VOAL

VOAL

Copyright © 2022

VOAL

Maqedoni

Maqedoni: Partitë bien dakord për anëtarët e kabinetit të ardhshëm

Seanca e parlamentit për miratimin e kabinetit qeveritar të kreut social-demokrat Zoran Zaev është caktuar për të marten. Lëvizja “Besa” njoftoi të dielën se nuk do të jetë pjesë e qeverisë për shkak se kryeministri i mandatuar Zaev nuk kishte garantuar me shkrim në lidhje me disa parime për çka ngulte këmbë partia e re shqiptare.

Ndër to ishte ripërkufizimin i shtetit, por Lëvizja Besa asnjëherë publikisht nuk ka sqaruar çka nënkupton me këtë: një lloj kantonizimi apo ndryshimi të kushtetutës. Për këtë, ndërkaq nevojiten dy të tretat e ligjvënësve në parlament që qeveria e re nuk do t’i ketë.

Kandidatë për ministra nga radhët e Bashkimit Demokratik për Integrim janë: Hazbi Lika, për zëvendës-kryeministër për sistemin politik dhe marrëdhënie midis komuniteteve, Bujar Osmani për zëvendës-kryeministër për Integrimet në Bashkimin Evropian, Bylent Saliu për ministër të Drejtësisë, Kushtrim Bekteshi për ministër të Ekonomisë, Sadulla Duraku për ministër të Ambientit jetësor dhe Ramiz Merko për ministër pa portofol.

Lëvizja për Reforma ka caktuar doktor Arben Taravarin për kandidat për ministër të Shëndetësisë dhe Rilindja Demokratike Kombëtare – Suhejl Fazliu për kandidat për ministër të Pushtetit Vendor.

Ndërkohë, Lidhja Social Demokrate kandidon një sërë zyrtarësh të lartë të partisë për postet e reja qeveritare, përfshirë Radmilla Sheqerniskan për ministre të Mbrojtjes, Oliver Spasovskin për ministër të Brendshëm, Nikolla Dimitrov, për Ministrinë e Jashtme.

Një numër lartë i personash janë propozuar si ministra pa portofol dhe kjo ka nxitur reagime tek një pjesë e analistëve politik në vend.

Zoti Zaev ka njoftuar se do t’i drejtohet Prokurorisë së Posaçme për të parë nëse emrat e kandidatëve janë të pastër apo mund të ketë ndonjë dyshim për vepra joligjore nga ana e tyre.

Qeverinë e re të Maqedonisë e presin shumë sfida; në veçanti kur ajo nuk ka një shumicë stabile në parlament. Kryeministri i mandatuar ka lënë të kuptohet se reformat në gjyqësor dhe integrimi në Nato dhe në BE janë përparësitë kryesore të kabinetit të tij.

Lëvizja Besa kishte kërkuar realizimin e disa parimeve që burojnë nga deklarata e përbashkët e partive shqiptare të Maqedonisë. Por, po ashtu ngulte këmbë që në kabinetin e ri të mos ketë vend për persona të dyshuar nga Prokuroria e Posaçme për vepra kriminale.

Lidhja Social Demokrate e Maqedonisë njoftoi përmes një komunikate se “mbeten dyert e hapura për bashkëpunim rreth reformave që e presin vendin dhe për gjithçka tjetër që paraqet interes për Republikën e Maqedonisë”.

Shumica e re parlamentare do të ketë vetëm 62 vota, megjithatë të mjaftueshme për miratimin e qeverisë.

Biseda të përgjuara për skenarin serb në Maqedoni, ja kush janë protagonistët (FOTO)

Shërbimi i sigurisë i Maqedonisë DSK ka përgjuar bisedat telefonike të agjentit të shërbimit sekret BIA, Goran Zhivaljeviq i deleguar në Maqedoni, i cili natën e përgjakshme të 27 prillit ishte i pranishëm në Kuvend, bën të ditur portali serb Krik.

Siç mësohet nga ky portal, bisedat e Zhivaljeviqit janë bërë me gazetarin dhe deputetin e SNS Miroslav Llazanski dhe liderin e Partisë Demokratike Serbe në Maqedoni, Ivan Stoilkoviq, transmeton INA.

Në këto bisedime qartësohet se ata kanë bashkëpunuar shumë mirë dhe vazhdimisht kanë qenë në komunikim. Njëri prej tyre ka lobuar që Llazanski të takohet me Gruevskin dhe pas kësaj vjen një tekst patriotik i këtij gazetari të luftës, që ishte pjesë e krimeve serbe në Bosnjë, Kroaci dhe Kosovë. Shkrimi i tij ishte se Maqedonia rrezikohet nga shqiptarët. Sipas Krik, prania e këtij agjenti në Maqedoni kishte për qëllim destabilizimin e vendit, ndërsa ai bashkëvepronte me Stoilkoviqin që ishte pjesë e koalicionit me VMRO-DPMNE.

Ziadin Sela: Po të isha vrarë, në Maqedoni do niste lufta

SHKUP-Ziadin Sela në emisionin Jeta në Kosovë në RTK ka folur për ngjarjet në Kuvend duke treguar edhe për skenarin e protestuesve të dhunshëm për të destabilizuar vendin me vrasjen e tij, shkruan Telegrafi Maqedoni.

“Më kujtohet kur turma u drejtua kah unë dhe unë eca vetë drejtë turmës. Më tutje nuk mbaj mend çka ka ndodhë. Këtë mund ta spjegoj me momentin ”dominanta” që njihet në mjekësi. Siç duket veproi ky fenomen fiziologjik që e ka çdo njeri dhe kam shkuar, kam ecë drejtë turmës dhe unë sot jam gjallë. Unë e di se miqtë e mi nuk kanë pasur mundësi që atë ditë të futen në Parlament. Ka pasur plotë shqiptarë që atë ditë kanë qenë rretherrotull Parlamentit. Nëse do të humbja jetën unë, të jeni të sigurtë se sot në Maqedoni do të kishte luftë. Qëllimi ka qenë që unë të humb jetën dhe të shpallet gjendje e jashtëzakonshme që partia që ishtë në pushtet të realizojë qëllimet e veta politike.” tha Sela në emisionin Jeta në Kosovë.

Sela ka treguar edhe për Abdylfetah Alimin, sigurim i Kuvendit të Maqedonisë që shpëtoi jetën e tij, duke e fshehur nga protestuesit e dhunshëm më 27 prill.

Ambasadorja serbe në Shkup ftohet për sqarime në MPJ

Në takim është shprehur pakënaqësi dhe shqetësim për shkak të pranisë së palejuar të një diplomati të akredituar të Serbisë në Kuvendin e Maqedonisë gjatë ngjarjeve të dhunshme më 27 prill

SHKUP – Lidhur me rastin e Goran Zhivaleviq, këshilltar në ambasadën e Republikës së Serbisë në Maqedoni, si pjesë e turmës së njerëzve që kanë hyrë në Kuvendin e Republikës së Maqedonisë gjatë ngjarjeve të dhunshme më 27 prill, sot në Ministrinë e Punëve të Jashtme të Maqedonisë është thirrur në bisedë ambasadorja e Serbisë, Dushanka Divjak – Tomiç.

Në njoftimin e MPJ-së thuhet se në takim është shprehur pakënaqësi dhe shqetësim për shkak të pranisë së palejuar të një diplomati të akredituar të Republikës së Serbisë në Kuvendin e Maqedonisë gjatë ngjarjeve të dhunshme më 27 prill dhe u kërkua sqarim detajor të arsyeve dhe rrethanave.

Sipas MPJ-së “ky aktivitet i personit të theksuar nuk kontribuon në përforcimin e besimit të ndërsjellë si dhe në avancimin e marrëdhënieve të mira ndërfqinjësore dhe bashkëpunimit, për çka të dyja vendet angazhohen”.

Më tej në njoftim thuhet se “MPJ pret që në komunikimin e mëtejmë të ndërsjellë të organeve kompetente të të dyja shteteve do të sqarohen dhe vërtetohen të gjitha rrethanat e rastit dhe rrjedhimisht do të merren aktivitete përkatëse në pajtim me ligjet dhe të drejtën ndërkombëtare”.

Ambasadorja Divjak Tomiq, thuhet në njoftim, me konfirmimin e përpjekjeve për zhvillimin dhe avancimin e mëtejmë të bashkëpunimit dhe fqinjësisë së mirë mes dy shteteve, theksoi qëndrimet dhe sqarimet në vijë me deklaratat e paradokohshme të kryeministrit dhe presidentit të sapozgjedhur të Serbisë, Aleksandar Vuçiç dhe ministrit të Punëve të Jashtme të Serbisë, Ivica Daçiç.

Kujtojmë se mbrëmjen e 27 prillit, pas zgjedhjes së Talat Xhaferit në një situatë kaotike për kryetar të Kuvendit, protestuesit e organizuar nga nisma qytetare “Për Maqedoni të Përbashkët” që ishin tubuar para godinës së Kuvendit u futën me dhunë brenda institucionit.

Si pasojë e dhunës së protestuesve që kishin cak deputetët, mbetën të plagosur rreth 100 persona, përfshirë deputetë, punonjës të policisë dhe përfaqësues të medias.

Moskë, Ivanov takon presidentin rus Putin

“Shefat e shteteve biseduan për situatën në Ballkan, zhvillimin e mëtejshëm të bashkëpunimit bilateral dhe shkëmbimin e mendimeve për tema të rëndësishme rajonale”, thuhet në njoftimin e Kremlinit

MOSKË – Në Moskë u mbajt takim mes presidentit të Rusisë Vladimir Putin dhe presidentit të Republikës së Maqedonisë, Gjorge Ivanov.

“Shefat e shteteve biseduan për situatën në Ballkan, zhvillimin e mëtejshëm të bashkëpunimit bilateral dhe shkëmbimin e mendimeve për tema të rëndësishme rajonale”, thuhet në njoftimin e Kremlinit pas takimit.

Presidenti i Republikës së Maqedonisë Gjorge Ivanov sot qëndron për vizitë pune në Rusi.

Presidenti Ivanov është dekoruar me çmimin “Shënjtëria e Tij, Partiarku i Moskës dhe mbarë Rusisë, Aleksej i Dytë” për vitin 2016, që iu nda nga Partriarku i Kishës Ortodokse Ruse,Kiril në ceremoninë solemne në tempullin “Krishti Shpëtimtar” në Moskë.

Çmimin e ndan Fondacioni shoqëror ndërkombëtar për bashkimin e popujve ortodoks, për punën e mrekullueshme në forcimin e unitetit të popujve ortodoks dhe për avancimin dhe promovimin e vlerave të krishtera në jetë dhe shoqëri.

BDI heq dorë nga Deklarata e përbashkët e partive shqiptare

Kryetari i Bashkimit Demokratik për Integrim, Ali Ahmeti, ka hequr dorë nga kushti i deritanishëm që deklarata e përbashkët e partive shqiptare të jetë krejtësisht pjesë e programit të ri qeveritar.

Ai mbrëmë pas takimit me drejtues të lartë të partisë, konfirmoi se kanë dhënë pëlqim për programin e ri qeveritare ku konfirmoi se do të jenë vetëm disa pjesë të deklaratës shqiptare, ndërsa shumë të tjera do të ngelin për tu debatuar në të ardhmen. Si pika më të rëndësishme Ahmeti nënvizoi, integrimet, zhvillimin rajonal dhe fqinjësinë e mirë.

“Ka çështje shumë të rëndësishme, siç është anëtarësimi i vendit në NATO, në BE, zhvillimi ekonomik, zhvillimi i barabartë i rajoneve, do të thotë asgjë të keqe nuk ka dhe kryesisht pikat kryesore të asaj deklarate janë të përfshira në programin qeveritarë. Por ka çështje në atë deklaratë politike të cilat do të shtrohen për diskutim publik dhe nuk është fshehtësi”, thotë kryetari i BDI-së Ali Ahmeti.

Kryetari i Lëvizjes për Reforma PDSH, Ziadin Sela, në konferencën e parë të mbajtur pas ngjarjeve të 27 prillit ka përsëritur qëndrimin e tij se nuk heqin dorë nga deklarata e përbashkët e partive shqiptare dhe se do të insistojë që ajo të jetë pjesë e programit qeveritar nëse Aleanca bëhet partnere e koalicionit.

“Njëqind herë e kam thënë se unë nga deklarata e shqiptarëve nuk heq kurrë dorë sepse është sikur të heq dorë nga ardhmëria e fëmijës tim, patjetër që do të insistoj”, thotë Ziadin Sela nga Aleanca për shqiptarët.

Nga Lëvizja Besa po ashtu disa herë që nga fillimi i bisedimeve për formimin e Qeverisë kanë përsëritur se nuk do të heqin dorë nga deklarata e përbashkët e partive shqiptare. Deputeti i kësaj partie, Zeqirja Ibrahimi, tha se për Lëvizjen Besa prioritet janë çështjet e shqiptarëve dhe jo postet qeveritare.

“Në zyra të Besës vjen mandatari dhe na lut që të futemi në Qeveri. Ofron posta të ministrave dhe zëvendësve që të futemi në Qeveri. Është hera e parë që ekziston një parti shqiptare e cila thotë nuk është çështja jonë sa ministra dhe funksionarë të tjerë i fitojmë. Çështja jonë është a do të zgjidhet çështja shqiptare si dhe me çfarë mënyre të bashkëqeverisjes do të funksionojmë”, thotë Zeqirja Ibrahimi nga Lëvizja BESA.

Ndryshe, BDI është partia e vetme e cila ka marrë vendim që të jetë pjesë e koalicionit të ardhshëm qeveritar, ndërsa nga Aleanca për Shqiptarët dhe Lëvizja Besa, kanë njoftuar se kryesia e ngushtë e partisë vazhdon negociatat me LSDM-në e Zoran Zaevit.

Moskë – Patriarku i Kishës ruse dekoron presidentin maqedonas

Patriarku i Kishës Ortodokse të Rusisë, Kiril, në ceremoninë solemne që u mbajt sot në tempullin “Hristos” në Moskë, presidentit Ivanov ia ndau çmimin “Shenjtëria e tij e Patriarkut të Moskës dhe në të gjithë Rusinë Aleksej i Dytë”, për vitin 2016.

Këtë çmim e ndan Fondacioni ndërkombëtar shoqëror për barazi të popullit ortodoks, për punë të shquar në forcimin e unitetit të ortodoksëve dhe promovimin e vlerave të krishterimit.

Gjatë qëndrimit në Rusi, Ivanov pritet që nesër të takohet edhe me presidentin rus Vladimir Putin.

Agjenti i lartë i kundërzbulimit serb i përfshirë në ngjarjet e 27 prillit në Kuvendin e Maqedonisë

Goran Zhivaleviq, ish-zëvendësdrejtor i Agjencisë Informative të Sigurisë – BIA, tani oficer i saj aktiv që punon në Ambasadën në Shkup, tashmë në mandatin e tretë, është futur në Parlament pas orës 20 së bashku me një grup personash nga turma dhe është nisur drejt sallës plenare ku ende kanë qenë deputetët e VMRO-DPMNE-së, transmeton Gazeta Express.

Sipas burimeve të televizionit Telma, ai këtu edhe është fotografuar, por nuk është ndalur vetëm aty.

Goran Zhivaleviq, oficer i Agjencisë Serbe për Kundërzbulim – BIA, diplomat aktual dhe këshilltar në Ambasadën e Serbisë në Shkup, më 27 prill – ka qenë brenda në Parlament gjatë tërë kohës së incidenteve, merr vesh ekipi i përbashkët hulumtues i gazetës KOHA dhe televizionit Telma. Kush është Goran Zhivanjeviq dhe çka do të thotë prezenca e tij në Parlament të enjten e përgjakshme?

Më 27 prill, në mesin e shumë njerëzve që u futën dhunshëm në Parlament njihen disa persona – kryesisht persona nga MPB ose nëntoka, të cilët kanë qenë nën hetime vetëm për pjesëmarrje në grumbullin e njerëzve ose janë të suspenduar. Por në mesin e tyre ishte edhe një njeri, prezenca e të cilit hap shumë pyetje. Goran Zhivaleviq, ish-zëvendësdrejtor i Agjencisë Informative të Sigurisë – BIA, tani oficer i saj aktiv që punon në Ambasadën në Shkup, tashmë në mandatin e tretë. Ai është futur në Parlament pas orës 20 së bashku me një grup personash nga turma dhe është nisur drejt sallës plenare ku ende kanë qenë deputetët e VMRO-DPMNE-së. Sipas burimeve të gazetës KOHA të Shkupit dhe televizionit Telma, ai këtu edhe është fotografuar, por nuk është ndalur vetëm aty.

Zhivaleviq ka qëndruar deri në fund të ngjarjeve në Parlament dhe gjatë kohës së incidenteve që kanë ndodhur aty. Por, pse një diplomat që, sipas ueb-faqes së ambasadës serbe në Shkup, është këshilltar – në të njëjtën ditë do të ishte prezent gjatë kohës së trazirave të atilla në Parlament që është jashtë protokollit të diplomatëve. Zhivaleviq në përgjigjen dërguar TV Telma dhe gazetës KOHA pranon se ka qenë brenda në Parlament, por siç është arsyetuar ai, “ka qenë me detyrë për të parë nëse në incidente ka dhe persona nga Serbia, tifozë apo edhe ekstremistë”.

Zhivaleviq është i njohur për opinionin serb, por edhe për atë rajonal për disa ngjarje kontroverse. Bashkëshortja e tij, Olivera Antoniq, ka dëshmuar në lidhje me vrasjen e gazetarit Sllavko Çuruvija. Ajo gjatë asaj kohe, në sigurimin shtetëror ka punuar në departamentin për përgjime dhe ka përpiluar procesverbalet e bisedave nga banesa e gazetarit pas vrasjes së tij, kështu që i ka orientuar edhe personat.

Gazeta KOHA merr vesh se Zhivaleviq është i përzier edhe në organizimin e ngjarjes që u mbajt në muajin qershor të vitit të kaluar në Moskë, ku merrte pjesë kryetari i Partisë Demokratike Serbe në Maqedoni, Ivan Stoilkoviq, si nënshkrues rajonal i Iniciativës ruse për krijim të territorit neutral ushtarak të Ballkanit. Aty kanë qenë edhe disa deputetë serbë së bashku me partitë serbe nga Republika Srpska, Mali i Zi, Bullgaria dhe Maqedonia.

Zhivaleviq para se të vijë me mision në Maqedoni, është “dëbuar” nga Kroacia për spiunim, pasi sigurimi kroat u ishte ankuar kolegëve në Beograd për punën e tij.

Deri tani nuk ka asnjë reagim nga MPB as nga Ministria e Punëve të Jashtme e Maqedonisë sepse nuk janë ndërmarrë masa kundër kundërzbuluesit serb Goran Zhivaleviq për prezencën e tij në Parlament më 27 prill.

8 ministri në qeverinë e Zaevit do të udhëhiqen nga shqiptarët

I mandatuari për formimin e qeverisë në Maqedoni, lideri i LSDM-së Zoran Zaev, është takuar me kreun e BDI-së Ali Ahmeti, për të diskutuar mbi parimet e bashkëpunimit, reformat qeveritare dhe anëtarësimin e vendit në BE e NATO, transmeton Gazeta Express.

Edhe pse asnjëri nga liderët nuk është prononcuar në media për këtë takim dhe komunikata zyrtare e partive thekson se është diskutuar vetëm çështja e bashkëpunimit, mediat në Maqedoni kanë filluar të aludojnë edhe për emrat e mundshëm që do të zënë postet e ministrave në qeverinë Zaev, si: Oliver Spasovski, Zoran Verushevski, Mila Carovska, Dragan Tevdovski, Teuta Arifi e Radmilla Sheqerinska.

Mediat gjithashtu raportojnë se partitë shqiptare mund të marrin tetë ministri. Sipas komunikatës zyrtare të partive, bisedimet mes palëve do të vijojnë, ndërkohë që Zaev pritet të komunikojë edhe me partitë e tjera shqiptare, Besa dhe Aleanca për Shqiptarët, të cilat kanë dhënë mbështetjen e tyre për qeverinë e ardhshme të Maqedonisë.

Pritet që pas këtij kontakti të fillojë edhe ndarja e ministrive. Kushtetuta parashikon datën 6 qershor si afatin e fundit për formimin e qeverisë së re, por Zaev është shprehur se kjo mund të arrihet edhe më herët se afati i përcaktuar

Partitë shqiptare në Maqedoni mund të marrin deri në 9 ministri

Përfaqësues te LSDM-se dhe BDI-se kane nisur ne orën 12:30 nje takim per te diskutuar ne lidhje me detajet per formimin e qeverise se re.

Ne takim marrin pjese edhe dy krerët e forcave politike, Zaev e Ahmeti. Ky i fundit deklaroi se ishte optimist per formimin e qeverise se re se shpejti.

Sipas mediave, Zaev pritet t’u ofrojnë aleateve te tij shqiptarë 8 ose 9 ministri, qe do te ndahen sipas fuqisë se votave, aty ku BDI pritet te marre 5 ministri, Besa 2 dhe Aleanca e Shqiptareve 1 ministri.

Jo zyrtarisht mësohet se LSDM do te kete postet kyçe ne kabinet, ndërsa partive shqiptare do t’u ofrohen edhe dy poste zv/kryeministrash.

Shkupi kërkon ekstradimin nga Greqia të ish-shefit të Antiterrorit i akuzuar përgjegjës për masakrën e Kumanovës

Shkupi kërkon ekstradimin nga Greqia të ish-shefit të Antiterrorit

Luftimet në Kumanovë – Shkupi kërkon ekstradimin nga Greqia të ish-shefit të Antiterrorit

Nga: Robert Goro

Në Greqi, Gjykata e Lartë do të shqyrtojë këtë javë kërkesën për ekstradim të ish-shefit të njësisë antiterror të Maqedonisë, Dejan Vuçoviç.

Vuçoviç u arrestua në Selanik, në shkurt të këtij viti, pasi ndaj tij ishte shpallur urdhër arresti ndërkombëtar.

Urdhër arresti ishte lëshuar pasi më herët, në shtator të vitit të kaluar, Vuçoçiç ishte arratisur nga paraburgimi ku po mbahej.

Ai ishte arrestuar në Shkup, i akuzuar për trafik armësh dhe droge, pasi në automjetin e tij të markës “Volvo”u gjet një granatë dhe më shumë se 800 gramë kanabis.

Edhe pse gjykata e Selanikut urdhëroi ekstradimin e tij, në bazë të kërkesës së dërguar prej autoriteteve maqedonase, Vuçoviç apeloi ndaj vendimit dhe tani pritet se çfarë do të konkludojë Gjykata e Lartë, që do ta shqyrtojë apelimin të mërkurën.

Krahas apelimit, Vuçoviç, që po mbahet në burgun e Diavatas, ka bërë edhe kërkesë për azil politik në Greqi.

Ai pretendon që në rast të kthimit në Maqedoni, rrezikohet me tortura, madje dhe me vdekje.

30-vjeçari ka patur rol kyç në operacionin e zhvilluar në maj 2015 në një lagje të banuar nga shqiptarë, në qytetin e Kumanovës, ku njësi qeveritare zhvilluan për dy ditë luftime të ashpra me grupime të armatosura që u tha u përkisnin strukturave të ushtrisë Çlirimtare Kombëtare, UÇK.

“Në atë operacion kam qenë me detyrën e komandantit të njësisë së vendosjes së rendit”, shënon në kërkesën e tij drejtuar Gjykatës së Lartë, Vuçoviç.

Ai pretendon se integriteti i tij rrezikohet për shkak të situatës së trazuar në Maqedoni dhe zgjedhjes së politikanëve shqiptarë në poste të rëndësishme shtetërore, pasi Vuçoviç konsiderohet përgjegjës për vrasjen e luftëtarëve të UÇK në Kumanovë.

“Jam qytetar maqedonas, kristian ortodoks me origjinë serbe”, shkruan Dejan Vuçoviç në lutjen e tij, një kopje të së cilës e disponon e përditshmja greke “Kathimerini.”/OraNews

Zaev: Gjashtë deputetë të VMRO-DPMNE-së ndihmuan sulmuesit në aktet e dhunshme në parlament

Kryetari i Lidhjes Social Demokrate në Maqedoni, Zoran Zaev dëshmoi të premten para prokurorisë publike për sulmet e dhunshme ndaj tij dhe ligjvënësve më 27 prill në parlament.

Ai u tha gazetarëve se ka dëshmuar për aktet e dhunshme, ndërsa i ka cilësuar ato si një plan të paramenduar mirë.

“Gjashtë deputetë të VMRO-DPMNE-së ua hapën dyert dhe i drejtuan sulmuesit për në ambientet e qendrës së shtypit ku ndodheshim ne”, tha Zaev, sipas të cilit dy prej deputetëve të VMRO-së kanë hequr shulin e çeliktë të derës kryesore, ndërsa katër të tjerët kanë udhëzuar masën se si të arrinte tek salla ku ndodheshin deputetët e shumicës parlamentare.

Zaev u shpreh se në prokurori është paraqitur si palë e dëmtuar, “një nga ata të cilët u sulmuan në mënyrë direkte nga turma dhe nga një grup që kishte plan dhe synim për të vrarë”, u shpreh ai.

Pretendenti për kryeministër të Maqedonisë ia lë prokurorisë së vendit të vendosë se si do t’i katëgorizojë aktet e ndodhura para dy javësh në institucionin më të lartë ligjvënës të vendit.

Zoran Zaev, e sidomos Ziadin Sela i Aleancës për Shqiptarët janë më të dëmtuarit e këtyre ngjarjeve. Zoti Sela pas qëndrimit për një javë në spital, po kurohet në shtëpi, në vendlindjen e tij në Livadhi të Strugës, ndërkohë që nuk ka folur ende publikisht për ngjarjet e përgjakshme.

Gjykata Penale e Shkupit i ka caktuar masën e paraburgimit prej tridhjetë ditësh dy sulmuesve, baba e bir, Kire dhe Cane Gjorgjievski të dyshuar për tentativë vrasjeje me paramendim të deputetit Sela.

Deri tani, kjo është akuza e parë më e rëndë nga ngjarjet e dhunshme në parlament. Akuzat e tjera kanë të bëjnë me veprën “pjesëmarrje në turmë që do të pengonte personin zyrtar në kryerjen e detyrës”.

Ja pse Ali Ahmeti nuk ishte në Kuvend natën e përgjakjes së Selës dhe Zaevit

Zëdhënësi i BDI-së, Bujar Osmani ka folur për të enjten e 27 Prillit në emisionin “Fol Tash”.

I pyetur se ku ishte Ali Ahmeti më 27 prill kur ndodhi edhe dhuna në Kuvend, ai deklaroi që ka pasur një marrëveshje ndërmjet partnerëve të ri të koalicionit të shumicës së re parlamentare, ishte një kalkulim i sigurisë për gjithë situatën.

“E kemi patur të vështirë nga Ahmeti të mos jetë aty për arsye të qarta, edhe vetë nga LSDM dhe partitë tjera që formojnë shumicën është kërkuar nga Ahmeti të mos jetë aty që mos të ndodhë më e keqja. Janë analizuar skenaret e mundshme se si do të kishte ndodhur në qoftë se do të ishte Ali Ahmeti, prandaj edhe Zaev ka kërkuar që Ahmeti nuk duhej të jetë në atë seancë.

Shqiptarët janë afruar afër kuvendit, ka qenë thirrja ime publike nëpër media se shërbimin ma të madh që mund ti bëjnë shqiptarët deputetëve tanë që të mos reagojnë për shkak se ndoshta edhe qëllimi ka qenë që dhuna të kalonte në konflikt ndëretnik dhe atëherë do të kisha përmasa të mëdha dhe sot nuk do të flisnim se a është Z.Talat Xhaferi në Bruksel apo a ka dorëzuar letër te Ivanovi, por do flisnim për situata tjera konfliktuoze”, tha ndër të tjera Osmani.

Më 9 dhe 10 maj 2015 ndodhi konflikti i armatosur në “Lagjen e Trimave” në Kumanovë

Më 9 dhe 10 maj 2015 ndodhi konflikti i armatosur në “Lagjen e Trimave” në Kumanovë, i cili zgjati dy ditë, me ç’rast jetën e humbën 10 pjesëtarë të grupit të armatosur dhe tetë pjesëtarë të Ministrisë së Punëve të Brendshme, ndërsa katër ishin plagosur rëndë.

Në këtë shkëmbim zjarri jetën e humbën Xhafer Zimberi, Valon Kabashi, Turgaj Gashi, Arben Rexhaj, Samit Kastrioti, Hisen Rushiti, Fatlum Vishesella, Mirsad Ndrecaj, Beg Rizaj, Nusret Kaloshi.

Kurse u arrestuan dhe akoma nuk ka përfunduar gjykimi edhe për disa pjesëtarë të tjerë të grupit të armatosur, në mesin e të cilëve janë: Enver Klain, Landrit Rustemi, Refki Dogani, Hajrush Avdia, Betim Kabashi, Shefqet Hallaqi, Bek Bajra, Fatmir Reçica, Fadil Elshani,  Ardian Bujari, Esat Kafexholli, Lirim Krasniqi. Valdet Zekaj, Mirsad Qerimi, Demë Shehu, Sami Ukshini, Genci Sefa, Andi Krasniqi ose Muhamet Krasniqi dhe Bajram Elshani.

Gjatë të shtënave jetën e humbën Isamedin Osmani, Lubisha Arangjeloviq, Boban Ivanoviq, Goran Ilijevski, Zharko Kuzmanovski, Sasho Samojllovski, Nenad Serafimovski dhe Goran Stojmenoviq.

Për ngjarjet në “Lagjen e Trimave”, nga shkurti i vitit 2016 në Gjykatën penale të Shkupit zhvillohet seancës gjyqësore kundër 29 personave të cilët ngarkohen për vepra të bëra penale “Organizatë terroriste” dhe “terrorizëm”. Të gjithë 29 të akuzuarit për ngjarjet në Kumanovë para Gjykatës u deklaruan se nuk ndjehen fajtorë.

Rasti më vonë u bashkua me rastin “Vetëtima”, në të cilin zhvillohet procedurë kundër tetë personave ndihmës të grupit të armatosur nga “Lagja e trimave”, me çka numri i të akuzuarve është rritur në gjithsej 37. Procesi gjyqësor për të akuzuarit në këtë rast akoma zgjat.

Ndërron jetë vrasësi i kryetarit të Bogovinës, BDI kërkon zbardhjen e ngjarjes

“Ftojmë institucionet të zbardhin motivet për këtë vrasje makabre e cila ka qenë e paprovokuar në asnjë mënyrë”, thuhet në njoftim

SHKUP – Partia politike Bashkimi Demokratik për Integrim (BDI), përmes një njoftimi ka reaguar për vrasjen e anëtarit të saj, njëherësh kryetar i komunës së Bogovinës, Hazbi Idrizi, i cili sot në mëngjes u qëllua për vdekje me armë zjarri.

Siç thuhet në komunikatën e BDI-së, Hazbiu është vrarë gjatë kryerjes së punës së tij zyrtare në shërbim të qytetarëve. “Ftojmë institucionet të zbardhin motivet për këtë vrasje makabre e cila ka qenë e paprovokuar në asnjë mënyrë”, thuhet në njoftim.

Ndërkohë, MPB njofton se ka ndërruar jetë edhe personi i cili ka shtënë mbi kryetarin e Bogovinës, një bashkëvendas i tij 53 vjeçar, me inicialet Q.A, i cili pas vrasjes ka tentuar të kryej vetëvrasje, për çka ishte dërguar në qendrën e Urgjencës në Shkup.

Kryetari i komunës së Bogovinës, (rrethi i Tetovës), Hazbi Idrizi, mëngjesin e sotëm ishte qëlluar me armë zjarri pas një zënke verbale me personin e lartpërmendur në një objekt hotelierik në afërsi të komunës.aa

Serbia e irrituar me deklaratat e Zaevit

Marrëdhëniet e Serbisë me Zoran Zaev janë tensionuar, ende pa e marrë pushtetin në Shkup, pas një interviste për “Kurir”-in e Beogradit, ku tha se Serbia mbështet Nikola Gruevskin dhe VMRO-në, pasi ajo drejtohet nga nacionalistë si Aleksandar Vuçiç.

Kryeministri dhe presidenti i zgjedhur serb, Aleksandar Vuçiç ka thënë se drejton një politikë të paqes me të gjithë rajonin. Përveç Zaev, të cilit i ka thënë se nuk drejton politikë nacionaliste, Vuçiç ka komentuar edhe deklarimet e ish-kryeministrit kosovar, Ramush Haradinaj, në një intervistë.

“Shqiptarëve ua kam zgjatur dorën dhe nuk bëj shaka me ta”, tha ai, duke shtuar se e shqetëson vetëm heshtja e Europës.

“Jam mësuar sesa lehtë bashkohen të gjithë shqiptarët dhe ndihmësit e tyre, të cilët kanë vetëm një qëllim: të sulmojnë Aleksandar Vuçiçin. Nuk e bëjnë këtë për shkakun tim, por sepse i pengon fuqizimi i Serbisë”, tha Vuçiç.

Deklarimet nga Maqedonia i kanë kritikuar edhe dy ministra serbë. Shefi i diplomacisë serbe, Ivica Daçiç e quan atë një deklaratë skandaloze. Por Serbia nuk do të reagojë, pasi Zaev ende nuk e ka marrë pushtetin.

“Maqedonia ka njohur Kosovën dhe ka votuar për Kosovën në UNESCO. Këto qëndrime të një personi që pretendon të jetë kryeministër nuk mund të shihen si miqësore. Por, ne mundohemi të drejtojmë një politikë të paqes”, tha Ivica Daçiç, ministër i Jashtëm i Serbisë, njofton tch.

Vuçiç është angazhuar për Maqedoninë dhe ka bërë thirrje për zgjidhje me dialog. Por, angazhimi i Tiranës dhe Prishtinës është parë si cënim për tërë rajonin nga zyrtarët serbë.

U thashë huliganëve “Largojuni se asht i vdektë” – Rrëfen personi që e shpëtoi Zijadin Selën nga huliganët (Video)

Punonjësi i sigurimit në Kuvendin e Maqedonisë, Abdylfetah Alimi nga Orizarja e Kumanovës, në një intervistë për televizionin Alsat-M, tregon momentet e tmerrit që kaluan bashkë me Zijadin Selën, në kohën kur ai e shpëtoi atë nga duart e dhunuesve të cilët mbi të ishin duke ushtruar dhunë brutale.

Abdylfetahu tregon se si bashkë me Selën për disa orë me radhë kanë qëndruar vetëm.

Ndërkohë në sallë është paraqitur vetëm motra medicionale e Kuvendit për t’i dhënë infuzion. Orën e tmerrit, Abdylfetahu i përshkruan të gjata si shekuj.

Disa orë më vonë ka arritur grupi i policëve të cilët kanë ndihmuar evakuimin e tyre. Pasojat e asaj nate Abdylfetahu i ndjen akoma.

Pamjet e tmerrit që përjetoi edhe më tej vazhdojnë ta shqetësojnë. Veprimin e tij e përshkruan më shumë si përgjegjësi morale dhe profesionale.

Analistët shqiptarë interpretojnë qëndrimet e Zaevit ndaj Kosovës në medien serbe

Paraqitja e udhëheqësit të Lidhjes Social Demokrate, Zoran Zaev në një intervistë për Kuririn e Serbisë, në të cilën deklaroi se, maqedonasit janë vëllezër me Serbët dhe se Kosova është zemra e Serbisë, ka ngjallur shumë reagime në opinion. Deklarata e Zaevit vjen menjëherë pas koalicionimit me BDI-në, deri para koalicionimit ai (Zaev) dukej si një politikan i moderuar por se a ka ndërruar qëndrim Zaev, përgjigjen për gazetën Lajm, gazetari Xhenur Iseni dhe njohësi i çështjeve politike, Qenan Aliu.

Kjo deklaratë e Zoran Zaevit nuk ka të bëjë aspak me atë se tani do koalicionin me BDI-në, mendon gazetari Xhenur Iseni

“Zoran Zaev pas ndodhive të fundit terroriste që ndodhën në Parlament, shihet si personi i vetëm dhe gjithëpërfshirës që është në prag të rrëzimit të një diktature 10 vjeçare të Nikolla Gruevskit, andaj Zaev me këto deklarata po bënë një bilanc duke mos i përjashtuar edhe serbët sepse në fakt do jetë kryeministër i gjithë qytetarëve të Maqedonisë”, pohoi Iseni.

Iseni mendon se ajo që tha Zaev kishte të bëjë me kishat serbe dhe nuk mendon se ka të bëjë me territorin e Kosovës dhe për këtë nuk duhet të dramatizojmë shumë këtë deklaratë.  Kemi TERRORIN para syve dhe kjo është ajo që duhet luftuar me gjitha forcat.

“Mendoj se Zaev me deklaratat e balancuara që besoj se do të vazhdojnë edhe më tutje, dëshiron të paraqitet  si një person udhëheqës i përgjithshëm i cili dëshiron ndryshime radikale pa dallim përkatësive etnike dhe ajo përjetohet si simbol i shpëtimit nga kjo qeveri me primate terroriste”, deklaroi Iseni.

“Të kujtojmë që kandidati për President të Maqedonisë nga radhët e LSDM-së, Stevo Pendarovski gjatë kampanjës presidenciale kishte takim me kryeministrin e atëhershëm të Kosovës, Hashim Thaçi. Kjo tregon se kjo parti respekton institucionet e Kosovës si shtet sovran dhe demokratik”, përfundoi Iseni.

Njohësi i çështjeve politike, Qenan Aliu, thotë se e ka ndjekur intervistën, dhe se  nuk e arsyeton Zoran Zaevin. Por duhet bërë një digresion, më duket se nuk pohoi se Kosova është e Sërbisë por Kisha manastiri qenka zemra e Sërbisë.

“Dua të them se politikanët nga njëherë mbajnë llogari dhe sikur përshtaten edhe me frymën e mediumit për të cilin prononcohen për çështje të caktuara. Por pavarësisht asaj ka mundur edhe më ndryshe, pra nuk e arsyetoj dhe më shumë e cilësoj si jo koncentrim kuptohet pas një tronditje që pësoi Zaev në kuvend, mendoj se nuk duhet të merret si provokim. Fundja ai akoma është lider i opozitës dhe intervista ishte në këtë cilësi. Zotin Zoran Zaev unë personalisht do ta kritikoj në vazhdimësi pas 100 ditëve pasi të zgjidhet qeveria e re”, por aktualisht tregoi vendosmëri prandaj i duhej mbështetja morale  tha Aliu

Ai veçon se, Zoran Zaev në aspektin e koderimit nuk mund të bëjë vet, apo si parti, duhet debat gjithëpërfshirës dhe vetëdijesim kolektiv

“Ajo që duhet të bëjë kjo qeveri është obligimi primarë të  bëjë çkapjen e institucioneve por jo për ti kapur vetë por për ti reformuar për të punuar pa ndikime në pajtim me ligjet. Fundja asnjë shtet nuk ka zemër, por ka territor, popull dhe institucione. Republika e Kosovës i ka të gjitha nishanet e shtetit andaj në territorin e saj nuk mund të ketë zemër të ndonjë shteti tjetër, por mund të ketë vetë frymë të bashkëpunimit reciprok dhe të njohjes dhe respektimit të ndërsjellë”, përfundoi Aliu në deklaratën e tij për Gazetën Lajm.

Talat Xhaferi merr kabinetin e kryeparlamentarit të Maqedonisë

Kryetari i ri i Parlamentit të Maqedonisë, Talat Xhaferi

 

Kryetarit të ri të Kuvendit të Maqedonisë, Talat Xhaferi i është dorëzuar kabineti nga pasardhësi i tij, Trajko Veljanovski përkundër kundërshtimit nga ana e tij që këtë ta bënte pas zgjedhjes së Xhaferit për kryeparlamentar të enjten e kaluar nga shumica e re parlamentare.

Shërbimet e Kuvendit tanimë kanë nisur edhe procedurën e publikimit të emërimit të tij në gazetën zyrtare për të rrumbullakësuar procesin e zyrtarizimit të tij për kryetar të Kuvendit. Pas këtij akti pritet që Xhaferi të njoftojë presidentin Gjorge Ivanov se në Kuvendin e Maqedonisë ka shumicë parlamentare dhe se mandati për kryeministër duhet ti ndahet liderit social-demokrat, Zoran Zaev.

Xhaferi takimin e parë e ka realizuar me ambasadorin e Bashkimit Evropian Samuel Zhbogar.

Në Parlamentin e Maqedonisë është gjetur mjet shpërthyes

SHKUP – Sot rreth orës 17:30 një pjesëtar i sigurimit të Parlamentit të Republikës së Maqedonisë në katin e parë zbuloi një mjet të improvizuar shpërthyes.

Nga Ministria e Punëve të Brendshme (MPB) të Maqedonisë për AA e konfirmuan rastin, duke theksuar se ekipi policor veçmë është në vendngjarje.

“Sigurimi i brendshëm i Parlamentit e paraqiti rastin. Momentalisht në Parlament ka ekip hetues, po bëhet hetim që të mund të vërtetohet saktë se për çfarë mjeti shpërthyes bëhet fjalë”, konfirmuan për AA nga Sektori për marrëdhënie me publikun në MPB, për të shtuar se sipas informacioneve të cilat i kanë nuk ka kërcënim ndaj sigurisë.

Nga MPB paralajmëruan se pas zbardhjes së tërësishme të rastit dhe informacioneve shtesë të njëjtat do ti bëjnë të ditur para opinionit.

Ndryshe, mbrëmjen e 27 prillit, pas zgjedhjes së Talat Xhaferit për kryetar të Parlamentit, protestuesit e iniciativës “Për Maqedoni të përbashkët” që ishin tubuar para ndërtesës së shtëpisë ligjvënëse u futën me dhunë brenda institucionit. Si pasojë e dhunës së protestuesve që kishin cak deputetët, mbetën të plagosur rreth 100 persona, duke përfshirë deputetë, punonjë të policisë dhe përfaqësues të medias.

Grubi: Presim që zgjedhja e kryetarit të Kuvendit të shpallet në Gazetën Zyrtare

Deputeti Artan Grubi dhe lideri i BDI-së, Ali Ahmeti

 

Deputeti Artan Grubi ka njoftuar se kryetari i ri parlamentit, Talat Xhaferi, do ta thërrasë seancën parlamentare sapo të krijohen kushtet.

“Sot bashkë me kryetarin e ri të Kuvendit, Talat Xhaferin, kemi ardhur në orën 8 e 30 minutapër të kryer punët tona ditore administrative. Me këtë rast kryetari i ri i nënshkroi të gjitha udhëzimet administrative për shërbimet në Kuvend për t’ia mundësuar punën në kabinetin e tij në Kuvendin e Republikës së Maqedonisë. Ato janë dërguar tek sekretari i përgjithshëm i Kuvendit, janë të arkivuar me numër të arkivit dhe protokolluar në përputhje me rregulloren dhe ligjet. Jemi në pritje të realizimit të asaj urdhërese të kryetarit të ri të Kuvendit, për të mundësuar punën normale dhe funksionimin normal të Kuvendit”, ka bërë të ditur deputeti Artan Grubi.

Ai nënvizoi se sekretari i përgjithshëm i parlamentit do të veprojë në respektim të kryetarit të ri të parlamentit Talat Xhaferi, pasi vendimi për zgjedhjen ekryetarit të ri të Kuvendit, të shpallet në Gazetën Zyrtare.

Deputeti Grubi duke komentuar uzurpimin e zyrës së kryetarit të parlamentit të Maqedonisë, nga ana e deputetëve të VMRO DPMNE –së tha se “Talat Xhaferi është institucion në vete, sepse kryetari i parlamentit është institucioni, nuk është zyra”

Ndërkohë që pritet të fillojnë protestat në organizim të iniciativës qyetare “për Maqedoni të përbashkët” kundër zgjedhjes së Talat Xhaferit për kryetar të parlamentit në orën 17.00, forca të theksuara të njësive speciale kanë siguruar institucionet shtetërore.

Njësite të blinduara janë stacionuar në Parlamentin e Maqedonisë në të cilin institucion, të enjten e kaluar, një grup protestuesish u futën me dhunë dhe sulmuan deputetët e shumicës parlamentare.

LQSHA: Washingtoni dhe Brukseli të tejkalojnë retorikën e dështuar të ruajtjes të stabilitetit në Maqedoni

Ka ardhur koha për ta bërë demokracinë dhe barazinë ndëretnike një realitet në Maqedoni

LQSHA dënon dhunën në Maqedoni

Lidhja_Qytetare_Shqiptaro-Amerikane_(LQSHA)New York—29 prill 2017—Liga Qytetare Shqiptaro-Amerikane fuqishëm dënon dhunimin e Parlamentit të Maqedonisë nga rreth dyqindë përkrahës të VMRO-DPMNE-së pasi që Social Demokratët (LSDM) lidhën koalicion me partite shqiptare dhe zgjodhën Talat Xhaferin në postin e Kryetarit të Parlamentit—duke e bërë kështu atë shqiptarin e parë të zgjedhur në këtë pozitë që kur vendi kishte shpallë pavarësinë nga Jugosllavia më 1991.

Protestuesit që përfaqësonin ish-Kryeministrin Nikola Gruevski dhe partinë e tij VMRO hynë dhunshëm në Parlament më 27 prill, duke rrahur keq liderin social-demokrat Zoran Zaev (mediat ndërkombëtare kanë shfaqur foto të tij të përgjakur në fytyrë dhe kokë) si dhe liderin politik shqiptar Dr. Ziadin Sela, i cili ende është nën trajtim mjekësor për shkak të lëndimeve të rënda që ka pësuar. Veprimet e VMRO-së demonstrojnë se sa e paqëndrueshme dhe etnikisht e ndarë është Maqedonia pasi që regjimi i Nikola Gruevskit dështoi të krijoi një koalicion shumice pas zgjedhjeve të dhjetorit 2016 dhe mandej kundërshtoi përpjekjet e Zoran Zaevit për të krijuar koalicionin me partite shqiptare. Pamjet e ngjarjeve të 27 prillit 2017 na rikujtojnë urrejten etnike që sllavo-maqedonasit, nën drejtimin e Gruevskit, kanë ndaj shqiptarëve që kur VMRO-DMPNE kishte ardhë në pushtet gati dy dekada më parë.

Komuniteti ndërkombëtar e ka dënuar këtë dhunë dhe i ka bërë thirrje qeverisë së Maqedonisë që t’i kthehet procesit demokratik. Në deklaratat e përbashkëta nga Brukseli, shefja e politikës së jashtme të BE-së Frederica Mogherini si dhe Komisioneri për Zgjerim i BE-së Johannes Hahn kanë thenë se “Bashkimi Evropian është i bindur që dialogu politik ndërmjet institucioneve është mënyra e vetme përpara.” Kurse, Ambasada Amerikane në Shkup ka theksuar se do të punojë më Kryetarin e ri të Parlamentit, Talat Xhaferi, për “të përkrahur demokracinë dhe cuar përpara interesat e Maqedonisë.”

Përkundër këtyre deklaratave, Washingtoni dhe Brukseli duhet që sa më shpejt të kalojnë përtej retorikës së deshtuar të ruajtjes së stabilitetit pa ndonjë strategji reale për ta bërë atë realitet. Koha ka ardhur për ta bërë demokracinë dhe barazinë ndëretnike një realitet në Maqedoni. Liga Qytetare Shqiptaro-Amerikane do të punojë në këtë drejtim në bashkëpunim të ngushtë më liderët kyc të politikës së jashtme në Kongresin e SHBA-ve nga të dyja taborret kryesore politike, të cilët vazhdimisht kanë demonstruar përkrahjen e tyre për të drejtat dhe barazinë e shqiptarëve, duke përfshirë Kongresistin Ed Royce (R-CA), Kryetar i Komitetit për Punë të Jashtme, Kongresistin Dana Rohrabacher (R-CA), Kryetar i Nënkomitetit për Evrope, Eurazi, dhe Kërcnimet e Reja, Kongresistin Jarrold Nadler (D-NY), Senatorin John McCain (R-AZ), Kryetar i Komitetit për Forcat e Armatosura, si dhe Senatorin Charles Schumer (D-NY), Lider Minoritar i Senatit të SHBA-ve.

Liga Qytetare Shqiptaro-Amerikane ka bërë presion në vazhdimësi për një degjim kongresional për korrupsionin politik dhe shkatërrimin ekonomik në Ballkan, vecanerisht për dështimin e Marrëveshjes Kornizë të Ohrit për të sjellë barazi etnike në Maqedoni. Qeveria e SHBA-ve duhet që përsëri të marrë rol udhëheqës në këtë krizë në zhvillim e sipër para se njerzit iracional të marrin pushtetin me force./Illyriapress

Mot i ftohtë në Maqedoni, reshje bore në disa zona

Sipas Drejtorisë për Punë Hidrometeorologjike (DPHM ) në Lazaropole sot në mëngjes është matur temperatura më e ulët prej minus 7 gradë

SHKUP – Sot në mëngjes në Maqedoni mbisundon mot i ftohtë me temperatura nën zero dhe me borë në Krushevë dhe Mavrovë.

Sipas Drejtorisë për Punë Hidrometeorologjike (DPHM ) në Lazaropole sot në mëngjes është matur temperatura më e ulët prej minus 7 gradë.

Në Krushevë dhe Mavrovë janë matur – 5, në Berovë -4, Ohër -2, Manastir -1, në Tetovë, Strumicë, Kriva Pallankë dhe Vinicë është 0, ndërsa në Kumanovë dhe Shtip 1, në Shkup dhe Demir Hisar 2, në Dojran 4 dhe në Gjevgjeli nga 5 gradë.

Siç njoftoi DPHM, më shumë shi gjatë 24 orëve të fundit ka rënë në Mavrovë, ku janë matur dy, ndërsa në Krushevë dhe Ohër nga një litër në një metër katror.

Në Krushevë dhe Mavrovë sot në mëngjes në orën 08:00 është matur mbulesa e borës prej 1 deri në 3 centimetra.

Paralajmërohet se moti sot do të jetë me vranësira të ndryshueshme dhe i ftohtë me erë të forcuar veriperëndimore. Në orët e paradites në pjesët veriperëndimore do të ketë borë të dobët lokale.

Në Shkup, moti do të jetë i ngjashëm, me erë të forcuar veriperëndimore dhe me temperaturë deri në 10 gradë. aa

Vejseli: Zaevi me shumicën parlamentare të tregojë lidership dhe të formojë qeverinë

Lideri i Partisë së Prosperitetit Demokratik Abdyladi Vejseli, duke analizuar zhvillimin e ngjarjeve politike pas zgjedhjeve të 11 dhjetorit, konsideron se procesi i konstituimit të Kuvendit dhe formimit të qeverisë së re tashmë është stërgjatur dhe manifestimet gjoja “demokratike” nëpër rrugë dhe në Kuvendin e Maqedonisë kanë marrë karakter të urrejtjes nacionale drejtuar kundër shqiptarëve.

Sipas Vejselit, shumica parlamentare e udhëhequr nga lideri i LSDM-së Zoran Zaev duhet të tregojë lidership dhe në përputhje me rekomandimet e BE-së, NATO-s dhe Departamentit amerikan të Shtetit të zgjedhin kryeparlamentarin dhe qeverinë e re demokratike në mënyrë që shteti të ecë drejt rrugës së zhvillimit ekonomik, politik e kulturor.

“PPD gjithashtu fton deputetët e zgjedhur që më tej  të mos lejojnë që të uzurpohet karrigia e kryeparlamentarit nga ana e të vetemëruarit kryesues i Parlamentit  Trajko Veljanovski dhe Parlamenti të shndërrohet edhe më tej në “vend kënagjegjesh dhe muhabetesh  ditore” por t’i gjasojë funksionit për të cilin është destinuar”, porosit Vejseli.

Protestat antishqiptare vazhduan me brohoritje edhe kundër BE-së

Pamje nga protestat e mëparshme në Shkup

 

Demonstruesit kanë brohoritur slogane kundër Bashkimit Evropian, derisa përsëri kanë dalur në rrugët e Shkupit, për të protestuar kundër përfshirjes së propozuar të partive shqiptare në koalicionin qeverisës në Maqedoni.

Mijëra demonstrues mbrëmë u ndalën para Kuvendit të Maqedonisë dhe kërkuan zgjedhje të reja, ndërsa i kritikuan përsëri planet e partnerëve të koalicionit qeverisës për zyrtarizimin e gjuhës shqipe si gjuhë e dytë zyrtare në këtë vend.

Protestuesit, po ashtu, e kanë përshëndetur presidentin e Maqedonisë, Gjorgje Ivanov, për të cilin është raportuar se ka refuzuar të takohet me politikanin suedez, Carl Bildt, që është bashkëkryesues i Këshillit Evropian për Marrëdhënie të Jashtme, gjatë vizitës së tij të djeshme në Shkup.

Vizita e zotit Bildt kishte për qëllim përpjekjet për ta ndihmuar Maqedoninë në zgjidhjen e krizës së thellë politike dyvjeçare.

Partia e deritashme në qeveri, WMRO-DPMNW, për javë të tëra në mënyrë të suksesshme e ka bllokuar formimin e koalicionit qeverisës dhe zgjedhjen e krytearit të Kuvendit të Maqedonisë.

Shtetet e Bashkuara dhe Bashkimi Evropian i kanë bërë thirrje WMRO-DPMNE-së që t’i ndalë taktikat penguese, nga të cilat është zgjatur kriza e gjatë politike në Maqedoni.

Kocijançiç: Presim zgjedhjen e kryetarit të Kuvendit të Maqedonisë dhe formimin e qeverisë

“T’i jepet fund paqartësisë aktuale dhe të formohet qeveri pa vonesë, bazuar në shumicën parlamentare që ekziston”, tha zëdhënësja e KE-së, Kocijançiç

SHKUP – Zëdhënësja e Komisionit Evropian Maja Kocijançiç në fjalën e saj në ndërtesën “Berlemont” të KE-së sot ka folur për situatën aktuale politike në Maqedoni. Ajo deklaroi se pret zgjedhjen e kryetarit të ri të Kuvendit dhe më pas formimin e një qeverie të re të reformave, transmeton Anadolu Agency (AA).

Në mesazhin në fjalë nga Brukseli dërguar për deputetët e Kuvendit të Maqedonisë dhe deri tek presidenti i vendit, kërkohet zgjedhja sa më e shpejtë e kryetarit të Kuvendit dhe formimi i qeverisë. Në mesazhin nga Brukseli ritheksohet se duhet respektuar rezultatet e zgjedhjeve të fundit parlamentare në Maqedoni.

“T’i jepet fund paqartësisë aktuale dhe të formohet qeveri pa vonesë, bazuar në shumicën parlamentare që ekziston. Përfaqësuesi i Lartë dhe Komisioneri Hahn i bëri thirrje presidentit të rishikojë qëndrimin e tij. Ne tani presim që të gjithë liderët dhe institucionet politike të lejojnë vazhdimin e procesit demokratik, ndërsa me këtë nënkuptohet edhe zgjedhja e kryetarit të ri të Kuvendit”, ka thënë zëdhënësja e KE-së, Kocijançiç.

Në Kuvend po mbahet vazhdimi i dhjetë i seancës konstituive në të cilën diskutohet për Komisionin për Zgjedhje dhe Emërime dhe për zgjedhjen e kryetarit të Kuvendit.

Ndërkohë, prej më shumë se një muaji mbahen protesta nga iniciativa qytetare “Për Maqedoni të Përbashkët”, nga e cila kërkojnë që LSDM-ja dhe partitë e tjera politike të mos e pranojnë siç thonë “platformën e partive politike shqiptare” në Maqedoni.

Protestat antishqiptare do të bëhen më intensive, paralajmërojnë organizatorët

Nisma qyetare “Për Maqedoni të përbashkët” sot në konferencë për shtyp i vlerësoi si kyçe reformat e ardhshme dhe paralajmëroi intesifikim të marsheve protesuese, përmes të cilave kërkojnë hedhjen poshtë të platformës së Tiranës dhe, siç thonë, “ruajtjen e shtetit unitar”, me atë që do të ndalohet përdorimi zyrtar i gjuhës shqipe në Maqedoni.

Sipas organizatorëve, aktivitetet e tyre protestuese do të vazhdojnë në formë të njëjtë dhe do të jenë të qeta.

Boris Damovski, i cili është njëri nga organizatërot e marsheve protestuese, tha se pjesëmarrja dhe vendosmëria e qytetarëve është armë me të cilat luftojnë në rrugë.

Bogdan Ilievski, eksponenti tjetër i protestave në përkrahje të VMRO-së së Nikolla Gruevskit, që në bazë kanë nxitjen e ndjenjave nacionaliste te maqedonasit dhe mobilizimin e tyre kundër, siç e quajnë, “shqiptarizimit të Maqedonisë”, tha se “tri ditët e ardhshme janë shumë të rëndësishme për të gjitha ta që e duan ‘Maqedoninë e përbashkët'”

Nevzat Halili: Ideja për “Iliridën” është gjallë

Me rastin e 25 vjetorit të shpalljes së “Iliridës” është deklaruar Nevzat Halili, njëri ndër protagonistët kryesorë të organizimit të referendumit për autonomi politike dhe territoriale të shqiptarëve të Maqedonisë.

Ai ka theksuar synimet e klasës së atëhershme politike, qëndrimet stoike për barabarësi mes shqiptarëve dhe maqedonasve, si dhe mendimet e tij për situatën aktuale politike në vend.

Ai ka njoftuar se më 11/12 janar 1992 kanë mbajtur referendumin, ndërkaq më 8 prill 1992 në një seancë në Gostivar, disa deputetë, ministra, zv/ministra dhe anëtarë të kryesisë qendrore kanë shpallur Republikën e Iliridës.

“Unë mendoj se shumë gjëra janë thënë dikur, tash disa gjëra janë lënë në harresë. Unë personalisht mendoj se me zhvillimin e ngjarjeve më të reja, sa kalon koha më tepër kupton se, shqiptarët në Maqedoni nuk janë avancuar. Statusi kushtetues i shqiptarëve nuk ka ndryshuar. Statusi i shqiptarëve është më i ulët se ajo çka parashihte Kushtetuta e vitit 1974 në kohën e Jugollavise, Titos. Në vitin 1989 u supremuan disa Nene të Kushtetutës së atëhershme dhe u aprovuan Nene tjera, të cilat abroguan përdorimin e simboleve kombëtare shqiptare dhe turke. U abrogua, gjithashtu edhe Neni ku thuhej se shqiptarët dhe turqit poashtu janë shtetformues. Me Kushtetutën e vitit 1991 kjo nuk përmendej. Dhe, meqë kërkesat e deputetëve shqiptarë nuk kishin mundësi të kalonin në parlament, më 7 shtator kemi ndejtur deri vonë në parlament, ku debatua se a do të dalim ne në referendumin për pavarësinë e Maqedonisë apo jo. Dhe morëm vendim të mos dalim, sepse kërkesat tona nuk pranoheshin në projektin e Kushtetutës së Maqedonisë”, rrëfen për Lajm, Halili.

Halili mendon se përçarja e shqiptarëve, fragmentarizimi i votës së shqiptarëve është në disfavor të shqiptarëve, sikur para 25 viteve, njëjtë edhe ditën e sotme.

Ai zbulon edhe përkrahjen e faktorit ndërkombëtarë në lidhje me idenë e “Iliridës”.

Nga këndvështrimi i tij ideja për “Iliridën” është e gjallë dhe nuk ka vdekur. “Siç është e gjallë ideja për bashkimin e shqiptarëve të Luginës së Preshevës që t’i bashkohen Republikës së Kosovës edhe votat e 400 mijë personave nuk mund t’i shkelim. Populli është sovran, vendos çdo gjë. Dhe, mbi 400 vota nuk është askush, as unë si udhëheqës, lider i parë i shqiptarëve. Referendumi është me vlerë të përjetshëm dhe mund zhvlerësohet vetëm më ndonjë referendum tjetër. Unë propozoj që faktori ndërkombëtar ta organizojë edhe një referendum për deklarimin e shqiptarëve të Maqedonisë”, është decid Halili.

Ministria e Jashtme e Maqedonisë thërret ambasadorin e Shqipërisë

Thirrja e ambasadorit shqiptar vijon pas, siç thonë nga atje, “deklaratave dhe komenteve të shpeshta sulmuese nga zyrtarët e Shqipërisë drejtuar Maqedonisë dhe qytetarëve të saj”

SHKUP – Ambasadori i Shqipërisë në Maqedoni, Fatos Reka, mbrëmë është thirrur në bisedime në Ministrinë e Punëve të Jashtme të Maqedonisë, transmeton Anadolu Agency (AA).

Siç kumton Ministria e Punëve të Jashtme e Maqedonisë, thirrja e ambasadorit shqiptar vijon pas, siç thonë nga atje, “deklaratave dhe komenteve të shpeshta sulmuese nga zyrtarët e Shqipërisë drejtuar Maqedonisë dhe qytetarëve të saj”.

“Në takim është theksuar se deklaratat e kryeministrit dhe ministrit të Punëve të Jashtme të Shqipërisë për dygjuhësinë dhe ndryshimin e rendit Kushtetues të Maqedonisë është ndërhyrje e hapur në punët e brendshme të vendit. Etikimi i maqedonasve si ‘sllavo-maqedonas’ është fyese dhe diskriminuese për të gjithë maqedonasit dhe qytetarët e Maqedonisë”, theksohet në njofimin e Ministrisë së Punëve të Jashtme.

Në fund të njoftimit theksohet se Ministria e Punëve të Jashtme apelon “që të ndalen provokimet, të respektohet sovraniteti dhe të punohet në planin e marrëdhënieve të mira fqinjësore për të mirën e të gjithë rajonit”.

“U theksua se mesazhet e tilla janë një provokim serioz i fqinjësisë që ne duam të kultivojmë. Ata bëjnë dëme afat-gjate në marrëdhëniet në rajon, si dhe nxisin retorikë ekstremiste. Ajo që na duhet në rajon është bashkimi rreth integrimit në BE, paqes dhe përparimit ekonomik”, thuhet në njoftim.

Tusk: Kriza në Maqedoni duhet zgjidhur për të shmangur tensionet ndëretnike

Presidenti i Këshillit Evropian, Donald Tusk i cili vizitoi Shkupin në një kohë kur krizës politike nuk i shihet fundi, tha se duhet gjetur një zgjidhje për të mos lejuar ndezjen e tensioneve ndëretnike.
Ai solli një mesazh të fortë nga drejtuesit dhe institucionet e Bashkimit Evropian:
“Përkushtimi i BE-së ndaj perspektivave të Maqedonisë është shumë i qartë,” tha ai.
Duke iu drejtuar presidentit maqedonas, zoti Tusk tha se ai kupton që momenti është i vështirë dhe se ai e ka të vështirë në këtë gjendje të krijuar.
“Por kjo kohë, theksoi ai, nuk kërkon asgjë tjetër përveç të qenurit burrë shteti”.
Donald Tusk tha se vendi ka nevojë të madhe për unitet në këtë kohë.
“Shpresoj se do ta ndiqni këtë rrugë dhe do të shmangni gjithçka që do të mund të ndizte tensione në vija etnike, theksoi ai, duke shtuar se kriza e vazhdueshme po e pengon Maqedoninë të ecë drejt rrugës euro-atlantike. Ju takon juve që të gjeni një zgjidhje bazuar në parimet demokratike dhe në ndërgjegje. Vetëm një zgjidhje e tillë mund të jetë jetëgjatë; kur ta gjeni, mund të keni besim tek mbështetja jonë”, u shpreh Zoti Tusk.
Ndërkaq, Presidenti maqedonas Gjorgje Ivanov nuk ka reflektuar ndaj këmbënguljeve evropiane për ndarjen e mandatit për formimin e qeverisë, shumicës së re parlamentare.
Ai nuk ka ndryshuar qëndrimin se platforma e partive shqiptare të cilën ai e quan platformë e një vendi të huaj, i dëmton interesat e Maqedonisë. Ai përsëriti akuzat për përzierjet direkte në punët e brendshme të Maqedonisë; se platforma ndezë tensionet në raportet ndëretnike; se manipulohen qytetarët me çështje jashta marrëveshjes kornizë të Ohrit; se kërkohet ndryshim i kushtetutës.
“Maqedonisë, tha Ivanov, i duhen reforma evropiane dhe jo platforma të huaja”.
Tusk dhe Ivanov kanë biseduar edhe për çështjen e refugjatëve nga Lindja e Mesme. Presidenti i Këshillit Evropian u shpreh me tone mjaft pozitive në lidhe me qëndrimet dhe srategjinë e Maqedonisë kundrejt çështjes së refugjatëve dhe imigrantëve nga vendet e Lindjes së Mesme të cilët kanë shfrytëzuar Maqedoninë si rrugë drejt vendeve të BE-së.

Tusk – Ivanovit: Kur ta gjeni zgjidhjen e duhur, do të keni mbështetjen tonë

SHKUP – Kryetari i Këshillit Evropian, Donald Tusk, pas takimit me presidentin e Republikës së Maqedonisë, Gjorge Ivanov, në Vilën Presidenciale “Villa Vodno” në Shkup, në të cilën theks i veçantë ishte kriza e emigrantëve dhe roli i Maqedonisë me të, porositi se bashkëpunimi në këtë fushë duhet të vazhdojë edhe në të ardhmen, ndërsa theksoi se Evropa mbetet e gatshme për të përmbushur nevojat e vendit, qoftë në mbështetje humanitare për komunitetin lokal, qoftë në mjete apo resurse humane, raporton Anadolu Agency (AA).

“Ju jeni në pozitën më të mirë nga të gjithë për të treguar se sa ishte e rëndësishme mbyllja e rrugës së Ballkanit Perëndimor dhe përsëri të sigurohet kontrolli i kufijve si rezultat të ketë stabilitet në rajon. Zhvilluam një strategji gjithëpërfshirëse për t’u përballur me krizën e emigrantëve dhe sot rruga e Ballkanit Perëndimor praktikisht mbetet e mbyllur, e gjithë kjo në saje të përpjekjeve tuaja”, deklaroi Tusk.

Kreu i Këshillit Evropian foli edhe për krizën aktuale politike që ka përfshirë Maqedoninë. Ai duke iu drejtuar presidenti Ivanov theksoi se nuk është e lehtë që të sigurohet një lidership në këto kohë të vështira të vendit. Duke theksuar se uniteti sot është shumë i nevojshëm për vendin, Tusk porositi që t’u shmangen veprimeve që do të ushqenin tensionet, ndër të tjera edhe në baza etnike.

“Kjo krizë politike është duke mbajtur vendin tuaj prapa rrugës euro-atlantike. Mbetet tek ju që të gjeni një zgjidhje në përputhje të parimeve demokratike, mirësjelljes dhe të arsyeshme. Vetëm një zgjidhje e tillë mund të jetë e qëndrueshme. Kur ta gjeni atë, mund ta llogarisni mbështetjen tonë”, theksoi Tusk.

Ambasada amerikane në Shkup përgënjeshtron: Nuk janë hequr vizat për shtetasit e Maqedonisë

Vizat amerikane për shtetasit e Maqedonisë mbeten në fuqi, thonë nga ambasada amerikane në Shkup, duke demantuar informacionin e paraqitur në mediumet elektronike sipas të cilit presidenti amerikan Donald Trump ka nënshkruar vendim ekzekutiv me të cilin hiqen vizat amerikane për shtetasit e Maqedonisë.

Ky lajm fillimisht është paraqitur në usa-televizion.com, ku thuhej se vizat hiqen për të gjithë shtetasit e Maqedonisë, me përjashtim të atyre që kanë shtetesi të dyfishtë të Maqedonisë dhe 6 vendeve afrikane dhe aziatike të njohura si cerdhe terroriste.

Mirëpo gezimi nga ky informacion nuk zgjati shumë, sepse nga ambasada amerikane në Shkup sqarojnë kategorikisht se vizat ende mbeten në fuqi për gjithë qytetarët e Maqedonisë. Lajmpress.com

SHBA heq vizat për Maqedoninë, Presidenti Donald Trump nënshkruan urdhër ekzekutiv

Shqiptarët e Maqedonisë, do të udhëtojnë për në SHBA me visa-free travel, pasi Presidenti Donald Trump firmosi urdhërin ekzekutiv. Presidenti i Shteteve të Bashkuara të Amerikës, Donald Trump, ka nënshkruar një urdhër ekzekutiv që lejon qytetarët e Maqedonisë të udhëtojnë në Amerikë pa viza, raporton USA Televizion, http://usa-television.com/donald-trump-signs-a-visa-free-travel-policy-for-macedonia/

Urdhëri i ri i ka ndryshuar politikat e vizës për Maqedoninë, i cili i lejon qytetarët e këtij shteti të qëndrojnë në SHBA për një periudhë prej 180 ditësh për qëllime biznesi dhe turizmi. Për personat që dëshirojnë qëndrim më të gjatë se 180 ditë marrja e vizës do të jetë e nevojshme.

Natyrisht, që përfituesit do të jenë edhe shqiptarët e Maqedonisë, që do të udhëtojnë për në SHBA me visa-free travel , pasi Presidenti Donald Trump, thuhet se firmosi urdhërin eksekutiv, ku thotë se ky akt do të forcojë tregtinë mes Maqedonisë dhe Amerikës.

Mirëpo, përveç kësaj, ka disa kushte, simpas lajmit të USA-Teelevizion.com, ku thuhet se qytetarët e Maqedonisë, që posedojnë dy nënshtetësi do të kenë të ndaluar hyrjen në SHBA nëse kanë pasaportë nga Siria, Iraku, Sudani, Libia, Somalia dhe Jemeni, 6 shtetet me shumicë të konsiderueshme muslimane.

Ambasada amerikane në Shkup përgënjeshtron: Nuk janë hequr vizat për shtetasit e Maqedonisë

Në sheshin qendror në Kumanovë flamuri i Maqedonisë zëvendësohet nga ai shqiptar

Sot rreth orës 16:30, dy të rinj e kanë hequr flamurin e Maqedonisë nga shtylla që ndodhet në sheshin e qytetit të Kumanovës dhe në vend të tij kanë ngritur flamurin shqiptar, njofton Alsat.

Sipas dëshmitarëve, këtë akt e kanë kryer dy të rinj, të cilët menjëherë janë arrestuar nga policia.

Flamuri shqiptar për rreth 30 minuta valoi në vend të flamurit maqedonas, që më pas të hiqet nga shtylla.

Ministria e Brendshme ende nuk ka dalë me qëndrim zyrtar për këtë rast.

Maqedoni, platforma shqiptare temë qendrore e debatit parlamentar

Ejup Halimi, para deputetëve në Kuvend lexoi deklaratën e përbashkët të partive politike shqiptare, ku përmendi edhe disa pika të cilat nga LSDM-ja u refuzuan se janë pranuar

SHKUP – Në ditën e tretë të debatit parlamentare në Kuvendin e Republikës së Maqedonisë për formimin e Komisionit për çështje të zgjedhjeve dhe emërimeve, temë qendrore vazhdon të mbetet deklarata e përbashkët e partive shqiptare në Maqedoni të cilët u zotuan se nuk do të marrin pjesë në qeverinë e re nëse nuk plotësohen kërkesat e theksuara në të , raporton Anadolu Agency (AA).

Për debatin mbi Komisionin për çështje të zgjedhjeve dhe emërimeve janë paraqitur 51 deputetë të VMRO-DPMNE-së për diskutim të cilët me replikat e tyre ndaj bashkëpartiakëve të tyre, sipas LSDM-së dhe BDI-së, synojnë të vonojnë dhe të bllokojnë procedurën vijuese për zgjedhjen e kryetarit të Kuvendit. Deri më tani të drejtën e fjalës e kanë shfrytëzuar vetëm dy deputetë.

Sipas deputetëve të VMRO-DPMNE-së “deklarata e përbashkët e partive shqiptare është përgatitur nga Tirana zyrtare dhe synon të dëmtojë karakterin unitar, sovranitetin dhe pavarësinë e Maqedonisë”.

Ilija Dimovski, deputet i VMRO-DPMNE-së, duke kërkuar që deklarata e përbashkët shqiptare të refuzohet theksoi se kjo është një platformë paszgjedhore dhe se e vetmja mënyrë për dalje të vendit nga kriza politike është mbajtja e zgjedhjeve të reja parlamentare bashkë me ato lokale.

“Ejani me këtë platformë të shkojmë në zgjedhje. Nëse fitoni ne nuk do të ju pengojmë në asnjë pikë që t’i realizoni premtimet tuaja. Të gjejmë garanci, sot do të zgjedhim kryetarin e Kuvendit dhe sot do ta shpërbëjmë Kuvendin”, u shpreh Dimovski.

Deputet nga radhët e BDI-së, Ejup Halimi, para deputetëve në Kuvend lexoi deklaratën e përbashkët të partive politike shqiptare, ku përmendi edhe disa pika të cilat nga LSDM-ja u refuzuan se janë pranuar.

“Po të ishte kjo deklaratë e Tiranës, ne sot nuk do të bisedonim në këtë parlament, por ju si parti maqedonase do të ishin të obligur të bisedoni me Edi Ramën. Dilemat të largohen dhe të mos bëhen poena politike ditore, mos të rriten tensionet mes dy etniteve shumicë në këtë vend. Ky është program i partive politike shqiptare”, u shpreh Halimi.

Deputet nga radhët e Lëvizjes BESA, Zeqirija Ibrahimi, akuzoi BDI-në se ka marrëveshje me VMRO-DPMNE për të zgjatur përplasjet në Kuvend. Sipas tij, deputetët e BDI-së i japin VMRO-DPMNE-së argumente për të hedhur akuza kundër platformës shqiptare.

Ai duke iu drejtuar deputetëve të LSDM-së, tha se: “E shihni se si këta të BDI-së janë dakorduar me këta të VMRO-DPMNE-së që të sabotohet puna e funksionimit të Kuvendit. Ata u japin arsye për punën e platformës, për punën e gjuhës dhe për çështje të tjera, që këta pastaj të mund të bëjnë reagime dhe ju të akuzoheni se e keni pranuar një farë platforme”, deklaroi Ibrahimi.

Zëvendës kryetare dhe deputete e LSDM-së, Radmilla Shekerinska, theksoi se me replikat e VMRO-DPMNE-së ndaj bashkëpartiakëve të tyre vonojnë dhe bllokojnë procesin e zgjedhjes së kryetarit të Kuvendit. Sipas saj, kjo vonesë është në dëm të të gjithë qytetarëve të Maqedonisë.

“Numëruesi financiar, ekonomik dhe social i këtij shteti llogarit, sot paga mesatare do të mund të ishte 20 mijë denarë, bursat sot do të mund të ishin paguar. Sot kjo është e vetmja gjë që ju jeni duke bllokuar. Jeni duke bllokuar qytetarët e Maqedonisë që të kthehen në jetën normale”, u shpreh Shekerinska.

Sipas marrëveshjes paraprake mes partive politike, VMRO-DPMNE-ja do të ketë gjashtë anëtarë në Komisionin për çështje të zgjedhjeve dhe emërimeve, LSDM-ja pesë, ndërsa BDI-ja dhe Lëvizja BESA nga një anëtar. Konfirmimi i propozimit për përbërje të Komisionit për çështje të zgjedhjeve dhe emërimeve është parakusht për vazhdim të seancës konstituive kuvendore, e cila filloi më 30 dhjetor të vitit të kaluar, por u ndërpre për shkak se nuk u sigurua shumicë parlamentare për zgjedhjen e kryetarit të Kuvendit të Maqedonisë.

LSDM-ja, BDI-ja dhe Aleanca për Shqiptarët me nënshkrimin e 20 deputetëve dorëzuan propozim për kryetar të ri të Kuvendit kandidatin e BDI-së, Talat Xhaferi, mirëpo VMRO-DPMNE-ja kërkon që kandidati i ri që do të propozohet duhet të jetë kundër platformës shqiptare.

Ndërkohë, kandidati i propozuar për kryetar të Kuvendit, Talat Xhaferi, u refuzua edhe nga Lëvizja BESA, sepse sipas tyre, “ai ka një të kaluar me krime të shumta dhe nuk do të kontribuojë në qeverinë e re të paralajmëruar reformuese”.

Lëvizja BESA nuk mbështet kandidatin e BDI-së për kryetar të Kuvendit

“Nëse kështu fillojnë reformat, atëherë i bie se ne kemi perceptim të gabuar për termin reformë. Nëse me BDI-në fillon hallka e parë e reformave, atëherë ju falenderit por ne nuk mund të jemi pjesë e reformave të tilla”

SHKUP – Lëvizja BESA nuk do të mbështesë kandidatin nga radhët e BDI-së, Talat Xhaferi, për kryetar të Kuvendit të Republikës së Maqedonisë, propozim i cili u dorëzua më herët në Kuvend nga LSDM-ja, BDI-ja dhe Aleanca për Shqiptarët, pasi që siç konsideron Lëvizja BESA, ky është një propozim i imponuar, raporton Anadolu Agency (AA).

Deputet nga radhët e Lëvizjes BESA, Afrim Gashi, bëri të ditur se edhe BESA ka pasur propozim-kandidatin për kryetar të Kuvendit, mirëpo LSDM-ja ka zgjedhur të bashkëpunojë me BDI-në. Sipas tij, kandidati i propozuar për kryetar të Kuvendit ka një të kaluar me shkelje të shumta të ligjit dhe nuk do të kontribuojë në Qeverinë e re të palajmëruar reformuese.

“Nëse kështu fillojnë reformat, atëherë i bie se ne kemi perceptim të gabuar për termin reformë. Nëse me BDI-në fillon hallka e parë e reformave, atëherë ju falenderit por ne nuk mund të jemi pjesë e reformave të tilla”, u shpreh Gashi.

Sipas Gashit, shkaktar të kësaj krize të thellë politike është bashkëqeverisja e BDI-së dhe VMRO-DPMNE-së, të cilat në dhjetë vitet e fundit, siç theksoi ai, lanë pas vetes procese të montuara politike, varfëri, shpërngulje, si dhe largim nga integrimi evropian i vendit.

“Ne mbetemi të përkushtuar për axhendën reformuese të vendit dhe për kursin euro-atlantik të Maqedonisë, për zbatimin e Deklaratës së përbashkët të partive shqiptare në Maqedoni, por në veçanti për zbatimin e platformës sonë ‘Ridefinimi’, duke besuar se ajo është axhenda e vetme që Maqedonia të bëhet një shtet i barabartë, demokratik, funksional dhe i zhvilluar”, deklaroi Gashi.

Më herët, deputeti i LSDM-së, Petre Shilegov, njoftoi se me nënshkrimin e 20 deputetëve tashmë është dorëzuar propozim për kryetar të ri të Kuvendit kandidat i BDI-së, Talat Xhaferi.

Në ndërkohë, debati për propozimet për zgjedhjen e kryetarit, zëvendës kryetarit dhe anëtarët e Komisionit për çështje të zgjedhjeve dhe emërimeve u ndërpren dhe do të vazhdojnë gjatë ditës së nesërme.

Konfirmimi i të cilëve është parakusht për vazhdimin e seancës konstituive kuvendore, e cila filloi më 30 dhjetor të vitit të kaluar, por u ndërpre për shkak se nuk u sigurua shumicë parlamentare për zgjedhjen e kryetarit të ri të Kuvendit të Maqedonisë. Konfirmimi i përbërjes së Komisionit është parakusht për vazhdimin e seancës konstituive kuvendore, e cila filloi më 30 dhjetor të vitit të kaluar, por u ndërpre për shkak se nuk u sigurua shumicë parlamentare për zgjedhjen e kryetarit të ri të Kuvendit të Maqedonisë.

Mal i Zi: Dëshmi për përfshirjen ruse në ngjarjet e tetorit 2016

Në procesin gjyqësor ndaj të akuzuarve për përgatitjen e sulmeve terroriste në Malin e Zi, po dalin në pah shumë fakte që argumentojnë se këto ngjarje i kanë organizuar disa qarqe të caktuara ruse dhe një pjesë e opozitës proserbe në Malin e Zi.

Dëshmitari i mbrojtur, i cili nënshkroi marrëveshjen mbi pranimin e fajësisë, Aleksandar Singjeliç dëshmoi plot 11 orë para gjykatës së posaçme mbi përgatitjen e grusht shtetit në Mal të Zi për rolin e Rusisë dhe të partisë opozitare malazeze “Fronti Demokratik”.

Aleksandar Singjeliç, i cili njihet si një paramilitar serb që mori pjesë në luftërat e ish Jugosllavisë dhe në luftën e Ukrainës, përkrah rusëve, bëri të ditur se ai u rekrutua nga agjenti i sigurimit rus, Eduard Shishmakov, i cili i dha 200.000 euro për përgatitjen e planit për grushtet në Mal të Zi.

“Me Shishmakovin u njohëm që nga viti 2014 në një kamp lufte në Rusi dhe kemi pasur disa takime në Serbi ku përgatitëm detajet e aksionit, i cili do të shpinte deri te gjakderdhja në rrugët e Podgoricës”, tha Singjeliç.

Singjeliç ka pranuar se “sipas urdhrit të Shishmakovit ka rekrutuar personat, të cilët është dashur të mblidhen para Kuvendit, të shkaktojnë trazira dhe dhunshëm të hyjnë në këtë institucion, të gjuajnë në popull e më pas të likuidojnë kryeministrin e atëhershëm Milo Gjukanoviç”. Në aksion, sipas dëshmitarit të mbrojtur ka qenë i përfshirë edhe ish shefi i xhandarmerisë serbe Bratislav Dikiç, i cili ishte i ngarkuar të kontrollojë protestuesit para Parlamentit të Malit të Zi.

Singjeliç tha se pas dështimit të grushtshtetit ishte frikësuar për jeten e tij pasi, siç u shpreh ai “dy herë rusët tentuan të më vrasin në Beograd për çka u detyrua të dorëzohem në Mal të Zi”. Singjeliç po mbahet nën masat e rrepta të sigurimi dhe vendndodhja e tij është tejet sekrete.

Ndërkohë shërbimet e sigurimit ndërkombëtar bënë të ditur se oficeri rus Eduard Shishmakov, i cili ishte organizatori kryesor i ngjarjeve në Mal të Zi, merrte pjesë në mbledhjet e Këshillit të Sigurimit të Rusisë. Mjetet malazeze të informacionit, duke iu referuar këtyre shërbimeve theksojnë se Shishmakov është pjesëtar i sigurimit shtetëror rus dhe se ishte njeriu i besueshëm i Vladimir Putinit.

Kohëve të fundit Moska ka qenë jo vetëm kritikuese e ashpër e hyrjes së Malit të Zi në NATO, por jo rrallë herë kishte kërcënuar ish republikën jugosllave në, mënyrë të hapur nëpërmjet zyrtarëve rusë që të mos bashkohet me NATO.

Kësaj fushate iu bashkuan edhe përfaqësuesit e opozitës proserbe në Mal të Zi “Fronti Demokratik” ku dy deputetëve të saj iu hoq imuniteti me kërkesën e Prokurorisë së posaçme, të cilët dyshohen se kanë qenë të përfshirë në komplotin e grusht shtetit në Mal të Zi.

Ndërkaq, partitë opozitare kanë theksuar se grusht shteti i dyshuar është fabrikuar dhe kanë akuzuar partinë në pushtet se po shfrytëzon shërbimet e sigurimit për ta ruajtur pushtetin në Mal të Zi.

Në këtë kuadër analistët vlerësojnë se integrimi sa më i shpejtë i Malit të Zi në strukturat euroatlantike do të ndikonte në qëndrueshmërinë dhe sigurinë e Malit të Zi dhe rajonit.

Mali i Zi ka qenë i përfshirë në ngjarjet konspirative në prag të zgjedhjeve parlamentare të 16 tetorit të vitit të kaluar, ku policia malazeze arrestoi 20 shtetas serbë të akuzuar për përgatitje të sulmeve të armatosura ndaj institucioneve shtetërore në vend. Grupi i organizuar, i cili ishte formuar në territorin e Serbisë, Rusisë dhe Malit të Zi kishte për qëllim vrasjen e kryeministrit të atëhershëm Gjukanoviç dhe marrjen e parlamentit nga ana e një partie opozitare proserbe në Mal të Zi.

Vajgël: Gruevski na tha se nuk dorëzohet, sepse nuk i shkohet në burg

Situata në Maqedoni është shumë serioze, por ende nuk është pafundësisht alarmante, ka thënë sot Ivo Vajgël, anëtar i Parlamentit evropian që para disa ditësh ishte në Shkup.

“Ata që duhet të formojnë qeveri lejuan që kryetari i Komisionit të jetë nga radhët e VMRO-së, ashtuqë është shenjë e tolerancës”, ka thënë Vajgël për agjencinë Anadolija, cituar nga Al Jazeera.

“Më karakteristike, megjithate është deklarata që na e dha Nikolla Gruevski, kryetar i VMRO-së i cili ndau se do shkojë deri në fund, pasi nuk dëshiron të shkojë në burg. Nëse ai është motivi, kjo do të thotë se gjatë kohë nuk do të ketë kompromis”, ka thënë Vajgël.

Maqedonia, në prag të sanksioneve nga BE-ja

Rritja e presioneve nga bashkësia ndërkombëtare mund të ndihmojë në kapërcimin e krizës qeveritare në Maqedoni, e cila tani ka marrë edhe dimensionin e krizës etnike dhe ndëretnike, vlerësojnë njohësit e çështjeve ndërkombëtare. Komentet vijnë pasmesazheve të fundit në Shkup të komisionarit Johanes Hahn, i cili kërkoi respektimin e shumicës së re parlamentare dhe lejimin e formimit të qeverisë.

Mersel Bilalli, profesor i së drejtës ndërkombëtare në Universitetin Fon, thotë për Radion Evropa e Lirë se Maqedonia ka shansin e fundit për të evituar pasojat nga kriza e gjatë politike dhe sipas tij, masat ndëshkuese do të nisin që nga zyrtarët nëse edhe më tej vazhdojnë të shpërfillin thirrjet për kapërcimin e krizës institucionale.

“Mendoj se fillimi i sanksioneve do të jetë i lidhur me personalitete të caktuara, siç është presidenti i shtetit, ish-kryeministri, ndoshta edhe struktura të biznesit të lidhura me VMRO DPMNE-në, por edhe lobe tjera. Pra, unë mendoj se faza e parë mund të jenë sanksione personale e ndoshta më vonë ato mund të zgjerohen që për fat të keq, pasojat do t’i ndiejnë të gjithë qytetarët e Maqedonisë”, thotë Bilalli.

Europarlamentari Ivo Vajgl në një deklaratë për mediet maqedonase tha se VMRO-ja duhet të respektoj rrethanat e reja dhe të mos e pengojë kalimin e pushtetit te shumica e re.

Ai tha se në rast se nuk ka përmirësim të gjendjes, ndoshta do të përdoren edhe instrumente tjera apo sanksione, ku bën pjesë edhe ndihma financiare. Vajgl deklaroi se ish-kryeministri Gruevski në takimet e realizuara me euro-parlamentarët u ka thënë atyre se “do ta çojë deri në vend(politikën e tij), pasi nuk i shkohet në burg”. Vajgl ka thënë se nëse ky do të ishte motivi, atëherë edhe një kohë të gjatë nuk do të ketë kompromis. Këto pretendime të euro-parlamentarit janë hedhur poshtë nga VRMO-ja, duke i quajtur “manipulime në shërbim të opozitës”.

Edhe ish-ministri i Punëve të Jashtme, Denko Malevski, nuk e përjashton edhe mundësinë e vendosjes së sanksioneve, por fillimisht ndaj zyrtarëve, përfshirë edhe drejtuesit e VMRO-së, të cilët me të gjitha mënyrat e mundshme po pengojnë konstituimin e Kuvendit dhe të institucioneve tjera.

“Sanksionet mund të çojnë në prishjen e sistemit, por sa i përket individëve, sigurisht se Brukseli ka mekanizma të tillë dhe mund të aplikojë diçka të tillë. Paralajmërimet e tyre janë shumë serioze, më serioze edhe nuk mund të jenë. Ata janë kundër nxitjes së nacionalizmit, në veçanti, në kohën kur presin ndryshimet në pushtet apo respektimin e rezultatit zgjedhor dhe lejimin e funksionimit të shumicës së re parlamentare, ashtu siç ndodh në çdo shtet demokratik”, vlerëson Malevski.

Aplikimi eventual i sanksioneve, sipas komunikologut Mitko Gaxhovski, mund ta përkeqësojë gjendjen në Maqedoni, pasi pasojat do të bien edhe mbi qytetarin e rëndomtë.

“Nëse shteti përballet me izolim ndërkombëtar, kjo do të ketë pasoja të mëdha, madje edhe deri në pamundësinë e pagesës së pensioneve dhe pagave, që mund të çojë në situata të pakontrolluara dhe kjo gjithsesi se nuk do të ishte në favor të VMRO-së dhe të pushtetit të saj, pasi e gjitha kjo do t’u faturohej atyre nga ana popullit”, thotë Gaxhovski.

Partitë e shumicës së re parlamentare, LSDM, BDI dhe Aleanca për Shqiptarët që kanë 62 deputetë, të premten kanë njoftuar se kandidati tyre për kryetar të Kuvendit është Talat Xhaferi nga BDI-ja, por kandidatura e tij duhet të kalojë në Komisionin për zgjedhje dhe emërime që drejtohet nga VMRO-ja.

Ajo ka bërë të ditur se do ta kundërshtoj[ çdo nismë që nuk e respekton fituesen e zgjedhjen apo VMRO-në, ndërsa këtë e kanë paralajmëruar edhe protestuesit, por me arsyetimin se do të kundërshtojnë zgjedhjen e çdo kryeparlamentari, i cili, sipas tyre nuk e dënon deklaratën e partive politike shqiptare, me të cilën, siç pretendojnë ata, federalizohet Maqedonia dhe rrënohet karakteri i saj unitar. (REL)

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend