VOAL

Kosovë

Haradinaj kujton masakrën e Rogovës së Hasit

Kreu i AAK-së, Ramush Haradinaj, ka kujtuar masakrën e Rogovës së Hasit përmes një postimi në Facebook, duke thënë se veç në Kosovë ndodh që një vend kaq i vogël të tregojë sa të mëdha janë plagët e popullit.

Një nga masakrat më të tmerrshme të shkaktuara nga forcat serbe kishte ndodhur më 27, 28 dhe 29 janar të vitit 1999 në Rogovë të Hasit.

“Veç në Kosovë ndodh që një vend i vogël si Rogova e Hasit, të na kujtojë se sa të mëdha janë plagët e këtij populli! Sot, në këtë 18 vjetor, i kujtojmë gjithë ata burra trima, që ranë për vendin dhe lirinë e përbashkët! I falem lavdisë dhe sakrificës së tyre, pavarësisht largësisë sime nga Rogova ku prehen! Për të qenë aty, ku ata e meritojnë të jemi për çdo vit, po e publikoj këtë fotografi nga përvjetori i shkuar”, ka shkruar Haradinaj, që ishte arrestuar më 4 janar nga policia franceze, me një urdhërarrest të Serbisë të lëshuar përmes INTERPOL-it, më 2004, dhe po vazhdon të mbahet me kusht në Francë.

Të rinjtë: Dialogu me Serbinë nuk solli rezultate

Pakënaqësi me rezultatet e dialogut

Dialogu ndërmjet Kosovës dhe Serbisë, i lehtësuar nga Bashkimi Evropian, nuk po ndihmon në përmirësimin e raporteve reciproke. Ky dialog, nuk po sjell rezultate as për qytetarët, thonë të rinjtë, për rubrikën “VOX”.

Ejona Hoxha, studente në Universitetin e Prishtinës, thotë për Radion Evropa e Lirë se deri tash procesi nuk ka ndihmuar në përmirësimin e jetës së qytetarëve, por, siç shprehet ajo, ndoshta në të ardhmen gjërat do të ndryshojnë.

“Nuk merrem shumë me politikë, por thjesht e di që nuk ka ndihmuar se qe sa vite, deri tash është dashur të ketë ndonjë ndryshim. Edhe thjesht nuk e di nuk ka ndihmuar asgjë, por shpresoj se do të bëhet mirë. Optimizmi është mbi të gjitha”, shprehet Ejona.

Qëndrim Morina, student në Fakultetin e Arteve, thotë se dialogu do të duhej të ndihmonte në radhë të parë rreth lëvizjes së lirë të qytetarëve.

“Deri më tani unë, personalisht, nuk kam parë ndonjë rezultat. Po ashtu, nuk kam parë ndonjë rezultat as pas marrëveshjeve të arritura. Normalisht që [dialogu do ishte dashur ] të ndihmojë në përmirësimin e raporteve ndërmjet dy vendeve”, thotë Qëndrimi.

Zyrtarët e Qeverisë së Kosovës, konsiderojnë se pavarësisht disa pengesave dhe vështirësive, dialogu ka dhënë rezultate.

Anduena Halilaj, studente që studion Antropologjinë, mendon se dialogu nuk ka dhënë rezultatet e pritura.

“Mendoj se nuk është në rregull të vazhdojnë bisedimet derisa po ndodhin ngjarje si ato të fundit. Asgjë nuk po kemi të mirë nga ato bisedime, mendoj se nuk duhet vazhduar. Mendoj se duhet të ketë marrëdhënie më të mira ndërmjet shqiptarëve dhe serbëve dhe sigurisht edhe lëvizje të lirë”, konsideron Anduena.

Dialogu ndërmjet Kosovës dhe Serbisë, i lehtësuar nga Bashkimi Evropian, vazhdon të jetë një nga temat që dominon skenën politike në Kosovë.

Egzon Rexhepi që studion në Universitetin e Prishtinës për Shkenca Kompjuterike thotë se dialogu politik me Serbinë, për Kosovën dhe qytetarët e saj nuk ka sjellë përftim në asnjë rast.

“Deri tash, ne si qytetarë, nuk e besoj që kemi pasur ndonjë përfitim prej atij dialogu, që është një dialog që do të zgjasë edhe më shumë. Nuk pres që në të ardhmen të ketë ndonjë përmirësim. Çka do të ishte dashur të kishte, mendoj në radhë të parë sovraniteti deri aty ku i kemi kufijtë dhe reciprocitet me palën serbe”, thotë Egzoni.

Kurse, Bujamir Hoxha thotë se dialogu ndërmjet Kosovës dhe Serbisë është duke i dëmtuar shumë procese, nëpër të cilat është duke kaluar Kosova.

“Kosova nuk është duke e arritur asnjë sukses me këtë çka është duke e bërë. Serbia është duke i bërë të gjitha gjërat e këqija për Kosovën edhe ne prapë po shkojmë dhe bëjmë dialog me Serbinë. Në dialog nuk po bisedohet për dëmet e luftës së ashpër, për të pagjeturit. Institucionet duhet të jenë të vetëdijshme dhe të kenë masë reciprociteti me Serbinë”, thekson ai.

Zyrtarët e Qeverisë së Kosovës thonë se sjellja e Qeverisë së Serbisë në raport me dialogun dhe me qasjen e përgjithshme që synon normalizimin e raporteve ndërmjet dy vendeve, kanë qenë destruktive dhe ato po vazhdojnë të jenë të tilla.

Dialogu ndërmjet Prishtinës dhe Beogradit zhvillohet në Bruksel në nivelin politik dhe atë teknik dhe po lehtësohet nga Bashkimi Evropian.

Qëllimi i këtij dialogu, sipas Brukselit, është normalizimi i marrëdhënieve ndërmjet Kosovës dhe Serbisë, normalizim ky që është vënë edhe si kusht për të dyja vendet në procesin e integrimit të tyre në Bashkimin Evropian. (REL)

Arrestohet aktivisti i VV-së Nol Nushi

Policia e Kosovës ka arrestuar koordinatorin e Sekretariateve dhe anëtarin e Këshillit të Përgjithshëm të Lëvizjes Vetëvendosje, Nol Nushi.

Lajmin e ka konfirmuar Lëvizja Vetëvendosje përmes një njoftimi për media.

Sipas “Vetëvendosjes”, Nushi është arrestuar pa asnjë sqarim, transmeton “Zeri.info”.

Po ashtu, kjo Lëvizje ka kërkuar që të ndalen menjëherë përndjekjet ndaj aktivistëve të tyre.

Njoftimi i plotë i Lëvizjes Vetëvendosje:

Në kohën kur Serbia ka rritur provokimet ndaj Republikës së Kosovës, duke kërcënuar edhe me luftë, pushteti kriminal përndjek dhe arreston aktivistët e Lëvizjes VETËVENDOSJE!.

Ky pushtet i cili tashmë është dorëzuar para Serbisë, sonte në orët e mbrëmjes, ka arrestuar Koordinatorin e Sekretariateve dhe anëtarin e Këshillit të Përgjithshëm të Lëvizjes VETËVENDOSJE!, Nol Nushi.

Ai është ndaluar nga Policia dhe është arrestuar pa asnjë sqarim.

Ky veprim i pushtetit tregon se klani “Pronto” po synon që në Kosovë të instalojë regjim autoritar.

Veprimet e tilla janë të papranueshme, prandaj kërkojmë lirim të mënjehershëm të aktivistit Nushi.

Po ashtu, kërkojmë që të ndalen menjëherë përndjekjet ndaj aktivistëve tanë.

RADIO EVROPA E LIRË – SA ËSHTË PASURIA E TREPÇËS?

Kosova asnjëherë nuk ka bërë një vlerësim të detajuar për vlerën reale të kombinatit metalurgjik “Trepça”.

I vetmi studim për të gjitha resurset natyrore të Kosovës që është bërë në vitin 1992, ka vlerësuar se potenciali material i Trepçës mund të jetë 85 miliardë dollarë amerikanë.

Ajo çka mund të thuhet për vlerën e këtij kombinati, sipas ish udhëheqësve të tij dhe njohësve të kësaj fushe, është se ky kombinat ka rezerva të mëdha të mineraleve, plumbit, zinkut, argjendit dhe arit.

Ish-drejtori i Trepçës, Burhan Kavaja në një prononcim për Radion Evropa e Lirë ka theksuar se nuk janë bërë hulumtime të detajuara dhe praktikisht është shumë vështirë të dihet vlera reale.

Siç thekson ai, çdo muaj kur të nxirren dhe shfrytëzohen sasitë e mineraleve, zbulohen të tjera të reja.

“Në vitin 1992 kemi bërë një vlerësim për të gjitha resurset e Kosovës, [vlera] ka qenë 505 miliardë [USD]; pjesa kryesore e tyre ka qenë thëngjilli, kaustobiolidet. Atëherë pati mbetur që Trepça, në atë kohë potencialin material e ka pasur 85 miliardë dollarë. Mirëpo, tash nuk mund të themi sa [është vlera reale], se edhe në kohën kur e kanë shfrytëzuar serbët, edhe në kohën kur e kemi shfrytëzuar ne, nuk janë bërë kurrfarë kërkimeah, të cilat do të ishin të verifikuara dhe të kategorizuara”, shprehet Kavaja.

Për vlerën reale të kombinatit Trepça, thekson Kavaja, kërkohen hulumtime, incizimet, si dhe shpimet e nevojshme për të bërë verifikimin dhe kategorizimin e rezervave.

Por, ajo çka është reale, sipas Kavajës, është se në dhjetë vjetët e ardhshme Trepça me potencialin e vetë mund të shfrytëzohet në mënyrë racionale të prodhohet metali dhe të përpunohet.

Ish menaxheri i Trepçës, Ferat Shala thekson se për çështjen e pasurisë së Trepçës, para se të jipen shifra, duhet të kryhet një studim i fizibilitietit në baza shkencore dhe logjikën ekonomike.

“Pasuria është e madhe. Rezervat minerare janë të konsiderueshme, jemi realisht fuqi rajonale në fushën e plumbit, zinkut, arit dhe argjendit. Dhe duke llogaritur që në rajonin e Ballkanit dhe Evropën Juglindore askush nuk ka rezerva më të mëdha dhe duke pasur parasysh pozitën gjeografike që ka Kosova, për ne janë kapital i një rëndësie të madhe”, shton Shala.

Ndërkohë, Halil Qela, njohës i kësaj fushe, thotë se problemi kryesor është se Kosovës i mungon ligji për standardizimin e rezervave e që sipas tij, është kushti kryesor që do të tregonte se cila është sasia e rezervave minerale që mund të vlerësohen në bazë çmimeve aktuale që janë në bursë.

“Ne sot po flasim për diku 58 milion tonë xehe, por po them që mund të jenë edhe dhjetëra miliona të tjera që gjenden në këtë brez metalogjenik dhe nuk janë të studiuara ende në detaje që kanë një vlerë e që me standardet e sotme moderne ato mund të jenë një kategori që mund të shfrytëzohet. Edhe mund të jetë një kategori që për teknologjinë e sotme në botë nuk mund të shfrytëzohet”, shton Qela

Përveç aseteve dhe degëve të ndryshme të shpërndara në rajone të ndryshme, jo vetëm në Republikën e Kosovës, por edhe jashtë saj, kombinati Trepça ka qenë një prej ndërmarrjeve më të mëdha të ish-Jugosllavisë në vitet e 80-a, me mbi 21 mijë punëtorë.

Çështja e Trepçës është aktualizuar së fundi kur Qeveria e Kosovës ka marrë vendim që gjiganti metalurgjik “Trepça”, i cili aktualisht është nën administrim të Agjencisë Kosovare të Privatizimit, të kthehet në pronësi të shtetit.

Por, menjëherë pas këtij vendimi, Kuvendi i Kosovës e kishe hequr nga rendi i ditës çështjen e pronësisë se këtij kombinati.

Më pas kishin pasuar protestat e mijëra qytetarëve të cilin kërkonin nga kryeministrit të Kosovës, Isa Mustafa që të nxjerr një ligj, me të cilin Kuvendi i Kosovës, do ta rregullonte statusin e kombinatin metalurgjik, Trepça, duke e shndërruar atë në një ndërmarrje të veçantë publike./REL

Presidenti Thaçi bisedon në telefon me kryeministrin Vuçiç

Presidenti i Kosovës Hashim Thaçi thotë se ka biseduar me telefon me kryeministrin e Serbisë Aleksandër Vuçiç.

“U pajtuam që të punojmë bashkërisht që nëpërmjet dialogut t’i zgjidhim të gjitha çështjet me interes reciprok e që ndërlidhen me procesin e normalizimit të marrëdhënieve mes Kosovës dhe Serbisë” ka shkruar sot në rrjetin Facebook presidenti Thaçi.

Në takimin e fundit në kuadër të normalizimit të raporteve ndërmjet Kosovës e Serbisë, më 24 janar në Bruksel, janë takuar delegacionet e nivelit më të lartë të të dy vendeve, me ndërmjetësimin e Bashkimit Evropian.

Në delegacionin e Kosovës, pos presidentit, Hashim Thaçi, ishte edhe kryeministri, Isa Mustafa, ndërsa në atë të Serbisë, pos presidentit, Tomisllav Nikolliq, ishte edhe kryeministri, Aleksandar Vuçiq.

Mos e hapni temën e rivizatimit të kufijve, mos punoni kundër Kosovës – Nga Adriatik Kelmendi

Është çmenduri që në kontekstin e provokimeve të fundit nga Beogradi dhe në aktualitetin e mjegulluar gjeopolitik, vetë Prishtina të iniciojë idenë e shkëmbimit të territoreve. Kjo, për faktin e thjeshtë, se në fund vetë Kosova do të humbte së paku veriun e banuar me shumicë serbe dhe nuk do të fitonte asgjë si shkëmbim. Natyrisht, as komunat e Luginës së Preshevës.

SECILI SHQIPTAR që në këtë kohë lanson idenë e ndarjes së Kosovës, ose rivizatimit të kufijve në Ballkan, me ose pa vetëdije është duke ndihmuar rritjen e Serbisë.

Është çmenduri që në kontekstin e provokimeve të fundit nga Beogradi dhe në aktualitetin e mjegulluar gjeopolitik, vetë Prishtina të iniciojë idenë e shkëmbimit të territoreve. Kjo, për faktin e thjeshtë, se në fund vetë Kosova do të humbte së paku veriun e banuar me shumicë serbe dhe nuk do të fitonte asgjë si shkëmbim. Natyrisht, as komunat e Luginës së Preshevës.
Në debatet tona të brendshme shqiptare është stërdiskutuar fakti se Shqipëria është e rrethuar me shqiptarë etnikë që jetojnë në territore kompakte jashtë kufijve të saj.

Sakaq, pak është nënvizuar se këtë fat e ka tash edhe Serbia. Serbia, duke dashur që të arrijë synimin e Serbisë së Madhe, ka zhvilluar dhe humbur katër luftëra, atë në Slloveni, Kroaci, Bosnjë dhe Kosovë, si dhe ka humbur pa luftë pjesë të territoreve të banuara me popullatë serbe, në rastin e pavarësimit të Malit të Zi dhe të Maqedonisë.

Mirëpo, në këtë stad, më mirë qëndrojnë shqiptarët. Sot, lirisht mund të thuhet se shqiptarët i kanë dy shtete, Kosovën e Shqipërinë, si dhe janë etni shtetformuese në Maqedoni.
Serbët e kanë vetëm një shtet, Serbinë, porse kanë popullatë serbe jashtë kufijve të Serbisë – në Mal të Zi, Maqedoni, Bosnjë e Kosovë.

A DUHET TASH që Prishtina në kohë paqeje t’ia bëjë të mundur Serbisë t’i bashkojë serbët brenda një shteti? Pse?!
Me çfarëdo lloj iniciative për lëvizjen e kufijve në Ballkan Serbia do të rritej, rrjedhimisht më shumë serbë do të jetonin brenda Serbisë.

Për më tepër, Prishtina jo se nuk do të duhej ta ndihmonte Serbinë që t’i bashkonte serbët në një shtet vetëm për inat, ose hakmarrje, por ky do të ishte edhe hap në kundërshtim të parimeve të SHBA-së dhe BE-së. Asnjë shtet i ri në Ballkan nuk është formuar mbi parimin etnik, por duke respektuar kufijtë e njësive konstitutive të ish-Jugosllavisë.

Ndonëse nuk është pranuar ende si e tillë nga Beogradi, Kosovën e pavarur e kanë njohur mbi 110 shtete, shumica prej të cilave janë demokracitë më të mëdha botërore, me territor të garantuar nga NATO-ja dhe BE-ja, e njohur si entitet i veçantë edhe nga OKB-ja me Rezolutën 1244, si dhe e kornizuar nga Tri Parimet e Grupit të Kontaktit, pjesë e të cilit është edhe Federata Ruse. Këto fakte do të duhej të mjaftonin që edhe shqiptarët e edhe serbët ta pranonin Kosovën e pavarur dhe integrale, si kompromisi i dakorduar i të gjitha forcave politike globale të mijëvjeçarit të ri, e cila përjashton idetë e krijimit të Shqipërisë Etnike ose “Shqipërisë së Madhe”, respektivisht Serbisë Etnike ose “Serbisë së Madhe”.

MIRËPO, EDHE TE kompromisi Kosovë, siç po e shohim, shtizat shqiptaro-serbe vazhdojnë të thyhen për një pjesë të serbëve dhe të shqiptarëve që janë zënë të jetojnë jashtë kufijve të shteteve që konsiderojnë se u takojnë etnikisht. Serbët që jetojnë në veri e që kërkojnë të jenë pjesë e Serbisë dhe shqiptarët që jetojnë në Luginë të Preshevës e që kërkojnë të bashkohen me Kosovën.
Pse të mos merremi vesh për këtë?, dëgjojmë të na thonë disa në Prishtinë dhe Tiranë këto ditë.

Përgjigjja e thjeshtë është: ngase nuk jemi të barabartë.
Hapja e kësaj mundësie pa e njohur Serbia pavarësinë e Kosovës, rrjedhimisht pa u anëtarësuar Kosova në OKB, në secilin variant do të mundë të çonte në humbje territori nga Kosova, pa gjasa reale që të përfitojë diçka si kundërshpërblim.
Asnjëherë deri më sot Beogradi nuk ka pranuar që të bëhet çfarëdo paraleleje ndërmjet komunave me shumicë serbe në veri të Kosovës dhe tri komunave të Luginës së Preshevës. Kjo, meqë Serbia është shtet i njohur ndërkombëtarisht, me ulëse në OKB dhe pa probleme të aderimit në institucione ndërkombëtare, në kufij të qartë (natyrisht, pa Kosovën, për ato shtete e organizata që e njohin Kosovën si të pavarur). Presheva, Medvegja e Bujanoci janë pjesë e kësaj Serbie të njohur ndërkombëtarisht. Beogradi zyrtar ushtron kontroll të plotë dhe të pacenuar të sovranitetit mbi këto komuna.

Por, njësoj nuk qëndron puna edhe me Kosovën, e cila ende nuk e ka rrumbullakuar procesin e njohjes ndërkombëtare të pavarësisë, ende nuk është anëtare e OKB-së dhe e disa organizatave ndërkombëtare, si dhe nuk ushtron kontroll të plotë sovraniteti në komunat me shumicë serbe.
Për këtë arsye, vetëm Beogradit sot i konvenon që të flitet për rivizatim kufijsh. Ngase Serbia e Kosova janë të pabarabarta. Beogradi ka kontroll de fakto në pjesë të caktuara të territorit të Kosovës, Prishtina nuk ka kurrfarë kontrolli në Luginë të Preshevës.

Logjikisht: përse Beogradi do të pranonte të jepte territore të cilat i ka nën kontroll të vetin Prishtinës, kur Prishtina nuk ka asnjë kontroll në ato territore që do të mundte dikush t’i synonte për shkëmbim?!
Duke përdorur andrallat dhe romantizmat e disa shqiptarëve shkurtpamës të së sotmes, Beogradi vetëm sa do të ndihmohet në shitjen e idesë se edhe shqiptarët po pajtohen me ndarje të Kosovës. Kështu, me provokimet e njëpasnjëshme që po i shohim synon të arrijë një pozicionim të ri në kontrollin e territoreve me shumicë serbe në Kosovë, në mënyrë që nën vazhdën e ndryshimeve drastike që po ndodhin aktualisht në BE, në SHBA dhe me politikën ekspansioniste të Putinit në Rusi, të mundë të hapte në nivele të larta çështjen e ndarjes së Kosovës.

NË QOFTË SE edhe Prishtina e edhe Beogradi e kuptojnë se Kosova dhe pavarësia e saj nuk janë vetëm vullnete të shqiptarëve dhe të serbëve, porse ka pasur luftë, se ka pasur humbës e fitues dhe ka pasur një bashkësi ndërkombëtare që ka marrë pjesë në atë luftë, e ka vendosur paqen dhe ka treguar se ku janë kufijtë – atëherë do të ishte më e lehtë. Formula për shqiptarët dhe serbët e pakënaqur do të ishte zgjidhja evropiane për të drejta të komuniteteve pakicë në shtetet ku janë.
Në qoftë se edhe Kosova, edhe Serbia janë të sinqerta se dëshirojnë të jenë pjesë e Bashkimit Evropian dhe të praktikojnë vlerat evropiane, nuk kanë se si të shprehen kundër të drejtave që duan komunitetet pakicë në vendet e tyre, në mënyrë që qytetarët e këtyre komuniteteve ta ndiejnë veten me të drejta të barabarta me popullin shumicë e jo qytetarë të rendit të dytë.
Në këtë frymë, në bazë të të drejtave të njeriut, do të mundë të avancoheshin statuset e popullatës serbe në veri të Kosovës dhe të popullatës shqiptare në Luginë të Preshevës.
Si do të mundë të arrihej kjo?

Po në një Kosovë evropiane do të duhej të kishte respektim evropian të të drejtave të komunitetit pakicë serb, njësoj siç do të duhej që në një Serbi evropiane të kishte respektim evropian të të drejtave të komunitetit pakicë shqiptar.
Pra, me reciprocitet të plotë.
Përndryshe, nuk do të ishte e kapshme se si serbët në një Kosovë që përmbush standardet e BE-së për komunitetet pakicë do të kishin më shumë të drejta sesa shqiptarët në një Serbi që përmbush standardet e BE-së për komunitetet pakicë. Standardet e BE-së do të duhej të vlenin njësoj e barabar për të gjithë, dhe të mos jenë të dyfishta.

Përfundimisht, si dy shtete evropiane, Kosova dhe Serbia do të duhej ta njihnin sovranitetin e njëra-tjetrës reciprokisht. E nëse do të pajtoheshin plotësisht ndërmjet vete një ditë që në bazë të reciprocitetit të plotë të ketë edhe shkëmbim paqësor territoresh, mbase kjo s’do të paraqiste problem edhe për bashkësinë ndërkombëtare.
Deri atëherë dhe në atë mundësi duhet pranuar realiteti i sotëm.
Ai flet qartë për të drejta të njeriut në kufijtë e tashëm dhe pamundësi për krijim të shteteve njëetnike.

[email protected]
Twitter: @adriatikk

Kosovë – Shteti u ndanë mbi 4 milionë euro në vit partive politike

Buxheti i Kosovës u ndanë më shumë se 4 milionë euro në vit partive politike të përfaqësuara në Kuvendin e Kosovës.

Në përbërjen aktuale të Kuvendit, përfaqësohen 13 parti politike.

Shuma e mjeteve për financimin e aktiviteteve të subjekteve politike bëhet në bazë të përfaqësimit të numrit të ulëseve të fituara në Kuvend për një mandat.

Zyrtarë të Ministrisë së Financave në Qeverinë e Kosovës, në një përgjigje dërguar Radios Evropa e Lirë për rubrikën e e përjavshme “Fokus”, bëjnë të ditur se pagesa e partive politike bëhet sipas Ligjit për financimin e subjekteve politike.

“Ndarjet e buxhetit për financimin e partive politike, sipas Ligjit të buxhetit është në nën-programin ‘Fondi për mbështetjen e partive politike’, kategoria ekonomike subvencione dhe transfere nga 4,200,000 euro në total për të gjitha partitë politike për një vit”, thuhet në përgjigjen e Ministrisë së Financave.

Mënyra e shpenzimit të këtyre mjeteve të buxhetit të shtetit, sipas përfaqësuesve të shoqërisë civile, vazhdon të mbetet çështje e diskutueshme. Ata thonë se partitë politike i shmangen publikimit të burimeve të financimit dhe qarkullimit financiar.

Artan Canhasi, nga Instituti Demokratik i Kosovës, thotë për Radion Evropa e Lirë se subjektet politike, duke përjashtuar këtu Lëvizjen Vetëvendosje, e cila i bën publike këto shpenzime, kryesisht nuk i publikojnë këto të dhëna.

“Ka katër vjet që partitë politike nuk i publikojnë këto para dhe paratë tjera që vijnë nga kontributet e ligjshme. Në këtë drejtim, përgjigjja e shkurtër do të ishte, se nuk e dimë se çfarë po ndodh, nuk e dimë se kush i shpenzon paratë e taksapaguesve të Kosovës, nuk e dimë se si dhe për çfarë qëllime shpenzohen këto para dhe a shfrytëzohen ligjshëm këto mjete”, thekson Canhasi.

Përveç mjeteve që u ndahen nga buxheti i Kosovës, partitë politike financohen edhe nga burime tjera, që sipas përfaqësuesve të shoqërisë civile, në të shumtën e rasteve këto burime janë nga disa kompani private, të cilat më pas shpërblehen me dhënien e tenderëve publikë nga partia që e fiton pushtetin.

Megjithatë, disa nga partitë politike kanë dhënë prononcime për Radion Evropa e Lirë rreth mënyrës së shpenzimit të këtyre mjeteve.

Si fituese e zgjedhjeve, Partia Demokratike e Kosovës prin për kah shuma e mjeteve që i ndahet nga buxheti. Kësaj partie, sipas të dhënave të Komisionit Qendror të Zgjedhjeve, në vitin 2016 i janë ndarë 1.290,00 euro.

Basri Musmurati, sekretar i kësaj partie në një prononcim për Radion Evropa e Lirë thotë se të gjitha këto mjete shpenzohen nëpërmjet projekteve që përgatiten paraprakisht.

“Këto mjete shpenzohen për të mbajtur gjallë subjektin politik në disa mënyra, disa mjete shpenzohen për çështje të ndryshme të brendshme të partisë, disa për paga, disa shpenzohen për të paguar administratorët në secilin degë të partisë, një pjesë e mjete shpenzohen për Grupin Parlamentar të PDK-së, disa mjete shpenzohen për aktivitete politik që mbahen në terren, seminare të ndryshme, ku shtrohen tema të ndryshme”, bën të ditur Musmurati.

Sipas tij, në çdo fund vit e bëjnë raportin financiar dhe e dorëzojnë në Komisionin Qendror Zgjedhor.

Subjekti tjetër politik që financohet nga buxheti i Kosovës, është Lidhja Demokratike e Kosovës. Kësaj partie, sipas KQZ-së në vitin 2016 i janë ndarë 1.050,00 euro.

Të kontaktuar nga Radio Evropa e Lirë zyrtarë të kësaj partie nuk u janë përgjigjur thirrjeve.

Ndërkohë, përfaqësues të Lëvizjes Vetëvendosje, thonë që çdo herë publikojnë raportet e tyre dhe se janë transparentë në shpenzimin e mjeteve të buxhetit të shtetit.

Kësaj partie, nga Fondi për Mbështetjen e Partive Politike në vitin 2016 i janë ndarë 560 mijë euro.

Shkodran Hoti, nga Lëvizja Vetëvendosje, thotë për Radion Evropa e Lirë se sa i përket shpenzimeve të partisë, gjithçka është transparente dhe ato janë të detajuara në ueb-faqen e tyre zyrtare dhe sipas tij “nuk ka asgjë që fshihet nga publiku apo nga institucionet përkatëse”.

“Lëvizja Vetëvendosje është subjekti i vetëm që i ka bërë publike të hyrat edhe shpenzimet e saj. Ato janë të publikuara në ueb faqen tonë. Të gjitha shpenzimet janë të detajuar dhe kryesisht janë shpenzime që bëhen për pagesa të zyrave dhe për aktivitet të ndryshme të partisë”, thekson Hoti.

Në anën tjetër, sekretari ekzekutiv i Aleancës për Ardhmërinë e Kosovës, Valon Tolaj, në një prononcim për Radion Evropa e Lirë thotë se AAK-ja për vitin 2016 është financuar nga buxheti i Kosovës nëpërmjet Komisionit Qendror të Zgjedhjeve me shumën prej rreth 380 mijë eurosh.

Nga kjo shumë, shpjegon Tolaj, në bazë të Ligjit mbi financimin e subjekteve politike, 10 për qind e mjeteve i takojnë Grupit Parlamentar të AAK-së, të cilat mjete menaxhohen nga vetë Grupi Parlamentar dhe KQZ-ja.

“Rreth 85 për qind e buxhetit shpenzohen për paga dhe mëditje, ndërsa pjesa tjetërshpenzohen për blerje të mallrave dhe shërbimeve, reprezentacion, mirëmbajtje të zyrave dhe objekteve dhe mbulim të aktiviteteve për selinë dhe degët e AAK-së”, bën të ditur Tolaj.

Ai thekson se zyra e financave e AAK-së, në afatin maksimal prej një muaji, ashtu siç parashikohet me Ligjin në fuqi, do të hartojë dhe dorëzojë në KQZ raportin vjetor financiar dhe i njëjti do të publikohet edhe në ueb-faqen e AAK-së.

Në bazë të Ligjit për financimin e subjekteve politike, partitë janë të obliguara që të publikojnë për çdo vit raportin vjetor financiar, që duhet të përmbajë bilancin e gjendjes, pasqyrën efitimit të humbjes, që tregon të gjitha të hyrat dhe shpenzimet e partisë. Raporti vjetor financiar i vitit paraprak duhet të mbetet i publikuar së paku një vit në faqet e përkatëse zyrtare.

Financimi transparent i partive politike është kërkesë edhe e Bashkimit Evropian dhe përsëritet nëpër Raportet e Progresit që publikon Komisioni Evropian.

Edhe “Transparency International”, në një nga raportet e publikuara kishte tërhequr vërejtjen se situata është përkeqësuar nga mbikëqyrja e dobët dhe transparenca e kufizuar e partive politike.(REL)

Kosova nderon dhe kujton viktimat e Holokaustit

Pllaka memoriale në nderim të viktimave të Holokaustit e vendosur në Prishtinë

Në prag të Ditës ndërkombëtare të Holokaustit, në Kosovë është mbajtur akademi në ndërim të viktimave të Holokaustit.

Përfaqësues të Institucioneve të Kosovës, ambasadorë të akredituar në Kosovë dhe përfaqësues të shoqatave shqiptaro hebraike pjesëmarrës në këtë akademi kanë kujtuar viktimat e Holokaustit.

Kryetari i Kuvendit të Kosovës Kadri Veseli ka thënë se në këtë ditë ndihet krenarë për gjithë ata bashkëkombës që në momentet më të rënda gjatë Luftës së Dytë Botërore i kanë ofruar mbështetje dhe strehim hebrenjve.

“Përvjetori i Holokaustit një histori shumë e rëndë. Askush më mirë dhe qartë se edhe vetë populli jonë nuk e përjeton këtë histori pavarësisht se ka ndodhur mbi 72 vite më herët, por në popullin shqiptarë pothuajse dy dekada me herët që i jemi nënshtruar të njëjtit realitet”, ka thënë Veseli.

Gjatë Luftës së Dytë Botërore, shumë shqiptarë në Kosovë strehuan dhe mbrojtën hebrej.

Ruzhdi Shkodra kryetar i Organizatës shqiptarohebraike ka thënë se Kosova përgjatë viteve shënon Ditën ndërkombëtare të Holokaustit

“Sot e gjitha bota demokratike organizon ditën ndërkombëtare të kujtesës, kjo ngjarje qytetarët e Kosovës i gjen ballë hapur dhe krenar me familjet që strehuan dhe mbrojtën hebrenj”, ka thënë Shkodra.

Holokausti përkujtohet në çdo 27 janar, në ditën kur forcat sovjetike e çliruan kampin Aushvic-Birkenau në vitin 1945.

Vlerësohet se afro 1.5 milionë hebrenj evropianë janë vrarë përgjatë Holokaustit, së bashku me 4.5 milionë hebrenj të tjerë, përfshirë meshkuj dhe gra.

Holokausti mbetet njëra nga tragjeditë më të mëdha të kohës moderne dhe megjithëse njihet botërisht, në vete ngërthen edhe miliona tragjedi personale dhe rrëfime të patreguara.

Burrat nga Prekazi: Kush e prek Haradinajn, e ka ndezë luftën

Në rast se ekstradohet Ramush Haradinajt në Serbi, disa burra nuk do të rrinë duarkryq.

Dhjetëra ish-luftëtarë të Dukagjinit, porositën nga Prekazi, se në një rast të tillë, më nuk do të ketë paqe me Serbinë.

“Kjo është dëshmia më e mirë, siç ka thënë edhe Ramushi, kurrë nuk është boll për vendin”, ka deklaruar Daut Haradinaj, njofton Klan Kosova.

“U bë pengesë për Serbinë dhe qëllimet e saj në Kosovë”, tha Fatmir Humolli.

“Nëse e prekin Ramushin, e kanë dhez luftën”, kanë deklaruar disa nga bashkëluftëtarët e Ramush Haradinajt.

TREPÇA KA VLERË 2 TRILIONË DOLLARË, PRANDAJ SERBIA NUK HEQ DORË PREJ SAJ

Nuk është e rastësishme këmbëngulja e Serbisë për pasurinë më me vlerë të Kosovës, Trepçën. Por, sa është saktësisht vlera e Trepçës, nga e cila nuk po heq dorë me presione të vazhdueshme qeveria e Serbisë?

Sipas presidentit shqiptar për Miniera dhe Minerale, Sahit Muja, Kosova me Trepçën ka minerale në vlerë prej 2 trilionë dollarësh, gjithnjë sipas hulumtimit më të fundit që instituti që drejton Muja ka realizuar në Kosovë gjatë muajit janar të këtij viti.

Muja ka thënë për mediat amerikane se Kosova dhe Trepça kanë rezerva të mëdha të mineraleve që llogariten të jenë prej rezervave më të mëdha në botë, transmeton Telegrafi.

Ai thotë për New York News se Serbia jo rastësisht po insiston për Trepçën dhe pasuritë minerale të Kosovës.

Sipas Mujës, shumë investitorë amerikanë dhe kanadezë janë duke shikuar mundësinë për të investuar në Kosovë për shkak të politikave të volitshme fiskale dhe ambientit miqësor ekonomik, por vlerëson se paqartësitë dhe definimi i këtyre pasurive të mëdha natyrore të ka Kosova në raport me Serbinë po pengon procesin e zhvillimit ekonomik.

Trepçka ka potencial për të gjeneruar qarkullim vjetor prej 4 miliardë dollarë.

Intervista – Abel: Llogaridhënia dhe integriteti institucional në Kosovë, shumë të dobëta

Transparency International

Koordinatorja rajonale e Transparency International, për Evropën Juglindore, Turqinë dhe Izraelin, Cornelia Abel, i tha Radios Evropa e Lirë se në vendet e rajonit të Ballkanit “sistemi politik është i kapur dhe me pushtet të përqendruar tek partitë politike”.

Sipas saj një “numër i liderëve në Ballkan po shndërrohen në autokratë duke e ndjerë veten të fuqizuar nga rritja e populizmit përreth”. Ajo tha se “fuqia politike dhe financiare në Kosovë janë të përqëndruara në duart e qeverisë dhe sikurse edhe në gjithë Ballkanin, kemi të bëjmë me një sistem të kapur “.

Organizata Transparency International në publikimin e saj të fundit të Indeksit të Përceptimit të Korrupsionit për vitin 2016 e ka radhitur Kosovën në vendin 95-të me 36 pikë, në mesin e 176 vendeve të përfshira në raport.

Radio Evropa e Lirë: Çfarë i bën shtetet e Ballkanit Perëndimor të jenë në mesin e vendeve më të korruptuara në botë?

Cornelia Abel: Rajoni i Ballkanit ka qenë i trazuar nga kjo çështje për një periudhë dhe procesi i anëtarësimit është përqendruar në këtë. Së fundi, në vendet kandidate dhe në përgjithësi në vendet e Ballkanit Perëndimor, dhe ndoshta jo në Kroaci dhe Slloveni, është bërë një vlerësim i integritetit të sistemit dhe mbi të gjitha mundësinë e parandalimit të korrupsionit në sistem.

Koordinatorja rajonale e Transparency International, Cornelia Abel

Rezultati i përgjithshëm i yni në rajon ishte se këtu kemi të bëjmë me sistemin e kapur politik, ku partitë politike kanë pushtet të madh dhe ekzekutivi i mbisundon të gjitha institucionet e tjera dhe nuk ka një ndarje të qartë të pushtetit në këto vende; ka një sistem të dobët të drejtësisë dhe organe të dobëta të sundimit të ligjit, megjithëse ka patur në vitet e kaluara më shumë vëmendje në to dhe ajo që është më shqetësuesja është se mediat dhe shoqëria civile po kërcënohen gjithnjë e më shumë.

Pra, çështja themelore këtu është se nuk kemi një sistem funksional të llogaridhënies dhe mekanizma të sundimit të ligjit dhe dikë që do të kërkonte llogaridhënie nga jashtë sistemit, e që do të ishin mediat dhe shoqëria civile, që janë të kërcënuara dhe të shtypura gjithnjë e më shumë. Kjo çon drejt problemeve të tjera që dalin nga niveli i korrupsionit në Ballkanin Perëndimor.

Radio Evropa e Lirë: Nëse e vlerësojmë Kosovën, ajo është përballur me korrupsionin që prej vitesh. Por, çka i mungon Kosovës në luftën kundër korrupsionit. Ju folët për Ballkanin në tërësi, por çka në veçanti me Kosovën?

Cornelia Abel: Kur flasim për Kosovën, ajo në indeksin tonë ka shënuar një rezultat të ulët në krahasim me vendet e tjera të Ballkanit madje edhe më të ulët se sa Maqedonia e cila këtë vit ka rënë jashtëzakonisht shumë për shkak të krizës politike dhe ngjarjeve të tjera.

Ajo që shohim në Kosovë është se legjislacioni nuk është i dobët, por nuk zbatohet si duhet. Kjo ndodh gjithandej rajonit. Ajo që shohim posaçërisht në Kosovë, dhe jo vetëm në këtë vend, është mungesa e bashkëpunimit ndërmjet institucioneve. Është përmirësuar paksa në vitin 2016, sepse u krijua një task-forcë e hetimeve që përfshinë përfaqësues të institucioneve të ndryshme, pra ka hapa të ndërmarrë. Çështja më e madhe është se institucione të ndryshme që kishin përzierje të përgjegjësive nuk kanë bashkëpunuar, por e kanë penguar njëra tjetrën.

Problemi më i madh në Kosovë, e këtu ajo nuk është e vetmuar, është se llogaridhënia institucionale dhe integriteti institucional janë shumë të dobëta. Pastaj fuqia politike dhe financiare janë të koncentruara në duart e qeverisë dhe siç e thash edhe më herët ne kemi të bëjmë me një sistem të kapur e që i referohet edhe Kosovës. Përderisa edhe fuqia politike edhe ajo financiare janë të përqendruara tek një parti politike apo tek ajo që është në pushtet në këtë kohë, ato mund ta keqpërdorin gjithashtu.

Problemi më i madh është me prokurimin publik megjithëse janë bërë hapa në vitin 2016, por mbetet ende një çështje madhore ku mjetet financiare shkojnë në drejtim të gabuar dhe jo për përftime të qytetarëve, por për një numër të vogël të njerëzve. Dhe në fund, partitë kryesore politike po kontrollojnë institucionet e tjera dhe nuk ka ndarje të qartë të pushtetit në Kosovë.

Radio Evropa e Lirë: Nëse vendet e tjera po përballen me rritjen e liderëve populistë për shkak të korrupsionit, atëherë ku qëndron Ballkani?

Cornelia Abel: E saktë. Nëse e marrim Ballkanin, tashmë pjesërisht liderët me porosi populiste dhe autokrate kanë ardhur në pushtet. Merreni si shembull atë që po ndodh në Serbi. Ajo po ecë në këtë drejtim. Edhe në Bosnjë populizmi është përdorur shumë posaçërisht nga udhëheqësit e entiteteve që janë shumë të fuqishëm atje. Maqedonia tani, meqë Gruevski sërish ka arritur që të bëjë qeverinë dhe ka kërcënuar, e porosia këtu është autokrate. Autokracia dhe populizmi shkojnë së bashku.

Problemi kryesor këtu është se megjithëse autokratët u thonë njerëzve se ne do të krijojmë rend dhe do të përkujdesemi dhe do të bëhet më mirë, kur e shikoni më afër gjithë këtë e shihni se ka shumë më shumë interesa personale dhe që kryesisht shkon në kurriz të buxhetit të shtetit. Pastaj e shihni se mbyllet hapësira për shoqërinë civile, hapësira e mediave dhe këtë e kemi parë shumë në Ballkan në këto vitet e fundit.

Posaçërisht kishte shumë fokus për këtë në Maqedoni, Serbi e Mal të Zi, gjithandej ku mediat dhe gazetarët kanë raportuar në mënyrë kritike dhe janë kërcënuar dhe pjesërisht kjo vlen edhe për shoqërinë civile. Ka pak hapësirë për llogaridhënie kur bëhet fjalë për autokratët dhe duhet vetëm të shihet Turqia që nuk është larg nga Ballkani Perëndimor, ku në këto tri vitet e fundit i gjithë sistemi që ishte i ndarë ka rënë në duart e sistemit presidencial.

Kam frikë se një numër i liderëve në Ballkanin Perëndimor po shikojnë nga Trump, nga Putini, Orbani e Erdogani. Megjithëse në vende të vogla ata po e ndjejnë veten të fuqizuar nga rritja e populizmit përreth dhe unë shpreh shqetësimin tim për këtë gjë. (REL)

Rriten pakënaqësitë e minatorëve – kërkohet zbatimi i Ligjit për Trepçën

Trepça, Mitrovicë

Janë bërë afër tre muaj që nga hyrja në fuqi e Ligjit për Trepçën dhe Qeveria e Kosovës nuk ka arritur të krijojë ende Bordin mbikëqyrës të Trepçës, në mënyrë që të mund të fillohet me zbatimin e ligjit.

Sipas Ligjit për Trepçën, i miratuar në tetor të vitit të kaluar, qeverisja me Trepçën do të duhet bëhet nga Bordi Mbikëqyrës dhe Bordi Menaxhues.

Ministri i Zhvillimit Ekonomik në Qeverinë e Kosovës, Blerand Stavileci, i tha Radios Evropa e Lirë se ende nuk është bërë konstituimi i Bordi për Trepçën, porse është në proces e sipër.

Sipas tij, që nga hyrja në fuqi e Ligjit për Trepçën, ka gjashtë muaj afat për të themeluar Bordin për Trepçën.

“Ashtu siç parashihet edhe në ligj, duhet t’i funksionalizojmë këto struktura. Ne do ta themelojmë një grup pune, i cili do ta përcjellë zbatimin e Ligjit për Trepçën me detyra të sakta, për shkak se edhe në ligj, te shumica e vendimeve strategjike, kemi bërë një ndërlidhje institucionale në mes përgjegjësisë së Qeverisë dhe Kuvendit. Bëhet fjalë për një ndërmarrje, e cila do të jetë në pronësi të qeverisë, prandaj edhe nuk është gjë e lehtë dhe e thjeshtë zgjedhja e bordit dhe e strukturave të tjera për këtë çështje”, tha Stavileci.

Por, mosmiratimi i këtij bordi ka shtuar pakënaqësitë e minatorëve të Trepçës, thonë përfaqësues të sindikatës së Trepçës.

Sipas tyre, autoritetet e Kosovës kanë treguar neglizhencë në zbatimin e Ligjit për Trepçën dhe rrjedhimisht kërkesat e minatorëve.

Shyqri Sadiku, kryetar i kësaj sindikate, në një prononcim për Radion Evropa e Lirë, tha se minatorët janë në pritje të zbatimit të Ligjit për Trepçën dhe të kërkesave të tyre.

“Kemi bërë kërkesë te të gjitha institucionet e Kosovës, por asnjë nuk ka gjetur kohë të bisedojë rreth kërkesave të minatorëve. Me datën, 13.01.2017, punëtorët nuk kanë dashur të hyjnë të punojnë dhe kanë shtruar disa kërkesa. Kanë kërkuar edhe që të mbahet një tubim në muajin janar”, tha Sadiku.

Disa nga kërkesat e minatorëve, drejtuar institucioneve të Kosovës, sipas Sadikut, janë rritja e pagave 20 përqind në mënyrë lineare, sistematizimi i vendeve të punës, sigurimi i punëtorëve në nivel të lartë, duke pasur parasysh rrezikshmërinë dhe kushtet e rënda të punës, si dhe sëmundjet që shkaktohen në minierë.

Përveç tjerash, Sadiku tha se minatorët kërkojnë që të numërohet stazhi i punës prej vitit 1990 e tutje dhe të zbatohet Ligji i Punës dhe Marrëveshja Kolektive.

“Edhe pas miratimit të ligjit dhe para miratimit, të njëjtat kërkesa kanë qenë të shtruara dhe institucionet e Kosovës kanë qenë të informuara. Deri më tani, asnjë institucion nuk është marrë me këto kërkesa dhe pakënaqësitë e minatorëve janë rritur”, u shpreh Sadiku

Drejtori i Trepçës, Ahmet Tmava, në një bisedë me Radion Evropa e Lirë, tha se Qeveria e Kosovës, sa ma parë që është e mundur, duhet të bëjë një bord mbikëqyrës dhe të fillojë zbatimi i Ligjit për Trepçën.

“Tani më Ligjin për Trepçën, në aspektin e përgjithshëm, janë arritur disa objektiva: Trepça nuk rrezikohet nga likuidimi dhe hyn në epokën zhvillimore. Por, që të ndodhë zhvillimi, pritet konstituimi edhe i bordit mbikëqyrës, edhe i bordit qeverisës, si institucione që obligohen pastaj t’i kryejnë të gjitha aktet nënligjore që e zyrtarizojnë atë plan zhvillimor, duke bërë edhe regjistrimin e ndërmarrjes, duke aprovuar edhe statutin, duke aprovuar edhe një plan zhvillimor”, tha Tmava.

Gjiganti metalurgjik Trepça në Mitrovicë, për 17 vjet, ishte pa një status të zgjidhur. Por, nga 7 tetori i vitit të kaluar, Kuvendi i Kosovës miratoi Ligjin për Trepçën, me të cilin mëtohet të rimëkëmbet dhe rivitalizohet ndërmarrja.

Gjithashtu, Ligji ia ndërron edhe pronësinë kompleksit Trepça, nga Agjencia Kosovare e Privatizimit (AKP) tek ekzekutivi.

Për të gjitha këto vite, Trepça llogaritej si një prej ndërmarrjeve më të mëdha jo vetëm në Kosovë, por edhe në ish-Jugosllavi. Në vitet e tetëdhjeta, aty punonin mbi 20 mijë punëtorë. Ndërkaq, vitet e fundit, ajo e kaloi fazën e mbijetesës dhe nuk numëronte më shumë se 1,400 punëtorë.

Opozita kërkon pezullimin e dialogut me Serbinë

Kuvendi i Kosovës – Deputetët opozitar

Tri partitë opozitare, Lëvizja Vetëvendosje, Aleanca për Ardhmërinë e Kosovës dhe Nisma për Kosovën kanë dalë me qëndrime të përbashkëta kundër vazhdimit të dialogut me Serbinë, në formatin dhe përmbajtjen aktuale.

Në një konferencë të përbashkët për media, përfaqësuesit e këtyre tri partive politike thanë se vazhdimi i dialogut, “në kohën kur Serbia mbanë në fuqi urdhër arrestet kundër figurave politike të Kosovës, në kohën kur ndërton mure ndarëse në Mitrovicë dhe në kohën e nisjes së një treni provokues”, është i pakuptimtë.

Andaj, opozita kërkoi që dialogu të pezullohet dhe për këtë të deklarohet edhe Kuvendi i Kosovës.

Glauk Konjufca nga Lëvizja Vetëvendosje tha se në fillim të procesit të dialogut, qeveria kishte premtuar se me anë të këtij procesi Kosova do të fitoj në fund njohjen e saj nga Serbia, do të fitoj në procesin e integrimit evropian dhe do të integroj komunitetin serb.

Të tri premtimet, vijoi ai, nuk janë realizuar, madje sipas tij, Serbia i ka intensifikuar veprimet e saj kundër shtetit të Kosovës, kurse përafrimi i Kosovës me BE-në është sfiduar seriozisht.

“Tani kemi nevojë që ta rishqyrtojmë dialogun”, ka thënë Konjufca.

Dialogun me Serbinë, sipas tij, asnjë qeveri nuk mund ta sheh si një të drejtë të saj, pasi që pozicioni i Kosovës në këto bisedime, duhet të jetë konsensus i rrafshit nacional.

Si masë kundër vazhdimit të dialogut në formën aktuale, tri partitë opozitare thanë se do të thirrin një seancë parlamentare, ku do të shqyrtohet pozicioni i Kosovës në bisedime, përfshi edhe kërkesën për pezullim të dialogut.

Në përvjetorin e vdekjes – Nazmi Lukaj jetoi një jetë si një simbol i mençurisë dhe urtësisë – Nga Skënder MULLIQI

Ky 24 janar shënon edhe një datë të dhembjes së madhe kur u nda nga kjo jetë gazetari dhe publicisti në zë nga Peja, Nazmi Lukaj. Lajmi nga Tirana për vdekjen e kolegut dhe mikut, Nazmi Lukaj ishte lajm që na stepi, ishte lajm që na la pa fjalë. U nda nga familja, farefisi dhe u nda nga Kosova dhe shqiptaria një penë e shquar e gazetarisë moderne. Portreti dhe vepra e tij ishin madheshtore duke lënë gjurmë të pashlyeshme. Ky përvjetor na sjellë edhe më shumë mall, dhembje dhe emocion njeherësh. Mu rikthyen ne mendje ato ditë të mbushura me plotë sakrificë, mu kthyen ne mendje gjithë ato ditë që i kaluam së bashku në gazeten ”Bota sot” ku punonim. Mu kujtuan ditët që i kalonim në qytetetin e bukur rrezë Alpeve Shqiptare. Kishin gjithë ato muhabete dhe ndeja së bashku, kishim nje jete dinamike së edhe vet zhvillimet në Kosovën e pas luftës imponuan një dinamizem të tillë. Kishin vullnetin dhe kurajon e përbashkët që të ndërtojmë shtet funksional, ligjor dhe shtet demokratik. Rrugëtimi ynë ishte i zorshëm së te zorshme na dolën edhe proceset e pasluftës. Ju vum përballë fenomeneve negative të paluftës për të mirën e Kosovës dhe popullit të saj të përvujtuar shekuj më radhë . Shumë herë ishte kërcenuar nga strukturat kriminale të pasluftës . Por , gjithmonë qendroi vertikalisht karshi të gjithë sfidave të jetës . Ishte nder penat më te guximshme shqiptare te pasluftës .Zenitin në gazetari dhe në publicistik nuk e kishe të plotë , së vdekja e ndau nga hovi i jetës , e ndau nga hovi i punës në moshë të re .Ishte njeri ndër njerëzit të cilët i dhuroj shumë demokracisë dhe lirisë. Edhe para luftës u shqua më aktivitete të ndryshme të karakterit kombëtar , për qka ishte rrahur shpesh nga policia serbe .Krahas kësaj ai ishte edhe student shëmbullor në Fakultetin Filozofik të Prishtinës. Edhe në këtë përvejtor nuk do të mungojnë buqetat dhe kurorat e luleve mbi varrin tend aty ku prehesh .Nuk iu frikësove vdekjës për asnjë qast , edhe në ditët kur të kishte mundur sëmundja e rëndë . Ti gjete forcë për familjen dhe shokët ta dhuroje gjithmonë atë buzëqeshjën tënde të qiltër dhe të sinqertë. Ishe shok , mik dhe profesor i dashur për të gjithë . Nuk të harrojnë nxënësit dhe as kolegët e gjimnazit Bedri Pejani , ku shperndave rreze diturie për shumë vite . Dhe shumë për Kosovën në jëtën tënde të shkurtër . Ishe dhe vdiqe kryelartë , sepse edhe vete jeta jote ishte e mbushur më krenarinë dhe lavdinë , të cilën e lë mbrapa .Nuk të kam harruar as unë , nuk të kan harruar dhe smund të harrojnë as të tjerët edhe pse më nuk je më në mesin tonë . Kosova është as me shumë as me pak së një shtet i pavarur i njohur ndërkombëtarisht për të cilën kauzë u angazhove gjithë jetën.Edhe sot në këtë përvjetor ne përkujtojmë mikun tonë të qmuar, Nazmi Lukaj . Sot e ndërojmë 6 vite pasi Nazmiu u nda nga familja e tij e ndëruar dhe shoqëria . Sot , ne e shohim disa herë më të madh Nazin së sa ishte kur ai shkoj në botën e amshuar .Me kohën figura dhe përsonaliteti I tij poliendrik po marrin përmasat më të mëdha , ato që ai I kishte më të vërtetë. Nazi, jetoj një jetë si një simbol i menqurisë dhe i urtësisë dhe gjithë kjo rrezatoi në menyrën më të fuqishme kontributin e pazëvendësueshem te tij si profesor, gazetar dhe publicist i shquar.

Thaçi: Po nis kapitulli i fundit i bisedimeve me Serbinë

Kosova dhe Serbia po hapin kapitullin e fundit të dialogut për normalizimin e marrëdhënieve ndërshtetërore, ka thënë për Radion Evropa e Lirë, presidenti i Kosovës, Hashim Thaçi.

Takimet e radhës në Bruksel, ka nënvizuar Thaçi, pritet të udhëhiqen nga niveli i presidentëve të të dyja vendeve, me lehtësimin e Bashkimit Evropian.

“Përfundimisht ka ardhur koha që të hapet kapitulli i fundit i dialogut ndërmjet Kosovës dhe Serbisë”, ka thënë ai.

“Kapitulli i normalizimit të marrëdhënieve ndërshtetërore që nënkupton një normalizim në rrafshin politik, atij të sigurisë, në rrafshin ekonomik, të integrimeve rajonale e euro-atlantike, gjithmonë mbi vlerat dhe bazat e perspektivës evropiane të dy shteteve”, ka thënë Thaçi.

“Sa u përket çështjeve të brendshme, secili shtet është autonom, ka sovranitetin e vet dhe nuk do të negociohet asgjë sa u përket çështjeve tjera, të cilat mendohet se mund të diskutohen”, ka vijuar presidenti Thaçi.

Andaj, sipas tij, mund të diskutohen vetëm çështjet e normalizimit të raporteve ndërshtetërore dhe nuk do të diskutohen çështjet e brendshme të Kosovës.

Thaçi ka thënë se nuk mund ta parashikojë se sa do të zgjasë ky kapitull i bisedimeve, por ka preferuar që të përmbyllet sa më shpejt.

Sipas tij, Serbia, kohët e fundit, ka provokuar rëndë Kosovën qoftë me fletë-arrestet në fuqi, siç ishte rasti me Ramush Haradinajn, pastaj me murin në Mitrovicë dhe nisjen e trenit për në veri, çka ka nënvizuar ai, e bën të domosdoshme që të dyja vendet të diskutojnë për normalizimin e raporteve ndërshtetërore.

“Definitivisht që zgjidhja më e mirë e mundshme është që të ndodhte njohja nga Serbia për Kosovën. Kjo do të nënkuptonte përmbylljen e këtij procesi të rëndësishëm të dialogut, fillimisht për çështje teknike dhe tani të një faze të avancuar të dialogut, apo të kapitullit të fundit të normalizimit që do të sillte përfundimisht edhe njohjen e Kosovës nga Serbia”, ka deklaruar Thaçi.

Takimi i radhës, në nivel të presidentëve dhe kryeministrave të Kosovës dhe Serbisë, me lehtësimin e Bashkimit Evropian, është thirrur për 24 janar, në Bruksel.(REL)

Anita Haradinaj: Në Uashington më pyetën shumë për ndalimin e Ramushit në Francë

Bashkëshortja e kreut të Aleancës për Ardhmërinë e Kosovës, Ramush Haradinaj, ka treguar për qëndrimin e saj në Shtetet e Bashkuara të Amerikës, ku mori pjesë në inaugurimin e presidentit Donald Trump.

“Ne Washington shkova me ftesat qe kishim une dhe Ramushi, per ceremonine e Inaugurimit te presidentit”, ka treguar Anita Muçaj.

“Takimi me kongresiste, bisedat me ta per Kosoven, per te berat dhe te paberat ne Kosove, bisedat per Ramushin, Ballo Inauguruese e Presidentit, kontaktet e para me njerez te fushave te ndryshme nga administrata e re, gjithcka ishte pervoje interesante”, ka shkruar ajo në llogarinë e saj në Facebook.

“Megjithe ndryshimet ne program, mungese te verejtshme nga shume njerez te Ramushit dhe pergjigjeve te shume pyetjeve per ndalesen e Ramushit ne France, vizita ishte e bukur dhe eksperience ndryshe!!!”, ka treguar Anita Muçaj.

“Washingtoni ishte ndryshe!!! Tradita ne nderrimin e administrates tregonte ekzistencen e demokracise!! Feste e proteste, te dyja ngertheheshin kaq bukur sa lente shume per te deshiruar!!! Urime Demokraci!!!”, ka shkruar ajo. /Express/

Pse harrohet historia e lavdishme e degës së LDK-së në Klinë!? – Nga Florim Zeqa

Reagim me shkas në përvjetorin e 27-të të degës së LDK-së në Klinë

Të gjitë ata që në kujtesën historike e mbajnë të freskët themelimin e degës së LDK-së në Klinë, nuk mund të shkojnë tutje pa e kujtuar vendin ku u mbajt kuvendi themeltar i degës. Ishte “Shtëpia e Kuvendeve të Rezistencës” në fshatin Bokshiq.

Ishte lagja Zeqa, respektivisht familjet; Zeqa, Musa, Uka dhe familjet e gjithë fshatit që i strehuan të gjithë delegatët e këtij kuvendi,…e rrezikuan vetën dhe familjet e tyre për të bërë të mundur mbajtjen e këtij kuvendi themeltar. Në oborret e tyre i vendosen të gjitha makinat, delegatëve pos strehimit të sigurtë, ju kthyen edhe drekë secili sipas mundësive, duke mos kursyer asgje nga te mirat materiale që kishin në dispozicion.

Me habit fakti, si munden ta harrojnë këtë histori jo shumë të largët gjenerata e asaj kohe, të pakët që kanë mbetur në kryesinë e kësaj dege,…për mbajtjen e një përvjetori simbolik, apo të paktën të vizitojnë bashkarisht vendin historik të themelimit të degës, pra në ditën e përvjeorit të themelimit të degës të shkojnë në Bokshiq,…të ulën këmbëkryq në odën e madhe ku u ulën burrat më të mëdhenjë të asaj kohe, jo vetëm nga Klina, por nga Prishtina e gjithë Kosova.

Se a është e qëllimshme apo e rastësishme harresa e bastionit të LDK-së nga ana drejtuesve aktual të Degës së LDK-së, e Bokshiqit historik, e vendit ku u vunë themelet e subjektit të parë politik shqiptar në këtë komunë, vend të cilin në fillim vitet e ’90-ta e patën vizituar pothuajse të gjithë themeluesit e LDK-së qendrore nga Prishtina,…për Bokshiqin atë kohë ishte folur edhe në departamentin e shtetit amerikan pas sulmit të forcave serbe mbi këtë fshat në 23 shkurtin e vitit 1993.

E keqja e madhe është, se me “shlyerjen ” nga kujtesa të kësaj pjese të lavdishme të historisë së LDK-së, po mohohet një pjesë shumë e rëndësishme e historisë së rezistencës aktive paqësore e luftës së popullit tonë për çlirim nga pushtuesit serb.

Më mirë se askush tjetër e kujton Bokshiqin, bastionin e LDK-së së viteve të ’90-ta, themeluesi dhe ish kryetari i degës së LDK-së në Klinë, mëpastaj edhe nënkryetari i LDK-së qendrore (Ibrahim Rugovës), zoti Anton Kolaj.

“Na thirren një herë në mbledhje në Bokshiq, dhe meqë nuk doja, si klinas, të vij vetem, pyeta kryesinë se kush mundet me ardhë në Bokshiq? Profesor Agani që rrallë shkonte në teren, tha a në Bokshiq është vendi im. Le të vij kush të doj , por unë jam i pari. Rrugës për në Bokshiq përpos tjerash, Fehmi Agani më tha edhe këtë: “Anton këta të këtyre fshatrave jane të mrekullueshëm” I pelqente shumë kultura organizative dhe mikëpritja. (Anton Kolaj).

Fshati Bokshiq i komunës së Klinës, në vitet e ’90-ta, ishte bërë halë në sy për pushtuesit serb. Pasi ky fshat ishte shëndrruar në bastion të LDK-së, bartës i të gjitha aktiviteve të rezistencës dhe qendresës paqësore për të gjithë klinasit. Në ketë vend u mbajtën të gjitha organizimet politike e atdhetare të asaj kohe të nivelit komunal dhe më gjerë.

Një thënje e urtë italiane e thotë; “Të gjitha rrugët të dërgojnë për në Romë”, andaj është e pamunduar të përshkruash rrugëtimin e degës së LDK-së së Klinës pa kaluar nëpër Bokshiq.

Më mburrje dhe krenari atë kohë qytetarët e Klinës, Bokshiqin e quanin “Kaqaniku i vogël”, ndërsa shtëpinë ku mbaheshin kuvendet e quanin “Shtëpia e Kuvendeve te Rezistencës”.

Në ketë shtëpi u mbajtën kuvendet themeluese të degëve; Lidhjes Demokratike të Kosovës,dega në Klinë (9 qershor 1990), Kuvendi Komunal i Klinës i shkëputur nga Serbia (korrik 1990), Sindikata e pavarur e Policisë (shtator 1990), Forumi i Rinisë i LDK-së (1990, 20 shtator 1991), Forumi i Gruas i LDK-së (1990), Forumi i Intelektualëve Shqiptar “Luigj Gurakuqi” (nëntor 1990). Nga vitet 1990-1998 janë mbajtur kuvende, tribuna, promovime, përkujtime dhe tubime tjera të shumta politike e apolitike të komunës së Klinës të asaj kohe.

Për kontributin e dhënë në ato vite, në vitin 2005 kuvendi komunal i Klinës nderon më mirënjohje aktivin e LDK-së, dhe disa nga martirët, veprimtarët dhe aktivistët e këtij fshati, siq kishte ndodhur me rastin e përurimit të Shtëpisë së Kuvendeve të Rezistecës, ku është mbajtur Kuvendi i I-rë i degës së LDK-së në Klinë me ç’rast kryesia e degës së LDK-së ndau MIRËNJOHJE për Ali R. Zeqa (Martir i kombit, vdekur me 5 prill 1993 si pasojë e torturave serbe) për kontributin e dhënë në zhvillimin dhe forcimin e LDK-së, forcë relevante politike në rrugën për realizimin e Pavarësisë së Kosovës (Klinë, 13.11.2005, nënshkruar nga kryetari i atëhershëm i degës së LDK-së në Klinë, zoti Prenkë Gjetaj).

Shlyerja e kujtesës përveqse një sëmundje është veti i njerëzve të lig dhe naiv, shkurtpamës që nuk shofin përtej hundës së tyre, ndërsa kujtesa është shpërblimi më i mirë për të kaluarën e lavdishme dhe garancë e fuqishme për ardhmerinë e brezave.

Në takimin e Brukselit edhe presidenti Thaçi

Zëdhënësi i Qeverisë së Kosovës, Arban Abrashi, ka konfirmuar për koha.net se në takimet e radhës që do të mbahen në Bruksel, delegacioni i Republikës së Kosovës do të përbëhet nga presidenti Hashim Thaçi dhe kryeministri Isa Mustafa.

“Kryeministri Mustafa është në koordinim të vazhdueshëm me presidentin Thaçi për pjesëmarrjen në takimet e radhës në Bruksel”, tha Abrashi.

Kujtojmë se të martën në mbrëmje, pritet vazhdimi i dialogut në mes të Kosovës dhe Serbisë në Bruksel nën drejtimin e përfaqësueses së lartë të BE-së, Federica Mogherini.

Kryeministri i Serbisë, Aleksandër Vuçiq, ka bërë me dije se Serbia në këtë takim do të përfaqësohet nga presidenti serb, Tomisllav Nikoliq, dhe nga vet ai, ndërsa ka theksuar se edhe nga pala shqiptare pritet të ketë përfaqësim të nivelit të lartë, raporton FoNet.

“Mendoj se do të ketë mirëkuptim që të mos dërgohen më armë në zonat e banuara me serbë për të treguar muskujt. Për Serbinë, më e rëndësishmja është që t’i shmanget provokimeve”, ka thënë Vuçiq në një konferencë për media, transmeton Koha.net.

Gjatë këtij muaji, Serbia nisi një tren të mbushur me mbishkrime nacionaliste serbe nga stacioni qendror i Beogradit për në veri të Mitrovicës, por i cili u ndalua në Rashkë dhe u kthye mbrapsht për në Beograd. Liderët shtetërorë të Kosovës kanë thënë se vendimi për ndalim të hyrjes së këtij treni është marrë nga institucionet e Kosovës, kurse kryeministri serb, Aleksandër Vuçiq, menjëherë pas ndalimit të hyrjes, mbajti një konferencë për media ku tha se vendimi për të mos lejuar kalimin e tij në Kosovë është marrë nga pala serbe, për të, siç tha ai, “shpëtuar jetë njerëzish”.

Policia e Kosovës kishte dërguar njësitet e saja speciale në kufi me Serbinë, përkatësisht në Jarinjë, për të penguar hyrjen e këtij treni, i cili në pjesën e jashtme kishte të shkruar me shkronja të mëdha dhe në disa gjuhë “Kosova është Serbi”, ndërsa në brendësi ishte i brenduar me ikonografi ortodokse. /Koha/

Prishtinë – Konferencë shkencore në mbrojtje të Haradinajt

“Gjenocidi serb në Kosovë”, është titulli i konferencës shkencore të organizuar nga Aleanca për Ardhmërinë e Kosovës, e cila do të mbahet nesër (e hënë).

Kjo konferencë do të mbahet në solidarizim për kryetarin e Aleancës për Ardhmërinë e Kosovës, Ramush Haradinaj, i cili po mbahet në Francë pas arrestimit nga Policia franceze me urdhër-arrest nga Serbia për krime lufte.

Konferenca organizohet në përkrahje për lirimin e menjëhershëm të të parit të AAK-së.

“Ju mirëpresim të ipni kontributin tuaj, në përkrahje për lirimin sa më të shpejtë të z. Ramush Haradinaj, kudo ku flitet shqip, ngase të gjithë shqiptarët po ndihemi të fyer”, thuhet në një njoftim.

Serbia vazhdon financimin e strukturave paralele

Strukturat paralele në veri ende po vazhdojnë të funksionojnë, pavarësisht se me marrëveshjen e arritur para më shumë se tre vjetësh në Bruksel parashihet shuarja e tyre. Për më tepër, Serbia edhe sot vazhdon t’i financojë ato struktura në komunat e banuara me shumicë serbe, Leposaviq, Zubin Potok, Zveçan dhe Mitrovicë të Veriut.

Derisa ministrja për Dialog, Edita Tahiri, nuk ka dashur të flasë rreth kësaj çështjeje derisa të kalojnë tensionet, përfaqësues të Komunës së Mitrovicës së Jugut thonë se shumë shpejt do të ndërpritet financimi dhe do të arrihet shuarja e tyre.

Nga ana tjetër, përfaqësues të opozitës vlerësojnë se Serbia nuk do ta ndërpresë financimin për strukturat paralele pasi që, sipas tyre, ajo nuk i zbaton marrëveshjet e arritura me palën kosovare. Kurse, njohësit e çështjeve politike në Kosovë vlerësojnë se me një praktikë të tillë Serbia vazhdon të tregojë se nuk është e gatshme të tërhiqet nga synimet e saj karshi territorit të Kosovës.

Një kujtim i shkurtër për burrin e Dardanisë prof.dr.Ibrahim Rugova – Nga Nue Oroshi

Sot është 11 vjetori i kalimit në amshim të Presidentit Historik të Kosovës prof.dr.Ibrahim Rugova. E nisi më vështirësi të madhe jetën politike. Ajo sikur ia kujtonte babain e masakruar nga pushtuesit serb, kur ky kishte vetëm 6 muaj jetë. Por i doli në krye, duke e ringjallur një pjesë të Shqipërisë Etnike me emrin Dardani. Ai gjithmonë thoshte se Shqipëria Etnike është projekt i gjeneratës së ardhshme. Ne jemi ajo gjeneratë e ardhshme. Asnjëherë në asnjë periudhë të re historike një lidër politikë shqiptarë nuk e ka pasur përkrahjen më të madhe të botës Perendimore sa e kishte prof.dr.Ibrahim Rugova. Kjo u pa kur fuqitë e NATOS bombarduan pushtuesit serb. Ai ishte lideri politik që ishte i lidhur ngushtë me popullin e tij shqiptar. Punoi dhe veproi politikisht e kombtarisht por edhe ndërroj jetë duke mbetur i pamposhtur. Ai nuk u mposhtë as nga partitë opozitare e as nga kundërshtarët e mbrendshëm mbrenda LDK. Për qështjet me interes kombëtar ai mblidhte të gjithë politikanët. Shpesh herë është kritikuar nga ndonjë lider apo analistë me pikpamje komuniste se nuk e kishte përkrahur sa duhet rezistencën kombëtare, për qlirimin e Kosovës. E ku ky vetë e kishte themëluar këtë rezistencë në krye me Adem Jasharin, Sali Qekun e Zahir Pajazitin. Komplotët që kanë ardhur më pas mbrenda kësaj rezistence janë qështje tjetër që do t’i zbardh historia e kësaj periudhe. Pavarsia e Kosovës është e identifikuar me emrin e prof.dr.Ibrahim Rugovës,deshëm apo nuk deshëm ta pranojmë këtë fakt kjo është një qështje tjetër.

Kosova uroi presidentin Trump

Presidenti i Kosovës, Hashim Thaçi nëpërmjet një komunikate për opinion ka uruar Presidentin Trump duke nënvizuar siç tha energjinë dhe pasionin që presidenti Trump ka dëshmuar për përgjegjësinë në krye të shtetit.

“Kosova i ka gjithmonë sytë e drejtuar nga Uashingtoni. Jemi krenarë që ndajmë të njëjtat vlera, përparësi dhe aspirata me Shtetet e Bashkuara të Amerikës, paqen, stabilitetin dhe prosperitetin në rajonin tonë dhe më gjerë”, thuhet në urimin e presidentit Thaçi duke nënvizuar se në Kosovë ka konsensus të plotë për miqësinë e përhershme me Shtetet e Bashkuara të Amerikës dhe për marrëdhëniet e përbashkëta të posaçme.

Kryeministri i Kosovës, Isa Mustafa ka theksuar se “roli i presidentëve amerikanë ka qenë vital për Kosovën dhe qytetarët e saj, gjatë tri dekadave të fundit. Jam plotësisht i bindur se Presidenti Trump me udhëheqjen e tij, do përkrahë Kosovën në anëtarësimin në Kombet e Bashkuara dhe rrumbullakimin e të gjitha elementeve të shtetësisë”, thuhet në urimin e kryeministrit Mustafa, i cili thekson se qeveria dhe populli i Kosovës janë jetësisht të përkushtuar për partneritet strategjik me Shtetet e Bashkuara të Amerikës, duke e bartur me krenari epitetin e “popullit më proamerikan në glob”.

Edhe kryetari i Aleancës për Ardhmërinë e Kosovës, Ramush Haradinaj ka uruar presidentin e ri amerikan për marrjen e detyrës. Nëpërmjet një postimi në Facebook, zoti Haradinaj, i cili ndodhet në Francë në pritje të një procesi gjyqësor, ka shprehur bindjen “se SHBA do të jenë partner strategjik i Kosovës edhe nën udhëheqjen e Presidentit Trump! Unë me zemër sot isha në Uashington, ani se me trup në Francë e në pritje të lirisë që nuk tjetërsohet”.

Kryetari i Nismës për Kosovën, Fatmir Limaj në urimin e tij tha se “Presidenti Trump dhe SHBA-të do vazhdojnë ta mbështesin dhe të jenë partner strategjik i Kosovës ashtu siç kanë qenë gjithmonë. Historikisht, për ne Amerika është vendi dhe amerikanët janë populli që vetëm pozitivitet ka ditur të na sjellin në çdo kohë. Kosova do jetë çdo herë mike e mirë e Amerikës”, thuhet në komunikatën e zotit Limaj.

Inaugurimi i Presidentit të 45-të të Shteteve të bashkuara të Amerikës, Dnald Trump është ndjekur me interesim edhe në Kosovë, ku roli i Shteteve të Bashkuara, vlerësohet i pazëvendësueshëm në procesin e çlirimit dhe pavarësimit të saj. Institucionet e Kosovës shfaqin shpresën për vazhdimin e mbështetjes së Shteteve të Bashkuara për proceset e ardhshme politike në Kosovë përfshirë edhe ato të integrimeve euroatlantike.

NATO: Pse Rusia e armatosi Serbinë 1 muaj para tensioneve me Kosovën?

Kryeministri serb Aleksandër Vuçiç nënshkroi muajin e kaluar një marrëveshje me Rusinë për të marrë prej saj gjashtë aeroplanë ushtarakë MIG 29, 30 tanke T 72 dhe mjete ushtarake BRDM-2, të cilat po ashtu do të bëhen pjesë e arsenalit ushtarak serb. Pas Ukrainës dhe Sirisë, Rusia ka furnizuar edhe Serbinë me armatime.

Këta janë avionë të vjetër, siç raportoi media ruse, në fund të vitit të kaluar dhe kanë nevojë për riparime, të cilat do t’i kryejnë autoritetet serbe.

Marrëveshja u nënshkrua më 21 dhjetor, gjatë vizitës së kryeministrit serb Vuçiç, në Rusi. NATO dhe vendet e tjera të rajonit janë shprehur të shqetësuar për këto lëvizje të Moskës, e cila duket se po dëshiron të forcojë edhe më pozitën e saj në Ballkan, nëpërmjet Serbisë, shkruan “Gazeta Shqiptare”.

Sipas një dokumenti sekret të NATO-s për situatën në Ballkanin Perëndimor, ajo është e gatshme për të ndërhyrë, nëse është e nevojshme për të parandaluar konfliktin ndëretnik dhe për të promovuar sigurinë dhe stabilitetin. Edhe më parë, kryeministri serb ka pasur në vëmendje ngritjen e kapaciteteve ushtarake të vendit.

“Deri në shtator të vitit 2016, ne do t’i kemi në gjendjen më të mirë të mundshme edhe njësitë ajrore – do të na vijnë pesë MIG 29 dhe tre MIG 21. Këta janë tetë gjuajtës serioz. Po punojmë edhe në GALEB 4 dhe shpresoj se do të arrijmë edhe marrëveshje dhe kontrata tjera të mira”, ka theksuar Vuçiç, para marrëveshjes me Rusinë.

Vuçiç e ka vlerësuar ushtrinë serbe si një fuqi dominante luftarake, jo vetëm në rajon, por edhe më gjerë.

Vështrim Popullin të cilin e lë logjika , kusuritet më etikë përverse – Nga Skënder MULLIQI

Kemi ndëgjuar nga pleqët së kur shpëton jetë ose bëhët fjalë për diqka të mire edhe ia vlen rrena. Thuhet së me rrena nuk shkohet në Gjenet …Kur dikuash na therret në telefon e sna pelqen të komunikojmë më te , iu themi fëmijeve apo dikujt që qëllon aty ta ngrisë telefonin , e ka shumë raste kur e lëm zilen deri ne fund te bien pa e ngritur . Kur është fjala për të shpëtuar jetë njeriu rrena është e mirë …Rrenat përsonale apo rrenat e rrethit të ngusht familjar apo rrenat jo të kalibrit të madh , sigurisht së nuk janë të mira në krahasim më rrenat e mëdha publike të cilat kan të bëjnë shtet dhe komb . Rrenat e çdo ditëshme të pushtetarëve së punët i kemi mirë, pse mirë i kan punët ata përsonalisht , janë duke na kushtuar gjithnjë e më shumë si shtet. Që sa kohë ia kan nisur më rrena së më këtë datë apo më këtë vit do të kemi liberalizim të vizave , dhe nuk ka gjë nga ajo punë. Kosova ka mbetur i vetmi vend i izoluar si geto në Evropë .Natyrisht së zhgënjimi në popull po bëhët edhe më i madh në këtë kastë politike . Ka kohë që strukturat më të larta të shtetit kan dhënë deklarata të mbushura në rrena së nuk është e largët dita kur Kosova do të inkuadrohet në strukturat e BE-së. Na dolën krejt rrena edhe premtimet për 150 mijë të vende të reja të punës . Mos të flasinm për rrena të vogla ditore të cilat i kemi më bollëk ,dhe fare këta matrapazë politikë nuk po merzitën . E rrejtën publikun e gjëre edhe për çështje kapitale siq është “Zajednica” dhe Demarkacioni më Mal të Zi, së këto marrveshje gjoja nuk e rrezikojnë sovranitetin politik dhe territorial të Kosovës. E dihet së të dyjat këto tema janë tema që prekin rënd në statusin politik të Kosovës. Këto dy marrveshje dhe shumë marrveshje të tjera të firmosura më Serbinë , na dolën së janë marrveshje në dëm të Kosovës, e keta nuk e patën fare dert pse firmosën bllanko . Rrejtën para opinionit të gjërë public më rastin e ekzodit të dytë pas atij të vitit 1999 kur shqiptarët u larguan nën tytat e automatikëve serbë nga Kosova . U larguan shumë njerëz e këta bënin sehir duke na shitur kaqabardhica së ata që po largoheshin na paskan ajfona . Kan harruar rrenacakët e kombit , së qka kan për vete dhe familjët e tyre , ajfonat për fëmijët e pushtetarëve janë barazi më zero. Ata vozitën më veturat më moderne , kan vila të bukura në qdo cep të Kosovës, kan biznese të mëdha e të vogla dhe para më shumicë .Paftyrësia e tyre është që gjithmonë më rrena dhe mashtrime të qendrojnë në pushtet. Së fundi po na krekosën së ndalen vozin serb , thua së shqiptarët nuk e din forcën e tyre pushtetare .NATO dhe BE-ja ishin ata që dhanë urdhëra për kthimin e trenit shovenist ruso- serbë mbrapa , së tashmë ishte mbushur kupa nga opstrukcionet politike serbe dhe ishte mbushur kupa nga aktet e dhunshme për destabilizimin e Kosovës. Edhe, pas kësaj shumë do të dëshironin , të këtë ndonjë ndodhi tjetër politike që do tua zgjate pushtetin .Po i mbushin faqët e gazetave, televizionëve dhe portaleve më akuza dhe kunder akuza për çështje shumë periferike , të cilat pak ose fare pak i interesojnë popullit .Po rrejnë gjithashtu kur po shesin patriotizma , e dihet së patriotët nuk e vjedhin në mënyrë masovike popullin dhe shtetin e vet. Patriotët nuk uzurpojnë prona shoqërore , nuk zhvatin , dhe as nuk i vrasin bashkëkombasit e vet . Për patriotë , funksionon ashtu si duhet shteti ligjor .Nuk mungon angazhimi i qdo ditshem për rritjën e mirëqënjës dhe rritjen e ecurive ekonomike .Patriotët punojnë dhe japin çdo gjë na vetja , sikurse e ka bërë dikur këtë punë ,patrioti në zë , Haxhi Zeka. Këta po gjuajnë ashtu të shprehemi në hapësirë të zbrazët politike …E kan lodhur tashmë popullin më rrena të kushtueshme …Popullin të cilin e lë logjika , kusuritet më etikë perverse…

Takimi i radhës Kosovë – Serbi më 24 janar

Shefja e politikës së jashtme të Bashkimit Evropian, Federica Mogherini, i ka ftuar përfaqësuesit e Prishtinës dhe Beogradit në një takim të nivelit të lartë në kuadër të bisedimeve për normalizimin e marrëdhënieve ndërmjet të dyja palëve, më 24 janar në Bruksel.

Në një njoftim të zyrës së zonjë Mogherini thuhet se “zhvillimet e ditëve të fundit kanë shtruar nevojën e një përkushtimi dhe angazhimi të shtuar nga të dyja palët në bisedime. Përparimi në normalizimin e marrëdhënieve ndërmjet Kosovës dhe Serbisë mbetet i një rëndësie të madhe për të dyja palët, për Bashkimin Evropian deh Ballkanin perëndimor në tërësi”.

Të shtunën autoritetet e Kosovës ndaluan hyrjen në Kosovë të një treni që ishte nisur nga Beogradi në drejtim të Mitrovicës i dekoruar me flamuj serbë, me mbishkrimin Kosova është Serbi në 20 gjuhë dhe ikonografi mesjetare.

Zhvillimet rreth trenit nxitën luftë fjalësh të ashpra ndërmjet Beogradit dhe Prishtinës por edhe shqetësimet e diplomatëve për rritjen e tensioneve ndërmjet të dyja palëve

Ekspertja britanike: Rusia mund ta njohë Kosovën

Një nga ekspertet më të respektuara të Britanisë së Madhe dhe komentuesve për çështje të Rusisë ka nxjerrë mundësinë e Rusisë që të njohë pavarësinë e Kosovës si pjesë e një marrëveshjeje më të gjerë në mes të Uashingtonit dhe Moskës, pasi Donald Trumpi t’i marrë frenat si President amerikan.

Mary Dejevsky, një ish-korrespondente nga Moska dhe Uashingtoni dhe tani autore në gazetën Guardian dhe anëtare në institutit Chatham House të Britanisë së Madhe, ngriti ide në revistën katolike Tablet të Britanisë në edicionin e 21 janarit, duke reflektuar mbi pasojat e mundshme të një takimi të suksesshëm Trump-Putin në të ardhmen e afërt.

Trump ka deklaruar në mënyrë të përsëritur dëshirën e tij për t’u takuar me presidentin rus, Vladimir Putin, menjëherë pas inaugurimit të tij dhe të vendosin lidhjet amerikano-ruse në një bazë të re.

Dejevsky, e cila rregullisht takohet me udhëheqësit e Kremlinit nëpërmjet Grupit Valdai, që mbledh zyrtarët rusë çdo vjeshtë, tha se Moska mund ta njohë Kosovën si pjesë e një pakete që synon mbylljen e çështjeve të ndryshme diplomatike të pas Luftës së Ftohtë që kanë ndjekur marrëdhëniet mes fuqive.

Në artikull, Dejevsky ka përshkruar Trump-in si një krijues të marrëveshjeve i cili së shpejti do të mund ta shohë nëse lideri rus ishte serioz për një marrëveshje dhe do të ecte përpara në në bërjen e aranzhimeve të reja, nëse do të ndihej i mashtruar.

Megjithatë, Dejevsky tha se Putin është duke investuar shumë në bërjen e një marrëveshjeje me Administratën e re amerikane, dhe nuk duket se do ta lë këtë mundësi t’i ikë, pasi kjo do ta dëmtonte rejtingun e tij të brendshëm.

Rusia e ka kundërshtuar fuqishëm njohjen e Kosovës, një ish-krahinë e aleatit të saj të ngushtë Serbisë që u nda me ndihmën ushtarake perëndimore në vitin 1999 dhe shpalli pavarësinë e plotë në vitin 2008.

Shumica e vendeve perëndimore, duke filluar nga SHBA-të, kohë më parë e kanë njohur pavarësinë e Kosovës, por Serbia, Rusia, Kina, pesë vende të BE-së dhe shumë vende të tjera nuk e kanë njohur ende. Shtetet mosnjohëse përfshijnë edhe shumicën e vendeve në Amerikën Qendrore e Latine dhe Azi si dhe rreth gjysma e shteteve në Afrikë.

Ritmi i njohjeve është ngadalësuar edhe në vitet e fundit; vitin e kaluar Kosova u njoh nga vetëm dy shtete, Surinami dhe Singapori. Në total, 113 prej 193 shteteve anëtare të OKB-së e kanë njohur Kosovën.

Përderisa njohja ruse do të shihej si një rrugëdalje e madhe në Kosovë, ajo do të vinte si një goditje e madhe për aleatët historikë të Rusisë, Serbinë. Beogradi është zotuar të mos pranojë kurrë shtetësinë e Kosovës dhe vazhdon ta pretendojë Kosovën si pjesë integrale të territorit të saj shtetëror, edhe pse ajo ka rënë dakord për “normalizimin” e marrëdhënieve me Kosovën nën ombrellën e BE-së. /kallxo.com/.

Enver Hasani: Veriu s’është Krimeja, por Serbia llogarit në trazira pas Gjykatës Speciale

“Serbia dëshiron që ta ruaj gjendjen e tensionuar në Kosovë me shpresën që kur të fillojë punën Gjykata Speciale, situata të dalë jashtë kontrolli, siç kishte ndodhur në vitin 2004”, thotë në një intervistë për Radion Evropa e Lirë, Enver Hasani, profesor i të Drejtës dhe Marrëdhënieve Ndërkombëtare dhe ish-kryetar i Gjykatës Kushtetuese.

Ai mendon se veriu i Kosovës dallon shumë nga rasti i Krimesë, ndërkaq nuk e përjashton mundësinë që si pasojë e tensioneve, një ditë Moska dhe Uashingtoni ta trajtojnë zgjidhjen e çështjes së veriut si problem të veçantë.

Radio Evropa e Lirë: Profesor Hasani, zhvillimet e fundit në pjesën veriore të Kosovës, po interpretohen si përpjekje e Serbisë për zbatimin e skenarit rus, të ngjashëm me rastin e Krimesë. Sa shihni ju ngjashmëri në këto dy raste?

Enver Hasani: Mendoj që skenari si i Krimesë, në rastin e Kosovës është shumë vështirë i zbatueshëm, për shumë arsye. Në Krime, siç dihet, ka pasur një flotë ruse, që ka qenë dhe është shekullore. Është një interes strategjik që rusët e kanë planifikuar që pas luftës së ftohtë si afërsi imediate e kufijve rus, ku hyjnë Ukraina, Gjeorgjia dhe të gjitha ato vende të cilat i kanë animuar konfliktet për të penguar ndikimin perëndimor në një afërsi imediate të Rusisë. Krimea është pjesë e saj dhe ka qenë dhe vazhdon të jetë një vend strategjik për sigurinë ruse.

Në rastin e Kosovës, një skenar i tillë është vështirë i realizueshëm për shkak se ai në rend të parë do ta vinte Serbinë në një pozitë jashtëzakonisht të palakmueshme, apo të një ‘mashe’ siç thuhet, në raportet e Evropës dhe botës perëndimore dhe që do të çonte në rend të parë në largimin e investimeve dhe në izolimin e Serbisë, marrë parasysh rrugën të cilën Serbia e synon me çdo kusht, pra rrugën e integrimit euro-atlantik.

Mirëpo, nëse merret parasysh tranzicioni që unë do ta quaja gjeo-strategjik si pasojë e zgjedhjeve në Shtete e Bashkuara të Amerikës ku shihet qartë ndryshimi i politikës së jashtme amerikane kundrejt Evropës dhe strukturave të sigurisë euro-atlantike. Pra, në këso rrethana nuk përjashtohet mundësia që Serbia, në një nivel tjetër, do të thotë përmes riaktivizimit të forcave paramilitare të ish-policisë së Serbisë, të krijojë struktura paralele në mënyrë që bisedimet në nivelin më të lartë ose diskutimet ruso-amerikane dhe aleatëve perëndimor, Kosova të jetë në defansivë si pasojë e veprimeve të tilla serbe.

Radio Evropa e Lirë: Sa shihni këtu rritjen e ndikimit rus në vendimmarrjet në Serbi karshi Kosovës dhe pjesës veriore të saj?

Enver Hasani: Këtu, sigurisht që ka ndikim rus dhe kalkulimet e Serbisë bëhen gjithmonë mbi shpresat e saj se Rusia mund të jetë e fuqizuar tash në dritën e ndryshimeve të reja përgjithësisht në planin global.

Kjo është parë në planin e Alepos dhe në radikalizmin e konfliktit dhe tragjedisë siriane. Dhe, tash Kosova, përkatësisht këto sjellje të Serbisë, janë hap në vijim të atyre kalkulimeve që po i bëjnë serbët. Por, po shihet qartë që serbët këtë e bëjnë me dy mendje, sepse e dinë që një ofensivë e tillë në mënyrë të hapur, siç e bënë dhe po duan ta bëjnë këtë ditë, mundet t’u sjell probleme serioze Serbisë sa i përket integrimit në BE dhe në strukturat euro-atlantike.

Radio Evropa e Lirë: Si e shihni sjelljen e lidershipit të Kosovës në raport me zhvillimet e fundit në veri marrë parasysh atë që u tha edhe nga presidenti Hashim Thaçi se Serbia ka pretendime të hapura ndaj veriut të Kosovës?

Enver Hasani: Serbia ka pretendime jo vetëm ndaj pjesës veriore të Kosovës, por në përgjithësi. Por, në veri e ka më lehtë, sepse e ka një shumicë të koncentruar serbe.

Problemi është, ashtu si e shoh unë, që Serbia si qëllim imediat me trenin apo lëvizjet e fundit, ka si synim mbajtjen gjallë të diskursit apo situatës së tensionuar me një retorikë të theksuar nacionaliste në Kosovë, për shkak të hapave që priten të ndërmerren nga ana e Gjykatës Speciale.

Andaj, Serbia dëshiron që ta ruaj këtë situatë me tensione me shpresën që kur të fillojë veprimi i Gjykatës Speciale, situata në Kosovë do të dalë jashtë kontrolli, siç kishte dalë në vitin 2004, gjë që do të ishte një katastrofë e madhe për Kosovën dhe konsolidimin e shtetësisë së saj në planin ndërkombëtar nëse do të përsëritej një skenar i tillë.

Unë besoj që ky është skenari imediat dhe kalkulimi i Serbisë, ndërkohë që në një afat më të gjatë ajo llogaritë që çështja e veriut të Kosovës të jetë pjesë e dialogut global, amerikano-rus që pritet të zhvillohet në të ardhmen dhe dinamikave tjera të sigurisë euro-atlantike.

Se sa do ta arrijë këtë qëllim Serbia, unë besoj që nuk duhet neglizhuar këtë rrethanë dhe Kosova duhet të sillet jo me retorikë boshe, agresive, por të bëhet kalkulimi se sa mundet Kosova të projektojë forcë afatgjatë për ruajtjen e sovranitetit. Nëse ky kalkulim nuk bëhet, atëherë del veprimi me ROSU (Njësitë Speciale të Policisë së Kosovës) një herë, dy apo tri herë, por dikur del se Kosova nuk po tregohet serioze dhe e aftë për ta ruajtur integritetin territorial.

Tek e fundit, duhet të dihet që konsolidimi i shtetësisë së Kosovës dhe integritetit territorial vetëm me masa represive, është problem.

Prandaj, duhet të dihet se deri në ç’masë mund të neutralizohet si rrezik i sigurisë ndërhyrja serbe në veri dhe sa është pjesë tjetër e procesit politik (dialogut) që domosdo duhet të vazhdoj në një format tjetër, pasi që ky format (i dialogut) po shihet qartë se është komprometuar.

Në moment që po shihet qartë se ka ndryshim të kursit të politikës së jashtme amerikane sa u përket çështjeve të sigurisë globale, me fokus të veçantë Evropën, atëherë edhe pozita e Evropës edhe e Kosovës në dialog karshi Serbisë dobësohet dhe është dobësuar.

Radio Evropa e Lirë: Me fjalë tjera, besoni që zhvillimet në veri dhe ato që do të pasojnë fillimin e punës së Gjykatës Speciale, sikur po ndikojnë dhe e bëjnë të paqartë vet tërësinë, hapësirën territoriale të Kosovës?

Enver Hasani: E bëjnë, sepse këtu nuk duhet të shikohet çështja e pjesës veriore si diçka që duhet të mbrohet vetëm nga një garniturë e caktuar e politikanëve. Ajo është interes shtetëror dhe nuk është interes partiak e politik.

Nga ky nuk mund të përfitojnë, vetëm mund të krijojnë një kaos të ngjashëm me vitin 2004, nëse kalkulimet nuk bëhen mbi bazat shtetërore dhe unë me sa po shoh dhe po kuptoj më shumë ka kalkulime për interesa për dinamika të brendshme politike, sesa të një plani afatgjatë për ri-intgrim të veriut në Kosovë.

Kjo është rrethana në të cilën Serbia po kalkulon. Duke e ditur saktë se Gjykata Speciale duhet të veproj dhe me këto veprime, Serbia po i fryn zjarrit me shpresën që strukturat qendrore të Kosovës do të tregohen të paafta për ta menaxhuar situatën në rast të fillimit të punës së Gjykatës Speciale.

Një paaftësi e tillë, më pastaj, do të shfrytëzohej nga Serbia që t’u thotë aleatëve perëndimor dhe botës se nuk është çështje vetëm veriu, por e komplet dobësia e strukturave të shtetit të Kosovës të cilat janë të paafta të tregohen gardian të integritetit dhe sovranitetit të shtetit të Kosovës.

Radio Evropa e Lirë: Sipas kësaj që thoni, gjeopolitika do të kthej sërish një lloj përplasje të interesave ndërmjet Rusisë dhe Shteteve të Bashkuara, perëndimit në Kosovë dhe rajon?

Enver Hasani: Fuqishëm jam i bindur që çështja e Kosovës, funksionimi i institucioneve të Kosovës, konsolidimi i shtetësisë, puna e Gjykatës Speciale, veriu, janë tema të cilat domosdo do të jenë në agjendën globale amerikano – ruse, por shumë më poshtë sesa që mendojmë ne.

Mendoj se këtë duhet ta kemi parasysh, pra shumë më poshtë sesa që e mendojmë ne. Mendoj kështu sepse problemi i sigurisë në Lindjen e Mesme është problemi parësor i sigurisë euro-atlantike. Atje rrezikohet siguria euro-atlantike nga interesat imediate ruse. Do të thotë është problemi i Sirisë, i Iranit, i Irakut dhe e shihni edhe Turqinë me politikën tërësisht të gabuar të Erdoganit i cili deri në marrëzi është i orientuar kah Rusia që do të provohet në të ardhmen se është fatale për shtetin turk.

Kurse Kosova, bën pjesë në ato probleme tjera të sigurisë evropiane, ku në çdo kombinim, Evropa mbetet partnere e SHBA-së sa i përket çështjes së sigurisë. Evropa e ka fare të qartë se pa Shtetet e Bashkuara të Amerikës nuk mund të ketë Evropë stabile.

Por, edhe Serbia e ka problem, sepse është e izoluar. Asnjë vend, në rajon, nuk është me orientim pro-rus, përveç segmenteve të caktuara të shoqërisë serbe përfshirë edhe establishmentin aktual atje. I gjithë Ballkani dhe i gjithë orientimi evropian është anti-rus. Kështu që Serbia e ka problem ta heq maskën, sepse nuk do të mund të shërbente si lokomotivë për ta shtyrë rajonin kah Rusia.

Megjithatë, roli i Serbisë dhe i Rusisë në këtë pjesë do të jetë një rol me të cilin duhet të llogarisë të përballet perëndimi, përkatësisht SHBA-të dhe Evropa. Prandaj Kosova në këtë drejtim ka pozitë shumë më të dobësuar, sesa që kishte para 10 -15 viteve, sepse ka ndërruar balanci, raporti global i forcave, në rend të parë rreth Lindjes së Mesme, sepse për shembull, pa Rusinë s’mund të arrihet zgjidhja e problemit të Sirisë, sikurse edhe në vende tjera në atë pjesë.

Ato janë probleme me peshë për Shtetet e Bashkuara dhe Evropën, krahasuar me Kosovën. Andaj, Kosova duhet ta ketë parasysh këtë, e sidomos duhet ta kenë parasysh ata që mendojnë se vetëm me forca represive të integrohet veriu. Mendoj se e kanë tërësisht gabim. (REL)

Hashim Thaçi e ka patur aleat Kelmendin që nuk e njeh Skënderbeun, Perandorinë osmane nuk e quan pushtuese dhe turqit i quan vëllezër

Lind pyetja se si është e mundur që në Parlamentin e Kosovës të kemi deputetë si Kelmendi që nuk e njeh Skënderbeun, Perandorinë Osmane nuk e quan pushtuese dhe turqit i quan vëllezër.

Mos harrojmë se kjo partia e tij ka qenë aleate me partinë e Hashim Thaçit!
Deputeti shqiptar kundër përkujtimit dhe nderimit të Skënderbeut: Perandoria Osmane nuk ka qenë pushtuese, ne jemi vëllezër me turqit

Më 17 Janar, presidenti i Kosovës, Hashim Thaçi, ka përkujtuar 549-vjetorin e vdekjes së heroit kombëtar të shqiptarëve, Gjergj Kastriot Skënderbeut.

“Si sot, 549 vjet më parë, ndërroi jetë Gjergj Kastrioti Skënderbeu, figura më e shquar në historinë e shqiptarëve.

Heroi ynë kombëtar ishte i pari që realizoi një bashkim politik të shqiptarëve në Besëlidhjen e Lezhës dhe për çerek shekulli ndali perandorinë më të fuqishme të kohës që të depërtonte në zemër të Evropës.

Me luftën e tij të paepur, ai i dëshmoi mbarë botës se edhe një popull i vogël si yni mund t’i bëjë ballë një fuqie të madhe në luftë të drejtë për liri.

Figura e Skënderbeut ka mbajtur të pashuar dashurinë e shqiptarëve për liri dhe orientimin tonë gjeopolitik drejt perëndimit.

Vepra e tij frymëzoi rilindjen tonë kombëtare, qëndresën ndaj pushtuesve, luftën çlirimtare në Kosovë dhe do të na frymëzojë edhe në të ardhmen për konsolidimin e shtetit tonë të pavarur e sovran”, ka shkruar Thaçi.

Por, deputeti shqiptar në Kuvendin e Kosovës, Gëzim Kelmendi, është irrituar pse Thaçi ka thënë që Skënderbeu ka luftuar kundër pushtuesve.

Sipas tij, Perandoria Osmane nuk ka qenë pushtuese në trevat shqiptare, pasi shqiptarët u bënë me dëshirë pjesë e saj.

“I nderuar President Thaçi,

Sot paskeni uruar ditëlindjen e Skënderbeut.

Ajo çka më bëri përshtypje në urimin e juaj është fakti se perandorinë osmane e cilësoni pushtuese.

Është e drejtë edhe e juaja edhe e imja të kemi mendime të ndryshme për perandorinë osmane.

Ju, para disa ditëve ishit në vizitë zyrtare te Presidenti i Republikës së Turqisë Erdogan, ku u pritet me nderimet më të larta shtetërore.

Presidenti Erdogan ka bërë dhe vazhdon të bëj shumë për Kosovën, dhe ky epitet që sot ja dhatë perandorisë osmane, duke e quajtur pushtuese, ju e goditët keq Erdoganin, e goditët keq Turqinë dhe gjithë ata shqiptarë që perandorinë osmane nuk e cilësojnë pushtuese.

Mos harroni se ju jeni President i Kosovës, dhe deklarat e tilla nuk i bëjnë mirë raporteve Kosovë -Turqi.

Ditë më parë ju ishit ndër ata që urdhëruat kthimin e trenit rus mbrapa në serbi ( për hirë të korrektësisë, ju kam cituar si një ndër meritorët).

Por, çka nëse serbia nuk ndalet me kaq?

A do të mundesh të kërkosh ndihmë nga Turqia nëse Serbia kërcënon ushtarakisht Kosovën?

Deri me tani përveç investimit turk në Kosovë mbi 350 milion dollarë, Turqia ka dhuruar autoblinda policore-ushtarake, është duke investuar në shkollimin e pilotëve, policëve dhe oficerëve tanë në vendin e saj.

Është ndër vendet e para që ka njohur pavarësinë e Kosovës, dhe vazhdon të loboj për pavarësinë e Kosovës.

Nëse i referohemi termit të juaj ” pushtues” për perandorinë osmane, mos harro se pjesë përbërëse e kësaj perandorie osmane kanë qenë shumë shqiptarë, dhe sipas jush ne i kemi vetpushtuar trevat tona.

Unë dhe shumë qytetarë të Kosovës e dijmë mirë pse e ke uruar ditëlindjen e Skënderbeut, pse po përkulesh para varrezave serbe ku shkruan se janë të vrarë nga “terroristët shqiptarë”.

Por nuk të ka hije, je President i një vendi për të cilin është derdh shumë gjak, dhe mos e shkatërro këtë vend për interesa personale” ka shkruar deputeti Kelmendi.

Çitaku-Trumpit: Jam ambasadore krenare e shtetit më pro-amerikan në botë

Ambasadorja e Kosovës në SHBA, Vlora Çitaku ka pasur rastin të takohet me presidentin e zgjedhur Donald Trump, të nominuar për Sekretar të Shtetit, Tillersonin dhe Këshilltarin për Siguri Kombëtare, Flynn.

Gjatë takimit me Trumpin në një darkë të organizuar nga Komiteti i Inaugurimit për komunitetin diplomatik në Amerikë, Çitaku i ka treguar se është ambasadore e një shteti pro-amerikan.

“U thash atyre se jam ambasadore krenare e shtetit më pro-amerikan në botë”, ka shkruar Çitaku në Facebook.

“Kosova është Serbi” lë të hapur opsionin e luftës mes Serbisë dhe Kosovës – Nga Prof.Dr.Mehdi HYSENI

Barometri diplomatik

*** “Testin 1” me trenin rus, Kosova e përballoi ngase Beogradi me sugjerimin e Moskës atë e stopoi në Rashkë, më 14 janar 2017) ngase spiunët e tyre filoserbë u treguan të saktë me inofrmacionet e tyre të drejtimit të qarkullimit të tij Beograd-Mitrovicë.

Mirëpo, “Testin 2”, që me gjasë, do të jetë ndonjë apo disa aeroplanë luftarakë rusë të kamufluar si “aeroplanë të zakonshëm të udhëtarëve”, Prishtina do ta ketë të vështirë ta përballojë për faktin se spunët filoserbë, nuk do të pajisen me informacione sekrete serbo-ruse (sikurse në rastin e trenit rus) ngaqë ata aeroplanë invadues marshrutën e tyre sulmuese, mund ta kenë nga drejtime të shteteve të ndryshme ballkanike ( jo vetëm nga bazat ushtarake ajrore të Serbisë: Batajnicë, Rajllovac, Nish dhe Kralevë, por edhe nga aerodromet e Maqedonisë, të Greqisë, të Malit të Zi dhe të Bosnjës).

Nëse kjo ndodh, atëherë dialoguesit shqiptarë të Kosovës, do të konsiderohen njësoj fajtorë dhe përgjegjës sikurse invaduesit ruso-serbë, sepse një sulm i tillë, direkt dhe indirekt do të ketë për pasojë bisedimet e palës shqiptare me atë serbe në Bruksel (2011-2017).

Të jemi të qartë se, nëse ata liderë politikë shqiptarë të Kosovës, do të vazhdojnë dialogun e filluar në Bruksel me Beogradin, ndërkohë, ose në rast dështimi të tij, Serbia së bashku me Rusinë, do të provojnë “testin e dytë” luftarak kundër Kosovës. Këtë rrezik potencial, duhet ta mbajnë parasysh negociuesit e palës shqiptare të Kosovës.

* * *

Cili është interesi i Kosovës dhe i Shqipërisë

*** Togfjalëshi kolonial gjeopolitik serbomadh: Kosovo je Srbija”, do të thotë luftë, mos sot, nesër(!)

*** Kush nuk e kupton kështu, do të thotë nuk është i vetëdijshëm për rrezikun permanent, që po i kanoset Kosovës së lirë dhe të pavarur(1999-2017).

-Shtrohet pyetja, cili është interesi politik i palës negociuese shqiptare të Kosovës, që ka pranuar të hynte në dialogun me palën serbe në procesin e Brukselit (2011-2017)?

Edhe pse kanë kaluar shtatë vite negocita me Serbinë në Bruksel, praktikisht nuk ka asnjë fryt konkret pozitiv për interesat vitale të Republikës së Kosovës, veç përgjigjes deklarative propagandistike të grupit negociues Thaçi-Mustafa-Tahiri, se interesi i tyre ishte “normalizimi i marrëdhënieve me Serbinë”, si dhe gënjeshtra e vazhdueshme e tyre, se gjoja me arritjen e disa “marrëveshjeve” në Bruksel, “Serbia de fakto dhe de jure e ka njohur Kosovën”!?

Mirëpo, kjo përgjigje e tyre është tejet e gabuar politikisht, sepse imponon prapë pyetjen, po si është e mundur, që “Serbia de fakto dhe de jure e paskësha njohur Kosovën” dhe i paskësha “normalizuar marrëdhëniet me Kosovën”, kur titullarët e politikës serbe të Beogradit me projektin e tyre strategjik shekullor “Kosova je Srbija” po kërkojnë, që Serbia të rivendosë pushtetin e saj kolonial në Kosovë (1912-1999)?!

Derisa, para gjithë botës, Beogradi zyrtar, t’ua përplasë në fytyrë Prishtinës dhe Tiranës se “Kosova është Serbi”, atëherë nga doli interesi politik nacional dhe shtetëror i qeverisë dhe i kuvendit të Hashim Thaçit, të Edita Tahirit dhe të Isa Mustafës, të hynin në “dialogun historik” me përfaqësuesit e qeverisë serbe të Aleksandar Vuçiqit në Bruksel (2011-2017)?

Po ashtu, nga doli edhe interesi i politikës dhe i diplomacisë shqiptare me presidentin Buajr Nishani, me kryeministrin Edi Rama , me kryekuvendarin Ilir Meta dhe me ministrin e Jashtëm Ditmir Bushati, që presidenca, parlamenti dhe qeveria e Shqipërisë zyrtarisht ta mbështetëte atëfarë “dialogu historik” mes Kosovës dhe Serbisë, derisa presidenti Tomislav Nikoliq dhe kryemiistri i Serbisë, Aleksandar Vuçiq kanë deklaruar se kurrë Serbia nuk do ta njohë Kosovën.

-Ku është interesi nacional dhe shtetëror i palës negociuese të Kosovës dhe i politikës mbështetëse të Tiranës zyrtare?

Pse të hyhej dhe të mbështetej dialogu i Prishtinës me Beogradin, kur dihet se përfundimi i tij , do të imponojë edhe arritjen e një kompromisi politik të përbashkët, ku secila palë, do të jetë e detyruar, që t’i bëjë koncesion njëra-tjetrës. Në lidhje me këtë, shtrohet edhe kjo pyetje, po, pala shqiptare, çfarë koncesioni do t’i bëjë palës serbe, kur Kosova është e pavarur nga Serbia (17 shkurt 2008)?

Në këtë rast, nuk mund të ketë asnjë kompromis politik reciprok, sepse pala shqiptare nuk guxon t’i bëjë Beogradit asnjë koncesion politik Serbisë në dëm të sovranitetit territorial të Republikës së Kosovës. –Andaj, pse dialog me të “shurdhërit”-me ata që kanë kryer gjenocid mbi Kosovën (1989-1999) dhe, tani e duan Kosovën parapa në “rezervatin” kolonial të Serbisë së Madhe?

-Çfarë normalizim marrëdhëniesh me Beogradin, kur elita politike drejtuese çetniko-fashiste e Serbisë (Tomislav Nikoliq, Aleksandar Vuçiq, Ivica Daçiqi, Marko Gjuriq etj.) për çdo ditë dekalron se “Kosova është Serbi”!

-Ky është “normalizimi” i marrëdhënieve me Serbinë kolonialiste dhe gjenocidale?!

Beogradi zyrtar nuk po tërhiqet nga kërkesa iracionale maksimale kolonialiste: “Kosovo je Srbija”!

-Atëherë, pse pala shqiptare qe gjashtë vjet (2011-2017) ka pranuar të negociojë me Beogradin, për çka, kur Serbia e Slobodan Milosheviqit dhe e “argatëve” të tij dikurshëm dhe sotshëm me ngulmë po kërkojnë që ta rikolonizojnë Kosovën me forcë, duke u mbështetur në Rusinë e Vladimir Putinit.

Këtë projekt strategjik dhe gjeopolitik të ripushtimit të Kosovës, pa dyshim se e provoi edhe “treni promovues” rus (Beograd-Mitrovicë, më 14 janar 2017), të cilin Beogradi e stopoi në stacionin hekurudhor të Rashkës për shkak të frikës së shpërthimit të konflitkit të aramatosur me forcat speciale policore të Kosovës, të pozicionuara në Jarinje.

Mirëpo, siç mësohet, konflikti u evitua në saje të ndërhyrjes së Moskës, e cila sugjeroi krymenistrin e qeverisë Aleksandar Vuçiq, që ta stoponte trenin provokues ruso-serb në Rashkë të Serbisë, pavarësisht se në kufirin Serbi-Kosovë. Beogradi kishte vendosur mbi 3 mijë trupa policiore dhe ushtarake, të përgatitura për të ndërhyrë në Kosovë.

Treni rus është sinjali i parë i paralajmërimitt të luftës në Kosovë!

*** Ndërsa hashim thaçët në frymën e parullës ndjellakeqe “Kosovo je Srbija” po kërkojnë vazhdimin dhe riformatimin e dialogut me nikoliqët dhe me vuçiqët në Bruksel. Ndërkaq ,Tirana hesht në shenjë miratimi të këtij dialogu fatal për Kosovën!?

-Çfarë nonsensi ky, Kosova ndodhet me “ një këmbë në luftë”, e politika miope e Kosovës “zemërhapur” e mbështetur nga qeveria e Edi Ramës, do vazhdimin e bisedimeve me Beogradin zyrtar në Bruksel, edhe pse treni rus i datës 14 janar 2017 (Beograd- Mitrovicë) në “ mënyrë solemne” me parullën “KOSOVo JE SRBIJA” i vuri në dijeni shqiptarët, se Serbia, është në prag të luftës me Kosovën.

Për t’i shpëtuar një rreziku të këtill֝ë serbo-rus, si Populli i Kosovës, ashtu edhe qeveria e Edi Ramës, duhet ta detyrojë Hashim Thaçin, që të ndërprejë çdo kontakt dhe çdo bisedim zrytar me serbomëdhenjtë e Beogradit, të cilët në format më primitive anticivilizuese dhe antievropiane po ndërhyjnë në çështje të brendshme të Kosovës, me qëllim që me forcë ta rikthejnë sovranitetin kolonial të Serbisë së Masdhe mbi Kosovën (1912-1999).

Mosnjohja e Kosovës nga Beogradi imponon fundin e bisedimeve fatale me Serbinë!

-Ndryshe, Serbia e ndihmuar nga Rusia, së shpejti do të jetë në Kosovë! Këtë e paralajmëroi edhe TRENI RUS!

-Si mund të ketë “normalizim marrëdhëniesh me Serbinë, kur krerët udhëheqës serbomëdhenj të saj: Tomislav Nikoliq, Aleksandar Vuçqit, Ivica Daçiq, çdo ditë deklarojnë, se “Kosova është Serbi”, duke u bazuar në Kushtetutën e tyre në fuqi (2006)?

-Sa herë, duhet të përsërisim konstatimin se, derisa politika dhe diplomacia zyrtare e Beogradit, Kosovën e quan “Serbi”, kjo do të thotë, se Serbia është në luftë të hapur me Kosovën. Andaj, pse dhe, çfarë kuptimi ka diaogimi me vuçiqët dhe me daçiqët në Bruksel (2011-2017), kur opcioni i luftës është i hapur me Serbinë (këtë vetëm gomarët e Nasradinit nuk po e marrin vesh), ndryshe, ata, kurrë nuk do të kishin pasur guximin të pohonin se “Kosova është Serbi”. Derisa serbomëdhenjtë e Slobodan Milosheviqit, të thonë se “Kosova është Serbi” (gjëqë kjo parullë, do të thotë luftë, jo normalizim marrëdhëniesh me Serbinë), nuk ka hapësirë për dialogim paqësor me Serbinë, por vetëm, duhet përgatitur për vetëmbrojtje nga ndonjë agresion i Serbisë.

Amnistimi i Serbisë së Slobodan Milosheviqit për tri gjenocidet (Kroaci, Bosnjë dhe Kosovë), tani po i kthehet si “bumernag” drejtësisë dhe paqes evropiane dhe ndërkombëtare, se Serbia e kryekriminelit Slobodan Milosheviq e drejtuar nga bashkideologët dhe nga bashkëmbështetësit e tij (Tomsilav Nikoliq, Aleksandar Vuçiq dhe Ivicas Daçiq) me ndihmën e Rusisë së Vladimir Putinit po kërkon që të fillojë një luftë të re kundër Kosovës, me qëllim që të marrë fund projekti strategjik evropian perëndimor me Amerikën në krye në Ballakn.

Sikur Kosova dhe Shqipëria të kishin qenë faktorë poliitikë me peshë në Ballkan, sigurisht se çetnikët serbomëdhenj Nikoliq, Vuçiq, Daçiq) nuk do ta kishin pasur guximin politik, kushtetues dhe diplomatik, që botërisht ta kërcënonin Kosovë, duke e konsideruar “territor serb”.

Gjithashtu, sikur BE-ja dhe OKB-ja, të mos e kishin rehabilituar Serbinë për tre (3) gjenocidet e saj në Kroaci, në Bosnjë dhe në Kosovë (1989-199), sigurisht se sot, qarqet zyrtare antievropeiane, antidemokratike dhe anticivilizuese të Serbisë, do të kishin “bluar” krejtësisht ndryshe ndaj Kosovës dhe ndaj Kroacisë.

MIrëpo, meqë Serbia nuk është dënuar kolektivisht për tre gjenocidet e saj kundër Kroacisë, Bosnjës dhe Kosovës, kjo, tash e ka kthyer “gëzofin” ndryshe, duke kërkuar llogari edhe ndaj vendeve të viktimizuara fqnije, edhe ndaj Bashkimit Evropian, edhe ndaj OKB-së, sikur kjo të “ishte viktima” e jo “xhelati” (1989-1999).

Kjo politikë agresive e papërgjegjshme me pretendime të vjetra kolonialiste ndaj vendeve fqinje (Kroacia dhe Kosova) dhe, kjo arrogancë e paskrupulltë iracionale e Serbisë, duhet të ndëshkohet nga bashkësia ndërkombëtare, qoftë edhe përmes sanksioneve politike, ekonomike, tergtare dhe ushtarake etj. Ndryshe Serbia sërish, do të destabilizojë paqen dhe sigurinë jo vetëm në Ballkan, por edhe në Evropë, ashu sikurse Slobodan Milosheviqi në dekadën e fundme të shekullit XX.

Ekuivalenti politiko-diplomatik i “normalizimit të marrëdhënieve” të Serbisë me Kosovën është: “KOSOVO JE SRBIJA” dhe hyrja e Serbisë në BE!?

-Ky është interesi i shumëfishtë i politikës serbomadhe, e cila do Kosovën nën Serbi dhe aderimin në BE, duke u përvijuar përmes Dialogut të Brukselit, në saje të palës negociuese shqiptare të Kosovës, të mbështetur edhe nga politika aktuale e Shqipërisë.

Këtë strategji “lebensraum” të Hitilerit, pasuesit e tij serbomëdhenj të Beogradit, tanimë e kanë bërë të qartë me kërkesat e tyre në kuadrin e Dialogut të Brukselit (20011-2017), sa viojn:

1. Krijimi i srpska zajednicës serbe në Kosovë, e cila, si hap të parë nënkupton kantonizimin e enklavave serbe domethënë “bosnjëzimin” e territorit të Kosovës deri në copëtimin dhe në rikolonizimin e saj të plotë;

2. Tjetërsimi i Minierës “Trepça” në Mitrovicë, pasuria më e madhe e gjithë kombit shqiptar në Ballkan;

3. Tjetërsimi i Liqenit “Gazivoda” , cili me ujë të pishëm i furnizon dy qytete (Mitrovicën dhe Vushtrrnië);

4. Tjetërsimi i Brezovicës (si qendër turistike);

5. Refuzimi i prerë i caktimit të kufijve ndërshtetërorë (Kosovë – Serbi), sepse Kosovën e konsiderojnë si “pjesë integrale të Serbisë” në kuadrin e kufijve administrativë, jo, assesi shtetërorë;

6. Mohimi i vlerave të luftës çlirimtare kombëtare të UÇK-së, e cila është meritore për çlirimin dhe pavarësimin e Kosovës, si dhe për sjelljen e Amerikës dhe të NATO-s në Kosovë;

7. Ndëshkimi, arrestimi dhe burgosjae pjesëtarëve të UÇK-së, siç është edhe rasti më i ri i arrestemit dhe i burgosjes së heroit të Kosovës, Ramush haradinaj në aeroportin e Kolmarit të Francës, më 4 janar 2017, i cili është liruar me kusht nga Gjykata e Apelit, por, së shpejti, pritet të dalë para një sence të re gjyqësore për shkak të kërkesës së Serbisë, që ai të ekstradohet në Serbi, gjoja për “krime të luftës” në Kosovës (1999), edhe pse ai është liruar i pafajsdhëm nga Tribunali i Hagës, sepse të gjitha akuzat e Serbisë kanë qenë të shpifura dhe të montuara kundër tij.

8. Kërkesa për formimin e Gjykatës Speciale Evropiane për ndëshkimin e ushtarakëve të UÇK-së;

9. Lobimi 9-vjeçar në skenën e bashkësisë ndërkombëtare, që Kosova të mos pranohej si shtet i pavarur. Dëshmi e kësaj trysnie agjenturore te shtetet dhe tek organizatat ndërkombëtare , është edhe refuzimi i anëtarësimit të Kosovës në UNESCO dhe në Interpol;

10. Provokimi i Kosovës, i Shqipërisë, i NATO-s, i BE-së dhe i Amerikës, më 14 janar 2017 me vënien në qarkullim të Trenit rus (Beograd-Mitrovicë), që kishte për qëllim fillimin “spektakular” (me car llazarë, me Slobodan milosheviqë-Kosovo je Srbija) të luftës në Kosovë, si “dhuratë” dialoguesve dhe mbështetësve shqiptarë të procesit të Brukselit (Hashim Thaçi, Edita Tahiri, Enver Hoxhaj dhe Isa Mustafa).

Të gjitha këto ndërhyrje dhe kërkesa ultimative serbomëdha të Beogradit për bombardimin e shtetit të pavarur të Kosovës, sipas klikës drejtuese të Serbisë (Nikoliq, Vuçiq, Daçiq) emërues të përbashkët kanë “NORMALIZIMIN E MARRDHëNIEVE” të Serbisë me Kosovën?!

Vërtet, kush i beson kësaj politike propagandistike fashistoide antishqiptare, antievropiane dhe antiamerikane, do të digjet më keq sesa në zjarrin dhe në flakën e terrorizmit dhe të gjenocidit të Serbisë së Slobodan Milosheviqit (1989-1999).

Dersia të vazhdojë Dialogu i Brukselit, rreziku për copëtimin e Kosovës nga Serbia është pashmangshëm. Mirëpo, nëse Kosova e mbyllë atë , atëherë Serbia, do të jetë në pozitë nënshtruese dhe varësie, o, do ta njihte Republikën e Kosovës, o, do ta priste izolimi bankrotues në kuptimin politik, ekonomik, diplomatik dhe tregtar rajonal, evropian dhe ndërkombëtar, duke qenë se Kosova nuk është koloni e Serbisë.

Kur pritet të mbahet seanca gjyqësore për Haradinajn?

Lirimi i Ramush Haradinaj nga Franca është duke u varur nga materiali i aktakuzës, të cilën e ka ngritur shteti serb në Interpol, të cilin ende nuk e ka marrë gjykata për ta marrë vendimin për liderin e AAK-së.

Nënkryetari i kësaj partie, Ahemti Isufi ka thënë për Indeksonline se seanca e radhës për Ramush Haradinajn do të mbahet shumë shpejt ku në të pritet lirimi nga këto akuza.

“Ne jemi duke pritur vendimin e gjykatës për lirimin e plotë të zotit Haradinaj dhe kthimin në Kosovë. Por së pari gjykata në Francë duhet që ta marrë materialin nga Serbia e më pas të caktohet një seancë ku do të marrte vendimin për lirimin e zotit Haradinaj”, ka thënë Isufi.

Ai beson se drejtësia franceze nuk do të marrë vendime mbi shpifje dhe aktakuza të pa baza të ngritur nga një shtet me tendenca destabilizuese siç është Serbia.

“Drejtësia e Francës i ka proceduar e veta të cilat duhet ti zbatoj në afate të caktuara dhe normalisht duket i përfillur këto afate e merr edhe vendimin, prandaj e gjithë kjo është çështje procedurash”, ka thënë Ahmeti. /Indeksonline/

Kosova e gatshme për hekurudha ndërkombëtare

Stacioni hekurudhor në veri të Kosovës

Në pjesën e parë të këtij viti pritet fillimi i rehabilitimit të rrjetit hekurudhor që lidhë Kosovën me shtetet e rajonit dhe më gjerë.

Për këtë çështje tashmë kanë përfunduar projektet e nevojshme, njëherësh janë siguruar rreth 50 për qind e mjeteve financiare.

Kështu ka bërë të ditur për Radion Evropa e Lirë, Agron Thaçi, kryeshef ekzekutiv në kompaninë “Infrakos”, e cila merret me infrastrukturën hekurudhore.

Rehabilitimi i rrjetit hekurudhor brenda Kosovës është 148 kilometra, dhe është e ndarë në tri faza: Faza e parë fillon nga Hani i Elezit – Fushë Kosovë, faza e dytë Fushë Kosovë – Mitrovicë Jugore dhe faza e tretë është nga Mitrovica e Jugut deri në Leshak, në kufirin me Serbinë.

E gjithë ky investim, sipas tij do të kushtojë rreth 208 milionë euro, shumë kjo tashmë e siguruar.

Kjo linjë pastaj do të lidhet më korridorin e dhjetë hekurudhor që lidhë Kosovën më Ballkanin Perëndimor dhe rrjetin Trans-Evropian të Transportit.

Kjo linjë, sipas autoriteteve qeveritare, fillon nga Salzburgu dhe kalon nëpër Austri, Slloveni, Kroaci, Serbi, Kosovë, Maqedoni dhe përfundon në Selanik të Greqisë.

“Kjo linjë siguron një lidhje me rajonin dhe Evropën dhe më të gjitha korridoret dhe rrjetin bazik të hekurudhave të rajonit dhe Evropës. Ne tashmë e kemi buxhetuar këtë linjë. Mjetet buxhetore janë siguruar nga Komisioni Evropian 50 për qind, sipas kalkulimeve tona janë 87 milionë euro, donacion kurse rreth 80 milionë janë kredi me interes të butë nga Banka Evropiane për Rindërtim dhe Zhvillim dhe nga Banka Evropiane për Investime“, ka thënë ai.

Autoritetet në Prishtinë vazhdimisht kanë konfirmuar gatishmërinë për realizimin e projekteve të linjave hekurudhore dhe rrugore me vendet e rajonit, siç është linja hekurudhore Durrës – Prishtinë – Nish, projekt ky që lidh Shqipërinë, Kosovën dhe Serbinë.

Projektet rajonale hekurdhuore ishin diskutuar edhe në Procesin e Berlinit, pjesë e të cilit është edhe Kosova.

Ky proces ishte iniciuar nga kancelarja gjermane Angela Merkel në vitin 2014, në të cilin përfshihen dymbëdhjetë shtete, gjashtë shtete të Ballkanit Perëndimor të cilat janë në faza të ndryshme të procesit të integrimit në Bashkimin Evropian dhe gjashtë shtete anëtare të BE-së.

Në këtë kuadër, Bashkimi Evropian, në vitin 2015, pati premtuar se është i gatshëm të investojë deri në 1 miliard euro për projektet e përbashkëta të infrastrukturës rrugore dhe hekurudhore në Ballkanin Perëndimor.

Projektet e përbashkëta të infrastrukturës kanë si qëllim thellimin e integrimit ekonomik me vendet e Ballkanit.

Për realizimin e këtij projekti, Thaçi thotë se janë të gatshme të bashkëpunojnë me vendet fqinje.

“Ne jemi të gatshëm të bashkëpunojmë me Republikën e Maqedonisë, me Republikën e Serbisë, në mënyrë që të zbatojmë realizimin e këtij projekti nga korridori 10, e cila linjë lidhet më korridorin e tetë të rrjetit bazik të hekurudhave të rajonit”, ka thënë Thaçi.

Edhe ekspertë të kësaj fushe konsiderojnë se integrimi rajonal përmes korridoreve hekurudhore është shumë i rëndësishëm për shkak se do të lehtësojë qarkullimin e njerëzve dhe mallrave.

Sadullah Avdiu, profesori i lëndës “Projektimi i Hekurudhave”, në Fakultetin e Ndërtimtarisë dhe Arkitekturës, ka thënë se e rëndësishme është se Kosova ka linja ndërkombëtare, por që nevojitet rehabilitimi i tyre.

“Pa u ndalur në momentet aktuale të situatës në Ballkan, linja hekurudhave është i domosdoshëm dhe i rëndësishëm. Sepse bartë një numër shumë të madh të udhëtarëve dhe mallrave, që mjetet tjera të transportit e kanë të pamundur. Por, gjendja e tashme e infrastrukturës dhe mjeteve hekurudhore është mjaft për të dëshiruar, sepse ka shumë punë për të bërë për të ardhur në gjendje, që është dashur të ketë transporti hekurudhor”, shprehet Avdiu.

Aktualisht, në Kosovë vija të rregullta për transport të brendshëm përmes trenave, ka në relacionin Prishtinë – Pejë, Hani i Elezit – Fushë Kosovë dhe anasjelltas.

Ndërsa, për transport ndërkombëtar, hekurudhat e Kosovës kanë një tren të rregullt, që quhet treni i shpejtë, i cili qarkullon një herë në ditë në relacionin Prishtinë – Shkup – Prishtinë.

Kurse, në periudhën e ish-Jugosllavisë, hekurudha Athinë-Shkup-Prishtinë dhe deri në Munich, ishte lidhja edhe e Kosovës me vendet e tjera në Evropë. (REL)

Forenzika: Nuk u gjetën prova se sulmi në Kuvend është kryer nga aktivistët e VV-së

Asnjë prej pajisjeve elektronike, të cilat janë sekuestruar nga aktivistët e “Vetëvendosjes” dhe i janë nënshtruar ekspertizës nga Agjencia Kosovare e Forenzikës, nuk ka rezultuar me ndonjë gjetje apo provë që do t`i bënte përgjegjës për sulmin te Kuvendi i Kosovës.

Gjetjet nga ekspertiza janë prezantuar të hënën nga sekretari i VV-së, Dardan Molliqaj, shkruan sot Koha Ditore.

Publikimi i saj u bë një ditë pasi u prezantua ekspertiza tjetër, e cila konstatoi se ADN-ja e aktivistëve, të cilët tashmë po akuzohen për terrorizëm, nuk përputhet me ADN-në e gjetur në motorin me të cilin dyshohet se është kryer sulmi.

Të dy ekspertizat janë nxjerrë me kërkesë të prokurorisë, para se të ngrihet aktakuza në dhjetor të vitit të kaluar.

Ekspertizat, por edhe të tjera dokumente që janë paralajmëruar se do të publikohen ditëve në vijim, nga VV-ja janë konsideruar fakte të mjaftueshme për të dëshmuar se ky rast është montuar dhe ka prapavijë politike.

Në anën tjetër, prokuroria ka thënë se i kanë pasur për bazë dhe i kanë analizuar ekspertizat para se të ngritin aktakuzë. Mirëpo, sipas tyre, aktakuza është bazuar në prova të tjera, të cilat i ka konsideruar relevante dhe të mjaftueshme për të ngritur aktakuzë.

Kush e ndali trenin!? – Nga Florim Zeqa

Java që e lamë pas përfundoj me provokimet luftënxitëse të Serbisë, e të cilat nuk nuk do të ndalen me trenin e “zi”, të ilustruar me fotografi dhe shkronja ncionaliste.

Treni i nisur me pompoziteti dhe ç’frenim nacional-shovenist dhe ikonografi tradicionale serbe, të cilat i kishte përzgjedhur Qeveria e Serbisë me ” promovimin ” e të ashtuquajturit ” trenit rus ” dhe linjës hekurudhore nga Beogradi për në qytetin e Mitrovicës, ishte eksperiment dhe veprim i radhës i qeverisë së Beogradit në suazat e luftës speciale serbe kundër Kosoves.

Provokimet serioze të Serbisë nisën në fillim të dhjetorit të vitit të kaluar me ndërtimin e murit ndarës në veri të Mitrovicës, për të vazhduar me ndalesën e Ramush Haradinajt në fillim të janarit në Francë me urdhër të një fletë-arresti serb e deri të treni i “zi”, që për qëllim kishte destabilizimin e rajonit me provokimin dhe nxitjen e shqiptarëve për trazira të paparashikuara.

Nga tri provokimet e Serbisë, dy prej tyre u ç’montuan falë trysnisë ndërkombëtare, në veqanti SHBA-ve, përderisa muri ende mbetët në të njëjtat nivele të një muaji më parë.

Si zakonisht pas përfundimit të betejës, në sipërfaqe dalin rrahagjoksët për marrjen e meriatave për fitoren e ndaljes së trenit.

Sikurse qeveria serbe, që e përdori Trenin për konsum të brendshëm politik, ashtu edhe qeveria e Kosovës e bëri të njëjtën gjë.

Pas ndaljes së trenit nga lartë (SHBA-të), qeveria e Kosovës dërgoi forca të mëdha policore në afërsi të pikës kufitare në Jarinjë, gjoja për të treguar forcën e saj,…krerët e lartë shtetëror ngrisin zërin sikurse Gjeli në plehë për diçka që apsolutisht nuk është meritë e tyre.

Nuk është hera e parë që Hashim Thaçi tenton të marrë meritat e të tjerëve për gjërat pozitive në Kosovë, siq ndodhi me ndaljen e trenit! Kjo, përveqse një tendencë për përmirësimin e rrënuar të imazhit të tij, Hashim Thaçi hapur e injoroi partnerin e koalicionit, më konkretisht kryeministrin e vendit zotin Isa Mustafa për vendimin e Qeverisë për “ndaljen” e trenit, ashtu siq e kishte anashkaluar presidentin e atëhershëm Fatmir Sejdiu me rastin e shpalljes së pavarësisë.

Disa nga kanalet televizive të Kosovës dhe analistët e afërt me Thaçin thanë se presidenti, ishte ai që e ndaloj trenin, duke e paraqitur atë si njeriun më të fortë të Kosovës, me qëllim të gjetjes së preteksit që Kosova nesër të shkoj drejt një Republike Presidenciale!

Në fakt, si shpallja e pavarësisë së 2008-së, ashtu edhe ndalja e trenit provokues serb ishte meritë e bashkësisë ndërkombëtare.

Sikur të kishin forcën e ndalimit qeveritarë tonë, me të nisur treni do t’i bënin të qartë Serbisë dhe mbarë opinionit publik se treni nuk do të hyjë në Kosovë.

Vakumi i një “vendimi” të tillë, bëri që shqiptarët brenda një dite, nga të urryerit e Qeverisë të shndrrohen në lavdëruesit e saj….

Argumenti shtesë që e vërteton faktin se nuk ishte Qeveria e Kosovës, ajo që e ndaloi trenin provokues serb, është Muri ndarës në veri të Mitrovicës dhe përmendorja e Car Lazarit, si pararojë e atij muri famëkeq.

Treni provokues i Serbisë, le të na shërbejë kambanë për ndërgjegjësim dhe vetëdijesim kombëtar,…shtron nevojen e unifikimit te faktorit politik shqiptar kundrejt provokimeve te koordinuara te ish pushtuesve verior dhe tejkalim të ndasive dhe mosmarrveshjeve brendashqiptare.

Me trenin provokues, Serbia na tregoi edhe një herë se nuk ka hequr dorë nga planet e saj hegjemoniste ndaj Kosovës dhe se është burim i përhershëm i konflikteve në Ballkan.

Rasti i trenit provokues “ruso serb”, tregoi se politika aktuale serbe me Vuçiçin, Nikoliçin e Daçiçin, nuk dallon aspak nga politika luftënxitëse e Milosheviqit e viteve të ’90-ta.

Reagimi i institucioneve të Republikës së Kosovës në bazë të përgjegjësive kushtetuese, ishte një veprim i domososhëm institucional. Në situata të tilla liderët e kanë obligim të jenë shumë më të matur në konstatimet dhe reagimet e tyre,…duke paragjykuar situatën dolën joserioz para opinionit publik dhe qytetarëve të vendit.

Derisa treni po qarkullonte ende në teritorin serb, deklaratat e disa liderëve partiak ishin paragjykuese, të ngutshme dhe aspak produktive. Opozita duhet ta luaj rolin konstruktiv dhe korrigjues ndaj çdo veprimi ose mosveprimi të qeverisë.

Në situata të tilla, të gjithë e kemi për obligim të jemi shumë më të matur në konstatimet dhe reagimet tona.

Rendësi ka që treni provokues “ruso-serb” nuk hyri në tokën e Kosovës, pak rendësi ka kush e ndali; a e “ndali” Hashim Thaqi, Isa Mustafa, Skënder Hyseni apo Shpend Maxhuni….

Më i rendësishëm se gjithçka tjetër është koordinimi i veprimeve të institucioneve tona me SHBA-të, garantuesin e lirisë së shtetit tonë. Trenin nuk e ndalem ne, atë e ktheu prapa Amerika, sikurse që zotin Ramush Haradinaj nuk e ekstardoj Franca në Serbi falë ndërhyrjes së SHBA-ve. Thank You USA.

Atyre që e rrëzojnë murin në veri, me plotë të drejt rapsodi popullor do t’ua këndoi këngën; “Kush e rrëzoi murin dhe Kosovë e bëri….”

Intervista-Thaçi: Serbia po llogaritë në Rusinë për ndarjen e Kosovës

Presidenti i Kosovës, Hashim Thaçi, ka thënë për Radion Evropa e Lirë se provokimet e Serbisë ndaj Kosovës janë pjesë e “skenarit të vjetër për ndarjen e një pjese të Kosovës”.

“Serbia llogaritë në ndihmën e Rusisë dhe kjo ishte arsyeja pse një tren i Rusisë ishte nisur nga Beogradi për në Kosovë. Asgjë nuk është e rastësishme, gjithçka ishte e planifikuar”, ka thënë Thaçi.

Kërcënimet e Serbisë me luftë, ka shtuar Thaçi, janë dëshmia më e mirë e ekzistimit të këtij skenari, që si qëllim ka aneksimin, e më pas edhe ndarjen e kësaj pjese të Kosovës (pjesa veriore).

“Kërcënimi i vetëm për serbët e Kosovës, është atëherë kur Serbia i përdorë ata për realizimin e qëllimeve të saj”, ka shtuar Presidenti i Kosovës.

Beogradi, sipas tij, është i gatshëm që t’i viktimizojë serbët e Kosovës për t’i realizuar synimet e veta politike e ushtarake, ashtu siç ka vepruar në Bosnje e Hercegovinë dhe në Kroaci.

Radio Evropa e Lirë: Ju keni dhënë urdhër që të mos lejohet hyrja e trenit nga Serbia në Kosovë, ndërkohë Serbia e akuzoi Kosovën që luan lojëra lufte, madje edhe presidenti i Serbisë ka thënë që është i gatshëm ta dërgojë ushtrinë në Kosovë për të mbrojtur shtetasit serbë. Për fillim, kush po luan këtu lojëra lufte dhe a janë serbët aq të rrezikuar siç po thotë Nikoliqi?

Hashim Thaçi: Treni ilegal propagandues është një pretekst i Serbisë për të destabilizuar situatën politike dhe të sigurisë në Kosovë. Ky veprim nuk paraqet një risi për sjelljen e Serbisë në relacion me Kosovën sepse Serbia vazhdon ta konsiderojë Kosovën si territor të saj. Sigurisht që nga ky provokim i radhës i Serbisë dhe provokime të tjera që do të mund të ndodhin në të ardhmen janë pjesë e një skenari të vjetër të Serbisë për ndarjen e një pjese të territorit të Kosovës, për të arritur këtë qëllim.

Serbia është duke llogaritur në ndihmën e Rusisë dhe kjo është arsyeja pse pikërisht një tren i dhuruar nga Rusia niset nga Beogradi për në Kosovë. Pra, asgjë nuk është ndonjë skenar i rastësishëm. Është gjithçka e planifikuar dhe e menduar nga Beogradi. Kërcënimi me thirrje për luftë nga ana e Serbisë, me arsyetimin se Serbia është e gatshme t’i mbrojë serbët e Kosovës, që jetojnë në pjesën veriore të Kosovës, është dëshmia më e mirë e ekzistimit të këtij skenari lufte në Serbi që si qëllim e ka aneksimin fillimisht dhe më pas ndarjen e një pjese të territorit të Kosovës. Serbët e Kosovës gëzojnë të drejtat më të avancuara të bazuara në Kushtetutën dhe ligjet e Kosovës.

Radio Evropa e Lirë: A duhet qytetarët e Kosovës të ndjehen të rrezikuar nga kjo që e flet dhe e bën Serbia?

Hashim Thaçi: Kërcënimi i vetëm për sigurinë e serbëve të Kosovës është vetëm përdorimi i tyre nga ana e Serbisë për realizimin e skenarit për destabilizimin apo ndarjen e Kosovës. Serbët e Kosovës i kanë të garantuara liritë dhe sigurinë e tyre në mënyrë të barabartë sikur të gjithë popujt e tjerë. Asnjë kërcënim nuk iu ka ndodhur në të kaluarën dhe asnjë kërcënim nuk do të ndodhë në të ardhmen qytetarëve të komunitetit serbë në Kosovë nga ana e shumicës shqiptare.

Serbët e Kosovës janë vetëm të rrezikuar nga manipulimi i politikës së Beogradit për qëllimet e tyre ekspansioniste, fillimisht të aneksimit të kësaj pjese të territorit të Kosovës dhe pastaj bashkëngjitjes së kësaj pjese të territorit të Kosovës – Serbisë. Pra, Serbia është e gatshme të sakrifikojë dhe të viktimizojë qytetarët e komunitetit serbë që jetojnë në Kosovë për qëllimet e tyre politike dhe ushtarake, siç i ka manipuluar dhe viktimizuar e sakrifikuar qytetarët serbë edhe në Kroaci dhe në Bosnje.

Radio Evropa e Lirë: Si ndikon kjo retorika dhe e Serbisë kohët e fundit ndërmjet dy shteteve në kohën kur ndodhë të arrihet një normalizim i marrëdhënieve?

Hashim Thaçi: Jetojmë në shekullin e 21-të, dhe kjo është periudha e paqes dhe bashkëpunimit në Ballkanin Perëndimor. Fjala luftë duhet të hiqet nga fjalori i retorikës nacionaliste në Serbi. Sot, Serbia po e kërcënon Kroacinë, po e kërcënon Bosnjën dhe Hercegovinën, po e kërcënon Malin e Zi, po e kërcënon Kosovën. Është bërë adresa e kërcënimit për paqen dhe stabilitetin në Ballkanin Perëndimor si kryeqytet nxitës, Beogradi si kryeqytet nxitës i trazirave të reja në Ballkanin Perëndimor.

Kërcënimi me luftë nga lidershipi më i lartë në Serbi duhet të jetë shqetësues për çdo njeri të zakonshëm. Duhet të konsiderohet tepër alarmuese edhe për NATO-n edhe për Bashkimin Evropian. Pavarësisht kësaj situate të tensionuar, unë e ftoj Serbinë për dialog, për paqe, për bashkëpunim ndërfqinjësor si rruga e vetme për të ruajtur paqen dhe stabilitetin në rajon dhe më gjërë.

Kështu, nëse Serbia thërret për luftë, Kosova thërret për paqe. Nëse Serbia thërret për ndarje territoriale dhe etnike, atëherë Kosova thërret pët integrim në Bashkimin Evropian dhe në NATO.

Radio Evropa e Lirë: Si e komentoni reagimin apo vëzhgimin e komunitetit ndërkombëtar ndaj kësaj situate, që ka ndodhur?

Hashim Thaçi: Këtë skenar të vjetër të ndarjeve territoriale nga ana e Serbisë, që e ka riaktualizuar, e njeh shumë mirë bashkësia ndërkombëtare, Bashkimi Evropian dhe Shtetet e Bashkuara të Amerikës. Prandaj, jam i bindur që nuk do të mund të realizohet sepse ne së bashku me NATO-n, institucionet e Kosovës do të garantojnë sigurinë e qytetarëve të Kosovës, pa dallim etnie. Kosova është atdheu i të gjithë qytetarëve të saj.

Radio Evropa e Lirë: SI e shihni ardhmërinë e dialogut? Keni thënë disa herë se duhet të reformohet, sa është i mundshëm suksesi i këtij procesi nëse nuk ekziston një sinqeritet?

Hashim Thaçi: Dialogu duhet të vazhdojë. Në vend të kërcënimit, unë ftoj për paqe. Në vend të konfrontimit, ftoj për dialog. Në vend të raporteve të ndara ndërfiqnjësore, ftoj për fqinjësi të mirë që do të dërgonte drejtë një normalizimi të raporteve tona ndërshtetërore dhe një pajtimi në bazë të vlerave dhe standardeve euroatlantike. Dialogu nuk ka alternativë. Duhet të vazhdojë, pavarësisht krizave dhe incidenteve ditore.

Radio Evropa e Lirë: Sapo jeni kthyer prej SHBA-ve. Keni pasur atje disa takime me zyrtarë të ndryshëm. Çfarë prisni nga administrata e re e Trumpit? A keni pasur mundësi të vëreni çfarë qasje kanë ndaj Ballkanit apo ndaj Kosovës?

Hashim Thaçi: Unë jam takuar me zëvendëspresidentin Biden, me shumë kongresmenë, senatorë, “think-tanke”, me shumë institute të ndryshme. Kam njoftuar për progresin e arritur në Kosovë dhe për hapat që duhet të ndërmerren në të ardhmen. Kam falenderuar administraten e presidentit Obama dhe zëvendëspresidentit Biden. Kosova është në rrugë të sigurtë, është në rrugë të drejtë, në rrugë të ngadhnjimit të vlerave euro-atlantike.

Nga vizita ime e fundit në Shtetet e Bashkuara të Amerikës dhe relacionet e reja që kemi filluar të ndërtojmë me administraten e re të presidentit Trump, mund të themi lirisht dhe me besim të plotë se Shtetet e Bashkuara të Amerikës, presidenti Trump, administrata e tij, do ta ruaj vëmendshëm kujtesën për Kosovën, për Ballkanin Perëndimor, pra do ta ruaj, do ta ketë në vëmendje të theksuar zhvillimet edhe në Kosovë, edhe në Ballkanin Perëndimor, dhe përspektivën euro-atlantike të këtyre vendeve.

Radio Evropa e Lirë: Zoti Thaçi, nëse mund të kthehemi edhe njëherë në veri, sipas disa shkrimeve që janë dal në media serbe. A ka të drejtë ROSU të shkojë në veri?

Hashim Thaçi: Unë si president i Republikës së Kosovës, si komandant suprem i Forcave të Armatosura të Kosovës, si përgjegjësi numër një për ruajtjen e rendit, të sigurisë, tërësisë terroritoriale, kam kërkuar prej të gjitha institucioneve të vendit që, në përputhshmëri me Kushtetën, ligjet, hiearkinë shtetërore të shfrytëzohet i tërë potenciali në shërbim të ruajtjes së paqes, stabilitetit, integritetit territorial.

Prandaj, e tëra është, i tërë angazhimi është i bazuar në Kushtetën dhe ligjet e Kosovës. Duke mos vepruar dhe lejuar që të ndodhin gjëra çfarë planifikon Serbia, atëherë nënkupton mos interesim dhe shkelje kushtetuese dhe ligjore. Ndërsa veprimi është respektim i Kushtetuës dhe ligjeve.

Radio Evropa e Lirë: A bën të mundësohet edhe shkuarja e FSK-së në një kohë të caktuar në veri?

Hashim Thaçi:

Unë e theksoj, i tërë angazhimi do të jetë i përbashkët, i koordinuar me bashkësinë ndërkombëtare. Do të jetë i koordinuar vetëm në ato përkushtime që çojnë në forcimin e paqes, në forcimin e stabilitetit, në integrimin e të gjitha komuniteteve, në jetën e sigurt të çdo qytetari dhe i ftoj të gjithë serbët e Kosovës, edhe ata në veri, që ta ndijnë vetën të sigurtë. Ata jetojnë në atdheun e tyre, jetojnë në shtëpinë e tyre, jetojnë në një përspektivë të së ardhmes së sigurt dhe shteti i Kosovës do të kujdeset për të gjithë në mënyrë të barabartë.

Gjithashtu i ftoj që të mos bëhen pjesë e manipulimit për pretekst të destabilitetit të Kosovës dhe të raporteve ndërfqinjësore. Nuk dëshiroi që në asnjë rrethanë që serbët e Kosovës, në veçanti ata në veri të viktimizohen për aspiratat e politikës nacionaliste apo ekspansioniste të regjimit të Beogradit.

Përgatiti: Artan Haraçia

Intervista – Mustafa: Kemi një eskalim të politikës së Serbisë në Kosovë, një rikthim të Serbisë në logjikën e Millosheviçit

Zëri i Amerikës: Zoti kryeministër, tensionet ndërmjet Kosovës dhe Serbisë shënuan një shkallë të lartë të shtunën për shkak të trenit të nisur nga Beogradi drejt Mitrovicës, ndërsa pasuan disa veprime si rasti i ish kryeministrit Haradinaj, ngritjes së murit në Mitrovicë etj. Sa kërcënuese janë për paqen e qëndrueshmërinë në Kosovë dhe rajon këto zhvillime?

Isa Mustafa: Tani unë mendoj se kemi një eskalim të politikës së Serbisë në Kosovë. Kryesisht është e orientuar në destabilizimin e relacioneve, por edhe situatës politike e cila pastaj do të ndikojë në gjendjen edhe në ekonomi edhe në fusha të tjera, jo vetëm tek shqiptarët, por të gjithë qytetarët e Republikës së Kosovës. Unë jam habitur me qëndrimin e zyrtarëve serbë edhe lidhur me deputetët e Listës serbe në Kuvendin e Republikës së Kosovës, edhe me anëtarët e qeverisë nga kjo listë nga të cilët është kërkuar në mënyrë shprehimore se ata duhet të mbrojnë dhe të përfaqësojnë interesat e shtetit serb këtu, ndërkaq ata janë përfaqësues të qytetarëve të Republikës së Kosovës, të qytetarëve serbë, por jo vetëm serb, sepse i kanë votat në tërë territorin e Republikës së Kosovës. Është një ndërhyrje shumë e rëndë dhe e dëmshme jo vetëm për parlamentin dhe qeverinë tonë, por edhe për serbët, sepse do të ishte shumë më mirë që ata të jenë në kuvend, të jenë në qeveri dhe të përfaqësojnë çdo ditë interesat e popullit serb, por edhe qytetarëve tjerë. Është pastaj problemi i cili tash lindi me zotin Haradinaj, i lëshimit të fletarresteve për ish luftëtarët e UÇK-së dhe qytetarët tjerë të Kosovës. Ne këtë problem e kemi hapur edhe në Bruksel dhe kemi kërkuar që të gjendet një zgjidhje. Nuk është gjetur ndonjë zgjidhje eksplicite në këtë aspekt, por kemi thënë se është një situatë shumë e rëndë, sepse po riaktualizohen fletarreste të tilla të cilat janë krejtësisht politike, sepse, Serbia nuk ka autoritet legjislativ mbi Kosovën. Këtë e ka humbur që në vitin 1999. Prandaj, është e pashpjegueshme edhe për ne se si institucionet ndërkombëtare dhe vende të ndryshme në suaza të INTERPOL-it, duhet të respektojnë fletarreste të tilla. Tani problemi themelor është që të zgjidhet çështja e fletarresteve. Çështja tragjike, të themi që i ka ndodhë në këtë rast zotit Haradinaj, është çështje tjetër, sepse flitet për një kryetar të një subjekti politik opozitar shumë të rëndësishëm në kuvendin e Kosovës, për një ish kryeministër të Republikës së Kosovës, për një njeri që në radhë e ka treguar pafajësinë e tij në Gjykatën Ndërkombëtare dhe nuk ka asnjë bazë. Mirëpo, problemi është që komuniteti ndërkombëtarë edhe BE-ja, por edhe vendet tjera të ndihmojnë që ato fletarreste të eliminohen përderisa edhe Kosova të mos behët anëtare e INTERPOL-it. Kemi pasur pastaj edhe veprime tjera siç ka qenë veprimi me ndërtimin e murit në Mitrovicë. Do të thotë është bërë vetëm një zhvendosje e barrikadës nga ura e Ibrit, andej urës tek rruga “Mbreti Peter”, e cila rrugë në bazë të marrëveshjes së Brukselit është pranuar të shndërrohet në shëtitore, por në asnjë rast nuk është biseduar as nuk ka pasur vendim, por as paralajmërim që të bëhet mur atje, sepse është e pakuptueshme që ata që pretendojnë të bëhen anëtar të BE-së, të një bashkimi, në mënyrë simbolike të themi, pa mure apo pa kufi, tani të ndërtojnë mure dhe kufi, në mënyrë që të ndajnë serbët nga shqiptarët dhe serbët t’i mbrojnë me mure, që është totalisht e papranueshme edhe si logjikë demokratike edhe si logjikë shtetërore e civilizuese. Muri është ndërtuar në mënyrë jo ligjore, pa asnjë bazë urbanistike ose ligjore dhe ai duhet të hiqet nga aty. Ndërkaq ishte edhe problemi i një treni provokues, sepse qytetarët duhet ta dinë se lëvizje të trenit ka pasur që nga viti 2008 në atë pjesë, edhe pse nuk është legjitimuar në asnjë rast me licencë të veçantë nga Autoriteti Rregullativ i Hekurudhave. Ne jemi për atë që qytetarët të lëvizin lirshëm, por kurrsesi që shteti i Kosovës të provokohet me një tren i cili pretendohet të futet në Kosovë me mbishkrime se “Kosova është Serbi”, do të thotë që janë krejtësisht synime okupuese ndaj Kosovës e cila ka shpallur pavarësinë dhe është njohur nga 113 vende të botës, e cila është në dialog me Serbinë në Bruksel për të zgjidhë problemet të cilat kanë mbetur. Dhe kjo flet për një sjellje ose për një rikthim të Serbisë në logjikën e (Slobodan) Millosheviçit dhe në logjikën e së kaluarës.

Zëri i Amerikës: Si i vlerësoni paralajmërimet e presidentit serb se Beogradi do të mund të dërgonte ushtrinë në Kosovë nëse ndodhë të vriten serbët?

Isa Mustafa: Në asnjë rast, e kam thënë edhe publikisht, nuk konsideroj se serbët në Kosovë janë të rrezikuar. Sepse, ne u kemi siguruar serbëve të Kosovës pjesëmarrjen në parlament edhe mbi fuqinë e proporcionalitetit të tyre, sepse është një diskrimimin pozitiv, për arsye se kanë pjesëmarrje shumë më të madhe sesa që është përqindja e banorëve serbë në Republikën e Kosovës. I kemi në parlament, i kemi në qeveri, në të gjithë institucionet e Republikës së Kosovës, i kemi siguruar të gjitha të drejtat. Është lëvizja e lirë dhe asnjë serb nuk ankohet se nuk mund të lëvizë lirshëm në tërë territorin e Kosovës. Kemi toleruar që edhe arsimi, derisa mos ta zgjidhim problemin, të funksionojë në pjesën e veriut të vendit, funksionin universiteti në pjesën veriore të Mitrovicës, e kemi zgjidhur problemin e policisë, jemi duke zgjidhur problemin e organeve të drejtësisë. Prandaj unë e shoh vetëm si një deklaratë edhe të papërgjegjshme politike, por edhe një rikthim të logjikës së vjetër të Serbisë për këtë pejsë, që është jo vetëm kërcënim ndaj Kosovës, por është edhe kërcënim në Ballkan. Dhe ne këtij kërcënimi nuk dëshirojmë t’i përgjigjemi me fjalë të njëjta. Ne jemi të interesuar që të jetojmë në bashkëjetesë, të kemi më fqinjët tanë fqinjësi të mirë edhe me serbët edhe me vendet tjera. Të sigurojmë të drejta të plotë të të gjithë qytetarëve tanë, të drejta të barabarta edhe të komunitetit shumicë edhe pakicë dhe bashkërisht të punojmë në integrimet tona evropiane dhe euro-atlantike. Gjërat e tilla i shohim më tepër si dobësi qoftë personale, qoftë dobësi të një regjimi ose të një pushteti në Serbi, por assesi si perspektivë që duhet të ndodhë në Ballkan.

Zëri i Amerikës: A keni shqetësim se mund të ketë ndonjë përpjekje për shkëputje të veriut të Kosovës, sikundër është thënë nga shumë analistë dhe vëzhgues gjatë këtyre ditëve?

Isa Mustafa: Po unë mendoj se shqetësimet në pikëpamje të stabilitetit gjithmonë ekzistojnë. për arsye se derisa ka kërcënime të tilla dhe ka veprime të tilla, atëherë nuk mund të themi se nuk ka shqetësime të tilla. Ne kemi pasur shqetësime edhe lidhur me trenin dhe në një periudhë të gjatë kohore e kemi konsideruar këtë çështje edhe me MPB-në edhe me agjencitë tjera, me ministritë tjera përkatëse që e mbulojnë këtë fushëveprimtari dhe kemi kërkuar të merren masa ligjore e kushtetuese. Dhe mendoj se e kemi arritur me një koordinim shumë të mirë ndërmjet institucioneve të Republikës së Kosovës, por gjithmonë duke ju referuar ligjit, institucionet që duhet të zbatojnë ligjin edhe në këtë fushë

Zëri i Amerikës: A jeni vonuar? Ka pasur shumë kritika se jeni vonuar në zgjidhjen e kësaj çështjeje, në përballjen me këtë situatë?

Isa Mustafa: Po mund t’ju them se nuk konsideroj që ka pasur asnjë vonim. Sepse, ne kemi filluar me kohë. Kemi biseduar edhe me faktorët ndërkombëtarë këtu edhe me përfaqësuesit e BE-së dhe ju kemi shprehur në fillim të javës së shkuar qëndrimet e qarta. Unë në zyrën time u kamë shprehur se nuk do të lejojmë të hyjë asnjë tren në Kosovë dhe të hyjë dikush tjetër me tren në Kosovë jashtë rregullave dhe ligjeve të Republikës së Kosovës. I kemi njoftuar edhe përfaqësueist e vendeve që janë partnerë strategjik të Kosovës, me ambasadorët e “quintit”, kemi pasur edhe Këshillin e Sigurisë Kombëtare, kemi biseduar me përfaqësuesit të policisë, të Agjencisë së Inteligjencës, me kryetarin e kuvendit në disa raste kemi pasur takime. I kemi koordinuar të gjitha veprimet. Pra këto janë veprime që koordinohen, sepse veprimet e ligjit, ose mënyra se si zbatohet ligji, nuk është çështje që duhet t’ua komunikojmë qytetarëve dhe publikut sepse policia dhe organet tjera ekzistojnë që ta respektojnë ligjin dhe ministritë tjera ekzistojnë që në moment të caktuar të merret vendim për aplikimin e ligjit dhe mbrojtjen e sovranitetit të vendit. Unë mendoj se është vepruar me kohë. Nuk ka pasur vonesa. Çështja e deklaratave pastaj është çështje tjetër.

Zëri i Amerikës; Pas ndalimit të zotit Haradinaj dhe zhvillimeve rreth trenit është kërkuar, kryesisht nga opozita që të ndërpriten bisedimet me Serbinë. në fakt sa kanë kuptim këto bisedime në këtë situatë?

Isa Mustafa: Unë mendoj se janë shpeshtuar kërkesat në kuvend, sepse çdo gjë që propozohet në kuvend, qoftë si debat i kuvendit, qoftë si interpelancë, e ka për propozim një pikë lidhur me ndërprerjen e bisedimeve. Dhe unë mendoj që kjo është gabim. Gabim e kanë edhe ata që e propozojnë, sepse unë do t’ua shtroja të njëjtën pyetje atyre. Në qoftë se ata do të vijnë në pushtet nesërm si do t’i zgjidhin problemet me të cilat ballafaqohet Kosova? A mund të zgjidhen këto probleme jashtë procesit të dialogut? Apo e kanë vetëm të ndërrojnë ata që zhvillojnë dialogun. Sepse janë probleme që ne nuk kemi alternativë tjetër të zgjidhjes. Unë mendoj se alternativa strategjike e zgjidhjes së problemeve që i kemi si Kosovë, është dialogu dhe s’kemi asnjë mundësi që të tërhiqemi, të bllokojmë ose të kushtëzojmë me dialog. Para se gjithash kur unë konsideroj se dialogu nuk po zhvillohet për të zgjidhur problemin e Serbisë, por dialogu po zhvillohet për të zgjidhur problemin e Kosovës. Sepse, ne nuk kemi hyrë ne territor të Serbisë që të mbajmë peng një pjesë të territorit të Serbisë dhe të themi se po e ndërprejmë dialogun sepse nuk dëshirojmë të flasim për këtë. Por po flasim për territorin e Republikës së Kosovës, i cili në një pjesë të saj ka mbetur akoma peng i disa strukturave paralele dhe të interferimit të Serbisë në atë pjesë të territorit, të cilën gjë, ne po mundohemi me këshillën e faktorit ndërkombëtarë, të SHBA-ve para së gjithash, por edhe BE-së, ta zgjidhim përmes procesit të dialogut. Dhe ky është proces i cili pa marrë parasysh se kush do të vijë nesër në qeveri, unë shpresoj se qeveria prapë do të mbahet me këtë organizim dhe këto forca politike, por çdonjëri që vjen, pa paragjykuar, do ta ketë dialogun si alternativë themelore. Alternativa tjetër është e Nikoliçit, janë kërcënimet e tij. Por, ne nuk mendojmë që ajo është alternativë e zgjidhjes së marrëdhënieve tona në Ballkan edhe me fqinjët tanë, por është procesi i dialogut.

Zëri i Amerikës: Por a nuk është dashur të kushtëzohet dialogu, ta zëmë me urdhër arrestet e lëshuara nga Beogradi?

Isa Mustafa: Çështja e fletarresteve është çështje e veprimit të institucioneve ndërkombëtare edhe të INTERPOL-it edhe të vendeve të caktuara. Opinioni duhet të dijë se ky nuk është problemi i Kosovës që është në dialog me Serbinë, por ka qenë një kohë të gjatë edhe problem i marrëdhënieve të Kroacisë me Serbinë. Para së gjithash duhet edhe ne të bëhemi anëtar të INTERPOL-it, por ne kërkojmë mirëkuptimin edhe të INTERPOL-it edhe të vendeve të BE-së dhe të vendeve tjera për këtë. Përndryshe, sa i përket vetëm Serbisë do ta kemi vështirë që ta bindim Serbinë që të tërheq fletarrestet që janë krejtësisht politike, të pabaza, janë të padrejta, sepse nuk ka të drejtë sovrane që Serbia të veprojë në këtë formë. Por, ne i kemi disa probleme jetike të Kosovës që po na pengojnë çdo ditë të marrim frymë edhe po na pengojnë të zhvillojnë aktivitetet tjera dhe për këtë arsye po e zhvillojmë dialogun.

Zëri i Amerikës: Por të paktën ndryshimi i formatit të tij a do të mund të ishte më i frytshëm sesa deri tash?

Isa Mustafa: Unë plotësisht pajtohem me ju sepse në qoftë se vazhdojmë më formatin që është deri më tani mendoj se s’do të arrijmë të zgjedhim shumë probleme, s’do të arrijmë të implementojmë marrëveshjet sepse deri më tani thënë në mënyrë simbolike po bisedojmë tre herë për të njëjtën çështje. Një herë bisedohet për të arritur marrëveshje, pastaj hera e dytë bisedohet për implementimin e marrëveshjes, pastaj herën e tretë për teknikalitetet ose teknikën e implementimit të marrëveshjes që po ndodhë që katër vjet ose pesë vjet të bisedohet vetëm për një marrëveshje dhe pastaj ato po bëhen vetëm çështje të takimeve në Bruksel të disa nënshkrimeve, por po bëhen marrëveshje të parealizueshme. Ne duhet ta bëjmë një situatë që ta kemi një pako të caktuar të marrëveshjeve për një fushë të cilën e arrijmë për menjëherë dhe që arritja e marrëveshjes nënkupton edhe teknikën e implementimit të kësaj marrëveshje.

Zëri i Amerikës: Në këtë kuadër, Serbia është duke bërë trysni përmbi juve, do të thotë mbi Prishtinën, bashkë me serbët e Kosovës, për themelimin sa më të shpejtë të Asociacionit të komunave me shumicë serbe, përndryshe është paralajmëruar se në mes të shkurtit ata mund ta themelojnë vet atë. Çfarë do të bëjë apo si do të sillet Prishtina në një rast të tillë në qoftë se ata veprojnë vet?

Isa Mustafa: Po unë mendoj se ne e kemi bërë të qartë se është edhe orientim edhe qëndrim i yni që ne ta themelojmë Asociacionin e komunave me shumicë serbe sepse kemi një vendim të Gjykatës Kushtetuese i cili ka dhanë orientimet dhe kornizën se si duhet të themelohet Asociacioni, në mënyrë që të mos cenohet kushtetuta, por po ashtu ka thënë që Asociacioni duhet të themelohet sepse Asociacioni është bërë pjesë e rendit juridik të Kosovës, që këtë të dytën nganjëherë mundohet edhe opozita ta fsheh edhe thotë se Gjykata Kushtetuese ka vendosë se s’duhet të themelohet. Në të vërtetë Gjykata Kushtetuese ka vendosë se duhet të themelohet, sepse është bërë pjesë e rendit juridik porse duhet të themelohet duke i marrë parasysh të gjitha rekomandimet që i ka dhanë kjo Gjykatë për ta ruajtur frymën kushtetuese dhe normën kushtetuese te ne dhe ne jemi në gjendje të ulemi çdo moment të lejojmë ose të aktivizojmë ekipin menaxhues që të punojë në statutin e Asociacionit. Marrëveshja është që ky ekip duhet të koordinojë me ambasadën e Shteteve të Bashkuara të Amerikës, me zyrën e Bashkimit Evropian, me OSBE-në, me Ministrinë e Administrimit të Pushtetit Lokal, por për këtë duhet të kthehen serbët në qeveri sepse edhe ata duhet të jenë pjesë edhe në Kuvend, pjesë e kësaj pune dhe qeveria do të procedojë dhe institucionet e Republikës së Kosovës do të procedojnë. Kjo nuk nënkupton që ne do të shkelim Kushtetutën, sepse Asociacioni s’mund të ketë kompetenca ekzekutive dhe të jetë pushteti i trete, por mund të ju ndihmojë themi komunave me shumicë serbe ose qytetarëve që ata më shpejtë t’i realizojnë disa kërkesa të tyre sa i përket pozitës së tyre ekonomike, sociale, arsimore e të tjera, që unë mendoj se vetëm sa i kontribuon demokracisë së brendshme dhe integrimit të serbëve në Kosovë.

Zëri i Amerikës: Nëse ata e provojnë ta bëjnë vet, pa juve?

Isa Mustafa: Do të thotë ai mund të jetë vetëm një Asociacion ose një organizim i cili mund të jetë fiktiv, por ai nuk mund të funksionojë nëse nuk është në harmoni më kushtetutën dhe nëse nuk themelohet ashtu si Gjykata Kushtetuese e ka përcaktuar. Ne nuk do ta pranojmë, do ta vlerësojmë si veprim ilegal, jo kushtetues, jo ligjor, dhe s’do të lejojmë që ai të implementohet dhe të funksionojë në territorin e Republikës së Kosovës.

Zëri i Amerikës: Zoti kryeministër një çështje tjetër që ka shkaktuar krizë politike në Kosovë dhe që është bërë temë debati tashmë 1 vit e gjysmë gati është ajo e kufirit me Malin e Zi. Cila është rrugëdalja?

Isa Mustafa: Rrugëdalja është që deputetët ta votojnë marrëveshjen e nënshkruar, sepse, kjo vetëm mund të prolongohet, por unë jam i bindur që nuk ka vijë tjetër kufitare dhe s’ka marrëveshje tjetër e cila mund të jetë substitut ose zëvendësim i kësaj marrëveshje. Ne e kemi themeluar edhe një komision, i cili nuk është ai i cili e zëvendëson komisionin e parë për përcaktimin e vijës kufitare, por është një komision për matjen e territorit në mënyrë që të heqim të gjitha dyshimet ose të themi ta vërtetojmë qartë para qytetarëve të Republikës së Kosovës se sa kilometra katrorë i ka pasë Kosova, se sa ka qenë territori i Kosovës para nënshkrimit të marrëveshjes më Malin e Zi dhe sa është pas nënshkrimit të marrëveshjes më Malin e Zi, në mënyrë që të shuhen të gjitha dilemat që janë krijuar te qytetarët se ne i kemi humb 8200 apo sa hektarë, për të cilat na ka akuzuar opozita dhe se ne po shesim territor të Kosovës për të marrë liberalizimin e vizave. Unë kam thënë publikisht se ne s’e japim asnjë hektar për liberalizim, por po ashtu nuk ka të drejtë askush që të mbajë peng qytetarët e Republikës së Kosovës, edhe të rinjtë edhe të tjerët edhe ata që duhet të bëjnë biznese edhe ata që kanë perspektivë të shkollohen jashtë, t’i vizitojnë prindërit e tyre, familjarët e tyre për arsye të disa orekseve edhe qëllimeve të tyre thjeshtë politike. Ne tani kemi marrë propozimin e gati të gjitha subjekteve për komisionin për matjen e territorit të Republikës së Kosovës, nuk i kemi marrë akoma propozimet vetëm nga partitë opozitare, nga Vetëvendosja, Aleanca dhe Nisma. Nga të gjitha subjektet e tjera do të thotë kemi diku rreth 17 subjekte kemi marrë propozimet, do të fillojmë javën e ardhshme që komisioni të punojë dhe ta bëjë detyrën e tij. por po ashtu pres që deri atëherë t’i kemi edhe propozimet e partive opozitare me ekspertë të tyre, sepse nuk kanë arsye që të mos dërgojnë ekspertë. Të vijnë ekspertët edhe do ta vërtetojnë të kundërtën në qoftë se, të kundërtën themi të territorit që e ka konstatuar komisioni shtetëror, por unë mendoj se jemi në një situatë në të cilën ne duhet të jemi unik, duhet të kemi parasysh edhe gjendjen në të cilën po veprojmë dhe që është në dobi të të gjithëve që ne ta sqarojmë territorin tonë dhe të themi se këto janë vijat të cilat Krahina e Kosovës përpara i ka pasë kufijtë dhe të cilat nuk i lëvizim në asnjë rast dhe që në këta kufij ne e shënojmë themi edhe me Malin e Zi por nesër edhe me Serbinë kufirin shtetëror.

Zëri i Amerikës: Duke pasur parasysh pikërisht faktin që me Serbinë nuk ka ende as një fillim bisedimesh për çështjen e demarkacionit, si të matet territori zoti kryeministër nuk e kam shumë të qartë, si mund të matet territori kufijtë e të cilit ende nuk janë të përcaktuar qartazi?

Isa Mustafa: Po tash kjo pyetje mund të shtrohet edhe për opozitën, si e ka mat opozita territorin që ne i kemi humbë 8200 hektarë? Unë mendoj se përgjigja është shumë e thjeshtë, përgjigja është që ne e kemi territorin si e ka pasë Kosova si krahinë, i kemi kufijtë që ne si krahinë autonome përpara i kemi pasë kufijtë me Serbinë dhe ne ata kufij konsiderojmë se duhet të shndërrohen në kufij shtetërorë dhe koordinata e matjes së territorit të vihen në ata kufij, kufij që Kosova i ka pasë dhe i ka sot me Serbinë edhe pse nuk janë shndërruar në kufij akoma shtetërorë, janë, do të thotë kemi një trashëgimi të kufijve administrativë por nuk dëshirojmë që Kosova si shtet me shtetet fqinje të ketë kufij administrativ, por duhet të ketë kufij ndërkombëtarë, pra duhet koordinatat të vihen në kufijtë që Kosova i ka pasë si krahinë edhe të matet, sepse mbi ato është konstatuar se kemi humb territor tash mbi ato ne po i masim prapë dhe po konstatojmë se a kemi humb apo jo. Konstatimi është dhanë nga opozita s’është dhanë nga ne, sepse ne kemi pohuar gjithmonë se s’kemi humb asnjë kilometër katrorë.

Zëri i Amerikës: Zoti kryeministër diskutimet rreth kësaj çështje nuk kanë qenë vetëm pjesë e opozitës, edhe një pjesë e vet koalicionit qeverisës ishin kundër kësaj forme të demarkacionit. Nëse as pas kësaj matje të kufirit nuk ka një unitet rreth kësaj çështje, a e keni shqyrtuar ndonjëherë mundësinë që vendi mund të shkojë në zgjedhje të reja?

Isa Mustafa: Mendoj se zgjedhjet e reja nuk janë arsye sepse në qoftë se do të ishin arsye zgjedhjet e reja atëherë këtë duhet ta thotë opozita që ne e pranojmë këtë kufi vetëm se do të bëhen zgjedhjet e reja, në qoftë se kjo është qëllimi themelor, por ata s’kanë thënë që e pranojnë, por ata po vërtetojnë sepse s’mundet që nëse i fitojnë zgjedhjet tash me thanë ne i fituam, por ne po ia falim tash Malit të Zi 8200 hektarë, të cilët ka dashtë më ia falë qeveria e mëparshme, në qoftë se është fjala për humbje të territorit atëherë askush s’mundet që ta merr këtë përgjegjësi. Ndërkaq sa i përket deputetëve që nuk janë të opozitës, që janë të partive tona edhe të LDK-së unë kam, jo vetëm deputetë të LDK-së por ka ekspertë LDK-ja që shiten si ekspertë dhe që trumbetojnë tërë ditën se ne po humbim atë territor. Unë në rast kur qeveria e konstaton edhe komisioni i ekspertëve e konstaton territorin, unë do të kërkojë edhe përgjegjësi ligjore ndaj atyre të cilët na kanë akuzuar se ne kemi shitë territor sepse nuk është kjo çështje vetëm e deklaratave politike edhe e dëmit politik që i bëhet vendit, por është çështje edhe e dëmit juridik edhe e dëmit institucional, sepse nuk dëshiroj që as kjo qeveri as unë si kryetar i kësaj qeverie të dal si tradhtarë nga kjo qeveri, se unë kam dashtë ja të humbi territor dhe t’i falë territor një shteti tjetër, në qoftë se dikush më ka akuzuar për atë, kur një komision shtetëror konstaton se askush s’ka shitë territor, atëherë ata duhet të dalin e të përgjigjen qoftë për ekspertizën e tyre profesionale dhe ta mbrojnë atë ekspertizë para organeve të drejtësisë se a është ashtu siç kanë thanë, ose duhet të marrin edhe dënimin e merituar për një dëm që po i shkaktojnë vendit, sepse askush nuk mund të provojë që të mbajë në geto qytetarët e Republikës së Kosovës, që dikujt i shërben që ai nesër ndoshta do të merr vota në një pjesë ose në një kënd të këtij vendi më shumë sesa që ka marrë deri më tani.

Zëri i Amerikës: Hipotetikisht, në qoftë se komisioni që e keni paralajmëruar nxjerr se vendi ka humbur tokë, çfarë do të veproni në rast të tillë?

Isa Mustafa: Në rast të tillë ne si qeveri do të marrim përgjegjësi.

Zëri i Amerikës: Që nënkupton?

Isa Mustafa: Marr përgjegjësi që nënkupton se ne do të marrim menjëherë masa ndaj komisionit qeveritar që ne na e ka propozuar një vendim të tillë edhe po ashtu ndaj të gjithë atyre që kanë kontribuar që ta kemi një marrëveshje të tillë. Do të thotë, ne e marrim përgjegjësinë dhe për këtë arsye edhe po e bëjmë, do të thotë ne kërkojmë përgjegjësi, në qoftë se ne atëherë edhe unë publikisht dal si kryeministër edhe them që pa marrë parasysh që unë nuk e kam matur territorin e Republikës së Kosovës, do të thotë unë kam qenë ai i cili e kam drejtu një mbledhje të qeverisë në të cilën i kam pyet përfaqësuesit e komisionit se a është kjo e saktë, në rast se garantojnë, dhe kanë thanë po, por megjithatë do të thotë ne si qeveri e kemi proceduar këtë dhe ne marrim përgjegjësi si qeveri por edhe komisioni edhe anëtarët e komisionit që kanë punuar, në qoftë se dëshmohet kemi humb territor gjatë shënjimit të vijës kufitare.

Rakiq-Veselit: Askush të mos provojë ta rrënojë me forcë murin në Mitrovicë

U takon autoriteteve lokale që të vendosin se çka do të ndërtojnë në territorin me të cilin administrojnë, ka thënë kryetari i komunës veriore të Mitrovicës, Goran Rakiq.

Këtë deklaratë ai e ka bërë si përgjigje ndaj zotimeve të udhëheqësve të institucioneve qendrore në Prishtinë, se muri i ndërtuar në pjesën veriore të Mitrovicës, do të rrënohet së shpejti.

Rakiq tha se në marrëveshjen e Brukselit, të arritur në dialogun ndërmjet Prishtinës dhe Beogradit, palët janë pajtuar që të rivitalizohet ura kryesore mbi lumin Ibër, përkatësisht që në rrugën “Kral Petar”, ku parashihet edhe hapësira për këmbësorë, në njërën prej pikave të marrëveshjes, sipas tij, potencohet se punimet do t’i kryejë komuna veriore e Mitrovicës.

“Kuvendi i Kosovës e ka ratifikuar Marrëveshjen e Brukselit, kështu që rezoluta dhe deklaratat për rrënimin e murit nuk ka kurrfarë baze juridike”, ka deklaruar Rakiq.

Deklarata për rrënimin e murit, ka vijuar Rakiq, shqetësojnë banorët serb në pjesën veriore.

“Askush të mos provoj që me dhunë të rrënoj murin”, ka porositur Rakiq.

Mesazhet politike të Rakiqit për murin në Mitrovicë, pasuan zotimet e përsëritura në Prishtinë se ky muri është ilegal, ndarës dhe si i tillë do të rrënohet.

Së fundit, kryetari i Kuvendit të Kosovës, Kadri Veseli ka deklaruar se muri do të rrënohet para 17 shkurtit, kur Kosova do të festojë Ditën e Pavarësisë.

Qehaja: Serbia synon aneksimin e veriut

Ramadan Qehaja vlerëson se planet e mirëpërgatitura të Serbisë janë në funksion të arritjes së qëllimeve që kanë të bëjnë me aneksimin e veriut të Kosovës me mjete dhe metoda të kombinuara konvencionale e jokonvencionale

Në mbledhjen e Këshillit të Sigurisë Kombëtare të Serbisë, që është ftuar dje nga presidenti Tomislav Nikolliq, i janë dhënë detyra konkrete çdo subjekti. Toni i tyre kërcënues ngërthen në vete planet e mirëpërgatitura në funksion të arritjes së qëllimeve që kanë të bëjnë me aneksimin e veriut të Kosovës me mjete dhe metoda të kombinuara konvencionale e jokonvencionale. Kështu ka deklaruar gjatë një interviste për gazetën “Zëri” ish-gjeneralmajori në Armatën Jugosllave, tanimë të shpërbërë, Ramadan Qehaja, duke shtuar se tashmë pritet të ketë edhe intensifikim detyrash dhe pranisë së agjentëve të shërbimit inteligjent civil e ushtarak serb, jo vetëm në atë pjesë të territorit, por në tërë territorin e Kosovës.

Eksperti i çështjeve ushtarake dhe të sigurisë, Ramadan Qehaja, i rekomandon institucioneve të Kosovës që të sigurojnë gatishmërinë vepruese të Policisë së Kosovës në funksion të dekonspirimit dhe reagimit ndaj pretendimeve të cekura më lart. “Kjo punë duhet bërë në koordinim të ngushtë me Agjencinë e Kosovës për Inteligjencë (AKI)”, shprehet ai.

Po ashtu, sipas tij, është më se urgjente që Policia e Kosovës të furnizohet tutje me mjete të blinduara, armë të gjata krahu dhe pajisje tjera personale. Ndërsa, njësitet speciale, sipas tij, duhet urgjentisht të pajisen me helikopterë për bartjen e njësiteve në pika të caktuara dhe të zgjerohen numerikisht konform nevojave. “Zhvillimi i këtyre njësiteve duhet bërë si një proces e jo veprime ad-hoc, duke menduar në intensifikimin e tyre që tani”, shprehet Qehaja

Në Beograd po thonë: Prishtina e ka në plan pushtimin e veriut!

Kthimi mbrapsht i trenit nacionalist serb nga Kosova vazhdon ta mbajë në këmbë politikën ditore serbe me përplot retorikë kundër shqiptare në Kosovë.

Kështu, kryetari i Këshillit për Kosovën në Kuvendin e Serbisë Milovan Drecun ka deklaruar se ngjarjet rreth trenit janë pasojë e presionit afatgjatë ekonomik e politik që Prishtina bën ndaj serbëve.

Ai mendon se këto ngjarje kanë lidhje me faktorët ndërkombëtarë, ndërsa pret që nga “sjellja e administratës së re amerikane të varet zhvillimi i mëtejmë i ngjarjeve përreth Kosovës”.

Drecun ka theksuar se ka plane të Prishtinës për “pushtimin e veriut dhe instalimin e institucioneve të saj, dhe, kjo sipas tij, dëshmon militarizimin veriut: ”Në radhë janë Podujeva, Bajgora, Mitrovica jugore”, ka thënë ai pa treguar se të gjitha këto janë pjesë përbërëse të Kosovës dhe se nuk ka si të ndodhë që Kosova ta pushtojë Kosovën .

Sipas Drecunit, “të gjitha bëhen për të zvarritur formimin e Asociacionit të Komunave serbe, i cili, sipas tij bën boshtin e Marrëveshjes së Brukselit”.

Natyrisht Drecunit dhe zyrtarëve të tjerë nga Serbia nuk u ka pëlqyer gatishmëria e institucioneve dhe e njësive policore të Kosovës për ta mbrojtur territorin dhe sovranitetin e vendit. Ai, madje, këtë gatishmëri e ka quajtur terrorizëm.kd

Faqja 132 prej 187« Fillimi ‹ Prapa 128 129 130 131132133 134 135 136 Para ›Fundi »

Kreu i AAK-së, Ramush Haradinaj, ka kujtuar masakrën e Rogovës së Hasit përmes një postimi në Facebook, duke thënë se veç në Kosovë ndodh që një vend kaq i vogël të tregojë sa të mëdha janë plagët e popullit.

Bashkëshortja e kreut të Aleancës për Ardhmërinë e Kosovës, Ramush Haradinaj, ka treguar për qëndrimin e saj në Shtetet e Bashkuara të Amerikës, ku mori pjesë në inaugurimin e presidentit Donald Trump.

Ambasadorja e Kosovës në SHBA, Vlora Çitaku ka pasur rastin të takohet me presidentin e zgjedhur Donald Trump, të nominuar për Sekretar të Shtetit, Tillersonin dhe Këshilltarin për Siguri Kombëtare, Flynn.

Asnjë prej pajisjeve elektronike, të cilat janë sekuestruar nga aktivistët e “Vetëvendosjes” dhe i janë nënshtruar ekspertizës nga Agjencia Kosovare e Forenzikës, nuk ka rezultuar me ndonjë gjetje apo provë që do t`i bënte përgjegjës për sulmin te Kuvendi i Kosovës.

Përgatiti: Artan Haraçia

Kthimi mbrapsht i trenit nacionalist serb nga Kosova vazhdon ta mbajë në këmbë politikën ditore serbe me përplot retorikë kundër shqiptare në Kosovë.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL