Lideri i Lëvizjes Vetëvendosje, Albin Kurti e ka quajtur të gabueshme dhe të pashpjegueshme ngutinë për të mbajtur Samitin e Ohrit, raporton Gazeta Express.

Samiti i Ohrit, apo i quajtur ndryshe Mini Schengeni Ballkanit, ka mbledhur gjatë vikendit treshen politike, kryeministrin e Shqipërisë, Edi Rama, homologun e tij maqedonas Zoran Zaev dhe presidentin e Serbisë, Aleksandër Vuçiq.

Për këtë takim, në të cilën nuk ka marrë pjesë Kosova ka reaguar sot gjatë ditës, lideri i Vetëvendosjes, Albin Kurti.

Kurti në një intervistë për Report TV ka thënë se vala e dytë e këtyrë iniciativave rajonale nuk është dashur që të mbahet.

“Vala e dytë e këtyre iniciativave rajonale nuk është dashur të mbahet. U mbajt takimi i parë në Novi Sad, u tha që në Ohër do të vijnë të gjithë dhe së pari aty nuk shkoi Kosova, së dyti Mali i Zi dhe Bosnja e Hercegovina patën përfaqësim simbolik dhe besoj që në kohën kur spostohet edhe Samiti i Parisit nuk ka pse të mos spostohet për një datë tjetër edhe ky i Ohrit”, thotë ai.

Kurti ka vlerësuar se një gjë e tillë ishte e gabueshme dhe e pashpjegueshme.

“Pra për mua ishte e gabueshme dhe pashpjegueshme ngutia që medoemos, tani, të mbahet kjo mbledhje në Ohër në kohën kur dihej që Kosova nuk do të marrë pjesë. E dyta, inicativat e këtilla rajonale duhet të llogarisin një gjë thelbësore e ky është reciprociteti i plotë politik, ekonomik dhe tregtar midis Kosovës dhe Serbisë. Pra ccfarëdo inciative në rajon duhet t’i bëjë vendit parimet e reciprocitetit të cilin do ta vendos dhe zbatoj qeveria e re e Republikës së Kosovës dhe unë si kryeministër”, shton i njejti.

I pari i Vetëvendosjes, ka thënë se tashmë janë dakorduar që me Serbinë të kenë reciprocitet, teksa shton se ky është edhe vullnet i popullit.

“Edhe LDK edhe Lëvizja VETËVENDOSJE!, edhe z.Osmani edhe unë, pra gjithsej gati 2/3 e votave shqiptarëve të Kosovës kanë qenë për reciprocitet me Serbinë, ky është vullneti i popullit. Vështirë është të gjendet ndonjë gjë tjetër për të cilën ka vullnet aq të madh politik e popullor sikurse për reciprocitetin me Serbinë. Prandaj inciativa të tilla duhet t’ja bëjnë vendin parimit të reciprocitetit, cili është është kriter i shëndosh në marrëdhëniet e mira fqinjësore e bilaterale në përgjithësi. Dhe e treta, si qeveri e re, si kryeministër i ri, unë do të mbledh qeverinë që të diskutojmë këtë gjë, me ministrat, posaçërisht ata të fushës dhe me shoqatat, asociacionet, organizatat dhe me unionet e ndryshme”, tha ai.

Ndryshe, kundër samitit të Ohrit është shprehur dje edhe lideri i LDK-së, Isa Mustafa.

Ai ka thënë se politikat e Mini-shengenit i largojnë vendet e Ballkanit Perëndimor nga rruga e integrimeve evropiane dhe i qon në strofullën euroaziatike të dominuar nga Rusia.

“Janë këto manovrime të Serbisë për të bishtëruar detyrimet ndaj Bashkimit Evropian për normalizim të marrëdhënieve me Kosovën dhe për njohje të pavarësisë së Kosovës. Ndoshta kryeministri i Shqipërisë dhe ai i Maqedonisë Veriore e kanë të qartë se ku janë interesat e vendeve të tyre por Kosova asesi”, shkroi ai.

Frika, mos siguria , mos besimi ne institucione… ishin temat që më së shumti u lakaun në shkrime dhe debate të ndryshme. Qytetaret një kohë kishin frikë të deklaronin së po vjedhën, po kushtëzohen e shumë çka tjetër. Kjo nuk zgjati pak , por që shumë vjet njeriun tonë e përcolli fati i keq . Shumë zgjati që të shkëputemi nga heshtja e cila na kushtoi shumë. Qytetarët nuk pat kush ti mbrojë , së ata që ishin të thirrur për këtë punë, krijuan rehati për vete,për familje dhe për militantë partiakë. Klasës politike i mungojë dija, përgjegjësia dhe morali politik. “Okupuan” çdo sistem të jetës dhe të punës.

Edhe pas 20 vitësh të pluralizmit, nuk kemi shëndetësi si duhet,kemi arsim të nivelit katastrofalë…U bë tashmë e ditur së nuk kemi institucione të shëndosha, dhe së ishte momenti i fundit që të bëhën ndryshime pozitive .Kjo ndodhi më zgjedhjet e radhës të jashtëzakonshme të kushtueshme , e më të cilat tashmë jemi mësuar.Qeveria e re e ka rastin që këto lojëra politike dhe të keqijat e natyrave tjera,të stopohen njeherë e përgjithmonë. Na munguan rezultatet pozitive, na mungojë standardi i nivelit të Evropës, që ka mundur të bëhët. Qytetarët tanë më të drejtë presin politika të mira ekonomike,si dhe hapa konkret për të dalë nga kriza e përgjithshme.

Ka ardhur koha që përditshëmria jonë në punë, dhe në jetë të bëhët shumë më e lumtur, të hapën përspektiva të reja, që të jetojmë këtu , e jo të largohemi nga Kosova.Të krijojmë shoqëri të shëndosh në pikëpamje morale e kombëtare.Të kthehet pasuria shoqërore nga ata që në menyrë të paligjshme e përvetësuan. Të krijojmë sisteme të cilat do të funkcionojnë në mënyre efikase .Të kthehet përgjegjësia për secilin pa marr parasysh pozitën që e ka në shoqëri.Mjaftë u përballëm më afera korruptive .Shumë gjatë kemi mbetur i vetmi shtet në Evropë pa liberalizim vizash… Frika për rë ardhmën, jeta e keqe për shumicën, nuk do të hiqen, nese nuk kthehet besimi i humbur në institucione të shtetit, dhe nese të gjithë keqëbëresit nuk largohen nga vendimarrja…

Me të mençurit e LDK po vlerësojnë se posti i Presidenit të Shtetit dhe i Kryetarit të Parlamentit të Kosovës nuk janë, siç thojnë, të barazvlefshëm me postin e Kryeministrit të Qeverisë… Dhe sipas të tillëve, që pazari për pushtet të ketë kuptim, postit të Presidentit dhe kryetarit të Parlamentit duhet të i shtohen edhe postet e Zëvëndës kryeministrit dhe Ministrit të Punëve të Jashtme dhe tek atëherë mundet me u konsideruar si ndarje e drejtë dhe biznes i barazëvlefshëm … NON SENS edhe logjik e edhe politik…

Gjithkund në botë, posti i kryeministrit në bashkëbisedime për koalicione është i barazvlefshëm me postin e zëvendëskryeministrit dhe ministrit të punëve të jashtme…Por kuptohet që ka edhe mundësi tjera, si p,sh, kur në analizat dhe pazaret mirret për bazë vlera dhe pesha e personave që i bartin ato poste… Një e pranoj, se varësisht prej personit i ipet fuqia të gjitha atyre posteve….Te tre postet i kanë kompetencat dhe detyrat e ndara të përcaktuara sipas kushtetutës dhe kryeministri në sistemin parlamentar të Kosovës nuk është MBRET por vetëm kryeministër, suksesi i punës së të cilit jo pak varet edhe nga sjellja dhe puna e të gjithë ministrave e në rrethana aktuale sidomos nga puna dhe çasja e ministrit të punëve të jashtme e të mos flasim për kryeprlamentarin dhe presidentin…Por edhe atëhere, këto matematika teorikisht edhe mund të rezultojnë si të arritshme por të kërkohen katër (4) postet me të lartat shtetrore për postin e kryeministritr, të cilin post e ka përcaktuar vetë populli në zgjedhje… Një mendësi, një kërkesë dhe një logjikë e tillë vertetë është qesharake, është shantazh dhe është Non Sens njerëzor e intelektual… Edhe në mendësinë e pazareve e lakmive më ekstreme për pushtet një mendësi e tillë konsiderohet e trajtohet si mafioze..!

Dua të shpresoj se ketë here, kjo mençuri, kjo çasje e kjo politkë jashtëtokësore e LDK-së SË RE nuk do t’ju shitet dhe kercnimet e tyre se nese nuk i marrin keto poste që pretendojnë, janë të gatshëm të shkojnë në zgjedhje të reja është humoriadë e tyre që humb si fluskë e sapunit në çastin e parë kur instiktivisht e kuptojnë dhe binden për pergjigjen adekuate dhe të vendosur të palës fituese të këtyre zgjedhjeve… Janë të vetëdijëshem se në rrethana të reja, humbja e tyre nuk do të jetë 3 me 0 por 8 me 2….

Edhe nga të tillët është e padrejtë aq shumë ta zhvlerësojnë e nçnçmojnë postin e kryeparlamentari e sidomos atë të PRESIDENTIT kur dihet që njeriu i cili i dha emer dhe përmbajtje LDK-së, gjithmonë insistonte dhe këmbëngulte të jetë PRESIDENT e jo kryeministër….Po dukët se këta të mençurit e tanishëm të kësaj partie po mendojnë se presidenti i tyre legjendar, nga emri dhe puna e të cilit ende marrin me dhjetra mijëra vota shtesë, ka qenë i paditur dhe është mashtruar andaj, duke gabuar ka pranuar se, që nga zgjedhjet e para në vitin 1992 ta fitoi, zgjedhë dhe baertë postin pa kurfarë vlere e rëndësie, atë të Presidentit të Republikës së Kosovës…ÇUDI…!

Paraprakisht e dijmë se nëse ipotetikisht ndonjë nga këta të mençurit do të bëhej president, menjëhere nga vet ata do të degjojmë e lexojmë se sa i rendësishëm është posti i presidentit që tani po e nënçmojnë e zhvlerësojnë…!

Pas publikimit të rezultateve përfundimtare nga ana e KQZ-së, edhe zyrtarisht LVV-ja doli të jetë fituese e zgjedhjeve të 6 tetorit. Për dallim nga zgjedhjet e vitit 2017, kur LVV-së, edhe pse ishte subjekti më i votuar, iu pamundësua qeverisja e vendit nga koalicioni PAN.
Nga paslufta e deri më sot, është hera e parë që qytetarët ndëshkojnë me votë mashtruesit dhe abuzuesit e pushtetit.
Edhe pse partia e dytë më e votuar në vend, edhe LDK-ja u ndëshkua keq nga qytetarët e vendit për shkak të koalicioneve të panatyrshme dhe qëndrimit të gjatë në pushtet, pa përmbushur asnjë premtim elektoral dhe pa i sjellë asnjë të mirë qytetarëve të vendit.
Kësaj radhe votuesit u përcaktuan për LVV-në dhe atë për një arsye të vetme. Për arsye se kërkesat e këtij subjekti politik ishin në përputhje me kërkesat dhe dëshirat e qytetarëve.

Shkallët e njëjta të ngritjes apo rruga e kundërt e zbritjes

Paralelisht zhvillimit ekeonomik të vendit, janë edhe disa aspekte kruciale në të cilat Albin Kurti duhet të dëshmohet si kryeministër i përgjegjshëm dhe reformator i suksesshëm, si; sistemi i drejtësisë, arsimi, shëndetësia dhe dialogu me Serbinë.
Ashtu sikurse dikur Hashim Thaçi që erdhi në pushtet përmes kartës së nacionalizmit, së fundmi Ramush Haradinaj kishte ardhur në pushtet me kartën e Demarkacionit, edhe ngritja deri në majat e pushtetit e Albin Kurtit ndodhi përmes temave të ndjeshme politike, si; decentralizimi etnik, demarkacioni me Malin e Zi dhe “Zajednica” serbe në veri të vendit.
Pra, edhe ngritja e Albin Kurtit në karrierën politike kaloi përmes kundërshtimeve të fuqishme të temave të sipërpermendura, me forma dhe metoda krejtësisht antiligjore dhe demokratike në Kuvendin e Kosovës dhe jashtë tij.
Edhe pse forma dhe metoda antidemokratike, bën që LVV-në të bëhet subjekti opozitar më i fuqishëm në vend.
Ndryshe nga pararendësit e tij (Hashim Thaçi dhe Ramush Haradinaj), Albin Kurti fuqizimin politik e arriti edhe përmes “luftës” së pakompromis kundër korruspionit dhe krimit të organizuar, gjegjësisht përmes premtimeve elektorale për luftimin e të gjitha dukurive negative në qeverisjen e vendit dhe shoqërisë kosovare në përgjithësi.
Sikurse Hashim Thaçi, ashtu edhe Ramush Haradinaj, me marrjen e pushtetit u larguan nga premtimet elektorale, tani na mbetët të shohim veprimet e Albin Kurtit si kryeministër, se a do të qëndroj i palëkundur në raport me dialogun me Serbinë, përkatësisht temës së ngritur të “minishëngenit” që faktorizon Serbinë në Ballkan.
Për më tepër se kaq, kryeministri në ardhje Albin Kurti duhet të jetë më i qartë dhe më transparent para qytetarëve të vendit rreth idesë së “minishengenit” apo “Ballkanisë së re” në zemër të Gadishullit Ilirik.
Qeveria e re me Albin Kurtin në krye e ka rastin historik të dëshmimit për ç’montimit të te gjitha dukurive negative, sikurse e ka momentin më kritik të humbjes së gjithë kredibilitetit politik të arritur me shumë mund për më tepër se një dekadë.

Anulimi i vendimeve të dëmshme dhe reforma në drejtësi

Premtimet elektorale të liderit të LVV-së, Albin Kurti janë obligime dhe borxh i madh dhe i pashqlyer ndaj qytetarëve.
Qeverisë së Albin Kurtit i mbetët që në mbledhjen e parë, të anulojë të gjitha vendimet e qeverive paraprake të Hashim Thaçit dhe Isa Mustafës, gjegjësisht marrëveshjen fatale për “Zajednicën” me Daçiqin, përkatësisht me Vuqçiqin në Bruksel dhe të gjitha vendimet e kryeministrit Ramush Haradinaj filluar nga Demarkacioni me Malin e Zi, ngritjen skandaloze të pagave për stafin qeveritarë e deri tek vendimet dhe nominimet në periudhën pas dorëheqjes nga posti i kryeministrit.
Jo vetëm kaq, premtimi elektoral i Albin Kurtit për shkarkimin e Hashim Thaçit dhe burgosjen e kryeprokurorit Lumezi janë janë “alfa” dhe “omega” e grumbullimit të votave nga elektorati kosovarë. Andaj çdo zvarritje dhe ikje nga ky premtim, Albin Kurtit do t’i kushtojë me rënje drastike të kredibilitetit dhe humbje të fuqisë politike në terrenin politik.
Pa barazi ligjore, asnjëherë nuk do të ketë barazi qytetare dhe liri e demokraci në këtë vend, prandaj nevojitet ndërhyrje urgjente nga qeveria e re për ta reformuar këtë sistem të kalbur e të kapur nga mafio-politika, në mënyrë që të shmanget marrja e drejtësisë në duar të qytetarëve-drejtësia kanunore.
“Përderisa sistemi i drejtësisë të jetë i kontrolluar nga bandat e inkriminuara partiake dhe nëntoka e tyre kriminale, qytetarëve nuk do t’u kthehet besimi në drejtësi dhe as dashuria për shtet. Përderisa të vazhdon të jetë kështu, qytetarët do ta përdorin “Kanunin” si mjet për zgjidhjen e problemeve, duke vazhduar së ëndërruari një shtet ndryshe nga ky që e kemi sot.
Andaj, sfida e parë e qeverisë së re duhet të jetë reforma e thellë në sistemin e drejtësisë, përkatësisht shkarkimi i të gjithë gjyqtarëve dhe prokurorëve të inkriminuar dhe nominimi i gjyqtarëve dhe prokurorëve të guximshëm me integritet dhe etikë profesionale.

​Ish-pjesëtari i Ushtrisë Çlirimtare të Kosovës, Rexhep Selimi është ftuar nga Gjykata Speciale.

Kjo gjë u bë e ditur nga vetë Selimi, i cili deklaroi se është i ftuar në cilësinë e të dyshuarit.

Selimi tha se ashtu si thuajse të gjithë anëtarët e SHP të UÇK-së dhe shumë luftëtarë të tjerë të lirisë, është ftuar për t’u intervisutar nga Zyra e Prokurorit të Specializur, në cilësinë e të dyshuarit.

“Intervistimi do të zhvillohet gjatë javës së ardhshme në zyrën e Prokurorit të Specializuar në Holandë”, ka shtuar ai.

Ndryshe Selimi ishte deputet i Kuvendit të Kosovës nga radhët e Lëvizjes Vetëvendosje si dhe ka arritur të sigurojë votat e nevojshme për t’u bërë pjesë e legjislaturës së re të Parlamenti edhe për një mandat tjetër. express

Ish-deputeti i Kuvendit të Kosovës, Milaim Zeka i ftuar në emisionin Frontal të T7 ka thënë se ka informata që edhe kryeprokurori i shtetit Aleksandër Lumezi do të ftohet në Hagë nga Gjykata Speciale.

“Unë kam disa informacione se nga Gjykata Speciale do të ftohet edhe kryeprokurori i shtetit Aleksandër Lumezi”, ka thënë Zeka.

Ai ka thënë se Gjykata Speciale Shpend Maxhunin, Aleksandër Lumezin , Driton Lajçin dhe Abelard Tahiri i ka ftuar ose do t’i ftojë për rrjedhje të informacioneve, shkruan Gazeta Express.

“Shefi i AKI-së, së bashku me Aleksandër Lumezin dhe Ministrin e Drejtësisë Abelard Tahiri mund të akuzohen për rrjedhjen e informacioneve dhe kërcënimin dhe shantazhin që ju kanë bërë dëshmitarëve të Hagës”,

Ai ka thënë se më “serioze e kanë punën këta persona në raport me Gjykatën Speciale se sa vet Kadri Veseli”

Ai tutje ka deklaruar se informatat për ftesat e Gjykatës Speciale i ka pasur të sakta dhe kjo u konfirmua me ftesën e ardhur për kryetarin e PDK-së, Kadri Veselin.

Janë numëruar edhe votat e fundit nga zgjedhjet e 6 tetorit në Kosovë. Bëhet fjalë për 1806 vota që kanë ardhur nga diaspora dhe me vendim të Gjykatës Supreme, hynë në votim. Sipas të dhënave, shumica e tyre janë për Lëvizjen Vetëvendosje.

Nga numërimi i votave të diasporës del që LVV i ka marrë 1154 prej tyre. Sipas këtij rezultati Vetëvendosje i merr 32 deputetë në Kuvend. Pas saj është LDK-ja me 395 vota e PDK-ja 276 vota.

Kryeministri në detyrë, Ramush Haradinaj, ka folur pas mbledhjes së Qeverisë, për taksën 100 për qind për produktet serbe, si dhe arrestimet që janë paralajmëruar se mund të bëhen gjatë këtij muaji nga Gjykata Speciale, raporton Gazeta Express.

Haradinaj fillimisht ka folur për vizitën e Matthew Palmerit në Kosovë, si dhe emërimin e Richard Grenell nga Donald Trump.

“E falënderoj z. Palmer për ardhjen, është komunikim i vazhdueshëm, edhe më herët jam taku me të në Amerikë, është vazhdim i agjendës amerikane për shkak se ka edhe përgjegjësi nga Departamenti i shtetit, ndërkaq, siç e dini ambasadori Grenell ka përgjegjësi direkte nga presidenti amerikan Donald Trump, pra është vazhdim, është agjendë e ndërsjellët, për këtë arsye s’kam bë ndonjë postim. Është vazhdim i komunikimit, nëse i keni përcjellë të gjitha zhvillimet, është dinamikë Kosovë-Amerikë”, ka thënë Haradinaj.

Haradinaj tutje ka komentuar vendimin për taksën 100 për qind derisa i ka dërguar një përgjigje për këtë liderit të VV-së, Albin Kurti.

“Analiza është prezente në vazhdimësi, një vakum të produkteve serbe e zëvendëson prodhimi vendor që është zhvilluar dhe ka ndikim direkt në ekonominë e vendit. Politikisht nuk është vetëm taksa por janë qëndrimet që i kemi mbajtë në Kosovë që e kanë mbajtur vendin të pavarur nga tavolina e znj. Mogherini, vendimet për ushtrinë, për Trepçën. Sa për me hjekë reciprocitetin e pëlqej këtë ide, por le të mbetet taksa, nëse VV do të reciprocitetin nuk e kuptoj pse duhet me e hjekë taksën, edhe habitem për qëndrimin e kujtdo që i kthen mallrat serbe pa e marrë njohjen është një gabim kapital politik”, shtoi ai.

Sa u përket arrestimeve nga Gjykata Speciale, Haradinaj tha se për këtë duhet të pyeten ata që dikur kishin dhënë votën për.

“Për arrestimet nuk di duhet me i vetë ata që e kanë votu gjykatën, ata i dinë më mirë procedurat se jam jashtë informatave, ata që e kanë votu është mirë më i vetë çka mendojnë”, tha Haradinaj pas mbledhjes së Qeverisë. /GazetaExpress

Kryetari i Lëvizjes Vetëvendosje, Albin Kurti është takuar sot me kryeministrin e Maqedonisë së Veriut Zoran Zaev në Shkup,raporton Gazeta Express.

Albin Kurti në këtë takim ka qenë i shoqëruar me anëtarët e kryesisë së Vetëvendosjes, Fitore Pacolli dhe Liburn Aliu.

Kreu i VV-së përmes Facebook-ut, ka shkruar se në takimin me kryeministrin Zaev kanë biseduar për situatën politike në dy vendet dhe për çështjet e integrimit evropian.

“Sot në Shkup takova kryeministrin e Maqedonisë së Veriut, z. Zoran Zaev, me bashkëpunëtorët e tij. I shoqëruar nga anëtarët e kryesisë, znj. Fitore Pacolli-Dalipi dhe z. Liburn Aliu, biseduam për situatën politike në dy vendet tona, mundësitë e bashkërendimit të ndërsjelltë, raportet midis shteteve në Ballkan dhe çështjet e integrimit evropian”, ka shkruar Kurti.

Ai tutje ka thënë se do të mbeten në komunikim të vazhdueshëm për takime e bashkëpunime në të ardhmen.

Në rrjetin social Muharrem Maralusha shkruan si më poshtë:

“I kam studjue te gjitha qeverite serbe qe kanë sundue ne Serbi dhe ne tokat e robnueme shqiptare.

I kam studjue prej nje kapaciteti zyrtar –

dhe asnjena kurrë nuk ja ka dasht te miren popullit Shqiptar,

por jane mundue dhe do te mundohen sot e 100 vjet me e shfarose.

Prandej po i drejtohem dhe LDK’s se e lexova nje postim te Isa Mustafes se esht gadi me dal nga koalicioni.

Kjo kishte qene nje tragjedi e madh qe do ta shtyne Serbine me festue me nje aheng madheshtore.

Ne qoftse LDK’a e merr ketë hap, atehere jam ma se i bindun se LDK’ja esht e mbushun me agjenta te Sigurimit Serb.

Se vetem Serbija done me e pa Kosoven te shkatërrueme politikisht.

Prandej ISA MUSTAFA, ne qoftse jeni i mendimit me e mare ketë rruge ( me dal prej koalicionit) une haptas kam me ju akuzue personalisht se jeni ne sherbim te Serbise.

Sot bëhën 20 vjet kur me 2 nentor 1999 fill pas çlirimit ne fashtin Burojë të Hashim Thaçit u kidnapua dhunshëm mesuesi dhe aktivisti i njohur i LDK Haki Imeri. Haki Imeri ishte pika e djalit mesues i prkushtuar që rrezatonte dritë dhe dituri ne atë anë.Ishte edhe mesuesi dhe kujdestar klase i Presidentit Hashim Thaçi. Por ishte edhe krah i fortë i Presdientit historik Ibrahim Rugova duke e mbajtë gjallë LDK ne atë anë.

Më 1 nentor 1999 shkuan me dy vetura dhe e kidnapuan dhunshëm ne fashtin Buroj. Të nesermën me 2 nëntor Haki Imeri u gjetë i vrar, i karbonizuar ne fshatin Araçevë. Dhembja e pikëlloi familjën e tij. Ishte kjo vrasja e parë politike e pasluftës. Shumë njerëz,por edhe krejtë Drenica mbeten me gojë hapur nga kjo vrasje makabre,i mallkonin vresesit,kriminelet qe mbanin emrat shqiptar.

Vellau i Haki Imerit, Imer Imeri, nuk la gje pa levizë se a mos mund të u bije ne fije vrasesve sepse vrasesit duhet të ishin te asaj ane. Dha deklarat,foli nepër medija për vrasjen e vellaut të tij Hakiut. Imer Imeri nuk e zenti gjumi gjumë për ti ra ne fije kësaj vrasjeje.Por kot,drejtesia ne këtë rast nuk lëvizëte,nuk e bënte punën e vetë,e kishte gozhduar dikush.Familja po dyshonte edhe në Hashim Thaçin.Në një rast patë deklaruar se unë”nuk kamë thanë së Hashim Thaçi e ka vrar vellaun tim,por theksoi ne veçanti se Hashim Thaçi e din se kush e ka vrar vellaun tim”,kjo ndryshe i bije jo Hoxhë Alia por Ali Hoxha,siç thotë një thënje e popullit

Por një natë para 17 vitesh dikush e kishte parë një andërr te keqe.Dhe pa një pa dy Hashim Thaçi shkon turr e vrap te familja Imarajt me e la vehten sipas kanunit duke ba be në 124 pleq,se ai nuk kishte dorë ne vrasjen e Haki Imerit mpsuesit të tij.I ligu Imaer Imeri,vellau i Haki Imerit i cili për këta 17 vite qoi shumë pluhur dhe beri akuza duke e drejtuar edhe gishtin kah vrasesit e mundshëm,u dorzu para Kanunit para besë së Hashim Thaçit me 124 pleq.

Hashim Thaçi i cili për 17 vite as qe i kishte rënë ne mendë te shkojë ne vizitë e as në ngushlime te shkoj te familja Imaraj turr e vrap shkone në oden e tyre për me i ba be ne emqe te 124 pleqeve te bazuar ne kanun.I ligu Imer Imeri e hangri këtë gjurullti.Pa pelqimin e familjes se ngushtë e lejoj Thaçin te mbanë homazhe te varri i vellaut,e lejoj te mbajë mbledhje komorative për mesuesin e tij pas 17 vitesh,bile Presidenti i Kosovës shkojë edhe më largë duke e4 shpallë Haki Imarin Hero të Kosovës.

E quditeshme qe Presidenti i Kosovës Hashim Thaçi ta shpall hero te Kosovës,nje kativiste për meritat e tij në LDK.
Më te gjitha këto sikur nuk po pajtohet familja e ngushte e Haki Imerit,qe do te thotë se familja e ngushte nuk ishte pajtuar as me sjelljën e vellaut te Hakiut Imer Imarit i cili për krejtë ketë pati”hy ne mal pa sakicë”.Familje qe nga para 20 vjetesh po kërkon drejtesi për Haki Imerin,për njeriun i cili u hapi rrugë te gjitha vrasjeve të pas luftës,ata vazhdimishtë janë ankuar,po kërkojnë drejtesi,e drejtesia as se si te arrij deri te Haki Imeri,ajo është e kapur e zapueme nga vrasesit e tij.

I ka mbete e vetmja shpresë qe Gjykata Speciale ne Hagë ta thotë fjaën e vetë dhe te zbardhë të vertetën.

Anton Çetta, lindi më 3 janar 1920 në Gjakovë dhe vdiq më 3 nëntor 1995 në Prishtinë, ishte shkrimtar, profesor letërsie e patriot shqiptar, i njohur për pajtimin e gjaqeve në Kosovë.

Ai mbaroi shkollën fillore në vendlindje, ndërsa të mesmen në Tiranë dhe Korçë.

Studimet i mbaroi në Universitetin e Beogradit, ku diplomoi në gjuhë dhe kulturë romane.

Për një kohë punoi si asistent në degën e gjuhës shqipe. Nga viti 1960 deri në vitin 1968ai ligjëroi lëndët: Letërsia e vjetër shqiptare, Histori e letërsisë dhe Gjuhë latine në Universitetin e Prishtinë.

Libri i parë iu botua më 1953 dhe deri në vitin 1987, Çetta botoi 16 libra me përmbledhje folklori nga të gjitha viset shqiptare të Kosovës, Malit të Zi dhe Maqedonisë.

Nga viti 1968 Anton Çetta ka qenë udhëheqës i Departamentit të Folklorit në Institutin Albanologjik të Prishtinës.

Në vitin 1990, profesor Çetta është zgjedhur kryetar i Këshillit Qendror të Lëvizjes Kombëtare për Pajtimin e Gjaqeve.

Duke qenë se gjatë mbledhjes së folklorit kishte vizituar të gjitha viset shqiptare, ai kishte fituar respektin dhe dashurinë e popullit.

“Plaku i urtë”, siç i kishte dhënë epitetin populli, kishte arritur të pajtonte me mijëra familje të hasmuara dhe dukuria e keqe e gjakmarrjes pothuajse ishte zhdukur krejtësisht deri kah mesi i viteve ’90.

Në zgjedhjet e para paralele të organizuara më 1992, Anton Çetta zgjidhet deputet në Parlamentin e Republikës së Kosovës nga radhët e LDK-së.

Më 30 prill 2010, ai u nderua me “Medaljen e Artë për Paqe, Demokraci dhe Humanizëm – Dr. Ibrahim Rugova”, nga Presidenti Fatmir Sejdiu.

Lëvizja Vetëvendosje është e bindur se do të arrijë marrëveshje bashkëpunimi me Lidhjen Demokratike të Kosovës, për krijimin e qeverisë. Qëndrimi në fjalë erdhi pas deklaratës së kreut të LDK-së Isa Mustafa, se nëse nuk arrihet marrëveshje me VV-në, partia e tij shkon në opozitë. “Gazeta Blic” ka kontaktuar me zyrën për media në Lëvizjen Vetëvendosje, lidhur me qëndrimin e Mustafës, karshi koalicionit të mundshëm qeverisës.

“Që para zgjedhjeve, madje edhe para se të binte kjo qeveri ne kemi shprehur gatishmërinë për bashkëpunim të ndërsjella, madje tash e sa kohë po diskutojmë në drejtim të bashkëqeverisjes. Deri tani diskutimet po zhvillohen në frymë të mirë bashkëpunimi dhe ato do të vazhdojnë edhe më tutje. Përcaktimi i dy subjekteve është që partner të vetëm në qeverisje të kenë njëra-tjetrën”, ka thënë zyra për media në një përgjigje për ‘Gazeta Blic’.

Në anën tjetër Mustafa, në një intervistë për RTV21 e ka lënë si mundësi të hapur dështimin e marrëveshjes me VV-në. “Nëse nuk arrihet, LDK shkon në opozitë, por në asnjë rast nuk shkon me subjekte të tjera. Nuk do të shfrytëzojmë asnjë rrugë tjetër, asnjë koalicion tjetër, nëse gjejmë zgjidhje me Vetëvendosjen. Vet fakti që ne po zhvillojmë negociata tregon se puna nuk është kryer, mirëpo kur zhvillon negociata atëherë nuk mund ta shpallësh të kryer punën. Këtu nuk mund të ketë fitues – ose dy palët do të jenë fituese, ose nuk do të kemi marrëveshje”, u shpreh ai.

Ushtruesi i detyrës së ndihmës-sekretarit amerikan të Shtetit për çështje të Evropës dhe Euroazisë, Philip Reeker, ka thënë se Shtetet e Bashkuara nuk janë të përqendruara në idenë e ndryshimit të kufijve midis Kosovës dhe Serbisë.”

Ndoshta ma se fundi deklarata e Dipllomatit Amerikan REEKER në një intervistë për Radion Evropa e Lirë ku ka thënë se Shtetet e Bashkuara duan që Kosova dhe Serbia të gjejnë një rrugë përpara, që “do të sillte mundësi më të mira për njerëzit në Serbi, për njerëzit në Kosovë dhe për të gjithë rajonin”. Kjo deklarate eshtë dhane per veshet e atyne politikanve ne Kosove qe ende mendojne se SHBA esht ne anen e Kosoves kur vjen pyetja e kufijve te patundeshem qe sot i ka Kosova.

Une jam i njoftun me psikollogjinë e Z. Reekerit. Reekeri e don Kosoven dhe ka nje simpati per popullin e Kosoves. Por duhet ta kuptojme se Reeker punon per Kryeplakun e SHBA’s qe sot sundon ne SHBA.. REEKER esht nje ushtar shume besnik ndaj Prezidentit Trump dhe do ta projekton politiken e tij ndaj Kosoves. Politika e sotshme e Trumpit ndaj Kosoves eshtë qe Kosova mos te bane probleme te matejshme per Trumpin se ai mjaft i ka problemet e veta me demokratet ketu ne SHBA. Prandej, Trumpi ja ka dhane urdhnat e sakta POMPEIT DHE REEKERIT – Kosovaret duhet patjeter dhe ne çdo kusht me e nenshkrue nje marrëveshje me Serbinë edhe pse nje marrëveshje e tillë do te jetë ne dam te Kosoves.

Kosova duhet me prite per nje kohe ma te volitshme dhe te mos hyne (te mos shkel) ne nje balte/zall te gjall. Koha, sot nuk esht e volitshme per Kosoven…jo deri sa administrata e sotshme ne SHBA ka probleme egzistuese ne vend. Kjo admonistrate, sot nuk esht ne vetdijeni se a do te jet ne fuqi deri ne zgjedhjet e ardheshme qe jane me 2 Nendor 2020. Kosova nuk duhet me u ngut aspak sa i perket vazhdimit te dialogut me Serbinë. Kur te nenshkruehet nje marrëveshtje me Serbine, Kosova do te humb 1/3 ten e territorit qe e ka sot. Qdo marrëveshtje qe do te nenshkruhet ndermjet Kosoves dhe Serbisë, do te jet nje marrveshtje e garantuar nga nderkombetaret dhe do te jetë e pa kthyeshme ne nje mënyre paqesore.

Dy vitete e fundit, udheheqesija Kosovare (Ramush/Hashimi/Veseli dhe te tjeret) thojshin çdo dite ne media “se ne e ndigjojme çka na thote SHBA.” Tash SHBA po thotë se “ju kosovaret do te bani çmose qe te nenshkrueni nje marrëveshtje me serbin….edhe se nje marrështje e shkrueme sot do te jetë ne dam te Kosoves.” Mos harroni se Kryeministri ne doreheqje e humbi poziten vetem per nje arsye: Se nuk deshti me i zbatue deshirat e nderkombetarve. E pozita e nderkombetarve (tue perfshie dhe adminoistraten qe sot sundon ne SHBA esht se duhet me u ba nje kompromise sa i perket kufijve. Perveq Ramushit, qe i nguli kombet se ska me pas ndryshim te kufijve me Serbin, te tjeret jane tue thanë se do ta ndigjojm SHBA’n qe do me thanë se do te ketë ndryshime te kufijve.

Une po ashtu kam dipllomue ne shkencat politike/dipllomatike, dhe çdo profesor na thonte se per nje politikan me qenë i sukseseshhem, ky politikan duhet me qen rrenacak se perndryshe as qent nuk ja hajn kufomen. Edhe pse politikanet e Kosoves jane tue e than te kunderten (tue perfshi ketu dhe politkanet e LDK’s) se ska me pas ndryshim te kufijve (na tash e dijm se ku qendron Hashim Thaqi, Lutfi Haziri dhe do tjere). E vetmja menyre me ju shmang ndryshimit e kufijve (coptimin e Kosoves) esht qe te mos nenshkruhet as nje marrëveshtje me Sebinë qe eshtë ne dam te Kosoves. Politikanet e Kosoves duhet ta mbajne ne mend nje gja: asnji njerk nuk i done femijt ma shume se nena qe i ka dhane tambel fëmijëve te saj.

Fjala e fundit, si po e shof une sot- Albini dhe Vjosa jane tue ba be se s’ka me pas leshime ndaj Serbise, por mos e harroni fjalen time te mahershme se per nje politikan me mbet gjall – aj duhet me rrejte. Tash do ta kqyrim se sa stabil kane me qene Albini dhe Vjosa. GOOD LUCK (ME FAT). Veriu i Kosoves me Trepqen dhe Ujmanin jane gjak i Kosoves dhe tambeli i nanave Shqiptare dhe nuk asht per me u shit ne pazar te shtanzve

Votat e ardhura me vonesë nga diaspora do të numërohen dhe do të përfshihen në kuadër të rezultatit final të zgjedhjeve parlamentare të 6 tetorit në Kosovë.

Sipas autoriteteve, bëhet fjalë për rinumërim të 4 mijë e 639 votave.

Kryetarja e Komisionit Qendror të Zgjedhjeve, Valdete Daka ka theksuar të enjten se nuk mund të komentojë vendimin e Supremes pasi “KQZ e ka për obligim ta zbatojë vendimin”.

Këto vota është thënë të kenë mbërritur në Kosovë me vonesë, për shkak të problemeve në trafikun ajror.

Kjo vonesë kishte shtyrë fillimisht KQZ-në që këto vota të mos i marrë parasysh. Por ishte Lëvizja Vetëvendosje ajo e cila i ishte drejtuar Gjykatës Supreme për ankesë.

Në vendimin e Gjykatës Supreme thuhet se votuesit nuk kanë faj për arritjen me vonesë të fletëvotimeve, andaj edhe ka kërkuar numërimin e votave.

Kjo ishte hera e dytë që Gjykata Supreme vendosi në favor të kërkesës së Lëvizjes Vetëvendosje për numërim të votave të diasporës, pasi që paraprakisht, pas vendimit të parë, Paneli për Ankesa dhe Parashtresa kishte vendosur që këto vota të mos numëroheshin.

Ndërkaq, pas shqyrtimit të dytë në Gjykatën Supreme, tani vendimi është i prerë ndërkohë që edhe KQZ-ja është pajtuar që ato vota të numërohen.

Rinumërimi i votave në 530 vendvotime, votat me kusht, ato nga diaspora dhe votat nga Serbia, kanë ndikuar që procesi numërimit të tërësishëm të votave dhe shpallja e rezultatit përfundimtar të zvarritet.

Kryetarja e KQZ-së, Valdete Daka ka deklaruar për Televizionin Publik se certifikimi i rezultatit të zgjedhjeve të 6 tetorit, mund të zgjasë deri në dhjetor, duke sqaruar se vonesat po ndodhin për shkak të ankesave të subjekteve politike dhe të kandidatëve.

Zgjedhjet e parakohshme parlamentare në Kosovë janë mbajtur më 6 tetor të këtij viti.

Lëvizja Vetëvendosje ka fituar më së shumti vota, pasuar nga Lidhja Demokratike e Kosovës.

Këto parti është thënë se janë duke zhvilluar takime për formim të qeverisë së re, pas certifikimit të rezultatit të zgjedhjeve nga Komisioni Qendror Zgjedhor. rel

Kryetarja e Komisionit Qendror Zgjedhor në Kosovë, Valdete Daka, ka theksuar se certifikimi i zgjedhjeve të 6 tetorit, mund të zgjasë deri në dhjetor. Daka, ka theksuar se certifikimi i zgjedhjeve të 6 tetorit mund të zgjasë.

Ajo u shpreh për RTK-në se kjo vonesë mund të ndodhë, për shkak të ankesave të subjekteve politike dhe të kandidatëve.
“Nuk mund të jap parashikime, nuk mund të them fundi i nëntorit apo fillimi i dhjetorit. Nëse ka ankesa mund të shkojë prapë në rinumërim. Mund të them që kjo forma e ankesave duhet të rregullohet si në vendet tjera sepse me të vërtetë kjo stërzgjatje është keqtrajtim”, ka thënë ajo.

Daka tha se ka ankesa nga partitë politike dhe kandidatët për deputet. Sot Gjykata Supreme ka miratuar ankesën e Lëvizjes Vetëvendosje për numërimin e 4,639 fletëvotimeve të votuesve jashtë Kosovës, në zgjedhjet e 6 tetorit. Në këtë vendim është anuluar vendimi i Panelit Zgjedhor për Ankesa dhe Parashtresa i cili e kishte refuzuar si të pabazuar ankesën e LVV-së për numërim.

Ndërsa, Valmir Elezi nga Komisioni Qendror Zgjedhor ka thënë se presin ta marrin vendimin e Gjykatës Supreme, e cila ka pranuar ankesën e Lëvizjes Vetëvendosje për numërimin e votave të diasporës.

Paneli Zgjedhor për Ankesa dhe Parashtresa – PZAP, ka refuzuar ankesën e koalicionit NISMA-AKR-PD që të shpallen të parregullta fletëvotimet e ardhura nga Serbia përmes postës.

Fituesi i zgjedhjeve të 6 tetorit në Kosovë, Albin Kurti, është takuar sot me kandidaten e LDK, Vjosa Osmani, me të cilën po përgatitet për të krijuar qeverinë e re.

Përmes një mesazhi në “facebook”, Albin Kurti njofton se ka diskutuar me Osmanin pikërisht përgatitjet për qeverisjen e re dhe sfidat që i presin.

“Bashkë me Vjosën biseduam sot për përgatitjet për qeverisjen e re dhe sfidat që na presin. Kosova do të dalë nga kriza dhe do të përparojë. Bashkëpunimi ynë është përkushtimi ynë. Qëllimet e mira dhe punët e mbara janë përgjegjësi e jona ndaj qytetarëve të Republikës dhe institucioneve të shtetit”, shkruan Kurti.

Kryeprokurori i Shtetit, Aleksandër Lumezi, ka marrë vendim që rasti i Astrit Deharit, të kalojë nga Prokuroria Themelore në Prizren në juridiksion të Prokurorisë Speciale të Republikës së Kosovës (PSRK).

“Pas analizimit të prononcimeve në media të familjes së të ndjerit, Astrit Dehari, dhe përfaqësuesit të tyre ligjor, natyrës specifike dhe urgjente të këtij rasti, si dhe në funksion të zhvillimit me efikasitet të procedurës penale dhe evitimit të mëdyshjeve rreth mundësisë së shkeljes së parimit të paanshmërisë, Prokuroria Speciale e Republikës së Kosovës caktohet të bëjë trajtimin e mëtejshëm procedural të kësaj çështjeje penale”, thuhet në njoftimi e Prokurorisë së Shtetit.

Po ashtu, në njoftim thuhet se bartësi i kësaj lënde autorizohet të kërkoj që i tërë rasti penal të bartet nga Departamenti i Hetimeve të Krimeve të Rënda në Prizren në Drejtoratin Qendror të Policisë për Hetimin e Krimeve të Rënda në Prishtinë.

Më 24 tetor Prokuroria Themelore në Prizren ka publikuar konkluzionet e ekspertizës së Institutit të Mjekësisë Ligjore në Lozanë të Zvicrës, për rastin e Astrit Deharit, i cili kishte vdekur më 5 nëntor 2016, teksa po mbahej në Qendrën e Paraburgimit në Prizren, si i dyshuar për sulmin ndaj ndërtesës së Kuvendit, në gusht të vitit 2016.

Bazuar në të gjeturat e këtij raporti, Prokuroria tha se do të vazhdojë hetimin e këtij rasti dhe do t’i ndërmarrë të gjitha veprimet e nevojshme.

Me këtë konstatim, Prokuroria e ktheu rastin në hetim, pas përfundimeve të mëparshme se bëhej fjalë për vetëvrasje. rel

Prishtinë

Kryetari i Lëvizjes Vetëvendosje, Albin Kurti është takuar të hënën me ambasadorin e Shteteve të Bashkuara në Kosovë, Philip Kosnett në ambientet e kësaj partie në Prishtinë.

Kurti dhe Kosnett kanë diskutuar për formimin e qeverisë së re në Kosovë, ndërsa ambasadori amerikan ka “uruar që institucionet e Republikës së Kosovës të themelohen sa më parë, në mënyrë që edhe puna për një shtet të së drejtës që lufton korrupsionin dhe zhvillon ekonominë t’i sjellë rezultatet e para”.

Pjesë e takimit ka qenë edhe shefja e Sektorit Ekonomik ambasadën amerikane, Lori Michaelson, e cila sipas komunikatës, ka vënë theksin te rëndësia e zhvillimit ekonomik në Kosovë.

“Kryetari Kurti e njoftoi ambasadorin z. Kosnett me ecurinë pozitive të takimeve me Lidhjen Demokratike dhe shprehu bindjen se shumë shpejt do të formohet qeveria e re. Prioritet, tha ai, do t’i kushtohet sundimit të ligjit dhe luftimit të krimit të organizuar e korrupsionit të lartë institucional, në mënyrë që t’i hapet kështu rrugë edhe progresit socio-ekonomik”, është thënë mes tjerash në komunikatë.

Babai i Astrit Deharit, Avni Dehari, e ka shkruar një fjali emocionuese për djalin e tyre, në emër të tij, të bashkëshortes së tij, Xhemiles dhe të gruas së Astritit, Artës.

Familja e ish-aktivistit të Vetëvednosjes, Astrit Dehari, i cili vdiq me 5 nëntor 2016 në Qendren e Paraburgimit në Prizren, kanë shkruar në muralin e ngritur për nder të djalit të tyre.

“Astrit, shëmbëlltyra jote për drejtësi gjithmonë do të jetë e gjallë dhe ngadhënjimtare”, ka shkruar Avni Dehari, babai i Astritit.

Ai ka thënë disa fjalë pranë shumë personave që u mblodhën mbrëmjen e sotme në Prishtinë për të ndezur qirinj pranë muralit në kujtim të Astritit.

Avni Dehari ka folur në emër të familjes Dehari, duke thënë se me ardhjen e raportit të ekspertizës nga Lozana, konstatimi se Astriti është vrarë ka marrë fund.

“Që nga 5 nëntori i vitit 2016 deri pak ditë më parë, organet shtetërore, përfaqësuesit e drejtësisë, pushtetarët kriminelë kanë bërë përpjekje të na mbushin neve si familje dhe qytetarëve të Kosovës se Astriti është vetëvrarë në burgun e Prizrenit. Me ardhjen e raportit konstatimi se Astriti është vrarë ka marrë fund, tash janë të shtrënguar ta pranojnë edhe ata që deri tani e kanë pasur gojën plot për vetëvrasje”, ka thënë Avni Dehari.

Avniu ka thënë se beteja e radhës është ajo e vënies para drejtësisë së autorëve të vrasjes së djalit të tij.

“Tash hapet faza e dytë e betejës, për të nxjerrë para drejtësisë të gjithë ata që në mënyrë të drejtpërdrejtë dhe të tërthortë kanë marrë pjesë në vrasjen e djalit tonë”, ka thënë Avni Dehari. /Express/

Pamje nga aktiviteti që po zhvillohet në Prishtinë për Astrit Deharin.

