Për 20 vite u mbyt gjithçka që ishte njerëzore. E keqja, hajnit, kriminaliteti… janë bërë masë për jetën politike dhe për jetën ekonomike. Te jesh i pamshirshem, rrenacak, i pergatitur për qdo lloj marifeti është bërë rëcept për sukses. Morali dhe tupri janë kthyher në virtyte, janë bërë kategori të cilës po i përmbahën vetëm “budallenjët”, të cilët mu për këtë gjë paraprakisht janë ‘dënuar” të dështojnë. Korrupcioni, mito dhe nepotizmi janë bërë model i funksionimit të qdo sistemi të jetës dhe të punës në Kosovë. Mafiozët e të gjitha ngjyrave janë bërë njerëz të cilët kanë krijuar imazh tw mirw dhe të cilët po respektohen për fatin tonë të keq.Në këtë situatë çdo shpresë ka filluar të fundosët. Preukopim kryesor jo vetëm të të rinjeve por edhe njrëzve në moshë është bërë largimi nga Kosova. Njerëzit e kan humbur shumë besimin në vetë vete. Po zvetnohen gjasat që të arrihen suksese në shtetndërtim dhe mirëqenje. Në menyrë përmanente shoqëria jonë po ndahet, në shoqërinë e lirë të atyre të cilët kan bërë shtet për vete, dhe në shoqërinë shumicë e cila është abroguar nga të drejtat elementare te saj. Është krijuar gjatë këtyre viteve aparat shtetëror më shumë autokratik, janë krijuar shumë media të kontrolluara nga pushteti, janë krijuar magnat më djersën dhe mundin e popullit. Shumë njerëz sot u janë bashkuar të them ashtu qenëve endacak të cilët po i mbushin sheshet dhe rruget, si i vetëmi institucion i lirë. Qe 20 vite askush nga pushtetarët nuk zbriti në popull për të bashkëjetuar më hallët dhe problemet e tyre jo të vogla të jetës së keqe të cilën po e bëjnë. Për këta molionat nuk janë bërë problem fare për ti fituar! Po harrohen gjithnjë e më shumë vlerat kombëtare, po harrohen martirët dhe deshmorët e kombit të,cilët na sollën lirinë e shumë pritur. Nuk thëmë së të gjitha strukturat shtetërore po e luajnë vallën e djallit, së ka ende atdhetarë të cilët po e mbrojnë kauzën kombëtare karshi- Serbisë . Bashkimi I forcave shqiptare në Mal të Zi që ta drejtojnë komunën e Tuzit më shumicë shqiptare , është shëmbulli më I mirë së vetëm të bashkuar mund ti arrijmë objektivat tona politike e kombëtare. Rrefimi për Kosovën po bëhët ëndërr trishtuese. Po vihet në pikëpyetje ekzistenca e shtetit të Kosovës. Populli gjithnjë e më shumë po humb besmin në institucione. Policia po I ruan këto institucione dhe shumë njerëz mbrenda tyre , të cilët ka mundësi neser ti arrestojë për keqpërdorime të pozitës shoqërore, të cilët kanë mbetur legjitim me shume në letër… Sulltanët kan mbetur lakuriq… Ndoshta për këtë një ditë do të jenë të vetëdijshem…
Zëvendës sekretari amerikan i shtetit, David Hale, do të qëndrojë më 8 dhe 9 mars në Beograd dhe në Prishtinë për të nxitur te dyja palët që të ulen në tryezën e bisedimeve për të arritur një marrëveshje për normalizimin e marrëdhënieve.
Në një njoftim të departamentit amerikan të shtetit, thuhet se “në Beograd ai do të bisedojë me zyrtarët serbë marrëdhëniet dypalëshe dhe do të nxis kthimin në tryezën e bisedimeve për normalizimin e marrëdhënieve me Kosovën. Ai do të diskutoje edhe me drejtuesit e shoqërisë civile për çështje rajonale e globale, përfshirë ndikimin rus dhe kinez në Ballkanin Perëndimorë”.
Më pas më 9 mars në Prishtinë, ai do të takojë udhëheqësit e lartë të Kosovës “për të nënvizuar mundësinë historike për të arritur një marrëveshje të plotë të normalizimit të marrëdhënieve me Serbinë dhe për të kërkuar masa për të arritur një zgjidhje”.
Zoti Hale i cili më parë qëndron në Londër dhe në Ukrainë, është zyrtari më i lartë amerikan që kohët e fundit viziton Kosovën për të nxitur autoritetet që të hapin rrugën për vazhdimin e bisedimeve me Serbinë, të cilat janë pezulluar për shkak të kushtëzimit të tyre nga Beogradi me pezullimin e tarifave ndaj mallrave serbe, që u vendosën nga qeveria e Kosovës në nëntor të vitit të kaluar.
Javën që lamë pas, dy zyrtarë të lartë të Këshillit Kombëtar të Sigurisë, qëndruan për dy ditë në Kosovë për të siguruar pezullimin e tarifave ndërsa paralajmëruan shtimin masave ndëshkuese nëse Kosova vazhdon të refuzojë kërkesat e tilla.
Kërkesat amerikane kanë nxitur përplasje të brendshme në Kosovë ndërmjet atyre që ngulin këmbë të dëgjohen këshillat amerikane dhe atyre që pohojnë se tarifat duhet të pezullohen vetëm me garanci për përfundimin e bisedimeve me Serbinë me njohje të ndërsjellë.
Edicioni i dytë i të ashtuquajturit “Samit i Diasporës”, i organizuar nga kryeministri i Shqipërisë, Edi Rama, i mbajtur nga 28 Shkurt- 2 Mars 2019, përveçse fasadë e radhës, është njëra nga lojërat plot hipokrizi të pushtetarëve në Tiranë dhe Prishtinë në raport me mërgatën shqiptare.
Mërgata shqiptare asnjëherë në historinë e saj të gjatë nuk ka qënë më e injoruar, më e anashkaluar dhe abuzuar sikurse në dekadën e fundit nga dy qeveritë e shteteve shqiptare.
Në dekadën e fundit, Diaspora Shqiptare, nga qeveria e Tiranës dhe Prishtinës u përdor dhe u bë pjesë e agjendave politike vetëm në raste krizash politike, duke u përdorur si dekor festimesh dhe për dekorim me mirënjohje të ndonjë “emisari” të tyre në Diasporë, kinse për punën dhe veprimtarinë atdhetare.
Zyrtar të lartë shtetërorë nga Kosova dhe Shqipëria, ministra dhe ambasadorë gjatë vizitave mërgatës sonë, takojnë vetëm individ dhe grupacione të afërta me ta, duke asistuar në ndonjë aktiviteti të vockël kulturor, sa për të “mbajtur” lidhjet me “emisarët” e tyre, të cilëve ua hedhin nga një ashtë të fëlliqur në emër të financimit të ndonjë aktiviteti,…duke injoruar dhe anashkaluar shoqata dhe organizime të mirëfillta, duke injoruar veprimtar të shquar të çështjes kombëtare, duke injoruar kështu në tërësi trurin e kombit shqiptar në Diasporë.
Ndarjet e mërgatës sipas orekseve pushtetare
Me shfrytëzimin e disa mjeranëve, sahanlëpirësve të pushtetit ne rolin e “emisarit”, aq shumë kanë krijuar ndasi dhe përçarje në Diasporë, saqë shumica e mërgimtarëve ndihen të fyer dhe anashkaluar nga shtetet e tyre.
Krrekosjet e krerëve shtetërorë dhe shtirrja e tyre, se gjoja po e ndihmojnë diasporën në ruajtjen e identitetit kombëtar, janë hipokrizi e kulluar.
Rama e Thaçi sikur po harrojnë qëllimshëm se Shqipëria dhe Kosova nuk bëhet me “simite të tharbura” nga Diaspora, por me krijimin e kushteve të volitshme për kthimin në vendlindje të trurit kombëtar, krijimin e sigurisë për investime në vendin e tyre, me luftimin e korrupsionit dhe heqjen e haraçit qeveritar ndaj investitorëve shqiptar të mërgatës sonë.
Me të ashtuquajturat “Samite të Diasporës” dhe maskarada të llojit të tillë nuk forcohet shteti dhe as nuk ndihmohet mërgata jonë. Shteti forcohet dhe përparohet duke i krijuar kushtet mërgatës për pjesmarrje në vendimarrje, respektivisht pjesëmarrjen në votime dhe për të qënë e votuar e jo duke i diskriminuar mërgimtarët në baza partiake dhe ideologjike siq ka ndodhur deri më tani.
“Tre musketerët” e kombit shqiptar
Hashim Thaçi, Edi Rama dhe Ali Ahmeti, këta tre “musketerë” të kombit shqiptar u munduan të dalin më patriotë se çdo kush tjetër në historinë e kombit shqiptar.
Hashim Thaçi, Edi Rama dhe Ali Ahmeti, gjegjësisht tri shtetet që përfaqësuan këta “patriotë” të kombit shqiptar janë në gjendje mjaft të rëndë socio-ekonomike dhe të përfshira në kriza politike.
Nëse flasim për secilin veç e veç, atëherë Hashim Thaçi është shkaktar i shumë të këqijave në Kosovë; i ndarjes në vija etnike, decentralizimit, asociacionit të komunave serbe dhe rihapjes së statusit të Kosovës në dialogun e Brukselit.
Daklarata e Thaçit “Pa shkelur mbi trupin tim nuk do të mund ta cenojë kush 1 milimetër territorin e Kosovës…”, i ngjet patriotizmit të vonuar, për shkak se nuk tregoi, se mbi trupin (turpin) e kujt iu falen Malit të Zi 8200 hektarë të tokës së Kosovës!
Me qeverisjen e Edi Ramës, Shqipëria është kthyer në krizën më të madhe sociale dhe politike në këto dy dekadat e fundit. Për më keq se kaq, kryeministri i Shqipërisë, Edi Rama është bërë “mësiti” i Vuçiqit për ndarjen e Kosovës.
Me “pragmatizmin politik” të Ali Ahmetit, shqiptarët e Maqedonisë, edhe pse e përbëjnë rreth 40 % të popullatës e kanë humbur elementin shtetformues në shtetin ku jetojnë, pra, janë katandisur dhe tretur si asnjëherë gjatë historisë.
Ministrat e Diasporës me qëndrime të kundërta
I ashtuquajturi “Samit i Diasporës”, mund të quhet gjithçka tjetër por jo Samit i Diasporës. Mjafton t’i shikoni pamjet vizuele dhe fotot e “samitit”. Gjysma e të pranishmëve në sallë ishin struktura shtetërore e partiake sa të Shqipërisë, po aq edhe të Kosovës, pak të Maqedonisë e shumë më pak nga Mali i Zi.
Padrejtësitë dhe ndasitë fillojnë me shpërndarjen e ftesave.
Ftohen mbështetësit e pushtetarëve, emisarët politikë dhe sekserët e tyre në Diasporë, ftohen bisnesmenët që kohë pas kohe ua lagin fytin pushtetarëve, ftohen mik pas miku deri tek farefisi i ngushtë,…këto ishin kriteret e ftesave për të ashtuquajturin “Samit i Diasporës”.
Përgjatë 3 diteve të “Samitit të Diasporës” u vërejt qartë se ishte një organizim elektoral, i shndërruar në fushatë elektorale me fjalime të “zjarrta patriotike” dhe hakmarrje ndaj rivalëve politikë.
Fjalimi “patriotik” i Hashim Thaçit nga rreshtat e parë u përcjellë me duartrokitje të shkurtëra, fishkëllimat e gjata nga mesi i sallës e tutje e detyruan Ministrin e Diasporës së Kosovës, “të madhin” Dardan Gashi që ta vëjë dorën në bel për nxjerrjen e “Alltisë”, por fatkeqësisht gasi i kishte mbetur në Gjykatë!
Mirëpo nuk i shkoi mundi krejt huq, për këtë ngazëllim, ministri kosovarë i diasporës Dardan Gashi nderohet me titullin “Kalorës i Urdhnit të Skënderbeut” nga presidenti Meta, si kalorësin më të mirë të gjuajtjes me armë!
Për dallim nga ministri i Kosovës, ishte ministri nga Shqipëria, z. Pandeli Majko që i ngriu buzëqeshjen Edi Ramës me letrën lamtumirëse; “Edi Rama nuk di të ndalet, sepse ai është një pervers, që nuk e di çfarë është dashuria. Ai nuk ka gjak të pastër socialisti, as gjak të pastër shqiptari, por gjak të zi përbindëshi. Edi Rama është me keq se një terrorist. Ky birbo e ka ndarë mendjen të copëtoj gjysmën tjetër të kombit, Kosovën. Kosovën që e dua aq shumë, për të cilën kam luftuar me mish e me shpirtë. Sa të jem gjallë mbi dhe nuk e harroj vajin dhe gjakun e derdhur për Kosovën martire”, përfundon citati i Pandeli Majkos.
Pra, i ashtuquajturi ‘’ Samit i Diasporës’’, përveqse një tribunë e liderëve popullist shtetëror (të Kosovës dhe Shqipërisë) për të promovuar vetën e tyre si patriot pas veprimeve disa vjeçare antikombëtare, u tregua edhe si një fasadë e dështuar e pushtetarëve për mashtrimin e Diasporës Shqiptare.
Për dallim nga “samiti” i parë, kësaj radhe “Samiti i Diasporës” u bojkotua me refuzim ftesash nga shoqata e organizime të fuqishme, nga rrjete biznesesh dhe afarist të shquar, nga studiues, nga aktivist dhe veprimtarë, nga media dhe publicist si dhe krijues të shquar shqiptar nga mërgata jonë.
Presidenti i Kosovës Hashim Thaçi i cili dikur luante k..q..,dhe donte
te ia fuste Amerikës thikën pas shpine,këto ditë është në siklet të
madh sepse po i shtirret maska e zez në fytyrën e tij të vrazhdë dhe
shumë cinike.Këtij”burr shteti” këto ditë po i dalin rrentë për ledinë
kur këto ditë një delegacion nga Amerika e vizitoi Kosovën
deklaroi (sipas Ilir Dedes) se Hashim Thaçi vazhdimisht i paska genjyer
Amerikanet sa i përket qendrimit te SHBA për korrigjimin e
kufijve, duke theksu se e ka mbeshtetjën të mbi 90% të popullsisë së
Kosovës, por ne këtë ide te tij nuk e përkrahin as 5% të popullsisë.
Në takimet me këtë këtë delegacion të SHBA-ve u sqarue gjithëçka rreth
genjeshtrave qe Hashim Thaçi ua ka servu si të”verteta”miqeve tanë,dhe
se SHBA-ja tashti e ka te qartë situatën rreth kufinjve,duke theksuar
se SHBA nuk qendrojnë pas ides se Thçit dhe ekipit te tij misterioz
Vuçiq-Rama-Thaçi-Putin dhe bishti i tyre Baton Haxhiu. Po,kjo është e
çartë si loti sepse SHBA-të me aleatet e sajë në Evropë nuk e çliruan
Kosovën për ta copëtu. Dhe maska i Hashim Thaçit u hoç,ma ky njeri nuk
ka se më çka e mbulon fytyrën e tij.Është e mjaftueshme se më ne fund
SHBA-ja e kuptoi së më çfarë njeriu ka te bëjë.
Por,Gjarperi nuk do te ishte gjarpër nese nuk lakohet nga te gjitha
anet.I bani bashk bisht e krye dhe shkoi te tuxhari i tij Edi Rama në
Tiranë.
Harroi së është pa maskë.Në Tiranë në një tubim për diasporën deshti
te tregohet si patriot pa maskë.Në kët tubim më njfarë intezuiazmi të
madh deklaroi,duke shkelë nëpër gënjeshtrat e veta duke thanë
së:”ndarja,copetimi apo korigjimi i kufijve mund te bahet vetem mbi
trupin temë”,duke shtuar së idje e tij(Viçiqit dhe Ramës)mbi
korigjimin e kufijve është shumë e keqe dhe pazare me teritor nuk do
te ndodhë më asnjë çmim,por gjarpëri përseri e la bishtin vjerrur duke
theksuar së mudë te këtë korixhim kufijsh,sepse nuk e lanë rehat
premtinet qe ua kishte ba bosave te vetë te agjenturave te ndryshme
mafioze qe për qellim kanë ndarjeën e Kosoves.
Duke zbritë nga Tirana në Prizren ai aty u ndalë,iu këthy avazit të
tijë te vjetër duke thanë para masëse se mashtrueme duke thanë se
asnje centimeter tok Kosove nuk do te cenohet.E po mirë,a ka mundësi
bile edhe teorike që te mos cenohet asnjë centimeter tokë,kur edhe
tashi pa maska,angazhohet për korigjimin e kufirit.A ka ndokund në
botë te bahet korgjigjimi i kufirit pa u cenu asnje centimeter
tokë.Ndoshta ky e imagjinon këtë korigjim te kufijve ta bejë diku ne
qiell duke i shpërnda ret.
Por,ajo së çka është edhe më qesharake qe nuk ka as mundesi teorike te
ndodh është insistimi i tij ëndërr kur ai dje në Prizren theksoi se
do te ia bashkangjisë Luginën e Preshevës Kosovës,pa e cenu asnjë
centimeret teritor te Kosovës.Bile për këtë mundesi do te kërkojë edhe
ndryshimin e Kushtetutes se Kosovës,sikur te ishte pronë e tij.Do te
ishte më mirë qe vetë Kushtetuta te ia heq maskat Hashim Thaqit duke e
qitur jashtë loje.Edhe kjo është e pamundëshme,është një floskulë
politike,një rrenë e kulluar.Ai nuk thotë se si do ta fusë Luginën e
Presheves në Kosovë,duke e terhequr me buaj,me traktor apo me
buklduzher,por i duhet më parë qe ti largoj policiin e Vuçiqit nga
Kufiri.
Po,a e dinë ky njeri se ku gjendet Lugina e Presheveë,për besë nuk
ashtë këndej Muqi Babe,por është andej ne Serbi në shtetin e kolegut
te tij çetnik Aleksandër Vuçiq.Apo mos vallë Vuçiq po u bajka aq
dorëshlirë qe ti ia fal Luginën Kosovës.Kjo as në andërr nuk mund ti
ndodhë Hashim Thaçit.Por ai duhet ta dijë mirë së për me e
bashkangjitë luginën duhet me dhanë diçka Serbisë sepse tregetia me
troje nuk bahet veq më marrë pa dhanë asgjë,e Vuçiq ia ka nu syrin
Veriut te Kosovës,me Ujëman dhe Trepçë,te cilat Thaçi po thotë se
vetem mbi trupin tim do ti marrin,i marrin i marrin nese ti luan
bishtë me ta.
Ja pra,si me maska si pa maska ky njeri është plotësisht i çorientuar
ne mendje,i çoroditëshëm,është patriot më maskë,si ja hoqe maskën si
ja nove,te delë e njejta fytyr e mrrolët,cinike me mednje fudull që
për momentin as vetë nuk e di se çka po flet dhe si po vepron.Çprej se
SHBA ia hoqen maskën e vertetë të rrenave,ky ka fillu me u ba më
amerikan se vetë amerikanët në të shprasët.Ky njeri që te mos kemi më
shumë punë me te duhet ta hjekim qafe duke e shkarku na pozita ne
Parlament os me protesta te fuqishme te cilat nuk do te pushonin
derisa ai te rrexohet dhe…
Pranvera ka nisë më ardhë….
Kryetari i Kuvendit të Kosovës, Kadri Veseli, ka paralajmëruar se të gjitha qeveritë mund të bien kur janë në pyetje raportet me Shtetet e Bashkuara dhe prezencën amerikane në Kosovë.
I pyetur nga gazetarët lidhur me deklaratat e disa përfaqësuesve institucional se zyrtarët amerikanë kanë paralajmëruar mbylljen e kampit ushtarak amerikan “Bondstill”, Veseli tha se “gjitha qeveritë mund të bien por jo edhe të largohet amerikanët nga Kosova”.
“Gjitha qeveritë ecin para se të ecin amerikanët nga Kosova” tha Veseli gjatë një vizite në Mitrovicë.
Veseli udhëheq Partinë Demokratike të Kosovës që është pjesë e koalicionit qeverisës i cili ka mospajtime lidhur me taksën ndaj mallrave serbe dhe të Bosnjës, heqjen e të cilës po e kërkojnë tash e sa kohë Shtetet e Bashkuara.
Veseli ka propozuar kohë më parë që taksa të pezullohet për një periudhë 120 ditore, mirëpo kjo po kundërshtohet nga kryeministri Ramush Haradinaj i cili vjen nga partneri tjetër i koalicionit, Aleanca për Ardhmërinë e Kosovës.
Haradinaj ka thënë sot në Gjilan se taksa e vendosur do të mbetet derisa të ketë njohje nga ana e Serbisë për Kosovën në kufijtë ekzistues.
“Taksa nuk duhet të shërbejë si kushtëzim dhe se marrëveshja mes Kosovës dhe Serbisë brenda kufijve ekzistues është zgjidhja e të gjitha problemeve”.
Shtetet e Bashkuara dhe Bashkimi Evropian po i bëjnë thirrje institucioneve të Kosovës të shfuqizojnë ose pezullojnë taksën ndaj mallrave serbe në mënyrë që t’i hapet rruga vazhdimit të dialogut ndërmjet Kosovës dhe Serbisë, i cili, sipas Brukselit dhe Uashingtonit duhet të përmbyllet me një marrëveshje gjithëpërfshirëse mes dyja vendeve.
Ndihmës sekretari ardhshëm i Shtetit për Evropë dhe Azi, Philip Reeker u ka bërë thirrje edhe njëherë autoriteteve të Kosovës që të suspendojnë taksën doganore të vendosur ndaj Serbisë dhe Bosnjë e Hercegovinës, në mënyrë që t’i hapet rrugë dialogut dhe arritjes së marrëveshjes Kosovë – Serbi.
Këto komente, diplomati amerikan i bëri në Shkup ku po merr pjesë në një seminar dyditor për sigurinë, raportet rajonale dhe zhvillimin ekonomik, “Ballkani 360”.
Diplomati amerikan është fokusuar në raportet mes Prishtinës dhe Beogradit zyrtar, me ç’rast ka theksuar se “normalizimi i marrëdhënieve midis Kosovës dhe Serbisë në kornizën e dialogut që po udhëhiqet nga BE-ja, është mundësi për zgjedhjen e problemit që cungon gjithë Ballkanin”.
“Nëse Prishtina zyrtare nuk kthehet në negociata siç ka thënë ‘pa kushte’, atëherë do të rrezikojë të ardhmen e saj evropiane dhe jo vetëm”, tha Reeker.
“Ne nuk kërkojmë nga Kosova që t’ia japë Hënën, por të heqë taksën ndaj produkteve të Serbisë dhe Bosnjës për një kohë të caktuar”, u shpreh ai.
“Pastaj do të mund të shohim se çka do të mund të arrihet në tryezën e bisedimeve. Asnjë marrëveshje nuk është nënshkruar përderisa nuk arrihet ujdi për të gjitha aspektet e saj”, theksoi Reeker.
Kosova, nënvizoi ai, nuk humb asgjë nëse negocion, por “mund të rrezikojë gjithçka nëse nuk ulet në tryezën e negociatave”.
Gjithashtu, ai ka ftuar edhe Beogradin, i cili sipas tij, ka qenë agresiv në negociata, të angazhohet për të normalizuar marrëdhëniet.
Ai ka përmendur edhe mbështetjen amerikane për Kosovën, duke tërhequr vërejtjen për pasojat që mund të ketë mospezullimi i i taksës.
“Qytetarëve të Kosovës ju themi se e kuptojmë frustrimin tuaj, dhe e kuptojmë dëshirën tuaj për të kontrolluar të ardhmen tuaj, dhe për të çuar përpara integrimin e Kosovës në sistemin ndërkombëtar. Nuk diskutohet mbështetja e Shteteve të Bashkuara të Amerikës për sovranitetin dhe pavarësinë tuaj”, tha ai.
“SHBA-ja ka investuar shumë në suksesin e Kosovës si shtet i pavarur, multietnik dhe sovran. Ne qëndrojmë pas jush në vazhdimësi. Por, në disa raste ne kemi ardhur te ju me kërkesa të rëndësishme dhe kjo është njëra prej këtyre herëve”, theksoi diplomati amerikan.
“SHBA-ja, ndoshta mikja juaj më e afërt strategjike, beson se arritja e një marrëveshje me Serbinë është e vetmja rrugë që Kosova të shkojë përpara. Fakt është që Kosova nuk mund t’i kthehet dialogut me Serbinë pa suspendimin e taksës, gjë që ne besojmë se është në interes të Kosovës, SHBA-së dhe të gjithë rajonit. Është fatkeqësi dhe e habitshme që akoma kemi mosmarrëveshje serioze me Qeverinë e Kosovës për këtë çështje. Kam frikë se Kosova dëmton marrëdhëniet tona bilaterale, marrëdhënie të cilën ne e vlerësojmë shumë”, tha Reeker.
Diplomati amerikan ka theksuar se Shtetet e Bashkuara të Amerikës do të mbeten të përkushtuara për integrimin e Ballkanit Perëndimor në Bashkimin Evropian, për shkak se kjo është interes strategjik i SHBA-së.
“Marrëveshja historike e Prespës është ajo e cila ia hapi rrugën Maqedonisë së Veriut të bëhet anëtarja e 30 e Aleancës së veriut duke përshpejtuar procesin e integrimeve evropiane”, theksoi Reeker.
“Shtetet e Bashkuara mbeten të përkushtuara të mbështesin aspiratat e të gjithë vendeve të Ballkanit Perëndimor për të siguruar anëtarësim në Bashkimin Evropian, jo për shkak se jemi zemërmirë, por për shkak të strategjisë së SHBA-së për të pasur paqe, prosperitet dhe stabilitet në Evropë, për të cilën ne luftuam së bashku 75 vjet më parë”.
“Zgjerimi, si shtytje për reformat politike dhe ekonomike të nevojshme për t’u kualifikuar për anëtarësim në institucionet evropiane, përpara sfidave të brendshme dhe të jashtme, duhet të mbetemi të përqendruar dhe të angazhuar në punë për të avancuar synimet për qeveri më transparente dhe të përgjegjshme, sundimin e së drejtës, lirinë e mediave dhe krijimin e kushteve për të pasur një sektor civil të përkushtuar”, ka theksuar Reeker.
Reeker po ashtu tha se kryeministri i Maqedonisë së Veriut, Zoran Zaev dhe ai i Greqisë, Alexis Tsipras, si dhe ministrat e Jashtëm të të dyja vendeve, duhet që të mburren me arritjen e Marrëveshjes së Prespës, e cila o dha fund kontestit për çështjen e emrit mes dy vendeve fqinje, duke nënvizuar se “liderë të Ballkanit do të mësojnë nga kjo përvojë, se problemet dhe konfliktet historike mundet të kalohen”.
“Suksesi i Marrëveshjes së Prespës është fakt i punës së palodhshme dhe kompromisit midis liderëve të cilët arrijnë të demonstrojnë madhështi”, tha Reeker.
Diplomati i lartë amerikan gjatë qëndrimit në Shkup do të takohet me kryeministrin Zaev, liderin e partisë shqiptare në pushtet, Bashkimit Demokratik për Integrim, Ali Ahmeti dhe atë të VMRO-DPMNE-së, Hristijan Mickoski.
Ndryshe, Philip Reeker ishte ambasador i SHBA-së në Maqedoni gjatë periudhës 2008-2011.
Kjo është vizita e tij e parë në vend pas paralajmërimeve se do ta marrë funksionin e ndihmës sekretarit të Shtetit për Evropë dhe Euro-Azi.
Halil Matoshi, këshilltar i kryeministrit të vendit, Ramush Haradinaj, ka reaguar ndaj nënkryetarit të Lidhjes Demokratike të Kosovës, Lutfi Haziri, pas deklaratës së tij, në një intervistë për Gazetën Express, se pret që qeveria e vendit të rrëzohet, bashkë me taksën që ka vënë ndaj Serbisë.
“Fati i Qeverisë, edhe heqja edhe rënia e kësaj Qeveria do të ndodhin bashkërisht me taksën. Po e konfirmoj atë që kam thënë më 21 janar se edhe tarifa edhe Qeveria do të shkojnë bashkë. Koha po e dëshmon se po shkohet në atë drejtim”, ka deklaruar sot Haziri.
Matoshi, nëpërmjet një shkrimi në Facebook, ka thënë se Qeveria mund të bjerë, nëse 61 deputetë të Kuvendit të Kosovës votojnë për një gjë të tillë.
“Qeveria mundet me ra në demokraci kurdo që mocioni përkrahet nga 61 vota në Kuvend, por vallë taksa ndaj produkteve të Serbisë pse iu ka pikë Lutës që të hiqet!???”, ka shkruar Matoshi në rrjetin social, në internet.
Më tej, Matoshi ka sulmuar Hazirin rreth kundërshtimit të tij për taksën ndaj produkteve serbe, që ka vënë Qeveria Haradinaj, sepse, sipas këshilltarit të kryeministrit, kjo masë “parandalon ndarjen e Kosovës, sipas hartave të tij turbofolk mentale”.
Matoshi madje e ka cilësuar Hazirin këshilltar të presidentit të vendit, Hashim Thaçi.
“Lutfi Haziri është një nga këshilltarët e Presidentit Thaçi në këtë çështje, në turrin antikushtetues, për hapjën e çështjes së sovranitetit dhe integritetit territorial, të Republikës së Kosovës, në raport me Serbinë, për çka estabilishmenti serb u angazhu plot 11 vjet!?”, është shprehur ai.
“Luta, siç i thonë votuesit e tij, e ka çmistue ‘Shefin’, siç i thotë ai Presidentit, për korrigjimin e kufirit dhe do të mbetët si një ndër rrënuesit në tentativë të Kosovës së 17 shkurtit”, ka vlerësuar Matoshi, ndër të tjera.
“Ai paguhet nga taksat tona për një post kushtetues dhe retorika e tij bie ndesh me atë Kushtetutë!? Një ditë, dikush duhet me mbajtë përgjegjësi politike e historike, por edhe penale për ndërmarrje antikushtetuese (Neni 1; 1.2 dhe 1.3.)”, përfundon shkrimi i Matoshit. /Express/
Prishtinë
Kryetari i Komitetit të Punëve të Jashtme të Parlamentit Evropian, David McAllister i ripërsëriti thirrjen Prishtinës për shfuqizimin e taksës doganore prej 100 për qind ndaj mallrave nga Serbia, ashtu që dialogu në Bruksel të jetë i suksesshëm.
Delegacioni i Parlamentit Evropian, i kryesuar nga McAllister, i cili qëndroi dy ditë në Prishtinë, u takua me udhëheqjen politike të Kosovës, deputetët, opozitën, Listën Serbe dhe përfaqësuesit e shoqërisë civile, me të cilët ka biseduar për çështjet aktuale politike.
Eurodeputeti McAllister nga radhët e CDU-së, partia e kancelares gjermane Angela Merkel në konferencën për media tha se Kosova ka bërë progres në miratimin e reformave në sundimin e ligjit, ku ishte rishikuar Kodi për konfiskimin e pasurisë së paligjshme si dhe në reformën e administratës publike që ka të bëjë me luftën kundër korrupsionit dhe krimit të organizuar dhe modernizimin e institucioneve të Kosovës. Ai, megjithatë tha se miratimi i ligjit nuk është i mjaftueshëm dhe se zbatimi i ligjit është vendimtar.
Sipas tij, BE-ja mbështet Kosovën në të gjitha fushat e reformave dhe jep çdo vit nga 100 milionë euro në Kosovë, e cila për kokë banori më shumë i ndahet vetëm Palestinës. Ai theksoi se integrimi evropian nuk mund të jetë i plotë pa Ballkanin Perëndimor, por pa marrëveshje reciproke Kosova dhe Serbia nuk do të mund të bashkohen me Bashkimin Evropian.
“Më lejoni të jem i qartë, as Kosova e as Serbia nuk do të bashkohet me BE-në, pa marrëveshje gjithëpërfshirëse ligjërisht të detyrueshme që zgjidh të gjitha çështjet e pazgjidhura, të cilat janë shumë, të drejtat e minoriteteve, të drejtat e pronës, personat e zhdukur, kthimin, rikthimi i refugjatëve në shtëpitë e tyre dhe shumë çështje të tjera. Për të zgjidhur të gjitha këto çështje ne duhet rinovuar dialogun, kemi një shans të vogël që na u është dhënë këtë vit në të cilin nuk ka zgjedhje të rregullta në Kosovë, dhe në Serbi dhe kemi një përfaqësuese të dedikuar për politikën e jashtme, Federica Mogherini, e cila punon me përkushtim për këtë çështje dhe unë theksoj me paanësi të plotë”, tha ai.
McAllister potencon se BE-ja është thjesht ndërmjetësuese në dialog dhe se nuk drejton ndonjë skenar, por dëshiron që Kosova dhe Serbia të arrijnë marrëveshje dhe se në këtë drejtim këtë javë janë përsëritur thirrjet për heqjen e taksës prej 100 për qind ndaj mallrave serbe. Ai tha se rekomandon heqjen e taksës, sepse dëshiron të ulë përsëri palët në tryezë.
“Miqtë, partnerët e Kosovës, BE-ja dhe shtetet anëtare, Parlamenti Evropian, SHBA-të dhe të tjerat, të gjithë kërkojnë nga Qeveria e Kosovës që të rishqyrtojë vendimin për vendosjen e taksës, Pse? Sepse ndër të tjera kjo është një shkelje e Marrëveshjes së CEFTA-s dhe shkelje e Marrëveshjes së Asociim-Stabilizimit”, tha McAllister. Ai tha se BE-ja nuk beson se ky është vendimi i duhur dhe se pezullimi i taksës hapë rrugën përpara.
Sa i përket liberalizimit të vizave PE beson se Kosova ka plotësuar të gjitha 95 kriteret e kërkuara dhe se Kosova duhet të vazhdojë të ndërtojë besimin, përfshirë fushën e sundimit të ligjit, në mënyrë që të bind vendet që ende hezitojnë për të dhënë liberalizimin e vizave.
“Ka ende shumë për t’u bërë në Kosovë, por edhe shumë është bërë. Me vendimet themelore politike, në kuptimin e dialogut dhe me mbështetjen e Bashkimit Evropian e shohim të ardhmen evropiane për vendin tuaj”, tha McAllister.
Duke iu përgjigjur pyetjeve të gazetarëve, ai përsëriti se deklaratat publike lidhur me ndryshimin e mundshëm të kufijve dhe shkëmbimin e territoreve, eurodeputeti nënvizoi se qëndrimi i PE-së është unik se qëllimi i rajonit nuk duhet të jenë shtetet etnikisht homogjene.aa
Burime të Indeksonline bëjnë me dije bëhet fjalë për Xhevdet Thaçi i cili gjatë kohës së luftës ka qenë i angazhuar në Shtabin e Përgjithshëm për futjen e armatimit në pjesën e Hasit të Gjakovës.
Thaçi do të intervistohet nga Dhomat e Specializuara brenda pak ditësh.
“Nga Gjykata Speciale më kanë kontaktuar para 5 ditëve. Kam qenë ushtar i thjeshtë, por kam lëvizë me shtabin e përgjithshëm në futjen e armatimit në pjesën e Hasit të Gjakovës, kam qenë herët i kyqun në UÇK deri në plagosje që kam pas më 13 qershor të vitit 1998 në kufirin Kosovë- Shqipëri, pastaj jam kthyer përsëri”, ka thënë Thaçi.
Thaçi ka thënë se nuk i është bërë me dije nëse është ftuar në cilësinë e dëshmitarit apo të dyshuarit.
“Nuk e di, porse unë edhe më herët jam intervistuar nga UNMIK-u dhe EULEX-i, sigurisht që jam i pafajshëm”, ka shtuar tutje ai.
Thaçi më 13 qershor të vitit 1998 u plagos nga forcat ushtarake serbe në kufirin Kosovë- Serbi.
Kryeministri i Kosovës, Ramush Haradinaj ka ashpërsuar tonet me presidentin Thaçi në lidhje me çështjen e kufijve mes Kosovës dhe Serbisë. Ai iu përgjigj prerazi presidentit duke theksuar se kjo “lojë” nuk do të realizohet asnjëherë, ndërsa mes tjerash pohoi se një çështje e tillë ka hyrë thellë.
Sipas tij, asnjë pjesë të territorit të Kosovës nuk kontestohet dhe për ketë arsye nuk mund të ndodhë asnjë korrigjim i kufijve dhe se Kosova në kufijtë 17 shkurtit nuk kthehet prapa.
“Nuk ka budallenj më, njëherë na kanë befasuar, më jo”, tha ai. Kreu i qeverisë, gjithashtu përsëriti se nuk do të ketë “Republikë të Dodikut”, asociacion me kompetenca ekzekutive të komunave me shumicë serbe.
Ndërsa, sa i përket largimit të trupave amerikane, tha se ne dëshirojmë që ata të mbesin në Kosovë, sipas tij ata janë në shtëpi dhe të vet dhe asnjë veprim i Kosovës nuk do ta prish këtë marrëdhënie.
“Janë disa prej Kosovës që i thonë shtoja edhe qeta se e largon taksën. Ambasadorja e Kosovës në SHBA, nuk është e Kosovës është e Hashim Thaçit”, tha ai.
Këto komente Haradinaj i bëri gjatë mbajtjes së Kuvendit të tetë zgjedhor të Aleancës për Ardhmërinë e Kosovës në qytetin e Deçanit.
Presidenti i Kosovës, Hashim Thaçi, ka thënë se do të ketë korrigjim të kufirit me Serbinë dhe bashkëngjitje të Luginës së Preshevës me Kosovën. Ka thënë se ky është vizioni i tij dhe do të punojë për të ndryshuar Kushtetutën për ta bërë pjesë të Kosovës edhe Preshevën, Bujanocin e Medvegjën
“Korrigjimi i kufirit, po. Me një shtet të pavarur dhe sovran të Kosovës. Me përfshirjen e Preshevës, Bujanocit dhe Medvegjës me Kosovën. Do të punoj për të ndryshuar Kushtetutën. Ndryshimi i Kushtetutës nuk është fundi i botës”, ka thënë Thaçi nga Prizreni, shkruan Gazeta Express.
Shefi i Shtetit nuk është marrë me akuzat e Ramush Haradinajt se po e mashtron popullin kur po flet për ndryshim të kufijve.
Sidoqoftë, Thaçi ka thënë se me Serbinë s’do të ketë shkëmbim të territoreve dhe as asociacion të komunave serbe me kompetenca ekzekutive. Ka kundërshtuar edhe idenë për një Union Ballkanik.
“Ideja e shkëmbimit të territoreve është ide e keqe. Është pazar. Nuk do të lejoj të ndodh. Me asnjë çmim. Por, dua të potencoj gjithashtu, jo që do të shtrohet në tavolinë, por s’do të lejoj as që të diskutojë dikush për pavarësinë e Kosovës”, ka thënë ai.
Kreu i Kosovës ka thënë se kushdo që nuk respekton këshillat amerikane është në anën e kundërt të historisë.
“Respektimi i këshillave të SHBA’së thekson qartë drejtimin tonë të drejtë si vend e shoqëri. Anën e drejt të historisë. Çdo kryeneçësi tjetër është ana e gabuar e historisë”, ka shtuar ai.
Drejtori i Arkivave promovon në Tiranë dy librat e pasluftës.
Jusuf Osmani sjell për herë të parë shifrat e të vdekurve e shkatërrimeve në 1998-1999.
“Të dish një të vërtetë dhe të heshtësh, është njësoj si të gënjesh”. Nën këtë moto, një nga arkivistët më të mirë të Kosovës, dr. Jusuf Osmani, ka nxjerrë nga arkivat kosovarë bilancin e dhimbshëm të luftës në vitet 1998-1999. 14 vite pas përfundimit të luftës së Kosovës vijnë shifrat zyrtare mbi pasojat e këtij konflikti të përgjakshëm. “Krimet e Serbisë në Kosovë 1998-1999”, “Krimet e Serbisë ndaj fëmijëve në Kosovë 1998-1999”, botime të Agjencisë Shtetërore e Arkivave të Kosovës, u promovuan dje në Akademinë e Shkencave në Tiranë. Drejtori i Institutit të Historisë, Beqir Meta, historiani Maringlen Verli e të tjerë të pranishëm e quajtën një ngjarje botimin e këtyre dy librave, që dëshmojnë për herë të parë, përmes shifrash zyrtare, masakrat serbe në Kosovë. Për drejtorin e Arkivave kosovarë, Jusuf Osmani, grumbullimi i të dhënave mbi vrasjet, dhunimet, shkatërrimet, depërtimet, nuk ka qenë i thjeshtë. Sipas tij, puna për grumbullimin e të dhënave është bërë në grup, me bashkëpunëtorë nga treva të ndryshme dhe me vizita pothuaj në çdo vendbanim të Kosovës. “Qëllimi themelor i botimit të këtyre librave është prezantimi i fakteve, që paraqesin dokumentacionin për krimet e Serbisë në Kosovë ndaj popullatës kosovare e posaçërisht ndaj fëmijëve gjatë viteve 1998-1999. Politika antishqiptare e serbëve është manifestuar prej vitesh me shekuj, me programe gjenocidale, duke filluar që nga Naçertania e Garashaninit më 1844-n e deri te programi “Patkoi” më 1999-n, me synim zbrazjen e tokave nga popullsia shqiptare dhe serbizimin e tyre. Kjo luftë u zbatua nga formacionet ushtarako-policore dhe paramilitare serbe, të cilët vranë, masakruan, zhdukën, dhunuan, dëbuan dhe deportuan popullsinë civile shqiptare, i plaçkitën, dogjën dhe rrënuan shtëpitë, objektet fetare, shkollore, kulturore, ekonomike, e të tjera, si dhe vendbanime të tëra shqiptare, me synim spastrimin etnik”, thotë arkivisti.
Shifrat
Sipas tij është një detyrim ndaj viktimave dhe familjarëve të tyre zbardhja dhe evidentimi i këtyre krimeve. Sipas dr. Jusuf Osmanit, opinioni ndërkombëtar ende është shumë pak i informuar mbi krimet gjenocidale që janë ushtruar mbi popullsinë e Kosovës. “Regjistri i fëmijëve të vrarë, të pafajshëm dhe të paaftë për vetëmbrojtje është gati i pabesueshëm. Nga janari deri më 12 qershor 1999 janë vrarë ose evidentohen të zhdukur 1396 fëmijë, nën moshën 18-vjeçare, apo më tepër se 11 për qind e viktimave të përgjithshme të të vrarëve në Kosovë. Kjo statistikë për dhunën mbi fëmijët është më tragjikja në historinë e re të Europës”, thotë ai. Sipas të dhënave të grumbulluara, në Kosovë nga janari 1998 deri më 12 qershor 1999 ka pasur 12.843 viktima të nacionalitetit shqiptar, prej tyre 1741 femra, ndërsa në altarin e lirisë kanë rënë 2261 dëshmorë, në mesin e tyre 68 dëshmorë e martirë nga Shqipëria. Veç vrasjeve, janë shkatërruar më se 188 mijë objekte banimi, janë dëbuar nga Kosova më se 1 milion banorë.
Bilanci i luftës në Kosovë
Krimet e Serbisë në Kosovë 1998-1999
– Vrasjet, masakrimet
– Dëbimi i popullatës shqiptare nga Kosova
– Varrezat masive
– Vrasjet e të rinjve, femrave, pleqve, fëmijëve, intelektualëve, etj.
– Dhunimet e femrave
– Rrëmbimi i të rinjve dhe të tjerëve, dërgimi dhe vrasja në Serbi.
– Helmimet
– Rrënimi i objekteve të banimit, objekteve ndihmëse, objekteve ekonomike, arsimore, kulturore, fetare etj.Shkatërrimet e shtëpive dhe objekteve të tjera
Shtëpi të shkatërruara – dëmtuara të popullatës shqiptare: 100.589
Shkolla të shkatërruara – të dëmtuara me dokumentacion: 358
Zyra të vendit: 71
Shtëpi kulture: 30
Biblioteka publike dhe shkollore: 93
Objekte shëndetësore: 123
Objekte fetare (xhami, teqe, tyrbe): 215
Kisha katolike: 5
Objekte ndihmëse – përcjellëse: 88.101.Pasojat e luftës
Okupimi klasik i Kosovës
Sjellja e forcave të mëdha ushtarake në Kosovë
Masakra të mëdha
Vrasje e organizuar, madje edhe të familjeve të tëra.Periudha janar 1998 – 12 qershor 1999:
Vrarë: 11.840 viktima nga Kosova,
– 1.392 fëmijë deri në 18 vjeç.
– 296 fëmijë deri në 5 vjeç.
– 1739 femra
– 1882 të moshuar mbi moshën 65-vjeçare.
– 1450 banorë ende janë të pagjetur.
Janë dhunuar 20.400 femra shqiptare.Sipas të dhënave të UNCHR, në fillim të qershorit 1999, nga refugjatët e dëbuar prej Kosove:
Janë dëbuar nga Kosova rreth 1 milion banorë
443.300 ishin vendosur në Shqipëri;
247.800 në Maqedoni,
69.300 në Mal të Zi;
21.700 në Bosnjë-Hercegovinë, gjithsej 782.100.
Në vendet e tjera të botës u vendosën gjithsej 76.475
refugjatë, duke përfshirë
13.639 në Gjermani
7.581 në Turqi
5.829 në Itali
5.730 në SHBA
pastaj në Francë, Norvegji, Suedi, Britani të Madhe, Poloni, Spanjë, Portugali, Finlandë, Zvicër, Izrael etj.
ALMA MILE
Ministria e jashtme e Rusisë pretendon se në Reçak ka patur inskenime. Voal.ch po sjell qendrimin e zëdhënëses të MPJ të Rusisë bashkë me të dhënat reale të luftës dhe një qendrim të Ambasadorit Walker 20 vjet pas masakrës të Reçakut.
“Zëdhënësja e MPJ-së ruse Maria Zakharova thotë se propaganda perëndimore ishte vendimtare që NATO të bombardojë RF Jugosllavinë (Serbi dhe Malin e Zi) në vitin 1999.
Sipas Zakharovës, ka pasur një fushatë histerike në mediat perëndimore që vazhdonin prej muajsh, duke u përqendruar në shtypjen masive të shqiptarëve (kosovarë), ndërkohë që heshtnin për aktet terroriste të “luftëtarëve të Kosovës dhe krimeve të tyre, përfshirë rrëmbimin e njerëzve për qëllime të trafikut të paligjshëm të organeve “.
“Asnjë thriller nuk mund të krahasohet me tmerret që po ndodhnin në ato zona”, tha zëdhënësja e Ministrisë të Jashtme të Rusisë.
Zakharova shtoi se arsyeja (e deklaruar) për bombardimet ishte “vrasja e civilëve në Raçak, diçka e raportuar nga të gjitha mediat perëndimore dhe të gjitha strukturat e NATO-s dhe BE-së, edhe pse doli se ata nuk ishin aspak civilë , por luftëtarët e Kosovës (pjesëtarët e UÇK-së) u veshën (me rroba civile). ”
“Rezultati i kësaj fushate propagandistike – agresioni i armatosur kundër një shteti evropian (Serbia) dhe tjetërsimi faktik i një pjese të territorit të saj (Kosovë dhe Metohi) përmes përdorimit të forcës ushtarake. Ishte në vitin 1999 që NATO varrosi ligjin ndërkombëtar në Evropë, ” theksoi Zakharova.
Pas këtyre ngjarjeve, çdo pretendim nga vendet perëndimore se propaganda është përdorur diku, ose se liria e shprehjes nuk respektohet, mund të konsiderohet si “hipokrizi e hapur”, përfundoi Zakharova./Burimi B92
Kreu i Qeverisë Ramush Haradinaj ka folur edhe për atë që po përflitet rreth largimit të mundshëm të forcave amerikane nga Kampi i Bondsteel.
“Amerika operon globalisht për siguri, është garant i sigurisë dhe paqes për të gjithë globin. Mendoj që vendimet që janë folë si kërcënim për Bondsteel janë të hershme apo të avancuara, për shkak se një vendim i tillë mund të merret, por jo lidhur me taksën. Të gjitha argumentimet për vendosjen e taksës, ekzistojnë. Ajo mbetet deri në njohje. Ne i bëjmë apel SHBA-së, jo veç me qëndrua në Kosovë, por këtu janë në shtëpi të vet përjetësisht”, ka thënë Haradinaj.
Ai ka akuzuar presidentin Thaçi se i ka bërë shumë dëme Kosovës me debatin për kufijtë.
“Shumë e du presidentin. Ai i ka bërë dëme të mëdha Kosovës me idetë e tij për dialogun. Edhe me avancimet për ndarje. Diskutimet e tij e kanë pru gjendjen ku jemi sot”, është shprehur ai.
Haradinaj thotë se nuk i ndihmon Kosovës të kërkohet heqja e taksës ndaj Serbisë, për t’u dukur proamerikan.
“Serbia ka provuar me na ndalë në të gjitha temat. Është keq që s’jemi unik tash. Vrapimi me u bo proamerikan për ta hequr taksën ndaj Serbisë, nuk na ndihmon”.
Kreu i AAK-së thotë se derisa nuk e sheh një kontratë që është e sigurt për Kosovën, nuk do të ndërmarrë ndonjë hap për pezullim apo heqje të taksës.
“Derisa nuk e shohim një kontratë për njohje, nuk kemi arsye me e qitë kamën në terr, pa e ditë se ku po e qesim”, ka përfunduar ai. /GazetaExpress/
Igumeni i Manastirit të Deçanit, Sava Janjiq, ka tërhequr vërejtjen se për shkak të disa zgjidhjeve politike që përmenden, duke përmendur idenë e ripërcaktimit të kufirit, mund të ndodhë që populli serb të zhduket nga Kosova.
“Sot ballafaqohemi me tundime posaçërisht të mëdha, meqë disa zgjidhje që kërkohen në planin politik mund të ndodhë që populli ynë të zhduket plotësisht nga këto treva, përkatësisht më shumë se asnjëherë më parë në histori”, ka thënë arkimandriti Sava në intervistën dhënë TV Hram të Kishës Ortodokse Serbe.
Siç është shprehur ai, kur flitet “për ripërcaktim të kufirit në mes të dy popujve, kjo do të thotë se atje ku jeton njëri (popull) tjetri nuk do të jetë, ku jeton tjetri nuk do të jetë i pari”.
Igumeni Sava ka thënë se serbët e shqiptarët “historikisht janë të lidhur në shumë mënyra” dhe se kanë pasur lidhje kristiane në periudhë të hershme, por edhe sot.
“Por sot në ideologjinë që mbisundon në këto treva ka një mosdurim në shkallë të lartë ndaj popullit dhe objekteve të kultit tonë, që shihen si rreziqe për vendosjen e një identiteti të ri, kulturor e politik”, ka thënë ai.
Deputeti i Lidhjes Demokratike të Kosovës, Haxhi Avdyli, ka thënë se efekti i vizitës së zyrtarëve amerikanë është vërejtur direkt te presidenti Thaçi. Ai tha se Amerika po e mbron integritetin e Kosovës duke e korrigjuar Hashim Thaçin. Këtë koment Avdyli e ka dhënë pas deklaratës së Thaçit se shkëmbimi i territoreve do të ndodhë vetëm mbi trupin e tij të vdekur
Për këtë deklaratë të Thaçit, ironia e Avdylit ka shkuar deri aty sa ka thënë se presidenti e ka vendosur trupin sikur Mic Sokoli për ta mbrojtur vendin nga shkëmbimi dhe korrigjimi i territoreve.
“E mira e vizitës të njerzve të Trumpit në Kosovë, po vërehet menjëherë sot. Hashim Thaqi paska heq dorë nga shkëmbimi i territoreve. Lum na për Amerikën e cila po e mbron integritetin e Kosovës,së pari duke e korigjuar Hashimin, i cili nga sot edhe trupin e paska vendos si Mic Sokol kundër shkëmbimeve, korigjimeve e demarkimeve. #meAmerikën #Kosovaepandarë”, ka shkruar Avdyli në Facebook, transmeton Gazeta Express.
Presidenti i Kosovës, Hashim Thaçi, ka folur për territorin e Kosovës, të premten, para diasporës shqiptare.
Ai tha se kurrë nuk do të ndodhë shkëmbimi i territorit të Kosovës, ndërkohë që tha se nuk ka njeri që e ndal në angazhimin për bashkëngjitjen e Luginës së Preshevës me Kosovën.
Ka shtuar se shkëmbimi i territoreve do të ndodhë vetëm mbi trupin e tij të vdekur. /Gazeta Express
Numri i madh i pacientëve nga gripi sezonal, nga i cili tashmë kanë vdekur 11 persona, ka ndikuar që në Kosovë të shpallet gjendje epidemike e gripit.
Që nga një tetori i vitit të kaluar, kur edhe është raportuar rasti i parë i gripit, në kuadër të Institutit Kombëtar të Shëndetësisë Publike, janë raportuar gjithsej 29 mijë e 938 raste të dyshimta me grip.
Infektologu Sali Ahmeti, thotë se gjendja e të sëmurëve me grip, sidomos gjatë dy javëve të fundit, është e rëndë dhe se numri i pacientëve është i madh. Ai thotë gjithashtu se të sëmurët kanë komplikime shëndetësore. Në mjekim intensiv aktualisht janë pesë raste, derisa 11 tashmë kanë vdekur.
“Ka të sëmurë me raste mesatare dhe të lehta, por ka edhe forma me komplikime nga të gjitha rajonet e Kosovës dhe ka të sëmurë të spitalizuar nën mjekimin intensiv. Këta të sëmurë zakonisht kanë edhe sëmundje përcjellëse, respiratore, sëmundje kardiovaskulare, me diabet, sëmundje nervore të mëparshme dhe ndonjëherë përfundojnë edhe jo mirë, pra me vdekje”, tha Ahmeti.
Sipas Ahmetit, pothuajse të gjithë të vdekurit kanë qenë të pavaksinuar kundër gripit.
Në anën tjetër, në Klinikën Pediatrike në Qendrën Klinike Universitare të Kosovës, pediatri Muharrem Avdiu bëri të ditur se numri i fëmijëve që po kërkojnë ndihmë mjekësore nga gripi sezonal është i madh.
“Sidomos gjatë vikendit kemi pasur deri në tre fëmijë në një shtrat. Kjo tregon që numri i fëmijëve me grip ka qenë shumë i madh. Megjithatë kapacitetet për trajtim janë të mjaftueshme dhe stafi është mobilizuar. Me barna jemi të furnizuar mirë dhe po shpresoj që gjitha rastet do ta kalojnë pa ndonjë komplikim”, tha Avdiu.
Ndërkaq, Instituti Kombëtar i Shëndetësisë Publike dhe Shërbimi Spitalor dhe Klinik Universitar kanë rekomanduar që të gjithë nxënësit që kanë shenja të gripit të qëndrojnë në shtëpi.
“Fëmijët dhe nxënësit që kanë shenja dhe simptoma të gripit, temperaturë të lartë, lodhje, rrjedhje hundëve, dhimbje fyti, kollë, bark-qitje dhe vjellje, dhimbje koke, barku dhe muskujsh, t’i shmangen kontaktit me nxënës të shëndoshë dhe të qëndrojnë në shtëpi, duke iu përmbajtur rekomandimeve të mjekut”, është thënë në komunikatën e lëshuar për media.
Gjatë këtij viti, në shumë vende të rajonit është shpallur epidemi nga influenca e gripit, pasi shumë njerëz kanë vdekur nga ndërlikimet e shkaktuara nga ky virus.
Nga ana e Ministrisë së Shëndetësisë, thuhet se tashmë janë siguruar sasi të mjaftueshme të vaksinave kundër gripit ku edhe iu bëhet thirrje qytetarët, sidomos atyre në moshë dhe atyre me sëmundje kronike, që të vaksinohen.
Viruset sezonale vlerësohet se bëhen më agresiv për shëndetin e njeriut, kur ambienti është i papastër. E Kosova është radhitur nga mekanizmat ndërkombëtarë në nivelin më të ulët të standardeve mjedisore në Ballkanin Perëndimor dhe në Evropë.
Përkeqësimin e nivelit të cilësisë së ajrit, sidomos në Prishtinë, e kanë përmendur edhe zyrtarë nga Ministria e Mjedisit dhe Planifikimit Hapësinor të Qeverisë së Kosovës.
Një nga ish-udhëheqësit e Ushtrisë Çlirimtare të Kosovës në rajonin e Rahovecit, Ismet Tara, do të udhëtojë këtë të diel për në Holandë, ku do të intervistohet nga Zyra e Prokurorit Special me seli në Hagë.
Ish-komandanti Tara, i cili ishte aktiv në UÇK gjatë kohës së luftës në rajonin e Rahovecit, ka konfirmuar për Radio Evropa e Lirë se të mërkurën është pajisur me vizë dhe se është njoftuar nga Gjykata Speciale se do të dëshmojnë në cilësinë e të dyshuarit për krime lufte.
“Do të udhëtojë me datë 3 mars”, tha Tara për Radio Evropa e Lirë.
Tara tha se ishte planifikuar që ai të dëshmonte me 17 shkurt në Hagë, porse një gjë e tillë u pamundësua pasi në Gjykatën Speciale, nuk kishin arritur të ia siguronin vizën për udhëtim.
Sa i takon mbrojtjes ligjore, Tara thotë se nuk dëshiron që të angazhojë avokat, pasi siç thotë nuk ka pse të kërkojë mbrojtje, sepse çdo veprim në luftë thotë ta ketë bërë për të mbrojtur popullatën civile.
“Nuk kam çfarë mbrohem sepse unë kam qenë luftëtar i lirisë, si mbrojtës i popullatës sime, shtëpisë sime, nuk e kam sulmuar askënd, as në Serbi as në Beograd, as në Rusi as askund”, tha Tara.
Gjatë kohës së luftës, Tara ishte komandant i brigadës “124” të Rahovecit.
Deri me tani Gjykata Speciale ka intervistuar disa nga figurat kyçe të Ushtrisë Çlirimtare të Kosovës duke përfshirë Rrustem Mustafën, Sami Lushtakun si dhe së fundi i është dërguar ftesë për intervistë edhe Blerim Kuçit, aktualisht deputet i AAK-së.
Formimi i Gjykatës Speciale ka pasuar një raport të Këshillit të Evropës në vitin 2011, i cili ka konstatuar se ka prova të mjaftueshme për të nisur hetime kundër disa ish-pjesëtarëve të UÇK-së, që dyshohet se kanë kryer krime kundër serbëve dhe disa shqiptarëve, gjatë dhe pas luftës në Kosovë.
Gjykata Speciale do t’i trajtojë krimet e supozuara që përfshijnë periudhën janar 1998 – dhjetor 2000.
Zëvendësministri i Mbrojtjes i Kosovës, Burim Ramadani, ka folur për dialogun Kosovë-Serbi, për arritjen e një marrëveshjeje përfundimtare për paqe mes dy vendeve.
Ramadani ka thënë në emisionin “Pressing”, në televizionin T7, se hapja e çështjes së kufijve është agjendë e Serbisë.
“Elementet territoriale janë agjenda të Serbisë”, është shprehur Ramadani.
Sipas Ramadanit, prekja e kufijve do të sillte ndarje të Kosovës.
“Ndarja është e kamufluar me fjalën korrigjim”, ka thënë Ramadani.
Presidenti i Kosovës, Hashim Thaçi, është shprehur i gatshëm të diskutojë me homologun e tij serb, Aleksandar Vuçiq, për një “korrigjim kufijsh” mes dy vendeve.
Idenë e Thaçit e kundërshton fuqishëm shefi i Ramadanit, kryeministri i vendit, Ramush Haradinaj. /Express/
Presidenti i Kosovës, Hashim Thaçi, ka vizituar sot kryetarin e Lidhjes Demokratike të Kosovës, Isa Mustafa, në shtëpinë e tij. Takimi mes Thaçit e Mustafës është zhvilluar në orët e vona të së mërkurës.
Zëdhënësi i LDK’së, Besian Mustafa ka konfirmuar për Express takimin mes Mustafes dhe Thaçit.
“Mund të konfirmoj që, me kërkesë të Presidentit Thaçi, kryetari Mustafa e ka takuar në shtëpi, ku është njoftuar nga Presidenti rreth vizitës së sotme të dy zyrtarëve nga SHBA dhe kërkesave të tyre drejtuar koalicionit qeverisës”, ka thënë Mustafa.
Vizita e Thaçit te Mustafa vjen pas takimit që presidenti, bashkë me kryeministrin e vendit, Ramush Haradinaj, e zhvilluan sot me drejtorin kryesor për Çështje Evropiane në Këshillin e Sigurisë Kombëtare të Shteteve të Bashkuara të Amerikës, John Erath, si dhe me drejtorin për Ballkan të Këshillit Kombëtar të Sigurisë së SHBA’së, Brad Berkley, për dialogun Kosovë-Serbi.
Kryeministri Ramush Haradinaj përmes një postimi në Facebook ka treguar se çka ka biseduar me delegacionin e lartë amerikan, të cilët i takoi bashkë me Presidentin Hashim Thaci, në zyrën e këtij të fundit, shkruan Gazeta Express.
Haradinaj përmes këtij postimi ka lënë të kuptohet se nuk është lëkundur nga qëndrimi i tij për taksën ndaj produkteve serbe, dhe se këtij delegacioni ua ka thënë fjalët e njëjta që ua ka thënë zyrtarëve të tjerë ndërkombëtarë.
Shkrimi i plotë i Haradinajt:
Në takim me përfaqësuesit e lartë të Këshillit Kombëtar të Sigurisë së Shteteve të Bashkuara të Amerikës, John Erath dhe Brad Berkley, së bashku me presidentin e vendit tonë, theksova se Republika e Kosovës është e angazhuar në mënyrë të pakthyeshme për të forcuar demokracinë dhe institucionet e saj.
Kosova është e gatshme për marrëveshje ligjërisht obliguese që rezulton me njohje reciproke në kufijtë ekzistues dhe Kosovën e 17 Shkurtit 2008. Poashtu, është e gatshme për marrjen e të drejtave dhe detyrimeve të anëtarësimit në NATO, Kombet e Bashkuara, BE dhe organizatat tjera ndërkombëtare dhe për marrëdhënie të mira fqinjësore.
Kosova është e vendosur për tregti të lirë brenda rajonit të Ballkanit Perëndimor dhe marrëveshja gjithpërfshirëse ligjërisht obliguese do të përfshijë edhe rregullimin e kapitullit të tregtisë së lirë në mes të Kosovës dhe Serbisë.
Gjithashtu, Kosova mbështetet në vlerat e një shoqërie shumetnike, të bazuar në të drejtat e njeriut për të gjithë qytetarët dhe komunitetet e saj. I mbetemi besnik miqësisë së përhershme dhe bashkërëndimit të politikave me Shtetet e Bashkuara të Amerikës.
RH
Prokuroria Themelore e Pejës ka ngritur aktakuzë kundër katër personave në qytetin e Pejës për shkak të dyshimit për kryerjen e veprës penale “Prodhim dhe vënie në qarkullim të artikujve të dëmshëm ushqimorë”.
Të dyshuarit, S.SH, R.SH, M.B dhe J.B, sipas Prokurorisë Themelore në Pejë, më 16 janar të këtij viti në bashkëveprim kanë vënë në qarkullim artikuj të dëmshëm ushqimor për shëndetin e njerëzve.
Këtë veprim ata dyshohet se e kanë bërë pavarësisht se ishin në njohuri se produkti ishte i dëmshëm për konsumin njerëzor.
Identifikimi i mishit të prishur u bë nga inspektorët e Agjencisë së Ushqimit dhe Veterinarisë muajin e kaluar.
Mishi i prishur planifikohej që të shitej për konsum publik, mirëpo pas konstatimit se mund të shkaktojë dëme për shëndetin e njeriut e gjithë sasia u asgjësua nga Agjencia e Ushqimit dhe Veterinarisë.
Kryeministri i Kosovës, Ramush Haradinaj, ka paralajmëruar se takimi i sotëm me dy përfaqësuesit e administratës së Trump të cilët vijnë në Kosovë do të jetë i vështirë. Ai nuk ka pranuar të tregojë se çfarë do të flas me ta, sepse do t’i prishej festa e një takimi me një shqiptar nga Amerika.
Sot në Republikën e Kosovës do të vij një delegacion i lartë nga Shtetet e Bashkuara të Amerikës i përbërë nga dy përfaqësues të Këshillit për Siguri që udhëhiqet nga John Bolton.
Ky delegacion do të udhëhiqet nga John Earth, kryefshef për çështjet evropianë në Këshillin Kombëtar të Sigurisë në Amerikë, dhe nga drejtori për çështje të Evropës në Këshillin Kombëtar, Willim Berkley.
Kjo vizitë e tyre vjen në Kosovë pas tri letrave të dërguara nga administrata e Trump ku bëhej thirrje e hapur që Kosova të pezullojë taksën ndaj produkteve serbe, me qëllim të vazhdimit të dialogut në Bruksel dhe arritjes së një marrëveshje finale mes Kosovës dhe Serbisë që është edhe interes strategjik i Bashkimit Evropian.
Që në këtë vizitë të amerikanëve do të diskutohen tema të ndjeshme, e ka konfirmuar edhe vetë kryeministri i Kosovës, Ramush Haradinaj.
Në një konferencë për media të organizuar sot në mëngjes ku kishte pritur një shqiptar nga Amerika, anëtarin e Këshillit Bashkiak të New York City, Mark Gjonajn, të cilit i kishte dhënë edhe një çmim për kontributin e tij, Haradinaj nuk ka pranuar të tregojë se çfarë do të diskutojë me dy amerikanët tjerë të Shtëpisë së Bardhë të cilët do të qëndrojnë sot në Kosovë e ku do të takohen me krerët e shtetit.
Temat e pritura që do të diskutohen do të jetë taksa dhe marrëveshja finale me Serbinë.
“Për çfarë do të bisedojmë sot me miqtë tjerë që vijnë sot, do ta kemi rastin tjetër. Sot nuk dua ta prish këtë festën e mirë”, ka thënë Haradinaj kur është pyetur nga gazetarët rreth vizitën së dy përfaqësuesve të administratës së Trump që do të qëndrojnë sot në Kosovë.
Përveç dy amerikanëve, sot në Serbi ka mbërritur edhe një delegacion i Bashkimit Evropian i udhëhequr nga raportuesi për Serbinë në Parlamentin Evropian, David McAllister, pjesë e të cilit do të jetë edhe raportuesi për Kosovën, Igor Soltes.
Vazhdimi i dialogut me Serbinë do të jetë tema kryesore këtij takimi. Në komunikatën e lëshuar për media, thuhet se qëndrimi i këtij delegacioni për idenë e shkëmbimit të territoreve është që në Ballkan nuk duhet të krijohen shtete në vija etnike.
Mbetet të shihet se cilat do të jenë rezultatet e këtyre dy vizitave të larta nga SHBA-të dhe Bashkimi Evropian të cilat janë si rezultat i presionit të vazhdueshëm ndërkombëtar për heqjen e taksës dhe vazhdimin e dialogut./GazetaExpress/
Përfaqësuesit e lartë të Këshillit Kombëtar të Sigurisë në Amerikë vinë sot në Kosovë. Ato do t’i mbledhin tre krerët shtetërorë në një zyrë, ndërsa njerëzit e Presidentit Trump në Prishtinë pritet të flasin për taksën dhe për marrëveshjen me Serbinë.
Dy përfaqësuesit e lartë të Këshillit Kombëtar të Sigurisë së Shteteve të Bashkuara të Amerikës vinë sot në Kosovës.
Liderët shtetërorë, që po presin njerëzit e administratës Trump, nuk kanë paralajmëruar në agjendat e tyre ditore takimin me delegacionin që e udhëheq John Erath, kryeshefi për çështjet evropiane në Këshillin Kombëtar të Sigurisë Amerikane.
Gazeta Express mëson se takimi nis prej orës 16:00 në Zyrën e Presidentit ndërsa krerët shtetërorë nuk do t’i presin ndaras përfaqësuesit e Këshillit Kombëtar të sigurisë. Takimi do të jetë i përbashkët.
Këtë e ka konfirmuar edhe zyra e Presidentit që para pak çastesh, përmes një komunikate njoftoi se Thaçi e pret në zyrë delegacionin.
“Në orën 16:00, Presidenti i Republikës së Kosovës, Hashim Thaçi, pret zyrtarët e Këshillit Kombëtar të Sigurisë së SHBA-së, John Erath dhe Brad Berkley”, thuhet në komunikatë.
Bashkë me Erath në Prishtinë do të vijë edhe drejtori i Punë të Evropës në Këshillin Kombëtar, William Berkley.
Delegacioni amerikan i gjen krerët shtetërorë të ndarë në më shumë se një temë. Kryeministri Ramush Haradinaj nuk pajtohet me Presidentin Thaçi as për heqjen e taksës ndaj produkteve serbe e as për mënyrën se ai lobon për një marrëveshje me Serbinë ku preken kufijtë e vendit.
Erolld Belegu, këshilltar i kryeministrit ka thënë mbrëmë në emisionin Pressing se delegacioni amerikan do të bindëshin në mbajtjen në fuqi të taksës sikur presidenti Thaci ta përkrahte Kryeministrin dhe të mos i dilte kundër.
Ndërkaq këshilltari i Presidentit, Ardian Arifaj ka thënë se nuk mund të rrezikohen raportet me SHBA’në, me veprimet që po i bën Kryeministri Haradinaj, duke refuzuar t’i bindet amrikanëve për heqjen e taksës.
Delegacioni amerikan prej të hënës janë në Ballkan. Ata kanë pasur një vizitë dyditore në Beograd, ku janë pritur nga kryediplomati serb, Ivica Daciq.
Pas takimit, Daciq ka thënë para mediave në Beograd se me delegacionin amerikan kanë biseduar për ‘ngritjen e nivelit të flamurit serb në Shtëpinë e Bardhë”, dhe për raportet bilaterale. Nuk kanë lënë pa folur për taksën ndaj produkteve serbe që ka vënë Qeveria e Kosovës dhe për dialogun. /Express
Gripi sezonal ka kaluar në epidemi në Kosovë, ka njoftuar Komiteti për Gripin Sezonal në nivel të Shërbimit Spitalor dhe Klinik Universitar të Kosovës (SHSKUK).
Sipas këtij insitucioni, pas testimit të 661 rasteve është konstatuar se gripi sezonal ka kaluar në epidemi.
“Në laboratorët e Qendrës Kombëtare të gripit në Institutin Kombëtar të Shëndetësisë Publike deri më 22 shkurt 2019 janë testuar gjithsej 661 mostra të dyshimta me influencë, prej tyre 240 raste rezultojnë pozitive në influencën e tipit A”, është thënë në komunikatën e SHSKUK-së.
Instituti Kombëtar i Shëndetësisë Publike dhe Shërbimi Spitalor dhe Klinik Universitar kanë rekomanduar që të gjithë nxënësit që kanë shenja të gripit të qëndrojnë në shtëpi.
“Fëmijët dhe nxënësit që kanë shenja dhe simptoma të gripit, temperaturë të lartë, lodhje, rrjedhje hundëve, dhimbje fyti, kollë, barkqitje dhe vjellje, dhimbje koke, barku dhe muskujsh, t’i shmangen kontaktit me nxënës të shëndoshë dhe të qëndrojnë në shtëpi, duke iu përmbajtur rekomandimeve të mjekut”, është thënë ndër të tjera në komunikatë.
Përveç tjerash, qytetarëve u është rekomanduar që të kenë kujdes dhe mos të dalin në ambient të ftohtë si dhe të mos qëndrojnë në lokale të mbyllura me dendësi të madhe të njerëzve.
Kosova mund të organizojë një referendum konsultativ në rast të arritjes së një marrëveshje finale me Serbinë për normalizimin e raporteve, thonë njohësit e sistemit juridik-kushtetues. Ata rikujtojnë po ashtu se Kuvendi duhet të miratojë paraprakisht edhe Ligjin për referendum.
Profesori i së Drejtës Kushtetuese, Arsim Bajrami, i cili ka qenë anëtar i Komisionit për hartimin e Kushtetutës së Kosovës, duke folur për Radion Evropa e Lirë, tha se Kosova ka nevojë të ketë Ligjin për referendum, si formën më të drejtpërdrejtë të demokracisë që përfshin qytetarët në çështje të caktuara.
“Referendumi mund të shërbejë vetëm si një referendum konsultative apo fakultativ dhe nuk ka asnjë pengesë që Kuvendi i Kosovës për cilëndo çështje nga kompetenca e veta të mund të shpall një referendum. Por, referendumi në këtë rast nuk ka karakter detyrues, ai është vetëm konsultativ sepse vendimmarrja duhet të kthehet në rrugën kushtetuese, do të thotë votimi nga Kuvendi i Kosovës”, tha Bajrami.
Ai tha se nëse në të ardhmen dëshirohet që me referendum të miratohen marrëveshjet ndërkombëtare, duke përfshirë edhe ato eventuale me Serbinë, paraprakisht do të duhej të ndryshohej edhe Kushtetuta.
“Në këtë rast, referendumi do të ishte i ngjashëm me atë që u mbajt për ndryshimin e emrit (rasti i Maqedonisë së Veriut). Do të ishte vetëm një matje e vullnetit të qytetarëve të Republikës së Kosovës, kurse vendimmarrja duhet të kthehet në mënyrë kushtetuese në Kuvendin e Republikës së Kosovës”, tha Bajrami.
Profesori Bajrami thekson se miratimi i Ligjit për referendumin është i detyrueshme për të zbatuar atë në praktikë.
“Ky ligj do të përcaktonte procedurat e zbatimit të referendumit, çështjet e nivelit lokal dhe qendror, që mund të hedhën në referendum, praktikisht do ta bënte të mundshëm edhe zbatimin apo aplikimin e një neni të Kushtetutës që parasheh referendumin si kategori vendimmarrëse”, tha Bajrami.
Sipas Bajramit, nëse dëshirohet të ndërrohet ndonjë nen kushtetues për kompetencat e Kuvendit, atëherë paraprakisht ndryshimi duhet të bëhet në Kushtetutë, që referendumi të marrë karakter detyrues.
Violeta Haxholli, nga Instituti Demokratik i Kosovës, thotë se në Kushtetutën e Kosovës, në nene të caktuar përmendet çështja e referendumit, dhe siç thotë ajo, Kuvendi mund ta shpallë një referendum për çështje të caktuar, por paraprakisht duhet të ketë edhe Ligjin përkatës për referendum.
Por, Haxholli thekson se për çështje të interesit vital, pa ndryshimin e Kushtetutës, nuk mund të ketë referendum.
“Nëse marrëveshja finale me Serbinë, parasheh ndryshim të kufijve të komunave siç po flitet tash për këto skenarët e korrigjimit të kufinjve, atëherë me referendum kjo nuk mund të bëhet, pasi që Kushtetua e ndalon. Pa ndryshimin e Kushtetutës nuk mund të mbahet referendum për çështje të legjislacionit vital”, tha Haxholli.
Kuvendi i Kosovës në nëntor të vitit të kaluar në parim ka miratuar Projektligjin për referendum në nivel të shtetit.
E drejta e referendumit parashihet edhe me Kushtetutën e Kosovës. Mirëpo, neni 81 i Kushtetutës e ndalon të drejtën e referendumit për disa ligje me interes vital, siç janë: ligjet që ndryshojnë kufijtë e komunave, themelojnë ose shuajnë komuna, përkufizojnë shtrirjen e pushteteve të komunave dhe pjesëmarrjen e tyre në marrëdhëniet ndërkomunale dhe tejkufitare; ligjet që zbatojnë të drejtat e komuniteteve dhe pjesëtarëve të tyre, me përjashtim të atyre të përcaktuara me Kushtetutë; ligjet për përdorimin e gjuhëve; ligjet për zgjedhjet lokale; ligjet për mbrojtjen e trashëgimisë kulturore; ligjet për liritë fetare ose për marrëveshjet me komunitetet fetare; ligjet për arsimin; ligjet për përdorimin e simboleve, përfshirë simbolet e komuniteteve dhe për festat publike.
Jeta Krasniqi.
Instituti Demokratik i Kosovës ka shpalosur një analizë përmes së cilës i ka prezantuar skenarët sa u takon efekteve pozitive dhe negative në rast të mbajtjes apo pezullimit të taksës prej 100 për qind, që Qeveria e Kosovës ka vendosur në produktet me origjinë nga Serbia dhe Bosnje e Hercegovina.
Mbajtja e taksës në fuqi, sipas KDI-së, ka shpërfaqur marrëdhëniet reale midis Kosovës dhe Serbisë si dhe faktin se sa larg janë palët nga normalizimi i marrëdhënieve.
Sipas këtij Instituti, efekt negativ i mbajtjes në fuqi të taksës është kushtëzimi i Serbisë për të vazhduar dialogun me Kosovën dhe rrjedhimisht fuqizimin e pozitës së saj në raport me bashkësinë ndërkombëtare.
Sa i takon skenarit të dytë, efekt kryesor pozitiv i pezullimit të taksës do të ishte vazhdimi i dialogut dhe forcimi i pozitës negociuese të Kosovës, ndërsa efekti negativ i pezullimit sipas KDI-së, do të ishte vazhdimi i dialogut pa një qëndrim unik të spektrit politik në Kosovë.
Gjatë prezantimit të analizës, Jeta Krasniqi nga KDI ka thënë se “pezullimi i taksës mund të kishte efekt në përmirësimin e raporteve në mes të Kosovës dhe partnerëve ndërkombëtarë”.
Përveç tjerash, Insituti ka thënë se qytetarët mirëpresin ruajtjen e marrëdhënieve të mira me partnerët ndërkombëtarë, veçanërisht me Shtetet e Bashkuara, ndërsa pezullimi i takës do të ndikonte në rënien e besueshmërisë së qytetarëve ndaj institucioneve të Kosovës.
Bashkimi Evropian ka kundërshtuar vendosjen e kësaj mase në importet e Serbisë dhe Bosnjës, derisa Shtetet e Bashkuara kanë thënë se mospezullimi i tarifës prej 100 për qind përbën qëndrim kundër interesave të SHBA-së.
Kryetari i Lidhjes Demokratike të Kosovës, Isa Mustafa ka deklaruar se veprimet armiqësore të Serbisë në raport me shtetin e Kosovës, tregojnë se ky shtet nuk është në linjë me kërkesën e Bashkimit Evropian dhe Shteteve të Bashkuara për të arritur një marrëveshje përfundimtare me Kosovën.
“Veprimet e Serbisë, sidomos fushata për ç‘njohjen e pavarësisë së Kosovës nga disa vende, sikurse edhe fushata kundër Kosovës për anëtarësim në Interpol, flet se ky shtet fqinj nuk është i interesuar të normalizojë marrëdhëniet me vendin tonë e aq më pak ta njohë shtetin e Kosovës”, ka shkruar Mustafa në Facebook.
Sipas tij, Serbia po krenohet me dëmet që po i shkakton Kosovës në arenën ndërkombëtare.
“Politikat e fqinjësisë së mirë, paqes dhe stabilitetit, për të cilat janë zotuar vendet e Ballkanit Perëndimor bien ndesh me një sjellje të tillë. Kjo sjellje nuk ka asgjë të përbashkët edhe me kërkesën e BE-së dhe SHBA-ve për arritjen e marrëveshjes përfundimtare, me njohje reciproke”, ka shtuar ai.
Mustafa ka bërë thirrje që Serbia të largohet nga ajo që ai e ka quajtur mentalitet të trashëguar armiqësor si dhe të punohet për të kultivuar një mjedis për prosperitet të qytetarëve të të dyja vendeve.
Dialogu mes Kosovës dhe Serbisë ka filluar më 2011, me ndërmjetësimin e Bashkimit Evropian në Bruksel.
Aktualisht ky proces është bllokuar, pasi presidenti serb, Aleksandar Vuçiq ka kundërshtuar vazhdimin e dialogut pa heqjen e taksës prej 100 për qind që Qeveria e Kosovës ka vënë në mallrat e Serbisë dhe Bosnje Hercegovinës.
Bashkimi Evropian ka kundërshtuar vendosjen e kësaj mase në importet e Serbisë dhe Bosnjës, derisa Shtetet e Bashkuara kanë thënë se mospezullimi i tarifës prej 100 për qind përbën qëndrim kundër interesave të SHBA-së.
Kryeministri i Kosovës, Ramush Haradinaj ka thënë pas mbledhjes së Qeverisë së Kosovës se hapja e çështjes së kufijve dhe territoreve në Ballkan është agjendë e presidentit rus, Vladimir Putin.
Sipas tij, Kosovës i duhet një garanci e fortë ndërkombëtare për njohje të shtetësisë së Kosovës nga ana e Serbisë si dhe përjashtim i mundësisë së ndryshimit të kufijve në Ballkan.
“Hapja e çështjes së kufijve dhe territoreve në Ballkan është pikërisht ajo që ne e dimë që është agjendë e Vladimir Putinit, pra për të mbajtur Ballkanin hapur, sepse askush nuk garanton kur hapet një kufi çka ndodhë me të pastaj”, është shprehur ai.
Sa i përket taksës prej 100 për qind që Qeveria e Kosovës ka vënë në produktet me origjinë nga Serbia dhe Bosnje e Hercegovina, Haradinaj ka thënë se Kosovës i duhet një kontratë.
“E kemi thënë edhe ne disa herë që edhe ne shpresojmë sa më shpejt të vijë dita kur do të anulohet taksa dhe hyn ne fuqi marrëveshja e tregtisë së lirë mes Kosovës dhe Serbisë, por për këtë nevojitet kontrata, kontrata pra me të gjithë kapitujt e vet për njohjen reciproke. Një kontratë që nuk bazohet në ndryshim të kufijve dhe të territoreve edhe që nuk merr për bazë një Republikë Serbe apo një pushtet të tretë, Dodik Republikë, si jemi mësuar t’i themi”, ka deklaruar ai.
Bashkimi Evropian ka kundërshtuar vendosjen e kësaj mase në importet e Serbisë dhe Bosnjës, derisa Shtetet e Bashkuara kanë thënë se mospezullimi i tarifës prej 100 për qind përbën qëndrim kundër interesave të SHBA-së.
Së fundmi, si pasojë e mbajtjes së taksës, autoritetet amerikane kanë anuluar ftesat për 14 pjesëmarrës nga Kosova në tetë programe të Qendrës Evropiane për Studime të Sigurisë “George Marshall”.
Tarifa është bërë pengesë e vazhdimit të dialogut për normalizimin e raporteve ndërmjet Kosovës dhe Serbisë, pasi presidenti serb, Aleksandar Vuçiq ka thënë se ky proces nuk vazhdon pa heqjen e taksës në importet e Serbisë.
Tarifa prej 100 për qind për produktet me origjinë nga Serbia dhe Bosnje Hercegovina është vendosur në nëntor të vitit të kaluar.
Ish-presidenti i Kosovës, Fatmir Sejdiu, ka thënë se Kosova duhet të ketë kujdes lidhur me idenë e “korrigjimit të kufijve” me Serbinë.
“Serbia është shtet që nuk fal asgjë, është shtet që dëshiron të grabisë, prandaj me këtë (korrigjimi i kufijve v.j.) duhet të kemi kujdes”, ka thënë Sejdiu, në një paraqitje në RTK 3.
Ai është shprehur se Kosova nevojë për relaks marrëdhëniesh me Serbinë, por asnjëherë nuk duhet të rrëshqitet sipas interesit të Serbisë.
Sipas tij, qëllimi i Serbisë është për të kompremetuar suksesin që e ka pasur Kosova, si shpalljen e Pavarësisë dhe opinionin e GJND-së.
Sejdiu i ka parë si pozitën dhe si opozitën me përgjegjësi karshi proceseve nëpër të cilat po kalon Kosova.
“Në një vend janë përgjegjës edhe pozita e edhe opozita për mbarëvajtjen e çështjeve dhe politikave shtetërore. Respektimi i Kushtetutës duhet t’i bashkojë të gjithë”, ka thënë ai.
Komisioni për Punë të Jashtme i Kuvendit të Kosovës, përkundër opozitës, procedoi platformën për dialog me Serbinë. Ndërkohë një deklaratë e ministrit të Jashtëm gjerman Heiko Mass, gëzon Haradinajn e nervozon Vuciqin.
Kritika të ashpra i janë bërë platformës së dialogut me Serbinë në Komisionin për Punë të Jashtme të Kuvendit të Kosovës, platformë kjo që megjithatë pa përkrahjen e komisionit, u procedua për në kryesi që të caktohet një datë për seancë plenare ku platforma pritet të merr ose jo, miratimin. Platforma e dialogut është hartuar nga ekipi negociator i Kosovës, ku nuk marrin pjesë partitë opozitare, lëvizja Vetëvendosja dhe LDK-së. Kryetarja e Komisionit për Punë të Jashtme, Vjosa Osmani, që vjen nga partia opozitare LDK-së, tha se në parimin e katërt të platformës së dialogut thuhet se “do të shqyrtohen të gjitha çështjet e hapura me Serbinë”, që do të thotë sipas saj se “çështje e hapur është territori i Kosovës”.
Vetëvendosja: Të ndalet presidenti Hashim Thaçi të mos të bëjë shkëmbim të territorit
“Pra rezultati që e kemi para nesh është një dokument që as nuk e mbron territorin e Kosovës dhe rrjedhimisht nuk e mbron pavarësinë dhe shtetësinë e saj”, tha Vjosa Osmani, që kryesonte mbledhjen e komisonit me plot tension në debate ndërmjet anëtarëve të pozitës dhe opozitës. Kritikat e lëvizjes Vetëvendosja u adresuan te Presidenti i Kosovës, Hashim Thaçi, i cili vazhdon të këmbëngulë për një marrëveshje me Serbinë ku mund të flitet edhe për “korrigjim territori’. Glauk Konjufca shef i grupit parlamentar të Vetëvendosjes, tha se “nëse në shtetin e Kosovës, ka nevojë për ndonjë platformë, ajo do të duhej të ishte, një platformë sesi të ndalet presidenti Hashim Thaçi që të mos të bëjë shkëmbim të territorit të Kosovës me Serbinë”.
Vjosa Osmani
“Presidenti nuk përfaqëson politikë të vetën, kokë më vete, të cilën e zbulon vet si politikë të jashtme të Kosovës. Ai e përfaqëson politikën e jashtme të Kosovës, të definuar nga Parlamenti dhe të artikuluar në Kushtetutë. Gjithçka që presidenti shkon përtej kësaj në formulimin e politikës së jashtme, ta dini që e ka shkelur Kushtetutën”, thotë Glauk Konjufca. Deputetët e tjerë që vijnë nga partitë politike në pushtet, pjesë e komisionit thanë se Kosovës në këtë moment i duhet uniteti politik dhe të flasë me një zë në raport me Serbinë.
Platforma për dialog
Në fillim të këtij muaji, Kuvendi i Kosovës me shumicë të thjeshtë më 61 vota pro, ka votuar në parim Projektligjin për detyrat, përgjegjësitë dhe kompetencat e Delegacionit shtetëror të Republikës së Kosovës në procesin e dialogut me Serbisë. Një javë më parë hartoi edhe platformën e dialogut, por, e cila akoma nuk ka marrë besimin e parlamentit.
Në këtë platformë Prishtina zyrtare e ka vënë një kusht për t’u përfshirë në dialogun për marrëveshjen finale me Serbinë. Kushti i saj është që përpara se të ulet në tryezën e bisedave në Bruksel, “do zotimin paraprak të delegacionit serb se e ka autoritetin që të bjerë dakord për njohjen e shtetit të Kosovës”. Platforma e Prishtinës që ka 11 parime paraqet edhe qëndrimin zyrtar të shtetit të Kosovës për dialogun, ku thuhet se “marrëveshja përfundimtare, gjithëpërfshirëse dhe ligjërisht e detyrueshme duhet tё jetë e çartë dhe pa dykuptimësi”.
Parimi i parë i platformës, thekson se “qëllimi kryesor i Republikës së Kosovës është që nga Republika e Serbisë të sigurojë njohjen dhe pranimin e qartë të sovranitetit të Kosovës, si shtet i pavarur, me zotime ligjërisht të detyrueshme”, duke vazhduar më tej se “nuk do të ketë marrëveshje për asgjë deri sa të mos ketë marrëveshje për gjithçka”.
Tek udhëheqësit më të lartë të institucioneve, ka dallime sa i përket qasjes së Kosovës në dialog dhe taksës së vendosur nga qeveria për produktet e Serbisë e që është bërë mollë sherri për ndërprerjen e dialogut. Serbia nuk po pranon që të rinisië dialog me Kosovën, pa u hequr taksa.
Haradinaj: “Kufijtë e Kosovës nuk do të lëvizin”
Kryeministri i Kosovës, Ramush Haradinaj, nga ana e tij, tha të hënën se taksa “ndaj mallrave serbe po e pengon formalizimin e ndarjes së Kosovës”, ndërsa kritika adresoi te një pjesë e politikanëve të Kosovës dhe Brukselit të cilët, sipas tij, “dialogun për normalizimin e marrëdhënieve me Serbinë e kanë shndërruar në dialog për territore”.
“Njëzet vjet pas çlirimit dhe kur po hyjmë në dekadën e dytë të pavarësisë, dialogu për normalizimin e marrëdhënieve ndërmjet Kosovës dhe Serbisë u devijua nga disa çarqe në Kosovë e Bruksel duke e shndërruar në dialog për territore”, tha kryeministri Haradinaj në një akademi perkujtimore, duke ritheksuar se “kufijtë e Kosovës nuk do të lëvizin”.
“Vendosmëria për të qëndruar në të drejtën e Kosovës së 17 shkurtit, është rreshtimi në anën e drejtë të historisë dhe ne po ashtu me veprimin për të bllokuar mallrat e Serbisë, pra taksat 100 për qind, është po ashtu veprim që pengon formalizimin e një ndarjeje”, tha kryeministri Ramush Haradinaj.
Ramush Haradinaj, pas kësaj, në profilin e tij publikoi një deklaratë nga një intervistë dhënë medies gjermane të shefit të diplomacisë gjermane Heiko Mass, i cili shpreh mbështetjen për Kosovën. Haradinaj shkruan: “Jam i lumtur që të ndajë me ju deklaratën mbështetëse që vjen nga Gjermania mike, për reformat e ndërmarra shtetërore. Në intervistën e dhënë për gazetën gjermane “Stuttgarter Nachrichten”, kushtuar Kosovës, ministri i jashtëm gjerman Heiko Maas e ka vlerësuar lart angazhimin e Qeverisë së vendit tonë duke thënë se “Reformat, të cilat janë kryer atje janë mbresëlënëse dhe kjo duhet të pranohet”. Ky është edhe një rikonfirmim se mbështetja e parezervë e Gjermanisë për Kosovën është rezultat i partneritetit të ngushtë e të sinqertë me shtetin gjerman, si dhe është vendimtar për procesin e liberalizimit të vizave dhe rrugën europiane të Kosovës”, shkroi kryeministri Haradinaj. E deklarata e shefit të diplomacisë gjermane nuk i ka pëlqyer Presidentit të Serbisë, Aleksandër Vuciq, i cili e interpreton në këtë mënyrë: “Deklarata e kreut të diplomacisë gjermane Heiko Mass se ai do të vazhdojë të mbështesë Prishtinën pa marrë parasysh taksat për mua është një zhgënjim i madh”, tha Vuçiq.
Çështja e kufirit ndërmjet Kosovës dhe Serbisë në muajt e fundit u përfshi në diskursin publik të Presidentit të Serbisë Aleksandër Vuciq dhe Presidentit të Kosovës Hashim Thaci. Vuçiq, që deklaron për vendosjen e një kufiri me Kosovën, nënkupton shkëputjen e veriut të Kosovës dhe bashkimin e saj me Serbinë, ndërsa, presidenti i Kosovës Hashim Thaçi angazhohet siç thotë për “korrigjimin e kufijve”, apo demarkimin e tyre, duke kërkuar që Lugina e Preshevës t’i bashkohet Kosovës. E këto ide po vazhdojnë të kundërshtohen ashpër në Kosovë, më se shumti nga kryeministri, Ramush Haradinaj. E Presidenti Hashim Thaçi, thotë se është momenti i duhur për një marrëveshje gjithpërfshirëse me Serbinë që duhet të ndodhë këtë vit, në të kundërtën sipas Presidentit Thaçi, rajoni mund të destabilizohet.
Kosova sërish ka aplikuar për t’u bërë anëtare e Organizatës Ndërkombëtare Policore (INTERPOL) dhe kërkesa e saj tashmë është pranuar nga kjo organizatë, konfirmojnë zyrtarët e Qeverisë së Kosovës.
Zëvendësministri i Punëve të Brendshme i Qeverisë së Kosovës, Izmi Zeka, thotë për Radion Evropa e Lirë, se Kosova ka parashtruar kërkesën për anëtarësim në INTERPOL, më 31 janar të këtij viti.
“Është konfirmuar edhe nga INTERPOL-i që është pranuar kërkesa e Republikës së Kosovës. Tash janë çështje teknike dhe aspektet politike që duhet t’i bëjë Kosova në kuadër të angazhimeve të saj diplomatike, në mënyrë që kur të mbahet seanca e INTERPOL-it, atëherë ne të shohim gjendjen se si do të shkojë. Por megjithatë besojmë që ky vit do të jetë me angazhime më të mëdha, në mënyrë që Kosova të jetë e barabartë me të gjitha shtete tjera dhe të ketë kyçje të drejtpërdrejtë (në INTERPOL)”, tha Zeka.
Në anën tjetër, autoritetet e Serbisë kanë thënë se janë duke u përgatitur që ta kundërshtojnë pranimin e Kosovës në INTERPOL dhe në organizatat tjera ndërkombëtare.
Ministri i Punëve të Jashtme i Serbisë, Ivica Daçiq, javën e kaluar e ka cilësuar veprim vetëvrasës aplikimin e Kosovës për anëtarësim në INTERPOL.
“Kosova sërish është paraqitur që të pranohet në INTERPOL. Duhet ta them që nuk e kuptoj këtë nevojë të Kosovës për veprime të tilla vetëvrasëse, sepse do të humbin me rezultat shumë më keq sesa që kanë humbur. Mund të paraqiten edhe për (anëtarësim në) UNESCO. Kështu që, ne po përgatitemi për një luftë të tillë”, ka theksuar Daçiq.
Por, zëvendësministri Zeka thekson se institucionet e Kosovës do të përpiqen të bëjnë gjithë punën e duhur, në mënyrë që Kosova këtë vit të bëhet pjesë e INTERPOL-it.
“Tash, nëse dje kemi bërë ndonjë gabim ose nëse nuk kemi arritur ta bëjmë krejt punën e duhur, atëherë ky vit duhet të jetë viti kur duhet të rishikojmë dhe duhet t’i bëjmë hapat konkret. Natyrisht, duhet të jemi të vetëdijshëm që këtë punë nuk mund ta bëjmë vet pa miqtë tanë ndërkombëtarë, sidomos SHBA-në, Anglinë, Francën dhe shtetet tjera. Kështu që do të shohim që të koordinohemi dhe të ecim tutje. Po e them edhe tash që Serbia jeton me të kaluarën dhe natyrisht që ne nuk duhet të presim nga ajo se çfarë bën, por ne duhet ta bëjmë punën tonë”, theksoi Zeka.
Ndërkaq, zyrtarët e Ministrisë së Punëve të Jashtme të Qeverisë së Kosovës, nuk e kanë saktësuar nëse Kosova do të aplikojë ose jo këtë vit, për t’u bërë anëtare e Agjencisë së Kombeve të Bashkuara për Kulturë, Shkencë dhe Arsim (UNESCO).
Fatmir Haxholli, këshilltar politik i ministrit të Punëve të Jashtme, Behgjet Pacolli, duke folur për Radion Evropa e Lirë, thekson që ky vit është “vit i fokusit në marrëveshjen gjithëpërfshirëse” ndërmjet Kosovës dhe Serbisë, përmes të cilës, siç thotë ai, synohet njohja reciproke, që do të krijojë “parakushte të volitshme për njohje kolektive nga të gjitha organizatat, përfshirë edhe UNESCO-n”.
“Në këtë kuadër, duhet të kemi parasysh që vendimmarrja politike për anëtarësim ose jo në UNESCO, duhet të jetë e informuar dhe e cila merr parasysh procesin e dialogut. Pa marrë parasysh, aspiratat e Kosovës për anëtarësim në organizata ndërkombëtare, nuk do të ndalen. Ato mund të jenë subjekt i kalkulimit në kohë dhe në rrethana, por nuk do të ndalen. Ne e dimë narracionin, të cilin Serbia provon ta shesë në opinionin ndërkombëtar, por është i paqëndrueshëm, sepse Kosova është anëtare e shumë organizatave të fuqishme. Ai narracion është i paqëndrueshëm dhe Kosova do të vazhdojë të afirmohet edhe nëse nuk aplikon këtë vit në UNESCO”, tha Haxholli.
Më 9 nëntor të vitit 2015, Kosova kishte bërë përpjekje që të pranohet në UNESCO, por Konferenca e Përgjithshme e kësaj organizate nuk votoi në favor të pranimit të Kosovës. Kosova nuk arriti të sigurojë votat e më shumë se dy të tretave të vendeve anëtare të kësaj organizate, të cilat ishin të nevojshme për pranimin e saj në UNESCO.
Në anën tjetër, më 20 nëntor të vitit të kaluar, Kosova nuk kishte arritur të bëhet vend anëtar i INTERPOL-it, pasi që nuk mori shumicën e nevojshme, prej dy të tretave të votave të vendeve pjesëmarrëse në Asamblenë e Përgjithshme të kësaj organizate, që u mbajt në Dubai.
Një ditë më pas, Qeveria e Kosovës, kishte vendosur taksën prej 100 për qind për produktet e importuara nga Serbia. Zyrtarët e Qeverisë së Kosovës kanë theksuar se kjo masë është vënë për shkak të presionit të madh dhe lobimit të Serbisë për të mos e lejuar anëtarësimin e Kosovës në mekanizmat ndërkombëtarë.
Më pas, Serbia ka refuzuar të vazhdojë dialogun për normalizimin e marrëdhënieve me Kosovën, pa heqjen e kësaj takse.
Përndryshe, tentativat e Kosovës për anëtarësim në INTERPOL, kanë nisur që nga viti 2010. Atë kohë, Komiteti Ekzekutiv i kësaj organizate, nuk e kishte marrë fare parasysh kërkesën e parashtruar nga Prishtina zyrtare. Më 2015 dhe 2016, Kosova kishte aplikuar, por nuk ishte futur në agjendën e Asamblesë së Përgjithshme. Më 2017, Kosova pati tërhequr vullnetarisht kërkesën, për shkak të mbështetjes së pamjaftueshme.
Lëvizja Vetëvendosje ka ngritur shqetësime se tarifa e vendosur ndaj produkteve me origjinë nga Serbia dhe Bosnje e Hercegovina nuk është duke u zbatuar në tërësi.
Përmes një konference për media ky subjekt politik ka thënë se përgjegjës për lejimin e kontrabandës me këto mallra janë Ministria e Financave dhe institucionet në varësi si Dogana dhe Anti-kontrabanda si dhe Ministria e Punëve të Brendshme e Policia e Kosovës.
Anëtari i Vetëvendosjes, Salih Zyba tha se në treg janë duke u vërejtur manipulime të shumta duke përdorur flamujt e vendosur pranë produkteve.
“Ka manovra të shumta me flamuj që janë të vendosur e nuk po përkojnë me vendet e origjinës siç e kërkon udhëzimi administrativ”, deklaroi Zyba.
Sipas Vetëvendosjes të dhënat e Doganës së Kosovës për importin janë në mospërputhje me produktet që gjenden në treg.
Por pretendimet se në treg po qarkullojnë mallra të kontrabanduar nga Serbia i ka kundërshtuar Qeveria e Kosovës. Ministri i Tregtisë dhe Industrisë në Qeverinë e Kosovës, Endrit Shala në një bisedë për Radion Evropa e Lirë, të shtunën, ka konfirmuar se në tregun vendor nuk ka produkte të Serbisë që mund të konsiderohen si mall i kontrabanduar apo mall që nuk ka kaluar të gjitha procedurat e rregullta doganore.
“Deri tash, përkundër inspektimeve të shpeshta në tregun e Republikës se Kosovës nuk është gjetur mall i cili mund të konsiderohet mall i kontrabanduar”, ka thënë Shala.
Vendimi i Qeverisë së Kosovës për taksën doganore 100 për qind ndaj produkteve nga Serbia dhe Bosnje e Hercegovina është në fuqi që nga 21 nëntor i vitit të kaluar.
Shtetet e Bashkuara të Amerikës i kanë bërë thirrje Kosovës që ta heqë këtë masë, duke thënë se ajo nuk përkon me interesat amerikane, pasi që si e tillë ka efekt negativ në vazhdimin e dialogut ndërmjet Kosovës dhe Serbisë.
Por Qeveria e Kosovës, të paktën deri tani, nuk është zmbrapsur nga vendimi për tarifën 100 për qind, i cili vazhdon të mbetet në fuqi.
Zyra për Kosovën në Qeverinë e Serbisë dhe Lista Serbe e kanë kundërshtuar emërimin e ministres së re të Bujqësisë në Qeverinë e Kosovës.
Përmes një komunikate për media, zyra për Kosovën në Qeverinë e Serbisë thotë se ky emërim nuk paraqet vullnetin e popullit serb, e as legjitimitetin demokratik dhe si i tillë edhe do të trajtohet.
“Me këta persona nuk do të ketë asnjë komunikim dhe bashkëpunim nga ana e organeve shtetërore të Serbisë dhe pjesës së përfaqësuesve legjitim të të zgjedhurve të popullit serb në gjitha nivelet në Kosovë, përfshirë ato lokale dhe qëndrore” thuhet në komunikatë.
Qeveria e Serbisë vlerëson se ky veprim i pabesë i Prishtinës ka për qëllim shkatërrimin e qëndrimin të serbëve të Kosovës dhe dobësimin e pozitës së tyre politike.
Vendimin për emërimin e Dijana Zhiviq, si ministre të Bujqësisë së Kosovës e ka kundërshtuar edhe partia më e madhe e serbëve të Kosovës, Lista Serbe e cila ka mbështetjen e presidentit Aleksandar Vuçiq.
Përmes një komunikate, Lista Serbe thotë se ky emërim nuk e ka legjitimitetin e popullit serb.
“Nuk ka dallim mes Haradinajt dhe liderëve tjerë politik shqiptarë të Kosovës për të poshtëruar serbët” thuhet në komunikatë.
Më tutje theksohet se “Lista Serbe publikisht distancohet nga Diana Zhiviq si përfaqësuese e popullit serb” dhe se Lista Serbe nuk do të bashkëpunojë me të.
Lista Serbe në këtë komunikatë pretendon se ministrja e re vjen nga Partia e Pavarur Liberale që udhëhiqet nga deputeti i Kuvendit të Kosovës, Sllobodan Petroviq.
Petroviq është i vetmi deputet serb në Kuvendin e Kosovës që nuk është pjesë e Listës Serbe.
Reagimet nga Qeveria e Serbisë dhe Lista Serbe pasojnë emërimin e Dijana Zhiviq, ministre të re të Bujqësisë, Pylltarisë e Zhvillimit Rural nga ana e kryeministrit të Kosovës, Ramush Haradinaj.
Ish-ministri Nenand Rikallo, që është pjesë e Listës Serbe u shkarkua para pak ditësh pasi Partia Socialdemokrate e Kosovës e kushtëzoi votimin e buxhetit të vitit 2019 me shkarkimin e tij.
Në vitet e 90-ta, udhëheqësit politikë, aktivistët dhe veprimtarëtishin sinonim i së mirës, admiroheshin e respektoheshin aq shumë nga populli, saqë trajtoheshin si idhuj, për faktin se kemi pasur një lidership të përgjegjshëm (Ibrahim Rugova), kur pushteti moral ushtrohej në tërë territorin e vendit, karrshi një okupimi të egër e barbar serb.
Ndryshe në Kosovën e sotme, politikanët shiqohen me ironi nga popullata, të cilëve përveqse u mungon pushteti moral, janë bërë sinonim i të këqijave, si; nepotizmit, korrupsionit, krimit të organizuar e dukurive të shumëta negative.
Për këtë situatë, përgjegjësia bie edhe mbi popullatën kosovare, që e mbajti kaq gjatë në pushtet një klasë të tejikriminuar, korruptuar dhe shantazhuar politikisht nga ndërkombëtarët!
Qasja e gabuar e ndërkombëtarëve
Ndërkombëtarëve të instaluar në Kosovë, nga pas lufta e këndej, në vend të zhvillimit ekonomik dhe mirëqënjes së qytetarëve, iu ka interesuar stabiliteti politik, në vend të forcimit dhe konsolidimit të shtetit të Kosovës iu ka interesuar fuqizimi i serbëve brenda shtetit të Kosovës, në vend të ruajtjes së sovranitetit dhe integritetetit territorial të shtetit të Kosovës iu ka interesuar shtrirja gjeografike e serbëve përmes decentralizimit etnik,…e deri të bisedimet e Brukselit, përmes të cilave në emër të “normalizimit” të mardhënjeve të Kosovës me Serbinë, kësaj të fundit i mundësuan; hapjen e rrugës drejt BE-së, amnistimin e krimeve të luftës në Kosovë, kthimin e sovranitetit të saj në rreth 30 % të territorit të Kosovës me ligjin mbi trashëgiminë (mbrojtjen e Kishave dhe Manastireve serbe), i cili tani po kthehet në “EX-PATRIA” (ekstraterritorialitet) për kishat dhe manastiret serbe.
E kam thënë në vitet e para të pasluftës, të protektoratit legal ndërkombëtar dhe po e përserisë prapë; “E vetmja gjë pozitive në Kosovën e pasluftës është largimi i çizmës së pushtuesit serb e asgjë më shumë”!
E di që kjo dikujt i duket paradoksale, por realiteti i ditëve të sotme e vërteton se kemi; qeverisje të njëjtë, getoizim të popullatës, krim dhe korrupsion, degradim të skajshëm të institucioneve të vendit, manipulim dhe abuzim me rezultatet zgjedhore, denigrim të vlerave kombëtare dhe njerëzore, shkatërrim të sistemit shëndetësor, defunksionalizim të sistemit arsimor dhe paralizim të plotë të sistemit gjyqësor në vend,…i kurorëzuar me themelimin e Gjykatës Speciale!
E krejt kjo ka ardhur si pasojë e trysnisë ndërkombëtare për bashkimin e poleve të kundërta politike në qeverisje, formulë kjo shkatërruese e sistemit qeverisës të një vendi.
Për të ardhur deri tek kjo, ndërkombëtarët fillimisht e korruptuan dhe shantazhuan deri në palcë klasën politike kosovare (shqiptare), për t’i ngritur më pas në majat e pushtetit,…me qëllim të mbajtjes nën kontroll të plotë të tyre,…ndërsa popullin e mjerë e mbajnë si kope delesh të ngujuara dhe të uritura, pa të drejtë levizje të lirë drejt vendeve të Bashkimit Europian.
Po të ishte ndryshe, bashkësia ndërkombëtare që moti Kosovën do ta vënte në binar të shëndosh të zhvillimit ekonomik, barazisë qytetare konformë vlerave të demokracisë euoperëndimore.
Largimi i politikanëve servil, shpëtim për vendin
Ne, punët e shtëpisë kemi mundur t’i rregullojmë mirë dhe shpejt edhe pa ndihmën e bashkësisë ndërkombëtare. Nismat për rregullimin e brendshëm të shtetit të Kosovës duhet t’i marrim vet, duke filluar nga ndryshimi i ligjit mbi zgjedhjet për funksionalizimin e shtetit, reformave të thella në sistemin e drejtësisë, arsimit, shëndetësisë e deri të projektet zhvillimore të vendit.
Mjafton një nismë e shëndoshë nga vet populli, jasht ndikimeve të liderëve të korruptuar dhe jasht këtyre partive politike, e cila krijon përspektivë dhe ndërton bazament të qëndrueshëm për fillimin e një kapitulli të ri politik në vend.
Çfarëdo mbetje e kësaj klase të dështuar politike në pushtet do të paraqet pëngesë në ecjën e shtetit, mirëqenjen dhe prosperitetin e shoqërisë kosovare në përgjithësi.
Vënja e njerëzve me dinjitet në ballë të shtetit, zgjedhja e njerëzve të guximshëm që janë të zotët t’i kërkojnë SHBA-ve, BE-së dhe bashkësisë ndërkombëtare integrimin etnik në vend të integrimit me Serbinë, t’i kërkojë BE-së që kësaj të fundit (Serbisë) t’i vejë kushte para anëtarësimit në BE, siq janë; njohja e shtetit të Kosovës në kufijtë ndërkombëtar, t’i paguaj Kosovës dëmet e luftës, kthimin e eshtrave të të pagjeturve, kthimin e librave kadastralë, kthimin e pensioneve dhe pasurive të grabitura gjatë luftës së fundit në Kosovë.
Që kjo të ndodhë shpejtë, duhet të ndalet sa më parë trendi i keqpërdorimit të politikanëve servilë nga ndërkombëtarët, përmes të cilëve jo vetëm që janë duke i rehabilitizuar krimet serbe, por janë duke e kthyer Serbinë në Kosovë, bashkë me këtë edhe rrezikun e një lufte të re dhe shkatrrimtare për rajonin e Ballkanit.
Shteti në rrezik
Përderisa në secilin shtet normal, të zhvilluar dhe demokratik ndiqen dhe luftohen të korruptuarit, hajdutët, mashtruesit, intrigantët dhe tradhtarët, në vendin tonë jo vetëm që kultivohet dhe mbrohet me ligj ky soj i keq i njerëzve, ata vendosen në majat e pushtetit!
Shteti i Kosovës është në rrezik, pas rrëshqitjeve drastike të klasës politike kosovare në bisedimet e Brukselit, pavarësia e shtetit e ka humbur çdo kuptim. Ndërkombëtarët shtetin e Kosovës më nuk janë duke e trajtuar si Republikë të pavarur por si një territor multietnik, me sovranitet të dyfisht,…madje disa edhe si koloni të Serbisë.
Në asnjë rrethanë nuk duhet lejuar që interesi shtetëror të rrezikohet shkaku i interesave personale të liderëve të korruptuar dhe shantazhuar, hipokritëve, gënjeshtarëve dhe injorantëve politikë!
Duhet të vijë në shprehje elementi kombëtar, elementi intelektual e mbi të gjitha duhet të respektohet vullneti i popullit përmes Referendumit popullor, si mjet që e përcakton vullnetin e shumicës shqiptare në Kosovë dhe drejtimin e politikës shtetërore e jo interesat e fqinjëve, e aq më keq të pushtuesit tonë verior.
Vetëm dëgjimi i zërit të qytetarëve i shprehur përmes Referendumit popullor,…përveqse do të ishte shprehje e nivelit të lartë demokratik, për rregullim të brendshëm politik, do të garantonte mbrojtjen e sovranitetit dhe integritetit territorial të shtetit të Kosovës.
Në asnjë rretthanë nuk duhet lejuar që individ apo grupe njerëzish të vendosin për lëvizjen e kufijve të shtetit, as për dhënjen në shfrytëzim (pronësim) të pasurive të shtetit (Trepça, Ujmani) kompanive të huaja cilat do qofshin ato, si dhe dhënjën e statusit të ashtuqujtur “Special” për Mitrovicën si minishtet “Free City” në veri apo të statusit ekstraterritorial “Ex-Patria” për kishat dhe manastiret serbe në brendi të Kosovës.
Të drejtat e shqiptarëve të Luginës duhet të jenë të barabarta dhe në proporcion të plotë me të drejtat e pakicës serbe në Kosovë, e jo të diskriminohen me shkëmbim të pjesshëm të territoreve apo me të ashtuquajturat “Special Distrikt” dhe “Free Tax Zone”.
Këto dhe të gjitha marrëveshjet e mundshme në dialogun e Brukselit, paraprakisht duhet t’i nënshtrohen Referendumit popullor e tek pastaj të shkojn në Kuvendin e Republikës së Kosovës për miratim.
Në rast të mohimit të kërkesës për Referendum nga ana e bashkësisë ndërkombëtare, atëherë më askush nuk mund t’na pengoj në përdorimin e gjitha mjeteve tjera për mbrojtjen e terësisë territoriale, sovranitetit dhe integritetit shtetëror.
Është momenti i fundit të bashkohen të gjitha forcat progresive në vendin tonë pa dallime partiake, ideologjike apo fetare, për të shpëtuar atë që është e mundur të shpëtohet tani në këtë gjysëm shtet, me gjysëm liri dhe gjysëm pavarësi.
Pas marrëveshjes së miponuar me Serbinë, Kosova do ta humbë shtetesinë e saj dhe do ta marr karakterin e një qeverisje lokale nën protektorat ndërkombëtar.
Andaj, të bëhemi të gjithë bashkë, e t’i themi jo marrëveshjes me Serbinë për zhbërjen e shtetit!
Shkendijat e para të kësaj stuhije kataklizmë i dhezi Presidenti i
Kosovës Hashim Thaçi i shantazhuar nga Serbija. Kësaj stuhije me tërë
forcën iu bashku edhe Presidenti i Serbisë Aleksandër Vuçiq më Rusin,
me çellim për ta shpetuar Hashim Thaçin nga Gjykata Speciale.
Hashim Thaçi si “nxënës” i mirë i diciplinuar i Vuçiqit dhe Putinit
hyri ne lojën më te rrezikshme për Kosovën ne historinë e sajë Në këte
lojë të tij djallëzore më Serbinë hyri pa kushte:pa kërkim falje për luftën
dhe gjenocidin qe Serbia e bëri në Kosovë,pa kerku kurrfarë sepsracio-
nesh nga Serbia,anipse ajo e bani Kosovën tokë të djegun,pa kushtin
e te pagjeturve,për përdhunimet e nanave dhe motrave tona,thjeshtë
si shul hyri ne dialog pa kurrfarë kushti,anipse Serbia e ka kushtezue
Kosovën me shume gjana.
U fut ne dialog pa pelqimin e popullit te sajë që ta ndajë Kosovën copa
copa.Ai msheftas qe nga Berogradi,Tirana,Brukseli,Parisi e deri ne
Vashingtonë( më John Boltonin) i vunë pykat për qarjën e Kosovës.Ato
pyka kanë nisë fiqishëm te rrahën derisa Kosova te çahët copa sopa.
Stuhitë e mëdha të fuqishme dhe shkaterruese ja kanë nisë më ardhë
drejtë Kosovës.Këto stuhi më plotë dragoj.kulqedra, shtriga e
kallukangja nga Serbija
dhe Rusia do te jenë fatale për Kosovën.Atje lartë në qiellin e
terbuam kundër Kosovës do ti shihni edhe Dragonin Hashim Thaçi
dhe kulqeden Aleksandër Vuçiq,Vladimir Putin,Edi Rama me Baton Haxhiun
në bishtë të tyre.
Sot në gjithë botën po dalin planet e kësaj stuhije te madhe qe ia
kanë mesy Kosovës.Po,dalin plane me pak pika,me shumë pika por e
findit i ka 22 pika fatale për Kosovën,më e ba copë e grim atedheun
tonë qe kurr nuk u gezuam dhe rehatuam më te,por gjithëmonë u gjendë në
stulmë tuhuhish dhe shterngatash.
Në ato plane qe do ti sjellë me vehte stuhija dhe zerzelja e madhe
thuhet se Kosova po ndahet në baza Etnike,kunder parimit themelor te
Evropës,por kur shtriga ne Bruksel me shtriganat ne Prishtinë,Beograd
dhe Tiranë dhe Moskë nuk donë me ndij për këtë parim,qe për qellim e kanë
shkaterrimin e Kosovës duke e bërë copa copa.Por, këto copa siç thuhet
në Mareveshje nuk janë “as te zotit as të
robit” si monitorues do te vendosen shtrigat nga
Rusia,Franca,Amerika,Parizi,etj për ta monitoru(zotënu,gllabe
ru) Kosovën hiq më pak se për 99 vjetë,në stilin as e jotja as e
jemja.e gjithëkujtë por edhe e askujt.
Si duket populli i Kosovës sikur ka ik dikah, ndoshta e kanë leshuar
Kosovën si ne kohë lufte kur nuk mbeti askush,nuk gjendet në
Kosovë,ose ka ra ne gjumë të thellë dimeror.NJë zotë e dinë.Por vallë
a ka mbetë dikush në Kosovë për ti dal perëball kësaj stuhije qe do ta
përplasë Kosovën.Ku ka mbetë ajo krenarija e popullit tonë për më i
dalë në ndihmë,për me i dalë zot atedheut,apo do ta lëmë qe ta përbinë
stuhija e fuqishme të tërë Kosovën.
Kosova sot po e thrret popullin e vetë,popullin shqiptare qe ti delë
përball kësaj stuhije,zerzelje me plotë shtriga e kallukangja dhe mos
ta lenë të hyjë mbrenda.Kjo është detyrë atedhetare kur e mbronë
atedheun nga shkaterrimi nga coptimi.
Sikur te ishte gjallë i Madhi At Gjergj Fishta do ta ngrhte zerin deri
në kup të qiellit duke thanë:
UhEvropë,ti kurva e motit,
Që i re mohit Beses e Zotit,
Po a ky asht sheji i qytetnisë,
Më nda taokën e Shqypnisë,
Për më mbajtë kelyshët e Rusisë?
Kërkimfalja është diçka fisnike. Njerezitë kërkojnë falje për ndonjë
gabim të bamë ndaj dikujtë. Askush në botë nuk kërkon falje për
asgje,por këtë e banë për ndonjë gabim,ose për pafajsinë askush nuk
kërkon falje. Shkurtë kërkimfalje bahet sepse pas sajë qendron një
fajësi.
Një burr nga Drenica,luftëtarë i oreve të para të Luftës sonë
Çlirimtare me emrin Gani Geci, tashti Bajraktari që 20 vjete nuk prane
duke e kërkuar shkruesin e Komunikatës trishtuese nr.59 e dalë nga
UÇK-ja gjatë luftës më te cilën ai dhe familja e tij denigrohën dëri
në poshtërësi dhe vrasje.Por askush për këto vite nuk pati kurjon te
deklarohet,bile të thotë një fjalë së kushë e bëri këtë,kush e lëshoi
këtë Komunikat trishtuese.Jamë fortë i binduer se ne frymën e kësaj
Komunikate dikush ka dështë me ja hjekë flamën,që te mos flas Gani
Geci,ta mshelë gojën.Më vonë,pas luftës në bazë të kësaj komunikate u
ba atentat ne Ganiun dhe dy shoket e tij qe ishin ne vetur.Ganiu pati
fat,por me shumë i ndihmoj ai Zoti i Madh që ti të mos
vritëj.Por.gjithësesi është e dhëmbshme humbja e luftetarve te
lirisë,te gazetarit Bekim Dajakun dhe Besim Kastratin.Fantazmat e
Komunikatës 59.e kryen punën e vetë.For fantazma ende e kësaj dite nuk
po sçarohet,jo pse nuk mundën,por nuk po don.Thjeshtë.
Por çuditerisht diçka levizi këto ditë,kur Presidenti i Kosovës Hashim
Thaçi doli haptas dhe kërkoj falje për këtë Komunikat ,duke thanë
së:Komunikata 59 është “abuzuese dhe së nuk i takon
UÇK-së”,është”nxjerrë pa aprovim dhe dijeni(e kujtë,pra të UÇK-se)nga
individ këqebersë”.Ky është konfusion i tij,thotë se nuk i takon
UÇK-se,pastaj thotë është nxjerr nga individ këçëbresë.Po kush guxonte
në ate kohë të leshoi Komunikata ne emer te UÇK-se,askush,pos Shtabit
të UÇK-së.
Po,pse Presidenti publikishtë kërkojë falje për këtë Komunikatë,kur
thoshte se nuk ka dorë dorë ne këtë Komunikatë.Çka e shtyri,çka e
shpërthu Presidentin qe pas 20 viteve të të kërkoj falje,si është e
mundshme njeriu me kërkuar falje për një vepër qe se ka ba.Gjithëkund
në botë njeriu nuk kërkon falje për një vepër qe se ka ba,por
gjithëkund në botë njeriu kërkon falje për një vepër qe e ka ba.Bash
ne këtë kërkim falje Hashim Thaçi e ka mizën pas veshit e cila i
shushurit vazhdimisht dhe nuk e la te qetë derisa doli më kërkim falje
mjaftë konfuze duke gjuajtë shigjeta në të gjitha anët në
bashkluftetarët e tij.
Opinioni u dhezë shumë Komandat te luftës te asaj kohe për çdo ditë po
dalin me deklarat se nuk kanë gishtë në këtë punë.Po,pse bash
Presidenti doli te kërkoj falje Gani Bajraktarit,doli sepse e ka mizën
pas veshit,doli sepse ka filluar punën Gjykata Speciale në Hagë,dhe si
duket e kanë kapë te dridhmet se do te zbardhet autori apo porositesi
i kësaj Komunikate famoze,e cila pas luftës edhe i mori dy jeta
njërëzish.Apo,ndoshta Presidenti i Kosovës Hahim Thaçi po tenton të
shukatë Gani Gecin-Bajraktari qe ta mbyllë gojën.Por,i birit,dhe
burrit të Bajraktarëve të Llaushës askush nuk mudë te ia mbyllë
gojën.Ai do te fletë gjithëkund edhe pas Kërkim fajle te
Presidentit,sepse Komunikata ia ka ulë krenarin dhe nderin familjes
Bajraktari me shpifje te ndryshme,se janë bashkëpunëtor te UDB-së e
çka mos,kur dihet se këto nuk janë te verteta.Populli i Drenicës i din
këto.Populli i Drenices e dinë se Familja Bajraktari gjithëmone
historikisht ka rrezatuar ne Drenicë,gjithëmonë historikishtë e ka
lufue dhe është pre fyt për fyt me shakun,dhe mu për këtë Gani
Bajraktari nuk e pranon Kërkim faljen,por çshtjën do ta çojë deri në
fund,bile edhe në Gjykatën Speciale në Hagë ku do te zbardhet krejtë e
vërteta.
Ambasadori amerikan në Kosovë, Philip Kosnett, tha në prag të ndarjes së çmimeve prestigjioze të kinematografisë, Oscars, që do të mbahet të dielën, se filmat dhe aktorët e regjisorët ndërkombëtarë ndër vite kanë arritur të futen në Hollywood.
Në rrjetin social Twitter, ambasadori Kosnett shtroi pyetjen se kush nga filmbërësit dhe aktorët kosovarë do t’i afrohet së shpejti Hollywood-it?
“Në pritje të Oscars2019. Regjisorët dhe aktorët ndërkombëtarë kanë arritur sukses në Hollyëood me gjenerata. Kush nga regjisorët dhe aktorët kosovarë do të korrë sukses në Shtetet e Bashkuara?”, tha Kosnett.
Të dielën do të mbahet edicioni i 91-të i ndarjes së cmimeve Oscars në 24 kategori.
Kosova ishte përfaqësuar në vitin 2016 në Oscars, me filmin “Shok” të regjisorit Jamie Donoughue, që fliste për luftën në Kosovë. Ky film ishte i nominuar në kategorinë e filmave më të mirë të shkurtër.
Konkursi i Ministrisë së Mbrojtjes për pranimin e rekrutëve të rinj–ushtarë aktivë të Forcës së Sigurisë së Kosovës, është mbyllur. Në këtë konkurs pritet të pranohen 650 rekrutë të rinj, ndërsa kanë aplikuar mbi 5 mijë veta.
Vëllazërim Qerimi nga Zyra e Informimit publik në Komandën e Forcave Tokësore të Kosovës në një intervistë ka folur rreth këtij konkursi për të cilin tha se interesimi ka qenë shumë i madh.
“Të dhënat e kalkuluara të datës 21 e kalojnë numrin 5 mijë të aplikantëve, mirëpo të dhënat e sotme nuk janë përpunuar ende, por besojmë do të sillet numri aty 5 mijë e 500”, tha ai për Ekonomia Online. Qerimi ka thënë se nga ky konkurs do të pranohen 650 pjesëtar të cilët do t’i shërbejnë Forcës së Sigurisë së Kosovës.“
Nga gjithë ky numër do të selektohen 650 pjesëtarë, do të jenë pjesë e FSK-së pas një testimi të cilin do ta kenë bazuar në standardet të cilat realizohen në kuadër të Forcës së Sigurisë së Kosovës. Kriteret për tu pranuar dhe për të qenë pjesë e Forcës së Sigurisë tashmë janë të ditura për opinionin publik, në radhë të parë duhet ta kesh shkollën e mesme të përfunduar, mosha nga 18-23 vjeçar, duhet të jesh shtetas i Republikës së Kosovës , mos të jesh i ndjekur penalisht, këto janë kriteret bazë që duhet t’i ketë një pjesëtarë i cili ka konkurruar për të qenë pjesë e Forcës së Sigurisë së Kosovës”, ka thënë Qerimi.
Ai ka njoftuar se testimet e rekrutëve të rinj do të bëhen në Ferizaj.
“Forca e Sigurisë së Kosovës do të punojë me ekipet të cilat do të merren me testimet, secili pjesëtar që ka aplikuar do të marrë informata për kohën kur do të realizohen këto testime. Dua të njoftojë opinionin se të gjitha testimet do të realizohen në Komandën e Doktrinës dhe Stërvitjen në Ferizaj, mirëpo për kohën dhe çdo gjë tjetër do ju informojmë ”, ka thënë Qerimi.
Konkursi për rekrutë të rinj në Forcës e Sigurisë së Kosovës ka qenë i hapur nga data 11 shkurt dhe është mbyllur dje.
