Pas aksionit spektakular në veri të vendit, rasti i kidnapimit dhe deportimit urgjent të 6 shtetasve turq, shumica prej tyre mësimdhënës në një kolegj në Kosovë, është tregues i kjartë i uzurpimit të shtetit tonë nga antivlerat dhe rrëshqitjes nga sistemi demokratik në atë dikatorial të kohës moderne.
Pra, sikurse aksioni në veri të vendit me 26 mars 2018, që ishte në koordinim të plotë mes presidentëve Thaçi-Vuçiq, edhe kidnapimi i fundit i shtetasve turq me 29 mars ka qenë kordinim i presidentit turk Erdogan me presidentin kosovar Hashim Thaçi.
Rasti i fundit, përveq shkeljes më flagrante e të drejtave të njeriut, paraqet veprim kriminal dhe antinjerëzorë të udheheqjes politike kosovare. Njëherit deportimi i qytetarëve turq me leje qendrimi të rregullt në Republikën e Kosovës, nxjerr në sipërfaqe dy gjëra; e para) dëshmon servilizmin e skajshëm të liderëve shtetërorë të Kosovës, dhe e dyta) argumenton faktin se ky pushtet i tejinkriminuar nuk njeh parime demokratike, dhe nuk respekton të drejta njerëzore dhe vlerat e civilizimit botërorë.
Kosova e vogël, me një sistem të drejtësisë të kalbur dhe të degraduar dha shëmbullin më të keq, jo vetëm në rajon por edhe më gjërë. Pasi Kosova është vendi i vetëm në Evropë që deporton shtetasit e huaj me leje të rregullt qendrimi pa asnjë precedent ligjor. Veprime të tilla të shëmtuara dhe antinjerëzore marrin vetëm servilët e rrjeteve kriminale dhe diktatorët.

Deportimi bie ndesh me traditat dhe zakonet shqiptare

Mbase në cilin do shtet tjetër të ndodhte deportimi i kundërligjshëm i shtetasve të huaj, nuk do të paraqiste ndonjë befasi aq të madhe sa për Kosovën. Vallë kush më shumë se ne shqiptarët kemi përjetuar dhunën, burgjet, dëbimet dhe barbarinë e pushtuesve shekullorë, e që në fakt, kjo do duhej të kishte shërbyer mjaftueshëm në ndërgjegjësimin e klasës politike e jo t’i marrim veprimet antinjerëzore si model për t’i zbatuar ndaj shtetasve turq që kishin kërkuar strehim në vendin tonë, e aq më keq kur kjo ka ndodhur ndaj intelektualëve të fushave të ndryshme arsimore dhe shkencore, fakt ky që e përjashton çdo mundësi të përfshirjes së tyre në organizime të dyshimta, të supozuara si “terroriste” për çka janë deportuar egërsisht nga vendi ynë.
Veprimi i shëmtuar i pushtetarëve kosovar bie ndesh me traditat dhe kodet zakonore të shqiptarëve, si; besa, bujaria, mikëpritja, vlera këto që e bëjnë popullin shqiptar të dalluar në botë.
Ky veprim skandaloz, e ka ulur akoma më tepër imazhin e shtetit tonë karrshi botës demokratike dhe vlerave të civilizimit perëndimorë.
Pavarësisht faktit se, pushtetarët e inkriminuar kanë filluar ta pranojnë gabimin për një veprim të ngutshëm dhe skandaloz, 6 qytetarët turq tashmë janë nën prangat e diktatorit turk Erdogan, dhe jo vetëm kaq janë 6 familje të traumatizuara të mbetura pa kryefamiljarët në Kosovë, që duhet të peshojnë rënd mbi ndërgjegjën e pushtetarëve kosovar.
Mbase kjo e dëshmonë ndërgjegjën e vrarë të pushtetarëve kosovar dhe mungesën e funksionimit të aparatit shtetërorë, në veqanti të sistemit të drejtësisë, ku në vend të ligjeve mbisundon anarkia.
Një situatë e tillë është shqetësuese jo vetëm për të huajt në Kosovë, por edhe për të gjithë qytetarët kosovarë në përgjithësi.

Kemi apo s’kemi shtet!?

Si mund të themi që kemi shtet, kur pas këtij skandali, presidenti i shtetit, kryeministri e kryeparlamentari i ngrenë duart lartë duke thënë “Nuk di gjë”! Prandaj, është krejtësisht e logjikshme, kur të parët e shtetit nuk dinë gjë, atëherë nënkuptohet se ka të tjerë në këtë vend që veprojnë në emrin e tyre!
Kjo i bie se, në shtetin tonë ladrojnë lirshëm turq e shkije, veprojnë lloj-lloj organizatash terroriste të paprekura dhe të pavrejtura nga AKI-ja dhe shërbimet tjera kompetente në Kosovë!
Dëshmia më e mirë janë skenarët serb në veri dhe ata turq në jug të Kosovës.
Turpi i pushtetarëve kosovar nuk mbulohet me shkarkimin e Ministrit të Punëve të Brendshme dhe as drejtorit të AKI-së.
Vetëm dy veprimet e sipërpermendura e vërtetojnë mjaftueshëm kapjen e shtetit, shkeljen, nënshtrimin dhe poshtërimin e të gjitha institucioneve të shtetit, filluar nga qeveria, policia AKi-ja e kështu më radhë deri në hallkën e fundit të sistemit të drejtësisë nga i pari i shtetit.
Kjo nuk është hipotezë, por realitet, pasi dihet se përgjegjësi kryesor i dy skandaleve të fundit dhe shkelësi serik i Kushtetutës së vendit është presidenti Hashim Thaçi. Kjo situatë nuk guxon të anashkalohet dhe as të mbetët e heshtur nga organet e drejtësisë, e në veqanti nga institucioni më i lartë në vend, në këtë rast Parlamenti i Kosovës, organi i cili e ka të drejtën kushtetuese për kërkimin e përgjejgësisë politike ndaj të parit të shtetit, organ i cili ka zgjedhur presidentin në fjalë.
Aksioni i koordinuar spektakular (me Vuçiqin) në veri të vendit, epilogun e të cilit e dinë të gjithë qytetarët e Kosovës (përshpejtimi i themelimit të “Zajendnicës”), vendimi për deportimin e shtetasve turq, përveqse i kundërligjshëm paraqet trajtën e puçit politik mbi institucionet e pavarura të shtetit.
Tendenca e Hashim Thaçit për t’u treguar i gjithëpushtetshëm dhe sundimtar i
gjithanshëm është bërë rrezik permanent për të ardhmen e vendit dhe jo vetëm kaq. Veprimet antikushtetuese dhe të pamatura të presidentit Thaçi legjitimuan agresionin politik të pushtuesve shekullorë (serb e turq) mbi shtetin e Kosovës.
Për aq kohë sa t’i lejohet Thaçit të jetë president, ai do të bëjë aventura të rrezikshme për vendin, skandale e spektakle të dëmshme përtej ligjit dhe kushtetutës.
Andaj, secili qytetarë i vendit e ka të drejtën të parashtrojë pyetjen; “Cili do të jetë skandali i radhës i presidentit Hashim Thaçi!?

PRISHTINE- Bashkëpunëtorja më e afërt e Albin Kurtit, Tinka Kurti, e cila po ashtu është edhe zëdhënëse e Vetëvendosjes ka sulmuar kryeministrin Edi Rama lidhur me vendimin për taksën e re për Rrugën e Kombit.

Përmes një statusi në faqen e saj të ‘Facebook’-ut Kurti thekson se Rama po merr rrugë në funksion të oligarkëve. Po ashtu ajo pohoi se solidarizohet me qytetarët e Kukësit.

“Mirëpo, populli ka nisur të shikojë qartë edhe përmes mjegullës së terrorit qeveritar. Ai nuk rri më duarkryq kur policia i merr shtëpinë në interes të bankave, kur kryebashkiaku u merr qytetin në dobi të biznesit të betonit dhe kur kryeministri u merr rrugët në funksion të oligarkëve. Solidaritet #meKukësin dhe qytetarët e tij!”, ka shkruar Kurti në Facebook.

Flamuri i Kosovës, foto ilustrim

Shefi i kabinetit të Ministrisë së Jashtme të Kosovës, Jetlir Zyberaj ka thënë se në ditët në vazhdim, përmes kanaleve diplomatike, do të sqarohen deklaratat e bëra nga presidenti turk, Recep Tayyip Erdogan kundrejt kryeministrit të Kosovës, Ramush Haradinaj.

Presidenti Erdogan ka kërcënuar kryeministrin Haradinaj, pas qëndrimeve të këtij të fundit, i cili është deklaruar kundër deportimit të gjashtë shtetasve turq nga Kosova për në Turqi.

“Nëpërmjet kanaleve diplomatike në ditët në vijim do të sqarojmë arsyet e deklaratave të bëra nga presidenti Erdogan, në pajtim me marrëdheniet e mira që kemi si dy shtete dhe të parimeve të barazisë së shteteve sovrane dhe mospërzierjes në punët e brendshme”, ka shkruar Zyberaj në Facebook.

Zyberaj ka shtuar se Kosova ka institucionet e veta, që udhëhiqen nga të zgjedhurit e popullit.

Të enjten në Kosovë janë arrestuar dhe më pas deportuar për në Turqi gjashtë shtetas turq. Pesë prej të dëbuarve ishin punonjës në shkollat “Mehmet Akif” në Kosovë, ndërkaq i dëbuari tjetër ishte mjek turk.

Krerët institucionalë në Kosovë kanë thënë se nuk kanë qenë në dijeni të këtij operacioni. Për këtë fakt, kryeministri Haradinaj, të premten ka shkarkuar nga detyra ministrin e Brendshëm, Flamur Sefaj dhe shefin e Agjencisë së Inteligjencës së Kosovës, Driton Gashi.

Erdogan ka thënë se Haradinaj “do të paguajë” për këto qëndrime, duke thënë se që kur kryeministri i Kosovës “mbron ata që punojnë për të bërë grusht shtet ndaj Republikës Turke”. aa

Katedralja Shën Nëna Terezë në Prishtinë

Besimtarët e krishterë në Kosovë po festojnë Pashkët. Shumë besimtarë u mblodhën në katedralen “Nënë Tereza” për të qenë pjesë e meshës për festën e Pashkëve.

