At Anton Harapi, në përvjetorin e lindjes pushkatuar nga diktatura komuniste pa varr ne token shqiptare!
At Anton Harapi Anton misionar i madh e fesë dhe i idealeve kombëtare e shpirtërore, mund të themi si teolog, filozof, sociolog dhe prozator, autor i një “Lahute Malcie” në prozë, “Andrra e Pretashit”, që teksa shpalon virtytet shqiptare, i bashkëngjit dhe ato gjuhësore, që do të përthellohen te “Vlerë shpirtnore”, “Shqiptari dhe bota e tij” dhe “Valë mbi valë”.
Ky shqiptar i madh sebashku me 6000 burra dhe gra shqiptare nuk ka nje varr ne token e kombit qe i sherbeu me devotshmeri! Shteti shqiptar hesht prej 35 vitesh per keta burra e gra shqiptare qe dhane jeten per liri! Heshtja turperon keto barbare qe heshtin para krimit! Lavdi ne shekuj ketyre burrave qe na lane nje Shqpni te lire!
Gazetari Genc Burimi, i ftuar në emisionin “Kafe Shqeto” në Syri TV, ka analizuar zhvillimet më të fundit politike lidhur me paraqitjen e Sali Berishës në SPAK. Sipas tij, kjo situatë tregon një përpjekje për martirizimin e liderit të opozitës, e cila meriton reagime të forta. Burimi ka sugjeruar se një protestë përpara GJKKO-së do të ishte më se e drejtë, pasi ajo ka marrë një masë që nuk i është kërkuar as nga SPAK dhe as nga vetë Berisha.
Ai e konsideron këtë si një moment kritik për opozitën dhe demokracinë në vend. Duke e krahasuar situatën me një ngjarje në SHBA, Burimi ka sjellë në vëmendje takimin e fundit mes Giorgia Melonit dhe Donald Trump-it. Ai ka treguar se Trump ka realizuar një film kritik ndaj drejtësisë amerikane, duke mbrojtur avokatin e tij të “martirizuar”. Në këtë kontekst, Burimi thekson se kritikat e Berishës ndaj drejtësisë shqiptare janë mëse të justifikuara.
Gjithashtu, ai shprehu dëshirën për një reagim më të ashpër ndaj SPAK-ut dhe elementëve të tij, që po pengojnë Partinë Demokratike. Për Burimin, duhet të ketë një presion publik të qartë që SPAK-ut t’i refuzohet një mandat i dytë.
‘A nuk duhej të bëhej një protestë edhe para GJKKO-së, e cila sot është fajtore për marrjen e një mase që nuk i është kërkuar nga askush, as nga SPAK-u dhe as nga Berisha? Pra, a nuk meriton sot edhe GJKKO-ja të ketë një protestë si shenjë pakënaqësie para dyerve të saj?
Ky është një martirizim i liderit të opozitës.
Pra, është minimumi i minimumit kjo që bën Berisha sot, duke kritikuar SPAK-un.
Të jap një shembull: besoj e kemi parë dje takimin e Melonit me Trump, dhe çfarë i sugjeroi Trump Melonit? I sugjeroi të shihnin bashkë filmin që Trump ka bërë kundër drejtësisë amerikane, filmin që quhet “The Eastman Dilemma”.
Eastman është emri i avokatit të Trump-it, i cili është martirizuar, është masakruar nga drejtësia amerikane. Kështu që, kur presidenti i fuqisë së parë në botë, që është garant i drejtësisë amerikane, bën një film kundër drejtësisë amerikane dhe ia shfaq atë kolegëve perëndimorë, nuk mendoj se Berisha është në një rrugë të gabuar me këtë që po bën, duke kritikuar ashpër drejtësinë.
Ajo që do të doja të shihja është që të ketë pankarta kundër atij SPAK-u, kundër atyre elementëve në SPAK, si Dumanit etj., për të cilët nuk duhet të ketë më mandat të dytë. Sepse gjithçka që bëjnë sot është të pengojnë Partinë Demokratike dhe Berishën të fitojnë zgjedhjet, në mënyrë që, duke i marrë zgjedhjet Rama me mbi 92 deputetë në parlament, këtij SPAK-u t’i rishikohet mandati i rinovuar.
As mos ta mendojnë! Kjo duhet t’u bëhet e qartë dhe me pankarta.’- u shpreh Burimi.
Më 6 Janar besimtarët ortodoksë shqiptarë dhe në mbarë botën kremtojnë Shfaqjen e Perëndisë (Theofaninë), apo Pagëzimin e Krishtit, apo siç njihet dhe Dita e Ujit të Bekuar.
Fillimisht ishte vetëm një festë e shfaqjes së Perëndisë në botë, në formë njerëzore. Ajo përfshinte kremtimin e Lindjes së Krishtit, adhurimin e Magëve dhe gjithë ngjarjet e fëmijërisë, si rrethprerjen dhe paraqitjen në Tempull, si edhe pagëzimin prej Joanit në Jordan. Nuk ka dyshim, që kjo festë, si edhe Pashka dhe Rushajet, u kuptua si përmbushja e një feste të mëparshme judaike, në këtë rast, Festa e Dritave.
Epifani do të thotë shfaqje e sipërme. Festa quhet shpesh, sikurse është në librat e shërbesave orthodhokse, Theofani, që do të thotë shfaqje e Perëndisë. Theksi në këtë festë është në shfaqjen e Jisuit (Jezusit), si Mesia njerëzor i Izraelit dhe Bir hyjnor i Perëndisë, Njëri nga Trinia e Shenjtë me Atin dhe Shpirtin e Shenjtë.
Tipari kryesor i festës së Epifanisë është Bekimi i Madh i Ujit. Ai kryhet dy herë, në vigjiljen e Epifanisë, mbas Meshës së Shën Vasilit dhe mbas Meshës së vetë ditës.
Shërbesa fillon me këndimin e himneve të veçanta dhe me temjanisjen e ujit, që është vendosur në mes të kishës.
Në 6 Janar në shumë vende është zakon që Bekimi i Ujit të bëhet në det, lumë, liqen apo në ndonjë pellg uji. Kur nuk është mundësia, bekimi bëhet në kishë.
Kur këndohet përlëshorja e festës, kremtuesi zhyt kryqin në ujë tri herë dhe pastaj vazhdon, duke spërkatur me ujin në katër drejtimet e horizontit.
Pastaj, ai bekon popullin dhe shtëpitë e tyre me ujin e shenjtëruar, i cili qëndron për shpëtimin e gjithë njerëzve dhe gjithë krijimit, të cilin Krishti e ka prekur nëpërmjet “epifanisë” së tij në mish, për jetën e Botës.
Shenjtërimi dhe spërkatja me ujin e Epifanisë nuk është një ritual pagan. Por, është shprehja e faktit më qendror të vizionit të krishterë për njeriun, si dhe për jetën dhe botën e tij. Kjo është dëshmia liturgjike, që na tregon se vokacioni dhe destinimi i krijimit është, që të jetë i “mbushur me tërë plotësinë e Perëndisë” (Efesianët 3:19). sn
Qytetet e Fierit, Durrësit, Sarandës, Vlorës, Beratit dhe Lushnjës kanë mbetur pa energji elektrike pasditen e sotme në mënyrë të papritur.
Raportohet se energjia elektrike është ndërprerë rreth orës 17:30 në këto qytete.
Sakaq, mësohet se shkak i ndërprerjes është bërë një defekt në linjat e transmetimit 220 KV.
Nëpërmjet linjave alternative u është dhënë tension nënstacioneve të rajoneve të prekura, ndërsa autoritetet po punojnë për rikthimin e energjisë tek të gjithë abonentët.
Ndërkohë kanë marrë energji linjat e spitaleve në këto rajone. bw
Apeli i GJKKO caktoi masën e sigurisë “detyrim paraqitje” ndaj ish kryeministrit Sali Berisha. Kështu kreu i PD do të duhet që të jetë në SPAK dy herë në muaj, ekzaktësisht të hënën e parë dhe të tretë të çdo muaji.
Për muajin janar, Berisha do të duhet të paraqitet në datën 6. Ndërkohë Partia Demokratike është mobilizuar që po në këtë datë në orën 09:30 të protestojë para ambienteve të SPAK.
Në mesazhin drejtuar strukturave thuhet se demokratët duhet të protestojnë për të mbështetur të drejtën, që sipas tyre është në anën e Sali Berishës.
“Te dashur miq. Ditën e Hënë ne ora 9:30 të mobilizojmë të gjithë strukturat e degëve për të protestuar përpara SKAP- it si vegël në duart e Ramës për të përndjekur kundërshtarët politik ..Do jemi aty në mbështetje të së drejtës, të ligjit dhe së vërtetës që është në anën e Kryetarit të PD Prof Dr Sali Berisha… Ne ora 9:30 përpara selisë SKAP-it”, është ky mesazhi që u është dërguar strukturave të PD.
Kujtojme qe Sali Berisha është shprehur se do të zbatojë vendimin e Apelit të GJKKO-së që i caktoi atij masën “detyrim paraqitje”, ndersa theksoi se edhe këtë vendim do ta çojnë në Strasburg.
“Avokatët ia përcjellin Strasburgut edhe këtë vendim. Do të paraqitem, sepse Parlamenti ka dhënë autorizim për arrestimin tim. E kam bërë të qartë, që unë, gjersa është një proces që buron nga parlamenti, do paraqitem. Nuk kam kërkuar gjë tjetër, vetëm parlamentin. Këtu nuk ka nevojë sepse parlamenti ka dhënë një autorizim për arrestimin tim, pastaj se çfarë bëjnë këta me njëri-tjetrin, urdhëro tani”, tha Berisha. Panorama
Drejtuesi Politik i PD për Tiranën dhe ish-deputeti, Belind Këlliçi, është shprehur se kryebashkiaku i Tiranës, Erion Veliaj, mund të arratiset në Zvicër.
Komentet Këlliçi i bëri në emisionin ‘Off the Record’ me gazetarin Andrea Danglli në A2 CNN, ku tha se SPAK duhet të kishte vendosur masë sigurie për kryebashkiakun, pasi ka rrezik që ai të prishë provat, ose të arratiset.
Ai gjithashtu hoqi edhe një paralele të Veliajt me masat e SPAK ndaj ish-kryeministrit Sali Berisha, duke thënë se Prokuroria e Posaçme nuk po ndjek të njëjtin standard.
“Ti çon kryetarin e opozitës, për një vepër të dyshuar para 20 vitesh detyrim paraqitje, e mban edhe 330 ditë në arrest shtëpie se mos prish provat, ndërkohë lë një delinkuent si kryetari i Bashkisë Tiranë, e lë në zyrë për të shkuar e për të prishur provat.
Do të të jap një lajm ekskluziv? Çfarë do të thotë SPAK nëse ditët në vijim do të arratiset në Shqipëria kreu i Bashkisë Tiranë, jo në Amerikë, por në Zvicër. Ja po j’ua them juve. Le të themi se unë po e shtroj këtë pyetje si hipotetike, do e shohim në 2 javët e ardhshme sesi do të rrjedhin ngjarjet”, tha Këlliçi.
Fshati Drenie në Patos, është një nga zonat më të thella të kësaj bashkie. Dhe duket se për shkak të largësisë nga qendra e bashkisë, ky fshat është lënë pa investime në infrastrukturë dhe shërbim shëndetësor.
SYRI TV
Mungesa e infrastrukturës është një nga shkaqet kryesore të shpopullimit të këtij fshati.
Rruga është e amortizuar krejtësisht, ndërsa gjatë dimrit është e pamundur të përshkohet nga automjetet për shkak të baltës.
Në fshat nuk ofrohet as shërbim shëndetësor për banorët.
Për shkak të këtyre situatave, sot fshati Drenie ka vetëm 45 shtëpi, nga rreth 250 të tilla që ka pasur disa vite më parë.
Pjesa më e madhe e të rinjve në Shqipëri nuk janë në një marrëdhënie romantike. Kjo është një nga gjetjet e studimit të fondacionit gjerman Friedrich Ebert, sipas të cilit 75% e të pyeturve nga mosha 14-29 vjeç në vitin 2024 kanë pohuar se nuk janë në një lidhje. Sakaq, një numër shumë i vogël, 11.5% janë të martuar, 5.6% janë të lidhur dhe bashkëjetojnë, ndërsa 6% janë të lidhur, por nuk jetojnë bashkë.
Në krahasim me studimin e vitit 2019, vihet re se ka një rënie të të rinjve që nuk janë në një marrëdhënie dhe një rritje të atyre që bashkëjetojnë. Kjo përforcon idenë se në 4 vitet e fundit ka një tendencë në rritje të të rinjve për të qenë në marrëdhënie, por jo në mënyrë institucionale.
Një fakt interesant është se divorci nuk është i përhapur tek të rinjtë shqiptarë.
Studimi tregon gjithashtu se faktori më i rëndësishëm që të rinjtë marrin në konsideratë për të zgjedhur partnerin e tyre është niveli i edukimit. Faktori i dytë që ndikon në zgjedhjen e partnerit është aprovimi i familjes, pasuar nga statusi financiar apo gjendja ekonomike.
Viti i Ri ishte festa që e prisnin të gjithë. Në Shqipërinë e varfër të diktaturës, dukej sikur atë natë harroheshin të gjitha.
Nga festimet e Vitit të RI, në
“Hotel Dajti”, para viteve ‘90
Një kthim pas në kohë na sjell ndërmend mënyrën tradicionale të festimit në çdo shtëpi shqiptare.
Ritualet e vogla, festat nëpër lokale dhe hotelet më të famshme të kohës. Menyja, muzika dhe çmimet. Ku festonin banorët e ish-Bllokut.
PUNË, DEZHURN E FUTBOLL
Shiritat shumëngjyrëshe prej letre, lodrat prej kauçuku, aroma e drurit të djegur që dilte nga tubi i sobave, përzier me atë të gjelit të detit të sapopjekur, janë kujtimet që na çojnë pas në kohë, në festimet e Vitit të Ri gjatë viteve të diktaturës.
Atmosferë fundvitesh në Tiranën e para viteve ‘90
Sot, mund të duket një festë rutinë. Mund të festosh kur të duash e çfarë të duash, por asokohe, kjo ishte e vetmja festë që nuk lidhej me partinë dhe arsyet pse ishte e shumëpritur, ishin të shumta.
Ndalimi i fesë në Shqipëri i kufizoi festat e fundvitit thjesht dhe vetëm te nata e ndërrimit të viteve, apo Viti i Ri.
Krishtlindja nuk festohej më, kështu që gjithë vëmendja ishte përqendruar në datën 31 dhjetor. Barra më e rëndë u binte amvisave, të cilave, përveçse u duhej të punonin edhe në datën 31, duhet t’i hynin gatimit për në darkë.
Dhe për to dukej se nuk kishte festë, vetëm një turravrap nëpër kuzhinë. Në ditët e fundit të vitit, një pritje e madhe organizohej në Pallatin e Brigadave nga Enver Hoxha me pionierët e dalluar, ndërsa Dita e Krishtlindjes, nuk festohej më pas ’67-ës, kur feja u ndalua. Familjet e besimeve katolike dhe ortodokse e festonin në fshehtësi, pa zhurmë e bujë, vetëm në rrethe të ngushta midis tyre.
Ndërkohë, ishte punuar një të diel më parë, që kjo të zëvendësonte datën 2 janar, që ishte pushim dhe më 3, të gjithë i riktheheshin punës. Jepeshin shpërblime të vogla financiare për të dalluarit, ndërsa natën e Vitit të Ri, si dhe datat 1 e 2 janar në ndërmarrje, dikastere bëhej dezhurn çdo dy orë nga punonjës, që alternoheshin sipas një grafiku të bërë nga drejtoria. Nuk bënin dezhurn gratë e vajzat.
E veçanta e 31 dhjetorit ishte ndeshja e futbollit që zhvillohej në fushën e Pallatit të Pionierëve të tejmbushur nga njerëzit. U kthye në një traditë tërheqëse, në të cilën luanin edhe futbollistët më të njohur, të tre klubeve të kryeqytetit.
Madje, takimi ndiqej edhe nga jashtë rrethimit përtej Lanës, pasi nuk kishte hapësirë për të qenë brenda territorit të vogël. Gjatë ditës së 31 dhjetorit, qyteti gumëzhinte dhe dyqanet kishin aktivitet deri në çastin e fundit dhe njerëzit që vraponin për të marrë gjërat që i mungonin.
E gjithë kjo deri në orët e para të mbrëmjes, pastaj të gjithë në shtëpi dhe qyteti pushtohej nga një heshtje totale, dhe vetëm ndriçimi ishte ai që i jepte jetë, pasi gjithçka dukej si në gjumë. Për t’u gjallëruar sërish pas orës 12 të natës, kur mbushej me të rinj që mblidheshin në qendër të tij.
TVSH DHE “KONCERTI I MADH” PËR TË GJITHË
Televizorët e markave “Butrinti”, “Iliria” apo “Dajti” kanë qenë të vetmet mjete komunikuese që i ka shoqëruar shqiptarët natën e Vitit të Ri, si dhe ato në vazhdim. Të ulur në tavolina, dhe në pritje të orës 12 të natës, të gjithë ndiqnin “Koncertin e madh të Vitit të Ri” një program me këngë, valle e humor nga e gjithë Shqipëria që kishte përgatitur Televizioni Shqiptar, i cili fillonte pas Revistës Televizive të orës 20:00 dhe emisionit “Koha sot e nesër” nga i paharruari Petrit Leka e vazhdonte deri në orën 2 pas mesnate, për të vijuar me natën finale të Festivalit të Këngës në RTVSH – ritransmetim (ata që kishin kanoçet e famshme ndiqnin programet e kanaleve të huaja).
Nuk kishte fjalim përshëndetës nga udhëheqësi i shtetit në mesnatë. Të nesërmen, hapej kanali italian “Rai 1” vetëm për të ndjekur në orën 12 paradite Koncertin e Vjenës dhe në mbrëmje, sërish me TVSH-në në programin thuajse identik, si ai i një nate më parë, gjithçka brenda kornizës së lejuar. Jo në pak raste rrezikonte edhe ikja e dritave nga ngarkesa e madhe elektrike. Nata e fundvitit festohej në reparte ushtarake, konvikte etj. Natyrisht me televizor, radio, apo ndonjë magnetofon. Edhe në spitale, shtëpitë e fëmijëve jetimë, natyrisht me thjeshtësinë dhe modestinë e kohës që kishin këto institucione.
MENYJA E NJËJTË PËR TË GJITHË
Nata e Vitit të Ri ka qenë thuajse e njëjtë për të gjithë. Një pulë, ose gjel deti të marrë një muaj më parë e të ushqyer me ullinj në banjën e pallatit, apo oborrin e shtëpisë, majonezë dhe bakllava ose kadaif. Raki, nëse gjeje të Skraparit apo Përmeti, ishte kënaqësi, dhe verë të markës “Riesling”, “Tokai”, apo “Shesh i zi” ose “i bardhë”, “Merlot”, “Kallmet” të cilësisë së dytë që kushtonte 42 lekë, pasi kjo ishte më e lehtë për t’u gjetur. Cilësia e parë, si ajo “Pino Nero”, kishte tjetër destinacion.
Birra ishte me shishe e Kombinatit Ushqimor “Ali Kelmendi” Tiranë. Shumë të ngarkuar me punë ishin furrat. Çoje tavën dhe merrje një letër me numrin, që korrespondonte me një llamarinë metalike që furrtari e ngulte mbi pulë. Njerëzit merrnin bukë rezervë, pasi dyqani mbyllej për dy ditë. Përgatitja për natën e Vitit të Ri ishte tejet lodhëse për gratë, që gatuanin pa pushim gjatë gjithë ditës në kushtet e hapësirat e ngushta dhe aspak komode të apartamenteve të ngritura gjatë socializmit. Të privilegjuara ishin familjet që kishin siguruar limonë apo portokalle nga bregdeti, si diçka të rrallë për kohën. Në shumë raste kishte grupe të rinj, miq e shokë, që mblidheshin atë natë në shtëpinë e dikujt, për të dalë në shesh pas orës 12-të pas mesnate.
NJË FESTË NDRYSHE NË TIRANË
Tirana u ka dhënë gjithmonë tjetër ritëm pragfestave, sidomos momenteve para ndryshimit të viteve. Nata mes dy vitesh, për ata që e kujtojnë, sidomos mesvitet ’60-’70, ka qenë e veçantë. Pak çaste para se dy akrepat e sahatit të madh të bashkoheshin, qindra të rinj e të reja i gjeje në sheshin para Pallatit të Madh të Kulturës (ndërtuar në vitin 1964), duke festuar, imituar dhe kënduar këngë të njohura, kryesisht të huaja. Gjithçka spontane jo e organizuar, por e sajuar nga disa pasionantë, që banonin kryesisht në qendër të Tiranës, pasi zonat e tjera ishin pak larg dhe vështirë të vije kur mjetet e transportit në ato orë nuk kishte. Dikush vinte me pajton i veshur me kostum të zi, borsalina apo cilindra në kokë, duke imituar aktorët Zhan Mare apo Alen Delon, duke hipur te kolonat e duke uruar në frëngjisht Vitin e Ri, dikush tjetër këndonte këngë të famshme të kohës, ato të Xhoni Hollideit etj.
MODA E LOKALEVE
Në shtëpi apo në lokal, kjo ka qenë dilema e shqiptarëve për natën e ndërrimit të moteve. Preferenca për ta kaluar natën e Vitit të Ri në një vend publik me shoqëri, orkestër, muzikë e vallëzim, ka filluar para viteve ’50, për të vijuar në ato ’60, e më tej, sidomos në vitet ’80. Në shumë qytete të Shqipërisë, por veçanërisht në Tiranë, ka qenë ndryshe. Kryesisht festohej në Kursalin e famshëm në qendër, sallat gjigante të “Hotel Dajtit” apo në “Vollga” (Drini sot), të cilat, natën e Vitit të Ri mbusheshin me pushtetarë, zyrtarë të lartë, artistë e sportistë të njohur me familjet e tyre, por edhe me shumë të huaj, marinarë, studentë dhe kryesisht punonjësit e ambasadave, të cilët kanë kënduar e vallëzuar çdo lloj muzike deri në agim.
Po kështu, festohej edhe në Klubin e Lidhjes së Shkrimtarëve dhe Artistëve, në selinë ngjitur me Teatrin Popullor, në Shtëpinë Qendrore të Ushtrisë në Rrugën e Kavajës, ku argëtoheshin oficerët madhorë me familjet e tyre, pastaj në atë që është sot. Por edhe tek “Internacional”, apo “Donika”. Shumë i veçantë ka qenë “Vollga” apo “Adriatiku” në Durrës, ku vërshonin jo vetëm durrsakët, por edhe të huajt, kapitenë e marinarët e anijeve që i kishte zënë Viti i Ri në portin e Durrësit. Në Shkodër janë shfrytëzuar lokalet e njohura si “Kafja e Madhe”, “Turizmi i vjetër”, “Kafe Moska” apo “Adriatik”. Po kështu, edhe në qytete të tjera janë përdorur lokalet që kishin orkestër, që mund të gatuhej e me salla të mëdha.
15-KATËSHI DHE RIKTHIMI NË LOKAL ME MUZIKË E VALLËZIM TË KUFIZUAR
Ndonëse pati një frenim ky lloj argëtimi publik, sidomos në mesvitet ’70-’80, si pasojë e situatave të tensionuara politiko-ekonomike dhe jetës sociale të kufizuar, rikthimi te nata dëfryese e fundvitit në restorant erdhi natyrshëm nga dëshira për diçka më ndryshe nga ai i qëndrimit, gatimit në shtëpi ditën dhe natën e 31 dhjetorit. Ky ishte motivi që i shtyu shqiptarët të fillojnë të organizohen sërish në lokale në natën e fundit të vitit. Jo vetëm në Tiranë, por edhe në qytete te tjera……
Por që të kaloje këtë natë në një lokal, konsiderohej një privilegj i madh, pasi jo të gjithë i kishin mundësitë.. Për të siguruar një tavolinë për natën e Vitit të Ri, duhej të bëjë një prenotim familjar që në ditët e para të muajit dhjetor pranë administratës së hotelit. Frekuentohej kryesisht 15-katëshi, i sapondërtuar dhe i përuruar në vitin 1979. Të gjithë vraponin fillimisht aty. Nëse nuk arrije të prenotoje, duhej nxituar te lokalet e tjera si “Vollga” (Drini), “Arbana”, “Arbëria”, apo “Rinia”, ku nata e Vitit të Ri shoqërohej me muzikë të lehtë, vallëzim dhe argëtim brenda limiteve të kohës. Orkestra (kryesisht ishte ajo e tavernës së 15- katëshit, apo të tjera të përbëra me instrumente të njohura të kryeqytetit), e dinte mirë repertorin dhe nuk kalonte asnjë cak, gjithmonë në sintoni me çfarë lejohej në programin e kontrolluar më parë, por asnjëherë muzikë e këngë kushtuar Partisë. Tre kërcime, një pauzë, sërish tre kërcime… e kështu vijohej.
ÇMIMET
Mbrëmja festive fillonte në orën 21:00. Çmimi varionte nga 600 lekë personi dhe 1200 lekë çifti te 15-katëshi, për të zbritur në 450 lekë te të tjerat me një meny me të zakonshmet, antipasta, pastaj pulë ose pilaf me gjel, bërxollë me patate, një shishe verë, birrë ose raki dhe ëmbëlsira në fund. Cigarja pihej në pafundësi, nuk kishte këngëtarë, por mund të këndonin këngëtarë që ishin në lokal me familjet e tyre. Në orën 00:00 fikeshin dritat, përplaseshin gotat dhe një puthje në faqe, pastaj dalja jashtë për të parë fishekzjarrët. Më pas, organizoheshin edhe lojëra-lotari me prezantues aktorë të njohur si Vilson Gjoncaj, me të cilat fituesit merrnin një dhuratë nga organizatorët. Qëndrimi në restorant vazhdonte thuajse deri në orët e para të mëngjesit, pasi nuk kishte kufi apo limit kohe. Edhe në Shkodër te “Hotel Rozafa”, apo në plazh si tek “Adriatiku”, ashtu edhe te “Kruja”, “Butrinti”, ndodhte e njëjta gjë.
PRENOTIMI I PUSHIMEVE NË POSTË ORËN 12:00
Viti i Ri fillonte me vrapin në mesnatë për në Postën Qendrore, jo për të bërë një urim, por për të nisur telegramin urgjent për në hotelet e preferuara të plazhit, siç ishin “Kruja”, “Butrinti”, apo ato në Sarandë, Pogradec. Ky veprim ndër vite ishte kthyer në ankth për tiranasit dhe sapo akrepat kalonin 12 e një minutë, një pjesëtar i familjes, përfshirë edhe ata që ishin në lokal, duhet të sakrifikonte dhe me shpejtësi nisej për në postë, ku ndërkohë ishte drejtuar një fluks i madh njerëzish. Të gjithë për të bërë telegramin e famshëm dhe marrjen e mandatit që i siguronte një prenotim prej dhjetë ditësh në një nga dhoma e këtyre turizmeve.
VIZITAT DHE FATI QË SILLTE VIZITORI I PARË
Kush i ka jetuar ato kohë, pa dyshim që i kujton vizitat sfilitëse familjare që fillonin në mesditën e datës 1, për të vazhduar për disa ditë. Shumë rëndësi kishte njeriu u parë që futej në shtëpi. Ishte ai që do të “përcaktonte” fatin e atij viti. Shkohej te të afërm, komshi, miq… më këmbë ose me autobusët e rrallë të linjës së tejmbushur, pasi taksitë që kanë funksionuar deri në vitet ’70, nuk ishin më. Ka qenë një traditë që praktikoje në vite në gjithë Shqipërinë dhe që u shuan me ndërrimin e sistemeve.
“HOTEL DAJTI”, BALLO E MUZIKË PERËNDIMORE
Për shumë dekada “Hotel Dajti” ka shërbyer si i vetmi hotel qeveritar e diplomatik në Shqipëri. Por, edhe për të sistemuar personalitet e shquar botërorë të ardhur në Tiranë, skuadra të njohura perëndimore si RF Gjermane, Ajax, artistë të njohur etj., etj. Menjëherë pas lufte, ai është shfrytëzuar si rezidencë pune, banimi, madje aty janë martuar edhe Enver Hoxha e disa qeveritarë të lartë të kohës. Ai, bashkë me Pallatin e Brigadave janë përdorur për të festuar gjithçka, por veçanërisht mbrëmjen e madhe të fundvitit.
Duke qenë në qendër, “Dajti” ishte tejet i preferuar, pasi struktura e brendshme e tij me sallat gjigante luksoze, me hapësirë e lartësi e funksion të shkëlqyer (taverna poshtë, shumë e preferuar, nuk shërbente vetëm për natën e Vitit të Ri për shkak të përmasave të vogla), krijonte një mundësi të madhe dëfrimi për specialistët e huaj, fillimisht ata jugosllavë, ato të vendeve lindore të pranishëm në Shqipëri për ndërtimin veprave të 5-vjeçarëve, diplomatë, por edhe për shqiptarë.
Deri para prishjes me Lindjen, rreth viteve 61′ aty shkonin njerëz me para që e njihnin jetën nga prindërit e tyre, të cilët ishin shkolluar në perëndim, familje mjekësh, intelektualësh, sportistë të njohur, fëmijët e udhëheqësve të lartë, artistë etj. Mblidheshin në sallën e madhe e në hollin-sallon modern, që garantonte mbi 250 persona gjatë natës së Vitit të Ri. Aty gatuhej shumë mirë dhe ushqimi ishte cilësor.
ZONJA KARMON, GRUAJA MODERNE E BALLOVE
Ka qenë shumë elegante, e njohur jo vetëm si gruaja e Paskal Karmon, sekretarit të Parë të Ambasadës Franceze, por për veshjen moderne prej lëkure që përdorte. Po kështu, edhe vajzat e ambasadorit polak, që mbrëmjen e Vitit të Ri, shfaqeshin me minifunde klasike, duke qenë në qendër të vëmendjes. Protagoniste ishin gjithashtu edhe gratë, vajzat e zyrtarëve të ambasadave perëndimore, që u jepnin jetë ballove argëtuese që vazhdonte pas mesnate. Ky frekuentim i “Dajtit” vazhdoi për inerci pas viteve ’60, edhe për disa vite të tjera, thuajse deri në fillim të viteve ’70. Hyrja, frekuentimi në përgjithësi dhe në veçanti i natës së Vitit të Ri, ishte vetëm për të huaj dhe një elitë të kufizuar personash e familje të zgjedhuara. Ndryshimi ishte i dukshëm, jo muzikë moderne, por shqiptare dhe të huaj, kryesisht me këngët të kohës. Tashmë ka filluar survejimi i të huajve dhe shqiptarëve që preferonin “Hotel Dajtin”.
VITI I RI NË BLLOK
Viti i Ri në Bllok ka qenë i veçantë, kjo e lidhur edhe me kohën. Fillimisht, në periudhën pas lufte, e në vijim të viteve ’50 e ’60, festa e Vitit të Ri organizohej familjarisht nga të gjithë anëtarët e byrosë që mblidheshin në Odën e Pallatin e Brigadave, kështu quhej mjedisi në të cilin kalonin natën e ndryshimit.
Me kalimin e viteve, familjet filluan të preferojnë Shtëpinë Qendrore, ndërsa fëmijët të veçuar e festonin te “Vila 2” (sot pranë RTVSH-së), por edhe në shtëpinë e Enver Hoxhës, kur ai nuk ishte aty.
Pas viteve ’70, saktësisht pas 1973, kur filluan goditjet e grupeve në art, ushtri, ekonomi, u prishën miqësitë, lidhjet dhe preferencat, secila familje mblidhej në shtëpi, brenda Bllokut të kufizuar e ruajtur me ushtarë, pa shumë zhurmë kalonte Vitin e Ri.
Edhe për faktin se fëmijët e tyre të rritur ishin martuar e kishin fëmijë të vegjël, çka e kushtëzonte daljen, apo lëvizjen në mjedise publike.
Të nesërmen vijonin vizitat tradicionale. Një ndryshim në mentalitet u pa në fund të ’70, kur fëmijët e pak zyrtarëve të lartë filluan të shkojnë te “Hotel Dajti”, të ndaluar për shqiptarët, apo të dalin edhe jashtë shtetit për festat e fundvitit, diçka që nuk ishte bërë asnjëherë më parë.
Presidenti i Republikës, Bajram Begaj, zhvilloi një takim online me efektivët e Forcave të Armatosura të Shqipërisë (FARSH) që shërbejnë në misione dhe operacione jashtë vendit. Gjatë këtij komunikimi të veçantë, ai përcolli urimet për Vitin e Ri 2025 dhe vlerësoi kontributin e tyre të jashtëzakonshëm në ruajtjen e paqes dhe sigurisë globale.
Në mesazhin e tij, Presidenti Begaj shprehu mirënjohje të thellë për përkushtimin dhe profesionalizmin që efektivët shqiptarë tregojnë në misionet ndërkombëtare. “Ju jeni ambasadorët më të mirë të Shqipërisë dhe falë shërbimit tuaj, flamuri kombëtar valëvitet kudo me krenari përkrah flamujve të tjerë të NATO-s,” deklaroi Presidenti.
Efektivët shqiptarë janë aktualisht të angazhuar në disa rajone të botës, nga Kosova dhe Bosnja, deri në Sudanin e Jugut dhe Irak, duke dëshmuar angazhimin e vendit tonë ndaj paqes dhe sigurisë globale.
Presidenti theksoi rëndësinë e përmirësimit të kushteve për Forcat e Armatosura, duke nënvizuar se buxheti i mbrojtjes është rritur për vitin 2024. Ai shprehu bindjen se mbështetja për ushtarakët dhe familjet e tyre është një detyrim kombëtar.
Duke u ndalur tek agresioni rus ndaj Ukrainës, Presidenti Begaj vuri në dukje se ky konflikt ka ndryshuar tërësisht mjedisin e sigurisë. Ai theksoi nevojën për modernizimin e Forcave të Armatosura dhe forcimin e kontributeve të Shqipërisë në NATO.
Në përfundim të takimit, Presidenti Begaj uroi të gjithë ushtarakët dhe familjet e tyre për Vitin e Ri 2025. “Gëzuar dhe shëndet e të mira për secilin nga ju, për familjet tuaja, për kombin shqiptar!” tha ai, duke shprehur falënderimet e tij për shërbimin e tyre të palodhur.
Kjo nismë vjen si një dëshmi e vlerësimit të lartë të kontributit të Forcave të Armatosura të Shqipërisë në skenën ndërkombëtare dhe të përkushtimit të institucioneve për përmirësimin e vazhdueshëm të mbështetjes për efektivët që shërbejnë larg vendit. bw
Kryetari i Partisë Demokratike, Sali Berisha, ka pritur ditën e sotme në selinë blu, Znj. Erica Mazzetti, Deputete e Forza Italia dhe Drejtuese e Departamentit të Punëve Publike, shoqëruar nga kordinatori i PD në Itali, Z. Bardhok Doda.
Në postimin e tij në Facebook, Berisha thekson se mes diskutimeve me deputeten e Forca Italia, ishte edhe rëndësia e projektit TAP në garantimin e sovranitetit energjetik të Italisë dhe të rolit që qeveria e djathtë e viteve 2005-2013 në Shqipëri, ka patur në mbylljen me sukses të kësaj nisme strategjike për të dy vendet.
Një tjetër pikë e diskutimeve ka qënë edhe rëndësia që ka integrimi europian për Shqipërinë dhe rolin tejet mbështetës që Italia dhe Forza Italia kanë luajtur ndër vite, në veçanti nën drejtimin e Kryeministrit Berluskoni.
Gjithashtu Berisha u shpreh se i ka rikonfirmuar Znj. Mazzetti se Partia Demokratike do të jetësojë një program qeverisës tejet ambicioz, si kurrë më parë, ku kryefjala do të jetë ekonomia, rritja e atraktivitetit për bizneset e huaja e ato italiane, mbështetja e tregtisë me jashtë dhe të një dialogu real me çdo biznes që krijon vënde pune e rrit mirëqënien.
Postimi i plotë:
Takim me deputeten italiane Zj. Erica Mazzetti
Sot pata kënaqësi të mirëprisja në takim Znj. Erica Mazzetti, Deputete e Forza Italia dhe Drejtuese e Departamentit të Punëve Publike, shoqëruar nga kordinatori i PD në Itali, Z. Bardhok Doda.
Me Znj. Mazzetti shkëmbyem mendime mbi rëndësinë e bashkëpunimit te gjithëanshëm mes dy vëndeve tona mike. Në drejtim të kësaj të fundit, me Znj. Mazzetti kujtuam rëndësinë e projektit TAP në garantimin e sovranitetit energjetik të Italisë dhe të rolit që qeveria e djathtë e viteve 2005-2013 ka patur në mbylljen me sukses të kësaj nisme strategjike për të dy vendet.
Kriza energjetike që po kalon mbarë kontinenti në vijim të konfliktit në Ukraine tregon qartazi që zgjedhja jonë për të mbështetur gazin e konsorciumit Shah Deniz, në vend të atij rus, ishte vendimi më i duhur.
Gjatë takimit shkëmbyem gjithashtu mendimin mbi rëndësinë që ka integrimi europian për Shqipërinë dhe rolin tejet mbështetës që Italia dhe Forza Italia kanë luajtur ndër vite, në veçanti nën drejtimin e Kryeministrit Berluskoni. Në këtë plan, lufta kundra krimit të organizuar shqiptar, rrezik real për Shqipërinë por edhe Italinë dhe rajonin mbeten prioritete të përbashkëta.
I rikonfirmova Znj. Mazzetti se Partia Demokratike do të jetësojë një program qeverisës tejet ambicioz, si kurrë më parë, ku kryefjala do të jetë ekonomia, rritja e atraktivitetit për bizneset e huaja e ato italiane, mbështetja e tregtisë me jashtë dhe të një dialogu real me çdo biznes që krijon vënde pune e rrit mirëqënien.
Bashkëpunimi mes dy forcave tona politike aleate mbetet një përparësi madhore për PD-në.
PD mbetet gjithmonë tejet vlerësuese ndaj lidhjes unike dhe historike që bashkon dy forcat tona politike dhe dy kombet tona, duke kujtuar se interesat kombëtare të bashkëpunimit Itali-Shqipëri shkojnë përtej axhendave politike të çastit dhe se do të bëjë gjithçka për ta nxjerrë vendin nga rrëshqitja në të vetmen narko-diktaturë në kontinentin Europian. sb
Gjykata Kushtetuese i konsideron të ligjshme, provat e marra nga transkriptet e bisedave në aplikacionin e koduar “Sky Ecc”.
‘Në përfundim të shqyrtimit të çështjes, Gjykata, bazuar në nenet 72 e vijues të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, vendosi, njëzëri, rrëzimin e kërkesës’, thuhet në vendim.
Me vendimarrjen e kësaj të hëne, Kushtetuesja rrëzoi kërkesën e binzesmenit strategjik Pëllumb Gjoka, për pavlefshmëri të akteve.
NJOFTIM VENDIMMARRJEJE
Sot, më 30.12.2024, Gjykata Kushtetuese mori në shqyrtim çështjen me kërkues Pëllumb Gjoka dhe me objekt: “ Shfuqizimi i vendimeve nr. 94, datë 23.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar;nr. 97, datë 29.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar; nr. 38, datë 31.08.2023 të Gjykatës së Posaçme të Apelit për Korrupsionin dhe Krim in e Organizuar; nr. 00-2023-2238 (364), datë 22.12.2023, të Kolegjit Penal të Gjykatës së Lartë, si të papajtueshëm me Kushtetutën e Republikës së Shqipërisë, për pjesën që kanë disponuar për caktimin dhe vazhdimin e masës së sigurimit personal “Arresti në burg” ndaj kërkuesit. Shfuqizimi I shkronjave “a” dhe “b” të pikës 1 dhe i pikës 4 të nenit 6, si dhe i pikës 2 të nenit 42 të ligjit nr. 95/2016, datë 06.10.2016 “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, si të papajtueshme me Kushtetutën e Republikës Shqipërisë, për shkak se cenojnë pavarësinë dhe paanësinë e gjykatësve të posaçëm.”.
Në përfundim të shqyrtimit të çështjes, Gjykata, bazuar në nenet 72 e vijues të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, vendosi, njëzëri, rrëzimin e kërkesës.
Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese.
Kryetari i PD, Sali Berisha reagoi pas deklaratës së Edi Ramës se në vitin 2027 Shqipëria do të presë Samitin e NATO-s në Tiranë. Kreu i qeverisë njoftoi gjithashtu se mes liderve të pranishëm do të jetë edhe presidenti i SHBA, Donald Trump.
Por Berisha shprehet se do të jetë vetë ish-kryeministri ai që do të organizojë Samitin e Aleancës së Atlantikut të Veriut pas 2 vitesh.
“Projeksionet janë jo vetëm të miat, por të mbarë aleancës, që në vitin 2027, samitin e organizon ai që anëtarësoi Shqipërinë në NATO dhe jo ai që bëri protesta kundër NATO-s. Shumë evidente kjo”, ishte përgjigjja e Berishës.
Kryeministri Edi Rama njoftoi nga konferenca e fundvitit me gazetarët se presidenti i ri i SHBA, Donald Trump do të vizitojë Shqipërinë në vitin 2027. Rama tha se vizita e Trump do të bëhet në kuadër të Samitit të NATO-s që do të zhvillojë punimet në Shqipëri.
“Akoma më e pamendueshme disa vite më parë është mikpritja në Tiranë e Samitit të NATO-s, në vitin 2027 ku i pranishëm do të jetë edhe presidenti i SHBA. Kemi nisur punën bashkë me NATO-n. Një ekip vlerësimi për infrastrukturën ka ardhur në Tiranë dhe ka bërë vlerësim për Tiranën që do të ishin të pamundura nëse nuk do të kishim ndërtuar gjithçka që është ndërtuar këtë dekadë. Sot trajtohemi si të barabartë jo thjeshtë formalisht port me një respekt që nuk e kemi pasur kurrë më parë”.
Jimmy Carter, presidenti i 39 i Shteteve të Bashkuara të Amerikës është një nga presidentët amerikanë, i angazhuar për sigurinë e shqiptarëve dhe Kosovës gjatë kohës së detyrës, por edhe pas saj.
Carter, është gjithashtu një nga presidentët e pakët amerikanë që ka vizituar Shqipërinë, edhe pse kjo pas dorëzimit të presidencës.
Shumë pak është e njohur për opinionin shqiptar, por Jimmy Carter ka vizituar Shqipërinë në shtator të vitit 1993, me ftesë të presidentit të kohës, Sali Berisha.
Lajmi u publikua gjerësisht në mediat ndërkombëtare për rëndësinë që kjo vizitë kishte për Kosovën dhe sigurinë e Ballkanit.
Gjatë vizitës, Carter dhe presidenti Sali Berisha zhvilluan edhe një konferencë për shtyp, ku kërkesa e bërë nga Berisha ishte mundësimi i prezencës së OKB-së dhe forcave të NATO-s në Kosovë.
“Ishte shumë e rëndësishme për komunitetin botëror të demonstronte forcë dhe të përdorte çdo mjet të mundshëm për të kufizuar dhunën në Bosnje”, citohet të ketë thënë Carter në fund të vizitës në një konferencë të përbashkët shtypi me presidentin shqiptar Sali Berisha në hotel ‘Tirana’.
Berisha tha gjatë konferencës së shtypit se i kishte dërguar letra Sekretarit të Përgjithshëm të OKB-së, Boutros Boutros-Ghali, Komunitetit Evropian dhe të tjerëve, duke propozuar që Kosova të vihej nën mbrojtjen e OKB-së ose NATO-s, në mënyrë që të ndalonte përhapjen e konfliktit boshnjak në Kosovë.
Carter deklaroi se fondacioni ‘Carter’, një organizatë me bazë në SHBA që monitoronte përmbushjen e të drejtave të njeriut në të gjithë botën, do të vëzhgonte situatën në Kosovë.
Carter u tha gazetarve amerikan se fondacioni i tij, së bashku me ish-presidentin e Kosovës, Ibrahim Rugova, kishin analizuar problemin e Kosovës në janar, pra tetë muaj më parë se të shkonte për vizitë në Shqipëri. sn
Ish drejtuesi i lartë i Policisë së Shtetit Shemsi Prençi ka qenë i ftuar në emisionin e mëngjesit KAFE SHQETO në Syri tv. Ai ka komentuar gjendjen e rëndë të kriminalitetit në vend dhe arsyet e faktorët që ndikojnë në rritjen e tij, pa harruar edhe rritjen galopante të korrupsionit në të gjithë nivelet e qeverisjes.
Shmesi Prençi: Encrochat nuk ka filluar ende të japë efektet. Deri tani i ka dhënë SKY. Të gjithë çështjet që janë zbardhur deri në këto momente burojnë nga aplikacioni SKY dhe Encro dhe Matrix do të lulëzojnë në 2025 fuqishëm.
Mediat e pavarura dhe të pakapura janë ata që hedhin dritë më së shumti edhe përkundrejt heshtjes së institucioneve shtetërore. Viti 2024 për hir të së vërtetës duhet pranuar që institucionet shtetërore ligjzbatuese më së shumti i kanë ndihmuar aplikacionet Sky dhe Encro…. Në të kundërt institucionet shqiptare duhet të kishin dalë në pension, sepse ne nuk kemi parë një çështje që të fillojë kryesisht prokuroria, apo ta zbardhë policia pa patur këto burime që ne sapo përmendëm. Pra e thënë ndryshe, aplikacioni SKY encro…, dekriptimet e përdoruesve të tyre janë një thesar i madh për institucionet ligjzbatuese dhe kjo duhet pranuar. Po të futemi në rrugën e kriminalitetit, pastaj është për të ardhur keq që ne Shqipëri kanë lulëzuar krimi i organizuar në të gjithë format dhe krimi ndaj jetës së personave në formën e atentateve, ku mund të përmendim atentatet në Vlorë, në Shkodër e në disa qytete të tjera. Pra, çka do të thotë që forma e organizmit të krimit, qoftë e krimit të organizuar në pikëpamje të trafiqeve të lëndëve narkotike, qoftë edhe larja e hesapeve mes grupeve kriminale…. sn
Shefi organizimit në PD, Klevis Balliu u ndal te zhvillimet e fundit në lidhje me hetimet nga kryebashkiakut të Tiranës, duke theksuar se akuzat qëndrojnë mbi Veliajn dhe janë të faktuara ndaj tij.
I ftuar në një interviste në Ora Neës, Balliu shtoi se prokuroria i kërkon masat e arrestit në bazë të fuqisë që ka dikush për të ndërhyrë në hetimi dhe theksi se dihet edhe fuqia e Veliajt në sistemin e drejtësinë.
Balliu: Akuzat qëndrojnë mbi Veliajn dhe janë të faktuara ndaj tij. Por drejtësia është gjunjëzuar ndaj Veliaj, teksa ky njeri lejohet të lëvizë i lirë pa masë arresti duke dalë edhe jashtë vendit, ndryshe nga ajo që u veprua me Berishën apo me Metën. Kjo fakton se kjo drejtësia e re është kthyer në një pastrim kimik që do t’i heqë njollat apo do të shpëtojë Veliajn.
Prokuroria i kërkon masat e arrestit në bazë të fuqisë që ka dikush për të ndërhyrë në hetimi. Dihet edhe fuqia e tij në sistemin e drejtësinë, se ka punonjës të drejtësisë që janë edhe punonjës në shoqatat e gruas së tij. Kapitulli i SPAK-ut është edhe kapitullin i Veliajt. Rama është pronari i SPAK-ut në këtë rast. Kemi bërë shumë denoncime lidhur me Veliajn dhe i kemi bërë me emër dhe mbiemër. Na del nga hiçi Nesti Angoni dhe qartazi është Rama.
Gazetari Basir Çollaku thotë se Prokuroria e Posaçme ka bërë dy herë kërkesë në Gjykatë për miratimin e një mase sigurie për kryetarin e Bashkisë Tiranë, Erion Veliaj. Por, sipas tij, në të dy rastet kërkesa nuk është miratuar.
“Prokuroria e Posaçme kishte dërguar kërkesë në Gjykatë për masë sigurie për zotin Veliaj para gati një muaji. Ishte hera e dytë që ata dërgonin kërkesë. Herën e parë nuk e di cila telefonatë e zmbrapsi. Dhe herën e dytë ende nuk ishte marrë vendim, u tërhoqën”, tha Çollaku i ftuar në “Off the Record” në A2 CNN.
“Pra këto kërkesa janë aty, janë të protokolluara. Se ç’ndodh atje nëpër korridore, politike, diplomatike, kjo mbetet për t’iu thënë rrugës. Por që ka një regjistrim të një procedimi penal në ngarkim të atij zotërie, në atë strukturë, ka. Dhe ajo nuk zhbëhet”.
Kryebashkiaku u mor në pyetje të enjten nga prokurorët e SPAK, ku qëndroi atje për më shumë se 5 orë. Më parë ishte marrë në pyetje për gati 8 orë në muajin prill.
Në një reagim për A2 CNN të premten, Prokuroria e Posaçme tha se ka të dhëna për akuza për 4 katër vepra penale, edhe pse nuk e përmendte me emër kryebashkiakun Veliaj.
Dyshimet e SPAK janë për veprat penale “Korrupsion pasiv i funksionarëve të lartë shtetërorë ose i të zgjedhurve vendorë”, “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale” dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”.
Më herët SPAK ushtroi kontrolle në shtëpinë e Veliajt, ndërkohë që ky i fundit nuk ndodhej në Shqipëri dhe sekuestroi celularin e gruas së tij, Ajola Xoxës. sn
Në emisionin ‘Kjo Javë’ të gazetares Nisida Tufa në News24, Agron Gjekmarkaj, nënkryetari demokrat i Kuvendit, tha se Shqipëria ka nevojë për një qeveri të përgjegjshme.
Përsa i takon zgjedhjeve të 11 majit dhe nëse opozita duhet të dalë e bashkuar në këto zgjedhje, Gjekmarkaj tha se partitë e vogla duan të rriten duke kafshuar të mëdhenjtë.
“Nuk është i ndershëm sulmi kur thuhet që PD është njësh me PS-në, apo për të thënë se Sali Berisha dhe Edi Rama janë bashkë.
Partitë e vogla po përpiqen të kafshojnë ku të munden te elektorati i opozitës.
Shpresa për ndryshim është PD, po tentohet të ulet pesha elektorale e saj nga të vegjëlit”, tha Gjekmarkaj.
Ai tha se PD është e interesuar për një koalicion sa më të gjerë. “Mendoj se kemi raporte korrekte me secilin nga aleatët tanë, por për terma konkrete të bashkëpunimit, do të jetë kreu i PD-së, Sali Berisha që do të marrë vendimet, ka treguar se merr vendimet e duhura, dhe besoj se të tilla do të jenë edhe këto”, tha Gjekmarkaj.
Nënkryetari i PD-së tha se kjo forcë politike ka mbështetur hapur Presidentin e zgjedhur amerikan. Në këtë kontekst, Gjekmarkaj tha se shpresonte se do të vinin lajme për shqyrtimin e ‘non grata-s’ të dhënë nga administrata Blinken. Sipas Gjekmarkaj, ky vendim nuk ka bindur, dhe Sali Berisha duhet të marrë atë që i takon.
“Marco Rubio është shprehur kohë më parë kundër mënyrës se si janë dizenjuar disa lider konservatorë ‘non grata’. Shpresojmë që si Sekretar i Shtetit të rishihen këto vendime”, tha Gjekmarkaj. bw
Një ditë pas marrjes në pyetje për rreth 5 orë të kryebashkiakut të Tiranës, Erion Veliaj, SPAK ka dhënë informacion zyrtar lidhur me hetimin që ka nisur ndaj Kryetarit të Bashkisë, si dhe për veprat penale.
SPAK në njoftimin zyrtar në lidhje me kallëzimin ndaj kryebashkiakut të Tiranës Erion Veliaj nga ana e shtetasit A. N, bën të ditur se, mbi bazën e informacionit të referimit të veprës penale datë 08.02.2024, i përpiluar nga hetuesit e Byrosë Kombëtare të Hetimit (BKH), ka regjistruar Procedimin Penal nr. 27/2024 ndaj tij.
Sipas SPAK, ky procedim fillimisht trajton veprën penale “Korrupsion pasiv i funksionarëve të lartë shtetërorë ose i të zgjedhurve vendorë”, sipas nenit 260 të Kodit Penal.
Prokuroria vijon duke njoftuar se informacioni për referimin e veprës penale ka buruar nga një kallëzim i bërë nga një shtetas i vetëidentifikuar si N.A. Hetuesit e BKH-së, pas verifikimit të të dhënave dhe administrimit të provave dokumentare, kanë referuar informacionin përkatës, mbi bazën e të cilit është regjistruar procedimi penal.
Në deklaratën e SPAK thuhet më tej se deri në këtë fazë të hetimit paraprak, provat e grumbulluara kanë çuar në përfundimin se ekzistojnë të dhëna konkrete që lidhen jo vetëm me korrupsionin pasiv, por edhe me veprat penale: “Korrupsion aktiv i funksionarëve të lartë shtetërorë ose të zgjedhurve vendorë”, “Pastrimi i produkteve të veprës penale ose veprimtarisë kriminale” dhe “Refuzimi për deklarim, mosdeklarimi, fshehja ose deklarimi i rremë i pasurive dhe interesave private të personave të zgjedhur dhe nëpunësve publikë”.
Gazetarja Klodiana Lala, ka qenë e ftuar në emisionin “Të Paekspozuarit”, ku tregoi për hetimet e SPAK-u ndaj kryebashkiakut të Tiranës, Erion Veliaj, bashkëshortes dhe rrethin tij të ngushtë.
Lala tha se nga verifikimi që ju bë Erion Veliaj, në daljet jashtë shtetit dhe pagesat me karta, po i ndihmojnë shumë prokurorët për hetimin pasuror të kryebashkiakut të Tiranës.
Ajo shtoi se disa transferta që Veliaj ka bërë në llogaritë e kompanive të Ajola Xoxës, janë të pajustifikuara sipas prokurorëve.
“SPAK ka regjistruar procedim penal nr 27 të vitit 2024 për veprën penale të korrupsionit pasiv mbi bazën e një kallëzimi, nuk e di kallëzuesin edhe pse kam dyshim të fortë. Ka dyshime që Veliaj dhe rrethi familjar kanë përfituar rryshfet nga individë dhe kompani që kanë lidhje me Bashkinë e Tiranës.
Ka patur hetim nga Prokuroria e Tiranës për biznesmenin Elman Abule, këtu është zanafilla. SPAK nga korrupsioni ka kaluar në sitë gjithë pasuritë e Veliajt dhe familjarëve. Ligji parashikon që çdo person që është duke u hetuar për korrupsion, automatikisht ndaj zyrtarit të lartë nis hetimi pasuror. Çfarë ndodh? U kërkohen të dhëna gjithë institucioneve.
Shikohen lëvizjet, hyrje daljet, kartat që ka përdorur, etj. Në këtë kuadër prokurorët kanë krijuar dyshime të arsyeshme që Veliaj është përfshirë në këtë aferë dhe është thirrur për t’u marrë në pyetje.
Është pyetur për udhëtimet që ka bërë jashtë vendit, për disa biznesmenë që kanë qenë në të njëjtin avion. Është pyetur për disa leje ndërtimi për persona që rezultojnë me marrëdhënie pune me bashkëshorten. Është pyetur për karta që janë përdorur. Vjehrra e zotit Veliaj, ka një studio ligjore, e cila ëhtë kontrolluar me vendim gjykate dhe janë marrë dhjetëra fatura, që kanë dhënë konsulencë juridike.
Janë duke parë tenderat dhe aktivitetin e OJF, Harabelit, që e drejton Ajola Xoxa. Në bizneset e Ajola Xoxës është gjetur shumë e konsiderueshm parash. Si ka mundësi që një person deklarues, që duhet të informojë ILDKPI… Thelbi është që prokurorët kanë dyshime të arsyeshme.
Nga ana tjetër nuk mund të relativizojë faktin, që ky njeri që dyshohet se ka firmosur leje ndërtimi për kompani, që bëjnë transferte për OJF e bashkëshortes dhe pretendohet se kanë marrë konsulencë juridike. E njëjta gjë me kompaninë e të vëllait.
Denoncuesi nuk është i rëndësishëm. Mund të ketë edhe letër anonime, SPAK mund ta nisë hetimin edhe kryesisht. Veliaj po tenton të na fusë në kurth, duke u marrë me denoncuesin. Për mua rëndësi ka vetëm një, a qëndrojnë faktet që pretendojnë prokurorët. A ka përfituar Erion Veliaj para?
Ka dhjetëra transferta në llogaritë e kompanive të Ajola Xoxës, që sipas prokurorëve janë të pajustifikuara. Dyshohet po kështu se janë bërë fatura fiktive.
Ndërsa për 5D, është mbyllur hetimi për zyrtarët e Bashkisë dhe po vijon një hetim tjetër, pra historia për aferën 5D nuk ka përfituar.” tha ajo. sn
Në një intervistë për edicionin e pasdites në SYRI TV, me moderatorin Edvin Parruca, avokatja Adriana Kalaja komentoi thirrjen në SPAK të kryetarit të Bashkisë Tiranë, Erion Veliaj.
Ajo ngriti akuza të forta ndaj institucionit të SPAK-ut, duke e cilësuar veprimtarinë e tij si të dirigjuar dhe të ndikuar politikisht. Sipas saj, SPAK-u krijon qëllimisht konfuzion për të mbuluar shkeljet ligjore dhe për të mbrojtur zyrtarët e lartë në pushtet, përfshirë Edi Ramën dhe Erion Veliajn.
Kalaja theksoi se hetimet janë të manipuluara dhe arrestimi i Veliajt do të ndodhë vetëm kur kjo t’i leverdisë politikisht kryeministrit Rama
ADRIANA KALAJA:
Ka një kakofoni që unë mendoj se e krijon vetë SPAK-u, për të mbuluar gjërat që SPAK-u dëshiron të fshehë. Kjo bëhet për të dhënë përshtypjen se SPAK-u po kryen detyrën, por në fakt po e ushtron atë duke shkelur ligjin dhe duke mbrojtur zyrtarët që janë në pushtet. Këtu e kam fjalën për Edi Ramën dhe Erion Veliajn.
Për t’u kthyer te rasti i Erion Veliajt, ndryshe nga ajo që pretendon Rama – i cili, në aspektin ligjor dhe penal, ka një farë të drejte kur thotë se nuk mban përgjegjësi për ministrat për shkak të përgjegjësisë së tyre personale – unë mendoj se Rama mban përgjegjësi politike dhe morale. Për sa kohë që ai i ka zgjedhur këta ministra dhe është titullari i qeverisë, përgjegjësia politike dhe morale i takon atij.
Po krijohet një kakofoni sepse, po të marrim vendimin që ka marrë Prokuroria e Posaçme lidhur me dosjen e hetimit pasuror të Veliajt, në qershor të vitit 2024 Prokuroria e Posaçme ka marrë një vendim për të krijuar një dosje të veçantë. Por nga doli kjo dosje? A u ngritën një mëngjes Altin Dumani dhe Olsi Dado dhe vendosën të krijonin një dosje të tillë? Apo të gjitha veprimet dhe aferat e paligjshme të përfshira në këto dosje, që janë rezultat i 55 kallëzimeve dhe denoncimeve, të cilat unë dhe Aleanca për Teatrin i kemi dorëzuar, krijuan dyshimin e arsyeshëm, madje edhe bindjen përtej këtij dyshimi, se kemi përpara vepra penale, përfshirë korrupsionin, fshehjen e pasurisë dhe pastrimin e parave?
Përse them unë që ky është një hetim me regji? Sepse arrestimi i Erion Veliajt do të bëhet ditën kur Edi Rama të japë urdhrin, ditën që i leverdis më shumë Ramës ose kur ai të ndodhet në një situatë të vështirë.
Pse duhet të merret në pyetje fillimisht Ajola Xoxa dhe më pas personi kryesor? Hetimet zakonisht fillojnë nga personi kryesor i dyshuar, ai që mban postin publik. Ajola Xoxa nuk ka ndonjë post publik dhe nuk është zyrtare, prandaj të gjitha veprimet e saj lidhen me një marrëdhënie të veçantë me kryetarin e Bashkisë Tiranë.
Dua të theksoj dy momente kryesore që sot më kanë lënë shije të hidhur:
1. Konfirmohet ajo që kam thënë prej kohësh – drejtësia me regji nuk është drejtësi. Drejtësia e dirigjuar tregon se SPAK-u jo vetëm që nuk funksionon, por prokurorët e tij duhet të mbajnë përgjegjësi penale.
2. SPAK thërret Belind Këlliçin në të njëjtën ditë me Erion Veliajn, i cili ka të paktën 90 kallëzime dhe për të cilin janë vërtetuar afera korruptive dhe kriminale. Kjo bëhet për të sfumuar lajmin dhe për t’i treguar publikut një gjoja paanshmëri.
Nëse SPAK është i paanshëm, duhet të mbajë të njëjtin standard dhe jo atë që kërkon Altin Dumani, Olsi Dado apo cilido tjetër.
Së fundmi, është e neveritshme që ata kryejnë hetime bazuar te një person i dënuar për gjenocid, terrorizëm dhe krime të tjera gjatë diktaturës. Ky person ka mbi 50 dosje në Prokurorinë e Tiranës dhe për të nuk është ndërmarrë asnjë veprim gjyqësor, pasi përdoret si mjet për të goditur Belind Këlliçin.
Drejtuesi politik i PD për Tiranën Belind Këlliçi është paraqitur mesditën e sotme në SPAK.
Ai është njëri nga denoncuesit me të mëdhenj të aferave korruptive të kreut aktual të bashkisë Tiranë i cili u mor në pyetje nga prokurorët e posaçëm në SPAK.
Drejtuesi politik i PD është shprehur se ka dhënë sqarimet e tij mbi shpifjet e hedhura kundrejt tij, pasi nxori zbuluar aferat korruptive të Bashkosë Tiranës me vlerë 1mld euro.
Këlliçi tha se asgjë nuk do mund ta stepë apo ti mbyllë gojën atij dhe PD për të denoncuar këto afera korruptive.
Belind Këlliçi:
Sqaroj opinionin publik që kam lindur në vitin 1987.
Kam dhënë të gjitha sqarimet shteruese në raport me shpifjet, mllefin vrerin e hedhur ndaj meje, për shkak se rrëzova një skemë korruptive me vlerën 1 miliard euro në inceneratorin e Tiranës dhe kam rrëzuar bandën më të madhe të hajdutëve që ka parë shqipëria dhe Ballkani, banda e 5D, kreu i së cilës para pak momentesh ka dalë nga kolegët e tij dhe trokitësit në institucionin e Prokurorisë Posaçme.
Jam i hapur dhe në dispozicion të drejtësis për cdo pyetje sqarim të mëtejshëm detajim që mund të ketë në raport më mua, familjen time apo këdo që është person i lidhur me mua, që nga dita që unë kam lindur e deri sot.
Këtu besoj jam sqarues për pjesën time. Në raport me ndodhitë e ditës së sotme keni parë që për të dytën herë brenda këtij viti se pronari faktik i inceneratorit Tiranë dhe kreu i bandës 5D është paraqitur në SPAK. Nuk e di kush kanë qenë zhvillimet por nëse dikush mendon se duke përdorur persona të diskredituar dhe dënuar me vendim gjykate për mashtrim që në vitin 86, do arrijë të më mbyllë mua gojën apo të stepë PD denoncimin për aferat korruptive, e ka gabim.
Lërini mënjëanë këta që kanë frimosur, më dilni përballë me fytyrë kushdo që mendon se do të më intimidojë në misionin për të goditur korrupsionin në Bashkinë e Tiranës. Kushdo që ka dika në raport me mua dhe raport me pretendimet e mia të nxjerrë fytyrën përballë ashtu si e kam nxjerrë unë duke firmosur në cdo faqe që kam dorëzuar.
Gazetari Basir Çollaku shprehet se një sondazh i brendshëm në PS ka zbuluar se 30% e elektoratit socialist është kthyer në votë gri, kur jemi 5 muaj larg zgjedhjeve të 11 majit. Sipas tij, kjo është arsyeja pse kryeministri ka shtuar presionin drejt shqiptarëve që jetojnë jashtë vendit.
Por për analistin Martin Leka, situata është më disfavorizuese në kampin blu. Ai tha se në radhët e opozitës janë krijuar 7 parti të reja të cilat rrjedhin nga PD.
Martin Leka: Ka një handikap të madh, bie pëlqimi për qeverinë, por bie edhe për opozitën. Këtë vit si rutinë e viteve të fundit kemi Edi Ramën në pushtet, Sali Berishën në opozitë. Kemi një pushtet të korruptuar që vjedh, një opozitë që vetëm denoncon dhe bën protesta. Kemi PD-në e Berishës, kemi PS-në e Ramës. Kemi PS-në monolite, kemi PD-në të përçarë në disa parti. Në PD sot janë 7 parti të reja të vogla që janë të gjitha pjellë e PD. Dashamir Shehi është jashtë PD, Enkelejd Alibeaj, Agron Shehaj, Lulzim Basha që kanë dalë nga PD. Por kemi edhe disa part as me PD as me PS, Qori, Lapaj, Shabani. 7 parti, sikur nga 10 mijë vota të marrin janë 70 mijë vota që janë të mjaftueshme për të dëmtuar PD-në. Nëse në PS dikush është i pakënaqur nuk shkon të votojë, se sa t’i japë vota PD-së, edhe të djathtët nuk besoj se japin vota majtas. I vlerësoj sondazhet… SHBA është një përjashtim që ka lidhje as me partitë por me fenomenin e Donald Trump dhe këtu bie fakti që në Shqipëri…
Basir Çollaku: Kanë dështuar në parashikimet e tyre. Sondazhi më i mirë është ajo që ndodh në Shqipëri, jo përpunimi i opinionit. Shko te dyqani i lagjes, kreditë, ekonomia, eksodi. Rama ka një agresion drejt diasporës. Pse? 30% e votave të PS, Edi Rama e di që i është bërë votë gri, i ka ikur nga subjekti. E ka nga sondazhet e brendshme të PS.
Ilda Dhori: Gjithmonë ka patur parti të reja. A na prishin punë? Qoftë edhe një votë e vetme.
Martin Leka: Pse i injoroni atëherë?
Ilda Dhori: Nuk injorojmë askënd. Dera është e hapur për çdo opozitar që kërkon të jetë kundër Edi Ramës. Votat që do na rrjedhin nga partitë e vogla është pjesë e skemës së Edi Ramës. Koalicionet parazgjedhore nuk i lejon Edi Rama se i ka të humbura zgjedhjet, është një dëm shumë i madh, ndaj dhe duam vëmendjen e ndërkombëtarëve dhe prandaj duam qeveri teknike për besueshmërinë e procesit. Në 2017 nuk ishte qeveri teknike sepse Edi Rama ishte kryeministër.
Anila Basha: Nëse Agron Shehaj, Enkelejd Alibeaj, Lulzim Basha marrin vota majtas, do ishte një kalkulim dhe strategji e zgjuar e opozitës. Por vota majtas marrin Arlind Qori dhe Adriatik Lapaj apo Endri Shabani. Por të parët janë deputetë të PD që vetëm në 2024 kanë ikur nga PD. PD duhet të bëjë analizë për veten e vet pse po më ikin njerëzit kur duhet t’i afrojë sa më shumë. Cila është ajo forcë madhore që shtyn deputetët më në zë…Lulzim Basha është ish-lideri, Alibeaj drejtoi PD-në, Agron Shehaj hyn te njerëzit më të votuar dhe më me zë në Parlament. Pse ikin këta? Ça i mungon PD-së?
Ilda Dhori: Edhe e majta nuk është fushë me lule…
Anila Basha: Më thuaj cili është programi juaj tre muaj para zgjedhjeve. Sa do jetë rroga minimale, biznesi i vogël, taksat, politika e jashtme… S’keni një program.
Kryetari i Bashkisë së Tiranës, Erion Veliaj përfundon dëshminë në SPAK pas rreth 5 orësh. Veliaj iu drejtua ambienteve të Prokurorisë së Posaçme rreth orës 09.00 të mëngjesit të kësaj të enjte.
Ai nuk komentoi për gazetarët, teksa linte ambientet e Prokurorisë së Posaçme, lidhur me çështjen për të cilën u pyet, por shkurtimisht tha se do të japë më shumë informacione në mbledhjen e Këshillit Bashkiak të Tiranës.
Prokurorët e Posaçëm po kryejnë hetime ndaj Veliajt për korrupsion pasiv, bën të ditur gazetarja Klodiana Lala. Hetime ndaj Veliajt dhe familjarëve të tij po zhvillohen edhe sa i takon pasurisë.
Më herët në SPAK ka dëshmuar edhe bashkëshortja e Veliajt, Ajola Xoxa. Disa ditë më parë, agjentët e BKH sekuestruan telefonin e Xoxës.
Janë liruar të 7 protestuesit e arrestuar për bllokimin e rrugëve.
Qytetarët ishin ndaluar nga policia gjatë mosbindjes civile të 23 dhjetorit të organizuar nga Partia Demokratike, ku u bllokua qarkullimi i makinave në 5 nyjet kryesore të kryeqytetit.
Gëzim Sadikaj, Vlash Gjonaj, Çlirim Koka, Arif Hoxha, Julian Çela dhe Albin Cani janë lënë të lirë, ndërsa gjykata e vlerësoi të ligjshëm ndalimin e tyre.
Për Romarjo Billën gjykata e konsideroi të paligjshëm ndalimin.
Në seancën e sotme, Gjykata e Tiranës caktoi masën e ‘detyrim paraqitje’ për personat e ndaluar, të cilët sipas policisë dhe prokurorisë ishin arrestuar për pengim të qarkullimit dhe kundërshtim te punonjësve të policisë. SN
Shehaj: Arben Malaj u nxitua. Në asnjë rast nuk i është ofruar ofiq në radhët tona
Ish-ministri socialist, Arben Malaj deklaroi një ditë më parë në një status të gjatë në rrjetet sociale se ishte ftuar nga Agron Shehaj për të aderuar në partinë e tij, “Mundësia”. Malaj shpjegonte, sipas tij, 8 arsyet pse nuk e kishte pranuar ofertën.
Por sot, kreu i “Mundësia”, Agron Shehaj përmes një reagimi ka përgënjeshtruar Malajn, duke theksuar se nuk është ofruar asnjë post në radhët e forcës politike që ai kryeson. Ftesa që mund të ketë marrë Malaj, sqaron ish-deputeti demokrat, Agron Shehaj, mund të ketë qenë një mesazh apo telefonatë, një strategji kjo në funksion të një fushate të hapur publike që Mundësia po bën, sipas tij, duke ftuar qytetarët të bëhen pjesë e ndryshimit politik.
“Fushatat e hapura dhe ftesat publike për të dhënë kontribut janë një model i hapur e perëndimor po mesa duket z.Malaj nxitoi duke e cilësuar ftesën publike si ofiq partiak”, thekson Shehaj.
Reagimi Partia Mundësia përgënjeshtron shkrimin e ish ministrit socialist Arben Malaj pasi në asnjë rast nuk i është ofruar post në radhët tona. Partia Mundësia ka nisur një fushatë të hapur publike duke kontaktuar miliona shqiptarë përmes rrjeteve sociale, telefonatave, SMS-ve duke ftuar qytetarët të bëhen pjesë e ndryshimit politik. Fushatat e hapura dhe ftesat publike për të dhënë kontribut janë një model i hapur e perëndimor por që mesa duket z Malaj nxitoi duke e cilësuar ftesën publike si ofiq partiak. Ky model i hapur politik na dallon prej të tjerëve dhe falenderojmë mijëra shqiptarët që janë bashkuar për opozitë të vërtetë si dhe stafin e Partisë Mundësia që po bën një punë të jashtëzakonshme për të kontakuar këdo që identifikohet me vlerat e djathta dhe dëshiron të jetë pjesë e këtij projekti politik afatgjatë.
I kujtova që kam qenë për 16 vite deputet i PS dhe….
Ish-ministri i Financave, Arben Malaj, njëherësh një nga figurat e njohura të Partisë Socialiste, në një opinion për Gazetën Panorama ka rrëfyer ofertën që i kanë bërë nga Partia “Mundësia” e Agron Shehajt për të qenë pjesë e saj.
Malaj që prej 16 vitesh ka qenë pjesë e Parlamentit si deputet dhe që ka mbajtur poste kyçe në në qeverisjen socialiste si ministër i Financave dhe Ekonomisë, i është ofruar të jetë “nënkryetar” i një dege të partisë së Shehajt.
“Para disa ditësh më ra telefoni, ishte një numër i panjohur. Vazhdoj të ndiej një detyrim mirënjohës ndaj njerëzve dhe iu përgjigja pa vonesë. Zonja në anën tjetër pyeti nëse po fliste me mua.
Iu identifikova menjëherë. Zonja po telefononte nga partia e zotit Shehaj dhe më kërkoi që në riorganizonim e njësisë nr. 5 në Tiranë të isha nënkryetar. Më duhet ta sqaroj zonjën se kisha shërbyer për 16 vjet si deputet i Partisë Socialiste në qarkun e Vlorës në vitet 1997-2013 dhe se në vitet 1997-2005 kisha shërbyer si ministër Finance dhe ministër ekonomie. Gjatë këtyre viteve pata mundësinë që me integritet të thellë, me dashuri të madhe dhe me profesionalizëm të spikatur, të arrij ta nxjerr vendin nga kurthi i firmave piramidale.
Shpesh, pas vitit 2013 kur nuk jam më aktiv në PS dhe politikë janë disa parti të spektrit të majtë apo edhe të djathtë me ftojnë t’u bashkohem atyre. Ndoshta disa prej tyre shpresojnë që unë të jem i pakënaqur me PS-në dhe të hidhem nga njëra parti në tjetrën për ndonjë post deputeti apo ministror. E kanë shumë gabim, sepse për socialistët e thjeshtë dhe të pakorruptuar, që nuk kanë përfituar asgjë personalisht gjatë mandateve të qeverisë së PS-së kam një mirënjohje të pakushtëzuar dhe të përhershme” shkruan Malaj.
Me tej, Arben Malaj shkruan se: “Nuk i preferoj kërcimet nga njëra parti në tjetrën për poste deputetësh apo ministrore. Churchill deklaronte se: “për parime unë ndërroj parti, për parti nuk ndryshoj parime”. Janë të pakta rastësi ky i Churchill-it kur kalimi nga një parti në tjetrin bëhet për të krijuar mazhoranca të reja parlamentare. Politikani që bën këtë kalim “ylberi”, e bën, sepse me këtë kapërcim, ai bëhet lider i partisë së tij dhe vendit të tij”.
Fillimisht dua të sqaroj se pluralizmin e shëndetshëm e konsideroj si një nga parakushtet thelbësore për zhvillimet dhe standardet demokratike.
Në këtë drejtim, vlerësoj angazhimin e zotit Shehaj për ristrukturimin e së djathtës shqiptare, e cila ndodhet në krizën e identitetit dhe përfaqësimin më të dobët politik që nga viti 1991. Para disa ditësh më ra telefoni, ishte një numër i panjohur. Vazhdoj të ndiej një detyrim mirënjohës ndaj njerëzve dhe iu përgjigja pa vonesë. Zonja në anën tjetër pyeti nëse po fliste me mua.
Iu identifikova menjëherë. Zonja po telefononte nga partia e zotit Shehaj dhe më kërkoi që në riorganizonim e njësisë nr. 5 në Tiranë të isha nënkryetar. Më duhet ta sqaroj zonjën se kisha shërbyer për 16 vjet si deputet i Partisë Socialiste në qarkun e Vlorës në vitet 1997-2013 dhe se në vitet 1997-2005 kisha shërbyer si ministër Finance dhe ministër ekonomie. Gjatë këtyre viteve pata mundësinë që me integritet të thellë, me dashuri të madhe dhe me profesionalizëm të spikatur, të arrij ta nxjerr vendin nga kurthi i firmave piramidale.
Shpesh, pas vitit 2013 kur nuk jam më aktiv në PS dhe politikë janë disa parti të spektrit të majtë apo edhe të djathtë me ftojnë t’u bashkohem atyre. Ndoshta disa prej tyre shpresojnë që unë të jem i pakënaqur me PS-në dhe të hidhem nga njëra parti në tjetrën për ndonjë post deputeti apo ministror. E kanë shumë gabim, sepse për socialistët e thjeshtë dhe të pakorruptuar, që nuk kanë përfituar asgjë personalisht gjatë mandateve të qeverisë së PS-së kam një mirënjohje të pakushtëzuar dhe të përhershme. Cilat janë tetë arsyet kryesore përse nuk e pranova ftesën e partisë së zotit Shehaj:
1. Integriteti është gur themeli i besimit. Pa të, çdo ndërtesë politike është e destinuar të shembet. Asnjëherë për asnjë karrige nuk do t’i zhgënjej të gjithë ata që më kanë besuar, më kanë mbështetur dhe kanë sakrifikuar për PS-në.
2. Nuk i preferoj kërcimet nga njëra parti në tjetrën për poste deputetësh apo ministrore. Churchill deklaronte se: “për parime unë ndërroj parti, për parti nuk ndryshoj parime”. Janë të pakta rastësi ky i Churchill-it kur kalimi nga një parti në tjetrin bëhet për të krijuar mazhoranca të reja parlamentare. Politikani që bën këtë kalim “ylberi”, e bën, sepse me këtë kapërcim, ai bëhet lider i partisë së tij dhe vendit të tij.
3. Respekt për veten. Eleanor Roosevelt, një ikonë e politikës amerikane, këshillon se: “Askush nuk mund të ndihet i pandershëm pa pëlqimin e tij”. Ndaj e pata të vështirë të pranoja mosrespektimin dhe të pranoja një ftesë spontane, e cila as nuk njihte dhe për rrjedhojë nuk i respektonte kontributet e mia në jetën publike, shkencore dhe politike të vendit tim nga viti 1991 e deri më sot.
4. Angazhimi im që nga fillimi i pluralizmit në të majtën progresive në vitin 1991 nuk ishte një vendimmarrje spontane dhe aq më pak karrieriste. Kur hyra në Partinë Socialiste në vitin 1991, ambienti politik ishte shumë i tensionuar. Pata fatin që pata mundësinë të kontribuoja në uljen e tensioneve politike dhe një përfaqësim dinjitoz të socialistëve në Vlorë, në atë periudhë shumë të tensionuar deri armiqësore midis shqiptareve. Në atë periudhë të vështirë, kryetar i PS-së në Vlorë ishte Gëzim Tushe, një personalitet dhe intelektual me vizion të qartë për përgjegjësitë e PPSH dhe për sfidat e vështira të Partisë Socialiste. Gëzimi ishte/është një personalitet që gëzonte respekt nga i gjithë spektri politik në Vlorë.
Unë u bashkova me të majtë, sepse edhe sot besoj se nuk mund të zgjidhen probleme të vështira si thellimi i varfërisë dhe pabarazisë në nivele ekstreme deri në atë pikë sa 8 miliarderët më të mëdhenj kanë pasuri sa 3.5 miliardë banorë, ose gjysma e popullsisë së botës, nga duart e padukshme/të fshehura të Smithit. Përballë ekonomisë së tregut që absolutizon efektet e duarve të padukshme, preferoj dhe mbështes modelin e ekonomisë sociale të tregut, ku kohezioni social dhe solidariteti qetësojnë plagët sociale të dështimeve të tregut të lirë.
5. Z. Shehaj së fundmi ka nisur një fushatë si gjithë të tjerat me agresivitet në rritje dhe jo me një platformë qeverisëse bindëse për reformat në politikë dhe ekonomi. Ai duhet të bëjë një ndryshim thelbësor, duke konkurruar me program alternativ bindës dhe me një gjuhë të moderuar të komunikimit publik.
6. Z. Shehaj mund të përfitojë nga konkurrenca e platformave, nga demokracia brenda partisë së tij. Vrasja e demokracisë së brendshme të partive në Shqipëri ndodhi pas ndryshimeve kushtetuese 2008. Sot partitë politike në vendin tonë janë shoqëri me përgjegjësi të përbashkët (SHPK) me një pronar/aksioner të vetëm, që është kryetari i partisë.
7. Jo më pak e rëndësishme është deformimi i profilit publik të z. Shehaj, i cili në vend të bëjë dallimin pozitiv në politikën shqiptare, ai po përplaset në podiumin e Kuvendit të Shqipërisë dhe emisionet në mediat vizive me një agresivitet shqetësues.
8. Si ekonomist, e vlerësoj të shëndetshme për demokracinë rritjen e platformave konkurruese. Sidomos në ambientin tonë politik të monopolizuar dhe të korruptuar./ Gazeta Panorama
Studentët grevistë të universitetit të Serbisë u mblodhën të mërkurën jashtë zyrës së kryeprokurorit për të kërkuar drejtësi në lidhje me shembjen e tendës së një stacioni treni që vrau 15 njerëz muajin e kaluar në provincën veriore të vendit.
Më shumë se 1,000 studentë lanë në mënyrë simbolike letra në pragun e zyrës së prokurorit publik, duke i thënë kryeprokurores Zagorka Dolovac se “studentët presin që ju të luftoni për ligjin dhe drejtësinë, pa abuzim politik apo korrupsion”.
Zyra e Dolovac më vonë u përgjigj me një deklaratë duke ftuar një delegacion studentor në një takim.
Universitetet e Serbisë janë bllokuar për javë të tëra si pjesë e një lëvizjeje më të gjerë që kërkon llogari për tragjedinë e 1 nëntorit në rajonin e kryeqytetit të Vojvodinës, Novi Sad, kur një tendë masive betoni në stacionin hekurudhor u përplas mbi njerëzit poshtë.
Shumë në Serbi fajësojnë për kolapsin korrupsionin e përhapur dhe punën e ngadaltë në rinovimin e ndërtesës, një nga disa megaprojektet e infrastrukturës që përfshin kompanitë shtetërore kineze që tani janë nën pikëpyetje.
Prokurorët kanë arrestuar 13 persona për tragjedinë e Novi Sadit, duke përfshirë një ministër të qeverisë, lirimi i të cilit më vonë ushqeu skepticizmin publik rreth sinqeritetit të hetimit.
Studentët grevistë në Serbi kanë marrë mbështetje të gjerë nga profesorët e tyre, fermerët, aktorët dhe të tjerë. Dhjetëra mijëra iu bashkuan një proteste të udhëhequr nga studentët në Beograd të dielën, e cila pasqyroi gjithashtu pakënaqësi më të gjerë me qeverisjen e presidentit populist Aleksandar Vuçiç.
Studentët protestues të mërkurën mbanin pankarta me shenja të kuqe të duarve – një simbol proteste që u tregon autoriteteve se kanë “gjak në duart e tyre”.
Në një përpjekje të dukshme për të zbutur grevat e studentëve, Vuçiç ka reklamuar atë që ai e përshkruan si kredi “të favorshme” për të rinjtë për të blerë apartamente.
Udhëheqësi serb është përballur me akuza për frenim të lirive demokratike, pavarësisht se ka ndjekur zyrtarisht anëtarësimin në Bashkimin Evropian për kombin e Ballkanit Perëndimor, duke ruajtur lidhje të ngushta me Rusinë dhe Kinën./ Euronews – Syri.Net
Analisti dhe gazetari Genc Burimi përmes një komunikimi të drejtpërdrejtë në News24, ka theksuar se qeveria shqiptare nuk mund të vijojë të drejtojë vendin pas tre mandateve. Sipas tij, mazhoranca e tanishme ka vepruar pa pasur një vështrim ndërkombëtar, por tani është nën mbikëqyrjen e këtyre të fundit.
Burimi ka sugjeruar një reformë të thellë institucionale, duke propozuar kalimin në një mandat unik për kryeministrin për të thyer”kultin e individit” në politikën shqiptare. “Nëse shqiptarët hyjnë në këto zgjedhje me idenë për të mos jetuar më si më parë, duhet të mendohet një ndryshim i thellë,” tha ai.
Sa i përket SPAK, Burimi deklaroi e mbështet institucionin, por ka kundërshtuar zgjatjen e mandatit të kryeprokurorit Altin Dumanit, duke paralajmëruar se kjo mund të dëmtojë demokracinë. “SPAK nuk duhet të lidhet me individë të caktuar,” theksoi ai. bw
Ish-sekretari i Përgjithshëm i Ministrisë së Brendshme, aktualisht deputet i Partisë Socialiste Plarent Ndreca i cili është marrë i pandehur nga SPAK për shkelje të barazisë në tendera akuzohet se në bashkëpunim me zyrtarë të tjerë të Ministrisë kanë favorizuar Gjon Radovanin si përfitues i tenderit për rikonstruksionin e 4 komisariateve.
Sipas SPAK, Ndreca dhe zyrtarët e Ministrisë e kanë privilegjuar Radovanin në të gjitha fazat e procedurës së prokurimit dhe në përfundim e kanë shpallur fitues dhe lidhur kontratë me me bashkimin e Operatorëve ekonomikë, Derbi-E shpk,ndërkohë që nuk përmbushte kriteret ligjore.
Radovani sikurse rezulton në dosjen e SPAK rezulton të jetë mik me ish-ministrin e Brendshëm Sandër Lleshaj, me të cilin ka shkëmbyer dhe mesazhe. E duket se për shkak të njohjeve dhe lidhjeve me titullarin e institucionit, kompania e tij ka fituar dhe tendera pranë ministrisë së Brendshme.
Nga hetimet rezulton se mes Radovanit i cili ka qenë konsulent në Ministrinë e Brendshme për këtë tender dhe të pandehurit Plarent Ndreca janë shkëmbyer emaile, që përmbajnë të dhëna lidhur me ambientet e komisariateve Vlorë, Pogradec dhe Mirditë, të cilët do të rikonstruktoheshin.
Sipas SPAK të dhënat i janë përcjellë paraprakisht shtetasit Gjon Radovani, i cili është ortak i APE shpk që u shpall fitues si bashkim operatorësh me Derbi-E shpk, në procedurën e prokurimit.
Në dosje thuhet se mes Ndrecës dhe Radovanit por edhe zyrtarëve të tjerë të ministrisë janë zhvilluar takime dhe kanë diskutuar lidhur me gjendjen e objekteve policore.
“Nga ky komunikim provohet se i pandehuri Plarent Ndreca ka patur dijeni paraprakisht lidhur me angazhimin dhe pjesëmarrjen e shtetasit Gjon Radovanit në hartimin e projekteve tip për objekte të policisë së shtetit për të cilat do të zhvillohej më pas dhe procedura e prokurimit”, thekson SPAK.
Për të pandehurin Plarent Ndreca me detyrë në atë kohë Sekretar i Përgjithshëm dhe Titullari i Autoritetit Kontraktor në procedurën e prokurimit, objekt hetimi evidentohet qartësisht sjellja e tij e kundërligjshme duke dokumentuar një sërë shkelje ligjore gjatë fazave të ndryshme të procedurës së prokurimin publik objekt hetimi.
SPAK thekson se ai në bashkëpunim me punonjësit e tjerë, si specialistët e prokurimeve, anëtarët e KVO, anëtar KSHA, drejtoreshën e kabinetit të Ministrit dhe drejtoreshën e Shërbimeve Mbështetëse në Ministri kanë bërë të mundur që këtë tender ta fitonte BOE Derbi-E dhe APE shpk, duke krijuar avantazhe për këtë subjekt gjatë procedurës së prokurimit.
Për çudi pavarësisht se ish-zv.ministri Gjon Radovani rezulton se ka fituar tendera nga institucioni që drejtonte një prej miqve të tij, as ai dhe as Sandër Lleshaj nuk janë vënë nën akuzë nga SPAK. bw
Besimtarët katolikë kremtojnë Krishtlindjen, mbahet mesha te Katedralja e “Shën Palit”.
Besimtarët katolikë morën pjesë në meshën e Krishtlindjes në mesnatë, në katedralen e “Shën Palit”. Mesha u drejtua nga kreu i Kryedioqezës Mitropolitane Tiranë-Durrës, Arjan Dodaj. Në Tiranë mesha e Krishtlindjes për besimtarët katolikë nisi rreth orës 23:00 dhe vazhdoi deri pas mesnate.
“Sot ripërsëritet fjala plot shpresë e Zotit: Ka lindur për ne një shpëtimtar. Jo abstrakt, por i imi dhe yti. Ka lindur Krishti që shpëton, sepse ka ardhur për të shpëtuar popullin e tij dhe populli i Zotit je ti, jemi ne”, u tha besimtarëve të pranishëm në meshë, imzot Arjan Dodaj, arqipeshkëv i Dioqezës Tiranë-Durrës.
“Kemi nevojë t’i edukojmë brezat e ri tek shpresa sepse janë të shpërqendruar nga gjërat e kota, nuk dinë të shohin gjërat e bukura. Kush nuk ka shpresë nuk ka familje, nuk jeton në rrjet, nuk është online me dashurinë me fenë e Zotin””, vijoi Dodaj.
Një mesazh ai e kishte edhe për politikanët. “Politikanët të mund të mësojnë politikë më të shëndetshme, jo dhunë e vulgaritet, fëmijët ju vëzhgojnë dhe jo rrallëherë ju imitojnë”.
Në ligjëratën e tij, imzot Dodaj e vuri theksin tek shpresa. “Shpresa është lajtmotivi i këtij viti jubilar”, tha arqipeshkëvi Dodaj, i cili në këtë natë të lindjes së Krishtit i ftoi besimtarët të bashkohen me të gjithë ata që shpresojnë e besojnë në emrin e tij.
Ishin të shumtë besimtarët katolikë të pranishëm në meshë, edhe pse në orë të vonë dhe temperatura të ulëta.
Krishtlindja është nga festat më të rëndësishme në kalendarin e besimtarëve katolikë por edhe atyre ortodoksë, të cilët meshën e festës e mbajnë në mëngjesin e 25 dhjetorit.
Sipas besimit të krishterë, në këtë ditë ka ardhur në jetë nga virgjerësha Mari, shpëtimtari Jezu Krishti, biri i Perëndisë.
Festa e Krishtlindjes fton në unitet dhe në të qenit pranë ngrohtësisë së familjes dhe atyre në nevojë. Ashtu si drita e qiririt, Krishti Fëmijë vjen për të ndriçuar jetët e besimtarëve, duke bërë të dukshme rrugën e shpëtimit.
Mesha në mesnatë janë mbajtur edhe në kisha e tjera katolike, të shpërndara në 6 dioqezat e vendit.
Gazetari Basir Çollaku i ftuar në ‘Task Force’ me Sonila Meçon në SYRI TV, ka deklaruar se, Edi Rama është ftuar në SPAK për të dëshmuar.
Gjatë bisedës në studio, Çollaku u shpreh se është shtyrë nga dita në ditë vajtja e tij dhe pritet të dëshmojë shumë shpejt.
‘Kur të thashë para pak ditëve që Edi Rama është ftuar nga Prokuroria e Posaçme të dëshmojë, brenda dhjetorit, mund të shtyhet me orë ose me ditë dhe arsyeja mund të jetë që ai të shkojë atje si ish-kryeministër dhe jo si kryeministër.
Para 11 majit, me fillimin e vitit të ardhshëm.
Nuk po e lëshon kollaj, po e lëshon me zor. Pse është kollaj?
Ka 7 vite që ka nisur hetimi i inceneratorit, nuk mbaron.
Kishte 5 vite që në Itali mori formë të prerë. Nuk është kollaj, ata kanë fituar kohë 4-5 vite.
Nuk fitojnë më kohë, koha ka mbaruar, kanë mbaruar dhe minutat shtesë dhe ministri i Brendshëm që nuk ishte denoncuar në SPAK, por tek prokuroria e Tiranës, ka 1 vit i denoncuar dhe prokuroria e posaçme ia ka deleguar për kompetencë prokurorisë së Tiranës dhe nuk e kam parë ta thërrasë, as si ish-kryeinspektor as si ministër.
Ca rëndësie ka detyra që ka. Kallëzimi është, provat janë, sipas letrave shoqëruese, kishte prova të mjaftueshme për ta hetuar.
Ai zotëri duhet të përballet me drejtësinë, apo tani që u bë ministër kanë frikë ta thërrasin ata’, tha Basir Çollaku në SYRI TV. sn
Gazetari Enton Abilekaj, e konsideron të vonuar krijimin e një qeverie teknike në mars.
I ftuar në edicioni e pasdites në Syri Tv, përmes një lidhjeje skype, Abilekaj tha se qeveria teknike, duhet të mbyllet brenda marsit, në mënyrë që të merren masa për garantimin e zgjedhjeve të lira e të ndershme, pasi ekziston mundësia në ndikimin e procesit zgjedhor.
Sipas Abilekajt, opozita duhet të intesifikojë aksionin e saj deri në rrëzimin e kësaj qeveria, në të kundërt rezultati do të jetë i fituar në tavolinë, sërish nga mazhoranca, duke pasur parasysh se ka në anën e saj policinë politike.
Kjo çështje të mbyllet brenda masrit që të merren masa për zgjedhje të lira e të ndershme. Është e vështirë, pasi ka një organizim të gatshëm të grupeve shtetërore e jo shtetërore për të për të shkelur ligjin e për të ndikuar procesin zgjedhor. 3 muaj është afat i shkurtër. Mosbindja civile është shumë e vonë dhe s’ka krisur ende në themel këtë qeverisje, duhet të intesifikohet e të bëjë bllokim deri në rrëzimin e qeverisë. Ndryshe do të kemi një rezultat të paravendosur zgjedhor.
Një pjesë e policisë është e mbushur me efektivë që i bindet urdhrave partiakë e jo ligjit, provokonin protestuesit, përplaseshin me ta. Kemi një deputet në spital, dhjetëra të proceduar për të dhënë idenë se kjo është revoltë që s’po arrin qëllimin. Duke pasur parasysh këtë ngarkesë militantësh në polici, qeveria teknike të arrihet brenda shkurtit, që të depolitizohet administrata. Nëse nuk ndodh do ta kemi shumë të vështirë. Nëse do të ketë këtë masë politike në polici, zgjedhjet do të jenë të vështira.
Opozita është duke gabuar në raport me sjelljen që ka me publikun. Kemi përballë jjë regjim, një autokrat të nivelit shumë të lartë që ka inkriminuar shtetin, biznesin, ekonominë dhe s’është gati të largohet. S’është gati të hetohet e të bëhet një proces. Qeverinë teknike s’do e lëshojë kurrë, vetëm nëse do të jetë i detyruar. Një qeverisje totalitare që ka pushtuar gjithçka dhe nuk lejon asnjë liri politike dhe individuale. Faktet janë që ajo që pritet nga çdo mosbindje civile, duhet të injektojë më shumë entuziazëm. sn
Kryetari i PD, Sali Berisha, ka përshkuar më shumë se pesë kilometra për të qenë prezent në vendet ku po zhvillohej mosbindja civile e opozitës, mbrëmjen e djeshme (23 dhjetor 2024).
Marshimi i tij ka nisur fillimisht tek Rruga e Elbasanit, pranë Xhamisë së Namazgjasë, deri te Bashkia e Tiranës, një gjatësi rreth 700 metra një distancë që kërkon rreth 9 minuta për t’u përshkuar.
Më pas Berisha është drejtuar për te Zogu i Zi, apo sheshi Karl Topia, duke përshkuar mes përmes sheshin ‘Skënderbej’, dhe për të vijuar përgjatë Rrugës së Durrësit. Kjo është një distancë rreth 2 kilometra, e cila kërkon një kohë jo më pak se 30 minuta për t’u përshkuar.
Më tej, Berisha do të vijonte rrugëtimin e tij në unazë për t’u drejtuar për nga sheshi “Uillson”, një distancë rreth 2.6 kilometra dhe 38 minuta për t’u përshkuar.
Pra, me një llogari që kemi mundur të bëjmë, Berisha, 80-vjeç, me një super energji, ka përshkuar 5.3 kilometra në këmbë për një periudhë kohore prej 1 orë e 15 minuta.
Një distancë goxha e madhe dhe për ata persona që janë në të 20-at e tyre. Këtu në këtë llogaritje nuk kemi futur periudhën kohore të qëndrimit në këmbë, e cila përllogaritet të jete rreth2 orë e 42 minuta.
Një performancë për t’u pasur zili e zotit Berisha, jo vetëm për moshën, por edhe për faktin se ka ndenjur 1 vit në arrest shtëpie duke u privuar nga aktiviteti fizik. sn
Kryetari i Partisë Demokratike, Sali Berisha ka ftuar qytetarët shqiptarë në mosbindjen civile të opozitës, që nis në orën 5 të pasdites.
Gjatë konferencës për mediat, Berisha u shpreh se, kjo mosbindje civile është për të gjithë shqiptarët.
Pjesë nga fjala e kreut të PD, Sali Berisha:
Sot është dita e një revolte, e mosbindjes civile, të PD-së dhe opozitës, në emër të mbi 1.1 milion shqiptarëve që u larguan nga Shqipëria nga ky regjim për shkak të varfërisë dhe privimit të lirive.
Është revolta në emër të 800 mijë pensionistëve, që u trajtuan nga kjo qeveri në mënyrën më çnjerëzore.
Pensionistët e Shqipërisë sot marrin një pension të barabartë me 1 qen shtëpie në Gjermani, që paguhet 130 euro.
Është protesta në emër të qindra mijëra të rinjve, të cilët kanë si alternativë të vetme largimin nga Shqipëria.
Është protesta në emër të qindra mijëra fermerëve, të cilët janë fermerët më të diskriminuar të Europës, më të pambështetur, për të cilët në buxhetin e shtetit, ndonëse japin 20 përqind të prodhimit të brendshëm, ndonëse përbëjnë rreth 40 përqind të popullatës, janë parashikuar gjithsej 44 milionë euro.
Është revolta e mbarë shqiptarëve që duan të jetojnë në Shqipëri.
Që duan të ndërtojnë jetën, mirëqenien dhe të ardhmen në këtë vend ku plaçkiten nga një grup hajdutësh që nuk i kanë pasur kurrë në historinë e vendit.
Kjo protestë, kjo revoltë zhvillohet edhe në shenjën e sakrificës që demokratët janë të vendosur të bëjnë në emër të shqiptarëve në këto prag festash.
Ndaj ftoj qytetarët e Tiranës dhe mbarë Shqipërisë sot në ora 5, marshim në Tiranë, Tirana në duart e qytetarëve. sn
SPAK ka ndryshuar akuzën për tre të akuzuarit e dosjes “Sterilizimi”.
Lajmi konfirmohet për BalkanWeb nga gazetarja Klodiana Lala.
Ish-ministri Ilir Beqaj, ish zv. ministri Klodian Rrjepaj dhe biznesmeni Ilir Rrapaj, do të akuzohen tashmë si grup i strukturuar kriminal.
“Ne pranojmë të ngrëmë akuzat siç i sugjeron gjykata. Pavarësisht se mendojmë që akuzat e ngritura prej nesh ishin të drejta”, u shprehën prokurorit e posaçëm.
Seanca e radhës për “Sterilizimin” është caktuar 9 janari sepse iu dha kohe te pandehurve te paraqesin konkluzionet për akuzat e reja. bw
Eurodeputeti Fredi Beleri i është drejtuar Prokurorisë së Posaçme SPAK me një kërkesë për informacion në lidhje me padinë e bërë nga ai ndaj kryebashkiakut të kohës në Himarë Jorgo Goro, deputetes së PS, Olta Xhaçka, bashkëshortit të saj, Artan Gaçi dhe disa personave të tjerë, për grabitjen e pronave në Himarë.
Beleri shkruan në kërkesën e tij, se nga burime të hapura ka mësuar se SPAK ka dërguar në gjyq Jorgo Goron dhe persona e tjerë, por nuk ka asnjë informacion për dy të pandehurit e tjerë, deputeten e PS-së Olta Xhaçka dhe Artan Gaçin.sn
Në bisedën me Alice Taylor në Podkastin e saj “Inside Albania”, në Euro News, Kryetari i Partisë Demokratike Sali Berisha ka folur edhe per pengjet e tij ne politikë.
Më tregoni! Vlerësimi dhe kritika për veten janë të rëndësishme.
Berisha: Një nga problemet e mia më kryesore me diktaturën, edhe pse nuk isha i përndjekur, ishte se ata e shpallën veten të pagabueshëm. E përçmoja këtë gjë. Nuk ka njerëz të pagabueshëm. Çdo ditë vlerësoja ku kisha gabuar në aktivitetin tim të përditshëm dhe si duhet ta korrigjoja. Kur lexova Ronald Reagan që shkruante se “Qeveria është problemi”, kjo më frymëzoi. Më ndihmoi shumë. Kur qeveris, bën gabime, por gabimi më i madh ishte ligji i pronës. Ne nuk jua kthyem pronarëve tokat e tyre. Pse? Unë isha i bindur se ajo ishte mënyra e vetme. Zonat rurale ishin shndërruar në rezervuare të mëdha njerëzish. Kudo që shkoja, më thoshin se nëse zgjidhja atë rrugë, askush nuk do të më votonte. Çfarë do të bëja nëse njerëzit do jetonin në qiell të hapur dhe me asgjë në duar? Zbatuam parimin e Jefferson, se toka i përkiste atyre që e punonin dhe jetonin.
Së dyti ishin skemat piramidale, që filluan në vitin ’91, kur ne nuk ishim në pushtet. Institucionet ndërkombëtare na thanë të mos shqetësoheshim, se ishin fenomen i ekonomive në rritje. Ishim vendi më i varfër në botë, por me ekonominë që po rritej më shpejt. Kjo ndodhi asokohe. Imagjinojeni. Guvernatori erdhi tek unë në janarin e vitit 1996 me një memo ku më kërkonte ose t’i mbyllja, ose t’i shndërroja në banka. Nuk pranova kurrsesi t’i shndërroja në banka. Nisëm të hartonim ligjin për të kontrolluar skemat piramidale. Pasi u miratua ligji, ne krijuam një komision dhe i mbyllëm një nga një. Por kjo i zemëroi njerëzit. Socialistët ju thanë se qeveria ju kishte marrë të gjitha lekët qytetarëve. Qeveria nuk kishte prekur asnjë qindarkë. E kundërta është e vërtetë. Ju bëra thirrje qytetarëve që paratë t’i fusnin në banka. Asokohe, bankat tona kishin norma të larta interesi për kursimet, për t’i mbrojtur njerëzit nga inflacioni. Kjo ishte politika e kohës. Sidoqoftë, nisi rebelimi. Socialistët i armatosën njerëzit e tyre. Unë propozova një zgjidhje politike. Për sa kohë qytetarët mendonin se kjo parti ju kishte vjedhur paratë, ne nuk mund të qeverisnim. Duhet të kalonim në opozitë, të provonim që nuk i kishim prekur lekët e tyre, përndryshe do shpërbëhej partia. Shkuam në zgjedhje. Gjatë fushatës, Fatos Nano ju premtoi qytetarëve se do t’ju paguante çdo qindarkë që kishin humbur në skemat piramidale. Unë deklarova se nuk mund t’i paguaja sepse një borxh që nuk huazohet, nuk mund të njihet. Njerëzit votuan për Nanon dhe nuk morën asnjë qindarkë. Nëse do kisha dhënë premtim, kisha mundësi t’jua ktheja, por kurrë nuk kam pranuar të përziej paranë e pastër me atë të pisët.
Përmes një postimi në Facebook, kreu i Partisë Demokratike, Sali Berisha ka ndarë pamjet nga takimi i zhvilluar ditën e sotme me përfaqësuesit të Leadership Institute, Ron Nehring dhe Peter Smallwood.
Berisha shkruan se Partia Demokratike ka nisur një epokë të re të bashkëpunimit ndërkombëtar, duke zgjedhur që fushata për zgjedhjet parlamentare të 11 majit 2025 të udhëhiqet nga ekspertiza e miqve amerikanë republikanë dhe konservatorëve britanikë
Postimi i plotë:
Partia Demokratike forcon bashkëpunimin me Republikanët amerikanë dhe konservatorët britanikë për zgjedhjet e 11 majit 2025
Partia Demokratike ka nisur një epokë të re të bashkëpunimit ndërkombëtar, duke zgjedhur që fushata për zgjedhjet parlamentare të 11 majit 2025 të udhëhiqet nga ekspertiza e miqve amerikanë republikanë dhe konservatorëve britanikë. Ky angazhim u konkretizua sot gjatë një takimi të rëndësishëm mes kryetarit të PD-së, Sali Berisha, dhe përfaqësuesve të Leadership Institute, Ron Nehring dhe Peter Smallëood.
Gjatë takimit, kryetari Berisha ndau një analizë të plotë të situatës politike në Shqipëri, duke theksuar ndërhyrjet e paligjshme të shtetit në procesin zgjedhor, keqpërdorimin e të dhënave personale dhe presionin ndaj votuesve nga pushteti qendror. Ai vlerësoi mbështetjen e vazhdueshme të aleatëve amerikanë dhe britanikë si jetike për të ndërtuar një fushatë të fuqishme dhe të drejtë, duke rikthyer shpresën te shqiptarët për një të ardhme më të mirë.
Mbështetja e miqve tanë republikanë dhe konservatorëve britanikë është kyçe për të ndërtuar një fushatë moderne dhe të bazuar në vlera demokratike, deklaroi Berisha. Ai nënvizoi se të rinjtë dhe gratë do të jenë në ballë të kësaj përpjekjeje, duke ofruar një alternativë të re përballë një qeverie që, sipas tij, ka dështuar në tre mandate duke varfëruar shqiptarët dhe keqqeverisur.
Ky bashkëpunim është vazhim i mbështetjeve të rezolutave të miratuara nga IDU dhe EPP, të cilat nxisin përkrahjen për Partinë Demokratike si një partner i besueshëm dhe bsimin që ata kanë se PD ëshë forcë qeverisëse dhe partnere.
Zgjedhja për të udhëhequr fushatën me ekspertizën e republikanëve amerikanë dhe konservatorëve britanikë tregon përkushtimin e Partisë Demokratike për të ndërtuar një strategji elektorale të fokusuar te qytetarët dhe mirëqenia e tyre. sn
