![](https://www.voal.ch/wp-content/uploads/2015/05/mehdihyseni3.jpg)
Barometri diplomatik – E GJITHË KOSOVA NË KËMBË, SË BASHKU ME ISËN DREJT BOLETINIT! – Nga Prof. Dr. MEHDI HYSENI
VOAL – PRISHTINË – Aksioni i Policisë së Kosovës për bastisjen e shtëpive të personave që thuhet se kanë marrë pjesë në konfliktin e Kumanovës, ka ngritur një debat në seancën e Kuvendit të Kosovës, në mes deputetëve të Aleancës për Ardhmërinë e Kosovës dhe ministrit të Drejtësisë, Hajredin Kuçi.
Derisa deputetja Donika Kadaj- Bujupi kërkoi nga ministri Kuçi të dinte se në bazë të çfarë vendimi policia ka bastisur në këto shtëpi. Megjithatë, Kuçi nuk iu përgjigj Kadaj-Bujupit, e kjo e shtyri deputetin e AAK-së, Daut Haradinaj të pyeste Kuçin se bastisja në këto shtëpi a është kryer pas urdhrit nga kryeministri maqedon, Nikolla Gruevski.
E ministri Kuçi tha se ai nuk është kompetent në këtë fushë dhe se nuk është përgjegjës për policinë.
Ndërsa, kryetari Veseli ka thënë se kanë dërguar kërkesë tek institucionet maqedonase që Këshilli për Mbrojtjen të Drejtat dhe Lirit e Njeriut të lejohet për t’i vizituar të burgosurit ,dhe për të ditur gjendjen e tyre. Ai tha se që nga dita e premte me 15 maj, janë duke pritur një përgjigje zyrtare nga shteti maqedonas. kp
Nëntë kosovarë të vrarë rezultojnë të jenë në Kumanovë dhe 21 të a arrestuar. Kështu ka thënë sot para Komisionit për Punë të Brendshme dhe Siguri Shpend Maxhuni. “Ne as sot nuk i kemi certifikatat e tyre që kanë vdekur në Kumanovë sepse Maqedonia ende nuk i ka lëshuar ato”, ka deklaruar Maxhuni, raporton gazetari i gazetës “Kosova Sot”.
Ndërsa, ministri i Punëve të Brendshme Skender Hyseni ka deklaruar se qeveria maqedonase është duke luajtur me të dhënat që po i kërkon Qeveria e Kosovës.
Hyseni ka deklaruar se nuk kanë të dhëna për raportin e AKI-së për personat e vrarë.
(Kosova Sot)
VOAL – Prishtinë, 18 maj – Ministri i Punëve të Brendshme të Kosovës, Skënder Hyseni mohon të ketë pasur informacione për situatën në Maqedoni, nga Agencia Kosovare e Inteligjencës.
“Ministria e Punëve të Brendshme nuk ka pranuar as një raport nga AKI për atë se çfarë ka ndodhur në Maqedoni. Ministria e Punëve të Brendshme nuk ka pasur asnjë informacion se mund të ndodhë ajo që ka ndodhur, ndërkaq, siç tha që nga 21 prilli i ka bërë të gjitha veprimet në territorin e Kosovës, ta sigurojmë kufirin, të ndërmarrë veprime operative, që të mos ketë veprime kriminale në Kosovë”, tha z. Hyseni gjatë raportimit në Komisionin Parlamentar për Sigurinë.
Hyseni tha se ajo çfarë ka ndodhur në Maqedoni është përgjegjësi ekskluzive e shtetit maqedon. Ai akuzoi autoritetet maqedonase se po luajnë me mënyrën e dorëzimit të emrave të të vrarëve, duke thënë se nuk e di sa është ky numër.
Qytetarët kërkojnë që Thaçi të tregojë pse Adem Jashari nuk pranoi të takohet dhe as të komunikojë me të, që nga viti 1993
Familja Jashari nga Prekazi legjendar më 5 mars të vitit 1998, së bashku me 20 pjesëtarë të familjes së ngushtë të Shaban Jasharit, ra heroikisht në altarin e lirisë, duke luftuar heroikisht kundër forcave okupuese policore-ushtarake serbe, me të vetmin qëllim, çlirimin e Kosovës nga okupatori vrasës serbian.
Duke kujtuar këtë heroizëm të familjes Jashari, edhe 16 vjet pas luftës vazhdon të shtrohet pyetja se ku ishin shokët e komandantit legjendar, Adem Jashari, në atë mëngjes të madh heroik, njëkohësisht të kobshëm, jo vetëm për Jasharët, por edhe për gjithë Kosovën dhe popullin shqiptar kudo që gjindej. Pse e lanë vetëm, pse nuk e ndihmuan, dhe shumë të tjera? Pse, pse? Kjo pyetje assesi nuk po merr një përgjigje, edhe pas më shumë se 16 vjetësh në paqe.
Pas perfundimit të luftës, të gjithë ngarendën të marrin meritat se (kinse) ishin bashkëluftëtarë të afërt të komandantit Adem Jashari dhe (sikur) e kishin shok të ngushtë.
Njëri prej tyre, pa dyshim, është ish-shefi politik i UÇK-së gjatë luftës, i njohur si ish-komandant ‘Gjarpri’, ish-kryeminister i Qeverisë së përkohshme të Kosovës, bashkëthemeluesi dhe kryetari i Partisë Demokratike të Kosovës, ish- kryeministri i vendit për dy mandate dhe aktualisht zev.i kryeministër dhe ministër i Jashtëm i Kosovës, Hashim Thaçi.
Por, zbardhja e së vërtetës nga vetë personazhet ndonjëherë edhe vonon, por janë të tjerët që e ruajnë dhe e sjellin nga kujtesa e tyre e freskët. Njëri nga njerëzit më të afërt të familjes Jashari dhe njeriu që kaloi orët e fundit me komandantin legjendar pak para se Adem Jashari së bashku me familje të vritej, duke mbrojtur pragun e shtëpisë,familjen dhe Kosovën , është deputeti Rexhep Selimi.
Ai në një intervistë, të dhënë për gazeten”Kosova Sot”, ka konfirmuar se Hashim Thaçi në gjashtë vitet e fundit të jetës së Adem Jasharit nuk ka takuar dhe as nuk kanë komunikuar me komandantin Adem Jashari. Kjo është e vërteta, ndërkaq thotë se i takon vetë Hashim Thaçit, perderisa është gjallë, të bëjë zbardhjen e arsyeve dhe shkaqeve që kanë çuar në ato raporte të ngrira.
“Adem Jashari nuk e ka ditur se ku janë ata, por ata e kanë ditur se ku është Adem Jashari, por nuk kanë ardhur asnjëherë që ta takojnë, edhe pse ata ( Hashimi dhe jo vetem ) herë pas here, sidomos që nga viti 1996 janë futur në Kosovë. Por, një gjë e di, që ata diku për 6 vitet e fundit të jetës së Adem Jasharit nuk janë takuar me njëri-tjetrin, as nuk kanë komunikuar me njëri-tjetrin…”, është shprehur para ca ditësh njëri nga protagonistët më kryesor të luftës së UÇK-së, Rexhep Selimi.
Këtë deklaratë të deputetit Selimi më së miri e plotëson dhe konfirmon edhe vetë Hashim Thaçi, me mosshkuarjen e tij prej shumë vjetësh në kullën e familjes më të ndëruar në Kosovë, Jashari, gjatë mbajtjes së shumë epopeve të UÇK-së, që mbahen për cdo përvjetor ,më 5-6 dhe 7 mars, në Prekaz.
Duke vlerësuar si një çështje e temë tepër të rëndësishme dhe se populli shqiptar në Kosovë dhe jashtë saj ka nevojë të dijë të vërtetën, gazeta “Kosova Sot Online” e ka realizuar një anketë me lexuesit e saj “online”.
Pyetja e anketës për lexuesit ishte: A duhet Hashim Thaçi t’ia shpjegojë popullit arsyet pse Adem Jashari nuk ka pranuar të takohet me të që nga viti 1993?
Në një bisedë te zhvilluar ne rrjetin social Facebook, ndërmjet Sami Ukshinit-Komandant Sokolit dhe dy te vrarëve ne luftimet e Kumanovës , Mirsad Ndrecajt dhe Beg Rizes, kritikohet ashpër Ali Ahmeti, duke e cilësuar atë si tradhtar dhe komunist.
Ne ju sjellim bisedën e zhvilluar pa ndërhyrje në tekst:
Beg Rizaj: A ala shqiptart po jetojn me andrra Amerika nuk i përkrah kriminelat e nëntokës ma me vija ka lindja e sllavizmi
Sami Ukshini: E Beg Riza ata qe jan rrit e edukuar me komunizmin, jan frymzuar me veprat e Leninit, qe sot fatkeqësisht ju prin shqptarve e i mashtrojnë per antarsim ne NATO e B.Evropian. Sikur këto te kishin qen nga Lindja do te ishin mbyllur tashme.
Mirsad Ndrecaj: Alijes ju ka prish busulla nuk po din ma ka asht lindja Apo perëndimi por prap ky asht si puna e iriqit ngrejë ka te duash ky prap ne lindjese aty i shkon shpirti komunist i përbetuar
Sami Ukshini: Po me duket se Dokumentat e dyta qe ja ka dhen KOS-i Alis i ka pas me qat emër..!
Misrad Ndrecaj: Sami Ukshini po ku mbet Mamica dajica strella drini gjeneratat e Udbashave qe janë shperbly me shume qmime e dekorata nga Dashakeqasit e Sqhiptarve
Beg Rizaj: Mirsad Ali Ahemti (Alekasnder Antic) Fazli Veliu (Ujak) Musa Xhaferi (Mama) Gzim Osdreni (Drin) Talat Xhaferi (Strela) kta jan qe i udhëheqësin vllezrit tan atje
Ilir Tahirsylaj: Komandant Sokoli Qka Po i bjen me kon Na Qe i kemi sherby Antiqi? Ti Sokol fort i ke raportu Antiqit, se une Begi e Mirsadi jemi kan ushtar sna ka vet kush
Sami Ukshini: Ilir ne atje kemi bere nje shërbim per vllezrit tan, sa i përket Alis ti e di se kush e ka emru. Jan do shoke te Alis qe ti hala po rrin me ta…!
Mirsad Ndrecaj: Kush janë ata Vlla ta dim edhe na
Shababn Vishaj: Pershendetje djem, qe ka vend per kritika këtu pajtohna edhe une ama te etiketohet Alia me kto etiketa une jam kategorik kundraj se nuk i shkojn përshtati!
Sami Ukshini: Shaban pom doket edhe ti e ke lexu Maji e Kuq
Mirsad Nrecaj: Sami qka eshte kjo Maji e Kuq
VOAL – MITROVICË – Kryetari i komunës së Mitrovicës, Agim Bahtiri, ka takuar në Kompleksin e Kullave në Boletin, familjarët e heroit Isa Boletini, të cilit edhe njëherë i kanë rikonfirmuar vendimin e prerë të tyre se eshtrat e heroit Isa do të rivarrosen vetëm në Boletin dhe askund tjetër, më 10 qershor të këtij viti, ashtu siç kishin vendosur institucionet më të larta të Republikës së Kosovës.
Ata, duke i shtrënguar duart mes veti dhe me kryetarin Bahtiri, janë betuar për një gjë të tillë. Në takim ishte i pranishëm edhe imami Mulla Asllan Murati, i cili për më shumë se 15 vjet i kishte ruajtur në një vend të fshehtë eshtrat e heroit Isa Boletini.
Bahtiri i ka falënderuar edhe njëherë familjarët e heroit Isa Boletini, para së gjithash nipin Xhavitin dhe stërnipin, Gazmendin, të cilët njëherë ishin pajtuar që rivarrimi i gjyshit të tyre të bëhet në Vlorë dhe më pastaj ndryshuan mendjen dhe vendosën që rivarrimi të bëhet në vendlindje, duke e mbështetur kështu vullnetin plebishitar të mitrovicasve dhe qytetarëve tjerë të shtetit të Kosovës e më gjerë.
Nipi i heroit, Xhavit Boletini dhe stërnipi Gamend Bolatini, falënderuan kryetarin Bahtiri, për interesimin e tij të pandërprerë për të rivarrosur eshtrat e heroit Isa Boletini në vendlindje, duke thënë njëkohësisht se këtë e vlerësojnë pa masë dhe nuk do ta harrojnë.
Ata në vazhdim i thanë kryetarit Bahtiri se pas reagimit të paparë deri tash në respektim dhe mbrojtje të vlerave dhe figurës së heroit Isa Boletini, si dhe kërkesës unanime që rivarrimi të bëhet në Boletin, u penduan dhe kuptuan gabimin që e kishin bërë duke u pajtuar që rivarrimi të bëhet përkohësisht në Vlorë, transmeton Telegrafi.
“Jemi të befasuar shumë për të mirë, nga reagimet anembanë Kosovës, Shqipërisë, Maqedonisë, Luginës së Preshevës dhe diasporës, me të cilat vlerësohej lartë kontributi dhe personaliteti i gjyshit tonë Isa. Nuk u hamendëm fare që të tërheqim pëlqimin tonë për rivarrosjen e eshtrave në Vlorë, edhe pse kemi respekt të jashtëzakonshëm për Vlorën dhe Ismail Qemalin. Mirëpo, ishte e qartë se populli e respekton dhe e donë shumë Isën në Kosovë, përkatësisht në Boletinin e tij, që me asgjë nuk e ndërroi. Tash të gjithë familjarët, bashkëfshatarët, qytetarët e Mitrovicës e të Kosovës, jemi unik dhe të vendosur që rivarrimi të bëhet vetëm në Boletin she askund tjetër”, thanë Xhaviti dhe Gazmendi.
Të gjithë familjarët e mbështetën fuqishëm propozimin e kryetarit Bahtiri, që të bashkërendojnë hapat dhe aktivitetet me institucionet e Republikës së Kosovës dhe Këshillin për Rivarrim, të caktuar nga Qeveria e Kosovës, për përgatitje për rivarrim të eshtrave të heroit Isa Boletini, ashtu siç është përcaktuar më parë, më 30 qershor të këtij viti, në Boletin.
Duke e ripërsëritur se përveç Boletinit, nuk ka alternativë tjetër për rivarrosjen e eshtrave të heroit Isa Boletini, familjarët thanë së nëse institucionet e Kosovës nuk e mbështetin vullnetin e familjarëve dhe të qytetarëve që rivarrimi të bëhet në Boletin, atëherë do ta bëjnë këtë bashkë me institucionet komunale, apo edhe vetëm ata, me ceremoni të thjeshtë familjare.
Por, kryetari Bahtiri i garantoi ata se nuk do i lë kurrë vetëm ata të rivarrosin eshtrat e njeriut që ka bërë shumë për Mitrovicën, Kosovën, Shqipërinë dhe gjithë shqiptarinë. “Mirëpo, unë jam i bindur se institucionet e Republikës së Kosovës do të respektojnë vullnetin e familjes dhe të qytetarëve dhe se do të vazhdojnë përgatitjet për rivarrimin e eshtrave në mënyrë madhështore e dinjitoze në Boletin, ashtu sikur që e meriton ky njeri i madh i kombit”, tha Bahtiri. /Telegrafi/
VOAL – Me nderime dhe homazhe, është shënuar sot 17 Maji, Dita e Dëshmorëve të Komunës së Gjakovës, njofton komuna e Gjakovës, përmes një kumtese për media.
Zyrtarë të Qeverisjes Lokale, asambleistë dhe përfaqësuesit e Organizatave të dala nga lufta, kanë bërë homazhe në Varrezat e Dëshmorëve në Gjakovë, pranë lapidarit “Shokët e Lirisë”, në varrezat e Dëshmorëve në Shqiponjë, si dhe në rajonet e ndryshme të Komunës së Gjakovës.
![Image](http://www.zeri.info/uploads/images/2015/May/17/auto_gjk_31431874042.jpg)
Gjithashtu, sot është shënuar edhe 16 vjetori i çlirimit të fshatit Shqiponjë, ku në një Akademi rasti, organizuar nën patronatin e Komunës së Gjakovës, fjalë rasti ka mbajtur nënkryetari i Komunës së Gjakovës, Ramadan Hoti, i cili ka vlerësuar lartë sakrificën e Dëshmorëve dhe kontributin e dhënë nga luftëtarët e lirisë për lirinë e Shqiponjës, Gjakovës dhe mbarë Kosovës.
![Image](http://www.zeri.info/uploads/images/2015/May/17/auto_gjk_21431874040.jpg)
“Ky vend i Dushkajës së Gjakovës, për çdo trim u bë ideal, duke reflektuar dritën e ndonjë vendi të shenjtë, se këtu u jetua dhe u përjetësua për liri. Në këtë vend uniforma e lavdisë u lartësua me sakrificën dhe trimërin e djemëve të brigadave 132 “Myrtë Zeneli” dhe 135 “Agim Zeneli”, formacione ushtarake të cilat i treguan armikut vendin dhe e bënë të kuptoj se Shqiponja dhe Gjakova të gjallë nuk dorëzohen”, tha ndër të tjera nënkryetari Hoti, thuhet në komunikatë.
Po ashtu fjalë rasti në këtë përvjetor kanë mbajtur edhe deputetët e Kuvendit të Kosovës, Rexhep Selimi, Daut Haradinaj dhe Pal Lekaj. /Zëri/
![Image](http://www.zeri.info/uploads/images/2015/May/17/auto_ghk_51431874038.jpg)
VOAL – PRISHTINË – Në Kosovë mbi 574 mijë tonë ka qenë sasia e mbeturinave komunale të grumbulluara në vitin 2013. Rreth 317 kilogramë mbeturina është mesatarja e gjeneruar për kokë banori, apo vetëm në rajonin e Prishtinës, për vitin 2013 sasia e mbeturinave komunale ka arritur 1.4 kilogram në ditë për një banor.
Kështu thuhet në raportin e fundit “Disa fakte mbi mjedisin 2015”, të publikuar nga Agjencia e Statistikave të Kosovës, (ASK) ku tregohet se në Kosovë grumbullimi i mbeturinave derë më derë ishte 69 për qind, ndërsa në banim kolektiv ka qenë 31 për qind.
Lidhur me këtë, ekspertë të ambientit konsiderojnë se sasia e mbeturinave për kokë banori në Kosovë është shumë e lartë.
Profesori Zeqir Veselaj, në një prononcim për Radion Evropa e Lirë, thotë se një aspekt që e komplikon situatën e mbeturinave në Kosovë, është se në politikat e Bashkimit Evropian, menaxhimi i mbeturinave administrohet nëpërmjet një sistemi që quhet piramida e mbeturinave.
Në bazë të kësaj piramide, sipas tij, në radhë të parë vjen parandalimi i mbeturinave, ripërdorimi, riciklimi dhe krejt në fund është deponia. Kurse, në Kosovë ndodh e kundërta.
“Kjo piramidë që ekziston në Bashkimin Evropian, në Kosovë në fakt është kthyer përmbys. Në Kosovë zgjidhja e parë është deponia. Te ne, shumë pak ose aspak nuk i kushtohet vëmendje mundësisë së parandalimit të mbeturinave që në burim. Nuk kemi raste kur qytetari mund të marrë një qese tekstili që të marrë bukën, si nevojë e përditshme, por zakonisht i jepet me një qese plastike dhe ajo qese plastike menjëherë pas përdorimit shndërrohet në hedhurina”, thotë Veselaj.
Edhe Zyra e Auditorit të Përgjithshëm në një raport të quajtur “Menaxhimi i sistemit të mbeturinave komunale”, thuhet se Kosova ka problem serioz me menaxhimin e mbeturinave komunale.
Kompanitë Rajonale të Mbeturinave, thuhet në raport, nuk i mbledhin mbeturinat në tërë territorin e vendit. Vetëm 50 për qind popullatës së vendit pranojnë shërbime pastrimi, prej tyre90 për qind jetojnë në zona urbane dhe 10 për qind në zona rurale.
Edhe aty ku mbeturinat mblidhen, shërbimet e ofruara nuk janë në nivelin e duhur. Kjo ka rezultuar me krijimin e deponive të egra të mbeturinave në ambiente publike dhe në gjendjen e rëndë mjedisore në vend.
Por, disa qytetarë konsiderojnë se përveç menaxhimit joadekuat të hedhurinave nga autoritetet kompetente, një pjesë fajit për ambient të ndotur e kanë vetë qytetarët e Kosovës.
Learta Blakaj, studente në vitin e parë në Fakultetin e Mjekësisë, thotë se ka njerëz që kujdesen për ambientin, por, sipas saj, ka edhe të atillë që nuk kanë kujdes fare.
“Në përgjithësi, ka njerëz që janë të kujdesshëm, unë kam hasur në persona të tillë. Por, nuk janë të paktë as ata, të cilët janë plotësisht të pandërgjegjshëm dhe nuk i hedhin mbeturinat në vendet e caktuara, por zakonisht rrugës ose në vendet ku janë duke kaluar andej pari. Një pjesë e madhe e fajit për një ambient jo të pastër është edhe e qytetarëve, të cilët nuk janë të kujdesshëm dhe u japin arsye të tjerëve që të ankohen për ta”, thotë Learta.
Klasifikimi i mbeturinave vlerësohet mekanizëm drejt përmirësimit të menaxhimit të tyre, madje kjo është edhe kërkesë ligjore, e cila është përfshirë edhe në strategjinë 2013-2022 për menaxhimin e mbeturinave për të lehtësuar riciklimin.
Në raport, ndërkaq, thuhet se është detyrë e komunës ta organizojë sistemin e klasifikimit dhe ta themelojë një infrastrukturë të përshtatshme për ta mundësuar këtë proces.
Se riciklimi është një ndër metodat më të mira për të zvogëluar sasinë e mbeturinave, thotë edhe profesori Zeqir Veselaj.
“Në disa materiale që mund të riciklohen qëndrojmë më mirë, siç është rasti me kanaçe, riciklimi është në faza shumë të hershme, riciklimi i metaleve, skrapit është në faza të avancuara, kurse riciklimi i plastikës dhe qelqit është në faza shumë të hershme, mos të them se nuk ekziston fare”, thotë Veselaj për Radion Evropa e Lirë.
Edhe në raportet e organizatave ndërkombëtare është theksuar se Kosova gjendet në pozitë të rëndë mjedisore.
Sipas një analize të mëhershme të Bankës Botërore është thënë se një realitet i tillë e rendit Kosovën në nivelin më të ulët të standardeve mjedisore në Ballkanin Perëndimor dhe në Evropë.
Ndotja e ajrit, ujit dhe tokës kanë marrë përmasa alarmante dhe gjendja po keqësohet në Kosovë çdo ditë e më shumë.
![](https://www.voal.ch/wp-content/uploads/2015/05/mehdihyseni2.jpg)
Barometri diplomatik – HEROI ISA BOLETINI TË VARROSET NË BOLETIN – JO SIPAS DIKTATIT TË BEOGRADIT! Nga Prof. Dr. MEHDI HYSENI
Lidhur me justifikimin, pse Isa Boletini, duhet të varroset në Boletin, jo në Vlorë, më së miri flet komenti me titull “Atentati i dytë do të ishte nëse Isa Boletini nuk varroset në vendlindje”, shkruar nga Prof.Dr. Hakif Bajrami, njëri nga historianët më shquar dhe, njëherazi njëri nga analistët politikë më të frytshëm dhe më të njohur të Kosovës (1989-2015).
Ligjërisht, sipas së drejtës natyrore, legjitime, legale, morale, dhe sipas të të gjitha konventave ndërkombëtare (karta, rezoluta, deklarata, protokolle, marrëveshje etj.) mbi liritë dhe të drejtave të njeriut, vetëm familiarët e Isa Boletinit mund të marrin vendim të ligjshëm, duke shprehur dëshirën dhe vullnetin e tyre, se ku ta varrosin heroin e tyre në Boletin apo në Vlorë, e jo as Hashim Thaçi, as Edi Rama e as Samuel Zhbogari, as Evropa e as Beogradi, sepse kjo nuk është çështje politike e askujt, as kurrfarë akti kërcënues ndaj askujt, por vetëm çështje private e familjes së Isa Boletinit
Vetëm Slloba ka diktuar varrosjen e kufomave të masakruara shqiptare nëpër Serbi deri në Danub (1989-1999)!!!
VOAL – PRISHTINË – Kryetari i Këshillit për Mbrojtjen e Luftëtarëve të UÇK-së Xhevdet Qeriqi, i ka shkruar sonte, përmes facebook-ut, një letër bashkëluftëtarit të vet, komandantit Sami Ukshini – Sokoli, njërit nga pjesëtarët e grupit që luftoi në Kumanovë, për të cilin thuhet se gjendet në arrest në Maqedoni. Ai, gjithashtu, është i bindur se grupi ka qenë i tradhtuar.
Qeriqi në letrën e vet e quan të dinjitetshme luftën që Ukshini me shokë e bënë në Kumanovë dhe thotë se ata kanë dalë atje në ndihmë popullatës shqiptare.
Për liderin e Bashkimit Demokratik për Integrim Ali Ahmetin thotë se, edhe sikur të mos e ketë ditur se ish-bashkëluftëtarët e tij gjenden në Kumanovë, ka përgjegjësi për shkak se nuk ka dalë nga qeveria maqedonase në momentin e parë kur e ka mësuar këtë.
“Ali Ahmeti ishte pjesë e nënshkrimit të asaj marrëveshjeje (të Ohrit), mirëpo për fat të keq ai e harroi apo e la anash atë marrëveshje dhe u vërsul drejt pushtetit. Madje I harroj edhe bashkëluftëtarët e vet duke i lënë në mëshirën e kohës”, shkruan Qeriqi.
Ja postimi i tij i plotë në facebook.
“Për bashkëluftarin tim të UÇK-së komandantin Sami Ukshini (SOKOLI).
I nderuar bashkëluftar dhe komandant Sokoli ndihem krenar madje teper krenar që kam pas fatin të njihem me ju në luftën çlirimtare të Kosovës.
Qysh në momentin e parë kur jam takuar me ju I kam kuptuar aftësitë tua, guximin dhe trimërinë që kishe për luftë.
Ju luftuat dhe nuk u ndalët kurrë, pas çlirimit të Kosovës ju me shumë bashkëluftëtarë nuk u ndalët në rrugëtimin për bashkimin e trojeve shqiptare. Në luftën evitit 2001 në Maqedoni ju me bashkëluftëtarë i fituat të gjitha betejat ndaj sllavomaqedonasve dolët fitimtar të mdhenj duke i goditur forcat armike në çdo cep. Fatkeqësia më e madhe e shqiptarëve në Maqedoni ishte marrëveshja e Ohrit nënshkruesit e kësaj marrëveshje asnjëher nuk ishin këmbëngulës që kjo marrëveshje të zbatohet. Ali Ahmeti ishte pjesë e nënshkrimit të asaj marrëveshje, mirëpo për fat të keq ai e harroj apo e la anash atë marrëveshje dhe u vërsul drejt pushtetit madje I harroj edhe bashkëluftëtarët e vet duke i lënë në mëshirën e kohës. Sot shumë bashkëluftëtarë të luftës së 2001-it mbahen padrejtësisht në burgjet e sllavo-maqedonasve ata akuzohen për vepra të ndryshme krejt kjo ju bëhet vetëm e vetëm pse ata ishin Ushtar të Ushtrisë Çlirimtare Kombëtare kurse Ali Ahmeti me bashkë partiakët e tij hesht.
Po ashtu popullatës shqiptare atje ju bëhen padrejtësi të mëdha, ata sot jetojnë më keq se para luftës atje.
I nderuar dhe shumë I respektuar trim I madh komandant Sokoli ju me shumë bashkëluftëtarë shkuat në Maqedoni për tu dalë në ndihmë popullatës shqiptare atje, ju me ata bashkëluftëtarë trima e zhvilluat një betej të pabarabartë por që qëndruat dinjëtetshëm. Jam I bindur se dikush u tradhtoj por ata tradhtar do ta tradhëtojn vehten.
Nuk kam as inat me Ali Ahmetin as nuk njihem me të mirpo mendoj se ai nuk mund ti ikë përgjegjësis për atë që ndodhi në Kumanovë. Arsyeja se pse po e them këtë është se edhe nëse Ali Ahmeti nuk ka qenë I informuar për rastin atje në momentin e parë që e ka kuptuar se aty gjinden bashkëluftëtarët e tij është dashur të paktën të marrë vendim që të dal nga koalicioni me pushtetin atje dhe të solidarizohet me këta trima. Ali Ahmeti si duket ka harruar se pikërisht këta trima ja fituan luftën atje dhe falë këtyre trimave është ngritur ai dhe është në pozitën që është. Pra kjo është ajo pafytyrësia e tij që ka treguar në këtë rast. Lavdi për të gjithë ata trima që ranë atje, nderë dhe respekt të madh për ju komandant Sokoli dhe të gjithë shokët tuaj bashkëluftëtarë.” kp
VOAL – PRISHTINË – Zëvendëskryeministri dhe Ministri i Punëve të Jashtme, Hashim Thaçi, gjatë qëndrimit të tij në Prizren ditën e sotme, pasi shprehu ngushëllimet për familjet që kanë humbur më të dashurit e tyre në konfliktin e armatosur në Kumanovë, për herë të parë u shpreh haptas rreth konfliktit në Kumanovë si dhe rreth problemeve politike në Maqedoni.
Ai, në një intervistë për RTV BESA, ndër të tjerash deklaroi se të arrestuarit duhet të trajtohen sipas standardeve ndërkombëtare dhe “të ndalet dhuna fizike ndaj tyre nga regjimi represiv i Gruevskit”.
“Problemi nuk është në Kumanovë, problemi është në Shkup, problemi është politik e jo ndëretnik. Maqedonia ka nevojë për më tepër demokraci, për media të lira, shoqëri civile, zhvillimin e bizneseve dhe të tregut të lirë dhe për më tepër frymë euro-atlantike”, ka thënë Thaçi.
Për më tepër rreth problemeve në Maqedoni dhe temave aktuale në Kosovë, ndiqni intervistën e Thaçit në videon në vijim.
Një javë pas zhvillimeve në Kumanovë, ku dhanë jetën disa dhe u arrestuan me dhjetëra shqiptarë, politika jonë në Tiranë, në Prishtinë dhe në Shkup ende është pa asnjë version zyrtar të saj. Kreu i partisë shqiptare që bashkëqeveris në Shkup doli në publik vetëm dje dhe nuk ndau me shqiptarët asnjë informacion që do të hidhte dritë mbi misterin e Kumanovës. Përkundrazi, gjatë gjithë intervistës, përballë një morie pyetjesh që iu bënë, ai mbeti gjithnjë brenda linjës zyrtare të Shkupit. Prishtina zyrtare përsërit vazhdimisht kërkesën e saj për një hetim të plotë dhe transparent ndërkombëtar, ndonëse faktorë të zëshëm në kryeqytetin e Republikës së Kosovës kërkojnë që shteti i tyre të publikojë gjithë informacionin që zotëron lidhur me zhvillimet e Kumanovës. Tirana zyrtare vetëm hesht dhe i kërkon Shkupit e bashkësisë ndërkombëtare për një hetim të plotë e të pavarur ndërkombëtar të zhvillimeve të Kumanovës. Kjo papërgjegjshmëri e politikës sonë ndaj një zhvillimi që ka tronditur thellë mbarë kombin shqiptar kudo që ndodhet në Ballkanin Perëndimor dhe në botë, por veçanërisht vëllezërit tanë në Republikën e Kosovës dhe në Republikën e Maqedonisë, nuk e ndihmon opinionin tonë të krijojë një mendim sa më të drejtë dhe sa më të saktë ndaj këtyre zhvillimeve, sidomos nuk e ndihmon të përcaktojë qëndrimet e tij të mëtejshme në raport me pasojat e këtyre zhvillimeve. Periudha njëjavore ka qenë e mjaftueshme për përpunimin e të dhënave, të mëparshme a të mëvonshme. Mendojmë se është jo vetëm e papërgjegjshme, por edhe e turpshme pritja e mëtejshme e politikës sonë për të dalë me versionin e saj zyrtar, por edhe me masat përkatëse për të hedhur dritë të plotë dhe për të përkufizuar gjithçka që ndodhi në Kumanovë.
Organizatat e Veteranëve të Luftës së Ushtrisë Çlirimtare të Kosovës, ka kërkuar nga institucionet kosovare të dinë të vërtetën e asaj që ka ndodhur në Kumanovë vikendin e kaluar.
OVL përmes një komunikate ka treguar se i ka përcjellë me shqetësim ngjarjet në Kumanovë, përkatësisht në lagjen e trimave, ku sipas tyre forcat barbare sllavomaqedone kanë sulmuar popullatën civile shqiptare të pambrojtur, të cilës i dolën në mbrojtje luftëtarët e lirisë, përkatësisht një numër i bashkëluftëtarëve tonë, të cilët edhe kanë rënë në luftime.
“Me shqetësim të madh e kemi vërejtur pasimin e dezinformatave të ndryshme, të cilat janë pjesë e luftës speciale të pushtuesit, me qëllim të fshehjes së gjurmëve të krimit, dezinformomë këto, që janë mundësuar për shkak të mos përgjigjes adekuate të qeverisë së Kosovës”, thuhet në komunikatë.
Ata kanë kërkuar nga Qeveria e Kosovës, përkatësisht Ministria e Punëve të Brendshme, të publikoj të gjitha informatat relevante me të cilat disponon, në saje të deklarimeve publike të Ministrit se kjo ministri ka qenë e njoftuar me të gjitha rrjedhat.
Kërkesë tjetër e OVL-së, është që Qeveria e Kosovës, e në veçanti Ministria e Punëve të Jashtme, “të bëjë trysni mbi qeverinë kriminale të Maqedonisë, për trajtimin e të zënëve rob në përputhje me konventat ndërkombëtare dhe të monitorohet ky trajtim nga institucionet ndërkombëtare si p.sh. Kryqi i Kuq, si dhe t’iu mundësohet mbrojtja juridike”.
Po ashtu, ata kërkojnë sqarime ministria e udhëhequr nga Hashim Thaçi, arsyet për mbështetje të qeverisë së Maqedonisë…
Po ashtu OVL ka kërkuar nga Qeveria e Kosovës të iniciojë mbledhje urgjente, dhe publike të Parlamentit të Kosovës rreth ngjarjeve të fundit në Maqedoni, po ashtu ata duanë të ju bëhet obduksioni i kufomave edhe në Kosovë sepse nuk dihet se a janë vrarë të gjithë në luftime apo dikë nga torturat e kanë mbytur në burg, përcjell Kosovapress.
VOAL – PRISHTINË – Presidentja e Kosovës, Atifete Jahjaga, ka bërë thirrje që për ngjarjet e fundit në Kumanovë të Maqedonisë, të bëhet një hetim kredibil dhe transparent.
Ishte presidenti i Maqedonisë, George Ivanov, ai i cili e bën Kosovën përgjegjëse për zhvillimet tragjike në Kumanovë, ku si pasojë e përleshjeve ndërmjet një grupi të armatosur dhe policisë maqedonase, është thënë se kanë mbetur të vrarë 22 persona.
Për këto zhvillime, Ivanov ka alarmuar edhe shtetet tjera botërore.
Ndërkaq, zëdhënësi i Presidentes së Kosovës, Arbër Vllahiu, ka deklaruar se palët në Maqedoni duhet të përmbahen nga dhuna në mënyrë që të krijohen mundësi për një hetimi të hollësishëm.
“Presidentja Jahjaga në vazhdimësi të zhvillimeve në Maqedoni ka mbajtur komunikim të rregullt me bartësit tjerë të institucioneve relevante në Kosovë dhe ka reaguar ndaj këtyre zhvillimeve, duke kërkuar nga palët të përmbahen nga dhuna”, ka thënë Vllahiu.
Sipas tij, presidentja Jahjaga “ka bërë thirrje për hetim transparent dhe kredibil të ngjarjeve në Maqedoni dhe ka shprehur gatishmërinë e institucioneve të vendit për ofrim të ndihmës në zbardhje të plotë të zhvillimeve në qytetin e Kumanovës”.
Njëherësh, Jahjaga, ka vijuar Vllahiu, kërkon që të zbatohet Marrëveshja eOhrit, në mënyrë që shqiptarët e Maqedonisë të trajtohen të barabartë me komunitet tjera.
“Ripërsërisim edhe njëherë faktin se Republika e Kosovës mbetet e përkushtuar për një Maqedoni shumetnike, stabile, të përkushtuar për të drejta të barabarta të të gjitha komuniteteve dhe zbatim të Marrëveshjes së Ohrit, e orientuar fuqishëm në rrugën euroatlantike, që ndërton dhe respekton marrëdhëniet e mira fqinjësore si një parakusht i integrimeve”, ka thënë Vllahiu.(rel)
Familja Daci nga Irzniqi i Deçanit është vizituar nga Policia paraditen e së premtes. Në shtëpinë e Dacëve aksioni policor i bastisjes është zhvilluar me pretekstin se dyshohen për armëmbajtje pa leje.
Mirëpo, Asim Daci, i cili në momentin e ardhjes së forcave policore gjendej në shtëpi, shprehet i mllefosur me veprimet e autoriteteve kosovare.
Ai tregon se Policia kërkonte të dinte se cila është lidhja e tyre me Begë Rizajn, njërin nga udhëheqësit e Grupit të Kumanovës.
Klan Kosova ka kuptuar se Policia ka bastisur edhe familjet e Mirsad Ndrecajt dhe Sami Ukshinit, por anëtarët e familjeve tyre kanë mohuar një gjë të tillë.
Ndonëse të bastisurit kanë deklaruar se e gjithë kjo kishte lidhje me rastin e Kumanovës, Policia në një komunikatë për media ka thënë së ky operacion policor është ndërmarrë duke vlerësuar rëndësinë për ruajtjen e rendit dhe sigurisë publike në vend, si dhe parandalimin e çfarëdolloj veprave kriminale.
Komunikata e Policisë konfirmon se sot ka pasur bastisje në 38 lokacione, kryesisht në shtëpi banimi në qytetin e Prishtinës, Gjilanit, Pejës, Gjakovës, Ferizajt dhe Prizrenit. /Klan Kosova/
VOAL – MITROVICË – Reagimet e qytetarëve të Mitrovicës, por edhe më gjerë, kanë shtyrë familjarin e heroit Isa Boletini, Gazmendin, të tërhiqet nga vendimi për rivarrosjen e eshtrave të heroit në Vlorë.
Ai bashkë me babain e tij, Xhavit Boletini, që kishte qëndruar një ditë më parë tek kryeministri i Shqipërisë, Edi Rama ka bërë të ditur për Kosovapress, se nuk mund të veprojë ndryshe nga qytetarët e Kosovës.
“Duke parë reagimet e qytetarëve, e tërë familja tërhiqet nga opsioni për Vlorën, sepse familja do të jetë gjithmonë pranë qytetarëve dhe me qytetarët, është edhe kërkesë e tyre unanime që Isa Boletini të rivarroset në Boletin, pavarësisht se edhe Vlora është vendi ku është shpallur pavarësia më 1912, por familja do të jetë me kërkesën e popullit si gjithherë qysh ka qenë…. Kërkoj edhe njëherë falje nga qytetarët e Republikës së Kosovës, jemi me qytetarët, popullin dhe Isa Boletini do të prehet në Boletin”, ka thënë Gazmend Boletini.
Ai ka kërkuar nga Këshilli Organizativ që data e caktuar për rivarrimin 10 qershori, të mos ndryshojë, por të mbetet e njëjtë. kp
VOAL – PRISHTINË – Më 16 maj 1999, atëherë kur lufta po zgjaste qe gati një vit, Ukshin Hoti arrin tek fundi i dënimit të tij. Sipas të burgosurve që i kanë mbijetuar masakrës së Burgut të Dubravës në vitin 1999 , ai do të shoqërohet nga dy roje drejt daljes, e diel, një ditë jo e zakonshme për lirimin e të burgosurve.
Që atëherë nuk dihet për fatin e tij.
Në mars të 1993 u burgos për herë të dytë pasi që një vit më parë kishte organizuar homazh për martirët e demokracisë në Brestovc. Në të njëjtin vit u rrah keq nga forcat speciale serbe pasi që kishte vizituar pjesëmarrësit e grevës së urisë në pallatin e shtypit në Prishtinë.
Po ashtu më 1993 pasi e lëshoi Lidhjen demokratike (LDK) Hoti mori pjesë në tubimin mbarëkombëtar të organizuar nga përfaqësuesit politik në Tetovë (Maqedoni) ku u theksua nevoja e bashkimit kombëtar të shqiptarëve në një shtet të vetëm.
Më 17 maj 1994 e dënuan me 5 vjet burg për arsyen se ishte pjesëmarrës i lëvizjes për Republikën e Kosovës.
Edhe pse lufta ka përfunduar qe 16 vjet fati i Ukshin Hotit nuk dihet ende. kp
VOAL – PRISHTINË – Policia bastisi shtëpitë e personave të dyshuar si të përfshirë në ngjarjet e fundjavës në Maqedoni
Në Kosovë policia ka kryer një operacion kontrollesh nëpër shtëpitë e familjeve të personave të dyshuar se ishin përfshirë në përleshjen e armatosur të fundjavës në Kumanovë të Maqedonisë.
Kontrollet janë kryer me urdhër të prokurorisë së posaçme e cila tha se kushdo që e ka kaluar kufirin me Maqedoninë së fundmi do t’i nënshtrohet procedurave hetimore, ndonëse nuk është saktësuar periudha kohore.
Autoritetet në Maqedoni thanë se 23 pjesëtarë të grupit të armatosur me të cilin është përleshur policia maqedonase, janë shtetas të Kosovës.
Autoritetet në Kosovë kanë shprehur shqetësimin e tyre më zhvillimet në Kumanovë duke dënuar “çfarëdo përfshirjeje të shtetasve të Kosovës në incidentet në Maqedoni”. Ata thonë se janë duke bashkëpunuar me autoritetet në Maqedoni për të identifikuar personat nga Kosova të cilët janë përfshirë në përleshje, por kanë hedhur poshtë çdo mundësi që të ketë pasur çfarëdo përpjekje të organizuar nga Kosova për ndërhyrje në Maqedoni. rel
VOAL – PRISHTINË – Kuadri specialistik mjekësor në Kosovë, është më i interesuar të punojë në vende të ndryshme të botës.
Edhe infermierët po e ndjekin rrugën e mjekëve specialistë.
Vetëm nga Qendra Emergjente, gjatë vitit të kaluar kanë ikur më shumë se 10 infermierë, gjë që ka bërë që kjo klinikë si më e frekuentuara në tërë Qendrën Klininike Univrsitare të Kosovës dhe qendër terciare referente për gjithë Kosovën, të mbetet me mungesë të kuadrit të mesëm.
Shpend Gashi, infermier në Qendrën Emergjente, tashmë ka kryer të gjitha procedurat dhe testet e nevojshme në Gjermani. Ai jep arsyet për Radion Evropa e Lirë, se pse ka vendosur ta lëshojë punën.
“Kushtet elementare për një punë të rregullt mungojnë në QKUK. Unë punoj në qendrën emergjente. Këtu ka shkelje të punëtorëve nga personeli më i lartë. Nuk respektohen infermierët, ndonëse janë krahu i djathtë i doktorit”.
“Pastaj unë kam të kryer fakultetin e infermierisë dhe paguhem sikurse infermierët me shkollë të mesme. Mendoj se paga është ajo që ndikon më së shumti që njerëzit kërkojnë një jetë më të mirë”.
“Unë pretendoj të shkoj në Gjermani. Në kontakt me ta kam rënë përmes një delegacioni që kanë qenë në Kosovë. Më ftuan atje për një hospitacion siç e quajnë ata, të shohin se sa jam në rrjedha të punës, dhe janë ndarë me përshtypje të mira. Kam marrë ftesë nga ta dhe do të shkoj atje me bashkëshorten time, pasi që dhe ajo është infermiere”, ka thënë Gashi.
Ndërkaq drejtori i Qendrës Emergjente Basri Lenjani, ka bërë të ditur se kjo klinikë ne kohë të fundit po ballafaqohet me mungesë të madhe të infermierëve.
“Një pjesë e tyre ikin në shtetet perëndimore për kushte më të mira të punës dhe mbijetesës. Unë si drejtor kam apeluar nga akterët kryesor që këta njerëz t’i ndalim në shërbime tona duke i stimuluar në forma të ndryshme, por nuk është shprehur ndonjë gatishmëri , që infermierët që po ikin të plotësohen me infermierë tjerë, për shkak të buxhetit të limituar”.
“Vetëm për periudhën një vjeçare kanë ikur mbi 10 infermierë. Shumica janë duke ndjekur kurse të gjuhëve të huaja dhe shtetet e Bashkimit Evropian po i marrin këta infermierë të gatshëm, dhe nuk kanë nevojë që të bëjnë asnjë trajnim shtesë për ta. Në qoftë se këta nuk mbështeten në mënyrën e duhur, Qendra Emergjente do të zbrazet së shpejti”, tha Lenjani.
Drejtoresha e Infermierisë Lirie Beqiri, ka thënë se numri në rritje i ikjes së infermierëve po ndodhë me vullnetin e tyre dhe se Kosova nuk ka ndonjë marrëveshje ndërshtetërore me shtetet e BE-së për pranimin e infermierëve atje.
“Sa i përket ikjes së infermierëve nuk i di arsyet, por sigurisht se bëhet për një jetë më të mirë në vendet e BE-së. Ata po gjejnë forma dhe po konkurrojnë përmes formave të ndryshme, po shkojnë në punë provuese dhe po i kalojnë testet”.
Në Ministrinë e Shëndetësisë, thonë se është në procedurë Ligji për Shërbime Emergjente ku më pastaj me udhëzime administrative do të mundohen të rregullojnë dhe gjejnë stimulime shtesë për mbajtjen e infermierëve në punë.
“Në Klinikën Emergjente, prej vitit 2014 rreth 10 infermier e kanë lëshuar punën. Këto nevoja nuk kanë arritur të plotësohen tërësisht. Ne si Ministri e Shëndetësisë, po mundohemi që t’i mbajmë në punë këta punëtorë dhe gjithë të tjerët”, tha Valbon Krasniqi, këshilltar i ministrit të Shëndetësisë.
Ndryshe, vetëm për tre vjet nga Kosova kanë ikur rreth 400 mjekë.
Me kushtet e punës, politikat shëndetësore dhe me pagesë, nuk janë pajtuar shumë mjekë specialistë, andaj kjo ka qenë edhe arsyeja e ikjes nga Kosova për të kërkuar punë në vende të ndryshme të Evropës e më gjerë.
Profesionistë shëndetësorë tashmë kanë deklaruar se për këtë dukuri duhet të ndërmerren masa, në mënyrë që të zvogëlohet numri i mjekëve që ikin dhe të krijohen mundësi të kthehen, siç kanë thënë ata, truri i Kosovës, pasi që ata që kryejnë specializimet, edhe aftësohen për punë.
Sidoqoftë, në Qendrën Klinike Universitare të Kosovës, janë të punësuar 613 mjekë dhe 1,882 infermierë. Paga e mjekëve specialistë është rreth 600 euro në muaj, derisa infermieri, për punën që kryen, paguhet rreth 300 euro në muaj. rel
Në foto Don Viktor Sopi dhe Pal Baftijaj në Konferencën e Caritasit Europian mbajtur në Romë
Caritas Kosova pjesëmarrëse në Konferencën Regjionale të organizuar nga Caritas Europa.
Drejtori Gjeneral i Caritas Kosova, Don Viktor Sopi i shoqëruar nga Udhëheqës i Sektorit për Asistencë Sociale dhe Shëndetësore – Pal Baftijaj, morën pjesë në Konferencën Regjionale të organizuar nga Caritasi Evropian me seli në Bruksel. Kjo konferencë e cila punimet e saj i zhvillon në Romë kishte mbledhur 49 përfaqësues në nivel të Presidentëve apo Drejtorëve Gjeneralë të organizatave anëtare në Evropë.
Në kuadër të kësaj konference, në mesin e shumë takimeve, Drejtori i Caritas Kosova ka realizuar edhe një takim me Presidentin e sapo-zgjedhur të Caritas Europa Monsinjor Luc Van Looy.
Drejtori i Caritas Kosova Don Viktor Sopi e cilësoi takimin si shumë të rëndësishëm ku me ç’rast kishte njoftuar Presidentin me veprimtarinë e gjerë të Caritasit në Kosovë, mbi rolin dhe kontributin që Caritas Kosova është duke e dhëne në ngritjen e mirëqenies sociale dhe zhvillimin e qëndrueshëm të komuniteteve kosovare.
Mbi situatën në Kosovë, Presidenti kishte njohuri të shumta dhe për fund u zotua që së shpejti do të realizoi një vizitë në nivel të Presidencës Evropiane.
Politikanët tanë që në kohën kur kërciste artileria mbi shqiptarët e pafajshëm në Kumanovë nuk kishin aq zë dhe aq forcë për të mbrojtur atë që e kanë të sanksionuar në preambulën e Kushtetutës, tani na u bënë trima mbas pilafit. U kujtuan se duhet të ishin patriotë, apo e thënë shqip atdhetarë. Pra bashkimin kombëtar do ta bënin duke bashkuar eshtrat e dy njerëzve që kishin tretur gjithçka për atdheun, pra për dheun e atit, në vendin ku u shpall Pavarësia, në Vlorë. Morëm vesh se eshtrat e Isa Boletinit do të rivarrosen në Vlorë krahas Ismail Bej Vlorës. Isa Boletini në Vlorë ka qenë i mirëpritur kurdoherë. Madje me rastin e 100 vjetorit të Pavarësisë Kombëtare në Sheshin e Skelës, pranë ish godinës që ka qenë seli e Qeverisë Vlora dhe sot ndodhet Muzeu Historik Kombëtar i Pavarësisë u vendos shtatorja e Heroit Isa Boletini. Të mos harrojmë këtu faktin se edhe një lagje e tërë në Vlorë ka emrin “Isa Boletini.”
Por si publiciste vlonjate që kam qenë shumë herë e angazhuar në qytetin tim për probleme historike mendoj se politika në këtë rast gabon duke i sjellë eshtrat e të madhit Isë në Vlorë. Nëse do të kisha qenë pragmatiste do të thosha që mirë është, duke menduar se në Vlorë do të bëhej pelegrinazh për më shumë turistë, por si shqiptare dua të kujtoj dhe një shprehje që i përket popullit tim.Ne nga anët tona themi se guri i rëndë është në vendin e vet. Ky ishte dhe amaneti i Ismail Bej Vlorës që të varrosej në vendin e vet. Atë e varrosën sipas porosisë së tij, në Kaninë, në vendin e të parëve të tij, në shkurt të vitit 1919 nën një terror të madh pasi Vlora ishte e pushtuar nga Italia Imperialiste. Në vitin 1932, me rastin e 20 vjetorit të Pavarësisë Kombëtare eshtrat e tij u vendosën në Vlorë, pikërisht në pronat e familjes Vlora ku u shpall dhe pavarësia. Toka ku është Varri Monumental i Ismail Bej Vlorës dhe gjithë lulishtja në Sheshin e Flamurit nga familja Vlora ( duhet theksuar këtu nga Eqerem Bej Vlora) iu dhuruan shtetit shqiptar për nderim të Ismail bej Vlorës dhe gjithë familjes Vlora për kontributin e dhënë nga ajo në shekuj si simbol i pavarësisë. Dihet që atje ku është shtiza e Flamurit ka qenë ballkoni i shtëpisë së Syrja bej Vlorës, babait të Eqerem bej Vlorës. Në atë shtëpi ku u bë kuvendi i Vlorës, ku Isa Boletini nuk erdhi dot në kohë, të gjithë pjesëmarrësit kishin si mbiemër krahinën shqiptare që ata përfaqësonin. Mund të përmendim për shembull personalitete të tilla si: Vehbi Dibra, Jorgji Karbunara, i njohur si Babë Dudë Karbunara, Rexhep Mitrovica, Qemal Elbasani, Bedri Pejani, Mit΄hat Frashëri, Zihni Abaz Kanina, Hajredin Cakrani, Dhimitër Berati, Dr. Hafiz Myrteza Ali Struga, Dhimitër Mborja, Mustafa Kruja, Ferit Vokopola, Zyhdi Ohri, etj. Të gjithë këta burra e shumë të tjerë ashtu si dhe Isa Boletini kishin një atdhe, pra kishin një truall shqiptar, të cilit i përkisnin ashtu si këndon dhe Çajupi i madh: Mëmëdhe quhetë toka ku më ka rënurë koka,/ ku kam dashur mëm’e atë,/ ku më njeh dhe gur’ i thatë /ku kam pasurë shtëpinë, /ku kam njohur perëndinë,/ stërgjyshët ku kanë qënë /dhe varret q’i kanë vënë, …/ ku rroj me gas e me shpres,/ ku kam dëshirë të vdes.”
Po përse duhet të sillet Isa Boletini në Vlorë, ku është i mirëpritur si krahu i djathtë e Ismail bej Vlorës? Por a nuk duhet të jetë dhe ai simbol i shtetit të ri të Kosovës dhe njëri të jetë në jug dhe tjetri në Veri ku shënjohen kufijtë e atdheut? Në vitin e parë të pavarësisë së Kosovës në shkurt të vitit 2009, në Sallën e Qendrës Kulturore të Mitrovicës, nipi i Ismail bej Vlorës, Pr. Nedim Vlora tregoi disa hollësi të mësuara nga familjarët e tij qysh fëmijë. Ai tha se “Në kohën kur Isa Boletini diskutonte me Ismail Qemalin që si do të bëhet me Kosovën dhe Çamërinë, Ismail Qemali i tha: Do të bëhet patjetër biri im, por edhe po s’arritëm ne, djemtë, nipërit dhe stërnipërit tanë, këtë Flamur do ta ngrenë edhe në Prishtinë, edhe në Mitrovicë edhe në Janinë.”
Mendoj se çdo copë e truallit shqiptar ka heronjtë e vet. Edhe Isa Boletini, i përfaqëson gjithë trojet shqiptare, por në këtë kohë ai është Shtyllë e Flamurit që mban gjallë anën skajore të Atdheut. Pronat e Isa Boletinit tashmë janë të rrethuara me tela me gjemba dhe i përkasin një manastiri serb. Duke i sjellë eshtrat e tij në Vlorë dhe jo në kullën e tij në Boletin, kjo do të thotë që serbi të qëndrojë i qetë në tokat e heroit. Përse luftoi ai, atëherë? Mos ndoshta nuk ka pasur as prona dhe as atdhe? Politika nuk duhet të sundojë mbi historinë. Isa Boletini duhet të rivarroset në tokën e tij sepse bashkimi kombëtar nuk nënkupton ti heqin Kosovës, e aq më tepër Mitrovicës, një simbol të madh, Boletinin. Boletini duhet të varroset në Kullën e tij dhe ajo kullë të bëhet objekt referimi për gjithë shqiptarët.
Vlorë më 15 maj 2015
Në foto Laureta Petoshati me Nedim Vlorën, nipin e Ismail Qemalit
VOAL – PRISHTINË – Mosdiskutimi në Kuvendin e Kosovës për ngjarjet në Kumanovë sipas Albin Kurtit dëshmon për atë se deputetët e kuvendit të Kosovës si përfaqësues të popullit nuk i përfaqësojnë as sa për sy e faqe ata.
Sipas Kurtit ngjarjet e fundit në Maqedoni kanë për qëllim pakësimin e popullsisë shqiptare atje, që aktualisht kalon edhe çerekun e popullsisë së përgjithshme në Kumanovë.
Kurti thotë se ngjarjet e fundit i kanë konvenuar më së shumti Gruevksit dhe Vuçiqit.
Ai kritikoi të gjithë krerët e institucioneve për deklaratat e tyre që sipas Kurtit, asnjëri nga ta nuk e dënoi aktin në Kumanovë, por folën vetëm për vete.
“Të gjitha deklarata e krerëve institucional të Kosovës ishin deklarata që mendojnë vetëm për vete e jo për qytetarët e Kumanovës. Asnjëri nga ta nuk e dënuan këtë akt. Ambasador të ndryshëm perëndimor e tejkaluan edhe çdo fjalor por këtë nuk e bënë politikanët tanë. Unë jam i bindur që shumica e deputetëve të Kosovës nuk e mendojnë këtë si shefat e tyre, por është edhe arsyeja pse nuk u lejua ky debat”, tha Kurti.kp
VOAL – PRISHTINË – Vëllai i Muhamet Krasniqit, alias “Komandant Malisheva”, njërit nga të arrestuarit në Maqedoni pas konfliktit në Kumanovë, ka alarmuar sot për gjendjen e të arrestuarve nga policia maqedonase.
Alban Krasniqi në profilin e tij në facebook ka shkruar se gjendja e të burgosurve është e rëndë dhe ata janë në rrezik për jetë.
“Urgjente: Gjendja e të burgosurve është shumë e rëndë dhe rrezik për jetë. Ata i janë nënshtruar torturave çnjerëzore nga policia maqedonase, derisa kanë plagë të rënda duke mos u ofruar kurrfarë mjekimi. Ndërhyrja në ofrimin e ndihmës mjekësore është jetike”, shkruan Alban Krasniqi. kp
VOAL – BEOGRAD – Janë absurde përpjekjet e atyre që bënë regjinë e shkëputjes së Kosovës nga Serbia pa kurrfarë referendumi që të vënë në dyshim vullnetin e shprehur të qytetarëve të Krimesë që t’i bashkohen Rusisë, citojnë mediet e Beogradit ministrin e Jashtëm rus, Sergej Llavrov, i cili qysh dje ndodhet për vizitë në Beograd.
“Qëndrimi i Rusisë ndaj çështjes së Kosiovës është plotësisht i qartë dhe i pandryshuar. Rregullimi i këtij problemi është i mundur vetëm në bazë të të drejtës ndërkombëtare dhe në suazat e përcaktuara me Rezolutën 12 44 të Këshillit të Sigurimit të KB. Sa u përket përpjekjeve të Beogradit në këtë drejtim, për ne janë të pranueshme ato vendime që do të kënaqin Serbinë. Nga ana jonë jemi të gatshëm që edhe më tutje të ofrojmë përkrahjen e domosdoshme për partnerët serbë” transmeton Koha.net deklaratën e ministrit Llavrovë dhënë të përditshmes së Beogradit, “Politika”.
VOAL – PRISHITNË – Ardian Arifaj, këshilltar i zëvendëskryeministrit dhe ministrit të Punëve të Jashtme të Kosovës, Hashim Thaçi informoi se sot u mundësohet familjeve nga Kosova që të vizitojnë në Burgun e Shutkës të afërmit e tyre, që u arrestuan në aksionin e javës së kaluar në Kumanovë.
Bëhet fjalë për 23 shtetas të Kosovës, që ishin pjesë e grupit të armatosur dhe që u prangosën nga policia në ditën e përleshjeve, pas një dorëzimi të tyre.
“Është paralajmëruar që të premten familjet do të lejohen t’i vizitojnë personat e arrestuar. Ajo ju takon autoriteteve maqedonase që t’jua mundësojnë të arrestuarve edhe të kontaktohen nga ambasada por edhe të vizitohen nga familjet”, tha më tej Arifaj.
Ai tha se ende nuk kanë marrë asnjë konfirmim zyrtar nga autoritetet e Maqedonisë për shtetas të Kosovës të vrarë apo të plagosur gjatë konfliktit të armatosur në Kumanovë.“Zyrtarisht nuk kemi asnjë konfirmim për viktima nga Kosova në Kumanovë”, deklaroi Arifaj.
VOAL – Tre muaj para se të zhvillohej konflikti i armatosur në Kumanovë mes njësiteve ushtarake e policore maqedonase dhe një grupi luftarësh shqiptarë, të gjithë mekanzimat përgjegjës në Kosovë, dalin të kenë qenë në dijeni se diçka po përgatitej të ndodhte në shtetin fqinj.
Tribuna Channel ka marrë konfirmim zyrtar se Agjencia Kosovare e Inteligjencës qysh në muajin shkurt e kishte njoftuar presidenten e vendit, Atifete Jahjaga, kryeministrin e Kosovës, Isa Mustafa, ministrin i Punëve të Brendshme, Skënder Hyseni, si dhe drejtorin e Policisë së Kosovës, Shpend Maxhuni, se shërbimi sekret maqedonas i kishte kontaktuar disa qytetarë të Kosovës më qëllim të inskenimit të sulmeve në Maqedoni.
Këtë e ka konfirmuar kryetari i Komisionit Parlamentar për mbikëqyrje i AKI-së, Haxhi Shala, gjë që del se edhe mbikqyrësit parlamentar kanë qenë të informuar për zhvillimet në fshehtësi.
Shala ka thënë se AKI e ka bërë raportin të cilin e kanë cituar mediet dhe për këtë komisioni ka qenë i informuar. Raporti më shkrim, sipas tij, nuk i është dorëzuar komisionit, por deputetët janë informuar gojarisht nga zyrtarë të AKI-së se kjo e fundit ka njoftuar krerët më të lartë të shtetit për mundësinë e destabilizimit të gjendjes në Maqedoni.
Se çka thotë Haxhi Shala për informatat nga AKI, e çfarë përgjigjesh japin zyrtarët e institucioneve mund ta mësoni në kronikën televizive. /Tribuna Channel/
Në letrën informuese që ua ka dërguar shteteve të Bashkimit Evropian, Qeveria e Republikës së Maqedonisë i ka njoftuar ato për rrjedhën e aksionit të armatosur të së shtunës në Kumanovë.
VOAL – PRISHTINË – Në non paperin, që e ka siguruar “Koha Ditore”, shteti maqedonas thotë se operacioni nuk ishte përleshje ndëretnike, por ishte i drejtuar kundër një grupi terrorist me ambicie politike, që synim përfundimtar kishte të rrezikonte rendin dhe sigurinë në Republikën e Maqedonisë.
Liderët kryesorë të këtij grupi, sipas Qeverisë maqedonase, janë: Muhamed Krasniqi, shtetas i Kosovës, i njohur si “Komandant Malisheva”; Mirsad Nrecaj, shtetas i Kosovës, i njohur si “Komandant NATO”; Sami Ukshini, shtetas i Kosovës, i njohur si “Komandant Sokoli”; Beg Rizaj, shtetas i Kosovës, i njohur si “Komandant Begu” dhe Demë Shehu, shtetas i Kosovës, i njohur si “Juniku”. Liderët, sipas letrës, figurojnë si themelues të strukturave paramilitare dhe kanë pasur tentativa të pasuksesshme për të siguruar mbështetje politike.
VOAL – PRISHTINË – Kosova do të vazhdojë të përballet me furnizim jo stabil me energji elektrike deri në ndërtimin e Termocentralit “Kosova e re”, projekt ky i cili ende është në fazën e bisedimeve, vlerësojnë njohës të fushës së energjisë në Kosovë.
Ata tregojnë se ndërtimi i këtij termocentrali zgjatë me vite dhe sipas tyre, Kosova përafërsisht edhe shtatë vite nuk do të arrijë të shkarkohet nga problemi që ka me energji elektrike që nga pas lufta.
Njohësi i çështjeve të energjisë Palokë Berisha, në një prononcim për Radion Evropa e Lirë, thekson se autoritetet e Kosovës për të zbutur këtë gjendje të furnizimit jo stabil me energji elektrike, deri në ndërtimin e Termocentralit, duhet të marrin disa tjera.
“Qeveria e Kosovës duhet të ndërmerr hapa konkret që përmes agjencive të veta të lidh kontrata shumë vjeçare për të siguruar kapacitete të mjaftueshme për import të energjisë elektrike”.
“Mendojë që mund të jetë me një tender ndërkombëtarë apo më një negocim të drejtpërdrejtë me ndonjë shtet, që Kosova të blejë një paketë prej 7 vjetësh për furnizim me energji elektrike shtesë. Në këtë formë do të sigurojë energji të mjaftueshme dhe do të ketë një çmim më të volitshëm”, shprehet Berisha.
Ndryshe, pasiguria në furnizimin e energjisë vazhdon të jetë një nga kufizimet kyçe për zhvillimin e ekonomisë në Kosovë.
Në hulumtimet e shumta të bëra si nga organizatat vendore ashtu edhe ato ndërkombëtare si problem kryesore në të bërit biznes ishte theksuar furnizimi jo stabil me energji elektrike dhe çmimet e larta të energjisë.
Hamdi Malushaj, drejtor menaxhues i kompanisë “Evroenergie”, në një prononcim për Radion Evropa e Lirë, thekson se Kosova ka zgjidhje për stabilizim me energji elektrike, dhe kjo sipas tij, është rindërtimi i Termocentralit Kosova A.
“Rindërtimi i Termocentralit Kosova A është hapi i parë i mundshëm dhe i vetmi,nuk ka zgjidhje tjetër. Ndërtimi i një termocentrali të ri është i mirë, por është minimum shtatë vite nuk vjen megavati i parë prej saj”, shton Malushaj
Sipas Malushaj edhe zhvillimi i energjive të ripërtërishme do t’i mundësonin Kosovës energji elektrike më stabile.
“Kosova ka potencial, ka energji të erës 324 megavat të matura profesionalisht, ka 146 megavat energji të ujit, ka po ashtu të diellit, mirëpo menaxhimi dhe politikaështë shkaktar i ngecjes së burimeve të ripërtërishme të energjisë elektrike në Kosovë”, shton Malushaj.
Sa i përket ndërtimit të Termocentralit Kosova e Re, Komiteti Drejtues i këtij projekti ka bërë tanimë vlerësimin e ofertave teknike dhe financiare nga këshilltari i transaksionit dhe ai strategjik, dhe i ka dhënë dritën e gjelbër ofertuesit që të kalohet në fazën e bisedimeve të drejtpërdrejta.
Contour Global, me seli në Shtetet e Bashkuara të Amerikës është kompania ofertuese për ndërtimin e Termocentralit “Kosova e re”,
Vlera e përafërt e ndërtimit të Termocentralit Kosova e Re do të jetë rreth 1 miliard euro.
![](https://www.voal.ch/wp-content/uploads/2015/05/foto-kumanova2.jpg)
MILAIM ZEKA – NË KUMANOVË VETËM TRE SHQIPTARË TË VRARË, 7 TË MASAKRUARIT JANË EMIGRANTË NGA LINDJA E MESME
VOAL – PRISHTINË – Gazetari Milaim Zeka, i cili posa është kthyer nga Kumanova, ka treguar për Telegrafin se autoritetet maqedonase kanë spekuluar rëndë lidhur me numrin e të vrarëve, kurse kanë ushtruar dhunë të rëndë mbi të burgosurit dhe civilët.
Zeka thotë se nuk është e vërtetë që janë vrarë 14 luftëtarë shqiptarë nga grupi i armatosur, por janë vrarë gjithsej tre, kurse shtatë të tjerë janë emigrantë nga Lindja e Mesme, të cilët autoritetet maqedonase i kanë vrarë dhe gjymtuar për të pamundësuar identifikimin e tyre.
“Ministrja e Punëve të Brendshme, Gordana Jankullovska tha që janë 14 të vrarë, por sipas burimeve të sigurta në Kumanovë bëhet fjalë vetëm për tre shqiptarë të vrarë nga grupi i armatosur, kurse shtatë të tjerë janë refugjatë nga vendet e lindjes, mbase Sirisë që janë marrë dhe janë dërguar në Lagjen e Trimave, ku janë ekzekutuar e masakruar, sa që është e pamundur të identifikohen”, tha Zeka.
Ai ka konfirmuar se në luftime janë vrarë vetëm tre shqiptarë, Mirsad Ndreca, Beg Rizaj dhe Xhafer Zymberi.
Zeka më tej ka rrëfyer për torturat që u janë bërë të burgosurve.
“I burgosuri Beg Bajra është tepër i torturuar sikurse edhe të tjerët. Nga lëndimet që u janë shkaktuar në fytyrë ka qenë e pamundur të bëhet edhe identifikimi i identiteti i tyre në gjykatë…”, tha Zeka.
Ai tha Prokuroria maqedone u ka ofruar të burgosurve të nënshkruajnë deklarata që të pranojnë fajësinë për terrorizëm, me çka do të dënoheshin deri në 15 vjet burgim, në të kundërtën, u është thënë se ndaj tyre mund të ngritet padi edhe më e rëndë me çka rrezikojnë dënim të përjetshëm.
Gazetari Zeka thotë se policia maqedonase ka maltretuar edhe popullatën civile.
“Janë maltretuar edhe civilë të verbër, duke i detyruar të qëndrojnë me orë të tëra në këmbë duke i kërcënuar se do tu hedhin nitroglicerinë në sy. Një të riu, që ishte i plagosur gjatë shkëmbimit të zjarrit në Lagjen e Trimave, nuk i ishte ofruar ndihma duke i thënë se plagën e kishte të vjetër”, tha Zeka, duke rrëfyer tmerret e pamjeve që kishte hasur në Lagjen e Trimave, pas tërheqjes së policisë maqedonase.kp
VOAL – MITROVICË – Organizatat e Shoqërisë Civile në Mitrovicë, shprehin mospajtimin e thellë ndajë vendimit të Këshillit Organizativ për rivarrosjen e eshtrave të Isa Botelitinit në Vlorë dhe jo në vendlindjen e tij në Boletin.
Ka kohe që Mitrovica, si institucionet e saj, shoqëria civile dhe grupet tjera të interesit janë duke bërë përgatitjet për ceremoninë e rivarrosjes së eshtrave të heroit Isa Boletini. Shpesh herë qytetarët kanë cenë të keqinformuar rreth kësaj ceremonie dhe gjithashtu shpesh herë me gjithë paralajmërimet për datat potenciale për rivarrim, kjo ceremoni është anuluar dhe është shtyrë pafundësisht. Me vendimin e fundit të Këshillit organizativ, grupet në fjalë dhe sidomos qytetarët e Mitrovicës kanë gjetur dëshpërimin dhe gjithashtu indinjatën e thellë që një gjë e tillë është ndërmarrë pa kurrfarë konsultimi paraprak me ta dhe pa asnjë arsye objektive.
Emri dhe vepra e heroit Isa Boletini përherë janë cilësuar si krenaria dhe shëmbëlltyra e qytetarëve jo vetëm Mitrovicas, por vendimi se eshtrat e tij duhet të rivarrosen në Vlorë dhe jo në Boletin konsiderojmë se është veprim jo i menduar mirë dhe gjithashtu i padrejtë ndaj vet heroit dhe gjithë qytetarëve të Mitrovicës dhe më gjerë.
Me anë të të kësaj deklarate,Shoqëria Civile e Mitrovicës përveç se kundërshton thellë vendimin e fundit të Këshillit Organizativ për rivarrosjen e eshtrave të Isa Botelitinit, por gjithashtu i bënë thirrje Qeverisë së Kosovës konkretisht Këshillit në fjalë që të rishqyrtojë edhe njëherë vendimin e marrë.
VOAL – KUMANOVË – Sulejman Osmani i arratisur nga duart e Policisë së Maqedonisë pas ngjarjeve të Kumanovës në një rrëfim për RTK-në mohon spekulimet se grupi i armatosur ishte për qëllime materiale.
Osmani thotë se qëllimi i grupit është krijimi i shtetit shqiptar brenda Maqedonisë i njëjti model si Republika Serbe në Bosnjë.
Sipas tij grupi i luftëtarëve është më shumë se 2 mijë veta.
Osmani thotë se nuk janë dorëzuar në mungesë të municionit por se njëri nga shokët kishte folur me telefon dhe se I kishte thënë se në Lagjen e Trimave janë edhe përfaqësuesit e OSBE-së.
“Ne menduam se OSBE po na merr në dorë e jo policia. Po ta kishim ditur nuk do të ishin dorëzuar por do të qëndronin aty deri sa të vriteshin”, thotë Osmani.
Pas arrestimit ai ishte detyruar të tregonte vendin e fshehjes së armëve në Goshincë ku më pastaj ishte ikur maleve.
Osmani tregon se Mirsad Ndrecajn e ka parë të plagosur në momentin kur janë arrestuar por që nuk di më shumë se çka ka ndodhur me të.
![](https://www.voal.ch/wp-content/uploads/2015/05/nisma1.jpg)
PARTIA E FATMIR LIMAJT – LISTA SERBE DHE SERBIA NUK I KANË LEJUAR ESHTRAT E ISA BOLETINIT NË BOLETIN
VOAL – PRISHTINË – Partia e Fatmir Limajt Nisma për Kosovën ka reaguar në lidhje me vendimin që eshtrat e Isa Boletinit të rivarrosen në Vlorë e jo në Boletin siç ishte vendosur më herët.
“Duke pasur parasysh faktin se kjo çështje është negociuar me Listën serbe dhe rrjedhimisht edhe më Serbinë, atëherë është e qartë se Vlora nuk është zgjedhur si vendi për te nderuar Kolosin e Kryengritjeve Shqiptare për liri e pavarësi”, thuhet në komunikatë të Nismës.
Duke i ikur rivarrimit atje ku janë bërë të gjitha përgatitjet,Nisma këtë “tërheqje taktike” e shohin si vrasje të dytë të heroit, por tani edhe me bekimin e dy qeverive shqiptare të cilat këtë disfatë po përpiqen që të shesin si një vendim patriotik.
“Duke pasur parasysh ketë fakt Nisma për Kosovën kërkon që eshtrat e Isa Boletin të rivarrosen në Boletin të Mitrovicës, aty ku është përgatit kulla dhe varri i tij”, thuhet në komunikatën e Nismës.
VOAL – SHKUP – Ambasada e Kosovës në Maqedoni, ka publikuar procedurat se si familjarët e të arrestuarve në Kumanovë mund t’i vizitojnë ata në qendrën e paraburgimit në Shkup.
Njoftimi i plotë i Ambasadës:
Në lidhje me shtetasit e Kosovës, të cilët gjenden në paraburgim në Shkup, informohen familjarët se për të realizuar vizitat,(në bazë të Ligjit për Procedura Penale të nenit 178 të RM) duhet ndjekur procedura si në vijim:
• Familjari duhet paraqitet në Gjykatën Themelore 1 Shkup, në Shkup, ku do paraqes kërkesën për vizitë familjarit të paraburgosurit. Kjo mund të bëhet me apo pa avokat. Pas aprovimit të kërkesës, po atë ditë realizohet vizita;
• Datat e mundshme për vizitë janë: 19 dhe 20 maj, si dhe 3 dhe 4 qershor; përgjithësisht vizitat lejohen dy herë brenda muajit.
• Familjarët mund të sjellin veshmbathje, ushqim dhe barna çdo ditë pune, ato duhet dorëzuar tek porta e burgut. Ushqimi duhet të jetë i blerë brenda Maqedonisë dhe i shoqëruar me faturën fiskale;
• Gjykata Themelore Shkup 1 , në Shkup është afër ndërtesës së RTV të Maqedonisë; ndërsa Burgu i Shkupit gjendet në komunën e Shutkës.kp
VOAL – PRISHTINË – Autoritetet e Kosovës tashmë posedojnë listën zyrtare me shtetasit e saj, të arrestuar në incidentin e armatosur në Kumanovë të Maqedonisë.
Kjo listë u është dorëzuar nga autoritetet maqedonase dhe në të figurojnë 23 persona, bëjnë të ditur zyrtarët e Ministrisë së Punëve të Jashtme të Kosovës.
Ardian Arifaj, këshilltar i zëvendëskryeministrit dhe ministrit të Punëve të Jashtme të Kosovës, Hashim Thaçi, thotë për Radion Evropa e Lirë se tashmë autoritetet në Kosovë janë duke punuar për verifikimin e emrave që gjenden në listë.
“Lista është me 23 emra. Na kanë njoftuar neve se këta janë të arrestuar dhe qytetarë të Kosovës. Nuk janë të gjithë emrat të shkruar mirë dhe duhet të kujdesemi që të dihet saktësisht se për cilët persona bëhet fjalë. Tash ne jemi duke i verifikuar identitetet dhe normalisht, ambasada jonë të shkojë dhe të ofrojw asistencë, në përputhje me ligjin. Të premten ta kanë për t’i vizituar familjarët. Autoritetet maqedonase ua mundësojnë këtë, e jo ne”, tha Arifaj.
Ai ka shtuar se autoritetet maqedonase janë kërkuar nga autoritetet e Kosovës bashkëpunim edhe për identifikimin e personave që kanë qenë pjesëmarrës në incidentin e armatosur në Kumanovë.
“Ata kanë kërkuar shenjat e gishtave të 9 personave. Shenjat e gishtave i kanë kërkuar për t’i verifikuar se a janë qytetarë të Kosovës. Tash, ne nuk e dimë se a janë të të arrestuarve apo të viktimave. Ata i kanë kërkuar nëntë dhe ne ua kemi dërguar aq. Pra, bashkëpunimi dhe shkëmbimi i informatave ekziston”, thekson Arifaj.
Në anën tjetër, profesori i të Drejtës Ndërkombëtare, Afrim Hoti, shef i Departamentit të Shkencave Politike në Universitetin e Prishtinës, duke folur për Radion Evropa e Lirë, vlerëson se Republika e Kosovës, si vend sovran, ka obligim që të interesohet dhe përkujdeset për të gjithë shtetasit e vet, brenda dhe jashtë territorit të shtetit.
Sipas tij, kjo duhet të ndodhë edhe në rastin e shtetasve të Kosovës, të cilët janë arrestuar nga autoritetet maqedonase, në incidentin në Kumanovë.
“Në momentin kur ne kemi marrë një dokument ose një njoftim nga shteti fqinj, që shtetasit e Kosovës janë të implikuar në rrjedhat në Maqedoni, atëherë i përket shtetit që të interesohet deri në fund. Normalisht, duke respektuar procedurat e brendshme të Maqedonisë, që të interesohet për fatin e tyre”, theksoi profesor Hoti.
Ai ka shtuar se interesimi i shtetit të Kosovës nuk duhet të kufizohet vetëm për shtetasit e saj të arrestuar nga autoritetet e Maqedonisë, por edhe për shtetasit e saj që eventualisht mund të jenë viktima në incidentin e Kumanovës.
Interesimi dhe veprimi i shtetit të Kosovës, sipas tij, nuk duhet të mungojw edhe në rastet kur familjet mund të kërkojnë të afërmit e tyre, që eventualisht mund të jenë të vrarë në incidentin e Kumanovës, të sillen për t’u varrosur në Kosovë.
“Për të gjallë apo të vdekur, shteti i pavarur ka obligim ndaj qytetarëve të vet. Në këtë drejtim, përmes mekanizmave që ka në dispozicion, përmes konsullatës , duhet të interesohet, së pari në kuptimin zyrtar, si shtet, e po ashtu, përmes konsullatës do të duhej të procedoheshin të gjitha kërkesat që eventualisht familjet e personave, të implikuar në konfliktin në Maqedoni, do të kishin. Me fjalë të tjera, këto janë rrugë zyrtare dhe nuk guxojnë të mbyllen. Historia nuk njeh raste kur ato kanë qenë të mbyllura”, shprehet Hoti.
Hoti thotë se autoritetet e Kosovës, kanë të drejtë dhe duhet ta shfrytëzojnë të drejtën që të kërkojnë nga autoritetet e Maqedonisë që të hedhin dritë mbi gjithë ngjarjen që ka ndodhur në Kumanovë.
E kundërta, siç tha ai, “nuk do të kishte kuptim”.
Sipas tij, në qoftë se një apo më shumë shtetas të Republikës së Kosovës janë vrarë në Maqedoni, është obligim i shtetit maqedonas që të japë raport të detajuar për mënyrën se si janë vrarë ata. rel
VOAL – UASHINGTON – Përleshjet e javës së kaluar në Kumanovë të Maqedonisë janë kërcënimi më i madh ndaj sigurisë në Ballkan në katërmbëdhjetë vite, thonë analistët. Në një intervistë për Zërin e Amerikës, analistët Edward Joseph, Marko Prelec dhe Daniel Serwer thanë se duhet të ketë një hetim të plotë të ngjarjeve të fundit në Maqedoni.
Drejtori i Institutit të Çështjeve Botërore, Edward Joseph thotë se përleshjet me armë në Kumanovë janë kërcënimi më i madh i sigurisë në Ballkan që nga përfundimi i konfliktit në Maqedoni para 14 viteve. Zoti Edwards thekson se transparenca në hetimin e incidentit është në interesin e qeverisë maqedonase.
“Nëse qeveria ka informacione mbi atë që ka ndodhur, ajo duhet t’i publikojë ato për qytetarët e të gjitha përkatësive etnike, maqedonasit, shqiptarët. Qeveria duhet t’i bëjë të disponueshme informacionet dhe t’i ndajë ato me komunitetin ndërkombëtar. Publikimi i plotë dhe më transparent i informacioneve është në interesin e qeverisë. Ky ka qenë një konfrontim shumë serioz ku 22 njerëz u vranë në një betejë me armë në Kumanovë. Katërmbëdhjetë vite pas përfundimit të konfliktit, kjo është një ngjarje shumë serioze dhe qeveria duhet t’i bëjë të qarta dhe t’i publikojë të gjitha informacionet që i ka në lidhje me këtë”.
Edhe drejtori i Grupit të Studimit të Politikave në Ballkan, Marko Prelec është dakord se incidenti me armë në Kumanovë është një kërcënim për qëndrueshmërinë e Maqedonisë dhe rajonit.
“Është një tragjedi dhe ndoshta kërcënimi më serioz ndaj qëndrueshmërisë së Ballkanit në shumë vite, që nga përfundimi i krizës së fundit në Maqedoni para 14 viteve”.
Por, zoti Prelec thotë se reagimi i qytetarëve maqedonas dhe komuniteti shqiptar ka qenë pozitiv, duke reaguar me qetësi ndaj konfliktit dhe dhunës në Kumanovë.
“Ana e mirë e kësaj është se shoqëria maqedonase, komuniteti shqiptar dhe ai maqedonas, duket se janë maturuar. Askush nuk duket se ka oreks për përshkallëzimin e kësaj situate”.
Ndërsa, profesori i Universitetit Johns Hopkins, Daniel Serwer thotë se është detyrë e forcave të sigurisë që të arrestojnë njerëz të armatosur që kanë për synim destabilizimin e vendit.
“Kur njerëzit me uniforma ushtarake dhe armë futen në Maqedoni me siç duket një përpjekje për kryengritje, reagimi i forcave të sigurisë ndaj tyre është i drejtë. Mua më vjenë keq që tetë policë janë vrarë, por duket se forcat e policisë në Maqedoni bënë atë që duhej dhe njerëzit janë dakort rreth kësaj”.
Megjithatë, drejtori i Grupit të Studimit të Politikave në Ballkan, Marko Prelec thotë se tani është e nevojshme që të ketë një hetim të menjëhershëm dhe transparent të ngjarjes nga qeveria maqedonase me pjesëmarrjen e miqve të tyre ndërkombëtar. Ai thotë se incidenti në Kumanovë dhe skandali i përgjimeve kanë bërë që njerëzit të humbin besimin tek institucionet e vendit, kështu që për uljen e tensioneve ndryshimet në qeveri mund të jenë të nevojshme.
“Mendoj se gjëja më e rëndësishme tani është që të arrihet në një situatë ku njerëzit kanë besim në institucionet e tyre dhe sundimin e ligjit. Mendoj se një ndryshim në qeveri është i pashmangshëm dhe në fakt tani po ndodh dhe ka shumë të ngjarë që të zgjerohet”.
Analistët thonë se pavarësisht incidenteve të fundit, Maqedonia është një shtet demokratik dhe duhet t’i zgjidhë në mënyrë demokratike problemet në vend përfshirë hetimin e plotë dhe transparent të incidentit në Kumanovë dhe skandalin e përgjimeve.
![](https://www.voal.ch/wp-content/uploads/2015/05/sadulla-duraku.jpg)
SADULLA DURAKU – ALI AHMETI MË DËRGOI NË KOSOVË TË BISEDOJ ME KOMANDANT SOKOLIN, KY MË THA: NUK JAM NË KUMANOVË
VOAL – KUMANOVË – Pak ditë para se të ndodhte përplasja në Kumanovë, me porosi të Ali Ahmetit, Sadulla Duraku, kryetar i komunës Lukovë, ka takuar në Kosovë Sami Ukshinin, e njohur si Komandant Sokoli për të mësuar se cili është motive që duan të hyjnë në Maqedoni.
Në një intervistë për Ballkan Magazinë, për gazetaren Linda Karadaku, Duraku thotë se takimi ishte bërë në Kosovë dhe komandant Sokoli kishte mohuar që kishte lidhje me ngjarjen.
“Më ka dërguar Ali Ahmeti të takohem dhe më ka kërkuar të mësoj motivin. Sami Ukshinin e kam takuar në Kosovë dhe nuk e kam kuptuar motivin por ai më ka thënë që nuk jam atje,” tha Duraku.
Komandant Sokoli është njëri prej të arrestuarve si pjesëtarëve të grupit të armatosur të cilën policia maqedonase arrestoi në Kumanovë.
Kryetari i komunës Lukovë shton se edhe Shqipëria duhet të shpjegojë motivin pse shqiptari nga Shqipëria ndodhej në Kumanovë.
Për Durakun ngjarja e ndodhur në Kumanovë nuk do të shkaktojë konflikt etnik pasi për herë të parë shumë banorë që janë serbë në Kumanovë i kanë ardhur në ndihmë shqiptarëve të lagjes së Trimave, banesat e të cilave u shkatërruan gjatë operacionit policor.
Duraku e quan të panjohur dhe të pakuptimtë ajo që ndodhi për dy ditë në Kumanovë, por shton se deri tani nuk ka të dhëna për viktima mes civilëve.
“Ka qenë e panjohur dhe pakupimtë ajo që ndodhi. Popullata është e shqetësuar por falë zotit ,ne për momentin nuk kemi të dhëna që kanë vrarë civil por vetëm për dëme materiale në Kumanovë. Banorët janë të shqetësuar por falemi që nuk kemi të vrarë.
Përveç të vrarëve që janë 8 policë dhe jo zyrtarisht nga grupi I armatosur janë të vrarë 12- 14 vetë, nga popullata civile nuk kemi viktima.
Nuk ka ardhur askush të na thotë që familjarët e tyre janë vrarë përveç disa familjeve të afërmit e të cilëve janë të shoqëruar në polici deri në momentin e sqarimit të rrethanave.” Oranews.tv
Qe nga fundi vitet 80 dhe deri në fund të jetes së tij, bashkeshorti, Diplomati dhe Veprimtari GANI AZEMI, zhvilloi në Bruksel një luftë mediatike të nivelit të lartë në sherbim të Kosoves e të shqiptarisë dhe kunder propagandes serbe.
Ganiu kuptoi shumë herët se ne jetojmë në epokën e informacionit. Ai organizoi konferenca të rregullta për shtyp , dha shumë intervista , botoi artikuj në shtypin frengjishtfoles, intervenoi në debate televizive, publikoi revisten “La Revue de Kosova” dhe librin “Leter fshinjit tim serb”, organizoi një ekspozitë rreth vuajtjeve të shqiptarëve të Kosovës në Parlamentin Evropian…
Puna e tij ishte e fokusuar në të drejtat e njeriut dhe të drejtën e popujve për vetëvendosje , dy vlera të shenjta në demokraci.
Falë njohurive të tij të thella për kulturën shqiptare dhe mentalitetin evropian, sinqeritetin dhe karizmin të tij, veprimi i Gani Azemit ka pasur një ndikim të madh në media dhe opinionin publik në Evropë dhe në pjesë të tjera të botës, sepse Brukseli është qyteti i dytë në botë ku ka më shumë gazetarë pas Uashingtoni.
Më kujtohet se pas një debati me ambasadorin e jugosllavisë në RTBF (televizionin kombetare të Begjikes frengjishtfolese), shumë belg të panjohur e përgëzuan Ganiun për guximin e tij , në rrugë, në tramvaj apo në dyqane…
Sot , edhe pas asaj çfarë ka ndodhur nė Kumanovė, vështirë se dëgjohet zëri i shqiptarëve në mediat evropiane.
Të mos harrojmë se lufta për pavarësinë e Kosovës u fitua se pari në fushën mediatike dhe diplomatike dhe pastaj në fushën ushtarake.
Duke shperndare deklaratatat e qeverisë së Shkupit për çfare ndodhi në Kumanovë, agjencitë ndërkombëtare tê shtypit kanë shperndarë në të gjitha mediat versionin se ” terroristët kishin ardhur nga një vend i huaj (Kosovë )”. Një version që dëmton imazhin e Kosovës dhe të shqiptarëve në përgjithësi.
Dhe kjo ndodhi vetem pak dite pasi Komisioni Evropian miratoi marrëveshjen e stabilizim asocimit me Kosovën. Një marrëveshje qe është hapja e portës për ngjitjen e shkallëve të integrimit europian për Kosovën.
Prandaj, KUJDES, nuk duhet lënë pas dore luftën mediatike se ajo ka një rëndësi vendimtare.