VOAL

Halli i murit që po ndërton paria fashiste e lagjeve veriore të qytetit të Mitrovicës na ka goditur të gjithëve.
Edhe pse neve sot na duket se kemi ngelur tepër të ngrirë nga tronditja se deri ku mund të arrijë budallallëku i projekteve fashiste serbe , në fakt situata është duke arritur pikën e vlimit megjithë temperaturat e dhjetorit.
Problemi nuk është vetëm se a do të flet Agimi dhe Partia e tij AKR që e ka vënë kryetar të Mitrovicës e që aktualisht duket shumë i zënë duke ndërtuar xhaminë e re afër lumit Ibër.
Problem vetëm i yni nuk është se a do të flet zonjusha Edita Tahiri , ministër i dialogut dhe Qeveria e Kosovës që aktualisht shumë mirë janë duke e formuluar heshtjen si mënyrë e daljes nga problemet që kanë shkaktuar me papërgjegjësinë e vet.
Kryeministri i Qeverisë së Kosovës , I papërsëritshmi Prof. Dr. Akademik Isa Mustafa , i përgatitur si gjithmonë ka zgjedhur strategjinë monumentale : Çile guri gojën!
Natyrisht populli nuk hesht . As nuk mund të pret derisa të del dushku.
Por , halli ynë këtë herë është edhe më i madh se beton-armatura e murit të provokatorëve serbë.
Para pak ditëve pas pjesmarrjes së Kryeministrit të Kosovës , i cili arriti atje si një hero antik legjendar duke kaluar rrugë nëpër pyje e male,në një manifestim të organizuar nga KFOR-i. në inaugurimin e një ure që lidh Zveçanin dhe Leposaviqin,të ndërtuar me një investim prej 400 mijë eurove nga NATO, paria e serbëve që flasin në emër të atyre në veriun e Kosovës, deklaroi se ndërpret çdo bashkëpunim me NATO-n.
Ata NATO-N e deklasuan nga roli i Ushtrisë Paqeruajtëse në Ushtri Invazore.
Pra ndoshta duhet që dikush nga Komanda ushtarake e Brukselit ta shikojë këtë mur që po ndërtohet si demonstrim të forcës nga Rakiqët e Kosovës dhe të Beligradit.
Duhet të vendosin se kush ka rolin më të fortë në ruajtjen e paqes dhe garantimin e lirisë së lëvizjes dhe lirive tjera qytetare: NATO apo mafia politike serbe në Mitrovicë?!
Edhe ata tjerët , prap në Bruksel , brenda zyrave të Pallatit të Unionit Evropian duhet ta dijnë se është koha të pranojnë dhe të zgjedhin midis dy përgjegjjeve lidhur me Urën dhe Murin te Ibri:
-ti ndalin punimet pa leje dhe pas rrënimit të murit të dënohen përgjegjësit për sabotim të Dialogut të Brukselit, ose
– të vijnë ta inaugurojnë vet këtë mur si monument të politikës dyftyrëshe të UE ndaj Mitrovicës dhe Republikës së Kosovës.
Pjesën më të vështirë ,natyrisht duhet ta ketë Gjeneralmajori italian Giovanni FUNGO , i 21 nga komandantët e deritanishëm të KFOR në Kosovë nga qershori 1999.
Ai është i thirrur në kauzën e kulmit të çmendurisë serbe, meqenëse ata kanë deklaruar se tashmë NATO-n e konsiderojnë ushtri pushtuese.
A do i përkëdhelë gjeneral Fungo, Rakiqin me shokë apo do të përdorë autoritetin dhe përgjegjësinë e komandantit. Apo do ti bashkohet lojës së tyre duke vënë mbi Murin e turpit tela gjemborë.
Apo mos ndonjë budalla, aspirant karriere madhore diplomatike nga Brukseli mos do ta këshillojë gjeneralin italian që në emër të ruajtjes së “paqes” të urdhërojë patrullime të ushtarëve të Kfor-it përgjatë perimetrit jugor të murit.
Barrikadë pas barrikade, barrierë pas barriere, gabim pas gabimi, mosvendosshmëri pas mosvendosshmërie, mosdenim pas mosdënimi, rruga e miut u bë e gjatë.
Mjafton që dikush nesër mos të zgjohet duke thënë se do të heqin vizat për qytetarët e Kosovës për të lëvizur në UE nëse ata e pranojnë dhe nuk kërkojnë rrënimin e murit .
Po e shtoj edhe një të dhënë jo aq të rëndësishme por të vërtetë. Edhe kryetari i Mitrovicës Agim Bahtiri edhe komandanti i KFOR-it generali Giovanni Fungo janë të lindur të njëjtin vit:1960.
Kanë mjaft vite jetë dhe duhet tu mjaftojnë për të qenë të mençur e të vendosur për ta hequr njollën e turpit : murin fashist në Mitrovicë, në zemër të Europës.
Neve nuk po na pritet më. Jepni urdhër sipas detyrës që keni!
Veproni!
Avanti!

Muri, fund i iluzioneve për bashkim! – Nga Florim Zeqa

Historia e ndarjes së veriut është e gjatë dhe e dhimbshme. Ajo burimin e ka tek marrëveshja e Kumanovës për tërheqjen paqësore të forcave policore dhe ushtarake serbe nga Kosova, e pasuar menjëherë me dislokimin e forcave të KFOR-it francez mbi urën e lumit Ibër. Nga ajo kohë i kaluam mbi 17 vite duke pritur, duke ëndërruar, duke kënduar e vajtuar, duke gënjyer e zhgënjyer vetveten se një ditë do të bashkohet qyteti i ëndrrave dhe kujtimeve tona rinore. Përgjatë këtyre viteve i “provuam” të gjitha mundësitë tona për të bindur (frikësuar) pushtuesin tonë verior të na lërë Mitrovicën, por kot! Atë që nuk mundi ta bëjë shumë vite më parë ylli i muzikës shqiptare, e madhja Shkurte Fejza me këngën; “Jo nuk ndahet Mitrovica”,…provuan ta bëjnë edhe liderët tonë përmes fushatave zgjedhore disa herë në vazhdimësi, përderisa zgjedhjeve të fundit as që humbën kohë të merren me Mitrovicën, shkaku i konsumimit të kësaj çështje në fjalorin e tyre politik. Po i kthehem edhe një herë mesazhit të fuqishëm që shpërndau këngëtarja jonë e mirënjohur, në vargun e saj më kulmor në këngën e saj; “pa u farue me djem e çika, jo nuk ndahet Mitrovica”. Ky varg, për më tepër se mesazh, duhej të ishte si kushtrim mbarëkombëtar, mirëpo në kohën kur u lansua kjo këngë, mesazhi i saj duket të ketë qenë pak sa i vonuar, madje do të thosha edhe shqetë- sues për “bartësit” e luftës, tashmë të akomoduar mirë nëpër institucione shtetërore, të zhytur thellë në luksin përrallor që u solli liria!

Veprimet ishin të planifikuara dhe të koordinuara nga Serbia, Rusia dhe një pjesë tjetër e bashkësisë ndërkombëtare

Një situatë e tillë e krijuar e komandantëve (varfanjak) të shndërruar në milionerë, u bë shkak për irritim dhe thyerje shpirtërore të ish -luftëtarëve të lirisë, të cilët 17 vjet nga përfundimi i luftës të vetmin shpëtim ekzistencial për familjet e tyre e shohin Ligjin (diskriminues) të aprovuar në Kuvendin e Republikës së Kosovës. Ashtu si ndarja e Mitrovicës që nuk ishte e rastësishme (e planifikuar), edhe veprimet e mëpastajme të pasluftës ishin të planifikuara dhe të koordinuara nga Serbia, Rusia dhe një pjesë tjetër e bashkësisë ndërkombëtare. Për fat të keq, ky projekt antishqiptar pati sukses ndaj njerëzve të mashtruar nga gjysmëliria që u erdhi në gjysmështetin e Kosovës. Ja vetëm një nga rezultatet; ndërtimi i mijëra xhamive në shtetin “laik”, prodhoj qindra luftëtarë të gatshëm për të vdekur në shkretëtirat arabo-aziatike…! Mbetët i pashpjegueshëm fakti, si shqiptarët me kaq lehtësi bien pre e kurtheve dhe planeve të të tjerëve,…dhe me sa vështirësi arrijnë të bashkohen rreth idealit të tyre kombëtar. Nga u vjen gjithë ai motivim shpirtëror të rinjve shqiptarë për të lënë eshtrat e tyre shkretëtirave aziatike, kur aq afër e lënë në duar të serbëve pjesën e tokës më të pasur dhe më të çmuar të atdheut të tyre – Trepçën, tokë me flori siç thotë populli, njërën ndër minierat më të pasura në Evropë dhe botë! Heronj të (vetëm) gjallë të asaj toke janë ata pak banorë shqiptarë të mbetur në pjesën veriore, që me prezencën e tyre fizike janë duke u munduar t’i dalin zot trojeve te veta stërgjyshore, përderisa liderët politikë me hipokrizi sillen ndaj tyre duke u thënë “jo nuk ndahet Mitrovica”, duke mos e bërë as hapin më të vogël politik e juridik për bashkimin e asaj pjese.

Aty përfundon sovraniteti i shtetit të Kosovës

Në anën tjetër, serbët me modifikimin (ndryshimin) e pamjes së barrikadave mbi urën e lumit Ibër, e së fundmi me ndërtimin e Murit ndarës, na rikujtojnë se aty përfundon sovraniteti i shtetit të Kosovës. Ku janë krerët shtetërorë që janë strukur në lëvozhgën e tyre dhe nuk e thonë asnjë fjalë të vetme për Murin ndarës në Veri të Mitrovicës, ku janë liderët partiakë të pozitës dhe opozitës që aq shumë zhurmë bënë për Demarkacionin me Malin e Zi. Ndoshta ky Muri ndarës është më pak i rëndësishëm për ta, në krahasim me zgjedhjet e balotazhit në Drenas, për të grabitur sadopak pushtet në këtë gjysmë shtet. E para që e “ngriti” zërin për Murin serb ishte Ministrja për Dialog, zon(jush)a Edita Tahiri, e cila e vlerësoi ngritjen e këtij muri si ilegal dhe në kundërshtim me Marrëveshjen e Brukselit. Masat e para dhe të vetme të shtetit të Kosovës për “parandalimin dhe rrënimin” e atij muri fatkeq ishin këto; vëzhgimi nga një trup policor dhe gjoja dërgimi i inspektorëve të urbanizmit për inspektimin e lokacionit ku po zhvillohen ndërtimet. Pafuqia e shtetit tonë dhe se vërtetë situata do të mbetët e pandryshuar, u vërtetua edhe në konferencën për shtyp të kryeministrit të vendit, e datës 08.12.2016, rreth orës 11.00, i cili për Murin në veri decidivisht u shpreh kështu, po citoj; “Muri do të trajtohet sipas ligjit,…ne nuk do t’i tregojmë muskujt”! Kjo i bie që Muri ndarës do të mbetet aty ku është, i papenguar dhe i paprekur nga institucionet e shtetit të Kosovës. Ndërsa edhe më konfuz dhe i paqartë në të njëjtën konferencë për shtyp ishte ministri i Jashtëm, Enver Hoxhaj, i cili e krahasoj Murin ndarës të shtetit tonë me “Murin fantom” të anëtarësimit të Serbisë në BE, pa njohjen e Kosovës,…duke harruar (qëllimisht) se Serbia më shumë se anë- tarësimin në BE-në e çakorduar të këtyre muajve të fundit, e do gllabërimin e territoreve të vendit tonë. Përrallat dhe premtimeve e zon(jush)ës Edita Tahiri, se barrikadat janë një “flluskë sapuni”, u ngrinë në beton dhe hekur, duke legalizuar ndarjen edhe “de facto” të Mitrovicës, pasi ajo “de jure” ka qenë e ndarë më parë në dy njësi administrative (Mitrovica e Veriut dhe Mitrovica e Jugut). Disa analistë, Murin ndarës të Mitrovicës dhe pjesës veriore të shtetit të Kosovës e krahasuan padrejtësisht me “Murin e Berlinit”, gjë e cila nuk përkon as më kohë dhe as ne realitet.

Çka pas…?

Kjo ndarje fatkeqe e territorit dhe ky bllokim i lëvizjes së lirë të njerëzve po ndodh në kohën e integrimeve evropiane e jo në kohën e ndarjeve dhe luftës së ftohtë mes dy blloqeve më të mëdha botërore. Muri ndarës në pjesën veriore, në njërën anë parqet dështimin total të palës kosovare në bisedimet e Brukselit, ndërsa në tjetrën realizimin në plotni të qëllimeve dhe aspiratave serbe ndaj Kosovës. Padyshim, veprimi i radhës i serbëve të veriut do të jetë legalizimi i “Zajednicës” dhe organizimi i Referendumit për ndarjen përfundimtare të veriut të vendit nga Kosova. Përmes akteve pasuese, do të ndodhë edhe zhvendosja e kufirit nga Jarinja në veri të Mitrovicës. Mbase ndokush mund të mos pajtohet me konstatimin tim, por realiteti po e dëshmon se veriu i vendit është shndërruar në “Mollë të ndaluar” për qeveritarët tonë. Mbase atëherë, pushtetarët e Prishtinës do ta kenë më lehtë të bëjnë matjen e kufirit me Serbinë se sa me Malin e Zi.

RRUSHI I THARTË Nga Flora Peci

Kur nuk jemi në gjendje ta arrijmë shkallën e një intelektuali të ndershëm dhe real ,e kthejme anën tjetër të medales se nuk mund të arrijmë aty ku qëndron ai.Është rrush i thartë për ne.

Jam apartiake,por jam shqiptare.Nuk e nënvlerësoj asnjë parti,por jam kundër atyre që i mohojnë vlerat kombëtare.

Mos të shkoj me rrotulla,por po i bie tani “TROÇ “.

Arsimi në Mitrovicë u ngrit dhe u pasurua me vlerat dhe punën e drejtorit të DKA ,gjë që u vërejt edhe nga të tjerët se ky nuk është vetëm mendimi im.

Është fjala për Dr.Pajazit Hajzeri i cili i takon gjeneratës së parë të historianëve të doktoruar në këtë lëmi .Është njeri real, e përfill ligjin dhe mbi të gjitha 30 punëtorë që mbetën me muaj të tërë papaga mujore, ky me ardhjen në post, ua bëri të mundshme t ‘i marrin të gjitha përnjëherë.Diti t’i gëzojë punëtorët, asnjëherë pa e kursyer veten.

E shkarkuan se nuk u pëlqeu mospërfillja e tij për gjëra të paligjshme.

Nuk jam gazetare, nuk njoh parti ,njoh vetëm shqiptari,them unë.

Anëtar i LDK-së shkarkohet nga detyra me shpifje,trillime nga KK,Agim Bahtiri. Luaje mace, kryet e bullit, thotë populli.

Nuk na duan dhe nuk i duam të gjithë ,është normale,por nuk është normale ta shkarkojmë me trillime një njeri të ngritur i cili ka fakte për trilimet e atyre që djerratisin kohën për t’i larguar vlerat nga postet,vetëm pse nuk janë lojalë dhe dhe nuk punojnë në mënyrë të paligjshme.Mendohu o kryetar se a mos ke gabuar sadopak?

Thua sa beson në ZOT ??? Epo kur bën gjëra të tilla ,atëherë je mëkatar para ZOTIT se të tillët nuk kanë vend te Zoti.Me respekt a pa respekt,unë e thashë mendimin tim ,i cili i takon botës demokratike-

SHPREHJA E MENDIMIT TË LIRË .
Rrushi i thartë akoma qëndron lart.

Tekstet anti-semite në tregun e librave, por jo në shkolla

Libra me përmbajtje antisemite shiten në qendër mtë Prishtinës

Në tekstet shkollore, me të cilat mësohet në shkollat brenda sistemit të arsimit në Kosovë, nuk ka përmbajtje anti-semite dhe të tilla që nxisin urrejtje ndaj kujtdo qoftë, vlerësojnë zyrtarët e Qeverisë së Kosovës.

Por, megjithatë, sipas tyre, duhet të verifikohet nëse libra me përmbajtje të tillë shiten në tregjet e librave në Kosovë, në çfarë përmase, si dhe që ato të largohen, por edhe të hetohet prejardhja e tyre botuese.

Reagimi i autoriteteve qeveritare të vendit ka ardhur pak ditë pasi që presidenti i Kosovës, Hashim Thaçi, ka kërkuar nga organet kompetente që të fillojnë hetimet për shitjen e librave anti-semite në rrugët e kryeqytetit të Kosovës, si dhe largimin e tyre nga shitja.

Kërkesa e presidentit Thaçit u bë pas ankesës së dy ekspertëve të anti-semitizmit, shtetas izraelitë, Ido Daniel dhe Shimon Samuels, nga Qendra Simon Wiesental, të cilët i drejtuan një letër presidentit të Kosovës.

Siç është thënë në këtë letër, gjatë një vizite në Kosovë, Ido Daniel ka vërejtur në rrugët e Prishtinës shitjen e librave anti – semite.

Faton Abdullahu, zëdhënës i Qeverisë së Kosovës, duke folur për Radion Evropa e Lirë, thekson që ekzekutivi i vendit është kundër çfarëdo lloj anti semitizmi në Kosovë, duke u mbështetë edhe mbi parimet mbi të cilat është ndërtuar shteti i Kosovës, ligjet dhe kushtetutën e saj.

“Ne, apriori, jemi jo vetëm kundër, por jemi edhe të obliguar që në forma të ndryshme ta ndëshkojmë çfarëdo anti – semitizmi në Kosovë. Konsiderojmë që së pari do të duhej që të konstatohej gjendja dhe të vijmë te përfundimet e sakta sa i përket konkretisht ndonjë përmase, dimensioni, çfarë ka kjo lloj qasje në Kosovë dhe mandej të gjejmë forma adekuate, thjeshtë, për ta zbatuar ligjin”, thotë Abdullahu.

Agim Bërdynaj, zëvendësministër i Arsimit, Shkencës dhe Teknologjisë i Qeverisë së Kosovës, thotë për Radion Evropa e Lirë se kjo ministri e ka për obligim, por edhe është e kujdesshme që kurrikulat, rregullativat ligjore dhe çdo gjë që ka të bëjë me arsimin, tekstet shkollore dhe mjetet mësimore, t’i nënshtrohen parimeve që lënë jashtë ndikimet që nxisin urrejtjen.

“Megjithatë, ka indikacione. Kemi pasur raste kur ka depërtuar, qoftë ndonjë libër ose broshurë me ngarkesa fetare dhe të tjera. Ne jemi të kujdesshëm dhe çdo herë kur i kemi informacionet për këto, marrim masa. Ndërsa, sa u përket teksteve shkollore, që botohen në bazë të ligjit dhe kurrikulave të Kosovës, asnjë përmbajtje e kësaj natyre nuk është, për shkak se arsimin, me ligj dhe me Kushtetutë, e kemi laik”, thotë Bërdynaj.

Zëvendësministri Bërdynaj ka shtuar se edhe lëshimet, siç i ka quajtur, të pakta, teknike dhe në përmbajtje, në tekstet shkollore, janë rishikuar gjatë këtij viti nga Këshilli Shtetëror për tekstet shkollore dhe së shpejti fillon procesi i ri për botimin e teksteve.