Don Fatmir Koliqi, e cili e udhëhoqi meshën e ditës së Pashkëve u përcolli besimtarëve urim paqeje dhe shprese.

Urime për festën e Pashkëve kanë dërguar edhe liderët e institucioneve të Kosovës.

Xhelal Sveçla, deputet i VV’së, ka thënë se Hashim Thaçi është në panik dhe po bën gjithçka që të shpëtojë nga prangat e Gjykatës Speciale.

Në këtë formë, Sveçla i është përgjigjur akuzave të Presidentit se Vetëvendosje financohet nga burime të dyshimta të Iranit derisa Kurti takohet me njerëz të afërt të Putinit.

“Gjarpëri bëri edhe një lëvizje. Prej mënyrës së organizimit e asaj çka tha në atë konferencë, po duket që po e din që mund të jetë e fundit. Si gjithmonë, foli e s’tha kurgjo, bash hiq kurgjo, përveq që la të nënkuptohet që paniku prej shembjes së kështjellës së tij të krimit, ia ka humb busullën krejt. Të shkretin keq e paska kap paniku i prangave prej Gjykatës që bojke presion me votu, e vet mendoi me i ik duke u bërë me zor President”, ka shkruar Sveçla, në një reagim në FB.

Ai ka thënë se shteti duhet të veprojë nëse presidenti ka fakte dhe nuk bëhen arrestime për financimet e dyshimta të ndonjë partie politike.

“Po karakteristikat e Hashës, këtij Gjarpëri klasik, tashmë janë të ditura, të dukshme e të mbështetura me realitetin që po e jetojmë, tash e 19 vite. Eee, sa premtojke që për 6 muaj ka me u bashku Mitrovica. Sa ‘lule e dritë’ e bëri këtë Kosovë prej pas luftës, e dijmë secili që po jetojmë këtu për ditë. Ai si subjekt veqohet prej garës së brendshme mes delirit e hajnisë që në fund po ia humbin minimumin e arsyes nga paniku prej arrestimit. Hash, lamshi që e krijojshe si mbrotje, duke tradhëtu i veshur me teshat e luftëtarit të lirisë, është kah çpshjellet. Kot e ki. Thojnë që i mbyturi kapet për kashte. Ty nuk të ka mbet as kashtë”, ka shtuar ai.

Presidenti Hashim Thaçi ka lëshuar akuza në drejtim të VV’së pas pyetjeve që kanë bërë disa gazetarë të mediave të afërta me Presidentin. Megjithëse, sot, ai kishte dalë për të folur për kidnapimin dhe deportimin e turqve, në të njëjtën kohë, Presidenti ka folur pak edhe për kundërshtarët politikë.

Shoqata e Intelektualeve shqiptarë “Trojet e Arbrit” me rastin e Festës së Pashkëve uron të gjithë shqiptarët katolikë anë e kënd trojeve etnike shqiptare dhe diaspora e madhe atdhetare.

Urojmë që festa e Pashkëve të kaloj në qetsi, festim të mbarë dhe çdo gjë të shkojë mirë e mbarë. Një urim i veçantë për të gjithë intelektualët e Shoqatës “Trojet e Arbrit” të cilët tash e 14 vjet me radhë janë duke e dhënë kontributin e çmuar në zbardhjen e shumë ngjarjeve historike, që sa kalon koha historiografia jonë shqiptare po vendoset në vendin e vet.

Festa e Pashkëve le të na shërbej për vazhdimin e jetës së përbashkët të shqiptarëve pa dallime feje apo krahine, në këto rrethana të ndërlikuara politike në botë urojmë që shqiptarët si një popull i lashtë iliro-pellazgjikë ta vazhdojnë orjentimin perendimorë duke i treguar botës se pavarsishtë rrethanave historike që ka përjetuar populli shqiptarë anë e kënd trojeve arbërore ai në përqindje shumë të lartë e ka ruajtur të gjallë ndjenjën e të qenit shqiptarë, si dhe ndjenjën e të qenit shqiptarë i orjentimit perëndimorë.

Urime ,gezuar dhe për shumë mote pashkët!

Nue Oroshi Kryetar

Besim Morina Nënkryetar

Presidenti i Kosovës, Hashim Thaçi, është i zhgënjyer dhe ka shprehur keqardhje, siç ka thënë, për shkak se institucionet relevante, kanë dështuar të mbrojnë parimet që ndërlidhen me të drejtat njerëzore për shtetasit e huaj që jetojnë dhe punojnë në vendin tonë.

Në një konferencë për media, presidenti Thaçi ka thënë se posedon një raport të detajuar nga Agjencia e Inteligjencës së Kosovës, (AKI) dhe që sipas këtij raporti, arsye e deportimit të gjashtë shtetasve turq ka të bëjë me veprime të paligjshme në Kosovë.

“Pra, arsye e vetme gjithmonë, sipas AKI-së, është rrezikimi i sigurisë kombëtare. Raste të tilla ka pasur edhe në të kaluarën. Por, detajet dhe procedurat duhet të sqarohen nga AKI- ja dhe Ministria e Punëve të Brendshme deri në fund, dhe në rast se ka pasur shkelje, atëherë përgjegjësit duhet të japin llogari kushdo që të jetë”, ka thënë presidenti Thaçi.

Autoritetet në Kosovë të enjten kanë arrestuar dhe më pas kanë dëbuar për në Turqi gjashtë shtetas turq, punonjës në shkollën “Mehmet Akif” në Kosovë.

Zhvillimet e fundit dramatike ne Kosovë, flasin këtërcipërisht së kemi të bëjmë më kapje të shtetit.E patem tentim shfuqizimin e Gjykatës Speciale , ratifikimin e dëmshem të demarkacionit më Mal të Zi , arrestimin e Marko Gjurit në mënyre spektakolore me gjasë për të bërë faktike ‘Zajednicën” me kompetenca ekzekutive , dhe së fundi në një harkë kohor të shkurtër ndëgjuam per dëbimin e turpshem nga Kosova të 6 shtetasëve turq , të cilët kishin dokumente të rregullta dhe leje qendrimi në Kosovë, të cilët pa asnjë procedurë të rregullt u dëbuan për në Turqi.Të gjithë këto ngjarje të dëmshme për Kosovën më të drejtë dyshohet së janë veper e presidentit të zgjedhur në gjendje të shtetrrethimit e më vota të LDK-së, Hashim Thaçit.Ky njeri krejtësisht ështe duke i anashkaluar institucionet e Kosovës .Thaçi është një kopje e diktatorit turk, Taip Erdoganit, më të cilën ka berë jarani të madhe.Dhe, ky ekstradim i profesorëve është skandali i radhës dhe nuk mund të emrohet ndryshe veq si – PUQ .Deklarata e Thaçit së nuk ishte ne dijeni për rastin , është shumë pak për tu besuar .

Asnjë shtet demokratik në botë nuk i ekstradon qytetaret e huaj për bindje politike, veq në ndonjë rast kur bëhët fjalë për vrasje , por gjithnjë konformë marrveshjeve ndërkombetare për ekstardim.Apsurditetet dhe paftyresitë në Kosovë sikur nuk po kan fund.

Si është e mundur që të ekstradohen këta përsona pa e njoftuar kryeministrin e vendit, duke besuar gjithnjë në deklaratën e Haradinajt ,së nuk ka pasur dijeni për ekstradimin e 6 profesoreve gylenist ?Një deklaratë të tillë e dha edhe Kadri Veseli , i cili deklaroi së nuk ka pasur njohuri për rastin , por tha së të gjithë duhet të bartin përgjegjësinë e vet , duke mos e përjashtuar as vetën.Haradinaj e Veseli le tu besojmë daklaratave te tyre së nuk kan qenë të njoftuar , por si të shpjegohet e dhëna së ata nuk deshtën apo nuk morën guximin ta emrojnë atë që ka dhënë një urdhër të tillë , antikushtetues e antiligjor , pa ju nënshtruar procedurave te rregullta të cilat përcaktohen më ligje dhe konventa ndërkombëtare për të drejtat dhe liritë njerëzore. Sa shqiptarë nga dhuna serbe në ish-Jugosllavi kanë gjetur strehim si azilant politik në shtetet perëndimore dhe nuk janë ekstraduar regjimit ?Asnjë shtet në botën demokratike nuk i ekstradon njerëzit që kan bindje tjera politke nga regjimi në pushtet , ose që e kundershtojnë atë.

Shkarkimi i i ministrit të Punëve të Brendshme , Flamur Sefajt dhe drejtorit të Agjensisë së Kosovës për Intelegjentë ,Driton Gashit, është vetëm kamuflim i këtij rasti të pa shëmbullt. Sigurisht së këto shkarkime do të kishin kuptimin dhe përgjegjesinë , sikurse të ishte emeruar urdhënësi i vertëtë .Mos dijenia per rastin e krerëve të lartë të shtetit është mos funksionim i shtetit të Kosovës. Çfarë shteti është Kosova kur nuk dinë as nuk pranon kush fajin , dhe as që zbatohet zingjiri komandues? Si tu shpjegohet kjo gjendje qytetarëve të cilët po ndihen gjithnjë e më shumë të manipuluar , të mashtruar , të lën pas dore nga të zgjedhurit e vetë?

