VOAL

VOAL

Copyright © 2022

VOAL

Rajon

Vëzhguesit ndërkombëtarë e kanë kritikuar referendumin në Turqi

Tana de Zulueta

 

Monitoruesit ndërkombëtarë e kanë kritikuar referendumin në Turqi, që i ka dhënë autoritete të reja shtesë presidentit të këtij vendi, Recep Tayyip Erdogan, duke thënë se fushata ishte udhëhequr në “terren jo të barabartë të lojës” dhe se numërimi i votave ishte përshkruar me procedura të vonuara të ndryshimit.

Mëtutje, në kumtesën e përbashkët të publikuar sot, observatorët e OSBE-së dhe të Asamblesë Parlamentare të Këshillit të Evropës, theksuan se korniza juridike për referendum “mbetej joadekuate për mbajtje të referendumit të vërtetë demokratik”.

Tana de Zulueta, shefe e misionit të Zyrës për Institucione Demokratike dhe të Drejta të Njeriut të OSBE-së, tha sot se referendumi i Turqisë nuk i ka plotësuar standardet ndërkombëtare.

Sipas saj, referendumi i ka shkelur përkushtimet e Turqisë për standarde të Organizatës për Siguri dhe Bashkëpunim në Evropë (OSBE) dhe të Këshullit të Evropës, “lidhur me lirinë dhe barazinë në fushatë”.

Tana de Zulueta, po ashtu, ka thënë se retorika në fushatë ishte “dëmtuar nga disa zyrtarë të lartë që kundërshtarët e votës ‘po’ i barazonin me simpatizuesit e terrorizmit”.

“Në shumë raste, simpatizuesit për ‘jo’ janë ballafaquar me intervenime policore dhe përleshje të dhunshme në ngjarjet e tyre”, tha de Zulueta.

Zyrtari amerikan: Kemi ndjekur nga afër referendumin, por nuk do të komentojmë

“Nuk duam të japim vlerësim derisa të konfirmohen rezultatet dhe derisa të shpallen konkluzionet e para të OSBE-së”

UASHINGTON/STRASBURG – Departamenti Amerikan i Shtetit ka bërë të ditur se kanë ndjekur nga afër referendumin për ndryshime kushtetuese në Turqi porse ende nuk do të komentojnë në lidhje me të, raporton Anadolu Agency (AA).

Një zyrtar nga Departamenti Amerikan i Shtetit i cili ka kërkuar të ngelet anonim, ka theksuar pas një pyetjeje nga AA se kanë ndjekur nga afër rezultatet e referendumit për ndryshime kushtetuese në Turqi, duke shtuar se “Nuk duam të japim vlerësim derisa të konfirmohen rezultatet dhe derisa të shpallen konkluzionet e para të OSBE-së”.

Ndërkaq, pas shpalljes së rezultateve të para jozyrtare të referendumit në favor të ndryshimeve kushtetuese, në faqen e internetit të sekretarit të përgjithshëm të Këshillit të Evropës Thorbjorn Jagland është publikuar deklaratë.

“Votuesit në Turqi votuan për ndryshime kushtetuese. Duke i marrë parasysh rezultatet e afërta, lidershipi i Turqisë duhet t’i mendojë me kujdes hapat e mëtutjeshëm”, është shprehur Jagland.

Në deklaratë po ashtu theksohet se janë mëse të rëndësishme pavarësia e gjyqësorit dhe sundimi i ligjit që bëjnë pjesë në Konventën Evropiane të të Drejtave të Njeriut. “Këshilli i Evropës, në të cilin Turqia është anëtare e plotë, është i gatshëm ta mbështesë vendin në këtë proces”, thuhet në deklaratë.

Erdogani nis strategjinë për Turqinë pas fitores në referendum

Presidenti turk, Recep Tayyip Erdogan, ka nisur të përpilojë strategjinë e tij për shtetin pas fitores në referendum. Ai ka shpallur “fitore të pastër” në referendumin e 16 prillit, që do t’i jap atij fuqi të reja dhe gjithashtu do të përballet me legjimitetin e votës nga opozita.

Komisioni Qendror i Zgjedhjeve në Turqi, mbrëmjen e 16 prillit ka deklaruar se vota “po” ka fituar 51.3 për qind, në referendumin kundërthënës, që përfshinte 18 amendamente kushtetuese, përmes së cilave, Erdogan do të mund të qëndrojë në pushtet deri më 2029.

Komisioni zgjedhor ka thënë se me 99 për qind të votave të numëruara, 24.9 milionë votues kanë votuar pro ndryshime kushtetuese, ndërkaq 23.6 milionë kanë qenë kundër. Rezultatet përfundimtare, do të publikohen brenda 11-12 ditësh.

“Dëshiroj që t’i falënderoj të gjithë qytetarët, pavarësisht se si kanë votuar por të cilët votuan për të mbrojtur dëshirën e shtetit të tyre”, tha Erdogan më 16 prill. “I gjithë shteti ka triumfuar”, shtoi tutje ai.

Presidenti turk tha se “detyra e parë” e tij pas votimeve, do të jetë rikthimi i dënimit me vdekje, gjë e cila do të bllokonte në mënyrë automatike, rrugën e Truqisë për t’iu bashkuar BE-së. Turqia hoqi dënimin me vdekje më 2014, si pjesë e përpjekjeve për tu anëtarësuar në bllok.

Shtetet perëndimore kanë shprehur shqetësimin e tyre për referendumin, duke thënë se ndryshimet kushtetuese do të vendosin shumë pushtet në duart e presidentit.

Mbështetësit e Erdoganit kanë thënë se ndryshimet janë të nevojshme që të ndërtohet stabiliteti në vend, i cili po përballet me trazira nga grupet kurde në lindje të vendit dhe me fluksin e refugjatëve të cilët po ikin nga lufta civile në Sirinë fqinje.

Partia kryesore opozitare turke, Partia Popullore Republikane (CHP), po kërkon rinumërimin e mbi 60 për qind të votave, duke thënë se do të sfidojë 36 për qind të votave të numëruara.

Kjo parti ka akuzuar zyrtarët zgjedhorë për ndryshimin që u bë në minutat e fundit, lidhur me rregullat se cilat vota do të numërohen në referendum, duke shtuar se një gjë e tillë hapi rrugën për mashtrime zgjedhore.

Sipas vendimit të zyrtarëve zgjedhorë, fletvotimet të cilat nuk kishin vula, janë numëruar dhe janë cilësuar të vlefshme. Fletvotimet e tilla, do të shpallish të pavlefshme, vetëm nëse ato nuk kishin ardhur për numërin nga qendrat e votimit.

Lideri i Partisë Popullore Republikane, Kemal Kilicdaroglu ka thënë se partia e tij nuk do të pranojnë votën “po”, dhe se “ky referendum ka sjell në dritë të vërtetën- të paktën 50 për qind e njerëzve kanë votuar me ‘jo’”, ka thënë ai.

Ndërkaq, partia pro-kurde, Partia Popullore Demokratike (HDP) ka thënë se do të sfidojë dy të tretat e votave. Kjo parti pretendon se ka pasur mashtrim në votime “në tre të katërtat” e votave në favor të zgjerimit të kompetencave presidenciale.

Komisioni Evropian ka thënë se ka marrë shënime të rezultateve dhe është duke pritur për raportin e misionit të OSBE-së, për “pretendimet për parregullsi”.

Komisioni Evropian ka thënë se do të vlerësojë zbatimin e ndryshimeve kushtetuese “në dritën e obligimeve të Turqisë si shtet kandidat për t’ju bashkuar BE-së dhe Këshillit të Evropës”.

“Ne gjithashtu i bëjmë thirrje autoriteteve turke që të kërkojnë një konsensus kombëtar për zbatimin e tyre”, ka thënë Komisioni Evropian.

Amendamentet kushtetuese do të zhbëjnë zyrën e kryeministrit, duke i dhënë presidentit autoritet për shumë çështje, përfshirë buxhetin dhe shpalljen e gjendjes së jashtëzakonshme, pa miratimin e parlamentit.

Nils Muiznieks, komisioneri evropian për të drejtat e njeriut, ka thënë në një raport të publikuar më 12 prill, se shpreh “shqetësim të thellë” për rishikimet kushtetuese, të cilat do të zvoglojnë autonominë, edhe ashtu të dobësuar të gjyqësorit në Turqi.

Erdogan ka qenë i përfshirë në luftë të ashpër të fjalëve me liderët evropian gjatë fushatës për referendum dhe ka thënë se Turqia do të rivlerësojë dëshirën e saj për t’iu bashkuar BE-së.

Përpjekjet e Erdoganit dhe aleatëve të tij, për të bërë fushatë në vendet evropiane ku jetojnë turqit, janë përballur me ndalim dhe anulim të tubimeve në Gjermani, Holandë, Danimarkë dhe Zvicër- duke rritur tensionet diplomatike mes Ankarasë dhe vendeve të BE-së. (REL)

Përgatiti: Mimoza Sadiku

Mediat greke: Dy biznesmenë dhe avokati i njohur grek në bandën e trafikantëve shqiptarë

Pak ditë më parë një operacion i gjerë antidrogë u zhvillua në ujërat e detit Jon, duke përfshirë angazhimin e 3 shteteve, mes tyre Italisë dhe Greqisë, për të kapur një sasi të madhe droge e cila u hodh në det nga trafikantët.

Trafik droge midis Greqisë, Shqipërisë dhe Italisë, me qëllim shitjen e saj më pas në Evropë.

Në total katër grekë dhe pesë shqiptarë janë arrestuar, sipas “Protothema”.

Media greke shkruan sot se mes të arrestuarve janë edhe një avokat nga Pireu, madje edhe dy vëllezër, sipërmarrës të njohur e pasardhës të familjeve të pasura të Athinës.

Ata bashkë me shqiptarët janë në mesin e nëntë të akuzuarve për rastin e trafikut të 1.5 tonëve kanabis zbuluar në Itali, shkruan “Panorama”.

Autoritetet gjyqësore janë duke vazhduar hetimet dhe ndoshta do të angazhohet edhe krimi financiar, për të identifikuar “shtigjet” e parave të “pista”, shkruan “Panorama”.

Për më tepër, ndër të tjera do të shqyrtohet dhe mundësia e këtij qarku nëse është e lidhur me një celulë xhihadiste, e cila u shpërbë në mars.

Dhe në këtë rast udhëheqës ishte një shqiptar, i cili ia arriti që deri në 2 mars 2017 të shmangte arrestimin.

Ky person, si dy bashkatdhetarët “truri” i bandës së trafikut është prej vitesh nën vëzhgimin e autoriteteve për trafik droge, por gjithmonë ka arritur të “shmangej”.

Numërohen gjysma e votave, 57 për qind pro ndryshimeve kushtetuese në Turqi (Foto)

Janë numëruar 51.14% të votave të referendumit për ndryshime kushtetuese të cilat i dhurojnë presidentit Recep Tayyip Erdogan një pushtet të ri gjithëpërfshirës.

Referendumi ka marrë 57.46% vota pro dhe 41.54% kundër, transmeton Express.

Turqia përcakton sot mënyrën e qeverisjes

Turqit po hedhin votën e tyre të dielën në një referendum historik në të cilën duhet të vendoset nëse do të miratohen ndryshimet kushtetuese që do të përqendrojnë pushtetin në duart e presidentit.

Nëse shumica voton për ‘po’, atëherë 18 ndryshime në kushtetutën e vendit do të shndërrojnë sistemin e qeverisjes nga ai parlamentar në atë presidencial duke i siguruar fuqi të zgjeruara ekzekutive presidentit Recep Tayyip Erdogan.

Presidenti Erdogan, i cili organizoi referendumin dhe u hodh në fushatë në mbështetje të tij, tha se sistemi i propozuar presidencial ‘i stilit turk” do të sigurojë që vendi të mos rrezikojë të ketë qeveri të dobëta dhe nguli këmbë se qëndrueshmëria e tij do të çojë në një periudhë përparimi. Por kundërshtarët druajnë se kjo do të çojë në sundim autokratik, duke siguruar që Erdogani, që është akuzuar për shkelje të lirive të dhe të drejtave të njeriut, të qeverisë deri në vitin 2029.

Më shumë se 55 milionë veta kanë të drejtë vote në vendin me 80 milionë banorë.

Vota “për” do t’i sigurojë presidentit fuqinë për emërimin e ministrave dhe zyrtarëve të tjerë të lartë qeveritar, emërimin e gjysmës së anëtarëve të Gjykatës së Lartë, të lëshojë dekrete dhe të shpallë gjendjen e jashtëzakonshme. Ai përcakton mundësinë që presidenti të ushtrojë dy mandate pesëvjeçare. Ndryshimet do të hynin në fuqi në zgjedhjet e ardhshme presidenciale të caktuara për vitin 2019.

Fushata ishte përçarëse dhe shumë e njëanshme. Mbështetësit e ndryshimeve dominuan me reklamat gjithandej vendit. Kundërshtarët e ndryshimeve u ankuan për një atmosferë frike dhe partia kryesore opozitare regjistroi me shumë se 100 incidente që penguan fushatën e saj, përfshirë edhe rrahjet, burgosjet dhe kërcënimet.

Vota po ndodhë në një periudhë kur Turqia është e goditur nga problemet. Presidenti Erdogan mbijetoi një përpjekje për grusht shteti në muajin korrik të vitit të kaluar dhe fajësoi për këtë ish aleatin e tij, klerikun Fethullah Gulen, i cili aktualisht jeton në Shtetet e Bashkuara. Gjendja e jashtëzakonshme që u vendos pas grushtit të shtetit, është ende në fuqi. Një goditje e gjerë qeveritare vuri në shënjestër mbështetësit e Gulenit dhe kundërshtarët tjerë të qeverisë.

Afërsisht 100 mijë veta, përfshirë gjyqtarë, mësues, akademikë, mjekë, gazetarë dhe pjesëtarë të forcave ushtarake dhe policore, kanë humbur vendet e punës dhe më shumë se 40 mijë janë arrestuar. Qindra media dhe organizata joqeveritare janë mbyllur.

Turqia u përball edhe me dhunën e përtëritur ndërmjet militantëve kurdë dhe forcave të sigurisë në pjesën e brishtë juglindore të vendit, sikurse edhe me një seri sulmesh me bomba, disa nga të cilat të kryera nga grupi militant Shteti Islamik, që vepron në Siri. Lufta në Siri bëri që rreth tre milionë refugjatë të kalojnë kufirin duke kërkuar strehim në Turqi. Ankaraja dërgoi trupa në Siri për të ndihmuar forcat opozitare sirianë që të pastrojnë zonën kufitare nga kërcënimet e militantëve të Shtetit Islamik.

Ndërkohë, marrëdhëniet e Turqisë më Evropën u tensionuan në vazhdimësi, posaçërisht pasi që presidenti Erdogan i cilësoi Gjermaninë dhe Holandën si “naziste”, për shkak se nuk lejuan ministrat e tij që të bëjnë fushatë në favor të referendumit me bashkatdhetarët e tyre.

Erdogan, që mori pushtetin në vitin 2003 si kryeministër dhe shërbeu në atë post derisa u bë president në vitin 2014, ka bërë përpjekje të gjata për zgjerimin e fuqive të presidentit. Rezultatet e referendumit të së dielës do të përcaktojnë ardhmërinë politike të Turqisë dhe do të ushtrojnë ndikim në marrëdhëniet e saj me Bashkimin Evropian dhe më botën.

Kroaci, prezantohet modeli Tesla, makina moderne elektrike

Vizitorët patën rastin të shohin automjetin Tesla, modelin X 90D i cili drejtohet nga jashtë përmes aplikacionit në celular

ZAGREB – Në sheshin e luleve është organizuar një ngjarje argëtuese-edukative të quajtur “Kroacia: Vendi i Nikola Teslës”, për t’u prezantuar qytetarëve të arriturat e larta në fushën e-mobile

Ngjarja u organizua nga kompania E.V.A. Blue nga Zagrebi, me partneritetin e Elektro-ekonomisë Kroate (HEP), të cilat kanë për qëllim promovimin dhe zbatimin e njohurive, inovacionit dhe teknologjive të reja, veçanërisht në fushën e e-mobile dhe burimet e energjisë së rinovueshme.

Tina Kolovrat, drejtoresha e kompanisë E.V.A. Blue nga Zagrebi, theksoi se fryma e Nikola Teslës, personazhi i të cilit është figura kryesore e ngjarjeve e të cilit, përfaqëson gjithçka të re dhe të mençur.

“Kemi vendosur që qytetarëve t’u prezantojmë atë që është më moderne, ndërsa këto janë automjetet elektrike”, ka thënë Kolovrat.

Qytetarët dhe vizitorët patën rastin të shohin dhe të provojnë automjetet e ndryshme elektrike të tipit Tesla, biçikletat elektrike dhe skuterët dhe zgjedhjet e tjera të reja që ofron e-mobile. Ishte ekspozuar edhe një ekzemplarë i stacioneve të mbushjes elektrike, të cilat ndodhen gjithnjë e më shumë në rrugët e Kroacisë.

“Pa infrastrukturë nuk ka automjete elektrike. Prandaj, ndihemi të kënaqur se HEP ka kuptuar këtë nismë tonën dhe është duke punuar në mënyrë aktive për vendosjen e stacioneve të mbushjes për makina elektrike”, tha Kolovrat.

Ajo aktualisht ka rreth 150 stacione të mbushjes në të gjithë Kroacinë, 90 prej të cilave janë të ashtuquajturat mbushëse të ngadalshme, thotë Kolovrat. Por gjendja është shumë më mirë se tre vjet më parë, kur Kroacia kishte vetëm tre stacione të tilla.

Janë ekspozuar tre modele të e-automjeteve Tesla, modelet X dhe S, të prodhuesit amerikan Tesla Motors, e cila për tregun e Evropës prodhohet në Holandë.

Vizitorët patën rastin të shohin automjetin Tesla, modelin X 90D i cili drejtohet nga jashtë përmes aplikacionit në celular. Makina mund të ngasë vetëm, të hapë derën dhe të kryej funksionet sikur të jetë shoferi ulur.

Skuterët e ekspozuar janë prodhuar me bashkëpunimin kroato-kinez, me atë që në Kinë janë prodhuar pjesët plastike, kurse ato mekanike në Kroaci. Biçikletat e ekspozuar janë prodhuar në Kroaci sipas liçencës të Ducati-t.aa

Në Greqi privatizohen 14 aeroporte

Në një deklaratë të publikuar nga Fondi i Zhvillimit të Asetve të Greqisë (TAIPED), theksohet se është përfunduar procesi për privatizimin e aeroporteve

ATHINË – Në Greqi 14 aeroporte i dorëzohen për 40 vite me një kosto prej 1.23 miliardë euro konsorciumit ku partneri kryesor është kompania gjermane Fraport AGFraport AG.

Në një deklaratë të publikuar nga Fondi i Zhvillimit të Asetve të Greqisë (TAIPED), theksohet se është përfunduar procesi për privatizimin e aeroporteve në fjalë.

Ndër të tjera theksohet se aeroportet me një ceremoni nënshkrimi i janë dorëzuar konsorciumit të formuar nga kompanitë Fraport AG dhe SLENTEL Ltd.

McCain i shqetësuar me ndërhyrjen e Rusisë në Bosnje

Senatori republikan i Shteteve të Bashkuara, John McCain. Sarajevë, 11 prill 2017.

Senatori republikan i Shteteve të Bashkuara, John McCain, tha se është i shqetësuar me ndërhyrjen e Rusisë në çështjet e brendshme të Bosnje dhe Hercegovinës.

Gjatë vizitës në Sarajevë, të martën, McCain tha se shumica në Kongresin amerikan e mbështet zbatimin e vazhdueshëm të Marrëveshjes së Dejtonit, që i dha fund luftës në Bosnje më 1995.

“Ne qëndrojmë prapa Bosnje dhe Hercegovinës, duam të shohim vazhdimin e procesit të paqes. E dimë se ka pengesa dhe vështirësi të mëdha”, tha McCain në ambasadën amerikane.

Ai po ashtu tha se ka pasur “përparim të rëndësishëm” që nga nënshkrimi i Marrëveshjes së Dejtonit, por shtoi se ka ende mjaft punë përpara.

McCain është në turne në Ballkanin Perëndimor, rajon ku Rusia po përpiqet të rrisë ndikimin politik dhe ekonomik.

McCain: Zhvillimet në Evropën Lindore kanë rëndësi të madhe për SHBA-të

Pamje nga takimi i sotëm i senatorit McCain me kryeministrin Vuçiç në Beograd

 

Senatori amerikan, John McCain, ka thënë sot në Beograd se çdo gjë që ndodhë në pjesën lindore të Evropës është e rëndësisë jetike për sigurinë e Shteteve të Bashkuara.

Në konferencën e some për shtyp në Beograd, së bashku me kryeministrin e Serbisë, Aleksandër Vuçiç, zoti McCain tha se është biseduar për atë se dy luftëra botërore kanë filluar në rajonin e Evropës Lindore dhe se nuk guxon të lejohet që të krijohet situatë në të cilën mund të përkeqësohet gjendja në rajon.

Senatori McCain tha se shpreson se do të ketë zgjidhje paqësore, raporton agjencia Beta.

“Pas kthimit në Shtetet e Bashkuara, mesazhi për kolegët e mi në Senat, presidentin dhe popullin amerikan, është se çdo gjë që ndodhë në pjesën lindore të Evropës është me interes jetik për sigurinë kombëtare të SHBA-ve”, tha McCain.

Nga ana tjetër, i pyetur nga gazetarët se a ka kërkuar senatori McCain, që Serbia ta njohë pavarësinë e Kosovës, dhe t’i mbështesë sanksionet kundër Rusisë, kryeministri, Aleksandar Vuçiq, tha se me zotin McCain është biseduar “sinqerisht dhe hapur”, por asnjëra prej këtyre çështjeve nuk është inicuar “në këtë mënyrë”.

“Kam thënë se ne dëshirojmë neutralitet ushtarak. Kemi bashkëpunim partneriteti me NATO-n, bëjmë ushtrime ushtarake edhe me rusët dhe me amerikanët. Dëshirojmë lidhje të mira me Rusinë, por nga aspekti strategjik gjendemi në rrugën evropiane. Kjo është politika jonë reale, prandaj Serbia është partner i besueshëm dhe për këtë arsye na respektojnë në Moskë, Uashington dhe Bruksel”, tha Vuçiq.

Mëtutje, ai ka theklsuar se senatorin amerikan e ka njoftuar me sfidat me të cilat ballafaqohet Beogradi në vazhdimin e procesit të dialogut me shqiptarët e Kosovës.

Në Beograd rreth 80 mijë serbë protestojnë kundër Vuçiçit

Protestat e studentëve të pakënaqur, nën moton “Protestë kundër diktaturës”, janë mbajtur në Serbi për të gjashtën ditë me radhë, kurse atyre u janë bashkuar edhe Sindikatat ushtarake të Serbisë.

 

Protesta e studentëve kundër zgjedhjeve presidenciale po cilësohet nga mediat serbe si protesta më masive në historinë e kohëve të fundit.

Kësaj proteste i’u bashkua Sindikata e ushtrisë dhe Sindikata e policisë së Serbisë, duke kërkuar zgjedhje të reja dhe të ndershme presidenciale.

Turma e protestuesve me parulla “Protestë kundër diktaturës” marshuan rrugët e Beogradit ku sipas vlerësimeve ishin rreth 80.000 njerëz.

Turqia arreston një pilot sirian

Agjencia shtetërore e lajmeve në Turqi, thotë se një pilot sirian është arrestuar nga autoritetet turke.

Agjencia Anadolu raporton se piloti, Mehmet Sufhan, 56 vjeçar ishte rrëzuar mbi Turqi muajin e kaluar. Ai ishte duke u trajtuar në provincën jugore Hatay për lëndimet në shpinë, pas i rrëzua me avion më 4 mars.

Ai u arrestua pas lirimit nga spitali, nën akuza për shkelje të sigurisë kufitare dhe spiunazh.

Grupi ushtarak opozitar në Siri, Ahrar al-Sham ka marrë përgjegjësinë për rrëzimin e avionit, duke thënë se ai ishte duke bombarduar në afërsi të Idlibit.

Rrëzohet një avion ushatarak në perëndim të Serbisë

Ministria e Mbrojtjes së Serbisë ka thënë se një avion i forcave ajrore është rrëzuar sot në perëndim të vendit dhe dy prej anëtarëve në bord, janë zhdukur.

Ministria tha se avioni G-4, u rrëzua në perëndim të Serbisë, afër shfatit Slatina, në orën 10:30, gjatë një fluturimi trjanues, raporton AP.

Kërkimet për dy pilotët janë duke vazhduar, ndërkaq janë duke u zhvilluar hetime për të gjetur shkakun e rrëzimit të avionit.

Turqia: E konsiderojmë tejet pozitiv operacionin amerikan në Siri

“Operacioni amerikan ndaj bazës ushtarake Shajrat në orët e mëngjesit është pritur si tejet pozitiv”, thuhet në deklaratën me shkrim nga ministria

ANKARA – Ministria e Jashtme e Turqisë ka theksuar se e konsideron “tejet pozitiv” operacionin e Shteteve të Bashkuara (SHBA) ndaj bazës ushtarake Shajrat në Siri pas sulmit me armë kimike në Han Shejhun nga regjimi i Sirisë.

“Pas sulmit kimik në Han Shejhun nga regjimi i Sirisë, që sipas ndërgjegjes njerëzore dhe vlerësimit të organizatave ndërkombëtare paraqet shembullin e fundit të krimeve ndaj njerëzimit dhe krimeve të luftës qoftë me armë konvencionale, qoftë me armë kimike, operacioni amerikan ndaj bazës ushtarake Shajrat në orët e mëngjesit është pritur si tejet pozitiv”, thuhet në deklaratën me shkrim nga ministria.

Në deklaratë më tej thuhet se “Hapat që do të hidhen në mënyrë që krimet e ngjashme të mos ngelin të pandëshkuara dhe në mënyrë që të mundësohet llogaridhënia, do ta kenë mbështetjen e plotë të Turqisë. Ne do të vazhdojmë të punojmë së bashku me komunitetin ndërkombëtar si një shtet që strehon tre milionë sirianë, në mënyrë që të ndalohet terrori i regjimit dhe ndëshkimi kolektiv ndaj popullit dhe në mënyrë që të avancohet një proces i cili do t’i hapte rrugën zgjidhjes politike në Siri”. aa

Sarajeva shënon dy data të rëndësishme të historisë së saj

Në qendër të qytetit u mblodhën një numër delegacionesh dhe qytetarë të cilët kishin dalur për të përkujtuar dy data shumë të rëndësishme të historisë së Sarajevës 6 prill 1945 dhe 1992

SARAJEVË – Me nderime dhe me vendosjen e luleve para monumentit të viktimave të Luftës së Dytë Botërore, këtë mëngjes në Sarajevë filoi shënimi i 6 Prilit, Dita e Sarajevës.

Në qendër të qytetit u mblodhën një numër delegacionesh dhe qytetarë të cilët kishin dalur për të përkujtuar dy data shumë të rëndësishme të historisë së Sarajevës 6 prill 1945 dhe 1992.

Para 72 vitesh Sarajeva u çlirua nga pushtimi fashist në Luftën e Dytë Botërore. Dekada më vonë, më 6 prill, 1992 filloi rrethimi i saj, i cili zgjati 1.425 ditë dhe është një nga më të gjatat në historinë e luftës moderne, gjatë të cilit jetën humbën 10.514 njerëz, prej të cilëve 1.601 fëmijë.

Nga delegacioni i qytetit të Sarajevës ishin kryetari Abdullah Skaka, zëvendësit e tij Ivica Shariç dhe Milan Triviç, Igor Gavriç, kryetari i Këshillit Bashkiak, dhe shumë të tjerë.

Me rastin e shënimit të Ditës së Sarajevës është planifikuar që të vendosen lule dhe të nderohen dëshmorët dhe të rënit në varrezat e Dëshmorëve “Kovaçi”, memoriali i fëmijëve të vrarë 1992-1995 dhe aktivitete të tjera.

Në orët e mbrëmjes programi do të përmbyllet në sallën e Këshillit të qytetit, me fillim nga ora 19.30 ku do të mbahet seancë formale në të cilën do të ndahen çmime. Në seancë do të ndahet “Çmimi i gjashtë të prillit”, e cila i ndahet individëve të shquar, grupeve dhe kolektivave.

Protesta kundër Vuçiçit në dhjetëra qytete

Në Serbi kanë filluar protestat e të rinjve që nga 4 prilli. Nuk ka organizatorë zyrtarë, por të rinjtë thonë se nuk do të ndalen deri sa “Ai nuk largohet!” Fjala është për presidentin e sapozgjedhur Aleksandar Vuçiç.

“Vuçiq o hajdut, i ke vjedhur votat”, jehonte mbrëmë në rrugët e Beogradit. Fishkëllima, vuvuzela dhe protesta të zëshme kishte më së shumti para godinës së Parlamentit të Serbisë, ku për të dytën natë me radhë u mblodhën me mijëra demonstrues të moshën 20-30 vjeçare. Ata thonë se po demonstrojnë kundër diktaturës.

„Më vjen të vjell nga ky pushtet. Për një kohë kaq të shkurtër kanë bërë gjëra të tmerrshme. Familja ime ka shumë probleme dhe po na kërcënojnë”, thotë Milena (18 vjeçare), e cila për herë të parë ka votuar në këto zgjedhje. Së bashku me shoqen e saj klithin me zë të lartë: “Ku janë votat tona?!”

„Mendojmë me kokën tonë”

Të pakënaqur me rezultatet e zgjedhjeve dhe atmosferën e keqe në vend për zgjedhje, protesta ka pasur në Beograd, Novi Sad, Nish dhe dhjetëra qytete të tjera në gjithë Serbinë. Organizatorë zyrtarë të protestave nuk ka. Njerëzit janë mbledhur duke ftuar miqtë e tyre përmes rrjeteve sociale apo personalisht.

Në mesin e mijëra të rinjve megjithatë ka dhe të tillë që shpërndajnë pankarta me kërkesën: “Duam balotazh në zgjedhje”. Ata thonë se kështu po luftojnë kundër errësirës informative dhe kundër censurës në Serbi. “Askush nuk na ka organizuar por ne duam të kontribuojmë për më shumë demokraci në vend”.

Pa kërkesa të qarta politike dhe pa fjalime – qëndrimi i vetëm që mund të supozohet është „duam balotazh”. Në protesta shihen edhe pankarta “Ai nuk është presidenti ynë”. E kush është? Për këtë nuk flet askush. Në mesin e protestuesve dëgjohen emra të disa kandidatëve. Disa bëjnë thirrje për protesta paqësore, të tjerët distancohen nga protestat. Ndërsa shumë figura publike thonë “Bravo për fëmijët!”

Çe Guevara dhe takijat serbe…

Sheshi qendror në Beograd “Nikolla Pashiq” buçet nga protestat, ku kujtohen edhe mashtrimet e Vuçiqit në media. Sipas vlerësimeve të para, protestat po përcillen nga shumë pjesëtarë të shërbimeve sekrete dhe më pak policë. Më së shumti policë ka afër “Murit serb të vuajtjeve” pranë Kuvendit, ku janë vendosur fotografitë e personave të zhdukur serbë gjatë luftës së Kosovës.

Në krye të turmës janë vënë persona me daulle. Kujdestarët e veshur me të gjelbër drejtojnë kolonat, ndërsa rruga e protestës caktohet spontalisht. Në kolonë shihen flamuj të Serbisë dhe fotografi të mëdha të Çe Guevarës. Por edhe veshje të grupit „Anonimus” apo grupeve të tjera muzikore, si dhe takija serbe. Gjithandej jehon “Vuçiq hajdut”, “Ku janë votat tona?“…

“Këtu kam ardhur të kundërshtoj Vuçiqin, sepse ai është diktator, autokrat dhe despot. Serbia është shndërruar në një vilajet të Vuçiqit“, thotë Nikolla (31 vjeç) për Deutsche Wellen. Pak më larg Marko Antiq mbanë një pano me mbishkrimin “Nuk duam diktaturë”. “Ky njeri (Vuçiqi) është gënjeshtari më i madh në historinë e popullit serb”, thotë Marko.

„Pensionistët janë me ju”

„Çfarë po ndodh?”, pyet një shitëse. Pas shpjegimit tonë, ajo përgjigjet: “Kanë të drejtë, sepse njerëzit po jetojnë në kushte shumë të vështira”. Ndërsa një shofer autobusi thotë: “Ata janë vetëm fëmijë, nuk dinë asgjë”. “As fëmijët e mi nuk kanë ndonjë të ardhur, por këta këtu janë pa edukatë dhe pa prindër”, thotë ai.

Por ka dhe shumë të moshuar që janë bashkuar me protestuesit në kolonë. Atga fotografohen pranë pankartave “Vuçiq hajdut, ke vjedhur votat” dhe „Bravo ju qoftë”. „Pensionistët janë me ju”, shkruan në një pankartë pak më larg. Njëri prej të moshuarve thotë se ka ardhur për të mbështetur fëmijët në kërkesat e tyre. Ndërsa Dragica Vukoviq (70) shton: „Kam ardhur për shkak të fëmijëve, sepse një fëmijë më ka ikur në Vjenë dhe nuk do të doja që të shkojë edhe fëmija im i dytë.” Të gjithë këta kanë votuar, por nuk dihet se ku kanë shkuar votat e tyre”.

Rrugëve të revolucionit

Të zemëruar me Vuçiqin dhe mediat e tij, kur kalojnë pranë godinës së Radio Televizionit të Serbisë apo gazetës „Informer”, ata qëllimisht lehin  „AV, AV (inicialet e Aleksandar Vuçiqit)”. Demonstruesit mendojnë se në Serbi po mbretëron një censurë e plotë mediatike. Ndërsa para godinës së Qeverisë, ndizen edhe mjete piroteknike. Shetitja përfundon aty ku ka filluar – para Kuvendit të Serbisë me porosinë “Shihemi nesër në të njëjtën kohë”. Në pyetjen tonë deri kur do të protestojnë, një i ri përgjigjet: “Deri sa ai nuk largohet” dhe duke fryrë në vuvuzela largohet në drejtim të Bulevardit të Revolucionit!

Bankat greke në krizë

Në Greqi po bien dukshëm depozitat bankare – vetëm në shkurt nga vendi në krizë janë larguar rreth 750 milionë euro. Ekspertët thonë se aktualisht kemi ashpërsimin më të madh të kontrolleve financiare.

Lartësia e depozitave bankare në Greqi paraqet një indikator të rëndësishëm të gjendjes ekonomike dhe krizës në vend. Analistët dhe depozituesit ishin shumë kureshtarë të shohin raportet më të fundit për gjendjen në Bankën Greke. Raporti është shqetësues: vetëm në shkurt në Greqi ka rënë niveli i depozitave bankare në vlerë prej 750 milionë euro. Prej fillimit të vitit 2017, bankat greke kanë shënuar një minus të madh prej gati katër miliardë euro. Në këtë mënyrë kursimet e grekëve janë në nivelin më të ulët që nga janari i vitit 2015 dhe aktualisht kapin shumë prej 128 miliardë euro.

A është tërheqja e parave nga klientët një reagim tjetër ndaj debateve për mundësinë e daljes së Greqisë nga Eurozona? Panagiotis Petrakis, profesor i ekonominë në Universitetin e Athinës thotë: “Të dhënat e fundit tregojnë hyrje më të vogla të kapitalit në vitet e fundit”.

Kujtojmë se në qershor 2015 qeveria ka futur kontrollet e kapitalit, me qëllim që të evitojë largimin e mjeteve financiare nga Greqia. Asokohe niveli i depozitave private dhe sipërmarrjeve në banka ishte pak më shumë se 120 miliardë euro. Prej futjes së kontrollit financiar, nga bankat mund të tërhiqen në javë vetëm 420 euro. Por rregullat janë lehtësuar vitin e kaluar dhe kjo ka mundësuar hyrjen por edhe daljen më të shpejtë të parave nga vendi.

Ashpërsim i ri së shpejti?

Në verën e vitit 2015 thuhej se kontrollet do të zgjasin vetëm disa ditë apo javë. Ndërkohë që tani flitet se kontrollet mund edhe të ashpërsohen madje. Profesori Petrakis thotë se nuk do ta habiste sikur kjo të ndodhë dhe që limiti javor të ulet nga 420 në 380 euro. Edhe opozita paralajmëron nga rregullat më të ashpra. Shefi i bankës qendrore Jannis Stournaras paralajmëron nga rreziqet e masave të përshpejtuara. Duhen shikuar mundësitë për përfundimin sa më të shpejtë të reformave, thotë ai. Vetëm disa ditë më vonë, është kërkuar edhe reforma e sistemit të pensioneve. Majtistët kanë paralajmëruar nga rreziqet e këtyre masave. Nëse pasiguria vazhdon, bankat greke do të kenë nevojë për kapital të freskët, komenton gazeta Kathimerini. Mediat pohojnë se bankat e atjeshme kanë nevojë për konsolidim.

Freedom House: Pa llogaridhënie, populistët do të vazhdojnë të prishin Bashkimin Evropian nga brenda

Bashkimi Evropian në sprovë

Organizata për të drejtat e njeriut me seli në Shtetet e Bashkuara, Freedom House, vlerëson se nga Hungaria dhe Polonia deri te kandidati për anëtarësim në BE, Serbia, ende nuk ka pasoja për politikanët dhe partitë që minojnë institucionet e pavarura të vendeve të tyre.

Pasiguria në lidhje me politikën e jashtme të SHBA-së do të thotë se BE-ja do të duhet të jetë më kategorike me shtetet e veta anëtare dhe ato kandidate për anëtarësim. Zgjerimi i BE-së drejt vendeve baltike, Evropën Qendrore dhe Lindore, dhe vendet në Ballkan, ka ndihmuar në përhapjen e demokracisë liberale në të gjithë kontinentin. Ky është ende mjeti më i mirë për përparimin e sundimit të ligjit dhe institucioneve të përgjegjshme në rajon.

Krahas telasheve tjera si vala e emigrimeve, thuhet në raport kriza e llogaridhënies në BE, pamundësia për të marrë masa disiplinore kur udhëheqësit e shteteve anëtare dhe atyre që aspirojnë të jenë anëtare shkelin rregullat, është jo më pak kërcënuese për të ardhmen e demokracisë.

Nga Hungaria dhe Polonia deri te kandidati për anëtarësim, Serbia, ende nuk ka pasoja për politikanët dhe partitë që minojnë institucionet e pavarura të vendeve të tyre. Pa llogaridhënie, populistët do të vazhdojnë të prishin bashkimin nga brenda dhe të shtyjnë përpara tregimet nacionaliste që kërcënojnë paqen në Evropë. BE-ja duhet të reformohet në një mënyrë që e lejon atë të reagojë shpejt dhe në mënyrë efektive për sulmet ndaj demokracisë.

Raporti vë në pah se rezultati i Serbisë është tani më i keqi ndonjëherë që nga viti 2003, pavarësisht nga përparimi në negociatat për anëtarësim në BE.

Në Mal të Zi dhe Serbi, dy vende të Ballkanit, që janë më afër në procesin e anëtarësimit, zgjedhjet problematike në vitin 2016, shfaqën paqëndrueshmëri të brendshme, si dhe një kuptim të përciptë të demokracisë zgjedhore.

Dita e zgjedhjeve në Mal të Zi paraqiti një mbyllje mbarëkombëtare të aplikacioneve të mesazheve në telefonat celularë dhe akuza nga autoritetet që nacionalistët serbë kishin komplotuar një grusht shteti. Që nga shkurti i vitit 2017, prokurorët po kërkonin arrestimin e dy udhëheqësve të opozitës për një komplot të dyshuar. Kryeministri prej disa kohësh i vendit, Milo Gjukanoviç, dha dorëheqje pas zgjedhjeve, por fjalët për kthimin e tij filluan menjëherë pasi ai u tërhoq. Një “dalje në pension” kaq jetëshkurtër e tij ngjason me dy largimet e mëhershme nga politika në vitin 2006 dhe 2010.

Serbia mbajti zgjedhjet e dyta të parakohshme që nga viti 2012, edhe pse kryeministri Aleksandar Vuçiç dhe partia e tij kontrollonte një shumicë absolute në parlament. Nacionalizmi dhe gjuha e urrejtjes gjithashtu u rritën shumë në vitin 2016, me politikanë dhe tabloide pro qeveritare që i quajtën kundërshtarët politik dhe aktivistët e shoqërisë civile si tradhtarë që u shërbejnë interesave të huaja.

Në Maqedoni, ish-kryeministri Nikola Gruevski la të nënkuptohet se udhëheqësi i opozitës, Zoran Zaev, duhet të vritet. Ndërkohë, frikësimi i grupeve joqeveritare arriti një shkallë të re me një nismë të quajtur “Stop Operacionit Soros”, themeluar nga redaktorët e agjencisë shtetërore të lajmeve dhe dy portaleve pro-qeveritare të lajmeve.

Shumë politikanë përdorën ndarjet etnike për të çuar përpara qëllimet e tyre politike. Udhëheqësi i Republikës Serbe në Bosnje dhe Hercegovinë, Milorad Dodik, festoi themelimin e subjektit gjysmë autonom përkundër një vendimi nga Gjykata Kushtetuese e vendit.

Tensionet u rritën ndërmjet Kosovës dhe Serbisë para zgjedhjeve të fundit presidenciale të vendit, thuhet mes tjerash në raportin e Freedom House.

Detyrimi financiar i Malit të Zi në NATO, 450.000 euro në vit

Në samitin e NATO-s më 25 maj, Mali i Zi do të pranohet në aleancën veri-atlantike, ku do të bëhet shteti i 29-të anëtarë i saj

PODGORICË – Detyrimi financiar i Malit të Zi kundrejt NATO-s në formë të anëtarësisë të cilën shteti do të duhet ta paguaj çdo vit është rreth 450 mijë euro, raporton Anadolu Agency (AA).

Ekipi për komunikim në kuadër të Këshillit për Anëtarësim në NATO, publikoi të dielën se shpeshherë plasohen informacione të pasakta se NATO kërkon dy për qind nga Prodhimi Bruto Vendor (PBV) për të shtuar se shuma të cilën do të duhet ta paguaj vendi është 450 mijë euro në vit.

Në samitin e NATO-s më 25 maj, Mali i Zi do të pranohet në aleancën veri-atlantike, ku do të bëhet shteti i 29-të anëtarë i saj.

“Shpeshherë publikohen informacione të rreme se NATO kërkon 2 për qind të PBV-së për anëtarësim. Kjo është krejtësisht e gabuar, sepse ka dy lloje të shpenzimeve, një është anëtarësimi të cilin e paguajnë të gjithë dhe e njëjta për Malin e Zi kap shumën prej 450.000 euro, ose 0,027 për qind të buxhetit të përbashkët vjetor të NATO-s. Grupi i dytë i shpenzimeve janë kostot e sistemit të mbrojtjes së brendshme të Malit të Zi i cili ka buxhet të mbrojtjes prej rreth 50 milionë euro, për çka 450 mijë euro për anëtarësimin janë absolutisht të pranueshme dhe të arritshme”, thuhet në njoftimin e Këshillit.

Në të sqarohet se nisma e cila kërkon nga shtetet anëtare të NATO-s të ndajnë 2 për qind të BPV-së për anëtarësim, ka të bëjë ekskluzivisht për mjete për mbrojtjen e vet shteteve anëtare, dhe se kjo në Mal të Zi shpesh përmendet në kontekst të gabuar.

Presidenti i Shqipërisë Nishani viziton Malin e Zi

Preisdenti i Shqipërisë Bujar Nishani përshëndeti hapat drejt anëtarësimin të Malit të Zi në NATO, duke thënë se do të kontribuonte në sigurinë e rajonit.

“Anëtarësimi i Malit të Zi në aleancën politiko-ushtarake të Atlantikut të Veriut jo vetëm u shërben dhe rrit sigurinë e qytetarëve, por është një kontribut në të mirë të sigurisë së mbarë rajonit tonë, sepse rrit sigurinë dhe zgjeron hapësirën e lirisë në Ballkan duke qenë se kemi nevojë të garantojmë sa më shumë paqen dhe stabilitetin për vendet dhe popujt tanë. Qytetarët malazezë do të kuptojnë rëndësinë e të qenit në një aleancë politiko-ushtarake që i siguron paqen dhe stabilitetin,” tha presidenti i Shqipërisë, Bujar Nishani, i cili ndodhet për vizitë në Ulqin me rastin e Ditës së Komunës ku mori pjesë edhe presidenti malazez Filip Vujanoviq.

Presidenti Nishani i shprehu mirënjohjen homologut të tij malazez në emër të Shqipërisë dhe të qytetarëve shqiptarë për kujdesin e vazhdueshëm që tregon ndaj pakicës shqiptare si dhe për kontributin e vyer të dhënë gjatë gjithë këtyre viteve në drejtim të forcimit të miqësisë dhe marrëdhënieve mes dy vendeve.

“Edhe ne e provojmë bashkëjetesën dhe Mali i Zi është jo vetëm një vend fqinj, por edhe mik i Shqipërisë.” – theksoi Presidenti Nishani.

Nga ana e tij Presidenti i Malit të Zi Filip Vujanoviq, vuri në dukje se marrëdhëniet mes dy vendeve janë një model i përkryer i bashkëpunimit të mirë fqinjësorë, ai shprehu besimin se ato do të forcohen edhe më tej, sidomos bashkëpunimi ekonomik në fushat e turizmit, të energjisë, transportit detar, etj.

Presidenti Vujanoviq falënderoi Presidentin Nishani për ndihmën e çmuar dhe mbështetjen që dha Shqipëria për anëtarësimin e Malit të Zi në NATO, “pasi ndihma e fqinjëve vlerësohet së tepërmi duke qenë se ata mund të dëshmojnë më së miri për zhvillimin e vendit të tij, duke shtuar se marrëdhëniet janë të shkëlqyera, por anëtarësimi në Aleancën e Atlantikut të Veriut hap mundësi të reja bashkëpunimi, sidomos po të kihet parasysh fakti që i gjithë bregdeti i vendeve tona i përket totalisht hapësirës së Aleancës”, tha presidenti Vujanoviq.

Presidenti i Shqipërisë, Bujar Nishani dhe ai i Malit të Zi, Filip Vujanoviq po qëndrojnë sot në Ulqin ku u pritën nga kryetari i Komunës Nazif Cungu. Të dy Presidentët morën pjesë dhe përshëndetën veprimtarinë festive që u mbajt në Qendrën e Kulturës me rastin e Ditës së Ulqinit, gjatë së cilët kënduan dhe interpretuan artistë nga Mali i Zi, Shqipëria dhe Kroacia.

Thashethemet për grusht shteti nxjerrin popullin turk në “ruajtjen e demokracisë”

Qytetarët e mbledhur në park qëndruan deri në mëngjes në “rojën e demokracisë”. Ndërsa pasi falën të gjithë së bashku namazin e sabahut, ata u shpërndanë të qetë

STAMBOLL – Ka mjaftuar një reklamë e një kompanie e publikuar në internet, për të nxjerrë shumë qytetarë të Turqisë në sheshe të cilët më parë janë mbledhur përpara godinës qendrore të saj dhe më pas kanë kaluar në parkun Mehmet Akif Ersoy, ku kanë kaluar natën, raporton Anadolu Agency (AA).

Grupi i qytetarëve është vizituar edhe nga deputeti i AK Partisë në Stamboll, Metin Külünk, i cili është shprehur se e vlerëson shumë këtë ndjeshmëri të qytetarëve.

“E dimë shumë mirë se çfarë mund të bëjë një organizatë e tillë terroriste dhe tinzare. Jemi të vetëdijshëm që kanë në kokë plane të pista. Duan të dizajnojnë psikologjinë e 80 milionë banorëve. Mos të lejojmë një gjë të tillë. Krahas këtij filmi reklame, disa lirime nga burgu kanë bërë që populli të shqetësohet”, ka thënë ai në fjalën e tij.

Deputeti Külünk ka thënë se ka biseduar me zyrtarët e policisë përpara se të vinte aty dhe se nuk ka diçka të tillë, ndërsa lidhur me reklamën e publikuar ai është shprehur: “Prokuroria e Stambollit ka nisur hetimet në lidhje me reklamën e publikuar. Fola dhe me zyrtarët e policisë. Më thanë që çdo gjë është normale dhe nuk ka ndonjë zhvillim anormal. Duhet të kemi kujdes diçka. Kjo organizatë tinzare thurë në kokë plane për të prishur psikologjinë e popullit. Ky vend ka vetëm një kryekomandant dhe ai është Presidenti Recep Tayyip Erdoğan. Ashtu sikurse i mbushëm sheshet një muaj rresht me 50 milionë njerëz, i mbushim përsëri. Por shenjën për këtë e marrim vetëm nga një adresë”.

Deputeti iu kërkoi qytetarëve të mbledhur që të kthehen të qetë në shtëpitë e tyre dhe i falënderoi ata për kujdesin e treguar.

Qytetarët e mbledhur në park qëndruan deri në mëngjes në “rojën e demokracisë”. Ndërsa pasi falën të gjithë së bashku namazin e sabahut, ata u shpërndanë të qetë.

Stamboll, hapet Festivali ndërkombëtar i tulipanëve

Për të tretin vit radhazi vizitorët në periudhën prej 21 deri më 30 prill në sheshin Sultan Ahmet do të kenë mundësi të shohin qilimin me ngjyra i thurrur nga 564 mijë tulipanë

STAMBOLL – Në Stamboll është hapur Festivali i 12-të ndërkombëtar i tulipanëve i cili këtë vit mbahet nën moton “Është koha për tulipanë”, raporton Anadolu Agency (AA).

Çdo vit, autoritetet e qytetit në Stamboll mbjellin tulipanë, të cilët çelin pothuajse në çdo ngjyrë, duke e shndërruar qytetin mbi Bosfor në magjik dhe qilim ngjyrash.

Në parqet më të njohura në mbarë Stambollin do të prezantohen me qindra lloje të tulipanëve.

Gjatë festivalit, përveç shijimit të luleve të bukura dhe ngjyrat e tulipanëve të cilat lulëzojnë në Stamboll, vizitorët do të kenë mundësi të shijojnë edhe në aktivitetet tjera të ndryshme.

Për vizitorët në Stamboll, grupet lokale muzikore do të organizojnë koncerte, ndërsa do të mbahen shumë ekspozita të artit dhe fotografisë me motive të tulipanit si dhe ekspozita me punimet kaligrafike.

Interpol: Janë paraqitur fletarreste për tre ndihmës të Sheshelit

Pamje e selisë së Interpolit

 

Interpoli i ka paraqitur tri fletarreste të prioritetit të lartë për tre ndihmës të politikanit ultranacionalist serb, Vojisllav Sheshel, të cilët janë të akuzuar për kërcënime kundër dëshmitarëve, ka njoftuar sot Tribunali i Hagës për krime të luftës.

“Petar Jojiq, Jovo Ostojiq dhe Vjerica Radeta, janë akuzuar për mospërfillje të gjykatës, pasi janë të dyshuar se i kanë keqtrajtuar, kërcënuar, kanë ofruar mito, ose ndryshe, kanë ndërhyrë ndaj dy dëshmitarëve në gjykatë kundër Vojisllav Sheshelit dhe për mospërfillje të ndërlidhur me rastin kundër tij”, ka njoftuar sot Gjykata Ndërkombëtare për ish-Jugosllavinë në Hagë.

Gjykata në Hagë i është drejtuar Interpolit, pasi Serbia nuk ishte bashkëpunuese në ekzekutimin e arrestimit për këta tre persona, që kërkohen prej vitit 2015.

Vojisllav Sheshel i ka kaluar 11 vjet në burg, derisa vazhdonte procesi kundër tij në Gjykatën e Hagës, për akuza për pastrim etnik gjatë fushatave brutale paramilitare në Bosnjë-Hercegovinë dhe Kroaci, gjatë luftërave në Ballkan në vitet e 90-ta.

Sheshel, 62 vjeçar, është kthyer në Serbi në vitin 2015, për trajtim nga sëmundja e kancerit, derisa pritej vendimi në gjykatë.

Ai ishte liruar në vitin 2016 lidhur me të gjitha pikat e aktakuzës për krime të luftës dhe krime kundër njerëzimit, në pritje të apelit, dhe është kthyer në Serbi për të marrë pjesë në zgjedhjet presidenciale më 2 prill.

Partia Radikale e tij i ka 23 deputetë në Kuvendin e Serbisë.

Gjuha shqipe bëhet gjuhë zyrtare në Mal të Zi

Gjuha shqipe bëhet zyrtare në: Podgoricë, Ulqin, Tivar, Plavë, Rozhajë dhe Tuz.

Sipas autoriteteve malazeze, gjuha shqipe, përveç në Ulqin, Tuz dhe Plavë, me ligjin e ri zyrtarizohet tani edhe në Rozhajë, Podgoricë dhe Tivar. Kjo përbën një hap të madh në drejtim të avansimit të drejtave të shqiptarëve në Mal të Zi.

Ndryshimi i ligjit mbi të drejtat dhe liritë e pakicave në Mal të Zi, parashikon zyrtarizimin e gjuhës së pakicave në të gjitha komunat ku ato përbëjnë 5% të popullsisë, raporton Fakte

Çanak: Kosova s’është e Serbisë, këtë do ta dëshmoj edhe me ndryshime kushtetuese

Kandidati për president të Serbisë, Nenad Çanak, gjatë një interviste ekskluzive për gazetën “Zëri” ka thënë se retorika aktuale politike në Serbi nuk dallon shumë nga ajo e Millosheviqit.

Ai premton se nëse zgjidhet në krye të shtetit serb do ta iniciojë ndryshimin e kushtetutës, në të cilën Kosova nuk do të ishte e pranishme sepse, sipas tij, nuk është pjesë e Serbisë. Çanak po ashtu synon t’i japë autonomi Vojvodinës, Shumadisë dhe Sanxhakut

Është shumë e rëndësishme që të futet në kokën e njerëzve në Serbi se Kosova është e humbur për ta dhe kjo ka ndodhur për dy arsye.

E para, për shkak të politikave të gabuara të shtetit serb ndaj shqiptarëve për vite me radhë dhe e dyta, sepse Serbia e ka humbur luftën më 1999-n.

Kështu ka thënë në një intervistë ekskluzive dhënë gazetës “Zëri” kandidati për president të Serbisë, Nenad Çanak.

Madje sipas bashkëthemeluesit të partisë së qendrës së majtë, Liga e Social-Demokratëve të Vojvodinës, një ndër tri prioritetet e tij nëse do të zgjidhet president i Serbisë do të ishte ndryshimi i kushtetutës së shtetit serb, në të cilën Kosova nuk do të ishte pjesë e saj.

Në mesin e prioriteteve ai ka edhe krijimin e një samiti me të gjithë presidentët dhe kryeministrat e rajonit për të gjetur zgjidhje për të gjitha çështjet “pezull” dhe “pyetjet e hapura” të cilat i kanë shtetet në mes vete.

I pyetur nga gazeta “Zëri” nëse kundërkandidati i tij për president, kryeministri aktual Aleksandër Vuçiq, zgjidhet në krye të shtetit serb, a do të njohë pavarësinë e Kosovës, ai ka thënë se si një politikan pragmatik që është, Vuçiq do të bëjë gjithçka përveçse ta thotë haptazi se Kosova është e pavarur

Serbi: Putini është pajtuar të dërgojë sasi të madhe armësh në Ballkan

Presidenti rus, Vladimir Putin, është zotuar të nënshkruajë dërgimin e avionëve ushtarakë, tankeve dhe automjeteve të blinduara në Serbi, tha ministri serb i Mbrojtjes, në një veprim që mund të përkeqësojë tensionet me fqinjët dhe të nxisë një garë armatimi në rajonin e lodhur nga luftërat.

Ministri Zoran Gjorgjeviç, tha se Putini është pajtuar për dërgesën gatë vizitës së kryeministrit serb Aleksandër Vuçiç të hënën në Moskë. Ai tha se gjashtë avionë ushtarakë MiG-29, 30 tanke T-72 dhe 30 automjete të blinduara do të dërgohen së shpejti.

“Presidenti i Federatës Ruse tha se do të nënshkruajë dekretin dhe kur të jetë nënshkruar, ne do të veprojmë në përputhje me rrethanat”, tha Gjorgjeviç. “Ne jemi duke pritur që procesi të përmbyllet në Rusi dhe të shohim se si do të dorëzohen (pajisjet) në Serbi.”

Avionët do të duhej të fluturonin mbi vendet anëtare të NATO-s për të arritur në Serbi. Ose duhet të transportohen të ndara në avionë transportues, nëse vendet fqinjë pajtohen.

Gjergjeviç tha se avionët, tanket dhe autoblindat, dhuratë nga rezervat ruse, do të “modernizohen dhe rinovohen” në Serbi nga teknikët rusë për një shumë që nuk është bërë publike. Vlerësohet se vetëm modernizimi i avionëve MIG-29 do t’i kushtojë Serbisë rreth 200 milionë euro, afërsisht 216 milionë dollarë.

Gjorgjeviç tha më herët se Serbia është gjithashtu e interesuar për blerjen e një sistemi të mbrojtjes ajrore ruse, si dhe hapjen e një qendre riparimi për helikopterët rusë MIL që analistët besojnë se do të ishte praktikisht hapje e një baze ushtarake ruse në territorin e saj.

Serbia formalisht është në rrugën e anëtarësimit në Bashkimin Evropian, por nën trysninë politike dhe propagandës nga Moska ka shkarë në mënyrë të vazhdueshme në drejtim të Kremlinit dhe qëllimit të tij për të mbajtur vendet e rajonit të Ballkanit jashtë NATO-s dhe integrimeve të tjera perëndimore.

Zyrtarët e Bashkimit Evropian kanë ngritur shqetësimin për shtimin e ndikimit rus në Ballkanin Perëndimorë, i cili është përballur me luftëra të përgjakshme në vitet e 90-ta.

Ndërkohë, Kroacia, rivale e Serbisë dhe anëtare e NATO-s është duke blerë avionë të rinj për të zëvendësuar avionët e vjetër MiG 21.

Dodiku paralajmëron takim me Putinin

Presidenti i Republikës Serbe të Bosnjës, Millorad Dodik, paralajmëroi për muajin korrik takimin me presidentin e Rusisë, Vladimir Putin, raporton Shërbimi i Ballkanit i Radios Evropa e Lirë.

“Takimi është pjesë e një komunikimi të rregullt, që jep rezultate”, tha Dodik.

Ai ka takuar Putinin edhe në shtator të vitit të kaluar.

Të hënën, ndërkaq, me Putinin është takuar edhe presidenti i Serbisë, Aleksander Vuçiq.

Perëndimi është gjithnjë e më i shqetësuar për ndikimin e mundshëm të Rusisë në Ballkan.

“Rusia është partner i mirë dhe kurrë nuk kemi pasur kërkesa prej saj. Nëse Perëndimi dhe Rusia nuk funksionojnë mirë, kjo nuk do të thotë se ne duhet të jemi dëm kolateral”, tha Dodik.

Vuçiçi nuk shkon në Kosovë, thotë se nuk i pranon “shantazhet”

Kryeministri i Serbisë, Aleksandër Vuçiçi, tha se nuk do të udhëtojë të mërkurën në Kosovë, sepse nuk pranon, siç tha, shantazhe nga Prishtina.

“Nuk vjen në shprehje ky lloj presioni dhe cirku që ka bërë Prishtina”, tha Vuçiq, transmeton agjencia serbe e lajmeve Tanjug.

Qeveria e Kosovës tha më herët se ka marrë vendim që t’i lejojë Vuçiqit të shkojë në Kosovë, në vizitën e paralajmëruar për fushatë zgjedhore.

Ministri i Jashtëm i Kosovës, Enver Hoxhaj, tha se “pas kushteve të shumta të vëna nga ana e Qeverisë së Kosovës dhe pas diskutimeve të fundit në lidhje me vizitën, është marrë vendimi për lejimin e tij (Vuçiqit) që të vijë në Kosovë”.

“Kjo do të jetë edhe hera e fundit që lejohen të hyjnë zyrtarë serbë me qëllime të bërjes fushatë”, tha Hoxhaj.

Zgjedhjet presidenciale në Serbi mbahen më 2 prill dhe Vuçiq është njëri nga kandidatët.

Zagreb, Grabar-Kitaroviç është për Kosovën në NATO, Millosh Zeman nuk pajtohet

Të dy presidentët përveç çështjeve bilaterale, biseduan edhe për shumë

ZAGREB – Presidentja e Republikës së Kroacisë Kolinda Grabar-Kitaroviç dhe presidenti i Repiblikës së Çekisë Millosh Zeman nuk u pajtuan sot në Zagreb rreth mbështetjes së rrugës së Kosovës drejt anëtarësimit në NATO, raporton Anadolu Agency (AA).

Të dy presidentët përveç çështjeve bilaterale, biseduan edhe për shumë tema siç janë zgjerimi i NATO-s dhe BE-së në rajon, gjendja e Bashkimit Evropian dhe kriza migratore.

Zeman dhe Grabar – Kitaroviç pas takimit njoftuan se kanë biseduar edhe për Brexit-in, terrorizmin dhe gjendjen në BE.

“Republika Çeke i jep mbështetje integrimit të Ballkanit Perëndimor në strukturat evropiane dhe NATO”, porositi presidenti Zeman dhe shtoi se “Çekia mbështet hyrjen e Kroacisë në zonën Shengen”.

Në pyetjen a e mbështet hyrjen e vendeve të Ballkanit Perëndimor në BE dhe zgjerimin e NATO-s në këtë hapësirë, Zeman tha se “Mendimi im personal vlen për vendet e Ballkanit Perëndimor, por kjo nuk vlen për Kosovën meqë nuk jam i sigurtë nëse Kosova i përket NATO-s”.

Presidentja Kolinda Grabar – Kitaroviç u përgjigj se Kroacia angazhohet për zgjerim, gjegjësisht konsolidimin e BE-së në hapësirën e Evropës Juglindore, por edhe NATO-s për të gjitha ato shtete që e dëshirojnë atë.

“Në këtë moment Serbia këtë nuk e dëshiron, por ndoshta një ditë do të dojë”, tha Kolinda Grabar Kitaroviç.

Presidenti çek Zeman porositi se është “kundër BE-së me shumë shpejtësi”.

“Evropa duhet të jetë unike, nuk mund të ketë dy apo më shumë shpejtësi meqë kjo është tërëissht e pamundur, sepse kjo do të thoshte shumë shpejtësi”, tha ai.

Zeman konsideron se brenda katërshës së Vishegradit, së bashku me Kroacinë duhet të angazhohet edhe Austria duke ofruar zgjidhje të tyre për krizën migratore.

Qeveria i jep leje Vuçiçit të vizitojë Kosovën

Qeveria e Kosovës ka marrë vendim që t’i lejojë kryeministrit të Serbisë Aleksandër Vuçiç të vijë në Kosovë në vizitën e paralajmëruar për fushatë zgjedhore.

Lajmin e ka bërë të ditur ministri i Jashtëm i Kosovës, Enver Hoxhaj, gjatë konferencës për media që ka mbajtur pas takimit me ministrin e Jashtëm të Luksemburgut.

Ministri ka thënë se ‘pas kushteve të shumta të vëna nga ana e Qeverisë së Kosovës dhe pas diskutimeve të fundit në lidhje me vizitën është marrë vendimi për lejimin e tij që të vij në Kosovë’.

“Kjo do të jetë edhe hera e fundit që lejohen të hyjnë zyrtarë serbë me qëllime të bërjes fushatë”, ka thënë Hoxhaj.

Ai ka thënë se vendimi është marrë në frymën e shprehjes së vullnetit të mirë ndaj miqve ndërkombëtar sikurse Gjermania dhe Bashkimi Evropian.

Gjuriç: Serbët do ta pengojnë formimin e Ushtrisë së Kosovës edhe në Kuvend

BEOGRAD– Drejtori i të ashtuquajturës Zyrë për Kosovën në Qeverinë e Serbisë, Marko Gjuriç, ka deklaruar se respekton vendimin e përfaqësuesve serbë që të kthehen në Kuvendin e Kosovës. Ai thotë se përkundër rrethanave të vështira, ata do t’i kundërvihen formimit të Ushtrisë së Kosovës.

“Përfaqësuesit serbë tani edhe publikisht do të jenë kundër dhe do të bëjnë ç’të munden institucionalisht që të mos ndodhë formimi i Ushtrisë. Këtë duhet ta përkrahim”, ka thënë Gjuriç për “rts”.

Ai ka theksuar se Prishtina ka pasur për qëllim t’ua marrë mandatet deputetëve serbë nëse ata mungojnë më shumë se gjashtë muaj.

“Kanë dashur ta shfrytëzojnë mundësinë ligjore që t’iu merren mandatet. Përfaqësuesit serbë po gjenden dhe po gjejnë mënyra për ta penguar Prishtinën që t’i bëjë të pafuqishëm dhe ta pengojnë formimin e Ushtrisë”, ka thënë Gjuriç.

Treni “Kosova është Serbi” i afrohet Kosovës, Serbia e përdor për qarkullim të brendshëm

Treni nacionalist serb që Beogradi nuk mundi ta fuste dot më Kosovë më 14 janar të këtij viti, Serbia po e përdor për qarkullim të brendshëm duke ia ndërruar relacionin nëpër vendin e saj.

Këtë tren, me qëllime të qarta destabilizimi, Serbia e ndali në momentin e fundit në Rashkë pas reagimeve të fuqishme Kosovës e të aleatëve botë dhe pas dërgimit të njësiteve speciale policore të ROSU–s në veri.

Beogradi po përpiqet ta mbajë të gjallë këtë tren bashkë me kujtimin për Kosovën.

Kështu që nga sot, trenit i është ndërruar sërish itinerari.

Ikonografia kishtare serbe e përfshirë në pjesën e brendshme dhe të jashtme të trenit me mbishkrimin në 21 gjuhë të huaja “Kosova është Serbi”, nga sot ka filluar qarkullimin Kralevë-Jagodinë–Kralevë, njoftojnë mediat e Beogradit.

Me këtë ndërrim itinerari, treni serb i është afruar Kosovës.

Treni, dhuratë nga Rusia, me këto motive dhe në këtë relacion qarkullon dy herë në ditë.

Shokon e veja e Arkanit – Ceca, kërkon arrestimin e diplomatit shqiptar dhe tregon arsyet

Këngëtarja serbe dhe gruaja e kriminelit Arkan, Svetlana Razhnatoviç e cila ndodhet prej disa ditësh në Maqedoni ku pritet të mbajë një koncert muzikor ka shokuar mbarë opinionin atje, ku pas një takimi me liderin e opozitës Zoran Zaev, ka kërkuar arrestimin e një diplomati shqiptar.

Mësohet se Ceca i ka dorëzuar informacione kreut të LSDM-së dhe prefektit të Strumicës për diplomatin dhe veprimtarin e kauzës shqiptare Fatlum Rushiti, i cili siç shkruan Botapress.info nxit panik në Serbi, Mal të Zi dhe Greqi.

“Shqiptaro-Amerikani Fatlum Rushiti organizon dhe koordinon aktivitete politike dhe kulturore në Nish, Preshevë, Ulqin, Podgoricë dhe Çamëri. Promovon bashkimin e kombit shqiptar. Lideri Ivica Daçiç disa herë më ka lajmëruar se Beogradi zyrtar është tepër i shqetësuar nga aktivitetet politike të Fatlum Rushitit dhe mbahet në shënjestër të autoriteteve greko-serbe. Diplomati Fatlum Rushiti i furnizon komunitetet shqiptare me literaturë, diplomaci, logjistikë, projekte ideologjike, filozofi, marketing dhe aktivitete kulturore,” shprehet tejet e revoltuar këngëtarja serbe Ceca.

Partia pro-perëndimore mund socialistët pro-rusë në Bullgari

Rezultatet zyrtare në Bullgari tregojnë se partia pro-perëndimore e ish-kryeministrit Boyko Borisov ka fituar zgjedhjet parlamentare, ndërkohë që socialistët pro-rusë kanë pranuar humbjen.

Me 90 përqind të votave të numëruara, mëngjesin e sotëm, Partia GERB e Borisovit ka 32.58 përqind të votave, ndërsa Partia Socialiste 26.8 përqind.

Rezultatet përfundimtare priten më 30 mars.

Borisov mund të marrë mandatin për të formuar kabinetin e tij të tretë, por paraprakisht duhet të formojë koalicion me disa parti të vogla.

Zgjedhjet e së dielës janë vëzhguar nga afër, nga frika se çfarë drejtimi do të marrë Bullgaria, vend anëtar i Bashkimit Evropian dhe i NATO-s.

Sheshel: Me Rusinë mund ta kthejmë Kosovën, Malin e Zi e Republikën Serbe

 Kryetari i Partisë Radikale Serbe (SRS), Vojisllav Sheshel, i cili është kandidat për zgjedhjet presidenciale në Serbi, ka thënë se nëse ai zgjidhet President, do të luftojë ta orientojë Serbinë kah integrimi me Rusinë dhe ta largojë nga Bashkimi Evropian.

“Rusia po kthehet në Ballkan, kurse BE-ja, si gjithmonë, do të kërkojë nga Serbia që ta njohë Kosovën, nëshkëmbim të anëtarësimit në BE. Por, Serbia këtë nuk guxon ta bëjë këtë, asnjëherë”, ka thënë Sheshel, të shtunën, në një tubim zgjedhor në Beograd.

Ai ka theksduar se Serbia mund “t’i kthejë” Kosovën, Republikën Serbe dhe Malin e Zi, me integrimin e Serbisë me Rusinë.

“Nëse hyjmë në BE, kjo do të jetë pa Vojvodinën, pa Republikën Serbe dhe Rashkën (Sanxhakun), kurse nëse hyjmë në aleancë me Rusinë, atëherë një ditë mund t’i kthejmë ato që i kemi humbur, mbi të gjitha mendoj për Kosovën, Republikën Serbe e Malin e Zi”, ka thënë ai.

Po ashtu, ka thënë se integrimi me Rusinë do të përmirësojë gjendjen ekonomike në Serbi.

“Vetëm integrimi me Rusinë na krijon mundësi të mëdha për të dalë nga kriza e nga mjerimi social dhe na i zgjidh problemet tona të sigurisë. Bashkimi Evropian na ka bërë lakuriqë e nevojtarë”, ka theksuar Shesheli.

Lideri i radikalëve serbë ka thënë se ai është i vetmi që mund ta mundë Aleksandar Vuçiqin në garën për President të Serbisë

Vuçiç për ‘Der Standard’: Me Kosovën do bëj atë që e ka bërë Titoja

BEOGRAD– Kryeministri serb Aleksandër Vuçiç gjatë një interviste për të e e njohur austriake “Der Standard”, ku ka folur për zhvillimet e fundit. Në 2 prill do kandidojë si president, përkundër që si kryeministër disponon numër të madh të deputetëve. Në lidhje me pezullimin e dialogut Prishtinë-Beograd, ai fajin ua vendos shqiptarëve.

“Unë nuk bëj asnjëherë ndokënd fajtor, por parlamenti i Prishtinës vendosi për bllokimin e dialogut. Gjithashtu ata përkundër Kushtetutës kërkojnë krijimin e Ushtrisë së Kosovës, të na marrin të gjitha pronat tona në Kosovë dhe përgatiten për një instancë gjyqësore për ti fajësuar gjithë serbët për krimet e luftës. Atëherë ku ishte gabimi ynë? Unë e kam pyetur Isa Mustafën (kryeministrin e Kosovës) dhe nuk kam marrë asnjë përgjigje. Megjithatë ne jemi gati për të diskutuar me ata. Kur unë bisedova me Angela Merkel, nuk kritikova kolegët e mi të Kosovës. Unë paralajmërova se jemi të gatshëm të përfundojmë autostradën Prishtinë-Nish, që do ngrit bashkëpunimin dhe lehtësojë qarkullimin e kapitalit, mallrave dhe banorëve. Dhe këtë e kishte bërë më parë Titoja,” u shpreh Vucic.

Ai shton më tej se për të do ishte më e lehtë që të shprehej se Kosova ishte territor i Serbisë. “Në kohën e fushatës do ishte më e lehta të them – Kosova është territori ynë, dërgoni shqiptarët drejt Tiranës – por këtu nuk do e them. Unë besoj se ka gjëra më të rëndësishme dhe këtu bëhet fjalë për autostradat dhe lidhjet mes kombeve të ndryshme. Nëse ne jemi në gjendje të bisedojmë me njëri-tjetrin, të respektohemi dhe biznesmenët shqiptarë të sjellim drejt Serbisë dhe banorët tanë drejt Prishtinës dhe Tiranës, atëherë do ishte më e lehtë për zgjedhjen tjetër. Unë i urrej “zgjidhjet e mëdha dhe të drejta,” që nuk zgjidhin asgjë.”, theksoi ai.

Në lidhje me takimin e Sarajevës Vuçiç theksoi rëndësinë e tregut të përbashkët që do sillte tre deri në katër herë më shumë investitorë në rajonin ballkanik dhe se kamionët nuk do kishin radha të gjata siç “kamionët serbë presin 48 orë në Bosnjë.”. Presidenti Vuçiç ka folur edhe për valën e refugjatëve, ku shpreh “frikë nëse Turqia prish marrëveshjen me BE”, për përmirësimin e marrëdhënieve mes Serbisë dhe Kroacisë dhe ruajtjen e integritetit territorial të Bosnjës, përkundër që presidenti i Republika Srpska, Milorad Dodik, kërkon referendum për bashkimin e saj me Serbinë.

Vuçiçi takohet me Putinin disa ditë para zgjedhjeve në Serbi

Pamje gjatë takimit Putin – Vuçiq më 26 nëntor 2016

Kryeministri i Serbisë, Aleksandër Vuçiçi, thotë se do të takohet me presidentin e Rusisë, Vladimir Putin, nesër në Moskë, derisa duket se ai po e forcon pozitën e tij para zgjedhjeve presidenciale në Serbi më 2 prill.

Në disa raporte të djeshme theksohej se Vuçiq do të përpiqet ta finalizojë marrëveshjen me Putinin, lidhur me dërgimin e gjashtë aeroplanë luftarakë të tipit MiG-29, disa ditë para votimeve për president.

Zoti Vuçiq, ish-ultranacionalist e tash reformues pro-evropan, po përpiqet të manovrojë duke i mbajtur raportet e Serbisë me perëndimin, por njëherësh duke i përmirësuar lidhjet me aleatin shumëvjeçar, Rusinë.

Serbia kishte shprehur dëshirë për forcim të lidhjeve me NATO-n, derisa ende i përmirëson lidhjet ushtarake me Rusinë, dhe kjo gjë i ka shqetësuar fqinjët e saj, Kroacinë dhe Bosnjë-Hercegovinën.

Konsiderohet se Aleksandër Vuçiq, 46 vjeçar, është favorit për të fitur kundër opozitës së ndarë dhe ai po synon të fitoj numër të mjaftueshëm të votave për të mos pasur nevojë për rrethin e dytë të zgjedhjeve presidenciale, që eventualisht do të mbaheshin më 16 prill.

Gjenerata e re e terroristëve në Greqi

Alarm terrori në Athinë: në një qendër postare janë gjetur tetë paketa me ekpsloziv. Ato janë dërguar në adresat e shefit të Eurogrupit Jeroen Dijsselbloem, drejtorit të ESM Klaus Regling dhe institucionet financiare.

Ekspertët e sigurisë në policinë greke i kanë gjetur këto paketa të hënën në mbrëmje dhe i kanë dërguar në analiza, të cilat do të zgjasin më shumë, deri sa të sigurohen gjurmët e gishtave dhe gjurmën e ADN-së, njofton televizioni Skai. Thuhet se dërgesat postare “kanë qenë të njëjta”, sikur dy letra-bombë të gjetura në botën e jashtme. Të mërkuren është gjetur një paket në Ministrinë e Financave në Berlin, ndërsa të enjten në Zyrën e Fondit Montetar Ndërkombëtar në Paris. Një bashkëpuntore që e ka hapur letrën është dëmtuar. Presidenti francez François Hollande foli për “atentat”. Letrat dhe pakteta janë dërguar nga grupi terrorist grek “Betim i qelizave të zjarrit”, që është paraqitur në vitin 2008.

Është menduar se ky grup është shkatërruar, pas arrestimit të 60 anëtarëve dhe simpatizantëve të tij. Por ndërkohë sërish ka marrë përgjegjësinë për akte të dhunshme: në tetor 2016 grupi ka vënë një bombë në shtëpinë e një gjykatësi. Të enjten ka marrë përgjegjësinë për dërgimin e paketit në Ministrinë e Financave në Gjermani. Dyshohet se organizata ka edhe plane të tjera.

“Duhet të presim letrat me të cilat marrin zyrtarisht përgjegjësinë dhe të analizojmë objektivat e mundshme që mund të jenë në shënjestër”, thotë Mary Bossi, profesore e sigurisë në Univeristetin e Pireut. Në Greqi ka një gjeneratë të re të terroristëve të dhunshëm, të cilët përfitojnë nga gjendja e rëndë ekonomike e njerëzve atje. Ajo dallon nga grupi terrorist “17 nëntori”, i cili në Greqi ka vrarë 23 persona në periudhën prej vitit 1975 – 2000. “Dikur në shënjestër kanë qenë personat e klasës sunduese. Ndërsa organizata e re terroriste pohon se as njerëzit e rëndomtë nuk janë të pafajshëm, sepse nuk po bëjnë asgjë dhe nuk po çohen në kryengritje”, shpjegon Mary Bossi.

Largimi nga marksizmi-leninizmi

Grushti i fundit i fuqishëm ndaj terrorizmit në Greqi ka ndodhur në shtëtor 2014, kur është arrestuar kryeterroristi Nikos Maziotis. Dyshohet se grupi i tij “Lufta Revolucionare” ka qenë i përfshirë në sulmet ndaj rezidencës së ambasadës gjermane në vitin 2013. Ndërkohë që nuk dihet nëse ka pasur gisht edhe në sulmin e dështuar në një stacion hekurudhor para pesë vitesh. Për fat, ky sulm është evituar me kohë. Mary Bossi kritikon mediat të cilat asokohe i kanë quajtur këto grupe si “ekstremiste të majta”. “Grupet ndërkohë i kanë thënë lamtumirë marksizëm-leninizmit dhe distancohen qartë nga idetë majtiste. Ata janë betuar për anarki.” Por as kjo nuk është tepër e qartë.

Ekspertja paralajmëron edhe nga e ashtuquajtura “Guerila e qytetit” në Greqi, të cilës i përkasin edhe qelizat e fundit terroriste. Ato kanë kontakte me grupet e njëjta në Evropë, Rusi dhe Amerikën Latine. Deri tani nuk dihet nëse e kanë mbështetjen e tyre në rastet konkrete.

Pse nuk u zbuluan?

Në një reagim pas ngjarjes në Berlin, ministri grek për Mbrojtjen Qytetare, Nikos Toskas, tha se në dërgesa janë gjetur sasi të vogla të lëndës shpërthyese. Ky është edhe shkaku pse letrat e dërguara nga Greqia nuk janë identifikuar menjëherë si të dyshimta.

Ratko Mladiq do të shkojë në Rusi

Zëdhënësi i Gjykatës së Hagës, Nenad Golçevski, i konfrimuar Radios Evropa e Lirë se Gjykata në Hagë ka pranuar një kërkesë urgjente të cilën e ka parashtruar mbrojtja e të akuzuarit Ratko Mladiq.

Në shkresë i kërkohet Gjykatës që Mladiqit t’I miratohet lirimi i përkohshsëm nga njësia e paraburgimit në Hagë me qëllim që të bartet në Rusi për shërim të domosdoshëm mjekësor.

“Në lëndën kundër Ratko Mladiqit, avokatët e mbrojtjes së tij kanë parashtruar sot një kërkesë për lirimin e përkohshëm të të akuzuarit. Shkresa është voluminoze por në këtë moment nuk mund të them asgjë më shumë sepse nuk kam pasur qasje në dokument. Megjithatë, kjo është një kërkesë zyrtare dhe si e tillë është edhe publike”, tha Golçevski për Radion Evropa e Lirë.

Përpara dorëzimit të kërkesës, avokatët e Mladiqit në emër të klientit të tyre, siç mësohet, kanë paraqitur edhe gjetjet e mjekëve-ekspertë për gjendjen e tij shëndetësore që sic thuhet në kohën e fundit është përkeqësuar.

Pjesë përbërëse e kërkesës, siç tha Miodrag Stojanoviq, bashkëmbrojtës i Ratko Mladiqit, është edhe garancioni i shtetit të Rusisë.

Stojanoviq i tha Radios Evropa e Lirë, se me kërkesë të mbrojtjes së Ratko Mladiqit, Qeveria e Federatës Ruse ka dhënë garanci nëse Gjykata e Hagës do të lironte përkohësisht Mladiqin për shërim.

Kjo, sipas Stojanoviqit, do të thotë se ata do ta pranonin për kontrolle shëndetësore, shërim dhe pas kësaj, kur Haga të kërkonte, ta kthenin në paraburgimin e Gjykatës në Hagë.

Ish komandanti i Ushtrisë së Republikës Serbe, Ratko Mladiq është arrestuar më 26 maj 2011. Ai akuzohet për gjenocid në Srebrenicë, përndjekje të boshnjakëve dhe kroatëve gjithandej Bosnjë dhe Hercegovinës, që në gjashtë komuna ka pasur përmasa të gjenocidit si dhe për marrje peng të pjesëtarëve të UNPROFOR-it.

Mbrojtja e Mladiqit ka kërkuar lirimin kurse prokuroria ka kërkuar burgim të përjetshëm.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend