Në raundin e parë ndodhi mrekullia.

Isa Mustafa e ka të pamundur që t’i blejë të gjithë deputetët e LDK-së.

Isa Mustafa e ka të mundur të shesi veten.

Bashkë me kastën e vjetër që e ka kapur për fyti LDK-në.

Por LDK është lëvizja e Ibrahim Rugovës dhe brënda saj do të ketë shpëtimtarë të vendit.

Dhe ata e treguan se janë!

Ju që keni votuar 27 fletë të pavlefshme jeni të bekuar nga Kosova martire!

Jeni të bekuar nga dëshmorët e Kosovës, nga Nënat e Kosovës që kanë 17 vjet që presin t’u kthehen bijtë e tyre.

Jeni të bekuar nga Adem Jashari, nga Prekazi,

jeni të bekuar nga rinia e Kosovës

që pret t’i hapen dyert e së ardhmes!

Kosova kërkon një shtet demokratik,

dhe ju deputetë që firmosët 27 fletët e pavlefshme

keni hyrë në historinë e re të Kosovës,

duke vendosur fatin e saj me fuqinë e votës!

Zoti ju bekoftë!

Mos e zhgënjeni Kosovën!

Se Kosova martire nuk e meriton ta zhgënjejnë bijtë e saj tek të cilët i mban shpresat!

Natyrisht që jo!

Me këto fjalë, thjesht dhe bukur, deputetja Vjosa Osmani ka shprehur qendrimin e saj edhe faqen e saj zyrtare në rrjetin social.

Konseguente, fytyra e pastër e një politikaneje të re së cilës, gjeneratës të së cilës, i përket perspektiva e politikës në Kosovë.

Vjosa Osmani i ka deklaruar mediave në Kosovë  se ajo nuk do të marrë pjesë  në seancë.

“Ka thuajse një vit që vazhdimisht kam thënë se mospjesëmarrja  në seancë  dhe pamundësimi i kuorumit është e vetmja mënyrë për ta parandaluar zgjedhjen e Thaçit”,

ka deklaruar Osmani për Botapress.

Publicisti shqiptaro-amerikan Uk Lushi ka kërkuar nga liderët e vendit që ta çojnë vendin në zgjedhje.Ai në një shënim në Facebook, ka thënë se veç sovrani dhe vota e lirë mund ta shpëtojnë vendin.

Shënimi i plotë:

Politikanë të Kosovës, bëjeni gjënë e fundit të mirë që u ka mbetur në dispozicion, çojeni Republikën në Zgjedhje.

U bëmë turpi i botës me pamjet që ju po i dërgoni në eterin e botës.

Veç sovrani dhe vota e lirë mund të shpëtojnë vendin!

Politikanë të Kosovës, bëjeni gjënë e fundit të mirë që u ka mbetur në dispozicion, çojeni Republikën në Zgjedhje.

U bëmë turpi i botës me pamjet që ju po i dërgoni në eterin e botës.

Veç sovrani dhe vota e lirë mund të shpëtojnë vendin!

Ambasadori amerikanë në Prishtinë, Greg Delawie në një deklaratë të shkurtër për media në hollin e Kuvendit të Kosovës i dha mbështetje institucioneve të Kosovës ndërkohë që shprehi shqetësimin e tij ndaj veprimeve të sotme të opozitës.

Ambasadori amerikan ka deklaruar se është i dëshpëruar që opozita përsëri ka penguar një proces demokratik në Kuvend.

Më pas ai ka thënë se SHBA mbështetë institucionet dhe popullin e Republikës së Kosovës.

“Jam i dëshpëruar që opozita e ka penguar një proces demokratik në Kuvend.

Opozita dëshmoi se mund të ketë debat duke dhënë secili mendimin e vet.

Dua t’i jap mbështetje institucioneve dhe popullit të Kosovës.

E falënderoj Policinë e Kosovës për punën që po e bën, duke i mbajtur të gjithë të sigurt”, ka thënë ambasadori Amerikan.

Voal – Deputeti i LDK-së, Dr. Hatim Baxhaku, pak përpara ka deklaruar në faqen e tij në Facebook mospraninë e tij në sallën e Kuvendit të Kosovës ku do të votohet për Hahim Thaçin president. Ja si shkruan Dr. Baxhaku:

“Te nderuar qytetare, miq , dhe votues te mi. Duke pasur nje kerkese enorme per nje deklarim timin rreth zgjedhjes se Presidenti dua t’Ju njoftoj se do te respektoj vullnetin tuaj te shprehur gjitheandej ne takimet me Ju por dhe bindjet e mia dhe sot nuk do te jam pjese ne seancen ku Hashim Thaqi do te votohet per president. Ju faleminderit per perkrahje, besim dhe mirekuptim.

Hatim Baxhaku – deputet”

Urojmë që si Dr.Baxhaku të veprojnë edhe deputetët e tjere të LDK-së në respekt me premtimet që i dhanë Sovranit!

Zgjedhja e Hashim Thaçit president është komplikuar goxha shumë. Lista Serbe është duke kërkuar plotësim të kërkesave ose do të dalin jashtë sallës se Kuvendit, gjë që do ta pamundësonte edhe votimin e Thaçit.

Gazeta Express ka mësuar se kërkesat e Listës Serbe janë të lidhura me marrëveshjet që janë bërë ne Bruksel gjatë kohës së bisedimeve mes Kosovës dhe Serbisë.

Këto kërkesa nuk dihet a është e mundur edhe teknikisht të plotësohen sot.

Mirëpo, plotësimi i këtyre kërkesave, qofshin edhe të parëndësishme vetëm sa do t’i hedh benzinë situatës në vend.

Gazeta Express ka raportuar gjatë natës së mbrëmshme se Lista Serbe ka zhvilluar disa takime në Mitrovicë, ku është diskutuar për seancës e sotme të Kuvendit të Kosovës dhe votimi i Thaçit për President.

Përveç krizës së thellë politike në të cilën është katandisur vendi, shtetin e Kosovës e kanë mbërthyer edhe kriza financiare dhe morale njikohësisht,…të gjitha së bashku janë pasojë e keqqeverisje dhe mungesës së zhvillimit ekonomik për një kohë të gjatë.
Si pasojë e moszhvillimit ekonomik, në shtetin e  varfër, të politikanëve të pasur, i vetmi burimi i vetëm mbushjes se arkës shtetërore janë të “vjelurat” në dogana, gjobat në komunikacion dhe tatimpaguesit e  bizneseve të vogla, e them kështu, për faktin e thjeshtë se biznesmenët e mëdhenj, përveqse e fusin mallin e padoganuar, në të shumtën e rasteve u ikin e obligimeve që kanë ndaj shtetit përmes formave të ndryshme të korruptimit të zyrtarëve shtetëror dhe lidhjeve të fuqishme me boset e politikës.
Një shtet pa industri dhe bujqësi të zhvilluar, siq është Kosova, e ka të vështirë të qendroj në këmbet e veta. Varësia nga importimi edhe i gjërave më elementare për jetë siq janë; mielli, produket e qumshtit dhe produktet tjera deficitare për jetë, e deshmojnë mjaftueshëm gjendjen e mjeruar të shtetit tonë.
Edhe pse Kosova i ka të gjitha mundësitë zhvillimore nga resurset e shumta natyrore, pasuritë mbitokësore dhe nëntokësore, burime të shumta ujore, që mund të jenë bazë edhe për burime energjetike,…Kosovës nuk i mungojnë as burimet e naftës dhe gazit natyror, i dalur “vullnetarisht” në sipërfaqe disa javë më parë, pasatj pikat e shumta turistike, që me një përkujdesje krejt të vogël të institucioneve tona, do të ishin shndrruar në objekt i të hyrave materiale në buxhetin e shtetit.
Por, përkundr këtyre mundësive të shumta, Kosovës është duke i munguar kultura qeverisëse dhe shtetndërtuese, vizioni i qartë kombëtar për të ardhmën prosperuese të kombit tonë.
Injorimi dhe anashkalimi i vlerave në të dyja shtetet shqiptare dhe nga të gjitha subjektet politike shqiptare në trojet etnike, ka bërë që sot të kemi një klasë kusarësh politik, një klasë të dobët dhe të shëmtuar siq e kam zakon t’i quaj një pjesë të politikës në torjet shqiptare.
Kësaj klase politike i mungon dashuria ndaj atdheut dhe popullit të vet. Në vend që të punojnë ditë e natë për mirëqenjen e popullit, bashkatdhetarëve të tyre,…këta ditë e natë rropën e ç’rropën e gjithë pasurinë shoqërore duke shkatërruar shtetin për interesa meskine, për privilegje personale që ua garanton keqpërdorimi i pushtetit!
Pjesa tjetër e politikës (opozita) për të ardhur deri të gjahu (pushteti) janë të gatshëm të shkatërrojnë shtetin dhe ardhmërinë e shumë gjeneratave.
Të gjithë së bashku, pa dallime të mëdha, pushtetarët dhe opozita me veprimet e tyre janë duke e dërguar shtetin e ri të Kosovës drejtë shkatërrimit dhe falimentimit total.
Veprimet kapriçioze të liderëve të kësaj klase politike, po e dëshmojnë çdo ditë e më shumë se, “lufta” në mes tyre nuk po bëhet për të mirën e popullit, por vetëm për pushtet dhe privilegje personale.
Kjo klasë e injorantëve dhe analfabetëve politik, ua ka gërditë jetën në këtë vend të gjithë njerëzve të ndershëm, e në veqanti intelektualëve të mirëfillt, përderisa intelektualët nga Diaspora, ajkën e trurit kombëtar, e trajtojnë me përbuzje të paparë gjatë vizitave në vendlindje. Në vend të ofrimit të kushteve dhe mundësive për angazhim në jetën politike, i trajtojnë si njerëz të pavlerë,…duke i shiquar vetëm si objekt të plaçkitjes legale institucionale duke ua ofruar “mundësinë” e përshpejtimit të nxjerrjes së dokumenteve në këmbim të shumave enorme të parave për nxjerrjen e një dokumenti personal, duke filluar nga çertifikatat, letërnjoftimet e deri tek pasaportat,…për t’i bërë kështu mërgimtarët që aq shumë kontribuan për lirinë e vendit të tyre, ta mallkojnë atë gjatë kthimit në vendet europërëndimore.
Përfundimisht shtrohet pyetja, a është duke shkuar shteti i Kosovës drejt progresit apo falimentimit me këtë klasë politike ?!

Dalja nga hija dhe ngritja e Hashim Thaçit është karakterizuar nga tri momente kyçe, njëheri edhe tri momente të dhimbshme në historinë e re të Kosovës.

Momenti i parë, ka të bëj me lufën e Kosovës gjatë vitete 1998-1999. Në atë periudhë , më 6 shkurt të vitit 1999 i filloi punimet Konferenca e Rambujesë, si mundësi për zgjidhen e problemit të Kosovës. Aty Hashim Thaçi shfrytëzoi egot e tija për pushtet përmes pozicionit të UCK-së, duke u munduar të dobësonte pozicionit politik të Presidentit Rugova. Megjithëses këtë nuk e arriti, gjithësesi bëri hapin e parë të ngritjes politike të tij.

Momenti i dytë i ngritjes së Hashim Thaçit , drejt postit të parë institucionale, ndodh pas vdekjes së Presidentit Rugova, respektivisht pas ndarjes së LDK-së, në Kuvendin e saj.

Ndarja nga jeta e Presidentit Rugova ishte dhe mbetet humbje jo veç për LDK-në por për gjithë popullin e Kosovës, gjithashtu edhe ndarja e LDK-së ishte humbje për Kosovën. Në mungesë të një LDK-je të fortë, qoftë edhe si opozitë, Hashimi forcoi pozicionin e tij politik për rrjedhojë pozicioni i Kosovës nuk ka pësuar ngritje, përkundrazi.

Momenti i tretë ka të bëj me pretendimet e tij që të zgjidhet President i Kosovës.Mbase është krejt e rastësishme se kjo ndodh në momentin më kritik politik, që pas luftës. Me një Kuvend që pesë muaj jashtë funskionit për shkak se marrëveshja për Asociacionin dhe ajo për Demarkacioni, ishin në kundërshtim me Kushtetutën dhe vullnetin e qytetarëve.

Edhe pse opozita proteston në tenda para Qeverisë, duke paralajmëruar protesta masive, Hashimi ka caktuar që të premtën të zgjidhet president i vendit.Për me tepër duke ftuar militantet e tij që ne vendin ku opozita proteston ata të festojnë.Kështu që ekziston mundësia reale për konfrontim në mes të mbështetësve të Hashimit dhe të opozitës, si duket këtë edhe e dëshiron Hashimi.

Kjo nuk duhet të jetë mendësia e pretendenti për president, pasi edhe vet pozita e presidenti të vendit përkufizohet e njeriut që krijon unitet mes popullit. Nderkohë që Hashimi nuk ka dhënë shenja asnjëherë se është njeriu unitetit,duke ja shtuar kësaj që me ardhjen e tij në postin e presidentit pozita e Kosovës karshi perendimit do të jetë më e zymtë, me një njeri që ka biografi jo aq të pastër.

Nëse LDK-ja ja mundeson Hashimit zgjedhjen e tij ne postin e të parit të vendit, do t’i shkaktojë vetës bumerang të paparë. Dhe kjo do të jetë fatkeqësia mbi të cilat Hashimi vetëm sa do e forcoj pozitën e tij prej të paprekshmit.

Rënia e postit të presidentit nga Rugova tek Thaçi është një kataklizëm për shoqerinë dhe shtetin e Kosovës.

Voal – Ambasadorin suedez për Kosovë z. Mats Staffansson solidarizohet me protestuesit e opozitës,

ai sot solli ushqim për ta. Siç shihet nga fotot,

Ambasadori suedez i vizitoi protestuesit, u takua me ta dhe ndau edhe ushqime.

Sot më kanë thirrur në telefon disa deputete dhe deputet të LDK-së, që trumbetojnë shumë për rugovizmin!

Nuk munda ti kuptoj, nuk e votojmë Thaçin kurrë, por do marrim pjesë në seancë, që nënkupton me ja bërë kuorumin dhe me i mundësuar zgjedhjen!

Ju thashë, pse po më thirrni, jeni deputet, veproni sipas zërit dhe vullnetit të elektoratit.

Elektorati është kundër më thonin, por na duhet…..ju thashë troç: Prap te elektorati duhet të ktheheni, por elektorati gjithmonë e thot fjalën e vet!

Personalisht mendoj se zgjedhja e një presidenti si Thaçi e dëmton shumë Kosovën dhe kauzën e LDK-së

VOAL – Para pak minutash deputetja Albulena Haxhiu ka postuar në faqen e saj në facebook këtë status:

Të dashur miq e mikesha,
Dita e nesërme është vendimtare!
Është jashtëzakonisht shumë e rëndësishme që të mos lejojmë bërjen e Thaçit president, është jetike! Është e rëndësishme që sheshi nesër ne orën 10:00 të mbushet e stërmbushet me gra e burra, pa dallim. Le t’i tregojmë këtij njëriu që i ka sjellë kaq dëme Kosovës, që nuk mund të na përfaqësojë! Le të ja shuajmë njëherë e përgjithmonë ambiciet e sëmura për të na përfaqësuar.

P.S. Deputetët e LDK-së, le të mendojnë për premtimet që ju bënë qytetarëve. Le t’i lënë hipokrizitë. Shkuarja e tyre në seancë, është votë për Thaçin. Mos shkoni në seancë, bëjeni këtë për vendin dhe qytetarët që ju votuan!

Deputetja e LDK Vjosa Osmani mbështet bashkëvendasit e Ibrahim Rugovës që nuk e duan Thaçin president! Ajo vendos në faqen e saj

Pas nëndegës së Dobërçanit, edhe nëndega e LDK-së në Vrellë të Istogut ka dalë me qëndrim kundër zgjedhjes së Hashim Thaçit president. Në një njoftim të lëshuar për medie, kjo nëndegë ka kërkuar nga deputetët e LDK-së që të mos e votojnë Hashim Thaçin për president.

Njoftimi i plotë i lëshuar për medie:

Nëndega Vrellë LDK-së në Istog

TË SHPËTOHET LDK-ja

Qyteti që e lindi Ibrahim Rugovën bënë thirrje publike të mos nënshtrohet LDK-ja.

Nëndega Vrellë e LDK-së në Istog, kërkon nga deputetët e LDK-së në Parlamentin e Kosovës të qëndrojnë stoik para këtij akti historik për ta shpëtuar LDK-në dhe Kosovën. Vendi ynë është në një krizë të thellë politike, andaj në këto rrethana të jashtëzakonshme Ju nuk duhet të pranoni zgjedhjen e Hashim Thaçin President i Kosovës. E kjo gjë bëhet vetëm nëse ju nuk pranoni të merrni pjesë në seancën ma të turpshme që kanë mbajtur ndonjëherë Parlamentet Demokratike, madje edhe në raport me vendet në regjion.

Të dashura deputete dhe deputet nga radhët e LDK-së, sot jeni para një akti historik për të për të triumfuar ose për të dështuar. Prandaj thirrni arsyes dhe nderojeni në rend të parë vetën dhe familjet tuaja, e pastaj edhe LDK-në sepse keni kontratë me votuesit dhe elektoratin i cili nuk ju ka votuar për ta kontrabanduar vullnetin e tyre, por për t’i mbrojtur vlerat dhe demokracinë, për t’i ruajtur dhe për t’i kultivuar idealet e Presidentit historik të Republikës së Kosovës dr. Ibrahim Rugovës, në emrin dhe filozofinë e të cilit vazhdimisht po thirreni.

Nëndega e Vrellë e LDK-së në Istog, e qytetit ku e lindi Ibrahim Rugovën ju benë thirrje publike që të distancoheni nga politikat me dy standarde, sepse edhe të jesh me Rugovën dhe në të njëjtën kohë ta votoni Hashim Thaçin President, nuk shkon. Ne ju bëjmë thirrje edhe në emër të gjakut të dëshmorëve, edhe në emër të intelektualëve, dhe në emrin e popullit të kësaj treve, sidomos në këto rrethana të trazirave politike ju të mos e turpëroni vetën tuaj dhe të mos e tradhtoni besimin e elektoratit, votën e të cilit e keni marrë me kontratë publike duke na garantuar se në asnjë rrethanë nuk do të bëni koalicion me PDK-në.

Në këtë situatë kaq delikate në të cilën është Kosova do të duhej të ishte një zgjidhje më adekuate dhe më e pranueshme për të gjithë. Prandaj votimi juaj për Hashim Thaçin do të jetë për LDK-në një grusht rëndë dhe një humbje e madhe për shkak të gabimit tuaj historik.

Deputete dhe deputet të LDK-së ju duhet ta keni të qartë se Hashim Thaçi, posa të bëhet President, dhe posa të ulët në zyrën e Presidentit Historik, me ju do ta prish koalicionin dhe do t’u hedhin në koshin e historisë. Ne duke i njohur veprimet e tyre jemi të sigurt, sepse tradicionalisht janë treguar se ata nuk i respektojnë marrëveshjet, madje ju e dini fort mirë se për të gjallë të tij dr. Ibrahim Rugova nuk e ka lejuar Hashim Thaçin të bëhet kryeministër, kurse me vdekjen e tij, ky njeri i realizoi të gjitha, por do të ishte fat për Kosovën, jo edhe me votën e deputetëve të LDK-së.

Nëndega Vrellë e LDK-së në Istog të Ibrahim Rugovës, kërkon nga deputetet dhe deputetët e LDK-së që ditën e premte të mos jeni prezent fare në sallë, në të kundërtën do tu mallkoj historia, ndërsa duhet ta keni të qartë se në zgjedhjet e ardhshme nuk do ta merrni votën tonë!

Istog, 24.02.2016.

Nëndega Vrellë LDK-së në Istog – Vendlindja e dr. Ibrahim Rugovës

Kryetari Xhevat Demaj

Kryesia e Kuvendit në mënyrë arrogante vendosi të thërrasë seancë për zgjidhjen e Hashim Thaçit president në ditën e premte, 26 shkurt. Për ta ndaluar zgjedhjen e Hashim Thaçit president qytetarët dhe mbështetësit e kauzave opozitare do të protestojnë së bashku në sheshin përballë Kuvendit.

Nisja do të jetë e organizuar nga të gjitha vendet e Kosovës, qytetet e fshatrat. Do të bëhemi së bashku më shumë se në 9 janar, më shumë se në 17 shkurt.

Vendimi i kryesisë për ta përjashtuar opozitën nga Kuvendi është vendim i paligjshëm, ashtu siç është edhe vendimi për të përjashtuar anëtarët e opozitës prej kryesisë së Kuvendit. Ky pushtet dëshiron të zgjasë jetën e qeverisë anti-kushtetuese dhe të zbatojë projektet kriminale të Zajednicës dhe të demarkacionit. Nëse Hashim Thaçi bëhet president, do të jetë gjithnjë e më e vështirë të kundërshtohen proceset shkatërruese në të cilat është futur Kosova.

Sa më shumë që të jemi në shesh, të premten në orën 10:00, aq më lehtë do ta pamundësojmë instalimin e diktaturës së Thaçit dhe të SHIK-ut në Kosovë.

Programi më i shikuar i Radio Televizionit Zviceran “Rundschau” në edicionin e sontëm ka sjellur një kronikë të gjatë për situatën politke në Kosovë. Me këtë rast, siç raporton Gazeta Blic, kosovarët me pasaporta dhe të kaluar zvicerane po i prijnë kësaj lëvizjeje. Në raport mes tjerash thuhet: “Poshtë Qeveria! Protestat në Kosovë nuk kanë të ndalur. Në Ditën e Pavarësisë një javë më parë, dhjetëra mijëra kosovarë kanë demonstruar. Në mesin e tyre  ishte edhe një numër shqiptarësh nga Zvicra. “Secondos” kosovarë me Pasaporta zvicerane, trajnim të mirë dhe shpirt revolucionar – siç është ekonomistja Njomza Gutaj nga kantoni i Zuerichut e cila thotë: “Korrupsioni i Qeverisë dhe sëmundjet sociale nuk janë më të arsyeshme. Jam këtu sepse dua të mbështes familjen. Kështu në Kosova nuk ka një jetë të mirë “. Njomza Gutaj është anëtare në bordin e Vetëvendosje! në Zvicër. Lëvizja e madhe e opozitës në Kosovë ka një degë zvicerane bën të ditur ky televizion.

Vetëvendosje! është quajtur kjo organizatë  – e cila është e diskutueshme: Themeluesi i saj Albin Kurti kërkon të drejtën e Kosovës për të votuar për bashkimin me Shqipërinë. Bashkësia ndërkombëtare po i frikësohet Shqipërisë së Madhe.

Sipas radiotelevizonit zviceran, nga frika e themelimit të asociacionit të Komunave serbe opozitarët kanë hedhur gaz lotsjellës në Kuvend dhe po e pengojnë punën e parlamentit edhe përmes demonstratave.  Duke e cituar deputetin e kësaj Partie, Faton Topallin i cili pokështu ka një të kaluar dhe tashme zvicerane RTV zviceran thekson që kjo parti ka lidhje të mira edhe me SP-në zvicerane.

Raportin e plotë të TV Zviceran mund ta shini KËTU

Lumir Abdixhiku konstaton lojën e pisët të deputetëve të LDK-së. Ja si shkruan ai në faqen e tij në FB:

“Sa tallës duken deputetët që në njërën anë thonë se do të marrin pjesë në seancë,

e në anën tjetër promovojnë votë kundër Hashimit; me plot mburrje madje.

Tallje e madhe kjo.

Shihni.

Pasi të keni marrë pjesë në votim, vota juaj kundër tij s’ka hiç rëndësi.

Bërja e kuorumit nëpërmjet pjesëmarrjes është praktikisht votë pro zgjedhjes së tij.

Ai ka nevojë për prezencën tuaj, jo për votën tuaj.

Është e thjeshtë.

Nëse nuk e doni njëmend President, mos i bëni kuorum.

E nëse e doni President për 5 vjet, mos na ofendoni intelegjencën së paku;

mbajeni përgjegjësinë deri në fund.

Lumir Abdixhiku konstaton lojën e pisët të deputetëve të LDK-së. Ja si shkruan ai në faqen e tij në FB:

“Sa tallës duken deputetët që në njërën anë thonë se do të marrin pjesë në seancë,

e në anën tjetër promovojnë votë kundër Hashimit; me plot mburrje madje.

Tallje e madhe kjo.

Shihni.

Pasi të keni marrë pjesë në votim, vota juaj kundër tij s’ka hiç rëndësi.

Bërja e kuorumit nëpërmjet pjesëmarrjes është praktikisht votë pro zgjedhjes së tij.

Ai ka nevojë për prezencën tuaj, jo për votën tuaj.

Është e thjeshtë.

Nëse nuk e doni njëmend President, mos i bëni kuorum.

E nëse e doni President për 5 vjet, mos na ofendoni intelegjencën së paku;

mbajeni përgjegjësinë deri në fund.

Apel i përfaqësuesvë të strukturave drejtuese të LDK-së drejtuar deputetëve të Lidhjes Demokratike të Kosovës

Donika Gërvalla boton në faqen e saj të rrjetit social Apelin e strukturave drejtuese të LDK-së drejtuar deputetëve të LDK.

Prishtinë, 23.02.2016.

Si anëtarë dhe përkrahës të LDK-së, si pjesë e strukturave të saj drejtuese, të tashme apo të kaluara, si delegatë të Kuvendit të LDK-së, apelojmë tek deputetët e LDK-së në Kuvendin e Kosovës të mos marrin pjesë në seancën e zgjedhjes së Hashim Thaçit si president i Republikës së Kosovës, kurdo që të mbahet ajo.

Fakt i pamohueshëm është se Hashim Thaçi nuk i përmbush kriteret e parapara në Kushtetutën e Republikës së Kosovës për t’u zgjedhur President i vendit. Kushtetuta në nenin 83 përkufizon: „Presidenti është kreu i shtetit dhe përfaqëson unitetin e popullit të Republikës së Kosovës“. Hashim Thaçi, si rrallëkush në Kosovë, e përfaqëson përçarjen e popullit të Republikës së Kosovës dhe jo unitetin. Me zgjedhjen e tij, deputetët që në start do të përcaktoheshin për një zgjedhje, e cila shprehimisht e shkel Kushtetutën.

Mbi Hashim Thaçin rëndojnë akuza publike, në vend dhe jashtë, se ai qëndron në krye të krimit të organizuar dhe korrupsionit, për kapjen e shtetit përmes SHIK-ut dhe rrjeteve të tjera kriminale. Raporte të ndryshme hulumtuese brenda dhe jashtë Kosovës paralajmërojnë ndjekje të Hashim Thaçit nga Gjykata Speciale madje edhe për krimet më monstruoze gjatë kohës së luftës dhe menjëherë pas saj. Prandaj, përveç dëmeve të brendshme të pariparueshme, zgjedhja e Hashim Thaçi do ta izolonte Kosovën përfundimisht nga proceset integruese perëndimore.

Të gjitha raportet e brendshme dhe të agjentëve ndërkombëtare Kosovën e rendisin ndër vendet më të korruptuara dhe të zhvatura nga krimi i organizuar e që kanë ardhur si rezultat i keqqeverisjes dhe kapjes së shtetit nga Thaçi dhe partia tij dhe bashkëpunimi i tij me krimin e organizuar.

Pasojat e shkeljes së premtimit zgjedhor për të mos hyrë në koalicion me PDK-në janë më evidente se kurrë. Kjo politikë e Isa Mustafës dhe grupit rreth tij vë në pikëpyetje thjesht ekzistencën e LDK-së, por edhe të deputetëve të saj në të ardhmen.

Deputetët e LDK-së e kanë në dorë që LDK-në ta largojnë nga pragu i humnerës dhe ta kthejnë në rrugën e parimeve dhe traditës së saj. Lidhja Demokratike e Kosovës, nën drejtimin e Dr. Ibrahim Rugovës, qytetarët e Kosovës i ka bashkuar në luftën për liri, pavarësi dhe demokraci. Sot nuk mundet po ajo LDK ta bëjë president të Kosovës Hashim Thaçin, një nga armiqtë më të përbetuar të Ibrahim Rugovës dhe të LDK-së, si në luftë, ashtu edhe në paqe. Presidenti i Kosovës duhet të jetë një figurë unifikuese dhe me autoritet, e cila duhet gjetur si rezultat i një kompromisi të shëndoshë të forcave politike dhe jo i pazareve mes funksionarëve politik.
Hashim Thaçi e çnderon karrigen e Presidentit të Republikës së Kosovës. Ai si president vetëm sa forcon radikalizmin dhe ekstremistët dhe rrezikon stabilitetin e vendit.

Votuesit dhe anëtarët e LDK-së do të kërkojnë përgjegjësi politike nga secili prej deputetëve që merr pjesë në lojën për ta bërë Thaçin president dhe do t’iu refuzojnë votën dhe besimin në të ardhmen. Secili deputet i LDK-së duhet t’i përgjigjet pyetjes se a është për Hashim Thaçin apo për LDK-në. Por mbi të gjitha të gjejë për vete përgjigjen se a është për Hashim Thaçin apo për Republikën e Kosovës.

Lista e nënshkruarve
(të renditur sipas alfabetit)

Agim Kafexhiu, Kryetar i Nëndegës së LDK-së Arra (nëndega më e madhe në Rahovec)

Azem Zemaj, Ish-Kryetar i Nëndegës së LDK-së në Berlin; Delegat i Kuvendit Qendror të LDK-së

Blerim Smajl Hajdaraj, Nënkryetar i Degës së LDK-së në Gjermani; Delegat i Kuvendit Qendror të LDK-së

Deme Jasharii, Nënkryetar i Nëndegës së LDK-së në Lausanne

Donika Gërvalla, Kryetare e Lidhjes Demokratike të Kosovës, Dega në Gjermani; Delegate e Kuvendit Qendror të LDK-së; Nënkryetare e Degës së LDK-së Gjermani (1993-1997); Zëdhënëse e LDK-së në Gjermani (1998-1999)

Drita Maliqi, Ish-deputete në Kuvendin e Kosovës; ish-këshilltare komunale në Gjilan; ish-kryetare e Forumit të Gruas të LDK-së në Gjilan

Emrush Qekaj, Delegat i Kuvendit Qendror të LDK-së; Kryetar i Aktivit të LDK-së në Sigmaringen (1993-2006)

Enver Seferi, Nënkryetar i Degës së LDK-së në Norvegji, Sekretar i Degës së LDK-së në Norvegji (1992-2007)

Ergyn Janovali, Kryetar i Nëndegës së LDK-së Tophane II në Prishtinë

Fahredin Shehu, ish-anëtar i kryesisë së Degës së LDK-së në Rahovec

Fazli Hajdaraj, Kryetar i Nëndegës së LDK-së në Rheinland-Pfalz; Anëtar i Kryesisë së Degës së LDK-së në Gjermani

Fehmi Gagica, Kryetar i Nëndegës së LDK-së në Willisau

Fetah Berisha, Kryetar nderi dhe themelues i Degës së LDK-së në Rahovec; ish-deputet i Kuvendit të Kosovës; ish-kryetar i Degës së LDK-së në Rahovec; i burgosur politik i viteve ’80

Hafiz Gagica, Kryetar i Degës së LDK-së në Gjermani (1990-2003); Kryetar i Kolegjiumit të Degëve të LDK-së në Evropë, SHBA, Kanada dhe Australi; Delegat i Kuvendit Qendror të LDK-së

Hajdar Sadrija, Delegat i Kuvendit Qendror të LDK-së; ish-kryetar i Degës së LDK-së në Zvicër (1993 – 1997)

Halim Huruglica, veprimtar i LDK-së që nga themelimi i saj; ish-kryetar i Nëndegës së LDK-së në Dobërçan

Ibrahim Kryeziu, Ish-kryetar i Degës së LDK-së në Rahovec; i burgosur politik i viteve ’80

Idriz Zeqiraj, Kryetar i Nëndegës së LDK-së në Bavari; Delegat i Kuvendit Qendror të LDK-së; Ish-anëtar i kryesisë së Degës së LDK-së në Gjermani (që nga vitet ’90)

Ilaz Kadriu, Kryetar i Nëndegsës së LDK-së në Brug

Ismail Sopi, Kryetar i Nëndegës së LDK-së në Petrovc; delegat i Kuvendit Komunal, Kamenicë

Ismet Krasniqi, Sekretar i Degës së LDK-së në Zvicër; sekretar i Nëndegës së LDK-së në Olten

Jeton Lajqi, Kryetar i Nëndegës së LDK-së Rugovë

Kristë Markaj, Anëtare e Kryesisë së Degës së LDK-së në Zvicër

Kujtim Hajdaj, Kryetar i Lidhjes Demokratike të Kosovës, Dega në Beneluks; Delegat i Kuvendit Qendror të LDK-së; Kryetar i Kuvendit të LDK-së në Beneluks (1990-1994)

Lush Cana, Delegat i Kuvendit Qendror të LDK-së

Mark Prenkaj, Kryetar i Nëndegës së LDK-së në Bernë

Mensur Salihu-Kralani, Kryetar i Nëndegës së LDK-së në Zimmerberg (ZH)

Muhamet Leka, Nënkryetar i Nëndegës së LDK-së në Nidwalden

Musa Sylejmani, Anëtar i Kryesisë së Degës së LDK-së në Zvicër

Mustafë Ramosaj, Kryetar i Nëndegës së LDK-së në Shable

Naser Arifi, Kryetar i Nëndegës së LDK-së në Dobërçan; Ish-ushtar i njësisë speciale Garda e Republikës „Skënderbeu“ e themeluar në kuadër të FARK; Ish-ushtar i UÇK-së në zonën operative të Karadakut

Naser Rugova, Delegat i Kuvendit Qendror të LDK-së; ish-deputet i Kuvendit të Kosovës; ish-nënkryetar i Degës IV në Prishtinë

Nazmi Peci, Bashkëthemelues i Degës së LDK-së në Zvicër

Osman Sheholli, Kryetar i Nëndegës së LDK-së në Schwyz

Petrit Bicaj, Kryetar i Nëndegës së LDK-së Ulpiana në Prishtinë; Delegat i Kuvendit Qendror të LDK-së

Prek Buzhala, Anëtar i Kryesisë së Degës së LDK-së në Zvicër

Qamil Çekaj, Anëtar i Kryesisë së Degës së LDK-së në Zvicër

Qazim Bajgoraliu, ish-kryetar i Degës së LDK-së në Gjermani (2010-2015); ish-kryetar i nëndegës së LDK-së në NRW (1998-2011)

Dr. Qazim Cana, Ish-anëtar i Kryesisë së Degës së LDK-së në Rahovec

Prof. Qerim Rexhepi, Themelues i Degës së LDK-së në Rahovec; ish-anëtar i Kryesisë së Degës së LDK-së në Rahovec

Remzi Durmishi, Anëtar i Kryesisë së Degës së LDK-së në Zvicër

Rexhep Gjergji,Delegat i Kuvendit Qendror të LDK-së, Anëtar i Kryesisë së LDK-së (1990-1998)

Sabedin Bajrami, Kryetar i Nëndegës së LDK-së në Bremgarten Wholen

Sadri Kastrati, Veprimtar i shquar i Degës së LDK-së në Rahovec

Sallah Januzi, Kryetar i Nëndegës së LDK-së në St. Gallen

Sami Blakaj, Nënkryetar i Degës së LDK-së në Gjermani; Kryetar i Nëndegës së LDK-së në Berlin

Saim Tahiraj, Nënkryetar i Degës së LDK-së në Zvicër, Delegat i Kuvendit Qendror të LDK-së

Skënder Osdautaj, Kryetar i Nëndegës së LDK-së në Delemont

Dr. Shaqir Shala, Koordinator i Nëndegës së LDK-së në Solothurn

Shefqet Dibrani, Kryetar i Lidhjes Demokratike të Kosovës, Dega në Zvicër; Delegat i Kuvendit Qendror të LDK-së

Tahir Thaçi, ish-anëtar i Kryesisë së Degës së LDK-së në Rahovec

Vehbi Ferizi, Kryetar i Nëndegës së LDK-së në Vevey-Villeneuve – Montreux

Xhemajl Haxhiu, Kryetar i Nëndegës së LDK-së në Zofingen

Xhemajl Hoxha, Kryetar i Nëndegës së LDK-së në Bavari (1990-1992); Anëtar i Kryesisë së Degës së LDK-së në Gjermani (1990-1997)

Zize Pepshi, Nënkryetare e Degës së LDK-së në Zvicër; Delegate e Kuvendit Qendror të LDKsë

Zyfer Llabjani, Kryetar i Nëndegës së LDK-së në La Sarraz

Gjevalin Gegaj, Delegat në Kuvendin Qendror të LDK-së; ish-kryetar i Degës së LDK-së në Detroit

Jemi të ndërgjegjshëm që kjo listë është vetëm një pasqyrë shumë e kufizuar e përfaqësuesve të panumërt të strukturave të LDK-së, të cilët i bashkohen këtij apeli. Të gjithë ata që dëshirojnë ta nënshkruajnë apelin mund ta bëjnë këtë duke na dërguar një email në adresën: [email protected] deri ditën e enjten në mëngjes më 25 shkurt në orën 9:00.

Ngërçit politik në Kosovë nuk po i shihet fundi. Acarimin e ka përthelluar sidomos etja deri edhe shtazarake për pushtet e Hashim Thaçit. Ky i ka vënë vetës si detyrë mbi detyrat; zgjedhjen me çdo kusht e me çdo çmim në postin e kryetarit të Kosovës. Dhe për t’ia arritur këtij qëllimi nuk po zgjedh mjete. Madje po shihet qart se është i vendosur edhe t’ia vërë flakën vendit për t’u ulur gjithsesi në atë kolltuk.

Nuk është hera e parë që po ia bën këtë të zezë Kosovës.
I

Portreti politik i Hashim Thaçit është kompleks e mbi të gjitha i errët. Janë të pakët ata shqiptarë që kanë guximin, por edhe njohuritë e sakta për rrethanat dhe faktorët që e nxorën atë në skenën politike të Kosovës.

Po ndalem shkarazi në dy faktorë themelorë :

a. Zvetnimi i Lëvizjes Kombëtare të Kosovës në fundvitet nëntëdhjetë, dominimi absolut i karaxhozve në institucionet kyçe të saj, në radhë të parë në qeverinë e kohës;

b. Që nga viti 1912, kur u ndanë trojet shqiptare, elitat politike në Shqipëri nuk kanë mundur ta imagjinojnë që në Lëvizjen Kombëtare të Kosovës të ketë prijës a personalitet që të mundë të dalë në çfarëdo formë jashtë kontrollit të Tiranës.

Në këtë vijë, nga kuadrot e sigurimit shqiptar që kontrollonin nga brenda Lëvizjen Kombëtare (ilegale) të Kosovës (LPK), iu propozua, tash, ShIK-ut shqiptar, Hashim Thaçi. Të tjerat dihen. Pra është fjala për një person që doli në skenë nga trampolina e një shërbimi sekret. Me kohën Hashim Thaçi, pa asnjë siklet, do të kalojë nga një trampolinë në tjetrën dhe falë tyre do të mbijetojë e do ta dominojë leht dhe gjat skenën e trazuar politike të Kosovës.

Por kjo është temë tjetër. Po ndalem te ajo që është themelore; te mendësia dhe praktikat politike të Hashim Thaçit dhe supotëve të tij, që mund të përmblidhen në një fjali të vetme: lufta për lirinë e Kosovës të kthehet, parasegjithash, në luftë për kolltuqe, për para e për pushtet.

Janë shumë, por po i përmend vetëm faktet kryesore.

Në kohën kur Kosova po përcëllohej në flakët e luftës dhe populli i saj po rrezikohej seriozisht me asgjësim, Hashim Thaçi gjente kohë për qërim hesapesh me ata që mendonin ndryshe.

Më 11 qërshor 1998, Behajdin Allaqi, kuadër i lartë i LPK-së, i burgosur politik dhe intelektual i njohur, bashkë me disa anëtarë të Shtabit të Përgjithshëm të UÇK-së, ishte larguar nga shtabi lokal i Drenocit. Po të njëjtit anëtarë të ‘Shtabit të Përgjithshëm‘ e kanë arrestuar dhe e kanë mbajtur në burgun e Kleçkës. Pesë muaj më vonë, më një nëntor 1998, përmes komunikatës nr. 61, i njëjti shtab, e informoi opinionin se Allaçi dhe një 20 të tjerë ‘ishin vrarë në përpjekje me armikun… ‘

Në fakt atë e kishin vrarë mizorisht ata që ai i konsideronte shokë e bashkëluftëtarë; e kishin vrarë për të vetmin faj se i kundërvihej konceptit sektar e ideologjik të luftës. Burime të besueshme pohojnë se në vrasjen e tij kishte drejtpërdrejt dorë Hashim Thaçi.

Pas Luftës, vrasësit e tij, Behajdin Allaçin e shpallën Dëshmor i kombit.

Në shtator të vitit 1998, një grup aktivistësh të subjekteve të ndryshme, përfshi edhe tri gra (Nekibe Kelmendi, Edita Tahiri dhe Sanije Hyseni) kishin shkuar në Drenicën e përfshirë në flakët e luftës për të parë gjendjen në terren dhe sidomos pozitën e rëndë të popullsisë së zhvendosur.

Në shkollën e Qirezit ata arrestohen nga Hashim Thaçi e Sabit Geci dhe trajtohen mizorisht prej tyre. Në tortura, madje edhe në shuplakimin e grave ka marrë pjesë aktivisht Hashim Thaçi. Për këtë sjellje çnjerëzore ka dëshmi të detajuara me shkrim dhe me gojë (incizime), të viktimave, të cilat ato-ata ua kanë dorëzuar me dorën e tyre edhe institucioneve ndërkombëtare. Në mes tjerash aty përshkruhet se si ndonjërin prej këtyre aktivistëve Hashim Thaçi dhe Geci i kishin detyruar ta gëlltisin edhe jashtëqitjen e vet.

Në orën më të ligë të Kosovës, Hashim Thaçi, në njërën anë, dhe karaxhozët institucionalë, në anën tjetër, më të cilët më vonë ky do të bëhet mik për kokë, u përpoqën të nxisin luftë vëllavrasëse në Kosovë dhe në Shqipëri.

Për këtë qëllim, më 21 shtator 1998, u vra në Tiranë, Ahmet Krasniqi, Ministër i Mbrojtjes i Republikës së Kosovës. Ai është vrarë me urdhër të të ashtuquajturës Drejtori Politike e UçK-së. Thaçi e C° e vranë Ahmet Krasniqin pasi ai ua kishte dhënë me zemërgjerësi rreth dhjetë miliona marka; e vranë vetëm pse ishte ushtarak i njohur, atdhetar i flaktë dhe burrë i ndershëm. Ai nuk kishte asnjë ambicje politike pos vullnetit dhe dëshirës së madhe që shqiptarët të bëheshin bashkë dhe ta çlironin Kosovën.

Sipas disa të dhënave zyrtare, në periudhën e pasluftës, 1999 – 2002, janë vrarë mbi 1500 qytetarë të Kosovës, shumica prej tyre shqiptarë. Disa burime serioze (të KFOR-it sidomos) shumicën e këtyre vrasjeve ua atribuojnë njerëzve të Hashim Thaçit, të organizuar në eskadronet e G2-shit dhe Shik-ut.

Më 24 gusht 1999, natën vonë, duke u kthyer nga Zvicra në Kosovë, në fshatin Shmri, rrethi i Kukësit, derisa ishin në kolonë me qindra vetura të tjera, u ekzekutuan vëllezërit Ibrahim e Rexhep Nikçi; djemt e Sylë Mehmet Nikçit, një burrë i njohur gjithandej në Kosovë, njeri që kishte luftuar me armë në dorë për çlirimin e Kosovës dhe kishte vuajtur 12 vjet nëpër burgjet e Jugosllavisë, kryesisht në Goli Otok, njërën prej ndëshkimoreve më famëkqia të globit.

Ibrahim Nikçi ka qenë i burgosur politik dhe aktivist i paepur i Lëvizjes për pavarësi. Ai është vrarë për shkak të mospajtimeve që ka pasur me ndonjë anëtar të të ashtuquajturës Drejtori politike, që kanë jetuar në regjionin e Cyrihit.

Më 8 maj 2000, e vranë para shtëpisë së tij në Prizren, njërin prej ushtarakëve të njohur të UCK-së, Ekrem Rexhën, i njohur si komandant Drini.

Ai u vra, pasi që paraprakisht mori një kërcënim publik, nga faqet e Kosovapresit, që udhëhiqej nga një pjesëtar-vrasës i Shik-ut.

Ekrem Rexha u vra sepse bashkë me disa ushtarakë të tjerë ishte në përfundim të themelimit të një partie politike, Qendra liberale e Kosovës. Sipas disa burimeve të besueshme, vrasja u bë në shenjë hakmarrjeje dhe me qëllim që ‘krahu i luftës’ të mos copëtohej në subjekte të ndryshme…, por që PDK të mbetet subjekti në mos i vetëm, të paktën kryesori…

Më 23 korrik 2000 u kidnapua tradhtisht në shtëpinë e tij, në Istog, avokati e veprimtari Shaban Manaj, personalitet i njohur i njërit prej bastioneve kryesore të LDK-së. Pas dy javësh trupi i tij u gjet i karbonizuar…

Burime të besueshme konfirmojnë se në vrasjen mizore të tij ka dorë një familjar i drejtpërdrejtë i Hashim Thaçit.

Më 23 nëntor 2000, te banesa e tij bë Prishtinë, u ekzekutua Xhemajl Mustafa, personalitet i shquar i LDK-së, gazetar e poet i njohur. Ai vra pasi kishte publikuar një analizë për zgjedhjet e posambajtura, të cilat i kishte humbur PDK-ja.

Më 17 janar 2002, rreth orës 20, në korridorin e ndërtesës ku banonte, në një pusi, në terr, u vra Smajl Hajdaraj, deputet i LDK-së, në Kuvendin e Kosovës, inxhinier me profesion, personalitet i njohur dhe gjatë luftës komandant i UÇK-së për Malësinë e Rugovës…

Lista është e gjatë, tepër e gjatë, por këtu përmenda vetëm rastet më tipike e më përfaqësuese, kur viktimat ishin fajtorë vetëm pse e donin me shpirt Kosovën dhe mendonin ndryshe nga Hashimi e C°.

II

Menjëherë pas çlirimit të Kosovës, Hashim Thaçi dhe shokët e tij, duke shfrytëzuar anarkinë e pasluftës dhe mungesën e institucioneve i ka marrë nën kontroll të gjitha komunat, doganat dhe ndërmarrjet publike. E kanë trajtuar pasurinë e Kosovës serbisht e kusarisht. Ani se disa vite formalisht në opozitë, megjithatë as një ndërmarrje dhe asnjë objekt publik apo shtetëror, nuk është menagjuar apo privatizuar pa lejën e njerëzve të Thaçit.

Prandaj Kosova vazhdon të jetë në gjendje katastrofike ekonomike. As në vitet 90-të, të aparth’heidit nuk ka mbretëruar një pashpresë siç mbretëron aktualisht në Kosovë.

A ju kujtohet dialogu i famshëm ‘Pronto’, kur shefi i shefave e pyeste shefin e tij si je dhe ai ia kthente plot hare: SUPER?!

Pikërisht ato ditë nga stacionet e autobusve gjithandej Kosovës niseshin për çdo mbrëmje me dhjetëra autobusë përplot me burra, gra e fëmijë të Kosovës, që ua mësyenin kufijve duke ikur si prej pushtetit serb…

Në anën tjetër klani i Thaçit dhe aleatët e tij qarkullonin e qarkullojnë me miliarda euro që u janë plaçkitur barbarisht qytetarëve të Kosovës.

17 vjet pas Luftës, mërgimtarët e Kosovës dhe jo vetëm ata, ani se me vetura me regjistrime perëndimore paguajnë si në shtrungë taksa të majme agjencive kosovare të sigurimit me të hyrë në Kosovë.

Me kupolën e agjencive të sigurimeve menagjon vëllai i Hashim Thaçit.

III

Pas çlirimit, Hashim Thaçi ishte figura kryesore në shahun politik të Kosovës. Ai kishte të gjitha mundësitë për të krijuar një konsenzus për çështjet themelore të vendit; pavarësimin, qëndrimin ndaj ndërkombëtarëve dhe negociatat me Serbinë. Ai e bëri të kundërtën. Me sjelljet banditeske ndaj rivalëve, sidomos ndaj Ibrahim Rugovës, krijoi kushtet që, së pari, Veriu i Kosovës të ndahej fare lehtë. Sa herë që Ibrahim Rugova ka shkuar me Thaçin në takime me ndërkombëtarët, ky i fundit nuk ka lënë rast pa u ulur pranë tij, jo për të këmbyer apo korodinuar ndonjë veprim por për t’ia shkelur shtazarakisht këmbën nën tavolinë deri në përgjakje… Kjo nuk është propagandë por një e vërtetë e padiskutueshme, që dëshmon për karakterin primitiv të pretendentit për president të Kosovës.

Hashim Thaçi për shkak të veprimeve që u përmendën i humbi radhazi disa palë zgjedhje, dhe mu për këtë e sabotoi në vazhdimësi shpalljen e pavarësisë, sepse donte me çdo kusht që ai dhe vetëm ai të jetë lexuesi i Deklaratës historike.

Ndërkohë, në skënën ndërkombëtare pozicionet e Serbisë u forcuan ndërkaq ato të Kosovës u dobësuan, sidomos pas ngjarjeve të marsit 2004, kur shqiptarët vetëm brenda një jave nga viktima çfarë i njihte krejt bota u kthyen në vrasës e dhunues…

Ka argumente të pakundërshtueshme se këto ngjarje shtetrrënuese u organizuan nga shërbimet serbe, por në të cilat morën pjesë aktivisht njerëzit e Hashim Thaçit, sepse ishin ata që udhëhqinin turmat e patru, të cilat vrisnin njerëz e i digjnin kultet.

Kjo u bë që Thaçi të vinte në pushtet, duke u imponuar te ndërkombëtarët si e vetmja forcë që mund ta ruajë por edhe ta prishë sigurinë në vend…

Teoricienët marrokë të Thaçit për të maskuar këtë akt shtetrrënues, shpikën tezën se këto ngjarje u organizuan për të dëshmuar pamundësinë e bashkëjetesës mes Serbisë dhe shqiptarëve, thuase nuk kishte mjaftuar lufta dhe zbrazja e Kosovës, por duheshin dhe ngjarje si këto…

Kjo lëvizje shtetrrënuese e solli PDK-në pushtet por edhe planin e Ahtisarit, i cili ravijëzonte territorin e komunave serbe në Kosovë…, e më vonë solli dhe krijimin e etnitetit serb në Kosovë, përmes « dialogut » në Bruksel.

Ne këtë mënyrë Serbia arrijti atë që nuk do ta arrinte kurrë, federalizimin e Kosovës dhe krijimin e kushteve për ndarjen e saj në rastin e parë posa të krijohen rrethana të favorshme ndërkombëtare…

IV

Rezultatet e dominimit të Thaçit në skenën politike dhe të praktikave të qeverisjes së tij janë katastrofike. Ai, si askush tjetër, e ka kriminalizuar klasën politike, administratën, policinë, arsimin dhe shëndetësinë…

Askush si Hashim Thaçi, nuk ka pështyer mbi idealizmin enciklopedik të Kosovës; në pikëpamjen e tij atdhetari duhet të jetë kusar, liridashësi tuxhar, idealisti zuzar, politikani vrasës, deputeti spurdhjak, ministri bandit ose torollak.., feja murtajë, idealet pazar, i talentuari tutkun, intektuali skrrajë dhe i burgosuri politikë lyftyrë…

Në asnjë vend të botës si në Kosovë nuk janë rrënuar institucionet vitale si shëndetësia, arsimi dhe administrata. Larg çdo përgjithësimi, në sytë e opinionit dominues në Kosovës Hashim Thaçi, i ka kthyer mediet në prostituta, mjekët në kasapë, profesorët në matrapaz, ndërsa nëpunësit, prokurorët, gjyqtarët dhe policët në shkelës të ligjit.

Për këtë arsye prandaj, ai nuk mund të zgjidhet kurrë president nga deputetët të cilësdo parti që ndiejn detyrim ndaj sakrificës së Adem Jasharit, vendosmërisë e vizionit të Sali Çekut dhe Agim Ramadanit me shokë…

Neni 84 i Kushtetutës thotë : Presidenti është kreu i shtetit dhe përfaqëson unitetin e popullit të Republikë së Kosovës.

Hashim Thaçi kurrë dhe me asgjë nuk e ka përfaqësuar unitetin e popullit të Kosovës.

Përfundimisht, Thaçi edhe mund te zgjidhet kryetar i Kosovës, dhe kjo vetëm për një shkak; sepse Kosova është shkërmoqë nga e keqja dhe nga njerëzit e ligj të saj. Dhe fundja u zgjodh apo s’u zgjodh, një gjë është krejt e sigurt : Hashim Thaçi s’ka qenë asnjëherë dhe sdo të jetë kurrë burrështeti. Për arsyen e thjeshtë se në vazhdimësi është sjellur, ka vepruar dhe ka sunduar si cub.

I tillë ka hyrë në politikë dhe i tillë do të dalë prej saj.

Voal – Sapo na njoftuan se grupit të protestuesave posa u është bashkangjitur edhe një grup i mirë nga LDK. Siç dihet, baza e LDK-së nuk e ka mbështetur aleancën midis Mustafës dhe Thaqit, por lidërshipi i LDK-së e keqpërdori votën e popullit dhe hyri në aleancë me PDK, duke i premtuar postin e presidentit me votat e LDK-së, çka ka shkaktuar zemërim të madh në elektoratin e LDK-së, që ia dha votën kësaj partie me e çu Thaçin në opozitë dhe jo me e bërë president.

Po ju sjellim foto që posa janë bërë nga sheshi në Prishtinë ku janë vendosur çadrat, ku shihen edhe grupi i LDK-së. Ata dallohen nga flamuri i Rugovës.

Disa aktivistë të nëndegës së LDK-së në Dobërcan të Gjilanit tashmë kanë arritur në sheshin “Ibrahim Rugova”. Ata po protestojnë për kandidaturën dhe votimin e Hashim Thaçit për President. Bashkë me vete kanë  edhe flamurin e ish- Presidentit Rugova.

Në njoftimin e dërguar më herët për media anëtarët e kësaj nëndege thonë se janë në gjendje ta mbrojnë nderin e presidentit Rugova, deri në frymën e fundit. Edhe pse në fillim u tha se do të protestojnë para zyrës së LDK’së, ata janë duke qëndruar përballë përmendores së Ibrahim Rugovës.

Natën ndërmjet të martës dhe të mërkurës në Prishtinë është djegur një makinë, pronë e familjes së ministrit të Bujqësisë, Pylltarisë dhe Zhvillimit Rural, Memli Krasniqi.

Policia e cila rastin po e heton si “shkatërrim dhe dëmtim të pasurisë”, ende nuk ka mundur të jap hollësi për motivet apo autorët e mundshëm të zjarrvënies.

Qeveria e Kosovës e dënoi djegien e veturës private familjare të ministrit Krasniqi.

“Ky sulm i paprecedentë kriminal, i ndodhur në vazhdën e sulmeve që janë kryer së fundi kundër bartësve legjitim të institucioneve të Kosovës dhe ministrit Krasniqi, nga grupe anarkiste parapolitike, synon të krijojë atmosferë të dhunës dhe frikës, si dhe të pengojë punën e Qeverisë së Kosovës dhe rezultatet konkrete të Ministrisë së Bujqësisë si një ndër sektorët prioritar për zhvillimin ekonomik të vendit.

Qeveria e Republikës së Kosovës thekson se sulmi ndaj ministrit Memli Krasniqi, i kryer nga njerëz të cilët pasi kanë humbur arsyen, duke mos zgjedhur mjete dhe mënyra radikale, po përpiqen ta zhysin vendin në kaos dhe anarki, për përfitime të caktuara“, thuhet në reagimin e qeverisë e cila u bënë thirrje organeve të rendit  që të marrin të gjitha masat ligjore ndaj kryesve të këtyre sulmeve dhe të parandalojnë përsëritjen e tyre në të ardhmen.

“Qeveria e Republikës së Kosovës, në përputhje me vullnetin e qytetarëve të Kosovës, shpreh përkushtimin e plotë për zhvillim ekonomik, ndërtimin e gjithanshëm të shtetit dhe fuqizimin e partneritetit strategjik me SHBA-të dhe vendet tjera mike, përkundër përpjekjeve që grupe të izoluara po bëjnë për sabotimin e këtyre objektivave nacionale të qytetarëve dhe të Qeverisë së Kosovës”, thuhet në reagim.

Ambasadori amerikan në Kosovë, Greg Delawie, në një postim në rrjetin social twitter, shprehet i shqetësuar me njoftimet për djegien e makinës së ministrit Krasniqi. “Të gjitha krimet duhet të hetohen dhe të ndiqen“, thekson ai.

Ndërkohë, gjatë ditës, zëvendësministri i pushtetit lokal, Bajram Gecaj, tha se persona të panjohur i kanë vënë zjarrin makinës së bashkëshortes së tij.

Këshilli për Mbrojtjen e të Drejtave dhe Lirive të Njeriut, duke i dënuar sulmet dhe shkatërrimet e pronës publike dhe private, kërkon nga organet e hetuesisë që të ndërmarrin veprime të menjëhershme për parandalimin e këtyre sulmeve dhe kapjen e sulmuesve duke i sjellë para organeve të drejtësisë dhe duke i dënuar sipas ligjeve në fuqi.

“Në të kundërtën, këto sulme vetëm se do të vazhdojnë dhe pasojat do të jenë të paparashikueshme ndërsa përgjegjësia do të jetë e të gjithë atyre që kanë kontribuar në tensionimin e situatës, thellimit të krizës, mosveprimit në zbatim të ligjit apo arsyetimit të veprimeve me porosi të dhunshme! Duhet të veprohet derisa nuk është bërë vonë!”, thuhet në reagimin e këtij këshilli.

Tensionet politike në Kosovë janë të larta për shkak të krizëz politike që tashmë për gati një gjysmë viti kanë përfshirë vendin.

Opozita është hedhur në protesta në parlament dhe jashtë tij, duke kërkuar rrëzimin e qeverisë dhe zgjedhje të parakohshme si rrjedhojë e marrëveshjes për krijimin e asociacionit të komunave me shumicë serbe dhe marrëveshjes për shënimin e kufirit me Malin e Zi.

Qeveria thotë se opozita po synon të marrë pushtetin me dhunë

Deputetja e AAK Donika Kadaj e mbështet  Albulenën me këtë status në facebook:

“Kur mjeku shkel Betimin e Hipokratit dhe bëhet hipokrit, kur mediat shkelin etikën profesionale, kur drejtësinë e bëjnë kriminelët, do i them mikes sime: vazhdo sepse Ti je yjet dhe bota të shikon ty.

Nga prezenca jote, ti dërgon mesazh në çdo fshat, qytet, komb.

Një mesazh shprese! Mesazh fitoreje!

Vetë nuk mund ta ndryshojmë botën, por mund të gjuajmë gurë që krijojnë valë të mëdha.

Unë e di që pavarësisht shigjetave të drejtuara me urrejtje patologjike kundër kauzës që perfaqësonTi, Unë, Ne, do gjejmë çdoherë guximin, pasionin për të luftuar me arsye

Për ‪#‎gratë‬ e fuqishme dhe kundër maskarenjëve.”

Voal – Dr.Jusuf Ulaj deklarohet si më poshtë: “Interpretimi i rëntgenit të Albulena Haxhiut është tërësisht i gabuar dhe shpifës. Ndërsa publikimi i këtij rëntgeni është tërësisht kriminal.

Së pari, si profesionist i mjekësisë, dëshiroj të sqaroj për opinionin se në raportin e publikuar ne media të radiologut Dr Hakif Thaqi, qe ka bërë interpretimin e filmit, shkruan se: “ kraniogrami dhe pelviku janë rtg. pa ndryshime traumatike “ – pra nuk shkruan askund se në trupin e sajë janë gjetur “trupa te huaj” që do ishte e domosdoshme të shënoheshin nëse kanë qenë prezente. Pra, të gjitha interpretimet e publikuara nëpër media të ndryshme, sipas së cilave zonja Haxhiu e ka fshehur gazin në trupin e saj, janë saktësisht të gabuara. Arsyen se pse këto medie po marrin përsipër të bëjnë punën e mjekut, dhe ta bëjnë keq këtë punë, nuk i di. Por, edhe një herë, si mjek, me përgjegjësinë e plotë profesionale, ligjore dhe etike, pohoj se, siç duket edhe në fotografinë e publikuar, në trupin e zonjës Haxhiu nuk ka asnjë objekt. Këtë gjë mund ta vërtetojë kushdo, duke e paraqitur të njëjtën fotografi tek një mjek profesionist.

Së dyti, mënyra se si ka dalë ky rëntgen në publik është shqetësuese. Kjo përbën thyerje të Betimit të Hipokratit, betim të cilin e jep çdo mjek. Ata mjekë që kanë nxjerrë në publik këtë rëntgen kanë thyer çdo kod etik edhe ligjor të mjekësisë, sepse ruajtja e diskrecionit të pacientit është obligative në çdo kusht. Këta mjekë duhet të mbahen përgjegjës para ligjit. Në Kosovë në ditët e fundit kemi dëgjuar shpesh raste mjekësh që kanë përfituar padrejtësisht në kurriz të pacientëve të tyre, siç ishte dhe rasti i “stendave”. Rasti me publikimin e rëntgenit të Albulena Haxhiut është një rast i ngjashëm.

Shpresoj që zonja Haxhiu t’i vërë përpara drejtësisë edhe mediat shpifëse, që marrin rolin e ekspertit të mjekësisë dhe pohojnë atë që është e pavërtetë, e po ashtu shpresoj që edhe mjekët që publikojnë të dhënat personale të pacientëve, të vihen para drejtësisë.”

Të zgjohesh në mëngjes dhe të shohësh në media të publikuara raportet mjekësore. Ky është standard vërtet i ulët. Mjeku nuk guxon kurrë të publikojë të dhënat e pacientit pa miratimin e tij. Të dhënat mjekësore janë tërësisht intime dhe të mbrojtura me ligj. Publikimi i tyre pa konsensus, është i barabartë me dhunimin. Këto medie pra, janë dhunuese.

Megjithatë, siç më ka ndihmuar ta vërtetoj dhe Dr. Jusuf Ulaj, kryetar i shoqatës së neuropsikiatërve shqiptarë, profesionist i njohur i mjekësisë, i cili ka qenë edhe drejtor ekzekutiv i QKUK-së dhe drejtues i lartë klinikash e shoqatash të ndryshme të mjekëve, fotografia e dëshmon atë që kam thënë unë. Në përshkrimin e saj thuhet se unë nuk kam pasur asgjë në trup.

Raporti i organizatës Amnesty International për vitin 2015 dokumenton gjendjen e të drejtave të njeriut në 160 shtete dhe territore. Kësaj radhe, në rrafshin global, raporti është përqëndruar më shumë në valën e refugjatëve të cilët janë larguar nga represioni dhe konflikti.

Përmbledhje e pjesës për Kosovën

Nga janari deri në mars të vitit 2015, rreth 48 900 qytetarë nga Kosova kanë aplikuar për azil në Bashkimin Evropian, thuhet në raport.

“Në Hungari, autoritetet ua kanë refuzuar azilin 99% të aplikuesve dhe i kanë riatdhesuar. Në Gjermani, nga 29,801 vendime për azil, vetëm 0.4% qytetarë nga Kosova e kanë fituar strehimin”, thuhet në raportin e AI, në të cilin gjithashtu tërhiqet vërejtja se masat e reintegrimit për të riatdhesuarit mbeten rrënjësisht joadekuate.

Organizata ka tërhequr vërejtjen edhe për shtimin e tensioneve ndëretnike në Kosovë.

“Tensionet ndëretnike gjithashtu janë shtuar pas aplikimit të pasuksesshëm të Kosovës për anëtarësim në UNESCO”, thuhet në raport, në të cilin gjithashtu përmenden edhe protestat e fillimvitit 2015, për shkarkimin e ministrit serb, për kthim dhe komunitete, Aleksandar Jabllanoviq.

Ky i fundit, i kishte quajtur “egërsira” protestuesit në Gjakovë, të cilët po përpiqeshin të pengonin disa pelegrinë serbë që të vizitojnë Gjakovën me rastin e Krishtlindjeve Ortodokse më 6 janar.

“Serbët e Kosovës u janë nënshtruar kërcënimeve, plaçkitjeve dhe sulmeve, përfshirë këtu edhe përpjekje për zjarrvënie, në Gorazhdec dhe Klinë, në maj dhe korrik”, vlerëson AI, duke theksuar edhe rastin e dëmtimit të pronave të dy familjeve në Gorazhdec nga të shtënat me armë zjarri.

Amnesty githashtu rikujton se 1,650 persona vazhdojnë të jenë të zhdukur që nga koha e luftës në Kosovë dhe se me gjithë gërmimet që kanë ndodhur në disa lokacione potenciale si varreza massive, lokacione të tjera nuk janë identifikuar as në Serbi, e as në Kosovë.

Në këtë kuadër, përmendet edhe rasti i zhvarrimit të disa trupave në Krushë të Vogël, nga ana e misionit evropian për sundimin e ligjit, EULEX. Përfaqësuesit e këtij misioni kishin bërë zhvarrimin nën dyshimet për identifikim të gabuar, por nuk kishin njoftuar të afërmit e viktimave.

Për Gjykatën e Posaçme për Krime Lufte, Amnesty vlerëson se masat për ngritjen e saj, e cila do të përndjekë ish pjesëtarët e Ushtrisë Çlirimtare të Kosovës, janë zvarritur vazhdimisht në Kuvendin e Kosovës.

“Nën trysninë ndërkombëtare, legjislacioni për themelimin e gjykatës së posaçme është miratuar në gusht”.

Amnesty International, mes tjerash ka vënë në pah edhe kundërshtimin e zëshëm të opozitës në Kosovë pas arritjes së marrëveshjes për ngritjen e Asociacionit të komunave me shumicë serbe, më 25 gusht 2015.

Organizata e ka vlerësuar si ushtrim të tepruar të forcës rastin e ndërhyrjes së autoriteteve të rendit më 28 nëntor në zyrat e Lëvizjes Vetëvendosje, për të arrestuar njërin nga udhëheqësit e saj, Albin Kurtin.

Deputetet e partive opozitare janë duke ndihmuar në forma të ndryshme protestuesit që gjenden me shatorë përballë Qeverisë së Kosovës.

Derisa shefja e Grupit Parlamentar të AAK-së, Donika Kadaj-Bujupi kishte gatuar bukë për këta protestues, ndryshe paralajmëroi deputetja e Vetëvendosjes, Albulena Haxhiu, raporton “Zeri.info”

Kjo e fundit në një postim në “Facebook” ka thënë se në darkë do të përgadisë një ushqim tradicional shqiptar.

“Ti (Donika v.j.) ua paske ndihmu mengjesin, une po ju bej fli per darke”, ka shkruar ajo.

Partia Demokratike e Kosovës sot do të mbaj një mbledhje me deputetët e saj. Mbledhja pritet të mbahet nga ora 17:00. Deputetët e kësaj partie janë njoftuar për këtë mbledhje me anë të SMS-ve.

“Të nderuar deputet.Ju njoftoj se sot në ora 17:00 mbahet mbledhja e Grupit Parlamentar të PDK-së në selinë e partisë. Pjesëmarrja është e obliguar, ju lutem konfirmoni marrjen e njoftimit dhe pjesëmarrjen tuaj”, thuhet në SMS-in, dërguar deputetëve. Gazeta Blic merr vesh se kjo mbledhje ka të bëjë me zgjedhjen e presidentit të vendit. “Në këtë takim do të diskutohet për zgjedhjen e Hashim Thaçit president. Natyrisht që do të flitet për mënyrën dhe sfidat për zgjedhjen e tij në krye të shtetit”, ka thënë ky burim brenda PDK-së. Në takim, ndërkaq do të flitet edhe për krizën politike, në të cilën është futur vendi.

Gjarpëri është zvarranik, ndërron lëkurën e tij çdo 41 ditë dhe duhet që çdo orë të lagë trupin e tij në ujë dhe çdo tre orë të lyhet me locion për të mbijetuar.

Disa nga karakteristikat e gjarpërit ngjasojnë shumë edhe me njeriun, kryesisht kur ai është helmues ndaj armikut. I tillë u quajt Hashim Thaçi në kohën e luftës në Kosovë, për të marr primatin e Ushtrisë Çlirimtare të Kosovës, automatikisht për Serbinë u perceptua si armiku numri një i tyre. U tha se “ helmoi “ shumë serbet, ndaj edhe ata ende ia kanë frikën.Por bashkë me mbarimin e luftës, edhe lëkura e tij prej gjarpëri ndryshoi. I veshur me kostume moderne, kollare të markave të njohura, me frizurën e ngjashme të Elvis Presley, mori primatin e qeverisjes së vendit.

Menduam se helmin e kishte nxjerr jashtë, se bashkë me përfundimin e luftës s’do helmonte më askend.

Mjaft kohë fshehu helmin nën dhëmbë dhe me ndihmën presë , krijoi pershtypjen e një lideri modern, aq sa edhe u nominua për Çmimin Nobel për paqe. Shpesh herë ndjente peshën e kollares, i dukej më e rendë se lëkura e gjarpërit, se ashtu u ndjene më burrë, më trim.I shtyrë për te mos qenë ai që është, transformimi nën lëkurën e njeriut po ia ndalonte jetën.Nuk mund të rrinte dot pa pi gjakun e një populli mijëvjeçarë, të rropatur në për intriga historie të armiqëve. Nuk kishte cfarë të bënte tjetër, nuk mund të rezistonte dot, nuk mund të evulonte dot. Nuk rezitoi gjatë,pas protestes se fundit të opozitës, u shfaq pa kollare, me nje shikim vrasës prej “ Gjarpëri ”. Derisa po mbante lart krenarinë e një fitimtari prej, ku kundërshtari tërhiqet nga frika, e tha troq “ata kishin dërguar mesazhe na pritni në Qeveri, e ne ishim 20 metra larg binës. Ata u larguan me bisht në shalë si qyqarë”,per te shtuar se “ po të vinin sdo i kishim prit me kafe “. “ Gjarpëri ” i dikurshëm , ishte përgadit për mejdan, për të qëruar hesapet me ata që mendojnë ndryshe dhe protestojnë për korrupsionin dhe krimin, si dhe dëmin që po i shkakton vendit. Kjo ngjason me batutën “ ta pre malin , edhe ski çka bën “, derisa gjarpëri përseri u vesh me lëkurën e “ luftëtarit”, për të helmuar qyetetarët e tij për egot e tij shtatazarak.

Sa me shumë po afrohet dita kur synon të bëhet i pari i vendit, aq më tepër uni për gjak po shtohet…Gjarpëri do gjak…..!!!