Një ngjarje e rëndë ka ndodhur mesditën e sotme në qytetin e Korçës.

Një punonjës policie është qëlluar me thikë nga një qytetar.

Burime nga Policia thanë se i plagosur ka mbetur efektivi Spartak Zotka, ndersa autori si Ilir Fama.

Ngjarja ka ndodhur në qendër të qytetit të Korçës.

Arsyeja dyshohet të jetë një gjobë e vendosur nga polici ndaj qytetarit.

Autori ka qenë këmbësor dhe e ka goditur me mjet prerës (thikë) në fytyrë.

Mësohet se plagët janë të lehta, ndërsa autori është vënë në pranga./ dita

Një polic i burgut të Drenovës në Korçë është arrestuar, pasi tentoi të fusë drogë në qelitë e të burgosurve.

Mësohet se gjatë kontrollit fizik të punonjësve të burgut , efektivit Hakil Zere iu gjet e fshehur ne këpucë, brenda çorapeve 2 qese me kanabis dhe në pjesën intime të trupit 2 qese te tjera, njëra prej të cilave me heroinë.

Operacioni u zhvillua nga shërbimi i kontrollit të brendshëm në burgje në bashkëpunim me burgun e Drenovës.

Sipas burimeve policit të burgjeve Hakil Zere i është gjetur edhe një sasi lënde narkotike gjatë kontrollit të banesës nga ana e policisë së shtetit

Sipas burimeve nga prokuroria polici është arrestuar me 21 prill me akuzat e “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”, te parashikuar nga neni 283/1 dhe 324/a/2 i Kodit./ dita

Tiranë

Tiranë

                                         ***

Më 22 Prill 2020, nga një sëmundje natyrale, e papritur, e parakohshme, u nda nga jeta Hysen Halil Neziri (Gashi). 

Të dashur të afërm, miq e dashamirë të Hysen Halil Neziraj – thuhet në lajmin e Familjes së Tij, ju bëjmë me dije se varrimi do të bëhet me datën 23 Prill, ora 11.00. në Varrezat e qytetit të B.Currit.   

   Nisja nga Tirana do të jetë me datë 23 Prill, në ora 04.00 të mëngjesit.                               

E ndjejmë për detyrim t`ju njoftojmë, por ju mirëkuptojmë për kushtet aktuale.

FAMILJA NEZIRAJ,

Vajzat: Mitrovica, Dobroina, e gruaja Sabrie NEZIRAJ

                                      ***

Hysen Halil Neziraj rrjedh nga një Familje e madhe patriotike e Nezirajve të Luzhës; djali i Halil Halilit, burrë me emër të njohur; është nipi i Kadri Miftar Nezirajt, i cili luftoi deri sa rá me armë në dorë kundër forcave malazeze; është nip i Ram Sadikut e Hamit Ramës, të njohur në Malësinë e Gjakovës.                             

Hysen Halil Neziraj është daja i Azem Hajdarit, me të cilin ka pasë marrëdhanie shumë të afërta në çdo kohë sado të vështira të ishin ato.

Hysen Halil Neziraj pjesën më të madhe të jetës e ka bërë në qytetin e B.Currit, ku ka punur shumë vite në Ndërmarrjen e Shërbimeve Komunale të rrethit të Tropojës. Ishte profesional dhe punëtor i mirë. Ai shquhej për marrëdhanie shumë shoqërore me shokët dhe mbahet mend si njeri i tillë, etj.

Hysen Halil Neziraj i ka lënë në pikëllim dy dy vajzat e tij të martuara: Mitrovica në Angli e Dobroina në Belgjikë, te dyja të martuar në dy familje të nderuara e të mirënjohura nga Tropoja: në Dragobi te Riza Motina e në Valbonë te Bekë Valbona. Hyseni e ka lënë në pikëllim dhe gruan e tij, Sabrie Neziraj, që ka kontribuar në sistemin shëndetësor në Tropojë dhe në Tiranë, etj.

Në këtë Ditë Dhimbjeje iu shprehim ngushëllime Familjes së Tij, Vllaznisë e Farefisnisë së Tij, miqve e dashamirve të Tij.

I koftë i lehtë Dheu i Tokës së Tropojës, Vendlindjes së Tij!

Reporteri për Shqipërinë në Parlamentin Europian David Lega, i është drejtuar me një thirrje qeverisë që të anulojë paketën e shumëdebatuar anti-shpifje, e cila ka si qëllim rregullimin e fushës së medias në Shqipëri.

Lega i referohet raportit të fundit të ‘Reporterëve pa Kufij’, i cili e pozicioni Shqipërinë dy vende më poshtë në indeksin e lirisë së medias. Lega shkruan në rrjetin social se BE s’mund të pranojë një vend i cili kufizon lirinë e shprehjes dhe lirinë e medias.

“Shqipëria me të drejtë është pozicionuar me dy vende më poshtë në raportin e Reporterëve pa Kufij në indeksin e lirisë së medias. Ligji (në pritje) i medias do ta dëmtojë më tej lirinë e shtypit në Shqipëri. Kufizimi i lirsë së shprehjes, informacionit dhe shtypit, është i papranueshëm për një shtet që aspiron të anëtarësohet në BE.”-shkruan Lege.

Shkrimtarja e njohur shqiptare Natasha Lako e cilëson të parakohshme largimin nga jeta të aktorit e regjisorit Rikard Ljarja, një nga ikonat e kinematografisë shqiptare, aq shumë i dashur nga publiku gati në adhurim.

Me një mesazh prekës, Lako i jep lamtumirën atij që e quan, ‘fytyra më e dashur e rinisë sime, zemra më e pastër e brezit shqiptar më të papërdhosur’.

“Lamtumirë Rikardi ynë i shtrenjtë! Fytyra më e dashur e rinisë sime, zemra më e pastër e brezit shqiptar më të papërdhosur, shpirt krijues i qytetërimit shqiptar, në vazhdimësinë dhe transformimin e viteve 60 në të gjithë botën, shkodran i mençur me qëndresën më fisnike. Zë kumbues, i njeriut më të zakonshëm. Njeri i filmit, teatrit dhe i penës, i shokëve, i familjes sate të bukur dhe i dashurisë së pafund. Na le para kohe”, shkruan Lako.

Rikard Ljarja u nda nga jeta sot në moshën 77-vjeçare në banesën e tij në Tiranë pas një sëmundje të rëndë nga e cila vuante prej kohësh. Ai la pas një jetë me role te ndryshme që u kthyen në personazhet më të dashura të shqiptarëve. Me zërin karakteristik, Rikard Ljarja do të mbetet përgjithmonë në mendjet e atyre që e deshën në skenë.

(BalkanWeb)

Pas lajmit se aktori i madh shqiptar, Rikard Ljarja u nda nga jeta, mesazhe prekëse vijnë nga kolegët e tij. Prekës është edhe dedikimi që miku i tij, regjisori Mevlan Shanaj, i bën Ljarjas, i cili thekson se sot dhimbja ka emrin e aktorit.

Shanaj thekson se regjisori i njohur do të kthehet në Shkodrën e jetës, qyteti ku ai u lind dhe tashmë do të prehet.

MESAZHI I SHANAJT
Ej sot iku RiKard Ljarja! Ej shqiptare dhimbja ka nje emer sot neser do quhet Rikard, emocioni ka emrin e tij, buzeqeshja eshte per te, liria ka dashurine ne zemren e tij, ne shoket lotet i kemi te syte e tij te qeshur, zemra e tij eshte ne ju qe e deshet po kthehet ne Shkodren e jetes se tij. Mik na helmove na shkretove fisnikerine. Faleminderit
dashurise tende, ne tashme dime te vdesin te ndershem. dhuraten e ruajtur zemres tende sot e hodhe ne driten e arit per te pushtuar gjithesine? Drite paste emri vepra e shpirtit tend te bukur, me duar te dridhura ju them; Rikardi mbeti Rikard ashtu si e doni. Ju , si e do Shqiperia, Ded! Ku. Je! Kjo pyetje vjen ne cdo familje per mje min heshtje. Le te kumbojne kembanat e zemrave per te. Lamtumire miku im! Qe mbete mik i shtrenjte!

Arti në zi! Ndahet nga jeta aktori dhe regjisori i mirënjohur Rikard Ljarja, në moshën 77-vjeçare. Mësohet se ka ndërruar jetë në banesën e tij në Tiranë, ndërsa thuhet se ai vuante prej kohësh nga një sëmundje e rëndë.

Vdekja e regjisorit është një humbje e madhe për kinematografinë shqiptare, por edhe për familjen, e cila do të përcjellë për në banesën e fundit të dashurin e saj, me një rreth të ngushtë, për shkak të situatës me COVID-19.Rikard Ljarja do të prehet në Shkodër, amanet i lënë prej vetë aktorit. Kujtojmë se Rikard Ljarja ishte i martuar me aktoren e njohur Marjeta Ljarja.

JETËSHKRIMI I LJARJAS
Rikard Ljarja, lindi në 1 prill të 1943 në Shkodër, ndërsa njihet nga shqiptarët për rolet e tij në teatër dhe në kinematografinë shqiptare. Në vitin 1960 mbaroi maturën në Shkodër kurse në vitin 1965 u diplomua në Shkollën e Lartë të Aktrimit “A. Moisiu”, Tiranë.

Për tetë vite, pas diplomimit, punoi aktor i teatrit në Teatrin “Migjeni” në Shkodër. Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga kinostudiot. Prej 1996 deri 2002, kur doli në pension, ishte drejtor artistik në Televizionin Publik Shqiptar.

Filmografia
Viktimat e Tivarit (1996)
Fletë të bardha – (1990) Shoku Emir
Pesha e kohës – (1988), Vasili
Rrethi i kujtesës – (1987), Mjeku
Në prag të jetës – (1985), Andrea
Pranverë e hidhur – (1985) Xha Teli
Skëterrë ’43 – (1980), Andrea
Radiostacioni – (1979) Komandanti
Në pyjet me borë ka jetë – (1978), Luka
Ilegalët – (1976) Tosti
Në fillim të verës – (1975) I deleguari i qarkorit
Rrugicat që kërkonin diell – (1975) Gaqo Tipografi
Rrugë të bardha – (1974) Deda
Shpërthimi – (1974) Inxhinjer Iliri
Ndërgjegja – (1972) Fitimi
Yjet e netëve të gjata – (1972)……xhandari
Kur zbardhi një ditë – (1971) Komisari
Plagë të vjetra – (1968)…….Naimi
Ngadhnjim mbi vdekjen – (1967)..Perlati
Duel i heshtur – (1967) Skenderi
Komisari i dritës – (1966) Dritan Shkabaj
Monumenti

Regjisor
Pesha e kohës – (1988)
Kur hapen dyert e jetës – (1986)
Fundi i një gjakmarrjeje – (1983)
Dita e parë e emrimit – (1981)
Sketerre 43 – (1980)
Radiostacioni – (1979)
Në pyjet me borë ka jetë – (1978)

Skenarist
Pesha e kohës – (1988)
Kur hapen dyert e jetës – (1986)
(BalkanWeb)

Një tjetër grup mjekësh dhe infermierësh nga Shqipëria janë nisur sot drejt Italisë, për të ndihmuar në luftën kundër koronavirusit.

Ky është grupi i dytë me mjekë dhe infermierë shqiptarë, që po shkojnë në Itali për të dhënë ndihmën e tyre, pas gjunjëzimit nga koronavirusi të vendit fqinj.

Pak javë më parë, Shqipëria dërgoi në Itali 30 mjekë dhe infermierë, të cilët po shërbejnë në frontin e parë të luftës kundër COVID-19 në spitalet e Breshias. bw

Tiranë

“6 tetori në Kosovë, zgjedhjet që prodhuan një qeveri të re në Kosovë, edhe sot e kësaj dite, që ishte një triumf i të resë mbi të vjetrën.”. Kështu deklaroi ish-ministri i Jashtëm, Ditmir Bushati sot gjatë një interviste përmes skype për emisionin ‘Kjo javë’, të Nisida Tufës.

Teksa gazetarja e pyeti në lidhje me faktin nëse Kosova duhet të ketë një qeveri të re, ai theksoi se mënyra se si e zgjidh Kosova krizën politike, kushtetuese, që është para saj, është përgjegjësi e aktorëve politikë e institucional atje.

“Mënyra se si e zgjidh Kosova krizën politike, kushtetuese, që është para saj, është përgjegjësi e aktorëve politikë e institucional atje. Dua të them një gjë që është me rëndësi. 6 tetori në Kosovë, zgjedhjet që prodhuan një qeveri të re në Kosovë, edhe sot e kësaj dite, që ishte një triumf i të resë mbi të vjetrën. Një politikë e re, një qasje e re ndaj shtetit dhe zhvillimit apo drejtësisë shoqërore si koncept më të gjerë. Uroj që fryma e këtij ndryshimi të jetë një frymë mbizotëruese në Kosovë dhe pse jo me efekte përçuese pozitive tek vendet fqinje.”, tha Bushati. bw

Njoftim për mediat në 7 vjetorin e peticionit

Grupi i Lobimit për Rrugën e Arbërit

17 Prill 2020

Në kohën kur vendi po kalon një situatë krize ekonomike dhe sociale si pasojë e pandemisë Covid-19, ne kemi marrë mesazhe dhe pyetje në lidhje me ecurinë e punimeve në Rrugën e Arbërit dhe nëse kemi informacione se çdo të ndodhë më tej.

Nga informatat tona në terren dhe kontaktet me “Gjoka Konstruction” kemi mësuar se, edhe në këtë situatë, puna po vazhdon. Kjo na gëzon por shpresojmë se kjo po bëhet pa komprometuar shëndetin e atyre që po punojnë në këtë situatë jo normale.

Ndërkohë Grupi i Lobimit po ndjek me shqetësim disa zëra mediatikë e politikë të cilët theksojnë se, për përballimin e situatës së shkaktuar nga pandemia, duhen ndërprerë kontratat koncensionare, përfshirë edhe ato për Rrugën e Arbërit.

Ne jemi të shqetësuar se kjo krizë mund të sjellë pasoja për rrugën, ndaj ju bëjmë thirrje aktorëve vendimmarrës që këtë çështje ta trajtojnë me seriozitet dhe përgjegjshmëri.

Covid-19 solli menjëherë një realitet ekonomik të ri në vend dhe ky realitet do të ishte më pozitiv në qoftë se Rruga e Arbërit do të ishte ndërtuar me kohë.

Nevoja për komunikimin e tregjeve të brendshme në mënyrë të shpejtë dhe me më pak kosto, e bën Rrugën e Arbërit një arterie që duhet të përfundojë sa më parë.

Ndaj i ftojmë partitë politike, qeverinë dhe organizatat që kur të gjykojnë për vazhdimin e financimit të rrugëve, të marrin parasysh përfitimet që do të sjell kjo vepër e rëndësishme në një situatë të ngjashme në vitet e ardhshme.

Shtimi i ndjeshëm nënshkrimeve të peticionit të hapur 7 vite më parë, tregon se sa jetike është kjo rrugë jo vetëm për Dibrën e copëtuara dhe të lënë në harresë në të dyja anët e kufirit që nga 1913-ta, por edhe për Tiranën me 1 milionë banorë dhe pjesën tjetër të vendit.

Peticioni, që deri tani ka mbi 20,000 nënshkrime, nga cilat rreth 18,000 online dhe më shumë se 2,000 në formularë, mund të nënshkruhet këtu:

Agimi i shkuljes së piramidave dhe shembjes së kufijëve mes shqiptarëve.

Feniksi i lirisë në pavdekësi, në gjirin e Atdheut dhe shpirtin e Kombit.

Ditët e Shqipes dhe dasma e krushqëve të lirisë dardane.

Vjen n’dasëm t’Kosovës Agim Ramadani.

11 -prilli është ditë e shënuar në Enciklopedinë Kombëtare Shqiptare, sepse është renia në fushën e nderit e Agim Ramadanit (Komandant “Katana”) dhe dita e deshmorëve të lirisë të Betejës Legjendare të Koshares që filloi me dt 9 prill të vitit 1999-të, e cila shkuli piramidat e kufirit dhe shembi Murin e Berlinit mes shqiptarëve.
Shqiptarët vijnë tek deshmorët e Atdheut në kujtesën historike të titulluar “Ditët e Shqipes”, kushtuar atyre që u shndërruan në lulekuqe të lendinave të Koshares në emër të lirisë së Kosovës.
Lufta e Koshares është Beteja heroike, homerike, spartane, unike, frontale, e përbashkët e të gjitha grupimeve ushtarake, të bijëve dhe bijave nga të gjitha trojet etnike, që ju kishin përgjigjur thirrjes së kohës “Një Komb një qëndrim”, bashkimi i të cilëve, në UÇK-në e Lavdishme ishte arritur me dt 9-të nëntor të vitit 1998-të, ku Komandant ishte zgjedhur Rrustem Berisha dhe Shef i Shtabit Agim Ramadani.
Komandant i Zonës Operative të Dukagjinit ku përfshihej Kosharja ishte Kalorësi i Lirisë Ramush Haradinaj.
“Nuk ka pushkë të qeverisë apo të levizjes.
Ka vetëm pushkë shqiptare që luftojnë për çlirimin e Atdheut”, deklaronte atëkohë Komandant “Katana” siç dëshmon në kujtimet e tij bashkëluftëtari Milazim Maraj, zv Komandant i Brigadës 138-të “Agim Ramadani”.
Luftëtarët e lirisë të bashkuar korrën suksese të jashtëzakonshme kundër ofensivës së ushtrisë serbe që kishte filluar operacionin, “Tokë e djegur”.
Ata ngadhënjyen mbi makinën ushtarako- policore kriminale të Serbisë që kishte kryer mbi Kosovën Martire për gati një shekull, krimet me të llahtarshme, genocide të tmerrshme, shpërngulje masive të popullsisë shqiptare të herë-pas’herëshme duke i perzënë dhunshëm nga trojet e tyre Arbërore, të ndara padrejtësisht nga Trungu Iliro- Dardan, nga kongreset, konferencat e fuqive të mëdha për interesat e tyre utilitare.
Pas shumë perleshjesh të ashpra arritën të shkulin gurët e kufirit, vendosur padrejtësisht mes shqiptarëve e për këto fitore kam folur në shkrimin e kaluar.
Simboli i shembjes së këtij kufiri është Agim Ramadani.
Sot në 21 vjetorin e rënies heroike në Betejën Homerike të Kosharës, të poetit, dramaturgut, piktorit, strategut, luftëtarit spartan, Komandant “Katanës”, Agim Ramadanit po perifrazoj vargjet e tij lapidare.

” M’u shterrshin sytë nëse pushoj

Lirinë tënde t’uj ëndrrue,

Mallkuar qoftë gjaku im,

Nëse m’vrasin pa luftue”.

Agim Ramadani ishte personifikimi i qëndresës në Kosharen Legjendare, simboli i shembjes së kufirit 100- vjeçar mes shqiptarëve.
Djaloshi i Karadakut solli në Koshare Epokën e Idriz Seferit, Prijësit, Tribunit popullor të betejave për liri dhe pavarësi që populli i ka refren të këngës.

”Ka kris’ pushka si n’Karadak

Gur’ e dru jan’ la n’gjak”.

Beteja e Koshares është Beteja e përgjakshme, ku humbën jetën 114-të deshmorë të Atdheut.
Me datën 11- prill të vitit 1999-të ra Agimi.
Renia e tij paralajmëroj Agun e Lirisë.
Ai ishte njeri prej hartuesve dhe zbatuesve të Operacionit “Shigjeta”.
I pari që shembi kufirin Shqipëri-Kosovë.
Sot nderohet e respektohet nga Kombi Shqiptar.
Napoleon Bonaparti thoshte: “Nderi më i madh në jetë që i bëhet njeriut është një plagë në luftë për çlirimin e Atdheut”. Shkrimtari Viktor Hygo na ka lanë postulatin. “Dua të bëj një vepër në shërbim të Atdheut pastaj le të vdes. Agim Ramadani e ka kaluar sentencën e Bonapartit. Ai dha jetën për çlirimin e Kosovës dhe do të mbetet përgjithmonë simbol i shembjes së kufirit. Vepra e tij në shërbim të Atdheut është derdhur në bronz. Shtatorja e tij në Gjilan tregon se ai nuk vdes kurrë.Sa herë shkoi në “Flakën e Janarit” e takoj dhe akoma është si atëherë në luftë, kur e kam njohur, nuk ka ndryshuar fare, ka mbetur ashtu i ri, as nuk është thinjur, as nuk është mplakur.
Balli fisnik ju ka rrudhur nga dhimbja për Preshevën, por syri shqiponjë nuk ju ka lodhur, me shikimin andej na thotë mos harroni, atje kemi vëllezërit tanë, janë në trojet e tyre.
Presheva është degë e thyer por jo e tharë e trungut tonë.

Ilir Shaqiri e ka gdhendur në këngë veprën e tij.

“N’male të Koshares kris’ një pushkë e vjetër,

Me lirinë moj loke djali po t’vjen n’Zhegër

Prapë në Dardani po bie tupani,

Vjen n’dasëm t’Kosovës, Agim Ramadani.

Po kush ishte Agim Ramadani?!

Cili është aktiviteti i këtij Misionari të Kombit?!

Agim Ramadani ishte artisti gjenial, shumëdimensional, poeti, dramaturgu, piktori, patrioti, vizionari që në pikturat e tij parashikoj, luftën, çlirimin e Kosovës dhe lindjen e Shtetit të Saj.
Ai kishte kontribuar disa vite në mënyrë Ilegale për organizimin e rezistencës së armatosur.
Qysh në fillim kur ishte inkuadruar në lëvizjen e armatosur pas viteve 90- të kishte deklaruar.
“Jam i gatshëm të marr çdo detyrë që më beso SHPUK-ës dhe do ta kryej me ndër e krenari”.
Për shkak të aktivitetit të tij ishte venë shpejt nën vëzhgim e përndiqej rreptë nga UDB- ja, prandaj ishte detyruar të largohej përkohësisht në Zvicër ku disa kohë bëri jetë të veshtirë prej azilanti.
Edhe aty u përball me sulmin ndaj baneses së tij nga udbashët që e ndiqnin këmbë këmbës por fatmirësisht shpëtoj bashkë me familjen pa lëndime.
Pas sigurimit të banesës dhe familjes filloi aktivitetin e tij pasionant ku kishte çfaqur talent të hershëm qysh në rini, në fushën e artit, në poezi, dhe në artet pamore.
Për shkak të aftësive që demonstroj shpejt u zgjodh Kryetar i Qëndrës Kulturore të shqiptarëve në Curihut.
Punimet e tij të shkëlqyera u vlerësuan nga Unesko.
Akademia Europiane e Arteve e pranoj Anëtar Nderi.
Kështu arriti shpejt, në një periudhë shumë të shkurtër majat e një suksesi të jashtëzakonshëm.
Por pavarësisht karrierës artistike për Komandant “Katanën” me e çmuar së medaliet, mirënjohjet, titujt e nderit europianë ishte liria e Kosovës.
Ai nuk mund t’i gëzohej karrierës artistike e të shijonte sukseset e arritura kur Atdheu i tij ishte i pushtuar nga armiku barbar, Serbia dhe populli i vet e kishte të uzurpuar lirinë nga okupatori, prandaj dhe vëndosi të kthehej e të rreshtohej në ansambëlin e zgalemëve të lirisë, por kësaj radhe do të shquhej në artin ushtarak, ku do të dëshmonte cilësi të rralla.
Ai u dallua që në fillim si luftëtar e strateg i zoti.
Me sulmet e tij të rrufeshme si Komandant i Njësitit “Korba”, si “Shqiponja” apo atë të kombinuar “Feniksi” i shkaktoi armikut humbje të jashtëzakonshme, aty ku ai nuk e priste.

Gjithmonë ishte i pari në mejdanet e lirisë.

Ai ishte ideatori i devizës luftarake;

“Unë para, ju mbrapa”.
Këto ishin arsyet se përse “Katana” u zgjodh Shef i Shtabit në Koshare.
Operacionit “Tokë e djegur” të Serbisë, Komandant “Katana” ju përgjigj sëbashku me Komandant “Veteranin”, Sali Çekaj me “Operacionin Shigjeta”, që filloj me dt 9-të prill të vitit 1999- të, ku shqipet e bjeshkëve ngadhënjyen duke shpartalluar armikun.
Kjo fitore ishte shumë e rëndësishme sepse shembi kufirin, rriti moralin, optimizmin, besimin e ushtarëve të UÇK-së së Lavdishme dhe zgjoj shpresën se liria është e afërt, e ajo është e sigurtë.
Por ende pa i shijuar frytet e fitores, me dt 11- prill, 21 vite më parë ra Zgalemi i lirisë për t’u kthyer në vendlindje bashkë me lirinë i mbështjellur në Flamurin Kuqezi, për t’u përjetësuar në Panteonin e Kombit.
Ra Luani i Karadakut Agim Ramadani, Komandant “Katana”.

Amaneti i tij se:

” Vetëm një ushtar po të mbetet ka për detyrë të formojë ushtrinë e ta vazhdojë luftën për çlirimin e Atdheut” e mposhti dhimbjen e bashkëluftëtarëve për humbjen e Komandant “Katanës”.
Në kujtimet e tij Maraj thekson se bashkëluftëtari i “Katanës” Sali Çekaj, Komandant “Veterani” ju drejtua dragojëve të lirisë:
“Betohemi s’e aty ku është derdhur gjaku i Agim Ramadanit dhe luftëtarëve t’jerë s’ka për të shkelur kurrë këmb’ e armikut”

“Betohemi” j’a k’thyen solemnisht luftëtarët.

“Betohemi” jehuan bjeshkët sí për të vulosur betimin.

Lufta për ta çuar në vend amanetin vazhdoj.

Vijon.

Shkëputur nga libri im i 7- të, “Gjergj Kastrioti – Moisiu Ynë”.

Azgan Haklaj “Mjeshtër i Madh”.

Ish deputet i Kuvendit të Shqipërisë.

President i Unionit Artistik të Kombit Shqiptar.

“Kalorës i Urdhrit të Skënderbeut”.

BARI- Në mediat italiane janë publikuar disa foto nga porti i Barit, ku shihen disa makina funeralësh me shqiptarë që kanë humbur jetë në Itali për shkak të koronavirusit.

Në fotot e publikuara shihet se makinat janë me targa shqiptare, ndërsa nga ajo që shkruan “Antenna Sud” pamjet janë realizuar para dy ditëve në portin e Barit nga fotografi Francesco Saccente.

“Coronavirus, udhëtimi i fundit drejt shtëpisë

LIVE nga porti i Barit sekuencat dramatike të hipjes në arkivolëve për në Durrës.

Kthimi i trishtuar në vendin e tyre. Këtu në Itali kishin gjetur punë, kishin realizuar një ëndërr. Sonte nga porti i Barit pamjet dramatike të makinave të varrosjes së shtetasve shqiptarë viktima të pandemisë. Ata do të ngjiten në tragetin Marina drejt Durrësit për lamtumirën e fundit.

Foto: Francesco Saccente” shkruan media italine.

Ndërkohë ende nuk ka një shifër zyrtare se sa shqiptarë janë prekur nga CoVid-19 në Itali dhe sa kanë humbur jetën. Ndërkohë në shtetin fqinj vijon që numri i viktimave të jetë tepër i lartë me mbi 500 në ditë.

Një paciente 72-vjeçare nga Tirana, me inicialet V.S., ka ndërruar jetë dje pasdite në spitalin infektiv në QSUT, e konfirmuar me COVID19.

E moshuara ishte në gjendje të rëndë shëndetësore në terapi intensive prej disa ditësh, ndërsa gjendja e saj është rënduar së tepërmi gjatë ditës së sotme, kur edhe është intubuar, por pavarësisht trajtimit mjekësor dhe përpjekjeve të mëdha të mjekëve, nuk ka arritur të mbijetojë.

72-vjeçarja vuante nga disa sëmundje bashkëshoqëruse: insuficenca renale kronike, hipertensioni dhe hipotiroidizëm.

E moshuara është viktima e 23 me COVID19 në Shqipëri.

Ministria e Shëndetësisë dhe Mbrojtjes Sociale u shpreh ngushëllimet familjeve të të ndjerëve dhe apelon qytetarët t’i respektojnë me shumë rigorozitet masat e distancimit social dhe izolimit, pasi janë përcaktuese për frenimin e përhapjes së COVID-19.

Tiranë

Prof. Dr. Kim M. DRASA, MD, PhD.
* Urolog & Sexolog
* President I Shoqates Urologeve & Sexologeve Shqiptare
“MAKSUT DRASA”.
*Ne Urologjine Europiane ka titullin:”Emer I Spikatur ne Fushen e Botimeve Urologjike Europiane.”
(Prof. Francesco Montorsi, Editor-in-Chief, European Urology).
*Antar i vecante i fondacionit: “POST FINASTERIDE SYNDROME FOUNDATION “; Media Awareness Page (PFS-Foundation, New Jersey, USA).
*Antar i vecante Seksologjise Boterore. Website: “ISSM Find a Provider Directory”.
*Titull si “EAU SENIOR Membership.”
*Antar i Shoqates Amerikane te Urologjise (AUA).
*Antar i Shoqates Europiane & Boterore te Sexologjise“ESSM–ISSM”.
*Fitoi Çmimin e Vendit te 1re me Studimin me Titull:”PSA VDIQ, JETE te gjate PSA”(PSA is DEAD, Long Live PSA), (Awarded to Kim M. DRASA, MD, PhD), ne Simpoziumin e 4te Internacional per Kancerin e Prostates & Onkollogjin Urologjike. (Mount Sinai Hospital; 8Nendor2019, Manhatam, New York, USA.)

Mos u gënjeni nga se çfarë thotë interneti

Nga Prof. Dr. Kim M. DRASA

Këtë artikull po e nis me këtë thënie: E keqja në botë vjen pothuajse gjithmonë nga padija, teksa vullneti i mirë, nëse nuk është qartëpamës, mund të bëjë dëme po aq sa ligësia. Njerëzit janë më tepër të mirë se të ligj, por në të vërtetë çështja nuk qëndron aty.

Njerëzit janë më pak apo më shumë të paditur dhe kjo është ajo që quhet VIRTYT ose VES (vesi del vetëm me shpirtin), ndërsa vesi më dëshpërues është ai i padijes, që pandeh se i di të gjitha dhe atëherë i jep vetvetes të drejtën për të vrarë. Shpirti i vrasësit është i verbër dhe as mirësi të vërtetë dhe as dashuri të bukur nuk mund të ketë nëse mungon e gjithë qartëpamësia e mundshme.

• Dezinformime rreth COVID-19, që aktualisht po përhapen online, duke përfshirë shumë fake kura ose trajtime për sëmundjen.
• Të paktën 7 kompani janë paralajmëruar nga Agjencia Amerikane e Ushqimeve dhe Ilaçeve (FDA) për produktet e tyre false se gjoja trajtojnë COVID-19.
• Produktet e cituara në këto shkresa paralajmëruese përfshijnë: çajrat, vajrat thelbësore, tinkturat dhe argjendin koloidal.

Sikundër ankthi për koronavirusin është përhapur me shpejtësi të jashtëzakonshme dhe vazhdon të rritet, po ashtu edhe lajmet (Fake news) për gjoja kurimin dhe trajtimin e Covid-19, sëmundjeve të shkaktuara nga virusi, po përhapen potencialisht me “shpejtësinë” e dritës. Po përhapen me shpejtësi potenciale.

Kjo është arsyeja që nxiti FDA dhe Komisionin Federal të Tregtisë (FTC), USA, për t’i dërguar shkresa paralajmëruese 7 trusteve (kompanive gjigante), të cilat ishin duke shitur aktualisht “produkte false për COVID-19”, të cilat pretendojnë se parandalojnë ose trajtojnë sëmundjen.

FDA deklaron se “aktualisht nuk ka vaksina dhe ilaçe të aprovuara për të parandaluar ose trajtuar COVID-19”.

MBULIMI I VIJËS SË SHËNDETIT TË KORONAVIRUSIT, HEALTHLINE’S CORONAVIRUS COVERAGE

Njerëzimi qëndron i informuar me updatet tona rreth shpërthimit aktuale të COVID-19. Gjithashtu, vizitoni portalin: “coronavirus hub” për më tepër informacion sesi të përgatitemi, këshillat mbi parandalimin dhe trajtimin si dhe rekomandimet e ekspertëve të vërtetë. (live updates coronavirus hub).

FDA aprovoi kërkesën drejtuar kompanive ku u kërkonte që të tregojnë se produktet e tyre – jo vetëm veprojnë ashtu siç thonë, por gjithashtu janë të detyruara, ligjërisht, të theksojnë që produktet e tyre, të cilat i tregtojnë, janë shëruese. Kjo shkresë përfshin urdhrin që pretendimet e tyre për cilësinë dhe efektet shëruese të produkteve të tyre të jenë të mirëdizenjuara me studime shkencore të besueshme.

Shumica e këtyre kompanive, të cilat u lajmëruan nga FDA, kanë kaluar përmes këtyre procedurave.

Kompanitë, të cilave iu dërgua kjo shkresë janë: Colloidal Vitality LLC, Guru Nanda LLC, Herbal Amy Inc., Quinessence Aromatherapy Ltd, The Jim Bakker Show, Vivify Holistic Clinic dhe Xephyr LLC dba N-Ergetics.

Komisionieri i FDA, Dr. Stephen M. HahnTrusted Source, ka thënë në një lajmërim që agjencitë “konsiderojnë se promovimi dhe shitja e këtyre produkteve COVID-19 false janë si një kërcënim për shëndetin publik”.

FDA do të vazhdojë të monitoroje online burimet për produkte të tjera false, “veçanërisht gjatë një tipari sinjifikant që ka të bëjë me shëndetin publik sikundër është‘Coronavirusi’”.

Shkresat paralajmëruese janë tamam hapi i parë. Agjencia (FDA) thekson se do të marrë hapa shtesë kundër çdolloj kompanie farmaceutike ose jofarmaceutike nëse ato do vazhdojnë të tregtojnë produktet e tyre të pacertifikuara nga FDA.

FTC është gjithashtu duke paralajmëruar konsumatorët nëpërmjet email-eve apo numrave të telefonit në lidhje me COVID-19.

Kjo përfshin edhe email-et që ju vijnë nga: Centers for Disease Control and Prevention (CDC), World Health Organization (WHO) ose nga agjenci të tjera qeveritare.

FAKE PRETENDIME SHËNDETËSORE PËR COVID-19

Fake pretendime shëndetësore që përhapen në internet nuk janë ndonjë gjë e re. Këto mashtrime kanë ekzistuar qëkur ka filluar interneti dhe paturpësisht vazhdojnë edhe në këtë situatë tragjike për njerëzimin.

Timothy Caulfield, një profesor i së drejtës shëndetësore dhe politikës shkencore në Universitetin e Alberta në Edmonton, ka dokumentuar dhe diskretituar këto gënjeshtra që prej shumë vitesh më parë. Aktualisht, profesori është duke trajtuar të gjitha dezinformimet rreth “kurave” për COVID-19, duke shkruar në “Twitter”: “ JO, zbardhues ose urinë lope nuk do të mund t’ju ndihmonin. JO, rregullimi kiropraktit nuk do të mund të ‘rrisë’ sistemin tuaj imunitar. JO, ju nuk keni nevoje për suplemente prej një natyrupathie. Dhe JO të fortë gjoja për të rregulluar funksionin hemopoetik!”

Catherine Troisi, PhD, një epidemiologe në shkollën e shëndetit publik në Austin, thotë qe fake pretendime shëndetësore mund të jene të rrezikshme në shumë situata—si kur person me kancer nuk mund të marrë mjekimin sepse ata janë duke përdorur një variant tjetër, të cilin e kanë lexuar në rrjetet, mediat sociale.

“Por diferenca me COVID-19 është që ka një pjesë të madhe e njerëzve të shqetësuar dhe që u ka humbur shpresa se mund të shërohen, të ndodhur atje jashtë, të cilët mund të jenë të ndjeshëm ndaj këtyre tipeve të fake reklamave dhe për këtë arsye të gabuar, i blejnë dhe i përdorin”, theksoi kjo epidemiologe.

Disa pretendime, si ajo që mos hani akullore, janë pothuaj të habitshme se nuk kanë asnjë bazë reale.

Të tjera, siç është ha sa më shume hudhra, nuk janë vetë të dëmshme, nëse ky mendim nuk ju mban larg këshillave mjekësore, që aktualisht kanë evidencime shkencore që i mbështesin ata që ju këshillojnë shkencërisht. Konkretisht është gabim mendimi se vetëm duke ngrënë hudhra me shumicë, ju nuk keni nevojë për gjëra të tjera, të cilat shkencërisht janë të domosdoshme për t’u mbrojtur nga ky virus.

Por disa produkte mund të jenë të dëmshme, siç janë ato që gabimisht quhen “suplemente minerale të mrekullueshme” ose MMS. Këto përmbajnë chlorine dioxide, i cili është një agjent zbardhues shumë i fuqishëm, i cili mund të shkaktojë efekte anësore serioze siç janë të vjellat dhe diarre të ashpra.

Edhe disa kurime të bëra në shtëpi për të mjekuar COVID-19 mund të jenë, bile edhe vdekjeprurëse.

“The Daily Mail” ka raportuar se të paktën 44 njerëz vdiqën në Iran prej helmimit nga alkooli mbasi kishin pirë me shishe, jo me gota, se kishin menduar se po të pinin alkool me shumicë do të ngadalësonin përhapjen, bile mund të ngordhnin viruset nëse ishin futur në trupin e tyre.

Mënyra më e mirë për të ngadalësuar transmetimin është duke ndjekur hap pas hapi të gjitha këshillat shëndetësore, të cilat ju merrni nga burime të sigurta, siç janë larja shpesh e duarve, evitoni kontakte shumë të afërta me njerëz, të cilët janë të sëmurë, patjetër edhe me ata që mund të përballeni pa dashje, ballë përballë në rrugë ose në supermarket si dhe qëndrimi në shtëpi nëse ju jeni të sëmurë. Dhe pastroni dhe dezinfektoni shpesh pjesët e prekura, tamam ashtu siç duhet.

Disa njerëz në mediat sociale janë duke rekomanduar që ju duhet të përdorni produkte siç është vaji esencial, por këto nuk mund të jenë efektive kundër koronavirusit.

CDC ofron këshilla se cilat janë burimet e besueshme për të hequr qafe koronavirusin me pastrim, duke përfshirë produkte, të cilat janë provuar dhe kështu dihet që janë efektive duke pastruar për të hequr qafe këtë lloj koronavirusi.

PANDEMIA E DEZINFORMACIONEVE

Dr. Scott C. Ratzan, lektor i njohur në CUNY Graduate School të Shëndetit Publik dhe Politikave Shëndetësore, thotë se ne duhet të njohim rolin e qeverisë në mbrojtjen e popullit prej mashtrimeve shëndetësore, nëse ato janë fake trajtime për sëmundjen e Alzheimer ose “kurimet” për këtë koronavirusin e ri.

“U.S. FDA dhe FTC bëjnë një punë të mirë në paralajmërimin e popullit rreth produkteve mashtruese”, thote Ratzan, “akoma ne duhet të jemi të përgatitur ndaj mediave që duhen vënë në majë të gishtit, gjërat që ato reklamojnë para se ato të na dëmtojnë”.

Ai rekomandon që njerëzit të flasin me doktorin e tyre ose me sigurues të tjerë të kujdesit shëndetësor para se të përdorin ndonjë “kurë” për një sëmundje ose keqësim dhe t’i kërkojnë vetes tuaj nëse shërbimi ose produkti mund të bëjë ndonjë dëmtim. Troisi gjithashtu duartroket për përpjekjet e qeverive për të zhdukur pretendimet mashtruese për shërimin e COVID-19 dhe thotë që pronarët e kompanive teknologjikë duhet të bëjnë më shumë për të parandaluar shpërndarjen e dezinformimeve.

Ka të dhëna që këto kompani janë duke shkuar drejt sfidës. Për shembull, po të kërkosh në Google “COVID-19”, tani të shfaqen publikime nga rrjeti kryesor, ndjekur nga linku CDC; WHO ose agjenci të tjera të shëndetit më tepër të njohura.

Por Ratzan lajmëron: “Bile, nëse Amazon, Facebook, Google dhe të tjera janë duke provuar të jenë vigjilente, tregu dhe mundësitë për të ndaluar frikën janë një sfidë.

Troisi rekomandon se populli duhet të kërkojë burime të sigurta mbi informacionin, siç është CDCTrusted Source, WHOTrusted Source ose departamentet shtetërore ose shëndetësore.

“Për të luftuar këtë koronavirus pandemik, neve na duhet shkenca dhe jo frika”, tha ajo. “Për të marrë këtë shkencë këto [websites] bëjnë mirë të ikin, të na lënë rehat e të mos na fusin frikën”.

Troisi shton që më tepër gjithashtu nevojitet për tuberë më të sigurt që këto informacione të besueshme rreth COVID-19 të arrijnë te çdo njeri, duke përfshirë edhe njerëzit që nuk janë të arritshëm nga online.

“Ne thjesht supozojmë se të gjithë janë tru teknik, por që kjo nuk është e vërtetë”, theksoi ajo. “Dhe disa njerëz nuk kanë akses në internet sepse janë të varfër”.

BURIMET E LINJES SHENDETËSORE

A keni ju simptoma të COVID-19? Opsioni juaj për kujdesin

Merrni në telefon personin e kujdesit tuaj shëndetësor dhe diskutoni me atë për simptomat që keni, para se të shkoni për t’u vizituar te qendra shëndetësore ose merrni në celular një nr. urgjence, 127, dhe tregojini që ju mendoni se keni COVID-19. Veproni tamam siç do t’ju këshillojnë.

Fakti që personat asimptomatikë janë një burim potencial infektimi nga COVID-19, duhet patjetër të garantojmë rivlerësimin e dinamikës së transmetimit të shpërthimit aktual. Në këtë kontekst, përcaktimi i COVID-19 edhe në një ngarkesë më të lartë virale në një person në konvaleshencë (Pacienti 1), pra, mbasi ai është shëruar dhe po rigjeneron vetveten, ngjall shqetësimin për derdhjen (nxjerrjen) e zgjatur të COVID-19 edhe pas shërimit te pacientët. Në këta pacientë mbetet të provohet me anë të kulturës virale se a ka akoma virusin në trupin e vet.

Duhet të dini mirë se ekspirimet, teshtitjet dhe kollitjet jo vetëm që përbëhen nga pika mukosalivare (pjesë nga pështyma), të cilat ndjekin trajektoren e emetimeve gjysmëbalistike të distancës me rreze të shkurtër, por më e rëndësishmja, janë bërë kryesisht nga një re e gazit shumëfazor (nga fuqia e ventilatorëve) që ngërthen në ajër ambientin (si në kurthe) dhe mbartin me vete grupe pikash (spërklash) me një vazhdim qëndrimi në ajër dhe kjo kohë varet nga madhësia e këtyre pikave. Sipas meje, kjo është arsyeja më e shpjegueshme që po infektohen kaq shumë mjekë të frontit të parë (ballë përballë me COVID-19). Konkretisht, janë ventilatorët në dhomat e pacientëve. Gjithashtu, kjo shpjegon edhe infektimin e infermierëve dhe të personelit shëndetësor që është në dhomën e pritjes, të rasteve të infektuara. Pra, kjo bën që personat, kur hipin në ashensor, mos ta hapin asnjëherë ventilatorin se para tyre mund të jetë futur ndonjë person i infektuar me COVID-in.

Në Wuhan u pa që koncentrimi më i madh i sasisë së koronavirusit u gjet të ishte tek objektet e tualetit si dhe te dhomat e urgjencës ku qëndronin personat me Covid-19.

Mikrobiota (flora intestinale) në zorrët tona ka shumë rendësi për forcimin e Sistemit tonë imunitar. Pra, sa më natyral ta keni, aq më të mbrojtur jeni nga viruset.

Italianët (Alessandro Manzoni Hospital; Lecce- Itali) kanë zbuluar që COVID-19 mund të eksperimentojë edhe manifestime në lëkurë. Konkretisht, rreth 44% e këtyre rasteve që shfaqin manifestime në lëkurë fillojnë me shpërthime të puçrrave ose njolla, skuqje të lëkurës, urtikarie (teptisje-eruption) në lëkurë si fillim i simptomave të infektimit, ndërsa pjesa tjetër (56%) e pacientëve që preken nga COVID-19, u ndodh të shfaqin manifestime në lëkurë pas shtrimit ne spital.

Vazhdon të vërtetohet se edhe kafshët e tjera mund të kenë COVID-19 se të dielën u konstatua i prekur një tigër, 4 vjeç, në kopshtin zoologjik të Nju Jorkut.

Mesazhi: “Së pari mos bëni dëm. Pra, pse po dëmton veten!!!! sepse dëmton edhe të tjerët”.

KUJDES – RREZIK VDEKJE NGA COVID-19!!!!!!!

Po zbatuat këto porosi, KURRE nuk ju kap COVID-19:

1) Mos dilni pa maska dhe pa doreza dhe kur ktheheni në shtëpi, asnjëherë mos harroni radhën e veprimeve: në fillim hiqni dorezat dhe pastaj maskën.

1)   Pallton o xhupin hiqeni dhe nxirreni në diell

2)   Pastaj lani duart

3)   Lani ambientin ku do të gatuani

4)   Para përdorimit lani çdo gjë që do ushqeheni

5)   Ushqimet që mund të zihen, mos hezitoni, por i zieni; se temperatura mbi 27 gradë celsius e ngordh koronavirusin.

6)   Burrat ta fillojnë ditën duke u përulur para grave, se pa gratë Covid-19 do t’i zhdukte të gjithë meshkujt.

7)   Mos u dorëzoni se edhe disa ditë dhe do fitojmë se Covidi do ikë nga ngrohja e kohës- mbi 30 gradë c.

8)   Dëgjoni vetëm muzikë, muzikë, muzikë. Ata që duan të lexojnë libra, të lexojnë tregime dhe jo romane se lodhet truri; libri lexohet kur je i qetë se nuk kupton asgjë nga ato që lexon;

9) Shumica nuk ka lexuar asnjëherë libra, prandaj muzika është këshillë për popullatën.

10) Lajmet i shikoni vetëm një herë dhe jo e gjithë familja, por vetëm njëri që është më i qetë nga fisi dhe ai të lajmërojë të gjithë fisin; shyqyr celularët nuk i kapka ky mostër; e keqja merret vesh menjëherë; më keq se kaq nuk ka se të ndodhë.

11) Mos harroni distancën (2 metra) se ka edhe persona asimptomakikë, qe janë shumë më të rrezikshëm për të përhapur Covid-19.

12) Mos mendoni se personit që u shërua mund t’i rrini përballë pa u mbrojtur.

13) Simptoma e parë është humbja e nuhatjes dhe pastaj e shijes. Kontrollohuni, mos prisni sa t’ju fillojë kolla dhe temperatura.

14) Covidi-19 futet edhe nga syri nëpërmjet kanalit të lotit kalon në hundë, pastaj në faring dhe futet në bronke (mushkri) dhe për të evituar këtë mbani syze që dhe po harruat dhe çoni gishtat te sytë nuk ju lejojnë syzet të prekni sytë.

15) Personat që mbajnë lente në sy; këto kohë mos t’i përdorin se rrezikohen, por të mbajnë syze optike

16) Covid-19 po përhapet edhe me nxjerrjen e frymës (expirim) dhe të folurit normalisht.

17) Shkencëtarët vërtetuan se ky përhapet edhe me rrugën- aerosole (me ajër); pra, jo vetëm me spërkla, pra:

18) Sars-cov-2 ‘fluturon’, qëndron në ajër (airborn).

19) Në ashensor mos përdorni ventilatorin.

20) Grada e infektimit varet nga sasia e virusit që merr; pra, sa më shumë virus, aq më keq do jesh.

21) Pacientët e infektuar me Covid-19, si manifestim i parë mund të jenë edhe manifestimet në lëkurë, si skuqje; puçrra; urtikarie (edhe pa kruarje).

22) Po zbatuat këshillat e mësipërme, do jeni pothuaj të paprekur nga covid-19 dhe do të dilni pa depresion, nga kjo “luftë”.
Prof. dr. Kim M. Drasa, (MD, PHD), Urolog & seksolog, president i AUSA “Maksut Drasa

Mjeku infektolog Tritan Kalo i drejtohet sot publikut shqiptar përmes rrjetit social pas një dite plot sakrifica në frontin e luftës kundër Covid 19:

NUK është sakrificë të qëndrosh në shtëpi, përkundrazi është një faktor i domozdoshëm i triumfit të jetës ndaj vdekjes….

“JAVË të MBARË e të BARDHË ju Bashkëkombasit e mi….6.04.2020….

DUKE u KTHYER në shtëpi pas një ditë pune në VIJËN e PARË të Luftës kundër Sars-Cov2/Covid-19….

Jemi në luftë me një armik të padukshëm, tinzar dhe shumë vrastar në Spitalin Covid-1,

në Shërbimin e Sëmundjeve Infektive në QSUT,

NJË EKIP MJAFT I HARMONIZUAR: Mantelbardhësh, Imazheristësh, Farmacistësh, Infermjerësh, Sanitaresh, Barelistësh, Shoferësh, Forcash të Rendit, etj…..

NUK i kemi shkëputur lidhjet për asnjë çast edhe me kolegët tanë të nderuar të Sëmundjeve të Brëndëshme dhe të Shërbimit të Imazherisë në Urgjencën Polivalente, sepse edhe ata përballen dita-ditës me diferencimin e rasteve të prekura prej këtij infeksioni…..

BASHKËPUNIMI është thelbësor në përballje të tilla shumëdimensionale….

Për çdo sekondë Shërbimi i DDD-së në QSUT na gjindet aty,

duke u kujdesur për mirëdezinfektimin e mjediseve tona….

ME DURIM dhe me më shumë VETNDËRGJEGJËSIM të gjithë NE do t’ia dalim mbanë…..

NUK është sakrificë të qëndrosh në shtëpi, përkundrazi është një faktor i domozdoshëm i triumfit të jetës ndaj vdekjes….

DITË më të MIRA do të vinë NËSE do të dimë të mirë-përballemi me këtë ARMIK = Covid-19…..JU DUAM SHUMË!!!

Ka shkuar në 333 numri i të prekurve me koronavirus në SHQIPERI, me 29 raste te reja. Nderkohe qe mengjesin e sotem ka nderruar jete edhe nje tjeter pacient, duke e cuar keshtu numrin e viktimave ne 18.

Shifrat e reja janë bërë publike nga Ministria e Shëndetësisë, në raportin e sotëm për testimet e reja që janë bërë në 24 orët e fundit.

Harta e perhapjes eshte zgjeruar sot me Tiranen, por edhe shume me Shkodren e cila ka shenuar raste te reja.

Një ditë më parë në vend u raportua se në total kishim të konfirmuar 304 raste.

E PLOTE

Ministria e Shëndetësisë: 29 raste të reja me COVID19, shkon në 333 numri i të prekurve

Ndërron jetë një 67-vjeçar në spitalin Infektiv. Deri tani 99 të shëruar
Dr. Marjeta Dervishi
Instituti i Shëndetit Publik

Në vijim të komunikimit të përditshëm, Ju bëjmë me dije se vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive.

Në 24 orët e fundit janë testuar 216 persona të dyshuar, prej të cilëve janë konfirmuar 29 raste të reja me COVID-19.

Deri në këto momente janë testuar 2247 raste të dyshuara dhe prej tyre janë të konfirmuar pozitivë me COVID-19, 333 raste. Mosha mesatare e rasteve pozitive me COVID-19 është 50 vjeç.

Ju informojmë se mëngjesin e sotëm ka ndërruar jetë në spitalin Infektiv një pacient 67 vjecar nga Tirana, i konfirmuar me COVID-19. Pacienti ishte i shtruar prej 13 ditësh në spitalin infektiv, prej 6 ditësh ishte i intubuar dhe në hemodializë që e kryente brenda spitalit Infektiv. Pavarësisht përpjekjeve të stafit mjekësor, 67 vjecari ka ndërruar jetë. Ministria e Shëndetësisë dhe Mbrojtjes Sociale i shpreh ngushëllimet familjes të të ndjerit.
Deri tani 18 persona kanë ndërruar jetë nga COVID-19 në Shqipëri.

Lajmi i mirë është që gjatë 24 orëve të fundit kemi 10 pacientë të shëruar duke e çuar numrin e të shëruarve nga COVID-19 në 99.

Ju informojmë se, në shërbimin infektiv aktualisht janë 66 të shtruar. 6 prej tyre janë në terapi intensive ndërsa një është i intubuar. Pjesa tjetër e të shtruarve në pavion janë në gjendje të stabilizuar deri në këto momente.
Ndërsa në spitalin COVID 2 “Shefqet Ndroqi”, janë 5 pacientë të shtruar, 2 prej të cilëve janë të intubuar.

Në dy spitalet COVID aktualisht po marrin shërbim 71 pacientë.

Harta e të prekurve nga COVID-19 zgjerohet në Tiranë, Durrës, Elbasan Has, Lushnje, Kavajë, Lezhë, dhe Shkodër.
Shpërndarja gjeografike e rasteve pozitive, është si vijon:

– Tiranë 157 raste
– Durrës 33 raste
– Lushnje 5 raste
– Elbasan 9 raste
– Fier 25 raste
– Kavajë 8 raste
– Rrogozhinë 4 raste
– Korçë 16 raste
– Vlorë 5 raste
– Shkodër 31 raste
– Lezhë 14 raste
– Berat 1 rast
– Has 9 raste
– Krujë 5 raste
-Tropojë 4 raste
– Pukë 4 raste
– Mirditë 3 raste

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.
Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40.

Alban Kardashi është drejtuesi i njërit prej bizneseve të Tiranës, që e ka përshtatur prodhimin për nevojat e njerëzve në këtë periudhë të vështirë të koronavirusit.

Ai është artist dhe gjithë jetën është marrë me piktura e korniza, dhe asnjëherë nuke kishte menduar se në repartin e tij do të prodhonte maska mbrojtëse. Njerëzit duhen ndihmuar në këto kohë të rrezikshme, me gjithçka që kemi në dorë, mendoi ai.

“Kërkesa është shumë e madhe. Nuk e di se sa do të vazhdojmë, se sa do të mundemi të vazhdojmë. Kemi kërkesa nga të gjithë spitalet. Deri tani kam patur edhe ndihmën e disa miqve për të blerë materiale” – thotë ai.

Studioja e tij e disajnit dhe dekorit po i përdor të gjitha rezervat materiale dhe financiare për të prodhuar maska mjekësore. Këto maska Albani ua dhuron mjekëve në spitale dhe policëve të shtetit në shërbim.

“Sasitë e para të maskave i dhuruam te Materniteti “Mbretëresha Geraldinë”. Pjesën tjetër e dërguam të Spitali i Durrësit. Sot po prodhojmë për Spitalin e Durrësit dhe një sasi më të vogël do t’ia dërgojmë policisë së shtetit . Pastaj e ka radhën Spitali i Shkodrës dhe Spitali “Shefqet Ndroqi”, i cili është Spitali 2 Covid” – thotë ai.

Albani thotë se edhe djemtë që e ndihmojnë në prodhim dhe montim janë vullnetarë, miq të tij që erdhën ta ndihmojnë sapo mësuan dëshirën e mirë për dhurimin e këtyre maskave. Madje ai thotë se në repartin vjen të ndihmojë deri në orët e vona të natës edhe një mjek i urgjencave.

Tashmë nisma e tij është bërë e njohur në kryeqytet. Herë pas here telefoni i tij bie për të kërkuar maska, dhe herë pas here në derën e firmës vijnë edhe qytetarë të thjeshtë që kërkojnë pako me maska, të cilat edhe ata i dhurojnë diku tjetër ku kanë nevojë për to.

“Mësova se Albani ka nisur të prodhojë maska për mjekët dhe erdha të marr disa copë. Nga një anë ky është një kontribut modest imi për Albanin, dhe nga ana tjetër dua t’ua dhuroj këto maska disa miqve të mi doktorë, që t’i ndihmoj sadopak në punë e tyre të vështirë” – thotë qytetari Artan Keçi, i cili këmbënguli gjatë t’i blinte maskat, si shpërblim minimal për sakrificat e djemve në repartin prodhues.

Mjekët që kanë përdorur maskat e para të Albanit i kanë bërë edhe sugjerime për ta përmirësuar këtë produkt artizanal, prodhim dore, të cilin firma po e prodhon vetëm për këto kohë të vështira.

Ata i mësuan si të shkurtojë pak gjatësinë e maskës, si të fiksohet rrethi mbi krye dhe si të gdhendet fortesa plastike mbi ballë, në mënyrë që e gjithë maska të bëhet sa më e volitshme për mjekët dhe të mos i pengojë gjatë punës. Të gjithë bashkë po e përsosin dita ditës këtë prodhim të ri shqiptar.

Porositë dhe nevojat janë të shumta, por Albani vazhdon prodhimin dhe shpërndarjen falas të këtyre maskave, ndonëse kostot janë të konsiderueshme për një biznes të vogël si ky në kryeqytet.

Nisma e tij nuk është e vetmja. Në Tiranë dhe qytete të tjera janë disa biznese të vogla që janë përshtatur për të prodhuar maska për fytyrën, doreza dhe maska për gojën.

Numri I të prekurve nga COVID sa vjen e rritet dhe nevoja për to është përherë e më e madhe.

Tiranë

Në total janë konfirmuar 277 të prekur (18 raste të reja brenda 24 orëve), 8 prej të cilëve janë fëmijë. Në komunikimin e përditshëm për mediat, ministria e Shëndetësisë, ka dhënë detaje lidhur me rastin e 78-vjeçarin.

Përfaqësuesja e Institutit të Shëndetit Publik, Rovena Daja sqaron se 78-vjeçari ishte në gjendje të rëndë, i intubuar prej 3 ditësh dhe pavarësisht përpjekjeve të stafit mjekësor fatkeqësisht nuk arriti të mbijetojë.

Mes 96 testeve të kryera gjatë 24 orëve të fundit, 9 kanë qenë për mjekët, të cilët kanë rezultuar fatmirësisht të gjithë negativë.

Në spitali Infektiv janë shtruar 4 pacientë të rinj, duke e çuar në total në 81. 8 prej tyre janë në terapi intensive ndërsa 4 nga këta janë të intubuar.

Pjesa tjetër e të shtruarve në pavion, bën me dije ministria, janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” është 1 pacient të shtruar, bëhet fjalë për të renë e cila iu ndënshtrua një ndërhyrje kirurgjikale për heqjen e apandesitit.

Harta e të prekurve nga COVID-19 zgjerohet në Tiranë, Durrës, Kavajë, Lezhë, Has, Elbasan, Shkodër dhe Pukë.

Shpërndarja gjeografike e rasteve pozitive, është si vijon:
– Tiranë 143 raste
– Durrës 30 raste
– Lushnje 4 raste
– Elbasan 8 raste
– Fier 23 raste
– Kavajë 6 raste
– Rrogozhinë 2 raste
– Korçë 16 raste
– Vlorë 5 raste
– Shkodër 10 raste
– Lezhë 6 raste
– Berat 1 rast
– Has 8 raste
– Krujë 5 raste
-Tropojë 4 raste
– Pukë 4 raste
– Mirditë 2 raste

Ministria e Shëndetësisë dhe Mbrojtjes Sociale i bën thirrje qytetarëve të vijojnë të respektojnë masat e distancimit social.

“Ministria e Shëndetësisë apelon qytetarët të telefonojnë në numrin 0800 40 40 për përfitimin e barnave me rimbursim dhe cdo pyetje për COVID-19 ndërsa në numrin e urgjencës kombëtare 127 duhet të telefonojnë nëse dyshojnë se kanë shenja të COVID-19”, njofton Ministria e Shëndetësisë.

Ish- deputeti i PD , Oerd Bylykbashi ka thënë se pas deklaratës së Ramës se ai është arrestuar vite më parë në Bolonja të Italisë, këtë fakt nuk e ka pasqyruar në formularin e dekriminalizimit.

Sipas Bylykbashit Rama me këtë veprim duhet të humasë funksionet publike si deputet dhe kryeministër pasi ky ligj nuk pezullohet me akt normativ as në kohë lufte apo pandemie.

Bylykbashi kujton se dy deputetë janë larguar nga parlamenti vetëm se nuk kanë deklaruar arrestimin.

Kryeministri shqiptar Edi Rama deklaroi për një televizion italian se ka qenë arrestuar në Bolonja pasi pa se një polic po tentonte të abuzonte me një grua dhe Rama kishte ndërhyrë por më pas përfundoi nën arrest.

STATUSI I OERD BYLYKBASHIT

Ne mes te hallit qe ka zene te gjithe, kur njerezit jane mbyllur ne shtepi dhe shpesh nuk kane mundesi te sigurojne buken e femijeve, apo biznesi u eshte mbyllur, Rama deklaroi ne median italiane se vite me pare eshte arrestuar ne Bolonja sepse kishte kundershtuar nje punonjes policie.

‎Ka nje problem te madh me kete deklarim: eshte arrestuar nga policia. Kryeministri NUK e ka deklaruar kete arrestim ne formularin e Dekriminalizimit! Ne rast mosdeklarimi ligji dikton se ai humbet te gjitha funksionet publike. Edhe si deputet edhe si kryeminister! Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie.

Sa per t’ia kulluar mendimet Kryeministrit, dy deputete jane larguar nga parlamenti per kaq gje. Thjesht sepse nuk deklaruan arrestin.

Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia./Express

Gjatë 24 orëve të fundit në Shqipëri janë regjistruar 16 raste të reja më koronavirus.

Ministria e Shëndetësisë njoftoi sot se numri total i të prekurve, që nga nisja e epidemisë, është 259 persona të prekur.

Në krahasim me ditët e tjera, dje dhe sot është shënuar një rritje e numrit të të prekurve.

Rritja e shifrave të të prekurve do të thotë se Shqipëria ka hyrë në muajin e rritjes së kurbës së të prekurve.

Në total janë kryer 1823 testime.

Një e dhënë pozitive është që numri i personave të shëruar është rritur, por shqetësuese është që 7 pacientë janë në trajtim intensiv.

Silva Bino, drejtoreshë e Institutit të Shëndetit Publik deklaroi se “deri në këto momente janë testuar 1823 raste të dyshuara dhe prej tyre janë të konfirmuar pozitivë me COVID-19, 259 raste. Mosha mesatare e rasteve pozitve me COVID-19 është 50 vjeç”.

Numri i personave që kanë ndërruar jetë nga COVID-19 në Shqipëri është 15.

“Në shërbimin infektiv aktualisht janë 79 të shtruar. 7 prej tyre janë në terapi intensive ndërsa 4 nga këta janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” kemi 1 pacient të shtruar.  Lajmi i mirë është që gjatë 24 orëve të fundit kemi 15 pacientë të shëruar duke e çuar numrin e të shëruarve nga COVID-19 në 67”, tha Silvia Bino.

Harta e të prekurve nga COVID-19 zgjerohet në Tiranë, Durrës, Kavajë dhe Korçë, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.

Shpërndarja gjeografike e rasteve pozitive, është si vijon:

– Tiranë                        140 raste

– Durrës                       29 raste

– Lushnje                     4 raste

– Elbasan                      5 raste

– Fier                            23 raste

– Kavajë                       5 raste

– Rrogozhinë               2 raste

– Korçë                         16 raste

– Vlorë                         5 raste

– Shkodër                     8 raste

– Lezhë                        5 raste

– Berat                         1 rast

– Has                            2 raste

– Krujë                         5 raste

–Tropojë                      4 raste

– Pukë                          3 raste

– Mirditë                       2 raste

Rreth 672 300 njerëz fituan shtetësinë e BE-së në një prej 27 vendeve anëtare në vitin 2018, bëri të ditur Eurostat, transmeton Anadolu Agency (AA).

Megjithatë, pat një ulje krahasuar me një vit më parë, kur kjo shifër ishte 700.600.

Shumica e aplikimeve janë bërë nga qytetarë të vendeve jashtë BE-së ose pa shtetësi, ndërsa 13 për qind ishin ish-qytetarë të një anëtari tjetër nga blloku.

Grupi më i madh që fitoi nënshtetësi të një shteti anëtar të BE-së, ku ata jetuan në vitin 2018 ishin shtetasit e Marokut (67.200 njerëz, nga të cilët 84 për qind fituan shtetësinë e Spanjës, Italisë, apo Francës).

Të pasuar nga Shqipëria (47.400, 97 për qind fituan shtetësinë e Greqisë ose Italisë), dhe Turqia (28.400, 59 për qind fituan shtetësinë gjermane).

Të dhënat e Eurostat treguan se rumunët (21.500 njerëz), polakët (13.900) dhe italianët (8.100) ishin tre grupet më të mëdha të qytetarëve të BE-së që fituan shtetësinë e një anëtari tjetër të bllokut.

Luksemburgu dhe Spanja shënuan rritjen më të lartë të dhënies së shtetësisë, përkatësisht 40 për qind dhe 37 për qind.

Shpenzimet për reklama janë të parat që ulen në kohë të vështira. Burime nga agjencitë publicitare pohojnë se pjesa më e madhe e kompanive i kanë ndaluar të gjitha fushatat aktuale dhe kanë anuluar ato që ishin në fazë përgatitjeje.

Situata është problematike që tani, por, nëse zgjat periudha e karantinimit, do të përkeqësohet më tej në muajt në vijim.

Për momentin vetëm telekomunikacionet, bankat e bizneset farmaceutike dhe produktet ushqimore po vijojnë aktivitetin. Bankat kanë përshtatur fushatat me shërbimet bankare online. Por, operatorët e tregut pohojnë se shumë biznese të tjera po rishikojnë buxhetet. Kur nuk shesin e nuk blihet, shumë kompani kanë pezulluar dhe kontratat e reklamave në media. Mbyllja e emisioneve argëtuese në oraret më të shikuara për shkak të kufizimit të dy personave në studio ka ndikuar negativisht, teksa ato tërhiqnin reklamuesit me tarifat më të shtrenjta (deri në 2100 euro për një spot prej 30 sekondash).

“Për momentin, pasojat janë të paparashikueshme, pasi ne nuk e dimë se sa do të zgjasë izolimi”, thotë Oliver Petrovski drejtor menaxhues i agjencisë publicitare dhe të kreativitetit, “New Moment”.

“Nëse zgjat një muaj ose dy, ne mund të jemi në gjendje ta kalojmë me një krizë të vogël që do të mund të rikuperohej me shpejtësi. Por, nëse zgjat në vjeshtë, ashtu siç thonë disa… kjo do të jetë shkatërruese. Qeveria duhet të mbështesë sektorin e biznesit, në mënyrë të ngjashme me atë që po bën tashmë Danimarka, Franca, Gjermania, sepse shumë industri pothuajse kanë ndaluar së punuari tërësisht. Dhe punonjësit e tyre duhet të marrin paga çdo muaj”.

Petrovksi shton se gjithsesi, “po rishpikim strategji të reja për klientët tanë, në mënyrë që ta përballojmë dhe të dalim të fituar nga kjo situatë. Është një situatë e re, e paparë më parë, ku vëmendja do të jetë te kreativiteti dhe ne kjo gjë na pëlqen”.

Tregu i reklamave qarkullon rreth 38-40 milionë euro në vit

Sipas vlerësimeve të mëparshme të “Monitor”, prej disa vitesh, tregu i reklamave në vend vlerësohet i mbërthyer në shifrat e 37-39 milionë euro në vit. Edhe pa ardhur kjo goditje, tregu ishte në stanjacion vitet e fundit për shkak të tkurrjes së buxheteve nga kompanitë e telekomunikacionit, që janë reklamuesit më të mëdhenj në vend dhe moshyrjes së sipërmarrjeve të reja, me buxhete të mëdha publiciteti.

Rënia e reklamave, krahas medias, pritet të ndikojë negativisht dhe agjencitë e publicitetit, të cilat menaxhojnë një pjesë të konsiderueshme të buxheteve të reklamuesve./Monitor

Tiranë

Vetëm në 24 orët e kaluara, 738 persona kanë vdekur në Spanjë si pasojë e infektimit me koronavirus. Kjo është shifra më e madhe që është shënuar për periudhën njëditore në shtetin e Evropës Jugore.

Numri i përgjithshëm i viktimave ka shkuar në 3434, duke e vendosur Spanjën në vendin e dytë në botë, tashmë para Kinës, ku filloi përhapja e virusit të ri në dhjetor të vitit të kaluar.

Spanja gjithashtu e ka një prej përqindjeve më të mëdha të të infektuarve në mesin e punëtorëve shëndetësorë, që po e vështirëson edhe më tepër luftën kundër epidemisë.

Autoritetet spanjolle kanë kërkuar ndihmë urgjente nga NATO-ja, përfshirë 1.5 milion maksa, 150 mijë palë rroba mbrojtëse për mjekët dhe 450 mijë respiratorë.

Të martën, qeveria gjithashtu njoftoi se do të fillojë të përdorë teste të shpejta për zbulimin e statusin shëndetësor të popullsisë, shkruan “Anadolu”, transmeton Gazeta Express.

Spitalet e Madridit janë stërmbushur me pacientë dhe disa prej tyre po detyrohen të presin në radhë ose po qëndrojnë në korridore.

Këshilli i Ambasadorëve Shqiptarë po ndjek me vemëndje zhvillimet e ditëve të fundit në Kosovë, të cilat bëhen edhe më shqetësuese në kontekstin e pandemisë globale të Covid-19.

Pandemia globale e Covid-19 është një prej momenteve më sfiduese të historisë njerëzore. Qeveritë e vendeve më të zhvilluara të botës, me kapacitete mjekësorë dhe burime ekonomike të mëdha, janë angazhuar me tërë kapacitetet e tyre për ta mbrojtur shëndetin e popullit.

Klasa politike dhe strukturat shtetërore të vendeve me burime dhe mundësi të kufizuara, siç është Kosova, nuk duhet të harxhojnë energjitë e tyre sidomos në këto momente për beteja politike, aq më tepër kur mund të rezultojnë në bllokada institucionale apo mbetjen e vendit pa një administratë efektive.

Këshilli i Ambasadorëve Shqiptarë i bashkohet qëndrimit të përbashkët, të dt. 24.03.2020, të Ambasadave të SHBA, RFGJ, Britanisë së Madhe, Francës dhe Italisë në Prishtinë, dhe shqetësimit të tyre mbi nevojën për të respektuar integritetin dhe funksionimin e qeverisë së Kosovës, si dhe fton të gjithë klasën politike të bashkërendojnë energjitë e tyre për përballimin e kësaj krize me përparësi interesin e shëndetit të qytetarëve të Republikës së Kosovës.

Vetëm nëpërmjet bashkëpunimit të të gjitha institucioneve dhe krijimit të një klime të përshtashme për qytetarët, mund të përballohet rreziku i përhapjes së virusit dhe të gjitha pasojave që do të sjellë kjo situatë në të ardhmen.

KASH fton drejtuesit e institucioneve të Kosovës që të bashkëpunojnë ngushtësisht me njëri-tjetrin, me të gjithë aktorët politik në vend, si dhe me përfaqësuesët e shteteve mike.

Në Shqipëri qeveria shpalli mbrëmjen e të martës gjendjen e fatkeqësisë natyrore, e cila parashikon të kufizojë aksesin në mjediset publike, të ndalojë tubimet, manifestimet dhe grevat, të kufizojë në minimum aktivetet e organeve publike, të vendosë në karantinë të gjithë të dyshuairt për COVID-19, të kufizojë lëvizjet brenda dhe jashtë shtetit.

Vendimi parashikon një mori masash për të gjithë institucionet shtetërore, subjektet private qytetarët, si dhe përdorimin e fondeve për nevoja emergjente.

Qeveria miratoi mbështetje financiare mujore për njerëzit më në vështirësi prej krizës që solli karantina e Coronavirusit, të cilët janë familjet që jetojnë me ndihmë ekonomike apo të papunët e asistuar nga shteti.

“Ka shumë familje të vetëpunësuara, ku kryefamiljari deklaron pagën e tij si minimale, por bashkëshorten e deklaron të punësuar pa pagë. Çdo i regjistruar si i vetëpunësuar me pagë apo pa pagë në biznes të vogël do të marrë një pagë mujore. Këta janë 60 mijë e 440 persona dhe shuma 710 milionë lekë të reja e pagave të deklaruara nga ata që e kanë mbyllur biznesin e vogël në këtë kohë lufte, do të bëhet 1.57 miliardë lekë të reja” – tha kryeministri Rama.

Ai detajoi se shteti do t’i japë biznesit të vogël dyfishin e shumës së deklaruar si pagesa në kohë paqe, duke kompensuar gjithë të punësuarit a vetëpunësuarit në biznes të vogël, që nuk punojnë dot sot për shkak të karantinës.

Nga ana tjetër, 70 mijë familjeve me ndihmë ekonomike, që zakonisht marrin 340 milionë lekë, qeveria do t’u shpërndajë dyfishin e kësaj shum. Po ashtu, dyfishin e pagesave të papunësisë do të marrin edhe gjithë të papunët në regjistrin e ndihmës shtetërore.

“Janë 123 mijë familje më në hall se të tjerat në ketë vend që duhen ndihmuar” – tha zoti Rama, duke përsëritur thirrjet për qytetarët që të qëndrojnë mbyllur në banesa, derisa rreziku të kalojë.

Po sot, Bashkimi Europian njoftoi për një nidhmë konkrete të BE për Shqipërinë për të luftuar COVID-19. “4 milionë euro për pajisje të menjëhershme dhe mbështetje shëndetësore; 11 milionë euro për mbrojtjen sociale; deri në 35 milionë euro për rikuperim ekonomik. BE-ja gjithmonë me Shqipërinë në kohë nevoje”, – shkroi në rrjetet sociale ambasadori i BE-së në Shqipëri, Luigi Soreca.

Më herët, një tjetër pacient me COVID-19 humbi jetën në Shqipëri, megjithë terapinë intenstive 10 ditore në Spitalin Infektiv.

Pacienti 49-vjeçar nga Tirana i shtruar prej 13 ditësh në Spitalin Infektiv, vuante edhe nga diabeti. Kanë humbur jetën 5 persona të prekur nga COVID-19 në Shqipëri.

Edhe drejtuesi i Urgjencës Kombëtare, dr. Skënder Brataj, rezultoi i prekur nga COVID-19 pas analizave.

Lajmin e konfirmoi ministria e shëndetësisë. Ai është njëherësh edhe anëtar i shtabit shtetëror të emergjencës.

Në 24 orët e fundit u zbuluan edhe 19 raste të reja me COVID-19 pasi janë kryer 74 testime.

Gjithsej janë gjetur 123 persona të prekur nga 930 raste të testuara.

Në Spitalin Infektiv janë 57 pacientë të shtruar, 2 prej tyre në terapi intensive, pjesa tjetër në gjendje të qëndrueshme.

Në hartën e zonave të prekura nga COVID-19 u shtuan edhe Lezha, Hasi dhe Berati, ndërsa qytetet më të prekura janë Tirana, Fieri e Korça.

Mjeku Pëllumb Pipero ka sqaruar publikisht atë që ndodhi me 61-vjecarin e deklaruar të vdekur fillimisht nga Ministria e Shëndetësisë.

Sipas tij, 61-vjecari nga Tirana ka bërë vdekje klinike që zgjati gjatë, por mjekët nuk u dorëzuan duke e kthyer në jetë. Pavarësisht kësaj, mjeku tha se gjendja e tij shëndetësore është e rëndë.

“Kemi raste të rënda dhe kemi raste shumë të rënda sikundër janë pacientët e shtruar në repartin e terapisë intensive, midis të cilëve njëri nga rastet sot në mëngjes ka bërë vdekje klinike, vdekje që zgjati relativisht gjatë por pa e humbur shpresën e personelit shëndetësor, të mjekëve reanimator për ta rikthyer atë në jetë. Fatmirësisht u rikthye në jetë por vazhdon të jetë ende rëndë”, deklaroi Pipero.

Sipas mjekut Pipero situata në shërbimin e sëmundjeve infektive është shumë dinamike. Dinamika sa i takon shtrimeve të rasteve të reja, ndjekjes në dinamikë të rasteve të shtruara në të gjitha pavionet. Tashmë ne kemi më shumë se 40 të shtruar në Spitalin e Sëmundjeve Infektive. Secili nga ato ka problematikën e tij në varësi të të moshës dhe të sëmundjeve kronike. Kemi raste që janë relativisht mirë dhe shpresojmë nga dita në ditë t’i nxjerrim.
“Në këtë situatë, në këtë lloj dinamike të zhvillimit të pandemisë në vendin tonë, të rasteve të shtuara edhe këtu tek Ne, por edhe rasteve të konfirmuara çdo ditë, vazhdoj të këmëngul e t’iu them të gjithë qytetarëve, të jenë të duruar, të qëndrojnë sa më gjatë në shtëpi dhe nëse kanë nevojë mjafton të telefonojnë në numrin 127” tha Pipero.