Vdekja e afrikano-amerikanit George Floyd në duart e autoriteteve të hënën, ka shkaktuar tensione të mëdha në Shtetet e Bashkuara. Protestat janë zgjeruar në shumë qytete të SHBA-së, përfshirë Nju Jorkun, Los Angelosin dhe Tulsën, ku protestuesit u kanë vënë flakën veturave të policisë dhe kanë thyer xhamat e dyqaneve.
Protestat filluan në Mineapolis pas vdekjes së Floyd të hënën.
Policët po ndiqnin veturën me të cilën po udhëtonte Floyd, nën dyshimin për përdorim të parave të falsifikuara. Sipas policisë, atij iu tha që të largohej nga makina dhe ai tregoi rezistencë fizike, pas së cilës u prangos.
Videot treguan sesi një polic i bardhë bëri presion me gju në qafën e tij, teksa ka tentuar ta arrestojë, ndërsa Floyd dëgjohej duke bërtitur “të lutem, nuk mund të marr frymë” dhe “mos më vrit”.
George Floyd më vonë ka vdekur në spital.
Zyrtari policor të premtën u arrestua nga autoritetet nën akuzat për vrasje. Por, protestuesit janë duke kërkuar arrestimin edhe të tre zyrtarëve tjerë policorë të përfshirë.
Incidenti nxiti protesta brenda komunitetit dhe krahasime me një seri të ngjarjeve të ngjashme të viteve të fundit, kur persona me ngjyrë kanë vdekur derisa janë arrestuar nga zyrtarë policorë të racës së bardhë.
Protestuesit përplasen me forcat e sigurisë
Shumë ndërtesa dhe prona private e dyqane u sulmuan nga protestuesit në Mineapolis gjatë kësaj jave të protestave të vazhdueshme.
Një protestues pranë Shtëpisë së Bardhë në Uashington
Në Indianapolis, policia ka nisur hetimet për gjuajtje me armë zjarri, një nga të cilat la një person të vdekur në mesin e protestuesve. Policia dha pak detaje, por theksoi se nuk ka pasur zyrtarë policorë të përfshirë.
Në Uashington, qindra protestues pranë Departamentit të Drejtësisë kanë brohoritur “Nuk mund të marrë frymë”. Më vonë, ata u zhvendosën pranë Shtëpisë së Bardhë ku policia tentoi t’i shpërndajë me sprej për sy.
Njësitë e forcave ushtarake u mobilizuan në Ohajo, Misuri, Uiskonsin, Tenesi dhe Minesota.
Mijëra protestues vërshuan edhe rrugët e Çikagos dhe Nju Jorkut, pas 200 arrestimeve të premtën.
Protestuesit duke sulmuar objektin e CNN në Atlanta
Ndërkaq, Në Los Angelos, protestuesit i vunë zjarrin shumë veturave të policisë, thyen xhamat e dyqaneve të shumta. Policia tentoi t’i shpërndajë protestuesit me shkopinj gome dhe plumba gome.
Përplasja e policisë me protestuesit vjen tri ditë pasi policia tentoi në mënyrë më paqësore të shpërndajë ata, deri kur u vendosën 4,000 trupa ushtarake në Minapolis dhe u tha se numri do të shkojë në 11,000.
Presidenti i SHBA-së, Donald Trump, kishte reaguar më herët në Twitter duke urdhëruar vendosjen e trupave ushtarake në Mineapolis dhe tha se policia në Nju Jork duhet të lejohet të kryej punën e saj.
Më herët, Trump e quajti vdekjen e Floyd “tragjedi të thellë” që ka mbushur vendin me zemërim dhe mërzi.
Por, ai theksoi se administrata e tij nuk do të lejojë që protestat të eskalojnë në dhunë.
“Situata në Mineapolis nuk është më vetëm për vdekjen e George Floyd”, tha guvernatori Tim Walz.
Më shumë se 1,300 persona janë arrestuar në 16 qytete të SHBA-së që nga e enjtja.
Dhjetëra-mijëra protestues në rrugë, pa maska dhe distancë sociale, kanë ngritur shqetësim tek ekspertët shëndetësorë për përhapje më të madhe të koronavirusit, në kohën kur SHBA-ja është duke tentuar rihapjen e ekonomisë.
Protestat vazhduan të shtunën për ditën e pestë radhazi në disa pjesë të SHBA-së në shenjë pakënaqësie për vdekjen e George Floyd, afro-amerikanit të paarmatosur që vdiq pasi u arrestua nga një ish-polic i bardhë, raporton Anadolu Agency (AA).
Në kryeqytetin e vendit, Washington, vendi i tubimit ishte Lafayette Park, afër Shtëpisë së Bardhë, ku mijëra njerëz, përfshirë të bardhë dhe muslimanë, u mblodhën të shtunën vonë.
Protestuesit brohorisnin “Nuk mund të marr frymë”, “Jeta e të zinjëve është e rëndësishme” dhe “Nuk ka drejtësi, nuk ka paqe!”, midis tjerash, për natën e dytë me radhë. Gjashtë veta u arrestuan gjatë protestave të premten në mbrëmje, sipas Shërbimit Sekret të SHBA-së.
Protestat vazhduan të shtunën për ditën e pestë radhazi në disa pjesë të SHBA-së në shenjë pakënaqësie për vdekjen e George Floyd, afro-amerikanit të paarmatosur që vdiq pasi u arrestua nga një ish-polic i bardhë. Në kryeqytetin e vendit, Washington, vendi i tubimit ishte Lafayette Park, afër Shtëpisë së Bardhë, ku mijëra njerëz, përfshirë të bardhë dhe muslimanë, u mblodhën të shtunën vonë. ( Yasin Öztürk – Anadolu Agency )
Demonstruesit hoqën barrikadat e sigurisë, hodhën shishe me ujë në drejtim të policisë dhe brohorisnin parulla kundër presidentit Donald Trump.
Garda Kombëtare i doli në ndihmë Policisë në Park dhe Shërbimit Sekret, pasi më shumë protestues u mblodhën në vendin e ngjarjes. Policia përdori gaz lotsjellës për të shpërndarë protestuesit.
Protestat e para shpërthyen pasi Floyd, 46 vjeç, vdiq pasi oficeri tashmë i shkarkuar dhe i arrestuar Derek Chauvin i vuri gjurin në qafë gjatë arrestimit fatal në Minneapolis të Minesotas të hënën.
Chauvin, 44 vjeç, u arrestua të premten dhe u akuzua për vrasje të shkallës së tretë dhe vrasje të shkallës së dytë, por kjo nuk e shuajti zemërimin në lidhje me brutalitetin dhe dhunën e policisë.
Tre oficerë të tjerë policorë, të përfshirë në vdekjen e Floidit, fjalët e fundit të të cilit ishin “Nuk mund të marr frymë”, u pushuan së bashku me Chauvin por nuk janë akuzuar.
Kërkesa për drejtësi
Protestuesit po kërkojnë arrestimin e tre oficerëve të tjerë dhe drejtësi për Floyd si dhe dhënien fund brutalitetit policor kundër afro-amerikanëve.
Protestat e së shtunës u përhapën në California, New York, Texas, Massachusetts, Kentucky, Georgia, Illinois, Michigan, dhe Washington, ndër të tjera.
Ushtarët e Gardës Kombëtare janë aktivizuar në disa shtete.
Pas protestave në Texas, guvernatori Gregg Abbott aktivizoi Gardën Kombëtare, duke thënë në një deklaratë se “dhuna dhe plaçkitja nuk do të tolerohen”.
Në më shumë se 30 qytete, përfshirë Los Angeles, Chicago, Atlanta dhe Seattle, autoritetet vendosën orë policore me shpresën për të shuar protestat e dhunshme.
Në New York City, protestuesit marshuan në Harlem dhe bllokuan trafikun në autostradën përgjatë Lumit Lindor në Manhattan, sipas raporteve të shumta.
Departamenti i Policisë në New York raportoi se ka rrestuar mbi 200 veta pas protestave të së premtes në mbrëmje.
Në Nashville, policia vendosi orë policore të shtunën pasi protestat u shndërruan në incidente të dhunshme dhe u dogj bashkia, sipas një uebfaqeje të lajmeve nga Tennessee.
Protestuesit paqësorë
Përveç atyre që u kthyen në të dhunshme, pati protesta paqësore. Në Minneapolis, një grup demonstruesish pastruan rrugët e shkatërruara nga përleshjet midis policisë dhe protestuesve.
Më parë gjatë ditës, guvernatori Tim Walz tha se protestat e dhunshme nuk kanë “më” të bëjnë me Floyd dhe mobilizuan plotësisht Gardën Kombëtare të shtetit.
Vendimi i tij erdhi një ditë pasi protestuesit injoruan orën policore të detyrueshme në Minneapolis dhe St. Paul, ku demonstruesit u përleshën me policinë dhe dogjën pronat private.
Kryetarët e këtyre dy qyteteve u thanë gazetarëve se shumica e protestuesve të dhunshëm nuk ishin banorë të Minneapolis dhe St. Paul.
“Ne kemi parë që institucionet e komunitetit janë vënë në flakë. Dhe unë dua të jem shumë, shumë i qartë. Njerëzit që po e bëjnë këtë nuk janë banorë të Minneapolis”, tha kryebashkiaku Jacob Frey në një konferencë për shtyp të shtunën.
Trump tha se përkujtimi për Floyd-in po njolloset nga trazirat, plaçkitësit dhe anarkistët.
Duke folur në Qendrën Hapësinore Kennedy në Florida, ai tha: “Ajo që ne po shohim tani në rrugët e qyteteve tona nuk ka asnjë lidhje me drejtësinë apo paqen”.
Që nga e enjtja, disa dyqane në Minneapolis dhe Dallas u grabitën dhe u raportuan zjarrvënie.
Vdekja e Floyd ka paralele të forta me atë të Eric Garner, i cili vdiq gjatë një arrestimi fatal të vitit 2014 në New York, duke përgjëruar vazhdimisht oficerët: “Nuk mund të marr frymë”.
Fraza u bë një moto e marshimit për protestuesit kundër vrasjeve të burrave dhe grave të paarmatosur nga policia.
Presidenti Donald Trump dhe nënpresidenti Mike Pence shohin lëshimin e anijes së kompanisë SpaceX
Nisja drejt Stacionit Ndërkombëtar të Hapësirës e dy astronautëve të NASA-s në bordin e raketës Falcon 9, u bë realitet të shtunën pasdite, pas një prove të dytë.
Lëshimi i astronautëve, Kolonelit të Marinsave Doug Hurley dhe Kolonelit të Forcave Ajrore Bob Behnken, i jep fund një pauze nëntë vjeçare të NASA-s.
Raketa e kompanisë private SpaceX, në pronësi të miliarderit Elon Musk, u lëshua nga Qendra e Hapësirës Kennedy në Florida dhe udhëtimi deri në Stacionin Ndërkombëtar të Hapësirës zgjat 19-orë.
SpaceX
Presidenti Donald Trump dhe nënpresidenti Mike Pence panë lëshimin e anijes vga Cape Canaveral i Floridës.
10 minuta pas nisjes, faza e parë e raketës Falcon 9 u nda nga pjesa tjetër dhe u ul me sukses në Tokë për t’u përdorur përsëri. Më pas u nda edhe faza e dytë e raketës dhe kapsula e astronautëve vazhdoi udhëtimin drejt Stacionit Ndërkombëtar të Hapësirës.
Për Elon Musk, ngjarja e së shtunës shënon një tjetër moment historik për raketat me shumë përdorime të kompanisë kaliforniane Hawthorne, të cilat e bëjnë fluturimin hapësinor më pak të kushtueshëm dhe më të shpeshtë.
Elon Musk
Kjo shënon gjithashtu herën e parë që një mjet hapësire i zhvilluar dhe operuar në mënyrë private, e jo NASA, dërgon amerikanë në orbitë rreth Tokës.
ASTRONAUTËT
Kur anija e hapësirës Atlantis u nis për herë të fundit nga Cape Canaveral më 8 korrik 2011, ajo drejtohej nga astronauti i NASA-s Doug Hurley.
Tani gati një dekadë më vonë, Hurley është një nga dy pilotët e provës për anijen raketë krejt të re të prodhuar nga SpaceX për këtë fluturim.
Astronautët e NASA-s, Koloneli i Marinsave në pension Doug Hurley dhe Koloneli i Forcave Ajrore Bob Behnken janë shokë klase, miq, veteranë të eksplorimit të hapësirës, të martuar me veterane të hapësirës dhe kanë të dy djem të rinj.
Douglas Hurley, left, and Robert Behnken
Ata përdorin të njëjtën platformë lëshimi ku Atlantis mbylli programin e nisjeve në 2011, viti i fundit i lëshimit nga vendi i tyre për astronautët e NASA-s.
“Tetë vite e gjysëm, nëntë vite më vonë, shohim se jo vetëm jemi gati të fluturojmë mjetin e parë me ekuipazh drejt Stacionit Hapësinor, por kemi edhe ngazëllimin se mund të rikthehemi ndoshta në Hënë pas pak vitesh. Pasi ulëm anijen Atlantis në 2011, nuk do të kishim menduar kurrë se do ndodheshim këtu nëntë vite më vonë. Është shumë më mirë se ç’e kisha imagjinuar“, thotë Hurley.
Që atëherë, e vetmja mënyrë për të shkuar në stacionin hapësinor për astronautët ka qenë me raketa ruse të lëshuara nga Kazakistani.
Hurley do të drejtojë nisjen dhe uljen, një detyrë e përshtatshme për pilotin e fluturimit të fundit të anijes hapësinore të NASA-s.
Behnken, një inxhinier mekanik me gjashtë shëtitje në hapësirë në biografinë e tij, do të mbikëqyrë kontaktin dhe uljen në Stacionin Ndërkombëtar Hapësinor (ISS).
Hurley, 53 vjeç dhe Behnken, 49 vjeç, janë ekuipazhi i parë i pilotëve të NASA-s në dekada.
Hurley dhe Behnken janë martuar me kolege astronaute të NASA-s: Karen Nyberg dhe Megan McArthur. Secili çift ka nga një djalë, në moshën dhjetë dhe gjashtë vjeçare.
Megjithëse kapsula e ekuipazhit Dragon dhe sistemi i saj i shpëtimit tashmë janë demonstruar në fluturime me manekinë, nuk ka ndonjë garanci. Në fluturimin hapësinor, kurrë nuk ekziston një gjë e tillë.
“Mendoj se janë kaq shumë faktorë teknikë dhe gjëra tek të cilat duhet të përqëndrohemi për t’u siguruar që do t’ia dalim mbanë, për vendin tonë në histori, apo qoftë edhe duke u përpjekur t’i vendosim emrat tanë në të njëjtat fjali si njerëzit që kanë qenë përpara nesh. Duket e parakohshme derisa ta kemi realizuar“, thotë Behnken.
Fluturimi i tyre shënon rikthimin e nisjes së astronautëve nga Shtetet e Bashkuara, si dhe të parin e këtij lloji nga një kompani private. zëri i amerikës
Presidenti Donald Trump tha të premten se Shtetet e Bashkuara po ndërpresin marrëdhëniet me Organizatën Botërore të Shëndetit për shkak të trajtimit nga ana e saj të koronavirusit, duke thënë se OBSH-ja ishte bërë në thelb një organizatë kukull e Kinës.
Duke u shfaqur në Kopshtin e Trëndafilave të Shtëpisë së Bardhë, Trump shkoi më tej kërcënimeve të përsëritura për të eleminuar fondet amerikane për organizatën, që shkon në disa qindra milion dollarë në vit.
Trump tha se OBSH-ja kishte dështuar të bënte reforma në organizatë që presidenti kishte kërkuar përmes një letre më 18 maj drejtuar Drejtorit të Përgjithshëm të OBSH-së Tedros Adhanom Ghebreyesus. Në letër jepej 30 ditë afat për t’u angazhuar për reforma.
Në paraqitjen e tij në Kopshtin e Trëndafilave, Trump e lidhi OBSH-në ngushtë me Kinën, nga e kishte origjinën koronavirusi.
Ai tha se zyrtarët kinezë “injoruan detyrimet e tyre të raportimit” në OBSH në lidhje me virusin dhe i bëri presion OBSH që të “mashtrojë botën” kur virusi u zbulua për herë të parë nga autoritetet kineze.
“Kina ka kontroll të plotë mbi Organizatën Botërore të Shëndetit, pavarësisht se ka paguar vetëm 40 milion dollarë në vit në krahasim me ato që kanë paguar Shtetet e Bashkuara, shumë e cila është afërsisht 450 milion dollarë në vit. Ne kemi detajuar reformat që duhet të bëjë dhe të angazhohen drejtpërdrejt me to, por OBSH nuk ka pranuar të veprojnë “, tha Presidenti Trump.
“Për shkak se ata nuk kanë arritur të bëjnë reformat e kërkuara dhe të nevojshme, ne po ndërpresim sot marrëdhëniet tona me Organizatën Botërore të Shëndetit dhe do të ridrejtojmë ato fonde në të gjithë botën duke plotësuar nevoja urgjente globale të shëndetit publik,” tha presidenti.
Shkurtimi i kontributit të Sh.B.A mund të ketë pasoja globale pasi OBSH është e përfshirë në përgjigjen ndaj pandemisë, e cila ka goditur dhjetra vende.
Presidenti Trump ka kohë që ka vënë në dyshim vlerën e Kombeve të Bashkuara dhe ka përçmuar rëndësinë e multilateralizmit ndërsa përqendrohet në një moton “Amerika e Para”. Që nga marrja e postit, Presidenti Trump ka tërhequr Shtetet e Bashkuara nga Komisioni i të Drejtave të Njeriut të OKB-së, agjencia kulturore e UNESCO, një marrëveshje globale për të adresuar ndryshimin e klimës dhe marrëveshjen bërthamore të Iranit.
Organizata Botërore e Shëndetit është një organ i pavarur ndërkombëtar që punon me Kombet e Bashkuara. OBSH nuk iu përgjigj menjëherë një kërkese për koment për vendimin e presidentitTrump.
“Ne kemi bërë thirrje në mënyrë të vazhdueshme që të gjitha shtetet të mbështesin OBSH-në”, tha një zëdhënës i Sekretarit të Përgjithshëm të OKB-së. Antonio Guterres kur u pyet për vendimin e presidentit Trump.
Vdekja e një burri afrikano-amerikan në pranga, që humbi jetën ndërsa një oficer i bardhë policie, i bllokonte frymën duke mbajtur gjurin në grykën e tij, ka shkaktuar protesta në gjithë Shtetet e Bashkuara.
Presidenti Donald Trump tha se mbështet protestat paqësore por se nuk do të lejojë situatën “të degradohet më tej në anarki dhe kaos të paligjshëm”, njofton korrespondentja e Zërit të Amerikës pranë Shtëpisë së Bardhë, Patsy Widakuswara.
Protestat vazhduan të premten në Mineapolis të Minesotës, për vdekjen e George Floyd-it. Floyd, një afrikano-amerikan vdiq më 25 maj pasi një një oficer i bardhë policie kishte mbajtur gjurin në qafën e tij për mbi tetë minuta.
Floyd ishte nën pranga dhe i paarmatosur dhe mund të dëgjohet të lutet për jetën e tij, duke thënë “nuk marr dot frymë”.
Oficeri Derek Chauvin është arrestuar dhe mbi të janë ngritur akuza për vrasje.
Presidenti Donald Trump ka kërkuar përshpejtimin e hetimit për vdekjen e Floyd-it. “Kemi protestues paqësore dhe unë e mbështes të drejtën për protesta paqësore. Nuk mund të lejojnë një situatë si ajo që ndodhi në Mineapoli të shkojnë më tej në anarki dhe kaos të paligjshëm”, tha ai.
Në një mesazh të premten që Twitter-i e konsideroi si “nxitje të dhunës”, zoti Trump shkruante se nëse ishte e nevojshme do të dërgonte ushtrinë.
Ai tha gjithashtu se “kur fillojnë plaçkitjet, fillojnë të shtënat”, një frazë e përdorur në vitet ’60 nga një oficer policie në Majami, i akuzuar për metoda raciste.
Kritikët akuzojnë zotin Trump se po nxit dhunë.
“Ai po nxit ndasitë racore. Kemi qenë në një situatë shpërthyese e cila është keqësuar kur ai mori detyrën në vitin 2016. Mund të themi që kemi qindra vjet me këtë situatë, që ai po e ndez më tej”, thotë Keith Mayes, porfesor i marrëdhënieve racore në Universitetin e Minesotës.
Guvernatori i Minesotës, Tim Walz e pranoi dhimbjen dhe ankthin e komunitetit me ngjyrë, por bëri thirrje për ndalejne plaçkitjes dhe dhunës. “Nuk mund ta pranoj se nuk funksionojmë dot si shoqëri dhe nuk dua të largohet vëmendja nga njolla që duhet të heqim, që është ajo që ndodh kur ka racizëm të institucionalizuar që lejon trajtimin e tillë të një njeriu në mes të ditës”, tha ai.
Protestat janë përhapur në gjithë vendin.
“Dikur, varnim një flamur në dritare për të treguar se dikush tjetër ishte linçuar. Ka ardhur koha të bëjmë të njëjtën gjë në median sociale, për të thënë: nuk duam të vdesim më”, thotë Derrick Johnson, President i Shoqatës Kombëtare për Avancimin e Personave me Ngjyrë.
Kandidati demokrat për President, Joe Biden nga shtëpia e tij në Delaware tha se pas vdekjes së Floyd-it ishte “plaga e hapur” e racizmit të vazhdueshëm. “Nuk mund të shohim nga ana tjetër. Nuk mund të heshtim. Nuk mund t’i dëgjojmë më fjalët ‘nuk marr dot frymë’ dhe të mos bëjmë asgjë”, tha ai.
Numri i protestuesve në afërsi me njëri-tjetrin në gjithë Shtetet e Bashkuara, ka ngritur shqetësime se grumbullimet e mëdha do të shkaktojnë një rritje të rasteve me koronavirus në vend.
Protestuesit janë përplasur me forcat e sigurisë në shumë qytete në Shtetet e Bashkuara, pas vdekjes së afrikano-amerikanit, George Floyd, në duart e autoriteteve në Mineapolis ditë më parë.
Qindra njerëz kanë protestuar para Shtëpisë së Bardhë, duke brohoritur “Nuk mund të marrë frymë”, fjalët të cilat i kishte thënë Floyd.
Shtëpia e Bardhë u vendos në izolim të premten për shkak të kërcënimeve për sigurinë.
Minesota, Nju Jorku dhe Atlanta kanë nuk kanë pushuar nga protestat e dhunshme për ditë me radhë, në kërkim të drejtësisë për Floyd.
Protestuesit i kanë vendosur zjarrin një stacioni të policisë në Mineapolis dhe veturave.
Në Atlanta u shpall gjendje e jashtëzakonshme në disa zona për të ruajtur qytetarët dhe pronat, pasi shumë ndërtesa u sulmuan nga protestuesit.
Si vdiq George Floyd?
Policët po ndiqnin veturën me të cilën po udhëtonte Floyd, nën dyshimin për përdorim të parave të falsifikuara. Sipas policisë, atij iu tha që të largohej nga makina dhe ai tregoi rezistencë fizike, pas së cilës u prangos.
Videot treguan sesi një polic i bardhë bëri presion me gju në qafën e tij, teksa ka tentuar ta arrestojë, ndërsa Floyd dëgjohej duke bërtitur “të lutem, nuk mund të marr frymë” dhe “mos më vrit”.
George Floyd më vonë ka vdekur në spital.
Një oficer policie, i pushuar nga puna pas vdekjes së afrikano-amerikanit George Floyd, u arrestua dhe u akuzua për vrasje.
Oficeri Derek Chauvin, pritet të paraqitet para gjykatës në Mineapolis të hënën.
Presidenti Donald Trump e ka përshkruar incidentin si të tmerrshëm dhe tha se ka biseduar me familjen e viktimës. rel
Drejtori i ri i shërbimeve amerikane të zbulimit duket se është zhytur në ujëra politike që në javën e parë në detyrë, duke hequr klasifikimin sekret për dokumente që sipas aleatëve të presidentit mbështesin argumentin e tyre se Michael Flynn, ish-këshilltari i presidentit, u ndoq pa të drejtë penalisht.
Ky vendim i pazakontë për të nxjerrë transkripte të telefonatave të zotit Flynn me ambasadorin rus, është pjesë e përpjekjeve të administratës Trump për të bërë publike element dhe të dhëna nga hetimi për kontaktet me Rusinë, me shpresën se do të krijohet bindja që zyrtarë të administratës Obama nuk vepruan në përputhje me rregullat.
Transkriptet e telefonatave me ambasadorin e atëhershëm rus Sergey Kislyak, u japin rastin të dyja palëve për të forcuar argumentet e tyre.
Siç kanë argumentuar prokurorët, duket se transkriptet tregojnë se zoti Flynn i kërkoi ambasadorit Kislyak që Rusia të tregohej e duruar dhe të mos rriste tensionet me SHBA, në përgjigje të sanksioneve të reja amerikane kundër Moskës. Flynn pranoi fajësinë se kishte gënjyer në deklaratat e dhëna FBI-së për këtë telefonatë.
Por republikanët që këmbëngulin se zoti Flynn thjesht po përpiqej të shmangte keqësimin e situatës me Kremlinin menjëherë theksuan se transkriptet tregojnë që s’kishte asgjë të parregullt në këtë telefonatë. Departamenti i Drejtësisë i administratës Trump e shpalli të pavlefshëm këtë çështje muajin e kaluar duke thënë se FBI-ja nuk kishte arsye për të marrë në pyetje zotin Flynn.
Dokumentet u bënë publike të premten nga republikanët e Senatit pasi u hoq klasifikimi “sekret” nga John Ratcliffe, ish-ligjvënës nga Teksasi, një person i besuar i Presidentit Trump, i cili në fillim të javës bëri betimin si drejtor i inteligjencës kombëtare.
Pararendësi i zotit Ratcliffe, Ambasadori Richard Grenell këtë muaj hoqi klasifikimin sekret për një listë emrash me zyrtarë të zbulimit dhe të administratës Obama, të cilët në fund të 2016 dhe në fillim të 2017 kërkuan të dinë kush ishte një shtetas amerikan, i cili nuk ishte identifikuar me emër në raportet e zbulimit. Siç rezultoi, ai emër ishte Michael Flynn.
Ky proces nuk është i pazakontë në vetvete, pasi “demaskimi” siç quhet procesi i zbulimit të identitetit të një shtetasi amerikan bëhen shpesh me kërkesë të zyrtarëve të autorizuar, por përkrahësit e presidentit kanë këmbëngulur se kërkesa u bë për arsye politike. zëri i amerikës
Një ndër katër policët e përfshirë në arrestimin e George Floyd, një 46-vjeçar afrikano-amerikan i cili vdiq pas arrestit të hënën në Minesota, është arrestuar dhe është tani akuzuar për vrasje me paramendim të grades së tretë, si dhe vrasje pa paramendim.
Oficeri Derek Chauvin është polici që shihet në videon e xhiruar nga një kalimtar, duke mbajtur gjurin në qafën e viktimës, ndërkohë që George Floyd dëgjohet duke u ankuar se nuk merr dot frymë. Videoja vazhdon mbi pesë minuta, kur George Floyd është i shtrirë përtokë dhe oficeri Derek Chauvin vazhdon ta mbajë nën kontroll me gjurin në qafë.
Qyteti i Minesotës është përfshirë nga trazirat, ndërkohë që autoritetet kanë thirrur Gardën Kombëtare për të ruajtur rendin, pas natës së të enjtes që u shoqërua me protesta të dhunshme të ndezura nga vdekja e 46-vjeçarit George Floyd.
Ky rast ka tërhequr vëmendjen e mbarë vendit si dhe vëmendje ndërkombëtare dhe ka rindezur debatin për trajtimin e personave me ngjyrë në SHBA. Demonstratat tani janë përhapur në qytete të ndryshme amerikane./ZiA
Kryetari i bashkisë së Mineapolisit Jacob Frey shpalli të enjten gjendjen e jashtëzakonshme për shkak të protestave të dhunshme që kanë përfshirë qytetin dhe që u shtrinë edhe gjatë ditës së premte. Një stacion policie dhe ndërtesa të tjera u dogjën në qytetin e mbushur me tension, pas vdekjes së një afrikano-amerikani nën arrest. Personi ishte nën pranga dhe një polic i bardhë i kishte vënë gjurin në qafë, ndërsa ai thërriste se nuk po mbushej dot me frymë.
Guvernatori i Minesotës Tim Walz thirri Gardën Kombëtare në një përpjekje për të ndalur përhapjen e mëtejshme të dhunës. Garda Kombëtare njoftoi të enjten vonë se janë aktivizuar pesëqind ushtarë të cilët do të vendosen në qytetet Saint Paul, Mineapolisit e në disa zona përreth.
Një reporter i gazetës “Minneapolis Star Tribune” postoi në twitter se automjete të blinduara po lëviznin drejt qendrës së qytetit përpara agimit të ditës së premten. Kryetari i Bashkisë së Mineapolisit Jacob Frey tha të premten herët në mëngjes se në qytet ka “shumë dhimbje e zemërim”, por ai shtoi se plaçkitjet dhe djegiet janë akte të papranueshme. Pronat e dëmtuara ishin thelbësore për komunitetin, shtoi ai.
Të enjten vonë në mbrëmje, qindra demonstrues marshuan fillimisht paqësisht, më pas një rajon policie në Mineapolis u përfshi nga flakët. Gazetarët në vendngjarje thanë se policia ishte larguar tërësisht nga zona dhe se ata nuk ishin të sigurt se ku ndodheshin punonjësit e policisë.
Postimet në Twitter tregonin se stacioni policor ishte braktisur dhe se nuk kishte zjarrfikës. Ndërkohë zyrtarët e qytetit bënë të ditur se sipas informacionesh të pakonfirmuara linjat e furnizimit me gaz ishin prerë dhe se ndërtesa e bashkisë mund të shpërthente. Disa dyqane në Mineapolis si dhe ne qytetin e Saint Paul u dogjën të enjten në mbrëmje. Policia e Saint Paul njoftoi se punonjës të saj ishin goditur me gurë dhe shishe.
Të premten herët në mëngjes policia e këtij qyteti shkruante në një postim twitter se më shumë se 170 biznese ishin dëmtuar apo plaçkitur dhe qyteti ishte përfshirë nga disa vatra zjarri, por nuk kishte të plagosur në gjendje serioze. Protestestat u nxitën nga vdekja e George Floyd nje afrikano-amerikan, ndërsa ishte ndaluar nga një polic i bardhë. Sipas rrjetit televiziv CNN ndaj oficerit të policisë ishin bërë 18 ankesa më parë pranë shërbimit të brendshëm të Departamentit të Policisë së Mineapolisit.
Policia e Minneapolis thotë se Floyd i ngjante një të dyshuari që ishte përpjekur të përdorte një kartmonedhë të falsifikuar 20 dollarëshe në një dyqan ushqimesh. Policia thotë se ai i kishte rezistuar arrestimit. Kalimtarët filmuan me celular momentin kur oficerët ndaluan Floydin. Videoja u përhap gjerësisht kur u postua në internet.
“Të lutem, të lutem, të lutem, nuk mund të marr frymë. Të lutem, o burrë”, u përgjërua Floyd, ndërsa mbahej nga një polic i bardhë. Sipas videove të celularit, oficeri e mbajti Floydin në tokë dhe i vendosi gjurin në qafë. Floyd ishte ndërkohë me pranga.
Protestuesit duke i vënë flakën stacionit të policisë në Minneapolis
Oficeri që e prangosi Floydin e nxiste të “qetësohej”, por oficeri e mbajti gjurin në qafën e Floydit edhe pasi Floyd pushoi së lëvizuri. Një dëshmitar tha se ai dëgjoi Floydin duke thirrur për nënën e tij para se të vdiste.
Për shkak të thirrjes së tij “Nuk marr dot frymë”, vdekja e tij u krahasua shpejt me atë të Eric Garnerit, një afrikano-amerikan i paarmatosur në New York i cili vdiq në 2014 pasi një oficer i bardhë e shtrëngoi rreth qafës me krah, ndërsa ai lutej për jetën e tij. Garner gjithashtu u tha oficerëve “Nuk marr dot frymë”, dhe klithma e tij u bë simbol kombëtar kundër brutalitetit të policisë.
Tubime po mbaheshin edhe në qytete të tjera të enjten. Agjensia e lajmeve Associated Press (AP) raportoi se qindra demonstrues qëndruan në rrugët në qendër të qytetit dhe brohorisnin ndërsa errësira binte jashtë Kapitolit të Shtetit të Kolorados në Denver, ku protestuesit spërkatën me bojë dhe thyen xhama makinash.
AP raportoi se videoklipi i xhiruar nga protestuesja Anabel Escobar, 29 vjeçare, tregon një burrë mbi kofanon e një fuoristrade që po çante përmes turmës përpara Kapitolit. Videoja tregonte se shoferi po rriste shpejtësinë dhe më pas dukej se po përpiqej të shtypte personin pasi ra nga makina. Automjeti u largua ndërsa protestuesit e tjerë e ndoqën atë. Është e paqartë nëse njeriu mbi makinë ishte plagosur.
Në pjesë të tjera të qendrës së qytetit Denver, policia hodhi gaz lotsjellës dhe përdori plumba gome për të larguar njerëzit që po bllokonin rrugët, tha agjensia e lajmeve AP. Gazeta Washington Post raportoi se pati të shtëna me armë.
Departamenti i Policisë në Minneapolis shkarkoi të katër oficerët e përfshirë në arrestimin e Floydit. FBI-ja i është bashkuar hetimeve të policisë së Minneapolisit dhe zyrës së prokurorit të kontesë Hennepin. Departamenti i Drejtësisë tha se hetimi është një përparësi kryesore.
Presidenti Donald Trump shkruajti në Twitter se ka kërkuar që hetimi të “shpejtohet. … Zemra ime shkon familja dhe miqtë e Xhorxhit. Drejtësia do të bëhet!”.
Ai më vonë kritikoi udhëheqësit e qytetit si “të dobët”, tha se ishte i gatshëm të “dërgoj Gardën Kombëtare dhe ta kryejë punën si duhet” dhe paralajmëroi se në rast se do të ketë ndonjë vështirësi, “ne do të marrim kontrollin, por kur fillon plaçkitja, të shtënat fillojnë…”. Twitter më vonë e shënoi mesazhin, duke thënë se “shkelte Rregullat e Twitter-it në lidhje me lavdërimin e dhunës”.
Kryebashkiaku Jacob Frey, kur u njoftua nga gazetarët për këto mesazhe në Twitter, tha se: “Donald Trump nuk di asgjë për forcën e Minneapolisit.” dhe “Ne jemi të fortë si dreqi”.
Sindikata e policisë së qytetit po i kërkon publikut të presë derisa hetimi të përfundojë përpara se të “nxitojnë në një përfundim dhe të dënojnë menjëherë oficerët tanë.”
Por publiku po reagon për videon, e cila tregon se koka e Floydit është e kthyer mënjanë, ndërsa ai nuk duket se po reziston. Nga fundi i videos, vijnë mjekët e urgjencës, ngrenë Floyd-in e mpirë mbi një barelë dhe e vendosin atë në një ambulancë.
“Ai nuk po rezistonte në mënyrë aktive dhe po thoshte se nuk mund të merrte frymë,” tha Charles P. Stephenson, një ish-oficer policie dhe ish-agjent i FBI-së me ekspertizë në taktikat e përdorimit të forcës, i cituar nga Associated Press. “Duhet ta kishin parasysh se ekzistonte mundësia (që Floyd nuk mund të merrte frymë), dhe të lironin menjëherë çdo lloj kufizimi që mund t’u kishin bërë rrugëve të frymëmarrjes”.
Zyrtarët e zbatimit të ligjit kanë shumë mënyra për të ndaluar njerëzit, por “asnjë akademi policie që ne njohim nuk i mëson oficerët e policisë të përdorin gjurin e tyre, tua vendosin atë në qafë”, thotë Chuck Wexler, drejtor i Forumit Ekzekutiv të Hulumtimit Policor, i cili studion dhe jep këshilla për praktikat e policisë. “Kjo thjesht nuk u mësohet sepse mund të ndikojë në frymëmarrje dhe tek arteriet karotide (një enë e rëndësishme që furnizon gjakun në tru). Kështu që kur policia shikon atë video, ata janë të tronditur që janë përdorur ato taktika”.
Të enjten, Jacob Frey, kryetari i bashkisë së Minneapolisit, u bëri thirrje të gjithëve në qytet që të mbajnë qetësinë pas dy netëve të dhunës kur pati zjarrvënie dhe njerëz – të bardhë dhe afrikano-amerikanë – që duket se grabisnin një dyqan Target, duke shtyrë karrocat me mallra në rrugë.
Brenda supermarketit të grabitur
Dritaret e pothuajse çdo dyqani përreth supermarketit Target u thyen dhe një restorant hamburgerash u dogj krejtësisht.
Policia me veshje mbrojtëse hodhi gaz lotsjellës për të shpërndarë turmën që demonstronte para një rajoni të policisë në Minneapolis. Ndërtesa dhe një makinë policie u dëmtuan.
Nuk u raportuan plagosje serioze, por policia e Minneapolisit ka arrestuar një të dyshuar që ata thanë se qëlloi dhe vrau një person që besonte se po përpiqej të plaçkiste një dyqan.
Disa banorë që jetojnë pranë dyqaneve të plaçkitura kritikuan ashpër policinë, por thanë se nuk mund ta kuptojnë pse njerëzit po shkatërrojnë lagjen e tyre, përfshirë vendet ku bënin pazar.
Në qytetin Nju Jork, raportoi Associated Press, protestuesit sfiduan masat ndaluese për koronavirusin në tubimet publike të enjten, duke u përplasur me policinë. Demonstrata u zhvilluan gjithashtu në Albuquerque, New Mexico. Një ditë më parë, demonstruesit kishin dalë në rrugë në Los Angeles dhe Memfis.
Vdekja e Floydit tërhoqi vëmendje ndërkombëtare.
Komisionerja e Lartë e OKB-së për të Drejtat e Njeriut, Michelle Bachelet, tha se autoritetet amerikane kanë për detyrë të sigurohen që do të bëhet drejtësi, pasi ajo lexoi listën e burrave afrikano-amerikanë që kanë humbur jetën në paraburgimin e policisë amerikane gjatë viteve të fundit.
“Në shumë raste në të kaluarën, hetime të tilla i kanë konsideruar vrasjet të arsyeshme mbi baza të dyshimta, ose janë vendosur vetëm masa administrative,” tha ajo.
Ndërsa zonja Bachelet tha se racizmi “i ngulitur dhe i përhapur” në Shtetet e Bashkuara duhet të njihet dhe trajtohet, ajo gjithashtu tha se më shumë dhunë dhe plaçkitje nuk do ta zgjidhin problemin:
“Unë u bëj thirrje protestuesve të shprehin kërkesat e tyre për drejtësi në mënyrë paqësore, dhe i bëj thirrje policisë që të bëjë kujdes maksimal për të mos ndezur situatën aktuale edhe më shumë me ndonjë përdorim të mëtejshëm të forcës së tepruar.”
Vëllai i Floydit, Philonise Floyd, i tha kanalit CNN të enjten se ai është “lodhur duke parë afrikano-amerikanë që vdesin” dhe u bëri thirrje protestuesve të ruajnë paqen. Ai i bëri thirrje policisë “të filloni të bëni punën tuaj në mënyrën e duhur, sepse unë nuk e kam parë këtë. … dua drejtësi. Unë thjesht dua drejtësi”, tha ai, duke u munduar të mbante lotët.
Kryebashkiaku Frey tha të enjten se reagimi i dhunshëm ndaj vdekjes së Floyd-it është “rezultat i zemërimit dhe trishtimit kaq shumë të akumuluar … që është gdhendur në komunitetin tonë afrikano-amerikan, jo vetëm për shkak të pesë minutave të tmerrit, por për 400 vjet”, – një referencë kjo për skllavërinë dhe racizmin që e pasoi.
Zoti Frey është i bardhë, dhe qyteti që ai drejton është rreth 64 përqind i bardhë, sipas Censusit të Shteteve të Bashkuara. Vetëm rreth 19 përqind e banorëve të qytetit janë afrikano-amerikanë.
Vdekja e Floydit vjen disa javë pasi tre persona u akuzuan për të shtënat fatale në shtetin Georgia, të Ahmaud Arbery-it. Afrikano-amerikani aludohet se u vra në shkurt nga një ish-polic i bardhë i kontesë Glynn dhe djali i tij, i cili me sa duket e mori gabimisht për një hajdut ndërsa ai bënte vrap. Të dy u akuzuan vetëm pasi një video nga të shtënat u shfaq disa javë më vonë. Akuza u ngritën edhe ndaj personit që kishte filmuar. zëri i amerikës
Gjykata Kushtetuese e Kosovës tha të enjten mbrëma se “Dekreti i kontestuar i Presidentit është në përputhshmëri me paragrafin 2 të nenit 82 të Kushtetutës, duke konstatuar rrjedhimisht, që votimi i suksesshëm i një mocioni mosbesimi të Kuvendit ndaj Qeverisë, nuk rezulton në shpërndarjen e detyrueshme të Kuvendit dhe mundëson formimin e një Qeverie të re në pajtim me nenin 95 të Kushtetutës.
Në vendim thuhet më tej se “dekreti i kontestuar është në përputhshmëri me paragrafin 14 të nenit 84 të Kushtetutës në lidhje me paragrafin 4 të nenit 95 të Kushtetutës.
Vendimi i sontëm i Gjykatës Kushtetuese pasoi kërkesën e lëvizjes Vetëvendosje për vlerësimin e kushtetutshmërisë së dekretit të presidentit Thaçi për mandatarin e ri për qeverinë e re.
Më 30 prill presidenti Thaçi shpalli dekretin me të cilin i propozon parlamentit të Kosovës, Avdullah Hotin nga Lidhja Demokratike për formimin e qeverisë së re të Kosovës.
Ai e mirëpriti të enjten mbrëma vendimin e gjykatës duke bërë thirrje që “partitë politike dhe të gjitha institucionet duhet të tregojnë pjekuri politike, respekt dhe përkushtim për rendin, ligjin dhe institucionet e Republikës së Kosovës. Ato duhet t’i respektojnë, pranojnë dhe zbatojnë vendimet e autoritetit përfundimtar për interpretimin e Kushtetutës dhe përputhshmërisë së ligjeve e akteve të tjera me Kushtetutën. Kosovën e presin shumë sfida përpara, prandaj tash nuk duhet të humbet më kohë për formimin e Qeverisë së re, me legjitimitet të plotë nga Kuvendi i Kosovës”, shkroi ai në rrjetet sociale.
Ambasada amerikane në Prishtinë në një komunikatë tha se “Shtetet e Bashkuara u bëjnë thirrje të gjitha institucioneve dhe partive politike të zbatojnë vendimin e sotëm dhe të gjitha vendimet e Gjykatës Kushtetuese të Kosovës. Ne kërkojmë nga të gjithë udhëheqësit të punojnë së bashku për një tranzicion të rregullt në interes të paqes, qëndrueshmërisë dhe përparimit për të gjithë qytetarët e Kosovës”.
Ambasadori Richard Grenell i dërguari i posaçëm i presidentit Donald Trump për bisedimet e paqes Kosovë-Serbi, nëpërmjet një komunikate bëri thirrje poshtu për respektimin e vendimit.
“Gjykata Kushtetuese foli. Për të siguruar paqen dhe qëndrueshmërinë dhe për të mbështetur integritetin e sistemit të drejtësisë së Kosovës, të gjithë duhet të respektojnë vendimin e Gjykatës. Mezi pres të vazhdoj punën time me njerëzit e Kosovës dhe qeverinë e tyre për të sjellë përparim, zhvillim dhe vende pune në rajon”, thuhet në njoftimin e zyrës së ambasadorit Grenell.
Lëvizja Vetëvendosje ka kërkuar shpërndarjen e parlamentit dhe organizimin e zgjedhjeve të reja, ndërsa ka akuzuar presidentin për “krijim të vullnetit politik”, përtej përgjegjësive të tij.
Të enjten pasdite veprimtarët e kësaj lëvizjeje organizuan të enjten pasdite në sheshin qendror të Prishtinë një, siç thanë ata, provë proteste, duke kërkuar zgjedhje të reja.
Në kohën e shpalljes së vendimit të Gjykatës Kushtetuese, ministri i Jashtëm në detyrë, Glauk Konjufca, që ishte në një debat politik në Klan Kosova, e cilësoi “skandaloz” dhe që mund të çojë në “revoltë qytetare”.
“Skandaloz” e cilësoi vendimin edhe ministrja në detyrë e Drejtësisë, Albulena Haxhiu e cila shkroi se “Gjykata Kushtetuese i dha grusht vullnetit të popullit!”
Kosova mbeti me qeveri në detyrë në mes të pandemisë së koronavirusit dy muaj ma parë, kur u votua mocioni i mosbesimit i paraqitur nga Lidhja Demokratike e Kosovës për rrëzimin e qeverisë së koalicionit të saj me lëvizjen Vetëvendosje.
Lidhja Demokratike arriti ndërkohë marrëveshje me Aleancën për Ardhmërinë e Kosovës, Nismën Socialdemokrate dhe partitë e pakicave kombëtare për krjimin e një qeverie të re dhe është zotuar se do të kërkojë votimin në parlament menjëherë pas vendimit të Gjykatës Kushtetuese.
Kryetari i Lidhjes Demokratike, Isa Mustafa, tha të enjten mbrëma se vendimi i Gjykatës Kushtetuese dëshmon se shteti i Kosovës dhe drejtësia po funksionojnë.
“LDK gjthëherë ka respektuar vendimet e kësaj Gjykate dhe kemi kontribuar që ky institucion të jetë i pavarur dhe ta gëzojë besimin e plotë. Janë këto personalitete që mbajnë peshën e drejtësisë dhe demokracisë në shtetin tonë të ri. Vendimi i Gjykatë nuk i destinohet një partie dhe një grupi por një zgjidhjeje kushtetuese e cila do të vlejë për të gjithë ne, tani dhe në të ardhmen. I takon Qeverisë së ardhshme, të drejtuar nga LDK që të mbajë peshën e demokracisë dhe të kesaj drejtesie të ndarë nga Gjykata Kushtetuese. Vendimi i Gjykatës Kushtetuese është i qartë . Të gjithë duhet ta respektojmë dhe ta zbatojmë”, shkroi ai në rrjetet sociale.
Ndërsa kryetari i Aleancës për Ardhmërinë e Kosovës, Ramush Haradinaj, mirëpriti vendimin që sic shkroi ai “i hap rrugë formimit të qeverisë së re. Ftoj të gjitha palët që ta respektojnë këtë vendim dhe të veprojnë konform tij. I mandatuari për krijimin e Qeverisë së re, Avdullah Hoti, duhet që sa më parë të kompletojë ekipin dhe Kuvendi pa humbur kohë të caktojë seancën për votimin e Qeverisë. Në rrethanat e krijuara, çdo ditë e humbur ka kosto për ekonominë dhe mirëqenien e qytetarëve. Kosova nuk ka kohë për të humbur”, shkroi ai. zëri i amerikës
President Donald Trump speaks in the Oval Office of the White House, Thursday, May 28, 2020, in Washington.
Duke përshkallëzuar luftën e tij me kompanitë e mediave sociale Presidenti Donald Trump nënshkroi një urdhër ekzekutiv të enjten që sfidon mbrojtjen ndaj detyrimeve ligjore që këto kompani kanë për materialet e postuara nga përdoruesit e tyre.
Megjithatë, masa duket se ka të bëjë më shumë me politikën sesa substancën, pasi presidenti kërkon të mbledhë pas vetes mbështetësit e tij pasi ai sulmoi Twitter-in për aplikimin e konceptit të kontrollit të fakteve në dy nga postimet e tij.
Presidenti Trump tha se kontrollet e fakteve ishin “vendime editoriale” nga Twitter dhe kishin të bënin me një aktivizëm politik. Ai tha se kjo lëvizje do t’u kushtojë kompanive të mediave sociale mbrojtjen nga paditë për ato që janë postuar në platformat e tyre.
Trump, i cili personalisht mbështetet shumë tek Twitter-i për të sulmuar armiqtë e tij, ka akuzuar prej kohësh gjigantët e teknologjisë në Silicon Valley që anojnë nga liberalët, se po vënë në shënjestër konservatorët duke i kontrolluar ose duke hequr postimet e tyre.
Masa udhëzon agjencitë e degës ekzekutive të kërkojnë nga agjenci të pavarura që hartojnë rregullore, përfshirë Komisionin Federal të Komunikimit dhe Komisionin Federal të Tregtisë, të studiojnë mundësinë nëse ata mund të vendosin rregullore të reja për kompanitë – megjithëse ekspertët shprehin dyshime se kjo mund të bëhet pa një akt të Kongresit.
Kompanive si Twitter dhe Facebook u jepet mbrojtje nga përgjegjësitë ligjore në bazë të nenit 230 të Aktit për Komunikimin e Qytetëruar sepse ato trajtohen si “platforma” dhe jo “botues”, të cilët mund të përballen me padi mbi përmbajtjen që publikojnë.
Një urdhër i ngjashëm ekzekutiv ishte konsideruar më parë nga administrata, por ishte lënë mënjanë mes shqetësimeve se nuk plotësonte detyrimet ligjore dhe shkelte parimet e lirisë së fjalës.
Trump dhe fushata e tij reaguan pasi kompania Twitter shtoi një frazë paralajmëruese në dy postime të presidentit Trump ku ai i quante votimet me postë “mashtruese” dhe parashikuante se “kutitë postare do të grabiteshin”. Nën postimet në Twitter, tani ekziston një hallkë ku lexohet “Njihuni me faktet për votimet me postë” që i udhëzon përdoruesit në një faqe me kontrolle faktesh dhe lajme mbi njoftimet mbi pretendimet e pabazuara të Trump.
Presidenti Trump akuzoi Twitter-in për ndërhyrje në zgjedhjet presidenciale të vitit 2020″ dhe deklaroi se “si president, unë nuk do të lejoj që kjo të ndodhë”.
Presidenti dhe konservatorë të tjerë kanë pohuar, për vite me rradhë, se kompanitë e teknologjisë në Silicon Valley janë treguar paragjykues ndaj tyre.
Por nuk ka asnjë provë për këtë – dhe ndërsa drejtues dhe shumë punonjës të Twitter-it, Facebook-ut dhe Google-it mund të anojnë nga liberalët, kompanitë kanë theksuar se nuk kanë asnjë interes të biznesit për të favorizuar një parti politike ndaj të tjere.
REAGIMET
Marcus Messner, ekspert për mediat në Universitin e Komonuelthit të Virxhinias i tha Zërit të Amerikës se “kompanitë e mediave sociale prej vitesh luftojnë kundër përhapjes së dezinformatave dhe për nevojën e verifikimit të fakteve, sidomos gjatë zgjedhjeve të fundit presidenciale.”
“Twitter ka të drejtë të vënë në dukje informacionet që janë të pasakta, edhe kur kjo ka të bëjë me tweete të Presidentit Trump,” tha profesor Messner.
Profesori i gazetarisë vuri në dukje se hapi i ndërmarrë nga Twitteri prek linjën delikate “mes verifikimit të fakteve dhe rrezikut se mund të akuzohesh për censurim të fjalës politike me veprime më drastike, si fshirja e postimeve apo pezullimi i llogarive.”
Profesor Messner tha se çështja që shtrohet është: “nëse u shton postimeve një link për verifikim faktesh që të çon tek shkrime të ndryshme të mediave, a do të pranoheshin ato nga mbështetësit e Presidentit Trump, të cilët regullisht i mohojnë raportimet e mediave të mëdha?”
Efekti i veprimeve të tilla në këtë atmosferë të ndezur partiake do të ishte i kufizuar, thotë profesori.
Shefi ekzekutiv i firmës Twitter Jack Dorsey tha në faqen e internetit të kompanisë se tweetet e presidentit “mund t’i bëjnë njerëzit të mendojnë gabimisht se ata nuk kanë nevojë të regjistrohen për të marrë një fletëvotimi me postë. Synimi ynë është të sqarojmë deklarimet konfliktuale dhe të japim informacionet për të cilat ka debate, në mënyrë që njerëzit të mund të gjykojnë vetë.”
Steve DelBianco, president i NetChoice, një grup komercial që ka në klientelën e tij edhe kompanitë Twitter, Facebook dhe Google, tha se “presidenti është duke shkelur Amendamentin e Parë të Kushtetutës, duke kërcënuar të drejtat themelore të fjalës së lirë për platformat e mediave sociale”. Ky hap i administratës “i nxit qeveritë e huaja të kontrollojnë lirinë e shprehjes në internet,” tha ai në një deklaratë të enjten.
Presidenti Trump nuk kursehet në kërcënime, që nga kanosja se do të mbyllë Twiterin, tek zotimi për të superuar vendimet e guverntorëve që mbajnë të mbyllura objektet fetare. Ai është shprehur se ka “autoritet total” për të detyruar shtetet të rihapin aktivitetin ekonomik, megjithëse udhëheqësit localë thonë se është herët për rihapje.
Në përballjen me pandeminë presidenti është shprehur se gëzon autoritet të gjerë, por studiuesit e së drejtës kushtetuese nuk mendojnë kështu.
“Presidenti në fakt ka autoritetet shumë të madh për t’u përgjigjur në një krizë të shëndetit publik. Por ai thjesht nuk ka këtë atoritet që pretendon,” thotë Stephen Vladeck, profesor i së drejtës në Universitetin e Teksasit.
Presidenti tha fillimisht se mund të detyronte guvernatorët të rihapnin ekonominë para se ata ishin gati për këtë hap. “Dikush që është president i Shteteve të Bashkuara ka autoritet total,” tha zoti Trump.
Presidenti hoqi dorë nga ky kërcënim, duke thënë se do ia linte vendimin shteteve. Por ai e përsëriti këtë kërcënim kur foli javën e kaluar se gëzon autoritet për rihapjen e objekteve fetare edhe në zona ku mbeten në fuqi urdhrat e qëndrimit në shtëpi.
Të martën, atij iu drejtua një pyetje lidhur me autoritetin që gëzon për një veprim të tillë. Presidenti nuk dha një përgjigje të drejtpërdrejtë.
“Mund ta bëj nëse dua. Kemi mënyra të ndryshme për të superuar vendimet e guvernatorëve dhe nëse është e nevojshme, do ta bëj,” tha presidenti.
Shtëpia e Bardhë nuk ka sjellë si argument ndonjë statut specifik, por zëdhënësi i presidentit tha në një deklaratë “çdo vendim i presidentit gjatë pandemisë është udhëzuar nga synimi për të mbrojtur shëndetin dhe jetën e amerikanëve”.
Presidenti Trump “nuk ka asnjë autoritet nëse e lexon dhe interpreton normalisht Kushtetutën dhe autoritetin federal për të dhënë urdhër që të rihapen objektet fetare,” thotë historiani Matthew Dallek.
Por historiani Dallek shtoi se thjesht fakti që zoti Trump nuk gëzon autoritetin për të bërë gjëra që zotohet të bëjë, nuk do të thotë që nuk do t’i bëjë, pra ai mund të nënshkruajë urdhra ekzekutive që më pas bllokohen nga gjykatat.
“Cfarë e ka ndalur më parë Presidentin Trump? Ai nuk është rezervuar shumë. Mendoj se do të bëjë ato që i duken në interes të tij në një moment të caktuar,” shton historiani.
Kur presidenti deklaroi gjendje emergjente për pandeminë në muajin mars, ai aktivizoi 100 agjenci të ndryshme qeveritare. Por ai nuk i ka vënë shumë prej tyre në punë, thotë zoti Vladeck.
“Një ndër ironitë e këtij momenti është se presidenti ka një numër kompetencash që në fakt nuk i ka përdorur. Por ai vazhdon të flasë për pushtetin e pakufi që gëzon”.
Këtu përfshihet Ligji për Prodhim për Mbrojtje, të cilin presidenti mund ta kishte përdorur në mënyrë më agresive për të detyruar kompanitë amerikane të prodhonin artikuj si maska apo aspiratorë. Por ai e përdori këtë ligj vetëm në mënyrë të kufizuar.
Studiuesit e së drejtës kushtetuese thonë se edhe në rastet kur presidenti nuk vepron për të vënë në jetë kërcënimet e tij, thjesht kanosjet nga posti i presidentit kanë ndikim.
Ndër kanosjet e fundit të presidentit është reagimi i tij ndaj platformës së medias sociale Twitter, pasi Twitter vuri një paralajmërim për përdoruesit pranë komenteve të presidentit, duke sinjalizuar se në postime kishte të pavërteta.
Presidenti nënshkroi një urdhër ekzekutiv të enjten ku kufizon mbrojtjen ekzistuese që gëzonin mediat sociale nga padi gjyqësore për deklarata të postuara në faqet e tyre.
“Twitter po mbyt LIRINË E FJALËS dhe unë si president nuk do ta lejoj të ndodhë,” tha presidenti të martën.
Kongresi mund të miratojë rregullore shtesë lidhur me operimin e platformave të medias sociale, por “presidenti nuk ka autoritet të tillë,” thotë ish-gjykatësi federal Michael McConnell, i cili tani drejton Qendrën Ligjore në Universitetin Stanford. “Ai thjesht shfryn,” thotë zoti McConnell.
“Nuk ka asgjë që bie ndesh me Amendamentin e Parë që mbron lirinë e fjalës në aktin e Twitterit për të vënë një shenjë paralajmëruese pranë komenteve të presidentit,” shton Jameel Jaffer, studiues në Universitetin Columbia. “E vetmja gjë që lidhet me Amendamentin e Parë është kërcënimi i presidentit të ndëshkojë Twitterin thjesht se vuri një paralajmërim për kontrollin e fakteve”.
Por Jack Balkin, profesor i së drejtës në Universitetin Yale thotë se presidenti ka tjetër synim:
“Presidenti do t’u çojë një mesazh arbitrave, jo lojtarëve. Ai do të paralajmërojë drejtuesit e kompanive të mos bëjnë numra me të”.
Profesori i medias në Universitetin Rutgers thotë se kjo është shumë e thjeshtë: presidenti do të ndezë bazën e tij politike:
“Për Presidentin Trump, çdo gjë fillon e mbaron me synimet politike,” thotë ai. zëri i amerikës
Presidenti Donald Trump i quajti të enjten vdekjet më të larta në botë nga koronavirusi në Shtetet e Bashkuara “një moment historik shumë të trishtuar”.
Në fillim të vitit, Trump shpesh e minimizonte kërcënimin e koronavirusit, duke thënë se numri i rasteve në Sh.B.A do të zvogëlohej shumë shpejt. Por ai e pranoi numrin e vdekjeve – një shifër më e lartë nga numri i vdekjeve amerikane në luftërat e Vietnamit dhe Koresë të marra së bashku – në një koment në Twitter.
“Për gjithë familjet dhe miqtë e atyre që janë ndarë nga jeta,” tha ai, “dua të shpreh simpatinë dhe dashurinë time nga zemra për të gjitha vlerat që mishëronin dhe përfaqësonin këta njerëz të mëdhenj. Zoti qoftë me ju!”
Të mërkurën, ish-nënpresidenti Joe Biden tha në një mesazh të postuar në Twitter “Ka momente në historinë tonë kaq të zymta, kaq të dhimbshme, saqë ato janë fiksuar përgjithmonë në secilën prej zemrave tona si ngushëllim i përbashkët. Sot është një nga ato raste”. Biden, kundërshtari i presidentit Trumpit në zgjedhjet e nëntorit, i dha fund mesazhit duke thënë “Për ata që vajtojnë, më vjen shumë keq për humbjet tuaj. Kombi trishtohet me ju”.
Me Sh.B.A që kaloi 100,000 vdekje në më pak se katër muaj, një grup senatorësh nga të dyja partitë ripërsëritën thirrjen e tyre për një moment heshtjeje që do të mbahej të hënën për të nderuar të vdekurit.
“Kombi duhet ta kujtojë këtë moment të errët me unitet dhe qartësi,” tha senatori Brian Schatz, një demokrat nga Hauai. “Në këtë kohë dhimbje gati të paimagjinueshme, është thelbësore që të ndalemi për të nderuar çdo jetë të humbur dhe që të ngushëllohemi së bashku”.
“Pandemia” COVID-19 “ka shkatërruar vendin tonë,” tha senatorja republikane Lisa Murkowski nga Alaska. “Shumë familje kanë parë të dashurit e tyre të vuajnë. Për shkak të masave të rrepta të izolimit, shumë prej atyre që kanë humbur dikë nga sëmundja nuk kanë mundur të japin lamtumirën e tyre të fundit në spitale. Shumë gjithashtu nuk kanë qenë në gjendje të kenë ceremoni të duhura për të nderuar njerëzit që kanë humbur. ”
Një propozim tjetër në Dhomën e Përfaqësuesve kërkon një moment të përditshëm heshtjeje sa herë që dhoma të fillojë një seancë, si dhe një ditë kombëtare zie pasi të përfundojë pandemia dhe krijimi i një memoriali kombëtar për viktimat.
Shtetet e Bashkuara kanë parë njëfarë përmirësimi në numrin e përditshëm të vdekjeve, por ky përparim bëri një hap të mprehtë prapa të mërkurën me 1.400 vdekje të reja të raportuara.
Sipas statistikave të Universitetit Johns Hopkins, në të gjithë botën, më shumë se 356,000 njerëz kanë vdekur nga COVID-19. Ka rreth 5.7 milion raste të konfirmuara, me gati 30% në Shtetet e Bashkuara.
Koreja e Jugut raportoi 79 raste të reja të enjten ndërsa vazhdon të punojë për të parandaluar një ringjallje të përhapjes së virusit. Me shumicën e rasteve të reja të vendosura në zonën e Seulit, Ministri i Shëndetësisë Park Neung-hoo u bëri thirrje njerëzve të shmangin tubimet e panevojshme dhe kompanive të mbajnë punëtorët e sëmurë në shtëpi.
Ka shqetësime edhe në shumë vende të Amerikës Latine, ku Programi Botëror i Ushqimit thotë se pandemia mund të lerë 14 milion njerëz të uritur.
“Ne po hyjmë në një fazë shumë të ndërlikuar,” tha Miguel Barreto, drejtori rajonal i WFP për Amerikën Latine dhe Karaibet. “Ne po e quajmë këtë një epidemi urie.”
Brazili ka patur goditjen më të fortë në rajon, me 411,000 rastet e saj, duke u radhitur vetëm pas Shteteve të Bashkuara. Peruja ka parë gjithashtu një rritje të mprehtë të rasteve, përfshirë raportimin e të mërkurës me një rritje rekord ditore prej 6.154 rastesh të reja.
India raportoi një kërcim të ngjashëm të enjten me 6.566 raste të reja, një rekord për vendin që tani renditet e 10 në botë për nga numri i rasteve të konfirmuara. zëri i amerikës
Shtetet e Bashkuara shpresojnë se Kosova dhe Serbia do t’u rikthehen bisedimeve për normalizimin e marrëdhënieve ndërmjet tyre, ka thënë Zëvendës Ndihmës Sekretari i Shtetit për Evropën dhe Euroazinë, Matthew Palmer.
Siç transmeton Zëri i Amerikës në gjuhën shqipe, gjatë një debati mbi Angazhimin Strategjik të Shteteve të Bashkuara në Ballkanin Perëndimor, Egje dhe në Turqi gjatë pandemisë së koronavirusit, të organizuar nga Fondi Gjerman Marshall, Palmer ka thënë se normalizimi i marrëdhënieve ndërmjet Kosovës dhe Serbisë është thelbësor për të hapur rrugën evropiane për të dyja vendet. Por, tha ai, ende ka shumë punë për të bërë.
“Kosovës i duhet një qeveri. Ne po presim për vendimin e Gjykatës Kushtetuese që do t’i hapte rrugën zgjidhjes së çështjeve që kanë të bëjnë me formimin e qeverisë. Dua të nënvizoj se Shtetet e Bashkuara nuk duan të ndikojnë procesin në asnjë mënyrë, nuk duam të zgjedhim qeverinë e re të Kosovës, nuk kemi favorit, nuk mbajmë anë. Ajo çfarë duam të shohim është një proces që është i mbështetur në Kushtetutën e Kosovës dhe kuadrin ligjor të Kosovës, që prodhon një qeveri që është përfaqësuese dhe ka fuqi të angazhohet në procesin e bisedimeve”, tha ai.
Astronautët e NASA-s Douglas Hurley dhe Robert Behnken
Marrë nga Reuters
Udhëtimi drejt Stacionit Ndërkombëtar të Hapësirës, i astronautëve të NASA-s në bordin e raketës Falcon 9, Koloneli i Marinsave në pension Doug Hurley dhe Koloneli i Forcave Ajrore Bob Behnken, i jep fund një pauze nëntë vjeçare të NASA-s.
Raketa e kompanisë private SpaceX, në pronësi të miliarderit Elon Musk, pritet të lëshohet të mërkurën nga Qendra e Hapësirës Kennedy në Florida në orën 4:33 pasdite (22:33 sipas kohës së Evropës Qendrore) dhe udhëtimi deri në Stacionin Ndërkombëtar të Hapësirës zgjat 19-orë.
Presidenti Donald Trump dhe Zëvendës Presidenti Mike Pence kanë në plan të shkojnë në Cape Canaveral për të parë nisjen.
Lëshimi i anijes do të varet nga moti. Parashikuesit thanë se ekziston 40 për qind mundësi që misioni të shtyhet për shkak të stuhive në Florida.
Nëse kjo ndodh, një mundësi e dytë për lëshimin e Falcon 9 do të ishte pasditja e së shtunës.
Kur anija e hapësirës Atlantis u nis për herë të fundit nga Cape Canaveral më 8 korrik 2011, ajo drejtohej nga astronauti i NASA-s Doug Hurley.
Tani gati një dekadë më vonë, Hurley është një nga dy pilotët e provës për anijen raketë krejt të re të prodhuar nga SpaceX për këtë fluturim.
Astronautët e NASA-s, Koloneli i Marinsave në pension Doug Hurley dhe Koloneli i Forcave Ajrore Bob Behnken janë shokë klase, miq, veteranë të eksplorimit të hapësirës, të martuar me veterane të hapësirës dhe kanë të dy djem të rinj.
Ata përdorin të njëjtën platformë lëshimi ku Atlantis mbylli programin e nisjeve në 2011, viti i fundit i lëshimit nga vendi i tyre për astronautët e NASA-s.
“Tetë vite e gjysëm, nëntë vite më vonë, shohim se jo vetëm jemi gati të fluturojmë mjetin e parë me ekuipazh drejt Stacionit Hapësinor, por kemi edhe ngazëllimin se mund të rikthehemi ndoshta në Hënë pas pak vitesh. Pasi ulëm anijen Atlantis në 2011, nuk do të kishim menduar kurrë se do ndodheshim këtu nëntë vite më vonë. Është shumë më mirë se ç’e kisha imagjinuar“, thotë Hurley.
Që atëherë, e vetmja mënyrë për të shkuar në stacionin hapësinor për astronautët ka qenë me raketa ruse të lëshuara nga Kazakistani.
Hurley do të drejtojë nisjen dhe uljen, një detyrë e përshtatshme për pilotin e fluturimit të fundit të anijes hapësinore të NASA-s.
Behnken, një inxhinier mekanik me gjashtë shëtitje në hapësirë në biografinë e tij, do të mbikëqyrë kontaktin dhe uljen në Stacionin Ndërkombëtar Hapësinor (ISS).
Hurley, 53 vjeç dhe Behnken, 49 vjeç, janë ekuipazhi i parë i pilotëve të NASA-s në dekada.
Hurley dhe Behnken janë martuar me kolege astronaute të NASA-s: Karen Nyberg dhe Megan McArthur. Secili çift ka nga një djalë, në moshën dhjetë dhe gjashtë vjeçare.
Kapsula Dragon në bordin e raketës Falcon 9
Megjithëse kapsula e ekuipazhit Dragon dhe sistemi i saj i shpëtimit tashmë janë demonstruar në fluturime me manekinë, nuk ka ndonjë garanci. Në fluturimin hapësinor, kurrë nuk ekziston një gjë e tillë.
“Mendoj se janë kaq shumë faktorë teknikë dhe gjëra tek të cilat duhet të përqëndrohemi për t’u siguruar që do t’ia dalim mbanë, për vendin tonë në histori, apo qoftë edhe duke u përpjekur t’i vendosim emrat tanë në të njëjtat fjali si njerëzit që kanë qenë përpara nesh. Duket e parakohshme derisa ta kemi realizuar“, thotë Behnken.
Fluturimi i tyre shënon rikthimin e nisjes së astronautëve nga Shtetet e Bashkuara, si dhe të parin e këtij lloji nga një kompani private. zëri i amerikës
Presidenti Trump kërcënoi të mërkurën se do të marrë masa për rregullimin ose mbylljen e kompanive të caktuara të mediave sociale.
Kërcënimi vjen një ditë pasi kompania Twitter Inc për herë të parë u shtoi një paralajmërim disa prej tweet-eve të Presidentit, duke i shtyrë lexuesit të kontrollonin me fakte disa nga pohimet e tij.
Të martën, kur ata që shikonin tweet-et e Presidentit Trump klikonin në paralajmërimin e vendosur nga Twitter-i, rrjeti social i drejtonte ata tek një njoftim i titulluar: Trump bën pretendimin e pabazuar se fletëvotimet me postë do të çojnë në mashtrim zgjedhor.
Paralajmërimi përmbante një link që të çonte tek shkrime të rrjetit CNN dhe gazetës Washington Post, si dhe përfshinte një shënim me titull “Çfarë duhet të dini”, si më poshtë:
“Çfarë duhet të dini:
– Trump pretendon në mënyrë të gabuar se fletëvotimet me postë do të çonin në “zgjedhje të falsifikuara”. Por, kontrolluesit e fakteve thonë se nuk ka asnjë provë që fletëvotimet me postë kanë lidhje me mashtrim zgjedhor.
– Trump pohon në mënyrë të rreme se Kalifornia do të dërgojë fletëvotimi me postë për “këdo që jeton në këtë shtet, pavarësisht se cili është ose si ka ardhur aty.” Në fakt, vetëm votuesit e regjistruar do të marrin fletëvotime.
– Megjithëse Trump kishte në shënjestër Kaliforninë, fletëvotimet me postë tashmë përdoren në disa shtete, si Oregoni, Juta dhe Nebraska.”
Presidenti kishte thënë përmes një postimi se votat e dërguara me postë do të bëheshin shkak për “manipulime të konsiderueshme” duke sjellë zgjedhje të manipuluara.
Sot në mëngjes Presidenti shkroi në Twitter se “Republikanët ndiejnë se platformat e mediave sociale i lënë në heshtje të plotë zërat konservatore. Ne do t’i rregullojmë ato fuqishëm, ose do t’i mbyllim para se të lejojmë që kjo të ndodhë”.
PARALAJMËRIMI I TWITTER INC
Të martën kompania Twitter për herë të parë paralajmëroi përdoruesit të kontrollonin faktet në postimet që vë Presidenti Trump në Twitter. Kompania paralajmëronte se pretendimet e presidentit për dërgimin e votave me postë ishin të pavërteta dhe të kundërshtuara nga faktet.
Një pikëçuditëse ngjyrë blu nxit përdoruesit të “kontrollojnë faktet për votat”.
“Presidenti Trump ngre pretendime të pabaza se fletëvotimet e dërguara me postë do të çojnë në falsifikime votash” shkruante një faqe pasuar me shpjegime për ato që i cilësonte si pretendime fallso.
Presidenti kishte thënë përmes postimit në Twitter se votat e dërguara me postë do të sillnin “manipulime të konsiderueshme” duke sjellë zgjedhje të manipuluara. Ai veçonte guvernatorin e Kalifornisë lidhur me këtë temë, megjithëse ky nuk është shteti i vetëm që lejon votimin me postë.
“Unë, si President, nuk do të lejoj që kjo të ndodhë,” shkruante ai.
Kalifornia po planifikon t’i dërgojë çdo votuesi të regjistruar një fletëvotim me postë për zgjedhjet e 3 nëntorit. Ky plan bëri që Komiteti Kombëtar Republikan të padisë guvernatorin e Kalifornisë, Gavin Newsom.
Sekretari i shtetit i Kalifornisë Alex Padilla tha se veprimi i ndërmarrë nga Twitter-i për t’u shtuar shenjën e paralajmërimit tweet-eve të Presidentit Trump “është një hap i vogël në drejtimin e duhur. Por ne të gjithë mund të bëjmë pjesën tonë për të ekspozuar gënjeshtrat.” “Presidenti, – tha ai, – po përhap me qëllim informacione të rreme për votimin me postë, duke u përpjekur haptazi të shtypë votën.”
Twitter pohoi se kjo ishte hera e parë që vendoste një paralajmërim lidhur me një postim të presidentit, që lidhet me politikën e re të kësaj kompanie të vënë në funksionim në fillim të muajit për të luftuar dizinformimin.
Khalifa Haftar dhe Ministri rus i Mbrojtjes, Sergei Shoigu në një takim në Moskë më 13 janar 2020.
Komanda e Ushtrisë amerikane për Afrikën tha se Rusia kohët e fundit dislokoi avionë luftarakë në Libi për të mbështetur kontraktorët ushtarakë të sponsorizuar nga shteti rus, të cilët po ndihmojnë forcat që po luftojnë qeverinë libiane të mbështetur nga Shtetet e Bashkuara.
Avionët luftarakë rusë mbërritën në aeroportin al-Jufra në Libi nga një bazë ajrore në Rusi pas një ndalese në Siri, ku ata u ringjyrosën për të kamufluar origjinën e tyre ruse, tha të martën Komanda e Forcave Amerikane në Afrikë, AFRICOM.
Avionët luftarakë pritet të ofrojnë mbështetje ajrore për kontraktorët ushtarakë rusë të kompanisë Wagner, të cilët po mbështesin Ushtrinë Kombëtare Libiane (LNA) të udhëhequr nga Gjenerali Khalifa Haftar në ofensivën e tyre një vjeçare kundër Qeverisë së Pajtimit Kombëtar (GNA).
Komandanti i AFRICOM-it, Gjenerali Stephen Townsend kritikoi Rusinë në një deklaratë për shtyp të martën për shtimin e pranisë së saj ushtarake në Afrikë duke dërguar pilotë mercenarë për të “bombarduar libianët”.
“Për një kohë të gjatë, Rusia ka mohuar nivelin e plotë të përfshirjes në konfliktin e vazhdueshëm libian. Tani përfshirja e saj nuk mund të mohohet. Ne pamë se si Rusia fluturoi avionët e saj luftarakë të gjeneratës së katërt në Libi, në çdo hap të udhëtimit të tyre”, tha gjenerali Townsend.
Ai shtoi se as LNA (Ushtria Kombëtare Libiane) dhe as nismat private ushtarake nuk mund të armatosin dhe të operojnë këtë lloj avioni pa “mbështetjen që ata po marrin nga Rusia”.
Presidenti Donald Trump dhe Presidenti turk Recep Tayyip Erdogan në një takim në Shtëpinë e Bardhë më 13 nëntor të vitit 2019.
Në një telefonatë të shtunën, Presidenti Donald Trump dhe Presidenti turk Rexhep Tajip Erdogan ndanë shqetësimet e tyre për keqësimin e ndërhyrjeve të huaja në Libi, sipas Shtëpisë së Bardhë.
Turqia ka siguruar mbështetje ushtarake për qeverinë libiane të njohur ndërkombëtarisht dhe ka paralajmëruar se sulmet nga forcat e gjeneralit Haftari do të kenë “pasoja të rënda”.
Kritikët e përfshirjes ruse në Libi thonë se mbështetja e Moskës për zotin Haftari ka rritur paqëndrueshmërinë rajonale dhe ka ndihmuar në nxitjen e krizës së imigracionit në Evropë.
Komandanit i Forcave Ajrore të Shteteve të Bashkuara në Evropë dhe Afrikë, Gjenerali Jeff Harrigian paralajmëroi të martën se Rusia po krijonte kushtet për “shqetësime reale të sigurisë” për Evropën Jugore në të ardhmen e afërt.
“Nëse Rusia pushton bazat në bregdetin e Libisë, hapi tjetër logjik është dislokimi i aftësive të përhershme ushtarake për të mohuar qasjen në distancë të largët në zonat përreth”, që përdoren për të parandaluar udhëtimin e kundërshtarëve nëpër zonën që mbrohet nga arma, tha ai në një njoftim për shtyp.
Joe Biden bëri paraqitjen e tij të parë publike në më shumë se dy muaj ndërsa shënoi Ditën e Përkujtimit të të Rënëve duke vendosur një kurorë me lule në një memorial të veteranëve të ushtrisë pranë shtëpisë së tij në Delauer.
Që nga anulimi i papritur i një tubimi elektoral më 10 Mars në Klivëlend në fillim të pandemisë së koronavirusit, i emëruari i supozuar për kandidat presidencial të partisë demokrate ka zhvilluar pjesën më të madhe të fushatës virtualisht nga shtëpia e tij në Uilmington. Të hënën, Biden doli me maskë, në kontrast me Presidentin Donald Trump, i cili ka refuzuar të përdorë maskën në aktivitetet e tij publike, siç sugjerojnë zyrtarët amerikanë të shëndetësisë. Ish-nënpresidenti Biden dhe bashkëshortja e tij, Jill Biden, vunë një kurorë me lule të bardha dhe u përkulën në heshtje para memorialit për të rënët e Luftës së Dytë Botërore dhe atyre të Luftës Koreane. “Asnjëherë mos harroni sakrificat që bënë këta burra dhe gra,” tha ai më pas. “Asnjëherë, kurrë, mos harroni”.
“Ndihem mirë që jam këtu,” u tha Biden gazetarëve. Vizita e tij në memorialin e të rënëve ishte e pa njoftuar dhe nuk pati asnjë turmë në pritje të tij.
Joe Biden në Ditën e të Rënëve
Por zoti Biden përshëndeti shkurtimisht një zyrtar të qarkut dhe një burrë tjetër, të dy të veshur me maska dhe duke mbajtur një distancë fizike mes tyre. Fushata e tij thotë se zoti Biden ka shkuar në park për Ditën e Të Rënëve shpesh në të kaluarën, megjithëse shërbimet ishin anuluar të hënën për shkak të pandemisë.
Megjithëse me shumë pak fjalë, paraqitja ishte një moment historik në një fushatë presidenciale që kryesisht është ngrirë nga shpërthimi i koronavirusit. Ndërsa mundësia e zhvillimit të ngjarjeve tradicionale siç janë tubimet dhe konventat presidenciale janë në dyshim, shfaqja e zotit Biden sugjeron se ai nuk do t’i kalojë gati pesë muaj që mbeten deri në ditën e zgjedhjeve tërësisht në shtëpi.
Presidenti Trump, i etur për të demonstruar se vendi po kthehet në jetë edhe kur numri i vdekjeve nga pandemia ka arritur në 100’000, mori pjesë në një aktivitet në Varrezat Kombëtare në Arlington të Virxhinias dhe në një ngjarje tjetër në Fort McHenry në Baltimore.
Presidenti Trump në Ditën e Të Rënëve
Pas ceremonisë së vendosjes së kurorave me lule në Arlington, Presidenti Trump mbajti një fjalim për nder të të rënëve në fortesën McHenry në Baltimore dhe vlerësoi kontributin e personelit ushtarak “në vijat e para të luftës sonë kundër këtij virusi të tmerrshëm.”
Koronavirusi ka prekur pothuajse të gjitha aspektet e jetës amerikane dhe ka ndryshuar kushtet e zgjedhjeve. Argumenti i Presidentit Trump se ai meriton një mandat tjetër për shkak të ekonomisë së fortë është venitur ndërsa papunësia rritet në nivele që nuk janë parë që nga koha e Depresionit të Madh.
Duke u bazuar në përvojën e tij si senator dhe ish nënpresident, zoti Biden po përpiqet të pozicionohet si një kandidat me përvojën dhe ndjeshmërinë e duhur për ta udhëhequr vendin në përpjekjet për të dalë nga kriza. Presidenti Trump është kundërpërgjigjur se ai është udhëheqësi që mund të drejtonte rimëkëmbjen ekonomike më vonë këtë vit ose në vitin 2021.
Zoti Biden është përshtatur në epokën e koronavirusit duke ndërtuar një studio televizive në shtëpinë e tij, të cilën ai e kishte përdorur për të bërë paraqitje në emisionet e lajmeve, dhe emisionet satirike dhe ngjarje të fushatës virtuale. Disa nga këto përpjekje janë dëmtuar nga problemet teknike dhe momente të tjera të vështira.
Disa strategë demokratë e kanë shprehur hapur shqetësimin e tyre se zoti Biden po i jep shumë terren Presidentit Trump duke qëndruar në shtëpi. Vetë Presidenti Trump e ka kritikuar zotin Biden për zhvillim të fushatës nga bodrumi i shtëpisë së tij.
Këshilltarët e zotit Biden thonë se ata planifikojnë të kthehen në aktivitete normale të fushatës në një moment në të ardhmen, përfshirë udhëtimet në shtetet e pavendosura. Por ata nuk janë me ngut, duke preferuar respektimin e këshillave të ekspertëve shëndetësorë, udhëzimet e autoriteteve për të qëndruar në shtëpi dhe rekomandimet për distancim fizik.
Në moshën 77 vjeçare, zoti Biden është në grupin e moshuar të popullatës së vendit që mendohet të jetë veçanërisht e pambrojtur ndaj efekteve të koronavirusit, megjithëse edhe Presidenti Trump, i cili mbush 74 vjeç muajin tjetër, është pothuaj në një njejtën kategori.
“Ne kurrë nuk do të bëjmë zgjedhje që mund të dëmtojë në një mënyrë a tjetër, personelin tonë ose votuesve,” tha kohët e fundit menaxherja e fushatës së zotit Biden, Jen O’Malley Dillon, duke shtuar se fushata do të rifillonte me aktivitete më tradicionale “kur siguria do ta lejonte, dhe ne nuk do ta bëjmë atë asnjë ditë më shpejt.”
Presidenti Trump nuk ka rifilluar tubimet e mëdha që ishin shenjë dalluese e fushatës së tij të vitit 2016 dhe presidencës së tij, por ka filluar të udhëtojë jashtë Uashingtonit javët e fundit. Ai vizitoi një fabrikë të prodhimit të maskave në Arizona dhe një fabrikë të kompanisë amerkane të makinave, Ford në Miçigan, e cila tani po prodhon pajisje mjekësore.
Trump Biden
Presidenti Trump madje luajti golf në klubin e tij në Virxhinia gjatë fundjavës, duke shpresuar se të tjerët do të ndjekin hapat e tij dhe do t’i kthehen jetës normale dhe gradualisht do të ndihmojnë në rimëkëmbjes së ekonomisë së dëmtuar rëndë nga pandemia e koronavirusit.
Ky ishte udhëtimi i parë i presidentit në një nga pronat e tij fitimprurëse që nga 8 marsi, kur ai vizitoi klubin e tij privat të golfit në West Palm Beach. Organizata Botërore e Shëndetit e shpalli koronavirusin një pandemi botërore më 11 mars, dhe Presidenti Trump e ndoqi hapat e saj dy ditë më vonë duke shpallur pandeminë Covid-19 një urgjencë kombëtare.
Fushata e zotit Biden menjëherë nxorri një video në internet duke ofruar pamje të paqarta dhe nga një distancë e largët të Presidentit Trump në fushën e golfit, të shoqëruara me imazhe të virusit që po shkatërron vendin pasi numri i amerikanëve të vdekur nga pandemia po arrinte shifrën 100,000. Videoja përfundoi me fjalët: “Numri i vdekjeve është ende në rritje. Presidenti po luan golf ”.
Presidenti Trump e kaloi Ditën e të Rënëve duke vizituar Varrezat Kombëtare të Arlingtonit dhe fortesën Fort McHenry në Baltimore, që do të pasohen me një udhëtim në brigjet e Floridës të mërkurën për të parë nisjen e astronautëve amerikanë në orbitë.
Në një ceremoni solemne të hënën, me rastin e Ditës së Përkujtimit, Presidenti Donald Trump zhvilloi homazhe për të nderuar amerikanët e rënë në luftë. Ai vendosi kurora me lule në varrezat kombëtare të Arlingtonit, qytet shumë pranë Uashington DC-së. Udhëheqësi amerikan u përkul përpara varrin të Ushtarit të Panjohur. Ai shoqërohej nga Nënpresidenti Mike Pence dhe sekretari i Mbrojtjes Mark Esper.
Zonja e Parë Melania Trump dhe Zonja e Dytë Karen Pence e vëzhguan ceremoninë nga një distancë aty pranë së bashku me zyrtarë të tjerë të lartë.
Për shkak të kërcënimit që paraqet koronavirusi, në ceremoninë e përvitshme me rastin e Ditës së Përkujtimit në Arlington, Presidenti Trump nuk mbajti një fjalim sikurse në vitet e kaluara dhe pjesëmarrësit në ceremoni ruajtën një distancë fizike prej rreth 2 metrash nga njëri-tjetri. Disa anëtarë të personelit ushtarak mbanin maska në fytyrë. Ceremonia u shoqërua edhe me të shtëna topash në shenjë nderimi për të rënët në luftë.
Dita e Përkujtimit shënohet çdo vit në SHBA të hënën e fundit të muajit maj në nderim të qindra mijëra ushtarakëve amerikanë, burra e gra që sakrifikuan jetën për vendin.
Fundjavën e kaluar, nga e premtja deri ditën e dielë, flamujt amerikanë në të gjithë vendin u ulën në gjysmë shtizë për të nderuar rreth 100 mijë amerikanë që kanë humbur jetën nga koronavirusi. Të hënën flamujt u ulën sërisht për të nderuar ata që kanë rënë në luftë.
Pas largimit nga varrezat e Arlingtonit presidenti Trump shkoi në Baltimorë në fortesën McHenry, atje ku në vitin 1812 është zhvilluar betejë historike, e cila shërbyer si frymëzim për himnin kombëtar amerikan.
Kryetari i Bashkisë së Baltimores Jack Young kishte kërkuar që presidenti të mos vinte, duke thënë se vizita e tij dërgon një mesazh të gabuar në një kohë kur ai (Jack Young) u ka kërkuar banorëve të qytetit që të shmangin udhëtimet e parëndësishme. Zoti Young tha se vizita e Presidentit nuk ishte thelbësore.
Ambasadori amerikan në Gjermani, Richard Grenell, po planifikon të tërhiqet në javët e ardhshme pas më shumë se dy vjetësh në këtë post.
Njoftimi i dhënë fillimisht nga agjencia gjermane e lajmeve dpa, u konfirmua në twitter nga ambasadori Grenell. “E vërtetë”, shkroi shkurt ai rreth shkrimeve të sotme për largimin e tij nga posti ne Berlin.
Robin Quinville, zëvendës shefe e misionit në ambasadë, pritet të zëvendësojë përkohësisht zotin Grenell, tha agjencia dpa.
Njoftimi vjen vetëm pak ditë pasi Senati amerikan konfirmoi në postin e drejtorit të përhershëm të Inteligjencës Kombëtare ligjvënësin John Ratcliffe, i cili po ashtu si zoti Grenell është një aleat i fortë politik i Presidentit Donald Trump.
Në muajin shkurt, Presidenti Trump e emëroi 53-vjeçarin Grenell si drejtor të përkohshëm të Inteligjencës Kombëtare.
Agjencia e lajmeve Reuters tha se një zëdhënës i ambasadës nuk pranoi të komentojë rreth njoftimit. Ai tha se “është praktikë e ambasadës të mos komentojë mbi udhëtimet apo planet, por Ambasadori Grenell ka vazhduar të të jetë i angazhuar në mënyrë aktive në përparësitë e administratës në Gjermani ndërsa shërben si drejtor në detyrë i Inteligjencës Kombëtare”.
Zoti Grenell është gjithashtu i dërguar i posaçëm i presidentit Donald Trump për bisedimet e paqes mes Kosovës dhe Serbisë. zëri i amerikës
Avioni gjurmues ushtarak rus Beriev A-50 dhe ai luftarak Sukhoi Su-27 duke fluturuar mbi Kaliningradin (25 prill 2020)
Presidenti Donald Trump tha të enjten se po tërheq Shtetet e Bashkuara nga Traktati ndërkombëtar 18-vjeçar i Qiejve të Hapur që lejon fluturime survejimi mbi vendet e tjera, për shkak se Rusia po e shkel atë.
Shtetet e Bashkuara filluan të njoftojnë vendet e tjera nënshkruese duke i lajmëruar kështu gjashtë muaj përpara datës së largimit nga marrëveshja.
Presidenti vuri në dukje se kishte një mundësi, megjithatë, që një marrëveshje e re të mund të arrihej në një datë të ardhshme.
“Ekziston një shans shumë i mirë që ne do të bëjmë një marrëveshje të re ose do të bëjmë diçka për ta vendosur atë marrëveshje përsëri,” tha ai. “Por, sa herë që ka një marrëveshje me të cilën një palë tjetër nuk pajtohet – ju e dini, ne kemi shumë prej atyre marrëveshjeve në të gjithë botën; kur është një marrëveshje dypalëshe të cilës nuk i përmbahen ,… kur kemi gjëra të tilla pra, ne gjithashtu tërhiqemi. Kjo është arsyeja pse, me traktatet e armëve, nëse shikoni traktatet e armëve, me siguri do të bëjmë një marrëveshje me Rusinë për një traktat armësh. Dhe Kina do të jetë, mbase, e përfshirë në të. Do të shohim se çfarë do të ndodhë”.
“Kështu që mendoj se ajo që do të ndodhë është se ne do të tërhiqemi, dhe ata do të vijnë sërish dhe do të duan të bëjnë një marrëveshje. Ne kemi pasur një marrëdhënie shumë të mirë kohët e fundit me Rusinë. Dhe ju mund ta shihni këtë tek nafta dhe ajo që po ndodh me naftën“, tha ai.
Pozicioni i Shteteve të Bashkuara
Traktati u ka mundësuar 35 vende të kryejnë fluturime përgjimi mbi territorin e njëri-tjetrit për të parë instalimet ushtarake, një përpjekje që synon paqeruajtjen ndërkombëtare.
Por Shtetet e Bashkuara pretendojnë se Moska ka shkelur traktatin duke ndaluar fluturimet mbi qytetin e Kaliningradit, në Detin Baltik dhe kufirin jugor të Rusisë pranë Gjeorgjisë; të dyja këto janë të lejuara sipas marrëveshjes.
Sekretari amerikan i Mbrojtjes, Mark Esper i tha Komitetit të Shërbimeve të Armatosura të Senatit në mars se Rusia ka “mashtruar për shumë vite“.
Rusia ka mohuar shkeljen e traktatit.
Tërheqja nga Traktati i Qiejve të Hapur është lëvizja e fundit e Presidentit Trump gjatë presidencës së tij 3-vjeçare për të nxjerrë Shtetet e Bashkuara nga marrëveshjet ndërkombëtare të miratuara nga presidentët e mëparshëm që ai i konsideron të padrejta ndaj interesave amerikane.
Vitin e kaluar, Uashingtoni u tërhoq nga Traktati i Forcave Bërthamore me Rreze të Mesme me Rusinë, dhe më herët hoqi dorë nga marrëveshja ndërkombëtare e kontrollit të klimës në Paris, një traktat tregtie me vendet e Paqësorit dhe një marrëveshje me Iranin për të kufizuar zhvillimin e saj të armëve bërthamore.
Koncepti i traktatit të Qiejve të Hapur u avancua për herë të parë në dekadën pas përfundimit të Luftës së Dytë Botërore nga Presidenti Dwight Eisenhower. Bashkimi Sovjetik e hodhi poshtë idenë në atë kohë, por Shtetet e Bashkuara përsëri kërkuan një pakt në vitin 1989 nën Presidentin George H.W. Bush. Më në fund, traktati u miratua nga 20 vendet e kërkuara, në janar 2002. zëri i amerikës
Senati i SHBA mbështeti të enjten anëtarin republikan të Dhomës së Përfaqësuesve John Ratcliffe në postin e drejtorit të ri të inteligjencës kombëtare, një fitore për Presidentin Donald Trump.
Kjo ishte hera e dytë që Presidenti Trump e emëronte ligjvënësin konservator për postin e lartë.
Senati e mbështeti kandidaturën e zotit Ratcliffe me 49 vota pro dhe 44 kundër, në një atmosferë kundërshtimesh të ashpra nga ana e demokratëve.
Dy javë më parë, gjatë dëshmisë në Senat, John Ratcliffe u premtoi në mënyrë të përsëritur ligjvënësve skeptikë se do të braktiste politikat partiake dhe do t’i ofrojë presidentit dhe hartuesve kryesorë të politikave “të vërtetën e palustruar”.
“Ajo çfarë dikush dëshiron të reflektohet në të dhënat e zbulimit nuk do të ndikojë në të dhënat që do të jap unë”, u tha republikani nga teksasi kolegëve të tij, për mënyrën se si do të vepronte nëse konfirmohej në detyrën e drejtorit të zbulimit kombëtar.
“E vërteta nuk do të errësohet për askënd”, deklaroi ai. zëri i amerikës
Një komision i Senatit të ejten filloi të marrë në shqyrtim kandidatin e Presidentit Donald Trump për të drejtuar Agjencinë Amerikane të Medias Globale, e cila mbikëqyr edhe Zërin e Amerikës mes subjekteve të tjera.
Emri i regjisorit të filmave dokumentarë, Michael Pack ka qenë në Senat për gati dy vjet, dhe është vonuar pjesërisht për shkak të shqetësimeve të demokratëve për marrëveshje të jashtëligjshme financiare të supozuara në bizneset e tij.
Javën e kaluar, votimi në komision u shty përsëri pasi zyra e prokurorit të përgjithshëm të Uashington DC hapi një hetim nëse përdorimi i fondeve të kompanisë së tij Pack Public Media Lab nga zoti Pack, ishte i paligjshëm dhe nëse ai i përdori ato fonde në mënyrë të padrejtë për të përfituar vetë.
Senatori demokrat Bob Menendez, anëtar i lartë në komision, protestoi përmes një letre të hapur se republikanët po përgatiten të ecin përpara me votimin.
“Në vend që të bëni një hap prapa dhe të kërkoni një zgjidhje dypartiake, jeni duke planifikuar të vendosni zotin Pack për konfirmim përmes votimit në komision përkundër faktit se marrëdhëniet e tij të biznesit janë objektivi i një hetimi aktiv i forcave të rendit dhe përkundër refuzimit të tij të vazhdueshëm për të korrigjuar deklaratat e rreme që ka bërë në agjencinë e taksave”, shkruan Menendez dhe demokratë të tjerë në letrën drejtuar kryetarit të komisionit Jim Risch.
Të mërkuren, në një letër të veçantë, demokratët e komisionit gjithashtu shprehen të shqetësuar se mbledhja e Senatit nuk do të lejohet të transmetohet drejpërdrejtë për shtypin dhe publikun amerikan.
Megjithatë, seanca e Komisionit të Senatit për Marrëdhëniet me Jashtë në këto momente po transmetohet vetëm me zë, pra pa video.
Zëri i Amerikës të mërkuren kërkoi komente për të dy letrat drejtuar zotit Risch.
Presidenti Trump emëroi zotin Pack për të udhëhequr USAGM gati dy vjet më parë dhe ka shprehur zhgënjim për vonesat, duke thënë se kjo është bërë për shkak të pengesave të demokratike. Presidenti më parë kërcënoi të pezullonte punimet e Kongresit në se nuk votohej kandidatura.
Shtëpia e Bardhë akuzoi demokratët për ngecjen e votimit javën e kaluar pas njoftimeve për hetimin e prokurorit të përgjithshëm të Uashingtonit, DC, duke shkruar “Presidenti qëndron në mbështetje të Michael Pack dhe është i zhgënjyer, por jo i habitur, që demokratët që nuk bëjnë asgjë, kanë vendosur edhe një herë të hedhin baltë politike mbi biografinë e pastër të një nëpunësi publik”.
Javët e fundit, Presidenti Trump ka kritikuar Zërin e Amerikës për mbulimin e raportimeve lidhur me Kinën gjatë krizës së koronavirusit. Javën e kaluar, kur u pyet për emërimin e zotit Pack, Presidenti Trump tha: “Zëri i Amerikës është drejtuar në një mënyrë të tmerrshme. Ata nuk janë Zëri i Amerikës. Ata janë e kundërta e Zërit të Amerikës”.
Me një deklaratë të premten e kaluar, drejtoresha e Zërit të Amerikës, Amanda Bennett, mbrojti misionin dhe raportimin e agjensisë së lajmeve të financuar nga qeveria amerikane.
“Ne eksportojmë Amendamentin e Parë për njerëzit në mbarë botën që nuk kanë qasje tjetër në informacione faktike, të vërteta dhe të besueshme,” tha ajo.
“Kjo është arsyeja përse më shumë se 80% e audiencës sonë prej 280 milion njerëzish në 47 gjuhë në më shumë se 60 vende të botës thonë se e shohin punën tonë të besueshme,” shtoi ajo.
Vaksina ndaj koronavirusit do të hyjë këtë verë në fazën e testimit masiv tek njerëzit.
Departamenti i Shëndetësisë dhe Shërbimeve Njerëzore njoftoi sot arritjen e një marrëveshjeje mes kompanisë AstraZeneca dhe Autoritetit për Studimet e Avancuara dhe Zhvillimet Biomjekësore (BARDA), marrëveshje e cila do të përshpejtojë zhvillimin dhe prodhimin e vaksinës provë. Faza 3 e studimit klinik të kësaj vaksine do të përfshijë edhe testimin tek 30 mijë vullnetarë.
BARDA do t’i vërë në dispozicion kompanisë deri në 1.2 miliardë dollarë për të mbështetur studimin e avancuar klinik, transferimin e teknologjisë për vaksinën si dhe prodhimin masiv të saj. Vaksina do të bëhet e disponueshme vetëm pasi të jepet një autorizim emergjence nga Administrata e Ushqimit dhe Ilaçeve (FDA).
Vaksina e përzgjedhur ndër disa kandidatura, është emërtuar AZD1222. Ajo u zhvillua nga Universiteti i Oksfordit në Mbretërinë e Bashkuar dhe i është dhënë me liçencë kompanisë AstraZeneca, e cila disponon teknologjinë që do të mundësojë prodhimin masiv. Për të arritur objektivin, kompania do të punojë së bashku me Qendrën për Inovacionin dhe Zhvillimin e Avancuar në Manifakturë të qeverisë amerikane.
Studimet klinike pararendëse (të fazave 1 dhe 2) janë zhvilluar më tani në Britani.
“Enver Hoxha nga ky teatër filloi terrorin e pashembullt”, studiuesja amerikane: Shembja, vazhdim i krimeve të komunizmit
Studiuesja amerikane e trashëgimive kulturore, Lori Amy, një kundërshtare e rrëzimit të Teatrit Kombëtar në Tiranë, tha se shembja e tij është vazhdimësi e krimeve të komunizmit, veçse me emër tjetër. Në një bisedë për Zërin e Amerikës, Dr Amy tha se dhuna e djeshme dhe shkatërrimi i Teatrit Kombëtar përsëriti traumën kombëtare që Shqipërisë i duhet ende kohë ta tejkalojë.
Studiuesja Amy tha se Enver Hoxha kishte filluar terrorin e pashembullt pikërisht nga ky teatër, me gjyqet e vitit 1945, kur përfundoi spastrimin e kundërshtarëve të tij politikë.
“17 njerëz në ditën që janë shpallur fajtorë, janë ekzekutuar në vend dhe janë varrosur në një hendek jashtë Tiranës. 53 njerëz të tjerë janë dërguar në Gulag së bashku me familjet e tyre, në kampe internimi. Komunizmi dhe krimet e tij shtetërore kanë filluar në Teatrin Kombëtar dhe kanë filluar me shpronësim nëpërmjet sistemit Gulag (kampe përqendrimi dhe pune e detyruar në Bashkimin Sovjetik) dhe krejt sinqerisht sot ne jemi duke i vazhduar krimet e komunizmit veçse me emër tjetër. Zhvillimet e paligjshme jolegale funksionojnë njësoj si shpronësimi që u bë në regjimin komunist, thjesht shiko drejtimin dhe sistemin Gulag, Ne nuk kemi shtëpi ende për shumë njerëz që ishin viktima të tërmetit dhe dje ajo dhunë dhe shkatërrimi, përsëriti traumën kombëtare që vendi ende duhet ta tejkalojë”, tha ajo.
Studiuesja tha se arsyetimet e qeverisë së Tiranës për ndërtimin e një teatri të ri në rrënojat e të vjetrit është një rrëfim i shtrëmbëruar.
“Në radhë të parë siç kanë thënë shumë veta, çdokush e dëshiron një teatër të ri që mund të ndërtohet kudo. Por, Teatri Kombëtar nuk është vetëm vend i kujtimeve që duhet t’i kthehemi për t’u përballur me plagët e komunizmit që nuk janë shëruar kurrë, por është pjesë e 800 vjetëve të përparimit historik që kishte mbetur në qendër të qytetit. Dhe kjo është një vlerë e veçantë e Shqipërisë për të kontribuar në Evropë. Në kuartin ku qeveria propozon ndërtime, në një skaj është fortesa bizantine e Justinianit që prej 800 vjetësh dhe në mes janë vilat e epokës osmane që janë pjesë e vendbanimit të Tiranës dhe në fund, shekulli i 20-të. Ku ka diku tjetër një përparim të tillë historik? Në disa qindra metra tetë shekuj të evoluimit të qytetërimit perëndimor: nga Bizanti, tek Osmanët dhe tek shekulli i 20-të. Është një përparim i veçantë dhe nuk mund ta shkatërrojmë. Kjo do të thotë të shkatërrohet mbamendja dhe identiteti i vendit. Do të thotë të shkatërrosh një vlerë unike që shqiptarët mund t’i ofrojnë botës. Kjo më dhemb dhe dua të flas kujdesshëm, sepse pjesë e plagëve të komunizmit që vazhdojnë të pikojnë gjak, është kultura e riciklimit të sulmeve e kundërsulmeve”,tha ajo.
Dr Amy thotë se një nga problemet në fushën politike është se askush nga qytetarët e zakonshëm nuk beson në çfarëdo që thonë politikanët. Ajo thotë se qytetarët mendojnë se çdo gjë është vazhdim i shfaqjes së një teatri politik.
“Prandaj më vend të kësaj dua të flas për atë për të cilën njerëzit janë të pikëlluar. Çdo diplomat i lartë e ka lutur qeverinë shqiptare: prisni, hapni debat publik, hapni këshillime dhe dialog. Për 2 vjet e 3 muaj njerëzit ne Teatrin Kombëtar mbajtën debat në shesh, që fjalë për fjalë është një agora, vendi ku njerëzit vijnë për të mësuar se si të jenë pjesëmarrës në demokracinë e vërtetë. Mendoj se më shumë se gjithçka kjo është ajo për të cilën njerëzit janë të pikëlluar. Shkatërrimi mbetet pjesë e atij qarkut të mbyllur të sulmeve dhe kundërsulmeve politike që vetëm sa ushqejnë më shumë dhunë si përgjigje ndaj dhunës paraprake. Çfarë po dëgjoj nga njerëzit është se duan një ditë zie: të ndalën, të qajnë, të kuptojnë çfarë ka ndodhur… Mendoj se është jashtëzakonisht me rëndësi që të mos kurthohemi në ciklin e fajësimeve, akuzave, sulmeve e kundërsulmeve. Po ashtu mendoj se duhet të përqendrohemi në atë se çfarë mund të bëjmë në të ardhmen sesa në atë se cilat mundësi janë humbur”, tha ajo.
Studiuesja Amy thotë se Teatri Kombëtar mund të rindërtohet dhe për këtë sipas saj janë ka edhe fonde.
“Aktualisht ka fonde nga Evropa Nostra që ishin ndarë për restaurimin e teatrit. Ato fonde mund të shfrytëzohen për rindërtimin e asaj çfarë është shkatërruar. Ato fonde mund të përdoren për të rindërtuar atë shesh si vend i ndërgjegjes kombëtare që i mundëson vendit të bashkohet dhe të vajtojë atë që kurrë nuk ka qenë në gjendje të bëjë. Dhe ka një gjë tjetër jashtëzakonisht të rëndësishme për t’u vajtuar. Trupat e tetëdhjetë për qind të të ekzekutuarve nga shteti komunist kurrë nuk janë gjetur. Dhe ju në Kosovë e dini çfarë do të thotë kjo. Ata janë varrosur, e më pastaj janë zhvarrosur e rivarrosur, madje shpesh nga disa herë për të parandaluar familjet që të gjejnë të dashurit të tyre për t’i vajtuar. Prandaj, të kesh një shesh të ndërgjegjes që funksionon më në fund për vendin si një vend kujtimi do të ndihmonte ato familje që edhe sot e kësaj dite rrokin lopatat dhe mihin në vendet ku u kanë thënë se mbase të afërmit e tyre janë varrosur. Kjo do tu ofronte atyre një vend për të vajtuar dhe kjo është diçka që i duhet vendit për të ecur përpara”, tha ajo.
Studiuesja amerikane e trashëgimive kulturore, thotë se studimet e saj e deritashme për Shqipërinë kanë filluar pikërisht nga Teatri Kombëtar ndërsa bën thirrje për bashkim posaçërisht në këtë kohë pandemie me të cilën po përballet bota.
5-6 minutes
Në një bisedë me Zërin e Amerikës, studiuesja Amy tha se Enver Hoxha kishte filluar terrorin e pashembullt nga ky teatër me gjyqet e vitit 1945, kur Enver Hoxha përfundoi spastrimin e kundërshtarëve të tij politik.
“17 njerëz në ditën që janë shpallur fajtorë, janë ekzekutuar në vend dhe janë varrosur në një hendek jashtë Tiranës. 53 njerëz të tjerë janë dërguar në Gulag së bashku me familjet e tyre, në kampe internimi. Komunizmi dhe krimet e tij shtetërore kanë filluar në Teatrin Kombëtar dhe kanë filluar me shpronësim nëpërmjet sistemit Gulag (kampe përqendrimi dhe pune e detyruar në Bashkimin Sovjetik) dhe krejt sinqerisht sot ne jemi duke i vazhduar krimet e komunizmit veçse me emër tjetër. Zhvillimet e paligjshme jolegale funksionojnë njësoj si shpronësimi që u bë në regjimin komunist, thjesht shiko drejtimin dhe sistemin Gulag, Ne nuk kemi shtëpi ende për shumë njerëz që ishin viktima të tërmetit dhe dje ajo dhunë dhe shkatërrimi, përsëriti traumën kombëtare që vendi ende duhet ta tejkalojë”, tha ajo.
Studiuesja Amy tha se arsyetimet e qeverisë së Tiranës për ndërtimin e një teatri të ri në rrënojat e të vjetrit është një rrëfim i shtrëmbëruar.
“Në radhë të parë siç kanë thënë shumë veta, çdokush e dëshiron një teatër të ri që mund të ndërtohet kudo. Por, Teatri Kombëtar nuk është vetëm vend i kujtimeve që duhet t’i kthehemi për t’u përballur me plagët e komunizmit që nuk janë shëruar kurrë, por është pjesë e 800 vjetëve të përparimit historik që kishte mbetur në qendër të qytetit. Dhe kjo është një vlerë e veçantë e Shqipërisë për të kontribuar në Evropë. Në kuartin ku qeveria propozon ndërtime, në një skaj është fortesa bizantine e Justinianit që prej 800 vjetësh dhe në mes janë vilat e epokës osmane që janë pjesë e vendbanimit të Tiranës dhe në fund, shekulli i 20-të. Ku ka diku tjetër një përparim të tillë historik? Në disa qindra metra tetë shekuj të evoluimit të qytetërimit perëndimor: nga Bizanti, tek Osmanët dhe tek shekulli i 20-të. Është një përparim i veçantë dhe nuk mund ta shkatërrojmë. Kjo do të thotë të shkatërrohet mbamendja dhe identiteti i vendit. Do të thotë të shkatërrosh një vlerë unike që shqiptarët mund t’i ofrojnë botës. Kjo më dhemb dhe dua të flas kujdesshëm, sepse pjesë e plagëve të komunizmit që vazhdojnë të pikojnë gjak, është kultura e riciklimit të sulmeve e kundërsulmeve”,tha ajo.
Studiuesja Amy thotë se një nga problemet në fushën politike është se askush nga qytetarët e zakonshëm nuk beson në çfarëdo që thonë politikanët. Ajo thotë se qytetarët mendojnë se çdo gjë është vazhdim i shfaqjes së një teatri politik.
“Prandaj më vend të kësaj dua të flas për atë për të cilën njerëzit janë të pikëlluar. Çdo diplomat i lartë e ka lutur qeverinë shqiptare: prisni, hapni debat publik, hapni këshillime dhe dialog. Për 2 vjet e 3 muaj njerëzit ne Teatrin Kombëtar mbajtën debat në shesh, që fjalë për fjalë është një agora, vendi ku njerëzit vijnë për të mësuar se si të jenë pjesëmarrës në demokracinë e vërtetë. Mendoj se më shumë se gjithçka kjo është ajo për të cilën njerëzit janë të pikëlluar. Shkatërrimi mbetet pjesë e atij qarkut të mbyllur të sulmeve dhe kundërsulmeve politike që vetëm sa ushqejnë më shumë dhunë si përgjigje ndaj dhunës paraprake. Çfarë po dëgjoj nga njerëzit është se duan një ditë zie: të ndalën, të qajnë, të kuptojnë çfarë ka ndodhur… Mendoj se është jashtëzakonisht me rëndësi që të mos kurthohemi në ciklin e fajësimeve, akuzave, sulmeve e kundërsulmeve. Po ashtu mendoj se duhet të përqendrohemi në atë se çfarë mund të bëjmë në të ardhmen sesa në atë se cilat mundësi janë humbur”, tha ajo.
Studiuesja Amy thotë se Teatri Kombëtar mund të rindërtohet dhe për këtë sipas saj ka edhe fonde.
“Aktualisht ka fonde nga Evropa Nostra që ishin ndarë për restaurimin e teatrit. Ato fonde mund të shfrytëzohen për rindërtimin e asaj çfarë është shkatërruar. Ato fonde mund të përdoren për të rindërtuar atë shesh si vend i ndërgjegjes kombëtare që i mundëson vendit të bashkohet dhe të vajtojë atë që kurrë nuk ka qenë në gjendje të bëjë. Dhe ka një gjë tjetër jashtëzakonisht të rëndësishme për t’u vajtuar. Trupat e tetëdhjetë për qind të të ekzekutuarve nga shteti komunist kurrë nuk janë gjetur. Dhe ju në Kosovë e dini çfarë do të thotë kjo. Ata janë varrosur, e më pastaj janë zhvarrosur e rivarrosur, madje shpesh nga disa herë për të parandaluar familjet që të gjejnë të dashurit të tyre për t’i vajtuar. Prandaj, të kesh një shesh të ndërgjegjes që funksionon më në fund për vendin si një vend kujtimi do të ndihmonte ato familje që edhe sot e kësaj dite rrokin lopatat dhe mihin në vendet ku u kanë thënë se mbase të afërmit e tyre janë varrosur. Kjo do tu ofronte atyre një vend për të vajtuar dhe kjo është diçka që i duhet vendit për të ecur përpara”, tha ajo.
Studiuesja amerikane mbi trashëgimitë kulturore, Dr. Amy thotë se studimet e saj e deritashme për Shqipërinë kanë filluar pikërisht nga Teatri Kombëtar ndërsa bën thirrje për bashkim posaçërisht në këtë kohë pandemie me të cilën po përballet bota.
SHBA vazhdon të udhëheqë për nga numri i të infektuarve dhe atyre që kanë humbur jetën si pasojë e koronavirusit. Të dielën në SHBA u regjistruan rreth 1.5 milionë të prekur dhe rreth 89 mijë të vdekur.
Ndërsa disa shtete vazhdojnë të lehtësojnë kufizimet, në Karolinën e Veriut, një gjyqtar federal rrëzoi kufizimet e vendosura nga guvernatori lidhur me shërbimet fetare që lejonin jo më shumë se 10 persona të ishin të pranishëm në kishë njëkohësisht. Kufizimet synonin të parandalonin përhapjen e koronavirusit.
Në rang botëror numri i infeksionve ka arritur në 4.6 milionë njerëz ndërsa janë shënuar më shumë se 312 mijë të vdekur. Një studim i Organizatës Botërore të Shëndetësisë mbi modelin e pandemisë, paralajmëron se gati një çerek miliard njerëz do të infektohen nga virusi dhe se 150 mijë të tjerë mund do të vdesin në Afrikë, nëse nuk ndërmerren veprime urgjente. Studimi, botuar në revistën “BMJ Global Health”, parashikon nivele më të ulëta të infeksionit dhe vdekjeve nga COVID-19, në pjesë të tjera të botës, të tilla si Evropa dhe SHBA.
Në një postim në twiter të shtunën Presidenti amerikan Donald Trump shkruante se administrata e tij po shqyrton propozimet në raport me Organizatën Botërore të Shëndetësisë. Sipas njërit prej propozimeve SHBA do t’i paguante organizatës vetëm 10 për qind të shumës që Uashingtoni i jepte OBSH-së përpara se PresidentiTrump të merrte vendim për ta pezulluar ndihmën ndaj kësaj organizate më 14 Prill, duke e akuzuar atë për reklamimin e “dezinformacionit” të shpërndarë nga Kina lidhur shpërthimin e koronavirusit. Ndërkohë një studim i publikuar të shtunën sugjeron që gjendja financiare është një nga faktor kryesorë për prekjen nga koronavirusi.
Studimi u krye nga universiteti i Oksfordit dhe sipas gjetjeve të tij banorët e zonave më të varfëra të Britanisë kanë katër herë më shumë gjasa të testohen pozitivë ndaj COVID-19 sesa ata që jetojnë në lagje më të pasura.
Studimi, i cili u mbështet në shqyrtimin e mbi 3,600 rezultateve pozitive ndaj COVID-19, tregoi se varfëria, mosha dhe sëmundjet kronike të mëlçisë, rrisin shanset për t’u diagnostikuar me COVID-19. zëri i amerikës
Demokratët në Kongres të shtunën kanë nisur një hetim për largimin e mbikëqyrësit të brendshëm të Departamentit të Shtetit nga presidenti Donald Trump, duke akuzuar presidentin për përshkallëzimin e luftës kundër çdo mbikëqyrjeje të administratës së tij.
Trump kishte njoftuar për largimin e inspektorit Steve Linick në një letër drejtuar kryetares së Dhomës së Përfaqësuesve, Nancy Pelosi.
Demokratët dhe Komiteti për Marrëdhënie të Jashtme i Senatit e kanë vënë në pyetje motivin e largimit të tij nga puna.
Demokratët kanë thënë se Sekretari i Shtetit Mike Pompeo ka rekomanduar personalisht largimin e Linick për shkak se ai kishte hapur një hetim ndaj Pompeos.
Një zyrtar i Shtëpisë së Bardhë konfirmoi se Sekretari Pompeo ka rekomanduar largimin e tij dhe presidenti Trump është pajtuar.
Linick, që ishte në detyrë nga viti 2013 nën administratën e Obamës, është inspektori i katërt që lirohet nga detyra me vendim të presidentit Trump. rel
SHBA ka raportuar 1.580 viktima të reja nga koronavirusi i ri (COVID-19), me çka numri i përgjithshëm i viktimave nga ky virus në vend është rritur në 88.550, transmeton Anadolu Agency (AA).
SHBA është vendi më i prekur nga koronavirusi në botë dhe është epiqendra e këtij virusi.
Sipas faqes së internetit “Worldometer”, në 24 orët e fundit në SHBA janë konfirmuar 26.222 raste COVID-19, duke e çuar në 1.485.912 numrin e përgjithshëm të rasteve.
Sa i përket numrin të rasteve, SHBA ndiqet nga Spanja me 276.505 raste të zbuluara, Rusia me 272.043 raste të zbuluara dhe Mbretëria e Bashkuar me 240.161 raste të zbuluara.
Shteti New York është më i prekur në SHBA, me 356 raste të zbuluara dhe 27.574 vitkima.
Në SHBA janë kryer mbi 11 milionë teste të dyshuara të COVID-19, ndërsa numri i pacientëve të shëruar nga ky virus është 327 mijë.
Shitjet me pakicë në Shtetet e Bashkuara ranë për 16.4 për qind në muajin prill, tregojnë të dhënat e qeverisë.
Kjo është rënia më e madhe që nga fillimi i regjistrimeve në vitin 1992.
Ajo pothuajse është dyfishuar në krahasim me rënien e muajit mars prej 8.3%.
Situata është pasojë e mbylljes së shumë bizneseve, për shkak të pandemisë së koronavirusit.
Ndërmarrje si JCrew aplikuan për mbrojtje nga falimentimi.
Të tjerë shitës me pakicë, si JC Penny, pritet të ndërmarrin hapa të ngjashëm.
Të dhënat vijnë në kohën e një niveli të paparë të humbjeve të vendeve të punës në SHBA.
Rreth 36.5 milionë amerikanë janë regjistruar si të papunë gjatë tetë javëve të fundit.
Të premten, edhe Gjermania – ekonomia më e madhe në Evropë – njoftoi se është zhytur në recesion, pasi pësoi tkurrjen më të madhe tremujore që nga kriza financiare e vitit 2008.
Të dhënat zyrtare atje treguan se ekonomia është tkurrur për 2.2. për qind në tre muajt e parë të vitit 2020.
Edhe Gjermania ka mbyllur dyqane dhe biznese, si masë për frenimin e përhapjes së koronavirusit. rel
Akuzat që ka ngritur prej kohësh Presidenti Donald Trump për akte të paligjshme nga pararendësi i tij, Barack Obama, kanë marrë tani nofkën: Obamagate, frymëzuar nga skandali Watergate, që solli rrëzimin nga posti të Presidentit Nixon.
Tani Presidenti Trump dhe aleatët e tij kanë ngritur pretendimin se në ditët e fundit të administratës Obama, zyrtarët demokratë në këtë administratë thurën intriga për të zënë në grackë këshilltarin e zotit Trump për sigurinë kombëtare, Michael Flynn, në kuadër të një plani më të madh për të penguar zotin Trump të bëhej president.
Kjo teori konspiracioni mori përmasa të reja pasi Departamenti i Drejtësisë javën e kaluar filloi procesin për të liruar nga akuzat penale zotin Flynn, duke thënë se FBI-ja nuk kishte pasur baza të mjaftueshme ligjore për të hapur hetime kundër tij lidhur me bisedat që ai zhvilloi në 2016 me ish-ambasadorin rus në Uashington, Kisliak.
Departamenti i Drejtësisë nxori një numër regjistrimesh që hedhin dritë mbi një proces të mëparshëm të hapur nga administrata Obama lidhur me veprimet e Gjeneralit Flynn. Presidenti Trump reagoi duke thënë se zoti Flynn ishte shënjestruar në mënyrë të paligjshme dhe se vendimi për të hapur hetime kundër tij e kishte zanafillën tek Presidenti Obama.
“Krimi më i madh politik në historinë amerikane,” shkruante Presidenti Trump në Twitter të dielën, duke e quajtur “Obamagate”.
Shumë shpejt termi “#Obamagate” u përhap përmes rrjeteve sociale e mediatike dhe teoria e vjetër konspirative u ringjall.
I pyetur të hënën të shpjegonte se çfarë krimi kishte kryer Presidenti Obama, zoti Trump tha vetëm “kanë ndodhur gjëra shumë të këqia që nuk duhet të lejohen kurrë në këtë vend”.
Presidenti Obama është një objekt i preferuar dhe i shpeshtë sulmesh për Presidentin Trump.
Duket që presidenti Trump po përpiqet të implikojë në teoritë e konspiracionit edhe ish-nënpresidentin dhe aktualisht kandidat për president, Joe Biden.
Origjina e Obamagate
Në thelb, Obamagate është një teori e vjetër me emër të ri.
Në mars 2017, Presidenti Trump akuzoi pararendësin e tij se kishte vënë pajisje përgjuese për të regjistruar në mënyrë të paligjshme bisedat në banesën e tij në Nju Jork gjatë fushatës presidenciale në 2016, duke thënë se këto veprime i përngjanin skandalit Watergate të kohës së Presidentit Nixon. Një vit më pas, Presidenti Trump ngriti pretendimin se FBI-ja kishte dërguar një informant që kishte infiltruar në fushatën e tij.
Akuza kryesore për Obamagate është se ish-presidenti kishte dhënë urdhër për hetime kundër Michael Flynn, megjithëse FBI-ja nuk kishte arsye të mirëfilltë për të hapur hetime. Flynn, i cili më parë ka qenë demokrat, pat shërbyer në administratën Obama si kreu i operacioneve të zbulimit ushtarak, para se të shkarkohej nga detyra dhe më pas të fillonte punë në fushatën e zotit Trump.
Zoti Flynn ishte nën hetime dy herë: në 2016 dhe 2017, herën e parë lidhur me dyshimet për lidhje mes fushatës Trump dhe Rusisë, më pas për një seri bisedash me ish-ambasadorin rus në Uashington, gjatë të cilave këshilloi që rusët të mos ndërmerrnin masa në kundërpërgjigje të sanksioneve të administratës Obama kundër Rusisë, duke lënë të kuptohet se presidenti Trump do t’i eliminonte sanksionet.
Takime në zyrën presidenciale
Në qendër të akuzave Obamagate është takimi mes Presidentit Obama dhe ekipit të tij të sigurisë kombëtare më 5 janar 2017, dy javë para se Donald Trump të merrte detyrën e presidentit.
Takimi u zhvillua një ditë pasi FBI-ja mbylli zyrtarisht hetimet lidhur me dyshimet se Flynn kishte pasur lidhje me rusët, por para se të vendoste që hetimet të mbaheshin të hapura dhe Flynn të hetohej për telefonatat me ish-ambasadorin rus.
Zyrtarë të zbulimit informuan Presidentin Obama për rezultatin e procesit. Në fund të mbledhjes, presidenti i kërkoi drejtorit të FBI-së James Comey dhe Zv/Prokurores së Përgjithshme Sally Yates të qëndronin pak më gjatë, pas largimit të tjerëve. Në dhomë ishte edhe nënpresidenti Biden dhe këshilltarja për sigurinë kombëare Susan Rice.
Sipas zonjës Yates në një intervistë në 2017 para ekipit të Prokurorit të Posaçëm Robert Mueller, Presidenti Obama kishte thënë se “kishte mësuar se kishte informata për Flynn” dhe për bisedat e tij me ish-ambasadorin rus lidhur me sanksionet kundër Rusisë.
Zonja Yates tha se ajo vetë nuk ishte në dieni të këtij informacioni megjithëse ishte zyrtarja numër 2 në Departamentin e Drejtësisë dhe mbikqyrte FBI-në.
Sipas zotit Comey në dëshminë e tij para Komisionit të Zbulimit, ai kishte njoftuar drejtorin e CIA-s John Brennan sapo kishte mësuar për bisedat e zotit Flynn me ambasadorin rus dhe më pas Brennan kishte informuar zotin Obama.
Yates më pas tha se Presidenti Obama kishte thënë se nuk donte hollësi të hetimit, por donte të dinte “nëse Shtëpia e Bardhë duhet ta trajtonte Flynn ndryshe” në ditët që i mbeteshin administratës Obama.
Zonja Yates nuk mbante mend si ishte përgjigjur drejtori i FBI-së, James Comey.
Ndërkaq, ish-këshilltarja për sigurinë kombëtare, Susan Rice kishte cituar një email që i kishte dërguar vetes në ditën e fundit të administratës ku shkruante se Presidenti Obama kishte theksuar që “ekipi i zbatimit të ligjit duhet të veprojë siç do të vepronte në çdo rast tjetër, në bazë të ligjit”.
Zonja Yates dhe ish-zyrtarë të tjerë i kanë dalë në mbrojtje procesit hetimor kundër Michael Flynn. Por fakti që mbledhja në Shtëpinë e Bardhë u zhvillua një ditë pasi FBI-ja kishte vendosur t’i mbyllte hetimet kundër zotit Flynn dhe fakti që Presidenti Obama ishte në dieni të telefonatave të zotit Flynn me ish-ambasadorin rus, ka bërë që Presidenti Trump, komentatorë konservatorë dhe avokatët e zotit Flynn të argumentojnë se procesi i dytë hetimor kundër Michael Flynn lidhur me bisedat e tij me ish-ambasadorin rus ishte komplot anti-Trump që e kishte zanafillën tek majat e administratës Obama.
“E gjithë kjo ishte e orkestruar dhe e organizuar brenda FBI-së, me pjesëmarrjen e (ish-drejtorit të zbulimit kombëtar) Clapper, Brennan dhe në zyrën presidenciale në ditët e administratës Obama,” tha Sydney Powell, avokat i zotit Flynn në një intervistë me rrjetin Fox.
Dokumente të deklasifikuara kohët e fundit lidhur me hetimet u janë dorëzuar avokatëve të zotit Flynn, duke ndezur edhe më tepër teoritë konspirative.
Në një shënim me shkrim dore që është përmendur disa herë, një zyrtar i lartë i FBI-së pyeste nëse qëllimi i intervistimit të zotit Flynn lidhur me bisedat që kishte zhvilluar me ish-ambasadorin rus, ishte për të bërë të mundur shkarkimin e tij, apo për ta “shtyrë që të gënjente”.
“Demaskimi” i Michael Flynn
Teoria e konspiracionit Obamagate ushqehet nga një tjetër pretendim: identifikimi i zotit Flynn para se Donald Trump të merrte postin e presidentit kishte motive politike.
Analistë amerikanë të zbulimit zakonisht “maskojnë” identitetin e amerikanëve që ndeshen në procese hetimore që kanë në shenjestër shtetas të huaj. Bisedat e zotit Flynn me ish-ambasadorin rus u kapën gjatë përgjimeve rutinë të bisedave të ambasadorit rus.
Zyrtarë të autorizuar të sigurisë kombëtare që përpiqen të kuptojnë kontekstin e bisedave mund t’i kërkojnë Agjencisë së Sigurisë Kombëtare të “demaskojë” apo të zbulojë identitetin e shtetasit amerikan në këto biseda. Kjo është praktikë rutinë, por Presidenti Trump dhe aleatët e tij i kanë akuzuar zyrtarët e administratës Obama se e zbuluan identitetin e zotit Flynn për qëllime politike.
Këtë javë, Richard Grennell, aleat i ngushtë i presidentit Trump, aktualisht drejtor në detyrë i Zbulimit Kombëtar, nxori emrat e mbi 10 zyrtarëve të administratës Obama, të cilët kishin kërkuar zbulimin e identitetit të zotit Flynn gjatë javëve të fundit të administratës së mëparshme.
Lista përfshin një numër zyrtarësh të Presidentit Trump, të cilët prej kohësh Presidenti Trump i ka akuzuar për qëndrim armiqësor ndaj tij: Brennan, James Clapper dhe ish-drejtori i FBI-së, James Comey.
Hetime të reja?
Që kur filloi Obamagate, Presidenti Trump u ka bërë thirrje republikanëve në Kongres të hapin hetime mbi ish-presidentin Obama. Nuk ka gjasa që të ndodhë një gjë e tillë.
“Nëse do të isha senator apo kongresmen, personi i pare që do të thërrisja për dëshmi për krimin dhe skandalin më të madh politik në SHBA, është ish-Presidenti Obama,” shkruante të enjten Presidenti Trump në Twitter. “Ai ishte në dieni të TË GJITHAVE”.
Por kreu i Komisionit të Senatit për Gjyqësorin, Lindsey Graham, përkrahës i Presidentit Trump, thotë se nuk është i interesuar të sjellë ish-presidentin Obama para Kongresit.
Por Senatori Graham është betuar të thërrasë zyrtarë të administratës Trump në kuadër të hetimeve të komisionit të tij për origjinën e hetimit për lidhjet Trump-Rusi.
Joe Biden dhe demokratë të tjerë e kanë hedhur poshtë Obamagate si një tjetër përpjekje e pacipë e Presidentit Trump për të zhvendosur vëmendjen nga kritikat në rritje për keqmenaxhimin e krizës së koronavirusit. zëri i amerikës
Senatori republikan i Karolinës së Veriut, Richard Burr dha dorëheqjen nga posti i Kryetarit të Komisionit të Senatit për Zbulimin të enjten pasi FBI-ja i konfiskoi telefonin celular në kuadër të hetimit mbi shitjen e aksioneve pak para rënies së madhe të bursës për shkak të pamdemisë globale të koronavirusit.
Udhëheqësi i shumicës në Senat, Mitch McConnell njoftoi vendimin, duke thënë se ai dhe senatori Burr kishin rënë dakord se kjo ishte në interesin më të mirë të Senatit.
Zyrtarët e FBI-së shkuan të mërkurën në shtëpinë e senatorit Burr në Uashington me një urdhër gjykate për t’i marrë telefonin, duke shënuar një përshkallëzim të rëndësishëm në hetimin e Departamentit të Drejtësisë mbi atë nëse senatori Burr shkeli ligjin me shitjen e aksioneve pak kohë para rënies së bursës. Departamenti i Drejtësisë nuk pranoi të komentonte për këtë zhvillim. Avokati i tij nuk iu përgjigj mesazheve në telefon dhe atyre me postë elektronike, por ai kishte thënë muajin e kaluar se ligji është i qartë se “çdo senator mund të marrë pjesë në shitblerjen e aksioneve bazuar në informacionin publik, siç bëri senatori Burr”.
Të dhënat e senatit tregojnë se senatori Burr dhe bashkëshortja e tij shitën nga 628.000 dollarë deri në 1.72 milion dollarë aksione përmes 33 transaksioneve të veçanta në fund të janarit dhe në mes të shkurtit, pak para se të fillonte rënia e bursës, kur zyrtarët qeveritarë të shëndetësisë filluan të lëshonin paralajmërime të rrepta për efektet e virusit.
Një ditë para se senatori Burr t’i shiste aksionet më 13 shkurt, Dow Jones u mbyll me një rekord të lartë 29.551.42. Më 20 shkurt, çmimet e aksioneve filluan të shënonin rënie nga shqetësimi se pandemia e koronavirusit do të dobësonte rëndë ekonominë globale.
Tregjet e aksioneve ranë pasi senatori Burr mori pjesë në një seancë informimi për koronavirusin si kryetar i Komisioni të Senatit për Zbulimin. Gazeta Washington Post raportoi se senatori Burr kishte qasje në raportet sekrete të agjencive të zbulimit që paralajmëruan për pasoja katastrofike nga pandemia.
ProPublica raportoi javën e kaluar se kunati i senatorit Burr, Gerald Fauth, i cili u emërua në Bordin Kombëtar të Ndërmjetësimit nga Presidenti Donald Trump, gjithashtu shiti aksione më 13 shkurt me vlerë mes 97,000 dhe 280,000 dollarë.
Senatori Burr ka thënë se ai nuk ka vepruar në bazë të informacionit që ka marrë si senator. Avokatja e tij, Alice Fisher, tha se klienti i saj “mori pjesë në tregun e aksioneve bazuar në informacionin publik dhe ai nuk e koordinoi vendimin e tij për shitblerjen e aksioneve më 13 shkurt me zotin Fauth“.
Ligji federal për shitblerjen e aksioneve, i quajtur STOCK Akt (Akti i Bursës) u ndalon ligjvënësve të veprojnë në informacione jopublike që marrin si zyrtarë publik që personalisht të përfitojnë nga transaksionet e aksioneve.
Presidenti i atëhershëm Barack Obama e nënshkroi atë në ligj në vitin 2012, pasi Senati e miratoi me një votim 93-3.
Senatori Burr ishte në mesin e tre senatorëve që votuan kundër masës.
Shteteve të Bashkuara u mungon një plan gjithëpërfshirës për t’iu përgjigjur koronavirusit, paralajmëroi ligjvënësit të enjten një zyrtar shëndetësor amerikan.
Dr. Rick Bright, një imunolog për Departamentin e Shëndetit dhe Shërbimeve Njerëzore (HHS), lëshoi paralajmërimin në dëshminë e tij para një komisioni të Kongresit. Ai pretendon në një ankesë ligjore se ishte larguar nga pozicioni i tij për shkak se i dha përparësi shkencës në përgjigjen e qeverisë për koronavirusin.
Bright i tha një komisioni të Dhomës së Përfaqësuesve se Shtetet e Bashkuara nuk kanë shumë kohë për t’iu përgjigjur siç duhet pandemisë, dhe paralajmëroi se një riaktivizim i virusit në vjeshtë mund të rezultojë që viti 2020 të bëhet “dimri më i errët në historinë moderne”.
Deri pasditen e së enjtes, sipas shifrave të Universitetit Johns Hopkins, pandemia ka shkaktuar më shumë se 85 000 viktima në Shtetet e Bashkuara.
Presidenti Donald Trump kritikoi zotin Bright përpara dëshmisë së tij, duke shkruar në Twitter të enjten në mëngjes, “Ai është një punonjës i pakënaqur, që nuk pëlqehet apo respektohet nga njerëzit me të cilët fola dhe i cili, me qëndrimin e tij, nuk duhet të punojë më për qeverinë tonë!”
Deri muajin e kaluar, Richard Bright ishte drejtori i Autoritetit të Kërkimit dhe Zhvillimit të Avancuar Biomjekësor (BARDA), një agjenci amerikane përgjegjëse për zhvillimin e vaksinave.
‘Politizimi i përgjigjes’
Në një deklaratë, Departamentin e Shëndetit dhe Shërbimeve Njerëzore tha se Bright po vazhdonte të merrte rrogë “ndërsa përdori lejen e tij mjekësore të financuar nga tatimpaguesit për të punuar me avokatët partiakë të cilët po e politizojnë përgjigjen ndaj COVID-19.”
Por demokratët e Dhomës së Përfaqësuesve thanë se shqetësimet e zotit Bright ofruan një pamje kritike të përgjigjes së qeverisë amerikane ndaj pandemisë.
“Dr. Bright ka paraqitur një nga ankesat më specifike dhe shqetësuese që kam parë ndonjëherë. Ai ishte personi i duhur, gjykimi i duhur në kohën e duhur. Ai jo vetëm që u injorua, ai u pushua nga puna pasi kishte të drejtë, “tha ligjvënësja Anna Eshoo, kryetare e nënkomisionit të shëndetësisë të Dhomës së Përfaqësuesve për Energjinë dhe Tregtinë, i cili dëgjoi dëshminë e tij të enjten.
Bright tha që ai filloi të paralajmëronte drejtuesit e Departamentit të Shëndetit dhe Shërbimeve Njerëzore në janar në lidhje me një “mungesë kritike” të pajisjeve mbrojtëse që punonjësit e kujdesit shëndetësor në Shtetet e Bashkuara do të kishin nevojë për të trajtuar në mënyrë të sigurt dhe efektive pacientët me COVID-19.
“Unë shtyva Departamentin të rritej prodhimi amerikan i maskave, respiratorëve dhe furnizimeve të tjera kritike, të tilla si ilaçet, shiringat dhe tamponët. Përsëri, urgjenca ime u injorua dhe unë u mënjanova nga takimet kryesore të nivelit të lartë për betejën ndaj COVID-19”, tha Bright në deklaratën e tij.
Ai tha se ishte pritur me armiqësi nga drejtuesit e Departamentit të Shëndetit, dhe se zyrtarët vazhdimisht injoruan në mënyrë të vazhdueshme qasjen nga të paktën një prodhues maskash që thoshte se kishte linja prodhimi të maskave në masë, të cilat mund të riaktivizoheshin me ndihmën e qeverisë.
Paralajmërimi për mungesa
Michael Bowen, zëvendës president ekzekutiv i kompanisë Prestige Ameritech, konfirmoi se ai kontaktoi zotin Bright në lidhje me gatishmërinë e kompanisë së tij për të prodhuar maska, dhe tha në deklaratën e tij para komisionit se ai kishte paralajmëruar për mungesat e maskave në Shtetet e Bashkuara për 13 vjet.
Prestige Ameritech
Bowen tha se Departamenti i Shëndetësisë, Departamenti i Mbrojtjes, Departamenti i Çështjeve të Veteranëve dhe Qendrapër Kontrollin dhe Parandalimin e Sëmundjeve” mund të kishin punuar së bashku për të siguruar furnizimin me maskë të Amerikës”.
Bright sugjeroi që qeveria të ndërmarrë disa hapa tani, duke përfshirë edukimin e publikut mbi masa të tilla si larja e duarve, distancimi social dhe përdorimi i duhur i maskave. Ai gjithashtu rekomandoi rritjen e prodhimit të pajisjeve dhe furnizimeve thelbësore, duke pasur një sistem për t’i ndarë ato në mënyrë të drejtë në të gjithë vendin, dhe hartimin e një strategjie kombëtare të testimit.
Republikanët e Dhomës së Përfaqësuesve vunë në dyshim qëndrimin e matur të Dr. Bright ndaj hidroksilklorinës, ilaçi kundër malaries që Presidenti Trump e ka rekomanduar si një trajtim të mundshëm për koronavirusin.
Liri nga rregullat federale
“Mjekët në të gjithë vendin do të përdorin ilaçe pa etiketa në kushtet kur nuk kanë ose nuk shohin një alternative të vlefshme,” tha ligjvënësi republikan Larry Bucshon, një ish-kirurg. “Në këtë situatë, unë mendoj se pak mirëkuptim dhe mënyra e duhur nga qeveria federale është e pritshme.”
Bright u tha ligjvënësve se kishte shqetësime se ilaçi mund të shkaktojë tek pacientët rrahje të çrregullta të zemrës ose madje të shkaktojnë vdekje, duke sugjeruar se më shumë studime në kushte të kontrolluara janë të nevojshme para se të përdoret ky ilaç për të trajtuar COVID-19. zëri i amerikës
Ambasadori amerikan në Berlin Richard Grenell akuzoi Gjermaninë se po e minon rolin frenues bërthamor të NATO-s.
Komentet e tij drejtoheshin ndaj partnerëve të rinj në koalicionin e Kancelares Angela Merkel, pas thirrjeve të disa prej tyre për çarmatim bërthamor.
Rolf Muetzenich, udhëheqës i grupit parlamentar të Social Demokratëve (SPD), bëri thirrje në fillim të këtij muaji për tërheqjen e të gjitha armëve bërthamore amerikane nga Gjermania, një pikëpamje që e ka përçarë partinë e tij me prirje të majta dhe që nuk përkrahet nga konservatorët e zonjës Merkel.
Në një shkrim për gazetën gjermane Die Welt, Ambasadori Grenell shkruante: “Në vend që të minohet solidariteti, i cili përbën bazën e frenimit bërthamor të NATO-s, është koha që Gjermania të përmbushë angazhimet e saj ndaj aleatëve dhe të investojë pa ndërprerë në pjesëmarrjen bërthamore brenda NATO-s”.
“Udhëheqja politike e Gjermanisë, veçanërisht ajo e SPD-së, tani duhet që ta bëjë të qartë se republika federale po i respekton këto angazhime dhe se po qëndron përkrah aleatëve të saj,” shtoi Ambasadori Grenell, i cili është gjithashtu drejtor në detyrë i Inteligjencës Kombëtare të Presidentit Donald Trump.
Komentet e tij shënojnë një tjetër moment të sikletshëm në marrëdhëniet midis Berlinit dhe Uashingtonit që janë tensionuar shpesh gjatë presidencës Trump. Presidenti i ka bërë presion Gjermanisë për të rritur shpenzimet e mbrojtjes dhe e ka akuzuar Berlinin si “të kapur” nga Rusia për shkak të varësisë energjitike nga Moska.
Por komentet e zotit Grenell vijnë gjithashtu një ditë pasi Kancelarja Merkel foli për “prova të forta” se Rusia qëndron prapa një sulmi kibernetik ndaj zyrës së saj në Bundestag në vitin 2015, për të cilin ajo u shpreh se “i ka dhembur shumë”.
Zoti Grenell tha: “Rreziqet që kërcënojnë paqen në Evropë nuk janë një ‘anakronizëm’, siç duan të na mbushin mendjen disa njerëz”.
“Ndërhyrja ruse në Ukrainë, dislokimi nga Rusia në periferi të Evropës i raketave të reja, të afta të mbajnë mbushje bërthamore, si dhe aftësitë e reja të Kinës, Koresë së Veriut dhe vendeve të tjera, e bëjnë të qartë se kërcënimi është shumë real”, shkruante ai.
Në marrëveshjen e koalicionit midis konservatorëve të zonjës Merkel dhe SPD-së përmenden bisedimet e suksesshme për çarmatimin, si parakusht për tërheqjen e armëve bërthamore taktike të stacionuara në Gjermani dhe në Evropë.
Por, debati mbi armët bërthamore mori shkas nga njoftimet muajin e kaluar se Ministria gjermane e Mbrojtjes dëshironte të blinte 45 avionë luftarakë F-18
nga kompania amerikane Boeing për të zëvendësuar avionët e vjetëruar Tornado dhe se kjo ministri synonte të merrte përsipër detyrën e ushtrisë gjermane për të ashtuquajturën ndarje e barrës bërthamore, sipas të cilës avionët e rinj do të bartnin bomba bërthamore amerikane në rast krize.
Nëse Gjermania nuk i ble avionët e rinj, ndarja e barrës bërthamore do të merrte fund dhe avionët Tornado do të nxirreshin jashtë përdorimit në vitin 2030. zëri i amerikës
Si rezultat i frikës nga koronavirusi, Partia Demokrate është shumë pranë marrjes së vendimit për mbajtjen virtualisht të konventës në muajin gusht për emërimin e ish-Nënpresidentit Joe Biden si kandidat për president në zgjedhjet presidenciale të nëntorit, në vend të ngjarjes tradiconale madhështore.
Komisioni për rregullat dhe aktet nënligjore i Partisë Demokrate u pajtua të martën për t’u dhënë organizatorëve të konventës një hapësirë të gjerë për hartimin e planeve për mbajtjen e konventës së planifikuar të fillojë me 17 gusht në qytetin e Miluakit.
Zakonisht, konventat për emërimin e kandidatëve presidencialë nga të dyja partitë që mbahen një herë në katër vjet, tërheqin rreth 50 mijë njerëz në qytetet organizatore, përfshi 5 mijë delegatë dhe ndoshta 20 mijë pjestarë të medias.
Me fjalime të ashpra ndaj kandidatëve kundërshtarë, konventat për dekada me radhë kanë qënë spektakle të skenës politike amerikane me synimin për të promovuar kandidatin e një partie rreth 10 javë para fillimit të votimeve të hershme të nëntorit. Ngjarja katër ditore zakonisht kulmon me rënien e tullumbaceve të shumta në ngjyrë të kuqe, bardhë dhe blu në sallat e konventës.
Shqetësimi i demokratëve për pandeminë mund të ndryshojë në mënyrë dramatike konventën e partisë së tyre këtë vit. Por nga krahu tjetër, Presidenti Donald Trump ende po planfikon mbajtjen e një konvente tradicionale në qytetin Sharlote në Karolinën e Veriut, një javë pas demokratëve.
Krytari i Partisë Demokrate Tom Perez tha se rezoluta për planifikimin e konventës, e miratuar nga komisioni i rregullores, do të ofrojë të gjitha mjetet e nevojshme për të siguruar që çdo delegat është në gjendje të realizojë detyrimet zyrtare pa rrezikuar shëndetin, qoftë duke marrë pjesë fizikisht, ose mënyra të tjera që lejojnë distancimin fizik.
Kjo masë tani do të kalojë para komisionit të plotë kombëtar të Partisë Demokrate, për miratim me votim me postë në javët që pasojnë.
Konventa e demokratëve mund të jetë një ngjarje krejtësish virtuale me delegatë, zyrtarë partiakë, gazetarë dhe të tjerë në mbarë vendin, që lidhen me pajisje teknologjike me video si Zoom, ose në një shkallë më të vogël.
Kryetari Perez u shpreh: “Propozimi ynë kryesor është për shëndetin dhe sigurinë e popullit amerikan”, ndërsa shtoi se ende nuk është marrë vendimi përfundimat.
Zoti Biden rregullisht ka zhvilluar fushata televizive nga shtëpia e tij në shtetin Dalauer, ndërsa ka hequr dorë nga tubimet tradicionale publike gjatë pandemisë. Kështu ka vepruar edhe presidenti.
Zoti Biden tha të mërkurën se mezi pret të ngjitet në skenë përballë kundërshtarit të tij, Presidentit Trump, në një fushatë tradicionale debatesh ballë për ballë në muajt para zgjedhjeve të tre nëntorit.
“Ajo që po përpiqem të bëj është të veproj në bazë të rregullave të caktuara nga guvernatorët dhe të tjerët. Që të mos dal jashtë dhe të respektojmë distancimin fizik. Por, mezi po pres momentin kur gjërat fillojnë të zbuten, që të jem në gjendje të dal jashtë të bëj fushatë dhe të zhvillojmë mitingje”, u shpreh zoti Biden.
“Shpresoj të shkoj në Miluaki. Shpresoj të kemi një konventë tradicionale. Por ne duhet të respektojmë shkencën.”
Kryetarja e Komitetit Kombëtar Republikan Ronna McDaniel e ka lënë hapur mundësinë e ndryshimeve për konventën republikane. Por Presidenti Trump shpesh shpreh dëshirën për një konventë tradicionale të mbushur me brohoritje të delegatëve dhe fjalime që sulmojnë demokratët.
“Presidenti dëshiron që të shkohet përpara dhe ne jemi të gatshëm për një konventë me pjesmarrës në Sharlote (Charlotte)”, tha zonja McDaniel.
Demokratët thonë se nuk dihet mbi rreziqet që do të paraqesë koronavirusi në muajin gusht. Zoti Perez tha se Presidenti Trump dhe zonja McDaniel e kanë minimizuar kërcënimin nga koronavirusi, madje ndërsa ata i kanë kërkuar ndihmë qeverisë federale për sigurimin e pajisjeve mbrojtëse personale për delegatët pjesmarrës në konventën republikane.
Zoti Perez tha se demokratët nuk do të shpërfillin kërcënimin shëndetësor të një konvente masive me pjesmarrës, por gjithashtu nuk kanë përjashtuar mundësinë që të kërkojnë nga qeveria pajisje të mbrojtjes personale për pjesmarrësit në konventë.
“Ndryshe nga homologët tanë republikanë, ne nuk do të rrezikojmë shëndetin e pjesmarrësve”, u shpreh zoti Perez.
Kryetarja e Dhomës së Përfaqësuesve, demokratja Nancy Pelosi ka sugjeruar që konventa të zhvendoset nga Miluaki por gjithsesi të zhvillohet në Uiskonsin. Ajo mendon që konventa të zhvillohet në ambjentet jashtë, në një stadium gjigand futbolli, me distancë të përshtatshme fizike mes delegatëve duke kufizuar madhësinë e turmës.
Dy objekte të tilla gjenden në Uiskonsin. Njëri është stadiumi Camp Randall në kryeqytetin Madison dhe stadiumi i ekipit Packers në Green Bay.
“Sugjerimi im për zotin Perez ishte gjetja e një stadiumi gjigand dhe vëndosja e njerëzve në një distancë prej dy metrash. Në vend që kemi 80 mijë njerëz do të kemi 16 mijë dhe konventa të zhvillohet brenda një dite”, tha zonja Pelosi javën e shkuar.
Zonja Pelosi tha se kishte besim se zoti Perez do të marrë vendimin e duhur bazuar tek shëndeti dhe shkenca, por edhe me mundësinë për të bërë diçka të re.
Godina e Gjykatës së Lartë të Shteteve të Bashkuara
Refuzimi për një kohë të gjatë i Presidentit Donald Trump për të bërë publike të dhënat e tij të taksave mbërriti të martën para Gjykatës së Lartë të Shteteve të Bashkuara, ku gjyqtarët do të shqyrtojnë nëse Kongresi dhe prokurorët lokalë kanë autoritetin të hetojnë një president në detyrë.
Gjyqtarët dëgjuan argumentat verbale për dy procese të profilit të lartë gjatë të cilëve janë dërguar fletëporosi për taksat e Presidentit Trump dhe të dhëna të tjera financiare të kërkuara nga tre komisione të Dhomës së Përfaqësuesve dhe nga prokurori i lartë i qytetit të New York-ut drejtuar firmës së kontabilitetit të Presidentit Trump dhe bankave.
Presidenti Trump, i cili ka shmangur publikimin e taksave të tij, u përpoq të ndalë dorëzimin e dokumentave nga këto institucione financiare tek hetuesit, por gjykatat federale në Nju Jork dhe Uashington vendosën kundër tij vitin e kaluar, duke bërë që avokatët e Presidentit Trump të apelojnë vendimet në Gjykatën e Lartë.
Tre panele të Dhomës së Përfaqësuesve janë duke hetuar Presidentin Trump dhe bizneset e tij për gati një vit. Ata thonë se kanë nevojë për informacionin si pjesë e punës së tyre. Prokurori i Manhatanit, Cyrus Vance Jr., i kërkon të dhënat si pjesë e hetimit të një jurie të madhe për pagesat e parave të dhëna nga ish-ndërmjetësi i Presidentit Trump në këmbim të heshtjes së dy grave gjatë zgjedhjeve të 2016-ës.
Kjo është hera e tretë në afro 50 vjet që Gjykata e Lartë shqyrton nëse një president në detyrë duhet të përmbushë një kërkesë ligjore për paraqitje dokumentash.
Në dy rastet e mëparshme – Shtetet e Bashkuara kundër Nixon në vitin 1973, dhe Clinton kundër Jones në vitin 1997 – gjykata vendosi unanimisht kundër presidentëve Richard Nixon dhe Bill Clinton, përkatësisht.
Por Gjykata e Lartë ka marrë një kthesë ideologjike në të djathtë pasi Presidenti Trump emëroi gjykatës konservatorë, duke rritur mundësinë e një vendimi të ndarë, siç është vënë re në një varg fitoresh që gjykata i ka dhënë presidentit.
“Përshtypja ime është se shumica e gjyqtarëve u shqetësuan nga gjerësia e subjektit të fletëthirrjeve të lëshuara nga Kongresi,” tha Saikrishna Prakash, një profesore e drejtësisë në Universitetin e Virxhinias.
Gjyqtarët nuk dhanë shumë tregues se si do të vendosin, duke reflektuar nevojën për të balancuar interesat konkurruese midis degëve të ndryshme të qeverisjes.
Pyetjet e gjyqtarëve, megjithatë, ngjallën spekulime në mesin e disa vëzhguesve të gjykatës se në vend që të vendosin pro ose kundër Presidentit Trump, gjykata do të bëjë më të rrepta standardet për fletëporositë që kanë lidhje me presidentin dhe do të dërgojë njërën ose të dyja çështjet përsëri në gjykatat më të ulëta.
Paraqitja mbi tre orë e argumentave në çështjen e parafundit të termit aktual të gjykatës u zhvillua nëpërmjet tele-konferencës dhe u transmetua drejtpërsëdrejti në internet, për shkak se gjyqtarët dhe avokatët qëndrojnë të mbyllur në shtëpi gjatë pandemisë së koronavirusit.
Një vendim për çështjet pritet të merret gjatë javëve të ardhshme, ndërkohë që si Presidenti Trump, ashtu edhe i nominuari i supozuar demokrat, ish-Nënpresidenti Joe Biden, po përgatiten për konventat e partive përpara zgjedhjeve presidenciale të nëntorit.
Vendimi i gjykatës sjell pasoja të konsiderueshme për ndarjen e pushteteve. Në një mjedis të polarizuar politik, në varësi të rezultatit, vendimi mund të forcojë institucionin e presidencës ose Kongresin.
“Nëse vendosin në favor të presidentit, për të dyja çështjet, atëherë do të bëhet më e vështirë për njerëzit të hetojnë presidentin“, tha profesorja Prakash.
Ndërsa ishin të ngjashëm në shtrirje, dy çështjet prekin pikëpyetje të ndryshme kushtetuese.
Ndarja e pushteteve
Rasti i parë, që përfshin fletëporositë e Dhomës së Përfaqësuesve drejtuar firmës globale të kontabilitetit Mazars USA, bankës Capital One dhe Deutsche Bank të Gjermanisë, vërtitet rreth çështjes së ndarjes së pushteteve dhe fuqisë së kongresit për të hetuar një president.
Duke pohuar se fletëthirrjet e Dhomës nuk shërbyen asnjë qëllim thelbësor legjislativ, avokati i Presidentit Trump, Patrick Strawbridge, tha se hetuesve të kongresit nuk duhet t’u jepet një “çek i bardhë” për të hetuar presidentin.
Neil Gorsuch
Gjykatësi Neil Gorsuch, i emëruar nga Presidenti Trump, e pyeti avokatin e presidentit se përse kërkesa e Dhomës së Përfaqësuesve nuk mbështetet nga një qëllim legjitim legjislativ.
Zoti Strawbridge u përgjigj pjesërisht duke argumentuar se Dhoma e Përfaqësuesve nuk ka shpjeguar se si dokumentet e kërkuara, që janë nga mbi një dekadë më parë, kanë “ndonjë lidhje me ndonjë qëllim që në të vërtetë do të ishte legjislacioni i lejueshëm”.
Douglas Letter, këshilltari kryesor juridik i Dhomës së Përfaqësuesve, tha se ekziston një historik i gjatë i presidentëve amerikanë, që nga koha e George Washington, që u janë përgjigjur kërkesave të Kongresit për informacion. Ai argumentoi se Kongresi mund t’i kërkojë informacion presidentit në lidhje me çdo lloj legjislacioni, por u vështirësua kur u pyet për kufijtë e kompetencave të marrjes në pyetje.
Imuniteti presidencial
Rasti i dytë – një fletëporosi për taksat e Presidentit Trump dhe të dhënat e biznesit, të kërkuara nga një juri e madhe e Nju Jorkut – ka të bëjë me imunitetin presidencial nga ndjekja penale dhe nëse prokurorët lokalë mund të hetojnë një president në detyrë.
Jay Sekulow, një tjetër avokat i Presidentit Trump, argumentoi se presidenti gëzon “imunitet të përkohshëm kushtetues” nga ndjekja penale gjatë kohës që është në detyrë dhe se prokurori i Nju Jorkut nuk ka asnjë autoritet për të lëshuar fletëporosi për Presidentin Trump.
Nëse fletëthirrjet lejohen, tha ai, kjo do t’i mundësojë çdonjërit prej 2300 prokurorëve të distrikteve në të gjithë vendin “të ngacmojnë, shpërqëndrojnë dhe ndërhyjnë tek presidentin në detyrë”.
Carey Dunne, këshilltar ligjor për prokurorin e distriktit Manhattan, u kundërpërgjigj se presidentët, ndërsa janë të imunizuar nga ndjekja penale, nuk janë të justifikuar për të mos iu përgjigjur një fletëporosie. Përveç kësaj, tha zoti Dunne, informacionet që zyra e tij po kërkon, datojnë përpara marrjes së mandatit presidencial nga zoti Trump dhe se nuk mbrohen nga privilegji ekzekutiv.
“Ekziston rreziku që presidentët amerikanë dhe palët e treta, pa dashje, mund të dalin mbi ligjin“, tha zoti Dunne.
Nënpresidenti amerikan, Mike Pence është distancuar nga Presidenti Trump si masë sigurie, konfirmoi Shtëpia e Bardhë.
“Nënpresidenti ka bërë zgjedhjen që të distancohet për disa ditë,” pasi sekretarja e tij për shtypin, Katie Miller u diagnostikua me koronavirus të premten, pohoi të martën për gazetarët Kayleigh McEnany, zëdhënësja e Shtëpisë së Bardhë.
Nënpresidenti Pence mungonte të hënën në konferencën për shtyp të Shtëpisë së Bardhë, ku mori pjesë si zakonisht Presidenti Trump. Presidenti e shfrytëzoi konferencën e së hënës për të promovuar përpjekjet e administratës për testimin e popullatës për koronavirus.
Gjatë konferencës së të martës, zëdhënësja McEnany pohoi për gazetarët se brenda kësaj jave numri i amerikanëve që kanë bërë analizën e koronavirusit do të arrijë në 10 milionë vetë. Ajo shtoi se SHBA kanë arritur ritme më të mira se Koreja e Jugut për testimet.
Nga numri i viktimave, 29 shtete amerikane kanë konfirmuar numra më të lartë se Koreja e Jugut.
Koreja e Jugut ka 52 milionë banorë dhe ka regjistruar më pak se 300 vdekje.
Shtetet e Bashkuara me 328 milionë banorë kanë mbi 81 mijë viktima – numri më i lartë të vdekurve nga çdo vend tjetër në botë. zëri i amerikës
Dr. Anthony Fauci, eksperti kryesor i sëmundjeve infektive në Shtetet e Bashkuara tha të martën se numri i vdekjeve të shkaktuara nga koronavirusi në Shtetet e Bashkuara është “pothuajse me siguri më i lartë” sesa shifra e raportuar prej 80,000 viktimash dhe paralajmëroi për pasoja të rënda nëse qytete dhe shtetet rihapen shumë shpejt.
Ai i tha një paneli të Senatit që po heton reagimin e Shteteve të Bashkuara ndaj pandemisë se një numër i pa llogaritur i viktimave të koronavirusit, veçanërisht në qytetin e Nju Jorkut, kanë vdekur në shtëpi pa u përfshirë zyrtarisht në numrin total të vdekjeve në nivel kombëtar, por nuk pranoi të spekulonte se deri ku mund të ketë arritur kjo shifër.
Dr. Fauci paralajmëroi se është “tërësisht e mundur” që pandemia “të mund të përkeqësohet” në Shtetet e Bashkuara në muajt e vjeshtës nga shtatori deri në nëntor, por tha se shpresonte që deri në atë kohë vendi do të “mund të merrej me të” më mirë se deri tani.
Presidenti Donald Trump ka nxitur bizneset dhe guvernatorët e shteteve që të rihapin ekonominë më të madhe në botë dhe të gjithë guvernatorët, me disa përjashtime, kanë lëshuar ditët e fundit urdhra për rihapjen e disa dyqaneve, restoranteve dhe zyrave me kusht që ato të ndërmarrin masa për të plotësuar disa kushte paraprake.
Por Dr. Fauci, në dëshminë nga shtëpia e tij në periferi të Uashingtonit, tha se “ekziston një rrezik real se mund të ballafaqohemi me një shpërthim të parandalueshëm” nëse udhëzimet e qeverisë, që bëjnë thirrje për një rënie të qëndrueshme të numrit të rasteve për një periudhë dy javore, injorohen para se të ketë një rikthim në jetën normale në Shtetet e Bashkuara.
“Pasojat mund të jenë të rënda,” tha ai.
Provat klinike për vaksinën kundër Covid-19
Dr. Fauci tha se tetë vaksina kundër koronavirusit po zhvillohen në Shtetet e Bashkuara.
“Nëse jemi të suksesshëm,” tha ai, “shpresojmë ta mësojmë (rezultatin e tyre) në fund të vjeshtës, ose në fillim të dimrit.”
Por ai tha se kjo është akoma e largët për miliona studentë dhe nxënës që do të ktheheshin në universitete dhe shkolla në të gjithë vendin në gusht dhe shtator.
Presidenti Trump ka thënë se ka patur një rritje të madhe të testimeve për koronavirusin në Shtetet e Bashkuara, më shumë se në çdo vend tjetër, megjithëse disa raporte thonë se Shtetet e Bashkuara nuk radhiten në mesin e 20 vendeve të para për nga numri i testimeve të administruara për në raport ne popullsinë.
“Testimet tona janë më të mirat në botë!” Presidenti Trump tha në Twitter disa orë para se të fillonte seanca dëgjimore në Senat. “Shifrat (e rasteve të koronavirusit) po bien në pjesën më të madhe të vendit tonë, i cili dëshiron të hapet dhe të fillojë punën përsëri. Kjo po ndodh në mënyrë të sigurt!”
Por një kritik i shpeshtë i Presidentit Trump, senatori republikan nga Juta, Mitt Romney tha në seancë se, “Për mua, ritmet tona të testimeve nuk meritojnë për t’u festuar.”
Senatori Lamar Alexander, i cili drejtoi seancën e Senatit ndërsa vazhdon të jetë në vetëizolim në shtëpinë e tij në Tenesi, tha: “Ne kemi nevojë për testime në masë, miliona më shumë teste për t’u dhënë amerikanëve besim të mjaftueshëm për t’u rikthyer në punë dhe në shkollë.”
Admirali i Marinës, Brett Giroir, ndihmës Sekretar në Departamentin e Shëndetësisë, u tha ligjvënësve se 9 milionë teste për koronavirusin janë administruar në Shtetet e Bashkuara, nga të cilat më shumë se 1.3 milionë njerëz kanë rezultuar të infektuar.
Ai tha se 240 qendra testimi tani janë në operim në Shtetet e Bashkuara dhe se 12,9 milionë njerëz të tjerë do të testohen gjatë katër javëve të ardhshme. Zoti Giroir tha se do të ketë një rritje të dukshme të numrit të testimeve në muajt e ardhshëm, ndoshta mund të arrijë nivelin e 40 deri në 50 milionë testimeve në muaj nga shtatori.
Presidenti Trump në një postim në Twitter tha: “Mos e harroni këtë, çdo guvernator që ka mbështetje të lartë për trajtimin e çështjes së koronavirusit, gjë që më gëzon për të gjithë, në asnjë mënyrë nuk do të mund të kishte marrë këtë nivel mbështetjeje ose suksesi pa ndihmën time ose pa ndihmën e qeverisë federale. Nga aspiratorët deri te testimet, ne i bëmë të mundura këto!”
Karantinë e modifikuar
Anthony Fauci, drejtori i Institutit Kombëtar të Sëmundjeve Infektive, është në një “karantinë të modifikuar” pasi ai ishte në kontakt javën e kaluar me sekretaren e shtypit të Nënpresidentit Mike Pence, Katie Miller, e cila ka rezultuar pozitive në testimin për koronavirus.
Lamar Alexander
Tre zyrtarë të tjerë të lartë të shëndetësisë në Shtetet e Bashkuara, Stephen Hahn, komisioneri i Administratës së Ushqimit dhe Ilaçeve, Robert Redfield, drejtori i Qendrës për Kontrollin dhe Parandalimin e Sëmundjeve, Brett Giroir dëshmuan gjithashtu nga distanca përmes videokonferencës. Seanca dëgjimore u drejtua nga senatori Lamar Alexander, i cili është në vetëizolim në shtëpinë e tij në Tenesi.
Redfield tha: “Ne duhet të jemi vigjilentë. Distancimi fizik (dy metra larg njëri-tjetrit) mbetet i domosdoshëm.”
Demokratët kritikuan reagimin e Presidentit Trump ndaj Covid-19
Seanca dëgjimore para Komisionit të Senatit për Shëndetësinë, Arsimin, Punën dhe Pensionet u organizua nën titullin “COVID-19: Kthimi i sigurt në punë dhe në shkolla”. Por pakica demokrate në panelin e udhëhequr nga republikanët e shfrytëzoi atë si mundësi për të sulmuar dështimin e administratës së Presidentit Trump për t’u marrë me shpejtësi dhe në mënyrë të duhur me përhapjen e sëmundjes ndërsa ajo po avanconte nga Kina në fillim të këtij viti.
Senatorja Patty Murray, një demokrate nga shteti perëndimor i Uashingtonit, tha: “Presidenti Trump është përpjekur të injorojë faktet dhe ekspertët”.
Në një moment në fillim të këtij viti, Presidenti Trump siguroi amerikanët se sëmundja së shpejti do të zhdukej. Tani, më shumë se 80,000 vdekje nga COVID-19 janë regjistruar zyrtarisht në Shtetet e Bashkuara dhe ekspertë të shëndetësisë në Universitetin e Uashingtonit po parashikojnë se më shumë se 137,000 amerikanë do të vdesin nga kjo sëmundje deri në muajin gusht.
Dr. Fauci është shfaqur shpesh në konferencat e shtypit të Shtëpisë së Bardhë për koronavirusin së bashku me Presidentin Trump, ku ai në disa raste është vënë në pozitë të vështirë sepse parashikimet e tij binin në kundërshtim me parashikimet pozitive të Presidentit se pandemia ishte nën kontroll në Shtetet e Bashkuara dhe se vendi mund të rifillonte jetën normale, duke rihapur dyqanet, restorantet dhe bizneset.
Një grup dypartiak me rreth 2,000 ish-zyrtarë të Departamentit të Drejtësisë kanë nënshkruar një letër ku bëjnë thirrje që Prokurori i Përgjithshëm William Barr të japë dorëheqjen për shkak të asaj që e cilësojnë si ndërhyrje e tij në rastin e ish-këshilltarit të Presidentit Donald Trump për Sigurinë Kombëtare, Michael Flynn.
Javën e kaluar Departamenti i Drejtësisë u vu në lëvizje duke hedhur poshtë akuzat ndaj zotit Flynn, i cili ishte deklaruar fajëtor se kishte gënjyer FBI lidhur me komunikimet e tij me ambasadorin rus në Shtetet e Bashkuara.
Në letrën e tyre, ish-punonjësit e Departamentit të Drejtësisë thonë se veprimet ishin ndërmarrë “falë një dosjeje të nënshkruar nga një i emëruar i vetëm politik (Barr) dhe nga asnjë prokuror i karrierës”.
Letra e quan vendimin e departamentit “jashtëzakonisht të rrallë, madje të pashembullt” duke shtuar se “veprimet e përsëritura të zotit Barr për të përdorur Departamentin si një mjet për të avancuar interesat personale e politike të Presidentit Trump, kanë minuar çdo pretendim rreth ligjshmërisë së vendimeve të Departamentit dhe nëse gjykatat duhet t’i ndjekin apo jo ato çështje“.
Duke e ditur se është shumë e pamundur që zoti Barr të dorëhiqet, nënshkruesit e letrës i kanë bërë thirrje gjykatësit të çështjen Flynn që “të shqyrtojë nga afër arsyetimin e Departamentit të Drejtësisë për hedhjen poshtë të akuzave duke e hedhur masën e tij e duke vazhdojë me procesin për dënimin e zotit Flynn”.
Në një intervistë dhënë transmetuesit televiziv amerikan CBS javën e kaluar, zoti Barr mohoi se kishte vepruar për interes të Presidentit duke shtuar se e kishte bazuar vendimin tek rekomandimi i një prokurori që e kishte shqyrtuar çështjen. zëri i amerikës
Sistemi në Shtëpinë e Bardhë po funksionon dhe “ne e kemi kontrolluar atë shumë mirë”, u tha Presidenti Trump gazetarëve të hënën kur u pyet për dy persona të afërt me të apo Nënpresidentin Mike Pence që rezultuan pozitivë për koronavirusin.
“Unë nuk kam ndjerë dobësi të sistemit”, tha Trump pasi një prej ndihmësve të tij personal dhe sekretarja e shtypit për nënpresidentin rezultuan të prekur nga COVID-19.
Disa anëtarë të grupit të punës, Drejtori i Institutit Kombëtar të Alergjive dhe Sëmundjeve Infektive Dr. Anthony Fauci, Drejtori i Qendrës për Kontrollin dhe Parandalimin e Sëmundjeve Dr. Robert Redfield, dhe Komisioneri i Administrimit të Ushqimit dhe Barnave Dr. Stephen Hahnhave janë duke u izoluar pas ekspozimit ndaj një zyrtar që ka testuar pozitiv për COVID-19.
Pati dëshmi të një serioziteti të shtuar në lidhje me virusin brenda Shtëpisë së Bardhë të hënën.
Gjatë një video-konference me guvernatorët, Pence dhe një anëtare e grupit të punës për koronavirusin, Dr. Deborah Birx, u ulën në dhoma të ndara. Gjatë konferencës zoti Pence iu referua faktit që disa punonjës të Shtëpisë së Bardhë testuan pozitivë për COVID-19.
Disa ndihmës të Shtëpisë së Bardhë, të cilët nuk ishin parë më parë të vinin maska, u panë me maska në fytyrë të hënën.
Një direktivë e lëshuar të hënën për stafin e Shtëpisë së Bardhë udhëzon që të gjithë të veshin maska në çdo kohë kur ndodhen në ndërtesë, përveçse kur ulen në tavolinat e tyre, konfirmoi një zyrtar i lartë i administratës për Zërit të Amerikës.
Kur presidenti u pyet të hënën nga një gazetar përse nuk ka nevojë që ai të verë maskë, Trump u përgjigj: “Unë nuk jam afër askujt”.
Një numër i stafit të Shtëpisë së Bardhë gjithashtu po i nënshtrohen gjithashtu testimit të përditshëm për koronavirus.
Që nga e hëna e kaluar, anëtarët e grupit të caktuar të gazetarëve që marrin pjesë në konferencë, kanë mbajtur maska në konferencë dhe gjatë mbulimit të ngjarjeve të tjera me presidentin Trump.
Që nga e premtja, ata që hyjnë në kompleksin e Shtëpisë së Bardhë janë pyetur para se të kontrollohen për temperaturën nëse kanë përjetuar ndonjë simptomë gjatë 48 orëve të fundit.
Testet për COVID-19 u janë bërë gazetarëve që udhëtojnë me presidentin ose nënpresidentin një ditë para udhëtimeve të tilla.
Testet për Koronavirusin
Presidenti të hënën deklaroi se kushdo në Shtetet e Bashkuara që dëshiron të bëjë një test të COVID-19 mund të bëjë atë. Ai e bëri këtë deklaratë pavarësisht njoftimeve që vijnë nga pjesë të caktuara të vendit për vështirësi në testime.
Sipas administratës Trump, 11 miliardë dollarë u dërgohen shteteve për t’i ndihmuar të vazhdojnë të rrisin aftësitë e tyre të testimit për COVID-19.
Një zyrtar i lartë i administratës tha se “Mendoj se ne jemi në një gjendje ku të gjithë kanë atë që u nevojiten”, për sa i përket komponentëve për të kryer provat.
Sipas zyrtarit, deri në fund të javës, Shtetet e Bashkuara do të kenë kryer 10 milion teste COVID-19.
Shumë shpejt, amerikanët që kthehen në punë do të jenë në gjendje të testohen çdo ditë, parashikoi presidenti.
“Ne kemi triumfuar në testime”, tha presidenti Trump të hënën, duke pretenduar se vendi po kryen më shumë teste se çdo vend tjetër.
Azilet e të moshuarve
Megjithatë, shumë nga më të rrezikuarit për marrjen e virusit, ende nuk janë testuar.
Qeveria federale po u kërkon shteteve brenda dy javëve të ardhshme, të testojnë të një milion banorët e shtëpive të azilit, pasi të moshuarit janë veçanërisht të prekshëm ndaj koronavirusit, për të cilin nuk ka vaksinë.
Rreth 80,000 njerëz në Shtetet e Bashkuara kanë vdekur nga COVID-19.
Modeli i parashikuar nga Universiteti Johns Hopkins tani po tregon se numri i vdekjeve në vend mund të tejkalojë 137,000 deri në fund të gushtit pasi shtetet të lejojnë rihapjen e bizneseve.
Më shumë se 1.3 milion njerëz në Shtetet e Bashkuara konfirmohet se janë infektuar nga virusi,shifra më e lartë nga çdo vend tjetër. zëri i amerikës
