Këshilli kombëtar boshnjak i Sulejman Uglaninit sot në Novi Pazar ka kremtuar 100 vjetorin e Deklaratës së Sjenicës me të cilën ishte kërkuar shkëputja e Sanxhakut nga Serbia e Uglanin sot ka kërkuar ndihmën ndërkombëtare në zgjidhjen e statusit të përhershëm të Sanxhakut dhe statusin e boshnjakëve në Sanxhak, transmeton Koha.net

Propozimi Ivica Daçiçit për caktim kufijsh ndërmjet serbëve e shqiptarëve në Kosovë vijon të mbetet temë në mediat serbe.

Sipas gazetës “Novosti”, e cila e citon Daçiçin, pas këtij “gjesti bujar” Beogradi pret edhe kompensim financiar për pasurinë private e shtetërore që sipas kësaj gazete ka pushtuar Kosova, shkruan koha.net.

Më tej në artikullin e gazetës thuhet se “me privatizimin ilegal janë tjetërsuar shumë ndërmarrje të Serbisë, të cilat kanë pasur 1.350 objekte në Kosovë. Fondi për zhvillimin e Serbisë ka pjesë në pronësinë e 155 ndërmarrjeve me vlerë 180 milionë euro. Vlera e përgjithshme e pasurisë serbe në Kosovë është rreth 200 miliardë dollarë e në pronësi të shtetit të Serbisë është 29 për qind e tokës së Kosovës”.

Në Turqi dhe zonat përreth saj që nga viti 1903 e deri sot janë përjetuar 66 tërmete prej 6 ballë dhe më sipër si dhe 15 tërmete mbi 7 ballë

STAMBOLL – Turqia në 114 vite është tronditur nga mbi 66 tërmete të shkallës 6 ballë dhe më sipër ku janë përjetuar humbje të jetëve dhe pronës, ndërsa në 17 vitet e fundit vendi është tronditur nga 164.307 tërmete.

Sipas të dhënave që AA ka përpiluar nga të dhënat e observatorit Kandilli të Universitetit Boğaziçi dhe nga Qendra për vlerësimin dhe ndjekjen e tërmet-cunameve rajonale të Institutit për Kërkimet mbi Tërmetet, theksohet se që nga viti 1900 e deri tani tërmeti më i madh është shënuar në Kili më 22 maj në vitin 1960 me 9.5 ballë.

Ndërsa në Turqi dhe zonat përreth saj që nga viti 1903 e deri më sot janë përjetuar 66 tërmete prej 6 ballë dhe më sipër si dhe 15 tërmete mbi 7 ballë. Tërmeti 9,5 ballë i ndodhur me 27 dhjetor 1939 në qytetin Erzincan është shënuar si tronditja më e madhe përgjatë 114 viteve, i cili ndiqet më pas nga tërmeti 7.9 në Gölcük në gusht të vitit 1999.

Tërmetet 6 ballë dhe më sipër të regjistruara në Turqi janë si më poshtë:

Të dhënat për 17 vite

Në Turqi dhe rajonin përreth saj në vitin 2000 kanë ndodhur 3.032 tërmete, 2.563 në vitin 2001, 3,268 në vitin 2002, 3.925 në vitin 2003, 5.331 në vitin 2004, 7.595 në vitin 2005, 4.656 në vitin 2006, 5.834 në vitin 2007, 8.139 në vitin 2008, 8.783 në vitin 2009, 11.332 në vitin 2010, 18.040 në vitin 2011, 20.608 në vitin 2012, 16.317 në vitin 2013, 14.830 në vitin 2014, 15.407 në vitin 2015 dhe në vitin 2016 kanë ndodhur 13.296.

Ndërsa në muajin janar të këtij viti bëhet e ditur se kanë ndodhur 1351 tërmete nga 1.0 dhe 5.3 ballë, ku sipas kësaj për 17 vite në Turqi janë shënuar 164.307 tërmete.

Partia kryesore opozitare turke ajo Republikane Popullore është shprehur e shqetësuar se udhëheqësi i saj Kemal Kilicdaroglu mund të ndiqet penalisht dhe të burgoset. Kjo në kuadër të masave që qeveria turke po vazhdon të zbatojë, si pasojë e të cilave janë burgosur deri tani me shumë se 10 deputetë turq.

“Ka një komplot të madh kundër Partisë Popullore Republikane“, paralajmëroi të hënën një zyrtar i partisë Bulent Tezcan në një intervistë për gazetën turke Cumhuriyet. Sipas tij “çdo hap i ndërmarrë kundër partisë kryesore të opozitës mund të hapë një epokë ku partia në pushtet nuk mund të qeverisë në paqe”.

Komentet e zotit Tezcan pasojnë një pohim të presidentit turk Rexhep Tajip Erdogan se Kemal Kilicadaroglu mund të ishte subjekt i një një hetimi që po vazhdon, lidhur me një lajm botuar në një gazetë që lidhte qeverinë e Erdoganit me dërgesat e armëve për rebelët sirianë. “Mos u habisni nëse Kilicdaroglu është i lidhur me këtë çështje“, tha zoti Erdogan në një fjalim që mbajti të dielën.

Lidhur me këtë shkrim, aleati i ngushtë i udhëheqësit të opozitës njëkohësisht deputeti Enis Berberoglu u dënua në qershor me 25 vjet burg. Burgorsja e tij shkaktoi atë që udhëheqësi i opozitës Kilicdaroglu e cilësoi 25 ditët e “marshimit për drejtësi” që nisën nga kryeqyteti i vendit Ankaraja dhe përfunduan në Stamboll. Marshimi tërhoqi me dhjetëra mijëra mbështetës duke kulmuar me një tubim që tërhoqi një milion njerëz.

Duket se tashmë presidenti Erdohan ka vënë nën shënjestër udhëheqësin kryesor të opozitës. Në muajin korrik, në përkujtim të një vjetorit të dështimit të përpjekjes për grusht shteti, presidenti akuzoi udhëheqësin e opozitës për bashkëpunim me komplotuesit.

Gazeta greke “Proto Thema” publikoi të shtunën një shkrim (te cilin e lexoni KETU) ku flet për një nismë të qeverisë greke e cila pritet t’i heqë nënshtetësinë greke shumë himariotëve të cilët sipas saj, “punojnë ngushtë me autoritetet e Tiranës kundër minoritetit grek dhe rrëmbimit të vazhdueshëm të pasurive të minoritarëve grekë që jetojnë në Tiranë”.

“Në duart e ministrit të brendshëm Panos Skourletis, është lista e gjatë e emrave që janë deklaruar si banorë të Himarës dhe që kanë marrë nënshtetësinë greke, por bashkëpunojnë me autoritetet shqiptare kundër të drejtave etnike dhe fetare të minoritetit grek në rajon. Kohët e fundit, ministri Skourletis nënshkroi heqjen e shtetësisë greke kryetarit të bashkisë së Himarës, Gjergji Goro, një bashkëpunëtor i ngushtë sipas gazetës i planeve të kryeministri shqiptar Edi Rama për dehelenizimit të zonës. Vendimi i ministrit të brendshëm u parapri nga një mendim i arsyetuar i Këshillit të Shtetësisë, i cila arsyetoi se kryetari i bashkisë Himarës “ndërmori shërbim publik jashtë vendit, në kundërshtim me interesat e Greqisë”, shkruan “Protothema”, raporton “Panorama”.

Në “listën e zezë” të ministrisë së Jashtme dhe të brendshme të Greqisë janë përfshirë këshilltarët e Bashkisë së Himarës, nëpunësit civil dhe anëtarët e Partisë Socialiste të cilët sipas gazetës kanë dorë në grabitjen e  pronave të minoritarëve dhe “brezin” e shtuquajtur Riviera shqiptare.

Disa emra të listës së zezë dhe përshkrimet sipas gazetës:

Fotis Karavelas: Kryetari iKëshillit Bashkiak të Himarës . Një bashkëpunëtor i ngushtë i kryetarit Gjergji Goro. Ka nënshkruar në mënyrë sistematike vendimet për ndryshimin e pronësinë në zonnën e Himarës, dhe ka një rol të madh në shkatërrimin e pronave të minoritarave me shtetësi greke.

Aleksi Marko: Kryeplak i Drimades. Ka një rol kryesor në prishjen e kishës së Shën Athanasit në vitin 2015 dhe është angazhuar në sekuestrimin e paligjshme të pronave homogjene.

Harallamb Ruçi. Anëtar i Partisë Socialiste me një retorikë të fortë anti-greke. Protagonist në pronat konfiskimin e pronave të minoritarëve.

Stefan Kokedhima: Keyeplak i fshatit Kiparo Himarës. I përfshirë në shkelje ilegale kundër pasurive të emigrantëve.

Kristo Kondili: Mësues në Dhërmi, udhëhoqi shembjen e kishës së Shën Athanasit. Shkruan në gazetat lokale me retorikë të fortë anti-greke, duke i paraqitur si shqiptarët grekët e  Epirit të Veriut.

Aleko Dede: Ish-oficeri i marinës shqiptare dhe kreu aktual i Departamentit të Planifikimit të Komunës së Himarës. Pranoi dhe nënshkroi prishjen e kishës së Shën Athanasit, dhe është angazhuar në prishjen e pasurive të patundshme të migrantëve.

Dhimitri Bifa: Bashkëpunon me autoritetet për grabitjen e pronave të minoritarëve,

Aleksandër Çipa: Presidenti i Unionit të Gazetarëve me prejardhje shqiptare nga Himara. I njohur për frymën anti-greke të shkrimeve të tij. Emri i tij është në listën e gazetarëve të financuara nga Instituti Gylen.

Zyra e Prokurorisë në Gjykatën për Krime Lufte në Serbi ka akuzuar 160 shqiptarë për krime lufte duke thënë se për të gjithë këta ka dëshmi se kanë kryer krime, shkruan gazeta serbe ‘Blic’.

Shumica prej të akuzuarve janë ish-anëtarë të UÇK-së, për të cilët Serbia thotë se ka fakte se kanë kryer krime ndaj civilëve serbë dhe civilëve të etnive të tjera, njofton Klan Kosova.

Gjykata Serbe, përkundër elanit të madh për të gjykuar ish-pjestarët e UÇK-së, është treguar e paaftë të dënojë pjesëtarët e ushtrisë serbe që kanë kryer krime në Kosovë.

Lideri i Lëvizjes për Përtëritjen Serbe, Vuk Drashkoviç, ka thënë për N1 se nuk është shumë reale që të arrihet konsensusi për Kosovën gjatë dialogut të brendshëm të Serbisë.

“Unë, si dhe partia ime, përshëndesim këtë thirrje për dialog”, thotë ai, duke shtuar se e keqja është te ata që pushtetin politik e material e ndërtojnë “në plagën e hapur të Kosovës”, transmeton Telegrafi.

I pyetur se si e paramendon këtë “dialog të brendshëm”, Drashkoviç tha se ky dialog po ndodh përderisa njerëzit po i japin qëndrimet e tyre. Por, shton se presidenti i Serbisë, Aleksander Vuçiç, duhet po ashtu të japë qëndrimin e tij.

Sipas tij, kjo është koha të pranohen disa dispozita nga Plani i Ahtisaarit i vitit 2007 – të cilin Serbia e kishte refuzuar në start – e që ato të përfshihen në dialogun e Brukselit.

“Asociacioni është një nga ato dispozita që na përshtatet në tërësi”, thotë ai. “Shumë dispozita duhet t’i pranojmë, por ne menjëherë e kemi anatemuar. Atë dokument shqiptarët e kanë pranuar pa qejf e me presionin e të huajve, sepse ka pjesë me standardet më të larta evropiane për mbrojtjen e kishave serbe, të pronës së popullit serb e të autonomisë së komunave serbe”.

Drashkoviç po ashtu u shpreh se nga preambula e Kushtetutës së Serbisë duhet të hiqet pjesa që thotë se Serbia ka sovranitet në Kosovë.

“Kujt po ia dëshmojmë që Kosova është e jona? Nga Kushtetuta duhet të hiqet pjesa që nuk e njeh realitetin e me të cilën hipnotizohet populli se Kosova nuk është e pavarur dhe se është nën Serbi”, thotë ai.

“Në popull thuhet se shqiptarët do të marrin kishat serbe, se do të marrin gjithçka deri në Nish, se do të bashkohen me Shqipërinë… Por, qytetarët e dinë se shqiptarët janë detyruar që në Kushtetutë të kenë pikat që u ndalohet bashkimi me çdo shtet fqinj dhe se duhet të përdorin veç simbolet e Kosovës”, ka thënë ai.

Drashkoviç shprehet se Serbia ka të drejtë të mos e njohë pavarësinë e Kosovës dhe se këtë të drejtë do ta përdorë.

“Por, Serbia nuk ka të drejtë ta mashtrojnë popullin se pavarësia nuk ekziston. Shumica e shteteve e njohin e ne për një fiksion po i paguajmë kreditë e Kosovës. Le t’i paguajnë ata borxhet e tyre”, thotë ai, duke shtuar se do të arrihen dy të tretat në Kuvendin e Serbisë dhe shumica në referendum për ta ndryshuar kushtetutën e Serbisë.

“Nëse bëjmë aksin e paqes dhe stabilitetit në linjën Veri-Jug në Ballkanin Perëndimor, në mes të dy kombeve më të mëdha, serbët dhe shqiptarët, gjatë 100 viteve të ardhshme kemi zgjidhur 80 për qind të problemeve tona politike”, tha presidenti serb Aleksandër Vuçiç.

Një skenë e pabesueshme është kapur në një lokal në qendër të Beogradit në një fotografi.

Fotoja tregon qartë një djalë që rri ulur në banak, me një bluzë në të cilën është vizatuar harta e “Shqipërisë së Madhe”, shkruan sot portali serb Telegraf.

“Sot isha i detyruar të regjistroj këtë skenë … pa dashur të polemizoj rreth asaj se sa shqetësuese mund të duket kjo, do të parashtroj një pyetje se çfarë do të ndodhte sikur se një djalë serb do të kishte veshur në Tiranë një këmishë me një hartë të “Serbisë së Madhe?”. Më shqetësuese është indoktrinimi i fëmijëve në një moshë të re”, shkroi Leo Pajkiç. biri i Isidora Bjelica (shkrimtare dhe fytyrë publike) në përshkrimin e fotos.
Edhe në komentet që janë shkruar më poshtë, përdoruesit e rrjeteve sociale po pyesin të njëjtën gjë.

“Abuzimi klasik i fëmijëve! Ky djalë ndoshta nuk e ka idenë se çfarë ka veshur, ose çfarë do të thotë ajo hartë në këmishën e tij? Për prindërit e tij padyshim se më e rëndësishme është që të provokojnë serbët në mes të kryeqytetit serb, sesa skenari ogurzi që mund t’i ndodhë fëmijës”, është vetëm një prej komenteve.

Imazhi është regjistruar në sheshin “Slavij”, një nga pjesët më të ngarkuara të qytetit, në pikë të ditës, vazhdon portali.Çdo gjë po ndodh vetëm disa ditë pasi u njoftua se Ismail Morina, i njohur si Ballisti, i cili tre vjet më parë kishte lëshuar dronin me flamurin e “Shqipërisë së Madhe” në stadiumin e Beogradit në ndeshjen midis ekipit kombëtar të Serbisë dhe Shqipërisë, nuk do të ekstradohet në Serbi.

MANISA – Në kuadër të gërmimeve arkeologjike në Qytetin Antik Aigani në provincën Manisa të Turqisë, qytet ky që daton nga shekulli VIII para erës sonë, është zbuluar rrugë e gjatë 55 kilometra prej gurësh e cila thuhet të jetë shtruar dy mijë vite më parë.

Qyteti Antik Aigai është një nga 12 qytetet e Anadollit Perëndimor, shpjegon për AA Yusuf Sezgin, kryetari i komisionit gërmues.

Ai thotë se gërmimet në këtë rajon kanë nisur në vitin 2004 dhe se me zbulimet në këtë vend kanë siguruar të dhëna rreth jetës civile dhe sociale të qytetit antik.

Sipas Sezgin, qyteti ishte shndërruar në qendër atraktive kulturore dhe ekonomike e rajonit në epokën helene nga shekulli III para erës sonë, me ndihmë edhe të Mbretërisë së Pergamonit.

“Në gërmime zbuluam një rrugë antike të periudhës romake, të shekullit I të erës sonë”, tha Sezgin.

“Rruga në brigjet e Detit Egje tregon se ajo është përdorur mes Izmirit dhe Manisës dy mijë vite më parë”, tha Sezgin, duke shtuar se kjo rrugë në të ardhmen mund të përdoret për shëtitje të vizitorëve.

Ai tha se kjo rrugë fillimisht është përdorur si rrugë ekspeditash, ndërsa më pas për kalimin e karvanëve.

Sipas tij, rruga në qytetin antik është ndërtuar me përpikëri të lartë, duke përdorur blloqe të mëdhenj shkëmbinjsh në një mënyrë të veçantë.

Sezgin tha se nën rrugë po ashtu gjendet edhe sistem kanalizimi.

“Është interesant fakti që brenda këtyre kanaleve mund të ecim duke u zvarritur. Kanalizim të tillë nuk ka madje në shumë qytete të mëdha. Në afërsi të kësaj rruge gjendet Tempulli i Apolonit. Tempulli është ndërtuar në mënyrë që njerëzit t’i kryejnë ritet e tyre teksa ecin në këtë rrugë”, tha Yusuf Sezgin për AA.

Gazetari serb i Deutsche Welle, Nemanja Rujeviç, ka deklaruar për televizionin serb se ideja për dialog të brendshëm mbi Kosovën nuk është e keqe, sikur të ishte e sinqertë.

“Siç thotë opozita, në këtë atmosferë nuk mund të ketë dialog sepse në asgjë nuk ekziston dialogu. Kuvendi është shndërruar në instrument të qeverisë ekzekutive, nuk mund të ketë dialog të vërtetë për asgjë. Argumenti tjetër i opozitës është se tanimë është vonë për dialog, nuk pinë ujë, sepse nuk do të zemërohemi si fëmijë të vegjël dhe themi nuk dëshirojmë që në vitin 2017 të flasim për Kosovën, sepse këtë është dashuri ta bëjmë para pesë viteve”, ka thënë Rujeviç, transmeton gazetametro.net.

Ai konsideron se kryetari i Serbisë Aleksander Vuçiç mendon për çdo gjë në mënyrë taktike e jo në mënyrë politike, dhe se ka luajtur mençur sepse “iu ka gjuajtur ashtin opozitës”.

“E cila tani duket jodemokratike, nuk dëshiron të bisedojë etj. Kot ju nuk doni, kur gjithë kjo po ndodh nëpërmes të medieve”, thotë ai.

Sipas mendimit të tij, Kosova kurrë nuk ka qenë temë kryesore për njerëzit para zgjedhjeve, por ka kapacitet të nxehë emocionet në çdo moment.

ÇANAKKALA – Gërmimet arkeologjike në veriperëndim të Turqisë kanë nxjerrë në sipërfaqe të tokës një vegël për shkrim, më konkretisht një stilus, të vjetër rreth 1800 vjet.

Në lokalitetin arkeologjik Assos, të njohur edhe si Behramkale, në të cilin gjendet njëri nga vendbanimet port, më të rëndësishme nga koha romake, më herët janë zbuluar mbetje të një teatri antik dhe mbetje të mureve.

Profesori universitar Nurettin Arslan, që kryeson ekipin e arkeologëve, në një prononcim për AA tha se vegla e zbuluar është një instrumet i zgjatur nga bronzi dhe ka një anë të mprehtë dhe anën tjetër pak më të rrafshtë.

Sipas tij, ky instrument është përdorur për të shkruar, për të bërë llogari si dhe për shënim, në kryesisht tabela nga dylli të përdorura në atë periudhë.

“Pjesa pak më e rrafshtë është përdorur për të korrigjuar gabimet e mundshme, siç janë sot gomat”, tha Arslan, për të shtuar se çdo person i shkolluar në atë kohë kishte në pronësi një stilus.

Arslan tha se në atë kohë, shkrim-leximi nuk ka qenë karakteristikë vetëm e personave të lirë ose të pushtetarëve, sepse siç thotë, edhe robërit kanë ditur të shkruajnë dhe lexojnë.

“Robërit e arsimuar kanë përdorur këto instrumente për të mbajtur shënime për pronarët e tyre”, shpjegoi ai.

Ai rikujtoi se arkeologët në të njëjtin vend zbuluan më parë pjesët e një vazoje që datojnë nga periudha e rreth 2500 vjet më parë.

Qeveria serbe i ka dërguar një notë proteste qeverisë kroate dhe Komisionit Europian, pas vendimit të Zagrebit zyrtar për të rritur kontrollet mbi importin e produkteve të agrikulturës.

Lajmin e ka bërë të ditur kryeministrja serbe, Ana Brnabiç, e cila ka deklaruar se Beogradi po kontakton edhe me vende të tjera të prekura nga kjo masë për të arritur një reagim të përbashkët.

“Kur dikush bën një lëvizje si ajo e Kroacisë, atëherë nuk mund të ketë hapësirë për bisedime për bashkëpunim dhe integrim ekonomik. Këto janë gjëra që nuk duhet të ndodhin në rajonin tonë”, ka thënë Brnabiç.

Ajo ka nënvizuar se Serbia do të tregohet sërish konstruktive dhe tolerante, po nuk do ta injorojë këtë vendim të Zagrebit.

“Ne do të mbrojmë prodhuesit dhe eksportuesit tanë”, ka thënë Brnabiç, duke shtuar se Kroacia po shkel Marrëveshjen e Stabilizim-Asociimit mes Serbisë dhe BE-së.

Ivica Daçiç në artikullin për gazetën “Blic”: Me ndarjen mund të zgjidhet konflikti që vazhdon prej dekadash lidhur me ish-krahinën serbe të banuar pothuajse vetëm nga shqiptarët.

Ministri i Jashtëm i Serbisë, Ivica Daçiç në një artikull për gazetën më të madhe në Beograd, “Blic”, shkruan, se Kosova është tashmë prej mëse nëntë vitesh shtet i pavarur i njohur prej 110 shteteve. DPA citon nga artikulli i Blic: Në Kosovë ndodhen shumë manastire mesjetare serbe dhe fushëbeteja, kështu që Beogradi deri tani donte ta kishte sërish këtë rajon. Në Veri të Kosovës jeton një minoritet kompakt serb. Sipas ideve të mëparshme për ndarjen Veriu i Kosovës mund t’i bashkohet Serbisë.

Por në një rast të tillë pala shqiptare shtron çështjen e rreth 100.000 shqiptarëve në Jug të Serbisë, që mund të bashkohen me Kosovën. Manastireve historike serbe në Kosovë, që ndodhen në listën e UNESCO-s si trashëgimi e kulturës botërore, në rast të ndarjes mund t’u jepet një status i veçantë autonomie, ka propozuar Daçiç sërish. Një javë më parë në një tekst autorial për gazetën “Blic”, Vuçiç ai ka shkruar se në Serbi duhet të fillojë një dialog i brendshëm për Kosovën dhe se Serbia duhet të jetë realiste karshi zhvillimeve në Kosovë dhe jo ta fusë kokën në rënë si struci.

Vuçiq mendon se “Kosova është në thelb problemi ynë më i rëndë, ndaj është e nevojshme, si kurrë më parë, që të gjithë së bashku të gjejmë një përgjigje. Një përgjigje që do të jetë e qëndrueshme, që përjashton konfliktin si opcion, një përgjigje e cila të gjithëve në rajon do t’u sillte leverdi”.

Analistët mbi apelin e Vuçiçit

Dushan Janjiq, koordinator i Forumit për Raporte Etnike thotë për DW se nuk është optimist se ky dialog do të rezultojë me sukses: “Vuçiqi nuk ka në fakt një ide të qartë se për çfarë do të bisedohet. Por paraprakisht i ka quajtur si të dështuar të gjithë ata që janë kundër këtij dialogu. Një tekst dhe një ton i tillë, si dhe arroganca e tij, nuk janë një nisje e mirë dhe krijojnë rezistencë ndaj këtij dialogu.” Janjiq mendon se këto tekste paraqesin një lloj manipulimi me dialogun, sipas motos “unë ju kam pyetur, ju po heshtni dhe nuk po përgjigjeni. Ndaj kam vendosur vet, ndërsa përgjegjësitë do t’i ndajmë të gjithë”. Situata në Ballkan po ndryshon me shpejtësi, thotë për DW Dushan Prorokoviq nga Qendra për Alternativa Strategjike. Mali i Zi është futur në NATO, ndërsa Maqedonia ka intensifikuar sërish përpjekjet për anëtarësim.

“Në këtë kontekst e shoh edhe iniciativën e fundit për zgjidhjen e çështjes së Kosovës. Tani dëshirohet përshpejtimi i procesit dhe një përfundim sa më i shpejtë i procesit, si dhe futja e Kosovës në Kombet e Bashkuara – ndoshta vitin e ardhshëm”, mendon ai. Prorokoviq pohon se ky dialog i brendshëm ka për qëllim legjitimimin e gjithë procesit. “Ne do të zhvillojmë një gjoja dialog, i cili në fund do të rezultojë me njohjen e realitetit, që do të thotë se Kosova do të bëhet anëtare e OKB pa njohjen formale nga Serbia. Ky është modeli i dy Gjermanive, për të cilin flitet që nga viti 2008 dhe që nënkupton marrëveshjen mes Beogradit dhe Prishtinës, që duhet të kenë raporte si dikur Berlini Lindor dhe Boni.”

Dushan Prorokoviq thotë se në opinion kjo do të paraqitet si një zgjidhje e mesme: “Ne nuk e kemi njohur Prishtinën, nuk do të vendosim raporte diplomatike, por Kosova do të legjitimojë statusin e anëtares në OKB, sepse ky është realiteti”. „Mendoj se gjërat po shkojnë në këtë drejtim”, thotë bashkëbiseduesi i Dë, por kjo sipas tij, „nuk do ta zgjidhë përfundimisht çështjen e Kosovës, sepse Serbia do të përballet me probleme shumë serioze”.

„Anëtarësimi i Kosovës në OKB do të dëmtonte pozitën e Serbisë në shtigje afagjata. Pas kësaj do të mund të pritej edhe anëtarësimi i shpejtë i Kosovës në NATO, që do të thotë se do të ndryshonte edhe pozita e Serbisë, e cila do të detyrohej ndoshta edhe vet të bëhet anëtare e NATO-s”, pohon Prorokoviq. „Mendoj se më pas mund të priten shumë shpejtë edhe aktakuza e Kosovës kundër Serbisë për gjenocid dhe probleme të mëdha rreth përcaktimit të vijës kufitare, që Serbinë do ta fuste në probleme shumë të mëdha dhe të mundimshme. Ndaj mendoj se dogma se njohja e Kosovës do t’i zgjidhë problemet është shumë e rrezikshme dhe e gabuar”, pohon ai.

DW

Presidenti i Serbisë Aleksander Vucic, ka thënë se për të mbyllur një herë e përgjithmonë çështjen e Kosovës, të dyja palët duhet të “humbin nga pak”. Në një intervistë për gazetën zvicerane Blick, Vucic ka pranuar edhe një herë se kjo është një temë e dhimbshme për serbët.
“Kemi ende sfida. Njëra ndër to është Kosova, një temë e dhimbshme për ne serbët. Është e lehtë të thuhet: Shkoni luftoni për Kosovën. Por kjo na ka sjellë gjithmonë luftëra. Unë dua të eci në një rrugë të re për Serbinë. Dua të bisedojmë në mënyrë të hapur dhe korrekte rreth një zgjidhjeje për konfliktin e Kosovës”, ka thënë Vucic.

“Edhe nëse serbët nuk janë të gatshëm për këtë, unë nuk dorëzohem. Sepse ky debat do të ketë një efekt shërues te ne, pa marrë parasysh a do të arrijmë ndonjë rezultat apo do të dështojmë”, u shpreh ai.
Por, çfarë do të ishte një dështim në këtë çështje?
“Nëse të dyja palët nuk jemi të gatshëm të humbasim diçka, atëherë konflikti do të vazhdojë përgjithmonë. Kjo na dëmton të dyja palët. Unë besoj që jam njeriu i duhur për këtë punë”, theksoi Vucic.

I pyetur se çfarë është në gjendje të jap Serbia për arritjen e marrëveshjes, Vucic tha se për këtë nuk diskuton publikisht.
“Nuk diskutojmë për këtë publikisht. Jemi të gatshëm të gjejmë një kompromis të mirë dhe të bëjmë përparim. Dikur konflikti duhet të zgjidhet dhe do të ishte më mirë ta bëjmë sot, se sa pas 100 vitesh”, ka thënë Vucic.
“E di që shqiptarët dhe Serbët këtu në Zvicër jetojnë në paqe dhe jetojnë së bashku si shokë. Pikërisht këtë duhet ta arrijmë në vendin tonë”, deklaroi ai.

Pas vendimit të shkallës së parë të Gjykatës së Dubrovnikut për ekstradimin e Ismail Morinës në Beograd, mediat serbe thellohen më tej në këtë çështje në lidhje me hapat e mëtejshëm që do të ndërmerren nga autoritetet gjyqësore kroate.

Në një intervistë për gazetën “Vecernje Novosti”, gjykatësi që mori vendimin në dëm të tifozit shqiptar, Pero Miloglav lë të kuptohet se ky vendim ka shumë mundësi të hidhet poshtë në instancat e tjera më të larta. Ai fillimisht thekson se mori vendimin në bazë të dokumentave që kishte në tryezën e tij, por shton se tashmë çështja kalon në Gjykatën e Lartë të Zagrebit që do të japë edhe vendimin përfundimtar. Ai shton se mundësitë që Gjykata e Lartë ta zhvlerësojë ekstradimin janë të mëdha.

Gjithsesi, edhe në rast se ky organ konfirmon dënimin, shpresat për Ismail Morinën nuk do të shuhen, sepse është ministri kroat i Drejtësisë, Drago Boshnjak ai që do të thotë fjalën e fundit nëse Morina duhet të ekstradohet, ose jo në Serbi.

Ministria serbe e Drejtësisë ka kërkuar transferimin e Morinës në Beograd menjëherë pasi ai u ndalua nga autoritetet kroate. Aktualisht, Gjykata e Lartë serbe ka nisur një proces ndaj tij për çështjen e ngritjes së dronit në ndeshjen eliminatore Serbi-Shqipëri të tre viteve më parë dhe sipas mediave, ai rrezikon deri në tre vjet heqje lirie.

Gjithsesi, lobimi dhe ndërtimi i kanaleve diplomatike mes Tiranës dhe Zagrebit i ngritur për këtë çështje mund ta lehtësojë pozitën e Morinës, pasi vendimi përfundimtar, ashtu siç e bën me dije edhe gjyqtari i shkallës së parë të Dubrovnikut, i takon pikërisht një anëtari të ekzekutivit kroat, ministrit të Drejtësisë, Drago Boshnjak.

Top Channel

Normalizimi i marrëdhënieve me Kosovën do të jetë në tri faza, duke nisur nga pranimi i Kosovës në të gjitha organizatat ndërkombëtare, përjashtuar Organizatën e Kombeve të Bashkuara dhe pa njohje nga ana e Serbisë, ndërsa në këmbim do të kërkonim përfitime konkrete financiare.

Presidenti i Serbisë Aleksandër Vuçiç ka shprehur kënaqësinë e tij ndaj thirrjes së tij për dialog të brendshëm për Kosovën, dhe ka thënë se ka vënë re se ka shumë deklarata serioze dhe të përgjegjshme për këtë temë nga njerëzit si akademiku Dushan Kovacevic. Ky akademik ka thënë, se Serbia nuk ka më djem për luftë të re me Kosovën, e kjo duket se i ka pëlqyer edhe Vucic’it, shkruan “gazetametro”.

“E shihni që kemi arritur ta realizojmë atë, gjithkush po flet për këtë. Ai dialog i brendshëm ka filluar, siç shihet kemi edhe deklarata edhe nga njerëzit e përgjegjshëm dhe serioz siç është Dusan Kovacevic, por edhe shumë deklarata tjera të papërgjegjshme, por ky është një dialog. E kemi pritur këtë dhe kjo është një gjë shumë e mirë. E kemi hapur këtë temë”, ka thënë Vucic për RTS nga Nishi.

Presidenti ka theksuar se ky dialog nuk është menduar që dikush ta vizitojë në presidencën e tij, siç edhe kanë menduar disa të tjerë.

“Jo. Ky është një dialog shumë shoqëror dhe do të ndahet në shumë tema, ku dhe do të bisedohet për secilën temë veçmas, të shohim dhe të mundohemi të jemi realë, të mundohemi ta zgjidhim problemin sot, që të mos ia lëmë fëmijëve nesër. Nëse dikush e kupton këtë gjë”, ka shtuar Vucic.

Ai gjithashtu ka theksuar se: “Të gjithë njerëzit në Serbi e kuptojnë se nuk duhet të ndryshohet asgjë, të ndalemi te problemet e njëjta dhe për fëmijët tanë, ndërsa në të njëjtën kohë nga shteti kërkojmë më shumë para, edhe shumë gjëra tjera që shteti duhet t’i zgjidhë por ky shtet nuk mund t’i zgjidhë, atëherë kjo tregon përkushtim të vogël për zgjidhjen e problemeve dhe përgjegjësi të pamjaftueshme”.

BEOGRAD– Pas pësimeve në gjashtë luftëra gjatë shekullit të 20-të, Serbia nuk ka më popull e fëmijë për një luftë të shtatë, meqë kjo luftë e re do të ishte fundi i këtij vendi. Kështu ka deklaruar akademiku serb, Dushan Kovaçeviç, raportojnë mediat e Beogradit.

Ai ka thënë se qëllimi i dialogut që zhvillojnë politikanët në emër të qytetarëve duhet të jetë pengimi i luftës në të cilën do të vriteshin fëmijët serbë.

Njëri nga intelektualët më të spikatur serb nuk ka mëdyshje sa i përket mbështetjes së thirrjes të presidentit të Serbisë Aleksander Vuçiç për një dialog të gjerë shoqëror për Kosovën.

Ai ka thënë se ka ndeshur në reaksione të mira kundruall propozimit që me rrugë paqësore të zgjidhen problemet ndërmjet serbëve dhe të shqiptarëve, citohet të ketë thënë akademiku Kovaçeviç.

Autori bashkëkohor më i shquar serb i dramave thirret në përvojën personale diplomatike nga periudha e shërbimit në Portugali si ambasador i Serbisë-Malit të Zi të dikurshëm dhe vlerëson se këtij apeli të Vuçiqit për dialog i ka “kontribuar” edhe presioni shtesë i bashkësisë ndërkombëtare.

Ai thotë se është i sigurt se pas 50 vjetëve të jetuara në shekullin e 20-të, Serbia kurrë nuk do të duhej të bënte luftë:

Ajo që kurrsesi s’po mund ta kuptoj, thotë ai, “janë njerëzit të cilët sot në Beograd nxisin luftë”.

Sipas tij, politika e jashtme e Aleksandar Vuçiçit është zhvilluar sipas parimit të kompromisit pragmatik.

ATHINË – Ka reaguar ashpër Ministria e Punëve të Jashtme greke, pas prishjes së disa ndërtimeve pa leje në Dhërmi. Sipas deklaratës për shtyp botuar në faqen zyrtare të ministrisë, Greqia kujton se ndërtimi i shtetit të së drejtës dhe mbrojtja e të drejtave të pakicave është e lidhur shprehimisht me mbrojtjen e pasurive të pjesëtarëve të minoriteteve, të përcaktuara nga Këshilli i Ministrave të BE-së si një prej kushteve të para për fillimin e negociatave për anëtarësim të Shqipërisë.

Mësojmë se inspektoriati Kombëtar për Mbrojtjen e Territorit ka nisur një aksion për rrëzimin e objekteve të shpronësuara në zonën e Dhërmiut. Aksioni është bërë në zonën e Potamit, pranë rrugës nacionale, ku janë shembur një hotel 5-katësh dhe një godinë tjetër që përdorej si subjekt tregtar. Mësohet se shembjet janë bërë në kuadër të planit rregullues për zonat e bregdetit dhe në ditët e ardhshme do të shemben objekte të tjera.  Në këtë aksion inspektorët e IKMT-së janë asistuar nga policia e rendit dhe agjentët e FNSH-së për të shmangur çdo problematikë. 

 Reagimi i shtetit grek:

“Shqipëria po shkel ligjet e veta dhe të drejtat e minoritetit grek në vend”, thuhet në reagim, teksa më tej shtohet se me këto veprime, “Shqipëria nuk e do avancimin në rrugën drejt Bashkimit Evropian”.

“Greqia mbështet perspektivën evropiane të Ballkanit Perëndimor, përfshirë atë të Shqipërisë. Por një kusht për rrugën evropiane të këtyre vendeve është besnikëria ndaj rregullimeve dhe principeve evropiane për sundimin e ligjit. Dhunimi i këtyre principeve nga një shtet kandidat nënkupton se, në realitet, ky shtet nuk e do kursin evropian”, thuhet në një deklaratë për shtyp nga Ministria e Jashtme greke, raporton “Panorama”.

Sipas Athinës zyrtare, autoritetet po i kryejnë këto shkatërrime në kulmin e sezonit turistik veror, dhe se kjo sipas saj “konfirmon se Shqipëria nuk i ka kuptuar kërkesat e Këshillit të Ministrave të BE-së”.

Ministria greke tha se sundimi i ligjit dhe mbrojtja e të drejtave të minoritetit “janë vendosur nga Këshilli i Ministrave të BE-së si një ‘sine quan non’ për hapjen e negociatave të anëtarësimit të Shqipërisë”.

Fatkeqësisht, në mospërputhje totale me sundimin e ligjit, autoritetet shqiptare sot nisën shembjen e disa pronave të turizmit në Dhërmi, Himarë, në pronësi të anëtarëve të minoritetit grek.

Gjatë një vizite zyrtare në Romë, presidenti serb Aleksandër Vuçiç ka thënë gjatë ditës së martë se do të iniciojë një takim trepalësh mes Serbisë, Italisë dhe Shqipërisë që do të synonte krijimin e lidhjeve më të ngushta dhe pjesëmarrjen në projekte të përbashkëta. Gjatë vizitës zyrtare në Romë, Vuçiç u takua me presidentin Italian Sergio Mattarella, madje ai u shpreh para gazetarëve se do të diskutonte me kryeministrin Edi Rama për zhvillimin e një takimi trepalësh, Serbi-Shqipëri-Itali, shkruan agjencia e lajmeve serbe, “tanjug.rs”.

Presidenti i Serbisë, Aleksandër Vuçiçi, ka vlerësuar se dialogu i brendshëm për Kosovën është vendimtar për ardhmërinë e Serbisë dhe të popullit serb.

“Koha është që ne si popull të mos e fusim më kokën në rërë si struci dhe të provojmë të jemi më real, të mos lejojmë të humbim ose dikujt t’ia dorëzojmë atë që e kemi, por edhe të mos presim që në duar do të na vijë edhe ajo të cilën qëmoti e kemi humbur”, ka shkruar Vuçiq në një teks autorial të botuar në gazetën Blic, në të cilin shprehet lidhur me çështjn se përse Serbisë i duhet dialogu i brendshëm për Kosovën.

Vuçiqi, mëtutje, ka vlerësuar se është koha që Serbia të punojë, mendojë dhe të fitojë pa konflikt, raporton agjencia Beta nga Beogradi.

“Zgjidhja nuk qëndron në mitet dhe konfliktet tona, por nga ana tjetër nuk qëndron as në mohimin dhe tërheqjen nga të gjithë interesat tonë kombëtarë dhe shtetërorë”, ka shkruar Vuçiq dhe ka vlerësuar se Serbia nuk është për tu nënçmuar, megjithë faktin se shqiptarët, në realizimin e ideve kombëtare, e kanë mbështetjen e vendeve perëndimore.

Presidenti Vuçiq ka vlerësuar se për përparim të Serbisë është e domosdoshme bile të zgjidhet çështja e Kosovës.

“Që përparimi jonë të jetë i vazhdueshëm dhe i qëndrueshëm, duhet patjetër, nëse asgjë tjetër, bile të përpiqemi ta zgjidhim nyjen gordiane, atë të Kosovës, e jo të fshehemi dhe barrën më të rëndë ta bartim te fëmijët tonë”, ka shkruar Vuçiq.

Dmitry Shugaev, drejtori i Shërbimit Federal për Bashkëpunim Ushtarak të Rusisë dhe bashkëpunëtor i ngushtë i Vladimir Putinit, ka konfirmuar se Moska së shpejti t’i dorëzojë Serbisë sistemin raketor S-300.

“Partnerët serbë kanë shprehur interes për S-300 SAM. Po bisedojmë për këtë sistem”, ka thënë ai në panairin e aviacionit “MAKS 2017”, shkruan Express. Më tej ai sqaroi se do të realizohet po ashtu dorëzimi i gjashtë aeroplanëve luftarakë, MiG-29. “Pos aeroplanëve, Moska do t’i japë Serbisë 30 tanke T-72S dhe 30 makina të blinduara BRDM-2”, tha Shugaev.

Sistemi raketor S-300 është një nga armatimet më të avancuara, të cilin e kanë Bullgaria, Kina, Egjipti, Irani, Greqia dhe Rusia. Rrezja e veprimit të saj është nga pesë deri në 150 kilometra, e në lartësi deri në 27 mijë metra. Shpejtësia e raketës është deri në 2,800 kilometra në orë.