Mirsad Krasniqi, shitës ambulant i librave në sheshin “Nëna Terezë” në Prishtinë, thotë për Radion Evropa e Lirë se kërkesën e presidentit Thaçi për heqjen nga shitja të librave anti-semite e kishte dëgjuar përmes medieve. Librat e tillë ai nuk i kishte në mesin e librave që i shiste.

“Çuditërisht, në njëfarë mënyre, u është bërë edhe reklamë. Tash kërkohen edhe më shumë. Ishte fjala për ‘Mein kampf’ apo ‘Lufta ime” e Hitlerit. Vjet është botuar edhe në Gjermani. Do të thotë, e ka kaluar atë kohë që është e paraparë se kur mund të botohej apo ribotohej. Tjetër, në bazë të leximit, ishte edhe një autor David Icke, ku edhe ai, në njëfarë mënyre, po e përshkruan shoqërinë izraelite. Shumica e librave te ne vijnë nga Shqipëria. Këto që unë i përmenda më parë janë botime të shtëpive botuese nga Shqipëria”, thotë ai.

Por, Krasniqi thotë se ka libra edhe nga Lindja e Mesme dhe largët, për të cilat nuk dihet nëse i janë nënshtruar ndonjë kriteri shkencor dhe editues nga botuesit.

“Në qoftë se janë të tilla që krijojnë urrejtjen, edhe unë jam për atë që atë që të largohen. Fundja, jemi në shekullin 21 dhe na duhen mirëkuptimi dhe toleranca. Na duhet bashkëpunimi dhe jo ndarja”, thotë Krasniqi.

Zëdhënësi i ekzekutivit, Abdullahu, thekson se inspektoratet dhe mekanizmat e shtetit, në përgjithësi, duhet t’i qasen kërkesës së presidentit Thaçi për mënjanimin e librave, për të cilat kontaktohet se kanë përmbajtje anti-semite. Ai thekson se shqiptarët, jo vetëm të Kosovës, kanë traditë të shkëlqyeshme sa i përket mendësisë me të cilën i qasen kulturës hebraike, në përgjithësi.

“Ndoshta nuk është e tepërt ta them që çfarëdo që kemi bërë ne, në historinë tonë, si popull, asnjëherë nuk na është dashur, në asnjë variant, që të jemi anti-semitë, për të fituar diçka në të mirë të pavarësisë së Shqipërisë apo të Kosovës”, shprehet Abdullahu.

Në anën tjetër, zëvendësministri Bërdynaj ka theksuar se problem për kontrollimin dhe rishikimin e teksteve mësimore lidhur me përmbajtjen e tyre paraqitet vetëm në rastin e teksteve shkollore, me të cilat mësojnë nxënësit serbë në shkollat në Kosovë.

Kjo, sipas tij, për faktin se ata mësojnë sipas plan-programeve mësimore të Republikës së Serbisë, e po ashtu edhe me tekste të botuara në këtë vend fqinj. Ndonëse është paraparë që tekstet e tilla të miratohen nga komisionet që nxjerrë Ministria e Arsimit e Kosovës, kjo nuk ka ndodhur deri më tash, për shkak të rrethanave politike, që ndërlidhen me komunitetin serb në Kosovë. (REL)

Në fund të vitit – Baba dimri për shumë fëmijë nuk ekziston! Nga Skënder MULLIQI

Ndërrimi i moteve shënon kulmin e stinorit dimëror.Kanë ndryshuar edhe stinët për të mirë, për dallim nga pushtetet e pas luftës në Kosovë .Nuk po kemi borë të madhe dhe as temperatura shumë të ulëta sikur i kishim në të kaluarën e afertë .Bora e madhe , ngrica dhe acari ishin dikur shumë të pranishme . Nese kishim borë dhe acarë më një standard të ulët jetësor, kishim dashurinë e ndërsjellë , kishim më shumë lumturi familjare , kishim më shumë razillëk . Këto tipare të shqiptarëvë po tretën ngadalë si fluskë sapuni. Edhe ky dimër shumë kënd e ka zënë gafil siq thotë një fjalë e popullit , pa kulm të mirë mbi kokë , pa veshë dhe kotësh, më shumë kalamajë të cilët ngrinë në kohën e të ftoftit . Nuk kan mbetur edhe shumë ditë nga data e vitit të ri 2017 . Për shumicën edhe ky ndërrim i motëve do të jetë i zymtë , do të jetë viti i shpresave të thyera mos të theëm viti i shpresave të fundosura, sepse shpresa thojnë vdes e fundit ! Shumica këtë ndërrim motësh do ti lutën që do tu ngjallën shpresat për një të ardhme më të mirë . Ndërrimi motive shumicën do ti zënë të mbytur deri në fyt në borgje karshi KEDS-it , tatimeve , të mbytur në kredi bankare më kamata marramendëse , nga këto banka më shumë të formës piramidale . Ëndrrat e shumë fëmijëve për dhurata nga Babadimiri , do të mbesin vetëm një ëndërr e mirë . Shumë kryefamijarë do ti lutën Zotit , që mos ti qelë sabahi nga mërzia pse fëmijeve të tyre nuk kan mundësi tu sjellin as bukë si duhet në sofër , së dhuratat e Babadimrit për ta janë një luks i madh. Do ti thonë njëri- tjetrit së kan fluturuar në krahët e premtimeve të rreme të partive garuese për pushtet.Do të thonë më zë të lartë , pse jemi kaq popull I nemur ?! Pse edhe tash kur e kemi shtetin tonë , po jetojmë keq ?… Do të thonë sigurisht së si lejuan që për 17 vite të mashtrohen dhe të manipulohen nga këta matrapazë politikë…Do të lebetitin së si gjendjën e abnoromalitetit e pranuan kaq lehtë si gjendje të normalitetit…Do të rënkojnë së I ka mbuluar më shumë e keqja së sa e mira… Unë thëm pse lejuan që këta liderë të keqinjë tu duken të mirë .Misioni shtetëror dhe kombëtar nuk bëhët më avanturierë politikë. Shteti nuk bëhët demokratik dhe i prosperuar më halabakë dhe kriminelë ordiner. Shteti nuk bëhët më plaqkitës të pronës dhe më tradhtarë të kombit. Kemi të bëjmë më sundimtarë , jo më njerëz të popullit dhe për popullin . Mbeturinat komuniste në pushtetet tona në Prishtinë dhe në Tiranë po na dërgojnë në humnerë . Këta hyzmeqarë të te keqes ndërrimin e Vitin të Ri e kan planifikuar moti , diku në hotelet më të shrejta dhe më luksoze në Kosovë , Shqipëri dhe duku në Evropë .Haram ju kofshin paratë e taksapaguesve .E mbytën popullin në ëndrra për shumë vite së do të bëhët mirë. Më mjeshtri çdo qendrim e kthyen në mashtrim. Të bësuarit në Babadimër për shumë fëmijë tanë nuk ekziston më .Këta rrugaqë politikë në krye të dy shteteteve shqiptare , po i venitin shpresat e fëmijëve tanë për jetë më të mirë! Nga ajo që thash edhe nënkuptohet së Babadimri nuk ka shansë., duke na lënë vëtem ashtu të duket… Fëmijëve do tu duket Babadimri si njeri i kamufluar që nuk do tu sjellë dhurata?! Baba dimri për shumë fëmijë nuk ekziston! Duhet të mos e humbim bësimin , së edhe ashtu nuk na ka mbetur gjë tjetër…

NATO i thotë jo Serbisë për radarin e kontrollit ajror në Kosovë

Drejtori i kontrollit ajror të Serbisë dhe Malit të Zi (SMATSA), Radojica Rovqanin, ka pranuar se i është refuzuar kërkesa nga NATO që të kenë nën kontroll radarin e kontrollit ajror në Kosovë, shkruan B92.

Kompania e vetme në Serbi që është pjesë e Bashkimit Evropian, ka prezantuar projekte serioze që i kontribuojnë SMATSA-s të jetë në krye të Eurocontrol-it, që ka 44 shtete anëtare, transmeton Telegrafi.

Sipas tij, SMATSA është në finalizimin e lejeve, dokumentacionin e projektit dhe përgatitjen e tokës për ndërtimin e kullës në aeroportin “Nikola Tesla”, si dhe radarin primar dhe atë sekondar në Beograd dhe në Besna Kobil afër Vranjës, duke pranuar se janë duke punuar në përmirësimin e harduerëve dhe softuerëve të sistemit që është në përputhje me kontrollin më modern të trafikut ajror në Evropë.

“Ndërtimi i kullës së re në aeroportin “Nikola Tesla” dhe aneks ndërtesa do të jetë një nga detyrat më të rëndësishme në vitin 2017”, ka deklaruar Rovqanin duke shtuar se kulla do të jetë njëra nga markat kryesore të aeroportit të Surqinit.

“Radari në Besna Kobil në Vranjë, ndërtimi i të cilës do të fillojë gjatë vitit të ardhshëm, është gjithashtu i rëndësishëm për pjesën jugore të Serbisë, pas mbylljes së kullës në Kopaonik. Falë kësaj kulle do të mund të shohim gjithë Ballkanin, dhe nuk do të varemi nga radari që nuk po na e kthen NATO. Shumë herë kemi kërkuar nga NATO të na e kthej atë radarë, të paktën atë civil, por ata e kanë lidhur këtë me hapësirën e ulët ajrore mbi Kosovën, dhe për këtë kemi vendosur që të mos presim dhe ta ndërtojmë tonin”, ka shtuar Rovqanin.

Misha Glenny: Trump nuk do ta detyrojë Rusinë ta njohë Kosovën

Misha Glenny, gazetar britanik dhe ligjërues në Universitetin Columbia, i ka thënë gazetës së Beogradit, “Danas”, se vështirë mund të parashikohet nëse Rusia për hatër të Trumpit do të mund të njohë pavarësinë e Kosovës, por “të gjithë ata që mendojnë se e dinë se si do të sillet Trumpi si president i Amerikës, nuk e kanë kuptuar thelbin e tij”.

“Nuk pres asgjë të mirë nga Trumpi, por në çfarë forme, me të vërtetë nuk e di”, citon atë “Danas”. Glenny pas zgjedhjes së Trumpit deklaroi se “nuk mund ta marrë me mend se ai do t’i kushtohet situatës ballkanike deri në hollësi, por ai këtë do t’ua lë atyre që do t’i zgjedhë të merren me rolin vendimtar për dizajnimin e politikës në Departamentin e Shtetit”, transmeton Koha.net.

Erkki Bahovski, diplomat estonez dhe ish-zyrtar i Komisioni Europian thekson se rusët me siguri nuk do të njohin pavarësinë e Kosovës.

“Refuzimi për të njohur pavarësinë e Kosovës përbën themelin e politikës së jashtme të Federatës Ruse. Rusia jo rrallë përdor ndërhyrjen e Perëndimit në Kosovë si kundërargument në diskutime rreth invadimit rus në Krime. Ajo që mund duket më e besueshme është që Donald Trump do të përpiqet të shfaq një lloj marrëveshje me rusët rreth Sirisë. Mbetet të shihet se në ç’mënyrë dhe a do të ndodhë fare kjo marrëveshje, por njohja e Kosovës nga ana e Rusisë kapërcen edhe imagjinatën më të çmendur, konsideron Bahovski.

Përfaqësuesit e qarqeve diplomatike të Brukselit po ashtu nuk presin që administrata e presidentit rus, Vlladimir Putin të ndryshojë qëndrimin ndaj Kosovës, ashtu siç “nuk mund të merret me mend që Beogradi t’i vërë sanksione Rusisë”.

Zëvendësi i kryetarit të Parlamentit të Krimesë, Refat Çubarov, gjatë një qëndrimi në Beograd citohet të ketë deklaruar “Tashmë ka plane që Kosova të shkëmbehet për Krimenë, janë parashikime të njerëzve rreth Trumpit. Për shkak të pasojave katastrofike të sanksioneve ndaj saj, Rusia tani aktivisht po kërkon mundësi që të ndryshojë dhe afrojë pozicionin e saj nga bashkëpunimi me SHBA dhe krahas kësaj të ruaj interesat e veta”, dhe ka shtuar se “Rusia do të jetë e gatshme për zgjidhje kompromise dhe për kompromise që të fitojë pushtetin mbi Krimenë”.

Filmi dokumentar për heroin Ahmet Krasniqi dhe e vërteta e luftës së FARK-ut – Nga Skënder Mulliqi

Ish kryeministri i Shqipërisë, z.Sali Berisha “Kam përshtypjen më të mirë për komandantin, Ahmet Krasniqin , i cili dha një kontribut të ndritrur . Ai ishte një hero i vërtetë që ra nga një dorë vrastare”…

Secilen verë qe vjen pjestarët e Shoqatës Humanitare “Sali Çekaj” më seli në Zvicër , po i vizitojnë vendlindjet e tyre . Në mënyrë të organizuar ata po vizitojnë edhe varrezat e dëshmorëve të kombit në Kosharën Legjendare dhe vende tjera.Po i vizitojnë dhe po bëjnë nderime para heronjëve të kombit , Sali Qekaj e Agim Ramadanit etj . Gjithandej kah prehen eshtrat e atyre të cilët bënë shumë për lirinë dhe pavarësinë e Kosovës, anetarët e shoqatës gjetën kohë për të qenë aty afër në mesin e bashkëluftetarve duke vënë kurora lulësh, e të cilët nuk janë më në këtë botë, por që nuk do të harrohen kurrë. Kësaj vere pasi që ishin kryer nderimet për deshmorët dhe heronjët e krahut institucional të luftës të udhëhequra nga ushtaraku i karrierës colonel , Ahmet Krasniqi, bashkë më kryetarin e kësaj shoqate e cila beri shumë për shumë familje, për shumë individë e luftetarë të lirisë duke u ndërtuar shtepi të re e ndihma të tjera , Saim Tahirajn u nisem për në Prishtinë, ku Saimi në emer të shoqatës kishte lën një takim më realizuaesit e filmit dokumentarë për colonel; Ahmet Krasniqin. Në shtëpinë e regjisorit të këtij dokumentari më peshë të madhe mbarë kombetare ,Fatos Lokaj, ishin të pranishem disa nga bashkëpunëtorët e ngusht të Ahmet Krasniqit. Saimi më rrëfeu shkurtazi gjatë rrugëtimit tonë së për realizimin e këtij dokumentari janë duke hasur në pengesa të qëllimshme dhe zvarritje tjera. Mësuam nga skenaristi i dokumentarit , Skender Zogaj dhe regjisori Fatos Lokaj së punimet kan arritur në fazën përfundimtare .Këtyre ditëve filmi për colonel, Ahmet Krasniqin e vrarë nga nje dorë mizore dhe tradhëtare u shfaqë për publikun e gjerë në RTV , e cili televizion mëriton qdo lavdatë pasi qe televizonet tjera duket se ishin të penguara që filmi të shfaqet edhe atje .E gjithë ajo qka është bërë në prapaskena kishte reaguar shoqata e cila kishte bërë që ky film pas shumë kohësh të zbardhë të gjithë ta palarat e atyre të cilët e konstetuan krahun e FARKU-t , jo vetem ata të ish LPK-së , por edhe disa nga LDK-ja, kështu thuhet ndër të tjera në reagimin e kesaj shoqate.Unë më kërrsheri të veqantë ndoqa fillimin . Kronologjia e ngjarjëve më duket së është pasqyruar mirë nga regjisori, Lokaj dhe skenaristi, Zogaj.Për jetën dhe veprën e heroit , Ahmet Krasaniqit folën pikërisht ata që edhe u takonte edhe pse ka pasur vend edhe për të tjerë . Folën përsonlitete të shquara të jetës ushtarake dhe të jetës politike në Kosovë dhe në Shqipëri . Ishin të përfshirë në dokumentar bashkëpunëtorët e ngushtë të Ahmetit, ushtarakë ,familijaret e tij , dhe njerëzit nga jeta politike. Mundi dhe përkushtimi i shoqatës që më në fund të dalë në dritë jeta , vepra dhe vrasja e Ahmet Krasniqit është për çdo lavdatë , e kritizerëve , tendenciozëve dhe frikacakëve në këtë rast nuk u mbetët vend .Është turp i madh i gjithë atyre të cilët bën përpjekje që mos të dalë në dritë filmi , I cili pasqyron mirë funksionimin e krahut institucional të luftës ku për komandant kishin presidentin historik të Kosovës , dr.Ibrahim Rugova.Obstrukcioneve të ndryshme të cilat janë bërë qëllimisht për denigrimin e luftës institucionale më shfaqjën e filmit edhe më shumë u ka dalur boja.Ky dokumentarë eshte vëtem një pjesë e akativitetit politikë dhe ushtarak të FARK-ut, por që në fakt fletë shumë . Kosova e shpalli trimin e madh të kombit , Ahmet Krsaniqin hero në kohën kur për president ishte, Fatmir Sejdiu. Ahmeti bashkë më familjën e tij bënë shumë për pavarësinë e Kosovës nga Serbia. Por e keqja e të gjitha nododhive të pa mira të pas luftës , ishte mos interesimi e institucioneve që vrasja e kolonelit në Tiranë, të zbardhët përfundimisht. E mira është së gjithnjë e më shumë po lakuriqësohen të gjithë profiterët e luftës.Një lakuriqësim në planin ushtarakë këtyre ua bëri edhe dalja në dritë e këtij filmi dokumentar…Tregimi për figurën madhore të kombit, Ahmet Krasniqin është shumë i gjatë kur dihet sa i gjatë ishte aktiviteti i tij politikë dhe ushtarak, duke filluar nga lufta e Kroacisë .Ky dokumentar u pëlqye dhe ka bërë bujë në opinionin e gjerë publik për të mirë.Këtë shkrim e përmbylli siq e përmbylli edhe këtë dokumentarë , ish kryeministri i Shqipërisë, z.Sali Berisha “Kam përshtypjen më të mirë për komandantin , Ahmet Krasniqin , i cili dha një kontribut të ndritur . Ai ishte një hero i vërtetë që ra nga një dorë vrastare ”…

Në Drenas po mbahen zgjedhjet e jashtëzakonshme

Banorët e Komunës së Drenasit po votojnë sot për të zgjedhur kryetarin e tyre të ri, pas dorëheqjes së Nexhat Demakut, i shpallur fajtor për krime lufte.

Komisioni Qendror i Zgjedhjeve ka njoftuar se me kohë janë hapur të gjitha vendvotimet në Komunën e Drenasit, për zgjedhjet e jashtëzakonshme për kryetar komune.

Me anë të një komunikate, KQZ-ja ka njoftuar se me kohë është shpërndarë materiali sensitiv nëpër të gjitha qendrat e votimit.

Numri i qendrave të votimit është 28, me gjithsejtë 72 vendvotime.

“Numri i qytetarëve me të drejtë vote në këtë komunë, sipas listës përfundimtare të votuesve të miratuar nga KQZ-ja, është 52 mijë e 569”, thuhet në komunikatën e KQZ-së.

Postin e të parit të Drenasit e synojnë kandidatët: Ramiz Lladrovci (PDK), Bedri Nika (LDK), Isa Xhemajlaj (NISMA), Elmi Thaçi (AKR), Vehbi Berisha (Fjala) dhe kandidati i pavarur Xhavit Drenori.

Nëpërmjet një njoftimi për media, KQZ-ja u ka bërë thirrje qytetarëve me të drejtë vote që të shfrytëzojnë të drejtën e tyre.

Procesin e monitorimit në zgjedhjet e jashtëzakonshme për kryetar të Komunës së Drenasit është duke e bërë edhe Koalicioni për Integritet Zgjedhor – KIZ.

Sipas të dhënave nga monitoruesit, nga 72 vendvotime 58 janë hapur me kohë, kurse 12 janë hapur me vonesë prej 10 deri 50 minutash.

“Në shumicën e vendvotimeve, vonesat kanë ardhur për shkak të mungesës së materialit zgjedhor”, thuhet në një komunikatë të këtij koalicioni.

Për zgjedhjet e jashtëzakonshme në Drenas Prokurori i Shteti, Aleksander Lumezi, ka angazhuar një ekip të prokurorëve për të përcjellë mbarëvajtjen e zgjedhjeve.

“Prokurori i Shtetit, së bashku me Policinë e Kosovës, janë të angazhuar për mbarëvajtjen e gjithë procesit zgjedhor. Po ashtu, Prokurori i Shtetit njofton të gjithë opinionin se do të reagojë në të gjitha rastet e incidenteve gjatë procesit zgjedhor dhe pas zgjedhjeve, për çdo raportim apo keqpërdorim të votës”, thuhet në komunikatë, ku citohet se, do të merren masa konkrete në rastet e dezinformimit apo informimit të rrejshëm përmes portaleve dhe rrjeteve sociale. (REL)

Drenasi voton, por nuk fiton! – Nga Florim Zeqa

Zgjedhjet e imponuara në Drenas janë përcjellur me skenarin për ruajtjen e vazhdimësisë qeverisëvse në këtë komunë dhe një testim i lehtë subjekteve politike, në prag të hyrjes në vitin e ngjeshur zgjedhor.

Pavarësisht numrit të daljes së votuesve në këto zgjedhje, në temperatura të ulëta dimri, fushata zgjedhore nxori në sipërfaqe të njëjtat sllogane dhe premtime, të njëjtat kritika dhe akuza të ndërsjella mes kundërshtarëve politik.

U premtuan miliona euro dhe mijëra vende pune, ndërtime shkollash dhe objekte tjera, investime në infrastrukturen rrugore, kanalizime, ujësjellës, etj.

Mirëpo logjikisht rrjedh konstatimi, se kryetari i ri edhe sikurse të kishte në dorë tërë buxhetin e shtetit, nuk do të ketë kohë për realizimin e pothuajse të asnjë projekti madhor brenda një viti, kur dihen procedurat burokratike që ekzistojnë në vendin tonë.

Pavarësisht faktit, se cili kandidat i merr votat për kryetar, Drenasi edhe pas këtyre zgjedhjeve të jashtëzakonshme do të mbetët në të njëjtat nivele të zhvillimit deri në fundin e mandatit, më pak se një vjeqar të kryetarit të ri.

Pra, do vazhdoj të mbetët njëra nga komunat më të varfëra në shtetin e varfër, të drejtuar nga oligarkët milionerë dhe multimionerë të pasluftës në Kosovë.

Bazuar në faktin që KQZ-ja (e ndikuar nga pushtetarët aktual) nuk e pranoj monitorimin e këtyre zgjedhjeve nga OSBE-ja, dyshohet në një proces të montuar zgjedhor, i cili do të ruaj vazhdimësinë e qeverisjes së PDK-së në Drenas.

Zgjedhjet në vitin e fundit të mandatit politik në komunën e Drenasit, s’janë gjë tjetër veqse një testim i radhës dhe një stërvitje e lehtë e partive politike në prag të hyrjes në vitin e ngjeshur zgjedhor.

Njoftimi që erdhi nga Holanda, që ligji për veprimin e Gjykatës Speciale në këtë shtet të hyjë në fuqi nga 1 janari 2017, është një lajm jo fort i kendshëm për vendin tonë. Ky përafrim i veprimit të “Speciales”, mund të ndikoj që vendi ynë të rrëshqas në trazira të paparashikuara nga të inkriminuarit e skenës politike.

E 2017-ta mund të jetë viti i mbajtjes së zgjedhjeve të përgjithshme në Kosovë, si pasojë e fillimit të punës së Gjykatë s Speciale.

Në këtë rast, Qeveria dhe Parlamenti që i dhanë “bekimin” fillimit të punës së kësaj gjykate, shumë shpejt do të ndodhen para sfidave të tepër të vështira,…andaj medeomos duhet të përgatisin strategjinë e veprimit, se si të procedohet tutje pas fillimit të arrestimeve të para,…ngase shumë komuna në Kosovë mund të mbesin pa kryetar, qeveria pa ministra apo zv. ministra dhe parlamenti pa një pjesë të konsiderueshme të deputetëve të pozitës dhe opozitës.

Zgjedhjet nga muaji në muaj nuk janë zgjidhje, andaj duhet gjetur mënyrat më të mira për të parandaluar trazirat e mundshme dhe funksionalitetin e jetës institucionale në Kosovë.

Në vend të zgjedhjeve të shpeshta (mujore) nëpër komuna, duhet që puna të vazhdoj me ushtrues detyre deri ne afatin e rregullt zgjedhor, e jo të veprohet sikurse në Drenas, edhe pse më pak se një vit deri në fund të mandatit, padrejtësisht e derguan në zgjedhje duke maltretuar panevojshëm qytetarët dhe dëmtuar buxhetin e shtetit për miliona euro,…përderisa, për të njëjtat motive komunën e Skënderajt e “lejuan” të funksionoj tani e tre vite pa kryetar!

Kështu ndodhë në vendin e paradokseve të quajtur Kosovë, ku ligjin e diktojnë të fortit e politikës, qofshin në pushtet apo prapa grilave!

Bazuar në rrjedhat politike pas fillimit të punës së Gjykatë Speciale, mund të ndodhë që së largu kah mesi i vitit 2017, vendi të shkojë në zgjedhje të përgjithsme, nacionale dhe lokale për të plotësuar vakumin institucional, si pasojë e ndrrimit të vendbanimit të disa prej personaliteteve të larta shtetërore, përfshirë ministra, zv. ministra dhe kryetar komunash.

Pavarësisht veprimeve të Gjykatës Speciale dhe pasojat e saj në skenën politike dhe qeverisjen e vendit, ka ardhur koha për ndryshime substanciale në vendin tonë. 17 vite ishin shumë të gjata për pjesën dërmuese të popullatës, që jetën e kaloj në varfëri, të rënda dhe të mundimshme na dolën të ishin edhe afro nëntë vite pavarësi, ku shteti i ri, “për dikë u bë nënë e për dikë tjetër njerkë”, dikush i gëzon të gjitha privilegjet nga shteti, e dikush tjetër asgjë.

Si pasojë e kësaj situate, Kosova nodhet në prag të shpërthimit të “bombës sociale”, të cilët me padurim e presin armiqt e shtetit tonë, përderisa ndërkombëtarët me kurreshtje i përcjellin të gjitha zhvillimet dramatike në vendin tonë, për të arsyetuar vazhdimësinë e prezencës së tyre në Kosovë.

Drojë nga rrugët alternative drejt luftërave të huaja

Numri i shtetasve të Kosovës, të cilët kanë tentuar të shkojnë në vend-luftimet e huaja, në Siri dhe Irak, por që janë arrestuar nga organet e rendit, gjatë këtij viti ka shënuar rënie. Të paktën, kështu vlerësojnë zyrtarët e Policisë së Kosovës dhe njohësit e rrethanave të sigurisë në vend, në rubrikën e përjavshme “Fokus” të Radios Evropa e lirë. Sipas tyre, faktorët që kanë ndikuar për rënien e këtij numri, janë të ndryshëm.

Daut Hoxha, zëdhënës i Policisë së Kosovës, thotë për Radion Evropa e Lirë se numri i shtetasve të Kosovës, të cilët gjatë këtij viti janë parandaluar të shkojnë në zonat e konfliktit, është shumë më i ulët se sa në vitet e kaluara.

“Policia e Kosovës, në bashkëpunim edhe me agjencitë tjera të sigurisë në vend dhe ato ndërkombëtare, ka arritur që ta parandalojë një numër të caktuar të personave, gjatë tentimit të tyre për të shkuar në zonën e konfliktit. Nga viti 2012 deri në vitin 2015 janë rreth 40 persona, përderisa në vitin 2016, deri në këtë periudhë janë 5 të tillë”, thotë zëdhënësi Hoxha.

Por, cilat janë shkaqet që kanë ndikuar në, siç thuhet, trendin e uljes së numrit të personave nga Kosova, të cilët tentojnë, që t’ia mësyjnë zonave të konfliktit në Siri dhe Irak, për t’iu bashkangjitur grupeve ekstreme dhe të dhunshme?

Mentor Vrajolli, hulumtues në Qendrën Kosovare për Studime të Sigurisë, duke folur për Radion Evropa e Lirë, shpjegon se të dhënat nga terreni tregojnë se te qytetarët e Kosovës është ngritur vetëdija lidhur me grupimet ekstreme dhe terroriste që veprojnë në konfliktet në Siri dhe Irak.

“Qytetarët e Kosovës janë të vetëdijshëm që grupet si ISIS-i, janë pa kurrfarë dyshimi organizata terroriste brutale, të cilat keqpërdorin religjionin për të kryer krime absurde ndaj të gjithë atyre që nuk i nënshtrohen botëkuptimeve të këtij grupimi. Pra, qytetarët e Kosovës, tashmë janë të vetëdijshëm se lufta në Siri dhe Irak nuk bëhet për t’u dalë krah qytetarëve të pambrojtur. Andaj, si rezultat, edhe interesimi i qytetarëve të Kosovës për t’iu bashkangjitur këtyre grupeve, ka rënë në mënyrë drastike”, thotë Vrajolli.

Ish-deputeti i Kuvendit të Kosovës, Burim Ramadani, profesor i Sigurisë Kombëtare në Kolegjin ISPE, thotë për Radion Evropa e Lirë, thotë se në rënien e numrit të personave nga Kosova që u bashkohen luftërave të huaja, kanë dhënë efekte tri nivele.

“Së pari, institucionet e Kosovës dhe shoqëria e Kosovës në përgjithësi, e ka trajtuar më seriozisht këtë çështje. Së dyti, është rritur bashkëpunimi me shtetet e ndryshme dhe bashkëpunimi ndërkombëtar edhe për këtë çështje. Së treti, trendi global i njerëzve që i bashkohen konfliktit në territor të Sirisë dhe Irakut është në rënie dhe kjo ka reflektuar, normalisht, edhe në Kosovë, por edhe në Ballkan”, shpjegon Ramadani.

Shtetasit e Kosovës, të cilët janë parandaluar të shkojnë në zonat e konfliktit në Siri dhe Irak, deri vonë kanë shfrytëzuar, siç thuhet, rrugët ajrore dhe ata janë ndaluar në aeroporte. Rrugët e tilla, tashmë janë bërë të pamundura për ta.

Megjithëkëtë, mekanizmat e sigurisë, por edhe njohësit e rrethanave të sigurisë, kanë shfaqur drojën dhe dyshimet se persona të caktuar, eventualisht, i shfrytëzojnë rrugët alternative, tokësore, drejt Shqipërisë dhe Malit të Zi, për të vazhduar më pas drejt Italisë, në mënyrë që të arrijnë në Lindjen e Mesme.

Megjithatë, Vrajolli vlerëson se ekziston probabiliteti që një gjë e tillë mund të ndodhë.

“Sa i përket rrugëve alternative, mund të them se një gjë e tillë, për momentin, është spekulative. Pra, mundësitë që një gjë e tillë të ndodhë, nuk mund të mohohen, për shkak se janë rrugë dhe gjithsesi probabiliteti mund të jetë se ato mund të përdoren. Në qoftë se edhe nuk janë përdorur, ato mund të përdoren në të ardhmen”, vlerëson Vrajolli.

Zëvendësministri i Punëve të Brendshme i Qeverisë së Kosovës, Valdet Hoxha, në një bisedë me Radion Evropa e Lirë, shpjegon se autoritetet e Kosovës, Shqipërisë dhe Malit të Zi, janë duke punuar për një marrëveshje të përbashkët lidhur me aspektet e sigurisë.

Sipas tij, në këtë kuadër një qendër trepalëshe e bashkëpunimit policor do të jetë me qendër në Plavë, në Mal të Zi, nga ku do të shkëmbehen të dhënat e interesit të përgjithshëm, por me theks të veçantë për fushën e sigurisë, për situatën në rajon dhe më gjerë.

“Në kuptim të përgjithshëm, kjo jep material, kryesisht për parandalimin e akteve të dëmshme kundër rendeve kushtetuese dhe juridike të vendeve përkatëse, duke përfshirë këtu edhe parandalimin e ekstremizmit të dhunshëm, radikalizmit, luftimin e terrorizmit, por edhe dukuritë tjera, siç është migrimi i paligjshëm, siç është një fushë përmes të cilës mund të lulëzojë ndonjë rrugë e paligjshme e trafikimit me qenie njerëzore, por edhe infiltrimi i ndonjë, po e quaj, luftëtari të Lindjes së Mesme për qëllime të caktuara”, thekson Hoxha.

Sipas të dhënave të Policisë së Kosovës, numri i përgjithshëm i shtetasve të Kosovës që kanë udhëtuar për në Siri që nga viti 2012 është rreth 316, në mesin e tyre 44 gra dhe 29 fëmijë.

Zëdhënësi i Policisë së Kosovës, Hoxha, thekson se aktualisht në zonat e konfliktit në Siri dhe Irak, vlerësohet se janë më pak se gjysma e këtij numri të shtetasve të Kosovës.

“Vlerësohet se aktualisht numri i qytetarëve nga Kosova në zonat e konfliktit është rreth 140, duke përfshirë këtu75 persona që dyshohet se në forma të ndryshme janë aktiv në organizatat terroriste, të përcjellë nga gratë dhe fëmijët e tyre”, thotë ai.

Sipas të dhënave të policisë, në Siri dhe Irak, aktualisht janë edhe 38 gra dhe 27 fëmijë, ndërkaq 58 shtetas të Kosovës janë raportuar si të vrarë. Shumica prej tyre besohet të jenë vrarë prej vetë terroristëve pas tentimeve për t’u larguar nga zonat e konfliktit. Deri më tani 117 prej tyre janë kthyer në Kosovë.

Të dhënat e policisë tregojnë se shtetasit e Kosovës, të cilët kanë udhëtuar për në zonat e konfliktit, kryesisht janë të rinj të moshës 18-27 vjeç. Shumica prej tyre, siç thuhet, ishin me gjendje të rëndë ekonomike dhe probleme sociale, me një edukim të ulët ose nuk kanë pasur fare qasje në edukim, si dhe një pjesë e tyre ishin me të kaluar kriminale.

Për gjatë aktiviteteve për parandalim të përhapjes së ekstremizmit, radikalizmit dhe përfshirjes së qytetarëve të Kosovës në konflikte jashtë vendit, Policia e Kosovës në bashkëpunim me Prokurorinë Speciale të Kosovës, ka iniciuar hetime penale ndaj 237 personave, me dyshimin se kanë kryer veprat penale: organizim dhe pjesëmarrje në grupe terroriste, pjesëmarrje në konflikte jashtë vendit, organizim, rekrutim, lehtësim dhe financim të terrorizmit, si dhe vepra tjera kundër rendit kushtetutës dhe sigurisë në Republikën e Kosovës.

Si rezultat i këtyre hetimeve, që nga viti 2013 e deri më tash, mbi 127 persona janë arrestuar, duke përfshirë personat kyç të grupit që është marrë me rekrutimin dhe lehtësimin shkuarjes së shumicës së luftëtarëve nga Kosova, në zonat e konfliktit në Siri dhe Irak. (REL)

Serbët e Kosovës vendim për ndërprerjen e komunikimit me KFOR-in

Kryetarët e katër komunave me shumicë serbe në veri të Kosovës, në mënyrë të ashpër kanë dënuar “instrumentalizimin e KFOR-it

PRISHTINË – Përfaqësuesit politikë të serbëve nga veriu i Kosovës kanë vendosur të ndërpresin komunikimin dhe bashkëpunimin e mëtejshëm me KFOR-in, sipas tyre, për shkak të qëndrimit të sotëm të kryeministrit kosovar Isa Mustafa në veri të Kosovës.

Në njoftimin e përbashkët të kryetarëve të katër komunave me shumicë serbe në veri të Kosovës, Mitrovica Veriore, Zveçani, Leposaviq dhe Zubin Potok, thuhet se në mënyrë të ashpër dënohet “instrumentalizimi i KFOR-it, që sot kryente rolin e mbrojtësit politik të Isa Mustafës gjatë vizitës së paparalajmëruar në veri të Kosovës dhe ndërpretet komunikimi dhe bashkëpunimi me KFOR-in”.

Kryeministri i Kosovës Isa Mustafa qëndroi sot në veri të Kosovës, ku mori pjesë në ceremoninë dhe lëshimin në qarkullim të urës së re të Bistricës, që lidh komunat Zveçan dhe Lepostaviq në organizim të KFOR-it. Me kryeministrin në veri të Kosovës qëndruan ministri Forcës së Sigurisë të Kosovës Haki Demoli dhe ministri i Punëve të Brendshme, Skendar Hyseni.

Kryetarët theksojnë se popullit serb në veri të Kosovës nuk mund “me armë t’i imponohet realiteti politik”, dhe shtohet se shumë mashtrohet ai që mendon se me frikësim mund t’i detyrojë serbët të kalojnë përmes njëmendësisë dhe dhunës politike, që sipas tyre ka çuar deri te mospjesëmarrja e përfaqësuesve politikë serbë në institucionet kosovare.

Ndërkohë pas këtij qëndrimi ka reaguar edhe KFOR-i, ku në një njoftim thekson se shpreh keqardhje për mos pjesëmarrjen e përfaqësuesve të komunave të veriore në inaugurimin e urës në Bistricë.

Në njoftim shtohet se ura do të jetë një avantazh i rëndësishëm për zhvillimin e këtyre komuniteteve.

“Urat janë në të vërtetë ndër simbolet më të fuqishme të lidhjes, bashkëpunimit dhe të harmonisë. Ato lidhin njerëzit, hapin rrugët tregtare dhe të sjellin prosperitet dhe tolerance”, thuhet në njoftim nga KFOR-I”, theksohet më tej.

Gjithashtu KFOR-i bën të ditur se në pajtim të mandatit të tij do të vazhdojë të punojë për të mirën e të gjithë njerëzve në Kosovë.

Serbët e veriut të Kosovës sot rreth orës 13:00 bllokuan rrugën magjistrale Prishtinë-Leposaviq për të parandaluar zyrtarët kosovarë që të marrin pjesë në lëshimin në qarkullim të urës së Bistricës, por me shoqërim të KFOR-it kaluan në një rrugë tjetër. aa

Policia arreston një zyrtar komunal që fyeu serbët në Asamblenë e Deçanit

Policia e Kosovës përmes një njoftimi ka sqaruar pse u arrestua dje zyrtari nga Deçani, Asim Cenaj. Sipas njoftimit ai u ndalua për shkak të “Nxitjes së urrejtjes racore, përçarjes ose mosdurimit kombëtar, racor, fetar apo etnik”. Incidenti kishte ndodhur gjatë një debati me qytetarë shqiptarë e serbë të Deçanit, për pronat e banesat e këtyre të fundit.

Në vazhdim njoftimi i plotë i Policisë së Kosovës rreth këtij rasti:

Me qëllim të informimit të drejtë të opinionit publik dhe qytetarëve, Policia e Kosovës përmes kësaj komunikate zyrtare sqaron veprimet policore lidhur me rastin e ndalimit të personit A. C. (viti i lindjes 1984) nga fshati Lloçan i komunës së Deçanit (bëhet fjalë për Asim Cenajn, zyrtar i Komunës së Deçanit, i arrestuar dje pas një mbledhjeje në Deçan – sqarim i redaksisë).

Më datën 1 dhjetor 2016 në sallën e Asamblesë së KK-Deçan ka qenë duke u mbajtur një takim në mes të përfaqësueseve të ndryshëm vendorë e ndërkombëtarë, përfshirë qytetarë shqiptarë nga Deçani, qytetarë serbë ish-banorë të Kosovës, përfaqësues nga OSBE-ja, UNMIK-u, UNHCR-ja, Policia e Kosovës etj., të cilët ishin takuar për të diskutuar lidhur me pronat dhe banesat e qytetarëve, përmes këshillit danez për refugjatë dhe akterëve tjerë.

Gjatë mbarëvajtjes së takimit personi A. C., ka marrë fjalën në këtë takim dhe gjatë fjalimit të tij ka shprehur nxitje të urrejtjes ndaj qytetarëve të pranishëm si dhe i njëjti ka deklaruar se pas daljes nga ai takim brenda 30 min, do t’i ftojë të gjithë qytetarët për t’u ballafaquar me Policinë dhe KFOR-in.

Referuar situatës së krijuar është ndërprerë takimi dhe të pranishmit janë shpërndarë në lokacionet e tyre, ndërsa më vonë personi A. C. është ndaluar nga Policia për “Nxitje të urrejtjes racore, përçarjes ose mosdurimit kombëtar, racor, fetar apo etnik” dhe me vendim të prokurorit kompetent është dërguar në mbajtje për 48 orë.

Policia e Kosovës mbetet e përkushtuar në realizimin e detyrave dhe përgjegjësive të saja ligjore, me qëllim të ruajtjes së rendit dhe sigurisë publike.

Fisher emërohet atashe i Mbrojtjes në Ambasadën e SHBA në Kosovë

Ministri i Forcës së Sigurisë së Kosovës, Haki Demolli, ka pranuar letër zyrtare nga Sekretari i Mbrojtjes së Shteteve të Bashkuara të Amerikës, Ashton Karter, ku është njoftuar zyrtarisht me emërimin e kolonelit Jeffrey H. Fisher, atashe të Mbrojtjes në Ambasadën e SHBA-ve, në Prishtinë, thuhet në faqen zyrtare të ministrisë.

Më tej, në letër, sekretari i Mbrojtjes së SHBA-ve, Carter, shpreh bindjen se emërimi i kolonelit Jeffrey Fisher, në detyrën e atasheut të mbrojtës, me përvojën dhe kualitet që ka do të kontribuojë në interes të dyja vendeve tona./Gazeta Express

Mustafa e fsheh incidentin me serbët në Veri

Kryeministri i vendit ka treguar se ka arritur të jetë pjesë e ceremonisë së përurimit urës së ndërtuar nga NATO, që lidh dy komunat veriore me shumicë serbe, Zvecanin me Leposaviqin. Gjatë rrugës për atje, mediat kanë raportuar se, Isa Mustafa ishte penguar nga disa serbë që kishin bllokuar rrugën e eskortës së Kryeministrit.

“Mora pjesë sot në përurimin e urës së ndërtuar nga NATO, që lidh Zveçanin me Leposaviqin, dy qytetet më veriore të Republikës së Kosovës.

Ishte kënaqësi të shoh një urë të ndërtuar me standarde të larta, e cila do t’ua lehtësoj lëvizjen banorëve të kësaj ane. Urime!”, ka shkruar Kryeministri Mustafa në facebook.

Mustafa, bashkë me zyrtarë të kabinetit të tij, ka qëndruar të premten në veri të Kosovës për të marrë pjesë në ceremoninë e organizuar nga KFOR-i, për hapjen e urës së re të ndërtuar mbi lumin Bistricë, gjegjësisht në mes të komunës së Zveçanit dhe Leposaviqit.

Qëllimi i kësaj ure, më parë është thënë se është, të mbështesë popullatën vendore dhe të përmirësojë mjedisin e qetë dhe të sigurt dhe lirinë e lëvizjes në këtë pjesë të Kosovës. /GazetaExpress/.

Mustafa shmang bllokadën, shkel në veri

Kryeministri i Kosovës, Isa Mustafa dhe komandanti i KFOR-it, Giovanni Fungo kanë përdorur rrugët alternative për të shkuar në ceremoninë e përurimit të urës së re mbi lumin Bistricë.

Ata bashkë me ministrin e FSK-së, Haki Demollin dhe atë të Punëve të Brendshme, Skender Hyseni kanë përdorur rrugët alternative për shkak se rreth 100 serbë kanë bllokuar rrugën Zveçan-Leposaviq, përkatësisht në Rudarem, transmeton Kosovapress.

Serbët dëshironin të mos kalojë Mustafa në atë pjesë. Ndërkohë, kanë bllokuar edhe kalimin e komandantit të KFOR-it, Giovanni Fungo.

Jemi këtu ku jemi…! – Nga Agron Shabani

….!
Jemi këtu ku jemi për shkak të asaj se “gratë” dhe “burrat e fortë” të “shtetit” dhe “pushtetit”( regjimit) kosovar, “dukën cool”, madje “flasin seksi” dhe vishen (kostumohen) asisojit, saqë shpeshherë i nxisin ose detyrojnë të tjerët për t´u deshur ose qëndruar “gatitur” dhe lakuriq gjatë tërë kohës për shkak të “karismës” dhe “seksapilitetit të madh” të grave dhe “burrave të fortë” të “shtetit” dhe “pushtetit”(regjimit) kosovar!

Jemi këtu ku jemi për shkak të asaj se politika dhe diplomacia e demagogëve, hipokritëve, matrapazëve, analfabetëve ose gjysëmanalfabetëve të ndryshëm institucional dhe funksional në Kosovë të ngjajnë në “çelje gropash” ose “prashitje me gjilperë” nepër ujë i cili “delë i pastërt” nga llumi, balta ose nga rëra pa u filtruar kurrë!

Se këndejmi, në Romanin e njohur “Krimi dhe Denimi” të Fjodor Dostojevskit, e tërë bota e kuptojnë ose e marin vesh se dikush atje..e ka nënën (mamin) kurvë (lavire) ose babain pijanec, me përjashtim të protagonistëve kryesorë të atij romani.

Jemi këtu ku jemi për shkak të asaj se udhët ose rrugët e ndryshme të “suksesëve” ose “integrimëve” të Kosovës në BE-së, Nato, OKB-së dhe kështu me radhë, asnjëherë nuk mund të maten dhe përshkruhen me fjalët ose “premtimet spektakulare” dhe “bombastike” të “etërve” ose “baballarëve” të ndryshëm të partive-shtet dhe shtetit-parti.

Jemi këtu ke jemi për shkak të asaj se atyre që po sundojnë sot me Kosovën dhe shqiptarët, edhe tradhtia e lartë shtetërore dhe nacionale së bashku me vjedhjen, mashtrimin, rrenenën ose gënjeshtrën, u janë shndërruar në dashuri dhe respkt të madh ndaj Kosovës dhe shqiptarëve…!

Jemi këtu ku jemi për shkak të asaj se dikush atje është pagjumë ose i pafjetur edhe në shtrat, duke punuar edhe gjatë natës kundër Kosovës dhe shqiptarëve përmes pozitave ose funksionëve me të larta shtetërore, qeveritare ose parlamentare. Ndërkaq, shumica absolute e shqiptarëve, janë në gjumë ose agoni të thellë edhe atëherë kur “ecin” ose kur “punojnë” gjatë ditës (ditëve) për diell.

Jemi këtu ku jemi, sepse shumica e demagogëve, hipokritëve, matrapazëve, maniakëve, psikopatëve, skizofrenëve, mizantropëve ose filisterëve të ndryshëm institucional dhe funksional në Kosovë, rritën, shtohën ose shumohën në terr ose ërrësirë të plotë si “bimët” helmuese ose asfodelte. Dhe, shumë pak prej tyre në menyrë diellore, stelare( astrale) ose heliotropike.

Jemi këtu ku jemi, sepse rrena (gënjeshtra), mashtrimi, tradhëtia, mediokriteti, analfabetizmi (padituria), krimi i organizuar, droga, prostitucioni, pederizmi ose pedofilia së bashku me anomalitë dhe patologjitë tjera individuale dhe kolektive, si dukët paraqesin çelësin ose formulën kryesore të mirëqenies dhe lumturisë së gjithëmbarëshme objektive dhe subjektive të personave ose individëve të ndryshëm me të meta ose aftësi të kufizuara shpirtërore, emocionale, mentale, psikologjike, intelektuale, profesionale dhe të tjera të kontrabanduar dhe involvuar (inkriminuar) në majat me të larta të ekzekutivit dhe legjislativit kosovar dhe kështu me radhë.

Ndërkohë që njerëzit e ditur dhe eskselent atje, gjithmonë i përmbushin detyrat ose obligimet e tyre morale, profesionale, intelektuale, kulturore, patriotike dhe të tjera ndaj kombit dhe atdheut, në atë menyrë që të tjerët nuk i shohin dhe s´i përmushin kurrë.

Ata gjithmonë u afrohen të tjerëve në atë menyrë që qëndrojnë sa me largë prej tyre tyre në kuptim e anomalive dhe patologjive të mesipërme institucionale dhe funksionale në vendin tonë.

NY Post: 5-vjeçari nga Kosova me ‘fuqi të mbinatyrshme’, një magnet human

“Njihuni me 5-vjeçarin magnet,” kështu ka shkruar NY Post për djalin nga Kosova që mendohet të ketë veti magnetike.

“Ky fëmijë është një magnet human. 5-vjeçari Erman Delic nga Kosova zbuloi aftësitë e tij magnetike ndërsa ishte duke parë televizor dhe iu ngjitën lugët. Tani Erman mund të ngjisë monedha, pirunë, madje dhe telefona në trupin e tij. Doktori tha se Erman është plotësisht i shëndetshëm dhe nuk arrin ta shpjegojë aftësinë e tij. Me sa duket ai ka një personalitet magnetik” ka shkruar NY Post për aftësitë e djalit nga Kosova.

Komentuesit kanë patur reagime të shumta, një pjesë e mirë e të cilëve mendonin se bëhej fjalë për ‘djersë të ngjitshme’, që fikson trupat metalikë pas trupit.

Mustafa propozon matjen e territorit të Kosovës lidhur me demarkacionit me Malin e Zi

Kryeministri i Kosovës, Isa Mustafa tha se gjasat për heqje të vizave në vitin 2017 janë shumë të vogla nëse gjatë këtij viti nuk ratifikohet marrëveshja
PRISHTINË – Kryeministri i Kosovës, Isa Mustafa në sencën e sotme të qeverisë së Kosovës deklaroi se në mbledhjen e parë të Këshillit për Stabilizim dhe Asociim mes Kosovës dhe Bashkimit Evropian është theksuar se Kosova e ka patjetër të ratifikojë marrëveshjen për demarkacionin e kufirit me Malin e Zi nëse dëshiron regjim pa viza.

Në një kumtesë të qeverisë vihet në dukje se Mustafa ka thënë se gjasat për heqje të vizave në vitin 2017 janë shumë të vogla nëse gjatë këtij viti nuk ratifikohet marrëveshja.

Nga këtu ai apeloi që deputetët kosovarë të miratojnë marrëveshjen për çka propozoi formimin e një komisioni për përcaktimin e hapësirës së territorit kosovar.

“Në qoftë se ka nevojë, ne mundemi që si Qeveri ta themelojmë edhe një Komision i cili do të bënte matjen e sipërfaqes së Kosovës, në bazë të vendimit të Komisionit për përcaktimin e vijës kufitare se sa kilometra katrorë i ka Kosova dhe a është zvogëluar sipërfaqja e Republikës së Kosovës, duke kërkuar edhe prej opozitës të japin edhe ata ekspertë të vetë, sepse mbesim para opinionit ndoshta borxhli që ta njoftojmë opinionin lidhur me të dhënat ekzakte për territorin e Republikës së Kosovës, dhe në qoftë se edhe kjo bëhet shumë e qartë, e saktë, transparente, atëherë nuk ka asnjë arsye që ne mos ta përfundojmë edhe këtë proces”, ka thënë Mustafa i cituar në kumtesën e qeverisë.

EULEX beson se autopsia për rastin Dehari ishte e saktë

EULEX-i e mbështetë Ministrinë e Drejtësisë për rritjen e llogaridhënies dhe transparencës në shërbimet korrektuese.

Misioni i Bashkimit Evropian për Sundimi të Ligjit në Kosovë- EULEX e ka cilësuar si tragjedi vdekjen e Astrit Deharit në Qendrën e Paraburgimit në Prizren.

Por njëherësh ka konstatuar se autopsia për këtë rast e prezantuar nga prokuroria ishte zhvilluar saktë dhe në mënyrë profesionale.

“Si pjesë e mandatit të tij, EULEX-i e monitoroi këtë rast dhe beson se hetimet dhe autopsia janë kryer në mënyrë të saktë, profesionale dhe me kujdes, në pajtim me praktikat më të mira evropiane dhe duke i hetuar të gjitha pistat e mundshme”, thuhet në një komunikatë të lëshuar nga EULEX.

“Ndonëse rrethanat janë të jashtëzakonshme, institucionet e Kosovës kanë zbuluar se Astriti ka qenë i vetëm në qeli në kohën kur ka ndodhur rasti. Këtë e konfirmojnë incizimet e kamerave të sigurisë dhe dëshmitë e personave të pranishëm. EULEX-i i mbështetë të gjeturat dhe konstatimin logjik të nxjerrë prej fakteve dhe provave të gjetura gjatë hetimeve dhe autopsisë”, vijon komunikata.

Tutje, EULEX-i vlerëson se gjithçka që lidhet me vdekjen e Astrit Deharit duhet të shërbejë për të rikujtuar se megjithëse Shërbimi Korrektues i Kosovës është duke u përpjekur që të bëjë përmirësime dhe se duhet të bëhet edhe më shumë në të ardhmen për t’i parandaluar incidentet si ky dhe humbje të jetëve tjera.

Menjëherë pas këtij incidenti, Ministrja e Drejtësisë e angazhoi EULEX-in për ofrimin e mbështetjes në lidhje me mësimet e nxjerra dhe për përfshirjen e atyre mësimeve në agjendën aktuale të reformave më të gjera në shërbimin korrektues.

Ministrja Hoxha kërkoi prej agjencive që t’i paraqesin të gjeturat e tyre, gjë që ato edhe e kanë bërë.

EULEX-i e përshëndetë theksin e veçantë dhe përmirësimet e iniciuara nga Ministrja e Drejtësisë me qëllim të ngritjes së llogaridhënies dhe transparencës në kuadër të sistemit të sundimit të ligjit.

EULEX-i shprehet i gatshëm që ta ndihmojë Ministrinë e Drejtësisë dhe institucionet tjera të sundimit të ligjit që të ecin tutje në këtë drejtim. (REL)

Halucinacionet e Mustafës për shtetin e pasur të Kosovës, mashtrim i radhës për qytetarët! – Nga Florim Zeqa

Halucinacionet janë semundje mendore, janë përceptime pa prezencën e informatave, janë një fenomen shumë i zakonshem, që nuk është i lidhur vetëm për të parë gjëra që nuk ekzistojnë, por edhe për të pasqyruar realitetin në mënyrën më të shtrëmbëruar.

Kësisoji, njëra nga paraqitjet e fundit të kryeministrit Isa Mustafa në facebook, i ngjante një halucinacioni të nivelit më të lartë, i ngjante një ëndrre të bukur apo një imagjinate përrallore, duke e paramenduar vendin të cilin e drejton në një parajsë të vërtetë.

Me ëndërrimet syhapur, kryeministri po mundohet t’i vëjë në gjumë të thellë edhe një herë qytetarët e vendit, duke ua premtuar parajsen në mesin e ferrit të Dantes!

Si zakonisht kryeministri i vendit ëndërrimet dhe përrallat e tij i shpalos përmes facebookut, aty ku i ka fansat e vet, ku për fat të keq edhe mediat i shëndrrojnë në lajme ditore ëndërrimet dhe meditimet e kryeministrit të facebookut.

I tillë ishte edhe rrëfimi i fundit i Isa Mustafës, sigurisht i zgjuar pas një ëndrre të bukur, ndër të tjera u shpreh kështu, po citoj: “Së shpejti nuk do të jemi shtet i varfër, jemi bërë shteti me normën më të lartë të rritjes ekonomike në këtë pjesë të botës, me një dinamikë të shpejtë të uljes së papunësisë,…andaj t’i shfrytëzojmë fondet e organizatave ndërkombëtare për vende të varfëra, për shkak se Kosova pas një kohe të shkurtër nuk do t’i plotësoj këto kritere”!

Për t’i besuar kryeministrit në halucionacionet e tij, ekzistojnë vetëm dy mundësi; duhet të jesh totalisht injorant ose verbër. Ndryshe realiteti i krijuar në Kosovën e ditëve të sotme e thotë të kundërtën.

Nuk e kam të qartë, si ka mundur kryeministri ta ëndërroj shtetin e pasur të Kosovës pa zhvillim ekonomik, me këtë shkallë të lartë të evazionit fiskal, me këtë lulëzim të krimit të organizuar dhe rritje enorme të korrupsionit në vend.

Si mund të bëhet i pasur një shtet me një buxhet varfërie, pa industri të zhvilluar, me një bujqësi dhe blektori të nivelit më të ulët në rajon, pa investime kapitale nga jasht!

Vallë si ka pasur mundësi të shijoj ëndërra kaq të bukura kryeministri i vendit, në kohën kur mbi 50 % e qytetarëve të vendit jetojnë në varfëri të skajshme, 16 % prej tyre në varfëri ekstreme, si pasojë e rënjes ekonomike të vendit nga mbyllja e qindëra bizneseve, fabrikave dhe uzinave shkaku i mungesës së energjisë elektrike, tatimeve të larta dhe kërkimit të haraçit, si kusht për vazhdimin e punës.

Nuk e kam të qartë, pse nuk ju ka kujtuar në ëndër kryeministrit, se çdo vit nga universitetet publike dhe private prodhohen me mijëra kudro të profileve të ndryshme, të cilët shkaku i mungesës së vendeve të punës në shtetin e tyre, detyrohen t’ia mësyejnë vendeve euro-përëndimore, për t’u shndrruar në fuqi punëtore e kapitalistëve përëndimor, duke u detyruar të kryejnë punët më të rënda fizike për sigurimin e kafshatës së gojës për familjet e tyre.

Është edhe një e vërtetë e madhe që kryeministri Mustafa e dinë fort mirë, ato janë të hyrat nga mërgata që janë duke e mbajtë gjallë jetën e pjesës dërmuese të poullatës në Kosovë.

Poashtu është e vërtetë e madhe se të hyrat apo siq po i quajnë në zhargonin ekonomik, remitencat e mërgatës sonë, shënojnë rritje nga viti në vit, si rezultat i rritjes së numrit të emigrantëve kosovar në vendet euro-përëndimore,…para të cilat riciklohen siq është më së keqi; një pjesë e tyre përfundon në xhepat e pushtetarëve, ndërsa pjesa tjetër pasuron oligarkët ekonomik (biznesmenët) dhe arkën e shtetit serb.

Zoti kryeministër, deshët apo nuk deshët ta pranoni, kjo është e vërteta e hidhur e jetës së qytetarëve në shtetin e varfër apo në “parajsën” që ju e ëndërroni ta realizoni brenda një nate.

Edhe unë i bashkohem dëshirave tuaja zoti kryeministër, dhashtë Zoti të bëhen realtet, por shteti nuk bëhet dhe as nuk mbahet me ëndrra të bukura, por me punë vetmohuese, sakrifica dhe angazhim të përditshëm, me urtësi dhe tolerancë njerëzore, me bashkëpunim dhe respektim të vlerave dhe gjitha kapaciteteve intelektuale të vendit tuaj.

Kësaj radhe zoti kryeministër kam vendosur t’ju kursej nga kritikat për dështimet tuaja të njëpasnjëshme në qeverisjen e vendit, pasi një gjë të tillë e provojnë çdo ditë qytetarët e vendit, të cilëve ua keni humbur të gjitha shpresat për jetë në vendin e tyre të shënjtë.

Zgjohu nga gjumi zoti kryeministër, mos u bëjë sikurse puna e asaj dhelprës, të cilës edhe pse ujku i kishte ngrënë gjysmën e prapanicës, thoshte; “ishalla jam në ëndërr”!

PO PËRZIHET PRIZRENI, LIDHJA SHQIPTARE THOT JA KU JEMI – Nga Mr.sc.Nue Oroshi

Komunarët e shitur të Prizrenit dhe të turqizuar vendosën që ta prishin Ditën e Flamurit kombtarë. Ata në këtë ditë të shenjët kur u arritë Pavarsia e Shqipërisë pas plot pesë shekujsh pushtimi aziatik , provokuan rënd shqiptarët duke vendosur flamujt e pushtusve pesë shekullor.

Kjo ndjenjë e reve të zeza aziatike nuk u pranua dhe kurrë nuk do të pranohët nga populli shqiptarë. Të rinjët atdhetarë, reaguan me shpejtësi duke hequr flamujt e ish pushtusve pesë shekullor.I menjëhershëm ishte edhe reagimi i Presidencës së Kosovës, Qeverisë së Kosovës dhe Ministrisë së puneve të jashtme të Kosovës duke denuar qytetarët e Kosovës për incidentin të cilin ata vetë e provokuan. Qeveria është dashur që urgjentisht të shkarkoj komunarët e turqizuar të cilët provokuan me vendosjen e flamujve të pushtusve pesë shekullor, dhe urgjentisht të largohen nga puna.

Politika shqiptare si në Shqipëri ashtu edhe në Kosovë ende nuk e kanë kuptuar se regjimi kriminal i Erdoganit në Turqi, i ka ditët e numëruara. Ata ende nuk e din se në vitin tjetër në Turqi do të fillon lufta qytetare në këtë shtet dhe do të jetë e gjatë. Madje është koha që politika në Shqipëri dhe ajo në Kosovë të ndjek rrugën e Shteteve perëndimore, si dhe të Amerikës që ta bëj një ngrirje të kontakteve diplomatike me Turqinë deri sa të gjindët në pushtet diktatori Erdogan. Nuk ka ura lidhëse me shtete që vrasin qytetarët e saj, me shtete që burgosin kundërshtarët politikë,më shtete ku shkelen të drejtat e njeriut për çdo ditë, me shtete ku nuk iu ipet e drejta e gjuhës pakicave etnike siç është Turqia ku pesë miljon shqiptarë janë asimiluar plotësisht në mungesë të shkollimit në gjuhën shqipe.

E keqja më e madhe është se edhe Presidenti i Kosovës Hashim Thaqi, edhe Ministri i jashtëm i Kosovës Enver Hoxhaj janë historian por që fatkeqsisht nuk kanë mësuar asgjë nga Historia Kombëtare, madje ky i dyti ka kryer edhe studime në një shtet mik të Kosovës në Austri. E mos të flasim për Kryeministrin e Kosovës Isa Mustafa i cili është një kukullë e programuar, dhe më një sms që i vjen nga Presidenti ai duhet ta nënshkruaj kumtesën e gatshme që ja dërgojnë vetëm për ta nënshkruar. Politikat shqiptare në përgjithësi me këtë orjentim proturk dhe anti perëndimor, dhe anti amerikan po i shkaktojnë dëme të mëdha ardhmërisë së Trojeve Etnike shqiptare, dhe po kalojnë në krahun e shteteve aziatike, duke thënë qartë se nuk deshirojmë të jemi pjesë e botës së civilizuar perëndimore.

Këto veprime politike janë duke i parë edhe shtetet e perendimit e në veçanti Gjermania dhe Amerika, se qeveritë e Shqipërisë dhe Kosovës nuk janë fare korrekte me orjentimin perëndimor të tyre. Ata tjetër gjë flasin nëpër takimet e pakta me politikanët perëndimor, dhe krejt tjetër punojnë në punën e tyre. Ata mendojnë se diplomacia perëndimore është duke kullotur barë në Shqipëri dhe Kosovë dhe nuk janë duke parë asgjë. Historikisht është i njohur fakti se shqiptarët durojnë mjaftë por kur këtij durimi i vjen fundi ata reagojnë ashpër. Pushtetarët në trojet Etnike duhet ta dinë një gjë ata janë vetëm udhëheqës momental, por nuk janë pronarë të Trojeve Etnike Shqiptare. Pronar të këtyre trojeve jemi vetë ne shqiptarët.

Dhe ne Shqiptarët një ditë do të vendosim që ta qojmë deri ne fund amanetin e Lidhjes Shqiptare të Prizrenit, dhe t’iu themi politikanëve të pandërgjegjshëm se mjaftë luajtët me tokën arbërore, mjaft kjo tokë iu duroj. Ndaluni njëherë ose do t’iu ndalim. E në Prizren , po përzihet Prizreni, Lidhja Shqiptare thotë ja ku jemi. Prandaj Qevëria e Kosovës duhet shkarkuar urgjentisht komunarët e turqizuar, duhet lëshuar nga burgu te rinjët që kishin një reagim spontan, që ju ka prekur ndjenjat atdhetare mu në ditën e shenjët të kombit shqiptarë.

Sulmohet konsullata turke në Prizren

Pamje nga Prizreni

Autoritetet në Kosovë thanë se të hënën në orët e mëngjesit është kryer një sulm me “lende djegëse” në konsullatën e përgjithshme të Turqisë në Prizren por pa pasoja në njerëz.

Policia tha se besohet që mbi ndërtesën e konsullatës është hedhur shishe me benzinë e njohur si “koktej molotov”, ndërsa pesë persona janë ndaluar gjatë hetimeve për këtë rast.

Sulmi u dënua ashpër nga ministria e Punëve të Jashtme e Kosovës e cila e cilësoi atë si “një akt vandal nga persona të papërgjegjshëm që janë kundër një shteti demokratik e shumetnik si Kosova”.

Në një komunikatë të kësaj ministrie thuhet se ministri i Jashtëm, Enver Hoxhaj, ka komunikuar me Ambasadoren e Turqisë në Kosovë duke e dënuar aktin.

“Marrëdhëniet e Kosovës me Turqinë janë të shkëlqyera dhe si të tilla ato nuk do të pengohen e as dëmtohen nga kurrfarë akti vandal e të izoluar që nuk ja duan të mirën Kosovës dhe marrëdhënieve miqësore me Turqinë”, thuhet në komunikatë.

Të hënën Kosova po kremton 104 vjetorin e pavarësisë së Shqipërisë. Qytetarë të shumtë janë mbledhur në Prishtinë por edhe qytete tjera të Kosovës ku 28 nëntori tradicionalisht është kremtuar si ditë e flamurit kombëtar shqiptar.

28 Nëntor 1959: Remzi Baloku qepi dhe i vendosi 200 flamuj nëpër Kosovë (Video)

Një aktivist i çështjes kombëtare, Remzi Baloku, në vitin 1959 kishte qepur 200 flamuj kombëtarë për 28 Nëntorin e atij viti.

Ai, bashkë me shokë, më pas i kishin vendosur nëpër Pejë dhe qytete tjera të Kosovës.

Në këtë aksion kishin shpërndarë edhe afishe.

Flamujt e qepur i vendosnin në shtëpi, në rrugë, e në shtylla elektrike, zakonisht gjatë natës.

Remzi Baloku, më 28 Nëntor 1959 thotë ta ketë themeluar edhe organizatën ilegale për bashkimin e trojeve shqiptare, e cila kishte 42 anëtarë të besueshëm.

Shkollat serbe në Kosovë preferojnë vetëm plan-programet e Serbisë

Ilustrim

Në mjediset e banuara me shumicë serbe në Kosovë, mësimi edhe më tutje zhvillohet sipas plan-programeve të Serbisë. Kjo mundësohet edhe me ligjet e Kosovës.

Në territorin e Kosovës, funksionojnë 102 shkolla të nivelit të ulët dhe të mesëm të arsimit, të cilat punojnë sipas plan-programeve serbe. Kjo e drejtë bashkësisë serbe i mundësohet përmes dispozitave të Planit të Ahtisaarit, si dokumenti gjithëpërfshirës, mbi bazën e të cilit është shpallur pavarësia e Kosovës.

Shefi rajonal për arsim i Qeverisë së Serbisë në Kosovë, Predrag Stojçetoviq, thotë se në veri dhe jug të lumit Ibër (nga veriu në jug të Kosovës), funksionojnë 70 shkolla fillore, 32 të mesme, si dhe 14 institucione parashkollore. Ai thotë se Qeveria e Serbisë përkujdeset për arsimin në Kosovë, për aq sa ka mundësi.

Gjendja e arsimit në gjuhën serbe, sipas tij, ndryshon, varësisht vendit dhe zonës ku shtrihen vendbanimet e serbëve.

“Veriu i Kosovës funksionon absolutisht sipas rregullave të sistemit arsimor të Serbisë. Asgjë nuk është as më mirë, e as më keq. Disa shkolla madje mund të jenë në gjendje edhe më të mirë sesa ato në Serbinë qendrore”.

“Në Graçanicë, po ashtu, janë disa shkolla në gjendje mjaftë të mirë. Por, nëpër disa mjedise, në enklava gjendja është më e rëndë, para së gjithash në Osojan, Gorazhdec, Rahovec, si dhe në Gorë, ku kuadrot dhe kushtet janë më të dobëta, krahasuar me pjesët tjera”, thotë Predrag Stojçetoviq.

Në anën tjetër, zëvendësministri i Arsimit në Qeverinë e Kosovës, Usmen Baldzhi, thotë se të drejtat e bashkësisë serbe, krahasuar me komunitetet tjera në Kosovë, janë shumë më të mëdha, dhe kjo vërehet edhe në fushën e arsimit. Por, pavarësisht këtij fakti, nënvizon ai, përfaqësuesit serbë nuk pranojnë të diskutojnë në lidhje me integrimin e tyre në kuadër të sistemit arsimor të Kosovës.

“Sa u përket gjërave tjera, pagave, shpenzimeve materiale, mallrave e shërbimeve, pagesës së energjisë elektrike dhe ngrohjes, që të gjitha bien mbi institucionet e Kosovës, përkatësisht Ministrinë e Arsimit. Pra, për të gjitha komunat, edhe ato në të cilat mësimi vijon në gjuhën serbe”, thekson Baldzhi.

Sipas tij, Ministria e Arsimit në Qeverinë e Kosovës po bën çmos që të integrojë bashkësinë serbe. Në këtë frymë, vijon ai, ishte edhe vendimi i Qeverisë së Kosovës që t’i pranojë diplomat e lëshuara nga Universiteti paralel i Mitrovicës veriore.

Baldzhi thotë se organet gjegjëse të Kosovës po bëjnë çmos të integrojnë edhe sistemin arsimor serb, por për të arritur qëllimin nevojitet përkushtimi edhe i anës tjetër.

Ndërkohë, përfaqësuesi i Qeverisë së Serbisë për sistemin arsimor në Kosovë, Stojçetoviq, thotë se aktualisht nuk ka ndonjë bashkëpunim me organet dhe Ministrinë e Arsimit të Republikës së Kosovës.

“Ne jemi pjesë e sistemit arsimor të Serbisë. Nuk e kemi për obligim që të bashkëpunojmë me Ministrinë e Arsimit të Kosovës dhe se sistemi ynë është i pavarur nga ta”, deklaron Stojçetoviq.

Edhe në lidhje me pagat, ai mendon se ato do të duhej të realizoheshin vetëm përmes buxhetit të Serbisë.

“Të gjithë ata që marrin paga nga sistemi ynë i Ministrisë së Arsimit të Serbisë, nuk do të duhej të merrnin pagë edhe nga Ministria e Arsimit e Kosovës. Por, se a ka të tillë, mendoj se po ka”, thekson Stojçetoviq.

Tutje ai thotë se integrimi i sistemit serb të arsimit në kuadër të sistemit arsimor të Kosovës, do të përcillej me shumë probleme, ngase bëhet fjalë për sisteme të ndryshme.

“Çdo integrim i dhunshëm do të sillte deri te thyerjet, apo ndoshta edhe do të nxiste shpërnguljen e popullatës joshqiptare. Mund të them se kushdo që do të merret me këtë çështje, duhet të tregohet shumë i kujdesshëm, sepse mund të përcillet me pasoja të mëdha“, shprehet Stojçetoviq.

Ndryshe, një komision i pavarur i ngritur në Kosovë në vitin 2010 gjatë një rishikimi që u ka bërë teksteve mësimore në gjuhën serbe, ka konstatuar se këto tekste janë në kundërshtim me Kushtetutën e Kosovës dhe se flasin vetëm për një pjesë të historisë së Ballkanit, nuk promovojnë paqen dhe tolerancën dhe nuk përmendin historinë e popullit shqiptar.

Një shembull i treguar, kishte vënë në pah se në historinë në gjuhën serbe të klasës së shtatë, fëmijët mësojnë se si shqiptarët i kanë sulmuar vazhdimisht serbët me qëllim që t’i shpërngulin nga Kosova dhe se shqiptarët janë prezantuar si plaçkitës të kishave ortodokse. Ndërsa, në historitë për klasat e pesta thuhet se ilirët, (paraardhësit e shqiptarëve), ishin plaçkitës.

Pavarësisht se ishte kërkuar që këto konstatime të hiqen nga librat serbe tëhistorisë, kjo nuk ka ndodhur.

Zëvendësministri Baldzhi thotë se nga një mësim i tillë i historisë, pësojnë më së shumti fëmijët serbë.

“Për shkak të kësaj gjendjeje, më së shumti pëson bashkësia serbe, këta fëmijë, krahasuar me të tjerët, ngase mbesin, si ta them, të vonuar”.

“Ata nuk integrohen, nuk e njohin Kosovën dhe me këtë fakt, ata sikur shkojnë drejt vetizolimit“, thekson ai.

Po ashtu, sipas Baldzhit, në disa mjedise mësohet edhe gjuha ruse, çka nënvizon ai, nuk është se duhet kundërshtuar, por nuk përkon me ambiciet e proklamuara për rrugën pro-perëndimore dhe pro-evropiane.

Përgatiti: Zijadin Gashi

Kosovë: Apeli vërteton 42 vjet burg për shtatë të akuzuar për vepra që lidhen me terrorizmin

Gjykata e Apelit në Kosovë, vërtetoi të premten dënimin me 42 vjet heqje lirie për shtatë persona të akuzuar për veprën penale të terrorizmit.

Të shtatët ishin dënuar më 20 maj të këtij viti nga Gjykata Themelore në Ferizaj për rekrutim dhe nxitje të terrorizmit.

Gjykata e Apelit vërtetoi vendimin e gjykatës themelore në të cilin thuhej se “të pandehurit akuzohen se me dashje u kanë bërë thirrje personave të tjerë për të kryer ose për të marrë pjesë në kryerjen e veprave terroriste, të marrin pjesë në aktivitetet e grupit terrorist dhe të sigurojnë fonde dhe burime materiale, gjatë vitit 2011 – 2014, dhe me këtë kanë kryer veprën penale rekrutimi për terrorizëm”.

Në mesin e të dënuarve është edhe Zekirija Qazimi ish Imam i Xhamisë “El-Kudus” në Gjilan, rreth 50 kilometra në lindje të Prishtinës, i cili u dënua me 10 vjet heqje lirie për rekrutim dhe për nxitje të urrejtjes. Sipas gjykatës imami Qazimi “ka keqpërdorur pozitën e tij si Imam ku publikisht ka nxit dhe përhap urrejtje, përçarje dhe mosdurim midis grupeve kombëtare, racore, fetare, etnike dhe grupe tjera që jetojnë në Republikën e Kosovës, në mënyrën e cila mund të prishë rendin publik”.

Gjashtë persona të tjerë u dënuan me nga tre deri në tetë vjet heqje lirie për veprat penale rekrutim për terrorizëm, organizim dhe pjesëmarrje në grup terrorist dhe për veprën penale armëmbajtje pa leje. Tre nga të dënuarit kishin pranuar fajësinë.

Kosova është përballur që nga viti 2012 me përfshirjen e qytetarëve të saj në konfliktet në Lindjen e Mesme. Fillimisht ata u ishin bashkuar forcave opozitare që luftonin për rrëzimin e regjimit të presidentit sirian, Bashar Al Asaad. Por, më vonë, shumica e tyre u bashkuan me organizatat si Al Nusra apo edhe grupi i quajtur Shteti Islamik i Irakut dhe Sirisë.

Sipas autoriteteve në Kosovë, rreth 316 veta besohet se janë përfshirë në konfliktet në Lindjen e Mesme, ndërsa atje ende ndodhen 140, nga të cilët 75 luftëtarë dhe 38 gra e 27 fëmijë.

Dy vjet më parë policia filloi hetimet kundër 237 vetave për pjesëmarrje në luftë, nxitje dhe rekrutim të luftëtarëve të huaj dhe mbi 127 veta janë arrestuar.

Sipas autoriteteve, 117 veta janë kthyer në Kosovë dhe deri tash 35 veta janë dënuar nga gjykatat.

Një prej çështjeve më të diskutueshme është riintegrimi i të kthyerve nga ato luftëra dhe parandalimi i përfshirjes së të tjerëve.

Në dy javët e para të muajit nëntor janë arrestuar 19 persona nën dyshimet për lidhje me grupin militant Shteti Islamik dhe planifikim sulmesh në Kosovë dhe në rajon. Ndonëse nuk janë dhënë hollësi se cilat ishin planet për sulme në Kosovë, policia tha se arrestimet parandaluan sulmet terroriste në ndeshjen e futbollit ndërmjet Shqipërisë dhe Izraelit që duhej të zhvillohej në Shkodër e më pas u zhvendos në qytetin e Elbasanit.

Analistët thonë se derisa po përjeton humbje të territoreve në lindjen e Mesme, grupi militant Shteti Islamik po provon të nxisë simpatizantët e tij për sulme në vendet e tyre dhe Kosova duhet të rrisë përpjekjet e saj për të penguar radikalizmin.

Në pranverën e vitit të kaluar parlamenti i Kosovës miratoi një ligj që parasheh dënime deri në 15 vjet heqje lirie për të gjithë ata që marrin pjesë, nxisin apo mbështesin përfshirjen në konfliktet jashtë Kosovës.

Analistët thonë se institucionet duhet të veprojnë jo vetëm më forcën e ligjit por edhe me të ashtuquajturat masa të buta për të parandaluar ekstremizmin e dhunshëm.

Të mërkurën më 23 nëntor, zyra e kryeministrit të Kosovës, ambasada amerikane dhe Programi për Zhvillim i Kombeve të Bashkuara, nënshkruan një marrëveshje bashkëpunimi në fushën e luftës kundër ekstremizmit të dhunshëm.

Sipas qeverisë “kjo marrëveshje ofron kuadrin e përgjithshëm të bashkëpunimit për zbatimin e një projekti për të kryer një vlerësim bazik të luftëtarëve të huaj që vijnë ose që janë të lidhur me Kosovën”.

Qëllimi i projektit , sipas qeverisë, “është që të prodhojë një vlerësim gjithëpërfshirës që mund të përdoret për hartim të politikave të bazuara në dëshmi për parandalimin e radikalizmit të dhunshëm në burgje dhe në komunitete, për të informuar aktivitetet për deradikalizim dhe riintegrim, si dhe për të siguruar një drejtim strategjik për Strategjinë e Kosovës për Luftën Kundër Ekstremizmit të Dhunshëm dhe Planin e saj të Veprimit”.

Xhemajl Mustafa- sinonim i një intelektuali dhe veprimtari të përkryer – Nga Skënder MULLIQI

Përvjetorët e dhembjes dhe të krenarive kombëtare

Po vijnë ditët më të acarta që i sjellë stina dimërore.Këto ditë bëhën të vështira për shumë familje , të cilët nuk i kan kushtet e mira të jetës. Shumë familje skamnore nuk e kan si duhet as bukën e gojës dhe gjerat tjera elementare .Kësaj radhe do të flasim pak për një temë tjetër gjithashtu të dhembshme . Tema e vrasjëve politike nuk do të hiqët kurrë si temë qendrore , deri atëherë kur të zbardhën të gjitha vrasjët. Nuk do të këtë prosperitet të Kosovës , deri sa mbi supe i rëndojnë vrasjët politike .Fundi i nëntorit të vitit 2000 shënoi vrasjën e njërit nga themeluesit e LDK-së, të datës 23 dhjetor të vitit 1989, intelektualit në zë, Xhamajl Mustafës. Data e vrasjës është data më e dhembshme për familjën , për LDK-në dhe për Kosovën .Në këtë datë kriminelët në pragun e shtëpisë e vranë një veprimtarë të shquar të çështjës kombëtare. E vranë pabesisht dhe tradhëtisht gjakapërësit e pasluftës siq morën edhe shumë jetëra të veprimtarëve të tjerë të LDK-së dhe ushtarakëve të vijës institucionale të luftës qlirimtare.Që nga themelimi I LDK-së e deri sa u vra , Mustafa ishte këshilltarë I presidentit, Rugova. Ai ishte i angazhuar edhe si columnist në gazetën Bota sot në rubrikën e tij javore .U shqua më shkrime të guximshme dhe vizionare .Pena e tij e mprehet më korrektësi i përshkroi të gjitha ngjarjët më të cilat përballej Kosova dhe populli i saj.Sot, kur është përvejtori i këtij vigani të letrave shqipe sigurisht së shtohet dhembja dhe malli për figurën atëdhetare te Xhemajl Mustafës. Këtë mall në shpirt e ndien më të madhe familja Mustafa, e cila si ngushllim të vëtem do ta kishte zbardhjën e kësaj vrasjeje pas 17 vitësh . Drejtësia kurrë nuk e tha fjalën e vet. Nuk e dhan fjalën e premtuar së do të zbulohet kjo vrasje shpejt administrata mamute e UMNIK-ut , nuk u zbardh kjo vrasje as nga organet e EULEX-it, dhe nuk u zbradhë as nga Policia e Kosovës. Grupet kriminale të cilat vepruan , e përgjakën Kosovën duke I shkaktuar plagë të pa mbyllura .Bashkë më vrasjët ata vranë nje pjesë të lirisë dhe pavarësisë së Kosovës. Duke vrarë një intelektual të madh si Xhemën e vranë lirinë e shprehjës , e vranë keq fjalën e lirë aq të nevojshme në Kosovën e shumë martirëve dhe dëshmorëve të kombit. Kush e ka pritur së pas luftës do të kemi alamet vrasje për motive të ndryshme , por edhe për motive politike ?! Pak kush ose veq ata që kan dhënë urdhëra !!! Atë ditë të varrimit të Xhemës foli presidenti Ibrahim Rugova, i cili e pati bashkëpunëtorin më të afërt dhe njeriun më të besuar. Ai foli më pikëllim dhe i deprimuar… Pas vrasjës së Xhemajlit doli libri I tij i vëtëm “Një lutje për Prishtinën”.Mustafa sigurisht edhe vet do të dëshironte shumë që kjo vrasje të ishte vrasja e fundit në Kosovë! Por ,fatkëqësisht vrasjët vazhduan pa ndalshem . Janari është muaj i tragjedive dhe krenarisë kombëtare.Në këtë muaj u vranë figurat më të ndritura të kombit .U vranë Jusuf e Bardhosh Gërvalla e Kadri Zeka, pas luftës po në muajin në janar vdiq presidenti historic i Kosovës , Ibrahim Rugova. U vranë në menyrë macabre ushtarakët, Smajl Hajdaraj dhe colonel, Tahir Zemaj vet i treti. Të lutemi sërish që këto vrasje më në fund do ta gjejnë dritën e diellit… Mos të mbetet ky vëtem një refren i përseritur ,por të përjetojmë të gjithë funksionimin e shtetit ligjor dhe demokratik. Edhe ky përvjetor për familjën Mustafa , shokët , miqët dhe dashamirët e shumtë ,ka ngjallë dhembje , por edhe krenari që paten një njeri të mirë si Xhemën …

Fjalim prekës i babait të Astrit Deharit

Voal – Avni Dehari, babai i aktivistit të ndjerë të Lëvizjes Vetëvendosje, Astrit Dehari, ka thënë se nuk mjafton suspendimi që u bë ndaj disa zyrtarëve të Burgut të Prizrenit, 18 ditë pas vdekjes së djalit të tij.

Ai u shpreh se drejtësia duhet të vihet në vend, për hir të drejtësisë.

Ai ka bërë thirrje që të kryhet puna me ndërgjegjshmëri.

“Mos na mëshironi ne, mëshirojeni drejtësinë”, tha Avni Dehari.

Ky është fjalimi i plotë i Avni Deharit:

Këto kamera këto mikrofona që i keni drejtuar drejt nesh, drejtojani Ministrisë së Drejtësisë, drejtojuni Ministrisë së Punëve të Brendshme, pyeti ata se si ndihen të gjitha ata deri me sot që kanë humbur padrejtësisht prindërit e tyre, pyetini ata se si ndihen që kanë humbur bijat dhe djemtë e tyre.

Pyetni ata se si ndihen familjarët që djemtë e tyre padrejtësisht janë akuzuar për terrorizëm. Pyetni ata se si ndihemi që djali im Astrit Dehari në rrethana të paqarta ka gjetur vdekjen.

Pyetni prokurorin Sylë Hoxhen pse u nguten dhe dulën me një raport ende pa u kryer hetimet pse nuk priten edhe të marrin mendimin e ekspertëve të mjekësisë ligjore të pavarur.

Pyetni të gjithë ata që kanë përgjegjësi pse për një telefon që u vodh në shtëpinë e kryeprokurorit të shtetit u suspenduan menjëherë ata që u konsideruan përgjegjës .

Nëse doni ta gjeni të vërtetën, nëse doni ta ndihmoni Kosovën kërkojeni lepurin jo ku mund të flenë por aty ku flenë. Kryeni punën me ndërgjegjëshmëri, kryeni punën me drejtësi nëse doni ta ndihmoni Kosovën. Mos na mëshironi ne, mëshirojeni drejtësinë. /ZERI/

Kosova nuk është gati për Ligjin për lustrim

Përkundër nevojës për një Ligj për lustrim, në Kosovë ende nuk ekziston një klimë e favorshme politike për miratimin e tij.

Ligji do të “ndriçonte” veprimet në sistemin e kaluar komunist të personave me funksione në institucione politike dhe publike dhe të atyre që i pretendojnë këto funksione.

Nisma dhe propozimet për një Ligj të tillë ka pasur në Kuvendin e Kosovës rreth 7 vjet më parë, por ato kanë ngecur për shkak të mosgatishmërisë së deputetëve të partive që ishin në pushtet në atë kohë për ta miratuar atë.

Ismet Salihu, profesor i të Drejtës Penale, duke folur për Radion Evropa e Lirë, shpjegon se çfarë nënkupton Ligji për lustrim.

“Do të thotë, që të ndriçohet, kanalizohet dhe të prezantohet puna, sjellja, veprimet e personave, posaçërisht të këtyre që janë në pozita, deputetë, ministra, zëvendësministra, drejtorë të policisë, gjyqtarë, prokurorë, etj. Do të thotë, çfarë të kaluare kanë pasur më parë, posaçërisht në sistemin komunist, në vitet 70, 80-85, e sidomos në periudhën e aparteidit që ka qenë prej viti 1989 e deri ën shpërthimin e luftës”, ka thënë profesor Salihu.

Sipas tij, ndriçimi i tillë do të nevojitej për faktin që të konstatohet se a kanë personat e tillë integritet moral, etik, njerëzor për të qenë në pozitat drejtuese dhe përfaqësuese.

Nait Hasani, deputeti i Kuvendit të Kosovës nga radhët e Partisë Demokratike të Kosovës, thotë për Radion Evropa e Lirë se Ligji për lustrim ka qenë dhe mbetet i nevojshëm.

Por, sipas tij, sikurse para rreth 7 vjetësh, kur partitë në pushtet nuk kanë pasur vullnet politik ta miratojnë një ligj, ngjashëm edhe sot, vullneti i tillë mungon tek partitë e koalicionit qeverisës.

“Ky (Ligji për lustrim) do ta lironte politikën nga hipoteka dhe do të krijonte një mundësi për të ardhme më të mirë dhe për vullnetin e qytetarëve për ta pasur një të ardhme më të mirë. Kjo nuk është bërë për shkak se atëherë kishte një koalicion. Tani, mendoj se përsëri është një gjendje e tillë. Kjo do të thotë se përsëri nuk ka mundësi që të krijohet dhe shpresojmë për të ardhmen”.

Të nevojshëm Ligjin për lustrim e ka cilësuar edhe Armend Zemaj, deputet i Kuvendit të Kosovës nga Lidhja Demokratike të Kosovës. Sipas tij, rrethanat, kushtet dhe specifikat e tranzicionit në Kosovë kanë krijuar ambient në të cilin nuk është gjetur përkrahja për miratimin e një ligji të tillë.

Megjithatë, ai beson që tash nuk ekzistojnë pengesa të tilla për miratimin e këtij ligji.

Por, si e sheh ai hezitimin që ende ekziston për një Ligj të lustrimit?

“Tash, unë i takoj gjeneratës së re dhe ndoshta është e padrejtë që të paragjykojë për të kaluarën e shumë njerëzve, sepse kjo më shumë ta prekë një gjeneratë më të vjetër. Por, besoj që ata, vetvetiu, të cilët janë pjesë të vendimmarrjes, nuk duhet të hezitojnë që Kosova ta ketë një ligj të tillë, ashtu siç e kanë miratuar të gjitha vendet demokratike, sidomos ato, pas shpalljes së pavarësisë, e që kanë qenë të okupuara”.

Profesor Salihu thekson se përkundër asaj që ai beson se një Ligj për lustrim ka qenë dhe është i nevojshëm, megjithatë, sipas tij, në situatën aktuale që mbretëron në Kosovë, një ligj i tillë më shumë do të krijonte pasoja negative se sa pozitive.

“Për shkak se situata politike është mjaft e brishtë. Do të filloj punën edhe Gjykata speciale ne vitin e ardhshëm dhe po që se i hyjnë kësaj pune, në këto dy -tri vitet e ardhshme, do të ketë vetëm pasoja vetëm të dëmshme dhe asgjë nuk do të ketë dobi Kosova prej këtij ligji”.

Profesor Salihu thekson se miratimi i Ligjit për Lustrim vështirë se do të mund të shqyrtohet edhe 5 ose më shumë vjet, për shkak të ecurive që priten të ndodhin në tre apo katër vjetët e ardhshëm në Kosovë. (REL)

Kryeministri Mustafa kërkon zbardhjen e vrasjes së Xhemajl Mustafës

Kryeministri i Republikës së Kosovës, Isa Mustafa, në 16-vjetorin e vrasjes, ka përkujtuar veprimtarin e shquar të Kosovës, Xhemajl Mustafa.

“Sot, bëhen 16 vjet nga vrasja tinëzare e Xhemajl Mustafës, intelektualit të jashtëzakonshëm dhe veprimtarit të shquar të lirisë dhe pavarësisë së Kosovës, një prej emblemave të lëvizjes për liri, pavarësi dhe demokraci të prirë nga Presidenti Historik, Ibrahim Rugova”, ka thënë kryeministri Isa Mustafa.

Ai ka thënë se Xhemajl Mustafa, gjatë veprimtarisë kolosale në shërbim të atdheut, dha kontribut të madh për realizimin e aspiratave të popullit të Kosovës, me theks të veçantë, në fushën e informimit dhe të sensibilizimit të opinionit vendor e ndërkombëtar, për Kosovën dhe kauzën e saj.

“Mbi të gjitha, Xhemajl Mustafa ishte një njeri i jashtëzakonshëm, optimist, me vullnet të pathyeshëm dhe me qetësi të admirueshme shpirtërore, i cili në çdo kontakt rrezatonte pozitivitet, besim dhe virtytet më të larta njerëzore”, ka shtuar më tej kryeministri Mustafa.

Mustafa e ka ripërsëritur kërkesën e tyre “për zbardhjen sa më të shpejt të vrasjes së Xhemajl Mustafës dhe dhjetëra personaliteteve politike të shquara të Kosovës, të vrarë në atë periudhë”./Insajderi.com

Qeveria ftesë publike Listës Serbe që të kthehet në institucione

Qeveria e Kosovës thotë se i ka dyert e hapura për përfaqësuesit e Listës Serbe që të rikthehen dhe vazhdojnë punën në kuadër të institucioneve qendrore.

Zyrtarë të ekzekutivit theksojnë se deri më tash nuk kanë pranuar ndonjë shkresë nga Lista Serbe për bojkotimin e institucioneve qendrore të Kosovës. Andaj, Listës Serbe nuk do t’i drejtohet ftesë me shkrim që të kthehet, por do të ftohen përmes deklarimeve publike.

Zëvendësministri i Pushtetit Lokal në Qeverinë e Kosovës, Bajram Gecaj, tha për Radion Evropa e Lirë se kryeministri i Kosovës, Isa Mustafa, tashmë u ka bërë ftesë publike përfaqësuesve të Listës Serbe.

“Ftesa është serioze. Ne presim që ata të vijnë dhe t’i përgjigjen asaj ftese. Presim që të ulen me kryeministrin dhe t’i shprehin të gjitha brengat që i kanë për të gjitha çështjet që mund të jenë kontestuese”.

“Ata na kanë thënë se ju nevojitet edhe pak kohë që të konsolidohen brenda për brenda, pra diskutime të brendshme dhe ne nuk ua kemi vënë lakun në fyt, siç thotë populli. Pra, ne po presim që ata kurdo që të jenë të gatshëm të vijnë te kryeministri dhe t’i diskutojnë të gjitha brengat që i kanë”, tha Gecaj.

Subjekti politik, Lista Serbe, që përfaqëson komunitetin serb në institucionet e pushtetit lokal dhe qendror në Kosovë, ka deklaruar se është në pritje të ftesës nga kryeministri dhe partitë e koalicionit qeverisës që të bisedojnë rreth kthimit në institucione.

Kryetari i Listës Serbe, Sllavko Simiq, ka deklaruar se ai dhe Lista Serbe janë të gatshëm të ulen dhe bisedojnë me kryeministrin Isa Mustafa dhe krerët e partive partnere të koalicionit në Prishtinë.

“Ne edhe më tutje presim që partnerët tanë të koalicionit të na ftojnë dhe të na propozojnë se si ta tejkalojmë këtë vakuum politik dhe këtë krizë politike”, ka thënë Simiq për Radion Evropa e Lirë.

Sipas tij, varësisht ftesës dhe propozimit që do të ofronin krerët e koalicionit në Prishtinë, atëherë Lista Serbe do të vendoste nëse do të rikthehej në Kuvendin dhe Qeverinë e Kosovës.

Lista Serbe mori vendim që të ngrijë përfaqësimin në Kuvendin dhe Qeverinë e Kosovës në shenjë proteste pas miratimit të Ligjit për Trepçën dhe atij për Investimet Strategjike.

Gecaj tha po ashtu se koalicioni qeverisës Listën Serbe edhe më tej e konsideron pjesë të koalicionit.

“Ata janë pjesë e institucioneve, megjithëse nuk kanë dalë në punë. Pra, kemi një koalicion pas zgjedhor me PDK-në, Listën Serbe dhe komunitetet tjera. Ata janë partnerë tanë”, tha Gecaj.

“Unë e kam thënë disa herë deri tash që një koalicion qeverisës – që të qeverisë – duhet t’i ketë 61 vota. Ne kemi shumë më shumë se 61 vota. Por, megjithatë, nuk ka vota ta mjaftueshme për çështje që kërkojnë dy të tretat apo 80 për qind”, ka thënë Gecaj.

Përfaqësuesit e komunitetit serb në Kuvendin e Kosovës kanë thënë se prioritet për bashkësinë serbe në Kosovë është themelimi i Asociacionit të komunave me shumicë serbe. Themelimi i Asociacionit pritet të jetë një nga temat kryesore në rast se Lista Serbe do të ulet me partnerët e koalicionit qeverisës në Prishtinë. (REL)

“Simitet” e Diasporës, të bashkuar rreth Ramës e Thaçit! – Nga Florim Zeqa

Maskarada mashtruese apo i ashtuquajturi “Samit i Diasporës”, i organizuar nga kryeministri i Shqipërisë, Edi Rama, i mbajtur nga datat 18-20 nëntor 2016, është njëra nga lojërat plot hipokrizi të pushtetarëve në Tiranë dhe Prishtinë në raport me mërgatën tonë. I ashtuquajturi “Samit i Diasporës” i paraparë të mbahej në muajin Mars të këtij viti, u mbajt tetë muaj me vonesë nën moton “Të gjithë për Shqipërinë”, të kësaj logoje të maskaradës mashtruese dhe nënçmuese njëkohësisht, kur dihet fakti se mërgata shqiptare asnjëherë në historinë e saj të gjatë nuk ka qenë më e injoruar, anashkaluar dhe abuzuar sikurse të ketë qenë në këtë dekadën e fundit nga dy qeveritë e shteteve shqiptare. Në dekadën e fundit, diaspora shqiptare, nga qeveria e Tiranës dhe Prishtinës u përdor dhe u bë pjesë e agjendave politike vetëm në raste krizash politike, duke u përdorur si dekor festimesh dhe për dekorim të ndonjë sekseri të tyre në Diasporë, gjoja për punën dhe veprimtarinë atdhetare. Zyrtar të lartë shtetërorë nga Kosova dhe Shqipëria, ministra dhe ambasadorë gjatë vizitave mërgatës sonë, takojnë vetëm individët dhe grupacione të afërta me ta, duke asistuar në hapjen e ndonjë shkolle të mësimit plotësues të gjuhës shqipe, ndonjë aktiviteti të vockël kulturor, sa për të “mbajtur” lidhjet me sekserët e tyre, të cilëve ua hedhin nga një ashtë të fëlliqur në emër të financimit të ndonjë aktiviteti,…duke injoruar dhe anashkaluar shoqata dhe organizime të mirëfillta, duke injoruar në tërësi trurin e kombit shqiptar në Diasporë.

Krekosjet e krerëve shtetërorë

Me shfrytëzimi i disa mjeranëve, sahanlëpirësve të pushtetit, më tepër kanë krijuar ndasi dhe përçarje, saqë shumica e mërgimtarëve ndihen të anashkaluar dhe injoruar nga shtetet e tyre. Krekosjet e krerëve shtetërorë dhe shtirrja e tyre, se gjoja po e ndihmojnë diasporën në ruajtjen e identitetit kombëtar, janë hipokrizi e kulluar. Mjafton të përcjellësh me vëmendje fjalimet e tyre në “Samitin e Diasporës”, për të kuptuar deri në fund marrëzinë e tyre. Fillimisht në hapjen e këtij “Samiti”, kryeministri shqiptar, Edi Rama e tregoi joseriozitetin e tij ndaj këtij tubimi të zgjeruar me klientalat e tij në Shqipëri, Kosovë dhe Diasporë, duke treguar se ideja e mbajtjes së këtij Samiti të Diasporës në Tiranë, ishte një ide e bashkëshortes së tij,…se mori propozimin nga bashkëshortja, pas takimeve të shumta të zhvilluar në Nju Jork në 2015-ën, me shqiptarë të diasporës,…”ndonjëherë pëlqej mendimet e saj para të miave” kishte nënvizuar kryeministri shqiptar duke u tallur me “s(a)imitat e shumtë në sallën e madhe në “Pallatin e Brigadave”, i mbushur përplot ideolog dhe ithtar të nomenklaturës komuniste nga Shqipëria, Kosova, Lugina e Preshevës, Ilirida dhe Diaspora. Mbase mjafton vetëm thënia e mëposhtme e kryeministrit shqiptar, për të kuptuar prapaskenat politike; “Pa diasporën Shqipëria është më e cunguar se një territori copëtuar në mijëra pjesë”. Kryeministri shqiptar po harron se Shqipëria nuk bëhet me “simite të tharbur” nga Diaspora, por me krijimin e kushteve të volitshme për kthimin në vendlindje të trurit kombëtar, krijimin e sigurisë për investime në vendin e tyre, me luftimin e korrupsionit dhe heqjen e haraçit qeveritar ndaj investitorëve shqiptar të mërgatës sonë.

Mashtrimet e Thaçit

Akoma më i qartë dhe naiv në mashtrimet e tij u tregua presidenti i Kosovës, Hashim Thaçi, i cili ndër të tjera u shpreh: ”Ne kemi obligim si shtete që të kontribuojmë në ruajtjen e identitetit kombëtar të diasporës dhe t’i shtrijmë atyre dorën. Diaspora duhet të jetë më shumë e shtrirë në jetën institucionale të Kosovës. Prandaj në këtë frymë në kuadër të punës për reformën zgjedhore do të trajtojmë edhe mundësinë e ndryshimit të Kushtetutës së Kosovës për të përcaktuar një numër të vendeve të rezervuara për diasporën në Parlamentin e Kosovës. Është ky i njëjti person, si ish-kryeministër i Kosovës, që injoroi mërgatën në të gjitha proceset e vendimmarrjes në Kosovë përgjatë tetë viteve të qeverisjes së tij, duke filluar; nga mohimi i të drejtës në votim, pjesëmarrjes në parlament, qeveri e deri tek kufizimi i të drejtave për investime në vendlindje, me vënien e proceduarave burokratike e deri tek haraçi i organizuar në realizimin e të drejtave të garantuara me ligj për nxjerrjen e rregullt të dokumenteve të udhëtimit, lejeve të ndërtimit, etj. Sa i dhimbshëm, po aq i pashpjegueshëm mbetet fakti i pjesëmarrjes në këtë “samit” i disa figurave të shquara të mërgatës sonë, që hiqen si mbështetës të filozofisë rugoviane, demokratë me orientim euro-perëndimor, që në prapaskenë shajnë e hedhin vrerë mbi figurën e Edi Ramës Hashim Thaçit,…përderisa në hollin ku mbahej ky aktivitet vraponin pas tyre për marrjen e ndonjë “selfije” (fotoje) për facebook! Si i lejuan vetës, që me pavetëdijen e tyre të bien aq lehtë në grackën e Ramës dhe Thaçit. Pas veprimeve të tilla skandaloze, përulja e tyre nesër para varrit të presidentit historik të Kosovës, nga rugovistët më tepër do të kuptohet si lëpirje e mermerit mbi varrin e tij, e jo si nderim i sinqertë. Mirëpo, për fatin e mirë, në grackën e Ramës e Thaçit nuk ra presidenti i shtetit shqiptar, zoti Bujar Nishani dhe shumë figura të shquara të politikës shqiptare, përfshirë veprimtar të shumë nga diaspora dhe trojet etnike shqiptare. Në fund, më mbetet t’i sqaroj lexuesit për titullin e shkrimit, që pjesëmarrësit nga mërgata në këtë samit i quajta “simite”, pasi nuk mund të jenë ndryshe po si një gatesë e përgatitur nga Rama e Thaçi. Se për çfarë “simitesh” bëhet fjalë, i mbetet lexuesit t’ua japë vlerësimin pjesëmarrësve të kësaj maskarade mashtruese, e të mos flasim për koston e lartë financiare të akomodimit të rreth 800 pjesëmarrësve në këtë aktivitet treditor,…të cilën do ta paguajnë tatimpaguesit e varfër shqiptarë.

Armend Zemaj – Albulena Haxhiut: Vetëvendosja e shtyu në vetëvrasje Astrit Deharin

Mbledhja e Komisionit parlamentar për Legjislacion nuk ka kaluar pa tensione e akuza në mes të deputetit të LDK-së, Armend Zemaj, dhe deputetes së Lëvizjes “Vetëvendosje” Albulena Haxhiu.

Zemaj gjatë mbledhjes së Komisionit është përplasur me deputeten Haxhiu rreth vdekjes së Astrit Deharit.

Zemaj e ka akuzuar Lëvizjen “Vetëvendosje” se e ka shtyrë të ndjerin Dehari të bënte vetëvrasje. Ai e ka kritikuar Haxhiun edhe për fjalorin banal që ajo e ka përdorur gjatë mbledhjes së Komisionit Parlamentar për Legjislacion.

“A je ti në këtë shtet, të paskan kap edhe ty, po më vjen keq… ti s’e lufton kërkon, ti veç demagogji bën… shërbëtore e krimit je ti me këtë fjalor banal, e keni shty njeriun me e vra veten e tash bëni qysh të doni”, i është drejtuar Zemaj deputetes së VV-së, Albulena Haxhiut.

Ndërkohë që Haxhiu pati debat edhe deputeten Selvije Halimi, ku i tha kësaj të fundit se kur e ka ftuar për ta nënshkruar peticionin për thirrje të seancës për Astrit Deharin, Halimi ka pranuar derisa ditë më parë e ka ndërruar mendjen për një gjë të tillë.

Halimi e pranoi një gjë të tillë duke thënë se e ka bërë me qëllim që siç u shpreh ajo “nuk kam dashtë të bëhet turp më i madh”.

Prishtina fillon njohjen e diplomave të Universitetit të Mitrovicës veriore

Prishtina zyrtare ka filluar njohjen e diplomave universitare të lëshuara nga Universiteti në veri të Mitrovicës, i cili funksionon mbi bazën e sistemit të Serbisë.

Pas verifikimit të diplomave që lëshohen nga Universiteti i Mitrovicës së Veriut (UMV), që zgjati rreth një vit, Ministria e Arsimit, Shkencës dhe Teknologjisë ka bërë shpërndarjen e diplomave të certifikuara për të diplomuarit serbë.

Një komision i pavarur deri më tani ka verifikuar 107 diploma, derisa 28 të tjera janë në procesin e verifikimit.

Projekti, “Mbështetje të edukimit në gjuhën serbe në Kosovë”, financohet nga Bashkimi Evropian dhe Ambasada norvegjeze.

Ministri i Arsimit, Arsim Bajrami ka thënë se Qeveria do të ofrojë mbështetje të plotë në projekte të kësaj natyre.

“Ka ardhur koha që ta lëmë pas të kaluarën tonë të hidhur dhe të ketë qasje të barabartë për të gjithë qytetarët e Republikës së Kosovës. Fokusi tjetër i yni parasheh edhe bashkëpunimin me shkolla”, ka thënë Bajrami. Sipas tij, duhet të punohet për largimin e gjuhës së urrejtjes nga tekstet shkollore.

Bajrami ka thënë po ashtu se do të vazhdojë puna edhe në nivele tjera arsimore rreth ngritjes së cilësisë në arsim dhe rishikim të teksteve shkollore.

Çështja e njohjes së diplomave universitare është diskutuar në Bruksel në dialogun ndërmjet Prishtinës dhe Beogradit. Kjo marrëveshje parasheh që edhe autoritetet e Serbisë t’i njohin diplomat e studentëve nga Lugina e Preshevës, të cilët kanë studiuar në Kosovë.

Portreti i Nënës Terezë në Muzeun e Kosovës, për rekordet e Guinnessit

Artisti Saimir Strati

Artisti Saimir Strati nga Shqipëria është duke punuar një mozaik me portretin e humanistes së madhe, Nëna Terezë, në një formë të veçantë.

Portreti është duke u punuar në Muzeun e Kosovës, me kapëse teli, në një dimension prej 10 metra katrorë. Me këtë vepër, ai synon të hyjë në librin e rekordeve të Guinniss-it.

Ky portretet i veçantë i nobelistes Nëna Terezë, tashmë e shenjtëruar nga Vatikani, sipas artistit Strati është një dedikim dhe mirënjohje për punën humane që ka bërë ajo.
Kurse, ideja për këtë formë mozaiku me anë të kapëseve, sipas tij, ka ardhur nga shpërngulja e refugjatëve dhe kalimi i telave gjemborë në kufij të ndryshëm.

“Dikur kam parë në televizor shpërngulje masive të refugjatëve nga Lindja e Mesme dhe nga lufta. Diku në një qytet të Evropës kishte disa tela me gjemba që i pengonin. Dhe, aty mendova se vetëm Nena Terezë mund t’i shpëtonte këta njerëz”.

“Atëherë u bë ideja ime për ta bërë Nënën Terezë dhe materiali tashmë ishte gjetur, pra për të punuar diçka me tel.”

portretnene2

“Dhe më pas mendoj se janë bërë shumë akte për paqe, janë bërë shumë konferenca dhe shumë letra të kapura me telin dhe gjithë ky tel ka shkuar në dëm. Mendova që kjo do të jetë “Nëna Terezë”, do ta bëj në një dimension gjigant ashtu siç ka qenë, pavarësisht shtatit të shkurtër”, tha Strati.

Ai mendon të përdorë mbi 1 milion e 500 mijë tela të bardhë dhe ngjyrë kafe, të cilët do t’i përdorë për të përfunduar mozaikun i cili do të merr pamjen në 3D (tre dimensional).

Për këtë vepër, Strati beson se do të fitojë edhe një rekord të ri në Guinness. Ai, tashmë është bërë pjesë e librit të Guinniss-it me nëntë vepra tjera dhe pret që me mozaikun kushtuar Nënës Terezë të arrijë numrin jubilar, atë të dhjetin.

“Kjo është një teknike e re edhe për rekordet Guinness edhe për mua si artist dhe më duket shumë interesant për ta çuar më tej”, tha Strati.

Mbajtësi i 9 rekordeve Guinness, Sajmir Strati, thotë se në mozaik do të jetë e shkruar thënia shumë herë e përdoruar nga Nëna Terezë: – ‘Paqja mund të vijë edhe nga një buzëqeshje’.

Kurse, drejtori i Muzeut të Kosovës, Skënder Boshtrakaj, tha se nuk është e lehtë në këtë botë të madhe dhe sfiduese të arrish një numër kaq të madh rekordesh, siç i ka bërë artisti Strati.

Ai shprehu bindjen që rekordi i dhjetë i Saimir Stratit do të jetë i regjistruar në Muzeun e Kosovës.

“E bukuria e artistit Sajmir Strati është që në shumicën e rasteve nuk then rekorde, por vendos kategori të reja që janë rekorde dhe në këtë drejtim nuk është asnjë dilemë, sepse nuk ka vepër të tillë as para, as mbrapa, as anash; është një dhe e vetmja dhe e para në këtë kategori. Kështu që është e pa konkurrencë”, tha Boshtrakaj.

Mjeshtri i veprës nuk e mohoi faktin se kjo punë ka vështirësitë e veta, por siç thotë ai, veprat dhe punën i mat me kënaqësi.

Kjo vepër pritet të finalizohet në fund të muajit nëntor. (REL)

Mposhtja e frikës?! – Nga Skënder MULLIQI

Nga shumë negativitete të cilat e kan mbuluar Kosovën , pozitive është së njerëzit kan filluar të lirohen nga frika prej strukturave të krimit të organizuar .Shumë herë deri më sot kemi shkruar për temën e vrasjëve politike , të cilat vrasje shumica prej tyre kurrë deri më sot nuk e gjetën dritën e diellit.Njerëzit u frikësuan aq shumë nga këto vrasje dhe nga vrastarët , sa nuk merrnin guximin qytetarë as të flisnin as mbrenda familjës, e në vendet publike hiq së hiq .Nese diqka ka pozitive në këtë mjedis tonin të kontaminuar gadi krejt nga kastat politike në pushtet, është ajo që njerëzit po i shfaqin shumë më lirshem mendimet e tyre në biseda , dhe në media të ndryshme . Tema e vrasjëve politike nuk është më temë tabu .Shpesh i kam dëgjuar disa duke i thënë njeri- tjetrit gjatë bisedave në kohën e vrasjëve “shukatu burr , mos folë shumë , së po të han furra , apo e sheh së çka po bohet, po vritën njerëzit e kurgjo kurrkujt”. Nje frikë e tillë e instaluar për një kohë bukur të gjatë I ka ngja shumë kohës së inkvizicionit , kur vërtetë njerëzit i ka” hanger” furra për një fjalë goje .Kjo ia kujton njeriut dashur apo pa dashur edhe kohën e Rankoviqit famëkeq kur shumw kush nuk kan guxuar as në qilere të veta më folë kundër regjimit të huaj serbosllavë. Si duket kjo frikë e instaluar është duke u mundur , që është një fitore e demokracisë dhe është fitore e lirisë së shprehurit, edhe pse ende largë domenit çfarë e kërkon një vend normal dhe demokratik . Edhe shumë gazetarë në zë kan heshtur bukur gjatë karshi fenomenit të vrasjëve politike po ashtu nga frika. Njeriun si çënje, dhe çdo çenje tjetër në këtë botë e ka falur i madhi Zot, dhe vëtem nga ai duhet ta kemi frikën . Gjithnjë e më shumë është duke u rritur vetëdija që duhet domosdo njeriu ti kundërvehet çdo të lige, që gjendja të ndryshohet për të mirë. Secilen ditë po jemi dëshmitar së po lajmërohen njerëzit, të cilët kan pësuar nga strukturat e caktuara kriminale në një formë apo formë tjetër . Kur kërkohet më ngulm e drejta legjitime ajo një ditë do ta jap edhe frytin e vet. Njerëzit janë duke e kuptuar gjthnjë e më shumë së kan qenë të manipuluar, dhe së janë kapur siq thotë një fjalë e popullit për kashte. Duhet gjetur guximin dhe fuqinë për ti dalur përpara çdo akti barbarë . Secilin në krye të shtetit duhet ta kaplojnë ndjersët nga fuqia e shoqërisë. Këta që e kan marrë pushtetin kan menduar që më shtetin e tyre dhe më populin e vet, e kan fuqinë dhe mundësinë që në pakufi të manipulojnë . Nese deri më tash kan vepruar ashtu , kjo nuk do tu zgjatë gjithmonë. Do të dalin njerëz të cilët nuk do dorëzohen para kërcnimeve për tu larguar nga puna, dhe nuk do tu frikësohen as masave të tjera represive të pushtetit. Fitorja kunder frikës , është fitorja më e madhe para çdo dhune çfarëdo qoftë ajo …Po kuptohet gjithnjë e më shumë nga të gjithë , së ata matan rrugës janë “zagarë”?!…

Kërkohen dorëheqje dhe shkarkime për rastin ‘Dehari’

Për t’u hapur rrugë hetimeve të pavarura në lidhje me vdekjen e aktivistit të lëvizjes “Vetëvendosje”, kërkohen shkarkime dhe dorëheqje për krerët e Ministrisë së Punëve të Brendshme dhe të Drejtësisë

Ndonëse një ekip i pavarur ka monitoruar obduksionin e Astrit Deharit, raporti që është hartuar në lidhje me vdekjen e tij ka ngjallur reagime të shumta.

Mjeku shqiptar në Berlin, Milot Rama, është shprehur se është i trishtuar me raportin e autopsisë për Astrit Deharin, aktivistin e “Vetëvendosjes” që vdiq në Burgun e Prizrenit, shkruan gazeta ‘Zeri’.

“Unë si mjek me përvojë katër vjeçare në mjekësi intensive, në njërën nga klinikat më prestigjioze kardiologjike dhe pulmologjike gjermane jam më shumë se i trishtuar me raportin e autopsisë”, ka thënë Rama.

Ai është shprehur se shumë shpesh edhe anestezistët dhe mjekët e reparteve intensive me metoda shumë të sofistikuara kanë vështirësi të fusin tubusin me gjerësi maksimale 2 centimetra në rrugët e frymëmarrjes. “Prandaj tani përdorim gjithnjë e më shumë videolaringoskop, ku rrugët e frymëmarrjes i vëzhgojmë në kamerë për intubim më të shpejtë”, ka thënë ai

Një përgjigje dy pyetjeve të portalit “Argumentplus.al” (2015) – Nga Prof.Dr.Mehdi HYSENI

Barometri diplomatik

(1) Pyetja e parë: “Çka janë dëshmitarët, të fshehur apo publikë, që dëshmojnë për krime lufte: heronj apo tradhëtarë?”

Si rregull, në një shtet normal të së drejtës, ku sundon ligji dhe fjalën kryesore e ka drejtësia ( jo politika, e cila për interesa të saj lideriste, partiake, grupore , klanore, partiake të luftës për pushtet dhe për pasurim me çdo kusht në kurrizin e popullit, me efektet e saj negative korrupcioniste dhe nepotiste ka ndikuar në politizimin dhe instrumentalizimin e institucioneve dhe të organave të drejtësisë), nuk ekziston kurrfarë nevoje që të mobilizohen “shtabe të posaçme” për rekrutimin, për “trajnimin” dhe për mbrojtjen e të ashtuajturëve “dëshmitarë të fshehtë” ose siç po i quajnë me fjalorin modern politik dhe diplomatik “dëshmitarë të mbrojtur”.

Ky farë lloji i “dëshmitarëve të fshehur” ose siç po i quajnë “dëshmitarë të mbrojtur”, kushtimisht, mund të klasifikohet në dy kategori: 1) E para, ata që (ndoshta) kanë fakte dhe argumente-prova materiale për ndonjë person a grup individësh që kanë kryer ndonjë krim lufte, mirëpo, shtrohet pyetja, pse “dëshmitarë të fshehur”? dhe 2) Ata që nuk kanë kurrfarë provash materiale, as kurrfarë dëshmish, por janë rekrutuar vetëm si “argatë”- spiunë të dikujt me pagesë ose pa pagesë për dëshmuar rrjeshëm (ashtu sikurse dikur në vitet e 50-ta dhe 60-ta të shekullit XX, kur UDBA serbojugosllave shërbehej me dëshmitarë të rremë-fshehur për të dënuar dhe gjykuar sa më shumë intelektualë patriotë shqiptarë me në krye heroin Adem Demaçi, që luftonin për liritë dhe të drejtat e shqiptarëve në Jugosllavi), me qëllim që t’i denigrojnë dhe mohojnë vlerat e paçmueshme të luftës çlirimtare kombëtare dhe antikoloniale të UÇK-së, sepse dihet me kompremtimin e saj, do të vinte në pikëpyetje edhe statusi i pavarur i Kosovës. Kjo është lufta e hapur dhe e fshehtë e politikës, e diplomacisë dhe e propagandës së Beogradit, që të vërë në lëvizje faktorët e ndryshëm evropianë ndërkombëtarë, me qëllim që nxijë dhe të errësojë sa më shumë luftën e UÇK-së, duke qenë se kjo ka meritat kryesore për çlirimin dhe për pavaraësimin e Kosovës, të cilën e mbështetën edhe Amerika, edhe NATO-ja për ta përzënë me forcë Serbinë militare, paramilitare dhe policore nga Kosova e pushtuar (1989-1999).

Dëshitarët nuk janë heronj

Nëse ndonjëri prej dëshmitarëve qoftë publik a i fshehur, jep prova të sakta materiale para gjyqit, ai atë e ka për detyrë me ligj dhe me kushtetutë si çdo qytetar-shtetas tjetër i Kosovës.

Kështu që, nuk ekziston kurrfarë baze juridike ligjore dhe kushtetuese, që ai të shpallet ndonjë “hero”, sepse ai vetëm përmbush një obligim ligjor ndaj shtetit dhe ndaj popullit të vet. Ndaj, nuk mund të bëhet fjalë për kurrfarë “heroizmi”, por vetëm për ndërgjegjën, moralin dhe obligimin e tij si qytetar i vetëdijshëm me të drejta dhe detyrime të barabarta sikurse çdo qytetar tjetër.

Mirëpo, prapë shtrohet pyetja dhe “dilema hamletiiane”, pse dhe nga këta “dëshmitarë të fshehur”?

Ndërkaq, në rastin e kundërt, nëse ndonjëri nga dëshmitarët e fshehur (të përpunuar dhe të instrumentalizuar) jep dëshmi të rreme para trupit gjykues, atëherë, ai nuk mund quhet ndryshe veçse spiun, tradhtar, magar, zagar, hyzmeqar, vagabond, shpirt i shitur, që ka për qëllim ndonjë përfitim personal, ose është i paguar që dikush tjetër të “vjelë” ndonjë përfitim material, financiar, politik, ekonomik, tregtar, korrupcionist, karrierist a mafioz në emër të ndonjë grupi, klani, shoqate a partie etj.

Nëse dëshmitarët e fshehur japin deklarata të rreme, ata do të duhej të përgjigjeshin penalisht qoftë para gjykatave vendore, qoftë para atyre evropiane a ndërkombëtare, sepse deponimi i dëshmive të rreme, sanksonohet edhe me ligjet e brendshme, edhe me ato ndërkombëtare.

Deponimet e dëshmitarëve të fshehur, mund të jusitifikohen juridikisht, vetëm nëse përbëjnë prova materiale të parrëzueshme kundër individëve të paditur për rastet e caktuara. Ndryshe jo.

Mirëpo, si duket, prapavija e “dëshmitarëve të fshehur” më tepër ka karakter politik sesa juridik ligjor ngase dikush përfiton prej tyre (qoftë politikisht, financiarisht, materilaisht etj.). Por në këtë rast nuk fiton as ligji, as drejtësia, sepse me gënjeshtra dhe me shpifje nuk zbardhet e vërteta, por ajo mjegullohet dhe murkullohet në skajshmëri, me qëllim që të goditet kredibiliteti i së vërtetës, posaçërisht kur është fjala mbi luftën e drejtë çlirimtare kombëtare dhe antikoloniale të UÇK-së, që Kosova të jetë shtet i pavarur dhe sovran nga Serbia kolonialiste gjenocidale.

Nëse ndonjëri nga pjesëtarët e UÇK-së ka kryer krime lufte, atëherë, pse qe 16 vjet Tribunali i Hagës nuk ka ushtruar aktpadi kundër tyre? Kur dihet se pikërisht kjo Gjykatë Ndërkombëtare, e themeluar nga OKB-ja, më 1993, është me kompetencë për gjykimin e krimeve të luftës në ish-hapësirat e Jugosllavisë.

Anadaj, pse të themelohet, edhe një gjykatë tjetër “sepciale evropiane” si pandan i Tribunalit të Hagës për dënimin e krimeve të luftës në Kosovë?

Kjo është diskutabile dhe absurde si në kuptimin juridik, ashtu edhe në atë ekonomik e financiar e pajustifikueshme, pse të dyfishohen dhe të veprojnë dy gjykata të njëjta ndërkombëtare për të njëjtin objekt shqyrtimi-krimet e luftës qoftë në Kosovë, në Serbi, në Kroaci a në Bosnjë, kur, tanimë, qe 22 vjet ekziston dhe funksionon Tribunali i Hagës (1993).

Thejsht, nëse ndojnë pjesëtar i UÇK-së, ka kryer krime lufte, me të le të mirret Gjykata Ndërkombëtare e Hagës për Krimet e Luftës në hapësirat e ish-Jugosllavisë, pse “gjykatë mbi gjykatë” për të njëjtin objekt gjykimi?!

-Sepse pas gjithë kësaj qëndrojnë dosjet dhe aktpaditë e gjyqeve policore dhe ushtarake të Serbisë së Slobodan Milosheviqit, të cilat qysh para njëzet e sa vitesh qenë përpiluar dhe finalizuar për t’i ndjekur, burgosur, gjykuar, vrarë dhe shfarosur pjesëtarët e UÇK-së në emër të “terrorizmit” të shpifur dhe të krimeve të atribuara vetëm për vetëm për t’i fshehur gjurmët e krimeve, të masakrave dhe të gjenocidit të kryer nga qindra e mijëra kriminelë të njësiteve paramilitare, militare dhe policore barbare çetuniko-fashiste serbe kundër popullatë civile shqiptare të pambrojtur në Kosovë.

Sikur të kishte pasur drejtësi, deri tani, qe 22 vjet, Trbunali i Hagës, do të duhej të kishte përfunduar punën e tij në nxjerrjen në gjyq dhe, në dënimin e të gjithë kriminelëve serbë të Serbisë, që kanë kryer krime gjenocidi në Kroaci, në Bosnjë dhe në Kosovë (1992-1999).

Mirëpo, meqë nuk ka ndodhur një gjë e tillë në ndëshkimin e të gjithë kriminelëve serbë të luftës dhe të tri gjenocideve të Serbisë, tash, Serbia kinëse në emër të “drejtësisë” si bumerang “drejtësisë“ evropiane dhe ndërkombëtare, “topin e ka hudhur në oborrin” e viktimave shqiptare të gjenocidit serb në Kosovë (1989-1999). Kjo është padrejtësi ndaj viktimave të tri gjenocideve serbe dhe, turp i madh për drejtësinë evropiane ndërkombëtare, që ligjërisht nuk dënoi kryerësit, planifikuesit dhe urdhënësit e tri gjenocideve të Serbisë së Slobodan Milosheviqit.

Pra, amnisitimi i Serbisë për tri gjenocidet e kryera në Kroaci, në Bosnjë dhe në Kosovë, ka ndikuar që Beoegradi, t’i riaktivizojë aktpaditë dhe dosjet e akuzuese të gjykatave policore të regjimit vrastar fashist të Slobodan Milosheviqit në përndjekjen, në arrestimin, në burgosjen dhe në dënimin e komandantëve kryesorë të luftës së drejtë çlirimtare kombëtare të UÇK-siç është edhe rasti më i ri i dënimit drakonik të komandantëve të UÇK-së të “Grupit Drenica” në saje të “dëshmitarëve të fshehur”!?

(2) Pyetja e dytë : “A është patriotizëm të dëshmohet ose të heshtet e vërteta për hirë të qëllimeve më të larta”?

-E vërteta është humanizëm, dituri, patriotizëm, drejtësi, revolucionarizëm, qytetërim-vlerë universale e njerëzimit.

Andaj, nuk mund të ketë asnjë “qëllim i lartë” qoftë edhe “hyjnor” ai, që për hir të tij, të sakrfikohej e vërteta, pavarësisht se kush do të prekej nga kjo (shtetarë, politikanë, ushtarakë, njerëz të zakonshëm etj.).

Prandaj, e vërteta, duhet të thuhet, të shkruhet dhe të mbrohet me çdo kusht, sepse pohimi i saj është jo vetëm akt human, i drejtë, por edhe vlerë, virtyt, parim, trimëri, vetëdije e lartë njerëzore, patriotike dhe revolucionarizëm.

Ndërkaq, heshtja e së vërtetës është qyqari, amoralitet, anti-humanizem, anti-etikë , tradhti, mashtrim, shitje, anti-parim, krim dhe vetëmohim si në kuptimin e ngushtë, ashtu edhe në atë të gjerë(individual dhe kolektiv).

Lakimi dhe shpërfytyrimi i së vërtetës është në funksion të përligjjes, të mbrojtjes dhe të justifikimit të së pavërtetës, të keqes, të legalizimit dhe të shpërblimit të antivlerave qoftë individale, grupore, ideologjike, religjioze, politike partiake, të cilat qe më se dy dekada kanë vërshuar dhe kanë kontiminuar ambientin e florës dhe të faunës së vlerave të njëmendta njerëzore, humane, profesioniste, kombëtare shqiptare.

Me një fjalë, prapavija e heshtjes dhe e shpërdredhjes së vërtetës, është tejet komplekse, sepse zakonisht përbëhet nga shumë qëllime dhe nga shumë aktorë me interesa të shumta heterogjene.

Nëse sakrifikohet dhe vritet e vërteta, atëherë, shoqërisë sonë nuk i duhen kurrfarë insitucionesh shtetërore të rendit dhe të drejtësisë, as kurrfarë lirie, kurrfarë drejtësie dhe, kurrfarë pavarësie, sepse do të vetëmjaftohej me anarkinë, me kaosin dhe me ligjet e xhunglës. Në këtë rast, triumfues do të ishin ANTIVLERAT NJERËZORE- linçi, robëria e huaj sunduese, antihumanzimi, padrejtësia, e pavërteta, injoranca, primitivizmi, forcat mafioze dhe gangsterizimi i nëntokës etj., që popullin dhe shtetin e Kosovës, do ta çonin në greminën e dikurshme të skllavërisë së Serbisë kolonialiste dhe gjenocidale.

Mirëpo, si duket na e ka “hanger qeni shkopin”. Jemi bërë pikepese sikur vezët e qyqes në shkretëtirë “njër thumbit, tjetri patkoi” (pushteti, partia dhe pasuria mbi të gjitha, jo populli, as shteti e as atdheu). Disa më “papë se papa” dhe, disa të tjerë luftojnë për të shpifur, mashtruar, grabitur dhe për të fituar diç në kurriz të interesit të vegjëlisë dhe të shtetit të ri të Kosovës. Kjo është sa e dhimbshme aq edhe tragjike për interesin e përgjithshëm të popullit të shumëvuajtur dhe të Kosovës.

Kuvendi i Kosovës në krizën më të madhe të vendimmarrjes

Kuvendi i Kosovës aktualisht ndodhet në një prej periudhave më të vështira të funksionimit të tij, thonë analistët politik dhe përfaqësuesit e organizatave joqeveritare në Prishtinë. Sipas tyre, janë vet deputetët e Kuvendit ata që e kanë rrezikuar jo vetëm funksionimin e Kuvendit, por gjithë demokracinë në vend.

Analisti i Institutit Demokratik të Kosovës, Albert Krasniqi, tha për Radion Evropa e Lirë se çështja e mosfunksionimit të Kuvendit, pos tjerash, është vërejtur te pamundësia për miratimin e ligjeve si dhe paaftësia e treguar rreth mbikëqyrjes së punës së ekzekutivit.

“Në këtë drejtim, mund të themi se është një punë e cila po bëhet pa produktivitet dhe kjo normalisht që e rrezikon funksionimin e Kuvendit”, tha Krasniqi.

Tutje, Krasniqi tha po ashtu se probleme të shumta janë duke e përcjellë punën e Kuvendit, duke u nisur nga mungesa e kuorumit për mbajtjen e seancave, pastaj mos prania e deputetëve në sallë dhe mospjesëmarrja në votim. Kurse, problem më vete, nënvizon ai, paraqet edhe neglizhenca e ministrave të qeverisë për pjesëmarrje në seancat e Kuvendit.

“Një mungesë e koordinimit ka qenë edhe vet brenda koalicionit PDK-LDK dhe minoriteteve. Shpeshherë kanë ardhur vendime të njëanshme, të pa dakorduara paraprakisht dhe të cilat me pas janë bllokuar dhe është dashur që të tërhiqen nga rendi i ditës, e lëre më të flasim për një koordinim më të madh ndërmjet partive parlamentare në Kuvend, gjë e cila nuk ka ekzistuar deri me tani”, tha Krasniqi.

Nga 138 ligjet e parapara të miratohen në këtë vit, Kuvendi ka miratuar vetëm 41 prej tyre.

Drejtoresha e organizatës Iniciativa Kosovare për Stabilitet, Florina Duli tha për Radion Evropa e Lirë se mosfunksionimi i Kuvendit e ka arritur kulminacionin. Ajo mendon se deputetët dhe vet Kuvendi si institucion, nuk janë duke kryer punën për çka janë të thirrur.

“Deputetët nuk kanë rrezikuar vetëm funksionimin e Kuvendit, por gjithë demokracinë e shtetit. Kuvendi dhe deputetët asnjëherë nuk kanë përfaqësuar interesin e qytetarëve, por vetëm interesat partiake. Do të thotë, llogaridhënia këtu dështon. Është çështja edhe te vet integriteti dhe te demokratizimi i brendshëm i partive politike, ku detyrohen deputetët të mos kenë integritet personal”, tha Duli.

Partitë politike opozitare kanë bllokuar disa herë seancat, duke përdorur dhe gazin lotsjellës dhe fishkëllima në sallën e seancave, në rastet e trajtimit të çështjeve si Demarkacioni i kufirit me Malin e Zi apo çështje tjera që nuk janë mbështetur nga tabori opozitar.

Analisti politik, Imer Mushkolaj, tha se pavarësisht që partitë politike në pushtet kanë një shumicë në Kuvend, ato kanë mbetur pa legjitimitet dhe nuk po arrijnë që të shtyjnë përpara procese të rëndësishme. Ai thotë se mospuna e deputetëve në Kuvend tregon se sa seriozisht ata janë të interesuar për të ndryshuar gjendjen në të mirë të qytetarëve.

“Kuvendi i Kosovës është në një gjendje të vështirë dhe vazhdon ajo agonia e cila e ka përcjellë për muaj me radhë, pavarësisht përpjekjeve të herëpashershme që të kthehet në normalitet”, tha Mushkolaj.

Në punën e Kuvendit vlerësohet se nuk ishte vetëm ajo që u cilësua si ‘rezistenca politike e opozitës’, që mund të shihej si pengesë në punë apo vendimmarrje, pasi që koalicioni qeverisës, i cili në total ka më shumë se 80 vota, nuk po gjen zgjidhje dhe nuk po arrin të marrë vendime për çështje të rëndësishme.

Ky legjislativ, nuk arriti të përmbushë njërin prej kritereve të fundit të Bashkimit Evropian për liberalizimin e vizave, e që ishte ratifikimi Demarkacionit të kufirit me Malin e Zi.

Ndërkaq, legjislativi nuk po arrin të fus fare në rend dite themelimin e Forcave të Armatosura të Kosovës, sikurse që nuk po gjen konsensus politik rreth reformave të shumë përfolura kushtetuese. (REL)

Faqja 135 prej 187« Fillimi ‹ Prapa 131 132 133 134135136 137 138 139 Para ›Fundi »

Kryeministri i Kosovës, Isa Mustafa dhe komandanti i KFOR-it, Giovanni Fungo kanë përdorur rrugët alternative për të shkuar në ceremoninë e përurimit të urës së re mbi lumin Bistricë.

Një aktivist i çështjes kombëtare, Remzi Baloku, në vitin 1959 kishte qepur 200 flamuj kombëtarë për 28 Nëntorin e atij viti.

Përgatiti: Zijadin Gashi

Kryeministri i Republikës së Kosovës, Isa Mustafa, në 16-vjetorin e vrasjes, ka përkujtuar veprimtarin e shquar të Kosovës, Xhemajl Mustafa.

Mbledhja e Komisionit parlamentar për Legjislacion nuk ka kaluar pa tensione e akuza në mes të deputetit të LDK-së, Armend Zemaj, dhe deputetes së Lëvizjes “Vetëvendosje” Albulena Haxhiu.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL