Gjykata Kushtetuese mori vendim që rritja e pagave për kabinetin qeveritar nga ana e kryeministrit Ramush Haradinaj nuk është në kundërshtim me Kushtetutën e Kosovës.

Sipas vendimit të Gjykatës Kushtetuese, nuk është dëshmuar se vendimi i Qeverisë për rritjen e pagave përbën çështje të nivelit kushtetues.

“Me shumicë votash është konstatuar se Vendimi i Qeverisë së Republikës së Kosovës nr. 20/14, i 20 dhjetorit 2017, nuk është në kundërshtim me nenet 3 [Barazia para Ligjit], 4 [Forma e Qeverisjes dhe Ndarja e Pushtetit], 7 [V1erat], 65 [Kompetencat e Kuvendit], 92 [Parimet e Përgjithshme] dhe 93 [Kompetencat e Qeverisë] te Kushtetutës”, thuhet ndër të tjera në vendimin e publikuar në faqen zyrtare të Gjykatës Kushtetuese.

Në dhjetor të vitit të kaluar, Qeveria e Kosovës, e drejtuar nga Ramush Haradinaj, mori vendim që t’ia rrisë pagat gjithë kabinetit qeveritar.

Sipas këtij vendimi, paga e kryeministrit nga 1,500 euro sa ka qenë, do të bëhet 2,950 euro, kurse e zëvendëskryeministrave nga 1,300 euro, në 2,500 euro.

Paga e një ministri ka qenë rreth 1,200 euro, ndërkaq, sipas këtij vendimi, do të jetë 2,000 euro. Kurse, mbi 70 zëvendësministra, të emëruar në Qeverinë Haradinaj, do të pranojnë pagë mujore nga 1,150 euro.

Deputetë të Lëvizjes Vetëvendosje kishin dorëzuar ankesë në Gjykatën Kushtetuese, duke kërkuar shpalljen e këtij vendimi si kundërkushtetues.

Mirëpo, Gjykata Kushtetuese konstatoi se vendimi i Qeverisë nuk është kundërkushtetues.

Kryeministri Haradinaj e kishte pezulluar vendimin që i dyfishonte rrogën e tij, për të pritur vendimin e Gjykatës Kushtetuese.

Eshte detyrë e jona njerëzore, humane e patriotike që të shkruajmë dhe ti përkujtojmë njerëzit meritor të kombit, njerëzit që kan sakrifukuar për shtetin dhe kombin e vet. Aq me vështirë është kur ndodhin vdekje te pa pritura ,siq na tronditi të gjithëve vdekja në moshë relativisht të re, të legjendes së futbollit të Kosovës, Fadil Vokrrit. Shumë e kam adhuruar këtë futbollist nder me cilësoret ne historin e futbollit shqiptarë. Ishte nje futbollist i cili i kenaqi futbolldashesit më driblingjet e bukura , më golat e shënuara të cilat nuk do të harrohen kurrë .Ishin këto kohet e arta të futbollit të Kosovës, edhe pse në kushte të okupimit nga serbosllavët.Për Fadil Vokrrin ka njeriu qka të shkruan , së doli nga gjiri I popullit një yllë I cili nuk shuhet kurrë. La pas veti ndeshje të paharruara , la kujtime të bukura për të gjithë ata të cilet e njiohen për afer, la mbresa të pashlyra të një futbollisti cilësor, dhe të një njëriu I cili tërë jetën ja kushtoi afirimimit të futbollit të Kosovës në arenën ndërkombëtare .Vokrri na la amanete dhe porosi së si duhet dashur atdheu dhe kombi përmës sportit .Ai dhe shumë sportsitë tanë në botë janë bër shembulli më I mirë së si luftohet për ideale të larta kombëtare .Fadil Vokrri iku nga kjo botë duke lënë lavdinë dhe krenarinë e një sportisti të mirfilltë, të një njeriu të dashur, të një njeriu I cili bëri shumë për futbollin dhe sportin përgjithësisht. Vokrri ishte dhe mbeti vlerë kombëtare , I paharruar jo vetëm për gjeneratën që I takoj por edhe për brezat që po vijnë. Ai ka lindur për tu bërë futbollist më nam, ka lindur për të mbetur në histori si sportist dhe njeri shëmbullor.Fadil Vokrri ka lindur për të mos vdekur kurrë. Fadil Vokrri është shumë i madh në futbollin shqiptarë. Shkalla e përformancës së Vokrrit kishte arritur nivelin e një futbollisti të përmasave evropiane. Ai shënonte po thuaj në qdo ndeshje që luajti. Për të arritur statusin e mitit, si një lojtar futbolli është shumë e vështirë, sepse kulmi i performancës është përgjithësisht e shkurtër – vetëm pak lojtarë përformojnë në topin e lojës . Në mënyrë të pabesueshme, Vokrri përformoi në stilin e niveleve të larta për shumë vite duke shënuar edhe shumë gola . Ylli i futbollit bashkëkohor të Kosovës , Fadil Vokrri u bë rituali i fluiditetit dhe elegancës. Në kohën e Vokrrit shqiptarët e konceptonin futbollin si fantazi…

Gjithsej 517 mijë e 198 euro e 56 cent para të buxhetit të shtetit, në janar të këtij viti, Presidenca i kishte ndarë për një kompani lobuese amerikane, e afërt me presidentin Donald Trump.

Në kontratën me kompaninë “Ballard Partners” thuhet se ky gjysmë milioni ishte ndarë për shërbime të konsulencës, për nevojat e Zyrës së Presidentit, raporton KTV. Por jorastësisht presidenti Hashim Thaçi ka zgjedhur pikërisht këtë kompani.

Marrë parasysh afërsinë e drejtuesve të kompanisë me zyrën e presidentit Trump, Thaçi ka synuar realizimin e një takimi me presidentin amerikan. Këtë e ka bërë publike vetë udhëheqësi i kësaj kompanie, Brian Ballard. Në dokumentin e lëshuar nga Departamenti i Drejtësisë së kësaj kompanie, thuhet se Ballard është takuar më 20 prill në Mar-A-Lago me Presidentin Trump, të cilit ia ka bartur kërkesën e Ambasadores së Kosovës në Washington, për mundësimin e realizimit të një takimi me presidentin Hashim Thaçi. Ndarja e miliona eurove nga presidenti Thaçi, fillimisht për autobiografinë e tash për këtë synim, shihet si keqpërdorim i parasë publike në përpjeke për rregullimin e imazhit të tij.

Deputeti i Kuvendit nga Partia Socialdemokrate, Faton Topalli, thotë se presidenti në vazhdimësi ka abuzuar me paranë publike. Ndërkaq, deputeti i Alternativës, Ilir Deda, thotë se çdo herë nga secila parti janë ngritur dyshime mbi atë se si po shpenzohet paraja e taksapaguesve në emër të lobimit. Por krejt këto dyshime pritet t’i vërtetojë komisioni hetimor i themeluar nga Kuvendi. Ky komision shumë shpejt pritet të nisë punën dhe pritet të hetojë të gjitha dokumentet e qeverisë dhe presidencës dhe paratë e shpenzuara me këtë qëllim. Sidoqoftë, ende nuk është e qartë nëse Trumpi e ka pranuar kërkesën e Thaçit. Brian Billard ka raporte personale me Presidentin Trump dhe pas fitores së republikanit, i ka bartur zyrat e tij në Washington. Kompania e tij, përveç Kosovës, lobon në SHBA edhe në emër të qeverive të Azerbajxhanit, Republikës Dominikane, Katarit dhe Turqisë.

Qytetarët e Kosovës gjithnjë e më shumë duken të lodhur. Të lodhur nga zgjedhjet të cilat atyre nuk u sollën ama bashë asgjë të hajrit deri me tash. Sigurisht së barra më e rendë që e kami mbi supe është skami dhe mjerimi social gjithnjë në rritje.Është bërë tashmë një kohë e gjatë që elitat politike të cilat u ndërruan në pushtet ( më garnituara po thuaj të njejta ), nuk i mbrojtën interesat e qytetarëve si duhet , por e shfrytëzuan votën e tyre për tu pasuruar. Kjo rrezikojë dhe po rrezikon gjithnjë e më shumë ekzistencen e Kosovës si shtet.Po rrezikohet seriozisht e ardhmja e brezave të rinjë të cilët masovikisht po largohen nga Kosova.Sigurisht së në këtë rreth vicioz po rrezikohet edhe e ardhmja evropiane e vendit.Historinë po vazhdojmë ta shkruajm për së prapthmi, dhe kjo është leksioni më i keq qe po i japim vetit si komb i lashtë që jemi në hapësirat ballkanike dhe më gjerë.Keto negativitete dhe shumë qka tjetër kan bërë që shumica të largohen nga vendi masovikisht . Informacionet publike të cilat po i ndegjojmë, po shohim dhe po i lexojmë , po janë të zymta , po janë shumica pesimiste më arsye , së historinë po e shkruajmë keq. Në fakt po e shkrujnë keq ata të cilët edhe keq punuan gjithë pas luftën, kur në fakt na u dha rasti historic që ti kemi dy shtete në Ballkan, të cilat më një punë të ndershme së pari të njerëve te politikës, dhe të gjithë neve, sigurisht së as bashkimi kombëtar nuk do të ishte largë .Kjo deshirë e shumicës së shqiptareve gjithnjë e më shumë po zvetnohet, po rrenohet, së trojet etnike nuk e kan bashkëpunimin e duhur ekonomik e kulturor. Rezultatët në avansimine proceseve zhvillimore dhe proceseve demokratike në vend të përparimit po shënojnë rënje drastike, apo më mirë më thënë po shënojnë kthim mbrapa.Po na mungon mobilizmi i përgjthshem, koncenzusi nacional që gjendja politike dhe gjendja ekonomike të dobëta të kthehen më në fund për së mbari.Nuk po gjëjme dhe nuk po interesohemi që të gjejmë mekanizma mbrenda subjekteve politike që të thehën barrierat e vjetra .Aq me keq kur gjithëqka po bëhët duke u thirrur në emer të popullit.Na është mbushur aparati shtetëror më njerëz të padijshem , besa edhe më biografi të dyshimitë kombëtare .Presidenti Thaqi do të duhej të ishte shumë I kujdesshem se kënd po e dekoron , dhe për qfarë qëllimi po bëhën dekorimet e tilla . Sigurisht së do të duhej të dekoroheshin ata që histirikisht. por edhe në luftën e fundit kan dhën kontribut të pa zëvëndësueshem për shtetin pavarur dhe sovran të Kosovës.Kosovës si shtet I ri nuk i nevoiten ideologjitë të cilat e kthejnë mbrapa. Kësaj ideolgjie ja kemi pa sherrin më bollek më vite të tëra.Nuk bëhët dhe nuk ndërtohet shteti duke u hajgarisur në Parlament si organi më i lartë i shtetit. Nuk i duhen Kosovës kuvendarë cirkuzantë , por i duhen njerëz serioz të cilët seriozisht angazhoehn për të pru vendime te rendësishme për vendin . Për çdo seancë po ndëgjojnmë kopalla të ndërsjella të cilat asgjë nuk i hyn në funksion shtetit dhe as proceseve zhvillimore .Këto maskarada dhe këto tallje më shtetin dhe më qytetarët do të duheshin të marin fund, së politika nuk është lojë. Me lojëra të tilla të ulëta gjithnjë e më shumë po bëhëmi gazi i botës, dhe po e vërtetojmë tezën e kahmotshme shoviniste serbe” së shqiptarët nuk din të ndërtojnë shtet”.Dihet së në parlament mund të ndodhin edhe gjera jo të lakmueshme , por të bëhën gjera të tilla në kontinuitet , kjo tregon për jo seriozitetin dhe për njerëzit jo meritor të cilët kan arritur aty. Lufta për pushtet nuk bëhët në këtë mënyrë çfarë po ndodhë që 18 vite në Kosovë. Lufta për pushtet sigurisht së bartë përgjegjësi të madhe morale , përgjegjësi politike , përgjegjësi para atyre të cilët i kan zgjedhur, sigurisht së ekziston edhe përgjegjësia penale për gabime të rënda ose te vogla, për abuzime karshi shtetit, të cilat abuzime deri me tash shumë pak ishin të ndeshkueshme nga organet kompetente.Logjika për shtetndërtim dhe mirëqenje duhet të jetë krejt më ndryshe…

Asnjëherë deri më sot nuk ka ndodh që viktima të vrapoj pas xhelatit për kërkim falje siq po ndodh në këtë motin e sotit, sikurse nuk ka ndodh asnjëherë që viktima të përulet para xhelatit.
Si çdo herë xhelatët mundohën të arsyetojnë krimet e tyre, ndërsa viktima objektiv ka hakmarrjen dhe kërkimin e drejtësisë.
Mirëpo në kohën që po jetojmë nuk po ndodh njëra, as tjetra!
Xhelatët (serbët) po tallën më viktimën (shqiptarët), ndërsa këta të fundit po ua arsyetojnë të parëve “mëkatët” (krimet) në forma dhe përmbajtje të ndryshme.
Dialogu për normalizim të mardhënjeve dhe traktati për pajtim më Serbinë janë dy nga format e faljes së mëkateve nga ana e “politikanëve” (pushtetarëve) kosovar.
Nuk ishte lufta e fundit ajo që na armiqësoi me Serbinë, sikurse nuk është as dialogu i fundit që po na “miqëson” më armiqët tonë shekullor.
Që nga Serbia e parë e deri të e dyta, Jugosllavia titiste e deri të Serbia millosheviqiane, ne shqiptarët u premë e u vramë, u masakruam e u dogjëm, u ndjekëm e përndjekëm dhe prapë fuqitë e mëdha na detyruan të “bashkëjetojmë” me xhelatët e tanë!
Pra, është e njëjta bashkësi ndërkombëtare që nga Evropa plakë e deri të kjo e ditëve të sotme që po i “pajton” shqiptarët (viktima) me serbët (xhelatët), duke ua përseritur shqiptarëve masakrat nga dy-tri herë brenda një shekulli.
Më (pa) dashje shqiptarët po i nënshtrohen një ligji të pa shkruar; “Ata që nuk mësojnë nga historia, u përseritet prapë”.
Kështu po na ndodh ne shqiptarëve, shkaku se nuk po arrijmë të mësojmë nga historia, se po u zëmë besë të pabesëve dhe se po mashtrohemi lehtë, si dhe për shkakun se po i harrojmë shpejt ngjarjet tragjike të kombit tonë!
Akoma pa i shëruar plagët e hapura nga lufta e fundit, siq janë; mbi 20 mijë viktima, rreth 1650 persona të pagjetur, mbi 20.000 gra, vajza e nëna tonat të dhunuara nga kriminelët serb, me qindra e mijëra të plagosur, dhjetëra mijëra fëmijë të mbetur jetim e në varfëri të skajshme e deri dëmet e pakrahasueshme materiale nga plaçkitja e pasurive dhe dëmtimi i pronave të shqiptarëve.
Pajtimi me Serbinë gjakatare, pa u zbardhur fati i rreth 1650 të pagjeturvë është pak më tepër se harresë, është shkelje mbi gjakun e dëshmorëve, është shkelje mbi nënat e motrat e dhunuara shqiptare dhe jo vetëm, është tradhti kombëtare.

Dorën e pajtmit duhet ta shtrijë xhelati e jo viktima

Pra, edhe në këtë kohën e sotit prapë po na dalin shqiptar të gatshëm për ripërtëritjën e “kumbarisë” me gjakatarët serb, duke propozuar “traktate paqeje” në kundërshtim më vullnetin e popullit të tyre!
Kush janë ata shiptarë që sot po vrapojnë pas një “kumbarie të re” më vrasësit e vllëzërve të tyre!?
Janë ata që nuk i kanë zëmrat e përvëluara nga terrori e gjenocidi serb, janë ata që përfituan nga lufta çlirimtare, nga gjaku i derdhur për liri, janë ata që u pasuruan në luftë dhe pas saj,…janë këta multimilionerët që po i tradhtojnë idealet e dëshmorëve e të rënëve për të ardhmën e kombit jasht “bashkëjetesës” me Serbinë.
Normalizimi i mardhënjeve Kosovë-Serbi, pa përmbushjen e asnjë kushti nga ana e kësaj të fundit, qoftë edhe me një kërkimfalje ndaj popullatës shqiptare, jo vetëm që është tradhti kombëtare, është antihumane dhe anticivilizuese.
Kjo formë e pajtimit (kumbarisë së re) të politikanëve shqiptar me xhelatët serb, lenë pak për të shpresuar për një paqe të qëndrueshme në rajon, për arsye se shqiptarët nuk e dëshirojnë më një “bashkjetesë” të tillë!
Kjo nuk ka të bëjë fare më drejtësinë, për më tepër ky është një shpërblim që po i bëhet shtetit gjakatar të Serbisë nga ana e bashkësisë ndërkombëtare, dhe një amnistim i krimeve të saj në Kosovë nga ana e lidershipit aktual kosovar.
Marrëveshja eventuale mes Thaçit e Vuçiqit nuk paraqet kurrfarë zgjidhje të problemit serbo-shqiptar, por vetëm bënë barazimin e viktimës me xhelatin, duke filluar kështu rrugëtimin drejt një konflikti të ri serbo-shqiptar!
Këto janë gabime që do t’i vuajnë gjeneratat e ardhshme në Kosovë. Nuk do të kalojnë shumë vite a as dekada kur pasardhësit tonë do të përballen prap me dhunën e terrorin serbomadh.
Shtrirja gjeografike e Serbisë së sotme në shtetin e Kosovës është një “Rrip i Gazës” në mes trojeve shqiptare, i cili nesër jo vetëm që do të prodhojë konflikte ndëretnike mes serbëve e shqiptarëve, do ta bëjë të pa mundur realizimin e ëndrrës së shqiptarëve për bashkim kombëtar.
Për më tepër se kaq, shtrirja gjeografike e Serbisë në Kosovë ka ndodhur nën “petkun” fetar, me fuqizimin e Kishave dhe Manastireve serbe, përkatësisht gllabërimi i tokave shqiptare nga ana e kishave serbe, duke e legalizuar nocionin “Kosovo e Metohija” para bashkësisë ndërkombëtare.
Vetëm sa për ilustrim, Manastiri i ka gllabëruar mbi 70 hektarë tokë të komunës së Deçanit dhe toka private të shqiptarëve me bekimin e Gjykatave (politikanëve) të Kosovës!
Përderisa politkanët e mjerë kosovar e vazhduan për dy dekada luftën për pushtet në gjysëm shtet, Serbia u përkujdes për shtrirjen gjeografike dhe gjeopolitike të serbëve në Kosovë.
Sot, serbët si asnjëherë më parë, e kanë të drejtën e VETOS në Kuvendin e Kosovës, janë bërë hisedare në të gjitha asetët kombëtare të shtetit të cilin nuk e njohin dhe pranojnë si të tyre.

Me logjikën e turpit Kosova nuk shkon përpara

Ditë më parë kryeministri i vendit, Ramush Haradinaj deklaroj ;”Pajtim e jo harresë”, duke mos e llogaritur faktin se pajtimi me Serbinë do e dërgon atë pashmangshëm në harresë, sikurse që e la në harresë (kaq shpjet) territorin e falur Malit të Zi.
Pas votimit të marrëveshjes fatkeqe në Kuvend, Kulla, Çakorri e Bjelluha nuk do të jenë më asnjëherë pjesë e Kosovës.
Ngjashëm, pas “pajtimit”, Serbia nuk do të përgjigjet më asnjëherë për krimet dhe gjenocidin në Kosovë, sikurse që nuk do të përgjigjet as për dëmet e pallogaritshme të luftës!
Për më keq se kaq, me aktin e pajtimit, Serbia ligjërisht do të bëhet hisedare në Kosovë. Pas kësaj, Serbia do ta intensifikojë akoma më tepër agresionin e saj politikë mbi Kosovë.

