VOAL

Kosovë

Intervista – Osmani: Luftën me Serbinë e kemi fituar me mençuri dhe me miq

Vjosa Osmani, kandidate e Lidhjes Demokratike të Kosovës për postin e kryeministres, tha në një intervistë për Zërin e Amerikës se opozita e deritashme duhet të formojë qeverinë e re pas zgjedhjeve të 6 tetorit për ta ndryshuar gjendjen në vend. Në intervistën dhënë korrespondentes sonë në Prishtinë, Edlira Bllaca, zonja Osmani tha se lëvizja Vetëvendosje e sheh si partner të padiskutueshëm në qeverinë e ardhshme, e cila sipas saj, sfidat që kanë të bëjnë me bisedimet me Serbinë do t’i trajtojë ndryshe nga e kaluara, duke ruajtur partneritetin me aleatët e Kosovës.

Zëri i Amerikës: Zonja Osmani, jeni kandidatja e parë grua për postin e kryeministres në Kosovë. Si prisni se do të ndikojë ky fakt në këtë garë?

Vjosa Osmani: Faleminderit në radhë të parë për interesimin dhe bashkëpunimin tuaj. Për mua është nder i posaçëm që kam marrë përkrahjen unanime të Lidhjes Demokratike të Kosovës, pra edhe të grave edhe të burrave, të gjithë brezave, të gjithë përfaqësuesve që për tri dekada me radhë me përkushtim të madh e kanë ngritur LDK-në, por mbi të gjitha e kanë ndërtuar së bashku shtetin e Kosovës. Ashtu siç e ka shkruar historinë e Kosovës LDK-ja në këto tridhjetë vite, po e bën të njëjtën gjë tani duke dhënë shembull jo vetëm të barazisë në sektorë tjerë, por të barazisë në përfaqësimin më të lartë politik. Unë jam jo vetëm e lumtur, por ndjej përgjegjësi jashtëzakonisht të madhe për këtë besim që më është dhënë nga Lidhja Demokratike e Kosovës dhe ashtu siç e kam thënë në ditën e parë kur jam propozuar nga kryesia e LDK-së, jam e bindur që tash e tutje gratë dhe vajzat e Kosovës nuk do të ndihen më që nuk kanë zë në Republikën e Kosovës, por jo vetëm ato, secili qytetar i Kosovës do të gjejë zërin e vet dhe do të ndihet i përfaqësuar, do të ndihet krenar në punët që do t’i bëjë qeveria e ardhshme e udhëhequr nga LDK-ja.

Zëri i Amerikës: Zonja Osmani, derisa disa parti politike tashmë kanë krijuar koalicionet e tyre parazgjedhore, ju, PDK dhe VV ende nuk e keni bërë një gjë të tillë. A do të garojë LDK-ja përfundimisht e vetme në zgjedhje?

Vjosa Osmani: Tani kjo ka qenë një preferencë e anëtarëve të LDK-së që përfaqësohen në këshillin e përgjithshëm. Megjithatë, ne besojmë që ndryshimi i madh në këtë vend arrihet nëpërmjet bashkëpunimit, prandaj edhe sot në këshillin e përgjithshëm kemi marrë dy vendime të rëndësishme. Hapi i parë është që unanimisht kemi vendosur që të mbyllim çdo mundësi bashkëpunimi me Partinë Demokratike, për arsye të shumta që i kemi përmendur përgjatë viteve dhe besoj nuk kemi nevojë t’i përsërisim sepse arsyet i dinë edhe ata që janë përtej politikës, i ka kuptuar secili qytetar dhe e dyta; kemi vendosur që ta autorizojmë kryetarin së bashku me mua dhe nënkryetarin e partisë, që të bisedojmë për koalicione parazgjedhore. Në radhë të parë siç e dini, interesimin e kemi të bashkëpunojmë me Lëvizjen Vetëvendosje sepse ka një kohë sidomos shkaku i bashkëpunimit tonë në parlament, që jemi të bindur që opozita e tanishme duhet të jetë qeveria e ardhshme, në mënyrë që të arrijmë në esencë dhe në mënyrë efektive që të ç’kapim shtetin nga niveli i lartë i krimit dhe korrupsionit, që është parakusht për të qenë të suksesshëm pastaj në secilën fushë tjetër të zhvillimit, qoftë ai zhvillimi ekonomik, qoftë investimi në sektor siç janë arsimi dhe shëndetësia dhe që duhet të prioritizohen, qoftë për evropianizimin e Kosovës, pra hapjen e Kosovës dhe suksesin e Kosovës në rrugën e integrimit euro atlantik jo vetëm në retorikë por edhe në veprime konkrete. Pra, ne e kemi ftuar Vetëvendosjen që të na bashkohen në këtë proces të ndryshimit historik që po e pret Republikën e Kosovës. Megjithatë, po ashtu ka pasur vendim unanim në këshillin e përgjithshëm që qeveria patjetër duhet të drejtohet nga LDK-ja, jo vetëm shkaku i përvojës në qeverisje, por edhe për shumë arsye të tjera të cilat i kemi shtjelluar sot në këshillin e përgjithshëm. Bashkëpunimi mund të ndodhë vetëm nëse ka respekt reciprok, vetëm nëse ka qëllime të sinqerta dhe unë shpresoj shumë që ashtu siç e kemi dëshmuar këto dy qëllime edhe sot në këshillin e përgjithshëm por edhe në kontakte që i ka pasur kryetari Mustafa më herët me kryetarin e Vetëvendosjes, ashtu presim që të dëshmoj edhe Lëvizja Vetëvendosje, pra të dëshmojë edhe në vepër jo vetëm në fjalë. Në çdo rrethanë, ne jemi të bindur që LDK-ja është fituese e zgjedhjeve të ardhshme, që së bashku do të shkruajmë një epokë të re të historisë së Kosovës, të një historie më të ndritshme ku qytetarët do ta gjejnë shpresën por edhe perspektivën e tyre dhe nuk do ta shohin atë vetëm jashtë vendit e të shohin se si të ikin nga ky vend. Tash të shohim. Kanë mbetur edhe tri ditë përafërsisht për të pasur diskutime të sinqerta, por pavarësisht epilogut, në çdo formulë ne e shohim LDK-në si fituese edhe nëse shkojmë si të vetëm. Por natyrisht edhe nëse shkojmë në koalicion edhe aty besoj që do të bëhet ndryshimi i madh. Një gjë duhet ta themi pa ekuivok dhe unë këtë e kam thënë edhe në të kaluarën ende pa qenë e nominuar për kryeministre nga partia ime, që e shohim Vetëvendosjen si partner të pa kontestueshëm në qeverinë e ardhshme dhe prandaj edhe ata duhet ta kenë këtë parasysh, gjithsesi duke respektuar faktin që LDK-ja është partia më e madhe në vend jo vetëm në sondazhe por e dëshmuar edhe në zgjedhjet e fundit, edhe me vota të asamblesë komunale edhe me komunat që i kemi fituar dhe jam e bindur që këtë do ta dëshmojmë sërish. Ka ardhur koha që veprimet tona të bashkëpunimit të shkojnë përtej fjalëve dhe të ndërmarrim veprime që janë konform pritjeve të qytetarëve. Në rrethana të tjera natyrisht ne si LDK shkojmë vet që ishte po ashtu disponim i madh i këshillit të përgjithshëm, i fitojmë zgjedhjet por pas fitores së zgjedhjeve, natyrisht që e ftojmë Vetëvendosjen që të qeverisin bashkë me ne.

Zëri i Amerikës: A është diskutuar një mundësi që të qeverisni me rotacion me lëvizjen Vetëvendosje, siç është folur së fundmi për një gjë të tillë?

Vjosa Osmani: Këtë nuk e kemi diskutuar në Këshillin e Përgjithshëm, një mundësi të tillë, mirëpo në takimin me Vetëvendosjen ka pas diskutime për një qeveri, për një lloj marrëveshje katër plus katër, që do të nënkuptonte që një parti të qeverisë në katër vitet e para, por që ka bashkëpunim pastaj edhe për katër vitet e ardhshme të udhëhequra nga partia tjetër. Megjithatë, ky ka qenë vetëm propozim nuk është që ka një dakordim ose diskutim në detaje të propozimeve të tilla. Siç e thash, ne duhet të diskutojmë shumë më seriozisht dhe më intensivisht këto tri ditë që kanë mbetur para 30 gushtit dhe të vendosim përfundimisht në qoftë se koalicioni parazgjedhor është i mundshëm. Edhe nëse ajo nuk arrihet, unë nuk e shoh tragjike. Prapë se prapë në qeverinë e ardhshme i shoh këto dy parti gjithnjë nën udhëheqjen e Lidhjes Demokratike dhe besoj që do të japim një shembull të bashkëpunimit të sinqertë në qeveri ku partnerët nuk e luftojnë njëri tjetrin, ku partnerët nuk i ngulin thikën në shpinë partnerit, ku partnerët nuk i organizojnë mocion mosbesimi njëri tjetrit dhe ky do të jetë një shembull jashtëzakonisht i mirë ku do të kthehet ajo klima e mirëbesimit, jo vetëm brenda institucioneve por edhe para qytetarëve të Republikës së Kosovës.

Zëri i Amerikës: Sa i takon koalicioneve paszgjedhore, folët për lëvizjen Vetëvendosje që do të mbeteni të hapur nëse nuk arrihet koalicion parazgjedhor, por me partitë tjera me kënd mendoni që do të bashkëpunoni dhe gjithsesi a keni vija të kuqe të ndonjërës partie, e përmendët Partinë Demokratike, por diçka jashtë saj?

Vjosa Osmani: Tash një vendim sot e kemi marr, një vendim siç e thash unanim që as të mos diskutohet me PDK-në për tema të tilla pra një koalicion me PDK-në absolutisht nuk do të ndodh dhe është i pamundur për rrethana të shumta. Kurse sa i përket partive tjera, për derisa ne e shohim Vetëvendosjen si partner kryesorë pas zgjedhjeve bashkë me këtë partner

Vetëvendosjen e shohim si partner të pa kontestueshëm në qeverinë e ardhshme

ne do të ulemi bashkë dhe do të shohim se sa është e nevojshme të ftojmë edhe partitë tjera më të vogla në koalicionin tonë. Pra, nuk është që mund të përjashtohet një mundësi e tillë që për të përforcuar koalicionin meqenëse do të merremi me sfida jashtëzakonisht të mëdha, siç e thash që prioritet do të ketë luftimin e krimit dhe korrupsionit të nivelit të lartë, pastaj e kemi edhe sfidën e përmbylljes së dialogut final me Serbinë, sfidën e zhvillimit ekonomik sepse papunësia mbetet problem themelor me të cilin janë të preokupuar qytetarët e Kosovës dhe çështje tjera, këto janë tema që kërkojnë një qeveri stabile, një qeveri të fortë jo vetëm në numra por edhe në qëllimet dhe vizionet që i ka. Prandaj në qoftë se dy partnerët do ta shohin të nevojshme mund të ftojmë edhe ndonjë parti tjetër më të vogël për ta fuqizuar edhe më tej dhe për ta rritur unitetin brenda politik në Kosovë, që tema të tilla të kalohen më lehtë dhe me një unifikim më të madh të spektrit politik.

Zëri i Amerikës: Zonja Osmani, tarifat ndaj mallrave serbe dhe bisedimet me Serbinë ishin problemet kryesore të qeverisë së kaluar dhe e presin edhe qeverinë e re. Nëse fitoni si do t’i trajtoni këto dy çështje?

Vjosa Osmani: Tani kur i shohim matjet që i bëjnë organizatat ndërkombëtare në opinion se çka vërtetë i preokupon qytetarët e Kosovës, asnjëherë nuk mund ta gjejmë çështjen e tarifës ose çështjen e dialogut. Gjithnjë vjen papunësia, vjen luftimi i krimit dhe korrupsionit, çështje siç është liberalizimi i vizave, pra lëvizja e lirë e qytetarëve dhe deri tek arsimi dhe shëndetësia. Diku vetëm 5 deri në 7 për qind të qytetarëve interesohen tek tema e dialogut. Prandaj, edhe unë vërtetë dua që nga sot të fillojë që të kalojë shumë më pak kohë te kjo temë. Ajo që dua të them është që LDK-ja do të gjejë zgjidhjen më të mirë për mbrojtjen e interesave shtetërore të Republikës së Kosovës. Që nuk do të merr vendime të cilat mund t’i sjellin

Luftën me Serbinë asnjëherë nuk e kemi fituar me muskuj. E kemi fituar gjithnjë me mençuri, duke krijuar miq, duke ndërtuar miqësi me shtetet më të fuqishme në botë, të cilat na kanë ndihmuar ta mbrojmë popullin e Kosovës nga shfarosja.

LDK-së vota, por dëm Republikës së Kosovës dhe që assesi nuk do të lejomë që Kosova të ndjehet më e dobët në tavolinë me Serbinë. Përkundrazi, dialogu me Serbinë do të përmbyllet në interes të Kosovës, vetëm në qoftë se veprojmë me mençuri. Luftën me Serbinë asnjëherë nuk e kemi fituar me muskuj. E kemi fituar gjithnjë me mençuri, duke krijuar miq, duke ndërtuar miqësi me shtetet më të fuqishme në botë, të cilat na kanë ndihmuar ta mbrojmë popullin e Kosovës nga shfarosja dhe ta ndërtojmë Republikën e Kosovës. Tani, për të fuqizuar subjektivitetin ndërkombëtare të shtetit tonë, ne duhet t’i kemi këta miq në krahun e djathtë dhe në krahun e majtë dhe të ecim bashkë me ta. E jo të shkatërrojmë miqësitë me këto shtete dhe t’i shohim ato si një dëm të vogël kolateral. Në fakt, miqësia me Shtetet e Bashkuara të Amerikës dhe evropianizimi i Republikës së Kosovës, janë çështje ekzistenciale për Republikën tonë. Nuk janë çështje që mund t’i lësh të rëndësisë së dytë apo të tretë. Janë ekzistenciale. E kemi ndërtuar këtë shtet bashke më ta dhe do ta zhvillojmë bashkë me ta. Ne absolutisht nuk e heqim tarifën pa u siguruar që Serbia do të fillojë ta respektojë Kosovën, do të ndërpresë fushatën e vet të çnjohjeve. Por, në të njëjtën kohë, ajo që e ka menduar LDK-ja dhe jemi duke e thënë tash e një vit, është që Serbia meriton reciprocitet të plotë. Dhe kur ju i dëgjoni njerëzit, përfshirë edhe ish kryeministrin (Ramush) Haradinaj, kur i dëgjoni duke thënë se masa e reciprocitetit është më e butë sesa tarifa prej 100 për qind, tregon që nuk kanë njohuri as elementare për këto masa ekonomike të cilat pastaj kanë efekt edhe në raportet tjera edhe në raportet politike. Sepse, reciprociteti i plotë, për cilindo që i njeh raportet tregtare mes Kosovës dhe Serbisë, për cilindo që i njeh të gjitha barrierat jotarifore që i ka vendosur Serbia Kosovës, për cilindo që e di se çfarë bllokade kanë pasur dhe kanë bizneset tona, çfarë bllokada kanë pasur dhe kanë qytetarët tanë që lëvizin nëpërmjet kufirit Kosovë-Serbi, pritjet që i kanë dhe çdo problem tjetër që na ka shkaktuar Serbia, e sheh që në fakt masa e plotë e reciprocitetit është shumë më efektive, do të mund të argumentohej shumë më mirë para komunitetit ndërkombëtar dhe në veçanti shteteve që na përkrahin dhe në të njëjtën kohë do të ishte shumë më e ashpër në raport me Serbinë, sesa tarifa 100 për qind. Por, kjo nuk do të thotë që ne vijmë në pushtet dhe e heqim tarifën. Assesi. Ne do të merremi me tarifën në një mënyrë që Republika e Kosovës të fitojë nga kjo situatë dhe ju siguroj që do të kemi ide kreative, por mbi të gjitha, sic e thashë, më maturi, mençuri dhe me miqtë tanë. Dhe me miqtë tanë, do të marrim një vendim në interes të Kosovës.

Zëri i Amerikës: Problemet, që i përmendët, si papunësia, varfëria e korrupsioni kanë qenë të vazhdueshme në Kosovë dhe qasja ndaj tyre ka shkaktuar, sipas matjeve të organizatave të ndryshme, shkallë të ultë të besimit të qytetarëve në institucionet e vendit. Si mendoni ta riktheni besimin e tyre?

Vjosa Osmani: Tani jo vetëm shkaku i gabimit të të tjerëve. Jo vetëm për shkak që qeveria e PAN-it me partnerët tjerë, kanë dëshmuar se nuk kanë mentalitet qeverisës se zhvillimor, por kanë mentalitet plaçkitës, në raport me Republikën e Kosovës, në raport me shtetin, në raport me buxhetin e shtetit, por po ashtu se kemi dëshmuar edhe përgjatë qeverisjes së LDK-së më herët, për këto 20 vite, që kemi largpamësinë, kemi vizionin dhe mbi të gjitha kemi kuadrot jo vetëm profesionale por dëshmuara edhe politikisht dhe me besimin e kredibilitetin qytetar, që ta udhëheqin këtë vend dhe ta drejtojnë në një rrugë më të mirë, jam e bindur se do të rikthehet jo vetëm primati i LDK-së, por do të rikthehet fokusi tek qytetari. Pra, përgjatë viteve, partitë që sidomos tash dy vitet e fundit ishin në pushtet arritën që Republikën e Kosovës ta portretizojnë në dokumentet e Bashkimit Evropian si shtet të kapur. Pra, kjo nuk është vetëm një retorikë opozitare që po e dëgjoni tani. Është dokument i BE-së, ku Kosova cilësohet si shtet me elemente të kapjes për shkak të lidhjes së organeve më të larta në qeveri apo figurave, me elemente të krimit dhe korrupsionit. Dhe kur BE-ja e sheh si të tillë Kosovën, ne nuk mund të shohim progres në asnjë fushë. As në zhvillim ekonomik, as të lëvizja e lirë që është bllokuar pikërisht për shkak të këtyre arsyeve, e as investim në njerëzit tanë. Pra, nuk mund të shohim zhvillim përderisa përgjysmohet buxheti për arsim, përderisa universitete publike i ngjasojnë një lige të dytë ose të tretë të partive politike, derisa njerëzit më të papërgatitur të këtij vendi, bëhen brenda natës doktorë shkence dhe tentojnë t’i edukojnë gjeneratat e ardhshme, atëherë natyrisht as që mund të presim që të merremi seriozisht jashtë kufijve tanë, madje as në rajonin tonë. E lëre më në Bruksel Washington, Londër e Berlin. Pra, ka ardhë koha që qytetarët e Kosovës të krenohen me liderët që i përfaqësojnë ata dhe jo të turpërohen, siç ka ndodhur përgjatë këtyre dy viteve dhe përgjatë shumë viteve që ka qeverisur PDK. Do t’i japim fund me njerëzit më të mirë që i ka ky vend dhe ata jam shumë e lumtur dhe shumë krenare që e kanë gjetur shtëpinë e tyre politike në LDK.

Diplomati amerikan: Pa e zgjidhur problemin me Kosovën, Serbia nuk mund të ketë raporte me ShBA

Charles Kupchan, ish këshilltar i ish presidentit të ShBA-së, Barack Obamas, ka thënë se Beogradi nuk mund të ketë dialog dhe raporte me Uashingtonin zyrtar derisa nuk e zgjidh problemin me Kosovën

Një gjë të tillë Kupchan e ka thënë në një intervistë për edicionin e Zërit të Amerikës në gjuhën serbe, transmeton Gazeta Express.

“Dialogu ndërmjet SHBA-së dhe Serbisë nuk mund të fillojë përpara se të zgjidhet problemi ndërmjet Kosovës dhe Serbisë”, ka thënë ish këshilltari për Evropë gjatë administratës së Obambas.

Sipas tij, raportet ndërmjet Kosovës dhe Serbisë dhe problemi ndërmjet këtyre dy shteteve është më kompleksi në rajonin e Ballkanit Perëndimor.

“Dialogu ndërmjet SHBA-së dhe Serbisë i ka dy pjesë, e para ka të bëjë me negociatat dhe normalizimin e raporteve mes Beogradit dhe Prishtinës dhe e dyta përfshinë më shumë çështje që janë dypalëshe”, është shprehur tutje Kupchan, transmeton Gazeta Express.

Diplomati amerikan në këtë intervistë ka folur edhe rreth idesë së shkëmbimit të territoreve, ide për të cilën thotë se ishin pajtuar Hashim Thaçi dhe Aleksander Vuçiq, e që më pas ndërhyri kryeministri në dorëheqje, Ramush Haradinaj.

Sipas tij vetëm në rast të arritjes së një marrëveshje Prishtinë-Beograd, atëherë mund të ketë dialog ndërmjet SHBA-së dhe Serbisë, që do të pasohet me diskutime për raportet ndërmjet Serbisë dhe Rusisë dhe gjithashtu me Republika Srpskan.

“Nëse marrëveshja arrihet, mund të ketë vazhdim të dialogut për raportet ndërmjet Serbisë dhe SHBA-së. Për raportet e Serbisë dhe Rusisë, si dhe gjithashtu me Republika Srpskan”, ka shtuar tutje ai, transmeton Gazeta Express.

Më tej Kupchan ka thënë se sa më gjatë që Kosova dhe Serbia nuk gjejnë një gjuhë të përbashkët për marrëveshje, atëherë krijohet një mundësi që të ndërhyjë Rusia.

“Rusët janë shumë të aftë që të përdorin tensionet etnike, politike e fetare në rajon. Ata përpiqen që të parandalojnë vendet e rajonit të afrohen me Perëndimin si dhe anëtarësimin në NATO. Ata tentuan të ndalonin Malin e Zi që të anëtarësohet në NATO, gjithashtu dhe Maqedoninë Veriore”, ka potencuar ish-këshilltari i Obamas.

Kupchan thotë se Rusia e di që pranimi i Serbisë në BE, varet kryekëput nga marrëveshja ndërmjet Prishtinës dhe Beogradit.

“Ky dialog deri më tani nuk ka sjellë rezultate. Serbia mendon se mund të kalojë në avantazh duke u mbështetur në Rusinë. Megjithatë nëse Beogradi dhe Prishtina arrijnë të gjejnë një zgjidhje, besoj që një gjë e tillë do ta orientonte diplomacinë e Serbisë drejt Perëndimit”, shton Kupchan duke thënë se një gjë e tillë do të dobësonte edhe lidhjet serbo-ruse.

