Karantina është një izolim i detyruar, që zakonisht përdoret për të kufizuar përhapjen e një gjendje të rrezikshme (shpesh një sëmundje). Termi “Quarantene” rrjedh nga dyzet ditë, kohëzgjatja tipike e izolimit të cilit iu nënshtruan anijet nga zonat e prekura nga murtaja në shekullin XIV-të.

Karantina nënkupton një periudhë të ndarjes dhe vëzhgimit parandalues. Përdoret tek njerëzit (ose kafshët) që kanë sëmundje infektive ose ngjitëse për të shmangur përhapjen tek njerëzit e tjerë. Fjalë për fjalë kuptimi i termit “Quarantene” apo Karantinë siq i themi ne është “dyzet ditë”, që ishte numri i ditëve në të cilat anijet nga zonat e prekura nga murtaja në shekullin e katërmbëdhjetë mbetën në det të hapur para se të ulnin mallrat dhe pasagjerët. Megjithatë, sot, periudha e karantinës është e ndryshueshme.

Në zhargonin e shëndetit publik, karantina është një masë që përfshin izolimin e detyruar të njerëzve, mallrave ose kafshëve të infektuar me një virus infektiv. Karantina nuk e zhduk virusin, por parandalon përhapjen e tij, duke i bërë të infektuarit të infektuar të padëmshëm. Periudha e izolimit është e ndryshueshme, por pothuajse asnjëherë më e shkurtër se ditët e inkubacionit të sëmundjes.

”Quarantena” e ditëve të sotme ka sjellë ndryshime në mënyrën e jetës , në në sjelljen, në punën, dhe në karekterin e njerëzve. Izolimi i gjatë i njerëzve në shtëpitë e tyre, përveq pasivitetit dhe monotonisë ka shkaktuar edhe frikë dhe pasiguri në jetën e njerëzve, duke mos e pasur të qartë se çfarë mund t’ju sjellë e nesërmja e afërt!

Abuzimi i pandemisë për mbajtje-marrje të pushtetit

E fillova shkrimin me historikun e karantinës, kohëzgjatjen dhe efektet e saj, për të vazhduar më pas, për nevojën e një karantinimi të gjatë të politikës së infektuar kosovare nga virusi kancerogjen i korrupsionit dhe krimit të organizuar.

Në fillimin e përhapjes së pandemisë, kur i kishim vetëm 19 persona të infektuar dhe asnjë të vdekur, kreu i shtetit dhe mbështetësit e tij morbid kërkuan vendosjen e gjëndjes së jashtëzakonshme në vend, ndërsa tani kur i kemi mbi 500 të infektuar dhe 12 të vdekur, kërkojnë zbutjen e masave të jashtëzakonshme të vëna nga qeveria!
Loja apo më mirë të themi abuzimi që po bëhet me pandeminë “Covid-19” nga forcat politike, në emrin e së cilës, në njërën po tentohet të mbahet forcërisht pushteti, ndërsa në tjetrën me nguti marrja e pushtetit, i ka ndarë në dysh edhe qytetarët e vendit.
Njëri krah politik (i vetmuar) i bindur në mbështjen e popullit po mundohet të mbajë forcërisht pushtetin pa legjitimitetin e kuvendit, ndërsa krahu tjetër (i bashkuar) por i frikësuar nga ndëshkimi i popullit, po mundohet t’i ikë ballafaqimit me popullin.
Në situatën aktuale, të krizës institucionale, qeveria dhe parlamenti nuk mund të funksionojnë pa njëra-tjetrën. Meqë është kështu, do të ishte absurde zgjatja e “Status Quos” politike. Por, akoma më absurde dhe anakronike do të ishte që pakica parlamentare të vazhdojë të qeverisë me vendin, pa e pasur mbështetjen e Kuvendit.
Mungesa e një konsensuesi mes forcave politike do të prodhoj një zgjidhje të keqe, e cila mund të prodhoj pakënaqësi të shumëta, të cilat mund të rezultojnë me protesta qytetare deri në rrezikimin e rendit kushtetues në vend.
Siq po shihet Kuvendi i maskave që shkarkojë ‘qeverinë e shpresës’ do ta zgjedhë ‘qeverinë e së keqës’, e cila do të mbahet mend gjatë në kujtesën tonë.
Ky diskurs i politikanëve kosovarë nuk guxon të mbetet i pandëshkuar nga qytetarët e vendit në zgjedhjet e ardhshme kurdo që të mbahen ato.

Visar Ymeri nga PSD’ja i ka reaguar kreut të LDK’së, Isa Mustafës që sot tha se nëse e krijojnë qeverinë e re do të heqin reciprocitetin, raporton Gazeta Express

Ymeri e ka pyetur Mustafën përmes një shkrimi në Twitter se cka sipas tij do të thotë heqja e reciprocitetit.

“Nuk po e kuptoj se çka do të thotë ‘të hiqet reciprociteti’?

Të anulohet vendimi “Që çertifikatat fitosanitare dhe ato veterinare të mallit të jenë në përputhje me Kushtetutën dhe legjislacionin në fuqi”?

Pra, të urdhërohet mos zbatimi i Kushtetutës dhe legjislacionit në fuqi?”, ka shkruar Ymeri.

Ambasadori Richard Grenell e ka ripërsëritur se ai kurrë nuk ka folur për ndryshim të kufijve mes Kosovës dhe Serbisë, pasi thuhet se Kurti e ka akuzuar edhe njëherë njeriun e Trumpit para gazetarëve boshnjakë për dicka të tillë.

“Nuk ka pasur absolutisht asnjë diskutim për ndryshim territorial nga unë dhe as nuk është diskutuar ndonjëherë nga dikush tjetër në praninë timë. E kemi thënë këtë disa herë”. Kështu ka shkruar emisari i Trumpit, për dialogun Kosovë – Serbi, Richard Grenell, në një postim ku thuhet se Kurti ka përsëritur bindjet e tij se Grenelli ka zgjedhur idenë e korrgjiimit të kufijve për të ecur para me dialogun.

Jasmin Mujanoviq, bashkautor i emisionit “Sarajevo Calling” ka shkruar në Tëitter se gjatë një bashkëbisedimi, kryeministri në detyrë i Kosovës, Albin Kurti e ka akuzuar Grenellin se ka nisur presionin ndaj tij që nga fillimi i mandatit të tij në krye të Qeverisë së Kosovës.

Mujanoviq shkruan se Kurti I ka folur për idenë e korrgjimit të kufijve, që sipas tij, ka vazhduar edhe me ndërmjetësimin e Grenellit.

“Ai ka thënë se diskutimi për korrgjim të kufijve kanë nisur gjatë kohës së Federica Mogherinit dhe është trajtuar direkt nga zyra e Thacit dhe e Vuciqit. Grenell e ka zgjedhur këtë ide dhe ka vazhduar presionin ndaj bllokut të Kurtit që ta pranojnë pa fjalë atë që Kurti e quan një rregullim të shpejtë e të papërgjegjshëm”, ka shkruar Mujanoviq. /Express/

Kreu në detyrë i qeverisë dhe lideri i Vetëvendosjes, Albin Kurti ka lënë të nënkuptohet se partia në të cilën ai udhëheq mund të përkrahë protesta masive në vend, në rast se krijohet qeveri e re, raporton Gazeta Express.

Sot gjatë ditës, kryeministri në detyrë ka zhvilluar një bisedë më gazetarët e “Sarajevo Calling”.

Përmes postimeve në Twitter, gazetari Jasmin Mujanovic ka treguar detaje nga biseda që kanë pasur me Kurtin.

Ai thotë se Kurti ka deklaruar se në rast se në Kosovë krijohet një qeveri e re pa shkuar në zgjedhje, atëherë mund të ketë protesta masive në vend.

Kreu i qeverisë madje ka përmendur një fazë të destabilizimit për Kosovën.

“Kurti la të kuptohet se partia e tij do të mbështesë protesta masive kundër çdo qeverie të re që mund të formohet. Shton se do të pasojë një “fazë e destabilizimit”, ka shkruar ai në Twitter.

Albin Kurti ka pasur kritika edhe ndaj të dërguarit të posaqëm të SHBA’së për dialogun Kosovë – Serbi.

Ai shton se e rëndësishme për ambasadorin Grenell është vetëm nënshkrim i marrëveshjes dhe jo përmbajtja e saj.

Shefi i grupit parlamentar të PDK, Memli Krasniqi ka thënë se partia e tij nuk do të votojë një qeveri të krijuar nga LDK.

Sipas Krasniqit, PDK që është partia opozitare më e madhe momentalisht në Kosovë me 21 mandate ka theksuar se çdo votë është kundër nëse PDK nuk bën pjesë në atë qeveri.

Nënkryetarja e LDK’së dhe kryetarja e Kuvendit, Vjosa Osmani po thotë se nuk ka asnjë informacion lidhur me hapat që po merr partia e saj për krijimin e qeverisë, në rast se presidenti ja kalon të drejtën për mandatarin partisë së dytë, raporton Express.

Osmani tha para mediave se është tërësisht e painformuar sepse nuk po e ftojnë nëpër takime.

Ajo shton se ky qëndrim i anëtarëve të partisë karshi saj ka filluar qysh para se të votohej mocioni.

“Jam tërësisht e painformuar unë sapo e dëgjova që qenka edhe një takim tjetër sot lidhur me këtë përpjekje në të cilën unë nuk jam ftuar por që nuk është asgjë e re ka një kohë të gjatë edhe para mocionit ka shumë takime që nuk jam ftuar nuk jam konsultuar besoj që edhe ju mund të keni më shumë informata, për refuzimin duhet t’i pyesni personat që janë të kyçur në këtë temë, s’kam diskutuar në askënd askush ska diskutuar me mua”, ka deklaruar ajo./Express/

Si aktor indirekt në politikën kosovare, nuk po mund qëndroj indiferent ndaj zhvillimeve politike, edhe pse nuk kam forcë të bëjë atë që duhet, nuk kam ndërgjegje të rri pa bërë asgjë.
Për këtë arsye, reagimet e mia janë shprehje e brendshme shpirtërore, e dashurisë së pakufishme ndaj atdheut dhe qytetarëve të vendit tim, për të kontribuar sado pak në funksion të ndryshimeve pozitive, e asnjëherë në funksion të një subjekti apo subjekti tjetër politik.
Vetëm djalli hesht para padrejtësive dhe fatkeqësive, qofshin ato produkt i natyrës apo egoizmit njerëzorë!

Mos koordinimi i veprimeve të liderëve shtetëror, gjegjësisht kryeminsitrit dhe presidentit, edhe pse i ndanë një distancë e shkurtër prej vetëm 150 metrash në vijë ajrore, mënyrën e komunikimit të tyre po e bëjnë përmes letrave, thuajse janë në hasmëri apo distancë të largët prej mijëra kilometrash ose në anë të kundërta të botës.
Kjo sjellje e dy liderëve shtetëror e dëshmonë mjerimin politik, polarizimet e skajshme politike dhe lojën e pandershme me “letra” të dy figurave sa të kundërta, po aq kontraverse të politikbërjes kosovare.
Gjuejtja pingpong me letra mes kryeministrit dhe presidentit kishte filluar edhe para konstituimit të qeverisë dhe për fat të keq po vazhdon edhe pas rënjes së qeverisë!

Politika nuk është lojë “pilifunci” as lojë e “kuta-klincave” livadheve të Kosovës, por është mjet për arritjen e qëllimeve dhe synimeve të përbashkëta si shtet dhe shoqëri njerëzore.

Në të njëjtën kohë, të kërkosh ndihma nga bashkatdhetarët në Diasporë dhe të pranoosh ndihma nga armiku shekullorë, kjo bie në kundërshtim të plotë me diskursin politik dhe nivelin intelektual të qeveritarëve tonë. Kësaj i thonë politikë pa etikë!

Pas futjes së mëse 100 “mantilbardhëve” serb në veri të Kosovës dhe futjes së 1000 testeve për “Covid-19”, mund të ndodhë që nesër Serbia mund t’na i dërgojë edhe 1000 ushtarë për mbrojtjen e rendit dhe ligjshmërisë në Kosovë.

Përderisa fqinji ynë, Mali i Zi i refuzon respiratorët falas nga Serbia, pse Kosova me aq lehtësi t’i pranojë 1000 teste nga armiku i saj shekullor.
Vërtetë është paradoksale sesi Mali i Zi i refuzon ndihmat serbe, ndërsa Qeveria e Kosovës i pranon ato pa asnjë hezitim.

Në vend që të testohen qytetarët dhe shërbyesit shëndetësorë, përkatësisht mjekët dhe infermierët të cilët janë në vijën e parë të këtij eksperimenti, të testohen qeveritarët, krerët e institucioneve shtetërore dhe parlamentarët, në mënyrë që ta jepin ata shëmbulin në vetën e parë, që t’i shohin efeketet dhe rezultatet bamirëse të Serbisë, e jo të provohen drejtëpërdrejt në lëkurën e popullit të shumëvuajtur.

Kur jemi në këtë segment, ja vlenë ta përkujtojë një thënje të ish senatores belge, Anne Marie Lizin të vitit 1999, po citoj; “Edhe sikur ajri i pastër të vinte vetëm nga Serbia, dhe jeta ime të ishte e varur prej tij, të isha shqiptare nuk do ta blija. Do të më dukej përbuzje ndaj të gjitha viktimave”.

E vetmja fije e shpresës për qytetarët e vendit ka mbetur tek ngjizja e një force të re politike nga elita intelektuale në Kosovë dhe Diasporë, për të përmbysur një herë mirë këtë klasë kusarësh politik që po bëjnë pazare politike në kohë pandemie për marrjen e pushtetit, për të bërë më pas pazare me territor të vendit për ti mbajtur postet e turpit.

Do të ishte fat i mirë, që bashkë me virusin “Corona” ta largonim komplet këtë klasë politike në pushtet dhe opozitë, ndryshe, mbetja e vetëm një politikani nga kjo garniturë e politikbërjes aktuale, do ta kontaminojë çdo lloj iniciative të shëndoshë nga një popullatë e stërvuajtur përgjatë këtyre dy dekadave.

Kosova ka hyrë në javën e gjashtë të pandemisë COVID-19. Deri tani janë regjistruar 480 raste me coronavirus, ku 12 prej tyre kanë përfunduar me fatalitet.

Por infektologu, Valbon Krasniqi po shprehet optimist sa i përket kësaj pandemie.

Në një intervistë për KP Krasniqi ka thënë se vendi ynë tashmë gjendet në kulmin e kësaj pandemie dhe se fundi i prillit do të shënojë edhe rënien e numrit të të prekurve me këtë virus.

Madje ai thotë se në fillim të muajt maji mund të ketë lehtësim të masave dhe rifillim të kthimit në normalitet.

“Ne jemi klinicistë dhe kemi përcjell me vëmendje situatën nëpër shumicën e shteteve. Ajo çka unë e kam parë që shumica e shteteve kanë arritur kulminacionin apo pikun nga java e 4 deri në javën e 8 pas fillimit te epidemisë. Ne tash jemi në javën e 6 dhe personalisht mendoj se ne jemi në pikë, jemi në kulminacion. Mirëpo numri i vogël i testimeve që po aplikohen në Kosovë mbase nuk lejon dokumentimin e kësaj situate. Por personalisht pres që fundi i muajt prill të na gjejë me rënie të intensitetit të të infektuarve, asnjëherë nuk e kemi iluzionin se pandemia do të ndalet përnjëherë, por fundi i muajit prill do të duhej të shënonte rënie të numrit të të infektuarve, në mënyrë që pastaj gjatë ditëve të para të majit ne të fillojmë të lirohemi pak nga këto masa. Ky është një parashikimi mbase për dikë tepër optimist por nëse ky virus sillet në karakteristikat epidemiologjike që kemi parë edhe në shtetet e tjera kjo pak a shumë mund të jetë edhe në Kosovë”, thotë ai.

Bazuar në statistikat që i posedon Klinika Infektive, por edhe trendëve botërore, Krasniqi bën të ditur se rreth ¼ e të prekurve me COVID-19, do ta kalojnë infeksionin pa pasur nevojë të shtrihen në spital.

Ai deklaron se shumica e të prekurve që po kanë nevojë për terapi shtesë, janë të moshës së shtyrë, por edhe të atyre që kanë sëmundje të tjera kronike, duke theksuar personat me sëmundje të mushkërive, kardiovaskulare dhe sëmundjen e sheqerit.

“Edhe statistikat tona janë në trend me statistikat e tjera botërore. Psh, nga 480 persona të konfirmuar me COVID-19 diku më pak se 100 kanë pasur nevojë për t’u shtrirë në spital. Pra diku 1/4 çka përputhet me atë se 70 deri ne 80 për qind e pacientëve do ta kalojnë infeksionin në forma të lehta pa pasur nevojë të shtrihen në klinikë. Prej atyre që po kanë nevojë të shtrihen në klinikë dhe po zhvillojnë simptoma më të ashpra të sëmundjes po vërehet që të moshuarit janë më të predispozuar për të zhvilluar forma të rënda të sëmundjes dhe sidomos nëse kanë edhe sëmundje të tjera përcjellëse, në veçanti sëmundje obstruktive kronike të mushkërive, çrregullime të sistemit kardiovaskular ose edhe sëmundjen e sheqerit. Të gjitha rastet që kanë përfunduar me fatalitet së paku kanë pasur edhe një ose dy gjendje të tjera shëndetësore paraprake mbase mund t’i kenë kontribuuar edhe infeksionit më të rëndë me COVID”, shpjegon ai.

Infektologu Krasniqi ka bërë të ditur se deri në mbrëmjen e së shtunës në Klinikën Infektive janë të shtruar 53 pacientë të prekur me COVID-19, ku gjendja e shumicës prej tyre është stabile.

Gjendje më të rënduar sipas tij kanë 6 pacientë, ndërsa dy vazhdojnë të jenë në gjendje kritike.

“Aktualisht në Klinikë Infektive sot janë 53 pacientë të prekur nga COVID-19 që janë duke u trajtuar. Gjendja shëndetësore e shumicës prej tyre është e mirë, por 6 prej tyre janë në oksigjeno-terapi dhe gjendja është më e rënduar se sa pacientëve të tjerë. Ndërkohë që dy të tjerë janë repartin intensiv të klinikës sonë dhe gjendjen e tyre ne e vlerësojmë si kritike. Pra nga 53, 6 i kemi me oksigjen dhe dy në kujdesin intensiv”, thotë ai.

Klinika Infektive në përgjithësi posedon kushte të mira sanitare, por mjeku Krasniqi kërkon nga institucionet shtetërore që të bëjnë furnizim të rregullt me medikamente mjekësore, por edhe atyre mbrojtëse.

“I bëjmë thirrje autoriteteteve shëndetësore qendrore që të b ëjnë furnizimin e rregullt, sepse ju e shihni që tashmë kemi numër në rritje të personave të prekur me COVID-19 dhe ky është material shpenzues dhe duhet furnizim i rregullt dhe i vazhdueshëm edhe i klinikës sonë por edhe i të gjitha institucioneve të tjera shëndetësore. Sa i përket kushteve, Klinika Infektive i ka 126 shtretër, 6 prej tyre i kemi në Kujdesin Intensiv dhe dhomat janë të gjitha me nga dy shtretër, pra maksimum i kemi dy pacientë në një dhomë dhe secila dhomë e ka menynë sanitare të veten. Kushtet për ambientin dhe standardin në të cilin jetojmë në Kosovë mendojmë se janë relativisht të mira”, thotë ai.

Në Klinikën Infektive deri më tani me COVID-19 janë infektuar 5 infermierë.

Ndërsa në total kjo klinikë ka 22 mjekë dhe rreth 70 infermierë.

Në fund infektologu Krasniqi ka kërkuar nga të gjithë qytetarët që të ruajnë distancën, të mbajnë pastërtinë, pasi që thotë parandalimi është arma më e mirë për të mposhtur coronavirusin.

“Unë jam ithtarë i asaj dhe kemi punuar shumë në ndërgjegjësimin dhe vetëdijesimin e qytetarëve për të shmangur lëvizjet e panevojshme. Virusi hyn në organizmin e njeriut përmes mukozës së gojës ose hundës dhe eventualisht konjunktivave pra syve. Dhe nëse njerëzit e mbulojnë gojën dhe hundën me një maskë ose fasulet dhe nëse dezinfektojmë në mënyrë të rregullt duart dhe i lajm me ujë dhe sapun atëherë gjasat për të marrë infeksionin janë të vogla. Nëse kësaj i shtojmë edhe kujdesin që të shmangim kontaktet me njerëzit e tjerë dhe të mbajmë distancën sociale gjasat janë shumë minimale për të marrë infeksionin. Duhet t’i shmangim kontaktet me personat që nuk i kemi anëtarë të familjes”, thotë ai.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetizolim dhe të kërkojnë ndihmë mjekësore nëse kanë simptome.

Deri më sot janë kontaktuar dhe janë nën mbikëqyrje 5.828 kontakte të rasteve. bw

Isa Mustafa e ka zhveshur tërësisht LDK-në nga fryma dhe parimet e shëndosha rugoviane.

Prej ardhjes së Isa Mustafës në krye të LDK-së, kjo parti e fillon largimin gradual nga vlerat e saj sublime, saqë sot nuk është mbetur më as surrogat i LDK-së rugoviane. Nga parti e besës dhe shpresës së shqiptarëve të Kosovës në epokën rugoviane, është kthyer në të kundërtën e saj, pra në thyerëse të besës dhe shkelëse të fjalës së dhënë.
Disa herë dhe në vazhdimësi, Isa Mustafa në mënyrë tinzare ua ka ngulur thikën pas shpine atyre që i kanë besuar duke i tradhtuar pabesisht në momentet më kritike për vendin, duke i penguar reformat dhe ndryshimet politike në vendin tonë.
Thirrja jo serioze dhe plotë hipokrizi ie Isa Mustafës dhe mbështetësve të tij në frymën rugoviane dhe presidentin historik të Kosovës, duke e bërë çdo herë të kundërtën në veprime, ka bërë që LDK-ja ta humb besimin e elektoratit dhe qytetarëve të vendit në përgjithësi.
Paralajmërimi i kreut të këtij subjekti për kthim në shtratin e PAN-it, ka irrituar tejë mase votuesit besnik të LDK-së, të cilët në zgjedhjet e radhës do ta ndëshkojnë keq liderin mashtrues dhe tradhtues të parimeve politike.
Pas prishjes së ‘koalicionit të shpresës’ dhe kthimit në “shtratin” e PAN-it, po vërtetohet se strukturat udhëheqëse të LDK-së janë njerëz të korruptuar, kusarë dhe matrapaz politik, kapës dhe vjedhës të pasurisë shtetërore.
Sikur të ishte ndryshe, në asnjë rrethanë nuk do të ishin kthyer në vendin që e meritojnë. Mjafton t’ua shikosh pasurinë dhe bizneset e drejtuesve të LDK-së, secili prej tyre është me i pasur dhe më milionerë se tjetri. Apo t’ua shikosh punësimet e familjarëve të tyre nëpër institucione shtetërore dhe publike, ambasada dhe konsullata, të gjitha këto të arritura përmes klanit “Pronto”.
Por e njëjta situatë nuk është me elektoratin!
Për dallim nga drejtuesit, elektorati dhe veprimtarët e LDK-së janë më të varfërit dhe më të nëpërkëmburit nga të gjitha elektoratet e partive tjera. Kjo vjen si rezultat i egos së pakufishme për monopolizim të çdo gjëje dhe mos respektim të elektoratit nga strukturat drejtuese të partisë.
Si rezultat i kësaj, elektorati i LDK-së i ka humbur të gjitha shpresat për ndryshime në këtë subjekt politik. Më lehtë e kanë të besojnë në fundin e botës sesa në ndryshimet në subjektin e uzurpuar dhe ngulfatur pamëshirshëm nga mbeturinat komuniste, grupet e interesit dhe vartësit e tyre morbid.

Zhveshja e tërësishme e vlerave rugoviane në LDK

Paradoksalisht, Isa Mustafa edhe pse hyri për “birë të oxhakut” në LDK, me marrjen primatit partisë (2010), edhe përkundër humbjes së të gjitha zgjedhjeve po ngul këmbë në mbajtjen dhunshëm të drejtimit të partisë.
Rezultati i “reformave” të premtuara nga Isa Mustafa është ky; instalimi i kërcënimit si mjet i dhunës, linçimi si mjet i hakmarrjes politike ndaj themeltarëve, veprimtarëve dhe aktivistëve që mbrojnë parimet e filozofisë politike rugoviane.
LDK-ja rugoviane, nën udhëheqjen diktatoriale të Isa Mustafës nga një parti e besës dhe shpresës së qytetarëve të Kosovës është shndërruar në Lidhje Diktatoriale të Kosovës dhe vartëse e korrupsionit dhe krimit të organizuar.
Ky përkufizim, nuk është i ashpër as ofendues për LDK-në, por është shprehje reale e katandisjes së vlerave demokratike në LDK!
Pas prishjes së koalicionit qeverisës LVV-LDK dhe gatishmërisë së kreut të kësaj partie për kthim në shtratin e PAN-it, i ka vënë në lajthitje votuesit që më 6 tetor të vitit 2019 votuan për ndryshime politike në vendin tonë.
Siq dihet, votuesit e LDK-së ia dhanë votën partisë dhe Vjosa Osmanit më 6 tetor me premtimin se nuk do të bëjë në asnjë mënyrë koalicion me PAN-in. Disa muaj para zgjedhjeve, edhe vetë kryetari i partisë Isa Mustafa kishte kritikuar partitë e PAN-it për prisjen e urave të bashkëpunimit me BE-në dhe SHBA-të.
Ndërkaq tani, lideri i kësaj partie po i gëlltitë të gjitha ato që i ka thënë paraprakisht për partitë e PAN-it, duke i thënë të njëjtat për Lëvizjen Vetëvendosje.
Kjo sjellje e dyfishtë e liderit të LDK-së, paraqet shkelje të parimeve dhe kontrabandim të pastër të vullnetit të elektoratit, nga njëri krah politik në tjetrin.

Harresa e qëllimshme e premtimeve elektorale

Lidershipi i LDK-së qëllimshëm po harron se mbajtja e premtimeve dhe fjala e dhënë janë parim, janë vlera politike edhe etikë njerëzore. Çdo shkelje e parimeve dhe premtimeve paraqet tradhti të pastër ndaj elektoratit.
Sadoqë lideri i LDK-së, Isa Mustafa po mundohet t’i mbështjellë me hipokrizi të reja politike, se “LDK-ja nuk është vartëse e Hashim Thaçit”, përputhja e qëndrimeve të tij me lojrat e presidentit, i vërteton shqetësimet e elektoratit për futjen e sërishme të Isa Mustafës në pazare të pista pushtetore për vazhdimin e mandatit të presidentit Thaçi në këmbim të postit të kryeministrit për LDK-në apo anasjelltas dhe jo vetëm.
LDK-ja e Isa Mustafës mund edhe ta krijojë qeverinë me një pjesë të PAN’it, por nuk do të arrijë ta ruaj besimin e votuesve të saj, të atyre votuesve që deshën t’ia kthejnë imazhin LDK-së.
Vendimi i kreut të LDK-së për koalicion me partitë e PAN-it ka irrituar dhe thyer shpirtërisht veprimtarët më të devotshëm të LDK-së në mërgatën tonë, siq është rasti i Reshat Muratit me qëndrim të përkohshëm në Gjermani; “Shkatruesi i LDK-së, shoku Isë, e rrënoi në themel LDK-në rugoviane, i rrënoj ëndërrat e të rinjëve e të rejave në LDK. Isa si notues i mirë në politikë, i ka shijuar dhe shfrytëzuar të gjitha pushtetet, nga ai; titist, millosheviqian, rrahmanian, bukoshian e deri tek i fundit hashimian për tu pasuruar skajshmërisht. Por më e dhimbshmja është shfrytëzimi i djersës së mërgimtarëve përmes fondit të 3 %-it dhe shkatërrimi i LDK-së rugoviane. Isës i ka mbetur vetëm që ta nxënë ndonjë argat, që kur të vdes me ja bartë arkivolin nga LDK-ja deri në Prapashticë. Nuk është vonë as tani që t’u lëshojë rrugë kuadrove të reja dhe të padjallëzuara. Ndryshe, e ka të garantuar vendin në histori pranë Rrahman Morinës” (përfundon citati).

Zgjedhjet e jashtëzakonshme partiake, shpëtim për LDK-në

Zgjidhja më e mirë për LDK-në, do të ishte dorëheqja e humbësit e të gjitha zgjedhjeve nga posti i drejtimit të partisë, me një kërkimfalje të sinqert ndaj elektoratit të saj,…veprime këto që do t’u hapnin rrugë ndryshimeve pozitive brenda kësaj partie, në të kundërtën katandisja e LDK-së nuk do të ketë të ndalur…!
LDK-së nuk i duhet pushteti me partitë e PAN-it, por duhet t’i kthehet vetvetes, duhet ta gjejë formulen e unifikimit të saj. Hedhja e hapave të parë drejt reformave përmbajtësore duhet të filloj me organizimin e zgjedhjeve të jashtëzakonshme, të lira dhe të ndershme partiake, për ta zgjedhur një kryetar dhe kryesi kredibile që tubon rrethë vetes votuesit pasiv, veprimtarët dhe themeltarët e viteve të ’90-ta në Kosovë dhe Diasporë, përkatësisht elektoratin e saj të shpërndarë nëpër partitë e tjera përgjatë udhëheqjes së LDK-së post-rugoviane.

Kreu i Qeverisë në detyrë, Albin Kurti i është drejtuar sot me anë të një letre, presidentit të vendit, Hashim Thacit, raporton Gazeta Express.

Kurti shkruan se nuk janë duke hezituar që t’i përgjigjen për mandatarin, dhe nuk e refuzojnë kërkesën për të bërë nominim.

Ai ka përsëritur se janë për mbajtje të zgjedhjeve pas pandemisë, duke shtuar se presidenti dhe partitë janë duke tentuar që të imponojë një rrugë jo kushtetuese pas mocionit të mosbesimit.

Në fund të kësaj letre, kreu i Qeverisë në detyrë e ka pyetur presidentin se pse është duke insistuar për qeverinë e re, në kohë të pandemisë.

Ambasadori amerikan në Kosovë, Philip Kosnett, përmes një postimi në rrjetin social Twitter, tha se retorika politike në Kosovë mund të shndërrohet në “racizëm, seksizëm dhe homofobi” dhe kërkoi nga drejtuesit politikë që të përqendrohen në fakte dhe jo në fyerje.

“Retorika politike në Kosovë – si në vendet e tjera – shpesh shndërrohet në racizëm, seksizëm dhe homofobi. Kjo i përul ata që bëjnë sulme të tilla dhe ata që i tolerojnë. Drejtuesit kanë një përgjegjësi ta dekurajojnë këtë shëmti. Përqendrohuni te faktet, jo te fyerjet”, shkroi Kosnett në Twitter.

Ambasadori nuk iu referua ndonjë rasti konkret, por që nga rrëzimi i Qeverisë së udhëhequr nga Albin Kurti, muajin e kaluar në kuvend, udhëheqësit politikë e kanë ashpërsuar gjuhën me njëri-tjetrin.

Ditëve të fundit ka pasur disa përplasje dhe kritika midis dy ish-partnerëve të koalicionit, Lidhjes Demokratike të Kosovës dhe Lëvizjes Vetëvendosje, por edhe midis vetë zyrtarëve të LDK-së.

Ministrat e Shëndetësisë së Kosovës dhe Serbisë, Arben Vitia dhe Zllatibor Llonçar kanë zhvilluar një bisedë përmes një video-lidhjeje, ku kanë diskutuar masat kundër përhapjes së koronavirusit të ri.

Kjo është bërë e ditur nga ambasadorët e SHBA-së në Kosovë dhe Serbi, Philip Kosnett dhe Anthony Godfrey, të cilët kanë publikuar në rrjetin social Twitter një mesazh të përbashkët, përmes të cilit e kanë përshendetur këtë iniciativë.

“Në këtë kohë të pandemisë është inkurajuese të shohësh ministrat e shëndetësisë duke bashkëpunuar si fqinjë, për t’iu shërbyer dhe mbrojtur të gjitha komunitetet në Kosovë dhe Serbi. Ne lavdërojmë përpjekjet e personelit shëndetësorë dhe të tjervëve që janë në detyrë për të mbajtur qytetarët e Serbisë dhe Kosovës të sigurt”, tha ambasadori amerikan në Kosovës, Philip Kosnett.

Ndërkaq ambasadori i SHBA-së në Serbi, Anthony Godfrey e falenderoi qeverinë e Italisë për këtë iniciativë duke shtuar se nga ky bashkëpunim do të shpëtohen jetë.

“Beogradi dhe Prishtina po punojnë bashkë në mënyrë praktike për të shpëtuar jetë në kohën e pandemisë duke shkëmbyer pajisje dhe ekspertizën”, tha Godfrey. rel

Kryesia e Kuvendit të Kosovës nuk ka gjetur konsensus për të çuar përpara asnjë nga tri nismat legjislative që lidhen me luftimin e koronavirusit.

Një nga propozimet ka qenë Projektligji për Parandalimin dhe Luftimin e Pandemisë “COVID-19” i propozuar nga kryetarja e Kuvendit të Kosovës, Vjosa Osmani.

Kryetarja Osmani e kishte filluar këtë nismë ligjore më mbështetje të pesë deputetëve dhe siç ishte thënë, nisma ishte iniciuar si rrjedhojë e kërkesave të cilat burojnë nga Aktgjykimi i Gjykatës Kushtetuese, i datës 6 prill 2020, i cili specifikon rolin e Kuvendit në ndërmarrjen e masave të duhura për tu siguruar që kufizimet e nevojshme të të drejtave dhe lirive themelore më qëllim të ruajtjes së shëndetit publik, janë bërë në pajtueshmëri me Kushtetutën.

Pas mbledhjes së Kryesisë së Kuvendit, Kryetari i Grupit Parlamentar të LDK-së, Arben Gashi tha se nuk pasur pajtim mes anëtarëve të kryesisë për shkak se vendi është në një krizë politike.

Asnjë nismë ligjore, sipas Gashit nuk mund të shkojë më nga Kuvendi në Qeveri sepse Kuvendi ia ka hequr besimin Qeverisë së drejtuar nga kryeministri në detyrë, Albin Kurti.

Në kryesi u diskutuan edhe dy nisma të tjera të iniciuara nga Partia Demokratike e Kosovës për plotësimin dhe ndryshimin e ligjit për Menaxhimin e Financave Publike dhe për shqyrtimin e masave shtesë për mbrojtje nga koronavirusi.

Të mërkurën në Kosovë kanë hyrë në fuqi masat e reja të qarkullimit të qytetarëve.

“Sipas vendimeve, lejohet qarkullimi i nënshtetasve mbi moshën 16 vjeç, vetëm për 1 orë e gjysmë në ditë, sipas orarit të përcaktuar javor në bazë të shifrës së parafundit të numrit të tyre personal. Ndërsa, për shtetasit e huaj, i njëjti vendim vlen me numrin e fundit të pasaportës”, është thënë në njoftimin e Ministrisë së Shëndetësisë.

Po ashtu në vendime shpjegohen edhe mundësitë e lëvizjes në lidhje me të sëmurët, personat me aftësi të kufizuara, viktimat e dhunës familjare dhe rastet e vdekjeve.

Ministri në detyrë i Shëndetësisë, Arben Vitia, ka thënë se këto masa do të vlejnë deri më 4 maj, porse do të shqyrtohen në varësi të rezultateve jo më vonë se data 30 prill.

Kryeministri në detyrë i Kosovës, Albin Kurti i ka arsyetuar masat e qeverisë që ai drejton, duke i konsideruar ato si mjaft të vështira, por të domosdoshme për parandalimin e përhapjes së koronavirusit.

Opozita, ndërkaq, i ka cilësuar masat e fundit të qeverisë si jokushtetuese dhe përpjekje për të mbijetuar në pushtet.

Deputeti i Kuvendit të Kosovës nga radhët e Lëvizjes Vetëvendosje, Mefail Bajqinovci, ka deklaruar se partia e tij do t’ia përcjellë emrin e mandatarit të ri presidentit në një kohë të përshtatshme.

Bajqinovci deklaroi se këmbëngulja e presidentit Thaçi është e panevojshme në këtë kohë dhe se emrin do ia dërgojnë pasi të kalon pandemia.

“Në letrën e fundit që i ka dërguar kryeministri Kurti presidentit Thaçi nuk ka thënë se nuk do i dërgoj emrin por se në një kohë të përshtatshme do i dërgohet emri. Duke e pa pandeminë në gjithë botën presidenti merret me mandatarin e ri, e kemi sqaruar se në një kohë të përshtatme do e dërgojmë emrin kur të kaloj pandemia”, tha ai në Klan Kosova.

“Edhe luftrat janë ndalë kemi vende nëpër botë që pozitë-opozitë janë bërë bashkë kundër koronavirusit, ndërsa Presidenti kërkon me bë mandatarin e ri, kemi zgjedhje deri në shkuarjen në zgjedhje e kemi Qeverinë në detyrë”, deklaroi Bajqinovci.

Bajqinovci theksoi se Qeveria në detyrë është duke bërë punë të mirë dhe se nuk ka zgjidhje tjetër pos zgjedhjeve pas pandemisë.

“Pas mocionit të mosbesimit vendi shkon në zgjedhje, duke iu referuar Arsim Bajramit si hartues i Kushtetutës së Kosovës. Me nenin 95 shkojmë në zgjedhje, kalon pandemia dalim e matemi”.

“Nëse nuk ka zgjidhje tjetër pos zgjedhjeve”.

Bajqinovci mes tjerash deklaroi se Qeveria Kurti është rrëzuar nga frika pas miratimit dhe zbatimit të ligjeve antimafia.

“Kurti nuk e ka kundërshtu dialogun, kjo Qeveri është rrëzu për shkaqe të ndryshme e konkretisht kur kanë ardh ligjet antimafia të kalojnë nëpër Kuvend, njerëzit aty janë frikësu dhe kanë tentu me çdo kusht me rrëzu këtë Qeveri”.

Bajqinovci tha se në zgjedhjet e ardhshme partner do të kenë qytetarët.

“Partner i preferuar tani nuk mund të them se kush është pasiqë është herët, partneri kryesor i joni do të jetë qytetari pasiqë ndoshta nuk do të kemi nevojë për partner koalicioni”.

Dështimi i seancës së djeshme të jashtëzakonshme të Kuvendit të Koosvës ndodhi për dy arsye; për shkak të mungesës së deputetëve të LVV-së dhe për shkak të tërheqjes së PDK-së nga propozimi i saj për pakon emergjente.

Siq dihet seanca e Kuvendit ishte thirrur me kërkesën e PDK-së për debat parlamentar për “Pakon Emergjente”, të cilën tentuan ta kthejnë në mocion për nxjerrjen e dy projektligjeve; për kufizimin e lëvizjes së qytetarëve dhe pakon emergjente financiare prej 320 milion eurosh, gjë të cilën e kundërshtoi kryeparlamentarja Vjosa Osmani, duke e arsyetuar me rregulloren e Kuvendit dhe komentarin e Kushtetutës si pengesë për futjen e mocionit të PDK-së në rend të ditës, të cilët më pas u tërhoqën nga propozimi dhe seanca u mbyll pa debat parlamentar.

Ndodhi ashtu siq e kisha cekur në shkrimin “Përballja e parë LVV-PLAN” të datës 13.04.2020; “Është e vështirë të parashikohet se çfarë do të ndodhë në seancën e nesërme e Kuvendit, për shkak se aq të paparashikueshëm janë bërë politikanët kosovarë, saqë nuk ju besohet më për asgjë!”.
Mungesa e deputetëve të LVV-së doli jashtë parashikimit tim, jo pse nuk e kisha menduar këtë, por pse nuk doja të besoja që LVV-ja do ta merrë një vendim të tillë për ikje nga përballja në Kuvend.
Ikjet nga debati paralmentar nuk janë praktika të subjekteve të hapura që pretendojnë ndryshimet politike dhe reformat substanciale, e aq më pak të subjekti që deri më sot nuk i ka ikur asnjë debati në kuvend!

Anashkalimi apo më mirë të themi, injorimi i institucionit më të lartë në vend, siq është Kuvendi i Republikë së Kosovës, si organi i parë dhe më i lartë i republikës parlamentare nga një qeveri e shkarkuar paraqet përmbysje të rendit kushtetues në vend.

Në anën tjetër, tendenca e PDK-së për futjen e mocionit në rend të ditës së seancës së djeshme në kundërshtim me rregulloren e punës së Kuvendit dhe Kushtetutën e Republikës së Kosovës, paraqet tendencën antikushtetuese të marrjes së kompetencave të qeverisë në detyrë, gjegjësisht tendencës për krijimin e një qeverie nën hije, ngjashëm siq kishte vepruar gjatë qeverisjes LDK-AAK në legjislaturën e dytë të Kuvendit të Republikës së Kosovës.

Koha nëpër të cilën po kalojmë, nën kërcënimin e pandemisë botërore të “Covid-19”, i bënë të pa pranueshme fiskulturat politike dhe manipulimet e kësaj klase të papërgjegjshme politike me opinionin publik, kinse në emër të mbrojtjes së jetës së qytetarëve.

Përhapja e “Covid-19” dhe dualizmi i veprimeve politike të bartësve të institucioneve shtetërore dhe mos koordinimi i liderëve shtetërorë, e rrezikon akoma më shumë jetën e qytetarëve, të cilët nuk e kanë të qartë se çfarë realisht është duke ndodhur në vendin tonë.
Kështu po ndodhë në vendin e paradokseve të mëdha, për shkak të politizimit të virusit “Covid-19” nga virusët politikë, që fatkeqësisht janë me bollëk në vendin tonë.

Përderisa shkaktimi i krizës qeveritare erdhi nga mosmenaxhimi i mirë i situatës së parë konfliktuoze nga ana e kryeministrit Kurti, mocioni i mosbesimit ndaj qeverisë së shpresës në kohë pandemie ishte skenarë dhe produkt i virusëve politikë që thyen shpresat e qytetarëve dhe rrezikuan të ardhmen e shtetit.
Sikurse mocioni i mosbesimit ndaj partnerit qeverisës në kohë pandemie, ashtu edhe kthimi në shtratin e PAN-it do të jenë vetëvrasje politike për LDK-në!

Përplasja e ashpër e kryeparlamentares Vjosa Osmani me deputetin e LDK-së, Driton Selmanaj, e dëshmon situatën shpërthyese brenda LDK-së, shkaku i prishjes së koalicionit me LVV-në dhe gatishmërisë për koalicionin e ri qeverisës me partitë e PAN-it.

Bazuar në përhapjen e deritanishme të “Covid-19” në Kosovë, jam thellësisht i bindur që Kosova do të kalojë më lehtë dhe më mirë nga kjo pandemi sesa të gjitha vendet e rajonit, por do ta ketë shumë të vështirë të lirohet nga virusët politikë që po ia gërryejnë shpirtin Kosovës tani e dy dekada pa ndërprerë.

Prishtinë

Ka ndërruar jetë një 69-vjeçar nga Suhareka, i infektuar me koronavirus, njoftoi Qendra Klinike Universitare e Kosovës (QKUK).

I sëmuri ishte në mjekim intensiv në Klinikën Infektive të QKUK-së.

Kjo është viktima e nëntë në Kosovë, që ka pësuar pas infektimit me koronavirus.

Aktualisht në Klinikën Infektive bëhet e ditur se janë duke u trajtuar 53 raste pozitive me koronavirus, 39 prej të cilave janë në gjendje stabile shëndetësore, ndërkohë që 12 raste janë në trajtim me oksigjenoterapi dhe përkujdesje intensive.

Tre pacientë mbesin në gjendje kritike, thuhet në njoftimin e QKUK-së.

Që nga shfaqja e rastit të parë në Kosovë, më 13 mars, 387 persona kanë dalë pozitivë në testin për koronavirus, ndërsa 69 kanë pasur sukses në shërim. rel

Kryetarët e katër komunave në veri të Kosovës në një konferencë për shtyp, më 15 prill, 2020. Nga e majta: Zoran Todiq, Goran Rakiq, Vuçina Jankoviq, Srgjan Vuloviq.

Kryetarët e katër komunave në veri të Kosovës, ku jeton shumica e popullatës serbe, përmes një konference për shtyp, informuan publikun lokal për masat e reja, të paraqitura nga Ministria e Shëndetësisë e Kosovës, për të parandaluar përhapjen e koronavirusit.

Kryetari i Mitrovicës së Veriut, Goran Rakiq, tha se masat e reja, të cilat kanë hyrë në fuqi sot, vlejnë gjithashtu për të gjitha komunat në veri: Mitrovicën e Veriut, Zveçanin, Leposaviqin dhe Zubin Potokun.

Sipas vendimit të Ministrisë së Shëndetësisë, qytetarët e Kosovës mund të dalin nga shtëpitë vetëm për 90 minuta në ditë, me qëllim furnizimi.

Orari i daljes është i organizuar në shtatë grupe, nga ora 07:00 deri në 22:30, dhe varet nga numri i parafundit personal në letërnjoftim.

“Ajo që është veçanërisht e rëndësishme për qytetarët tanë që posedojnë letërnjoftime të lëshuara nga autoritetet kompetente të Republikës së Serbisë, është se leja e lëvizjes për ta përcaktohet në bazë të numrit të fundit në letërnjoftim ose pasaportë”, tha Rakiq.

Në bazë të vendimit të Ministrisë së Shëndetësisë në Kosovë, është e ndaluar lëvizja me një person tjetër, përveç me personat me aftësi të kufizuara ose ata nën moshën 16 vjeç.

Personat mbi 65 vjeç këshillohen të mos dalin jashtë.

Rakiq po ashtu falënderoi shtetin e Serbisë dhe Zyrën për Kosovën atje për, siç tha, ofrimin e ndihmës dhe mbështetjes në të gjitha nivelet – nga ekipet mjekësore deri te pajisjet mbrojtëse, ilaçet dhe dezinfektuesit.

Në gjithë territorin e Kosovës, aktualisht janë të konfirmuara 387 raste të të infektuarve me koronavirus; nëntë pacientë kanë vdekur, ndërsa 69 janë shëruar. rel

Kryeministri në detyrë i Kosovës, Albin Kurti në një intervistë për prestigjiozen britanike ”The Economist” ka folur për rolin e SHBA dhe Hashim Thaçit në rrëzimin e qeverisë së tij dhe përplasjet e me të dërguarin e posaçëm Richard Grenell.

Kurti thotë se u akuzua si antiamerikan për shkak të përplasjeve me Grenell jo për marrëveshjen me Serbinë, por për përmbajtjen e saj.

Kreu i LVV tha se nuk e konsideronte që përplasjet me Grenell do të kishin rëndësi të madhe por sipas tij doli që kishte duke nënkuptuar këtu edhe rrëzimin e qeverisë së tij.

”Ata më akuzuan si antiamerikan sepse në këtë pikë nuk u pajtova me ambasadorin Grenell. Kështu që, unë u pajtova me ambasadorin Grenell që duhet të kemi një marrëveshje me Serbinë, se një energji e re është e nevojshme, por atëherë kur bëhet fjalë për përmbajtjen e marrëveshjes, ne patëm mospajtime. Nuk e konsideroja që ky mospajtim duhet të kishte një rëndësi kaq të madhe, por doli të ishte i tillë.”- tha Kurti. bw

Në konferencën e mbrëmjes e së dieles së 12 prillit, kryeministri i vendit u shpërfaq në mënyrën më të keqe të mundshme me dy gafe paradoksale.

Gafi i parë, edhe pse Kosova është shtet laik, kryeministri e zgjodhi kohën e “ezanit” për konferencë shtypi. Koinçidencë apo rastësi, ndërprerja e konferencës dhe të qëndruarit gatitu gjatë interpretimit të “ezanit” nga ana e kryeministrit Kurti, ka lënë shije të keqe tek shqiptarët dhe të qytetarët e Kosovës në përgjithësi.

Gafi i dytë i kryeministrit Kurti ka të bëjë me thirrjen publike për ndihmë nga Diaspora në kundërshtim me Kushtetutën dhe ligjet e Kosovës.

Janë të rregulluara me ligj format e grumbullimit të mjeteve financiare nga qeveria, siq janë; taksat ligjore, grumbullimi i mjeteve nga doganat, kreditë në bankat vendore dhe ndërkombëtare, donacionet dhe huatë publike, etj, por jo hapje të fondeve private në formën e fondeve të luftës (“3%-shit” dhe “Fondit Vendlindja thërret”), të cilat tingëllojnë tepër keq tek mërgimtarët e viteve të ’90-ta, paratë e të cilëve asnjëherë nuk përfunduan në destinacionet e duhura por në xhepat e hajdutëve dhe mashtruesve, milionerëve të sotëm të skenës politike.

Pikërisht janë abuzimet që kanë ndodhur me fondet e luftës, aktorët e të cilave akoma janë në skenën politike e që kanë ndikuar në humbjen e besimit të mërgatës për të ndihmuar në këto ditë vështira që po kalon vendi.

Mergimtarët do e gjejnë mënyrën për t’i ndihmuar qytetarët e Kosovës edhe në këto ditë të vështira pandemie, ashtu siq e ndihmuan për këto dy dekada rresht, pra mergimtarët duke i ndihmuar familjet e veta në Kosovë i ndihmojnë edhe familjet tjera, për arsye se, secila familje e mërgimtarëve do t’i ndihmojë familjet tjera që kanë nevojë sikuurse në vitet e ’90-ta në formën e aksionit popullor “Familja ndihmon Famlijen”.

Edhe po qëse kërkesa e Kurtit të jetë vullnetmirë, në momentin kur e kërkoj ndihmën e Diasporës, situata në krejt Kosovën ishte e menaxhueshme nga një komunë e vogël siq është Klina ime zemërmadhe, prandaj është e pajustifikueshme dhe si e tillë ngritë dyshimet për tendencën për abuzim me mërgatën tonë.

Nuk ka si të jetë ndryshe kur i njëjti kryeministër ditë më parë deklaroj; “Ju nuk po mundeni me ardhë për këto pushime në Kosovë, por ju kisha lutur që ato para që i keni ndarë për kafshatën e fëmijëve të juaj, për këto pushime, edhe mos të ardhëshit, ju paratë dërgoni”!

I njëjti kryeministër, nga shfaqja e “Covid-19” e deri më tani nuk e ka treguar as interesim minimal për gjëndjen shëndetësore të qytetarëve të Kosovës në shtetet evro-perëndimore.
Prandaj kërkesa për ndihmë nga mërgata jonë në këto rrethana është jo humane, plotësisht e pajustifikueshme dhe e jashtëligjshme, abuzim dhe keqpërdorim i pozitës së kryeministrit.

Jo vetëm Albin Kurti, por të gjithë politikanët tjerë, duhet ta kenë të qartë, se mërgimtarët nuk mashtrohen më me improvizime krizash artificiale dhe vajtime qyqare të atyre që nuk janë të zotët të qeverisin me vendin.

Gafi i tretë janë masat e mbrëmshme frikësuese të kryeministrit, të lansuara jashtëligjshëm përmes ministrit të shëndetësisë, thuajse Kosova është në gjëndje të jashtëzakonshme.

Duke i analizuar një nga një masat kufizuese, shihet qartë se ato janë kopje ekzakte e masave ndëshkimore që qeveria italiane i kishte aplikuar tre javë më parë në pikun e situatës alarmante. Sikurse masat kufizuese, ashtu edhe ato ndëshkimore janë të njëjtat edhe përkundër standardit ekonomik pakrahasimisht të ulët që është në Kosovë. Dallimi qëndron tek lëvizja njëorëse e qytetarëve sipas numrave personal, shpikje kjo e kryeministrit apo e ndonjë këshilltari “pragmatik”.

Masat e mbrëmshme kufizuese dhe ndëshkimore janë aplikim faktik i gjëndjes së jashtëzakonshme në vend. Le të provojë dikush ta dëshmojë të kundërtën e kësaj që ceka më sipër.

Kryeministri në detyrë i Kosovës, Albin Kurti, tha se Pakoja Emergjente Fiskale është dizajnuar për të ofruar ndihmë financiare për shtresat më të varfra në Kosovë, në kohën e pandemisë së koronavirusit.

Këto komente, ai i bëri në një konferencë të përbashkët për media me ministrin në detyrë të Financave dhe Transfereve, Besnik Bislimi.

Kurti shpjegoi qëllimet e Pakos Emergjente Fiskale:

“Së pari, të ofrojë ndihmë financiare për shtresat më të varfra gjatë pandemisë COVID-19 [sëmundjes që e shkakton koronavirusi]. Së dyti, të ndihmojë bizneset në mbulimin e shpenzimeve operative, në mënyrë që të sigurohet një pagë minimale për të gjithë punëtorët gjatë situatës emergjente, por edhe të sigurohet që bizneset kanë mundësi që të vazhdojnë veprimtarinë gjatë dhe pas tejkalimit të situatës emergjente. Së treti, të ofrojmë likuiditet shtesë për bizneset, në mënyrë që të stimulohet rritja e aktivitetit ekonomik. Së katërti, të stimulohen punëtorët e sektorëve esencialë gjatë gjendjes së emergjencës, të cilët janë të ekspozuar më së shumti ndaj rrezikut të infektimit dhe, së pesti, të stimulohet punësimi dhe formalizmi në sektorin privat”.

Aktualisht, sipas Kurtit, Pakoja Emergjente është e nevojshme, pasi Kosova është në një situatë emergjente shëndetësore.

Pas kalimit të pandemisë, shtoi ai, do të krijohet një pako e re që do të ketë ndikim në rimëkëmbjen e ekonomisë.

“Kjo pako nuk ka si qëllim politikat afatgjate për të stimuluar rimëkëmbjen e ekonomisë. Për këtë do të bëhet një analizë, një studim më i thellë. Do të hartohet një pako e dytë, e cila do t’i adresojë nevojat afatgjate të sektorit privat”, tha Kurti.

Ministri në detyrë i Financave dhe Transfereve, Besnik Bislimi, tha se në këtë fazë është e palogjikshme që të krijohet pako afatgjate, sepse nuk dihet dëmi ekonomik që do të shkaktohet nga pandemia.

“Ne jemi munduar që një pjesë të mirë të pakos ta mbështesim me ndihmë financiare nga jashtë dhe kemi kërkuar kredi nga të gjitha institucionet relevante financiare, duke filluar nga Fondi Monetar Ndërkombëtar, Banka Botërore, Banka Evropiane për Rindërtim dhe Zhvillim, Banka Gjermane për Zhvillim, Bashkimi Evropian, Banka Zhvillimore e Këshillit të Evropës, donatorët bilateralë dhe të gjithë na kanë premtuar kredi dhe ndihma me norma të ulëta të interesit”, tha Bislimi.

Kurti dhe Bislimi e quajtën të kotë mbajtjen e seancës së jashtëzakonshme të Kuvendit të Kosovës, e cila është thirrur për sot nga grupi parlamentar i Partisë Demokratike të Kosovës, me qëllim të miratimit të masave konkrete ekonomike e financiare për adresimin e pasojave të pandemisë së koronavirusit. rel

Kur e gjithë bota është në luftë me “Coronavirus”-in, politikanët e papërgjegjshëm kosovarë bëjnë luftë njëri me tjetrin për pushtet. E filluan me mocionin për rrëzimin e qeverisë, tani po vazhdojnë betejën e re politike në kuvend në rrethana të jashtëzakonshme, gjë e cila nuk ndodhë në asnjë vend të botës.

Sikurse seanca e parë e jashtëzakonshme e ditës së merkurë e 25 marsit 2020, me kërkesën e LDK-së, në rrethana të jashtëzakonshme që rezultoi me rrëzimin e qeverisë legjitime, edhe seanca e nesërme e jashtëzakonshme, ditë e martë, 14 prill 2020 me kërkesën e PDK-së, kinse për miratimin e një pako emergjente financiare, do të shkaktojë turbulenca të reja politike në Kuvend.
Sikurse njëra, ashtu edhe tjetra janë seanca të orkestruara që për qëllim të fundit kanë luftën politike për pushtet e jo interesin e qytetarëve.
Për dallim nga seanca e parë e jashtëzakonshme në kohë pandemie, kur u shkarkua qeveria, në të cilën deputetët e PDK-së qendruan të heshtur gjatë realizimit të planit të tyre 100 % përmes LDK-së, në seancën e nesërme të jashtëzakonshme, përseri në kohë pandemie, do të jenë të koordinuara mes tyre LDK-ja dhe PDK-ja, ku si zakonisht më të zëshmit në diskutimet e tyre kundër qeverisë në detyrë të Albin Kurtit do të jenë këta të fundit, të ndihmuar nga AAK dhe NISMA.

“Testi demokratik” i fushatës në kuvend

Është e vështirë të parashikohet se çfarë do të ndodhë në seancën e nesërme e Kuvendit, për shkak se aq të paparashikueshëm janë bërë politikanët kosovarë, saqë nuk ju besohet më për asgjë!
Seanca do të jetë një “test demokratik” i fillimit të fushatës elektorale në Kuvendin e Kosovës dhe jo vetëm. Në këtë seancë do të maten impulset e deputetëve dhe analizohet mundësia e grupimeve të reja parlamentare për formimin e qeverisë së re në kundërshtim me vullnetin e qytetarëve të Kosovës.
Për më tepër se kaq, seanca e nesërme e kuvendit, përveqse do të shënojë fillimin e fushatës elektorale në parlament, do të jetë kjo edhe përballja e parë mes LVV-së PLAN-it në kuvend.
PLAN apo LAN, si do që të jetë varianti final, po vërtetohet se futja e NISMA-s në kuvend ishte plan, përderisa qeveria e re e dalë nga kjo përbërje do të jetë nën tutelën e plotë të Hashim Thaçit dhe ndërkombëtarëve deri në nënshkrimin e marrëveshjes me Serbinë.

Variantet e zgjedhjes së qeverisë së re

Pas shkarkimit të ‘qeverisë së shpresës’, ekzistojnë dy variante të formimit të qeverisë së re. Sikurse në variantin e parë, nëse Lëvizja Vetëvendosje si parti e parë në zgjedhjet e 6 tetorit, propozon mandatarin e ri dhe provon ta bëjë shumicën në kuvend, ashtu edhe në variantin e dytë, kur mandati do t’i kalohet partisë dytë të dalë në zgjedhjet e 6 tetorit, në këtë rast LDK-së, me marrëveshje të kësaj të fundit me partitë e PAN-it, do ta kemi një qeveri kalimtare me një afatë të shkurtër qeverisës.
Kjo qeveri kalimtare e PLAN-it do ta ketë një dhe vetëm një mision politik, përmbylljen e dialogut Kosovë-Serbi, respektivisht nënshkrimin e marrëveshjes politike e cila është në “Stand By” tani e një kohë të gjatë në kancelaritë e larta perëndimore.

Rregullat parlamentare, kushtëzojnë vullnetin për zgjedhje

Shteti i Kosovës nuk është monarki, por është Republikë Parlamentare dhe se duhen respektuar rregullat parlamentare, gjegjësisht vulneti i shumicës së deputetëve në Kuvend.
Organizimi politik i vendit tonë, si Republikë Parlamentare që jemi, e bën që populli i Kosovës nuk mund të zgjedhë drejtëpërdrejt kryeministrin, presidentin dhe as kryeparlamentin por vetëm përbërjen e Parlamentit të Kosovës.
Pra, përbërja e Parlamentit si produkt i votës së qytetarëve, vendosë për zgjedhjen e drejtuesve të tri institucioneve më të larta në vendn tonë.
Për të mos u lëshuar më thellë aktet kushtetuese, janë tri raste kur shkohet në zgjedhje të reja parlamentare; dështimi në zgjedhjen e presidentit, dështimi në zgjedhjen e qeverisë dhe (vet) shpërbërja e kuvendit.
Si rezultat i mos marrëveshjeve për tejkalimin e krizës institucionale pas rrëzimit të qeverisë, do të jetë vendimi i Gjykatës Kushtetuese, ai i cili i determinon zhvillimet e mëtutjeshme politike rreth formimit të qeverisë apo shkuarjes në zgjedhje të reja pas tejkalimit të “Covid-19”-it.

Edhe në rast të dështimit të zgjedhjes së qeverisë së re në Kuvendin e Kosovës, vendi nuk mund të shkojë menjëherë në zgjedhje për shkak të situatës së krijuar nga “Covid-19”, prandaj është i domosdoshëm kompromisi politik për zgjedhjen e një qeverie kalimtare, si do të quhet ajo “teknike” apo “politike”, derisa të krijohen kushte për (vet) shpërbërjen e parlamnetit, gjegjësisht organizimin e zgjedhjeve të reja parlamentare.

Kryeministri në detyrë i Kosovës, Albin Kurti, ka kërkuar nga mërgimtarët që ta ndimojnë qeverinë me mjete financiare, për ta luftuar koronavirusin.

Në një video drejtuar diasporës, të postuar në llogarinë e tij në Facebook, Kurti ka njoftuar se qeveria ka hapur një xhirollogari të posaçme, dedikuar menaxhimit të pandemisë.

Të gjitha mjetet, sipas tij, do të shkojnë në mbështetje të të gjitha aktiviteteve të ministrive, të cilat kanë nevojë financiare shtesë për ta zvogëluar ndikimin e pandemisë në sektorin e caktuar.

“Të dashur bashkatdhetarë, duke pasur parasysh gjendjen në të cilën ndodhet vendi ynë, ju bëj thirrje që edhe këtë herë të bëheni pjesë e solidaritetit, ndoshta më shumë se kurdoherë më parë, dhe të na ndihmoni në luftën kundër COVID-19 [sëmundjes që e shkakton koronavirusi]. E kemi parasysh që pandemia ju ka prekur edhe juve në mërgatë, e edhe të afërmit tuaj në Kosovë. Mirëpo, si gjithnjë, kur kemi qëndruar së bashku, edhe këtë herë do t’ia dalim së bashku”, ka thënë Kurti.

Në Kosovë aktualisht janë të infektuar 283 persona me koronavirus. Deri tani, 58 janë shëruar dhe shtatë kanë vdekur.

Autoritetet tashmë kanë ndërmarrë disa masa për frenimin e përhapjes së sëmundjes, përfshirë shpalljen e emergjencës për shëndetin publik dhe futjen në karantinë të kryeqytetit – Prishtinës.

Kundër rrëzimit të “Koalicionit të Shpresës” ishte dhe një deputet i Parlamentit nga Gjilani. Fatmir Rexhepi thotë për Express se në këtë kohë iu bashkua thirrjeve të OBSH për të luftuar koronavirusin e jo për të rrëzuar Qeverinë. Thotë se rënia e ekzekutivit është kundër mesazhit të qytetarëve për një Qeveri që garantonte ndryshim e drejtësi.

Fatmir Rexhepi është deputeti i katërt i LDK’së që po del hapur se ishte kundër rrëzimit të Qeverisë së udhëhequr nga Albin Kurti në kohën kur Kosova vazhdon të përballet me koronavirusin. Që mos të rrëzohej Qeveria kishin votuar Vjosa Osmani, Haxhi Avdyli dhe Ardian Shala. Kurse Deputeti Rexhepi nuk ka marrë pjesë në seancën e mocionit për rrëzimin e qeverisë që është mbajtur më 25 mars.

Tash thotë se s’mund të ishte pro rrëzimit të një Qeverie e cila garantonte ndryshim e drejtësi.

“Kështu, unë si deputet, i vetmi anëtar nga koha dhe Kabineti i Presidentit Rugova në Parlament, vazhdoj t’i mbesë besnik traditës dhe frymës së ndërtimit të institucioneve demokratike në çdo kohë dhe jo për rrëzimin e tyre në kundërshtim me mesazhin dhe vullnetin e qytetarëve të shprehur përmes zgjedhjeve demokratike për Qeveri me një format të pastër politik që do të garantojë ndryshim, drejtësi, zhvillim dhe diplomaci për interesa nacionale të vendit, duke ecur në hap me kohën në drejtim të integrimeve euro atlantatike”, ka deklaruar Rexhepi, në një përgjigje me shkrim, për Gazetën Expresss.

Sidoqoftë, edhe gjatë kohës kur zhvilloheshin bisedimet për ndërtimin e koalicionit LDK-VV, Fatmir Rexhepi kërkonte një bashkëqeverisje të tillë ndërmjet dy partive që dolën të parat në zgjedhjet e 6 tetorit të vitit 2019.

Aktualisht, Kosova po përballet me përballjen me koronavirusin. Nga kjo sëmundje kanë vdekur 7 persona, janë infektuar 283 dhe janë shëruar 58 të tjerë.

Edhe kur nisi kriza në Parlamentin, koronavirusi kishte filluar të prekë edhe Kosovën. Në këtë situatë, Fatmir Rexhepi thotë se i është bashkuar thirrjeve të OBSH kundër pandemisë e jo rrëzimit të Qeverisë.

“Në këtë kohë në respektim të rekomandimeve të OBSH-së, zëri im si deputet u bashkua me të gjithë parlamentarët dhe qeveritë e tjera të botës në betejën kundër pandemisë Covid-19”, ka thënë Rexhepi.

Rexhepi u shpreh se ka refuzuar të bëjë argatin në punëtorinë “Hajde ta prishim shtëpinë e re”.

“Refuzova, sepse në Kosovën tonë Sui-Generis ndodhi e kundërta nga ana e Presidentit, Qeverisë si dhe drejtuesve të partive politike në ditët me të rënda për qytetarët dhe vendin, duke e rënduar edhe më shumë krizën e përgjithshme sociale, ekonomike dhe politike, në vend se të vazhdojnë qeverisjen dhe të gjejnë kompromiset e bashkëqeverisjes deri në një kohë më të mirë”, ka shtuar ai.

Ai nuk ka komentuar se a duhet LDK-ja të formojë qeveri më AAK-në, Nismën dhe pakicat e as përplasjen në distancë në mes dy nënkryetarëve Vjosa Osmani dhe Agim Veliu.

Deputeti i LDK-së tha se beteja e tij dhe e institucioneve duhet të jetë në ndërmarrjen e masave për parandalimin dhe luftimin e koronavirusit.

“Sot, beteja e institucioneve të Kosovës dhe e imja si deputet do duhej të ishte në ndërtimin e strategjive aktuale, masave dhe paketës financiare për nevoja sociale të qytetarëve dhe në mbështetje për mjekët, policinë, ushtrinë në këtë situatë krize”, ka thënë Rexhepi.

Lëvizja Vetëvendosje doli e para në zgjedhjet e fundit me një deputet më shumë se LDK’ja. Këto dy parti lidhën koalicion, të cilin e pagëzuan si “Koalicioni i Shpresës”. Megjithëse negociatat për lidhjen VV-LDK zgjatën disa muaj, qeverisja zgjati vetëm 40 ditë. Kjo pasi VV s’pajtohej me qëndrimin e LDK’së për të hequr taksën pa vendosur reciprocitetin, s’pajtoheshin as për shpalljen e gjendjes së jashtëzakonshme.

Në këtë situatë, Albin Kurti, vendosi të shkarkonte Ministrin e Punëve të Brendshme, Agim Veliun, i cili është edhe Nënkryetar i LDK’së me çka i dha edhe fund “koalicionit të shpresës”. Pas kësaj, Qeveria e Kosovës e udhëhequr nga Kurti u shkarkua nga më shumë se 2/3 e votave të deputetëve të Parlamentit.

Ministria e Shëndetësisë ka njoftuar të shtunën se edhe Komuna e Ferizajt do të futet në karantinë.

Lajmin për Radion Evropa e Lirë e ka konfirmuar zëdhënësi i Komunës së Ferizajt, Albion Sherifi.

“Me propozim të Institutit Kombëtar të Shëndetësisë Publike në Kosovë, Ministria e Shëndetësisë ka marrë sot vendim për të shpallur Komunën e Ferizajt – zonë karantine. Në krye të detyrës është shtabi emergjent që po punon me kapacitete të plota. Kemi një lutje apo apel për qytetarët ferizajas që të qëndrojnë në shtëpi duke mos rrezikuar as veten as familjet e tyre e as shoqërinë në përgjithësi. Janë marrë mostrat edhe nga 65 persona të tjerë në Ferizaj, po presim rezultatet nga IKShPK”, ka thënë Sherifi.

Kryetari i kësaj komune, Agim Aliu është thënë të ketë pranuar vendimin e Ministrisë së Shëndetësisë.

Ky vendim ka ardhur pasi të premten është raportuar për 18 persona të infektuar me sëmundjen COVID-19, që shkakton koronavirusi.

Deri më tani në këtë qytet janë infektuar 20 persona me këtë virus, derisa në gjithë Kosovën është raportuar për 250 persona të prekur nga kjo sëmundje, 52 janë shëruar derisa 7 të tjerë kanë vdekur.

Zgjedhjet e fundit parlamentare të 6 tetorit të vitit të kaluar ishin rasti i fundit për kthimin e shpresave të qytetarëve për ndryshime pozitive përmes votës së lirë. Përderisa lidhja e koalicionit paszgjedhor LVV-LDK, gjegjësisht formimi i qeverisë së shpresës kishte shënuar kthimin e shpresave të qytetarëve, prishja e këtij koalicioni shënon fundin më të keq të iluzioneve për ndryshim!
Mbase zgjedhjet e fundit parlamentare ishin rasti i fundit për kthimin e shpresave të qytetarëve dhe ndryshimin e kursit qeverisës në vendin tonë.
Atëherë kur të gjithë ishin në pritje të ndëshkimit të keq-qeverisjes 12 vjeçare, të atyre që katandisen shtetin e Kosovës dhe thyen shpresat e qytetarëve, ndodhi e kundërta.
Popullit të Kosovës i ndodhi zhgënjimi i papritur dhe thyerja më e madhe shpirtërore në këto 21 vjetët e fundit nga prishja e koalicionit të shpresës.
Matrapazët politik përmes pazareve të pista, Kosovën nga një vendi i shpresës dhe i ardhmërisë e kanë kthyer në një vend ku ëndërrat shndërrohen në iluzione, ku shpresat vdesin akoma pa lindur.

Shpresat e qytetarëve u kthyen në iluzione

Deri të kjo ka ardhur, për shkak se shumica e liderëve të partive politike s’kanë asgjë të përbashkët me qytetarët e vendit, për arsye se mendjen e kanë tek bizneset e tyre, tek pasuria dhe të milionat e tyre të deponuar në bankat jashtë vendit, ndoshta edhe në “Parajsat Fiskale!
Liderët e papërgjegjshëm partiak elektoratin e tyre e përdorin vetëm si objekt përfitimi përgjatë fushatave zgjedhore, sa për t’ua grabitur besimin (votën), ndërsa më pas të gjitha pazaret i bëjnë në mes vete duke e kontrabanduar vullnetin e elektoratit nga njëra parti tek tjetra vetëm për interesat e tyre personale.
Kasta e korruptuar politike e vendit, në veçanti liderët e partive politike para opinionit publik (elektoratit) shpesh përlahen mes vete, por asnjëherë nuk mund t’i shkojnë deri në fund “konfliktit”, shkaku i interesave të përbashkëta, apo thënë më qartë dhe më kjartë, shkaku i bizneseve të përbashkëta, tenderëve dhe përfitimeve nga aferat korruptive që i ndajnë me njëri-tjetrin.
Pothuajse të gjithë liderët e subjekteve tona politike janë shndërruar në uzurpatorë të shtetit dhe varrmihës së ardhmërisë së qytetarëve të këtij vendi, janë bërë sinonim i së keqes, i korrupsionit, krimit të organizuar, zhvatjes së pasurisë shoqërore (shtetërore),…duke e shndërruar Kosovën e pasur me resurse të shumta natyrore, në një vend të varfër dhe të pashpresë për të jetuar në të.
Kësaj gjendje në masë të madhe i ka kontribuar edhe pritja e gjatë e popullit, me shpresën se një ditë do të bëhet mirë, si dhe heshtja e pajustifikueshme e një pjese të elitës intelektuale.
Edhe pse jo drejtpërdrejt të kyçur në politikë, me idetë dhe vizionin e tyre, inteligjenca jonë mund të bënin, që shumë gjëra të ndryshonin më shpejtë në të mirë të vendit dhe qytetarëve.

Partitë politike, korporata fitimprurëse për politikanët e korruptuar

Klasa e kusarëve politik standard të veprimeve të tyre e kanë gënjeshtrën dhe mashtrimin e qytetarëve, vjedhjen dhe abuzimin me paratë e taksapaguesve të varfër të këtij vendi.
Përderisa partitë politike janë shndërruar në korporata fitimprurëse për liderët dhe vartësit e tyre, janë bërë edhe shkelëse dhe abuzuese te besimit të qytetarëve.
Duke u ngritur në karrierë politike dhe pasuruar nga mashtrimet dhe kauzat e rrejshme, klasa politike aktuale (pushtet dhe opozitë) modelin e abuzimit e kanë ngritur në standard të politikës ditore.
Pra, kjo klasë kusarësh politikë dinë se si të gënjehet, e mashtrohet, të blihet e mbahet elektorati për 21 vjet për mbajtjen, gjegjësiht marrjen e pushtetit.
E vetmja shpresë e vogël e qytetarëve të dëshpruar është ngjizja e një nisme të re nga Diaspora në bashkëpunim me kapacitetet e shëndosha intelektuale të vendit, me veprimtarët dhe atdhetarët e përkushtuar ndaj Kosovës martire, për ta ç’rrënjosur në themel të keqën që ka mbërthyer vendin tonë në këto 12 vjetët e fundit.
Sa më parë ta çlirojmë Kosovën nga përbindëshat dhe matrapazët politik, nga uzurpatorët e shtetit, përkatësisht nga kusarët politik të “Cosa Nostra”-s apo mafias kosovare të shekullit 21 në të dyja nivelet e qeverisjes, aq më e afërt do të jetë dita e ndryshimeve pozitive, dita e prosperitetit dhe zhvillimit ekonomik të vendit tonë.
Çlirimi i vendit nga matrapazët dhe kusarët politik është i mundur të arrihet me vetëdijësimin e elektoratit për ndëshkim me votë, gjegjësisht me mos votimin e tyre në zgjedhjet e ardhshme parlamentare dhe lokale, të rregullta apo të jashtëzakonshme kurdo që do të mbahen ato.

Edhe nderimet për heroin Agim Ramadani sot në 21 vjetorin e rënies së tij u bënë në mënyrë virtuale për shkak të pamundësisë për t’u bërë bashkë.

Ceremoninë “Ditëve të Shqipes” në këtë 21 vjetor e transmetuan drejtpërdrejt në rrjetet sociale gruaja e Agimit, Shukrije Ramadani, shokët e tij dhe qytetarët.

Anton Quni, ministër në detyrë i Mbrojtjes, në këtë ditë përkujtuese ka ndarë disa fakte interesante për bashkëluftëtarin dhe shokun e tij, Agimin.

Ai tha se pasi filluan miqësinë në trajnime ushtarake e beteja mësoi edhe disa gjëra për të.

“Mësova për pasionin e tij për pikturë, poezi dhe art në përgjithësi dhe po ashtu edhe për pasionin që kishte historinë e popullin tonë. Në kohën e lirë lexonte. Çdoherë kishte me veti libra të zhanreve të ndryshme, por më shumë i bënin përshtypje librat për formacionet e lashta ushtarake siç ishin spartanët, të pavdekshmit e Persisë, samurajët e të tjerë”.

“Kishte vlerësim të lartë për kodin etik të samurajëve. Ishte i fascinuar me moralin, rregullat, principet dhe gatishmërinë për të mbrojtur kauzën. Kur i propozova nofkën “Katana”, ai e pranoi me entuziazëm, pasi katana ishte arma e preferuar e samurajëve. I kishte të studiuara mirë personalitetet ushtarake të Luftës së Dytë Botërore, gjithmonë në këndvështrimin ushtarak dhe profesional dhe jo në atë ideologjik”.

Katana është një shpatë japoneze e karakterizuar nga një teh i lakuar. Ajo u përdor nga samurajët e Japonisë antike dhe feudale.
“Sot pas 21 vjetëve nga Beteja e Koshares, të gjithë ata që patën fatin të jenë krah me Agimin, sot që kanë përgjegjësi dhe detyra të ndryshme, por gjithmonë e kanë në konsideratë se si do të veprojnë nëse Agimi do të ishte në këto rrethana. Me jetën dhe veprën e tij ndikoi në personalitetin e tij të çdo bashkëluftëtari”.

Po ashtu, një mik tjetër i afërt që sot drejton një brigadë me emrin e tij “138 Agim Ramadani”, Rrustem Berisha, e konsideron si ditën më të rëndë kur humbi Agimin.

“Ishte një ditë kur forcat tonë u ballafaquan direkt me forcat serbe. Forcat tona ishin në sulm për t’i marrë objektivat e fazës së dytë kurse forcat serbe ishin në kundërsulm për rikthimin e pozicioneve të humbura. Ishte betejë e ashpër dhe e përgjakshme në të gjitha drejtimet e luftës. Por, forcat tona edhe përkundër ritmit të luftës, tri ditë pa ndërpre arritën t’ia dalin duke i shkaktuar armikut humbje të mëdha në njerëz, pajisje dhe duke ia bërë me dije se këtu kanë të bëjnë më një organizim profesional e ushtarak”.,

“Por, edhe nga radhët tona pësuam humbje. Në altarin e lirisë u flijuan për të mos vdekur kurrë Agim Ramadani nga Zhegra e Gjilanit dhe shokë të tjerë”.

“Kjo ditë ishte më e vështira në jetën time pasi më nuk e kisha në krah Agim Ramadanin, i cili ishte frymëzim për të gjithë luftëtarët e Betejës së Koshares. Edhe sot e kujtojmë figurën e Agim Ramdanit dhe sfidat me të cilën u ballafaquam gjatë këtij rrugëtimi”.

Prokuroria Themelore në Prishtinë ka njoftuar se ka autorizuar Policinë e Kosovës, për ndërmarrjen e hetimeve lidhur me kërcënimin që i është bërë më 10 prill, kryeministrit në detyrë, Albin Kurti, përmes rrjeteve sociale.

Në një komunikatë për media thuhet se “Prokurori i Shtetit në bashkëpunim me Policinë e Kosovës janë duke punuar për zbardhjen e identitetit të vërtetë të personit në fjalë, si dhe do të ndërmarrin të gjitha veprimet e nevojshme lidhur me këtë rast”.

Të premten, në rrjetin social Facebook, një person, që sipas medieve në Prishtinë, në llogarinë e tij në Facebook ka emrin, Daniel Arianitti kishte shkruar se do të japë shpërblim në këmbim “të kokës së Albin Kurtit”. rel

 Lufta në Kosharën Legjendare , do të mbetet data më e ndritur e historisë së re të shqiptarëve.Për herë të parë i thye kufiri shqiptaro-shqiptarë ,pas 50 vitësh të okupimit nga Serbia .114 dëshmorët dhe heronjët e Kosovës, në krye më Sali Çekaj, Agim Ramadani më shokë , janë sublimimi më i mirë i vlerave për liri dhe pavarësi të Kosovës.

Në luftën e Kosharës armiku serb pësojë humbjën më të madhe. Edhe vet serbët që ikën nën bisht nën shalë, luftën në Koshare e cilësuan si një Vietnam i vërtetë.Tashmë kan kaluar 21 vite.Shumë natyrisht. Por, do të kalojnë edhe shumë vite tjera , edhe decenie dhe Kosharja kurrë nuk do të harrohet nga shqiparët.Nuk do të harrohen të vrarët e as të gjallët , së janë historia jonë e lavdishme .Nuk mund të harrohen as komandantët e gjallë si, Rrustem Berisha, Anton Çuni, e të tjerët. Kushtetuta e Republikës së Kosovës, e miratuar më 9 prill 2008, i ka rrënjët në 9 prillin e krenarisë së Kosharës.Dhe, më të drejtë kjo datë po quhen ”Ditët e Shqipës”.”Ditët e Jo Shqipës” janë këto 21 vite në liri nga kjo klasë politike që amanetin Tuaj nuk e dërguan në vend, keqpërdorën më të madhe pronën shoqërore …!

Po më vjen vështirë lexues të ndëruar në këtë përvejtor të kësaj ngjarje të lavdishme , të shkruajë këto radhë, por a ka gjë më të tmershme së Kosova, të bie në këtë deregje kaq të ligë ! Të rënët nuk luftuan për poste e parti politike, por luftuan që Kosova të frymon lirshem , që Kosova, të jetë atdheu ynë i përbashkët?!Ky përvjetor i rënjës së juaj heroike , po e gjënë Kosovën e katandisur më pandeminë e koronavirusit si të gjithë globin. Por, sigurisht së më e keqe së kjo zezonë e kohës, janë koronavirusët e politikës ,të cilët na u ka ngjitë si rriqna për trup që shumë kohë, e nuk ka kush qe i shkoqë .

Po të ishit gjallë e ta shikoni këtë klasë politike , së si po luftojnë për pushtett!Turpi i Zotit! Pikërisht në këtë kohë epidemie kur të gjithë do të duhet të ishim të bashkuar , këta janë ndarë e përqarë ! E rrëzuan qeverinë e shpreses në kohë epidemie! Këtyre nuk ju ka mbetur respekt të populli i vet. Na prrallisen më ka krejtë edhe para botës demokratike…!

Durimi, guximi dhe etika janë tri veti që e ndërtojnë personalitetin e njeriut. Për fat të mirë, ju jeni njëra ndër zonjat e Kosovës që i posedoni këto veti.

– E kam të qartë situatën politike dhe fatin e popullit tim, tani e tridhjetë vjet me radhë, sic ishin burgosjet, arrestimet, dëbimet, dhe vrasjet nga pushteti i Millosheviçit, por nuk e kam të qartë ditën e sotit dhe qëndrimet e pushtetarëve të mijë.

– E kam të qartë periudhën e diferencimeve që bëheshin nga pushtetarët lojal si dhe suprimimin e autonomisë së Kosovës, nga klasa politike e ajasj kohe, por nuk e kam të qartë heshtjen dhe nënshtirimin e akademikut dhe intelektualit tim të asaj kohe.

– E kam të qartë burgosjen e studentëve dhe minatorëve dhe mburrem me guximin dhe kërkesën e tyre, sepse i takoja atij brezi dhe atij mendimi, por nuk e kam të qartë zërin e turpshëm dhe heshtak të asaj klase politike që ishte dikur.

– E kam të qartë takimin e Shoqatës së Shkrimëtarëve të Kosovës me atë të Shoqatës së Shkrimtarëve të Serbisë, dhe guximin e saj të udhëhequr nga Prof. Dr Ibrahim Rugova, por nuk e kam të qartë tërheqjen e pseudointelektualëve dhe pseudopatriotëve të asaj kohe, e sot sillen si xhandarë të kralit duke shitur mend për partinë dhe shtetin.

– E kam të qartë edhe lëvizjen e re studenteske në kohë okupimi, ku edhe JU ishit njëra ndër yjet që u gjetët në krah të motrave dhe vëllezërve Kosovar, me qëllimin më të mirë për Kombin dhe Kosovën, por nuk e kam të qartë elitën politike dhe konceptet e saja të errëta dhe plotë vnerë që heshtnin para kërkesave të popullit, e sot shesin mend dhe patriotizëm.

Sa e tmerrshme është dita e sotit, dhe sa i rëndë është fati i popullit tim. Në këtë kohë përqarjesh dhe pandemie dëgjoj zëra të cmendur nga liderët politik duke ofenduar dhe poshtëruar njeri tjetrin e aq më keq duke ofenduar Kryetaren e Kuvendit Zonjën Vjosa Osmani, një intelektuale dhe një nënë e bekueme, një veprimtare dhe një eksperte e pashoqe që I zbardhë fytyrën mbarë kombit shqipëtar, një rugoviste e përflakur që nga hapat e parë të aktiviteteve e deri te Kryetarja e Kuvendit të Kosovës.

Sot Vjosa Osmani është ajo që u dëshmua me votën e qytetatarit përballë çdo rivali të saj. Vjosa Osmani arriti ta fuqizojë LDK-ën dhe ta faktorizojë fuqishëm, duke rënditur në vendin e dytë dhe duke i kthyer shpresen qytetarit.

Pra, kjo është Vjosa Osmani retorika dhe qëndrimi i saj prej një zonje e madhështon dinjitetin e femrës shqiptare dhe na bën të ndihëmi krenar me të, ajo sot është një Tringë apo Norë e Kelmendit, një heroinë e paqes dhe njerëzimit që sakrifikohet për të mirën e popullit dhe institucionet e Kosovës. Zëri saj është paqja, është e ardhmja e popullit.

Dhe për fund dua të them çfarë njeru është ai njeri që etiketon dhe përbuzë vlerat e Vjosa Osmanit.