Në mbrëmjen e së hënës në Prishtinë është organizuar një aktivitet përkujtmor për aktivistin e ndjerë të Lëvizjes Vetëvendosje, Astrit Deharin, i cili ka vdekur tre vjet më parë në Qendrën e Paraburgimit në Prizren.

Në rrugën Rexhep Luci në kryeqytetin e Kosovës, ku tashmë është ngritur një mural përkujtimi për Deharin, janë parë qytetarë të Kosovës, të cilët janë mbledhur për siç është thënë shprehje të solidaritetit dhe dhimbjes për familjen Dehari.

Të pranishëm kanë qenë edhe anëtarë të familjes Dehari, derisa babai i Astritit, Avniu ka shkruar në muralin kushtuar djalit të tij këto fjalë:

Astrit, shëmbëlltyra jote për drejtësi gjithmonë do të jetë e gjallë dhe ngadhënjimtare! Avni, Xhemile dhe Arta Dehari, si dhe Albana.

Javën e kaluar, Prokuroria Themelore në Prizren ka publikuar konkluzionet e ekspertizës së Institutit të Mjekësisë Ligjore në Lozanë të Zvicrës rreth shkaqeve të vdekjes së Astritit.

Në këto përfundime thuhet se “hipoteza e një vetëvrasjeje përmes mjeteve të caktuara nga mjekët ligjorë duket pak e vërtetë dhe intervenimi i një personi të tretë në proces fatal duhet të kihet parasysh”.

Bashkë me këto gjetje të Institutit të Lozanës, Prokuroria Themelore në Prizren ka thënë se do t’i rinisë hetimet për këtë rast, ndonëse sipas përfundimeve të mëparshme, thuhej se Dehari kishte kryer vetëvrasje teksa po mbahej në Qendrën e Paraburgimit në Prizren, si i dyshuar për sulmin ndaj ndërtesës së Kuvendit, në gusht të vitit 2016.

Aktivisti i Lëvizjes Vetëvendosje, Astrit Dehari, ka vdekur më 5 nëntor të vitit 2016.

Në shkurt të vitit 2017, familja Dehari vendosi që ekspertizën për këtë rast ta kryejë Qendra Universitare e Mjekësisë Ligjore në pjesën franceze të Zvicrës derisa më vonë edhe Kuvendi i Kosovës kishte inkurajuar Prokurorinë që ekspertiza të dërgohej jashtë Kosovës.

Thirrjet për vënien e drejtësisë në këtë rast nuk kanë munguar as në të kaluarën, meqë disa herë ishin organizuar marshe në Prishtinë me moton “Drejtësi për Astritin”. rel

Më 5 nëntor të vitit 2016, aktivisti i Lëvizjes Vetëvendosje Astrit Dehari u gjet i vdekur brenda qelisë së tij në Burgun e Prizrenit.

Ai ishte gjetur së pari nga shokët e qelisë të cilët kishin dalë në shëtitje ndërsa Dehari kishte qëndruar në qeli pasi kishte pasur dhimbje koke.

Në qelinë ku ishte gjetur i vdekur Dehari , ai ishte i vendosur me tre të burgosur të tjerë, Naser Makolli, Frrok Lasku dhe Adonis Gashi.

Naser Makolli, cimeri i Astrit Deharit, i cili e kishte gjetur i pari Deharin të shtrirë brenda në qeli, gjashtë muaj më pas ishte gjetur i vdekur në qeli në Burgun e Lipjanit ndërsa analizat e raportit të tij nuk u lexuan asnjëherë për shkak se i njëjti nuk kishte arritur që të bënte një analizë të fundit.

Shërbimi Korrektues i Kosovës kishte njoftuar se Naser Makolli dëshmitari kyç dhe ai i cili e kishte gjetur i pari Astrit Deharin të shtrirë për toke, kishte vdekur si pasojë e një sëmundjeje shëndetësore.

KALLXO.com nga burimet e saj ka mësuar se ku ndodhen dy cimerët e tjerë të Deharit, Adonis Gashi dhe Frrok Lasku.

Adonis Gashi i cili po mbahej në burgun e Prizrenit për një rast të shtytjes në vrasje të rëndë, mësohet është liruar në shkurt të vitit të kaluar.

Ndërsa Frrok Lasku, cimeri tjetër i Astrit Deharit ndodhet ende në burg, por jo në atë të Prizrenit.

Si i dyshuari për posedim, dhe shitje të narkotikëve, Lasku ndodhet ende në paraburgim në burgun e Dubravës.

Instituti i Mjekësisë Ligjore në Lozanë të Zvicrës, ka ardhur në përfundim në raportin prej 58 faqesh, se gjasat janë të vogla që Dehari ta ketë vrarë veten në burg.

Aty gjithashtu thuhet se analizat e ADN-së që janë kryer në laboratorin e Institutit zviceran, kanë nxjerrë një profil të ADN-së së të ndjerit, ani pse nga ekspertët kosovarë është thënë se mostra përmban pak ose krejt pak ADN.

“Ne kemi dyshime që lidhen me rrethanat e vdekjes së z. Astrit Dehari. Në fakt, hipoteza e një vetëvrasjeje e Astrit Deharit përmes mjeteve të caktuara nga mjekët ligjorë, duket pak e vërtetë dhe intervenimi i një personi të tretë në procesin fatal duhet të kihet parasysh. Nga ajo çfarë u tha, ne vlerësojmë se një hetim i ri është i nevojshëm për t’i qartësuar rrethanat e vdekjes së z. Astrit DEHARI. Ekipet tona dhe laboratorët tanë janë në dispozicion të hetuesve të ngarkuar me çështjen”, thuhet ndër të tjera në raport.

Avokati i familjes, Tomë Gashi, ka thënë se Astrit Dehari është vrarë pasi ka qenë anëtar i Lëvizjes Vetëvendosje, teksa Prokuroria Themelore në Prizren ka paralajmëruar se do t’i vazhdojë hetimet lidhur me rastin.

Astrit Dehari u arrestua fillimisht si i dyshuar për sulm mbi Kuvendin e Kosovës bashkë me disa anëtarë tjerë të Lëvizjes Vetëvendosjes. Ai vdiq derisa ishte në paraburgim në Burgun e Prizrenit.

Rasti i anëtarëve të Lëvizjes Vetëvendosje është kthyer në rigjykim, por ende nuk është caktuar data.

Kandidatja për Kryeministre nga radhët e Lidhjes Demokratike të Kosovës Vjosa Osmani ka nderuar atdhetarin Ukë Bytyçin.

Osmani thekson se Ukë Bytyçi ishte atdhetar i pashoq në rezistencën e popullit të Kosovës në luftën për liri dhe pavarësi.

“Vepra e tij dhe e bashkëveprimtarëve të tij që u vranë pabesisht në kohë lirie, do të mbesin udhërrëfyesi ynë i përjetshëm” shkruan Osmani në Facebook.

Postimi i plotë:

Pas disa orëve diskutim në takimin e mbrëmjes së premte me Kryeministrin shqiptar, Albin Kurti, Kryeministër i zgjedhur në Kosovë, ka sqaruar për mediat se në fokusin e tyre kanë qenë shumë çështje të përbashkëta. 

Në një intervistë para fillimit të Samitit të Paqes për Europën Juglindore, Kurti tha se gjatë takimit me Ramën është folur për mundësitë e rritjes së bashkëpunimit mes Shqipërisë dhe Kosovës, i cili sipas tij nuk është atje ku duhet.

Për Albin Kurtin, të dyja qeveritë do duhet të punojnë më tepër, që shqiptarët në të dyja anët e kufirit të mos vazhdojnë të jenë më të varfrit në Europë.

“Ne kemi diskutuar për çështje dhe tema që do të bashkëpunojmë. Organigramat e qeverive vijnë më pas. Pra, një herë është substanca dhe pastaj edhe forma që duhet të marrë. Kishte shumë kohë pa u parë diku, rreth 14 muaj. Kishte shumë tema e çështje që duhet t’i bisedonim, aq më tepër që Lëvizja Vetëvendosje si fituese e zgjedhjeve, si udhëheqëse e qeverisë së ardhshme dhe unë si Kryeministri i ri, dua dhe duhet të bashkëpunojmë ngushtë me qeverinë e Shqipërisë dhe me Kryeministrin e Shqipërisë. Biseduam për çështje, të cilat i kemi të përbashkëta, por gjithashtu edhe për çështjet në dy shtetet tona.

Duam që edhe në aspektin e politikës së jashtme, edhe në aspektin e ekonomisë të bashkërendohen sa më shumë Kosova me Shqipërinë sepse efekti sinergjik që mund të kemi, natyrisht që nuk është i shfrytëzuar sa duhet. Besoj që mundësitë që kemi si qeveri dhe nevojat që kanë qytetarët janë shumë më të mëdha sesa realiteti që e gëzojnë, prandaj duam që të krijojmë sa më shumë ura dhe Kosova e Shqipëria t’i ndihmojnë shqiptarët që të mos jenë më të varfrit, më të papunët e më të nëpërkëmburit jo vetëm në Ballkan”, u shpreh Albin Kurti.

SHENGENI

Për temën e Shengenit Ballkanik, që më herët ishte shprehur shumë kundër, Albin Kurti tha se pret që të lexojë një dokument zyrtar, pasi çdo gjë deri më tani është në nivel idesh.

“Për Shengenin Ballkanik, unë pres që të shoh një tekst se çfarë saktësisht nënkupton ai. Sepse ai më ngjan më shumë me ide sesa projekte. Pra, dua ta shoh projektin në letër. Tani për tani është në nivel idesh”, tha Kurti. Kryeministri i zgjedhur i Kosovës foli edhe për dallimet e tij me homologun e Shqipërisë, duke thënë se ato nuk kanë rëndësi përderisa të dy kanë si objektiv të përmirësojnë jetën e shqiptarëve. “Ne nuk kemi pasur marrëdhënie të çrregulluara. Ne jemi njerëz të ndryshëm, jemi politikanë të ndryshëm dhe duam që të bashkëpunojmë në mënyrë që mospajtimet që kemi, kurrsesi nuk bën që ta rrezikojnë bashkëpunimin tonë, meqenëse fundja ne nuk jemi dy persona të veçantë, por jemi dy funksione dhe qytetarët tanë presin që do të bashkëpunojmë”, theksoi lideri i Vetëvendosjes. Kurti foli edhe për çështjen e dialogut me Serbinë, duke thënë se ai dhe qeveria që do të drejtojë do të angazhohen për marrëdhënie të mira fqinjësore me Serbinë. “Duhet ta përgatisim mirë dialogun dhe unë pres që të takohem me pasardhësen e zonjës Mogherini në mënyrë që të përcaktojmë parimet se si të ecim përpara dhe dialogu i ardhshëm të mos dështojë. Për marrëveshje me Serbinë duhet të ndryshojë shumë më tepër Serbia, sesa Kosova. Ne angazhohemi për marrëdhënie të mira fqinjësore me Serbinë dhe dialogun e ardhshëm me Serbinë do ta udhëheq unë, si Kryeministri i ardhshëm”, u shpreh Albin Kurti.

Këtë linjë, Kryeministri i zgjedhur i Kosovës e theksoi edhe gjatë fjalës së tij në Samitin e Paqes, ku foli për rritjen e dialogut dhe bashkëpunimit në rajonin e Ballkanit.

Kandidatja për kryeministre nga radhët e Lidhjes Demokratike të Kosovës, Vjosa Osmani, ka thënë se koalicioni me Lëvizjen Vetëvendosje duhet të bëhet me partneritet në mes të barabartëve.

Sipas saj, asnjëra palë nuk mund të sillet si fituese absolute, dhe ta trajtojë palën tjetër si një aksesore.

Osmani për Zërin e Amerikës tha se pika e përbashkët me Lëvizjen Vetëvendosje është se janë kundër ndarjes apo shkëmbimit të territoreve të Kosovës dhe për këtë kanë 2 vjet që kanë qëndrime kundër kësaj ideje.

”Ne [LDK] dhe Vetëvendosje kemi dalë për dy vite rresht kundër idesë së rrezikshme të ndarjes, apo edhe shkëmbimit të territoreve, ide kjo e vjetër ruso-serbe që për fat të keq kohët e fundit kishte gjetur aleatë edhe në Kosovë”.

”Ide të tilla që kontestojnë kufijtë e Kosovës ne në asnjë mënyrë nuk do të lejojmë që të jenë pjesë e dialogut”.

Dorentina Kastrati

Instituti i Mjekësisë Ligjore i Lozanës në Zvicër në ekspertizën mbi vdekjen e aktivistit të Vetëvendosjes, Astrit Dehari brenda Qendrës së Paraburgimit në Prizren, ka dhënë komentet se pse vdekja e Deharit ka pak mundësi të jetë vetëvrasje.

“Në rastin e z.Dehari, nëse e pranojmë hipotezën e vetëvrasjes, të dy metodat do të ishin përdorur në mënyrë sekuenciale, e para ka të bëjë me përdorimin e një objekti të mprehtë në pjesën e qafës dhe të kyçit të majtë dhe e dyta ka të bëjë me ngufatjen e llojit smithering me një shishe të plastikës. Megjithatë kjo hipotezë duket pak e mundshme për arsyet e më poshtme”, thuhet në raportin e Institutit zviceran.

Hipotezën e vetëvrasjes në rastin e Deharit, Instituti e ka vlerësuar si pak të mundshme për tri arsye të ndryshme.

“Së pari, lëndimet cervikale dhe të kyçit ishin shumë sipërfaqësore, që nuk tregonin përcaktime të vërteta të aktit vetëvrasës, e dyta, teoria e vetëvrasjes komplekse të paplanifikuara që ka dëshiruar z.Dehari, duke parë këtë tentativë të pasuksesshme, e zgjedh metodën e dytë të vetëvrasjes më vdekjeprurëse, çfarë nuk ishte rasti, si e tretë, kjo lloj vetëvrasje kryesisht haset tek pacientët psikiatrikë pra që z.Dehari nuk paraqiste asnjë paraardhje psikiatrike dhe nuk paraqiste shenja të depresionit”, vazhdon raporti i Institutit zviceran mbi vdekjen e Deharit.

Më poshtë mund të lexoni komentet për rrethanat e vdekjes së Astrit Deharit nga Instituti zviceran:

Në bazë të të gjitha këtyre konstatimeve, duke u bazuar mbi të dhënat e literaturës, ne mund të bëjmë komentet e mëposhtme:

…Vetëvrasja komplekse mund të ndahet në “të planifikuar” ose të “paplanifikuar” në funksion të përdorimit të njëkohshëm ose sekuenciale të metodave respektive. Në vetëvrasjet komplekse të paplanifikuara, mortaliteti i metodës së parë është i dobët në të shumtën e rasteve dhe për shkak të dhimbjes dhe të frustrimit për dështimin e metodës së parë, një metodë shtesë më shkatërruese është përdorur. Në rastin e z.Dehari, nëse e pranojmë hipotezën e vetëvrasjes, të dy metodat do të ishin përdorur në mënyrë sekuenciale, e para ka të bëjë me përdorimin e një objekti të mprehtë në pjesën e qafës dhe të kyçit të majtë dhe e dyta ka të bëjë me ngufatjen e llojit smithering me një shishe të plastikës. Megjithatë kjo hipotezë duket pak e mundshme për arsyet e më poshtme:

Së pari, lëndimet cervikale dhe të kyçit ishin shumë sipërfaqësore, që nuk tregonin përcaktime të vërteta të aktit vetëvrasës, e dyta, teoria e vetëvrasjes komplekse të paplanifikuara që ka dëshiruar z.Dehari, duke parë këtë tentativë të pasuksesshme, e zgjedh metodën e dytë të vetëvrasjes më vdekjeprurëse, çfarë nuk ishte rasti.

Në fakt ai është kthyer drejt një ngufatje të vetë-shkaktuar, një metodë komplekse, efikasiteti i dobët është shumë i rallë (kjo lloj ngufatje vetëvrasëse është përshkruar në literaturë vetë në raste të rralla), si e tretë, kjo lloj vetëvrasje kryesisht haset tek pacientët psikiatrikë pra që z.Dehari nuk paraqiste asnjë paraardhje psikiatrike dhe nuk paraqiste shenja të depresionit.

Ndër të tjera sipas njohurive tona, kurrë nuk është përshkruar në literaturë vetëvrasja komplekse që implikon ngufatje të llojit smithering e paraprirë nga përdorimi i një objekti të prehtë.

Raporti i ekspertizës së Institutit të Mjekësisë Ligjore në Lozanë të Zvicrës i është dorëzuar sot familjes së Astrit Deharit nga Prokuroria e Shtetit.

Prokuroria e Prizrenit ka thënë se nevojitet një hetim i ri për të qartësuar rrethanat e vdekjes së Astrit Deharit në Qendrën e Paraburgimit në Prizren.

Në ditën kur i dorëzoi raportin e ekspertizës familjarëve të ish-aktivistit të Vetëvendosjes, i cili u gjet i vdekur në dhomën e tij në Qendrën e Paraburgimit në Prizren, Prokuroria tha se duhet të kihet parasysh edhe ndërhyrja e një personi të tretë në ‘procesin fatal’.

Në qelinë A3 në Qendrën e Paraburgimit në Prizren, ku ishte gjetur pa shenja jete anëtari i Lëvizjes Vetëvendosje, Astrit Dehari, ishte edhe një person me emrin Frrok Laski.

Sipas raportit të mjekësisë ligjore zvicerane, i publikuar sot nga familja Dehari dhe avokati i saj, Tomë Gashi, tregon edhe deklaratat e shokut të dhomës së Astrit Deharit.

Naser Makolli, ish- cimeri i Astrit Deharit, e kishte përshkruar Astritin si një njeri të qetë, të lumtur, që nuk paraqiste asnjë çrregullim, asnjë frikë apo shqetësim dhe se i njëjti asnjëherë nuk e kishte përmendur se do të mund t’i bëjë diçka vetes.

Edhe Makolli gjashtë muaj më pas ishte gjetur i vdekur në qeli në Burgun e Lipjanit ndërsa analizat e raportit të tij nuk u lexuan asnjëherë për shkak se i njëjti nuk kishte arritur që të bënte një analizë të fundit.

Shërbimi Korrektues i Kosovës kishte njoftuar se Naser Makolli dëshmitari kyç dhe ai i cili e kishte gjetur i pari Astrit Deharin të shtrirë për toke, kishte vdekur si pasojë e një sëmundjeje shëndetësore.

Për çfarë po mbahej në burg Astrit Dehari?

Në minutat e parë të 5 gushtit të vitit 2016, Kuvendi i Kosovës ishte sulmuar me një granatë anti-tank.

Policisë iu dashtë një muaj kohë që të identifikoj dhe arrestojë pesë persona, ku më pas u bë publike se të arrestuarit ishin aktivistë të Lëvizjes Vetëvendosje.

Astrit Dehari, Adea Batusha, Frashër Krasniqi, Egzon Haliti e Atdhe Arifi ishin pesë të dyshuarit për sulmin me anti-tank ndaj Kuvendit.

Për sulmin të dyshuarit po mbaheshin në paraburgim pas kërkesës së Prokurorisë.

Në lidhje me sulmin ndaj Kuvendit u ngrit edhe aktakuzë. Të dyshuarit po dyshoheshin se kanë kryer veprën penale të terrorizmit.

Marrëveshja e demarkacionit ka kaluar, një person ishte liruar nga dyshimi për kryerjen e sulmit, katër të tjerë u gjykuan, e Astrit Dehari asnjëherë nuk dëgjoi gjykimin e tij për çka edhe u arrestua dhe u dërgua në paraburgim për të dalë i pajetë nga ai.

Si vdiq Astrit Dehari?

Tre muaj pas sulmit të kuvendit, më 5 nëntor 2016, një lajm mori vëmendjen e të gjithëve, pasi në qendrën e Paraburgimit në Prizren, në rrethana të paqarta kishte vdekur një 26 vjeçar emri i të cilit u bë publik nga vetë partia të cilës i përkiste Astrit Dehari, Lëvizja Vetëvendosje.

Deklaratat e para pas vdekjes së Deharit ishin se i njëjti kishte përdorur medikamente dhe kishte vrarë veten, ndërsa më pas deklaratat ndryshuan në atë se i njëjti kishte probleme me frymëmarrje.

Prindërit e Deharit së bashku me subjektin politik të cilës i takonte djali i tyre Astriti, kanë ngritur gjatë gjithë kohës pikëpyetje duke e drejtuar gishtin pushtetit, madje duke e quajtur vdekjen e Astritit edhe si vrasje.

Raportin e plotë në gjuhën shqipe mnd ta lexoni KËTU.

Raportin e plotë në gjuhën frënge mund ta lexoni KËTU.

Gjykata Themelore në Prishtinë ka marrë vendim sot për ish-deputetët Xhavit Haliti dhe Gani Dreshaj, për sulmin që keta i kishin bërë në Kuvend të Kosovës ish-deputetit të LDK-së, Arben Gashi, shkruan Gazeta Express.

Në vendimin e Gjykatës të siguruar nga Gazeta Express shkruhet se Xhavit Haliti shpallet fajtor pasi që e kishte sulmuar duke e shtyrë me bërryl të dëmtuarin Arben Gashi.

Derisa, Gani Dreshaj shpallet fajtor pasi që me dashje e ka kanosur deputetin Arben Gashi, duke i thënë “kom me ta prish fytyrën”, me ç’rast te i njëjti ka shkaktuar ndjenjën e frikës dhe të ankthit.

Xhavit Haliti dhe Gani Dreshaj janë dënuar me nga njëmijë e dyqind e pesëdhjetë euro gjobë të cilën obligohen që ta paguajnë brenda 15 ditësh.

Besim Latifaj, ekspert i pavarur që u mor me raportin për vdekjen e Astrit Deharit, bashkë me Besim Ymajn, thotë se qe i rrezikuar prej faktit se u mor me këtë çështje dhe thotë se frikësohej se do të përfundonte njësoj si Astrit Dehari.

Në një letër të tij, që e ka publikuar në Facebook Asdren Rrahmani, Latifaj ka kritikuar organet e drejtësisë, në veçanti ministren e atëhershme të Drejtësisë Dhurata Hoxha, që thotë se i ka shantazhuar të dy dhe për këtë kishte frikë të vinte nga Anglia në Kosovë.

Kujtojmë se një raport i ekspertëve të pavarur, Besim Latifaj dhe Besim Ymaj, e thoshte të kundërtën me atë të Institutit të Mjekësisë Ligjore, se vdekja e Deharit ishte e dhunshme, dhe aty ishin gjetur shenja të vetëmbrojtjes dhe sugjeronte prokurorinë që t’i orientonte hetimet kah vrasja.

Latifaj shpreh keqardhje për mjekët në Kosovë që thotë se shantazhohen prej prokurorëve.

Shkrimi i plotë:

Frikësohesha se do të kem fatin e njëjtë si AD.

Prokuroret e hudhen raportin tonë në koshin e mbeturinave

Vdekja e një të riut dhe koleg i ardhshëm i imi më shtyu që të vij nga Londra që të jap një kontribut të vogël për ndriçimin e këtij rasti enigmatik.

Nuk isha atje se kisha afërsi me ndonjë parti politike, pasi që nuk më intereson se kush është në pushtet në Kosovë.

Një tjetër arsye e ardhjes ishte pasi që një familjare ime kishte pësuar një aksident të rëndë –është shtypur nga vetura në vitin 2011 dhe ka mbetur e paralizuar, e njëri nga mjekët ligjore në Prishtinë që ishte anëtar i ekipës që bëri autopsinë e AD .

Për më tepër ky “profesor” ishte dekan një kohë në “ekspertizën” e tij kishte dalë me konkluzion se kinse Blerta Halimi mbesa ime kishte lëndime të lehta trupore.

Për Naim Halitin paralizimi qenka Lëndim i lehtë trupor!!!

Kur u thirrëm në sallën e Institutit të Mjekësisë Ligjore në Prishtinë prokurori në pika te shkurtra dha një sintezë të deklaratave të dëshmitarëve në rastin e vdekjes së AD.

Unë insistove që të merren deklarata më përmbajtësore, pasi që ato qe i lexoi prokurori ishin shume sipërfaqësore.

Duke pasur përvojë të madhe në kryerjen e autopsive në Angli (ku i kam kryer së paku 8000 raste) për mua ishte fare qartë se ky është rast shumë i dyshimtë.

Kontaktova me D B Ymaj dhe e shkruajtëm raportin te cilin Prokuroret e hodhën ne shportën e mbeturinave.

Për më tepër ne u kërcënuam se do të ndiqemi penalisht.

Për gati 3 vjet unë nuk goxoja të vija në Kosovë nga frika se do të burgosem edhe unë dhe do ta pësoja njëjtin fat si Astriti.

Tre vite të humbura vështirë kompensohen pasi që njerëzit harrojnë, dhe hetimet nuk janë efektive…kështu që zbardhja e rastit te AD duket të jetë shume e vështirë.

Ne u shtantazhuam nga Ministrja Dhurata Hoxha qe i pat dhënë urdhër prokurorisë që ne të ndiqemi penalisht gjë që të shtysh të mendosh se edhe ajo ka gisht në planin për mshefjen e fakteve …

A thua Prokuroria do te ndjekë penalisht mjekët zvicerane?

Më vjen keq për mjekët në Kosovë të cilët ditë për ditë shantazhohen nga Prokurorët…

Pas deklaratës së fortë që bëri Edi Rama se do të padiste Ramush Haradinajn pasi ai e akuzoi se ishte pjesë e një pazari të ndarjes së Kosovës me Thaçin dhe Vuçiç, vjen një reagim nga kryeministri në largim.

Në një lidhje telefonike për ‘News24’ Haradinaj tha se nuk e kishte ndjekur deklaratën e Ramës, por ishte njohur me disa lajme nëpër portale.

Teksa u tregua i rezervuar për t’i dhënë një përgjigje kryeministrit Rama, duke thënë se ai ka të drejtat e veta, Haradinaj pohoi se qëndrimi i tij kundër ndarjes së territorit të Kosovës është legjitim dhe se do ta mbronte deri në fund.

“Sot kam parë disa tituj të portaleve në Kosovë. Por se kam përcjell direkt intervistën e tij. E kam shprehur qëndrimin tim në lidhje me refuzimin dhe kundërshtimin e ndarjes së territoreve, që ka qenë një maskim për ndarjen e Kosovës. Ajo do kishte pasoja të mëdha për planin politik të Kosovës dhe humbje të madhe për të. Rezervat më të mëdha në Europë gjendjen në Trepçë. Këto kanë qenë vendim legjitim i imi. S’kam koment për deklarata të tjera. Ai ka të drejtat e veta, ia respektoj. Unë i kam mbajtur ato qëndrime legjitime dhe vazhdoj t’i mbaj. Për Atdheun para se gjithash. S’dua të kaloj në qasje të tjera. I kam vëllezër kudo që janë shqiptarët, edhe të majtët dhe të djathtët. Detyra ime në mbrojtje të Kosovës, kjo është tokë e shqiptarëve, e të gjithë neve. Qëndrimi im kundër ndarjes është legjitim. I respektoj të gjitha të drejtat e kryeministrit, apo dhe të qytetarëve shqiptarë.”, u shpreh Haradinaj.

Deklarata e Rames 

“Në gjykatat e Kosovës, zotëria duhet të provojë akuzën për 10 miliardë që do të ndanim unë, Hashim Thaçi dhe Vuçiçi. Që t’i thuash një populli se ishin 10 miliardë në tavolinë atyre bravo ju qoftë që marrin akoma vota.

Ky dha dorëheqjen me demek dhe është akoma kryeministër i Kosovës, një person që më detyroi të dal publikisht që gënjeu publikisht pas samitit të Berlinit. Në asnjë sekondë nuk i kam bërë presion që të heqë taksën.

I kam thënë vetëm që “kjo që të propozon Makron të vjen vetëm një herë”. Makron në sy tim, kancelares dhe dhe presidentit të Serbisë i tha: “Më jep 4 muaj Ramush dhe do futem unë në procesin e dialogut. Ti pezulloje taksën. Nuk i tha njeri hiqe. Serbia të pezullojë fushatën idiotekse kundër njohjeve dhe unë do të heq veton për vizat”.

Në vend që të bënte një lëvizje taktike për të marrë diçka bëri një kokëfortësi dhe sot Kosova nuk ka akoma vizat. Dhe pastaj gënjeu dhe tha që po më bëjnë presion. Këtë kryeministrin në ikje do ta çoj në gjyq” – tha Rama. / BW