Kryetari i Republika Srpska, Milorda Dodik. ka thënë se është ftuar të marrë pjesë në inaugurimin e presidentit të ri të SHBA-së Donald Trump më 20 janar 2017 në Washington.

“Kam marrë ftesën të marr pjesë në solemnitetin e dhënies së betimit të presidentit të ri amerikan, akreditimet më presin në Washington, e kemi radhën e shtatë”, ka thënë për gazetën e Beogradit “Veçernje novosti” kryetari i Republika Srpska Milorad Dodik.

Ai ka shtuar se do të marrë pjesë në inaugurim nëse administrata në largim nuk ia konteston vizën.

“Ditëve të fundit nga Washingtoni po më arrijnë kërkesa që të heq dorë nga politika e partisë që e udhëheq, po më bëhen kushtëzime të ndryshme dhe nëse i plotësoj ato do ta merrja vizën”, ka thënë Dodik.

Ai ka shpjeguar se nuk e ka paguar ftesën për të marrë pjesë në inaugurimin e Donald Trumpit, e ka shtuar asi, nëse dikush mendon se kjo mund të bëhet, le ta provojë.

Rusia do të furnizojë Serbinë me avionë luftarakë, tanke, makineri lufte pas marrëveshjes së arritur mes dy vendeve gjatë vizitës së Kryeministri serb, Aleksandër Vuçiç javën e kaluar në Rusi. Bëhet fjalë për 6 avioni MiG-29, 30 tanke T-72 dhe 30 makineri lufte që vijnë nga rezervat e Rusisë.

Avionët do të dorëzohen në mars dhe do t’i kushtojnë Serbisë 180 deri në 230 milionë euro. Vuçiç, i cili siguroi marrëveshjen gjatë vizitës në Rusi të mërkurën e kaluar, tha se “donacioni” rus do të rrisë në mënyrë “dramatike” fuqinë mbrojtëse të Serbisë. Shumica e vendeve fqinje të Serbisë janë vende anëtare të NATO-s.

Marrëveshje e këtyre dy vendeve konsiderohet si rritje e ndikimit rus në Ballkan. Kreu i qeverisë serbe nuk harroi të theksonte se vendi i tij do të vazhdojë të mbetet një vend neutral ushtarakisht pavarësisht armatimit të ri nga Rusia. “Qielli i Serbisë do të jetë absolutisht i sigurt”, tha ai.

“Kjo do të thotë se ne do të kemi avantazh mbi ata që do të mendojnë të kërcënojnë Serbinë në të ardhmen. Ne nuk po kërcënojmë askënd.” Forcat e armatosura serbe kanë 80% të armatimeve nga teknologjia sovjetike. Pavarësisht se formalisht, Serbia kërkon të bëhet pjesë e BE-së, ajo është afruar me aleatin tradicional sllav dhe ortodoks.

Gjatë takimit me Vuçiç, ministri rus i Mbrojtjes, Sergei Shoigu propozoi stërvitje taktike trepalëshe bashkë me Bjellorusinë që do të cilësohet stërvitje “vëllazërore sllave”. Gjithashtu Rusia u shpreh e gatshme për të intensifikuar bashkëpunimin në Serbinë në fushën e ushtrisë.

Marrëveshja e tyre janë në një kohë kur ka rritje tensioni mes Serbisë dhe Kroacisë, e cila është pjesë e NATO-s dhe BE-së. Në këtë mes Rusia duket se po kërkon që të parandalojë afrimin e mëtejshëm të Ballkanit me Perëndimin.

Ministri serb i Punës, Aleksandër Vulin e cilësoi marrëveshjen me Rusinë si “historike”, i cili shtoi se që pa bombardimit nga NATO gjatë Luftës së Kosovës, tha se Serbia nuk është më e sigurt. “Tani do të jemi në gjendje të mbrojmë territoret tona”.

STAMBOLL – Shoferët në Stamboll sot kishin rastin që të shfrytëzojnë Tunelin Euroaziatik, i cili nën Bosfor lidh anën evropiane dhe aziatike të qytetit. Vozitja e cila më herët zgjaste rreth 100 minuta, tani është ulur në gjithsej 15 minuta.

Tuneli në relacionin Kazlicesme – Goztepe është ndërtuar në 106 metra nën nivelin e detit. Tuneli Euroaziatik do të duhet në masë të madhe të lehtësojë trafikun në urat “Fatih Sulltan Mehmet” dhe ura “Dëshmorët e 15 Korrikut”, dikur e quajtur Ura mbi Bosfor.

Tunelin i cili u hap të marten, shoferët do të mund ta përdorin çdo ditë mes orës 07:00 dhe 21:00, ndërsa pas 30 janarit të vitit 2017, tuneli do të përdoret gjatë tërë ditës.

Pritet që përmes Tunelit Euroaziatik në ditë të kalojnë mes 100.000 dhe 120.000 automjete. Tuneli dykatësh nën thellësinë e detit është i gjatë 5.4 kilometra, ndërsa gjatësia e përgjithshme e projektit arrin 14.6 kilometra.

Përveç kësaj, tuneli falë teknologjisë dhe metodave bashkëkohore është ndërtuar në atë mënyrë që nuk do të jetë nën ndikim të rrezikut nga tërmeti dhe cunami.

Duke qenë të zgjeruar rrugët në hyrje dhe dalje të tunelit, komunikacioni në mënyrë shtesë është lehtësuar, ndërsa do të kontribuojë edhe në ruajtjen e ambientit, meqë rruga Kazlicesme –Goztepe do të jetë më e shkurtër andaj me këtë do të ketë më pak emisione të gazrave të dëmshme, por edhe shpenzime të mirëmbajtjes së automjeteve.

ANKARA – Ministri turk i Punëve të Brendshme, Süleyman Soylu, ka bërë një deklaratë në lidhje me vrasjen e ambasadorit të Rusisë në Ankara, Andrei Karlov, ku ka publikuar edhe identitetin e agresorit, raporton Anadolu Agency (AA).

“Sulmuesi është Mevlüt Mert Altınbaş, i cili prej 2 vite e gjysmë është në detyrë në policinë e Ankarasë. Ai ka mbaruar shkollën e lartë të policisë Rüştü Ünsal, në Izmir. Agresori është nga Manisa dhe është i datëlindjes 24 qershor 1994”, ka thënë ministri Soylu. Ai më pas duke dhënë detaje mbi rrjedhën e ngjarjes ka theksuar: “Me gjithë përpjekjet për ta shpëtuar mjekët nuk mundën ta kthejnë në jetë dhe kështu humbëm mikun tonë të ngushtë, ambasadorin e Rusisë në Ankara.”

Ndërkohë duke dhënë detaje edhe mbi personat e plagosur në këtë ngjarje, ministri Soylu tha: “Gjatë ngjarjes është plagosur edhe Leyla Gündoğan, Anastas Zimbinkali, lindur në Shqipëri dhe banues në Turqi, si dhe Arıl Değer, që janë dërguar menjëherë në spitalin Güven në Ankara. Arıl Değer ka dalë menjëherë nga spitali, ndërsa dy të plagosurit e tjerë gjenden nën kujdesin e mjekëve. Njeri prej tyre është plagosur në këmbë dhe tjetri në krah.”

“Një sulm terrorist ndaj marrëdhënieve Turqi-Rusi”

“Ky atentat, ky sulm terrorist dhe ky sulm i armatosur është bërë kundër marrëdhënieve Turqi-Rusi dhe është padyshim një sulm terrorist”, ka then Soylu dhe më pas ka shtuar duke thënë se ky sulm është një provokacion shumë I madh. “Ky është një sulm, një provokacion shumë i madh, veçanërisht për marrëdhëniet Turqi-Rusi, ndërkohë që këto marrëdhënie janë shumë mire. Një sulm i organizuar në një kohë të tillë është një plumb i lëshuar në drejtim të popullit turk dhe ndaj një personi që është amaneti i Turqisë dhe popullit turk.”

Mediat në Turqi kanë publikuar fotografinë dhe emrin e personit që qëlloi për vdekje ambasadorin rus në Turqi.

Mevlut Mert Altintash, 22 vjeçar, shtiu ndaj Andrei Karlov nga prapa së paku pesë herë derisa diplomati po mbante një fjalim në një galeri arti në Ankara.

