VOAL

SHBA

Bill de Blasio edhe një mandat kryetar i Nju Jorkut

Bill de Blasio do të fillojë mandatin e tij të dytë si kryetar i Nju Jorkut, gjatë një ceremonie ku do të kryejë betimin, transmeton AP.

Ai është rizgjedhur lehtë gjatë muajit nëntor në këtë pozitë, duke u bërë demokrati i parë që është rizgjedhur kryetar i Nju Jorkut që prej Edward Koch më 1985.

De Blaisio ka përmendur si suksese të mandatit të tij të parë, invenstimet në qytet, banimin e përballueshëm dhe përpjekjet për të zvogëluar krimin.

Ai është prezantuar si lider kombëtar në politika zhvilluese.

Ceremonia, e cila pritet të mbahet në ambient të hapur, vjen në kohën kur temperaturat në Nju Jork janë shumë të ulëta.

Trumpi: Është koha për ndryshime në Iran

Trumpi: Bashkë me të drejtat e njeriut, në Iran është duke u plaçkitur edhe pasuria e vendit. Është koha për ndryshim

UASHINGTON – Presidenti i Shteteve të Bashkuara të Amerikës (SHBA), Donald Trump, tha se në Iran janë duke u plaçkitur të drejtat e njeriut dhe pasuria e vendit, duke shtuar se ka ardhur koha që në këtë vend të ndodhin ndryshime.

Trump, i cili ndërrimin e motmoteve e priti në shtëpinë e tij në Florida bashkë me familjen e tij, në rrjetin social Twitter deklaroi se Irani ka qenë i pasuksesshëm në të gjitha nivelet, edhe përkundër marrëveshjes së tmerrshme të nënshkruar me qeverinë e paraardhësit të tij, Barack Obama.

“Populli i madh i Iranit me vite është nën shtypje. Është i uritur për ushqim dhe liri. Bashkë me të drejtat e njeriut, në Iran është duke u plaçkitur edhe pasuria e vendit. Është koha për ndryshim”, ka thënë Trump.

Komentet e presidentit amerikan vijnë pas shpërthimit të protestave në Iran, të cilat filluan të enjten pasi një grup u mblodh në qytetin Meshhed pa thirrje të asnjë partie politike për të protestuar kundër kushteve ekonomike në vend.

Protestat u shndërruan në protesta antiqeveritare dhe u përhapën në shumë qytete.

Sipas deklaratave të zyrtarëve shtetërorë, nga e enjtja, kur filluan protestat, në vend kanë humbur jetën dhjetë persona.

Në një postim të djeshëm në Twitter, Trump i bëri thirrje qeverisë iraniane të respektojë të drejtat e popullit, përfshirë edhe të drejtën e shprehjes.

Shtëpia e Bardhë, “tepër e shqetësuar” për bllokimin nga Irani të mediave sociale

Administrata Trump thotë se është shumë e shqetësuar që Teherani bllokoi komunikimin e iranianëve nëpërmjet platformave të mediave sociale, pas katër ditë protestash anti-qeveritare në mbarë vendin.

Irani bllokoi dje qasjen në aplikacionin e mesazheve Telegram dhe atë të fotografive Instagram, ndërsa mediat shtetërore njoftuan se ky veprim synonte ruajtjen e paqes. Iranianët po i përdornin këto aplikacione për të komunikuar në lidhje me demonstratat në rrugë që janë bërë shprehja më e madhe e pakënaqësisë publike ndaj udhëheqësve klerikë të Iranit. Protestat e fundit të mëdha ishin zhvilluar në vitin 2009 kundër rezultateve të zgjedhjeve të debatueshme presidenciale.

Michael Anton, Zv.Ndihmës i Presidentit për Komunikimin Strategjik, i tha shërbimit në gjuhën perse të Zërit të Amerikës se ka shumë pak gjëra që Uashingtoni mund të bëjë si reagim ndaj bllokimit të mediave sociale nga Irani. Megjithatë, ai tha se administrata Trump pret nga kompanitë amerikane dhe ato perëndimore që “të mos dorëzohen përballë kërkesave për censurë apo ndalim të informacionit, por të vazhdojnë punën e tyre si gjithnjë, duke lejuar rrjedhjen e lirë të informacionit drejt Iranit”. Zoti Anton shtoi se zyrtarët amerikanë po vëzhgojnë se si këto kompani do ta menaxhojnë situatën.

Trumpi: Qeveria iraniane duhet të respektojë të drejtat e njeriut

“Vijnë informacione mbi korrupsionin e regjimit dhe protestat paqësore të qytetarëve iranianë të lodhur që pasuria e vendit po shpenzohet për terrorizëm jashtë vendit. Bota po e ndjek këtë proces”

UASHINGTON – Presidenti i SHBA-ve, Donald Trump, në lidhje me protestat e vazhdueshme në Iran ka theksuar se “Qeveria iraniane duhet të respektojë të drejtat e popullit të saj, duke përfshirë të drejtën e shprehjes”.

Trump në llogarinë e tij në Twitter ka bërë disa deklarata në lidhje me Iranin, ku është shprehur: “Vijnë informacione mbi korrupsionin e regjimit dhe protestat paqësore të qytetarëve iranianë të lodhur që pasuria e vendit po shpenzohet për terrorizëm jashtë vendit. Bota po e ndjek këtë proces”.

Pak kohë para deklaratës së Trump edhe zëdhënësja e Shtëpisë së Bardhë, Sarah Sanders, bëri një deklaratë, duke folur për pikëpamjen e SHBA-ve në lidhje me protestat në Iran.

Gjithashtu edhe zëdhënësja e Departamentit Amerikan të Shtetit, Heather Nauert, në një deklaratë bëri të ditur se janë duke ndjekur nga afër ngjarjet dhe se dënojnë arrestimet e ndodhura gjatë ngjarjeve.

“Liderët iranianë, vendin me një histori, dhe kulturë të pasur, e kanë kthyer në një vend eksportues të dhunës, gjakut dhe kaosit, në një vend mashtrues ekonomia e të cilit ka marrë fund. Siç tha Presidenti Trump, populli iranian është ai që dëmtohet më shumë se sa liderët iranianë. SHBA dënon ashpër arrestimin e demonstruesve paqësorë. Ne u bëjmë thirrje të gjitha vendeve të mbështesin haptazi përpjekjet e popullit iranian dhe të drejtat e tyre themelore për t’i dhënë fund korrupsionit”, është shprehur Nauert.

Pas qyteteve iraniane Mashhad dhe Kashmir, protestat kundër regjimit dhe qeverisë së Presidentit të Iranit, Hasan Ruhani, vazhdojnë edhe në qytetin Kirmanshah.

Në pamjet e publikuara në mediat sociale, shikohet se një numër i madh njerëzish morën pjesë në demonstratat në qytetin e Kirmanshah. Theksohet se protestat e organizuara me arsyen e kostos së shtrenjtë të jetesës janë përhapur edhe në qytete të tjera të Iranit. aa

Jeruzalemi kryeqytet i Izraelit, Kongresi e mbështet Donald Trumpin

UASHINGTON – Një grup ligjvënësish republikanë në Dhomën e Përfaqësuesve i kanë paraqitur Kongresit amerikan një rezolutë, ku shprehet pakënaqësia me rezolutën e Asamblesë së Përgjithshme të Kombeve të Bashkuara mbi njohjen nga SHBA të Jeruzalemit kryeqytet të Izraelit, rezolutë e cila u mbështet edhe nga Shqipëria.

Ligjvënësit amerikanë kanë shprehur mbështetjen për vendimin e Presidentit amerikan për njohjen e Jeruzalemit kryeqytet të Izraelit dhe zhvendosjen atje të ambasadës amerikane duke kujtuar se që në vitin 1995, Kongresi ka miratuar me shumicë dërrmuese aktin e zhvendosjes së ambasadës amerikane në Izrael, jo më vonë se 31 maji 1999.
Në projekt rezolute, nënvizohet se Dhoma e Përfaqësuesve mbështet fuqishëm vendimin e Presidentit Donald Trump dhe i kërkon atij të udhëzojë Sekretarin e Shtetit t’i paraqesë Kongresit një raport mbi statusin e asistencës që SHBA u ofron vendeve që votuan në favor të rezolutës në Asamblenë e Përgjithshme të Kombeve të Bashkuara.

Më 6 dhjetor, Presidenti amerikan Donald Trump firmosi vendimin që e njihte Jeruzalemin kryeqytet të Izraelit dhe udhëzoi Departamentin e Shtetit të përgatisë zhvendosjen e Ambasadës nga Tel Avivi në Jeruzalem.

Ky vendim u pasua nga reagime të shumta kundër të komunitetit ndërkombëtar, ndërsa më 21 dhjetor, Asambleja e Kombeve të Bashkuara miratoi me 128 vota pro, 9 kundër dhe 35 abstenime një rezolutë ku dënohej njohja nga ana e SHBA të Jeruzalemit si kryeqytet i Izraelit.

Ligjvënësit amerikanë, nënvizojnë në projekt-rezolutë se SHBA është një shtet sovran dhe ka të drejtë të vendosë vetë se ku do t’i vendosë ambasadat e saj.

“Loja e fëmijës” – shkak i zjarrit vdekjeprurës në Nju Jork

Bronks, Nju Jork

Hetuesit në Nju Jork besojnë se zjarri në një ndërtesë në lagjen Bronks, i cili ka lënë të vrarë 12 njerëz, është shkaktuar nga loja e një fëmije me një stufë.

Një djalë i pambikëqyrur trevjeçar aksidentalisht ka nisur zjarrin, tha komisionari për zjarre, Daniel Nigro.

Pasi nëna e djalit ka ikur nga banesa me dy fëmijët e saj, ajo ka lënë derën hapur, duke bërë që flakët të përhapen në korridore, tha ai.

Zjarri të enjten në mbrëmje ka qenë më vdekjeprurësi në qytet në së paku 25 vjet, tha kryetari i Nju Jorkut, Bill de Blasio.

Policia tha se në mesin e të vdekurve janë tri vajza, të moshës 1, 2 dhe 7 vjeçe, dhe një djalë që nuk është identifikuar ende.

Mbi 160 zjarrfikës kanë ndihmuar për t’i sjellë flakët nën kontroll.

Trumpi shpreson që këshilltari Mueller të tregohet i drejtë

Presidenti amerikan, Donald Trump, ka thënë se beson që ai do të trajtohet në mënyrë të drejtë nga Këshilltari Special, Robert Mueller, i cili është duke udhëhequr hetimet rreth ndërhyrjes ruse në zgjedhjet presidenciale të vitit 2016 në Shtetet e Bashkuara.

Në një intervistë për New York Times, Trump ka tentuar të largojë shqetësimet rreth hetimeve, të cilat janë bazuar në përfundimet e agjencive të Inteligjencës në SHBA, se Rusia ka tentuar t’i ndihmojë Trumpit për të fituar kundër demokrates, Hillary Clinton, duke shpërndarë propagandë në mediat sociale dhe duke publikuar emaile të turpshme.

“Të gjithë e dinë se nuk ka pasur bashkëpunim. Mirëpo unë mendoj se ai do të jetë i drejtë”, ka thënë Trump, gjatë një interviste e cila ishte realizuar në klubin e tij të golfit në Florida.

Mueller ka akuzuar katër bashkëpunëtorë të presidentit Tump në hetimet e tij, duke përfshirë, ish këshilltarin e Trumpit për Siguri Kombëtare, Michael Flynn, i cili ka pranur fajësinë për deklarata të rrejshme të dhëna drejt FBI-së dhe tani është duke bashkëpunuar me hetuesit.

“Kjo gjendje ka krijuar zemërim në bazën tonë, mirëpo e ka bërë më të fuqishme. Tani jemi më të fuqishëm se asnjëherë tjetër”, ka thënë Trump.

Avokatët e Trumpit ka thënë me javë të tëra se presin që hetimet e Muellerit të përfundojnë shpejt, përkatësisht deri në fund të vitit 2017.

Mueller nuk ka komentuar se sa gjatë do të vazhdojë puna e tij.

Edhe Trump ka thënë se nuk e di sa do të zgjasin hetimet.

Mirëpo presidenti amerikan ka përsëritur se demokratët “e kanë trilluar storien ruse, si arsyetim për humbjen në zgjedhje”.

Sondazhi: Obama dhe Clinton, më të admiruarit e vitit

Ish presidenti amerikan Barak Obama dhe ish-kandidatja demokrate Hillary Clinton mbesin burri dhe gruaja më e admiruar në botë mes amerikanëve, sipas një sondazhi të ri të kompanisë Gallup.

Sondazhi gjeti se ish Presidenti Obama dhe ish Sekretarja e Shtetit Clinton ruajtën statusin e tyre të burrit dhe respektivisht gruas më të admiruar ashtu si në 10 vitet e fundit, por me një epërsi shumë më të vogël krahasuar me vitet e kaluara.

Shtatëmbëdhjetë për qind e të anketuarve (nga 22 për qind që kishte marrë në vitet paraprake) thanë se zoti Obama ishte burri më i admiruar në botë, krahasuar me 14 për qind që votën i dhanë Presidentit Donald Trump, i cili ishte i dyti.

Zonja Clinton, me 9 për qind mbështetje ruajti statusin e gruas më të admiruar në botë, e pasuar nga ish zonja e parë Michelle Obama, e cila mori 7 për qind mbështetje nga të anketuarit.

Ky është viti i 16-të rradhazi, që sondazhi nxjerrë zonjën Clinton si gruan më e admiruar në botë.

Në mesin e pesë burrave më të admiruar ishin edhe Papa Françesku me 3 për qind mbështetje të të anketuarve, predikuesi Billy Graham me dy për qind dhe Senatori John McCain me dy për qind mbështetje.

Oprah Winfrey doli e treta në sondazhin për gruan më të admiruar në botë me katër për qind mbështetje, e pasuar nga senatorja Elizabeth Warren me tre për qind dhe Kancelarja gjermane Angela Merkel me dy për qind mbështetje.

Haley fton Kosovën dhe jo Shqipërinë

Ndërsa Ambasadorja shqiptare në OKB, Besiana Kadare, nuk është e ftuar në pritjen e SHBA, Konsullja e Përgjithshme e Republikës së Kosovës, Ambasadorja Teuta Sahatçiu dhe trupi diplomatik kosovar, janë ftuar në festën e falënderimit të SHBA më 3 janar 2018.

Ambasadorja Nikki Haley fton 65 vende që nuk e kundërshtuan njohjen e Jerusalemit si kryeqytet i Izraelit nga Trump. Një ftesë zyrtare kjo, kur për herë të parë mbas 27 vjetëve të ri-vendosjes së marrëdhënieve diplomatike, mes Shqipërisë dhe SHBA, mungon ftesa për diplomacinë shqiptare në Nju Jork.

Mirëpo, në ftesën zyrtare, tha një burim i besueshëm shqiptar, që nuk e pa të nevojshme të identifikohet, se :”Konsullata e Përgjithshme e Republikës së Kosovës, ka marrë ftesë zyrtare, dje dhe do të jetë me 3 janar në Plaza One – në Kombet e Bashkuara, në mesin e 65 shteteve të ftuar në pritjen vjetore që mban për trupin diplomatik, Misioni i SHBA, në OKB, ambasadorja Nikki Haley”.

Një fakt tjetër e ftuar është edhe Maqedonia, që nuk mori pjesë në votim, por lëshoi sallën në momentin e votimit.

Qindra persona shkëmbejnë armë me të holla në SHBA

Qindra persona i janë përgjigjur një programi komunal për shkëmbim të armëve në qytetin amerikan, St.Louis, Missouri.

Zyrarët kanë thënë se shumë persona kanë kërkuar shkëmbimin e armëve të tyre me të holla, aq sa nuk ka pasur mjete të mjaftueshme financiare për blerjen e gjithë armëve të ofruara.

Më shumë se 200 vrasës janë regjistruar gjatë këtij viti në St.Louis, shifra më e madhe në 20 vitet e fundit.

Zyrtarët kanë hedhur fajin tek përhapja e armëve në rrugë për rritje të dhunës.

Sipas programit, për një armë është paguar 100-200 dollarë, pa kërkuar ndonjë sqarim nga pronari.

Disa kompani dhe individë kanë mbledhur donacione në shumë prej 125,000 dollarësh për të paguar këto armë.

Policia ka thënë se të gjitha armët do të shkatërrohen.

Presidenti i Fondacionit Policor në këtë vend, Doug Albrecht, ka thënë se një plan i tillë do të zbatohet edhe më 2018, mirëpo nevojitet më shumë financim.

SHBA shkurton buxhetin në OKB

Ambasadorja amerikane në OKB, Nikki Haley

Shtetet e Bashkuara kanë përgëzuar vendimin për shkurtimin e buxhetit në Kombet e Bashkuara për 285 milionë dollarë gjatë vitit fiskal 2018-19, duke e cilësuar këtë si “hap të madh në drejtimin e duhur”.

Asambleja e Përgjithshme ka njoftuar se ka miratuar buxhetin në vlerë 5.396 miliardë dollarëve për dy vitet e ardhshme, apo 285 milionë dollarë më pak se periudha paraprake.

Sidoqoftë Shtetet e Bashkuara mbeten sërish vendi që kontribuon më së shumti në OKB, me 22 për qind të buxhetit të përgjitshëm të kësaj organizate.

Ambasadorja amerikane në OKB, Nikki Haley, ka thënë se “joefikasiteti dhe tejkalimi i shpenzimeve” në këtë organizatë ka qenë i ditur tashmë.

“Ne nuk do të lejojmë që nga bujaria e popullit amerikan të përfitojë dikush apo ajo të mbetet e pakontrolluar”, ka thënë ajo.

Javën e kaluar presidenti amerikan, Donald Trump ka kërcënuar se do të ndalojë ndihmën financiare për vendet që votojnë rezolutën e OKB-së, me anë të së cilës kundërshtohet vendimi i SHBA-së për njohjen e Jerusalemit, kryeqytet të Izraelit.

Rezoluta është miratuar me 128 vota për dhe nëntë kundër.

CIA, më 1953 SHBA operacione për prishjen e bashkëpunimit të Shqipërisë me rusët, ja çfarë mendonin amerikanët për vendin tonë

Edhe pse Shtetet e Bashkuara të Amerikës kanë ndërmarrë me dhjetra operacione gjatë regjimit komunist në Shqipëri, për ta nuk ka pasur shumë rëndësi vendi ynë, por roli i Bashkimit Sovjetik. Në disa dokumente të deklasifikuara tregohet e për SHBA Shqipëria cilësohej pa vlerë, por qëllimi i të gjithë operacioneve ishte të mos lejohej ndikimi rus në Ballkan. Në një dokument të viti 1953 tregohet një bisedë mes zyrtarëve të CIA, ku diskutohet për të marrë masa me qëllim prishjen e marrëdhënieve Rusi-Shqipëri.

Dokument i CIA mbi Shqipërinë

1. Më 19 gusht 1953 unë u takova me Major-gjeneral Elmer J.Rogers, i USAF, anëtar i Komitetit të Përbashkët të Vëzhgimit të JCS, me kërkesën e tij, për të diskutuar dokumentin e fundit të agjencisë sonë mbi Shqipërinë. Dokumenti është referuar për komente te degët e PBS e JCS.

2. Bisedime ishte kryesisht një diskutim i propozimeve të fundit për ndarjen e mundshme të Shqipërisë nga orbita sovjetike. Ramë dakord se dokumenti në formën e tij aktuale dhe në rrethanat aktuale, ishte me rëndësi për Shtetin dhe CIA, dhe se interesi ushtarak do të ishte minimal deri në kohën që negociatat diplomatike të kishin avancuar përtej pikës aktuale të zhvillimeve. Gjenerali Rogers tha se nga pikëpamja krejtësisht ushtarake, ndarja e Shqipërisë nga orbita do të kishte avantazh shumë të vogël strategjik, por përfitimet psikologjike do të ishin të konsiderueshme. Ai foli gjithashtu për dy pika: (a) megjithëse shkëputja e Shqipërisë nuk do të ishte nj shkak lufte për Bashkimin Sovjetik, ky veprim do të nxiste hakmarrjen e tij në elemente të tjera, dhe (b) një tentativë e pasuksesshme për shkëputjen e Shqipërisë do të kishte pasoja serioze psikologjike dhe diplomatike në Evropën Perëndimore dhe tjetër kund.

Kreu i Luftës Politike e Psikologjike

10 shtator 1953

Mendësia britanike për operacione të mundshme në Shqipëri

Dokumenti i mëposhtëm është një përshkrim i shkurtër i bisedës informate me drejtorin gjatë kohës që ai ishte në Britani, në lidhje me çështjen e Shqipërisë. Biseda është kryer mes Patrick Dean i ministrisë së jashtme britanike dhe Gjeneralit Sinclear, ndërsa zoti … ishte prezent gjatë kohës që u diskutua për Shqipërinë. Britanikët nuk dhanë prova entuziazmi të veçantë për çështjen, duke u treguar as të ftohtë as të ngrohtë. Ata mbanin linjën e përgjithshme se ishte një subjekt me njëfarë interesi që mund të eksplorohej më shumë. Zoti Dean mendonte se debati aktual italo-jugosllav në lidhje me Triesten mund të ishte një pengesë serioze dhe se parakushtet e operacionit të Shqipërisë duhet të përfshinin ftohjen e debatit mbi Triesten. Çështja u diskutua nga zoti Dulles dhe u la një derë e hapur për ridiskutimin e temës në çdo kohë që të ishte e përshtatshme, por ishte e qartë se një operacion i përbashkët me britanikët ishte i vështirë për t’u arritur. Dega jonë ka menduar dhe ende mendon se nëse kjo çështje duhet të ngrihet me britanikët, duhet të ketë paraprakisht një afrim në nivel më të lartë mes Departamentit të Shtetit dhe ministrisë së jashtme britanike.

7 qershor 1951

Memorandum bisede

Pjesëmarrës: Joyce, Higgs, Campbell (Departamenti i Shtetit)

Pas diskutimit të subjektit me zotin Joyce, u takova me Higgs dhe Cambell të Departamentit të Shtetit, dhe u tërhoqa vëmendjen në pikat e mëposhtme: Natyra gjithnjë e më shumë ushtarake e aktiviteteve të organizatave shqiptare të emigracionit në Jugosllavi, e cila po shkakton entuziazëm në rrethet e Komitetit Kombëtar të Shqipërisë së Lirë dhe grupet e tjera shqiptare të emigracionit në përgjithësi. Njoftimi i ekzistencës së grupit të sponsorizuar nga Jugosllavia në radion jugosllave, bënte të qartë se grupi ka si qëllim arritjen e përmbysjes së regjimit Hoxha. Për më tepër, qasjet që janë bërë nga jugosllavët te përfaqësuesit shqiptarë të grupit, kanë bërë të qartë se Jugosllavia është e gatshme të mbështesë një program shumë më të gjerë sesi ai që ka sponsorizuar SHBA në formën e Komitetit Kombëtar për Shqipërinë e Lirë (NCFA). Si rezultat i perspektivës atraktive për veprim të dhunshëm në të ardhmen e afërt, edhe anëtarët e komitetit tonë mund të joshen nga grupi jugosllav, duke bërë që NCFA të humbasë mbështetjen e liderëve dhe të publikut shqiptar brenda dhe jashtë vendit. Aktivitetet jugosllave, siç është reklamuar nga publiciteti i grupit të sponsorizuar nga Jugosllavia dhe fushata e tyre e rekrutimit, tregojnë se shqetësimet e tyre nuk ishit të sinqerta kur sinjalizuan për qeveritë amerikane e britanike se aktivitetet e NCFA mund të shkaktonin një ndërhyrje sovjetike që mund të rrezikonte paqen në Ballkan. Vetë jugosllavët po përfshihen në një aktivitet shumë më provokativ sesa është kryer deri tani nga ne apo vende të tjera perëndimore. Në rast të një grushti shteti të sponsorizuar nga Jugosllavia, do të ishte e vështirë të ndalonim grekët në pushtimin e pjesës jugore të Shqipërisë, të cilën e konsiderojnë si interes legjitim, situatë e cila mund të jetë e vështirë dhe e sikletshme.

Ndërhyrja e SHBA

Unë sugjerova se është e dëshirueshme të sinjalizojmë me anë të ambasadorit tonë në Beograd, për paqartësinë e deklaratave jugosllave mbi rrezikun e ndërhyrjes sovjetike në rast të provokimeve perëndimore me grupe rezistence, në një kohë kur vetë Jugosllavia ka krijuar një organizatë shumë më militante dhe po njofton hapur rekrutimin e një force për përmbysjen e regjimit të Hoxhës. Mendimi im për sugjerimin e përpjekjeve diplomatike, duhet të ndihmojë në perceptimin e qëllimeve të vërteta jugosllave, sipas të cilave do të konceptohet edhe politika amerikane në lidhje me këtë çështje. Unë sugjerova gjithashtu se meqenëse pezullimi dymujor i lëshimit të broshurave nga ajri ka skaduar, do të ishte mirë që të riniste lëshimi i teksteve ku ngrihet lart aktiviteti i Komitetit Kombëtar të Shqipërisë së Lirë për ruajtjen e prestigjit të SHBA dhe për të treguar shenja të aktivitetit tonë duke ruajtur besimin e publikut e duke penguar dezertimin masiv nga Komiteti i sponsorizuar nga SHBA drejt atij jugosllav. U pranua gjithashtu nga anëtarët prezentë të Departamentit të Shtetit se do të ishte e dëshirueshme ngritja e çështjes së mësipërme me shtetin jugosllav dhe zoti Higgs sugjeroi se kjo duhet të kryhej pas marrjes së përgjigjes së jugosllavëve nga ambasadori ynë atje. Në rast s kjo përgjigje do të ishte jo e kënaqshme, ne duhet të rifillojmë lëshimet e broshurave me efektin e kërkuar si për Shqipërinë dhe qeverinë jugosllave. Zoti Joyce pyeti nëse mendoja se ishte e dobishme të ngrihej çështja e organizatës shqiptare të sponsorizuar nga Jugosllavia, me gjeneralin Popoviç. Unë u përgjigja se karakterin jo-produktiv të bisedave të deritanishme me të, do të ishte e panevojshme ngritja e debatit me të, prandaj mbrojta qëndrimin se çështja duhet të ngrihet me anë të kanaleve diplomatike në Beograd.

27 maj 1952

Memorandum

Komente të Jacob T. Beam në lidhje me Shqipërinë dhe çështje të lidhura

Në lidhje me dokumentet e strategjisë së Luftës së Ftohtë dhe për qëllime të përgjithshme operacionale, po ju kaloj disa deklarata dhe observime të bëra nga zoti Beam, i cili është zyrtari i dytë i ambasadës tonë në Beograd. Ai sapo është kthyer nga Beogradi pas një mandati një-vjeçar. Beam është një observues i mprehtë politik dhe pikëpamjet e tij duhet të jenë me interes për ne.

Në lidhje me Shqipërinë, zoti Beam mendon se jugosllavët i qëndrojnë politikave të tyre të një viti më parë. Politika e tyre është të vazhdojnë të ruajnë gjerat të ziejnë ngadalë në Shqipëri, por nuk pranojnë të bëjnë diçka që do të trazonte regjimin aktualisht, prej frikës së ndonjë reprezaljeje nga sovjetikët. Ata vazhdojnë të mendojnë se nëse Jugosllavia sulmohet nga Lindja, ata menjëherë do të pushtojnë të gjithë Shqipërinë, dhe me sa dihet, ata nuk pranojnë që në këtë pushtim të lejojnë pjesëmarrje nga Greqia apo vende të tjera. Jugosllavët besohet të kenë disa agjentë që hyjnë e dalin nga Shqipëria, të cilët janë mjaft të informuar mbi gjendjen aktuale në vend.

Situata në Shqipëri

Që prej vitit 1048 kur regjimi i Titos u prish me Bashkimin Sovjetik, Shqipëria është izoluar nga kontakti tokësor me vendet satelite sovjetike. Kjo, përveç terrenit të ashpër të vetë vendit dhe traditave të vjetra klandestine të shqiptarëve, veçanërisht në zonat tribale të veriut, duken se e bëjnë Shqipërinë një objektiv premtues për operacione klandestine me objektiv përmbysjen e regjimit aktual komunist. Prezenca e një numri t madh refugjatësh shqiptarë në Evropë, sugjeron zhvillimin e një qendre politike jashtë Shqipërisë, të përbërë nga përfaqësues të elementëve anti-totalitarë dhe miqësorë ndaj politikave të SHBA për Ballkanin, që mund të shërbejnë si një pikënisje për elementët anti-komunistë brenda Shqipërisë. shërbimet e inteligjencës amerikane dhe britanike në verën e vitit 1949 ishin përgjegjës për formimin e Komitetit Kombëtar të Shqipërisë së Lirë (NCFA), që është një qendër politike e përfaqësuesve të refugjatëve demokratikë shqiptarë, dhe që mund të shërbejë si një mbulim për operacionet e fshehta në Shqipëri. Dhe prej atëherë operacionet e degëve politike dhe ushtarake janë kryer në emrin e NCFA.

Propozimi

NCFA është një grupim përfaqësues i refugjatëve shqiptarë që vepron si pikë fokusimi për ata që janë të interesuar përfundimisht për çlirimin e Shqipërisë. Grupimi vepron si një mbulim zyrtar për aktivitetet jozyrtare të CIA dhe shërben si një vegël për denoncimin publik të çështjes së shqiptarëve të robëruar në Shqipëri. Ai kontrollohet nga CIA dhe shërbimet britanike të MI6. Krerëve të NCFA u është bërë e qartë se në asnjë rast nuk konsiderohen si “Qeveria në ekzil” e Shqipërisë.

Detyra dhe propozime

Botimi i gazetës Shqipëria në gjuhën shqipe, dhe përdorimi i përmbajtjes së saj kryesore për broshurat e propagandës së lëshuar nga ajri në Shqipëri. Botimi në kohën e duhur të njoftimeve periodike mbi Shqipërinë, i publikuar në anglisht, frëngjisht e italisht, i shpërndarë në agjencitë kryesore të shtypit perëndimor. (Përgatitja e përmbajtjes së botimit Shqipëria është kryer sipas projektit OBTUSE, i ci li mbështetet dhe asistohet nga OBLIVIOUS ) Përgatitja e teksteve të broshurave të propagandës dhe shkrimet e transmetimeve klandestine në radio. Operacioni i “letrave helmuese” me postë, kundër liderëve të lartë të regjimit komunist në Shqipëri. Monitorimi i Radio Tiranës, monitorim i shtypit botëror për lajme mbi Shqipërinë, që mund të përdoren në programin tonë të propagandës. Lidhjet me grupet e emigrantëve, veçanërisht me ato që bëjnë pjesë në Komitetin Kombëtar të Shqipërisë së Lirë.

Personeli

Një oficer i selisë kryesore do të mbajë lidhje me selinë kryesore të NCFA në Nju Jork. Të gjitha lidhjet e tjera të mbahen nga grupi i Shqipërisë së CIA, përveç kontakteve me agjentin e publikimit të Shqipëria në Romë, i cili do të lidhet me një oficer të SE.

Grupet dhe liderët vendas

NCFA është i përbërë nga përfaqësues të grupeve kryesore politike të Shqipërisë si dhe nga të pavarur. Komiteti ekzekutiv i saj përbëhet nga liderë të të gjitha grupeve, pas riorganizimit të tij në dhjetor 1953 ku u përfshinë dhe elementë që më parë nuk përfaqësoheshin.

Grupet e shënjestruar

Grupi i shënjestruar është populli shqiptar, në sensin që të gjithë përpjekjet e NCFA kanë si qëllim krijimin e një atmosfere rezistence kundër regjimit dhe përfundimisht çlirimin e popullit prej tij.

Përbërja e Komitetit për Shqipërinë e Lirë

Komiteti përbëhet nga dy njësi, ajo ekzekutive dhe një trup i përgjithshëm këshillues.

(a) Hasan Dosti – president. Zoti Dosti është një anëtar i njohur i lëvizjes Bali Kombëtar dhe përpara Luftës konsiderohej si juristi më i aftë në Shqipëri. Ai vjen nga një origjinë e thjeshtë, por pati mundësi të studiojë në Francë dhe u kthye në Shqipëri për të t’u bërë një prej qytetarëve kryesorë të saj.

(b) Abas Kupi – aktualisht ndihmon aktivitetet e NCFA në Rome. Kupi konsiderohet si një prej heronjve të luftës për drejtimin e tij të përpjekjeve guerile kundër pushtuesve italianë. Në vitin 1943 ai krijoi partinë e Legalitetit, që kishte si qëllim të ruante legjitimitetin e ish-mbretit Zog. Megjithë mungesën e shkollimit formal Kupi krijoi emrin e tij si një nga mbrojtësit më të ashpër të lirisë së Shqipërisë.

(c) Said Kryeziu – I emëruar në degën e NCFA në Romë, Said Kryeziu është gjithashtu president i Partisë Agrare Shqiptare. I arsimuar në Paris, Kryeziu ka punuar shumë për të vënë nën një flamur grupet shqiptare të emigracionit për të luftuar kundër pushtuesit. Për këtë ai ka luftuar kundër gjermanëve dhe italianëve gjatë luftës dhe u bë një prej anëtarëve të Komitetit të Parisit, i cili ishte pararendësi i NCFA.

(d) Zef Pali – Anëtar i komitetit të NCFA në Rome dhe aktualisht në Nju Jork për konsultime. Pali ështyë një lideri i njohur dhe aktiv i Ballit Kombëtar, i arsimuar në Kolegjin e Mësuesve në Elbasan. Ai respektohet si një njeri i letrave dhe i idealeve demokrate. Pali u detyrua të largohej nga vendi gjatë luftës dhe u bvë një prej anëtarëve të parë të NCFA.

(e) Nuçi Kotta, është një zyrtar i NCFA në Neë York, dhje anëtar i aprtisë së Legalitetit. Ai ka qenë prej kohësh në shërbim të mbretit shqiptar në emigracion, Zog, dhe ka studiuar për drejtësi në France. Kotta u kthye në Shqipëri për të shërbyer si kryeministër i Zogut për disa vjet. Edhe ai është një prej anëtarëve të parë të Komitetit të Parisit në gusht l949. Ai është përgjegjës për publikimin e gazetës së komitetit Shqipëria.

Zjarri në Kaliforni, më shkatërruesi që nga viti 1932

Zjarri i Kalifornisë që ka shkatërruar më shumë se 100 mijë hektarë, konsiderohet tani më masivi që ka prekur shtetin amerikan që nga viti 1932.

I ashtuquajturi Zjarri Thomas është përhapur në Kaliforninë jugore që prej 4 dhjetorit dhe ka djegur 110, 641 hektarë.

Zyrtarët thonë se më shumë se 2800 zjarrfikës vazhdojnë të luftojnë me flakët. Një prej zjarrfikësve dhe një banor humbën jetën.

Sipas zyrtarëve, 65 për qind e zjarrit është nën kontroll, dhe çdo sipërfaqe e re e djegur do të ndodhë për shkak të operacioneve të djegies së kontrolluar.

Zjarri Thomas ka shkatërruar 1063 struktura dhe ka kushtuar më shumë se 177 milionë dollarë që nga fillimi i tij.

Para tij, zjarri më i madh që ka prekur Kaliforninë ishte zjarri Cedar 2003 i cili dogji 110,576 hektarë.

Zjarret në Kaliforni, evakuohen rreth 100 mijë njerëz

Zjarret kërcënojnë rreth 18 mijë shtëpi dhe objektet tjera banesore. Stuhia e zjarrit nga 4 dhjetori mori dy jetë njerëzish dhe shkatërroi të paktën 750 shtëpi

VENTURA – Për më shumë se dy javë, zjarret po bëjnë kërdi në zonat pyjore në jug të shtetit federal të SHBA-së, Kaliforni, të cilat janë përhapur në një zonë prej më shumë se 900 kilometra katrorë.

Rreth 100 mijë njerëz janë evakuar për shkak të stuhisë së zjarrit. Aktualisht në evakuim janë përfshirë vetëm luginat e largëta nga zonat e egra.

Zjarri i quajtur “Thomas” mund të jetë zjarri më i madh në historinë e Kalifornisë. Njësitet zjarrfikëse ende janë në terren dhe natë e ditë përpiqen të vënë nën kontroll zjarret që shpërthyen në gjashtë vende të ndara.

Paralajmërimet për zjarr me rrezik të lartë u hoqën nga zona Santa Barbara, megjithëse ajo mbeti në fuqi në pjesët e tjera të Kalifornisë së Jugut.

Zjarret kërcënojnë rreth 18 mijë shtëpi dhe objektet tjera banesore. Stuhia e zjarrit nga 4 dhjetori mori dy jetë njerëzish dhe shkatërroi të paktën 750 shtëpi.

Zjarret përhapen në një zonë të gjerë nga Ventura në veri të Los Angelesit deri në San Diego në jug.

Haley organizon pritje për shtetet që votuan kundër rezolutës në OKB

Përfaqësuesja e Përhershme e SHBA-ve në OKB, Nikki Haley, ka ftuar në një pritje përfaqësuesit e shteteve të cilët kanë votuar kundër, kanë abstenuar apo që nuk kanë marrë pjesë në votimin e AP të OKB-së për Jeruzalemin

UASHINGTON – Përfaqësuesja e Përhershme e SHBA-ve në Organizatën e Kombeve të Bashkuara (OKB), Nikki Haley, ka ftuar në një pritje përfaqësuesit e shteteve të cilët kanë votuar kundër, kanë abstenuar apo që nuk kanë marrë pjesë në votimin e Asamblesë së Përgjithshme të OKB-së për Jeruzalemin.

Në letrën e ambasadores Haley thuhet se pritja për shtetet në fjalë do të mbahet më 3 janar ditën e mërkurë, “në shenjë falënderimi për miqësinë e treguar me SHBA-të”.

Projekt-rezoluta e titulluar “Jeruzalemi Lindor i okupuar nga Izraeli dhe aktivitetet e tij në territoret palestineze”, e përgatitur me iniciativë të Turqisë, u miratua në AP-OKB me 128 vota pro dhe 9 kundër, pavarësisht kërcënimeve të SHBA-ve, ndërkohë që 35 shtete abstenuan, kurse 21 shtete nuk morën pjesë në votim.

Përveç SHBA-ve dhe Izraelit, kundër rezolutës për Jeruzalemin në AP-OKB votuan edhe Guatemala, Hondurasi, Ishujt Marshall, Mikronezia, Nauru, Togo dhe Palau.

Përvec kësaj, shtetet që abstenuan ishin Australia, Antigua-Barbuda, Argjentina, Ishujt e Bahamas, Benini, Butani, Bosnjë e Hercegovina, Kanadaja, Kroacia, Çekia, Dominika, Guinea Ekuatoriale, Fixhi, Haiti, Xhamajka, Letonia, Lesoto, Kameruni, Kolumbia, Kiribati, Malavi, Hungaria, Meksika, Panamaja, Paraguaji, Filipinet, Polonia, Rumania, Ruanda, Ishujt Solomon, Sudani i Jugut, Trinidad-Tobago, Tuvalu, Uganda dhe Vanuatu.

Haley gjatë fjalimit të saj në AP të OKB-së kishte reaguar ashpër dhe ka kërcënuar shtetet anëtare që të mos votojnë kundër vendimit të SHBA-ve.

“SHBA-të do të zhvendosin ambasadën e tyre në Jeruzalem. Populli i SHBA-ve po e kërkon këtë nga ne dhe kjo është gjëja e duhur. Asnjë votim nuk do ta ndryshojë këtë por ky votim do të bëjë një ndryshim në aspektin se si amerikanët do ta shohin OKB-në dhe se si ne do t’i shohim shtetet të cilat nuk na kanë respektuar neve në OKB”, tha ajo.

Pence viziton papritur Kabulin, komenton strategjinë e re të luftës

Nënpresidenti amerikan, Mike Pence, duke folur para ushtarëve në një bazë ajrore në Bagram, Afganistan

Nënpresidenti amerikan, Mike Pence, gjatë një vizite të papritur në Afganistan ka përshëndetur trupat amerikane dhe ato afgane për “avancim të vërtetë” në luftën 16 vjeçare, duke deklaruar se në këtë vend është duke funksionuar strategjia e re e presidentit të Shteteve të Bashkuara, Donald Trump.

“Rezultatet kanë filluar të jenë evidente në këtë shtet”, ka thënë ai pasi është takuar me presidentin afgan, Ashraf Ghani dhe shefin e ekzekutivit, Abdullah Abdullah, në pallatin presidencial në Kabul.

Pence ka thënë se dy liderët afganë i kanë thënë atij, se “kanë filluar të shohin një ndryshim të qasjes së talibanëve”, ndërsa Ghani ka thënë se gjatë këtij vitit janë vrarë më shumë liderë talibanë në krahasim me të gjitha vitetet tjera paraprake.

Nënpresidenti amerikan po ashtu ka thënë se liderët afganë kanë shfaqur shpresën se në fund “armiku do të lodhet nga humbja”, dhe do të ketë vullnet për të nisur bisedimet për paqe.

Trump ka prezantuar strategjinë e re gjatë verës së këtij viti, duke rritur numrin e trupave amerikane dhe duke i dhënë më shumë autoritet ushtrisë amerikane në betejën kundër talibanëve.

“Në udhëheqjen e presidentit Donald Trump forcat e armatosura të Shteteve të Bashkuara do të jenë të Afganistan, derisa të eliminohet kërcënimi terrorist për vendin dhe njerëzit, një herë e përgjithmonë”, ka thënë Pence.

Pence i ka falënderuar ushtarët për sakrificën e tyre, duke thënë se “unë besoj që fitorja është më afër se kurrë më parë”.

Në Bagram, Pence i është drejtuar ashpër Pakistanit, duke theksuar komentet e mëparshme të Trumpit, i cili ka akuzuar Islamabadin për strehimin e terroristëve që veprojnë në Afganistan.

“Ato ditë kanë mbaruar”, ka thënë Pence, duke shtuar se Pakistani ka mundur të fitojë shumë duke punuar me SHBA-në, mirëpo edhe shumë për të humbur nëse strehon “kriminelë dhe terroristë”.

Vizita e Pence në Afganistan nuk është njoftuar më parë për çështje të sigurisë.

Haley: SHBA do të mbajë shënim emrat në votimin për Jeruzalemin

Ambasadorja e Shteteve të Bashkuara Nikki Haley paralajmëroi përfaqësuesit e vendeve të tjera në Kombet e Bashkuara se do të mbajë shënim emrat, kur Asambleja e Përgjithshme e OKB-së të mblidhet sot në një sesion të rrallë emergjence për të shqyrtuar rezolutën që refuzon njohjen e Jeruzalemit si kryeqytet të Izraelit.

Zonja Haley tha se Presidenti Trump i ka kërkuar që ajo t’i dorëzojë një raport mbi vendet të cilat votojnë kundër Shteteve të Bashkuara.

Presidenti Trump njoftoi më parë këtë muaj se Uashingtoni do ta njohë Jerusalemin si kryeqytet të Izraelit dhe do të fillojë përgatitjet për të ndërtuar atje një ambasadë të re. Vendimi shënon një ndryshim në politikën e Uashingtonit për Izraelin.

Njoftimi i zotit Trump u ndesh të hënën me një nismë brenda Këshillit të Sigurimit për miratimin e një rezolute ku theksohet “keqardhja e thellë për vendimet e fundit lidhur me statusin e Jerusalemit”.

Katërmbëdhjetë nga të 15 vendet anëtare të Këshillit të Sigurimit votuan në favor të projekt-rezolutës, ndërsa Shtetet e Bashkuara përdorën fuqinë e vetos për ta bllokuar miratimin e saj.

“Ajo që pamë sot këtu në Këshillin e Sigurimit është një fyerje dhe nuk do të harrohet,” tha Nikki Haley, ambasadore e Shteteve të Bashkuara në OKB.

Zonja Haley tha dje se Presidenti Trump i ka kërkuar që t’i dorëzojë një raport mbi ato vende të cilat do të dalin kundër Shteteve të Bashkuara në sesionin e së enjtes.

Izraeli e shikon tërë Jeruzalemin si kryeqytetin e tij të përjetshëm, ndërsa palestinezët duan Jerusalemin Lindor si kryeqytet të një shteti të ardhshëm dhe thonë se Shtetet e Bashkuara nuk janë më një partner i besueshëm në procesin e paqes.

Trumpi shënon fitoren e parë në Kongres, ligjin e taksave

Republikanët po festojnë miratimin e reformës së taksave, fitorja e parë legjislative për presidentin Donald Trump.

“Kemi arritur një fitore historike për popullin amerikan,” tha zoti Trump në një mbledhje të qeverisë në Shtëpinë e Bardhë.

“Thelbi i këtij ligji është është një lehtësim i jashtëzakonshëm për klasën e mesme,” tha Presidenti. “Ata do të fillojnë të shohin rezultatet në muajin shkurt. Ky ligj nënkupton më shumë pagë të sjellë në shtëpi, do të jetë një dhuratë e jashtëzakonshme Krishtlindjeje për amerikanët që punojnë me zell”.

Kryetari i Dhomës së Përfaqësuesve Paul Ryan e quajti ligjin e ri “reformimin më të gjerë dhe më të madh të kodit tatimor në një gjeneratë”.

Ligji i Shkurtimeve të Taksave dhe i Punës u miratua si në Dhomën e Përfaqësuesve ashtu edhe në Senat me mbështetjen e plotë të republikanëve përballë opozitës së bashkuar demokrate.

Pas votimit të mërkurën pasdite, projektligji u dërgua në Shtëpinë e Bardhë për t’u kthyer në ligj nga Presidenti Trump.

Ligji i ri ul në mënyrë të përhershme dhe në shkallë të gjerë taksat e korporatave, shkurton përkohësisht taksat e punonjësve me rrogë, u vë kufi disa klauzolave popullore që parashikojnë përjashtim nga taksat për të ardhura të caktuara dhe rrit borxhin kombëtar amerikan me të paktën 1 trilion dollarë gjatë një dekade.

Demokratët e kritikuan ashpër ligjin duke thënë se ai mban peng të ardhmen e Amerikës për të mbushur xhepat e të pasurve.

Qendra e politikës tatimore, një institucion jopartiak, ka arritur në përfundimin se ligji i ri do të shkurtojë taksat për 95 për qind të amerikanëve vitin e ardhshëm, por shkurtimet për të pasurit i tejkalojnë së tepërmi uljet për njerëzit që fitojnë më pak.

Legjislacioni i ri gjithashtu shfuqizon pjesërisht ligjin e kujdesit shëndetësor të ish-Presidentit Barak Obama, duke eliminuar kërkesën që amerikanët të blejnë me detyrim sigurim shëndetësor. Si rrjedhojë, gjatë dekadës së ardhshme do të ketë rreth 13 milionë më pak amerikanë me sigurime shëndetësore, sipas Zyrës Buxhetore të Kongresit.

Disa demokratë vunë në dukje se presidenti, një manjat i pronave të patundshme, do të përfitonte shumë nga disa dispozita të ligjit. Zoti Trump ka thënë se përkundrazi, ndryshimet në ligjin e taksave do t’i kushtonin atij më shumë personalisht.

Sondazhet e opinionit vazhdimisht kanë treguar se më shumë amerikanë janë kundër sesa e mbështesin ligjin e ri. Disa ligjvënës republikanë kanë fajësuar mediat, duke thënë se gazetarët e keqinterpretuan ligjin dhe minimizuan përfitimet e mundshme që sjell ai.

SHBA: Senati e miratoi reformën e taksave

Pamje e Kongresit të Shteteve të Bashkuara në Uashington

Senati i Shteteve të Bashkuara e ka miratuar atë që është përshkruar si rishkrimi më gjithpërfshirës i legjislacionit amerikan për taksa në më tepër se tri dekada.

Legjislacioni është miratuar mbrëmë vonë, me 51 vota për dhe 48 kundër, ndërsa protestuesit në galerinë e Senatit kanë brohoritur kundër këtij legjislacioni. Pas kësaj ata u detyruan të largoheshin nga salla.

Dhoma Përfaqësuese, disa orë më herët, e miratoi këtë masë me 227 vota për dhe 203 kundër.

Republikanët e kanë shumicën në të dy dhomat e Kongresit të Shteteve të Bashkuara.

Për miratim përfundimtar, legjislacioni duhet të miratohet përsëri në Dhomën Përfaqësuese, sonte më vonë.

Nëse kalon, siç pritet, atëherë kjo do të ishte fitorja e parë madhore legjislative e presidentit amerikan, Donald Trump, prej janarit të këtij viti kur filloi presidenca e tij.

Dhoma e Përfaqësuesve miraton projektligjin për shkurtimin e taksave

Dhoma e Përfaqësuesve e Kongresit amerikan votoi të martën sipas linjave partiake për t’i dhënë presidentit Donald Trump fitoren e madhe legjislative – projektligjin për reformimin e sistemit të taksave. Miratimi i Dhomës hap rrugën që paketa të miratohet edhe nga Senati.

Ligjvënësit republikanë thonë se projektligji i ri do t’i japë ekonomisë amerikane shtytjen e nevojshme.

Projektligji shton zbritjet standarte për shumicën e familjeve dhe individëve, dhe pakëson sasinë e të ardhurave të taksueshme që ata duhet të paguajnë.

Ai ul gjithashtu normën e taksave për korporatat dhe amerikanët me të ardhura të larta. Por siç njofton korrespondenti i Zërit të Amerikës Mil Arcega, paketa e reformës së taksave mbart me vete një çmim të lartë.

Ligjvënësit republikanë thonë se projektligji i taksave do të nxisë investimet, do të shtojë punësimin dhe do të verë më shumë para në xhepat e amerikanëve punëtorë.

“Jam i bindur se projektligji për reformën e taksave do t’i ndihmojë të gjithë pasi heq barrën për shumë familje. Do të ketë paga më të larta, dhe ekonomi të fuqishme. Reforma e taksave ka të bëjë gjithashtu me kthimin e vendeve të punës në Shtetet e Bashkuara”, thotë ligjvënësi Kevin Brady.

Përkrahësit besojnë se shkurtimet e taksave do të nxisin investimet e biznesit dhe shpenzimet e konsumatorëve. Por edhe vlerësimet më konservatore sugjerojnë se projektligji i taksave do të rrisë borxhin amerikan me një miliardë dollarë gjatë dhjetë viteve të ardhshme.

“Tregjet sigurisht nuk kanë një përgjigje të qartë sesi zoti Trump do t’i financojë të gjitha këto shkurtime pasi ka një përsëritje të politikave të ndërmarra nga Regani në vitet 80 i cili besonte se ulja e taksave për korporatat do të rriste të ardhurat. Kjo nuk ndodhi në vitet 80. A do të ndodhë në vitin 2018? “, thotë analisti Carten Brzeski.

Pavarësisht shqetësimeve për rritjen e shpenzimeve të deficitit dhe shkurtimeve të mundshme të programeve sociale, zoti Brzeski thotë se reagimi në tregjet financiare ka qenë kryesisht pozitiv. Sesa ndihmohet klasa e mesme nga ky projektligj i taksave mbetet ende për t’u parë. Por analisti kryesor i Bankrate.com thotë se fituesit e vërtetë janë ata me të ardhura të larta.

“Do të thoja se projektligji i taksave anon në atë drejtim. Ai do të jetë i mirë për aksionerët. Mendoj se kursimet e taksave do të shkojnë drejt aksionerëve në format e fitimeve më të larta, dividentëve më të lartë, më shumë blerje të aksioneve dhe në një farë mase mund të shohim më shumë punësime, mund të shohim që kompanitë të bëjnë më shumë biznes në Shtetet e Bashkuara dhe jo jashtë vendit, kështu që kjo mund të çojë në një shtim të punësimit.”

Një anketë e kohëve të fundit nga Shoqata Kombëtare për Ekonomistët e Biznesit sugjeron se efektet e këtij projektligji nuk do të mësohen shumë shpejt.

“Legjislacioni ka të ngjarë të lerë shumë taksapagues me fatura më të larta pasi edhe pse ka shkurtime, shumë zbritje të rëndësishme janë hequr dhe do të duhet kohë të duket qartë se cilët janë fituesit dhe humbësit”, thotë Ken Simonson me Shoqatën Kombëtare për Ekonomistët e Biszneseve.

Komisioni për një Buxhet Federal të Përgjegjshëm beson se humbësi i vërtetë është ekonomia amerikane – duke thënë se projektligji final i taksave do t’i kushtojë përfundimisht vendit më shumë se 2 trilion dollarë.

CIA, ja si ndryshoi plani i SHBA për rrëzimin e Hoxhës, në lojë u futën britanikët, 8 agjentë amerikanë u dënuan me vdekje

Shërbimi sekret amerikan, ka tentuar me të gjitha mënyrat të rrëzojë regjimin komunist në Shqipëri. Mirëpo në vitin 1953 shihet se fillimisht pati një ndryshim plani, pasi misioni kryesor ishte shkëputja e Shqipërisë nga Bashkimi Sovjetik. Në një dokument të deklasifikuar nga CIA, tregohet se për këtë periudhë shihej e papërshtatshme rrëzimi i regjimit, teksa synimi ishte që vendi ynë të ndërpriste marrëdhëniet me Bashkimi Sovjetik. Në dokument tregohet dhe një bashkëpunim me shërbimin sekret britanik.

Tetor 1953

Raport i veprimeve të koordinuara mes shërbimeve amerikane e britanike

Shërbimet sekrete të CIA dhe MI6 kanë rënë dakord në parim për linjën e veprimet në lidhje me Shqipërinë, e cila do të fokusohet në mbledhje inteligjence të brendshme sipas direktivave të caktuara, dhënie të mbështetjes për Komitetin për Shqipërinë e Lirë dhe lëshime broshurash propagande afërsisht një herë në muaj. Edhe direktivat për vitin 1954 priten të jenë të ngjashme me ato të këtij viti, me shumë pak gjasa për urdhra përshkallëzimi të aktiviteteve të Luftës së Ftohtë në Shqipëri. Kjo për arsye se një trazirë e mundshme në Shqipëri do të shoqërohej me ndërhyrjen e forcave të Komitetit të Prizrenit nga Jugosllavia, dhe më pak e mundshme është ndërhyrja e Komitetit Kombëtar të Shqipërisë së Lirë. Ndërhyrje të tilla do të interpretoheshin si kërcënim të interesave kombëtare edhe nga fqinjët, prandaj për momentin nuk duhet të kishte ndryshim të pushtetit në Shqipëri.

Shkëputja nga BRSS

CIA nuk ka direktiva konkrete veprimi për Shqipërinë por ajo gjithsesi konsiderohet si një objektiv i rëndësishëm i luftës psikologjike dhe se përpjekjet për ta shkëputur atë nga blloku sovjetik nuk duhet të reduktoheshin. Është pranuar se ndryshimi kryesor i politikave mes CIA dhe MI6 qëndron në faktin se CIA është e gatshme të përdorë një politikë më të drejtpërdrejtë, por ky dallim nuk do të ndalojë punën e përbashkët të dy shërbimeve.

Infiltrimet

Tre operacione infiltrimi janë planifikuar sivjet. Grupi i parë i Vlorë nuk u formua për arsye të vështirësive me agjentët, kurse grupi i dytë për në Tiranë u infiltrua në rrugë tokësore nga Greqia. Një grup i tretë duhet të infiltrohen në Veri të Shqipërisë, por është anuluar për arsye të vështirësive në organizmin e infiltrimit nga ajri ose toka, dhe pritet të kryhet vitin që vjen. Operacionet e infiltrimit kanë pasur të njëjtat objektiva si më parë: krijimin e qendrave të rezistencës, vazhdimin e operacioneve për qëllimin final të shkëputjes së Shqipërisë nga orbita sovjetike dhe inkurajimi i dezertimit mes zyrtarëve komunistë. Operacionet janë reduktuar disi për të ngritur kalibrin e agjentëve të zgjedhur, por është pranuar nga të dyja palët se në përgjithësi kalibri i agjentëve linte shumë për të dëshiruar. Një grup prej pesë personash të ri-infiltruar këtë vit, qëndruan për tre javë në Korçë deri sa rimorën kontaktet e vjetra. Një grup prej dy personash të infiltruar në zonën e Sarandës qëndruan aty për tre javë.

Cilësia e agjentëve

Si CIA dhe MI6 janë dakord se cilësia e agjentëve të tyre shqiptarë të rekrutuar në Greqi është e ulët. Aktualisht janë shumë pak refugjatë shqiptarë që arrijnë në Greqi dhe normalisht të larguarit e nivelit të lartë nuk pranojnë të kthehen aty për të jetuar në male. CIA ka punuar për krijimin e qendrave rezidente në Shqipëri, dhe tekstet e broshurave të përdoren për të inkurajuar pjesëmarrjen e agjentëve të kalibrit të lartë. Broshurat e nxitjes së dezertimit deri tani nuk kanë dhënë efekt, por autoritetet shpresojnë se në të ardhmen mund të ketë anëtarë të lartë të partisë, prandaj ia vlente të vazhdohej me iniciativën. Programi i CIA për vitin 1954 parashikon 24 lëshime broshurash propagande, të shoqëruara me artikuj ushqimorë apo të përdorimit shtëpiak. Ata kërkojnë të përmirësojnë tekstet e fletushkave, duke zgjeruar apelin e tyre publik, pasi propaganda e pastër nuk po sjell efektin e pritur.

Komiteti për Shqipërinë e Lirë

Është pranuar diskutimi i komitetit ekzekutiv të Komitetit për Shqipërinë e Lirë (NCFA) dhe riorganizimi i tij. CIA ka kërkuar riorganizimin e NCFA me qëllim shkurtimin e kostove, dhe krijimin e një kampi në Itali për strehimin e shqiptarëve atje. Britanikët kërkonin emërimin e anëtarëve të kryesisë së NCFA si individë dhe jo në bazë të partive që përfaqësojnë.

Ka pasur debate mes CIAs dhe grupeve britanike mbi masën e informimit të NCFA për operacionet e infiltrimit në Shqipëri. Ata mendonin se agjentët kishin nevojë për mbështetjen e NCFA dhe se detajet e dhëna nga NCFA për prejardhjen e agjentëve ishin të rëndësishme në operacion dhe në vlerësimin e cilësive të tyre. CIA ishte e mendimit se kishte rreziqe sigurie në rast njoftimi paraprak të NCFA dhe do të vazhdonte të vepronte edhe pa aprovimin e tyre, prej rrezikut të daljes së informacionit dhe dështimit të operacioneve. Pas diskutimeve u pranua edhe nga britanikët të ndiqej e njëjta linjë. Një prej sugjerimeve ishte njoftimi i NCFA pas futjes së agjentëve në Shqipëri, por u refuzua prej rrezikut të daljes së informacionit. Diskutimet përfshinë mundësinë e përkeqësimit të marrëdhënieve me NCFA në rast të mbajtjes së tyre të painformuar, çka pritet të trajtohet me riorganizimin e ri ku nuk do të përfshihej një “juntë” ushtarake.

Aktivitetet e NCFA nga Romë mendohet të ndahen në dy kategori: Në atë të luftës psikologjike ku përfshihen fletushkat, përmbledhjet e lajmeve dhe monitorimi i stacionit të Barit. Për zhurmimin e transmetimeve të Zërit të Amerikës, ekspertët besonin se vinte nga Bullgaria.

Dhe përfaqësues të NCFA që marrin pjesë në takimet e OKB për Kampet e punës dhe në takimet e Juristëve të Lirë.

Komiteti i Prizrenit

Në diskutime u përmend se kur u krijua fillimisht Komiteti i Prizrenit, CIA kishte qenë shumë e interesuar, por në informacionet e mëvonshme rezultoi se Komiteti ishte tërësisht nën dominimin jugosllav dhe ishte kryesisht një mjet mbulimi për operacionet e UDB në Shqipëri. ka shumë pak emra të njohur në komitetin e Prizrenit dhe CIA mendonte se nëse realizohej ndryshim i regjimit në Shqipëri, Komiteti do të përpiqej të vendoste një qeveri titiste. Ne dhe britanikët ishim në një mendje se situata aktuale në Trieste pengonte çdo bashkëpunim real të mundshëm mes Komitetit të Prizrenit dhe NCFA.

Organizata e Hilë Shllakut

CIA mendon se ka ende dyshime mbi ekzistencën e kësaj organizate dhe mbi të gjitha për forcën e saj të pretenduar prej 35.000 njerëzish. Ata janë duke eksploruar nëse kjo organizatë ekziston, pasi do të ishte me vlerë të madhe. Britanikët thanë se zotëronin fakte se organizata e Shllakut ekzistonte dhe se ishte e gatshme ta vinte veten në dispozicion të Perëndimit. Por masa e pretenduar e saj ishte një kërcënim serioz për qeverinë e Tiranës dhe meqenëse kishte interesa jugosllave të përfshira, lëvizjet e mëtejshme për të duhet të diskutoheshin imtësisht mes dy shërbimeve. CIA deklaroi se vetëm tre refugjatë shqiptarë kishin dëgjuar për organizatën. Korça, i cili ishte mik i ngushtë i Hilë Shllakut, tha se ishte dërguar nga ky i fundit për të kontaktuar me Perëndimin. Vetë Shllaku ka qenë më parë xhandar, para dhe gjatë luftës. Ai ka kontakte të shumta në zonat malore dhe është arrestuar një herë nga komunistët. Pasi arriti të shpëtonte u vendos përsëri si klandestin në zonat malore, ku ka pasur mundësinë e kontakteve të shumta në zonat malore dhe më poshtë deri në afërsi të Tiranës. Sipas Korçës organizata ekziston por ka mungesë armësh.

Operacionet e planifikuara për 1954

Britanikët thanë se kishin vetëm një operacion të planifikuar për vitin 1954, grupin e infiltrimit në veri të vendit që u anulua këtë vit. At akant kontakte të dobishme në veri dhe është propozuar që ata të lëshohen në qershor. Por mbeteshin vështirësi me gjetjen e agjentëve të kalibrit të lartë. Ka disa agjentë të operacioneve të shkuara që pranojnë të rinisen, por në përgjithësi mbetet problemi i rekrutimit të dobët të shqiptarëve në Greqi.

20 prill 1954

Gjyqi në Tiranë i agjentëve të CIA

Gjyqi i 8 agjentëve të CIA kapja dhe gjykimi të cilëve u njoftua nga Radio Tirana 29 dhjetor 1953, filloi më 5 prill 1954. Gjyqi zgjati 5 ditë dhe përfundoi me dënimin e të akuzuarve. Anëtarët e mëposhtëm të grupit tonë Apple Team u dënuan me vdekje, me pushkatim: Zenel Shehu, Halil Branica (të rekrutuar personalisht nga Mbreti Zog), Ahmet Kabashi, Naum Sula, Gani Malushi e Rapush Agolli (ky i fundit u rekrutuar brenda në Shqipëri). Hamit Matjani, guidë dhe konsulent i rekrutuar nga CIA, u dënua me vdekje me varje, kurse Ibrahim Laçi, kontakt i grupit tona, u dënua me 10 vjet burgim. Dënimet u zbatuan më 15 prill 1954. Armiqtë pretendojnë se kanë vrarë tre prej agjentëve tanë menjëherë sapo u ulën me parashutë. Nuk dimë se ç’bëhet me dy anëtarë të grupit tonë, si për shembull Tahir Preçi, operatori fillestar i radios, dhe Pal Nikollën lideri i nëngrupit. Ka një mundësi të vogël se ata mund të jenë ende të lirë, kurse mundësia më e madhe është të jenë vrarë gjatë marrjes në pyetje apo të dënuar në fshehtësi prej refuzimit të bashkëpunimit me gjykatësit.

Gjyqet publike

Gjyqet në fakt janë bërë publike si një mjet propagande kundër Shteteve të Bashkuara dhe Britanisë, si organizatorët kryesorë të aktiviteteve klandestine kundër qeverisë komuniste në Shqipëri. Prandaj dhe nuk është përmendur thuajse fare mënyra e kapjes së agjentëve dhe marrja e tyre nën kontroll. Kështu jemi ende pa të dhëna se kur grupi ynë kaloi nën kontrollin e armiqve.

Bashkëpunimi mes Shteteve të Bashkuara dhe ish-mbretit Zog është publikuar. Gjithashtu është analizuar me detaje të imta bashkëpunimi mes spiunazhit të SHBA dhe organeve greke, duke theksuar mënyrën e përulur të veprimit të Greqisë dhe vendeve të tjera perëndimore në lidhje me SHBA, si dhe lehtësia me të cilën agjentët amerikanë kalojnë kufijtë dhe operojnë në këto vende.

Janë bërë publike disa informacione në lidhje me metodat e trajnimit dhe vendndodhjen fizike të zonave të agjentëve në Greqi, por shumica e pikave dhe metodave tashmë janë ndryshuar, dhe ato që kanë mbetur do të ndryshohen së shpejti. Përveç kësaj të gjitha furnizimet, municionet, armët, veshjet, pajisjet radio dhe floriri, u kapën dhe u ekspozuan në sallën e gjyqit. Në lidhje me personelin e CIA, asnjë emër i vërtetë nuk u ekspozua gjatë gjyqit, përveç një agjenti kontakti që është larguar në vjeshtën e vitit 1951. Agjentë të tjerë të përfshirë kanë përdorur pseudonime në kontaktet me shqiptarët. Me qëllim kundërvënien ndaj efektit të propagandës që soli gjyqi, të paktën pjesërisht, u lëshua në Tiranë një broshurë pas ekzekutimeve, e cila ngrinte lart agjentët e vrarë si martirë të kauzës së çlirimit të Shqipërisë. Është propozuar një tjetër broshurë e cila është duke u hartuar.

12 tetor 1954

Përmbledhje e operacioneve të CIA në Shqipëri

Deri në korrik 1954, aktivitetet e Komitetit Kombëtar të Shqipërisë së Lirë drejtoheshin nga oficerët e shërbimeve të CIA dhe britanikëve MI-6 në Romë. Kontakti me selinë e NCFA në Nju Jork mbahej me anë të një konsulenti të fshehtë, kurse pjesa shqiptare e tij merreshin me mbikëqyrjen e teksteve të transmetimeve klandestine radio dhe fletushkave të propagandës. Në korrik 1954 pas marrëveshjes me britanikët, i gjithë stafi amerikan dhe britanik u tërhoq nga Roma dhe kontaktet e NCFA me CIA janë kryer vetëm prej Athinës. Kjo ka sjellë frikë nga ana e disa prej anëtarëve të komitetit, se interesat e SHBA për Shqipërinë po shuheshin. Klasa e emigrantëve shqiptarë është habitur gjithashtu nga njoftimi i 12 gushtit 1954 për formimin e Komitetit Kombëtar Demokrat nën drejtimin e krahut disident të Ballit Kombëtar, i cili më parë ishte tërhequr nga NCFA dhe kishte bërë çdo tentativë për të sabotuar aktivitetet e tij. divizioni ynë ka propozuar që drejtimi i NCFA t’i kalohet Komitetit të Evropës së Lirë, teksa aktivitetet klandestine të propagandës të kryhen në emër të NCFA. Divizioni beson se kjo lëvizje do të forcojë pozitën e NCFA në sytë e shqiptarëve, si dhe do të shpërndajë frikën se Perëndimi nuk është më i interesuar për Shqipërinë. Kur po mendohej të niste projekti amerikan për Shqipërinë në vitin 1949, u zbulua se britanikët e kishin nisur një projekt me thuajse të njëjtat objektiva, prandaj u vendos që dy projektet të koordinoheshin për të përdorur struktura të përbashkëta dhe që të parandalohej që CIA dhe MI-6 të shkelnin këmbët e njëra-tjetrës. Por operacionet e SHBA dhe të Britanisë kanë qenë thuajse

krejtësisht të ndara dhe vetëm me këmbime informacionesh të përgjithshme mbi zonat e përafërta të aktivitetit dhe kohën e tyre, thjeshte për parandalimin e përplasjeve. Inteligjenca e operacioneve është këmbyer lirisht në terren dhe gjithashtu në nivel zyrtar Londër-Uashington. Aktivitetet e propagandës janë kryer bashkërisht nga Roma dhe Athina deri në korrik 1954 kur si CIA ashtu dhe MI-6 tërhoqën oficerët e tyre nga Roma, për të koordinuar aktivitetet nga Athina.

24 qershor 1953

Departamenti i Shtetit

Integriteti territorial i Shqipërisë

Dokumentet e mëposhtme janë mbi subjektin e memorandumit tuaj dhe mund të ndihmojnë në materialet për “integritetin territorial të Shqipërisë” dhe gjithashtu duhet se bëjnë të qartë nevojën për nxitjen e veprimeve të tjera sipas këtyre linjave. Mesazh për popullin shqiptar nga sekretari Acheson, 13 maj 1951

Dokumenti mbi Italinë e Vatikanin

Në konferencën e tij të sotme për shtyp, zëdhënësi i kryeministrit italian tha: “Fakti se de Gaspari ka marrë pjesë në takimin e ministrave të jashtëm në Paris në një pikë të tillë të fushatës së tij, do të thotë se sa e rëndësishme për Italinë komuniteti ndërkombëtar”. Në lidhje me subjektin e marrëdhënieve Shqipëri-Itali, zëdhënësi tha se ato ende nuk kishin arritur në pikën e dëshirueshme normalizimit për arsye të disa politikave të Tiranës: Kjo e fundit ka dhënë të tjera prova të intolerancës së saj me një not proteste në Romë kundër transmetimeve të rrjetit italian RAI, si dhe me kërkesat për arrestime dhe ekstradime të disa liderëve politikë shqiptarë në Itali. Ministria e jashtme e Italisë refuzoi notën e protestës duke thënë se Itali ishte një vend i lirë, dhe kushtetuta i garantonte të drejta azilantëve apo refugjatëve politikë. Ishte e sigurt se në Shqipëri, ashtu si në vende të tjera prapa Perdes së Hekurt, ekzistonin ndjenja revolte dhe rezistence. Ato kishin uljet e ngritjet e tyre, sipas aftësisë së policisë për t’i shtypur. Sidoqoftë, pikëpamja italiane për Shqipërinë ishte e ditur: ajo donte liri, pavarësi dhe integritet territorial.

McMaster: SHBA të jenë të përgatitura për deatomizim të Koresë Veriore

Këshilltari për siguri kombëtare i Shtëpisë së Bardhë, H.R. McMaster, thotë se Shtetet e Bashkara “duhet të jenë të përgatitura, nëse është e domosdoshme, për ta detyruar Korenë Veriore që të deatomizohet”.

Këto komente të zyrtarit të lartë amerikanë në intervistën për rrjetin BBC, që janë postuar sot në Internet, paraqesin paralajmërimin më të ri se Shtetet e Bashkuara janë të gatshme ta përdorin forcën në një pikë, për ta larguar kërcënimin nga programet raketore dhe atomike të Phenianit.

I pyetur nëse Shtetet e Bashkuara janë të përkushtuara për zgjidhje paqësorre në kontestin me Korenë Veriore, McMaster tha “ne jemi të përkushtuar për zgjidhje. Ne dëshirojmë që zggjidhja të jetë paqësore, por siç ka thënë presidenti, Donald Trump, të gjitha opsionet janë në tryezë”.

Mëtutje, ai theksoi se “ne duhet të jemi të përgatitur, nëse është e domosdoshme, për ta detyruar deatomizimin e Koresë Veriore pa bashkëpunim me këtë regjim”.

Trumpi: Atentati që CIA parandaloi në Rusi mund të kishte shkaktuar mijëra viktima

Presidenti amerikan, Donald Trump, vlerësoi mbrëmë se bashkëpunimi mes shërbimeve sekrete të Rusisë dhe të Amerikës kishte mundësuar shmangien e mijëra viktimave duke parandaluar një projekt atentati në Shën Petersburg.

“Ata ishin në gjendje të ndalonin këta terroristë pa humbur asnjë jetë njerëzore”, theksoi Trump gjatë një fjalimi në Uashington.

“Ndoshta mijëra persona mund të ishin vrarë”, shtoi ai.

“Është në këtë mënyrë që kjo duhet të funksionojë”, vazhdoi ai, duke vlerësuar bashkëpunimin në këtë aspekt me homologun e tij rus, Vladimir Putin.

Ky i fundit kishte telefonuar të dielën presidentin amerikan dhe e kishte falënderuar për informacionet e kaluara nga CIA te Rusia dhe që mundësuan, sipas tij, të parandalohet një projekt atentati në Shën Petersburg.

Trumpi: Synohet “partneritet i madh” me Rusinë dhe Kinën

Donald Trump gjatë fjalimit të mbrëmshëm në Uashington

Presidenti amerikan, Donald Trump, mbrëmë e ka paraqitur strategjinë e sigurisë kombëtare të Shteteve të Bashkuara, me të cilën merret linjë e fortë ndaj Kinës dhe Rusisë, por tha se Uashingtoni do të synojë “partneritet të madh” me dy këto fuqi “rivale”, derisa i mbron interesat kombëtare amerikane.

Në një fjalim me tematikë të gjërë në Uashington, pak kohë pasi Shtëpia e Bardhë e ka publikuar dokumentin e strategjisë, zoti Trump tha se “realizmi” dhe “Amerika së Pari” do të jenë parime udhëzuese të sigurisë kombëtare, që ecin përpara dhe ashpër i ka kritikuar të arriturat e paraardhësve të tij, për një rreze të gjërë të çështjeve, përfshirë kundërterrorizmin, Iranin dhe Korenë Veriore.

Presidenti Trump, gjatë fjalimit të tij, e ka lavdëruar koalicionin e udhëhequr nga Shtetet e Bashkuara, i cili po lufton kundër grupit ekstremist, Shteti Islamik, në Irak dhe Siri dhe tha se Pakistani, duhet të jetë më i vendosur në betejën kundër ekstremizmit.

Në strategjinë e re kombëtare të Shteteve të Bashkuara tërhiqet vërejtja se Kina dhe Rusia paraqesin “sfida për fuqinë, ndikimin dhe interesat amerikane, në përpjekje për shkatërrimin e sigurisë dhe prosperitetit amerikan”. rel

Nju Jork – Kisha e shndërruar në xhami (video)

Amendamenti i parë i kushtetutës amerikane garanton të drejta të barabarta për të gjitha objektet fetare, qofshin ato kisha apo xhamia. Në qytetin amerikan Sirakuzë, një kishë është bërë po aq e rëndësishme për myslimanët, sa ç’ka qenë e rëndësishme për të krishterët.

Godina njihet me emrin Xhamia e Jezusit, të birit të Marisë (Masjid Essa-Ibne-Maryam). Deri katër vite më parë ajo njihej si Kisha e Trinisë së Shenjtë.

Kur hyn brenda, përballesh me një mbishkrim nga Kurani të gdhendur në dru: “Allahu do t’i falë të gjithë, pavarësisht mëkateve të tyre”.

“E them gjithnjë se këto mure kanë pritur të dëgjojnë Kuranin prej 100 vjetësh. Kjo ishte ndjesia që pata që në fillim”, thotë kujdestari i xhamisë, Yusef Soule.

Zoti Soule ka marrë pjesë që në fillimet e rrugëtimit të kësaj kishe të shndërruar në xhami. Ai pranon se nuk ishte e lehtë të dëgjonte thirrjen myslimane të namazit, përmes ekove të një godine kishe.

“Disa njerëz u zemëruan. Persona që nuk i njihja u zemëruan me mua personalisht dhe më fajësonin meqë jam amerikan”, tregon zoti Soule.

Ndërtuar në fillimet e shekullit të 20-të, Kisha e Trinisë së Shenjtë i shërbente një popullsie në rritje emigrantësh gjermanë dhe italianë. Shumë njerëz pagëzoheshin, martoheshin dhe varroseshin këtu.

Por, ndryshimet demografike nuk e favorizuan këtë kishë. Besimtarët u larguan nga qyteti drejt rrethinave dhe u zëvendësuan nga valë të reja emigrantësh dhe refugjatësh, shumë prej të cilëve myslimanë.

“Bashkëjetonim me shumë grupime të larmishme. Me kalimin e kohës e pranuan idenë e shndërrimit të objektit në xhami”, thotë zoti Soule.

Në vitin 2010, Dioqeza Katolike e Sirakuzës e mbylli kishën në kuadrin e një rikonfigurimi rajonal. Megjithëse pati oferta tre herë më të larta për ta shndërruar kishën në një klub, ajo iu shit një grupi mysliman me një çmim shumë më të ulët, në mënyrë që Zoti të vazhdonte të adhurohej në shtëpinë e tij.

Në vazhdim filloi rehabilitimi i godinës. Stolat e kishës u hoqën dhe druri i tyre u përdor për të rregulluar dyshemenë. Mijëra kryqe nëpër mure u ridizenjuan ose u mbuluan me bojë. Kryqet mbi çati u zëvendësuan dhe u ruajtën si një kujtesë e çmuar e të kaluarës së godinës.

“Na duhet të mbledhim fonde të tjera që të zëvendësojmë këto dritat. Është pak errët këtu”, thotë zoti Soule.

Xhamia dallon nga të tjerat në zonë pasi nuk ka një kthinë të veçantë, apo një mur, që të ndajë burrat nga gratë. Nuk ka një imam të emëruar apo person të caktuar për thirrjen e namazit. Ideja është se xhamia u përket të gjithëve dhe kushdo mund ta bëjë thirrjen.

…Si 14-vjeçari Sajad Samir nga Afganistani.

“Praktikohesha vetë dhe njerëzit në xhami më inkurajuan që ta bëja unë thirrjen për disa ditë”, tregon Sajadi.

Refugjatë nga disa vende jetojnë pranë xhamisë, por ajo i shërben një komuniteti ku bëjnë pjesë jo vetëm myslimanë.

“E perceptojnë vërtet rolin e tyre si në shërbim të të gjithë lagjes. Depoja e tyre e ushqimeve është e hapur për të gjithë, për piknike dhe aktivitete verore. Pra, janë partnerë të mrekullueshëm të komunitetit, të cilët duan t’i shërbejnë të gjithë komunitetit dhe jo vetëm anëtarëve myslimanë të tij”, thotë Mark Cass, i Qendrës Mësimore “Northside”.

Yusef Soule thotë se nuk duhet besuar gjithçka që shikohet në media, pasi në kundërshtim me disa perceptime, Amerika ka një sasi të jashtëzakonshme njerëzish mikpritës që përqafojnë diversitetin dhe që i duan njerëzit për atë çfarë ata janë.

Strategjia e re e Presidentit Trump për Sigurinë Kombëtare

Presidenti amerikan Donald Trump shpall sot në Uashington strategjinë e re për sigurinë kombëtare.

Zyrtarë të lartë të administratës thanë se dokumenti për strategjinë e re do t’i sigurojë vendit një “manual të qartë dhe të zbatueshëm” për të përballuar kërcënimet më të rrezikshme me të cilat ndeshet aktualisht vendi.

Ata thanë se ndryshe nga strategjitë e mëparshme, dokumenti i tanishëm i trajton në mënyrë të qartë dhe realiste këto rreziqe dhe sfidat, duke u dhënë përparësi interesave amerikane në përputhje me moton e presidentit “Amerika e Para”.

“Balanca globale e pushtetit është zhvendosur në mënyra të pafavorshme ndaj interesave amerikane”, tha të dielën një zyrtar i lartë i administratës. “Kjo strategji e re ofron një plan se si Amerikan mund të rifitojë vrull për të ndryshuar shumë prej këtyre tendencave.”

“Kjo do të shërbejë si një themel për strategjitë që do të pasojnë”, tha zyrtari, duke aluduar mbi publikimin së shepjti të dokumenteve për mbrojtjen dhe antiterrorizmin.

Zyrtarë të administratës thonë se, pavarësisht shqetësimeve të tyre, strategjia e re për sigurinë kombëtare nuk ka për qëllim hedhjen poshtë të strategjive të mëparshme nga ish Presidenti Barack Obama apo ish Presidenti George W. Bush.

Ata thonë se dokumenti përmbledh stategjinë që Presidenti Trump ka mbrojtur, si gjatë fushatës për presidencën dhe më pas në detyrë.

“Jetojmë në një konkurrencë globale dhe se si i avancojmë synimet tona është më kritike se kurrë”, tha një zyrtar i lartë i administratës. “Ne duhet të konkurrojmë.”

Për të konkurruar më mirë në skenën globale, zyrtarët e administratës së Presidentit Trump po përqendrohen në atë që ata i përshkruajnë si katër interesa kombëtare jetike: mbrojtja e vendit, promovimi i begatisë amerikane, ruajtja e paqes nëpërmjet fuqisë dhe avancimi i ndikimit amerikan.

“Ne duhet të punojmë sëbashku më shumë se kurrë për siguruar që shtetet të mbështesin zbatimin e ligjit, respektojnë sovranitetin e fqinjëve dhe të mbështesin rendin e paqes pas Luftës së Dytë Botërore dhe Luftës së Ftohtë, stabilitetin dhe sigurinë e përbashkët” tha Këshilltari i presidentit për Sigurisë Kombëtare Gjeneral HR McMaster gjatë njëprezantimi paraprak të strategjisë javën e shkuar në Uashington.

Strategjia identifikon tre grupe sfidash ndaj atij rendi, thonë zyrtarët.

Grupi i parë përfshin vende si Rusia dhe Kina, të cilat po kërkojnë të krijojnë një rend të ri global, ushtarak dhe ekonomik, për të cilin zyrtarët besojnë se do të dëmtojë interesat amerikane.

Në grupin e dytë janë regjimet e papërgjegjshme si Koreja e Veriut dhe Irani, të cilat po përpiqen të shtien në dorë armë të shkatërrimit në masë ndërsa mbështesin terrorizmin dhe aktivitete të tjera destabilizuese.

Grupi i fundit përfshin grupe ndërkombëtare terroriste dhe sindikata kriminale.

Zyrtarë të administratës thonë se strategjia e re për sigurinë kombëtare do të përballet me këta sfidues të ndryshëm në arenën botërore.

“Ne liruam shumë hapësirë konkurruese gjatë viteve të fundit dhe krijuam shumë mundësi”, tha zoti McMaster. “Do të shihni një theks të madh në angazhimin konkurrues.”

Por saktësisht se si Shtetet e Bashkuara do ta arrijnë këtë mbetet paksa në pikëpyetje.

“Ky dokument është më tepër i nivelit të lartë dhe përparësor”, tha një zyrtar i dytë i lartë i administratës.

Megjithatë, zyrtarët thonë se elementet e strategjisë së re të sigurisë kombëtare janë tashmë të dukshme në qasjen e Uashingtonit ndaj Koresë së Veriut, Iranit dhe Azinë Jugore.

Ajo gjithashtu synon të kundërshtojë nocionin se thirrja e Presidentit Trump gjatë fushatës “Amerika e Para” duhet të interprehotet si “Amerika vetëm.”

Në vend të saj, zyrtarët thonë se strategjia do të riafirmojë angazhimin e Shteteve të Bashkuara ndaj aleatëve. Ata po ashtu thonë se do të afirmojë angazhimin amerikan ndaj NATO-s dhe Kombeve të Bashkuara, edhe pse thonë hapur se zoti Trump beson se reformat në të dy organizatat janë shumë të vonuara.

Shtetet e Bashkuara nuk përjshtojnë mundësinë e bashkëpunimit me rivalët kryesorë, përfshi këtu Kinën dhe Rusinë.

“Natyra e konkurrencës nuk do të thotë që nuk do të ketë bashkëpunim”, tha një zyrtar tjetër i lartë. “Ne flasim për bashkëpunim, rreth bashkëpunimit reciprok.”

Për shembull, zyrtarët thanë se Shtetet e Bashkuara e shohin Kinën si partner kyç në përpjekjet për frenuar agresionin e Koresë së Veriut dhe ambicjet bëthamore, pavarësisht asaj që ata e përshkruajnë si agresion ekonomik të Pekinit ndaj Shteteve të Bashkuara. Zyrtarët vunë në dukje telefonatën e së dielës mes Presidentit rus Vladimir Putin dhe Presidentit Trump, ku Putini falenderoi Amerikën dhe Agjencinë Qendrore të Zbulimit (CIA) për ndarje të dhënash për të menjanuar një sulm terrorisit, si një “shembull të mirë ku ka një interes të përbashkët”.

“Interesi i përbashkët është vënë re gjatë këtij viti në Siri kundër ISIS në uljen e rreziqeve për përplasje në përpjekjet për të krijuar zona të sigurta,” tha zyrtari.

“Pa dyshim që jemi më mirë tani se sa ishim disa muaj më parë kur sekretari i shtetit dhe presidenti thanë se marrëdhëniet Amerikë-Rusi duket se ishin në një pikë të ulët,” shtoi zyrtari. “Por ne ende shohim shumë fusha ku interesat tona nuk përputhen ose bien ndesh direkt.”

Një fushë kryesore e konfliktit me Rusinë është ajo që zoti McMaster, këshilltari i presidentit për sigurinë kombëtare, e ka quajtur “fushata të sofistikuara subvercioni dhe dezinformimi.”

Një raport jo-sekret nga organet amerikane të zbulimit i publikuar janarin e shkuar doli në përfundimin se Presidenti Vladimir Putin zhvilloi atë që e përshkroi si një “fushatë influencimi” të paparë në përpjekjet për të ndikuar në zgjedhjet presidenciale amerikane të vitit 2016 në favor të kandidatit të atëhershëm Donald Trump.

Megjithatë kur u pyetën, zyrtarë të tjerë të lartë të administratës nuk thanë se si strategjia e re për sigurinë kombëtare do të adresojë shqetësime të tilla, duke thënë se aktorë të tjerë, përfshi Kinën dhe grupet terroriste kanë përdorur teknika të tilla gjithnjë e më shumë.

Po ashtu ka fusha ku strategjia e re zhvendoset dramatikisht nga politikat e administratës së mëparshme.

Strategjia e Sigurisë Kombëtare e Presidentit Barack Obama në vitin 2015 vuri theksin në nxitjen dhe mbrojtjen e demokracisë dhe të drejtave të njeriut.

Doktrina e re e Presidentit Trump ka një tjetër taktikë.

“Ne theksojmë të gjithë komponentët përbërës të demokracisë: tolerancën, lirinë, lirinë e besimit”, tha një zyrtar i lartë i administratës.

Strategjia e Presidentit Obama në vitin 2015 po ashtu bënte thirrje për përballje urgjente me krizën e ndryshimeve klimatike. Strategjia e sigurisë kombëtare e Presidentit Trump nuk kërkon këtë.

“Ndryshimi klimatik nuk është identifikuar si kërcënim për sigurinë kombëtare”, tha një zyrtar i larë. “Është diskutuar rëndësia e mjedisit dhe kujdesi mjedisor.”

Strategjia e re për sigurinë kombëtare ndërkaq ka marrë miratimin e zyrtarëve kryesorë, përfshi Sekretarin e Mbrojtjes Jim Mattis, Sekretarin e Shtetit Rex Tillerson dhe Sekretarin e Thesarit Steve Mnuchin, si edhe Drejtorin Kombëtar të Zbulimit Dan Coats dhe Drejtorin e Agjencisë Qendrore të Zbulimit (CIA) Mike Pompeo.

Trumpi nuk do të shkarkojë prokurorin e posaçëm Mueller

Presidenti amerikan Donald Trump u tha gazetarëve se nuk po shqyrton mundësinë e shkarkimit të Robert Mueller-it, ndërsa avokatët e tij e kanë akuzuar prokurorin e posaçëm se ka marrë në mënyrë të paligjshme dhjetëra mijëra email-e të ekipit të tranzicionit të presidentit të sapo zgjedhur Trump.

Kur u pyet nëse po shqyrtonte mundësinë e shkarkimit të prokurorit të posaçëm, presidenti u përgjigj shkurt “Jo. Nuk po e mendoj”. Ndërsa për email-et, Presidenti Trump tha se “Nuk mendoj se ka ndonjë gjë aty, sinqerisht. Siç e kam thënë që në fillim, nuk ka patur bashkëpunim (me rusët)”.

Email-et në fjalë u morrën nga kompjuterat e 13 zyrtarëve të lartë të ekipit Trump për tranzicionin, gjatë periudhës që kur ai u zgjodh në nëntor 2016 dhe deri kur mori detyrën më 20 janar 2017. Mes këtyre mesazheve ka diskutime rreth sigurisë kombëtare dhe objektivave fillestare të mundshme të tij në arenën ndërkombëtare, si dhe vlerësime për të emëruarit e ardhshëm të administratës së tij.

Një zëdhënës i prokurorit të posaçëm e mbrojti ligjshmërinë e marrjes së këtyre email-eve.

“Kur i kemi marrë marrë email-et si pjesë e hetimit penal që ende vazhdon, kemi siguruar paraprakisht, ose miratimin e të zotit të llogarisë, ose një proces të përshtatshëm penal”, tha zëdhënësi.

Prokurori special Mueller ia kërkoi email-et Administratës së Shërbimeve të Përgjithshme (GSA), e cila është agjensia qeveritare që menaxhon objektet federale ku punonte ekipi Trump për tranzicionin dhe ku ndodheshin kompjuterat në fjalë. Agjensia i dorëzoi email-et më 1 shtator, pa njoftuar ekipin Trump.

Kory Langhofer, avokati që përfaqëson ekipin e tranzicionit të quajtur “Trump për Amerikën”, u ankua tek komisionet e mbikqyrjes së Senatit dhe Dhomës së Përfaqësuesve se zoti Mueller i pati marrë email-et, megjithëse ishte “i vetëdijshëm se ato nuk ishin pronë e agjencisë GSA”.

Avokati i Presidentit Trump tha se prokurorët e ekipit Mueller i “kanë përdorur gjerësisht këto materiale” gjatë hetimit të tyre që ende vazhdon, për të shqyrtuar nëse anëtarë të ekipit Trump bashkëpunuan me Rusinë për të mundur sfidanten demokrate, ish-Sekretaren e Shtetit Hillary Clinton.

Zoti Langhofer tha se prokurorët kanë qenë të ndërgjegjshëm se disa nga këto materiale nuk mund të publikohen pasi ndër to ka edhe diskutime private ndërmjet avokatëve të ekipit Trump për tranzicionin dhe zyrtarëve të qeverisë që punonin për transferimin e pushtetit.

E pyetur për email-et, zëdhënësja e Shtëpisë së Bardhë, Sarah Huckabee Sanders, tha se “ne vazhdojmë të bashkëpunojmë plotësisht me prokurorin e posaçëm dhe shpresojmë që hetimet të përfundojnë së shpejti”.

Zyrtarë të Shtëpisë së Bardhë thanë se nuk është marrë në shqyrtim mundësia e shkarkimit të zotit Mueller. Një ndër ligjvënësit kryesorë republikanë, Senatori i Teksasit John Cornyn, tha se do të ishte “një gabim” nëse Presidenti Trump do ta shkarkonte zotin Mueller, megjithëse disa republikanë të tjerë kanë bërë thirrje për shkarkimin e tij.

Hetimi disa-mujor i zotit Mueller ka siguruar deri më tani pranimin e fajësisë nga dy ish-ndihmësa të zotit Trump, ish-këshilltarin e sigurisë kombëtare Michael Flynn dhe ish-këshilltarin për politikën e jashtme George Papadopoulos, të cilët pranuan se kanë gënjyer hetuesit federalë për kontaktet e tyre me zyrtarët rusë.

Hetimet kanë sjellë edhe ngritjen e akuzave për dy zyrtarë kryesorë të fushatës elektorale – Paul Manafort dhe Rick Gates – rreth përpjekjeve të tyre lobuese për Ukrainën, gjatë periudhës përparazgjedhjes së Presidentit Trump.

Presidenti Trump i ka kritikuar rregullisht hetimet e zotit Mueller dhe të Kongresit për lidhje e anëtarëve të fushatës së tij me Rusinë, ndërsa janë shtuar edhe kritikat e republikanëve duke i konsideruar si të njëanshme hetimet e zotit Mueller. Prokurori Mueller shkarkoi një ndër hetuesit kryesorë të FBI-së, pasi u zbulua se kishte shkëmbyer komente negative ndaj zotit Trump me një tjetër zyrtare të FBI-së të përfshirë në procesin hetimor.

Prokurori i posaçëm Mueller po ashtu po heton rreth mundësisë që presidenti Trump të ketë penguar drejtësinë me vendimin e tij për të shkarkuar drejtorin e FBI-së James Comey në maj. Në atë kohë, Comey ishte në krye të hetimeve mbi Rusinë, përpara se të caktohej prokurori i posaçëm Mueller.

Gjatë dëshmisë së tij në Kongres, ish drejtori Comey pohoi se para se ta shkarkonte, presidenti e kishte nxitur që të ndërpriste hetimet për Michael Flyn-in, ish gjeneralin, që shërbeu për një muaj në Shtëpinë e Bardhë, para se presidenti Trump ta shkarkonte se kishte gënjyer nën-presidentin Mike Pence dhe të tjerë, lidhur me kontaktet që kishte pasur me ambasadorin e Rusisë në Uashington gjatë periudhës së tranzicionit.

Ekipi i Trumpit dënon parregullsi në hetimin për ndërhyrjet ruse

UASHINGTON- Ekipi i tranzicionit i Donald Trumpit ka dënuar parregullsi në hetimin për ndërhyrjet ruse gjatë presidencialeve të vitit 2016, duke garantuar se prokurori special ka marrë në mënyrë ilegale mijëra emaile.

Prej shumë javësh, të afërm të presidentit amerikan dhe disa të zgjedhur republikanë kanë vënë në dyshim kredibilitetin e hetimit të Robert Mueller i cili ka akuzuar shumë të afërm të Trump-it, mes të cilëve edhe gjeneralin Michael Flynn, i cili ishte këshilltari i tij për sigurinë kombëtare.

Në një letër që i drejtohej Kongresit dhe të cituar nga media amerikane, avokati Kory Langhofer pohon se një agjenci federale, “General Services Administration” (GSA), ka dhënë në mynyrë të jashtligjshme disa dokumete, shkruan ata.

Sipas kësaj letre, hetuesit nuk kanë asnjë mandat për të marrë këto dokumenta.
Nga ana tjetër, Peter Carr, zëdhënës i prokurorit special, ka kontestuar formalisht çdo parregullsi, duke garantuar se hetimi ishte zhvilluar në respektimin më strikt të ligjit.

Mueller mbron grumbullimin e emaileve të ekipit të tranzicionit të Presidentit Trump

Prokurori i Posaçëm amerikan Robert Mueller po mbron ligjshmërinë e grumbullimit të dhjetra mijëra emaileve të ekipit të tranzicionit presidencial të Donald Trumpit, megjithëse zyrtarët e zotit Trump u vunë në dijeni vetëm javën e kaluar se një agjenci qeveritare kishte dorëzuar emailet, para disa muajsh.

Emailet vinin nga kompjuterat e 13 zyrtarëve të lartë të ekipit të tranzicionit dhe mbulojnë një periudhë nga koha kur zoti Trump u zgjodh në fillim të nëntorit 2016 deri kur mori detyrën më 20 janar 2017.

Mesazhet përfshijnë diskutime për sigurinë kombëtare dhe objektivat e mundshme fillestare të politikës së jashtme, si edhe vlerësime të kandidatëve për poste në administratën e re.

“Kur kemi marrë emailet si pjesë e hetimit tonë, kemi siguruar ose miratimin e personit që i takonte emaili ose autorizimin e duhur”, tha një zëdhënës i zoit Mueller të dielën herët.

Prokurori i Posaçëm ia kishte kërkuar mesazhet Administratës për Shërbime të Përgjithshme, një agjenci qeveritare që menaxhon godinat dhe pronat federale, ku punonte ekipi i tranzicionit dhe kompjuterat e së cilës kishte përdorur për emailet. Agjencia pa informuar ekipin e tranzicionit, i dorëzoi ato më 1 shtator.

Kory Langhofer, një jurist që përfaqëson ekipin e tranzicionit të quajtur “Trump për Amerikën”, paraqiti të shtunën një ankesë në komisionet e mbikqyrjes së Senatit dhe Dhomës së Përfaqësuesve, duke thënë se Mueller i kishte marrë emailet, megjithëse “e dinte që emailet në fjalë nuk ishin as në pronësinë, as në kontrollin e Administratës së Shërbimeve të Përgjithshme”.

Avokati i zotit Trump tha se prokurorët e zotit Mueller kanë “përdorur gjerësisht materialet në fjalë” në hetimin mbi lidhjet me Rusinë. Langhofer tha se prokurorët e dinin se disa nga materialet ishin të mbrojtura nga publikimi sepse kishin të bënin me diskutime private mes juristëve të tranzicionit të zotit Trump dhe zyrtarëve që punonin për tranzicionin.

SHBA: Ushtria e pranoi hetimin sekret për objektet UFO

Pamje e një objekti që konsiderohej se ishte UFO i fotografuar më 31 korrik të vitit 1952 mbi Nju-Xhersi në SHBA

Ushtria e Shteteve të Bashkuara ka pranuar se në mënyrë sekrete ka zhvilluar hetime për pobjektet e paidentifikuara fluturuese, të njohura me shkurtesën UFO, për një periudhë pesëvjeçare.

E përditshmja New York Times ka raportuar se programi për hetimin e paraqitjeve të UFO-s ka zgjatur në periudhën 2007 – 2012, ndërsa ka kushtuar 22 milionë dollarë në vit.

Por, gazeta i ka cituar disa burime, që kanë thënë se programi sekret mbetet aktual edhe në ditën e sotme.

Pentagoni ka pranuar dje se programi ka përfunduar në “kornizën kohore 2012”.

“Ishte vendosur se kanë ekzistuar edhe çështje të tjera të prioritetit të lartë, që meritojnë fonde dhe se ishte në interesin më të mire të Departamentit të mbrojtjes për të bërë ndryshim”, ka thënë një zëdhënëse e Pentagonit, e cila megjithatë, nuk ka deklaruar në mënyrë specifike nëse një program i tillë i ngjashëm ekziston ende.

“Departamenti i mbrojtjes i merr seriozisht të gjitha kërcënimet dhe kërcënimet potenciale për popullin tonë, për pasurinë tonë dhe për misionin tonë dhe ndërmerr aksion çdo herë kur zhvillohet ndonjë informatë e besueshme”, tha kjo zëdhënëse e Pentagonit.

Shtëpia e Bardhë synon të ndryshojë sistemin aktual të emigrimit drejt SHBA-së

Shtëpia e Bardhë po fillon një fushatë për të kthyer opinionin publik amerikan kundër sistemit aktual të vendit për emigracionin, i cili bazohet përgjithësisht tek lidhjet familjare. Sipas agjencisë së lajmeve Associated Press, synimi i fushatës është zhvendosja drejt një sistemi emigracioni të bazuar tek merita.

Administrata kishte filluar madje përgatitjet përpara se një ekstremist i frymëzuar nga Shteti Islamik, i lindur në Bangladesh, të përpiqej të hidhte veten në erë në Manhatan. Administrata po mbledh të dhëna për të mbështetur argumentin se legjislacioni aktual për emigracionin jo vetëm që është i konceptuar keq, por se është edhe i rrezikshëm dhe i dëmshëm për punonjësit amerikanë.

Një zëdhënës i Shtëpisë së Bardhë, Hogan Gidley, thotë se “ne besojmë që të dhënat drejtojnë politikat. Këto të dhëna do të ndihmojnë në mbledhjen e votave në Kongres për një reformim gjithëpërfshirës të emigracionit”.

Zyrtarët e Shtëpisë së Bardhë ia detajuan ekskluzivisht strategjinë e tyre agjencisë Associated Press, duke thënë se të dhënat tregojnë që ndryshimet duhen ndërmarrë menjëherë. Por, kjo përpjekje e tyre bëhet në një klimë të vështirë politike, pasi edhe vetë republikanët ngurrojnë të angazhohen në një debat madhor për emigracionin përpara zgjedhjeve të 2018-tës.

Çështja pritet të radhitet ndër pikat kryesore të fjalimit për gjendjen e kombit që Presidenti Donald Trump do të mbajë në Kongres më 30 janar. Shtëpia e Bardhë po planifikon edhe deklarata të tjera të Presidentit, të zyrtarëve të lartë të kabinetit qeveritar, si dhe një fushatë nëpërmjet mediave konservatore.

Administrata e filloi fushatën e saj ditën e enjte nëpërmjet një blogu që nënvizon disa shifra kryesore, si: të dhëna të Departamentit të Sigurisë Kombëtare që tregojnë se gati 9.3 milionë nga rreth 13 milionë emigrantë të ardhur në SHBA në periudhën 2005 – 2016 janë tërhequr nga familjarët e tyre të vendosur në SHBA. Ndërsa vetëm 1 në 15 emigrantë u pranua në vend gjatë dekadës së fundit nëpërmjet kartave jeshile, bazuar mbi aftësitë e tyre.

Të dhëna të tjera që do të bëhen publike përfshijnë një raport ku theksohet numri i emigrantëve në burgjet amerikane, një shqyrtim të mbingarkesës dhe vonesave në gjykata të dosjeve për azilkërkuesit, si dhe një studim që administrata thotë se provon lidhjet ndërmjet emigracionit dhe terrorizmit.

Kritikët kanë vënë në pikëpyetje përdorimin selektiv nga administrata të të dhënave që ndonjëherë kanë rezultuar se janë keqpërdorur.

Ky propozim për të braktisur sistemin e emigracionit të bazuar tek familja do të ishte ndryshimi më radikal i sistemit të emigracionit në Shtetet e Bashkuara gjatë 30 viteve të fundit. Kjo do t’i jepte fund asaj që kritikët dhe Shtëpia e Bardhë e quajnë “emigracioni zinxhir”, ku emigrantëve u lejohet të sjellin një sërë anëtarësh të familjeve të tyre në vend. Sistemi që do ta zëvendësonte, do të bazohej tek një skemë pikësh për arsimimin dhe potencialin e punësimit. Masa të tilla të bazuara tek meritat janë duke u përqafuar gjithnjë e më shumë nga vende të tjera, ndër to edhe Britania.

Publiku amerikan është i ndarë për këto ndryshime që shpreson të bëjë Presidenti Trump. Një anketim i Universitetit Quinnipac i zhvilluar në muajin gusht tregoi se 48% e votuesve kundërshtojnë propozimet e Presidentit Trump për të përgjysmuar numrin e emigrantëve të ligjshëm dhe për t’u dhënë prioritet emigrantëve bazuar tek aftësitë profesionale dhe jo më lidhjet e tyre familjare me SHBA-në. 44% e të anketuarve, ndër ta 68% e republikanëve, e mbështesin këtë ide të Presidentit.

Shtëpia e Bardhë shpreson që Kongresi të fillojë trajtimin e kësaj çështjeje në fillimin e vitit të ardhshëm, megjithëse zyrtarët thonë se nuk kanë filluar ende të diskutojnë strategjinë legjislative me udhëheqësit e Kongresit.

Trumpi rikonfirmon se nuk ka patur lidhje me Rusinë

Presidenti Donald Trump kritikoi përsëri të premten hetimet mbi pretendimet për lidhje të fshehta mes fushatës së tij presidenciale dhe Rusisë. Kjo vjen ndërsa disa nga aleatët e tij, përfshi republikanët në Kongres, do të dëshironin emërimin e një prokurori special për të hetuar pretendimet e tyre për njëanshmëri politike nga hetuesit federal.

Para se të shkonte në një ceremoni diplomimi në një akademi të Byrosë Federale të Hetimit, Presidenti Trump shtoi kritikat ndaj agjencisë kryesore të zbatimit të ligjit.

Presidenti shprehu zemërim dhe keqardhje rreth rolit të FBI-së në hetimet që kundërshtarët deshirojnë të shohin se demostrojnë bashkëpunim mes fushatës së tij dhe Rusisë, edhe madje implokojnë zotin Trump personalisht.

“Nuk ka absolutisht asnjë bashkëpunim. Nuk i kam telefonuar dhe nuk kam të bëj me Rusinë. Të gjithë e dinë këtë. Ishte një trillim i demokratëve. Ishte justifikim për humbjen e zgjedhjeve dhe nuk duhet të kishte ndodhur në këtë mënyrë.”

Çështja e bashkëpunimit mbetet ligjërisht e hapur. Ajo që është e sigurt është se një dëshmitar i rendësishëm për hetuesin special, ish këshilltarin e presidentit për sigurinë kombëtare, i cili ka pranuar se ka gënjyer FBI-në lidhur me kontaktet e tij me Rusinë. Tani ai është i detyruar të bashkëpunojë me hetuesit.

“Nuk dua të flas për faljen e Michael Flynn ende. Të shohim se çfarë ndodh”, tha Presidenti Trump.

Reagimi i presidentit ndaj pyetjes së një gazetari po shihet si një sinjal i papërshtatshëm ndaj Flynn se ai mund të shpërblehet nëse nuk thotë gjëra të tepruara. Një avokat i Shtëpisë së Bardhë thotë se nuk ka asnjë shqyrtim për mundësinë e faljes së zotit Flynn.

Presidenti i ka sulmuar vazhdimisht gazetarët që raportojnë detaje rreth kontakteve mes fushatës së tij dhe zyrtarëve të administratës ruse, ndërsa vlerëson mediumet konservative që vënë në pikpyetje kredibilitetin e hetuesit special.

“Siç e shikoni janë lajme të rrëme. Por ka edhe njerëz shumë të mirë, rreth 30 përqind”, thotë presidenti Trump.

Gjatë fjalimit të tij për të diplomuarit e akademisë së FBI-së, presidenti nuk përsëriti pohime se agjencia e rendit është në krizë. Megjithatë, duket se zoti Trump vazhdon të ketë dyshime rreth agjencive federale të zbatimit të ligjit dhe atyre të zbulimit.

Trump: Rusia nuk po ndihmon në çështjen e Koresë Veriore

Presidenti i Shteteve të Bashkuara, Donald Trump, tha se nuk është i kënaqur me bashkëpunimin e Rusisë, në përpjekjet për t’i bërë presion Koresë së Veriut që të heqë dorë nga programi i saj bërthamor.

Duke folur për gazetarët jashtë Shtëpisë së Bardhë, Trump tha se “Kina po ndihmon, por Rusia jo”. “Do të dëshironim ndihmën e Rusisë”, shtoi ai.

Ai i bëri këto komente disa orë pas bisedës në telefon me presidentin e Rusisë, Vadimir Putin.

Dy liderët kanë diskutuar “situatën në disa zona kritike, me fokus zgjidhjen e çështjes bërthamore në Gadishullin Korean”, tha Kremlini përmes një deklarate për media.

Shtëpia e Bardhë tha se Trump dhe Putin kanë biseduar për të punuar së bashku në zgjidhjen e situatës “shumë të rrezikshme” në Korenë e Veriut.

Tensionet në Gadishullin Korean janë rritur pas testeve të vazhdueshme të Phenjanit me raketa balistike, të cilat janë në kundërshtim me rezolutat e Kombeve të Bashkuara.

Trump, kritika për FBI-në

Presidenti Donald Trump bëri thirrje për dënimin me vdekje të të gjithë atyre që shpallen fajtorë se kanë vrarë oficerë policie.

Duke folur në Akademinë Kombëtare të FBI në Virxhinia të premten, zoti Trump premtoi të mbështeste zyrtarët e zbatimit të ligjit dhe dënoi ata që sulmojnë oficerë policie.

Gjatë fushatës presidenciale, ai premtoi se nëse zgjidhej, do të nënshkruante një urdhër ekzekutiv që të kërkonte dënimin me vdekje për vrasësit e policëve.

Më herët të premten, Presidenti Trump komentoi për FBI-në, Byronë Federale të Hetimeve.

Ai tha se “është e turpshme ajo që ka ndodhur” me FBI-në, duke e quajtur “me të vërtetë të turpshme” mënyrën se si u trajtua hetimi rreth çështjes së serverit privat të zonjës Hillary Clinton.

“Ne do ta rindërtojmë FBI-në,” tha Presidenti Trump.

Ai aludoi për redaktimet e zbuluara rishtazi që i ishin bërë deklaratës së vitit 2016 të Drejtorit të FBI-së, James Comey mbi hetimin e zonjës Klinton: “Është shumë e trishtueshme kur shikoni ato dokumente, mënyra se si e kanë bërë është me të vërtetë,” tha ai.

Zoti Trump përsëriti se “nuk ka patur asnjë bashkëpunim të fshehtë” midis fushatës së tij dhe qeverisë ruse, duke shtuar se zbulimet e fundit dëshmojnë pohimet e tij se hetimi i zonjës Klinton ka qenë “i manipuluar”.

Shtëpia e Bardhë tha se të dhënat e zbuluara për FBI-në tregojnë se ekziston “njëanshmëri ekstreme” kundër Presidentit Donald Trump në udhëheqjen e lartë të FBI-së.

SHBA, demokratët fitojnë garën në Alabama

Në SHBA, demokratët ngushtuan diferencën në përbërjen e Senatit, me fitoren e arritur mbrëmë në zgjedhjet speciale të Alabamës. Kandidati i tyre, Doug Jones, mundi me rezultat të ngushtë rivalin e fortë republikan Roy Moore, i cili ishte përfolur për sjellje të pahijshme me vajza adoleshente dekada më parë.

Kjo është fitorja e parë e një demokrati në një çerek shekulli në Alabama, një shtet tradicionalisht mjaft konservator. Ajo shënon një goditje ndaj presidentit Donald Trump, i cili mbështeti hapur kandidatin republikan, megjithë akuzat ndaj zotit Moore. Rezultati i garës shënon gjithashtu një plagë të re për Partinë Republikane tashmë të përçarë.

Republikani Moore nuk u tregua i gatshëm për ta pranuar rezultatin. Fushata e tij tha se meqenëse rezultati ishte mjaft i ngushtë, me 0,5 për qind diferencë, ose rreth 21 mijë vota, ata do të veprojnë sipas rregullave dhe do të kërkojnë rinumërimin e votave. Por sekretari i shtetit i Alabamës i tha rrjetit CNN se nuk ka gjasa që rezultati të përmbyset edhe nëse do të ketë rinumërim.

Presidenti Trump bëri një koment në Twitter, duke uruar fituesin demokrat Doug Jones. “Republikanët, – shkruante Presidenti Trump, – do të kenë një rast tjetër për ta marrë këtë vend të Senatit brenda një periudhe të shkurtër kohe.”

Fitorja e zotit Jones, ish prokuror i njohur për ndjekjen penale të dy anëtarëve të Ku-Klux-Klanit, përgjegjës për shpërthimet në kishat e Birmingamit në 1963, e ngushton epërsinë e republikanëve në Senat në 51 vende kundrejt 49.

Zoti Jones mbajti një fjalim të shkurtër përpara mbështesëve në Alabama. “Ne, – tha ai, – treguam jo vetëm në shtetin e Alabamës, por edhe në të gjithë vendin rrugën sesi mund të qëndrojmë të bashkuar”.

Kjo fitore vë në rrezik propozimet republikane për taksat, buxhetin dhe kujdesin shëndetësor si dhe injekton energji të re në përpjekjet e Partisë Demokrate për të rifituar shumicën në Dhomën e Përfaqësuesve dhe në Senat në zgjedhjet e mesmandatit të vitit 2018.

Megjithatë, shumë republikanë në Uashington e shikojnë humbjen e kandidatit të tyre Moore si ndoshta një rezultat lehtësues për partinë në nivel kombëtar megjithë goditjen afatshkurtër. Sepse qëndrimet e shprehura nga kandidati Moore, një konservator i krishterë, kishin larguar mjaft votues nga radhët e grave, pakicave racore, homoseksualëve dhe muslimanëve, pa folur për faktin që ai ishte mjaft i përfolur për sjellje të pahijshme me vajza adoleshente, njëra prej tyre 14 vjeç, kur ai ishte në të 30-at.

Një numër republikanësh nuk pranuan ta mbështetnin atë, duke përfshirë edhe senatorin e vjetër të Alabamës, Richard Shelby. Por ditët e fundit, Presidenti Trump vendosi të verë në dispozicion të fushatës së zotit Moore emrin e tij dhe burimet e Partisë Republikane.

Nëse zoti Moore dë të kishte fituar, Partia Republikane do të ishte rënduar nga prania në radhët e saj të një kolegu të përfshirë në skandal, ndërkohë që republikanët janë në vështirësi për shkak të popullaritetit historikisht të ulët të zotit Trump.

Udhëheqësit republikanë të Senatit kishin deklaruar se zoti Moore do të përballej me një hetim të menjëhershëm për çështje etike dhe fitorja e demokratit Jones i çliroi nga kjo barrë.

Trumpi kërkon reformimin e sistemit të migrimit

Presidenti i Shteteve të Bashkuara, Donald Trump, tha se sulmi me bombë nga një emigrant nga Bangladeshi në sistemin e metrosë në Nju Jork tregon “nevojën urgjente” për Kongresin që të reformojë sistemin e emigrimit në SHBA.

Tre njerëz janë plagosur pasi bomba e sulmuesit ka shpërthyer pjesërisht.

I dyshuari Akayed Ullah, 27 vjeç, është hospitalizuar me djegie të rënda.

Policia e Nju Jorkut tha se Ullah nuk ka pasur histori të mëparshme kriminale, por “duket se është radikalizuar nga grupi ekstremist Shteti Islamik” pasi ka shkuar në SHBA në vitin 2011.

“Amerika duhet të rregullojë sistemin e saj të migrimit që lejon shumë njerëz të rrezikshëm dhe joadekuatë të hynë në vendin tonë”, tha Trump.

Ai tha se Ullah ka hyrë në SHBA përmes një procesi ligjor që lejon familjarët e shtetasve amerikanë të marrin leje të përhershme qëndrimi në SHBA.

Trump tha se ky sistem “bie në konflikt me sigurinë kombëtare” dhe duhet të ndërpritet.

Bitcoin për herë të parë në bursën e Çikagos

Për herë të parë, një kontratë e tipit futures për monedhën Bitcoin u paraqit në Bordin e Këmbimit të Çikagos, me një vlerë prej vetëm 15 mijë dollarë. Gjatë orëve të para të këmbimit, kontrata u rrit me 20 për qind të vlerës. Vetëm gjatë këtij viti, monedha Bitcoin është rritur 1,400 për qind.

Bitcoin ishte monedha e parë elektronike që realizoi me sukses kriptimin monetar. Ajo pati megjithatë fillime të errëta. U krijua në vitin 2008, nga një person ose një grup personash, të mbiquajtur Satoshi Nakamoto, si një mënyrë për të kryer transaksione anonime. Duke qenë se është e vështirë vendosja e rregullave financiare, kjo monedhë është shndërruar në të preferuarën e aktiviteteve të paligjshme.

Gary Hufbauer, ekonomist në Institutin Peterson për Ekonominë Ndërkombëtare me seli në Uashington, i tha gazetarit të Zërit të Amerikës, Victor Beattie, se Bitcoin është deri tani më e suksesshmja nga rreth 100 kripto-monedha që ekzistojnë sot në botë.

Zoti Hufbauer thotë se për shkak të mungesës së ndonjë kuadri ligjor për monedha të tilla, bankat dhe kompanitë kryesore tregtare amerikane ngurojnë të përdorin monedha që mund t’i ekspozojnë ndaj aktiviteteve të paligjshme, si pagesat për drogë apo pastrim parash. Ai mendon se megjithatë do të praktikohet në vazhdim një lloj tregtimi i këtyre monedha virtuale. Bursa e Çikagos do ta fillojë tregtimin e monedhës Bitcoin më datë 18 dhjetor.

SHBA, 3 gra përsërisin akuzat ndaj z. Trump për ngacmime seksuale

Tri gra, të cilat vitin e kaluar akuzuan zotin Donald Trump se i kishte ngacmuar seksualisht, përsëritën akuzat e tyre të hënën, duke thënë se ka ardhur koha që Kongresi të hetojë ankesën e tyre kundër presidentit.

Kërkesa vjen pas një vale akuzash ndaj dhjetëra personaliteteve të tjera të fuqishme amerikane për sjellje të pahijshme ndaj grave.

Rachel Crooks, e cila e akuzoi zotin Trump se e kishte puthur forcërisht 12 vjet më parë kur ajo punonte si recepsioniste në Kullën Trump të Nju Jorkut, tha se ligjvënësit duhet “të lënë mënjanë përkatësitë e tyre partiake dhe të hetojnë historinë e keqtrajtimeve seksuale ndaj grave nga ana e zotit Trump”.

Ajo komentoi në praninë e akuzueseve të tjera të zotit Trump në një konferencë shtypi në Nju Jork: Samantha Holvey dhe Jessica Leeds.

Gjatë fushatës presidenciale të vitit të kaluar, më shumë se dhjetë gra akuzuan zotin Trump për sjellje të pahijshme seksuale gjatë disa dekadave, por ai i mohoi të gjitha akuzat.

Të hënën, ndërsa të tre gratë u shfaqën në emisionin “Today” të rrjetit NBC para konferencës së tyre të shtypit, Shtëpia e Bardhë përsëri i hodhi poshtë akuzat.

“Këto pretendime të rreme, të hedhura poshtë në shumicën e rasteve nga rrëfimet e dëshmitarëve okularë, u trajtuan gjerësisht gjatë fushatës së vitit të kaluar dhe populli amerikan shprehu gjykimin e tij me një fitore vendimtare”, tha Shtëpia e Bardhë.

Më vonë, zëdhënësja e Shtëpisë së Bardhë Sarah Huckabee Sanders tha: “Ne mendojmë se këto akuza e kanë marrë përgjigjen” nga rezultatet e zgjedhjeve të vitit 2016. “Populli amerikan e dinte këtë dhe votoi për presidentin.”

Shpërthim në Nju Jork, një i ndaluar

Policia e Nju Jorkut thotë se një i dyshuar është ndaluar pas një shpërthimi sot në mëngjes pranë Terminalit të Autobusëve, që kryebashkiaku Bill de Blasio e quajti përpjekje për “sulm terrorist”.

Komisioneri i Policisë së Nju Jorkut, James O’Neill, e identifikoi të dyshuarin si Akayed Ullah, 27 vjeç dhe tha se personi kishte të lidhur në trup një “pajisje eksplozive të improvizuar të teknologjisë së ulët”.

Ullah pësoi djegie dhe plagë në trup pas shpërthimit “të qëllimshëm” të pajisjes, u tha O’Neill gazetarëve, duke folur në prani të kryebashkiakut de Blasio dhe guvernatorit të Nju Jorkut Andrew Cuomo.

Departamenti i zjarrfiksëve i New Yorkut konfirmoi tre të lënduar të tjerë, me plakë pa rrezik për jetën.

Linjat e metrosë pritet të kthehen në normalitet për orën me trafik të dendur të mbrëmjes. Pas ngjarjes, trenat u evakuan dhe anashkaluan stacionin e Rrugës 42 të Manhatanit, që është në zemër të Sheshit Times Square, një destinacion popullor për turistët.

Sekretarja e shtypit e Shtëpisë së Bardhë Sarah Huckabee Sanders tha në Twitter se Presidenti Donald Trump ishte informuar për ngjarjen.

Faqja 87 prej 134« Fillimi ‹ Prapa 83 84 85 868788 89 90 91 Para ›Fundi »

Haley fton ata që përkrahën SHBA, mes tyre Kosova

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL