Pavarësisht përpjekjeve të Rilindjes për t’ia faturuar skandalin e Onkologjikut vetëm mjekëve, të dhënat, edhe të institucioneve shtetërore tregojnë se korrupsioni nuk është çështje e thjeshtë disa mjekëve, por e sistemit korruptiv që ka ngritur Edi Rama.

Kjo gjë është dëshmuar edhe në Komisionin Hetimor Parlamentar të Shëndetësisë, i drejtuar nga demokratja, Albana Vokshi, ku audituesit e KLSH kanë bërë të qartë rapotin auditues për periudhën 2015-2017 për konçensioni e “check up” dhe “Sterilizimit”.

KLSH ka provuar se në 2.9 muaj, koncensionari i check up është paguar për mbi 455 mijë analiza të pakryera nga buxheti i shtetit, ndërsa fitimi kompanisë pas këtyre pagesave është rritur deri në 32%.

Shërbimi i “Check up” që duhej t’i ofrohej falas qytetarëve, rezulton që në një mënyrë ose një tjetër të ketë rënduar në xhepat e taksapaguesve miliona euro.

Në Komisionin Hetimor të Shëndetësisë, gjatë raportimit të disa prej audituesve të KLSH u deklarua se buxheti i shtetit në 2 vite e 9 muaj, për periudhën mars 2015 deri në 2017-ën, ka paguar koncensionarit afro 413 mln lekë të reja për 455.145 kontrolle të pa kryera.

Audituesja e KLSH, Selime Bregu, tha se këto shifra rezultojnë të kenë rritur fitimin e kompanisë koncesionare deri në 32%.

“Ne themi kosto shtesë. Këto janë 182 milion kosto variabël, nga TVSH janë 413 milion lekë. Është bërë analiëz  për rastet e pakryera, por për efektin nuk e kam një analizë. Në auditimin e parë në 2016, ne kemi konstatuar rritje të fitmit të koncesionarit nga 8 duke shtuar tvsh dhe kostot variable deri në 32 %”, u shpreh Selime Bregu.

Referuar kostove të larta për shërbimet e pakryera, dhe numrit të analizave të check up që sipas auditimeve të KLSH është larg numrit të parashikuar në kontratë ( 475 mijë analiza në vit), KLSH ka kërkuar nga Ministria e Shëndetësisë që të ndryshojë termat e kontratës, pikërisht për të zbutur efektet negative në buxhetin e shtetit, por ky rekomandim nuk është zbatuar.

Pra, Rilindja, përkundër rekomandimeve të KLSH e ka patur të qartë objektivin e saj, vjedhjen, dhe jo ofrimin e shërbimit të qytetarëve dhe nuk i ka marrë fare parasysh rekomandimet.

“I rikërkojmë Fsdksh në bashkëpunim me ministrinë e shëndetësisë dhe në dakordësi me koncensionarin të ndryshojë kushtet e kontratës: Nisur nga fakti që numri I analizave është larg pritshmërive të numrit të kontraktuar të shikojë mundësinë e eliminimit të tavanit të sipërm për fashën e përfituesëve të check-up. ishikimin e pagesës së check up dhe eliminin e kostove shtesë për buxhetin e shtetit për shkak të pagesave për shpenzimet variabël që llogariten rreth 400 lekë për xheck up. Nga MSH janë ngritur grupet e punës për negocimin e kontratës koncensionare për “check up”. Por deri në mbyllje të auditimit nuk na është ofruar një amendim kontrate,” shprehet Alketa Kalleshi, audituese e KLSH.

Sipas kontratës koncensionari do të paguhet nga shteti shqiptar për 475 mijë kontrolle të check up në vit, ose 40 mijë në muaj, pavarësisht numrit real që do të kryejë.

Nga ana tjetër nëse kompania do të kryente mbi 475 mijë kontrolle atëherë për çdo kontroll mbi këtë shifër do ta merrte pagesën ekstra nga buxheti i shtetit.

Për periudhën mars 2015 deri në shtator 2017 duhet të ishin realizuar të paktën 1.3 mln analiza nga të cilat janë kryer vetëm 851 mijë, ndërsa koncensionari është paguar për 455 mijë shërbime të pakryera për të plotësuar parashikimin kontraktual.

Në 2018 KLSH ka rekomanduar amendimi i kontratës koncencionare të “check up”, detyrë që i është lënë Ministrisë së Shëndetësisë dhe FSDKSH-së, por amendimi i kontratës nuk është realizuar as sot.

Ndryshimet në kontratën e koncensionarit nga ana e KLSH-së është kërkuar për të zgjeruar fashën e moshës së përfituesëve nga “Check up” për shkak se numri i analizave të kryera ka qënë larg përbushjes së numrit të parashikuar në kontratë (475 mijë analiza në vit), si dhe për të zbutur efektet negative në buxhetin e shtetit për shkak të pagesave për shërbime të pakryera.

“I rikërkojmë Fsdksh në bashkëpunim me ministrinë e shëndetësisë dhe në dakordësi me koncensionarin të ndryshojë kushtet e kontratës:

-Përmes modaliteteve shtesë të arrihet masa e kontrolleve mbi të cilat është dakordësuar cmimi I këtiij shërbimi. Nisur nga fakti që numri I analizave është larg pritshmërive të numrit të kontraktuar të shikojë mundësinë e eliminimit të tavanit të sipërm për fashën e përfituesëve të check-up.

-Të ndërmarrë rregullime ligjore për të zvogëluar efektet negative për “pagesa pa shërbim” në këtë koncension.

Rishikimin e pagesës së check up dhe eliminin e kostove shtesë për buxhetin e shtetit për shkak të pagesave për shpenzimet variabël që llogariten rreth 400 lekë për xheck up pa tvsh për kontrollet e pakryera dhe pjesë e amendimit të jetë edhe saktësimi I shërbimit të ofruar në këtë kontratë si një shërbim I përjashtuar nga TVSH.

Nga MSH janë ngritur grupet e punës për negocimin e kontratës koncensionare për “check up”. Por deri në mbyllje të auditimit nuk na është ofruar një amendim kontrate,” ka deklaruar audituesja e KLSH, Alketa Kalleshi në Komisionin Hetimor të Shëndetësisë.

Pra siç shihet, sistemi i ngritur është i qëllimte për të zhvatur paratë e qytetarëve dhe jo rastësisht pas çdo auditi dhe sugjerimi të KLSH, Ilir Beqja, Ogerta Manastirliu apo Albana Koçiu kanë bërë të shurdhërin.

E jo më kot Edi Rama përpiqet çdo ditë me çdo mënyrë të sabotojë edhe punën e Komisionit Hetimor Parlamentar. sn

Drejtuesja e Departamentit të Statistikave në PD, Ines Nurja me anë të një deklarate nga selia blu, ka deklaruar se shifrat e censusit që paraqiti sot INSTAT janë të manipuluara.

Deklarata e Ines Nurjas:

Sot INSTAT publikoi të dhënat e Census-it për numrin e popullsisë dhe banesave.

Në të dyja rastet ka manipulim.

Sepse, sipas INSTAT popullsia në Shqipëri është 2.4 milionë dhe për 12 vjet janë shtuar vetëm 70 mijë banesa.

Ky është një mashtrim krye e këput.

E para, manipulimi i të dhënave me numrin e popullsisë së mbetur në Shqipëri.

Sipas të dhënave nga EUROSTAT, nga Shqipëria janë larguar mbi 900 mijë banorë vetëm në vendet e Bashkimit Europian, pa përfshirë këtu ata që janë larguar në Britaninë e Madhe, Kanada, Autrali, SHBA etj, për të cilët nuk ka një llogaritje zyrtare.

E dyta, numri i banesave nuk mund të jetë shtuar vetëm me 70 mijë për 12 vite sepse në një llogaritje të thjeshtë vetëm në Tiranë për 3 muaj Erjon Veliaj ka dhënë 231 mijë metra katrorë për ndërtim.

INSTAT-i ka mashtruar edhe me numrin e banesave.

Numri real i popullsisë ka qenë një çështje shumë e diskutuar si pasojë e largimeve të shumta nga Shqipëria në vitet e fundit.

Si rrjedhim, përgjigje për këtë mund ta jepte vetëm një regjistrim popullsie i rregullt dhe i saktë, i cili sipas rezultateve të publikuara sot nuk ka ndodhur.

Censusi duhet të ishte kryer ne vitin 2021, por:

• U planifikua fillimisht në 2020 dhe nuk u krye për arsye të pandemisë.

• Pas kësaj u shty përsëri në 2021 për arsye së përkonte me zgjedhjet e përgjithshme qendrore.

• Në 2022, u shty përsëri për një arsye totalisht qesharake që INSTAT nuk arriti të bënte tenderin për blerjen e 8 mijë tabletave, diçka e paarsyeshme dhe e pabesueshme.

Arsyeja e vërtetë është që qeverisë Rama nuk i intereson të dijë sa kemi ngelur.

Këtë arsye e përforcon dhe më tepër fakti që edhe kur u zhvillua në vitin 2023 pasi u shty dy herë, rezultatet dolën rreth 8 muaj më vonë me një arsyetim totalisht të pabesueshëm: ‘Të dhënat duhen të jenë të sakta’.

Ndërkohë që në CENSUS-in e vitit 2011 të dhënat paraprake në nivel vendi dhe qarku kanë dalë pas gjashtë javësh (CENSUS-i u bë në tetor 2011 dhe rezultatet dolën më 21 dhjetor 2021).

Ndërsa në vitin 2023 të dhënat për popullsinë e regjistruar duhen të dilnin sa të përfundonte dhe pyetësori i fundit sepse janë përdorur tabletat dhe çdo pyetësor shkon direkt në databazë. Ndërsa të dhënat në nivel qarku dhe bashkie mund të kërkonin disa javë më shumë.

Pra 12 vjet më vonë të dhënat donin 8 muaj per t’u përpunuar gjë që është totalisht e pavërtetë.

Po të shohim vendet e rajonit që ka përdorur të njëjtën metodogji me tableta i kanë botuar në një kohë më të shkurtër.

1. Kosova e zhvilloi CENSUS-in në 4 prill deri në 24 maj 2024. Më datë 27 maj është dhënë popullsia rezidente si numër, ndërsa më 12 korrik 2024 do publikohen ta dhënat ma ta detajuara paraprake (afërsisht për 7 javë).

2. Serbinë e zhvilloi CENSUS-in 1 deri 31 tetor 2022 dhe publikoi të gjitha rezultatet për 7 javë më datë 21 dhjetor 2022.

3. Mali i Zi e zhvilloi censusin 3 deri 30 Dhjetor 2023 dhe i publikoi rezultatet paraprake me 25 janar 2024 pra në më pak se një muaj.

Sot del një shifër totalisht e pabesueshme nisur nga të dhënat indirekt te publikuara nga Eurostati:

Instat jep një shifër te manipuluar pasi mbi këtë shifër do bëhet çdo politikë ekonomike dhe sociale për dhjetëvjeçarin e ardhshëm.

Shpopullimi i Shqipërisë tashmë është i dokumentuar në databazën e vendeve ku kanë emigruar duke shkretuar vendin tonë nga fuqia punëtore, profesionistët, të rinjtë dhe fëmijët.

Kjo politikë spastruese duhet të marrë fund.

Më 11 Korrik të gjithë në protestë. sn

Vëllai i kryeministrit Rama, Olsi Rama ka dalë nga ambiente e SPAK pak çaste më parë dhe ka dhënë një deklaratë për media ku është shprehur se nuk i njeh trafikantët e drogës së Xibrakës .

Rama ka akuzuar Gazmend Bardhin se ka manipuluar faktet, në lidhje me provat e nxjerra disa kohë më parë në media ku e implikonin me një grup kriminal të trafikut të drogërave të forta.

Disa javë më parë, Kreu i Grupit Parlamentar në Partinë Demokratike Gazmend Bardhi solli në vëmendje laboratorin e drogës që u zbulua në 2015 në Xibrakë, ku i bëri thirrje SPAK të rihapë hetimet, pasi ishte i përfshirë edhe Olsi Rama.

Kreu i Grupit të PD në deklaratat e tij për çështjen, tha se automjeti me targa AA653DM, është përdorur disa herë, bashkë dhe veçmas nga Olsi Rama, vëllai i kryeministrit dhe anëtarët kryesorë të grupit kriminal të Xibrakës, Genci Xhixha, Ermal Hoxha dhe Gentjan Gjonaj.

“Kam bërë kallëzim pasi kam konstatuar manipulim të fakteve në lidhje me akuzat ndaj meje. Unë nuk i njoh trafikantët e drogës së Xibrakës.

Unë ja kam marrë automjetin një e personi në atë kohë dhe kam shkuar në Selanik për dy ditë dhe vetëm aq.

Jam i gatshëm të vij në SPAK kurdo që të jetë nevoja.” – U shpreh Rama.

Gazetari i SYRI TV, Fatjon Gjinaj në raportimin e tij është shprehur se bëhet fjalë se ka ardhur në SPAK për të marrë një material i vënë në dispozicion akte të cilat mund të jenë nga kallëzimet që ka bërë ndaj Bardhit për shpifje. Ai ka qëndruar jo më shumë se 5-6 minuta. Në hyrje të SPAK ai nuk kishte asnjë material por kur doli në dorë mbante një dosje e cila kishte mbishkrimin e SPAK.

Nga fjala e Belind Këlliçit në protestën anti-korrupsion që u zhvillua sot përpara bashkisë së Tiranës.  

“Erion Veliaj, sot që ne flasim, në orën 4 të mëngjesit, e kanë parë qytetarët në avion duke u larguar nga Shqipëria. Pse?! Sepse ka një debat dhe një luftë të egër në ditët e fundit, midis SPAK-ut, Erion Veliajt dhe Edi Ramës.

Nga njëra anë është Edi Rama që ka dhënë urdhër  të bllokohet pasaporta e Erion Veliaj, për të mos e spiunuar Erion Veliaj, Edi Ramën, nëpër kancelaritë evropiane.

Nga ana tjetër është Arben Ahmetaj që i bën ftesë sot në Zvicër të shkojë dhe të bëhet “pentito” dhe të flasë njësoj si Arben Ahmetaj.

Ne nuk tërhiqemi!

Qoftë Erion Veliaj sot tek Arben Ahmetaj sot në Zvicër, a e zbaton apo jo Altin Dumani, urdhrin e Edi Ramës, për ne pak rëndësi ka. Për ne rëndësi ka që taksat e qytetarëve t’i mbrojmë çdo ditë.

Për ne rëndësi ka që Erion Veliaj të shkojë para drejtësisë!

Shiheni policinë (moment përleshjeje me protestuesit). Shko kap Veliajn, o plehrë, mos u bjer qytetarëve! O ordiner! Mos i prek qytetarët! O bandit! O terrorist! Kamikaz i Erion Velisë, kamikaz i Taulant Ballës, kamikaz i Edi Ramës!

Godet protestuesit në vend që të kapësh Erion Velianë që ka vjedhur deri tani 130 milionë euro! Te nderuar qytetarë! Kjo është Policia e Shtetit. Shiheni fytyrën e Policisë së Shtetit!

E nderuar Policia e Shtetit! Mos harroni se bota rrotullohet dhe jeta është e gjatë. Partia Demokratike me ardhjen e saj në krye të qeverisë dhe në pushtet do të çojë para ligjit një për një të gjithë policët që kanë dhunuar qytetarët, oficerët që kanë arrestuar protestuesit pa të drejtë.

Të nderuar qytetarë! Do doja t’ju bëj një ftesë.

Ne do të vijojmë protestën sërish edhe javën tjetër. Edhe më 11 korrik. Do të jemi të gjithë bashkë për të protestuar tek Bulevardi Dëshmorët e Kombit, për t’u mbledhur të gjithë para selisë së kryeministrisë që është kthyer në strofkullën e bandave dhe karteleve më të mëdha të narkotrafikut në botë!” sn

Nga fjala e Belind Këlliçit në demonstratën që po zhvillohet para bashkisë së Tiranës kundër korrupsionit.

“Kjo nuk është më godina e bashkisë së Tiranës. kjo është një skenë krimi, ku çdo ditë, kreu i bandës 5D dhe pronari faktik i inceneratorit të Tiranës shkon në zyrë për të vjedhur taksat tona.

Ndërkohë që kishte nisur protesta, falënderoj një punonjës të ndershëm të bashkisë së Tiranës që sjell një informacion me vlerë për SPAK: “Shikoni pak në sistemin TIMS datën 14 korrik të vitit të kaluar. A ka udhëtuar Erion Veliaj së bashku me drejtorët e 5D për në Zvicër? Shikoni hotelet ku kanë ndenjur dhe a kanë shpenzuar 100 mijë franga vetëm për një fundjavë në Zvicër apo jo?!”

Që ta dini qytetarë, sot familjet në nevojë të pastrehën ata që nuk kanë mundësi financiare nuk mbyllin dot muajin, kurse ky hajdut ordiner me banditët e tij, me Taulant Tushën, me Redi Mollën dhe Mariglen Qaton, Kapllanin, Malokun, Kacidhen harxhonin 100 mijë franga në fundjavë!”

“Të gjithë të dhënat nga institucionet ndërkombëtare tregojnë se në Shqipëri janë aktualisht më pak se 2 milionë banorë” . Ky është rezultati alarmant i një analize të mbështetur në shifra dhe të publikuar sot nga “Albanian Policy Center” – qendra kryesore e mendimit konservator shqiptar për marrëdhënie ndërkombëtare, siguri kombëtare, qeverisje e politika ekonomike.

Këtë analizë e ka përcjellë sot edhe diplomatja Edith Harxhi, eksperte e marrëdhënieve ndërkombëtare dhe anëtare e bordit e “Albanian Policy Center, tek shkruan në Fb:

“Gjeni bashkëlidhur analizën më të re për shpopullimin nga ekspertë të The Albanian Policy Center, vetëm një orë para publikimit të Censusit, i cili ka kushtuar 14 milionë euro nga taksat e shqiptarëve dhe rezultatet e të cilit dalin 9 muaj me vonesë e janë krejtësisht të pabesueshme. Shpopullimi është plaga më e madhe e këtij vendi dhe axhendë e mirëmenduar, – nënvizon zonja Harxhi.

Ndërkohë, në deklaratën për shtyp të “Albanian Policy Center”, thuhet:

“Kriza e shpopullimit, numri i të larguarve nga Shqipëria në dekadën e fundit dhe rekomandimet e ekspertëve: Një analizë nga “Albanian Policy Center”.

Në një kohë kur Shqipëria ballafaqohet me sfida të mëdha demografike dhe territoriale, të shkaktuara nga një shpopullim i frikshëm, Albanian Policy Center ka organizuar një Tryezë Kombëtare me ekspertë të fushave të ndryshme për të adresuar këto çështje kritike dhe për të propozuar rrugëzgjidhje konkrete, si dhe ka prodhuar një raport studimor, bazuar mbi të dhënat e Eurostat dhe Qeverisë Britanike.

Disa nga të dhënat shqetësuese më të rëndësishme që dolën gjatë punës kërkimore:

Janë 478,245 të larguar me dokumente të rregullta për në vendet e BE

191,670 persona nga viti 2014-2023 kane kërkuar azil në vendet e BE-së

311,650 individë qëndrojnë në mënyrë të paligjshme në vendet e BE-së

Janë 12,301 shqiptarë të mbërritur në Mbretërinë e Bashkuar nëpërmjet anijeve të vogla vetëm në vitin 2022, sipas një raporti të vitit 2023 të Parlamentit Britanik. Në vitin 2020, një vit pandemie, 50 shqiptarë mbërritën me varka të vogla, ndërsa vitin pasardhës ishin 800.

Në vitin 2019, Ministria e Brendshme e Mbretërisë së Bashkuar thoshte se ka dy herë më shumë shqiptarë që hyjnë ilegalisht në vend përmes porteve të saj se çdo kombësi tjetër. Një raport i vitit 2017, përmend se “shqiptarët kapen duke hyrë ilegalisht në Mbretërinë e Bashkuar më shumë se çdo kombësi tjetër”

Të gjithë këto të dhëna nga institucionet ndërkombëtare tregojnë se në Shqipëri janë aktualisht më pak se 2 milionë banorë. Albanian Policy Center, nëpërmjet ekspertëve të saj jep ne raport rekomandime dhe propozime për adresimin e kësaj plage të shoqërisë.

Për më shumë informacion, ju ftojmë të lexoni raportin e plotë.“- përfundon deklarata.

Nuk u vu në punë asnjëherë, për shkak se nuk u gjet vendi i duhur ku duhej të ishte, sepse rrezatimi që ai lëshonte ishte 18 herë më i lartë se normalja, por edhe për shkak se munguan gjithmonë njerëzit për ta përdorur.

Bëhet fjalë për aparatin e kobaltit me të cilin Edi Rama krenohej duke bërë propagandë në vitin 2020, kur shqiptarët ende ishin të kapluar nga Kovidi dhe kriza ekonomike sapo kishte filluar.

Por skandali i plasur ditët e fundit në Spitalin Onkologjik, risolli në vëmendje propagandën e Ramës me aparatin e kobaltit që duhej të shërbente për pacientët me kancer, por që kurrë nuk u shërbeu atyre.

Ishte 12 nëntori i vitit 2020, kur Rama do të postonte në faqen e tij në Facebook, propagandën e radhës.

‘Deri dje në Spitalin Onkologjik kishte vetëm një aparaturë prehistorike me kobalt, sot ka dy akseleratorë linearë të teknologjisë së fundit, si në çdo spital europian ku kurohen të sëmurët me kancer. Vetëm kush nuk do që të shikojë nuk e sheh ndryshimin epokal që vazhdon në shëndetësi’, shkruante Edi Rama në postimin propagandë të tij.

Me instalimin e akseleratorëve është arritur reduktimi i radhës së pritjes, nga 10 javë në dy deri në tri javë, që është mesatarisht koha për pacientët që duhet të kryejnë radioterapinë sipas protokollit, vijonte më tej propaganda e qeverisë, por që nuk u bë kurrë realitet për pacientët që vuanin nga kanceri. sn

Qendra Spitalore “Nënë Tereza” në vitin 2023 përballoi 42 për qind të fluksit të shërbimit spitalor në vend sipas të dhënave zyrtare.

Spitali më i madh publik në vend prej vitesh vuan nga menaxhimi i dobët, abuzimet me fondet dhe sidomos me medikamentet. Po përfundon mesi i vitit dhe QSUT ende nuk ka kontraktuar shërbimin e mirëmbajtjes kur të gjitha pajiset dhe furnitura prishet dhe digjet çdo ditë dhe nga ana tjetër kontratat koncesioneve me PPP i thelluan problemet financiare ndër vite.

Shërbimet mjekësore në ditën e sotme udhëhiqen nga pajisjet mjekësore , por në QSUT shumica e pajisjeve nuk punojnë për shkak të mosmirëmbajtjes dhe shërbimi shëndetësor është i varur nga burimet njerëzore.

Nevojat për ilaçe në QSUT katër herë më të larta se realiteti

Kontrolli i Lartë i Shtetit vërejti vitin e kaluar se nevojat për ilaçe në QSUT ishin 3-4 herë më të larta se sa buxheti që miratohet për këtë qëllim.

Çdo vit kur hartohet buxheti afatmesëm entet publike raportojnë për nevojat qe kanë për financime gjatë një viti. Këto kërkesa në fund i përcillen Ministrisë së Financave që më pas miraton fondin përkatës, i cili për shumë funksione nuk mund të jetë sipas nevojave.

Kjo është e kuptueshme në rastin e investimeve publike, apo shërbimeve të tjera, por në rastin e barnave mungesa e financimit sipas nevojës përkthehet në më pak jetë ose në shpenzime të larta nga xhepi i pacientëve për tu kuruar jashtë sistemit publik.

Shefat e shërbimeve në QSUT kërkojnë çdo vit medikamente që kushtojnë rreth 10-11 miliardë lekë, por në vërtetë qeveria financon nëpërmjet Fondit të Sigurimit të Detyrueshëm vetëm 1 të katërtën ose një pestën e kësaj shume. Kjo anomali është vënë në dukje edhe nga Kontrolli i Lartë i shtetit gjatë një auditimi në Qendrën Spitalore.

Për kryerjen e përllogaritjeve të nevojave të QSUNT për fonde, zhvillohet një procedurë nga shefat e shërbimeve të tilla si konsum historik i llojit të barnave, nevojat për barna sipas mjekimit, numrit të të sëmurëve në periudhat e mëparshme dhe sasinë e barnave të akorduara sipas pacientëve, etj., bazuar kryesisht në kërkesat e periudhave të mëparshme, dhe jo në alokimet reale të fondeve për barna.

“Kërkesat e përcjella nga shefat e shërbimeve janë një “wish list”, dhe nuk merren në konsideratë, për vetë vlerën e lartë të këtyre shpenzimeve, dhe fondet e akorduara bazohen në buxhetin historik të vendosur në dispozicion për këtë zë. Në vijim të kërkesave sipas shefave të shërbimit për Barna dhe materiale mjekësore, QSUNT, përcjell për MSHMS në cilësinë e Organit Qendror Blerës sasinë e barnave, duke qëndruar brenda limiteve buxhetore dhe çmimeve të publikuara, ku sasitë janë të reduktuara, duke theksuar se ky planifikim do të sjellë një pamundësi të plotësimit të nevojave për të gjithë pacientët që marrin shërbimin pranë qendrës spitalore”, ka vërejtur KLSH ne auditin që ka bërë QSUT.

KLSH vërejti se buxheti për spitalin “Nënë Tereza” mbetet i pandryshuar për vite me radhë si për barnat ashtu edhe në totalin e tij, nga ana tjetër barra e sëmundjeve që kërkojnë trajtime të kushtueshme të tilla si neoplazmat dhe sëmundjet kardiovaskulare po rriten me shpejtësi nga viti në vit.

Gjatë dekadës së fundit në QSUT ka një rritje progresive të shtrimeve (nga 68,273 pacientë në 2013, në 116 mijë pacientë në vitin 2022). Ka rritje të aktivitetit në shërbimet e urgjencës, rritjen e numrit të konsultave dhe ekzaminimeve ambulatorë, rritje të procedurave invazive dhe mini invazive, rritjen e trajtimeve në onkologji, hematologji, onko-hematologji, pediatri, etj.

Ndërkohë që financimi i barnave në QSUT ka një hendek të thellë, nën anën tjetër buxheti i Qendrës Spitalore po gërryhet nga pagesat e larta për shërbime dytësore që ofrojnë privatet dhe koncesionaret.

Koncesionet e laboratorit dhe sterizilimit po kanalizojnë buxhetin e “varfër” të QSUT drejt financimit të shërbimeve dytësore me kosto shumë të lartë.

QSUT përballon gjysmën e ngarkesës, merr vetëm 23% të buxhetit spitalor

Në fillim të këtij viti Këshilli i Ministrave miratoi dhe detajoi fondin për shërbimin spitalor, sipas të cilit QSUT do të financohet me 7.8 miliardë lekë, shumë kjo sa 23 për qind e fondit prej rreth 33 miliardë lekësh që do të ndahet me 2024 për spitalet.

Por nga ana tjetër QSUT përballon gati gjysmën e volumit të punës që ofrojnë spitalet tona publike në rang vendi. Sipas të dhënave zyrtare në vitin 2022 rreth 278 mijë persona u shtruan në spital, ku rreth 115 mijë ose 42 % u shtruan në pavijonet e spitalit universitar “Nënë Tereza”.

Të dhëna të tjera tregojnë se QSUT është ofruesi më i madh të gjithave shërbimeve spitalore. Përqendrimi i shërbimeve në këtë qendër ka ardhur në rritje vit pas viti, për shkak të mungesave në burime njerëzore dhe pajisje në spitalet rajonale.

Spitalet e qarqeve kanë mungesa të mëdha në të gjitha specialitetet, duke bërë zhvendosur marrjen e shërbimeve në QSUT edhe për anomali të thjeshta në shëndet.

Por përveçse QSUT ka pak buxhet në raport me shërbimin që ofron, fondet e tij gërryhen nga koncesionet. Duke qenë se shtrimet dhe ndërhyrjet kirurgjikalë janë të shumta, një pjesë e mirë e buxhetit të QSUT shkon për koncesionet PPP dhe shërbimet mbështetëse. Psh këtë vit 10,8 për qind e buxhetit total të QSUT do të jetë pagesa për koncesionin e laboratorit, teksa shpenzime të mëdha shkojnë për sterilizimin e sallave kirurgjikale, pastrimin, ushqimin etj.

Nga ana tjetër QSUT aktualisht ka mungesa në burime njerëzore në të gjitha pavijonet si në infermieri dhe mjekë.

Shpenzimet buxhetore në shëndetësi janë deformuar nga kontratat koncesionare, të cilat po përthithin fondet për shërbime dytësore, në një kohë që shpenzimet publike për shëndetësinë mbeten ende shumë të ulëta në vendin tonë.

Shpenzimet buxhetore për shëndetësinë për vitin 2022 ishin 63.8 miliardë lekë. Në raport me Prodhimin e Brendshëm Bruto (PBB) ato arritën në 2.98% dhe kanë shënuar rënie vjetore me 0,44 pikë përqindje, ndërsa shprehur si përqindje ndaj shpenzimeve publike gjithsej, kanë shënuar rënie me 0,90 pikë përqindje, krahasuar me vitin 2021.

Shpenzimet buxhetore për shëndetësinë në raport me PBB-në ishin në nivelin më të ulët që nga viti 2017.

Ekonomia dhe kapacitetet buxhetore janë shtuar përgjatë dekadës së fundit, por financimet për shërbimet themelore shëndetësore, të tilla si rimbursimi i barnave dhe kujdesi parësor kanë mbetur në vendnumëro, në një kohë që nevojat për produkte farmaceutike dhe shërbime shëndetësore në një popullsi në plakje po rriten./MONITOR

Kryetarja e Kuvendit, Lindita Nikolla, gjatë mbledhjes së konferencës së kryetarëve, ka sqaruar se liderit të opozitës, Sali Berisha, nuk i mbaron mandati i deputetit nga mosprania në senaca.

Kryeparlamentarja Nikolla deklaroi se Sali Berisha ka munguar me arsye në parlament për më shumë se 6 muaj ndaj atij nuk i hiqet mandati.

“Dua t’i japim fund spekulimeve. Qënia e një personi nën këtë masë nuk mund të konsiderohet si mungesë pa arsye në Kuvend. Jemi konsultuar me njohës të ligjit dhe Kushtetutës”, ka thënë Lindita Nikolla në mbledhjen e kryetarëve.

Kreu u Grupit Parlamentar të Partisë Demokratike, Gazment Bardhi, mësohet të jetë shprehur se, Kryetarja e Kuvedit, këtë herë ka lexuar drejt Kushtetuten sa i përket mandatit të kreut të opozitës, Sali Berisha.  Strukturat ligjore të kuvendit argumentuan se Sali Berishës nuk i ndërpritet mandati pasi mungesa e tij në kuvend nuk është pa arsye. Kjo i jep fund debatit dhe spekulimeve të sponsorizuara nga segmenete të mazhorancës. Ne kërkuam që zotit Berisha, në përputhje me Kushtetutën t’i krijohet mundësia që të ushtrojë të plotë mandatin e deputetit duke marrë pjesë në seancat parlamentare dhe aktivitetet e tjera parlamentare. sn

Pas hetimeve të thelluara të SPAK për aferën e inceneratorit të Tiranës, Gjykata ka nxjerrë 19 masa sigurie me kërkesë të prokurorit Dritan Prençi.

Burime jo zyrtare thonë se ka masa sigurie për disa shtetas.

CNA ka mësuar nga burimet e saj se një masë sigurie është dhënë dhe për kryetarin e Bashkisë Tiranë, zotin Erion Veliaj.

Personat në hetim janë rreth 19, ku përfshihen dhe disa shtetas të huaj, personazhe të politikës dhe personazhe publikë.

Të njëjtat burime konfirmuan se ka masa për disa gazetarë por dhe ortakë të kompanisë së inceneratorëve, të Mirel Mërtirit dhe Klodian Zotos, po ashtu dhe për persona të tjerë publikë. sn

Gazetarja Klodiana Lala ka zbuluar detaje në reja në lidhje me skandalin në spitalin e Onkologjikut, ku pacientët detyroheshin të shkonin për trajtim në spital privat, pacientëve u jepej më pak ilaç se sa duhej dhe medikamentet u jepeshin farmacive që t’i shisnin.

Lala ka zbuluar se gjithçka ka nisur në momentin që është ndërmarrë një operacion për barna kontrabandë, nga zbulimet e komunikimit mes personave të përfshirë, “nxori zbuluar” edhe mjekët e Onkologjikut dhe skemës së përdorur.

Lala: Është histori i sistemit, janë përfshirë institucionet, Përfshihet nga roja deri te instancat më të larta. Prokuroria krijoi përshtypjen për një skemë abuzive që i drejtonin pacientët drejt privatit. Hetimi ka nisur në 2022, pas dyshimeve të forma për ilaçe kontrabandë. Në 2023 janë arrestuar 2 punonjës të agjencisë së barnave dhe një është shpallur në kërkim. Kjo ka qenë zanafilla.
Duke pasur komunikimin pas tyre, ka pasur disa operacion nga ku janë marrë masa për disa punonjës të farmacive.
Nga kpmunikimet zbulohet se ishin kryesisht barna nga Italia e Greqia, por kishte edhe barna turke. sn

Ish-kryetari i Bashkisë së Kukësit Safet Gjici mori një zgjatje të masës së dënimit në shkallën e Apelit të Gjykatës së Posaçme Kundër Krimit të Organizuar dhe Korrupsionit pasi apeli vendosi të prishë dënimin e shkallës së parë, i cili e dënonte atë vetëm për abuzim me detyrën dhe e dënoi atë për korrupsion.

Për korrupsion u dënua edhe Alma Kaçi, gruaja që regjistroi një video në të cilën ajo dhe Gjici shfaqen duke kryer seks në zyrën e kryetarit të bashkisë si dhe duke biseduar për përfitimin e fondeve nga ana e Kaçit për ndërtimin e një qendre për trajtimin e qenve të rrugës në qytetin veri-lindor.

Gjici ishte dënuar në shkallën e parë për abuzim me detyrën dhe duhej të vuante 1 vit e gjashtë muaj burg, dënim që niste nga qershori i vitit të kaluar, ditën kur ai u arrestua dhe që pritej të përfundonte së shpejti. Por gjykata e Apelit doli në konkluzionin se Gjici nuk duhej të dënohej për abuzim me detyrën por për korrupsion aktiv. Rrjedhimisht ai u dënua me 4 vite e 6 muaj burg, nga të cilat do të duhet të vuajë 3 vite për shkak të përfitimit të gjykimit të shkurtuar.

Gjici është një nga shumë kryetar bashkish të dënuar apo në proces hetimi për korrupsion nga Struktura e Posaçme Kundër Krimit të Organizuar dhe Korrupsionit. Më herët, Fatos Tushe, ish-kryebashkiak i Lushnjës u dënua me 2 vjet e 4 muaj burg për shpërdorim detyre dhe po për abuzim me detyrën u dënua edhe ish-kryebashkiaku i Fushë-Arrëzit Fran Tuci.

Ish-kryetarja e Bashkisë Patos Rajmonda Balilaj është në proces gjykimi nën akuzat e manipulimit të tenderëve ndërsa Luiza Mandi, ish-kryebashkiake e Libohovës, u dënua për abuzim me detyrën. Kryebashkiaku aktual i Libohovës Leonard Hida është marrë i pandehur ndërsa ai i Kuçovës Kreshnik Hajdari është dërguar për gjykim nën dyshimin e veprës penale falsifikim dokumentesh. Kryebashkiaku i Rrogozhinës Edison Memolla është dërguar për gjykim për korrupsion në zgjedhje ndërsa kryetari i Bashkisë Tiranë Erion Veliaj, sipas dokumenteve të rrjedhura në media, është nën hetim pasuror. Ish-kryebashkiaku i Bulqizës Lefter Alla është dënuar me 2 vjet burg për shkelje të barazisë në tenderë./BIRN

Adriana Kalaja në cilësinë e Kryetares së Gjykatës së PD dhe aktivistes së Aleancës për Mbrojtjen e Teatrit ka dorëzuar një padi në SPAK kundër Engjëll Agaçit dhe Ina Ramës.

Kalaja në një deklaratë për mediat është shprehur se ka dyshime të forta bazuar në indicie se personazhe të botës së krimit kanë paguar udhëtimet e Ina Ramës drejtë vendeve të luksit.

“Një padi në SPAK për Engjëll Agaçin dhe për disa zyrtarë të tjerë që do të zbulohen nga hetimet e SPAK, në lidhje me falsifikimin në deklarimin që ka bërë zonja Ina Rama ku dhe ndaj anëtarëve të KPA dhe KPK nuk është zhvilluar një veting që e parashikon Kushtetuta.

Ka dyshime të forta në lidhje me fshehjen e të ardhurave, dhe persona të arrestuar në çështjen Metamorfoza kanë paguar udhëtime turistike të zonjës Rama në Dubai, të cilat janë kryer nënë monitorimin e Engjëll Agacit.

Veprat penale që janë konsumuar në këtë padi janë falsifikimi i dokumentave, shpërdorimi i detyrës, falsifikim në deklarime dhe fshehje të të ardhurave.

Ne  i kemi kërkuar SPAK që minimalisht të mbajë precedentin e KPA dhe kemi kërkuar si një masë të shpejtë pezullimi nga detyra e Ina Ramës dhe Engjëll Agaçit ku të sekuestrohen dhe të gjitha pajisjet elektronike pasi ekziston mundësia të prishë provat”. sn

Forcat e Sigurisë së Kosovës kanë realizuar një trajnim nga ushtria amerikane me mortaja në poligonin Melle në Shqipëri.

Në njoftimin e publikuar, FSK thotë se pjesa teorike është realizuar në Komandën e Doktrinës dhe Stërvitjes në Ferizaj ndërsa pjesa praktike në poligonin në Melle të Republikës së Shqipërisë.

“Në kuadër të bashkëpunimit bilateral me partnerin tonë strategjik, Shtete e Bashkuara të Amerikës një ekip mobil nga Security Assistence Training Menagment Organization (SATMO) e ushtrisë Amerikane ka realizuar trajnimin me mortaja për pjesëtarët e FSK-së, pjesa teorike është realizuar në Komandën e Doktrinës dhe Stërvitjes në Ferizaj dhe pjesa praktike në poligonin në Melle të Republikës së Shqipërisë”.

Qëllimi i trajnimit, sipas FSK-së, ishte ngritja e kapaciteteve të artilerisë, avancimin e operimit me sistemet e armatimit, ngritja e aftësive taktike, rritjen e saktësisë në objektivat e qitjes, me qëllim ngritjen profesionale të pjesëtareve te FSK-së. sn

Opozita nuk tërhiqet!

Ashtu siç ka paralajmëruar, do të vijojë betejën e saj deri në largimin e kryebashkiakut Erion Veliaj nga Bashkia e Tiranës dhe përballjen e tij me drejtësinë.

Këtë të premte, po zhvillohet protesta e 13-të e opozitës para institucionit të bashkisë kundër Veliajt dhe korrupsionit galopant që është kryer nga drejtorët e tij.

Aktori Mehdi Malkaj thae se Erion Veliaj është një grabitqar.

Mehdi Malkaj: Këtu bëjnë një gabim. Ai nuk është një hjdut, ai është një grabitqar. Hajduti vjedh dhe lë një gjë të zotit të shtëpisë brenda se gjynah. Por grabitqari i vjedh të gjitha, i vë edhe flakën. Ky është grabitqari. Zotërinj policë, edhe ju jeni fajtorë. Më besoni se jeni fajtorë. Pse? Ju po na vidhni kohën. Jeni hajdutë. Sepse gjerat do kishin mbaruar, do kishin vajtur në vendin e vet.

Unë kam një merak të vogël me ca njerëz që quhen shoqëri civile. Po ku është kjo shoqëria civile mor aman? Përveç që merr para nga Evropa, merr para edhe nga shteti merr para edhe nga taksat tona. Dua ta di ku është kjo shoqëria civile. Ç’është kjo shoqëria civile që e mbajmë ne në kurriz pa e ndjerë. A duhet të vijë shoqëria civile të na sqarojë neve. Por shoqëria civile janë hajdute. Plehra.

Janë mbledhur një tufë me plehra atje dhe vetë flasin, vetë dëgjojnë, vetë vulosin, vetë i bëjne të gjitha. Se çdo gje fillon me ne dhe mbaron me ne. Populli ngelet. Mund të rrallohet një çikë por po të jetë kryeministër Edi Rama që çon gjysmën e shqiptarëve jashtë….por nuk zhduket. Nuk ka burrë nëne që të zhdukë një popull të tërë, qoftë edhe me polici….. sn

Këshilltari për Çështjet Ekonomike në PD, Dorian Teliti gjatë protestës së mbajtur sot para Bashkisë Tiranë, mbajti fjalën e tij.

Teliti u shpreh se Erion Veliaj një ditë më parë theu përsëri ligjin teksa bëri betimin e tij në taracën e bashkisë dhe jo në sallën e Këshillit Bashkiak, teksa shtoi se drejtësia nuk do vonojë dhe shumë shpejt, Veliaj do marrë dënimin që meriton.

Një ditë më parë, mblidhej Këshilli Bashkiak për herë të parë, pas 4 vitesh mungesë të opozitës, vjen dhe kryetari i bashkisë për të bërë betimin e tij.

Që ditën e parë ai shkeli ligjin duke mos e bërë betimin ashtu siç e sanksionon ligji në sallë këshilli… por hypi në tarracë.

Atje në tarracë siç hypi për të bërë betimin, nga aty le ta zbresin për ta çuar para organeve të drejtësisë.

Drejtësia që po vonon dhe harron të vejë para përgjegjësisë hajdutet e vërtetë, bashkëpronarët e vërtetë.

Dhe bashkëfajtorët e aferës së inceneratorit.

Nuk do vonojë dita që drejtësia do bëhet, dhe këta policë që sot e ruajnë do jenë po këta që do i vendosin prangat.   sn

Presidentja e Republikës së Kosovës, Vjosa Osmani, në Ditën Botërore të Refugjatëve ka kujtuar se gjatë luftës së fundit në Kosovë mbi gjysma e popullsisë së Kosovës janë bërë refugjatë, siç ka thënë ajo, si rezultat i veprimeve gjenocidale të ish-presidentit të Serbisë Slobodan Milosheviq.

“Gjatë luftës së fundit në Kosovë, mbi gjysma e popullsisë sonë u bënë refugjatë si rezultat i veprimeve gjenocidale të Milosheviqit”, ka shkruar Osmani në rrjetin social X.

Ajo ka thënë se do të luftojnë për të drejtat e refugjatëve kudo në botë.

“Populli i Kosovës e kupton vuajtjen dhe sakrificën e thellë të refugjatëve në mbarë botën. Në Ditën Botërore të Refugjatëve, ne zotohemi të ngrihemi, të flasim dhe të luftojmë për të drejtat dhe dinjitetin e refugjatëve kudo”, ka shkruar Osmani. sn

Presidenti i PL-së, Ilir Meta ka dhënë një deklaratë të fortë në intervistën e sotme në Çim Peka Live në SYRI TV përsa i përket marrëdhënies së tij me Monika Kryemadhin.

Pyetjes së Pekës, se si mund të bindi anëtarësinë dhe publikun se SPAK është i kapur nga Rama, kur nuk bind dot bashkëshorten e tij, Meta u shpreh se për shkak të kësaj deklarate zonja Kryemadhi është ish-bashkëshortja e tij tashmë.

‘Dhe sot kam ndjekur edhe rrugën juridike për këtë cështje dhe kam njoftuar edhe djalin tim Besar Ilir Meta’, u shpreh Meta.

Biseda në studio:

Peka: Kur ju nuk mund të bindni ish-kryetaren e LSI-së dhe bashkëshorten tuaj që SPAK është i kapur nga Edi Rama, si mund të bindni publikun dhe anëtarësinë tuaj?

Meta: Keni shumë të drejtë. Pas kësaj deklarate, zonja Kryemadhi është ish-bashkëshortja ime. Dhe sot kam ndjekur edhe rrugën juridike për këtë cështje dhe kam njoftuar edhe djalin tim Besar Ilir Meta, i cili më ka thënë pak kohë më parë që kur kemi kaq shumë tensione dhe probleme me njërin tjetrin mund të gjeni ndonjë zgjidhje me të qetë dhe unë besoj se e kam gjetur një zgjidhje.

I ftuar në edicionin e pasdites në SYRI TV me m0dertaroien Edvin Parruca për të diskutuar rreth projektligjit sa i takon konfindustrisë ishte ekonomisti, Gjergji Buxhuku.

Buxhuku është shprehur se qeveria kërkon të ndërtojë një projektligj për konfindustrinë si modeli kontinental i cili në thelb ka si strukturim orientimin nga qeveria dhe jo të ndërtojë një model anglosakson ku bizneset rregullohen dhe bashkëpunojnë në mënyrë të lirë e pavarur nga qeveria.

“Do paguhet një detyrim vjetor duke krijuar një portofol milionaeurosh që nuk dihet se kush do ta menaxhojë. Praktikisht vihet një taksë e re mbi bizneset. Ajo që e bën të pakuptueshme këtë nismë të qeverisë është pikërisht në këtë kohë kur problematikat janë kaq të mëdha këtu merren nisma të cilat praktikisht mundohen që të krijojnë dhomat ekonomike si modelet italiane të cilat duhet të flasin ashtu siç i orienton qeveria.

Ndërsa përvoja anglosaksone e lë krejt të lirë biznesin se si do të organizohen ato , që të kenë një bashkëpunim më të fortë me qeverinë.

Modeli i dytë që këta i referohen është modeli kontenintel i cili ka vazhduar si një ëprvojë e mbretërive që kanë ekzistuar në europë.

Shqipëria është një vend që ministri ekonomie, ministri tregtie, ministri financash, ministri biznesi, ka qendër të regjistrimit të biznesit, ka këshill investimesh, ka këshill konsultimesh të biznesit. Pra, kemi me dhjetra institucione shtetërore dhe i shtohet edhe një i ri në këtë mishmash institucionesh pafund që thjeshtë shpenzojnë paratë e taksapaguesve shqiptarë” sn

Shqipëria është renditur në vendin e 116 në botë nga Forumi Ekonomik Global sa i përket Arsimit, teksa një vit më parë renditej në vendin e 33, duke pësuar një rënie me plot 83 vende.
Ish-ministri i Arsimit, doktor profesor Myqerem Tafaj, i ftuar në rubrikën ‘Çështja e ditës’ nga Klevin Muka në News 24 tha se më pak nxënës shkojnë sot në gjimnaze dhe se numri i maturantëve ka pësuar rënie drastike. Tafaj tha se edhe shpopullimi sjell pasoja për arsimin, pasi personat që jetojnë në zona të largëta të Shqipërisë, nuk kanë kopsht ose shkollë në vendbanim ose bëjnë mësim në klasa të përbashkëta.

Profesor Doktor Myqerem Tafaj: Shqipëria ka pësuar rënie më shumë se 80 vende. Besoj se një rol të madh në këtë rënie të arsimit ka luajtur raporti i Pisa 2022. Tetë përqind më pak nxënës të 9-vjeçares nuk shkojnë në gjimnaz. Pra, më pak nxënës shkojnë në gjimnaze. Është braktisur më shumë arsimi 9-vjeçar dhe ai i mesëm. Braktisja ka lidhje me varfërinë, por edhe pamundësinë. Kjo ndodh më shumë në zona rurale. Kemi largim masiv të qytetarëve në zona më të largëta ta themi. Nëse një zonë shpopullohet, nuk ka kopsht më, nuk ka shkollë më. Është ulur në mënyrë drastike numri i maturantëve. Lindshmëria është ulur tejet mase dhe emigrimi ka ardhur në rritje. Në cilësinë e arsimit, nuk po përmirësohemi aq shumë sa duhet.

I vetmi kriter për të matur cilësinë e arsimit, është testi internacional. Duhet të shohim ku jemi në raport me vendet e rajonit e më pas me vendet e BE-së, kemi rrugën e gjatë. Sa i përket universitetit, kandidatët që duan të konkurrojnë për dekan, duhet të mbështeten tek objektivat.

Kryetari i Partisë Demokratike, Sali Berisha me anë të një deklarate për mediat, ka reaguar sërish në lidhje me vendimin e Komisionit të Posaçëm të Apelimit të Emigracionit të Britanisë së Madhe.

Në fjalën e tij, kryedemokrati Berisha thekson se ‘SIAC nuk ka shqyrtuar mijëra faqe prova të mia, ka mbështetur vendimin e Sekretares bazuar në lajme të rreme të medias së Soros dhe kundërshtarëve të mi politikë’.

Deklarata e plotë e kryetarit të PD-së, Sali Berisha:

Mirëdita!

Të dashur qytetarë dhe qytetare, jam sot para jush për të bërë disa sqarime dhe shpjegime, lidhur me vendimin e djeshëm të Komisionit të Posaçëm të Apelimit të Emigracionit të Britanisë së Madhe.

Së pari, më lejoni të rikujtoj se qëndrimi im ndaj shpalljes ‘non grata’ ka qenë i bazuar dhe mbetet i bazuar në dy parime kryesore; asnjë lobim për heqjen e këtij vendimi, padi në gjykata për shpifje dhe trillime ndaj meje.

Këto parime i zbatova plotësisht në rastin e shpalljes ‘non grata’ nga Departamenti i Shtetit, por nuk i zbatoja dot në rastin e vendimit të Home Office, sepse legjislacioni britanik nuk lejonte që unë të ju drejtohesha gjykatave pa ju drejtuar Komisionit të Posaçëm të Apelimit të Emigracionit të këtij vendi.

Ndaj dhe unë ndoqa rrugën e diktuar nga ligji.

Ankimet në këtë Komision, kërkonin që edhe Home Office të rishqyrtonte vendimin e tij. Në këtë kuadër u vendos një bashkëpunim në përputhje me marrëveshjet e arritura midis departamentit të kësaj ministrie dhe avoketëve të mi, në të cilin në mënyrë të vazhdueshme ne paraqitëm mijëra faqe, dokumente që rrëzonin të gjitha shpifjet dhe trillimet e medieve të Xhorxh Sorosit, BIRN, Balkan Insight dhe të Carlo Bollinos, mbi të cilat ishte bazuar dhe marrja e vendimit, shpifjet e Edi Ramës, Erion Veliajt dhe Lulzim Bashës dhe hidhej dritë në të vërtetat e kësaj dosje.

Por SIAC zbulon në vendimin e tij, dy elementë shumë të rëndësishëm.

Së pari deklaron se ai, nuk është marrë me vërtetësinë e provave dhe fakteve të paraqitura, por thjeshtë është marrë nëse Sekretarja e Shtetit, ka patur prova të mjaftueshme, ka bërë analizë të drejtë të provave për vendimin që ka marrë.

Së dyti, SIAC na informon, se ai nuk ka marrë parasysh mijëra e mijëra faqe, të dorëzuara nga Sali Berisha, sipas tij me vonesë, në Home Office, mbasi këto faqe nuk janë shqyrtuar siç kërkon ligji nga sekretarja e Shtetit, sepse janë dorëzuar me vonesë.

Kjo është absolutisht një e pavërtetë që nuk i bën nder asnjë njeriu.

Avoketërit e mi, kanë dorëzuar në kohë, në përputhje me marrëveshjen të gjitha dokumentet e kërkuara nga Home Office, por këto dokumente nuk i janë paraqitur sekretares së Shtetit, me dy qëllime.

Së pari, që ajo të mos mësonte të vërtetën.

Së dyti, që këto dokumente të mos mund të paraqiteshin në SIAC duke mos i shqyrtuar sekretarja  e Shtetit.

Të dashur miq!

Ne përfituam shumë nga ky proces.

Ne mësuam së pari se, çfarë manipulimesh dhe manovrimesh të ulëta u bënë për të fshehur të vërteta, dosje mijëra faqe para Komisionit të Apelimit të Ankesave.

Së dyti, mësuam se nuk ekziston asnjë provë, fakt, dokument që të faktojë korrupsionin, apo lidhjet me krimit të Sali Berishës.

Imagjinoni, dëshmohet për lidhje me krimin ndaj Sali Berishës, duke përdorur goditjen me shkelm të një dere nga Fation Dauti, një qytetar që nuk e kam pranuar kurrë në jetën time dhe që vet e pranoi se, mund të mos jetë i lidhur me Berishën, në një kohë kur në zyrën e Edi Ramës, ulet këmbëkryq përfaqësuesi i kartelit më të rrezikshëm në botë, meksikan, Luftar Hysaj, madje dhe merr licencë për kazino.

Pëllumb Gjoka fiton statutin e investitorit strategjik.

Shqipëria thërritet tani botërisht si një narkoshtet.

A nuk janë këto akuza një përpjekje e korrupsionit transnacional për të mbrojtur, ndihmuar narkoshtetin shqiptar dhe korruptokratët shqiptarë, për të ndëshkuar Sali Berishën, që më shumë se çdo gjë tjetër në jetën e tij, pas përmbysjes së diktaturës ka bërë luftën kundër krimit të organizuar dhe korrupsionit.

Të dashur miq!

Beteja jonë vazhdon, edhe njëherë, jo për heqjen e përjashtimit, por për shpifjet, trillimet, për mbrojtjen tuaj, nga korrupsioni dhe lidhjet e krimit, të cilido qoftë, të Edi Ramës, qeveritarëve, politikanëve të korruptuar prej tij, ambasadorëve, diplomatëve, zyrtarëve të huaj, të korruptuar po nga Edi Rama.

Beteja vazhdon.

Faleminderit!

sn