Një vatër zjarri është aktivizuar në Parkun Kombëtar të Tomorit.

Zjarri, që mendohet të ketë qënë i qëllimshëm, është përhapur me shpejtësi drejt pyllit me pisha të Parkut Kombëtar, i favorizuar nga era dhe temperaturat e larta.

Drejt zonës së zjarrit kanë shkuar forcat zjarrëfikëse të Skraparit dhe punonjësit e Agjensisë Rajonale të Zonave të Mbrojtura.

Terreni tejet i vështirë dhe i pamundur për futjen e mjeteve zjarrëfikëse në zonën e zjarrit ka bërë që të punohet për fikjen e flakëve me mjete rrethanore dhe pompa uji shpine.

Drejt Parkut të Tomorrit,në ndihmë të zjarrëfikësve të Skrapariit,janë nisur zjarrëfikës nga Berati dhe Poliçani, ndërkohë që zjarrëfikësve ju janë bashkuar edhe banorë të zonës.

Veç zjarrfikëseve të Skraparit, në ndihmë u kanë shkuar dhe ato të Beratit. gsh

Ngjarja e rëndë në Pogradec, ku mbeti i vrarë 42-vjeçari, Eglantin Proga nga autori i dyshuar Denis Meçe, ka tronditur opinionin publik në qytetin liqenor dhe jo vetëm.

Të njohurit e viktimës, në vendin ku ai punonte, shprehen se ai ishte një djalë shumë i qetë dhe që nuk është parë të konfliktohet ndonjëherë.

“Unë këtu kam kaq vite me Eglin. Marrim kafe aty. Ishte shumë i qetë. Nuk e kam parë as të zihet, as të ngatërrohet, as të bërtasë. Edhe me babain e tij fliste shumë qetë. Kur ika e lash mirë. Për ngjarjen e mora vesh ditën tjetër, kur erdha në punë, ” tha njëra prej zonjave.

“U gjend këtu i vrarë. Ishte një djalë shumë i mirë. Më ka ardhur shumë keq, nuk kam fjetur gjumë mbrëmë. Thonë që ambulanca u vonua ja 30 minuta” tha një tjetër.

“Ishte djalë i shkëlqyer. Ne dje në mëngjes e morëm vesh. U ndjemë keq, si për evlatin tonë. Mjerë babai, gruaja dhe fëmijët” u shpreh një tregtare. gsh

Av. Adriana Kalaja, kryetare e Komisionit të Apelimit në PD, ka paraqitur sot në SPAK kërkesën për arrestimin e kryetarit të bashkisë së Tiranës, Erion Veliajt, si një rrezik potencial për prishjen e provave dhe kërcënimin e dëshmitarëve lidhur me çështjen në hetim të shembjes së Teatrit Kombëtar dhe shpërdorimit të truallit për ndërtime kullash.

Në një deklaratë për mediat, znj. Kalaja tha: “Ne e quajmë një rrezik shumë të madh që një bandit me emrin Erion Veliaj, me gjithë ato krime që ka bërë, jo vetëm me Teatrin Kombëtar, vijon aktivitetin e tij publik i qetë, i pashqetësuar. Ne e shikojmë si një rrezik potencial në këndvështrim të ligjit edhe të fshehjes, manipulimit të provave, intimidimit të dëshmitarëve dhe jo vetëm po nga ana tjetër shikojmë që çdo ditë që shkon në bashkinë e Tiranës, prodhohen vepra të reja kriminale për të cilat në fakt është detyrë e drejtësisë që t’i parandalojë.

Kështu që nisur edhe nga fakti që SPAK, në mënyrë korruptive e do të thosha edhe kriminale, këtu dua të specifikoj prokurorin Edvin Kondili, që prej 38 herësh na ka refuzuar kërkesën tonë për masa për sekuestro preventive, qoftë mbi truallin, qoftë mbi projektin korruptiv, qoftë mbi aksionet e shoqërisë Tirana DC, por edhe mbi tenderin që gjoja ka fituar një firmë për ndërtimin e Teatrit të ri, por që flitet vetëm për një fillim punimesh në masën 19 milionë euro.
Nga ana tjetër, po kështu publiku dhe media jeni në dijeni se vetëm gjatë muajit korrik, banditi Erion Veliaj ka shkuar dy herë, është rikthyer në vendin e krimit, duke treguar qartazi frikën dhe panikun që e ka kapur në këtë rast, por mbi të gjitha, vetëm deklarata e tij që vitin tjetër do të jetë gati një numër i madh parkim makinash për artistët, ndërkohë që mbi katër vite artistët nuk kanë teatër, edhe për fajin dhe turpin e atyre që shembën Teatrin, do të “gëzojnë” disa parkime makinash, sepse e gjithë kjo nuk po bëhet për Teatrin e ri, por po bëhet për disa parkime makinash, disa kate dhe kulla në bashkëpunim edhe me Fusha shpk dhe ortakun e vetëm Shkëlqim Fusha.

Në këto kushte ne sot vijmë para SPAK-ut me katër kërkesa kryesore.

Së pari kërkojmë arrestimin e menjëhershëm të Erion Veliajt, si një rrezik potencial jo vetëm për prishjen dhe manipulimin apo fshehjen e provave, jo vetëm për intimidimin e dëshmitarëve, por edhe për vijimin e konsumimit të veprave penale.

Me këtë rast unë dua t’i kujtoj SPAK-ut (sepse në çdo moment Veliajt thotë nuk kam dijeni, për 5D, për inceneratorët, për Tirana DC), po për Teatrin Kombëtar a ka dijeni ai?! Sepse mori dijeni për një tendë në shtëpinë e Adriana Kalasë, kurse ai nuk paska dijeni për atë vepër penale kriminale që kryhet në sheshin e Teatrit Kombëtar.

Ky arrestim duhet bërë edhe për shkakun se ne kemi në fuqi një vendim të Gjykatës Kushtetuese. SPAK ka filluar hetimin për mos ekzekutimin e këtij vendimi të Kushtetutës dhe Gjykata e Strasburgut e ka pranuar kërkesën bazuar në këtë vendim të Gjykatës Kushtetuese.

Kërkesa e dytë ka të bëjë me sekuestron preventive të truallit të Teatrit Kombëtar, duke pezulluar punimet pasi ne e kemi çmuar që aty vendi ku është konsumuar vepra penale.

E treta është sekustro edhe mbi projektin teknik, për të cilin po ashtu SPAK-u ka filluar hetimet q në gusht 2023.

E fundit, kemi kërkuar informacion shterues pa cenuar sekretin hetimor se në ç’fazë ndodhen hetimet lidhur me Teatrin Kombëtar. Janë 60 denoncime dhe kërkesa që janë mbledhur në një dosje të vetme.” sn

Zjarri në Pustec vazhdon me intensitet të lartë për shkak të përhapjes së flakëve në shumë drejtime.

Sipas burimeve për media, mësohet se sipërfaqja e djegur i kalon 150 hektarë bimësi.

Vatrat e zjarrit janë përhapur aq shumë sa kanë dalë nga kontrolli dhe rrezikojnë t’i afrohen edhe doganës së Goricës dhe fshatit Goricë e Madhe.

Era po e përhap zjarrin edhe në drejtim të Pogradecit, përgjatë Malit të Thatë. E vetmja alternativë për të lokalizuar vatrat duket se mbetet ndërhyrja nga ajri. sn

LËVIZJA PËR ZHVILLIM KOMBËTAR

Tiranë, më 10.08.2024

Çfarë treguan zgjedhjet në Himarë?

Tashmë është fakt i njohur që kjo “mazhorancë” përdor të gjithë shtetin dhe çdo mjet për të manipuluar dhe tjetërsuar zgjedhjet, por PD a mund të justifikohet pa fund për humbjet që kanë ndodhur gjatë dekadës së fundit? Askush nuk mban përgjegjësi, por mbrojtja më e mirë rezulton, na i vjedhjen votat!
A mund vazhdohet më kështu?

Deklaratë për mediat

“Lëvizja për Zhvillim Kombëtar” i ka ndjekur me shumë vëmendja zgjedhjet e 4 gushtit 2024 në Bashkinë e Himarës, për vetë problematikat dhe interesat që ka kjo bashki.

# Le të kujtojmë se në zgjedhjet vendore të vitit 2003, PD dhe PS u bënë bashkë kundër kandidatit të PBDNJ-së, se ishte në përputhje të plotë me përbërjen zgjedhësëve në këtë bashki, ku mbi 80 % e banorëve janë me identitet të pastër shqiptar. Kjo lëvizje politike u vlerësua si një veprim shumë domethënës.

Ndërkohë, në zgjedhjet e 4 gushtit u vendosen dy kandidatura, ku njera ishte me kombësi greke dhe tjetra me vetidentifikim grek, që nuk përputhet me identitetin real të zgjedhësve në këtë bashki. LZHK e vlerëson se kjo ishte një përpjekje për të fituar simpatinë apo mbështetjen greke.

# Himara, për nga pasuritë (resurset) natyrore do të mbetet përsëri një bashki me interesa të mëdha, ku abuzimet me pronat do të jenë në rend të ditës dhe do të vazhdoje të jet objekt i drejtësisë.

# Para një viti, PD pa sigël, vulë, finanaca e komisioner, e fitoi Himarën. Më 4 gushtë, PD, tashmë me sigël, vulë, finanaca e komisioner të fituara me vendim Gjykate dhe më e bashkuar brenda vetes, e mbështetur edhe nga aleatët, humbi, madje thellë.

Tashmë është fakt i njohur që kjo “mazhorancë” përdor të gjithë shtetin dhe çdo mjet për të manipuluar dhe tjetërsuar zgjedhjet, por PD a mund të justifikohet pa fund për humbjet që kanë ndodhur gjatë dekadës së fundit? Askush nuk mban përgjegjësi, por mbrojtja më e mirë rezulton, na i vjedhjen votat!

A mund vazhdohet më kështu?

Momenti më i mirë, ku PD dhe opozita kishin mundësinë e artë që ta ndalnin mazhorancën në “fitoret e njëpasnjëshme”, ishte data 26 korrik 2024, ku të mbronte në Kuvend propozimet e opozitës së bashkuar për reformen zgjedhore, dalë nga tryeza e LZHK-së më 5 korrik 2024. Fatëkeqsisht PD e shpërdoroi këtë mundësi, madje bashkoi votat me PS, duke goditur rëndë demokracinë.

LZHK e ka vlerësuar ligjin e miratuar nga Kuvendi i Shqipërisë si antikushtetues dhe në kundërshtim me frymën, arsyetimin dhe përfundimet e arritura nga vendimi i Gjykatës Kushtetuese. Kjo ishte arësye që LZHK i kërkoi publikisht Presidentit të Republikës të mos e dekretonte.

Pavarësisht se ligji nuk garanton zgjedhje të lira, të ndershme dhe të besueshme, LZHK duke filluar nga shtatori e në vazhdimësi, do të fillojë ngritjen e infrastrukturës së duhur për tu përballur në zgjedhje me kundërshtarët politik dhe për të kontribuar sa të jetë e mundur në besimin te demokracia.

Zgjedhjet në Himarë

Aktori i njohur Mehdi Malkaj, ka lënë sot ambientet e spitalit në QSUT.

Lajmi është konfirmuar nga vetë stafi i spitalit, ku aktori ishte i shtruar prej disa ditësh, nën kujdesin e mjekëve kardiologë në shërbimin e Kardiologjisë në QSUT.

Falë përkushtimit të mjekëve dhe infermierëve, aktori gëzon shëndet të plotë dhe ka lënë ambientet e spitalit. sn

Kryetari i ri i Bashkisë së Himarës Vangjel Tavo ka nisur menjëherë nga puna dhe ka marrë udhëzimet e para nga kryeministri Edi Rama.

Kreu i qeverisë shqiptare ka publikuar një fotografi me Tavon, teksa konsumojnë një kafe së bashku pranë bregdetit. Në foto, shihet se Tavo ka marrë një bllok, për të shënuar edhe punët e projektet që do të bëhen për Himarën.

‘Me Vangjelin, kryebashkiakun e Himarës, për punët në vazhdim, projektet e reja të këtij mandati dhe planin strategjik Himara 2030! Shqipëria 2030.’- shkruan Rama.

Vangjel Tavo u shpall fitues në zgjedhjet e Himarës, që u zhvilluan më datë 5 gusht 2024. Kandidati i PS fitoi 1477 vota më tepër se kandidati i opozitës, Petro Gjikuria.

(Balkanweb)

Ministrja e Shëndetësisë dhe dhe Mbrojtjes Sociale, Albana Koҫiu apeloi sot qytetarët të qëndrojnë të qetë, por vigjilentë, të rrisin ndërgjegjësimin dhe të zbatojnë masat mbrojtëse ndaj infeksionit nga virusi i etheve të Nilit Perëndimor.

Infeksioni nga virusi i Nilit Perëndimor transmetohet kryesisht nga pickimet e mushkonjave të infektuara. 80% e njerëzve të infektuar nuk shfaqin simptoma, ndërsa 20% përjetojnë ethe dhe dhimbje. Vetëm 1% zhvillojnë forma të rënda.

“MSHMS sëbashku me ISHP dhe Operatorin e Kujdesit Shëndetësor ka marrë masat duke kryer procesin e dezinsektimit dhe kryen monitorimin etomologjik periodik në të gjithë vendin”, nënvizoi Koҫiu.

Ajo ndau edhe këshillat e Silva Binos, shefe e Njësisë së Epidemiologjisë dhe Kontrollit të Sëmundjeve Infektive, e cila apelon për më shumë higjenë nga ana e qytetarëve dhe bizneseve.

“Infeksioni nga virusi i etheve të Nilit Perëndimor zakonisht është pa shenja, pra nuk paraqet shenja tek personat e shëndetshëm dhe të rinj dhe vetëm 20% e tyre mund të paraqesin disa shenja të cilat janë të ngjashme me shenjat e gripit ose mund të shfaqen pika të kuqe në lëkurë”, shprehet Bino.

“Vetëm 1% e këtyre personave dhe zakonisht personat që kanë sëmundje bashkëshoqëruese apo që janë mbi 60 vjeҫ apo që përdorin me shumicë alkool, janë persona që mund të bëjnë prekje të sistmeit nervor qendror si encefalite dhe meningite”, shton ajo.

Pra, nënvizon Bino, “vetëm 1% e personave që shfaqin shenja klinike mund të bëjnë forma të rënda të sëmundjes”.

“Është një sëmundje e cila mund të parandalohet nëpërmjet parandalimit të pickimit të mushkonjave dhe natyrisht procesi i dezinsektimit është një proces që ul shpeshtësinë e kësaj sëmundjeje. Megjithatë ky process nuk mund t’i zhdukë të gjitha mushkonjat, prandaj është e nevojshme që ҫdo individë të marrë edhe vetë masat paraprake. Pra nëse rri gjatë mbrëmjes kur këto mushkonja janë më aktive apo herët në mëngjes të përdorë element apo pomadë, apo lëngje të cilat largojnë mushkonjat apo të rrinjë me bluza të lehta me mëngë të gjata”, thekson Bino.

Sigurisht, shton Bino, “ajo ҫka është më e rëndëishme është që ҫdo individ apo ҫdo biznes duhet të pastrojë mbeturinat apo plehrat, të cilat janë përthithës të këtyre mushkonjave. Pasi sado shumë që ne të bëjmë dezinsektim prania e plehrave dhe prania e mbeturinave favorizon shumimin e mushkonjave. Prandaj është e rëndësishme që higjiena apo kujdesi personal t’i bashkohen procesit të dezinsektimit”. MSHMS ndau më herët edhe disa këshillat për Ethet e Nilit Perëndimor.

Petro Gjikuria, kandidati i opozitës për Bashkinë e Himarës, humbi garën përballë kandidat socialist Vangjel Tavo me 1477 vota diferencë. Në një deklaratë për mediat, Gjikuria shprehet se “patëm një betejë të madhe. Një betejë e cila ishte vazhdim i shumë betejave të mëdha që kanë bërë himariotët, sidomos vitet e fundit të udhëhequr nga Fredi Beleri. Kjo betejë ishte pararojë e betejave të ardhshme që do të thirremi për vendin tonë”.

Lidhur me rezultatin, Gjikuria shprehet se rezultati ishte produkt i transformimit të listës së zgjedhësve me qëllim përshtatjen e saj me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës, si dhe duke përfshirë shtetin dhe parashtetin.

Deklarata e Petro Gjikuria

“Patëm një betejë të madhe. Një betejë e cila ishte vazhdim i shumë betejave të mëdha që kanë bërë himariotët, sidomos vitet e fundit të udhëhequr nga Fredi Beleri. Kjo betejë ishte pararojë e betejave të ardhshme që do të thirremi për vendin tonë.

Në këto zgjedhje pamë metoda antidemokratike në të gjitha stadet e tyre. Rezultati ishte produkt i transformimit të listës së zgjedhësve me qëllim përshtatjen e saj me interesat e kundërshtarëve tanë, duke i dhënë mundësinë një ushtrie partiake të merrte pjesë në zgjedhje dhe njëkohësisht, duke u mohuar këtë të drejtë mijëra qytetarëve të Himarës, si dhe duke përfshirë shtetin dhe parashtetin.

Qëllimi ishte patja e një tjetër kryebashkiaku të dobët, i cili do t’u shërbejë interesave të Edi Ramës dhe partisë së tij.

Dëshiroj të falënderoj të gjithë ata që ndihmuan në këtë fushatë elektorale për garën e bukur dhe të ndershme që bëmë. Beteja për të nesërmen e Himarës vazhdon.”bw

Kandidati i opozitës për Bashkinë e Himarës, Petro Gjikuria, votoi rreth orës 11:00 në zgjedhjet që po mbahen në Himarë për postin e kryebashkiakut.

Gjikuria kandidon përballë socialistit Vangjel Tavo në procesin që mbahet pasi Fredi Beleri, i cili fitoi zgjedhjet në 14 maj, nuk arriti të ushtronte detyrën pas problemeve ligjore që pati dhe dënimin me dy vjet heqje lirie për korrupsion zgjedhor.

Gjikuria deklaroi se ka probleme me votuesit që kanë dokumente të skaduara identifikimi. Gjithsesi Gjikuria shprehu bindjen se do të fitojë dhe i kërkoi himariotëve të marrin pjesë në zgjedhje dhe të mbështesin alternativën e tij.

Kandidati i opozitës tha se në zgjedhjet e mbajtura 1 vit më parë këta votues janë lejuar të votojnë me karta identiteti të skaduara, ndërsa në këto zgjedhje nuk po lejohen.

“Ky është një problem. Socialistëve iu jepeshin kartat e identitetit brenda orës, ndërsa të tjerëve u thuhej ejani pas dy javësh. Gjithsesi nuk besoj se do të ndikojë kjo në procesin e zgjedhjeve. Unë do jem Kryetari i ardhshëm i Bashkisë së Himarës”, tha Gjikuria. bw

Komisionerët zgjedhore kanë pezulluar procesin e votimit në Himarë fshat.

Kjo pasi qytetarët kanë shkuar për të votuar me karta identiteti i skaduara, ndërkohë që ligji e lejon këtë.

Por komisionerët, e kanë pezulluar votimin deri në një moment të dytë.

Zgjedhjet në Himarë po mbahen, pasi Komisioni Qendror i Zgjedheve vendosi që t’i hiqte fitoren eurodeputetit Fredi Beleri. Beleri u dënua nga Gjykata e Posaçme me 2 vite burg.sn

Zgjedhjet në Himarë po vazhdojnë në mënyrë të qetë, edhe pse shumë pak po bën procesi që ka nisur. Por jo të gjitha qendrat e votimit janë hapur, pasi në 9 prej tyre ende ska nisur votimi.

Zgjedhjet në Himarë po mbahen, pasi Komisioni Qendror i Zgjedheve vendosi që t’i hiqte fitoren eurodeputetit Fredi Beleri. Beleri u dënua nga Gjykata e Posaçme me 2 vite burg. sn

Anëtari i Kryesisë së PD-së, Belind Këlliçi ka bërë një tjetër denoncim nga jashtë ambienteve të SPAK sa i takon çështjes së inceneratorëve.

Në një dalje për mediat, Këlliçi teksa akuzoi Prokurorinë e Posaçme për mungesë hetimi për këtë çështje, i bëri thirrje këtij institucioni që të çojë një letër porosi për të hetuar për kompaninë 7S Group.

“Të nderuar qytetarë,

Prej 4 vitesh tashmë Prokuroria Speciale po heton aferën e shekullit, atë të inceneratorit të Tiranës. Arritja më e madhe e këtyre hetimeve deri më sot, është arrestimi i një drejtori në pension e një drejtori tjetër në bashki dhe zhdukjes me sukses gjatë këtyre 4 viteve të 132 milionë eurove, nën hundën e SPAK. Prej tetorit të vitit 2023, i kemi dërguar informacion të plotë SPAK për një kompani të regjistruar në Bullgari, e cila quhet EM Capital Group, kompani e cila ka marrë miliona e miliona euro nga llogaritë e inceneratorit Tiranë dhe kompanisë ITS sh.p.k të Klodian Zotos.

Sipas disa informacioneve të bëra publike nga gazetarë të ndryshëm, të dhënat e ardhura nga Bullgaria tregojnë se nëpërmjet kësaj kompanie, kanë përfituar para edhe familjarë të pronarëve realë të inceneratorit Tiranë. Sot, meqënëse SPAK nuk dëshiron të gjurmojë paratë dhe vijon të mbyllë sytë përpara fakteve ulëritëse për këtë vjedhje, po bëj publik një dokument të ri, shumë të rëndësishëm për hetimin e kësaj vjedhje.

Ky dokument është një faturë e lëshuar nga kompania Wolf Theiss, kompani ë mirënjohur ndërkombëtarisht për shërbimet e konsulencës dhe avokatisë, lëshuar për kompaninë EM Capital Group. Wolf Theiss ka ofruar çdo shërbim të mundshëm për kompaninë EM Capital, përfshirë dhe regjistrimin e kompanive të reja, sipas kërkesës të kësaj të fundit. Në faqen 3 të këtij dokumenti, kjo kompani ka faturuar shërbime për regjistrimin e 2 kompanive të reja, njëra e quajtur Denebola Investments dhe tjetra e quajtur 7S Group.

I bëj thirrje SPAK, të nisë menjëherë letër porositë në shtetin e Bullgarisë dhe pranë autoriteteve të saj, ku të kërkohet jo vetëm i gjithë informacioni financiar dhe bankar i këtyre 2 kompanive, por të ushtrohen kontrolle fizike dhe pranë ambjenteve të zyrave ku gjendet çdo informacion i nevojshëm për pastrimin e parave. E nëse kjo nuk ndodh, atëherë jemi përpara faktit se SPAK nuk ka absolutisht ndër mend të gjurmojë paratë e dy pronarëve të inceneratorit Tiranë, Edi Rama dhe Erion Veliaj. Sërish ditën e sotme, po e lë përpara dyerve të SPAK këtë dokument autentik, për ti ardhur në ndihmë prokurorëve specialë, për të bërë drejtësinë aq shumë të pritur nga qytetarët shqiptarë dhe për të na thënë se ku kanë shkuar 132 milionë eurot e një inceneratori që nuk ekziston.

Sa për dy kompanitë e reja, e dalloni mjaft qartë, që njëlloj si në skemën e 5 Drejtorëve të Bashkisë Tiranë me kompaninë 5D, këtë rradhë pronarët e inceneratorit Tiranë, kanë regjistruar kompaninë 7S Group, ose më saktë 7 Specialistët. Tingëllon absurde, qesharake dhe fyese për këdo qytetar që e dëgjon këtë fakt, por mesa duket i ndjeri Pjetër Arbnori, ka qenë profetik dhe tejet i saktë në thënien e tij epike, se këta nuk janë socialistë, por janë specialistë!!! Ju faleminderit.”, tha ai.

(BalkanWeb)

Prof. Mevlan Kabo është një ndër përfaqësuesit e denjë të plejadës së gjeografëve, që hodhën bazat e arsimit dhe të shkencës gjeografike shqiptare, për të cilat ish-studentët, kolegët e tij dhe breza të tërë mësuesish dhe gjeografësh i janë mirënjohës.

Kontributi i tij i madh u shtri në shumë fusha: pedagogjike, shkencore, drejtuese dhe publicistike: drejtues i suksesshëm i sektori në Institutin e Studimeve e Botimeve Shkollore dhe enciklopedike; drejtues i insitucioneve universitare (pedagog i gjeografisë dhe përgjegjës i katedrës së Gjeografisë, zv.dekan i Fakultetit të Historisë e Filologjisë në Universitetit të Tiranës); drejtues i institucioneve shkencore (drejtor i Qendrës së Studimeve Gjeografike të Akademisë së Shkencave të Shqipërisë; drejtues kryeredaktor dhe autor i veprës monumentale kombëtare Gjeografia fizike e Shqipërisë, botim i Akademisë së Shkencave (1991); drejtues e redaktor shkencor i gjeografisë në Redaksinë e Fjalorit Enciklopedik Shqiptar (1985 dhe 2008). Kontributi pedagogjik dhe shkencor i prof. Kabos u shtri edhe në Kosovë, ku vendosi themelet e bashkëpunimit shkencor me Universitetin e Prishtinës. Kudo ku ka punuar prof. Kabo u dallua për korrektesë, drejtësi, aftësi drejtuese, mendim novator dhe kulturë të gjerë shkencore gjeografike.

Profesor Kabua është autor dhe bashkëautor, në vepra të mëdha kombëtare, monografi, studime, artikuj studimorë, referime në konferenca shkencore kombëtare dhe ndërkombëtare, harta, libra shkollorë për arsimin parauniversitar dhe universitar etj. Me formimin solid gjeografik dhe informacionin e gjerë dhe shumë të pasura gjeografik ai ishte një enciklopedi për gjeografinë e Shqipërisë.

Me ndërrimin e jetës së prof. Kabos familja humbi njeriun e dashur, arsimi dhe shkenca gjeografike shqiptare humbën pedagogun e talentuar, studiuesin dhe themeluesin e studimeve gjeografike shqiptare.

(Balkanweb)

Gazetari dhe analisti Genc Burimi përmes një komunikimi të drejtpërdrejtë në studion e News24 ka komentuar zhvillimet e fundit politikë në vend.

Duke u ndalur te Kongresi i Partisë Socialiste, Burimi u shpreh se kryeministri Rama imponoi heqjen e ministrave që ai vetë i ka konsideruar si të suksesshëm duke mos dhënë asnjë shpjegim.

Sipas tij emërimi i zëvendësuesve të tyre me figura të panjohura politikisht është një përbuzje e militantëve të PS. Burimi u shpreh se sa i takon Kodit të ri Zgjedhor, është një kthim në normalitet, teksa i cilësoi listat tërësisht të hapura si “shpikje shqiptare”.

Sa i përket votës së diasporës, ai theksoi se nuk është i habitur për miratimin e saj pasi kjo do të linte hapësirë për opozitën të mos njihte rezultatin e zgjedhjeve në rast se nuk do të miratohej.

“Rama imponoi heqjen e ministrave të vetë i ka konsideruar si të suksesshëm. I heq pa asnjë shpjegim, kjo është përbuzja e parë që i bën militantëve të partisë së tij. Përbuzja e dytë është mirë që i hoqi, por në vend të marrë kuadro nga partia në vend të tyre, merr njerëz të panjohur. Partia është në funksion të Edi Ramës.
PS është kthyer në një parti putiniste apo erdoganiste. Mbaj mend kur po ngrihej Kokëdhima pati zëra kundër. Si motivohet në këtë rast i riu që angazhohet në parti nëse Rama zgjedh ata që do. Fryma e partive politike në Perëndim nuk është kjo.

Pirro Vëngu ka punuar në portin e Durrësit, ka punuar afërsisht me arabët. Këta të fundit janë më të pranishëm se kurrë në Shqipëri, qoftë prej portit, qoftë prej dhëndrit të Trump sepse fondi që ai menaxhon është me prejardhje arabe. Mos do synohen pronat e ushtrisë? Nuk e di.

Me Ramën në qeveri ai prapë i merr zgjedhjet. Perëndimorët e dinë këtë, por kanë hall më të madh në Malin e Zi ku ka rikthim të Serbisë dhe Rusisë. Kodi i ri më duket rikthim në normalitet. Në Perëndim nuk ka lista të hapura totalisht, nëse ty të zgjedh populli dil i pavarur. Për mua lista e hapur është një shpikje shqiptare. Vota e diasporës nuk më habit. Rama dhe ndërkombëtarët nuk mund ta merrnin rrezikun e një rrëmuje ku PD të mos i njihte rezultatin prej vendimit të GJK. Ende nuk e kam përgjigjen si do bëhet votimi. Kush do e marrë zarfin tim? Kush do e transportojë?
Opozita ka marrë vulën duke bërë një super gol. Në këtë moment po administron, sepse jemi në periudhë tranzitore. Vulën e ka, tani duhet të krijojë një program. Gjithçka do luhet në vitin 2025. Kjo është një periudhë që nuk ka shumë vlerë, protestat e opozitës janë mesazh për ndërkombëtarët”, u shpreh ai mes të tjerash.bw

Në fjalën përmbyllëse te protesta përpara Bashkisë së Tiranës, Adriana Kalaja u ndal edhe te padia që është ngritur ndaj saj për kanosje ndaj kryeministrit Edi Rama.

“A patë ndonjë reagim nga Dushmani, kur që të refuzonte thënien e këtij banditi se i paska kolegë?

A patë reagim nga Këshilli i Lartë i Prokurorisë?

Jo, sepse të gjithë janë nën urdhrat e narkoshtetit të drejtuar nga Edi Rama.

Dhe çfarë bën ai banditi? U ndjeka i kërcënuar nga Adriana Kalaja.

Po ti mor burracak, për mua është nder që ti të ndjehesh i kanosur prej meje.

Edi Rama nuk u kanos nga unë, por u kanos prej veprimeve kriminale që ka bërë.

Ne kemi bërë denoncime nga më të shumtat dhe më të fortat. Por pëërvceçse nuk ka një reagim nga SPAK-u që na la, por nuk ka reagim as nga mediat që paguhen nga inceneratorët për fat të keq.

E di shumë mirë që kanosja ime ka lidhje me veprimet që ai bën si kryeministër,” tha Kalaja.

Ajo u shpreh se Erion Veliaj është amnistuar nga gjyqtarja Irena Gjoka.

“Ndaj sot, Skapistët janë kriminelët më të mëdhenj të shoqërisë shqiptare, kriminelët më të mëdhenj të ligjit dhe Kushtetutës.

Ne kemi treguar me vepra se nuk tërhiqemi. Nuk tërhiqemi se jemi në rrugën e drejtë.

Ndaj, nëse Altin Dushmani ka ndonjë mundësi për të treguar se ne e kemi gabim, të veprojë, të arrestojë të parin Erion Veliajn, që i ka shkuar shkresa që në qershor.

Por Irena me tre mbiemra e ka amnistuar Erion Veliajn dhe të gjithë grupin kriminal të inceneratorëve.

Ne kemi provuar se koha na ka dhënë të drejtë për të gjitha akuzat tona.

Do të jemi këtu sërish, do jemi këtu çdo javë, nuk do na ndërpresë askush për të kërkuar arrestimin e Erion Veliajt dhe lirimin e liderit tonë, Sali Berisha.

Ju ftoj të takohemi sërish javën tjetër përpara këtij institucioni të krimit, duke kërkuar të drejtat tona që na janë garantuar me Kushtetutë,” tha Kalaja.

sn

Deputeti Shpëtim Idrizi, kreu i PDIU-së, ka reaguar përmes një postimi në rrjetet sociale lidhur me zgjedhjet në Bashkinë e Himarës, e cila sipas tij, po trajtohet si bashki minoritare e me kandidatë minoritarë grekë.

Idrizi shprehet se kjo bashki është e banuar 90% nga shqiptarët, 10 % romë, vllehë dhe greqisht-folës.

“A dini gjë kujt i drejtohen këta kandidatët e PD-së dhe PS-së në gjuhën greke kur bashkia e Himarës nuk është minoritare?

Këta kandidatët e PD-së dhe PS-së bëjnë mirë të flasin greqisht në shtëpitë e tyre.

A ju kujtohen zgjedhjet lokale të 2003-t kur PS dhe PD u bënë bashkë kundër Bollanos e vorio-epireshave?

A rrezikojmë që kushdo të fitojë nga këta, Himara të kthehet në kryedashin për Vorio-Epirin?

Dy fjalë për këtë Vorio-Epirin dhe vorio-epireshat…

Po si ka mundësi që Epiri i Veriut qenka i banuar nga grekët, kur Epiri i jugut (Çamëria, Janina, Follorina e Konica) janë të banuara që kur është njohur njerëzimi, nga jo-helenë?!!!!”, shprehet Idrizi.

Reagimi nga Shpëtim Idrizi

Zgjedhjet në Bashkinë e Himarës po konsiderohen si në një bashki minoritare e me kandidatë minoritarë grekë.

#HimaraËshtëShqiptare

90 % e banuar nga shqiptarë.

10 % romë, vllehë e greqisht-folës.

Të dielën zgjidhet kryebashkiaku.

A dini gjë kujt i drejtohen këta kandidatët e PD-së dhe PS-së në gjuhën greke kur bashkia e Himarës nuk është minoritare?

Këta kandidatët e PD-së dhe PS-së bëjnë mirë të flasin greqisht në shtëpitë e tyre.

A ju kujtohen zgjedhjet lokale të 2003-t kur PS dhe PD u bënë bashkë kundër Bollanos e vorio-epireshave?

A rrezikojmë që kushdo të fitojë nga këta, Himara të kthehet në kryedashin për Vorio-Epirin?

Dy fjalë për këtë Vorio-Epirin dhe vorio-epireshat…

Po si ka mundësi që Epiri i Veriut qenka i banuar nga grekët, kur Epiri i jugut (Çamëria, Janina, Follorina e Konica) janë të banuara që kur është njohur njerëzimi, nga jo-helenë?!!!!

Në 340-n p.e.s Straboni në veprën e njohur “Gjeografia e Kohës” përshkruan se helenët shtrihen deri në gjirin e Ambrakisë (sot Gjiri i Artës), pastaj jetojnë barbarët, pra jo-helenët.

Tuqiditi në veprën “Lufta e Peloponezit i përshkruan prapë Helenët deri në Gjirin e Ambrakisë.

Epiri banohej nga jo helenët e fiset ilire: Thesprotët, Kaonët, Molosët, me Lidhjen Epiriote e Pirron e Epirit, Despotatin e Artës me despotët Gjin Bue Shpata e Pjetër Losha, që në shekullin 13 ndaluan dyndjet sllave në Ballkan.

Çamëria e Abedin Pashë Dinos, Hasan Tahsinit, Muharrem e Haki Rushitit, Alush e Osman Takës, Çaparejve, Suliotëve, tre firmëtarëve të Pavarësisë, Musa e Ali Demit, Kol Idromenos, Mitrush Kutelit, Daut Hoxhës, Rauf Dinos e Beut Rexho Plakut, Bilal Xhaferrit e shumë e shumë figurave të shquara.

Çamëria iu aneksua Greqisë vetëm në vitin e mbrapshtë 1913 nga Konferenca e Ambasadorëve në Londër, ashtu siç Kosova iu aneksua Serbisë.

Vetëm në Mars të vitit 1913, Çamëria u pushtua me zjarr dhe me hekur nga Greqia.

Që nga antikiteti e deri në Mars të vitit 1913 nuk ka pasur asnjëherë debat historik se çfarë ishte Epiri; pra vazhdimësi Iliro-Shqiptare (Çame).

Këto dy fjalë i kisha për Vorio-Epireshat dhe ata që i dëgjojnë e ngrohen në diell… bw

Grupi Parlamentar i Partisë Demokratike, përmes Kryetarit të Grupit Gazment Bardhi i ka kërkuar sot SPAK të nis hetimet për ish-drejtorin e Autoritetit Portual Durrës, Ministrin e ri të Mbrojtjes Pirro Vëngu. Shkak për këtë kallëzim është bërë një procedurë tenderi e realizuar në muajin Korrik 2024 nga Autoriteti Portual Durrës, i cili ka nënshkruar një kontratë konsulence me kompaninë holandeze Royal Haskoning DHV, me vlerë 12 milionë euro, për mbikëqyrjen e punimeve për ndërtimin e portit të ri të integruar të Durrësit në Porto-Romano.

Kjo kontratë është lidhur me negocim të drejtpërdrejtë ndërmjet drejtorit të Autoritetit Portual Durrës, Pirro Vëngu dhe përfaqësuesve të kompanisë private Royal Haskoning DHV, pa iu nënshtruar procedurave të zakonshme të prokurimit publik. Ish-drejtori i Autoritetit Portual Durrës, Pirro Vëngu rezulton se ka shmangur të gjitha rregullat e prokurimit publik, duke përzgjedhur drejtpërdrejtë kompaninë fituese, duke cënuar haptazi interesin publik dhe dëmtuar rëndë Buxhetin e Shtetit, me qëllim përfitimin ekonomik të subjektit privat.

Në këto kushte, ekzistojnë dyshime të arsyeshme të bazuara mbi prova, se Pirro Vëngu, ish-drejtor i Autoritetit Portual Durrës, dhe aktualisht ministër i Mbrojtjes, ka konsumuar veprat penale të “Shpërdorimit të detyrës” dhe “Shkeljes së barazisë së pjesëmarrësve në tendera apo ankande publike”, të parashikuara nga nenet 248 dhe 258 të Kodit Penal. bw

Gazetari Igli Çelmeta ka siguruar emrat ndaj të cilëve janë lëshuar urdhër-arreste nga Prokuroia e Posaçme.

Bëhet fjalë për shtetasit:

Talo Çela, Altin Kamami, Rexhino Doci, Arben Lamcja, Arsen Mema, Eljo Bitri, Leam Rragami, Elvis Daka alias Dragoviç, Dorjan Dyli, Matilda Hoxholli, Denada Todi, Flobenc Mecja, Armis Stafa, Maksim Koci, Erzen Çopja, Franc Çopja, Hajdar Bako alias Çopja, Mikael Qosja, Maetin Musaj, Guri Biba, Pajtime Fetahu, Renato Masuku, Leonardo Rragami.

Mësohet se operacioni është zhvilluar në kuadër të vazhdimit të operacionit ‘Plumbi i artë’, ka vënë në shënjestër për t’u arrestuar, personat me precedentë penal të akuzuar për vrasje, trafik droge dhe sigurim të kushteve për të kryer vrasje.

Deri më tani nuk dihen detaje nga aksioni në fjalë si dhe se sa persona janë arrestuar. Pas rrëfimit të Nuredin Dumanit, u zbuluan një seri krimesh të rënda të botës së nëndheshme të botës kriminale. Ndërkohë përgjimet nga aplikacioni Sky ECC nxorën zbuluar disa krime. bw

Dhjetëra banorë nga Kruja dhe Fushë Kruja protestuan pasditen e të hënës në segmentin e ri të autostradës Thumanë-Kashar, për shkak të bllokimit të akset të vjetër, duke pamundësuar kështu aksesimin e kësaj zone.

Banorët u përplasën edhe me policinë, ndërsa uniformat blu përdorën sprajt djegës për shpërndarjen e protestuesve.

Deputetja Andia Ulliri, ka deklaruar se disa nga protestuesit janë shoqëruar në komisariat pa dhënë asnjë shpjegim.

Në një postim në rrjetet sociale, ajo i ka bërë thirrje forcave të rendit, të distancohen nga ajo që e quajti arrestim i paligjshëm të banorëve të Fushë-Krujës dhe Krujës.

“Ky është një terror që duan të përhapin për të frenuar reagimin qytetar!”, shkruan ajo.

Postimi i plotë:

Ndodhem në hyrjen e Komisariatit në Fushë-Krujë ku janë shoqëruar disa banorë nga protesta pa dhënë shpjegime.
I kërkoj policisë të distancohen nga arrestimet e paligjshme të banorëve të Fushë-Krujës dhe Krujës.
Protesta ishte paqësore në kërkim të të drejtave të qytetarëve dhe nuk ka patur asnjë shkelje ligjore nga protestuesit.
Ky është një terror që duan të përhapin për të frenuar reagimin qytetar!
Kërkojmë ndërprerjen e çdo zbatimi të urdhërave politik ndaj popullit protestues
Protesta nuk ndalet!
Interesat e qytetarëve nuk shiten!

bw

Banorë të zonës përreth aksit të ri Thumanë-Kashar kanë protestuar sërish ditën e sotme, pasi kërkojnë akses në autostradën e sapoinauguruar.

Protestuesit përveçse kanë bllokuar qarkullimin për automjetet janë përplasur edhe me efektivët e policisë prezentë në tubim.

“I bëjmë thirrje shtetit të na hapë rrugën dhe ta paguajmë. Neve na është hequr buka e gojës. Nëse këta duan që të na heqin këtë mënyrë dhe të merremi me drogë… ne nuk jemi për këtë punë. Kemi vetëm një kërkesë, të na hapet rruga dhe ta paguajmë”, u shpreh një prej protestuesve për mikrofonin e News24.

Mësohet gjithashtu se autoritetet kanë përdorur spraj djegës ndaj protestuesve, ndërsa është vendosur edhe një tel me gjemba për të ndaluar bllokimin e aksit.

Edhe pse përleshjet me efektivët e policisë nuk janë ndalur, këta të fundit kanë arritur të sigurojnë qarkullimin e një pjese të automjeteve.

Megjithatë kjo nuk ka ndaluar protestuesit, të cilët me pankarta në duar kanë vijuar marshimin e tyre përgjatë aksit, ndërsa kanë bërë edhe thirrje për sigurimin e aksesit të tyre në rrugë.

Të tjera detaje dalin në dritë në lidhje me arrestimin e 4 personave sot me urdhër të SPAK, mes tyre drejtuesi i Prokurorisë së Vlorës, Aurel Zarka.

Gazetari Igli Çelmeta raporton për BalkanWeb se 4 personat e akuzuar dhe që ndodhen pas hekurave, konkretisht Eriona Daupaj, magjistrate në Shkollën e Magjistraturës, ish-oficere e Policisë Gjyqësore në Prokurorinë e Krimeve të Rënda dhe hetuese në BKH, avokati Radovan Çela si dhe Astrit Vladi dyshohet se kanë abuzuar me detyrën për një procedim penal.

Mësohet se ka qenë pikërisht zbërthimi i aplikacionit Sky Ecc, që ka zbuluar se këta persona kanë komunikuar aty në lidhje me procedurën penale në fjalë, që ka rezultuar në shkelje.

Ende nuk ka një reagim nga SPAK për këtë aksion si dhe detajet që çuan pas hekurave 4 personat e sipërcituar.

Gazetari Klodian Tomorri, i ftuar në ‘Kafe Shqeto’ me Flavio Qarrin në SYRI TV, ka komentuar kongresin e PS-së dhe ndryshimet ne qeverinë e Edi Ramës. Sipas Tomorrit, kongresi i PS-së konfirmoi se, Partia Socialiste ka vdekur.

Tomorri gjithashtu ka ngritur pyetjen, se cilët janë kriteret që të ndryshohen ministrat.

‘Kongresi ishte dëshmia e disatë tashmë që PS-ja është shndërruar në një çiflig privat të Ramës, ashtu si dhe qeveria. Edi Rama i lëviz ministrat sipas orekseve apo qëllimeve të tij. Merr njerëz nga jashtë politikës dhe i bën ministra, tashmë që partia nuk ka më asnjë fjalë.

E gjithë partia rri sus para atyre që vendos, Edi Rama.

Ky kongres nga dëshmoi edhe njëherë se PS, ka vdekur si parti. Klinikisht është thjeshtë një organizëm i atrofizuar, është një çiflig që komandohet nga një njeri i vetëm dhe ku gjithë të tjerët heshtin dhe nuk ka asnjë zë jetën publike të vendit.

Ka një pyetje shumë të thjeshtë që mund ta shtrojë kushdo. Kush është kriteri i ndryshimeve në qeveri që bën kryeministri.

Nëse do të kishte figura që duhej të ishin larguar, do të ishin ata që janë konsumuar më së shumti në skandalet e mëdha korruptive që janë publike.

Ne nuk pamë që të lëvizte Ogerta Manastirliu e cila ka mbi vete rekordin e turpit të degradimit të Shqipërisë në vendin  e fundit në botë në testin e Pizas. Ka mbi shpinë degradimin e sistemit shëndetësor që është kthyer në një kënetë të madhe korrupsioni dhe kriminale që tregton jetën e njerëzve, siç e pamë tek skandali i tmerrshëm i onkologjikut.

Nuk lëvizet po ashtu ministra e Infrastrukturës, e cila jo vetëm që nuk lëvizte, por fuqizohet dhe merr tashmë gati 90% të qeverisë sepse dy nga tre ministrat e rinj ishin drejtorë të Ballukut.

Dhe prandaj lind pyetja, kush është kriteri i ndryshimeve në qeveri’, deklaroi gazetari Klodian Tomorri në SYRI TV.