Pasojat e dialogut të Brukselit

Dialogu i filluar si “teknik” në Bruksel, dalëngadalë Qeverinë e Kosovës e futi në një tunel të errët e të pafund të dialogut politik më kasapët e Ballkanit, nga i cili vështirë së do të lirohet pa pasoja tragjike për vendin.
Në njërën Serbia përmes këtij dialogu ka avancuar me hapa të shpejtë drejt anëtarësimit në BE-së, kurse në anën tjetër Kosovës i ka dizajnuar ndarjen territoriale përmës të ashtuquajturit “Asociacion” i komunave serbe.
Kështu Serbia dialog pas dialogu me Qeverinë e Kosovës e shtriu agresionin e saj politik mbi shtetin e Kosovës. Raundi final i bisedimeve në Bruksel do të rezultoj me ndarjen finale, gjegjësisht të humbjes përfundimtare të pjesës veriore, humbjen e dy aseteve më strategjike të shtetit-Trepçën dhe Ujmanin (Liqenin e Gazivodës).
Pos humbjes së veriut, pasojat do të jenë të pariparueshme për Republikën e Kosovës. Përtej kësaj, në të gjitha komunat serbe në brendi të Kosovës, në vend të mbishkrimit “Republika e Kosovës”, mbishkrimet e vendosura të Republikës së Serbisë, madje edhe në çirilicë, me të gjitha simbolet e shtetit serb pa asnjë mbishkrim apo simbol të shtetit të Kosovës e shkaktojnë prerjen tjetër çezariane të territorit të vendit tonë!
Në fund, popullatës shqiptare i mbetët të përgatitet për të (pa)priturat tjera nga pasojat e këtij dialogu, i cili do të prodhojë destabilitet e pasiguri totale. Ngase, pas finalizimit të marrëveshjes së Brukselit, strukturat e shtetit serb do të veprojnë lirshëm e të papenguara nga askush në territorin e Kosovës.
Do të jetë Policia e Kosovës, ajo që do të sfidohet përherë nga këto struktura, të cilat do të inskenojnë pasigurinë e tyre nga “sulmet” e shqiptarëve, për të kërkuar kthimin e forcave policore serbe.
Mbase, ky do të jetë një motiv shtesë për qëndrimin edhe për një kohë të gjatë të prezencës ushtarake ndërkombëtare (KFOR-it), në vendin tonë.
Ketë shkrim e përfundoj më thënjën: “tradhëtia e vendit në mënyrë primitive dhe shitja e tij në mënyre moderne janë e njëjta gjë”.

Me kërkesën e kryeministrit të Kosovës, Ramush Haradinaj, Qeveria e Kosovës, ka tërhequr nga seanca e Kuvendit, platformën për bisedime me Serbinë, e cila ishte paraparë të diskutohej si një nga pikat e rendit të ditës.

Ministri i Punës dhe Mirëqenies Sociale, Skender Reçica, në emër të Qeverisë, ka parashtruar kërkesën për ta hequr nga rendi i ditës platformën për dialogun për normalizimin e marrëdhënieve mes Kosovës dhe Serbisë.

Sipas tij, projekt-platforma në fjalë kërkon debate e diskutime të brendshme politike për konsensus, para se të shqyrtohet për miratim në Kuvend.

“Në emër të kryeministrit Ramush Haradinaj, me mirëkuptim kërkoj të tërhiqet lënda projekt-platforma për finalizimin e dialogut ndërmjet Republikës së Kosovës dhe Republikës së Serbisë për normalizimin e marrëdhënieve mes dy vendeve e proceduar në Kuvend me 23 prill 2018”, tha Reçica.

“Ky veprim bëhet në mënyrë që t’i japim kohë ndërtimit të një konsensusi sa më të gjerë nacional dhe vazhdimit të konsultimeve të mëtutjeshme”, tha ai.

Subjekti më i madh opozitar në Kuvendin e Kosovës, Lidhja Demokratike e Kosovës me anë të një komunikatë për media, një ditë më parë ka bërë të ditur se nuk do ta përkrahë platformën për dialogun politik mes Kosovës dhe Serbisë.

“Platforma për dialog, e prezantuar në Kuvendin e Kosovës nga ana e Qeverisë së Kosovës, është dokument i përgatitur dobët, joserioz dhe me pretendime jokushtetuese”, ka thënë Grupi Parlamentar i LDK-së.

Ftoheni sinqerisht dhe perzemërsisht mysafir në mbrëmjen e 13-të qershorit ditë e mërkure,në kullën e Balës plak në Isniq!!!
Në ate kullë ku Isa Boletini me kalorsit e tij gjeti bukë kripë dhe zemër dhe bëri gjum te qetë sepse rojet e kullës, ishin bijtë e Balës plak,në at kullë ku Bardhosh Dinë Gërvalla kaçak i maleve i pat dyert hapur ditën e natën,në atë kullë ku Demë Ali Pozhari e Mehmet agë Rashkoci kundershtar te okupatorve Tito-Rankovi strehoheshin herë pas here deri ne arratisje,në atë kullë ku bënë  gjumin gjum slirshëm kaçakët e revolucionit te armatosur Enver Topalli e Nuhi Berisha ,ne atë kullë ku Sali Çeku me shokët e tijë,çlodhej nga rruga e gjatë qe mbante armatim mbi supë,në ate kullë ku lindi celula e parë e UÇK-së në Isniq,në atë kullë ku lindën e u rritën dëshmorët e kombit;vëllezërit Gani e Xhafer Bala! Pra ejani qe këte natë te kalojmë së bashku në mënyrë që të nesërmen me 14 qershor ditë e ejte te bejmë homazhe pran vellezerve dëshmorë duke filluar ne ora 10:00 per tu kthyar ne ora 13:00 ne sallen e kuvendit te komunës ne Deçan  ku do shfaqët premiera e dokumentarit „Musë Mehmeti dhe të bijtë e tij nder i Shqiperisë natyrale“
Pra ejani të çmallëmi shokë të idealit e të ilegalës!
Dera është e hapur për ju shokë ashtu siq ishte dje në kohë vështira,eshtë sot e do jet nesër!
Ju mirpresim vëllezër me respekt të pafund.

për familjën Bala;

Mehmet Musa (Gjermani)

Deputetët e Kuvendit të Kosovës kanë miratuar rezolutën për unifikimin doganor ndërmjet Kosovës dhe Shqipërisë.

Këtë rezolutë e ka propozuar Grupi parlamentar i Partisë Socialdemokrate, e cila është mbështetur nga 76 deputetë.

Përfaqësuesit e këtij subjekti politik kanë ftuar Qeverinë që të angazhohet sa më shpejt për realizimin e kësaj rezolute që do të lehtësojë qarkullimin e mallrave në mes Kosovës dhe Shqipërisë, duke i dhënë shtytje zhvillimit ekonomik të të dyja vendeve.

Kuvendi i Kosovës, ka miratuar dhe një tjetër rezolutë për heqjen e tarifave të roming-ut në telekomunikim ndërmjet këtyre dy vendeve.

Deputetët sot miratuan edhe rezolutë në lidhje me gjendjen jo të mirë të rinisë kosovare dhe votuan pro rekomandimeve nga debati parlamentar në lidhje me Kartonin e Gjelbër.

Rreth 1 mijë kërkesëpadi janë hartuar nga organizata për dëmet e luftës “Ngritja e Zërit”, selia e së cilës është në Skenderaj dhe janë dorëzuar nëpër gjykata, pothuajse në të gjitha komunat e Kosovës, por të gjitha ato janë refuzuar nga gjykatat me arsyetimin se nuk mund të paditet një shtet tjetër, shkruan ‘Zëri’.

Jahir Bejta, kryetar i OJQ-së “Ngritja e Zërit”, i tha “Zërit” se shpresën te paditësit e ka kthyer kryeministri Ramush Haradinaj, i cili ka premtuar se do t’i përkrahë të gjitha kërkesat e qytetarëve sa i përket kompensimit të dëmeve të luftës, përcjell albinfo.ch.

Bejta tha se kishte kërkuar një takim me kryeministrin e vendit, por që ky takim nuk ishte realizuar, pasi kryeministri nuk është njoftuar për kërkesën.

Ai ka thënë se refuzimi i kërkesëpadive nga Gjykata është për çdo gjykim. “Derisa ne jemi në gjumë të thellë, serbët deri më tani kanë ngritur mbi 100 mijë padi për kompensim dëmi, kurse vetëm serbët nga Drenica kërkojnë dëmshpërblim në shumën prej 500 mijë eurosh, ose gjysmë miliardi euro. Deri tani kemi hartuar rreth 1 mijë kërkesëpadi individuale dhe të njëjtat janë dorëzuar në gjykata themelore nga ana e të dëmtuarve, varësisht nga kompetenca territoriale ku është kryer krimi. Në saje të ankesave të parashtruara Gjykata e Apelit ka pranuar për shqyrtim 400 dosje, Gjykata Supreme e Kosovës ka pranuar 100 dosje sipas propozimit për revizion, kurse në Gjykatën Kushtetuese janë dorëzuar 50 dosje, respektivisht kërkesa për vlerësim të ligjshmërisë”, ka precizuar kryetari i organizatës për kompensimin e dëmeve të luftës “Ngritja e Zërit”, Jahir Bejta.

Bejta ka sqaruar, duke iu referuar edhe ekspertëve të fushës, se KGJK-ja dhe Ministria e Drejtësisë kanë kërkuar nga gjykatat themelore refuzimin e padive për kompensim dëmi, ndërsa nuk kanë kërkuar nga Kuvendi i Republikës së Kosovës të ndërrohet norma juridike si në Kodin Penal, ashtu edhe në Kodin e Procedurës Penale.

Ai ka ripërsëritur se ka dyshime në drejtësinë kosovare sa i përket shqyrtimit dhe trajtimit të kërkesëpadive për kompensimin e dëmeve të luftës, pasi që njerëzit në krye të institucioneve gjyqësore, siç thotë Bejta, “nuk kanë kredibilitet moral”, sepse ka nga ata që me vetëdëshirë kishin pranuar të punojnë sipas instruksioneve të shtetit okupues dhe të emërohen nga Republika e Serbisë edhe pas rrënimit të gjyqësorit të Kosovës në vitin 1992.

Presidenti i Kosovës, Hashim Thaçi, dorëzoi tek autoritetet e Bashkimit Evropian letërkëmbimin me shefen e politikës së jashtme të BE-së, Federica Mogherini, me të cilën përmbyllet mandati i deritashëm i misionit evropian për sundimin e ligjit në Kosovë – EULEX.

Letrën e pranuan komandanti i Operacioneve Civile në EULEX, Kenneth Deane, dhe shefja e EULEX-it, Alexandra Papadopoulou.

Në një komunikatë për media nga Presidenca thuhet se përmbajtja e letrës është negociuar ndërmjet palës kosovare dhe BE-së dhe se parasheh përfundimin e mandatit ekzekutiv dhe reduktimin e rolit të EULEX-it në rol monitorues dhe këshillues.

“Ka qenë një dekadë e vlefshme për Kosovën”, tha me këtë rast Thaçi, duke shtuar se “institucionet e Kosovës kanë përfituar shumë nga bashkëpunimi me EULEX-in”.

“Falë këtij bashkëpunimi, sot kemi ngritur kapacitetet vendore për të marrë plotësisht përgjegjësitë në sektorin e sundimit të ligjit”, citon komunikata deklaratën e presidentit Thaçi.

Lëvizja Vetëvendosje nuk ka arritur të sigurojë mbështetjen e Kuvendit të Kosovës për shkarkimin e deputetes Aida Dërguti nga posti i nënkryetares së Kuvendit.

Nisma e Vetëvendosjes për shkarkimin e Dërgutit nga ky post, ka pasuar ndarjen e kësaj partie politike që ndodhi kohë më parë.

Gjatë fillimit të mandatit të kësaj legjislature, Dërguti ishte zgjedhur nënkryetare e Kuvendit, si deputete e Vetëvendosjes.

Ndërkaq pas ndarjes së partisë, Dërguti tani i përket Partisë Social Demokrate, e cila është formuar nga fraksioni i Vetëvendosjes.

Nismën për shkarkimin e Dërgutit e kishte prezantuar deputeti i Vetëvendosjes, Glauk Konjufca, ndërkaq këtë nismë e ka kundërshtuar deputeti i PSD-së, Dardan Molliqaj.

Sipas versionit të paraqitur nga Konjufca, posti i nënkryetarit, në këtë rast, i takon pikërisht Vetëvendosjes dhe jo PSD-së.

Si rezultat nga votimi doli që 16 vota ishin për, 26 kundër dhe 48 abstenime.

Kryesia e Kuvendit ka në përbërje, kryetarin e Kuvendit, si dhe pesë nënkryetarë, të cilët vijnë nga tri grupet më të mëdha parlamentare të shumicës si dhe dy nënkryetarë nga komunitetet pakicë.

Kryeministri i Kosovës, Ramush Haradinaj ka deklaruar se Kosova do të pranojë pajtimin me Serbinë në këmbim të njohjes. Sipas tij, kjo nuk do të thotë se do harrohen krimet e bëra, deklaron Haradinaj për RTK 2.
Haradinaj tha se pajtimi nënkupton të kalohet mbi të zhdukurit, të dhunuarit e të vrarët, por shpjegoi si duhet bërë kjo.
“Njohja.. çka mund të jep Kosova që të arrihet kjo marrëveshje, një pajtim, se tjetër nuk kemi çka japim. Pajtimi nuk është pak, do të thotë të kalohet mbi dhimbjen tonë, mbi të zhdukurit, mbi të vrarët, mbi dëmet, mbi dhunimet seksuale, me ekonomi të shkatërruar e të plaçkitur, e kur ne të pajtohemi, po japim shumë, më shumë se që dikush kish mujt me dhanë. Nuk po themi me harru, se nuk e bëjmë kurrë, por ne mund të pajtohemi ndonjëherë, për njohje. A është ky viti për këtë? Nuk mund të ngutem të them për këtë, por ne kemi kërkuar ndihmën e miqve tanë dhe po ju tregoj që Kosova kur qëndron pas Amerikës, e bën për interesin e vet”, tha ai.
Ai nuk tha nëse këtë vit do të ndodh pajtimi dhe njohja, por tha se ky është viti kur Kosova duhet anëtarësohet në Organizata Ndërkombëtare e Policisë Kriminale INTERPOL.
Haradinaj u shpreh i bindur se do të ketë vende që do të kërkojnë anëtarësimin e Kosovës në këtë organizatë.
“Çdo vend që e pengon Kosovën të anëtarësohet ne INTERPOL është duke e ndihmuar luftimin e krimit trans-nacional. Është gabim. Kush do ta luftojë krimin trans-nacional e ndihmon Kosovën të anëtarësohet në INTERPOL. Këtë vit është koha kur duhet të vendoset kjo punë. Jam thellë i bindur që plotë vende do të kërkojnë anëtarësimin e Kosovës në INTERPOL se ashtu luftohet krimi trans-nacional që është i rrezikshëm, është kërcënim”, tha ai.
Kryeministri Ramush Haradinaj, ka kërkuar nga shtetet mike të ndihmojnë Kosovën të anëtarësohet në Interpol.
Haradinaj ka folur edhe për anëtarësimin e Kosovës në OKB, ku sipas tij, shpejt duhet mbyllet kjo çështje.

Konferenca “Diaspora flet”, e mbajtur ditë më parë në Prishtinë ngjalli reagime të ndryshme në opinionin publik. Organizatorët e këtij aktiviteti, me ose pa qëllim e dështuan këtë nismë që në aktivitetin e parë!
Koordinimi i aktivitetetve me pushtetarët (politikanët) e korruptuar në të dyja nivelet e pushtetit (lokal e qendror), është pak më tepër se huqje e cakut.
Shprehja e pikëpamjeve të “Gërministëve” përmes mekanizmave të pushtetit (Parlament, Qeveri, Komunë) paraqet huqjen më kapitale.
Lënja menjëanë e takimeve dhe bashkëbisedimit me qytetarët e Kosovës, për më tepër se lëshim, konsiderohet dështim në hapin e parë të “Gërministëve”.
Përveqse ndryshimet e shumëpritura nuk arrihen përmes pushtetarëve, as investimet nuk realizohen përmes filtrave të pushtetarëve dhe politikanëve të korruptuar, ngase çdo investim do të ketë finalizim minimal në rrafshin praktik, për shkakun se pushtetarët e pangopshëm, pa e nxjerrur në fillim pjesën e tyre përmes haraçit nuk do i lënë të shkojnë tutje inestitorët shqiptar.
Për më tepër se kaq, kur është në pyetje hajnia dhe zhvatja e parave nga buxheti i shtetit dhe investimet e jashtme, pushtetarët e të dyja niveleve, dinë të bëhen bashk, sikurse u bënë bashk ditë më parë në Komunën e Prishtinës, për shtrimin e trasesë së rrugës prej 600 metrave në vlerë mbi 800 mijë euro!
Ky është vetëm një ilustrim i vogël, në krahasim me plaçkitjet qindra milionëshe nga shtrimi i autostradave më të kushtueshme në botë!
Të gjithë bashkatdhetarët që i duan të mirën vendit dhe popullit të tyre nuk bëhen një me politikanët e korruptuar dhe tejinkriminuar që ua nxinë jetën qytetarëve të Kosovës.
Elitat intelektuale në Diasporë që angazhohen për demokratizimin e institucioneve të shtetit të Kosovës, duhet t’i bashkohen popullatës e jo pushtetarëve.
Ngase, joshja me ndonjë post apo privilegj pushteti mund t’ua vërbojë sytë dhe turbullojë mendjen sa për të mos e parë realitetin e hidhur jashta institucioneve të shtetit.

Jo projekteve diskriminuese

U bëjë thirrje publike të gjithë mërgimtarëve, intelektualëve dhe biznesmenëve që të bashkohen njëmënd me njëri-tjetrin për të realizuar ndryshimin substancial në Kosovë, jo përmes konferencave “ad-hoc” dhe pjesmarrjes në pushtetin e kalbur dhe të inkriminuar,…por përmes bashkërendimit të veprimeve për një strategji të pastër kombëtare, për ardhjen në shprehje të vlerave të mirëfillta kombëtare dhe heqjen e të gjitha barrierave byrokratike që stimulojnë dhënjen e haraçit, kusht ky i domosdoshëm për krijimin e kushteve të favorshme për investimet e mërgatës në vendlindje, gjegjësisht realizimin e të drejtave legjitime në shtetin e origjinës.
Thënë edhe më qartë, përfundimisht ka ardhur koha për një iniciativë të shëndoshë të mërgatë sonë, me qëllim të ikjes nga projeketet antikombëtare , cilat do qofshin ato; “Gërminiane”, “Ahtisariane” apo “Aikinsiane” të cilat për qëllim kanë promovimin e multietnicitetit në shtetin më etnik në Evropë!
Për këtë arsye, kemi të drejtë të mos u besojmë tutje projekteve që vijnë nga jashtë.
Përvojat e deritanishme kanë treguar se projektet ndërkombëtare në Kosovë, gjithnjë kanë prodhuar heterogjenitet e ndarje të shqiptarëve në dy pjesë; të privilegjuar dhe diskriminuar!
Një situatë e tillë u shfaq edhe në konferencën e parë të projektit “Germin”, ku të privilegjuarëve të pushtetit ju dha hapësirë mediatike, pa pasur ndonjë sukses personal. Ndërsa ata që ishin më largë zemrës së pushtetarëve, mbetën largë syrit të kamerave dhe mikrofonit të mediumeve publike.

Tendenca e hapur për manipulim

Monitoruesve të vatrave të krizave në Ballkan, siq duket u ka rënë në sy situata shpërthyese në Kosovë, shkaku i pakënaqësive të mëdha sociale, andaj me çdo kusht duan ta ruajnë vazhdimësinë e ndikimit përmes krijimit të një klase të re servilësh e puthadorësh, që s’janë gjë tjetër veqse sejmen të politikanëve të korruptuar dhe shantazhuar.
Këtë që ceka më sipër e dëshmon ekzaltimi i skajshëm i disa pjesmarrësve të konferencës së sipërpermendur, duke e trajtuar “Germin” si projekt hyjnor.
Vallë, pse u dashka ne shqiptarët t’u shkojnë prapa projekteve e të tjerëve, kur kemi potencial të bollshëm njerëzorë (intelektual) për hartimin e projekteve afatgjata kombëtare, për nxjerrjen e vendit nga kthetrat e uzurpatorëve.
Përderisa vitin e kaluar “Samiti i Diasporës” i kënaqi mafio-oligarkët dhe bosët e “Kanabisit shqiptar”, kësaj radhe “Diaspora flet” i kënaqi mafio-politikanët kosovar përmes “Garministëve” të rinjë të cilët nuk e dinë nga vijnë dhe ku shkojnë!?
Sikurse “Simitët” e Diasporës, edhe “Gerministët” janë lodra në duart e pushtetarëve për realizimin e maskaradave mashtruese të pushtetarëve të korruptuar dhe tejinkriminuar, kinse po reformohen, duke shpërndarë filizat e tyre gjithandej trojeve etnike dhe Diasporë.

Shfrytëzimi i Diasporës për nevojat e politikave ditore

Në dekadën e fundit, diaspora shqiptare, nga qeveria e Tiranës dhe Prishtinës u përdor dhe u bë pjesë e agjendave politike vetëm në raste krizash politike, duke u përdorur si dekor festimesh dhe për dekorim të ndonjë sekseri të tyre në Diasporë, gjoja për punën dhe veprimtarinë atdhetare. Zyrtar të lartë shtetërorë nga Kosova dhe Shqipëria, ministra dhe ambasadorë gjatë vizitave mërgatës sonë, takojnë vetëm individët dhe grupacione të afërta me ta, duke asistuar në hapjen e ndonjë shkolle të mësimit plotësues të gjuhës shqipe, ndonjë aktiviteti të vockël kulturor, sa për të “mbajtur” lidhjet me sekserët e tyre, të cilëve ua hedhin nga një ashtë të fëlliqur në emër të financimit të ndonjë aktiviteti,…duke injoruar dhe anashkaluar shoqata dhe organizime të mirëfillta, duke injoruar në tërësi trurin e kombit shqiptar në Diasporë.

Pasojat e politikanëve të papërgjegjshëm

Politikanët e papërgjegjshëm, Kosovën nga një vendi i shpreses dhe i ardhmërisë e kanë kthyer në një vend ku ënderrat shndrrohen në iluzione, ku shpresat vdesin akoma palindur, ku vdekja të shoqëron çdo kund dhe në çdo hap të jetës.
Shqiptarët e Kosovës në të kaluarën e afërt identifikoheshin me heroizmin, trimërinë, krenarinë, atdhedashurinë, solidaritetin, humanizmin, toleranacën,…tani janë kthyer në njerëz që urrejnë njëri-tjetrin, nga besnik në tradhëtar, nga besimtar në fanatik fetar, nga politikanë në biznesmen matrapaz, nga mbrojtës të pasurisë shoqërore në shkatrrues të ardhmërisë !
Pushtetarët aktual, përveqse janë shndrruar në thyerës të shpresave për jetë të popullatës shumicë shqiptare në Kosovë, kanë vënitur edhe ëndërrat e qindramijëra mërgimtarëve për kthim të shpejtë në vendlindjen e tyre.
Nga paslufta e këndej, të gjithë pushtetarët pa dallim, e kanë injoruar mërgatën, me të gjitha kapacitet intelektuale të saj nga frika e humbjes së pushtetit.
Në anën tjetër, edhe mërgimtarët, deri më tani i kanë provuar të gjitha mundësit për ta bindur këtë klasë të papërgjegjshme për ndrrim të kursit qeverisës në vend.
Intelektualët nga mërgata, përmes shkrimeve analitike, kërkesave për ndryshim, peticioneve dhe formave të ndryshme i bënën thirrje edhe popullatës për ndërgjegjësim dhe vetëdijësim, por të gjitha na dolë të ishin të pamjafteshme!

Multimilionerët sfidojnë popullatën e varfër e të pashpresë

Paradoksalisht përballë njëra-tjetrës ndodhen dy shtresa të skajshme të popullsisë; oligarkët e pushtetit, oligarkët ekonomik dhe politikanët multimilionerë përballë një popullate të varfër, madje skajshmërisht të varfër, të harruar dhe nëpërkëmbur nga pushteti.
Jemi i vetmi vend në Ballkan dhe Evropë, që nuk kemi sigurime shëndetësore për qytetarët, përderisa në vendet për rreth nesh edhe kafshët i kanë të siguruara.
Siguria e jetës së qytetarëve është nën pikën zero, ku jeta e njeriut në Kosovë vlenë më pak se 30 cent!
Aq e rëndë dhe e padurueshme është bërë jeta e qytetarëve në vendin për të cilin u sakrifikua gjatë, sa që secili qytetar i lutet zotit për largimin pa kthim nga vendi i bekuar, i larë me gjak ndër shekuj.
Ata që ikin nga vendi, ikin duke mallkuar tokën që i rriti, shkaku i një grushti të vogël kusarësh politik, që ua thyen të gjitha shpresat për jetë në vendin e tyre.
Andaj, zëri i ndërgjegjës kombëtare thërret si kushtrim në ndërgjegjën e atdhetarëve me gjak të pastër shqiptar, për bashkim të mendjeve dhe zemrave edhe njëherë sikurse në fillimvitet e ’90-ta, për ta nxjerr Kosovën nga kthetrat e uzurpatorëve, matrapazëve dhe zhvatësve të buxhetit të shtetit, nga rrënuesit e vlerave dhe traditave tona kombëtare.
Ndryshimet substanciale në skenën politike dhe shoqërore të vendit tonë, mund të arrihen vetëm me bashkimin e kapaciteteve intelektuale të mërgatës sonë, me bashkimin e të gjitha forcave progresive, të resurseve të shëndosha dhe të padjallëzuara njerëzore të vendit tonë.

Levizja e re politike nga mërgata, shpëtim për vendin

Krijimi i një levizje të re politike nga elita intelektuale nga mërgata, konformë rrethanave kohore dhe zhvillimeve politike ndërkombëtare është imperativ i ngutshëm kohor dhe i vetmi shpëtim për vendin.
Levizja e re politike nga mërgata nuk guxon të jetë vazhdimësi dhe as levë e asnjë subjekti politik ekzistues. Ngase secila nga subjektet aktuale politike, për të mirë apo për të keq e kanë kryer të vetën,…pragmatizmi dhe patrioztizmi i tyre përfundon tek “URA” mbi lumin Ibër në Mitrovicë.
Levizja e re politike nga mërgata duhet t’i bashkoj të gjitha forcat progresive pa dallime rajonale, partiake, ideologjike apo fetare për ta shpëtuar vendin nga katandisja në humnerë dhe për ta shpëtuar shtetin nga zhbërja fizike.
Lënja e fatit të vendit në duart e liderëve të korruptuar politik, është më tepër se heqje dorë nga shtetësia dhe sovraniteti politik.
Ardhja në pushtet e një klase të përgjegjshme politike, e aftë për ndryshime pozitive, do të krijonte kushtet për zhvillim ekonomik dhe mirëqenje qytetare.
Me forcimin e sistemit të drejtësisë jo vetëm që do të luftohen dukuritë negative, do të krijohet siguri për investime dhe shpresë për ardhmëri në vendin tonë.

Sot u mbajt mbledhja e Kuvendit të Komunës së Pejës ku në mes të shumë shqetësimeve të tjera, pasqyrova, së paku nga këndveshtrimi im, papergjegjësinë e këtij pushteti ndaj parasë publike, për çfarë i dokumentova dhe argumentova me këto të dhëna…!

…Pushteti i Gazmend Muhaxherit, në mandatin e tij të parë si kryetar të Komunës së Pejës gjatë viteve 2014 – 2017 rezulton se vetëm në 5 kategori të shpenzimeve siq janë:

• Meditjet për udhëtime jashtë vendit………………….. 917 euro
• Dreka zyrtare…………………………………………243 euro.
• Me fol me telefon …………………………………… 160 euro
• Mirëmbajtje dhe karburant për vetura………………. 000 euro
• Denime nga gjykatat……………………………….620.474 euro

qytetarëve të Pejës i ka kushtuar 3.832.794 euro (tre million e tetqind e tridhjet e dy mijë e shtatqind e nëntdhjet e katër euro). Nëse këtyre shpenzimeve ia bashkangjesim edhe shpenzimet në këto kode të lartcekura pë tre muajtë e parë (janar-mars) të vitit 2018 prej 562.104 euro, dokumentojmë se kjo qeverisje “qiellore” për dreka e darka, me fol me telefon, meditje, karburant për vetura e denime nga gjykata Komunës së Pejës i kanë kushtuar: 4 milion e 394 mijë e 901 një euro (4.394.901) e nëse ketij shpenzimi ia bashkangjesim edhe mbi një million euro(1.000.000) që i kanë shpenzu për angazhimin e militantëve e tyre partiak me të ashtuaquajtura kontrata në vepër që nënkupton angazhimin e ekspertëve për sherbime të veçanta, të profilit që komuna nuk i ka në stafin e saj të rregulltë prej 2235 zyrtarëve, të cilët paguan për një vit 13 milion e dyqind e nëntmbdhjet mijë e treqind e pesdhjet e tre euro (13.219.353), konstatojmë se qeverisja e Gazmend Muhaxherit, padrejtësisht, tatim paguesëve të Kosovës, në veçanti atyre të Pejës, prap po e potencoj, për: dreka e darka, me fol me telefon, meditje, mirëmbajtje e karburant për vetura dhe për denime nga gjykatat, Pejës së varfër, ku me qindra familje nuk kanë kulm mbi kokë e ku mbi 50% të të rinjëve janë të papunë i ka kushtuar 5.394.838 euro.

Sa për ilustrim, ky pushtet vetem me fol me telefon për vitin 2017 ka shpenzuar shumen prej 71.252 euro(shtatëdhjetë e një mijë e dyqind e pesdhjet e dy euro) edhe kur e kemi parasysh faktin në në ketë kohë të teknologjisë informative, komunikimi është falas përmes: viberit, messenger, etj. etj.

Reshat Nurboja, anëtar i Kuvendit të Komunës së Pejës

                                                         nga rradhët e subjektit politik Alternativa

Vija kufitare mes Kosovës dhe Malit të Zi, fotografi nga arkivi

Institucionet e Republikës së Kosovës e kanë njoftuar të enjten zyrtarisht Malin e Zi për ratifikimin e marrëveshjes për demarkacionin e kufirit.

Lajmin e ka konfirmuar për Radio Evropa e Lirë, kabineti i Qeverisë së Malit të Zi.

“Ne e kemi pranuar informacionin zyrtar nga Republika e Kosovës për ratifikimin e demarkacionit”, ka thënë Qeveria malazeze.

Të martën, Radio Evropa e Lirë, raportoi se si institucionet e Kosovës ende nuk e kishin njoftuar Malin e Zi për këtë çështje.

Njoftimi përmes rrugëve diplomatike parashihej përmes marrëveshjes së arritur ku qeveritë e kishin obligim që të njoftonin njëra-tjetrën për përfundimin e procedurave të brendshme sa i përket ratifikimit të marrëveshjes së demarkacionit të kufirit.

Sipas marrëveshjes, Komisionet për Kufirin Shtetëror midis Malit të Zi dhe Kosovës, pritet të formojnë një trup punues të përbashkët, i cili do të jetë përgjegjës për të kryer shënimin e kufirit shtetëror mes të dyja shteteve.

Kosova dhe Mali i Zi, kanë nënshkruar marrëveshjen e demarkacionit në Vjenë të Austrisë në vitin 2015, derisa Kuvendi i Kosovës e ka ratifikuar të njëjtën më 21 mars të këtij viti.

EULEX-i do të jetë i pranishëm në Kosovë edhe dy vjet, të paktën pasi BE-ja tashmë e sheh si punë të kryer vazhdimin e misionit të vet për sundim të ligjit, deri më 2020.

Madje, Brukseli e mirëpret këtë zhvillim edhe në draft-dokumentin e rekomandimeve të Këshillit të BE-së për Kosovën, që pritet të publikohet muajin tjetër.

“Këshilli mirëpret marrëveshjen e arritur për vazhdimin e misionit të EULEX-it deri në qershor 2020”, thuhet në këtë draft, një kopje të të cilit e ka siguruar “Klan Kosova”.

Po ashtu, në lidhje me këtë, Këshilli i BE-së i kërkon Kosovës të vazhdojë të bashkëpunojë ngushtë dhe efektivisht me EULEX-in në mënyrë që ky mision ta përfundojë në mënyrë të plotë mandatin e vet.

Në zbatim të Planit Operativ “Maji 2018”, marrjes së masave dhe verifikimin e informatave nga terreni, Drejtoria për Hetimin e Trafikimit me Qenie Njerëzore e Policisë së Kosovës në bashkëpunim dhe në mbështetje të inspektorëve komunal, zyrtarëve të ATK-së dhe njësive tjera të profilizuar në kuadër të PK-së, ka realizuar kontrolle dhe inspektime rutinë ne 28 bare dhe lokale të ndryshme. 7 nga këto lokale janë mbyllur nga inspektorë kompetentë, raporton “Zëri.info”.

Në këtë operacion policia u ka marrë dokumentet e identifikimit 183 femrave, mes të cilave 122 janë nga Shqipëria të cilat mendohen se punonin në këto lokale

“Në këto lokale policia ka hasur njëqind e tetëdhjetë e tri (183) femra (122 shtetase të Shqipërisë, 56 shtetase të Kosovës, 2 shtetase të Serbisë, dy shtetase të Maqedonisë dhe 1 shtetase Bullgare). Të gjitha shtetaseve të huaja u janë konfiskuar dokumentet (në mungese të paraqitjes së lejes së punës dhe qëndrimit) dhe u janë lëne ftesat për t’u paraqitur në Drejtorinë për Migrim dhe të Huaj”- thuhet në komunikatën e policisë.

Polica gjatë kontrollit në lokale ka gjetur dhe konfiskuar një revole me 8 copë fishek, një thikë, një shufër metali dhe gjësende tjera relevante.

Policia e Kosoves mbetet e përkushtuar në realizimin e detyrave të saja kushtetuese e ligjore për të ofruar rend dhe siguri publike, luftuar aktivitetet kriminale, përfshirë trafikimin me qenie njerëzore.

Nëse deri dje morali njerëzor ishte vlera absolute e shoqërisë sonë, sot maskarallëku dhe poshtërimi njerëzor kanë njollosur imazhin dhe mjegulluar të ardhmën e saj.

“Dita e Presidentit” ishte një mundësi e mirë për oponentët politikë të presidentit historik Ibrahim Rugova që të manipulojnë edhe një herë (sikurse herave tjera) me emrin dhe vepren madhore të njeriut që bëri historinë.
Pas shkuarjes në amshim, është bërë retorikë e oponentëve të dikurshëm politikë të “vizitojnë” në çdo përvjetor varrin e tij,…të cilët me përulje të pasinqertë janë shndërruar në lëpirësit më të mëdhenj të mermerit mbi trupin e presidentit!
Mirëpo kësaj radhe në ditën e presidentit, cak nuk ishte varri i tij, por të gjallët e vdekur për t’i manipuluar me plot hipokrizi me rastin e hapjes së ekspozitës nga Muzeu i Kosovës me titull; “ Kontributi i Presidentit Historik Dr.ibrahim Rugova në Shtetformimin e Kosovës”.
Eksozita shpërfaqi edhe një herë degradimin e skajshëm të familjes Rugova, ku pjestarët e saj i janë bashkangjitur të keqës në pushtet, duke u larguar nga rruga dhe vizioni i zotit të shtëpisë.
Sikur familja Rugova ta ndiqte shembullin e familjes Jashari për mbylljen e derës për politikanët e inkriminuar, jo vetëm se do të ruante imazhin e saj si familje emblematike e presidentit historik,…dhe LDK-ja nuk do të ishte katandis keq, por kishte për të mbetur zonjë e politikës kosovare dhe shpresdhënëse e qytetarëve të Kosovës.
Emërtimi i kësaj ekspozite paraqet tendencën për minimizim të veprës madhore të presidentit, me tërheqjen e një paralelje mes Ibrahim Rugovës dhe disa figurave të vogla dhe të papërfillshme kombëtare.
Ekspozita do duhej emërtuar kësisoji; Ibrahim Rugova Arkitetkt i Pavarësisë dhe Themelues i Shtetit të Kosovës”.

Dallimi me vlerave dhe antivlerave

Sot ka plot të atillë që thirren në emrin e presidentit. Ata që thirren në emrin e tij, do ti veqoja në tri kategori:
1). Në kategorinë e parë hyjnë adhuruesit e vërtetë të tij, të cilët për asnjë çast nuk e harrojnë idolin e tyre shpirtëror, andaj me gjithë shpirtë mundohen të ruajnë vazhdimësinë dhe konceptin politik të Ibrahim Rugovës.
2). Kategoria e dytë, janë gjithë ata që për të gjallë të Rugovës nuk arriten në asnjë rrethanë të pershtatën me lidershipin e tij, dhe tani pas vdekjes është një mundësi e mirë perfitimi nga emri, nga vepra e të bëmat e tij, për realizimin e ambicieve të vjetra karrieriste për interesa personale apo grupore.
3.Ndërsa kategoria e tretë, janë kategoria e atyre njerëzve që për së gjalli jo vetëm që nuk e kanë dashur e respektuar, e kan mbajtur në shënjestër të likuidimit moral e fizik.
Pas vdekjes së rivalit të tyre, sa herë që e ndjejnë vetën ngushtë apo të rrezikuar nga ndonjë “furtunë”, si shpëtim e gjejnë po atë emër ( Ibrahim Rugova ), si mburojë, si forcë mbrojtëse.
Pas shkuarjes në amshim të Presidentit Historik Ibrahim Rugova, na ka rënë shpesh t’i shohim oponentët e dikurshëm politikë, të shkojnë të varri i tij me përulje duke u shndërruar në lepirësit më të mëdhenjë të mermerit mbi varrin e tij.
Më i dhimbshëm se abuzimi me figurën madhore të presidentit, është manipulimi me familjen e Rugovës nga ana e oponentëve të tij politikë. Janë pikërisht ata që për së gjalli e luftuan me të gjitha mjetët, duke filluar nga shpifjet dhe akuzat për tradhëti kombëtare e deri të atentatet për likuidimin e tij fizik.
Shënjtërimin e Ibrahim Rugovës nuk e bënë kisha e as xhamia, por të shenjtë e bëri vepra e tij madhore. Ai më urtësinë e tij, paqësisht e më plot dashuri, hyri në zemrat e gjithë shqiptarëve të Kosovës, për të mbetur përjetësisht në kujtesën e popullit si shënjtor i historisë më të re, simbol i demokracisë, lirisë, pavarësisë dhe arkitekt i shtetit të Kosovës.
Po ashtu edhe profetizimin e tij nuk e bënë kisha as xhamia, por e bënë largpamësia, pragmatizmi, vizioni dhe atdhedashuria, urtësia dhe sinqeriteti, karakteri i fortë, vendosmëria dhe përcaktimi i tij në arritjen e cakut final, që ishte liria e vendit dhe pavarësia e shtetit të Kosovës nga Serbia.

Në njërën i thurin lavdata, në tjetrën e përçmojnë

Njëri nga oratorët kryesorë në ekspozitën “ Kontributi i Presidentit Historik Dr.ibrahim Rugova në Shtetformimin e Kosovës”, në librin e tij autobiografik (super të kushtueshëm, të botuar me paratë e buxhetit të shtetit), presidentin historik Ibrahim Rugova e paraqet si; “pijanec, i nënshtruar, defetist, frikacak, njeri që pinte vazhimisht konjak, politikan pasiv, i lodhur, si kritik letrar që merrej me letersinë e shekullit 16 dhe i papërshtatshëm për udhëheqjen e negociatave në Rambuje,…etj!
Pas këtyre fjalëve poshtëruse, vetëm një njeri hipokrit dhe pa dinjitet njerëzorë mund të kalojë në anën tjetër të medaljes, nga përçmues në adhurues në mbështetës të filozofisë politike të Ibarhim Rugovës!

Hipokrizia nuk përfundon me kaq

Pafytyrësi dhe hipokrizi akoma më e madhe se kjo, është ta mbash një njeri për vite të tëra në pushtet dhe ta ngritesh atë në majat e pushtetit (president), kurse më pastaj në vend të pendimit, t’i vërsulesh me sharje e fyerje…
Më tepër se hipokrizi është të akuzosh subjekte të caktuara për rrënim të rendit kushtetues, korrupsion e krim të organizuar dhe më pas të bëhesh pjesë e tyre.
Këta janë lakmitarët e pushtetit, të cilët derisa janë së bashku i thurin lavde njëri-tjetrit, ndërsa kur ndahen shahen e kungjohen pa fije turpi.
Vërtetë nuk ka ku shkon më keq, kur bëren bashk e mira dhe e keqja, e bukura dhe e shëmtuara, besa dhe tradhëtia!
Kur bëhen bashk maskarenjët dhe hipokritët, njerëzit më shumë gjasojnë në njëri-tjetrin për të përvetësuar çdo gjë të gjallë dhe të vdekur!
Maskarenjë janë ata që pështyjnë e lëpijnë, hipokrit janë ata që pohojnë e mohojnë dhe anasjelltas.
Është e kuptueshme dëshira e disave për t’u pajisur me vlera që ju mungojnë, por fillimisht duhet t’i kerkojnë falje publike popullit të Kosovës për të gjitha të bëmat gjatë dhe pas luftës, për përçarjet e popullatës shqiptare, për obstruksionet që i bënë në vazhdimësi vizionit rugovian për shtetin e Kosovës deri në djegëien dhe përdhosjen e simboleve rugoviane të shtetit të Kosovës.
Është i kuptueshem qëllimi i disa maskarenjëve, por një gjë e kanë të pa mundur ta bëjnë, ta ndryshojnë-historinë, e cila një ditë do të jetë e pamëshirshme për ta!
Ngjarjet e idhëta të ndodhura në këtë vend nuk kanë qënë të shkruara në akull, por janë të shkruara mirë në kujtesën e popullit përmes vuajtjeve e sakrificave të panumërta, përmes mundit e djersës, flijimit e gjakut të derdhur ndër vite e dekada për këtë LIRI që e gëzojmë sot.
Zoti i mallkoftë maskarenjët dhe hipokritët!
Zoti i bekoftë njerëzit e mirë e të dëlirë!

Autoriteti Rregullativ i Komunikimeve Elektronike dhe Postare (ARKEP) ka marrë vendim që zbatimi i kodit telefonik +383 të shtyhet deri më 31 tetor të këtij viti.
Zbatimi i plotë i këtij kodi ka qenë e paraparë të nisë më 30 qershor.
Kreshnik Gashi, kryetar i Bordit të ARKEP-it, ka thënë për Radion Evropa e Lirë se vendimi për shtyrje është marrë pas kërkesave të operatorëve të telefonisë mobile dhe fikse që veprojnë në tregun e Kosovës: Vala dhe Ipko.
“Telekomi i Kosovës nuk ka pasur mundësi, sipas tyre, të realizojë zbatimin, për shkak të mungesës financiare që ka. Operatori Ipko e ka përfunduar një pjesë të madhe të zbatimit, por ka kërkuar më tepër kohë për heqje të plotë të kodit +386 nga funksioni”, ka thënë Gashi.
Sipas tij, operatorët që nuk e kanë përfunduar zbatimin e kodit +383 në rrjetet e telefonisë fikse, obligohen që brenda afatit kohor prej 30 ditësh të përfundojnë këtë proces.
Kodi shtetëror telefonik i Kosovës është ndarë në dhjetor të vitit të 2016 nga Unioni Ndërkombëtar i Telekomunikimeve (ITU).
Ky kod ishte rezultat i bisedimeve në Bruksel, ndërmjet delegacioneve të Kosovës dhe Serbisë, me ndërmjetësimin e Bashkimit Evropian.
Ndryshe, kodi shtetëror i Kosovës +383 ka filluar të zbatohet nga aplikacione të ndryshme.
Aktualisht në Kosovë operojnë tre operatorë të telefonisë mobile dhe fikse, të cilët shfrytëzojnë kode të huaja ndërkombëtare.
Telefonia mobile “Vala” shfrytëzon kodin e Monakos (+377), ajo e IPKO-s kodin e Sllovenisë (+386), kurse telefonia fikse shfrytëzon kodin e Serbisë (+381).

Kryeministri i Kosovës Ramush Haradinaj, ka reaguar lidhur me punimet që po zhvillohen në rrugën Deçan – Plavë, e cila lidh Kosovën me Malin e Zi.

Reagimi i tij pasoi “denoncimin” e Kishës Ortodokse e cila pretendonte se punimet po zhvillohen në zonën e mbrojtur që i takon Manasitirit të Deçanit dhe solidarizimeve që kishin shprehur OSBE dhe disa diplomatë ndërkombëtar, duke kërkuar ndërprerjen e punimeve.

Haradinaj ka thënë se ekziston një keqinformim lidhur me këto punime.

Përmes një postimi në Facebook, Haradinaj ka ftuar diplomatët që të shkojnë në vend të ngjarjes, të shohin situatën, dhe të binden se rruga që po renovohet ka ekzistuar edhe më parë, për t’iu shmangur kështu deklarimeve të ngutshme.

“Populli i Kosovës gjithmonë ka jetuar në harmoni me komunitetet pakicë, duke respektuar trashëgiminë religjioze dhe kulturore të të gjithëve pa dallim”, ka shkruar Haradinaj.

“Qeveria e Kosovës e ka për obligim riparimin dhe menaxhimin e rrugëve në tërë territorin e Kosovës”, ka vijuar ai.

Gjatë vikendit Misioni i Organizatës për Siguri dhe Bashkëpunim Evropian (OSBE) në Kosovë, ka deklaruar se ka ndjekur me shqetësim, siç ëshët thënë, “atë që duket të jetë ndërtim i paligjshëm i rrugëve, që po vazhdon brenda Zonës së Veçantë të Mbrojtjes të Manastirit të Deçanit”

Deklaratën e OSBE-së e ka mbështetur edhe ambasadori i SHBA-ve në Prishtinë, Greg Delawie dhe shefja e Zyrës së BE-së në Prishtinë, Nataliya Apostolova.

Ndërprerjen e punimeve fillimisht e ka kërkuar përfaqësuesi i Kishës Ortodokse Serbe në Kosovë, igumeni Sava Janjiq. Sipas tij, ndërtimi i kësaj rruge është i pa ligjshëm.

Në anën tjetër, zyrtarë të Ministrisë së Infrastrukturës, kanë thënë se punimet në këtë rrugë janë duke vazhduar.

Rexhep Kadriu, zëvendësministër i Infrastrukturës ka thënë për Radion Evropa e Lirë, se kjo rrugë ka ekzistuar me shekuj dhe si e tillë është duke u renovuar.

Kadriu, ka thënë se punimet në këtë rrugë janë krejtësisht ligjore.

Edhe Ministri i Infrastrukturës, Pal Lekaj, ka reaguar duke mohuar se punimet po zhvillohen brenda “zonës së mbrojtur” të Manastirit të Deçanit. Ai ka siguruar qytetarët e të gjitha komuniteteve se punimet do të kryhen pa e cenuar atë zone.

Ministri Lekaj, po ashtu u ka bërë thirrje të gjithë faktorëve vendor e ndërkombëtar, që të kontribuojnë që kjo temë humane të mos përkthehet në diçka tjetër, sepse krejt kjo po bëhet në shërbim të zhvillimit të komunitetit të atjeshëm dhe mundësisë së lëvizjes së lirë të qytetarëve dhe bashkimit e jo ndarjes së tyre.

Fillimi punimeve të rrugës Deçan-Plavë, rrugë kjo që e lidhë rajonin e Dukagjinit me atë të Plavës dhe Gucisë, ka filluar në fund të muajit të kaluar. Ndërtimi i kësaj rruge pritet të përfundojë në vitin 2020. Shuma për këto punime kap një vlerë prej 12 milionë eurosh.

• 

  Nadie Ahmeti

  Me profesionin e gazetarisë ka filluar të merret që prej vitit 2000, kurse Radios Evropa e Lirë i është bashkuar në vitin 2001. Kryesisht mbulon çështjet ekonomike dhe sociale, për çka edhe i janë ndarë disa mirënjohje.

  [email protected]

Policia e Kosovës e ka vënë nën pranga Albert Veliu, të njohur ndryshe si “dëshmitari X” në rastin e Agron Xhafajt, vëllait të ministrit të Punëve të Brendshme, Fatmir Xhafaj.

Pas publikimit të videos Veliu është marrë në pyetje nga Prokuroria e Tiranës, ndërsa më pasi ai ëhstë larguar drejt Kosovës.

Sipas mediave në Prishtinë, Veliu ka qenë duke qëndruar në Shtime, së bashku me djalin e tij. Pas arrestimit janë njoftuar autoritetet shqiptare.

Javën e kaluar Prokuroria për Krimet e Rënda njoftoi se ka dërguar për ekspertim në laboratorë të huaj materialin e përgjuar të bisedës që Albert Veliu ka deklaruar se ka kryer me vëllain e ministrit të Brendshëm, Fatmir Xhafaj, ndaj të cilit ka nisur gjithashtu verifikimi i pasurisë.

Pjesëtarë e Forcës së Sigurisë së Kosovës gjatë një parakalimi

Një makinë, pronë e një pjesëtari serb të Forcës së Sigurisë së Kosovës, është djegur në rrethana të pasqaruara në veriun e banuar me shumicë serbe.

Policia e Kosovës tha se incidenti ka ndodhur në Zupç të komunës se Zubin Potokut, një nga katër komunat me shumicë serbë ne veriun e vendit.

Policia tha se është duke hetuar rastin, që ka kaluar pa dëme në njerëz por nuk ka dhënë hollësi të tjera.

Gjatë këtij viti janë shënuar disa raste të kërcënimeve ndaj pjesëtarëve të Forcës së Sigurisë nga radhët e komunitetit serb.

Në muajin shkurt në komunën e Zubin Potokut, qenë shpërndarë trakte nëpërmjet të cilave qenë kërcënuar pjesëtarët serbë të Forcës së Sigurisë, pak ditë pas parakalimit të kësaj force në Prishtinë me rastin e dhjetë vjetorit të pavarësisë së Kosovës.

Në traktet që mbanin emrin “Armata e Veriut”, një grup për të cilin autoritetet thonë se nuk kanë njohuri, por kanë filluar hetimet, thuhet se pjesëtarëve serbë të Forcës së Sigurisë “do t’ua thyejmë eshtrat”.

Forca e Sigurisë së Kosovës u themelua në janar të vitit 2009 në bazë të planit të kryenegociatorit të Kombeve të Bashkuara, Martti Ahtisaari, në bazë të të cilit edhe është shpallur pavarësia e Kosovës. Forca e Sigurisë është forcë shumë-etnike me mbi 10 për qind të përbërjes së saj nga komunitetet jo shumicë.

Në pranverën e vitit të kaluar presidenti i Kosovës, Hashim Thaçi, hodhi nismën për ndryshimin e mandatit të Forcës së Sigurisë nëpërmjet një ligji duke nxitur reagimin e NATO-s dhe Shteteve të Bashkuara që kërkojnë krijimin e ushtrisë së Kosovës nëpërmjet ndryshimeve kushtetuese.

Por këto ndryshime varen nga vota e deputetëve të pakicave kombëtare dhe tash për tash duken të pamundura për shkak të qëndrimit kundërshtues të Beogradit dhe përfaqësuesve të serbëve të Kosovës ndaj themelimit të ushtrisë së saj.

• 

  Ariana Kasapolli – Selani

  Ariana Kasapolli – Selani ka lindur më 15.04.1980 në Prishtinë. Shkollimin fillor, të mesëm dhe universitar e ka ndjekur në Prishtinë, ku edhe ka diplomuar në Fakultetin e Gazetarisë. Si korrespondente e Radios Evropa e Lirë punon që nga viti 2009. Është e martuar dhe ka tre fëmijë.

  [email protected]

Departamenti amerikan i Mbrojtjes njoftoi se një ushtar amerikan ka humbur jetën derisa po shërbente në kuadër të forcave paqeruajtëse në Kosovë.

Rreshteri Conrad Robinson, 36 vjeçar, ka humbur jetën në një incident jo ushtarak në kampin Bondsteel në Kosovë, thuhet në një njoftim. Incidenti është duke u hetuar, thuhet në njoftim, por pa u dhënë hollësi të tjera rreth tij.

Komandanti i batalionit në të cilin shërbente ushtari Robinson, koloneli Kevin Kelly, shprehu ngushëllimet e tij. “Jemi jashtëzakonisht shumë të mërzitur me vdekjen e rreshterit Conrad Robinson. Ai ishte i njohur për buzëqeshjen e tij ngjitëse, për humorin dhe zemrën e tij të butë. Ishte përkufizimi i shërbimit të pashoq dhe çdo ditë u kushtonte kohë ushtarëve t’i dëgjojë e t’i udhëzojë. Mendimet dhe lutjet tona janë me familjen dhe miqtë gjatë kësaj periudhe të vështirë”, citohet të ketë thënë koloneli Kelly.

Ai la prapa gruan dhe dy vajzat e tij, të moshave 5 dhe 10 vjeçe. E ëma e tij Synthia Robinson u ka thënë mediave amerikane se ai u gjet në një karrige pa shenja jete të enjten në mëngjes para ushtrimeve të rregullta.

“Ende s’po mund të besoj”, tha ajo për NBC 7. “Nuk po mund të besoj se ai ka shkuar”.

Ky është rasti i dytë brenda këtij viti që një ushtar amerikan humb jetën në Kosovë.

Në janar ushtria amerikane tha se Robert W. Jones nga Arizona, 21 vjeçar, që ishte pjesë e policisë ushtarake amerikane, humbi jetën në kampin Bondsteel.

Disa qindra trupa amerikane shërbejnë në kuadër të forcave të KFOR-it në Kosovë. Aktualisht rreth 4 mijë e 400 trupa të NATO-s shërbejnë në kuadër të misionit paqeruajtës.

Rreth 50 mijë trupa të NATO-s qenë në vendosur në Kosovë në qershor të vitit 1999 duke i dhënë fund luftës gati dy vjeçare që çoi në çlirimin e Kosovës nga Serbia.

Nëntë vjet pas asaj lufte që la prapa mbi dhjetë mijë të vrarë dhe mijëra të zhdukur, Kosova shpalli pavarësinë e sak që ka mbushur dhjetë vjet dhe është njohur nga mbi 110 vende të botës, ndërsa kundërshtohet nga Serbia.

Rreth 160 ushtarë të KFOR-it kanë humbur jetën në incidente e aksidente të ndryshme gjatë shërbimit në Kosovë që nga qershori i vitit 1999. /VOA/

Kosova është duke përgatitur një provokim të radhës duke kërkuar favore në këmbim të formimit të Asociacionit të Komunave me shumicë serbe. Kështu shkruan gazeta ruse, “Sputnik”.

Duke u thirrur në burime të saja, ky medium raporton se shqiptarët janë duke kërkuar që Gazivoda dhe Trepça të kthehen tërësisht në pronësi të Kosovës dhe më pastaj të themelohet Asociacioni.

“Vetëm dy ditë pasi Hashim Thaçi njoftoi vazhdimin e dialogut me Beogradin në Bruksel, shefi i ekipit negociator nga Prishtina, Avni Arifi, deklaroi se diskutimi i mëtejshëm për Asociacionin është humbje kohe”, shkruan Sputnik, transmeton Indeksonline

Poashtu, mediumi rus ka cituar edhe ish-shefen e ekipit negociues të Kosovës, Edita Tahiri, e cila deklaroi se krijimi i  Asociacionit do të ishte hap i rrezikshme.

“Nëse ka një humbje kohe të Prishtinës, pse atëherë Serbia të vazhdojë negociatat në Bruksel? A humbet vërtet çdo gjë kuptim?”, citohet të ketë shkruar kjo gazetë.

Nuk ka mundësi qe secili njeri ta ketë të njejtin profesion. Sigurisht së për profesionin e zgjedhur jetësor duhet menduar mirë .Të gjithë nuk i kan mundësitë të jenë qoban dhe as politikan.Jo, nuk është lehtë të jesh sidomos në kohën e kompjuterizmit njeri i politikës., Sikur të ishte ashtu secila gjyshe e jona do të ishte politikane, edhe pse dorën në zemer disa nga to më shumë marrin vesh nga politika së sa këta politikan që I kemi.Paramendoni ndonjë amvise të mirë e cila më njërin sy merret me punët shtepiake dhe më tjetrin sy , në një farë mënyre e shikon televizionin dhe sigurisht së qeshet më këtë klasë politike amatore , gjysem analfabete, të cilët e kan pru gjendjën politike dhe gjendjen ekonomike në pikën zero.Politika në Kosovë po vdes , se ata që do të duhej të merren më këtë profesion fisnik dhe shumë të rendësishem për një shtet, po qendrojnë largë politikës. Duke I shikuar skenat e qdo ditshme në kuvendin e cirkusit , po bindemi secilen ditë e më shumë , së kuvendi është shëndrruar arenë maskaradash dhe zënkash politike nga ata që nuk e kan vendin në ulësen e kuvendarit, dhe as qe I përfaqësojnë interesat e popullit.

Kuvendi dhe qeveritë tona janë bërë turpi ynë që vështirë lahet. Rrugaqeritë politike moti kan zënë vënd në parlament dhe në mbarë sistemet . Nuk jemi ka dimë dhe nuk jemi ka deshirojmë të bëjmë shtet, edhe pse e kemi rastin historic .Na ndihmuan mbarë bota demokratike që ta kemi shtetin e dytë në Ballkan, e po ja falim dreqit në të kater anët, më këtë garniturë të njerëzve të paditur , të njerëzve lakmitarë për pushtet apsolut, lakmitarë të pasurimit në mënyrë jo ligjore …Mashtrohen të gjthë nese mendojnë së kjo klasë politike do të bënë diqka të mirë , kur për gjithë këto vite ka punuar mbrapsht më të gjitha forcat.Në Kosovë është bërë shumë vështirë të jesh politikan më qendrime parimore dhe më intigritet. Vetëveten e kemi pru në një pozitë të tillë shumë të vështirë.Është vështirë sot të jesh politikan I formatit të lartë qfarë I kemi sot në botën demokratike.Gjerat kan shkuar aq largë për të keq në Kosovë , sa do të jetë shumë vështirë të riparohen dhe kristalizohen edhe për shumë vite.Secili njeri është I rëndësishem për Kosovën .Kjo elitë këtë nuk po e merre në considerate ketë.

Ky popull nuk e ka merituar gjithë këtë përqmim , nuk e ka merituar ta bëjnë këtë jetë kaq të keqe. Lufta për mbijetesë është bërë e tmerrshme.Ata që janë katapultuar në krye të shtetit janë duke grabitur qdo të mirë materjale. Janë duke I varfëruar secilën ditë e më shumë ata të cilët moti janë bërë të uritur…Është shumë vështirë të durohet kjo gjendje e rëndë sociale –ekonomike .Është shumë vështirë të vuash për një kore bukë , ose qdo ditë ti vizitosh kontenjerët. Raportet shoqërore gjithnjë e më shumë po bëhën të zorshme , askush nuk po merre përgjegjësi në këtë vend për dështimet e shumta. Mos të flasim për moral njerëzor dhe moral politikë së moti nuk ka mbetur asgjë nga kjo punë .Kur bëhët fjalë për raportet e kësaj klase politike , nuk ka më të mbrapshta. Vlerat shoqërore në Kosovën e sotme kanë rënë në shkallën më të ulët.A është kështu apo jo lexues të nderuar? Ka në këtë vend njerëz më moral , më principe parimore , ka njerëz të cilët duan dhe dinë të punojnë për shtet dhe komb. Po, ia që nuk e kan rastin deri diku edhe për fajin e vet të mos inkuadrimit në rrjedhat shoqërore politike të vendit.Kur flasim për sindikatat , më mirë të mos ekzistonin fare. Asgjë të hajrit nuk kemi parë nga sindikatat tona gjatë këtyre viteve, kur dihet së roli I tyre nuk është I vogel për secilin shtet demokratik. Jo, nuk është lehtë siq po mendojnë disa që pa meritë janë inkuadruar në politike të jesh politikanë e as pushtetarë, në kuptimin e plotë të fjalës…