Kryetari i Partisë Demokratike të Kosovës, Kadri Veseli, ka deklaruar sot nga Hani i Elezit se asnjë deputet i PDK-së nuk do ta votojë qeverinë e ardhshme që pritet të formohet nga LDK, AAK, Nisma dhe minoritetet.

“Asnjë deputet i PDK-së nuk voton qeveri të mashtrimeve. LDK dhe VV janë përgjegjëse për këtë gjendje të krijuar dhe ato duhet të gjejnë zgjidhje. Ne kërkojmë që vendi të shkojë në zgjedhje të reja demokratike pas pandemisë”, tha Veseli.

Ndërkaq sot Lidhja Demokratike e Kosovës dhe Aleanca për Ardhmërinë e Kosovës kanë nënshkruar koalicionin për qeverisjen e përbashkët.

AAK në qeverinë e re do të drejtojë 4 ministri dhe do të ketë poashtu postin e zëvendëskryeministrit./Express/

Diplomati dhe shefi i Eulex’it Lars-Gunnar Wigemark përmes një shkrimi në twitter ka treguar se stafi i Eulexit në momentin që hyjnë në Kosovë nuk rrinë në konvikt por në karantinat e tyre.

“Sa për dijeni, i gjithë stafi i EULEX’it kur kthehen në Kosovë, qëndrojnë 14 ditë në karantinë. Ne e kemi praktikuar këtë zakon prej fundi të muajit shkurt”, shkruan Wigemark.

Tutje, ai tregoi se 31 oficerë polakë që janë kthyer javën e kaluar në Kosovë, aktualisht janë në karantinë në kampin e tyre.

“Për shembull, 31 oficere policie polake, që janë kthyer në Kosovë javën e fundit, aktualisht janë në karantinë në kampin e tyre”, përfundoi Wigemark.

Ky reagim erdhi pasi kreu i Aleancës Kosova e Re (AKR), Behgjet Pacolli tha se stafi dhe diplomatët e Eulexit dhe Unmikut, nuk kanë hyrë në karantinë kur kanë ardhur në Kosovë.

“Stafi i Unmikut dhe Eulexit janë përjashtuar nga qëndrimi në karantinë kur janë kthyer në Kosovë. Kontrolloni listat e pasagjerëve. Vitia gënjen dhe veprimet e tij po e pengojnë punën e parlamentit. Nëse diplomatët dhe personeli i tyre janë përjashtuar nga karantina, pse deputetët e parlamentit të mos përjashtohen nga karantina. Vetëm pse nuk po ju mbështetim juve?”, shkroi Pacolli.

Në ditën e të pagjeturve, Ferdonije Qerkezi që gjatë luftës ka humbur burrin me katër djemtë, ka folur në emisionin Frontal në T7 edhe për deklaratat e fundit lidhur me amnistinë e krimeve të luftës, shkruan Gazeta Express.

Qerkezi ka deklaruar se nuk mund të falë dikë që ja ka vrarë një shtëpi me njerëz.

“Unë nuk e ndëgjova direkt, po në rrjete sociale komentet. Unë si nanë, kur ai si ka fol ai e ka përly veten, pastaj edhe kombin shqiptar, na sjemi shku në Serbi me na mbytë, ata janë ardhë te na na kanë hy nëpër shpija, na kanë vjedhë na kanë djeg, qysh falet ai? Edhe pse nuk të ka ra ty duhesh me ma ditë. Një shpi ma ka hup qysh falet? Ai vjen apet vepron si para 21 vjetëve. Unë e kam ni veten të thyme, me i fol ato fjalë si një i shkolluar, jam habitur shumë. Zotit po ja lo atë punë”, ka deklaruar ajo.

E njëjta thotë se ata që ja vranë burrin e fëmijet janë të lirë, e se disa herë rrëfimin e saj e ka dhënë edhe para hetuesve ndërkombëtar.

“Janë të lirë, kerrin e bashkëshortit tem e kanë pa në veri të Mitrovicës, as kur ka qenë UNMIK’u ktu as EULEX’i. Unë kam dëshmi, sa polici ndërkombëtar është ardhë në shpi te unë s’mundesh me marrë me mend”, shtoi ajo.

Qerkezi ka treguar edhe se si i kalon ditët, e për një gëzim që e ka pasur pas shumë vitesh.

“Një ditë e jemja është shumë e vështirë, kur është një shpi me tetë anëtar e me mbetë vetëm, po tash unë i kam gratë e vëllezërve, kojshitë, mahallën, një ditë kur s’dal në oborr më marrin në telefon e më thirrin me pi kafe.

Mas 20 vjete kum pas një gëzim, në përvjetorin e të zhdukurve në shkollë të Gjimnazit e kishin pas përgatit një program të mirë, që i kanë përkujtu nxënësit që janë kanë në gjimnaz në 99”, ka thënë ajo në Frontal.

Liderja e Lëvizjes Evropiane të Serbëve në Kosovë, Rada Trajkoviq ka deklaruar në një intervistë për portalin serb Nova.rs se presidenti serb Aleksandër Vuçiq me qëllim po i pengon hetimet në rastin Oliver Ivanoviq, në mënyrë që t’i mbrojë personat të cilët janë besnikë ndaj tij.

Situata aktuale në Kosovë është e përshtatshme vetëm për liderët rajonalë të korruptuar të cilët janë të ndërvarur dhe të ndërlidhur thellësisht, dhe mbi të gjitha mendoj për Vuciqin dhe Thaçin. Thaçi është përgjegjës për destabilizimin në mënyrë që të ruajë edhe më shumë rëndësinë e tij politike dhe të shmangë, ose të paktën të shtyjë përgjegjësinë e tij para gjykatës speciale në Hagë, ndërsa nga ana tjetër, është normale që Vuçiq të mbështesë opsionin me të cilin ai ka lidhje jo transparente dhe fitimprurëse, e kjo është “Koalicioni i luftës” me të cilin ai bashkëpunon në mënyrë të drejtpërdrejt dhe koordinon veprimet përmes Listës Serbe, ka thënë Trajkovic.

Ajo thekson se shkarkimi i Albin Kurtit me siguri do të çojë në destabilizim rajonal, por gjithashtu edhe do të tërheq njerëzit në rrugë, madje edhe në mes të pandemisë së koronavirusit. Ajo beson se me siguri është më për serbët që Kurtin të mbetet në fuqi sepse zgjedhja dhe shpresa e tij ishte që më në fund të fillohet me eliminimin e krimit rajonal që po helmon rutinën e përditshme. Ajo pretendon se presidentët e Serbisë dhe Kosovës, Aleksandar Vuciq dhe Hashim Thaçi, kishin marrëveshje për shkëmbimin e territoreve dhe se ky ishte një “sekret publik”.

Një vit më parë ju thatë që autoritetet dhe tabloidet e shtetit ju kanë futur në listën e pushkatimeve, ku gjendeni tani?

Fushata e tmerrshme e cila u zbatua kundër meje është një “standard” i vjetër, i ngjashëm me ndjekjen e cila u bë kundër të ndjerit Oliver Ivanoviq. Së pari, dehumanizimi agresiv i personalitetit tim u bë përmes titujve të tmerrshëm në tabloidet e regjimit, dhe – në rastin tim – edhe në konferencat për shtyp të vetë presidentit dhe nëpër llogaritë në Tëitter të vartësve të tij shterërorë. Pastaj isha në shënjestër shumë të hapur, kjo është arsyeja pse jam nën mbrojtjen e policisë. Megjithëse, më duhet të pranoj se koha e koronavirusit më ka lehtësuar pak ndjenjën time të izolimit, sepse tani ne jemi të gjithë “bashkëvuajtës” nën arrest shtëpiak.

A mendoni ende se Vuçiq pengon hetimin për vrasjen e Oliver Ivanoviqit?

Kjo është plotësisht e qartë. Për sa kohë që Milan Radoiçiq gëzon mbrojtjen e tij dhe përderisa presidenti e konsideron atë të paarritshëm për gjyqësorin e Kosovës, Vuçiq pengon hetimin. Nëse Vuçiq dëshiron të shfajësojë veten nga përgjegjësia për pengimin, ai duhet t’i dorëzojë Radoiçiqin në gjyqësorin e Kosovës dhe t’i lejojë atij të provojë pafajësinë e tij në gjykatë.

Kur të kalojë pandemia , është interesant të shohim së si atë mëngjes do të zgjohemi dhe së si do të ndihemi?Dhe ku.Çka do të ndodhë në mëngjeset në vazhdim?Kjo edhe është e vetmja e pyetje e cila sot ka kuptim.Se, virusi do të kalon, dhe neve sigurisht do të flasim për veten, e jo për virusin.Ata të cilët e kan përjetuar këtë të ligë, sigurisht së do të flasin së çfare fati kan pasur që kan shpëtuar .Shumë kujtime do të na sillën në kokë nga koha e karantinës.Nuk do ti harrojmë ata për të cilët kemi ndëgjuar së kan ikur nga kjo botë nga virusi.Për shumë kënd jeta do të jetë më ndryshe, do të kemi një gjendje shpirtërore më ndryshe, kjo lëngatë sigurisht do të lënë gjurmë të pashlyera në trurin tonë… Të gjitha këto përjetime nuk do të jenë barrë e lehtë. Njeriun e këtij nënqielli e përcollën gjatë këtyre viteve edhe shumë përjetime nga lufta. E këto perjetime të jetës jo të mirë në kushte të lirisë nuk po ndalën . Nuk ka gjë më vështirë kur sheh para vetit së të fortit e politikës grabisin çdo gjë para syve tanë . Kjo po zgjatë që nga mëngjesi deri në mbrëmje.

Dikush ka grabitë një televizor, e dikush të gjithë televizorët.Dikush një lopë , e tjerët gjitha fermat.Dikush një laps e dikush fabrikën …

Ku ka mundësi të bëhët shteti pa mund e ndjersë! Nuk ka lumturi, edhe pse e fituam shtetin tonë?!Rastin për të bërë shtet e kemi pritë më decenie, por që nuk po dijmë ta shfrytëzojmë .Fjala shtet do të thotë shumë. Është nocion pa dyshim i gjërë .

Shteti nuk bëhët pa besuar në asgjë , e as në Zot.

Shtet kur çdo komunë e ka Zotin e vet.

Shtet kur gjithëqka nga e kaluara jonë nuk vlenë.

Shtet kur nuk sundon si duhet rendi dhe ligji.

Shtet ku dënohen dhe rrahën gazetarët.

Shtet ku lulëzon krimi dhe korrupcioni.

Shtet ku lirohen kriminelët.

Shtet ku ministra dhe deputete bëhën analfabetet potencial.

Shtet me milionerë më para të popullit.

Shtet ku korporatat po i zëvëdësojnë partitë .

Shtet ku njeriun e ndërshem e trajton si mut.

Shtet ku ikin rinia kah ju shohin sytë.

Shtet ku shkrimtarët dhe intelektualet rrëshqasin nga të dhierat e politikanëve.

Shtet ku nuk ka industri.

Shtet ku nuk ka turizem dhe bujqësi.

Shtet ku ka vdekur kultura dhe arti.

Shtet ku pak kush lexon.

Shtet ku mund të punësohesh veq nese bëhësh servil dhe më para.

Shtet ku univerzitetet funksionojnë si supermarketet.

Shtet ku diplomat shitën më kilogram.

Shtet me shumë medie të kontrolluara nga politika .

Shtet ku sportistët mvaren nga menagjerët. Sportistët dhe këngëtarët që po na mbajnë gjallë krenarinë.

Shtet ku për një cikerrimë shkon në burg.

Shtet ku vjedhen milonat e shkon në Dubaj.

Shtet që nga themeli duhet ndërtuar.

Ne një shtet të tillë po zgjohemi në çdo mëngjes. Kemi pasur mundësi që të kemi shtet shumë më ndryshe, më të mirë… Na duhet shtet, ku mëngjeset tona, janë të bukura, dhe shumë më të lumtura, për të gjithë…

Saranda Bogujevci, e mbijetuar nga krimet serbe, sot deputete e Parlamentit të Kosovës reagon ndaj provokimit të Baton Haxhiut për amnisti ndaj krimeve serbe:

“Isha vetëm 13 vjeç kur kam humbur familjen dhe jam plagosur si fëmijë, për këtë shtet!

Sot, gati si 35 vjeçare ende jetoj me pasojat e asaj kohe. Ende më duhet përkujdesje mjekësore për plagët që i kam marrë në trup, e kujtesa e asaj kohe jeton me mua për çdo ditë.

Kështu jeton çdo qytetar i Republikës së Kosovës që ka përjetuar atë luftë.

Pa dashur të ndalem tek nominimi i z. Avdullah Hoti për kryeministër, ishte i qëlluar apo i gabuar, Isa Mustafa për të arritur qëllimin e semurë politik deri tek posti i presidentit, fillimisht e dogji zonjen Vjosa Osmani (me tërheqje nga qeveria), duke e shpërfillur vullnetin e elektoratit të LDK-së, i cili e votoi Vjosa Osmanin për kryeministre e jo Avdullah Hotin.

Pasi e dogji Vjosen, po i vë flakën edhe Avdullah Hotit

Vënja në pazar e LDK-së për arritjen e qëllimit politik është dëshmi, se Isa Mustafës nuk i intereson LDK-ja , as e ardhmja e shtetit dhe qytetarëve, por vetëm interesi i tij personal.
Isa Mustafa për arritjen e qëllimit personal (posti i presidentit)i është i gatshëm t’i djegë një nga një bashkëpunëtorët e tij sikurse cigaret “Morava”, për t’i hudhë më pasatj si lecka në shportën e mbeturinave, ashtu siq e hudhi Vjosa Osmanin pasi ajo e solli LDK-në në pozitën e dytë dhe i dha atij mundësinë e manipulimit me vullnetin e elektoratit.
Vërbimi i Isa Mustafës pas pushtetit të pakufishëm në LDK dhe fokusimi pas postit të presidentit e ka dëmtue rëndë imazhin e LDK-së.
Një qasje pak më pragmatike e LDK-së, do të bënte që kjo parti të fuqizohej në elektorat për zgjedhjet e ardhshme, të cilat që tani shihen në horizont.
Ndryshe, zgjedhjet do të jenë një mundësi e “mirë” që LDK-ja me Isa Mustafën ta thejnë rekordin e humbjeve në zgjedhjet parlamentare!
Në situatën e tanishme, për qytatarët e vendit të gjitha partitë politike janë bërë përafërsisht të njëjta, janë parti të dështuara në qeverisjen e vendit, të kriminalizuara dhe në shërbim të mafias dhe oligarkisë kriminale.
Në mungesë të një alternative të re dhe serioze politike, qytetarët edhe nga zgjedhjet e jashtëzakonshme nuk presin që të ketë ndryshime substanciale, pa marrë parasysh se cila parti apo cili koalicion fiton, do të kemi vazhdim të keq-qeverisjes, përkatësisht sundim të krimit të organizuar në institucinet më të larta të shtetit.

