Mediat serbe i kanë kushtuar vëmendje deklaratave të djeshme të zyrtarëve të Kosovës gjatë përurimit të autostradës Prishtinë – Gjilan – Dheu i Bardhë

Ato janë ankuar që në këtë aktivitet për gazetarët serbë ka munguar përkthimi, ndërkohë që i kanë vënë theks deklaratave ku zyrtarët Preshevën e kanë quajtur Kosovë Lindore.

Dy zyrtarët, Lutfi Haziri dhe Pal Lekaj e kanë përdorur këtë shprehje “Kosova Lindore”, por sipas mediave në gjuhën serbe këtë e ka bërë edhe Ramush Haradinaj.

Dje, në fshatin Zhegovc është përuruar fillimi i punës për ndërtimin e autostradës Prishtinë –Gjilan –Dheu i Bardhë, projekt ky për të cilin aktualisht janë sigurar 87 milionë euro, ndërkohë që ndërtimi i saj do të zgjasë 30 muaj.

Banorët e Kukësit shumë shpejt do ta kenë një tarifë të reduktuar për Rrugën e Kombit. Ministri i Infrastrukturës së Shqipërisë, Damian Gjiknuri po negocion me koncensionarin për ta ulur tarifën vetëm për kuksianët, duke lënë anash totalisht qytetarët e Kosovës. Këshilltari politik i ministrit të Infrastrukturës së Kosovës, Fatos Mani konsideron se Shqipëria po i injoron kosovarët, në fakt po i godet dhe vetëm Kosovës po i bie barra e pagesës së taksës për Shqipërinë.

I kontaktuar nga Gazeta Express, Fatos Mani, këshilltari i Pal Lekajt, thotë se është keq që Shqipëria e ka harruar Kosovën për negociatat për tarifa të reja për Rrugën e Kombit.

“Krejt çka mund të them për këtë temë, them se është mirë që është ulur taksa për banorët, por shumë keq që Kosova është harruar për marrëveshjen për tarifa te reja. Shumë keq që Ministria e Infrastrukturës së Shqipërisë e ka harruar Kosovën në trajtimin e  tarifave të reja me koncensionarin”, tha Mani të dielën për Gazetën Express.

Mani konfirmoi se nga letra e dërguar nga ministri Pal Lekaj në Ministrinë e infrastrukturës dhe Energjisë së Shqipërisë, ku është ngritur shqetësimi për tarifën e lartë që i është vënë kosovarëve që frekuentojnë Rrugën e Kombit nuk është marrë ende asnjë përgjigje.

“Momentin që e kanë vendosur taksën ne i kemi dërguar letër, kemi kërkuar më shumë informata. Kemi ngritur shqetësimin tonë në harmoni me deklaratat e ministrit dhe të kryeministrit tonë. Ka qenë kërkesë për sqarime shtesë dhe mirëkuptim për të marrë ndonjë përgjigje prej tyre”, tha ai.

Sidoqoftë, ministri i Infrastrukturës dhe Energjisë në Shqipëri Damian Gjiknuri, gjatë ditës së djeshme deklaroi se tarifa për banorët e Kukësit do të jetë e pranueshme dhe për zvogëlimin e saj tashmë kanë filluar negociatat.

“Është një proces i filluar mirë dhe besoj brenda një periudhe shumë të shkurtër, përpara se të fillojë dhe njëherë funksionimi i pagesave të Toll-it, ne do të kemi një zgjidhje. Besoj do jetë shumë e pranueshme, por njëkohësisht nuk cenon edhe efektivitetin e kontratës, nuk cenon mbarëvajtjen e kontratës për mirë-menaxhimin e kësaj rruge”, ka theksuar Gjiknuri.

Deklarata e Gjiknurit ka ardhur pasi ditë më parë u zhvillua një protestë  e dhunshme në “Rrugën e Kombit” kundër taksës së vendosur nga kompania koncesionare. Protestuesit janë përplasur me policinë dhe kanë qëlluar me gurë mbi efektivët, e më pas u kanë vënë zjarrin sporteleve ku do të kryhej pagesa.

Ndaj këtij vendimi kanë reaguar edhe kosovarët, por si duket Shqipëria ka vendosur t’i injorojë ata totalisht.

Çdo ditë po bombardohemi nga lajmet e keqija, më tragjedi, krime… dhe situata të tjera malicioze në këtë botë të trazuar.Po ndëgjojmë për hapjën e vatrave të reja të krizave.Sigurisht më tronditësja aktualisht është lufta në Siri ku po pësojnë më mijëra civilë të pafajshem.Kërcnimet e arsyeshme të Donald Trampit karshi regjimit criminal të Bashar Al Asadit dhe diktatorit rus, Vladimir Putin për përdorim të armeve kimike ne kete shtet , e kan futur botën në rrezik të shpërthimit të një lufte më përmasa më të mëdha .Presidenti amerikan, Donlad Tramp e mbajti premtimin duke bombarduar tri bazat ushtarake kimike të Asadit më aleatet e saj, Mbretërinë e Bashkuar dhe Francën.Ky ishte leksioni më I mirë së si duhet ndaluar “Bishën “ , siq e quajti Tramp kriminelin Asad .Dhe , natyrisht kjo ndërhyrje ushtarake trilaterale ishte për ti shpëtuar civilët nga këta diktatorë të cilët e kan humbur torruan.

A thua si do të dukej kjo botë pa Amerikën dhe aleatet e saj të Evropës? E zhytur sigurisht në kaos .Mos të ndihen komod asnjë diktatorë në botë i madh ose I vogël ,së nuk do tu lejohet të vrasin gra dhe fëmijë të pafajshem në shtetin vet as diku tjetër , dhe as nuk do tu lejohet ti nëpërkëmbin konventat ndërkombëtare mbi të drejtat dhe liritë elementare njerëzore. Siria është rasti më eklatant I shkeljës së lirive dhe të drejtave elementare njerëzore nga regjimi criminal I Asadit dhe regjimi i diktatorit, Vladimir Putin, të cilët vranë civilë të pafajshem në një luftë katërvjeqare të pakuptimtë , e cila luftë mori mbi 450 mijë jetëra njerëzish . Këtu nuk duhet amnistuar as terroristët mizor të ISISI-it, të cilët janë bërë e keqja e madhe e kësaj bote,e ndaj të cilëve duhet të luftohet deri në fund. Amerika edhe një herë tregoi së është prijetare e mbrojtjës së vlerave demokratike në botë ,pa marre parasysh popujtë dhe racat njerëzore.

Të gjitha këto lajme të cilat po na servohen po bëjnë që të kemi një gjendje shpirtërore të lëkundur, po ndikojnë që te kemi një gjendje psiqike jo stabile… Kjo botë po është më shumë e mbushur më lajme të cilat na trondisin, e sidomos na trondisin edhe më shumë aktet e ndryshme terroriste të fundamentalisteve islamik në Evropë, dhe aktet tjera terroriste nga kushdo që vijnë ato . Ngjarjet e mira si zakonisht ndodhin shumë më rrallë, ato duhet pritur që të ndodhin, kurse e keqja ndodh ashtu pa pritur, ndodhë rrufeshem. Shumica do të thonë së nuk është bashë kështu. Gjerat jetësore para nesh nuk kemi shumë mundësi ti planifikojmë, ato rrjedhin ashtu vetevetiu si rrjedhë koha. Mediet janë ato të cilat po na servojnë iformacione të cilat duhet të ndikojnë që që t’i ndryshojmë gjerat për të mirë. Duhet t’i përshtatemi situatave jetësore duke aplikuar të njejtin kriter. Nuk duhet të mësohemi më të keqën së ajo na bën të pësojmë katarsisë negativ. Tragjeditë janë të rrufeshme dhe dinë të na qesin nga binaret normal të jetës. Ato në shumë raste janë fatale për të ardhmen e njerëzimit. Është koha e internetit ku ngjarjet që mund t’i shohim në rrjete të ndryshme sociale, portale etj na zgjojnë kërsherinë tonë. Gjithmonë psiqika jonë orjentohet që sado pak të disponohemi e jo të kemi disponim të keq nga ngjarjet e tmershme të cilat po i shohim dhe po i përjetojmë .

