Mjerisht i kaluam 20 vite me Mitrovicën e përgjysmuar e syrgjynosur dhe me sovranitetin e shtetit të ndarë në dysh. Në njërën anë shtetin “multietnik” të Kosovës, ndërsa përballë saj shtetin paralel serb në veri dhe brendi të Kosovës.
Kjo që ceka më sipër dikujt mund t’i duket paradoksale, por është realitet i hidhur dhe i pakontestuar në Kosovën e monitoruar rreptësisht nga bashkësia ndërkombëtare.
Këtë realitet të hidhur e gjejmë tek komunat etnike serbe, ku në vend të elementeve të shtetit të pavarur të Kosovës (flamuj e mbishkrime) dominojnë flamujt dhe pankartat gjigante të mbishkrimeve në çirilicë të shtetit të Serbisë,
Përtej kësaj, janë dhe kishat e manastiret serbe gjthandej Kosovës që kanë gllabëruar territor të gjërë të komunave të Kosovës.
Decentralizimi etnik i komunave serbe në njërën anë, fuqizimi dhe zgjerimi (si asnjëherë më parë gjatë historisë) i kishave dhe manastireve serbe në anën tjetër e kanë bërë Kosovën shtet me sovranitet të dyfisht dhe jo funksional.
Shëmbulli më enklatant është ai në komunën e Deçanit, ku Manastiri ka bllokuar vazhdimin e punimeve të arteries rrugore (Autostrades) që lidhë Kosovën me Malin e Zi.
Përballë kësaj situate, të pafuqishme kanë mbetur autoritetet lokale (Komuna e Deçanit) dhe institucionet qendrore (Qeveria e Kosovës).
Nuk e kam as idenë më të vogël, se si do të mbrohet sovraniteti në veri të vendit, kur të gjitha institucionet shtetërore së bashku nuk mund ta lirojnë bllokadën e Manastirit të Deçanit për vazhdimin e punimeve në Autostradë!

Veriu i ndarë, kauzë për vota

Pas përfundimit të luftës, “bashkimi i Mitrovicës” për të gjitha subjektet politike ishte kauz e rrejshme për marrjen e votave të qytetarëve, ndërkaq me të përfunduar zgjedhjet Mitrovicën e largonin nga fjalori dhe agjenda politike sikur ajo të mos ishte fare pjesë e Kosovës.
Situata e tanishme për “mbrojtjen e sovranitetit” të kujton fushatat elektorale të liderëve partiak nga dita e çlirimit e deri në fillimin e dialogut me Serbinë.
Të gjitha subjektet edhe pse e dinë fare mirë që nuk mund të bëjn më shumë përveq retorikës boshe për mashtrimin e qytetarëve, liderët partiakë pa dallime po vazhdojnë me avazin e vjetër të patriotizmit folklorik.
Nëse vërtetë taksa 100 % është produkt i kryeministrit Haradinaj siq pretendon se është e tij, atëherë paralelisht taksës 100 %, do duhet të shpërbëjë shtetin paralel serb në brendi të Kosovës, përkatësisht në të gjitha komunat dhe fshatrat serbe, ku valojnë flamujt dhe mbisundojnë mbishkrimet në çirilicë të Republikës së Serbisë.
Më e rëndësishme se çdo lloj takse ndaj Serbisë, do të ishte trysnija ndaj bashkësisë ndërkombëtare për bashkimin e qytetit të Mitrovicës, gjegjësisht për heqjen e të gjitha barrierave fizike dhe politike për shtrirjen e FSK-së edhe në pjesën veriore të vendit.
Përderisa trupat e FSK-së (tashmë Ushtrisë së Kosovës) nuk mund të lëvizin lirshëm dhe kontrollojnë pjesën veriore dhe enklavat serbe në brendi të vendit, nuk mund të bëhet fjalë për sovranitet të plotë të Republikës së Kosovës.

Me këngë nuk u bashkua Mitrovica

I kaluam 20 vite duke ëndërruar, duke kënduar e vajtuar, duke gënjyer e zhgënjyer vetveten se një ditë do të bashkohet qyteti i ëndrrave dhe kujtmeve tona rinore.
Përgjatë këtyre viteve i “provuam” të gjitha mundësitë tona për të bindur (frikësuar) pushtuesin tonë verior të na lë Mitrovicën, por kot!
Atë që nuk mundi ta bëjë shumë vite më parë ylli i muzikës shqiptare, e madhja Shkurte Fejza me këngën; “Jo nuk ndahet Mitrovica”,…provuan ta bëjnë edhe liderët tonë përmes fushatave zgjedhore disa herë në vazhdimësi…
Po i kthehem edhe një herë mesazhit të fuqishëm që shpërndau këngëtarja jonë e mirënjohur, në vargun e saj më kulmor në këngën e saj; “pa u farue me djem e qika, jo nuk ndahet Mitrovica”.
Ky varg, për më tepër se mesazh, duhej të ishte si kushtrim mbarëkombëtar, mirëpo në kohën kur u lansua kjo këngë, mesazhi i saj duket të ketë qenë pak sa i vonuar, madje do të thosha edhe shqetësues për “bartësit” e luftës, tashmë të akomoduar mirë nëpër institucione shtetërore, të zhytyur thellë në luksin përrallor që u solli liria!
Ashtu si ndarja e Mitrovicës që nuk ishte e rastësishme (e planifikuar), edhe veprimet e mëpastajme të pasluftës ishin të planifikuara dhe të koordinuara nga Serbia, Rusia dhe një pjesë tjetër e bashkësisë ndërkombëtare.
Orientimi i shqiptarëve kah shtetet turko-arabo-aziatike, ishte thikë me dy teha dhe për arritjen e tri qëllimeve kryesore;
– e para, shpërqëndrimin e vëmëndjes së shumicës shqiptare nga pjesa veriore e vendit të tyre,
– e dyta, shpëlarja e trurit të rinisë (së shëndoshë) shqiptare me dogma fetare,
– e treta, ftohja dhe prishja përfundimtare e mardhënjeve të shkëlqyera miqësore me shtetet përendimore e në veqanti me SHBA-të.
Për fat të keq, së fundmi si produkt të taksës kemi përkeqësim të raporteve të Kosovës me SHBA-në, partnerin tonë strategjik, nga i cili varet e ardhmja e shtetit tonë nesër.
Në anën tjetër HashimThaçi po i keqpërdorë raportet me SHBA-në duke e shitur “marrëveshjen me Serbinë”, si diçka që populli po e kërkon, e realisht krejt këtë pazar po e bën për qëllime dhe interese personale.
Riaktualizimi i idesë serbe për ndarjen e Kosovës nga ana e presidentit Thaçi përmes korigjimit të kufijve dhe këmbimit të territoreve, ka shkaktuar shqetësime të arsyeshme në mesin e popullatës shqiptare në Kosovë dhe më gjërë.
Nuk e kam as idenë më të vogël, se si do t’ia bashkojë Hashim Thaçi tri komunat e Luginës pa i humbur tri komunat në pjesën veriore, gjegjësisht Trepçën e Ujmanin, dy arteriet kryesore të shtetit të Kosovës.
Në anën tjetër serbët me modifikimin (ndryshimin) e pamjes së barrikadave dhe protestave të kohëpaskohshme pranë Urës së lumit Ibër na rikujtojnë se aty përfundon sovraniteti i shtetit të Kosovës.

Kryetari i Partisë Social Demokrate, Shpend Ahmeti, i cili njëherësh është edhe bashkëkryesues i ekipit negociator të Kosovës në dialogun me Serbinë, ka komentuar të enjten deklaratën e presidentit të Kosovës, Hashim Thaçi, se idenë për korrigjimin e kufirit e ka marrë nga ish-presidenti i Kosovës, Ibrahim Rugova.

Ahmeti ka thënë se deri tash askush zyrtarisht nuk e ka bërë një kërkesë të tillë në Bruksel.

“Nëse e paska propozuar Rugova e bën kjo më të mirë apo si është puna? Dje e dëgjova (v.j. ministrin e Jashtëm serb) Daçiq se ky është propozim i tij më pas e dëgjova (v.j. presidentin serb) Vuçiq që ai e paska përkrahë për një kohë të gjatë. Është e qartë kërkesa sepse askush në Kosovë nuk do ta kërkonte këtë. Kjo është e qartë se është kërkesë e Serbisë, por e them zyrtarisht se formalisht në takime asnjëherë nuk është përmendur as nga ndërmjetësuesit në Bruksel as që kemi dëgjuar se e ka kërkuar Serbia”, është shprehur Ahmeti.

Sipas kryetarit të Prishtinës, platforma e delegacionit të Kosvës, nuk është kundër dialogut me Serbinë. Sipas tij, ajo çfarë është dëgjuar deri tash nga ana e Serbisë, janë vetëm ankesat e jo ndonjë kërkesë e saktë.

“Por ne e kemi të qartë se çfarë duam. Ne duam njohje nga Serbia në kufijtë ekzistues që i kemi, pa nivel të tretë të qeverisjes. Pastaj mund të flasim për çështje të të drejtave të minoriteteve apo çështje tjera. Kërkesat tona janë të qarta, duhet të flasim për dëmet e luftës, pensionet dhe gjitha temat që i kemi ngritur”, ka shtuar ai.

Presidenti i Kosovës, Hashim Thaçi, ka përsëritur disa herë se ideja për shkëmbim të territoreve ndërmjet Kosovës dhe Serbisë, është përmendur edhe nga ish-presidenti i Kosovës, Ibrahim Rugova në vitin 1994.

Dialogu mes Kosovës dhe Serbisë ka nisur më 2011, me ndërmjetësimin e Bashkimit Evropian në Bruksel.

Procesi i dialogut pritet të përfundojë me një marrëveshje ligjërisht obliguese për të dyja shtetet.

Japonia do të hapë ambasadën e saj në Kosovë në vitin 2020. Kështu ka bërë të ditur kryeministri i Kosovës, Ramush Haradinaj përmes një postimi në Facebook, pas takimit që pati me ministren e Shtetit për Punë të Jashtme të Japonisë, Toshiko Abe.

Haradinaj tha se me diplomaten japoneze u pajtuan që bashkëpunimi bilateral të avancohet në dimensione të reja.

“Hapja e ambasadës japoneze në Kosovë në vitin 2020 do t’i jap impuls të ri miqësisë dhe partneritetit tonë. Japonia, si mbështetëse e madhe dhe e gjithanshme e Kosovës në rrafshin ekonomik dhe politik, mbetet partner i rëndësishëm në konsolidimin tonë ndërkombëtar”, ka shkruar Haradinaj në Facebook.

Gjatë ditës, në Prishtinë, ministrja japoneze bashkë me ministrin për Punë të Jashtme të Kosovës, Behgjet Pacolli dhe kryetarin e Prishtinës, Shpend Ahmeti, do të bëjnë mbjelljen e fidanëve të qershive japoneze.

X
Një vështrim i shkurtër, lidhur me 30 vjetorin e Grevës së Urisë së xehtarëve të Trepçës.

Mbi hyrjen për në horizontet e nëntokës me pasuri xehesh të shumta në xeheroren e Trepçës në Stantërg, ka qëndruar dhe qëndron mbishkrimi:“ ME FAT !“
Dëshirë kjo që u dëshirohet xehtarëve, pasi që ekzistojnë rreziqe të ndryshme për shembje apo fatkeqësi tjera që ndodhin nëpër xeherore, nga të cilat në të kaluarën ka pasur viktima nga xehtarët që nxjerrin xehe nga nëntoka..!

Para 30 vite, 1300 xehtarë(minatorë) të Trepçës në thellësit e horizonteve nga nxirreshin xehet organizuan grevën e urisë, përmes të cilës, kundërshtonin Serbinë e cila edhe në emrin e Jugosllavisë, me të gjitha mjetet e saja të dhunës në vazhdimsi kishte për qëllim rrënimin dhe zhbërjen e KSAK nga të gjitha të drejtat e saja që i kishte të garantuara me Kushtetutën e saj.

Në vijim kërkesatë origjinal të xehtarëve fotografuar nga libri me tirull:
EPOPEJA E MINATORËVE nga bashkëautorët Aziz Abrashi dhe Burhan Kavaja

Greva historike e xehtarëve të Trepçës e cila zgjati prej datës 20-28-02-1989, patë jehonë ndërkombëtare.

Greva largoj disa prej shumë pengesave lidhur me lajmet e rrejshme aso kohe dhe hoqi një pjesë të maskës lidhur me terrin informativ Jugosllavë, që drejtohej kryesisht nga propoganda shoveniste serbe me mjeshtri e dinakri e fshehur dhe maskuar, në emrin e bashkim vëllazërimit e popujve dhe pakicave Jugosllave..!

Hapatas dual në sipërfaqe, urrejtja e pashërueshme (patologjike) e udhëheqësisë çetnike serb në veçanti, që drejtohej nga KOS (Kisha orthodokse Serbe) ASHAS(Akademia e Arteve dhe Shkencës Serbe) dhe AUS(Akademia Ushtarake Serbe) me padurimin e tyre, që u dëshmue me veprimet kundër Kosovës dhe shqiptarëve që përbënin 95% të popullatës vendore dhe shqiptarëve kudo që gjindeshin në ish Jugosllavi dhe në kurbet, që me jetësimin dhe zbatimin e dhunës dhe llojeve të gjenocideve në veçanti nga viti 1989-1999..!

Organizimi i Grevës së urisë nga xehtarët e Trepçës dhe qëndresa e tyre madhështore për të mbrojtur të drejtat e Kosovës u përkrahën nga të gjitha shtresat e popullit, nga sulmet e drejtuara nga kryeçetniku serb Sllobodan Millosheviqi, që kishte për synim dhe qëllim kryesor zhbërjen e autonomisë së Kosovës dhe lirit vetanake dhe kolektive të shqiptarëve, ka ndikuar në rrjedhën e ngjarjeve historike në vijim:

⦁ Pajtimin i Gjaqeve;
⦁ Aksionin gjithëpopullor „FNF“ (Familja Ndihmon Familjen) më vonë SHB“FNF“;
⦁ Ndërkomtarizimi i çështjes së Kosovës;
⦁ Deklarata Kushtetuese e Pavarësisë 2 Korrtor 1990 ;
⦁ Kushtetuta e Republikës së Kosovës- Kushtetuta e 7 Frytorit(Shtatorit)1990;
⦁ Referendumi gjithëpopullor për Kosovën Shtet sovran dhe i pavarur mbajtur prej datës 26 deri më 30 Frytor(Shtator) 1991;
⦁ Formimi i qeverisë së parë të Republikës së Kosovës më 19 Brymor (Nëntor) 1991dhe përbërja e qeverisë prej tetë Ministrive;
⦁ Hyrja e Forcave të NATO-së në Kosovë më 10 Qershor 1999 dhe largimi i forcave ushtarako-policore të serbisë nga Kosova;
⦁ Qeverisja e Kosovëes nga viti 2000 nga Administrimi i OKB- UNMIK-u, Zhbërja e Kuvendit të Kosovës dhe Kushtetutës së Kaçanikut( fatkeqësisht me kërkesën e disa karrjeristëve vendor që ende janë tani në pushtet) dhe vendosja e Kornizës Kushtetuese nga UNMIK-u..!
⦁ Rrënimi i pasurisë publike përmes shtyllës së IV-të të UNMIK-ut dhe qeveritarëve vendor gjëja me privatizimin e ndërmarrëjeve shoqërore, që u keçpërdoren për tu pasuruar pushshtetarët dhe disa nga ndërkombëtarit në administratën e UNMIK-ut..!
⦁ Shpallja për herën e dytë të Kosovës Republikë më 17 Shkurtor 2008;
⦁ Dhe për 11 vjetë qeverisje të vendorëve në pozita dhe pushtet kemi gjendjen ekzistuese në Kosovë, për të cilën Kuvendi dhe kurvendarët e Kosovës, flasin e shkruajn sikurse që e bëjnë mjetet e shtypit dhe ato elektronike, ku opozita paraqet gjendjen, zi, terr e tmerr në Kosovë, në të gjitha drejtimet që u intereson, ndërsa pozita e majur dhe e forcuar në pushshtet që nga 2008-ta, krenohet,krekoset e lavdrohet, me qeverisjen e mirë dhe për të arriturat e tyre…!
⦁ Kuvendin e Kosovës e kanë shëndrruar në një hapësirë ku zhvillohen përplasje deri tek rëndimet ndaj njëri tjetrit për keqpërdorime, vjedhje, plaçkitje, tradhëti, kriminel, trima, frikacak, ndëgjon e shef pamje si në theatër nga opozita ndaj pozitës për ta marrur pushtetin dhe anasjelltas nga pozita ndaj opozitës për ta mbajtur pushtetin, të dya palët thirren e qirren se u plasi zemra për gjendjen në Kosovën hallemadhe, ka lulëzuar, papunësia dhe ikja nga Kosova e të gjithë atyre që kanë mundësi për të ikur se shpresën dhe ardhmërin ua kanë rrëmbyer aherë pushtetarët dhe kurvendarët …me veprimet e tyre…!

Të gjitha përpjekjet e tyre të sipërshënuara, në vend se të pranohen, vlerësohen edhe të shpërblehen siç e kanë merituar, ndodhi e kundërta nga qeverisja dhe qeveritarët vendor:
Dëshmitë me të dhëna në vijim për xehtarët e Trepçës dhe fatin e pa fat të tyre le ta vlerësojnë lexuesit në vijim:
⦁ Pas daljes nga zgafella, ku xehtarët bënë Grevën e urisë 8 ditëshe, për kërkesat e tyre të parashtrura, për mbrojtjen e Kosovës, pushteti serb mori masatë në vijim;
⦁ Burgosi organizatorët e Grevës dhe u shqiptoj atyre denimet me burgim;
⦁ Largoj xehtarët me dhunë nga vendet e punës dhe vendosi masat e dhunshme;
⦁ I keqtrajtonte dhe ndiqte vazhdimisht xehtarët dhe pengonte organizimet e tyre;

Pushteti serb, kishte menduar që me largimin e dhunshëm nga puna, xehtarët do të gjunjëzoheshin për kafshatën e bukës, sepse të ardhurat e fituara me djersë ishin i vetmi burim material i jetesës, kështu ndaj tyre vendosen luftën e pa shpallur por luftën më të ndyerë, pra, Luftën e Urisë, dhe në këtë mënyrë mendonin se do të gjunjëzoheshin xehtarët dhe do të nënshtoheshin urdhërave të tyre…!
Përveq ndihmave të herëpashershme që populli dha nga tërë Kosova për xehtarët e pa punë, në rrethanatë e krijuara lindi ideja dhe u jetësua në praktikë aksioni gjithëpopullor i bamirësisë afatgjate; Familja ndihmon familjen“ më vonë e shëndrruar në Shoqatën bamirëse”FNF” (Familja Ndihmon Familjen ) që u jetsua drejtëpërdrejtë dhe patë program afatgjatë dhe përkrahje nga e tërë Kosova , jashtë saj dhe kurbeti.
Me që përmes aksionit “FNF” ideaitor e vet autorit të këtij vështrimi, por e jetësuar nga vet populli, kam qenë në vazhdimsi në lidhje për bashkërëndimin e punëve me kryesin e Sindikatave të Pavarura të xehtarëve të trepçës, rreth përgatitjeve të regjistrave për familjet e xehtarëve me nevojë për ndihmë, s’bashku me kryesin e Sindikatave të Pavarura të xehtarëve, në veçanti me sekretarin Selami Helshanin, më ka ra në ndeje dhe organizime të xehtarëve të dëgjoj biseda të xehtarëve që mes tjerash thoni në ate që ishin të bindur se do të ndodh në të ardhmen:
“…Me rastin e lirisë dhe pavarësisë së Kosovës, xehtarët do të punojnë tri vite falas, vetëm sa për bukën e gojës si thonin ata, për të ndihmuar forcimin e ekonomisë së vendit dhe Shtetësinë e Kosovës…”

Po çfarë ndodhi me xehtarët dhe Trepçën jo tri vite pas lufte po qe 19 vite ?
⦁ Trepça dhe pasuritë e saja të mbetura u vjedhen e vidhen e shiten e stërshitën nga qeverisja vendore në pozita dhe pushtet të ndryshme ..!
⦁ Xehtarët dhe udhëheqësit që donin riaktivizimin e punës , su përkrahën, dhe me kohë u larguan dhe gjendja e Trepçës vazhdimisht u përkeqsua..!
⦁ Xehtarët, jo që su përkrahën që kërkonin punë e prodhim, por ata u detyruan që edhe në këtë kohë të hynë në Grevë Urie me kërkesa tani më për shtetin e tyre që para lufte dhanë çdo gjë për liri, pavarësi e për shtet, ndërsa mbas lufte, jo që su trajtuan si dhe sa duhet, por u dëmtua pasuria e Trepçës dhe jetesa e tyre mbet të mbijetojnë e pa dinitetshme dhe vazhdon të mbetet e till, nga qeverisja e keqe vendore…!
⦁ Si përfundim:
A janë sot xehtarët me FAT apo pa FAT…!?

/Diçka nuk po te shkon, diçka nuk po ta don, diçka po don më te mbetë në fyt/

Presidenti Hashim Thaçi pasiqe është mbytur ne moçalin e ujërave te
pista për politikën e vet antishqiptare për ndarjën, coptimin dhe
korigjimin e kufijve po delë kundër Kosovës dhe në dobi të Serbisë dhe
në sherbim te agjenturave slave-ruso-serbe,dhe gjithënjë e më shumë po
përjeton fiaska në skenën ndërkombëtare,por më së shumti ësht ka hanë
stupca kres nga vetë qytetarët e Kosovës të cilët nuk e përkrahë
askush,bile as partia e rij.

Pra ky njeri është i humbur,po fundosët ngdadalë ne plehun e historisë.

Por i humburi siç thotë populli mundohet të kapët edhe për kashte.Për
iden e tij për coptimin e Kosovës po mundihet të kapët edhe për te
tjërët.Kështu ai rishtas deklaroi se këtë ide e kishte edhe Presidenti
historik I.Rugova.

Vjenë keshilla President Thaçi largë duart nga Ibrahim Rugova.

I vogëi je sa bubrreci te matësh më ikonën dhe vleren kombëtare dr
Ibrahim Rugova.Ibrahim Rugova është po ai i cili luftoi me
shpirtë,zemer dhe dije për lirinë e Kosovës.Ibrahim Rugova është ai të
cilit gjat dhe pas luftës u mundove me ja hup flamën.Gjatë luftës me
shumë luftove kundër tij se sa me shka.Pasluftes atij iu vranë figurat
me te ndritura te kombit.Nga kush,me siguri e din.Pasluftës u banë
disa antentate për ta likujdu fizikisht.Nga kush,ndoshta e din.Por pas
luftës ate asnjehrë nuk mujte me e mujtë me zgjedhje.Ishte me i fortë
se sa ti.E donte populli,e kishte në shpirtë.Ai ia patë lanë një
amanet popullit për ty:

“Këtë njeri mbajeni gjithëmonë larg pushtetit sepse është i rrezikshem”

Deshtimi i ytë moral dhe intelektual shkonë edhe më largë.Tashti kur
të kanë çitë të gjithë jashtë,po mundohësh më u kapë për Rugovën ne
dobi te “tarnisë”tande për copëtimin e Kosovës,duke thnaë se edhe
I.Rugova ishte për ndarkës së Kosovës.President kjo nuk është e
vërtëtë,mos trillo,mos e mashtro popullin sepse populli e dinë së
kushte ishte I.Rugova dhe për çka e sakrifikoj jeteën e tij brilante
ne sherbim të kombit.Kjo u vertet edhe me rastin e vdekjes se tij kur
ti gjithë popullu u qu ne këmb ne minis 20 grad për te percjell në
përjetesi.ishin gadi 1 milion.Nuk e përcollën vetem smirzite e partis
tende.E,tashti për poena politik,por jo qe ke ndonjë respek për te
shkonë dhe i përkulesh te varri.Ani,marria nuk ka fund.

Ti e dinë fortë mirë se Qndrimi brilant i Rugovësnë vazhdimësi
ishte:”Kosova e pavarur në kufijtë egzistues…dhe në miqesi të
përhershme më Amerikën”,qe kësaj miqesije po mundoheni te ja futeni
thikë pas shpine.

Poashtu Hashim Thaçi e dinë fortë mirë se kujt ishte ideja për
korrigjimin e kufijeve Është ide e kahmotshme e Qosiqit te cilin
vazhdimishte e përkrahëte edhe Qosja i jonë me Dacin dhe Hazirin,qe
s’shohin larg por deri te hunda e tyre.Kjo ide është andërr dhe
projekt i kah moteshme e Serbisë,e percjellë braz pas brezit,por qe
tashti kur Aleksandër Vuçiqit i doli përball një njëri i lig,një njeri
i padijshëm që për interesat e tij personale e damëtonë edhe atedheun
e vetë.

Pra,z.President Hashim Thaçi hiçë dorë nga shkembimi i teritorëve.Në
këtë punë je i deshtuar,je i humbur përgjithëmonë,këtë me asnje kushtë
nuk e lejon populli i Kosovës.Nuk mundesh symbylltas qe për disa
ideologji te huaja të shkosh kundër popullit tend.

Alma Lama, e emëruara dhe e shkarkuara e Presidentit Thaçi, po refuzon të kthehet nga Ambasada e Kosovës në kryeqytetin italian. Ajo i ka kërkuar avokatit të Popullit ta çojë Thaçin në Gjykatën Kushtetuese. Ka zëra që thonë se ambasadorja e shkarkuar e ka denoncuar Thaçin në Itali për kërcënim. Lama tregon për Gazetën Express se çka po ndodhë në misionin kryesor diplomatik të Kosovës në Itali.

Po vazhdon drama në Ambasadën e Kosovës në Romë të Italisë. Kanë kaluar muaj prej kur presidenti Thaçi vendosi ta largonte nga pozita e Ambasadores Alma Lamën, ndërsa ajo akoma nuk e ka dorëzuar detyrën.

Lama, e cili mori detyrën në vitin 2016, pasi Thaçi u votua president, ka refuzuar vendimin e tij për lirimin nga detyra.

Ish-deputetja e Vetëvendosjes dhe e LDK’së, e numëron akoma vetën ambasadore të Kosovës dhe thotë se po e përfaqëson vendin, madje edhe presidentin në Romë.

Që prej se është dekretuar për ta përfaqësuar Kosovën në Itali, Lama është përfolur për relacionet e saj me Hashim Thaçin. Ajo u akuzua nga opozita e atëhershme dhe nga shoqëria civile se mori postin e ambasadorës në këmbim të votës që dha në shkurt të 2016’ës pro zgjedhjes së Thaçi president.

Burime të Gazetës Express kanë thënë se Alma Lama në Itali ka denoncuar presidentin Thaçi se po e kërcënon dhe se ajo nuk mund të kthehet në Kosovë.

Lama në një përgjigje për Expressin ka thënë se ka dëgjuar për këtë, por e konsideron një shpifje që po shpërndahet pa i ditur arsyet pse.

“Unë nuk jam në dijeni të një denoncimi të tillë. Bëhet fjalë për një shpifje që nuk e di nga gjenerohet dhe për çfarë arsye gjenerohet”, është shprehur Lama.

Edhe përkundër se Presidenti Thaçi ka nënshkruar në nëntor dekretin për shkarkimin e Lamës nga pozita e ambasadorës dhe kthimin e saj nga misioni, ish-deputetja e Vetëvendosjes dhe e LDK’së, thotë se ajo po vazhdon angazhimet e një ambasadoreje.

“Aktualisht unë jam përfaqësuese e Republikës së Kosovës në Itali, sipas vendimeve të institucioneve të Kosovës dhe përfaqësoj presidentin, kryeministrin dhe të gjitha institucionet dhe popullin e Kosovës”, është shprehur Ambasadorja e shkarkuar.

“Unë deri ne dorëzim të detyrës po punoj për kultivimin e raporteve mes shtetit italian dhe Republikës se Kosovës”, thuhet tutje në përgjigjen e Lamës.

Nga ana tjetër, ajo është ankuar te Avokati i Popullit për dekretin e Presidentit. Lama nuk po kthehet në Kosovë, ndërsa përmes avokatit të Popullit dëshiron ta dërgojë Presidentin Thaçi në Gjykatën Kushtetuese.

“Institucioni i Avokatit të Popullit ka pranuar ankesë nga Alma Lama kundër Dekretit të Presidentit nr. DTD 016-2018.Lidhur me këtë rast znj. Lama ka kërkuar nga Avokati i Popullit që Dekretin në fjalë ta dërgojë në Gjykatën Kushtetuese”, ka thënë në një përgjigje me shkrim Zyra e Avokatit të Popullit për Gazetën Express.

Në Ministrinë e Punëve të Jashtme kanë thënë për Express se Lama mund të shfrytëzojë edhe disa muaj kohë deri në kthimin e saj në Kosovë. Gjithashtu kanë treguar se një kërkesë e tillë, në emër të Ambasadorës, e ka bërë institucioni i Avokatit të Popullit.

Ndërkaq, zyra e Avokatit thotë prej 11 dhjetorit po pret përgjigje nga ministri i Punëve të Jashtme, Behgjet Pacolli rreth shkarkimit të ambasadorës kosovare në Romë.

Bukurie Gjonbalaj është përmendur se do të zërë vendin e Lamës, duke u rikthyer sërish në Romë.

Mirëpo Gjonbalaj në një përgjigje të shkurtër për Gazetën Express ka thënë se ajo nuk është ngarkuar me këtë detyrë./Express

Kryeministri i Republikës së Kosovës, Ramush Haradinaj, ka thënë se të gjithë ata që kanë udhëhequr shtetin, duhet të skuqen për faktin se si e kanë lënë Trepçën në një gjendje të keqe për 20 vjet.

Kryeministri i Kosovës, Ramush Haradinaj, ka marrë pjesë në manifestimin e 30-vjetorit të Grevës së Minatorëve.

Haradinaj tha se Trepça është burim jete të cilën e çmon çdo njeri në trojet tona. Ai thotë se Trepça është burim shumë i rëndësishëm dhe çdo sektor i jetës lidhet me të.

“Nuk është e rastësishme sot pse jemi bashkuar, që ardhja sot në Stantërg ka më shumë kuptime se sa një akt që ka bë kthesën, greva e minatorëve. Ne kemi ardhur që atëherë e kemi ditë çka duam, e kanë ditë qytetarët, minatorë, poashtu e dimë edhe sot. Trepça është një burim jete për të gjithë, që e çmojmë kudo që jemi në trojet tona. Trepça si burim jete është shumë i rëndësishëm sepse lidhet me shumë sektorë. Nuk ka sektorë tjetër i jetës që nuk lidhet me Trepçën”, tha Haradinaj.

Ai tha se është “marre” 20 vjet pas luftës që Trepça është lënë në gjendje shumë të keqe.

“Duhet me na ardhë marre e me u skuq si e kemi lanë Trepçën 20 vjet në këtë gjendje. Fakti që e kemi votu statutin e Trepçës na ngushëllon, por nuk mjafton duhet të regjistrohet si kompani, janë aksionarët që duhet të marrin përgjegjësi, pjesa e Trepçës në jug duhet dorëzuar materialet e nevojshme për regjistrim, letërnjoftimin e secilit minator, Trepça veri duhet ta përgatisin çdo materie të nevojshme në mënyrë që çdo aksionarë të regjistrohet. Mënyra më e mirë me nderu punën e luanëve të nëntokës është ta rikthejmë Trepçën në burim jete. Kemi pasë vështirësi dhe do të kemi, por duhet të punojmë me secilin. Minatorëve urime statuti i Trepçës”, tha Haradinaj.

Shefi i Grupit Parlamentar të LDK’së, Avdullah Hoti, i ka reaguar presidentit të Kosovës, Hashim Thaçit, pas deklarimeve të këtij të fundit, se idenë për korrigjim të kufirit fillimisht e ka mësuar nga ish-presidenti Ibrahim Rugova.

Hoti në reagimin e tij e ka bashkëngjitur edhe një intervistë të Rugovës. Sipas tij ish-presidenti e ka refuzuar gjithmonë idenë për ndarjen territoriale të Kosovës.

Ai thotë se Thaçi nuk mund të përligj veprime e veta kundër Kushtetutës duke u thirrë në atë se çfarë ka thënë Rugova.

“Presidenti Rugova e ka refuzuar kategorikisht idenë e ndarjes territoriale të Kosovës. Kjo është e vërteta. Presidenti aktual nuk mund të thirret në deklarimet e Presidentit Rugova për të përligjur aktet e veta kundër kushtetuese”, ka thënë Hoti, raporton Gazeta Express.

Hoti i ka thënë Thaçit që për këtë gjë ta pyesë edhe Blerim Shalën, i cili e ka realizuar edhe intervistën.

“Lexoni në vijim se çfarë thotë Presidenti Rugova në një intervistë për gazetën ‘Zëri’, në të cilën e ka zhvilluar këshilltari aktual i Presidentit Thaçi, z.Blerim Shala, në vitin 2004. Le ta pyes z.Shala, të cilin e ka në zyre”, ka shkruar ndër të tjera zyrtari i lartë i LDK’së.

Presidenti Thaçi sot ka qenë i ftuar në një konferencë të organizuar nga Instituti Kërkimor për Çështje Evropiane dhe Zhvillim me temën ‘Zëri i Popullit rreth ‘Finales së Madhe’. Ai ka thënë se për idenë e korrigjimit të kufijve kanë folur edhe ish presidenti Ibrahim Rugova, Nexhat Daci i Lufti Haziri.

Në këtë konferencë ka qenë i ftuar edhe lideri i Lëvizjes Vetëvendosje, Albin Kurti.

Kurti ka thënë se askush nuk ka të drejtë të falë tokën e Kosovës.

“Edhe po të ngriheshin dëshmorët nga varret nuk do të kishin të drejtë të falnin tokën, e lëre më të gjallët”, ka thënë Kurti./GazetaExpress/

PRISHTINË – Vetëm 10 për qind e banorëve të Kosovës mbështesin propozimin që Asociacioni i komunave me shumicë serbe të fitojnë autorizime ekzekutive në këmbim për njohjen e pavarësisë së Kosovës nga ana e Serbisë, ndërsa 30 për qind e mbështesin korrigjimin e kufirit për njohjen globale të Kosovës dhe anëtarësimin në Kombet e Bashkuara, tregojnë të dhënat nga hulumtimi që e zbatoi Instituti Evropian për Kërkim dhe Zhvillim (RIDEA).

Hulumtimi me temë “Zëri i popullit në finalen e madhe mes Kosovës dhe Serbisë”, u prezantua në konferencën në të cilën morën pjesë edhe presidenti i Kosovës, Hashim Thaçi, si dhe përfaqësues të opozitës dhe ekipit negociator shtetëror të Kosovës për dialogun me Serbinë.

Duke prezantuar të dhënat e hulumtimit të RIDEA-s, profesori Anthony Heath nga Universiteti i Oxfordit tha se shumica e qytetarëve të anketuar, më saktë 62 për qind, janë prononcuar kundër ndërprerjes së dialogut, dhe për këtë çështje ekziston pajtueshmëri e madhe mes shqiptarëve dhe serbëve.

“Skenari i parë është vazhdimi i statuskuosë, ndërsa skenari i dytë është njohja de facto e Serbisë me kompetencat ekzekutive të komunave me shumicë serbe. Skenari i tretë është korrigjimi i kufijve”, tha profesor Heath.

Vetëm 17 për qind e të anketuarve janë të kënaqur me vazhdimin e statuskuosë, 10 për qind mbështesin propozimin që Asociacioni i komunave me shumicë serbe të fitojë kompetenca ekzekutive në këmbim të njohjes së pavarësisë së Kosovës, ndërsa korrigjimin e kufijve për njohjen nga ana e Serbisë dhe hapjen e rrugës për anëtarësim në OKB e mbështesin 30 për qind.

Heath theksoi se ka dallim të madh kur është fjala për vijat e kuqe, ashtu që 96 për qind e shqiptarëve konsiderojnë se liqeni i Ujmanit duhet të ngel brenda Kosovës, ndërsa vetëm 5 për qind e serbëve konsiderojnë se kjo është vija e kuqe. E ngjashme është edhe me kombinatin metalurgjik të minierës së Trepçës. Po ashtu, 62 për qind e të anketuarve përgjithësisht konsiderojnë se Lugina e Preshevës duhet të jetë pjesë e Kosovës, ndërsa 91 për qind e shqiptareve konsiderojnë se pjesa veriore e Kosovës nuk duhet t’i jepet Serbisë, ndërsa për 10 për qind të serbëve kjo është vija e kuqe.

Hulumtimi është zbatuar në 1000 të anketuar në mbarë Kosovën, prej gjithsej 38 komunave. Të anketuarit janë zgjedhur rastësisht dhe në mesin e tyre kanë qenë 90 për qind shqiptarë, 9 për qind serbë dhe një për qind të tjerë.

– “Në 12 muajt e fundit kemi përkeqësim në marrëdhëniet mes Kosovës dhe Serbisë”

Presidenti i Kosovës, Hashim Thaçi, deklaroi se të gjithë mirë e dinë se dialogu është i paevitueshëm dhe i patjetërsueshëm, se Kosova doemos duhet njëherë e përgjithmonë të pastrojë raportet me Serbinë. Thaçi përsëriti se fuqishëm beson se ka ardhur koha që të lihet anash armiqësia që ka prodhuar tragjedi në Kosovë dhe se duhet të arrihet marrëveshje përfundimtare gjithëpërfshirëse me Serbinë.

“Opsioni i mbajtjes së statuskuosë në marrëdhëniet ndërmjet Kosovës dhe Serbisë, të cilin disa ende e mbështesin, u vërtetua i gabuar dhe i paqëndrueshëm. Mendoj se statuskuoja, është një hap prapa. Në 12 muajt e fundit kemi përkeqësim dhe regres në marrëdhëniet mes Kosovës dhe Serbisë. Nuk kam asnjë dyshim se nëse nuk arrijmë marrëveshje ligjërisht të detyrueshme këtë vit, ne hyjmë në zonën e rrezikshme të këtyre marrëdhënieve, të cilat mund të destabilizojnë të gjithë rajonin”, tha Thaçi.

Presidenti i Kosovës tha se vitin e kaluar u kërkua që Shtetet e Bashkuara të Amerikës të përfshihen drejtpërdrejt në procesin e dialogut, që edhe u konfirmua nga letra e presidentit të SHBA-ve, Donald Trump dhe sekretarit të Shtetit, Pompeo, se “kemi mbështetje të fortë për arritjen e një marrëveshjeje mes dy vendeve tona, të cilat duhet të njihen reciprokisht”.

Duke komentuar mbi rezultatet e hulumtimit, Thaçi tha se i “ka bërë përshtypje që qytetarët e Kosovës pajtohen me pikëpamjet tona kryesore politike dhe vlerësimet në lidhje me dialogun, i cili na inkurajon”. Ai gjithashtu theksoi se platforma e dialogut do të kalojë në Kuvendin e Kosovës dhe se Delegacioni i negociatave për dialogun, i formuar kohët e fundit, ka mbështetjen e tij.

– “Në 6 vitet e fundit janë nënshkruar 33 marrëveshje me Serbinë”

Nga ana tjetër lideri i partisë opozitare “Vetëvendosje”, Albin Kurti, tha se askush nuk mund të thotë se Kosova nuk ka arritur marrëveshje me Serbinë, sepse janë nënshkruar gjithsej 33 marrëveshje për gjashtë vitet e fundit të dialogut në Bruksel dhe se duhet të shqyrtohet se sa janë zbatuar dhe impakti i tyre politik dhe social në Kosovë.

Sipas tij, qëndrimi i Serbisë është kufizimi dhe ndarja e Kosovës, por edhe ndarja e Bosnjë e Hercegovinës dhe se është e domosdoshme që Kosova të dijë se çfarë dëshiron nga dialogu me Serbinë.

“Njohja e pavarësisë së Kosovës, kompensimi i dëmeve, dëmshpërblimet, sqarimi i fatit të të zhdukurve, këto janë kërkesat që pajtohemi dhe pse nuk bëjmë një dokument shtetëror zyrtar me kërkesat tona për Qeverinë dhe presidentin e Serbisë. Është e rëndësishme të bëhet përpara dialogut”, tha Kurti.

Ai shtoi se konsensusi i shtetit është i rëndësishëm, jo vetëm në aspektin partiak dhe politikisht, që do të thotë se ka një shtet të fortë. Ai po ashtu deklaroi se Kosova duhet t’u japë përparësi serbëve nga Kosova në raport me Beogradin.

Nënkryetari i LDK-së, Lutfi Haziri, tha se në çështjen e dialogut me Serbinë, nuk duhet të zhvillohet politikë inatesh, dhe se nuk duhet të ketë shantazh politik. Ai tha se partia e tij kërkon një rishqyrtim të strukturës së dialogut dhe se legjitimiteti për dialog duhet të merret në Kuvendin e Kosovës. Haziri i kërkoi Thaçit që të shpallë zgjedhjet e parakohshme në Kosovë pas dialogut me Serbinë.

Një nga dy bashkëkryesuesit e Delegacionit Shtetëror të Negocimit për dialogun me Serbinë dhe zëvendëskryeministër i Kosovës, Fatmir Limaj, përsëriti se në dialogun me Serbinë shkohet vetëm me njohjen e Kosovës.

Shkëmbimin e territoreve mes Kosovës dhe Serbisë, në këmbim të njohjes dhe anëtarësimit të Kosovës në Organizatën e Kombeve të Bashkuara, e mbështesin vetëm 30 për qind e qytetarëve të Kosovës.

Këto të dhëna i ka prezantuar Instituti Kërkimor për Çështje Evropiane dhe të Zhvillimit (RIDEA), në konferencën, “Zëri i Popullit rreth Finales së Madhe” ndërmjet Kosovës dhe Serbisë, duke iu referuar kështu procesit të dialogut mes këtyre dy shteteve që ndërmjetësohet nga Bashkimi Evropian në Bruksel.

Sipas këtij sondazhi, status-quon aktuale mes Kosovës dhe Serbisë, e mbështesin vetëm 16 për qind e qytetarëve të anketuar, derisa vetëm 10 për qind kanë treguar përkrahje për idenë e krijimit të Asociacionit të komunave me shumicë serbe, me kompetenca ekzekutive, në këmbim të njohjes defakto të pavarësisë së Kosovës nga Serbia.

Në këtë konferencë kanë marrë pjesë liderë shtetërorë të Kosovës, duke përfshirë presidentin, Hashim Thaçi, zëvendëskryeministrin Fatmir Limaj, kryetarin e Lëvizjes Vetëvendosje, Albin Kurti, kryetarin e Gjilanit, Lufti Haziri dhe shumë zyrtarë të tjerë.

Kryeministri Ramush Haradinaj përsërit qëndrimin e tij kundër ndryshimit të kufijve, ndërsa e quan të palogjikshme ndarjen në vija etnike.

Në konferencën për media, pas mbledhjes së Qeverisë, kryeministri Haradinaj iu përgjigj kërkesës publike të kryediplomatit serb, Ivica Daçiç, që serbët dhe shqiptarët të ndajnë kufijtë sipas etnisë.

Haradinaj thotë se ka qëndrim të njëjtë rreth idesë së korrigjimit të kufijve, transmeton Gazeta Express.

Sipas tij, është e pakuptueshme dhe e palogjikshme që shtetet të ndahen me baza etnike, dhe kjo, sipas shefit të ekzekutivit do të sillte tragjedi.

“Qëndrimi i Daçiqit nuk është i ri. E ka pas në vazhdimësi e ka konfirmuar edhe një herë se është qëndrim zyrtar i Serbisë, ndarja etnike. Ndarja etnike ka krijuar tragjedi në Ballkan. Janë me rrezik këto deklarime. Ndarja me vija etnike është e pamundur dhe e pakuptimtë në nivel politik”, tha Haradinaj. /Express/

Lëvizja Vetëvendosje është njera ndër Partitë më te reja për nga
formimi por edhe për nga mosha. Kjo parti të cilën e udhëheq Lideri i
saj Albin Kurti ka grumbulluar rreth vetes pjesën me te re dhe më
te shendëtëshme të kombit.Rrugëtimi dhe rritja i sajë nuk ishte nëpër
kancalerit e ndryshme. Kjo Parti lindi dhe u rritë në rrugë, ne
demostrata dhe protesta,duke luftuar për ndërtimin e shtetit,duke e
luftar vjedhjet dhe hajnite e Partive tjera,e sidomos te PDK e cila
përbëhet nga komandantet e vertetë dhe komandantëve mashtruës,qellimi
i te cilëve nuk ishte ndërtimi i shtetit por plaçkitja e shtetit.

Protëstoi kundër Presidentit te Kosovës për Mareveshjet e këqija në
damë të Kosovës për iden e tij për ta ndarë dhe copetu Kosovën e cila
qe një vit e beri rremuaj Kosovën duke mos patur përkrahjhën nga as
kush.Prtoestoj,për dorëzimin e tij ndaj politikave destruktive të
Serbisë,protestoi për këmbimin tregëtar diskriminuse ndaj Kosovës,pa
kurrfar reciprociteti Ishte e para qe për te gjitha këto protëstoi
edhe në Parlament duke tentuar qe te mos kalojnë Mareveshjet e
dhembshme për Kosovën siq ishte demarkacioni me Malin e Zi dhe
Marëveshjet e ndryshme.Për te gjitha këto e për shumë te tjera LVV u
sulmu gjatë protestave(ju vranë dy aktivist),u përsekutuan aktivistet
e saj si ne kohën e okupimit serb,Albin Kurti rrxohej për tokë nga
policet tu ia vu çizmen ne fytë.Kështu u rritë LVV në “betejat e saj
nëpër rrugë duke kërku respekt për shtetin e vet.

Në këtë mënyrë LVV u rritë,lëshoi shtat u bë një ndër subjektet më te
fuqishme në Kosovë që në zgjedhjet e fundit doli partia e parë me 32
deputet duke i lën pas edhe disa parti më të mëdha.Mu për këtë këto
parti nga inati filloj për te ba skenare së si te ndalët kjo Parti në
rritjën e saj të metejme.Dhe e gjeti Kalin e Trojës pikërishtë mbrenda
LVV,për ta shkaterruar ate nga mbrenda.Shigjetat kundër LVV erdhi
pikërisht nga Partia me e smuar dhe me dergjë PDK e cila ne këtë
drejtim im orkestoi Klanin Pronto dhe SHIK-un.Ata ia futen fitilin LVV
duke i gjetë aty mbrenda do farë krimba të cilkët kishin nisë ta
brejnë LVV.Para një viti për ta shkateruar dhe penguar LVV drejtë
rritjës së saj për ta marr pushtetin brenda kësaj Partije shpërtheu
sherri.U iskenuan skenadr ndër më te ndryshmet për ta shpartallu
LVV.Kjo ndodhi ateherë kur Lideri i kësaj Partije Albin Kurti gjerndej
në Burk për shkak te luftës së tij për berjen e shtetit,në këtë parti
filloi revolta,nisi rebelimi ne fillim me një banalitet të turpshëm
duke e quajtur Albin Kurtin m…t nga Aida Dërguti,krejtë kjo sipas
nje skenari te përgatitur më parë,nga elementet destruktiv brenda dhe
jashte LVV.Nisi rebelimi.Ne shenjë gjoja te”despotizmit” te Albin
Kurtit dolën me rend,sipas skenarit te pregatitur që më parë mbi 12
deputet te LVV.Por,aresyeja e arratisjes së këtyre rebeleve nuk ishte
së ata e kishin keq në LVV,por ishin te detyruar nga jashtë me joshje
dhe premtime për pozita dhe afrim me PDK-në.Dhe kjo u vertetu këto
ditë,kur ata nuk deshtën me nejtë ne opozitë por iu rras pushtetit
sipas premtimeve te dhana.Krejtë kësaj,terë këtij skenari i parapriu
Kryerebeli Shpend Ahmeti,i cili gjatë gjithë skenarit te arratisjes së
rebeleve,vetë ndejti i fundit.Kryerebeli se bashku me”bandën”e
rebelëve tjera,sipas premtimeve iu afru pushtetit,po bashkëpunon me
pushtetin,po ia jepë votat kur ti duhën,u futën në Ekipin për dialog
me Serbin pa kurrfarë autorizimeve në këtë drejtim.Bile Kryerebeli
Shpend Ahmeti edhe u zgjodhë si z/kryesues. Këta janë deputet
falso,sepse de facto këto mandate i vodhën nga LVV te cilës edhe i
takojnë.Por.një gjë dihet,e dinë çdo kushë,se Shpend Ahmeti le të
merrë pozita çfare do çoftë ai kurr nuk mund te jetë më i fortë karshi
LVV,kurse Albin Kurtit nuk mund ti afraohet as deri te zogu i
këmbës,sepse Ahmeti do te mbetet një kurgja,një hiç ndaj figures me
emblematike sot në Kosovë i cili,jo vetem Shpend Ahmetin por te gjithë
lideret tjere po i gjuan në berllog ne te gjitha sondazhet.Natyrysht
sepse ate populli e donë,është sinonim i tyre,është shpresa e tyre për
një të ardhme më te mirë dhe dinjitoze.

Kohët e fundit midis LVV dhe këtyre rebelëve ka nisë një fushatë e
papresedan midis tyre plasi sherri midis tyre,sigurisht me iniciativën
e punëdhënsve te tyre nga PDK-ja,duke tentuar se kush po e fyen e
njollos më shumë njeri tjetrin siç janë këqëqeverisja e keq ne komunën
e Prishtinës.Bile,për këto “shpifje”të LVV Shpend Ahmeti e paska ba
një padi te kotë në gjykatë,sepse argumentet e tij nuk janë të
skata,bile qumshti i Shpend Ahmeti veq është tani kos,kurse Jahta e
Devollve ësht hala gadi për te.

Dikur Shend Ahmeti tutj,dridhëj nga Albin Kurti,mshefej birucave për
tu mos u taku me Albin Kurtin,sepse e kishte kaqikun e vogël më u taku
më viganin e LVV partria e të cilit po rritet për çdo ditë,kjo u pa me
28 shtator 2018 kur i vetem ne protesta e dridhi të Terë Prishtinë dhe
Kosovën,kurse rebelet në çfarëdo rrethanash ne zgjedhje do te pesoi
debakët dhe fijasko.

Thirrja e Shpend Ahmetit në një duel tv me Albin Kurtin është më se
qesharake dhe budallallak i sojit te Shpend Ahmetit,sepse Shpnd Ahmeti
është i vogël sa bubrreci për tu ballafaquar me Liderni par exselance
të Kosovë,do te ishte nençmim jo vetem thirrja ne dual poredhe neçmim
për Albin Kurtin i cili është Lidër i përmasve tl medha jo vetem në
Kosovë por edhe jashtë.

Këtë e ka thënë duke iu referuar partnerëve të koalicionit.

Sa i përket thirrjes së SHBA-së që taksa të anulohet, Haradinaj ka thënë se veprimet të tilla ndërmerr edhe vet shteti amerikan.

“Trump ka vendos tarifa për plot vende dhe ekonomi, po ndërton mure me Meksikën. Ne do të shkojmë kësaj rruge dhe tarifa nuk hiqet deri në njohje”, është shprehur Haradinaj pas homazheve në varrezat e dëshmorëve.

“Nëse shkojmë hapa prapa, mund ta kërkojnë sot heqjen e tarifës, pastaj Trepçën… Dialogu të ndodhë pa kushtëzime, i është thënë Mogherinit. Serbia po i nxjerr kushte Kosovës në vend se të ishte ndryshe. Në tavolinë mund të bisedohet edhe për taksën. Pres përkrahje e të gjithëve edhe të partnerëve politikë edhe pse mund të ketë mendime të ndryshme. Nuk është mirë të provojë dikush që ta heq pasi që vendimi ka qenë i të gjithëve. Nuk është demokraci të hiqet pa votën e njërit partner – këtë rast AAK-së”, tha i pari i Qeverisë.

Kryeministri i Kosovës, Ramush Haradinaj ka thënë se taksa doganore 100 për qind e vendosur ndaj importeve nga Serbia dhe Bosnjë e Hercegovina do të mbetet në fuqi për aq kohë sa ai të jetë në postin e kryeministrit.

“Shpresoj më dëgjuat shumë mirë. Po e shihni ku kam ardhur për ta thënë. Sa jam unë kryetar qeverie taksa nuk hiqet”, ka thënë Haradinaj gjatë një vizite që i bëri kompleksit memorial në Gllogjan.

Haradinaj ishte këmbëngulës se taksa nuk duhet të hiqet pa njohjen e shtetit të Kosovës nga ana e Serbisë. Haradinaj ka thënë se duhet të ndalet kushtëzimet për Kosovën.

“Nëse ne fillojmë të bëjmë hapa prapa, njëherë kërkohet të hiqet tarifa, nesër mund ta kërkojnë të hiqet Trepça, të hiqet Ushtria, të hiqet diçka tjetër”, ka thënë Haradinaj.

Kreu i ekzekutivit ka folur edhe për raportet e koalicionit qeverisës, duke thënë se të gjithë ka qenë të pajtimit që të vendoset taksa 100 për qind për produktet me origjinë nga Serbia dhe Bosnje e Hercegovina.

“Kërkoj përkrahjen edhe të partnerëve politikë, edhe pse mund të kemi mendime të ndryshme. Një gjë është e vërtetë, kur e kemi marrë vendimin për taksën, kemi qenë unanim, pra secili ka thënë po. Nuk është mirë askush të provojë të heqë taksën, pa thënë secili po”, ka thënë kryeministri Haradinaj.

Kryeministri Haradinaj është duke e kundërshtuar kërkesën e SHBA-së dhe Bashkimit Evropian për pezullimin e tarifës ndaj mallrave serbe.

Tarifa është bërë pengesë e vazhdimit të dialogut për normalizimin e raporteve ndërmjet Kosovës dhe Serbisë, pasi delegacioni serb ka anuluar pjesmarrjen në këto bisedime derisa tarifa të jetë në fuqi.

Në anën tjetër, partneri i koalicionit qeverisës, Partia Demokratike e Kosovës, përmes kryetarit të saj, Kadri Veseli ka propozuar pezullimin e tarifës për një periudhë 120 ditëshe.

William Walker është i pranishëm sot në Kosovë, për nder të festës së pavarësisë së Kosovës.

Ai gjatë parakalimit të tij në sheshin e Prishtinës, ka marrë duartrokitje të fuqishme nga qytetarët e pranishëm aty.

Walker ka respekt të madh në shtetin e Kosovës, pasi ai tregoi krimet e serbëve gjatë luftës në Kosovë, të cilat i pa vetë me syt e tij.

PRISHTINË – Shpallja e pavarësisë së Kosovës më 17 shkurt të vitit 2008, ishte ngjarja më e rëndësishme për Kosovën në shekullin e ri, vlerëson presidenti i atëhershëm i Kosovës, Fatmir Sejdiu.

Ai në një bashkëbisedim me Anadolu Agency (AA) vlerëson kohën kur Kosova shpalli pavarësinë, marrëdhëniet e saj me vendet fqinje dhe tema tjera që ndërlidhen me pavarësinë e vendit.

Sejdiu thekson se për të mbërritur në atë moment, është dashur shumë sakrificë të gjeneratave të tëra, që kulmoi me luftën me pasoja të shumta të cilat i shkaktoi Serbia në Kosovë.

“Viktimat e shumta që janë, pastaj një dëbim i madh i popullsisë së Kosovës jashtë vendit, rreth 1 milion qytetarë, si dhe duke pasur parasysh edhe vrasjet, arrestimet dhe shumë forma tjera si shpërnguljet e torturat që janë bërë mbi gjeneratat që kanë kapërcyer. Prandaj ka qenë një fat për të gjallët që të përmbyllin këtë cikël pas një rezistence të fuqishme politike dhe të armatosur dhe pas një ndihme të jashtëzakonshme ndërkombëtare që i është dhënë Kosovës që të arrijmë ditën e lirisë”, thotë Sejdiu.

Ish presidenti kosovar njëherësh ish-kryetar i ekipit negociator të Kosovës, rrëfen mbi shpalljen e pavarësisë, të cilës sipas tij i parapriu procesi negociator që udhëhiqej nga negociatori special i sekretarit të Përgjithshëm të Kombeve të Bashkuara, Marti Ahtisari.

“Me atë që ne kemi ofruar si vizion edhe gjatë negociatave, ka qenë e bollshme që të kuptohet se Kosova vërtetë do të bëhet një faktor i rëndësishëm për paqen dhe stabilitetit dhe do të jetë e tillë që do të mund të jetojë natyrisht në bashkëpunim ndërkombëtar me vendet e tjera sovrane. Dhe, ajo ditë kur bëhet shpallja e pavarësisë ka qenë një moment i ndjeshëm. Shumë kush ka dëshiruar ndoshta të jetë edhe më herët, por rrethanat kanë qenë të tilla që është dashur të përgatiten të gjitha elementet për të pasur finalen e 17 shkurtit”, theksoi Sejdiu.

“Njohjet e para kanë qenë një gëzim i madh për ne”

Ai thekson se data e shpalljes së pavarësisë ishte caktuar dy- tre javë më parë, edhe pse opinioni nuk ishte i informuar për të, për çka kishte pasur shumë emocione ato ditë. Ka qenë e nevojshme përgatitja e një numri dokumentesh të lidhura me kërkesën e adresuar shumë vendeve për njohjen ndërkombëtare të Kosovës, të cilat i kishte nënshkruar ai, ose kryeministri i atëhershëm Hashim Thaçi. Gjithashtu, ka qenë e nevojshme t’u dërgohet një garanci e institucioneve të caktuara ndërkombëtare, Kombeve të Bashkuara, Bashkimit Evropian, NATO-s, për praninë e mekanizmave që do të jenë të pranishme në Kosovë, siç është EULEX-i, i cili erdhi më vonë për të mbështetur sundimin e ligjit.

Para shpalljes së pavarësisë, shton Sejdiu, ishte dashur të mendohet edhe për vet ceremoninë si dhe për sigurinë, sepse gjërat mund të rrezikoheshin nga ata që ishin kundër këtij akti, dhe nga ata që ishin instrument i atyre që propagandojnë se Kosova mund të shndërrohet në fuçi baruti, se do të ketë shpërthim në Evropën Jugperëndimore, se do të ketë një eksod të madh të qytetarëve serbë, se do të ndodhë persekutimi i tyre, gjë që fatmirësisht nuk ndodhi.

“Njohjet e para kanë qenë një gëzim i madh për ne, njohjet që kanë ardhur nga vende të ndryshme të botës, nga fuqitë e mëdha, nga vendet mike. Ne i jemi gëzuar secilës njohje, pavarësisht se është vend i madh apo i vogël dhe pastaj është punuar që të jetë një realitet i ri, pra një epokë e re në të cilën ka hyrë vendit”, tha Sejdiu.

Siç rrëfen ai, vijoi bartja e kompetencave nga institucionet ndërkombëtare në ato vendore dhe angazhimi në disa fusha të rëndësishme, si zhvillimi ekonomik, investimi kapital, energjia, shëndetësia dhe përmirësimi i arsimit. Në të njëjtën kohë, thotë ai, ka punuar në afirmimin ndërkombëtar të Kosovës dhe anëtarësimin e Kosovës në Bankën Botërore, Fondin Monetar Ndërkombëtar, Bankën Evropiane për Rindërtim dhe Zhvillim, nismat rajonale, si dhe organizatat ndërkombëtare sportive si Komiteti Olimpik Ndërkombëtar, FIFA dhe UEFA.

“Në njohjet ndërkombëtare ne kemi arritur diku 100-115 vende që kanë pranuar vendin. Fatkeqësisht ka disa vende që kanë tërhequr njohjen, ato janë rezultat i politikës së papërgjegjshme që Serbia e bën, sepse ajo duhet të mendoj për gjeneratat e ardhshme dhe relacionet midis dy vendeve dhe jo të helmojë këtë rajon me qasjen jo të ndershme në mënyrën se si e ka bërë, por unë besoj se kjo do të kapërcehet”, tha Sejdiu.

Raporte të shkëlqyeshme me vendet fqinje

Sejdiu thotë se në 11 vitet e kaluara ka pasur disa stagnime dhe se duhet punuar më shumë në fushat e sundimit të ligjit dhe luftës kundër fenomeneve negative të pranishme në Kosovë dhe në vendet e rajonit.

Njëkohësisht, thotë ai, janë ndërtuar raporte të shkëlqyeshme me vendet fqinje, Malin e Zi, Shqipërinë, Maqedoninë e Veriut, por edhe me Bullgarinë dhe Greqinë, ndonëse kjo e fundit nuk ka njohur Kosovën.

“Për fat të keq, kjo nuk kanë ecë me Republikën e Serbisë, për shkak të qasjeve që ajo në mënyrë jo racionale i ka pasur deri tani dhe të mbështetjes së saj në iluzione të hershme, duke menduar nganjëherë dhe thjesht duke dëgjuar deklarata për kthimin e Kosovës nëse nuk ndodh me vullnet atëherë me dhunë, mos heqja e Kosovës nga kushtetuta e tyre dhe çështje të tjera që janë më shumë mite të trilluara për Kosovën si djep i Serbisë, me të dhe gjëra që praktikisht nuk janë të këtij shekulli”, theksoi ai.

Ish-presidenti i Kosovës vlerëson se në Kosovë, as serbët e Kosovës, dhe as serbët nga Serbia nuk fajësohen kolektivisht, por vetëm ata që kanë kryer krime dhe që janë përgjegjës për politikën e keqe duhet të përgjigjen herëdo kurë, siç ishte rasti me kreun e shtetit serb, Sllobodan Millosheviç, dhe të tjerëve që ishin të afërm me të.

“Dialogu me Serbinë është i nevojshëm”

Fatmir Sejdiu është i mendimit se dialogu me Serbinë është i nevojshëm në mënyrë që të relaksohen marrëdhëniet mes dy vendeve, me çka do të hiqeshin pengesat për bashkëpunim mes dy shteteve sovrane, por se nuk ka nevojë për një dialog i cili sipas Serbisë, do ta vendoste Kosovën në pozitë të një statusi të papërfunduar politik.

Ai shprehet se ka pasur qasje në Platformën e Dialogut të cilin e ka hartuar ekipi negociator i Kosovës, dhe se duhet besuar se ajo Platformë nuk do të dalë nga korniza e kushtetutës, sepse askush nuk guxon të dalë jashtë saj.

“Sovraniteti dhe integriteti i Kosovës në kuptimin territorial është i garantuar dhe i mbështetur ndërkombëtarisht dhe si i tillë ai duhet të mbrohet dhe askush nuk mund të ketë mandat që të kapërcej përtej asaj që kushtetuta e vendit e parasheh”, theksoi Sejdiu.

Në fund, ish-presidenti i Kosovës thotë se kushtetuta e vendit e cila për bazë ka Planin e Ahtisarit, ofron zgjidhje të mrekullueshme për pakicat në Kosovë, të cilat ndonëse përbëjnë tetë për qind të popullatës së Kosovës, trajtohen me dispozitat bujare të cilat shkojnë mbi standardet ndërkombëtare.

Ambasadori i Shteteve të Bashkuara të Amerikës, Phillip S.Kosnett ka uruar qytetarët e Kosovës për 11-vjetorin e pavarësisë.

Përmes një video-mesazhi të publikuar në llogarinë zyrtare të ambasadës në Facebook, Kosnett tha se tri prioritet për qytetarët e Kosovës janë paqja, drejtësia dhe prosperiteti.

Ai tha se për arritjen e paqes është e nevojshme arritja e marrëveshjes me Serbinë, që në thelb duhet të ketë njohjen e ndërsjellë.

“Arritja e paqes kërkon një marrëveshje gjithëpërfshirëse me Serbinë, që në thelb duhet të ketë njohjen e ndërsjellë. Arritja e drejtësisë do të thotë ndërmarrja e veprimeve konkrete për të ndërtuar sundim të ligjit dhe luftën e korrupsionit në të gjitha nivelet. Dhe ndërtimi i prosperitetit do të thotë përpjekje më të më të mëdha që do të inkurajonin investime ndërkombëtare dhe zhvillim ekonomik”.

“Sigurimi i së ardhmes kërkon lidership të pjekur politik dhe angazhimin e qytetarëve dhe një përkushtim për të ofruar mundësi të barabarta për të gjithë qytetarët, pavarësisht gjinisë, fesë apo etnisë. Jam i bindur se qytetarët e Kosovës janë të përgatitur për sfidat që i presin. Shtetet e Bashkuara do të jenë përkrah jush”, tha ambasadori Kosnett.

Ambasadori amerikan tha po ashtu se është në “duart e popullit të Kosovës të marrë përgjegjësitë dhe t’i mbajë përgjegjës liderët e tij, që të ndërmarrin hapat e nevojshëm për progres”.

Kryeministri i Kosovës, Ramush Haradinaj sonte ka ripërsëritë qëndrimin e tij se taksa ndaj produkteve të Serbisë nuk hiqet, pa një kontrate garantuese për njohjen e Kosovës nga Serbia.

Haradinaj gjatë pjesëmarrjes në Konferencën për Siguri që po mbahet Mynih, ka pohuar se Amerika nuk ka asnjë ushtrinë në botë më aleate se FSK-në, dhe nuk ka popull më aleat se shqiptarët.

“Parimi që ka vle çdoherë për dialogun, ka qenë moskushtëzimi i dialogut. Është gabim që është lejuar dikur me devijuar dialogu, me u biseduar kufij e territore, por edhe tani është gabim nga Zonja Mogherini me pranuar që Serbia, në këtë rast z. Vuçiq me kushtëzuar kthimin në tavolinë, me hjekjen e taksës. Taksa nuk bënë me u hjek pa një kontratë, dhe duhet ta dimë se çfarë kontrate obligative dhe ligjore, pra gjithëpërfshirëse hymë me Serbinë. Njëra nga çështjet është edhe tregtia e lirë, në këtë rast, hjekja e tarifës”, tha Haradinaj.

Ai ka pohuar se Amerika duhet të bëjë presion të Serbia për të mos kushtëzuar dialogun dhe të arrihet një marrëveshje gjithëpërfshirëse.

“Jo nuk ndryshon, shikoni ne jemi vendi më aleat i Amerikës, se është fol edhe për marrëdhëniet me Amerikën. Është një kërkesë legjitime prej Amerikës, pezullimi i taksës, por sikurse e dini, vendimi për taksën është një vendim ligjor, pra nuk kemi shkel ndonjë ligj, është vendim i Qeverisë së Kosovës, i qeverisë sovrane dhe nuk është marrë nw relacion Kosovë – Amerikë, por është marrë nw relacion Kosovë dhe fqinji ynë, shkaku i veprimeve armiqësore ndaj Kosovës. Amerika besoj nuk ka popull me aleat se ne. Presim prej Amerikës, në vend që t’i bëjë preson veç Kosovës, ose veç institucioneve të Sigurisë së Kosovës, si rasti që është paralajmëruar për FSK-në, FSK-ja është aleati më i mirë i Amerikës, ndoshta nga krejt ushtritë e Botës. Këtë preson ta orientojë nga Beogradi, në mënyrë që të arrihet një marrëveshje obligative ligjore, gjithëpërfshirëse, për njohje reciproke, qe i hap perspektivë Kosovës për anëtarësim në OKB dhe në organizatat tjera ndërkombëtare, por po ashtu që siguron edhe tregtinë e lirë”, tha Haradinaj, raporton KosovaPress.

Ai tha se rruga e vetme është kthimi në tavolinë i Kosovës dhe i Serbisë pa kushte. “E tha edhe Presidenti në fjalën e vet, se ne jemi viktimë, pasi Serbia ka kryer krime në Kosovë. Nëse dikush është dashur me vendos kushte, do duhej të vendosnim ne, sepse ne jemi viktima, pasi Serbia ka kryer shumë krime në Kosovë”.

Ai tha se Serbisë tani i kushton koha, pasi Serbisë i duhet për hapjen e kapitujve për hyrje në BE, “ndërsa tani tarifa po na kushtin dy palëve”.

“Ne e duam Amerikën me zemër të gjithë, por nuk jemi më miq për Amerikën, nëse marrim hapa të nxituar”, tha Haradinaj.

Kryeministri po ashtu ka lutur të gjithë krerët institucional dhe të partive politike, që të bëhen bashkë, për të mos lejuar Serbinë që të vendos kushte për dialogun.

Pas një sëmundjeje të shkurtër, të premten mbrëma ndërroi jetë gazetari Hivzi Krasniqi.

Krasniqi për një kohë të gjatë kishte punuar në Radio Kosovë, ku dhe përfundoi karrierën e tij si gazetar.

Po ashtu ai kishte punuar për një periudhë edhe Radio Dukagjini dhe Radio Televizionin 21.

Përveç profesionit të gazetarisë, Krasniqi ishte edhe autor i mbi 1 000 tekste të këngëve.

Krasniqi do të varroset sot në vendlindjen e tij, në Pejë.

Akad. I.Ajeti e Xh.Leci. Prishtinë,15.7.2018

Në moshën 102 vjeçare, (1917-2019), ndërroj jetë, Profesor Idriz Ajeti, më 13 shkurt 2019, ndërsa u varros më 14 shkurt në Prishtinë.
Akad. I.Ajeti ka vuajtur nga varfëria shumë vite. Ai nuk ka lënë pasardhës dhe kjo është dhimbja më e madhe për Akademikun, bashkëshortën e Tij dhe të gjithë njerëzit e mirë. Institucionet e Kosovës nuk janë kujdesur as nuk besoj se e dinë që Akademiku nuk ka pasur fëmijë, të cilët do ishin kujdesur për prindërit…
Presidenti Hashim Thaçi, e ka dekoruar akademik Idriz Ajetin me Medaljen Presidenciale të Meritave, në 100 vjetorin e lindjes, për kontributin e jashtëzakonshëm në fushën e arsimit, shkencës dhe kultures, duke e quajtur, “për mua jeni Çabej i Kosovës”. Kaq kanë bërë Hashimi, dhe institucionet e vendit, për Akademikun e Madh për nga veprat, e më të moshuar në Kosovë. Sa keq…!
Anashkalimi i Akademik Idriz Ajetit, nga institucionet e Kosovës, nuk përbën preçedent. Janë edhe sivëllezërit e tij Profesorë, të shquar në veprimtari krijuese, edukuese dhe kombëtare, si Ali Hadri, Gazmend Zajmi, Zekirja Cana dhe të tjerë, të cilët, tashmë, pushtetarët lakmiçar i kanë harruar dhe as që u shkon mendja t`i kujtojnë, të paktën, në ndonjë përvjetorë të shënuar. Sidoqoftë, ata jetojnë dhe rrezatojnë, me veprat e tyre studimore, me personalitetin dhe integritetin e tyre unik, përgjatë gjithë jetës së tyre të bujshme.

Shoqata Humanitare “Medvegja”, me seli në Fully të Zvicrës, ka ndihmuar materialisht dhe nderuar me Mirënjohje Akad. Idriz Ajetin.
Idriz Ajeti ka jetuar vetëm me bashkëshortën e Tij, po ashtu e moshuar, në një ndërtesë shumë-katëshe, në katin e 3-të, pa pasur ashensor, e mundësi ta ndihmojë ndokush, për të zbritur ndonjëherë në kopshtin e ndërtesës, për ta thithur, sadopak ajrin e natyrës.

Zonja e Akademik Idriz Ajetit duke na treguar për librat…

Nga e majta: Rexhep Abazi,prof. Akad.I.Ajeti dhe unë

Me datën 15.7.2018 së bashku me mikun tim, Rexhep Abazi, profesor nga Medvegja, vizituam Akademik Idriz Ajetin. Akademiku u gëzua shumë, biseduam për shumëçka…
Në emër të familjes Leci, iu falënderova Akademikut, për gjestin e mirë atdhetar e njerëzor, që kishte bërë axha i Akademikut, Hoxha Mulla Zenel Ajeti, i njohur edhe si Hoxhë Tupalla, sepse ai ka shpëtuar nga pushkatimi, axhën e babës tim, Ahmetin, me gjithë të birin Zukën, për vrasje-hakmarrje, me kolonët serbo-malazezë, të cilët i kishte vendosur Mbretëria Serbe, rrënëz kufirit me Kosovën, në vitin 1878.
Dëshira ime ishte që të mësoj diçka më shumë, për qendrimin e tyre për një kohë si kaçak tek Ajetovitët, fajlen-lirimin nga pushkatimi…Përgjigja e Akademikut për shkak të moshës-lodhjes, apo nuk dashti të flasë, këtë nuk e di, ishte e shkurtër: “Më kujtohet ky rast, por nuk mund të them ndonjë gjë.” Kaq foli Profesor Idrizi.       Akademiku u gëzua shumë, bashkëshortja e Tij, përveç gëzimit, na bëri një pritje të ngrohtë e vëllzërore, me dëshirën dhe kërkesën time,Ajo na tregoi dhomat me rafte të mbushura me shumë libra… Akademiku siç e ka zakon shqiptari, na përcoll deri jashtë derës së banesës te shkallët, u ndamë me lot në sy, dhimbja ishte shumë e madhe…
Akademik Idriz Ajeti, një jetë-epokë. Njeri i urtë, i matur, mësues e profesor i brezave shqiptarë, studiues, krijues shkencor, i cili, me gjithë moshën shekullore, ruajti qartësinë, mendjen e freskët dhe vullnetin për jetë. Një përmbyllje jetësore për lakmi. Andaj, do të kujtohet gjithmonë për të mirë.

Hashim Thaçi është konsistent. Në çdo negociatë në mënyrë konsistente i bën dëm vendit

1.

Karakteristika kyç e negociatave që i zhvillon Hashim Thaçi është konsistenca.

Prej vitit 1999 deri më sot, Hashim Thaçi në mënyrë konsistente ka bërë gabime që i shkojnë në dëm Kosovës.

Më 1999, në Konferencën e Rambouillet-së, Hashim Thaçi në mënyrë konsistente punoi, deri në orët e fundit të saj, që pala kosovare të mos e nënshkruante Marrëveshjen, dhe rrjedhimisht të mos e fitonte përkrahjen e SHBA-së dhe të aleatëve perëndimorë. Pa nënshkrimin e Delegacionit të Kosovës nuk do të kishte bombardime të NATO-s, pra nuk do të kishte as çlirim të Kosovës.

Në Bruksel, përsëriti të njëjtën gjë. Gjykata Ndërkombëtare e Drejtësisë, me kërkesë të Serbisë dhe më vonë të Asamblesë së Përgjithshme të OKB-së, dha mendimin e vet, e ky qe se shpallja e Pavarësisë së Kosovës nuk ishte në kundërshtim me të drejtën ndërkombëtare. Por Hashim Thaçi pranoi që të hynte në negociata me Serbinë duke pranuar kushtëzimin e Serbisë, pra që çështja e Pavarësisë së Kosovës është ende e kontestueshme juridikisht.

Dhe, po në Bruksel, ia pranoi Serbisë se Kosova nuk është shtet sovran, duke nënshkruar së bashku me kolegun e tij, Daçiq, të drejtën që komunat serbe në Kosovë të formojnë një autonomi territoriale politike, fillimisht si një rrafsh i tretë i pushtetit, në kundërshtim me Kushtetutën e Kosovës.

Së voni, pas negociatave sekrete, Hashim Thaçi doli edhe publikisht për të treguar se ka pranuar të bisedojë për projektin e këmbimit të territoreve e popullatave (me emra si “korrigjim”, “korrigjim i lehtë”, etj.) që është vetëm vazhdimësi e konsistencës së gabimeve. Pra, pasi në Bruksel që nga viti 2011 pranoi se shpallja e Pavarësisë është e kontestueshme, me Marrëveshjen e vitit 2013 se Kushtetuta e vendit është po ashtu e vënë në pazar negociatash, tashmë një vit e sa Thaçi e ka vënë në treg edhe territorin e Kosovës.

2.

Nuk besoj që ia vlen të bëhet argumentimi i pse-së së veprimeve të Thaçit. Me këtë hapet tifozëria e tipit të Facebookut, në të cilin gjërat zakonisht mbërrijnë logjikën përfundimtare në përshkrimin e Thaçit si njeri që punon për Kosovën në interes të të tjerëve (“tradhtar”) apo në të kundërtën, në përshkrimin e pagabueshmërisë së tij prej “atdhetari”.

Këtij argumentimi të fundit, prej “atdhetari”, nuk i kanë ikur as persona me inteligjencë mbimesatare në politikën shqiptare, duke përdorur arsyetim të inteligjencës nënmesatare të tipit “nuk mund të jetë i tillë një komandant i UÇK-së”, “nuk bëhet i tillë ai që rrezikoi jetën duke kaluar kufirin e Shqipërisë me qindra herë” apo “si mund të gabojë figura kryesore vendimmarrëse në së paku dhjetë vjetët e fundit”?

Por Hashim Thaçi ja që gabon dhe këtë e bën në formë konsistente. Në kriminologji do të quhej recidivist, dhe ndoshta ky term mund të aplikohet te veprimet e Hashim Thaçit edhe në negociata. Dhe, meqë rrjedha e këtij shkrimi nuk duhet të shkojë drejt elaborimit të pse-së së recidivizmit të Thaçit – prapë do të ktheheshim te diskursi i tifozërive fejsbukiane – ia vlen të thuhet se kemi të bëjmë me recidivizëm, rrjedhimisht, do parë se si të pengohet dëmi publik që bën recidivisti.

3.

Pak a shumë kjo duket të jetë përpjekja e partive parlamentare të përfaqësuara në Kuvendin e Kosovës në tetë muajt e fundit. Ç’prej se doli Hashim Thaçi në publik me Aleksandër Vuçiqin, duke pranuar idenë e tij për ndarje etnike – dhe për të shpjeguar në anglisht, me elegancën e njëjtë që e karakterizon edhe në të folurit shqip, se me këtë nuk bëheshin “djem të këqij”- partitë politike në Kuvendin e Kosovës po merren me dizajnimin e procedurave që do ta pengonin veprimin e recidivistit.

Rezultat i tërë kësaj përpjekjeje disamujore është puna rreth draftit të një e më shumë rezolutave të Kuvendit që do t’ia ndalonin Thaçit veprimin prej recidivisti. Pastaj është puna për formimin e Delegacionit shtetëror, me përfshirjen edhe të një partie opozitare (PSD) në të, madje në bashkëkryesim. Pastaj është puna e kalimit të një ligji për dialogun që pak a shumë duhet të ketë si pikë të parë dhe të fundit se Hashim Thaçi nuk bën të na fusë në gabime të tjera. Dhe pastaj është puna rreth një platforme negociatore e cila proklamon se nuk do të bëjë atë që bën Thaçi, të negociojë për sovranitet, rregullim kushtetues, dhe rrjedhimisht për pavarësinë e vendit.

Por kaq i bën recidivistit Thaçi. Në interpretimin e recidivistit Thaçi – deri tani të përkrahur nga realiteti – ai do të bëjë veprimet që do t’i bëjë pavarësisht rezolutave, ligjeve dhe dokrrave të tjera procedurale. Fundja, ai nuk gjendet në pushtet falë ligjeve dhe dokrrave të tjera procedurale; gjendet në pushtet mu duke shpërfillur ligje, institucione dhe dokrra të tilla procedurale.

4.

Në Rambouillet isha me dilemën me të cilën konfrontohen tash partitë parlamentare. Këmbëngulësia impresive e Thaçit për të prishur çdo gjë të shtynte të mendoje për një skenar të ndërlikuar, për mekanizma e strategji ndërkombëtare që ishin vënë në lëvizje për ta penguar këtë konferencë, dhe për mekanizma e strategji të ndërlikuar ndërkombëtare që ishin vënë në lëvizje për suksesin e saj. Por në orët e fundit të Konferencës ndodhi si në kalimin mjeshtëror prej tragjedisë në komedi – prej mundësisë që të mos ketë epilog ajo luftë që do të na kapërdinte të gjithëve – ardhja e ministrit të Jashtëm të Shqipërisë, Paskal Milo, në Kështjellë, për të përcjellë një mesazh nga kryeministri i Shqipërisë. Në një sallon të Kështjellës, ministri Milo na tha Azem Sylës, Hashim Thaçit dhe mua se në bashkëpunim me amerikanët Shqipëria do të ndërpriste bashkëpunimin me UÇK-në.

Ditë me radhë Delegacioni i Kosovës kishte dëgjuar përgjërime e kërcënime. Na kishin folur Robin Cook e Hubert Vedrine, na ishte lutur Joshka Fisher, na kishte lavdëruar dhe qortuar Madeleine Albright, në fund edhe kërcënuar se do të mbeteshim vetëm. Që të gjitha këto i dëgjonte Azem Syla në “Zërin e Amerikës”, në lajmet e mbrëmjes, në radion që e mbante me vete. Por drita u ndez kur dëgjoi shqip nga Paskal Milo se Shqipëria nuk do ta mbështeste më dhe m’u drejtua mua:

“O, veç nuk po di a p’i bie NATA Serbisë a jo, se kush e vet këtâ…”, tha duke bërë me dorë nga Hashim Thaçi.

Kështu foli Daja. Dikush tha në Delegacion se ishte daja i Hashim Thaçit, dikush se emri i tij ilegal ishte Daja, dhe se në të vërtetë ishte komandant i përgjithshëm i UÇK-së. E sigurt ishte se qe njeri shumë i rëndësishëm, sepse nga ai moment Hashim Thaçi nuk kishte mundësi më të pengonte që unë të nënshkruaja Marrëveshjen e Rambouillet-së.

5.

Pra, nëse Parlamenti i Kosovës dëshiron ta pengojë recidivistin Thaçi duhet ta thërrasë Dajën. I sapoliruar nga Burgu i Sigurisë së Lartë, ku qëndroi me akuza për disa vepra krimi, tashmë është duke pritur gjykimin për disa vepra të tjera krimi. Ndërkohë, mund të hyjë në punë për kauza më të mëdha.

Apo, nëse kjo për ndonjë arsye nuk është e mundur, atëbotë do rikrijuar metaforën e Dajës.

I lirë, pa mundësi të qortimi, recidivisti Thaçi mund të ndalet vetëm kur tërë interpretimet e sofistikuara mbi mekanizmat e mëdhenj që lëvizin politikën dhe veprimet e Thaçit zbresin në banalitetin e tij si kontekst real, banalitetin e përshkruar më së miri me formulimin që ia dha Daja: “ kush e vet këtâ…”. /Koha Ditore

Presidenti i Shteteve të Bashkuara të Amerikës, Donald Trump, i ka dërguar një letër presidentit të Serbisë, Aleksandar Vuçiç, me rastin e Ditës së Republikës së Serbisë, raportojnë mediat në Beograd.

Përveç urimeve, presidenti amerikan i ka kërkuar presidentit serb Vuçiç, të arrihet një marrëveshje me Kosovën që do të rezultonte me njohjen e ndërsjellë. Madje Trump, shkruan në letër se një marrëveshje historike, me njohje në tërësinë e saj, do të ndërtonte rrugën për qëllimin e integrimit euroatlantik të Serbisë dhe rritjen ekonomike.

LETRA E PRESIDENTIT TRUMP PËR VUÇIÇ
I nderuar zotëri president,
Në emër të popullit amerikan, kam kënaqësinë t’iu dërgojëurimet më të sinqerta me rastin e Ditës së Republikës së Serbisë.
Këtë vit, në festimin e 100-vjetorit të valimit të flamurit serb në Shtëpinë e Bardhë, duhet të nisemi nga ajo që të sigurojmë që shekulli i ardhshëm i partneritet tonë të jetë i ngjashëm me atë të kaluarin sa i përket përkushtimit për paqe, prosperitet dhe liri.

Shtetet e Bashkuara të Amerikës mbeten të palëkundura në mbështetjen e përkushtimit tuaj sa i përket thellimit të bashkëpunimit rajonal, në veçanti në angazhimin tuaj për normalizimin e raporteve me Kosovën.

Derisa ju mbetet palëve të arrijnë marrëveshje që të dyja mund ta mbështesin, konsiderojmë se njohja e ndërsjellë do të duhej të ishte elementi qendror i normalizimit të raporteve.
Një marrëveshje e tillë historike, me njohje në tërësinë e saj, do të ndërtonte rrugën për qëllimin e integrimit euroatlantik të Serbisë dhe rritjen ekonomike – thuhet në letrën e presidentit Trump.

(BalkanWeb)

Mos e harroni këtë datë, 24 Qershor 2018. Kjo ditë nuk është si çdo
ditë tjetër, është një ditë e veçantë, është një ditë pa diell dhe e
mërroltë, sepse atje diku larg në Bruksel dy fantazma te zeza mavi e
kanë nisë lojën e djallit për Kosovën dhe rreth Kosovës.

Atje në Bruksel po bisedon njeriu më i vetmuar i Kosovës, Presidenti i
kontrabanduar, Presidenti jo i fjalës dhe më i pabesisë, i korruptuar
dhe i shantazhuar deri ne fyt Hashim Thaçi. Ai ka shkuar atje pa
askënd, hu vetëm, i vetmuar i dalë nga foleja e qyqeve, sepse askush
që është i mençur nuk ka pranuar te shkojë me te,ai atje ka shkuar më
duar n’xhepa,pa kurrfarë platforme dhe përkrahje nga askush,nga asnjë
parti, pa përkrahjen e Parlamentit. Sot, pra ky njeri që fati i keq e
solli të bëhet President i Kosovës, po bisedon për “Çështje të
“madhe”për Kosovën, po bisedon për një çështje dhe për një marrëveshje
historike me Serbinë, vrastaren shekullore të kombit tonë.

Edhe më keq, po ky njeri po bisedon me njeriun më te urryer për
Shqiptarët, me njeriun, me çetnikun e V.Sheshelit, i cili së bashku më
S.Miloshqviq i shkaktoi shumë trauma, shumë vuajtje dhe viktima
Kosovës gjatë luftës së fundit e me heret,i cili as sot e kësaj dite
nuk kërkon, bile, as falje,por qe 18 vjet shkakton turbullira,
shantazhe në Veriun e Kosovës të cilin gjatë gjithë kësaj kohe e
konsideron si te veten, e që nga sot dëshiron qe ta bëjë krejtësisht
te vetën. E ky njeri, nuk është askush tjetër, pos antishqiptari dhe
çetniku i kamufluar ne njëfarë demokrati Aleksander Vuçiq.

I ngazëlluar qe po takohet me A.Vuçiq,Hashim Thaçi pa fije turpi në
një prononcim te tij për publikun para se te shkojë ne Brukse tha:

“Me Vuçiqin na presin bisedime të renda,të zorshme. Unë edhe ai po
synojmë ta përmbyllim këtë proces me një Marrëveshje historike dhe
politike (sikur Kosova te ishte pronë e tij) dhe arritja kësaj
Marrëveshje ka karakter nacional dhe shtetëror për Kosovën”. Së çfarë
karakteri nacional dhe shtetëror për Kosovën do te këtë kjo
marrëveshje nuk e dinë askush, por vetëm ai.

Por ai ne prononcimin e tij për publikun tregoi edhe ketë:

“Atje ne Bruksel me kolegun tim Vuçiq do te bisedojmë edhe për
çështjet tjera:çështja e Demarkacionit të kufirit Kosovë-Serbi,do te
vihet vija kufitare për herë te parë në historinë tonë në kufirin
Kosovë – Serbisë (pra Hashim Thaçi si “ historian” qe është ai nuk e
paska ditë qe Kosova,gjithmonë dhe historikisht i ka pas kufijtë me
Serbinë, kufi ky i cili njihet edhe si kufi shtetëror sipas
Kushtetutës se vitit 1974), se do të kërkohen edhe ndryshime
Kushtetuese edhe në Kosovë edhe ne Serbi”. Po,pra krejt këto janë ato
kompromiset e tij të dhimbshme që do të ia bëj Serbisë për te cilat qe
sa kohë i thotë përmendesh si ndonjë papagall.

Por,çka… Si është e mundshme dhe a ka kuptim te bahet ndonjë
marrëveshje e re me Serbin,pa i la do hesape Serbia ndaj Kosovës. Po
si te behet ndonjë Marrëveshje dhe pajtimi me Serbin e cila na dogj
dhe na poq si ne hell, na bëri shkrumb e hi,e cila tani as qe pranon
të kërkojë falje,ani pse krerët tonë e kanë gojën,flasin për pajtim pa
kërkim falje. E çuditshme. Si mund te këtë pajtim me Serbinë pa dhanë
Serbia llogari për viktimat dhe gjenocidin qe e bëri ne Kosovë,për
demet e luftës,për shndërrimin e Kosovës në tokë të djegur. Si është e
mundshme që pushtetarët tanë dhe Hashim Thaçi të lëshojnë pe në të
gjitha këto për një njohje nga Serbia apo për një pranim në OKB, e
cila edhe sot e kësaj dite lufton për ç’njohje nga Kosova, sepse
Serbia edhe pa këto pajtime nuk ka qare dikuar pa e njohtë Kosovën,
dhe dikuar me siguri do te pranohet edhe ne OKB,qe do te thotë se
kompromiset janë më të dhimbshme.

Pra,pse lejojnë këta pushtetarët tanë të bëjnë kompromise të dhimbshme
në favor të Serbisë,kur ajo nuk e banë asnjë favor për Kosovën, heqja
e Kosovës nga preambula e Kushtetutës së Serbisë nuk konsiderohet
ndonjë kompromis e as favor, sepse fjala Kosovë aty qëndron
jashtëligjshëm. Pushtetarët tanë po e krijojnë Serbinë sikur ajo të
ishte viktima e jo agresori te cilat ia mundësojnë Serbisë që të hyj
në Bashkimin Evropian, sikurse ajo të mos kishte bërë asgjë në Kosovë,
pa dhënë llogari për asgjë që ajo ka bërë.

Kjo është e çuditshme, kjo është e papranueshme.

Por kjo nuk është krejt e tëra. Strumbullari i krejt këtyre bisedimeve
do sillet rreth formimit të Asociacionit të komunave me shumicë serbe.
Këtu fshihet djalli, këtu e ka dhimbjen, këtë po e pretë Serbia.
Pikërisht këtu do të gjunjëzohet Kosova përmes Hashim Thaçit dhe këtu
do të ndodhë kompromisi më i dhimbshëm për Kosovën, këtu Hashim Thaçi
to t`ia ve thikën pas shpine Kosovës?!
Pse?!

Ju e dini se Serbia është një territor sa 3-4 herë më i madh se sa
Kosova. Ju e dini se Serbisë nuk i hanë palla se a do ti jepen disa
hektar tokë asaj, siç ia dha Malit të Zi, sepse ju e dini se Serbia
nuk ka nevojë për disa hektar tokë, apo çofshin ato edhe disa
kilometra, sepse Serbia ka bollë territor. Në Serbi sot janë treva të
mëdha, siç është Shumadia, etj. gati të zbrazëta në të cilat nuk banon
askush,ose banojnë shumë pak banorë, sepse Serbia e ka shkallën më të
lartë të ç’popullimit të saj. (Dikur, shumë vjet para lufte,
saktësisht në vitin 1983 kur po e punoja doktoraturën, pata theksuar
se duke e parë rënien e popullsisë në Serbi dhe rritjen e popullsisë
në Kosovë(ku në 100 banor te shtuar, 75 vinin nga Kosova dhe pata
theksuar se nëse ky trend vazhdon deri ne vitin 2030,atëherë ne
Parlamentin e Serbisë do të flitej kryesisht shqip sepse atë Parlament
do ta përbenin mbi 70% shqiptarë). Pra,Serbisë edhe nuk i intereson
gjithaq territori,por…

Sot, edhe 19 vjet me parë pas çlirimit të Kosovës,na vetë me dorën
tonë e lejuam Serbin te përzihet ne punët tona,duke i lejuar asaj qe
te sillet si ne shtepin e vetë ne Veriun e Kosovës. Për te gjitha këto
vite nuk ishim te zotet qe ta marrim pushtetin ne Veri,por e lejuam
Serbin qe ta”serbizoi”veriun,ajo atje për te gjitha këto vite e kishte
fjalën kryesore,e jo Kosova,ajo atje përmes serbeve lokal për te
gjitha këto vite e shantazhoi Kosovën për interesa te veta. Ajo atje i
bëri të gjitha këto punë të fëlliqura dhe i vazhdoi duke e pritur
ditën e sotme te diagolimit dhe për ti dhanë në epilog i cili do të
jetë fatal për Kosovën. Ajo për te gjitha këto vite e kishte shumë te
qartë se e donë Veriun e Kosovës, jo për shkak të një grushti serbësh
që jetojnë atje por për pasurin e saj marramendëse që ka ky rajon i
Kosovës i cili fatkeqësisht nga sot to ti rrëshqas ngadalë nga duart e
Kosovës, të cilin edhe ashtu de facto nuk e ka pasur në menaxhim për
të gjitha këto vite.

Pra,shkurtë e trup Serbisë i intereson vetëm dhe vetëm formimi i
Asociacionit te komunave me shumicë serbe. Kjo është alfa dhe omega e
Serbisë te cilën ne këto biseda Serbia do ta zgjidhë ashtu siç do
Vuçiq e jo siç do Thaçi, sepse Serbia për te gjitha këto vite te
pasluftës e ka luajt rrolin brilant te viktimës në kët pjesë te
Kosovës. Kjo është e sakët,Presidenti i jonë Hashim Thaçi në vitin
2015 e nënshkroi Marrëveshjen sekrete ne Bruksel për Asociacionin e
komunave me shumicë Serbe, i cili asnjëherë nuk u bë transparent. Këtu
Hashim Thaçi fshihte diçka, nuk tregonte asgje. Sa herë qe flitej për
Asociacionin.

Këta tanët e kishin fjalën plotë se ky Asociacion do të formohet por
pa kompetenca ekzekutive, kurse serbet insistojnë se Asociacioni do të
bëhet sipas Marrëveshjes së Brukselit. Këtu diçka nuk është në
rregull, nuk shkon, këtu fshihet diçka?!.

Por si duket ngadalë çdo gjë po delë në dritë, do të dal edhe gjatë
këtyre bisedimeve përfundimtare,se Hashim Thaçi e ka nënshkruar
Marrëveshjen e viti 2015 ne Bruksel me kompetenca ekzekutive. Dhe kjo
mendoj se është e vërtetë,dhe do të del ashtu,ashtu siç ndodhi me
Demarkacionin me Malin e Zi ku thoshte Hashim Thaçi së Kosova nuk po
humbë asnjë centimetër tokë,por ajo humbi mbi 82 mijë hektar. Pra,ne
këtë diagolim përfundimtar, siç e quan Thaçi historik, do të bëhen
kompromise të dhimbshme duke lejuar formimin e Asociacionit me
kompetenca ekzekutive, kurse Hashim Thaçi do të dorëzohet para kësaj
sepse këtë e obligon edhe nënshkrimi i tij i dhënë në vitin 2015.

Më këtë rast, i cili do te ndodhë, sepse Hashim Thaçi duke e pa
pozitën e tij nënshtruese nuk do të jetë i zoti qe ta mbrojë këtë dhe
Asociacioni do te arrihet si “Marrëveshje historike e Hashim Thaçit”.
Këtu fillon të cenohet sovraniteti i Kosovës,cenohet pavarësia e
Kosovës, Kosova me nuk do të jetë shtet sovran, sepse veriu do të
administrohet nga Beogradi përmes këtij Asociacioni famoz. Ekonomia e
Kosovës de facto do ti humb Trepçën dhe Ujmanin,pa te cilat jeta në
Kosovë do të vështirësohet. Ky ishte qëllimi i fundit i Beogradit qe
19 vjet luftoi për këtë. Më nuk do të bëjnë punë as protestat
popullore, nuk do të bëjnë punë as vendimet e Gjykatës Kushtetuese, e
as Vendimet e Parlamentit të Kosovës, sepse çdo gjë do të vihet në
lojë, në jetë ashtu siç e do Brukseli që e ka pranuar edhe Hashim
Thaçi që në vitin 2015 kur na ishim duke fjetur.

Në këtë mënyrë me dijen apo pavetëdijen tonë, me neglizhencën tonë, me
pa syqeltësinë tonë na vendit ia prumë ujkun në torishtë. Pra me ditën
e sotme fillon Bosnjëzimi i Kosovës, ku Kosova edhe de facto nuk do të
këtë asnjë lidhje me veriun e saj, por atë do ta menaxhojë me të
gjitha resurset Beogradi, deri te ajo ditë edhe kur do të thotë se
veriu është i joni dhe juridikisht i takon Serbisë. Por, deri atëherë
nuk dimë asgjë se çka do të ndodhë me Hashim Thaçin, protagonistin e
të gjitha këtyre të këqijave dhe fatkeqësive që ia solli vendit.

Pra ky do të jetë rrugëtimi fatal i Veriut te Kosovës së bashku me
Hashim Thaçin.

PRISHTINË – Presidenti i SHBA-ve, Donald Trump, përmes një letre dërguar presidentit të Kosovës, Hashim Thaçi, ka përgëzuar mbarë popullin e Kosovës për përvjetorin e 11-të të pavarësisë.

Trump i ka inkurajuar qytetarët e Kosovës që të fokusohen në ruajtjen e parimeve demokratike, në forcimin e sundimit të ligjit dhe në avancimin e mundësive ekonomike dhe tregtare.

Presidenti i SHBA-ve, Donald Trump, përmes një letre dërguar presidentit të Kosovës, Hashim Thaçi, ka përgëzuar mbarë popullin e Kosovës për përvjetorin e 11-të të pavarësisë. ( Presidenca e Kosovës – Anadolu Agency )

“Më e rëndësishmja, Kosova dhe Serbia duhet t’i normalizojnë marrëdhëniet, që është esenciale për integrimin perëndimor të Kosovës. Ne e shohim njohjen e dyanshme si themel të marrëdhënieve të normalizuara dhe si bazë për çfarëdo zgjidhje gjithëpërfshirëse”, thuhet në letrën e presidentit amerikan.

“SHBA-të i mbesin partner të gjithë atyre të cilët ndajnë këto vlera dhe janë të gatshëm të kryejnë punë të rënda të nevojshme për suksesin e tanishëm dhe të ardhshëm të Kosovës”, thuhet më tej në letër. aa

PRISHTINË – Delegacioni negociator shtetëror i Kosovës, në mbledhjen e sotme, njëzëri miratoi Platformën për Dialogun me Serbinë, e cila nesër do t’i dorëzohet Kuvendit të Kosovës për shqyrtim dhe miratim.

Një nga dy bashkëkryesuesit e Delegacionit Negociator dhe Zëvendëskryeministri i Kosovës, Fatmir Limaj pas takimit, tha se Platforma pas miratimit në Kuvendin e Kosovës do të përfaqësojë një pozicion unik të Kosovës në dialogun me Serbinë.

“Sot morëm sugjerimet e liderëve shtetërorë dhe më në fund, me konsensus, në mënyrë unanime, të gjithë anëtarët e delegacionit, miratuan Platformën, të cilën do t’ia dorëzojmë kryetarit të Kuvendit të Kosovës me qëllim që deputetët të kenë mundësinë përmes debatit të votojnë Platformën, e cila do të përfaqësojë qëndrimin zyrtar të Republikës së Kosovës në dialogun për njohjen që mund të ndodhë me Republikën e Serbisë”, tha Limaj.

Limaj theksoi se Platforma përfshin të gjitha shqetësimet e ngritura në Kosovë lidhur me dialogun me Serbinë. Ai tha se Platforma është mbi të gjitha në bazë të Kushtetutës së Kosovës, Deklaratës së Pavarësisë, vendimit të Gjykatës Ndërkombëtare të Drejtësisë, që do të thotë se territori i Kosovës është unik dhe nuk duhet të cenohet.

Ai tha gjithashtu se një nga paragrafët e Platformës parasheh reciprocitet të plotë në lidhje me komunitetet pakicë si në Kosovë ashtu edhe në Serbi.

Bashkëkryesuesi i dytë i Delegacionit negociator nga radhët e Partisë Socialdemokrate të opozitës, Shpend Ahmeti, tha se Platforma pasi t’i dorëzohet Kuvendit do t’i prezantohet publikut nesër dhe do t’u dërgohet partive të tjera opozitare, Lidhjes Demokratike të Kosovës dhe Lëvizjes Vetëvendosje. Ahmeti vuri në dukje se Platforma përmban parime dhe linja të kuqe për zhvillimin e dialogut, por gjithashtu kërkon të diskutojë tema që ende nuk janë diskutuar në dialog.

“Ne në Platformë e kemi vënë detyrimin ndaj Delegacionit shtetëror për të ngritur çështje në Bruksel që nuk janë diskutuar kurrë, siç janë krimet e luftës që ne konsiderojmë se kanë një trajtim të pabarabartë. Kemi më shumë se 13 mijë viktima, për shumicën e të cilëve nuk dihet se çfarë ka ndodhur ndërsa ata që i kanë kryer këto krime nuk janë nxjerrë para drejtësisë”, tha Ahmeti.

Ai shtoi se çështja e kompensimit për dëmet e luftës do të rritet, si kolektivisht ashtu edhe individualisht. Ahmeti, gjithashtu porositi partitë e opozitës ta lexojnë Platformën para se të flasin se do ta refuzojnë atë. aa

Sot në Strasburg është zhvilluar një takim ndërmjet deputetëve të Parlamentit Evropian dhe deputetëve të Kuvendi të Kosovës. Pas këtij takimi palët kanë dalë me një deklaratë të përbashkët ku thuhet se Serbia dhe Kosova duhet të angazhohen për vazhdimin e dialogut për normalizimin e raporteve.

Të pranishme në këtë takim kanë qenë edhe deputetja e LDK’së, Vjosa Osmani, dhe ajo e Lëvizjes Vetëvendosje, Albulena Haxhiu, të cilat e kanë bërë të qartë që në dialogun e Brukselit me Serbinë, kufijtë e Republikës së Kosovës janë të pa prekshëm.

“Sot në Strasbourg, së bashku me deputetë të Parlamentit Evropian, diskutuam pikëpamjet tona për relacionet në mes të Kosovës dhe BE-së, për dialogun Kosovë-Serbi dhe procesin e liberalizimit të vizave. Prezantuam qëndrimin se dialogu duhet të zhvillohet në formatin shtet me shtet, ku Kosova e Serbia trajtohen si dy shtete te barabarta dhe i cili rezulton me një marrëveshje ku Republika e Kosovës njihet në kufijtë e saj aktual”, ka thënë Osmani, raporton Gazeta Express.

Deputetja e Lëvizjes Vetëvendosje, Albulena Haxhiu, ka thënë se presidenti i Kosovës, Hashim Thaçi nuk ka mandat kushtetues për udhëheqjen e këtyre bisedimeve, pasi që Kosova është Republikë parlamentare.

“Në takimin e përbashkët ndërmjet delegacionit të Kosovës dhe BE si pikë e diskutimit ishte dialogu me Serbinë. Theksova nevojën e diskutimit mbi raportin që Qeveria ka proceduar në Kuvend e që lidhet me sfidat dhe arritjet në dialogun e Brukselit.

Kundërshtova qasjen në raport me dialogun me Serbinë dhe nevojën paraprake të një bilanci të marrëveshjeve në dialogun 6 vjeçar 2011-2017. Nuk mund të ecet tutje nëse nuk vendosen parime dhe kushte ndaj Serbisë.Poashtu theksova edhe njëherë faktin që Kosova është Republikë parlamentare dhe se Thaçi nuk ka mandat kushtetues dhe as mandat që ia njeh Kuvendi i Republikës Kosovës për të negociuar me Serbinë”, ka thënë ajo, raporton Gazeta Express.

Haxhiu gjithashtu e ka bërë të qartë se vendimi i Qeverisë së Kosovës për taksë ndaj Serbisë gëzon një përkrahje të madhe të qytetarëve dhe si e tillë nuk duhet të hiqet.

“Duke folur për tarifën ndaj Serbisë përmenda faktin se ky vendim gëzon mbështetje në Republikën e Kosovës dhe se nuk duhet të hiqet, poashtu përmenda faktin se që nga viti 2006, ne si subjekt kemi kërkuar reciprocitet të plotë ekonomik, politik dhe tregtar me Serbinë dhe se secili vend normal vendos masa të tilla kundrejt një vendi armiqësor siç është Serbia në këtë rast”, ka përfunduar Haxhiu./GazetaExpress/

Miku ynë i madh SHBA jo vetem që na qortoi disa hare për punet tona
qe vet i bejmë qervish.,sepse e kemi një klasë te dobet në pushtet qe
nuk dinë me ba shtet por qe edhe ia humbë dinjitetin shtetit të vetë,
e banë leckë për pesë pareSerbia me një “diplomaci”te kulturuar dhe te
përsosur,din të gjuaj me shkelma çdo herë kur Kosova ia ze rrugënU
anku për taksen ne BE,reaguan ashpër proserbet Mogherini dhe Hann.Por
Harajdinaj e lidhi qykën nuk lëshon pë.Për venjen e Takse ne Kosovë
filloi edhe kopilhanja mes vedi ja une e vura,unë e propozova,sejcili
donte te jete i pari në këtë drejtim. Me vuarjen e takses Serbisë
Kosova për here te pare e ndjeju vehten si shtet karshi Serbisë.

Dihet se SHBA është tradicionalish dhe historikisht aleat dhe miku më
i madh i Kosovës.Na ka dalë zot ne te gjitha kohërat,edhe atehrerë kur
ishim nën okupim.Në vitet e 70 dhjeta ishin SHBA e cila e “zbuti”
Titon me disa miliarda dollar me kushte qe ai të ju jepte Shqiptareve
autonomi me te madhe.Dhe Tito këtë punë e mori serozishte sepse ishin
ne pyetje shuma te mëdha parash, me ç’rast pasoi Kushtetuta e vitit
1974 e cila e qiti jasht Kosovës Serbin duke e lidhë drejtëpërdrejt në
Federat.Serbis as zani nuk i ndihëj për Kosovën,e as për Serbeët e
saj,sepse Kosova faktikisht, pos emrit, ishte me te gjitha ingirencat
e veta shtet ne vehte.

Pas disa vrejtjeve, kësaj rradhe SHBA e derguan një letër pak me
serioze për”pashallaret e Kosovës”,derguan një lëtër si një
ultimatum,bile edhe kercnues se taksa duhet te hiçërt,për shkak te mos
tensionohen dhe prishen raportet edhe më tej me SHBA.Letra e SHBA-ve
duhet te trejtohet me kujdesë.Të bahën bashk pashallarër e Kosovës dhe
ta trajtojnë kërkesen e SHBA-ve më kujdes,pa tensione,dhe jo te
shkojnë atje ne Ambasadë veçmas ne stilin jo unë s’jamë fajtor,ai
është fajtor.Në fillim te vuarjes se takses te gjithë donin ti marrin
merita,tashti te gjithë se bashku duhet ta marrin edhe”fajësinë”për
taksën,anips dorën në zemër taksa për herë te pare e beri Kosovën te
njohet si shtet.Por,anipse me shkurajën e John Boltonit si Këshilltar
i Presidentit Trump diçka ka”lëvizë” për Kosovën kur dihet se Bolhtoni
nuk e kishte pranu pavarësin e Kosovës.

Sidoçoftë ,anipse përsonalisht jamë pro takëse,shtetaret tanë tashti
janë ne provim te madhë që te mos e shkaterrojnë edhe me shumë
dinjitetin e shtetit,te mbildhën te rezojojnë kthjellët,dhe jo ne
stilin se cili po ia lenë ngile njeri tjetrit,të veprojnë mençurisht
dhe jo”budallakisht”si deri me tani dhe ta gjejnë një zgjidhje,sepse
Amerika nuk është vetem për sot,por edhe për neser dhe
përgjithëmonë,sepse pa Amerikën nuk do te ishim këtu dhe kështu siç
jemi sot.

Merrnjë një vendim të mençur së bashku,dhe jo ne stilin hajt se qetij
po ja lamë këmbet e ardhushes në dorë,sepse për këtë jeni te gjithë
përgjegjes,do te ishte mirë se kjo leter te delë në shqyrtim edhe në
Parlament,për me e skenu fytyrën e secilit deputet.

Kryeministri Ramush Haradinaj ka thënë se deri tash nuk ka parë asnjë dokument i cili do t’i vërtetonte marrëveshjen mes dy presidentëve për shkëmbim territoresh.

Megjithatë, Haradinaj, i kujtoi presidentit Thaçi se deri tash Gjykata Kushtetuese në Kosovë ka rrëzuar dy presidentë.

“Dy presidentë kanë shku në shpi kur kanë ra ndesh me kushtetutën. S’ka ndodh vendimi, unë retorikën nuk muj me çu në Gjykatë, s’kishin prit as tjerët, e kishin dërgu”.

Rezistenca e kryeministrit Haradinaj ndaj taksës ka bërë që të ketë lëkundje dhe deklarata kundërthënëse mes partnerëve të koalicionit qeverisës.

Kryeministri në Rubikon të KTV-së tha se qëndrimet e secilit janë tashmë publike dhe nuk ka se çka të komentojë mbi to.

Ai bëri të ditur se bashkëpunimi i tyre vazhdon në çdo temë tjetër ndonëse nuk pajtohen lidhur me taksën.

“I kam kërkuar Limajt dhe Veselit që të kenë mirëkuptim përderisa dëshirojnë që unë me ushtru këtë funksion, deri sa mendojnë që unë duhet të ushtroj këtë funksion. Nëse ndryshojnë qëndrim për kryeministrin apo qeverinë është e kuptueshme dhe legjitime. Nuk tërhiqem por ata mund të organizojnë mocion”, ka thënë ai.

Haradinaj thotë se edhe Limaj e Veseli janë në pozitë të vështirë meqë vendimi u mor bashkërisht, se asnjëri prej tyre nuk dëshirojnë të shkatërrojnë marrëdhënien Kosovë SHBA.

“Unë nuk jap dorëheqje, e këtë ua kam thënë edhe atyre”, thotë Haradinaj.

Analisti politik amerikan, Daniel Serwer, ka thënë se nuk do të duhej të ndodhte ndryshimi i kufijve mes Kosovës dhe Serbisë.

“Nuk ka nevojë për një korrektim kufijsh. Çfarëdo ndryshimi kufijsh, përjashtimisht atyre të vegjël, është i rrezikshëm”, ka thënë për RTK, analisti Daniel Serwer, që është edhe studiues në Qendrën për Marrëdhënie Transatlantike në Universitetin “Johns Hopkins”.

Ai ka thënë se kudo që ka ndryshime kufijsh ka telashe.

“Mendoj që kudo ku ka ndryshime kufijsh flet që vendet nuk janë në gjendje të bëjnë trajtimin e duhur për qytetarët pakicë. Kjo menjëherë iu diskualifikon nga antarësimi në BE. Pse doni ta nisni një proces drejt BE-së kur e diskualifikoni vetveten? Por gjithashtu shkakton edhe probleme regjionale”, ka thënë ai.

Shefi i Grupit Parlamentar të Lidhje Demokratike të Kosovës, Avdullah Hoti, ka thënë se dialogu duhet të zhvillohet në pajtueshmëri me 2/3 e votave në Kuvend.

Përmes një shkrimi në Facebook, Hoti e ka quajtur çdo format tjetër të zhvillimit të dialogut jo legjitim dhe jo kushtetues.

Sipas tij, kanë mbetur dy mundësi, njëra është që dialogu të zhvillohet pas zgjedhjeve dhe e dyta formimi i Qeverisë gjithëpërfshirëse.

Por ai ka shtuar se në të dyja variantet integriteti territorial nuk do të negociohet.

Shkrimi i plotë:

1.Procesi i dialogut duhet të zhvillohet vetëm me pajtueshmëri prej 2/3 të votave të Kuvendit. Çdo format tjetër i zhvillimit të dialogut e bënë atë jo legjitim dhe jo kushtetues. Pasi marrëveshja përfundimtare kërkon 2/3 e votave të Kuvendit për tu ratifikuar, atëherë edhe platforma për dialog është legjitime dhe kushtetuese vetëm kur miratohet me 2/3 e votave në Kuvend.

2.Duke qenë se institucionet aktuale nuk kanë legjitimitet politik për të përfaqësuar Kosovën në dialog, atëherë janë dy mundësi. E para, dialogu të zhvillohet pas zgjedhjeve nga institucionet legjitime bazuar në përgjegjësitë e tyre kushtetuese. E dyta, formimi i qeverisë gjithëpërfshirëse, e cila e përmbyll dialogun dhe e përgatit vendin për zgjedhje. Në të dyja rastet dialogu zhvillohet vetëm me pajtueshmërinë e 2/3 të votave në Kuvend.

3.Në cilëndo variant, të gjithë ta kenë të qartë se integritetit territorial i Republikës së Kosovës dhe karakteri unitar i shtetit nuk negociohen. Kosova nuk mund të hyjë në pazare për territor. Me vullnet të lirë, në dakordim me partnerët ndërkombëtarë, më 17 shkurt 2008 deputetët e Kuvendit të Kosovës e kanë shpallur pavarësinë. Këtë vendim shteti i Kosovës e ka mbrojtur në Gjykatën Ndërkombëtare të Drejtësisë, e cila ka konkluduar se pavarësia e Kosovës nuk ka cenuar të drejtën ndërkombëtare.

4.LDK i ka adaptuar parimet bazë lidhur me dialogun

Zëvendësministri i Mbrojtjes së Kosovës, Burim Ramadani, është shprehur i bindur se Republika e Kosovës do të jetë anëtarja e 31-të e NATO-s. Në një intervistëpër gazetën “Epoka e re”, ai ka thënë se për këtë synim Kosova duhet të thellojë përpjekjet politike dhe diplomatike.

Ramadani ka mohuar çdo mundësi që taksa për mallrat serbe ndikon në raportet e FSK-së me ShBA-në.

Sipas zëvendësministrit të Mbrojtjes, këto dy gjëra nuk janë të lidhura mes tyre.

“Partneriteti strategjik special me ShBA-në nuk është ad hoc, por i qëndrueshëm dhe i përgjithmonshëm”, ka thënë Ramadani.

Ramadani bëri thirrje që tërë skena politike dhe institucionale të reflektojë edhe një herë përkushtimin për të avancuar, mbrojtur dhe garantuar shtetin e Kosovës të shpallur më 17 shkurt 2008.

Kryeparlamentari Kadri Veseli i ka ftuar në një takim në zyrën e tij presidentin Hashim Thaçi, kryeministrin Ramush Haradinaj dhe zëvendës kryeministrin Fatmir Limaj.

Express merr vesh se takimi pritet të mbahet sot në oren 12:00, ndërsa arsyeja e këtij takimi është taksa ndaj Serbisë dhe Bosnjës si dhe dialogu.

Kujtojmë se Qeveria e Kosovës, më 21 nëntor të vitit të kaluar, ka vendosur taksën doganore prej 100% mbi prodhimet e importuara nga Serbia dhe Bosnje e Hercegovina.

Autoritetet e Serbisë kanë thënë se nuk do të vazhdojnë dialogun me Kosovën, në rast se taksa për produktet e Serbisë nuk hiqet nga Qeveria e Kosovës.

Shtetet e Bashkuara të Amerikës dhe Bashkimi Evropian kanë kërkuar nga institucionet e Kosovës që ta pezullojnë këtë vendim.

Mbase shkrimi analitik “Sekserët e Diasporës levë e pushtetarëve të inkriminuar” në shumë gazeta online dhe portale gjithandej trojeve shqiptare dhe diasporë, ka shqetësuar dhe trembur tej mase shumë persona të inkrimunuar.
Një fjalë e urtë popullore e thotë; “Ai që e ka mizën nën kapelë i djeg”!
Dikujt mund t’i ketë djegur pak, e dikujt tjetër më shumë, por ata që e kanë mizën nën kapele, është mirë që fillimisht ta shqyrtojnë pozicionin dhe të ballafaqohen me ndërgjegjën e tyre e tek pastaj të thonë diçka për të tjerët.
Arsyeja e vetme pse i përgjigjem një reagimi anonim, krejt banal, tendencioz dhe fyes është fakti se, autori anonim përveqse ka abuzuar me shoqata dhe subjekte për të cilat kam pasur dhe kam bashkëpunim, ka abuzuar në emrin e shoqatave të saporformuara.
Ndër 17 subjektet e përmendura në reagim, në 14 prej tyre kam qënë prezent, dhe e pasqyruar aktivitetin e tyre në mënyrë besnike në mediet e shkruara dhe elektronike.
Nuk është hera e parë që personi anonim abuzon me 17 subjekte të respektuara në pjesën veriore të Italisë, duke më sulmuar me komente anonime në portale të caktuara, herë si “Dardi” e herë si “Profesor Dardan Molla”.
Kësaj radhe sekseri nuk u fsheh vetëm pas një emri të vetëm, por i zgjodhi 17 emra të përgjithshëm për t’u fshehur dhe shpërndarë përgejgjësinë e turpit për sjelljen arrogante dhe jo civilizuese.
Të pa sinqertit dhe pa dinjitetshmit anonim “prof. Dardan Molla” do të vijë dita kur do t’ia përplasi të gjitha në fytyrë në praninë e qindra bashkatdhetarëve.

Realiteti i hidhur

Shkrimi im analitik “Sekserët e Diasporës, levë e pushtetarëve të inkriminuar” është rezultat i një analize të gjatë (rreth gjasht vjeçare). Shkrimi nuk është i fokusuar në një shtet e as në një shoqatë, pra fokusi i analizës time nuk është i përqendruar vetëm në Itali, por më gjërë në nivel europian!
Shkrimi nuk është fyes siq thuhet “për shoqatat shqiptare në Itali”, për shkak që në shkrim as që përmendet Italia dhe as një emër shoqate në veçanti.
Mbase është e vërtetë se shkrimi ka shqetësuar individët e caktuar që kanë mungesë vlerash apo sekserë që mund të jenë të implikuar në afera korruptive.
Mësuesit “gjysëmanalfabet” nuk janë shpikje imja, por realitet i hidhur i ditëve të sotme si në Kosovë ashtu dhe Diasporë! Fundja, janë vlerësimet e “PISA”-s. ato që vërtetojnë nivelin e ulët intelektual dhe edukativ të mësuesve e profesorëve tanë.
Nuk ke si ta quash ndryshe një mësues me titull “profesori” që i bënë mbi 100 gabime gjuhësore dhe drejtshkrimore në një faqe shkrim, apo më keq se kaq, të mos jetë në gjëndje ta formuloj asnjë fjali të vetme pa gabime,…sikurse që nuk mund të jetë i denjë për shërbimet diplomatike një “profesor” apo “fakultetli” tjetër që nuk është në gjëndje ta bëjë një kërkesë për autoritetet shtetërore për pranim në stafin diplomatik.
Një mësues që ka mangësi të theksuara në shkrim-lexim, reflekton mangësi në mësimdhënje dhe mësimnxënje si dhe nuk mund t’i mësoj nxënësit të folin rrjedhshëm e bukur gjuhën shqipe.
Pra, një mësues gjysëmanalfabet, më shumë i dëmton se sa i edukon fëmijët e mërgatës sonë. Më i mirë është një prind i arsimuar dhe edukuar se sa 100 mësues të tillë në Diasporë.

Reagimi qyqar

I ashtuquajtori “REAGIM I KOMUNITETIT SHQIPTAR NGA TREVIZO E MË GJERË”, përveq injorancës dhe urrejtjes patologjike të autorit të shkrimit ndaj personalitetit tim, shpërfaqi shumë të vërteta të thëna në shkrimin tim autorial “Sekserët e Diasporës, levë e pushtetarëve të inkriminuar”.
Në reagim u vërtetua se Sekserët e Diasporës nuk janë shoqata, por janë individ dhe grupe të interesit, të cilët janë të lidhur drejtëpërdrejt me segmentet e krimit të organizuar, përkatësisht me pushtetarët e inkriminuar.
Po të mos ishte kështu, autori anonim në reagim përveq vendit ku nuk ekziston asnjë lloj organizimi( Ponte Della Priulla) , do duhej të përmendte iniciatorin e takimit dhe të gjithë pjesëmarrësit me emër e mbiemër!
Kjo dëshmon, se këtu nuk bëhet fjalë për reagim të subjekteve të cekura në reagim, por për fshehje të individëve të caktuar pas tyre.
Me këtë rast, i ftojë të gjithë drejtuesit e subjekteve të cekura në reagim, që të distancohen nga etiketa e padrejtë që u ka vënë autori anonim për të fshehur veprimet e tij skandaloze, nxitëse, ndarëse e përçarëse në mërgatën tonë.
Janë me dhjetra shkrime për shoqatat dhe organizimet në pjesën veriore të Italisë e më gjërë, që flasin për pozicionin tim unifikues, gjuhën e bashkimit e jo të urrejtjes siq e demonstroi autori anonim në reagimin e tij.

Shkrimet, dëshmi e kohës

Për t’i rikujtuar reaguesit anonim dhe dëshmuar lexuesve të këtyre rreshtave po i përmendi vetëm disa prej shkrimeve për shoqatat dhe organizatat e përmendura në reagim; “Shpërthim kulturor i shqiptarëve në San Vendemiano-TV” (Shoqata “ILIRIA në Treviso)”, botuar më 06.06 2013 në gazetën Bota Sot, “Festohet ditëlindja e shtetit sipas traditave popullore” (Shoqata “Dardania” në Montebelluna), botuar më 19.02.2014 në gazetën Bota Press, “Bashkimi kombëtar jo vetëm emërtim, realitet i prekshëm në Bassano” (Shoqata “Bashkimi Kombëtar” në Bassano), botuar më 14.04.014 në gazetën Bota Press, “UNIKOMB-i përçues i unitetit ndër mërgimtar” (Organizata “UNIKOMB” në Treviso) botuar më 01.02.2015 në gazetën Bota Press, “Gjuha shqipe, pasuri i patundshme kombëtare” (nga aktivitetet e shkollave shqipe në Itali), botuar më 15.10.2015 në portalin Kosova Info), “Flaka e Janarit, bashkoi krijuesit shqiptar në Itali” (Shoqata “ILIRIA në Treviso), botuar më 03.02.2016 në gazetën Kosova Sot,…e dhjetra shkrime të tjera që vërtetojnë kontributin tim për shoqatat shqiptare.
Jo vetëm kaq, janë edhe shumë shkrime për shoqata e organizime në shtetet tjera europerëndimore si: në Slloveni, Austri, Gjermani, Zvicër, etj, që kam pasur fatin e nderin për t’i përcjellur nga afër aktivitet e tyre kulturore.
Për mungesën e theksuar të pjesëmarrjes së mërgatarëve në aktivitetet e shoqatave të ndryshme nuk jam unë shkaktari siq më akuzon autori anonim në reagim, por janë veprimet përçarëse dhe prapaskenat që i bëjnë “intelektualët” dhe sekserët njëri-tjetrit për të dalë të parë të “gjahu” (paratë e shtetit),…veprime këto që kanë irrituar mërgatën dhe nxitur atdhetarët e vërtetë që të organizohen në shoqata të reja.
Individët që pretendojnë të jenë “tharmi” i patriotizmit dhe “elita” intelektuale janë njerëz pa integritet dhe pa kredibilitet në mërgatën tonë.
Sikur të ishin të tillë çfarë pretendojnë “intelektualët”, në një territor të ngushtë ku jetojnë mbi 35 mijë shqiptar, në organizimet e tyre do duhej të tubonin së paku 10 %-in e tyre, e jo të mbetën me disa dhjetëra pjesëmarrës dhe me familjarët e tyre.
Nëse shkrimi “Sekserët e Diasporës, levë e pushtetarëve të inkriminuar” e nxori në shesh sekserin e parë, dalja në shesh me emër dhe mbiemër e autorit të reagimit anonim, mund të nxjerr sheshazi edhe sekserët e tjerë…
Në fund të këtij shkrimi e kam një thirrje të sinqertë për të gjitha shoqatat dhe organizimet e shëndosha të shqiptarëve në mërgatën tonë, që t’i bojkotojnë “produktet e prishura” nga Kosova, përkatësisht liderët shtetëror dhe partiak, ministrat dhe zv, ministrat që kanë dosje të ngritura për korrupsion dhe krim të organizuar.
Vetëm në këtë mënyrë i bëjmë argatin më të mirë shtetit tonë-Republikës së Kosovës, e jo duke vrapuar pas ministrave të korruptuar apo ambasadorëve të kontrabanduar, duke iu rënë në përqafim sa për të marrë foto për ekspozim me në rrjetet sociale.
Autori anonim i “reagimit” ndaj shkrimit tim autorial, përveq fshehjes qyqare, tregon edhe paqartësi rreth subjekteve në të cilat thirret,…e fillon me komunitetin shqiptar, kalon tek diaspora shqiptare, shoqatat dhe përfundon tek veprimtarët e çështjes kombëtare!
Le të tregon çartë sekseri anonim, nëse nuk e ka guximin të flas në emrin e tij personal, në emrin e kujt flet dhe kë pëfaqëson!?

Mbetëm fuqishëm i përkushtuar në projektin tim për unifikimin e të gjitha shoqatave nën një ombrellë të përbashkët, si dhe për krijimin e një Levizje të re politike nga mërgata, për bashkimin e të gjitha forcat progresive pa dallime rajonale, partiake, ideologjike apo fetare për ta shpëtuar vendin nga katandisja e politikanëve aktual dhe për ta shpëtuar shtetin e Kosovës nga zhbërja fizike e armiqve shekullor.
Lëvizja e re politike nga mërgata dhe ardhja në pushtet e një klase të përgjegjshme politike, e aftë për ndryshime pozitive, do të krijojë kushtet për zhvillim ekonomik dhe mirëqenje qytetare, do të krijojë kushtet e favorshme për investime kapitale të mërgatës e cila do të gjeneroj zhvillim ekonomik dhe kthejë shpresën e qytetarëve për jetë në trojet etnike si dhe kthimin e qindramijëra mërgimtarëve në vendlindjen e tyre.

P.S. Me respektin më të madh ju drejtohem portaleve mike që të mos marrin në konsideratë pamfletet pa autorësi të shkrimit, për shkak se dëmtojnë në radhë të parë imazhin e tyre dhe lëndojnë vlerat e atdhetarëve të vërtetë që kurrë në jetën e tyre nuk kanë marrë gjë nga shteti, por vetëm kanë dhënë gjithçka nga vetja e tyre për çlirimin e vendit dhe pavarësinë e Republikës së Kosovës.