Kryetari i Bashkisë së Nju Jorkut, Bill de Blasio ndaloi udhëtimet jo urgjente në qytet, pas orës 2:30 pasdite, ndërsa stuhia masive vazhdon në pjesën lindore të Shteteve të Bashkuara duke krijuar kushte që meteorologët i kanë konsideruar me rrezik për jetën.
Zoti de Blasio bëri thirrje gjithashtu thirrje për mbylljen e dyqaneve dhe restoranteve.
Ai shtoi se ata që nuk largohen nga rrugët, mund të përballen me arrestim.
Stuhia Jonas goditi rëndë një pjesë të madhe të Shteteve të Bashkuara me një trashësi prej 60 centimetrash borë në zonën e Uashingtonin.
Deri në 85 milionë veta janë në zonën ku po kalon stuhia dhe qindar dhe mijëra persona janë pa energji elektrike dhe mijëra të tjerë janë bllokuar pasi stuhia paralizoi trafikun rrugor, hekurudhor dhe ajror përgjatë bregut lindor të Shtetet të Bashkuara.
Sipas parashikimeve të motit, bora do të vazhdojë deri në orët e para të së dielës, duke e kthyer stuhinë ndër më të mëdhatë e regjistruara ndonjëherë.
Banorëve u është bërë thirrje të mos dalin jashtë, ndërsa era intensifikohet dhe arrin shpejtësinë 80 km në orë duke e bërë udhëtimin edhe më të rrezikshëm.
Për Uashingtonin, duket se vala më e vështirë ka kaluar, megjithëse bora vazhdon me një trashësi dëbore prej 58 centimetrash në Poolesville të Merilendit, në veri të kryeqytetit të vendit.
Shkollat u mbyllën të premten jo vetëm në Uashington dhe në Virginia dhe Maryland. Edhe zyrat federale u mbyllën dje në mesditë. Autoritetet madje mbyllën edhe sistemin e transportit publik, një masë e jashtëzakonshme.
Kjo stuhi mund të jetë një nga 10 më të fuqishmet që është regjistruar ndonjëherë në qytet.
Të paktën nëntë persona kanë vdekur deri tani në gjithë vendin si rezultat i stuhisë që po zhvendoset ngadalë dhe që ka prekur një rajon nga Georgia në New England.
Në 10 shtete është shpallur gjendja e jashtëzakonshme.
Në shkallë vendi, të paktën 6,300 fluturime u anulluan dhe mijëra të tjera patën vonesa.
Uashingtoni dhe pjesa më e madhe e Bregdetit Lindor të Shteteve të Bashkuara janë përfshirë nga një stuhi e madhe dimri, e cila pritet të sjellë deri në 60 centimetra borë në rajon.
Mbi 50 milionë njerëz në disa shtete janë paralajmëruar që të qëndrojnë në shtëpi. Së paku nëntë veta janë raportuar të vdekur në aksidente automobilistike në Karolinën e Veriut, Virxhina, Kentaki dhe Tenezi.
Përpara stuhisë, kryetari i Uashingtonit, Muriel Bowser, ka shpallur gjendje të jashtëzakonshme dhe ka mbyllur shkollat lokale të premten.
“Stuhia ka implikime të jetës dhe vdekjes dhe të gjithë banorët në Distriktin e Kolumbisë duhet ta trajtojnë si të tillë”, ka thënë ai.
Zyrat qeveritare në kryeqytet po ashtu janë mbyllur. Presidenti i Shteteve të Bashkuara, Barack Obama, ka mbetur në Shtëpinë e Bardhë.
Autoritetet kanë ndërmarrë edhe një hap të rrallë, duke mbyllur sistemin e metrosë.
Bora në Uashington ka kaluar tashmë 25 centimetra, ndërsa kulmin do ta arrijë të dielën, kur meteorologët parashohin deri në 60 centimetra.
Ata kanë thënë se stuhia e borës mund të jetë në mesin e dhjetë më të këqijave në histori.
Gjendje e jashtëzakonshme është shpallur në së paku dhjetë shtete, nga Arkansas në jug deri në Masaçusets në verilindje.
Së paku 7,600 fluturime janë anuluar, ndërsa mijëra të tjera janë vonuar.
Në Nju Jork, meteorologët kanë thënë se bora mund të arrijë në 45 centimetra.
“Çdo ngasje e panevojshme e makinave duhet të shmanget. Nëse nuk është urgjente, qëndroni larg rrugëve”, ka porositur guvernatori i Nju Jorkut, Bill de Blasio.
Zonat e ulëta të Nju Jorkut dhe Nju Xhërsit – disa prej të cilave janë ende në rindërtim si pasojë e super-stuhisë Sandy në vitin 2012 – mund të përballen me përmbytje, kanë paralajmëruar zyrtarët.
Moti i ftohtë vjen në kontrast të madh me temperaturat e buta që kanë mbizotëruar këtë dimër në Bregdetin Lindor të SHBA-së.
Më 24 dhjetor, Shërbimi Kombëtar i Motit ka raportuar se temperaturat në Parkun Qendror të Nju Jorkut kanë arritur në 22 gradë Celsius, çfarë ka qenë niveli më i lartë për atë ditë qysh në vitin 1871.
Super-stuhia dimërore, etiketuar edhe si stuhia monstër ka përparuar drejt brigjeve lindore të Shteteve të Bashkuara të Amerikës. Banorët janë lajmëruar se ajo do të sjellë reshje rekord bore deri në 60 cm trashësi.
Mbi 50 milionë vetë janë paralajmëruar mbi rrezikun e stuhisë paralizuese që pritet ta godasë rajonin duke ju kërkuar që të qëndrojnë në shtëpi.
Sipas parashikimeve, cituar edhe nga BBC, deri të dielën, kur stuhia pritet që të kalojë, pritet që në Uashington të shënohet një rekord i ri i reshjeve të dëborës dhe të shkojë deri në 76 centimetra, klasifikuar si më i larti edhe se rekordi i janarit 1922.
Mediat amerikane raportojnë se tetë persona kanë vdekur, gjashtë shtete kanë shpallur gjendjen e jashtëzakonshme, ndërsa me qindra fluturime janë anuluar.
***
Më shumë se 3.000 fluturime janë anuluar në të gjithë vendin pasi aeroportet e kanë të pamundur që të vijojnë punën me motin e ashpër që ka goditur vendin, teksa parashikohet që dëbora mund të arrijë edhe në mbi dy metra brenda disa orëve.
Një gjendje e jashtëzakonshme është shpallur në të gjithë Bregdetin Lindor të Amerikës teksa ajo po përgatitet për të pritur një nga stuhitë më të ashpra në historinë e saj.
Në Washington, DC, dëbora ka arritur mbi një metër dhe autostrada përreth kryeqytetit është bllokuar.
Shërbimi Kombëtar i Motit ka paralajmëruar se kjo është vetëm maja e ajsbergut, pasi agjencia lëshoi një alarm të kuq për rajonin dhe tha se kushtet atmosferike të orëve të ardhshme mund të jenë të rrezikshme për jetën në pjesën më të madhe të vendit.
Një gjendje e jashtëzakonshme është shpallur në Uashington dhe në pesë shtete: Tennessee, North Carolina, Virginia, Maryland, Pennsylvania. Në Virxhinia, Garda Kombëtare tha se kishte planifikuar për të sjellë 300 trupa ushtarake për të ndihmuar nëse do të ishte nevoja. Kjo është quajtur stuhia monstër.
Banorët e bregut lindor të SHBA po përgatiten për të përballuar një stuhi të madhe bore që pritet të vazhdojë deri të dielën në mëngjes.
Dëbora e madhe parashikohet të prekë të paktën 15 shtete, dhe të ketë përmasa historike në Uashington, Baltimorë dhe Nju Jork. Shërbimi sinoptik parashikon 30 deri 90 centimetra dëborë.
Banorët janë paralajmëruar gjithashtu për erëra të forta, ngrica dhe përmbytje në zonat bregdetare. Shqetësime ka sidomos në qytetet e mëdha, ku edhe një sasi e vogël bore mund të shkaktojë kaos.
Rrugët kryesore janë trajtuar me solucion kripe, ndërsa banorët po nxitojnë për të blerë ushqime në prag të stuhisë. Në dyqane është bërë e vështirë të gjesh kripë për rrugët dhe lopata bore.
“Malli që ka lëvizur më shumë kanë qenë lopatat. Na janë mbaruar thuajse të gjitha, kanë mbetur vetëm tre ose katër,” thotë Derek Station në Virginia.
Drejtuesit e qyteteve po marrin masa për të mos u kapur në befasi dhe po i këshillojnë banorët të bëjnë të njëjtën gjë.
“Tregohuni të arsyeshëm, qëndroni në shtëpi të shtunën edhe nëse duhet të udhëtoni për diku. Hiqini makinat nga rruga sepse kjo ua bën më të lehtë mjeteve që pastrojnë borën. Nëse në rrugë ka makina të parkuara kjo na pengon t’i pastrojmë,” thotë Anthony Santino i qytetit Hempstead të Nju Jorkut.
Disa qytete dhe shtete kanë shpallur gjendjen e jashtëzakonshme, duke filluar që nga premtja në mbrëmje.
“Përparësia kryesore është siguria e njerëzve,” thotë guvernatori i Merilendit.
Banorët e kryeqytetit janë sidomos të preokupuar, sepse Uashingtoni paralizohet qoftë edhe me pak mot të keq. Mbrëmjen e së mërkurës ra vetëm 5 centimetra borë dhe kjo mjaftoi për të bllokuar shumë makina në rrugët kryesore. Madje kishte njerëz që i braktisën mjetet në anë të rrugës.
Disa banorëve të periferive iu deshën orë të tëra për të arritur në shtëpi. Rrugët ishin të rrëshqitshme dhe kjo u bë shkak për shumë aksidente, duke e detyruar kryebashkiaken Muriel Bowser të kërkonte ndjesë.
Në Uashington, transporti publik do të jetë i mbyllur gjatë stuhisë së dëborës, madje edhe pasi rrugët kryesore të jenë pastruar, dhe trafiku do të jetë i vështirë për një farë kohe.
Voal – Zvicër, Davos – Sekretari amerikan i Shtetit John Kerry i bëri sot thirrje bashkësisë ndërkombëtare të dyfishojë përpjekjet për të zgjidhur krizën humanitare nga vala e refugjatëve të luftës dhe për të ndihmuar viktimat e konflikteve duke iu kundërvënë kërcënimit të terrorizmit në rrënjët e problemit.
Në komentet në Forumin Ekonomik të Davosit në Zvicër, Sekretari Kerry njoftoi se Presidenti Obama do të organizojë një takim në Kombet e Bashkuara në Nju Jork në përgjigje të krizës globale të refugjatëve. Synimi do të jetë shtimi i numrit të vendeve që i janë përgjigjur apelit të OKB-së për të ofruar ndihma humanitare dhe për të strehuar familjet në nevojë.
Shtetet e Bashkuara kanë njoftuar planet për të pranuar 85 mijë refugjatë brenda nëntorit dhe 100 mijë të tjerë vitin e ardhshëm./VOA
Voal – Pamjet e tilla sa vijnë e shtohen e për njerëzimin pyetjet se a ekzistojnë me të vërtetë këto krijesa, shpeshtohen.
Por kërkuesit e së vërtetës pretendojnë se 2016 mund të jetë viti kur njerëzimi do të mësojë të vërtetën e misterit më të madh në histori.
Deklarata e ish sekretares së SHBA’ve në fund të vitit të kaluar se: ‘Mendoj se ne mund të jemi vizituar tashmë, por nuk e dimë me siguri’, vetëm sa i shtoi dyshimet.
Hulumtuesi i zbulimit të UFO’ve Stephen Basset pohon se viti 2016 do të jetë viti i së vërtetës për misterin e jashtëtokësorëve, transmeton Express.
Besset pretendon se ka siguruar disa informacione se biznesmeni Laurance Rockefeller ka diskutuar me administratën e Bill Cllinton mbi ‘disponueshmërinë potenciale të informacioneve qeveritare’ për UFO’t.
Rockefeller i ka kërkuar ish-presidentit Bill Cllinton që çështja e UFO’ve të mos mbetet në sirtarët e Qeverisë amerikane ngase populli dëshiron të informohet për këtë të vërtetë.
Të njëjtën çështje e ka ngritur tashmë edhe Basset tek ish-sekretarja Clinton. Thotë se bazuar në ambiciet e saj për të udhëhequr Shtëpinë e Bardhë, do të linte një trashëgimi të admirueshme po të zbulonte të vërtetën rreth UFO’ve.
“Njerëzit kanë humbur besimin në Qeveritë që i trajtojnë ata si fëmijë me listën e gjatë të çështjeve që janë të ndaluara t’i pyesin”, shtoi Basset.
Pamje nga prova e raketës balistike të Iranit në tetor të vitit të kaluar
Shtetet e Bashkuara kanë shpallur sanksione të reja kundër kompanive iraniane dhe individëve të ndërlidhur me programin raketor balistik iranian, një ditë pasi sanksionet e ndërlidhura me programin atomik janë tërhequr.
Sanksione janë imponuar kundër pesë shtetasve të Iranit dhe një rrjeti të kompanive me seli në Emiratet e Bashkuara Arabe dhe Kinë, ka njoftuar sot Departamenti amerikan i thesarit.
Ekspretët e Kombeve të Bashkuara në muajin dhjetor kanë raprtuar se prova e raketës balistike me rreze të mesme veprimi në muajin tetor ishte shkelje e sanksioneve, me të cilat Iranit nuk i lejohet lansimi i raketave të afta për bartjen e kokave atomike.
Agjencia Reuters ka raportuar se sipas zyrtarëve të afërt me këtë çështje, presidenti i Shteteve të Bashkuara, Barack Obama, i kishte shtyrë sanksionet për më tepër se dy javë, gjatë negociatave të tensionuara për lirimin e pesë të burgosurve amerikanë.
Sekretari amerikan i Mbrojtjes, Ash Carter, ka njoftuar se gjenerali aktual që i udhëheq operacionet e forcave speciale, do të emërohet në cilësinë e komandantit të radhës për Lindjen e Mesme.
Gjeneral armate Joseph Votel, do ta marrë përsipër udhëheqjen e Komandës Qëndrore amerikane. Në këtë cilësi ai do t’i mbikqyr operacionet ushtarake në Siri dhe Irak kundër grupit militant Shteti Islamik.
Ai do ta zëvendësojë Lloyd Austin, i cili ka mbushur moshën e pensionimit
Carter e ka bërë me dije vendimin në selinë e Komandës Qendrore në Tampa, teksa po qëndronte së bashku me Votel.
Carter ishte në Tampa për tu takuar me komandantët e tij në lidhje me luftën ndaj Shtetit Islamik.
Votel, 57 vjeçar, është një veteran në luftrat e Irakut dhe Afganistanit.
Para se të emërohej në krye të Komandës së Operacioneve Speciale në vitin 2014, ai e ka udhëhequr Komandën e Fshehtë për Operacione Speciale.
Presidenti Obama bëri thirrje për përparime më të shpejta në shkencë dhe në zhvillimin e burimeve të pastra të energjisë. Ai tha se SHBA-të mund të bëhen vendi që do të kurojë kancerin një herë e përgjithmonë. “Vitin e kaluar, nënpresidenti Biden tha se me një përpjekje të re si ajo me të cilën u dërgua njeriu në Hënë, Amerika mund të kurojë kancerin. Sonte, unë po shpall një përpjekje të re kombëtare për ta bërë këtë. Meqë Joe Biden ka marrë mbi vete një numër betejash në emër të të gjithëve, ne gjatë një pune 40-vjeçare, do ta vëmë atë në krye të këtij misioni. Për të gjithë njerëzit e dashur që kemi humbur, për familjen që ne ende mund ta shpëtojmë, le ta bëjmë Amerikën vendin që do të shërojë kancerin një herë e përgjithmonë”, tha Presidenti.
Nënpresidenti Joe Biden, i cili, siç e tha presidenti, ka bërë një fushatë të fortë për të mobilizuar një vëmendje më të madhe në luftë ndaj kancerit, pati djalin e tij të madh, i cili vdiq vjet nga një tumor në tru.
Zoti Obama po ndjek shembullin e presidentëve të mëparshëm që me një nismë të fuqishme kanë realizuar ndryshime historike, siç ishte rasti i Presidentit Kennedy dhe deklaratës së tij për të dërguar njeriun në Hënë. Apo Presidenti George W. Bush që ndihmoi Afrikën të vërë nën kontroll epideminë e SIDA-s.
Nisma e Presidentit Obama vjen në një kohë kur shkenca ka shënuar suksese të mëdha jo vetëm në njohjen dhe kontrollin e disa llojeve të kancerit, por edhe në kurimin e plotë të disa prej tyre. Në pjesën e dytë të ciklit mbi luftën kundër kancerit, njihemi me disa nga kurat më premtuese për parandalimin dhe shërimin e kësaj sëmundjeje.
Zv.Presidenti propozoi marrjen e dy masave: 1) Të rriten burimet, si private ashtu edhe publike, për të luftuar kancerin. 2) Të rrëzojmë barrierat dhe të bashkojmë të gjithë studiuesit e kancerit bashkë, që të bashkëpunojnë, të ndajnë informacione dhe ta bëjnë kancerin pjesë të së shkuarës.
Presidenti amerikan Obama tha se njerëzit në botë kur kanë probleme të mëdha nuk shikojnë Pekinin, apo Moskën si lider, por shikojnë Uashingtonin
UASHINGTON – Presidenti i Shteteve të Bashkuara të Amerikës (SHBA), Barack Obama mbrëmë në Kongresin amerikan mbajti fjalimin e tij të fundit tradicional para opinionit lidhur me gjendjen e kombit, gjatë të cilës i bëri thirrje Kongresit në punë të përbashkët me qëllim që SHBA-ja të jetë shteti më i fortë dhe më stabël.
Mandati i Obamës në Shtëpinë e Bardhë skadon këtë vit, andaj fjalimin para Kongresit e filloi me një shaka se do të tentojë që fjalimi i tij i fundit për gjendjen e kombit të jetë më i shkurtër se ata të viteve paraprake.
Ekonomia, politika e jashtme, lufta kundër terrorizmit dhe vlerat amerikane ishin temat kryesore të fjalimit një orësh të Obamës, ndërsa theksoi se ekonomia amerikane gjatë mandatit të tij ka realizuar suksese të mëdha gjatë qëndrimit të tij shtatëvjeçarë në Shtëpinë e Bardhë.
“Besoj në ndryshime sepse besoj tek ju. Për atë shkak qëndroj këtu i bindur se kombi ynë është më i fortë se kurrë”, tha Obama duke i cilësuar si të pabaza kritikat e oponentëve politik të cilët pohonin se ekonomia amerikane po stagnon.
Ulja e papunësisë për 50 përqind dhe ulja e deficitit buxhetor për tre të katërtat i konsideron si një nga sukseset më të mëdha të administratët së tij kur është në pyetje ekonomia.
“SHBA-të momentalisht janë ekonomia më e fuqishme dhe më stabile në botë. Ata që pohojnë se shënojmë rënie ekonomike, në fakt shesin mjegull”, tha Obama.
Ai paralajmëroi se sivjet do të bëhen përpjekje të mëdha për reforma në sistemin administrative, që përfshinë edhe uljen e çmimit të arsimit të lartë dhe vendosjen e vijimit falas të shkollit shtesë dyvjeçarë, me ç’rast mori ovacione në Kongres, kryesisht nga pjesa e rezervuar për përfaqësuesit e radhëve të demokratëve. aa
Voal – Miqësia mes Presidentit të SHBA-ve, Barack Obama dhe Zv.Presidentit Joe Biden, është mjaft e fortë. Ata drekojnë së bashku çdo javë. Shpesh herë edhe veshin kravatat të ngjashme.
Gjithashtu familjet e tyre shkojnë bashkë në pushime. Obama gjithashtu ka mbajtur fjalimin mortor në varrimin e djalit të Joe Biden, i cili vdiq nga kanceri vitin e kaluar.
Biden tregoi se sa e thellë është miqësia e tyre. Ai nënvizoi në rrëfimin e tij se si Obama i ofroi atij para gjatë sëmundjes së djalit të tij, Beau.
Më pas, Biden tregoi se i tha Presidentit, se duhet ta shesë shtëpinë e tij, sepse i duheshin paratë për shërimin e djalit. Por ai tha se, Obama nuk e përkrahu për këtë.
“Ai u ngrit në këmbë dhe më tha: Nuk do ta shesësh atë shtëpi. Më premto se nuk do ta shesësh shtëpinë”. “Unë do të t’i jap paratë e nevojshme, çfarë do që të duhet, por më premto se nuk do ta shesësh shtëpinë… Mos e bëj Joe… Më premto se nuk do ta bësh”, ka rrëfyer Joe Biden në një intervistë për CNN.
Shpërblimi në vlerë prej 900 milionë dollarësh “Powerball” lotari në SHBA ende nuk e ka gjetur pronarin e saj
UASHINGTON – Shpërblimi në vlerë prej 900 milionë dollarësh “Powerball” e lotarisë në Shtetet e Bashkuara të Amerikës (SHBA) ende nuk e ka gjetur pronarin e saj. Shuma e shpërblimit në raundin e ardhshëm pritet të arrijë në 1.3 miliardë dollarë, që mund të jetë shpërblimi më i madh në historinë e lojërave të fatit në SHBA. Askush deri tani nuk i ka patur gjashtë numrat e nevojshëm, ndërsa tërheqja e re do të bëhet të mërkurën.
“Powerball” është një nga lojërat e fatit më të popullarizuar në SHBA, ndërsa për të fituar “Jackpot” duhet të “qëllohen” të gjithë gjashtë numrat dhe radhitja e tyre.
Tërheqja do të organizohet të mërkurën dhe të shtunën në mbrëmje.
Sipas statistikave shansi për të fituar është 292.200.000:1. Deri sot shpërblimi më i lartë ka qenë 656 milionë dollarë. Shpërblimin në mars të vitit 2012 e kanë ndarë tre persona.
Autoritetet në shtetin jugor të Floridës kanë arrestuar një person të akuzuar për vandalizimin e një xhamie me hanxhar, duke lënë produkte derri në vendin e ngjarjes.
Michael Scott Wolfe, 35 vjeç, u arrestua të hënën në Titusville të Floridës. Ai akuzohet për dëmtim kriminal të një ndërtese kulti, një krim i shkallës së tretë. Është e paqartë nëse ndaj tij do të ngrihen akuza për krim me motive urrejtjeje, i cili shoqërohet me dënime më të ashpra.
Autoritetet thonë se mbrëmjen e 1 janarit, Wolfe hyri në Xhaminë Al-Munin të Shoqërisë Islame të Floridës Qendrore dhe përdori një hanxhar për të thyer dritaret, dritat dhe kamerat.
Ai është akuzuar gjithashtu për vendosjen në derën e përparme të një proshute dhe disa produkteve të tjera prej derri, që janë të ndaluara në fenë islame.
Arrestimi i tij vjen në klimën e shtimit të vandalizmave ndaj xhamive në të gjithë vendin.
Presidenti i Shteteve të Bashkuara, Barack Obama, do që të zgjerojë kontrollin e biografisë së blerësve të armëve, në përpjekje për të adresuar dhunën me armë.
Planet do të shpallen sot nga presidenti, pavarësisht kundërshtimeve të Kongresit për ligje të reja për armë.
Të gjithë shitësit që operojnë online ose në dyqane do të detyrohen të bëjnë kontrolle të biografisë së blerësve potencialë.
Republikanët i kundërshtojnë fuqishëm këto masa, por presidenti Obama ka thënë se ato do të jenë brenda autoritetit të tij ligjor dhe në përputhje me Amendamentin e Dytë të Kushtetutës, i cili u siguron amerikanëve të drejtën për të bartur armë.
Të hënën, Obama ka marrë rekomandime nga prokurorja e përgjithshme, Loretta Lynch, drejtori i Byrosë Federale të Hetimeve (FBI), James Comey, dhe zyrtarë të tjerë të lartë të zbatimit të ligjit.
Protestuesit e armatosur pohojnë se janë rreth 150 qytetarë dhe se në ndërtesën e okupuar do të mbesin derisa Gjykata nuk heq dorë nga paraburgimi i sërishëm i bashkëqytetarëve të tyre Dwighta dhe Steven Hammond
UASHINGTON – Një grup i protestuesve të armatosur tashmë prej dy ditësh mbajnë nën pushtim ndërtesën e autoriteteve federale amerikane në Oregon në shenjë proteste për shkak të një vendimi gjyqësor.
E gjithë kjo situatë ka ndodhur kur dy fermerëve u është vazhduar dënimi me burg të cilin e kanë vuajtur, për shkak të aktvendimit se qëllimisht kanë shkaktuar zjarr në vitin 2012.
Disa mijëra banorë të qytetit Murns në shtetin federal Oregon para dy ditëve u tubuan në demonstrata të qeta në shenjë mbështetjeje ndaj dy bashkëqytetarëve, ndërsa një grup protestuesish të armatosur ka hyrë dhe pushtoi kompleksin e Shërbimit për mbrojtjen e peshqve dhe kafshëve të egra.
Protestuesit e armatosur pohojnë se janë rreth 150 qytetarë dhe se në ndërtesën e okupuar do të mbesin derisa Gjykata nuk heq dorë nga paraburgimi i sërishëm i bashkëqytetarëve të tyre Dwighta dhe Steven Hammond. aa
Për 75 vitet e fundit, udhëheqës dhe profesionistë të rinj nga e gjithë bota, kanë ardhur në Shtetet e Bashkuara, për t’u njohur me kulturën, politikën dhe mënyrën e jetesës amerikane, falë Programit për Udhëheqje të Vizitorëve Ndërkombëtarë. Është një program shkëmbimi profesional organizuar nga Departamenti i Shtetit me synimin për të kultivuar marrëdhënie jetëgjata. Korrespondentja e Zërit të Amerikës, Helena Djordjevic na njeh me këtë program.
Konsulenti argjentinas i biznesit, Ricardo Vanella mori pjesë në Programin e Vizitorëve Ndërkombëtarë në vitin 2010.
Ai është një nga 200 mijë udhëheqësit e ardhshëm të huaj që kanë vizituar Shtetet e Bashkuara që kur Presidenti Franklin D. Roosevelt e krijoi programin në vitin 1940.
Mbi 300 prej tyre, më pas janë bërë krerë shtetesh ose qeverish, përfshirë Margaret Thatchar, Nicholas Sarkozy dhe Felipe Calderon. Të tjerë janë bërë drejtues organizatash joqeveritare dhe të sektorit privat.
Jennifer Clinton drejton një organizatë jofitimprurëse, që menaxhon programin për Departamentin e Shtetit. Ajo thotë se dikur programi ishte tre muaj.
“Me kalimin e kohës është konsoliduar në një program trejavor, por ndikimi dhe përshtypjet që fitojnë pjesëmarrësit nga kjo përvojë, vazhdojnë të jenë shumë mbresëlënëse dhe ndryshojnë thellësisht mënyrën se si ata e shohin Amerikën, popullin dhe kulturën e saj”.
Biznesmeni francez Pascal Dupeyrat mori pjesë në program në vitin 2000, duke u përqendruar tek interneti dhe ekonomia. Amerika që pa ai ishte ndryshe nga ç’e kishte imagjinuar nga filmat dhe televizioni.
“Energjia që ndjeva në këtë vend, vërtet më ndryshoi jetën sepse pas programit, unë vendosa të ngre biznesin tim. Pra ishte një ndryshim I madh në jetën time personale”.
Pjesëmarrësit rrinë një javë më Uashington dhe dy javë në qytete të tjera.
Ricardo Vanella thotë se i ndryshoi mënyrën e të menduarit.
“Sepse takuam shumë njerëz, nga fusha të ndryshme. Do të thoja që pati ndikim edhe nga ana profesionale, pasi jo vetëm zgjerohet botëkuptimi por edhe rrjeti i kontakteve”.
Ndërsa programi festoon 75 vjetorin e tij, Jennifer Clinton thotë se financimi i tij nga Kongresi mund të përballet me vështirësi.
“Një nga prirjet që po prek Shtetet e Bashkuara, është se po ndodh një farë izolimi në mënyrën se si vendosim lidhje me botën, një fare frike nga angazhimi ndërkombëtar”.
Por ajo thotë se me shtimin e ndjenjave anti-amerikane në shumë vende, është më e rëndësishme që t’u krijohet njerëzve nga e gjithë bota mundësia për një përvojë direkte me amerikanët dhe jetën në Shtetet e Bashkuara.
Presidenti Barack Obama u intervistua nga komediani i famshëm Jerry Seinfeld për sezonin e shtatë të shfaqjes së tij në internet, “Comidians in Cars Getting Coffee”.
Shfaqja, e cila zakonisht ka si personazh Seinfeldin dhe një tjetër komedian që hipën papritur në makinë dhe shëtisin përreth duke biseduar, ndërsa ndalin për kafe, u zhvillua këtë herë në ambjentet e Shtëpisë së Bardhë.
Seinfeld tha se Obama “ka aq shumë humor sa për t’u kualifikuar” për një emision të vetin.
Në episod, të dy janë në një makinë Corvette Stingray Split të vitit 1963, që Obama e përshkroi si “një makinë të lezetshme.”
Presidenti tha se kur ai ishte fëmijë, një mik i familjes kishte një automjet të ngjashëm dhe se ishte një ëndërr e fëmijërisë së tij ta ngiste një makinë të tillë.
Të dy u ulën për disa minuta dhe biseduan brenda limuzinës presidenciale të njohur si “The Beast”, që Obama e përshkroi si një Cadillac të ndërtuar mbi kornizën e një tanku. Presidenti bëri shaka duke thënë se makina është e pajisur me aftësinë për të porositur një nëndetëse bërthamore, si dhe me ngrohje sediljesh. Pas kësaj Seinfeld u përgjigj se këto të fundit janë “shumë standarde.”
Kur u pyet nga komediani për atë që do të donte të bënte e që aktualisht nuk është në gjendje, Obama tha se do të donte dilte një shëtitje në mëngjes të shtunave dhe të takonte papritur një mik dhe të bisedonte. “Anonimiteti nuk është diçka që vlerësohet sa duhet”, tha Obama.
“Me gjithë respektin që kam,” tha Seinfeld: “Unë e mbaj mend shumë mirë kur nuk isha i famshëm. Nuk ishte aq mirë.”
Në një moment, ndërsa ata po shkonin përsëri në ndërtesë, Obama i jep një pije një anëtari të personelit, dhe thotë me shaka se ishte “një pije që e merrte në mesditë” para se të dy të shpërthenin në të qeshura.
FBI ka thënë se një person në Nju Jork, simpatizues i grupit ekstremist Shteti Islamik, është arrestuar nga policia njujorkase pasi kishte planifikuar sulm terrorist gjatë natës së Vitit të Ri.
Sipas njoftimeve, ai planifikonte të kryejë sulm terrorist në një restorant në Nju Jork me thikë, transmeton KosovaPress.
25-vjeçari Emanuel Lutchman u paraqit përpara Gjykatës Federale të enjten, ndaj të cilit ka prova se mbështeste Shtetin Islamik.
Ai ishte konvertuar në Islam, derisa kishte kaluar pesë vjet në burg për plaçkitje, derisa ai dyshohet të ketë edhe probleme mentale. /KosovaPress/
Katër agjentë të shërbimeve sekrete në Shtetet e Bashkuara, përgjegjës për sigurinë e ish-sekretares së Shtetit Hillary Clinton, kanë humbur jetën në një aksident rrugor.
Lajmin e bëjnë të ditur mediat amerikane, sipas të cilave bëhet fjalë për dy agjentë meshkuj dhe dy femra.
Sipas burimeve, ata po udhëtonin me makinë gjatë një stuhie bore, kur papritur një automjet u ka dalë përpara duke u prerë rrugën.
Banorët në shtetet amerikane Mizuri dhe Ilinoi po përballen me një nga përmbytjet më të rënda në disa dekada.
Të paktën 20 njerëz kanë humbur jetët ndërsa qindra shtëpi dhe biznese janë përmbytur nga ujrat.
Një stuhi e madhe solli reshje deri në 30 centimetra në disa zona. Autoritetet thonë se disa prita janë dalë jashtë funksionit në lumin Misisipi ndërsa disa të tjera rrezikohen ndërsa pritet rritja e prurjeve deri të premten.
Guvernatori i Mizurit ka shpallur gjendjen e jashtëzakonshme ndërsa vazhdojnë operacionet e shpëtimit dhe evakuimit.
Thirrja e fundit kandidatit republikan për president Donald Trump për të ndaluar myslimanët të hyjnë në Shtetet e Bashkuara ka nxitur myslimanët amerikanë që t’i kujtojnë kandidatit favorit republikan se edhe ata do të votojnë në zgjedhjet e ardhshme. Megjithëse shumë amerikanë pyesin pas çdo sulmi terrorist se pse myslimanët amerikanë nuk dënojnë terroristët që vrasin njerëz të pafajshëm, korrespondenti i Zërit të Amerikës, Anush Avetisyan njofton nga një xhami afër Uashingtonit, se kjo nuk është domosdoshmërisht e vërtetë:
“Ne jemi pjesë e këtij komuniteti në Amerikë. Ne jemi pjesë e shoqërisë dhe historisë amerikane”, – thotë një banor.
Në Shtetet e Bashkuara jetojnë rreth 7 milionë myslimanë, qindra prej tyre luten çdo ditë në këtë xhami në Virxhinia, pranë kryeqytetit të vendit, Uashington. Të premteve, rreth 2000 besimtarë marrin pjesë në lutje. Mes tyre ka emigrantët të rinj, amerikanë të brezit të parë, të dytë dhe të tretë.
Shumë prej tyre, thonë se sulmet e fundit terroriste të organizuara ose të frymëzuar nga Shteti Islamik kanë qenë sfiduese për myslimanët dhe përpjekjet e tyre për t’u integruar në shoqërinë amerikane pas sulmeve të 11 shtatorit, 2001.
Shumë myslimanë të cilët kanë lindur, janë rritur, dhe janë arsimuar në Shtetet e Bashkuara ndjejnë një detyrim për të luftuar përhapjen e ideve radikale në mesin e anëtarëve të komunitetit mysliman.
Anëtarët e Qendrës Islamike të Virxhinias veriore thonë se duhet të bëhen përpjekje për të afruar me komunitetin njerëzit e vetmuar dhe të izoluar që mund të radikalizohen me lehtësi dhe mund të bëhen terrorist:
“Duhet të kemi komunitete gjithëpërfshirëse që bashkojnë të rinjtë, që kanë mesazhe pozitive dhe duhet të sigurohemi që të rinjtë të kenë një vend pune dhe të kenë një rol në shoqëri në mënyrë që ata të mos bëjnë një jetë të ndarë dhe të izoluar”.
“Unë besoj se ne kemi nevojë për më shumë zëra nga komuniteti mysliman, për të treguar solidaritet dhe mbështetje për fenë tonë e cila po keqpërdoret nga grupe të gabuara njerëzish, që nuk kanë lidhje me fenë islame”.
“Grupe të caktuara njerëzish janë duke u përpjekur të përdorin fenë tonë për qëllimet e tyre. Roli ynë është ttë paralajmërojmë komunitetin tonë në përgjithësi dhe amerikanët mbi këtë problem”.
Anketat dhe studimet e viteve të fundit tregojnë se myslimanët u kanë dhënë ndihmë të rëndësishme forcave të zbatimin e ligjit në gjetjen e të dyshuarve për terrorizëm në Shtetet e Bashkuara.
Një studim i organizatës “Pew” zbuloi se afërsisht gjysma e myslimanëve amerikanë thonë se udhëheqësit e tyre fetarë nuk janë duke folur mjaft kundër ekstremizmit islamik.
“Udhëheqësit myslimanë kanë heshtur për një kohë të gjatë. Tani është koha të rimarrim fenë tonë nga njerëzit që e kanë rrëmbyer atë. Mos angazhimi ynë në këtë drejtim po bënë bujë gjithnjë e më të madhe”.
Udhëheqësi i Qendrës Islamike thotë se lutjet dhe të gjitha aktivitetet e xhamisë transmetohen drejtpërdrejt në internet dhe mund të gjenden në faqen e internetit të qendrës, në përpjekje për të arsimuar njerëzit mbi fenë islame.
Shtetet e Bashkuara e kanë kritikuar sërish Rusinë për bombardimet “pa dallim” në Siri, me ç’rast janë vrarë qindra civilë dhe janë rrezikuar bisedimet e paqes.
Zëdhënësi i Departamentit amerikan të Shtetit, Mark Toner, tha se raportet e fundit nga grupet joqeveritare që dëshmojnë për vrasjen e qindra civilëve si dhe goditjen nga ajri të objekteve mjekësore, shkollave, tregjeve, etj., janë jashtëzakonsiht shqetësuese.
Ai shtoi se sulmet ku nuk është shikuar se kush mund të jetë goditur, i ka përmendur edhe Sekretari amerikan, John Kerry, gjatë bisedimeve me Ministrin e Jashtëm rus, Sergei Lavrov.
“Ne e kemi parë një rritje të shtuar dhe shqetësuese të numrit të viktimave nga radhët e civilëve që kur Rusia e ka nisur fushatën ajrore”, tha Toner.
Kerry gjatë bisedimeve me zotin Lavrov, sipas Toner, zoti Kerry e ka ngritur shqetësimin edhe për një sulm ajror të javës së kaluar i cili e ka vrarë Zahran Alloushin, një udhëheqës i shquar sirian që ishte angazhuar për bisedimet e paqes.
“Sulmet mbi ata që mund të jenë pjesë e këtij procesi dhe sulmet që vrasin civilë të pafajshëm, minojnë përpjekjet për gjetjen e një zgjidhje politike”, tha ai.
Toner ka shtuar se shpresojnë që ky rast nuk do të dërgojë mesazh dekurajues tek liderët e tjerë opozitarë të Sirisë të cilët kanë shfaqur gatishmërinë për të marrë pjesë në procesin e bisedimeve për paqe.
Bisedimet, në mes të përfaqësuesve nga qeveria e presidentit sirian Bashar al-Assadi dhe liderëve opozitarë, pritet të fillojnë në muajin janar, ndonëse ende ka shumë pengesa.
Kandidatja udhëheqëse demokrate për presidente në SHBA, Hillary Clinton, tha se dhuna e Shtetit Islamik ndaj pakicës jazidi në Irak dhe pakicave të tjera fetare në Lindjen e Mesme, është gjenocid.
“Tashmë jam e sigurtë se kemi prova të mjaftueshme se ajo çfarë po ndodhë është gjenocid që synon të shkatërrojë jetëra njerëzish dhe të zhdukë të krishterët e pakicat e tjera”, ka thënë Clinton përmes një komunikate të lëshuar.
Ajo ka shtuar se për këtë çështje ishte pyetur edhe më herët dhe ka pohuar se tashmë ka bazë të mjaftueshme ligjore që sjelljet e Shtetit Islamik dëshmojnë për gjenocid.
Shteti Islamik i ka në cak dhe i ka vrarë pjesëtarët e pakicës jazidi, pakicë ndër më të vjetrat në Irak, si dhe pakicat e tjera fetare në rajonet që i kontrollon grupi militant në Siri dhe Irak.
Administrata Obama është duke shqyrtuar nëse do ta quajë gjenocid vrasjen e komunitetit jazidi.
UASHINGTON – Në Shtetet e Bashkuara të Amerikës në vitin 2015 kanë ndodhur më shumë se 51.000 sulme të armatosura, në të cilat kanë vdekur të paktën 12.975 persona, ndërsa më shumë se 26.236 të tjerë janë plagosur.
Në SHBA lejohen civilët të mbajnë armë, nëse për këtë është e nevojshme.
Sipas të dhënave të “Arkivit të dhunës me armë (Gun Violence Archive), janë vendosur të dhëna për përleshjet me armë dhe viktimat gjatë disa viteve të fundit e deri më sot.
Vitin e kaluar janë kryer 51.775 sulme me armë në të cilat kanë vdekur 12.574 persona, ndërsa 23.038 të tjerë janë plagosur.
Shtetet e Bashkuara e kanë zgjeruar listën me njerëz dhe kompani të sanksionuara për veprime të drejtpërdrejta ose indirekte në konfliktin e Ukrainës lindore dhe në aneksimin e gadishullit Krimea.
Lista e publikuar sot nga Departamenti i Thesarit amerikan përfshin disa zyrtarë të lartë në “republikat popullore” te vetshpallura, Luhansk dhe Donetsk, rajone këto në lindje të Ukrainës të cilat në pjesën më të madhe kontrollohen nga separatistët.
Në listë janë edhe disa kompani të lidhura me biznesmenë rusë e të cilët kanë lidhje të ngushta me Kremlinin e presidentin Vladimir Putin. Në mesin e të sanksionuarve janë edhe biznesmeni i naftës Genadi Timchenko dhe miliarderët, Arkady dhe Boris Rotenberg.
Gati të gjithë të sanksionuarit kanë qenë të sanksionuar edhe në raundin e parë të sanksioneve, të shpallura nga presidenti Barak Obama, në 2014-ten.
Veprimet amerikane kanë ardhur pas aneksimit të paligjshëm të Krimesë nga ana e Rusisë.
Në mesin e të sanksionuarve janë edhe disa ukrainasë, i tillë si Vitaliy Zakharchenko.
Departamenti i Thesarit tha se ai në cilësinë e ministrit të brendshëm, i ka thënë urdhër policisë gjatë protestave të Euromaidanit në Ukrainë.
Voal – Departamenti Amerikan i Shtetit thekson se vija kufitare ndërmjet Kosovës dhe Malit të Zi, e përcaktuar nga Komisioni Shtetëror i Kosovës për shënimin e kufirit është në pajtim me dokumentet dhe hartat e përdorura që nga vitit 1940 e deri më sot.
Në një njoftim të publikuar në faqen zyrtare të ambasadës amerikane në Prishtinë, thuhet se “baza e Komisionit për shënimin e kufirit ka qenë Kushtetuta jugosllave e vitit 1974, e cila e ka definuar kufirin e Kosovës me anë të kufijve administrativë komunalë, që janë të ndarë në zona kadastrale. Kjo bazë e përcaktimit të vijës kufitare është përdorur edhe në Propozimin Gjithëpërfshirës të të dërguarit të posaçëm të Kombeve të Bashkuara, Marti Ahtisaarit dhe në Kushtetutën e vitit 2008 të Republikës së Kosovës”.
Në njoftim thuhet se pas një rishikimi të hartave që nga viti 1940 e deri më tani, përfshirë edhe ato që janë përdorur nga komisioni për përcaktimin e kufirit, Departamenti Amerikan i Shtetit “ka kuptuar se vija e përcaktuar së voni përputhet ngushtë me kufirin e definuar në Kushtetutën e vitit 1974. Kufijtë që ne i kemi përshkruar që nga viti 2008, përputhen në hollësi me kufirin e propozuar në vitin 2015”.
Në përfundim të njoftimit tërhiqet vëmendja se “përfundimi i marrëveshjes për demarkacionin e kufirit është një kusht i BE-së për liberalizimin e vizave dhe është një hap i rëndësishëm në rrugëtimin e Kosovës drejt integrimeve evropiane”.
Më 26 gusht, Kosova dhe Mali i Zi, nënshkruan marrëveshjen për shënimin e kufirit, e cila nxiti reagimet e partive opozitare në Kosovë, të cilat vlerësojnë se me të Kosova humbë rreth 9 mijë hektarë tokë.
Duke kundërshtuar këtë marrëveshje si dhe atë të arritur me Serbinë për krijimin e asociacionit të komunave me shumicë serbe, partitë opozitare bllokuan punën e parlamentit që nga 22 shtatori, duke hedhur gaz lotsjellës.
Ato i kërkojnë qeverisë të anulojë marrëveshjet apo t’i hedh ato në referendum, në të kundërtën sipas tyre vendi duhet të shkojë në zgjedhje të parakohshme.
Aleanca për Ardhmërinë e Kosovës tha pas deklaratës së departamentit të shtetit se një numër jo i vogël i ekspertëve të kësaj fushe, kanë gjetur parregullsi të mëdha në shënimin e kufirit me Malin e zi.
Në një komunikatë të kësaj partie thuhet se fakti që kjo çështje është një prej kushteve, për proceset integruese, nuk nënkupton se shënimi i kufirit duhet të bëhet “shkel e shko”. Ajo shpreh bindjen se janë bërë gabime jo të vogla edhe duke u marrë si kriter bazë, kriteri kadastral, që nuk mund të jetë kriter kryesor në shënimin e kufijve të shteteve. Aleanca thekson se do të ngulë këmbë që qeveria të caktojë një komision të ri të besueshëm, duke përfshirë edhe ekspertë ndërkombëtar, në mënyrë që t’i vihet pikë kësaj çështjeje. Askush nuk duhet të frikësohet nga përsëritja e një procesi të hollësishëm sepse gabimet gjithmonë janë të mundshme dhe në rastin konkret, është e qartë se ato janë bërë, thuhet në reagimin e kësaj partie.
Qeveria u ka bërë thirrje partive opozitare që të hapin dialogun, ndërsa është zotuar se do të pres dhe do të respektojë vendimin e Gjykatës Kushtetuese, lidhur marrëveshjen për asociacionin e komunave me shumicë serbe, zbatimi i së cilës është pezulluar në pritje të këtij vendimi. Ajo është shprehur e gatshme që duke përfshirë edhe ekspertë ndërkombëtarë, të diskutojë lidhur me shënimin e vijës kufitare më Malin e Zi.
Kriza politike bëri që edhe sekretari amerikan i shtetit John Kerry të bëjë thirrje kundër dhunës në parlament. Gjatë vizitës së dy dhjetorit në Prishtinë ai tha se Shtetet e Bashkuara nuk do të mbështesnin asnjë marrëveshje “që do të kërcënonte sovranitetin, sigurinë apo pavarësinë e Kosovës.
Marrëveshjet me Serbinë që çuan në shtim të tensioneve politike në Kosovë, ishin pjesë e bisedimeve për normalizimin e marrëdhënieve ndërmjet të dyja palëve që janë edhe kusht për afrimin e tyre me strukturat evropiane. Ato i siguruan Serbisë negociatat për anëtarësim në Bashkimin Evropian, të cilat u hapën më 14 dhjetor, ndërsa Kosovës Marrëveshjen e Stabilizim Asocimit, e cila u nënshkrua me 27 tetor.
Lëvizja “Black Lives Matter”, “Jeta e zezakëve vlen” po përsërit thirrjet për t’i dhënë fund brutalitetit të policisë dhe po kërkon reformë në sistemin e drejtësisë penale në gjithë Shtetet e Bashkuara. Kjo lëvizje po përpiqet të ushtrojë ndikim tek opinion publik duke hedhur poshtë njëkohësisht kritikat se nuk ka sjellë ndryshime pozitive të mjaftueshme.
Ishte një apel që u përhap në gjithë vendin në vitin 2015. Mijëra përkrahës të lëvizjes “Black Lives Matter” po kërkojnë ndryshime themelore në sistemin e drejtësisë penale në vend.
Lëvizja e krijuar në vitin 2012, e ka rritur mbështetjen gjatë dy viteve të fundit, pas një sërë icidentesh me policinë që sollën si rezultat vdekjen e afrikano-amerikanëve të paarmatosur.
Aktivistët thonë se duan t’i japin fund asaj që ata e përshkruajnë si brutalitet i policisë dhe diskriminim racor në zona kryesisht të banuara nga zezakët.
Anëtari i “Black Lives Matter” Dennis Rodriguez thotë se lëvizja po zgjerohet.
“Kjo lëvizje na i ka hapur sytë për çdo gjë. Na ka ndihmuar të kuptojmë se megjithëse mund të duket se aktualisht nuk kemi force, frytet e punës sonë do të shfaqen së shpejti”.
“Black Lives Matter” e ka rritur profilin e saj përmes protestave dhe një fushate të fuqishme në mediat sociale. Lëvizja po bën presion ndaj ligjvënësve dhe kandidatëve të mundshëm presidencialë për të trajtuar shqetësimet e tyre. Ja ç’thotë aktivistja politike Elsie Scott.
“Na ka nxitur të flasim përsëri për reforma në polici, gjë që e kishim lënë mënjanë që pas 11 shtatorit 2001 kur ishim më të përqendruar tek siguria kombëtare sesa tek aktiviteti i policisë në komunitete”.
“Unë dua të bëj të gjitha përpjekjet që të parandaloj situata të tilla që shkaktojnë pasoja negative,” shprehet ky aktivist.
E.W. Jackson, një prift dhe aktivist konservator thotë se “Black Lives Matter” duhet ta vërë theksin edhe mbi vrasjet që ndodhin mes vetë afrikano-amerikanëve, jo vetëm tek vrasjet nga oficerët e policisë.
///E.W. Jackson///
“Kur paraqet një tablo sipas së cilës, të gjitja problemet e tua kanë të bëjnë me racën apo brutalitetin e policisë, mua më duket se po anashkalon çështje thelbësore”.
Por avokati dhe aktivisti Nkechi Taifa ka një mendim tjetër.
“Ne nuk po themi që jetët e tjera nuk kanë rëndësi. Do të thotë që në këtë moment të caktuar, duhet t’i kushtohet një vëmendje e veçantë atyre që janë prekur më shumë nga ligjet dhe politikat aktuale”.
Megjithatë, ish-oficeri i policisë Leon Threatt beson se “Black Lives Matter” ka qenë një lëvizje më shumë përçarëse sesa bashkuese.
“Nuk duhet të paraqitet si policia kundër komunitetit. Duhet të ndihmojë për të krijuar një mjedis apo platformë për bashkim të komunitetit, për t’i sjellë palët në tryezë që të krijohet besim”.
Udhëheqësit e “Black Lives Matter” thonë se organizata po punon për të ndërtuar marrëdhënie me departamentet e policisë. Ata thonë se do të vazhdojnë të organizojnë protesta për të nxjerrë në pah përplasjet vdekjeprurëse ose të dhunshme mes afrikano-amerikanëve dhe oficerëve të policisë.
Një grua drejtoi makinën e saj në një trotuar plot me njerëz të dielën jashtë një kazinoje në Las Vegas, duke vrarë një dhe plagosur mbi 30 të tjerë në një veprim që policia po e heton si akt të qëllimshëm.
Drejtuesja e makinës është arrestuar ndërsa policia tha se po zhvillon hetime të hollësishme.
Kapiteni i policisë në Las Vegas Brett Zimmerman, tha në një konferencë me gazetarë të dielën vonë se derisa “terrorizmi” është përjashtuar, incidenti duket se ishte i qëllimshëm.
Në makinë ishte edhe një fëmijë 3 vjeç i cili ka shpëtuar pa lëndime.
Hillary Clinton dhe Bernie Sanders gjatë një debati të mëparshëm të kandidatëve presidencialë demokratë
Kandidatët demokratë për zgjedhjet presidenciale në Shtetet e Bashkuara, Hillary Clinton dhe Bernie Sanders, e kanë kritikuar kandidatin udhëheqës të republikanëve, Donald Trump, për thirrjen e tij për ndalesën e hyrjes së myslimanëve në Shtetet e Bashkuara.
Ish-sekretarja amerikane e shtetit, Hillary Clinton, tha se Donald Trumpi është “rekrutuesi më i madh për IS-in”, raporton BBC.
Kandidati Bernie Sanders, ka kërkuar falje nga rivalja Hillary Clinton për shkak se ekipi i tij kishte vjedhur të dhëna të vlefshme votuese nga ekipi i fushatës së zonjës Clinton.
“Kjo nuk është mënyrë e fushatës që ne e zhvillojmë”, tha Sanders gjatë debatit të kandidatëve presidencialë demokratë, mbrëmë vonë në Mançester të Nju Hempshirit.
Të dy këta kandidatë janë përplasur lidhur me Sirinë, derisa Sanders e ka akuzuar zonjën Clinton se ishte mbështetur në ndërrimin e regjimit, ajo theksoi se duhet lidership i Shteteve të Bashkuara.
“Nëse Shtetet e Bashkuara nuk udhëheqin, atëherë nuk ka lider tjetër, ekziston vakuum”, tha Clinton.
Sanders, nga ana tjetër, ka argumentuar se Shtetet e Bashkuara së pari duhet të koncentrohen që t’i shkaktojnë disfatë grupit militant, Shteti Islamik.
Në debat ka marrë pjesë edhe guvernatori i Merilendit, Martin O’Malley.
Konsiderohet se Hillary Clinton mbetet në pozitë udhëheqëse në mesin e kandidatëve demokratë.
Sekretari amerikan i Shtetit, John Kerry, ka arritur sot në Moskë të Rusisë.
Gjatë ditës së sotme ai pritet të takohet me residentin, Vladimir Putin, për të biseduar në lidhje me dhënien fund të luftës civile në Siri dhe rreth zbatimit të marrëveshjes së paqes në lindje të Ukrainës.
Vizita e zotit Kerry vjen përpara një raundi të ri të bisedimeve rreth Sirisë, ndërmjet fuqive botërore, që pritet të mbahet më 18 dhjetor në New York.
Kerry gjatë vizitës së tij në Moskë, sipas Kremlinit, do të takohet edhe me Ministrin e Jashtëm rus, Sergei Lavrov, me të cilin gjatë ditës së djeshme e ka realizuar një bisedë telefonike.
Shtetet e Bashkuara dhe aleatët e saj këmbëngulin se konform një rezulote për ndaljen e luftës pesë vjeçare, presidenti sirian Bashar al-Assad, nuk mund të qëndroj në pushtet, derisa Rusia e mbështet Assadin duke thënë se ai duhet të qëndroj në pushteti derisa populli sirian përmes zgjedhjeve do ta zgjedhë liderin e vet.
Presidenti i SHBA Barack Obama theksoi se Marrëveshja e Parisit është pikë kthese në luftën kundër ndryshimeve klimatike
UASHINGTON – Presidenti i SHBA Barack Obama theksoi se Marrëveshja e Parisit është pikë kthese në luftën kundër ndryshimeve klimatike dhe se marrëveshja ka krijuar një kornize të qëndrueshme për të cilën ka nevojë bota në zgjidhjen e krizës klimatike.
Marrëveshja e Parisit e cila u përgatit për të parandaluar ndryshimet klimatike, u miratua nga ana e shteteve pjesëmarrëse të Konferencës së 21-të të Palëve për Ndryshimet Klimtike të OKB-së.
Presidenti amerikan i cili në Konferencë mori pjesë me anë të telekonferencës theksoi se në mbledhjen e mbajtur para dy javësh në Paris ka thënë se gjithë botës i kanë treguar se janë në prag të një hapi të rëndësishëm në parandalimin e ndryshimeve klimatike. “Para disa orëve arritëm sukses. Erdhëm së bashku tek një marrëveshjeje e cila i nevojitet botës”, tha Obama.
Ai e përgëzoi presidentin francez François Hollande dhe Sekretarin e Përgjithshëm të OKB-së Ban Ki-mun, për lidershipin dhe për mikëpritjen në një samit të këtillë. Gjithashtu iu falënderua Sekretarit amerikan të Shtetit John Kerry dhe këshilltarëve në ekipin tij.
“Falënderoj përfaqësuesit e rreth 200 kombeve të cilët e bënë të mundur këtë marrëveshje. Së bashku treguam se çfarë mund të bëjmë nëse bota bashkohet”, tha Obama duke treguar se në 7 vitet e fundit është bërë lider global në luftën kundër ndryshimeve klimatike.
Presidenti amerikan tha se planin të cilin e kanë deklaruar vitin e kaluar së bashku me Kinën i ka inkurajuar edhe kombet tjera se marrëveshja e nënshkruar në Paris është bërë si rezultat i kësaj. “Asnjë shtet, pa marrë parasysh se sa forcë posedon, nuk mund ta zgjedh këtë problem vetëm. Dhe, asnjë shtet pa marrë parasysh se sa e vogël është nuk mund të jetë larg këtij problemi. Kështu që duhet të punojmë së bashku”, tha presidenti i amerikan.
Sipas tij, me këtë marrëveshje nuk mund të zgjidhen menjëherë të gjitha problemet meqë Marrëveshja e Parisit është e rëndësishme në drejtim të krijimit të një kornize të qëndrueshme për të cilën ka nevojë bota në zgjidhjen e krizës klimatike.
Ai duke bërë të ditur se marrëveshja është suksesi i shumë shteteve, tregoi se gjatë bisedimeve është punuar në transparencë dhe se zhvillimi i teknologjisë ka bërë të arritshme shumë qëllime.
“Kjo marrëveshje ka domethënie në reduktimin e ndotjes së karbonit i cili kërcënon planetin tonë dhe më shumë vende pune me anë të investimeve të karbonit të ulët”, tha Obama duke vënë re se me zbatimin e plotë të marrëveshjes rezultatet më të këqija të ndryshimeve klimatike mund të parandalohen.
Authoritetet arritën në përfundimin se zjarri që shpërtheu të premten në një xhami në Kaliforni, ishte vënë qëllimisht, me sa duket si një akt për të shprehur urrejtje.
Incidenti ndodhi pak më tepër se një javë pas sulmit terrorist që kreu një çift i besimit islam në San Benardino të Kalifornisë.
Policia tha se i dyshuari për incidentin u identifikua dhe u ndalua pak pasi ra zjarri në ndërtesën e Shoqatës Islamike në Coachella Valley të Kalifornisë Jugore.
Zjarri shkaktoi dëme materiale, por jo lëndime mes njerëzve.
Një komision i Senatit u është kundërvënë komenteve të Donald Trumpit duke mbështetur një masë që thotë se ndalimi i hyrjes së individëve në Shtetet e Bashkuara bazuar në besimin e tyre fetar do të ishte një akt anti-amerikan.
Pretendenti republikan Donald Trump bëri thirrje që t’u ndalohet hyrja myslimanëve në Shtetet e Bashkuara, pas sulmeve në Kaliforni dhe Paris.
Komisioni i Senatit për Gjyqësorin votoi të enjten me 16 vota pro dhe 4 kundër për një amendament pa fuqi ligjore të propozuar nga senatori Patrick Leahy. Katër republikanët që votuan kundër përfshinin kandidatin presidencial Ted Cruz.
Senatori Leahy thotë se amendamenti dërgon “një mesazh të qartë dhe të drejtpërdrejtë se Amerika mirëpret njerëz nga të gjitha vendet dhe besimet”.
Administrata Obama thotë se po shton presionin ushtarak ndaj militantëve të Shtetit Islamik, por se vazhdon të jetë kundër vendosjes së një force të konsiderueshme amerikane në territorin e Irakut apo Sirisë, megjithë aftësinë në rritje të ISIS-it për të frymëzuar sulme në territorin amerikan. Sekretari amerikan i Mbrojtjes Ash Carter dëshmoi për këtë çështje në Komitetin e Senatit për Forcat e Armatosura.
Pavarësisht sulmeve terroriste në Paris dhe në San Bernardino të Kalifornisë, sipas Sekretarit Carter, dërgimi i njësive tokësore ushtarake për të luftuar Shtetin Islamik do të ishte i gabuar.
“Duke i amerikanizuar konfliktet në Irak dhe Siri, mund të kthejmë kundër nesh edhe ata që janë të predispozuar të luftojnë ISIL-in.”
Kryetari i komitetit u përgjigj me padurim.
“Kërcënimi i ISIL-it për vendin tonë është real, i drejtpërdrejtë, dhe në rritje. Nuk po e fitojmë këtë luftë, dhe koha po punon kundër nesh.”
Sekretari Carter tha se SHBA po intensifikon fushatën kundër Shtetit Islamik nëpërmjet sulmeve ajrore dhe forcave speciale. Kreu i demokratëve në këtë komitet tha se forcat tokësore duhet të ofrohen nga aleatët e SHBA-së në rajon.
“Vendosja e njësive të shumta amerikane në territorin e Irakut dhe Sirisë mund të favorizojë direkt apo indirekt propagandën e ISIL-it.”
Dëgjesa u bë pak ditë pasi një ndër kandidatët kryesorë republikanë, senatori Ted Cruz, tha se Shteti Islamik duhet bombarduar deri në shfarosje. Ndërkohë, demokratët shprehën shqetësim për viktimat e mundshme në popullsinë civile, nëse kjo ndodh.
Sipas Pentagonit, ky lloj bombardimi masiv nuk është alternativë.
“Është e qartë prej strategjisë së ISIL-it se objektivi i tyre është të na përfshijnë në një luftë apokaliptike me Perëndimin. Nëse ne ushqejmë këtë lloj mendimi, atëherë kjo do të kthehej kundër sigurisë tonë kombëtare.”
Zoti Cruz nuk është tërhequr nga komentet e tij dhe e ka akuzuar administratën Obama për shmangie nga detyra në luftën kundër Shtetit Islamik.
Në një deklaratë nga Shtëpia e Bardhë pas takimit Obama – Rivlin është diskutuar paketa e ndihmës ushtarake që do të realizohet për dhjetë vite me rradhë ndaj Izraelit
UASHINGTON (AA) – Presidenti amerikan Barack Obama ka pritur në Shtëpinë e Bardhë presidentin izraelit Reuven Rivlin.
Pas pritjes në Zyrën Ovale të dy liderët kanë dhënë deklarata të shkurtëra para takimit. Obama duke shprehur kënaqësinë që ka pritur Rivlin i cili ndodhet për herë të parë në Shtëpinë e Bardhë pas zgjedhjes si president ka rikujtuar premtimet lidhur me sigurinë e Izraelit. Presidenti amerikan ka theksuar se kjo është një nga parimet më të rëndësishme në politikën e jashtme të SHBA-ve.
Ai ka thënë se në takim do të diskutojnë çështjen e stabilitetit në Lindjen e Mesme dhe se paqja në çështjen Izrael-Palestinë nuk është e mundshme në një kohë të afërt.
“Kam qenë i qartë në dënimin e dhunës në Izrael. Kjo dhunë duhet të dënohet edhe nga liderë si presidenti palestinez Mahmud Abbas. Ashtu siç duhet tu jepet fund nxitjeve gjithashtu është i nevojshëm një mekanizëm i cili do të çojë në paqe Izraelin dhe Palestinën. Në këtë fazë edhe pse një paqe serioze duket se është larg me rëndësi është të vazhdojmë tentativat”, deklaroi Obama.
Presdenti i Izraelit Rivlin tha se vendi i tij nuk ka mik tjetër më të madh se SHBA-të. Ai shprehu falënderimet për ndihmat financiare, diplomatike dhe ushtarake për Izraelin gjatë peridhës së presidencës së Obamës. Rivlin duke deklaruar se “nuk ndodhemi në luftë” ai tha se ata janë në luftë kundër atyre që përdorin besimet për të kërcënuar njerëzit e pafajshëm në botë.
Ndërsa në një deklaratë nga Shtëpia e Bardhë pas takimit të dy liderëve thuhet se Obama dhe Rivlin kanë diskutuar paketën e ndihmës ushtarake që do të realizohet për dhjetë vite me rradhë ndaj Izraelit. Gjithashtu, në deklaratë bëhet e ditur se dy liderët kanë diskutuar edhe luftën kundër organizatës terroriste DAESH si dhe çështjet rajonale, përfshirë edhe çështjen e Sirisë.
Në New York u mbajt një protestë e përbashkët kundër thirrjes që bëri biznesmeni dhe kandidati për president nga Partia Republikane Donald Trump
NEW YORK – Në New York të Shteteve të Bashkuara të Amerikës (SHBA) u mbajt një protestë e përbashkët kundër thirrjes që bëri biznesmeni dhe kandidati për president nga Partia Republikane Donald Trump i cili kërkoi t’u ndalohet myslimanëve hyrja në vend. Në këtë protestë u dënua ashpër kjo thirrje e Trumpit dhe u kërkua dorëheqja e tij nga gara presidenciale.
Rreth 200 politikanë, përfaqësues të komuniteteve dhe liderë fetarë u mblodhën para ndërtesës së kryesisë së Bashkisë në New York për të dënuar propozimin e Trumpit i cili përfshin mbylljen e dyerve të SHBA për refugjatët.
Anëtarët e Këshillit të qytetit nën udhëheqjen e kryetarjes së këshillit të New Yorkut Melissa Mark-Viverito dhe një numër i madh i liderëve të religjioneve të ndryshme si dhe aktivistë të shoqërisë civile dënuan ashpër thirrjet raciste të Trump.
“Sot ndodhemi këtu për ti thënë njëzëri dhe qartë ‘mjaft tashmë’ Donald Trumpit dhe atyre që shprehin thirrje të tilla të urrejtjes dhe përçarjes”, tha Mark-Viverito.
Ajo e cilësoi Turmpin si një demagog racist që nuk ka asnjë lidhje me presidencën.
Më pas foli imami i Qendrës Islame të Universitetit New York i cili përfaqëson edhe komunitetin mysliman Halife Latif. Ai tha se duhet të shtypen zërat ekstremiste që vijnë së bashku dhe se injoranca e DAESH-it dhe Republikanëve nuk do të përbëjnë themel në një shoqëri ku ndryshimet janë së bashku. aa
Sekretari amerikan i Shtetit, John Kerry theksoi se gjatë vizitës së tij në Moskë dëshiron të takohet me presidentin e Rusisë Putin dhe me ministrin i Jashtëm Lavrov
Sekretari amerikan i Shtetit John Kerry ka thënë se brenda javës së ardhshme planifikon të vizitojë Rusinë për të biseduar mbi krizën në Siri dhe Ukrainë.
Kerry të mërkurën në Paris tha se gjatë vizitës së tij në Moskë dëshiron të takohet me presidentin e Rusisë, Vladimir Putin dhe me ministrin e Jashtëm, Sergey Lavrov për të zhvilluar bisedime për dy çështje mjaft të rëndësishme.
Nëse Kerry e realizon planin, atëherë me zyrtarët rusë do të takohet para 18 dhjetorit kur është caktuar takimi i madh ndërkombëtar në Kombet e Bashkuara për Sirinë. Pritet që gjatë takimit në fjalë Këshilli i Sigurimit të OKB-së të miratojë rezolutën për bisedimet e paqes ndërmjet qeverisë siriane dhe opozitës.
Për Kerryn kjo do të ishte vizita e dytë në Rusi në këtë vit, sepse në maj ishte në Sochi ku u takua me Putin-in dhe Lavrov-in. aa
