Sekretari amerikan i Shtetit, Antony Blinken, tha se ka pasur “diskutime produktive” me presidentin e Serbisë, Aleksandar Vuçiq, në Mynih të Gjermanisë, ku po mbahet një konferencë për sigurinë.

“Biseduam për rëndësinë e normalizimit të marrëdhënieve [të Serbisë] me Kosovën dhe për atë se sa e vlerësojmë mbështetjen e vazhdueshme të Serbisë për Ukrainën”, shkroi Blinken në Twitter.

“Ne e ndajmë dëshirën e Serbisë për një të ardhme me Bashkimin Evropian”, shtoi ai.

Vuçiq, i cili po merr pjesë në Konferencën e Sigurisë në Mynih, shkroi në profilin e tij në Instagram se në takim me Blinkenin, përveç se u diskutua për marrëdhëniet ndërmjet Beogradit dhe Prishtinës, u konfirmua edhe “përmirësimi e marrëdhënieve” mes vendeve të tyre.

Kosova dhe Serbia janë nën trysninë e komunitetit ndërkombëtar për të arritur një marrëveshje për normalizimin e marrëdhënieve, nga frika se Rusia mund t’i shfrytëzojë tensionet mes tyre për të nxitur destabilizim në Ballkan, në përpjekje për të zhvendosur vëmendjen nga agresioni i saj në Ukrainë.

Aktualisht, palët kanë në tryezë një propozim të BE-së për normalizimin e marrëdhënieve, për të cilin SHBA-ja ka shprehur mbështetje.

Bartësit e dialogut, kryeministri i Kosovës, Albin Kurti, dhe presidenti i Serbisë, Aleksandar Vuçiq, pritet të takohen në Bruksel më 27 shkurt, për herë të parë që nga nëntori i vitit të kaluar.

Presidenti amerikan, Joe Biden, tha se pret që të flasë me homologun e tij kinez, Xi Jinping, lidhur me atë që Uashingtoni thotë se ishte balonë kineze e spiunazhit që avionët amerikanë e rrëzuan më herët gjatë këtij muaji teksa po kalonte mbi SHBA.

“Nuk jemi pranë një lufte të re të ftohtë”, tha Biden më 16 shkurt.

Biden, që foli për balonat kineze dhe tri objekte të paidentifikuara fluturuese që janë rrëzuar nga avionët amerikanë, nuk tha se kur do të bisedojë me presidentin Xi, por ai tha se Shtetet e Bashkuara po vazhdojnë angazhimin diplomatik me Kinën për këtë çështje.

“Pres të flas me presidentin Xi, dhe shpresoj se do t’i shkojmë kësaj çështjeje deri në fund. Por, unë nuk kërkoj falje për rrëzimin e balonës”, tha Biden kur foli lidhur me kundërshtitë e shprehura nga Pekini.

Kina ka thënë se balona prej 60 metrash po monitoronte kushtet e motit, por Uashingtoni ka argumentuar se balona po vëzhgonte dhe në të kishte edhe pajisje elektronike.

Biden, që ka bërë vetëm disa komente publike lidhur me objektet fluturuese që u detektuan, duke nisur nga balona kineze, theu heshtjen pasi ligjvënësit kërkuan më shumë informacione lidhur me incidentin që ka shqetësuar shumë amerikanë.

Ai tha se komuniteti amerikan i inteligjencës ende po tenton që të kuptojë më shumë lidhur me tri objektet e tjera fluturuese të paidentifikuara. Njëra prej tyre u rrëzua mbi Alaskë, tjetra mbi Kanada dhe objekti i tretë u rrëzua mbi Liqenin Huron.

“Ne ende nuk e dimë saktësisht se çfarë ishin këto tri objekte, por deri më tani nuk është sugjeruar se ato ishin të lidhura me programin e spiunimit kinez përmes balonave, apo se ishin makina vëzhguese nga ndonjë shtet tjetër”, tha ai.

Biden tha se objektet ka të ngjarë që janë detektuar për faktin se është rritur vëzhgimi i radarëve në përgjigje të incidentit me balonën kineze. Ai tha se ekipi i tij po punon për parametrat e rinj apo se kur duhet të lëshohen raketa drejt objekteve të tilla.

Komuniteti amerikan i inteligjencës beson se tri objektet ishin “me shumë gjasa balona të lidhura me kompani private, të rekreacionit apo instituteve kërkimore”, tha Biden.

Një Bibël Hebraike që është më shumë se 1000 vjet e vjetër do të shitet në një ankand në New York për rreth 50 milionë dollarë.

Që daton nga fundi i shekullit të IX deri në fillim të shekullit të X, Codex Sassoon është Bibla më e vjetër dhe më e plotë hebraike e zbuluar ndonjëherë. Do të bëhet dokumenti ose dorëshkrimi historik më i shtrenjtë që do të dalë ndonjëherë në shitje kur Sotheby’s ta nxjerrë në ankand në maj.

“(Ai) është padyshim një nga tekstet më të rëndësishme dhe unike në historinë njerëzore”, tha Richard Austin, përgjegjës për dorëshkrimet në Sotheby.

Codex Sassoon është një nga vetëm dy dorëshkrimet, që përmban të 24 librat e Biblës Hebraike që kanë mbijetuar deri në kohët moderne. Ai është dukshëm më i plotë se Kodiku i Aleppos dhe më i vjetër se Kodiku i Leningradit, dy Bibla të tjera të njohura të hershme hebraike, njoftoi Sotheby’s.

Ai u emërua pas pronarit të mëparshëm, David Solomon Sassoon (1880-1942), i cili mblodhi koleksionin më të rëndësishëm privat të teksteve të lashta hebrenjve në botë.

Dokumenti do të dalë në ankand për herë të parë në më shumë se 30 vjet, me një vlerësim të para-shitjes midis 30 dhe 50 milionë dollarë.

Në nëntor 2021, Sotheby’s shiti një nga shtypjet e para të Kushtetutës së SHBA për 43 milionë dollarë, një çmim rekord për një dorëshkrim historik. syri.net

Në letrën drejtuar Serbisë në emër të Shteteve të Bashkuara të Amerikës, thuhet se SHBA vlerëson partneritetin strategjik që kanë me Serbinë “për të çuar përpara një të ardhme më të qëndrueshme dhe të sigurt për të gjithë qytetarët e Ballkanit Perëndimor”.

Sekretari Blinken, ndër tjerash, tha se SHBA janë një mbështetës i fortë i ambicieve të Serbisë për anëtarësim në Bashkimin Evropian, si dhe përshëndeti “angazhimin konstruktiv të Serbisë me zyrtarët e SHBA-së, BE-së, Francës, Gjermanisë dhe Italisë gjatë një vizite të fundit në Beograd”.

Propozimi i BE-së apo plani franko-gjerman, iu dorëzua autoriteteve në Prishtinë dhe Beograd në fund të verës dhe mbështetet nga Franca, Gjermania dhe SHBA-ja.

Zyrtarët në Prishtinë kanë thënë se ky propozim paraqet një bazë të mirë për të vazhduar dialogun me Serbinë, ndërsa ata në Beograd kanë thënë se nuk është i favorshëm për ta.

Plani, në të cilin ka pasur qasje REL, parasheh të drejta të barabarta për Kosovën dhe Serbinë, respektim të integritetit territorial, paprekshmëri të kufijve, njohje të simboleve shtetërore dhe një aranzhim të veçantë për komunitetin serb në Kosovë.

Në dokument nuk përmendet njohja e ndërsjellë ndërmjet Kosovës dhe Serbisë apo anëtarësimi i Kosovës në Organizatën e Kombeve të Bashkuara – për të cilat gjëra insistojnë publikisht zyrtarët kosovarë – por theksohet mbështetja që palët duhet t’i japin njëra-tjetrës në procesin e integrimeve evropiane.

Blinken, në letrën e tij, gjithashtu i bëri thirrje Serbisë që të mbështesë Ukrainën kundër luftës së paprovokuar të Rusisë.

“Shtetet e Bashkuara mirëpritën mesazhet e Serbisë për mbështetjen e Ukrainës në Kombet e Bashkuara, dhe ne duhet të jemi të bashkuar në mbështetjen e të drejtës së popullit ukrainas për të zgjedhur të ardhmen e tyre”, tha sekretari amerikan i Shtetit.

Serbia është shteti i vetëm në Evropë që nuk vendosi sanksione ndaj Rusisë pas pushtimit të Ukrainës më 24 shkurt.

Sekretari amerikan vuri theks edhe te Memorandumi i Mirëkuptimit për krijimin e pozicioneve ndërlidhëse për diplomatët serbë brenda Departamentit të Shtetit të SHBA-së.

“Ky program unik jo vetëm që do të nxisë një kuptim më të mirë të synimeve dhe objektivave tona të politikës së jashtme përkatëse, por do të krijojë kanale të reja komunikimi dhe do të ndërtojë partneritete të qëndrueshme”, tha ai, duke përfunduar letrën me një urim për gjithë popullin e Serbisë.

Shtëpia e Bardhë tha të hënën se nuk ka asnjë shenjë të aktivitetit të alienëve apo jashtëtokësorëve, pas rrëzimit të një sërë objektesh të paidentifikuara në hapësirën ajrore mbi Amerikën e Veriut.

“E di se ka pasur pyetje dhe shqetësime lidhur me këtë çështje, por jo nuk ka. Sërish e them, nuk ka shenja të aktivitetit të alienëve apo jashtëtokësorëve gjatë këtyre rrëzimeve të fundit”, tha zëdhënësja e Shtëpisë së Bardhë, Karine Jean-Pierre.

Të dielën, një gjeneral i forcave ajrore të SHBA-së tha se ai nuk mund të përjashtojë alienët apo ndonjë shpjegim tjetër.

Zyrtarët amerikanë thanë po ashtu se ende nuk ka arritur të identifikojnë objektet që fluturuan mbi Amerikën e Veriut.

Zëdhënësi për siguri kombëtare i Shtëpisë së Bardhë, John Kirby, tha se kontrolli më i rreptë i hapësirës ajrore mund të shpjegojë detektimin e objekteve fluturuese, por ende ata nuk kanë vlerësuar se ka rrezik për njerëzit në tokë nga këto objekte.

Sipas tij, këto objekte të paidentifikuara nuk kanë dhënë indikacione se kishin aftësi të manovrimit.

Brenda tetë ditësh, SHBA-ja ka rrëzuar katër objekte fluturuese, përfshirë edhe një balonë kineze, që Uashingtoni thotë se është përdorur për qëllime spiunazhi.

Allison Guerriero, ish-e dashura e Charles McGonigal, personi i cili denoncoi aferat e ish-zyrtarit të lartë të FBI-së, ka rrëfyer në një intervistë ekskluzive për emisionin Review në Euronews Albania, të pathënat e çështjes ku përfshihet dhe emri i kryeministrit Edi Rama. Guerriero tregon me detaje mënyrën se si arriti t’i kuptonte aferat në të cilat ishte përfshirë ish-zyrtari i lartë amerikan i kundërzbulimit. Ajo tha se ai ishte justifikuar duke i thënë se i fitoi në loto në një ndeshje bejsbolli. Për sa i përket marrëdhënies së ish-zyrtarit të FBI me kryeministrin Rama ajo e cilëson si një miqësi të pazakontë. Sipas saj McGonigal ka udhëtuar shpesh në Shqipëri dhe Kosovë pa ia raportuar takimet që ka pasur FBI-së.

Jonida Shehu: Si ndiheni në këtë perjudhë?

Allison Guerrero: Ndihem mirë. E dija që kjo ngjarje do të dilte dhe jam e lumtur që bashkëpunova me Insider që ka shkruar një artikull fantastik. Nuk doja që të ishte një thashethem, doja të jepja një intervistë që çdo gjë që thuhet për mua të vinte nga unë.

Si ju ka trajtuar media pas publikimit të aferës McGonigal?

Allison Guerrero: Ndihem mirë, nuk kisha idenë që Charlie po bënte atë që po bënte. Jam e shokuar që ai po punonte me Rusët dhe po merrte rryshfet nga ata. Jam e kënaqur që po mbulohet nga media kjo ngjarje sepse ai duhet të shkoj në burg për një kohë të gjatë.

Në shkrimin e Bisnes Insider thuhet se ju i keni dërguar një e-mail shefit të FBI-së ku i shkruani se duhet të shoh me kujdes marrdhënjet jashtë martesore të McGonigal dhe marrveshjet me Shqipërinë. Për çfarë marrëveshjesh e kishit fjalën?

Allison Guerriero: Nuk e di cilat ishin marrëveshjet, nuk e mbaj mend çfarë kishte në atë email sepse kam qenë e dehur kur e kam dërguar. Më kujtohet që e kam dërguar atë email dhe dija që ai do të shkonte në Shqipëri dhe Kosovë pa i treguar FBI-së dhe kjo është e gjitha që unë di. Nuk di më tepër detaje në lidhje me këtë.

Kë do të takonte në Shqipëri McGonigall? Në djeninë tuaj kë do të takonte dhe çfarë qëllimi do të kishin këto takime?

Allison Guerriero: Ai do të shkonte në Shqipëri të takohej me Kryeministrin Edi Rama por nuk më tregonte se kush ishte objekti i takimit.

Çfarë raporti ka pasur McGonigall me kryeministrin Edi Rama?

Allison: Unë besoj se ishin miq personal dhe flisnin shpesh në telefon më njëri-tjetrin.

Sa shpesh flisnin në telefon?

Allison Guerriero: Charli ka marrë në telefon kryeministrin Rama në praninë time jo shpesh, por shpesh më thoshte që e kishte mik të mirë.

A e njihni Agron Nezën? Një person bashkëpunëtor i afërt i ish- të dashurit tuaj, a kishit dëgjuar për të?

Allison Guerriero: Unë asnjëherë nuk e kam takuar z. Neza, nuk e njoh. Charli e ka përmendur si një mik të tij dhe kaq. Dhe që kishin udhëtuar bashkë për në Shqipëri, në Vjenë edhe për në Kosovë me makinë nga Shqipëria.

Kishte besim tek ju McGonigal?

Allison Guerriero: Ne të dy kishim besim tek njëri-tjetri shumë por nuk diskutonim gjëra për punën tonë në mënyrë të detajuar. Unë thjeshtë merrja informacionet bazike se ku ai do të shkonte dhe kë do të takonte, por nuk dija dhe nuk më thoshte që kishte gjëra të paligjëshme në këto aktivitete.

Nuk ju kishte lindur ndonjë dyshim?

Allison Guerriero: Jo sepse unë e besoja shumë atë.

Si ishte momenti kur vendosët të dërgonit emailin? Pse e bëtë?

Allison Guerriero: E kisha shumë mik William F. Sweeney, ne ishim miq të ngushtë dhe kisha shumë besim tek ai. Ka pasur një rast që unë mendova se ai më tradhtoi dhe nuk kishte të bënte shumë me Charlin. Atë ditë që unë dërgova emalin ishte varrimi i një anëtari të afërt të familjes sime dhe isha e dehur dhe bëra një gabim që nuk duhet ta kisha bërë.

A jeni penduar që e keni dërguar Emalin dhe ke denoncuar McGonigal?

Allison Guerriero: Nuk jam penduar që kam dërguar emalin, jam penduar që e kam dërguar në gjendje të dehur. Mund ta kisha bërë më mirë nëse do të isha esëll. Po nuk jam penduar që e kam dërguar atë email.

Çfarë përgjigje more nga shefi i FBI miku juaj dhe kolegu i MCGonigal? Çfarë ndodhi pas atij emali?

Allison Guerriero: Asgjë nuk ndodhi, ai më injoroi. Dhe nuk besoj që ky hetim është nxitur nga ai email. Besoj që hetimi për McGonigal ka nisur dy vite më pas, pra nuk kam qenë unë burimi i asnjë informacioni që ishte bazë për të nisur një hetim. Asgjë nuk erdhi nga ai email.

Kur daton ai email?

Allison Guerriero: Në 2019

FBI ka ardhur në shtëpinë tuaj dhe ju ka treguar disa foto?

Allison Guerriero: Po më bën një thirrje për tu paraqitur dhe për të përcaktuar nëse do të isha një dëshmitare e mirë kundër McGonigal. Më intervistuan dhe më pas vendosën që unë nuk kisha asgjë për të ofruar si dëshmitare. U vendos nga organi hetimor që të mos kualifikohesha si dëshmitare.

Çfarë pyetjesh ju bëri FBI në lidhje me Shqipërinë?

Allison Guerriero: Po më pyetën për Shqipërinë ju thash jo më shumë se ju thash ju në këtë intervistë që nuk di asgjë se çfarë po bënte Charlie në Shqipëri. Nuk dua të them shumë sepse nuk dua të riskoi se mund të komprometoj rastin kundër tij do të dali çdo gjë në gjykatë. Do të lë gjykatën të bëj punën e vetë dhe provat të flasin vetë të gjitha përgjigjjet do të merren në kohën e duhur.

A ju kanë kontaktuar njerëz të afërt të McGonigal përfshirë edhe njerëz nga Shqipëria?

Alison Guerriero: Jo dhe këtu unë mbarova nuk ka më përgjigjje.

Nuk më ka kontaktuar askush.

Si jeni njohur me Charle McGonigal?

Allison Guerriero: Ne patëm një marrëdhënie shumë të mirë. Ai u kujdes shumë për mua kam patur shumë përkëdhelje nga ana e tij. Unë kam patur shumë probleme shëndetësore dhe ai më ka trajtuar shumë mirë dhe e vlerësoj atë përkujdesje që ka patur për mua.

Sa vite qëndruat bashkë?

Allison Guerriero: Gati 18 muaj? Kishim miq të përbashkët për një farë kohe jetuam bashkë ai e njihte familjen time. Njihte kushërinjtë e mi njihte babain tim, kemi shkuar bashkë në aktivitete, funerale apo festa bashkë. Kemi patur shum miq të përbashkët që kanë qenë kolegët tonë që i kemi njohur përmes punës por edhe njerëz të tjerë.

Çfarë pune bënit ju në atë kohë kur keni qenë me McGonigal?

Allison: Unë jam kontraktore e sigurisë por nuk mund të flas sepse është sekret pune. Po punoj si kontraktore për disa kompani dhe bëj analiza të sigurisë midis agjencive të ndryshme federale dhe qeveritare të qeverisë së SHBA.

Çfarë stili jetese kishte McGonigal?

Allison Guerriero: Ishte më shumë më materialist se sa unë. Ai pëlqente restorantet e shtrenjta ndërsa unë preferoja të shkoja në një fast-food të zakonshëm. McGonigal pëlqente verërat e shtrenjta, rrobat e shtrenjta dhe më dukej sikur i pëlqente jeta e New York. I pëlqente të ishte afër pushtetit dhe parasë më shumë se sa mund të ishte edhe shija ime. Përpiqej të linte përshtypje tek njerëzit nga ana materiale.

A bënte McGonigal një stil jetese që përputhej me të ardhurat e tij?

Allison Guerriero: Nuk e di, sepse nuk shpenzonte shumë për mua, thjesht shkonim në restorante të shtrenjta. Nuk jam një person materialist dhe nuk i kam kërkuar asnjëherë të më blinte gjëra. Gjithmonë shkonte në vende të shtrenjta por më thoshte që ishte për punë. Tani që shoh akuzat, edhe unë pyes veten se nga i kishte marrë ato para?

Më përshkruaj pak momentet kur keni parë çanta me para në shtëpi?

Allison Guerriero: Në një mëngjes kur ne po shkonim për në punë, më ra në sy afër këpucëve në dysheme një çantë plastike me para të thata. E pyeta se për kë ishin dhe nga vinin, por më tha që kishte vënë një bast në një lojë bejsbolli dhe kishte fituar. Unë e besova sepse nuk kisha arsye për të mos e besuar. Unë isha e zënë me punët e mia dhe thashë: OK, shumë bukur! Nuk i kushtova shumë rëndësi veprimeve të tij. Gjatë marrëdhënies tonë në janar të 2017 unë kam patur një ndërhyrje vazektomi e dyfishtë dhe kam qenë shumë e shqetësuar për veten time. Nuk kam patur shumë mendjen se çfarë bënte Charlie. Kisha punën dhe një sëmundje të rëndë.

A ke patur dyshime për të ardhurat e tij?

Allison Guerriero: Nuk kam patur dyshime për të ardhurat e McGonigal. Vetëm atë çantën me para ku pashë një sasi të madh parash të cilën e vura në pikëpyetje. Në Neë York të kesh para cash 5-10 mijë dollarë nuk është ndonjë gjë e madhe, është vetë jeta e tillë dhe është e zakonshme që njerëzit të kenë aq para me vete.

Nuk e kam parë herë të tjera të vijë me çanta të mëdha me para në dorë, që të më bënte të dyshojë.

Kush ishte momenti që ju bëri të dyshonit dhe më pas këto dyshime ti përmblidhnit në një email dhe t’ja dërgonit shefit të FBI?

Allison Guerriero: Sweeny ishte një mik shumë i mirë i imi. FBI po hetonte një rast tjetër ku unë u mora si dëshmitare dhe më trajtuan jashtëzakonisht keq, mu duk sikur Billi më kishte tradhtuar. Juria e madhe vendosi të mos e hapte hetimin dhe gabimisht u deha një natë dhe i dërgova atë email ku i thoja nëse nuk po gjykoni ketë krim pse nuk shikoni Charlien që ka marrëdhënie jashtëmartesore me mua sepse Bill na njihte. U ndjeva e tradhtuar, isha e zemëruar ndaj Bill që e njihja prej shumë vitesh edhe më përpara se Charlie, kjo është prejardhja e atij emaili.

Pse i përmendet në email udhëtimet e tij në Shqipëri? Çfarë dyshonit ju për udhëtimet e tij në Shqipëri?

Allison Guerriero: Nga fundi i marrëdhënies sonë e ndjeva se diçka nuk po shkonte por nuk e dija çfarë. Kurrë nuk imagjinoja që do të tradhtonte SHBA-në. Për ketë jam e zemëruar që nuk më ka tradhtuar vetëm mua, familjen time dhe të tijën, por edhe SHBA-në vendin tonë. Armiqtë e Amerikës janë edhe armiqtë e mi, besoj se ai duhet të jetë në burg për gjithë jetën e tij për atë që ka bërë. Jam e sigurtë që mund të ketë shumë më shumë se ato akuza që Charlie mund të ketë bërë si në Shqipëri, me rusët, por edhe në vende të tjera të Ballkanit. Por edhe këtu në SHBA që ka kompromentuar sigurinë kombëtare por edhe të vendeve të tjera të NATO-s.

Pse jeni e sigurt që në Shqipëri ka patur raporte të rrezikshme?

Allison Guerriero: Charlie më thoshte që ishte mik me Kryeministrin Rama dhe mu duk e pazakontë që një agjentë i këtij niveli të lartë të FBI të ketë një miqësi të tillë. Ata shpesh flisnin në telefon me Viasat dhe më tregonte foto që kishin qenë bashkë. Më dukej një miqësi e pazakontë. Kur Rama ishte në New York, Charlie më tha që ata kishin ngrënë darkë bashkë në një restorant të shtrenjtë dhe për mua kjo ishe një gjë që një agjent i FBI nuk duhet ta bënte.

A takoheshin shpesh McGonigal dhe Rama?

Allison Guerriero: Në Shqipëri janë takuar, dhe Charlie më ka çuar një tekst në shtator të 2017-ës kur ishte atje. Më tha që do të udhëtonte në Shqipëri dhe në Kosovë.

Ai ju tregonte udhëtime të cilat nuk i kishte raportuar tek shefat e tij, do të thotë që kishte besim tek ju apo jo?

Allison Guerriero: Në Fakt ai thjesht më ka treguar disa foto peizazhi të Shqipërisë. Ishte thjeshtë duke më thënë që ishte i zënë me punë dhe më dërgoj foto me kryeministrin Rama që tashmë e ka FBI.

Jonida: Bënit biseda me të për punën?

Allison: Jo nuk flisnim për punën. Apo për kolegët e tij apo ato që bënte ai në punë.

Jonida: A keni qenë ende bashkë kur i ke dërguar emalin FBI?

Allison: Jo ne ishim të ndarë në atë kohë.

Jonida: Ai nuk ishte në dijeni të emalit që ju dërguat?

Allison: Tani është por në atë kohë nuk besoj se e dinte. Por nuk e di sepse nuk kam folur me Charlie prej 2019.

Jonida: A mendon se ai është mërzitur për këtë?

Allison: Po besoj se po. Unë shpresoja se emri im të mos dilte asnjëherë. Kur njerëzit më thanë që do të dilja në lajme vendos që meqenëse kam patur më parë probleme me alkolin dhe me gazetarin e Inside kam patur shpesh kontakt të bashkëpunoja me të. Por do të doja që askush të mos e dinte.

Jonida: Je ndjerë e gënjyer apo e përdorur në mardhënjen me McGonigal?

Allison: Po, por e kam kaluar tashmë.

Jonida: A ju kishte premtuar që do të martoheshit bashkë? Çfarë planesh bënit?

Allison Guerriero: Nuk kemi folur për martesë. Nuk dua të jem aspak e martuar nëse do të doja të isha e martuar do ta kisha bërë vite më parë sepse jam 49 vjeç. Nuk doja fëmijë, më pëlqen të jem beqare më pëlqen shoqëria e një të dashuri dhe Charlie jepte një shoqëri të mirë, ishte sharmant.  Ishte tip i dalë dhe njerëzit tërhiqeshin prej tij nga ana shoqërore dhe donin të ishin përreth nesh sepse ne ishim të dy njerëz të tillë, dhe ishim të përfshirë në shoqërinë e lartë të Neë York, është një rrjet i mbyllur por i lartë i forcave të sigurisë. Doja vetëm të isha e dashura e tij.

Çfarë ju bëri të mërziteshit me McGonigal që më pas dërguar emailin?

Allison Guerriero: U mërzita sepse kur isha e dashura e tij mendoja që ai do të ndahej shpejt por nuk e kisha idenë që martesa e tij ishte paprekshme. Kur më tha që nuk ishte ndarë asnjëherë, nuk do të divorcohej asnjëherë dhe se kishte një jetë tjetër në Maryland ku shkonte një herë ose dy herë në muaj më ra bota sipër, u shkatërrova. Tani po që ndihem mirë sepse është një tradhëtar që ka dëmtuar njerëzit në SHBA dhe Shqipëri.

Si ishte marrëdhënia me familjen e tij?

Allison Guerriero: Kishte marrëdhënie shumë të mirë me fëmijët e tij shpenzonte kohë me ta njëherë apo dy herë në muaj me ta. Unë jam pak e tmerrshme për gruan e tij, për këtë kam shkruar edhe në rrëfimin që kam dhënë për Insider, më vjen keq çfarë i kam shkuar asaj gruaje. Nuk dua që familja e dhe fëmijët e tij të preken.

Ju i keni dërguar email të vazhdueshme gruas së tij. A është përgjigjur ajo?

Allison Guerriero: Ajo merrte në telefon babin tim dhe e ngacmonte atë ai asnjëherë nuk reagoi. Të dyja i kemi bërë keq njëra-tjetrës por janë në të kaluarën. Ajo pati edhe një padi kundër meje ku gënjeu që unë mund ti kisha shkaktuar vdekjen. Gruan e tij asnjëherë nuk e kam takuar. Më pas arritëm një marrëveshje dhe është pjesë e gjykatës në Maryland. Sa për telefonatat që I kam bërë, thjeshtë kam qenë e dehur dhe kam shtypur numrin e saj pa pushim.

A kishte njerëz të tjerë që mund të dinë të fshehtat e McGonigal?

Allison Guerriero: Kishte një shok të përbashkët që më tha që dinte se Charlie kishte një të dashur dhe unë i thashë se: Jam unë!

Sipas jush a është i fajshëm McGonigal?

Allison Guerriero: Po për mua po.

Cfarë njeriu ishte ai?

Allison Guerriero: Ishte i sjellshëm shumë i përkushtuar. Njeri i lumtur, bujar, i pëlqente të bënte ndere dhe favore. Nuk ka qenë asnjëherë i egër. Profesionalisht ishte shumë i zoti.

Po tani çfarë mendon për të?

Allison Guerriero: Tani e konsideroj tradhtar. Nëse do ta dija nuk do të kisha qëndruar me të. Jam e tej mbushur me zemërim dhe mendoj se e meriton atë që do të marri. Nuk ja kisha idenë që ishte i përfshirë me Rusët mendoja që vetëm kishte shoqëri me Ramën dhe e besoja atë. Tani e konsideroj një njeri të lig, që ka tradhtuar vendin. Është aq djallëzor sa dhe vet Putini sepse ai punonte për FBI-në, ai ndërroi ekipin për para. Jam shumë e habitur pse e ka bërë.

Si po diskutohet kjo çështje tani atje?

Allison Guerriero: Nuk po e ndjek shumë sepse jam e zënë me punë. Por e gjithë media jonë dhe të dy krahët politikë janë të zemëruar. Tani është një person i urryer.

Allison Guerriero: Ai është i lirë me garanci.

Ka bërë ndonjë tentativë për të komunikuar me ju?

Allison Guerriero: Jo nuk ka bërë asnjë tentativë.

A mendon se rrezikon një dënim të rëndë?

Allison Guerriero: Nuk e di, thjesht di që ka një avokat të shkëlqyer. Duhet të presim vendimin e gjykatës mbase do të bjerë në ujdi që të bëj një dënim më të vogël dhe të vet shpallet fajtor, ose të mos i pranoj dhe të vlerësoj juria nëse do shpallet fajtorë.

A mendon se do ta takosh një ditë?

Allison Guerriero: Jo

A keni frikë?

Allison Guerriero: Jo nuk kam frikë. Nuk friksohem kolloj, aq më pak nga ai.

Si ka ndryshuar jeta juaj?

Allison Guerriero: Nuk më ka prekur as mua, as familjen time, jemi thjesht të habitur dhe të mërzitur pse e ka bërë. Kushërinjtë e mi dhe im atë kanë një lloj pështirosje ndaj tij.

Me kë jeton?

Allison Guerriero: Unë jetoj vetëm dhe jam beqare.

Kompania amerikane ‘Boeing’ ka prodhuar avionin e fundit të modelit 747, aeroplani amerikan që revolucionarizoi udhëtimin ajror. Shërbimet ajrore të pasagjerëve filluan në vitin 1914, pak më shumë se një dekadë pas shpikjes së aeroplanit. ‘Boeing 747’ është një nga modelet e aeroplanëve më të njohur në botë dhe është prodhuar për 50 vjet rresht. I projektuar brenda 28 muajsh, ‘Boeing 747’ ishte avioni i parë me dy rreshta ndenjësesh, i prezantuar në vitin 1970, nga kompania ‘Pan Am’, e cila nuk egziston më.

Drejtuesit, klientët dhe punonjësit e korporatës ‘Boeing’ u mblodhën në fabrikën e kompanisë në Everet të shtetit të Uashingtonit, për t’i dhënë lamtumirën avionit të modelit 747, që njihet me nofkën “Mbretëresha e Qiejve”, ndërsa Boeing i dorëzoi avionin e saj kompanisë amerikane së transportit ‘Atlas Air’.

“Ndërsa sot kthejmë një faqe, ky libër nuk ka përfunduar. Është vetëm një kapitull. Kemi një tjetër kapitull të 747. Këtij modeli aeroplani do t’i shërbehet për dekadat e ardhshme”, tha Stan Deal, shef ekzekutiv për aeroplanët komercial në kompaninë Boeing.

“Edhe kur e kupton shkencën që qëndron pas fluturimit, nuk ka asgjë që ngjason me avionin 747 në fluturim, teksa të kujton se në vetvete ka edhe magji”, tha aktori dhe piloti John Travolta.

Lamtumira ishte e hidhur për punonjësit e kompanisë. Omar Osmael Harun punoi në avionin e fundit 747.

“Ndihem keq emocionalisht sepse është një aeroplan i përsosur. Por në të njëjtën kohë kështu ka vendosur kompania”.

I fluturuar për herë të parë në vitin 1969, modeli 747 shënoi fillimin e gjeneratës së aeroplanëve me trup të gjerë dhe dy herë sa avionët e mëparshëm, duke ndihmuar në fillimin e epokës së udhëtimeve masive. Eugene Vezzetti, ciceron në Muzeun e Fluturimeve në Siatëll të Uashingtonit, ka qenë pilot i avionit 747.

“Pan Am i kërkoi Boeing-ut një aeroplan më të madh me qëllim uljen e kostos. Kështu Boeing-u vendosi vetë që të ndërtonte avionin 747 me mbi 360 vende. Ata menduan se kjo do të ulte mbingarkesën në aeroporte pasi mund të transportonte një numër të madh pasagjerësh në një aeroplan”.

Gjatë 55 viteve që pasuan, kompania ‘Boeing’ vazhdoi prodhimin e modelit 747, që për dekada me radhë u bë modeli i preferuar për presidentët amerikanë, filmat me James Bond apo për transportin e ngarkesave speciale si peshkaqenët .

747 sherbeu si platformë e komandës së Forcave Ajrore të Shteteve të Bashkuara dhe falë madhësisë dhe krahëve të ulët, u përdor për të transportuar anijet hapësinore të NASA-s.

Për pasagjerët e përditshëm, ky avion i bëri udhëtimet e largëta më komode dhe më të përballueshme.

“Jam ulur në platformën e sipërme të avionit të parë 747 me numër serie një, i cili fluturoi më 9 shkurt 1969. Kuverta e sipërme ishte shembull perfekt e udhëtimit luksoz në vitet 70. Kjo është porta e daljes në raste urgjente”, thotë Eugene Vezzetti me Muzeumin e Fluturimeve në Siatëll.

Ai thotë se modeli 747 është i pakrahasueshëm.

“Kapaciteti me katër motorë i dha avionit fuqi alternative. Edhe po të prisheshin tre motorë, avioni mund të fluturonte me një”.

Aktualisht qindra avionë të modelit 747 janë në përdorim, kryesisht për transportin e mallrave. Drejtuesit e lartë të kompanisë ‘Boing’ thonë se historia e gjatë e modelit 747 vazhdon të frymëzojë novacionet edhe sot.

Skandali i Charles McGonigal është kaq i rëndë, sa ekspertët kanë nisur të ndezin sinjalin e alarmit se FBI është në krizë të thellë.

Ish-kongresmeni republikan, Mike Rogers, thotë për Fox News se nëse nuk ndërhyhet sa më shpejt, agjencia më e madhe e ligjit në botë do shkatërrohet.

“FBI është në krizë. Më dhemb mua, si ish-agjent special dhe ish-kryetar i Komisionit të Përhershëm të Inteligjencës në Dhomën e Përfaqësuesve, të paralajmëroj se nëse nuk e rregulojmë tani, rrezikojmë të shkatërrojmë në mënyrë të pakthyeshme jo vetëm agjencinë më të madhe të zbatimit të ligjit në botë, por edhe besimin e Amerikës në këtë institucion të paçmuar. Nëse keni nevojë për ndonjë provë më grafike të kalbjes institucionale dhe kulturore që ka prekur byronë, Charles McGonigal, ish-agjenti special përgjegjës për kundërzbulimin në zyrën e FBI-së në Nju Jork, u arrestua për lidhje me Oleg Deripaskën, një oligark rus i sanksionuar. Duhet të jetë e arsyeshme që një agjent i lartë nuk duhet të punojë për një kriminel, për asnjë kriminel, e lëre më për një oligark rus me lidhje me Vladimir Putinin, por mesa duket, etika e arsyeshme nuk është më e zakonshme dhe kjo flet shumë për gjendjen e FBI-së,” tha ai.

“Nga kjo dobësi e fundit dhe tronditëse e sigurisë, te dështimet e lidershipit dhe mungesa e llogaridhënies në krye, tek mungesa në dukje e llogaridhënies nga zyrat në terren dhe te shfaqja e politizimit në të gjithë FBI-në, shumica e vendit tani dyshon në besueshmërinë dhe integritetin e byrosë. Shumë tani besojnë se FBI është thjesht një krah i një partie politike dhe për një pjesë të mirë të vendit, ata besojnë se byroja po përdoret si armë kundër tyre ose bindjeve të tyre politike,” shton ai.

Ish-kongresmeni propozon edhe disa opsione për të dalë nga kjo situatë.

“Nëse byroja do të mbijetojë, ajo duhet të marrë masa të menjëhershme. Duhet të bëhet plotësisht e qartë se të punosh për ose në emër të një agjenti të huaj- qoftë nën sanksione apo jo- nuk është një opsion i pranishëm për karrierë pas punës në byro. Duhet të ketë një periudhë ftohje për agjentët e vjetër të dalë në pension, përpara se të mendojnë të hyjnë në punësimin e agjentëve të huaj dhe duhet të ketë një bord etike dhe llogaridhënie që shqyrton këto pozicione. FBI duhet të heqë politikën nga rastet e profilit të lartë. Kjo përfshin avokatët e Departamentit të Drejtësisë. Mendoj se këtu fillojnë telashet. Për të siguruar zbatimin e udhëzimeve dhe rregullave nga FBI dhe Departamenti i Drejtësisë, duhet një rishikim nga një palë e tretë. Rifitimi i besimit të publikut duhet të jetë prioriteti kryesor,” thotë ai./syri.net

Sekretari amerikan i Shtetit, Antony Blinken, vlerësoi angazhimin e presidentit serb Aleksandar Vuçiç për propozimin evropian për normalizimin e marrëdhënieve me Kosovën. Në një bisedë telefonike ai tha se e falënderoi presidentin serb për angazhimin e tij konstruktiv me ekipin amerikan dhe evropian dhe për qasjen e hapur ndaj propozimit të BE-së për sigurimin e paqes dhe qëndrueshmërisë në rajon, që është thelbësor për sigurimin e së ardhmes evropiane të Serbisë.

Këshilltari i Departamentit amerikan të Shtetit, Derek Chollet, shkroi ndërkaq se pas bisedës ndërmjet sekretarit Blinken dhe presidentit serb Vuçiç, priti në takim ministrin e Jashtëm të Serbisë, Ivica Daçiç. “Rikonfirmova miqësinë e kahershme ndërmjet Shteteve të Bashkuara dhe Serbisë dhe shpreha mbështetjen për angazhimin e Serbisë në dialogun me Kosovën dhe përpjekjet për të nxitur paqen dhe sigurinë më të madhe në rajon”, shkroi zoti Chollet.

Shtetet e Bashkuara dhe Bashkimi Evropian janë vënë në përpjekje për rifillimin e bisedimeve ndërmjet Kosovës dhe Serbisë për normalizimin e marrëdhënieve ndërmjet tyre në dritën e një propozimi evropian, i cili nuk parasheh njohje të ndërsjellë, por zotimin e palëve se nuk do të pengojnë njëra tjetrën në procesin e integrimeve.

Presidenti serb Aleksandar Vuçiç, ka lënë të kuptohet se do të pranojë propozimin, duke paralajmëruar për pasojat që mund të ketë Serbia nëse e refuzon atë. Të enjten në parlamentin serb diskutohet mbi procesin e normalizimit të marrëdhënieve me Kosovën.

Kryeministri i Kosovës, Albin Kurti e ka cilësuar propozimin si “bazë të mirë për diskutime”. Por, kryeministri Kurti është duke sfiduar trysninë diplomatike perëndimore për themelimin e Asociacionit të komunave me shumicë serbe.

Të mërkurën ai tha se “Asociacioni një etnik në Kosovën me kushtetutë shumë etnike, nuk është i mundshëm”, ndërsa u shpreh i gatshëm të ulet në bisedime për propozimin evropian.

“Le t’i hapim diskutimet në Bruksel në nivelin e lartë dhe le të diskutojmë për të gjitha çështjet. Normalizimi i plotë i marrëdhënieve është i domosdoshëm por njohja reciproke është në qendër. Unë nuk po them që vetëm njohja reciproke është marrëveshja, marrëveshja do të ketë edhe gjëra të tjera, por qendra është njohja reciproke, për këtë më kanë votuar mua qytetarët dhe kështu e thotë Kushtetuta, kështu e thotë ligji, Republika dhe demokracia”, tha ai të mërkurën.

Prishtina ka hezituar të themelojë Asociacionin e komunave me shumicë serbe nga frika se ai mund të shndërrohet në një shtet brenda shtetit, ngjashëm me Republikën Serbe në Bosnje e Hercegovinë.

Shtetet e Bashkuara kanë siguruar Kosovën se nuk do të mbështesin krijimin e një mekanizmi si në Bosnjë, ndërsa kanë theksuar se koha për themelimin e asociacionit është tani.

Marrëveshja për themelimin e Asociacionit të komunave me shumicë serbe është arritur ne Bruksel në vitin 2013 dhe është miratuar në parlamentin e Kosovës. Në gusht të vitit 2015 është arritur një marrëveshje mbi parimet e themelimit të Asociacionit, por Gjykata Kushtetuese e Kosovës më vonë gjeti shkelje ndërsa theksoi se Asociacioni duhet të themelohet sipas marrëveshjes së vitit 2013.

Marrëveshja ishte pjesë e një game të gjerë marrëveshjesh të arritura në bisedimet e ndërmjetësuara nga Bashkimi Evropian, të cilat dështuan të sigurojnë normalizimin ndërmjet palëve.

Për pak ditë Kosova shënon përvjetorin e shpalljes së pavarësisë së saj që është njohur nga Shtetet e Bashkuara dhe shumica e vendeve të Bashkimit Evropian, ndërsa kundërshtohet nga Beogradi me mbështetjen e Moskës. Qasja e Kremlinit ndaj Kosovës është në qendër të refuzimit të Beogradit që t’u bashkohet sanksioneve perëndimore kundër Rusisë për shkak të agresionit të saj në Ukrainë.

Ish-zyrtari i lartë i FBI-së Charles McGonigal është partner në një firmë shqiptare së bashku me një tjetër ish-agjent të diskredituar të FBI-së, sipas materialeve të siguruara nga siti Talking Points Memo (TPM).

Dokumentet e një korporate shqiptare lidhin McGonigal me Mark Rossini, një figurë pompoze që u largua nga FBI mes akuzave skandaloze më 2008 dhe që aktualisht përballet me akuza të tjera për ryshfete në një padi federale të gushtit 2022 në Porto Riko.

Lidhja e biznesit e paraportuar më parë e lidh McGonigal me një tjetër ish-agjent me profil të ngjashëm: një drejtues i lartë në Byro me përvojë në antiterrorizëm dhe kundërzbulim, dhe që duket se është angazhuar në biznes me një sërë klientësh të huaj që i bëjnë me dhimbje koke autoritetet, pas largimit nga agjencia ligjzbatuese.

Gazetarët shqiptarë kanë publikuar një seri artikujsh që nga shtatori 2022, duke theksuar praninë e McGonigal në kompani, të cilën ata e lidhin me industrinë e naftës në vend.

Prokurorët e akuzuan McGonigal këtë javë në padi të veçanta federale në Washington e Manhattan për fshehjen e parave që mori nga një ish-punonjës i inteligjencës shqiptare, gjithsej 225,000 dollarë, dhe për punën që kreu për të ndihmuar në shmangien e sanksioneve amerikane nga oligarku rus Oleg Deripaska, dikur pagues i ish-menaxherit të fushatës së Donald Trump, Paul Manafort.

Dokumenti i korporatës shqiptare e lidh McGonigal me botën e errët që e çoi Rossinin në jo vetëm një, por dy përplasje me ligjzbatuesit federalë. Prokurorët federalë akuzuan Rossinin në gusht 2022 për përfshirje në një skemë ryshfeti që përfshin ish-guvernatorin e Porto Rikos. Kjo erdhi 14 vjet pas skandalit të parë të Rossinit, që përfshiu aktoren Linda Fiorentino dhe fiksuesin e famshëm të Hollywoodit, Anthony Pellicano, duke u bërë shpejt pré e tabloidëve.

“Kjo gjë thjesht shkel parimet bazë se pse i futesh kësaj pune, ose përqendrimin në misionin që ke në shërbim të Qeverisë së SHBA dhe publikut amerikan”, tha për TPM Javed Ali, një analist ekspert në pension i FBI-së dhe ish-drejtor i lartë kundër terrorizmit në Këshillin e Sigurisë Kombëtare, i pyetur për akuzat. “Këto janë ato lloj gjërash që, në një nivel vërtet idealist, duhet të të motivojnë për të bërë punën. Por ajo që po shohim është një nga shembujt më të keq të dikujt që abuzon me postin dhe përpiqet ta shfrytëzojë atë për qëllime të tjera”.

Ray Batvinis, ish-agjent mbikëqyrës për FBI-në dhe ish-instruktor i kursit të kundërzbulimit në akademinë e FBI-së, tha se Byroja tani me siguri po merret me hetimin e shkallës së dëmit që ka shkaktuar McGonigal.

“FBI duhet të jetë e shqetësuar për ato çka mund të ketë shitur ai”, tha për TPM. “Ai kishte akses – ai di nga pak për çdo gjë që FBI bën në gjithë vendin, por ai ka shumë informacion për atë që bëjnë edhe agjencitë e tjera të inteligjencës”.

TPM siguroi dokumentet nga QKB dhe pagoi një përkthyes për përkthimin në anglisht.

TPM nuk ishte në gjendje të verifikonte se cili ishte qëllimi i Lawoffice & Investigation përtej përshkrimit që ofronte vetë në regjistrin e QKB-së se është një zyrë ligjore që bën edhe investigime.

Lidhjet e McGonigal me firmën shqiptare nxjerrin në pah një kastë personazhesh që duket se janë të lidhur me serinë e ngjarjeve që mendohet se çuan në paditë e ngritura kundër tij.

Regjistrimi i Lawoffice & Investigation tregon katër partnerë: McGonigal, Rossini, Agron Neza dhe Shefqet Dizari.

Postime në median sociale tregojnë Rossinin në një fotografi të vitit 2014 me Nezën, vite përpara përfshirjes së McGonigal, sipas prokurorëve. Rossini ka bërë ‘check’ në Facebook në Tiranë, kryeqyteti i Shqipërisë, në shkurt 2019.

Gjatë gjithë vitit 2019, Rossini fliste hapur për çështje të brendshme politike në Shqipëri, duke i cilësuar partitë që kundërshtonin kryeministrin e vendit si pro-ruse.

Rossini, Neza dhe Dizdari nuk përmenden dhe nuk janë akuzuar për ndonjë shkelje në dy aktakuzat e McGonigal. Rossini dhe avokatët e tij nuk iu përgjigjën kërkesave të shumta për koment nga TPM. As Neza e Dizdari nuk u përgjigjën.

Rekordet e QKB i janë bashkëngjitur artikullit.

Retrospektivë e shpejtë në Hollywood
Historia e rënies së Rossinit nga FBI fillon në fund të viteve 2000.

Një agjent yll i FBI-së, i cili ndihmoi në gjurmimin e Al-Kaedës përpara 11 Shtatorit, Rossini kaloi vite duke luajtur një rol të madh në përpjekjen për të reformuar agjencinë për trajtimin e terrorizmin.

Rossini, i cili ishte i ngarkuar me detyrë përkohësisht në qendrën antiterrorizëm të CIA-s në kohën e sulmeve, nuk ishte pa përvojë me detyra sensitive. Më pas, në vitin 2006, mes një divorci të ashpër, Rossini filloi të takohej me një aktoren e “Men in black”, Linda Fiorentino.

“Ishte si një flutur nate në shtyllën e dritave”, tha Jeff Stein, kryeredaktor i Spytalk dhe mik i vjetër i Rossinit, për marrëdhënien.

Fiorentino kishte mik një fiksues të Los Angeles, Anthony Pellicano, të cilin New York Post e quajti “Hollywood Hitman” për aftësitë e tij të çuditshme si dedektiv privat.

Gjithçka u shemb për Pellicanon më 2006, kur prokurorët federalë e goditën atë me një aktakuzë prej 110 pikash për akses të paligjshëm në dosjet e policisë në Los Angeles e Beverly Hills, dhe për përgjimin e dyshuar të telefonit të Sylvester Stallones.

Gjërat u bënë më të çuditshme.

Befas, avokatët e Pellicanos paraqitën materiale të brendshme të FBI-së për të provuar se prokurorët se nuk ia kishin bërë të ditura provat mbrojtjes. Fillimisht, ishte e paqartë se si i kishin siguruar ato materiale.

Gjurmët të çonin te Rossini. Doli se Rossini ia kishte kaluar të dhënat e FBI-së Fiorentinos, e cila ia dha përcolli mbrojtjes së Pellicanos.

“Kur dokumenti që ai i dha asaj doli në gjyqin e Pellicanos, Departamenti i Drejtësisë pyeste se si ishte e mundur”, kujton Stein, miku i Rossinit dhe shkrimtari i Spytalk. “Por nuk mund të hysh e të dalësh nga këta skedarë pa rënë në kurth, kështu që mendimi se mund t’ia dilte pa u lagur ishte vërtet budallallëk. Por, nuk thonë kot që dashuria është e verbër”.

Çështja Pellicano e rrëzoi Rossinin, duke e detyruar të largohej nga FBI mes akuzave për akses të paligjshëm në kompjuterët e Byrosë. Rossini u dënua përfundimisht me një vit provë, por ky ishte fundi i karrierës së tij 17-vjeçare në agjencitë ligjzbatuese federale.

Pellicano përfundimisht u shpall fajtor në gjyq për më shumë se 70 akuza, përfshirë shantazh, përgjim dhe mashtrim. Ai u dënua me 15 vjet burg, përpara se të lirohej më 2019.

Stein tha për TPM se pas skandalit Rossinit i duheshin pará për të vazhduar me jetën luksoze.

“I pëlqente jeta luksoze, por ajo kushton”, thotë Stein. “Ndaj ra pré e përfshirjes me njerëzit e gabuar, për shkak se i duheshin pará”.

me të cilët  said. “So he was prey to getting involved with people he shouldn’t be involved with, because he needed the money.”

Në Porto Riko
Ecim me shpejtësi përpara, drejt gushtit 2022.

Prokurorët federalë e akuzuan Rossinin për konspiracion, marrje ryshfeti për programet federale dhe mashtrim të shërbimeve të ndershme lidhur me përfshirjen në një skemë ryshfeti që përfshin guvernatorin e Porto Rikos.

Sipas akuzave, drejtuesit e një banke që këshillonte Rossini, premtuan të financonin fushatën e rizgjedhjes së guvernatorit të Porto Rikos më 2020, në këmbim të emërimit nga ana e tyre kreun e komisionit të inspektimit bankar të ishullit, i cili po reviziononte huadhënësin.

Rossini deklaroi se ishte i pafajshëm.

Stein e përshkroi atë si një “histori e trishtë”.

“Ai duhej të siguronte jetesën. Dhe ylli i tij ishte njollosur keq nga ajo që ndodhi në FBI”, tha Stein. “Nuk është se do të pajtohej nga ndonjë nga kompanitë në Fortune 500”.

Paditja e McGonigal
Atëherë, si përfundoi Rossini partner në një firmë shqiptare? Dhe si u bë McGonigal nga agjent i lartë i FBI-së partner në të njëjtën firmë me Rossinin?

Dy aktakuzat përshkruajnë një pjesë të asaj që prokurorët besojnë se është udhëtimi i McGonigal.

Në gusht 2017, McGonigal dyshohet se i kërkoi para një ish-punonjësi të zbulimit shqiptar, të referuar si Personi A.

Nga përshkrimi i bërë në aktakuzë sugjerohet se personi është Neza, një nga ortakët në firmën me Rossinin. Në shtator 2022, Business Insider publikoi një fletëthirrje të lëshuar nga hetimi i McGonigal, ku përmendej Neza. Neza u citua këtë javë në median shqiptare të ketë pranuar se i ka dhënë paratë McGonigal-it, por ka mohuar ndonjë shkelje të kryer me të.

Batvinis, ish-zyrtari i kundërzbulimit të FBI-së, i tha TPM se shumë raste të ngjashme që ka hetuar janë të motivuara “thjesht nga lakmia”.

“Diçka e shtyu atë ta pranonte këtë ose të kërkonte shqiptarët për të marrë pará”, tha ai për McGonigal. “Nuk do të gjeni asgjë ekzotike këtu – ndoshta është po aq e mërzitshme sa një krizë e moshës së mesme”.

McGonigal supozohet se udhëtoi në Shqipëri me Nezën në shtator 2017, ku u takua me kryeministrin e Shqipërisë dhe, sipas FBI-së, i kërkoi qeverisë shqiptare “të jetë e kujdesshme në lidhje me dhënien e licencave për shpimin në fusha naftëmbajtëse në Shqipëri kompanive me pronësi ruse”.

“Personi A dhe personi B kishin të dy interesa financiar në vendimet e Qeverisë së Shqipërisë për dhënien e licencave të shpimit në fushat naftëmbajtëse”, thuhet në aktakuzë.

Lawoffice & Investigation, firma shqiptare në të cilën McGonigal shfaqet si ortak me Nezën dhe Rossinin, liston si ortak edhe një avokat shqiptar të quajtur Shefqet Dizdari.

Dizdari nuk iu përgjigj kërkesës së TPM për koment. Një firmë me bazë në Zvicër – Terraoil Swiss – që e përshkruan veten si një “prodhues shqiptar i naftës në tokë” thotë në faqen e saj të internetit se Dizdari kontrollon një të tretën e aksioneve të saj.

Natyra e saktë e skemës në të cilën dyshohet se ishte përfshirë McGonigal mbetet e paqartë nga aktakuza. Lawoffice & Investigation u “pezullua” në nëntor 2019, sipas të dhënave të QKB.

Prokurorët thanë se McGonigal e fshehu shtrirjen e punës së tij me shqiptarët deri pas daljes në pension nga Byroja në shtator 2018. Para kësaj, personi që përputhej me përshkrimin e Nezës dyshohet se i dha atij 225,000 dollarë cash. Aktakuza e lë të paqartë nëse ishte pagesë apo borxh që McGonigal do ta kthente.

McGonigal dyshohet edhe se ka hapur një hetim të FBI-së për një lobist që ishte punësuar nga një parti politike e ndryshme nga ajo e kryeministrit të Shqipërisë. Lobisti, sipas prokurorëve, është shtetas amerikan.

E paqartë është edhe se kur u përfshi Rossini në firmë. Në një postim në Facebook të dhjetorit 2014, Rossini u shfaq në një foto me Nezën.

Vitet e fundit edhe Rossini ka filluar të flasë për Shqipërinë.

Më qartë, Rossini ka mbajtur qëndrime për politikën e brendshme të vendit, duke akuzuar kundërshtarët e kryeministrit për lidhje me qeverinë ruse.

Ai ka folur shpesh kundër partive opozitare shqiptare pas vizitës së tij atje në shkurt 2019.

Nuk është e qartë nëse kjo lidhje me punën e tij me Lawoffice & Investigation.

Departamenti i Policisë së Memfisit ka shpërbërë njësinë speciale të ashtuquajtur “akrepi”, pasi pesë policë të saj akuzohen për vrasjen e një person me ngjyrë.

Njësia prej 50 policësh, që kishte mision uljen e nivelit të krimit në zona të veçanta, u shpërbë pas publikimit të videos, ku policët e kësaj njësie shihen duke e rrahuar Tyre Nichols, 29-vjeçar, i cili vdiq tri ditë më vonë në spital.

Ai ishte ndaluar nga policia në Memfis më 7 janar për ngasje të pakujdesshme.

Në një deklaratë, departamenti tha se “është në interesin më të mirë të të gjithëve që të çaktivizohet përgjithmonë” njësia.

Familja e Nichols e mirëpriti vendimin dhe përmes një deklaratë nga avokatët e quajti atë “të përshtatshëm dhe proporcional me vdekjen tragjike të Tyre Nichols, dhe gjithashtu një vendim të denjë dhe të drejtë për të gjithë qytetarët e Memfisit”.

Njësia u themelua në tetor 2021, dhe kishte synim luftimin e krimit, si vjedhjen e makinave dhe veprat penale të lidhura me bandat.

Pesë policët, Tadarrius Bean, Demetrius Haley, Desmond Mills Jr, Emmitt Martin III dhe Justin Smith, u pushuan nga puna javën e kaluar.

Një grup prej rreth 100 protestuesish u mblodhën pas publikimit të videos para statcionit të Policisë në Memfis për të kërkuar ndryshimin e qasjes së policëve, që ata thanë se është bërë zakon që t’i rrahin njerëzit me ngjyrë në Memfis dhe he në mbarë vendin.

Dosja e zbardhur e paraqitur në gjykatën e Manhatanit nga prokurorët federalë kundër ish-zyrtarit të FBI-së, Charles McGonigal.

Në fashikullin e bërë publik nga Departamenti i Drejtësisë në SHBA, flitet për lidhje e ish-shefit të zyrës së kundërzbulimit të FBI-së në New York, me Edi Ramën në Tiranë. Akuzat ndaj McGonigal kanë nisur për hetimin e marrjes së 225 mijë dollarëve nga Edi Rama, para të dhëna me anë të dy personave, Dorian Duçka dhe Agron Neza.

Më poshtë keni dosjen e përkthyer në shqip nga origjinali

Gjykata Federale e SHBA për Distriktin e Kolumbias

Proces penal

Juria e Madhe bëri betimin më 15 shtator 2022

Shtetet e Bashkuara të Amerikës kundër CHARLES F. MCGONIGAL, i pandehur për shkelje të

Nenit 18 të Kodit Penal të SHBA (USC) § 1001(a)(1) (Fshehje e fakteve materiale)

Nenit 18 të USC. § 1001(a)(2) (Deklarata të rreme)

Nenit 18 të U.S.C. § 1519 (Falsifikim i një regjistrimi apo dokumenti)

Akuza

Juria e Madhe përcakton se duke nisur nga data e ora tanishme:

Akuza të përgjithshme

Në të gjitha rastet në lidhje me këtë akuzë, përveçse kur deklarohet ndryshe:

1. Departamenti i Drejtësisë i SHBA është një departament i Degës Ekzekutive të qeverisë së Shteteve të Bashkuara. Zyra Federale e Hetimit (FBI) është krahu kryesor hetimor i Departamentit të Drejtësisë të SHBA dhe një organizatë e sigurisë kombëtare me përgjegjësi inteligjence dhe detyrim të zbatimit të ligjit.

2. I pandehuri CHARLES F. MCGONIGAL ishte një Agjent Special në Detyrë (SAC) i Zyrës në Terren i FBI në New York nga tetori 2016 deri në tërheqjen nga FBI më 14 shtator 2018, dhe gjatë kësaj kohe ka qenë anëtar i Senior Executive Service (SES). I pandehuri McGonigal ka qenë përgjegjës për mbikëqyrjen e çështjeve të kundërzbulimit dhe të sigurisë kombëtare si SAC, përfshirë ato që përfshinin vende evropiane si Shqipëria dhe Bosnjë Hercegovina.

3. Si SAC i Zyrës në Terren të FBI në New York dhe anëtar i SES, i pandehuri McGonigal kishte detyrë ligjore të paraqiste një deklarim publik financiar vjetor në përputhje me Aktin e Etikës në Qeveri të vitit 1978. Deklarimet financiare u bënë në një Formular të Zyrës së Etikës Qeveritare (OGE), qëllimi i të cilit ishte: (a) të forconte transparencën, besimin dhe konfidencën në integritetin dhe vendimmarrjen e Degs Ekzekutive; dhe (b) të ndihmonte punonjësit publikë dhe agjencitë e tyre në shmangien e konflikteve të interesit të vërteta apo në dukje midis detyrave zyrtare dhe interesave vetjake financiare. Dorëzuesve të formularit iu kërkohej të zbulonin me saktësi para publikut, ndër të tjera, pasuri më të mëdha se 1,000 dollarë, detyrime financiare mbi 10,000 dollarë, dhurata dhe rimbursime udhëtimesh, dhe transaksione të tjera financiare. Informacioni i dhënë në formularin OGE-278 mund të çojë në veprim nga punëdhënësi kundër dorëzuesit të formularit. Formularët OGE-278 u paraqitën në formë elektronike dhe iu dërguan Selisë së FBI në Washington, D.C.

4. I pandehuri McGonigal kishte për detyrë dhe iu kërkua nga Direktivat e Politikës së FBI-së dhe politika e FBI-së në përgjithësi, të raportonte me saktësi në FBI çdo udhëtim jozyrtar jashtë vendit dhe çdo kontakt të vazhdueshëm profesional ose zyrtar me shtetas të huaj, si dhe të raportonte me saktësi udhëtime zyrtare jashtë. Raportimi i udhëtimeve zyrtare dhe jozyrtare u kërkuan të bëheshin në Raportin e FBI-së për Formularët e Udhëtimit Jashtë (FD-772) dhe Formularët e FBI-së për raportimin e udhëtimeve jashtë (FD-772b), të cilat u dorëzuan në mënyrë elektronike dhe u dërguan në selinë e FBI-së në Washington, D.C.

5. Si person me akses në sigurinë kombëtare, të pandehuri McGonigal i kërkohej të jepte në FBI informacion të saktë e të plotë në lidhje me kontaktet me zyrtarë të huaj dhe asetet e detyrimet financiare.

6. Personi A ishte një qytetar i natyralizuar i Shteteve të Bashkuara i lindur në Shqipëri, me rezidencë në New Jersey. Personi A ka qenë punonjës i një agjencie inteligjence shqiptare disa dekada më parë.

7. Kompani A ishte një organizatë biznesi në Delaware e regjistruar nga Personi A në janar 2018.

8. Personi B ishte shtetas shqiptar i punësuar nga një konglomerat energjie kinez. Personi B operonte si këshilltar informal pranë Kryeministrit të Shqipërisë dhe ka qenë ish-zyrtar i lartë në qeverinë shqiptare. Personi A dhe Personi B ishin miq dhe ortakë biznesi me njëri-tjetrin.

9. Personi C ishte shtetas i Bosnjë Hercegovinës dhe këshilltar i një anëtari boshnjak të Presidencës. Personi C ishte një ish-ministër i mbrojtjes i Bosnjës.

10. Personi D ishte shtetas i Bosnjë Hercegovinës dhe ishte themelues dhe Drejtor i Përgjithshëm i një kompanie farmaceutike me bazë në Bosnje dhe Hercegovinë.

Akuza 1

11. Paragrafët 1 deri në 10 janë përfshirë këtu.

12. Duke filluar jo më vonë se gushti 2017 dhe duke vazhduar më pas deri më 6 maj 2019, në Distriktin e Kolumbias dhe gjetkë, për një çështje brenda juridiksionit të Degës Ekzekutive të Qeverisë së Shteteve të Bashkuara, i pandehuri Charles McGonigal falsifikoi, fshehu dhe mbuloi me vetëdije dhe qëllimisht me mashtrim, skemë dhe pajisje fakte materiale-më konkretisht, McGonigal fshehu vazhdimisht aspekte të marrëdhënies së tij me Personin A për të cilin kishte detyrim ta raportonte dhe që krijoi një konflikt real e të dukshëm interesi midis detyrave të tij zyrtare në FBI dhe interesave të tij private, duke përfshirë faktin që McGonigal pranoi më shumë se 225,000 dollarë nga Personi A; udhëtoi me Personin A në Evropë; dhe vendosi marrëdhënie të vazhdueshme me shtetas të huaj të prezantuar me të nga personi A dhe bashkëpunëtorët e personit A.

Qëllimi i skemës

13. Qëllimi i skemës ishte që i pandehuri McGonigal të fshihte nga FBI dhe nga publiku informacione materiale, që përmbajnë natyrën e marrëdhënies së tij me Personin A, për të përfshirë marrjen e të paktën 225,000 dollarëve nga Personi A, udhëtimi me Personin A në Evropë dhe marrëdhëniet e vazhdueshme me shtetas të huaj të prezantuar nga Personi A dhe bashkëpunëtorët e Personit A, të cilët i pandehuri McGonigal duhej t’i raportonte dhe që krijuan një konflikt real e të dukshëm interesi midis detyrave zyrtare të të pandehurit McGonigal dhe interesave të tij private financiare.

Mënyra dhe Mjetet e Skemës

Skema u realizua në këtë mënyrë dhe mjete, ndër të tjera:

14. Ndërmjet qershorit 2018 dhe majit 2019, i pandehuri McGonigal, në baza vjetore, dorëzoi dhe bëri që të dorëzoheshin formularët OGE-278 që deklaronin në mënyrë të rreme dhe vërtetonin se i pandehuri McGonigal nuk kishte detyrime më të mëdha se 10,000 dollarë dhe që nuk arriti të identifikonte asnjë pasuri më të madhe se 1,000 dollarë të marra nga Personi A, kur, siç e dinte i pandehuri McGonigal, ai kishte kërkuar dhe marrë jo më pak se 225,000 dollarë nga Personi A, gjë që duhej ta raportonte në formularët OGE-278.

15. Ndërmjet shtatorit 2017 dhe qershorit 2018, i pandehuri McGonigal dorëzoi formularët FD-772 dhe FD-772b që falsifikonin, fshihnin dhe mbulonin marrëdhënien dhe udhëtimin e tij me Personin A. Pra, në të njëjtën kohë me periudhën kohore kur u kërkuan dhe u morën pará, i pandehuri McGonigal udhëtoi me Personin A në Shqipëri dhe vende të tjera të Evropës në disa raste dhe raportoi në mënyrë të rreme natyrën dhe qëllimin e udhëtimit në FBI në formularët FD-772 dhe FD-772b, duke përfshirë: dështimin në identifikimin e Personit A si shoqërues udhëtimi, dështimi në identifikimin e vendeve të vizituara, karakterizimi i rremë i qëllimit të udhëtimit dhe raportimi i rremë se nuk do të kishte kontakte të huaja të raportueshme gjatë udhëtimit, pavarësisht se i pandehuri McGonigal synonte dhe takohej me shtetas të huaj, midis tyre Personin B, me të cilin i pandehuri McGonigal kishte një marrëdhënie të vazhdueshme.

16. Midis jo më vonë se gushti 2017 dhe shtatorit 2018, i pandehuri McGonigal gjithashtu nuk raportoi kontaktet e vazhdueshme me shtetas të huaj, siç kërkohet nga formulari FD-981.

17. I pandehuri McGonigal u angazhua në një marrëdhënie financiare private me Personin A që në fakt ose në dukje binte ndesh me detyrat e tij zyrtare në FBI. Për shembull, ndër të tjera, i pandehuri McGonigal bëri që FBI New York të hapte një hetim penal ndaj një shtetasi amerikan, në të cilin Personi A do të shërbente si një burim njerëzor konfidencial, dhe i pandehuri McGonigal u përpoq të organizonte një takim midis personave C dhe D dhe autoritetet qeveritare amerikane, nga i cili do të përfitonin financiarisht Personi A, e gjitha kjo ndërkohë që u mbajt e fshehur nga i pandehuri McGonigal marrja e të paktën 225,000 dollarëve nga Personi A.

Ekzekutimi i Skemës

Në vazhdim të skemës për të fshehur natyrën e marrëdhënies së tij me Personin A që i pandehuri McGonigal kishte për detyrë të zbulonte, i pandehuri McGonigal kreu dhe shkaktoi kryerjen e veprimeve të mëposhtme, ndër të tjera:

18. Jo më vonë se gushti 2017, i pandehuri McGonigal u takua me Personin A dhe e pyeti nëse Personi A mund t’i siguronte pará.

19. Më 5 shtator 2017, i pandehuri McGonigal dorëzoi një formular FD-772 në FBI

për udhëtimet e ardhshme “jozyrtare” në Shqipëri. Paraqitja në mënyrë të gabuar nuk arriti: (a) të identifikonte se Personi A do të ishte një shoqërues udhëtimi, (b) të deklaronte se akomodimi dhe akomodimi do të siguroheshin pa pagesë dhe kush do të paguante për to, (c) të deklaronte se i pandehuri McGonigal do të shkonte edhe në Kosovë përveç Shqipërisë, dhe (d) të identifikojë çdo kontakt të huaj të pritshëm të raportueshëm, përfshirë Personin B, ose ndonjë shtetas tjetër të huaj me të cilin i pandehuri McGonigal kishte një marrëdhënie të vazhdueshme.

20. Më 7 shtator 2017, i pandehuri McGonigal u takua me Personin A që i tha se Personi A po punonte për paratë dhe se Personi A mund t’ia siguronte McGonigalit pjesë pjesë.

21. Më 7 shtator 2017, i pandehuri McGonigal udhëtoi me avion me Personin A nga Shtetet e Bashkuara për në Shqipëri, ku gjatë disa ditëve në vijim janë takuar me Personin B dhe shtetas të tjerë të huaj. As McGonigal dhe as FBI nuk kanë paguar për akomodimin e McGonigal gjatë kohës që ishte në Shqipëri.

22. Më 9 shtator 2017, në Shqipëri, i pandehuri McGonigal është takuar me Personin B dhe Kryeministrin e Shqipërisë. Me kërkesë të personit A, i pandehuri McGonigal i kërkoi Kryeministrit të Shqipërisë që të ishte i kujdesshëm për dhënien e licencave për shpimin e vendburimeve të naftës në Shqipëri për kompanitë ruse. Personi A dhe Personi B kishin të dy interes financiar në vendimet e Qeverisë së Shqipërisë për dhënien e licencave të shpimit në fusha naftëmbajtëse. I pandehuri McGonigal i ka ofruar Kryeministrit të Shqipërisë pajisje të FBI-së në prani të Personit B.

23. Në shtator 2017, në Shqipëri, i pandehuri McGonigal u prezantua nga Personi A me një biznesmen dhe politikan shqiptar, i cili i tha të pandehurit McGonigal se donte që dikush të hetonte një komplot të dyshuar për të vrarë biznesmenin dhe politikanin shqiptar.

24. Më datë 10 shtator 2017, i pandehuri McGonigal ka udhëtuar me makinë nga Shqipëria për në Kosovë, bashkë me Personin A dhe të tjerë, ku i pandehuri McGonigal u takua me dhe i dha mjetet e FBI-së një politikani kosovar. Menjëherë pas këtij udhëtimi në Kosovë, i pandehuri McGonigal dhe personi A, duke udhëtuar së bashku, janë kthyer në Shtetet e Bashkuara.

25. Pas udhëtimit të tij në Shqipëri në shtator, i pandehuri McGonigal vendosi marrëdhënie të vazhdueshme me Kryeministrin e Shqipërisë.

26. Më 5 tetor 2017, jashtë një restoranti, në një makinë të parkuar në New York City, i pandehuri McGonigal mori afërsisht 80,000 dollarë nga Personi A.

27. Në vjeshtën e vitit 2017, në rezidencën e Personit A në New Jersey, i pandehuri McGonigal mori edhe dy herë të tjera para nga Personi A, në shumat prej përafërsisht 80,000 dollarë dhe 65,000 dollarë. I pandehuri McGonigal i kishte thënë Personit A se do t’ia kthente paratë.

28. Më 16 tetor 2017, i pandehuri McGonigal dorëzoi një FD-772b në lidhje me udhëtimin e tij në shtator në Shqipëri dhe Kosovë. Parashtresa në mënyrë të gabuar nuk zbuloi se i pandehuri McGonigal ishte takuar me Kryeministrin e Shqipërisë në Shqipëri dhe me një politikan kosovar në Kosovë dhe mohoi që i pandehuri McGonigal t’i kishte zbuluar punësimin e tij një shtetasi të huaj jashtë aktivitetit zyrtar të FBI-së.

29. Më 15 nëntor 2017, i pandehuri McGonigal dorëzoi një FD-772 për udhëtimin e ardhshëm “zyrtar” në Austri. Paraqitja në mënyrë të gabuar nuk arriti: (a) të identifikonte që Personi A do të ishte shoqërues udhëtimi, (b) të identifikonte se çdo akomodim do të sigurohej pa pagesë ose kush do të paguante për to, (c) të deklaronte se i pandehuri McGonigal do të shkonte edhe në Shqipëri përveç Austrisë dhe (d) të identifikonte çdo kontakt të jashtëm të parashikuar të raportueshëm.

30. Më 17 nëntor 2017, i pandehuri McGonigal udhëtoi me avion për në Austri.

31. Më 18 nëntor 2017, i pandehuri McGonigal dhe një prokuror i Departamentit të Drejtësisë intervistuan të njëjtin biznesmen dhe politikan shqiptar që i pandehur McGonigal kishte takuar gjatë udhëtimit të tij në shtator 2017. Personi A mori pjesë në intervistë si përkthyes. Asnjë dokument që autorizonte ose financonte shërbimet e interpretimit nuk iu dorëzua FBI-së nga i pandehuri McGonigal. FBI nuk ka të dhëna zyrtare të intervistës.

32. Më 18 nëntor 2017, pas intervistimit, i pandehuri McGonigal dhe personi A kanë udhëtuar me avion nga Austria në Shqipëri, ku janë takuar sërish me të njëjtin biznesmen dhe politikan shqiptar, këtë herë pa praninë e prokurorit të Departamentit të Drejtësisë. Biznesmeni dhe politikani shqiptar diskutuan mundësitë e biznesit me të pandehurin McGonigal dhe Personin A.

33. Më 19 nëntor 2017, i pandehuri McGonigal u takua me personin B në Shqipëri për darkë dhe pije.

34. Më 20 nëntor 2017, i pandehuri McGonigal u takua me Kryeministrin e Shqipërisë në Shqipëri.

35. Më 21 nëntor 2017, i pandehuri McGonigal ka udhëtuar me avion nga Shqipëria në Austri dhe më pas është kthyer në Shtetet e Bashkuara të Amerikës. As McGonigal, as FBI, nuk e paguan akomodimin e McGonigal gjatë kohës që ai ishte në Shqipëri.

36. Më 25 nëntor 2017, i pandehuri McGonigal informoi prokurorin e Departamentit të Drejtësisë të përmendur më lart për një hetim të ri penal të mundshëm që përfshin një shtetas amerikan i cili ishte regjistruar për të kryer punë lobimi në Shtetet e Bashkuara në emër të një partie politike shqiptare të ndryshme nga ajo e Kryeministrit. Një ditë më parë, ai kishte marrë informacion nga Personi B për lobuesin qytetar amerikan.

37. Në dhjetor 2017, McGonigal darkoi në Washington, DC me Personin A dhe zyrtarë të qeverisë shqiptare, dhe darkoi në New York City me Personin A dhe Kryeministrin e Shqipërisë.

38. Më 4 janar 2018, i pandehuri McGonigal mori informacion në lidhje me lobuesin qytetar amerikan nga Personi A dhe ai ia përcolli informacionin një agjenti tjetër special të FBI-NY të nesërmen.

39. Më 22 janar 2018, i pandehuri McGonigal paraqiti një FD-772b në lidhje me udhëtimin e tij në nëntor në Austri të përmendur më lart. Parashtresa në mënyrë të gabuar nuk zbuloi se i pandehuri McGonigal kishte shkuar edhe në Shqipëri përveç Austrisë, ose që ishte takuar ose me Personin B ose me Kryeministrin e Shqipërisë, ose se ai kishte zbuluar punësimin e tij në FBI një shtetasi të huaj jashtë aktivitetit zyrtar .

40. Më 22 janar 2018, i pandehuri McGonigal mori informacion nga Personi A në lidhje me lobuesin shtetas amerikan dhe ia përcolli informacionin një zyrtari tjetër të FBI-NY, i cili ishte vartës i tij. Personi A e kishte marrë informacionin nga Zyra e Kryeministrit Shqiptar.

41. Nga 21 shkurt 2018, deri më 24 shkurt 2018, i pandehuri McGonigal udhëtoi me Personin A në Shqipëri, por ai nuk e raportoi udhëtimin në FBI siç kërkohej në formularët FD-772 e FD-772b.

42. Më 26 shkurt 2018, FBI-NY hapi zyrtarisht një hetim penal të fokusuar mbi lobuesin qytetar amerikan me kërkesë të të pandehurit McGonigal dhe me udhëzimin e tij. Personi A u identifikua më vonë nga FBI-NY si një burim njerëzor konfidencial që mbështet hetimin dhe Personi A i dha informacion FBI-NY gjatë hetimit. Personi B më vonë ndihmoi në lehtësimin e një takimi midis FBI-NY dhe dëshmitarëve të vendosur në Evropë, ndër të tjera, duke paguar shpenzimet e udhëtimit të dëshmitarit. I pandehuri McGonigal nuk i kishte zbuluar në asnjë moment FBI-së marrëdhënien e tij financiare me Personin A dhe as kontaktet e tij të vazhdueshme me Personin B, siç kërkohej nga formulari FD-981.

43. Më 4 mars 2018, i pandehuri McGonigal darkoi në Washington, D.C., ndër të tjerë, me Personin A, Kryeministrin e Shqipërisë dhe një ish-agjent special të FBI-së, i cili punonte në një firmë ndërkombëtare shërbimesh profesionale.

44. Nga 26 prilli 2018, deri më 2 maj 2018, i pandehuri McGonigal udhëtoi me Personin A në Evropë, përfshirë Shqipërinë, por nuk e raportoi udhëtimin në FBI.

45. Më 27 prill 2018, i pandehuri McGonigal u takua me personin C dhe personin D në Gjermani. Në takim, personi C dhe personi D kërkuan një mundësi për t’u takuar me ambasadorin e SHBA-së në Kombet e Bashkuara ose me një zyrtar tjetër të nivelit të lartë të qeverisë amerikane për të kërkuar mbështetjen e Shteteve të Bashkuara për një qëllim politik që do të ndikonte në rajonin e Bosnjë Hercegovinës.

46. Më 8 maj 2018, i pandehuri McGonigal komunikoi me ndërlidhësin e FBI-së në Kombet e Bashkuara dhe kërkoi ndihmë në organizimin e takimit të kërkuar nga personi C dhe personi D.

47. Më 10 qershor 2018, i pandehuri McGonigal dorëzoi një formular OGE-278 që nuk përfshinte asnjë informacion në lidhje me rreth 225,000 dollarë që ai kishte marrë nga Personi A.

48. Më 25 qershor 2018, i pandehuri McGonigal i propozoi personit A që personi A dhe kompania A të hynin në një marrëdhënie kontraktuale me Personin D dhe kompaninë farmaceutike të Personit D. Propozimi i të pandehurit McGonigal përfshinte që Kompania A të paguhej 500,000 dollarë nga Personi D dhe kompania farmaceutike e Personit D në këmbim të caktimit të një takimi midis kompanisë farmaceutike të personit D dhe një përfaqësuesi nga delegacioni i SHBA në Kombet e Bashkuara.

49. Më 1 korrik 2018, i pandehuri McGonigal i konfirmoi personit A nëpërmjet komunikimit elektronik se ai kishte ridërguar të njëjtën gjuhë të propozuar kontraktuale të përshkruar më sipër, dhe i pandehuri McGonigal i kërkoi personit A të “mbronte emrin [e të pandehurit McGonigal]”.

50. Më 18 korrik 2018, siç u propozua nga i pandehuri McGonigal, Personi A i propozoi personit D marrëveshjen kontraktuale në të cilën Kompania A do të merrte 500,000 dollarë në këmbim të rregullimit të një takimi midis kompanisë farmaceutike të personit D dhe një përfaqësuesi nga delegacioni i SHBA-së në Kombet e Bashkuara.

51. Më 26 korrik 2018, i pandehuri McGonigal i dha ndërlidhësit të FBI-së në Kombet e Bashkuara datat e propozuara për takimin që kishin kërkuar personi C dhe personi D.

52. Më 13 gusht 2018, i pandehuri McGonigal mori pjesë në një takim ku i dha informacion një zyrtari të lartë nga delegacioni i SHBA-së në Kombet e Bashkuara në lidhje me kërkesën e bërë nga personi C dhe personi D për një takim. I pandehuri McGonigal nuk ndau në asnjë moment informacion në lidhje me interesin financiar të personit A në takim, ose për marrëdhëniet financiare të të pandehurit McGonigal me Personin A.

53. Midis gushtit 2017 dhe daljes në pension të të pandehurit McGonigal nga FBI në ose rreth shtatorit 2018, i pandehuri McGonigal nuk raportoi asnjë kontakt të vazhdueshëm profesional ose zyrtar me shtetas të huaj në FBI.

54. Më 6 maj 2019, rreth nëntë muaj pas daljes në pension të tij nga FBI, i pandehuri McGonigal dorëzoi një formular OGE-278 që në mënyrë të gabuar nuk përfshinte asnjë informacion për rreth 225,000 dollarë që ai kishte marrë nga Personi A. (Fshehje e fakteve materiale, në kundërshtim me Nenin 18, Kodi i Shteteve të Bashkuara, Seksioni 1001(a)(1))

Akuza 2

55. Paragrafët 1 deri në 10 dhe 14 deri në 54 janë përfshirë këtu.

56. Më 5 shtator 2017, në Distriktin e Kolumbisë dhe gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI, në atë të pandehur McGonigal deklaroi dhe përfaqësoi në mënyrë të rreme në një formular FD-772 se, për udhëtimin e ardhshëm në Evropë, ai nuk kishte shoqërues udhëtimi, nuk do t’i sigurohej strehim dhe akomodim pa pagesë, do të udhëtonte vetëm për në Shqipëri dhe nuk kishte parashikuar ndonjë kontakt të huaj të raportueshëm, kur, në të vërtetë dhe në fakt, siç e dinte mirë dhe besonte atëherë i pandehuri McGonigal, i pandehuri McGonigal do të shoqërohej nga personi A, do të merrte strehim dhe akomodim falas, do të udhëtonte. në Kosovë, përveç Shqipërisë, dhe do të kishte kontakte të huaja të raportueshme me personin B dhe të tjerët.

(Deklarata të rreme, në kundërshtim me Titullin 18, Kodi i Shteteve të Bashkuara, Seksioni 1001(a)(2))

Akuza 3

57. Paragrafët 1 deri në 10 dhe 14 deri 54 janë përfshirë nga këtu.

58. Më 16 tetor 2017, në Distriktin e Kolumbias e gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI-së, për shkak se i pandehuri McGonigal në mënyrë të rreme deklaroi se, në udhëtimin në Evropë muajin e mëparshëm, ai nuk kishte kontaktuar me një përfaqësues të një qeverie të huaj jashtë aktivitetit zyrtar të FBI-së dhe nuk ia kishte zbuluar punësimin e tij asnjë shtetasi të huaj jashtë aktivitetit zyrtar të FBI-së, kur në të vërtetë i pandehuri McGonigal ishte takuar me Kryeministrin e Shqipërisë dhe me një politikan kosovar dhe me personin B, dhe u bëri të ditur punësimin e tij.

(Deklarata të rreme, në kundërshtim me Titullin 18, Kodi i Shteteve të Bashkuara, Seksioni 1001(a)(2))

Akuza 4

59. Paragrafët 1 deri në 10 dhe 14 deri në 54 janë përfshirë këtu.

60. Më 15 nëntor 2017, në Distriktin e Kolumbias dhe gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI, për shkak se i pandehuri McGonigal deklaroi se, për udhëtimin e ardhshëm në Evropë, ai nuk kishte shoqërues udhëtimi, nuk do t’i sigurohej strehim dhe akomodim pa pagesë, do të udhëtonte vetëm për në Austri dhe nuk kishte parashikuar ndonjë kontakt të huaj të raportueshëm, kur në të vërtetë i pandehuri McGonigal do të shoqërohej nga personi A, do të merrte strehim dhe akomodim falas, do të udhëtonte për në Shqipëri, përveç Austrisë, dhe do të kishte kontakte të huaja të raportueshme me personin B dhe të tjerë.

(Deklarata të rreme, në kundërshtim me Titullin 18, Kodi i Shteteve të Bashkuara, Seksioni 1001(a)(2))

Akuza 5

61. Paragrafët 1 deri në 10 dhe 14 deri në 54 janë përfshirë këtu.

62. Më 22 janar 2018, në Distriktin e Kolumbia dhe gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI, për shkak se i pandehuri McGonigal deklaroi në mënyrë të rreme në një formular FD-772b se, për të udhëtuar në Evropë dy muaj më parë, ai kishte udhëtuar vetëm në Austri, nuk kishte kontakte me një përfaqësues të një qeveria e huaj jashtë biznesit zyrtar të FBI-së dhe nuk ia bëri të ditur punësimin e tij asnjë shtetasi të huaj jashtë biznesit zyrtar të FBI-së, kur në të vërtetë i pandehuri McGonigal kishte udhëtuar në Shqipëri përveç Austrisë , ishte takuar me Kryeministrin e Shqipërisë dhe me personin B, dhe u kishte bërë të ditur punësimin e tij, jashtë biznesit zyrtar të FBI-së.

(Deklarata të rreme, në kundërshtim me Titullin 18, Kodi i Shteteve të Bashkuara, Seksioni 1001(a)(2))

Akuza 6

63. Paragrafët 1 deri në 10 dhe 14 deri në 54 janë përfshirë këtu.

64. Më 10 qershor 2018, në Distriktin e Kolumbias dhe gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI dhe OGE, pasi i pandehuri McGonigal deklaroi në mënyrë të rreme në një formular OGE-278 se ai nuk kishte detyrime më të mëdha se 10,000 dollarë dhe nuk zbuloi asetet dhe detyrimet e marra nga Personi A, kur i pandehuri McGonigal kishte marrë afërsisht 225,000 dollarë nga Personi A. (Deklarata të rreme, në kundërshtim me Titullin 18, Kodi i Shteteve të Bashkuara, Seksioni 1001(a)(2))

Akuza 7

65. Paragrafët 1 deri në 10 dhe 14 deri në 54 janë përfshirë këtu.

66. Më 6 maj 2019, në Distriktin e Kolumbias dhe gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI dhe OGE, pasi i pandehuri McGonigal deklaroi në mënyrë të rreme në një formular OGE-278 se ai nuk kishte detyrime më të mëdha se 10,000 dollarë dhe nuk zbuloi asetet dhe detyrimet e marra nga Personi A, kur i pandehuri McGonigal kishte marrë afërsisht 225,000 dollarë nga Personi A. (Deklarata të rreme, në kundërshtim me Titullin 18, Kodi i Shteteve të Bashkuara, Seksioni 1001(a)(2))

Akuza 8

67. Paragrafët 1 deri në 10 dhe 14 deri në 54 janë përfshirë këtu.

68. Më 10 qershor 2018, në Distriktin e Kolumbias dhe gjetkë, i pandehuri Charles McGonigal me dashje dhe me vetëdije bëri dhe shkaktoi që të bëhen deklarata dhe përfaqësime materiale të rreme, fiktive dhe mashtruese në një çështje brenda juridiksionit të Degës Ekzekutive të Qeverisë së Shteteve të Bashkuara, konkretisht FBI dhe OGE, pasi i pandehuri McGonigal deklaroi në mënyrë të rreme në një formular OGE-278 se ai nuk kishte detyrime më të mëdha se 10,000 dollarë dhe nuk zbuloi asetet dhe detyrimet e marra nga Personi A, kur i pandehuri McGonigal kishte marrë afërsisht 225,000 dollarë nga Personi A. (Falsifikim i një regjistrimi ose dokumenti, në kundërshtim me Titullin 18, Kodi i Shteteve të Bashkuara, Seksioni 1519)

Akuza 9

69. Paragrafët 1 deri në 10 dhe 14 deri në 54 janë përfshirë këtu.

70. Më 6 maj 2019, në Distriktin e Kolumbias e gjetkë, i pandehuri Charles McGonigal, me qëllimin për të penguar, penguar dhe ndikuar, dhe në lidhje dhe meditimin e hetimit dhe administrimit të duhur të një çështjeje brenda juridiksionit i një departamenti ose agjencie të Shteteve të Bashkuara, me vetëdije të fshehtë, të mbuluar, të falsifikuar dhe të bërë shënime të rreme në një procesverbal, dokument dhe objekt të prekshëm, për të kuptuar, i pandehuri McGonigal dorëzoi dhe bëri që t’i dorëzohej një formular OGE-278 me FBI dhe OGE, të cilat në mënyrë të rreme nuk raportuan asete më të mëdha se 1,000 dollarë dhe detyrime më të mëdha se 10,000 dollarë, kur i pandehuri McGonigal kishte marrë afërsisht 225,000 dollarë nga Personi A. (Falsifikimi i një regjistrimi ose dokumenti, në shkelje e Titullit 18, Kodi i Shteteve të Bashkuara, Seksioni 1519)

Matthew M. Graves

Prokuror i Shteteve të Bashkuara në dhe për Distriktin e Kolumbias

Materiali u mr nga syri.net

Shtatë persona u vranë në dy sulme me armë, që besohet se janë të lidhura njëra me tjetrën, në një komunitet në brigjet jugore pranë San Franciskos.

Sulmi pason masakrën e së shtunës në një klub vallëzimi në Kaliforninë Jugore ku u vranë 11 persona.

Ky është sulmi i tretë me armë në Kaliforni brenda tetë ditësh.

Katër persona u vranë dhe një u plagos rëndë ditën e hënë në një sulm me armë zjarri në një fermë në qytetin Half Moon Bay pranë San Franciscos, ndërsa tre të tjerë u gjetën të vdekur në një biznes pak kilometra larg.

Lidhja midis vendnodhjeve të incidenteve është e paqartë, por autoritetet thonë se të dyja janë biznese bujqësore.

Sipas policisë i dyshuar për sulmet është një 67 vjeçari i identifikuar si Chunli Zhao, i cili u arrestua pasi u gjet në makinën e tij në parkingun e një nënstacioni të një sherifi.

Autoritetet besojnë se i dyshuari punonte në një nga objektet dhe se viktimat ishin kolegë të tij.

Ky incident vjen dy ditë pasi një sulmues i armatosur vrau 11 persona në një klub vallëzimi në afërsi të Los Anxhelosit, ku po festohej viti i ri kinez.

Banorët shprehen të tronditur nga një valë e përgjakshme në përgjithësi në Shtetet e Bashkuara.

“Rastet në Sandy Hook, Uvalde, këtu në Monterey Park, Columbine. Mund të vazhdoj pa pushim së numëruari sulmet që kanë ndodhur ndër vite. Nuk e ndjen derisa nuk goditet vendi yt, thotë Inez Arakaki, banore e Monterey Park.

65 për qind e banorëve të këtij qyteti janë aziatiko-amerikanë.

“Është një komunitet i qetë dhe paqësor ku gjithmonë jam ndjerë i sigurt, qoftë ditën apo natën”, thotë banori Frank Salazar.

“Zemra më tha se duhet të jem këtu në mbështetje të komunitetit. Besoj se në tragjedi si kjo duhet të bashkojmë zemrën, mendjen dhe shpirtin tonë, sepse të bashkuar qëndrojmë, ndërsa të ndarë biem”, thotë Rita Fulmore, banore tjetër.

I dyshuari për sulmin në Monterey Park, 72 vjeçari Huu Can Tran, u gjet i vetëvrarë brenda një furgoni pas sulmit.

“Këta njerëz të pafajshëm nuk e meritonin të iknin kështu nga kjo botë”, thotë Darren Yan.

Autoritetet thonë se ende nuk kanë identifikuar motivin e asnjërit sulm.

Ajo që dihet është se të dyshuarit në dy rastet e fundit janë burra në pension, shumë më të moshuar krahasuar me autorët e sulmeve të tjera me armë.

Nga fillimi i vitit të ri, Shtetet e Bashkuara janë përballur me gjashtë sulme me armë, ku si pasojë kanë humbur jetën 39 persona.

Tre nga këto sulme kanë ndodhur në Kaliforni, me rastin e parë të regjistruar para tetë ditësh.

Më 16 janar, një nënë adoleshente dhe foshnja e saj ishin në mesin e gjashtë viktimave në një sulm me armë në rajonin e Luginës Qendrore të Kalifornisë.

Presidenti amerikan Joe Biden njoftoi të hënën se do të emërojë diplomatin e karrierës David J. Kostelancik, për postin e Ambasadorit të Shteteve të Bashkuara në Shqipëri.
Zoti Kostelancik ka shërbyer në ambasadën amerikane në Shqipëri në fillim të viteve ’90, në zyrën politike.

David J. Kostelancik, shërben aktualisht si Këshilltar për Politikën e Jashtme i Shefit të Shtatmadhorisë amerikane, Gjeneral Mark Milley. Ai ka shërbyer më herët si zëvendës Shef i Misionit dhe për dy vjet, si i Ngarkuar me Punë i përkohshëm në Ambasadën e SHBA-së në Budapest të Hungarisë.

Ai ka mbajtur gjithashtu pozicionet e Drejtorit të Zyrës për Çështjet e Evropës Jugore Qendrore dhe Drejtorit të Zyrës për Çështjet Ruse, në Byronë për Çështjet e Evropës dhe Euroazisë si dhe të Drejtorit të Zyrës së Evropës dhe Azisë në Byronë Ndërkombëtare për Çështjet e Narkotikëve dhe Zbatmit të Ligjit.

Zoti Kostelancik ka shërbyer dy herë në Ambasadën amerikane në Moskë.
Ai ka shërbyer edhe në misionet e SHBA-së në OSBE dhe NATO. Ai ka shërbyer gjithashtu edhe në Ankara të Turqisë.

Diplomati Kostelancik, me origjinë nga shteti i Ilinoit, është diplomuar në Universitetin Northwestern të këtij shteti. Ai ka gjihashtu dy diploma master nga Kolegji Kombëtar i Luftës, dhe Universiteti i Miçiganit. Ai flet rusisht, hungarisht, shqip dhe turqisht.

Nëse kandidatura e tij miratohet nga Senati, diplomati Kostelancik do të zëvendësojë ambasadoren aktuale amerikane në Shqipëri, Yuri Kim.

Ndjekja e personit të armatosur që vrau 10 veta në një klub vallëzimi në zonën e Los Anxhelosit, përfundoi të dielën kur autoritetet e gjetën atë të vetëvrarë në furgonin që e kishte përdorur për t’u arratisur pasi qytetarët penguan përpjekjen e tij për një sulm të dytë.

Sherifi i Qarkut të Los Anxhelosit, Robert Luna e identifikoi burrin si 72-vjeçarin Huu Can Tran dhe tha se nuk ka të dyshuar të tjerë. Ai shtoi se mbetet i paqartë motivi i sulmit që la pas vetes edhe 10 të plagosur.

Në furgon u gjet edhe arma e përdorur gjatë sulmit, një revole gjysmë automatike.

“Kam ende pikëpyetje në mendjen time: Cili ishte motivi i këtij vrasësi? A kishte ndonjë sëmundje mendore? A ishte autor i dhunës në familje? Si i kishte siguruar armët dhe a kishte ndodhur kjo në rrugë ligjore apo jo?”, tha ligjvënësja Judy Chu.

Ndjekja filloi pasi personi i armatosur vrau 10 veta në një klub vallëzimi të shtunën vonë, në mes të kremtimeve të Vitit të Ri Hënor në komunitetin kryesisht aziatik amerikan të Monterey Park. Ai me gjasë u përpoq dhe nuk arriti të kryejë një sulm tjetër në një sallë të dytë vallëzimi, thanë autoritetet.

Sherifi Luna tha se të shtënat në sallën e vallëzimit në Monterey Park lanë pesë gra dhe pesë burra të vdekur dhe plagosën 10 të tjerë. Më pas, 20 deri në 30 minuta më vonë, një burrë i armatosur hyri në një sallë vallëzimi në Alhambra aty pranë, por të pranishmit ia hoqën armën nga duart para se të ikte.

Hetuesit e Departamentit amerikan të Drejtësisë kanë gjetur gjashtë dokumente shtesë të klasifikuara gjatë kontrolleve 13 orëshe në shtëpinë e presidentit Joe Biden në Delauer, tha avokati i presidentit.

Disa prej dokumenteve që janë gjetur në pronën në Uillmington të premten, datonin nga koha kur Biden ishte senator, ndërkaq të tjerat i përkisnin periudhës kur ai shërbeu si nënpresident në administratën e Barack Obamës.

Avokati Bob Bauer tha se “shënime të shkruara personalisht me dorë” dhe “materiale të tjera” po ashtu janë marrë nga autoritetet.

Biden dhe gruaja e tij nuk ishin prezent në shtëpi në kohën kur u bënë kontrollet.

Presidenti amerikan Biden ofroi qasje “në shtëpinë e tij në mënyrë që Departamenti i Drejtësisë të kryente kontrolle të të gjithë pronës për të gjetur dokumente të mundshme të kohës kur Biden ishte nënpresident apo dokumente të mundshme të klasifikuara”, tha Bauer përmes një deklarate të publikuar të shtunën.

Ish-presidenti amerikan, Donald Trump, po përballet me një hetim penal nën dyshimet se nuk ka mbajtur në mënyrë jo të duhur dokumentet e klasifikuara.

Më herët gjatë këtij muaji, avokatët e Bidenit njoftuan se më 2 nëntor kishin gjetur grupin e parë të dokumenteve të klasifikuara. Këto materiale ishin zbuluar në Qendrën Penn Biden, një institut që presidenti amerikan kishte themeluar në Uashington.

Grupi i dytë i dokumenteve u gjet më 20 dhjetor në garazhin e shtëpisë së tij në Uillmington, ndërkaq një tjetër dokument u gjet në depon e shtëpisë së tij më 12 janar, thanë avokatët e presidentit.

Pasi u zbuluan dokumentet, Biden tha se ekipi i tij menjëherë i dorëzoi në Arkivat Kombëtare dhe në Departamentin e Drejtësisë. Ende është e paqartë se pse Biden i kishte mbajtur këto dokumente.

Sipas ligjeve, dokumentet e Shtëpisë së Bardhë duhet t’i dorëzohen Arkivave Kombëtare sapo të mbarojë mandatin një administratë.

Këshillltari i posaçëm, Robert Hur, është emëruar për të udhëhequr hetimet sesi ishin mbajtur këto dokumente të ndjeshme.

Gjetja e dokumenteve shtesë dhe hetimit të gjatë mund të jetë një kokëçarje politike për Bidenin, i cili pritet të deklarohet nëse do të garojë edhe për një mandat presidencial.

Ekipi i Bidenit ka thënë se presidenti po bashkëpunon me Departamentin e Drejtësisë për këtë çështje.

Zbulimi i dokumenteve vjen teksa ish-presidenti Trump po hetohet për mënyrën se si ka mbajtur qindra dokumente të klasifikuara në shtëpinë e tij në Florida, pasi kishte refuzuar që t’i dorëzonte ato.

Trump dhe avokatët e tij kishin rezistuar që t’i dorëzonin dokumentet deri kur Byroja Federale e Hetimeve (FBI) bastisi shtëpinë e tij në Florida në gushtin e kaluar. Ai ka argumentuar se FBI-ja po e trajton në mënyrë më favorizuese Bidenin.

Shumë zyrtarë të tanishëm dhe të mëparshëm të inteligjencës amerikane po paralajmërojnë gjithnjë e më shumë se rrjeti i spiunazhit me një buxhet prej 90 miliardë dollarësh po mbetet prapa sepse nuk ka përqafuar sa duhet grumbullimin e të dhënave nga burime që janë në dispozicion të publikut të gjerë të quajtura ndryshe burime të hapura.

Zyrtarët dhe ekspertët shqetësohen se SHBA-ja nuk ka investuar sa duhet fonde dhe njerëz për të analizuar të dhënat e disponueshme publikisht, ose për të përfituar nga teknologjitë e avancuara që mund të sigurojnë të dhëna kritike. Kundërshtarët, duke përfshirë Kinën, po shtojnë përpjekjet për të vjedhur dhe përvetësuar të dhënat amerikane, që mund të merren përmes inteligjencës artificiale dhe kompjuterave për të zbuluar sekretet që SHBA dëshiron t’i mbajë private.

Ndërsa alarmi për një virus të ri që po përhapej në Kinë, filloi të binte në mbarë botën, zyrtarët në Uashington iu drejtuan agjencive të inteligjencës për njohuri rreth kërcënimit që përbënte virusi për Amerikën.

Por, sipas një analize të fundit nga Kongresi të raporteve të klasifikuara, nga dhjetori i vitit 2019 dhe janari i vitit 2020, paralajmërimet e hershme më të dobishme, nuk erdhën nga spiunët apo përgjimet.

Në vend të kësaj, zyrtarët ishin mbështetur më së shumti në raportimet publike, kabllogramet diplomatike dhe analizat nga ekspertët mjekësorë – disa shembuj të së ashtuquajturës inteligjencë nga burimet e hapura apo të disponueshme për publikun e gjerë (OSINT).

Raporti i Kongresit zbulon se parashikimi i një pandemie, apo rënia e një qeverie në të ardhmen, do të kërkojnë përdorim më të mirë të të dhënave nga burime që janë në dispozicion të publikut të gjerë.

“Ka pak prova se aftësitë e veçanta të Komunitetit të Inteligjencës për grumbullimin e informacionit kanë siguruar të dhëna të vlefshme për politikëbërësit,” shkruajnë autorët e raportit, të hartuar nga demokratët në Komisionin e Zbulimit të Dhomës së Përfaqësuesve.

Kjo i bën jehonë asaj që shumë zyrtarë aktualë dhe të mëparshëm të inteligjencës po paralajmërojnë gjithnjë e më shumë: rrjeti amerikan i spiunazhit me një buxhet prej prej 90 miliardë dollarësh po mbetet pas, sepse nuk ka përqafuar mbledhjen e inteligjencës nga burimet e hapura, ndërsa kundërshtarët, përfshirë Kinën, i kanë shtojnë përpjekjet e tyre në këtë drejtim.

Kjo nuk e zvogëlon rëndësinë e inteligjencës tradicionale. Agjencitë e spiunazhit kanë fuqi unike për të depërtuar në komunikimet globale dhe për të rekrutuar agjentë. Kjo u pa qartë kur administrata Biden bëri publike përfundimin e saktë të inteligjencës se presidenti rus Vladimir Putin synonte të pushtonte Ukrainën.

Por zyrtarët dhe ekspertët shqetësohen se SHBA-ja nuk ka investuar sa duhet fonde, apo njerëz për të analizuar të dhënat e disponueshme publikisht, ose për të përfituar nga teknologjitë e avancuara, që mund të japin njohuri kritike. Imazhet nga satelitët, mediat sociale dhe të dhëna të tjera në internet, u kanë dhënë kompanive private dhe analistëve të pavarur aftësi të reja për të zbuluar sekretet zyrtare. Kina dihet se ka vjedhur ose ka fituar kontroll mbi një sasi të madhe të dhënash për amerikanët, me shqetësimet në rritje në Uashington për ndikimin e Pekinit mbi aplikacionet e përdorura gjerësisht si TikToku.

“Përdorimi i informacionit nga burime të hapura është tregues i aftësive të komunitetit të inteligjencës për të mbrojtur vendin”, thotë Kristin Wood, një ish-zyrtar i lartë në CIA, i cili tani është shef ekzekutiv në kompaninë Grist Mill Exchange, një platformë komerciale të dhënash. “Ne kolektivisht si komb nuk po përgatisim një mbrojtje për armët që kundërshtarët tanë po grumbullojnë.”

Agjencitë e inteligjencës përballen me disa pengesa për përdorimin e informacionit nga “burimet e hapura”. Disa janë teknologjike. Oficerët që punojnë në rrjete sekrete shpesh nuk janë në gjendje të hyjnë lehtësisht në internetin normal, ose tek burimet e hapura të të dhënave, për shembull. Ekzistojnë gjithashtu shqetësime për liritë civile dhe mbrojtjen e të drejtave sipas Amendamentit të Parë.

Por disa ekspertë gjithashtu shtrojnë pyetjen nëse agjencitë pengohen nga mentaliteti se informacionet tepër-sekrete janë më të vlefshme.

Ligjvënësi Jim Himes, demokrat nga shteti i Kënektikatit dhe anëtar për vite të tëra i Komisionit të Inteligjencës në Kongres, tha se duhet të bëhen “disa ndryshime në kulturën e punës së institucioneve si CIA, ku njerëzit janë të kënaqur të vjedhin sekrete kritike dhe jo të vëzhgojnë faqet e mediave sociale”.

Në një test të zhvilluar nga Agjencia Kombëtare e Inteligjencës Gjeohapësinore në vitin 2017, një ekip specialistësh konkurroi kundër një kompjuteri të programuar me algoritme për të identifikuar vendet kineze të raketave tokë-ajër duke përdorur imazhe komerciale.

Si njerëzit, ashtu edhe kompjuteri, identifikuan 90% të vendeve, sipas profesores së Universitetit të Stanfordit, Amy Zegart në librin “Spiunë, gënjeshtra dhe algoritme”, por kompjuterit iu deshën vetëm 42 minuta, ndërsa ekipit njerëzor iu desh një kohë 80 herë më e gjatë.

Raportet e krijuara duke përdorur satelitë komercialë, postimet në internet dhe burime të tjera të hapura – si analizat e përditshme mbi taktikat ushtarake ruse dhe ukrainase të publikuara nga Instituti për Studimin e Luftës – lexohen gjerësisht nga ligjvënësit dhe zyrtarët e inteligjencës.

“Ka shumë mundësi nga shfrytëzimi i informacioneve nga burime të hapura mbi të cilat komuniteti i inteligjencës amerikane mund të mbështetet për të qenë i pranishëm,” tha Frederick Kagan, një bashkëpunëtor i lartë në Institutin “American Entreprise” që mbikëqyr krijimin e raporteve të tilla. “Ajo që duhet të bëjë, është të kuptojë se si ta shfrytëzojë këtë ekosistem në vend që të përpiqet ta blejë atë”.

Shumica e 18 agjencive amerikane të spiunazhit kanë programe që përdorin të ashtuquajturin burim i hapur. Por zyrtarët e lartë e pranojnë se analizimi i të informacioneve nga këto programe nuk është në nivelin e duhur, ose nuk ndahet siç duhet.

“Ne nuk po i kushtojmë vëmendje të mjaftueshme njëri-tjetrit dhe nuk po mësojmë nga përvoja në pjesë të ndryshme të komunitetit të inteligjencës dhe nuk po zgjerojmë njohuritë”, tha Avril Haines, drejtoreshë e zbulimit kombëtar. “Dhe ne nuk po përfitojmë nga ekspertiza dhe informacioni i jashtëm dhe puna që mund të përfitohet”.

Agjencia “Open Source Enterprise” me seli pranë CIA-s është pasardhëse e Shërbimit të Informacionit të Transmetimeve të Huaja, ku për breza me radhë punonjësit monitoronin transmetimet e vendeve të tjera për përkthyer ato për analistët amerikanë.

Pjesa më e madhe e asaj pune u transformua gjatë dekadës së fundit. Aty ku njerëzit dikur duhej të udhëtonin në distanca të largëta për të marrë kasetat e transmetimeve në radio në vende ku amerikanët nuk ishin të mirëpritur, sensorët transmetojnë tani automatikisht sinjalet. Dhe përkthimi përmes aplikacioneve ka zënë tani kryesisht vendin e njerëzve që duhej të dëgjonin kasetat dhe t’i transkriptonin ato.

Por zyrtarët e pranojnë se duhet të bëjnë më shumë.

Zonja Haines ka filluar të bëjë analiza të shumta të informacionit nga burimet e hapura, që kur u bë drejtoreshë e inteligjencës kombëtare dhe pritet të finalizojë rekomandimet e saj këtë vit.

Nuk ka konsensus nëse SHBA duhet të krijojnë një agjenci, apo qendër të re për informacionet me burim të hapur. Mbështetësit thonë se një organizatë e re mund të përqendrohet në adoptimin e teknologjive të avancuara dhe krijimin e produkteve më të dobishme, ndërsa kundërshtarët shtrojnë pyetjen nëse një gjë e tillë do të ishte fryrje e panevojshme duke thithur burime nga agjencitë e tjera.

Prokurori i Përgjithshëm Merrick Garland emëroi të enjten një prokuror të posaçëm për të hetuar se si u gjendën dokumentat e klasifikuara në ish-zyrën në Uashington të Presidentit Joe Biden, si dhe në shtëpinë e tij në Wilmington, Dellauer.

Zoti Garland, që mban detyrën e zyrtarit më të lartë ligjzbatues në qeverinë amerikane, përzgjodhi prokurorin e karrierës Robert Hur, ish-prokuror kryesor federal në shtetin Merilend. Zoti Hur ka shërbyer edhe si zyrtar i lartë në Departamentin e Drejtësisë gjatë administratës së presidentit pararendës republikan Donald Trump.

Vendimi i zotit Garland pason caktimin e tij më herët të prokurorit të posaçëm Jack Smith për të bërë një hetim të ngjashëm ndaj zotit Trump. Për disa muaj, ish-presidenti nuk kishte dorëzuar dokumentat e klasifikuara në Administratën për të Dhënat dhe Arkivat Kombëtare, siç parashikohet në legjislacionin amerikan, kur la detyrën dy vite më parë dhe i dërgoi ato në Mar-a-Lago, rezidencën e tij në Florida, ku tashmë edhe banon.

Zoti Garland u tha gazetarëve në Departamentin e Drejtësisë se caktimi i prokurorit të posaçëm Hur “nënvizon për publikun përkushtimin e departamentit si ndaj pavarësisë ashtu edhe llogaridhënies për çështje veçanërisht të ndjeshme”.

Disa zyrtarë republikanë kishin bërë thirrje që zoti Garland të caktonte një prokuror të posaçëm për të hetuar presidentin demokrat.

Kryetari i ri i Dhomës së Përfaqësuesve, Kevin McCarthy, tha në një konferencë për shtyp në Kapitol se “mendoj që Kongresi duhet ta hetojë këtë. Nuk mendoj se ndonjë amerikan beson se drejtësia nuk duhet të jetë njësoj për të gjithë”.

Si prokuror i posaçëm, 49-vjeçari Hur do të ketë më shumë pavarësi se një prokuror i zakonshëm federal, për të hetuar se si janë trajtuar dokumentat e klasifikuara nga zoti Biden kur ai la detyrën e nënpresidentit në fillimet e vitit 2017. Sidoqoftë, prokurori i raporton drejtpërsëdrejti zotit Garland.

Janë zbuluar dy grupe dokumentash të klasifikuara të lidhura me zotin Biden. Janë rreth 10 dokumenta në Qendrën Penn Biden për Diplomacinë dhe Angazhimin Global, një organizatë kërkimore në Uashington që zoti Biden ndihmoi të krijohej pas tetë vitesh si zëvendës i ish-Presidentit Barack Obama. Një tjetër koleksion u zbulua në shtëpinë e zotit Biden në Wilmington, shumica e tyre, përveç një dokumenti, u gjendën në garazh. Dokumenti tjetër u gjend në një dhomë ngjitur.

Avokatët personalë të Presidentit Biden i dorëzuan menjëherë materialet në Arkivat Kombëtare, që kanë përgjegjësinë për ruajtjen dhe mbrojtjen e të dhënave presidenciale.

Rasti i Presidentit Biden ka dallim domethënës me hetimin për trajtimin e dokumentave të klasifikuara nga ish-Presidenti Trump. Ai u largua nga Uashingtoni në fillimet e vitit 2021 së bashku me qindra dokumenta të klasifikuara, disa prej të cilave rrjedhimisht i dorëzoi pas kërkesave të Arkivave Kombëtare, ndërsa FBI-ja mori dhjetëra të tjera në muajin gusht gjatë një kontrolli të autorizuar nga gjykata në zyrën e tij, në një mjedis arkivi dhe dhoma të tjera në Mar-a-Lago.

Zoti Garland emëroi fillimisht zotin John Lausch, një prokuror kryesor në Çikago dhe i emëruar nga Presidenti Trump, për të shqyrtuar dokumentat e zotit Biden. Zoti Garland tha se zoti Lausch kishte rekomanduar një javë më parë që të caktohej një prokuror i posaçëm.

Hetimi i prokurorit të posaçëm Hur do të shqyrtojë nëse “ndonjë person apo entitet ka shkelur ligjin në lidhje me këtë çështje”, tha zoti Garland.

Pas emërimit të zotit Hur, Shtëpia e Bardhë tha se do të vazhdojë të bashkëpunojë me hetimin.

“Kemi besim se një shqyrtim i hollësishëm do të tregojë se këto dokumenta janë vendosur gabimisht, dhe se presidenti dhe avokatët e tij vepruan menjëherë sapo u zbulua ky gabim”, thuhet në deklaratën e Shtëpisë së Bardhë.

Disa orë përpara emërimit të prokurorit Hur, një këshilltar i posaçëm ligjor i Presidentit Biden, tha se pasi dokumentat e para u gjendën në Qendrën Penn Biden, avokatët e tij kërkuan në të gjitha vendndodhjet e tjera ku mund të ishin dërguar dokumenta.

Zoti Sauber njoftoi në një deklaratë se avokatët e zotit Biden bënë kërkime edhe në shtëpinë e tij të pushimit pranë Oqeanit Atlantik në plazhin Rehoboth, në Dellauer, por nuk gjetën gjë.

Zoti Sauber tha se Departamenti i Drejtësisë “u njoftua menjëherë” pasi dokumentat u gjendën në Wilmington dhe se dokumentat iu dorëzuan juristëve të departamentit.

Duke folur me gazetarët të enjten, Presidenti Biden u përpoq të ulë rëndësinë e zbulimeve, me sa duket në përpjekje për të bërë dallimin e rastit të tij me mosmarrëveshjen disamujore mes ish-Presidentit Trump dhe Arkivave Kombëtare për dokumentat e klasifikuara që u transferuan për në Mar-a-Lago.