hapur qeveritare;

– Opozita ka braktisur përfundimisht Kuvendin e Shqipërisë, në shenjë protëste përsa më sipër;

-Maxhoranca, për herë të parë pas përmbysjes së regjimit komunist, tenton të shkojë e vetme në zgjedhje moniste, pa asnjë alternativë, duke kontrolluar kështu efektivisht të gjithë pushtetin vendor dhe qëndror në Shqipëri;

-Dekreti i Presidentit i ka anulluar këto zgjedhje pikërtisht për dëmin e pallogaritshëm që do t`i shkaktojë vëndit;

I bën thirrje:

– Presidentit te Republikës

Të përdorë të gjitha mekanizmat ligjorë që ka në dispozicion për të shpallur sa më parë zgjedhjet përgjithshme parlamentare, të parakohëshme, të drejta dhe të ndershme, si i vetmi instrument politik që i jep zgjidhje kësaj situate të paprecedentë!

– Administratës Publike dhe Zgjedhore, Forcave te Rendit dhe të Sigurisë

Të vendosin Shqipërinë përpara partisë, duke mos u bërë pjesë dhe mbështetje e shkeljes së Kushtetutës dhe Ligjit;

– Qytetarëve të Beratit dhe të gjithë Shqipërisë

Të ngrihen në mbrojtje të të drejtave të tyre dhe të demokracisë, të refuzojnë të bëhën pjesë e farsës elektorale që qeveria dhe Edi Rama po përgatit, të bashkëpunojnë me të gjithë aktorët dhe faktorët politikë dhe jopolike në interes të vetëm të Shqipërisë dhe shqiptarëve!

Pas kërkesës së Presidentit Ilir Meta për t’u njohur me procedurën që është ndjekur për zëvendësimin  e deputetëve të LSI dhe PS që dorëzuan mandatet me emrat e rinj të po këtyre forcave, vjen përgjigjia e Komisionit Qendror të Zgjedhjeve.

KQZ-JA i ka vënë në dispozicion Presidentit një kopje të njoftimit të Kuvendit dhe një kopje të dorëheqjes së deputetëve nga mandati.

Po ashtu mësohet se Presidentit i është vënë në dispozicion edhe një kopje e vendimit të KQZ për dhënien e mandatit deputetëve pasues në listën shume emërorë.

Kujtojmë që Kuvendi aktualisht përbëhet nga 122 deputetë pas shterimit të listave shumëemerore të partive opozitare.

Ndërkohë që në nenin 64 të Kushtetutës thuhet se “Kuvendi përbëhet nga 140 deputetë, të zgjedhur me sistem proporcional me zona zgjedhore shumemërore.”

Ndërkohë që ndajnë pesë ditë nga 30 qershori, për të cilën kryeministri Rama, jo vetëm nuk lëviz pavarësisht dekretit të Metës për anulimin e vendoreve, por ka theksuar se është shumë i rëndësishen, jo thjesht për zgjedhjen e kryebashkiakëve të rinj, por për të nesërmen e vendit, në bazë duket se janë marrë masat për të garantuar votën për PS.

Nëpër qytete të ndryshme janë parë të shpërndarë disa formularë që bëjnë fjalë për një të ashtuquajtur sistem patronazhi, që duket se është gjetja e përdorur nga socialistët për të bërë identifikimin e zgjedhësve dhe garancinë për votën.

Në formular ka të detajuar elementë të posaçëm si për emrin e personit të patronazhit, tek emrat e votuesve, me qendër votimi e deri te vendi ku do të takohen për të “shmangur deklarimet fiktive”.

Poshtë formularit ka saktësime të tjera, të tipit “patronazhuesi që plotëson formularin garanton dhe mban përgjegjësi që personat e listuar, pra votuesit, do të paraqiten për të votuar më 30 qershor. Patronazhues mund të jenë që nga drejtues të strukturave të PS, drejtues institucionesh, persona influentë në zona, apo persona që quhen të spikatur”.

Në këtë mënyrë patronazhuesi del garant që ata do votojnë për PS, pasi u ka marrë më parë emrat dhe firmat dhe bën edhe shoqërimin e tyre në votim.

Kreu i Shtetit ka folur sot për vendimin e përfolur se do të shpërndajë parlamentin për shkak se nga zëvendësimi i deputetëve, institucioni i Legjislativit ka mbetur pa 140 mandate.

Por Meta ka thënë se ai do të ndërmarrë çdo veprim me qetësi dhe me shumë përgjegjshmëri.

“Presidenti i Republikës do bëj çdo veprim me shumë qetësi, me shumë përgjegjshmëri edhe do t’i shërbej mbrojtës së republikës dhe interesave të saj. Shpresoj ta bëjnë këtë të gjitha institucionet dhe qytetarët se bashku”, tha Meta.

Më tej kreu i shtetit e ka quajtur KQZ-në si organizatë socialiste, e cila nuk ka tagër që të vendos për datën e zgjedhjeve.

“Jo rastësisht përdora termin organizatë socialiste, Presidenti nuk mund të hyjë në debat me një organizatë socialiste apo demokrate. Vetëm Presidenti vendos për datën e zgjedhjeve në Shqipëri”, tha Meta.

Aktori i njohur Neritan Liçaj i bashkohet nismës ‘Edhe unë’ për të penguar votimet me 30 Qershor.

Ai i është bashkuar qëndrimit të artistit Bujar Kapexhiu, i cili ka deklaruar se do të jetë në qendrën e tij të votimit për të mos lejuar një votim te paligjshëm.

‘#EdheUnë…s’do lejojmë që jetët tona dhe të fëmijëve tanë të nëpërkëmben dhe të bien në letargjinë e dhimbshme të vdekjes së ngadalte të padinjitetit nga sundimi e një bande gangsterësh që s’njohin kushtetutë, të drejta, demokraci, mendim të lirë, art, kulturë, përparim, dije, qytetërim, komb dhe krenari …

Por vetëm rrugaçëri dhe vjedhje!

Po te doni shpërndajeni’, shkruan Neritan Liçaj në Facebook.

Analisti Fatos Lubonja, ka qenë i ftuar në studion e lajmeve të News24, ku ka komentuar situatën politike dhe vendimin e kryeministrit Edi Rama, për të marshuar i vetëm, drejt zgjedhjeve të 30 Qershorit. Lubonja tha se data 30 Qershor, është pragu që na çon drejt diktaturës dhe kryeministri Edi Rama do ta kalojë këtë prag.

“Kjo është një diktaturë sui generis, në mes të Europës dhe jo e klasave, siç ishte fashizmi, por kjo është diktaturë e krimit. Banditët, me në krye një bandit të cmendur, janë në krye të shtetit. Parlamentarët që mbështesin këtë regjim, nesër do përgjigjen, herët ose vonë. Kjo nuk shkon kështu, pa një ndëshkim. Po u lejua, do shkojë ku do shkojë dhe do përgjigjen të gjithë. Do të vijë dita, mos e harroni.
30 Qershori është për Edi Rama, kalimi i pragut të vendosjes së diktaturës. Se sa do ta mbajë… Një muaj, një vit, apo dhjetë vjet, këtë nuk e di. Që fundin e ka të sigurt, si një diktator i neveritshëm, kjo nuk ka asnjë dyshim“.

Lubonja tha se Presidenti i Republikës, është nën të njëjtin sulm, si opozita dhe qytetarët, ndaj duhet të dorëhiqet dhe të jetë sërish në krye të Lëvisjes Socialiste për Integrim.

“Presidentin është duke e ngrënë ujku, si të gjithë ne. Presidenti të lëre Presidencën, të marrë LSI-në dhe të dalë të luftojë. Duhet ballafaqim për ti treguar këtyre, që edhe këtej ka forcë.
Në vend që Shqipëria të qeverisët nga njerëz të arsyeshëm, qeveriset me njerëz si puna e Tërmet Pecit, që bën mitingje elektorale edhe në kishë. Këta dhunojnë edhe kishën. Të qeverisësh nga trafikantët e drogës, është kulmi i kulmeve. Një kryeministër që është i lidhur kokë e këmbë me trafikantët e drogës, siç dëshmoi rasti i Avdylajve, por edhe Dibra, është kulmi i kulmeve, vetëm shqiptarët mund ta durojnë këtë gjë“.

I pyetur për rolin e ndërkombëtarëve në kërtë krizë, por edhe më gjerë, Lubonja tha se shqiptarët duhet ta shembin diktaturën vetë dhe jo të presin ndihmën e ndërkombëtarëve, të cilët sipas tij, jetojnë në një realitet tjetër.

“Ndërkombëtarët kanë qenë me Berishën në 97’, derisa u dogj Shqipëria. Ata nuk jetojnë këtu, jetojnë në një realitet tjetër. Kanë harxhuar miliona për reformën në drejtësi. Kanë 30 vjet që thonë se kemi ecur përpara dhe do kishim arritur jo në Evropë por edhe në Amerikë, por ne kemi ecur mbrapa për fat të keq. Ata janë pjesë e problemit, nuk duhen llogaritur aq shume. E vetmja gjë që jep shpresë, është që kanë filluar të ndërgjegjësohen, andej këndej. Shqiptarët duhet ta mposhtin diktaturën pa ndërkombëtarët. Nëse e rrëzojnë me ndërkombëtarët, kthehet prapë diktatura“, u shpreh Lubonja.

Akademia e Shkencave dhe Shoqata Çamëria kanë promovuar ribotimin e librit “Këngë Popullore nga Çamëria”, të autorit Fatos Mero Rrapaj. Libri është risjell për publikun në kuadër të 75-vjetorit të Genocidit grek mbi shqiptarët e Çamërisë, pikërisht në Javën Çame.

Në këtë aktivitet ishte i pranishëm kryetari i PDIU-së Shpëtim Idrizi, si dhe Akademike Floresha Dado, Bashkim Kuçuku, Hajredin Isufi, Irakli Koçollari, Shaban Sinani etj.

Në fjalën e tij kreu i PDIU-së, vuri theksin tek një debat që Akademia e Shkencave duhet të bëjë me historianët grek, për falsifikimin e historisë se çamët kanë bashkëpunuar me nazistët në luftën e dytë botërore. Për këtë z.Idrizi kërkoi që të bëhet publike një foto apo një dokument që grekët mund të kenë.

“Akademia e Shkencave të përfshihet në debat me historianë grekë për falsifikimin e historisë për bashkëpunimin e shqiptarëve të Çamërisë me nazistët, në luftën e dytë botërore.

Kemi 3 vjet që kemi hyrë në një debat absurd me politikën greke, duke filluar nga Presidenti grek. Kërkojmë që të na gjejnë një foto apo një dokument që çamët kanë bashkëpunuat me naziztët.

Gjithashtu Akademia e Shkencave të përfshihet në një debat historik e faktmbledhës me historianët grek, për spastrimin dhe Genocidin etnik ndaj shqiptarëve të Çamërisë në fundin e luftës ëë dytë botërore. Ky është një detyrim nga Rezoluta e Parlamentit të Shqipërisë për çështjen Çame.

Libri “Këngë Popullore nga Çamëria”, është një përmbledhje e folklorit dhe këngëve e valleve çame, një vepër e jashtëzakonshme e studiuesit Fatos Mero Rrapaj. Falenderoj Akademinë e Shkencave, Shoqatën Patriotike Çamëria dhe Alket Veliun, që mundësuan ribotimin e këtij libri”, – u shpreh kryetari i PDIU-së

Akademikja Floresha Dado u shpreh se libri i Fatos Mero Rrapajt përshkruan historinë e Çamërisë dhe tregon këngët e vallet që Çamëria i ka patur traditë. Të njëjtën gjë thanë edhe Bashkim Kuçuku, Hajredin Isufi, Irakli Koçollari dhe Shaban Sinani.

Alket Veliu vuri theksin tek rëndësia që do të ketë ky libër, për të rinjtë por edhe për çdo shqiptarë që të njohë historinë dhe traditën e Çamërisë.

Ministri i Jashtëm Italian, Enzo Moavero Milanesi ka zhvilluar një bisedë telefonike me kryeministrin Edi Rama, si edhe kreun e opozitës Lulzim Basha.

Ministri italian konfirmoi për dy aktorët kryesorë politikë, rëndësinë e dosmodoshme, për të siguruar respektimin e rregullave të demokracisë dhe shtetit të së drejtës.

Në kuadër të kontestimeve të datës së zgjedhjeve të 30 qershorit, Ministri i jashtëm italian përsëritit se pavarësisht divergjencave mes forcave politike shqiptare, është shumë e rëndësishme të evitohet cdo formë e dhunës dhe mendimet e qëndrimet e gjithësecilit të shprehen në mënyrë demokratike.

Me këtë “frymë realiteti të rëndë në reciprokitet me dialektikën politike kundërshtare”, ka theksuar ministri “duhet të sigurohet, siguria dhe korrektësia e procesit elektoral në Shqipëri” i cili do të monitorohet edhe nga një mision ndërkombëtar, i udhëhequr nga OSBE-ODHIR, në të cilin bëjnë pjesëvëzhgues nga shumë vende përfshirë edhe Italinë.

Për opozitën, vendimi i Kolegjit Zgjedhor është nul. Kreu i Lëvizjes për Zhvillim Kombëtar, Dashamir Shehi, pas mbledhjes në selinë blu me liderin demokrat Lulzim Basha, kryetaren e LSI-së Monika Kryemadhi dhe aleatët, tha se opozita do të vijojë me aksionin për të penguar zgjedhjet e 30 qershorit. Ai tha në një prononcim për mediat, se opozita do të përdorë cdo formë rezistence për të mos lejuar që më 30 qershor të ketë votime.

“Vendimet janë marrë me kohë. Kjo javë do të kulmojë në protestën popullore, në raport krejt ndryshe me mediat për të përcjellë idenë e 4 muajve. Nuk janë zgjedhje, nuk i njohim, janë votime të zotit Rama, ne do të njohim dekretin e Presidentit. Kjo që u morën sot me një parti fantazmë, kolegji në vetvete është një fantazmë tani. Janë disa fatkeq që i ka rënë të marrin disa vendime të vështira për veten e vet, për ta se ne nuk i njohim këto vendime. Ne do të përballemi në çdo cep të Shqipërisë me juntën politike. Më datë 30 nuk do të ketë votime, kemi shumicën e shqiptarëve me vete. Po kalohet një fazë e paprecedentë, rrezikshmëria e këtij grupi është aq e madhe saqë justifikon çdo formë rezistencë. Demonstratë, dhe çdo formë brenda ligjeve. Kjo është rezistenca jonë”, tha Shehi pas mbledhjes në selinë blu.

Pas vendimit te Kolegjit Zgjedhor, qe rrezoi kerkesen e Partise se Unitetit Kombetar, duke lene ne fuqi 30 qershorin, Presidenca njofton se mengjesin e neserm do te kete nje konference per mediat.

Sipas burimeve, mesohet se konferenca do te mbahet neser ne mengjes ne oren  08:00 ne ambientet e Presidences.

Mesohet se teme e kesaj konference do te jete vendimi i sotëm të Kolegjit dhe kriza e rëndë politike në vend.

Kujtojme se fill pas vendimit te Kolegjit Zgjedhor, zedhenesi i Presidentit reagoi duke e quajtur gjithe kete nje skec te radhes te orkestruar kohe me pare.

Kolegji Zgjedhor ka refuzuar kërkesën e Partisë Uniteti Kombëtar, përfaqësuar nga kryetari Idajet Beqiri, për çregjistrimin nga zgjedhjet, duke lënë në fuqi  30 qershorin.

Trupa gjykuese vendosi të rrëzojë kërkesën e PUK për çregjistrimin nga listat e zgjedhësve të pushtetit vendor, që do të thotë se më 30 qershor do të zhvillohen zgjedhjet lokale.

Gajtë diskutimeve në Kolegj, Beqiri tha se nuk e pranon 30 qershorin në kushtet e krizës politike, ndërsa kërkoi çregjistrimin nga zgjedhjet.

Nëse pesë gjyqtarët e Kolegjit do të pranonin kërkesën e Beqirit, atëherë pranohej ligjshmëria e dekretit të Presidentit dhe 30 qershori rrëzohej.

Pa dhënies së vendimit, vetë Beqiri u shpreh se vendimi është i formës së prerë, dhe se duhet respektuar.

“Është një vendim i formës së prerë ne të drejtë ankimimi nuk kemi më. Jemi të detyruar ta zbatojmë këtë ligj. DO të thotë që më 30 qershor ka zgjedhje. Duke respektuar këtë vendim të Kolegjit, do t’i nënshtrohemi të gjithë rregullave për të vijuar garimin për kaq ditë sa na kanë mbetur.

Thelbi i padisë tonë ishte dekreti i Presidentit. Në iu drejtuam Kolegjit për të mësuar nëse ky dekret i Presidentit është i vlefshëm apo i vlefshëm.
Unë mund të kem mendime individuale, personale të miat por problemi ishte që vendimmarrja jonë ishte politike dhe juridike”, u shpreh ai.

Presidenti Ilir Meta, i ka kthyer përgjigje shkresës së kryetarit të Komisionit Ulsi Manja,  lidhur me dekretin për shfuqizimin e datës së zgjedhjeve.

Në përgjigjen e tij, Presidenti thotë se dekreti për shfuqizimin e zgjedhjeve është marrë në mbështetje të plotë me dispozitat Kushtetuese dhe se dekreti është në fuqi, i botuar në Fletoren Zyrtare, e për pasojë është i detyrueshëm për zbatim nga të gjithë, përfshirë edhe Kuvendin.

Ai e quan “proces të rremë”, procedurat e nisura nga ky komision për të rrëzuar dekretin e tij për anulimin e zgjedhjeve, duke theksuar se një proces i tillë është i “orientuar verbërisht politikisht” dhe se nuk i shërben aspak zgjidhjes së krizës.

Me thirrje e duartrokitje është pritur para gjykatës ish-deputeti i PD-së Bardh Spahia i cili do të njihet sot me masën e sigurisë nga Gjykata e Shkodrës pasi akuzohet për ngjarjet e ndodhur në KZAZ, ku iu vu flaka materialeve zgjedhore.

Gazetari Senad Nikshiqi raportoi për “BalkanWeb” se qindra mbështetës janë mbledhur para gjykatës, ku gjithashtu ka një numër të madh efektivësh të policisë.

Me nisjen e seancës, ish-deputetit Bardh Spahia i është komunikuar akuza, “Kundërshtimi i punonjësit të policisë së rendit publik” dhe “Dëmtimi me dashje i materialit zgjedhor”. Prokuroria ka deklaruar se disponon prova e pamje filmike që tregojnë se Spahia ka qenë aktiv gjatë përplasjeve në KZAZ dhe nuk i është bindur urdhrit të policisë.

Më pas Spahia ka marrë fjalën dhe ka deklaruar se arrestimi i tij është një prapaskenë politike.
“Ngjarjet për të cilat po diskutojmë sot. Po bëj një parantezë sot jemi përballë një përplasje të fortë politike e sociale. Protestuesit kanë vepruar sepse nuk mund të lejojnë që të uzurpojnë një objekt publik pronë e bashkisë Shkodër.

Për këtë kemi marrë informacion nga ana e policisë dhe njerëzve të paautorizuar dhe jemi drejtuar nga pallati i Sportit tek shkolla. Morëm informacion se kishte tension dhe u drejtuam atje për të qetësuar situatën.
Duke kërkuar qe situata të qetësohej sepse ishte e tensionuar. Materialet zgjedhore ndodheshin në një ambient të pambrojtur dhe aty ka pasur njerëz të paautorizuar. Ne kishim detyrë për të qetësuar njerëzit. Veprimet e arrestimit tim kanë prapaskenë politike. Mendoj që gjykata duhet ta shohë dhe vlerësojë siç duhet dhe bazuar në ligj”, ka thënë Spahia.

Seanca në ngarkim të ish-deputetit zhvillohet me dyer të mbyllura. Spahia ka qëndruar më shumë se 48 orë në izolim, ndërkohë që u ndalua ‘live’ nga policia.

Në mbledhjen e natës së kaluar, pas protestës së nëntë kombëtare të opozitës, u vendos që të gjithë ish-deputetët do të jenë sot në Gjykatën e Shkodrës për të protestuar kundër ndalimit të tij. Partia Demokratike e quajti ish-deputetin Bardh Spahia të burgosur politik dhe i kërkoi prokurorisë urdhërimin e menjëhershëm të lirimit të tij.

Kujtojmë se mbrëmjen e kaluar qytetarë nga Shkodra kanë protestuar para Policisë së Tiranës aty ku mbahet ish-deputeti Spahia, i arrestuar pas ngjarjeve në KZAZ në Shkodër. Protestuesit kërkuan lirimin e Spahisë dhe personave të tjerë të arrestuar dhe paralajmëruan protesta të përditshme.

Ish-Ministër i i Brendshëm, ish-ambasadori dhe politikani Neritan Ceka ka dale me nje deklarate te forte, teksa ka kerkuar qe OSBE te largohet nga Shqiperia nje ore e me pare, pasi sipas tij, ajo eshte “pjesë e aparatit kriminal të vjedhjes së votave”.

Deklaraten, Ceka e ka bere gjate emisionit “360 Gradë” në Tv Ora, ku mes te tjerash theksoi:

“Kemi të gjithë ndërkombëtarët të aktivizuar, një pjesë e tyre i hedhin ujë zjarrit, nuk shohin që ka një dekret presidenti, që ka një vendim të paligjshëm të kQZ për vazhdimin e zgjedhje, por del përfaqësuesi, ai që quhet gjoja Ambasadori i OSBE-së dhe thotë “Mos pengoni zgjedhjet!’ Ore, si nuk ka pyetur, ky Komisioni Qëndror i Zgjedhjeve, ka çuar ndodnjë shkresë se si do të vazhdoijë?! Nuk ka çuar…Po ti ke dekret të botuar dhe mungesën e një…po si mund të veprojë Policia?! Ky nuk është handikap! Kjo është pjesëmarrje në krim! Kjo është pjesëmarrje në krim dhe OSBE është bashkëpunëtore e ndërtimit të gjithë këtij aparati kriminal. E them edhe 100 herë. Nuk trembem fare se e kam thënë edhe kur isha kryetar i Kuvendit: Të ikë OSBE-ja një orë e më parë nga Shqipëria, është pjesë e aparatit kriminal të vjedhjes së votave, për interesat e tyre! Është pjesëmarrëse! Borchard është pjesëmarrës! Nuk merrem fare me emra!

24 Qershor 2019, ora 11.00
në Muzeun Historik Kombëtar (Salla UNESCO) në Tiranë.

Nderojnë me praninë e tyre disa nga ushtarakët tropojas, kontributorë për Lirinë e Pavarësinë e Kosovës…:

1.- Muhamet Buçpapaj – Gjeneral

2.- Zenel Kuçana – Prefekt i Qarkut të Kukësit.

3.- Feriz  Trezhnjeva – këshilltar i ministrit të Mbrojtjes të Kosovës.

4.- Avni Baliaj

5.- Agim Kuçana

6.- Ali Mulgeci

7.- Besim Kuçana

8.- Besnik Sylaj

9.- Erlind Kuçana

10.- Fatmir Neziri

11.- Halil Kuçana

12.- Haxhi Qelia

13.- Idriz Kuca

14.- Kujtim Vatoci

15.- Mehmet Mehmetaj

16.- Perparim Gega

17.- Petrit Rrahmani

19.- Rakip Sadikaj

20.- Rexhep Kortoçi

21.- Shkëlzen Mëhilli.

Herë pas here do të të komunikojmë lista me emrat e të ftuarve e pjesmarrësve në Akademinë Përkujtimore për Dëshmorin e Kombit, Bylbyl Hazir Breçani.

TIRANË

Deputeti i opozitës së re parlamentare Lefter Maliqi ishte një prej protestuesve dje në mbrëmje, e sot ai i ka drejtuar disa pyetje kryeministrit Edi Rama dhe madje nuk ngurron t’i japë edhe disa këshilla.

Në një postim në “Facebook”, Maliqi e pyet se si iu dukën 300 mijë veta në shesh dhe nëse ka frikë nga zgjedhjet e lira.

Më tej, ai shkruan se uraganin nuk e ndal dot as Rama e as Rilindja e krimit e as ndonjë Pazar a marrëveshje. Maliqi i kërkon kryeministrit të tërhiqet pasi siç thotë ai fundjava tjetër do jetë fundjava më e zezë dhe më fatale.

POSTIMI I MALIQIT

Disa pyetje për ty Kalorës. Si t’u dukën 300.000 veta mbrëmë në shesh? Apo do ironizosh ishin vetëm 3000. Si mendon? Ke ti kalores frikë nga zgjedhjet e lira se mos dështon? Pyete Tao Taon, Ciu Ciun, Mamicën, atë të ligjeve, të sigurisë etj se ata kanë vota, mbështetje në popull sa dhe të afërmit e vet si votojnë më! Si u gdhive sot e pive kafen tek fallxhorja si të del parashikimi? Po takimin e mëngjesit me Lali Erin e bëre se po pret me padurim ai t’i hipi kalit tënd pas dështimit tënd që mezi po e pret. Se di të ka ngelur më fond për gazsjellës, për dietat, orët shtesë të policëve që të shoqërojnë kudo në fushatën tënde të famshme plot ankth e frikë nga qytetarët e tu. Kalorës besoi zotit se diçka ka shkruar për ty, bën mirë të pushosh ca ditë tani para 30 qershorit se pas 30 qershorit të presin pushime të gjata. Po të marrin më qafë servilat, të paaftët duke të thënë je mirë Skenderbe, më të mirë se ty s’ka, ti je mbreti, sulltani, perandori jonë. Dhe pata këmbën e mbarë iu bashkova dje protestës kundra zgjedhjeve tuaja farsë, kundra krimit elektoral sipas përgjimeve të Bild, kundra pushtimit të institucioneve, kundra mafies që ju ka futur lakun në fyt, kundra instalimit të diktaturës. Shikoje këtë video disa herë, është Uragani që se ndal dot as ti, as gazsjellësi, as Rilindja e krimit dhe as ndonjë pazar a marrëveshje në kurriz të tyre. Ditë më të mira do vijnë, fundjavë të mbarë, qetësohu, thirri mendjes dhe mos harro një këshillë miqësore tërhiqu se fundjava tjetër do jetë fundjava më e zezë dhe më fatale për ty. Me qetësi dhe suksese në jetë.✌️✊💪.

Maxhoranca ka ndërmarrë një projektligj për të kufizuar harkun kohor që studion Instituti për Studimet e Krimeve dhe Pasojave të Komunizmit.

Ligji është nënshkruar nga 10 deputetë të Partisë Socialiste, në mes të cilëve është edhe Spartak Braho, deputeti që nisi edhe debatin me Agron Tufën për studimet që ISK-ja kishte bërë për periudhën e Luftës Antifashiste Nacionalçlirimtare.

Në relacionin që e shoqëron projektligjin, socialistët argumentojnë se Partia Komuniste është krijuar në 8 nëntor 1941 dhe në programin e saj nuk ka pasur elementët diktatorialë, ndaj harku kohor i LANÇ-it nuk mund të jetë pjesë e studimit të ISK-së, sepse instalimi i diktaturës u bë pasi komunistët morën në dorë qeverisjen e vendit.

“Objekti dhe qëllimi i ligjit është i lidhur me krimet dhe pasojat e komunizmit ne Shqipëri pas çlirimit të vendit dhe jo me të gjithë periudhën që nga krijimi i forcës politike komuniste antifashiste. Dokumentet historike kanë treguar se Partia Komuniste Shqiptare, e themeluar në 8 nëntor 1941, fitoi mbështetje popullore veçanërisht me programin politik dhe me platformën për krijimin e një fronti të gjerë lufte, ku do të merrnin pjesë pa dallim të gjitha forcat politike dhe antifashiste të vendit.

Partia Komuniste Shqiptare, në programin e saj të shpallur, nuk shtronte kryerjen e revolucionit socialist, diktaturën e proletariatit dhe as shtetëzimin e mjeteve të prodhimit apo luftën e klasave. Ajo shtronte çështjen e çlirimit të vendit, rivendosjen e pavarësisë kombëtare dhe ndërtimin e një rendi demokratik në Shqipëri. Me luftën Antifashiste Nacionalçlirimtare u arritën objektivat themelore dhe konkretisht, çlirimi i vendit dhe rivendosja e pavarësisë kombëtare.

Regjimi komunist nuk mund të lidhet me periudhën e Luftës Antifashiste Nacionalçlirimtare, luftë e cila u fitua me gjakun e mijëra dëshmorëve dhe siguroi pavarësinë e vendit. Vetëm pas përfundimit të LANÇ-it, Fronti Demokratik, ku ishin të përfshirë komunistët, mori në dorë qeverisjen e vendit duke vendosur disa detyra, ndërmjet të cilave: eliminimi i kundërshtarëve politikë, qeverisja e re, hartimi i Kushtetutës, reforma ekonomike etj.. Nisur nga parashtrimi i mësipërm, periudha e komunizmit, objekt i këtij ligji, nuk mund të jetë periudha para datës 28 nëntor 1944”, theksohet në relacion.

Ky projektligj pritet që të futet në punimet e Kuvendit dhe pas miratimit, ISKja nuk do të ketë më të drejtë që të hulumtojë mbi veprimtarinë e komunistëve gjatë periudhës së Luftës Antifashiste Nacionalçlirimtare.

PANORAMA

Drejtori Ekzekutiv i Dhomës Amerikane të Tregtisë, Ilir Trimi, tha se bizneset që ushtrojnë aktivitet në Shqipëri janë të shqetësuara dhe të frustruara nga kriza politike.

“Çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”. Askush nuk do të investojë apo të ndërmarrë hapa biznesi në një vend ku risku politik dhe ai ekonomik, është i lartë…

A janë stresuar kompanitë e Dhomës Amerikane të Tregtisë që ushtrojnë aktivitet në vendin tonë nga thellimi i krizës në vend?

Pyetja vjen pas një deklarate të Dhomës Amerikane, DIHA dhe ICC Albania e cila vendosi theksin pikërisht te shqetësimi dhe frustimi i bizneseve në vend, për shkak të situatës së rënduar politike. Pra, përgjigjja është po. Bizneset jetojnë nën presionin dhe pasigurinë që klima politike reflekton në ekonominë shqiptare. Bizneset janë në raporte të vazhdueshme pune me homologë në rajon dhe jashtë vendit, të cilët kufizohen për të punuar me një vend ku zhvillohen kriza politike.

Për fatin e keq, situata politike, nuk është çështje emergjente e javës së fundit. Ky tension politik vazhdon prej kohësh dhe nuk po përmirësohet. Nuk është e rastit që në Indeksin e Biznesit që Dhoma e publikoi në prill 2019, një nga indikatorët më të përkeqësuar ishte “Klima e brendshme politike”. Mund të them se ky indikator kishte pësuar një përkeqësim me -3.02% në raport me një vit më parë, çfarë reflektoi shqetësimin e anëtarëve të Dhomës Amerikane për klimën ku po punojnë. Me këtë përgjigje ata adresuan qartë problemin që vjen nga konflikti politik dhe që shkakton pasiguri tek ata por dhe te komuniteti i biznesit.

Nga takimet tona me organizata homologe, ne kuptuam se dhe anëtarët e tyre ndajnë të njëjtin opinion dhe kjo na çoi në një deklaratë të përbashkët drejtuar së gjithë politikës shqiptare, opozitës, por dhe qeverisë. Përmes kësaj deklarate, ne u bëmë thirrje të gjithë forcave politike se kanë detyrimin ligjor dhe moral të punojnë dhe të gjejmë një zgjidhje për të mos e lënë Shqipërinë të humbasë shanset e veta, disa prej të cilave vijnë pikërisht nga bizneset që orientojnë zhvillime ekonomike dhe ata që pritet të vijnë në vend.

Nëse kriza zgjat, a ndikon kjo në vendimet e investitorëve për të mos u zgjeruar më tej në Shqipëri ose, në rastin më të keq, për t’u tërhequr nga vendi ynë?

Pikërisht, këtë po thosha. Ne e theksuam edhe në deklaratën publike që bëmë se “çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare”. Askush nuk do të investojë apo të ndërmarrë hapa biznesi në një vend ku risku politik dhe ai ekonomik është i lartë. Investitorët, bëjnë një analizë të hollësishme kur i drejtohen një vendi, duke kontrolluar të gjithë faktorët makroekonomikë, politikat fiskale, fuqinë punëtore dhe sistemin e drejtësisë. Ndërsa jemi duke punuar shumë për të stabilizuar parametra optimalë që e bëjnë vendin interesant, kemi përpjekje të forta për të krijuar tregje dhe siguri rajonale, të përballësh një investitor me një situatë politike që nuk garanton stabilitet, sigurisht që është e dëmshme.

Në cilin drejtim po e cenon më së shumti kriza ekonomike aktivitetin e biznesit?

Turizmi është i pari që e reflekton këtë fenomen. Nga statistikat duket se ka rënë fluksi i turistëve të huaj. Operatorët turistikë ankohen se turistët e huaj, shqetësohen nga situata dhe kanë tendencën të anulojnë rezervimet. Vera sapo ka filluar dhe kjo do të ndihet shumë nga një sektor që tenton të bëhet vital për vendin dhe ku punësohen gjatë sezonit me mijëra punonjës, të cilët shërbejnë jo vetëm në ambientet akomoduese, por dhe në sektorin e tregtisë, shërbimeve etj. Edhe sektorët e tjerë që lidhin kontrata pune me biznese homologe siç mund të jenë fasoni, eksportet, rrezikojnë shumë nga kjo situatë.

Sektorët e rëndësishëm si energjia, infrastrukturat, apo minierat, që pritet të bëhen të tilla falë investimeve strategjike në to, rrezikohen më shumë. Sikurse e thashë dhe më parë, asnjë investitor strategjik nuk vjen të investojë miliona euro në një vend, ku protestat ndonjëherë edhe të dhunshme, synojnë të largojnë një qeveri e cila ju ka dërguar ftesën për të investuar.

Ndërsa po shikojmë me mjaft interes dhe po përgatisim komentet tona, për ligjin e unifikuar të investimeve, i cili u jep përparësi investimeve vendase krahas dhe atyre të huaja, kuptojmë se më parë duhet të gjithë bashkë të influencojmë që kjo situatë e rënduar të përfundojë në favor të shqiptarëve, ekonomisë së tyre dhe potencialeve që ofron ky vend. Ne kemi besim se forcat politike, do të gjejnë një zgjidhje për të dalë nga kjo situatë dhe ecuria e reformës dhe një sistem drejtësie i konsoliduar do të jenë një bazë e qëndrueshme për investitorët e huaj dhe zhvillimet në ekonominë e vendit.

Monitor

Këshilli i Ambasadorëve në Shqipëri ka reaguar për situatën politike në vend, duke e quajtur si tejet të tensionuar dhe në pamundësi për të gjetur një rrugë dialogu politik.

Këshilli i Ambasadoreve thekson se kjo krizë demonstron mungesën e maturimit politik që po dëmton rëndë imazhin e vendit.

“Këshilli i Ambasadorëve Shqiptarë po ndjek me vëmendje situatën politike tejet të tensionuar në Shqipëri dhe shprehet i shqetësuar për mungesën e gjetjes së rrugës së dialogut politik midis aktorëve më të rëndësishëm në vend.

Në momentin kur vendi përballet me mundësinë e çeljes së negociatave për anëtarësim në BE, si rruga e vetme për mbështetjen dhe çuarjen përpara të të gjitha reformave, konflikti politik ka marrë një kurbë ngritje, që nëse nuk ulet me shpejtësi, ka të gjitha gjasat të marrë përmasa dëshpërimisht të paparashikuara.

Gjatë periudhës 30 vjeçare të pluralizmit politik, Shqipëria ka kaluar disa herë në vorbull krizash me pasoja të rënda për vendin të cilat kanë ardhur si rezultat i mungesës së sjelljes demokratike të liderve politikë. Të gjithë jemi dëshmitarë të rrëshqitjes disa herë në konflikte sociale e politike, ku fatkeqsisht është dashur vetëm ndërhyrja energjike e faktorit ndërkombëtar për zgjidhjen e situatës.

Kjo krizë e përsëritur po demonstron një mungesë të maturimit politik si dhe po dëmton rëndë imazhin e Shqipërisë në botë dhe besueshmërinë ndaj partnerëve të saj euroatlantikë.

Këshilli i Ambasadorëve Shqiptarë bën thirrje për organizimin e zgjedhjeve gjithëpërfshirëse, të lira dhe të ndershme, si e drejtë themelore e një vendi demokratik si dhe dënon me forcë, blerjet dhe trafikimin e votave që deformojnë vullnetin e qytetarëve Shqiptarë.

Apeli ynë është për dialog dhe kompromis të menjëhershëm, me qëllim vënien e interesit të qytetarit në qendër të çdo akti politik dhe interesi i vendit të jetë mbi çdo interes tjetër partiak.

Ne shpresojmë se forca e arsyes dhe jo arsyeja e forcës do triumfojë. Nuk kemi kohë për të humbur, ashtu siç nuk kemi asnjë nevojë të kthehemi e të bëjmë hapa pas apo të cënojmë pluralizmin politik. Sakrificat e mëdha për ta arritur atë nuk n’a lejojnë kurrësesi ta vemë në pikëpyetje”, thekson deklarata e Këshillit të Ambasadorëve.

Në rrugët e kryeqytetit qytetarët ironizojnë votimet false të 30 qershorit me mesazhet “Voto Bablokun”, “Voto 184”, “Voto Avdylaj”, “Voto 339”.

Me “Voto Bablokun”, sipas PD-së, qytetarët i referohen Edi Ramës, i cili është kapur në përgjim “duke dirigjuar skemën mafioze të blerjes së votave”.

“Është Imer Lala, një i dënuar për vrasje, që e quan Ramën bablok, pas një prej takimeve që ka patur me të në kryeministri”, thekson PD në njoftim.

Sipas Partisë Demokratike, këto mesazhe rikujtojnë se zgjedhjet u vodhën nga qeveria në bashkëpunim me krimin e organizuar, fakte të dala publikisht në gazetën më të madhe në Evropë “Bild”.

“Revolta popullore shihet në çdo rrugë, pak përpara protestës së nëntë kombëtare të opozitës e cila do të mbahet në Tiranë në orën 20.00”, thuhet në njoftimin e PD-së.

Opozita e bashkuar, sikurse ka lajmëruar, do të mblidhet sot pasdite në orën 20:00 në Bulevardin “Dëshmorët e Kombit”, duke zhvilluar kështu protestën e 9-të kombëtare.

Sikurse dhe në protestat e kaluara, edhe në marshimin e sotëm, kërkesat e opozitës pritet të jenë po të njëjta, largimi i kryeministrit Rama, krijimi i një qeverie tranzitore dhe zgjedhje të parakohshme.

Tubimi i opozitës vjen në një situatë tejet të tensionuar në vend, që është krijuar  pas daljes së përgjimeve nga gazeta gjermane “Bild”, si dhe përplasjeve në disa KZAZ.

Kreu i PD-së, Lulzim Basha ka deklaruar se nuk do të ketë dhunë në protestën e sotme dhe se në protestë do të jetë së bashku me gruan dhe dy vajzat.

Në protestën e sotme të opozitës, pritet të angazhohen rreth 1500 efektivë policie, për të siguruar mbarëvjatjen e tubimit dhe shmangien e incidenteve.

Deputeti i opozites ne Kuvendin e Shqiperise, Lefter Maliqi, e quan opoziten e re nje turp, trillim dhe mjerim, nderkohe qe shkruan se opozita jashte parlamentit eshte e vetmja shprese dhe ajo eshte opozita e vertete. 

Me nje shenim ne faqen e tij ne Facebook, ai sqaron se eshte ne Kuvend per ta diskretituar parlamentin e krimit! “Fyhem pa mase kur me thone qe une jam pjese e opozites se re!”- shkruan ai, duke shtuar se “Sot unë do jem në Protestë kundra zgjedhjeve të 30 Qershorit, kundra përplasjes civile, kundra instalimit të diktaturës. Shpërndarja e Parlamentit dhe zgjedhjet e parakohshme janë domozdoshmeri , me Qeveri teknike, ndryshim sistemi zgjedhor me standarte Europiane per të ardhmen e sigurt”.

Postimi i Maliqit 

Shqiperia ka vetem nje opozite! Eshte opozita e bashkuar jashte parlamentit! Ajo qe po ben betejen e madhe historike per demokraci e Shqiperi europiane! Do me pyesin shqiptaret pse jam une ne paralament? Une jam Lefter Maliqi! I votuar gjithmone nga populli i Beratit! Jam atje per ta diskretituar parlamentin e krimit! Fyhem pa mase kur me thone qe une jam pjese e opozites se re! Opozita e re eshte nje trillim, nje mjerim, nje turp! Janë ca vartes te Kaloresit te Rilindjes se krimit dhe Tao taos! Ata nuk bejne opozite! Ata jane te lumtur kur Kaloresi deshtak me Ertv -ne e tij u permend emrin! Ata jane te lumtur te perdoren e te turperohen kunder presidentit te republikes! Sigurisht janë të pakt nga opozitë e re që kanë dinjitet,intrigitet dhe vota.Ky paralament po merr fund! Ne grahmat e fundit eshte ai bashke me kalorësin deshtak qe enderron te behet despot! Fundi i tij do jete dite e bukur per shqiperine, se bashke me te do te varroset opozita e emeruar, ajo qe shitet e blihet, ajo qe tradheton cdo gje e gjithmone! Opozita e vertete eshte e vetmja shprese! Shpresa po troket dhe per pak do jete realitet! Shqiperia lufton per demokraci! Une jam ushtar i saj , cdo dite e ne cdo beteje! Me 30 qershor nuk ka zgjedhje sepse shqiptaret nuk duan mesjeten tiranike por te ardhmen europiane! U bej thirrje vartesve te Kalorësit deshtak te Rilindjes Se krimit dhe Tao taos , mos u ndyni kaq shume, se ju duhet te dilni prape ne rruge pa police, mos u beni pjese e skenarit per te turperuar vendin , e kam fjalen per te ashtuquajturen opozite te re, duke shkaterruar kushtetuten kunder presidentit! Nderin e keni humbur po jeni ende ne kohe per te mos u mbuluar me turp gjithe jeten!Sot unë do jem në Protestë kundra zgjedhjeve të 30 Qershorit,kundra përplasjes civile,kundra instalimit të diktaturës.Shpërndarja e Parlamentit dhe zgjedhjet e parakohshme janë domozdoshmeri , me Qeveri teknike,ndryshim sistemi zgjedhor me standarte Europiane per të ardhmen e sigurt.Uragani popullore merr përpara dhe i çon në Surrel i mbyll ne bunkier Kaloresin deshtak,tao taon,ciu ciun dhe gjithë oligarket e krimit elektoral e shtetëror.

Bujar Kapexhiu shpërthen në ironi për votimet më 30 qershor.

I ftuar në emisionin “Debati në Channel One” të gazetarit Roland Qafoku, regjisori, aktori dhe karikaturisti i famshëm u shpreh plot ironi për ditën e zgjedhjeve duke thënë se jo vetëm që do shkonte në qendrën e votimit por do pengonte të tjerët të votonin. Për Kapexhiun kjo do jetë një mënyrë shumë e mirë për tu dënuar me 10 vjet për të mos dalë jashtë Shqipërisë. Ja deklarata ironike e tij:

“Më 30 qershor unë do të shkoj në qendrën e votimit. Por do shkoj t’u tregoj të tjerëve që të mos votojnë. Do ti pengoj ata në mënyrë që të dënohem 10 vjet që të mos shkoj jashtë shtetit. Kam vendosur të mos shkoj më jashtë shtetit. As më bën përshtypje fare. Jam kaq mirë këtu në Shqipëri. Le që nuk më lë gazeta të dal jashtë shtetit sepse më do çdo ditë një karikaturë”- tha ai.

Kreu i Partisë Demokratike, Lulzim Basha thotë se nuk do të ketë dhunë në protestën e nesërme dhe se nuk do të preket asnjë fije floku e qytetarëve apo punonjësve të policisë.

Basha thotë se opozita i ka marrë të gjitha masat për të neuatralizuar provokatorët.

“Nuk do të ketë asgjë që të kërcënojë një fije floku të qytetarit apo punonjësit e policisë së shtetit. Ne kemi marrë të gjitha masat për të identifikuar provokatorët. Edi Rama është në grahmat e tij dhe fundi i tij do të vendoset nesër në një protestë masive qytetare”, tha Basha në “Opinion”.

Kreu i opozitës ka folur në lidhje me protestën e nesërme të opozitës, nëse tubimi i 9 kombëtar do të ketë elementë të dhunës, në kushtet kur prej disa ditësh opozita është përleshur me policinë në një sërqë qytetesh të vendit në KZAZ-të ku do të mbahen zgjedhjet.

Në një lidhje telefonike për Opionion, Basha mohoi kategorikisht se do të ketë shfaqje dhune, duke u shprehur se nesër në protestë ai do të shkojë me të gjithë familjen përfshi dhe dy vajzat e tij.

“Unë do jem në protestë me familjen time, me dy vajzat e mia. Përpjekjet për të aminsituar krimet që është kapur në flagrancë Eid Rama ka dështuar tashmë. Nuk do ketë asgjë, që të kërcënojë një fije floku të një qytetari. Kemi marrë të gjitha masat për ata që duan të provokojnë, së bashku me partnerët ndërkombëtare që kam folur sot”, tha Basha.

Basha gjithashtu ka deklaruar se opozita i ka marrë të gjitha masat për të neuatralizuar provokatorët.

“Nuk do të ketë asgjë që të kërcënojë një fije floku të qytetarit apo punonjësit e policisë së shtetit. Ne kemi marrë të gjitha masat për të identifikuar provokatorët. Edi Rama është në grahmat e tij dhe fundi i tij do të vendoset nesër në një protestë masive qytetare”, tha Basha në “Opinion”.

Sipas tij në 30 qershor do të jetë një ditë, kur nuk ka zgjedhje në Shqipëri sepse në Fletoren Zyrtare është botuar Dekreti i Presidentit që ka hyrë në fuqi.

“Në 30 qershor nuk ka zgjedhje dhe çdo prove tjetër farsë nuk do të ndodh dhe nuk do të njihet nga asnjë. Këtij regjimi po i numërohen minutat e fundit”, tha Basha.

Kryeministri Edi Rama gjatë seancës plenare të ditës së sotme ka marrë një telefonatë të rëndësishme, që e ka bërë atë të largohet menjëherë nga salla e seancave plenare.

Sipas fotografive të realizuara nga LSA, kreu i qeverisë shihet të largohet me nxitim me celular në dorë, për të folur në një ambiente, ndoshta më të qetë.

Ndërkohë që në disa fotografi të tjera të realizuara më vonë shefi I qeverisë është parë i mendueshëm, duke fërkuar sytë.

Ndoshta nga ngarkesa e ditës apo efekti i telefonatës, kjo nuk dihet.

Ish-ambasadori i Italisë në Shqipëri në periudhën e vitit 1997, Paolo Foresti reagon për arrestimin e ish-deputetit të PD-së, Bardh Spahia.

Ish-ambasadori kujton se Spahiu me profesion kirurg ishte të premten e shkuar në Milano për të marrë pjesë në promovimin e librit të tij për vitin e vështirë 1997, i cili “me sa duket po përsëritet më shumë se 20 vite më pas”.

Foresti shkruan se është shqetësuese heshtja e komunitetit ndërkombëtar.

Status ne Facebook i Paolo Forestit:

Po mësoj tani se një mik i dashur, deputet dhe kirurg i njohur është arrestuar në vazhdën e protestave të nisura prej muajsh kundër korrupsioni në Shqipëri. I riu Spahia, djalë i një mikut tim në vitet ’90, kishte ardhur në Milano të premten, më 14 qershor, për të marrë pjesë në prezantimin e librit tim, ku rrëfej për periudhën e vështirë të 1997, e cila duket se po ripërsëritet më shumë se 20 vite pas. Është shumë shqetësuese heshtja e komunitetit ndërkombëtar, dhe mbi të gjitha ato të shtypit dhe të forcave politike europiane, pasi pas disa muajsh situata është bërë edhe më e ndezur dhe me një krizë të rrezikshme institucionale.

Pasi humbi gjyqin ne padine e Francesco Becchettit, Shqipëria duhet tashme t’i paguajë  biznesmenit italian dhe bashkë-paditësve të tjerë 111 milionë euro,(124.6 milionë dollarë) për shpronësimin e investimeve të tyre në një stacion televiziv ne Tirane.

Avokati i paditësve ka deklaruar nje dite me pare se “gjykata arriti në përfundimin se “kur merren së bashku, të gjitha çështjet e diskutuara … mbështesin fuqishëm përfundimin se vendimet e sekuestrimit ishin kulmi i një fushate politike kundër paditësve”.

Vendimi vjen dy vite pasi gjykata e ICSID kërkoi nga Shqipëria që të ndalojë procedurat e ekstradimit kundër Becchetti-t, ish pronar i klubit të futbollit Leyton Orient dhe de Renzis në lidhje me hetimet tatimore dhe penale.

Nga Caroline Simson/ Laë360 (19 qershor 2019, 7:33 PM EDT) – Një gjykatë ndërkombëtare ka urdhëruar Shqipërinë që t’i paguajë një biznesmeni italian dhe bashkë-paditësve të tjerë 111 milionë euro (124.6 milionë dollarë) për shpronësimin e investimeve të tyre në një stacion televiziv.

Avokatët e Francesco Becchettit dhe bashkë-paditësve të tjerë konfirmuan se një Gjykata e Qendrës Ndërkombëtare për Zgjidhjen e Mosmarrëveshjeve të Investimeve (ICSID) ka marrë vendimin e datës 24 prill, pasi arriti në përfundimin se Shqipëria ka shkatërruar investimet e paditësve në një shoqëri televizive të quajtur Agonset Shpk. Bashkë-paditësit e Becchettit përfshijnë partnerin e biznesit Mauro de Renzis dhe dy shoqëri italiane: Hydro Srl, e formuar për të drejtuar një hidrocentral në Shqipëri dhe shoqërinë italiane të ndërtimit Costruzioni Srl.

Raportime nga mediat lokale kishin thënë se është dhënë vendimi, por të dyja palët kishin mbetur të heshtura deri më tani.

Becchetti dhe Bashkë-paditësit e tij pretenduan në arbitrazhin e filluar në vitin 2015, se Shqipëria i kishte vënë në shënjestër ata me pastrim të parave kriminale, evazion fiskal dhe akuza të tjera dhe kishte sekuestruar pasuritë e de Renzis dhe të tjerëve në shoqëritë, përfshirë Agonset, si ndëshkim për mbulimin mediatik të pafavorshëm  të qeverisë.

Avokati i paditësve tha në një deklaratë të mërkurën se gjykata arriti në përfundimin se “kur merren së bashku, të gjitha çështjet e diskutuara … mbështesin fuqishëm  përfundimin se vendimet e sekuestrimit ishin kulmi i një fushate politike kundër paditësve”.

Gjykata konkludoi më tej se marrja e Agonset nga  Shqipëria “nuk ishte një ushtrim legjitim i kompetencave të tij policore” dhe se investimi i Paditësve në Agonset u shpronësuar si rezultat, sipas deklaratës.

Vendimi nuk është bërë ende publik.

Becchetti vlerësoi vendimin në një deklaratë të mërkurën, duke thënë se ai vjen pas “katër vjet betejë të vështirë”.

“Marrja e konfirmimit se ke qenë subjekt i një persekutimi nga një shtet është i rrallë dhe ne jemi të kënaqur që fjalët e shkruar nga arbitrat tregojnë se jemi plotësisht të pafajshëm” tha Becchetti.

Partnerja e Debevoise & Plimpton LLP Catherine Amirfar, pjesë e ekipit ligjor që përfaqëson paditësit, gjithashtu vlerësoi vendimin duke thënë se “Ky vendim është një vërejtje e fortë kundër sjelljes së paligjshme të Autoriteteve shqiptare për të sulmuar mediat e pavarura dhe na kujton të gjithë vitalitetin e vazhdueshëm të sundimit të ligjit.”

Avokati i Shqipërisë nuk mund të arrihej për koment jashtë orëve të zakonshme të punës në Evropë të mërkurën.

Vendimi vjen dy vite pasi gjykata e ICSID kërkoi nga Shqipëria që të ndalojë procedurat e ekstradimit kundër Becchetti-t, ish pronar i klubit të futbollit Leyton Orient dhe de Renzis në lidhje me hetimet tatimore dhe penale.

Të dy burrat i kishin thënë gjykatës në atë kohë se hetimet “pa bazë dhe abuzive” dhe procedimet penale kundër tyre u nisën si hakmarrje pasi Hydro Srl bëri kërkesë për arbitrazh përpara Dhomës Ndërkombëtare të Tregtisë për shkak të shkeljeve të pretenduara të Shqipërisë të marrëveshjes së koncesionit për hidrocentralin.

Një gjykatë e ICC mbajti anën e Shqipërisë në një vendim të pjesshëm në janar 2018, duke urdhëruar Hydro të paguante rreth 1.26 milion euro si kostot ligjore të shtetit  dhe deri në 12.9 milion euro për disa shkelje.

Ajo spostoi një vendim mbi shumën e saktë që duhet t’i paguante Hydro Shqipërisë, duke përfshirë një vendim mbi shumën e dëmeve që shoqëria duhet të paguajë në bazë të shumës së tarifave të koncesionit që vendi do të kishte marrë në qoftë se projekti do të përfundonte. Statusi i tanishëm i këtij procesi nuk ishte i qartë menjëherë të mërkurën.

Becchetti kishte nisur transmetuesin Agonset në vitin 2012, duke përfshirë përmbajtje qeverisë shqiptare.

Pas ekspozimit të një skeme mashtrimi me identitetin qw prishwn zgjedhjet në vend në vitin 2015, autoritetet shqiptare lëshuan urdhër për të arrestuar Becchetti dhe de Renzis për falsifikimin, pastrimin e parave dhe taksat e evazionit fiskal.

Asetet që i përkisnin Agonset ishin gjithashtu të ngrira, dhe kërkesat e ekstradimit për Becchetti dhe de Renzis u dërguan në U.K në korrik 2015.

Ndërkohë, Becchetti dhe bashkë-paditësit e tij filluan arbitrazhin në qershor 2015.

Paditësit përfaqësohen nga David W. Rivkin dhe

Catherine Amirfar nga Debevoise & Plimpton, Quinn Emanuel

Urquhart & Sullivan LLP, Scemla Loizon Veverka & de Fontmichel dhe Saccucci Fares & Partners Studio Legale Internazionale.

Shqipëria përfaqësohet nga Avokatura e Shtetit dhe nga Felix Wardle, Peter Webster dhe Siddharth Dhar nga Dhoma Gjyqësore e Essex.

Çështja është Hydro Srl dhe të tjerët kundër Republikës së Shqipërisë, numri i çeshtjes ARB / 15/28 në Qendrën Ndërkombëtare për Zgjidhjen e Mosmarrëveshjeve të Investimeve./ Redaktimi nga Nicole Bleier.

Pas përplasjeve në KZAZ-të e Shkodrës, kryebashkiakja e këtij qyteti Voltana Ademi nuk miraton lejen për partinë socialiste për të zhvilluar takimet elektorale.

Përmes një shkresë dërguar Partisë Socialiste si edhe policisë në qytetit, Ademi shkruan se Bashkia e Shkodrës, në zbatim të dekretit të Presidentit të Republikës për anulimin e zgjedhjeve të 30 qershorit dhe në kuadër të mbarëvajtjes së sezonit turistik, nuk ka miratuar kërkesën e Partisë Socialiste për zhvillimin e një aktiviteti elektoral në Pedonalen e qytetit.

Gjithashtu, në shkresën drejtuar policisë së qarkut Shkodër, Voltana Ademi shkruan se çdo aktivitet politik elektoral në sheshet publike të Shkodrës, konsiderohet i paligjshëm dhe për rrjedhojë Bashkia Shkodër nuk miraton leje për asnjë subjekt politik.

Pavarësisht përpjekjeve të opozitës për të bllokuar procesin zgje-dhor, kryeministri Edi Rama është i sigurt se zgjedhjet jo vetëm që do të mbahen, por edhe do të jenë të vlefshme. Teksa konsumoi një kafe me banorë të Njësisë 1 në kryeqytet dhe i shoqëruar edhe nga kryetari i Bashkisë së Tiranës, Erion Veliaj, Rama u shpreh se me gjithë përpjekjet e opozitës për të penguar mbajtjen e zgjedhjeve, mjaftojnë që në çdo zonë të ketë edhe një kuti të vlefshme votash për të shpallur fituesin e zgjedhjeve në çdo njësi. “Këta janë qesharakë. Pastaj është e kotë e gjitha, sepse zgjedhjet, edhe sikur ta zëmë se do prishësh këtu, do prishësh atje, në këto kushte kur janë pa kundërshtarë një kuti mjafton dhe mbaron, s’ka asgjë. Është një gjë e kotë”, – u shpreh kryeministri Edi Rama gjatë bashkëbisedimit me banorët. Në fjalën e tij Rama ai foli edhe për situatën më të fundit që ka të bëjë me KZAZ-të, ndërsa theksoi se vështirësitë nuk e trembnin, por veçse e stimulonin për të punuar më shumë. Gjithsesi ai u shpreh se këto sjellje se opozita është në një situatë të vështirë për shkak të frikës që ka nga reforma në drejtësi.

“Vështirësitë na stimulojnë. Duhet t’i kuptojmë edhe ata, janë në hall të madh. Kanë hall të madh, s’kemi çfarë iu bëjmë. Është fatkeqësi e madhe ai njeri. Nuk kanë, janë përpjekje të dëshpëruara, janë grahmat e fundit mendoj. Do bëjnë akoma edhe disa sherre të tjera, por nuk kanë asnjë të ardhme. Janë pa të ardhme”, – u shpreh Rama. Duke u ndalur te ngjarjet e dy ditëve më parë në Shkodër Rama tha se ajo ishte një shfaqje e turpshme dhe përpjekje të dëshpëruar e drejtuesve të opozitës për të trembur njerëz që të mos marrin pjesë në zgjedhje. “Ajo e Shkodrës dje ishte e turpshme, është e gjitha një përpjekje e dëshpëruar. Nuk kanë mundësi të bëjnë më shumë se s’kanë popullin me vete. Është e qëllimshme e gjitha, është për televizion, për fotografi, për të çuar jashtë, për të krijuar idenë që ky vend nuk meriton të respektohet dhe s’meriton të hapen negociatat, se kanë tmerrin që po të hapin negociatat fillon kapitulli i drejtësisë”, tha Rama. Ai njoftoi, gjithashtu, edhe nismën e shumicës që ai drejton për të ashpërsuar dënimet për veprat penale që kanë të bëjnë me zgjedhjet, duke i ndaluar personat që do të dënohet për këto vepra që të dalin jashtë vendit deri në 10 vjet. “Do kalojmë Kodin Penal nesër. 5-10 vjet do ndalojmë daljen nga shteti të atyre që dënohen për krime elektorale me Kod Penal nesër.

Plus që jemi në kontakte dhe jam i bindur, që jo vetëm SHBA që e kanë të prerë këtë punë dhe s’ka për të shkelur njeri në SHBA, nga të gjithë këta që bëjnë këto, por edhe në Bashkimin Europian i kemi të gjitha indikacionet e qarta që do i vendosim nëpër listat e zeza. Le të shkojnë! 5-10 vjet do ta vëmë në Kodin Penal pasi dënohesh. Del nga burgu, nuk shkon më jashtë shtetit për 5 deri në 10. Të merret pasaporta edhe rri këtu”, – deklaroi ai. Sa i përket përgjimeve që lidhen me zgjedhjet e Dibrës në vitin 2016 dhe ku ai del duke biseduar me Arben Keshin, kryeministri konfirmoi edhe një herë se do ta bënte sërish atë bisedë. “Merren me pisllëqe, me përgjime. Nuk më shqetëson kjo pjesë, se ato biseda i bëj përsëri. Ato janë biseda për fushatën elektorale, për komisionerët, për objektivat, për pritshmëritë, patjetër, këtë punë bëjmë, prandaj i mundim ata, se jemi të organizuar, se dimë se çfarë bëjmë”, shtoi Rama. Por ai theksoi se pavarësisht këtyre përpjekjeve të opozitës, mazhoranca nuk do tërhiqet nga rruga për të qeverisur vendin, pasi mendon se është në të drejtën e saj. “Bërtet hajduti, “kape hajdutin”! Dihet ajo punë. Ishin mësuar ata që socialistët hapin rrugë, se janë të urtë, janë njerëz me paqe dhe bëjnë të fortin se hapin rrugë. Ka ikur ajo kohë. Ka shumë rëndësi a je me të drejtën, a s’je me të drejtën. Kjo është e gjitha. Nëse je me të drejtën nuk mund të tërhiqesh kurrë, nëse s’je me të drejtën është tjetër gjë pastaj”, – u shpreh kryeministri.