Ndërkohë vizitën e presidentit të Francës në Beograd, Kupchan e sheh si përpjekje të Macronit për të kopjuar kancelaren gjermane, Angela Merkel, që sipas tij ka marrë rol dominant në Ballkanin Perëndimor.

Kupchan thotë se marrëveshja Kosovë-Serbi duhet të arrihet përmes dialogut të dy palëve që do të ndërmjetësohet nga Bashkimi Evropian, duke përmendur në të njëjtën kohë edhe gatishmërinë e Mogherinit për të lënë të hapur mundësinë e diskutimit të idesë së shkëmbimit të territoreve.

“Mogherini nuk ishte plotësisht dakord me idenë e shkëmbimit të territoreve, por të paktën ajo ishte e gatshëm të merrte në konsideratë një mundësi të tillë”, ka thënë Kupchan.

Në fund ai thotë se Administrata e Trump është më e gatshme që të punojë për një zgjidhje ndërmjet Kosovës dhe Serbisë se sa vendet e Bashkimit Evropian.

Presidenti i Serbise, Aleksander Vuçiq, para pak ditësh ka qendruar në Washington ku është takuar me Sekretarin e Shtetit, Mike Pompeo. Siç kanë raportuar mediat gjermane, Pompeo i ka bërë presion të madh Vuçiqit për të arritur një marrëveshje finale me Kosovën që përfshinë edhe njohjen e pavarësisë së Kosovës. Një gjë të tillë thuhet se Vuçiqit ia ka thënë edhe Angela Merkel, duke i kujtuar se vetëm me zgjidhjen finale të problemit me Kosovën, Serbia mund të pretendojë anëtarësimin në Bashkim Evropian../GazetaExpress/

Zëri i Amerikës: Zgjedhjet e parakohshme në Kosovë me 6 tetor

Presidenti i Kosovës, Hashim Thaçi, shpalli 6 tetorin, ditë të zgjedhjeve të parakohshme parlamentare.

Në vendimi thuhet e “duke u bazuar nё pёrgjegjёsitё kushtetuese dhe ligjore, presidenti Thaçi ka marrё vendim që zgjedhjet e parakohshme për Kuvendin e Republikës sё Kosovës tё mbahen mё 06 tetor 2019”, ndërsa “udhëzohet Komisioni Qendror i Zgjedhjeve t’i ndërmerr tё gjitha veprimet e nevojshme për organizimin dhe mbajtjen e zgjedhjeve për Kuvendin e Republikës sё Kosovës, nё përputhje me kёtё vendim dhe legjislacionin nё fuqi”.

Presidenti Thaçi, me herët gjatë ditës dekretoi të hënën shpërndarjen e parlamentit të Kosovës, pak ditë pasi deputetët votuan për një gjë të tillë.

Vendimi për shpërndarjen e parlamentit dhe mbajtjen e zgjedhjeve të reja pasoi dorëheqjen e kryeministrit Ramush Haradinaj më 19 korrik pasi u thirr për t’u marrë në pyetje në Prokurorinë e Posaçme në Hagë e cila trajton pretendimet për krime lufte dhe të pasluftës në Kosovë.

Ende pa u shpallur zgjedhjet e reja, partitë ishin përfshirë në një fushatë për ngritjen e koalicioneve të reja parazgjedhore.

Tashmë janë krijuar dy koalicione të tilla; njëri ndërmjet Aleancës për Ardhmërinë e Kosovës dhe Partisë Socialdemokrate dhe tjetri ndërmjet Nismës Socialdemokrate dhe Aleancës Kosova e Re.

Lidhja Demokratike e Kosovës do të debatojë të hënën mes tjerash edhe mundësinë e një koalicioni parazgjedhor me lëvizjen Vetëvendosje, e cila është shprehur në favor të tij.

Këto zgjedhje shihen të rëndësishme për Kosovën për shkak të sfidave me të cilat pritet të përballet qeveria e re, posaçërisht me çështjen e tarifave ndaj mallrave serbe dhe ripërtëritjen e bisedimeve te pezulluara me Serbinë, për normalizimin e marrëdhënieve ndërmjet dy vendeve, që është edhe kusht për integrimet evropiane të tyre.

Haradinaj pas vizitës tek varri i Rugovës: Sovraniteti dhe integriteti i Kosovës për të ishin të panegociueshme

Ish-kryeministri i Republikës së Kosovës, Ramush Haradinaj, sot ka bërë homazhe tek varri i presidentit Ibrahim Rugova, shkruan Gazeta Express.

Kreu i AAK-së thotë se vizioni i Rugovës për paprekshmërinë e sovranitetit dhe integritetit të Kosovës shërben si pikënisje edhe sot, dhe sipas tij ato parime janë të panegociueshme.

“Vizioni politik i presidentit Rugova përveç që është vlerë e patjetërsueshme, na shërben edhe si pikënisje, se sovraniteti dhe integriteti i shtetit, janë parime të paprekshme dhe të panegociueshme”, ka shkruar Haradinaj.

Ai ka përmendur edhe angazhimin politik të Rugovës për orientimin e Kosovës drejt perëndimit.

“Në shenjë nderimi për angazhimin e tij jetësor për shtet të pavarur e paqësor, si dhe orientimin properëndimor të Kosovës, sot, kam bërë homazhe te varri i Presidentit historik të Kosovës, Ibrahim Rugova”, ka shtuar tutje Haradinaj.

Ish-kryeministri gjithashtu ka treguar se ka takuar edhe familjen e presidentit Rugova si shenjë e respektit të ndërsjellë.

“Poashtu, në një vizitë miqësore ndava disa çaste me familjen e respektuar Rugova, një traditë e marrëdhënies së mirë dhe e respektit të ndërsjellë”, përfundon Haradinaj.

Kosovë, thirrje Serbisë t’i hapë arkivat e ish-ushtrisë Jugosllave

Prishtinë

Këshilli Organizativ për shënimin e Ditës Ndërkombëtare për Persona të Zhdukur ka mbajtur një konferencë në të cilën janë dhënë detaje rreth shënimit të kësaj dite në Kosovë dhe i është bërë thirrje Serbisë për vazhdimin e procesit të gjetjeve, raporton Anadolu Agency (AA).

30 gushti, Dita Ndërkombëtare për Persona të Zhdukur, sipas anëtarëve të këtij komisioni do të do të shënohet me një marsh me moton “20 vjet dhimbje, 20 vjet pritje dhe krenari” në sheshin e kryeqytetit ku do të marrin pjesë edhe familjarët e personave të pagjetur.

Në komision vlerësuan se ende është i madh numri i të pagjeturve në Kosovë, gjë për të cilën duhet bërë presion mbi Serbinë edhe nëpërmjet palës ndërkombëtare. Për këtë çështje, u përmend edhe ideja e kushtëzimit të Serbisë në dialog në Bruksel.

Udhëheqës i njësisë së Komisionit qeveritar për persona të zhdukur, Kushtrim Gara, tha se i bëjnë thirrje autoriteteve të Serbisë që të vazhdojnë gërmimet vlerësuese në lokacionet tanimë të shënjuara, e të cilat kanë mbetur në gjysmë siç është Rashka.

Gashi tha se duhen hapur arkivat e ish-ushtrisë Jugosllave në të cilat ka informacione të cilat do ndihmonin të gjendeshin edhe mbi 1.600 persona të zhdukur.

“Ajo që është me rëndësi për t’u theksuar edhe në këtë rast edhe në këtë ditë, i bëjmë thirrje gjithsesi institucioneve të Serbisë që sa më parë të bëjnë hapjen e arkivave të ish-ushtrisë Jugosllave meqë tashmë është konfirmuar (jo pse ka pasur dikush ndonjë dilemë), që në këto arkiva vazhdon të ketë informacione të cilat sigurisht do të na ndihmonin të mësohet fati dhe vendndodhja e 1.650 personave”, tha Gashi.

I pyetur për shtatë mbetje mortore me origjinë jokosovare të gjetura brenda territorit të Kosovës, Jahja Lluka nga Komisioni qeveritar për persona të zhdukur, tha se pesë nga to janë malazeze ndërsa dy serbe.

Ai tha se familjarët e pesë të vdekurve malazez kanë kërkuar që eshtrat e tyre të kthehen për t’u rivarrosur në Mal të Zi.

“Në këtë rast nuk bëhet fjalë për shtatë serbë. Por, janë pesë malazez dhe dy serb. Procedurat mjekoligjore nuk kanë përfunduar ende. Marrëveshjen e kemi arritur me komisionin e Malit të Zi. Më 4 shtator, pesë mbetje mortore malazeze, të cilat do të varrosen në Andrijevicë, do të dorëzohen në pikën kufitare në Kullë të Rozhajës”, tha Lluka, i cili shpjegoi se puna për to nuk është kryer ende dhe mjekësia ligjore është ende në procedim.

Lluka tha se ky gjenocid duhet të paguhet dhe Kosova për të do ta ngritë zërin edhe në vazhdim, si dhe shtoi se duhet që t’i bëhet trysni edhe më e madhe Beogradit për zbardhjen edhe të 1.650 personave.

KUJDES ME VENDIMET DHE VEPRIMET LDK, FATI I DARDANISË ASHT NË DOREN TANDE, VOTUES I DARDANISË KUJDES ME VOTEN KUJT JA JEP KËTË HERE – Nga Bardh Nëngurra

Situata politike që u krijue në vend pas dorëheqjes së Ramush Haradinaj, kryeministrit ma të keq, ma të damshem dhe ma shtetshkatrrues që kan pas shtetet shqiptare deri sot ( të dyja bashk Shqipni e Dardani ) solli deri të shpërbamja e Parlamentit të Republikës së Dardanisë dhe tash pritet dekretimi i datës per zgjedhjet e jashtzakonshme nga ” Kryetari ” i vendit Hashim Thaçi.

Gazeta e portale, analist e publicist të shumtë po shkruejn e po flasin e shpesh edhe po shpifin e trillojnë qellimisht per kontakte të liderve partiak mes veti, per koalicione parazgjedhore që disa sosh veq ( sipas portaleve ) jan arrijtë si dhe per koalicione të mundshme pasëzgjedhore per ta formue qeverinë dhe per ta udhëheq vendin.

Dardania ka pas në historinë e sajë të shkurt shtetnore disa kryeministra, por dy vite e pak ma shumë të qeverisjes nga koalicioni PAN me në krye Ramush Haradinaj ishte qeveria ma korruptive, ma nepotiste, ma shtetshkatrruese , ma kriminele dhe ma badite deri sot.

Andaj unë si qytetar i sajë ju gëzova largimit të kësaj qeverie e cila po të zgjaste deri në fund të mandatit do e shkatrronte shtetin pergjithmonë.

Skandalet e qeverisë Haradinaj 2. ( po e emnojë kështu pasi ka pas nja 3 muej qeveri Haradinaj që në kohën kur ishte gjallë Presidenti Dr. Ibrahim Rugova ) ishin të shumta. Per to kam shkrue disa shkrime ma heret , por kan shkrue edhe gazetar e publicist të tjerë. Andaj nuk do i numrojë të gjitha, por do i ceku disa prej tyne.

Vjedhja e mbi 50 milion eurove kinse po ua falë fabrikave të ujit per amballazhet e tyne.

Vjedhja e 53 miliona euro per firmen turke Behtel Enka.

Sipas disa informatave që kam ato para në realitet nuk ju kan dhan as amballazhistve e as firmes turke Behtel Enka, ato para janë shpernda te militant partiak per ti pas në sherbim Ramushi dhe AAk-ja kur jua ka nevojën.

Qeveria 2.e Ramush Haradinaj do mbahet mend edhe per rritjen e pages per veti me 200% dhe per të gjithë sherbyesit e vetë.

Qeveria 2. e Ramush Haradinaj do mbahet mend dhe per damjen e disa dhjetra mija eurove per sherime në boten e jashtme të dy ish kryeministrave ( Bujar Bukoshit dhe Isa Mustafës ) ndersa qytetaret vdesin në mungesë të parave per ti ble ilaqet ma të thjeshta.

Qeveria 2. e Ramush Haradinaj do mbahet mend edhe per sjelljet arrogante e primitive të formës gansteroze të kryeministrit jo vetem me kundershtar opozitar, por edhe me deputet, me qytetar , me gazetar dhe analist. Jan ba hit i së keqes fjalët e Ramush Haradinaj; a mos ja kam vjedh kujt nanën a babën a…?

Ishin të tmerrshme e neveritës diskutimet e ti në nivel analfabeti në foltoren e Parlamentit, ishin bizare replikat e ti kerrcnuese me kundershtar politik dhe qak edhe me mikun e vet familjar te deridjeshem me deputetin e Vetvendosjes me shokun Rexhep Selimi.

Ramush Haradinaj si kryeministër do mbetet në mbamendje si kryeministri që shprazi thesarin e shtetit dhe të cilit për këtë nuk guxonte ti kundervyhet as ministri i financave z. Bedri Hamza. Vetem nji here ministri Hamza ka kundërshtue menyren e vjedhjes ditën per drekë të thesarit shtetnor qe bahej me urdhnin e kryeministrit Ramush Haradinaj, bile ministri Hamza pat refuzue ta merr pagen e vetë me rritje që u pat ba me diktat dhe urdhën nga kryeministri e që per rritjen u pat arsytue se i duhen per këmisha e kravata.

Qeveria Haradinaj 2. do mbahet mend edhe si qeveri që i hangër qershijat e pshurrta. Kur Kryeministri Akademik Isa Mustafa e solli per dekretim në Parlament Demarkimin e kufinit me Malin e Zi, Ramush Haradinaj me deputetet e vet bashk me partitë opozitare VV dhe NISMa e kallshin Prishtinen me protesta me koktej molotovi si dhe qajshin koka policësh me gur , sulmojshin pronat private e shtetnore dhe bajshin edhe atentate në eskorten e Kryeministrit Mustafa tue i vendos zingjir me gozhda per ti pelcitë gomat e veturave të eskortës.

I sulmoni shtepinë e Kryeministrit Mustafa dhe edhe vëllaun e semuer ja maltretonin tue ja ba subjekt sulmesh per ta denigrue Kryeministrin Mustafa. Por kur erdhi dhe u ulë në karrigen e të parit të qeverisë Ramush Haradinaj sado që kishte nji qeveri e formueme nga minjoranca parlamentare ai e kaloj në Parlament demarkimin e kufinit me Malin e Zi po në ata kufinjë që ishin edhe kur ligjin e pat sjellë në Parlament edhe kryeministri Isa Mustafa. Pra i gëlltiti qershijat e psh…

Ramush Haradinaj do mbahet mend si kryeministri ma primitiv dhe ma nonshalant që me sjelljet e veta të retorikës turbopatriotike qak edhe tue u paraqitë si kangëtar folklorik nëper tubime të ndryshme ku me at zanin e vetë të shtjerrt pa asnji notë muzikaliteti shpesh dukej si klovn e shpesh si i smuer mental dhe bahej herë qesharak e herë tragjikomik.

Ramush Haradinaj do mbahet mend se punsojë farefis, miq e militant partie dhe asnjihere nuk u turpnue per këto veprime.

Ramush Haradinaj do mbahet mend si mashtrues me taksen 100% per mallnat serbe e boshnjake.

Vetem militantet e AAK-së mund mos ta kenë verejtë se pse e vendosi taksen kryeministri dhe cili ishte qellimi i ti me te. Ndersa qytetari i Dardanisë gjithandej vendit e ka kuptue rrenën dhe mashtrimin sepse vendimi per taksen 100 % së pari kishte qellimin per perfitime politike jo vetem per veti, por edhe per partinë e ti AAK-në ndersa kontrabanda e mallnave lulëzojë ma shumë se kurr por tash në forma tjera , në forma mafioze , banditeske që ban që mallnat serbe e boshnjake të futen panderpre në Dardani , por permes kontrabandistve dhe permes shteteve tjera fqinje si Mali i Zi, Shqipnia e Maqedonia Veriore e edhe permes Turqisë . Dhe normal se nga kontrabandistët gjithmonë asht vjelë edhe haraqi ashtu si ka veprue kjo parti prej se asht krijue dhe që unë kam të drejtë per këte qe po shkruej ( se AAK asht parti që mbledh haraq ) e kan deshmue shumë vite ma parë ish deputetet Adem Grabovci , Dardan Mulliqaj etj, etj.

Ramush Haradinaj do mbahet mend edhe per ekskursionet e veta nëper bjeshket e vendit e ma së shumti në ato të Istogut ku vinte me nga disa militant muskuloz dhe ai vet bante fotografi mes tyne tue tregue trupin lakuriq nga beli e perpjetë dhe muskujt e ti ndersa rreth ti militant të armatosun me armë të gjata.

Ramush e Daut Haradinaj do mbahen mend si lider të AAK-së qe para pak kohe detyruen të ju largohet nga partia Liderja e forumit të grues së AAK-së zonja Donika Kadaj -Bujupi dhe të kalon në VV, e të cilen paturpsishtë në foltore të Parlamentit e pat ofendue Dauti me shpifje se gjoja ajo e paska nanën serbistfolëse. Ju kujtohet thanja cinike e poshtruese e Dautit; …. kujdes mos po të idhnohet nana Donikë. Dhe per këtë unë e kam pas shkrue nji shkrim ku pata vertetue se Donika asht pinjolle e nji familje patriotike e fshatit Lubozhdë ( që asht edhe vendlindja e autorit të këti shkrimi ) dhe se nana e sajë zonja Mirsade Kadaj asht vajza e tash të ndjerit Beqir Kamberaj nga fshati Suhogerrlë në kufi me territorin e Drenicës. Mjerishtë zonja Donika Kadaj -Bujupi perseri u këthye në AAK. Shpresojë ti ketë kerkue Dauti e Ramushi falje per ofenimin që ja paten ba.

Qeveria 2. e Ramush Haradinaj do mbahet mend se lejoj fryemjen e listave të Veteranve të UÇK-së per së paku katër herë ma shumë se sa në realitet ka pas luftëtar UÇK-ja. Dhe do mbahet mend se kerrcnojë me jetë Prokurorin e ndershem z. Elez Blakaj që zbulojë diku mbi 19.000 veteran fals dhe per këtë Prokurori Blakaj u detyrue me ik në SHBA ku gëzon mbrojtjen e shtetit Amerikan.

Dhe ky rast e ka damtue jashtzakonisht shumë jo vetem imazhin e shtetit ma të ri në botë ( Dardanisë ) por edhe mardhanjet jetike që i kishim me SHBA-të.

Qeveria 2. e Ramush Haradinaj do mbahet mend se stopoj rrugtimin shtetndertues të Dardanisë dhe se i ftohu mardhanjet me miqët tanë europrendimor . Dëshmi per këtë janë deklaratat e panderpreme të Ambasadorve të Mbretnisë së Bashkueme, Gjermanisë, Austrisë, Zvicrrës, Norvegjisë si dhe të SHBA-së. Nji ish Oficer i KFORIT norvegjez që tash në Norvegji asht fut ne politikë , para disa ditve lexova në shtypin norvegjez se si ai deklaron se asht fut me të vetmin motiv se nese bahet deputet ai do ban çmos me bind Mbretninë Norvegjeze me terhjek pranimin e shtetit të Dardanisë.

Qeveria 2. e Ramush Haradinaj do mbahet mend se nuk e pat asnji njohje, por që njohjen e shtetit Dardani e terhoqen disa shtete që e kishin pranue ma heret.

Qeveria 2. e Ramush Haradinaj do mbahet mend se e shtyeu në pakufi liberalizimin e vizave per qytetarin e Dardanisë dhe ky qytetar mbet i vetmi me jetue si në rezervat pa pas mundësi me levizë lirshem nëper botë.

Qeveria 2. e Ramush Haradinaj do mbahet mend se gjatë kohës sa e pat pushtetin në vend pati ma së shumti vrasje per shkaqe banale, per fajde, per bixhoze, per kontrabandë të llojeve të ndryshme etj. Me nji fjalë do mbahet mend se në kohen e sajë lulzojë krimi.

Qeveria 2. e Ramush Haradinaj do mbahet mend se i lirojë nga burgu dhe ju hoqi akuzat të trija grupeve bandite e kriminele që i pat arrestue , gjykue e denue drejtësia e shtetit në kohen e qeverisë se Akdaemik Isa Mustafës .

Qeveria 2. e Ramush Haradinaj do mbahet mend se kusherini i ti i afërt enveristi Nasim Haradinaj në studio të TV Dukagjinit deklaron publiksiht :….. punë e madhe që janë vra njerzit e LDK-së. Apo edhe kur publikisht shkruen dhe dekalron LPK-isti tjeter Ibrahim Kelmendi se : nuk di gja per vrasjen e Kolonel Ahmet Krasniqit, por do ndihesha krenar po ta kisha vra vetë.

Qeveria 2. e Ramush Haradinaj do mbahet mend se deputeti Milaim Zeka haptas flet se si Bujar Bukoshi paska pas dhanë para nji veprimtari të LPK-së per me i vra e eliminue Dr. Ibrahim Rugovën e Fehmi Aganin.

Ne secilin shtet ligjor per këto deklarate do duhej të thirreshin nga prokurori këta njerëz që deklarojnë kështu. Kjo nuk ndodhë në pushtetin e Ramushit.

Ka edhe qindra mija arsye të bizarshme, të liga, të poshtra e kriminale që do mbahet mend qeveria 2. e Ramush Haradinaj, por unë këtu po ndalem e nuk po numrojë tjera. Mjaftojne këto që i ceka dhe tash e pyes secilin qytetar që do del me votue në zgjedhjet që do mbahen së shpejti a jua merr mendja se do e nderprisni mjerimin që ka kaplue vendin qe 20 vjet pas luftës nese perseri do jipni votat per njerëz si Ramush Haradinaj, si Daut Haradinaj, si Kadri Veseli, si Sami Lushtaku, dhe sa e sa hajnave e banditve tjerë që per 20 vjet e kan rjep vendin, e kan sakatue ekonominë e vendit, e kan prue qytetarin me ikë diku jasht e ma kurr mos me mendue me u këthye në vend, e kan shkatrrue shendetësinë, arsmin, shkencën, kulturën qak edhe historinë na e kan ndryshue dhe që kan ba qindra e mija miliona euro pasuni per veti per familjet e veta dhe per militantet e vetë partiak.?!

Unë mendojë se këta bandit të klanit PRONTO dhe PAN-it, të luftëtarve dhe të ” LUFTËTARVE ” njihere e pergjithmonë duhet populli, votuesi me i hjek qafe, me e shpetue veten , familjet dhe shtetin prej tyne. Dhe kjo bahet shumë lehtë. Mos i votoni. Mos u shitni per nji vend pune, per nji post, mos shitni voten per nji drekë apo per nji darkë, apo per 20, 50, 100 euro etj. Mosni se vendi i punës qe juve do e fitoni sado që juve personalisht do ju sjell ndoshta fitime, ju nuk duhet me harrue se atë vend se keni pergjithmonë dhe se me votat qe i keni dhanë per vend pune ju jeni ba pjëse e bandes shtetshkatrruese, e shkatrrimit të arshmënisë se femijëve e nipave e mbesave tueja.

Vetem juve mund ta bani mrekullinë per të miren e vendit. Dhe aspak nuk asht e vështirë ta bani shpetimin tuej dhe të vendit tuej. Mos votoni asnji nga keta bandit.

Do me pyesni kend me votue?! Pergjigjëja ime asht kjo; … votoni njerzit e arsimuem, njerzit që njifen si ekspert të profesioneve të ndryshme. Harroni militantet e partive, harroni komandantet dhe luftëtaret sepse ata nese kan ba luftën,thuejuni ju falemnderit, por mos harroni se ka 20 vjet që po e sundojnë dhe po e zhvatin shtetin dhe popullit ju ka shtue mjerimi ma shumë sot se në kohën e pushtetit të Millosheviqit pikrisht nga ish komandantet dhe ish luftëtarët.

Mrekullia do ishte sikur të votohej LDK-ja , sikur LDK-në ta nxirrte populli partinë fitues me mbi 60% të votave. Nuk e them këtë pse jam vetë aktivist i vjeter ( 30 vjet ) i LDK-së, por e them per faktin se ashtdeshmue si parti shtetndertuese që ka kuadro Akademike në strukturat e sajë dhe per faktin se asht nder partitë që nuk ka afera per krime , per korrupsinon, per nepotizem. Ka ndoshta individ ( tre katër veta ) që perfliten per të tillë, por në pergjithësi asht parti me vizion europrendimor dhe mos ta harrojmë se neve si popull vetem rrugtimi europrendimor na shpeton. Per ndryshe do zhdukemi se shpejti.

Votoni edhe Levizjen Vetvendosje, dhe perkrahni koalicionin LDK-VV, ama ju therras juve militantve të LDK-së qe mos kerkoni nga lideri i VV-së , nga Albin Kurti me shkue me vizitue varrin e Dr. Ibrahim Rugovës. Ka disa ditë që po lexojë deklarata dhe shkrime të tilla nga disa ish deputet të LDK-së dhe nga disa militant të sajë. Ma mire mos ta viziton fare Albini varrin e Ibrahim Rugovës nese ai nuk e ndjen vetë si nderë dhe obligim ta bajë këtë. Por juve kerkoni nga Albin Kurti që ai tua këthej shpinen lidhjeve të ti të mistershme me lider fetar musliman, me lider të shteteve të lindjes dhe edhe kerkoni ta prezantojë Programin partiak qeverisës per zhvillim të shtetit në të gjitha segmentet e ti dhe vetem në program qeverisës bashkpunoni e gjeni kompromise, por pa leshue asnjihere pe në distancimin nga lidhjet dhe bashkpunimi me Turqinë ( sot per sot Dardania e besa gadi edhe Shqipnia jan ba vilajete të Sulltan Erdoganit turk) si dhe me shtete tjera muslimane. Dhe nese Albin Kurti ndryshon qendrimet per SHBA-të, per prendimin dhe per ideologjinë shtetndertuese mbi bazat e demokracisë dhe lirive e barazive njerzore , pra nese ai heqë dorë nga ideologjia sllavokarpatiane e stalinizmit enverist ideologji që ja mesojë mirë qysh kur ishte student baba i ti ideologjik Adem Demaqi, pse jo LDK dhe ju votuesit mos ta perkrahni Albin Kurtin edhe per Kryeinistër. LDK me komplet Kryesinë e sajë ka obligim dhe borq vendit me ba program qeverisë me partnerin e koalicionit dhe aspak ska pse ngulë kambe per postin e të parit të qeverisë e as per poste tjera. Kuptoni njihere se vendi asht ne rrezik, vendi po mbetet shkret sepse rinia iku në boten prendimore dhe mos harroni rrezikun se vendi mundet me u popullzue me emigrant nga bota arabe e muslimane e Afrikës dhe Azisë. Trendet e politikës globale botnore me bajnë me dyshue dhe me pas frikë se kjo e zezëditë ka me na gjetë po vazhdojë vendi me u sundue nga klanet mafioze të PDK, AAK, AKR, NISMA, PSD etj, etj. Andaj kujdes ju votues me voten se kujt po ja jepni dhe poashtu kujdes LDK me kend po bani koalicion dhe mos kerkoni poste per qeverisje, por kerkoni program qeverisë sepse vetem me programe qeverisëse qeveristet vendi.

Istog: 23.08.2019

Shpërbërja e kuvendarëve cirkusantë! – Nga SKËNDER MULLIQI

Ka kohe qe po mbahen zgjedhje te jashtezakonshme. Ata qe marrin vesh ne politike, e dine mire se keshtu po veprohet per ti ikur Reformes Zgjedhore nga ana e krereve te partive kryesore politike ne pushtet. Reforma zgjedhore shume prej ketyre njerezve qe jane ba bajat ,dhe te gerditshem me reforme zgjedhore, do ti qite prej lojes politike. Kete gje nuk po e lejojne se me pushtet ne Kosove po lidhen edhe vjelja e te mirave materjale pa karar.

Shume nga keta njerez te politikes , jane bere hora e botes. Nuk ishin aty per ti perfaqesuar interesat e popullit, por per ti realizuar interesat personale , familjare e interesat e grupeve te caktuara biznesore.Shume pak deputete e kan pasur vendin ne uleset e kuvendit si organi me i larte i shtetit.Une shpesh i kam quajtuar por edhe me te drejte Cirkusant, mashtues dhe manipulator. Voten qytetaret nuk ua kan dhene qe te sallamaditen duke marr paga te majme , duke marr honorare dhe duke realizuar interesa private.Droje shume se edhe ne zgjedhjet te cilat do te mbahen shume shpejt pas shperndarjes se kuvendit, pak gje te hajrit do tu sjellin qytetareve.

Me fytyra te njejta e bajate politike qe Kosoven e sollen ne dergje te lige, zor qe do te kemi gje te hajrit.Megjithate edhe pse shpresat shume jane venitur, megjithate duhet gjetur qytetaret kurajon dhe forcen ,qe gjithe keqberesit pa shkuar shume kohe, ti hudhin ne berllogun e historise.Dy gisht fytyre thote nje fjale e popullit jane.Keta me qene fytyra me hektare te tere ia falin dreqit.Edhe me keq , se keqperdorimet e vazhdueshme te parase publike , largimeve masovike nga vendi, varferise, eshte falja e tokave armiqeve tane shekullor . Kjo tradheti nuk i falet askujt pa marr parasysh postin dhe poziten shoqerore…Freski e madhe per te gjithe ne, do te ishte qe shume fytyra te kompremetuara dhe bajate te skenes aktuale politike, te cilat na u serviren ne medie dhe pushtet per 20 vite mos ti shohim me kurre ne publik…

Haradinaj iu përgjigjet mediave serbe: Do ta mbaj Serbinë jashtë Kosovës

Pas ftesës së Gjykatës Speciale për Ramush Haradinajn, mediat serbe në vazhdimësi kanë propaganduar rreth asaj se për çfarë është ftuar ish-komandanti i Zonës së Dukagjinit në Gjykatën Speciale.

Disa media të pushtetit në Serbi propagandonin se Haradinaj është ftuar në Speciale rreth rastit të “Shtëpisë së Verdhë”, ndërkohë politikani serb Millovan Dreçun thoshte se kanë grumbulluar ‘fakte’ të reja kundër Haradinajt të cilat i kanë deponuar në Hagë.

Ndërkohë së fundi në mediat serbe po raportohet kinse për një dëshmitar serb me emrin Dragoljub Stankoviq, i cili do të dëshmojë në Gjykatën Speciale.

Siç i ka thënë Stankoviq gazetës serbe ‘Politika’, “Haradinaj do të gjykohet për periudhën pas 30 shtatorit të 1998-ës”, raporton Gazeta Express.

Ai ka thënë se “ka dëshmi të shumta të cilat do ta shpallin fajtor Ramush Haradinajn”.

Lidhur me këtë ka reaguar sot ish-kryeministri i Kosovës dhe kreu i AAK’së, duke thënë se diçka e tillë po vjen nga mbetjet e Sllobodan Millosheviqit.

Haradinaj thotë se tashmë Kosova është shtet me ushtri, dhe se Serbia nuk do të ketë më asgjë në Kosovë.

“Mbetjet e Millosheviqit nuk po ndalen! As unë nuk do te ndalëm që ta mbajë Serbinë jashtë Kosovës. Fuqizuam shtetin tonë me ushtri dhe përmes tarifave kemi mbrojtur tregun tonë. Kosova është shtet sovran në tërë territorin e saj dhe Serbia nuk do të ketë kurrë më punë këtu!”, ka thënë Haradinaj./GazetaExpress/

Nisma dhe AKR-ja nënshkruajnë marrëveshje për koalicion parazgjedhor

Nisma Socialdemokrate dhe Aleanca Kosova e Re, kanë nënshkruar marrëveshje për koalicion parazgjedhor.

Kryetari i Nismës Socialdemokrate, Fatmir Limaj gjatë një konference për media, tha se ky koalicion parazgjedhor, do të jetë “faktori përcaktues” për Qeverinë e ardhshme të Kosovës, që do të dalë pas zgjedhjeve të parakohshme parlamentare.

“Nisma dhe AKR-ja do të jenë faktori kryesor në qeverisjene ardhshme. Ky koalicion do të jetë përcaktues i Qeverisë së ardhshme të Republikës së Kosovës”, tha Limaj dhe shtoi se presin edhe parti të tjera, t’i bashkohen këtij koalicioni.

Ndërkaq, kryetari i Aleancës Kosova e Re, Behgjet Pacolli tha se këto dy parti do të garojnë në një listë të përbashkët zgjedhore.

“AKR-ja dhe Nisma do të jenë në koalicion parazgjedhor, do të garojnë në një listë të përbashkët. Lista do të ketë kandidatin e vet për kryeministër”, tha Pacolli.

Ky është koalicioni i dytë parazgjedhor i arritur në Kosovë.

Ditë më parë, Aleanca për Ardhmërinë e Kosovës dhe Partia Socialdemokrate nënshkruan marrëveshje për koalicion parazgjedhor.

Më 22 gusht, deputetët votuan për shpërndarjen e legjislaturës së gjashtë të Kuvendit të Kosovës, duke e çuar vendin në zgjedhje të parakohshme parlamentare.

Pas shpërndarjes së Kuvendit, presidenti i Kosovës, Hashim Thaçi njoftoi se shumë shpejt do të caktojë datën e zgjedhjeve.rel

Kosnett: Kosova ekstradon një të kërkuar nga Shtetet e Bashkuara

Ambasadori amerikan në Prishtinë, Philip Kosnett, tha se një person nga Kosova është ekstraduar në Shteteve e Bashkuara, duke shënuar kësisoj edhe rastin e parë të zbatimit të marrëveshjes për ekstradim të nënshkruar ndërmjet të dyja vendeve.

Në një postim në rrjetet sociale ai shkroi se “në qershor Shtetet e Bashkuara dhe Kosova përmbyllen marrëveshjen e Ekstradimit. Sot ne e jetësuam atë për herë të parë për të kthyer një të arratisur nga Kosova për gjykim në Shtetet e Bashkuara. Kur e shndërrojmë sundimin e ligjit një përparësi të përbashkët, kriminelët përballen me drejtësinë dhe të dyja shtetet janë më të sigurta”, shkroi ai, por pa dhënë ndonjë hollësi për kë bëhet fjalë.

Zëri i Amerikës mëson se i ekstraduari është Ymer Shahini, i cili ndodhej në arrati deri në qershor të këtij viti kur ishte arrestuar nga policia e Kosovës dhe po kërkohej nga drejtësia amerikane nën dyshimin për përfshirje në një skemë mashtrimesh me letra me vlerë.

Sipas departamentit amerikan të Drejtësisë, nga viti 2009 deri në vtin 2011, Jason Galanis, së bashku me bashkëpunëtorët tjerë, John Galanis, Gary Hirst, Derek Galanis, Ymer Shahini, dhe Gavin Hamels, u përfshinë në një skemë për të mashtruar aksionarët e Gerova Financial Group, duke realizuar transaksione të letrave me vlerë në këtë kompani.

Në shkurt të vitit 2017, Jason Galanis është dënuar me mbi 11 vjet heqje lirie.

Në mars të vitit 2016, Kosova dhe Shtetet e Bashkuara kishin nënshkruar marrëveshjen për ekstradim, që sipas zyrtarëve kishte për qëllim, përveç forcimit të partneritetit dhe përcaktimit për rend dhe ligj, të garantojë po ashtu se kriminelët që paraqesin rrezik për rendin dhe sigurinë e qytetarëve e të dyja vendeve, do të ndiqen dhe do të vihen para drejtësisë.

Marrëveshje ishte cilësuar historike pasi që e zëvendësonte atë ndërmjet qeverisë së Shteteve të Bashkuara dhe mbretërisë së Serbisë, të nënshkruar në vitin 1901.

Në qershor të këtij viti, zëvendës ndihmësi i Sekretarit amerikan të Shtetit, Matthew Palmer, dhe ministri i Drejtësisë në qeverinë e Kosovës, Abelard Tahiri, nënshkruan protokollin e instrumenteve të “ratifikimit të marrëveshjes së ekstradimit në mes të Kosovës dhe Shteteve të Bashkuara të Amerikës”. za

Band-itët e Partisë ”Demokratike”, Aleancës, të Nismës -it dhe ”band-illët/et” e LDK-së – Nga Sinan Kastrati

Bandat mafioze të Italisë Jugore dhe komandantët banditë të Kosovës

”komandantët” e veteranët mashtrues duan që me ligj ta ”mbrojnë luftën e pastër të UÇK-së

E vërteta jeton

E vërteta jeton, titullohej një dokumentar për bandat mafioze italiane. Në të folmen popullore thuhet edhe kështu ”E vërteta del edhe nga dhèu (toka, varri)”

Para disa ditëve, pasi erdha nga puna, natyrisht i lodhur, nga mosha, mërgimi e besa edhe merzia, hapa televizorin jo pse dëshiroja por pse isha mësuar që në mbrëmje të shikoj lajmet në Kosovë dhe në Shqipëri. Papritur, më dolën disa skena si në kohë lufte në një televizion të huaj dhe aty u ndala. Fillova ta hikoj me një interesim një film dokumentar për Bandat nafioze italiane, të viteve 1970-ta, 1980-ta. Ishte tmeruese kur dëgjoje nga goja e familjarëve për vrasjet dhe vrasësit që kishin ndodhur dhe se askush nuk guxonte ti lajmëronte policinë e as të dëshmonin kur i thërrisnin në procset gjyqësore.

Ajo që më mbeti në kujtesë ishte se si një motër (vajzë) me emrin Rita del publikishte dhe tregon se si ia kanë vrarë vëllain. Ishte e para femër që e tha te vëtetën ”E verteta jeton”, por nëna e saj, pas vrasjes së saj, ia prish edhe varrin nga friga e bandaave se do të hakmerren ndaj antarëve të tjerë të familjes.

Dhe në fund, janë gratë, motrat e nënat e vrasësve që dëshmojnë dhe i pshtyejnë në fytyrë banditët, prapa grilave duke iu thënë: ju nuk jeni burrat, baballarët e vëllezërit tanë.

Mua, pas një fejtoni për ”luftën”, për veteranët mashtrues, në një fejton të shkurtër, në 7 vazhdime, për Drenofcin e Zatriqit me titull ”A kishte organizim ushtarak, “Shtab” të UÇK-së dhe “luftë çlirimtare në Drenofc të Zatriqit e rrethinë?, një grua që tash jeton jashtë më shkruante ” O faleminderit vllavi jem që kishe shkruajt për vllavin tem”. Unë u bëra kurreshtar dhe e pyeta: A mundesh me folur, me më tregua se si ta kam marrë vëllain bandat e uck-së në Drenofc të Zatriqit, ajo më tha: ” O të lutem mos ma përmend emrin se më kanë thënë vllaznit ”nëse nuk i tërhiqni deklaratat që i keni dhenë policisë e hetuesisë së UNMIK-ut, edhe juve e shtëpinë kemi me ju kall të gjallë”.

Po në Kosovë a kishte banda mafioze në vitet 1998, 1999, atherë e tash?

-Po!

Ato banda mafioze ishin të organizuara dhe të ushtruara për plaqkitje, kidnapime e vrasje . E banditët ishin, ish udhëheqësit e të ashtuaquajtur ”Shtabi i ish UÇK-së” me Hashim Thaçin e Xhavit Halitin (Ramush Haradinaj nuk ishte antar shtabi), Rexhep Selimin, Kadri Veselin e Jakup Krasniqin, Farmir Limajn e ndonjë tjetër.

Sot, kur pritet të mbahet mbledhja e Kuvendit të Kosovës,që ndodh vetëm në Kosovë, deputetët ta rr`xojnë vetvehten mu kujtuan premtimet e disa prej këtyre banditëve që i kishin premtua elektoratit të tyre se si Kosovën do ta bëjnë parajsë e ”Paris”, Zvicërr, Zelandë e çka jo tjetër.

Ishte kryeband-iti Hashim Thaçi që para masës së tubuar në Mitrovicë i rrejti puntorët shëndetësor se do të k`thehen në vendet e tyre të punës e Mitrovica do të bashkohet.

Serbia e shprendau parlamentin e Kosovës, më 1990 e tash Hashimi, Kadriu e Ramushi e rr`xojnë vet-vehten.

Ngjashmëritë janë të shumta. ”Udhëheqësit” shqiptarë po të luanin Cicimic me ata serbë, shqiptarë do të dilnin fitues ndaj pushtetit dhe pushtuesit serbë, për të cilin edhe kjo udheqje e këta ”komandantë” janë pushtues apo zaptues të Kosovës.

Rexhep Selimi ndihet “krenar” se e shkarkoi Tahir Zemajn

Dhe Rexhep Selimi i cili, krenohet paturpësisht se si paska nënshkua që Ramushi të bëhet ”komandant” i ”Dukagjinit” e të shkarkohet kolonel Tahir Zemaj, atherë e tash jeton pa i hi ”asnë therrë në kâm”, bile as Gjykata Speciale nuk e ka thirr as si dëshmitar.

Rexep, disa pyetje: A ka pasur ”ushtria” juaj, ato ”tri shkronja” hierarki?

Kush ishte komandant Suprem i asaj ”ushtrie”? Me cilat ligje dhe me cilën Kushtetutë vepruat, punuat e ”luftuat” ju, bandat e Drenicës dhe të Dukagjinit?

Dhe vërtetë, a ishit ushtri apo guerile?

Sipas ekspertëve ushtarakë dhe oficerëve të karierës, ju keni qenë guerile e ata kanë qenë ushtri sepse kanë bërë luftë frontale e ju keni ”luftua” me nofka, me maska e me konspiracion dhe nuk keni pasur asnjë betejë e nuk keni e keni shkrep pushkën asnjëherë dhe nuk e keni hargjua asnjë fishek.

Por Rexha thotë ”se e çmon veprën e Rugovës i cili arriti të bashkoj të gjithë popullin në kohë diktature, pa përdorur mjete të dhunës. Por ai përmend edhe dy gabimet e tij.

“Organizimi i zgjedhjeve në kohë lufte ka qenë gabim. Kosova atë kohë ishte e përgjakur”, thotë Selimi.

“Gabim i madh po ashtu ka qenë vizita në Beograd në vitin 1999”.

Rexhë qysh shkuat në Rambuje si banda cubash, a kishit legjimitet dhe qysh sipas teje përfaqësohet një parti apo organizata juaj ”ushtarake”në një ngjarje aq të madhe siq ishte Konferenca e Rambujesë ?

Po Jakup Krasniqi e … Rexhep Qosja kënd e përfaqësuan, cilën parti?

O Rexhe qiftat tu, pakë lind`shin e shumë vdekshin!

Rexhe, ku ishe ti kur I. Rugova shkoi për ”vizitë” në Beograd?

Ti Rexhep, ke mbyt miza nëpër male. Harrova, a e ke pasur edhe lahutën e qifteline me vete?

Cilit ”komandant” i këndove për së gjalli?

E Kadri Veseli, do të thonte, para pakë ditëve ”Do ta luftojmë korrupcinin qysh e luftuam dhe e mundëm Serbinë.

Pasi e përfundova këtë shkrim, në televizor pash se deputetët e rr`xuan vetvehten e ta po thonë e shprëndam arlamentin.

Në vazhdimettjera do të flas për:

DOSJA ITALIANE: Emrat e 183 spiunëve të UDBA-s (1945- 1990), Adem Demaçi në Nr.20 par Press Independent•29 juil., 2018•0 Commentaires,

Rrahman Paçarizi: Çfarë kryeministri po m’duhet?,

Hajn e profiter, mercenar e Boshko Buha – i thot Thaci Anton Qunit, nga njeshi F 26 Prill, 2019,

Thaçi në Euronews: Kam qenë larg nga frontet e luftës telegrgrafi.com, 13.02.2014 • 23:14

https://telegrafi.com/thaci-ne-euronews-kam-qene-larg-nga-frontet-e-luftes/

Dardan Gashi flet pas njoftimeve se ka kaluar në NISMA

Se nuk e ka braktistur ende Lisën Rugova, të paktën jo zyrtarisht po e mohojnë edhe në partinë e Fatmir Limajt

K.Veseli: ”Ashtu sikur e kam çliruar Kosovën nga Serbia njëzet vjet më parë, ashtu do ta çliroj edhe nga korrupsioni (!)”

”Hashim Thaçi kur i premton protestueseve kthimin ne veri te Mitrovices 1999”

Fjalë, fakte e dëshmi e protestave të punonjësve shëndetësorë për të kaluar në pjesën veriore në spitalin e Mitrovicës, pas luftës, më 1999.

Protestuesve iu doli ”në krah” Hashim Thaçi, i cili premtoi se mjekët do të ktheheshin në punë në spitalin verior.

Mirëpo, që atëherë, këto fjalë të Thaçit mbetën veçse premtime

https://www.youtube.com/watch?v=v25XxcyzO4M

Thaçi: Vizat brenda 15 muajve, 30 nëntor, 2010

https://www.evropaelire.org/a/2234970.html

Vazhdon

Sinan Kastrati, Suedi

22 e 23 gusht 2019

Haradinaj: Serbia nuk është e gatshme për një marrëveshje

Prishtinë

Kryeministri në detyrë i Kosovës, Ramush Haradinaj ka pritur sot në ambientet e Qeverisë së Kosovës në një takim, një delegacion prej 60 studentësh të huaj, pjesë e programit Akademia Verore, raporton Anadolu Agency (AA).

Haradinaj në fjalën e tij u ka treguar studentëve për rrethanat politiko-ekonomike e sociale në vend. Ai tha se Kosova është vend me institucione ende të reja. Ai tha se dorëheqja e tij së fundi nga posti i kryeministrit është bërë pikërisht për t’i ruajtur këto institucione.

I pyetur nga studentët se a është i frustruar për shkak të regjimit të vizave ndaj shtetasve të Kosovës, Haradinaj e pohoi një gjë të tillë. Por tha se janë shënuar përparime në këtë aspekt.

“Lëvizja e lirë për Kosovën jo vetëm që është një e drejtë që duhet të ndodhë por, është dhe kontratë. Evropianët na e kanë shfaqur atë si kontratë. Ne i përmbushëm pjesët e kësaj kontrate që kanë qenë detyrat tona dhe ne i dorëzuam ato. Unë i dorëzova në fakt, sepse isha me këtë punë dhe dorëzova kriterin e fundit i cili ishte shumë i ndjeshëm dhe i vështirë. Pra, nuk mund të them se Evropa nuk është respektuese ndaj obligimeve tona sepse shoh përparime në vendet evropiane tani, për ta finalizuar këtë proces”, tha Haradinaj.

Kryeministri në detyrë Haradinaj u përgjigj edhe për dialogun, i cili tha se e vetmja gjë që ka mbetur është njohja reciproke e shtetësisë Kosovë-Serbi.

“Dialogu është do të thosha rruga e vetme të cilin unë e kam mbështetur në të gjitha kohërat. Në këtë fazë Serbia nuk është e gatshme për një marrëveshje dhe ata po shikojnë të gjejnë një pretekst për ta kushtëzuar dialogun. Pra, në këtë çështje taksa është pretekst për të mos u kthyer në tavolinë (dialog). Nëse nuk do të ishte kjo, ata me siguri do të shikonin për të gjetur një tjetër pretekst”, tha Haradinaj.

Sa i përket luftës kundër korrupsionit në vend, i pari i qeverisë tha se për një gjë të tillë ka dyfishuar pagat e prokurorëve dhe gjyqtarëve, kanë forcuar ekipet brenda policisë.

“Gjatë viteve të fundit, shumë aktakuza janë ngritur edhe ndaj ministrave. Kjo gjë ka ndryshuar. Kosova ka hapur luftën që të përballet ne një nga pikat e saj të dobëta që është korrupsioni”, tha ai.

I pyetur për atë se sa është e rëndësishme shëtitja në jetë, për ta parë vendlindjen me një vizion më ndryshe, Haradinaj, i cili ka jetuar në moshë të re në Zvicër, tha se ka pasur mjaft ndikim, megjithatë ai tha se kur është dashur të kthehet në vendlindje, e ka bërë.

Akademia Verore çdo vit sjell në Kosovë studentë të huaj për t’i mbajtur ata në kontakt me ligjërues e studentë vendorë. Për studentët e huaj vizita në Kosovë shërben edhe si një mundësi për të pasuruar përvojat e tyre kulturore.

Nese viteve të 90-ta njerëzit kan ikur nga vatrat e luftës, tash po ikin nga pa shpresa… – Nga Skënder MULLIQI

Sikur e kaluara po kthehet në hapësirat ballkanike. Popujt e rajonit nuk kan nxjerrë mësime të duhura nga ngjarjet tragjike, më rastin e shpërbërjës së ish-Jugosllavisë. E ardhmja nuk ndërtohet nese nuk kemi mësuar nga e kaluara jonë e vështirë , së ishim për 90 vite nën okupim. Çka është edhe me keq, po kthemi në vitet e 90-ta, kur na ishin mbyllur shumë rrugët e prosperitetit për të ardhmën . Dihet së etnonacionalizmi I tërbuar serb, dërgoi më mijëra njerëz në vdekje, shumë mbeten të gjymtuar, me mijëra ose më shumë u ndan nga më të dashurit e vet, duke I lënë përjetë të palumtur. Kjo u harrua shpejt !Nese armiqë I kemi pasur dhe I kemi serbët , gjithnjë e më shumë po armiqësohemi edhe më njeri -tjetrin që është tragjike. Po theksohen ndarjet mbi baza partiake, ndarjët në tradhëtar dhe patriotë, po kemi ndarje mbi baza krahinore e regjionale , e që nuk ish dashur të na ndodhin në asnjë mënyrë. Këtyre mbrapshtive shumë I kan kontribuar ata që erdhën në pushtete, së kështu edhe sunduan më lehtë më masën ?!Ndarja më e keqe e mundshme e cila është duke na demtuar , është ndarja në “ Krahun e Luftës’, dhe në “ Krahun Pacifist”, e të cilat teori sipas meje, nuk qendrojnë. Nuk janë të qëndrushme së mbi 90 përqind të popullatës I kan kontribuar lirisë dhe pavarësisë së Kosovës .Nese dikush ka bërë më shumë së tjetri këtë duhet përshendetur , e jo kjo të shëndrrohet në armiqësi të hapur.Si duket logjika e fiseve ende nuk është flakur. Hapja e plagëve të vjetra të armiqësive nuk na duhen , së shumë ua kemi pa sherrin .Këto plagë ishin dhe kan mbetur kunder interesit nacional të shqiptareve në Ballkan. Kthimi në logjikën e kaluar , po na pamundëson zhvillim të ekonomisë , po na pengon në zgjidhjën e problemeve sociale , dhe as që mund të flasim këtu për avansimin e procese demokratike .Sot, paralelisht po ballafaqohemi më urrejtje të armiqëve tanë , po ballafaqohemi edhe më urrejtën tanë?! Po na shkelën madje edhe liritë elementare njerëzore. Po e durojmë mjerimin social dhe nënqmimet nga oligarkia politiko-financiare.Na ka kapluar korrupcioni dhe nepotizmi etj.Si duket të gjitha këto po i vijnë këtij populli si “ dënim” për mos vetëdijësim nga mashtrimet e vazhdueshme ,të atyre që po I zgjedhim në krye të shtetit. Po përballemi më një gjendje gadi kaotike …E kështu vështirë që do ta kapim trenin e fundit evropian.Shihet së votuam ashiqare nga mos dija jonë së vota është e shejtë, e disa votuan për të realizuar interesa përsonale.Dhe, kështu pas secilës palë të zgjedhjeve rishtazi u mashtruam dhe u manipuluam .Kjo nuk e amniston askend në pikëpamje politike dhe morale ,për gjendjën e përgjithshme jo të mirë në Kosovë .Një të ardhme të tillë pak kush e ka paramenduar.Edhe pas 20 vitesh në vend të prosperimit , po na shtohen vuajtjët , po groposët gjithnjë e më shumë ajo që jetën e bën të mirë. Këta politikanë sikur kan hequr dorë nga katarza pozitive , nuk kan nxjerrë mësime nga e kaluara e hidhur e shqiptarëve .Nese viteve të 90-ta njerëzit kan ikur nga vatrat e luftës, tash po ikin nga pa shpresa…

Ruair O’Connell: “Besoj që Britania e Madhe do të jetë kundër çdo ndryshimi të kufijve në Ballkan”

Kryeministri në dorëheqje i Kosovës, Ramush Haradinaj, është takuar me ambasadorin në largim, Ruair O’Connell. Ai në këtë takim lamtumirës ka theksuar se Britania e Madhe do të vazhdojë të jetë kundër çfarëdo ndryshimi territorial në Ballkan.

Tutje, Haradinaj ka shtuar se Britania e Madhe do të jetë një adresë e sigurt për popullin e Kosovës.

“Unë besoj që Mbretëria e Bashkuar do të vazhdojë të jetë kundër çfarëdo ndryshimi territorial apo të kufijve në Ballkan, dhe do të mbetet përherë adresë e sigurtë për popullin e Kosovës, se një skenar i tillë monstruoz që i shërben agjendës së Rusisë në Kosovë, nuk do të realizohet asnjëherë”, shkroi Haradinaj.

Ai shkruan se ka falënderuar ambasadorin O’Connell për bashkëpunimin e shkëlqyer dhe ndihmën që i ka dhënë Kosovës në shumë tema.

“E falënderova ambasadorin për bashkëpunimin e shkëlqyer dhe të hapur për këto vite shërbimi në Kosovë, duke ndihmuar dhe ballafaquar Kosovën me të gjitha temat që rëndojnë rrugën tonë përpara synimit euro-atlantik”, shkroi Haradinaj.

Në fund, kryeministri në largim e cilësoi ambasadorin si “mik i dashur i Kosovës”. /GazetaExpress/

Prishtina dhe Shkupi bien dakord për heqjen e barrierave doganore

Prishtinë

Ministri i Tregtisë dhe Industrisë (MTI), Endrit Shala, ka pritur në takim ministrin e Ekonomisë së Maqedonisë së Veriut, Kreshnik Bekteshi, të martën në Prishtinë, raporton AA.

Në një konferencë të përbashkët për media pas takimit që ka zgjatur rreth dy orë në ambientet e Ministrisë së Tregtisë dhe Industrisë së Kosovës, ministrat deklaruan se kanë marrë vendim për heqjen e masave doganore ndaj njëri-tjetrit.

Ministri Endrit Shala tha se një gjë e tillë do të ndodhë jo më larg se këtë fundjavë. “Ne jemi dakorduar që deri në fund të kësaj jave, Agjencia jonë t’i përfundojë detyrat e veta dhe pas kësaj Agjencia e Veterinarisë së Maqedonisë së Veriut ta heq atë barrierë që e ka me Republikën e Kosovës”, tha Shala.

Shala tha se pas kësaj edhe Kosova do ta eliminojë masën e vendosur ndaj produkteve të Maqedonisë së Veriut.

Ministri i Ekonomisë së Maqedonisë së Veriut, Kreshnik Bekteshi, tha se masa nuk është ndërmarrë vetëm për Republikën e Kosovës, por për të gjitha shtetet që nuk e implementojnë monitorimin aktiv sa i përket vezëve të peshkut.

“U dakorduam me ministrin Shala, që gjatë periudhës që vijon Agjencia e Ushqimit e Veterinarisë e Republikës së Kosovës të implementojë apo të përgatisë programin sa i përket monitorimit aktiv sa i përket produkteve të theksuara më herët dhe në atë moment kur AUV do të dëshmojë se fillon me implementimin e programit, me siguri që ne si Qeveri apo Agjenci në kuadër të Maqedonisë së Veriut do të lejojmë importin e këtyre produkteve në vendin tonë”, tha Bekteshi.

Bekteshi tha se Maqedonia e Veriut pret që në shtator të fillojë negociatat me Bashkimin Evropian (BE), ndërsa kanë qenë të obliguar t’i implementojnë këto masa pasi kanë marrë obligime konkrete.

Maqedonia e Veriut vendimin për ndalimin e eksportit të rasatit të peshkut nga Kosova e kishte ndërmarrë më 20 qershor. Ndërsa pas disa paralajmërimeve nga Kosova pa ndonjë rezultat, ministri i MTI-së, Endrit Shala mori vendim më 16 gusht për ndalimin e eksportit të mjaltit dhe patates nga Maqedonia e Veriut.

Kosovë: Fillon kampi veror ndërkombëtar “WiSci”

Njëqind vajza nga Shtetet e Bashkuara, Kosova dhe vendet e rajonit, janë mbledhur në Prishtinë ku do të qëndrojnë për dy javë sa do të zgjasë kampi veror i vajzave për shkencë, teknologji, inxhinieri dhe matematikë.

Kampi i njohur si WiSci synon të nxisë pjesëmarrjen më të madhe të vajzave në këto fusha, thotë drejtoresha e tij Bailey Leuschen.

“E para është të rritet vetëdijesimi, interesimi i vajzave dhe aftësitë e tyre në fushat e shkencës, teknologjisë, inxhinierisë dhe matematikës, sepse këto janë vendet e punës të shekullit njëzet e një dhe e dyta që lidhet me këtë, është mësimi ndërkulturor. Për t’i pasur këto aftësi duhet të dish t’i përdorësh ato. Bota jonë është shumë e lidhur sot dhe fakti që kemi këtë kamp ndërkombëtar është i qëllimshëm për t’i nxitur vajzat që të mendojnë si pjesëmarrëse të tregut global të punës dhe e treta është barazia gjinore. Ky kamp ka vetëm vajza dhe përqendrohet shumë në nxitjen e vajzave që të kenë guximin të hyjnë në këto fusha duke e ditur se kanë një komunitet mbrapa vetes, kanë mentorë dhe mbështetje”, tha ajo.

Kampi mbahet për herë të nëntë këtë verë, ndërsa Kosova është për herë të parë nikoqire e tij nëpërmjet një partneriteti të gjerë në mes të korporatës “Sfidat e Mijëvjeçarit”, ambasadës amerikane në Prishtinë, Fondacionit të Kombeve të Bashkuara “GirlUp”, organizatës TOKA, si dhe Universitetit të Prishtinës dhe Kolegjit AAB.

“Kampi veror WiSci organizohet për herë të parë në Kosovë. Ne është dashur të garojmë në baza ndërkombëtare që ta kemi të drejtën e organizimit. Vitin e kaluar është organizuar në Keni, Gjeorgji, pra ne kemi pasur një proces kompetitiv dhe në fund departamenti amerikan i shtetit ka pranuar që Kosova të organizojë për herë të parë këtë kamp”, tha Petrit Selimi, bashkërendues për Kosovën në korporatën “Sfidat e Mijëvjeçarit”.

Sarah Olmstead, nga kjo korporatë tha se “Kosova, siç njerëzit me siguri e dinë, ka një nga shkallët më të ulta të pjesëmarrjes së grave në tregun e punës në rajon. Në fakt, kjo shkallë është e krahasueshme me vendet si Gaza apo Afganistan dhe me vende të tjera të ngjashme prandaj qëllimi prapa këtij organizimi është që vajzat të marrin një ide të asaj se çfarë mund të bëjnë, të angazhohen më shumë në tregun e punës dhe në fusha të ndryshme që mund t’u duket se janë jashtë mundësive të tyre”.

Pjesëmarrëset e këtij kampi vlerësuan mundësitë që u ofron ai.

“Kjo është hera e parë që unë dëgjoj për Kosovën, kur kam aplikuar për kampin e kam njohur Kosovën për herë të parë dhe më pëlqen shumë, është ndryshe nga Shtetet e Bashkuara. Unë vij nga New Jersey dhe këtu vendi më duket shumë i hapur dhe është kënaqësi të shohësh vende e kultura të reja, shpresoj që do të kem rastin të miqësohem me vajza të cilat janë të interesuara në fushat e njëjta si unë dhe të mësojmë edhe më shumë”, tha Lakita Lloyd.

“Kam qenë shumë e ngazëllyer me pjesëmarrjen time këtu sepse janë 100 vajza që vijnë nga vende të ndryshme dhe e kam mundësinë të mësoj për kultura të reja e përveç kësaj do të mund të mësoj më shumë për shkencën, teknologjinë, inxhinierinë, artin e matematikën, është shumë përvojë e mirë”, tha Rudina Gashi

Kampi WiSci kishte filluar të organizohet për herë të parë në vitin 2015 me synimin që t’i nxisë vajzat të jenë më të pranishme në fusha që kërkojnë më shumë guxim dhe t’i përgatisë ato që të jenë konkurruese në tregun e ri të punës.

Firmoset marrëveshja AAK -PSD: garojnë me një listë zgjedhore

Kryetari i Aleancës për Ardhmërinë e Kosovës, Ramush Haradinaj dhe ai i Partisë Social Demokrate, Shpend Ahmeti edhe zyrtarisht kanë nënshkruar marrëveshjen për koalicion parazgjedhor.

Këshilli drejtues i Aleancës për Ardhmërinë e Kosovës sot ka mbajtur takimin ku është votuar që të bëjnë koalicion parazgjedhor me PSD-në.

Në një komunikatë për media tëq AAK’së thuhej se i është dhënë mandati kryetarit Ramush Haradinaj që ta zgjeruar koalicionin dhe eventualisht zgjerimin e tij me parti tjera.

“Këshilli Drejtues i Aleancës për Ardhmërinë e Kosovës, në mbledhjen e mbajtur sot, e ka votuar marrëveshjen për koalicion parazgjedhor me Partinë Social Demokrate të Kosovës. Njëkohësisht, Këshilli Drejtues i AAK-së, që është organi më i lartë drejtues i Partisë, e ka mandatuar kryetarin e AAK-së, z. Ramush Haradinaj, për diskutime për zgjerimin eventual të Koalicionit parazgjedhor të AAK-së” thuhet në komunikatën e AAK’së

Po ashtu, sot edhe Këshilli drejtues i PSD’së ka mbajtur një mbledhje në të cilën është marrë vendimi për marrëveshjen e koalicionit koalicionit parazgjedhor me AAK’në.

Mësohet se është vendosur që koalicioni të jetë parazgjedhor, pra AAK dhe PSD do të garojnë në listë të përbashkët zgjedhore.

AAK’ja ka qenë pjesë e qeverisë, duke e udhëhequr atë. Ndërsa PSD’ja ka qenë pjesë e opozitës.

FUNDI I NJË PARTIE DESPOTIKE DHE TË KRIMINALIZUAR?! – Nga BINAK MAXHARRAJ

Këto ditë ndodhi çudia,filloi të zgjodhet nyja e Gordit e lidhur qe 20 vite më parë nga një parti e cila në “emër të luftës”i shkaterroi te gjitha vlerat e luftës,duke ia humbur edhe bukurin e lirisë,duke e futur popullin në një vetemi kolektive pa kurrfarë përspektive për te nesermen.

Jehoi si një bombë e mshefur për shumë vite,takimi i shumë pritur dhe i shumë përfolur midis dy parive opozitare të cilat këto ditë e lidhën”besa-besen”e tyre se do ta heqin nga pushteti partin kriminele PDK më SHIK-un e saj për ta çthurur kapjën e shtetit nga kjo parti,për ta“çliruar”kështu vendin për të dytën herë.Jehoi si kushtrim lajmi së LDK dhe LVV u morën vesh,lidhën mareveshje aq shumë te pritur për te shkuar së bashku në zgjedhje,për ta nxjerrë kulçedën PDK dhe SHIK në opozitë,dhe për ti dhanë vendit një zhvillim dhe përspektivë këtij vendi i cili për te gjitha këto vite ishte e ngulfatur nga PDK,nga “komandantet” e saj duke e dhunuar kët vend për shumë vite.Jehona ishte e madhe çliruese, shpirterore për popullin qe më ne fundë po agon një rreze tjetër lirije,ndryshe nga ajo qe e patën kavërdisë komandantët.

Por kësaj lidhje”besa-besë”të lidhur nga lideret e LDK dhe LVV nuk po i pelqen bash hiç partisë së Kadri Veselit dhe Hashim Thaçit PDK-së e cila për te gjitha këto vite ishte parti e pabesë,tradhetuesë,e cila edhe ne pikë të nates kishte kënaqesinë të tradhëton kundërshtarin,ishte parti e “Zan Zibarit,parti e cila kur te donte e rrezonte Qeverin,parti e cila rremben i kidnapon nenshtetasit e huaj nga rruga duke i deportuar jashtë,duke i konsideruar si të rrezikshëm për vendin,anipse nuk ishin të tillë,parti e cila me punën e vetë”politike” aq shumë ia humbi autoritetit vendit ne botë,se qe shumë kush fillaoi te na e këthej shpinën,e le më qe nuk ka njohje te reja.

Tashti PDK është në panikë, po e pretë fundin e saj jo qetësisht por e kanë kapë edhet te dridhurat e vdekjës,kah ajo ka filluar shtërngata sa qe nuk mund askush ta shpetoi.Aq shumë është në panikë,iu është prishë rëhatia,gëzimi dhe hareja, janë prishë si bishat e egra,po gjuajnë më këmbë e duar sikur po jepë shpirtë.Më i zëshmi ishte Kadri Veseli dikur njeriu i nentokës dhe tashti Kryetar i PDK i cili nga zemrimi thotë së si mund te ecin bashk dy parti arëmiqësore,duke vazhduar më pastaj së këto “zgjedhje mund te vendosin pro ose kundër aleatëve tanë ndërkombëtar”.Më LDK dhe LVV nuk humbët paterniteti me aletat tanë nëdrkombetar,por përkundrazi forcohet.Këte partneritet e ka luahtur vete PDK për shumë vite.Por këtij zëri të çjerrët të Kadri Veselit i bashkohet edhe Bossi i SHIK-ku Elmi Reçica i cili takimin midis Mustafës dhe Kurtit e quan të quditëshëm dhe jo normal,bile Albin Kurtin e quan edhe si njëfarë vegle,i cili për shkat te protestave LVV nuk e lidhë me asgje me PDK,por ai ka harruar se këto protesta ishin ba përshkak të qeverisjes se keqe të PDK.Edhe ministri Hekuran Ismali është i hutuar dhe i humbur për kët katastrofë qe se shpejti do ta përfshinë orteku i pamshirshëm LDK – LVV.Por,ne pakufi e kishte kapë paniku Ganimete Musliun,e cila nga humbja e sigurtë e PDK po i quan lideret për shpetimin e Kosovës Mustafën dhe Kurtin si Sllobo ,kurse Isën Putin.Ja deri ku i qonë paniku njërezit pa integritet,pa kulturë dhe edukatë.Por,Ganja ndryshe nga të tjeret gjatë kohës së sajë në opozitë mund te kënaqet me zanatin e sajë të vjetër duke i mjelë bullicat në Drenicë.

Pas gjithë kësaj panike qe e ka kapë PDK qe nga kreu i sajë e të poshtë ka mbetë si pula pa krye,është çorijentuar krejtësishtë,sulmon si bisha e qartur kur donë më dhanë shpirtë.Dhe vërtët PDK është duke dhanë shpirë, i ka qastet e fundit,për te dalë nga”lavdia e sajë”në shkaterrimin e shtetit.Ajo me vehte do ta bartë edhe shkaterrimin e vetëvehtës.PDK e pretë shkaterrimi i sajë,ajo kurr nuk do të jetë ajo qe ka qenë.PDK ose duhet te reformohet dhe te heq dorë nga “komandantet” dhe SHIK-ku qe e prunë në këtë gjendje duke dhanë shpirtë.Në të kundërtën shkatërrimin e sajë e ka te dera.

Vetem pasiqe te dalë në opozitë për shumë vite të cilën e ka të sigurtë së do ti ndodhë,ajo duhet të ulët qe së pari t’i qeron hesapët me vehtëvëhte,ta heq të tërë llumin qe ia ngjiti vehtes për të gjitha këto vite,ose në te kundërtën e pretë një rrugëtim i gjatë në opizitë nga e cila zor së do të këthehet.

Bllokohet autostrada “Ibrahim Rugova”, një i vdekur e disa të lënduar rëndë

Në aksidentin e sotëm në autostradën “Ibrahim Rugova” ka humbur jetën një person ndërsa katër të tjerë kanë mbetur të lënduar, shkruan Gazeta Express

Aksidenti ka ndodhur mëngjesin e sotëm, ndërkaq lajmin për Express e ka konfirmuar edhe Zëdhënësi i Policisë Daut Hoxha.

Hoxha ka dhënë detaje të reja nga aksidenti ku një person ka humbur jetën dhe katër të tjerë kanë mbetur të lënduar.

“Bazuar ne informacionet e para është raportuar për një aksident të rëndë Trafiku me pasoja fatale, të shkaktuar sot rreth orës 10:00 paradite në Autostradën “Ibrahim Rugova” ku një person ka humbur jetën dhe 4 tjerë kanë marrë lëndime trupore. Njësitet kompetente policore për menaxhimin e trafikut në autostrada janë duke u marrë me rastin dhe duke hetuar shkaqet dhe rrethanat se si ka ardhë deri te ky aksident tragjik. Rreth orës 10:30 autostrada drejtimi Duhël-Suharekë është bllokuar për qarkullim”, ka theksuar Hoxha.

Kurrë nuk pushuam të besojmë në magjistarë, në vend që t’i përkrahim intelektualët dhe njerëzit eminentë të kulturës! – Nga Skënder MULLIQI

Si shtete dhe si komb kemi mbetur diku ne mes. Nuk jemi larguar krejt nga tradita dhe e kaluara ,por që as nuk kemi përparuar. Për shembull, ata të cilët I kemi zgjedhur ,për të na udhëhequr , po ju qasemi sikur ata të ishin monark , zotëri të rangut dhe despot, e jo që janë nepunësit tanë.Kemi krijuar kulte të fugurave politike! Mitizimet karshi atyre të cilët po jetojnë në pallate si mbretër , e kan qenë fshatarë, nuk justifikohet. Artificialiteti dhe megalomania e tyre është aristrokraci e rreme , është shkelqim I rremë.Kurrë nuk pushuam të besojmë në magjistarë , ne vend që ti përkrahim intelektualet dhe njerëzit eminentë të kulturës.Këta njerëz për këto vite që I zgjodhem në krye të shtetit, jo që nuk lexojnë asgjë, por ka që nuk dinë më dhënë as “betimin” ,sikur që nuk e dinë shumica, as përmbajtjën e Kushtetutës. Këta dijnë të bëjnë agjenda si ta kalojnë ditën në restorante dhe hotele luksoze në Kosovë, dhe jashtë Kosove.Këta dinë të organizojnë ahengje me para të shtetit.Këta dinë të vishën kat, së tashme e kan mësuar mirë këtë zanat.Nuk lexojnë shtypin , veq nese e lexojnë horoskopin dhe qesin falle me letra ose filgjana të kafës. Shtrohet pyetja ; si kan mundësi këta ta kryenë misionin e politikanit?Sigurisht jo mirë ! Kan emëruar ambasador dhe diplomat në botë , që nuk ka më turp që ta përfaqësojnë shtetin në nivele të tilla të larta. Dihet tashmë për aferat e krijuara të disa ambasadorëve dallkauk që as në zyre nuk kan dijeni si të ulën !Kemi menduar së me feudë nuk do të kemi punë , së moti ka perënduar ky sistem.Nuk kemi menduar që do të vijnë në krye të shtetit, njerëzit që nuk kan dijeni elementare për ndarje të pushtetit.Mos të flasim për formim të shtetit ligjor dhe funksional.Po përballemi më padrejtësi të mëdha, të cilët vështirë të përballohen.Po privohemi nga shumë të drejta tona legjitime elementare, të siguruara më ligje dhe më Kushtetutë.Shumë të drejta tona kan mbetur të drejta të shkruara në letër.Edhe nese nuk kemi pasur shoqeri të bazuar në sistemin shumë partiak pluralist, sigurisht se kemi përjetuar në lëkurën tone, sistemin autokratik komunist .Shqiptarët historikisht kan luftuar për shoqëri moderne , e jo për diktatura që na kanë bërë jetën e zezë më dekada të tëra. Pyetje parësore sot për shqiptaret është:Si n ë menyrë fluide , refleksive, postmoderne të shekullit 21, të krijojmë shtet modern dhë të prosperuar.Ta bëjmë një Kosovë moderne në kuptimin e plotë të fjalës?Nuk kemi ndarje efikase të pushteteve, por na është krijuar një lloj sallamadie .Çka të thëmi për shprehjen e lirë të fjalës?Nuk kemi mundësi të flasim për as për tregun e lirë, dhe as për zgjedhje të lira dhe korrekte.Shumë raporte ndërkombëtare si edhe Fredom Hause , na kan renditur si shtet “ pjesërisht i lirë” dhe pjeserisht i shprehjës së lirë? Kushtetuta e Kosovës , ka mbetur shkronjë e vdekur në letër.Moderniteti është shumë largë.Dhe, me çka të krenohemi ne? Dhe, çka kemi ekzakt të festojmë ?Me të sotmën shumë pak. Të krenohemi na ka mbetur me festat dhe datat tona historike…Me martirët dhe dëshmoret e kombit, sigurisht së shumë krenohemi.Kultura jonë, vlerat dhe jeta e çdo ditëshme , duke llogaritur edhe komunikimin e ndërsjellë, shumë kan mbetur të ngurta apo të betonuara.Investitorët moti do të kishin investuar në Kosovë, mos të ishin këta njerëz të politikës si pengesë e çdo gjeje.Dhe, pyetja më e zëshme në këto momente për të gjithë neve do të ishte: A kemi kohë të presim në ndryshimin aq të nevojshem sot, të vetëdijës tonë…?

Haradinaj i kundërpërgjigjet Kryeministres serbe: Pretendimet territoriale e kanë bllokuar dialogun, jo taksa

Kryeministri në detyrë, Ramush Haradinaj i është kundërpërgjigjur homologes së tij serbe, Ana Bërnabiq, e cila tha se Serbia nuk e njeh Kosovën me kufijtë ekzistues sepse nuk mund të pranojë të humbë gjithçka.

Haradinaj thotë se janë pikërisht pretendimet territoriale të Serbisë që e kanë bllokuar dialogun mes dy shteteve, e jo taksa 100 për qind që Qeveria e Kosovës i ka vënë produkteve serbe, transmeton Gazeta Express.

“Pretendimet territoriale, e jo taksa, e kanë bllokuar dialogun! Njohja e Kosovës në kufijtë ekzistues është vijë e kuqe mbi të cilën Serbia nuk do të kalojë, paska thënë Kryeministrja e Sërbisë, Ana Bërnabiq”, ka shkruar kryeministri në Facebook.

“A po e shihni se Taksa nuk e ka bllokuar diaogun, por aspiratat territoriale të Serbisë ndaj Kosovës! E po Kosova është shtet sovran me këta kufinj, ndërkombëtarisht të njohur dhe të pandryshueshëm, dhe sa më parë ta kuptojë ketë fakt lidershipi në Serbi, është më mirë për ta!”, thuhet më tej në postimin e tij.

Kryeministrja serbe, Ana Bërnabiq, ka bërë të qartë pse ndryshimi i kufijve me Kosovën është i rëndësishëm. Ajo thotë se Serbia nuk e njeh Kosovën me kufijtë ekzistues dhe se nuk mund të lejojnë që Beogradi të humbë gjithçka.

Njohja e Kosovës në kufijtë ekzistues është vijë e kuqe mbi të cilën Serbia nuk do të kalojë, ka thënë kryeministrja serbe, Ana Bërnabiq.

“Serbia nuk do të lejojë që Prishtina t’i fitojë të gjitha e Beogradi të humbë gjithçka. Në këtë moment duhet ta shohim se sa më së shumti mund të fitojmë, e sa më pak të humbim dhe të jemi racional dhe real në këtë pikë. Por, që Serbia të humb gjithçka e Prishtina të fitojë të gjitha, kjo është e papranueshme, dhe nuk është zgjidhje e drejtë”, tha ajo për “Tanjug”.

SHBA largohet nga bordi i Agjencisë për Krahasim dhe Verifikim të Pronës në Kosovë

Shtetet e Bashkuara janë larguar nga bordi i Agjencisë për Krahasim dhe Verifikim të Pronës në Kosovë, duke konsideruar se në krye të këtij institucioni është një person i pakualifikuar.

Për emërimin e Naser Shalës në këtë pozitë pati reaguar edhe Britania e Madhe, dhe ambasadori i saj në Prishtinë, Ruairi O’Connell ishte larguar po ashtu nga bordi.

“Ne nuk do të jemi aty kur udhëheqësi u shërben interesave personale dhe atyre politike në vend të njerëzve. Përzgjedhja e personave joadekuatë për pozita qeveritare dëmton imazhin e Kosovës dhe besimin publik”, është thënë në një postim të ambasadës amerikane në rrjetin social, Facebook.

Ditë më parë, ambasadori amerikan në Kosovë, Philip Kosnett pati kërkuar nga partitë që të propozojnë zgjidhje për t’i dhënë fund korrupsionit dhe nepotizimit”.

“I pakualifikuari Naseri Shala vazhdon të qëndrojë në krye të Agjencisë për Krahasim dhe Verifikim të Pronës, duke minuar besimin e qytetarëve në përzgjedhjen me meritë në procesin e punësimit”, pati thënë ndër të tjera ai.

Agjencia Kosovare të Krahasimit dhe Verifikimit të Pronës është agjenci e pavarur e themeluar nga Kuvendi i Kosovës, që ka për mandat të pranojë, krahasojë dhe përmes Komisionit për Verifikim dhe Vendosje për Prona (KVVP) të zgjidhë dallimet dhe mospajtueshmëritë në mes të dokumenteve të cilat i ka marrë Kosova nga autoritetet serbe dhe të dokumenteve kadastrale aktuale në Republikën e Kosovës, për pronën private, atë komerciale dhe pronën private të bashkësive fetare.

Emërimi i anëtarëve në bordet e ndërmarrjeve publike në Kosovë është një ndër proceset që vazhdimisht është kritikuar nga shoqëria civile në Kosovë, e së fundmi, edhe nga faktori ndërkombëtar.

Kosova merr masa reciproke ndaj Maqedonisë së Veriut

Ministri në dorëheqje i Tregtisë dhe Industrisë në Qeverinë e Kosovës, Endrit Shala, ka marrë vendim për të vendosur masa reciproke ndaj mjaltit dhe patateve të Maqedonisë Veriore.

Përmes një komunikate për media, Shala ka bërë të ditur se kjo masë vendoset për shkak se Maqedonia e Veriut është duke aplikuar barriera tarifore ndaj produkteve të Republikës së Kosovës.

“Sot kam marr vendim që të vendos masa reciproke për produktet e Maqedonisë së Veriut që importohen në Kosovë dhe të ndalojë hyrjen e disa produkteve në mënyrë që të detyrojë shtetin e Maqedonisë së Veriut që të reflektojë dhe të ketë tretman të barabartë për produktet e Kosovës që hyjnë në atë shtet”, citohet të ketë thënë Shala.

Shala ka theksuar se që nga qershori i këtij viti kur produktit të Kosovës, rasadit të peshkut i janë vendosur barrierat tarifore nga ana e Republikës së Maqedonisë së Veriut, ka dërguar ankesa përmes sekretariatit të CEFTA-së dhe po ashtu ka nisur letër drejt ministrit të ekonomisë, por që sipas Shalës autoritetet nuk kanë reflektuar.

“Reciprociteti, partneriteti dhe trajtimi i barabartë i prodhimeve kosovare gjatë eksportit në vendet e rajonit, është e vetmja rrugë me të cilën duhet të ecim përpara. Në rast se ky tretman do të vazhdojë ne do të marrim edhe hapa tjerë, jo vetëm ndaj këtij shteti por edhe shteteve tjera. Tashmë asnjë prodhim Kosovar që eksportohet jashtë nuk do të ketë tretman të pabarabartë”, ka thënë ai.

Hoxhaj: Sulmi në konsullatën e Kosovës, goditje ndaj sovranitetit

Zëvëndës-kryeministri i Kosovës në detyrë, Enver Hoxhaj, ka akuzuar strukturat serbe të sigurisë për sulmin ndaj konsullatës së Kosovës në Danimarkë.

“Sulmi në konsullatën tonë në Danimarkë, në fillim u duk se ishte sulm i tifozëve huliganë të sportit, por doli të ishte një veprim i planifikuar nga struktura shtetërore të sigurisë serbe. Ky është një dimension i ri për goditjen e sovranitetit të Kosovës”, ka shkruar Hoxhaj në Twitter.

Më 14 gusht, ministri i Jashtëm në detyrë i Kosovës, Behxhet Pacolli, njoftoi se është sulmuar konsullata e Kosovës në Kopenhagë.

“Ne jemi duke punuar me autoritetet daneze për të sjellë përgjegjësit para drejtësisë”, pati deklaruar Pacolli.

Në anën tjetër ministri i Jashtëm i Serbisë, Ivica Daçiq, ka deklaruar të enjten se nuk ka asnjë informacion, nëse ndonjë shtetas i Serbisë është arrestuar apo i dyshuar për këtë rast.

“I kam kontaktuar njerëzit tanë dhe më kanë thënë se autoritetet daneze nuk kanë bërë asnjë njoftim për këtë çështje, dhe as nëse ndonjë nga qytetarët tanë janë të arrestuar ose duke u hetuar”, ka thënë Daçiq.

Ai tha se me informacionet që posedon të gjithë tifozët serbë janë kthyer në Serbi.

Kosova është dheu ku në vend të demokracisë, ka zënë vend tirania! – Nga Skënder MULLIQI

Qytetarët e Kosovës po i kryejnë obligimet ndaj shtetit, kurse pushtetmbajtësit po i keqpërdorin ata në secilën mënyrë. E keqpërdorën votën e tyre, për ti realizuar interesat përsonale .Prandaj , zgjedhjet janë afer dhe është rasti që përfundimisht njerëzit e kompremetuar në të gjitha hallkat e shtetit ,të marrin dënimin për gabimet e bëra . Përkrahja edhe pas 20 vitësh këtyre diktatorëve është tradhëtia më e madhe që mund ti bëhët vetit dhe Kosovës.Mos të vazhdojmë më gabime të cilat historikisht na kan kushtuar shumë . Na udhëhoqën dhe po na udheheqin ata të cilët jo vetëm që e zbrazën kacën e shtetit. Këta njerëz në krye të politikës po sharrojnë gjithnjë e më shumë në lloqin e rrenave dhe mashtrimeve të tyre. Pa turpësisht e rrejtën popullin për çdo gjë, siq gënjyen rregullisht madje edhe me data për liberalizim të vizave.

Kosova është vend I të rinjëve , të cilët deri më tash të vetmin synim e kan largimin nga vendi.Kosova është vendi I njerëzve të cilët janë lodhur nga skami dhe mjerimi social.Kosova është bër vendi jo i përparimit , por I kthimit mbrapa .Kosova është dheu ku në vend të demokracisë ka zënë vend tirania e pakicës karshi shumicës. Askush nuk po interesohet për përmirësimin e jetës .Po avansohen bazhibuzukët e të gjitha llojeve , duke e derguar vendin në greminë.Gjysëm analfabetet kan arritur të behën deputetw e ministra ,sikur Kosova të ishte pashallëk I tyre . Kuvendi I Kosovës moti është bërë arenë glladiatorësh.Është bërë vendi I shumë matrapazwve dhe cirkuzantëve . Po krijojnë afera të çdo ditëshme për ta përqendruar vëmendjën e opinionit të gjerë public ,në gjoja akuzat që po ia bëjnë njeri –tjetrit më qëllim të zhvendosjës së vëmendjës nga problemet e grumbulluara ekonomike –sociale, dhe të situatës së keqe politike.

Gjithë këta intelektualë I ka Kosova dhe të na na prijnë të padijshmit dhe të padinjitetshmit , kjo është anakronike më kohën që po jetojmë. Natyrisht këtu nuk I fus të gjithë në një thes. Janë krijuar pasanikë mbrenda natës , të cilët po kontrollojnë gjithqka sot në Kosovë. Sjelljët e tyre janë shumë demagogjike , të mbushura më patriotizma të rreme. Në këto rrethana të krijuara gjithqka ka filluar të vdes. Po vdes edhe shpresa e cila thuhet së vdes e fundit. Ne kemi një armatë të të rinjëve , të cilët të ardhmën duhet ta kërkojnë këtu, duke iu bërë pandam atyre të cilët po iu duartrokasin largimit të tyre nga Kosova. Largimi nga Kosova të kuptohet si diqka shumë e zakonshme , e jo duke ia dhënë lamtumirën .Është koha e fundit për një vetëdije tjetër, të re karshi votës së dhënë , dhë karshi zgjedhjës së të gjitha problemeve shoqërore. Vetëm më guximin dhe dijën tonë mund ti kapërcejmë të gjitha barrierat. Të heqim dorë nga emigrimi për të mirën tonë dhë të mirën e shtetit të Kosovës.Integriteti njerëzor dhe insistimi në vlerat tona , kërkon evolucion dhe përgjegjësi përsonale e përgjegjësi kolektive ,për të bërë shtet si na ka hije.Ky evoluim edhe nese ndodhë ngadalë, më mirë është së mos të ndodhë kurrë…

Haradinaj: Vazhdimi i dialogut pa kushte dhe vonesa

Kryeministri në dorëheqje i Kosovës, Ramush Haradinaj, është shprehur në favor të vazhdimit të dialogut me Serbinë mirëpo, sipas tij, ai duhet të jetë pa kushte.

Përmes një postimi në Twitter, Haradinaj, ka thënë se qeveria i ka prezentuar vendeve të Kuint-it dhe Bashkimit Evropian, draft-marrëveshjen gjithëpërfshirëse ku përfshihen tema të papërfunduara për njohje të dyanshme në kufijt ekzistues.

“Pajtohem për nevojën e normalizimit të raporteve ndërmjet Kosovës dhe Serbisë. Qeveria i ka prezentuar Kuint-it dhe BE-së draftin e marrëveshjes gjithëpërfshirëse që përfshinë temat për njohje të dyanshme në kufijt ekzistues. E ritheksoj se dialogu duhet të jetë pa vonesa dhe pa kushte. Tregun për njohjen”, ka shkruar Haradinaj.

Deklarimi i Haradinaj, vjen dy ditë pasi vendet e Kuint-it (Franca, Gjermania, Italia, Mbretëria e Bashkuar dhe Shtetet e Bashkuara), përmes një deklarate kanë kërkuar nga Kosova dhe Serbia të shmangin veprime që do të pengonin një marrëveshje përfundimtare.

“Për Kosovën, kjo nënkupton heqjen e taksave të vendosura ndaj Serbisë. Për Serbinë, kjo nënkupton ndërprerjen e fushatës për tërheqjen e njohjeve kundër Kosovës”, është thënë në deklaratë.

Dialogu ndërmjet Kosovës dhe Serbisë është ndërprerë në fund të vitit të kaluar, për shkak të taksës ndaj mallrave serbe të cilën e vendosi Qeveria e Kosovës.

Serbia e ka kushtëzuar pjesëmarrjen në dialog me heqjen e taksës, nga ana e autoriteteve të Kosovës.

Thirrjes së SHBA-së dhe BE-së për të shfuqizuar taksën, Haradinaj, deri tani, iu është përgjigjur negativisht.

Kosovë, kallëzime penale ndaj 22 zyrtarëve policorë për dëbimin e gjashtë shtetasve turq

Prokuroria e Posaçme e Kosovës tha të enjten se ka pranuar kallëzime penale nga Inspektorati Policor i Kosovës ndaj 22 zyrtarëve të policisë së Kosovës lidhur me operacionin e dëbimit të gjashtë shtetasve turq, një vit më parë.

Në një përgjigje për Zërin e Amerikës, zyrtarët e Prokurorisë së Posaçme thanë se përveç kallëzimeve penale, ky institucion është duke kryer edhe intervista me persona tjerë në lidhje me rastin e dëbimit të shtetasve turq.

“Prokuroria Speciale e Republikës së Kosovës, ka pranuar kallëzim penal nga Inspektorati Policor i Kosovës ndaj 22 të pandehurve, ndërsa jemi duke intervistuar edhe të pandehurit të tjerë në lidhje me ketë rast”,thuhet në përgjigjen e zyrës së prokurorisë së posaçme.

Më 29 mars të vitit 2018, autoritetet në Kosovë arrestuan gjashtë shtetas turq, punonjës të institucioneve në pronësi të klerikut turk Fethullah Gulen, të cilin presidenti turk Recep Tayyip Erdogan e fajëson për një përpjekje për grusht shteti në Turqi.

Të gjashtët ju dorëzuan autoriteteve turke në një operacion që la pas vetes shumë paqartësi, shumë kritika ndaj institucioneve.

Që nga ajo kohë, ishte krijuar komisioni hetimor parlamentar për të hetuar lëshimet dhe përgjegjësitë e institucioneve në këtë operacion. Komisioni kishte gjetur 31 shkelje nga institucionet e vendit gjatë atij operacioni dhe shkeljet më të mëdha, sipas udhëheqësve të komisionit, janë bërë nga Agjencia e Zbulimit dhe Ministria e Punëve të Brendshme.

Në fund të muajit qershor, Parlamenti i Kosovës miratoi raportin e komisionit parlamentar mbi operacionin e dëbimit të gjashtë shtetasve turq, duke i bërë thirrje prokurorisë për ndriçimin sa më të shpejtë të këtij rasti, ndërsa këto gjetje do të jenë pjesë e lëndës së Prokurorisë së Posaçme.

Gjetjet, kishin nxitur edhe reagimin e ambasadës amerikane në Prishtinë, e cila kishte tërhequr vërejtjen se “trysnia politike mbi sektorin e sigurisë është shkelje skandaloze e vlerave demokratike”.

Vendet e Quint-it kërkojnë rifillimin e bisedimeve dhe shmangie nga çdo veprim që pengon marrëveshjen Kosovë-Serbi

Prishtina

Në Prishtinë, ambasadat e pesë vendeve kryesore perëndimore, Shteteve të Bashkuara të Amerikës, Francës, Gjermanisë, Italisë dhe Mbretërisë së Bashkuar, u bënë thirrje Kosovës e Serbisë që të rifillojnë menjëherë bisedimet e udhëhequra nga Bashkimi Evropian dhe të shmangin çdo veprim, që pengon marrëveshjen përfundimtare.

“Prandaj, i bëjmë thirrje Kosovës dhe Serbisë që menjëherë të rifillojnë dialogun e udhëhequr nga BE-ja dhe kërkojmë nga të dy palët të shmangin veprime që do të pengonin një marrëveshje përfundimtare, e cila është e nevojshme për të dy vendet për të arritur integrim më të madh euro-atlantik dhe përfitimet përcjellëse” – deklaruan ata.

Në një komunikatë të përbashkët të lëshuar të martën, thuhet se “ne jemi të gatshëm të forcojmë rolin tonë në këtë proces në përkrahje të Përfaqësuesit të Lartë të Bashkimit Evropian, por mund ta bëjmë një gjë të tillë vetëm kur ju të jepni shenja të gatishmërisë për kompromis, për heqjen e pengesave dhe rifillimin e bisedimeve. Për Kosovën, kjo nënkupton heqjen e taksave të vendosura ndaj Serbisë. Për Serbinë, kjo nënkupton ndërprerjen e fushatës për heqjen e njohjeve kundër Kosovës”.

Në komunikatë theksohet se vendet e Quint-it “janë të bashkuara në qëllimin për të parë normalizimin e plotë të marrëdhënieve ndërmjet Kosovës dhe Serbisë përmes arritjes së një marrëveshjeje gjithëpërfshirëse, politikisht të qëndrueshme dhe ligjërisht detyruese që i kontribuon stabilitetit rajonal. Status quo pengon përparimin e Kosovës dhe Serbisë në rrugën e tyre drejt Bashkimit Evropian dhe thjesht nuk është e qëndrueshme. Pas viteve të tëra të ngecjes ka ardhur koha që më në fund të përmbyllen konfliktet e viteve të 90-ta dhe të ofrohet një e ardhme e sigurtë dhe e begatshme për qytetarët e Kosovës dhe të Serbisë duke negociuar në mirëbesim një marrëveshje që mund ta mbështesin të dy palët”, thuhet në komunikatë duke nënvizuar se janë të gatshëm të ndihmojnë të dyja palët në çfarëdo mënyre.

Aktualisht procesi i bisedimeve ndërmjet Kosovës e Serbisë mbetet i pezulluar për shkak se Beogradi kushtëzon vazhdimin e tyre me heqjen e tarifave ndaj mallrave serbe që qeveria e Kosovës i vendosi në nëntor të vitit të kaluar.

Mos pezullimi i tarifave çoi edhe në përplasje te partitë politike të koalicionit qeverisës.

Aktualisht Kosova po përgatitet për të hyrë në zgjedhje të parakohshme parlamentare pas dorëheqjes së kryeministrit Ramush Haradinaj më 19 korrik, pasi u thirr për t’u marrë në pyetje nga Prokuroria e Posaçme me seli në Hagë.

Kryesia e Parlamentit të Kosovës ka vendosur që 22 gushti të jetë datë që pritet të shpërndahet parlamenti i Kosovës, që do t’i hap rrugë shpalljes së zgjedhjeve të jashtëzakonshme parlamentare, që duhet të mbahen më së largu 45 ditë pas shpalljes së tyre. za

Mospajtimet për tokën përreth Manastirit të Deçanit

Hapësira tek Manastiri i Deçanit vazhdon të jetë çështje mospajtimesh në mes të përfaqësuesve të manastirit dhe Komunës së Deçanit për shkak të një vendimi të Gjykatës Kushtetuese, e cila i njeh manastirit të drejtën e pronës mbi 23 hektarë tokë. Drejtuesit e Komunës së Deçanit, thonë se këto prona janë të dy ndërmarrjeve publike dhe se gjykata ka fuqizuar një marrëveshje të vitit 1997, kur administrata serbe i kishte kaluar në pronësi të manastirit ato toka.

“Për ne kjo është çështje e sundimit të ligjit dhe gjykata më e lartë e Kosovës dhe gjithashtu pas kësaj edhe gjykata Kushtetuese kanë konfirmuar vendimin se 24 hektarë e tokës që ka qenë në kontest për gati 16 vjet i është njohur dhe dhënë si pronë e Manastirit të Deçanit. Ky është vendimi përfundimtar ashtu siç është thënë në vendimin e Gjykatës Kushtetuese që nuk mund të ndryshohet dhe duhet të zbatohet”,thotë përfaqësuesi i Manastirit mesjetar të Deçanit, Igumeni, Sava Janjiç.

“Gjykata Kushtetuese, vlerësoj se ka bërë vendimin më absurd që ndonjë gjykatë Kushtetuese kishte mundur ta marr, duke e vlerësuar si të drejtë edhe vendimin e 1992 dhe 1997 të parlamentit dhe Republikës së Serbisë e që fatkeqësisht ka ndodhur në vitin 2016”,thotë kryetari i Komunës së Deçanit, Bashkim Ramosaj.

Vendimi i Gjykatës Kushtetuese është përfundimtar dhe i njëjti nuk mund të kthehet prapa ndërsa e detyron Komunën e Deçanit që t’i kryej procedurat për njohjen e pronës në emër të Manastirit të Deçanit.

Zoti Ramosaj thotë se, në vitin 1992 me vendim të pushtetit serb, ndërmarrja hoteliere “Iliria” i kishte dhuruar 12 hektarë tokë Manastirit të Deçanit ndërsa në nëntor të vitit 1997, pushteti serb ia kaloi edhe 12 hektarë tjerë që ishin pronë e bletarisë. Ai thotë se tokat u takojnë këtyre dy ndërmarrjeve publike të kësaj komune të cilat sipas tij janë marrë nga pushteti i atëhershëm i Serbisë.

“Qytetarët e Deçanit nuk janë njerëz që kanë ndonjë hakmarrje në shpirtin e tyre, qytetarët e Deçanit janë të interesuar të jetojnë në harmoni me çdokënd që jeton në këtë komunë, qytetarët e Deçanit e kanë respektuar dhe do ta respektojnë Manastirin e Deçanit sepse është një vlerë e shtuar dhe është vlera kryesore e këtij qyteti në aspektin e trashëgimisë historike, kulturore, fetare e që ne vet e kemi mbrojtur me traditë e me shekuj. Mirëpo që nuk pranojmë që manastiri të bëhet pengesë në konceptin e zhvillimit ekonomik të kësaj komune, zbatimi i vendimit të Gjykatës Kushtetuese do ta vriste shpresën e qytetarëve të Deçanit për të jetuar në këtë qytet”,tha ai.

Igumeni Sava Janjiç thotë se mos zbatimi i vendimit nga autoritetet lokale ka krijuar shumë shqetësime tek manastiri por edhe shqetësime te faktorët ndërkombëtarë. Çështja e këtij vendimi ishte përfshirë edhe në raportin e Departamentit amerikan të Shtetit mbi liritë fetare në Kosovë.

“Ne besojmë fuqishëm se arsyeja do të mbizotëroj dhe autoritetet lokale në komunë sikurse edhe autoritetet në qendër, siç është qeveria, do të shohin se është në interes dhe përfitim për të gjithë në Kosovë që ky vendim të zbatohet dhe kjo tregon që në Kosovë sundimi i ligjit është për interesa personale”,thotë Igumeni Janjiç.

Ai thotë se në manastirin e Deçanit ka ardhur në vitin 1992 dhe që nga ajo kohë ka krijuar shumë miqësi dhe se gjatë luftës manastiri ka ndihmuar qytetarët shqiptarë sikurse edhe qytetarët serb pas luftës.

Igumeni Janjiç thotë se Manastiri i Deçanit përveç që i përket Kishës ortodokse serbe, është edhe trashëgimi evropiane dhe botërore dhe është trashëgimi në Kosovë dhe është e rëndësishme që të depolitizohet trashëgimia kulturore dhe të mbrohet si një pasuri për të gjithë.

“Ajo që është shumë e rëndësishme për qytetarët është informimi i drejtë dhe jo të ndikohet nga propaganda se ne jemi pengesa për komunën, që ne jemi pengesa për zhvillimin e kësaj shoqërie. Krejt e kundërta. Manastiri është pasuri për të gjithë. Ne kemi shumë turistë që vijnë çdo ditë nga e gjithë bota dhe këta njerëz po vijnë të shohin këtë manastir por ata po vijnë këtu në Kosovë, prandaj ky është potencial i madh edhe për Kosovën. Pra manastiri nuk është problem por është një e mirë për të gjithë”,thotë ai.

Kundër vendimit të gjykatës kushtetuese janë shprehur edhe anëtarët e Lidhjes së Historianëve të Kosovës “Ali Hadri” dega në Deçan, kryetari i së cilës, Shkodran Imeraj thotë se vendimi bazohet në ligjet e kohës së masave të dhunshme përkatësisht të kohës së masave të (Sllobodan) Millosheviçit.

“Mendojmë që ky vendim është i pazbatueshëm dhe e vetmja zgjidhje për ne si shoqatë është që prona duhet të rikthehet në menaxhim të komunës së Deçanit përkatësisht te titullarët e tyre te ndërmarrjet dhe ne i kemi propozuar edhe më parë edhe parlamentit edhe qeverisë së Kosovës që këto prona duhet t’i shpall me një vendim të veçantë si asete kombëtare përkatësisht pasuri kombëtare të Kosovës dhe të kthehen në menaxhim”,tha ai.

Zoti Imeraj thotë se një zgjidhje tjetër për të kthyer vendimi prapa janë gjykatat ndërkombëtare.

“Ne i kemi bërë thirrje edhe komunës së Deçanit që ta dërgoj lëndën edhe në gjykatat ndërkombëtare pasi që këto gjykata do të mund ta kthejnë lëndën në pikën zero siç është rasti i gjykatës së Salzburgut sepse ne mendojmë se me këtë vendim të gjykatës Kushtetuese janë shkelur të drejtat e njeriut”,tha ai.

Kryetari i komunës së Deçanit, Bashkim Ramosaj thotë se Kosova nuk e ka subjektivitetin juridik për t’iu referuar gjykatave tjera ndërkombëtare dhe vendimi përfundimtar duhet të jetë i Gjykatës Kushtetuese.

“Unë besoj dhe jam i bindur këtë që po them, manastiri i Deçanit duhet ta ketë konceptin e njëjtë sikurse ne, manastiri i Deçanit duhet të jetoj në harmoni me qytetarët e Deçanit. Qytetarët e Deçanit e kanë shprehur dhe e kanë këtë gaditshmëri për të jetuar në një harmoni të tillë ku ata dhe ne jemi pronarë të këtij qyteti duhet t’ia respektojmë nevojat njëri tjetrit, për këtë jam i bindur që kemi me kuptuar me kohë, ne e kemi kuptuar, unë besoj dhe jam i bindur dhe dua të jem i bindur që personeli i manastirit janë në linjë me qytetarët e Deçanit, është aspekt tjetër politik është ndikimi serb, është ndikimi rus dhe është ndikimi i botës ortodokse që manastiri i Deçanit, që personeli i manastirit të Deçanit të jetë kundër zhvillimit ekonomik”,tha ai.

Por, Igumeni, Sava Janjiç thotë se manastiri i Deçanit nuk ka probleme me qytetarët por me disa struktura, që siç thotë ai, e shohin manastirin si pengesë për disa interesa personale.

“Prandaj shpresoj që strukturat lokale më në fund do ta shohin se ky tregim i bazuar në nacionalizëm ose të ndonjë përfitimi financiar personal nuk është i mirë për askënd dhe në të ardhmen do të mund të gjejmë rrugë për të përmirësuar bashkëpunimin dhe të jetojmë në paqe ashtu siç ka jetuar ky manastir me fqinjët për 700 vjet dhe kjo është shpresë që ne mund të ruajmë këtë trashëgimi të bukur të botës edhe në këtë kohë që po jetojmë”, thotë ai.

Të dyja palët vazhdojnë të besojnë në qëndrimet e tyre.

Por, sa do të jetë i mundur të arrihet një kompromis ndërmjet komunës dhe manastirit për çështjen e tokës?

“Ne jemi në të drejtën tonë, ne jemi në të drejtën e zotit, pavarësisht cili është vendimi i Gjykatës Kushtetuese e që unë vlerësoj që me gjenerata e gjenerata nuk do të pajtohen me këtë vendim, për këtë ne kemi thirr që të kemi një kompromis dhe unë kam shprehur gatishmërinë që të bëhet një kompromis me Manastirin e Deçanit duke pasur në funksion rrugën, duke pasur në funksion kompleksin e turizmit, duke e pasur në funksion shëtitoren, duke pasur në funksion ujin mineral që është shërues”, thotë ai.

“Pra, nuk mund të shoh ndonjë kompromis mbi vendimin e gjykatës, por kompromisi është diçka tjetër, pasi ta respektojmë ligjin dhe zbatojmë ligjin dhe vendimin e gjykatës, mund të gjejmë rrugë të ndryshme për mënyrën e përmirësimit të marrëdhënieve tona, si ta bëjmë më mirë, si të kemi më shumë fëmijë, si të kemi më shumë njerëz lokal që të vizitojnë këtë vend, si të jetojmë si pjesë e një komuniteti e të cilit i takojmë, sepse ne jemi pjesë e këtij komuniteti, ne kemi dokumenta të Kosovës, ne respektojmë ligjet e Kosovës dhe ne jetojmë këtu. Çfarëdo që të jetë Kosova politikisht, unë nuk po flas si politikan dhe jemi këtu për të jetuar në paqe”, thotë Igumeni Janjiç.

Edhe tri vjet pas vendimit të Gjykatës Kushtetuese, në terren mundësitë për të zbatuar këtë vendim shihen të pakta.

Thirrje për zbatim të vendimit të gjykatës Kushtetuese kanë bërë edhe ambasadorët e Shteteve të Bashkuara të Amerikës dhe të Bashkimit Evropian në Kosovë, të cilët ndërkaq kanë kritikuar institucionet e vendit për mos respektimin e vendimeve gjyqësore, të cilat sipas tyre, nuk janë të hapura për negocimin ose interpretimin personal.

KUSH ËSHTË IVICA DAÇIQI? – Opinion nga BINAK MAXHARRAJ

Ivica Daçiqi është një çetnik dhe racist i dorës së parë më mendje dhe trup. Ky ishte ndihmësi dhe bashkëpunëtori më i ngusht i kaspait të Ballkanit Sllobodan Millosheviqi. Ishte krah për krah në luftëra me te duke bërë gjenocid të paparë në të gjithë popujt e ish-jugosllavisë e sidomos në popullin shqiptar.

Ky e trashegoi edhe pas lufte Partin Socialiste të Milosheviqit, dhe me nacionalizmin e tij ekstrem si patericë erdhi ne pushtet në Serbi. Njihet si antishqiptari më i fortë në krejtë Serbinë i cili i urren shqiptarët në pa kufij. Është një njeri i cili sjellë konfuzitet në skenën ndërkombëtare duke vjellë zjerm e xeher kundër shqiptarëve dhe Kosovë.

Ky fatkeqesisht mban pozitën e Ministrit të punëve te jashtme të Serbisë. Ky se bashku me Vuçiqin janë më urrejtësit ndaj shqiptarëve. Ky vjell helm dhe xeher kudo që shkon për shqiptarët dhe Kosovën të cilën e ka humbur përgjithëmonë.

Ky e urrën aq shumë Amerikën sa qe më pas fuqi e përbinë për një sekondë. Ky këto ditë paska thanë së Serbia dhe populli serb nuk do të këtë “armiq më të mëdhenj” nga ish-presidenti i ShBA-ve Bill Klinton dhe sekretarja e shtetit Medlin Ollbraj”.

Kjo është fytyra e vërtëtë e këtij. Ky paska mendu se njërezit e botës demokratik, e sidomos Amerika do te rrinë duarkryq, serbez të qetë duke pirë kafe dhe duke u kënaqur se si po eleminohej një popull i tërë. Por bota përendimore e sidomos Amerika nuk heshti. Duke e parë se si po zhdukët një popull nga gjenocidi serb e dha alarmin, veproi shpejt, e mobilozoi krejtë boten përendimore dhe u hodhë në veprim për ti shpetuar shqiptaret.

Në krye te këtij këtij aksioni për ta shpetur popullin shqiptare ishte Presidenti i SHBA Bill Klington dhe Sektetarja e shtetit Medlin Ollbrajt se bashku me mikun e tyre dhe tonin Toni Bler, te cilët për 78 ditë e natë rreshtë e sulmuan bishën e eger sllavo-serbe duke e debuar ate nga Kosova.

Kko është arësyeja qe ky e urren Amerikën, e urren Bill Klintonin dhe Medlin Olbrajtin me Toni Blerin.

Por,fatëkëqesisht sod e kësaj dite ka njerëz në Kosovë të cilët bisedojnë me çetnikët Aleksandër Vuçiq dhe Ivica Daçiq më të cilët po kryejnë punët më të pista ne damë te Kosovës, për ta ndarë, coptuar apo edhe korigjuar kufijtë e Kosovës sepse na qenkan të shtrëmbërt. Fatkëqesisht historikisht Serbia ka pasë në Kosovë njërez të tillë qe punojnë jo për Kosovën por kundër Kosovës në dobi të Serbisë.

Personi që e ka rrahur gazetarin Gani Gërmia është arrestuar

Është arrestuar personi që ka rrahur gazetarin Visar Dërmaku të njohur në publik si Gani Gërmia, raporton Gazeta Express.

Policia ka bërë të ditur se rasti ka ndodhur me datën 10, rreth orës 02:00, pas mesnatës, derisa është konfirmuar se personi që ka sulmuar Dërmakun është me shtetësi austriake, pra djali i diplomatit kosovar në Austri, Rigon Kosumi.

“Është arrestuar i dyshuari mashkull-Shqiptar, me shtetësi Austriake, i cili pas një mosmarrëveshje me të dyshuarin mashkull K/Shqiptar ishin rrahur në mes veti dhe shkaktuar lëndime trupore njëri tjetrit”, thuhet në njoftim të policisë, raporton Gazeta Express.

Gjithashtu, bëhet e ditur se të dyshuarit si pasojë e lëndimeve që kanë marrë gjatë përleshjes, kanë marrë tretman mjekësor.

I dyshuari Rigon Kosumi me vendim të prokurorit është dërguar në mbajtje për 48 orë, derisa Visar Dërmaku i dyshuari tjetër është liruar në procedurë të rregullt.

Dje, humoristi Visar Dërmaku besohet se është rrahur nga një kushëri i largët i Bajram Kosumit.

Dërmaku ka thënë se nuk ka dashur ta bëjë të madhe këtë punë, por që foto e tij është shpërndarë nga njerëz të afërt të tij.

“Më kanë tradhtuar njerëzit që ua kam çu foton në Facebook”, ka thënë ai për Express.

Tutje, Dërmaku ka treguar edhe si ka ndodhur rasti.

“Personi në fjalë ka ardhur me bo foto me mu, si një fans dhe mandej ai ka ardhur në lokal ku kam shkuar unë”, tregon Dërmaku.

“Pastaj më ka ndjekur edhe në momentin kur kam dalë nga lokali dhe kur kam qenë i vetëm me ka sulmuar fizikisht”.

Gazetari satirist, Visar Dërmaku, momentalisht punon në portalin Reporteri. Ky rast nuk ka të bëjë me punën e tij.

Qytetarët e Kosovës tymosin mbi 300 milionë euro duhan në vit

Rreth tre mijë tonë duhan, ne vlerë mbi 300 milionë euro, është sasia e duhanit që shpenzojnë qytetarët e Kosovës brenda një viti.

Të dhënat e Doganës së Kosovës tregojnë se nga kjo shumë e përgjithshme 200 milionë euro është shuma që përfiton buxheti i shtetit në akcizë, tvsh dhe taksë doganore.

Kosova është vend ku mbi 20 përqind e popullsisë janë duhanpirës.

Duke folur për Radion Evropa e Lirë, zëdhënësi i Doganës së Kosovës Adriatik Stavileci, tha se trendi i importit të duhanit në Kosovë është pothuajse i njëjtë nga viti në vit, por që rritja e akcizës ka rritur edhe koston.

“Importi i duhanit në Kosovë ka një trend të njëjtë nga viti në vit. Rreth 3 mijë tonë brenda vitit importohen në Kosovë. Akciza e duhanit paguhet 43 euro për një kilogram, derisa 18 për qind paguhet tvsh, si dhe taksa e doganës. Nëse mblidhen gjitha këto në të holla i bie se rreth 200 milionë euro paguhen këto shërbime, derisa 100 milionë vetëm duhani”, tha Stavileci.

Akciza e duhanit është rritur disa herë. Prej 27 euro për një kilogram cigare sa ka qenë në vitin 2012, në 41 euro në vitin 2016 dhe në vitin 2018 është ngritur në 43 euro.

Në vitin 2013 në Kosovë ka hyr në fuqi Ligji për kontrollin e duhanit, por që zbatimi i tij, ende vlerësohet se nuk është në nivelin e kënaqshëm.

Shkumbin Spahiu, zyrtar në Qendrën për Zhvillim dhe Avokim në Kosovë (KADC), njëherësh monitorues i zbatimit të Ligjit për kontrollin e duhanit, tha se gjatë dy viteve të para të hyrjes në fuqi të Ligjit për duhanin, ai ishte zbatuar në masë të madhe, por me kohë, sipas tij, zbatimi i tij ka filluar të zbehet.

“Shuma prej 300 milionë eurosh, apo 400 mijë pako cigare në ditë ose mbi 20 për qind e popullatës që konsumojnë duhan është tejet e lartë. Kjo tregon për nivel të ulët të vetëdijes së popullatës dhe mungesën e zbatimit të ligjit. Vitin e fundit kemi pasur një rënie të madhe të monitorimit të zbatimit të ligjit kundër duhanit çka edhe ka ndikuar që të ketë ulje të zbatimit të ligjit, për dallim nga dy vitet e para të fillimit të implementimit të ligjit e që ishte shumë i suksesshëm”, tha Spahiu.

Drejtori i Institutit Kombëtar të Shëndetit Publik, Naser Ramadani, ka thënë se sipas raportit të fundit që ky institucion e posedon, përqindja e përdoruesve aktualë të duhanit në mesin e të rinjve 13-15 vjeç krahasuar me hulumtimin e kaluar nga 6.7 për qind në vitin 2014, është ulur në 4.4 për qind në vitin 2016, ndërkohë që ekspozimi ndaj tymit të duhanit brenda ndonjë ambienti të mbyllur është ulur nga 84 në 43 për qind.

Përqindja e përdoruesve aktualë të duhanit në mesin e të rinjve, krahasuar me hulumtimin e kaluar është nga 10.4 në 8.8 për qind.

Sipas raportit të Organizatës Botërore të Shëndetësisë (OBSH), mbetjet e duhanit përmbajnë mbi 7,000 lëndë kimike toksike që helmojnë mjedisin, përfshirë këtu lëndë që shkaktojnë kancerin.

OBSH ka paralajmëruar se më shumë se shtatë milionë njerëz në gjithë botën, vdesin çdo vit nga sëmundjet që shkaktohen nga pirja e duhanit. Një pasojë e tillë, përveç dëmeve shëndetësore dhe rrezikimit të jetëve të njerëzve, vlerësohet se shkakton dëme të mëdha edhe për ekonomitë e vendeve të ndryshme.

Në xhamitë e Kosovës bëhet thirrje për respektim të gruas

Respektimi i gruas ka qenë kërkesa kryesore në fjalimin e zëvendëskryetarit të kryesisë së Bashkësisë Islame të Kosovës, Reshat Mexhidi, të mbajtur në Xhaminë e Madhe në Prishtinë gjatë namazit të Kurban Bajramit.

Gjatë fjalimit të tij, Mexhidi vuri theksin pikërisht te e drejta e gruas për pronën, që sipas tij, një gjë e tillë, gruas i është garantuar edhe me Kuran.

Mexhidi tha se festa e Kurban Bajramit, duhet të shërbejë si motivim për shoqërinë që të jenë sa më të kujdesshëm me gratë dhe me të respektueshëm.

Ai ka kërkuar nga institucionet që të zhvillojnë dhe të kultivojnë bashkëjetesën fetare, duke shtuar se Kosova është djep i të drejtës fetare.

“Me keqardhje më duhet ta them se liria fetare dhe të drejtat e femrës vazhdojnë të shkelen edhe në vendin tim në mënyra dhe forma të ndryshme, duke e privuar nga liria që i ka dhuruar Allahu xh.l. veçmas e drejta e saj për jetë të dinjitetshme, të lirë dhe jo e nëpërkëmbur nga burri apo shoqëria në asnjë segment të jetës. Ende vazhdon femra të jetë e privuar nga hisja e saj në pasurinë e babait, të cilën Kurani tash e 1400 vjet më parë ia garanton. Kurban Bajrami duhet të na shërbejë si një motivim shtesë, për të jetësuar këtë të drejtë të tyre”, tha Mexhidi.

Mesazhe të njëjta kanë edhe besimtarët që falën namazin në këtë xhami. Flakron Koliqi, një i ri nga Prishtina, tha për Radion Evropa e Lirë, se shoqëria në Kosovë duhet t’i thotë stop dhunës në familje.

“Femrën duhet ta respektojmë. Të mundohemi të mos bëjmë dhunë në familje, të mos kemi vëlla-vrasje mes veti, të jemi solidarë, t’ju ndihmojnë të varfërve”, tha ai.

Maliq Krasniqi, arsimtar nga Prishtina, që çdo herë e falë Bajramin në Xhaminë e Madhe, bëri thirrje që njerëzit të jenë bashkuar, solidarë dhe më humanë.

“Unë kisha pas dëshirë që populli të jenë të bashkuar, të mos jenë të ndarë disa një pjesë disa një pjesë, se nuk mund të shkojmë përpara rinia. Rinia po na mbetet mbrapa dhe po mbesin asgjë pa zhvillim”, tha ai.

Në oborrin e xhamisë, të pranishëm ishin edhe besimtarë myslimanë nga diaspora, që kanë ardhur për pushime në Kosovë. Bahri Boja, i cili jeton në Londër, tha se ndihet i lumtur që është në Kosovë për Festën e Kurban Bajramit.

“Kësaj radhe kam ardhur këtu në Kosovë për të falur Kurban Bajramin. Përndryshe unë jetoj në Londër. Ka qenë shumë mirë organizmi dhe çdo gjë ka shkuar me kënaqësi”, tha ai.

Namazi i Kurban Bajramit është falur edhe në xhamitë e tjera në Prishtinë, por edhe nëpër komunat tjera në vend, sipas orarit të paraparë.

Besimtarët myslimanë në të gjithë botën e festojnë Kurban Bajramin, festë kjo që vjen pas kryerjes së haxhit dhe shoqërohet me therjen e kurbanit.

Të ndëshkohen mashtruesit dhe matrapazët! – Nga Florim Zeqa

Si rezultat i zhgënjimit nga kuvendi i fundit të ashtuquajtur të LDK-së, vërehen levizjet e para të simpatizuesve dhe elektoratit të LDK-së. Pa dyshim se ato levizje janë më të theksuara në drejtim të partive tjera dhe nismave qytetare.

Kësaj radhe pakënaqësia dhe revolta e votuesve të LDK-së, më e madhe se ndaj kryetarit të sapo emëruar është ndaj mashtruesve që deri dje çirreshin dhe shtirreshin kinse janë kundërshtarë të klanit të Isa Mustafës, të cilët pas rinominimit të tij edhe për një mandat (të tretin më radhë), të ngazllyer i ranë në përqafim diktatorit per t’i uruar fitoren dhe pritnin në radhë për të bërë foto-“selfije” për fitoren “historike”.
Këto skena të llahtarshme do të mbesin të pashlyera në kujtesën e elektoratit të zhgënjyer rugovian. Ishte tepër e dhimbshme për elektoratin dhe simpatizantët e flaktë të frymës rugoviane të shihnin në përqafim me Isa Mustafën idolët e tyre të deridjeshëm, që ua mbanin gjallë shpresat me premtimin për ndryshime.
Të rrebeluarit e rrëjshëm kundër Isa Mustafës, për interesa personale dhe ambicie pushteti brenda ditës u konvertuan në mbështetës të kryetarit të sapo ri-emëruar.
Ky është pak më tepër se mashtrim, është tradhti e pastër që matrapazët politik, të maskuar si “kundërshtarë” të kryetarit dhe “reformator” i bën elektoratit rugovian të LDK-së.
Pas kësaj tradhtie, elektoratit dhe simpatizantëve të zhgënjyer e thyer shpirtërisht të LDK-së i kanë mbetur dy rrugë e një mundësi. Të ndjekin rrugën e matrapazëve apo të largohen nga LDK-ja.
Megjithatë ekziston mundësia që të qëndrojnë të palëkundur si elektorat besnik i vizionit rugovian, që ndëshkon më votë pengmbajtësit dhe matrapazët politikë që shitën lëkurën e tyre për privilegje pushteti tek kundërshtarët e LDK-së rugoviane dhe tradhtarët e interesave shtetërore.
Është në dorën e elektoratit të pastër rugovian që në zgjedhjet e parakohshme të ndëshkojë me mos votim abuzuesit e vullnetit të tyre në kuvendin e IX-të zgjedhor, që të ndëshkojë me mos votim abuzuesit që po thirren në unitetitn e brendshëm të LDK-së pas përçarjes së madhe që i shkaktuan më 3 gusht 2019.
Pai të bashkuar përkrah njëri-tjetrit janë vetëm mashtruesit dhe lakmitarët e pushtetit, por jo edhe elektorati i LDK-së në misionin e tyre.

Thirje elektoratit rugovian

Elektorat besnik i vizionit rugovain në LDK, zgjedhjet e parakohshme janë mundësia e vetme që ka mbetur për t’i larguar nga skena politike e LDK-së uzurpatorët dhe puçistët, matrapazët dhe varrëmihësit e filozofisë politike rugoviane.
Vllëzër e motra dardane, mos u largoni nga LDK-ja pa e shfrytëzuar edhe mundësinë e fundit për ndryshime. Zgjedhjet e parakohshme janë mundësia e vetme dhe ideale pas kuvendit mashtrues që të largoni sojin e keq që ngufati vullnetin e juaj duke ua mohuar shprehjen përmes votës së lirë, si aktin më të lartë të demokracisë së një vendi.
Le të jenë zgjedhjet e parakohshme nacionale një referendum për elektoratin e LDK-së.
Elektorat i LDK-së mos u mashtroni edhe më tutje me gënjeshtrat e klanit puçist, se kinse nuk do të bëjnë koalicion me këtë apo atë subjekt politik, se do bëjnë këtë apo atë.
Mos u mashtroni as në emra sorrosian që ju ofron klani puçist kinse për kryeminstër të ardhshëm të vendit, për shkak se pikërishtë aty qëndron mashtrimi që kanë përgatitur kësaj radhe për ju.
Klani puçist me slloganin “Lidhja” ka kohë që nuk punon për të mirën e LDK-së. E gjithë strategjia e tyre është e orjentuar kah pushteti. Drejtuesit e këtij klani mendjen nuk e kanë tek qytetarët, por tek milionat që ua siguron i ëmbli pushtet.
Prandaj, nëse dëshironi të bëni shkëputjen në mes klanit puçist dhe frymës rugoviane në LDK, ndëshkojeni me mos votim listën zgjdhore të klanit puçist, të klanit që theu shpresat e juaja dhe qytetarëve të vendit në disa palë zgjedhje rresht.
Mos votimi i klanit puçist, përkatësisht bojkotimi i zgjedhjeve të kurdisura, do të ishte përgjigja më e mirë ndaj kapësve të LDK-së dhe shtetit në përgjithësi.
Elektorat i pastër rugovian, të paktën kësaj radhe, mos lejoni që më votën tuaj klani puçist t’i dërgojë edhe një herë tri shkrojnat e arta në shtratin e SHIK-ut.
Le të shkojnë vetë ku janë nisur e të bëjnë çfarë të donë matrapazët politikë, por ju mos u bëni krushq të një martese të re PDK-LDK.
Me mos pjesëmarrje në zgjdhjet e kurdisura do t’i shpëtoni mallkimit të historisë dhe do t’i hapni rrugë një ndryshimi të madh nesër.
Ka ardhur koha që më përbuzjen më të madhe të ndëshkohen me mos votim dhe bojkotim të zgjedhjeve matrapazët politikë që nuk lanë gjë pa bërë duke u thirrur në emrin e tri shkronjavet të arta “LDK”.
Të ndëshkohen ata që për 11 vite pas pavarësisë (në dy mandate qeverisëse) punuan vetëm për interesat e tyre, u ngriten në karrierë dhe u pasuruan, punësuan familjarë dhe farefisin e tyre në institucione shtetërore, duke e lënë në harresë të plotë elektoratin e LDK-së.
Ky soj i keq i politikanëve, që elektoratit i ofrohen vetëm në prag të fushatave zgjedhore, sa për ta mashtruar dhe rrëmbyer votën duhet të ndëshkohen e jo të ndihmohen në misionin e tyre.
Ky soj i keq i politikanëve që nuk mbajnë fjalën dhe premtimin e dhënë e meritojnë ndëshkimin e elektoratit rugovian të LDK-së.
Lexues të këtyre rreshtave, edhe pse kësaj radhe nuk u lëshova në emra të përveqëm, besoj që e keni kuptuar më qartë se asnjëherë më parë qëllimin dhe mesazhin e këtij shkrimi.
Reagimet e “buta” të ditëve të fundit nuk janë personale, janë në funksion të vetëdijësimit akoma më të madh të elektoratit rugovian që mos të bie në grackën e mashtruesve ordinerë, që për qëllim kanë pushtetin përmes shtratit të SHIK-ut, e jo mbrojtjen e interesit të shtetit siq trumbetojnë parreshtur.

Intervista – Veseli: S’ka më kryeministër me qira

Kryetari i Partisë Demokratike të Kosovës Kadri Veseli, ka thënë se partia e tij nuk përkrah një qeveri teknike dhe se zgjedhjet janë e vetmja mënyrë për të dalë nga kriza. Veseli, i cili mban postin e kryetarit të Kuvendit, ka thënë se PDK-ja, ia ka dhënë dy herë postin e kryeministrit partive tjera, siç ka thënë ai me qira, dhe se një gjë e tillë nuk do të ndodhë në këto zgjedhje. Duke folur gjatë një interviste për Radion Evropa e Lirë, Veseli e ka quajtur këtë legjislaturë si të papërgjegjshme. Ai ka thënë se ai është duke folur hapur për gabimet që i ka bërë partia e tij. “Gabimet të cilat i ka bërë Partia Demokratike e Kosovës, unë jam duke i sanuar”, ka thënë Veseli.

Radio Evropa e Lirë: Kryesia e Kuvendit të Kosovës, ka marrë vendim për mbajtjen e seancës më 22 gusht për shpërndarjen e Kuvendit. Ka pasur deklarata se deri në këtë datë mund të ketë tendenca për formimin e një qeverie teknike. A do të pranonte PDK-ja diçka të tillë?

Kadri Veseli: Është e vërtetë, ka pasur oferta që të vazhdohet ky mandat deri në vitin 2021, me mandatar për kryeministër nga Partia Demokratike e Kosovës, përkatësisht vetë mua, ka pasur edhe oferta nga partitë të cilat tentojnë në opinionin publik të flasin për zgjedhje shumë të shpejta të parakohshme. Por jo, kjo nuk do të ndodhë për vetë faktin se në rrethanat në të cilat është Kosova aktualisht, qytetarët e meritojnë një qeverisje e cila do t’i drejtonte në një rrugëtim të zhvillimit të perspektivës, luftës kundër korrupsionit, këto janë prioritetet më të mëdha në Kosovë, punësimi dhe lufta kundër korrupsionit.

Në të njëjtën kohë, në momentin kur Kosova është e fuqishme ekonomikisht, mund të ballafaqohet edhe me Serbinë, në këtë moment më së shumti i duhet legjitimiteti qytetar, çdoherë kur kemi dyshime në vete duhet t’iu drejtohemi qytetarëve, ky ka qenë vendimi im, ndoshta dikë e ka befasuar, por besoj te qytetarët dhe duhet të shkojmë në zgjedhje, meqenëse këto zgjedhje janë edhe një lloj referendumi për rrugën në të cilën do të shkojë Kosova në katër vitet e ardhshme.

Radio Evropa e Lirë: Çfarë oferte ka qenë?

Kadri Veseli: Ka qenë oferta, jo vetëm për ne, përkatësisht që Partia Demokratike e Kosovës për kryeministër me mua të mbarohet deri në vitin 2021, ofertë konkrete nga parti politike të cilat sot flasin për vija të kuqe në zgjedhje vetëm për hir të një përfitimi në opinionin publik. Unë po flas edhe njëherë, në momentin kur ka dilema, vendosmëria më e madhe e imja ka qenë që të shkojmë në zgjedhje. Çdoherë kur e kemi pyetur popullin kemi dalë më mirë dhe në momentin kur e fiton këtë legjitimitet duhet pastaj edhe ta drejtojë vendin.

“Dy herë e kemi dhënë kryeministrin me qira”

Kadri Veseli: Nuk ka kompromise, për vetë faktin se unë po flas si kryetar i PDK-së, dy herë e kemi dhënë kryeministrin me qira, dy herë. Njerëzit që nuk e kanë besimin e qytetarëve, nuk e kanë as legjitimitetin, por as përgjegjësinë, në dy rastet kemi dështuar dhe kjo është dhe ky është një rast unik për vetë Kosovën që të ecet përpara. PDK-ja shkon në zgjedhje me besimin tek vullneti i qytetarëve, askush nuk guxon ta cenojë vullnetin e as interesin e qytetarëve, por shkon edhe me besimin për të fituar dhe për të udhëhequr me atë legjitimitet që e japin qytetarët, në asnjë mënyrë tjetër.

Radio Evropa e Lirë: Zoti Veseli, këto parti që i përmendët, cilat janë?

Kadri Veseli: Nuk do të flas specifikisht, por shikoni edhe deklaratat e fundit të ditës së djeshme kur parti të cilat kanë thirrur urgjentisht edhe protesta për zgjedhje të parakohshme, ne e kemi ditur, unë e kam ditur se kanë qenë të tilla parti që kanë ofruar ofertë për bashkëqeverisje deri në vitin 2021, edhe Vetëvendosje, kurse tani flasim për një qeveri e cila është teknike. S’ka qeveri teknike, ka zgjedhje, askush nuk duhet t’iu frikësohet qytetarëve për arsye se ata janë vendimtarë për mandatin tonë dhe për fatin tonë politik dhe të ardhmes së Kosovës.

Zgjedhjet janë të pashmangshme. E kam thënë nga momenti i parë, janë munduar të manipulojnë në këtë proces, kur e kanë parë tani që ka zgjedhje, hajt të shkojmë me një opsion tjetër. Nuk ka opsion tjetër, ka vetëm zgjedhje të cilat janë vendimtare, janë referendum për të ardhmen e Kosovës. Kurrë më shumë sesa këto 3-4 vjet nuk është përmendur nga parti politike në Kosovë, Serbia të cilën në vitin 1999 e kemi mundur, e kemi larguar nga këtu. Cili është interesi, që përmes frikës nga Serbia të fitohen votat?

Qytetarët kanë disa shqetësime, ato janë kryesore, njerëzit duan punësim dhe njerëzit duan që të korruptuarit të largohen. Këtë kam filluar ta bëj në PDK. Do ta bëj në gjithë Kosovën. Sa i përket çështjes së ballafaqimit me Serbinë, nuk ka opsion tjetër, ne kemi një mandat i cili rrjedh nga liria e Kosovës, nga UÇK-ja, kushdo që mendon të bëjë pazare dhe të fitojë vota (e ka gabim), Serbia ka marrë fund.

Serbia nuk do të kthehet kurrë në Kosovë, qytetarët nuk kanë nevojë të frikësohen nga Serbia, qytetarët kanë nevojë të frikësohen vetëm nga njerëzit e papërgjegjshëm, njerëzit e korruptuar dhe nga zhvillimi ekonomik, këto janë orientimet të cilat duhet t’i kemi ne. Sa i përket ballafaqimit me Serbinë, ne e kemi një platformë shumë të qartë, sovraniteti i shtetit dhe integriteti janë të pacenueshme, askush nuk guxon as ta përmendë Mitrovicën në dialog e lëre më për ndonjë manipulim. Mitrovica është e shenjtë, shkojmë në fushatë elektorale me projekte të cilat janë ekonomike.

Veseli: Nuk ka qeveri teknike

Radio Evropa e Lirë: Kur jemi te formimi i një qeverie teknike ose kalimtare nga kush erdhi ideja nga faktori ndërkombëtar apo nga ai i brendshëm?

Kadri Veseli: Faktori ndërkombëtar ka investuar shumë në Kosovë, është shumë i qenësishëm në mënyrë të veçantë Shtetet e Bashkuara të Amerikës dhe partnerët tanë perëndimorë nga Evropa. Natyrshëm se ata i kanë shqetësimet e veta të cilat kanë të bëjnë me copëzimin në skena politike kosovare. Ata e dinë çka po flasin në zyrat e tyre dhe çka po flasin në popull. Një pjesë e klasës politike në Kosovë po mendon përmes manipulimit dhe frikës qytetare të ndërtojë pseudo-kauza të rrejshme, qoftë nga frika për Serbinë se do të rikthehet në territorin e Kosovës, qoftë në pseudo-kauza se do ta luftojnë korrupsionin e nuk janë të gatshëm asnjërën ta bëjnë.

Duhet të përfundojë ideja e kalkulimeve në emër të Kosovës në emër të kauzave të mëdha të Kosovës për të qëllime elektorale. Qytetarët janë duke i vërejtur këto parti politike që bëjnë vija të kuqe e të bardha, të cilat bëjnë kompromise e flasin për patriotizëm, e në anën tjetër Kosova është e shenjtë, njerëzit e Kosovës kanë nevojë për punësim, për zhvillim ekonomik, për luftë kundër korrupsionit dhe ta forcojnë shtetin, policinë, ushtrinë. Këto arrihen kur ka ekonomi të fuqishme edhe partneritet.

Radio Evropa e Lirë: Në zgjedhjet e kaluara, ju keni hequr dorë nga nominimi për kryeministër, do ta bëni një gjë të tillë edhe tani?

Kadri Veseli: Më duket se isha shumë i saktë. Nuk ka më kryeministër me qira. Nuk ka më manipulime të kauzave qytetare, vetëm si të mbijetohet politikisht. Jeta ime nuk varet prej politikës për asnjë sekondë. Jeta ime varet nga nderi, puna dhe kombi im, të cilit i takoj. Nuk varem nga një palë zgjedhje. Nuk mërzitem fare për një palë zgjedhje. Mirëpo mashtrimet, dhe atyre që mendojnë se e mashtrojnë kaq lehtë qytetarin e Kosovës dhe e frikësojnë atë, iu ka ardhur fundi.

Nuk ka pseudo-kauza, ka drejtpërdrejtë kauza të kombit dhe të qytetarit. Do të thotë, Kosova është perëndimore, Kosova duhet të orientohet nga zhvillimi ekonomik dhe të largohen patriotizmat e rrejshëm pas 20 vjetëve. E kanë vënë Kosovën mes identitetit: Nëse është kosovar apo shqiptar? A e do flamurin kombëtar, a e do flamurin shtetëror? A është për bashkim kombëtar apo për Republikën e Kosovës? Në vend që të jetë: A jeni pro-shqiptar apo pro-serb? A jeni për Kosovën a jeni për Serbinë? Dhe jo që Bashkimi Kombëtar të bëhet kauzë, apo nëse je pro-serb je me Republikën e Kosovës. Unë jam me Republikën e Kosovës, unë jam me flamurin e shtetit të Kosovës. Do ta mbroj deri në fund në gjithë hapësirën e territorit të Kosovës. E sa jam shqiptar e kam treguar deri më 12 qershor 1999.

“Ishte legjislaturë e papërgjegjshme”

Radio Evropa e Lirë: Nga 144 ligje, Kuvendi ka miratuar vetëm 18 për qind prej tyre. A ishte kjo legjislaturë dembele?

Kadri Veseli: Nuk ishte legjislaturë dembele, ishte legjislaturë e papërgjegjshme. Të jem shumë i drejtpërdrejtë, kur një opozitë, e cila mendon vetëm si ta fitojë pushtetin… imagjinoni tash, për dy vjet kanë thënë të shkojmë në zgjedhje të parakohshme ndërsa mbrëmë e keni qëndrimin se ‘eja të bëjmë qeveri tash’. Ku është morali politik këtu?

Kjo e ka bllokuar Kosovën. Nuk ka rëndësi nëse je pozitë apo opozitë, ligjet që janë në shërbim të kombit, në shërbim të qytetarit, duhet të aprovohen. Ky është mesazhi që duhet ta thotë secili prej nesh. Ndërsa sa i përket papërgjegjshmërisë që ka ndodhur këto dy vjet, unë uroj që të mos ndodhë asnjëherë. Por, edhe një mesazh, klasa politike, ne që dalim në zgjedhje, jemi nënprodukt i mentalitetit të votuesve tanë. Nëse ata e shohin që ne mashtrohemi aq lehtë dhe manipulohemi, ata do të vazhdojnë në mënyrën e njëjtë paskajshmërisht dhe vetëm do ta riciklojnë. Maqedonia e Veriut ka humbur 20 vjet te çështja e ndërrimit të emrit. Pra, 20 vjet i ka humbur, ka pasur mundësi që të jetë në Bashkimin Evropian, në NATO, kohë më parë.

Sot e dimë ku ka mbetë. Duhet të ecim sa më fuqishëm përpara. Unë jam i bindur se orientimi im është interes edhe i këtij kombi, këtij shteti dhe qytetarëve tanë. Është orientim në luftën kundër korrupsionit, që duhet çrrënjosur, njerëzit e këqij duhet të largohen dhe duhet dhënë perspektivën njerëzve të mirë edhe në punësim, në mënyrë që njerëzit të mos ikin nga Kosova.

Radio Evropa e Lirë: Pas vendimit të Gjykatës Kushtetuese, kush duhet t’i udhëheq bisedimet me Serbinë, kryeministri apo presidenti?

Kadri Veseli: Ai që e fiton mandatin e qytetarëve në zgjedhje të cilat dalin edhe të mos bëhet frikacak edhe mos të kalkulojë për interesa te veta. Duhet kujtuar se interesi më i madh është i Kosovës kudo që të jesh, edhe nëse je në opozitë edhe nëse je në burg nuk është ajo që sot, duhet të kalkulohet në interesin e individit, duhet të kalkulohet interesi çka fitojnë fëmijët tanë. Çfarë trashëgimie u lëmë fëmijëve tanë… a do t’iu lëmë diçka të cilën e kemi jetuar ne vet kur prindërit tanë nuk e kanë ditur çfarë fati kemi ne? Apo do t’iu lëmë fëmijëve tanë një Kosovë e cila është e sigurt, pa taksirate, por me perspektivë edhe me orientim të qartë perëndimor.

Le ta harrojë dikush nëse mendon se Kosova mund të ecë përpara si ishull i izoluar. Është shumë me rëndësi dhe ky është interes strategjik. Përveç vizionit dhe vendosmërisë kombëtare për t’i ruajtur të gjitha vlerat të cilat i kemi, është edhe mençuria strategjike me qenë afër SHBA-së dhe partnerëve perëndimorë. Kështu e kemi fituar luftën në Ushtrinë Çlirimtare të Kosovës. Me vendosmëri. Pa kompromis në luftë, por edhe me mençuri strategjike duke i bërë partnerët që të jenë afër nesh edhe ta bombardojnë Serbinë dhe jo ta afrojnë Serbinë me partnerët perëndimorë dhe ta bëjnë një gjuhë që të na dalin ne kundër.

“Korrupsioni, armiku kryesor në Kosovë”

Radio Evropa e Lirë: A ishit i kënaqur me këtë qeverisje të deritanishme? Çka shkoi e çka nuk shkoi mirë?

Kadri Veseli: Kanë shkuar disa vendime të cilat kanë qenë pozitive, të cilat kanë mundur të ecin. Por, neve na kanë shkuar keq [gjërat] nga momenti kur kanë filluar kauzat pseudo-patriotike. Ne kemi harxhuar një vit kush po e ndan Kosovën e kush po e mbron Kosovën. Imagjinoni në vitin 2019, njëzet vjet pas luftës, është folur se dikush po do ta shkatërrojë e dikush nga ta po do ta mbrojë. Kosovën nuk mund ta dëmtojë askush, veç vetën do ta dëmtojnë kush mendon.

Pra individët, çfarëdo pozicioni qeveritar ose institucional, kudo që janë. Kosovën e mbron populli i qytetarëve, e mbron gjaku i dëshmorëve. Nuk është e lehtë, nuk është plaçkë Kosova për ta cenuar integritetin, sovranitetin. Por, më shumë kemi mundur të punojmë në aspektin ekonomik. Nuk është ndalur korrupsioni. Kam kërkuar edhe nga partnerët edhe nga partitë e opozitës… hajde t’i marrim vendimet të cilat e ndalin korrupsion për arsye se korrupsioni është aktualisht armiku kryesor në Kosovë. Të paktën njerëzit kështu po mendojnë edhe ka korrupsion.

Ka nepotizëm në të gjitha partitë. Hajde t’i ndalim këto dhe të krijomë mekanizma. Ka mundësi të krijohet mekanizmi që i ndalë këto. Do ta shohim nëse është fati jetësor e të jetë më e mira për kombin të ndodhë pas këtyre zgjedhjeve edhe të fitoj unë, të fitojë PDK-ja dhe vetëm me legjitimitetin qytetar do ta shihni se si do të ndalen këto; edhe korrupsioni edhe punësimet partiake të cilat po i quajmë nepotizëm. Ka mundësi përmes përgjegjshmërisë dhe transparencës.

Radio Evropa e Lirë: Po pse nuk janë ndaluar nga PDK-ja këto dukuri?

Kadri Veseli: Gabimet të cilat i ka bërë Partia Demokratike e Kosovës, unë jam duke i sanuar. Ne në PDK flasim hapur për këto çështje, disa zëra mund të jenë kundër, unë nuk mërzitem fare. Por, partitë e tjera nuk kanë guxim t’i flasin këto edhe kanë për t’i vazhduar edhe më rëndë. Ato i flasin në mënyrë të hapur edhe duke akuzuar PDK-në.

Jo, jo, shikoni LDK-në, gjysmën e zyrtarëve i ka komunalë dhe të kryesisë së partisë me aktakuza për korrupsion. Shikoni Vetëvendosjen se çka ka bërë dhe çka është duke bërë në Prizren dhe shikoni edhe kur ka qenë në Prishtinë si për korrupsion dhe për punësime e nepotizëm. Kjo është një sëmundje ngjitëse e cila duhet të ndalet në Kosovë. Nuk po flas për AAK-në fare dhe nuk po flas as për partitë e tjera fare. Pra, ky është një fenomen mashtrues që duhet të ndalet dhe do ta ndali.

Radio Evropa e Lirë: Ftesat nga Gjykata Speciale a do të kenë ndikim në mënyrën se si do të duket qeveria e ardhshme?

Kadri Veseli: Kurrfarë ndikimi në Kosovë nuk ka për të pasur asnjë gjykatë, sepse gjykatat kanë per ta kryer pune e vet, ne do t’i respektojmë. Ne do ta respektojmë vullnetin e qytetarëve, kauza e kombëtare e Kosovës ka për të ecur përpara nuk ka pengesa dhe s’mund të ndalet. Por, duhet të ballafaqohemi edhe me ato pretendime, të cilat kanë tentuar ta dëmtojnë shtetin e Kosovës.

Kjo është arsyeja pse e kemi votuar. Do t’i shkojmë deri në fund dhe shpresojmë se askush të mos ketë aktakuzë për krime të cilat janë të pretenduara. Jam shumë i sigurt se të gjithë luftëtarët e UÇK-së do të dalin faqebardhë dhe do të dalin të pafajshëm. Nuk ka pasur luftë më të pastër, më të drejtë, më parimore, në një organizatë luftarake siç ka qenë Ushtria Çlirimtare e Kosovës.

Kosova nuk e njeh pasaportën serbe, njeh vetëm letërnjoftimin

Hyrja dhe dalja nga shteti i Serbisë në Kosovë dhe anasjelltas realizohet vetëm me letërnjoftim, kanë thënë zyrtarë të Qeverisë në largim pas paraqitjes se shqetësimeve të disa qytetarëve serbë që jetojnë në Kosovë, se policia kufitare nuk po lejon qarkullimin me pasaportat serbe.

Sipas tyre kjo është e bazuar në marrëveshjet e arritura në Bruksel për lëvizje të lirë të arritur në mes Prishtinës dhe Beogradit në korrik të vitit 2011.

Ministri në dorëheqje i Punëve të Brendshme, Ekrem Mustafa, në një prononcim për Radion Evropa e Lirë, konfirmon që gjatë qarkullimit mund të përdoret vetëm letërnjoftimi, por që nuk mohon faktin se ka pasur tentime që të kalohet edhe më pasaporte serbe, që lëshohen nga Drejtoria Koordinuese në Ministrinë e Punëve të Brendshme të Serbisë.

“Në këto raste, Drejtoria e Kufirit ka intervenuar sepse sipas të dhënave udhëtimi ka ndodhur me pasaportë. Pasaporta nuk njihet si dokument për udhëtim mes këtyre dy shteteve sipas marrëveshjes se Brukselit”, ka thënë Mustafa.

Në marrëveshjen për lëvizje të lirë thuhet se “qytetarët (me vendbanime të përhershme) të të dyja palëve duhet të kenë mundësi të udhëtojnë lirshëm brenda ose përmes territorit të njëra tjetrës dhe në pikat kufitare të qarkullojnë vetëm me letërnjoftim.”

Një gjë e tillë i ka ndodhur edhe gazetares së Radios Evropa e Lirë në gjuhën serbe, Zharka Radoja, e cila kaloi pikën kufitare të martën në mbrëmje mes Kosovës dhe Serbisë.

“Shkaku i informacionit që kam dëgjuar se nuk lejojnë kalimin e njerëzve me pasaportë në Kosovë, unë policit të Kosovës, ia kam treguar pasaportën për të parë reagimin e tij. Polici më pyeti nëse rastësisht kam letërnjoftim me vete. I thash që po e kam, por e pyeta, pse, nëse e kam edhe pasaportën. Ai më tha se është më mirë të kalojë me letërnjoftim, dhe pastaj më tha që t’i informoj të gjithë ata që i njoh që të mbajnë letërnjoftimet pasi nuk mund të hyjnë dhe as të dalin nga Kosova me pasaportë serbe”, thotë Radoja.

Edhe Bogoljub Marinkoviq, pronar i Agjencisë së Transportit “KimCo” nga Graçanica, që qarkullon në drejtimin Graçanicë- Beograd shprehet se udhëtaret nuk mund të qarkullojnë me pasaportë.

“Jo vetëm më pasaporta që janë lëshuar për Kosovën, por edhe me pasaportat serbe. Me një pasaportë serbe ai nuk mund të hyjë në Kosovë, mundet me letërnjoftim, fëmijët mund të hyjnë me certifikatë me fotografi, por me pasaportë nuk munden. Ne në fillim i informojmë të mos udhëtojnë nëse kanë pasaportë serbe. Pasaportat e lëshuara nga ana e Ministrisë së Brendshme e Serbisë nuk vlejnë në Kosovë”, ka thënë Marinkoviq

Ndryshe, në vitin 2009 kur Serbisë iu mundësua liberalizimi i vizave, Serbia atëkohë miratoi rregulloren me të cilën të gjithë atyre që kanë vendbanim në Kosovë, dokumentet e udhëtimit t’ua lëshojë drejtoria Koordinuese e Ministrisë se Punëve të Brendshme të Serbisë në Beograd, e që në Kosovë konsiderohen jo valide.

Poseduesit e tyre nuk mund të udhëtojnë pa viza në vendet e BE-së.

Ish-ministrja për dialog e Kosovës, Edita Tahiri, thotë se pasaportat e qytetarëve serbë të lëshuara nga strukturat paralele, janë jovalide. Kurse sa i përket qarkullimit, ajo thotë se në Kosovë zbatohet marrëveshje për lëvizje të lirë, e që mundësohet vetëm me anë të letërnjoftimit dhe jo pasaportës.

“Kur qytetarët e Kosovës udhëtojnë nëpër aeroportet e Serbisë për vendet e treta, njihet pasaporta dhe kur të braktisin Serbinë, si vend transit, në dalje verifikohet pasaporta e tyre. Edhe sa i përket qytetarëve të Serbisë është e njëjtë, me leje të njoftimit mund të hyjnë në Kosovë. Nëse përdorin Aeroportin e Prishtinës për të shkuar diku, duhet të kenë pasaportën, kurse këto pasaportat ilegale të lëshuara nga mekanizimi paralel (Drejtoria Koordinuese në MPB e Serbisë) ato nuk vlejnë, janë ilegale dhe nuk pranohen”, tha Tahiri për Radion Evropa e Lirë.

Për këtë ka reaguar edhe kryeministrja e Serbisë, Ana Brnabiq, duke thënë se ndalesa e hyrjes me pasaporta serbe, është treguesi më i mirë se në këtë “kuazi-shtet” nuk dihet “kush pi e kush paguan”.

Intervista – Joseph: Zgjedhjet në Kosovë janë edhe referendum

Zgjedhjet në Kosovë do të jenë pjesërisht edhe referendum për disa çështje siç është “shkëmbimi i territoreve”, ka thënë në një intervistë për Shërbimin e Ballkanit të Radios Evropa e Lirë, Edward Joseph, profesor i Universitetit “John Hopkins”, i cili ka qenë edhe pjesëmarrës në misione të ndryshme në Ballkan gjatë dhe pas luftërave të viteve të 90-ta.

“Serbia është në një situatë tjetër, sepse pozicioni i presidentit Aleksandar Vuçiq është shumë i fuqishëm. Ai kontrollon Qeverinë, ka një ndikim të madh në media, gëzon mbështetjen e Rusisë. Pra, ai ka një pozicion shumë të fortë që i lejon atij të arrijë një marrëveshje për Kosovën”, ka thënë Joseph.

Joseph thotë në këtë intervistë se ndryshimi i kufijve mes Kosovës dhe Serbisë është një skenar i rrezikshëm që nuk do të zgjidhë mosmarrëveshjen në raportet mes tyre.

“Përkundrazi, do ta komplikonte situatën, do t’i jepte fund pranisë së serbëve në jug të Kosovës, duke rrezikuar statusin e Deçanit, Graçanicës dhe pasurive të tjera të rëndësishme serbe. Kjo menjëherë do të hapte çështje më të gjera rajonale, siç është statusi i Sanxhakut dhe Republikës Serbe”.

Megjithatë, analisti amerikan, vlerëson se për çështjen e ndryshimit të kufijve, ka qëndrime të ndryshme në Uashington.

“Për shembull, për dallim nga Bolton ( John Bolton- këshilltari për siguri kombëtare i Shtëpisë së Bardhë) ekziston një pozicion tjetër i Departamentit të Shtetit, i cili thekson se çdo zgjidhje për Kosovën duhet të marrë parasysh stabilitetin rajonal, dhe shkëmbimi i territoreve sigurisht nuk kontribuon në stabilitetin e Ballkanit”, tha Joseph, duke shtuar se tashmë Bolton ka sinjalizuar se e mbështet ndryshimin e kufijve si zgjidhje ndërmjet Kosovës dhe Serbisë.

I pyetur për ndikimin që mund të ketë dorëheqja e Ramush Haradinajt në dialogun Kosovë-Serbi, Joseph tha se e ardhmja politike e Haradinajt është në duart e Gjykatës në Hagë.

“Së pari, e ardhmja politike e ish-kryeministrit Haradinaj tani është në duart e Tribunalit të Hagës. Ai së pari përballet me çështje ligjore përpara se të përqendrohet në çështje politike”, ka thënë Joseph.

Joseph: “Një qeveri kalimtare do të mund të pezullonte tarifën”

I pyetur të komentojë opinionet se thirrja që i është bërë Haradinajt nga Haga – edhe pse dy herë ka qenë i liruar nga Tribunali I Hagës – është formë e presionit që Perëndimi e bën ndaj tij, analisti amerikan tha:

“Ky është në një masë të madhe spekulim, që është tipike për Ballkanin ku përhapen teoritë e komplotit – edhe kur bëhet fjalë për institucione të gjyqësisë që duhet të jenë plotësisht të pavarura nga ndikimet politike”, thotë Joseph.

Lidhur me qëndrimet e ndryshme për çështjen e taksës ndaj mallrave serbe, Joseph thotë se kanë ekzistuar mospajtime ndërmjet Prishtinës dhe Shteteve të Bashkuara, të cilat gjithashtu kanë kërkuar heqjen e saj.

“Në këtë kuptim edhe një qeveri kalimtare do të mund të pezullonte tarifën me kushte të caktuara, përfshirë edhe gatishmërinë e Beogradit për të kontribuar në zhvillimin pozitiv dhe suksesin e dialogut”, ka thënë Joseph.

Përgatiti: Kestrin Kumnova

GRAMOS RUÇI (ENVER HOXHA I RIU) NË BEOGRAD PËR MIQESI VËLLAZERORE ME SERBINË!! – Opinion nga BINAK MAXHARRAJ

Dikur ishte i perkedheluri dhe alfa e amega i regjimit diktatorial të Enver Hoxhës, i cili së bashku me Enver Hoxhen vranë e prenë për gadi 50 vjet ne Shqiperi duke i pushkatuar mbi 6000 veta, patriotë dhe atdhetarë.

Ky njeri qe nuk e vret ndërgjëgjeja për asgje paska shku edhe në Beograd të kriminelet te cilët vran, masakruan, dhunuan dhe e banë krejt Kosovëm tokë te djegur, sot është si përçudi te ironis edhe Kryeparlamantar i Parlamentit te Kosovës bash si Kadri Veseli.

Ai paska shkuar ne Beograd ne çerdhen e çetnikeve dhe ustasheve për te krijuar grupe të miqesisë me Shkijet e Bogradit, te cilët shqiptaret e Kosovës as qe don më i pa me sy, perkundrazi…

Bravo Enver Hoxha i riu këkonë miqesi me më shkijet e Beogradit gjakatar, kurse me vëllazerit e vetë ne Kosovë as nuk ja ndin palla për ta, sepse as pro-greku dhe pro-serbi Edi Rama nuk është hiçë më i mirë se Enver Hoxha i riu Gramos Ruçi.

Kosovë, shqetësime për armatosjen e Serbisë nga Rusia

Në Kosovë autoritetet tërhoqën vërejtjen se pajisja e Serbisë me armatime ruse paraqet mesazhe kërcënuese të shtetit serb ndaj Kosovës, ndërsa i kërkuan Beogradit që t’u jap fund siç thuhet, deklarimeve kërcënuese.

Reagimet pasuan edhe një vizitë shefit të Shtabit të ushtrisë së Serbisë, Milan Mojsiloviç, në Moskë ku ai citohet të ketë thënë se me kolegët rus kishin analizuar posaçërisht situatën në Kosovë dhe se Serbia ka mbështetjen e udhëheqjes ushtarake ruse për mënyrën se si po punon ajo për çështjen e Kosovës.

Kryeministri në dorëheqje i Kosovës, Ramush Haradinaj, shkroi në rrjetet sociale se “komandanti i ri i ushtrisë së vjetër famëkeqe të Serbisë, Milan Mojsiloviq, paska deklaruar se kanë përkrahjen e ushtrisë ruse për sfidat në Kosovë. Ia kujtojmë atij se edhe Slobodan Millosheviç mendonte njësoj, por i doli keq. Ata duhet t’i ndalin këto provokime”, shkroi ai.

Zyrtarët të ministrisë së Mbrojtjes së Kosovës thonë se kohëve të fundit janë thelluar provokimet dhe mesazhet kërcënuese të shtetit serb ndaj Kosovës.

Zëvendësministri i Mbrojtjes në dorëheqje, Burim Ramadani, tha për Zërin e Amerikës se këto mesazhe janë kërcënuese edhe për Ballkanin në tërësi.

“Normalisht se janë mesazhe kërcënuese që jo vetëm shtetet në Ballkan por edhe partnerët ndërkombëtar NATO duhet t’i marrin seriozisht dhe në të njëjtën kohë t’i shohin se fatkeqësisht mentaliteti, logjika dhe mënyra e të menduarit në Serbi nuk ka ndryshu, përkundrazi vetëm është vendosur në një orientim më të mbrapshtë ka Rusia”, tha zoti Ramadani.

Serbia një aleate tradicionale e Rusisë synon të anëtarësohet në Bashkimin Evropian, por ecën në vijën e ngushtë ndërmjet Rusisë dhe perëndimit. Rusia kundërshton fuqishëm anëtarësimin e mundshëm të Serbisë në NATO ndërsa viteve të fundit ka furnizuar me armatime Serbinë, gjë që ka shtuar edhe shqetësimet e vendeve të rajonit por edhe reagimet ndërkombëtare.

Zëvendës presidenti i Këshillit të Atlantikut, Damon Wilson tha për Zërin e Amerikës në gjuhën serbe se një vend që synon anëtarësimin në Bashkim Evropian nuk duhet të marrë armë nga Moska.

“Rruga e Serbisë për në Bashkimin Evropian është përmes normalizimit të marrëdhënieve me Kosovën, e jo përmes armëve ruse, jo përmes armëve nga Moska. Për sa kohë që Kosova është një cështje e hapur, ne do të shohim përpjekjet ruse, do të shohim lojëra serbe, të gjitha ato vendime koundërthënëse “, tha zoti Wilson duke nënvizuar se vendimet e tanishme mund të jenë të dëmshme për qëllimet e Serbisë.

Zoti Ramadani thotë se armatosja e Serbisë nga Rusia dërgon sinjal të keq për vendet e rajonit dhe kjo po bën ndarjen e këtyre vendeve.

“Duke e ditur që të gjitha shtetet përreth Serbisë ose janë në NATO ose kanë prezencë jashtëzakonisht të madhe të NATO-s sikurse është rasti i Kosovës dhe në të njejtën kohë Serbia po tenton të izolojë veten pra ta bëj ndryshe nga të gjithë të tjerët duke qenë e ndërveprueshme vetëm me Rusinë. Këto janë mesazhe kërcënuese afatgjate pra nuk janë mesazhe kërcënuese për momentin dhe në të njejtën kohë vendos nivelin e bashkëpunimit rajonal në pikëpyetje sa i përket Rusisë”,tha zoti Ramadani.

Javën e kaluar, Serbia morri tanke dhe mjete të blinduara si dhuratë nga Rusia, e cila e ka ndihmuar Serbinë të modernizojë forcat e saj të armatosura.

Serbia ka marrë tashmë 6 aeroplanë luftarakë MiG-29 nga Rusia dhe ndonëse pretendon të jetë ushtarakisht neutrale, po negocion blerje të tjera armësh nga Moska, përfshirë heikopterë luftarakë dhe transportues të blinduar dhe sisteme të mbrojtjes ajrore. za

Faqja 79 prej 187« Fillimi ‹ Prapa 75 76 77 787980 81 82 83 Para ›Fundi »

Prishtinë

DOSJA ITALIANE: Emrat e 183 spiunëve të UDBA-s (1945- 1990), Adem Demaçi në Nr.20 par Press Independent•29 juil., 2018•0 Commentaires,

Prishtinë

Prishtinë

Përgatiti: Kestrin Kumnova

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL