Strobe Talbott, ish -zyrtar i lartë amerikan në administratën e Presidentit Clinton, që vlerësohet si njohës i mirë i çështjeve sovjetiko-ruse ka shkruar në Twitter se në kohën kur Nikita Krushchev kishte kërcënuar Perëndimin me armë bërthamore atë e kishte shkarkuar Politbyroja.
“Nikita Krushchev ishte shkarkuar nga Politbyroja pasi kishte kërcënuar me armë nukleare Perëndimin. Ndaj Putin nuk ka kontroll” ka shkruar ai. Express
Sekretari amerikan i Shtetit, Antony Blinken, dhe Sekretari i Përgjithshëm i OKB-së denoncuan të enjten planin rus për aneksimin e katër zonave ukrainase që pritet të zyrtarizohet të premten në Moskë.
Zoti Blinken në Uashington tha se referendumet e mbështetura nga Rusia në Ukrainë, rezultatet e të cilave po shfrytëzohen nga Moska për të justifikuar aneksimin e territorit ukrainas, ishin një tentativë për grabitje toke që është e paligjshme dhe shkel ligjin ndërkombëtar.
Referendumet e rreme të Kremlinit janë një përpjekje e kotë për të maskuar atë që përbën një përpjekje të mëtejshme për grabitje toke në Ukrainë
“Referendumet e rreme të Kremlinit janë një përpjekje e kotë për të maskuar atë që përbën një përpjekje të mëtejshme për grabitje toke në Ukrainë”, tha zoti Blinken në një deklaratë.
“Për të qenë të qartë: rezultatet u orkestruan në Moskë dhe nuk pasqyrojnë vullnetin e popullit të Ukrainës”, shtoi më tej ai.
Ndërsa Sekretari i Përgjithshëm i OKB-së, Antonio Guterres vlerësoi nëse Rusia vë në jetë planet e saj për aneksim kjo do të shënonte një “përshkallëzim të rrezikshëm” që do të rrezikonte perspektivat për paqen në rajon.
“Çdo vendim për të vazhduar me aneksimin e rajoneve Donetsk, Luhansk, Kherson dhe Zaporizhzhia të Ukrainës nuk do të kishte asnjë vlerë ligjore dhe meriton të dënohet,” u tha gazetarëve Sekretari i Përgjithshëm Antonio Guterres.
Çdo vendim për të vazhduar me aneksimin e rajoneve ukrainase meriton të dënohet” – Sekretari i Përgjithshëm i OKB-së
Presidenti rus Vladimir Putin do të nënshkruajë të premten dokumente që shpallin aneksimin e katër rajoneve të Ukrainës nga Rusia, teksa Moska nxiton të bllokojë avansimet territoriale që ushtria ukrainase po i arrin në fushën e betejës.
Vendimi, një nga hapat ligjorë që Rusia thotë se do të çojë në aneksimin zyrtar të 15% të territorit të Ukrainës, konfirmon se zoti Putin po e vazhdon luftën kundër Ukrainës, pavarësisht se kjo luftë pësoi një ndryshim të madh ushtarak këtë muaj si rezultat i kundërofensivës së forcave ukrainase.
“Vendimi do të zgjasë ndikimet dramatike në ekonominë globale, veçanërisht në vendet në zhvillim, dhe do të pengojë aftësinë tonë për të ofruar ndihma për të shpëtuar jetën në të gjithë Ukrainën dhe më gjerë”, tha më tej zoti Guterres.
Një milion shtëpi pa energji elektrike pasi uragani goditi brigjet e Floridës
VOAL- Uragani Ian, i konsideruar “jashtëzakonisht i rrezikshëm” me erëra që arrijnë shpejtësinë 240 km/orë, arriti në brigjet e Floridës të mërkurën dhe menjëherë shkaktoi “përmbytje katastrofike” dhe la një milion shtëpi pa energji elektrike. Priten deri në 60 centimetra reshje. Rrugët e Naples u përmbytën shpejt me ujë.
Në det, një varkë me 27 emigrantë në bord u përmbys: katër arritën në breg duke notuar, tre u shpëtuan dhe të tjerët raportohen të zhdukur.
Stuhia preku fillimisht tokën në Parkun Natyror Cayo Costa pranë Fort Myers të populluar në jugperëndim të shtetit në orën 15:05 me kohën lokale, 21:05 me orën tonë. Ai kishte goditur më parë Kubën – duke shkaktuar ndërprerje të energjisë elektrike dhe duke vrarë dy njerëz në provincën Pinar del Rio – përgjatë një pjese të Gjirit të Meksikës.
Në ditët në vijim do të vazhdojë vrapimin e tij duke prekur Karolinën e Veriut dhe Gjeorgjinë derisa të dalë në Atlantikun perëndimor të enjten. “Syri” i tij aktualisht po lëviz në brendësi të tokës me një shpejtësi prej 14 km/orë.
Sipas drejtorit të shërbimeve meteorologjike amerikane, Ken Graham, Ian dhe dëmet që do të shkaktojë do të flitet me vite. Tani në kategorinë 4, mund të arrijë edhe kategorinë 5, më e larta në shkallën Saffir-Simpson. Kështu deklaroi guvernatori Ron DeSantis, i cili dha urdhrin e evakuimit për një duzinë qarqesh, gjithsej dy milionë e gjysmë njerëz.
Aeroportet e Tampës dhe Orlandos kanë pezulluar fluturimet, e para të martën. Kryebashkiaku i Tampës, Jane Castor, paralajmëroi popullsinë se “ata nuk janë jashtë rrezikut” edhe pse uragani fillimisht goditi më shumë se njëqind kilometra larg, duke i shpëtuar qytetit dhe zonës së tij të dendur urbane nga ndikimi i parë. drejtuar nga viti 1921 deri në këtë pjesë.
Mijëra ekipe shpëtimi dhe njerëz të Gardës Kombëtare janë gati për ndërhyrje. Qeveria federale ka dërguar 300 ambulanca dhe është gati të shpërndajë tre milionë e gjysmë vakte dhe po aq litra ujë sapo të përfundojë stuhia.rsi-eb
Edhe Nju Jorku mund të ketë një ‘Mose’ (Moduli Eksperimental Elektromekanik), si në Venecia, për t’u mbrojtur nga përmbytjet e shkaktuara nga stuhitë jonormale, veçanërisht gjatë stuhive tropikale ose në rast uraganesh.
Hipoteza vjen pothuajse dhjetë vjet pas uraganit Sandy dhe projekti u prezantua nga ekuivalenti amerikan i inxhinierisë civile (U.S. Korpusi i Inxhinierëve të Ushtrisë) për të mbrojtur Big Apple.
Është një punë prej 52 miliardë dollarësh më shumë se gjysma e financuar nga qeveria federale dhe si e tillë do të kërkonte miratimin e Kongresit Amerikan fillimisht. Në rast të një opinioni pozitiv, do të ndërtohen 12 barriera ose diga të lëvizshme, (Venecia ka katër, ed) përgjatë grykëderdhjeve të gjireve dhe hyrjeve kryesore të portit të Nju Jorkut.
Hipoteza e një Mosi vjen dy vjet e gjysmë pas një projekti të mëparshëm që përfshinte ndërtimin e një barriere të vetme përgjatë portit të Nju Jorkut. Ajo u hodh pas kritikave nga Presidenti i atëhershëm Donald Trump.
Atëherë projekti kishte një kosto të tepruar prej 119 miliardë dollarësh dhe sipas disa ekspertëve mund të kishte shkaktuar edhe dëme në mjedis.bw
VOA
Presidenti Joe Biden thotë se Shtetet e Bashkuara janë në një pozicion më të fortë se çdo vend tjetër për të përballuar sfidat globale, pasi ai u kërkoi kompanive që kontrollojnë pikat e karburantit, bankat dhe shërbimet e telefonisë celulare të ulin kostot për konsumatorët që po përballen me inflacionin e lartë, njoftoi Reuters.
Gjatë një takimi në Shtëpinë e Bardhë të hënën, Presidenti Biden tha se “tarifat e padëshiruara” bankare dhe tarifat e ndërprerjes së shërbimeve të telefonisë celulare po dëmtonin familjet dhe se operatorët e pikave të shitjes së karburantit duhet të ulnin çmimet.
Komentet e Bidenit pasuan një rënie të madhe në tregun e aksioneve në Nju Jork për shkak të shqetësimit të investitorëve se fushata agresive e Rezervës Federale për uljen e inflacionit mund të shkaktojë një rënie të madhe të ekonomisë amerikane.
Nërkohë, Organizata për Bashkëpunim Ekonomik dhe Zhvillim (OEBCD), me seli në Paris, tha se do të ketë një ngadalësim të ekonomisë globale në pjesën tjetër të këtij viti dhe më tej në vitin 2023.
OECD rendit sulmin rus ndaj Ukrainës dhe politikat socio-ekonomike të Kinës si shkaqet kryesore të ngadalësimit ekonomik global.
Një sulm me dron gjatë natës pranë portit ukrainas të Odesës shkaktoi një zjarr dhe shpërthim masiv, tha ushtria ukrainase të hënën, ndërsa udhëheqja ruse po përballet me rezistencë në rritje ndaj përpjekjeve për mobilizim të qindra mijëra burrave për të luftuar në Ukrainë.
Qyteti jugor kyç është vënë në shënjestër disa herë ditët e fundit nga sulme ajrore me dron. Sulmi i fundit goditi një objekt ushtarak dhe si pasojë e tij shpërthyen municione brenda tij. Zjarrfikësit po përpiqeshin të ndalnin zjarrin dhe civilët aty pranë u evakuuan, tha komanda jugore e ushtrisë ukrainase.
Sulmi ndodhi disa orë pasi Shtetet e Bashkuara u zotuan të marrin masa të vendosura dhe thanë se do të ketë “pasoja katastrofike” nëse Rusia përdor armë bërthamore në Ukrainë.
Shqetësimet po rriten se Rusia mund të përpiqet të përshkallëzojë konfliktin pasi të përfundojë ato që Ukraina dhe Perëndimi i shohin si referendume të paligjshme në pjesë të Ukrainës nën kontrollin e saj.
Votimi, i cili përfundon të martën, po mbahet pasi mijëra banorë janë larguar dhe është shoqëruar nga pamje të trupave të armatosura ruse që shkojnë derë më derë për t’u bërë presion ukrainasve që të votonin.
Rusia shpalli “referendumet” pasi lufta e saj kundër Ukrainës ka ngecur përballë një kundërofensive të fortë ukrainase.
Rusia pritet gjerësisht të shpallë rezultatet e votimeve në favor të saj, pas së cilave Moska mund t’i aneksojë ato territore dhe të përdorë pretekstin se po mbron territorin e vet nën ombrellën bërthamore ruse.
Jake Sullivan, këshilltari i sigurisë kombëtare i SHBA-së, tha se Rusia do të paguajë një çmim të lartë, megjithëse pa e përcaktuar se çfarë konkretisht, nëse përpiqet të vërë në jetë kërcënimet e nënkuptuara për të përdorur armë bërthamore në konflikt.
“Nëse Rusia e kapërcen këtë vijë, do të ketë pasoja katastrofike për Rusinë. Shtetet e Bashkuara do të përgjigjen me vendosmëri,” tha ai të dielën për emisionin “Meet the Press” të televizionit NBC.
Të hënën, Presidenti Putin dhe homologu i tij bjellorus Alexander Lukashenko mbajtën një takim të paparalajmëruar në qytetin jugor rus të Soçit dhe thanë se ishin të gatshëm të bashkëpunonin me Perëndimin – “nëse na trajtojnë me respekt,” siç u shpreh zoti Putin.
Ministri i Jashtëm turk Mevlut Cavusoglu tha të hënën se Putin i kishte thënë presidentit të Turqisë gjatë takimit të tyre në Uzbekistan javën e kaluar se Moska ishte gati të rifillonte negociatat me Ukrainën, por kishte “kushte të reja” për një armëpushim. Ministri nuk dha detaje mbi kushtet.
Kremlini javën e kaluar njoftoi një mobilizim të pjesshëm për të shtuar të paktën 300,000 trupa për luftën në Ukrainë në prag të votimeve në rajonet e pushtuara. Lëvizja ka hasur në kundërshtime të forta në vend.
Mijëra burra që plotësojnë kushtet e moshës për t’u rekruatuar, u dyndën drejt aeroporteve dhe pikave kufitare tokësore të Rusisë në një përpjekje për të shmangur thirrjen për në ushtri dhe në pjesë të ndryshme të vendit kanë shpërthyer protesta.
Zëdhënësi i Departamentit amerikan të Shtetit, Ned Price.
Shtetet e Bashkuara kanë mirëpritur lirimin e korrespondentit të Radios Evropa e Lirë, Aleh Hruzdzilovich, i cili ishte dënuar me 18 muaj burgim nga autoritetet bjelloruse.
Hruzdzilovich u dënua me burgim nën dyshimet se kishte marrë pjesë në protestat anti-qeveritare që po mbulonte si gazetar i akredituar.
Zëdhënësi i Departamentit amerikan të Shtetit, Ned Price, duke komentuar lirimin e Hruzdzilovichit dhe të burgosurve të tjerë politikë në Bjellorusi, tha se ky vendim i autoriteteve bjelloruse “është hap në drejtimin e duhur”, por duhet bërë më shumë.
“Shumë të burgosur politikë vazhdojnë të jenë pas grilave në Bjellorusi”, tha Price përmes një deklarate më 25 shtator. “Ne bëjmë thirrje për lirim të menjëhershëm dhe pa kushte të të gjithë të burgosurve politikë”.
Hruzdzilovich arriti në Lituani më 21 shtator i shoqëruar nga gruaja e tij, Maryana, pasi u lirua nga një burg në rajoni Mahilju, ku ishte mbajtur që nga muaji maj.
Presidenti i REL-it, Jamie Fly, që më herët kishte dënuar burgosjen e Hruzdzilovichit duke e cilësuar si “joligjore”, mirëpriti lirimin e tij.
Hruzdzilovich që nga vitet ’90 është korrespondent i Radios Evropa e Lirë dhe raportimet e tij janë përqendruar mbi të drejtat e njeriut.
Presidenti i REL-it po ashtu ka theksuar se janë edhe dy bjellorusë që gjenden në burg, një konsulent i REL-it dhe blogeri Ihar Losik, dhe bashkëpunëtori i REL-it, Andrey Kuznechyk, duke kërkuar lirimin e tyre të menjëhershëm.
Një gjykatë në Minsk e dënoi Hruzdzilovichin në fillim të marsit, për shkak të pranisë së tij në protestat masive që u organizuan për të kundërshtuar rezultatin zyrtar të zgjedhjeve presidenciale të vitit 2020, në të cilat lideri autoritar Alyaksandr Lukashenka, pretendoi fitoren dhe mori mandatin e gjashtë radhazi. Hruzdzilovich u urdhërua që të paguante një gjobë prej 16.600 dollarësh për agjencinë e transportit të qytetit, Mensktrans.
Hruzdzilovich u arrestua në dhjetor pas shtypjes së ashpër të autoriteteve bjelloruse ndaj mediave të pavarura, aktivistëve për të drejtat e njeriut dhe institucioneve demokratike. Opozita dhe Perëndimi thonë se rezultatet e zgjedhjeve presidenciale u manipuluan dhe se kandidatja opozitare, Svyatlana Tsikhanouskaya, ka fituar zgjedhjet.
Është ndoshta muzeu më i pazakontë – dhe më ekskluziv – në botë, i mbushur me artefakte që kanë “formësuar” historinë. Por dyert e tij janë të mbyllura për publikun.
Është i vetmi vend që një vizitor mund të shohë armën e gjetur të Osama bin Laden kur u vra, pranë xhaketës së lëkurës së Sadam Huseinit.
Dhe sipas BBC, përcjell Telegrafi, bëhet fjalë për muzeun sekret të brendshëm të CIA-s.
I vendosur brenda selisë së agjencisë së inteligjencës amerikane në Langley, Virxhinia, ai sapo është rinovuar për të shënuar 75 vjetorin e agjencisë.
Siç vë në pah mediumi britanik, një grupi të vogël gazetarësh, përfshirë BBC-në, iu dha qasje ekskluzive, megjithëse me një eskortë sigurie vazhdimisht pranë tyre.
BBC tregon se ndër 600 artefaktet e ekspozuara janë llojet e pajisjeve të spiunazhit të Luftës së Ftohtë që mund të prisni – një kamerë e fshehtë brenda një pakete cigareje dhe një pëllumb me kamerën e tij spiune.
Por ka edhe detaje mbi disa nga operacionet më të famshme dhe madje të fundit të CIA-s.
Në ekspozitë është gjithashtu një model i kompleksit në të cilin u zbulua Osama bin Laden në Pakistan.
Presidentit Barack Obama iu tregua një model përpara se të miratonte bastisjen që vrau liderin e Al-Kaedës në vitin 2011.
“Mundësia për të parë gjërat në 3D në fakt i ndihmoi politikëbërësit…si dhe ndihmoi operatorët tanë të planifikonin misionin”, shpjegon Robert Z Byer, drejtori i muzeut që ofroi një turne.
Më 30 korrik të këtij viti, një raketë amerikane goditi një tjetër kompleks, këtë herë në kryeqytetin afgan Kabul. Objektivi ishte udhëheqësi i ri i al-Kaedës, Ayman al-Zawahiri.
Dhe ekspozita më e fundit, e sapodeklasifikuar, është një model i kompleksit të përdorur për të informuar presidentin Joe Biden më 1 korrik 2022 mbi misionin e propozuar.
Zawahiri u godit ndërsa ishte në ballkon pasi komuniteti i inteligjencës amerikane kaloi muaj të tërë duke studiuar lëvizjet e tij.
Gjysma e parë e muzeut shkon përmes një rendi kronologjik që nga themelimi i CIA-s në vitin 1947 deri në Luftën e Ftohtë, me sulmet e 11 shtatorit 2001 – në zhvendosjen drejt fokusimit në kundër-terrorizëm, me objekte të ekspozuara të dhuruara nga disa prej atyre të cilëve të afërmit vdiqën në sulme.
“Ky muze nuk është vetëm një muze për hir të historisë. Ky është një muze operativ. Ne marrim oficerët e CIA-s [dhe i dërgojmë përmes tij], duke eksploruar historinë tonë, të mirën dhe të keqen”, thotë Byer.
“Ne sigurohemi që oficerët tanë të kuptojnë historinë e tyre, në mënyrë që ata të mund të bëjnë një punë më të mirë në të ardhmen. Ne duhet të mësojmë nga sukseset tona dhe dështimet tona në mënyrë që të jemi më të mirë në të ardhmen”.
Megjithatë, disa nga aspektet më të diskutueshme të punës së CIA-s janë më pak të dukshme – për shembull operacioni i saj i përbashkët i vitit 1953 me MI6, për të përmbysur një qeveri të zgjedhur në mënyrë demokratike në Iran dhe përfshirja më e fundit në torturimin e të dyshuarve terroristë pas vitit 2001.
“Ne as mund të konfirmojmë apo mohojmë”
Sipas shkrimit të BBC, gjysma e dytë e muzeut fokusohet në detaje në disa operacione specifike.
Fraza “nuk mund të konfirmojmë as mohojmë” është e njohur për ata që raportojnë për agjencitë e inteligjencës dhe origjina e saj qëndron në një histori të detajuar në muze duke përdorur sende të paparë më parë.
Në fund të viteve 1960, një nëndetëse e Bashkimit Sovjetik humbi diku në fund të oqeanit.
Pasi SHBA-ja e gjeti atë, CIA punoi me miliarderin Howard Hughes për të provuar të rikuperonte rrënojat – dhe teknologjinë në bord.
Muzeu përmban një model të nëndetëses sovjetike dhe jo vetëm. Madje është ekspozuar edhe një paruke e mbajtur nga zëvendësdrejtori i CIA-s për t’u maskuar gjatë një vizite në anije.
Misioni ishte vetëm pjesërisht i suksesshëm sepse nëndetësja u “shpërbë”.
“Shumica e asaj që ata gjetën në bordin e asaj nëndetëse është ende e klasifikuar edhe sot e kësaj dite”, tregon Byer.
Kur u publikua lajmi për atë që njihej si Projekti Azorian përpara se të nxirrej pjesa tjetër e nëndetëses, zyrtarëve iu tha të thoshin se nuk mund “as të konfirmonin dhe as të mohonin” atë që kishte ndodhur – një frazë e njohur si “përgjigjja Glomar” dhe e përdorur ende gjerësisht tani.
Sipas Wikipedia, USNS Hughes Glomar Explorer (T-AG-193), ishte një platformë shpimi në det të thellë e ndërtuar për Projektin Azorian, përpjekje e fshehtë e vitit 1974 nga Divizioni i Veprimtarive Speciale të Agjencisë Qendrore të Inteligjencës së Shteteve të Bashkuara për të rikuperuar nëndetësen sovjetike.
Dhe kur bëhet fjalë për deshifrimin, tavani i muzeut të ri përmban gjithashtu mesazhe të fshehura në lloje të ndryshme kodesh.
Ambicia, thonë zyrtarët e CIA-s, është që imazhet të ndahen me publikun në mediat sociale për të parë nëse mund t’i zhbëjnë ato. Disa nga ekspozitat do të jenë gjithashtu të disponueshme për t’u parë në internet. Por për momentin, kjo mund të jetë më e afërta që shumica e njerëzve mund të arrijnë në këtë muze. bw
Guvernatori DeSantis: “Ka potencial të kthehet në një uragan të madh. Ne inkurajojmë të gjithë qytetarët të përgatiten.”
VOAL- Guvernatori Ron DeSantis shpalli të shtunën gjendjen e jashtëzakonshme në Florida për shkak të stuhisë tropikale Ian e cila po forcohet mbi Karaibe, e cila pritet të sjellë shi të dendur dhe erëra intensive javën e ardhshme. DeSantis fillimisht lëshoi urdhrin e emergjencës për dy duzina qarqe të Premten, por e zgjati paralajmërimin në mbarë vendin, duke inkurajuar banorët dhe qeveritë lokale të përgatiten për një stuhi që mund të godasë pjesë të mëdha të Floridës. Sipas Qendrës Kombëtare të Uraganeve, aktualisht është rreth 440 kilometra në juglindje të Xhamajkës dhe po shkon drejt perëndimit. Nëse godet Floridën, do të jetë e para që godet shtetin që nga viti 2018.
“Kjo stuhi ka potencialin të kthehet në një uragan të madh dhe ne inkurajojmë të gjithë qytetarët e Floridës që të përgatiten”, tha DeSantis në një deklaratë. “Ne po koordinojmë me të gjithë partnerët shtetërorë dhe lokalë për të monitoruar ndikimet e mundshme të kësaj stuhie”. Qendra Kombëtare e Uraganeve tha se Ian pritet të forcohet me shpejtësi gjatë ditëve të ardhshme përpara se të zhvendoset në Kubën perëndimore dhe të zbarkojë në Florida në mes të javës së ardhshme me forcë të madhe uragani.
John Cangialosi, specialist i lartë i uraganeve në Qendrën Kombëtare të Uraganeve në Miami, tha se aktualisht është e paqartë se ku do të godasë më shumë Ian në Florida dhe tha se banorët duhet të fillojnë të përgatiten për stuhinë, duke përfshirë grumbullimin e rezervave për ndërprerje të mundshme të energjisë. “Është shumë herët për të thënë nëse do të jetë një problem i Floridës Juglindore, Floridës Qendrore apo i gjithë shteti,” tha ai. “Pra, në këtë pikë mesazhi i duhur për ata që jetojnë në Florida është se ju duhet të shikoni parashikimet dhe të përgatiteni për ndikimin e mundshëm të këtij sistemi tropikal.”
Deklarata e guvernatorit liron fondet e mbrojtjes emergjente dhe aktivizon anëtarët e Gardës Kombëtare të Floridës, tha zyra e tij. Urdhri i tij thekson rrezikun e valëve të këqija të motit, përmbytjeve, erërave të rrezikshme dhe kushteve të tjera të motit në të gjithë shtetin.rsi-eb
Presidenti amerikan, Joe Biden, e ka shpallur të përfunduar pandeminë e koronavirusit në Shtetet e Bashkuara.
Biden ka thënë se ndonëse “ende kemi probleme”, situata është duke u përmirësuar shpejt.
Statistikat tregojnë se mesatarisht rreth 400 amerikanë janë duke vdekur çdo ditë nga koronavirusi.
Shefi i Organizatës Botërore të Shëndetësisë, Tedros Adhanom Ghebreyesus, ka thënë javën e kaluar se po i shihet fundi pandemisë.
Në një intervistë për programin televiziv, 60 Minuta, në rrjetin CBS, Biden ka thënë se Shtetet e Bashkuara ende janë duke bërë “shumë punë” për ta kontrolluar virusin.
Intervista – e transmetuar përgjatë fundjavës – është incizuar pjesërisht në një panair të makinave në Detroit, ku presidenti amerikan është parë duke ua bërë me dorë pjesëmarrësve.
“Siç po e shihni, askush nuk është duke vendosur maskën”, ka thënë ai.
“Secili po duket në formë të mirë.. Mendoj se po ndryshon”.
Megjithatë, zyrtarë të administratës Biden, u kanë thënë mediave se komentet e presidentit nuk nënkuptojnë se do të ketë ndryshim të politikave, dhe se nuk ka plane për të pezulluar gjendjen e emergjencës publike, të vendosur për shkak të koronavirusit.
Zyrtarët amerikanë kanë zgjatur deri më 13 tetor këtë masë, e cila është zbatuar prej janarit të vitit 2020.
Deri më tani, më shumë se një milion amerikanë kanë vdekur nga koronavirusi.
Të dhënat e Universitetit Johns Hopkins, tregojnë se mesatarja shtatëditore e vdekjeve qëndron në 400, pasi mbi 3.000 persona kanë vdekur vetëm javën e kaluar.
Për krahasim, në janar të vitit 2021, më shumë se 23.000 persona janë raportuar të vdekur nga ky virus, brenda një jave.
Rreth 65 për qind e popullsisë amerikane konsiderohet e vaksinuar plotësisht.
Aktualisht vaksinimi është i detyrueshëm për punëtorët e sektorit shëndetësor, personelin ushtarak dhe disa shtetas joamerikanë që hyjnë në SHBA përmes aeroplanit.
Disa republikanë e kanë kritikuar presidentin Biden për deklaratat e fundit.
Sipas ish-Sekretarit amerikan të Shtetit, Mike Pompeo, “Biden ka thënë se ‘pandemia ka mbaruar’ teksa është duke përjashtuar dhjetëra mijëra ushtarë të shëndetshëm nga ushtria për shkak të vendimit për vaksinim”.
Zyrtarë të shëndetit publik kanë thënë se duhet pasur kujdes me dozat e optimizmit.
Shefi i Institutit Kombëtar për Alergji dhe Sëmundje Infektive, Anthony Fauci, e ka pranuar se situata është përmirësuar.
Mirëpo në disa komente të bëra në një institut në Uashington, ai ka thënë se shkalla e vdekjeve është “e lartë”.
“Nuk jemi aty ku duhet të jemi nëse do të na duhet të jetojmë me këtë virus”, ka thënë Fauci.
Sipas tij, ende mund të shfaqen variante të reja të koronavirusit, sidomos në muajt e dimrit.
Pandemia vazhdon të ketë ndikim të madh në ekonominë amerikane, pasi Byroja Kombëtare për Hulumtime Ekonomike, ka raportuar javën e kaluar se sëmundjet e lidhura me koronavirus, e kanë dëmtuar fuqinë punëtore në SHBA për 500.000 vende pune.
Biden ka thënë se beson që pandemia ka pasur ndikim të madh në psikikën e amerikanëve.
“Ajo ka ndryshuar gjithçka… qasjen e njerëzve ndaj vetes, familjes, shtetit, kombit dhe komunitetit”, ka thënë ai.
“Ka qenë kohë shumë e vështirë. Shumë e vështirë”.
Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës.
Organizata Botërore e Shëndetësisë e pati shpallur koronavirusin si pandemi më 11 mars të vitit 2020.
Më shumë se 6.5 milionë njerëz kanë vdekur prej shpërthimit të pandemisë në gjithë botën.
Shtetet e Bashkuara kanë regjistruar numrin më të madh të viktimave, të përcjella nga India dhe Brazili.
Presidenti i Shteteve të Bashkuara, Joe Biden, dhe Zonja e Parë, Jill Biden, më 17 shtator kanë udhëtuar drejt Londrës për të marrë pjesë në varrimin e Mbretëreshës Elizabeth II.
Shtëpia e Bardhë tha më herët se Biden ka pranuar ftesë nga Pallati Mbretëror për të marrë pjesë në funeral, që do të mbahet më 19 shtator në Kishën Uestminister.
Nga Shtëpia e Bardhë sqaruan se vetëm Biden është ftuar dhe jo ish-presidentët e tjerë amerikanë.
Mbretëresha Elizabeth II vdiq më 8 shtator. Ajo mbretëroi për 70 vjet, duke u bërë monarkja britanike që ka qëndruar më së gjati në fron.
Mbretëresha britanike kishte takuar 13 nga 14 presidentët e fundit amerikanë.
Një takim i paraparë për 18 shtator midis Biden dhe kryeministres së re britanike, Liz Truss, është anuluar, thanë zyrtarët.
Në vend të këtij takimi, Biden dhe Truss do të zhvillojnë një “takim të plotë dypalësh” javën e ardhshme gjatë punimeve të Asamblesë së Përgjithshme të Kombeve të Bashkuara.
Zyrtarët nuk kanë treguar se pse takimi Biden-Truss është anuluar. rel
Ish-presidenti Donald Trump po përqafon dhe po mbështet gjithnjë e më shumë teorinë e konspiracionit QAnon, edhe pse numri i ngjarjeve të frikshme të botës reale të lidhura me lëvizjen, po rritet. Duke përdorur platformën e tij “Truth Social”, zoti Trump ripostoi këtë javë një imazh të tij me mbishkrimin “Stuhia po vjen.” Në botën e QAnon-it, stuhia i referohet fitores përfundimtare të ish-presidentit, kur kundërshtarët e tij supozohet se do të gjykohen dhe ndoshta do të ekzekutohen. Është ndër dhjetra postime të fundit të lidhura me lëvizjen Q nga ish-presidenti republikan. Ekspertët që studiojnë teoritë e grupit QAnon thonë se zoti Trump mund të përpiqet të mbledhë pas vetes mbështetësit e tij më të vendosur, ndërsa hetimet për sjelljen e tij përshkallëzohen.
Ndërsa zoti Trump mendon një tjetër kandidim për presidencën dhe është bërë gjithnjë e më i sigurt në procesin e zgjedhjeve paraprake republikane për në Kongres, veprimet e tij tregojnë se ai jo vetëm nuk po distancohet nga politika, por po e mirëpret përfshirjen përsëri.
Ai ka publikuar dhjetëra postime të fundit të lidhura me Q, ndryshe nga viti 2020, kur ai pretendoi se megjithëse nuk dinte shumë për QAnon, ai nuk mund të hidhte poshtë teorinë e tij të konspiracionit.
I pyetur mbi teoritë e QAnon-it se Trumpi gjoja po e shpëton kombin nga një kult satanik i trafikantëve të seksit të fëmijëve, ai pretendoi të mos dinte gjë për grupin kur pyeti: “A supozohet të jetë diçka e keqe?”
Postimet e fundit të Trumpit kanë përfshirë imazhe që i referohen vetes si një martir që lufton kriminelët, psikopatët dhe të ashtuquajturin shtet i korruptuar.
Edhe kur postimet e tij nuk i janë referuar drejtpërdrejt teorisë së konspiracionit, Trumpi ka përkrahur përdoruesit që e bëjnë këtë. Një analizë e Associated Press zbuloi se nga gati 75 llogari që Trumpi ka ripostuar në profilin e tij të Truth Social muajin e kaluar, më shumë se një e treta e tyre kanë promovuar grupin QAnon duke shpërndarë sloganet, videot ose imazhet e lëvizjes. Rreth 1 në 10 përfshijnë gjuhën e përdorur nga QAnon ose lidhje në biografinë e tyre të profilit.
Në fillim të këtij muaji, Trumpi zgjodhi një këngë të lëvizjes QAnon për të mbyllur një tubim në Pensilvani. E njëjta këngë shfaqet në një nga videot e fushatës së tij të fundit dhe titullohet “WWG1WGA”, një akronim i përdorur si një thirrje për adhuruesit e lëvizjes .
Ish-presidenti mund të jetë duke kërkuar solidaritet me mbështetësit e tij më besnikë në një kohë kur ai përballet me hetime në rritje dhe sfidues të mundshëm brenda partisë së tij, sipas Mia Bloom, një profesore në Universitetin Shtetëror të Xhorxhias, e cila ka studiuar QAnon dhe së fundi ka shkruar një libër për grupi.
Në Truth Social, llogaritë e lidhura me QAnon e përshëndesin Trumpin si një hero dhe shpëtimtar dhe poshtërojnë Presidentin Joe Biden duke e krahasuar atë me Adolf Hitlerin ose djallin. Kur Trumpi ndan përmbajtjen, ata urojnë njëri-tjetrin. Disa llogari tregojnë me krenari se sa herë Trump i ka “ri-postuar” në biografitë e tyre.
Duke përdorur gjuhën e tyre për t’iu drejtuar drejtpërdrejt mbështetësve të QAnon-it, ish-presidenti Trump po u thotë atyre se ata kanë pasur të drejtë gjatë gjithë kohës dhe se ai ndan misionin e tyre sekret, sipas Janet McIntosh, një antropologe në Universitetin Brandeis që ka studiuar përdorimin e gjuhës dhe simboleve nga QAnon.
Ajo gjuhë gjithashtu i lejon atij të mbështesë besimet e tyre dhe shpresën e tyre për një kryengritje të dhunshme pa e thënë shprehimisht këtë, thotë studiuesja, duke përmendur postimin e tij të fundit për “stuhinë” si një shembull veçanërisht të frikshëm.
“Stuhia po vjen” është stenografi për diçka vërtet të errët që ai nuk po e thotë me zë të lartë,” tha zonja McIntosh. “Kjo është një mënyrë që ai të nxisë dhunën pa bërë thirrje në mënyrë eksplicite për të. Ai është princi i mohimit të besueshëm.”
Zonja Bloom parashikoi që Trumpi më vonë mund të përpiqet të tregtojë mallra të lidhura me levizjen Q ose ndoshta t’u kërkojë ndjekësve të QAnon të dhurojnë fonde për mbrojtjen e tij ligjore.
Pavarësisht nga motivi, tha zonja Bloom, është një veprim i pamatur që ushqen një lëvizje të rrezikshme.
Një listë në rritje e episodeve kriminale është lidhur me njerëz që kishin shprehur mbështetje për teorinë e konspiracionit, për të cilën zyrtarët e inteligjencës amerikane kanë paralajmëruar se mund të shkaktojë më shumë dhunë.
Mbështetësit e QAnon-it ishin midis atyre që sulmuan dhunshëm Kapitolin në 6 janar 2021.
Platformat kryesore të mediave sociale, duke përfshirë YouTube, Facebook dhe Twitter kanë ndaluar përmbajtjet e lidhura me QAnon-in dhe kanë pezulluar ose bllokuar llogaritë që synojnë ta përhapin atë. Kjo ka detyruar shumë nga aktivitetet e grupit në platforma që kanë më pak mbikqyrje, duke përfshirë Telegram, Gab dhe platformën e Trumpit, Truth Social.
Në një takim të nivelit të lartë në Shtëpinë e Bardhë të enjten që kishte në qendër përpjekjet kundër ndasive dhe dhunës së nxitur nga urrejtja, presidenti Joe Biden kritikoi supremacistët e bardhë dhe i kërkoi kombit të kapërcejë mosmarrëveshjet “toksike” politike. Korrespondentja e Zërit të Amerikës pranë Shtëpisë së Bardhë, Patsy Widakuswara, njofton se kritikët e zotit Biden thonë se është vetë presidenti ai që nxit përçarjen.
Presidenti Joe Biden iu referua tubimit të supremacistëve të bardhë në vitin 2017 në Charlottesville, Virxhinia gjatë të cilit u vra një kundërprotestuese, kur foli të enjten në takimin e nivelit të lartë “Qëndrojmë të Bashkuar”.
“Supremacistët e bardhë nuk do të thonë fjalën e fundit dhe ky helm dhe dhunë nuk mund të jenë historia e kohës sonë”, tha presidenti.
Shtëpia e Bardhë tha se takimi nderon komunitetet që kanë përjetuar sulme me bazë urrejtjen, duke përfshirë të shtënat masive që ndodhën në një tempull të Sikhëve në Uiskonsin në vitin 2012; një klub nate homoseksualësh në Florida në vitin 2016; një sallon aziatik në Xhorxhia në vitin 2021; një supermarket në Teksas në vitin 2019, që vuri në shënjestër hispanikët; dhe një supermarket në Nju Jork në fillim të këtij viti, që kishte në shënjestër njerëzit me ngjyrë.
Të dhënat e FBI-së tregojnë se krimet e urrejtjes janë rritur vitet e fundit.
Disa faktorë kanë kontribuar në rritjen e tyre, duke përfshirë stresin e lidhur me pandeminë dhe retorikën e ashpër politike.
“Ky ka qenë një faktor kryesor për gjashtë vitet e fundit, ku ne dëgjojmë politikanë të zakonshëm që thonë gjëra që janë plotësisht në përputhje me atë që thonë supremacistët e bardhë dhe ekstremistët”, thotë Phyllis Gerstenfeld, profesore e drejtësisë penale.
Një sondazh i revistës Economist dhe organizatës YouGov tregon se 66% e amerikanëve besojnë se ndasitë politike në vend janë përkeqësuar që nga fillimi i vitit 2021 dhe se 62% presin një rritje të tyre vitet e ardhshme.
“Dhuna e nxitur nga urrejtja lind në tokën pjellore të një ndarjeje toksike. Nuk do ta zgjidhim problemin vetëm duke shkuar pas skajeve ekstreme. Ne duhet të përballemi me mënyrat në të cilën kjo ndarje toksike nxit këtë krizë për të gjithë ne.”
Kritikët e tij argumentojnë se vetë presidenti Biden po nxit ndarjen teksa shton sulmet javët e fundit kundër të ashtuquajturve republikanë të MAGA-s – ndjekës besnikë të ish-presidentit Donald Trump – duke e quajtur këtë retorikë të ashpër politike që përfshin akuzimin e tyre si “gjysmë-fashistë”.
Voal.ch – Pas deklarimit të Vladimir Solovyev, propagandistit të Putinit direkt në prorgamin e tij se “në Donetsk, krahas rusëve po luftojnë edhe vëllezërit serbë”, ka reaguar në Twitter eksperti i njohur Janusz Bugajski:
“Solovyev po e konfirmon gjithashtu se vullnetarët serbë po luftojnë së bashku me shokët e tyre kriminelë lufte në Ukrainë. Duhet një hetim i plotë për të zbuluar emrat dhe lidhjet zyrtare me qeverinë Vuçiç.”/EB
Soloviev also confirms that Serb volunteers are fighting alongside their war criminal comrades in Ukraine. Need a full investigation to disclose names and official links with the Vučić government. https://t.co/D9efmdmRhX
— Janusz Bugajski (@JBugajskiUSA) September 15, 2022
*Foto e Janusz Bugajski nga arkivi i europeanwesternbalkans.com
Gjyqtari federal, Raymond Dearie, është emëruar si zyrtar i posaçëm për të rishikuar dokumentet që ka konfiskuar Byroja Federale e Hetimeve (FBI) nga shtëpia e ish-presidentit amerikan, Donald Trump.
Dearie, 78-vjeçar, do të marrë vendim – si avokat i pavarur – nëse ndonjë dokument tejkalon limitet ligjore.
Ai është propozuar nga ekipi i Trumpit dhe Departamenti amerikan i Drejtësisë nuk e ka refuzuar atë.
Ish-presidenti amerikan është duke u hetuar për mënyrën si ka menaxhuar materialet e klasifikuara.
Përfaqësuesit e Trumpit kanë pretenduar rrejshëm se kanë kthyer të gjitha materialet e klasifikuara në Qeveri, pasi FBI ka konfiskuar 33 kuti me më shumë se 11.000 dokumentet qeveritare – në mesin e tyre më shumë se 100 të klasifikuara.
Zyrtarë të Departamentit të Drejtësisë, ka thënë më parë për dokumentet që ka mbajtur Trump në shtëpinë e tij në Florida, se ka pasur tendenca për fshehje të tyre, në kuadër të përpjekjeve për të penguar hetimet e FBI-së.
Autoritetet besojnë se këto dokumente do të duhej t’iu ishin dorëzuar Arkivave Kombëtare.
Presidentët amerikanë duhet të dorëzojnë të gjitha dokumentet që kanë në këtë institucion, pas përfundimit të mandatit.
Trump mohon ndonjë keqbërje, duke argumentuar se sa ka qenë president, ka deklasifikuar të gjitha dokumentet që ka mbajtur në shtëpinë e tij në Florida.
Më herët gjatë këtij muaji, një gjyqtare ia ka miratuar kërkesën ekipit të Trumpit për të emëruar një zyrtar me pozitë të tillë.
Emërimi i një zyrtari të posaçëm bëhet për raste të ndjeshme.
Diçka e ngjashme ka ndodhur në rastet kur janë bastisur shtëpitë dhe zyrat e dy ish-avokatëve të Trumpit – Rudy Giuliani and Michael Cohen.
Ken Starr ka vdekur
VOAL- Ken Starr, prokurori për shkarkimin e ish-presidentit Bill Clinton ka vdekur nga një sërë komplikimesh nga operacioni në Hjuston. Këtë e raporton Cnbc duke cituar familjen e tij. Ai ishte 76 vjeç.
I emëruar nga Presidenti i atëhershëm i Gjykatës së Apelit të Uashingtonit, atëherë Prokurori i Përgjithshëm i Shtetit nën George Bush, ish-magjistrati ishte më i njohur për koordinimin e hetimit të Whitewater në vitet 1990 kundër Klintonëve.
Hetimi mbahet mend mbi të gjitha për pjesën që lidhet me marrëdhëniet mes Presidentit të atëhershëm Bill dhe praktikantes Monica Lewinksy, por ishte shumë më i madh dhe nisi nga një sërë investimesh në prona të paluajtshme nga Klintonët në Arkansas. Hetimi më pas u zgjerua në sex-gate dhe fajësimin e presidentit në Dhomën e Përfaqësuesve për dëshmi të rreme dhe pengim të drejtësisë. Clinton u shpall i pafajshëm më vonë në Senat. rsi-eb
Sekretari amerikan i Mbrojtjes, Lloyd Austin tha se forcat ukrainase po tregojnë shenja suksesi në fushë betejë në dy kundërofensiva dhe se Shtetet e Bashkuara do të mbështesin Kievin në betejën e tij kundër trupave pushtuese ruse “për aq kohë sa të jetë e nevojshme”.
Këto komete të sekretarit të Mbrojtjes, të bëra më 9 shtator në Pragë, vijnë në mes provave në rritje të trupave ukrainase për përparime në rajonin jugor të Hersonit dhe në rrethet në lindje dhe juglindje të Harkivit, qyteti i dytë më i madh i Ukrainës.
Hersoni ka qenë në fokus të luftimeve të mëdha për disa javë, ndërsa shtytja nga Harkivi është shpalosur gjatë dy ditëve të fundit.
“Tani po shohim sukses në Herson”, u tha Austin gazetarëve në Pragë, pas takimit me homologen e tij çeke, Jana Cernochova.
“Po shohim disa suksese në Harkiv dhe kjo është shumë inkurajuese”, shtoi ai.
Presidenti ukrainas, Volodymyr Zelensky, deklaroi më 8 shtator se trupat ukrainase kishin “çliruar dhjetëra vendbanime” dhe kishin rimarrë më shumë se 1.000 kilometra katrorë nga forcat ruse gjatë javës së kaluar.
Zyrtarët rusë nuk janë deklaruar as për frontet e as për sukseset e Ukrainës.
Pushtimi rus i Ukrainës ka nisur më 24 shkurt.
Gjenerali amerikan, Mark Milley, shef i Shtabit të Përgjithshëm tha se pushtimi rus i Ukrainës është një dështim ushtarak, pasi forcat e Moskës që kanë arritur vetëm “sukses të vogël taktik në pjesë të ndryshme të Ukrainës lindore”.
“Deri më tani objektivat strategjike ruse janë mposhtur”, u tha Milley mbështetësve të Ukrainës, të cilët ishin mbledhur në bazën ajrore amerikane në Ramstein, Gjermani.
“Kjo është për shkak të dështimeve të tyre. Dhe gjithashtu për shkak të trimërisë së … ushtrisë ukrainase, trimërisë së popullit ukrainas dhe mbështetjes së vendeve që ishin sot në Grupin e Kontaktit”.
Ai tha se ukrainasit kanë goditur mbi 400 objektiva.
“Linjat ruse të komunikimit dhe zinxhirët e furnizimit janë shumë të tendosura. Kjo ka një ndikim të drejtpërdrejtë në aftësinë ruse për të projektuar dhe mbajtur fuqinë luftarake. Komanda dhe kontrolli rus në selinë qendrore janë ndërprerë,” tha Milley, duke shtuar se Moska ka ” vështirësi të mëdha për të rifurnizuar forcat dhe për të zëvendësuar humbjet në luftë”.
Pushtimi rus i Ukrainës ka nisur më 24 shkurt.
Kompania amerikane “Microsoft” thotë se ka besim të lartë se pas sulmeve kibernetike të ndodhura në Shqipëri në 15 korrik të këtij viti që sulmuan faqet online të qeverisë si dhe të shërbimeve publike, qëndrojnë aktorë të sponsorizuar nga qeveria iraniane.
“Microsoft” vlerëson se përveç sulmit shkatërrues kibernetik, një “aktor tjetër” i sponsorizuar nga shteti iranian ka marrë informacione të ndjeshme muaj më parë.
Disa media onlie dhe platforma të mediave sociale u përdorën për të publikuar informacionet e ndejshme.
Sulmi, sipas kompanisë “Microsofti” është zhvilluar në katër faza: Ndërhyrja fillestare; vjedhja apo lëvizja e të dhënave; Kriptimi dhe shkatërrimi i të dhënave si dhe faza e fundit publikimi i një pjesë të këtyre të dhënave.
Microsoft thotë se “aktorët e përfshirë në marrjen e aksesit fillestar dhe vjedhjen e të dhënave janë të lidhur me EUROPIUM-i, i cili ka qenë i lidhur publikisht me Ministrinë e Inteligjencës dhe Sigurisë së Iranit (MOIS) dhe u zbulua duke përdorur tre grupime unike të aktivitetit”.
Njësia e “Microsoft-it” për zbulimin e sulmeve kibernetike u angazhua me kërkesë të qevrisë shqiptare për të bërë hetime mbi sulmin. Microsoft do të vazhdojë partneritetin me Shqipërinë për të rritur mbrojtjen nga sulme të tilla në të ardhmen, theksohet në një deklaratë.
Lajmi do të përditësohet shumë shpejt…
Kompanitë amerikane të teknologjisë, që marrin fonde federale, do të ndalohen që të ndërtojnë objekte “të teknologjisë së avancuar” në Kinë për 10 vjet, tha administrata e presidentit Joe Biden.
Kjo ndalesë është pjesë e një plani prej 50 miliardë dollarësh, që synon të fuqizojë industrinë lokale të gjysmëpërçuesve.
Po ashtu, njoftimi vjen pasi grupet e biznesit kanë kërkuar më shumë ndihmë nga Qeveria amerikane me qëllim që të ulin varësinë nga Kina.
Në botë ka mungesë të mikroçipëve që po ngadalëson edhe prodhimin e pajisjeve të tjera.
“Ne do të zbatojmë këta udhëzues për t’u siguruar se të gjithë ata që marrin fonde federale nuk do ta rrezikojnë sigurinë kombëtare… ata nuk do të lejohet që t’i përdorin këto para për të investuar në Kinë, ata nuk mund të zhvillojnë teknologji të avancuar në Kinë për një periudhë 10-vjeçare”, tha sekretarja amerikane e Tregtisë, Gina Raimondo.
Kompanitë amerikane që veçse kanë fabrika në Kinë mund t’i zgjerojnë ato vetëm që t’i shërbejnë tregut kinez.
SHBA-ja dhe Kina kanë mosmarrëveshje për çështjet tregtare dhe ato të teknologjisë.
Në gusht, presidenti amerikan, Joe Biden, ka nënshkruar një ligj sipas të cilit janë ndarë 280 miliardë dollarë për prodhimin e teknologjisë së lartë dhe të hulumtimeve shkencore, pas frikës se SHBA-ja po humb avantazhin e teknologjisë që ka ndaj Kinës.
Aktualisht, SHBA-ja prodhon rreth 10 për qind të furnizimeve botërore të gjysmëpërçuesve, që janë kyç për të ndërtuar shumë gjëra duke filluar nga makinat e deri te telefonat mobilë. Në vitet ’90, SHBA-ja prodhonte afër 40 për qind të furnizimeve botërore të gjysmëpërçuesve.
Në një fitore ligjore për ish-Presidentin Donald Trump, një gjykatëse federale pranoi të hënën kërkesën e tij që një ekspert i pavarur ligjor të shqyrtojë dokumentet e sekuestruara nga FBI-ja nga shtëpia e tij në Florida, si edhe ndaloi përkohësisht përdorimin nga Departamenti i Drejtësisë të të dhënave për qëllime hetimi.
Vendimi i gjykatëses Aileen Cannon autorizon një ekspert të jashtëm për të shqyrtuar të dhënat e marra gjatë kontrollit të 8 gushtit dhe për të përjashtuar nga hetimi çdo dokument që mund të mbrohet nga privilegji avokat-klient ose privilegji ekzekutiv. Disa nga ato dokumenta ka mundësi që t’i kthehen ish-presidentit Trumpi, por gjykatësja e shtyu vendimin për një gjë të tillë.
Gjykatësja e dha urdhrin pavarësisht kundërshtimeve të forta të Departamentit të Drejtësisë, i cili tha se një ekspert i jashtëm ligjor nuk ishte i nevojshëm dhe një nga arsyet ishte se zyrtarët e kishin përfunduar tashmë shqyrtimin dokumenteve që mund të mbroheshin nga marrëdhënia avokat-klient ose privilegji ekzekutiv.
Emërimi i një eksperti ka gjasa ta ngadalësojë ritmin e hetimit të Departamentit të Drejtësisë për praninë e informacioneve tepër sekret në Mar-a-Lago, veçanërisht duke pasur parasysh udhëzimin e gjyqtares që Departamenti i Drejtësisë nuk mund të përdorë për momentin asnjë nga materialet e sekuestruara si pjesë e hetimit të tij për mbajtjen e sekreteve qeveritare në rezidencën e Floridës.
“Gjykata konstaton se këto rrethana të pashembullta kërkojnë një pauzë të shkurtër për të lejuar rishikimin e paanshëm nga palë të treta, për të siguruar një proces të drejtë, me masa të pështatshme”, shprehet gjykatësja Cannon, e cila është emëruar nga ish-presidenti, në urdhrin e saj prej 24 faqesh.
Megjithatë, nuk është e qartë nëse vendimi do të ketë një efekt të konsiderueshëm afatgjatë tek hetimi apo përfundimet e tij.
Një vlerësim i veçantë nga komuniteti i zbulimit amerikane për rrezikun e paraqitur nga keqpërdorimi i mundshëm të dhënave të klasifikuara do të vazhdojë me urdhër të gjyqtares.
Departamenti i Drejtësisë nuk ka komentuar ende dhe një avokat i zotit Trump, nuk iu përgjigj menjëherë një kërkese për koment.
Avokatët e zotit Trump kishin argumentuar se ishte i nevojshëm emërimi i një eksperti të posaçëm ligjor, për të garantuar një analizë të pavarur të të dhënave të marra gjatë kontrollit dhe në mënyrë që informacione ose dokumenta personale të mund të shqyrtoheshin dhe t’i ktheheshin zotit Trump.
Në këtë rast, të dhënat e sekuestruara “përfshijnë dokumente mjekësore, korrespondencë në lidhje me taksat dhe informacione financiare”, sipas urdhrit të gjyqtares.
Gjyqtarja tha se ishte shumë herët për të ditur nëse ndonjë nga dokumentat apo objektet do t’i kthehet zotit Trump, por “për momentin, rrethanat që lidhen me sekuestrimin në këtë rast dhe nevoja për masa mbrojtëse procedurale të përshtatshme janë mjaft bindëse.”
Departamenti i Drejtësisë kishte argumentuar kundër emërimit, duke thënë se ishte i panevojshëm sepse kishte shqyrtuar tashmë dokumente që mund të ishin të mbrojtura nga privilegji dhe kishte identifikuar një numër të kufizuar materialesh që mund të mbuloheshin nga privilegji avokat-klient.
“Mendoj se pengesa kryesore, është se dokumentet me privilegj ekzekutiv janë përfshirë” në vendimin e gjyqtares, tha Richard Serafini, një ish-prokuror i Departamentit të Drejtësisë dhe avokat në Florida. Ai tha se priste që departamenti ta apelonte urdhrin.
Departamenti i Drejtësisë kishte argumentuar gjithashtu se zoti Trump nuk kishte të drejtë ligjore të pretendonte privilegj ekzekutiv për asnjë prej të dhënave presidenciale që ishin marrë pasi ai nuk është më president dhe për rrjedhojë dokumentet nuk i përkasin atij. Po ashtu Departamenti tha se objektet personale që u gjetën ishin përzierë me informacione të klasifikuara, duke u dhënë atyre vlerë të mundshme si prova.
Megjithëse Departamenti i Drejtësisë kishte argumentuar se zoti Trump, si ish-president, nuk kishte bazë ligjore për të pretenduar privilegjin ekzekutiv mbi dokumentet, gjyqtarja tha se ai kishte të drejtën ta ngrinte shqetësimin dhe lejoi që eksperti i posaçëm të kontrollonte për dokumenta që mund të mbulohen nga ai privilegj.
Gjykatësja Cannon, e cila u emërua nga zoti Trump në vitin 2020, kishte sinjalizuar me një urdhër të shkurtër muajin e kaluar se ajo ishte e prirur të emëronte një ekspert të posaçëm.
Agjentët e FBI-së që kontrolluan shtëpinë e ish-presidentit Donald Trump në Florida muajin e kaluar gjetën dosje të klasifikuara sekret që ishin të zbrazëta, sipas një liste më të detajuar të materialit të sekuestruar, të bërë publike të premten nga Departamenti i Drejtësisë.
Inventari i objekteve zbulon pa detaje specifike përmbajtjen e 33 kutive të marra nga Mar-a-Lago gjatë kontrollit të 8 gushtit. Megjithëse inventari nuk përshkruan asnjë nga dokumentet, ai tregon se informacione të klasifikuara, përfshirë materiale tepër sekrete, ishin mbajtur në kuti në shtëpi, mes gazetave, revistave, veshjeve dhe objekteve të tjera personale.
Departamenti i Drejtësisë ka thënë se në Mar-a-Lago nuk kishte masa të posaçme sigurie për të mbajtur sekrete kaq të ndjeshme qeveritare dhe ka hapur një hetim penal për mbajtjen e tyre atje si edhe për ato që i cilëson përpjekje në muajt e fundit për të penguar atë hetim.
Sipas inventarit, 43 dosje të zbrazëta të klasifikuara u morën nga një kuti në zyrë, së bashku me 28 dosje të tjera të zbrazëta me etiketën “Të rikthehen tek Sekretari i Personelit” ose këshilltari ushtarak. Dosje të ngjashme të zbrazëta u gjetën gjithashtu edhe në një dhomë me objekte të magazinuara.
Nuk është e qartë nga lista e inventarit se pse ishin të zbrazëta dosjet ose çfarë mund të ketë ndodhur me dokumentet që kishin qenë brenda tyre.
Organizatat amerikane të mediave i kërkuan të mërkurën një gjykatësi të bëjë publike më shumë detaje rreth të dhënave që u sekuestruan gjatë kontrollit të paprecedentë të FBI-së në shtëpinë e ish-presidentit Donald Trump në Florida.
Kërkesa u bë vetëm disa orë pasi Departamenti i Drejtësisë dorëzoi të martën në mbrëmje një dokument 54 faqesh që paraqet kronologjinë më të detajuar deri tani të shkëmbimeve të tensionuara mes zyrtarëve të Departamentit të Drejtësisë dhe përfaqësuesve të ish-presidentit Trump, lidhur me zbulimin e sekreteve qeveritare.
Prokurorët thanë se agjentët gjetën disa dokumente të klasifikuara në sirtarët e tavolinës në zyrën e zotit Trump në Mar-a-Lago. Ata thanë gjithashtu se FBI-ja gjeti pasaportat e ish-presidentit në një nga sirtarët së bashku me dokumente të klasifikuara dhe thanë se ata e konsideronin vendndodhjen e pasaportave si “provë të rëndësishme”.
Në një përgjigje ndaj dosjes së departamentit, zëdhënësi i zotit Trump, Taylor Budowich u shpreh në Twitter: “Mjaftuan më pak se dy faqe nga një përgjigje prej 40 faqesh që administrate Biden të pranonte se kjo bastisje e paprecedentë dhe e panevojshme nuk kishte të bënte me ndonjë krim, por më tepër një mosmarrëveshje mbi të dhënat presidenciale.”
Megjithatë, urdhri i kontrollit i Departamentit të Drejtësisë u miratua bazuar në shqetësimet se kishte shkelje të tre ligjeve të tjera, mes së cilave një dispozitë e ligjit për spiunazhin dhe pengimit të drejtësisë. Akti i të dhënave presidenciale nuk përmendej në urdhër.
Organizatat e medias i kërkuan gjykatëses Aileen Cannon të bënte publike dy dokumente të tjera që Departamenti i Drejtësisë i depozitoi si konfidenciale më herët të martën.
Njëra është një listë më e detajuar e objekteve që FBI ka konfiskuar nga Mar-a-Lago, ku përfshiheshin 33 artikuj dhe kuti që përmbanin më shumë se 100 të dhëna të klasifikuara.
Procesverbali tjetër që kërkohet është një dokument që do të ketë më shumë detaje rreth një procesi të departamentit, sipas të cilit agjentët që nuk janë të përfshirë në hetim shqyrtojnë dokumentat, për të ndarë veç çdo gjë që mund të mbulohet nga privilegji avokat-klient.
“Të dhënat gjyqësore të identifikuara këtu janë thelbësore që publiku të kuptojë më mirë atë që ndodhi në Mar-a-Lago më 8 gusht 2022, dhe këtë proces të pazakontë civil, dhe gjithashtu do të ndriçojnë më tej veprimet e qeverisë në ekzekutimin e kontrollit”, argumentojnë organizatat e medias ABC, Associated Press, Bloomberg, CNN, CBS, botuesin e Wall Street Journal, Dow Jones & Co, NBC, New York Times dhe Washington Post.
Departamenti i Drejtësisë thotë se ka gjasa që dokumenta të klasifikuara “të jenë fshehur dhe zhvendosur” brenda shtëpisë së ish-presidentit Donald Trump në Florida, si pjesë e një përpjekjeje për të penguar hetimin federal për gjetjen e dokumentave zyrtare.
Dokumenti nxjerr në pah se hetimi penal është përqendruar jo vetëm tek arsyeja se pse të dhënat janë ruajtur në mënyrë të parregullt, por edhe tek çështja nëse ekipi i ish-presidentit Trump ka gënjyer qëllimisht në lidhje me praninë e vazhdueshme dhe të paligjshme të dokumenteve tepër sekrete në Mar-a-Lago.
Kronologjia e ngjarjeve e detajuar nga Departamenti i Drejtësisë bën të qartë se kontrolli i jashtëzakonshëm në rezidencën e ish-presidentit Trump erdhi vetëm pasi përpjekjet e tjera për të marrë dokumentet kishin dështuar. Po ashtu kishte dyshime se në Mar-a-Lago kishin mbetur ende dokumente të klasifikuara, megjithë garancitë e përfaqësuesve të ish presidentit, se ato ishin dorëzuar të gjitha.
Megjithëse përmban detaje të reja të rëndësishme mbi hetimin, dokumenti i Departamentit të Drejtësisë nuk i jep përgjigje një pyetjeje thelbësore: pse ish-presideti Trump i mbajti dokumentet pasi u largua nga Shtëpia e Bardhë dhe pse ai dhe ekipi i tij u rezistoi përpjekjeve të përsëritura për t’i kthyer ato.
Sipas Departamentit të Drejtësisë, gjatë një vizite të 3 qershorit në Mar-a-Lago nga zyrtarët e FBI-së “avokati i ish-Presidentit nuk dha asnjë shpjegim se pse kutitë me të dhëna zyrtare, përfshirë 38 dokumente të klasifikuara, mbetën në rezidencë gati pesë muaj pas dorëzimit të 15 kutive të para dhe gati një vit e gjysmë pas përfundimit të mandatit.”
Synimi i dokumentit të djeshëm që Departamenti i Drejtësisë dorëzoi në gjykatë, ishte për të kundërshtuar një kërkesë të ekipit ligjor të zotit Trump për caktimin e një eksperti të posaçëm për të shqyrtuar dokumentet e sekuestruara dhe për t’i kthyer atij disa prej tyre. Gjyqtarja Aileen Cannon do të dëgjojë argumentet mbi këtë çështje të enjten.
Ajo tha të shtunën se “mendimi i saj paraprak” ishte që të emëronte një person të tillë, por shtoi se i dha Departamentit të Drejtësisë një mundësi për t’u përgjigjur.
Të hënën, departamenti tha se kishte përfunduar shqyrtimin e dokumenteve, disa prej të cilave mund të ishin të mbrojtura nga privilegji avokat-klient. Departamenti tha se një ekspert i posaçëm ishte “i panevojshëm” dhe se të dhënat presidenciale që u morën nga shtëpia nuk i përkasin zotit Trump.
Një gjykatëse federale në Florida po i kërkon Departamentit të Drejtësisë që të ofrojë të dhëna më të detajuara lidhur me dokumentet e klasifikuara të gjetura në rezidencën e ish-Presidentit Donald Trump. Gjykatësja po konsideron mundësinë e emërimit të një prokurori të posaçëm për të shqyrtuar dokumentet e sekuestruara.
Një gjykatëse federale duket se po anon drejt emërimit të një prokurori special për të mbikëqyrur shqyrtimin e provave të mbledhura nga hetuesit federal gjatë kontrollit të rezidencës së ish-Presidentit Trump në Mar-A-Lago. Kërkesa u bë nga ekipi ligjor i zotit Trump.
Përmes një njoftimi të shtunën, gjykatësja e emëruar nga Presidenti Trump kur ai ishte në Shtëpinë e Bardhë, caktoi 1 shtatorin si ditë për paraqitjen e argumenteve.
Drejtori i Zbulimit Kombëtar do të vlerësojë “rreziqet e mundshme ndaj sigurisë kombëtare” që mund të kenë rezultuar nga mbajtja e dokumenteve të klasifikuara në rezidencën e zotit Trump.
Kërkesa për shqyrtim erdhi nga udhëheqësit e lartë demokratë të Dhomës së Përfaqësuesve.
Pas publikimit të dokumentit që sherbeu për marrjen e autorizimit të gjykatësit për kontrollin e rezidencës së ish-Presidentit, ata thanë se: “Është kritike që komuniteti i zbulimit të veprojë me shpejtësi për të vlerësuar, dhe nëse është e nevojshme, për të zvogëlojë dëmin e shkaktuar”.
Dokumenti prej 38 faqesh, i publikuar me redaktime të theksuara, u përdor nga Byroja Federale e Hetimeve, FBI, për të marrë miratimin e gjykatës për kontrollin në Mar-A-Lago.
Departamenti i Drejtësisë dha shpjegime për redaktimin e dokumentit.
“Qeveria ka shqetësime të bazuara se mund të ndërmerren hapa për të penguar ose për të ndërhyrë në këtë hetim nëse faktet bëhen publike para kohe”.
Madje, në dokument theksohet kërkesa për mbajtjen e tij sekret, sepse ka palë të paidentifikuara të cilat ende po hetohen, çka mund të rezultojë në ngritjen e akuzave të tjera.
Ish-Presidenti Trump e ka kritikuar hetimin dhe pretendon se nuk ka bërë asgjë të gabuar. Megjithë kritikat për redaktimin e dokumentit, ekipi i tij ligjor nuk argumentoi në gjykatë për publikimin e tij.
I dërguari special i ish-Presidentit amerikan Donald Trump mbi dialogun me Prishtinës e Beogradit Richard Grenell i ka bërë thirrje Shtëpisë së Bardhë që të përfshijë në axhendën e saj këtë çështje.
Përmes një mesazhi në Twitter Grenell thekson se “nëse njohja e targave është shumë e vështirë tani, atëherë kërkoni njohjen e ID-ve për të filluar”.
REAGIMI
Shtëpia e Bardhë e Biden duhet të përfshihet më shumë në ngecjen aktuale të dialogut mes Kosovës-Serbisë. Dhe këtu është një ide: nëse njohja e targave është shumë e vështirë tani, atëherë kërkoni njohjen e ID-ve për të filluar (siç kam postuar në Twitter 4 javë më parë). Dhe një ‘bonus’: shtyhuni të zbatoni marrëveshjet e mëparshme!bw
UASHINGTON – 14 nga 15 kutitë e marra më herët këtë vit nga rezidenca e ish-Presidentit Donald Trump në Florida përmbanin dokumenta të klasifikuara, përfshirë edhe në nivelin tepër sekret, thuhet në një deklaratë të FBI-së të publikuar të premten. Dokumenti shpjegon arsyet për kontrollin që u bë këtë muaj në këtë objekt.
Asnjë hapësirë në Mar-a-Lago nuk ishte e autorizuar për ruajtje të materialeve të klasifikuara, thuhet në dokumentat e gjykatës, ku paraqiten argumentat e FBI-së për kontrollin e bërë në këtë objekt më herët këtë muaj, dhe ndër të tjera edhe “baza për të besuar se do të gjendet evidencë për pengim të drejtësisë”.
Dokumenti prej 32 faqesh, megjithëse i redaktuar në masë, ofron përshkrimin më të detajuar deri më tani të dokumentave qeveritare që mbaheshin në Mar-a-Lago për një kohë të gjatë pasi ish-Presidenti Trump ishte larguar nga Shtëpia e Bardhë, si dhe zbulon rëndësinë e shqetësimeve të qeverisë se dokumentat mbaheshin atje në mënyrë të paligjshme.
“Qeveria po bën një hetim penal në lidhje me marrjen dhe mbajtjen e informacionit të klasifikuar në hapësira të paautorizuara, ashtu si edhe për fshehjen apo heqjen e paligjshme të të dhënave qeveritare”, shkruhet në faqen e parë të dokumentit të FBI-së, ku kërkohet leja e gjykatësit për të marrë një urdhër kontrolli në objekt.
Dokumenti nuk jep detaje të reja për 11 volumet e dokumentave të klasifikuara që u morën më 8 gusht gjatë kontrollit në Mar-a-Lago, por ka të bëjë me një tjetër sasi prej 15 kutish me dokumentacion që Administrata Kombëtare e Arkivave dhe Dokumentacionit mori nga Mar-a-Lago në muajin janar.
Sipas dokumentit, zyrtarët identifikuan në këto kuti 184 dokumenta të klasifikuara, përfshirë 25 dokumenta me klasifikimin tepër sekret. Agjentët që inspektuan kutitë konstatuan informacion të klasifikuar të ofruar nga burime konfidenciale njerëzore, si dhe informacion në lidhje me Ligjin për Survejimin e Zbulimit të Jashtëm.
Dokumenti paraqet në tërësi detaje të mëtejshme për një hetim penal në vazhdim, i cili ka sjellë telashe të reja ligjore për ish-Presidentin Trump, ndërsa ai po përgatit terrenin për një kandidim të ri për president. Dokumenti gjithashtu tregon me detaje sasinë e dokumentave konfidenciale qeveritare që mbaheshin në Mar-a-Lago, në vend që të dorëzoheshin në Arkivat Kombëtare.
Ish-Presidenti Trump ka këmbëngulur prej kohësh se, megjithë provat për të kundërtën, ka bashkëpunuar plotësisht me zyrtarët e qeverisë. Ai ka siguruar mbështetjen e republikanëve duke e paraqitur kontrollin nga FBI-ja si një gjueti shtrigash të motivuar politikisht, që synonte të dëmtonte shanset e tij në zgjedhje. Ai e përsëriti këtë të premten në median e tij sociale, duke thënë se ai dhe përfaqësuesit e tij kishin ruajtur një marrëdhënie të ngushtë pune me FBI-në dhe “U KISHIN DHËNË ATYRE SHUMË”.
FBI-ja ia paraqiti deklaratën një gjykatësi në mënyrë që të merrte autorizimin për të bërë kontroll në rezidencën e ish-presidentit. Dokumenta të tilla zakonisht përmbajnë informacion jetik për hetimet. Agjentët zbërthejnë arsyet përse duan të kontrollojnë një objekt të caktuar dhe përse besojnë se ka gjasa të gjejnë atje evidencë për vepra të mundshme penale.
Në një tjetër dokument të publikuar të premten, zyrtarët e Departamentit të Drejtësisë shpjegonin se ishte e nevojshme të redaktohej informacioni për “të mbrojtur sigurinë dhe privatësinë e një numri domethënës dëshmitarësh civilë, krahas personelit të zbatimit të ligjit, si dhe për të mbrojtur integritetin e hetimit në vazhdim”.
Dokumentat e tillë zakonisht nuk publikohen gjatë hetimeve në vazhdim. Kjo e bën edhe më befasues vendimin e Gjykatësit Bruce Reinhart për të bërë publike pjesë të tij.
Duke vënë në dukje interesimin e jashtëzakonshëm të publikut për këtë hetim, Gjykatësi Reinhart urdhëroi Departamentin e Drejtësisë të enjten që të paraqiste një version të redaktuar të dokumentit brenda ditës së premte. Ky udhëzim u dha vetëm pak orë pasi zyrtarët e agjensive federale të zbatimit të ligjit paraqitën të vulosura pjesët e deklaratës që dëshirojnë të mbeten sekret ndërsa vazhdojnë hetimet.
Dokumentat e bëra publike më parë tregojnë se FBI-ja mori nga objekti 11 volume dokumentash të klasifikuara, përfshirë informacion në nivelin tepër-sekret. Ato gjithashtu tregojnë se agjentët federalë po hetojnë shkelje të mundshme të tre statuteve federale, përfshirë njërin që përcakton rregullat për mbledhjen, transmetimin apo humbjen e informacionit për fushën e mbrojtjes, bazuar në Ligjin për Spiunazhin. Statutet e tjera kanë të bëjnë me fshehjen, dëmtimin apo heqjen e dokumentave, si dhe shkatërrimin e tyre, modifikimin apo falsifikimin e të dhënave në hetime federale.
Është e mundur që dokumenti, në veçanti në formën e tij të paredaktuar, mund të hedhë dritë edhe mbi çështjet kyçe që nuk kanë marrë përgjigje, përfshirë arsyet përse dokumenta konfidenciale presidenciale, ndër to edhe të klasifikuara, u transportuan drejt Mar-a-Lagos pasi ish-Presidenti Trump u largua nga Shtëpia e Bardhë, si dhe përse ish-presidenti dhe përfaqësuesit e tij nuk ofruan të gjithë sasinë e materialeve megjithë kërkesat e përsëritura të Administratës Kombëtare të Arkivave dhe Dokumentacionit.
Dokumenti mund të ofrojë edhe detaje të mëtejshme për marrje-dhëniet mes ish-Presidentit Trump dhe FBI-së, përfshirë një fletëporosi për dorëzim dokumentash të paraqitur në pranverë, si dhe një vizitë në qershor të zyrtarëve të FBI-s dhe Departamentit të Drejtësisë për të vlerësuar se si mbaheshin dokumentat.
Departamenti i Drejtësisë kishte kundërshtuar fillimisht argumentat e mediave për ta bërë dokumentit publik, duke thënë se kjo do të publikonte të dhëna private për dëshmitarët dhe për taktikat hetimore. Por Gjykatësi Reinhart, duke pranuar interesin e jashtëzakonshëm të publikut tek ky hetim, tha javën e kaluar se nuk ishte në favor të mbajtjes sekret të të gjithë dokumentit dhe u kërkoi zyrtarëve federalë t’i paraqesnin atij privatisht redaktimet që dëshironin të bënin.
Në urdhërin e tij të enjten, zoti Reinhart tha se departamenti kishte paraqitur argumenta të qëndrueshme për të mos publikuar pjesë të mëdha të dokumentit, dhe se nëse do të bëheshin publike, mund të zbulonin të dhëna për jurinë e madhe, identitetin e dëshmitarëve dhe të “palëve që nuk janë nën akuzë”, si dhe detaje për strategjinë, drejtimin, shtrirjen, burimet dhe metodat e hetimit.
Por, ai gjithashtu tha se “qeveria ka plotësuar detyrimin e saj për të treguar se redaktimet ishin konceptuar për t’i shërbyer interesit legjitim të qeverisë për integritetin e hetimit në vazhdim dhe se janë alternativa më pak e rëndë për publikimin e dokumentit”.
VOA
Departamenti i Drejtësisë publikoi të premten një variant të redaktuar të një dokumenti ku detajohen të dhënat mbi të cilat ishte justifikuar urdhri për kontrollin e FBI-së më 8 gusht në shtëpinë e ish-presidentit Donald Trump në Florida.
Megjithëse pjesë të konsiderueshme të dokumentit janë mbuluar nga Departamenti i Drejtësisë, ai ofron disa detaje të reja mes së cilave fakti që 14 nga 15 kutitë me të dhëna të gjetura në Mar-a-Lago në fillim të këtij viti përmbanin 184 dokumenta të klasifikuara, disa prej të cilave tepër sekret.
Pasi i mori dokumentet fillestare në fillim të vitit, Departamenti i Drejtësisë kërkoi që të kontrollohet rezidenca e Presidentit Trump në Florida, nga shqetësimi se zbulimi i tyre mund të komprometonte “burime njerëzore” të përdorura për mbledhjen e informacionit, sipas dokumentit të redaktuar të bërë tashmë publik.
Dokumenti prej 32 faqesh përmban detaje shtesë në lidhje me një hetim penal që paraqet probleme të reja ligjore për zotin Trump, ndërsa ai shqyrton mundësinë e një kandidimi tjetër presidencial.
Ai e vë theksin tek vëllimi i dokumenteve të ndjeshme qeveritare të mbajtura në Mar-a-Lago dhe zbulon shqetësimet e FBI-së se të dhënat mbaheshin në mënyrë të paligjshme.
Megjithëse zyrtarët e Departamentit të Drejtësisë i kanë fshirë disa informacione të ndjeshme rreth dëshmitarëve, si dhe synimin e hetimit, varianti i publikuar ofron një shpjegim më të plotë për kontrollin në Mar-a-Lago.
Gjykatësi federal Bruce Reinhart, duke argumentuar që publikimi ishte në interes të publikut, urdhëroi Departamentin e Drejtësisë që të bënte publike deklaratën e redaktuar.
Gjatë kontrollit më 8 gusht, FBI-ja mori më shumë se 20 kuti që përmbanin 11 dosje të dhënash të klasifikuara qeveritare, disa prej të cilave të etiketuara si “tepër sekret”.
Urdhri për kontrollin që tashmë është bërë publik, tregon se Departamenti i Drejtësisë po heton shkelje të mundshme të tre ligjeve të ndryshme federale, përfshirë atë për spiunazhin.
Publikimi i dokumentit vjen pas kërkesës së disa organizatave të mediave që argumentuan se përmbajtja e tij ishte në interes të publikut. Departamenti i Drejtësisë i kishte kundërshtuar më herët këto argumente, duke thënë se publikimi mund të përmbante informacion privat për dëshmitarët dhe për taktikat hetimore.
Departamenti Amerikan i Drejtësisë do të publikojë të premten një version të reduktuar të dokumentit që shpjegon arsyen e kontrollit që FBI-ja kreu në pronën e ish-presidentit Donald Trump në Florida në fillim të këtij muaji, ku agjentët konfiskuan të dhëna dhe dokumente të tjera të klasifikuara.
Publikimi i këtij versioni të dokumentit, që përfshin provat e mbledhura nga prokurorët, mund të çojë në zbulimin e detajeve të reja mbi hetimet që po kryen mbi ish-kreun e shtetit amerikan që mund të komprometojnë ambiciet e tij për të ri-kandiduar në zgjedhjet presidenciale.
Departamenti i Drejtësisë e kishte kundërshtuar publikimin e versionit origjinal për shkak se procesi hetimor, që ka në fokus keqpërdorimin e dokumenteve sekrete nga Trump, është ende në zhvillim e sipër.
Sipas mandatit të kontrollit, agjentët e FBI-së donin të verifikonin nëse ish-presidenti kishte kryer një krim duke përvetësuar dokumente qeveritare, duke i lëvizur ato nga Shtëpia e Bardhë në kompleksin e tij Mar a Lago, sapo i kishte përfunduar mandati.
Presidentëve amerikanë u kërkohet t’i transferojnë dokumentet dhe email-et në Arkivën Kombëtare kur lënë detyrën.
Vetë Trump mohon çdo keqpërdorim të dokumenteve dhe insiston se dosjet e klasifikuara që sipas hetuesve u gjetën në Florida, ishin deklasifikuar prej tij.
Sidoqoftë, gjyqtari Bruce Reinhart urdhëroi që dokumenti të publikohet në versionin e tij të redaktuar. Ai tha se prokurorët kishin treguar “arsye bindëse” për të censuruar pjesë të dokumentit, që mund të çojë në zbulimin e identiteteve të dëshmitarëve, oficerëve të agjencive ligjzbatuese, por edhe strategjinë hetimore, drejtimin, qëllimin dhe metodat e saj.
Ish-presidenti Donald Trump po hetohet nga FBI për spiunazh (Reuters)
VOAL- Sot, e premte, në mesditë (18:00 me orën tonë) pritet publikimi i deklaratës për bastisjen e FBI-së në rezidencën e ish-presidentit amerikan Donald Trump në Florida. Këtë e kanë raportuar mediat amerikane. Me urdhër të gjyqtarit, Departamenti i Drejtësisë kishte afat deri dje, të enjten e 25 gushtit, të shqyrtonte dokumentin dhe ta dorëzonte atë pjesërisht të censuruar.
Kjo është deklarata nën betim në të cilën shpjegohen arsyet e operacionit të kryer më 8 gusht në vilën e Mar-a-Lago. Një operacion ku u sekuestruan mbi treqind dokumente të klasifikuara. Publikimi i mandatit është kërkuar nga disa gazeta.
Sipas asaj që doli javët e fundit, FBI kishte hyrë në aksion në kërkim të dokumenteve që lidhen me armët bërthamore dhe sigurinë kombëtare. Ish-presidenti po hetohet nga Byroja për spiunazh dhe për fshehje, asgjësim apo heqje dokumentesh të klasifikuara.
Trump kohët e fundit pretendoi se dokumentet publike të sjella nga Shtëpia e Bardhë në Mar-a-Lago u deklasifikuan. Një deklaratë që tetëmbëdhjetë ish-zyrtarë të lartë të administratës së tij e mohuan më vonë, duke e cilësuar atë si “të rreme dhe qesharake”.
Padia ndaj Qeverisë
Për sulmin e FBI-së, ish-presidenti paditi edhe qeverinë amerikane. Dhe ai paraqiti një mocion në Distriktin Jugor të Floridës, duke kërkuar caktimin e një eksperti të pavarur për të ekzaminuar dokumentet e gjetura nga agjentët federalë në shtëpinë e tij.
Pas kontrollit, gjyqtari dhe agjentët e FBI-së u sulmuan gjithashtu nga politikanët republikanë. Udhëheqësi republikan në Dhomë, Kevin McCarthy foli për politizim të armatosur, ndërsa disa deputetëve të krahut të djathtë iu kërkua të shkurtojnë fondet e agjencisë së inteligjencës. Në ditët pas bastisjes u regjistruan edhe episode dhune. rsi-eb
Sekretari amerikan i Shtetit, Antony Blinken, është i gatshëm të përfshihet edhe personalisht në dialogun Kosovë-Serbi nëse është nevoja për të arritur diçka përfundimtare.
Kështu ka bërë të ditur zëdhënësi i Departamentit të Shtetit, Ned Price, kur u pyet nëse është e mundshme që Blinken të mirëpresë një takim në Washington para 1 shtatorit.
“Nëse e shohim të udhës se angazhimi i Sekretarit përmes telefonit ose personalisht është diçka e domosdoshme për të arritur diçka të tillë në vijën e finishit, Sekretari Blinken nuk heziton të marrë telefonin dhe t’i bëjë ato biseda”.
Price shtoi se janë duke i përcjellë me vëmendje bisedimet dhe se i mbështesin ato, duke potencuar se njohja reciproke mes Kosovës dhe Serbisë duhet të jetë në qendër të rezultatit përfundimtar, raporton Gazeta Express.
“Ne jemi të angazhuar në këtë. Ne kemi qenë thellësisht të angazhuar si vëzhgues në dialogun e ndërmjetësuar nga BE-ja ndërmjet Kosovës dhe Serbisë. Ashtu siç thashë javën e kaluar, ne besojmë se bisedimet janë duke vazhduar. Ne jemi duk i parë. Ne po e bëjmë këtë në partneritet me BE-në dhe po inkurajojmë të dyja palët që ta përdorin dialogun në mënyrë efektive. Është një dialog që ne e mbështesim shumë dhe mendojmë se është detyrë e të dyja palëve që ta shfrytëzojnë këtë mundësi në plotëni për të çuar përpara diskutimet e tyre për normalizim të marrëdhënieve, të përqendruara edhe në njohjen reciproke”.
Ai ka thënë se për të dëshmuar këtë mbështetje për dialogun, SHBA ka dërguar emisarin Escobar në Bruksel dhe ka konfirmuar se ai do të vijë në Prishtinë dhe më pas do të shkojë në Beograd.
“Ai udhëtoi, natyrisht, në Bruksel javën e kaluar dhe së shpejti do të udhëtojë në Prishtinë dhe Beograd për të vazhduar mbështetjen tonë për dialogun”.
Escobar dhe Lajçak pritet që sot të arrijnë në Prishtinë dhe pas vizitës këtu do të vazhdojnë për Beograd.
Avokatët e ish-presidentit Donald Trump të hënën i kërkuan një gjykatësi federal që të ndalojë shqyrtimin nga FBI-ja të dokumenteve të marra nga shtëpia e tij në Florida në fillim të këtij muaji derisa të mund të emërohet një prokurori të posaçëm neutral.
Avokatët pohuan në një dosje gjyqësore, e para që nga kontrolli i FBI-së në Mar-a-Lago dy javë më parë, se dokumentet e marra nga shtëpia e ish-presidentit Trump “supozohej” të ishin të mbuluara nga privilegji ekzekutiv.
“Kjo çështje ka tërhequr vëmendjen e publikut amerikan. Thjesht masat mbrojtëse ‘adekuate’ nuk janë të pranueshme kur çështja në fjalë përfshin jo vetëm të drejtat kushtetuese të Presidentit Trump, por edhe privilegjin ekzekutiv”, thanë avokatët.
Po të hënën, një gjykatës federal pranoi se redaktimet e një dokumenti të FBI-së që përshkruan bazën për kontrollin dhe marrjen e dokumenteve në shtëpinë e zotit Trump mund të jenë aq të gjera sa ta bëjnë “të pakuptimtë” publikimin e dokumentit. Por ai tha se vazhdon të besojë se dokumenti nuk duhet të mbetet i mbyllur në tërësi për shkak të interesit “të madh” publik për këtë hetim.
Një urdhër me shkrim nga gjykatësi Bruce Reinhart, përsërit në masë të madhe atë që ai tha në gjykatë javën e kaluar, kur ai udhëzoi Departamentin e Drejtësisë të propozonte redaktimet në lidhje me informacionin në dokument që dëshiron të mbetet sekret. Dorëzimi i këtij dokumenti duhet të bëhet të enjten në mesditë.
Zyrtarët e Departamentit të Drejtësisë kanë kërkuar ta mbajnë të gjithë dokumentin të mbylluar, duke thënë se zbulimi i ndonjë pjese të tij rrezikon të komprometojë një hetim penal në vazhdim, zbulimin e informacionit për dëshmitarët dhe zbulimin e teknikave hetimore. Ata e kanë këshilluar gjykatësin se korrigjimet e nevojshme në dokukument do të ishin aq të shumta sa do të zhvishnin dokumentin nga çdo informacion thelbësor dhe do ta bënin efektivisht të pakuptimtë për publikun.
Disa agjenci lajmesh, duke përfshirë Associated Press, i kanë kërkuar gjykatësit të zbardhë të dhënat shtesë të lidhura me kontrollin e këtij muaji në Mar-A-Lago, ku zyrtarët e FBI thanë se gjetën 11 grupe dokumentesh të klasifikuara (sekrete), përfshirë të dhëna tepër sekrete.
Me interes të veçantë është dokumenti, në të cilin bazohet kërkesa për të kontrolluar shtëpinë e zotit Trump, i cili me sa duket përmban detaje kyçe në lidhje me hetimin e Departamentit të Drejtësisë çështjen nëse ish-presidenti Trump ka mbajtur dhe keqpërdorur të dhëna të klasifikuara (sekrete) dhe të ndjeshme të qeverisë. Donald Trump dhe disa nga mbështetësit e tij kanë bërë gjithashtu thirrje që dokumenti të publikohet, duke shpresuar se ai do të ekspozojë atë që ata pretendojnë se ishte tejkalim i përgjegjësive të qeverisë.
Humbja e ligjvënëses Liz Cheney në zgjedhjet e javës së kaluar brenda partisë republikane në shtetin Uajoming (Wyoming) ka nxitur reagime në të dy krahët e spektrit politik lidhur me hapin e saj të radhës. Republikanes Liz Cheney, një kritike e ashpër e ish-Presidentit Donald Trump, i përfundon mandati në fillim të janarit të vitit që vjen.
Rezultati i zgjedhjeve presidenciale të vitit 2020 vazhdon të ketë pasoja edhe sot. Pasi ligjvënësja republikane Liz Cheney, kritike e ish-Presidentit Donald Trump, humbi garën brenda partisë në shtetin Uajoming, ajo tha se po krijonte një organizatë politike për të ndaluar Trump-in dhe ish zyrtarë të tjerë, që ajo i quan “mohues të zgjedhjeve”, që të rizgjidhen për poste publike.
“Nuk kemi asnjë shans për të fituar zgjedhjet nëse ndodhemi në një pozitë ku partia jonë i ka braktisur parimet, vlerat dhe besnikërinë ndaj Kushtetutës, për të përqafuar kultin e një individi. Mendoj se kjo është vërtet e rrezikshme për një sërë arsyesh”, tha ligjvënësja Cheney për rrjetin televiziv ABC.
Zoti Trump, i cili pritet të kandidojë përsëri për president në vitin 2024, mbështeti sfiduesen e zonjës Cheney, Harriet Hageman, e cila fitoi me rreth 30% më shumë vota. Rezultatet e zgjedhjeve shihen si tregues i mbështetjes së thellë që gëzon zoti Trump mes republikanëve.
“Nuk ja dola e vetme. Natyrisht, i jemi shumë mirënjohës Presidentit Trump, i cili e pranon se Uajoming (Wyoming) ka vetëm një përfaqësues në Kongres dhe duhet të sigurohemi që të ketë peshën e vet. Mbështetja e tij e qartë dhe e palëkundur na çoi drejt fitores”, tha në fjalimin e fitores kandidatja republikane për Kongres Harriet Hageman.
Zoti Trump në mënyrë të rreme ka ngritur pretendimin se ai ishte fitues i zgjedhjeve të vitit 2020 dhe jo Presidenti Joe Biden. Zonja Cheney la të kuptohet se po shqyrtonte mundësinë për të garuar në zgjedhjet presidenciale të vitit 2024, një synim jo vetëm për ndaluar zotin Trump që të rizgjidhet sërish.
“Marrja e një vendimi kaq të rëndësishëm dhe serioz do të ishte me synimin për të fituar dhe nëse do të isha kandidatja më e mirë”, tha zonja Cheney.
Një faktor që ndikoi në garën në Uajoming, mund të ketë qënë kontrolli nga FBI-ja i shtëpisë së zotit Trump në Florida lidhur me dokumentet e klasifikuara. Disa republikanë e kanë kritikuar veprimin si tejkalim të pushtetit dhe janë shprehur në mbrojtje të zotit Trump.
“Mendoj se kjo është arsyeja e reagimeve të shumta nga republikanët që i ka bashkuar. Nuk ka rëndësi çfarë mendojnë për Trumpin por janë të bashkuar për këtë çështje sepse u duket e padrejtë”, tha për rrjetit CNN ligjvënësi republikan i Teksasit Dan Crenshaw.
Zonja Cheney nuk pranoi të shprehej nëse do të kandidonte si republikane apo si e pavarur nëse vëndos të hyjë në garën për president.
Ish-ambasadori i Shteteve të Bashkuara të Amerikës, Greg Delawie ka thënë se “Serbia përbën kërcënim real për paqen në Ballkan dhe jo Kosova”.
Nëpërmjet një postimi në Twiterr, ai shkruan se NATO duhet ta bëjë punën saj, duke iu referuar kërcënimit potencial të paqes.
Warmongering in the Balkans from Vucic. Make no mistake, Serbia is the real threat to peace here, not Kosovo. #KFOR, the #NATO peacekeeping force, will do its job. This is a well-written story that does not “both sides” the situation. https://t.co/Hlmt8RvPun
— Amb Greg Delawie (@GregDelawie) August 22, 2022
“Luftënxitës në Ballkan nga Vuçiç. Mos gaboni, Serbia është kërcënimi real për paqen këtu, jo Kosova. KFOR, forca paqeruajtëse e NATO-s, do të bëjë punën e saj. Kjo është një histori e shkruar mire”, ka shkruar ai.
Të dielën, presidenti i Serbisë, Aleksandër Vuçiç, përmes një adresimi ka thënë se “nëse NATO s’i mbron serbët atëherë këtë do ta bëjë Serbia”.
Kjo deklaratë ka ngjallur shqetësime dhe reagime në arenën ndërkombëtare./dita
Departamenti amerikan i Shtetit tha se vota për rrëzimin e qeverisë së Malit të Zi, përbënte demokraci parlamentare në veprim, përmes së cilës populli i Malit të Zi mban qeverinë përgjegjëse nëpërmjet përfaqësuesve të zgjedhur.
Komenti ishte në përgjigje të një kërkese të Zërit të Amerikës për një koment lidhur me mocionin e mosbesimit ndaj qeverisë së kryeministrit Dritan Abazovic.
“Shtetet e Bashkuara presin që Mali i Zi të ndjekë procedurat ligjore ose për formimin e shpejtë të një qeverie të re në shërbim të vendit, ose për thirrjen e zgjedhjeve të parakohshme parlamentare”, tha një zëdhënës i Departamentit të Shtetit.
“Shtetet e Bashkuara do të mbështesin çdo qeveri të formuar në mënyrë demokratike, e cila siguron përparimin e Malit të Zi në rrugën euro-atlantike, që përfshin përshpejtimin e anëtarësimit në BE, luftën kundër korrupsionit dhe krimit të organizuar, rritjen e rolit në NATO, një shoqëri gjithëpërfshirëse dhe me orientim qytetar, dhe që vazhdon të mbajë përgjegjëse Rusinë për luftën e saj brutale kundër Ukrainës”, vazhdon reagimi.
Në përgjigje të pyetjes së shërbimit serb të Zërit të Amerikës, nëse Shtetet e Bashkuara do të mbështesnin përfshirjen e partisë pro-ruse Fronti Demokratik, në një qeveri të re, zëdhënësi rikonfirmoi qëndrimin ndaj kësaj force.
“Siç e kemi thënë më parë, Shtetet e Bashkuara nuk e shohin Frontin Demokratik si partner sepse ai nuk mbështet vlerat evropiane, përfshirë faktin që nuk e ka dënuar agresionin e Rusisë kundër Ukrainës dhe nuk ka treguar udhëheqje apo vullnet për të bërë përparim në reformat kyçe të nevojshme për anëtarësimin në BE”, tha zëdhënësi.
Ekspertët thonë se kontrolli i FBI-së në Mar-a-Lago dhe bërja publike e urdhërit për këtë kontroll, e përqëndrojnë më tej vëmendjen tek ish-Presidenti Donald Trump si subjekt i mundshëm i një hetimi penal për marrjen nga Shtëpia e Bardhë të dokumentave sekrete dhe mbajtjen e tyre diku tjetër. Siç njofton korrespondentja e Zërit të Amerikës, Cindy Saine, Shtetet e Bashkuara i janë bashkuar tashmë vendeve të tjera demokratike që kanë hetuar një ish-udhëheqës të vendit.
Një gjykatës federal në West Palm Beach të Floridas, tha këtë javë se mund të lejojë bërjen publike të disa të dhënave të përdorura nga Departamenti i Drejtësisë për të kërkuar urdhrin për kontrollin në rezidencën e ish-Presidentit Trump, si pjesë e një hetimi për zhvendosjen e dokumentave nga Shtëpia e Bardhë në Mar-a-Lago.
Ndër veprat penale që po hetohen është “mbajtja e qëllimshme e informacionit të mbrojtjes kombëtare”. Një eksperte që ka punuar si diplomate amerikane për gati 40 vjet thotë se është e alarmuar nga rreziku që krijohet për sigurinë kombëtare nëpërmjet marrjes së dokumentave të klasifikuara.
“Nuk dimë ende se cilat janë dokumentat. Unë kam patur për 26 vite çertifikatë sigurie për nivelin tepër sekret dhe për shumicën e këtyre viteve kam patur edhe çertifikatën për informacion të posaçëm të klasifikuar. Nuk është thjesht fakti që ai u largua nga Shtëpia e Bardhë duke i marrë këto dokumente në Mar-a-Lago, por se ato mund të jenë lexuar nga persona të tjerë”, thotë Cecile Shea, nga Këshilli i Çikagos për Çështjet Globale.
Ish-Presidenti Trump mohon të ketë bërë ndonjë shkelje, dhe mbështetësit e tij shprehen të revoltuar nga kontrolli që FBI-ja bëri në Mar-a-Lago. Disa zyrtarë republikanë janë shprehur se hetimi i bën Shtetet e Bashkuara t’i ngjasojnë një “republike bananesh”.
Por një tjetër ekspert i tha Zërit të Amerikës se vendet demokratike në mbarë botën kanë hetuar, dhe në disa raste kanë dënuar me burg ish-presidentë dhe ish-kryeministra, pa shkaktuar reagime të mëdha.
“Ka patur cikle hetimesh në Amerikën Latine për shembull, në Brazil ndaj disa ish-presidentëve, apo ndaj Nicholas Sarkozy-së në Francë, Jacob Zumas në Afrikën e Jugut dhe Benjamin Netanyahut në Izrael”, thotë James Long, profesor i asociuar për shkencat politike në Universitetin e Uashingtonit.
Por zoti Long gjithashtu vë në dukje se nëse do të ngriheshin akuza ndaj ish-Presidentit Trump, kjo do të ishte hera e parë për Amerikën.
“Ky është vërtet një terren i panjohur për Shtetet e Bashkuara. Hera e fundit që Shtetet e Bashkuara u përballën me këtë çështje ishte pas Watergate-it, me Richard Nixon-in. Dhe në atë kohë, Presidenti i atëhershëm Ford vendosi t’i japë amnisti Nixon-it, me idenë për të lëvizur përpara dhe për ta shëruar kombin”, thotë zoti Long.
Ndikimi i vazhdueshëm i ish-Presidentit Trump në Partinë Republikane dhe klima e polarizuar politike i bën Shtetet e Bashkuara të dallojnë nga vendet e tjera, thotë një tjetër ekspert.
“Kemi një ish-president që kontrollon partinë politike që shërben si njëra prej dy forumeve kryesore të debatit politik, të elitave politike të vendit tonë, që janë të ndërlidhura me individin ndaj të cilit ka gjasa të ngrihen akuza. Në të njëjtën kohë kemi një revoltim, kemi një problem me armët që nuk e ka Koreja e Jugut, që nuk e ka Franca, që nuk e ka Izraeli”, thotë Aaron David Miller, nga Fondacioni Carnegie për Paqen Ndërkombëtare.
Shtëpia e Bardhë ka deklaruar se Presidenti demokrat Joe Biden mësoi për kontrollin e FBI-së në Mar-a-Lago nëpërmjet njoftimeve në media, dhe se Departamenti i Drejtësisë bën hetime në mënyrë të pavarur.
VOAL- Tetëmbëdhjetë ish-zyrtarë të lartë të administratës Trump mohuan pretendimin e këtij të fundit se dokumentet publike të sjella nga Shtëpia e Bardhë në Mar-a-Lago ishin deklasifikuar, duke e cilësuar atë si “të rremë” dhe “qesharake”.
“Asgjë që i afrohet një urdhri kaq të marrë nuk është dhënë kurrë,” tha John Kelly, ish-shefi i shtabit të Trump për 17 muaj nga 2017 deri në 2019. “Dhe nuk mund ta imagjinoj askënd që ka punuar në Shtëpinë e Bardhë pas kësaj. mua që përballë një urdhri të tillë ka dhe ka dërguar kërkesën”, theksoi ai.
“Kjo është absurditet total. Nëse është e vërtetë, ku është urdhri me firmën tuaj?” – tha një zyrtar tjetër i lartë.
Donald Trump dyshohet nga FBI për “vjedhje vullnetare të dokumenteve të sigurisë kombëtare të SHBA”, për “fshehje ose vjedhje të dokumenteve publike” dhe për “pengim të një hetimi federal”. Dokumentet procedurale të lidhura me kontrollin e kryer nga detektivët federalë në rezidencën e tij në Mar-a-Lago e zbulojnë këtë, sipas CNN. Të njëjtat u zbuluan dje, të enjten, nga gjyqtari Bruce Reinhart. rsi-eb
Një gjykatë shqyrtoi të enjten nëse do të bënte publike të dhënat që përmbajnë prova të paraqitura nga Departamenti i Drejtësisë i SHBA-së për të justifikuar kontrollin në shtëpinë e presidentit Donald Trump në Florida javën e kaluar, një rast ky që i vendos mediat përballë prokurorëve federalë.
Mediat po përpiqen të bindin një gjykatës federal se publiku ka të drejtën të njihet me provat që janë përdorur për të siguruar miratimin e gjykatës për kontrollin në rezidencën Mar-a-Lago të ish-presidentit.
Por Departamenti i Drejtësisë e ka kundërshtuar zbulimin e dokumentit që përmban prova, të cilat u dhanë hetuesve arsye të mundshme për të besuar se ishin kryer krime në shtëpinë e zotit Trump në Palm Beach të Floridas.
Jay Bratt, kreu i seksionit të kundërzbulimit të departamentit, i tha gjykatësit të enjten se zbulimi i dokumentit nuk është në interesin publik sepse mund të dëmtojë hetimin që po vazhdon.
“Ekziston një tjetër interes publik që rrezikohet dhe ky është interesi publik që hetimet penale të mund të ecin përpara pa pengesa”, tha ai.
Kontrolli ishte pjesë e një hetimi federal nëse zoti Trump mori ilegalisht dokumentet kur u largua nga detyra në janar të vitit 2021 pasi humbi zgjedhjet presidenciale nga demokrati Joe Biden.
Departamenti i Drejtësisë po heton shkeljet e tre ligjeve, duke përfshirë një dispozitë në Ligjin e Spiunazhit që ndalon mbajtjen e informacionit të mbrojtjes kombëtare dhe një statut tjetër që e bën krim shkatërrimin, fshehjen ose falsifikimin me vetëdije të të dhënave me qëllimin për të penguar një hetim.
Avokatët e disa mediave, duke përfshirë “The New York Times”, botuesin e “Wall Street Journal”, “ABC News” dhe “NBC News” i kërkuan gjykatësit, Bruce Reinhart të enjten që të zbulojë dokumentin në fjalë dhe materiale të tjera që janë dorëzuar në gjykatë, duke thënë se e drejta e publikut të dihet dhe rëndësia historike e kërkimit tejkalon çdo argument për të mbajtur të dhënat e mbyllura.
“Publiku nuk mund të kishte një interes më bindës për të siguruar transparencë maksimale mbi këtë ngjarje,” tha Charles Tobin, një nga avokatët që argumenton për mediat.
Zoti Trump në deklaratat në rrjetet sociale i ka bërë thirrje gjykatës që të zbulojë versionin e pa redaktuar të dokumentit “në interes të transparencës.”
Por, asnjë nga avokatët e zotit Trump nuk ka bërë mocion për t’i kërkuar gjykatës federale të West Palm Beach, ta bëjë këtë. Avokatja e tij, Christina Bobb, megjithatë, ishte e pranishme në sallën e gjyqit të enjten për të vëzhguar procedurat.
Presidenti Trump thotë se kërkimi ishte i motivuar politikisht. Ai gjithashtu ka thënë, pa dhënë prova, se e kishte të gatshëm urdhrin për deklasifikimin e dokumenteve në fjalë për çka edhe u bë kontrolli në shtëpinë e tij.
Megjithatë, asnjë nga tre ligjet e cituara nga Departamenti i Drejtësisë në urdhrin e kërkimit nuk kërkon të konfirmojë se dokumentet e marra ishin sekrete.
Kërcënimet e drejtuara ndaj agjentëve të FBI-së janë shtuar që nga kontrolli.
Në shtetin amerikan, Ohio javën e kaluar, policia qëlloi për vdekje një burrë të armatosur pasi ai u përpoq të depërtonte në një ndërtesë të Byrosë Federale të Hetimit (FBI). Një tjetër person në shtetin, Pensilvania, ndërkohë, është akuzuar për kërcënime kundër agjentëve të FBI-së.
Zoti Bratt tha të enjten se dy agjentët, emrat e të cilëve u shfaqën në një kopje të urdhërit për kontroll që kishte rrjedhur në media, kanë marrë gjithashtu kërcënime.
Ai gjithashtu tha se departamenti “është shumë i shqetësuar për sigurinë e dëshmitarëve në këtë rast”.
Retorika e zotit Trump kundër FBI-së është dëgjuar nga votuesit republikanë, 54% e të cilëve thonë se zyrtarët federalë të zbatimit të ligjit u sollën në mënyrë të papërgjegjshme në këtë rast, sipas një sondazhi të Reuters/Ipsos këtë javë.
Kontrolli në Mar-a-Lago shënoi një përshkallëzim të rëndësishëm në një nga hetimet e shumta federale dhe shtetërore me të cilat përballet zoti Trump që nga koha e tij në detyrë si president dhe si udhëheqës i biznesit të tij privat.
Ish-presidenti republikan ka sugjeruar se mund të kandidojë sërish për Shtëpinë e Bardhë në vitin 2024, por këtë nuk e ka zyrtarizuar ende.
Javën e kaluar, Prokurori i Përgjithshëm i SHBA-së, Merrick Garland ndërmori hapin e pazakontë duke e zbuluar urdhrin për kontroll, dy dokumente shtesë dhe një version të redaktuar të listës që tregon sendet që FBI mori gjatë kontrollit të saj më 8 gusht.
Të dhënat treguan se FBI-ja sekuestroi kuti që përmbanin 11 grupe materialesh të klasifikuara, disa prej të cilave kishin vulën “tepër sekret” që përbënë nivelin më të lartë të klasifikimit i rezervuar për informacionet më të rëndësishme për sigurinë kombëtare të SHBA-së.
Dokumentet e tilla zakonisht mbahen në objekte të posaçme qeveritare sepse zbulimi mund të shkaktojë dëme të rënda për sigurinë kombëtare.
Në fillim të kësaj jave, Departamenti i Drejtësisë tha se ishte i hapur për të nxjerrë disa materiale shtesë të redaktuara nga urdhri, të tilla si fletët e kopertinës, mocioni i qeverisë për të mbyllur këto dokumente dhe urdhri i gjykatës për të kryer mbylljen e dokumenteve.
Edhe mediat kanë kërkuar që të zbardhen edhe ato dokumente.
Gjyqtari i rastit, Reinhart e tha në fillim të seancës të së enjtes se do t’i zhbllokonte ato pjesë të tjera të dokumenteve me disa redaktime.
Pas deklarimit të shefit të politikës së Jashtme të Bashkimit Evropian, Josep Borrell, se nuk është arritur ndonjë marrëveshje në takimin e sotëm ndërmjet kryeministrit të Kosovës, Albin Kurti dhe presidentit të Serbisë Aleksandar Vuçiç, ka patur një reagim në Twitter nga Janusz Bugajski, eksperti i njohur i rajonit të Ballkanit:
Janusz Bugajski: “Jepini Beogradit afatin 1 shtator për njohjen reciproke ose mohojini Serbisë fondet e taksapaguesve të BE-së.
Njohja reciproke duhet të rezultojë gjithashtu në rritjen e fondeve të BE-së për të dy shtetet pasi do të ndihmojë në stabilizimin e rajonit.”
New York Times: Trumpi në Shtëpinë e Bardhë mund të sjellë pasoja të mëdha për Evropën
LAMTUMIRE MIKU DHE SHKRIMTARI YNE I DASHUR TASIM ALIAJ!- Nga Gjikë Kurtiqi dhe Tatiana Kurtiqi
Shoqata e Intelektualëve “Jakova” në Gjakovë ka ndarë çmimin “Guximi Intelektual 2023” për aktivisten Dr. Luljeta Pula-Beqiri Nga Iliriana Pylla
Sondazhet e Shtëpisë së Bardhë e nxirrnin Joe Biden humbës, ish-zyrtari i Obamës: Donald Trump dilte fitues me 400 vota elektorale
Onufri sjell librat poetikë Skaterr të Elida Buçpapaj dhe Zogu i Bjeshkës i riu nga Skënder Buçpapaj
Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”
ATJE ËSHTË VENDLINDJA, ATJE ËSHTË ATDHEU – Nga SKËNDER BUÇPAPAJ
Osmani: Taktikat e Serbisë nuk e ndryshojnë realitetin e pakthyeshëm të Kosovës
SMS-të e Berberit për Benet Becin: 500 mijë euro për profesorët e Harvardit, 320 mijë për ne me dy klasë shkollë
Incidenti me Belerin në Tiranë, presidenti i PPE letër Ramës: Nuk janë marrë masa për ta parandaluar aktin
Liderët në tubime të diskutueshme me diasporën
Panik para Bashkisë së Tiranës, polici humb ndjenjat gjatë protestës së opozitës, qytetarët i vijnë në ndihmë
