Për politikanët kosovarë, gënjeshtra dhe mashtrimi janë shndërruar në çelës të suksesit, ndërsa hajnia në çelës të pasurimit të tyre. Përveç këtyre pasioneve, politikanët kosovarë janë pajtuar edhe me turpin si dukuri të zakontë në jetën e tyre. Kur vjedhin e mashtrojnë nuk ndihen të turpëruar, madje as kur tradhtojnë njëri-tjetrin dhe elektoratin e tyre nuk u skuqet fare fytyra!
Me këto metoda antihumane të veprimit, politikanët e ditëve të sotme i kanë sjellë shumë të mira materiale vetes, familjeve dhe farefisit të gjerë të tyre, duke filluar nga postet e privilegjet e pushtetit e deri te pasurimi i skajshëm.
Në anën tjetër, për fat të keq në mesin e popullatës edhe pse tashmë jemi të lirë, ende ekziston psikologjia e robit dhe nënshtrimit. Të gjithë ata, që në një mënyrë apo tjetër e ndajnë mendjen e të qëndruarit besnikë ndaj pushteteve antipopullore, s’janë gjë tjetër veçse robër dhe të nënshtruarit e të gjitha pushteteve në Kosovë, nga koha e regjimit titist, millosheviqian e deri te ky i ditëve të sotme, i cili nuk dallon aspak dhe për asgjë nga pushtetet e pasluftës në Kosovë.
Si pasojë e kësaj, përvjetori i 10 i pavarësisë, shtetin e Kosovës e gjenë përpara sfidës më të madhe dhe më të rrezikshme që nga paslufta, e cila përveq kthimit prapa në pikën zero, të vitit 1999, rrezikon ri-kthimin nën Rezolutën 1244 të KS të OKB-së, e cila e njehë Kosovën pjesë integrale të Serbisë, duke rrezikuar seriozisht të arrituren më të madhe kombëtare në shekullin e fundit-Republikën e Kosovës, e arritur kjo e përbashkët me miqt ndërkombëtar.

Me qeveritarët pa vizion, shteti drejt vdekjes “klinike”

Shtetit tonë nuk i mjaftuan 19 vjet nga paslufta dhe 10 vjet nga njohja ndërkombëtare për të ndërtuar institucione kredibile, zhvillim ekonomik, mirëqenie qytetare dhe stabilitet politik
Në rrethana normale, çdo vendi të dalë nga një luftë çlirimtare do t’i mjaftonin më pak se pesë vite për t’u konsoliduar në të gjithë mekanizmat shtetërorë, do t’i mjaftonin më pak se dhjetë vite për zhvillim të qëndrueshëm dhe stabilitet ekonomik.
Ndodhë kështu pasi të fortët e politikës e diktojnë ligjin dhe drejtësinë në vend, për të mbetur gjithnjë të paprekshëm nga drejtësia, edhe përkundër shkeljeve dhe abuzimeve serike me institucionet shtetërore, deri në shkeljen e aktit më të lartë juridik në vend-Kushtetutës së Republikës së Kosovës. Për ironi të faktit, shkelësit e Kushtetutës në vend të ndëshkimit, shpërblehen me poste në institucionet më të larta të shtetit!
Targën e shkatërrimit të shtetit e bartin ata që e kanë pushtetin në dorë e jo të nëpërkëmburit e tyre, ndërsa si gjithnjë çmimin e paguajnë qytetarët e vendit, shtresat më të rrezikuara të popullatës, të varfrit dhe pensionistët me të ardhurat më të ulëta jo vetëm në rajon, ndoshta në tërë globin, pasi ekzistojnë vetëm dhjetëra shtete me gjendje katastrofale të qeverisjes siç është Kosova.
Mungesa e vizionit politik e liderëve shtetërorë në njërën anë, krimi i organizuar dhe korrupsioni në anën tjetër janë bërë pengesa serioze të ecjes së shtetit dhe mirëqenies qytetare.
Vetëm një klasë e re politike, me vizion të qartë, me ide të shëndosha dhe projekte konkrete zhvillimore mund ta çojë përpara shtetin, në të kundërtën, me këtë klasë politike të papërgjegjshme dhe servile ndaj ndërkombëtarëve mund t’i kalojmë edhe 19 vite të tjera me kriza dhe skandale politike të llojit të njëjtë, në agoni, në mjerim social, pa shpresë për ardhmëri, drejt vdekjes “klinike” të shtetit, me qytetarë të heshtur që u ngjajnë të sëmurëve në gjendje “kome”…!
Vetëm lëvizja progresive e qytetarëve është shpëtim për vendin. Qytetarët aktivë në jetën shoqërore janë burim shprese dhe ardhmërie për vendin e tyre, ndërsa pasiviteti qytetar e shndërron shtetin në një moçal, ku as bretkosat nuk mbijetojnë.

Bashkësia ndërkombëtare duhet të dëshmojë prezencën e saj në Kosovë

Edhe përkundër prezencës së fuqishme ndërkombëtare në Kosovë, të mekanizmave politikë (BE dhe SHBA), ushtarako-policorë (KFOR dhe EULEX) dhe shërbimeve të shumta të intelegjencës, Kosovës së sotme të mbushur përplotë prapaskena dhe padrejtësi, po i mungon vetëm prezenca e jashtëtokësorve (UFFO-ve) për të plotësuar mozaikun e një vendi krejtësisht jashtligjorë.
E thashë pikërisht kështu, për faktin se edhe përkundër gjithë mekanizmave ndërkombëtar të sundimit të ligjit, që afro 19 vite rresht në vend të drejtësisë sundon vetëm anarkia!
Ndodhë kështu pasi të fortët e politikës dhe nëntoka kriminale e bëjnë ligjin dhe “drejtësinë” në Kosovë.
Do t’u hyja në hak sikur të përmendja emrat e ndonjërit prej politikanëve, prokurorëve apo gjykatësve, pasi e gjithë skena politike dhe ajo e drejtësisë është bërë përafërsisht e njëjtë.
Pavarësisht cili subjekt politikë vjen në pushtet, asnjëri nga politikanët, prokurorët dhe gjykatësit nuk i mbrojnë interesat e qytetarëve. Secili në mënyrën dhe stilin e vet mundohet të shkëputë diçka nga pasuria publike dhe tenderomania e bizneseve të pista për t’u pasuruar në mënyrë të jashtligjshme brenda një mandati politik ose më pak se kaq!
Përfundimisht ka ardhur koha, që edhe bashkësia ndërkombëtare e instaluar në Kosovë të dëshmojë vetën se është e përkushtuar për sundim të ligjit dhe për qasje të barabartë të qytetarëve para drejtësisë, për zhvillim ekonomik dhe mirëqënje të popullatës në përgjithësi, në të kundërtën, në një të ardhme të afërt në Kosovë më shumë do të kemi pushtetarë se sa qytetarë, ku ndoshta edhe UFFO-t do të zbresin për ta bërë Kosovën një vend 100 % jashtëligjorë!
Këtë shkrim dëshiroj ta përfundoj me një tënje të Gore Vidal: “Politika përbëhet nga dy fjalë, ‘poli’, e cila është fjalë greke dhe do të thotë ‘shumë’ dhe ‘tik’, një lloj insekti gjakpirës” (Gore Vidal).

Albin Kurti (Foto nga arkivi)

Lëvizja Vetëvendosje ka nisur sot zgjedhjet e brendshme. Për kryetar të Lëvizjes Vetëvendosje është paraqitur vetëm një kandidaturë, ajo e Albin Kurtit. Vendvotimet në Kosovë janë hapur në orën 10 dhe procesi i votimit do të zgjasë deri në orën 19.

Më pas Komisioni Zgjedhor i Përgjithshëm i këtij subjekti, do të fillojë numërimin e votave dhe pritet të shpallë rezultatin preliminar.

Muajt e fundit, Lëvizja Vetëvendosje është përballur me probleme të shumta të brendshme. Ky subjekt është ndarë në dy taborre, ata që kanë përkrahur kandidaturën e Albin Kurtit për kryetar të këtij subjekti dhe ata që e kanë kundërshtuar kandidimin e tij për këtë pozitë.

Drejtues të strukturave të larta të kësaj partie, kanë dhënë dorëheqje, përfshirë këtu edhe kryetarin e saj, Visar Ymerin dhe nënkryetarin, Dardan Sejdiu, si dhe një numër tjetër të anëtarëve të Lëvizjes Vetëvendosje, të cilët aktualisht janë edhe deputetë në Kuvendin e Kosovës.

Presidenti i Serbisë, Aleksandër Vuçiçi, ka porositur në Kosovë se Serbia do të japë gjithçka nga vetja për ta ruajtur paqen, se do të bëjë gjithçka që mospajtimet shumëshekullore me shqiptarët të zgjidhen, që të sigurohet paqe dhe siguri e qëndrueshme për të gjitha familjet serbe dhe shqiptare.
Ai e ka bërë këtë deklaratë para Manastirit në Banjska, ku edhe e ka nisur vizitën e tij në Kosovë.
Vuçiq i ka porositur serbët e Kosovës se duhet të mbesin dhe mbijetojnë në vatrat e tyre, duke thënë se për këtë do t’i ndihmojë shteti i Serbisë.
“Nuk guxohet që të jemi më pak në territorin, në vendin ku kemi jetuar gjithmonë dhe për këtë arsye, si shtet do të luftojmë në të gjitha mënyrat”, ka thënë Vuçiq.
Ai ka theksuar se qëllimi i vizitës së tij në Kosovë është që të bisedojë me serbët edhe për sigurinë, pas vrasjes së Oliver Ivanoviçit, si dhe për atë se cilat organe ua garantojnë sigurinë.
“Të shohim se si dhe në cilën mënyrë do t’i zhvillojnë hetimet. Ne do të shkëmbejmë informacione, sepse po shoh që po flasin për shkëmbim të informacioneve edhe pse kemi kërkuar që të marrim pjesë në hetime. Por, do të presim, jo rrëfimet për gazeta, por rezultatet përfundimtare të hetimeve. Të shohim se a do të sjellin hetimet deri te kryerësit e krimit të neveritshëm në Mitrovicë ose jo. Nëse kjo nuk ndodhë, atëherë mjaft gjëra do t’i kemi të qarta”, ka thënë Vuçiq.
Ai ka shtuar se është e nevojshme gjetja e moduseve të reja që ruajtjasigurisë dhe paqes së serbëve të bëhet më e qartë.
Vuçiq theksoi se është e rëndësishme edhe gjetja e mekanizmave të ri në luftën kundër kriminalitetit dhe korrupsionit në radhët e veta.
Ai ka shtuar se Qeveria e Serbisë ka investuar mjaft në renovimin e kishave në Kosovë dhe se do të vazhdojë ta bëj këtë edhe më tej. Gjithashtu, ai e ka cilësuar të rëndësishme që të përfundojë projekti i vendbanimit banesor “Lugina e diellit’.
Peshkopi Teodosije, me këtë rast, ka thënë se vizita e Vuçiqit është mjaft e rëndësishme dhe se për serbët në Kosovë është e pamundur mbijetesa pa shtetin e Serbisë.
Ndryshe, presidenti i Serbisë, Aleksander Vuçiq, në Kosovë po qëndron për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinjë.
Vizita e Vuçiqit në Kosovë pason katër ditë pas vrasjes së Oliver Ivanoviqit, siç ka paralajmëruar ai, për të biseduar me serbët.
Pas vizitës në Manastirin në Basnjska, Vuçiq do të udhëtojë përnë Mitrovicën veriore,në Fakultetin e shkencave teknike për të mbajtur një takim të mbyllur, ku do të bisedojë me përfaqësuesit politik dhe institucional të serbëve të Kosovës.
Ndonëse në agjendën e tij nuk është paralajmëruar, pritet që Vuçiq të vendosë kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.
Më pas, është paraparë që Vuçiq të udhëtoj për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokal.
Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policiado të zbatojë planin operativ të veçantë, me rastin e vizitës së presidentit serb.
Me urdhër të Drejtorisë kryesore të policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.
Ndonëse më herët ishte paralajmëruar që Vuçiq do të qëndrojë dy ditë në Kosovë, ai do ta përfundojë vizitën të shtunën, pas takimit me qytetarët lokal në Llapna Sellë.
Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.

Vizita e presidentit të Serbisë Aleksandër Vuçiç në Manastirin Banjsa në Kosovë

Presidenti i Serbisë, Aleksandër Vuçiq, ka arritur në Kosovë, ku do të qëndrojë për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinjë, rreth orës 10 e 45 minuta.

Vizita e Vuçiqit në Kosovë pason katër ditë pas vrasjes së Oliver Ivanoviçit, siç ka paralajmëruar ai, për të biseduar me serbët.

Sipas planit të vizitës është paraparë që Vuçiq, fillimisht po qëndron në veri të Kosovës, ku po viziton Manastirin e Banjskës,e më pas do të qëndrojë në Fakultetin e Shkencave Teknike në Mitrovicën veriore, në një takim të mbyllur, do të bisedojë me përfaqësuesit politik dhe institucional të serbëve të Kosovës.

Vuçiq në Manastirin e Banjskës

Ndonëse në agjendën e tij nuk është paralajmëruar, pritet që Vuçiq të vendosë kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.

Më pas, është paraparë që Vuçiq të udhëtojë për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokal.

Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policia do të zbatojë planin operativ të veçantë, me rastin e vizitës së presidentit serb.

​Me urdhër të Drejtorisë kryesore të policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.

Ndonëse më herët ishte paralajmëruar që Vuçiq do të qëndroj dy ditë në Kosovë, ai do ta përfundojë vizitën të shtunën, pas takimit me qytetarët lokal në Llapna Sellë.

Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.

MITROVICE- Presidenti i Serbisë ka shkuar sot për një vizitë në Kosovë. Mësohet se Vuçiç ka shkuar në Mitrovicën e Veriut, duke marrë shkas nga vrasja e liderit serb, Oliver Ivanoviç.

Siç raportojnë mediat kosovare mësohet se Vuçiç rreth orës 10:30 ai vizitoi manastirin Banjska, ndërsa në orën 11:30 do të ketë takim me përfaqësuesit serbë në Fakultetin Teknik në Mitrovicën e Veriut. Raportohet se më pas presidenti serb rreth orës 17:00 të pasdites do të ketë takime me qytetarë në Llapnasellë.

Kujtojmë se Oliver Ivanoviç u vra pak ditë më parë në veri të Mitrovicës para zyrës së tij, ndërsa vrasësit dhe motivet e krimit ende nuk dihen.

Autoritetet e rendit në Kosovës, thanë për Radion Evropa e Lirë, nuk kanë ndonjë plan të veçantë lidhur me vizitën e Presidentit të Serbisë Aleksandër Vuçiç në Kosovë.

“Policia e Kosovës si çdo herë e bënë përgatitjen e planit operacional për të ofruar siguri në të gjitha rastet e vizitave të gjitha delegacioneve të shteteve të huaja në Kosovë”, tha Baki Kelani zëdhënës i policisë.

Presidenti serb do të qëndrojë të shtunën në Kosovë, ku sipas njoftimeve nga kabineti i tij, ai në veri të Kosovës do të takohet me përfaqësuesit politikë të serbëve kurse në pjesën qendrore, në Llapna Sellë do të zhvillojë një bashkëbisedim me qytetarët.

Ministria e Punëve të Jashtme të Kosovës thotë se ka miratuar më 17 janar kërkesën që Vuçiçi të vizitojë Kosovën.

Vetura e djegur, e gjetur të martën pas vrasjes së Oliver Ivanoviçit në Mitrovicë, ka origjinën nga Serbia, ka konfirmuar për Radion Evropa e Lirë, zëvendësdrejtori rajonal i Policisë së Kosovës në Mitrovicën Veriore, Besim Hoti. Po ashtu, kjo veturë, ka zinxhirin e pronarëve në Serbi, ka thënë ai.

Këto informacione, Policia e Kosovës, sipas tij, i ka siguruar përmes organizatave ndërkombëtare, nga të cilat ka kërkuar ndihmë për hetimet rreth këtij rasti.

Sidoqoftë, ende nuk është dëshmuar nëse kjo veturë ka lidhje direkte me rastin Ivanoviq, por është një prej pistave të hetimeve.

“Aktualisht po shqyrtohen faktet e mbledhura, siç janë video-xhirimet si dhe janë marrë deklarata nga disa dëshmitarë”, ka thënë Hoti.

Sipas tij, hetimet në lidhje me rastin Ivanoviq po zhvillohen me një intensitet të plotë nga ana e grupit punues hetues që vepron nën mbikëqyrjen e prokurorit shtetëror.

“Grupi punues hetimor përbëhet prej punonjësve hetues të policisë dhe ekspertë të nivelit qendror dhe lokal. Kur them niveli lokal, mendoj në Drejtorinë e Policisë Rajonale të Veriut dhe të një grupi punues i policëve hetues nga Prishtina. E gjithë puna zhvillohet në bashkëpunim të ngushtë me përfaqësuesit e EULEX-it”, tha Hoti.

Një rol aktiv në procesin hetimor, ka kërkuar edhe Beogradi, përmes organeve shtetërore të Serbisë. Sipas ministrit të Drejtësisë në Qeverinë e Kosovës, Abelard Tahiri, Ministria e Drejtësisë e Republikës së Serbisë ka kërkuar shkëmbim të informatave rreth hetimeve që po zhvillohen në lidhje me vrasjen e Oliver Ivanoviqit.

Tahiri i ka thënë Radios Evropa e Lirë se Qeveria e Kosovës dhe organet kompetente të përfshira në këtë rast, shprehin gatishmërinë dhe vullnetin për bashkëpunim dhe për ndarjen e informacioneve për zbardhjen e këtij rasti.

Por, ka nënvizuar ai, procesi i hetimeve do të zhvillohet nga organet e Kosovës, duke mos lejuar që këtë proces ta zhvillojë një shtet tjetër.

Që të zbardhen dyshimet e mundshme, kryeministri i Kosovës, Ramush Haradinaj ka lënë të hapur mundësinë që të ftohet për hetime edhe një palë e tretë, por jo nga Serbia.

Halil Matoshi nga kabineti i kryeministrit të Kosovës, Ramush Haradinaj, tha se “për të hequr dilemat, kryeministri i Kosovës, Ramush Haradinaj ka ftuar eventualisht FBI-në që të jetë pjesë e hetimeve”.

Ivanoviq, i cili ishte lider i Iniciativës qytetare “Liria, Demokracia, Drejtësia” është qëlluar për vdekje të martën para selisë së partisë së tij, në Mitrovicën Veriore. Sipas Policisë së Kosovës, mbi Ivanoviqin është qëlluar 6 herë me armë zjarri të kalibrit 9×19 mm, me shurdhues.

Kryeministri Ramush Haradinaj është në përpjekje për ta gjetur një “justifikim” të fortë, pas të cilit do të kërkonte nga deputetët e Kuvendit të Kosovës që ta mbështesnin marrëveshjen e kufirit me Malin e Zi, shkruan sot Koha Ditore.

Për këtë, Qeveria e tij ka kërkuar edhe ndihmën e Podgoricës zyrtare, kanë thënë burime të gazetës.

Kur ne të kuptojmë së hijenat i kemi kojshi , kur të kuptojmë së udhëheqësit tanë nuk janë duke e kryer punën mirë, ndoshta do të jetë teper vonë për ti riparuar dëmet e shkaktuara.Nuk do të dijmë së qfarë qmimi do të paguajmë edhe në vitin 2018… Ne të gjitha anët e Kosovës i kemi permendorët e martirëve dhe dëshmoreve të kombit. Ne çdo cep të Kosovës gjenden ata të cilët dhan jetën për liri dhe pavarësi të Kosovës nga Serbia , e cila po na kërcnon më luftë edhe sot. Kosova historikisht u mbush më varre të atyre të cilët e mbrojtën vendin e tyre , të cilët e mbrojtën dinjitetin dhe qenjën e tyre kombëtare. Na vranë armiqët serbosllav aty ku mbrrin, na pushkatuan dhe bën masakra , na sakatuan më bomba , na kositëm më mitralozë duke na gjuajtur në varreza dhe në puse historikisht.

Pyetja është e thjeshtë: a është ky rrefim i mjaftueshem për të kuptuar të gjithë së gjithmonë duhet ti kujtojmë të rënët, së gjithmonë duhet ti nderojmë ata të cilët sakrifikuan për lirinë të cilët po e gëzojmë të gjithë sot?Mos pikërisht për këtë gjë edhe na duhen më shumë informacione .Kosova nuk na duhet më dy fytyra. Me njënen të keqe dhe tjetër të mirë.Nuk duhet të lejojmë të na përseritet historia .Nuk na duhen as vitet e largeta jo të mira për shqiptarët, nuk na duhen as vitet 1941- 1945 , ku partizanët në emer të lirisë vranë patriotët më në zë të popullit tonë ?Nga distanca historike nuk e kemi veshtirë të dallojmë së cila ishte e mira dhe cila ishte e keqja për shqiptarët.Ne fund të shekullit të kaluar tagrin e lirisë e paguam shtrejtë , por dolëm fitues karshi armikut shekullorë serb.E fituam pavarësinë bashkë më miqët tanë evropianë dhe amerikanë.Serbia u mposht ushtarakisht , u mposhtën edhe në jo civilizimin e tyre .Dolëm fitues së mbrojtem trojet tona shekullore . Dolëm fitues së lufta jonë kishte kauzë të drejtë, ishte luftë për mbijetës.Si duket nuk jemi duke bërë dallim e qartë të pardigmës së fashizmit dhe antifashizmit, si dy eksterme ideologjike .Kosova duhet të rezonojë më në fund më mendje te kthjelltë dhe më përgjegjësi të plotë të zgjedhë rrugën e demokracisë, të zgjedhë rrugën e prosperitetit , të zgjedhë rrugën evroatlantike, së alternativat tjera na fusin në qorrsokak.

Problemi primar shtrihet në dozën e shtuar të arrogancës tonë, në prepotencën dhe mos dijën e akterëve të inkuadruar në politikë.Nuk po kuptojmë se nuk po dojmë të kuptojmë së Serbia si armik I përhershem ,punon në destabilizmin e Kosovës, së punon edhe në ripushtimin ushtarak të Kosovës siq u kërcnua Vulin nga një tubim në Serbi.Serbët historikisht u shërbyen me rrena duke i përseritur ato deri atëherë kur edhe i kan arritur ta plasojnë si të vërteta.Vranë historikisht pjestarët e popullit të vet për ti arritur objektivat pushtuese, për ta shumfishuar territorin e tyre më territore të huaja .Edhe pas Millosheviqit , Serbia po udhëhiqet nga millosheviqet e vegjël . Serbët më luftë arritën ta formojnë “Republika Serpska” në Bosnje, dhe këtë gjë po e provojnë, e nuk janë shumë largë ta arrijnë edhe më ndarëjn e veriut të Mitrovicës në Kosovë në kushte te paqës.Vrasja e njeriut që vrau shqiptarë , Oliver Ivanoviqit u bë pikërisht për vurjën e kufirit mbi uren e lumit Iber, të cilën e mbatjën të bllokuar për shumë vite kriminelët “Rojat e Urës”.Neglizhenca dhe mos interesimi I organeve tona për të vu kontrollin e plotë mbi veriun e vendit ka mundësi të na kushtojë shumë.Edhe deklarata e presidentit serb, Aleksander Vuçiq se nëse Organet e Sigurisë së Kosovës nuk e zbardhin të vërtetën rreth vrasjes së Oliver Ivanoviçit, Serbia do të reagojë për ti kryer hetimet e vrasjës vetë, përbën një kërcënim serioz për Sovranitetin e KosovësLeja që Vuqiq ta viziton Kosovën më 20 dhe 21 janar më duket së nuk është aspak e qëlluar, dhe ka për qëllim shtimin e tensioneve nder etnike ne veri dhe destabilizimin e Kosovës…

Kryeministri i Kosovës, Ramush Haradinaj ka reaguar lidhur me një deklaratë që gjatë ditës e ka bërë nënkryetari i Organizatës së Veteranëve të Luftës së Ushtrisë Çlirimtare të Kosovës, Nasim Haradinaj.
Nënkryetari i OVL-së të UÇK-së, e ka quajti “palaço”, ambasadorin amerikan Greg Delawie, pasi që sipas tij, me deklarata e bëra, Delawie po i thyen të gjitha rregullat dhe përgjegjësitë që ai ka si diplomat.
Kryeministri Ramush Haradinaj në reagimin e tij në rrjetin social facebook, thotë se “në këtë kohë kur Kosova po ballafaqohet me debat të brendshëm rreth Dhomave të Specializuara, gjuha fyese në këtë debat është e dënueshme për këdo”, është shprehur Haradinaj.
Ai ka shkruar po ashtu se deklarimet fyese nuk i bëjnë nderë askujt dhe dëmtojnë proceset zhvillimore.
“Fyerja e shprehur publikisht e z. Nasim Haradinaj është në kundërshtim të plotë me etikën tonë të diskursit publik dhe normat të cilave iu përkushtohemi si qytetarë të Kosovës. I bëj thirrje të gjithëve që të distancohen dhe të përmbahen nga të shprehurit e një fjalori të tillë ndaj kujtdo qoftë”, ka thënë Haradinaj.
Të mërkurën, ambasadori amerikan në Prishtinë, Greg Delawie u ka bërë thirrje përfaqësuesve politikë në Kosovë që të heqin dorë nga shfuqizimi apo ndryshimi i Ligjit për Gjykatën Speciale. Në të kundërtën, ai ka thënë se politikanët që do të përballen me pasoja të rënda.

Jetlir Zyberaj, shef i kabinetit të ministrit të Punëve të Jashtme të Kosovës, Behgjet Pacolli, ka bërë të ditur se presidentit të Serbisë, Aleksandër Vuçiç, i është miratuar kërkesa për të vizituar Kosovën.
“Ne bazë të kërkesës, të cilën presidenti i Serbisë ua ka dërguar insitucioneve të Republikës së Kosoës, për vizitë në Kosovë, ne i kemi dhënë leje dhe presim nga ai që t’i respektojë rregullat e lejes gjatë qëndrimit në Kosovë”, ka deklaruar Zyberaj.
Vuçiçi ka bërë kërkesën për të vizituar Kosovën të shtunën dhe të dielën, më 20 dhe 21 janar.

24 orë pas vrasjes së Oliver Ivanoviçit, autoritetet kosovare ende nuk kanë identifikuar asnjë të dyshuar për vrasjen e ish-deputetit serb të Kosovës. 

Hetuesit kosovarë kanë marrë për ekzaminim xhirimet e kamerave të sigurisë që ndodhen në rrugën në të cilën ndodhet selia e partisë së politikanit serb të vrarë në Veri të Mitrovicës, pranë të cilës ndodhi atentati.

Dy prej kamerave, ndodheshin pikërisht në objektin në fjalë, drejt të cilit ishte nisur ish-zyrtari i Qeverisë së Kosovës, në kohen kur u qëllua me gjashtë plumba në gjoks nga një pistoletë e tipit “Zastava”, nga një person ende i paidentifikuar.

Kryeprokurori i Prokurorisë Themelore të Mitrovicës, Shyqeri Syla, që bashkë me një koleg të tij serb po hetojnë bashkë vrasjen e Oliver Ivanovqit, ka treguar se është ende në pritje të ekzamimimeve të incizimeve të marrë nga këto kamera.

“Nuk kemi raporte hala të ekzaminimeve të tyre”, i ka thënë Syla të mërkurën Gazetës Express.

“Janë marrë disa kamera, në atë rrugë çka ka pasur kamera”, ka thënë ai.

I njëjti ka konfirmuar se përveç kamerave, në ekzaminim është edhe një veturë e tipit “Opel Astra” që u gjet gjysmë e djegur, pak kilometra larg vendit ku u krye krimi.

“Janë duke u kryer ekspertizat e kamerave dhe veturës”, tha kryeprokurori i Mitrovicës.

Megjithatë, vrasësi që dyshohet se qëlloi ish-deputetin Ivanoviq, e më pas me veturën ‘Astra’ u largua nga vendi i ngjarjes, nuk është identifikuar nga autoritet kosovare.

Hetuesia dhe Prokuroria ende nuk kanë ndonjë të dyshuar rreth këtij rasti, 24 orë pas.
“Jo. Ende nuk ka ndonjë të dyshuar”, ka konfirmuar Shyqeri Syla për Gazetën Express.

Oliver Ivanoviq është figura më e lartë politike e vrarë në Kosovë, në 15 vitet e fundit. Ai ka qenë për disa mandate deputet i Kuvendit dhe zyrtarë i lartë i Qeverisë së Kosovës.

Ivanoviq së fundi ka qenë duke u përballur me aktakuzën për krime lufte, ndonëse ishte i dënuar nga Themelorja për vrasjen dhe dëbimin e shqiptarëve nga Veriu, por rasti ishte kthyer në rigjykim.

Pas vrasjes së Oliver Ivanoviçit, Policia e Kosovës ka ofruar shpërblim prej 10.000 eurosh për cilindo qytetar që jep informacione lidhur me kryesit e kësaj vrasjeje, raporton Express.

Që nga marrja e informacionit Policia e Kosovës është angazhuar rreth zbardhjes së vrasjes se Oliver Ivanoviçit që ndodhi mëngjesin e sotëm në rrugën “Sutjeska” në veri të Mitrovicës. Por, për identifikimin sa më të shpejt të kryerësve të këtij akti kriminal, Policia kërkon ndihmën e qytetarëve dhe kujtdo që mund të ketë informacione të rëndësishme për zbardhjen e rastit.

Policia e Kosovës apelon tek qytetarët që mund të kenë ndonjë njohuri rreth rastit t’a ndihmojë policinë me informacione për gjetjen e autorit/ve të këtij akti dhe për këtë ofron një shpërblim prej 10.000 euro (dhjetëmijë euro), për cilindo qytetar i cili mund të jep informacion të cilat shpien në zbardhjen ose zbulimin e këtij rasti.

“Qytetarët të cilët kanë informacione lidhur me këtë rast mund ato t’i dërgojnë në këto numra telefoni dhe e-mail adresën e poshtëshënuar:

Tel:-080019999 ose-  192, dhe e-mail: [email protected]

Thirrjet në këta numra të telefonit janë pa pagesë për të gjithë qytetarët, dhe policia do ta ruaj striktë të drejtën e anonimitetit apo fshehtësisë së identitetit në këta numra telefoni dhe në këtë e-mail adresë, përveçse nëse personat vetë, vullnetarisht deklarohen ndryshe”, thuhet tutje në njoftimin dërguar mediave, transmeton Express.

“Policia është duke punuar në mbledhjen dhe analizimin e të gjitha fakteve dhe dëshmive relevante për të zbardhur sa më parë këtë rast dhe për të sjellë para drejtësisë sa më parë që të jetë e mundur kryerësin/it e kësaj vepre kriminale”, thuhet në njoftim.

Miroslav Ivanovic, vëllai i liderit te serbeve ne Kosove, Oliver Ivanovic, flet pas tragjedise dhe lajmit shokues qe mori per vdekjen e te vellait.

Gjatë një deklarate për Sputnik ku edhe konfirmoi vdekjen e Oliverit me pesë të shtëna, thotë se ai nuk e kishte marrë seriozisht kur makina e tij u vu në zjarr disa kohë më parë

Nga paslufta e deri sot asnjëherë Kosova nuk ka qenë në situatë më të tendosur politike, më e ndarë dhe përçarë, më e katandisur dhe mjegulluar në të ardhmen e saj. Shkaqet e kësaj ndarje janë të gjata e të thella, saqë jo një shkrim autorial, por një libër i tërë nuk do të mjaftonte për elaborimin në mënyrë kronologjike dhe në detaje të çdo aspekti të katandisjes sonë përgjatë dy dekadave të fundit. Përderisa qytetarët janë vëzhguesi më i mirë i të gjitha situatave, gazetarët e denjë dhe të pavarur janë shkruesit e drejtë të historisë tonë të re. Në rrethanat e pluralizmit politik, gazetaria nuk guxon të jetë partiake dhe as në shërbim të grupeve të interesit, ashtu sikurse që gazetari nuk duhet të vrapojë pas lajmeve sensacionale, pas ngjarjeve të çastit që zhvendosin vëmendjen e opinionit publik ndaj ngjarjeve shumëfish më të rëndësishme,…por duhet të jenë në shërbim të të gjithë qytetarëve të vendit, duke u bërë forcë kreativiteti dhe zë i fuqishëm i i ndryshimeve të përgjithshme shoqërore dhe zë plural i respektuar nga opinioni i gjerë,…gjithnjë në kërkim të lajmit, edhe atëherë kur nuk ai shihet dhe dëgjohet apo tentohet të fshihet nga të tjerët,…për t’i bërë gjithmonë të qartë lexuesit; kjo është e vërteta dhe ky është interpretimi im! Partitë politike, respektivisht liderët partiakë dhe elitat politike në vend janë bërë përçarësit më të mëdhenj dhe më fatal të shqiptarëve. Qytetarët e dëshpëruar, të lodhur dhe rraskapitur nga humbja e të gjitha shpresave për jetë në vendin e tyre janë duke i përdorur si ushqim grupet kriminale dhe mafio-oligarkët ekonomikë.

Papërgjegjësia shtetërore e Hashim Thaçit ka rrezikuar interesat e Kosovës

Gjykata Speciale, kjo padrejtësi e radhës ndaj shqiptarëve, e ardhur si pasojë e dështimit në qeverisjen e vendit, gjegjë- sisht krijimit të një sistemi kredibël gjyqësor në vendin tonë në njërën anë dhe dështimit të Kosovës në politikën e jashtme, respektivisht të dështimit total në dialogun e Brukselit. Kështu, përvjetori i 10-të i pavarësisë, shtetin e Kosovës po e gjen përpara sfidës më të madhe dhe më të rrezikshme që nga paslufta, e cila, përveç kthimit prapa në pikën zero, të vitit 1999, rrezikon rikthimin nën Rezolutën 1244 të KS të OKB-së, e cila e njeh Kosovën pjesë integrale të Serbisë. Vënia e fatit personal të liderëve shtetërorë para interesit të shtetit është lojë e tepër e rrezikshme, e cila përveçse do të vërë në pikëpyetje marrëdhëniet me shtetet e Quintit, gjegjësisht me Amerikën, Britaninë, Francën, Gjermaninë dhe Italinë, mbi të gjitha rrezikon të ardhmen e shtetit tonë, të arriturës më të madhe kombëtare në shekullin e fundit, e arritur e përbashkët kjo me miqtë ndërkombëtar. Në rast se puçi i liderëve kosovarë kundër Gjykatës Speciale do të ketë sukses, atëherë pasojat për shtetin do të jenë të pariparueshme dhe konsekuencat tepër të gjata për qytetarët e vendit. Për shfuqizimin eventual të Ligjit për Dhomat e Specializuara të Gjykatës Speciale, përgjegjësia në radhë të parë duhet të kërkohet nga presidenti i shtetit Hashim Thaçi, i cili derisa ishte në postin e kryeministrit të vendit e solli Specialen nën presionin e paparë kundër deputetëve të partisë së tij dhe vartësve tjerë të tij në Kuvendin e Republikës së Kosovës. Pa dashur të lëshohem në “arsyet” që e shtyn Thaçin të ndërrojë mendje ndaj “Speciales”, në momentin që hedhet në votim ligji, nga deputetët duhet të kërkohet shkarkimi i menjëhershëm presidentin Hashim Thaçi nën akuzat për tradhti kombëtare, rrezikim të shtetit dhe jetës së qytetarëve. Nga përgjegjësia nuk duhet të lirohen as ata deputetë që asokohe e votuan Gjykatën Speciale, ndërsa tani janë të gatshëm t’ia vënë flakën vendit për mbrojtjen e interesave të liderëve partiakë. Në asnjë rrethanë, nuk duhet lejuar që populli i Kosovës të ngarkohet me përgjegjësi kolektive për fajin e individëve të papërgjegjshëm, sikurse që nuk duhet lejuar rrezikimin e shtetit për “lëkurën” e njollosur të individëve të caktuar,….e aq më tepër nuk duhet lejuar të barazohen krimet gjenocidale të Serbisë kundër shqiptarëve të Kosovës me krimet e mundshme individuale qofshin ato ndaj serbëve apo ndaj të tjerëve gjatë luftës së fundit çlirimtare.

Hipokrizia e LDK-së me vrasjet e pasluftës

Në anën tjetër, partitë politike duhet të tregojnë kujdesin maksimal në evitimin e përçarjeve të thella në mesin e popullatës, të mos ngrisin urrejtje patologjike duke përdorur lojën e “patriotit” inekzistent dhe “tradhtarit” imagjinarë. Loja plot hipokrizi e LDK-së me vrasjet e pasluftës, është lojë tepër e rrezikshme për të ardhmen e vendit. Hipokrizia e skajshme e lidershipit të saj dhe përdorimi i ish- veprimtarëve të vrarë, viktima të akteve kriminale për qëllime politike mund ta dërgojë vendin drejt urrejtjes së skajshme, e cila mund të përfundojë me hakmarrje të tmerrshme ndaj njëri-tjetrit deri në vëllavrasje ndërshqiptare. Loja e turpshme e lidershipit të LDKsë me familjet e veprimtarëve të vrarë ndodh sa herë që ky subjekt kalon në opozitë! Aktivizimi i energjive “pozitive” vjen në shprehje jo si rezultat i respektit dhe kujdesit që kanë ndaj bashkëpartiakëve të vrarë, por si nevojë për arritjen e qëllimeve personale për ri-marrjen e pushtetit. Kjo që e ceka më sipër është vërtetuar disa herë në qeverisjet e pasluftës. Sa herë që LDK-ja ka ardhur në pushtet, çuditërisht janë harruar vrasjet e veprimtarëve të saj. Edhe përkundër faktit se LDK-ja pjesën më të madhe e ka kaluar në pushtet, duke udhëhequr me Ministrinë e Drejtësisë dhe atë të Punëve të Brendshme, asnjëherë dhe as për një moment të vetëm nuk u morën me zbardhjen e vrasjeve të veprimtarëve të saj! Me të humbur pushtetin, liderët e LDK-së i aktivizojnë të gjithë mekanizmat propagandues të nxitjes së urrejtjes dhe mllefit qytetarë kundër oponentëve të saj politik, me të cilët deri dje përqafoheshin në qeverisjen e vendit! Ka ardhur koha që edhe kësaj loje të ndyrë dhe plot hipokrizi t’i vijë fundi. Pasi dihet qartë mandati i Gjykatës Speciale. Andaj të mos manipulohet opinioni me vrasjet e pasluftës, të cilat nuk do të jenë pjesë e agjendës së kësaj gjykate! Mesazhi i këtij shkrimi do të ishte ky; “Të gjitha partitë politike, veprimtarët dhe atdhetarët të punojnë bashkërisht për zbardhjen e të gjitha vrasjeve të pasluftës, por njëkohësisht të tregojnë kujdesin maksimal për ruajtjen e unitetit në radhët e popullatës, pavarë- sisht veprimeve të Gjykatës Speciale. Interesi i shtetit është mbi interesat dhe fatet personale të individëve!

Vrasjen e liderit të SDP-së, Oliver Ivanoviç e ka konfirmuar për Express në Prokurorinë Themelore të Mitrovicës Shyqeri Syla.

Sipas Sylës sulmuesit ende të panjohur kanë shtënë drejt tij me tre plumba.

“Oliver Ivanoviq kandërruar jetë nga plagët e marr ame armë zjarri nga një sulmues ende i panjohur. Ai është vrarë para selisë së partisë. Sulmi u krye nga një veturë në lëvizje”, ka thënë Syla për Express.

Teksa policia thotë se makina me të cilën dyshohet se është kryer sulmi është djegur menjëherë pas atentatit ndaj ivanoviqit.

“Persona ende te paidentifikuar kanë sulmuar me armë zjarri Ivanoviqin. Pas atentatit, personat kane ikur nga vendi i ngjarjes. Nderkohë një veture është djegur në lagjen e doktorëve. Policia tashmë po e heton këtë rast” ka thënë Besim Hoti për Gazetën Express.

Ekzekutohet me armë në Mitrovicë lideri serb, dalin detajet e para

Lideri i iniciativës qytetare “Liria, Demokracia, Drejtësia” [SDP] në Kosovë, Oliver Ivanoviq, është vrare ne nje atentat.

Oliver Ivanoviç lindi më 1 prill 1953 në fshatin Rznic afër Deçanit. Ai mbaroi shkollën fillore dhe inxhinierike mekanike në Mitrovicë. Ishte pionier i Akademisë Ushtarake në Zagreb, por u largua pas tre vjetësh. Ai u diplomua nga Fakulteti i Inxhinierisë Mekanike në Mitrovicë dhe u diplomua nga Fakulteti i Ekonomisë në Prishtinë.

Ka punuar në kompaninë transportuese të Mitrovicës TransKosovo, në fabrikën e pllakave qeramike të Mozaikut dhe në zyrën e Hepokut në Mostar. Prej vitit 1991 deri në 1998 ai ishte kreu i qendrës sportive në Kosovska Mitrovica. Ai shërbeu si zëvendës drejtor i përgjithshëm i kompanisë “Feronikl” nga Glogovac deri në 2004, kur u bë drejtor i Shërbimit Kombëtar të Punësimit për Kosovë dhe Metohi.

Kur u formua Këshilli Kombëtar Serb në vitin 1999, Ivanoviç u bë kryetar i Komitetit Ekzekutiv të tij për veriun e Kosovës. Prej atij vendi ai u zëvendësua në vitin 2001. Kur qeveritë e RFJ-së dhe të Serbisë formuan Qendrën Koordinuese për Kosovën dhe Metohinë, të emëruar si Shef i Shërbimit për Zhvillim Ekonomik dhe Rindërtim.

Që nga viti 2008, ai ishte sekretar i shtetit në Ministrinë e Kosovës dhe Metohisë. Ai ishte anëtar i Partisë Social Demokratike që nuk ekziston më. Ai ishte një instruktor dhe një arbitër ndërkombëtar karate. Ai ishte kryetar i klubit të karatesë “Trepça”. Ai ishte i martuar dhe babai i tre djemve.

Ish-kryeministri i Kosovës, njëherësh kryetari i Lidhjes Demokratike të Kosovës, Isa Mustafa, gjatë ditës është nisur drejt Gjermanisë për shkak të problemeve shëndetësore. Lajmin e ka konfirmuar, Besnik Berisha, këshilltarë i ish-kryeministrit Mustafa.
“Gjendja shëndetësore e zotit Mustafa është stabël në drejtim të përmirësimit. Mustafa do të shkojë në Gjermani mënyrë që t’iu nënshtrohet disa ekzaminimeve për një diagnoze të saktë”, tha Berisha.
Për shkak të gjendjes shëndetësore, këto ditët e fundit, Mustafa ka qenë i shtrirë në një spital privat në Prishtinë.
Mbrëmë më anë të një komunikate për media, Qeveria e Kosovës theksoi se i ofron mbështetje Mustafës me të gjitha ndihmat institucionale.
“Qeveria e Kosovës dhe kryeministri Ramush Haradinaj janë me familjen Mustafa për t’i ofruar mbështetjen dhe përkrahjen për shërimin e shpejt të ish-kryeministrit Isa Mustafa. Qeveria e Republikës së Kosovës do të ofrojë gjithë ndihmën institucionale për shërimin e z. Mustafa”, thuhet në komunikatën e Qeverisë.

Kryetarit të Lidhjes Demokratike të Kosovës, Isa Mustafa, i cili po vuan nga një grip, i është komplikuar gjendja shëndetësore. Gazeta Express ka mësuar se ish-kryeministri i vendit, i cili është i shtrirë që disa ditë në Spitalin Amerikan në Prishtinë, tani do të dërgohet për shërim në Gjermani. Mustafa aktualisht është i palëvizshëm, për shkak të problemeve shëndetësore.

Ish-Kryeministri Isa Mustafa ka një javë që është shtrirë në Spitalin Amerikan në Prishtinë. Pak informacion është dhënë nga partia e tij, Lidhja Demokratike e Kosovës, si dhe nga familja për shëndetin e Mustafës, pos që përmes një komunikate është kumtuar se ai është shtrirë në spital si pasojë e gripit.

Megjithatë, gjendja shëndetësore e liderit opozitar është pak më serioze – sesa një grip i zakonshëm sezonal. Gazeta Express ka mësuar se ish-Kryeministri nuk është ne rrezik jete, mirëpo, për shkak te trajtimit me vonesë të gripit, gjendja shëndetësore i është komplikuar seriozisht.

Ai nuk është në gjendje të lëvizë, ndërsa për t’u rehabilituar plotësisht duhet të kalojnë muaj të tërë.

Sipas burimeve të besueshme të Gazetës Express, ish-kryeministri i vendit do të dërgohet për shërim jashtë vendit.

Mustafa do të shtrihet nesër në një spital të Gjermanisë, deri në përmirësimin e gjendjes së tij.

Gazeta Express ka provuar të kontaktojë me zyrtarë të LDK’së lidhur me shëndetin e Mustafës, por nuk ka arritur të flasë me ndonjërin.

Por, sipas burimeve të gazetës, mjekët dyshojnë se Kryetari i LDK’së është prekur nga sindoroma “Guillain-Barré syndrome”.

Trajtimi i kësaj sëmundjeje, për njerëzit që nuk kanë aktivitet të fortë fizik, apo për ata të cilët janë më në moshë, është shumë i vështirë dhe sëmundja mundet me lënë pasoja.

Burimet kanë thënë për Gazetën Express se mjekët janë duke kërkuar shkakun e kësaj gjendjeje dhe ndër shumë dyshimet e tyre se çka ka mundur ta shkaktojë këtë gjendje te Mustafa është edhe një sindromë shumë e rrallë.

Sipas këtyre burimeve, mjekët dyshojnë që Mustafa mund të jetë prekur edhe nga “Guillain-Barré syndrome” (GBS).

Sindroma GBS është një çrregullim në të cilin sistemi imunitar i trupit sulmon një pjesë të sistemit nervor periferik.

Simptomat e para të këtij çrregullimi përfshijnë shkallë të ndryshme të dobësisë ose ndjesive. Këto simptoma mund të rriten me intensitet derisa muskuj të caktuar nuk mund të përdoren fare dhe, kur është e rëndë, personi është pothuajse tërësisht i paralizuar.

Një individ i tillë shpesh vihet në një ventilator për ta ndihmuar me frymëmarrje dhe është parë nga afër për probleme të tilla si rrahje jonormale të zemrës, infeksione, mpiksje të gjakut dhe presion i lartë ose i ulët të gjakut.

Shumica e individëve, megjithatë, kanë shërim nga kjo sindomë, edhe pse disa vazhdojnë të kenë një shkallë të caktuar të dobësisë.

Dallimet politike dhe dallimet ekonomike -sociale kan hy në fazen kritike në Kosovë.Shqiptarët shquheshin si njerëz të vyeshem , të dobishem për familje për shoqëri, të dashur për njeri- tjetrin e shumë qka pozitive, të cilat tipare kan hy në fazën e harresës kolektive ! Shqiptarët ishin popull tolerant e pak kan mbetur.

Ngadalë po shëmben këto vlera njerëzore , po depërtojnë antivlerat , urrejtja …Këto po bëhën gjithnjë më haptazi dhe po bëhën edhe te rrezikshme .Gjithnjë e më shumë po i përqafojmë të keqijat si kriminalitetin, korrupcionin e dukuritë tjera negative .Kjo po dëperton në mentalitetin tonë që është fatkeqësi edhe më e madhe.Me shumë po kthehemi mbrapa .Nuk po mendojmë dhe as nuk po veprojmë në mënyre racionale .Me shumë po kemi histori së sa demokraci, dhe kjo nuk fletë hiq mirë për gjendjën në shoqëri.Urrejtja e ndërsjellë është duke lëshuar rrenjë në gjendjën tonë morale .Nuk është shumë vështirë të konstatojmë së cilët janë fajtorët e një gjendje të tillë .

Pushtetet e deri tashme, por edhe ne të gjithë. Gjendja në Kosovë po shkon kah banaliteti .Kjo nga fakti së gjendja po keqësohet. Resurset shoqërore dhe pasuritë tjera po vazhdohet të keqpërdorën më të madhe.Konfrontimi i negativiteteve shoqërore sigurisht së nuk kalon pa pasoja. Pse përfaqësuesit ndërkombëtar në Kosovë nuk po reagojnë më zëshem dhe më fuqishem për ti kapercyer më shpejtë veshtirësit e tranzicionit , po ashtu izolimin dhe varfërinë ekstreme… ? Nuk po reagojnë së disa nga ta janë burokrat, disa nuk po reagojnë pse janë korruptuar , disa nuk po reagojnë nga fakti së në Kosovë nuk ka konfrontime te armatosuara, e disa nuk po reagojnë së do të deshironin ndoshta ngatrresa të mëdha , që Ballkani prap të bëhët mjet I lojerave gjeostrategjike .

Ku është dalja ? Qe opozita qytetare të them ashtu të merre nisma , që më metoda të reja politike ta kontrollon punën e pushtetit !Jeta politike të bëhët në atë mënyrë që shoqëria mos të rreshqas në neofashizëm, i cili shumë ka gjeneruar !Të largohen nga postet e larta dhe të vogla të gjithë ata të cilat kan rënë ndesh më kushtetutën dhe me ligjet e Kosovës.Ndryshimi i gjendjës të bëhët duke I ruajtur më qdo kusht normat demokratike të sjelljës, paqën, sigurinë dhe stabilitetin .Qytetarëve të Kosovës ju duhet një energji e re shumë më pozitive , e jo të preferohet heshtja e madhe karshi problemeve të cilat lidhen më jetën .Lufta për avansimin e proceseve demokratike, lufta për zhvillim dhe mirëqenje , lufta për të dalë nga izolimi është detyrë patriotike e secilit prej nesh, nuk është punë vetëm e pushtetit.

Rruga Euroatlantike e Kosovës nuk ka alterativë ,sikurse nuk ka alternativë së duhet ecur guximshem përpara për ti shpërthyer të gjitha barrierat .Të promovojmë shtet , ku qytetari të jetë Sovrani.Të promovojmë shtet ku qytetari të trajtohet -NJERI në kuptimin e plotë të fjalës!Kjo është rruga më e shëndetshme për shtetin . Ta ndërtojmë shtetin ashtu si na kan lën amanet shumë martirë dhe dëshmorë të kombit, të cilët po prehen në qdo cep të Kosovës.Sigurisht së na duhet një Kosovë më ndryshe, shumë më e avansuar dhe më e zhvilluar në të gjitha drejtimet e jetës dhe të punës.Të gjithë duhet të jemi shumë më serioz në punën të cilën e bëjmë.Mos ti koritim të parët tanë .Nuk jam i sigurt së kur do të bëhëmi shumë më serioz , por megjithate le të mbetet e shënuar…

Mbledhja e Kryesisë së Kuvendit të Kosovës, e cila mbahet të mërkurën pritet të përcillet me tensione pasi kryesia do të vendos nëse do ta procedoj për seancë, shfuqizimin e ligjit për Gjykatën Speciale

I bindur për procedimin dhe shfuqizimin e Speciales është shprehur kryetari i Organizatës së Veteranëve të Luftës së Ushtrisë Çlirimtare (OVL-UÇK), Hysni Gucati.

Gucati për Indeksonline ka thënë se të mërkurën sipas informacioneve të tij do të shfuqizohet Gjykata Speciale nga deputetët e Kuvendit, prej të cilëve ata kanë marr përkrahje.

Madje ai thotë se OVL ka përkrahjen edhe të deputeteve të LDK-së, emrat e të cilëve i din por nuk dëshiron t’i bëjë publik.

“Unë besoj se të mërkurën do të hyjë në rend dite ligji për shfuqizimin e Gjykatës Speciale. Na besojmë që kemi mbështetje prej deputetëve të gjitha partive. E edhe prej deputetëve të LDK-së, kjo është shumë e vërtetë ne kemi biseduar edhe kem përkrahje edhe prej tyre. Ne jemi në gjendje në momentin që Ismet Beqiri që thotë që nuk është e vërtetë, na i thojmë lë ta kontrollon shpinë e tani le të fletë. Sepse na kem përkrahje edhe prej tyre, nuk kam nevojë me përmend emra por nëse është nevoja ja përmendim edhe atyre deputetëve që kemi bisedu dhe kem marrë përkrahje” ka thënë Gucati.
Gucati thotë se pavarësisht që ka shkruar letër Kadri Veseli për Specialen e pavarësisht presionit të diplomatëve nga BE mbi deputet e Kosovës, ata nuk e kanë ndërmend të heqin dorë nga shfuqizimi i gjykatës.

Sipas tij, vetëm një deputet e ka tërhequr nënshkrimin, të tjerët jo.

“Organizata e Veteranëve nuk e ka ndërmend me u kthy prapa, peticionin e kemi dërguar, ne ju kem jep një shans deputetëve që ta përmirësojnë gabimin e institucioneve të Kosovës sepse unë e di që kanë ardhë emisarë Gjerman edhe Francez janë të cilët janë duke bërë trysni në deputetët që ti tërheqin nënshkrimet, por deri në këto momente dhe në bazë të informacioneve vetëm një deputet e ka heq nënshkrimin e tjerët jo” ka shtuar kryetari Gucati.

Tutje, ai është shprehur se ata janë të gatshëm t’i përgjigjen çdo gjykate tjetër që gjykon të dyja palët, serbe e shqiptare, por jo një gjykate të padrejtë si kjo ‘specialja e huaj’.

“Unë kam biseduar me do këshilltar të diplomatëve të BE-së dhe i kemi thënë se cili vend në botë e pranon këtë gjykatë. Asnjë..!. Është e padrejtë, pasi kjo ka shkel të gjitha konventat ndërkombëtare. Ne nuk po i ikim drejtësisë, kemi luftuar, i dalim përballë çdo gjykatë dhe drejtësia të vendos, por kjo të jetë gjykatë speciale vendore, që është e dyanshme dhe gjykon dy palët, serbet e shqiptaret. Krimi është krim, nuk ka etni. Ne nuk e kemi ndërmend t’i ndalojmë qëndrimet e tona, do të mbajmë edhe mbledhje urgjente të martën ose të hënën dhe do të bisedojmë për hapa të mëtutjeshëm” është shprehur në fund Gucati.

Kujtojmë që Bashkimi Europian u ka bërë thirrje deputetëve që iniciuan shfuqizimin e Gjykatës Speciale me anë të një nisme në Kuvend, që të tërhiqen nga kjo iniciativë. Në një deklaratë të përbashkët të lëshuar n ga Zyra e BE-së në Kosovë/Përfaqësuesja Speciale e BE-së në Kosovë dhe krerët e misioneve të BE-së në Kosovë thuhet se çdo përpjekje për shfuqizimin e kësaj gjykate do t’i dëmtonte rëndë raportet e Kosovës me BE-në.

Albin Kurti i cili po kërkon edhe një mandat në krye të Vetëvendosjes ka paraqitur sot platformën e tij. Me një fjalim të gjatë para të pranishmëve, ish-kryetari i VV’së ka goditur ish-sekretarin e partisë Dardan Molliqaj për abuzim me financa. Të njëjtat akuza në drejtim të Molliqajit i kishte bërë edhe deputeti i VV’së, Liburn Aliu.

Ish-sekretari i Vetëvendosjes, Dardan Molliqaj, që ditë më parë edhe ka dhënë dorëhejqe nga Lëvizja, është goditur sot edhe nga Albin Kurti për menaxhimin e financave të VV’së.

Kurti në fjalimin e tij të gjatë, nderë të tjera ka përmendur edhe mënyrën se si janë shpenzuar paratë në partinë e tij.

“Decentralizim, si për pagat ashtu edhe për buxhetin. Më shumë buxhet i Lëvizjes duhet të shkojë në qendra, dhe, në vend se të rriten rrogat e pak vetave në kryeqytet, duhet të rritet numri i njerëzve të punësuar nga Lëvizja në të gjitha qendrat anembanë Kosovës”, ka thënë Kurti.

Ai ka thënë se  Lëvizja Vetëvendosje vazhdon punën e saj falë tri burimeve financiare, e ato janë fondi prej buxhetit të shtetit, donacionet, dhe kontributi i anëtarësisë.

“Për të bërë sa më shumë punë Lëvizja, por edhe për të patur sa më shumë donacione, është e domosdoshme që shpenzimi i parave të përmbushë tre kritere: Të jetë tërësisht transparent, të jetë mbi bazën e kursimit dhe efikasitetit, do të angazhohemi që shpenzimet për paga dhe për qera të zyrave të jenë nën 50% të buxhetit të përgjithshëm”, ka bërë me dije Kurti.

Kurse, njëri ndër themeluesit e Lëvizjes Vetëvendosje, Liburn Aliu, ka zbuluar javë me parë detaje të funksionimit të partisë së tij, pas përçarjes së VV’së.

“Brenda Lëvizjes Vetëvendosje kemi pasur, dhe kemi një sekretariat të përgjithshëm, i cili e ka krijuar një diferencim brenda Lëvizjes”, ka thënë ai ,teksa ka folur për punën e ish-sekretarit Dardan Molliqaj.

“Është krijuar diferencimi ndërmjet aktivistëve vullentarë, të cilët punojnë kudo nëpër struktura, degë, qendra, dhe pika të VV, dhe sekretariatit të përgjithshëm të aktivistëve, të cilët paguhen me rrogë, të cilët në njëfarë mënyre e kanë krijuar një shoqëri të mbyllur, dhe përpos që paguhen, e kanë pasur bukur një autoritet më të madh mbi qendrat”, ka treguar Aliu.

E vetë Molliqaj në një intervistë televizive pati kritikuar Liburn Aliun e Xhelal Sveçlën se i kanë pagat e larta.

“Ata nëse donë me heq pagat, le ti heqin të vetat. Le të heqin dorë nga pagat që i kanë nga 1 mijë e 200 euro. Këto paga janë të larta dhe kjo është e vërteta. Më kanë akuzuar për paga të larta dhe pagesa që kam bërë. Unë nuk kam bërë dallime në paga dhe s’kam marrë pagë të lartë. E vërteta është ndryshe, pagat e disa aktivistëve janë tepër të ulta. Ato paga sillen kah 440 euro. Nuk ka rroga 800 euro në Sekretariat të VV’së. Në krejt Kosovës mund të them se paguhen ndoshta 70 aktivistë”, ka thënë Molliqaj.

Themeluesi i Vetëvendosjes, Albin Kurti në paraqitjen e platformës së tij para anëtarëve të kësaj partie, tha se asnjë nga politikanët e VV’së nuk duhet të pasurohen, madje, ata duhet të varfërohen. Por këtë paraqitje të Kurtit sot e bojkotuan kryetari i Kamenicës, i cili dha dorëheqje para disa dite nga pozitat e tij në këtë parti. As kryetari i Prishtinës Shpend Ahmeti nuk ishte i pranishëm.

 “Nga aktivizmi nuk guxon të pasurohesh materialisht. Nuk duhet të bëhen politikanet e lëvizjes më të pasur se kur kanë hy në VV, bile preferohet të bëhen më të varfër”, tha Kurti.

Ai tregoi se do të angazhohet që të ketë decentralizim pagash në VV që të mos përfitojnë vetëm disa njerëz në Prishtinë.

“Në vend që të rriten rrogat e pak njerëzve në kryeqytet, të rritet numri i të punësuarve gjithandej në Vetëvendosje”, porositi Kurti.

Kurti foli edhe për më shumë mbledhje të strukturave të VV-së.

“Ne duhet të gabojmë sa më shumë me njëri-tjetrin, që të gabojmë sa më pak me qytetarin. Nuk do të ketë dikush që flet nga lart e të tjerët që dëgjojnë poshtë”, tha Kurti.

Shkumbin Mehmeti, dëshmitar i mbrojtur i Prokurorisë Speciale, të enjten, ndër të tjerë ka akuzuar edhe Ibrahim Kelmendi për organizim të shumë vrasjeve të pasluftës në Kosovë. Përfshirë vrasjet politike. Për këto deklarata ka reaguar përsëri Kelmendi në një shkrim dërguar Gazetës Express, ai konsideron se Mehmeti është produkt i Hashim Thaçit, Xhavit Halitit dhe Baton Haxhiut.

Rrëfimin e tij e quan shpifës dhe të përsëritur tash e disa vjet.

Gjatë ditës së sotme Prokuroria e Shtetit ka njoftuar se ka kontaktuar me Shkumbin Mehmetin por i njëjti ka refuzuar të japë dëshmi derisa nuk prishet aktgjykimi me të cilin i njëjti ishte dënuar me 30 vjet burgim. Megjithëkëtë, Prokuroria ka thënë se nëse deklaratat e Mehmeti zbulojnë vrasjet e pasluftës atëherë janë të gatshëm të kërkojnë zbutjen e jashtëzakonshme të dënimit të tij.

Lexojeni reagimin e plotë të Ibrahim Kelmendit pa ndërhyrje:

Vrasësi Shkumbin Mehmeti – dëshmitar i mbrojtur, xhihadist mercenar ose kondom i xhavitëve, hashimëve e batonëve?

Koha kur ka zgjedhur Baton Haxhiu për të emetuar “intervistë ekskluzive” me Vrasësin Shkumbim Mehmetin, i dënuar si vrasës i policëve, dëshmitar i mbrojtur, i shpërfytyruar në xhihadist, është një dëshmi shqetësuese se rreziku për komplotin në tentativë kundër “Gjykatës speciale” ende nuk është tejkaluar.

Nuk me besohet se Baton Haxhiu nuk e dinte që “intervista” me këtë xhihadist nuk kishte ndonjë ekskluzivitet ekstra, sepse këto akuza të shpifura, ky xhihadist po i ripërsërit që disa vjet. Pas publikimit për herë të parë në gazetën Koha Ditore, të intervistës me Shkumbim Mehmetin, ekskuzive ishte kur ky xhihadist përgatiti një deklaratë për Xhavit Halitin, e cila përmbante “dëshminë” se unë kisha angazhuar Florim Ejupin për ta vrarë Xhavit Halitin. Atëherë qe përmendur shuma prej 240 mijë euro, si honorar mercenar për vrasje. Edhe atëherë Batoni e pat ftuar Xhavit Halitin të rrëfente edhe për atë “ekskluzivitet”. Tash, z. Haxhiu ankohet, përse nuk kishte reaguar prokuroria.

Por, t’i kthehemi më konkretisht “intervistës”, që emetoi Baton Haxhiu, më 11.02.2018.

Minuta fillestare / prezantimi konfuz i “intervistës” nga Baton Haxhiu:

“Ky edicion i zonës se debatit është i vëçantë, pasi ju sjellim një rrëfim të jashtëzakonshëm. Në vent të t’ftuarëve të mi në studio, do t’mund t’ndjekim bashkë deklarata ekskluzive, nga ni intervistë të ni t’denuarit, dëshmitar i mbrojtur i Pokurorisë speciale që pranon se është pjesëtar i një grupi kriminal, i cili ka kryer krime të shumta pas luftës, përfshirë edhe vrasje politike. Intervistën me ket person, i cili quhet Shkumbin Mehmeti, e ka realizuar gazetarja e Klan Kosovës Blerta Ahmeti. Dhe unë i kërkoj falje asaj që po ia marrë ekskluzivitetin, duke ia prezantuar punën e saj këtiu, më zonën e debatit…

Intervista është realizuar në burgun e sigurisë së lartë…

Nga goja e tij do të dëgjoni si kanë vra 13 ose 14 veta pas lufte…

Atëherë po shkojmë me rrëfimin e tij: si dhe kush e formoi grupin kriminal?

E kemi nda në dhjetë sekuenca të randa dhe kujdes që të mos jenë fmijë aty se si rrëfen me lehtësi për vrasjen dhe për atë qqë kanë dështuar t’vrasin.

Atëherë video 1. Ja, ky është Shkumbin Mehmeti, anëtar i grupit 13, 14 vetesh, të kryesur nga një anëtar i dikurshëm i Lëvizjes Popullore të Kosovës. Dhe do e shihni kush janë ata. Një grup i rrezikshëm, kriminal, pra, ishte formuar në fund të vitit 2001 në Kosovë. Misioni i atyre që u bënë bashkë ishte, të kryenin vepra të rënda kriminale, përfshi vrasje politike për qëllime të ndryshme t’themeluesve ti, që sipas Shkumbim Mehmetit, njeri prej anëtarëve të grupit ishin dy vëllezër të njohur për veprimtarinë e tij në Perëndim po dhe në Kosovë…

Për formim të grupit dhe aktivitetin e grupit, gjithnjë sipas Mehmetit, dinin edhe personalitete tjera me emer e nam te madh në vend, emrat e të cilëve KLAN Kosova i di, por i ka hequr me nje “bip”… Për arsye publike e profesionale ka vendos të mos i shfaq për publikun deri sa të kontaktohen më vonë, pas transmentimit të këtij emisioni.

Grupi u shkatërrua në fundit 2004…”

Ky prezantim, me paralajmërim kaq alarmues, patjetër do t’i ketë alarmuar tv-spektatorët dhe, pastaj, edhe publikun më të gjerë, se vërtet do të dëgjojnë të vërteta tmerruese nga një kriminel i penduar, tashmë me status të dëshmitarit të mbrojtur.

Kulmi i këtij paralajmërimi alarmues: “Nga goja e tij do të dëgjoni si kanë vra 13 ose 14 veta pas lufte. Si dhe kush e formoi grupin kriminal. Ja, ky është Shkumbin Mehmeti, anëtar i grupit 13, 14 vetesh, të kryesur nga një anëtar i dikurshëm i Lëvizjes Popullore të Kosovës. Një grup i rrezikshëm, kriminal, pra, ishte formuar në fund të vitit 2001 në Kosovë. Misioni i atyre që u bënë bashkë ishte, të kryenin vepra të rënda kriminale, përfshi vrasje politike për qëllime të ndryshme t’themeluesve ti…”

Pa qenë jurist, mua me rezulton se Baton Haxhiu, me këto konstatime, ka bërë vepër penale, sepse ka prejudikuar se “dëshmitari i mbrojtur” do ta thotë të vërtetën, me përmasa kaq kriminale, për grupin e themeluar në vitin 2001 (po vetëkuptohet, nga unë, Ibrahim Kelmendi, siç do të konkretizohet shumë herë gjatë kësaj “dëshmie”).

Baton Haxhiu paralajmëron përdorimin e shurdhuesit “bip“, kur “dëshmitari i mbrojtur” përmend emra personalitetesh, që të mos kuptohen emrat e tyre, por, në rastin kur përmendet emri im, ai asnjëherë nuk e ka përdorur këtë lloj shurdhimi.

Pra është e qartë se, gjithë këtë teatralitet alarmues e denoncues z. Haxhiu e ka bërë, kryesisht, për diskreditimin tim, por le t’u mbetet kompetentëve zyrtar e profesionistë të bëjnë vlerësimin, nëse është kështu, si po e (dis)kualifikoj unë këtë “dëshmi” kaq alarmuese.

Minuta 07’10”: /Shkumbin Mehmeti:

“Në vitin 2003 iu kam bashkangjit grupit…”

2001. Baton Haxhiu e ka dëgjuar disa herë këtë “dëshmi”, nga e cila rezulton se “dëshmitari i mbrojtur” i qenkësh bashkangjitur gurupit në vitin 2003, por që, siç rezulton nga rrëfimet e tij, do të rrëfejë për formim të grupit në vitin 2001.

Megjithëkëtë, z. Haxhiu e vlerëson të saktë këtë dëshmi, që e shtynë t’i bëjë konstatimet prezantuese që i citova më lartë. “Dëshmitari i mbrojtur” mua nuk më ka takuar, as më ka njohur në vitin 2001, por ky fakt nuk ka ndikuar që z. Haxhiu të shurdhojë emrin tim, si në rastet e tjera.

Minuta 15’45” / Baton Haxhia:

“E shihni ket fotografi. Kush ishte përfshi në vrasjen e Zamajt, si u planifikua dhe si u krye vrasja e Tahir Zemajt? Kush ishte iniciator? Kush nga te medhjte e politikes u pajtua me kete atentat? Pse u vra ai dhe kush ishin autoret e nje prej vrasjeve më të rënda pasl lufte? Shkumbin Mehmeti thotë se ka dëgjuar shumë për ket rast, ndonëse pretendon se nuk ka qenë pjesë e organizimit. Për më shumë të dëgjojmë verzionin qe ai jep për ket vrasje…, atëherë ta dëgjojmë rrëfimin…”

Krimineli Shkumbin Mehmeti ka përmendur emra konkretë, sipas tij, të “urdhëruesve“ të tyre. Batoni i ka fshirë ata emra, por jo në ato përmasa, sa, p.sh., të mos hetohet emri i Ramush Haradinajt, por nuk e ka fshirë emrin tim, as emrat e atyre që, vrasësi Shkumbin Mehmeti, i ka akuzuar për vrasës aktivë.

Pra, këtu dalin në pah motivi dhe qëllimet e Baton Haxhiut, për emetimin me kaq pompozitet, të kësaj “dëshmie”, të këtij shpifësi, me paraqitje xhihadisti.

Minuta 24’32” / Baton Haxhia:

“Dhe, siç e thash edhe në fillim, po ua përsëris edhe njëherë, ky është dëshmitar i prokurorisë së EULEX-it, ka shpreh dëshirën me qenë edhe dëshmira i mbrojtur, e po flet hapur…”

1. Haxhiu me këto stërpërsëritje synon t’i bindë tv-spektatorët, që t’iu besojnë dëshmive të vrasësit Mehmeti, sepse ai është dëshmitar i prokurorisë së EULEX-it! “Ku dhëmbë shëmbi, shkon gjuha“, thotë proverbi. Kjo do të thotë, z. Haxhiu synon t’i imponojë, gjithsesi, si dëshmi të vërteta, këto shpifje!

Minuta 25’35” / Baton Haxhiu:

“Shikoni ket fotografi, versioni i vrasjes se deputetit Smajl Hajdari. Ky grup, sipas rrëfimit të Shkumbin Mehmetit, e ka krye edhe vrasjen e deputetit të LDK-së, Smajl Hajdaraj…”

Në vazhdim, vrasësi Shkumbin Mehmeti, rrëfen emrat e vrasësve, edhe pse vetë, siç thotë, nuk ishte pjesëmarrës në atë vrasje. TV Klani, për qëllimet e përcaktuara të B. Haxhiut, as kësaj radhe nuk i ka mbuluar ata emra!

Minuta 40’05” / Baton Haxhia:

“Dhe e kemi një situatë tjetët. Si deshen ta vrasin Xhavit Halitin?…

Planet e pa realizuara për vrasjen e Xhavit Halitit. Një target tjetër i grupit ishte Xhavit Haliti, anëtari i PDK-së. Ky. sipas Mehmetit, ishte paraparë të ekzekutohej për shkak të Fondit ‘Vendlindja thërret’ por edhe për shkak të vrasjes në Shqipëri të një luftetari të madh të UÇK-s. Se kush ishte i ngarkuar për ta likuiduar Halitin dhe kush i tregoi atij se është cak i një atentati e kuptojmë nga deklarat e tashme e Shkumbin Mehmetit. Xhavit Haliti para ca vitesh në Zona B e ka rrëfyer rastin, por askush, ama askush nga prokuroria nuk pat reaguar. Ta dëgjojmë rrëfimin për planin e pa realizuar për vrasjen e Xhavit Halitit.”

Ky teatralitet i z. Haxhiu, aktërim i stisur, ka për synim të bindë tv-spektatorët që të besojnë në shpifjet e “dëshmitarit të mbrojtur”. Kjo shpifje është bërë me porosi, që ta ketë si provë Xhavit Haliti, për të më denoncuar, i bindur se ishte rast i volitshëm që të hakmerrej kundër meje për konfliktet që kishim mes nesh, para e gjatë luftës, Xhavit Haliti dhe unë. Sigurisht, z. Haxhiu këtu nuk e kamuflon fare angazhimin e tij, në anën e z. Haliti, prandaj i plason këto shpifje të “dëshmitarit të mbrojtur”, si të vërteta.

Minuta 41’35” / Dëshmitari i mbrojtur:

“Në janar 2015-tës kam dhanë deklaratë se ky grup që është bë prej Ibrahim Kelmendi eee, posaqerisht prej Ibrahim Kelmendi, ka ba marrëveshje, ka pagua Florim Ejupin me e vra Xhavit Halitin. E kam deklaratën që ia kam dhanë Xhavit Halitit… Pasi ka marrë vesh Agroni ka ndërhy dhe e ka penguar Florim Ejupin mos me e vra Xhavit Halitin… Ibrahim donte me e vra Xhavitin për përfitime të veta personale…”

Këto shpifje e insinuata, që mund të jenë porositur nga Xhavit Haliti, ose që vetë  xhihadisti Mehmeti, mund t’i ketë sajuar për të krijuar favore personale, përfitime financiare, nuk meritojnë komente.

Krimineli i burgosur dhe i dënuar me 30 vite burg, ka kohë të fantazojë mënyra, për të dalë nga burgu, për të përfituar para e favore të tjera. Shpifjet e tij, prandaj edhe mund të arsyetohen, por nuk mund të arsyetohen shpifjet e porositura dhe,  sidomos, nuk mund të arsyetohet mundësia që i është dhënë “dëshmitarit të mbrojtur”, për t’i plasuar shpifjet e tij përmes televizionit. Aq më pak arsyetohet mënyra e plasimit dhe e komentimit të tyre nga z. Haxhiu.

Ata që ia kanë mundësuar “dëshmitarit të mbrojtur”, plasimin spektakular dhe në ato përmasa të shpifjeve të tij dhe, sidomos z. Haxhiu, do të duhej të përgjigjeshin për këtë lloj agresioni kundër meje.

Minuta 43’35” / Baton Haxhiu:

“Cili është plani për trazirat e marsit 2004?! Detyra tjetër që kishte marrë grupi më pas ishte e jashtëzakonshme. Misioni i ri ishte të organizoheshin ato që më vonë  do të njihen si trazirat e marsit 2004…”

2004. Haxhiu vazhdon me avazin e tij, për ta plasuar “grupin” edhe me plan për trazira të marsit 2004.

Minuta 53’28” / Dëshmitari i mbrojtur:

Gjatë gjykimit të grupit prej 13 vetave… në fund të gjithë u liruan, vetëm unë u dënova… Ata u liruan vetëm pse ishin pjsëmarrës në vrasjet tjera politike që kanë ndodh në Kosovë… (minuta 59’45”:) Ibrahim Kelmendi ka ndërhy te Norbert Kosteri, kryetari i trupit gjykues, edhe janë liru…”

Unë kam marrë pjes në disa senaca gjyqësore të këtij “grupi” prej 13 vetash dhe kam krijuar bindjen se ishin viktima, të organeve përkatëse, vendore e ndërkombëtare, për t‘u arsyetime se, më në fund, i gjeten organizatorët e trazirave të marsit 2004, dhe atyre po iu bëhet gjyq në rrethana alarmante, në ambiente të sigurisë së lartë, të burgut në Dubravë. Në fund trupi gjykues, i përbërë vetëm nga gjyqtarë të huaj, i shpalli të gjithë të pafajshëm, pra, edhe Shkumbin Mehmetin.

Tash, krimineli Shkumbin Mehmeti, teatralisht dhe kopilisht, i përzin dy procese gjyqësore: atë për trazirat e marsit 2004, ku iu është bërë proces 13 vetave dhe u shpallen të pafajshëm, dhe procesin tjetër gjyqësor, për vrarje të policëve, vrasësi Shkumbin u dënua me 30 vite burg.

Me kryetar të trupit gjykues, gjermanin Norbert Koster, nuk kam biseduar fare për pajfajësi të të akuzuarve, siç shpift xhihadisti Shkumbin. Fatmirësisht ai, duke qenë profesionist fanatik, ia doli të demaskonte veprimtarinë kriminale, sidomos të hetuesve Fadil Syleviq dhe Gojart Kelmendi, që kishin sajuar “grup të organizuar” dhe kishin dresuar edhe dëshmitar të rrjeshëm, një rast tepër ngjashëm me këtë të Shkumbin Mehmetin tani. Edhe ai ishte dëshmitar burgaxhi për krime hajnije. Edhe atij i ishte premtuar ta emigronin, pastaj, në Amerikë, si shpërblim, siç e paskëshin shpërblyer edhe Shkumbim Mehmetin, me strehimin e familjes së tij në Perëndim dhe tani ky pret shpërblimet e radhës, pse jo, edhe amnesti nga presidenti…

Provë për atë proces gjyqësor dhe për vendimin e trupit gjykues, për shpalljen e të gjithë të të akuzuarve të pafajshëm, është ai aktgjykim. Zotëri Haxhiu, prandaj, do të duhej, të paktën, të skuqej, për këtë lloj komploti, i cili më  ka shkaktuar shqetësime tepër serioze.

Megjithëkëtë, unë uroj që hetuesia, prokuroria dhe gjuqësia do t’i shqyrtojnë këto shpifje, kaq flagrante të z. Baton Haxhiu, kësaj radhe i angazhuar si “verifikues“ i “dëshmive” e “deklaratave” të bëra nga ky “dëshmitar i mbrojtur”, vrasësi e xhihadisti Shkumbin.

Unë do të kërkoj nga institucionet kompetente të zbulohen motivet e kriminelit Shkumbin Mehmeti – për cilat qëllime e favore i ka trilluar ai këto shpifje? Mua me rezulton që ai ka llogaritur në  favoret që po iu ofrohen dëshmitarëve të mbrojtur, edhe kriminelë, edhe duke ua sistemuar familjet jashtë Kosove, pavarësisht dëshmive të tyre të rreme dhe dëmeve që i shkaktojnë ato.

Tjetra, mbase xhihadistin Shkumbin Mehmeti e kanë informuar, tashmë, për angazhimin tim, këto 7-8 vitet e fundit, kundër islamistëve agresivë, dhe, prandaj, si i konvertuar i ri në xhihadist, ai do të bëjë vepra “në shërbim të Allahut”, që t’i shpërblehen në xhenet edhe me 73 hyri (virgjëresha), sepse, edhe gjatë procesit gjyqësor në Dubravë, kemi pas rast të dëgjojmë përgjime që i janë bërë telefonit të tij, se çfarë shpërfytyrimi seksist, muhamedan, kishte manifestuar ai pervers.

Mundësia e tretë, komplotistët Xhavit Haliti dhe Hashim Thaçi duhet ta kenë motivuar me financa dhe me premtim për amnesti kriminelin Mehmeti, që të pranojë dresurë për të shpifur kaq vulgarisht për atentatin në tentativë ndaj Xhavit Halitit, me shpresë se do të vlerësohen nga institucionet përkatëse si prova dhe, kështu, do të hakmerreshin kundër meje, për demaskimin që po ua bëj  këtyre marionetave komplotiste.

Uroj të hetohet e shqyrtohet ky agresivitet i orkestruar kundër meje, i cili prodhon edhe rrezikshmëri fizike për jetën time, pos shqetësimeve psiqike.

13.01.2012

Ibrahim Kelmendi

Delegacioni i Kosovës dhe ai i Serbisë pritet të rinisin takimet në Bruksel në datën 16 janar.

Lajmin e ka bërë të ditur shefi i emëruar për bisedimet me Serbinë nga qeveria e Kosovës, Avin Arifi, përmes një interviste për Klan Kosovën.

“Qysh me të 16-tin pritet të ketë takim në Bruksel dhe ne kemi filluar përgatitjet dhe do të jenë takime treditore. Në ditët në vijim do të kemi më shumë informacione sa i përket kësaj vizite”,, ka treguar Arifi.

Megjithatë, Arifi ka treguar se bisedimet do t’i udhëheqë presidenti i Kosovës, Hashim Thaçi, ndërsa qeveria do ketë më shumë rol të implementimit të marrëveshjeve të arritura.

Sikur ne shqiptarët të kishim afinitetin e bashkimit, dashurisë dhe respektin ndaj njëri-tjetrit siq e kemi të zgjuar ndjenjen e urrejtjes, të ndarjes dhe përçarjes sot do të ishim njëri ndër popujt më të civilizuar të botës dhe faktori kyq i të gjitha zhvillimeve politike jo vetëm në Ballkan por në mbarë kontinentin Evropian.
Lufta e fundit, e në veqanti paslufta na i nxori në shesh të gjitha dobësitë tona.
Mbështetjen e fituar ndërkombëtare në saje të një lidershipi të urtë dhe të përgjegjshëm, vizionarë dhe pragmatik siq ishte presidenti historik, Ibarhim Rugova, për çlrimin e vendit nga robëria shekullore dhe pavarësimin e shtetit tonë nga Serbia, gradualisht jemi duke e humbur me këta mistrecët e vegjël, kusarët dhe matrapazët politikë, të cilët jo vetëm që nuk marrin gjë vesh nga politika, e gërryen shtetin duke plaçkitur çdo gjë publike dhe shtetërore.
Vënja e interesit personal para interesit të shtetit ishte prioritet i të gjitha qeverive të paluftës, respektivisht i 6 legjislaturave të deritanishme të Kuvendit të Kosovës, ku të zgjedhurit e popullit (deputetët) në vend të mbrojtjes së interesave të qytetarëve u shndërruan në instrument të pushtetarëve, duke mos qajtur asnjëherë hallin e qytetarëve, fatin e parasë publike dhe as të ardhmen e shtetit.
Si pasojë e kësaj situate, e kemi këtë gjëndje tejët dëshpruese dhe të pashpresë në vendin tonë. Kështu pra, jo vetëm nga “çlirimtarët” por edhe nga “institucionalistët”, për afro 20 vjet rresht shteti i Kosovës u trajtua si plaçkë lufte e jo si atdhe i politikanëve qofshin ata në pushtet apo opozitë.
Sindromi i ndarjes fatkeqe të subjekteve politike fillon pas shkuarjes në amshim të presidentit historik Ibrahim Rugova, gjegjësisht me LDK-në në Kuvendin e VI-të zgjedhorë të saj, ku ndodhi ndarja e dhimbshme e këtij subjekti politik i cili edhe në ditët e sotme po lëngon nga ajo ndarje fatkeqe.
Pas kësaj, patëm ndarje dhe shthurje totale të subjekteve të vogla politike, derisa ndodhi ndarja tjetër e subjektit të madh politik-PDK-së, ku eskponentët dhe themeltarët e këtij subjekti politik u ndanë për të formuar një nismë të re politike, e cila edhe pas shumë viteve ende ndodhet në margjinat e saj, si një nga subjektet më të vogla politike në vend.
Fuqizimi i Lëvizjes Vetëvendosje në zgjedhjet e fundit nacionale të qershorit të vitit të kaluar ishte surpriza më e këndshme dhe shpresa për një ndryshim jo aq shumë të dëshiruar nga popullata por si e vetmja mundësi për largimin e së keqës së instaluar në këtë vend tani e 19 vite më parë.
E thash pikërisht kështu, pasi bashkimi i LDK-së në qeverisje me uzurpatorët e shtetit u kishte dhënë fund të gjitha shpresave të qytetarëve për ndryshime pozitive në vendin tonë.
Kështu, Lëvizja Vetëvendosje si subjekti më i madh politik, i pasprovuar deri më tani në qeverisjen qendrore kishte mbetur shpresa e vetme për ndryshimin e kursit qeverisës në vendin tonë.
Qeverisja teknokrate në komunën e Prishtinës në njërën anë dhe dualizmi në udhëheqjen e VV-së i shkaktuan tronditjen më të thellë këtij subjekti politik (organizate politike), e cila për të mos thënë të pamundur, do ta ketë të vështirë të rimarrë veten pas “apokalipsit” të dorëheqjeve, ndarjeve dhe përçarjeve të thella në këtë subjekt politik.
Përderisa dorëheqjet në VV shihen qartë se janë të orkestruara, enigmë mbetet dirigjenti i tyre, gjegjësisht shkaktari i “apokalipsit” në këtë organizatë!

Ndarja e “shapit nga sheqeri” i vetmi shpëtim për VV-në

E kam thënë edhe në një rast, po e përserisë prapë, tërheqja e zotit Albin Kurti nga posti i kryetarit të VV-së ishte akt i pamenduar mirë, konseguencat e të cilit veprim po i vuan sot VV-ja, me ç’rast Kurtit i doli gjithçka nga kontrolli!
Në anën tjetër edhe hapja e dyerëve për të gjithë të arratisurit nga partitë e tjera, çoi në grumbullimin e llumit nga të gjitha anët “lumit”!
Kur kësaj i shtohen edhe personat me dosje të dyshimta, të akuzauar për korrupsion dhe krim të organizuar gjersa ishin në partitë e tjera e rëndoi akoma më tepër situatën në këtë subjekt politik.
Dorëheqjet e figurave qendrore dhe kryetarit të VV-së, nuk është se janë akte morale as ndërgjegjësimi, por janë ngatërrim i koncepteve politike dhe ambicieve për krijim të monopolit politik në LVV.
Si do që të jetë, LVV-ja dhe lideri i saj Albin Kurti ndodhen para një sprove historike, të pastrimit të kësaj organizate nga figurat e dyshimta, të lidhura me korporatat e inkriminuara biznesore dhe të korruptuarit politik apo të mbetjes peng i oligarkëve ekonomik, këtij sindromi kancerogjen të shkatërrimit të shtetit dhe ekonomisë vendore.
Vetëm ndarja e “shapit nga sheqeri” mund ta shpëtoj VV-në nga katandisja e mëtutjeshme dhe kthimin e besimit në elektoratin e saj. Në të kundërtën, kjo organizatë e profilit të majtë politik përveq rënjës enorme në elektorat rrezikon shthurjen totale të saj.
Pasojat e sindromit ndarës të skenës politike kosovare, të kësaj klase politike të korruptuar, të shantazhuar nga Serbia dhe nënshtruar nga bizneset e inkriminuara, do t’i i vuan popullata me varfëri dhe izolim akoma më të gjatë ndërkombëtarë.
Për fund edhe një konstatim hipotetik, partitë në pushtet dhe opozitë, rivale të VV-së duke e parë fuqizimin e saj nga zgjedhjet nacionale të 11 qershorit 2017, kur ky subjetk doli fitues moral i zgjedhjeve përballë dy koalicioneve të mëdha, mund të jenë të implikuara subjekte vendore dhe ndërkombëtare në minimin e saj si nga brenda ashtu edhe nga jasht!
Në Kosovën e pasluftës të gjitha partitë politike me përjashtim të Lëvizjes Vetëvendosje u bënë “Përrallë me tupan”, duke vrapuar pas pushtetit në gjysëm shtet!
I vetmi subjekt politik i cili u qendroi besnik parimeve dhe elektoratit të saj, është Lëvizja Vetëvendosje, duke mbrojtur parimet dhe deklarimet publike, elemente këto që mund ta mbajnë këtë subjekt akoma unik dhe kredibil para elektoratit kosovar.
Po ashtu enigmë mbetët fakti, se si do të funksionoi LVV-ja pas “apokalipsit”, a do të mbetët edhe më tutje organizatë apo do të profilizohet si parti politike e qëndres së majtë!
Pavarësisht, zgjidhjes që do të gjejnë drejtuesit e saj në të ardhmen, “apokalipsi” LVV-së përveq freskisë, do t’i sjellë edhe pastrimin nga jashtëqitjet e partive tjera, ristrukturimin dhe reformimin më substancial seqë ka ndodhur deri më tani tek subjektet tjera politike.
Rasti i fundit i përçarjes dhe dorëheqjeve në LVV e dëshmoi katërçipërisht se kuantiteti asnjëherë nuk e garanton cilësinë dhe suksesin e një subjekti politik.
Janë parimet e shëndosha, demokracia e brendshme dhe qëndrueshmëria në veprime që përcaktojnë të ardhmen e sigurtë të subjekteve politike.
Situata e krijuar në skenën politike, ku përveq LVV-së, era e përçarjeve të thella po fryen edhe në PDK shkaku i Speciales,…përderisa AAK-ja nuk dihet se në cilën pjesë të “oqeanit” do të lundroj pas dështimit në shfuqizimin e Gjykatës Speciale,…kurse LDK-së i mungon guximi dhe fuqia vepruese në zbardhjen e vrasjeve të veprimtarëve të saj gjatë dhe pasluftës shkaku i mungesës së reformave të brendshme, të cilat edhe do t’i kthenin namin që kishte dikur në skenën politike kosovare!
Andaj, pashmangshëm rrjedh konstatimi logjik; do të ishte iluzive t’u besohet tutje partive politike dhe liderëve që nuk janë të zotët të realizojnë reforma brenda subjekteve që drejtojnë, e lërë më të krijojnë konsensus ndërpartiak për tema madhore për vendin.

Ndonëse Kosova ende nuk mund të jetë pjesë e festivalit europian të muzikës, tashmë zyrtarisht, nëpërmjet Innovation Centre Kosovo (ICK), është pjesë e Startup Europe Awards, garë e Komisionit Evropian, e njohur ndryshe edhe si “Eurovizioni i Bizneseve Startup”.

Gara e cila i bën bashkë të gjitha shtetet e kontinentit të Evropës, nga viti 2018 do të ketë një shtet më shumë – Kosovën. “Startup Europe Awards” është nismë e Komisionit Evropian & Fondacionit Finnova, me mbështetje të Presidentit të Parlamentit Evropian, Presidentit të Komitetit të Regjioneve dhe anëtarëve të Parlamentit Evropian.

Startup Europe Awards (SEUA) është garë e bizneseve startup dhe inovative në nivel lokal, regjional, shtetëror dhe evropian, që për qëllim ka nxitjen e inovacionit, zgjidhjeve të reja dhe bashkëpunimin ndërmjet akterëve kryesorë brenda ekosistemit evropian të ndërmarrësisë. Përveç kësaj SEUA synon rrjetëzimin e bizneseve, promovimin e tyre dhe identifikimin e nevojave urgjente për financim. SEUA mbledh rreth vetes organizatorët, inkubatorët & akseleratorët e biznesit, universitetet, fondacionet, investitorët engjëj, për një të ardhme më të mirë për bizneset startup dhe zhvillimit ekonomik të Evropës në përgjithësi.

Gara prestigjoze që nga viti 2018 në Kosovë organizohet nga Innovation Centre Kosovo (ICK) do të jetë e ndarë në kategori të ndryshme si: Industri Kreative, Energji, Fintech, Green, e-Health, Internet of Things, Smart Cities, Siguri Kibernetike, EdTech, AgriTech, Modë dhe ndryshime klimatike. Fituesi i garës shtetërore, do të përfaqësojë vendin tonë në nivel të kontinentit.

Detajet rreth organizimit të edicionit 2018 në Kosovë, do të bëhen publike nga ana e organizatorit, gjatë muajve në vazhdim.