Ne, për një moment edhe vetë misherohemi më to dhe i përjetojmë shpirterisht ato…Sigurisht së bota po alarmohet nga tensionet e ngritura për luftë të Asadit, Putinit dhe qmendurakut tjetër të Koresë Veriore, Kim Jong Un, I cili ka ngritur ambiciet e sëmura për armatim bërthamor.Këto ngjarje të fundit dhe shumë ngjarje tjera të një harku kohor të shkurtër janë duke e vu seriozisht në sprovë paqën në botë. Amerika paqëdashëse më aleatë të saj në Evropë, sigurisht do ti përballojë këto provokimeve të këtyre diktatorëve , në dobi të mbajtjës së paqës botërore …

PRISHTINE– Kryetarja e Alternativës, Mimoza Kusari-Lila, ka publikuar në ‘Facebook’ një mesazh kërcënues, ndërsa deklaroi se pas këtij akti fshihet një person i afërt me PDK-në.
“Diçka për klientelizmin, kapjen e shtetit, kërcënimet për mendimet ndryshe, krejt në një mesazh që pranova nga një njeri që u shpërblye me punë në ndërmarrjen publike në Gjakovë të uzurpuar nga PDK dhe AAK, KRU “Gjakova”, qerdhen e militantizmit politik. Mandej po i inkurajojmë rininë të besojnë në mundësi të barabarta”, ka shkruar Kusari-Lila.

Në mesazhet e publikuara shihet se si një person me emrin Bujar Kokalla e ka kërcënuar Kusari-Lilën që të mos flas kundër Hashim Thaçit.

“Po te garantoj bane te njeva ni fjale qe na e shan shefin Hashim Thaçi, ta baj me be Cermjanin. Duhesh me dite qe Thaçi ka njerëz qe japin jeten per to” ka shkruar ai.

• 

  Nadie Ahmeti

  Me profesionin e gazetarisë ka filluar të merret që prej vitit 2000, kurse Radios Evropa e Lirë i është bashkuar në vitin 2001. Kryesisht mbulon çështjet ekonomike dhe sociale, për çka edhe i janë ndarë disa mirënjohje.

  [email protected]

Presidenti i Republikës së Kosovës, Hashim Thaçi, ka pritur Ministrinë e Punëve të Jashtme të Greqisë, Nikolaos Kotzias.

Presidenti Thaçi ka thënë se e çmon pozicionin pozitiv dhe parimor të Greqisë për perspektivën evropiane të Kosovës.

“Jemi mirënjohës për përkrahjen e Greqisë për anëtarësim në organizata ndërkombëtare dhe kërkojmë që kjo përkrahje të vazhdojë edhe për anëtarësimin tonë në INTERPOL, UNESCO, NATO, Bashkim Evropian dhe në Organizatën e Kombeve të Bashkuara”, ka thënë presidenti, duke shtuar se “është shumë me rëndësi që Greqia ta ruaj qëndrimin konstruktiv”.

Në anën tjetër, kryediplomati grek ka thënë se normalizimi i marrëdhënieve mes shteteve në Ballkanin Perëndimor, por edhe në vetë Bashkimin Evropian, është shumë i rëndësishëm për të gjitha shtetet.

“Greqia e mbështet planin e integrimit evropian në të gjitha nivelet”, ka thënë Kotzias, thuhet në një komunikatë për media nga zyra e Presidentit.

Presidenti Thaçi dhe ministri i Jashtëm i Greqisë, Nikolaos Kotzias, kanë diskutuar edhe për thellimin e bashkëpunimit ekonomik.

PRISHTINE– Prokuroria Speciale e Republikës së Kosovës (PSRK), ka ngritur aktakuzë ndaj ish-kryetarit të Komunës së Gjakovës, Pal Lekaj, i cili aktualisht është ministër i Infrastrukturës në Qeverinë e Kosovës.

Lajmin e ka konfirmuar për Radion Evropa e Lirë, zëdhënësi i Prokurorisë së shtetit, Ekrem Lutfiu.

Ai akuzohet për dy vepra penale të përvetësimit në detyrë dhe keqpërdorim të detyrës zyrtare.

Pas ngritjes së aktakuzës, ka reaguar edhe ministri Lekaj. Në një deklaratë për media, ministri citohet të ketë thënë se “se në asnjë rast e rrethanë nuk ka vepruar ndryshe, përveçse në harmoni me ligjin”.

Ai ka thënë po ashtu se do të vazhdojë punën e tij, siç është shprehur ai, ”për të përmbushur obligimet ndaj qytetarëve dhe vendit”.

Lekaj është ministri i dytë që ka aktakuzë të ngritur në qeverinë aktuale të Kosovës. Paraprakisht, akuzë është ngritur edhe kundër ministrit Besim Beqaj, në lidhje me rastin e njohur si “pronto”.

Ministri i Jashtëm i Greqisë, Nikolaos Kotzias, ka arritur në Prishtinë në vizitën e tij të parë zyrtare. Fillimisht, shefi i diplomacisë greke është pritur nga zëvendëskryeministri i Parë dhe ministër i Punëve të Jashtme, Behgjet Pacolli.

Takimi i cili ishte paralajmëruar për orën 14:40 ka nisur me rreth një orë vonesë. Ndërkaq, konferenca e përbashkët e cila ishte paralajmëruar për orën 15:30 është anuluar tërësisht.

Gjatë fotografimit për gazetarët, Kotzias është pyetur për arsyen e mosmbajtjes së konferencës së paralajmëruar për medie në Prishtinë, njëjtë siç kishte bërë dje edhe në Beograd.

Ai tha se kanë shumë tema të rëndësishme që të flasin brenda takimit dhe se nuk kanë kohë për konferencë.

Greqia, sikur dihet, është një nga pesë shtete e BE-së, e cila nuk e ka ka njohur ende Kosovën, megjithëse mban një qëndrim më “të butë”, duke njohur dhe pasaportat.

Kotzias tha të mërkurën në Beograd se vendi i tij nuk do ta njohë pavarësinë e Kosovës, ndërsa sqaroi se zyra tregtare e Kosovës në Athinë nuk do të jetë përfaqësi diplomatike.Kryediplomati grek gjatë ditës do të takohet edhe me presidentin Hashim Thaçi. Edhe këtu, mediet do të mund të marrin vetëm pamje.

• 

  Nadie Ahmeti

  Me profesionin e gazetarisë ka filluar të merret që prej vitit 2000, kurse Radios Evropa e Lirë i është bashkuar në vitin 2001. Kryesisht mbulon çështjet ekonomike dhe sociale, për çka edhe i janë ndarë disa mirënjohje.

  [email protected]

Anton Quni, një nga protagonistët e betejës së Koshares, ka kujtuar në Interaktiv të KTV-së momente nga përballja me forcat ushtarake serbe.

Ai ka treguar se gjatë luftimeve, UÇK-ja kishte arritur të kapte robër dy ushtarakë serbë. Këta ka treguar se UÇK-ja i ka shkëmbyer me katër ushtarakë amerikanë.

“Kohë pas kohe u kemi bërë thirrje të dorëzohen. Kanë pas një paragjykim se ne nuk do të sillemi sipas konventave për robër. Në një situatë është zënë rob një ushtar i trajnuar dhe i përgatitur për operacione komando. Ka pas të kryer përgatitjet ushtarake. I dyti ishte ushtari në shërbim. Të dytë nëpërmjet njësive tona përgjegjëse, janë trajtuar, janë marrë shënimet aq sa lejohet. Kemi marrë informata për moralin e ushtarëve serbë, për arritjet e tyre, si e shohin nga pozicioni i tyre forcën tonë, si i kanë humbjet, si i bëjnë ndërrimet, si i kanë organizimet. S’ka pas nevojë fare as për dhunë as për me ngrit zërin. Të gjitha që i kanë ditë na i kanë treguar dhe ne i kemi përdor për të zhvilluar operacionet. Këta robër lufte u janë dorëzuar Shqipërisë në Kukës, e më pas tek autoritetet e ushtrisë amerikane. Aq sa kam informata kanë qenë të izoluar në një bazë ushtarake amerikane diku në regjionin e Frankfurtit dhe pas luftës përmes një kleri fetar janë shkëmbyer në Suboticë me katër ushtarë amerikanë që ishin zënë robër lufte në kufirin mes Kosovës dhe Maqedonisë. U janë kthyer familjeve të veta”, ka shpjeguar Quni.

Sa i përket betejës së Koshares në përgjithësi, Quni ka thënë se aty u shkaktua një prej humbjeve më të mëdha të Serbisë. Ai ka thënë se Serbia e pranon humbjen në këtë betejë madje edhe duke e quajtur “ferri i Koshares”, por shton se suksesi i atribuohet forcave të huaja dhe jo UÇK-së. Kjo, sipas Qunit, nuk ekziston.

“Nga turpi që ta arsyetojnë humbjen ata nuk ia lënë meritat djemve dhe vajzave të Kosovës, por meritat për humbjet ua lënë njësive të specializuara të partnerëve tanë të NATO-s e Amerikës, duke u thirrur se në këtë betejë kanë marrë pjesë eprorë të lartë të njësive të huaja. Aty ka pas të huaj, por ishin njerëz të udhëhequr nga ideali i tyre. Kanë qenë 16 ushtarakë të huaj, disa pa përvoja fare ushtarake. Disa me njohuri të ndryshme. Sidoqoftë jemi mirënjohës ndaj tyre, por nuk kanë qenë determinues për suksesin e brigadës”, ka shtuar Quni.

Nën heshtjen e varreve të dëshmorëve dhe bekimin e të gjallëve të vdekur, në Koshare u përkujtua 9 prilli i vitit 1999, dita e thyerjes së kufirit shqiptaro-shqiptar.
Në 19 vjetorin e thyerjes së kufirit në Koshare, u thye përfundimisht LDK-ja nën bekimin e pseudo-veteranëve dhe gjeneralëve të (turpëruar) graduar nga pushtetarët aktualë!
Për dallim nga herat e kaluara, kësaj radhe përvjetori i Betejës së Kosharës u shënua pak më ndryshe se herave tjera. Skenari dhe organizimi nën patronatin e pushtetarëve të “krahut të luftës” dhe pa prezencën e “institucionalistëve”, preku thellë ndjenjat e familjarëve të dëshmorëve.
Fjalimet e liderëve shtetërorë me patriotizën folklorik plot hipokrizi dhe shfrytëzimi i kësaj ngjarje historike për deklarata politike për konsum të brendshëm politik, s’ishin gjë tjetër, veqse një lloj maskarade mashtruese e radhës për qytetarët pas faljes së 8230 hektarëve tokë Malit të Zi.
Madje presidenti Thaçi ka dhënë deklaratë bombastike në Koshare, duke thënë se “kërcënimeve të Serbisë, Kosova do t’u përgjigjet me pushkë, siç ka bërë para dy dekadave”. Kjo deklaratë e Thaçit, sa e papergjegjshme, është po aq e papjekur politikisht. Përveqse nuk paraqet asnjë lloj kërcënimi për Serbinë, e ndihmon atë në ushtrimin e invazionit politik ndaj Kosovës.
Kjo deklaratë e pambulesë dhe plot hipokrizi e presidentit Thaçi, për qëllim ka shpërqendrimin e vëmendjes së opinionit kosovarë në prag të themelimit të Asociacionit të komunave serbe në veri me kompetenca të zgjeruara, e cila në fakt e shpërfaqë keq institucionin e presidentit të shtetit pa ushtri, i cili më tepër gjason në një kryetarë të shoqatës së gjuetarëve se sa të një presidenti të një shteti sovran dhe të pavarur.
Sikurse Hashim Thaçi, fjalët që i tha në Koshare për Serbinë, t’ia thoshte Vuçiqit në bisedimet e Brukselit, vërtetë do t’i bënte qytetarët e vendit të ndjeheshin krenarë me presidentin e tyre.
Mirëpo, “trimëria” e Thaçit nuk shkoli largë, përfundoi në ahengun e parapërcaktuar në agjendën e tij tek “XENI IMPERIAL” në Gjakovë, duke ngrënë mish viçi dhe pirë verë të kuqe me eskortën e zgjeruar qeveritare.
Megjithatë, e menjëhershme ishte përgjigja e presidentit serb, Aleksandër Vuçiq drejtuar Thaçit; “Serbinë nuk e mposhtën armët, por aeroplanët”.

Mjerimi dhe rënja e LDK-së

Mirëpo përtej kësaj, u shpërfaq mjerimi dhe rënja e LDK-së, përkatësisht lidershipit të saj para atyre që deri dje e injoruan Betejën e Kosharës, betejën më të lavdishme të luftës çlirimtare, bashk me këtë edhe dëshmoret e saj.
Skenaristëve të kësaj maskarade mashtruese dhe aktorëve të këtij SHOW spektakli është dashur t’u ndalohet pjesëmarrja në këtë manifestim, e assesi t’u lejohet të llomotitin si gramafona të prishur dhe të derdhin lot krokodili për të rënët e kësaj beteje të lavdishme!
Ngase kjo përbën ofendimin më të rënd para varreve të dëshmorëve të lirisë, të cilin ata nuk mund ta ndëshkojnë, sikurse që nuk munden t’i ndëshkojnë bashkëluftëtarët e tyre, të nënshtruar përpara pushtetarëve të korruptuar për interesa personale dhe privilegje pushtetore.
Kjo nuk ishte hera e parë dhe as që do të jete e fundit që Hashim Thaçi bënë SHOW me LDK-në e katandisur nga vlerat rugoviane. Nga manifestimi i fundit në Koshare u befasova nga numri i madh i injorantëve, të cilët nuk arriten ta kuptojnë lojen e dyfisht dhe mashtrimet e Hashim Thaçit, saqë e kanë të vështirë të ndajnë gënjeshtrat nga realiteti i hidhur!
Është pak më tepër se mjerim për LDK-në, t’ua marrin në dorë primatin e organizimit të kësaj ngjarje të lavdishme, ata që vetëm për së vdekuri mundën t’u dalin përballë trimave që thyen kufirin shqiptaro-shqiptarë, gjaku i të cilëve u bë dritë për lirinë e Kosovës.

I harruan për 19 vjet, tentuan t’i mashtrojnë për një ditë të vetme

Paturpërisht, krerët e shtetit shkuan në Koshare kinse për të shprehur respektin për të rënët në Betejën e Kosharës, por që medjen e kishin diku tjetër, e kishin të mishi që po piqej enkas për ta në Gjakovë, të rakia, vera e kuqe e rrushit të Rahovecit apo birrat e Pejës gjysëm të ngrira në tavolinat e restorantit super luksoz “XENI IMPERIAL”, me pronarë këngëtarin Shkelzen Jetishi.
Duhet qenë tepër gjakftohtë, pa ndjenja njerëzore dhe i pa shpirtë, që pas përkujtimit të një plage kombëtare të përfundosh një aheng me mish, raki e dajre në një restorant super luksoz.
Kjo përveq imoralitetit, e dëshmon se këta kusarë politikë nuk e kanë as një fije respketi për të vdekurit dhe akoma më pak për të gjallët, për nënat, baballarët, vllëzërit dhe motrat, gratë e veja dhe fëmijët jetim të dëshmorëve të Betejës së Kosharës.
Nuk paten dje respekt, nuk kanë sot dhe nuk do të kenë as nesër! Këta kusarë të pangopshëm politikë, sikur të kishin pasur vetëm pak ndërgjegje dhe respekt për dëshmorët e Betejës së Kosharës, së paku një herë për këto 19 vjet do duhej të kishin vizituar familjet e dëshmorëve dhe invalidëve të kësaj beteje të lavdishme të luftës çlirimtare.

Ahengu i shpëlarjes së parave të pista

Pas SHOW-Spektaklit kinse në përkujtim të Betejës së Kosharës: presidenti, kryeministri, ministra, zëvendësministra, deputetetë, zyrtarë të institucioneve e të partive politike të Kosovës, u bënë bashk në drekë, në restorantin “XENI IMPERIAL” në Gjakovë.
Pronari i restorantit, përveq mishit të pjekur dhe pijeve alkoholike, gjatë tërë kohës u përkujdes për “mysafirët” që t’i argëtojë me këndim “LIVE pa pagesë”!
Si zakonisht, koston e drekës në restorantin e Xenit do ta paguajnë qytetarët e vendit, ndërsa për çmimin e drekës duhet pyetur pronarin e restorantit Shkelzen Jetishin, i njohur si “XENI”, i panjohur deri më tani nga qytetarët si shpëlarës i parave të pista të pushtetarëve!
Kjo, në fakt ishte “njohje” me hipokrizi e Betejës së Kosharës nga pushtetarët e “krahut të luftës”.
Vlenë për të theksuar se pushtetarët, skenarin e shfaqjes së 9 prillit e përgatiten në Prishtinë, të cilin e realizuan në dy akte; akti i parë në Koshare, ndërsa akti i dytë në Gjakovë, në restorantin super luksos “XENI IMPERIAL” të Shkelzen Jetishit.
Edhe pse kjo ishte një ngjarje përkujtimore e jo mortore, këtë shkrim do e përfundoj në një thënje të Prof. Zekeria Canës, pak ditë para largimit nga kjo botë, po citoj; “Në dhimbje të vjen miku, në gëzime të njohurit, kurse në vdekjen tënde edhe armiqt. I vetmi ofendim, të cilin nuk mund ta ndëshkosh është fjalimi para varrit tënd”!
Në rastin konkret, në 9 prillin e vitit 2018, dëshmorët e Kosharë përjetuan ofendimin më të rëndë pas shkuarjes në amshim nga fjalimet plot hipokrizi të liderëve shtetërorë, vulën e së cilë hipokrizi e dhanë në ahegun e dalldisur në restorantin “XENI IMPERIAL” në Gjakovë.
Që kjo të mos përseritet më, u mbetët familjarëve të dëshmorëve që të jenë të kujdesshëm në parandalimin e maskaradave të tilla, në të kundërtën do të bien përseri pre e mashtrimeve dhe abuzimeve të figurave politike, këtyre shkelësve të gjakut të dëshmorëve dhe rrënuesve në thëmel të shtetit të Kosovës.

PRISHTINE- Ministri i Jashtëm grek Nikolaos Kotzias do të vizitojë sot Kosovën.

Takimi në mes kreut të diplomacisë greke Kotzias dhe atij kosovar, Behgjet Pacolli do të në Ministrinë e Punëve të Jashtme në Kosovë me ora 14:40. Fill pas takimit, të dy ministrat do të kenë një konferencë të përbashkët për media, në ora 15:30.

Kujtojmë se Shefi i diplomacisë greke, Kotzias, nisi turneun e tij ballkanik dhe vizitën e parë e ka zhvilluar në Beograd.

Ai u takua dje me homologun e tij serb, Ivica Daçiç, ku temë diskutimi ka qenë pashmangshëm Kosova dhe deklarimet në media se ‘Kosova do të hapë zyrë diplomatike në Athinë’. “Kosova hap zyrë tregtare në Athinë, jo zyrë diplomatike”, ka thënë ai, raportojnë mediat në Beograd.

Presidenti serb, Aleksandër Vuçiçi, ka thënë se Asociacioni i Komunave me shumicë serbe do të themelohet në përputhje me Marrëveshjen e Brukselit dhe normat e saj

Duke reaguar ndaj deklaratës së zëdhënës së BE-së, Maja Kocijançiq, e cila tha se ky Asociacion do të bëhet në përputhje me ligjet e Kosovës, Vuçiq kërkoi që t’i tregojnë atij ku është e shkruar një gjë e tillë.

Vuçiq, po ashtu, u shfaq i befasuar nga ky deklarim. “Jam i befasuar me një deklaratë të tillë. 100 herë e kam thënë në Bruksel se Asociacioni themelohet në përputhje me marrëveshjen e Brukselit. Dua të na tregojnë se ku është e shkruar kjo gjë në marrëveshjen e Brukselit, unë e di përmendësh Marrëveshjen e Brukselit, ju mund ta gjeni atë në faqen e Qeverisë, të presidentit, të zyrës për Kosovë, një gjë e tillë nuk shkruhet askund”, tha presidenti serb për RTS mbrëmjen e së martës, përcjell KosovaPress.

Ai shtoi se tani me rëndësi është “paqja e brendshme e Serbisë”.

Përderisa Kosova po këmbëngul që Asociacioni të bëhet në bazë të Kushtetutës së saj, përfaqësuesit e Listës Serbe, së bashku me Qeverinë serbe, kërkojnë që themelimi i tij të ndodhë duke pasur për bazë Marrëveshjen e Brukselit të vitit 2013.

Lidhja Demokratike e Kosovës ka dy opsione për Qeverinë aktuale, të cilën e konsideron se e ka humbur tashmë legjitimitetin për të qeverisur me vendin. Marrëveshje ndërpartiake për datën e zgjedhje të parakohshme apo mocion mosbesimi ndaj Qeverisë së Kosovës, janë dy opsionet e LDK-së.

Kjo parti politike, ndonëse në opozitë, tash për tash përbën grupin më të madh parlamentar.

Zyrtarët e Lidhjes Demokratike të Kosovës thanë për Radion Evropa e Lirë se koalicioni aktual ka humbur shumicën në Kuvend dhe rrjedhimisht, sipas tyre, ka humbur edhe funksionalitetin.

Deputeti i LDK-së, Armend Zemaj tha se fillimisht do të kërkohet një debat me partitë politike për caktimin e një date të zgjedhjeve të parakohshme dhe nëse kjo nuk arrihet, sipas tij, do të vazhdohet me procedurat për mocionin e mosbesimit.

“Janë proceduara të cilat janë të garantuara me Kushtetutë dhe ligje dhe nuk mbetet asgjë tjetër përpos organizimit të mocionit. Kërkesa për përkrahje nga deputetët dhe grupet politike do të fillojë nga ato opozitare dhe deputetët të cilët ia duan të mirën vendit, duke marrë parasysh skandalet dhe mosefikasitetin e kësaj qeverie”, tha Zemaj.

Bazuar në vlerësimet e LDK-së, Kosova ka hyrë në krizë të thellë institucionale dhe politike. Sipas këtij subjekti opozitar, “temat e rëndësishme për qytetarët e vendit nuk mund të adresohen nga një Qeveri e pakicës dhe si rezultat, zgjedhjet e parakohshme janë të domosdoshme”.

Por, pjesa tjetër e opozitës, që dominohet nga Lëvizja Vetëvendosje dhe Grupi i Deputetëve të Pavarur, i cili paraqet fraksionin e Vetëvendosjes në Kuvend, nuk po e shohin ende si shumë serioze nismën e LDK-së.

Shefi i Grupit të Deputetëve të Pavarur, Dardan Sejdiu tha për Radion Evropa e Lirë se aktualisht lidhur me mocionin e përfolur nga LDK-ja, nuk shihet se ka diçka konkrete dhe serioze.

Ai tha se derisa flitet në media nga zyrtarët e LDK-së për atë se çka do të bëhet, deputetët e këtij grupi, nuk mund të marrin ndonjë vendim se a do ta përkrahin apo jo një mocion të mundshëm mosbesimi kundër Qeverisë.

Sejdiu tha se Kuvendi i Kosovës është vendi i duhur për të gjitha diskutimet e mundshme në këtë drejtim.

“Përderisa nuk ka asnjë iniciativë konkrete, por gjithçka është në spektrin e diskutimit media, edhe ne nuk kemi çka të shtojmë. Kurdo që ka ndonjë iniciativë për tryezë të përbashkët të subjekteve opozitare ku do të diskutohet për të ardhmen, ne do të jemi pjesë e asaj tryeze dhe pas diskutimeve aty do të marrim vendime”, u shpreh Sejdiu.

Në anën tjetër, Armend Zemaj i LDK-së tha se për dallim nga partitë e tjera, LDK-ja ndihet përgjegjëse që vendi me Qverinë aktuale është duke shkuar drejt degradimit dhe jo përmirësimit.

Megjthatë, bazuar në gjendjen aktuale, Qeveria nuk e ka shumicën, por as opozita nuk i ka 61 votat e nevojshme për rrëzimin e Qeverisë, por deputeti Zemaj thotë se LDK do të provojë të sigurojë votat e nevojshme për rrëzimin e Qeverisë.

“Ne do të pretendojmë që t’i sigurojmë votat dhe do të shohim vullnetin politik të Kuvendit dhe grupeve politike, duke përfshirë edhe grupet opozitare”, tha ai.

Ndërkohë, nismat për rrëzimin e Qeverisë i mbështetë Albin Kurti, kryetar i Lëvizjes Vetëvendosje. Përmes një postim të tij në llogarinë e tij në Facebook ka thënë se janë bërë katër javë prej se Lëvizja Vetëvendosje, ka shprehur qëndrimin e saj se kjo Qeveri ka rënë moralisht dhe ajo duhet të bie.

“Lëvizja Vetëvendosje është për zgjedhje të parakohshme parlamentare sa më parë dhe për mocion për rrëzimin e Qeverisë. Shumica dërrmuese e popullit dhe shumica e deputetëve të Kuvendit janë në opozitë me këtë Qeveri. Mbetja e kësaj qeverie në pushtet është dhunim i demokracisë qytetare e parlamentare, i vullnetit të popullit e i interesit të përgjithshëm”, ka shkruar Kurti.

Ai ka shkruar në fund po ashtu se “nuk mund të mbetet shteti e populli peng as të qejfit të kryeministrit dhe as të frikës së presidentit”.

Ndonëse ka humbur shumicën në Kuvend, Qeveria e Kosovës po e vazhdon punën dhe mandatin kushtetues.

Mbijetesa e Qeverisë, nuk po shihet problem sa po vlerësohet problematike marrja e vendimeve dhe sigurimi i mbështetjes në Kuvend për zbatimin e tyre.

Pas konfirmimit të largimit të Listës Serbe, Qeveria e Kosovës, e cila ishte zgjedhur me 61 vota në Kuvend, edhe zyrtarisht tani mbetet në kuotën e 51 votave, që nënkupton se e ka humbur shumicën.

• 

  Arton Konushevci

  Arton Konushevci merret me gazetari që nga viti 2001. Në vitin 2007 ka filluar të punojë si korrespondent i Radios Evropa e Lirë. Jeton në Prishtinë, është i martuar dhe ka dy fëmijë.

  [email protected]

Presidenti i Kosovës, Hashim Thaçi, duke folur në manifestimin “Ditët e Shqipes” që mbahet çdo vit në Koshare, tha se Kosova ka fituar pavarësinë dhe shtetësinë e saj falë rënies së dëshmorëve të kombit, Agim Ramadani, Sali Çekaj dhe dëshmorët e tjerë të rënë në Koshare.

Sipas tij, falë këtyre dëshmorëve Kosova sot po ecë sigurt drejt integrimit evropian.

Thaçi përmendi edhe kërcënimet që, sipas tij, po vijnë nga Serbia por tha se “këtyre kërcënimeve do t’iu përgjigjemi siç u jemi përgjigjur para 19 vitesh, me pushkë”, tha presidenti.

Manifestimi “Ditët e Shqipes” po mbahet për nder të 19-vjetorit të Betejës së Koshares, e cila përfundimisht theu kufirin në mes tokave shqiptare që me shekuj ishte vënë nga pushtuesit.

Kosova jo që nuk po bëhët shtet serioz, por po bëhët shtet e qudirave.Këta udhëheqës partiakë dhe shtetëror që u ndërruan në pushtetet e pas luftës, nuk u treguan të zotët për shtetndërtim dhe mirëqenje.Edhe pse u përbetuan në Kosovë, dua tu thëm së janë treguar humbës të medhenjë.Edhe pse po tingëllon quditshem , çmimi që do ta paguajnë për gjithë këto marifete do të jetë shumë i lartë.Nga fitorët që mendoni së i keni bërë, do të përjetoni dëbakël nga vetvetja!

Dhe, a e dini pse? Së ky vend dhe shqiptaret shumë kan vuajtur dhe shumë herë ka rënë përtoke , por janë ngritur edhe më fuqishem.Dhe, sigurisht së prap e kan këtë mundësi.Epilogun e kësaj politike e dini edhe vet.Kosovën e këni shëndrruar në një shoqëri pa busullë. I thoni vetit Elita , e pak keni lidhje më këtë nocion politikë.Keni ndërtuar një sistem më shumë grabitqarë e kriminalë.Është lehtë njeriu të shërbehët më metoda të ulëta duke mos zgjedhur metoda dhe mjete për të ardhur deri të përfitimet përsonale.Krijuat një sistem më shumë piramidal.Intelektualet I keni bërë objekt talljeje, kurse dileret, matrapazët dhe keqpërdoruesit janë bërë përsona të cilët po respektohen! Kjo është më shumë së turpëruese për Kosovën.

Mafiozët po mbrohen kurse qytetaret po brengosën për fatin e vet.Të gjitha këto i keni bërë sipas formulës linquese karshi atyre të cilët janë treguar të padisciplinuar karshi formulës tuaj.Po thuaj së kan marr fund normat dhe rregullat e shkruara e të pa shkruara.Nuk ka drejtësi të mirfilltë, veq ka drejtësi më të fortit.Nuk kemi shtet , kemi imitacion të shtetit.Njerëzit e mirë po skajohen ,e po instalohen njerëzit më pak vlera. A mund vijmë të konstatimi së po e duam dhe respektojmë shtetin e sapo lindur? Si gurisht së jo.Shteti nuk duhet dhe nuk respektohet duke abuzuar përditë më te.Në stacionet e autobusve më së shumti keni mundësi ta shikoni ardhmerinë e këtij vendi i cili po zbrazët.Këtë largim po e bëjnë edhe familje të tëra.Ata që po mbesin kan vendosur sigurisht të nënshtrohen urdhërave dhe bindjeve Tuaja poshtëruese.Po na largohen të rinjet të cilët janë shtylla e secilit shtet.Po largohen edhe njerëzit më kualifikime të larta.Edhe ato kuadro qe I kemi po i shëndrroni në punëtor krahu, në hamallë dhe argatë të juaj?!Deri kur do tu zgjatë kjo punë veq një Zot i madh e dinë.Ky popull ka rënë në gjumë dimëror të thellë, dhe ju e keni marr vesh mirë këtë punë, dhe nuk po keni të ndaluar në grabitje të atyre pak të mirave materjale të cilat kan mbetur.Keni pasur të gjitha mundësit që të punoni mirë dhe ndërshmerisht për Kosovën dhe qytetarët e saj.Ne vend të tiparëve zgjodhet vesët.

Zgjodhët mentalitetin e vjetër autokratik të sundimit mbi masën.Keni pasur mundësin të kultivoni pastërtinë shpirtërore , solidaritetin dhe guximin qytetarë, që të hapërojmë më kohën ndërsherisht…Ju zgjodhet për popullin e shumë vuajtur rrugën e varferimit dhe nënshtrimit …Po ta donit Kosovën ashtu siq po na mbani përditë nasihat , sigurisht së do ti kishim shumë më mirë punët .Kosova i patë shumë palë zgjedhje , e shumë pak rezultate.Të gjithë e kemi ëndrruar një Kosovë më të arritura të mëdha, e fatkëqesisht nuk e kemi edhe pas 18 vitësh…Por, megjithate nuk duhet pranuar kapitulimin para asnjë të keqe ngado që vjen dhe nga kushdo që vjen ajo…

Kryetari i Komunës së Mitrovicës, Agim Bahtiri, është shprehur kundër taksës në “Rrugën e Kombit” duke thënë se kjo taksë rrugore nuk i bën nder Shqipërisë, sidomos kur merret parasysh gjendja e vështirë ekonomike e Kosovës dhe e qytetarëve të veriut të Shqipërisë.

“Përderisa Kosova dhe Shqipëria po aspirojnë integrimin në BE, ku do t’iu bashkohemi shteteve më të zhvilluara, është e pakuptueshme dhe e patolerueshme vënia e pagesave për lëvizjen e lirë në mes popullit shqiptar të Kosovës dhe Shqipërisë”, ka shkruar Bahtiri në Facebook.

Kryetari i Mitrovicës e ka thënë këtë pas një takimi me kryetarin e Partisë Demokratike të Shqipërisë, Lulzim Basha.

“Bashkëbiseduam për rritjen e bashkëpunimit me Kosovës dhe Shqipërisë, pasi që më shumë se kurrë kemi nevojë për përafrim”, ka shkruar Bahtiri.

Ai më tej ka theksuar se ishte dakordim i përbashkët që nuk duhet të ketë barriera mes të vendeve, aq më pak taksë rrugore, e cila e dëmton jashtëzakonisht shumë lëvizjen Kosovë – Shqipëri.

Pas vendosjes së taksës në “Rrugën e Kombit”, u dogjën pikat ku bëhej pagesa te tuneli i Kalimashit në një protestë që nisi e qetë, por u shndërrua në të dhunshme.

Ditë më parë, pas një shkrimi autorial, një lexues i rregullt m’u drejtua me fjalët; “Shkrimet i keni të qëlluara, por vetëm zbuti pak kritikat ndaj LDK-së”! Përgjigja ime ishte kjo; “Ndaj atyre që thirren në filozofinë rugoviane dhe e shkelin atë me të dyja këmbët do t’i ashpërsojë akoma më tepër kritikat”.

Afërsisht tre vite më parë, atëherë kur filloi ndarja pa kritere e statusit të veteranit të luftës çlirimtare, përmes një shkrimi autorial me titull: “Veteranomania e patriotizmit folklorik”, reagova rreth parregullësive me rastin e caktimit të listave të veteranëve.
Caktimi i listave të veteranëve të luftës çlirimtare sipas përkatësisë partiake, ideologjike dhe lidhjeve familjare e ka shndërru këtë porces në një “Veteranomani” dhe “Mercenaromani” të vërtetë!
Lënja jashtë listave e veteranëve, komandantët dhe ushtarëve më të spikatur, pjesmarrës në betejat më të lavdishme të luftës çlirimtare në njërën anë dhe përfshirja në lista e atyre që Kosovën e lëshuan të veshur me rroba grash dhe me buzëkuq të nuseve në fytyrë apo edhe të atyre që skishin qenë asnjëherë gjatë luftës në Kosovë , por që u kthyen më pas si “çlirimtarë”, paraqet abuzimin më të keq me vlerat e luftës çlirimtare!
Barazimi me të njëjtin statut, i luftëtarit të lirisë me tradhtarin apo bashkëpuntorin e regjimit pushtues të Serbisë është poshtërimi më i madh për luftëtarët e vërtetë, është shkelja më e rëndë e gjakut të dëshmorëve dhe martirëve të lirisë sonë!

Manipulimi me vlerat e luftës

Po të mos ishte lufta e fundit, akoma njerëzit do të besonin në “fitoret” e mëdha gjatë historisë, për betejat e “lavdishme”, heroizmin e “paparë” të Boro e Ramizit, për bashkim vllazërimin, realizmin socialist,etj.
Historianët atdhetar, pendat e ndritura të kombit që provuan të shkruajnë historinë e vërtetë të popullit të tyre, u anatemuan, u ndjekën dhe përndjekën nga regjimet pushtuese dhe ato antipopullore shqiptare, duke i zavëndësuar ata më vlera sllavo-turke dhe arabo-aziatike.
Tendenca e vazhdueshme e shqiptarëve për marrjen e bajrakut dhe kënaqjen e egos për pushtet ka bërë që shqiptarët shpesh të rrëshqasin nga interesi kombëtar në interesin personal.
Lufta e fundit për çlirimin e Kosovës edhe njëherë na i nxori në pahë dobësitë tona kombëtare! Vrapimi pas marrjes së bajrakut të çlirimtarit, grabitja apo përfitimi nga vlerat e të tjerëve dhe injorimin deri ne eliminim të figurave më markante të luftës dhe paqës, paraqet rrënimin në themel të vlerave kombëtare.
E gjithë kjo u bë përmes lojës së shtrigave, duke inskenuar “tradhtarin” imagjinar dhe “heroin” inekzistent!
Injorimi i betejave të lavdishme të drejtuara nga oficierët e karrierës dhe zavendësimi i tyre më figura të improvizuara të betejave të humbura, ka çuar në tjetërsimin e vlerave të luftës çlirimtare!
Shpirtëligët e pushtuar nga egoja për pushtet e pasurim të paligjshëm rrënuan çdo gjë para vetës, çdo vlerë e pasuri kombëtare!
Pasurimi i paligjshëm i një kaste politike filloj përmes “patriotizmit” folklorik, që nga rënja heroike e komandantit legjendar Adem Jashari me familjën e tij në fillim marsin e ’98-s.
Ishin këngët patriotike, përmes të cilave “patriotët” ngacmuan ndjenjat e qindramijëra bashkatdhetarëve, të cilët dhanë gjithçka patën për lirinë e Kosovës, sa të tjerë shkuan për të luftuar, lanë gjymtyrët e trupit, derdhën gjakun, dhanë më të shtrenjëtën-jetën e tyre.
Nga kjo gadishmëri e bashkatdhetarëve, përfituan disa nga “patriotët” e mbështjellur nën petkun e çlirimtarëve, të cilët jo vetëm që nuk dhanë asgjë nga vetja e tyre për lirinë e vendit, përfituan nga tragjedia e popullit për t’u pasuruar mbi djersën e mërgimtarëve dhe gjakun e dëshmorëve.
Lufta ishte shkaku, ndërsa këngët patriotike motivi për zbrazjën e xhepave të mërgimtarëve, që rezultoi me mbushjën e xhepave të komandantëve dhe emisarëve politik të luftës.

Nuk u dorëzuan në kohë lufte, u nështruan në liri

Edhe pse i kaluam afro dy dekada nga përfundimi i lufës çlirimtare, përfituesit në emrin e saj janë akoma aktiv. Profiterët e luftës si gjithnjë mobilizohen në prag të fushatave zgjedhore apo sa herë që ju rrezikohet pushteti, duke i shantazhuar shtresat më të varfëra dhe më të nëpërkëmbura të shoqërisë me ofrimin e librezës së veteranit në këmbim të votës.
Një dukuri e tillë e shëmtuar ishte më e theksuar në dy palë zgjedhjet e fundit (nacionale dhe lokale), me ç’rast numri i veteranëve të luftës u rrit në mënyrë enorme, saqë askush në Kosovë më nuk e di numrin e sakt të veteranëve!
Cak i gjahut për votë nga ish komandantët në zgjedhjet e fundit ishte elektorati i zhgënjyer i LDK-së, të cilëve ju shpërndanë libreza të veteranëve në këmbim të votes nga partitë e ashtuquajtura të krahut të luftës.
Mirëpo, një këmbim i tiilë i votës nuk ishte aq i thjeshtë dhe i lehtë, madje në disa raste ishte i dhimbshëm dhe tepër sfidues për elektoratin e LDK-së. Mbetët tepër i dhimbshëm fakti i nënshtrimit në paqe i atyre që nuk u dorëzuan në kohë lufte para “çlirimtarëve”!
Ajo që u është thënë disave prej “veteranëve” në prag të zgjedhjeve të fundit me rastin e marrjes së statusit të veteranit është pak më tepër se shantazh, është kërcënim për bukën e gojës.
“Ja ku e ke çerifikatën e veteranit, pranoje me kushtin që nga ky moment për ty ska më Ibrahim Rugovë dhe as LDK”!
Jo të gjithë e kanë pasur guximin dhe mundësinë të refuzojnë dhe të sfidojnë ekzistencën e familjeve të tyre. I pranuan çertifikatat e turpit, me shpirtë të thyer dhe ndërgjegje të vrarë.
Deri në këtë nivel e solli elektoratin e saj udhëheqja e LDK-së post-Rugoviane, duke e tradhtuar elektoratin për pak pushtet dhe interesa biznesore me rivalët politik dhe kundërshtarët e përbetuar të Ibrahim Rugovës!
Jo për të arsyetuar nënshtrimin e një pjese të elektoratit rugovian të cilët qendruan të pamposhtur në luftë, që u dorëzuan në paqe, por për të treguar se, sikur lidershipi i LDK-së post-Rugoviane, duke përfshirë të gjitha strukturat e larta të saj të mos ishin thyer para egos për pushtet, ky elektorat i harruar nga ana e tyre nuk do të ishte dorëzuar kaq lehtë para shantazhuesve, por pa asnjë hezitim ofertave të tyre do t’u përgjigjeshin në këtë mënyrë; “Jo, gjallë e kam Rugovën prapë në çdo shtëpi e çdo konak”,…ose siq ka pasur raste që u janë përgjigjur edhe në këtë mënyrë; “Kam qenë dhe do të mbetëm deri në vdekje ushtarë i Ibrahim Rugovës”.
Ashtu siq e nisa, edhe po e përfundoj shkrimin me kritikat më të ashpra për përgjegjësinë e pafalshme të lidershipit post-Rugovian të LDK-së, që e lejuan të ndodh ky poshtërim kaq i ulët i elektoratit të saj besnik nga uzurpatorët e shtetit.
Përgjegjësia për katandisjen e shtetit bie mbi ata që bashkqeverisen me uzurpatorët e shtetit, lavdia e përjetshme u takon atyre që nuk u dorëzuan në luftë dhe në paqe.
Zoti i bekoftë luftëtarët e lirisë dhe gjakun e derdhur për lirinë e atdheut!
Zoti e bekoftë arkitektin e shtetit tonë, presidentin historik Ibrahim Rugova!
Turpi i mbuloftë “çlirimtarët”, shkelës të gjakut të dëshmorëve dhe lakmitarët e pushtetit, shkelës të vizionit rugovian!

Matthew Palmer, Drejtor për Evropën Qendrore dhe Jugore i SHBA-së në takim me presidentin Hashim Thaçi

Drejtori për Evropën Qendrore dhe Jugore nga Departamenti i Shtetit, Matthew Palmer po qëndron në Prishtinë, me ç’rast ka zhvilluar takime të ndara me presidentin dhe kryeministrin e Kosovës.

Presidenti i Kosovës, Hashim Thaçi, sipas një komunikate për media, e ka njoftuar zyrtarin amerikan se Kosova është e përkushtuar për paqe të qëndrueshme në rajon.

“Kosova është e gatshme për fazën përfundimtare të dialogut me Serbinë dhe është e përkushtuar për gjetjen e një zgjidhje të përhershme që forcon paqen në rajon dhe në tërë kontinentin e Evropës”, u shpreh presidenti Thaçi.

Ndërsa, Matthew Palmer, sipas të njëjtës komunikatë, rikonfirmoi përkrahjen e Shteteve të Bashkuara të Amerikës për rrugëtimin evropian të Kosovës.

Presidenti Thaçi dhe drejtori Palmer vlerësuan se vetëm dialogu çon drejt stabilitetit rajonal dhe paqes afatgjate, si dhe mbetet mekanizmi i vetëm dhe i pazëvendësueshëm për zgjidhjen e problemeve në rajon.

Më pas, ai është pritur edhe nga kryeministri, Ramush Haradinaj.

Në këtë takim, sipas një komunikate nga kabineti i kryeministrit, u bisedua për situatën aktuale në Kosovë dhe rajon, procesin e transformimit të FSK-së në Ushtrinë e Kosovës, dialogun Kosovë – Serbi, si dhe aspekte që lidhen me sundimin e rendit dhe ligjit dhe proceseve të tjera të rëndësishme të integrimit euro-atlantik.

“Qytetarët dhe institucionet e Kosovës përherë janë falënderues për ndihmën e gjithanshme që kanë dhënë dhe vazhdojnë të japin SHBA-të, për Kosovën. Kosova është e përkushtuar për thellimin e bashkëpunimit me SHBA-të, njëkohësisht duke rritë konsolidimin e shtetit dhe duke forcuar agjendën e saj të integrimit euro-atlantik”, citohet të ketë deklaruar kryeministri Haradinaj.

Paraprakisht, Palmer ka vizituar edhe Beogradin.

Adem Grabovci, foto nga arkivi

Prokuroria Speciale e Republikës së Kosovës, ka ngritur sot aktakuzë për rastin e njohur si “Pronto”, ku protagonist kryesor është ish-shefi i Grupit Parlamentar të Partisë Demokratike të Kosovës, Adem Grabovci.

Bashkë me Grabovcin, aktakuza përfshin edhe 11 persona me funksione të larta zyrtare ku bëjnë pjesë edhe ministri aktual Besim Beqaj dhe deputeti Zenun Pajaziti. Po ashtu, në akuzë përmenden edhe dy ish-sekretarë të përgjithshëm, një ish-zëvendësministër, këshilltarë politikë si dhe drejtorë të ndërmarrjeve publike dhe zyrtarë nga pushteti lokal.

Sipas Prokurorisë Speciale, të pandehurit akuzohen për kryerjen e veprës penale, Shkelja e statusit të barabartë të shtetasve dhe banorëve të Republikës së Kosovës në bashkëkryerje.

Të pandehurit, sipas aktakuzës, kanë keqpërdorur pozitat e tyre zyrtare duke bashkëpunuar në mes vete, për dhënie të privilegjeve dhe përparësive të kundërligjshme për personat të cilët kanë konkuruar në funksione të rëndësishme.

Në aktakuzë është trajtuar çështja penale e punësimeve dhe ndarjes së posteve të bazuara në përkatësinë partiake dhe raporte personale, problem për të cilin një kohë të gjatë alarmojnë qytetarët e Kosovës, Agjencitë për zbatimin e ligjit, mediat dhe shoqëria civile.

Ky rast ishte njoftuar nga mediat publike, duke zbuluar veprimet dhe metodat e punësimit brenda grupeve të ngushta të interesit, në bazë të së cilës është nisur hetimi i prokurorisë, i cili rezultoi me ngritjen e aktakuzës, thuhet në komunikatën e Prokurorisë Speciale.

Lidhja Demokratike e Kosovës ka paralajmëruar inicimin e mocionit të mosbesimit ndaj Qeverisë së Kosovës, duke konstatuar se koalicioni aktual ka humbur shumicën në Kuvend pas daljes së Listës Serbe në opozitë.

Shefi i Grupit Parlamentar të LDK-së, deputeti Avdullah Hoti tha në një konferencë për media se do të ishte e rrugës që Qeveria Haradinaj të ofrojë vet dorëheqje.

“Më çudisin disa deklarata kur po thonë se qeveria është stabile. Duhet të dalin dhe të japin dorëheqje”, tha Hoti, duke iu referuar kryeministrit të Kosovës dhe kabinetit qeveritar.

“Me daljen e Listës Serbe ka mbetur qeveri e pakicës. Është mese e qartë se kjo s’mund të vazhdojë më tutje”, tha Hoti.

Në rast se Haradinaj dhe qeveria e tij nuk japin vet dorëheqje, Hoti tha se LDK do të marrë nismën e ngritjes së mocionit të mosbesimit.

“Ne kemi ofruar propozimin tonë për një tryezë të përbashkët për të caktuar datën e zgjedhjeve. Nëse kjo nuk ndodh jemi të obliguar që ta çojmë përpara mocionin e mosbesimit. LDK është e gatshme”, deklaroi Hoti.

Një ditë më herët, LDK ka mbledhur edhe kryetarët e degëve të saj, ku po ashtu kishte një qëndrim të përbashkët për inicimin e procesit të rrëzimit të qeverisë dhe dërgimin e vendit në zgjedhje të parakohshme.

Marko Gjuriq nesër vjen në Kosovë, legalisht. Ministria e Punëve të Jashtme i ka dhënë leje për të hyrë në Kosovë e këtë për Gazetën Express e ka konfirmuar Jetlir Zyberaj, këshilltar i ministrit të Jashtëm, Behgjet Pacolli

Më pak se dy javë kanë kaluar që nga dita kur u arrestua nga Policia e Kosovës në veri të Mitrovicës, drejtori i të ashtuquajturës Zyrës për Kosovën, Marko Gjuriq, pasi Ministria e Punëve të Jashtme, nuk i kishte dhënë leje për ta vizituar Veriun.

“Po kërkesa i është aprovuar në frymën e paqes dhe mirëkuptimit me rastin e festës së pashkëve ortodokse”, ka thënë Zyberaj për Express.

“Pa marrë parasysh që është zyrtar, ai sikurse secili pelegrin tjetër e gëzon të drejtën që të lutet në cilëndo kishë që ai dëshiron.

Por këshilltari i Pacollit thotë se Gjuriqit i është treguar vendi herën e kaluar dhe tani ai do të sillet në pajtim me ligjin në Kosovë.

“Rregullat do t’i respektojë ngase është përballur dhe është njohur me realitetin e ri në Kosovë dhe nëpërmjet tij, me këtë realitet është njohur secili zyrtar i shtetit serb”, ka thënë ai.

Përfaqësuesit e Listës Serbe

Për themelimin e Asociacionit apo Bashkësisë së komunave me shumicë serbe janë të vlefshme vetëm marrëveshjet e arritura në Bruksel, ka deklaruar Lista Serbe.

Në një komunikatë për medie të këtij subjekti politik që përfaqëson serbët në institucionet e Kosovës, është thënë se për Listën Serbe janë të papranueshme “disa akte që shërbejnë për përdorim të brendshëm”.

Sipas Listës Serbe, për draftimin e statutit të Asociacionit “i vetmi që ka kompetencë është ekipi menaxhues i përbërë nga katër përfaqësues të serbëve, në përputhje me marrëveshjen e arritur në Bruksel”.

Gjithashtu, në këtë komunikatë thuhet se Lista Serbe dhe Qeveria e Serbisë janë skeptike dhe pesimiste, sepse “në Prishtinë nuk ka vullnet të vërtetë për zbatimin e plotë të marrëveshjes dhe për formimin e Bashkësisë së komunave serbe”.

“Aktivitetet që po paralajmërohen kanë efektin e kinse përpjekjes së përfaqësuesve të shqiptarëve, në mënyrë që të zvogëlojnë presionin ndërkombëtar, pa ndonjë dëshirë që marrëveshja e Brukselit të realizohet konkretisht”, thuhet në komunikatën e Listës Serbe.

Kryeministri Ramush Haradinaj është treguar i ashpër me Brukselin për veprimet e tyre karshi Kosovës. Ai thotë se Bashkimi Evropian duhet të tregojë që nëse nuk ka kapacitet për t’i ardhur në ndihmë Kosovës, atëherë duhet ta kërkojë ndihmën. Ose, tha Haradinaj, Kosova do t’iu grahë punëve ashtu siç di vetë.

“Nese s’keni kapacitet lypni, ndihmë ose, nëse prapë s’doni me lyp ndihmë, le të na tregon ne dhe ne shkojmë ne drejtimin tone si në të kalumën i kemi grahë punëve tona.

Këtu shihet përfshirja e Brukselit, pra ata lejojnë që më ndodh plot veprime jo ligjore në veri dhe rreth Kosovës dhe s’e ka një fuqi me i than Beogradit që s’ki të drejtë me bo një veprim të tillë”, është shprehur Haradinaj në konferencën “Skenarët e ‘Finales së Madhe’ ndërmjet Kosovës dhe Serbisë”, të organizuar nga RIDEA dhe mbështetur nga Ambasada e Norvegjisë.

Shefi i Qeverisë tha se mosgatishmëria e dikujt për të marrë rolin nuk do të thotë që e ndal Kosovën. /Express

Kreu i Vetëvendosjes, Albin Kurti, po merr pjesë në konferencën “Skenarët e finales së madhe ndërmjet Kosovës dhe Serbisë”, ku tha se prioritet i Kosovës është bashkimi i Mitrovicës, që nuk duhet ndërruar me ulësen në Organizatën e Kombeve të Bashkuara

Kurti ka numëruar përparësitë që ka Kosova dhe që duhet shfrytëzuar në raport me Serbinë, ani pse, sipas tij, Kosova ka marrë shumë më pak se sa Serbia përgjatë 6 viteve të dialogut.

“Treg gjysmë miliardë i Serbisë. Varësia e Serbisë për anëtarësimin e saj në BE. Dikur Kosova varej nga Serbia, sot Serbia. Reciprociteti i të drejtave midis serbëve në Kosovë dhe shqiptarëve në Serbi”, ka thënë lideri i VV-së.

Ai thotë se Kosova në asnjë mënyrë nuk duhet të bëjë kompromise për të siguruar ulësen në OKB. Siç shprehet Kurti, nuk mund të jepet territor për të fituar vendin në OKB.

“Prioritet duhet të jetë bashkimi i Mitrovicës, më falni por jo ulësja e OKB-së. Nuk jam kundër ulëses në OKB, por bashkimin e Mitrovicës nuk mund ta krahasojmë me ulësen në OKB”.

Shkëmbimi i territoreve, sipas Kurtit, është vetëm eufemizëm për ndarjen e Kosovës.  “Dhe ndarja është mjet për bosnjëzimin e Kosovës”, është shprehur Kurti. /Express/

Kryeministri i Kosoves, Ramush Haradinaj, ka folur për taksën që Shqipëria ka vendosur në Rrugën e Kombit.

Ai në emisionin “Debat D Plus”, të RTV Dukagjini, ka thënë se është i befasuar me çmimet që janë vendosur nga Qeveria e Shqipërisë.

“Është e lartë për besë. Nuk kemi biseduar me Qeverinë e Shqipërisë, por është taksë e lartë”, ka thënë Haradinaj.

Ai ka theksuar se kalkulimet e tilla dëmtojnë qytetarët.

“Nuk mundesh me i vendosë një kamioni një taksë prej 50 euro vajtje- ardhje, dhe 25 euro për skaner. Pra po thuajse 100 euro taksë,.. atëherë çka na duhet Unioni Doganor. Është shumë e pakuptueshme, nuk po kuptoj çka po ndodhë. Është një kalkulim shumë i çuditshëm”, theksoi Haradinaj.

Haradinaj ka folur edhe për formimin e ushtrisë.

Ai ka thënë se varianti që Lista Serbe ta votojë ushtrinë, është shumë i vështirë…

“Nëse mbarohet statusi, atëherë nuk ka ndalesa në votë. Varianti tjetër është me ligj, dhe ndoshta më vonë edhe me kushtetutë…” ka thënë Haradinaj .

Ministri i Infrastrukturës së Kosovës Pal Lekaj gjatë ditës së sotme ka zhvilluar një takim me ambasadorin e Shqipërisë në Kosovë, Qemal Minxhozi, me të cilin kanë diskutuar për taksën në “Rrugën e Kombit”.

Lekaj e ka ritheksuar se taksa është e lartë dhe se institucionet kosovare nuk pajtohen me këtë çmim, shkruan Indeksonline.

“Në takim me Ambasadorin Qemal Minxhozi diskutuam zhvillimet e fundit në dy vendet tona, me theks të veçantë për çështjen e taksës rrugore për të cilën e ritheksova papajtueshmërinë tonë me çmimin dhe mënyrën se si është marrë ky vendim për njërën nga arteriet kryesore të lidhjes ndërshqiptare, që është ‘Rruga e Kombit’. Po ashtu e diskutuam edhe letrën zyrtare me të cilën i jemi drejtuar Ministrit të Infrastrukturës dhe Energjetikës, z. Damian Gjiknuri dhe për mungesën e përgjigjes në këtë letër.
Ishte dakordim i dyanshëm që hapat e mëtutjeshëm të bëhen me dakordancë të plotë.
Shqipërisë dhe Kosovës si dy vende vëllazërore ju duhen marrëdhënie me influencë pozitive për zhvillimin e gjithëmbarshëm.

Vendimi i kryeministrit të Kosovës, Ramush Haradinaj për lirim nga detyra të Shefit të Agjencisë së Kosovës për Inteligjencë, Driton Gashi, nuk bëhet i plotfuqishëm pa një miratim e presidenti Hashim Thaçi.

Kryeministri i Kosovës, Ramush Haradinaj ka përsëritur se pas vendimit të tij, tani shkarkimi i Gashit nga posti i shefit të AKI-së do të ndodhë pasi që vendimin ta marrë edhe presidenti i shtetit, Hashim Thaçi.

Këto komente, kryeministri Haradinaj i ka i ka bërë pas mbledhjes së Qeverisë së Kosovës.

Ndërkaq, në lidhje me largimin nga detyra të ministrit të Punëve të Brendshme, Flamur Sefaj, kryeministri Haradinaj tha se kjo ka ndodhur për shkak se arrestimi dhe më pas deportimi i gjashtë shtetasve turq nga Kosova për në Turqi, kishte prishur marrëdhëniet institucionale në mes kryeministrit me ministrin e Punëve të Brendshme dhe drejtorit të Agjencisë së Kosovës për Inteligjencë.

*Kjo klasë politike e pas luftës kan pru aq keq gjendjen ne Kosovë ,sa nuk mund të gjenë njeriu as shpjegim.

*Pak kush nga ta që erdhën për këto 18 vite në krye të shtetit punuan mirë e ndërshmerisht për shtet.

*Nuk punuam mirë edhe për faktin që tashmë u dëshmua së shqiptarët nuk e kan nivelin e nevojshem të vetëdijës për shtet dhe për komb.Kjo që po e themë është e dhëmbshme , është për qdo keqardhje dhe është për qdo kritikë.

*Ky popull sikur ka vdekur klinikisht , nuk po i dëgjohet zëri edhe pas gjithë këtyre hajnive, plaqkitjeve , zhvatjeve e dhunimit në tru të shëndosh që po ushtrohet mbi ta.

*Pa marrë parasysh së cilët e kaleruan pushtetin, pa dallim partie e ideologjie u shfaqën si profiterë , si shfrytëzues të mandtit qeverisës për tu pasuruar ,duke filluar nga pushteti local deri të niveli qendror.

*Po grindën gjoja nder veti në kuvend, neper televizione dhe rrjete sociale si të pa fytyrë që janë , e prapa kulisave janë shokë të bizneseve të dyshimta , janë shokë edhe të shumë allishveresheve tjera përfituese …

*Kjo është më shumë së amorale .Si ndërtohet shteti more qyqarë duke plaqkitur dhe rrënuar qdo vlerë materjale, e duke rrënuar qdo vlerë morale ?

*Si nuk po mendoni pakë edhe për fëmijët dhe familjët të cilat nga plaqikitja që po ua beni po jetojnë buzë greminës? A keni ujë në sy siq thotë një fjalë e popullit?

*A po mendoni për fëmijët jetima të luftës, për martirët dhe dëshmoret e kombit, të cilët po prehen në çdo cep të Kosovës? Shkelët mbi gjakun e tyre ?!

*Hiqne more logjikën e pasurimit të pa ligjshem , së heret a vonë do tia shihini sherrin më mullak.

*Jeni berë milionera apo edhe ndoshta miliardera pa fije turpi.E keni topitur këtë popull , e keni pru në gjendje të lypsarit .

*Po bëni veprime foshnjore, e jo që i thoni vetit se jeni koxha burra?! Gjermanët e rindërtuan vendin e shkatërruar rrafsh më tokë në Luftën e Dytë Botërore , duke dhënë gjithëqka për shtetin e tyre , dhe arriten që të bëhën prap superfuqi botërore ekonomike .

*A jeni more në tulë të bukës ?A po ju ka marrë era nga koka ato tru që i keni ?! Na ndihmojë e gjithë bota demokratike që ta kemi shtetin e dytë në Ballkan, e ju hajgariseni më atë trohë shtetësie që na ka mbetur?!

*Po luani më fatin e njerëzve sikur Kosovën tua kishte lënë baba. Edhe beli e keni bërë pronë private duke i bërë shumicën argatë të juve ?! Kjo qka po bëni është e pa falshme . Një ditë do tu presë Mallkimi i Zotit dhe mallkimi i popullit!!!