Polici jashtë detyrës bërtit “Allahu Akbar” gjatë sulmit dhe tha: “Ju rusët shkatërruar Halepin dhe Sirinë”.

Altintash ishte i vetmi person që po qëndronte prapa ambasadorit gjatë fjalimit të tij.

Sipas “Sky News”, sulmuesi, i cili mençëm ishte veshur me kostum të zi e kollare, ka bërtitur: “Kemi dhënë betimin për të vdekur si martirë”.

Ai besohet të ketë shtuar: “Derisa ata të mos jenë të sigurt, nuk do të shijoni sigurinë. Largohuni, vetëm vdekja do t’më largoj nga këtu”.

Dy burime sigurie e kanë identifikuar atë si polic jashtë detyrës që ka punuar në kryeqytetin turk.

Presidenti turk, Recep Tayyip Erdogan ka folur përmes telefonit me presidentin rus, Vladimir Putin të hënën për të ndarë informacionet në lidhje me vrasjen e ambasadorit rus në Ankara, ka thënë një zyrtar turk, raporton Reuters.

Më herët, zëdhënësja e ministrisë së Jashtme ruse, Maria Zakharova u tha gazetarëve se ambasadori, Andrei Karlov, kishte vdekur pasi u qëllua për vdekje nga një person i armatosur në një galeri arti në kryeqytetin turk.

Mediat në Turqi kanë publikuar fotografinë dhe emrin e personit që qëlloi për vdekje ambasadorin rus në Turqi.

Mevlut Mert Altintash, 22 vjeçar, shtiu ndaj Andrei Karlov nga prapa së paku pesë herë derisa diplomati po mbante një fjalim në një galeri arti në Ankara.

Një person i armatosur hapi sot zjarr mbi ambasadorin e Rusisë në Turqi gjatë një ekspozite fotografike. Zëdhënësja e Ministrisë së Jashtme ruse Maria Zakharova konfirmoi se ambasadori Andrei Karlov vdiq nga plagët.

Ambasadori, Andrei Karlov, kishte pak minuta që po mbante një fjalim në ekspozitën ambasadës të hapur në kryeqytetin Ankara, kur një njeri i veshur me kostum dhe kravatë thirri “Allahu Akbar” dhe shtiu të paktën tetë herë, sipas një fotografi të agjencisë së lajmeve Associated Press që ndodhej në audiencë.

Personi që sulmoi tha gjithashtu “Mos harroni Alepon, mos harroni Sirinë” dhe theu disa nga fotot e varura në ekspozitë. Në sallë u krijua panik ndërsa të pranishmit u përpoqën të mbrohen.

“Sot në Ankara, si rezultat i një atentati ndaj ambasadorit rus në Turqi, Andrei Karlov u lëndua me armë zjarri dhe vdiq nga plagët,” tha zonja Zakharova. “Ne e cilësojmë incidentin si akt terrorist,” tha ajo.

Kanali turk i lajmeve NTV njoftoi se policia e kishte vrarë më pas autorin e atentatit. NTV tha se tre persona të tjerë u plagosën.

Sipas njoftimeve fillestare, autori i sulmit mund të ketë qenë polic.

Zëdhënësi i Departamentit të Shtetit John Kirby tha se zyrtarët amerikanë ishin në dieni të incidentit:

“Ne e dënojmë këtë akt të dhunshëm, pavarësisht nga autorësia. Jemi pranë viktimës dhe familjes së tij me mendimet dhe lutjet tona”.

Agjencia ruse e lajmeve RIA njoftoi se siguria përreth ambasadës ruse në Ankara është forcuar pas incidentit.

Andrei Karlov, 62-vjeç, ka qenë i dërguar i Rusisë në Phenian nga 2001-2006 dhe më pas ka kryesuar departamentit konsullor në Ministrinë e Jashtme ruse. Ai u bë ambassador i Rusisë në Turqi në 2013.

Ministri i Jashtëm rus Sergei Lavrov, tha sot në Beograd se Rusia pranon të gjitha zgjidhjet dhe proceset në lidhje me Kosovën, por që sipas tij, kjo do të bëhet me respektim të Rezolutës 1244 dhe se rishikimin i njëanshëm i Rezolutës do të kundërshtohet.

“ Ne solidarizohemi me miqtë tanë serbë dhe jemi kundër çdo përpjekje për të rishikuar në mënyrë të njëanshme këtë Rezolutë”, tha Lavrov shkruan “B92”.

Në anën tjetër homologu i tij serb, Ivica Daçiq, tha se, Lavrov i ka ofruar mbështetjen e Rusisë.

Siç shkruan “B92”, Daçiq ka thënë se, kur Serbia është në rrezik, Lavrov i ka propozuar që të thërras në telefon Rusinë.

Pasi e tregoi këtë bisedë, Daçiq, ka ironizuar edhe për mbështetjen e Uashingtonit dhe Londrës që i japin Kosovës.

“Unë uroj që gjithmonë të mund t’i telefonoj John Kerryt, në çdo kohë për të t’i treguar se Serbia është e kërcënuar, ose për ta thirrur atë kur zyrtarja e Departamentit të Shtetit, Victoria Nuland, thotë se ata kanë 20 vjet që kanë investuar në pavarësinë e Kosovës, ose Londrën, kur njëri prej tyre sjell rezolutë për gjenocid nga populli serb”, tha Daçiq.

Lavrov tha gjithashtu se ai dhe homologu i tij serb, Ivica Daçiq, kanë folur për situatën në rajon, duke përfshirë edhe përpjekjet në Bosnjë dhe Hercegovinë, por me respektimin e të tre popujve përbërës. /Zeri.info/

Autoritetet turke kanë reaguar ndaj deklarateve të fundit të ministrit grek të Mbrojtjes, të cilësuara si komente provokuese.

Ministria e Mbrojtjes e Turqisë i ka dënuar deklaratat e zyrtarit të lartë grek, duke i bërë thirrje të sillet në një mënyrë që “i ka hije dinjitetit të pozitës së tij”.

“Ne e dënojmë fuqimisht ministrin grek të Mbrojtjes për deklaratat e tij të reja në një kanal radiofonik, të cilave u mungon edukata, njohja dhe përgjegjësia…”

Ministria turke i quan veçanërisht provokuese komentet e Panos Kammenosit në një kohë kur të dy vendet po përpiqen të bashkëpunojnë për çështjet dypalëshe dhe rajonale.

Ministri grek ka ngjallur zemërim prej ditësh në Turqi dhe me deklaratat e tij për presidentin Erdogan. Reagimi i Turqisë dhe ditë më parë ndaj zyrtarit grek qe mjaft i ashpër.

STAMBOLL – Një shpërthim ka ndodhur në afërsi të stadiumit Vodafone Arena në Stamboll. Ministri i Punëve të Brendshme të Turqisë Süleyman Soylu ka deklaruar: “Dyshohet se ka qenë një autobombë në vendin ku po dilte autobusi i forcave policore, pranë daljes së tifozëve të skuadrës Bursaspor. Ka rreth 20 të plagosur. Nuk kam informacion për dëshmorë. Shpresoj që të mos ketë.”

Ndërkohë Kryeministri i Turqisë, Binali Yıldırım ka zhvilluar një bisedë telefonike me ministrin e Punëve të Brendshme Süleyman Soylu dhe prefektin e Stambollit, Vasip Şahin ku ka marrë informacione mbi ngjarjen.

Këshilli i Radio Televizionit Kombëtar të Turqisë (RTÜK), ka njoftuar se është vendosur për ndalimin e publikimeve në lidhje me shpërthimin e ndodhur në afërsi të stadiumit të Beşiktaş-it, Vodafone Arena në Stamboll. aa

Ministrja e Mbrojtjes, Mimi Kodheli, është sulmuar ashpër nga disa portale të ekstremit të djathtë në Greqi.

Sipas tyre, ajo ka punuar si striptiste në Greqi, 25 vite më parë, ndërkohë që nuk ka jetuar kurrë në këtë vend.

“Para 25 vitesh, ajo ishte një balerinë e bukur që punonte në Syngrou Avenue, siç kujton Christos Capucco”, shkruan faqja “militaire.gr”, e e cila merret kryesisht me informacionet mbi sigurinë.

“Më pas ajo shkoi për studime në SHBA ku kreu doktoratë për Marrëdhënie Ndërkombëtare. Pasi u angazhua në politikë, sot ajo është ministre e Mbrojtjes në shtetin fqinj”.

Ajo shkruan më tej Kodheli si një grua e edukuar duhet ta dijë shumë mirë se çamët kanë bërë çdo gjë kundër grekëve në periudhën e pushtimit nga nazistët.

“Kodheli gjithashtu duhet ta dijë mirë që vendi i saj nuk mundtë jetë kërcënim ushtarak për asnjë vend në rajon”, shkruhet më tej.

Në shkrim nënvizohet se Shqipërisë nuk mund t’i vijë në ndihmë as Turqia, kur ajo të kthehet në një vrimë të zezë në hartë.

“Ishte Greqia që hapi kufirin dhe pagoi një kosto të lartë nga rrëzimi i sistemit totalitar”, thuhet në shkrim duke kujtuar pritjen e mijëra emigrantëve shqiptarë pas viteve 1990.

Por kush qendron prapa këtij sulmi?

Shkrimi i publikuar në forumin makeleio.gr mban si burim adresën e forumit militaire.gr. Në të dy rastet bëhet fjalë për forume lajmesh të cilat i përkasin krahut të djathtë, ekstrem.

Shkrimi në forumin militaire.gr është përgatitur nga Paris Karvounopoulos, redaktor i reportazhit ushtarak të gazetës RealNews (gazetë po e krahut të djathtë).

Forumi jep adresën e tij në twitter: https://twitter.com/karvounopoulosp

Përsa i përket forumit makeleio.gr, qe ka ripublikuar shkrimin, sipas të dhënave të publikuara në faqen kryesore të tij, i administrator duket te jete gazetari grek Stefanos Xios.

Komunikimi me forumin është i mundur në [email protected], kurse për denoncime jepet nr. Tel +30 6946357733

Sipas legjislacionit grek, denoncimet për të tilla raste i drejtohen Gjykatës Politike të Athinës në emër të personit që ka krijuar “shpifje” duke prekur në këtë imazhin e një figure publike.

Hristo Kapuci (personi qe permendet ne shkrim si personi i intervistuar)

Lindur ne Kalamata 1955

Diplomuar në shkollën ushtarake Evelpidhon 1978, në specialitetin këmbësor dhe parashutistit. Ushtarak aktiv deri në vitin 1986.

Në periudhën 1982-1985 sherbeu me gradën toger në ishujt e Egjeut dhe ne nje baze bërthamore sekrete te NATO-s diku në veri të Greqisë.

U lirua nga ushtria per shkak ten je artikulli që ka botuar në vitin 1986 ku kërkonte te respektoheshin të drejtat e njeriut dhe kushtetuese në radhët e ushtrisë për përmirësimin e jetës ushtarake. Publikimi i këtij artikulli u konsiderua nga ushëheqja ushtarake e kohës si “sulm i trupave ushtarake nëpërmjet shtypit” dhe u largua nga rradhët e ushtrisë.

Në 1985 u diplomua për matematikë në Universitetin e Patras.

Ka kryer studime pasuniversitare në fushën e Psikologjisë së Shoqërisë.

Ka punuar si këshilltar i kryebashkiakut të Athinës.

Ka punuar si mësues matematike (në arsimin e meësëm) 1987-2000.

Nga viti 1992 deri në vitin 2001 ka bashkëpunuar me gazetën “To Paron” dhe me periodiken “ARDHIN” (editorial ushtarak).

Nga viti 1994 deri në vitin 2004 ka qënë pjesë e ekipit kryesor të periodikes “Thitia” (botim i Ministrisë së Mbrojtjes greke).

Nga viti 1995 deri në vitin 2001 në përiodiken “ Thitia” dhe në gazetën “To Paron, publikoi reportazhe për prezencën e Forcave të Armatosura greke në Ballkan, si dhe jepte reportazh radiofonik në Radiostacionin Athina 984.

Gjatë kësaj peridhue ka qënë dhe ka regjistruar si gazetar prezencën ushtarake greke në Tiranë, Vlorë, Elbasan dhe Kukës në Shqipëri. Në Sarajevë dhe në Visok në Bosnje. Në Prishtinë dhe në Mitrovicë në Kosovë. Në Shkup, Tetovë dhe Kumanovë në Maqedoni.

Ka ndjekur si gazetar ngjarjet në vitin 1997 në Shqipëri. Operacionet luftarake të NATO-s në ish- Jugosllavi 1999, si dhe konfliktin mes shqiptarëve dhe maqedonasve në vitin 2001 në Maqedoni (Shkup, Tetovë, Kumanovë). Gjithashtu edhe konfliktin izraelo-palesinez në prill të viti 2002.

Nga viti 1998 punon si analist ushtarak i Radiostacionit public “Athina9,84”.

Nga viti 2011 angazhohet tek gazeta “Paraskinio”.

Ka bashkëpunuar me gazetën “Apofasi” dhe “Hora” të së dielës si redactor dimatik dhe ushtarak. Bashkëpunon me kanalin televiziv “B.S” duke marrë pjesë në programin informative që nga viti 2004.

Ekspert ne Institutin e Analizave Ushtarake për tre vjet 1998-2001

Anëtar i grupit të shkrimit të “Snciklopedia e Madhe Ushtarake”.

Shkrimtar i dy librave:

1.Mjedisi i Ri i Sigurisë në Ballkan

2.Çështje të veçanta të Matematikës për provimet kombëtare

Anëtar i shoqatës greke të matematikës

Anëtar i shoqatës të gazetarëve (ΕΣΠΗΤ)

Në qytetin e Artës dhe të Atikës, do të ketë klasa në gjuhën shqipe. Lajmi është konfirmuar nga kryetarja e Lidhjes së Mësuesve Shqiptarë në Greqi, Anila Kila

Kryetarja e LMSHG-së, Anila Kila, jep lajmin e gëzuar për fëmijët shqiptarë në Artë dhe në Atikë. Klasat për mësimin e gjuhës shqipe do të jenë në shkollat publike të dy qyteteve.

Në qytetin e Artës dhe të Atikës, do të ketë klasa në gjuhën shqipe. Lajmi është konfirmuar nga kryetarja e Lidhjes së Mësuesve Shqiptarë në Greqi, Anila Kila.

Klasat për mësimin në gjuhën shqipe do të jenë brenda shkollave publike në qytetin e Artës dhe Atikës. Kryetarja e LMSHG-së, ka falenderuar autoritet e bashkive në dy qytetet si dhe mësuesit e angazhuar në këtë mision.

“Me gëzim të madh ju njoftoj se sot mora lajmin për fillimin e mësimeve të gjuhës shqipe në mjediset e shkollës publike nr. 8 të qyetit të Artës dhe gjithashtu mora lejen për fillimin e mësimeve në mjediset e shkollës publike nr. 1 në Spata të Atikës. Puna serioze e mësuesve dhe e organeve drejtuese të LMSHG-së ka bërë që të fitojmë besimin e pushtetit lokal këtu, në Greqi dhe të vazhdojmë mësimdhënien pa asnjë problem nga ana e tyre.

Falënderoj nga zemra pushtetin lokal të bashkive në Arta dhe Spata – Artemisë, për ndihmën e madhe, duke na bërë të mundur zhvillimin e mësimit në mjediset e shkollave publike dhe mbështetjen për mbajtjen gjallë të gjuhës, kulturës dhe traditave tona.

Falënderoj mësuesen e kursit të MPGjSh-së në Arta, zonjën Sonila Todo, për përpjekjet e saj dhe i uroj në emër të të gjithë kolegëve: Punë të mbarë! Falënderoj gjithashtu edhe zotin Anastas Kozdine, kryetarin e Shoqatës.

Drejtori i Zyrës për Kosovë në Qeverinë e Serbisë, Marko Gjuriçi, është tallur sot me bllokadën që serbët ia kanë bërë eskortës së Kryeministrit të Kosovës Isa Mustafa, i cili ishte nisur në Veri për të marrë pjesë në përuruimin e një ure.

Ministri i Mbrojtjes së Greqisë, Panos Kamenos pasi provokoi me ngritjen e flamurit me ushtarët dhe shefin e Shtabit të Përgjithshëm në një aktivitet në kufi me Shqipërinë lëshoi edhe disa deklarata të forta si kundërpërgjigje ndaj Ramës për Çamërinë.

“Deklaratat e fundit nga Rama duhet të sjellin përsëri në kujtesën tonë se ata për të cilët ai flet ishin bashkëpunëtorë të nazistëve.
Ne nuk do të pranojmë sfida të tilla.

Ne nuk do të pranojë sfida të tilla, ne nuk do të pranojë raporte të tilla, të cilat infektojnë dhe historinë dhe të drejtën ndërkombëtare”, citon Shqiptarja ministrin grek të Mbrojtjes.

Aktiviteti në kufi është një sinjal i Greqisë së nuk është dobësuar pavarësisht krizës ekonomike duke pasuar deklaratat e Ministrit të Jashtëm disa javë më parë se Athina është më e fortë se Shqipëria si në anën ekonomike, por edhe ushtarake.

Khajijan Farqin, një gazetare e lirë që punon për shërbimin kurd të Zërit të Amerikës, u lirua, pasi ishte ndaluar nga autoritetet turke në Diyarbakir.

Hollësitë për arrestimin e saj të shtunën, u dhanë nga një mik i familjes që tha se arsyet për ndalimin e Farqinit, mbeten të paqarta. Familja e saj ka thënë se për shkak të gjendjes së jashtëzakonshme në zonën ku ajo banon, as avokati i saj nuk ka mundur ta kontaktojë për pesë ditë.

Farqin, që ka punuar edhe për BBC-në, u ndalua në provincën Siirt të Turqisë në një post-bllok policie ndërsa po shkonte për të raportuar për një rrëshqitje dheu në një minierë bakri, siç njoftohej në faqen turkishminute.com.

Po këtë muaj, Olivier Bertrand, që punon për faqen franceze të internetit lesjours.fr, u ndalua ndërsa raportonte nga Gaziantepi, në veri të kufirit turk me Sirinë. Më pas ai u dëbua.

Që kur shpalli gjendjen e jashtëzakonshme, disa ditë pas dështimit të një grushti shteti në 15 korrik, qeveria turke ka mbyllur 195 gazeta, radio, televizione, shtëpi botuese dhe kompani shpërndarëse dhe ka burgosur rreth 150 gazetarë nën akuza për terrorizëm, diçka e zakonshme që nga përpjekja për të përmbysur qeverinë e Recep Tayyip Erdoganit.

Khajijan Farqin, një gazetare e lirë që punon për shërbimin kurd të Zërit të Amerikës, është ndaluar nga autoritetet turke në Diyarbakir.

Hollësitë për arrestimin e saj të shtunën, u dhanë nga një mik i familjes që tha se arsyet për ndalimin e Farqinit, mbeten të paqarta. Familja e saj ka thënë se për shkak të gjendjes së jashtëzakonshme në zonën ku ajo banon, as avokati i saj nuk ka mundur ta kontaktojë për pesë ditë.

Farqin, që ka punuar edhe për BBC-në, u ndalua në provincën Siirt të Turqisë në një post-bllok policie ndërsa po shkonte për të raportuar për një rrëshqitje dheu në një minierë bakri, siç njoftohej në faqen turkishminute.com.

Po këtë muaj, Olivier Bertrand, që punon për faqen franceze të internetit lesjours.fr, u ndalua ndërsa raportonte nga Gaziantepi, në veri të kufirit turk me Sirinë. Më pas ai u dëbua.

Që kur shpalli gjendjen e jashtëzakonshme, disa ditë pas dështimit të një grushti shteti në 15 korrik, qeveria turke ka mbyllur 195 gazeta, radio, televizione, shtëpi botuese dhe kompani shpërndarëse dhe ka burgosur rreth 150 gazetarë nën akuza për terrorizëm, diçka e zakonshme që nga përpjekja për të përmbysur qeverinë e Recep Tayyip Erdoganit.