Organet e shtetit ekzitojnë për ti kryer detyrat e marra karshi interesave te qytetarëve , e jo të bëhën këso talljesh me Kosovën . Kjo situatë e krijuar më këtë popull të heshtur nuk ka se si shpjegohet. Si është e mundur që në emer të tyre të bëhën lojëra të tilla politike , të cilat po e rrënojnë Kosovën dhe të ardhmën e saj? Këto janë shkelje të rënda të ligjeve të Kosovës dhe shkelje e Kushtetutës . Reperkusionet e gjithë kësaj janë të rënda , të pariparueshme .Çka i duhet Kosovës një zëvendëkryeminister dhe minister i punëve te jashtme si Behxhet Pacolli i cili ka qëllime përfituese për biznesin e tij? Përgjegjesia politike dhe shkarkimet nga postet më të larta ishte dashur më në fund të funksionojnë, në të kundertën edhe shumë me keq do ti kemi punët si shtet dhe si komb në Ballkan. Edhe pse hiq nuk jam adhurues i zgjedhjeve të parakohshme pa u bërë reforma e nevojshme zgjedhore , me duket së nuk ka mbetur solucion tjeter për dalje nga kriza e rëndë politike, institucionale dhe kriza ekonomike –sociale veq formimit të një Qeverie Kalimtare të Eksperteve apo Qeverie të Shpëtimit Kombëtar.

Skenari i përgatitur i maskaradës mashtruese për qytetarët, e nxori në sipërfaqe “heroizmin”, injorancën shqiptare dhe lojën e dyfisht të lidershipit kosovar, me ç’rast qytetarët e shikuan vetëm njërën anë e medaljes!
Skenari i Dramës së 26 marsit 2018 u përgatit në Amerikë, shfaqja u prezentua në dy akte; akti i parë në Mitrovicë dhe akti i dytë në Prishtinë, ku rolet kryesore i luajtën Marko Gjuriq dhe Policia e Kosovës.

Për dallim nga aksioni policor i pakoordinuar Njësisë Speciale të Policisë së Kosovës ROSU i 25 korrikut të vitit 2011 në veri të Kosovës, me ç’rast Hashim Thaçi e Shpend Maxhuni u kthyen nga veriu me “bisht nën shalë”, me një polic të vrarë dhe disa të plagosur, aksioni i datës 26 mars 2018, i koordinuar për mrekulli me palen serbe, respektivisht mes Thaçit e Vuçiqit rezultoi me “fitoren” e ROSU në veri dhe “nënshtrimin” e serbëve në plotni!
Pas përfundimit të dramës së 26 marsit 2018, aktori i përzgjedhur Marko Gjuriq mund të kandidoj për çmimin OSCAR, përderisa skenaristët mund të kërkojnë NOBEL-in (Hashim Thaçi është në pritje të këtij çmimi prej vitesh).

Inskenimi i mjerimit politik, dështim në rrafshin praktik

Sovraniteti i shtetit nuk mbrohet me arrestimin spektakular të gjuriqëve, por me kthimin e shqiptarëve në veri, të cilët janë zhvendosur dhe që 19 vite dhe jetojnë si refugjatë në jug të Mitrovicës dhe gjithandej Kosovës.
Arrestimi i Gjuriqit ishte mashtrimi më klasik për zhvendosje të vëmendjes nga Demarkacioni me Malin e Zi, i cili Kosovës i kushtojë me humbjen e 8230
hektarëve tokë shqiptare të larë me gjak ndër shekuj.
Vetëm kthimi i shqiptarëve në shtëpitë dhe pronat e tyre në pjesën veriore nënkupton shtrirjen e sovranitetit në veri, e jo maskaradat mashtruese të Vuçiqit dhe Thaçit nën bekimin e ndërkombëtarëve.
Sikurse herave të tjera, edhe kësaj radhe pas “komedisë” së fundit me Gjuriqin, kishte edhe të atillë që tentuan të përfitojnë për qëllime politike për marrjen e pushtetit, duke shpresuar në rënjën e shpejtë të kësaj qeverie, apo kushtëzimit të qeverisë aktuale pas paralajmërimit për largim nga qeveria të Listës “Srpska”!
Në këtë rast, nuk mungoi as gatishmëria e LDK-së për ta “ndihmuar” Haradinajn për mbajtjen e pushtetit, duke harruar se kartat e pushtetit nuk janë në dorën e Haradinajt por të dikujt tjetër!

LDK-ja, patericë e partive të vogla nuk e ndihmon shtetin

Një LDK çfarë është aktualisht, e kapur nga klani “RIINVEST” dhe grupet e tjera të interesit, pa u reformuar dhe konsoliduar mirë nuk duhet të kthehet tutje në qeverisjen e vendit.
Hipokritët e lakmitarët e pushtetit në LDK, një herë kërkojnë largimin e qeverisë, ndërsa herën tjetër bashkangjitjen së njëjtës qeveri!
Nga shkuarja në amshim e liderit historik Ibrahim Rugova, LDK-së i ka humbur busulla orientuese, e cila herë “kapet” e herë “ç’kapet” me SHIK-un e PDK-në!
Është pikërisht kjo LDK-ja që ka miratuar të gjitha marrëveshjet e dëmshme dhe fatkeqe për vendin të Hashim Thaçit, duke e humbur në plotni besimin tek elektorati kosovar, duke mbetur “as mish dhe as peshk” për qytetarët!
Me largimin nga vizioni rugovian, besa dhe traditat vlerëmëdha të këtij subjekti politik, ka bërë që të irritohen shumë nga veprimtarët më besnik të saj si në Kosovë ashtu edhe në Diasporë.
Nëse ndodh që LDK-ja t’i bashkohet edhe AAK-së në qeverisje me PDK-në, jo në patericë, por do të shndërrohet në prostitutë të politikës kosovare, gjë e cila do të paraqiste poshtërimin më të madh për votuesit e saj.
Konstatim ky sa i rënd, po aq i dhimbshëm, ngase politikanët që shiten për para dhe privilegje pushteti nuk meritojnë kualifikim ndryshe prej prostitutave.
Prandaj, qytetarët si asnjëherë më parë, e kanë të vështirë t’i besojnë tutje kësaj LDK-je të kapur e katandisur keq nga lakmitarët e pushtetit!
Kur jemi në këtë segment, m’u kujtua pyetja e një miku gjatë këtyre ditëve; “A ka Kosova intelektualë për t’ua ndal hovin matrapazëve politikë!?”
Intelektual ka me bollekë, por nuk po duan të identifikohen me këtë klasë politike të shantazhuar, korruptuar dhe kriminalizuar deri në fyt, ishte përgjigja ime.

Shoqëria kosovare, ende e pafuqishme për të reaguar

Popullata kosovare nga pritjet e gjata sikur ka kaluar në agoni të thellë. Ka mbyllur sy e vesh përballë korrupsionit dhe krimit të organizuar. Kusarët politikë në të dyja nivelet e qeverisjes (qendrore dhe lokale) për interesa shumë të ngushta grupore e klanore, edhe pse po e shkatërrojnë shtetin në embrion, shoqëria kosovare vazhdon të heshtë!
Degradimi dhe qeverisja e inkriminuar që po i ndodh vendit për gjithë këto vite të pasluftës është një shtresim i madh dhe i rrezikshëm për vendin nga politika kosovare, pozitë e opozitë, që është bërë si opium për shoqërinë e nëpërkëmbur kosovare, e të cilën e ka duruar dhe po e duron tepër shumë ky popull i pashpresë dhe i nënshtruar, të cilit i ka hipur në qafë, duke e shkatërruar vendin me korrupsion e krim të organizuar.
Kasta politike kosovare, pozitë dhe opozitë së bashku, përveçse një opium për shoqërinë e varfër e të nëpërkëmbur kosovare, janë shndërruar në sindromë kancerogjene të shtetit të Kosovës.
Deri më sot, nuk më ka rënë të dëgjoj për ndonjë vend tjetër, të ketë ndodhur një hipnotizim i skajshëm i shoqërisë nga politika siq ka ndodhur në këtë 10 vjetëshin e fundit në Kosovë!

Çdo vend e ka qeverinë që e meriton

Një fjalë e urtë italiane thotë: “Kush nuk di me qeverisë është uzurpator”, por një thënie tjetër italiane thotë: “Çdo vend e ka qeverinë që e meriton”. “Kur jemi në këtë segment, tek gjendja e krijuar në Kosovë, na del përpara thënia e të madhit dhe të pavdekshmit, profesorit Fehmi Agani; “Koha sjell çka investojmë ne dhe sa arrijmë ne në kohë”. Thënë edhe më qartë për lexuesit, gjendja kaotike dhe e pashpresë në vendin tonë është rezultat i heshtjes së gjatë të shoqërisë kosovare.
Mbase është momenti i fundit që të këndellet popullata, për t’i dhënë goditjen e fundit kësaj klase të shëmtuar politike, e cila, përveç vjedhjes së pasurisë shtetërore, e ka vënë në pikëpyetje të ardhmen e shtetit.
Vetëm zgjimi i ndërgjegjes së pastër kombëtare dhe i angazhimit të intelektualëve të mirëfillt në politikbërjen kosovare mund ta nxjerrë vendin nga kthetrat e kusarëve politikë të të gjitha llojeve e ngjyrave.
Ndryshe, e kemi të rrezikuar të ardhmen dhe ekzistencen e vet shtetit me fitore të rrejshme të pushtetarëve, të cilat pashmangshëm po e dërgojnë shtetin drejt humbjes përfundimtare!

I ashpër në fjalimin e tij ka qenë kreu i PDK-së, njëherësh edhe kryeparlamentar, Kadri Veseli, kur ka folur për arrestimin e shtetasve turq dhe deportimin e tyre.

Veseli nuk hezitoi që përgjegjësinë për këtë ndodhi t’ia atribuojë Presidentit Hashim Thaçi e edhe kryeministrit Ramush Haradinaj.

“Përgjegjësinë e ka kryeministri e Presidenti Thaçi”, u shpreh ai.

Veseli ka thënë në hapje të seancës, se asnjë informatë nuk e ka pasur rreth arrestimit të 6 shtetasve turq. Madje, ai ka thënë se është njoftuar nga familjarët e të arrestuarve.

Veseli ka thënë se ka kërkuar përgjigje nga secili institucion dhe ka shprehur gatishmërinë e tij që të intervenonte edhe në aeroport, nëse do të kishte informacionin më herët.

Ai tha se kemi bërë gabim të madh, duke depërtuar njerëz që nuk dimë se si do të trajtohen.

“Imagjinoni nëse ata dalin të pafajshëm, ku do të mbetet shteti i Kosovës”, ka thënë ai.

Ai i ka kërkuar falje familjarëve për mënyrën se si janë trajtuar të arrestuarit turq. Ka thënë se përgjegjësi ka edhe ai, kryeministri dhe presidenti. Por ka shtuar se nuk do të përfundojë me dy shkarkime përgjegjësia.

Veseli ka thënë se Kosova dhe Turqia janë shtete mike, por veprime të tilla ka thënë se nuk i ndihmojnë partneritetit mes dy vendeve. /Express

Protestat e nxënësve të shkollës “Mehmet Akif”

Këshilli për Mbrojtjen e të Drejtave e të Lirive me seli në Prishtinë ka kërkuar përgjegjësi nga të gjithë akterët e përfshirë gjatë deportimit të gjashtë shtetasve turq nga Kosova. Ky Këshill, përmes një komunikate për media, vlerëson se shkarkimi i ministrit të Brendshëm dhe Shefit të AKI-së nuk mjafton.

“Disa individë të papërgjegjshëm, duke kidnapuar gjashtë shtetas të Turqisë, me leje pune dhe leje për qëndrim të përkohshëm në Kosovë, të gjithë intelektualë të nivelit të lartë, pa të kaluar kriminale e vulosën Kosovën si vendin më antidemokratik në botë, si shkelësin më të madh të të drejtave të njeriut, si zbatuesin besnik të urdhrave të një autokrati dhe shkelësi të madh të drejtave të njeriut në Turqi”, thuhet në komunikatën e KMDLNJ-së.

“Se ky ka qenë kidnapim e jo arrestim tregon fakti se ata janë arrestuar pa një vendim të gjykatës apo se ky vendim, edhe nëse ka ekzistuar nuk u është treguar, as të arrestuarëve e as familjarëve sikur që nuk është treguar vendndodhja e tyre duke ua mohuar të drejtën elementare të personave të privuar nga liria, të drejtën e komunikimit me mbrojtës që i zgjedhin vet apo që janë caktuar sipas detyrës zyrtare”, theksohet në këtë komunikatë.

Ambasadori i Shteteve të Bashkuara në Prishtinë, Greg Delawie, tha se transparenca dhe përkushtimi ndaj proceseve të duhura, si dhe sundimi i ligjit janë jetike.

Delawie i bëri këto komente në Twitter, pas ngjarjeve të së enjtes në Kosovë, ku autoritetet e rendit atje kanë arrestuar dhe dëbuar gjashtë shtetas turq.

Këta të fundit kanë qenë drejtorë dhe arsimtarë të shkollave “Mehmet Akif” në Kosovë.

Këto shkolla thuhet se i përkasin lëvizjes së Fethullah Gulenit, klerikut fetar turk, të cilin Ankaraja e fajëson për organizimin e përpjekjes për grushtshtet kundër Qeverisë turke, në korrik të vitit 2016.

Deportimi i gjashtë shtetasve turq për në Turqi, pa dijeninë e tre udhëheqësve më të lartë të shtetit ka dominuar pjesën e parë të punimeve të seancës së Kuvendit të Kosovës.

Kryetari i Kuvendit, Kadri Veseli konfirmoi edhe njëherë se nuk kishte asnjë informacion për aksionin e arrestimit dhe depërtimit të shtetasve turq, të angazhuar në sistemin arsimor në Kosovë.

Partitë opozitare kërkuan përgjegjësi nga presidenti dhe kryeministri për këtë depërtim. Lidhja Demokratike e Kosovës, përmes shefit të Grupit Parlamentar, Avdullah Hoti tha se spektri politik duhet të ulet dhe të caktoj menjëherë afatet dhe zgjedhjet e lira, ngase sipas tij, të enjten u pa se shteti i Kosovës nuk ka hierarki të vendimmarrjes.

I përballur me kritika të ashpra në Kuvendin e Kosovës, kryeministri Ramush Haradinaj, konfirmoi para deputetëve se nuk kishte asnjë informacion rreth depërtimit të shtetasve turq nga Kosova.

“Diku nga mesi i ditës kishte kuptuar se ka ndodhur depërtimi”, tha Haradinaj. Sipas tij, shtetasit turq janë depërtuar në mesditë dhe jo gjatë pasdites, siç ishte raportuar.

Ai tha se problemi qëndron te fakti se Shefi i Agjencisë së Kosovës për Inteligjencë (AKI) dhe ministri i Brendshëm nuk i kanë informuar njerëzit vendimmarrës, në këtë rast kryeministrin për vendimin e marrë për deportim.

Ai tha se pas lajmeve për deportim është konsultuar me presidentin Hashim Thaçi dhe aktorët tjerë dhe në fund ka ardhur në përfundim që të kërkojë lirimin nga detyra të ministrit të Brendshëm dhe shefit të AKI-së.

Haradinaj tha se lirimi i tyre nga përgjegjësia është vendim i prerë dhe i pakthyeshëm.

Presidenti i Kosovës Hashim Thaçi  ka kërkuar respektimin e standardeve ndërkombëtare dhe rishikim të shumës për sa i përket taksës së “Rrugës së Kombit”

Thaçi tha se taksat duhet të paguhen për mirëmbajtjen e rrugëve, por shtoi se është me interes që të rishikohet çmimi.

“Nuk jam këtu që t’i komentoj vendimet e qeverisë së Shqipërisë, por e di se ka standarde ndërkombëtare të cilat duhet të respektohen edhe nga qeveria e Shqipërisë. E para duhet të kryhet rruga që të jetë autostradë moderne, në anën tjetër duhet të ketë edhe alternativa për njerëzit që nuk kanë mundësi që të paguajnë. Duhet të kuptojmë edhe diçka tjetër, taksa duhet të paguhet. Tash a janë të larta apo të ulëta, duhet të marrim vendime si institucione të vendit, sepse duhet t’i mirëmbajmë disi autostradat që janë ndërtu. Sikur të ishte përmbyllur rruga, është çështje e diskutueshme. Unë të them të drejtën nuk kam udhëtuar shumë në autostrada, që t’i di sa paguhet për kilometër. I kam dëgjuar me vëmendje vërejtjet, sugjerimet e qytetarëve dhe njerëzve profesionistë, mendoj se do ishte me interes të rishikohet”, tha Presidenti i Kosovës, duke komentuar për herë të parë vendosjen e pagesës në Rrugën e Kombit që lidh Shqipërinë me Kosovën.

Pas shkarkimit të Ministrit të Brendshëm, Flamur Sefaj, i urdhëruar nga Kryeministri Haradinaj, partia e Pacollit nuk e pranon këtë vendim.

Aleanca e Kosova e Re, nuk e pranon shkarkimin e ministrit të Brendshëm, Flamur Sefaj. Vendimin për shkarkimin e tij e ka marrë sot kryeministri Ramush Haradinaj.

Lirimin nga pozita e ministrit të Brendshëm, e kanë kërkuar edhe Lista Srpska si kusht për mos shpalljen e Asociacionit të njëanshëm. Ky kusht erdhi pas arrestimit të Marko Gjuriqit, që ndodhi të hënën e kësaj jave.

Burime të Expressit brenda AKR’së thonë se Haradinaj e shkarkoi ministrin Sefaj pas kërkesës së Listës Srpska, të udhëhequr nga Millan Radojçiq.

Edhe pse vendimi i nënshkruar nga Haradinaj thotë se shkarkimi u bë për arsye të ndërprerjes së leje qëndrimeve të shtetasve turq dhe deportimit të tyre në Turqi, AKR nuk e beson këtë.

Kryeministri i Republikës së Kosovës, Ramush Haradinaj, i ka kërkuar zyrtarisht kreut të Agjencisë Kosovare për Inteligjencë, Driton Gashi, lirimin e menjëhershëm nga përgjegjësia e drejtorit të AKI-së

Indeksonline ka siguruar vendimin e kryeministrit Haradinaj.

Kërkesa e Haradinajt ka efekt të menjëhershëm.

Haradinaj në letrën drejtuar Gashit thotë se “dje nga të gjithë mekanizmat e sigurisë kam pranuar raportime zyrtare lidhur me çështjen e ndërprerjes së lejeqëndrimit, ndalimit dhe depërtimit urgjent dhe të fshehtë të gjashtë qytetarëve turq nga territori i Republikës së Kosovës në Republikën e Turqisë”, shkruan në vendimin e Haradinajt.

Më poshtë gjeni vendimin:

Ministria e Punëve të Jashtme përmes një komunikate për media, ka dënuar fuqishëm deportimin e qytetarëve turq nga Republika e Kosovës.

“Kjo thjeshtë nuk do të duhej të ndodhte në asnjë rrethanë. Republika e Kosovës ka dëshmuar se respekton standardet bashkëkohore demokratike, dhe në këtë kontekst arrestimi dhe deportimi i qytetarëve turq me qëndrim të rregullt në Republikën e Kosovës, është në kundërshtim me frymën e ligjeve të vendit dhe në përplasje të drejtpërdrejtë me normat ndërkombëtare”, thuhet në reagimin e tyre.

Tutje, thuhet se respektimi i të drejtave të njeriut është parakusht i funksionimit demokratik të një vendi, dhe askush me mirë se qytetarët e Republikës së Kosovës, nuk njeh më mirë rëndësinë e tyre universale, e cila tejkalon konceptin shtet-centrik.

“Çfarëdo trajtimi i cilido qytetar të huaj në Republikën e Kosovës, duhet të mbështetet në proces transparent, në përputhje të plotë me Ligjet e vendit, në harmoni me standardet evropiane dhe ndërkombëtare, si dhe në linjë me qasjen perëndimore të respektimit të të drejtave të njeriut”, thuhet ndër të tjera.

Gjithashtu në reagim thuhet se në ditët në vijim, do të kërkojnë përgjegjësi nga të gjithë të përfshirët në këtë veprim, të ofrojnë gjithë informacionin, i cili do të hidhte dritë mbi mënyrën e organizimit, arrestimin dhe deportimin e qytetarëve turq.

“Ministria e Punëve të Jashtme kundërshton këtë veprim, si dhe shpreh keqardhje të thellë për familjarët e të deportuarve”, përfundon reagimi.

Kujtojmë se MPJ udhëhiqet nga Behgjet Pacolli, parti kjo e cila në koalicioni qeverisës udhëheq edhe me Ministrinë e Punëve të Brendshme. Policia e Kosovës në bashkëpunim me AKI-në kanë kryer arrestimin e gjashtë gylenistëve.

Presidenti i Kosovës, Hashim Thaçi përmes një postimi në Facebook ka reaguar pas arrestimit dhe deportimit të gjashtë shtetasve turq nga Kosova.

Ai ka shprehur zhgënjimin e tij lidhur me siç ka thënë dështimin e mbrojtjes së parimeve thememore të të drejtave njerëzore për shtetasit e huaj, që jetojnë dhe punojnë në vendin tonë.

“Unë jam i informuar nga organet kompetente pas ngjarjes se gjashtë shtetas janë deportuar sot në Turqi me arsyetimin se nuk kanë pasur leje qëndrimi në Kosovë. Ne tani duhet të sqarojmë arsyet që kanë çuar deri në deportimin e këtyre shtetasve turq për në Turqi. Dua të siguroj qytetarët e Republikës së Kosovës dhe të gjithë shtetasit e huaj që jetojnë dhe punojnë në Kosovë, se Kosova do të mbrojë me çdo kusht vlerat e saj kushtetuese, të cilat mbi gjithçka tjetër, i sigurojnë çdo individi që të shpreh pa frikë identitetin, besimin, kulturën, ideologjinë, mendimin dhe fjalën e lirë.

Thaçi po ashtu ka thënë se askush nuk guxon të persekutohet, censurohet apo edhe deportohet për shkak se ka një besim apo ideologji ndryshe nga dikush tjetër.

Pesë shtetasit turq, banorë të Kosovës, të identifikuar si përkrahës të Gylenit, janë deportuar për në Turqi, me urdhër të Thaçit, të enjten, pak orë pas arrestimit të tyre nga Policia e Kosovës.

Mustafa Erdem, Yusuf Karabina, Kahraman Demirez, Cihen Ozkan dhe Hasan Gunakan, drejtues të institucioneve shkollore turke në Kosovë, pavarësisht se kanë qenë të pajisur me leje qëndrimi në Kosovë, u janë pezulluar ato.

Madje, të enjten në mëngjes Policia e Kosovës i ka arrestuar dhe më pas janë deportuar për në Turqi. Gazeta Express mëson se tashmë pesë shtetasit turq, autoritetet kosovare veçse i kanë nisur për në vendlindjen e tyre në Turqi.

Express mëson edhe se Policia është vënë në ndjekje të të tjerë shtetasve turq që janë në Kosovë, e që janë të identifikuar si përkrahës të Gylenit dhe drejtojnë institucione shkollore të kundërshtarit të Presidentit të Turqisë, Erdogan.

Nga ana tjetër, Ministria e Brendshme ka njoftuar zyrtarisht se shtetasve turq në fjalë ua ka revokuar lejeqëndrimin në Kosovë.

Arsyetimi i MPB-së për pesë shtetasit turq që drejtojnë një rrjet shkollash, të njohura në Kosovë, “Mehmet Akif”, ka qenë gjoja për arsye të sigurisë, por pa dhënë më shumë informacione.

Në lejeqëndrimet e këtyre të deportuarve, të siguruara nga Gazeta Express, shihet se dokumentet janë valide dhe koha e skadimit të tyre shënon deri më së largu në vitin 2023, për njërin prej tyre.

Dëbimi i këtyre shtetasve turq po ndodh vetëm pak muaj pasi autoritetet kosovare dështuan që përmes ekstradimit t’i binden kërkesës së Presidentit turk Erdogan, që t’ia dorëzojë në Turqi mbështetësit e Fetullah Gylenit, që ndodhen në Kosovë.

Kryeministri i Kosovës Ramush Haradinaj thotë se nuk ka qenë i informuar nga asnjë institucion vendor për ndalimin dhe deportimin e gjashtë shtetasve turq, nga Kosova.

Përmes një komunikate për media Haradinaj, citohet të këtë thënë, se do të veproj në përputhje me përgjegjësitë kushtetuese dhe ligjore lidhur me këtë veprim dhe paqartësitë rreth këtij veprimi.

“Sot, përmes një operacioni të ndërmarrë nga AKI në bashkëpunim me Policinë e Kosovës janë ndaluar dhe deportuar 6 qytetarë turq. Ka disa elemente që e bëjnë të paqartë këtë operacion deri te urgjenca e deportimit. Si kryeministër i Kosovës duke mos qenë i informuar nga asnjë institucion vendor për ndalimin dhe deportimin e tyre, do të veproj në përputhje me përgjegjësitë kushtetuese dhe ligjore lidhur me këtë veprim dhe paqartësitë rreth këtij veprimi”, thuhet në komunikatën e Qeverisë së Kosovës dërguar medieve.

Kryetari i Kuvendit të Kosovës, Kadri Veseli ka shprehur shqetësimin e tij me veprimin e autoriteteve përgjegjëse të Kosovës, pas arrestimit dhe deportimit të gjashtë shtetasve turq, nga Kosova.

“Arrestimi i sotshëm i gjashtë shtetasve turk, banorë me leje të vlefshme qëndrimi në Kosovë dhe punonjës në Kolegjin “Mehmet Akif” të akredituar sipas standardeve përkatëse të Kosovës, nuk përfaqëson as formën e duhur të zhvillimit të sundimit të ligjit as konsolidimit të nevojshëm të demokracisë”, ka shkruar Veseli në Facebook.

“Ndërmarrja e veprimeve të tilla pa respektim të procedurave përkatëse dhe mungesë transparence, lë hapësirë të theksuar për mëdyshje për veprimet arbitrare të autoriteteve në fjalë”, vijon reagimi i Veselit.

“Si shtet demokratik, Kosova në mënyrë institucionale duhet të adreson (adresojë, shënimi i VOAL) përgjegjësinë ligjore të akterëve të involvuar në këtë rast. Po ashtu, arrestimi i shtetasve të huaj në flagrancë për dyshime të pabazuara, nuk korrespondon me vlerat evropiane që duhet t’i përfaqëson (përfaqësojë, shënimi i VOAL) Kosova”, ka shkruar kreu i Kuvendit të Kosovës, njëherësh edhe i Partisë Demokratike të Kosovës.

“Kosova s’ka alternative tjetër veç rrugëtimit evropian. Kjo, natyrisht, kërkon sundim të ligjit dhe llogaridhënie prej abuzuesëve arbitrar të tij”, shkruan Veseli.

Ambasada e Shteteve të Bashkuara të Amerikës në Kosovë, ka paralajmëruar qytetarët amerikanë për rrezik të shtuar të sulmeve terroriste në Kosovë gjatë festave katolike dhe ortodokse

Në njoftim thuhet se qytetarët amerikanë duhet të tregojnë kujdes për shkak se ekstremistët përqendrohen në vendet turistike.

“Departamenti i Shtetit dëshiron të paralajmërojë qytetarët amerikanë për rrezikun e shtuar të sulmeve terroriste në Kosovë, veçanërisht gjatë stinëve të festave. Qytetarët amerikanë duhet të tregojnë kujdes në festimet e festës dhe në ngjarjet rreth festimeve katolike dhe ortodokse të Pashkëve”.

“Ekstremistët vazhdojnë të përqendrohen në vendet turistike, qendrat tregtare, bare [kafene], shtëpitë e adhurimit dhe objektivat e tjera. Ju lutemi të ushtroni vigjilencë shtesë në këto vende dhe vende të ngjashme”, thuhet në njoftimin e Ambasadës Amerikane në Prishtinë.

Më tej kjo Ambasadë ka dhënë disa udhëzime lidhur me kujdesin që duhet të kenë qytetarët në këto ngjarje.

Këshillat e plota nga SHBA:

Shmanguni profilit tuaj në publik dhe mos e tërheq vëmendjen si amerikan.

Shqyrtoni planet tuaja personale të sigurisë: Kriminelët dhe terroristët mund të monitorojnë lëvizjet tuaja. Ndryshoni rrugën dhe kohën e lëvizjeve tuaja për t’u bërë një objektiv më i paparashikueshëm.

Jini të vetëdijshëm për mjedisin tuaj: Identifikoni vendndodhjen e daljeve emergjente dhe të shërbimeve të sigurisë kur ndodheni në vende publike.

Shmangni nga turmat / demonstrimet: Nëse jeni në një zonë ku grumbullohet një turmë (festim, demonstrim, etj.), përpiquni të largoheni nga zona ose të paktën, të shkoni në buzë të turmës ku mund të largoheni nëse është e nevojshme.

Qëndroni të vëmendshëm në vende të frekuentuara nga turistët.

Monitoroni mediat lokale për përditësime. Monitoroni mediat sociale, njoftime televizive dhe radio, ose udhëzime nga Ambasada ose Konsullata e SHBA-ve.

Në takimin e serbëve në Veri të Mitrovicës po marrin pjesë 120 delegat dhe përfaqësues të 10 komunave me shumicë serbe.

Mbledhja po mbahet në objektin ku ishte arrestuar Marko Gjuriq të hënën e kaluar. Në binë, serbët kanë vendosur logon e Asociacionit.

Por, ende nuk dihet se cili do të jetë veprimi i tyre.

Lista Srpska dje kishte shpallur edhe datën për themelimin e Asociacionit të Komunave me Shumicë Serbe derisa kishin njoftuar vendimin për largim nga Qeveria e Kosovës. Por, pas takimit të Vuçiqit me Mogherinin dje në Beograd, Presidenti serb nuk foli për këtë çështje.

Përfaqësues të serbëve përfshirë ata të Listës Srpska, dhe ndihmësi i Gjuriq janë mbledhur pikërisht në vendin ku është arrestuar Marko Gjuriq në “Pallatin e Mitrovicës”.
Ata takimin e kanë filluar në orën 12:44 duke riafirmuar qëndrimin pro rezolutës 1244. ndërsa kanë theksuar se do ta themelojnë Asociacionin nëse këtë nuk e bën Prishtina.

Igor Simiq nga Lista Srpska ka thënë se kanë marrë përkrahje nga Presidenti i Serbisë që nëse përsëriten ngjarjet e dy ditëve më parë ata nuk do të rrinë duke shikuar.

Simiq ka thënë se Lista Srpska do të jetë opozitë e fortë në Parlamentin e Kosovës ndaj vendimeve të Qeverisë së Kosovës.

Ndërsa Ivan Todosijeviq, i cili është ende ministër në Qeverinë e Kosovës nga Lista Srpska dhe përfaqësues nga “organet e përkohshme të Komunës së Zveçanit” ka thënë se serbët do ta formojnë Asociacionin nëse këtë nuk e bëjnë Prishtina dhe Perëndimi.

Klubi është formuar si një përzierje mes dashamirësve të muzikës rok dhe entuziastëve të çiklistëve, të cilët mbanin koncerte rok paligjshëm në Moskë gjatë viteve 1983.

Në vitin 1989 klubi është konsoliduar duke u quajtur “Ujqit e Natës”. Në fillim të vitit 2018, “Ujqit e Natës” kanë shtrirë ndikimin e tyre përveç Rusisë, në Ukrainë, Letoni, Gjermani, Bulgari, Rumani, Serbi, Australi, Sllovaki, Bjellorusi, Filipine, Bosnje dhe Hercegovinë dhe Maqedoni.

Alexander Zaldostanov (i njohur edhe si kirurgu) është lider që prej themelimit të grupit në vitin 1989.

Një anëtar i këtij grupi, Valery Bely, u qëllua për vdekje në një mosmarrëveshje me një klub rival në nëntor të vitit 2016, shkruan Periskopi.

Klubi si interes ka jetën politike dhe shoqërore të Rusisë, duke u angazhuar në çështjet sociale të të rinjve, krijimin e lidhjeve të ngushta me Kremlinin dhe krijimi i një miqësie me Presidentin e Rusisë, Vladimir Putin.

Ata, gjithashtu, kanë kontribuar në ndarjen e Krimesë, duke kontrolluar rrugët e gadishullit. Po ashtu, ata kanë qenë të përfshirë në luftën pro-ruse në Donbass të Ukrainës.

Klubi ka marrëdhënie të mira me Vladimir Putinin dhe konsiderohen si nacionalistë rusë.

Në vitin 2015, “Ujqit e Natës” kishin siguruar nga Kremlini një donacion prej 12,000,000 rubla ruse për ndërtimin e një qendër për të rinjtë i njohur si “Patriot” në Sevastopol të Krimesë.

Ata shpesh ndeshen në konflikte të përgjakshme me klubet e tjera motoçikliste.

A po thuren skenare për dhe rreth Kosovës, të cilat janë bërë të rrezikshme për shtetin më të ri në Evropë, dhe janë bërë të rrezikshme në përgjithësi për çështjën nacionale ? Kosova duket tashmë ashiqare së pas vdekjës së presidentit , Ibrahim Rugova ka mbetur pa lidership, ka mbetur në duar të një klase politike e cila haptazi i ka qitë interesat e veta para interesit të përgjthshem.Disa figura politike janë ngritur mbi shtetin dhe mbi ligjet e Kosovës.Këtu vlen për ta vequar presidentin e vendit ,Hashim Thaçin një figurë kontraverse politike, i cili i ka marrë të gjitha kompetencat që nga viti 2007 kur PDK-ja mori primatin e partisë së parë në Kosovë, dhe partisë e cila e drejtoi shtetin për dy mandate më koalicione .Gjatë kësaj kohe Thaçi u bë alfa dhe omega e politikës kosovare.

Ai diktoi politikën sipas kutit dhe interesit të tij në mënyre mjeshtërore, duke e margjinizuar shumë kuvendin si institucionin më të lartë të shtetit.Udhëhoqi bisedimet më palën serbe dhe mori vendime jo sa duhet transparente të cilat rezultuan më shumë në dëm të Kosovës së sa në dobi të saj .Nënshkroi marrveshje të cilët ishte dashur të bëhën më koncensenzus nacional e nuk i bëri , si marrveshja e Demarkacionit më Mal të Zi dhe” Zajednica”.Këto marrveshje e afruan ndjeshem Serbinë kah BE-ja , kurse Kosova mbeti po thuaj duar thatë.Lojëra e fundit politike e Thaçit ishte për mua skenari i tij më Vuqiqin për ta bërë punë të kryer Asociacionin e Komunave më Shumicë serbe në veri, më kompetenca vendimarrëse, dhe për ta qitur në plan të dytë ratifikimin e Demarkacionit ku Kosova humbi 8200 hektarë tokë me Mal te Zi.Fill pas takimit të presidentit Thaçi më Vuqiqin në Bruksel dhe takimet e tij tinzare ne Amerikë siq flitët në koluare për ndarje të Kosovës, erdhi arrestimi i Marko Gjuriqit në veri të Mitrovicës, i cili hyri ilegalisht në Kosovë.Sikur ky arrestim të ishte bërë në një kohë dhe rrethanë tjetër politike , ka qenë gjithqka në rregull, apo do të ishte në rregull që Gjuriq më të arrestuar në veri ,të kthehet për Serbi, e jo të bëhën spektakle duke e sjelluar atë në Prishtinë, e pastaj të ekstradohet për Serbi shumë shpejt. Thaçi duket ashiqare së është bërë më shumë agresiv pas raportit të Dick Martit, i cili raport ngre akuza karshi tij për krime lufte.

Nga ky raport edhe u formua Gjykata Speciale për krime të luftës në Kosovë më seli në Hagë .Përsonat të cilët u përfolën në opinion së janë kandidatë për tu paraqitur si të dyshuar para kësaj gjykate gjatë këtij viti, tentuan që ta shfuqizojnë Gjykatën Speciale më një vendim të ri të kuvendit , pasi që vet e kishin pranuar punën e gjykatës në vitin 2015. Kjo solli një gjendje të tendosur më miqët tanë ndërkombëtar të cilët dërguan mesazhe të qarta së nuk do të luhet lehtë më Marrveshje Ndërkombëtare .Presidenti i zgjedhur më vota të LDK-se, Hashim Thaçi ishte promotori i nismës për shfuqizimin e gjykatës për ta shpëtuar lekurën e vet. Ai është ngritë mbi institucionet duke i marre kompetancat sikur të ishim shtet presidencial e jo që jemi përcaktuar për shtet parlamentar. Nuk është hera e parë që zyrtarët më të lartë të Serbisë të futën në Kosovë pa lejën e organeve tona .Disa herë kan hy pas luftës presidentet e shtetit serb, kryepopet dhe zyrtarë tjerë të cilët edhe kan marrë guximin të përdorin fjalor luftënxites e destabilizues karshi Kosovës.

Provokimet e fundit të kreut shovenist serb ishin treni më ikonografi fashiste i cili u ndalua të hyn në Kosovë më shumë nga Amerika ,së në pyetje ishte reputacioni i saj në arenën ndërkombetare .Provokimet Serbia nuk i ndali kurrë në veri.Më këto provokime të inicuara nga Beogradi zyrtar edhe arriti që Kosova mos ta këtë kontrollin mbi këtë pjesë të vendit.Serbët vunë barrikada mbi lumin Iber sa herë që deshtën dhe ju hyri në funksion ajo punë .Këta kriminelë janë duke bërë që shumë kohë rendin dhe ligjin në veri të Mitrovicës, më qëllim të ndarjës mbi baza etnike ,më bekimin deri diku edhe të Evropës. Atë që nuk arriti Millosheviqi më luftë , po i arrijnë gradualisht këto objektiva serbët grabitqare ti realizojnë në kushte të paqës , që është dëmi më i madh që po i bëhët Kosovës. Duhet të jemi të vetëdijshem së miqët tanë të cilët na ndihmuan ta kemi shtetin tonë pas 90 vitesh të okupimit, i kan interesat e veta strategjike edhe më shtetet tjera në rajon .Kjo gjë nuk po kuptohet apo nuk po dëshirohet të kuptohet nga kjo elitë politike.

Ka zëra që kjo qeveri duhet të rrezohet pas largimit nga kuvendi të Listës Serbe e dirigjuar nga Beogradi. Në këtë situatë politike duket së nuk do të ishte dashur të ndodhë të shkojmë prap në zgjedhje shumë të kushtueshme ,dhe të cilat nuk po sjellin ndonjë efekt pozitiv veq prodhimit të krizave politike, ekonomike e institucionale . Ka shumë gjasa që grupin e rezervuar të Listës Serbe prej 10 deputeteve nese nuk kthehen, e ka gjasa qe po, më kushte shtesë,ta zëvëndësojnë të ikurit nga LVV , ose ka paralajmërime së edhe LDK-e sipas deklaratave të disa zyrtarëve të lartë të saj , të bëhët pjesë e koalicionit qeverisës.Në zgjedhje të reja nuk duhet të shkohet pa u bërë edhe reforma zgjedhore shumë e nevojshme për vendin , e të cilën reformë po e pengojnë strukturat në krye të partive politike, së kjo gjë po ju leverdisë për të mbetur sa më gjatë në pushtet.

Ndoshta rënjën e qeverisë nga faktori politik shqiptarë e dëshiron vet partneri i koalicionit PDK-ja , e cila ka pësuar rënje të madhe në zgjedhjet fundit nacionale e lokale , e po kërkon mbijetesën politike të saj përmes zgjedhjeve të jashtëzakonshme të cilat po ndodhë dy herë radhazi të mbahen …

Lista serbe, subjekti kryesor politik i serbëve të Kosovës, vendosi të largohet nga qeveria e kryeministrit Ramush Haradinaj.

Shefi i kësaj liste, Goran Rakiç, tha të martën në Beograd pas një takimi me presidentin e Serbisë, Aleksandër Vuçiç, se muajin e ardhshëm kur mbushen pesë vjet nga nënshkrimi i marrëveshjes së Brukselit në kuadër të bisedimeve ndërmjet Kosovës dhe Serbisë, do të fillojnë vet ngritjen e asociacionit të komunave më shumicë serbe. Ai tha se lista ka mbështetjen e presidentit serb për veprimet e saj.

“Zhvillimet e së hënës, janë në kundërshtim me angazhimet për dialog dhe për ndërtim të paqes së qëndrueshme në Kosovë, si dhe cenim i përpjekjeve për normalizim të raporteve në mes Kosovës dhe Serbisë. Bëj ftesë që të respektohet dhe të ruhet fryma e dialogut në mes Kosovës e Serbisë dhe të mbesim të fokusuar në normalizimin e marrëdhënieve, në ndërtimin e fqinjësisë së mirë dhe pajtim”, thuhet në një komunikatë të presidentit Thaçi.

Me tej ai thekson se ka biseduar me shefen e politikës së jashtme të Bashkimit Evropian, Federica Mogherini, për nevojën e uljes së tensioneve, “sepse dialogu nuk ka alternativë dhe të gjithë duhet të fokusohemi në rrugën përpara”.

Kryeministri i Kosovës, Ramush Haradinaj, i cili mblodhi të martën Këshillin e Sigurisë e cilësoi të ngutshëm këtë veprim duke u bërë thirrje përfaqësuesve të listës serbe që të reflektojnë mbi vendimet e tyre.

“Mendoj që është një paralajmërim i ngutshëm i tyre, i ngutshëm dhe i dëmshëm, nuk bën ashtu. Ne e pamë dje kur nuk ka komunikim të mirëfilltë deri ku mund të shkojnë zhvillimet. Nuk është mirë të testohet durimi i askujt deri në fund, më mirë është t’i kthehemi tavolinës dhe t’i shtyjmë temat së bashku, por njëanshëm nuk mendoj se është në dobi të askujt dhe jam thellë i bindur se do ta gjejmë një gjuhë të komunikimit që punët t’i kryejmë si i ka hije në tavolinë, por jo ashtu, jo njëanshëm jo me mohim”, tha kryeministri i Kosovës.

Njësitë e policisë së Kosovës ndërhynë të hënën në veri për të shpërndarë një tubim në të cilin po merrnin pjesë zyrtarë serbë që kishin hyrë në Mitrovicë me gjithë ndalesën nga autoritetet e Prishtinës. Policia arrestoi dhe e dërgoi në Prishtinë shefin e zyrës serbe për Kosovën në qeverinë e Serbisë, Marko Gjuriq, i cili bashkë me sekretarin e përgjithshëm i presidentit të Serbisë, Nikola Selakoviç, hynë në Mitrovicë jashtë rrugëve të ligjshme.

Policia përdori gazin lotsjellës për të shpërndarë të tubuarit. Marko Gjuriç, më pas u dëbua në Serbi. Veprimi nxiti reagime të ashpra të Beogradit i cili akuzoi edhe fuqitë perëndimore për mbështetje të ndërhyrjes së policisë së Kosovës.

Kryeministri Haradinaj, tha se veprimet e djeshme nuk kanë qenë të drejtuara ndaj komunitetit serb në Kosovë, por ishin të pashmangshme dhe në pajtim me ligjin.

“Arrestimi i djeshëm i zyrtarit të Serbisë, në këtë rast Marko Gjuric, nuk ishte një veprim i këndshëm ose i pëlqyeshëm prej nesh, por ishte zbatim i ligjit pra i pa alternativë meqenëse hyrja ishte ilegale dhe në këtë rast vlejnë procedurat standard të cilat i kanë zbatuar organet e rendit, policia dhe institucionet tjera me profesionalizëm”, tha zoti Haradinaj.

Lista Serbe, është pjesë e koalicionit qeverisës në Kosovë dhe largimi i saj e lë qeverinë pa shumicën në parlament duke krijuar rrethana të reja në vend, që mund të çojnë në zgjedhje të parakohshme apo rikonfigurim të qeverisë.

Kryeministri Harandinaj, mohoi mundësinë e shkuarjes në zgjedhje të parakohshme, por tha se mbetet i hapur për mundësi të tjera.

“Dorëheqje s’e kam në plan të jap, punën e kam në plan ta vazhdoj seriozisht, ata që e pëlqejnë punën e qeverisë ju shprehi partneritet, ata që shkojnë e hyjnë e dalin nuk kam ndonjë vendim tjetër për ta”, tha zoti Haradinaj.

Grupe qytetarësh serbë bllokuan për pak kohë të martën një nga rrugët kryesore në veri që çon drejt vendkalimit kufitar Jarinje ndërmjet Kosovës dhe Serbisë.

Këshilli i Sigurisë e vlerësoi megjithatë të qetë situatën në Kosovë pas zhvillimeve të një dite më parë.

Bashkimi Evropian dhe diplomatët amerikanë në Prishtinë e Beograd, kanë bërë thirrje për vazhdimin e dialogut si rrugë pa alternativë për zgjidhjen e problemeve dhe normalizimin e marrëdhënieve ndërmjet Kosovës dhe Serbisë. za

Marko Gjuriq dhe kryetari i Mitrovicës Veriore, Goran Rakiq

Lista Serbe ka miratuar nismën për largimin nga Qeveria e Kosovës. Lidhur me këtë nismë, Lista Serbe ka kumtuar se do ta njoftojë edhe presidentin e Serbisë, Aleksandar Vuçiq. Kështu thuhet në deklaratën e Listës Serbe të lëshuar për gazetarë pas zhvillimeve që pasuan arrestimin e shefit të Zyrës për Kosovën në Qeverinë e Serbisë, Marko Gjuriq nga ana e Policisë së Kosovës.

“Kjo është një ditë e rëndë për serbët në Kosovë në të cilën është parë më së miri fytyra e institucioneve të Kosovës. Në mënyrë brutale, me plumba në tytë, me shok-bomba dhe me goditje brutale mbi gratë dhe burrat janë sulmuar dhe rrahur përfaqësuesit legal të popullit serb, ministra, drejtorë të zyrave, deputetë dhe kryetarë komunash”, thuhet në deklaratën e Listës Serbe.

Dialogu në këso rrethana, thuhet në deklaratë, nuk ka kurrfarë kuptimi.

Shefi i kabinetit të Ministrisë së Jashtme në Qeverinë e Kosovës, Jetlir Zyberaj ka konfirmuar për Radion Evropa e Lirë, se kjo ministri e ia refuzuar kërkesën për vizitë në Kosovë drejtorit të Zyrës për Kosovën në Qeverinë e Serbisë, Marko Gjuriq dhe sekretarit të përgjithshëm të presidentit të Serbisë, Nikola Selakoviç.

Sipas Zyberaj, ndalesa është aplikuar për shkak të deklaratave të cilat nxisin tensionim të situatës.

Zëvendësdrejtori i Policisë se Kosovës për rajonin e Mitrovicës, Besim Hoti i tha Radios Evropa e Lirë se policia është e obliguar të veprojë sipas urdhrit, gjegjësisht që të mos lejojë hyrjen e Marko Gjurqit në Kosovë.

Policia e Kosovës, tha Hoti, sot vepron sipas planit të veçantë operativ.

Drejtori i Zyrës për Kosovën në Qeverinë e Serbisë, Marko Gjuriq dhe sekretari i përgjithshëm i presidentit të Serbisë, Nikola Selakoviç gjatë vizitës në Kosovë planifikonin të merrni pjesë në një debat me qytetarët në veri të Kosovës, rreth dialogut të brendshëm të cilin e ka nisur presidenti i Serbisë, Aleksander Vuçiq.

Më 26 mars 2007 ish-presidenti finlandez, Martti Ahtisaari dërgoi raportin përfundimtar në Këshillin e Sigurimit të OKB-së, në të cilin thoshte se Kosova duhej të bëhet e pavarur.

Derisa SHBA-të përkrahnin planin e Ahtisaarit dhe mendonin se Kosova duhet të bëhet e pavarur, serbët vazhduan ta kundërshtojnë planin.

Rusia bëri deklarata që mund të interpretohen si kundër pavarësisë, por nuk përmendi përdorimin e vetos, transmeton KosovaPress.

Tri ditë më vonë, më 29 mars 2007, Parlamenti Evropian miraton një rezolutë me 490 vota pro, 80 kundër dhe 87 abstenime, ku shprehej përkrahja për pavarësinë e mbikëqyrur për Kosovën.

• Kryetari i Këshillit të Nismës Socialdemokrate, Jakup Krasniqi ka shkruar në profilin e tij për Asociacionin e komunave serbe. Ai ka theksuar se ata që e votojnë asociacionin e shkelin betimin e dhënë dhe bëjnë tradhti ndaj vendit e kombit.
  “Kuvendi i Kosovës, si institucioni më i lartë i vendit, nëse dëshiron të jetë e të mbetet në rolin e institucionit përfaqësues, duhet që t’i thotë me Jo të madhe çdo varianti tjetër të asociacionit veç atij që e ka dhe për të cilin e ka Statutin e tij. Përndryshe deputetët shkelin betimin e dhënë dhe bëjnë tradhti ndaj vendit e kombit. Nëse tanimë miu nuk e ka bërë udhën e tij”, ka shkruar ndër të tjera Krasniqi.

Postimi i plotë i Krasniqit:
A ËSHTË E VËRTETË SE BRUKSELI PO E KËRKON ASOCIACIONIN?
Athua është e vërtetë se Brukseli po e kërkon Asociacionin e Komunave Serbe në Kosovë? Epo, mirë, vetëm duhet saktësuar cilin asociacion? 1. Atë që thuhet në Kartën Evropiane për decentralizim; 2. Atë që është nënvizuar në Dokumentin e Ahtisarit e Kushtetutën e Kosovës, apo 3. Atë që është arritur në Bruksel në Marrëveshjet e Thaçit e të Mustafës?
Asociacioni i këtyre të fundit është antikushtetues. Varianti i tri dokumenteve të theksuara në fillim është në përdorim në Kosovë dhe ai variant pse të mos ju shërbejë edhe komunave me shumicë serbe në Kosovë?
Nëse duhet të jetë diçka ndryshe nga asociacioni i Kartës Evropiane, i Dokumentit të Ahtisarit dhe i Kushtetutës sonë, ai nuk mund të jetë asociacion, prandaj thuajeni emrin e vërtetë të tij. Lërini përrallat, si ju në Bruksel si ju “krerët” e Kosovës!

Për këtë çështje kam shkruar e reaguar gjerë e gjatë, tani nuk do të zgjatem, pasi këtë çështje e trajtoj edhe në librin “Arti i bisedimeve”, që pritet të promovohet më 29 mars 2018, por, ajo që dua të them tani është kjo:
Kuvendi i Kosovës, si institucioni më i lartë i vendit, nëse dëshiron të jetë e të mbetet në rolin e institucionit përfaqësues, duhet që t’i thotë me Jo të madhe çdo varianti tjetër të asociacionit veç atij që e ka dhe për të cilin e ka Statutin e tij. Përndryshe deputetët shkelin betimin e dhënë dhe bëjnë tradhti ndaj vendit e kombit. Nëse tanimë miu nuk e ka bërë udhën e tij!
Shkurt, asociacioni i Marrëveshjeve të Brukselit as nuk ishte e as nuk është asociacion, meqenëse secili njeri normal do të duhej ta dinte se po të ishte fjala për asociacion, për të cilin flasin të gjitha dokumentet e apostrofuara më lart, pse duhej të ishte pjesë e bisedimeve në mes të Kosovës e të Serbisë në Bruksel, duke krijuar njëkohësisht konfuzion por edhe derivuar detyrime që do t’i kushtojnë Kosovës. Kujdes!!!

• 

  Arton Konushevci

  Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka dy fëmijë.

  [email protected]

Mbrëmja e 21 marsit 2018 do të mbahet gjatë në mendjen e popullit të Kosovës dhe kombit shqiptar në përgjithësi. Do të mbahen gjatë në mendjen e çdo shqiptari deputetët shqiptar që votuan pro-copëtimit të trojeve etnike, dhënë dhuratë Malit të Zi!
Ata deputet shqiptar që votuan për faljen e territorit të shtetit të tyre në këmbim të asgjëje, përveqse tradhtarë, janë qyqarë, janë zuzar, pa ndjenja kombëtare, shpirtrobër dhe të marrë. Me votimin në Kuvend për copëtimin e trojeve etnike në dekadën e fundit të shekullit 21, deputetët u bënë njolla më e zezë e historisë së re të Kosovës dhe kombit shqiptar në përgjithësi.

Nga mallkimi nuk do të shpëtoni sot, neser dhe përgjithmonë

Deputetët që votuan tradhtinë kombëtare të 26 gusht 2015 në Vjenë, gjegjësisht të marrëveshjes së nënshkruar nga Hashim Thaçi për Demarkimin e Kufirit me Malin e Zi, në kundërshtim me Rezolutën e Kuvendit të Kosovës, përveq mallkimit të gjakut të dëshmorëve të luftës së fundit çlirimtare, do t’i mallkojë brez pas brezi edhe gjaku i paraardhësve tonë të rëne ndër shekuj në mbrojtje të tokave shqiptare të aneksuara nga Mali i Zi, para dhe pas vrasjes së Isa Boletinit e deri në ditët e sotme.
Me ratifikimin e Marrëveshjes së Kufirit, mes Kosovës dhe Malit të Zi, Qafa e Çakorrit, Belluha dhe Kulla nuk janë as nuk do të jenë më pjesë e Kosovës, as e trojeve tona etnike. Ato do t’i kalojnë Malit të Zi, i cili, historikisht, e ka rritur territorin e tij, në dëm të shqiptarëve.
Se, ratifikimi i kufirit me Malin e Zi është tradhti kombëtare duhet ta dinë të gjithë: pushtetarë, parlamentarë dhe populli mbarë! Të mos bëhemi të verbër, injorantë dhe të marrë, territori u fal jo për lëvizje të lirë siq po trumbetojnë tradhtarët, por për kënaqjen e orekseve grabitçare të fqinjëve tanë në njërën anë dhe për shpëtimin e lëkurës së nënshkruesve të aktit të tradhtisë me 26 gusht 2015 në Vjenë dhe jo vetëm kaq, për të shpëtuar edhe ndërgjegjën e vrarë të disa liderëve partiakë të zënë peng nga bashkësia ndërkombëtare shkaku i veprimeve korruptive dhe kriminale.

Trullosja pas pushtetit e komandantëve

U pa qartë, se etja për pushtet të pakufizuar ua ka vërbuar sytë dhe mjegulluar mendjen ish- komandantëve të luftës! Për të kapur pushtetin dhe realizuar interesat klanore jo vetëm që u larguan nga vlerat e luftës për liri, çdo ditë po shkelin idealin e bashkëluftëtarëve, mbi amanetin e dëshmorëve të luftës për liri që u sakrifikuan për mbrojtjen e këtyre trojeve që na i lanë trashëgim të parët tonë.
Tjetërsimi antikushtetues i territorit të Kosovës në favor të Malit të Zi, është largimi më i skajshëm nga vlerat e lirisë dhe denigrimi më i tmerrshëm i transformimit nga luftëtarë të lirisë në shkelës të gjakut të dëshmorëve.
I rënd dhe i pariparueshëm është dëmi edhe i atyre që deri dje thirreshin në vlerat e vizionit rugovian, në shtetndërtim dhe demokratizim të shoqërisë kosovare, të cilët për interesa meskine të përfitimit material iu bashkuan rrënuesve të integritetit territorial të vendit të tyre.

Hipokrizia e deputetëve të LDK-së

Lakmia për para të pista dhe privilegje tjera ua vërboi sytë edhe “institucionalistëve” jasht institucioneve, të cilët harruan amanetin e liderit dhe presidentit historik Ibrahim Rugova për mbrojtjen e Çakorrit e Kullës, për të cilat dhanë jetën qindra e mijëra shqiptarë vetëm gjatë shekullit të fundit!
Tashmë, kur u bënë një me kapësit e shtetit dhe shkelësit e gjakut të dëshmorëve, deputetët e LDK-së nuk kanë më gjë të përbashkët me vizionin rugovian.
Klani i “RIINVEST-it” kot iu rrëfehen gazetarëve të premteve pas dite pa asnjë plak në “xhuma”! Mëkatet e tyre nuk i lanë Drini i Bardhë e as Bistrica e Pejës, nuk do t’i lanë as deti malazias gjatë muajve të nxehtë të verës!
Nuk ka hipokrizi më të madhe se ajo e disa deputetëve të LDK-së, që thirreshin në filozofinë politike rugoviane, ndërsa më pas e votuan tradhtinë për vendin dhe rugovasit e tyre në veqanti!
Tani e tutje, sejmenët e Isa Mustafës, të premteve pas dite mund të flasin çdo gjë tjetër pos politikës, e fare për largimin e kësaj qeverie që i zgjatën jetën në mënyrën më të kobshme për shtetin dhe qytetarët e këtij vendi.

Kontrabandimi i territorit në emër të liberalizimit, mashtrim i radhës

Demarkimi i kufirit me Malin e Zi gjoja në këmbim të liberalizimit nga liderët shtetërorë dhe partiak u përdor vetëm si pretekst për mashtrimin e qytetarëve të lodhur nga varfëria dhe denigrimi social që ju bëri shteti në këto 10 vjetët e fundit.
Edhe përkundër kontrabandimit të demarkacionit me Malin e Zi, liberalizimi i vizave për qytetarët kosovar nuk do të ndodh edhe për një kohë relativisht të gjatë.
Pasi kushti themelor për liberalizim të vizave është luftimi i krimit të organizuar dhe korrupsionit të lartë në vendin tonë. Këtë fakt, një ditë pas ratifikimit të marrëveshjes së turpit në Kuvend e përseritën pothuajse të gjithë zyrtarët evro-perendimorë.
Prandaj në ndërgjegjën e deputetëve që votuan faljen e territorit të vendit të tyre, më shumë se mos liberalizimi i vizave do të peshojnë 8230 hektarë tokë e humbur e Kosoves, e larë me gjakun e shqiptarëve ndër shekuj.
Ndërkombetaret po deshën, e kanë mundësinë e liberalizimit të vizave për qytetarët kosovare edhe pa kushtin e Demarkacionit dhe kushteve tjera të siperpërmendura.

BE-ja me kritere të dyfshta për Kosovën

Bashkesia ndërkombëtare në vend të penalizimit të padrejt të qytetarëve, duhet të ndëshkoj politikanët e korruptuar dhe tejinkriminuar në Kosovë.
Do të ishte në nderin e bashkësisë ndërkombëtare, në veqanti BE-së që t’ua heqë barrierat qytetarëve të Kosovës për levizje të lirë e jo t’i mbajë të getoizuar 2 milion qytetarë të pafajshëm për shkakun e një klase sa të papërgjegjshme po aq të korruptuar politike.
Bashkësia ndërkombëtare getoizimin dhe mbylljen brenda rrethit të “hekurt”,duhet t’ua bëjë politikanëve të korruptuar dhe tejinkriminuar, t’u vëjë kushte për antarësim në BE dhe OKB, por në asnjë rrethanë të mos e pësojnë qytetarët e pafajshëm dhe të ndershëm të këtij vendi.
Sikur BE-ja dhe SHBA-të, të ishin të interesuara që Kosova të bëhej një shtet në kuptimin e plotë të fjalës, me qeverisje të mirë dhe zhvillim ekonomik do duhej t’i izolonin politikanët e jo qytetarët.
Kërkesa e drejt e BE-së për luftimin e krimit të organizuar dhe korrupsionit nëse nuk pasohet me masa konkrete për largimin e të korruptuarve nga pushteti në Kosovë, ashtu siq kaluan afro 20 vjet, do të kalojnë edhe po aq të tjera dhe Kosova prapë do të mbetët në margjinat e saj sa i përkët plotësimit të kritereve për antarësim në BE dhe OKB.
Ndryshe, levizja e lirë e njerëzve është e drejtë universale, mbajtja tutje nën “GETO” e qytetarëve të pafajshëm kosovar (më pro-evropianëve të Ballkanit) për mëkatet e klasës së tyre politike është e pakuptimtë dhe papranueshme!