Zgjedhjet e jashtëzakonshme, sprovë e vetëdijes qytetare

Me zgjuarsinë e qytetarëve në procesin e parakohshëm zgjedhor, mund të bëhet një hap i madh në pastrimin e skenës politike, si parakusht i domosdoshëm për pastrimin e sistemit qeverisës në vend.
Koaliconi LAN apo LANA me listën serbe është koalicion i turpit i cili nuk po bëhet për të mirën e shtetit dhe qytetarëve, por nga frika e ndëshkimit dhe humbjes së mundësisë për rimarrjen e pushtetit.
Prej koalicionit të turpit, nuk do të kemi shkapje të shtetit, por vazdhimësi të kapjes së shtetit dhe ngulfatje të vullnetit të elektoratit për ndryshime.
E kuptoj ngutinë e Albin Kurtit dhe LVV-së për shkuarje në zgjedhje të jashtëzakonshme, por do të jenë pikërisht zgjedhjet ato që do ta zhgënjejnë më së shumti këtë subjekt politik, shkaku i gabimeve dhe mosmenaxhimit të mirë të ‘qeverisë së shpresës’ nga Albin Kurti. Si pasojë e kryeneqësisë në liderit të saj, LVV do të mbetet shumë largë objektivave për rimarrjen e pushtetit.
Mundësia e fundit që i mbetët LVV-së për rimarrje të pushtetit është koalicioni natyral paszgjedhor me PDK-në e Kadri Veselit, si e vetmja alternativë.
Ndryshe, zgjidhja më e mirë për LDK-në, do të ishte lënja e pushtetit dhe kthimi kah vetëvetja, për t’u hapë rrugë ndryshimeve pozitive dhe reformave brenda kësaj partie (kërkesë e elektoratit), në të kundërtën katandisja dhe theqafja politike e LDK-së nuk do të kenë të ndalur në koalicion me ish partitë e PAN-it!
Me shkuarjen e vetme të partive politike në zgjedhje, do të matet forca reale dhe kredibiliteti i tyre në raport me qytetarët e vendit.
Zgjedhjet e jashtëzakonshme kurdo që të mbahen ato, do të jenë një sprovë e madhe e vetëdijes qytetare.

Rrëzimi i ‘qeverisë së shpresës’ dhe ‘formimi i qeverisë e së keqës’,… gjegjësisht përafrimi në distancë i LVV-së me PDK-në në njërën anë dhe dhe kontrabandimi i vullnetit të elektoratit të LDK-së tek partitë e vogla, por shumë të deshtuara në qeverisjen e vendit në anën tjetër, paraqet fundin më të tmerrshëm të iluzioneve për ndryshim!

Deklarata e kryetarit të PDK-së, Kadri Veseli se “LVV i ka dërguar ftesë PDK-së për një koalicion të mundshëm”, është vazhdimësi e deklaratave të mëhershme të Glauk Konjufcës “për konstruktivitet të PDK-së”, e cila nënkupton përafrimin e këtyre dy subjekteve me ideologji të njëjtë politike.
Bashkimi i PDK-së me LVV-në paraqet bashkimin më natyral të LP-këistëve të djeshëm në një front të përbashkët kundër të djathtës shqiptare, i cili do të rezultojë me profilizimin e skenës politike në përgjithësi.
Ky bashkim i dy subjekteve të përafërta me njëra-tjetrën, do të bëjë, që të pakënaqurit e dezertuar nga krahu i djathtë në këto parti, të kthehen në origjinën e tyre ose të konvertohen në neokomunist të rinjë.
Në anën tjetër, edhe subjekti më i vjetër i skenës politike kosovare, LDK-ja e mbërthyer nga strukturat e vjetra komuniste, lakmitarët e pushtetit dhe matrapazët politik, patjetër duhet të reformohet shpejtë, në të kundërtën rrezikon tkurrjen enorme të saj.
Partitë e vogla do ta kenë më të vështirë ekzistencën e tyre pas profilizimit të ri politik.

Kulmi i zhgënjimit qytetar

Zhvillimet e fundit politike në vend kanë shkaktuar kulmin e reagimeve dhe zhgënjimin e qytetarëve në të gjitha partitë aktuale.
Derisa në gjithë botën e civilizuar ka reflektim pozitiv të forcave politike dhe vazhdim të mandatit të qeverive aktuale për tu përballë me armikun e pa dukshëm të ashtuquajtur “Covid-19”, tek ne në Kosovë po ndodhë e kundërta, të gjitha partitë politike pa dallim, pozitë dhe opozitë, po e shfrytëzojnë situatën e pandemisë për të bërë luftë politike kundër njëra-tjetrës, për të mbajtur apo marrë pushtetin nën tentativën për t’u bërë sundimtar apsolut në koloseumin e quajtur Kosovë.
Sjellja e papërgjegjshme dhe lufta e ashpër për pushtet e klasës aktuale politike në një gjendje të rënduar në ballafaqim me pandeminë globale COVID-19, ka irrituar tejë mase qytetarët e vendit, të cilët pamëshirshëm do t’i ndëshkojnë të gjitha pa dallim në zgjedhjet e radhës kurdo që të mbahen ato.

Alternativa e re politike, shpresa e fundit për ndryshim

Nga ato që ceka më sipër dhe ato që pamë, dëgjuam dhe përjetuam ditëve të fundit, janë dëshmi e mjaftueshme për nevojën imediate të ngjizjes së një alternative të re politike, të pandikuar nga partitë aktuale, përkatësisht të pandikuar nga krimi dhe korrupsioni endemik.
Thënë ndryshe, skena politike ksovare ka nevojë për një parti të re politike, e cila i dërgon në pluhurin e harresës partitë aktuale.
Lindja e një alternative të re politike do të ringjallë shpresat e qytetarëve për jetë në këto troje. Vazhdimi i “status quos” me të njejtat parti dhe lider që thyen shpresat për jetë në këtë vend, do t’i bëjë qytetarët akoma më të pa interesuar për të qëndruar në atdheun e tyre.
Nuk është koha për akuza dhe kundër akuza, as për sharje e fyerje, as per heshtje dhe stagnim, por për meditim, reflektim, vetëdijësim dhe ndërgjegjësim qytetarë, është koha per besim në zot dhe atdhe, për dashuri dhe respekt ndaj njëri-tjetrit, për unifikimin e forcave progresive për çlirimin e shpirtërave të robëruar nga mashtruesit e intrigantët, demagoget dhe diktatorët e veshur nën petkun e demokracisë.
Alternativa e re për të cilën angazhohem, do të jetë një forcë e re politike e cila në asnjë rrethanë nuk do të bëhet pjesë e këtij sistemi të antivlerave.
Alternativa e re e ndryshimit politik në vend, nuk do të bashkëpunojë me asnjëren nga partitë aktuale të skenës politike, por do të angazhohet për bashkëpunim me të gjitha forcat progresive dhe elektoratin e të gjitha partive politike.
Elektorati kosovarë i shpërndarë në subjektet eksistuese janë qytetarë të ndershën të këtij vendi, janë vëllëzërit e motrat tona gjithandej Kosovës dhe në Diasporë .
Ky elektorat i shpërndarë në subjektet ekzistuese nuk duhet të përdoret edhe më tutje për llogari të partive të dështuara politike dhe për interesa meskine të liderëve partiak dhe grupeve tjera të interesit.
Të mos bëhemi mbështetës dhe as simpatizant të partive të dështuara politike. Do të jetë e pafalshme për ne, nëse i mbështesim në garën për pushtet këto parti dhe këta liderë matrapaz që kontrabanduan vullnetin tonë për 2 dekada rresht, nga njëra parti tek tjetra.

Kosovën nga “Coronavirus”-i do ta shpëtoj Zoti, nga klasa e matrapazëve politik duhet ta shpëtojmë ne vet.

Kryeministri në detyrë i Kosovës, Albin Kurti tha se presidenti, Hashim Thaçi po synon që Kosova të ketë një kryeministër të dobët, i cili do t’i mundësonte atij më shumë kompetenca dhe pushtet. Gjatë një konference për media në Prishtinë, Kurti tha se presidenti po bën shkelje të rënda të kushtetutës, duke pretenduar që t’i jap mandatin Lidhjes Demokratike të Kosovës për formimin e qeverisë.

Por, siç tha ai, ende nuk e ka në dorë letrën zyrtare të presidentit me të cilën i kërkon LDK-së që ta formojë qeverinë, pasi në momentin që ta ketë këtë shkresë zyrtare, Kurti tha se do t’i drejtohet Gjykatës Kushtetuese.

“Thaçi duhet ta respektojë kushtetutën dhe nuk mund ta shkruajë atë”, tha kryeministri në detyrë, duke shtruar më pas dilemën se si kishte ardhur në përfundim Thaçi se Vetëvendosje nuk e ka shfrytëzuar të drejtën e vet për propozimin e mandatarit, kur Vetëvendosje nuk e ka thënë një gjë të tillë.

“Letra e parë që ma dërgoi presidenti pas mocionit të mosbesimit ishte më 2 prill kurse në pasditen e 22 prillit konstatoi që ne po e refuzojmë. Kjo është arbitrare, ku shkruan në kushtetutë që 20 ditë më pas, presidenti duhet të konkludojë që është refuzuar mandatimi për kryeministër”, tha Thaçi.

Ndërkaq në lidhje me propozimin e LDK-së që Avdullah Hoti të jetë mandatari i ardhshëm për formimin e qeverisë, Kurti tha se presidenti dëshiron që Kosova ta ketë një kryeministër të dobët, të cilin do ta dirigjonte për t’i siguruar vetës më shumë pushtet dhe për të shpallë gjendje të jashtëzakonshme në Kosovë.

Presidenti Thaçi ka thënë të enjten se “çdo hap i tij është dhe do të jetë në përputhje me Kushtetutën dhe ligjet e Kosovës”.

Qeveria Kurti është rrëzuar me mocion mosbesimi në Kuvend më 25 mars. Që atëherë presidenti i Kosovës ka nisur konsultimet me partitë politike për formimin e qeverisë së re. Më 22 prill, presidenti Thaçi konstatoi se Lëvizja Vetëvendosje, si fituese e zgjedhjeve nuk e ka shfrytëzuar rastin për propozimin e mandatarit, kështu që këtë të drejtë ia kaloi LDK-së. rel

Analisti politik, Blerim Latifi, ka folur rreth zgjedhjes së Avdullah Hotit kandidat për kryeministër nga Lidhja Demokratike e Kosovës.

Ai ka thënë në “Pressing”, në T7, se LDK’ja u përcaktua për Hotin, sepse ai është njeri i afërt me kreun e partisë, Isa Mustafa.

Sipas Latifit, Hoti do të jetë i dirigjuar si kryeministër.

“Nëse e shohim traditën në Kosovë, kemi pasur kryeministra të cilët kanë fituar zgjedhjet, dhe te cilët janë emëruar. Hoti do të jetë një kryeministër i dirigjuar. Hoti është besnik i Mustafës, andaj e bëri kryeministër”, tha Latifi.

Ambasadori i Gjermanisë në Kosovë, Christian Heldt, në DESK të KTV-së ka thënë se të kesh një krizë institucionale në kohë pandemie “nuk është e dobishme”.

Ai e ka thënë këtë gjë teksa iu është përgjigjur pyetjeve rreth demarshit të Gjermanisë dhe Francës, dërguar LDK-së, pak para se të votohej mocioni i mosbesimit, që e rrëzoi Qeverinë.

“Pikërisht këto ishin arsyet pse ne i shprehëm shqetësimet tona, të kesh një krizë institucionale në këtë kohë mendoj nuk është e dobishme dhe nuk është gjithçka në të cilën të gjithë akterët, akterët politikë do të duhej të përqendroheshin tani”, ka thënë ai.

Ajo energji, sipas Parisit dhe Berlinit, duhet t’u kushtohet krejtësisht luftës kundër pandemisë dhe perspektivave ekonomike dhe shoqërore.

Megjithatë, ai ka thënë se përfaqësuesve diplomatikë tani iu mbetet “vetëm të ndjekin zhvillimet”.

Heldti në DESKU ka folur edhe për mënyrën e menaxhimit në Gjermani, të krizës pandemike.

“Kam përshtypjen se me kancelaren Merkel, që është një person analitik, deri tani ne në Gjermani e kemi menaxhuar mirë, sepse ka pasur një shkallë të lartë të përgjegjësisë dhe njerëzit thjesht qëndruan tok, sepse menjëherë u vetëdijesuam se pandemia e virusit korona është diçka që nuk kishim parë në historinë e fundit”, ka thënë ai.

Sipas tij, në rrafshin global, “ende ka shumë njerëz që nuk e kuptojnë dimensionin e pasojave me të cilat ne do të përballemi të gjithë. Të gjithë anembanë botës”.

Kreu i LDK’së Isa Mustafa e ka konfirmuar se Avdullah Hoti është emri që kanë zgjedhur për të nomimuar për kryeministër.

Mustafa tha para mediave se partia e tij kishin kërkuar që ai të jetë kandidat.

“Ishte kërkesë e gati të gjithë anëtarvë që unë të marr këtë përgjegjësi, sepse ata konsideronin si vullnet dhe përgjegjësi të tyre, unë e arsyetova para krysesisë që nuk jam në gjendje të marrë këtë përgjegjësi”, tha kreu i LDK’së.

Ai tha se janë diskutuar disa emra, por në fund është vendosur për Avdullah Hotin.

“Ne kemi diskutuar për Avdullah Hotin, Lutfi Hazirin, Kujtim Shalën, ka pas edhe emra të tjera, me vullnetin e të gjithëve jemi pajtuar që z.Hoti të propozohet nga kryesia e LDK’së, për kryeministër”, ka deklaruar ai./GazetaExpress/

Disa punëtorë kanë larguar rrethojat e hekurit të vendosura te objekti i Qeverisë së Republikës së Kosovës.

Këto rrethoja po largohen vetëm pak ditë pasi pritet të behët ndërrimi i qeverisë, ku në krye të ekzekutivit pritet të vijë Lidhja Demokratike e Kosovës.

Nuk dihet ende se kush e ka marrë këtë vendim, dhe a është i çastit apo i diskutuar më herët.

Gazeta Express ka provuar të kontaktojë me zëdhënësin e qeverisë, Përparim Kryeziu, mirëpo ai nuk është përgjigjur përmes telefonit.

Pas zhvillimeve të fundit ku presidenti Hashim Thaçi thirri partitë politike për konsultime dhe u arrit marrëveshje për krijimin e qeverisë së re pa zgjedhje, kryeministri në detyrë Albin Kurti ka paralajmëruar një konferencë për medie.

Këtë e ka bërë të ditur zyra e kryeministrit në një komunikatë për medie.

Kjo është komunikata e plotë:

Ju njoftojmë me agjendën e Kryeministrit në detyrë të Republikës së Kosovës për datën 22.04.2020

Kryeministri në detyrë Albin Kurti, do të mbajë konferencë për medie.

VENDI: Oborri i Qeverisë

KOHA: 20:30

Deputeti i LDK’së, Haxhii Avdyli, ka postuar në faqen e tij në Facebook kushtet e AAK’së për lidhjen e një koalicioni me LDK’në për të krijuar qeverinë.

Avdyli ka zgjedhur tri pika që atij i duken interesante për lidhjen e këtij koalicioni. Njëra ndër to është ndërtimi i autostradës së Dukagjinit, asaj të Anamoravës dhe përfundimi i magjistralës Prishtinë-Pejë.

Ky është postimi plotë i Avdylit:

Prioritetet e AAK-se për qeverisjen me LDK-ne :

– asnjë fjalë për taksën 100%, e reciprocitetin.

– 3 autostrada, mundësisht kah livadhet e veta.

– Riperseritja e premtimit per korrigjim te demarkacionit qe e votuan vetë.

Asnjë fjalë për programin e përbashkët qeveritar e cila si duket sështë diskutuar fare.

Asnjë fjalë per luftimin e pandemisë e shëndetësinë.

Asnjë fjalë per krizën ekonomike ,as për punesim, e zhvillim ekonomik. E ne fund do sllogane bajate.

Lidhja Demokratike e Kosovës ka kërkuar nga Isa Mustafa, kryetar i kësaj partie që të jetë i mandatuari për kryeministër, tash që presidenti i vendit, Hashim Thaçi ia ka kaluar të drejtën për propozimin e qeverisë cilësdo prej partive që arrin t’i sigurojë 61 vota, shkruan Gazeta Express

Nënkryetari i LDK’së, Lutfi Haziri ka deklaruar sot për Gazetën Express se partisë së tij do të i bënte nder në rast se Isa Mustafa pranon që të jetë i mandatuari për kryeministër.

“Nëse pranon kryeministri dy Isa Mustafa na kish bë nder”, ka deklaruar Haziri.

Ai ka deklaruar për Gazetën se edhe në rast se kreu i LDK’së nuk pranon që ai të jetë i nominuari, atëherë për emrin do të vendosë vet.

“ Edhe nëse ai nuk pranon mund të kandidojë çdo kënd nga radhët e LDK’së”, ka deklaruar Haziri për Express.

Mustafa pas takimit me partitë politike dhe presidentin e vendit ka bërë të ditur se nesër do të mbledhin kryesinë e partisë për të vendosur për mandatarin.

Presidenti i vendit, Hashim Thaçi është takuar sot me partitë politike të cilët i ka pyetur se a janë për zgjedhje të reja, apo për formim të qeverisë.

Pasi që vetëm Vetëvendosje ishte kundër, Thaçi tha se cilado parti që i ka votat që duhen për në Kuvend, mund të bëjë propozimin për mandatarin.

Express ka marrë vesh se seanca për votimin e qeverisë së re mund të thirret të premten, ose më së largu në fillim të javës së ardhshme.

Sot gjatë ditës, Mustafa ka mbajtur takime edhe me liderët e partive me të cilët po synon të bëjë krijimin e koalicionit.

Presidenti Hashim Thaçi, pas takimit me përfaqësuesit e partive politike, thotë se ka marë pëlqimin e shumicës që të formohet një Qeveri e re.

Thaçi përlqimin e partive e ka konvertuar në numrin e deputetëve, duke thënë se nga partitë që përfaqësojnë 120 deputetë, përfaqësuesit e 91 prej tyre kanë qenë kundër shpalljes së zgjedhjeve dhe pro një Qeverie të re.

“Sapo përfundova takimin me liderët e partive politike të përfaqësuara në Kuvendin e Republikës së Kosovës dhe nga 120 deputetë, përfaqësuesit e 91 prej tyre u shprehën për krijimin e një Qeverie të re të dalë nga zgjedhjet e 6 tetorit 2019. Unë do ta respektoj vullnetin e tyre, Kushtetutën dhe ligjet e Kosovës”, ka shkruar Thaçi, transmeton Gazeta Express.

Presidenti i vendit e ka paralajmëruar Qeverinë e re në ditët e ardhshme dhe ka vendosur që të mos shpërndahet Kuvendi.

“Në ditët e ardhshme, Kosova do të ketë Qeveri të re dhe nuk do të ketë shpërbërje të Kuvendit dhe as zgjedhje të reja. Kosova ka aftësi dhe maturi që edhe përkundër kësaj pandemie të formojë Qeveri të re dhe të garantojë funksionimin demokratik të institucioneve të Republikës së Kosovës”.

Heqja e reciprocitetit do të jetë një nga vendimet e para për të cilat ka paralajmëruar se do t’i marrë LDK-ja në rast se i jepet e drejta për ta krijuar qeverinë. Me këtë qëndrim të partisë së Isa Mustafës, po pajtohet edhe AAK-ja që sipas të gjitha gjasave do të jetë partneri kryesor i Lidhjes Demokratike në koalicion, shkruan Gazeta Express.

Qeveria në detyrë e Kosovës në vazhdimësi është duke marrë thirrje për heqje të masës së reciprocitetit me Serbinë, në mënyrë që të krijohen kushtet që Prishtina e Beogradi të ulen në tavolinë të bisedimeve pas gati më shumë se dy vitesh prej kur dialogu po qëndron pezull.

Megjithatë, Qeveria në dorëheqje, që ka marrë vendimin për reciprocitetin dhe atë për heqje të taksës, ka deklaruar se një masë e tillë do të vazhdojë që të mbetet në fuqi.

Ndryshe, nga kreu i Qeverisë në detyrë po deklarohet LDK-ja, që me shumë gjasë do ta formojë qeverinë e ardhshme.

Kreu i kësaj partie, Isa Mustafa, ka deklaruar se vendimi i parë që do të merrte qeveria e krijuar nga LDK-ja do të ishte heqja e reciprocitetit. Shefi i Lidhjes Demokratike tha se kjo masë do të vazhdohej me reciprocitet të plotë tregtar, ekonomik e politik në rast se Beogradi nuk i heq pengesat ndaj Kosovës.

Por, a pajtohen me këtë qëndrim të LDK-së edhe ata që me gjasë do të jenë partnerët e ardhshëm të kësaj partie në qeverisje.

Gazeta Express sot gjatë ditës ka kontaktuar deputetin e AAK-së, Pal Lekaj, me të cilin ka diskutuar për qëndrimin e Aleancës lidhur me paralajmërimin për heqje të reciprocitetit.

Lekaj i ka thënë Gazetës se Albin Kurti, kreu i Qeverisë në detyrë, është ai që ka bërë një gabim duke larguar taksën dhe duke luajtur me fjalë për reciprocitetin.

“Aleanca qëndrimin për taksën e ka pasur shumë të qartë duke e përdorur atë si instrument për fuqizim ekonomik dhe politikë. Shumë kanë thënë se KM Haradinaj do ta pezullon taksën pas pak javësh, por ai e mbajti deri kur dha dorëheqje. Tani KM Kurti, bëri gabim fundamental duke e larguar taksën dhe duke luajtur me fjalë për reciprocitetin”, thotë ai.

Lekaj i ka thënë Expressit se qytetarët e Kosovës nuk duhet që të drejtojnë gishtin ka Aleanca për këtë çështje, sepse vendimet e gabuara për këtë temë sipas tij i ka marrë Kurti.

“Populli i Kosovës nuk duhet ta drejtojë gishtin kah Aleanca për këtë temë, pasi që Kurti pa asnjë nevojë e mori hapin e gabuar rreth taksës dhe reciprocitetit. Kjo duke e bërë të mjegullt se çka është reciprociteti. Vendimi për taksën mbante edhe reciprocitetin. Për AAK-në taksa nuk ish-larguar kurrë”, ka deklaruar ai.

Lidhja Demokratike e Kosovës tashmë e ka marrë pëlqimin e Këshillit të partisë për një koalicion me AAK-në, Nismën, AKR-në dhe minoritetet.

Kreu i kësaj partie, Isa Mustafa, tha sot se janë duke pritur thirrjen e presidentit Hashim Thaçi, për të diskutuar lidhur me emrin për mandatarin. /GazetaExpress/

Kryetari i Lidhjes Demokratike të Kosovës, Isa Mustafa, ka thënë se Lidhja Demokratike e Kosovës është për krijim të institucioneve të reja pa shkuar fare në zgjedhje të reja.

Në takim me presidentin e vendit, Mustafa ka thënë se partia e tij është e gatshme që të merr përgjegjësitë për krijimin e shumicës në Kuvendin e Republikës së Kosovës nëse i ofrohet një mundësi e tillë.

Ai ka thënë se edhe situate aktuale në të cilën gjendet Kosova, pra përballja me pandeimnë COVID-19, pamundëson shkuarjen në zgjedhje të reja dhe shfaq nevojën për krijimin e institucioneve të reja që mund të punojnë në kapacitet të plotë.

“Unë dhe në emër të LDK’së vlerësojmë që në këto momente nuk duhet të shkojmë në zgjedhje dhe se duhet të bëjmë përpjekje që të themelojmë një qeveri që ka mandate nga Kuvendi dhe që mund të qeverisë vendin në mënyrë normale”. Në besojmë se Qeveria në detyrë nuk i përgjigjet kërkesave në tërësi që shtrohen para saj, sepse Kuvendi ka shprehur mosbesim ndaj kësaj qeverie me 82 vota me mocion mosbesimi.Vendit i nevojitet një qeveri që mund të punojë në kapacitetet të plota. Momenti i tanishëm që po ballafaqohet Kosova nuk mundëson që ne të organizojmë zgjedhje normale dhe të rregullta dhe kjo është një factor shtesë që ne të bëjmë përpjekje të bëjmë një qeveri që siguron një shumicën në Kuvendin e Kosovës dhe këtë ta bëjmë sa më shpejtë.Si LDK jemi të gatshëm që të ndërrmarim iniciativën që të sigurojmë shumicën, nëse na ofrohet kjo përgjegjësi dhe mendoj që këtë duhet të bëjmë bashkarisht”, ka thënë Mustafa./Express/

Kreu i PDK’së, Kadri Veseli ka deklaruar sot në takimin me presidentin dhe kryetarët e partive politike se momentalisht nuk janë që të shkohet në zgjedhje të reja, shkaku i pandemisë, raporton Gazeta Express.

Veseli ka deklaruar se në këtë kohë liderët do të duhej të ishin duke diskutuar për krizën shkaku i pandemisë.

“Koha që po kalojmë ndoshta edhe këtë takim do ta bënte më kuptim plotë nëse do të ishte një preokupim mbi pandeminë, apo edhe pakon për t’i dalë në ndihmë kërkesave të qytetarëve. Sidoqoftë situata e krizës është një situatë e pazakontë që është shkaktuar nga vetë ata që do të duhej të qeverisnin, përveç kësaj një acarim të jashtëzakonshëm politik me qëllim të qartë protagonismin me qëllim përfitimin elektoral.

Qeveria që është në largim me vetë hapat që ka ndërmarrë e ka blloku Kosovën dhe vetveten dhe ka dëmtuar gjitha masat nëse shohim që i ka marrë ose kanë shkelje ligjore ose shkelje të Kushtetutës.

Pjesa e situatës në veri është aspekti më i rëndë, kemi lejim të institucioneve që vendos gjendje formale juridike në Kosovë. Të gjithë e dimë që ka pasur struktura paralele po s’ka askush të drejtë t’i frikësojë qytetarët e Kosovës që e legjitimon vendimin e Vuciqit”, ka thënë ai, duke shtuar se PDK’ja është e gatshme t’i dalë zot cdo qytetari.

“Ne jemi të gatshëm çdo qytetari t’i dalim zot, të marrim përgjegjësi për çdo qytetar, kjo është një situatë në të cilën jemi që është më e rëndë se kjo për të cilën po flasim.

Edhe nëse dojmë zgjedhje, nuk po mund të shkojmë shkaku i pandemisë, edhe nëse dojmë me la këtë qeveri nuk mundemi. Për faktin se duke mos qenë gjendje e jashtëzakonshme marrin vendime jo kushtetutese”, tha ai.

Veseli ka kërkuar nga presidenti që të merr vendim duke u bazuar në Kushtetutë.

“Ju president e keni mandatin kushtetues, deri në sekondën kur e mbani mandatin, nuk është çështje e vullnetit politik po vendim i juaj që të jeni gardian i kushtetutës dhe ti jepni zgjedhje kësaj çështje.

Ne do të presim që kur të krijohen kushtet dhe rrethanat që të kemi edhe zgjedhje të jashtëzakonshme”, ka deklaruar ai.

Në takimin e thirrur nga Presidenti Hashim Thaçi, kreu i AAK’së, Ramush Haradinaj, ka thënë që partia e tij është kundër shpalljes së zgjedhjeve dhe se përkrah idenë e formimit të një qeverie të re të votuar nga parlamenti ekzistues.

Thaci po mban konsultim me përfaqësuesit e partive politike në vend. Haradinaj ka thënë se partia e tij nuk dëshiron që të shpërndahet Kuvendi dhe të shpallen zgjedhjet.

“Nuk jemi për shpërbërjen e parlamentit. Kemi mbajtur zgjedhje që janë pranuar nga të gjithë. Ky parlament është legjitim. Ky parlament e ka obligim me ia kthy vendit një Qeveri me mandat të plotë”, ka thënë Haradinaj.

“Ne përkrahim krijimin e një Qeverie në kuadër të këtij parlamenti dhe përkrahim angazhimin e të gjithëve për situatën e krijuar”, është shprehur kreu i AAK’së.

Kreu i Listës Serbe, Goran Rakiq, ka thënë se partia e tij nuk përkrah shkuarjen në zgjedhje të jashtëzakonshme në këtë kohë.

Në takimin me presidentin Hashim Thaçi, Rakiq ka thënë se në këtë situatë që gjendet Kosova, pra në kohën kur po përballet me pandeminë COVID-19 mbështesin krijimin e një qeverie të re në legjislaturën aktuale.

Kundër zgjedhjeve të reja janë shprehur edhe Lidhja Demokratike e Kosovës, AAK dhe Partia Demokratike e Kosovës, derisa Lëvizja Vetëvendosje ka insistuar që të shkohet në zgjedhje të reja./Express/

Presidenti i Kosovës, Hashim Thaçi po zhvillon një takim konsultativ me partitë parlamentare lidhur me mundësinë e krijimit të qeverisë së re apo shkuarjes në zgjedhje.

Albulena Haxhiu ka marrë pjesë në takim nga VV’ja në vend të kryetarit të partisë, Albin Kurti.

Haxhiu ka thënë se pjesëmarrja e kryetarit Kurti takim në rrethana normale është jo serioz sepse ftesa nga Presidenti Thaçi për partinë e saj ka ardhur 1 orë e gjysmë para takimit.

“Në rrethana normale është jo serioze që të merr pjesë në këtë takim, pasi që vetëm 1 orë e gjysmë përpara jemi ftuar. Me këtë urgjencë ne do të tduhej të vepronim në drejtim të luftimit të pandemisë. Por sic po duket nuk jeni të interesuar pasi që nuk ishit present në takimin që kryeministri në detyrë Kurti ju ka ftuar, sic duket jeni bërë bashkë për të dalë kundër Vetëvndosjes”, ka thënë Haxhiu.

Haxhiu ka thënë se thirrja e këtij takimi nga Presidenti Thaçi është në kundërshtim me Kushtetutën.

“Ky takim sot në këtë format është në shpërputhje me kushtetutën e Kosovës dhe me aktgjykimin e Gjykatës Kushtetuese sepse Presidenti mund të konsultohet vetëm me partinë që ka fituar shumicën në Kuvend”, ka thënë Haxhiu.

Ministrja në detyrë i ka kërkuar Presidentit që të respektojë kushtetutën

“Ju ftoj që t’a respektoni Kushtetutën e Kosovës. Ju nuk keni të drejtë dhe as autorizim kushtetues, ju nuk e keni në mandate të përcaktoni se si e cfarë duhet të jetë kushtetuta Respektoni përgjegjësitë tuaja kushtetuese dhe të kryeni detyrat tuaja vetëm President, roli juaj në politikë nuk është aktiv. Ju këshilloj dhe kërkoj që të respektoni Kushtetutën e Republikës së Kosovës dhe të mos ftoni këso takim që janë shkelje të Kushtetutës”, ka thënë ajo./GazetaExpress/

Lidhja Demokratike e Kosovës (LDK) dhe Aleanca për Ardhmërinë e Kosovës (AAK) kanë filluar takimet në kuadër të përpjekjeve për arritjen e koalicionit të ardhshëm qeverisës në Kosovë.

Liderët e të dy partive, Isa Mustafa i LDK-së dhe Ramush Haradinaj i AAK-ë kanë zhvilluar një takim në të cilin, sipas informacioneve që u dhanë më pas, është diskutuar vetëm për lidhjen e koalicionit, por jo edhe për ndarjen e pozitave.

Besnik Tahiri, nga Aleanca për Ardhmërinë e Kosovës tha gjatë një konference për gazetarë se takimi kishte si qëllim trajtimin e çështjes së koalicionit. Por, ai tha se fillimisht pritet vendimi i presidentit Hashim Thaçi në lidhje me mandatin kushtetues që duhet t’ia ofrojë eventualisht, LDK-së për formimin e qeverisë.

Presidenti Thaçi ka paralajmëruar se këtë javë do të ndërmerr veprime konkrete për formimin e qeverisë së re. Këto veprime, Thaçi pritet t’i ndërmerr si rezultat i votimit në Kuvend të mocionit të mosbesimit ndaj qeverisë së Kosovës më 25 mars.

Thaçi i ka kërkuar disa herë partisë fituese të zgjedhjeve, Lëvizjes Vetëvendosje që ta caktojë mandatarin për formimin e qeverisë, por Vetëvendosje dhe lideri i saj, Albin Kurti ende nuk e kanë nominuar mandatarin.

Nisur nga ky mosveprim i Vetëvendosjes, partia e dytë në zgjedhje, Lidhja Demokratike e Kosovës ka shprehur gatishmërinë që ta formojë qeverinë pa Vetëvendosjen. Pjesë e qeverisë që do të drejtohej nga LDK-ja, nuk do të jetë as Partia Demokratike e Kosovës. Kështu të paktën ka deklaruar lideri i saj, Kadri Veseli.

Takimi i liderit të LDK-së, Isa Mustafa me AAK-në ishte i pari në vazhdën e krijimit eventual të një koalicioni qeverisës. Takime të ngjashme priten edhe me Nismën Socialdemokrate, Aleancën Kosova e Re, Listën Serbe si dhe komunitetet tjera joshumicë, pasi që për formimin e qeverisë, Mustafës do t’i nevojiten të paktën 61 vota në Kuvend. rel

Kryetari i PDK, Kadri Veseli ka hedhur poshtë çdo mundësi që partia e tij që është dhe më e madhja opozitare të bëjë koalicion me LVV apo LDK.

Sipas tij në PDK kanë ardhur njerëz nga këto parti për tëdiskutuar për koalicion por Veseli hedh poshtë çdo mundësi që ai të jetë në qeveri me një nga këto 2 parti.

Pasi LDK ra dakord për një koalicion me AAK- Nisma Socialdemokrate u aludua se LVV e Albin Kurtit mund të kishte një koalicion me PDK por Veseli hedh poshtë çdo mundësi.

“Nuk kanë nevojë me e mashtru opinionin për izolim e të më çojnë mu njerëz me ba Qeveri të përbashkët. Me asnjërin s’kam me pasë qeveri. As këta që shkuan, nuk kanë shanse. As këta që vijnë, nuk kanë me pasë shancë me këtë mentalitet, partneritet në qeverisje të përbashkët. As këta që po kalojnë nuk kanë nevoje me dergu njerëz me u marrë vesh me shiqu qysh me e ba qeverinë. Ju kam tregu si syni. Po edhe këta që po hyjnë tash s’kanë të nevojë të flasin PDK me qenë pjesë e tyre. PDK nuk do të jetë me asnjë palë”, ka thënë Veseli në një intervistë për Reporteri.Net .

Sikurse lindja e parë qe ndodhi me vështirësi të mëdha ashtu e rrita dhe zhvillimi i Qeverisë Kurti kapërcyen nëpër veshtirësi të mëdha.
Jetëgjatësia e kësaj lindje të parë të foshnjes (qeverisë) ndodhi për shkakun e mos kujdesit të duhur të Albin Kurtit ndaj foshnjes (qeverisë) dhe faktorëve të jashtëm atmosferik (politik) që ndikuan në vdekjen e parakohshme e të sapolindures ‘Qeveri Kurti’.

Nga rënja në ngjizje të re

E imagjinoj dhimbjen e madhe të Kurtit për humbjen e foshnjes (qeverisë), por në asnjë rrethane nuk guxon ta humbas arsyen e të menduarit dhe logjikën e shëndoshë të veprimeve politike.
Pikërisht në rrethana të vështira dëshmohet dhe sprovohet madhështia e njerëzve të mëdhenjë, me menaxhimin e dhimbjes dhe trazimit të brendshëm shpirtëror.
Pavarësisht faktit se shkaktarët e vdekjes (rënjes) së foshnjes (qeverisë) janë brenda shtëpisë (shtetit), nuk duhet t’i vihet flaka shtëpisë, përkundrazi duhet mbledhë forcë në tejkalimin e dhimbjes derisa të krijohen kushtet optimale për një ngjizje të re.
Që ngjizja e ardhshme të jet e shëndoshë dhe suksesshme, nevojitet dashuri e sinqertë dhe kujdes në lëvizje dhe veprime…
Për të mos ardhur deri tek deshtimi i dytë, Albin Kurti duhet të bëjë kujdesin maksimal në mos përseritjen e gabimeve në ngjizje, lindje dhe rritje të foshnjes (qeverisë) së dytë.
Për lindjen, rritën dhe zhvillimin e foshnjes (qeverisë) së radhës, kujdesi fillon nga zgjedhja e partnerit, respektimi i të drejtave dhe obligimeve të barabarta ndaj frutit të përbashket (marrëveshjes qeverisëse).

Tryezë e vonuar dhe e pavlerë

Sikurse tryeza e organizuar dje nga Albin Kurti, të ishte mbajtur në fillim të përhapjes së “Covid-19”-it në Kosovë, me siguri situatën do ta kishim më ndryshe,…foshnja (qeveria) do të ishte duke u rritur në djepin e saj dhe se edhe pak ditë do t’i kremtonim të gjithë së bashku 100 ditorin e lindjes së saj.
Tryeza e vonuar e organizuar nga kryeministri në detyrë, Albin Kurti në të cilën kishte thirrur liderët e të gjitha partitë politike, për të diskutuar lidhur me situatën rreth pandemisë “COVID-19”, përveqse e vonuar, na doli të jetë edhe pa vlerë.
Nxitimi i Albin Kurtit në marrjen e vendimeve dhe anashkalimi i spektrit politik me rastin e aplikimit të masave për parandalimin e pandemisë, i është kthyer në bumerang të madh.

Loja e dyfishtë e LDK-së

Në anën tjetër, ish partneri qeverisës i Albin Kurtit, Lidhja Demokratike e Kosovës është duke i shfrytëzuar maksimalisht lëshimet e kryeminstrit, qoftë me prezencën e ministratrave të saj në qeveri, ashtu edhe me kundërshtimin e çdo veprimi qeveritarë, siq ishte aplikimi i ngurtë i masave të jashtëzakonshme për lëvizjen e qytetarëve e deri tek ai i pranimit të testeve për “Covid-19” nga Serbia.
LDK-ja, me mbajtjen e ministrave në qeverinë e dorëhequr, veprimet e të cilës i kundërshton vazhdimisht edhe atëherë kur nuk janë për t’u kundërshtuar, duke i mbajtur duart e zgjatura në dy qeveri; në atë të Kurtit dhe atë të “Thaçit” në ardhje është duke e bërë lojën e dyfisht dhe të pasinqertë.
Pavarësisht kompozimit të qeverisë dhe kryeministrit në ardhje, ajo do të jetë një qeveri e kontrolluar nga presidenti Thaçi, me një kryeminstër kukull që zbaton urdhëra nga lartë.

Thirrjet për trazira, ogur i zi për Kosovën

Deklarata e Kurtit “se në rast se në Kosovë krijohet një qeveri e re pa shkuar në zgjedhje, atëherë mund të ketë protesta masive në vend”, janë paralajmërim i keq dhe oguzi për Kosovën
Tendencat për mbajtjen me forcë të pushtetit, gjegjësisht përmes shkaktimit të trazirave në vend, paraqesin rrezik të madh për shtetin e Kosovës.
E tillë ishte edhe thirrja disa ditëve më parë e kryetarit të Mitrovicës (anëtar i LVV-së); “Presidenti t’i shpallë zgjedhjet, ndryshe mund të ketë vëllavrasje”, e cila kishte provokuar reagime të spektrit të gjërë politik dhe mediatik, pakënaqësi dhe shqetësim të shoqërisë civile në vendin tonë.
LVV-ja nëse e mendon ngritjen e saj politike, atëherë duhet të shkëputet përfundimisht nga e kaluara e saj, përkatësisht nga praktikat e veprimeve të dhunshme.
Pavarësisht mënyrës komplotiste të shkarkimit të qeverisë, Albin Kurti duhet ta merrë me qetësi largimin nga pushteti. Duke nxjerrë mësimet e duhura nga kjo rënje, ngritjen duhet ta bëjë në mënyrë demokratike dhe civilizuese siq e bëjnë të gjithë liderët partiak në vendet e zhvilluara.
Jo vetëm LVV-ja, por të gjitha partitë politike duhet t’i ulin armët e vëllavrasjes, të ndërprejnë gjuhën e urrejtjes dhe përçarjes nacionale.

Të pranohet realiteti dhe rregullat e lojës parlamentare

Të gjithë liderët e partive politike duhet ta kuptojnë një gjë, se betejat politike në shekullin 21 nuk fitohen me forcën e muskujve dhe as kërcënimin e armëve, por me forcën e argumenteve, me dije e mençuri, me tolerancë e bashkëpunim, me respekt e mirëkuptim, me humanizëm dhe dashuri njerëzore.
Deshëm apo s’deshëm ta pranojmë, është edhe një fakt tjetër, se kuvendi deri në (vet) shpërbërje e ka legjitimitetin e qytetarëve, pavarësisht rikompzimit të grupeve parlamentare në Kuvend.
Për fatin e keq të Kosovës dhe qytetarëve, të gjitha partitë janë bërë të njëjta, sikurse janë bërë përafërsisht të njëjtë të gjithë liderët partiak, të kthyer në sundimtar dhe arrogantë në veprimet e tyre, duke injoruar njëri-tjetrin, shkelur ligjin dhe mohuar rregullat e demokracisë parlamentare.
Me këtë klasë politike të ndarë dhe të përqarë, të joshur pas posteve dhe privilegjeve të pushtetit, gërshërët e kasapëve të Ballkanit do të depërtojnë thellë në territorin e Kosovës.

Ministri në detyrë i Infrastrukturës dhe Mjedisit, Lumir Abdixhiku, thotë se Serbia i ka ndaluar transportuesit e mallrave, që shkonin nga Kosova.

Abdixhiku shkruar në Tëitter se është e paparë që gjatë periudhës pandemike të ndalohen transportuesit, duke akuzuar autoritetet serbe për sjellje çnjërzore dhe kundër marrëveshjes rajonale për korridore.

“Është e paprecedent që gjatë pandemisë autoritetet serbe kanë bllokuar transportuesit e mallrave që vinin nga Kosova. Kjo është shkelje çnjerëzore dhe flagrante të marrëveshjes rajonale për korridorë të gjelbër gjatë betejës me COVID-19, për cka janë marrë vesh të gjashtë vendet e Ballkanit Perëndimor”, ka shkruar ministri në detyrë, transmeton Gazeta Express.

Nga gjërat e vogla deri ato të mëdha ,në fakt së si edhe i kupton njeriu, bëhët ajo që quhet –SHTET. Duke u nisur nga shtëpia, pronat tona , familja, farefisi, të gjitha janë sinonime të shtetit.Të nisemi nga rrugicat tona nga aty , ku i kemi shtepitë dhe pronat që na kan lënë baballarët tanë, e më largë , kjo është vendlindja jonë.

Kur fillojmë pak më largë më shikuar, duke filluar nga komshitë, deri të qyteti, e nga qyeteti në qytet, nga krahina në krahinë , kjo është Atdheu ynë .Nese kthehemi në krahun e kundërt të gjitha këtyre , nuk kemi më atdhe, e zhbëjmë ate?! Dhe, natyrisht kjo është tragjike. Neve sikur moti kemi filluar të shkojmë dhe ti shikojmë gjerat nga krahu I kundertë ?!Kur gjërat e imëta deri të ato të mëdhat fillojnë të na dukën asgjë , edhe asgjë na delë përfundimi.

Shqiptarëve , e veqmas atyre që po i drejtojnë dy shtetet tona , sikur kan përjetuar kallje truri! Sikur ju ka ndaluar sahati! As nuk po kthehen mbrapa nga historia , e as nuk po shikojnë përpara!E kan harruar prejardhjen e tyre dhe të popullit të vet! I kan harruar sakrificat historike për ta ruajtur çënjen tonë kombëtare ?! I kan harruar martirët , dëshmorët dhe heronjët , që ranë në altarinë e lirisë?! Ku po mbesim ne , ku është Atdheu ynë? Sikur i kemi harruar këto, dhe kemi harruar edhe kush është babai dhe nëna jonë?!

E kemi futur vetën në probleme të mëdha. Shikoni sinonimet.Nese Atdheu ynë është “ vendi” nga vjen babai, atëherë është Atdheu, apo në këtë rast vendi ku na lidhen të gjitha përjetimet tona ,të mira apo të keqija, ska rëndësi. Familja, vendlindja, prona janë ,ato janë që na lidhin.Janë të shenjëta për secili njeri. Edhe nese e kemi pasur apo e kemi jetën e keqe , neve na duken të mira, së ajo është fëmijëria dhe rinia jonë, është gjithëqka si një trup i vetëm.Do të ishte mirë të ndalemi pak, ti analizojmë të gjitha këto.Të ndalemi dhe të kuptojmë pse jemi bërë kaq të pakupueshëm, pse e kemi humbur durimin dhe njerëzilëkun? Ne gjithë këtë mesele më shumë po dukemi si mizantrop, autoshovenstë, nuk po e duam veteveten , nuk po e duam vendilndjën , dhe sigurisht pastaj nuk e duam as atdheun?! Pak gjë na ka mbetur nga tradita e mirë që e kishim si popull…?!