VOAL

Rajon

Mali i Zi: Opozita e pengoi fjalimin e kryeministrit duke e ofenduar

Anëtarët e Parlamentit të Malit të Zi nga partitë opozitare mbrëmë kanë brohoritur ofendime kundër kryeministrit Millo Gjukanoviç, derisa ai e filloi fjalimin e tij.

Deputetët e partisë Fronti Demokratik u ngritën në këmbë dhe filluan të brohorisin “Millo, vjedhës”.

Zoti Gjukanoviç u përgjigj duke thënë “ju lumtë juve, idiotë”.

Kjo senacë e parlamentit ishte e fokusuar se si të gjendet zgjidhje për përfshirjen e përfaqësuesve të opozitës në disa ministri.

Opozita e akuzon zotin Gjukanoviç për korrupsion.

Prej vitit 1991, Gjukanoviçi e ka udhëhequr Malin e Zi, vend me 650 mijë banorë, duke qenë president apo kryeministër.

Mali i Zi praktikisht është pranuar në NATO, por kanë mbetur vetëm edhe çështjet formale, që ky vend me 650 mijë banorë, më vonë këtë vit ose vitin e ardhshëm, të bëhet anëtar me të drejta të plota në aleancën veriatlantike.

Banja Llukë – Serbët kundër serbëve

Protesta e opozitës dhe tubimi mbështetës për autoritetet e Republika Sërpskës, që janë planifikuar në të njëjtën kohë, të shtunën në Banja Llukë, rrezikojnë të shënojnë fillimin e destabilizimit të rëndë politik dhe të sigurisë në këtë pjesë të Bosnjë dhe Hercegovinës.

Bosnja, pak a shumë, është në gjendje konstante të krizës politike që nga Marrëveshja e Dejtonit, më 1995, e cila i ka dhënë fund lufës trevjeçare e gjysmë, duke e ndarë vendin në Federatën e Bosnjës, të cilën, pa dëshirë të madhe, e ndajnë boshnjakët dhe kroatët, dhe në Republikën Sërpska.

Por, për dallim nga kundërshtimet e zakonshme të dy entiteteve dhe tri grupeve etnike, kriza aktuale në Republikën Sërpska mund të bëhet e ngjashme me atë të viteve 1997/98, kur opozita, e mbështetur nga sposnorët perëndimorë të paqes dhe me ndihmën e partive boshnjake dhe kroate, ka marrë pushtetin nga Partia Demokratike Serbe (SDS), e cila atëherë drejtohej nga bashkëpunëtorë të ish-udhëheqësit serb të luftës, Radovan Karaxhiq, i dënuar për gjenocid.

Udhëheqës i opozitës atëbotë ka qenë Millorad Dodik. Sot, Dodik dhe Lidhja e tij e Social-demokratëve të Pavarur, me fushatë mediatike që ndjell vitet ’90, akuzojnë opozitën se bën përpjekje të ndezë konflikt dhe përçarje midis serbëve të Bosnjës, me urdhër dhe në interes të partive boshnjake dhe fuqive perëndimore.

Blloku opozitar “Aleanca për ndryshim”, në krye me SDS-në, për muaj të tërë, ka kërkuar dorëheqjen e pushtetit, për shkak të situatës së rëndë ekonomike dhe korrupsionit. Opozita paralajmëron se elita pushtetare do të bëjë gjithçka të mundur për të mbetur në pushtet, edhe pas dhjetë vjetësh qeverisjeje gati absolute në këtë pjesë të Bosnjës. Dodik dhe Republika Sërpska janë përshkruar shpesh si pengesat kryesore të Bosnjës në rrugën e integrimit euro-atlantik, transmeton Radio Evropa e Lirë.

Mënyra autokratike e qeverisjes së Dodikut, siç cilësohet nga shumë vëzhgues, dhe premtimet e papërmbushura ekonomike kanë çuar në dobësimin relativ të pozicionit të tij dhe në rënien e vazhdueshme të mbështetjes në zgjedhjet lokale më 2012 dhe në ato të pëgjithshme më 2014.

Opozita me ish-kryeministrin e Republikës Sërpska, Mlladen Ivaniq, nga Partia e Përparimit Demokratik, ka arritur të sigurojë vendin e përfaqësuesit serb në Presidencën trepalëshe të Bosnjës më 2014 dhe ka nisur të zbatojë një politikë më pragmatike dhe konstruktive sa i përket ekonomisë dhe reformave në institucionet e përbashkëta në Sarajevë.

Opozita akuzon Dodikun se qëllim i vërtetë i politikës së tij shtrënguese dhe i konfrontimit me Perëndimin – kryesisht duke u kërcënuar se do të mbajë referendum për pavarësinë e Republikës Sërpska – është të tërheqë vëmendjen nga problemet reale që ndeshin qytetarët, e ato janë: papunësia dhe korrupsioni.

Dodik, gjatë dy dekadave, është shndërruar nga i preferuari i Perëndimit, i cili ka kritikuar ashpër Karaxhiqin dhe presidentin e dikurshëm të Serbisë dhe Jugosllavisë, Sllobodan Millosheviq, në një aleat të besueshëm të presidentit rus, Vlladimir Putin, i cili i quan “tradhtarë” të gjithë ata që vënë në pyetje politikën e tij dhe mënyrën e qeverisjes në Republikën Sërpska.

Por, për fatin e tij të keq, aleanca me Putinin nuk i ka sjellë përfitimin e pritshëm ekonomik si dhe pavarësinë nga Perëndimi dhe institucionet kreditore ndërkombëtare. Për shembull, rafineria e naftës “Bosanski brod”, e cila i është shitur kompanisë shtetërore ruse Njeftegazinkor Rusia, është e mbytur në borxhe.

Po ashtu, kredia e shumëpritur nga Rusia, në vlerë prej 700 milionë eurosh, nuk është materializuar kurrë, dhe vrimat e buxhetit do të mbushen me paratë e marrëveshjes “standby” me Fondin Monetar Ndërkombëtar, i cili ka vënë si kusht kryesor mbylljen e bankave problematike në Republikën Sërpska.

Dodik, udhëheqësin e opoziës, Mlladen Bosiq, e quan mercenar dhe tradhtar, i cili, sipas tij, është i gatshëm të shesë interest e Republikës Sërpska dhe të vihet në shërbim të politikanëve boshnjakë në Sarajevë dhe të politikës turke, vetëm për të marrë pushtetin.

Përgatiti: Valona Tela

Igumenicë: Arrestohet pronari i fermës ku punonte shqiptari i gjetur i vrarë

Policia greke arrestoi mbrëmjen e së martës pronarin e një ferme ku punonte një 26 vjeçar shqiptar, i cili u gjet i vrarë në mënyrë makabre dy ditë më parë.

Policia greke tha se gjeti dy armë kallashnikov, një pistoletë dhe një sasi fishekësh në banesën e pronarit grek në fshatin Karbunarë të Igumenicës, një zonë afër kufirit me Shqipërinë.

Policia tha se po vijon hetimet për të zbardhur vrasjen e shqiptarit, trupi i të cilit u gjet pa kokë dhe qëlluar me armë zjarri afër një stani bagëtish.

Policia greke hodhi dyshime për larje hesapesh mes grupeve të trafikantëve të narkotikëve, por pasditen e së martës hetimet morën një kthesë tjetër pas arrestimit të pronarit grek dhe djalit të tij, ku u gjet nëj asrenal armësh.

Gjykata gjermane rrëzon një kërkesë të Erdoganit

Një gjykatë e Qarkut në Këln të Gjermanisë tha sot se ka refuzuar një kërkesë të presidentit të Turqisë, Recep Tayyip Erdogan, për një vendim gjyqësor kundër shefit ekzekutiv të botuesit Axel Springer.

Ky vendim gjyësor do ta ndalonte shefin ekzekutiv Mathias Doepfner që ta përsëriste një term nënçmues për liderin turk.

Por, gjykata refuzoi kërkesën e Erdoganit, duke u bazuar në “të drejtën e palës mbrojtëse për liri të shprehjes së mendimit”, thuhet në një kumtesë, raporton Reuters.

Gjuriçi reagon ashpër ndaj deklaratës së Mogherinit për Asociacionin

“Askush nuk do të ridefinoj atë për të cilën kemi rënë dakord më 25 gusht”, tha Gjuriçi mbrëmë në televizion serb “Pink”a.

Mogherini gjate vizitës zyrtarë në Prishtinë tha se Asociacioni nuk do të jetë strukturë paralele e Qeverisë serbe dhe se nuk do të cenojë integritetin territorial të Kosovës.

“Shumë e respektojmë rolin tuaj, por ne nuk do të pranojmë që ju ose dikush tjetër ta rishikojë atë për të cilën kemi rënë dakord “, ka thënë zyrtari serb duke shtuar se ky është mesazh për komunitetin ndërkombëtar dhe vet Mogherinin e cili është ndërmjetësuese në dialogun mes Prishtinës dhe Beogradit.

“Serbia nuk heq dorë nga formimi i Asociacionit të komunave serbe. Ne nuk do ta lejojmë rishikimin e marrëveshjes “, ka deklaruar më tutje shefi i zyrës serbe për Kosovën, transmeton Klan Kosova.

Kroacia e bllokon sërish integrimin e Serbisë në BE

Në takimin e ambasadorëve të vendeve anëtare të BE-së, Kroacia sërish s’e ka dhënë pëlqimin për hapjen e kapitullit 23 në negociata e Serbisë me Bashkimin Evropian.

Pas pazisë disa javore, kryesuesja e BE-së Holanda është përpjekur të arrijë konsensus të vendeve anëtare duke e ngritur këtë çështje në nivel më të lartë vendimmarrës, në nivelin e ambasadorëve.

Por, siç njofton RTS, përfaqësuesi i Kroacisë ka përsëritur se nuk mund të pajtohet me hapjen e kapitullit 23 duke theksuar argumente njohura për kompetencat rajonale të Gjykatës serbe për krime lufte dhe për përfaqësimin e minoritetit kroat në Parlamentin e Serbisë.

Daçiç: Sponsorët e pavarësisë së Kosovës mundësuan pranimin në UEFA

Zëvendëskryeministri i parë dhe Ministri i Jashtëm serb, Ivica Dacic ka thënë se pranimin e Kosovës në UEFA e mundësoi politika. Sipas Daçiç akti i pranimit të Kosovës është premtim i sponsorëve të pavarësisë.

“Pranimi i Kosovës në UEFA është një fakt më shumë se ne jetojmë në një botë të interesave dhe politikës e jo ligjit dhe rregullave. Ky pranim shkelë statutet e UEFA-s dhe është një premtim i sponsorëve të pavarësisë. Federata Serbe do të përdorë mjetet ligjore për të kundërshtuar këtë vendim jo legjitimi” ka thënë Dacic. zeri

Zjarri e shkatërron Kishën Ortodokse Serbe në Nju Jork

Një katedrale ortodokse serbe është shkatërruar nga zjarri dje në Manhattan të Nju Jorkut, vetëm disa orë pasi besimtarët festuan aty Pashkët.

Zjarri në Kishën serbe të Shën Savës nisi para orës 7 të pasditës së djeshme (sipas kohës lokale atje).

Si pasojë, kulmi i kishës së vjetër u shkatërrua krejtësisht, dhe zjarrfikësit për orë të tëra u munduan ta fiknin zjarrin.

Kisha Ortodokse Serbe bleu atë ndërtesë në Nju Jork në vitin 1943 dhe ndërtesa njihet si pikë referimi që nga viti 1968.

Zyrtarët e qytetit të Nju Jorkut thanë se incidenti ka shkaktuar një humbje të madhe për komunitetin dhe kanë bërë thirrje për hetim të plotë të shkaqeve të nisjes së zjarrit. rel

Deputeti i vetëm shqiptar në Serbi shprehet i gatshëm për bashkëpunim me Vuçiçin

“Partia për Veprim Demokratik është e interesuar që të jetë pjesë e koalicionit qeverisës. Nëse Aleksandër Vuçiçi vendos që të ftojë në koalicionin e gjerë, që e ka paralajmëruar, ne këtë ftesë do ta pranojmë”, ka thënë Fatmir Hasani për mediet serbe. Hasani është edhe deputeti i vetëm i shqiptar i dalë nga zgjedhjet e 24 Prillit, transmeton Koha.net

Në atë se a ka marrë ende një ftesë zyrtare për bashkëpunim, Hasani ka thënë se është herët sepse nuk kanë dalë ende rezultatet zyrtare nga Komisioni Republikan i Zgjedhjeve. Kësaj i shtohet edhe dhënia e mandatit për formimin e qeverisë nga presidenti, Tomislav Nikoliç.

Futjen në koalicionin e paralajmëruar nga Vuçiç, Hasani e sheh si mundësi për të dhënë ndihmën e tij në zgjerimin dhe thellimin e bashkëpunimit në relacionin Beograd – Prishtinë – Tiranë.

“Tash mund të flasim vetëm për pozitën e partisë dhe dëshirave tona. Jemi të gatshëm të ndihmojnë kryeministrin Vuçiç në zgjerimin dhe thellimin e bashkëpunimit në relacionin Beograd – Prishtinë – Tiranë”, ka thënë Hasani, duke shtuar se do të ndihmojnë edhe përmirësimin e gjendjes ekonomike në Luginën e Preshevës.

Shpërthen autobomba në Turqi – shumë të vrarë e të plagosur

Të paktën një agjent policie mësohet se është vrarë pasi një bombë shpërtheu pranë rajonit të policisë në qytetin turk të Gaziantep, sipas guvernatorit të qytetit.

Mësohet se të paktën 13 persona kanë mbetur të plagosur nga shpërthimi.

Filmimet e televizionit Haberturk treguan veturën e shpërthyer dhe e bërë copash pranë dyerve të komisariatit.

Dritaret e ndërtesave pranë u thyen gjithashtu, ndërsa të gjitha rrugët pranë zonës u mbyllën për arsye sigurie.

Presidenti Erdogan u takua me kryeministrin e Kroacisë

Takimi mes delegacioneve në godinën e qeverisë, që gjendet në njërin prej simboleve të Zagrebit, Sheshin shën Marko, u zhvillua i mbyllur për media

ZAGREB– Presidenti i Turqisë, Recep Tayyip Erdoğan, në ditën e dytë të vizitës në Kroaci, u takua me kryeministrin e Kroacisë, Tihomir Oreskoviç.

Takimi mes dy delegacioneve në godinën e qeverisë, që gjendet në njërin prej simboleve të Zagrebit, Sheshin shën Marko, u zhvillua i mbyllur për media.

Erdoğan, i cili u prit nga kryeministri Oreksoviç para godinës së qeverisë, para takimit nënshkroi në librin e nderit. Ai u shpreh se ndjehet i lumtur që e viziton Kroacinë si president i Turqisë, pas vizitës së fundit si kryeministër në vitin 2006. “Vërej që pas 10 viteve Kroacia ka arritur suksese të mëdha dhe për këtë e uroj çdonjërin që ka dhënë kontribut”, u shpreh Erdoğan.

Më pas ai shprehu bindjen e tij se takimi i cili po zhvillohet së bashku me delegacionet do të jetë hap i rëndësishëm për fuqizimin e marrëdhënieve miqësore mes dy shteteve, duke shtuar më tej se “Në emrin tim personal, të delegacionit dhe në emër të popullit turk, popullit mik kroat i dëshiroj paqe, qetësi dhe stabilitet.”

Në kuadër të takimeve në Zagreb, Erdoğan do të marrë pjesë në drekën e organizuar për nder të kreut të Kuvendit, Zheljko Reiner, dhe në programin e organizuar me rastin e 100-vjetorit të institucionalizimit të Islamit në Kroaci. aa

Presidentja kroate Kitaroviç: Turqia i përket Evropës

“Marrëdhëniet tona ekonomike po zhvillohen me sukses. Është rritur këmbimi tregtar në vitin 2015, dhe janë realizur investime të konsiderueshme turke”, tha presidentja kroate, Grabar-Kitaroviç

ZAGREB – Turqia i përket Evropës në kuptimin ekonomik, kulturor dhe hapësinor, porositi presidentja kroate Kolinda Grabar-Kitaroviç në një fjalim në Forumin ekonomik kroato-turk në Zagreb.

Ajo tha se ishte e kënaqur për mundësinë që të përshëndes tubimin e madh me një numër të kompanive dhe sipërmarrësve.

“Numri i kompanive tregon se interesi për bashkëpunim është i madh, dhe kjo më bën shumë të lumtur. Ky numër i madh i biznesmenëve vetvetiu dëshmon për marrëdhëniet e mira dhe bashkëpunimin e ngushtë mes dy vendeve tona”, tha Kitaroviç.

Vizita e Presidentit të Turqisë Recep Tayyip Erdogan në Kroaci, sipas Grabar-Kitaroviç, në marrëdhëniet midis dy vendeve ka vendosur themele më kualitative.

“Marrëdhëniet midis Kroacisë dhe Turqisë janë miqësore dhe të gjithanshme. Kroacia njeh rëndësinë e Turqisë dhe rolin e saj të rëndësishëm ndërmjetësues në mes të kulturave dhe vendeve të rajoneve të ndryshme, të Evropës Juglindore, Lindjes së Mesme, Azisë Qendrore … Ne vlerësojmë rolin e Turqisë në proceset dhe iniciativat e ndryshme rajonale. Përgëzoj angazhimin e Turqisë në integrimet evropiane. Turqia i përket Evropës në kuptimin ekonomik, kulturor dhe hapësinor. Mes Kroacisë dhe Turqisë nuk ka çështje të hapura”, tha presidentja e Kroacisë në hapjen e takimit ku po marrin pjesë dhjetëra biznesmenë turq dhe kroatë.

Veçanërisht të rëndësishëm e ka cilësuar dëshirën e përbashkët të përfaqësuesve të të dy vendeve për bashkëpunim në të gjitha fushat, sidomos në fushën e ekonomisë.

“Marrëdhëniet tona ekonomike në përgjithësi po zhvillohen me sukses. Është rritur këmbimi tregtar në vitin 2015, dhe janë realizur investime të konsiderueshme turke në ekonominë kroate. Madje, sërish është rritur numri i turistëve turq në Kroaci”, tha Grabar-Kitaroviç.

Presidenti turk Erdogan të martën mbërriti për një vizitë zyrtare dy-ditore në Kroaci, ku u takua me përfaqësuesit më të lartë të këtij shteti. Me Presidenti turk në Kroaci kanë udhëtuar gjashtë ministra dhe rreth 90 biznesmenë të interesuar për bashkëpunim me biznesmenë kroatë. Arsyeja e ardhjes së presidentit Erdogan në Zagreb është shënimi i 100 vjetorit të njohjes institucionale të islamit në Kroaci.

Nënshkruhet marrëveshja e koalicionit në Preshevë

Subjekti më i ri politik në Preshevë, Alternativa për Ndryshim si dhe ai më vjetri, Partia për Veprim Demokratik, kanë nënshkruar të martën marrëveshjen parimore për qeverisje të përbashkët.

Zyrtarët e këtyre dy partive politike shqiptare nënshkrimin e marrëveshjes për bashkëqeverisje e kanë vlerësuar një akt shumë i rëndësishëm për rrjedhat e mëtutjeshme në Komunë të Preshevës.

“Marrëveshja parimore të cilën e kemi nënshkruar jam i bindur se do të jetë garanci për një qeverisje të mirë, krejt ndryshe nga ajo që pamë gati për 11 vite” u shpreh kryetari i Partisë për Veprim Demokratik, Riza Halimi, raporton Titulli.com.

Ai premtoi se qeverisja e re do të ketë transparencë, fillimisht në përpilimin dhe ekzekutimin e buxhetit, në ruajtjen e pasurisë komunale dhe transparencë në çdo proces që do të zhvillohet në kuadër të pushtetit lokal.

“Të gjithë ato manipulime, keq bërje, nepotizëm (punësime familjare) që është tepruar dhe është jashtë çdo kufiri, me këtë koalicion do të stopohen”, u shpreh Halimi.

Nënshkrimin e marrëveshjes e ka përshëndetur edhe kryetari i Alternativës për Ndryshim, Shqiprim Arifi.

“Sot është një ditë historike, një ditë e kthesës së madhe të Luginës së Preshevës në tërësi ndaj një politikë bërjes e cila është shumë më evropiane, e cila nuk ka qenë më herët”, u shpreh Arifi.

Drejtuesi i Alternativës theksoi se kjo ditë është gëzim për gjithë popullatën e cila është liruar nga një pushtet lokal i cili ka qenë ngulfatës duke mos mund të zhvillohet komuna jonë, shoqëria, e me theks të veçantë rinia.

“Falënderojë zotri Riza Halimin për mirëkuptimin shumë të shpejtë për parimet kryesore të kësaj marrëveshje e cila në thelb ka depolitizimin e shoqërisë”, theksoi kryetari i Alternativës.

Arifi, nënvizoi se pas kësaj marrëveshje tani do të reflektohet duke krijuar një paqe dhe mirëqenie shoqërore dhe sociale duke i bashkangjitur edhe zhvillimin ekonomik.

“Mendojmë se kemi me qenë një komunë e cila në të ardhmen ka me konkurru me komunat tjera në Evropë”, u shpreh Shqiprim Arifi, raporton Titulli.com.

Marrëveshja e sotme për bashkëqeverisje me Preshevën, e nënshkruar në prezencë të zyrtarëve të dy subjekteve politike është arritur në kohë rekord, vetëm 48 orë pas përfundimit të procesit të votimit për zgjedhjet lokale në Luginë të Preshevës, të mbajtura më 24 prill.

Duhet theksuar se dy subjektet në këtë mandat katërvjeçar do të kenë 21 ulëse në parlamentin lokal nga 38 sa janë gjithsejtë, respektivisht 11 këshilltarë Alternativa për Ndryshim dhe 10 Partia për Veprim Demokratik.

Si pasojë e kësaj marrëveshje, Partia Demokratike Shqiptare, me kryetarin e saj Ragmi Mustafa do të mbetet në opozitë, ndërsa në Kuvendin Komunal do të përfaqësohet nga 14 këshilltarë.

Bashkimi Demokratik i Luginës në këtë përbërje të re të Kuvendit Komunal në Preshevës ka siguruar dy vende, kurse Unioni Demokratik Shqiptar do të ketë një ulëse.

Duhet theksuar se pas marrëveshjes së koalicionit të nënshkruar në mes Alternativës dhe PVD-së nuk janë dhënë detaje mbi ndarjen e posteve qeverisëse, mirëpo jozyrtarisht mësohet se Shqiprim Arifi do të jetë kryetari i ri i Komunës së Preshevës, kurse kryetarja e PVD-së dega në Preshevë, Ardita Sinani, do ta drejtojë Kuvendin Komunal /Titulli.com/

Lufta kundër IS-it, SHBA vendos raketa në Turqi

Ministri i Jashtëm i Turqisë, Mevlut Cavusoglu, ka thënë se Shtetet e Bashkuara do të vendosin një sistem të lëshimit të raketave në Turqi, pranë kufirit me territorin sirian, i cili kontrollohet nga grupi militant Shteti Islamik (IS).

Cavusoglu i ka thënë gazetës turke Haberturk se sistemi në fjalë do të vendoset në muajin maj në juglindje të Turqisë, rajonin që vazhdimisht është goditur me raketa nga Siria.

“Kemi arritur marrëveshje me amerikanët për të bllokuar qytetin Manbij të Sirisë”, ka thënë Cavusoglu.

Gazeta Haberturk ka thënë se sistemi raketor do të përdoret për të sulmuar militantët e Shtetit Islamik.

Rebelët kurdë e paralajmërojnë Turqinë për luftë të gjatë

Organizata rebele kurde, e njohur si Partia e Punëtorëve të Kurdistanit, ka thënë se është e gatshme të intensifikojë luftën kundër Turqisë, nëse Ankaraja nuk i ndalon sulmet kundër saj.

Lideri i rebelëve kurdë, Cemil Bayik, ka thënë se presidenti i Turqisë, Recep Tayyip Erdogan, është duke përshkallëzuar luftën.

“Kurdët do të mbrojnë veten e tyre deri në fund”, ka thënë Bayik.

“Ne nuk duam të ndajmë Turqinë. Duam të jetojmë brenda kufijve të Turqisë, në tokën tonë… Lufta do të vazhojë derisa të drejtat natyrore të kurdëve të pranohen”, ka shtuar ai.

Armëpushimi dyvjeçar midis Turqisë dhe Partisë së Punëtorëve të Kurdistanit është ndërprerë korrikun e kaluar.

Qysh atëherë, përleshjet janë përshkallëzuar.

Forcat ajrore turke kanë sulmuar bazat e Partisë së Punëtorëve të Kurdistanit edhe në veri të Irakut.

Ankaraja po ashtu ka vendosur orë policore në qytetet kurde dhe kështu ka penguar civilët të largohen nga zonat ku kryhen operacione ushtarake.

Turqia, Bashkimi Evropian dhe Shtetet e Bashkuara i referohen Partisë së Punëtorëve të Kurdistanit si organizatë terroriste. rel

Ragmi Mustafa do të udhëheqë edhe një mandat Preshevën

Ragmi Mustafa do të udhëheqë edhe një mandat Preshevën.

Sipas rezultateve preliminare ka fituar zgjedhjet lokale me rezultat të ngushtë me Alternativën për Ndryshim.

Kështu PDSH e Ragmi Mustafës ka marrë 5438 vota, Alternativa për ndryshim ka marrë 4573 vota, Partia për Veprim Demokratik 4087 vota, BDL ka marrë 699 vota, Rilindja Demokratike 564 vota dhe UDSh 484 vota.

PDSH do të ketë 14 asambleistë, Alternativa për ndryshime 12, PVD 10, UDSH dhe BDL nga 1 asambleist. Në Preshevë kanë votuar 15603 votues.

Sheshel nga Haga në Parlamentin e Serbisë

Sipas Qendrës për Zgjedhje të Lira dhe Demokraci në Serbi (CeSID), rezultatet preliminare të zgjedhjeve në Serbi flasin se Parlamentit të Serbisë do t’i bashkohet edhe Partia Radikale e Serbisë (SRS), e udhëhequr nga radikali serb, Vojsllav Sheshel.

Preliminaret tregojnë se Sheshel ka marrë 7.7 për qind të votave.

Ultranacionalisti Sheshel u lirua nga Tribunali Ndërkombëtar i Hagës nga të gjitha akuzat për krime lufte që ishin ngritur ndaj tij.

Aktualisht, atij i është ndaluar hyrja në Kroaci dhe Kosovë. Të dyja shtetet kanë paralajmëruar arrestimin e tij nëse ai provon të hyjë në ndonjërën prej vendeve, transmeton KosovPress.

Megjithëse nga mediat serbe u raportua për një përqindje më të madhe nga ana e SNS-së, partisë së kryeministrit serb Aleksandër Vuçiq, aktualisht mediat serbe raportojnë se Partia Progresive e Serbisë (SNS), sipas rezultateve preliminare të CeSID-it, ka marrë shumicën e votave, me një përqindje prej 51.8 për qind.

Vuçiçi fiton bindshëm në zgjedhjet parlamentare serbe

Rezultatet paraprake të zgjedhjeve në Serbi kanë nxjerrë fitimtare Partinë Përparimtare serbe të Aleksandër Vuçiçit, me rreth 55 për qind të votave.

Sipas këtyre rezultateve Partia Socialiste e Ivica Daçiqit radhitet e dyta, ndërsa radikalët e ultranacionalistit Vojisllav Sheshel, radhiten në vendin e tretë.

Zgjedhjet e parakohshme parlamentare të së dielës janë vlerësuar si të rëndësishme për orientimin politik të Serbisë. Udhëheqësit politikë të Serbisë janë ndarë mëdysh ndërmjet Perëndimit dhe Rusisë.

Qeveria aktuale thotë se synon të ruajë lidhjet me Moskën, por njëkohësisht të përparojë drejt anëtarësimit në Bashkimin Evropian. Grupet e djathta që fajësojnë perëndimin për pavarësinë e Kosovës, kërkojnë orientimin drejt Rusisë si aleate tradicionale e Serbisë.

Votimet në Kosovë

Sipas njoftimeve zyrtare, në Kosovë kanë qenë të hapura 90 qendra votimi dhe disa vendvotime në 21 lokacione. Në listën e Komisionit Zgjedhor të Serbisë, në Kosovë kanë qenë të regjistruar si votues 106.094 veta.

Sipas marrëveshjes që ka të bëjë me mbajtjen e zgjedhjeve të Serbisë në Kosovë, OSBE, materialin zgjedhor e bartë për në Rashkë dhe Vranje të Serbisë, ku i dorëzohet Komisionit Zgjedhor Republikan të Serbisë.

Misioni i OSBE-së kishte pasur një rol të njëjtë në Kosovë edhe në zgjedhjet parlamentare të Serbisë më 2012 dhe 2014.

Kurse, për të ruajtur rendin dhe qetësinë publike, ka qenë e angazhuar Policia e Kosovës, e cila gjithashtu kaofruar asistencë për OSBE-në.

Zgjedhjet parlamentare të Serbisë, të cilat janë praktikuar të mbahen edhe në Kosovë, bazohen në të drejtën e shtetësisë së dyfishtë të serbëve të Kosovës.

Mbajtja e zgjedhjeve parlamentare serbe në Kosovë, gjatë ditës ishte kundërshtuar nga partitë politike opozitare, duke e cilësuar si shkelje të Kushtetutës së Kosovës, si dhe në kundërshtim me përpjekjet për integrimin e pakicës serbe në institucionet e Kosovës.

Nëpërmjet një komunikate për media, përfaqësuesit e Lëvizjes Vetëvendosje, mbajtjen e zgjedhjeve të Serbisë në territorin e Kosovës, e kanë cilësuar si jo kushtetuese.

“Serbia, me këto zgjedhje do ta rikonfirmojë praninë e saj në Kosovë, dhe njëkohësisht në praktikë ta jetësojë qëndrimin e saj se Kosova është pjesë e Serbisë. Nuk ka dyshim që zgjedhjet e Serbisë në Kosovë, duke qenë në përputhje me Kushtetutën e Serbisë, janë në kundërshtim të plotë me Kushtetutën e Republikës së Kosovës. Në bazë të Kushtetutës, Republika e Kosovës është shtet i pavarur, sovran, demokratik, unik, dhe i pandashëm”.

“Zgjedhjet e vetme që mund të mbahen në territorin e Republikës së Kosovës janë zgjedhjet për institucionet qendrore apo lokale të Republikës së Kosovës”, thuhet në një njoftim dërguar për media nga Lëvizja Vetëvendosje.

Lëvizja Vetëvendosje, konsideron se Qeveria e Kosovës ka dështuar t’i kryejë detyrat e veta shtetërore, derisa ka lejuar mbajtjen e zgjedhjeve parlamentare serbe në Kosovë.

Edhe Aleanca për Ardhmërinë e Kosovës, ka theksuar se votimet për zgjedhjet parlamentare të Serbisë edhe në Kosovë, janë të papranueshme.

“Qëndrimi i institucioneve të Republikës së Kosovës, për të lejuar që të votohet në Kosovë për zgjedhjet e një shteti tjetër, është shkelje e rëndë e sovranitetit dhe Kushtetutës së vendit”.

“Kjo është një goditje edhe për përpjekjet për integrimin e pakicës serbe në institucionet e Kosovës. Koncesionet që Qeveria e Kosovës po i bën Qeverisë së Serbisë, siç janë edhe votimet në Kosovë, për zgjedhjet e Serbisë, janë edhe kundër vetë interesit të popullatës serbe”, thuhet në reagimin e AAK-së, dërguar medieve.

Edhe subjekti politik, Nisma per Kosoven, ka reaguar ndajmbajtjes së zgjedhjeve parlamentare të Serbisë edhe në Kosovë.

“Lejimi nga ana e institucioneve të vendit tonë, që të votohet në Kosovë për zgjedhjet e një shteti tjetër, është shkelje e rëndë e Kushtetutës së Kosovës. Ky veprim është, po ashtu, në kundërshtim me përpjekjet e vendit tonë për integrimin e pakicës serbe në institucionet tona”, thuhet në komunikatën e Nismës për Kosovën.

E, një ditë para mbajtjes së këtyre zgjedhjeve, kryeministri i Kosovës, Isa Mustafa, duke folur për këtë proces, kishte theksuar, se në Kosovë do të ketë vetëm grumbullim të votave nga qytetarët serbë të Kosovës, për zgjedhjet në Serbi.

“Nuk flitet për zgjedhje klasike të Serbisë në Kosovë, por vetëm për grumbullim të votave nga serbët në Kosovë, të cilët kanë dyshtetësi, sepse edhe në të gjitha vendet tjera, qytetarët që kanë dyshtetësi, kanë të drejtë që të votojnë. Këtë të drejtë edhe ne ua kemi siguruar me Kushtetutë”, kishte thënë Mustafa.

Kryeministri Mustafa kishte shtuar se nuk do ta lejonin që dikush nga Serbia të organizojë vendvotime në Kosovë.

Luljeta Krasniqi – Veseli

‘Beteja’ për Bujanocin përplas jo vetëm shqiptarët

Të përçarë në pesë subjekte në Bujanoc, shqiptarët po garojnë për të parin e komunës, derisa janë katër parti serbe dhe një rome që po synojnë të udhëheqin komunën.

Në shkollën e mesme “Sezai Surroi” në Bujanoc janë dy njësi votuese.

Goran Milic është udhëheqës i njësisë 55. Ai ka treguar për “Zëri” se kjo qendër ka 1450 votues nga të cilët deri rreth ora 11 kanë votuar rreth 200.

“Nuk ka pasur probleme, përveç ndonjë problemi të vogël teknik”, ka thënë ai, duke shpresuar se do të votohet qetë. Milic ka thënë se herë pas here në qendër po paraqiten vëzhgues nga OSBE.

Miodrag Spasic udhëheq njësinë tjetër zgjedhore në shkollën “Sezai Surroi” në Bujanoc.

“Nuk ka kurrfarë problemi deri më tani”, ka thënë Spasic. Ai është shprehur se rreth 15 përqind e votuesve të kësaj njësie kanë kryer obligimin qytetar.

“Vonesa të pakta ka për personat që nuk kanë me vete ftesat për votime. Ndryshe, nuk ka asnjë problem”, ka thënë Spasic./Zeri/

Refik Turan: Çështja armene duhet diskutuar në dimensione shkencore

“Mendimi ynë është se kjo çështje duhet diskutuar fillimisht në dimensione shkencore duke u bazuar në fakte të dokumentuara”, tha Turan

ANKARA – Kryetari i Institutit Turk të Historisë, Refik Turan, në lidhje me shprehjen ‘Katastrofë e madhe’ të cilën presidenti amerikan Barack Obama e përdori të premten më 22 prill, sikurse edhe vitin e kaluar, tha se “Shprehja e presidentit amerikan Obama ‘Katastrofë e madhe’ është e rëndësishme, por kjo temë për ne ka konotacion politik. Mendimi ynë është se kjo çështje duhet diskutuar fillimisht në dimensione shkencore duke u bazuar në fakte të dokumentuara”.

Kryetari i TKK-së, dha vlerësime në lidhje me ndodhitë e armenëve në vitin 1915 për gazetarin e AA-së.

Fillimisht, Turan përkujtoi se muajin e kaluar në Amerikë kishte qenë pjesëmarrës në panelin me titull: “E djeshma dhe e sotmja e çështjes armene” ku morën pjesë mbi njëqind shoqata turke, e në të cilin kishte pasur edhe historianë të spikatur, në mesin e të cilëve edhe historiani dhe eksperti i historisë osmane, Prof. Justin McCarthy.

Duke u shprehur se si institut i kanë dhënë vazhdimësi punimeve në lidhje me këtë çështje, Turan, i cili i përçoi mendimet e tij në panel, tha se “Do të nxjerrim botime shumë bindëse”.

Turan, i cili u shpreh se çështja në fjalë ka përfshirë dimensione të ndryshme, si atë shkencor, njashtu edhe atë të propagandës, tregoi se në librat e armenëve ka raste ku fotografia e Ataturkut në të cilën ai është pranë ca qenve është montuar dhe në të janë shtuar njerëz të vrarë.

Ai shtoi se propagandat e armenëve janë të shumta dhe se ekziston një fushë e vëçantë që quhet “pozicionimi kundër propagandës” dhe në këtë fushë duhet bërë aktivitete të veçanta.

Turqia mbron marrëveshjen me BE-në gjatë vizitës së Merkelit

Kryeministri turk, Ahmet Davutoglu, ka thënë se numri i emigrantëve që po kalojnë ilegalisht në Greqi është ulur dukshëm, përderisa ai mbronte marrëveshjen për emigrantë, të nënshkruar mes Turqisë dhe Bashkimit Evropian.

Davutoglu i dha këto komente dje,në një konferencë për media bashkë me kancelaren gjermane, Angela Merkel dhe zyrtarë të lartë të Bashkimit Evropian, të cilët udhëtuan dje për në Turqi për të vizituar një kamp refugjatësh në afërsi të kufirit me Sirinë.

Ata gjithashtu inaguruan një qendër për përkrahje të fëmijëve, të financuar nga Bashkimi Evropian.

Presidenti i Këshillit të BE-së, Donald Tusk, tha se BE-ja planifikon t’i shpenzojë rreth 1 miliard euro në projekte këtë verë, për përmirësimin e jetëve të refugjatëve sirianë në Turqi, ndërsa Davutoglu tha se blloku veçse ka nisur projekte në vlerë prej 187 milionë eurosh.

Grupet për të drejta të njeriut e kanë kritikuar këtë vizitë të zyrtarëve evropianë në Turqi dhe thanë se ata duhet t’i shikojnë me dhjetëra mijëra refugjatë sirianë që tani janë të bllokuar për të hyrë në Turqi.

Zgjedhjet në Serbi, shqiptarja në krye të listës

Ardita Sinani është e vetmja grua bartëse e listës në Serbi. Në zgjedhjet parlamentare dhe lokale janë 21 subjekte politike, por shumica e udhëheqësve janë meshkuj.

Ajo thotë se femra në Luginën e Preshevës është e përfaqësuar mirë në institucione dhe politikë. Por, do të luftojë për më shumë të drejta.

Ardita është mësimëdhënëse dhe beson se është koha që shqiptarët të luftojnë për të drejtat e tyre me çdo mjet demokratik. Femra në politikë, sipas saj, krijon atmosferë më të qetë.

“Nëse femra është aktive dhe në pozicione vendimmarrëse, atëherë besoj se nuk do të ketë korrupsion, ligji do të zbatohej, do të kishte drejtësi dhe punët do të ecnin në mënyrën më të mirë të mundshme”, thotë Ardita Sinani nga Partia për Veprim Demokratik.

Sinani thotë se do të shfrytëzojë të gjitha mjetet demokratike për të ngritur zërin në një zonë që ka pasur mjaft konflikte.

“Për shqiptarët e Luginës së Preshevës më e rëndësishme është të ulet numri i të papunëve, te ketë një zhvillim ekonomik sepse jemi zona më e pa zhvilluar në të gjithë territorin e Serbisë”, vijon ajo.

Shqiptarët në Luginën e Preshevës garojnë kryesisht në zgjedhjet lokale për shkak të bojkotit, por pjesëmarrja e tyre do të jetë edhe për ato parlamentare. (tch)

Davutoglu dhe Merkel vizitojnë kampin e refugjatëve në Gaziantep

Ata sot së bashku me Presidentin e Këshillit Evropian Donald Tusk dhe Zëvendëspresidentin e Komisionit Evropian Frans Timermans do të vizitojnë kampin e refugjatëve në Gaziantep

GAZIANTEP – Kryeministri turk Ahmet Davutoglu dhe kancelarja gjermane Angela Merkel mbërritën në qytetin juglindor turk Gaziantep.

Davutoglu, i cili arriti në pak më herët Gaziantep, priti Merkelin në aeroportin e këtij qyteti.

Ata sot së bashku me Presidentin e Këshillit Evropian Donald Tusk dhe Zëvendëspresidentin e Komisionit Evropian Frans Timermans do të vizitojnë kampin e refugjatëve në Gaziantep.

Kampi është themeluar në vitin 2013 dhe shtrihet në një sipërfaqe prej 145 mijë metra katror, kurse aty jetojnë 4.818 refugjatë sirianë. Nga themelimi i këtij kampi e deri në ditët e sotme aty kanë lindur 363 fëmijë. Nga ana tjetër, pothuajse dy mijë fëmijë me origjinë nga Siria ndjekin mësimet.

Tulipanët i qendisin fushat e mrekullueshme të luleve në Konja

Në Karataj pranë Konjas gratë me dashuri të madhe kujdesen për fushën e tulipanëve, dhe njëherit me paratë e të fituara nga kjo punë, ndihmojnë familjet e tyre

KONJA – Në krahinën qendrore të Konjas, në Turqi, 80 lloje të ndryshme të tulipanëve gërshetojnë fushën e mrekullueshme në të cilën punojnë gratë e zellshme nga fshatrat përreth. Tulipanët sot më së shpeshti rriten në periudhën nga marsi deri në maj. Prandaj ajo njihet si lule pranvere.

Në Karataj pranë Konjas gratë me dashuri të madhe kujdesen për fushën e tulipanëve, dhe njëherit me paratë e të fituara nga kjo punë, ndihmojnë familjet e tyre. Me rrezet e para të diellit dhe me fëmijët në shpinë nisen drejt fushës në të cilën punojnë me dashuri të madhe.

Aty janë edhe vizitorët të cilët janë gjithnjë e më shumë në këto muaj. Ato natyrisht duan të fotografojnë fushën e madhe me tulipanë, por edhe gratë e vyeshme që e mbajnë të gjallë këtë bukuri.

Korkut Yetgin, përgjegjëse për kultivimin e tulipanëve në Karatay, për AA tha se tulipanët janë një burim i rëndësishëm i punësimit të njerëzve të këtij rajoni.

Sipas saj, tulipanët kultivohen edhe në dimër në këtë fushë dhe në këtë mënyrë ata ushqejnë shumë familje gjatë gjithë vitit. Yetgin theksoi se aktualisht në kultivimin e tulipanëve janë angazhuar rreth 150 gra.

Shumë prej tyre vijnë nga fshatrat përreth. AA

Drejt përfundimit ura që bashkon dy anët e Gjirit të Izmirit

Kohëzgjatja e udhëtimit nga Stambolli deri në Izmir nga 9 orët e tanishme, me urën e re do të zvogëlohet në tri orë

KOCAELI – Në përfundim e sipër janë punimet rreth ndërtimit të urës e cila i bashkon dy anët e Gjirit të Izmitit në Turqi.

Në ceremoninë me rastin e vendosjes së pjesës së fundit të urës, e njohur si Gjerdani i Gjirit të Urës, pritet të marrë pjesë presidenti i Turqisë Rexhep Taip Erdogan dhe kryeministri Ahmet Daavutoglu.

Kohëzgjatja e udhëtimit nga Stambolli deri në Izmir nga 9 orët e tanishme, me urën e re do të zvogëlohet në tri orë.

Kulla më e lartë e urës është në lartësi prej 252 metrash, ndërsa baza e pllakës rrugore është e gjerë 35 metra.

Ura me gjatësi të përgjithshme prej 2.682 metra, prej të cilave 1.550 meta janë në ajër, paraqet urën e katërt për nga gjatësia e saj në nivel vjetor.

Ndërtimi i urës filloi më 17 janar të vitit 2016 dhe sot do të vendoset pjesa e fundit e 113 pllakave rrugore të urës.

Pritet që punimet rreth montimit të përfundojnë deri në fund të muajit, dhe pas përfundimit të punëve rreth izolimit dhe asfaltimit të rrugës, ura do të hapet për komunikacion nga fundi i muajit maj. aa

Tronditet Shkupi, polici ekzekuton nënë e bijë e pastaj vetëvritet

Trupat e pajetë të tre personave janë gjeturnë fshatin Vollkovë të Shkupit. Bëhet fjalë për 2 gra të moshës 60 dhe 80 vjeç, nënë e bijë dhe një burrë me profesion polic. Të tre me plagë nga armë zjarri në trup.

Jozyrtarisht mësohet se polici ka qelluar mbi dy gratë dhe më pas ka kryer vetëvrasje. Ende janë të paqarta motivet.

Ekipe të MPB-së kanë shkuar në vendngjarje dhe priten informata më të hollësishme, raporton Zhurnal.

Po ashtu në Kumanovë po lëviz një helikopter i policisë duke shqetësuar popullatën e këtij qyteti. Të shqetësuar nga helikopteri i policisë më shumë janë banorët e Lagjes së Trimave të cilët me 9 dje 10 maj të vitit të kaluar në befasi u zgjuan nga krismat dhe bombat e policisë maqedonase.

Opozita në Maqedoni i kushtëzon bisedimet e Brukselit

Opozita e Maqedonisë ka paralajmëruar se nuk do t’iu bashkohet bisedimeve në Bruksel për zgjidhjen e krizës politike, nëse qeveria nuk i shtyn zgjedhjet dhe nuk e tërheq amnistinë për politikanët e dyshuar për korrupsion.

Zoran Zaev, lider i Partisë Social-Demokrate, ka thënë se presidenti Gjorgje Ivanov “duhet të tërheqë vendimin e turpshëm për amnistinë e dhjetëra figurave publike, të përfshira në një skandal të përgjimeve”.

Zaev po ashtu ka thënë se zgjedhjet, e parapara për 5 qershor, duhet të shtyhen, derisa të krijohen kushtet për votime demokratike dhe të besueshme.

Bashkimi Evropian ka ftuar në takim, më 22 prill, liderët politikë të Maqedonisë, në përpjekje për të zgjidhur krizën politike në këtë vend.

Partia në pushtet e Maqedonisë, VMRO-DPMNE, e ka pranuar ftesën për negociata.

Protetstat në Shkup dhe qytete të tjera, kundër pushtetit, janë duke vazhduar për të dytën javë me radhë.

Gjuriçi: Letërnjoftimet serbe të vlefshme në Kosovë, bllokada e kamionëve përfundon të hënën

Drejtori i Zyrës për Kosovën në Qeverinë e Serbisë, Marko Gjuriçi, ka thënë sot herët në mëngjes se pas më shumë se 18 orë bisedimesh me përfaqësuesit e Prishtinës në Bruksel, është arritur marrëveshje për kartat e identitetit, lëvizjen e kamionëve, vizitat zyrtare të serbëve në Kosovë si dhe zgjedhjet.

Duke theksuar se janë arritur marrëveshje të rëndësishme për popullin serb në Kosovë në katër fusha themelore, Gjuriq ka thënë për Tanjug se “letërnjoftimet e lëshuara nga Qeveria jonë lirisht mund të përdoren në Kosovë si dhe bisedimet për këtë çështje do të vazhdojnë edhe në të ardhmen”.

Zyrtari serb poashtu ka deklaruar se është arritur ujdi edhe për transportin e mallrave të rrezikshme sdhe sipas tij, bllokada e kamionëve do të vlejë deri më 25 prill.

Sipas Gjuriçit edhe zgjedhjet serbe në Kosovë do të mbahen në të njëjtën formë sikurse ndodhi në vitin 2014 me praninë e OSBE-së.

Ndërkaq, sa i përket vizitave të zyrtarëve serb në vendin tonë, ai ka theksuar se janë marrë vesh që të mos iu ndalohet më hyrja atyre si dhe njoftoi se nesër do ta vizitojë Kosovën siç tha ai “në mënyrën më normale të mundshme”.

Vuçiçi: Qëllimet e Millosheviçit ishin më të mira se rezultatet

Kryeministri i Serbisë, Aleksandër Vuçiçi, ka fajësuar ish-presidentin serb Sllobodan Millosheviç për humbjen e luftërave.
“Ai ka bërë dy gabime të pafalshme, të cilat e kanë futur Serbinë në konflikt ushtarak dhe vrasje me motivacione politike”, ka thënë Vuçiç.
“Nuk duhet të hysh në konflikt pa një qëllim dhe pa një strategji dhe të dalësh i dështuar”, ka theksuar kryeministri serb, përcjell KTV.
Sipas tij, Millosheviqi ishte një burrështetas, mirëpo qëllimet e tij për të mbrojtur popullin serb ishin më të mira se rezultatet, të cilat ishin të këqija.
Gazetari e ka pyetur Vuçiqin nëse po fajëson Millosheviçin për shkak se ka i humbur luftërat apo për shkak se i ka nisur ato,
“Nuk mendoj që Millosheviçi është fajtori kryesor për luftërat e shkaktuara. Në çdo rast, ka qenë gabim të hysh në luftë. Do të duhej të tregohej më i mençur, sepse po drejtonte shtetin”, është përgjigjur Vuçiç.

Analistja serbe: Unë e pranoj shtetin e Kosovës

PRISHTINE- Sot është shënuar tre vjetori që kur kryeministrat e Kosovës dhe Serbisë kanë nënshkruar marrëveshje për normalizimin e marrëdhënieve në Bruksel. Për të dy palët, marrëveshja ishte historike dhe u nënshkrua pas disa muajsh bisedime mes kryeministrit të Serbisë dhe Kosovës, Ivica Daçiç dhe Hashim Thaçit, me ndërmjetësimin e Përfaqësueses së Lartë të BE-së, Catherine Ashton, shkruan k.kosova.

Këto ishin imazhet e 19 prillit të 2013, kur Hashim Thaçi, Ivica Daçiç, e Cathrine Ashton, vunë firmat mbi atë që njihet si marrëveshja e parë për normalizimin raportesh mes Kosovës dhe Serbisë pas luftës
Tre vjet më vonë, përfaqësuesi i Bashkimit Evropian për Kosovë, thotë se pa marrëveshjen e atëhershme, Kosova nuk do të ishte ajo që është sot.

Ndërsa një pjesëmarrëse nga Beogradi, tha se dialogu i ndërmjetësuar nga europianët, nuk solli normalizim. Përfaqësuesja e Serbisë tha se sikur të pyetej ajo nuk do të kishte luftë as krime. “Menjëherë do ta pranoja pavarësinë e Kosovës”, tha ajo.

Beogradi jep alarmin për rishfaqje të AKSH-së në Kosovë

Serbët e Kosovës janë të brengosur, pas një riviste të pjesëtarëve të Armatës Kombëtare Shqiptare, të armatosur deri në dhëmbë, të cilët kanë bërë thirrje për mobilizim të anëtarëve të saj, për të “mbrojtur interesat kombëtare”, shkruan sot “Novosti” i Beogradit.

Drejtori i Zyrës për Kosovën në Qeverinë e Serbisë, Marko Gjuriq, duke reaguar nga kësaj paraqitjeje të saj, i tha kësaj gazete se KFOR-i dhe komuniteti ndërkombëtar duhet të ofrojnë garanci se këso dukurish në, siç citohet të ketë thënë ai, krahinën tonë jugore nuk do të ndodhin.

“Do të bisedojmë me përfaqësuesit e komunitetit ndërkombëtar, para së gjithash me përfaqësuesit e KFOR-it, meqë shfaqja e grupeve të tilla të armatosura është e palejueshme”, citon “Novosti Gjuriqin.

Pas disa muajsh, kur sipas medieve në gjuhën shqipe të Kosovës u shfaqën në segmentin e rrugës Prishtinë – Podujevë dhe Prishtinë – Mitrovicë, pjesëtarë të armatosur të Armatës Kombëtare Shqiptare janë tubuar para disa ditësh në rajonin e Mitrovicës, me ç’rast “komandanti” anonim i kësaj organizate ilegale ka akuzuar “strukturat paralele serbe” në Mitrovicë se po torturojnë shqiptarët dhe se nuk po i lejojnë të kthehen në shtëpitë e veta. Serbët posaçërisht i ka shqetësuar deklarata e njërit nga “liderët”, i cili ka thënë se pjesëtarët e AKSH-së janë të organizuar dhe mirë të stërvitur që “shumë shpejt edhe të mobilizohen”

“Komuniteti ndërkombëtar, që është përgjegjës për sigurinë në Kosovë, duhet me urgjencë të reagojë dhe të ndalë vringëllimat e tilla me armë dhe kërcënimet e shqiptarëve të armatosur. Prandaj i bëjmë thirrje komunitetit ndërkombëtar, para së gjithash KFOR-it, që është përgjegjës për sigurinë në Kosovë e Metohi, që të mos i mbyll më sytë para kërcënimeve të hapura të shqiptarëve dhe të mos tolerojë armatosjen dhe organizimin e tyre me qëllim të shkaktimit të trazirave”, cition “Novosti” kryetarin e Mitrovicës veriore, Goran Rakiqin.

Dhe ndërsa tërheq vërejtjen se rivista e shqiptarëve të armatosur përbën dëshminë se në Kosovë vazhdon të ketë sasi të madhe armesh ilegale, Rakiq përmend shqetësimin shtesë për shkak të thirrjes së pjesëtarëve të kësaj organizate ilegale për mobilizim, që mund të provokojë destabilitet dhe përshkallëzim të dhunës, shkruan kjo gazetë.

Miro Kovaç: Serbia është vendi ku u planifikuan luftërat

Shefi i diplomacisë së Kroacisë, Miro Kovaç, mohoi sërish se vendi i tij po bllokon rrugën e Serbisë drejtë anëtarësimit në Bashkimin Evropian, duke nënvizuar se Serbia nuk mund të jetë gjyqtare dhe polic për krimet e luftës në territoret e ish-Jugosllavisë.

Në një intervistë për revistën Jutarnji List, Kovaç tha se nuk bëhet fjalë për kurrfarë bllokade të rrugëtimit të Serbisë drejtë unionit, por tha se bëhet fjalë për përmbushje të kushteve nga ana e Serbisë në fushën e gjyqësorit dhe respektimit të të drejtave të njeriut, duke shtuar se bëhet fjalë për vlera, të cilat karakterizojnë identitetin e familjes evropiane.

Shefi i diplomacisë kroate theksoi se bashkëpunimi i Beogradit me Tribunalin në Hagë është një kriter në negociatat me Brukselin.

“Është e qartë se shteti, nga i cili kanë buruar planet për luftërat në vitet e 90-ta, nuk mund të jetë gjykatës dhe polic për krimet e kryera në ish-Jugosllavi. Është ky një absurd, i cili pamundëson marrëdhëniet e fqinjësisë së mirë”, nënvizoi Kovaç.

Vuçiçi: Rrezik për “ukrainizimin” e Maqedonisë

Kryeministri serb, Aleksander Vuçiç është shprehur i shqetësuar për situatën në Maqedoni, e cila sipas tij, mund të reflektohet në stabilitetin e gjithë rajonit.

Vuçiç është shprehur se, një “ukrainizim i Maqedonisë” nuk i duhet askujt.

“Përleshjet, trazirat dhe çfarëdolloj destabilizimi rrezikojnë të kushtëzojnë të gjithë rajonin. Ne në Serbi po punojmë për të ruajtur paqen dhe stabilitetin”, ka deklaruar Vuçiç.

Ai ka theksuar se, në Serbi situata është tërësisht e qetë dhe e qëndrueshme, por ka theksuar se, është me rëndësi që situata e tensionuar në Maqedoni të zgjidhet sa më shpejt.

Situata në Maqedoni është trazuar pas vendimit të presidentit Ivanov për të amnistuar të gjithë politikat nën hetim apo në procese gjyqësore, përfshirë ata të lidhur me skandalin e përgjimeve të publikuar vitin e kaluar.

Ky veprim ka shkaktuar reagim të menjëhershëm popullor, me opozitën që prej katër ditësh proteston çdo mbrëmje në rrugët e Shkupit, duke kërkuar dorëheqjen e presidentit.

Pak ditë më parë një shqetësim të ngjashëm kryeministri serb shprehu për situatën në Bosnje e Hercegovinë, për shkak të rritjes së atij që e cilësoi “ekstremizëm politik” që mund të përhapet në mbarë Ballkanin.

Erdogani kritikon shtetet islamike që nuk njohin Kosovën (video)

Presidenti i Turqisë, Rexhep Taip Erdogan, në fjalimin e mbajtur përpara anëtareve të Organizatës së Bashkëpunimit Islamik (OBI), ndër të tjera ka deklaruar se detyra thelbësore e Organizatës është që të interesohet për problemet e myslimanëve në çdo cep të botës.

Ai bëri të ditur se ndjehen të hidhëruar për shkak se brenda 56 vendeve anëtare të OBI-t, ka ende nga ato që nuk e kanë njohur Qipron turke dhe Kosovën. Erdogan ka deklaruar se nuk e kupton shtyrjen e kësaj çështjeje duke parashtruar arsye në lidhje me mospranimin.(TRT)

Lesbos: emigrantët e qytetarët grekë e presin me padurim Papa Françeskun

Papa: shtrëngim duarsh me refugjatë – EPA

Do të jetë një nga ato gjeste, vizita e Papës Françesku nesër, në Lesbos, që, siç e ka thënë ai vetë të Enjten e Madhe, në Qendrën e Strehimit për azilkërkuesit e Castelnuovo di Porto, flasin shumë më tepër sesa fjalët. Do të kalojë pak orë në tokën greke, nga e cila mund të dallosh dritat e mbrëmjes, që ndizen një nga një mbatanë, në tokën turke. Një rrip uji tepër i ngushtë, që të tundon menjëherë të dalësh në det të hapur e të arrish në Evropën e dëshiruar. Ky det ka parë shumë të gjallë, duke e realizuar këtë ëndërr, por edhe shumë, shumë të vdekur. Papa, Patriku Bartolomeu e Kryepeshkopi Hieronymus, së bashku në portin e ishullit, do t’i drejtojnë Zotit lutjen e tyre për shpirtin e viktimave e do të hedhin në det tri kurora dafinash. Një mendim për ata, që nuk ia dolën mbanë ta kapërcejnë detin, do të jetë çasti përfundimtar i vizitës, që gjithsesi, do të përqendrohet kryesisht tek ata, që vijojnë ta mbajnë gjallë shpresën për të jetuar një jetë më të mirë: tek refugjatët, ata që kërkojnë strehim politik a ekonomik, sepse Papa nuk i bën kurrë dallimet, aq të dashura për politikën.

Françesku do t’i përqafojë në qendër të Morias, që u bë e famshme pas marrëveshjes BE-Ankara e që, sipas organizatave humanitare, e shndërroi këtë vend në burg.Kështu nis kjo ditë kaq e ngarkuar e Papës, të cilin do ta ndjekim hap pas hapi, nesër, në Lesbos.

Fuere: Maqedonia përbën rrezik edhe për rajonin

Ish ambasadori i Bashkimit Evropian në Maqedoni, Ervan Fuere, ka regjur për situatën në Maqedoni përmes një postimi në profilin e tij në rrjetin social “facebook”.

“Shteti, në të cilin nuk mbisundon drejtësia, nuk është i rrezikshme vetëm për qytetarët e saj – viktima të pafajshme të kësaj dukurie nga mungesa e drejtësisë si dhe nga liderët e korruptuar, mund të jetë i gjithë rajoni”, ka shkruar Fuere.

Në Podgoricë digjen flamujt shqiptarë

Persona të panjohur, në qendër të Podgoricës, u kanë vënë flakën flamurit shtetëror të Kosovës dhe flamurit të Shqipërisë, i cili është edhe flamur kombëtar i shqiptarëve. Ngjarja ka ndodhur të enjten mbrëma, kurse flamujt e djegur ishin të vendosur para ambasadave të Kosovës dhe Shqipërisë në Mal të Zi.

Lidhur me rastin, ka reaguar ministria e Punëve të Jashtme e Malit të Zi, e cila ka dënuar djegien e flamujve të Kosovës dhe Shqipërisë.

Ivan Vuçiq, përgjegjës për komunikim me media në ministrinë e Jashtme të Malit të Zi ka thënë për Radion Evropa e Lirë se kjo Ministri e Jashtme bashkë me atë të Integrimeve Evropiane kanë shprehur keqardhje për këtë akt, që ka ndodhur pak metra larg ambasadave të Kosovës dhe Shqipërisë në Podgoricë.

“Ministria është në komunikim të vazhdueshëm me ambasadat, kurse organet kompetente do t’i ndërmarrin të gjitha masat e nevojshme në zbardhjen e rastit dhe zbulimin e akterëve”, ka thanë ai.

“Jemi të bindur që ngjarje të tilla nuk do të ndikojnë në raportet e mira bilaterale dhe miqësore ndërmjet shteteve tona “, ka theksuar Vuçiq.

Nga Ambasada e Shqipërisë nuk kishte ndonjë reagim pasi që ambasadori shqiptar menjëherë ka udhëtuar për në Tiranë. Kurse nga Ambasada e Kosovës nuk pasur ndonjë deklaratë.

Erdogani: Terrorizmi është sfida më e madhe për botën myslimane

Terrorizmi është problemi më i madh me të cilin ballafaqohet bota myslimane, tha presidenti turk Recep Tayyip Erdogani, duke njoftuar se vendet anëtare të Organizatës së Bashkëpunimit Islamik (OIC) ranë dakord të formojnë një trup të përbashkët për të luftuar terrorizmit.

Ai në Samitin e 13-të të Organizatës së Bashkëpunimit Islamik (OBI) i bëri thirrje edhe njëherë komunitetit ndërkombëtarë që të rishikojë qëndrimin e tij ndaj organizatave terroriste.

“Për shkak të kërcënimit të terrorizmit duhet të ndërmerren operacione në terren. Krahas kësaj duhet një luftë për t’i shterur burimet financiare dhe njerëzore. Për këtë arsye bashkëpunimi ndërkombëtar ka rëndësi të madhe. Do të jetë me vend që mes vendeve anëtare të OBI-së të krijohet një strukturë e cila do të forcojë bashkëpunimin dhe institucionalizimin kundër terrorizmit dhe krimeve të tjera. Me këtë qasje është pranuar propozimi ynë si Turqi për formimin e një bashkëpunimi policor OBI me qendër në Stamboll dhe formimin e një qendre koordinimi”, tha presidenti turk, transmeton Telegrafi.

Duke iu referuar çështjes së terrorizmit Erdogan tha se terrorizmi dhe dhuna janë një prej çështjeve më të mëdha me të cilat ballafaqohet bota islame. Lufta kundër terrorizmit dhe kriza e emigrantëve janë dy çështje qendrore të cilat u diskutuan në takimin e OKI në Stamboll këtë javë.

CPJ: Turqia t’i mbrojë gazetarët

Komiteti për Mbrojtjen e Gazetarëve (CPJ) me seli në Shtetet e Bashkuara, i ka bërë thirrje Turqisë që t’i mbrojnë gazetarët, pasi një reporter sirian ishte marrë në shënjestër të grupit ekstremist, Shteti Islamik, në pjesën juglindore të Turqisë.

Gazetari televiziv, Mohammed Zahir al-Sherqat, është qëlluar nga afër gjatë fundjavës, duke ecur në rrugët e Gaziantepit afër kufirit me Sirinë.

Ai vdiq në spital më 12 prill.

Për këtë sulm përgjegjësinë e ka marrë grupi ekstremist, Shteti Islamik.

Kjo është vrasja e katërt e gazetarëve të Sirisë në Turqi, për të cilën përgjegjësinë e ka marrë ky grup ekstremist.

Faqja 71 prej 84« Fillimi ‹ Prapa 67 68 69 707172 73 74 75 Para ›Fundi »

Përgatiti: Valona Tela

Partia shqiptare në Luginë të Preshevës, Partia për Veprim Demokratik ka shprehur interesim për futje në koalicion me fituesin e zgjedhjeve në Serbi, listën e përbashkët “Fiton Serbia” e udhëhequr nga partia e kryeministrit Vuçiç, Partia Përparimtare e Serbisë.

Luljeta Krasniqi – Veseli

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL