Studiuesi Viron Prodani, në vijim të librave të tij për emigracionin shqiptar në Shtetet e Bashkuara të Amerikës, ka sjellë një tjetër libër të rrallë.

Këtë herë për emigrantët shqiptarë në SHBA që luftuan në ushtrinë amerikane gjatë Luftës së Parë dhe të Dytë Botërore.

Libri i ri i Prodanit titullohet “KONTRIBUTI I EMIGRANTEVE SHQIPTARE NE SHBA. NE LUFTEN E PARE DHE TE DYTE BOTERORE”.

Prodani i ka zbuluar emrat pas një pune voluminoze në arkivat amerikane.

Gazeta Dita do të botojë në mënyrë ekskluzive të gjithë emrat 4973 shqiptarëve që luftuan në ushtrinë amerikane gjatë Luftës së Parë Botërorë, por edhe emrat e 3441 shqiptarëve që luftuan në ushtrinë amerikane gjatë Luftës së Dytë Botërorë.

LISTA  EMERORE  E  USHTAREVE  SHQIPTARE  NE LUFTEN E PARE BOTERORE

Vijon nga numri i kaluar

Ivanka Trump, vajza dhe këshilltarja e presidentit të Shteteve të Bashkuara, Donald Trump, e vlerësoi lart fjalimin e yllit televiziv, Oprah Winfrey, i cili ka shkaktuar thashetheme për kandidimin e saj të mundshëm për presidente të SHBA-së.

Trump tha se fjalimi në ceremoninë e ndarjes së Çmimeve Golden Globes, këtë javë, ka qenë “i fuqishëm dhe frymëzues”.

Winfrey ka folur me pasion për racën dhe seksizmin, si dhe për rëndësinë e trajtimit të pabarazisë.

Fjalimi ka çuar në thirrjet për kandidimin e saj në zgjedhjet presidenciale në SHBA në vitin 2020.

Në këtë garë pritet të garojë edhe presidenti aktual, Donald Trump.

“Le të bashkohemi të gjithë, burra dhe gra, dhe të themi koha është tani”, ka thënë Ivanka Trump përmes një postimi në Twitter.

“Koha është tani” është një fushatë për të ndihmuar në luftimin e ngacmimeve seksuale në industrinë e filimit dhe vende të tjera të punës.

Këshilltari special amerikan, Robert Mueller, ka informuar Shtëpinë e Bardhë, se ka mundësi të kërkojë intervistimin e presidentit amerikan, Donald Trump, në kuadër të hetimeve të tij nëse ka pasur ndonjë koordinim në mes të Rusisë dhe fushatës së Trumpit, janë duke raportuar mediat amerikane.

Duke cituar “persona që janë të familjarizuar më këtë çështje”, mediat kanë raportuar më 8 janar, se ekipi hetues i Muellerit, i ka informuar avokatët e Trumpit për diskutimet e fundit dhe se një intervistë mund të kërkohet shumë shpejt, mirëpo nuk është caktuar asnjë datë kur mund të ndodhë takimi.

Zyrtarët e Shtëpisë së Bardhë e kanë cilësuar diskutimin si shenjë të asaj se hetimet e Muellerit rreth supozimeve të ndërhyrjes ruse në zgjedhjet presidenciale të vitit 2016 në SHBA janë duke iu afruar fundit.

Gjatë një hetimi paraprak të këshilltarit special që përfshinte ish presidentin amerikan, Bill Clinton, ishte vet presidenti në mesin e personave të fundit që është përballur me marrje në pyetje. Trump dhe avokatët e tij kanë kundërshtuar vazhdimisht ndonjë bashkëpunim eventual me Rusinë dhe kanë premtuar se do të bashkëpunojnë në hetimet e Muellerit.

Trump nuk e pati larguar mundësinë e marrjes në pyetje nga Mueller kur është pyetur rreth kësaj çështje në një konferencë për media më 6 janar.

“Nuk ka pasur bashkëpunim. Nuk ka pasur ndonjë krim”, ka thënë ai.

“Mirëpo ne kemi qenë shumë të hapur”, ka shtuar Trump.

“Ne kemi mundur të veprojmë në dy mënyra. Kemi mundur të jemi shumë të mbyllur dhe kjo do të zgjaste me vite. Mirëpo e dini, është një gjë që kur nuk keni bërë asgjë keq, më mire le të jemi të hapur”, ka thënë Trump.

Në një deklaratë të Shtëpisë së Bardhë, avokati, Ty Cobb, ka thënë më 8 janar, se Shtëpia e Bardhë nuk diskuton bisedat e saj me Muellerin, mirëpo është duke vazhduar të bashkëpunojë “në gjetjen e një zgjidhje sa më shpejt që është e mundur”, sa i përket hetimeve për Rusinë.

Derisa Trump pretendon se është i pafajshëm ndaj çdo krimi, zyrtarët kanë thënë se çfarëdo interviste me Muellerin mund të përbëjë rrezik për presidentin, i cili ka pranuar të ketë përdorur me raste atë që e ka quajtur “hiperbolë të vërtetë” apo “ekzagjerim të pafajshëm”.

Mueller deri tash ka nisur akuza kundër katër bashkëpunëtorëve të Trumpit, të cilët përballen me akuzat për deklarata të rrejshme gjatë intervistave të tyre me autoritetet.

Duke treguar rreziqet e të biseduarit me hetuesit e Muellerit drejtpërdrejt, disa organizata mediale kanë raportuar se avokatët e Trumpit preferojnë që atij t’i lejohen përgjigjet e shkruara.

Ndonëse misioni fillestar i Muellerit prej kur është emëruar në detyrë gjatë muajit maj, ka qenë të vërtetojë nëse ndihmësit e Trumpit kanë bashkëpunuar me Rusinë gjatë fushatës, mediat kanë raportuar se Mueller po ashtu ka hetuar nëse Trump ka kërkuar të pengojë hetimet në mënyra të ndryshme, duke përfshirë shkarkimin e ish drejtorit të FBI-së, James Comey, i cili ishte duke udhëhequr hetimet para emërimit të Muellerit.

Pengimi i drejtësisë konsiderohet krim në Shtetet e Bashkuara.

Comey ka deklaruar se Trump ka kërkuar të ndërhyjë në hetimet e tij. Ai ka dëshmuar në vitin e kaluar disa muaj pasi është shkarkuar, se Trump i ka thënë atij se dëshiron që ai t’i përfundojë hetimet për këshilltarin e tij të parë për siguri kombëtare, Michael Flyyn.

Trump ka hedhur poshtë këto deklarata kinse ka kërkuar nga Comey të përfundojë hetimet për një nga ndihmësit e Trumpit, i cili po ashtu është akuzuar në vitin e kaluar.

Është raportuar se Flynn tani është duke bashkëpunuar në hetimet e Muellerit.

Ekipi i Muellerit së fundmi ka zhvilluar një seri intervistash me ish ndihmësit e Shtëpisë së Bardhë duke përfshirë edhe ata që janë aktualisht, në mesin e tyre ish shefin e stafit, Reince Priebus, si dhe dhëndrrin e presidentit Trump, Jared Kushner.

Administrata e presidentit të Shteteve të Bashkuara, Donald Trump, ka vendosur të anulojë lejet që u mundësojnë gati 200,000 shtetasve të El Salvadorit të jetojnë dhe punojnë në SHBA.
Atyre u është dhënë Statusi i Përkohshëm i Mbrojtjes pas tërmetit vdekjeprurës që ka goditur El Salvadorin – shtet në Amerikën Qendrore – në vitin 2001.
Shtetasit e El Salvadorit duhet të largohen deri në vitin 2019 ose do të përballen me dëbim nëse nuk gjejnë mënyra të tjera ligjore për të qëndruar.
Administrata Trump tashmë u ka hequr Statusin e Përkohshëm të Mbrojtjes dhjetëra-mijëra njerëzve nga Haiti dhe Nikaragua.
Njoftimi i fundit vjen katër muaj pasi qeveria ka thënë se planifikon të shfuqizojë të ashtuquajturën skemë Daca, e cila daton nga koha e ish-presidentit Barack Obama dhe mbron nga dëbimi imigrantët e rinj pa dokumente, shumica e tyre nga Amerika Latine.
Ligjvënësve në Kongres u është dhënë kohë deri në mars të vendosin për fatin e rreth 800,000 njerëzve që preken nga programi Daca.

VOAL – Oprah Winfrey po mendon seriozisht që të kandidojë për në Shtëpinë e Bardhë dhe të garojë në zgjedhjet amerikane të vitit 2020. Lajmin e pohojnë të paktën dy njerëz të afërt të yllit televiziv amerkan, siç bën të ditur CNN.

Ndërkohë hashtagu “Oprah for President” po dalldis internetin. Që para fjalimit të bujshëm të mbretëreshës së talk show në Golden Globes, cilësori “presidential” ishte shfaqur në Twitter, me hashtag #Oprah2020 që ka bërë jehonë menjëherë pas dorëzimit të çmimit të parë Cecile B. De Mille Award, i barabartë me çmimin Oskar të karrierës, dheënë një gruaje amerikane.

“Është në garë”, kanë komentuar shumë përdorues të Twitteri ndërkohë që Oprah ishte ende në skenë. Mes fansave të #OprahforPresident aktorja komike Sarah Silverman e cila ka ëndërruar në Twitter një biletë Oprah/Michelle.

Një zjarr i vogël ka shpërthyer në çatinë e gratacelës së Trump Tower, ku presidenti amerikan ka një rezidencë, në New York.

Tymi ishte i dukshëm edhe disa blloqe larg në Mahhatan. Pas ndërhyrjes së forcave zjarrfikëse, situata është kthyer në normalitet.

Zjarri duket se është shkaktuar nga sistemi i kondicionimin në ndërtesë.

Rezidenca e familjes Trump është në katet e fundit të gratacelës. Në momentin që ka rënë zjarri presidenti nuk ishte prezent në godinë.

Ashtu siç kanë shpjeguar burime nga forcat zjarrfikëse, nuk ka qenë i nevojshëm evakuimi dhe nuk ka pasur të plagosur.

Dy blerës të biletave të lotarisë në Shtetet e Bashkuara kanë fituar më shumë se 1 miliard dollarë gjatë uikendit, kanë thënë zyrtarët.

Një person apo grup në Nju Hempshir ka fituar 560 milionë dollarë në lotarinë Powerball, vetëm një ditë, pasi blerësi i biletës në Florida ka fituar 450 milionë dollarë në lotarinë Mega Millions.

Identitetet e fituesve nuk janë bërë të ditura.

Vlera prej 560 milionë dollarëve është shifra e gjashtë më e lartë në Powerball e fituar ndonjëherë.

“Jam shumë i gëzuar”, ka thënë pronari i marketit ku është blerë bileta, Sam Safa.

Dyqani do të fitojë 75 mijë dollarë për shitjen e biletës.

Ndërsa bileta e Mega Millions është cilësuar si e katërta sa i përket shifrës së fituar.

Dyqani ku është blerë kjo biletë do të fitojë 100,000 euro për shitjen e saj.

Presidenti i SHBA mbrohet pas daljes së librit “Zjarr dhe tërbim” që vë në dyshim aftësitë e tij mendore

VOAL – Presidenti amerikan Donald Trump, stabiliteti mendor i të cilit është vënë në diskutim në një libër të botuar të premten, deklaron në mëngjesin e së shtunës (sot) se është një “gjeni shumë stabël”.

Përgjatë jetës sime, “karakteristikat e mia kryesore kanë qenë stabiliteti mendor dhe të qenët shumë inteligjent”, shkruan në një postim në Tweeeter në përgjigje të librit “Fire and Fury”. Dëshmitë e dhëna (shumë prej tyre anonime) mbledhur në librin e Michael Wolff flasin për një president që sillet “si një fëmijë” me bashkëpunëtorët e tij dhe është i paparashikueshëm.

“Nga një afarist shumë i zoti jam bërë një yll i madh televiziv dhe pastaj president i Shteteve të Bashkuara (në orvatjen e parë), thekson Trumpi duke shtuar “Mendoj se kjo mund të quhet jo inteligjente po gjeniale… një gjeni shumë stabil do thënë”.

AFP

David L Phillips, Drejtor i Programit për Ndërtimin e Paqes dhe Programit të të Drejtave të Njeriut si dhe Institutit të Studimeve të të Drejtave të Njeriut në Universitetin e Kolumbisë shkruan në Twitter:

“Brukseli duhet të heqë dorë nga kushtëzimi i liberalizimit të vizave me Kosovën me marrëveshjen për rregullimin e kufirit midis Kosovës dhe Malit të Zi.

Kontestet kufitare ekzistojnë midis shumë vendeve nga ish-Jugosllavia. Duke e vënë në shenjestër Kosovën, Brukseli provon njëanshmërinë e tij kundër Shqiptarëve!”

David L Phillips, Director of Peace-Building and Human Rights Program, Columbia University’s Institute for the Study of Human Rights writes in Twitter:

“Brussels must rescind its ridiculous rule conditioning Visa Liberalization for Kosovo with a Border Demarcation Agreement between Kosovo and Montenegro. Border disputes exist between many countries from ex-Yugoslavia. Targeting Kosovo proves Brussels bias against Albanians.”

Një nga avokatët personalë të Donald Trump kërkoi të enjten që një botues të anulojë publikimin e parashikuar për të martën e ardhshme, të një libri “eksploziv” në lidhje me Presidentin.

Ish-shefi i strategjive në Shtëpinë e Bardhë, Bannon, ishte “tradhtari” i parë në tërmetin politik të vitit të ri, duke marrë kërcënim të veçantë për padi nga avokatët Presidentit.

Por letra e së enjtes në mëngjes nga avokati i Kalifornisë, Charles J. Harder, e vë në lupë zmadhuese akoma më të fortë librin “Zjarr dhe tërbim” të gazetarit kolumnist Michael Wolff, në lidhje me jetën e Trump në Shtëpinë e Bardhë, shkruan “Panorama”.

Avokati i Trump kërkoi nga botuesi “Henry Holt dhe Co” që “menjëherë të heqin dorë nga çdo botim ose shpërndarje e librit”, përfshirë fragmente dhe përmbledhje. “Publikimi juaj i deklaratave të rreme/të pabazuara rreth z. Trump krijon, midis pretendimeve të tjera, shpifje në vetvete pushtimi të rremë të dritës së privatësisë, ndërhyrje të dhimbshme në marrëdhëniet kontraktuale dhe nxitje të shkeljes së kontratës”, ka shkruar avokati për botuesin.

Duke përfaqësuar “Organizatën Trump”, kompani private e Presidentit, avokati më shumë e ka akuzuar Bannon për shkelje të një marrëveshjeje konfidencialiteti. Autori i librit ‘bombë’ ka ngritur pyetje rreth kompetencës mendore të Presidentit 71-vjeçar.

Wolff pretendoi në një ese në “Hollywood Reporter”, se Trump gjithnjë harron, përsërit të njëjtën histori fjalë për fjalë brenda 10 minutave dhe nuk i njeh dot miqtë e vjetër. Eseja është bazuar në librin e tij “Zjarr dhe tërbim” dhe përfshin materiale të tjera.

Për të fshehur problemet e tij nga publiku, Wolff pretendon se Shtëpia e Bardhë mbylli mundësinë që intervistuesit të parashtrojnë pyetjet në moment gjatë konferencave. Ata i kërkojnë pyetjet e tyre paraprakisht.

Nga një bisedë e çuditshme në një mënyrë të ngathët fjalimi, gjendja mendore e Presidentit Trump është diskutuar vazhdimisht nga demokratët. Gazetari i “Morning Joe”, Joe Scarborough, vlerësoi pas një sërë incidentesh të fundit, që Trump duket se po vuan nga çmenduria.

PANORAMA

Çdo të enjte ambasada amerikane do të japë informacion për mënyrën se si duhet aplikuar për vizë udhëtimi në SHBA.

Në një postim të ditës së sotme Ambasada bën të ditur se konsullja nga Kalifornia, Anna, do tu përgjigjet të interesuarve.

“Po mendoni të aplikoni për vizë gjatë 2018-s? Keni pyetje rreth procesit të vizave? Më pyesni! Jam Anna! Do të jem këtu çdo të enjte gjatë gjithë vitit dhe do të jem më se e lumtur t’u përgjigjem të gjitha pyetjeve tuaja në lidhje me vizat!”, shkruan Ambasada.

Pyetjes së një qytetari se çfarë dokumentesh duhen për të përfituar një vizë punësimi për në amerikë, konsullja i është përgjigjur: “izat e punës janë të specifikuara: ju duhet të jeni i kualifikuar për punën; punëdhënësi t’ju bëjë peticion pune me USCIS dhe vetëm pasi peticioni është miratuar ai vjen tek ne për shqyrtimin e vizës. Pra, niseni procesin me punëdhënësin në SHBA”.

Çdo vit fiskal (1 tetor – 30 shtator), pёrafёrsisht 140,000 viza qё pёrfitohen nga punёsimi mundёsohen pёr aplikantёt e kualifikuar nёn dispozitat e ligjit tё SH.B.A.-sё pёr emigracionin.  Vizat qё pёrfitohen nga punёsimi ndahen nё pesё kategori preference.  Disa bashkёshort/e dhe fёmijё mund tё shoqёrojnё emigrantёt qё marrin vizё tё pёrfituar nga punёsimi.

Punonjësit e Përkohshëm

Klasifikimet

Akti i Emigracionit dhe Kombësisë parashikon disa kategori të vizave jo-emigruese për një person që dëshiron të punojë përkohësisht në Shtetet e Bashkuara. Disa prej këtyre kategorive janë të kufizuara nga një numër i caktuar në vit, të cilat do të vërehen në kllapa () si më poshtë:

H-1B – Vizat e klasifikuara H-1B i aplikohen personave me një profesion të specializuar i cili kërkon aplikimin teorik dhe praktik të një sërë njohurish tepër të specializuara, njohuri për të cilat kërkohet përfundimi i një kursi specifik të një arsimi më të lartë. Ky klasifikim kërkon një dëshmi pune lëshuar nga Sekretari i Punës (65,000). Gjithashtu ky klasifikim aplikohet në rastet e punës kërkimore dhe për zhvillim midis dy Qeverive, ose prejekteve për bashk-prodhim të administruara nga Departamenti i Mbrojtjes (100); Ju lutemi të shqyrtoni broshurën e të drejtave dhe mbrojtjes për punëtorët e përkohshëm, të krijuar nga Ëilliam Ëilberforce në Mbrojtje të Viktimave të Trafikuara sipas Aktit të vitit 2008.

H-1C Vizat e klasifikuara H-1C i aplikohen infermierëve të huaj që vijnë për të kryer shërbime nëpër spitale për një periudhë të përkohshme deri në tre vjet. Akti Amerikan i Lehtësimit Infermierik për Zonat e Pa-avantazhuara (NRDAA në Anglisht) i vitit 1999, është i ri-autorizuar edhe për tre vjet të tjerë, dhe do të skadojë në 20 Dhjetor 2009. Për të mësuar më shumë rreth ri-autorizimit të kategorisë H-1C, lexoni Publikimin për Shtyp të Departamentit Amerikan të Sigurisë Kombëtare.

H-2A – Vizat e klasifikuara H-2A i aplikohen punëtorëve të përkohshëm ose sezonal të agrikulturës;

H-2B – Vizat e klasifikuara H-2B i aplikohen punëtorëve të përkohshëm ose sezonal të jo-agrikulturor. Ky klasifikim kërkon një çertifikatë pune të lëshuar nga Ministria e Punës (66,000);

H-3 – Vizat e klasifikuara H-3 i aplikohen personave që trajnohen për punë të ndryshme, por jo për ata që trajnohen për mjeksi apo akademi. Ky klasifikim i aplikohet gjithashtu edhe personave që trajnohen për edukimin e fëmijëve handikapatë (50);

L – Vizat e klasifikuara L i aplikohen personave që shpërngulen nga njëra degë e kompanisë ku punojnë në një degë tjetër në SH.B.A. të cilët, brenda 3 (tre) viteve të mëparshëm, kanë punuar jashtë në vazhdimësi për 1 (një) vit, dhe që do të punësohen në një degë apo filial të të njëjtit punëdhënës në SH.B.A., në menaxhim, ekzekutiv ose në punë të ndryshme të specializuara; Ju lutemi të shqyrtoni broshurën e të drejtave dhe mbrojtjes për punëtorët e përkohshëm, të krijuar nga Ëilliam Ëilberforce në Mbrojtje të Viktimave të Trafikuara sipas Aktit të vitit 2008.

O-1 – Vizat e klasifikuara O-1 i aplikohen personave që kanë aftësi të jashtëzakonshme në shkencë, art, edukim, biznes, atletikë, ose që kanë arritje të jashtëzakonshme në fushën e televizionit dhe të ekranit;

O-2 – Vizat e klasifikuara O-2 i aplikohen personave që shoqërojnë mbajtësin e vizës O-1, të cilët ndihmojnë atë në një shfaqje artistike apo aktivitet atletik;

P-1 – Viza e klasifikuar P-1 i aplikohet një atleti ose një skuadre atletësh, ose anëtarëve të një grupimi zbavitës të cilët janë të njohur në tërë botën (25,000);

P-2 – Vizat e klasifikuara P-2 i aplikohen artistëve të cilët do të shfaqin sipas një programi shkëmbimi reciprok;

P-3 – Vizat e klasifikuara P-3 i aplikohen artistëve të cilët do të shfaqin sipas një programi i cili është kulturalisht unik (e njëjtë si vizat P-1); dhe

Q-1 – Vizat e klasifikuara Q-1 i aplikohen pjesmarrësve në një program shkëmbimi kulturor ndërkombëtar për qëllim që të përfitojnë trajnim praktik, punësim, dhe që të shkëmbejnë historinë, kulturën, dhe traditat e vendit të aplikantit.

Peticionet

Në mënyrë që të konsiderohet si një jo-emigrant, në klasifikimet e mësipërme, punonjësi ose agjenti i ardhshëm i aplikantit duhet të dorëzojë formularin I-129, Peticion për Punonjës të Përkohshëm, në Shërbimet Amerikane të Qytetarisë dhe Emigracionit të Departamentit të Sigurisë Kombëtare (USCIS në Anglisht). Shënim i Rëndësishëm: Është shumë e rëndësishme për punëdhënësit e ardhshëm të dorëzojnë peticionin sa më shpejt të jetë e mundur (por jo më shumë se 6 muaj përpara se të fillojë puna e propozuar) për të dhënë më shumë kohë për procesimin e peticionit dhe pastaj të vizës. Nëse ju duhet një procesim më të shpejtë, lexoni Shërbimin e Procesimit Premium në faqen e Internetit të USCIS. Sapo të aprovohet, punonjësit apo agjentit i dërgohet një Akt Njoftim, formulari I-797, njoftimi për aprovimin e peticionit. Gjithsesi, formulari I-797 nuk nevojitet më kur të aplikoni për vizë, sepse aprovimi i peticionit verifikohet tashmë në sistemin e Departamentit Amerikan të Shtetit që quhet Shërbimi i Menaxhimit të Informacionit të Peticionit (PIMS në Anglisht). Në mënyrë që të verifikohet aprovimi i peticionit, neve do të na duhet numri i pranimit të peticionit tuaj të aprovuar, prandaj ju lutemi merrni masat të keni këtë numër kur aplikoni për vizë. Duhet pasur parasysh që aprovimi i peticionit nuk do t’i garantojë lëshimin e vizës një aplikanti që gjindet i papranueshëm nën parashikimet e Aktit Amerikan të Emigracionit dhe Kombësisë (INA në Anglisht).

Banorët e veriut të Floridas nuk kishin parë kurrë borë që prej tre dekadash, derisa vala e të ftohtit që goditi bregun lindor të SHBA-së i preku sot.

Një paralajmërim për stuhi është bërë për qytetin e Nju Jorkut ku priten tetë deri në 18 centimetra.

“Tallahassee, kryeqyteti i Floridas në veri të “Sunshine State” u zgjua sot me një shtresë bore prej 0,25 centimetrash, për herë të parë që prej 1989″, sipas Weather Channel.

Stuhia ka shkaktuar tashmë mbylljen e rrugëve në Florida dhe një juglindje të Xhorxhias, ku guvernatori, Nathan Deal ka shpallir gjendjen e urgjencën në zonën bregdetare.

Qyteti i Nju Jorkut po përjeton temperatura të ulëta rekord që prej Krishtlindjeve. Të paktën 11 persona kanë humbur jetën në SHBA, si pasojë e motit të ftohtë.

Nënpresidenti i Shteteve të Bashkuara, Mike Pence shprehu solidaritetin me protestuesit iranianë duke thënë se regjimi i atij vendi është i rrezikshëm për popullin e vet dhe në arenën ndërkombëtare. Zoti Pence foli në një intervistë për bashkëpunëtoren e Zërit të Amerikës, Greta van Susteren.

Nënpresidenti Pence tha se nuk duhet harruar se Irani është një nga vendet kryesore që sponsorizon terrorizmin në botë dhe se regjimi jo vetëm që shtyp dhe i mohon të drejtat popullit të vet, por eksporton gjithashtu terroristë në gjithë rajonin dhe vazhdon të jetë një forcë destabilizuese e rrezikshme.

“Kur populli i Iranit ngrihet në këmbë dhe kërkon ndryshim, çdo amerikan që do lirinë dhe të gjithë ata që duan lirinë në gjithë botën duhet të ndjehen të frymëzuar”, tha nënpresidenti.

Zoti Pence vlerësoi përgjigjen e administratës së tanishme ndaj protestave, duke thënë se ish-presidenti Barack Obama nuk kishte shprehur të njëjtën mbështetje në kohën e revolucionit të gjelbër në Iran.

“Mbështetja e qartë që Presidenti Trump ka shprehur për protestuesit që po ngrihen në qytete në gjithë Iranin është dramatike dhe mendoj se është në përputhje me rolin e Amerikës në botë si kampione e lirisë”.

Nuk është hera e parë që ish-Presidenti Obama kritikohet se heshti përballë protestave të 2009-ës, pasi presidenti i atëhershëm Mahmoud Ahmadinejad deklaroi se kishte fituar në zgjedhjet ku kishte rikandiduar. Kundërshtari i tij kryesor Mir Hossein Moussavi tha se në zgjedhje kishte pasur shkelje të shumta. Fitorja e Ahmadinejadit u shpall më 13 qershor. Më 15 qershor protestat e drejtuara nga Moussavi ishin bërë më masivet që nga Revolucioni i vitit 1979.

Presidenti Obama foli atë ditë duke thënë se i takonte popullit të Iranit të vendoste, por gjithashtu e dënoi dhunën. Ai foli edhe disa ditë më pas.

Nënpresidenti Pence tha në intervistën për Zërin e Amerikës se ish-presidenti Obama foli vetëm pasi Dhoma e Përfaqësuesve dhe Senati miratuan rezoluta ku mbështeteshin protestuesit.

Zoti Pence foli për “kontrast mes heshtjes dhe dështimit për të mbështetur lirinë në administratën e kaluar dhe qëndrimit të pakompromis të Presidentit Trump për të qenë në krah të popullit kurajoz të Iranit”.

“Ne do të vazhdojmë t’i mbështesim jo vetëm me fjalë por ndërsa sjellin ndryshim në vend. Mund t’ju garantoj se Shtetet e Bashkuara dhe bota më gjerë qëndrojnë me popullin e Iranit që do një të ardhme më të mire, më të begatë dhe më të lirë”.

I pyetur se pse nuk kishte përmendur pasoja të mundshme për regjimin Iranian në kohën e protestave të vitit 2009, ish-presidenti Obama kishte thënë se nuk dihej ende se si do të shkonin ngjarjet.

I pyetur se çfarë janë të gatshme Shtetet e Bashkuara të bëjnë për të mbështetur protestuesit, nënpresidenti Pence, tha se si Shtetet e Bashkuara, edhe vendet e tjera mund të bëjnë shumë nëse populli I Iranit vazhdon të ngrihet kundër ideologjisë radikale që ka marrë prej dekadash kontrollin e vendit.

Ai kritikoi gjithashtu marrëveshjen bërthamore me Iranin, të cilën administrata aktuale nuk e ricertifikoi. Zoti Pence tha se marrëveshja nuk solli një qëndrim më të moderuar nga Irani.

“Shpresa ime është që njerëzit që po dalin në rrugët e Iranit ta dinë që nën udhëheqjen e Presidentit Donald Trump, ata nuk janë të vetëm, se populli amerikan është me ta dhe nëse vazhdojnë të tregojnë kurajon e bindjeve të tyre dhe përqafojnë një të ardhme të lirë dhe demokratike, Amerika dhe bota do të jetë me ta”.

Në lidhje me Korenë e Veriut dhe mesazhet në Twitter të Presidentit Trump sipas së cilave, “butoni i tij bërthamor është më i madh” se ai i Kim Jong Unit, zoti Pence tha se Presidenti Trump ka shënuar përparim të dukshëm me Korenë e Veriut.

“Presidenti Trump e ka bërë të qartë se Amerika refuzon të frikësohet, Amerika nuk do të kërcënohet dhe se Shtetet e Bashkuara të Amerikës ka arritur të ushtrojë një trysni të pashembullt ekonomike dhe diplomatike ndaj Koresë së Veriut”.

Nënpresidenti Pence tha se presidenti e ka bërë të qartë se Shtetet e Bashkuara kanë aftësinë të mbrojnë popullin e vet, përtej çdo imagjinate të Koresë së Veriut, por shtoi se ai e ka bërë të qartë se nëse Koreja e Veriut do të braktisë ambicjet për raketa bërthamore dhe balistike, nëse i mbyllin këto programe “ka shanse për një zgjidhje paqësore”.

Presidenti Donald Trump sulmoi ashpër ish-strategun e tij kryesor Steve Bannon.

Kritikat bëhen në prag të botimit të një libri të ri me autor Michael Wolff, i cili sjell një numër surprizash që lidhen me Presidentin.

Në një fragment të librit, botuar nga gazeta Guardian, thuhet se zoti Bannon përshkruan një takim në Kullën Trump mes djalit të presidentit, Donald Jr, dhe një grupi rusësh. Bannon e quan këtë akt si “tradhtar” dhe ”jopatriotik”.

Në një deklaratë që bëri të mërkurën, Presidenti Trump shprehet se kur Bannon u shkarkua nga detyra në Shtëpinë e Bardhë, “ai humbi jo vetëm punën por edhe mendjen.” Steve Bannon, tha ai, “nuk ka të bëjë fare me mua dhe me presidencën.”

Presidenti Trump tha se Bannon u bë anëtar i stafit pasi ai (Trump) kishte fituar emërimin e partisë republikane, duke mposhtur 17 kandidatë.

Në një përshkrim të librit të titulluar “Zjarr dhe furi: Brenda Shtëpisë së Bardhë të Presidentit Trump”, botuar në revistën “New Yorker”, thuhet se zoti Trump besonte se marrja e emërimit si kandidat presidencial do t’i rriste emrin dhe do t’i ofronte “mundësi të papara”.

Libri zbulon gjithashtu se zoti Trump nuk kishte shpresuar kurrë ta fitonte garën presidenciale të vitit 2016.

Këshilltari i Sigurisë Kombëtare, HR McMaster pranoi në një intervistë për Zërin e Amerikës se Rusia ndërhyri në zgjedhjet e vitit 2016 në Shtetet e Bashkuara. Ai tha në një intervistë me bashkëpunëtoren e Zërit të Amerikës, Greta van Susteren se Presidenti Donald Trump e ka pranuar hapur një gjë të tillë. Zoti McMaster përmend si shembull të synimeve të Rusisë, rolin e tyre në përpjekjen për grusht shteti në Mal të Zi.

Zoti McMaster tha se Shtetet e Bashkuara duhet të gjejnë një mënyrë për t’i bërë ballë kësaj strategjie të sofistikuar që ai e quajti një “kërcënim të ri” që Rusia e ka perfeksionuar në shumë drejtime.

“Bëhet fjalë për përdorimin e dizinformimit dhe propagandës dhe instrumentave të medias sociale për të polarizuar shoqëritë dhe për t’i vënë komunitete të ndryshme kundër njëri-tjetrit, për të dobësuar vendosmërinë dhe përkushtimin e tyre”.

Këshilltari i Presidentit Trump për Sigurinë Kombëtare tha se përballë kësaj fushate ruse, është e rëndësishme që të vihet theksi tek ajo që i bashkon amerikanët: përkushtimi i përbashkët ndaj “vlerave tona, të drejtave individuale dhe shtetit ligjor, vlerësimit tonë për demokracinë”.

Zoti McMaster përmendi faktin që rusët e kishin luajtur këtë rol edhe në Evropë, përfshirë zgjedhjet në Francë, referendumin për Katalonjën në Spanjë dhe aktivitetin e tyre në Meksikë.

“Po ashtu, shihet tek ajo që bënë në Malin e Zi, ku u përpoqën të organizojnë një grusht shteti në Mal të Zi, si edhe kjo fushatë e sofistikuar (e propagandës) prandaj demaskimi i fushatës destabilizuese të Rusisë, është një hap i parë shumë i rëndësishëm, sepse sa më shumë të kuptohet se cili është plani i tyre, aq më shumë ata humbin fuqinë për të shfrytëzuar mungesën e besimit dhe për t’i vënë komunitetet kundër njëri-tjetrit”.

Megjithëse Rusia mohon ndërhyrjet në vendet e huaja, Këshilltari i Sigurisë Kombëtare thotë se mohimet e saj, si për shembull se nuk po ndërhyn në Ukrainë dhe nuk po mbron regjimin sirian, nuk janë më të besueshme.

Shtëpia e Bardhë e Presidentit Trump ka patur një marrëdhënie të ndërlikuar me Rusinë.

Strategjia për sigurisë kombëtare e paraqet Rusinë si një rivale të rrezikshme që do të dobësojë ndikimin global të Amerikës, duke përdorur masa sabotuese për të “minuar legjitimitetin e demokracive”.

Në janar, dy javë para se zoti Trump të bënte betimin, Zyra e Drejtorit të Zbulimit Kombëtar, James Clapper bëri publik një përfundim që kishin arritur së bashku CIA, FBI-ja dhe Agjencia e Sigurisë Kombëtare sipas së cilit, Vladimir Putin ishte përpjekur t’i siguronte fitoren zotit Trump.

Por si marrëdhënia e zotit Trump me Rusinë dhe roli i Kremlinit në zgjedhjen e tij, ka hedhur hije mbi çdo moment të mandatit të tij deri tani, ndërkohë që hetimi i posaçëm për lidhjet e mundshme të fushatës së zotit Trump me Rusinë, vazhdon.

Vetë Presidenti Trump ka mohuar të ketë pasur lidhje me Rusinë për ndikimin në zgjedhje dhe ka folur në favor të përmirësimit të marrëdhënieve me Kremlinin dhe Presidentin Vladimir Putin.

Presidenti amerikan, Donald Trump, mbrëmë ka kërcënuar për ta ndalur ndihmën për palestinezët, duke thënë se ata “tashmë nuk janë të gatshëm për bisedime paqësore”.

“Ne paguajmë për palestinezët qindra miliona dollarë në vit dhe nuk kemi falënderim apo respekt”, ka shkruar Trump në rrjetin Twitter.

“Meqë palestinezët tashmë nuk kanë vullnet për bisedime paqësore, përse ne duhet t’i bëjmë këto pagesa masive në të ardhmen”, e ka shtruar pyetjen zoti Trump.

Shtetet e Bashkuara e ndihmojnë Autoritetin palestinez me më tepër se 300 milionë dollarë në vit, për programet e Kombeve të Bashkuara në Bregun Perëndimor dhe Rripin e Gazës, ku jetojnë palestinezët

Presidenti amerikan, Donald Trump, dje i është përgjigjur liderit të Koresë Veriore, Kim Jon Un, i cili është lavdëruar se e ka “pullën atomike” në tavolinën e tij, duke ia tërhequr vërejtjen se Shtetet e Bashkuara e kanë këmbëzën atomike “më të madhe dhe shumë më të fortë”.
“Lideri verikorean, Kim Jong Un, posa tha se pulla atomike është në tavolinën e tij gjatë gjithë kohës”, ka shkruar Trump në rrjetin Twitter, dhe ka shtuar se “Ju lutem a mundet dikush prej regjimit të tij të shterur dhe pa ushqim, ta informoni atë se unë, po ashtu, e kam pullën atomike, që është shumë më e madhe dhe më e fuqishme se ajo në dorën e tij dhe se pulla ime funksionon”.
Gjatë fjalimit të tij vjetor me rastin e Vitit të Ri, Kim Jong Un ka tërhequr vërejtjen për atë që ai e ka quajtur “buton bërthamor” në tavolinën e tij dhe armatim, për të cilin ai pretendoi se mund të arrijë çdokund në Shtetet e Bashkuara, por tha se ai do ta përdorte atë vetëm nëse siguria e Phenianit është e kërcënuar.
“Ky është realitet, e jo kërcënim”, tha Kim.