VOAL

Maqedoni

Më 25 maj 2001 ra në fushën e betejës dëshmori Fadil Nimani, Komandant Tigri

Sot dita kur e rënies e dëshmorit Fadil Nimani, i njohur ndryshe si “Komandant Tigri”. Fadil Nimani ishte nga fshati Gërgoc i Gjakovës, një ushtarë shqiptar dhe dëshmor i luftës në Maqedoni.Komandant Tigri, iu bashkua forcave shqiptare, që luftonin edhe më tutje pas çlirimit të Kosovës për lirinë e shqiptarëve në territoret e administruara nga Maqedonia, gjatë viteve 2000.Më 25 maj të vitit 2001 bie dëshmor në Vaksincë të Kumanovës, duke komanduar Brigadën e 113-të “Ismet Jashari-Kumanova”.Në çdo përvjetor të rënies për liri, Fadil Nimanin e përkujtojnë duke u mbledhur me mijëra shqiptar në fshatin Vaksincë, ku edhe iu ngrit përmendorja.Fadil Nimani “Komandant Tigri”, nga fshati Gërgoc i Gjakovës, Kosovë ushtarak shqiptar, dëshmor i luftës në Maqedoni. Fadil Nimani ndryshe i njohur edhe me nofkën “Komandant Tigri” iu bashkua forcave Shqiptare, që luftonin edhe më tutje pas çlirimit të Kosovës për lirin e shqiptarëve në territoret e administruara nga Maqedonia gjatë viteve 2000.Më 25 maj të vitit 2001 bie dëshmor në Vaksincë të Kumanovës duke komanduar Brigadën e 113-të “Ismet Jashari-Kumanova”.Sot në çdo pervjetor te renies per liri, Fadil nimanin e perkujtojne duke u mbledhur me mijera shqiptare ne fshatin Vaksince, ku edhe iu ngrit përmendorja.

Deshmore ose jo, si te doni me quani, por amanetin per liri, vellezer ma ruani.(Fadil Nimani)

Gjate historise qindvjeçare te popullit tone,rajoni i Dugagjinit dhe veçmas te Gjakoves është i njohur per lufera te rrepta kunder pushtuesve te ndryshem. Ne fshatin Gergoc te ketij rajoni per trimeri,bujari dhe per atdhetarizem është e njohur familja Nimani, qe nga gjiri i vet ka nxjerre trima dhe atdhetare , por edhe deshmore…. Nga kjo familje është i njohur edhe emri i Fazli Mete Nimanit, i njohur per rezistencen e tij kunder pushtuesve sllave, qe denohet dhe mbahet ne burgun famkeq te Goli Otokut.Por, gjurmeve te te pareve te tij, do te shkoje edhe Fadil Bajram Nimani, i cili sikur te paret e tij, dikur edhe ai nuk u pajtua me okupimin dhe nenshtrimin e shqiptareve nen thundrren sllave. Fadil Nimani lindi me 07.04.1967 ne fshatin Gergoc te komunes se Gjakoves.Shkollen fillore e kreu ne vendlindje ,kurse te mesmen dy vjet ne Gjimnazin e Cermjanit, kurse dy vjet te tjera per te vazhduar ne shkencat matematiko-natyrore ne Gjakove. U shqua per vyrtytet me te larta te bujarise , trimerise,atdhedashurise.Pas mbarimit te shkolloes se mesme behet studenent ne SHLP “Bajram Curri” ne Gjakove,drejtimi i histori gjeografi ku diplomoi dhe mori titullin e arsimtarit. Gjithnje i vetedijshem se vetem zjarri i pushkes do ta çlironte Kosoven, ai pa ngurrim ne vitin 1996 futet ne radhet e UÇK-se per te marre pjese ne shum aksione te asaj kohe qe kryente UÇK-ja.Duke pare aftesite e tij intelektuale dhe ato ushtarake e emertuan komandant te njesitit TIGRAT, njesit qe operonte ne rajonin e Dushkajes. Fadilin nuk mundte ta pengonte propaganda e eger, qe bente Beogradi dhe qe se bashku me kete e benin edhe disa “politikan shqiptar” qe gjithnje thirreshin ne emrin e popullit, se jan per lirine dhe pavarsine e Kosoves, por ne anen tjeter ,ata ishin nenshtruar perveç roberise, edhe poshterimit ne tersi. Fillimi i luftes frontalete vitit 1998 shtronte nevoje te furnizimit me arme per luftetaret e UÇk-se, prandaj Fadili qindra here do te kaloje kufirin shqiptaro-shqiptar, per t’u sjelle arme shokeve te tij qe luftonin ne vijat e fronit.Ne qershor te vitit 1998 Komanda e Zones Operative te Dugagjinit Komandant TIGRIN e emeroi Komandant te Policise Ushtarake, mirepo ne kete kohe ai komandonte edhe batalionin “Rrufeja”. Ky battalion ishte stervitur ne Shqipëri nga oficere te Armates Shqiptare dhe ishte i gatshem per çdo perballje me armikun. Por, fundi i luftes nuk erdhi ashtu siq e kishte menduar Komandant Tigri dhe shume bashkeluftare te tij, ende nuk kishte permuhuar betimi i dhene para flamurit. Ne thundrren sllave ende rrenkonin tokat shqiptare. Kosova Lindore kishte mbetur nen regjimin serb, shqiptaret e Ilirides te njejtin fat, andaj shum liridashes nuk mund ta duronin kete.Nje ndihme te madhe dhe ne furnizim per te drejtat e tyre te IJRM nuk mundi t’a pengonte asgje dhe ai menjehere iu bashkangjite shokeve te tij atje.

Keshtu fillimisht formacionet te Ushtrise Çlirimtare Kombetare Fadili iu bashkangjite si ushtare, por duke pare aftesite e tij ushtarake ai emertohet Komandant i Brigades 113, qe mbante emrin e deshmorit qe ra ne lufte per lirine e Kosoves Ismet Jashari-Kumanova. Detyre te cilin e krey me nder dhe pergjegjsi te larte deri ne renien e tij heroike me 25 maj 2001 ne Vaksince te Kumanoves.

Poezi kushtuar Fadil Nimanit

»“KOMANDANT TIGRI”

Kush po ia çon flakën Ballkanit?

Kush po ia zbraps ushtrinë tiranit?

Yll’ i rrallë Fadil Nimani,

Në ballë të luftës zemërluani!

Dhe ndër më të parët Çlirimtarë,

Tigri* ësht kur ngritet zjarrë.

Me tre përkrenaret ngjeshur n’ballë,

Të dorëzohet s’di sa është i gjallë.

Penë e pushkë i kthen sllavit,

Shpirt Shkëlzeni* me zemër luftëtari

Dhe armikut i kallet data,

Kur po u shkon tankseve flaka.

Nga Kosova përsëri në beteja,

Me forcat serbe, n’luftime të reja.

Nga Presheva n’kala të Tetovës,

Çlirimtarë në zemrën e Kumanovës.

Lamtumirë Gërgocit të Gjakovës,

I thotë trimi i lirisë së Kumanovës.

N’Vaksincë i falet legjendarit,

Ia fal amanetin Ismet Jasharit

Autor i poezisë: Fejzulla Duraku

15 vjet nga rënia e komandant Tigrit

SHBA për Maqedoninë: Hoyt Brian Yee: Të tërhiqet plotësisht falja !

Voal – “Ligji për falje duhet urgjentisht të tërhiqet ngase pengon sundimin e së drejtës”, ka porositur zyrtarët e Maqedonisë zëvendës-ndihmës sekretari për çështje Evropiane dhe Euro-aziatike i SHBA-së, Hoyt Brian Yee, duke kërkuar nga partitë politike dhe liderët t’i japin mbështetje të plotë institucioneve që janë përgjegjëse për zbatimin drejtësisë, duke përfshirë këtu edhe Prokurorinë Speciale.

“Nëse liderët tërheqin abolicionin pjesërisht ose në mënyrë selektive kjo do të kontribojë në krijimin e ndjesisë për mosndëshkim dhe mungesë përgjegjësie në shtet. Përderisa nuk ka llogaridhënie dhe ballafaqim me drejtësinë për keqpërdorimet e mundshme në lidhje me skandalin e përgjimeve dhe krimeve të tjera, Maqedonia do të mbetet e ngujuar në këtë krizë politike dhe nuk do të mundet të ecë përpara NATO-s dhe BE-së. “ ka theksuar për mediat zyrtari i lartë amerikan Hoyt Brian Yee pas takimeve intensive që ka realizuar gjatë dy ditëve në Shkup me liderët e katër partive politike nënshkruese të marrëveshjes së Përzhinos, duke theksuar se në të gjitha takimet në fokus ka qenë cështja e abolimit nga presidenti Gjorgje Ivanov.

Yee njëherësh u ka bërë thirrje partive politike dhe qeverisë së Maqedonisë “që me vepra dhe jo me fjalë” të angazhohen në zbatimin marrëveshjes politike, të njohur si marrëveshja e Përzhinës.

“Qeveria përmes veprave duhet ta dëshmojë përkushtimin e saj për të pasur një demokraci të fuqishme dhe pluralizëm, gjithashtu për të zbatuar reformat që u përcaktuan me Marrëveshjen e Përzhinës që nënkupton inkuadrimin e opozitës dhe sektorit civil në procesin e reformimit të vendit”.

“U bëjmë thirrje liderëve të Maqedonisë të zbatojnë reformat e Përzhinës, t’i forcojnë institucionet për të ndërtuar një Qeveri përfshirëse dhe me përgjegjësi”, ka theksuar zyrtari i lartë amerikan Hoyt Brian Yee.

Ai tha se nëse liderët veprojnë me përkushtim në drejtim të realizimit të obligimeve që dalin nga marrëveshja politike atëherë dhe Shtetet e Bashkuara të Amerikës do të vazhdojnë përkrahjen e saj të fuqishme për vendin.

“Institucionet e fuqishme dhe të pavarura janë nevojë urgjente e Maqedonisë. Ato duhet të jenë të lira për ta kryer punën e vet, pa ndërhyrje partiake dhe të kenë resurset e duhura, posaçërisht ato që zbatojnë drejtësinë. SHBA mbështet demokracinë dhe vendet ku ka sundim të ligjit“, ka deklaruar Hoyt Brian Yee.

Në funksion të zgjidhjes së krizës politike në Maqedoni të enjten dhe të premten në Shkup do të qëndrojë edhe i dërguari i posaçëm gjerman Johannes Haindl.

Në komunikatën e lëshuar nga ambasada gjermane në Shkup nuk jepen shumë detaje, ndërkohë që theksohet se diplomati gjerman Johannes Haindl, do të takohet edhe kësaj radhe me liderët e katër partive kryesore nënshkruese të marrëveshjes politike të Përzhinos duke futur në agjendë dhe presidentin e shtetit Gjorgje Ivanov dhe kryetarin e parlamentit Trajko Veljanovski.

Ardhja e sërishme e të dërguarit të posaçëm gjerman, Johannes Haindl në Maqedoni, koincidon me vizitën e zëvendësndihmës sekretarit shtetëror të Shteteve të Bashkuara të Amerikës Hoyt Brian Yee.

Shkaku i krizës politike në Maqedoni edhe Holanda si shtet që për momentin kryeson me Këshillin e Bashkimit Evropian, ka nisur drejtorin gjeneral për Bashkëpunim Evropian, Robert de Groot, për t’u takuar me zyrtarët e lartë të vendit./REL

Gjykata Kushtetuese i pezullon aktivitetet zgjedhore në Maqedoni

Gjykata Kushtetuese e Maqedonisë ka pranuar të debatojë nismën e BDI-së për vlerësimin e Kushtetushmërisë të vendimit për shpërndarjen e Kuvendit të Maqedonisë, më 18 janar.

Gjykata gjithashtu ka vendosur që deri në vendimin përfundimtar të pezullojë të gjitha aktivitetet zgjedhore.

Vendimi është miratuar me konsesus mes 9 anëtarëve të gjykatës. Gjykata vendimin për të debatuar për këtë nismë e ka arsyetuar me ndjeshmërinë e situatës në të cilën ndodhet Maqedonia.

Një nismë të tillë ajo e kishte hedhur poshtë në muajin janar me arsyetimin se nuk ka bazë ligjore meqë vendimi, sipas saj, ishte në përputhje me Kushtetutën.

Nisma e Bashkimit Demokratik për Integrim ka pasuar vendimin e VMRO-DPMNE-së, së Nikolla Gruevkit që e vetme të shkojë në zgjedhjet e 5 qershorit.

Kryetari i Bashkimit Demokratik për Integrim, Ali Ahmeti, ka përshëndetur vendimin e Gjykatës Kushtetuese që mundëson rikthimin e Kuvendit si hap të parë për zgjidhjen e krizës së rëndë politike.

“Ftoj të gjithë liderët, mediat si dhe shoqërinë civile që të veprojnë me përgjegjësi të plotë përballë gjendjes në të cilën gjindet vendi dhe të kontribuojnë për rikthimin e sigurisë, stabilitetit si dhe të përkushtohemi fuqishëm për një agjendë serioze reformuese”, ka shkruar kreu i BDI-së, Ahmeti në rrjetin social Facebook.

Shtyhet seanca gjyqësore për ‘Lagjen e Trimave’

Është anuluar seanca e sotme për procesin gjyqësor “Lagja e Trimave” për shkak të mungesës së hapësirave të nevojshme.

Në sallën e gjyqit ku deri më tani janë realizuar seancat e këtij procesi gjyqësor duhet që të sillen edhe të akuzuarit tjerë që ishin pjesë e një lënde tjetër.

Gjykata Themelore e Shkupit ka vendosur që lënda për mbështetësit e Grupit të Kumanovës të bashkohet me lëndën tjetër për të cilën 29 persona tashmë akuzohen për veprën terrorizëm. Për veprën e mbështetjes logjistike akuzohen tetë persona.

Avokatët vlerësojnë se Gjykata nuk ka prova se këta presona kanë kryer veprën penale terrorizëm.

Artene Ademi thotë se në bazë të një gjykimi të drejtë, pala mbrojtëse do të dëshmojë se 8 personat e akuzuar deri tani për logjistikë, janë të pafajshëm, raporton Alsat M.

Sipas këtij vendimi i gjithë gjykimi do të fillojë nga e para, edhe pse gjykimi për 29 të akuzuarit për terrorizëm në rastin “Kumanova” kishte arritur tashmë në gjysmën e tij.

Kjo domethënë se të akuzuarit përsëri do të deklarohen për fajësinë apo pafajësinë e tyre, si dhe gjithë dëshmitarët do të duhet të ridëgjohen, përfshirë edhe dëshmitarët e fshehur që deri më tani pengonin gazetarët që të ndjekin seancën.

Në Shkup sot shqiptarët protestuan kundër padrejtësive

Në Shkup mijëra qytetarë kanë protestuar nën moton Drejtësi, Dinjitet, dhe Demokraci, të organizuar nga Këshilli që përfaqëson disa parti opozitare, organizata joqeveritare dhe intelektualë të pavarur.

Protestuesit, nga parku i Çairit të Shkupit kanë shkuar paraqeverisë së Maqedonisë, që sipas organizatorëve, ka për qëllim të tregojë se jo të gjithë shqiptarët janë të nënshtruar dhe të përulur para partisë së ish-kryeministrit të Maqedonisë, Nikolla Gruevski, dhe partisë VMRO-DPMNE.

Me këtë rast, Orhan Murtezani, në emër të Këshillit Opozitar, ka theksuar se shqiptarët janë mbledhur para Qeverisë nga revolta e mbledhur ndër vite.

Murtezani tha se shqiptarët e Maqeonisë janë të përcaktuar vetëm për alternativën evropiane.

“Askush nuk guxon ta pengojë punën e Prokurorisë Speciale Publike dhe Ivanovi ta tërheqë vendimin për abolim. Është nevojë imediate edhe formimi i Gjykatës Speciale. Zgjedhje duhet të ketë vetëm kur do të përmbushen të gjitha kushtet. Për shqiptarët e Maqedonisë, ato janë të papranueshme pa zërin e vërtetë të shqiptarëve. Zëri i vërtetë i shqiptarëve është këtu, në këtë protestë. Duhet të fillojë procesi i ridefinimit të shtetit; ky proces është i pashmangshëm”, ka theksuar Orhan Murtezani.

Përndryshe, paralelisht protestave të shqiptarëve, para parlamentit edhe sot kanë vazhduar protestat e organizuara nga lëvizja “Protestoj” kundër politikave të qeverisë.

Maqedonia është në qendër të vëmendjes së mediave për shkak të protestave të shumta, që po vazhdojnë pothuajse që një muaj. rel

Protestuesit në Shkup arrijnë para Qeverisë, intonohet himni kombëtar

Protestuesit kanë arritur para Qeverisë ndërsa në këto momente është lëshuar edhe himni kombëtar, raporton Shenja

Kryetari i Lëvizjes BESA, Bilall Kasami tha se ata janë mbledhur në protestë për të treguar se rrugëtimi i shqiptarëve të Maqedonisë e ai është rrugëtimi drejt Evropës.

“Ne duhet të tregojmë se këtu janë shkelë vlerat evropiane më së shumti në histori. Maqedonia është atdheu i të gjithë neve. Sot në vend që të festonim ditën e Evropës ne jemi këtu sepse ky vend është shndërruar në një vend ku Presidenti fal kriminelët, ku Prokuroria jep llogari para MPB, këta politikanë të papërgjegjshëm ku kryeparlamentari tallet me deputetët. Sot shqiptarët kalben. Jemi këtu që ti japim përkrahje PSP që të vazhdoj me punën e saj, ti themi Stop padrejtësive. Jemi mbledhur që të deklarojmë që jemi të tronditur nga politikanët tanë që ndodhen në Qeveri jemi këtu që të tregojmë se këta politikanë janë vasal të Gruevskit nuk janë zëri jonë.”, ka deklaruar Kasami duke shtuar se “ o do të ketë zgjedhje të drejta dhe demokratike o nuk do të ketë fare”, raporton SHENJA.

Gjatë fjalimit të tij, Billall Kasami mes tjerash kërkoi që rastet që janë të dhimbshme për shqiptarë, mes tyre Sopoti, Monstra, Kumanova dhe raste tjera t’i merr në duart e saj Prokuroria Speciale.

“Jemi këtu t’i tregojmë njëzëri 30 mijë shqiptarëve se nuk do të lejojmë nëpërkëmbjen e shqiptarë, nëpërkëmbjen e besës. Ju themi mos luani me besën se po luani me zjarr, se do të digjeni.

Zëri i vërtet i shqiptarëve është këtu sot, para godinës së këtyre krimineleve. Jemi mbledhur këtu që të tregojmë vullnetin politik të shqiptarëve. Të tregojmë se kush janë përfaqësuesit politik të shqiptarëve. Ju themi se ata janë këtu. Të gjithë bisedimet, themi se nuk do të pranohen, pa zërin që është këtu”, ka deklaruar kryetari i Lëvizjes BESA, Bilall Kasami, ndërsa shtoi se “nëse është e nevojshme do të vijnë përsëri tek kjo godinë derisa të mos hiqen këto kriminel”, raporton SHENJA.

Protestuesit: VMRO, BDI, vendi juaj është në Rusi

Protestuesit në numër të madh, dalëngadalë po marshojnë drejt objektit të Qeverisë.

Ata vazhdimisht po brohorasin me thirrje të ndryshme, ndërsa spikat njëra prej tyre ”VMRO, BDI, vendi juaj është në Rusi”.

Protestuesit gjithashtu thonë se kërkojnë liri, drejtësi dhe dinjitet, ashtu edhe siç ishte motoja e kësaj, proteste e thirrur nga Këshilli Opozitar. /INA/

Në Shkup nisi protesta me moton Drejtësi, Dinjitet dhe Demokraci

Në Shkup ka filluar protesta me moton Drejtësi, Dinjitet, dhe Demokraci, e oganizuar nga Këshilli që përfaqëson disa parti opozitare.

Potestuesit, nga parku i Çairit të Shkupit do të shkojnë deri para qeverisë së Maqedonisë, që sipas organizatorëve, ka për qëllim të tregojë se jo të gjithë shqiptarët janë të nënshtruar dhe të përulur para partisë së ish-kryeministrit të Maqedonisë Nikolla Gruevski dhe partisë VMRO-DPMNE.

Maqedonia është në qendër të vëmendjes së mediave për shkak të protestave të shumta, që po vazhdojnë pothuajse që një muaj.

Protestat e sektorit civil në Maqedoni kanë nisur më 12 prill, ditën kur presidenti Gjorge Ivanov mori vendimin për faljen e mbi 50 politikanëve që po hetoheshin nga prokuroria speciale për krime nga më të ndryshmet, si mashtrime zgjedhore, presione ndaj gjykatave, hakmarrje ndaj kundërshtarëve politik, kriminalitet ekonomik, e vepra tjera penale. rel

Një vit më vonë: Zamira Jashari, vajza simbol e Lagjes së Trimave (Fotot)

Zamira Jashari, vajza e cila u bë simbol i vuajtjes së banorëve të Lagjes së Trimave gjatë konfliktit të 9 dhe 10 majit të vitit të kaluar, nuk ka ndryshuar shumë një vit pas konfliktit të Kumanovës.

Ajo sot është paraqitur në marshin përkujtimor të kësaj ngjarjeje, që u mbajt në Lagjen e Trimave.

zamira2 zamira3 zamira4

Marsh përkujtimor në Kumanovë: duam hetim ndërkombëtar, e vërteta të dalë në dritë

Shtëpitë në këtë lagje janë ndërtuar pjesërisht por banorët thonë se plagët nuk shërohen derisa mos të dalë e vërteta plotësisht në pah mbi atë se çfarë ndodhi në Kumanovë. Këshilli i familjeve nga Lagja e Trimave në Kumanovë, një vjetorin e përleshjes së armatosur mes policisë dhe grupit të armatosur në këtë lagje e ka kujtuar përmes organizimit të një marshi përkujtimorë.

Shaban Demiri për Radion Evropa e Lirë thotë se marshi përkujtimor përshkon në heshtje rrugën nga lagja deri në qendër të qytetit, përkatësisht tregu ku ishin të vendosura postblloqet e forcave maqedonase të sigurisë.

“Marshi ynë sot është marsh përkujtimor, nuk është marsh protestues. Ai realizohet në heshtje në rrugët e Kumanovës. Kemi paraparë që heshtja të flas gjithçka që ne nuk mund ta themi lirisht sepse nuk kemi liri të shprehjes, nuk kemi gjykata të pavarura, nuk mund të presim gjykime të drejta por vazhdojnë proceset e montuara ….”, ka bërë të ditur për Radion e Evropa e Lirë Shaban Demiri, kryetar i Këshillit të Familjeve nga Lagja e Trimave.

Familjarët e kësaj lagjeje edhe sot kanë kërkuar që partitë politike shqiptare qoftë ajo në pushtet ose ata të cilat veprojnë në opozitë, të mos keqpërdorin ngjarjet e 9 dhe 10 Majit në Kumanovë për përfitime të politikës ditore.

“Ne nuk organizuam sot protesta por vetëm një marsh përkujtimor për t’i thënë politikës që të qëndroj larg Lagjes së trimave. Problemet zgjidhni në metoda tjera dhe në vende të tjera larg Kumanovës”, thekson Shaban Demiri, duke i bërë thirrje Bashkimit Evropian dhe SHBA-së për realizimin e një hetimi ndërkombëtar për Lagjen e Trimave dhe zbardhjen e këtij rasti deri në fund.

Ministria e Punëve të Brendshme, menjëherë pas aksionit të forcave policore në lagjen e trimeve në Kumanovë, një vit më parë, pati deklaruar se aksioni kishte të bënte me zbulimin e një grupi të madh të armatosur I cili sipas të dhënave operative të dikasterit të policisë maqedonase dyshohej se do të kryente sulme mbi institucione e Maqedonisë.

MPB tha se grupi I armatosur në Maqedoni është futur përmes rrugëve ilegale nga një vend fqinj, ndërkohë që siç është prononcuar ministrja e punëve të brendshme, në atë kohë, Gordana Jankullovska, policia ka arritur që me kohë, përkatësisht përpara se ky grup të vepronte, të gjejë vendndodhjen e tij. Sipas saj, veprimi i policisë është bërë mbi bazën e informatave për grupin dhe i cili ka bërë një rezistencë të fortë të armatosur.

Vetëm tre ditë më vonë, ministrja Jankullovska dha dorëheqje, së bashku me drejtorin e drejtorisë për Zbulim dhe Kundër Zbulim, Sasho Mijallkov.

Në shkurt të këtij viti, ndërkaq, në Gjykatën Themelore e Maqedonisë nisi procesi gjyqësor për 29 pjesëtarët e grupit të armatosur, të cilët kryesisht janë shtetas të Kosovës, me akuzën për pjesëmarrje në “organizatë terroriste“, në bazë të nenit 394, si dhe për veprën penale “terrorizëm “ të sanksionuar me kodin penal të Maqedonisë.

Por, familjarët e policëve të vrarë nuk besojnë se pjesëtarët e grupit të armatosur kanë qenë terroristë.

“Ku humbi jetën dhëndri im I cili la dy fëmijë jetim. Në një aksion për të luftuar terrorizmin? Jo këtu nuk ka terrorizëm vetëm vrasje e paguar “, thotë Sllavko Kirovski, familjar i një pjesëtari të vrarë të policisë maqedonase në ngjarjet e 9 Majit në Kumanovë.

Edhe avokatët të cilët mbrojnë të akuzuarit për rastin e Kumanovës thonë se kanë dëshmi të forta të cilët do t’i bëjnë publike gjatë gjykimit, se grupi i armatosur nuk ka të bëjë fare me terrorizëm dhe se pas aksionit të forcave policore të Maqedonisë fshihen skenarë të strukturave të shërbimeve të inteligjencës maqedonase dhe një vendi fqinj, ndërkohë që të akuzuarit janë vetëm viktima të këtij skenari. Pala mbrojtëse njëherësh ka kërkuar që rasti në fjalë t’i kalohet prokurorisë speciale publike të Maqedonisë.

Përleshja e armatosur ndërmjet forcave të policisë dhe grupit të armatosur ndodhi në kulmin e kizës politike, kur opozita maqedonase publikoi bisedat e përgjuara, që inkriminojnë zyrtarë të lartë të pushtetit në vepra të rënda penale.

Vrasja e dëshmitarit të Speciales, Prokuroria Themelore kërkon të dhëna nga Janeva

Prokuroria Themelore Publike e Shkupit, e cila udhëheq hetimet për vdekjen e dëshmitarit të Prokurorisë Speciale Publike Kosta Kërpaç, ka dërguar shkresa në më shumë institucione. Nga zyra e kryeprokurorit Marko Zvërlevski thonë se ndër të tjera, janë dërguar kërkesa deri te prokuroria të cilën e udhëheq Katica Janeva.

“Prokuroria Themelore Publike e Shkupit sot ka dorëzuar kërkesa në Prokurorinë Speciale, në Ministrinë e Punëve të Brendshme dhe në Gjykatën Themelore Shkup 1, për sigurimin e të dhënave dhe dokumenteve të nevojshme për të ndjerin K.K, për ta zbardhur rastin”, njoftojnë nga Prokuroria Themelore Publike.

Nga Prokuroria tani për tani nuk japin detaje shtesë, për atë se çfarë përfshihet në kërkesat e dërguara në këto institucione. Një ditë pas vdekjes së Kërpaçit nga Prokuroria speciale njoftuan se i ndjeri ka qenë dëshmitar i tyre dhe se kanë dëshmi se është ushtruar presion mbi të. Por, nga ana tjetër një pjesë e opinionit haptazi e shprehte tezën se ekipi i Janevës është ai që ka kryer presion. Pra, të paktën në këtë moment, nuk është e qartë nëse prokuroria e rregullt do ti hetojë informacionet e Prokurorisë Speciale se dikush ka kryer presion mbi Kërpaçin, ose nga Zvrlevski do të hetojnë veprimet e punonjësve të Janevës. Në një përpjekje për të gjetur se çfarë saktësisht ka kërkuar Prokuroria Publike u drejtuam te Prokuroria Speciale, MPB-ja dhe në Gjykatën Penale të Shkupit. Zyrtarisht nuk morëm informacione shtesë. As për hetimin e vdekjes së Kërpaçit, deri më tani nuk ka detaje të reja. Dihet se ka mbaruar autopsia, por priten informacione mbi analizat e tjera dhe mendimet e ekspertëve.

Kriza politike maqedonase “lë në harresë” çështjet e pazgjidhura shqiptare

Isuf Kadriu – Kriza politike në Maqedoni, e cila ka filluar që nga viti 2014, por që ka kulmuar vitin e kaluar me atë që njihet si aferë e përgjimeve, ka lënë anash shumë çështje tjera që ende nuk kanë marrë zgjidhje, në veçanti ato që kanë të bëjnë me raportet ndëretnike.

Nga Bashkimi Demokratik për Integrim thonë se në marrëveshjen politike ndërmjet katër partive, kanë arritur që të përfshijnë edhe dy pika të saj, zbatimin e Marrëveshjes së Ohrit dhe vazhdimin e procesit të integrimit euroatlantik të Maqedonisë.

Por, sipas njohësve të çështjeve politike, përfshirja e këtyre dy pikave nuk ka ndryshuar realitetin. Madje me veprimet e fundit, partitë ia kanë humbur vlerën kësaj marrëveshjeje me faktin se nuk janë zbatuar pikat kryesore të saj për zgjidhjen e krizës.

Kjo dëshmohet me shtyrjen e zgjedhjeve që fillimisht ishin paraparë për më 24 prill, ndërkohë që pranë dështimit është edhe data tjetër e mbajtjes së zgjedhjeve më 5 qershor.

“Partitë shqiptare vlerësoj se nuk kanë arritur të poentojnë, edhe pse kanë pasur mundësinë që këtë krizë ta shfrytëzojnë që t’i vendosin në agjendë kërkesat e shqiptarëve”.

“Mendoj se në vijim, edhe nëse i humbin zgjedhjet, nuk është ndonjë humbje shumë e madhe, por të paktën t’i vendosin në agjendë disa pika për shkak se është momenti historik meqë faktori ndërkombëtar jo çdo herë do të merret me shqiptarët dhe maqedonasit, kështu që mendoj se është momenti që ata të veprojnë”, thotë Arsim Sinani, njohës i çështjeve politike dhe drejtues i Qendrës për Studime Ndërkombëtare dhe Hulumtime Ballkanike.

Ai më tej sqaron çështjet që ende nuk kanë marrë zgjidhje edhe 15 vjet nga nënshkrimi i Marrëveshjes së Ohrit.

“Nga marrëveshja kornizë e Ohrit, e cila është nënshkruar në Shkup, vlerësoj se anekset kryesore të saj nuk janë zbatuar. Gjuha shqipe duhej të ishte zyrtare në Maqedoni, çështje tjetër e pazgjidhur mendoj se është përfaqësimi proporcional i shqiptarëve në institucione dhe çështja e buxhetit”.

“Vlerësoj se duhet një ridefinim i marrëdhënieve shqiptaro-maqedonase, si dhe të realizohet një regjistrim i popullsisë për të mësuar numrin real të shqiptarëve të Maqedonisë”, thekson Sinani.

Ai konsideron se ndoshta shqiptarët po lëshojnë edhe një rast për imponimin e zgjidhjes së këtyre çështjeve.

Albert Musliu, analist dhe drejtues i organizatës, Iniciativa Demokratike, thotë se partitë shqiptare kanë një shans, që modalitetin e funksionimit të Qeverisë së tanishme ta vazhdojnë edhe në të ardhmen.

Në fakt, bëhet fjalë për rritjen e kompetencave të disa resorëve ministrorë, apo të zëvendësministrave, të cilët kanë të drejtën e vetos ndaj vendimeve të ministrave dhe anasjelltas.

Musliu thotë se shumë të drejta, partitë nuk kanë mundur t’i realizojnë pasi e drejta votimit të dyfishtë deri më tani është zbatuar vetëm në Kuvend.

“Mos të harrojmë se vetëm në Kuvend kemi instrumentin mbrojtës ndaj mbivotimit, ndërsa në Qeveri, në Gjyqësor, në Presidencë nuk kemi një mekanizëm të tillë”.

“Mendoj se kjo që ka ndodhur tani është një argument plotësues edhe për subjektet politike shqiptare ndaj partmerëve të tyre edhe maqedonas, por edhe ndërkombëtarë, që disa mekanizma të mund t’i imponojnë edhe në qeverisjet e ardhshme”, vlerëson Musliu.

Marrëveshja politike ndërmjet katër partive e arritur në qershor të vitit të kaluar, parasheh zgjidhjen e krizës së rëndë politike pas publikimit nga ana e opozitës të bisedave të përgjuara të zyrtarëve.

Por, edhe një vit e gjysmë nga nënshkrimi i saj, palët jo që kanë arritur të kapërcejnë dallime, por ato janë thelluar edhe më shumë pas vendimit të presidentit, Gjorge Ivanov për faljen e zyrtarëve që ishin në shënjestër të Prokurorisë Speciale për mashtrime në zgjedhje dhe shpërdorime tjera.

Vendimi i tij tash e tri javë ka nxitur protesta të përditshme të shoqërisë civile, ku janë shënuar edhe incidente, përfshirë edhe demolimin e një zyre të presidentit.

Të burgosurit e Kumanovës e akuzojnë policinë maqedonase për tortura

Të afërmit e shqiptarëve etnikë që mbahen në burgjet e Maqedonisë në lidhje me shkëmbimin e zjarrit të përgjakshëm në Kumanovë një vit më parë janë duke u kërkuar diplomatëve dhe organizatave të huaja të mbështesin pretendimin e tyre se të burgosurit janë torturuar .

Familjet të premten do t’i kërkojnë Ministrisë së Jashtme të Kosovës t’i kërkojë kolegëve të tyre maqedonas të lejojnë hyrjen e ekspertëve në tre burgje ku po mbahen shqiptarët.

Një peticion i shpërndarë nga shtypi shqiptar maqedonas të mërkurën do t’i dërgohet organeve ndërkombëtare në Shkup, si zyrës së OSBE, Ambasadës Amerikane dhe Kryqit të Kuq.

Dashurie Sefa, një nga pesë anëtaret e “Këshillit të Kumanovës”, që përfaqëson familjet e të burgosurve, i tha BIRN se ajo shkoi të vizitonte burrin, Genci Sefën në paraburgimin e Shutkës të mërkurën dhe e gjeti atë në gjendje të mjeruar.

“Ai më tha se [të burgosurit e çështjes së Kumanovës] ishin rrahur dhe abuzuar ndërsa transportoheshin nga burgu në gjykatën e Shkupit për gjyqin e 21 prillit”, tha Sefa, që jeton në Ferizaj të Kosovës.

“Ai tha se i torturuan në makinat e policisë dhe në bodrumet e gjykatës sepse nuk kishte kamera sigurie,” tha ajo.

“Nuk mund ta tolerojmë këtë situatë më gjatë dhe po i kërkojmë Kosovës të ndërhyjë, teksa kërkojmë ndihmë edhe nga organet ndërkombëtare,” vazhdoi ajo.

Nëntë kosovarë ishin mes 22 personave që u vranë në përplasjen e armatosur të Kumanovës në veri të Maqedonisë një vit më parë mes të dyshuarve si terroristë dhe policisë maqedonase.

Policia maqedonase më pas burgosi 29 njerëz në lidhje me sulmin, 21 prej të cilëve janë shqiptarë të Kosovës.

Në një letër të shpërndarë për median të mërkurën, familjet e të burgosurve pretendojnë se torturat ndaj të afërmve të tyre ishin të rënda dhe vazhduan për rreth një vit.

“Torturat fizike dhe psikologjike ndaj të burgosurve të çështjes së Kumanovës vazhdojnë edhe pas një viti në bodrumet e gjykatave. Ky fakt është konfirmuar nga avokatët pas seancës së fundit gjyqësore të 21 prillit, ku më të dëmtuarit ishin Enver Hoxha Klein, Genc Sefa, Bajram Elshani, Rufki Dogani,” tha letra.

“Ata i kanë treguar familjeve të tyre gjatë vizitave të burgut detajet e torturave që të tingëllojë si filma frikshëm horror,” vazhdoi letra.

Në letër po ashtu thuhej se një nga të burgosurit, Enver Hoxha Klein, më 21 prill kishte filluar një grevë urie në burg e Shutkës.

Një nga avokatët mbrojtës të të ndaluarve të Kumanovës, Naser Raufi, citohet të ketë thënë se ai do të padiste policinë që besohet se ka rrahur anëtarët e grupit, ndërsa i shoqëronte ata në gjykatë.

Lidija Gavrilova, kreu i Drejtorisë për Sanksione, e cila drejton burgjet maqedonase, nuk pranoi të komentojë. “Unë nuk jam e autorizuar të japë asnjë deklaratë për çështje të tilla,” tha ajo.

Partitë etnike shqiptare në Maqedoni po organizojnë një protestë më 9 maj në Kumanovë për të shënuar përvjetorin e ngjarjeve që sollën vdekjen e 14 civilëve dhe tetë policëve.

Shkaqet e vërteta të ngjarjes së përgjakur mbeten të paqarta por partitë etnike shqiptare dhe ato të opozitës pretendojnë se ishte një inskenim politik për të shpërqendruar vëmendjen e publikut nga trazirat politike të vendit. /Fatjona Mejdini-BIRN/

Nesër vendimi gjyqësor për Azem Sylen

Nesër pasdite do të merret vendimi për Azem Sylen. Këtë e ka konfirmuar gjyqtari i kësaj çështje.

Avokati mbrojtës i Azem Sylës, Tomë Gashi ka bërë të ditur se të gjitha hetimet për rastin e pronave në rastin e njohur si “Syla”, kanë nisur pas dëshmive të Nazim Bllacës të bëra në procesin gjyqësor “Bllaca 4”.

“Në kërkesën për paraburgim prokurori ka arsyetuar me faktin se Syla ka rrezik ikje, ndikim tek dëshmitarët ku e ka përmendur edhe dëshmitarin Nazim Bllaca”,tha Gashi.

Azem Sylen dyshohet si udhëheqës i grupit kriminal në keqpërdorim të pozitës për biznese me toka shoqërore që i ka kushtuar dëme buxhetit të Kosovës rreth 30 milionë euro, përcjell “zeri.info”

Po ashtu Syla dyshohet se ka të bëjë me rastin e tokave në Veternik dhe Çakllavicë ku janë të përfshirë shqiptarë dhe serbë.

Policia të mërkurën nuk ka arritur ta gjejë askund ish-deptuetin Syla. Ai tek sot ka ardhur në Kosovë nga Shqipëria ku edhe është arrestuar gjatë hyrjes në Kosovë.

Syla njëra prej figurave kyçe të PDK-së ka dhënë dorëheqje nga pozita e deputetit.

Inspektori i SHIK-ut: Spiunazhi maqedonas dha dy milionë euro për vrasjen e Begut dhe Mirsadit

Ish eprori i lartë i UÇK-së, G2, TMK-së dhe pjesëtari i Shërbimit informativ të Kosovës (SHIK), Naim Miftari përmes një dëshmie ekskluzive për “Lajm”, shpalos informacione tronditëse që thotë se i posedon lidhur me vrasjen e Beg Rizajt dhe Mirsad Ndrecajt.

Duke reaguar ndaj spekulimeve se Begu e Mirsadi kanë reketuar funksionarë të BDI-së, Miftari thotë se situata është e kundërt: se policia sekrete maqedonase, përmes “dy njerëzve të afërt të Ali Ahmetit” ka ofruar dy milionë euro për vrasjen e Begut e Mirsadit.

Në vazhdim dëshmia e tij e plotë, dërguar te “Lajm”-i në mënyrë elektronike.

“Beg Rizaj dhe Mirsad Ndrecaj kanë qenë të denuar me vdekje nga shërbimi sekret maqedon akoma pa arritë në konfliktin e Kumanovës. Mos e harroni këtë fjali: shërbimi sekret maqedon, i afërt me disa (s’pakut dy) bashkëpunëtorë të Ali Ahmetit, kanë kërkuar disa muaj ma herët ”vrasës”, njerëz të luftës nga Kosova që ti vrasin Mirsad Ndrecajn dhe Beg Rizën dhe disa tjerë. Por nuk i ka degjuar askush dhe aty del në skenë dy milonëshi i famshëm, që u premtu nëse vriten këta trima ! Shikone zëdhansin e MPB të Maqedonisë, gjatë terë kohes të konflikti në Kumanovë shumica e komentev të MPB, kan qenë rreth komandant Nato-Mirsad Ndrecaj dhe Begu-Beg Riza. Shumica e përgjigjeve janë: – kanë qenë, jo nuk janë; – jo si kem arrestu; – jo nuk janë në listën e emrave te të vrarëve; – jo nuk e dim ku janë; (tanë kohen e kanë ditë mirë se ku janë)”, shkruan Miftari.

Vëllai i komandant Sokolit – Ali Ahmetit: Ty do të mallkojë gjaku i dëshmorëve të kombit

Familjari i komandant Sokolit, Avni Ukshini sërish ka adresuar kritika në adresë të liderit të BDI-së, Ali Ahmeti.

“E ti je tradhtar i kombit që po i mban postet e tua me gjakun e shqiptarëve të Ilirides, duke i bërë ata mish për top. A të vjen turp more që i ke mbushur burgjet sllave me mbi 5 mijë shqiptar të pa fajshëm ku ndër ta janë hiq më pak se 900 luftëtarë të uçk kombëtare të 2001. Ty do të mallkojë gjaku i Dëshmorëve dhe i popullit”, shprehet Ukshini.

Kim Mehmeti: Ambasada e Shqipërisë në Shkup, si degë e BDI-së

Mehmeti ka shkuar edhe më larg, duke kritikuar edhe për afërsinë e ambasadës me BDI-në, partnerin më besnik që ka pasur VMRO-DPMNE te shqiptarët.

“Nuk ka dyshim se Tirana zyrtare është ajo që vendos dhe që më së miri e di si duhet mbrojtur interesat e shqiptarëve jashtë mëmëdheut! Por, ajo që shihet nga jashtë, të lë përshtypjen se ambasada e Shqipërisë në Shkup – përpos që shërben për t’i punësuar ‘kushërinjtë’ e të mëdhenjve të Tiranës dhe të ‘tepricës teknologjike’ të diplomatëve – në masë të madhe, ishte dhe mbeti ‘dega’ më besnike e partisë shqiptare në pushtet – BDI-së! Me çka del se interesi i shqiptarëve të Maqedonisë, fillon dhe përfundon te selia e kësaj partie! Andaj edhe nuk do jetë e çuditshme nëse lista e kundërshtarëve politikë të BDI-së, do përputhet me atë të shqiptarëve ‘destruktivë’, për të cilët kjo ambasadë i informon timonierët e shqiptarisë në Tiranë!” shkruan Mehmeti

Në Shkup edhe sot vazhdojnë protestat

Në Shkup edhe sot do të vazhdojnë protestat të cilat janë organizuar nga iniciativa “Protestoj”.

Protestat të cilat kundërshtojnë vendimin e presidentit Gjorgje Ivanov për të falur politikanët ndaj të cilëve është nisur procedurë gjyqësore, fillojnë sot javën e tretë të protestimit.

Protestuesit po kërkojnë tërheqjen e atij vendimi për falje të Ivanovit, edhe shtyrjen e zgjedhjeve që janë caktuar për 5 qershor, sepse vlerësojnë se nuk janë plotësuar kushtet për mbajtjen e zgjedhjeve të lira dhe demokratike të cilat do të ishin të besueshme nga të gjithë. /KP/

DASH: Ivanov të tërheqë amnistinë – politikanët të hetohen

Elizabet Trudo është prononcuar në lidhje me gjendjen në Maqedoni, njofton Zhurnal.

“SHBA dhe BE edhe njëherë treguan shqetësimet e tyre për rëndësinë e zgjedhjeve të besueshme në
Maqedoni, koha është e shkurtër, por ngelen edhe shumë punë për t’u bërë. Kërkojmë fuqishëm nga
presidenti Ivanov të shfuqizojë vendimin për amnisti dhe të lejojë prokurorinë speciale dhe gjykatat të
bëjnë punën e tyre”, transmeton Zhurnal.

Armiqësitë brendamaqedonase dhe shqiptarët e hutuar – Nga Emin Azemi

Edhe sikur të shkonin në Vjenë katër liderët politikë të Maqedonisë, nuk pritej ndonjë rezultat spektakolar. Nga ana tjetër, BE-ja dhe Parlamenti Evropian do ta quanin të dështuar misionin e tyre sikur Marrëveshja e Përzhinos të mos implementohej në tërësi.

Maqedonia po ngulfatet në llumin që e krijuan politikanët, si ata që shantazhojnë institucionet e drejtësisë dhe minojnë punën e Prokurorisë Speciale, si ata që ikin nga zgjedhjet dhe nuk iu përmbahen marrëveshjeve paraprake. Diku në mes ndodhen politikanët shqiptarë, të cilët me stilin e tyre “ngre e mos këput” as nuk po e faktorizojnë politikëbërjen e tyre me lëvizje më të zgjuara, as nuk po sjellin ndonjë alternativë që do t’iu hapte udhë ideve më gjithëpërfshirëse të shqiptarëve në Maqedoni.

Por, Maqedonia e ka shumë problem të vazhdojë këtë gjendje të status quo-s. Kriza e besueshmërisë qytetare ndaj institucioneve, si dhe prishja e subordonimit komandues në disa dikastere të MPB-së, tërheqja dhe transferimi jashtë i parave të qytetarëve dhe kompanive nga bankat, paralajmërimi për ndonjë devalvim të mundshëm të valutës vendore, janë parashenjat e një kolapsi më të madh që mund ta kaplojë shtetin.

Aktualisht, kriza është e strukturuar në mendjet e politikanëve si një virus që po vjen duke u zhvilluar në përmasat e një përbindëshi. Fataliteti i kësaj krize e ka atë dimensionin historik të keqkuptimit dhe armiqësimit brendamaqedonas. Kemi të bëjmë me një komb të ri, që nuk i ka kaluar të gjitha fazat e pjekurisë kolektive dhe tani e ka vështirë që brenda një kohe të shkurtër të krijojë harmoninë e brendshme ideologjike, politike, sociale etj. Degëzimi ideologjik i maqedonasve si komb, ka ardhur duke nxjerrë shartime të panatyrshme në trungun etno-psikologjik dhe për pasojë tani kemi dy mendësi diametralisht të kundërta.

Kjo dikotomi ideologjike brendamaqedonase ka koston e saj të pallogaritshme në ridimensionimin institucional të shtetndërtimit. Këtë “avari” të madhe në mekanizmin e mbamendjes së tyre historike, intelektualët dhe politikanët maqedonas janë munduar ta fshehin për vite të tëra, duke i ikur debatit publik dhe zëvendësimin e tij me njëfarë fushate të dyanshme partiake, që në thelb ka pasur pikërisht këtë papajtueshmëri të brendshme.

Atë që partia maqedonase në pushtet e quan zgjim kombëtar, partia tjetër opozitare e kualifikon si regres dhe shpërfytyrim të historisë së vërtetë. Prirjet antagoniste shkojnë deri atje sa të mos ketë një konsensus minimal, sa i përket historisë së përbashkët dhe përplasjet e diskurseve nuk kanë një vokacion shkencor e akademik, por puro politik.

Aktualiteti politik, i mbarsur me krizën e dialogut dhe mungesën e konsensusit, patjetër që e ka një tub përçues nëpër të cilin kalon gjithë ky animozitet brendamaqedonas. Dallueshmëria e perceptimit publik ndaj dy partive kryesore maqedonase, ende është e madhe dhe ka një llogari të dyanshme dhe vazhdimi i krizës ka të ngjarë që këtë dallueshmëri ta ngushtojë. Tani për tani është LSDM ajo që dëshiron t’i shtyjë zgjedhjet, jo gjithaq për shkak të regjistrit zgjedhor, reformës në media etj., sa për shkak të distancës së madhe që ka ndaj partisë rivale – VMRO (DPMNE) në të gjitha matjet e disponimit të opinionit publik. Nga ana tjetër, partia në pushtet dëshiron të ketë sa më shpejt zgjedhje që ta shkurtojë kalvarin që do t’ia shkaktonte Prokuroria Speciale përmes aferave të deponuara në formë përgjimesh nga ana e opozitës.

Pra, parë realisht, as VMRO-DPMNE as LSDM nuk e kanë gjithaq hallin se do të mbahen apo jo zgjedhje të lira e të besueshme, sa e kanë gajlen te kuotat e perceptimit publik ndaj tyre. Fundja, në disa cikle të kaluara zgjedhore në këto 25 vjet pluralizëm, ka qenë pikërisht LSDM që ka fituar mandate qeverisëse me zgjedhje edhe më të skandalizuara dhe asnjëherë në të kaluarën kjo parti nuk ka kërkuar shtyrjen e tyre për shkak të regjistrit (të papastruar) zgjedhor, lirisë së mediave, ndarjes së partisë nga shteti, reformave në gjyqësi etj. Por, edhe partia e Gruevskit gjithë këtë turr për të shkuar në zgjedhje nuk e mbështet gjithaq në realitetin ekonomik e social që prodhon politika, gjoja, e drejtë e tyre, sa e projekton si vazhdim të kauzës kombëtare për zgjimin nacional të maqedonasve, në këtë interval kohor kur ata duhet të jenë në pushtet.

Dështimi i takimit të Vjenës, është dështim edhe i përpjekjeve diplomatike për të vendosur në Maqedoni një rend shtëpiak evropian. Kjo, gjithsesi i hap udhë involvimit më të fuqishëm të diplomacisë amerikane këtu, e cila, përmes përfaqësuesit e të saj në Shkup i ka bërë punët e duhura konform situatës, por jo edhe të domosdoshme dhe afatgjata. Në Maqedoni, duhet patjetër të spostohet një i dërguar i posaçëm amerikan, i cili në bashkëpunim me përfaqësuesit e BE-së do të gjente modalitet më të qëndrueshëm, për tejkalimin e krizës fillimisht dhe do të krijonte parakushte për një funksionim afatgjatë të bashkëveprimit institucional në mes të maqedonasve dhe shqiptarëve, por edhe në mes të vetë maqedonasve. Roli amerikan në Maqedoni do të duhej parë edhe në kontekst të afiniteteve gjeopolitike, që u shfaqën kohët e fundit, ku dëshpërimi rus për humbjen e primatit në udhët energjetike të Ballkanit, që duhej të kalonin edhe nëpër Maqedoni, u shpreh me një mungesë të theksuar takti diplomatik, që shumëkush e ka lexuar si përkrahje direkte e regjimit aktual. Që palët e konfrontuara në Maqedoni të mos kenë edhe në të ardhmen spiranca avokatie ku do të mund t’i lidhnin barkat e tyre të lodhura, njëri në Sofje te Borisovi e tjetri në Moskë te Putini, atëherë imponohet si e domosdoshme një prani më e shtuar e diplomacisë amerikane në Maqedoni, që do të rezultonte në formimin e një qeverie kalimtare këtu, me një rol më domethënës të shqiptarëve, e cila brenda dy viteve do të arrinte t’i “hekuroste” shumicën e gungave në relievin e trazuar politik të Maqedonisë.

Shkup – Shqiptarët protestojnë me moton “NDAL” (fotot)

Në Shkup shqiptarët protestuan me moton “NDAL”, të organizuar nga Lëvizja për Reforma, e Partisë Demokratike Shqiptare, Rilindja Demokratike Kombëtare, Shoqata e ish të Burgosurve Politik, organizata civile “Illyricum Libertas” dhe familjarët e të burgosurve në rastin “Monstra”.

Protestuesit thanë se kanë dalë për t’i thënë ndal sistemit diskriminues dhe fashistoid, ndal krimit dhe korrupsionit, proceseve të montuara politike dhe burgosjeve të shqiptarëve.

Ata u shprehën kundër Qeverisë aktuale, e cila, siç u tha, po dëmton interesat e shqiptarëve, duke i dhënë mbështetje të plotë Prokurorisë Speciale që të hetojë të gjithë politikanët e përfshirë në krim.

“Nuk ka shqiptar që nuk e përkrah prokuroren Fatime Fetai, që është pjesë e Prokurorisë Speciale. Ka ardhur koha që ne më të mos kërkojmë prej të tjerëve, sepse s`kemi se çka kërkojmë nga të tjerët. Por, kërkesa tona do t`ia drejtojmë popullit dhe prej atij momenti realizimi i këtyre kërkesave, do të jetë kusht për ekzistimin e Parlamentit të Maqedonisë dhe Qeverisë”.

“Jemi këtu për të bërë hapin e parë për kthimin e demokracisë, demokraci e cila është dhunuar për 25 vjet, edhe pse kemi pasur deputetë të zgjedhur shqiptarë në Parlament”, tha Zijadin Sela, drejtues i Lëvizjes për Reforma e Partisë Demokratike Shqiptare.

Ndërkaq, Shpëtim Pollozhani, drejtues i Shoqatës së ish të Burgosurve Politikë Shqiptarë, tha se deri më tani se zëri i shqiptarëve nuk arrin të dëgjohet.

“Në të gjitha shtetet e Evropës juglindore, numri i të burgosurve politikë është në rënie, duke shkuar në zero me demokratizimin e këtyre vendeve. Por, vetëm në Maqedoni numri i të burgosurve politikë shqiptarë dita-ditës rritet.Kjo tregon qartë për gjendjen e shqiptarëve dhe diskriminimin e tyre”, u shpreh Pollozhani.

Ndërkaq, Mubedin Sulejmani, tha për Radion Evropa e Lirë, se ka dalë për të protestuar për largimin e Qeverisë aktuale, sepse në vazhdimësi i ka dëmtuar interesat e shqiptarëve.

“Partia shqiptare në pushtet automatikisht duhet të dalë nga Qeveria e kryesuar nga partia e ish-kryeministrit Nikolla Gruevski, sepse kjo qeverisje në vazhdimësi punon në dëm të interesave të shqiptarëve; sepse VMRO DPMNE-ja ka dëshmuar se është një parti nacionaliste”, theksoi Sulejmani.

Përderisa ish-deputeti nga zona e Karadakut, ish-përfaqësues i Ushtrisë Çlirimtare Kombëtare, Hisni Shaqiri, tha se në këtë kohë protestat nuk duhet të ndalen po ata duhet të mbështeten nga gjithë shqiptarët.

“Ne jemi kundër politikave të kësaj Qeverie, e cila shqiptarët i ka diskriminuar me lloj-lloj procesesh të montuara politike kundër tyre, duke u goditur ish-përfaqësuesit e UCK-së. Në shumë situata në Maqedoni shqiptarët e pafajshëm janë vrarë ose janë dënuar me burgim të përjetshëm”, deklaroi Shaqiri.

Organizatorët e protestave të së premtes thanë se do të vazhdojnë të protestojnë kundër Qeverisë aktuale, e cila nuk rresht së diskriminuari shqiptarët, po nuk do t`u bashkohen protestave, që organizohen për çdo natë në qendër të Shkupit, kundër qeverisë nga lëvizja qytetare “Protestoj”.

Ndërkohë për të dhjetën ditë me radhë, në Shkup kanë vazhduar protestat kundër politikave të Qeverisë nën organizimin e iniciativës qytetare “Protestoj”.

Njëkohësisht, janë mbajtur edhe kundër-protesta në mbështetje të politikave të pushtetit.

shqiptaretpr shqiptaretshkupisot

Arrestohet gazetari maqedonas që nxori përgjimin Mehmeti-Xhaferi

Voal – Autoritetet serbe e kanë arrestuar në Novi Sad gazetarin maqedonas Zoran Bozhinovski, për të cilin policia e Maqedonisë ka lëshuar fletarrestim. Bozhinovski do të nxirret para gjykatësit në Novi Sad, më pas do të ekstradohet në Maqedoni.

Bozhnovski është gazetari që nxori videon erotike të Ermira Mehmetit dhe ish Zv.Kryeministrit Musa Xhaferi. Pasi gazetari e bëri publik përgjimin, atë e morën disa portale online, kryesisht në Kosovë dhe Shqipëri, duke e kthyer në lajmin më të debatuar të muajit. Dritare.net i kushtoi këtij lajmi një hapësirë të madhe me komente dhe lajme, duke vendosur të mos e postojë videon në portal, por vetëm reagimin mbi të. Ermira Mehmeti, foli për herë të parë për këtë përgjim në dritare.net. Ndërsa ish shefi i SHIK, Fatos Klosi, tha në dritare.net se kur bëhet fjalë për përgjime telefonatash, montazhi është shumë i lehtë, gjë që është më e vështirë kur bëhet fjalë për video.

Publikimi i videos solli jo vetëm zhurmë në rrjetet sociale, por pas shumë diskutimesh edhe debatesh në BDI, partinë shqiptare, pjesë e së cilës janë dy të përgjuarit, erdhi edhe largimi i gjithë përfaqësuesve të kësaj partie nga qeveria dhe ndërrimi i tyre me të tjerë, të rinj dhe të panjohur.

Ndërkaq, BDI dhe Ermira Mehmeti, veç e veç, e denoncuan këtë video publikisht dhe në Prokurori, si montazh dhe shantazh. Prokuroria maqedonase nuk ka folur ende në lidhje me hetimet mbi telefonatën e përgjuar të dy politikanëve të lartë shqiptarë

Protesta e kundërprotesta në Shkup

Protestuesit mbështesin Prokurorinë e Posaçme, e cila ka hapur disa raste kundër ish-ministrave dhe funksionarëve në pushtet.

Nga ana tjetër, disa mijë veta kishin ardhur nga qytete të ndryshme të Maqedonisë të organizuar, në mbështetje të qeverisë. Një organizatë që veten e quan Lëvizja Qytetare për Mbrojtjen e Maqedonisë, e njohur për afërsinë me partinë VMRO-DPMNE, tuboi para parlamentit të vendit në Shkup përkrahësit e kësaj partie për t’u dhënë mbështetje politikave qeveritare dhe për të kundërshtuar protestuesit e palës tjetër. Protestat kaluan pa incidente, ndërsa policia kishte bllokuar rrugët për të parandaluar përplasjet e mundshme.

Situata në Maqedoni kishte nxitur komisionarin e Bashkimit Evropian, Johannes Hahn të ftojë jë takim të katër drejtuesve të partive kryesore politike në Maqedoni. Por, takimi që ishte paralajmëruar për të premten në Vjenë, u anulua, meqë kryetari i LSDM-së në opozitë, Zoran Zaev tha e nuk do të marrë pjesë përderisa nuk tërhiqet vendimi i presidentit dhe nuk shtyhen zgjedhjet e paralajmëruara për datën pesë qershor.

Komisionari Hahn në një kumtesë tha se “në mungesë të përparimit, komuniteti ndërkombëtar detyrohet të shqyrtojë masa të tjera për plotësimin e kërkesave nga institucionet evropiane. Ne vazhdimisht kemi thënë se anulimi i Marrëveshjes së Përzhinës do të ketë pasoja shumë të rënda për vendin. Na vjen shumë keq për hapat regresiv që e zmbrapsin vendin nga aspiratat për anëtarësim në BE”, thuhet në letrën e zoti Hahn.

Qytetarët e Shkupit vazhdojnë protestat kundër Ivanovit

Mes të tjerash, organizatat qytetare kërkojnë edhe përfshirjen e tyre në negociatat eventuale mes liderëve të partive të Maqedonisë të cilat duhet të mbahen të premten në Vjenë

SHKUP – Edhe gjatë të martës qytetarët e Shkupit dolën në protesta për të shfaqur revoltën dhe pakënaqësinë e tyre për shkak të vendimit të presidentit Gjorge Ivanov për faljen e të gjithë politikanëve nga ndjekja penale.

Sikur edhe ditët e kaluara, protesta filloi rreth orës 18:00 para godinës së Prokurorisë Speciale Publike në qendër të Shkupit, në shenjë mbështetjeje ndaj këtij institucioni. Më pas, prej këtu u nisën drejt godinës së Kuvendit, pastaj shkruan drejt godinës së Qeverisë së Republikës së Maqedonisë që në fund të ndalen në afërsi të hapësirave të Info-qendrës së BE-së në Shkup dhe Komisionit Shtetëror të Zgjedhjeve, ku qytetarët e tubuar dëshironin të protestonin, por u parandaluan nga kordoni policor.

Qytetarët edhe sonte porositën se protestojnë kundër politikave të Qeverisë dhe kundër zgjedhjeve më 5 qershor. Mes të tjerash, organizatat qytetare kërkojnë edhe përfshirjen e tyre në negociatat eventuale mes liderëve të partive të Maqedonisë të cilat duhet të mbahen të premten në Vjenë.

Protestat mbahen pas vendimit të presidentit Gjorge Ivanov, për ndërprerjen e të gjitha procedurave të ngritura kundër politikanëve të cilët lidhen me përgjimet dhe krizën politike.

Protesta janë mbajtur edhe në qytete të tjera të Maqedonisë.

Shpend Ahmeti rreth tmerrit në Shkup: Ja thirrjet raciste ndaj shqiptarëve

SHKUP- Kryetari i Komunës së Prishtinës, Shpend Ahmeti, ka rrëfyer çastet e tmerrit që përjetoi në ndeshjen e luajtur një ditë më parë mes Vardarit dhe Shkëndijës (1-1). Ndeshja e vlefshme për Javën e 27 të Ligës maqedonase u shoqërua nga tensionet në fushë dhe thirrje raciste kundër shqiptarëve nga tifozët vendas.

Klubi i Shkëndijes luajti pa tifozë në këtë ndeshje, ndërsa tifozët e Vardarit sulmuan edhe pjesën e të ftuarve të ekipit kundërshtar që ndodhej në stadium dhe në tribunën VIP, shkruan panoramasport. Si i ftuar special i ekipit të Shkëndijës, Ahmeti kritikon reagimin e dobët të policisë dhe evidenton urrejtjen e maqedonasve ndaj shqiptarëve që shfaqet hapur edhe në takime të tilla. Në një koment të publikuar në profilin e tij në rrjetin social “Facebook”, Ahmeti kritikon edhe qëndrimin e kryetarëve të partive politike shqiptare në Maqedoni.

Komenti i plotë i Shpend Ahmetit në “Facebook”:
“Të gjithë ata që më njohin e dijnë se jam një adhurues i madh i futbollit. Tash e disa vite jam edhe tifoz i Shkendijes së Tetovës dhe sipas mundësive kam përcjellë ndeshje të ndryshme edhe në kampionatin e Maqedonisë edhe kur kanë luajtur në kualifikime evropiane. Dje isha në ndeshjen vendimtare të kampionatit në mes të Vardarit dhe Shkendijes në Shkup. Tifozëve të Shkendijes i ishte ndaluar hyrja në stadium ndërsa aty ishin mbledhur rreth 2 mijë tifozë të Vardarit. Ne ishim rreth 20 shqiptarë, mysafirë të klubit Shkëndija të cilëve udhëheqësia e Vardarit na kishte vendosur në mes të tifozëve të Vardarit.

Gjatë gjithë lojës këndimet e tifozëve të Vardarit ishin të llojit “shqiptarët e mirë janë shqiptarët e vdekur”. Pasi shënoi Vardari, gjanat u tensionuan edhe më shumë sepse ata e kishin të qartë që aty jemi rreth 20 shqiptarë. Kur filluan të këndojnë se të gjithë maqedonët të ngritën në këmbë e vërtetuar se ishim shqiptarë. MIrëpo incidenti ndodhi kur Shkëndija shënoi golin e barazimit, ndërsa kryetari i klubit të Shkëndijes u ngrit në këmbë për të festuar. QË nga ai moment, filluan të gjuajnë gjësende në drejtim tonin, duke goditur disa nga personat që ishin aty. Policia erdhi me vonesë, dhe u mundua ti qetësojë por pa sukses. U detyruan të na nxjerrin nga ndeshja për sigurinë tonë.

Jam i vetëdijshëm që huliganë të futbollit ka kudo në botë. Megjithatë, ajo që nuk mund të tejkalohen jane dy gjëra: 1. Urrejtja ndaj shqiptarëve është në maksimum dhe në situata të tilla shpërfaqet e pastër. 2. Përfaqësimi shqiptar në Maqedoni është në gjendje shumë të dobët. Koketimi i partive tona për qeveri pa kërkesa të qarta dhe parimore të shqiptarëve do të sjellë më shumë diskriminim dhe urrejtje ndaj shqiptarëve e jo vetëm në ndeshje futbolli. Unë mund të jem atje vetëm disa orë, një herë në dy tre muaj, por shqiptarët e Maqedonisë atje jetojnë në kushte të tilla gjatë tërë vitit, brenda e jashtë stadiumit”.

Kore raciste dhe sulm ndaj tifozëve shqiptarë në Maqedoni (video)

Vardari i Shkupit dhe Shkëndija barazuan 1-1 në ndeshjen e vlefshme për Javën e 27 të Ligës maqedonase, në një takim në të cilin nuk munguan koret raciste ndaj shqiptarëve dhe përplasje mes tifozërive.

Goli i barazimit për Shkëndijën nga Armend Alimi në minutën e 38′ të pjesës së parë ndezi situatën në fushë dhe jashtë saj.

Sipas një njoftimi të shkurtër të publikuar në faqen e ‘KF Shkëndija’ në rrjetin social ‘Facebook’, thuhet se tifozët vendas sulmuan fizikisht mundërshtarët e tyre në stadium, duke mos kursyer edhe tribunën VIP.

“Goli i barazimit nga Armend Alimi në minutën e 39-të ka egërsuar tifozët e Vardarit, të cilët nuk janë përmbajtur dhe kanë sulmuar fizikisht kryesinë e Shkëndijës që gjendej në një zonë ‘VIP’ të improvizuar në tribunën jugore ku edhe gjendet grupi i tifozëve ‘Komitët’, transmeton “Panorama”. Në sulmin fizik disa anëtarë të kryesisë janë goditur dhe kanë marrë lëndime të lehta trupore, ndërsa janë detyruar të lëshojnë tribunën nën përcjellje të forcave të shtuara të sigurisë”,-thuhet në njoftimin e klubit të Shkëndijës.

Nesër do të vazhdojnë protestat kundër Ivanovit

Lëvizja Qytetare ‘Protestoj’ e cila prej 5 ditësh ka organizuar protesta në të cilat qytetarët kërkojnë dorëheqjen e presidentit të Maqedonisë, Gjorgje Ivanov për shkak të vendimit të tij që të fal politikanët të dyshuar për vepra penale, sot nuk do të organizojë protesta.

Protestën e radhës kjo lëvizje e ka caktuar për ditën e nesërme, me fillim në ora 18:00, kurse lokacioni se ku do të tubohen protestuesit do të shpaloset nesër.

Përveç dorëheqjes së Ivanovit nga Lëvizja ‘Protestoj’ kërkojnë edhe tërheqjen e vendimit për falje të politikanëve kriminel siç i quajnë ata, formimin e një qeverie ekspertësh dhe implementimin e rekomandimeve të dala nga raporti i Pribes me qëllim organizimin e zgjedhjeve të lira dhe demokratike. Megjithatë protesta do të mbahen qytete të tjera përfshi në Veles.

Ndërkohë kundër vendimit të Ivanovit sot një numër i maqedonasve ka protestuar në New York, kurse është paralajmëruar edhe një protestë tjetër para Ambasadës së Maqedonisë në Uashington./Alsat.M/

Grafite në Tetovë: VMRO + BDI = Rusi (Fotot)

Rinia e Lëvizjes BESA në Maqedoni gjatë mbrëmjes së djeshme ka realizuar një aksion në Tetovë ku janë shënuar disa grafite me përmbajtjen: “VMRO+ BDI= RUSI”.

Aksion vjen pasi deri tani mbështetje për zgjedhjet në Maqedoni, kanë dhënë vetëm partia e VMRO-së dhe BDI-ja, ndërsa nga ndërkombëtarët vetëm Rusia është shprehur pro mbajtjes së zgjedhjeve më 5 qershor.

vm2 vm3

Ivanov: Duan të na i vrasin liderët e dy partive kryesore

Ka kërcënim real për vrasjen e dy liderëve të partive, tha presidenti Giorge Ivanov në intervistën e përbashkët me kryeredaktorët e disa televizioneve në vend. Ai tha se s’mund të përmend emra, por se shërbimet i dinë dhe se ata janë njohur për kërcënimet.

Lidhur me ambasadorët në vend, Ivanov theksoi se ata u diktojnë gjykatësve çfarë të punojnë.

“Shëtitin nëpër gjykata. Disa ambasadorë tejkaluan autorizimet. Nuk duam të futemi në konflikt me vendet prej ku vijnë ata. U thash të kenë kujdes të mos keqkuptohet ajo që e bëjnë. Askush deri më tani nuk më ka bërë shantazh e as të më mposht. Për nder, sinqeritet dhe përkushtim mund t’ju flas me orë” tha Ivanov.

Presidenti i shtetit tha se ideja e tij për falje vjen nga dëshira e Zaev që të ketë garanci se nuk do të arrestohet gjatë takimeve të liderëve.

“Shumëkush nuk do të pajtohet, por tani është momenti që të sigurohen zgjedhje të lira dhe korrekte. U kërkoj falje të gjithëve që i kam futur në pozitë të palakmueshme. Çdoherë jam nisur nga interesi i shtetit. Shteti është para se gjithash” tha Ivanov.

Protestat në Maqedoni – Moska merr në mbrojtje Gruevskin

Ministria e Jashtme ruse ka reaguar në lidhje me situatën politike në Maqedoni dhe protestat e organizuara nga opozita pas vendimit të presidentit Gjorge Ivanov për të amnistuar të gjithë politikanlët nën hetim për korrupsion dhe shpërdorim detyre.

Duke shprehur shqetësim për eskalimin e situatës, Moska zyrtare u ka bërë thirrje të gjitha palëve politike të ulen të dialogojnë.

Sipas Ministrisë së Punëve të Jashtme ruse, fajin për përshkallëzimin e situatës në vend e ka opozita maqedonase, e cila është e përkrahur nga jashtë.

‘Konstatojmë se opozita maqedonase përsëri është bërë instrument i nxitjes së konfliktit të brendshëm politik, ndër të tjera me përkrahje nga jashtë, me qëllim që të mos mbahen zgjedhjet e parakohshme më 5 qershor të cilat paraqesin daljen e vetme demokratike dhe legjitime nga kriza e gjatë. Mbajtja e zgjedhjeve është dakorduar që në verën e vitit 2015, me ndihmën aktive të SHBA-ve dhe BE-së, dhe partnerët perëndimorë duhet t’i respektojnë marrëveshjet e arritura dhe detyrimet e tyre që i kanë marrë përsipër në atë kontekst”, thuhet në reagimin e Moskës, transmeton TV Shenja.

Shkupi përfshihet nga protestat kundër presidentit Ivanov

Me kërkesën për dorëheqjen e Qeverisë së Maqedonisë dhe gjykimin e të gjithë zyrtarëve të dyshuar nga prokuroria për mashtrime zgjedhore dhe krime tjera të rënda, mijëra qytetarë kanë protestuar edhe mbrëmjen e të enjtes, fillimisht para Kuvendit dhe më pas para Qeverisë, ku kanë qëndruar deri rreth mesnatës.

Përplasje mes policisë dhe protestuesve ka pasur në një moment, por nuk është raportuar për ndonjë të lënduar, për dallim nga protesta e një nate më parë, që përfundoi me dhjetëra të plagosur dhe demolimin e zyrave të presidentit.

Ndërkohë, qytetarët që kishin dalë në protestë edhe njëherë shprehën pakënaqësinë ndaj vendimit të presidentit Gjorgje Ivanov për të amnistuar zyrtarët, madje ende pa pasur një epilog gjyqësor.

“Vetëm populli mund ta rrëzojë këtë qeveri. Ky pushtet është një bashkim i grupeve kriminale. Këta kanë dënuar shumë njerëz se gjoja kanë bërë veprim të jashtëligjshme, por në fakt, këta janë ata që kanë bërë vepra kriminale. Këta duhet të përballen me drejtësinë, nuk mund të ikin nga përballja me realitetin. Populli do t’i ndjek ata ku do që të jenë”, thotë një qytetar i revoltuar.

“E gjithë kjo agoni do të përfundojë. Do të mbyllet me sukses, që populli të lirohet nga kjo gjendje e rëndë. Alternativë tjerë nuk ka, ne duhet të luftojnë këtu për kthimin e demokracisë së rrëmbyer”, u shpreh një protestues.

“Askush nuk mund t’i ikë përballjes me drejtësinë. Qytetarët duhet ta dinë të vërtetën për atë që kanë bërë. Nuk mund t’i ikin drejtësisë pasi do të përballen me zemërimin e popullit. Nuk do të ketë zbmrapjse nga kërkesa për anulimin e vendimit të presidentit dhe nxjerrjen e kriminaleve para drejtësisë”, ka deklaruar një tjetër protestuese.

Aktivisti Petrit Saraçini, ndërkohë, ka ftuar edhe partitë opozitare shqiptare që t’i bashkohen protestave.

“Po shoh se kur po digjet shteti vetëm një apo dy parti shqiptare të opozitës janë këtu. Të tjerat heshtin sikur ky problem të mos jetë edhe i tyre. Por, ky është edhe problem i shqiptarëve sikur që është problem edhe i maqedonasve, serbëve, vllehëve, turqëve, e të tjerëve”, ka deklaruar Saraçini.

Në të gjitha pikat kyçe të Shkupit ishin përqëndruar forca të shtuara policore dhe autoblinda për të parandalur incidentet, pasi krahas protestuesve opozitar, sërish pati kundër-protesta të organizuara nga pushteti, në mbrojtje të siç thonë, “rendit kushtetues dhe të institucioneve të zgjedhura në mënyrë demokratike”.

Ndryshe, vendimi i presidentit Ivanov ka nxitur reagime të shumta të komunitetit ndërkombëtar. Kanë reaguar thuajse të gjitha ambasadat e shteteve anëtare të BE-së duke e cilësuar vendimin si rrënues të marrëveshjes politike dhe përpjekjeve për vendosjes e sundimit të ligjit në vend.

Diplomatët perendimor i kanë dhënë mbështetje të fuqishme prokurorisë speciale në vazhdimin e punës për hetimin e të gjitha rasteve të inicuara kundër shpërdorimit të detyrës së zyrtarëve.

Në mbrojtje të pushtetit është deklaruar vetëm ambasada e Rusisë, e cila ka fajësuar opozitën se me ndihmën e shërbimeve të jashtme punon kundër interesave të Maqedonisë.

Ekspertët akuzojnë Ivanovin se ka rrënuar sistemin e drejtësisë

Vendimi i presidentit të Maqedonisë, Gjorgje Ivanov, për të falur të gjithë politikanët dhe personat e tjerë të dyshuar nga Prokuroria Speciale për vepra të rënda, si falsifikim të zgjedhjeve, shkatërrim të aparaturave me të cilat janë kryer përgjimet, pedofili, keqpërdorime financiare, e shpërdorime tjera të detyrës zyrtare, nga njohësit e çështjeve juridike vlerësohet si rrënim i tërësishëm i sistemit të drejtësisë në vend.

Bajram Pollozhani, ish anëtar i Gjykatës Kushtetuese të Maqedonisë, thotë për Radion Evropa e Lirë, se vendime të tilla nuk janë miratuar as edhe në një vend tjetër të botës, që presidentit, gjykata t’i jep të drejtën të falë persona të dyshuar për veprime kriminale, pa pasur asnjë epilog gjyqësor.

Ai thotë se presidenti mund të falë persona, por vetëm pasi të ketë një vendim gjyqësor nga organet e drejtësisë. në kushte dhe rrethana të përcaktuara me ligj, Pollozhani thotë se me këtë vendim janë rrënuar të gjitha përpjekjet e deritanishme që përmes Prokurorisë Speciale të zbatohet sundimi i së drejtës në vend.

“Kriza është krijuar për shkak të diskreditimit të institucioneve të pushtetit qendror nga ndërhyrja në parimin e ndarjes së pushtetit pastaj ndërhyrjes së pushtetit në sistemin gjyqësor. Mu në momentin kur kriza do të shihte një dritë në tunelin e errët , Ivanovi si kryetar i diskutueshëm doli me një deklaratë bombë dhe tronditi sistemin edhe ashtu të lëkundur deri në fund të Republikës së Maqedonisë”, ka deklaruar Pollozhani.

Ndërkaq, Mirjana Najçeska, njohëse e çështjeve juridike, njëherësh aktiviste për të drejtat e njeriut, thotë se presidenti duhet të tërheq vendimin, apo edhe të kërkohet shkarkimi i tij pasi në të kundërtën protestat në rrugë mbeten alternativë e vetme për mbrojtjen e demokracisë dhe sundimin e të drejtës. Ajo në situatën e krijuar kërkon ndërhyrjen urgjente edhe të bashkësisë ndërkombëtare.

“Qytetarët gjithsesi se duhet të shprehin pakënaqësinë e tyre pas rrënimit të sistemit juridik dhe të parimeve bazë të demokracisë. Megjithatë, qytetarët duhet të kenë mbështetje edhe nga jashtë, nga bashkësia ndërkombëtare perëndimore ku synon të integrohet Maqedonia. Ndërkombëtarët duhet të ndërhyjnë pasi janë garantues të marrëveshjes politike”.

“Situata e krijuar mund të kapërcehet me formimin e një qeverie teknike e cila do të vendos fillimisht bazat e demokracisë, që të mund të vazhdojnë një jetë normale ku do të sundonte rendi dhe ligji sikur edhe në çdo shtet normal të Evropës”, thotë Najçevska.

Nga ana tjetër, Ismet Ramadani, ish anëtar i komisionit për falje të Presidencës, konsideron se Ivanov në formën më flagrante ka shkelur të gjitha dispozitat ligjore duke varrosur në mënyrë të drejtpërdrejtë edhe marrëveshjen politike përmes së cilës vendi synon të dal nga kriza.

Duke komentuar akuzat e Ivanovit në adresë të BE-së dhe SHBA-së, Ramadani thotë se ekziston rrezik qe Maqedonia përmes Ivanovit të ndryshoj kursin nga perëndimi drejt lindjes me qëllimin vetëm shmangjen e daljes para drejtësisë të politikanëve të korruptuar.

“Kjo tregon se Ivanov i përsërit deklaratat anti-perëndimore dhe anti-amerikane që na lë të dyshojmë se ai si president i Maqedonisë ka marrë një drejtim krejtësisht tjetër që në një paraqitje të tij të radhës edhe mund ta shpall, orientim ky që është drejt Moskës ose drejt Lindjes. Sido që të jetë është e turpshme dhe shumë e dhimbshme që një president i shtetit të vihet në mbrojtje të krimit dhe korrupsionit”, thekson Ramadani.

Vendimi i presidentit Ivanov është kritikuar nga e gjitha bashkësia ndërkombëtare, e cila ka dalë në mbrojtje të prokurorisë speciale, si një nga elementët kryesor të marrëveshjes politike. Komisioni Evropian ka kërkuar vendosjen e dialogut të ri mes partive, si alternativë e vetme për dalje nga gjendja e krijuar.

Maqedoni: Opozita në protestë pas vendimit të presidentit

Në Maqedoni opozita filloi protestat duke kërkuar dorëheqjen e Presidentit Gjorgje Ivanov, pas vendimit të këtij të fundit për të ndërprerë hetimet lidhur me skandalin e përgjimeve.

Opozita e ka quajtur vendimin e presidentit një “grusht shteti”.

Presidenti Ivanov u tha gazetarëve të martën në mbrëmje se vendimi i tij synonte t’i jepte fund “agonisë politike në të cilën ndodhej vendi prej një viti” për shkak të skandalit të përgjimeve. Opozita akuzon ish qeverinë e kryeministrit Gruevski për përgjimin e mbi 20 mijë zyrtarëve dhe ka bërë publike një pjesë të përgjimeve. Vendimi i presidentit duket se e ka acaruar më tej krizën në këtë vend.

Vendimi i Presidentit Ivanov për të mbyllur hetimet, për një prej skandaleve politike më të rënda të këtij vendi, u kritikua me forcë edhe nga Bashkimi Evropian që e quajti atë një veprim që bie në kundërshtim me shtetin ligjor.

Gjatë një konference për mjetet e informimit presidenti Ivanov tha se vendimi i tij është i bazuar në Kushtetutën e vendit dhe se këtë të drejtë do ta përdorte me qëllim të ruajtjes së interesave shtetërore dhe nacionale, por dhe që të ndihmojë për dhënien fund krizës politike, e cila sipas tij, rrezikon ta dëmtojë seriozisht vendin.

Udhëheqësi i opozitës Social Demokrate, Zoran Zaev që ngriti i pari akuzat e përgjimeve, tha se ky vendim i presidentit do ta çojë vendin në buzë të greminës dhe ai është praktikisht një grusht shteti. Zoti Zaev bëri thirrje për dorëheqjen e presidentit dhe për fillimin e protestave.

Qindra protestues u mbodhën më pas para selisë së partisë VMRO për të kërkuar dorëheqjen e presidentit.

Përmes një deklarate Komisioneri i BE për marrëdhëniet me vendet që aspirojnë të anëtarësohen, Johannes Hahn u shpreh se një vendim i tillë vë në dyshim besueshmërinë e zgjedhjeve si dhe forcimin e marrëdhënieve me BE dhe NATO-n.

Bashkimi Evropian ndërmjetësoi një marrëveshje mes pozitës dhe opozitës pas skandalit të përgjimit. Skandali do të hetohej nga një prokuror i posaçëm dhe ish kryeministri Gruevski ra dakort që Maqedonia të zhvillojë zgjedhje të parakohshme, të cilat janë planifikuar për në qershor.

Parlamenti i vendit u shpërnda javën e kaluar, por opozita theksoi se do t’i bojkotojë zgjedhjet pasi nuk janë përmbushur kushtet për të cilat u ra dakort në marrëveshje që zgjedhjet të jenë të lira e të drejta.

Presidenti Ivanov është aleat i ish kryeministrit Gruevski i cili e mbështeti atë të zgjidhej në këtë post.

Rrëzohet busti i rilindasit Dervish Hima në Strugë (fotot)

Busti i firmëtarit të pavarësisë së Shqipërisë, Dervish Hima, që gjendet buzë Drinit të Zi, është thyer nga persona të panjohur dhe nga burime të Telegrafi Maqedoni thonë se institucionet përkatëse ende nuk kanë marrë ndonjë hap për inspektimin e këtij rasti.

Ky është një akt vandalizmi ndaj figurave kombëtare shqiptare dhe banorët mendojnë se është akt nga bashkëqytetarët e tyre maqedonas. /Telegrafi/

Dervish-H-busti1 Dervish-H-busti-2

Ministrat e BDI-së e harrojnë shqipen, betohen në “maqedonisht”

Ministrat e rinj të BDI-së në Maqeqoni kanë bërë betimin sot mbi kushtetutë pasi janë votuar nga Kuvendi, por ajo që bie në sy është betimi i tyre në gjuhën sllave, megjithëse gjuha shqipe është zyrtare dhe e njohur me ligj.

Deputetët votuan veçmas për çdo njërin prej tyre. Të gjithë deputetët u zgjodhën me shumicë votash, ndërsa kundër në të gjitha votimet ishin 30 deputetë.

Në një video të publikuar nga “Tetova1.com”, vërehet betimi i deputetëve shqiptarë në gjuhën sllave, një shfaqje kjo e përsëritur dhe denoncuar disa herë prej disa politikanëve shqiptarë në Shkup.

Kryqi VS Shqiponja/ A po tallet politika në Maqedoni me shqiptarët?

Voal – Në Kuvendin e Qytetit të Shkupit sot u debatua për situatën e krijuar pas vendosjes së shqiponjës dykrenore në komunën e Çairit, të banuar me shumicë shqiptare, dhe nismës për ndërtimin e kryqit mbi 50-metërsh në komunën fqinje, Butel, me shumicë maqedonase.

Çairi drejtohet nga Bashkimi Demokratik për Integrim i Ali Ahmetit, ndërsa Buteli nga VMRO-DPMNE-ja e Nikolla Gruevskit.

Këto dy parti janë në koalicion në Qeverinë qendrore të Maqedonisë dhe, bindje e përgjithshme, si nga analistët, ashtu edhe nga popullata është, se konflikti lidhur me shqiponjën dhe kryqin është një lojë politike për rritjen e mitingjeve të dy partive në prag të zgjedhjeve të parakohshme parlamentare që duhet të mbahen më 5 qershor të këtij viti.

Damjan Mançevski, koordinator i grupit të këshilltarëve të LSDM-së në Këshillin e Qytetit të Shkupit, sot kërkoi nga kryetari i Shkupit, Koce Trajanov që të japë dorëheqje nga funksion.

Sipas Mançevskiti, transmeton TetovaSot, procedurat e vendosjes së shqiponjës dhe Kryqit në lagjet Çair dhe Butel janë shkelur.

“Përmendorja dhe kryqi po vendosen në rrugët ‘Brigada e dytë maqedonase’ dhe ‘Aleksandar Urdarevski’ që janë nën kompetenca të qytetit. Për këto përmendore, qyteti nuk ka sjell asnjë vendim”, tha Mançevski./Express

Ajo e ka emrin Fatime Fetai dhe është prokurorja shqiptare që e “dridh” Gruevskin

Voal – Prokuroja speciale Fatime Fetai, ka zënë faqet e para të gazetave shqiptare në Maqedoni, e cila i vihet në ballë zyrtarëve të lartë të VMNRO-DPMNE-së

Një prokurore shqiptare ka vënë në siklet gjithë ish-sistemin e kaluar qeveritar në Maqedoni, duke filluar nga kryeministri i kaluar Nikolla Gruevski, ish-ministrja e Punëve të Brendshme, Gordana Jankulovska e të tjerë. Ajo është 32 vjeçja Fatime Fetai, e cila për pak muaj ka fituar “aureolën” e një ylli në këtë shtet.

Prokuroja speciale Fetai, ka zënë faqet e para të gazetave shqiptare në Maqedoni, e cila i vihet në ballë zyrtarëve të lartë të VMNRO-DPMNE-së, partisë së ish kryeministri Gruevski. Shkak për këtë shpërthim popullariteti u bë aktakuza e ngritur nga prokuroria speciale ku figura të larta akuzoheshin për vjedhjen e zgjedhjeve në rastin e njohur si “Titanik”.

Aty përpos Gordana Jankullovskas, ish – ministre e punëve të brendshme, gjenden edhe Mile Janakieski, ish – ministër i transportit dhe sekretari i Qeverisë, Kiril Boxhinovski. Akuza ndaj tyre ka të bëjë me bashkëpunim në krim, thyerje të së drejtës së votës, blerje votash, zhdukje të materialit zgjedhor dhe keqpërdorim mjetesh për kampanjë zgjedhore në vitin 2012.

Sipas prokurores shqiptare, ata mundë të dënohen deri në tre vjet.

Ndryshe, pasi katër partitë kryesore të Maqedonisë (dy shqiptare) nënshkruan atë që u njoh si marrëveshja e Përzhinos, ku parashiheshin zgjedhjet e parakohshme, qeveria teknike dhe ngritja e një prokurorie të pavarur dhe speciale, që do të hetonte aferën e përgjimeve që solli edhe krizën politike, Prokuroria speciale filloi funksionimin.

Në krye të këtij institucioni të ri, me mbështetje të madhe të amerikanëve (njësoj sikurse ata po këmbëngulin këtu në Shqipëri për ngritjen e Byrosë së Hetimit) u vendos një grua Maqedonase: Katica Janeva. Ajo mori si krahun e saj të djathtë edhe shqiptaren Fatime Fetai.

“Nuk ka diskutim që pas çdo akti të kësaj prokurorie qëndrojnë amerikanët dhe jo më kot ambasadori amerikan në Shkup e renditi Fatimen mes atyre femrave që ndryshojnë historinë”, tha për Lapsi.al një gazetare shqiptare mikeshë me kryeprokuroren.

E martuar, 32 vjeç, kjo shqiptare brune me flokë të krehura drejt, që ngjan më shumë në pamje me gratë që jetojnë në anën tjetër të Vardarit, sesa me gratë tradicionale të Tetovës, që flet po aq mirë sllavisht sa edhe shqip, nuk është një surprizë. Ajo ka kryer Fakultetin Juridik në Shkup, ku më pas ka përfunduar magjistraturën.

Karriera e saj profesionale nga viti në vit ka shënuar ngritje. Fillimisht ka filluar në Gjykatën e Apelit në Gostivar, ku ka punuar disa vite si bashkëpunëtore profesionale.

Në vitin 2011, u zgjodh si Prokurore në Shkup. Në këtë institucion punoi deri në fund të vitit 2015, kur mori detyrën në Prokurorinë Speciale.

Ndryshe nga karriera e saj, trajektoria e jetës së vet i ngjan një gruaje tipike shqiptare: ajo ka lindur në fshatin Negotinë të Gostivarit dhe është e martuar në fshatin Bogovinë të Tetovës.

BDI: Përgjimet krim i rëndë, largohemi sepse koalicioni nuk i ndëshkoi

SHKUP – Partia shqiptare në pushtet në Maqedoni, Bashkimi Demokratik për Integrim me anë të një komunikate të premten, ka sqaruar rrethanat për dorëheqjet e ministrave të saj në kabinetin qeveritar.
Siç thuhet në njoftim, në mbledhjen e mbrëmshme të Kryesisë Qendrore të Këshillit të Përgjithshëm të Bashkimit Demokratik për Integrim u vendos njëzëri që të gjithë ministrat dhe zëvendës ministrat e BDI-së në Qeverinë e Maqedonisë, të dorëzojnë dorëheqje të parevokueshme gjatë ditës së sotme dhe që të gjitha kompetencat për vendimmarrje të mëtejshme janë në duart e liderit Ali Ahmeti për të rishqyrtuar politikat e kësaj partie në ditët në vijim dhe për të vendosur për të ardhmen.

Që nga fillimi i krizës politike në vend, thuhet më tej, Bashkimi Demokratik për Integrim ka luajtur rol konstruktiv drejt arritjes së zgjidhjes si dhe ka dhënë kontribut kyç në miratimin e marrëveshjes së Shkupit në mënyrë që të rikthehet stabiliteti dhe siguria në vend.

Nga partia shqiptare konstatojnë që ky proces tashmë është komprometuar fillimisht si pasojë e prodhimit të mijëra përgjimeve të paligjshme dhe më pas edhe të shpërndarjes të tyre, sipas kësaj partie, në duar të krimineleve me qëllim të keqpërdorimit.

Sipas BDI-së, procesi u komprometua edhe si pasojë e paralizimit institucional dhe mosreagimit të drejtorive kompetente për të parandaluar degjenerimin e të gjitha përpjekjeve të saj për të vendosur sistem të kontrollit të ndërsjellë si dhe hetimit institucional të përmbajtjes së përgjimeve dhe bartje të përgjegjësisë për çdo keqbërje.

“BDI kërkon nga institucionet e vendit, në veçanti Ministrinë e Punëve të Brendshme dhe Prokurorinë Publike që të ndërmarrin masa të menjëhershme për ti arrestuar falsifikatorët, distribuesit dhe botuesit e përgjimeve të montuara, ndërsa njëkohësisht, si pasojë e dështimit institucional dhe manipulimit politik, BDI nuk merr asnjë përgjegjësi të vetme për daljen e situatës nga kontrolli institucional dhe mundësisë së zbatimit individual të gjyqësisë dhe drejtësisë”- thuhet në njoftim.

BDI fton njëkohësisht edhe Prokurorinë Speciale që të përfshihet menjëherë në hetimin e këtij krimi të rëndë, siç e konsideron, i cili po synon dëmtimin personal publik të figurave shoqërore dhe po cenon edhe, sipas saj punën e këtij institucioni.

BDI tërhiqet nga koalicioni me VMRO-DPMNE

Vetëm pak ditë më parë në internet u publikua një skandal erotik, një audio-regjistrim midis zëvendës-kryeministrit Musa Xhaferri dhe deputetes Ermira Mehmeti, të dy anëtarë të BDI-së duke folur në telefon për çështje intime mes tyre

Bashkimi Demokratik për Integrim në Maqedoni tërhiqet nga koalicioni qeveritar.

Përmes një deklarate të lëshuar të enjten vonë në mbrëmje, por pa dhënë arsyet e këtij vendimi të papritur, BDI njofton tërheqjen e gjithë përfaqësuesve të saj nga pushteti ekzekutiv.

Në njoftimin e shpërndarë për shtyp BDI po ashtu vë në dukje se i ka delegur kryetarit të saj Ali Ahmeti “gjithë kompetencat ekzekutive dhe vendimmarrëse për të vendosur mbi hapat e mëtejshëm”.

BDI-ja thekson se do të njoftojë opinion lidhur me rishqyrtimin e politikave të veta në ditët në vijim.

Koalicioni qeveritar midis VMRO-DPMNE-së dhe BDI-së daton nga fundi i vitit 2008. Dy partitë jo rrallë kanë shfaqur publikisht mospajtime lidhur me një sërë çështjesh, por prishja e koalicionit midis tyre nuk ka qenë asnjëherë në pikëpyetje.

Skandali i përgjimeve, megjithatë ka shkaktuar ndryshime të kuadrove qeveritare dhe mjaft debate në opinionin publik, pasi një numër zyrarësh qeveritarë ishin ndër aktorët kryesorë të përfolur në audio-regjistrimet e përgjuara dhe të publikuara nga opozita maqedonase një vit më parë.

Një çështje tjetër, që del nga skandali i përgjimeve, është kërkesa e Prokurorisë Speciale për procedimin e çështjes “Magjar Telekom”, përtë cilën ka akuza, ndonëse jo-zyrtare, ndaj drejtuesve të BDI-së për përfshirje në korrupsion.

Nuk përjashtohet mundësia që pasojat e këtyre çështjeve të kenë ndikuar edhe në raportet midis dy partive qeveritare të Maqedonisë.

Faqja 22 prej 30« Fillimi ‹ Prapa 18 19 20 212223 24 25 26 Para ›Fundi »

Familjet e personave të paraburgosur për “çështjen Kumanova” pretendojnë se familjarët e tyre janë torturuar vazhdimisht në burg ndërsa presin dhënien e vendimit për përplasjen e armatosur një vit më parë në veri të Maqedonisë.

Dje gjatë pyetjeve të gazetarëve, drejtoresha për shtyp e deparmentit amerikan të shtetit,

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL