Të gjitha pushtetet e pasluftës, e në veçanti këto të pas pavarësisë, më shumë kanë punuar për realizmin e interesave personale të grupeve të interesit të politikës sesa për realizmin e interesave të qytetarëve, të cilat e udhëhoqën shtetin me krim të organizuar dhe korrupsion të palejueshëm për standardet e shteteve demokratike.
Shpërndarja e legjislaturë së gjashtë të Kuvendit të Kosovës dhe vendimi për të shkuar në zgjedhje të reja të jashtëzakonshme, vetëm sa ka shtuar pakënaqësitë qytetare ndaj klasës së tejkonsumuar politike, ngase këto zgjedhje do të jenë vetëm një farsë dhe maskaradë zgjedhore e radhës për sigurimin e shumicës në kuvend për miratimin e marrëveshjes Kosovë-Serbi dhe asgjë më shumë.
Shkuarja edhe kësaj radhe në zgjedhje pa reformë zgjedhore do t’u shkojë për shtati partive që kanë qeverisur deri më tani, të cilat në parlamentin e Kosovës do t’i delegojnë të njëjtat fytyra të stërvjetëruara, të korruptuara dhe inkriminuara politike.
Sikurse në zgjedhjet paraprake, edhe këto zgjedhje do të manipulohen, vjedhen dhe kontrabandohen nga nëntokat e partive politike

Emrat e rinjë në listat zgjedhore, kozmetikë mashtruese

Edhe pse janë futur njerëz të rinjë në pjesën e fundit të listave zgjedhore, në parlament do t’i kemi të njëjtit njerëz me mendësi të vjetër dhe udhëheqje të njëjtë.
Sikurse koalicionet para zgjedhore, ashtu edhe ato pas zgjedhore do të jenë vetëm marrëveshje interesi për përfitime personale pa asnjë strategji zhvillimore për vendin.
Futja e emrave të rinj në listat zgjedhore nga ana e partive politike është vetëm një kozmetikë mashtruese për opinionin publik kinse kanë bërë ndryshime dhe reforma brenda partiake, ku përveç kuotës gjinore nuk ka shans që emrat e rinj të dalin fitues karrshi betejës brenda llojit me “veteranët” e pasuruar për dy, tre e katër mandate.
“Veteranët” me nga tre-katër mandate janë përseri uzurpatorët e pjesës më të madhe të listave kandiduese në secilën parti politike.
Klanet mafioze të partive të njëjta politike do të jenë përseri “boshti kurrizorë” i kuvendit.
“Juniorët” do të jenë vetëm numra që do të përdorën për interesa klanore për votimin e agjendave partiake, që i bie se deputetët e rinjë do të dirigjohen nga “veteranët” dhe liderët partiak.
Shprehur në mënyrë figurative, deputetët e rinjë do të jenë “rrota” të reja të “karrocës” së kuvendit e cila do të drejtohet nga “timonierët” e vjetër.
“Ujqit e vjetër” do të vazhdojë me tenderomaninë, korrupsionin, skemat e njëjta kriminale që kanë kapur çdo institucion, kanë krijuar monopole antiligjore në çdo kompani publike dhe private.
Nga parafushata shihet qartë se partitë politike edhe në këto zgjedhje do ta ndërlidhin mitin e UÇK-së dhe rugovizimit, me klientelizmin, nepotizmin dhe veteranomaninë për grumbullim të votave.
Siq ka ndodhur në fushatat tjera, edhe në këtë parafushatë partitë politike dhe kandidatët për kryeministra po proklamojnë të njëjta premtime. Dikush e ka në gojë ç’kapjen e shtetit, dikush taksën, e dikush tjetër luftën kundër korrupsionit e krimit të organizuar.
Luftimi i korrupsionit dhe krimit të organizuar, kapja dhe ç’kapja e shtetit do të bëhen sllogan neveritës i këtyre zgjedhjeve.
Zgjedhjet e 6 tetorit nuk do të mund të prodhojnë një stabilitet afatëgjatë politik e aq më pak stabilitet të qëndrueshëm ekonomik, për shkak se tashmë dihet qëllimi i tyre “madhorë”.
Prandaj rikthimi i subjekteve politike tek votuesi për të rimarrë një mandat të ri, është sigurimi i 2/3 së votave në kuvend për miratimin e marrëveshjes Kosovë-Serbi e jo ndëshkimi për keq-qeverisjen 11 vjeçare siq duhej të ndodhte realisht.
Marrja me tema të „mëdha“, edhe kësaj radhe do ta lë anash zhvillimin ekeonomik dhe mirëqenjën qytetare.
Ata ose ato që tani po vëjnë vija të kuqe, pas zgjedhjeve do t’i largojnë nga vokabulari i tyre, si gjithnjë për të “mirën” e qyterarëve dhe vendimeve të “mëdha” për vendin.
Politikanët e papërgjegjshëm thirren pikërisht në tema të mëdha vetëm sa për ta hipnotizuar votuesin me gënjeshtra dhe mashtrime, për shkak se vendimet e mëdha për Kosovën nuk i marrin palët dialoguese, por i marrin fuqitë e mëdha, siq i kanë marrë në Rambuje dhe në Vjenë.
Pra, do të jenë fuqitë e mëdha në Bruksel e Washington, në Paris e Bruksel që do të vendosin për fatin e Kosovës, përkatësisht ndarjen përmes shkëmbimit të territoreve apo bosnjëzimin përmes “Zajendincës”, e cila “De facto” e shënon zgjidhjen finale (fatale) për Kosovën.
Servimi i temave të mëdha në fushatë zgjedhore nga ana e subjekteve politike, s’është gjë tjetër veqse demagogji e pastër politike e cila do të shfrytëzohet vetëm për akuza të ndërsjella për korrupsion, për krim të organizuar, për vrasje politike dhe për tradhti kombëtare.

Çfarë do të ndodhë pas zgjedhjeve!?

Të njëjtin politikanë do t’i shohim së bashku dhe në përqafim të njëri-tjetrit në koalicone pas zgjedhore, duke e luajtur rolin e shpëtimtarit, e dikush tjetër duke e luajtur rolin viktimës zgjedhore.
Do të ngelën të mashtruar ata që harrojnë se këto zgjedhje janë të kurdisura për të siguruar shumicën në kuvend që voton marrëveshjen Kosovë-Serbi e kurrgjë më shumë e as më pak.
Ashtu siq është i gatshëm skenari për përmbylljen e dialogut Kosovë-Serbi, është duke u përgatitur edhe skenari krijimit të qeverisë së re dhe përbërjes së Kuvendit të Kosovës për ta filluar dialogun me Serbinë dhe për ta votuar edhe marrëveshjen e dalë nga ky dialog, me shumicën e nevojshme në Kuvendin e Kosovës.
Edhe përbërja e re e deputetëve, do të jetë kryesisht përbërje e cila paraprakisht do të jetë e siguruar për kalimin e vendimeve të mëdha, të cilat vendime do të sjellin edhe ndarjen e Kosovës sipas orekseve serbe.

Nadie Ahmeti

Organet e hetuesisë në Kosovë thonë se ende janë duke i vazhduar hetimet për ndriçimin e vrasjes së politikanit serb nga Mitrovica, Oliver Ivanoviq. Sipas tyre, hetimet nuk po përfundojnë me sukses, për shkak të mungesës së bashkëpunimit me autoritetet përgjegjëse të Beogradit.

Prokurori i rastit në Prokurorinë Speciale të Kosovës, Sylë Hoxha, ka thënë për Radion Evropa e Lirë se në asnjë moment nuk kanë pushuar angazhimet për të sjellë para drejtësisë vrasësit e politikanit kosovar të nacionalitetit serb, Oliver Ivanoviq.

“Jemi duke i zhvilluar hetimet. Jemi duke grumbulluar prova me dëshmitarë të ndryshëm të mundshëm dhe në asnjë moment nuk ka pushuar asnjë veprim për rastin konkret, e kam fjalën për veprime procedurale që i kemi për këtë rast”, ka thënë Hoxha.

Politikani serb, Oliver Ivanoviq, ishte vrarë më 16 janar 2018, para selisë së partisë së tij në Mitrovicën Veriore. Ai ishte kryetar i Iniciativës qytetare “Liria, Demokracia dhe Drejtësia”.

Millan Radoiçiq, nënkryetar i Listës Serbe, sipas autoriteteve të Kosovës është i dyshuari kryesor për vrasjen e Ivanoviqit.

Prokuroria Speciale e Republikës së Kosovës ka kërkuar nga Gjykata Themelore në Prishtinë, që të lëshojë urdhër-arrest për Millan Radoiçiqin.

Për kompletimin e dosjes për fletë-arrestim ndërkombëtar, kishte folur më herët ministri në largim i Drejtësisë në Qeverinë e Kosovës, Abelard Tahiri. Por, me gjithë faktin se Tahiri kishte konfirmuar kompletimin e dosjes, fletë-arrestimi nuk është lëshuar ende.

Këtë e ka konfirmuar për Radion Evropa e Lirë, Izmi Zeka, zëvendësministër në largim i Punëve të Brendshme. Ai ka thënë se kjo procedurë shumë shpejt do të përmbyllet.

“Deri më tani nuk është lëshuar fletë-arrest ndërkombëtar për Radoiçiqin. Ne shpresojmë se shumë shpejt do të ketë fletë-arrest ndërkombëtar”, ka deklaruar Zeka për Radion Evropa e Lirë, duke mos dhënë më shumë detaje.

Presidenti i Serbisë, Aleksandar Vuçiq, më herët kishte deklaruar se Radoiçiq është intervistuar nga prokurorët në Beograd dhe se është vërtetuar se ai nuk ka marrë pjesë në vrasje. Ai, madje, kishte thënë se “mendon se e ka emrin e vrasësit të Oliver Ivanoviqit”, por po përpiqet të sigurojë prova materiale.

Në anën tjetër, prokurori Sylë Hoxha ka thënë se mungesa e informacioneve nga autoritetet e Beogradit, po ndikon në mungesën e përparimeve rreth ndriçimit të vrasjes së politikanit serb, Ivanoviq.

“Bashkëpunimi nuk ka qenë korrekt, ato (autoritetet serbe) nuk i kanë sjell provat e kërkuara. Ne kemi kërkuar t’i kemi në dispozicion bisedat që janë zhvilluar përmes telefonit të të ndjerit Ivanoviq dhe personave të tjerë, për të cilët ne kemi dyshuar. Ata (Beogradi) na kanë dhënë disa numra, por jo bisedat. Pasi dihet se pjesa veriore e Kosovës mbulohet nga Telekomi i Serbisë. Kjo ka qenë një ndër pengesat që ka ndikuar. Edhe disa gjëra që janë gjetur në vendngjarje, nuk janë përcjellë në mënyrë korrekte”, ka sqaruar Hoxha.

Pak ditë pas vrasjes së Ivanoviqit, Ministria e Drejtësisë në Qeverinë e Kosovës ia kishte dërguar katër kërkesa Qeverisë së Serbisë.

Edhe autoritetet në Serbi kanë kërkuar nga Prishtina shkëmbim të informatave rreth hetimeve.

Megjithatë, kërkesat në të dyja adresat në fund dolën se u kthyen më shumë në fajësime reciproke sesa në bashkëpunim.

Në nëntor të vitit të kaluar, Policia e Kosovës kishte arrestuar tre persona në veri të Mitrovicës, nën dyshimet se kanë lidhje me vrasjen e Ivanoviqit, ndërsa Radoiçiq, i cili është i kërkuar po ashtu, nuk është gjetur në banesën e tij.

Por, lidhur me këto arrestime, organet në Serbi kanë shprehur dyshime nëse bëhet fjalë për personat që me të vërtetë mund të jenë të dyshuar për këtë rast.

-Ky titull është thënje e Marin Barletit

Më dashur vendin tënd , është ndjenjë që njeriun fuqishem e mban zgjuar dhe e mbanë fuqishem edhe në jetë.Ma dashur është diçka e bukur, por që në diplomaci , nuk është sqaruar shumë kjo,në krahasim më njerëzit e shkrimit, të cilët dashurinë e sqarojnë mirë . Dihet së krijuesit edhe e kan ndijesin për të dashur.Krijimtaria dashurinë e paraqet në forma të ndryshme të mendimit karshi asaj që duhet vërtetë dashur.Njerëzit e politikës dhe të diplomacisë në hapësirat gjithshqiptare , duket së nuk kan mësuar shumë së çka është më dashur dikend , e veqmas atdheun dhe kombin . Nuk kan mësuar së për të qene në krye të politikës , nevoitet edhe ky komponent . Kjo çka është duke ndodhë më shtetin e Kosovës ,nuk është më politikë dhe as diplomaci.Shqiptarët që herët kan pasur ndërgjgegje për atdheun, kan shfaqur dashuri e krenari , kan ndjerë dhembjen, kan jetur dhe vepruar me idealin e atdheut. E kan mbrojtur atdheun duke sakrifikuar edhe jetën. Këtë e vërtetuan edhe në luftën e fundit çlirimtare .Sakrifica, bujaria dhe besnikeria , nuk na kan munguar kurrë , e sot shumë po na mungojnë.
Vetëdija dhe ndjenja shkojnë bashkë.Vetëdijesimi për origjinën , për vlerat sublime karshi etnisë , janë kushte esenciale për ta dashur atdheun , që nënkupton edhe flijimin për të. Sigurisht së për ta dashur atdheun ndikon edukimi famijarë , ndikon edhe rrethi ku jetojmë dhe veprojmë .Ta duam njeri-tjetrin, por mos ti urrejmë edhe të tjerët .Shëmbulli më I keq I urrejtjës , janë serbët dhe Serbia, që nuk duken aspak normal.Këta e duan vetën , duke I urrejetur të tjerët. Kjo nuk ka lidhje më njerëzorën dhe aq më pak më dashurin e mirëfillitë. Sikur serbët janë popull më kod gjenetik të prishur.Te vrasësh dhe të masakrosh njerëz të pafajshëm , vetëm pse ata e duan atdheun e tyre, e duan lirinë e vet, kjo është krim , dhe nuk ka emërtim tjetër.Gjeneratave të reja , duhet tua kultivojmë më shumë dashurinë e ndërsjellë, dashurinë ndaj Atdheut dhe Kombit. “Dashuria për atdheun ia kalon çdo dashurie tjetër”-Marin Barleti…

Nuk eshte kurrë shumë të shkruash disa rreshta për mikun dhe veprimtarinë e shquar të çeshtjës kombëtare , dhe anëtarinë e devotshëm të LDK-së, Ruzhdi Shehun. Ne plejadën e konceptit politik rugovian pa dyshim që zënë vend të rwndësishem edhe Ruzhdi Shehu. Ai qysh moti është përcaktuar që karrierën politike ta lidhë si kocka mw ashtin , më LDK –në dhe ideatorin dhe themeluesin e saj dr. Ibrahim Rugovën, ku I ka mbetur besnik edhe sot. Kur njeh bëmat e njerëzve të mirëfilltë, kur sheh ecjët dhe përkushtiminm e tyre për atdhe dhe komb, e ndjen detyrimin të shkrush qoftë edhe pak nga këta rreshta.

Sigurisht mbi të gjitha shkruan të vërteten , shkruan për tiparët njerëzore çfarë I posedon edhe kandidati për deputet nga radhët e LDK-së , të dëgës së Junikut, Ruzhdi Shehu. Ai është ndër të përët nga kjo trevë që shtë inkuadruar në LDK , dhe të gjithë flasin në superlativë për te. Përveq I papërtuar edhe I përkushtuar, si dhe bamirës , është I dashur për të gjithë. Andaj , jo vëtem për anën nga vjen, por Ruzhdi Shehu e meriton votën e të gjithëve , së ai përfaqëson edhe interesin e tyre . Ky është model I një njeriu profesionist dhe një politikani, që gjithmonë është në shërbim të qytetarëve. Një model kudo ndodhur pranë njërzëve. Sinqeriteti, burreria edhe prej politikani që e kam takuar , më gjitha këto virtyte të çmuara , janë dëshmi e një integriteti të lartë , i cili meriton votën Tuaj për zgjedhjet e 6 tetorit…

Lëvizja Vetëvendosje po kërkon mbështetje financiare nga qytetarët për zgjedhjet e 6 tetorit.

Kjo u bë e ditur në faqen zyrtare në Facebook të kësaj partie. Nga VV thonë se nuk pranojnë financime nga persona apo biznese të dyshimta.

“Të dashur miq e mbështetës të Lëvizjes VETËVENDOSJE!. Si në çdo zgjedhje, ne i drejtohemi qytetarëve për mbështetje financiare. Si subjekti më transparent në Kosovë, ne e kemi patur një mbështetje financiare në rritje, e cila është përkthyer edhe në rezultat më të mirë elektoral”, thuhet në postimin e VV-së në Facebook.

Postimi i plotë:

Ta ndihmojmë fitoren për të mirën e vendit

Të dashur miq e mbështetës të Lëvizjes VETËVENDOSJE!. Si në çdo zgjedhje, ne i drejtohemi qytetarëve për mbështetje financiare. Si subjekti më transparent në Kosovë, ne e kemi patur një mbështetje financiare në rritje, e cila është përkthyer edhe në rezultat më të mirë elektoral. Kësaj radhe fitorja jonë është e domosdoshme, për ta çliruar shtetin e Kosovës nga kapësit e korruptuar e kriminalë.

Ne nuk pranojmë financime nga persona apo biznese të dyshimta. Nuk pranojmë shuma të mëdha. Fuqia jonë bazohet në ndihmat e vogla, që na i jepni shumë prej jush.

Andaj, me rastin e zgjedhjeve të 6 tetorit, ku Lëvizja VETËVENDOSJE! do të fitojë, ne duhet të bëjmë një fushatë perfekte. Për ta arritur këtë, është e nevojshme ndihma juaj. Cilado shumë që keni mundësi, pa ju ngushtuar e pa ju vënë në vështirësi, neve na ndihmon që ta sjellim më pranë kthesën e madhe. Qeveria Kurti do të jetë momenti i kthimit të Kosovës kah e mbara, për të gjithë qytetarët e saj.

Udhëzimet mund t’i gjeni në faqen: https://donacion.vetevendosje.org

Një qytetar ka humbur jetën gjatë një fluturimi me parashutë në Prizren të shtunën rreth orës 13:00. Lajmin e ka konfirmuar për Radion Evropa e Lirë, togeri i Policisë së Kosovës për rajonin e Prizrenit, Shaban Osmanolli.

“Rreth orës 13:00, policia është njoftuar për një incident që ka ndodhur në Prizren, në zonën ku bëhen fluturimet me parashutë, ku ka qenë duke ushtruar grupi që bën fluturime. Nga informatat e para, një 45 vjeçar ka vdekur në vendin e ngjarjes, ndërsa një person është lënduar”, ka thënë Osmanolli.

Osmanolli ka shtuar se në vendin e ngjarjes janë policia e hetimeve rajonale dhe po merren me rastin. Sezoni i fluturimeve me parashutë është hapur zyrtarisht në Prizren më 5 korrik.

Qytetarët e Kosovës më 6 tetor të këtij viti do t’i kenë para vetës pesë emra që po pretendojnë ta marrin në dorë “timonin e shtetit”: Albin Kurti, Fatmir Limaj, Kadri Veseli, Ramush Haradinaj dhe Vjosa Osmani. Janë këta pesë kandidatë për kryeministra që posedojnë pasuri të mëdha dhe para të majme në xhirollogaritë e tyre bankare.

Sikurse një liderë partiak milionerë që nuk e përfillë vullnetin e elektoratit, ashtu edhe një kandidat i pasur për postin e kryeministrit nuk mund t’iu shërben interesave të shtetit dhe qytetarëve të vendit.
Sikurse kandidatët për kryeministra nga radhët e pushtetarëve që thirren në shtet ligjor dhe që zotohen për luftë të pakompromis kundër korrupsionit dhe krimit të organizuar, ashtu edhe kandidatët nga opozita po thirren në shkapjen e shtetit. Por as njërës dhe as palës tjetër nuk po iu pëlqen të flasin hapur për nepotizmin dhe punësimet familjare në institucione.
Për shkak se kapja e shtetit fillon pikërisht nga punësimet familjare, uzurpimet e pronave, granteve qveritare dhe tenderëve për vete dhe familjarët e tyre.

Pasurimi i paligjshëm i kandidatëve për kryeministra

Bazuar në pasurinë e pesë kandidatëve për kryeministra të deklaruar në Agjencinë Kundër Korrupsionit, tre kandidatët për kryeministra nga radhët e pushtetit na dalin jenë shumë të pasur, madje milionerë, mirëpo as dy kandidatët nga radhët e opozitës nuk qëndrojnë edhe aq keq nga pasuria në vlerë prej qindramijëra eurosh.
Arsyeja pse dy kandidatët për kryeministra nga kampi opozitarë janë më pak të pasur sesa ata të pushtetit, qëndron në faktin se nuk e kanë pasur mundësinë ose nuk kanë guxuar, se ndoshta do të ishin pasuruar akoma më shumë…!
Kur kësaj pasurie të deklaruar të kandidatëve për kryeministra i shtohen edhe pasuritë e padeklaruara, të fshehura në “Parajsat Fiskale” apo në emra të familjarëve dhe farefisit të gjërë, atëherë qytetarët e varfër të vendit duhet të ndjehen të “privilegjuar dhe me fat” që do të votojnë për kandidatët milionerë!
Edhe pse nuk ka dhe nuk nuk mund të ketë pasurim të ligjshëm brenda një kohe të shkurtër, vota e qytetarëve po e përligjë pasurinë e milionerëve në Kosovën e pas luftës dhe pas pavarësisë.

Parafushatë e lodht e kandidatëve

Hiq më e mirë dhe më vlerë nuk na delë edhe parafushata e pesë kandidatëve për kryeministra.
Albin Kurti: “Nga takimi me banorët e fshatit Vllahi e dha premtimin se ditën do ta zgjasë nga 24 në 25 orë”,
Fatmir Limaj: “I bindur në fitore premton punësime dhe shtet ligjor”,
Ramush Haradinaj: “Me taksë nën sqetull dhe demarkacionin në qafë, premton liberalizimin dhe mbrojtjen e kufijve”,
Kadri Veseli: “Me premtimin këmbëngulës për ta ç’rrënjosë korrupsionin (me korrupsion) nga institucionet shtetërore”,
Vjosa Osmani: “Premtimet e saj janë të fokusuara në shkarkimin e Hashim Thaçit dhe shkapjen e shtetit dhe pikë, pikë, pikë…
Sikurse që është iluzive të pritet shkarkimi i Hashim Thaçit nga ata që e kanë zgjedhur president, ashtu është iluzive të pritet luftimi i korruspsionit nga ata që e kanë instaluar korrupsionin në jetën institucionale dhe shoqërore.
Nëse vërtetë “zgjatet” dita në “25 orë”, atëherë edhe viti do të zgjatet për 365 orë dhe të papunët më shpejtë do të dalin në pension, ndërsa ata që punojnë do të pensionohen më vonë!
Qytetarët që po vrapojnë pas partive dhe kandidatëve për kryeminsitra sikur po e harrojnë një fakt, se të nesernën pas 6 tetorit, kandidatët e tyre të preferuar i fillojnë pazaret politike për pushtet, duke i harruar të gjitha premtimet e dhëna gjatë fushatës zgjedhore, për të kontrabanduar kështu vullnetin e shprehur me votën e lirë.

Kosovës i duhen udhëheqës shtetërorë siq i kanë shtetet e zhvilluara të Bashkimit Evropian, që për nga pasuria janë të përafërt me qyetarët e rëndomtë. Një liderë i përmasave qytetare i kupton më lehtë hallet dhe dertet e qytetarëve, nuk i duhen trupërojet dhe xhipat e zi.

Zëvendëskryeminisri në largim i Kosovës, aktualisht nënkryetar i Partisë Demokratike të Kosovës, Enver Hoxhaj, ka thënë se tërheqja e parë e njohes së Kosovës ka qenë nga Surinami në 2017, para se dikush të fliste për korrigjim të kufijve.

Ai thotë se një shtet i rajonit iu ka thënë se Serbia është duke përgatitur fushatë për tërheqjen e njohjeve, dhe sipas tij janë përmendur edhe mjetet të cilat do të përdoren për tërheqje të njohjeve.

Hoxhaj në “Rubikon” të KTV-së ka thënë se për të, tërheqja e njohjeve nuk ka qenë situatë e re.
“Janë 13 vende të cilat i kanë tërhequr njohjet. Ne duhet ta kuptojmë njëherë karakterin e shtetësisë tonë. Nëse ne do të ishim anëtarë i OKB-së, njohja do të ishte universale. Në këtë situatë kur një vend e njeh Kosovën duhet të vendosen marrëdhëniet diplomatike. Ka disa të vërteta që janë të lëndueshme”, ka thënë ai.

Ai tutje ka shtuar se kanë informata që edhe 10 vende tjera mund ta tërheqin njohjen.

“Unë kam informata të besueshme dhe në raportin diplomatik kjo është serioze. Ne e kemi përdorur dialogun për me marrë njohje”, ka thënë ai.

Ai thotë se Kosovës i duhet një politikë e jashtme që ka plan operativ dhe mendim strategjik, derisa ka shtuar se kanë mundur të parandalohen tërheqjet e njohjeve.
Më tej ka shtuar se duhet të koordinohen me partnerët që të rikthehen njohjet dhe të kërkojnë nga Serbia ta ndalë fushatën për tërheqjen e njohjeve.

“Ne mund të flasim për korrigjim të kufijve por jemi larg të vërtetës, sepse asgjë nuk ka të bëjë”, ka thënë ai.

Hoxhaj, ka thënë se Vetëvendosja ka dashur t’i jap më shumë të drejta serbëve.
Ai thotë qasja e VV-së që duhet të ketë dialog të brendshëm më serbët e Kosovës dhe jo me Serbinë, ka qenë e gabueshme dhe e pamenduar.
“Qasja juaj që duhet të ketë dialog të brendshëm me serbët e suspendon kapitullin 35”, ka thënë ai.

Ambasada e Shteteve të Bashkuara të Amerikës në Prishtinë ka dhënë lajmin e madh. Duke filluar që nga data 1 tetor 2019 në ndërtesën e re të kësaj ambasade në kryeqytet do të jepen të gjitha llojet e vizave.

Në një video të publikuar nga faqja zyrtare e kësaj ambasade në ‘facebook’, jepen të gjitha instruksionit për ata që ia mësyjnë kësaj ambasade për të marrë ndonjë vizë, shkruan Gazeta Express.

Një zyrtarë i lartë i kësaj ambasade, James Finan, përmes videos tregon të gjithë hapat dhe këshillat që duhet ndjekur një person që vendos të aplikojë për vizë.

Në fillim thuhet që nuk duhet marrë me vete asgjë tjetër përveç gjërave që kërkohen gjatë intervistimit, në mënyrë që të mos ketë vonesa gjatë procesit të verifikimit brenda ambasadës.

Pastaj aplikantët kalojnë në dhomën e intervistave brenda ambasadës.

Para ndërtimit të kësaj ambasade të re, shtetasit e Kosovës ishin të detyruar t’i drejtoheshin Shkupit për të aplikuar për viza.

Një person ka vdekur dhe tre të tjerë janë plagosur të enjten në Prishtinë, si pasojë e të shtënave me armë zjarri, ka konfirmuar Policia e Kosovës. Qendra Klinike Universitare e Kosovës ka konfirmuar vdekjen e njërit prej të plagosurve.

“Katër persona janë sjellë në emergjencë, përkundër kujdesit maksimal nga stafi mjekësor njëri ka vdekur, pasi që nuk ka arritur t’iu shpëtojë plagëve, kurse tre të tjerët janë duke u ekzaminuar nga stafi mjekësor i Klinikes Emergjente”, ka thënë Shpend Fazliu, zëdhënës në Qendrën Klinike Universitare të Kosovës.

Në njoftimin e Policisë është thënë se ngjarja ka ndodhur ne rrugën Muharrem Fejza në Prishtinë, ku policia ka pranuar informata se ka të shtëna me armë zjarri. “Menjëherë në vendin e ngjarjes kanë dalë njësitet policore, të cilat kanë hasur në katër persona të plagosur. Të njëjtit janë dërguar për tretman mjekësor”, është thënë në njoftimin e Policisë.

Zyrtarët e Policisë së Kosovës kanë konfirmuar për mediat se tashmë kanë arrestuar dy persona lidhur me rastin dhe kanë konfiskuar dy armë zjarri, një me tytë të shkurtër dhe një me tytë të gjatë. Siç kanë thënë ata, në incident dyshohet se janë përfshirë dy familje, të cilat pretendohet se banojnë në të njëjtën ndërtesë.

Zyrtarët e Policisë së Kosovës kanë thënë se hetimet për këtë rast janë duke vazhduar. /rel/

Kadri Veseli është njeriu më tragjiko-komik në skenën politike të Kosovës. Ai tashti ka nisë më kallxu edhe prralla dhe falle të defatorëve.Ky njëri pasi e pruni PDK dhe Kuvendin në buzë të kollapsit, ka nisë edhe me kallxu prralla, por aso prrallash që si hanë askush.

Çdo kush e dine së korrupcioni është një e keqe e çdo shoqerije.Korrupcioni me I lartë ne rajon edhe me gjerë është në Kosovë.Zor qe gjendet ndonjë pushtetar qe nuk është I korruptuar.Për korrupcionin galopant po na e terheqin edhe te gjitha raportet e vendeve,por që pushtetarët tanë këtë nuk e ndegjojnë,nuk e ndegjojnë sepse nuk ju pelqen te ndegjojnë.

Kohet e fundit e ka marrë flamurin për luftimin e korrupcionit Kryetari i PDK Kadri Veseli,në çdo neje ne çdo tubim e ka plotë gojën korrucion.Por ky korrupcionin e ka kapë vetem nga bishti e jo nga koka.

Kadri Veseli jo vetem qe po merret më prralla dhe falle,por këtij njeriu as nuk I zënë fjala vend.Ai kurr në jetën e tij në poltikë nuk e realizon atë se çka e thotë,Kjo tregon se sa i pafuqishëm është në politikë.Kjo do te thotë se po folë kotë po kallxon prralla.

Prralla e fundit është luftimi i korrupcionit më Pakt,duke ju quar selam edhe partive tjera të krijojnë nje Pakt kundër korrupcionit,duke theksuar së me Pakte këthehet besimi të qytetarët në luftë kundër korrupcionit.Të gjitha partit e refuzan këtë prrallë pa krip te Kadri Veselit,bile edhe filluan të qeshin më te duke i thane se po qetë fall. Këtij njeriu si duket i kanë humbë te gjitha lidhjet e trunit me gjuhën e tij.

Kadri Veseli duhet ta di së korrupcioni nuk luftohet me Pakte e as me Marëveshje midis Partive politike.Luftimi i korrupcionit luftohet në institucione.Korrupcioni z.Kadri Veseli luftohet duke i zbatu ligjet.Korrupcioni nuk luftohet me një prokurori dhe gjyqesi të kapur nga politika,por korrupcioni nuk luftohet me njërez te korruptuar.Më këte prokurori dhe gjyqesi nuk ka shanse të luftohet korrupcioni ai veç çka shtohet.

A e dine ti Kadri Veseli se nga 100% të të korruptuarve mbi 70% gjenden ne PDK  në Partinë qe ti e drejton.Nuk ka pushtetar në nivel local dhe qendror te PDK qe nuk është i korruptuar.Nuk thamë se edhe pushtetarët e partive tjera nepër institucione jan imun,por PDK e zenë vendin e parë.Pase nuk e nise luftën e korrupcionit ne Partin tande në te cilën i madh e i vogle janë te korruptuar.Apo e nise, por të hasi sharra në gozhdë.Nuk pate guximin te shkosh me tutje.

Për te pastruar korrupcionin duhet të fillosh nga shtepia e jote,nga partia e jote.Nuk ka nevojë për Pakte e Mareveshje,por më çkapjën e politikës nga drejtesia,me nje Wetitin të mirefillet,në vendet kyqe të prokurorisë dhe gjyqesisë duhet të vijnë njerëzit e tipit të prokuroit Elez Blakaj,i cili trimerisht e nisi lutën kundër korrupcioni por gadi qe se hangrën.U detyry të ikë nga shteti.

Ruajtja e imazhit te Kosovës në qarqet diplomatike ndërkombëtare duhet të jetë çështje prioritare. Kjo arrihet vetëm me nje ekip të formuar dhe të ditur.

Emërimet dhe punësimet urgjente nëpër përfaqësitë tona diplomatike në botë, në kohën kur qeveria e Kosovës gjendet në dorëheqje, pa asnjë dilemë, janë jashtëligjore dhe të dëmshme për një shërbim cilësor diplomatik, i cili edhe ashtu nuk ka shkëlqyer aspak në vitet që lam pas! Përjashto këtu raste e rralla nga individë të caktuar të cilët pastaj janë lënë anash.

Deputetja e Kuvendit të Kosovës, Duda Balje njihet si deputetja më e bukur dhe për këtë shkak është komentuar shumë në media.

Mirëpo së fundmi vendin e më të bukurës Dudes duket se do ja marrë një tjetër deputete. Bëhet fjalë për Rezarta Krasniqin e cila është kthyer në qendër të vëmendjes së mediave sot. Ndryshe nga Dudja, Rezarta është brune.

Ajo do të jetë në listën e LDK-së për deputete. Indeksonline mëson se partia e Mustafës ka marrë vendimin, që Rezarta të përfaqësojë Vushtrinë.

Ministri i Jashtëm i qeverisë në largim të Kosovës, Behgjet Pacolli, ka takuar përfaqësuesin e posaçëm të SHBA-së për Ballkanin Perëndimor, Metthew Palmer, në kuadër Forumit të Bledit në Slloveni.

“Unë e përgëzova zotin, Palmer për emërimin e tij, dhe si një mik i vjetër i Kosovës, në këtë pozicion të ri, do të vazhdojë të na mbështesë në të gjitha nivelet. Ne e shohim dialogun si një proces të rëndësishëm që ka një mundësi për të mbyllur kapitullin e errët midis Kosovës dhe Serbisë.
Normalizimi i marrëdhënieve me njohje të ndërsjellë është qëllimi i vetëm – asgjë më pak – dhe ne e vlerësojmë pozicionin e fuqishëm të Uashingtonit për ketë synim”, ka shkruar Pacolli në rrjetin social Facebook, pas takimit me diplomatin amerikan.

Të premten, Departamenti amerikan i Shtetit, njoftoi se e ka emëruar zëvëndës-ndihmës sekretarin amerikan të Shtetit, Metthew Palmer, si përfaqësues të posaçëm të Shteteve të Bashkuara për Ballkanin Perëndimor.

Në njoftimin e Departamentit të Shtetit, thuhet se në këtë rol, Palmer do të “udhëheqë përpjekjet tona për të fuqizuar angazhimin diplomatik amerikan në mbështetje të paqes, stabilitetit dhe prosperitetit në rajon dhe në fokusimin në integrimin e vendeve të Ballkanit Perëndimor në institucionet perëndimore”.

Në këtë kapacitet, Palmer udhëton në Slloveni, për të marrë pjesë në Forumin Strategjik në Bled, thuhej më tutje në njoftim.

Senatorët amerikanë, Chris Murphy dhe Ron Johnson, do të vizitojnë këtë javë Kosovën dhe Serbinë, për të shprehur, siç thanë, mbështetje për dialogun midis dy vendeve.

Murphy, senator demokrat, dhe Johnson, republikan, do të udhëtonin bashkë me një delegacion të Kongresit që do të vizitojë Rusinë, porse atyre dy Moska ua ka ndaluar hyrjen.

“Rusia nuk na lejon brenda, por Ron Johnson dhe unë do të vizitojmë Ukrainën, Serbinë dhe Kosovën këtë javë, për të dëshmuar mbështetjen dypartiake për Qeverinë e re të Ukrainës dhe për dialogun e vazhdueshëm midis Beogradit dhe Prishtinës”, tha në një postim në Twitter senatori Chris Murphy.

Murphy dhe Johnson janë kritikë të zëshëm të Kremlinit.

Vizita e tyre në Ballkan vjen në kohën kur flitet për përfshirje më të madhe të SHBA-së në dialogun midis Kosovës dhe Serbisë për normalizimin e marrëdhënieve.

Kryeministri në detyrë i Kosovës dhe kryetari i AAK-së, Ramush Haradinaj, ka thënë se kanë pritur që ai do të tërhiqet nga pozicionet për taksën dhe ndarjen pas ftesës nga Specialja. I pranishëm në “Debat Plus” në RTV Dukagjini, Haradinaj ka hedhur akuza të rënda ndaj spektrit politik të Kosovës për Gjykatën Speciale.

Ai ka thënë se askush nga politika nuk i ka pritur veprimet e tij pas ftesës nga Specialja.

“Ata kanë pasur një skenar se kur të më vijë mua ftesa, unë do të kërkoj zgjidhje gjithkund për të shpëtuar kokën time dhe nga të mundem dhe të kërkoj adresë për të shpëtuar. Duke kërkuar atë zgjidhje unë ose do të kisha pranuar ndarjen ose të largoj taksën, ja diçka tjetër. Askush nga ta nuk e ka pritur se ua lë letrat në dorë. Të ju them faleminderit shumë. Dorëheqje! Shkojmë në zgjedhje”.

I pari i AAK-së thotë se ka llogaritur vetëm për qytetarët dhe për këtë ua ka kthyer sërish mandatin.

“Besimin e kam te populli. Nëse populli më jep besimin e ndërtoj qeverinë. Nuk kam më besim te politika dhe kolegët e mi sepse këtyre ua kam prishur letrat”, tha ndër të tjera Ramush Haradinaj.

Kandidatja e LDK-së për kryeministre, Vjosa Osmani, sot ka vizituar shtëpinë shkollë të familjes Hertica nga Prishtina. Aty ajo ka folur edhe për kandidatët për deputetë nga partia e saj

Osmani ka thënë se LDK-ja ende nuk e ka përpiluar listën e kandidatëve për deputetë, pasi i kanë lënë degët t’i propozojnë kandidatët potencialë.

Mirëpo, Osmani ka thënë se të gjithë emrat do të filtrohen në mënyrë që në listën e LDK-së për deputetë të mos ketë persona me aktakuza.

“Ne ende nuk e kemi filluar përpilimin e listës, do të fillojë nga nesër. I kemi marrë propozimet nga degët, sepse si kryesi nuk jemi përzier në propozimet që kanë ardhur nga degët. Mirëpo pastaj të gjitha ato propozime do të filtrohen, duke marrë për bazë parimet themelore, mbi të gjithat ne po e ndërtojmë programin tonë. Qeveria Mustafa ka qenë e para që ka vendosur si parim që të mos ketë asnjë njeri me aktakuzë në Qeverinë e Republikës së Kosovës, atë parim e ka ndërtu LDK-ja dhe atë parim do ta mbajmë edhe tash e tutje”, ka thënë Osmani.

Besoj që përtej numrave tashmë është evidente se përfaqësim të grave më shumë se LDK-ja nuk ka askush dhe s’do të ketë.

Osmani tha se objektet e tilla që janë shfrytëzuar si shkolla dhe kanë ndihmuar në shtetndërtimin e Kosovës, do të shndërrohen në muze. /GazetaExpress

Rasti i humbur historik për arritjen e marrëveshjes për një koalicion parazgjedhor LDK-LVV, i ka zvogëluar në minimum mundësitë e ndryshimit politik në këto zgjedhje.

Kalimi i afatit ligjor për koalicione parazgjedhore shënoi fundin e shpresës së qytetarëve për ndryshime pozitive në këto zgjedhje. Koalicionet e partive minore që aplikuan në KQZ në orët e fundit dhe mbetja në garë veq e veq e treshes së partive politike LDK, Vetëvendosje dhe PDK do të jenë të pamjaftueshme që të joshin qytetarin e zhgënjyer nga keq qeverisja e deritanishme e formacioneve politike që sunduan me vendin në këto 20 vjetët e fundit.
Mos arritja e koalicionit të shumëpritur nga qytetarët e vendit LDK-LVV, e bën të pamundur ndryshimin e kursit qeverisës në vend.
Ashtu siq e kam parashikuar ditë më parë, nga beteja e nxehtë politike mes LDK-së dhe LVV-së, fituese do të dali PDK-ja me copëzat e saj të ndara në kinse koalicione parazgjedhore.

Thirrja në emër të elektoratit, hipokrizi politike

Sikurse në të kaluarën, edhe tani, “mollë sherri” për mos dakordim u bë posti i kryeministrit, gjë e cila e dëshmon papjekurinë politike dhe mungesën e vullnetit për ndryshim të partive që rropën e ç’rropën shtetin dhe qytetarët për 20 vjet rresht.
Thirrja në emër të elektoratit e subjekteve (LDK-LVV) që e patën në dorë ndryshimin e madh, është hipokrizi dhe mashtrim. Elelktoratet e këtyre dy partive me padurim e prisnin arritjen e marrëveshjes për koalicion parazgjedhor.
Prapa kësaj hipokrizie qëndron egoja e pakufishme për të rrëmbyer sa më shumë nga “torta” e pushtetit, e jo interesi i shtetit dhe qytetarëve.
Mirëpo, kjo aspak nuk do t’i prish punë bashkësisë ndërkombëtare deri në momentin e arritjes së marrëveshje finale me Serbinë.
Më pastaj mund edhe të ndryshojnë gjërat, mirëpo deri atëherë çdo gjë do të jetë e lejuar në vendin tonë, përveq ndryshimit.
Rënja e sinkronizuar e kësaj qeverie ishte paralajmërim i zgjedhjeve të kurdisura, të cilat do të prodhojnë një qeveri të zgjeruar me aktorë të njëjtë.
Pra, përseri do ta kemi një koalicion servil që mbështet marrëveshjet e Brukselit dhe poashtu një koalicion kriminal, gjegjësisht një koalicion zhvatës që luan bixhoz me kufijt e shtetit dhe interesin e qytetarëve.
“Vijat e kuqe” që i vënë njëra-tjetrës partitë e kriminalizuara, nuk janë gjë tjetër veqse një mashtrim i radhës për qytetarët.
I vetmi ndryshim pas këtyre zgjedhjeve, do të jetë bashkimi në koalicionin kriminal e subjekteve që kanë sunduar në Kosovën e pasluftës.
Mos arritja e një marrëveshje parazgjedhore mes subjekteve opozitare, e lë të hapur mundësinë e një marrëveshje të fshehtë mes partnerëve të vjetër. “Ujqit e vjetër” do të bëhen përseri bashkë në zhvatjen e shtetit dhe plaçkitjen e qytetarëve (mërgimtarëve).
Edhe pas zgjedhjeve të parakohshme, do të vazhdojë keq-qeverisja, korrupsioni dhe krimi i organizuar, sikurse që do të vazhdojë sundimi i rendit dhe ligjit nga bandat partiake. Qytetarëve që nuk janë pjesë e tyre u mbetën vetëm dy rrugë-të heshtin ose të ikin sa më largë nga Kosova.

Zgjedhjet e parakohshme, produkt i presionit ndërkombëtar

Vetë proocesi i parakohshëm zgjedhor që po ndodh në Kosovë është produkt i presionit ndërkombëtar për finalizimin e dialogut të Brukselit.
Andaj qëllmi i këtyre zgjedhjeve nuk është ndryshimi siq po manipulohet nga disa forca politike dhe disa miop politik, por është sigurimi i shumicës në Kuvend që miraton marrëveshjen Thaçi-Vuçiq për ndarjen e Kosovës.
Qeveria e ardhshme do të jetë qeveri me afatin më të shkurtër që ka mandatin special për finalizimin e marrëveshjes politike me Serbinë, përkatësisht për përfundimin e pazarit Thaçi-Vuçiq, për t’ia dhënë veriun Serbisë.
Janë këto zgjedhje që po e vërtetojnë se shkaku i dorëheqjes së kryeministrit Haradinaj nuk ishte ftesa nga Gjykata Speciale, si dhe as taksa “100 %” që nuk ishte shkak i ndërprerjes së dialogut, por ishte mungesa e mbështjes së pazarit Thaçi-Vuçiq në Kuvendin e Kosovës (më në fund këtë e pohoj edhe vetë kryeministri i dorëhequr).
Zgjedhjet e orkestruara do të nxjerrin aleatin e ri (të vjetër) që do të mbështet marrëveshjen finale (fatale për Kosovën), ashtu siq e ka mbështet paraprakisht marrëveshjen për Decentralizimin (etnik), “Zajednicën”, për Gjykatën Speciale, për Demarkacionin me Malin e Zi e një varg marrëveshjesh tjera të dëmshme për Kosovën.
Pra, këto zgjedhje janë të sinkronizuara dhe kanë një qëllim të vetëm, sigurimin e nje mazhorance parlamentare që voton marrëveshjen me Serbinë dhe asgjë më shumë dhe as më pak.
E di që është e pamundur të ndodhë, por bojkoti i plote i këtyre zgjedhjeve do të ishte përgjigja më e mirë ndaj skenaristëve të kësaj maskarade zgjedhore…
Si çdo herë, edhe kësaj radhe, “ujqit e vjetër” koalicionin pazgjedhor do ta arsyetojnë në emër të kinse interesit të shtetit, normalizimit të marrëdhënjeve me Serbinë dhe ruajtjes së miqësisë me partnerët ndërkombëtarë.
Si do që të jetë dhe çfarëdo që të ndodhë pas zgjedhjeve, mosarritja e koalicionit parazgjedhor LDK-LVV, mbetët rast i humbur dhe i papërseritshëm historik për largimin e uzuratorëve nga pushteti dhe jo vetëm.

Kryeministri në detyrë i Kosovës, Ramush Haradinaj, ka dënuar ashpër rastin e përleshjes dhe therjes së një të riu serb mbi urën e lumit Ibër.

“Dënoj ashpër rastin e përleshjes dhe therrjes së një të riu serb në lumin Ibër. U bëj thirrje organeve të drejtësisë që sa më shpejt të zbardhin rastin dhe fajtorët të marrin dënimin e merituar”, ka shkruar Haradinaj në rrjetin social Facebook.

“Kosova është shtet i të gjithë qytetarëve të saj dhe në vazhdimësi ka qenë shembull i tolerancës dhe diversitetit. Veprimet e tilla janë raste të izoluara dhe asnjëherë nuk do të cënojnë paqen dhe sigurinë në vend!”

Më herët një i ri serb është therur me thikë gjatë një përleshje mes një grupi të rinjësh shqiptarë me një grup serb. I riu është jashtë rrezikut për jetë.

Janë bërë më shumë se 1 vit që nga koha kur lënda për vdekjen e Astrit Deharit është dërguar në Institutin e Mjekësisë Ligjore në Lozanë të Zvicrës për ekspertizë. Por, edhe pas tërë këtyre muajve, ende nuk ka ndonjë rezultat. Në Prokurori thonë se është tepruar me vonesa, derisa shpresojnë që rezultatet të kthehen gjatë dy muajve të ardhshëm.

Prokurori Metush Biraj i ka thënë Gazetës Express se ata ende janë në pritje të ekspertizës nga Zvicra.

Biraj thotë se kanë bërë parashkresë që të shpejtohet rasti, derisa shpreson që rezultatet të dalin gjatë dy muajve të ardhshëm.

“Jo, ende nuk ka asgjë të re lidhur me rastin Dehari. Ende jemi në pritje. Siç dihet, ne i kemi dërgu krejt materialet dhe tash jemi vetëm në pritje të rezultateve të ekspertizës së tyre. Nuk ka asgjë të re. Ne kemi bë parashkresë për me përshpejtu rastin, por s’kemi marrë përgjigje. Besojmë edhe shpresojmë që do të bëhet diçka në shtator apo tetor sepse është tepru”, ka thënë Biraj për Express.

E derisa në Zvicër po kryhet super ekspertiza, kanë ndërruar edhe deklaratat e prokurorisë për këtë rast. Tashmë edhe në dokumente rasti “Dehari” nuk po cilësohet si vetëvrasje, por, si “vdekje e dyshimtë”.

Kjo bëhet e ditur edhe në dokumentin zyrtar që ka siguruar Express, i dërguar nga Prokuroria Themelore në Prizren, nga ku mësohet edhe emri i personit që do të kryejë ekspertizën.

Reagim për këtë ndryshim të referimit kanë pasur edhe familja Dehari.

“Prokuroria Themelore në Prizren më nuk e cilëson as përmes deklaratave se ish-aktivisti i Vetëvendosjes Astrit Dehari ka bërë vetëvrasje. Tani edhe me dokumente zyrtare, me vendimin me të cilin sipas kërkesës së familjes Dehari rastin e ka dërguar për hetime të pavarura dhe në kuadër të këtyre hetimeve është kërkuar super ekspertizë nga qendra e mjekësisë ligjorë në Lozanë të Zvicrës. Tani prokuroria me këtë vendim rastin e kualifikon si “vdekje e dyshimtë”, tha për Express avokati Tomë Gashi.

Familja Dehari ka dërguar një kërkesë për të gjitha provat dhe dokumentet që ka dorëzuar në Zvicër prokuroria.

“Ne besojmë se të gjeturat nga Zvicra nuk do të duhej që të vonohen shumë nga se kanë kaluar më shumë se dy vite nga vrasja e Astrit Deharit dhe rasti do të duhej edhe juridikisht të mbyllet si vrasje dhe pastaj të gjenden vrasësit e tij”, kishte thënë Gashi.

Aktivisti i Vetëvendosjes, Astrit Dehari, u gjet i vdekur në qelinë e tij në Qendrën e Paraburgimit në Prizren, më 5 nëntor të vitit 2016. Dehari po mbahej në paraburgim nën dyshimin se ishte pjesëmarrës në sulmin me mjet shpërthyes kundër Kuvendit të Kosovës në natën e 4 gushtit të atij viti.

Albini ecën vetem.Nuk e ndal as era e as stuhia. Nuk e ndalë asnjë zerzele qe i del përpara. Albini ecën vetem është digë dhe ortek i fortë për PDK. Pronto mafin dhe SHIK-un.

Lidhja Demokratike e Kosovës pritet që në zgjedhjet e 6 tetorit të garojë me Vjosa Osmanin për kryeministre. Muaj më parë Osmani i është përgjigjur ftesës së Agjencionit Kundër Korrupsionit për deklarimin e pasurisë.

Nga kursimet dhe kredia Osmani ka një banesë në vlerë 40 mijë euro, një tjetër në emër të bashkëshortit në vlerë prej 67 mijë euro. Bashkëshorti i saj gëzon edhe dy shtëpi, njëra 125 mijë e tjetra 190 mijë euro, shkruan Indeksonline. Poashtu, në emër të bashkëshortit ajo ka deklaruar dy garazhe dhe parcelë toke prej 38 mijë euro.

Vajzat e saj binjake kanë në llogaritë bankare 40 mijë e 153 euro, derisa vet Vjosa ka para të mbajtura në institucione financiare mbi 48 mijë euro, kurse bashkëshorti i saj gati 32 mijë euro. Në formularin për deklarimin e pasurisë, Vjosa ka bërë me dije se nuk ka veturë personale ndersa bashkëshorti i saj është pronar i një veture prej 9 mijë euro.

Kryeministri në largim, Ramush Haradinaj, për herë të parë e ka pranuar se presioni i ndërkombëtarëve për taksën, e detyroi Qeverinë e Kosovës të japë dorëheqje.

Haradinaj në një intervistë për EkonomiaOnline, kritikoi vendet e QUINT-it të cilat sipas tij, po bëjnë presion të vazhdueshëm mbi Kosovën, por jo edhe mbi Serbinë. Thotë se nëse vazhdon një presion i tillë, do të ketë destabilizim të Ballkanit.

“Vendet e QUINT-it, janë të respektuara, dhe janë aleatë të Kosovës dhe janë të interesuara për marrëdhënie të mira me Serbinë. Por ata duhet ta kuptojnë se nuk ka hapësirë më, as për t’i bërë presion Kosovës, sepse me këtë presion e detyruan Qeverinë të japë dorëheqje, me masa të çuditshme, e çka tjetër. Nëse duan destabilizimin e Kosovës, ose kthimin e krizave në Ballkan, edhe mund ta bëjnë. Por ashtu nuk fiton askush, as Kosova, as rajoni, e as Bashkësia Ndërkombëtare. Ata kanë mbërri në atë fundin, nëse duan mund të na mbysin, por me presion më nuk mund të na bindin. QUINT-i duhet ta kthejë presionin ndaj Serbisë, e cila në mënyrë joparimore ka vënë kusht vetëm për të filluar dialogu po thotë hiqe taksën. E çka do të kërkojë atëherë për njohje, nëse vetëm për të filluar dialogu e kërkon tregun”, thotë ai.

I pyetur se nëse prapë udhëheq me Qeverinë e vendit, a do t’i përfillte kërkesat e ndërkombëtarëve për heqjen e taksës, Haradinaj thotë se nuk pranon më kushte dhe se kërkesat e tilla, nga kushdo qofshin do të shpërfillen dhe nuk do të gjejnë përkrahje.

“Unë nuk jam për t’i përfillur këto kërkesa të QUINT-it. Jam për t’iu thënë na falni, ne jemi vend sovran, ne kemi versionin tonë si mund të merremi vesh me Serbinë, nëse e respektoni vijmë në tavolinë, nëse jo po presim. Nuk është me çdo kusht dialogu. Unë e di çka kam heq me ndal ndarjen e Kosovës”, thotë ai.
Haradinaj është i bindur se nëse të gjitha partitë parlamentare janë të një fjale dhe nuk “bëjnë lojëra” presioni i miqve ndërkombëtarë do të hiqej.

Por, Haradinaj shprehet i bindur se përveç tij, të gjithë të tjerët, duke përfshirë edhe Albin Kurtin, do të pranojnë të heqin taksën pa njohjen nga Serbia.
Madje për këtë ai thotë se PDK-ja, LDK-ja dhe VV-ja në çdo takim me ndërkombëtarët, “prapa dyerve të mbyllura”, e kanë pohuar një gjë të tillë.

“Nëse ne jemi unik, nëse të gjitha partitë parlamentare e kanë këtë qëndrim, Quint-i na kupton. Ata nuk janë armiq tanë. Problemi është se ne nuk po jemi unik. Ne po japim mendime të ndryshme dhe atëherë po mbetem vetëm unë që po mbaj qëndrim pengues. Shumica e politikanëve të Kosovës, duke dashur t’i hyjë në qejf ndërkombëtarëve me shpresën që ata iu ndihmojnë me ardhur në pushtet, thonë se janë të lehtë në dialog. Por këta po shkaktojnë pasoja për vendin. Edhe ata që thonë në publik se e kanë këtë qëndrim si unë, në dyer të mbyllura përfshirë Albinin, edhe LDK-ja, për PDK-në më dihet iu thonë që ne e heqim taksën dhe kthehemi në dialog. Është gabim që e bëjnë këtë. Nuk mendoj që kjo iu ndihmon atyre, as Kosovës. Ata duhet të jetë të qartë, kthehemi në dialog pa kushte. Shumë e thjeshtë”, thotë ai.

I pari i AAK-së thotë se më nuk do të bëjë “kontratë: me asnjë parti politike për postin e kryeministrit.

Thotë se këtë besim do ta kërkojë vetëm nga qytetarët, në të kundërtën thotë se do të pranonte t’i shërbente vendit vetëm nga opozita, raporton EO.

“Nuk e vendosi unë kush do të jetë Kryeministër. Do ta respektoj vendimin e popullit Nëse më jepet mundësia t’i shërbej vendit, do t’i shërbej si kryetar qeveria. Nëse nuk më jepet, mund ta bëjë një punë tjetër, ose mund të mos bëj fare. Mund të jem edhe në opozitë. Në demokraci është legjitime. Nuk paragjykoj çfarë pune do të bëj. Unë e kam një ofertë për qytetarin e vendit. Kjo ofertë është që të udhëheq me qeverinë e vendit. Ia kam paraqit këtë ofertë edhe AAK-së dhe koalicionit tonë. E kam besimin e tyre në parim, do të ndodhë nominimi në këto ditët që vijnë, të cilin do t’ia paraqes edhe qytetarit, nëse qytetari e aprovon, unë e marrë si kontratë nga qytetari. Nuk pranoj kontrata ndryshe”, thotë ai.
Kryeministri në largim thotë se të gjitha sondazhet vendëse dhe ndërkombëtare koalicionin AAK-PSD- e nxjerrin të parin.
Thotë se “vendimet e mëdha” për kthimin e shtetësisë së Kosovës dhe fuqizimin e saj, kanë bërë që të fitojë përkrahjen e qytetarëve.
Edhe vendimi për liberalizimin e vizave sipas tij, nuk është i largët.

“E vërteta është që në plotë sondazhe ne kemi dal të parët, që i kanë bërë partitë tjera politike, jo që i kemi bërë ne. Edhe faktorët ndërkombëtarë dhe institucionet relevante që merren me matjen e opinionit publik, tash pas bashkimit me PSD-në, matematikisht prijmë në Kosovë. Besoj që është me rëndësi që qytetari i Kosovës po ndihet më sovran. Nuk po e ndjen më veten rob. Prej momentit të parë kur kam shkuar në takimin me BE-në, në takimin e me zonjën Mogherini, kam thënë që nuk do ta lejoj ndarjen e Kosovës, nuk do ta aprovoj një dialog të Mogherinit. Ndodhi ajo që e kam thënë, e kemi heq dialog prej Mogherinit që ka qenë për ndarje, e kemi qitë te Merkeli në Berlin. Do ta bëjmë ushtrinë, e kemi bërë. Do ta mbrojmë tërësinë territoriale, u bë. Liberalizimi është në proces me ndodh, dhe nuk jemi larg. Populli nuk po i do më servilet”, thotë ai.

Por Haradinaj pranon se qeverisja e tij kishte edhe defekte, duke përmendur ministritë e shumta, por edhe numrin e madh të zëvendësministrave.
Thotë se në qeverinë e ardhshme do të ketë më pak ministri dhe zëvendësministra.
“Nuk ka qenë e mirë kjo dhe nuk jam lavdëruar asnjëherë. Ishte njëfarë kushtëzimi për krijimin e qeverisë, një rrethanë jo e lehtë dhe jam detyruar të kaloj nëpër disa situata të tilla. Kam respekt për njerëzit që kam punuar me ta, të gjitha partive dhe të gjitha komuniteteve, por ishte njëfarë situate e tillë. Ne kemi përgatitur një ligj për Qeverinë, por për fat të keq nuk u aprovua ende. Por unë synoj një qeveri ndryshe, jo një qeveri me 22 ministri më dhe me aq shumë zëvendësministra. Synoj një qeveri me më së shumti dy zëvendësministra për një ministri”, thotë ai.

Edhe sa i përket korrigjimit të kufirit me Malin e Zi, Haradinaj siguron qytetarët e vendit se kufiri do të jetë në Qafë të Çakorrit dhe në Qafë të Kullës.
Nuk beson se drejtues të Malit të Zi do të krijojnë probleme në këtë pikë, madje thotë se me këtë shtet, pos demarkacionit, nuk kanë asnjë temë të hapur.

“Kufiri do të jetë në Qafë të Çakorrit dhe në Qafë të Kullës. Ka një dakordim paraprak me udhëheqjen e Malit të Zi. Trupat punuese janë, Komisioni Shtetëror është, i cili kryesohet prej Bulliqit, që është i ngarkuar prej Qeverisë në të ardhmen e afërt kur fillon shënjimi i kufirit, të respektohen të gjeturat e Komisionit Shtetëror për pjesën e kufirit me Malin e Zi. Sepse votimi na obligon që të shënjojmë kufirin në përputhje me marrëveshjen që ka qenë e gabuar dhe raportin e Komisionit Shtetëror dhe deklaratën e presidentëve që kanë rënë në dakord për korrigjim. Pra, mendoj që Kosova nuk ka nevojë të shprehë ndonjë triumfalizëm të madh, sepse ajo nuk është ndonjë fitore e jashtëzakonshme, dhe se nuk është humbës Mali i Zi. Por përkundrazi me këtë shënjim të kufirit me Kosovën mbyllet kjo temë dhe nuk ka asnjë temë të hapur mes Kosovës dhe Malit të Zi”, përfundon ai./RTK

Katër koalicione do të garojnë në zgjedhjet e parakohshme parlamentare, që do të mbahen më 6 tetor, ka njoftuar Komisioni Qendror i Zgjedhjeve.

Koalicioni ndërmjet Aleancës për Ardhmërinë e Kosovës dhe Partisë Socialdemokrate kanë dorëzuar kërkesën e tyre në KQZ që të marrin pjesë në zgjedhjet e 6 tetorit.

Po ashtu, Nisma Socialdemokrate, Aleanca Kosova e Re dhe Partia e Drejtësisë, do të garojnë si koalicion në zgjedhjet parlamentare.

Koalicioni Vatak, i përbërë nga tri parti (Partia Demokratike Boshnjake, Partia Demokratike Vatan dhe Partia e Bashkuar Boshnjake), po ashtu do të garojnë në një listë zgjedhore.

Ndërkaq, koalicioni i katërt i paraqitur në KQZ, i quajtur Sloboda (Liria), përbëhet nga Partia Përparimtare e Kosovës dhe Partia e Re e Kosovës.

KQZ po ashtu ka njoftuar se afati për aplikim për certifikimin e subjekteve politike dhe kandidatëve të tyre për zgjedhjet e parakohshme parlamentare, përfundon më 6 shtator.

Zgjedhjet e 6 tetorit vijnë pasi Ramush Haradinaj, më 19 korrik dha dorëheqje nga pozita e kryeministrit, pasi u thirr në cilësinë e të dyshuarit për krime lufte nga Prokuroria Speciale në Hagë.

Më pas, më 22 gusht, deputetët votuan për shpërndarjen e legjislaturës së gjashtë të Kuvendit, duke i hapur rrugë mbajtjes së zgjedhjeve të parakohshme parlamentare.

Kandidatja e LDKsë për kryeministre, Vjosa Osmani, pas një takimi me krerët e partisë, ka thënë që LDK’ja qëndron prapa asaj që koalicioni me VV’në duhet të lidhet me një marrëveshje që LDK’ja do të ketë kandidatin për kryeministër, shkruan Gazeta Express.

Osmani ka thënë se oferta e Kurtit do ta zhvendoste garën brenda LDK’së dhe VV’së dhe në mes të votueseve të dy partive.

Sipas saj, dy partitë që deri dje ishin në opozitë luftën e kanë me PDK-AAK-në dhe NISMA-në dhe jo në mes vete.

Fjala e Vjosa Osmanit:

Përsëri faleminderit për durimin. Ne si LDK kemi vlerësuar të gjithë angazhimin për arritjen e një koalicioni me VV’në. Duam sërish që t’iu bëjmë atyre ofertë për bashkëpunim të sinqertë. Bashkëpunim në mirëbesim, e jo bashkëpunim në garë.

Ajo që ka propozuar LVV e shpien garën në mes nesh, ndërsa ne garën e kemi me PAN-in.

I presim sonte deri në mbyllje të afatit.

Ne nuk mund ta shpiejm garën në mes të votueseve të VV’së dhe LDK’së, dhe në mes meje dhe Albinit.

Kemi tejkaluar deri tani gjithçka. Prandaj i ftoj ata që të rimendojnë këtë casje, dhe ta ndryshojnë nga ajo për garë ndaj njëri tjetrit, në një casje për mirëbesim.

Ta pranojnë ofertën tonë, që të dalim fitues dhe të fitojë e gjithë Republika e Kosovës.

Përgjigjen e kemi thënë qartë, dhe shpresojmë të pranojë ofertën tonë me kandidate të LDK’së.

Sepse një listë pa krye është pa orientim. Qytetarët duhet ta dijnë se për kë votojnë. Cdo casje tejtër e shndërron tërë garën në garë të brendshme. Ne garën e kemi me partinë që e kanë kap shtetin.

Nuk duhet t’ua mundësojmë atyre që të krijojmë një luftë mes aktivistëve tonë.

Ne nuk duhet të bëjmë luftë për njeri tjetrin.

Pavarësisht se çfarë bëjnë partitë tjera, ne do të fitojmë.

Qytetarët janë bindur që t’i qojnë ata në opozitë.

Pamje nga marshi i organizuar të premten në Prishtinë.

Në Ditën Ndërkombëtare të Personave të Zhdukur, të premten në Prishtinë është organizuar një ecje sensibilizuese, që kishte si qëllim dhe mesazh, adresimin e zbardhjes së fatit të personave të pagjetur të luftës së fundit në Kosovë.

Përfaqësuesit e shoqatave të personave të pagjetur, kërkuan më shumë angazhim të institucioneve për zbardhjen e fatit të këtyre personave, numri i të cilëve llogaritet të jetë mbi 1600, për të cilët nuk dihet asgjë që nga koha e konfliktit të vitit 1999.

Në emër të familjarëve të të zhdukurve, Bajram Çerkini, tha se adresa ku mund të kërkohet përgjigje për fatin e të pagjeturve është Serbia, e cila mbahet përgjegjëse për zhdukjen e këtyre personave gjatë kohës së luftës.

“Familjarët në këtë ditë kanë një plagë që nuk mund ta shërojnë. Jo vetëm vendorët, por as ndërkombëtarët nuk po ndihmojnë e dihet që adresa është në Serbi”, tha Çerkini, duke aluduar në rritjen e presionit ndërkombëtar mbi Beogradin zyrtar për të ndihmuar në zbardhjen e fatit të këtyre personave.

Vitet e dhembjes, shpresës dhe zhgënjimit

Në ecje, por edhe homazhe tek obelisku dedikuar personave të zhdukur, kanë marrë pjesë edhe figura të larta politike të institucioneve të Kosovës.

“Është obligim i yni shtetëror që të punojmë përditë, pa u ndalur, që ta zbardhim fatin e tyre. Kosova nuk harron!”, ka thënë kryeministri në detyrë i Kosovës, Ramush Haradinaj, i cili mori pjesë në këtë ngjarje.

Kurse, presidenti i Kosovës, Hashim Thaçi ka thënë përmes një postimi në Facebook se “zbardhja e fatit të të pagjeturve është jetike për familjet tona dhe për Republikën e Kosovës, për të kaluarën, të tashmen dhe të ardhmen tone”.

”Nuk mund të ketë paqe pa e zbardhur të vërtetën e fatit të tyre dhe pa dhënë përgjegjësi kryesit e krimeve. Nuk do të ndalemi deri në zbardhjen e fatit të çdo të pagjeturi në Kosovë! As ne dhe as bashkësia ndërkombëtare nuk mund të lejojmë që gjenocidi serb në Kosovë të harrohet dhe të kalojë i pandëshkuar”, ka shtuar ndër të tjera Thaçi.

U bënë 27 vite nga shpërbërja e ish-Jugosllavisë. Sllovenia ka gjetur vetën si është më së miri duke bërë shtet ligjor dhe funksional , ndërsa republikat tjera kan mbetur në gjysëm të rrugës ose edhe po kthehen mbrapa. Paradoksale është së më shpërbërjën e ish –Jugosllavisë të gjithë popujtë dolën si fitues , a të gjithë pas shumë vitësh të mvetësisë , po ndihen si humbës, e të margjinalizuar.Para formimit të krijesës artificiale të quajtur Jugosllavi, Serbia ishte pak më shumë së Pashallaku i Beogradit, duke mos llogaritur zgjërimin e saj pastaj më territore te huaja, e më së shumti më ato shqiptare.Këtë zgjerim Serbia hegjemoniste e bëri më luftëra ,mbi hirin e ish-Jugosllavisë.Kur bëhët fjalë për shqiptarët , pas shumë vitësh të okupimit formuam shtëtin e dytë në Ballkan.E krijuam shtetin më miqët tanë , e nuk po dijmë ta ndërtojmë si duhet . Nuk po i ndëgjojmeë miqët , dhe kemi filluar edhe ti humbim.Po i humbin në fakt ata që nuk dështen dhe as nuk ditën çka është shteti. Yrishnikë pas pushtetit janë bërë shumica sot në Kosovë. Ne vend që tju intereson shteti po iu intereson më shumë pushteti,së politika është bërë biznesi më profitabil .Drojë shumë së kjo logjikë e instaluar , nuk do të flakët lehtë .Kjo është logjika më e mbrapsht që e instaluan strukturat e ndryshme mafioze të pas luftës.Kaluan 20 vite duke na udhëhequr më shumë struktura të korruptuara, së sa struktura të pastërta politike . Kalojë kohë e gjatë duke luftuar ky popull për mbijetesë.Nese shumë gjenerata paten fatin e keq të sundohen nga regjimet e huaja , tash gjeneratat e reja po sundohen jo nga regjimet pushtuese , por nga sundimtarët e tipit despotik . Zhvillime të tilla jo të mira politike, dhe të rrjedhave ekonomike as skeptikët më të mdhenjë nuk i kan pritur.Po mos të ishte ndihma e mergatës tonë , edhe shumë më keq do ti kishim punët. Nuk pushuan manipulimet në kohë zgjedhjeve edhe pa kohës të zgjedhjeve. Ata të cilët I përcjellin më vëmendje rrjedhat politike , mirë e dinë për skenarët e njejtë ,të cilët po na përseritën: e para duke përdorur metodën e frikësimit, e dyta, duke plasuar të pavërteta ,dhe dukë u thirrur gjoja së bashkësia ndërkombëtare është ajo e cila po kërkon gjera dhe veprime të tilla. Këto trillime tashmë janë bërë bajate , por të cilat shumë na kan dëmtuar .Kemi mbetur ‘ vrima e zezë” në Evropë.Kemi mbetur pa liberalizim vizash.Nga shumë telashe të cilat I kan goditur Kosovën, nuk u liruam as nga tensionet politike karshi Serbisë , gjoja për normalizim të mardhenjëve të ndërsjella, e në fakt këto tensione, të vazhdueshme po bëhën së bisedimet moren kahje të karakterit politik, që prekin edhe statusin e Kosovës.Kurrë deri më sot bisedimet e zhvilluara më Serbinë , nuk u kushtëzuan më njohje të shtetit të Kosovës , dhe nuk u bën transparente sa duhet për opinionin e gjerë public.Dhe, kurrë këtio marrveshje të nënshkruara Serbia nuk I zbatoj në praktikë.Dhe, si pasojë e gjithë këtyre zhvillimeve negative politike , edhe na ndodhi që të humbim territore.Këto bisedime më Serbinë kan krijuar edhe tensione të mbrendshme , së në pyetje ka ardhë shtetësia e Kosovës dhe territorët e saja. Me Serbinë është dashur të flasim si dy fqinjë , e jo për tema politike.Aq me keq kur po zhvillojmë bisedime më pasardhesit e Millosheviqit, Sheshelit …Elitat në pushtet bënë që edhe pas 10 vitesh të EULEX-it, 20 viteve të pranisë së forcave ushtarke të NATO-së, e shumë organizmave tjerë ndërkombëtar ,kemi mbetur të izoluar.
Ndoshta është koha ta ndryshojmë rrefimin ?Ndoshta problemi nuk është më të pushtetet?Çka nese është e vërtetë së secili popull e ka udhëheqjën çfarë edhe e merton? Si të kuptohet ndryshe situata e krijuar jo e mirë në vend, kur nuk merret asnjë nismë , që ta kthejme shpresën për një jetë normale , për një shtet të rregulluar dhe demokratik? Çka dhe si të mendohet ndryshe ,kur pakica në pushtet, na janë bërë “ shumicë”, kurse shumica janë shëndrruar bindshem në “ pakicë”? Problem nuk kan mbetur as mediet e kontrolluara nga pushteti, por problemi qëndron të idetë? Vëtem edhe një, së ka shumë çka të thuhet .Çka nese problem është bërë e vërteta e jo rrena…?

Njohësi i çështjeve të Ballkanit, Daniel Serwer, ka thënë se presidenti i Serbisë, Aleksandër Vuçiq, po mundohet t’i bindë Shtetet e Bashkuara të Amerikës se është për zgjidhjen e problemit në Ballkan.

Sipas tij, Vuçiq qëndron i ulur në dy, madje edhe në tri karrige, nëse këtu llogaritet edhe Pekini, dhe po përpiqet që edhe më tutje t’i lë në bindje të thellë Shtetet e Bashkuara të Amerikës se ai është pjesë e zgjidhjes, e jo të problemeve në Ballkan, shkruan vijesti.ba.

Ai ka thënë se për të folur për rritjen e angazhimit të SHBA-ve në rajonin e Ballkanit Perëndimor, së pari duhet të ketë një qartësim të politikës i cili është i domosdoshëm për SHBA.

“Nëse kjo politikë përfshinë shkëmbime territoresh në Kosovë sipas parimit të ndarjes etnike, unë do ta kundërshtoja rritjen e angazhimit amerikan, sepse kjo do të destabilizonte Bosnjën dhe Maqedoninë, ndërsa Putinit do t’i jepej një dhuratë e madhe në Gjeorgji, Moldavi dhe Ukrainë. Mirëpo, nëse kjo politikë do të nënkuptonte vendosmëri që BeH të bëhet një shtet funksional i cili mund t’i plotësojë kushtet për anëtarësim në BE, me gjithë qejf do ta përkrahja”.

Duke komentuar fjalët e Vuçiqit se kurrë nuk do ta vë nënshkrimin i cili do të nënkuptonte që shqiptarët të fitojnë gjithçka ndërsa Serbia asgjë, Server ka thënë: “Çfarë mund të shpresonte Vuçiqi me njohje të Kosovës? E para dhe më e rëndësishmja është heqja e pengesës së pakapërcyeshme për anëtarësim në BE”, ka theksuar Server.

Ai ka përkujtuar se Gjermania dhe disa shtete tjera anëtare të BE kanë porositur në mënyrë të qartë se nuk do ta ratifikojnë anëtarësimin e Serbisë pa normalizim të plotë dhe të pakthyeshëm të marrëdhënieve me Kosovën.

“Nëse Serbia, siç edhe ka planifikuar, pret që plotësisht të kualifikohet për anëtarësim në BE, atëherë realisht ai asgjë edhe nuk mund të presë si shpërblim për vënie të nënshkrimit të tij për normalizimin e marrëdhënieve me Kosovën”, ka thënë Server.

Server gjithashtu ka thënë se Millorad Dodik është i vendosur ta rrënojë shtetin e BeH, edhe pse nuk është fort i sigurt se çfarë do të thotë paralajmërimi i tij se Republika Serbe do të tërhiqet nga disa institucione, por është e sigurt se puna efikase e tyre do të vështirësohet.

Kurr në jetën time nuk kamë parë njërëz më mrrolana së sa në Këshillin e Përgjithëshëm të LDK që u mbajtë ditë më parë. Qehrja dhe mrrolat e Agim Veliut,Haki Rugovës dhe Lutfi Hazirit tregonin së po i rëndon diçka në shpirtë,se diçka nuk janë të kënaqur. Qehret dhe mrrolat e tyre ashiqare tregonin një mospajtim më kandidaturën e Vjosa Osmanit për Kryeministre nga LDK-ja. Mrrolat e tyre dukeshin ashiqare edhe ne pamjet në TV të cilët dukëshin si të gjorë,të humbur,sigurisht ne mendjet e tyre po paramendonin edhe fundin e tyre në LDK,anipse Agim Veliu dhe Lutfi Haziri nuk ishin bash të rehatshëm në LDK sepse i pari navigonte me Sami Lushtakun me bisnese kurse i dyti është i përmendur me miqesinë më Hashim Thaçin dhe  më shikistet e Kadri Veselit më bisnese ekonimike dhe politike me ta.Nga mrrolat e tyre ashiqare dukej se u rrotullu bota për ta. Por jo,nuk ndodhi ashtu. I rëhatoi Isa Mustafa.

Por,për ti zbutur sado pak qehret dhe mrrolat e tyre u kujdes vetë Kryetari i zgjdhur me aklamacion  Isa Mustafa i cili ngadal i ofroi afër vehtes duke ju dhanë pozita ne LDK,duke i emruar për nenkryetar të LDK,anipse ishin edhe më heret dhe u kishte dalë afati i përdorimit si aktivist të LDK.Edhe ashtu te mrrolur dhe me qehre bajate ata përkundër dëshirës së tyre,paraqiteshin se gjoja e përkrahim Vjosa Osmanin për Kryeministre duke e krijuar kështu një përkrahje më shumë artuficuale.

Por,Kreyetari i LDK Isa Mustafa  menjëhërë nisi ti zenë presat për z.Vjosa Osmanin e naminuar për Kryeministre duke ia qitë përball kundrshtarin më te përbëtuar Vjosa Osmanit Lutfi Hazirin si njeriun e parë qe do ta drejtonte fushatën parazgjedhore.E beri këtë Isa Mustafa me qellim apo pa qellim nuk e di,por Lutfi Haziri me asnjë kushtë nuk do të ishte dashtë qe te udheheqë ekipin parazgjedhor të LDK më te nominuarën për Kryeministre Vjosa Osmanin.

Pse?!

Sepse dihet se raportët midis Vjosa Osmanit dhe Lutfi Hazirit nuk ishin të mira për shumë kohë. Lutfi Haziri i cili pak a shumë i ka gjenet bash si te Ramush Hrajdinajt për tu ba më çdo kusht Kryeministër,kishte frigë nga e forta Vjosa Osmani e cila ka autoritet me te madh së të gjithë të tjeret në LDK,anipse janë munduar qe ta denigrojnë,te mos e përfillin bile e patën qitë ne vendin 89 në listë për deputete,por ajo falë dashurisë,siçeritetit te sajë,punës dhe vyrtyteve te saj ate populli e zgjodhi për deputete me një numer enormë votash e cila i la pa frymë shumë kend.Emerimi i Lutfi Hazirit qe të udheheq fushatën parazgjedhore është i demshem,sepse ky njeri gjatë kësaj fushate me shumë do dobësajo LDK dhe Vjosa Osmanin,për shkak te raporteve te tyre,spica dhe pykave ,ofendimeve nga ana e Lutfi Hazirit,për nençmimin e Vjosa Osmanit duke e quajtur Nusaj e Preshevës,etj.etj.

Por Lutfi Hazirit nuk ishte deshtë ti besohet kjo fushat edhe për shkakun e lidhjeve te tij me PDK e sidomos më Hashim Thaçin dhe SHIK-un e Kadri Veselit.Dihet se Lutfi Haziri është përkrahesi i vetem nga LDK i Thaçit për coptimin,ndarjën dhe korigjimin e kufive në fafor te Serbisë.Dihet ky njeri edhe më lidhjet e tij me shikistet e Kadri Veselit ne ndeja dhe lokale publike çfarë lente një neveri te anëtaresia dhe publiku i LDK-së.

Këtij njeriut nuk i besohet është i pa besë bash si Hashim Thaçi.Ky njeri edhe sot e kësaj dite është kundërshtari më i fortë qe LDK dhe LVV mos te lidhin një pakt parazgjedhor i cili do ta dermonte Pronto mafin ne zgjedhje.Lutfi Hazirit më shumë i konvenon qe ky pak parazgjedhor të mos lidhet me te vetmin qellim për te quar ujë ne mullirin e PDK dhe Hashim Thaçit.

Thjeshtë emrimi i Lutfi Hazirit për të udhehqe fushatën do ta demtojn se pari LDK por edhe Vjosa Osmanin që LDK te delëe para ne zgjedhjet e tetorit.Më fjaë tjera Lutfi Haziri LDK do ti delë dardhë më bisht sa qe edhe vetë do te quditën.

Ish-deputeti i Kuvendit, Ilir Deda përmes një shkrimi në Facebook ka thënë se më e rëndësishme është ndryshimi thelbësor i vendit sesa kush duhet të jetë Kryeministër.

Deda ka shkruar se PDK mund të na befasojë sërish nëse nuk ka një koalicion parazgjedhor mes LDK-së dhe VV-së.

“Mos të harrojmë që aty dikund, në heshtje, është PDK-ja. Me 2010 PDK inxhinieroi “vjedhjen industriale” të votave dhe “fitoi” në zgjedhje; me 2014 me lehtësi fitoi 30%, edhe pse në sondazhe dilte që do ti merrte 22%; me 2017 në mesnatë u krijua PAN-i. Dhe PDK mund të na befasojë prap tash me 30 gusht kur të deklarohen koalicionet parazgjedhore”, ka shkruar Deda.

Ai ka thënë se ndryshimi mund të ndodhë vetëm nëse në një listë janë edhe Vjosa edhe Albini.

“Ndryshimi me 6 tetor ndodhë vetëm nëse në një listë janë edhe Vjosa edhe Albini. Nëse LDK e VV dalin të ndara në zgjedhje, të gjithë po e shohim potencialin dëmtues të akuzave të ndërsjella (që do të intesifikohen pas 30 gushtit) dhe që do të rezultonin me dalje më të ulët në zgjedhje të njerëzve që janë për ndryshim”, ka shkruar Deda.

Deda ka shkruar se LDK dhe VV duhet të gjejnë zgjidhje, që posti i Kryeministrit të mos jetë pikë ndarëse.

“LDK e VV duhet deomos të gjejnë zgjidhje që pozita e kandidatit për kryeministër mos të jetë shkak i mundësisë së humbur për ndryshimin e madh”, ka shkruar Deda. /GazetaExpress/

Nikolas Lober, anëtari i CDU-së së kancelares Angela Merkel dhe anëtar i Bungestagut gjerman, ka reaguar pasi Lidhja Demokratike e Kosovës e ka caktuar Vjosa Osmanin si mandatare për kryeministre në zgjedhjet që do të mbahen më 6 tetor të këtij viti.

Lobel kandidimin e Osmanit e sheh si një mundësi që Kosovës t’i jepet një vizion dhe energji e re për të ecur përpara. “Unë besoj fuqishëm që politikanët e ri dhe të besueshëm mund t’i injektojnë Kosovës energji dhe vizion të ri”, ka shkruar Lober.

Ndër të tjera ai ka thënë se Vjosa Osmani është gruaja e parë në historinë e Republikës së Kosovës që po garon për postin e kryeministres.

“Deputetja Vjosa Osmani është gruaja e parë në historinë e Kosovës që po garon për kryeministre. Osmani vjen nga LDK-ja, parti simotër e CDU-së dhe anëtare e familjes së Partive Popullore të Evropës”, ka shkruar ndër të tjera Lobel në llogarinë e tij në tëitter.

Lidhja Demokratike e Kosovës e ka mandatuar Vjosa Osmanin si kandidate për kryeministre në mbledhjen e fundit të Kryesisë së mbajtur të hënën. Përveç mbështetjes unanime të Kryesisë, Osmani ka marrë të martën edhe përkrahjen e Këshillit të Përgjithshëm të LDK-së.

Aktualisht janë duke u zhvilluar negociata ndërmjet LDK-së dhe Lëvizjes Vetëvendosje për një koalicion të mundshëm parazgjedhor. Megjithatë LDK-ja insiston në postin e kryeministrit dhe thonë se janë të prirur që të shkojnë të vetëm në zgjedhje/Ballkani.info