VOAL

SHBA

Gjykata urdhëron Rudy Giulianin të dorëzojë apartamentin në Nju Jork dhe 26 orë të shtrenjta

Rudy Giuliani duhet t’u dorëzojë suvenirë sportiv dhe pasuri të tjera me vlerë që ai zotëron, dy punonjësve të zgjedhjeve në Xhorxhia, të cilat fituan një vendim gjyqësor për shpifje ndaj tij, që lidhej me zgjedhjet e vitit 2020.

Dy punonjëset, nënë e bijë, thanë se zoti Giuliani u jepte zë gënjeshtrave të Donald Trumpit mbi vjedhjen e zgjedhjeve, gjë që bëri që ato të kërcënoheshin disa herë me vdekje e që jeta e tyre të vihej në rrezik.

Zoti Giuliani pritet t’i paguajë Ruby Freeman dhe vajzës së saj, Wandrea “Shaye” Moss, një dëmshpërblim prej 148 milionë dollarësh.

Mes pasurive që duhet të dorëzojë zoti Giuliani, përfshihet apartamenti i tij në qytetin e Nju Jorkut, më shumë se 12 ora të shtrenjta dhe një makinë Benc Mercedes e vitit 1980, dikur në pronësi të yllit të kinemasë Lauren Bacall, sipas vendimit të gjykatësit të Manhatanit, Lewis Liman të martën.

Në vendim thuhej se tani për tani zoti Giuliani nuk duhet të dorëzojë tre unaza të skuadrës së bejzbollit “New York Yankees”, ose apartamentin e tij në Florida, duke vënë në dukje se ato janë të lidhura në çështje të tjera gjyqësore.

Sipas urdhrit të së martës, zoti Giuliani duhet të heqë dorë brenda shtatë ditësh nga apartamenti i tij në Manhatan, i vlerësuar më shumë se 5 milionë dollarë, si dhe nga rreth 2 milionë dollarë që ai thotë se i takojnë për shërbime të kryera gjatë fushatës presidenciale të zotit Trump në vitin 2020.

Zoti Giuliani do të dorëzojë një këmishë dhe një foto të nënshkruar, nga legjendat e bejzbollit Joe DiMaggio dhe Reggie Jackson; një foto e nënshkruar në stadiumin ‘Yankee’, një unazë diamanti; bizhuteri, 26 ora të firmave të njohuar si Rolex, Shinolas, Bulova dhe Tiffany & Co.

Njërën prej orëve zoti Giuliani tha se i ishte dhënë prej gjyshit të tij dhe kërkoi që t’i jepej mundësia që ta mbante për shkak të vlerës shpirtërore.

Por gjykatësi Liman e refuzoi kërkesën, duke thënë se ai mund ta kishte përjashtuar, nëse zoti Giuliani do të kishte vërtetuar se vlente më pak se 1000 dollarë.

“Gjykata nuk ka dyshim se disa nga sendet mund të kenë vlerë sentimentale për të pandehurin”, shtoi gjyqtari. “Por kjo nuk i jep të drejtë atij të vazhdojë t’i gëzojë ato ndërkohë që u detyrohet paditësve, rreth 150 milionë dollarë. Askush nuk duhet të lejohet të jetojë në luks dhe në borxhe, në të njëjtën kohë “, tha ai.

Zoti Giuliani i kishte kërkuar gjykatësit në Manhatan që zonja Freeman dhe zonja Moss të mos i shisnin sendet me vlerë dhe pasuritë e tij, deri sa të përfundonte një proces apelimi që ai i kishte bërë vendimit. Por zoti Liman e hodhi poshtë këtë kërkesë, duke thënë se zoti Giuliani mund t’ia kishte kërkuar këtë gjë gjykatës federale në Uashington, ku nënë e bijë fituan çështjen, gjë që ai nuk e kishte bërë.

Deri të martën, zoti Giuliani nuk e kishte paguar asgjë zonjës Freeman dhe zonjës Moss.

“Ne jemi krenarë që tashmë klientet tona do të fillojnë të marrin një pjesë të kompensimit që u takon për veprimet e Giulianit“, tha në një deklaratë Aaron Nathan, avokat i zonjës Freeman dhe zonjës Moss.

“Ky rezultat duhet të dërgojë një mesazh të fuqishëm se ka një çmim për të paguar për ata që zgjedhin të përhapin qëllimisht dezinformata”.

Pas vendimit të gjykatës për të paguar 148 milionë dollarë, zoti Giuliani bëri kërkesë për të shpallur falimentimin, gjë që bllokoi përpjekjet e zonjës Freeman dhe zonjës Moss për të marrë dëmshpërblimin.

Por në korrik një gjykatës e hodhi poshtë çështjen, duke përmendur “sjelljet e përsëritura jobashkëpunuese” të zotit Giuliani, përfshirë dështimin për të respektuar urdhrat e gjykatës, si dhe për të bërë publike burimin e të ardhurave.

Sondazhi i ri i Reuters: Harrisi kryeson për tri pikë në raport me Trumpin

Kandidatja demokrate për presidente, Kamala Harris po vazhdon të ketë avantazh prej tri pikësh në raport me kandidatin republikan, Donald Trump, sipas sondazhit më të ri të Reuters/Ipsos.

Sondazhi i publikuar të martën thotë se Harris ka marrë mbështetje prej 46% në mesin e votuesve të mundshëm, teksa Trumpi ka marrë 43%.

Kryesimi i Harrisit në sondazhin gjashtë-ditor, i cili u mbyll të hënën, ndryshon pak nga avantazhi i saj prej 45% me 42% ndaj Trumpit në një sondazh të Reuters/Ipsos të kryer një javë më parë, duke përforcuar pikëpamjen se gara është jashtëzakonisht e ngushtë kur kanë mbetur vetëm dy javë të plota deri në ditën e zgjedhjeve.

Sondazhi i ri tregon se votuesit kanë një pikëpamje të zbehtë për gjendjen e ekonomisë dhe emigracionit, dhe ata në përgjithësi favorizojnë qasjen e Trumpit për këto çështje.

Rreth 70% e votuesve të regjistruar në sondazh thanë se kostoja e tyre e jetesës është në rrugën e gabuar, 60% thanë se ekonomia po shkon në drejtimin e gabuar, dhe 65% thanë të njëjtën gjë për politikën e imigracionit.

Votuesit thanë gjithashtu se ekonomia dhe imigracioni, së bashku me kërcënimet ndaj demokracisë, janë problemet më të rëndësishme të vendit. Të pyetur se cili kandidat ka qasje më të mirë për çështjet, Trumpi udhëhoqi në ekonomi me 46% duke lënë Harrisin pas me 38%. Ai po ashtu udhëhoqi për emigracionin me 48%, ndërkaq Harrisi mori 35%. bw

Ndërron jetë Tina Kaidanow – ambasadorja e parë amerikane në Kosovë

Diplomatja amerikane Tina Kaidanow që shërbeu si ambasadorja e parë e Shteteve të Bashkuara në Kosovën e pavarur, vdiq të mërkurën, në moshën 59 vjeçare.

Ambasadorja Kaidanow ishte emëruar në muajin korrik të vitit 2006 në postin e shefes së Zyrës së Shteteve të Bashkuara në Prishtinë, ndërsa pas shpalljes së pavarësisë së Kosovës në shkurt të vitit 2008, zonja Kaidanow u emërua ambasadore. Me 8 prill të vitit 2008, Zyra Amerikane u shndërrua në ambasadë të Shteteve të Bashkuara në Kosovë.

Udhëheqës të institucioneve dhe partive politike në Kosovë shprehën ngushëllime për vdekjen e diplomates amerikane.

Ish presidenti i Kosovës Fatmir Sejdiu, shkroi në rrjetet sociale se ambasadorja Kaidanow “erdhi më parë si udhëheqëse e Zyrës së SHBA-ve në Kosovë në kohët më të ndjeshme që kishim, kur kishim të bëjmë me procesin e bisedimeve për statusin politik të Kosovës”. Ai shtoi se zonja Kaidanow gjatë mandatit ka ndihmuar dhe përkrahur Kosovën për të arritur qëllimin e shpalljes së pavarësisë së saj.

Presidentja e Kosovës Vjosa Osmani shkroi në rrjetet sociale se ambasadorja Kaidanow ishte një udhëheqëse e guximshme që luajti një rol të thellë në shumë ngjarje kritike dhe historike para dhe pas shpalljes së pavarësisë së Kosovës.

“Pata nderin të punoja ngushtë me të dhe mësova shumë nga mençuria dhe përkushtimi i saj”, shkroi presidentja.

Kryetari i Partisë Demokratike të Kosovës Memli Krasniqi, tha se roli dhe kontributi i ambasadores Kaidanow, posaçërisht në procesin e shtetformimit të Kosovës, ka qenë i pazëvendësueshëm. “Me vdekjen e saj, SHBA-të humbën një diplomate të veçantë, e Kosova një aleate të përhershme. Lamtumirë, mike e mire”, shkroi ai në rrjetet sociale.

Kryetari i Aleancës për Ardhmërinë e Kosovës Ramush Haradinaj shkroi se ambasadorja Kaidanow luajti rol të fuqishëm në procesin e pavarësimit të Kosovës. “Shërbimi i saj si Ambasadorja e parë e SHBA-së në Kosovën e pavarur dhe kontributi i saj për vendin tonë do të mbeten përjetësisht në kujtesën tone”, shkroi ai.

SHBA e lidh anëtarësimin e Kosovës në Partneritetin për Paqe me përparimin në dialog

Shtetet e Bashkuara do të donin që Kosova të bëhet pjesë e programit të NATO-s, Partneriteti për Paqe, por ajo duhet së pari të shënojë përparim në dialogun e lehtësuar nga Bashkimi Evropian, ka thënë të mërkurën ambasadorja amerikane në NATO, Julianne Smith.

Partneriteti për Paqe është një program i NATO-s, i cili synon krijimin e besimit midis shteteve anëtare të NATO-s dhe shteteve të tjera në Evropë.

Ai shërben edhe si rrugë për ato vende që synojnë që një ditë të bëhen pjesë e NATO-s.

“Ne, gjithsesi, e vlerësojmë programin e Partneritetit për Paqe. Jemi të kënaqur që kemi parë interes të madh nga Kosova për t’iu bashkuar Partneritetit për Paqe. Por mendoj se miqtë tanë në Kosovë i kanë dëgjuar thirrjet tona të zëshme dhe të qarta. Ne duam që ata të vazhdojnë të investojnë në dialogun e lehtësuar nga Bashkimi Evropian“, tha Smith.

Duke folur para gazetarëve në prag të takimit të Ministrave të Mbrojtjes të vendeve të NATO-s, Smith tha se një angazhim të tillë fuqishëm e mbështesin aleatët edhe në NATO edhe në BE.

“Por, në këtë moment fokusi ynë është në rritjen e stabilitetit në rajon dhe duke e bërë këtë të kërkojmë progres edhe në iniciativën e udhëhequr nga BE“, ka thënë ambasadorja Smith.

Kosova dhe Serbia arritën Marrëveshje në fillim të vitit të kaluar për rrugën e normalizimit të marrëdhënieve, porse rreth një vit e gjysmë më vonë, ato kritikohen për moszbatimin e saj.

Kosova vazhdimisht ka shprehur interesim për t’u bërë pjesë e Partneritetit për Paqe, ndërsa synon edhe anëtarësimin në NATO si qëllim strategjik të vendit.

Vendimet në NATO, përfshirë edhe ato për të pranuar vendet në programin e Partneritetit për Paqe, merren njëzëshëm nga të gjitha vendet anëtare.

Nga 32 vende anëtare të NATO-s, Kosovën si shtet të pavarur e kanë njohur 28 prej tyre ndërsa katër (Greqia, Rumania, Sllovakia dhe Spanja) ende jo.

Nga rajoni i Ballkanit Perëndimor, vetëm Serbia dhe Bosnje e Hercegovina janë në Partneritet për paqe, ndërsa vendet tjera tashmë janë bërë anëtare të NATO-s.

Aktualisht, NATO-ja është e pranishme në Kosovë përmes misionit të saj, KFOR. REL

Këlliçi rikthehet në SHBA. Takohet me Lara Trumpin dhe kongresmenë të tjerë: PD beson tek Trumpi dhe alternativa e tij

Drejtuesi Politik i PD për Tiranën, Belind Këlliçi, është rikthyer në SHBA përsëri brenda pak ditësh. Aktivizimi i diasporës shqiptare për zgjedhjet e 2025 si dhe mbështjetja e shqiptarëve për kandidatin republikan, Donald J. Trump në zgjedhjet e 5 nëntorit në SHBA janë axhenda e takimeve të shpeshta të anëtarit të Kryesisë së PD në SHBA.

Pas takimit më Trump në mesin e muajit të shkuar, Këlliç ka qenë i ftuar në National Summit, konferencë e organizuar në Michigan, ku një nga çështjet që u trajtua ishte siguria në botë dhe paqja në Lindjen e Mesme. Në këtë event folëse kryesore ka qenë Lara Trump, e reja e ish-presidentit Trump.

Këlliçi zhvilluar gjithashtu takime edhe me kongresmenët Darrell Issa i Kalifornisë dhe John James i Michiganit.

Postimi i Këlliçit:

Privilegj të isha i ftuar në National Summit, konferencë e organizuar në Michigan, ku një nga çështjet që u trajtua ishte siguria në botë dhe paqja në Lindjen e Mesme.

Ky event kishte folës kryesor Lara Trump, bashkë drejtuesen e Komitetit Kombëtar Republikan (RNC) i cili është organi kryesor i Partisë Republikane Amerikane dhe është përgjegjës për zhvillimin dhe promovimin e platformës politike të republikanëve si dhe harton strategjinë elektorale.

Gjithashtu Kongresmenët Darrell Issa i Kalifornisë dhe John James i Michiganit, si dhe drejtuesit e Partisë Republikane në Michigan, konfirmuan se siguria është prioritet kryesor për Presidentin Trump dhe plani i tij është garanci për paqen e stabilitetin kudo në botë, në këto kohë të trazuara!

Partia Demokratike beson tek Presidenti Trump dhe alternativa e tij. Si kontribues i paqes dhe sigurisë ai do jetë një garanci dhe për rajonin tonë.

Rritja dhe konsolidimi i raporteve me partnerët strategjikë dhe me republikanët në veçanti si parti e jona simotër, ka një rëndësi të veçantë për vendin tonë dhe për forcën tonë politike.

38 tornado pasuan uraganin ‘Milton’ në Florida

Uragani ‘Milton’ goditi Floridën të mërkurën, duke lënë pas disa të vdekur dhe shumë dëme materiale. Sipas njoftimeve më të fundit në media dhe nga të dhënat e rrjetit PowerOutage.us, vazhdonin të ishin të enjten pa energji mbi 3 milionë shtëpi dhe janë raportuar të paktën dhjetë viktima.

Përmbytjet më të rrezikshme duket se kanë ndodhur në Qarkun Sarasota, ku niveli i ujit arriti në deri 3 metra.

Sipas guvernatorit DeSantis, deri të enjten pasdite ishin shpëtuar nga ekipet e emergjencave 340 persona dhe 49 kafshë shtëpiake.

Megjithatë, sipas drejtores së agjencisë federale të emergjencave, FEMA, uragani Milton nuk rezultoi aq shkatërrimtar nga ç’pritej.

“Nuk patëm pasojat ekstreme të skenarit më të keq të mundshëm, por të cilin ishim përgatitur, por ka ende shumë persona që janë ndikuar”, tha drejtorja Deanne Criswell.

Ajo shtoi se pati 38 tornado që pasuan uraganin dhe që shkaktuan dëme domethënëse.

Stuhia e rrezikshme goditi me fuqinë e një uragani të kategorisë 3. ‘Milton’ ishte uragani i dytë i fuqishëm në dy javë që godet shtetin juglindor amerikan.

Pamjet nga kamerat e sigurisë dhe dëshmitarët, tregojnë fuqinë e uraganit ‘Milton’.

Stuhia goditi bregun perëndimor të Floridës pranë qytetit të Sarasotës mbrëmjen e së mërkurës, duke shkaktuar erëra të forta, me një shpejtësi prej 205 kilometrash në orë.

Para se të mbërrinte në tokë, uragani Milton’ shkaktoi të paktën 24 tornado. Autoritetet thonë se disa njerëz vdiqën si pasojë e tornadove të cilat shkatërruan më shumë se 100 shtëpi, duke përfshirë atë të banorit të qytetit Fort Majërs, Connor Ferin.

“E gjitha kjo ndodhi shumë shpejt. Dritaret u thyen. Isha këtu kur ndodhi. Macja ishte mbi tavolinë. Mora dy qentë dhe u futa me shpejtësi poshtë shtratit. Ndoshta zgjati një minutë. Ndoshta më pak”, thotë ai.

Autoritetet thonë se më shumë se 3.2 milionë shtëpi dhe biznese kanë mbetur pa energji elektrike.

Erërat e fuqishme dëmtuan çatinë e stadiumit Tropicana, të ekipit të njohur të bejsbollit ‘Tampa Bay Rays’. Gjatë uraganit stadiumi po përdorej si qendër strehimi për ekipet urgjente.

Operacionet e kërkim-shpëtimit nisën para agimit.

“Kishim mbi 80 mijë njerëz në qendrat e strehimit natën gjatë goditjes së stuhisë. Shkallën e dëmeve do ta kuptojmë me kalimin e ditës. Kemi ekipe që në këto momente po vlerësojnë dëmet. Ekipet urgjente janë angazhuar gjatë gjithë natës për të ndihmuar njerëzit në nevojë. Mund të themi se stuhia ishte e fuqishme, por fatmirësisht ky nuk ishte skenari më i keq”, tha Guvernatori i Floridës, Ron DeSantis në komentet e tij të para sot në mëngjes pas stuhisë.

Reshjet e dendura të shiut sollën nivele të larta të ujit nga Bregu i Gjirit në zonat e ulëta të qyteteve Tampa, Shën Petersburg, Sarasota dhe Fort Majërs.

Qendra Kombëtare e Uraganeve tha se mëngjesin e së enjtes ‘Milton’ kishte fuqinë e një stuhie të kategorisë 1, ndërsa po kalonte në pjesën qendrore të Floridës.

Parashikuesit e motit paralajmëruan për “reshje shkatërruese të shiut dhe erëra të furishme” gjatë gjithë ditës, para se stuhia të dilte në Oqeanin Atlantik.

Shkencëtarja Hannah Cloke paralajmëron se ndryshimet klimatike do të shpeshtojnë dhe ashpërsojnë stuhi si uragani ‘Milton’.

“Do të ndikojnë edhe në llojet e uraganeve që do të përjetojmë. Ka disa dëshmi se ato do të jenë më të forta, me më shumë tornado dhe sigurisht, për shkak të ndryshimeve klimatike, do të ketë reshje më të furishme”, thotë ajo.

Shumë nga komunitetet që u goditën nga uragani ‘Milton; ende nuk e kanë marrë veten nga pasojat e uraganit ‘Helene’ i cili muajin e kaluar shkaktoi vdekjen e mbi 200 personave dhe përmbytje të mëdha kryesisht në pjesën perëndimore të Karolinës së Veriut dhe në lindje të shtetit Tenësi.

Një kamion Chevrolet i përmbysur në Palm Beach Gardens, Florida

Krahasimi mes Miltonit dhe uraganit Helen?

Shumë nga komunitetet që preken nga Miltoni u goditën muajin e kaluar nga uragani Helene dhe ende nuk e kanë marrë veten nga pasojat e tij. Uragani shkaktoi vdekjen e më shumë se 200 personave e përmbytje katastrofike kryesisht në pjesën perëndimore të Karolinës së Veriut dhe në lindje të Tenesit.

Në momentin më intensiv të tij, uragani Helene ishte një stuhi e kategorisë 4, me erëra të qëndrueshme prej rreth 220 km/h. Milton e kapërceu me shpejtësi atë, duke u bërë një stuhi e kategorisë 5 brenda disa orësh me erëra të qëndrueshme prej 285 km/h. Të mërkurën Milton u dobësua disi, duke u ulur në një uragan të kategorisë 4 dhe më tej në kategorinë 3.

Pesë uraganët më të fuqishëm të Atlantikut?

Milton është tashmë uragani i pestë më i fuqishëm i regjistruar në Atlantik. Uragani më intensiv i regjistruar para tij ishte Wilma në vitin 2005, ndjekur nga Gilbert në vitin 1988, ai që njihet si uragani i Festës së Punës, i vitit 1935, si dhe Rita në vitin 2005.

Po raportonte ‘live’ nga Florida, gazetari i CNN goditet në fytyrë nga një copë e rrënojave

Anderson Cooper është goditur në fytyrë nga copat e rrënojave, pak minuta pasi uragani Milton goditi Siesta Key në Florida.

Reporteri 57-vjeçar, po mbulonte drejtpërdrejtë fatkeqësinë katastrofike për CNN në Bradenton, pak milje larg Siesta Key,

ku një copë e rrënojat e goditi atë në fytyrë.

Por ai shpejt u rimëkëmb duke thënë: “Kjo nuk ishte e mirë. Ne me gjasë do të futemi për pak brenda”.

Në ato momente erërat po frynin me shpejtësi prej mbi 150 kilometra në orë, duke pamundësuar qarkullimin normal si dhe anulimin e mijëra fluturimeve.

Cooper po tregonte se niveli i ujit ka arritur deri të gjunjët e tij – pak momente para se të goditej nga një copë e rrënojave. sn

Uragani Milton dëme masive në Florida, 3 milionë banorë pa energji elektrike

Uragani “Milton” shkaktoi erëra të fuqishme si dhe përmbytje në pjesën më të madhe të Floridës, pasi goditi tokën si një uragan të kategorisë 3 duke kërcënuar jetët e banorëve.

“Milton” u dobësua në një uragan të kategorisë 1 ndërsa lëvizi nëpër Florida të enjten. Ndërprerjet e energjisë elektrike kanë ndodhur në disa zona dhe janë raportuar viktima nga moti i keq.

Qendra Kombëtare e Uraganeve tha se shpejtësia e erës arriti deri në 205 km/h kur goditi bregun në Siesta Key, në jug Tampës. Zonat më të rrezikuara dhe me popullsi të dendur janë: Tampa, St Petersburg, Sarasota dhe Fort Myers.

Fort Myers – Shumë rrugë në zonën e Fort Myers janë nën ujë ose të bllokuara nga pemët e rrëzuara. Sipas autoriteteve lokale shumë rrugë ishin ose nën ujë ose të bllokuara nga pemët e rrëzuara, linjat e energjisë elektrike të rrëzuara ose mbeturina të tjera. Në disa zona lartësia e ujit në rrugë arriti deri në një metër. Një urë në lindje të qytetit Matlacha është pjesërisht e bllokuar, thanë zyrtarët.

Sipas autoriteteve lokale të Qarkut Hillsborough janë zhvilluar disa operacione shpëtimi. “Ekipet tona janë në terren, duke i çuar njerëzit drejt vendeve të sigurta”, njoftoi policia lokale. Zyrtarët në qytetin Pinellas të goditur rëndë gjithashtu po u bëjnë thirrje banorëve të qëndrojnë aty ku janë.

Sarasota- Në Sarasota, ekuipazhet e emergjencës raportuan për linjat e energjisë dhe pemët në rrugë. Disa ura nuk ishin të kalueshme. Autoritetet lokale iu bënë thirrje banorëve dhe pronarëve të bizneseve që të qëndrojnë në shtëpi për të lejuar ekipet e urgjencës të punojnë.

Qendra Kombëtare e Uraganeve tha se “Milton” po lëvizte në brigjet lindore të Floridës herët të enjten me erëra maksimale 137 kilometra në orë, për të arritur më pas në Bahamas.

Shkatërrimet e uraganit Milton në të gjithë Floridën shkaktuan ndërprerjen e energjisë elektrike për më shumë se 3 milionë shtëpi dhe biznese sipas kompanisë PowerOutages.us.

Ndërsa është ende një uragan i rrezikshëm, po më pak fuqishëm se uragani i rrallë i kategorisë 5 që kishte kërcënuar shtetin ndërsa udhëtonte mbi Gjirin e Meksikës drejt Floridës.

Guvernatori i Floridës, Ron DeSantis tha se shpresonte që zona në Tampa, shtëpia e 3 milionë njerëzve dhe që parashikohej se do të pësonte dëme të mëdha duket se i ka shëptuar rrezikut.

Pse ishte aq i fuqishëm Milton?

Ujërat jashtëzakonisht të ngrohta në Gjirin e Meksikës këtë vit kanë nxitur rritjen e shpejtë të Miltonit. Ujërat në sipërfaqen e oqeanit kanë arritur temperatura rekord prej rreth 32 gradë Celsius gjatë dy sezoneve të fundit verore, sipas Administratës Kombëtare mbi Oqeanet dhe Atmosferën.

Zonat e evakuimit

Autoritetet lëshuan urdhra evakuimi të detyrueshme për të paktën një pjesë të banorëve, që ndodhen në 15 nga 67 qarqet e Floridës, ose përgjatë pjesës më të madhe të bregut perëndimor.

Kjo përfshin shumë prej 3.1 milionë banorëve që jetojnë në zonën metropolitane të Tampës, një grup i dendur komunitetesh përgjatë bregdetit dhe në ishujt e Gjirit të Tampës, i cili nuk ka qenë në gjurmët e një uragani prej më shumë se një shekulli.

Edhe pse banorët e Floridës janë mësuar me uraganet, shumë zyrtarë shtetërorë dhe lokalë i kanë paralajmëruar ata se Miltoni mund të jetë uragani më i fuqishëm që ata kanë parë.

Kryebashkiakja e Tampës, Jane Castor, e ka thënë hapur se “kushdo që nuk evakuohet nga zonat e ulëta, do të vdesë”.

Ekspertët parashikuan erëra shkatërruese e reshje të dendura që mund të shkaktojnë përmbytje të menjëhershme në pjesën më të madhe të Floridës qendrore.

Krahasimi mes Miltonit dhe uraganit Helen?

Pesë uraganët më të fuqishëm të Atlantikut?

Uragani Milton zbarkoi në Florida

Uragani Milton zbarkoi në Florida rreth orës 02: 30 të mëngjesit të sotëm me orën tonë

VOAL- Uragani Milton, “jashtëzakonisht i rrezikshëm” sipas autoriteteve, zbarkoi në Florida mbrëmjen e së mërkurës (rreth orës 20:30 me orën lokale, 02:30 e mëngjesit sot, e enjte, tek ne), duke përfshirë bregdetin me erëra të forta deri në 200 km/h. Reshje intensive shiu dhe duke shkaktuar përmbytje në qendër të gadishullit juglindor të SHBA dhe stuhi në brigjet me dallgë mbi 4 metra të larta.

Milton arriti në tokë në bregun perëndimor të Floridës “afër Siesta Key në kontenë Sarasota”, shkruan Qendra e Uraganeve të SHBA (NHC). I zbritur në fund të ditës (dje) në kategorinë 3 (nga 5), por ende konsiderohet një “ngjarje e madhe” nga NHC, Milton duhet të jetë “një nga uraganet më shkatërrues që goditi Floridan në më shumë se një shekull” nëse atëherë, me kalimin mbi tokë ka zbritur më tej në kategorinë 2.

Pavarësisht humbjes së intensitetit, mediat amerikane raportojnë se mbi 2 milionë njerëz (përfshirë biznese, zyra dhe aktivitete të tjera) janë pa energji elektrike.

Sipas NHC, Milton pritet të kapërcejë Floridan nga perëndimi në lindje, duke kaluar pranë qytetit të Orlando, ku parqet tematike të Disney World u mbyllën në mesditë (dje). Aeroportet Tampa dhe Sarasota janë mbyllur plotësisht. Për ta përkeqësuar situatën, sipas Weather Channel, disa tornado janë regjistruar në qendër dhe në jug të shtetit.

Dy javë pasi Uragani Helene goditi të njëjtën zonë, duke vrarë të paktën 236 njerëz në të gjithë Shtetet e Bashkuara juglindore, duke përfshirë të paktën 15 në Florida, Milton “do të jetë një stuhi vdekjeprurëse dhe katastrofike”, paralajmëroi Deanne Criswell, drejtoreshë e agjencisë federale të reagimit ndaj fatkeqësive. . Prej disa ditësh, në fakt, autoritetet u kanë bërë thirrje banorëve të zonave të prekura nga urdhrat e evakuimit të largohen, duke këmbëngulur se bëhet fjalë për “çështje jetë a vdekje”. RSI

Uragani i fuqishëm godet Floridan

Uragani Milton i fotografuar nga Stacioni Ndërkombëtar Hapësinor

Uragani Milton është stuhia e tretë me shpejtësinë më të madhe të regjistruar në oqeanin Atlantik që mbërrin në bregun perëndimor të Floridës, duke kërcënuar jetët e banorëve dhe me përmbytje të gjerë të zonave të ulëta.

Nëpërmjet një fjalimi të transmetuar drejtpërdrejt nga Shtëpia e Bardhë, Presidenti Joe Biden bëri thirrje mbrëmjen e së mërkurës që popullsia të ndjekë të gjitha udhëzimet e autoriteteve, ndërsa pritej që Florida të goditej nga stuhia më e rëndë e 100 viteve të fundit.

Megjithëse u dobësua nga një uragan i kategorisë 4 në një uragan të kategorisë 3, Presidenti Biden theksoi se uragani Milton mundet të shkaktojë shkatërrim të gjerë. Ai u bëri thirrje banorëve që nuk janë evakuar, të qëndrojnë në vendstrehime dhe dënoi përpjekjet për keqinformim në lidhje me përpjekjet e agjencive qeveritare.

“Është e dëmshme për ata që kanë nevojë për ndihmë”, tha Presidenti Biden.

Qendra Kombëtare e Uraganëve njoftoi të mërkurën se pavarësisht rënies së fuqisë së uraganit, “Miltoni mund të vazhdojë të ketë forcën e një uragani të madh dhe se do të mbetet i tillë përgjatë të enjtes ndërsa përshkon Floridan”.

Sipas Qendrës Kombëtare të Uraganëve, Miltoni lëvizi drejt verilindjes përgjatë Gjirit të Meksikës dhe iu afrua tokës përreth Gjirit të Tampës në Florida, të mërkurën vonë në mbrëmje.

Prej mëngjesit të së mërkurës, Milton ka lëvizur i shoqëruar nga erëra me shpejtësi maksimale e të qëndrueshme prej rreth 249 km/h.

Pse është aq i fuqishëm Milton?

Zonat e evakuimit

Edhe pse banorët e Floridës janë mësuar me uraganet, shumë zyrtarë shtetërorë dhe lokalë i kanë paralajmëruar ata se Miltoni mund të jetë uragani më i fuqishëm që ata kanë parë.

Kryebashkiakja e Tampës, Jane Castor, e ka thënë hapur se “kushdo që nuk evakuohet nga zonat e ulëta, do të vdesë”.

Ekspertët parashikuan erëra shkatërruese e reshje të dendura që mund të shkaktojnë përmbytje të menjëhershme në pjesën më të madhe të Floridës qendrore.

Krahasimi mes Miltonit dhe uraganit Helen?

Të mërkurën Milton u dobësua disi, duke u ulur në një uragan të kategorisë 4 dhe më tej në kategorinë 3.

Pesë uraganët më të fuqishëm të Atlantikut?

SHBA shqyrton mundësinë e ndarjes së kompanisë Google

Shtetet e Bashkuara njoftuan të martën se mund t’i kërkojnë një gjyqtari që të detyrojë kompanisë mëmë të firmës Google, ‘Alphabet’ që të shesë pjesë të bizneseve të saj, si programin e lundrimit në internet ‘Chrome’ dhe sistemin operues ‘Android’, që sipas tyre përbëjnë një monopol të paligjshëm për kërkimin në internet.

Në një vendim historik, një gjykatës, arriti në muajin gusht në përfundimin se kompania Google, e cila përpunon 90 për qind të kërkimeve në internet në SHBA, kishte ndërtuar një monopol të paligjshëm.

Masat juridike të propozuara nga Departamenti i Drejtësisë mund të ndryshojnë mënyrën se si amerikanët gjejnë informacion në internet, ndërkohë që të ardhurat e rrjetit Google pritet të tkurren dhe konkurentëve të tjerë t’u jepet mundësia për t’u zgjeruar.

“Trajtimi i plotë i këtyre dëmeve kërkon jo vetëm që rrjeti Google të mos ketë kontroll në kërkimin në internet sot, por edhe që të sigurohemi se kjo nuk do të ndodhë as në të ardhmen”, tha Departamenti i Drejtësisë.

Rregullat e propozuara synojnë gjithashtu që të pengojnë zgjerimin e dominimit të rrjetit Google tek biznesi në rritje i inteligjencës artificiale, thanë prokurorët.

Në vitin 2021, kompania Google u pagoi 26.3 miliardë dollarë kompanive të tjera, duke përfshirë Apple dhe prodhuesve të tjerë, në mënyrë që motori i saj i kërkimit të mbetet programi i paracaktuar në telefonat inteligjentë dhe në programet e lundrimit në internet, duke ruajtur kështu pozita të forta në treg.

Kompania Google, e cila planifikon të apelojë, tha në një postim se propozimet ishin “radikale” dhe tha se ato “shkojnë shumë përtej çështjeve specifike ligjore të rastit në fjalë”.

Kompania Google pohon se përdoruesit e kanë zgjedhur rrjetin e saj të lundrimit për shkak të cilësisë duke shtuar se përballet me konkurrencë të fortë nga Amazoni dhe faqe të tjera, dhe se përdoruesit mund të zgjedhin alternativa të tjera si motorë të paracaktuar kërkimi.

Alphabet, kompania e katërt më e madhe në botë me një vlerë tregu prej mbi 2 trilionë dollarësh, është nën trysni në rritje nga konkurrentët dhe autoritetet antitrust.

Një gjykatës amerikan vendosi të hënën, në një çështje tjetër, se Google duhet të bëjë të mundur që dyqani digjital ‘Play’ të jetë më i hapur ndaj konkurentëve dhe të lejojë që aplikacionet e programit Androit të blihen edhe nga burime të tjera rivale.

Si pjesë e përpjekjeve për të parandaluar shtrirjen e dominimit të Google tek Inteligjenca Artificale, Departamenti i Drejtësisë tha se mund t’i kërkojë të vërë në dispozicion për rivalët, të dhënat dhe modelet që përdor për kërkimin në Google dhe veçoritë për kërkimin që ndihmohet nga inteligjenca artificiale.

Departamenti i Drejtësisë pritet të paraqesë një propozim më të detajuar në gjykatë deri më 20 nëntor. Google do të ketë një shans të propozojë masat e veta më 20 dhjetor.

Në muajin gusht, Gjykatësi i qarkut të Uashingtonit, Amit Mehta, arriti në përfundimin se kompania Google shkeli ligjin kur mbajti monopolin mbi kërkimet në internet, duke shtypur konkurrencën dhe tkurrur inovacionin.

Shtetet e Bashkuara kanë paditur gjithashtu platformën Meta Amazon.com dhe Apple me pretendimin për monopol të paligjshëm.

Banorët e Floridës ikin për t’i shpëtuar uraganit Milton që po afrohet

Banorëve të Floridës nuk u ka mbetur edhe shumë kohë për t’u evakuuar ose për t’u strehuar përpara se të godasë uragani Milton, që parashikohet të jetë një nga më shkatërruesit që ka goditur ndonjëherë bregun e Gjirit të Floridës.

Me më shumë se një milion banorë në zonat bregdetare nën urdhra për evakuim, ata që po largoheshin drejt zonave më të larta bllokuan autostradat dhe pikat e karburantit, në rajonin që ende po rimëkëmbet nga pasojat e uraganit Helene, më pak se dy javë më parë.

Stuhia parashikohet të godasë zonën metropolitane të Tampa Bay, ku jetojnë mbi tre milion njerëz, megjithëse parashikuesit thanë se rruga e saj mund të ndryshojë përpara se të prekë tokën në orët e vona të së mërkurës në mbrëmje ose herët të enjten në mëngjes, sipas kohës lokale.

Presidenti i SHBA-së, Joe Biden, dhe kryetarja e Tampas, Jane Castor, paralajmëruan njerëzit në zonat e evakuimit që të largoheshin ose do ta rrezikonin vdekjen.

Michael Tylenda, i cili po vizitonte djalin e tij në Tampa, tha se po i përgjigjej këtij këshillimi.

“Nëse dikush di diçka për Floridën… kur nuk evakuohesh pasi urdhërohesh, ke gjasa të vdesësh”, tha Tylenda. “Ka pasur shumë njerëz që kanë qëndruar në shtëpitë e tyre dhe kanë përfunduar duke u mbytur. Nuk ia vlen. Shtëpia mund të zëvendësohet. Gjërat mund të zëvendësohen. Kështu që është më mirë të largohesh nga qyteti”.

Milton pritet të ruajë forcën si uragan ndërsa kalon gadishullin e Floridës, duke sjellë gjithashtu rrezik për stuhi në bregun Atlantik të shtetit.

Rreth 2.8 për qind e prodhimit të brendshëm bruto të SHBA-së është në rrugën direkte të Miltonit, tha Ryan Sweet, kryeekonomist i SHBA-së në Oxford Economics. Linjat ajrore, kompanitë e energjisë dhe një park i Universal Studios janë ndër kompanitë që kanë ndaluar operacionet e tyre në Florida ndërsa po përgatiten për ndërprerje.

Milton u bë stuhia e tretë me intensifikimin më të shpejtë në historinë e Atlantikut, duke kaluar nga Kategoria 1 në Kategorinë 5 në më pak se 24 orë.

“Këto temperatura jashtëzakonisht të ngrohta të sipërfaqes së detit ofrojnë karburantin e nevojshëm për intensifikimin e shpejtë që pamë të ndodhte”, tha shkencëtari klimatik, Daniel Gilford, nga Climate Central, një grup kërkimor jofitimprurës. “Ne e dimë që ndërsa njerëzit rrisin sasinë e gazeve serrë në atmosferë, kryesisht duke djegur lëndë djegëse fosile, ne po rrisim atë temperaturë në të gjithë planetin”.

Trafiku i dendur bllokoi rrugët që çonin jashtë Tampas të martën, kur rreth 17 për qind e afro 8.000 stacioneve të karburantit të Floridës kishin mbetur pa furnizime, sipas monitoruesit të tregjeve të karburantit GasBuddy. rel

Biden: Uragani Milton mund të jetë më i keqi në 100 vjet

Presidenti i SHBA, Joe Biden tha të martën se uragani Milton që pritet të godasë Floridën ka potencialin të bëhet “një nga stuhitë më të këqija” që SHBA ka parë në 100 vjet.

Biden përsëriti thirrjet për banorët e Floridës që jetojnë në zonat që pritet të preken më shumë që të largohen tani pasi ai thotë se është “çështje jete dhe vdekjeje”.

Biden u pyet për rreziqet e dezinformatave të përhapura nga liderët politikë në vazhdën e një fatkeqësie të mundshme klimatike, siç shihet në pasojat e uraganit Helene.

Kandidati republikan për president Donald Trump është akuzuar për përhapjen e gënjeshtrave në lidhje me përgjigjen federale ndaj Helene, duke përfshirë komente të pavërteta rreth asaj se si janë shpenzuar paratë e ndihmave, si dhe sa ndihma janë në dispozicion për banorët e prekur.

Biden tha se “ata që e bëjnë këtë, e bëjnë për të dëmtuar administratën”

Në njoftimin e fundit të autoriteteve është thënë se uragani Milton mund të shoqërohet me erëra deri në 280 kilometra në orë.

Autoritetet lokale kanë lëshuar urdhra për evakuim të detyrueshëm për disa zona bregdetare, përfshirë Tampan, zonë me më shumë se tre milionë banorë.

“Nëse stuhia do të jetë me këtë ritëm, do të jetë më e keqja që ka prekur Tampan në 100 vjetët e fundit”, ka thënë Shërbimi Kombëtar i Motit, përmes një postimi në X, platformë e njohur më parë si Twitter.

Shkencëtarët besojnë se ndryshimet klimatike janë duke luajtur rol në intensifikim të uraganeve.

Biden: Nuk e di nëse Izraeli po mban pezull marrëveshjen e paqes për të ndikuar tek zgjedhjet amerikane

Presidenti Joe Biden tha të premten se nuk e dinte nëse Kryeministri Benjamin Netanyahu po mbante pezull bisedimet e paqes për të ndikuar tek rezultati i zgjedhjeve presidenciale amerikane.

“Asnjë administratë nuk e ka ndihmuar Izraelin më shumë se unë. Bibi (Benjamin Netanyahu) duhet ta ketë parasysh këtë gjë. Nuk e di nëse ai po përpiqet të ndikojë në zgjedhjet amerikane, nuk e di, por nuk po e llogaris këtë”, tha Presidenti Biden.

Në një dalje të rrallë në sallën e shtypit të Shtëpisë së Bardhë, Presidenti Biden u pyet lidhur me komentet e Senatorit demokrat Chris Murphy, i cili tha këtë javë për rrjetin CNN se ishte i shqetësuar sepse zoti Netanyahu por tregonte një interes të vogël për arritjen e një marrëveshjeje për paqen, pjesërisht për shkak të politikës në Shtetet e Bashkuara.

Presidenti Biden ka kërkuar prej kohësh arritjen e një marrëveshjeje armëpushimi. Ai dhe ndihmësit e tij kanë thënë disa herë gjatë muajve të fundit se një marrëveshje e tillë ishte pranë arritjes.

Por marrëveshja në fjalë nuk është materializuar ndonjëherë, dhe në disa raste zoti Netanyahu ka shprehur publikisht rezistencën ndaj kësaj mundësie, ndërsa zyrtarët amerikanë dhe izraelitë vazhdojnë bisedime në rrugë private për arritjen e një armëpushimi.

Ndërkohë, Izraeli ka bërë përparime në dy fronte, duke zhvilluar një inkursion tokësor kundër Hezbollahut në Liban, ku humbën jetë tetë ushtarë izraelitë dhe ka ndërmarrë sulme në Gazë, ku janë vranë dhjetëra njerëz, përfshirë fëmijë.

Izraeli gjithashtu është zotuar të hakmerret për sulmin iranian me raketa ndërsa shtohet frika për një konflikt rajonal.

Presidenti Biden tha se ende nuk ishte marrë një vendim lidhur me reagimin ndaj Iranit, pavarësisht zërave për një sulm izraelit ndaj rezervave iraniane të naftës.

“Po të isha në vendin e tyre, do të mendoja për alternativa të tjera, në vend të rezervave të naftës”.

Presidenti Biden gjithashtu hodhi poshtë zërat se ai po kërkonte një takim me zotin Netanyahu për të diskutuar lidhur me përgjigjen ndaj Iranit.

“Kur të marrin vendimin se si do të përgjigjen, atëherë ne do të bisedojmë”, tha Presidenti Biden.

Sidoqoftë, marrëdhëniet mes dy udhëheqësve kanë lënë për të dëshiruar. Presidenti Biden bëri të njohur publikisht ndalimin e dërgimit në Izrael të bombave të rënda dhe ka shprehur gjithnjë e më shumë shqetësimin mbi mundësinë e një konflikti të gjerë në Lindjen e Mesme.

“Nuk besoj se do të ketë një konflikt të gjerë”, tha Presidenti Biden të enjten në mbrëmje. “Unë mendoj se mund ta shmangim atë. Por ka ende shumë për të bërë”.

Me urdhër të Presidentit Biden, ushtria amerikane ka shtuar praninë në rajon për të mbrojtur Izraelin nga sulmet e Hamasit, Hezbollahut, Iranit dhe rebelëve Houthi. Në muajin prill dhe në fillim të kësaj jave, Shtetet e Bashkuara luajtën rolin kryesor në rrëzimin e raketave iraniane që kishin si objektiv Izraelin.

Këlliçi publikon foton me Trumpin: Kushtoi zero lekë. Pavarësisht nga fushata, gjeti kohë të dëgjonte për shqiptarët

Në një takim në SHBA, drejtuesi politik i qarkut të Tiranës, ish-deputeti dhe ish-kandidati për Kryetar të Bashkisë së Tiranës, Belind Këlliçi, u takua me kandidatin për president të SHBA-ve, Donald Trump.

Ky takim, i cili u zhvillua në Ryder Center, Saginaw Valley State Ujiv, u përqendrua në diskutimin e marrëdhënieve dypalëshe ndërmjet Shqipërisë dhe SHBA-ve, si dhe mundësive për të forcuar bashkëpunimin politik ndërkombëtar.

Këlliçi, si një prej figurave më të njohura të Partisë Demokratike, shprehu mirënjohjen e tij për mbështetjen e SHBA-ve në procesin e demokratizimit të Shqipërisë dhe rolin e tyre të rëndësishëm në ruajtjen e stabilitetit rajonal.

Pavarësisht fushatës intensive, Presidenti Trump gjeti kohën për të dëgjuar mbi Shqipërinë dhe zhvillimet e fundit në të.

Nga ana e tij, Presidenti Trump vlerësoi përpjekjet e Këlliçit për të sjellë ndryshime pozitive në Shqipëri dhe rajon, duke nënvizuar rëndësinë e zgjerimit të bashkëpunimit mes vendeve dhe promovimit të vlerave të përbashkëta demokratike.

Në një postim në facebook Belind Këlliçi shkruan:
“Foto e vitit 🇦🇱🤝🇺🇸
Pavarësisht fushatës intensive, Presidenti Trump gjen përherë kohë për të dëgjuar për Shqipërinë dhe shqiptarët!
Shpresoj që foton e radhës ta bëjmë në Shqipëri, kombin që në masë kërkon kurorëzimin e tij në krye të Shtëpisë së Bardhë.
Për kureshtarët: Kosto???
ZERO lekë, vetëm 1 buzëqeshje 😃”. bw

Liz Cheney në fushatë me demokraten Harris

Liz Cheney, një ndër kundërshtaret më të ashpra të ish-Presidentit Donald Trump nga Partia Republikane, do t’i bashkohet kandidates demokrate për presidente, Kamala Harris, në një aktivitet elektoral në Viskonsin të enjten, që synon të mobilizojë votuesit e moderuar.

Zonja Cheney ishte zyrtarja kryesore republikane në komisionin e Dhomës së Përfaqësuesve që hetoi sulmin ndaj Kapitolit më 6 janar 2021. Ajo u sulmua ashpër nga ish-presidenti republikan dhe u detyrua praktikisht të largohej nga kjo parti.

Zonja Cheney u mund dy vite më parë në zgjedhjet paraprake në Uajoming nga një kandidate që mbështetej nga ish-Presidenti Trump. Muajin e kaluar, zonja Cheney i dha mbështetjen kandidaturës së nënpresidentes demokrate. Dy gratë do të shfaqen së bashku në një shkollë në Ripon, ku në vitin 1854 u mbajtën një seri takimesh për të kundërshtuar zgjerimin e skllavërisë dhe që solli lindjen e Partisë Republikane.

Nënpresidentja Harris do të vazhdojë dy ditë aktivitetesh në Viskonsin dhe Miçigan. Ish-Presidenti Donald Trump do të jetë në Miçigan të enjten, ndërsa palët përpiqen të fitojnë terren në këto shtete kryesore për betejën elektorale.

Presidenti Joe Biden tha të enjten se nuk ishte i shqetësuar për garën e ngushtë Trump-Harris pasi, “gjithnjë del e afërt”, tha ai.

“Do ja dalë mbanë”, u tha Presidenti Biden gazetarëve për Nënpresidenten Harris në oborrin e Shtëpisë së Bardhë, ndërsa nisej për të vizituar zonat e dëmtuara nga stuhia në Xhorxhia dhe Florida. Ai shtoi se kandidati demokrat për nënpresident, guvernatori i Minesotas Tim Walz, pati paraqitje të mirë në debatin e së martës në Nju Jork me kandidatin republikan për nënpresident JD Vance.

“Tjetri e humbi debatin”, tha Presidenti Biden. “Dha variante të rreme për çdo gjë”.

Vizita e Nënpresidentes Harris në Uiskonsin bëhet një ditë pasi gjykata bëri publike një padi prej 165 faqesh ndaj ish-Presidentit Trump për përpjekjet për të përmbysur humbjen në zgjedhjet e vitit 2020. Ish-Presidenti Trump ka deklaruar pafajësinë për akuzat për konspiracion dhe pengim të drejtësisë.

Është shumë e pazakontë që kandidatja e një partie kryesore të shfaqet në javët e fundit të fushatës elektorale aty ku i ka fillimet partia kundërshtare. Për më tepër, emri i familjes Cheney ishte dikur i papranueshëm për demokratët, të cilët kritikonin Dick Cheney-in, babain e Liz Cheney-it, për rolin e tij si nënpresident gjatë administratës së ish-Presidentit George W. Bush.

Por tashmë dy anëtarët e familjes Cheney mbështesin zonjën Harris, së bashku me një grup zyrtarësh dhe ish-zyrtarësh republikanë që janë shkëputur nga pjesa më e madhe e partisë së tyre, e cila ka kaluar në mbështetje të zotit Trump. Nënpresidentja Harris dëshiron ta paraqesë kandidaturën e saj për presidente si një zgjedhje patriotike për votuesit e pavarur dhe konservatorë, të cilët mund të jenë trazuar nga mungesa e vullnetit për të dorëzuar pushtetin nga ish-Presidenti Trump. Ish-presidenti vazhdon ta mohojë humbjen në zgjedhjet e vitit 2020, me pretendimin se pati manipulime në zgjedhje.

Të premten, zonja Harris do të ketë një aktivitet elektoral në Flint të Miçiganit, duke vazhduar kështu turneun e saj në shtetet që kanë qenë jetike për fitoren e demokratëve.

Në vitin 2016, ish-Presidenti Trump fitoi në Pensilvani, Viskonsin dhe Miçigan, ndërsa në vitin 2020 në këto shtete fitoi Presidenti Joe Biden.

Ish-Presidenti Donald Trump do të ketë një aktivitet elektoral në zemrën e shtetit Miçigan, në Qarkun Saginav, që ka shërbyer si tregues elektoral.

Kandidati republikan për president ka shtuar fokusin tek Miçigani, ku më pak se një javë më parë mbajti dy tubime të tjera. Në zgjedhjet e vitit 2020, Presidenti Biden fitoi në Qarkun Saginav me një diferencë të ngushtë prej 303 votash.

Pse po hetohen investimet e Kushnerit në Shqipëri e Serbi?

Shefi i diplomacisë në Serbi, Marko Gjuriq, tha se janë të gatshëm të bashkëpunojnë me Shtetet e Bashkuara të Amerikës për hetimet e investimeve të planifikuara në Beograd të Jared Kushnerit, dhëndrit të ish-presidentit amerikan, Donald Trump.

Në një intervistë për Zërin e Amerikës, Gjuriq u përgjigj negativisht në pyetjen nëse ai, gjatë kohës kur ishte ambasador në Uashington, kishte njohuri për hetimin që Komisioni i Financave i Senatit të Kongresit Amerikan po zhvillon mbi veprimtarinë e kompanisë së dhëndrit të ish-presidentit të SHBA-së, Donald Trump.

Ndërsa Shqipëria, ku Kushner po ashtu ka planifikuar investime, deri më tani nuk ka reaguar ndaj një hetimi që ka nisur Komiteti për Financa i Senatit të SHBA-së lidhur me to.

Investimet potenciale në Shqipëri dhe në Serbi të firmës Affinity, në pronësi të Kushnerit, janë bërë pjesë e një hetimi që ka nisur senatori amerikan, Ron Wyden, mbi ndikimet e mundshme politike të qeverive të huaja në familjen Trump.

Wyden, kryesues i Komitetit për Financa në Senatin amerikan, më 24 shtator i ka nisur një letër zyrtare kompanisë së Kushnerit, Affinity Partners, nëpërmjet së cilës ka kërkuar informacione në lidhje me këto investime.

Në këtë letër, ai ngre dyshime mbi detajet e investimeve potenciale në dy shtetet dhe nëse kjo u jep qeverive të huaja “kontroll potencial me mundësi detyrimi mbi investimet e familjes së presidentit të mundshëm të ardhshëm të SHBA-së”.

Donald Trump, tashmë është i nominuari i republikanëve për president të SHBA-së në zgjedhjet e nëntorit.

Në administratën e kaluar të Trumpit, Kushner kishte rolin e këshilltarit të lartë të presidentit.

Komiteti për Financa në senatin amerikan merret me çështje që lidhen me taksat dhe të ardhurat në përgjithësi, dhe ka autoritetin të hetojë, rishikojë dhe vlerësojë ligjet ekzistuese dhe agjencitë që i zbatojnë ato.

Për çfarë investimesh bëhet fjalë?

Kushner, i cili themeloi kompaninë e tij më 2021, bëri publike në mars të këtij viti, planet për investime në Shqipëri dhe në Serbi, të dyja të parapara në vlerë prej mbi 1 miliard dollarësh.

Derisa në Serbi planet janë konkretizuar me marrëveshje qeveritare me firmën e tij, në Shqipëri ato kanë mbetur ende “një shprehje interesi” për investim.

Letra e re e senatorit është vazhdimësi e një hetimi të nisur në qershor.

Ndër të tjera, senatori ngre dyshime për faktin se, siç thuhet, firma e Kushnerit është e financuar krejtësisht nga investitorë të huaj dhe atë në shumicë nga një fond i Qeverisë së Arabisë Saudite, derisa fonde të tjera përfshijnë ato nga qeveritë e Katarit dhe Emirateve të Bashkuara Arabe ndër tjera.

Sipas letrës, këto fonde paguhen gradualisht dhe parashihet të arrijnë vlerën totale prej 3 miliardë dollarësh deri në vitin 2026.

Megjithatë, senatori shton se kompania e Kushnerit ende “nuk ka gjeneruar ndonjë fitim për investitorët e tij”.

Në letrën e tij, kryesuesi i Komitetit shpreh edhe shqetësim për nivelin e ndikimit që këto qeveri të huaja mund të kenë mbi familjen e kandidatit për president të SHBA-së, Donald Trump, nëse ai zgjidhet sërish president.

“Kjo krijon një situatë ku qeveritë e Arabisë Saudite, Katarit dhe Emirateve të Bashkuara Arabe do të kenë ndikim të rëndësishëm mbi familjen Trump nëse kërcënojnë t’i tërheqin investimet e tyre dhe të ndalojnë pagesën e miliona dollarëve në tarifa ndaj Kushnerit dhe njëkohësisht, vajzës së Trumpit, Ivanka Trump”, thuhet në letër.

Me qëllim të hetimit të mëtejmë, senatori i ka kërkuar kompanisë Affinity të dhëna të detajuara mbi fondet dhe planet investuese dhe për këto pyetje ka kërkuar përgjigje deri më 9 tetor.

Radio Evropa e Lirë deri më tani nuk ka arritur të marrë një koment nga kompania Kushner lidhur me këtë çështje.

Në një deklaratë për New York Times, Affinity e quajti letrën e Wydenit një veprim politik, duke shtuar se firma kishte ndjekur të gjitha ligjet federale dhe rregullat etike.

Investimet në Shqipëri dhe shqetësimet e senatorit

Në mars, Kushner postoi disa fotografi në rrjete sociale për dizajnet potenciale të investimeve të firmës së tij në Shqipëri.

Ai kishte thënë se synon ta shndërrojë ishullin më të madh të Shqipërisë, Sazan, në Detin Mesdhe, në një destinacion luksoz për turistët.

Ky ishull kryesisht i braktisur, aktualisht është bazë ushtarake dhe është gjysmë i hapur për publikun.

Kushner, gjithashtu, kishte thënë se synon t’i ndërtojë disa hotele dhe qindra vila në Zvërnec, një zonë bregdetare në Vlorë, në jug të Shqipërisë.

Deri më tani, sipas autoriteteve të Shqipërisë, kompania ka shprehur interes zyrtar për të qenë investitor potencial në Sazan dhe do t’i nënshtrohet procesit të vlerësimit.

Në të kaluarën, sa i përket Zvërnecit, Qeveria kishte thënë se zyrtarisht nuk ka pranuar ndonjë shprehje interesi lidhur me këtë investim.

Planet e Kushnerit u përballën me kundërshtime në Shqipëri, sidomos nga ambientalistët që thonë se mund të shkaktohen dëme në zonat e mbrojtura bregdetare.

Në anën tjetër, kryeministri i Shqipërisë, Edi Rama, më 19 mars, kishte thënë se “do të negociohet pjesëmarrja e shtetit në investimin e planifikuar të Jared Kushnerit në ishullin e Sazanit”.

Rama kishte shtuar se për investimet në ishullin Sazan, Qeveria e drejtuar prej tij “nuk zgjedh persona, por në bazë të legjislacionit shqiptar u referohemi ofertave dhe propozimeve që na bëhen”.

Në anën tjetër, në letrën e fundit të Wydenit, thuhet se “Affinity i tregoi Komitetit se Qeveria serbe dhe ajo shqiptare fillimisht iu afrua individëve të lidhur me kompaninë Affinity në lidhje me një investim për projektet potenciale”.

Kështu, senatori ka kërkuar që kompania të tregojë se kush saktësisht i është afruar kompanisë për të diskutuar për plane të mundshme investimi.

Ministria e Jashtme e Shqipërisë deri më tani nuk u është përgjigjur pyetjeve të REL-it lidhur me këtë çështje.

“Investimet në Serbi, rrezik për rishkrim të historisë”

Shqetësimet e njëjta me investimet në Shqipëri, senatori i shprehu edhe për ato në Serbi, përveçse te kjo e fundit, Wyden thotë se mund të çojë edhe në rishkrim të historisë në kontekst “antiamerikan”.

Më 15 maj, Serbia e nënshkroi një marrëveshje për rivitalizimin e kompleksit të ish-Sekretariatit Federal për Mbrojtjen Kombëtare me kompaninë Affinity të Kushnerit.

Kompania e Kushnerit planifikon të ndërtojë një kompleks biznesi-banesor në vendin e ish-Shtabit të Përgjithshëm në Beograd.

Ndërtesa e Shtabit të Përgjithshëm ishte bombarduar natën mes 29 dhe 30 prillit dhe më 7 e 8 maj 1999, nga forcat e NATO-s.

NATO-ja filloi bombardimin e ish-Jugosllavisë më 24 mars të atij viti si përgjigje ndaj persekutimit të shqiptarëve në Kosovë nga forcat serbe të sigurisë.

Ndërkohë, ministri i Ndërtimit, Transportit dhe Infrastrukturës në Qeverinë e Serbisë, Goran Veshiq, tha në maj se investitori (Affinity) ka për obligim që në të njëjtën parcelë të ndërtojë një kompleks memorial kushtuar të gjitha viktimave të bombardimeve të NATO-s.

Pikërisht këtë pikë, Wyden e ka parë si problematike pasi thotë se monumenti u përshkrua si i dedikuar për “viktimat e agresionit të NATO-s”.

“Është krejtësisht e papërshtatshme që një qeveri e huaj t’i kërkojë një kompanie amerikane të marrë pjesë në atë lloj revizionizmi historik antiamerikan, një akt që mbulon spastrimin etnik dhe gjenocidin dhe e përshkruan në mënyrë të rreme NATO-n si një antagoniste, dhe është skandaloze që një firmë e themeluar dhe pronë e familjes së një ish-presidenti dhe presidenti të mundshëm të ardhshëm, të Shteteve të Bashkuara, do të pajtohej me këtë”, thuhet në letër.

REL-i i është drejtuar me pyetje edhe Ministrisë së Punëve të Jashtme të Serbisë lidhur me këtë çështje, por deri më tani nuk ka marrë përgjigje./REL

I akuzuari për tentim vrasjeje të Trumpit deklarohet i pafajshëm

Një burrë që, sipas autoriteteve, kaloi 12 orë jashtë fushës së golfit të ish-presidentit amerikan, Donald Trump, përpara se Shërbimi Sekret ta pikaste, u deklarua i pafajshëm ndaj akuzave federale, që përfshijnë akuzën për tentim vrasjeje.

I akuzuari Ryan Wesley Routh u paraqit në gjykatën federale në West Palm Beach disa ditë pasi u paraqit aktakuza me pesë pika, që lidhej me përpjekjen e dytë për të vrarë Trumpin që nga korriku.

Routh hyri në sallën e gjyqit i prangosur dhe i përshëndeti gazetarët e mbledhur për ta ndjekur procesin. Avokatët e tij refuzuan të komentojnë pas seancës.

Përpjekja e pretenduar për vrasje u pengua kur një anëtar i Shërbimit Sekret vuri re tytën e pushkës e Routh që dilte përtej gardhit të fushës së golfit, ku po luante Trump, sipas autoriteteve. Një agjent qëlloi në drejtim të Routhit, i cili u largua me shpejtësi dhe pastaj u arrestua pranë vendit të ngjarjes.

Zyrtarët kanë thënë se Routh nuk qëlloi asnjë plumb dhe nuk e kishte Trump në rrezen e shikimit të tij. Ai la pas një kamerë digjitale, një çantë shpine, një pushkë dhe një qese plastike me ushqime.

Prokurorët kanë thënë se Routh kishte shkruar për planet e tij për ta vrarë Trumpin në një shënim të shkruar me dorë disa muaj para arrestimit të tij më 15 shtator, ku e përshkruante veprimin e tij si një “përpjekje të dështuar për vrasjen e Donald Trump” dhe ofronte 150.000 dollarë për këdo që mund ta “mbaronte punën”.

Ky shënim ishte në një kuti që Routh raportohet se e kishte dorëzuar në shtëpinë e një dëshmitari të paidentifikuar disa muaj para arrestimit të tij.

Seanca e ardhshme në këtë rast do të mbikëqyren nga gjyqtarja federale Aileen Cannon, e cila u emërua në këtë post nga Trump dhe gjithashtu është caktuar të merrej me çështjen penale ku ish-presidenti akuzohet për mbajtjen e dokumenteve të klasifikuara në pronën e tij në Mar-a-Lago.

Cannon ka tërhequr vëmendje për mënyrën e saj të trajtimit të çështjes penale të Trumpit, të cilën e hodhi poshtë në korrik, vendim që tani po apelohet nga ekipi i këshilltarit special Jack Smith.

Arrestimi i Routhit ndodhi dy muaj pasi Trump u qëllua dhe u plagos në vesh gjatë një përpjekje për vrasje në një tubim fushate në Pensilvani. Shërbimi Sekret ka pranuar se ka pasur mangësi në sigurinë para atij sulmi, por ka thënë se masat e sigurisë funksionuan siç duhet për të parandaluar një sulm të mundshëm në Florida.

Fillimisht, Routh u akuzua vetëm për vepra penale që lidheshin me armët, përpara se prokurorët të ngrinin akuza të tjera më serioze. Prokurorët shpesh ngrenë fillimisht akuzat më të lehta për t’u provuar dhe më pas shtojnë akuza më të rënda gjatë zhvillimit të hetimit.

Akuzat e tjera përfshijnë posedimin e paligjshëm të armës, pavarësisht se ai kishte disa dënime penale, duke përfshirë dy akuza për posedim të mallrave të vjedhura në vitin 2002 në Karolinën e Veriut. Ai gjithashtu akuzohet për posedimin e një arme me numrin serik të fshirë, në kundërshtim me ligjin federal. rel

“Vrasës të ftohtë, përbindësha”- Donald Trumpi përshkallëzon retorikën kundër emigrantëve

Kandidati republikan për president, Donald Trump ka përshkallëzuar retorikën e tij kundër emigrantëve dhe ka shtuar fyerjet personale kundër Kamala Harrisit, gjatë një tubimi të shtunën në shtetin e Wisconsit.

Fjalimi i Trump atje iu kushtua në mënyrë të pazakontë pothuajse tërësisht emigrantëve pa dokumente.

Ai pretendoi se emigrantët në SHBA janë kriminelë të dhunshëm, duke iu referuar atyre si “vrasës të ftohtë”, “përbindësha” dhe “kafshë të neveritshme”.

Kandidati republikan për president ishte i rrethuar nga postera të emigrantëve në SHBA, të cilët janë arrestuar për vrasje dhe krime të tjera të dhunshme, dhe pankarta që shkruanin “Fund krimit të migrantëve” dhe “Dëboni ilegalët tani”.

Trump sulmoi Harrisin e cila të premten vizitoi kufirin SHBA-Meksikë për herë të parë në fushatën e saj presidenciale 2024, duke e quajtur atë “të paaftë mendërisht”.

Ish-presidenti fajësoi Harrisin dhe presidentin Joe Biden për lejimin e emigrantëve pa dokumente në SHBA, duke akuzuar disa emigrantë se duan të “përdhunojnë, plaçkisin, vjedhin dhe vrasin njerëzit e Shteteve të Bashkuara të Amerikës”. Panorama

Senati amerikan hetim për lidhjet e qeverisë shqiptare me dhëndërrin e Trump Jared Kushner!

Komiteti i Financave në Senatin e Shteteve të Bashkuara tha të mërkurën se hetimi i tij mbi Affinity Partners ka zbuluar se zyrtarë të qeverive serbe dhe shqiptare iu afruan proaktivisht kompanisë me propozime për projekte të zhvillimit të pasurive të paluajtshme në vendet e tyre.

Kompania që merret me aksione dhe investime është e lidhur me Jared Kushner, dhëndri dhe këshilltari i ish-presidentit të SHBA-ve, Donald Trump.

Në një letër drejtuar Affinity, kryetari i Komitetit të Financave i Senatit, Senatori Ron Wyden tha se komiteti tani po kërkon të identifikojë zyrtarët dhe ndërmjetësit e përfshirë në këto komunikime.

Letra nga Komiteti i Financave u dërgua afërsisht në të njëjtën kohë kur djali i madh i Trumpit, Donald Trump Jr., ndodhej në Beograd për të takuar biznesmenë serbë, ndërkohë që fushata presidenciale e SHBA-së, në të cilën Trump është kandidat republikan, po hyn në fazat e saj përfundimtare.

Senatori Wyden, një demokrat nga Oregoni, nisi hetimin mbi Affinity Partners në qershor, pas raporteve për investimet e planifikuara në Serbi dhe Shqipëri. Në Serbi, kompania pritet të rikonstruktojë ish-Shtabin Ushtarak të Jugosllavisë në Beograd që u dëmtua rëndë gjatë bombardimeve të NATO-s në Jugosllavi në vitin 1999.

Në komunikimet e saj me Komitetin, Wyden tha se Affinity kishte konfirmuar se zhvillimi i planifikuar i sitit në Beograd do të përfshinte një “muze që përshkruhet si një monument për ‘viktimat e agresionit të NATO-s’”.

Wyden është shumë kritik ndaj këtij memoriali të propozuar: “Është krejtësisht e papërshtatshme që një qeveri e huaj të kërkojë që një firmë amerikane të marrë pjesë në këtë lloj revizionimi anti-amerikan të historisë, një akt që përpiqet të fshijë spastrimet etnike dhe gjenocidin dhe bën NATO-n të duket personazh negativ. Është tronditëse që një firmë e themeluar dhe në pronësi të familjes së një ish-presidenti dhe një kandidati që mund të jetë presidenti i ardhshëm i SHBA, e pranon këtë” shkroi ai.

Kompania gjithashtu planifikon të investojë në projekte luksoze të pasurive të paluajtshme në bregdetin shqiptar. Mediat kanë raportuar se ndër investitorët e tjerë të huaj, Affinity Partners ka marrë 2 miliardë dollarë financim nga Fondi Publik i Investimeve i Arabisë Saudite.

Në letrën e tij fillestare drejtuar kompanisë, Wyden kërkoi të dhëna dhe informacion mbi “dhjetëra milionë [dollarë] që Kushner po merr nga sauditët dhe burime të tjera të huaja çdo vit duke shfrytëzuar boshllëqet ligjore mbi transparencën e fondeve private të investimeve për të fshehur këto marrëveshje nga publiku”.

Në një letër të mëvonshme, të publikuar këtë javë, Wyden kërkoi “një listë të detajuar të personelit të qeverisë shqiptare, ose individëve që kanë kontaktuar Affinity në emër të qeverisë shqiptare, të cilët e kanë kontaktuan së pari Affinity për të diskutuar investimet e pasurive të paluajtshme në Shqipëri”. Ai ka bërë një kërkesë të ngjashme për zyrtarët serbë.

Wyden gjithashtu kërkon kopje të të gjitha komunikimeve midis punonjësve të Affinity dhe anëtarëve të familjes Trump në lidhje me këto projekte, duke përfshirë gruan e Kushner, Ivanka Trump.

Affinity ka konfirmuar për Wyden se qeveritë serbe dhe shqiptare do të kenë kontroll të plotë mbi të gjitha aspektet e këtyre projekteve të mundshme, përfshirë fuqinë vendimmarrëse mbi lejet, taksat lokale dhe licencat për projektet.

Megjithatë, Wyden shkroi se kjo do të thotë që Serbia dhe Shqipëria do të kenë “kontroll potencialisht shantazhues mbi investimet e familjes së atij që mund të jetë presidenti i ardhshëm”. Sipas Wyden, një nivel i tillë i përfshirjes së qeverisë ngre pyetje në lidhje me natyrën e këtyre marrëdhënieve.

“Për të dy zhvillimet e propozuara të pasurive të paluajtshme, qeveritë serbe dhe shqiptare duket se zotërojnë tokën dhe kanë diskrecion të gjerë mbi mënyrën se si përdoret ajo. Këto kushte u lejojnë qeverive serbe dhe shqiptare të kërkojnë përfitime të pazakonta nga Affinity gjatë procesit,” deklaroi Wyden.

Pyetje mbi lidhjen saudite

Sipas letrës së Wyden, Affinity ka fituar 157 milionë dollarë në pagesa nga klientët e huaj, përfshirë 87 milionë nga qeveria e Arabisë Saudite.

Affinity i ka bërë me dije Komitetit se i faturon investitorit kryesor të tij, Fondit Publik të Investimeve të Arabisë Saudite, një interes vjetor prej 1.25 për qind mbi 2 miliardë dollarët në fonde të premtuara dhe se investitorët e tjerë po paguajnë më shumë se 2 për qind interesa mbi fondet e premtuara.

Wyden pretendon se struktura e tarifave të Affinity është jashtëzakonisht e lartë, duke marrë parasysh tendencat e tregut dhe mungesën relative të përvojës së Kushner dhe të punonjësve të tjerë të lidhur me Trump në këtë industri.

Affinity thotë se fondet e saj nuk kanë gjeneruar asnjë kthim investimi deri më tani dhe se nuk kanë shpërndarë asnjë fitim për klientët.

Wyden pretendon se varësia e Affinity nga një grup i vogël investitorësh të lidhur me qeveri të huaja ngre gjithashtu shqetësime në lidhje me Aktin e Regjistrimit të Agjentëve të Huaj, FARA, që rregullon lobimin e huaj në SHBA.

“Meqenëse 100 për qind e kapitalit të jashtëm të Affinity dhe burimeve të të ardhurave vijnë nga burime të huaja, kryesisht fondet sovrane, jam i shqetësuar që fondet private të investimeve të Affinity po shfrytëzohen nga ish-zyrtarë të qeverisë amerikane si një mënyrë për të marrë kompensim nga qeveritë e huaja pa i deklaruar këto pagesa sipas FARA-s,” shkroi Ëyden.

Madhësia e investimit saudit ka ngritur prej kohësh pikëpyetje. New York Times raportoi në prill 2022 pretendimet se investimi “duket si një shpërblimi i mundshëm për veprimet e Kushner në Shtëpinë e Bardhë – ose si një përpjekjeje për favore në të ardhmen nëse Trump kërkon dhe fiton një mandat tjetër presidencial në vitin 2024”.

Opozita e Serbisë e zbuloi për herë të parë informacionin që kompania amerikane do të investonte në Serbi në mars.

Projekti u kritikua në raporte për shkak të dyshimeve për korrupsion, por edhe për shkak të vlerës arkitektonike dhe kulturore të ish-Shtabit Ushtarak të Jugosllavisë të dëmtuar në Beograd. Ndërtesa u ndërtua në vitin 1965 dhe është projektuar nga arkitekti i njohur serb Nikola Dobrovic./Reporter.al

Letra e plote:

https://www.finance.senate.gov/…/chairman_wyden_to…

https://www.finance.senate.gov/imo/media/doc/chairman_wyden_to_affinity_partnerspdf.pdf?fbclid=IwY2xjawFmCAtleHRuA2FlbQIxMAABHR11BCvyuIUdzPzaos1b6KjL6OJV3YDyhp3RLYhgBEj38PprJH096dtVaA_aem_EoE4PUId2tThuPMrAjz94A

Republikanët “ndalojnë” Kostelancik të vijë në Shqipëri, kandidatura e tij si zëvendësues i Yuri Kim, pengohet në senat

Mosmarrëveshjet mes republikaneve dhe demokratëve në senatin amerikan për çështje të brendshme vijojnë të mbajnë të bllokuar rreth 40 emrat të cilët administrata e presidentit të Shteteve të Bashkuara Joe Biden ka kandiduar për të qenë ambasadorët e rinj amerikane në vende të ndryshme të botës, duke përfshire edhe të nominuarin e Biden për ambasador të Shteteve te Bashkuara në Shqipëri David J. Kostelancik.

Në një seancë të 24 shtatorit, senatorja demokrate nga New Hampshire Jeanne Shaheen prezantoi në senat një mocion ku kërkonte miratimin e të nominuarit të presidentit Biden në Shqipëri David J. Kostelancik, por serish u përball me pengesën republikane,

“Vij sot këtu për të mbështetur nominimi i David Kostelancik per te qene Ambasadori i SHBA-së në Shqipëri. Për mbi 35 vjet, z. Kostelancik ka shërbyer si diplomat karriere I Shërbimi i Jashtëm dhe një kandidat i kualifikuar dhe shembullor për të përfaqësuar Shtetet e Bashkuara në një kryeqytet aleat. Ai ka shërbyer më parë në Shqipëri, si dhe detyra jashtë vendit si në Turqi, Rusi dhe Hungari, ku ai drejtoi Ambasadën tonë si i Ngarkuar me Punë për gati 2 vjet. Është e qartë se ne kemi një kandidat shumë te kualifikuar për të shërbyer si ambasador në Shqipëri. Dua te theksoj se perse është kaq kritike që ne te konfirmojnë një ambasador në Shqipëri dhe që ta bëjmë pa vonesë. Shqipëria është një histori e vërtetë suksesi për Politiken e jashtme amerikane. Vetëm 30 vjet më parë Shqipëria po zgjohej nga më shumë se katër dekada të sundimit komunist”, tha senatorja.

Deklarate e cila u kundërshtua nga senatori republikan nga Utah Mike Lee i cili dha disa argumente kundër kësaj kandidature.

“Kryqëzata e vazhdueshme e diplomatëve të karrierës për të përhapur ideologjinë “woke” në emër të Shteteve të Bashkuara shpesh vepron qartësisht kundër interesave tona dhe minon aktivisht reputacionin dhe ndikimin e kombit tonë. Ashtu si shumë nga të nominuarit e Biden-Harris, z. Kostelancik ka treguar paaftësi për të lënë mënjanë pjesëmarrjen e tij personale politike ndërsa përfaqëson interesat e SHBA-së jashtë vendit. Performanca e tij e kaluar si i ngarkuar me punë në Hungari duhet ta diskualifikojë atë për t’u besuar sërish me përgjegjësinë diplomatike. Z. Kostelancik ndërhyri hapur në politikën hungareze. Ai sulmoi lirinë e shtypit dhe u përfshi në aktivizëm të hapur social, të cilin qeveria hungareze e konsideroi si një ndërhyrje të papërshtatshme në politikën e brendshme të Hungarisë. Kostelancik dëmtoi marrëdhënien tonë me një aleat të besueshëm dhe të rëndësishëm për hir të përhapjes së ideologjisë partiake jashtë vendit, në një kohë kur ai ishte thjesht një zëvendës deri sa administrata e Trump-it të nominonte një ambasador. Tani administrata Biden-Harris dëshiron ta bëjë atë përgjegjësin kryesor për interesat e qeverisë amerikane në Shqipëri. Administrata Biden-Harris kishte çdo mundësi të paraqiste një kandidat të ri për këtë pozicion kur emërimi i z. Kostelancik iu kthye Presidentit në fund të vitit të kaluar, por në vend që të paraqiste një kandidat me një reputacion më të favorshëm, një të kaluar më pak kontradiktore dhe një përqendrim të dëshmuar në interesat kryesore të SHBA-së, Presidenti Biden po e promovon z. Kostelancik.

Imperializmi kulturor vazhdon të dominojë, të shpërqendrojë dhe të shkatërrojë reputacionin dhe efektivitetin e trupit tonë diplomatik. Nuk do të jem i paangazhuar në përpjekje të tilla, dhe për këtë arsye kundërshtoj”, tha Lee.

Ne dhjetor te vitit te kaluar Senati amerikan nuk e miratoi emërimin e Kostelancik si ambasador i Shteteve të Bashkuara të Amerikës në Shqipëri duke e kthyer këtë kandidature te presidenti Biden. Nuk dihet ende se kur do te jete seanca e radhës ne senat per shkak te procesit elektoral të nëntorit ku e gjithë vëmendja e politikes amerikane fokusohet te presidencialet.bw

Trumpi dhe Zelensky u takuan në Nju Jork

Takimi mes Donald Trumpit dhe Volodymyr Zelenskyt në Nju Jork.

Presidenti ukrainas, Volodymyr Zelensky, u takua në Nju Jork me Donald Trumpin, kandidatin republikan për president të Shteteve të Bashkuara.

Trump tha se nëse zgjidhet president, “ne do të punojmë me të dyja palët” për t’i dhënë fund luftës në Ukrainë, që ai tha se beson se “mund të zgjidhet shumë shpejt”.

“Kam raport shumë të mirë [me Zelenskyn] dhe po ashtu kam një raport shumë të mirë, siç e dini, me presidentin [rus, Vladimir] Putin”, tha Trump më 27 shtator në Kullën Trump në Nju Jork, ku u mbajt takimin.

“Mendoj se nëse fitoj [në zgjedhjet presidenciale të nëntorit], do të kemi një zgjidhje shumë të shpejtë”, shtoi ai.

Takimi vjen mes rritjes së tensioneve mes dy zyrtarëve lidhur me mbrojtjen e Ukrainës kundër pushtimit të nisur nga Rusia në shkurt të vitit 2022.

Mbajtja e këtij takimi ishte vënë në pikëpyetje paraprakisht, por Trump tha se “vetë fakti që jemi bashkë sot është shenjë e mirë”.

“Mendoj se kemi një qëndrim të përbashkët se lufta në Ukrainë duhet të ndalet dhe [presidenti rus, Vladimir] Putin nuk mund të fitojë”, tha Zelensky në nisje të takimit.

Takimi u zhvillua në Kullën Trump në Nju Jork, një ditë pasi nënpresidentja amerikane Kamala Harris, kundërshtarja demokrate e Trumpit në zgjedhjet e nëntorit, u takua me liderin ukrainas dhe shprehu mbështetje të palëkundur për Ukrainën.

Trump dhe Harris kanë qëndrime të ndryshme sa i përket mbështetjes së Ukrainës, teksa lufta mes Ukrainës dhe Rusisë po vazhdon.

Trump në ditët e fundit ka lavdëruar fitoret historike ushtarake të Rusisë dhe ka insistuar se SHBA-ja ka nevojë “të largohet” dhe t’i japë fund përfshirjes me Ukrainën.

Gjatë një interviste për The New Yorker, që u publikua më herët gjatë kësaj jave, Zelensky la të kuptohet se Trumpi nuk e kupton dhe e thjeshton konfliktin. Udhëheqësi ukrainas tha se kandidati i Trumpit për nënpresident, JD Vance, ishte “shumë radikal” dhe po avokon që Ukraina “të bëjë një sakrificë” duke “hequr dorë nga territori i saj”.

Gjatë kësaj jave, Trumpi në dy raste ka kritikuar Zelenskyn. Duke folur gjatë një ngjarjeje në Karolinën e Veriut të mërkurën, Trump tha:

“Çdo marrëveshje – qoftë marrëveshja më e keqe – do të ishte më e mirë nga ajo që kemi tani”.

Ndërkaq, Harris në takim me Zelenskyn tha se Trumpi po kërkon që Ukraina të arrijë një marrëveshje të shpejtë dhe propozimet e tij, sipas saj, “nuk janë propozime për paqe, por propozime për dorëzim”. Por, Trump ka deklaruar se ai nuk po avokon për dorëzim.REL

Lufta në Ukrainë- Trump dhe Zelensky do të takohen në Nju Jork, mes debateve në rritje

Donald Trump ka thënë se do të takohet me Presidentin ukrainas Volodymyr Zelensky në Nju Jork të premten. Kandidati republikan për president tha në një konferencë shtypi se dyshja do të takohen në pronën e tij Trump Tower.

Takimi është vendosur të vazhdojë pavarësisht raporteve të mëparshme se ishte anuluar në mes të zemërimit në rritje nga republikanët, pasi Zelensky vizitoi më herët shtetin kyç amerikan të Pensilvanisë.

Të enjten, Zelensky u takua me Presidentin e SHBA Joe Biden dhe nënpresidenten Kamala Harris në Shtëpinë e Bardhë për të diskutuar “planin e tij të fitores”, i cili ai shpreson se do të bëjë presion ndaj Rusisë për të rënë dakord për një fund diplomatik të luftës. “Presidenti Zelensky ka kërkuar të takohet me mua dhe unë do të takohem me të nesër në mëngjes”, u tha Trump gazetarëve në Nju Jork.

“Dhe është turp ajo që po ndodh në Ukrainë. Kaq shumë vdekje, kaq shumë shkatërrime. Është një gjë e tmerrshme.” Trump tha se besonte se do të ishte në gjendje të “bënte një marrëveshje” midis presidentit rus Vladimir Putin dhe Zelensky “mjaft shpejt”. Kur u pyet për të dhënë detaje të një marrëveshjeje të tillë, ai u përgjigj: “Nuk dua t’ju them se si duket”.

Ish-presidenti amerikan po fliste pasi Zelensky ishte takuar më parë me Biden dhe Harris. Disa orë më parë, Biden kishte njoftuar një paketë shtesë prej 7.9 miliardë dollarësh (5.9 miliardë paund) të ndihmës ushtarake për Ukrainën. Duke folur së bashku me presidentin ukrainas pas takimit të tyre, Harris tha se ka “disa njerëz në vendin tim” që “do ta detyrojnë Ukrainën të heqë dorë nga pjesë të mëdha të territorit të saj sovran”.

“Këto propozime janë të njëjta me ato të Putinit,” tha ajo, duke i quajtur ato “propozime për dorëzim”. I pyetur në konferencën për shtyp nga një gazetar nëse Ukraina duhet t’i lëshojë tokë Rusisë për t’i dhënë fund luftës, Trump nuk u përgjigj drejtpërdrejt. “Le të kemi pak paqe,” tha ai. “Ne kemi nevojë për paqe. Ne duhet të ndalojmë vdekjen dhe shkatërrimin.”

Takimi i së premtes vjen në mes të tensioneve midis Zelensky dhe partisë Republikane përpara zgjedhjeve presidenciale të nëntorit në SHBA. Disa republikanë u zemëruan nga vizita e Zelenskyt në një fabrikë armësh në qytetin e lindjes së Biden, Scranton, Pensilvani.

Vizita e Zelenskit në shtetin kyç u etiketua nga republikanët kryesorë si një ngjarje e fushatës. Në një letër publike, kryetari i Dhomës së Përfaqësuesve të SHBA, Mike Johnson tha se vizita ishte “projektuar për të ndihmuar demokratët” dhe pretendoi se ajo përbënte “ndërhyrje në zgjedhje”. Trump dhe Zelensky kanë një marrëdhënie të ndërlikuar.

Në vitin 2019, Trump u fajësua nga Dhoma e Përfaqësuesve të SHBA-së për akuzat se ai i bëri presion liderit të Ukrainës për të zbuluar informacione të dëmshme për një rival politik. Një transkript i përafërt i telefonatës zbuloi se Trump i kishte kërkuar Zelenskyt të hetonte Bidenin, si dhe djalin e Bidenit. Trump gjithashtu është bërë gjithnjë e më kritik ndaj financimit të vazhdueshëm të SHBA-së për Ukrainën, dhe ditët e fundit ka ashpërsuar sulmet e tij kundër Zelenskit, duke e quajtur atë “shitësin më të madh në Tokë”.

Zelensky kohët e fundit i tha revistës New Yorker se ai beson se Trump “nuk di vërtet se si ta ndalë luftën”. Kur u pyet për komentet e Zelenskyt të enjten, Trump u përgjigj: “Unë besoj se nuk jam dakord me të. Ai nuk më njeh”.bw

Studiuesja në SHBA jep alarmin e fortë: ‘Vuçiçi njësoj si Putini, po përgatit hakmarrje ndaj Kosovës’

“Ashtu siç Putini akuzoi Perëndimin për rënien e Bashkimit Sovjetik dhe kaloi jetën e tij duke u përgatitur për hakmarrjen e vitit 2022, Presidenti serb po përgatit hakmarrjen e tij për vitet ’90”.

Këtë skanim i bëri studiuesja e njohur që vepron në Shtetet e Bashkuara, Ivana Stradner, fjalimit të Aleksandër Vuçiç në Asamblenë e Përgjithshme të Kombeve të Bashkuara.

“Ai po pret vetëm momentin e duhur gjeopolitik”, lëshon alarmin ekspertja e njohur e sigurisë. Ndërsa, studiuesi europian, Jakub Bielamowicz, vlerëson se presidenti serb shkoi plotësisht me një retorikë anti-perëndimore duke dënuan dominancën e kapitalizmit perëndimor.

“Ai fajësoi perëndimin për shpërbërjen e Bashkimit Sovjetik dhe rrëzimin e Jugosllavisë, gjithashtu dhe bombardimet e NATO-s të vitit 1999 që i hapën rrugën pavarësisë së Kosovës”, thekson eksperti evropian. sn

Skandal në SHBA- Gazetarja publikon foto nudo me pinjollin e familjes Kennedy

Një skandal seksual ka përfshirë sërish familjen Kennedy.

Gazetarja Olivia Nuzzi e revistës së njohur New York Magazine i ka dërguar foto thuajse nudo ish-kandidatit të sapo tërhequr presidencial Robert F. Kennedy Jr. Mediat thonin se Nuzzi dhe kandidati Kennedy kishin një marrëdhënie online romantike, dhe se 31-vjeçarja tërheqëse i kishte dërguar foto pinjollit të familjes së famshme Kennedy, që nga ana tjetër është i martuar.

Dyshja thuhet se kishin shkëmbyer shumë mesazhe pasi Nuzzi ishte njohur me 70-vjeçarin në një event në nëntor. Prej zhurmave të aferës, Nuzzi aktualisht është pezulluar nga puna.

Grupi i Kennedy thanë se ai është takuar personalisht vetëm një herë me Nuzzin në nëntor, por rrjeti Puck News shkruante se dyshja ishin takuar disa herë.

Në një tjetër deklaratë një zëdhënës i Kennedyt i quante deklaratat e marrëdhënies “të rreme”, duke përsëritur se ish-kandidati presidencial dhe Nuzzi ishin takuar vetëm një herë personalisht.

Edhe Nuzzi thotë se mes tyre nuk kishte një marrëdhënie fizike dhe se ajo nuk e kishte përdorur Kennedin si “burim informacioni”.

Kennedy, i biri i senatorit amerikan Robert F. Kennedy të vrarë në një aksident ajror, dhe nip i ish-presidentit President John F. Kennedy, të vrarë në atentat, akuzohet nga mediat se ishte në lidhje me Nuzzi, teksa ajo është e fejuar dhe ai vetë i martuar.

Kennedy është i martuar prej një dekade me aktoren Cheryl Hines, që u bë gruaja e tij e tretë.sn

Gaza dhe Ukraina në qendër të fjalimit të Presidentit Joe Biden në OKB

Të martën Presidenti Joe Biden do të mbajë fjalimin e fundit para Asamblesë së Përgjithshme të Kombeve të Bashkuara në cilësinë e presidentit amerikan.

Siç njofton Korrespondentja e Zërit të Amerikës nga Nju Jorku, Anita Powell, në qendër të fjalimit të Presidentit Biden dhe të takimeveve të tij të tjera në Nju Jork me udhëheqës të vendeve të ndryshme të botës, do të jetë situata në Lindjen e Mesme dhe ndikimi i veprimeve të tij në këtë konflikt.

Kjo është hera e fundit që Presidenti Joe Biden do t’i drejtohet një forumi të madh ndërkombëtar: qindra udhëheqësve që mblidhen çdo vit për Asamblenë e Përgjithshme të Kombeve të Bashkuara.

Fjalimi i zotit Biden vjen në një moment kyç, thotë përfaqësuesja amerikane në OKB.

“E themi çdo vit, por kjo asamble nuk mund të përkonte në një moment më kritik dhe sfidues. Lista e krizave dhe konflikteve që kërkojnë vëmendje dhe veprim duket se po rritet vazhdimisht”, thotë Linda Thomas-Greenfield, Ambasadore e SHBA-së në OKB.

Në krye të kësaj liste është situata në Gazë. Në këtë çështje, qëndrimi amerikan nuk është në të njëjtën linjë me pjesën tjetër të asamblesë, e cila javën e kaluar miratoi me shumicë dërrmuese një rezolutë që i kërkonte Izraelit t’i japë fund pushtimit të territoreve palestineze brenda 12 muajve të ardhshëm.

Shtetet e Bashkuara ishin në mesin e 14 votave “kundër”, të cilat zonja Thomas-Greenfield thotë se ishin në përputhje me qëndrimin e Uashingtonit kundër “masave të njëanshme që pengojnë perspektivën e një zgjidhjeje me dy shtete”.

Analistët presin nga Presidenti Biden të flasë për mbështetjen e tij për Izraelin dhe Ukrainën. Sipas njohësve, këto dy konflikte janë dy sfidat më të mëdha të zotit Biden, ndërsa ai përfundon mandatin e tij.

“Me Lindjen e Mesme dhe shpresat për parandalimin e zgjerimit të konfliktit në një luftë rajonale, të gjithë mund të supozojnë mbi atë se çfarë do të ndodhë”, thotë Jim Kessler nga organizata ‘Third Way’.

Një gjë është e qartë: ndërsa konflikti i afrohet kufirit të një viti, rreth 100 persona po vazhdojnë të mbahen peng nga Hamasi. Shtëpia e Bardhë thotë se kthimi i tyre në shtëpi është përparësia kryesore dhe shtylla e një marrëveshjeje për të ndalur luftimet mes Izraelit dhe grupit militant.

Eksperti Kessler thotë se shumë udhëheqës do ta presin ngrohtë fjalimin e fundit të Presidentit Biden, pasi ai ka shfrytëzuar mandatin e tij për të rindërtuar aleancat dhe për të rivendosur normat globale.

“Ka shumë simpati për të në shumicën e vendeve. Sigurisht, ka disa vende që nuk e pëlqejnë”, thotë zoti Kessler.

Presidenti Biden flet në Nju Jork të martën.

Kush është burri që dyshohet se u përpoq të vriste Trumpin?

Në muajt e parë pas pushtimit të plotë të Ukrainës nga Rusia, Ryan Wesley Routh ishte shpesh në Kiev. Fliste me kalimtarë në rrugën e famshme të qytetit “Khreschatyk”, iu drejtohej atyre në anglisht, shkëmbente numrat e telefonit dhe kërkonte ndihmë për të mbështetur forcat e armatosura të Ukrainës.

Ai shihej nga vullnetarët që shkonin në Kiev si një lloj nuske për ushtrinë e Ukrainës, thotë Christian Lutz, një gjerman që drejton një organizatë ndihme të quajtur Phoenix dhe që u takua me Routhin disa herë në vitin 2022.

“Burri rekrutues me një flamur amerikan rreth qafës së tij – kështu i referoheshin të gjithë”, thotë Lutz për Radion Evropa e Lirë.

“Ai dukej se ishte një ujk i vetmuar. Nuk kishte kolegë apo miq me vete”, shton ai.

Routh, 58 vjeç, tani dyshohet për përpjekje të mundshme për të vrarë ish-presidentin amerikan, Donald Trump, tani kandidat i Partisë Republikane për president.

Routh u arrestua nga policia në Floridë më 15 shtator, pasi agjentët e Shërbimit Sekret e panë duke drejtuar një pushkë në drejtim të Trumpit, derisa ai luante golf në një klub në Uest Pallm Biç.

Routh u arrestua pasi u largua nga vendi i ngjarjes dhe agjentët gjetën një pushkë “AK-47”, së bashku me dy çanta shpine dhe një kamerë GoPro në vendin e ngjarjes, u tha gazetarëve sherifi i Qarkut Pallm Biç, Ric Bradshaw.

Ndërkohë që nuk ka ende prova që i lidhin përpjekjet e Routhit në Ukrainë me incidentin në Floridë, arrestimi i tij ka habitur njerëzit që i kanë kryqëzuar rrugët me të në Ukrainë.

“Çfarë është duke ndodhur? Kjo nuk mund të jetë e vërtetë”, tha Lutz kur dëgjoi lajmin për arrestimin e Routhit.

Disa nga njësitë luftarake vullnetare më të njohura në Ukrainë u distancuan shpejt nga Routhi, duke lëshuar deklarata që i mohonin të gjitha lidhjet me të.

“Routh nuk ka shërbyer kurrë në Legjionin Ndërkombëtar të Drejtorisë Kryesore të Inteligjencës të Ministrisë së Mbrojtjes në Ukrainë. Ai nuk ka asnjë lidhje me njësinë”, tha Legjioni Ndërkombëtar – një njësi e përbërë nga vullnetarë të huaj – në një postim në Telegram.

“Thashethemet që qarkullojnë në media të caktuara, nuk janë të vërteta”, tha grupi.

Në prill të vitit 2022, Routh u shfaq në një tubim në Kiev në mbështetje të batalionit Azov – një njësi ushtarake e diskutueshme, por e nderuar nga shumë në Ukrainë për aftësitë e saj luftarake.

Pas disa javësh qëndrese në qytetin port të Mariupolit kundër rrethimit rus, anëtarët e batalionit u dorëzuan dhe shumë prej tyre u zunë robër nga Rusia. Familjarët, ndërkohë, organizuan mitingje, në përpjekje për të bërë presion për lirimin e të afërmve të tyre.

Sipas një videoje të Associated Press nga vendi i ngjarjes, Routh u pa i veshur me një jelek blu, me një flamur të SHBA-së në shpinë dhe me një pankartë ku shkruante: “Ne nuk mund të tolerojmë korrupsionin dhe të keqen edhe për 50+ vjet të tjerë. Jepni fund Rusisë për fëmijët tanë”.

Routh u shfaq edhe në një video të publikuar në maj të vitit 2022 nga një llogari në Twitter, e drejtuar nga të afërmit e anëtarëve të Azovit.

“Duam të deklarojmë zyrtarisht se Ryan Wesley Routh nuk ka asnjë lidhje me Azovin dhe nuk ka pasur asnjë lidhje me Azovin”, tha grupi në një postim në X më 16 shtator.

“Demonstrata paqësore në të cilën mori pjesë ai, ishte e hapur dhe çdokush mund t’i bashkohej. Ai u kap rastësisht në videon e filmuar nga protestuesit”, u tha në atë postim.

Duke folur për Radion Evropa e Lirë me telefon nga Gjermania, Lutz thotë se është takuar me Routhin në udhëtimin e tij të parë në Kiev, në qershor të vitit 2022.

“Dukej shumë komunikues, ekstrovert dhe i përqendruar në detyrën e tij për t’i futur të huajt në ushtrinë ukrainase”, thotë Lutz.

“Njëherë po udhëtonim nëpër Kiev, kur ai doli me idenë për të kërkuar një fabrikë për ndërtimin e dronëve, një fabrikë për prodhimin e dronëve”, thotë ai.

Lutz tregon se, më vonë, e bllokoi atë në mediat sociale, sepse, siç thotë, ai po e bombardonte me mesazhe.

Këmbëngulja dhe prania publike i sollën Routhit vëmendjen e disa gazetarëve, përfshirë ata të revistës Newsweek, e cila botoi një intervistë të shkurtër me të në publikimin rumun.

“Ky konflikt është padyshim bardh e zi. Kjo ka të bëjë me të mirën kundër së keqes”, citohet të ketë thënë ai.

Sipas gazetës Greensboro News & Record, një burrë që gazeta e identifikoi si Routh dhe që kishte të njëjtën moshë, u arrestua nga policia në vitin 2002, pasi u barrikadua brenda një ndërtese me një armë automatike.

Ai më vonë u transferua nga Karolina e Veriut në Havaje, sipas disa raporteve në SHBA.

Llogaritë e tij në mediat sociale, X dhe Facebook, janë mbyllur që nga 16 shtatori, por postimet e arkivuara tregojnë për një përzierje interesash për politikën e SHBA-së, si dhe për luftën në Ukrainë.

Në një seri postimesh në X në vitin 2023, Routh pretendonte se po rekrutonte ushtarë afganë që ishin të gatshëm të shërbenin në Tajvan ose Haiti.

Në rrjetin LinkedIn, një profil nën emrin e Routhit përputhet me shumë nga detajet e tij biografike dhe aty thuhet se ai është i vetëpunësuar në një kompani në Havaje, e quajtur Camp Box Honolulu.

Në një postim në mars të vitit 2023, i njëjti profil në LinkedIn nxori dy fotografi, pa datë. Në njërën duket Routh përpara ndërtesës së Kongresit amerikan në Uashington dhe në tjetrën ai është në Sheshin e Pavarësisë në Kiev. Fotografitë mbajnë mbishkrimin: “Në DC dhe në Kiev për të siguruar ushtarë për luftë”.

Routh, gjithashtu, duket se ka botuar vetë një libër në Amazon, të quajtur “Lufta e pafitueshme e Ukrainës” – një gjetje kjo e raportuar për herë të parë nga Associated Press.

Në hyrjen e botuar në ueb-faqen e Amazonit, ku libri mbetet në shitje, Routh shkroi se përse ai mendon se mbrojtja e Ukrainës është e rëndësishme.

“Unë supozoj se duhet të jem i qartë, se në rrugën aktuale Ukraina nuk do të fitojë, dhe është e domosdoshme për botën që ajo të fitojë. Kjo është arsyeja përse ky libër është aq i rëndësishëm, që të gjithë ne të kuptojmë se humbja nuk është opsion dhe çfarë duhet të bëjmë për të fituar”, shkroi Routh.

Radio Evropa e Lirë

Përgatiti: Valona Tela

Atentati i dytë ndaj Trump, Kamala Harris thyen heshtjen: Jam e lumtur që është mirë

Kamala Harris ka thyer heshtjen e saj pas të shtënave me arnë zjarri që u dëgjuan pranë fushës së golfit ku ndodhej dje Donald Trump. Ish-presidenti u sigurua nga agjentët e Shërbimit Sekret pasi të shtënat në Florida shënuan atentatin e dytë ndaj ish-presidentit në më pak se dy muaj.

Zëvendëspresidentja e cila do të përballet me kandidatin e republikanëve në zgjedhjet presidenciale të nëntorit tha se ishte e lehtësuar që askush nuk u lëndua në tentativën e fundit për të vrarë rivalin e saj.

“Jam informuar për raportet e të shtëna me armë zjarri pranë ish-presidentit Trump dhe pronës së tij në Florida, dhe jam e lumtur që ai është i sigurt”, shkroi ajo në X. “Dhuna nuk ka vend në Amerikë”, shkroi Harris.

Shërbimi Sekret raportohet se ka qëlluar kundër personit të armatosur dhe një i dyshuar u kap më vonë në atë që zyrtarët besojnë se ishte një përpjekje për të vrarë ish-presidentin. “Presidenti Trump është i sigurt pas të shtëna me armë zjarri në afërsi të tij”, tha në një deklaratë drejtori i komunikimit të fushatës Trump, Steven Cheung. bw

FBI: Ish Presidenti Trump është i sigurt pas atentatit të dytë

Ish Presidenti Donald Trump është i sigurt pas asaj që zyrtarët thonë se ishte atentati i dytë, i pasuksesshëm në dy muaj ndaj tij. FBI mori përsipër çështjen pas të shtënave të së dielës ndërsa siç njofton korrespondentja e Zërit të Amerikës Anita Powell i dyshuari po mbahet në paraburgim. Kjo përpjekje e dytë vetëm sa shton zhvillimet dramatike që po përjetojnë amerikanët në këtë fushatë zgjedhore.

Për herë të dytë në nëntë javë, ish-Presidenti Donald Trump i shpëtoi një atentati të mundshëm. Sipas Byrosë Federale të Hetimit (FBI), rasti i fundit ndodhi të dielën pasdite, në klubin e tij të golfit në West Palm Beach të Floridas.

Ndryshe nga hera e parë, kjo nuk ndodhi në transmetim të drejtpërdrejtë, siç ndodhën të shtënat të cilave zoti Trump u mbijetoi më 13 korrik. Atëherë zoti Trump u plagos në vesh, ndërsa një pjesëmarrës në tubimin zgjedhor të tij u vra.

Ditë më vonë, zoti Trump mori emërimin e Partisë Republikane si kandidat për president.

Zyrtarët të dielën thanë se ish Presidenti nuk ishte lënduar.

FBI, e cila drejton hetimin, thotë se “duket të jetë një përpjekje për atentat”.

Drejtuesi i policisë lokale tha se i dyshuari u largua, duke lënë pas një ‘pushkë të stilit AK-47’, një kamera të llojit ‘GoPro’ dhe dy çanta. Policia më vonë e kapi atë teksa po kalonte me shpejtësi përgjatë autostradës kryesore duke shkuar drejt qarkut fqinj.

“Agjenti i Shërbimit Sekret që ishte afër bëri një punë fantastike. Ai arriti të dallojë tytën e pushkës që shihej përtej shkurres ku qëndronte i dyshuari dhe oficeri reagoi menjëherë duke qëlluar. Në atë kohë ai individ iku menjëherë”, thotë Rick Bradshaw, drejtues i policisë në Palm Beach.

Në një deklaratë të përbashkët më pak se një orë pasi ekipi i ish Presidentit njoftoi për tentativën e dytë kundër zotit Trump, Presidenti Joe Biden dhe Nënpresidentja Kamala Harris thanë se po informoheshin rregullisht për rastin. Të dy thanë se ndjehen ‘të lehtësuar’ që zoti Trump është i sigurt.

“Presidenti dhe Nënpresidentja janë informuar për incidentin në fushën e golfit, ku ish-presidenti ishte duke luajtur golf. Ata ndjehen të lehtësuar që kanë marrë vesh se ai është i sigurt”, thuhet në këtë deklaratë.

Policia njoftoi se i dyshuari ishte “midis 275 dhe 450 metrash” nga zoti Trump, i fshehur në shkurre.

Ndërsa kjo nxit pyetjet se si kjo do të shtojë pasiguri të mëtejshme në një fushatë zgjedhore tashmë të trazuar, këto shifra nënvizojnë një fakt të tmerrshëm ndërsa Amerika po shkon drejt zgjedhjeve të nëntorit:

Atë që një person i armatosur me një armë të llojit AK-47 arriti t’i afrohej kaq shumë ish-presidentit.

Çfarë dihet për sulmin e dyshuar ndaj Trumpit

Nëse konfirmohet, do të ishte sulmi i dytë kundër ish-presidentit amerikan, pas atij që ndodhi më 13 korrik në Pensilvani.

VOAL- FBI po heton atë që duket të jetë një “tentativë për vrasje” kundër Donald Trumpit. Dje, të dielën, pati një të shtenë jo shumë larg fushave të Klubit Ndërkombëtar të Golfit Trump (Trump International Golf Club) në West Palm Beach (Florida), pak larg nga rezidenca Mar-a-Lago. Donald Trump ishte i padëmtuar.

Sipas rindërtimeve fillestare të siguruara nga autoritetet, një burrë ia drejtoi pushkën ish-presidentit të SHBA përmes gardhit të pronës në një distancë prej rreth 350 metrash. Agjentët e shërbimit sekret kanë vënë re tytën e armës dhe kanë hapur zjarr. Më pas, pronari i dyshuar i armës u largua me një makinë e cila u kap pak më pas. Personi i arrestuar quhet Ryan Wesley Routh. Ai është 58 vjeç, banues në Hawaii dhe ka precedentë të shumtë penalë. Në të kaluarën ai do të kishte shprehur qëndrime kritike ndaj Trumpit dhe do të kishte mbështetur kauzën ukrainase.

Një pushkë AK 47, dy çanta shpine me municion dhe një videokamerë GoPro janë gjetur në vendin ku dyshohet se ka ndodhur sulmi. Dy muaj më parë, më 13 korrik, kandidati republikan për Shtëpinë e Bardhë ishte viktimë e një sulmi gjatë një mitingu në Butler të Pensilvanisë, duke pësuar një lëndim në vesh. Të dy- presidenti Joe Biden dhe Kamala Harris, kandidatja demokrate për president, dënuan menjëherë atë që ndodhi. ATS/RSI

Nga situata ekonomike te leja për armët, Harris jep intervistën e parë si kandidate e demokratëve për President!

Kamala Harris, ka realizuar intervistën e parë vetëm në kuadër të fushatës së saj në Shtëpinë e Bardhë, që kur mori stafetën si kandidate presidenciale e demokratëve gati dy muaj më parë.

Zëvendëspresidentja e SHBA u ul me një stacion lokal të ABC Neës në Pensilvani për të diskutuar mbi ekonominë, cenueshmërinë politike dhe kontrollin e armëve.

Duke reaguar ndaj intervistës, rivali i saj republikan, Donald Trump, tha se ajo “e kishte shumë të vështirë t’i përgjigjej pyetjeve më të thjeshta”.

Sipas sondazheve të opinionit, Harris dhe Trump janë në një garë të ashpër në Pensilvani dhe shtete të tjera të fushëbetejës përpara zgjedhjeve të nëntorit.

Gjatë intervistës 11-minutëshe, Harris u pyet se si do të ulte çmimet për amerikanët. Inflacioni ka rënë që kur u rrit në fillim të administratës Biden në nivelin më të lartë të 40 viteve, edhe pse papunësia ra në nivelet më të ulëta historike.

Ajo tha se do t’u jepte pronarëve të bizneseve të vogla një zbritje tatimore prej 50,000 dollarësh për të filluar ndërmarrjet e tyre dhe një pagesë prej 25,000 dollarësh për blerësit për herë të parë. Etiketa e çmimit për planin dhe kush mund të kualifikohet, janë të paqarta, shkruan BBC.

Muajin e kaluar, Harris propozoi “ndalimin e parë federal për rritjen e çmimeve të ushqimit”, por ajo nuk e përmendi këtë ide në intervistën e së premtes. Ajo kishte provokuar një reagim të ashpër nga ekonomistët dhe grupet e biznesit, dhe Trump e krahasoi atë me kontrollet e çmimeve të stilit sovjetik.

Harris tha gjithashtu gjatë intervistës se ajo mbështet të drejtat kushtetuese të armëve, por dëshiron që armët gjysmë automatike të ndalohen.

“Është në përputhje me Amendamentin e Dytë dhe të drejtën tuaj për të zotëruar një armë, por duhet të thënë gjithashtu se ne kemi nevojë për një ndalim të armëve sulmuese,” tha ajo. “Ato janë fjalë për fjalë mjete lufte.”

Harris vazhdoi të ngrejë një lëkundje ndaj Trump, duke thënë se populli amerikan kishte nevojë për dikë që do ta bashkonte vendin, ndryshe nga rivali i saj.

Ajo u pyet gjithashtu se nga ndryshonte nga presidenti aktual i SHBA, i cili pezulloi fushatën e tij më 21 korrik dhe e mbështeti atë. Harris përsëriti një rresht nga debati, duke thënë se ajo ” nuk është Joe Biden”.

Ajo tha gjithashtu se do të “ofrojë një brez të ri lidershipi”.

Trump postoi në platformën e tij të mediave sociale Truth Social të shtunën në mëngjes një komënt ku thoshte se intervista ishte “një sallatë botërore, një rrëmujë e vërtetë!”

Fushata e Harris u rrit këtë javë kur sondazhet sugjeruan se ajo fitoi debatin e saj të parë të martën me Trump. Republikani ka thënë që atëherë se nuk do të debatojë më me të, duke pretenduar se ai ishte fituesi.

Mes thirrjeve që ajo të dilte më shumë në media, Harris muajin e kaluar u ul në CNN për intervistën e saj të parë që kur u bë kandidate, së bashku me kandidatin e saj Tim Walz. Panorama

Takimi Biden-Starmer, i përqendruar tek Ukraina

Presidenti Joe Biden shpërfilli një kërcënim nga udhëheqësi rus Vladimir Putin për luftë me Perëndimin nëse aleatët e Ukrainës lejojnë që ajo të përdorë armë me rreze të gjatë veprimi në thellësi të Rusisë.

Është një kërkesë që Kievi po e bën me këmbëngulje, por megjithëse kjo çështje pritej të ishte një nga temat kryesore të një takimi të premten midis zotit Biden dhe kryeministrit të Britanisë Keith Starmer në Uashington, nuk pati njoftim për ndonjë vendim pas tij.

Ukraina dhe shumë prej mbështetësve të saj në SHBA dhe Evropë duan që zoti Biden të heqë kufizimet për armët me rreze të gjatë veprimi të dërguara nga Perëndimi dhe ka shenja që Presidenti Biden mund ta ndryshojë politikën e administratës në këtë drejtim.

Shtetet e Bashkuara, të shqetësuara për çdo hap që mund të përshkallëzojë konfliktin, janë treguar të matura më parë para se t’u përgjigjeshin kërkesave të Ukrainës për armë të caktuara, përfshirë tanke të avancuara, raketa dhe sisteme raketash dhe avionë luftarakë F-16.

Zyrtarët rusë kanë bërë kërcënime të ngjashme përpara atyre vendimeve të mëparshme. Ukraina ishte temë kryesore për zotin Biden dhe kryeministrin britanik Starmer pas vizitës këtë javë në Kiev nga kryediplomatët e tyre.

Deri tani, SHBA e ka lejuar Ukrainën të përdorë armë të dërguara nga Amerika vetëm në një zonë të kufizuar brenda kufirit të Rusisë me Ukrainën.

Zoti Starmer tha se bisedimet për këtë çështje do të vazhdojnë kur udhëheqësit globalë të mblidhen për mbledhjen vjetore të Asamblesë së Përgjithshme të OKB-së këtë muaj.

“Ukraina ka të drejtën për vetëmbrojtje dhe ne jemi të bashkuar”, u tha ai gazetarëve pas takimit në Shtëpinë e Bardhë.

Presidenti Putin tha një ditë më parë se autorizimi i sulmeve me rreze të gjatë veprimi “do të thotë se vendet e NATO-s, Shtetet e Bashkuara dhe vendet evropiane, janë në luftë me Rusinë”.

Duke folur me gazetarët para bisedimeve me zotin Starmer, Presidenti Biden tha se donte ta bënte të qartë se Presidenti Putin nuk do ta fitojë luftën.

I pyetur se çfarë mendonte për kërcënimet e presidentit rus, zoti Biden u përgjigj: “Nuk mendoj shumë për Vladimir Putinin”.

Presidenti ukrainas Volodymyr Zelenskyy u ka bërë trysni udhëheqësve ushtarakë amerikanë dhe aleatëve që të shkojnë shumë më tej. Ai argumenton se Shtetet e Bashkuara duhet t’i lejojnë Ukrainës të godasë bazat ajrore ruse nga ku fillohen sulmet pranë kufirit, pasi Rusia ka shtuar sulmet ndaj rrjetit energjitik të Ukrainës dhe shërbimeve, ndërsa po afron stina e dimrit.”

Gjatë një takimi të ministrave të mbrojtjes të vendeve aleate javën e kaluar, Sekretari i Mbrojtjes Lloyd Austin tha se nuk besonte se furnizimi i Ukrainës me sisteme të armëve me rreze të gjatë veprimi do të arrinte një ndryshim domethënës në këtë luftë të zgjatur. Ai vuri në dukje se Ukraina tashmë ka qenë në gjendje të godasë brenda Rusisë me sistemet e prodhuara vetë brenda vendit, përfshirë dronët.

“Nuk besoj se një aftësi e caktuar do të jetë vendimtare, dhe unë i qëndroj këtij komenti”, tha Sekretari Austin.

Kosova ngriti aktakuzën për sulmin në Banjskë, reagon DASH: Të respektohet procesi gjyqësor!

Shtetet e Bashkuara tha se inkurajojnë respektimin e procesit gjyqësor dhe të sundimit të ligjit, pasi Kosova ngriti aktakuzë lidhur me sulmin e armatosur të 24 shtatorit të Banjskë të Zveçanit.

“Sa i përket aktakuzës së Kosovës, ne inkurajojmë për respektimin e procesit gjyqësor dhe të sundimit të ligjit dhe për durim, teksa ky rast i ndërlikuar procedohet në gjykata. SHBA-ja vazhdon të mbështesë fuqishëm sundimin e ligjit, drejtësinë e barabartë dhe qeverisjen e mirë në Kosovë”, tha një zëdhënësi i Departamentit amerikan të Shtetit për Radion Evropa e Lirë.

Nga DASH-i thanë se presin që Serbia të kërkojë përgjegjësi të plotë për personat e përfshirë në sulmin e shtatorit të vitit të kaluar.

Më 24 shtator të vitit të kaluar, një grup i serbëve të armatosur sulmuan Policinë e Kosovës në veri të Kosovës, duke vrarë rreshterin Afrim Bunjaku. Gjatë përleshjeve që pasuan u vranë edhe tre sulmues serbë.

Gjatë kësaj jave, Prokuroria Speciale e Kosovës ngriti aktakuzë ndaj 45 personave për këtë sulm.
Kosova e konsideron këtë sulm si terrorist, ndërsa liderët shtetërorë akuzojnë shtetin e Serbisë për organizim të sulmit.

Përgjegjësinë për sulmin e ka marrë Millan Radoiçiq, ish-nënkryetar i Listës Serbe. Ai, në aktakuzë, cilësohet si “kreu i grupit terrorist”.
Ngritja e aktakuzës për sulmin e armatosur në Banjskë është mirëpritur edhe nga Bashkimi Evropian, i cili ndërmjetëson dialogun për normalizimin e raporteve mes Kosovës dhe Serbisë.

Nga BE-ja thanë se përgjegjësit duhet të përballen me pasoja, pasi gjyqësori i Kosovës të shpallë aktvendimin ndaj tyre, teksa zëdhënësi i bllokut, Peter Stano, tha se Brukseli vazhdimisht i ka kërkuar Serbisë që të përfshirët në këtë sulm të dalin para drejtësisë.

Presidenti i Serbisë, Aleksandar Vuçiq, deklaroi më 13 shtator se autoritetet serbe po e hetojnë sulmin në Banjskë.

Ai tha se ky sulm, për Serbinë, nuk është “terrorist”.

“Por, nuk dua të zgjerohem më tej dhe të shpjegoj përsëri se kush është fajtor për këtë dhe kush e solli këtë gjendje”, tha Vuçiq gjatë një adresimi.
Radoiçiq besohet se gjendet në Serbi. Ndërkaq, të pandehurit e tjerë, sipas aktakuzës, të gjithë janë në arrati përveç tre personave që gjenden në paraburgim në Kosovë: Vlladimir Tolliq, Bllagoje Spasojeviq dhe Dushan Maksimoviq./REL

Aktakuza për sulmin e Banjskës, ambasadori i SHBA në Beograd: Agresorët duhet të mbahen përgjegjës!

Ambasadori amerikan në Serbi, Christopher Hill, tha se sa i përket aktakuzës të ngritur nga autoritetet e Kosovës për sulmin e armatosur në Banjskë, shteti i tij avokon që sulmuesit të mbahen përgjegjës.

Ky qëndrim i Shteteve të Bashkuara, sipas tij, është i njohur prej kohësh.

Më 11 shtator, Prokuroria Speciale e Kosovës njoftoi për ngritjen e aktakuzës kundër 45 personave, përfshirë edhe ndaj Millan Radoiçiqit, duke i akuzuar për pjesëmarrje në grupin e armatosur që sulmoi Policinë e Kosovës në Banjskë të Zveçanit më 24 shtator 2023.

Autoritetet në Kosovë e cilësojnë sulmin si terrorist.

Aktakuza ende nuk është bërë publike dhe nuk dihet se kush janë personat e tjerë që janë akuzuar.

Një grup i serbëve të armatosur sulmuan Policinë e Kosovës më 24 shtator të vitit të kaluar. Gjatë sulmit u vra polici Afrim Bunjaku, ndërkaq në këmbimet e zjarrit që pasuan u vranë edhe tre sulmues serbë.

Millan Radoiçiq, ish-nënkryetar i Listës Serbe – partisë kryesore të serbëve në Kosovë që gëzon mbështetjen e Beogradit – ka marrë përgjegjësinë për sulmin. Ai besohet se gjendet në Serbi.

Prokurori i rastit, Naim Abazi, gjatë një konference në Prishtinë nuk e përmendi përfshirjen e mundshme të udhëheqjes së Serbisë në sulm – gjë që, më herët, është potencuar vazhdimisht nga autoritetet e Kosovës, edhe pse ajo vetë e ka mohuar.

Sa i përket raporteve mes Kosovës dhe Serbisë, ambasadori Hill tha se të gjitha përpjekjet duhet të përqendrohen në dialog sepse, sipas tij, kjo është mënyra e vetme për të zgjidhur problemet. Hill tha se këtë qëndrim e ka shprehur edhe përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak, gjatë vizitës që ai zhvilloi në Serbi më 10 shtator.

Pas takimit me Hillin dhe Lajçakun, presidenti serb, Aleksandar Vuçiq, tha se ai do të paraqesë kërkesat e Serbisë, për shkak të “sulmeve brutale dhe substanciale ndaj popullsisë serbe në veri të Kosovës”.

Ai nuk specifikoi se për çfarë sulmesh bëhej fjalë.

Vuçiq tha se në 72 orët e ardhshme ai do t’i adresohet publikut për “ato që bashkësia ndërkombëtare nuk i ka përmbushur, për ato që Serbia kërkon, dhe synon të bëjë”.

Mirosllav Lajçak, ndërkaq, ka deklaruar se gjatë takimit, Vuçiq ka ngritur shqetësime të mëdha lidhur me situatën e serbëve në Kosovë.

“Theksova se duhet të diskutojmë dhe të gjejmë zgjidhje të dakorduara në dialog”, shkroi në X emisari evropian.

Lajçak qëndroi në Beograd, por edhe një më parë edhe në Prishtinë, për të përgatitur rundin e ri të dialogut për normalizimin e raporteve. Pas vizitës në Prishtinë, ai deklaroi se është rënë dakord për një takim në nivel kryenegociatorësh, por nuk dha ndonjë datë për një takim në Bruksel. bw

67.1 milionë shikues ndoqën debatin Harris-Trump

Rreth 67.1 milionë njerëz ndoqën debatin presidencial midis demokrates Kamala Harris dhe republikanit Donald Trump, një rritje e theksuar e shikueshmërisë nga debati i qershorit që përfundimisht çoi në tërheqjen nga gara të Presidentit Joe Biden.

Debati u zhvillua nën kujdesin e kanalit televiziv ABC News, por u transmetua nga 17 rrjete të ndryshme, sipas kompanisë Nielsen. Debati i qershorit mes Presidentit Biden dhe kandidatit Trump u ndoq nga 51.3 milionë shikues.

Audienca e së martës është larg shifrës rekord prej 84 milionë shikuesish, në vitin 2016, gjatë debatit të parë presidencial ndërmjet demokrates Hillary Clinton dhe republikanit Donald Trump. Në vitin 2020, debati i parë mes Presidentit Trump dhe kandidatit demokrat për president, Joe Biden, tërhoqi 73.1 milionë njerëz.

Sipas mendimit të analistëve, zonja Harris duket se fitoi më shumë pikë në debatin e parë me rivalin Trump. Ish presidenti dhe mbështetësit e tij kanë shprehur kritika të ashpra ndaj dy moderatorëve të debatit, David Muir dhe Linsey Davis. Dy gazetarët e rrjetit ABC korrigjuan katër herë deklaratat e zotit Trump.

Aktualisht nuk janë planifikuar debate të tjera mes dy kandidatëve presidencialë, megjithëse ka pasur zëra dhe rrjeti “Fox News Channel” ka ofruar publikisht alternativa. Kanali CBS do të organizojë një debat mes kandidatëve për postin e nënpresidentit, ku demokrati Tim Walz do të përballet me republikanin JD Vance.

Kamala Harris merr mbështetjen e 88 drejtuesve të korporatave të mëdha amerikane! Donald Trump fiton përkrahjen e organizatës më të madhe të policisë

Tetëdhjetë e tetë drejtues aktualë dhe ish-drejtues të lartë të korporatave nga e gjithë Amerika kanë treguar mbështetjen për zëvendëspresidenten Kamala Harris në garën për presidente në një letër që është publikuar nga CNBC.

Bëhet e ditur se mes nënshkruesve janë disa CEO të profilit të lartë të kompanive publike, duke përfshirë Aaron Levie nga Box, Jeremy Stoppelman i Yelp dhe Michael Lynton nga Snap.

Nënshkruesit e tjerë që kanë mbështetur Harrisin që kur ajo u bë kandidatja demokrate në korrik përfshijnë James Murdoch, ish-CEO i 21st Century Fox dhe një trashëgimtar i perandorisë mediatike të familjes Murdoch, dhe ekzekutivin e kriptove Chris Larsen, bashkëthemelues i platformës blockchain Ripple.

Nënshkrues të tjerë të shquar janë filantropisti Lynn Forester de Rothschild, miliarderi i kapitalit privat José Feliciano, bashkëthemeluesi i Twilio, Jeff Lawson, dhe Ted Leonsis nga DC, pronar i NBA’s Washington Wizards, WNBA’s Mystics dhe Washington Capital’s’s NHL’s.

Lista prej tre faqesh përfshin gjithashtu një listë donatorësh politikë demokratë për një kohë të gjatë, si John Doerr i Kleiner Perkins, partnerët e Insight Deven Parekh dhe Jeffrey Katzenberg, themelues dhe partner menaxhues i Wndr dhe ish-kryetar i Walt Disney Studios.

Një nëngrup tjetër emrash janë njerëz që e kanë mbështetur Harrisin në veçanti që nga fushatat e saj politike në Kaliforni, si filantropistja Laurene Powell Jobs, bashkë-themeluesi i Facebook, Dustin Moskovitz dhe biznesmeni i NBA Hall of Famer dhe miliarderi Magic Johnson.

Pjesa më e madhe e 88 nënshkruesve që miratuan Harrisin janë ish-drejtorë ekzekutivë të kompanive të mëdha publike.

Ata përfshijnë ish-PepsiCo CEO Indra Nooyi, Barry Diller, kryetar i IAC dhe ish-Paramount dhe CEO i Fox Inc., ish MerckCEO Ken Frazier, Logan Green ish-CEO i Lyft, ish-GoDaddy CEO Blake Irving, ish Ford CEO Alan Mulally, ish-Starbucks CEO Laxman Narasimhan dhe Dan Schulman, ish-CEO i PayPal.

Duke marrë parasysh sa e gjatë është lista e emrave, vetë letra e miratimit është relativisht e shkurtër.

“Mënyra më e mirë për të mbështetur forcën e vazhdueshme, sigurinë dhe besueshmërinë e demokracisë dhe ekonomisë sonë është zgjedhja e presidentes Harris”, thotë letra.

Ata gjithashtu argumentojnë se Harris do të “vazhdonte të avanconte politika të drejta dhe të parashikueshme që mbështesin sundimin e ligjit, stabilitetin dhe një mjedis të shëndoshë biznesi” nëse ajo do të zgjedhej presidente.

Por, vetë letra nuk është shkruar për të bindur publikun e gjerë të votojë për Harrisin.

Në vend të kësaj, qëllimi i saj është të shërbejë si një shfaqje politike e mirëfilltë e forcës për Harrisin, e cila ndodhet në një garë shumë të ngushtë me ish-presidentin amerikan, Donald Trump.

Si Harris ashtu edhe Trump e kanë kaluar javën duke shpalosur vizionet e tyre ekonomike në duel, përpara debatit të 10 shtatorit, të organizuar nga ABC.

Trump ka fituar mbështetje nga një numër mbështetësish të shquar të Wall Street dhe sektorit privat, duke përfshirë CEO të Cantor Fitzgerald, Howard Lutnick dhe Elon Musk, CEO i Tesla dhe SpaceX.

Shkrimi i letrës mund të ketë nisur nga katër mbështetësit kryesorë të Harrisit: Roger Altman, kryetar i Evercore, Blair Effron, bashkëthemelues i Centerview Partners, American Express CEO Ken Chenault dhe Ursula Burns, ish-CEO e Xerox.

Altman, Effron, Chenault dhe Burns organizuan përpjekjen dhe më pas sollën letrën në fushatën presidenciale të Harrisit si një mënyrë për të shfaqur mbështetjen e zëvendëspresidentes brenda komunitetit të biznesit.

Ndërkohë organizata më e madhe e policisë në vend mbështet Trumpin.

Para udhëtimit të ish-presidentit në Karolinën e Veriut, Urdhri Vëllazëror i Policisë lëshoi deklaratën e mbështetjes:

“Në çdo cikël zgjedhor, FOP i kushton vëmendje të madhe se cila fushatë presidenciale nxjerr në pah çështjet më jetike për burrat dhe gratë e FOP, duke përfshirë sfidat me të cilat përballen oficerët e rendit dhe të zbatimit të ligjit, çështjet reale të sigurisë publike, dhe problemet në sistemin tonë të drejtësisë penal. FOP Kombëtare mbështeti Donald Trumpin në vitin 2016 dhe 2020. Ai e udhëhoqi vendin tonë në disa periudha shumë të vështira. Ai i dha kombit tonë udhëheqje të fortë dhe efektive gjatë mandatit të tij të parë dhe tani që ai po kërkon zgjedhje për një mandat të dytë, ne synojmë ta ndihmojmë atë ta fitojë atë” panorama

Shtyhet shpallja e aktgjykimit ndaj Trumpit deri pas zgjedhjeve

Shpallja e aktgjykimit kundër ish-presidentit amerikan, Donald Trump, në rastin penal për blerjen e heshtjes, është shtyrë deri pas përfundimit të zgjedhjeve presidenciale të nëntorit.

Gjykatësi Juan Merchan tha të premten se e ka shtyrë shqiptimin e dënimit deri më 26 nëntor, ndër të tjera, për shkak të “kornizës së veçantë kohore në të cilën kjo çështje gjen veten”.

Avokatët e Trumpit, kandidatit republikan për president, kanë përdorur disa manovra ligjore për ta shtyrë shpalljen e aktvendimit, i cili ishte paraparë për 18 shtator.

Trumpi u shpall fajtor në maj nga një gjykatë në Nju Jork për të gjitha 34 akuzat me të cilat përballej për falsifikimin e regjistrave biznesore të kompanisë, duke u bërë presidenti apo ish-presidenti i parë amerikan që dënohet për vepër penale.

Në vendimin e tij të premten, gjykatësi Merchan shkroi se rasti i Trumpit kërkon “që seanca për shqiptimin e dënimit të jetë plotësisht e përqendruar në aktgjykimin e jurisë”.

Trump mund të dënohet deri me katër vjet burgim, por gjykatësi Merchan e ka pushtetin për ta dënuar atë edhe me gjobë, dënim me kusht, apo dënim të shkurtër me burgim.

Ai e ka mohuar vazhdimisht çdo akuzë dhe e ka cilësuar gjykimin ndaj tij si të “turpshëm”.

Trumpi u shpall fajtor për falsifikimin e regjistrave biznesore për të ndikuar jashtëligjshëm në zgjedhjet presidenciale të vitit 2016, përmes pagesave për heshtjen e një aktoreje të pornografisë, e cila tha se kishte kryer marrëdhënie seksuale me të.

Ai ngarkohej me 34 akuza penale, përfshirë për falsifikimin e 11 faturave, 12 kuponëve dhe 11 çeqe, për ta fshehur pagesën në vlerë prej 130.000 dollarëve që ia kishte bërë Stormy Danielsit për ta blerë heshtjen e saj në lidhje me pretendimet e saj se kishte kryer marrëdhënie seksuale me Trumpin më 2006.

Daniels donte të fliste publikisht për lidhjen e dyshuar seksuale me Trumpin një muaj para zgjedhjeve të vitit 2016, gjë që do t’ia kishte dëmtuar fushatën presidenciale të nominuarit republikan. REL

Hunter Biden pranon fajësinë mbi akuzat për evazion fiskal

Hunter Biden pranoi fajësinë për akuzat për mospagim taksash, për të shmangur një tjetër gjyq, disa muaj pasi u shpall fajtor në një tjetër proces nën akuzat për shkelje të ligjit të armëmbajtjes.

Djali i Presidentit Biden pranoi fajësinë disa orë para se të niste zgjedhja e jurisë që supozohej të shqyrtonte rastin në ngarkim të tij mbi akuza federale për një skemë katërvjeçare për të shmangur pagimin e të paktën 1.4 milionë dollarëve në taksa.

Ky proces zhvillohet në Los Anxhelos. Hunter Biden përballet me akuza federale për një skemë katërvjeçare për të shmangur pagimin e të paktën 1.4 milionë dollarëve në taksa, ndërkohë që ai paguhej miliona dollarë nga biznese të huaja.
Ai ishte në sallën e gjyqit me bashkëshorten e tij, Melissa Cohen Biden dhe i rrethuar nga agjentë të Shërbimit Sekret.

Zoti Biden u shpreh “fajtor” kur gjykatësi lexoi të 9 akuzat. Masa e dënimit është caktuar të jepet në 16 dhjetor. Gjykatësi Mark Scarsi tha se ai rrezikon deri në 17 vjet burg dhe një gjobë deri në 450 mijë dollarë.

Hunter Biden tashmë po përballet me burgim të mundshëm pasi një juri në shtetin Delauer e shpalli fajtor nën akuzat se ai kishte gënjyer në një formular federal të vitit 2018 për blerjen e një arme, që ai e mbajti për 11 ditë.

Fillimisht, ai ishte deklaruar i pafajshëm për akuzat për evazion fiskal nga viti 2016 deri në 2019 dhe avokatët e tij kishin thënë se do të argumentonin se ai nuk ka vepruar “me dashje” ose me qëllim për të shkelur ligjin, pjesërisht për shkak të varësisë nga droga dhe alkooli.

Vitin e kaluar dështoi një marrëveshje paragjyqësore e Hunter Bidenit me prokurorët, sipas së cilës, ai binte dakord të pranonte fajësinë për shmangie të pagimit të taksave, dhe Departamenti i Drejtësisë, në shkëmbim, nuk do ngrinte akuzën për armëmbajtje pa leje. Marrëveshja nuk u pranua nga gjykatësi, që vuri në dyshim disa aspekte të pazakonta të saj.

Vendimi i tij për të ndryshuar deklarimin mbi çështjen e evazionit fiskal, erdhi pasi gjykatësi lëshoi disa vendime të pafavorshme paraprake për mbrojtjen, duke përfshirë refuzimin e dëshmisë nga një ekspert i mbrojtjes mbi varësinë nga droga dhe alkooli.

Gjykatësi Mark Scarsi, i cili u emërua nga ish-presidenti Donald Trump, vendosi disa kufizime mbi atë që anëtarët e jurisë do të lejoheshin të dëgjonin për ngjarjet traumatike që familja, miqtë dhe avokatët e Hunter Biden-it thonë se çuan në varësinë e tij nga droga.

Gjykatësi i ndaloi avokatët të lidhnin varësinë e tij nga drogat me vdekjen e vëllait të tij Beau Biden në vitin 2015 nga kanceri, ose me aksidentin me makinë që i mori jetën nënës dhe motrës së tij, kur ai ishte i vogël.

Aktakuza pretendonte se zoti Hunter Biden bënte jetë luksoze duke shkelur ligjin e taksave, duke shpenzuar paratë e tij për të qëndruar në hotele luksoze dhe gjëra të tjera, “me pak fjalë, për gjithçka tjetër veç pagimit të taksave”.

Avokatët e djalit të Presidentit Biden i kishin kërkuar gjyqtarit Scarsi që të mos lejonte prokurorët të nxjerrin në pah detaje të shpenzimeve të tij, duke përfshirë pagesat e bëra për faqe interneti me përmbajtje pornografike. Kjo sipas tyre do të shkatërronte imazhin e tij. Gjykatësi, përmes dokumenteve të gjykatës, njotoi se ai do t’i nën mbajë “kontroll të rreptë” paraqitjen e provave potencialisht të dëmshme.

Nëse do të lejoheshin, prokurorët mund të kishin paraqitur më shumë detaje të marrëveshjeve të zotit Hunter Biden jashtë shtetit. Këto marrëveshje kanë qenë në qendër të hetimeve republikane për familjen Biden. Republikanët shpesh, pa ofruar dëshmi, bëjnë përpjekje t’i lidhin këto marrëveshje me presidentin, duke e akuzuar familjen Biden për një skemë të dyshuar të shitjes së ndikimit në politikën amerikane.

Ekipi i prokurorit të posaçëm ka thënë se dëshiron t’u tregojë anëtarëve të jurisë për punën e zotit Hunter Biden për një biznesmen rumun, i cili sipas tyre, u përpoq të “ndikonte në politikën e qeverisë së Shteteve të Bashkuara” ndërsa babai i tij Joe Biden ishte nënpresident.

Mbrojtja thotë se prokurorët i publikuan detajet në lidhje me punën e Hunter Biden-it për rumunin para fillimit të gjyqit për të nxitur mbulimin mediatik dhe për të ndikuar tek anëtarët e jurisë.

Dhënia e dënimit në gjyqin tjetër ndaj Hunter Bidenit, ku ai u shpall fajtor, është caktuar për më 13 nëntor. Ai mund të dënohet deri në 25 vjet burg, por meqë ky është rasti i parë i shkeljes së ligjit, ka të ngjarë që ai të dënohet me shumë më pak vite burg, ose ta shmangë plotësisht burgun.

Gjykata pranon paraqitjen e provave të reja në padinë ndaj ish-Presidentit Trump për zgjedhjet

Një gjykatëse akuzoi të enjten avokatët e ish-Presidentit Donald Trump se po përpiqeshin të pengonin bërjen publike para 5 nëntorit të provave potencialisht të dëmshme lidhur me çështjen ndaj tij për përpjekje për përmbysje të rezultatit të zgjedhjeve të 2020, edhe pse ajo pranoi se gjyqi për këtë rast nuk do të fillojë para ditës së votimeve.

Gjykatësja Tanya Chutkan mbikqyr çështjen gjyqësore që bazohet tek akuzat se ish-Presidenti Trump komplotoi për të përmbysur rezultatin e zgjedhjeve të vitit 2020, përpara sulmit ndaj Kapitolit më 6 janar 2021.

Gjykatësja Chutkan vendosi t’u japë prokurorëve mundësinë që të paraqesin prova të reja mbi çështjen deri në 26 shtator.

Vendimi erdhi pas një seance dëgjimore, e para pas vendimit të Gjykatës së Lartë se ish-presidentët gëzojnë imunitet të gjerë nga akuzat penale.

Thomas Windom, një anëtar i ekipit të prokurorit të posaçëm Jack Smith tha se dosja pritet të përfshije prova të detajuara nga hetimi për këtë çështje ndaj zotit Trump.

Ish Presidenti republikan Donald Trump do të përballet me Nën Presidenten demokrate Kamala Harris në zgjedhjet e 5 nëntorit.

Ai nuk ishte i pranishëm në seancë dhe është deklaruar i pafajshëm për të 4 akuzat penale të ngritura ndaj tij në këtë rast.

Ekipi i prokurorit të posaçëm Jack Smith paraqiti një padi të re javën e kaluar, nga e cila ishin hequr disa nga akuzat që ishin ngritur më parë ndaj ish-Presidentit Trump, duke zbatuar kështu vendimin e marrë nga Gjykata e Lartë në lidhje me imunitetin. Ekipi i prokurorëve ka thënë gjithashtu se janë të gatshëm të paraqesin një dokument me pikëpamjet e tyre ligjore se si mund të zbatohet vendimi i Gjykatës së Lartë tek çështja në fjalë.

Avokatët mbrojtës kanë thënë se do të paraqesin disa kërkesa për pushimin e çështjes, ndër to edhe një kërkesë që mbështetet tek vendimi i gjykatëses në Florida se emërimi i prokurorit Smith ishte antikushtetues.

Asnjë nga palët nuk pret që të arrihet deri në mbajtjen e gjyqit përpara zgjedhjeve të nëntorit, në veçanti për shkak të volumit të punës ligjore që duhet bërë. Gjykatëses Chutkan i duhet tashmë të vendosë se cilat prej neneve të akuzave mund të vazhdojnë të jenë pjesë e padisë, pas vendimit të Gjykatës së Lartë për imunitetin.

Gjykata e Lartë vendosi në korrik se ish-presidentët gëzojnë imunitet absolut për ushtrimin e funksioneve të tyre themelore kushtetuese dhe se konsiderohen me imunitet nga hetimet për veprimet zyrtare.

Ekipi i prokurorit Smith reagoi duke rishikuar padinë, nga e cila u hoqën referencat ndaj përpjekjeve të ish-Presidentit Trump për të përdorur kompetencat ligjzbatuese të Departamentit të Drejtësisë, për të qëndruar në pushtet – një aspekt për të cilin Gjykata e Lartë tha se ish-Presidenti Trump gëzon imunitet.

Kjo çështje gjyqësore bazohet tek një nga dy paditë federale që u ngritën ndaj ish-Presidentit Trump. Padia e dytë e akuzonte ish-presidentin për marrjen e dokumenteve të klasifikuara në pronën e tij në Mar-a-Lago, Florida. Kjo padi u rrëzua në muajin korrik nga gjykatësja Aileen Cannon, e cila u shpreh se emërimi i prokurorit të posaçëm Smith ishte i paligjshëm.

Ekipi i prokurorit Smith e ka apeluar këtë vendim. Avokatët e ish-Presidentit Trump thonë se do t’i kërkojnë gjykatëses të rrëzojë edhe padinë në lidhje me rezultatin e zgjedhjeve, bazuar në të njëjtin arsyetim.

Faqja 2 prej 134‹ Prapa 123 4 5 6 Para ›Fundi »

Për çfarë investimesh bëhet fjalë?

Investimet në Shqipëri dhe shqetësimet e senatorit

“Investimet në Serbi, rrezik për rishkrim të historisë”

Senati amerikan heton lidhjet e zyrtarëve serbë dhe shqiptarë me projektet e Jared Kushner

Përgatiti: Valona Tela

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL